သီပေါမြို့ နမ့်ပေါ့ချောင်းတံတားအနီးတွင် မိုင်း တစ်လုံးပေါက်ကွဲ


သီပေါ၊ ဒီဇင်ဘာ ၃။

ရှမ်းပြည်နယ်မြောက်ပိုင်း၊ ကျောက်မဲခရိုင်၊ သီပေါမြို့မြောက်ဘက်၊ ဈေးရပ်ကွက်၊ နယ်မြေ ၁ ၊သီပေါ- နမ္မတူကားလမ်းပေါ်ရှိ နမ့်ပေါ့ချောင်း တံတား အရှေ့ဘက် ပေ ၅၀ ခန့်အကွာတွင် ဒီဇင်ဘာလ ၂ ရက်နေ့ ည ၉း၃၀ အချိန်ခန့်က မိုင်းတစ်လုံးပေါက်ကွဲခဲ့သေ်ာလည်း ထိခိုက်ဒဏ်ရာရမှုမရှိကြောင်း နှင့် မပေါက်ကွဲဘဲကျန်နေသည့် မိုင်း တစ်လုံးကိုလည်းဖျက်ဆီးနိုင်ခဲ့ကြောင်း သီပေါမြို့မ ရဲစခန်းမှ ဒုရဲမှူးမြင့်ကျော်က ဒီဇင်ဘာလ ( ၃ရက် ) မနက် ၀၀း ၄၅ တွင် AHNသို့အတည်ပြုပြောသည်။


" ၉း၃၀ မှာ မိုင်းတစ်လုံးကွဲတယ်၊ လူ ၊ ပစ္စည်း ထိခိုက်တာမရှိပါဘူးခင်ဗျ။ တံတားလည်း မပျက်စီးပါဘူးခင်ဗျ။ဒီဇင်ဘာ၂ ရက် ည ၁၂း ၃၀ လောက်မှာတော့ မပေါက်ကွဲ သေးတဲ့မိုင်းတစ်လုံးကို ဖျက်စီး လိုက်နိုင်ပါတယ်။ မိုင်း တွေ မရှိတော့ပါဘူး၊ အားလုံးရှင်းလင်းပြီးသွားပါပြီခင်ဗျ " ဟု ဒုရဲမှူးမြင့်ကျော်ကပြောသည်။


မပေါက်ကွဲဘဲကျန်နေသည့်မိုင်းမှာ ရှေ့ထွက် မိုင်း ဟု သိရကြောင်း ၊ အဆိုပါ မိုင်းကို သေနတ် ၂၉ ချက် ပစ်၍ ဖျက်စီးခဲ့ရခြင်းဖြစ်ကြောင်း အခင်းဖြစ်နေရာသို့ရောက်ရှိသတင်းရယူခဲ့သည့် AHN သတင်းထောက် က ယနေ့(ဒီဇင်ဘာ ၃ ရက်) နံနက် ၁း၀၅ တွင် သတင်းပေးပို့သည်။

" ၁၁း ၃၀ လောက်မှာ မိုင်းကို သဲအိတ်တွေနဲ့ကာပြီး သေနတ်နဲ့ ၁၅ ချက်ပစ်ပြီးဖျက်စီးတယ်။ မရလို့ ၁၂ နာရီလောက်မှာ နောက်ထပ် သေနတ်နဲ့ ၁၄ ချက်ပစ်ပြီးဖျက်စီးတယ်။ အဲဒီကြာမှ ပျက်စီးသွားတယ်။ ပေါက်ကွဲသွားတာ မျိုးမဟုတ်ဘူး။ ဖျက်စီးပစ်လိုက်နိုင်တာ။ မိုင်းထဲ က နေ ခဲသီး အလုံး ၁၂၀၀ လောက်တွေ့တယ်၊ မိုင်းက ရှေ့ထွက် မိုင်း အမျိုး အစားဖြစ်တယ်လို့ မိုင်းရှင်းလင်းရေးမှာပါတဲ့ တပ်မတော်အရာရှိတစ်ဦးက ကျွန်တော့်ကိုပြောပါတယ်ခင်ဗျ " ဟု AHN သတင်းထောက်ကပြောသည်။

သွင် ( သီပေါ)

PHOTO - AHN ( ဖျက်စီးလိုက်နိုင်သည့်မိုင်း ကိုမြင်တွေ့ရစဉ်)
The Asia Heart News
Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.