ဝမ်းနည်းရမှာလားဝမ်းသာရမှာလားအမိမြေ သရ၀ဏ်(ပြည်)


ငယ်စဉ်ကဖတ်ဖူးသော ရုပ်ပြစာအုပ်တအုပ်ရှိသည် ။စာအုပ်အမည်က ၀မ်းနည်းရမှာလားဝမ်းသာရမှာလားမိသိန်းကြည်ဟူ၍ဖြစ်သည် ။ ကာတွန်းဦးမြင့်သိန်းရေးဆွဲသောစံရွှေမြင့်ရုပ်ပြစာအုပ်အမည်ဖြစ်မည်ထင်သည် ။ယခုအခါကျွန်တော်လည်း စံရွှေမြင့်ကဲ့သို့ပင် ၀မ်းနည်းရမှာလားဝမ်းသာရမှာလားဟူသောဖြစ်ရပ်များကိုမြင်တွေ့ နေရပါသည် ။ထိုဖြစ်ရပ်ကား မြန်မာပြည်အတွင်းတိုင်းရင်းသားအချင်းချင်းသတ်ကြဖြတ်ကြ တိုက်ကြခိုက်ကြသော စစ်ပွဲများ ၊တိုက်ပွဲများ ဖြစ်သည် ။ အထူးသဖြင့် မြန်မာ့တပ်မတော်နှင့် KIA ခေါ်ကချင် လွတ်မြောက်ရေးတပ်ဖွဲ့ တို့ ၏စစ်သတင်းပင်ဖြစ်သည် ။ ဒီဇင်ဘာလ ၁၆ ရက်နေ့က ကချင်လွတ်မြောက်ရေးအဖွဲ့  (KIO) ကချင်လွတ်မြောက်ရေးတပ်ဖွဲ့  ( KIA) တို့ ၏အရေးပါသော စစ်စခန်းတခုဖြစ်သည့် ဂီဒွန်စခန်း (အချို့ကလည်း ဂျိဒွန်စခန်းဟုအသံထွက်သည် )ကိုမြန်မာ့တပ်မတော်ကလေကြောင်း ၊ကြည်းကြောင်းများဖြင့်တိုက်ခိုက်ပြီးလက်ရသိမ်းပိုက်လိုက်ကြောင်းသတင်းများထွက်ပေါ်လာသည် ။နှစ်ဖက်စလုံး အထိအခိုက်အကျအဆုံးများပြားကြောင်းသိရသည် ။ ဖေ.စစ်ဘွတ်တွင် ဟိုဘက်သည်ဘက် အားကျမခံ တင်ထားသော ကျဆုံးစစ်သားဓာတ်ပုံများကိုမြင်ရသည်ကရင်နင့်စရာဖြစ်သည် ။ ထိုအချိန်တွင် ရန်ကုန်မြို့၊ မြို့တော်ခန်းမရှေ့တွင် လူတထောင်ခန့်စုဝေး၍ မြန်မာ့တပ်မတော်နှင့် တရားသောစစ်အောင်မြင်စေကြောင်း ထောက်ခံပွဲ ဟူ၍ကျင်းပခဲ့သည် ။ထိုအခါ ကျွန်တော်စဉ်းစားမိသည်မှာ မြန်မာနိုင်ငံသားတယောက်အနေနှင့် စစ်ပွဲတွေကိုထေက်ခံရမှာလား ၊ စစ်ပွဲတွေကိုဆန့် ကျင်ကန့်ကွက်ရမှာလား ဆိုသောကိစ္စဖြစ်သည် ။ ကျွန်တော်သည် KIA ကိုမထောက်ခံ ။ အားမပေး ။ ပြည်သူလူထုထိခိုက်နစ်နာစေသောအပြုအမူ ၊နိုင်ငံတော်မတည်ငြိမ်စေသော အကြမ်းဖက်မှုများကိုမကြိုက် ။ နိုင်ငံ၏ အဓိကကုန်သွယ်ရာနယ်စပ်စခန်းဖြစ်သော မူဆယ် ၁၀၅ မိုင်လို ကုန်သွယ်ရေးစခန်းအားစစ်ရေးပစ်မှတ်မဟုတ်ပဲ တိုက်ခိုက်ခြင်း ကို မနှစ်မြို့  ။အရပ်သားတွေထိခိုက်သေကြေစေသောလုပ်ရပ်များကိုမထောက်ခံ ။ သို့သော် KIA လို လက်နက်စွဲကိုင်တိုက်ခိုက်နေသော တိုင်းရင်းသားလက်နက်ကိုင်များကိုအကြောင်းပြု၍ မည်သည့်စစ်ဝါဒီများခေါင်းထောင်ထလာခြင်းကိုမှမနှစ်သက် ။ စစ်အာဏာရှင် စနစ်တကြော့ပြန်လာမည့်အရေးကို မလိုလားချေ ။ ထို့ကြောင့်ကန့်ကွက်လျင်လည်းသတိကြီးစွာထား၍ကန့်ကွက်မည် ။ထောက်ခံလျင်လည်း သတိကြီးစွာထား၍ထောက်ခံရမည်ဟု မိမိဘာသာမူဝါဒချမှတ်သည် ။ ကျွန်တော်သည် သာကူးမဟုတ် ၊ခြံစည်းရိုးပေါ်ခွထိုင်၍နိုင်မည့်ဘက်သို့ခုန်ချတတ်သောကြားနေသမားမဟုတ် ။ သို့ သော် စစ်ထောက်ခံရေး၊စစ်ဆန့်ကျင်ရေးနှစ်ခုစလုံးကို ဆန့် ကျင်၏ ။

