01/02/16

ဒီတစ်ခေါက် ဆောင်းသီးနှံပေါ်ချိန်မှာ ခရမ်းချဉ်သီးတွေ တစ်ပိဿာကို ၅၀၊ ၁၀၀ ဈေးထိ ထိုးကျကုန်လို့ တချို့တောင်သူဆို အသီးတွေ စွတ်တောင် မစွတ်တော့ဘဲ အခင်းထဲမှာပဲ ပစ်ထားလိုက်တော့တယ်တဲ့.. တချို့ကလည်း ဒီလောက်ဈေးးပဲ ရမယ့်တူတူဆိုပြီး နွားကျွေးပစ်လိုက်တယ်တဲ့..

ခရမ်းချဉ်သီးတွေ နှမျောစရာဆိုတာထက် တောင်သူတွေဘဝ ရင်နင့်စရာရယ်လို့ မြင်မိတာပါပဲ..

ဘာလို့လဲဆို "စိုက်ပျိုးရေးကို အခြေခံ၍ အခြားစီးပွားရေးကဏ္ဍများကို ဘက်စုံဖွံ့ဖြိုး ဘာညာ" တို့ "ကျေးဇူးရှင်တောင်သူဦးကြီးများ" တို့ဆိုတာ ကိုယ့်အသက် အနှစ်နှစ်ဆယ်ကျော်လုံးလုံး မကြားချင်မှ အဆုံး စစ်အစိုးရ ဝါဒဖြန့်စကားတွေ ကြားခဲ့ရတာ ..

တကယ်က ကိုလိုနီခေတ်ကတောင်သူနဲ့ ခု စစ်အစိုးရခေတ်တောင်သူ ဘာများကြီးကြီးမားမား ကွာနေလို့လဲ.. ဖြစ်ချင်းဖြစ် ခုခေတ်က လယ်သိမ်းခံရတာတောင် ပိုလာဦးမယ်.. စစ်အစိုးရဟာ မကူညီခဲ့ရုံမက ဒုက္ခတွေပါ ပေးနေခဲ့တာ..

ခုခရမ်းချဉ်သီးတွေ ဈေးနှိမ်ခံရတာပဲ ကြည့်.. တောင်သူအများစုက ခရမ်းချဉ်သီးဈေးကောင်းတော့ ခရမ်းချဉ်သီး ဝိုင်းစိုက်ကြတယ်..

ဝယ်လိုအားထက် ရောင်းလိုအားက ပိုတဲ့အခါ ဈေးနှိမ်တာဟာ ဖြစ်ရိုးဖြစ်စဉ်ပါပဲ.. ပိုဆိုးတာက အဲဒီထုတ်ကုန်ဟာ ကြာရှည်မခံဘဲ ပုပ်သိုးမြန်တော့ ပိုဆိုးတယ်..

ဒါဖြင့် ဒါကို ဘယ်လိုကိုင်တွယ်မလဲ.. "ဟ.. ငါတို့က တစ်တိုင်းပြည်လုံးက လူတွေ ခရမ်းချဉ်သီး မဝယ်မနေရ ဝယ်ခိုင်းရမှာလား" လို့တော့ လာမမေးနဲ့ပေါ့..

သစ်သီးသစ်ရွက်ဟာ ပုပ်တာ မြန်တယ်၊ အချိန်ကြာကြာ မခံဘူး.. ဒါဖြင့်ရင် မြန်မြန်ရောင်းရအောင် လုပ်ရမယ်၊ မြန်မြန်ရောင်းဖို့ဆိုရင် လမ်းပန်းဆက်သွယ်ရေးလိုတယ်..

"ငါတို့အစိုးရက ကားလမ်းကြီးတွေ ဘယ်လောက်ဖောက်လို့ တံတားကြီးတွေ ဘယ်နှစ်စင်းဆောက်ခဲ့တယ်" တော့ လာမရူးနဲ့.. ခုပြောနေတာက လယ်ထဲက အသီးတွေကို ဈေးကွက်ကို အချိန်မီရောက်ဖို့ ကားတွေ ဘယ်လိုစီစဉ်ပေးမယ်၊ ရထားတွေ ဘယ်လိုစီစဉ်ပေးမယ်ဆိုတာမျိုး လိုအပ်နေတာ.. သီးနှံပို့တာတွေကို ဘယ်လိုအခွန်တွေ လျှော့ပေါ့ပေးမယ်ဆိုတာမျိုး လိုအပ်တာ..

အင်္ဂလန်မှာ ဗီယက်နမ်၊ တရုတ်နဲ့ ထိုင်းက ထွက်တဲ့ ကန်စွန်းရွက်စိမ်းစိမ်းစိုစိုတွေ အမြဲရတယ်.. သူများနိုင်ငံတွေများ ကိုယ့်နိုင်ငံထဲတင် မကဘဲ သူများတိုင်းပြည်ထိ ဈေးလှမ်းရောင်းနိုင်တယ်.. ပိုက်ဆံရှာတယ်ဆိုတာ ကျွန်းသစ်တွေ အလုံးလိုက်၊ ကျောက်စိမ်းတွေ တွင်းလိုက် ထုတ်ရောင်းတာမျိုး မဟုတ်ဘူးဆိုတာ ဒီအစိုးရသိရင် သိပ်ကောင်းမှာပဲ..

ပြီးတော့ လမ်းပန်းဆက်သွယ်ရေးတင် မဟုတ်ဘဲ စက်ရုံတွေ လိုတယ်.. ခုခရမ်းချဉ်သီးကိုပဲ ကြည့်.. အစိမ်းအတိုင်းရောင်းမယ့်အစား စည်သွပ်ပြီး pasta sauce၊ ခရမ်းချဉ်သီးအနှစ် လုပ်ရောင်းရင်၊ ခရမ်းချဉ်သီးsauce လုပ်ရောင်းရင်၊ ခရမ်းချဉ်သီး ဖျော်ရည်ဘူး လုပ်ရောင်းနိုင်ရင်၊ ယိုထိုးပြီး ရောင်းနိုင်ရင် ပုပ်ကုန်လို့ မရောင်းရမှာလည်း စိတ်ပူစရာ မလိုသလို ဈေးနှိမ်ခံရမှာလည်း ပူစရာမလိုပြန်ဘူး..

တခြားသီးနှံတွေလည်း ထူးမခြားနားဘဲ.. ကုန်ကြမ်းအဖြစ် အလုံးလိုက်ရောင်းမယ့်အစား ဖျော်ရည်လုပ်ရောင်းတာ၊ pickle လုပ်ရောင်းတာ၊ ယိုထိုးပစ်တာ ဈေးကွက်ဟာ ကြံစရာဖန်စရာ အများကြီးပါ..

အထူးသဖြင့် စိုက်ပျိုးရေးဈေးကွက်ဟာ တခြားစီးပွားရေးလုပ်ငန်းတွေထက် ဘာသာလဲဆိုရင် ရေနံတွင်းတွေလို ကုန်ခမ်းသွားတာမျိုး၊ သစ်တောတွေ ပြုန်းသွားသလိုမျိုး၊ ကျောက်တွင်းတွေ အ သွားသလိုမျိုး၊ ဘယ်တော့ကုန်သွားမလဲဆိုတာကို ပူစရာမလိုဘဲ အချိန်မရွေး ပြန်လည်ဖြည့်တင်းနိုင်တဲ့ renewable resource ဖြစ်နေတာပဲ..

စစ်အစိုးရလက်ထက်မှာ အုပ်ချုပ်သူတွေဟာ တိုင်းပြည်အပေါ် စေတနာရှိရိုး မှန်ခဲ့ရင်၊ တကယ်သာပညာဥာဏ်နဲ့ ပြည့်စုံရိုးမှန်ခဲ့ရင် ပြည်သူ့ဘဝတွေ မြှင့်တင်ပေးဖို့ နှစ်ပေါင်းများစွာ သူတို့မှာ အချိန်ရခဲ့ပေမယ့် တောင်သူတွေဘဝဟာ ခုထိနွားနဲ့ ဖက်ရုန်း၊ ကုန်ကြမ်းရောင်းတုန်းဆိုတဲ့အဆင့် မကျော်နိုင်ကြသေးဘူး..

အဲဒါကြောင့်လည်း ခရမ်းချဉ်သီးတွေ နှမြောမိတာထက် တောင်သူတွေဘဝကို ရင်နင့်မဆုံးဖြစ်ရတာပါပဲ..

ဒီလိုအဖြစ်တွေကို နောင်ငါးနှစ်အတွင်း ချက်ချင်းမပြောင်းနိုင်ရင်တောင် NLD အစိုးရလက်ထက်မှာ စနစ်အပြောင်းအလဲတွေနဲ့ တိုင်းပြည်အကောင်းဘက် ရောက်လာဖို့ မျှော်လင့်မိတယ်..

Credit..Poe Phyu Thant Fb

ဟောင်ကောင်၊ ဇန်န၀ါရီ ၂ ။ ။ ဟောင်ကောင်ရှိ တရုတ်ဆန့်ကျင်ရေးစာအုပ်များရောင်းချသော စာအုပ်ဆိုင်နှင့် ပတ်သက်သူများ ပျောက်ဆုံးနေသည်ဆိုသည့် သတင်းအား ဟောင်ကောင် ရဲတပ်ဖွဲ့က စုံစမ်းစစ်ဆေးလျက်ရှိကြောင်း အတွင်းဝန်ချုပ် ကယ်ရီလမ်းက ပြောသည်။

တရုတ်ကွန်မြူနစ်ပါတီအား ဝေဖန်သော အကြောင်းစာအုပ်များရနိုင်သော Causeway Bay Books စာအုပ်စတိုး၏ အဓိကရှယ်ယာဝင်တစ်ဦးဖြစ်သူ မစ္စတာလီပိုသည် ပျောက်ဆုံးနေခဲ့ပြီး ယင်းသို့ပျောက်ဆုံးနေကြောင်း ၄င်း၏ဇနီးက ဇန်န၀ါရီ ၁ ရက်နေ့ နေ့လည်က သတင်းပို့ခဲ့သည်ဟု ဆောက်သ်ချိုင်းနားမောနင်းပို့စ်သတင်းစာက ဇန်န၀ါရီ ၂ တွင် အစီရင်ခံခဲ့သည်။ စာအုပ်စတိုးနှင့် ပတ်သက်သူ လေးဦးနှင့် ပိုင်ရှင်ဖြစ်သူ ပျောက်ဆုံးပြီး သီတင်းပတ်ပိုင်းအကြာ အသက် ၆၅ နှစ်အရွယ် မစ္စတာလီပျောက်ဆုံးခဲ့ခြင်းဖြစ်သည်ဟု သတင်းစာက ဖော်ပြသည်။

သူမ၏ရုံးမှ ကြေညာချက်တစ်ခုအရ ဟောင်ကောင်အစိုးရသည် ပျောက်ဆုံးသူများ ဟောင်ကောင်တွင်ရှိနေမနေ သို့မဟုတ် ပြည်ပသို့ ခရီးထွက်ခြင်းဟုတ်မဟုတ် အခြေအနေကို စုံစမ်းနေသည်ဟု ပွဲတစ်ခုတက်အပြီး မစ္စလမ်းက သတင်းထောက်များကို ပြောကြားသည်။ သူမက နောက်ထပ်ပြောကြားရန် ငြင်းဆိုခဲ့သည်။

စာအုပ်စတိုးကို ပိုင်ဆိုင်သော Mighty Current ပုံနှိပ်တိုက်ပိုင်ရှင် မစ္စတာ ကွေမင်ဟယ်သည် ဟောင်ကောင်မှ ထွက်ခွာသွားပြီးနောက် ထိုင်းတွင် ပြန်ပေါ်လာသည်ဟု သတင်းစာက အစီရင်ခံသည်။ သို့သော်လည်း ယင်းသတင်းကို မည်သို့ရရှိသည်ဆိုသည်နှင့် ပတ်သက်၍ ဖော်ပြခြင်းမပြုခဲ့ပေ။

