လစ်ဗျားလေယာဉ် အပိုင်စီးခံရ


လေထဲမှာရှိနေချိန် ပြန်ပေးဆွဲခံထားရတဲ့ လစ်ဗျားလေယာဉ် တစင်းဟာ မြေထဲပင်လယ် ထဲက မော်လ်တာကျွန်းနိုင်ငံလေးမှာ ဆင်းသွားပါပြီ။ လေယာဉ်ပေါ်မှာ ပြန်ပေးသမားနှစ်ယောက် ရှိနေပုံရပြီး လေယာဉ်ကို လက်ပစ်ဗုံးတွေနဲ့ ဖောက်ခွဲပစ်မယ်လို့ ခြိမ်းခြောက်ထား ကြောင်း AP သတင်းဌာနက ပြောပါတယ်။

လေယာဉ်ဆင်းပြီး သိပ်မကြာခင်မှာပဲ အမျိုးသမီးနဲ့ ကလေးတွေကို လေယာဉ်ပေါ် ကနေ ထွက်သွားခွင့် ပေးခဲ့ပါတယ်။ တခြား ခရီး သည်တွေကို ပြန်လွှတ်ပေးဖို့ ဆန္ဒရှိတယ်လို့ ပြန်ပေးသမားတွေက ပြောပေမယ့် လေယာဉ်မှူးကိုတော့ ဆက်ဖမ်းထားမယ်လို့ ပြော ကြောင်း လေကြောင်းလိုင်း တာဝန်ရှိသူတွေက ပြောပါတယ်။


အမျိုးသမီးတွေကို ပေးဆင်း။

လေယာဉ်ကွင်းထဲကို အရေးပေါ် ကူညီကယ်ဆယ်ရေးအဖွဲ့တွေ လွှတ်ထားတယ်လို့ မော်လ်တာ တာဝန်ရှိသူတွေက ပြောပါတယ်။

လစ်ဗျားနိုင်ငံပိုင် Afriqiyah လေကြောင်းလိုင်းက လေယာဉ်ဟာ ထရီပိုလီမြို့တော် ကနေ နိုင်ငံအနောက်တောင်ပိုင်းက Sabha မြို့ကို ပြည်တွင်းခရီးစဉ် အနေနဲ့ ဒီကနေ့ သွားနေရင်း မော်လ်တာ နိုင်ငံ တကာလေဆိပ် ကို လမ်းကြောင်းပြောင်း ပျံသွားတာပါ။ လေယာဉ်ပေါ်မှာ လူ ၁၁၈ ယောက် ပါသွားပါတယ်။ လေယာဉ်ကို ဘယ်သူတွေက ပြန်ပေးဆွဲသွားတယ်၊ တောင်းဆိုချက်တွေ ရှိတယ်ဆိုရင်လည်း ဘာတွေ တောင်းဆိုထားတယ် ဆိုတာကိုတော့ လောလောဆယ် မသိရသေးပါဘူး။

ပြန်ပေးဆွဲအခြေအနေတရပ် ရှိနေတယ်ဆိုတာ သူ့ကို အကြောင်းကြားထားပြီး လုံခြုံရေးနဲ့ အရေးပေါ်ဆိုင်ရာလုပ်ငန်းတွေ အသင့် ပြင်ထားတယ် လို့ မော်လ်တာဝန်ကြီးချုပ် Joseph Muscat က Twitter မှာ ရေးထားပါတယ်။

ဗွီအိုအေ (မြန်မာပိုင်း)
http://burmese.voanews.com
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.