စစ်ပွဲတွေရပ်ဟုဆိုကာနဖူးစည်းတွေဘာတွေနှင့် ရန်ကုန်တွင် ဆန္ဒတွေပြ ၊ ပါဖောမန့်တွေလုပ်တာမျိုးကိုကျွန်တော်လက်မခံ ။ ဒါတွေသည်အလကားသက်သက် For Show တွေဖြစ်သည် ။ ဆန္ဒပြရုံနှင့်ဘယ်စစ်ပွဲမှကမ္ဘာပေါ်တွင်ရပ်ဆိုင်းသွားသည်မဟုတ် ။ စစ်ပွဲတွေရပ်ဟုအော်နေရုံနှင့် ဘယ်တော့မှစစ်ပွဲသည်ရပ်သွားမှာမဟုတ် ။ ဗီယက်နမ်စစ်ပွဲသည်လည်းကောင်း။ပထမကမ္ဘာစစ် ၊ဒုတိယကမ္ဘာစစ်သည်လည်းကောင်း ၊ အီရန်အီရတ်စစ်ပွဲသည်လည်းကောင်းဆန္ဒပြမှုကြောင့်စစ်ကြီးပြီးဆုံးသွားသည်မဟုတ် ။ကမ္ဘာပေါ်တွင်စစ်ပွဲကိုရပ်နိုင်တာနည်းနှစ်နည်းပဲရှိသည် ။ ထိုနည်းနှစ်မျိုးမှာ တဖက်နှင့်တဖက် ငြိမ်းချမ်းရေးဆွေးနွေးကာ ကိုလံဘီယာပြည်တွင်းစစ် ပြီးဆုံးသွားသလိုမျိုး ၊ ကမ္ဘောဒီးယားပြည်တွင်းစစ်ပြီးဆုံးသွားသလိုမျိုး ၊ အီရန်အီရတ်စစ်ပွဲပြီးဆုံးသွားသလိုမျိုး ခေါင်းဆောင်များဆွေးနွေးညှိနှိုင်းသဘောတူညီကာ စားပွဲဝိုင်းမှတဆင့်ငြိမ်းချမ်းရေး ရကာ စစ်ပွဲကိုရပ်တန့်သည့်နည်းသည် ပထမနည်းဖြစ်သည် ။ ဒုတိယနည်းမှာ တဖက်နှင့်တဖက်သည်းကြီးမည်းကြီး တိုက်ခိုက်ကြပြီးသည့်နောက် အရှုံးအနိုင်ပေါ်ကာ စစ်နိုင်သူစစ်ရှုံးသူပေါ်ပေါက်လာပြီး စစ်ပွဲပြီးဆုံးသွားခြင်းဖြစ်သည် ။ ထိုနည်းဖြင့် ပထမ ကမ္ဘာစစ်ပြီးဆုံးခဲ့သည် ။ အမေရိကန်ကအနုမြူဗုံးကြဲလိုက်ခြင်းဖြင့် ဂျပန်လက်နက်ချကာ ၀င်ရိုးတန်းနိုင်ငံများ(အီတလီ ၊ဂျာမဏီ၊ ဂျပန်)စစ်ရှုံးပြီး အမေရိကန်နှင့် မဟာမိတ်များစစ်နိုင်ကာ ဒုတိယကမ္ဘာစစ်ပြီးဆုံးခဲ့သည် ။ တောင်နှင့်မြောက် ဗီယက်နမ်စစ်ပွဲတွင် မြောက်ဗီယက်နမ်တပ်ဖွဲ့များက ဆိုင်းဂုံမြို့ ကို ၁၉၇၅ ဧပြီလ ၃၀ ရက်နေ့တွင်သိမ်းပိုက်နိုင်ကာ ထိုနေ့တွင်ပင် တောင်ဗီယက်နမ်တပ်ဖွဲ့များက လက်နက်ချသောကြောင့် ပြည်တွင်းစစ်ပြီးဆုံးပြီး တောင်နှင့်မြောက်ဗီယက်နမ်ကိုပေါင်းစည်းကာ ဟိုချီမင်းက ဗီယက်နမ်ကွန်မြူနစ်နိုင်ငံကိုတည်ထောင်ခဲ့ပေ၏ ။ တောင်ပိုင်းနှင့်မြောက်ပိုင်းတိုက်ခိုက်ကြသောအမေရိကန်ပြည်တွင်းစစ်တွင်လည်း ကျွန်စနစ်ကိုလိုလားသောတောင်ပိုင်းပြည်နယ်ခုနစ်ခုနှင့်ဖွဲ့ထားသည့်ကွန်ဖယ်ဒရိတ်တပ်ပေါင်းစုကို သမ္မတလင်ကွန်းဦးဆောင်သော ကျွန်စနစ်ဖျက်သိမ်းလိုသည့်မြောက်ပိုင်းအစိုးရတပ်များက အနိုင်ရလိုက်ခြင်းဖြင့် ၁၈၆၁ မှ ၁၈၆၅ အထိလေးနှစ်တိုင်ဖြစ်ပွားခဲ့သော အမေရိကန်နိုင်ငံသားပေါင်း ခြောက်သိန်းနှစ်သောင်းနှင့် ရှစ်သိန်းခွဲကြားသေကြေပျက်စီးခဲ့ရသောစစ်ပွဲမှာအဆုံးသတ်ခဲ့ရပေ၏ ။ဆိုလိုရင်းမှာ စစ်ပွဲတပွဲဖြစ်ပွားသောအခါ အရှုံးအနိုင်ပေါ်သွားသောအခါစစ်ပွဲပြီးတတ်သည်ဟူသည့် အင်မတန်ခိုင်မာသည့်မူဝါဒဖြစ်သည် ။ ထို့ကြောင့်ကမ္ဘာပေါ်တွင်စစ်ပွဲများပြီးဆုံးသွားခြင်းတွင်အဓိကအားဖြင့် ငြိမ်းချမ်းရေးဆွေးနွေးမှုအောင်မြင်သွားခြင်းဆိုသောနည်းနှင့် တဖက်ဖက်မှ အောင်ပွဲဆင်အနိုင်ရသွားသောနည်းဆိုပြီးနည်း နှစ်နည်းသာတွေ့ မြင်ရခြင်းဖြစ်သည် ။အထူးသဖြင့်ပြည်တွင်းစစ်ပွဲများမှာ အချိန်သိပ်မကြာလိုက်ပဲ တဖက်ဖက်ကစစ်နိုင်၍ စစ်ပွဲပြီးသွားကြတာများသည်။ ဆွေးနွေးပွဲများကြောင့်စစ်ပွဲတွေပြီးသွားတာလည်းရှိသည် ။