စာအုပ်စတိုးမန်နေဂျာ လမ်ဝင်းကေ၊ ပုံနှိပ်တိုက် အထွေထွေမန်နေဂျာနှင့် ပုံနှိပ်တိုက်လုပ်ငန်းမန်နေဂျာ ချောင်ကျိဖင်တို့ နိုဝင်ဘာ ၅က ပျောက်ဆုံးခဲ့သည်ဟု သိရသည်။
၁၉၉၄ခုနှစ်က တည်ထောင်ခဲ့သော ၄င်းစာအုပ်စတိုးသည် ပြည်မကြီးတွင် ပိတ်ပင်ထားသော စာအုပ်များရရှိနိုင်သဖြင့် ပြည်မကြီးမှလာသော ခရီးသည်များကြား လူကြိုက်များနေသည်ဆိုသည်။
MIZZIMA


စစ်တွေ၊ ဇန်န၀ါရီ ၂

ရခိုင်ပြည်နယ် ကျောက်တော်မြို့နယ်မှ သံဃာတော်များ အပါအ၀င် လူပေါင်း ၂၀၀ ကျော်ခန့်သည် ပြည်တွင်းစစ်ရပ်စဲရန်နှင့် ရက္ခိုင်တပ်မတော် AA နှင့် မြန်မာ့ တပ်မတော်တို့ အကြား ဖြစ်ပွားနေသော တိုက်ပွဲများအား အမြန်ဆုံး ရပ်တန့်ရန် ဆုတောင်းပွဲ တစ်ခုကို ယနေ့တွင် ပြုလုပ်ခဲ့ကြသည်။

“ ဒီကနေ့ တိုင်းရင်းသားတွေနဲ့ ဖြစ်ပွားနေတဲ့ စစ်ပွဲတွေကို စားပွဲ မှာ ဖြေရှင်းဖို့ အချိန်ရောက်နေပြီ။ ဒီကနေ့ သေနေကြတာက တိုင်းရင်း အချင်ချင်းတွေဘဲ သေနေကြတာ။ မြန်မာ့တပ်မတော်ကလည်း တိုင်းရင်းသားတွေဘဲ။ ရက္ခိုင့် တပ်မတော်ကလည်း တိုင်းရင်းသားတွေပါဘဲ။ ဒါကြောင့် တိုင်းရင်းသား အချင်းချင်း ဖြစ်နေတဲ့ ပြည်တွင်း စစ်ကို အမြန်ဆုံး ရပ်တန့်ဖို့ တောင်းဆိုရတာ ဖြစ်ပါတယ်” ဟု ဦးဆောင်ရာတွင် ပါဝင်သူ ဦးအေးစိုးက နိရဉ္စရာသို့ ပြောကြားသည်။


ဆုတောင်းပွဲကို ကျောက်တော်မြို့ မွန်းလွဲ ၁ နာရီတွင် မေတ္တာမျှဝေ လူမှုကူညီရေးအဖွဲ့ အပါအ၀င် ဒေသခံ အဖွဲ့အစည်းများ က ဦးဆောင်ပြုလုပ်ခဲ့ခြင်း ဖြစ်သည်။

“အခုရခိုင်ပြည်နယ်အပါအ၀င် မြန်မာနိုင်ငံမှာ ဖြစ်ပွားနေတဲ့ တိုက်ပွဲတွေကို ရပ်စဲဖို့ တောင်းဆိုတယ်။ ပြသနာကို လက်နက်နဲ့ တိုက်ကြမယ့်အစား စားပွဲဝိုင်းမှာ အဖြေရှာကြဖို့ တောင်းဆိုမှုတွေပြုလုပ်ပါတယ်။ တိုင်းပြည် ငြိမ်းချမ်းရေးရဖို့အတွက် ဒီဆုတောင်းပွဲ ကို ပြုလုပ်ရခြင်း ဖြစ် ပါတယ်” ဟု မေတ္တာမျှဝေ လူမှုကူညီရေးအဖွဲ့မှ ခေါင်းဆောင် တစ်ဦးဖြစ်သူ ခိုင်မိုးထွန်းက နိရဉ္စရာသတင်းဌာနသို့ ပြောသည်။


အဆိုပါဆုတောင်းပွဲတွင် တက်ကြွလှုပ်ရှားသူများ၊ မြို့သူမြို့သား များနှင့် ကျောင်းသူကျောင်းသားများအပါအ၀င် လူပေါင်း ၂၀၀ ကျော် ပါဝင်ခဲ့ကြပြီး ဂစ္ဆပနီတံတားမှ မဟာမုနိထိ ချီတက်ကာ ပြည်တွင်း စစ်အလိုမရှိ၊ ငြိမ်းချမ်းရေး အလိုရှိသည်ဟု စာသားများပါရှိသော ဗီနိုင်းများကို ကိုင်ဆောင်ကာ ဆန္ဒဖော်ထုတ်ခဲ့ကြသည်။

၎င်းပြင် ကျောက်တော်တောင် တောင်ထိပ်ပေါ်တွင် မေတ္တာသုတ် ရွတ်ဖတ်ပြီး၊ ငြိမ်းချမ်းစွာ ဆုတောင်းရခြင်း အကြောင်းကို ရှင်းပြခဲ့ကြသည်ဟု သိရသည်။

အလားတူဆုတောင်းပွဲကို မေတ္တာမျှဝေ လူမှုကူညီရေးအဖွဲ့က ဇန်န၀ါရီလ ၃ ရက်နေ့တွင် မြောက်ဦး၌ပြုလုပ်ရန် စီစဉ်ထားပြီး၊ မြို့သားများကလက်ခံပါက မင်းပြားမြို့တွင်လည်း ပြုလုပ်ရန် စီစဉ်သွားမည်ဟု သိရသည်။

(ဓါတ်ပုံ-Nyunt Maung facebook မှ ကူးယူဖေါ်ပြသည်)

စံမောင်သန်း
Arakan State
https://www.facebook.com/NarinjaraNews

NCA လက်မှတ်ရေးထိုးနေတဲ့ RCSS/SSA ရှမ်းတောင်ပိုင်း တပ် ဥက္ကဋ္ဌ ဒုတိယဗိုလ်ချုပ်ကြီး ယွက်ဆစ်။ (အောက်တိုဘာ ၁၅၊ ၂၀၁၅)
 အစိုးရနဲ့ တိုင်းရင်းသားလက်နက်ကိုင် ၈ဖွဲ့ကြား အပစ်ရပ်စာချုပ် ထိုးပြီးတဲ့နောက်ပိုင်း ပထမဆုံး အကြိမ် အဖြစ် အပစ်ရပ်လက်မှတ်ထိုးထားတဲ့ RCSS/SSA ရှမ်းတောင်ပိုင်း တပ် နဲ့ အစိုးရတပ်တို့ ၂၀၁၅-၂၀၁၆ နှစ်သစ်ကူးချိန်မှာ လူသေဆုံးတဲ့ အထိ တိုက်ပွဲဖြစ်ခဲ့ပါတယ်။ ဒေသတွင်း နယ်မြေပိုင်နက် တိတိကျကျ မသတ်မှတ်နိုင်သေး သရွေ့ ဒီလိုစစ်ရေးတင်းမာမှုတွေဖြစ်နိုင်သလို ဒီလိုတိုက်ပွဲဖြစ်ရတဲ့ အတွက်လည်း ရှမ်းပြည်သူလူထုရဲ့ ငြိမ်းချမ်းရေးအပေါ် ယုံကြည်မှုပျက်ပြားစေတယ်လို့ ရှမ်းအရေး လှုပ်ရှားသူတွေကပြောပါတယ်။ မကြာမှီရက်ပိုင်းမှာပဲ အပစ်ရပ် တိုင်းရင်းသား လက်နက်ကိုင်တွေနဲ့ အစိုးရတို့ ငြိမ်းချမ်းရေးညီလာခံ ကျင်းပဖို့ ကလည်း ရှိနေတာပါ။ အခြေအနေ အသေးစိတ် မဆုမွန်က ဆက်သွယ်မေးမြန်းထားပါတယ်။

ဟုတ်ပါတယ်။ အခုဖြစ်ပွားခဲ့တဲ့ တိုက်ပွဲဟာ တနိုင်ငံလုံးဆိုင်ရာ ပစ်ခတ်တိုက်ခိုက်မှု ရပ်စဲရေး စာချုပ်(NCA-Nationwide Ceasefire Agreement ) လက်မှတ်ထိုးခဲ့တဲ့ ၂၀၁၅အောက်တိုဘာလ ၁၅ ရက်နေ့ နောက်ပိုင်း ပထမဆုံးအကြိမ် အပစ်ရပ်လက်မှတ် ထိုးထားတဲ့ တိုင်းရင်းသားလက်နက်ကိုင်တပ်ဖွဲ့ RCSS / SSA နဲ့ အစိုးရ တပ် တို့အကြားဖြစ်ပွားခဲ့တဲ့ တိုက်ပွဲဖြစ်ပါတယ်။ ဒီလိုအစိုးရနဲ့ အပစ်ရပ်ပါမယ် လို့ လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့တွေထဲက RCSS/SSA ရှမ်းတပ်ဖွဲ့ကို ပထမဆုံးအကြိမ် အစိုးရတပ်ဘက်က လာရောက် တိုက်ခိုက်ခဲ့ လို့ RCSS ဘက်က တပ်သားတစ်ဦး သေဆုံးရတဲ့အထိ တိုက်ပွဲပြင်းထန်ခဲ့ ပါတယ်။

ဒီဇင်ဘာလ ၃၁ရက်နေ့ က ရှမ်းပြည်နယ် မိုင်းပြင်းမြို့နယ် မိုင်းပူလုံဒေသတွင်းက RCSS နဲ့ မြန်မာအစိုးရတပ် ခလရ ၂၇၈ တပ်တို့ကြား တိုက်ပွဲတွေဖြစ်ပွားခဲ့တဲ့ အခြေအနေကို ရှမ်းသံတော်ဆင့် အယ်ဒီတာချုပ် စိုင်းယိင်းဖုန်းမင်း က အခုလိုပြောပြပါတယ်။

“ ၃၁ရက်နေ့ မွန်းလွဲ တစ်နာရီကနေပြီးတော့ တစ်နာရီ လေးဆယ်လောက်အထိ ဒီ မိုင်းပူလုံရွာနားမှာ RCSS နေတဲ့ တပ်စခန်း တခုရှိပါတယ်ခင်ဗျ။ အဲ့တာကို အစိုးရတပ် ခလရ ၂၇၈ ခြေလျင်တပ်ရင်း စစ်ကြောင်းတစ်ခုက မိုင်းပူလုံနားမှာ ရှိတဲ့ RCSS နေထိုင်တဲ့ နေရာပေါ့နော်။ အစိုးရတပ်က လာရောက်တိုက်ခိုက်လို့ မိနစ်လေးဆယ်လောက် တိုက်ပွဲဖြစ်ပွားခဲ့တယ်။ နှစ်ဘက် တိုက်ခိုက်မှုပေါ့။ အဲ့ဒီ့တိုက်ခိုက်မှုကြောင့် RCSS ဘက်က ရဲဘော်တစ်ယောက် ကျဆုံးတယ်။ တစ်ယောက် ဒဏ်ရာရတယ်။ အစိုးရတပ် ဘက်က သေကြေ ဒဏ်ရာရ သူ လေးယောက်ထက် မနည်း ရှိတယ်တဲ့။

အစိုးရတပ်ဘက်က RCSS ဘက်က နေရာအသစ် လာချလို့ တိုက်ပွဲဖြစ်ရတယ် လို့ ပြောတယ်ခင်ဗျ။ အဲ့ဒီ့အစိုးရတပ်ဘက်ကပေါ့နော်။ ဒါပေမဲ့ ရွာခံတွေ ကိုမေးကြည့်တော့ နဂိုကတည်းက ခွန်ဆာခေတ်ကတည်းက RCSS ရှမ်းလက်နက်ကိုင် အုပ်စုက အဲ့ဒီ့ရွာနားမှာ ရှိနေတယ်လို့ ကြားသိရပါတယ်ခင်ဗျ။”

