တောင်ကလေးဆရာတော်ကို သေနတ်ဖြင့် အချက်ပေါင်းများစွာ ပစ်ခတ်ခြိမ်းခြောက်ခဲ့သူကို (KNU) က အရေးယူမည်


ပုံစာ - ပြည်ထဲရေးနှင့် သာသနာရေးဌာနမှူး ပဒိုစောအားတိုး။
ဒီဇင်ဘာ - ၄ - ၂၀၁၆

မော်တော်ယာဉ်မတော်တဆမှုကြောင့် ဘားအံတောင်ကလေးဆရာတော် ဒေါက်တာအရှင်ပညာသာမိကို သေနတ်ဖြင့်အချက်ပေါင်းများစွာ ခြိမ်းခြောက်ပစ်ခတ်ခဲ့သည့် ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ ၁ မှ တပ်ဖွဲ့ဝင်များကို အရေးယူနိုင်ရန်အတွက် တပ်မဟာ ၁ တပ်မဟာမှူး စစ်ဆင်ရေးမှူး ခရိုင်ဥက္ကဌများထံသို့ ညွန်ကြားချက်ကြေးနန်းပေးပို့ထားပြီးဖြစ်သည်ဟု ကရင်အမျိုးသားအစည်းအရုံး ပြည်ထဲရေးနှင့်သာသနာရေးဌာနမှူး ပဒိုစောအားတိုးကပြောသည်။

တပ်မဟာ ၁ သို့ပေးပို့သည့် အဆိုပါကြေးနန်းစာကို ကရင်အမျိုးသားအစည်းအရုံး (KNU) ဥက္ကဌအပါအ၀င် ဗဟိုအဆင့်မြင့်ခေါင်းဆောင်များသို့လညိ်း ပေးပို့ထားပြီးဖြစ်သည်။

တောင်ကလေးဆရာတော်သည် ခရီးစဉ်တခုအတွက် စီးနှင်းလိုက်ပါလာသည့်မော်တော်ယာဉ်နှင့် (KNLA) တပ်မဟာ ၁ မှ တပ်ဖွဲ့ပိုင်ကားတစီး သထုံမြို့ နယ်ကြာပန်းအရပ်တွင် ပြီးခဲ့သည့်ဗုဒ္ဓဟူးနေ့ညနေ ၅ နာရီခန့်က ယာဉ်မတော်တဆမှုဖြစ်ပွားခဲ့ရာ လက်နက်ကိုင်ဆောင်ထားသည့်တပ်ဖွဲ့ဝင်များက မကျေမနပ်ဖြစ်ကာ ဆရာတော်ကို သေနတ်ဖြင့်အချက်ပောင်းများစွာ ခြိမ်းခြောက်ပစ်ခတ်မှုပြုလုပ်ခဲ့ခြင်းဖြစ်သည်။

အခင်းဖြစ်ပွားပြီးနောက်ဆရာတော်၏မော်တော်ယာဉ် ထွက်ခွာသွားပြီးအလှမ်းမကမ်းအရောက်တွင် အခြားသောတပ်ဖွဲ့ဝင်အချို့ကလည်း သေနတ်များဖြင့်ခြောက်လန့်ပစ်ခတ်မှု ထပ်မံပြုလုပ်ခဲ့သည်ဟု ဆရာတော်နှင့်လိုက်ပါလာသူကပြောဆိုခဲ့သည်။

အဆိုပါဖြစ်ရပ်နှင့်ပတ်သက်၍ ထိထိရောက်ရောက် အရေးယူမှုများပြုလုပ်ပေးစေလိုသည်ဟု ဘာအံဒေသခံအချို့ က သဘောထားပေးပြောဆိုကြသည်။

ဘာအံအခြေစိုက်ကရင့်နိုင်ငံရေးပါတီတခု၏ ခေါင်းဆောင်တဦးက အမျိုးသားရေးအတွက်ဦးဆောင်ဦးရွက်ပြုနေသည့် အဖွဲ့အနေနှင့်အဆိုကပါလုပ်ရပ်မျိုးလုံးဝမဖြစ်သင့်ကြောင်း ကရင်အမျိုးသားမီဒီယာကို ပြောဆိုခဲ့သည်။

ဘားအံအခြေစိုက် ကရင်အမျိုးသားရေးလုပ်ဆောင်နေသူတဦးကလည်း အဆိုပါကိစ္စနှင့်ပတ်သက်၍ ကရင်အမျိုးသားအစည်းအရုံးကြီင်္းက ထိထိရောက်ရောက် ကိုင်တွယ်မည်ဟုယုံကြည်သည့်အကြောင်း သူ၏ထင်မြင်ယူဆချက်ကို ပြောဆိုသည်။

သတင်းနှင့်ဓာတ်ပုံ - ကရင်အမျိုးသားမီဒီယာ


Labels:

Post a Comment

မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ ..Face book button လေးနှိ်ပ်ပြီးလည်း ရေးနိုင်ပါတယ်

[blogger][facebook]

Author Name

Contact Form

Name

Email *

Message *

Powered by Blogger.