မြန်မာနိုင်ငံကိုကြည့်ပါ ။ ကျွန်တော်တို့ နိုင်ငံတွင် ယနေ့တိုင်စစ်ပွဲတွေမပြီးဆုံးသေးပဲရှိနေတာမည်သူ့ကိုအပြစ်တင်ရမည်နည်း ။ဘာတွေမှားနေသနည်း ။ လက်နက်ကိုင်နေသောသူများအားလုံးသည် တကယ်ကော ရင်ထဲအသည်းထဲက စစ်ပွဲတွေပြီးစေချင်ပါသလား ။ စစ်ပွဲတွေတကယ်ကိုမရှိစေချင်တော့တာလား ။ ငြိမ်းချမ်းရေးကို တကယ် အားသွန်ခွန်တိုက်လိုချင်တာမှဟုတ်ကြရဲ့လား ။စစ်ပွဲ တွေရှိနေမှ မိမိအနေအစာေးချာင်မည့်ကိုယ်ကျိုးစီးပွားတွေရှိနေကြသလားဟု မေးခွန်းထုတ်လိုပါသည် ။ ဘာကြောင့်ကမ္ဘာပေါ်တွင် စစ်ပွဲတွေပြီးစေသောနည်းနှစ်နည်းလုံးမြန်မာပြည်တွင်အလုပ်မဖြစ်တာလဲဟုစဉ်းစားကြရတော့မည်ဖြစ်သည် ။ မြန်မာနိုင်ငံ၏ပြည်တွင်းစစ်သည် ကမ္ဘာပေါ်တွင်အရှည်ကြာဆုံးစစ်ပွဲဟု စံချိန်တင်ထားသည်။သူ့ နောက်မှဖြစ်သောပြည်တွင်းစစ်များပြီးဆုံးကုန်ကြပြီ ။ ဒုတိယကမ္ဘာစစ်ကြီးပင်ပြီးဆုံး၍ တတိယကမ္ဘာစစ်ဖြစ်တော့မလိုလိုဖြစ်နေသောကမ္ဘာကြီးဝယ် မြန်မာနိုင်ငံကတော့ ဒုတိယကမ္ဘာစစ်ပြီးကတည်းကတိုက်လိုက်ကြတာယခုထိအဖြေမထွက်သေးဘူးဆိုတော့ ဒီဘဒ္ဒကမ္ဘာမှာရောစစ်ပွဲတွေပြီးကြဦးမှာလား ။ နောင်ပွင့်မည့်အရိမေတ္တေယျဘုရားလက်ထက်အထိစစ်ပွဲတွေနှင့်ကြိုဆိုတော့မှာလားဟုသံသယ၀င်မိပါသည် ။ ရှင်းအောင်ပြောရလျှင် စစ်ပွဲတွေဘာကြောင့်သံမဏိကြာရှည်နေသလဲဆိုလျှင် စစ်ပွဲမှအကျိုးအမြတ်ရနေသူတွေရှိနေလို့  ၊ထိုသူတွေက စစ်ပွဲကိုရှိနေစေချင်လို့ ဟုသာကောက်ချက်ချရမည်ဖြစ်သည် ။ ယခင်အစိုးရလက်ထက်ကပင် ငြိမ်းချမ်းရေးဆွေးနွေးပွဲတွေလုပ်ခဲ့၏ ။ယခုအစိုးရလက်ထက်မှာလည်းလုပ်နေဆဲ ။ အချို့ အဖွဲ့ များက အစိုးရနှင့်လက်တွဲကာအပစ်အခတ်ရပ်စဲရေး ( Ceasefire Agrement ) တွင်လက်မှတ်ထိုးသည် ။အချို့ အဖွဲ့ တွေကအကြောင်းအမျိုးမျိုးပြကာလက်မှတ်ထိုးဖို့ငြင်းဆန်သည် ။ လက်မှတ်မထိုးသောအဖွဲ့ များကို တပ်မတော်က စစ်ရေးအရဖိအားပေးသည် ။ထိုအခါ ရင်ဆိုင်တိုက်ပွဲများဖြစ်ကြသည် ။ ပါးကိုက်တော့နားကိုက်ကြသည် ။ သူကဒီစခန်းတိုက်တော့ ငါတို့က ဟိုနေရာကိုဝင်ချမယ်ဆိုတာတွေဖြစ်လာသည် ။ မင်းတို့က ဒီနေရာတိုက်တော့ ငါတို့ကမင်းတို့ ဌာနချုပ်ကိုထိုးစစ်ဆင်တယ်ဆိုတာတွေဖြစ်လာသည် ။ စစ်ဆင်ကြသည် ။ သတ်ကြသည် ။သေကြသည် ။ မတည်ငြိမ်မှုတွေဖြစ်သည် ။ သောကပင်လယ်ဝေကြသည် ။ ပြေးကြလွှားကြသည် ။ စစ်၏အနိဌာရုံတွေပေါ်သည် ။ နိုင်ငံတကာတွင် မတည်ငြိမ်သောမငြိမ်းချမ်းသော မိမိနိုင်ငံသားချင်းသတ်ဖြတ်နေသောနိုင်ငံအဖြစ်အဆိုးမြင်ခံကြရသည် ။ နိုင်ငံတော်၏ ဘတ်ဂျက်များကုန်သည် ။ သယံဇာတများပြုတ်းတီးသည် ။ နိုင်ငံဆင်းရဲမွဲပြာကျသည် ။ စစ်တပ်၏အခန်းကဏ္ဍပို၍အရေးပါအရာရောက်လာသည် ။