တိုင်းရင်းသားဒေသတွေမှာ အစိုးရတပ်နဲ့ တိုင်းရင်းသားလက်နက်ကိုင်တပ်ဖွဲ့တို့ကြား တိကျတဲ့ နယ်မြေပိုင်နက် သတ်မှတ်ချက် မရှိသေးသရွေ့ ဒီလို တိုက်ပွဲတွေဖြစ်နေ ဦးမှာပဲလို့လည်း ရှမ်းသံတော်ဆင့် အယ်ဒီတာချုပ်က ပြောပါတယ်။

“တကယ်တမ်းပေါ့နော်။ ဒီနေရာချထားရေး မလုပ်နိုင်သရွေ့တော့ တိုက်ပွဲတွေ ကတော့ ဖြစ်နေဦးမှာပဲ ဘာဖြစ်လို့လဲဆိုတော့ ဖြစ်တဲ့တိုက်ပွဲတိုင်းက ကျနော်တို့ လေ့လာကြည့် တာတော့ RCSS ကလည်း သူတို့နေတဲ့နေရာ၊ သူတို့ လှုပ်ရှားသွားလာတဲ့ နယ်မြေလို့ အမြဲပြောပါတယ်ခင်ဗျ။ ဒါပေမဲ့ အစိုးရတပ်ဘက်ကို ကျနော်တို့ ပြန်ကြည့်မယ်ဆိုရင်လည်း သူတို့ကလည်း ဒီ RCSS က ခွင့်မတောင်းပဲနဲ့ လက်နက်ကိုင်ပြီး သွားလာတယ် ဆိုပြီးတော့မှ အစိုးရတပ်ဘက်ကလည်း အင်အားသုံး တိုက်ခိုက်တာတွေ အမြဲတမ်း ကြုံလေ့ကြုံထ ရှိပါတယ်ခင်ဗျ။

အပစ်ရပ်စာချုပ်ထိုးပြီးကာမှ အခုလို မြန်မာစစ်တပ်ဘက်က RCSS/SSA တောင်ပိုင်း တပ်ကို လာရောက်တိုက်ခိုက်တဲ့အပေါ် ရှမ်းလူထုရဲ့ ယုံကြည်မှုပျက်ပြားခဲ့ရသလို တချို့ ပြည်သူတွေကြား စိုးရိမ်စိတ်တွေနဲ့ သံသယစိတ်တွေကိုလည်း ပိုခိုင်မာစေ တယ်လို့ မြန်မာနိုင်ငံလုံးဆိုင်ရာ ရှမ်းလူငယ်ကွန်ရက် က ရှမ်းလူငယ် စိုင်းဆိုင်လင်းက သုံးသပ်ပါတယ်။

“ ကျနော်တို့ ငြိမ်းချမ်းရေးလို့ ပြောလိုက်ရင် ယုံကြည်မှုက အရမ်းအရေးကြီးပါတယ်။ နဂိုကတည်းက ကျနော်တို့မှာ ရှိနေတဲ့ ယုံကြည်မှုတွေ ပျက်ပြား သွားနိုင် တယ်။ နှစ်ဘက်စလုံး ကို ကျနော်တို့ မေတ္တာရပ်ခံချင်တာကတော့ ကျနော်တို့ အခုသွားနေတဲ့ NCA မဟုတ်ပဲ အားလုံးပါဝင် ပူးပေါင်းတဲ့ NCA ကို ကျနော်တို့ သွားစေချင်ပါတယ်။ နောက်ပြီးတော့ နယ်မြေရှင်းလင်းရေးဆိုတဲ့ ခေါင်းစဉ်တခုနဲ့ တပ် ချဲ့နေတာမျိုးတွေ ကျနော်တို့ မဖြစ်စေချင်ပါဘူး။ ကျနော်တို့ ရှမ်းပြည်နယ်မှာ ရှိနေတဲ့သူတွေမှ မဟုတ်ပါဘူး။ မြန်မာတနိုင်ငံလုံးမှာ ရှိနေတဲ့ ပြည်သူအားလုံးက ငြိမ်းချမ်းရေးကို တောင်းတနေပါပြီ။”

တနိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် ကိုလက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့ ၈ဖွဲ့ထဲမှာ ရှမ်းပြည်ပြန်လည် ထူထောင်ရေးကောင်စီ RCSS/SSA တောင်ပိုင်းတပ်က အင်အားကြီးတဲ့ တိုင်းရင်းသား လက်နက်ကိုင်အဖွဲ့တခုဖြစ်ပါတယ်။

အခုလို အပစ်ရပ်အဖွဲ့ RCSS နဲ့ တိုက်ပွဲဖြစ်ခဲ့တဲ့အတွက်ရှမ်းပြည်နယ်တွင်း ငြိမ်းချမ်းရေး အပေါ် ဘယ်လိုသက်ရောက်မှုတွေ ရှိနိုင်မလဲဆိုတာကိုလည်း ရှမ်းပြည်နယ်အရေး လေ့လာသူ စိုင်းယင်းဖုန်းမင်းက အခုလိုသုံးသပ်ပါတယ်။

“ ဒီ RCSS က အစိုးရနဲ့ အနီးစပ်ဆုံး တပ်ဖွဲ့ဖြစ်နေတာတောင်မှ လာရောက် တိုက်ခိုက်တယ်ဆိုတော့ ရှင်းရှင်းပြောလို့ရှိရင် ဒီတိုက်ခိုက်မှုက ယုံကြည်မှု အားနည်းစေတာပေါ့။ ငြိမ်းချမ်းရေးလက်မှတ်ထိုးထားပေမဲ့ အစိုးရတပ်ဘက်က သူတိုက်ချင်တဲ့တပ်ဖွဲ့ကို လာရောက်တိုက်ခိုက်တယ်ဆိုတဲ့ဟာက ငြိမ်းချမ်းရေးအပေါ် ယုံကြည်မှုက လူထုရော RCSS ကိုယ်တိုင်ကလည်း တဖက်ကလည်း သေနတ်ကိုင် ထားတယ် ယုံကြည်မှု စိတ်ချမှုကလည်း မရှိတော့ အသင့်ပြင်တဲ့အနေအထားမှာ ရှိနေရတာပေါ့ခင်ဗျ။”

ရှမ်းပြည်နယ်တွင်း အပစ်ရပ်မထိုးထားသေးတဲ့ SSPP/SSA မြောက်ပိုင်းတပ်နဲ့ အစိုးရတပ်တို့ကြား တိုက်ပွဲတွေဖြစ်ခဲ့ပြီး နယ်မြေတွင်း စစ်ရေးတင်းမာနေသလို TNLA တအောင်းပလောင်လွတ်မြောက်ရေးတပ်နဲ့လည်း အစိုးရတပ်နဲ့ တိုက်ပွဲတွေ ဆက်တိုက်ဆိုသလို ဖြစ်နေခဲ့တာပါ။ ဒါ့အပြင် နယ်မြေပိုင်နက်အရေးနဲ့ ပတ်သက်ပြီးလည်း TNLA ကို RCSS ရှမ်းပြည်တောင်ပိုင်းတပ်ဘက်က အစိုးရတပ်နဲ့ ပူးပေါင်းတိုက်စစ်ဆင်ခဲ့တယ်လို့လည်း TNLA က စွပ်စွဲထားပြီး RCSS က ငြင်းချက်ထုတ်ထားပါတယ်။

ဒီလိုနယ်မြေတွင်း တိုင်းရင်းသားလက်နက်ကိုင်တွေကြား စစ်ရေး တင်းမာမှုဖြစ်ပွားနေတဲ့ အပေါ် UNFC ညီညွတ်သော တိုင်းရင်းသားလူမျိုးများ ဖက်ဒရက်ကောင်စီကလည်း ဝင်ရောက်ဖြေရှင်းပေးနေချိန်လည်းဖြစ်ပါတယ်။

အခုလို RCSS နဲ့ဖြစ်ခဲ့တဲ့ တိုက်ပွဲကိစ္စနဲ့ပတ်သက်ပြီး ဘယ်လို ညှိနှိုင်းဆောင်ရွက်မှုတွေ ရှိနေသလဲဆိုတာကို မြန်မာငြိမ်းချမ်းရေးစင်တာက တာဝန်ရှိသူတွေကို ဆက်သွယ်မေးမြန်းပေမဲ့ ဆက်သွယ်လို့မရသေးပါဘူး။

တချိန်တည်းမှာပဲ အပစ်ရပ်စာချုပ်မှာ လက်မှတ်ထိုးထားတဲ့ တိုင်းရင်းသား လက်နက်ကိုင် အဖွဲ့(၈)ဖွဲ့၊ အစိုးရ၊ လွှတ်တော်၊ တပ်မတော်နဲ့ နိုင်ငံရေးပါတီတွေ ကိုယ်စားလှယ်တွေ ပါ တက်ရောက်ကြမယ့် ပြည်ထောင်စုငြိမ်းချမ်းရေး ညီလာခံကလည်း လာမယ့် ဇန်နဝါရီလ ၁၂ရက်နေ့မှာ ကျင်းပတော့မှာဖြစ်ပါတယ်။ အပစ်မရပ်ထားတဲ့ တိုင်းရင်းသားလက်နက်ကိုင်တွေကိုပါ ပါဝင်တက်ရောက်ဖို့ ဖိတ်ခေါ် ထားတဲ့ ဒီငြိမ်းချမ်းရေးညီလာခံမှာ အမျိုးသားပြန်လည်သင့်မြတ်ရေးနဲ့ လက်နက်ကိုင်ပဋိပက္ခတွေ ချုပ်ငြိမ်းရေးအပါအဝင် နိုင်ငံရေးနည်းလမ်းနဲ့ အဖြေရှာရေးတွေကိုပါ ဆွေးနွေးကြမှာဖြစ်တယ်လို့လည်း ဒီပြည်ထောင်စုငြိမ်းချမ်းရေး ညီလာခံကျင်းပမယ့်အရေး သမ္မတက ထုတ်ပြန်ကြေညာထားပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

[youtube src="DUQTX7NaidE"/]

"How to Make an Attractive City" ဆွဲဆောင်မှုရှိတဲ့ မြို့တစ်မြို့ဖြစ်အောင် ဘယ်လိုလုပ်ကြမလဲ"

Some ideas for Yangon
ဒီဗီဒီယိုကလစ်ပ်လေးကို ကြည့်ပြီး ရန်ကုန်မြို့နဲ့ပတ်သက်ပြီး စဉ်းစားစရာတွေ ရလာမယ်ထင်ပါတယ်။

Yangon Heritage Trust

(credit: The School of Life. Myanmar subtitles: Tagu Films)

