ပုဂံညောင်ဦးက ဟိုတယ်ဝန်ထမ်းတွေ လုပ်ခလစာ အပြည့်အဝရရှိဖို့ ဆန္ဒပြတောင်းဆို



( ပုဂံ ညောင်ဦးမြို့နယ်က ဟိုတယ်ဝန်ထမ်းတွေ လုပ်ခလစာနဲ့ ဝန်ဆောင်ခ အပြည့်အဝရရှိဖို့ ဒီဇင်ဘာလ ၂၇ ရက်နေ့က ဆန္ဒပြနေစဉ် )ဓါတ်ပုံ - ကိုဝင်းမင်းထွန်း
မန္တလေးတိုင်းဒေသကြီး ညောင်ဦးမြို့နယ်က ဟိုတယ်ဝန်ထမ်း ၃၀၀ နီးပါးဟာ အနည်းဆုံးလုပ်ခ လစာအပြည့်အဝရရှိဖို့နဲ့ ဧည့်သည်တွေဆီကရရှိတဲ့ ဝန်ဆောင်ခတွေကို ဝန်ထမ်းတွေကို ပြန်လည်ပေးချေဖို့ ဒီနေ့ ဆန္ဒပြတောင်းဆိုကြပါတယ်။

အလုပ်ရှင်တွေဟာ ဝန်ဆောင်မှုစရိတ်နဲ့ လစာငွေအပြည့်အဝတောင်းခံတဲ့ အလုပ်သမားတွေကို အပြစ်မရှိဘဲ အလုပ်ကနေ ထုတ်ပယ်တာမျိုးတွေလည်း ရှိနေတယ်လို့ ဒီနေ့ ဆန္ဒပြပွဲကို ဦးဆောင်ခဲ့တဲ့ ဟိုတယ်ချစ်သူမြို့နယ် အလုပ်သမားအဖွဲ့ အတွင်းရေးမှုး ကိုနေမျိုးဝင်း က ပြောပါတယ်။

"ဟိုတယ် ၆ လုံးလောက်က မတရားသဖြင့်အလုပ်ထုတ်နေတာတွေရှိတယ်။ အခုလောလောလတ်လတ်ကို ရှိနေတာတွေရှိတယ်။ ဥပဒေပါခံစားခွင့် တစ်သိန်းရှစ်ထောင် အနည်းဆုံးအခကြေးငွေကို တောင်းတာနဲ့ အလုပ်ရှင်က ဥပဒေအရပေးရမယ်မှန်းသိနေသားနဲ့ အလုပ်သမားကတောင်းပြီဆိုရင် ဒီအလုပ်သမားတစ်ယောက်ကို မကြည်ဖြူတော့ဘူး။ လုပ်ငန်းခွင်ထဲမှာ ဖိအားတွေပေးတယ်။ ဖိနှိပ်တယ်။"

ပုဂံ-ညောင်ဦးမြို့နယ်မှာ ဟိုတယ်နဲ့မိုတယ်အလုံးရေ ၁၀၀ ကျော်ရှိပြီး အဲဒီထဲက ဟိုတယ်နဲ့ မိုတယ် အလုံး ၂၀ ခန့်ကသာ အနည်းဆုံးအခကြေးငွေ တစ်သိန်းရှစ်ထောင်ကို ပေးချေပြီး ဟိုတယ်နဲ့ မိုတယ်အများစုက တစ်လလုပ်အားခငွေ ကျပ်ခြောက်သောင်းကနေ ခုနှစ်သောင်းလောက်သာပေးတယ်လို့ ဆန္ဒပြသူတွေက ပြောပါတယ်။

တည်းခိုသူတွေဆီကနေရရှိတဲ့ ဝန်ဆောင်ခတွေကိုလည်း အလုပ်သမားတွေကို အပြည့်အဝမပေးဘူးလို့လည်း ဆိုပါတယ်။ အဲဒီဝန်ဆောင်ခတွေပေးမယ်ဆိုရင် အလုပ်သမားတစ်ဦးဟာ တလဝန်ဆောင်မှုစရိတ် ကျပ် ၅သောင်းကျော်ရရှိနိုင်ကြောင်းနဲ့ ဟိုတယ်အများစုက ဝန်ဆောင်ခမပေးကြဘူးလို့လည်း ပြောပါတယ်။

ဆန္ဒပြအလုပ်သမားတွေဟာ သူတို့လိုလားချက်တွေကို ဆောင်ရွက်ပေးနိုင်ဖို့ အစိုးရ၊ လွှတ်တော်ကိုယ်စားလှယ်တွေနဲ့ လုပ်ငန်းရှင်တွေပါဝင်ပြီး ဆွေးနွေးဆုံးဖြတ်ပေးဖို့ တောင်းဆိုသွားမယ်လို့ ပြောပါတယ်။

RFA Burmese
https://www.facebook.com/rfaburmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.