မြန်မာနိုင်ငံသည် ဆွေးနွေးပွဲနည်းဖြင့်လည်းမငြိမ်းချမ်းနိုင် ၊ တဖက်ကိုတဖက်ကအနိုင်တိုက်၍လည်းစစ်ပွဲမပြီးနိုင်ပဲဇာတ်မျောကြီးဖြစ်ကာတိုင်းပြည်နစ်နာနေရ၏ ။ KNU နှင့်ငြိမ်းချမ်းရေးရသောအခါ ကိုးကန့် ကထချ၏ ။ ကိုးကန့် ကိုနှိမ်နှင်းလိုက်သောအခါ KIA ကထလာပြန်သည် ။ KIAနှင့်တိုက်ပွဲပြီးသွားသောအခါ ၀တို့ ကတစခန်းထလာဦးမည်လားမသိ ။ ထိုကဲ့သို့  ဂျာအေးသူ့ အမေရိုက်ဖြစ်ကာ ဘယ်တော့မှငြိမ်းချမ်းနိုင်မည်မဟုတ်တော့ ။ မြန်မာပြည်မငြိမ်းချမ်းလျှင် ငြိမ်းချမ်း၍လုံခြုံရေးစိတ်ချရပါမှ နိုင်ငံရေးတွင်တပ်မတော်ပါဝင်မှုကို နောက်ဆုတ်ပါမည်ဟုပြောထားသော တပ်မတော်သည်လည်းဘယ်တော့မှနောက်ဆုတ်မှာမဟုတ်တော့ ။ မငြိမ်းချမ်းခြင်းသည် နိုင်ငံရေးတွင်တပ်မတော်ကပါဝင်နေသော ၂၀၀၈ ဖွဲ့စည်းပုံ ပြုပြင်ရေးတွင်အဓိကအချက်ဖြစ်နေသည် ။ မငြိမ်းချမ်းခြင်းကြောင့်တပ်မတော်က နိုင်ငံရေးမှမထွက်ဟုဆို၏ ။ တပ်မတော်ကပါနေသဖြင့် ၂၀၀၈ အခြေခံဥပဒေကို လူတွေကမကြိုက်ကြ။ ပြင်ချင်သော်လည်းတပ်မတော်ကသဘောမတူလျှင် ဖွဲ့စည်းပုံအခြေခံဥပဒေကိုပြင်လို့မရ ။အားလုံးမှာ ကရွတ်ကင်းလျှောက်သလိုအဆုံးမရှိသော သံသရာဝဲသြဃကြီးထဲတွင်ပိတ်မိနေသည် ။ ထိုဝဲသြဃကြီးထဲမှကြိုးစား၍ရုန်းထွက်ကြည့်စေချင်သည် ။ လက်နက်ကိုင်အဖွဲ့များသည် ကိုယ်ကျိုးတွေကိုစွန့် ရမည် ။ အပစ်အခတ်ရပ်စဲ၍ ငြမ်းချမ်းရေးဆွေးနွေးကြစမ်းပါ ။ ဟိုအချက်သည်အချက်စသည်ဖြင့် ကတ်တီးကတ်ဖဲ့စဉ်းစားမနေနှင့် ချက်ခြင်းလက်ငင်းလက်နက်ချရသေးတာမဟုတ်သဖြင့် အပစ်အခတ်ရပ်စဲရေးစာချုပ်ကို လက်မှတ်ထိုးကြစေချင်သည် ။ မိမိအတ္တ ၊မိမိအဖွဲ့ ၊မိမိလူမျိုးစု အကျိုးစီးပွားထက် ပြည်ထောင်စုမြန်မာတနိုင်ငံလုံးမျက်နှာနှင့်အနာဂါတ်ကို ထောက်ထားကာ လက်မှတ်ထိုးလိုက်ကြပါ ။ KNU လိုကာလရှည်ကြာလက်နက်စွဲကိုင်တိုက်ခိုက်လာသော တိုင်းရင်းသားများအပါအ၀င်လက်နက်ကိုင်အဖွဲ့ ရှစ်ဖွဲ့ပင်လက်မှတ်ထိုးနိုင်လျှင် ၊ ကချင် (KIO/KIA)အပါအ၀င် ကရင်နီအဖွဲ့ ( KNPP) ၊ မွန်ပြည်သစ်ပါတီ ( NMSP)ဘာကြောင့်များမထိုးနိုင်ရသနည်း။SSPP/SSAအဖွဲ့ကဘာ့ကြောင့်များမထိုးနိုင်ရသနည်း ။ ပြည်ထောင်စုမျက်နှာတော့နည်းနည်းထောက်ထားကြဖို့ ကောင်းသည် ။ ထိုသို့အားလုံးတပြိုင်နက်လက်မှတ်ထိုးပြီးပြီးချင်းလည်း လက်နက်များကိုလာသိမ်းမည်မဟုတ် ။ကိုယ့်လက်နက်ကိုယ်ကိုင်ထားခွင့်ရှိသေးရာ နှစ်ပေါင်း ၆၈နှစ်ခန့်အဖြေမပေါ်သောလက်နက်ကိုင် ပဋိပက္ခကိုချဉ်းကပ်နည်းအသစ်ဖြင့် အဖြေရှာကြည့်သင့်သည် ။ တပ်မတော်၏ ငြိမ်းချမ်းရေးမူ (၆)ချက်ကိုလည်းလှေနံဓားထစ်သဘောမဟုတ်ပဲ ညှိနှိုင်းဖြေလျော့၍ရနိုင်သည့်အချက်များဟု တိုင်းရင်းသားများဘက်ကရော ၊ တပ်မတော်ဘက်ကရောသဘောထားသင့်သည် ။ တပ်မတော်ကစွဲကိုင်ထားသော ငြိမ်းချမ်းရေးမူ (၆)ချက်ဆိုသည်မှာ