မြသိန်းတန် စေတီရင်ပြင်တော်ပေါ်တွင် နှစ်သစ် ကူးညက Happy New Year စကား လုံးများ ကိုရေးဆွဲထားခြင်းနှင့်ပတ် သက်ပြီး ကျူးလွန်သူများအား ဖော် ထုတ် အရေးယူသွားမည်ဖြစ်ကြောင်း ယဉ်ကျေးမှုဝန်ကြီးဌာန၊ ရှေးဟောင်း သုတေသနနှင့် အမျိုးသားပြတိုက်ဦးစီး ဌာနခွဲ(စစ်ကိုင်း)မှ ညွှန်ကြားရေးမှူး ဦးသန်းထိုက်က ဇန်နဝါရီ၁ရက် တွင် ပြောသည်။
ယင်းသို့ရေးဆွဲထားခြင်းသည် ရှေးဟောင်းအမွေအနှစ်အဆောက် အအုံမြင်ကွင်းကို ပျက်စီးစေသည့်အ တွက် ကျူးလွန်သူများကိုဖော်ထုတ် အရေးယူသွားမည်ဖြစ်ကြောင်း သိရသည်။
စစ်ကိုင်းတိုင်းဒေသကြီး၊ မင်း ကွန်းမြသိန်းတန်စေတီရင်ပြင်တော်ပေါ် တွင် ရောင်စုံဆေးများနှင့်ရေးသား ခြင်းပုံဆွဲခြင်းများပြုလုပ်ထားပြီး အ ဆိုပါကိစ္စနှင့်ပတ်သက်၍ စစ်ကိုင်းမြို့နယ်အုပ်ချုပ်ရေးအဖွဲ့ တာဝန်ရှိသူများ၊ ရဲတပ်ဖွဲ့များနှင့် ရှေးဟောင်း သုတေသနဌာနတို့ ပူးပေါင်းစုံစမ်းမှု များပြုလုပ်လျက်ရှိပြီး ယင်းကဲ့သို့ရှေး ဟောင်းအဆောက်အအုံ တွင် ရေးခြစ် ခြင်းများကို ရှေးဟောင်းအမွေအနှစ် များ ကာကွယ်ထိန်းသိမ်းရေးဥပဒေ ဖြင့် အရေးယူနိုင်ကြောင်း ဦးသန်း ထိုက်က ပြောသည်။

''အခု အဲဒီရေးတဲ့သူတွေကိုသိ ဖို့ သက်ဆိုင်ရာအုပ်ချုပ်ရေးမှူးတွေ နဲ့ ရဲကိုမေးမြန်းစုံစမ်းတုန်းပဲရှိပါသေးတယ်။ မြသိန်းတန်ဘုရား က ရှေး ဟောင်းဘုရားတစ်ဆူဖြစ်တဲ့အတွက် ရှေးဟောင်းဥပဒေနဲ့အညီ အရေးယူ လို့ရသလို စုံစမ်းဖော်ထုတ်အရေးယူ သွားမှာပါ''ဟု ယင်းက ဆက်လက် ပြောသည်။
ယင်းကဲ့သို့ရှေးဟောင်းအ ဆောက်အအုံတွင် ရေးခြစ်ခြင်းများ သည် ရှေးဟောင်းအဆောက်အအုံ များ ကာကွယ်ထိန်းသိမ်းရေးဥပဒေ တွင်ပြဋ္ဌာန်းထားသည့် အခန်း(၈) (က) ပါ ရှေးဟောင်းအဆောက်အအုံကို ဖျက်ဆီးခြင်း သို့မဟုတ် ပျက်စီးစေ ရန်ဆောင်ရွက်ခြင်းနှင့် ငြိစွန်းနေပြီး ပုဒ်မ(၂၀)ပါ ရှေးဟောင်းအဆောက် အအုံကို ထိခိုက်စေသော ပြုလုပ်မှု တစ်ခုခုကိုပြုလုပ်ခြင်းအတွက် ပြစ်မှု ထင်ရှားပါက အနည်းဆုံး ထောင် ဒဏ် ခြောက်လမှ အများဆုံးတစ်နှစ် ထက်မပိုသော ထောင်ဒဏ်ဖြစ်စေ၊ အနည်းဆုံး ကျပ်သုံးသိန်းမှ အများ ဆုံးကျပ်တစ်ဆယ့်ငါးသိန်းအထိ ငွေ ဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်မည်ဖြစ်ကြောင်း ဖော်ပြပါရှိသည်။

မင်းကွန်းမြသိန်းတန်စေတီတော် မှာ ကုန်းဘောင်ခေတ်လက်ရာဖြစ်ပြီး ဘိုးတော်ဘုရားလက်ထက်က တည် ထားကိုးကွယ်ခဲ့ခြင်းဖြစ်ကာ နှစ်ပေါင်း ၁၅ဝကျော်သက်တမ်းရှိသည့် ရှေး ဟောင်းအမွေအနှစ်အဆောက်အအုံ တစ်ခုဖြစ်ကြောင်း သိရသည်။
MTZ
‪#‎Democracytoday‬
Photo Caption: ရင်ပြင်တော်ပေါ်တွင် Happy New Year စကားလုံးများ ရေးဆွဲထားသည်ကို တွေ့ရစဉ်။
Photo: အေးချမ်း။


၂၀၁၅ ရွေးကောက်ပွဲ၌ ဒေါ်အောင်ဆန်းစုကြည်၏ အင်န်အယ်လ်ဒီပါတီ အနိုင်ရခြင်းက နှစ်များစွာအတွင်း စစ်အုပ်ချုပ်ရေးအောက်တွင် အပြောင်းအလဲသစ်တစ်ရပ် စတင်လိုက်ခြင်းအဖြစ် မျှော်လင့်ရသည်။

သို့သော် မြန်မာနိုင်ငံ၏ ပထမဆုံး အရပ်သားအစိုးရအတွက် စိန်ခေါ်မှုများက စောင့်ကြိုနေသည်။ အင်န်အယ်လ်ဒီ၏ ရွေးကောက်ပွဲအောင်ပွဲက ပါးပါးနပ်နပ် အောင်ပွဲခံခဲ့ခြင်းပင်ဖြစ်သည်။

၂၀၁၆ ၌ မြန်မာပြည်အနာဂတ်တွင် မြင်တွေ့ရမည့် အလားအလာများက ဘာတွေဖြစ်မလဲ။ မြန်မာ့ဒီမိုကရေစီလမ်းကြောင်း ကောင်းမွန်စွာ ဖြစ်ထွန်းရေး မည်သို့ ဖော်ဆောင်မလဲ။

၁။ မည်သူဦးဆောင်မှာလဲ။

ဒီမေးခွန်းက မြန်မာ့ဖွဲ့စည်းပုံအခြေံဥပဒေ အခန်း ၃၊ ပုဒ်မ ၅၉(စ)အရ ဦးဆုံးမေးရမည် မေးခွန်းပင်။ ၅၉(စ)အရ သမ္မတသည် ၎င်းကိုယ်တိုင်၊ အိမ်ထောင်ဖက်နှင့် သားသမီးများ၊ သားသမီးများ၏ အိမ်ထောင်ဖက်များက နိုင်ငံခြားသြဇာ ခံယူထားခြင်း မရှိရပေ။

ထိုပုဒ်မအတားအဆီးကြောင့် ဒေါ်အောင်ဆန်းစုကြည်က သမ္မတအထက်တွင် နေမည်ဟု ဆိုလာခဲ့သည်။ တရားဥပဒေအရ မသေချာသည့် ယင်းနေရာအတွက် ဒေါ်အောင်ဆန်းစုကြည်က အသေးစိတ်ပြောကြားခြင်းမရှိသေးပါ။ လွှတ်တော်ကို ကြီးစိုးလာမည့် အင်န်အယ်လ်ဒီကို ထိန်းချုပ်ပြီး သမ္မတတစ်ဦးကို ၎င်းအနေဖြင့် ရွေးလိမ့်မည်ဖြစ်သည်။ နိုင်ငံတော်အကြီးအကဲကို ပြည်သူ့လွှတ်တော်၊ အမျိုးသားလွှတ်တော်နှင့် တပ်မတော်တို့က ရွေးချယ်သူ သုံးဦးမှ လွှတ်တော်အမတ်များက သမ္မတတစ်ဦး ရွေးချယ်တင်မြှောက်ရမည်ဖြစ်သည်။

လွှတ်တော်ဥက္ကဋ္ဌကဲ့သို့ အရေးပါသောနေရာမျိုး ရယူတာဝန်ယူဖွယ်ရှိသည့် ဒေါ်အောင်ဆန်းစုကြည်က အစိုးရအဖွဲ့ကို တိုက်ရိုက်ကိုင်တွယ်မည်ဟုလည်း ဆိုထားသည်။

ရွေးကောက်ပွဲတွင် သောင်ပြိုကမ်းပြိုအနိုင်ရပြီးနောက် ၂၀၁၅ ဒီဇင်ဘာလအတွင်း စစ်တပ်နှင့် အစိုးရတို့နှင့် ပထမဆုံး ဒေါ်အောင်ဆန်းစုကြည် တွေ့ဆုံဆွေးနွေးခဲ့သည်။ ဒေါ်အောင်ဆန်းစုကြည်က ဗိုလ်ချုပ်မှူးကြီးမင်းအောင်လှိုင်၊ သမ္မတဦးသိန်းစိန်တို့နှင့် တွေ့ဆုံခဲ့ကာ ၁၉၆၀ နောက်ပိုင်း နိုင်ငံ၏ ပထမဆုံး ရွေးကောက်ခံအစိုးရထံ အာဏာလွှဲပြောင်းရေးကိစ္စရပ်များကို ဆွေးနွေးခဲ့သည်။

ထိုတွေ့ဆုံမှုက အပြုသဘောဆောင်သည့် ဖြစ်ရပ်တစ်ခုဖြစ်သည်။ သို့သော် ဒေါ်အောင်ဆန်းစုကြည်အနေဖြင့် မြန်မာတပ်မတော်ခေါင်းဆောင်နှင့် ယုံကြည်မှုတည်ဆောက်ရန်နှင့် ဆက်ဆံမှု ခိုင်မြဲရေးတို့အတွက် လိုအပ်ချက်များလည်း ရှိနေဆဲဖြစ်သည်။

ဖွဲ့စည်းပုံအရ သမ္မတဖြစ်ရေး ဒေါ်အောင်ဆန်းစုကြည်အား တားမြစ်ထားရာ ဥပဒေပြင်ဆင်ရေးတွင် တပ်မတော်၏ ထောက်ခံမှုက အလွန်တရာအရေးတကြီး လိုအပ်သည်။

၂။ စစ်တပ်အား စီမံခန့်ခွဲမှု


အသွင်ကူးပြောင်းရေးတွင် အရေးကြီးဆုံးများမှ တစ်ခုမှာ စစ်တပ်၏ အာဏာ အလွန်ပိုင်ဆိုင်ထားခြင်းကို ဖြေလျှော့နိုင်ရေးဖြစ်သည်။

ဖီဆန်မှုတစ်ရပ်ဖြစ်ကောင်းဖြစ်နိုင်သည့် ဖြစ်ရပ်မှာ ဒေါ်အောင်ဆန်းစုကြည် ရွေးကောက်ပွဲအောင်နိုင်ပြီး ရက်ပိုင်းအတွင်း နိုဝင်ဘာ ၁၆ ရက်တွင် ကချင်သူပုန်များအား တပ်မတော်က ထိုးစစ်ဆင်လိုက်ခြင်းပင် ဖြစ်သည်။

မိုးညှင်းမြို့အပြင်ဖက်တွင် လက်နက်ကြီးများနှင့်အတူ လေကြောင်းပစ်ကူများဖြင့် အစိုးရစစ်တပ်က တိုက်စစ်တိုးမြှင့်ပြီး စနေနေ့က စတင်တိုက်ပွဲများဖြစ်ခဲ့ကြောင်း KIO မှ ပြောရေးဆိုခွင့်ရှိသူ လနန်းက ဗီအိုအေသို့ ပြောသည်။

တစ်ချိန်တည်းတွင် ၂၀၁၅ ဒီဇင်ဘာလအတွင်း စစ်တပ်အား ဖေ့ဘုတ်တွင် သရော်သည့် နိုင်ငံရေးတက်ကြွလှုပ်ရှားသူတစ်ဦးကို ထောင်ဒဏ် ခြောက်လ ချမှတ်လိုက်သည်။ အသက် ၂၅ နှစ်ရှိ မချောစန္ဒီထွန်းအား စစ်တပ်၏ ယူနီဖောင်းသစ်ကို ဒေါ်အောင်ဆန်းစုကြည်၏ လုံခြည်အရောင်နှင့် ခိုင်းနှိုင်းဖော်ပြခြင်းကြောင့် ထောင်ဒဏ်ချမှတ်လိုက်ခြင်းဖြစ်သည်။

