ဦးလှဆွေအား ပုဒ်မ ၆၆(ဃ) ဖြင့် တရားစွဲဆိုထား


ဖေ့ဘွတ်ခ်လူမှုကွန်ယက်စာမျက်နှာ၌ ဂန့်ဂေါမြို့နယ် မင်းရွာသူ၊ရွာသားများ၏ ဂုဏ်သိက္ခာကျဆင်းစေသောရေးသားချက်များကို တင်ခဲ့သည်ဟုဆိုကာ ယခင်လွှတ်တော်ကိုယ်စားလှယ်ဟောင်း ဦးလှဆွေအား တိုင်းတန်းထားသောကြောင့် ဂန့်ဂေါမြို့နယ်၊ မြို့မရဲစခန်းမှ ဆက်သွယ်ရေးဥပဒေပုဒ်မ ၆၆(ဃ)ဖြင့် ယနေ့အမှုဖွင့်အရေးယူထား ကြောင်း သိရသည်။

လွှတ်တော်ကိုယ်စားလှယ်ဟောင်းဖြစ်သူ ဦးလှဆွေက ၎င်း၏ Hla Swe အမည်ရှိ Facebook Account ၌ လွှတ်တော်ဝတ်စုံဓာတ်ပုံနှင့် စက်တင်ဘာ ၂၀၊ 1:41 PM အချိန်တွင်တွင် “ဒို့ယောနယ်က စုန်းတွေ အလုပ်သွားလျှောက်ရင်ရပြီ။ အထက်မှာ မင်း(မင်းရွာ) အလယ်မှာ ဘင်း(ထယ်လှော်ရွာ)၊ အောက်မှာ အင်း (အင်းဒင်ရွာ) တွေမှာ စုန်းအတတ် တစ်ဖက်ကမ်းခတ်သူတွေရှိသတဲ့” စာတမ်းအောက်တွင် " စုန်းအတတ် ပညာကို တက္ကသိုလ်သင် “ဟု ၂၀၁၆ခုနှစ် စက်တင်ဘာ ၂၀ရက်နေ့ ၊ မွန်းလွဲ ၁ နာရီ ၄၁ မိနစ်အချိန်က ဖော်ပြခဲ့ခြင်းဖြစ်သည်။

အဆိုပါရေးသားဖော်ပြချက်သည် မင်းရွာသူ၊ရွာသားများ၏ ဂုဏ်သိက္ခာကိုထိခိုက်စေသည့်အတွက် Facebook လူမှုကွန်ယက်တွင် တင်ခဲ့သူ ဦးလှဆွေအား အရေးယူပေးပါရန် ဂန့်ဂေါမြို့နယ် မြို့မရဲ စခန်းတွင် မင်းရွာ ကျေးရွာအုပ်ချုပ်ရေးမှူး ဦးတင်မြတ်က တရားလိုပြုလုပ်၍ တိုင်တန်းခဲ့ခြင်းဖြစ်သည်။

ဒီဇင်ဘာ ၁၉ ရက်၊ ညနေ ၅ နာရီခွဲအချိန်တွင် တိုင်တန်းလာသည့် ဦးတင်မြတ်၏ တိုင်တန်းချက်အရ ဂန့်ဂေါမြို့နယ်၊ မြို့မရဲစခန်းမှ ယခင်လွှတ်တော်ကိုယ်စားလှယ်ဟောင်း ဦးလှဆွေအား (ပ)၁၀၅၂/ ၂၀၁၆၊ ဆက်သွယ် ရေးဥပဒေပုဒ်မ ၆၆(ဃ)ဖြင့် အမှုဖွင့် အရေးယူဆောင်ရွက်ထားကြောင်း ရဲစခန်းမှတ် တမ်းအရ သိရသည်။

" အမှုဖွင့်ထားပါတယ် ။ အဲ့ဒီအမှု အခုစစ်ဆေးနေတုန်းပါ ။ တိုင်ကြားသူနဲ့ သက်သေတွေပြန်စစ်နေပါတယ် ။ဆောင်ရွက်ဆဲပါ" ဟု စခန်းမှူး ဒုရဲမှူး စိုးစိုးက မဇ္ဈိမသို့ ယနေ့ ပြောသည်။

တင်ရွှေ(မဇ္ဈိမ)
ဓာတ်ပုံ-ဦးလှဆွေဖေ့ဘွတ်ခ်
Mizzima - News in Burmese
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.