(၁) ထာဝရငြိမ်းချမ်းရေး ရယူရန်အတွက် အမှန်တကယ်ဆန္ဒရှိရန်
(၂) သဘောတူစာချုပ်များအတိုင်း ကတိတည်ရန်
(၃) ငြိမ်ချမ်းရေးသဘောတူညီချက်များ အပေါ်အမြတ်မထုတ်ရန်
(၄) ဒေသခံပြည်သူများအပေါ်ဝန်ထုပ်ဝန်ပိုး မဖြစ်စေရန် ။
(၅) နိုင်ငံတော်ကထုတ်ပြန်ထားသည့်တည်ဆဲဥပဒေများကို လိုက်နာရန်
(၆) ဒို့တာဝန်အရေးသုံးပါးနှင့်ဒီမိုကရေစီအနှစ်သာရကိုလက်ခံပြီး ၂၀၀၈ ဖွဲ့စည်းပုံအခြေခံဥပဒေဖြင့် ဒီမိုကရေစီလျှောက်လှမ်းနေမှု တွင်လိုက်ပါ လုပ်ဆောင်ရန်

ဟူ၍ဖြစ်သည် ။ ဤအချက်ခြောက်ချက်တွင်မကြေနပ်စရာဟူ၍ နံပါတ်ခြောက်အချက်ကိုပင်ကြံဖန်အပြစ်တင်စရာရှိသည် ။ ၂၀၀၈ ဖွဲ့စည်းပုံအခြေခံဥပဒေသည် ဒီမိုကရေစီမကျပဲ တပ်မတော်က ဦးဆောင်ပါဝင်နေနိုင်ရန်ရေးဆွဲထားသောဥပဒေဖြစ်သည် ။ ထိုဥပဒေအတိုင်းသွားလျှင်ဒီမိုကရေစီသို့ရောက်ပါ့မလားဆိုတာ တွေးစရာဖြစ်သည် ။ သို့ သော် ဘာပဲဖြစ်ဖြစ် သဘောမတူတာတွေကိုနောက်မှနိုင်ငံရေးနည်းဖြင့်ဆွေးနွေး ၊ လောလောဆယ်တော့ အပစ်အခတ်ရပ်စဲရေးဆိုတာလောက်တော့ လက်မှတ်ထိုးဖို့ဝန်မလေးသင့်ဟုထင်သည် ။ ထိုအချက်ခြောက်ချက်တွင် တပ်မတော်ဘက်မှအသေးစိတ်ချမှတ်ထားသောစည်းကမ်းကလေးတွေလည်းရှိသည်ဆို၏ ။ထိုအချက်များမှာ လူမသတ်ရန် ၊ အဓမ္မတပ်သားစုဆောင်းခြင်းမပြုရန် ၊ ဆက်ကြေးမကောက်ရန် ၊တပ်နေရာသစ်တိုးချဲ့တည်ဆောက်ခြင်းမပြုရန် ၊ မဟာမိတ်တပ်ဖွဲ့များအတွင်းသို့ အပစ်ရပ်ထားသော အဖွဲ့မှတပ်သားများထည့်သွင်းတိုက်ခိုက်ခြင်းမပြုရန် ၊ အစိုးရအုပ်ချုပ်ရေးပိုင်းတွင် ၀င်ေ၇ာက်စွက်ဖက်ခြင်း မပြုရန်နှင့် တပ်မတော်အုပ်ချုပ်မှုအောက်ရှိ ပြည်သူ့ စစ်တပ်ဖွဲ့ဝင်များကို တိုက်ခိုက်ခြင်းမပြုရန်တို့ဖြစ်ကြောင်းသိရသည် ။ ထိုစည်းကမ်းများနှင့်ပါတ်သက်၍ ရှမ်းတိုင်းရင်းသားများအဖွဲ့ချုပ် (SNLD) ဥက္ကဌဦးခွန်ထွန်းဦးက