ထိုလက္ခဏများက ဒေါ်အောင်ဆန်းစုကြည်နှင့် အစိုးရသစ်အတွက် စစ်တပ်၏ သြဇာအာဏာကြီးမားနေဆဲကို ကိုင်တွယ်ဖြေရှင်းရေး အခက်အခဲများကို ပြသနေသည့် လက္ခဏများဖြစ်ကြောင်း ယုံမှားသံသယရှိစရာမလိုပေ။

လွှတ်တော်တွင်လည်း တပ်မတော်ကိုယ်စားလှယ်က ရာခိုင်နှုန်း အစိတ် ဝင်ရောက်နေရာယူထားဆဲဖြစ်သည်။ ဒေါ်အောင်ဆန်းစုကြည်အနေအထားနှင့် အစိုးရသစ်အတွက် ထိုလွှတ်တော်အမတ်နေရာများက မည်သို့ သက်ရောက်မှုရှိလာမည်နည်း။

သုံးသပ်ရန်အတွက် အချိန်စောလွန်းသေးသော်လည်း မြန်မာလွှတ်တော်ပုံစံက မည်သည့် အနာဂတ်ဒီမိုကရေစီအစိုးရအတွက်မဆို အကဲဆတ်နေသည့် အနေအထားဖြစ်သည်။

၃။ တိုင်းရင်းသားဆက်ဆံရေးနှင့် လူနည်းစုအရေး

မြန်မာနိုင်ငံတွင် ဖိနှိပ်ခံရသည့် မွတ်စလင်လူနည်းစုများဖြစ်သည့် ရိုဟင်ဂျာဆိုသည့်သူများအရေးက ခေါင်းခဲစရာဖြစ်သည်။

လူအုပ်ဖွဲ့ အကြမ်းဖက်မှုများမှုများကြောင့် ရိုဟင်ဂျာဆိုသူများက ဒုက္ခသည်စခန်းများသို့ ပြောင်းရွှေ့နေထိုင်ကြပြီး အိမ်နီးချင်းနိုင်ငံများသို့ ထွက်ပြေးကြခြင်းကြောင့် ဆီးရီးယားက ဒုက္ခသည်များ ဥရောပသို့ ဝင်ရောက်ခြင်း ပြဿနာကဲ့သို့ပင် အရှေ့တောင်အာရှတွင်လည်း ဒုက္ခသည်အကျပ်အတည်း ပေါ်ပေါက်လာခဲ့ရသည်။

ရိုဟင်ဂျာဆိုသူများ၏ ပြဿနာနှင့် ပတ်သက်ပြီး နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်က နှုတ်ဆိတ်နေခဲ့သည်။ ရိုဟင်ဂျာဆိုသူများကို လက်မခံသည့် ဗုဒ္ဓဘာသာအများစုနိုင်ငံတွင် မဲရလဒ်အတွက် နိုင်ငံရေးအရ နှုတ်ဆိတ်နေခြင်းသာဖြစ်သည်ဟု အားလုံးနားလည်ထားသည်။

သို့သော်လည်း ရွေးကောက်ပွဲအောင်နိုင်ပြီးဖြစ်၍ လက်တွေ့မေးခွန်းက ဒေါ်အောင်ဆန်းစုကြည်အနေဖြင့် ရိုဟင်ဂျာဆိုသူများ ရင်ဆိုင်နေရသည့် လက်ရှိအနေအထားကို မည်သို့ ပြောင်းလဲပါမည်နည်း။

ဒုတိယအနေဖြင့် နိုင်ငံရေးအရဆိုလျှင် ဒေါ်အောင်ဆန်းစုကြည်အနေဖြင့် ရိုဟင်ဂျာဆိုသူများအရေးတွင် အာဏာပြင်းသည့် စစ်တပ်နှင့် ဖြစ်ထွန်းလာနေသည့် ဗုဒ္ဓဘာသာအခွင့်အရေးအုပ်စုများ၏ အမျက်ဒေါသနှင့် ရင်ဆိုင်ရဖွယ်ရာလည်း ရှိနေပါသည်။

၎။ ဗုဒ္ဓဘာသာအခွင့်အရေးအုပ်စုများ၏ အရေးကြီးမှု

တစ်ယူသန်သည့် ဗုဒ္ဓဘာသာနိုင်ငံရေးလှုပ်ရှားမှုများက မြန်မာနိုင်ငံရေးအခင်းအကျင်းကို အရောင်းဆိုးနေသည်က နှစ်များစွာ ကြာမြင့်ပြီဖြစ်သည်။ ဦးဝီရသူကဲ့သို့ ပါဝင်လှုပ်ရှားသူက မြန်မာနိုင်ငံ၏ အဓိကရန်သူမှာ မွတ်စလင်များဖြစ်သည်ဟူသော အတွေးအခေါ်များကို ဖြန့်ပေးနေသည်။

အသက် ၄၆ နှစ်ရှိ ဦးဝီရသူက မြန်မာနိုင်ငံမှ မွတ်စလင်များ ထိုင်းနှင့် မလေးရှားသို့ ငါးဖမ်းလှေများဖြင့် အစုလိုက်အပြုံလိုက် ထွက်ခွာခြင်းအတွက် တာဝန်ရှိသူဖြစ်သည်။

ဟောတရားများနှင့် ဖေ့ဘုတ်ပို့စ်တို့တွင် ဦးဝီရသူက ဗုဒ္ဓဘာသာများအပေါ် မွတ်စလင်များ ဂျီဟဒ်စစ်ပွဲ ပြင်ဆင်နေပြီဟူသော သတိပေးရေးသားခြင်းများ၊ ဗုဒ္ဓဘာသာအမျိုးသမီးများကို မွတ်စလင်များ မုဒိမ်းကျင့်သည့် သတင်းကောလဟလများ ဖြန့်ခြင်းနှင့် မွတ်စလင်ပိုင်စီးပွားရေးလုပ်ငန်းများကို သပိတ်မှောက်ရန်တို့ကို တိုက်တွန်းပြောဆိုရေးသားသည်။ ဗုဒ္ဓဘာသာကောင်းများအနေဖြင့် မွတ်စလင်များကို မြွေနှင့် ခွေးရူးကဲ့သို့ ရှောင်သင့်ကြောင်းလည်း ဦးဝီရသူက ပြောဆိုသည်။

ထိုအခြေအနေများက အစိုးရသစ်အတွက် ပြင်းထန်သည့် ပြဿနာများပင်ဖြစ်သည်။ အမျိုးစုံသော တိုင်းရင်းသားလူမျိုးစုများကြား အမျိုးသားပြန်လည်ရင်ကြားစေ့ရေးတို့ ဦးတည်ဖော်ဆောင်ရာတွင် ဒေါ်အောင်ဆန်းစုကြည်အတွက် ရင်ဆိုင်ရမည့် စိန်ခေါ်မှုများပင်ဖြစ်သည်။

အတိုအားဖြင့် ဆိုရလျှင် အထက်အကြောင်းအရာများက မြန်မာနိုင်ငံ ဒီမိုကရေစီပုံဖော်မှုတွင် များစွာထိုးနှက်လာမည့် လက်သီးချက်များဖြစ်သည်။

ဒုတိယအချက်အားဖြင့် စစ်အုပ်စုက ၂၀၁၅ ရွေးကောက်ပွဲအလွန် အသွင်ကူးပြောင်းရေးသို့ ချီတက်ရာတွင် အဟန့်အတားအဖြစ် ထင်သာမြင်သာရှိနေဆဲဖြစ်သည်။

သို့သော်လည်း အခြားမျက်နှာစာတွင် အင်န်အယ်လ်ဒီ၏ မကြာမီက ရွေးကောက်ပွဲအနိုင်ရလဒ်သည် ပထမဆုံး အပြုသဘောဆောင်သည့် ခြေလှမ်းဖြစ်ကြောင်း ထောက်ခံသူများက ဆိုပါလိမ့်မည်။

မြန်မာစစ်အုပ်စုအတွက် ပြုပြင်ပြောင်းလဲမှုသို့ ချည်းကပ်ရာတွင် လွတ်ချော်မှုများရှိလင့်ကစား ရွေးကောက်ပွဲရလဒ်သည် ပြုပြင်ပြောင်းလဲမှုသို့ တရားမျှတစွာ လမ်းကြောင်းပေးခြင်းပင်ဖြစ်သည်။

မြန်မာနိုင်ငံအနေဖြင့် နိုင်ငံတကာအသိုက်အဝန်း၏ အကူအညီများလည်း လိုအပ်နေပြီး အထူးသဖြင့် နိုင်ငံပြုပြင်ပြောင်းလဲရေးနယ်ပယ်တွင်ပဲ ဖြစ်ပါတော့သည်။

MIZZIMA





 ပဲခူးတိုင်းဒေသကြီး ပြည်ခရိုင် ပြည်မြို့ ဗိုလ်ချုပ်ကျောက်ရုပ်တွင် ၂.၁.၂၀၁၆ ရက်နေ့ နံနက် ၁၀ နာရီချိန်ခန့်က ပြည်ခရိုင်အတွင်း ဖမ်းဆီးထားသည့် နိုင်ငံရေး အကျဉ်းသားများ အပါဝင် တစ်နိုင်ငံလုံးရှိ ဖမ်းဆီးခံ နိုင်ငံရေးအကျဉ်းသားများ လွှတ်ပေးရန် နိုင်ငံရေး အကျဉ်းသားဟောင်းများ အဖွဲ့(ပြည်) နှင့် ပြည်သူ့အထောက်အကူပြုကွန်ရက်(ပြည်)တို့မှ နိုင်ငံရေး အကျဉ်းသားများ၊ ဒီမိုကရေစီ ပညာရေး တိုက်ပွဲဝင် ကျောင်းသားများ နှင့် ၀န်းရံပြည်သူများ လွှတ်ပေးရန် တောင်ဆိုခဲ့ကြောင်း သိရသည်။

ပြည်သတင်းလူငယ်(ပြည်သတင်း)
https://www.facebook.com/pyaynews/


 ဒီဇင်ဘာ(၃၁) ရက်ည ၉နာရီ ၄၅ မိနစ်အချိန်တွင် ပခုက္ကူမြို့နယ် ၊အမှတ် ၁၁ ရပ်ကွက်၊၁၈ လမ်းတွင်ရှိသော တောင်ဇလပ်အဆောင်တွင် ခ စ ယ ကျောင်းသား(၁၅၀)ခန့် နယူးရီးယားဆုတောင်းပြုလုပ်နေချိန်တွင် လူငယ် ၁၅ ဦးခန့်မှ ဆိုင်ကယ်များဖြင့်လာရောက်ပြီး အဆောင်ရှေ့မှ ခဲဖြင့်လာရောက်ပစ်ပေါက်မှုဖြစ်ခဲ့ပြီး ကျောင်းသားများကလိုက်ဖမ်းစီးခဲ့ရာ ကျောင်းသား(၄ ) ဦးဒဏ်ရာရရှိခဲ့ကြောင်းသိရသည်။

Chin World
https://www.facebook.com/Chin-World


လွှတ်တော် ကိုယ်စားလှယ်များအတွက် ပေးသည့် တစ်လုံးတစ်ခဲတည်း နိုင်ငံရေး
ပင်စင်ချီးမြှင့်ငွေကို အမျိုးသား ဒီမိုကရေစီအဖွဲ့ချုပ်မှ ကိုယ်စားလှယ် အားလုံး
ရယူမည်ဖြစ်ပြီး နိုင်ငံအတွက် အကျိုးရှိမည့် စီမံကိန်းတစ်ခုအတွက် လှူဒါန်းသွားရန်
သဘောတူညီ ထားကြပြီးဖြစ်ကြောင်း ဥက္ကဋ္ဌဖြစ်သူ ဒေါ်အောင်ဆန်းစုကြည်က
RFA သတင်းဌာန၏ ဒီမိုကရေစီခရီးကြမ်းနှင့် ဒေါ်အောင်ဆန်းစုကြည် အစီအစဉ်တွင်
ပြောဆိုခဲ့သည်။

