စမ်းချောင်းမြို့နယ် က ငွေလဲကောင်တာ လုယက်ခံရ



ဒီဇင်ဘာလ ၃ ရက်နေ့က လုယက်မှုဖြစ်ပွားခဲ့တဲ့ ရန်ကုန်မြို့ စမ်းချောင်းမြို့နယ်၊ ရှမ်းကုန်းလမ်းက MS ငွေလဲကောင်တာကို တွေ့ရစဉ်။ Photo : Htet Arkar/RFA
ရန်ကုန်မြို့ စမ်းချောင်းမြို့နယ်၊ ရှမ်းကုန်းလမ်းက MS ငွေလဲကောင်တာမှာ ဒီနေ့ နေ့လည်က လုယက်မှုဖြစ်ပွား ခဲ့ပါတယ်။

လုယက်သူတွေဟာ သေနတ်အတုကိုအသုံးပြုပြီး ငွေလဲကောင်တာမှာရှိတဲ့ အမေရိကန်ဒေါ်လာ တစ်သောင်းခွဲ နဲ့ မြန်မာငွေ ကျပ်သိန်း တစ်ရာ့ငါးဆယ်ကို လုယက်သွားတယ်လို့ စမ်းချောင်းရဲစခန်းက ရဲအုပ်ဝင်းထွန်းက ပြော ပါတယ်။

"သေနတ်ဆိုတာ ကျနော်တို့ အခု အွန်လိုင်းပေါ်မှာ သုံးနေတဲ့ ဟိုဟာလေးတွေလေ။ အသံမြည်တယ်။ မီးပွင့်တယ်။ ကျည်မထွက်တဲ့ဟာလေ။ အဲဒါလေးတွေ။ ပစ်တာက အဓိက သားရေဂွနဲ့ အဓိက ပစ်သွားတာ။ သားရေဂွနဲ့။ ကျနော်တို့ဆီက ခရိုင်တွေရော၊ တိုင်းတွေရော၊ စခန်းအဖွဲ့တွေရောသွားပြီး အခင်းဖြစ်ရပ်ကို လိုက်နေတုန်းဗျ။ ခန့်မှန်းချေ မြန်မာငွေကတော့ ၁၅၀ (သိန်း) လောက်ပါမယ်။ ဒေါ်လာကတော့ ၁၅၀၀၀ လောက်ပါမယ်။ သူတို့ကတော့ စိစစ်နေတုန်းလို့ ပြောတယ်"

လုယက်သူတွေဟာ ငွေလဲကောင်တာမှာ တပ်ဆင်ထားတဲ့ လုံခြုံရေးကင်မရာတွေနဲ့ လက်ကိုင်ဖုန်းတွေကို ယူသွားပြီး လက်ကိုင်ဖုန်း ၂ လုံးကိုတော့ ရိုက်ခွဲပစ်ခဲ့တယ်လို့ သိရပါတယ်။

လုယက်မှုကြောင့် ထိခိုက်ဒဏ်ရာရတဲ့သူမရှိသလို ရဲတပ်ဖွဲ့အနေနဲ့လည်း အခုအချိန်ထိ အမှုနဲ့ပတ်သက်ပြီး စစ်ချက်ယူနေဆဲဖြစ်တယ်လို့ ရဲအုပ် ၀င်းထွန်းက ပြောပါတယ်။

RFA Burmese
http://www.rfa.org/burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.