“တပ်မတော်ကတော့ ဆက်ကြေးမကောက်နဲ့လွယ်လွယ်ပြောမှာပေါ့။သူတို့ကနိုင်ငံတော်ဘတ်ဂျက်ရှိတာကိုး ။တဘက်ကကြည့်ပြန်တော့တိုင်းရင်းသားအဖွဲ့တွေကလည်းဒါကိုဘယ်လုပ်ချင်မလဲ ၊လိုက်နာဖို့လည်းခက်တယ် “

ဟုထောက်ပြခဲ့သလို ရှမ်းပြည်ပြန်လည်ထူထောင်ရေးကောင်စီ ( RCSS/SSA) မှဗိုလ်ကြီးစိုင်းမိန်းက

“အမှန်ဆိုရင်ဒီအချက်တွေက နိုင်ငံရေးဆွေးနွေးပွဲမှာ သွားဆွေးနွေးရမယ့်အချက်တွေဖြစ်တယ်။ဥပမာ တပ်သားသစ်မစုဆောင်းရဘူး ဆိုတဲ့နေရာမှာ တဘက်ကိုကျတော့ပိတ်ပင်ထားပြီး တပ်မတော်ကျတော့အင်အားတွေစုနေတယ်၊ချဲ့နေတယ် ၊တိုင်းရင်းသားလက်နက်ကိုင်အရေအတွက်က တပ်မတော်ကိုမမီပါဘူး ။တကယ်ပဲ ငြိမ်းချမ်းရေးကိုလိုလားတယ်ဆိုရင် တပ်တွေတောင်မှ တိုင်းရင်းသားလက်နက်ကိုင်တွေနဲ့နီးစပ်ရာနေရာတွေမှာ လျှော့ချပေးရမယ်။ တပ်တွေဆုတ်ပေးတာမျိုးလုပ်ရမယ် “

ဟု ဝေဖန်ခဲ့သည် ။ စည်းကမ်းသတ်မှတ်ချက်တွင် သူ့ အမြင်ကိုယ့်အမြင်ရှိကြပေမည် ။ ငြိမ်းချမ်းရေးကိုတကယ်လိုလားစိတ်ဖြင့် ထိုအခက်အခဲများကိုဖြတ်ကျော်ရမည်ဖြစ်သည် ။ ငါနဲ့မတူငါ့ရန်သူစိတ်ကို နှစ်ဘက်စလုံးကစွန့် ပယ်ရပေမည် ။