"အားလုံးက ဥပဒေက ရတယ်ဆိုတော့
ကျွန်မတို့ လွှတ်တော် ကိုယ်စား လှယ်တွေလည်း ရတယ်၊ ကျွန်မတို့ လွှတ်တော်
ကိုယ်စားလှယ်တွေ အားလုံး သဘောတူပြီးပြီ၊ ဒီငွေတွေကို ပူးပေါင်းပြီးတော့
နိုင်ငံကို အကျိုးဖြစ်တဲ့ စီမံကိန်းတစ်ခုအတွက် လှူဖို့ဆိုပြီးတော့ ကျွန်မတို့ ဆွေးနွေး
ထားတယ်" ဟု ဒေါ်အောင်ဆန်းစုကြည်က ပြောသည်။

လွှတ်တော် ကိုယ်စားလှယ်များသည် လခရရှိနေခြင်းကြောင့် ပင်စင်ကို မလိုအပ်
ကြောင်း၊ အခြားနိုင်ငံများ တွင် ထိုကဲ့သို့ ချီးမြှင့်ခြင်းမျိုး ရှိသော်လည်း မတူညီ
ကြောင်း ဒေါ်အောင်ဆန်းစုကြည်က ပြောသည်။

ထို့အတူ စီးပွားရေး လုပ်ငန်းရှင်ကြီးများထံမှ အကူအညီရယူမှုများနှင့် ပတ်သက်၍
လည်း ဒေါ်အောင်ဆန်းစုကြည်က “ဘယ်လိုပုံစံအတွက် အကူအညီယူတာလဲ ဆိုတဲ့
အပေါ်မှာလည်း မူတည်တာပေါ့ ။ အကူအညီ လုံးဝ မယူရဘူးဆိုတာလည်း
အင်မတန်မှ ကျဉ်းမြောင်းတဲ့ အမြင်ပါ။ ဒါပေမဲ့ ယူပုံယူနည်းကလည်း ဒီနိုင်ငံကို
အကျိုးဖြစ်ဖို့ အရေးကြီးတာတော့ ပွင့်လင်းမြင်သာမှု ရှိရမယ် ။ ပွင့်လင်းမြင်သာမှု ရှိမှ
ပြည်သူကလည်း သဘောပေါက်မယ် ။ ဘာ့အတွက် ဒါယူတာလဲ၊ ဒါဟာ
ကောင်းသလား ဆိုးသလား ပွင့်လင်းမြင်သာမှုဆိုတာ အစိုးရများကို အများကြီး
အထောက်အကူ ဖြစ်ပါတယ်” ဟု လည်း ပြောကြားသည်။

အချို့သော သူများက ပွင့်လင်းမြင်သာမှုဆိုသည် အစိုးရကို တိုက်ခိုက်ရန်ဟု
ထင်နေကြကြောင်း၊ အမှန်တကယ်တမ်းတွင် ပွင့်လင်းမြင်သာမှုရှိမှ စီမံကိန်းတစ်ခုကို
အကောင်အထည် ဖော်သည့်အခါ မည်သို့သော အကျိုးဆက်များ ဖြစ်နိုင်သည်ကို
အဘက်ဘက်မှ သိရသည့်အတွက် မှန်မှန်ကန်ကန် လုပ်ကိုင်နိုင်ရန်အတွက်
အထောက်အကူ ရကြောင်း ၊ ပွင့်လင်းမြင်သာမှုကို အခြေခံပါက နိုင်ငံနှင့် ပြည်သူ
အတွက် အကျိုးဖြစ်နိုင်သည်ကြောင်း ဒေါ်အောင်ဆန်းစုကြည်က ဆက်လက်
ပြောကြားခဲ့သည်။

The Ladies News Journal



အစိုးရ အပြောင်းအလဲနှင့်အတူ စီးပွားရေးဆိုင်ရာ မူဝါဒပိုင်းကို ရင်းနှီးမြှုပ်နှံသူ အချို့က စောင့်ကြည့်နေချိန်တွင် အိမ်ခြံမြေ ဈေးကွက်အတွင်း၌ ဈေးလျှော့ ရောင်းချလာခြင်းများ ရှိလာသော်လည်း အရောင်းခက် အ၀ယ်ခက် ဖြစ်နေကြောင်း ရွှေမင်းသား အိမ်ခြံမြေ အကျိုးဆောင်လုပ်ငန်း မန်နေဂျင်း ဒါရိုက်တာ ဦးမြတ်သူဝင်းက ဆိုသည်။

“အိမ်ခြံမြေဈေးက အခု ဒေါ်လာဈေးကလည်း တက်လာတော့ တစ်မျိုးယူဆကြတာပေါ့။ ကျွန်တော်ကတော့ အစိုးရသစ်ရဲ့ မူဝါဒကို စောင့်ကြည့်နေပုံရတယ်။ လောလောဆယ်မှာ အရောင်းအ၀ယ်က အေးနေတယ်။ အရောင်းခက် အ၀ယ်ခက် ဖြစ်နေတယ်။ အရောင်းခက် အ၀ယ်ခက်အပြင် အငှားဘက်မှာလည်း အေးသွားတယ်။ တချို့နေရာတွေ ဈေးကျနေတယ်လို့ ကြားပေမယ့် ဘယ်နေရာတွေမှာ ဈေးကျနေတယ် ဆိုတာထက် လူပုဂ္ဂိုလ်ချင်းအလိုက် မူတည်ပြီးတော့ ချရောင်းကြတာ တွေတွေ့ရတယ်။ ဈေးချရောင်းတာတွေ ရှိတဲ့အတွက် ဈေးကျတယ်လို့ သုံးသပ်ကြပေမယ့် ဈေးကျလာတယ်လို့ မသုံးသပ်မိသေးဘူး။ တချို့တွေကတော့ ဈေးချရောင်းတယ်။ ဈေးကျတာနဲ့ ဈေးချရောင်းတာနဲ့တော့ ပြောရတာခက်တယ်။ ကျွန်တော်တို့ အရင်က သိန်း ၁၀၀၀ တန်ကို သိန်း ၈၀၀ နဲ့ ချရောင်းရင် နာရီပိုင်းနဲ့ အရောင်းအ၀ယ် ဖြစ်ပေမယ့် အခု ကျပ်သိန်း ၁၀၀၀ တန်ကို ကျပ်သိန်း ၈၀၀ နဲ့ ချရောင်းပေမယ့် ချက်ချင်း မဖြစ်ဘူး။ အဲဒါမျိုးဆိုတော့ နည်းနည်း အရောင်းခက် အ၀ယ်ခက် ဖြစ်နေပါတယ်။ ဒါက ဈေးကွက်တစ်ခုလုံးမှာ ဖြစ်နေတာပါ” ဟု ဦးမြတ်သူဝင်းက ပြောကြားသည်။

ဆက်လက်၍ ၎င်းက “အခုလောလောဆယ် လူတန်းစားသုံးမျိုး ထုတ်ရောင်းနေတယ်။ စီးပွားရေး လုပ်စရာ မလိုတော့ဘဲ မြတ်နေတဲ့သူတွေ ထုတ်ရောင်းတယ်။ ကန်ထရိုက်တွေဆိုရင် မီတာတက်တာနဲ့ ဈေးရောင်းထွက်လို့ မြတ်မယ့်ဟာနဲ့ မကာမိတာတွေရှိရင် ထိုးရောင်းတယ်။ နောက်တစ်ခုက အပေါ်ဆုံးက လူတွေလည်း ထုတ်ရောင်းတယ်။ သူတို့ အကွက်ရွှေ့ဖို့ လုပ်တယ်။ ဒီပိုင်ဆိုင်မှုအစား အခြားပိုင်ဆိုင်မှုကို ရွှေ့မလားဆိုပြီးတော့ လုပ်တယ်။ Properties ကို ရွှေ့တယ်။ နောက်တစ်ခုကတော့ စီးပွားရေး မကောင်းတဲ့သူတွေ ရွှေ့တယ်။ ဘယ်လုပ်ငန်းမှာ မကောင်းတဲ့ အချိန်မှာ အိမ်ရောင်းပြီးတော့ Taxi ဆွဲမယ် ဆိုပြီးတော့ လူတန်းစားလည်း ရှိတယ်။ အလယ်အလတ်တန်းစား လူတွေကတော့ လုပ်ငန်းအသစ် လုပ်ဖို့အတွက် ရောင်းချတာ တွေ့ရတယ်” ဟု ပြောကြားသည်။

အိမ်ခြံမြေဈေးကွက် ကစားသူများ၌ စိုးရိမ်ဖွယ် အနေအထား ဖြစ်နေပြီး မြန်မာနိုင်ငံတွင် ပထမဆုံး စတော့အိတ်ချိန်း ပေါ်ပေါက်လာပါက ရင်းနှီးမြုပ်နှံသူ များပြားလာနိုင်ကြောင်း House.com.mm မှ သုံးသပ်သည်။
စတော့ရှယ်ယာ ရင်းနှီးမြှုပ်နှံရာတွင် အကျိုးအမြတ် အလျင်အမြန် ရရှိနိုင်မှုအပြင် အခြားသော ကောင်းကျိုးတစ်ခုမှာ အခွန်အခပင် ဖြစ်ကြောင်း၊ ရန်ကုန် စတော့အိတ်ချိန်း စတင်ချိန်တွင် အခွန်အခ ကောက်ခံခြင်း ပြုဦးမည် မဟုတ်သေးခြင်း၊ အိမ်၊ ခြံ၊ မြေ ၀ယ်ယူ ရောင်းချရာတွင် ကောက်ခံထားသော အခွန်အခနှုန်းထားမှာ အမေရိကား စသည့်နိုင်ငံများနှင့်ယှဉ်လျှင် အလွန်မြင့်မားလျက်ရှိပြီး ရေရှည် ရင်းနှီးမြှုပ်နှံလိုသူများအတွက် အတားအဆီးတစ်ခု အနေဖြင့်ရှိပြီး အိမ်၊ ခြံ၊ မြေ ဈေးကွက်မှာ ငြိမ်သက်နေကြောင်းလည်း သိရသည်။


Eleven Media Group


တနိုင်ငံလုံး နယ်စပ် ဝင်ပေါက်တွေက မှောင်ခို ကုန်သွယ်မှု တွေကို တိုက်ဖျက်ဖို့ ထားရှိတဲ့ တရားမဝင် ကုန်သွယ်မှု တားဆီးရေး ဗဟိုကော်မတီ ကို သမ္မတရုံး အမိန့်နဲ့ ဒီဇင်ဘာလ (၃၀)ရက်နေ့ကနေ စလို့ တရားဝင် ဖျက်သိမ်း လိုက်ပြီ ဖြစ်တယ် လို့ စီးပွားရေးနဲ့ ကူးသန်း ရောင်းဝယ်ရေး ဝန်ကြီးဌာနက ထုတ်ပြန်ပါတယ်။

နယ်စပ် ကုန်သွယ် စီးစင်းမှု လျှင်မြန် ချောမွေ့ စေရေး ကို ရှေ့ရှုပြီး အခုလို Mobile team လို့ ခေါ်တဲ့ ရွေ့လျားအဖွဲ့ ကော်မတီ ကို ဖျက်သိမ်း လိုက်တာ ဖြစ်တယ် ဆိုပြီး စီးပွားရေးနဲ့ ကူးသန်း ရောင်းဝယ်ရေး ဝန်ကြီးဌာန က ညွှန်ကြားရေးမှူး ဦးဝင်းမြင့် က ဆိုပါတယ်။

Mobile team အနေနဲ့ နယ်စပ် ကုန်သွယ်ရေး ကို လမ်းကြောင်းမှန် ပေါ် ရောက်အောင် လုပ်သင့် သလောက် လုပ်ဆောင် ပေးခဲ့ပြီ ဖြစ်တယ်လို့လည်း ဦးဝင်းမြင့် က ပြောပါတယ်။

မှောင်ခိုကုန် တွေ ကို ထိန်းချုပ် ဖို့ အကောက်ခွန် နဲ့ ပြည်ထဲရေး ဌာနတို့က ဆက်လက် လုပ်ဆောင် သွားကြလိမ့်မယ် လို့လည်း ဆိုပါတယ်။

Mobile team တွေ ရှိတုန်းကလည်း ခရီးသည်တင် ကားလေး တွေ လောက်ကို သာ ပစ်မှတ် ထား စစ်ဆေး တာ မျိုး လုပ်ဆောင်ပြီး ကားကြီးတွေ နဲ့ အစင်းလိုက် သွင်းတာမျိုး ကို ထိရောက် အောင် ဟန့်တား မပေး နိုင် ဘူး လို့ မူဆယ် မြို့က ကုန်သည် တစ်ဦးက ဝေဖန် ပါတယ်။

အဲဒီ့ ဝေဖန်မှု အပေါ် ဦးဝင်းမြင့် က ငြင်းပယ်ပြီး Mobile team ဖမ်းဆီး ခဲ့တဲ့ သစ် အပါအဝင် မှောင်ခို ခိုးထုတ်တဲ့ ကားကြီးတွေ အများအပြား ရှိခဲ့တယ် လို့ ဆိုပါတယ်။

သမ္မတ ညွှန်ကြားချက်နဲ့ ဖွဲ့စည်းခဲ့တဲ့ mobile teamဟာ ပြီးခဲ့တဲ့ (၃)နှစ်တာ ကာလအတွင်း နယ်စပ် ကုန်သွယ်ရေး လမ်းကြောင်း တွေက သာမက လေဆိပ် ရေဆိပ် တွေက ဝင်လာတဲ့ ကျပ် ဘီလျံ (၄၀)ကျော် တန်ဖိုးရှိတဲ့ မှောင်ခို ကုန်ပစ္စည်းတွေ ဖမ်းဆီး ခဲ့တယ် လို့ စီးပွား ကူးသန်းဝန်ကြီး ဌာနက ထုတ်ပြန် ထားပါတယ်။

BBC Burmese



ဖားကန့်ကျောက်တူးဖော်ရေးလုပ်ငန်းခွင်တွင် တွေ့ရသည့် မြေသယ်ယာဉ်များ (ဓာတ်ပုံ-မရန်)

ဖားကန့်ဒေသသို့ ကျောက်စိမ်းကုမ္ပဏီများမှ ထပ်မံ တင်သွင်းလာသည့် စက်ယန္တရား ကြီးများကို ဒေသတွင်း အခြေစိုက် တပ်မတော်က ဝင်ခွင့်မပြုတော့ ကြောင်း သတင်းရရှိသည်။
ဖားကန့်ဒေသအတွင်း ကျောက်စိမ်းထုတ်လုပ်မှုနှင့် တရားမဝင်ယာဉ်၊ ယန္တရားများ ပြဿနာ ရှုပ်ထွေးနေစဉ် ကျောက်စိမ်း ကုမ္ပဏီနှစ်ခုက ထပ်မံသယ် ဆောင်လာသည့် တန် ၁၀၀ မြေ သယ်ကား ၃၉ စီးကို ဒေသတွင်း အခြေစိုက် တပ်မတော်က တား
ဆီးလိုက်ကြောင်း အဆိုပါဒေသရှိ ကျောက်စိမ်းတူးဖော်ရေးကုမ္ပဏီ တစ်ခုမှ အရာရှိတစ်ဦးက ပြော သည်။

‘‘ကားတွေ ပြန်ပို့လိုက်ရပြီ။ အသွင်းမခံဘူး။ ကုမ္ပဏီထဲရောက်ပြီးခါမှ ပြန်ထုတ်သွားရတာ။ ကားတင်မဟုတ်ဘူး။ ဘက်ဟိုးတွေ၊ တခြားစက်တွေ ဘယ်ဟာမှကို အဝင်မခံဘူး’’ဟု ၎င်းက ပြော သည်။
တားဆီးရခြင်းမှာ ဖားကန့် ဒေသတွင်းမှ စက်ယန္တရားအရေ အတွက်ကို စာရင်းကောက်ရန် ပြင်ဆင်ခြင်းဖြစ်နိုင်သည်ဟု ဖား ကန့်မြို့နယ် ရဲတပ်ဖွဲ့မှ အရာရှိ တစ်ဦးက ပြောသည်။

တားမြစ်ခဲ့သည့် မြေသယ်ယာဉ်များသည် မှတ်ပုံတင်ထားသော တရားဝင်ယာဉ်များဖြစ်ပြီး လက်ရှိအချိန်တွင် ဖားကန့်မြို့နယ်   တမခန်ကျေးရွာအနီးရှိ ကသိုင်းတောင်တွင် ထားရှိကြောင်းသတင်းရရှိသည်။

ဖားကန့်ဒေသတွင် မြေစာပုံ ပြိုကျခြင်းများကြောင့် လူသေ ဆုံးမှုမကြာခဏ ဖြစ်ပွားခြင်းနှင့် သဘာဝသယံဇာတများ ထုတ် လုပ်နေခြင်းအပေါ် ဖြေရှင်းရန် ဖားကန့်နယ်မြေတွင် ကျောက် စိမ်းတူးဖော်မှု လုံးဝပိတ်သိမ်းခြင်း၊ စစ်အုပ်ချုပ်ရေး ထုတ်ပြန်ခြင်းနှင့် ပုဒ်မ ၁၄၄ ထုတ်ပြန်ခြင်း စသော နည်းလမ်းသုံးမျိုးဖြင့် ဆောင်ရွက် ရန် သတ္တုတွင်းဝန်ကြီးဌာန ဒုတိ ယဝန်ကြီး ဦးသန်းထွန်းအောင်က ဒီဇင်ဘာ ၂၈ ရက်တွင် ပြည် ထောင်စုလွှတ်တော်သို့ တင်ပြခဲ့ သည်။ ယင်းအစီအစဉ်ကို ပြည် ထောင်စုလွှတ်တော်က လက်မခံ ဘဲ ပယ်ချလိုက်သည်။
7Day News Journal


အစ္စရေး နိုင်ငံ တယ်လ်အဗီး မြို့မှာ သေနတ် ပစ်ခတ်မှု ဖြစ်ပေါ် ခဲ့ပြီး လူ နှစ်ယောက် သေဆုံး သွားပါတယ်။

၇ ယောက်လည်း ဒဏ်ရာရ သွားပြီး အဲဒီထဲက ၄ ယောက်ဟာ ဒဏ်ရာ ပြင်းထန်ပါတယ်။

တယ်လ်အဗီး မြိုလယ် လူစည်ကားရာ ဘားဆိုင်ကို သေနတ်သမား တစ်ဦးက မောင်းပြန် ရိုင်ဖယ် သေနတ်နဲ့ ပစ်ခတ်ခဲ့တာ ဖြစ်တယ်လို့ အစ္စရေး ရဲတပ်ဖွဲ့က ပြောပါတယ်။

သေနတ်သမား ဆိုင်ပြင်ကနေ ပစ်ခတ် နေပုံကို ရိုက်ကူး မိလိုက်တဲ့ စီစီတီဗွီ ဗီဒီယို မှတ်တမ်းကိုလည်း ရုပ်မြင်သံကြား ကနေ ပြသနေ ပါတယ်။

ဘယ်လို ရည်ရွယ်ချက်မျိုး နဲ့ အခုလို တိုက်ခိုက် ခဲ့သလဲ ဆိုတာ မသိရ သေးဘူးလို့ ရဲတပ်ဖွဲ့ က ပြောသလို၊ အခင်း ဖြစ်ရာ နေရာကနေ ထွက်ပြေး သွားခဲ့တဲ့ သေနတ်သမားကို လိုက်လံ ရှာဖွေ နေကြ ပါတယ်။

BBC Burmese
https://www.facebook.com/bbcburmese


အီရတ်နိုင်ငံ ရာမာဒီ မြို့အနီးက အစိုးရ စစ်စခန်းကို အစ္စလာမ်မစ် နိုင်ငံ အဖွဲ့ IS လက်နက်ကိုင်တွေ တိုက်ခိုက်ခဲ့ ကြပါတယ်။

ဒါဟာ ရာမာဒီကို အီရတ် အစိုးရတပ်က IS တွေ လက်ထဲကနေ ပြန်လည် သိမ်းပိုက် ခဲ့ပြီးတဲ့နောက် IS တွေဘက်က အကြီးမားဆုံး ပြန်လည် တိုက်ခိုက် လာတာ ဖြစ်ပါတယ်။

ရာမာဒီ မြောက်ပိုင်း သဲကန္တရ ထဲက အခြေစိုက် စခန်း ရှိရာဆီကို အသေခံ ကားဗုံးခွဲမယ့်သူတွေ၊ အသေခံ ဗုံးခွဲ ကိုယ်ကြပ် အင်္ကျီ ဝတ်ဆင် ထားတဲ့ သူတွေ ဦးဆောင်ပြီး တိုက်ခိုက်လာတာ ဖြစ်တယ်လို့ အီရတ် စစ်တပ်က အရာရှိ တစ်ဦးက ပြောပါတယ်။

အဲဒီလို တိုက်ခိုက်ခံ ခဲ့ရပြီးတဲ့ နောက် စခန်းကနေ အီရတ် အစိုးရ တပ်ဖွဲ့ ယာယီ ဆုတ်ခွာ ခဲ့ရပေမယ့် နိုင်ငံတကာ ညွန့်ပေါင်း တပ်ဖွဲ့ရဲ့ လေကြောင်း ပစ်ကူ နဲ့အတူ ပြန်လည် IS တွေကို ပြန်လည် တိုက်ခိုက် ခဲ့တယ်လို့လည်း အဲဒီ့ အရာရှိက ဆိုပါတယ်။

IS တွေ စီးနင်း ခဲ့မှုမှာ အစိုးရ စစ်သား ၆၀ ဝန်းကျင် သေဆုံးခဲ့တယ်လို့ အတည်မပြုနိုင်တဲ့ သတင်း တချို့က ဆိုပါတယ်။

BBC Burmese
https://www.facebook.com/bbcburmese


နက္ခတ်ဗေဒင် ပညာရှင် ဆရာ စံဇာဏီဘို။
နက္ခတ်ဗေဒင် ပညာရှင် ဆရာ စံဇာဏီဘို။

မြန်မာနိုင်ငံ အတွက် ၂၀၁၆ ခုနှစ်ဟာ ကောင်းခြင်း အဖြာဖြာ ဖြစ်ထွန်းစေ မယ့် နှစ်သစ် ဖြစ်ပါတယ်လို့ နက္ခတ်ဗေဒင် ပညာရှင် စံဇာဏီဘိုက ကြိုတင် ဟောကိန်း ထုတ်ပါတယ်။ မြန်မာပြည်သူ ပြည်သားတွေ အတွက် အကျိုးပြုမယ့် အစိုးရသစ် တရပ်ကို ငြိမ်ငြိမ်းချမ်းချမ်း ဖွဲ့စည်းနိုင်မှာ ဖြစ်ပြီး လူမှုရေး စီးပွားရေးရာ တိုးတက်ဖြစ်ထွန်းမှုတွေ ဆောင်ကျဉ်းမယ့် နှစ်တနှစ် ဖြစ်ပါတယ်လို့ နက္ခတ်ဗေဒင် ပညာရှင် စံဇာဏီဘိုက ကြိုတင် ဟောကိန်းထုတ်သလို သတိထားရမှာတွေကတော့ရာသီဥတု ဘေးဒဏ်၊ ရောဂါဘယဘေးနဲ့ တရားဥပဒေ စိုးမိုးရေး အပိုင်းမှာ လာဘ်ပေးလာဘ်ယူမှုတွေ များပြားလာနိုင်တယ်လို့လည်း ဆိုပါတယ်။ ၂၀၁၆ ခုနှစ် အတွက် မြန်မာနိုင်ငံအတွက် နှစ်ကြို ဟောကိန်းကို မသိင်္ဂီထိုက် ဆက်သွယ်မေးမြန်းထားပါတယ်။

၂၀၁၆ ခုနှစ်ဟာ မြန်မာနိုင်ငံသူ နိုင်ငံသားတွေ အတွက် ကောင်းသော အနာဂတ်နဲ့ တိုးတက်မှု အဖြားဖြား လွှမ်းမိုးနေတဲ့ နှစ်တခု ဖြစ်ပါတယ်။ ဇန်န၀ါရီလ ၁ ရက်နေ့ဟာ သောကြာနေ့နဲ့ စတယ်။ သောကြာနေ့ ဆိုတာက ဗီးနပ်စ် သောကြာ နတ်ဒေ၀ီကို ကိုယ်စားပြုတယ်။ ၂၀၁၆ ကလည်း မြန်မာနိုင်ငံရဲ့ အနာဂတ်ကို အမျိုးသမီး သို့မဟုတ် မိန်းမသားတို့ရဲ့ သို့မဟုတ် မိခင်တို့ရဲ့ သဘာဝ လွှမ်းမိုးတဲ့ အစိုးရကနေ အုပ်ချုပ်မယ့် အနာဂတ်နှစ် ဖြစ်တယ်။

မြန်မာနိုင်ငံ အပါအ၀င် ကမ္ဘာ အသီးသီးမှာ ရှိတဲ့ နိုင်ငံတွေမှာ အမျိုးသမီးထုရဲ့ အင်အားတွေ စွမ်းအားတွေဟာ လာမယ့် ၂၀၁၆ ခုနှစ်မှာ စွမ်းပကား ကြီးမားသလို မိခင်စိတ်ဓာတ်နဲ့ ဆောင်ရွက်တဲ့ သူတွေရဲ့ အနာဂတ်ရဲ့ ဦးဆောင်နိုင်မှုဟာ အားလုံးသော သူတွေ အတွက် ကောင်းသော အကျိုးကျေးဇူးတွေ ရရှိမယ့် နှစ်တခု ဖြစ်ပါတယ်။

၂၀၁၆ ကို ဂဏန်း တလုံးတည်း ဖြစ်သွားရင် နံပတ်၉ ဂဏန်း ရတယ်။ နံပတ် ၉ ဟာ ၈ဏန်းတို့ရဲ့ အဆင့်မြင့်ဆုံး နံပတ် တခု ဖြစ်ပြီးတော့ အောင်မြင်မှုတွေရဲ့ အမြင့်မားဆုံး အကြောင်းအရာ တခုရဲ့ အဆုံး နောက်တခုရဲ့ အစကို စတင်ဖို့ အတွက် ခြေလှမ်းပြင်တဲ့ နံပတ် ဖြစ်တဲ့ အတွက် အပြောင်းအလဲတခုနဲ့ အသစ် တခုကို စတင်နိုင်တယ်။ အဟောင်းတို့ရဲ့ အဆုံးကို ဒီတနှစ်တာ အတွင်း အဆုံးသတ်ပြီးတော့ လာမယ့် အနာဂတ်ရဲ့ ကောင်းခြင်း အဖြာဖြာကို စတင် သယ်ဆောင်သွားမယ့် ဖြစ်ရပ်တွေ ဖြစ်ပေါ်မယ့် မြန်မာနိုင်ငံရဲ့ အနာဂတ်က ရှေ့မှာ တည်ရှိနေပါတယ်။

လုပ်ငန်းရေးရာ၊ စီးပွားရေးရာ လူသားတိုင်းမှာ မည်မျှ အခက်အခဲ ရှိပါစေ အားလုံးမှာ အဖြေရှာနိုင်တဲ့ အနေအထားနဲ့ ကောင်းသော အနာဂတ်ကို ဖန်တီးနိုင်မယ့် ကံကြမ္မာတွေ နိုင်ငံသား အသီးသီးမှာ ကိုယ်စီ ကိုယ်ငှ ပိုင်ဆိုင်ကြပါ လိမ့်မယ်။ ကောင်းသော အထောက်အကူတွေကိုလည်း ရရှိပါလိမ့်မယ်။ မင်းအစိုးရနဲ့ ပြည်သူကြား ဖြစ်ပေါ်မယ့် ပဋိပက္ခတွေ ငြိမ်းသွားမယ်။

လောကသား အသီးသီးမှာ စီးပွားရေး လောကမှာ ပုံမှန်ထက်ပို မြင့်မားလာတဲ့ စီးပွားရေး အနေအထားရှိမယ်။ ကုန်ဈေးနှုန်း အနေအထားကတော့ ပုံမှန် တက်တဲ့ အနေအထား ရှိလင့်ကစား ကြီးမားသော ကုန်ဈေးနှုန်း ပဋိပက္ခ မရှိပါဘူး။

ဒါပေမယ့် ဒီတနှစ်တာ ကာလ အတွင်းမှာ ဧပြီလ ၂၀ နဲ့ မေ ၂၀ ကြား ၂၀၁၆ ၊ ၂၀၁၆ စက်တင်ဘာ ၂၀ နဲ့ အောက်တိုဘာ ၂၀ကြား မှာတော့ သဘာဝ အန္တရာယ် လေးတွေကိုတော့ အနည်းငယ် သတိရှိရမှာ ဖြစ်ပါတယ်။ နံပတ် ၉ လွှမ်းမိုးတဲ့ အချိန်မှာ မီးဘေး ဥပါဒ် အန္တရာယ်ကို တချက်၊ ငလျင်ဘေး ဥပါဒ် အန္တရာယ်ကို တချက်၊ အပူလှိုင်း လွှမ်းမိုးမှုကြောင့် ဖြစ်ပေါ်လာမယ့် သဘာဝ ဘေးဥပါဒ် အန္တရာယ်ကို တချက် သတိထားရမှာ ဖြစ်ပါတယ်။

နိုင်ငံရေး အနေအထားမှာတော့ ၂၀၁၆ ခုနှစ် ဇန်န၀ါရီလ ၂၁ နဲ့ ဖေဖော်ဝါရီလ ၁၉ ကြားမှာ တကြိမ်၊ မတ် ၂၁ နဲ့ ဧပြီ ၂၀ ကြားမှာ တကြိမ် ထူးခြားတဲ့ အပြောင်းအလဲနဲ့ ကောင်းသော အနေအထားတွေ ဖြစ်ပြီး ညင်သာစွာ လွှဲပြောင်းမှုနဲ့ အစိုးရတိုင်းမှာ အမျိုးသမီးထုရဲ့ အာဏာလွှမ်းမိုးမယ် ဆိုတော့ ဒေါ်အောင်ဆန်းစုကြည် ရဲ့ အနေအထားက မြင့်မားတဲ့ အနေအထားဘက် ကို ရောက်သလို NLD ရဲ့ လွှမ်းမိုးမှုရဲ့ အနေအထားကလည်း ကောင်းသော ပြည်သူ လူထု အပေါ်မှာ အကျိုးပြုနိုင်တဲ့ အစိုးရ တရပ်ကို ဖွဲ့စည်းနိုင်ပါလိမ့်မယ်။ အခြားသော အတွေ့အကြုံ ရှိသူတွေလည်း အစိုးရ အဖွဲ့အစည်းထဲ ပါဝင်ပြီးတော့ အထောက်အကူ ပြုမယ့် နှစ် တခု ဖြစ်မယ့် မေတ္တာနှစ် ဖြစ်ပါတယ်။ တယောက်သောသူ တက်ရောက်မယ့် အပေါ်မှာ နောက်တယောက်က ကပျက်ယပျက် လုပ်မယ် ဆိုတဲ့ အနေအထား ကိုတော့ မတွေ့ပါဘူး။

ဒီနှစ် ဒီကာလတွေ အတွင်းမှာတော့ ပညာရေးရာ အပိုင်းအခြားတွေမှာ နိုင်ငံတကာ အဆင့်ကို လွှမ်းမိုးမယ့် အနေအထားကို မရောက်လင့် ကစား နိုင်ငံတကာရဲ့ အထောက်အကူတွေကို ရယူနိုင်ပြီးတော့ အစကနေပြီးတော့ လမ်းကြောင်းတွေ ဖော်ပြီးတော့ လမ်းကြောင်းမှန်တွေပေါ် တစ တစ ရောက်လာပါလိမ့်မယ်။

ကျန်းမာရေး အနေအထားမှာတော့ အားလုံးရဲ့ ကျန်းမာရေးမှာ အနည်းငယ် သတိထားရမယ်။ ခါတိုင်းထက် ပိုပြီး ရောဂါ ဝေဒနာလေးတွေ ဖြစ်ပေါ်မှုလေးတွေ ရှိမယ်။ အထူးသဖြင့် ၂၀၁၆ ဇန်န၀ါရီ၊ မတ်၊ မေ၊ ဇွန်၊ အောက်တိုဘာတွေ မှာ ရောဂါ ဝေဒနာလေးတွေ Outbreakလို ပြန့်ပွားမှု ရောဂါ ပိုးလေးတွေ ဖြန့်ကျက် မှုလေးတွေ ကမ္ဘာ နဲ့ အနှံ့ ဖြစ်ပေါ်မှုဟာ ကမ္ဘာသား အဆင့် တဆင့် ကနေ မြန်မာနိုင်ငံ ကို ကူးတာလေးတွေ ဖြစ်တတ်တယ်။ ဒါပေမယ့်လည်း ကြီးမားတဲ့ အညံ့အဆိုးကြီးတော့ ကြောက်စရာ မရှိပါ။

စစ်ရေး အနေအထား ပဋိပက္ခ ငြိမ်းချမ်းမှုဘက်ကို လှည့်မယ်။ ငြိမ်းချမ်းမှု အပြည့်တော့ မရပါ။ မြန်မာနိုင်ငံမှာ ရှိတဲ့ စစ်မီး ကတော့ ခါတိုင်းနှစ်ထက် ပိုပြီးတော့ လျော့ကျသွားပါမယ်။ ငြိမ်းချမ်းမှု အတွက် ဆောင်ရွက်မှု အတိုင်းအတာမှာ ၄၀ ရာခိုင်နှုန်း ကနေ ၆၀ ရာခိုင်နှုန်း အထိ ကောင်းသော အနေအထားဘက် ကို ရောက်မယ်။ အပြည့်အ၀ ရခြင်းတော့ မရှိနိုင်သေးပါ။

အနာဂတ်ရဲ့ အနေအထားမှာ တိုင်းရေး ပြည်ရေး အနေအထားမှာ တရားဥပဒေ စိုးမိုးရေးနဲ့ ပတ်သက်တဲ့ ကိစ္စရပ်တွေမှာတော့ ခါတိုင်းထက် ပိုပြီးတော့ အဆင်ပြေလာမယ်။ ဒါပေမယ့် လာဘ်စားခြင်း ကိစ္စ တွေကတော့ ပပျောက်ခြင်း မရှိဘူး။ ငြိမ်သက်ခြင်းလည်း မရှိဘူး။ ပိုပြီး တိုးပွားလာစရာ အကြောင်း ရှိတာကိုတော့ သတိထားရမယ့် နှစ်တခု ဖြစ်ပါတယ်။

တနှစ်တာ အတွင်း ကံကောင်းခြင်းများ ရစေဖို့ အတွက် တဦးနဲ့ တဦး မေတ္တာထားပြီး အားလုံး ညီညွတ်စွာ နေကြဖို့ပါပဲ။ ကျေးဇူးတင်ပါတယ်။

နက္ခတ်ဗေဒင် ပညာရှင် စံဇာနည်ဘိုရဲ့ ၂၀၁၆ နှစ်ကြို မြန်မာနိုင်ငံနဲ့ နိုင်ငံသား အတွက် ကြိုတင် ဟောကိန်း ဖြစ်ပါတယ်။

မသိင်္ဂီထိုက်/VOA
http://burmese.voanews.com/content/horoscope-predictions-by-sanzarnibo/3127400.html

Author Name

Contact Form

Name

Email *

Message *