အမေရိကန် သမ္မတက ရွေးကောက်ပွဲ ဆိုက်ဘာ တိုက်ခိုက်မှုများအား အပြည့်အဝ ပြန်လည် ဆန်းစစ်ရန် ညွှန်ကြား



Montenegro ၏ လမ်းမဘေးတွင် ရုရှား သမ္မတ ဗလာဒီမာ ပူတင်နှင့် ရွေးကောက်ခံ အမေရိကန် သမ္မတ ဒေါ်နယ် ထရမ့်တို့ ပါဝင်သည့် ဘေလ်ဘုတ်အား တွေ့ရစဉ် (ဆင်ဟွာ/ရိုက်တာ)
    ဝါရှင်တန်၊ ဒီဇင်ဘာ ၁၀ ရက် (ဆင်ဟွာ)

    ၂၀၁၆ ခုနှစ် အမေရိကန်နိုင်ငံ သမ္မတ ရွေးကောက်ပွဲအတွင်း ဆိုက်ဘာ တိုက်ခိုက်မှုများ ရှိမရှိ အပြည့်အဝ ပြန်လည် ဆန်းစစ်ရန်အတွက် အမေရိကန် သမ္မတ ဘားရတ် အိုဘားမားက ညွှန်ကြားခဲ့ကြောင်း အိမ်ဖြူတော် အရာရှိ တစ်ဦးက ဒီဇင်ဘာလ ၉ ရက်က ပြောကြားလိုက်သည်။

သို့သော်လည်း ရှာဖွေတွေ့ရှိချက်ကို လူထုအား ချပြမည် မဟုတ်ကြောင်း၊ ထောက်လှမ်းရေး၏ ဆုံးဖြတ်ချက်အတိုင်း လုပ်ဆောင်သွားမည် ဖြစ်ကြောင်း အိမ်ဖြူတော် အကြမ်းဖက်မှု တိုက်ဖျက်ရေးနှင့် ပြည်တွင်း လုံခြုံရေး အဆင့်မြင့် အကြံပေး တစ်ဦး ဖြစ်သူ လီဆာ မိုနာကို (Lisa Monaco) က ပြောကြားခဲ့သည်။

“ကျွန်မတို့ လုပ်ဆောင်နေတဲ့ သတင်းရင်းမြစ်တွေနဲ့ နည်းလမ်းတွေကို မထုတ်ဖော်မိရေးအတွက် ကျွန်မတို့ အလွန် အရေးထား လုပ်သွားမှာပါ”   ဟု ၎င်းက ပြောကြားခဲ့သည်။

ရုရှားနိုင်ငံ အနေဖြင့် ဒီမိုကရက်တစ် အမျိုးသား ကော်မတီနှင့် ဒီမိုကရက်တစ် သမ္မတလောင်း ဟီလာရီ ကလင်တန် စည်းရုံးရေး လှုံ့ဆော်ပွဲများ၌ နောက်ကွယ်က ဟက်ကာများဖြင့် ဝင်ရောက် ထိုးဖောက်နှောင့်ယှက်မှုများ ရှိခဲ့ပြီး အမေရိကန် ရွေးကောက်ပွဲအား နှောင့်ယှက်ရန် ကြိုးပမ်းခဲ့ကြောင်း အိမ်ဖြူတော်က အောက်တိုဘာလက စွပ်စွဲခဲ့သည်။

ယင်းသို့ စွပ်စွဲချက်များအား ရုရှား အစိုးရကသာ ငြင်းပယ်ထားခြင်းမဟုတ်ဘဲ လက်ရှိ ရွေးကောက်ခံထားရသော အမေရိကန် သမ္မတ ဒေါ်နယ်ထရမ့်ကပါ ငြင်းပယ်ထားကြောင်း၊ ယခုလို စွပ်စွဲချက်များ၏ နောက်ကွယ်၌ နိုင်ငံရေး စေ့ဆော်မှုများ ပါဝင်နေကြောင်း ပြန်လည် စောဒက တက်ခဲ့သည်။

(Xinhua)
http://www.xinhuamyanmar.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.