လိုရင်းကိုပြောရလျှင် မြန်မာနိုင်ငံ၌ ပြည်တွင်းစစ်မှာ မပြီးနိုင်မစီးနိုင်ရှည်ကြာနေပါပြီ ။ တိုင်းရင်းသားလက်နက်ကိုင်များဘက်ကရော ၊တပ်မတော်ဘက်ကရော သံဝေဂရရန်အချိန်တန်ပါပြီ ။ပြည်တွင်းစစ်သည် လက်နက်ကိုင်အဖွဲ့ များအားလုံးစုပေါင်း၍တယုတယမွေးမြူထားသည့်နှယ် နှစ်ပေါင်းကြာရှည်သည်အထိ ဖွံ့ဖြိုးဝေစည်ကာရှင်သန်ကြီးထွားနေပါသည် ။ တိုင်းပြည်ကိုချစ်လျှင်စစ်ပွဲတွေကိုရပ်ကြပါ ။ မည်သူကမည်သူ့ကိုသတ်၍ အနိုင်ယူလိုက်သည်ဖြစ်စေ သေဆုံးကြသူများမှာ ကုလားလည်းမဟုတ် ၊တရုတ်လည်းမဟုတ် ၊ အင်္ဂလိပ်လည်းမဟုတ် ၊ ဂျပန်လည်းမဟုတ် ကိုယ့်နိုင်ငံသားတိုင်းရင်းသားများဖြစ်ပါသည် ။မာနယ်ပလောစခန်းကျသွား၍လည်းဝမ်းသာစရာမဟုတ် ၊ ဂီဒွန်စခန်းကျသွား၍လည်းဝမ်းသာစရာမဟုတ် ။မြန်မာတနိုင်ငံလုံးငြိမ်းချမ်းသွားမှသာဝမ်းသာစရာဖြစ်သည် ။ ထို့ထက်ပို၍ဆိုရလျှင် လွှတ်တော်ထဲတွင် ရွေးကောက်ခံမဟုတ်သူများ ထွက်ခွာသွားသောအခါ ၊ အစိုးရအဖွဲ့တွင် တပ်မတော်ကာကွယ်ရေးဦးချုပ်မှအမည်စာရင်းတင်သွင်းသူဝန်ကြီးသုံးပါးနေရာတွင်သမ္မတစိတ်ကြိုက်ခန့်အပ်ခွင့်ရှိသည့်အခါ ၊ ဖွဲ့စည်းပုံအခြေခံဥပဒေပြင်ဆင်ရေး ပုဒ်မ ၄၃၆ ကို ပြင်ဆင်နိုင်သည့်အခါ ၊ ရွေးကောက်ခံအရပ်သားအစိုးရက နိုင်ငံတော်၏လုံခြုံရေးနှင့်ကာကွယ်ရေးကိုစီမံခန့်ခွဲခွင့်အပြည့်အ၀ရှိလာသည့်အခါ ။ပြည်တွင်းစစ်ပွဲကြီးပြီးဆုံးသွားသည့်အခါ ။ မြန်မာနိုင်ငံတွင်ဒီမိုကရေစီအပြည့်အ၀ရပြီဆိုသည့်အခါများတွင်သာ ပြည်သူလူထုက၀မ်းမြောက်ဝမ်းသာ ပျော်ရွှင်ရမည်ဖြစ်ပါကြောင်း ။ယခုအခါမှာတော့ ၀မ်းနည်းရမှာလား ၀မ်းသာရမှာလားအမိမြန်မာပြည်ဟုသာ ပြောချင်ပါတော့သည်ခင်ဗျား။

သရ၀ဏ်(ပြည်)

စောင့်ကြည့်ဂျာနယ်
၂၃.၁၂.၂၀၁၆

COMMENTS

Name

art,1,article,1317,cartoon variety,22,crime,68,culture,1,documentary,8,Entertainment,8,health,33,history,2,international,7580,interview,221,knowledge,8,Live,8,LocalNews,16132,news,2842,opinion,767,photos,203,poem,116,satires,39,song,12,speech,12,sports,151,statement,59,technic,58,translate,34,video,1068,voice,76,
ltr
item
dawnmanhon: ၀မ်းနည်းရမှာလားဝမ်းသာရမှာလားအမိမြေ သရ၀ဏ်(ပြည်)
ဝမ်းနည်းရမှာလားဝမ်းသာရမှာလားအမိမြေ သရ၀ဏ်(ပြည်)
https://1.bp.blogspot.com/_7u1Lw3-AF7w/S98BDNJrE1I/AAAAAAAABIA/5xMRJw24Vl4/s1600/dove1(2).jpg
https://1.bp.blogspot.com/_7u1Lw3-AF7w/S98BDNJrE1I/AAAAAAAABIA/5xMRJw24Vl4/s72-c/dove1(2).jpg
dawnmanhon
http://www.dawnmanhon.com/2016/12/blog-post_733.html
http://www.dawnmanhon.com/
http://www.dawnmanhon.com/
http://www.dawnmanhon.com/2016/12/blog-post_733.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy