မြန်မာပြည်တွင်းရေးအား ဖိအားပေးသော မလေးရှားဝန်ကြီးချုပ်ကို မျိုးချစ်သံဃာတော်များနှင့် ပြည်သူများ ဆန္ဒပြ

ရန်ကုန်၊ ဒီဇင်ဘာ ၄ ။ ။ မြန်မာနိုင်ငံ၏ ပြည်တွင်းရေးကို ဖိအားပေးသည့် မလေးရှားဝန်ကြီးချုပ် နာဂျစ်ရာဇက်ကို မျိုးချစ်သံဃာတော်များနှင့် ပြည်သူများက ဆန္ဒပြပွဲတစ်ခုကို ယနေ့ (ဒီဇင်ဘာ ၄ရက်) တွင် ရန်ကုန်မြို့ မြို့တော်ခန်းမရှေ့၌ မွန်းလွဲ ၂ နာရီခန့်က ပြုလုပ်ခဲ့သည်။

ရခိုင်ပြည်နယ်တွင် ဖြစ်ပွားနေသည့် အကြမ်းဖက်တိုက်ခိုက်မှုများနှင့်ပတ်သက်ပြီး ရိုဟင်ဂျာတွေကို နှိမ်နင်းနေသည့်အတွက် မြန်မာအစိုးရကို ဖိအားပေးဖို့ မလေးရှားဝန်ကြီးချုပ်က စီစဉ်နေသည့်အတွက် တုန့်ပြန်ဆန္ဒပြခြင်းဖြစ်ကြောင်း ဆန္ဒပြသူတွေက ဆိုသည်။

ဆန္ဒပြပွဲတွင် "အကြမ်းဖက်အားပေးတဲ့ မလေးရှားဝန်ကြီးချုပ် သမိုင်းမှန်ကို လေ့လာပါ၊ ကမ္ဘာကို အလိမ်ညာဝါဒ ဖြန့်နေသူတွေ ကျရှုံးပါစေ" စသည့် ကြွေးကြော်သံများ ရွတ်ဆိုခဲ့ပြီး မျိုးချစ်သံဃာတော်များနှင့် ပြည်သူများ ၁၀၀ နီးပါးခန့် ပူးပေါင်း ပါဝင်ခဲ့သည်။

မလေးရှားဝန်ကြီး နာဂျစ်ရာဇတ်သည် ယနေ့ မလေးရှားနိုင်ငံ ကွာလာလမ်ပူမြို့၌ ကျင်းပသည့် လူထုအစည်းအဝေးတွင် မြန်မာအစိုးရသည် နိုင်ငံ၏ အနောက်ဘက်ဒေသရှိ ရိုဟင်ဂျာတွေအပေါ် သွေးထွက်သံယို ဖြစ်အောင် နှိမ်နှင်းမှုတွေကိုရပ်တန့်ရမည် ဖြစ်ကြောင်း၊ ထောင်နှင့်ချီသည့် ရိုဟင်ဂျာတွေသည် နိုင်ငံ၏အနောက်ဘက်ဒေသမှ ထွက်ပြေးတိမ်းရှောင်နေရပြီး သတ်ဖြတ်ခံရမှု၊ နှိပ်စက်ခံရမှု၊ မုဒိန်းကျင့်ခံရမှု စသည့် ဖြစ်စဉ်တွေကိုလည်း ကြားနေရကြောင်းပြောဆိုခဲ့သည်ဟု ဘန်ကောက်ပိုစ့်သတင်းစာတွင် ရေးသားဖော်ပြထားသည်။

ယင်းအပြင်​ မွတ်​ဆလင်​လူမျိုးများအ​နေဖြင့်​ စည်းလုံးရန်​လိုအပ်​​ကြောင်း ​ပြောကြားခဲ့သည်​ဟု CNN သတင်းဌာနတွင်​လည်း ​ဖော်​ပြထားသည်​။

မကွေးကျောင်းတိုက်ဆရာတော် ဦးပါမောက္ခက ဒီဇင်ဘာ ၃ရက်ကလည်း မြန်မာနိုင်ငံဆိုင်ရာမလေးရှားသံရုံးရှေ့တွင် မလေးရှားဝန်ကြီးချုပ်ကို ကန့်ကွက်ကြောင်း တစ်ကိုယ်တော် ဆန္ဒဖော်ထုတ်ခဲ့သေးသည်။

Mizzima - News in Burmese
Labels: ,

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.