ကလေးသူငယ် မုဒိမ်းကျင့်မှု ၄ဝ% တိုးပွား



(သက်ငယ်မုဒိမ်းမှု ကျူးလွန်သူတွေကို သေဒဏ်အထိ ပြစ်ဒဏ်ချမှတ်နိုင်အောင် လွှတ်တော်က ဥပဒေကို ပြင်ဆင်ပြဌာန်းပေးဖို့ စစ်တွေမြို့မှာ အရပ်ဘက်လူမှုအဖွဲ့အစည်းတွေ နိုဝင်ဘာလ ၁၆ ရက်နေ့က ဆန္ဒပြတောင်းဆိုစဉ်)Photo: Min Thein Aung/RFA
မြန်မာနိုင်ငံမှာ ဒီနှစ်အတွင်း အရွယ်မရောက်သေးတဲ့ ကလေးသူငယ်တွေ မုဒိမ်းကျင့်ခံရမှုဟာ အရင်နှစ်ကထက် ၄ဝ% ပိုမိုများပြားလာတယ်လို့ မြန်မာအစိုးရက ဗုဒ္ဓဟူးနေ့မှာ ကြေညာလိုက်ပါတယ်။

ပြီးခဲ့တဲ့ အောက်တိုဘာ လကုန်အထိ နိုင်ငံတဝှမ်း ကလေးငယ်တွေ မဖွယ်မရာ ပြုကျင့်ခံရမှု ၃၈ဝ မှု ပေါ်ပေါက်ခဲ့တဲ့အတွက် ဒါဟာပြီးခဲ့တဲ့ ၂ဝ၁၅ ခုနှစ် အလားတူကာလနဲ့ နှိုင်းစာရင် အမှု ၁၅ဝ ပိုများလာတယ်လို့ ဆိုပါတယ်။ လေ့လာသူတွေကတော့ မြန်မာလူမျိုးတွေဟာ ဒီလိုကိစ္စတွေကို သိပ်ပြီးထုတ်ဖေါ်ပြောလေ့မရှိတဲ့အတွက် အမှန်ပကတိဖြစ်ပွားမှုဟာ အစိုးရအခုထုတ်ပြန်တဲ့ ပမာဏထက် များစွာပိုနိုင်တယ်လို့ ဝေဖန်နေကြပါတယ်။

ကုလသမဂ္ဂကလေးများရန်ပုံငွေအဖွဲ့ UNICEF ရဲ့ မြန်မာနိုင်ငံဆိုင်ရာ ကိုယ်စားလှယ် Bertrand Bainvel ကလည်း ကလေးငယ်တွေ အဓမ္မပြုကျင့်ခံရတာကို သက်ဆိုင်ရာမိသားစုတွေက ကယကံရှင်တွေရဲ့အကျိုးကို ကာကွယ်တဲ့အနေနဲ့ မတိုင်ကြားပဲနေလေ့ရှိကြတယ်လို့ ပြောပါတယ်။

မြန်မာပြည်ရဲ့ဆင်းရဲမှုနဲ့ လက်ရှိဥပဒေတွေရဲ့ အားနည်းမှုဒဏ်ကို ကလေးသူငယ်တွေက အဓိက ခံစားနေရကြောင်းနဲ့ ကလေးအများအပြားဟာ ပြည်တွင်းက ချမ်းသာသူတွေရဲ့အိမ်စေတွေ၊ အလုပ်သမားတွေ ဖြစ်ကုန်ကြသလို ကလေးစစ်သားအဖြစ် စုဆောင်းခိုင်းစေတာတွေကိုလည်း ကြုံနေရတယ်လို့ ဒီကနေ့ နောက်ဆုံးရရှိတဲ့ နိုင်ငံတကာသတင်းတွေမှာ ဖေါ်ပြထားပါတယ်။

RFA Burmese
https://www.facebook.com/rfaburmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.