01/03/16


snld-sailate-620.jpg
SNLD ပါတီရဲ့ တွဲဖက်အထွေထွေအတွင်းရေးမှူး ဦးစိုင်းလိတ်ကို တွေ့ရစဉ်
Photo: RFA

ရှမ်းပြည်နယ် မြောက်ပိုင်း ကွတ်ခိုင်နဲ့ မူဆယ်မြို့နယ်က ကျေးရွာတွေမှာ ကချင် လွတ်မြောက်ရေးတပ်မတော် KIA က ရွာသားတွေကို တပ်သားသစ်အဖြစ် အဓမ္မ ဖမ်းဆီးထားတာတွေကို အမြန်ဆုံးပြန်လွတ်ပေးဖို့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SLND က တောင်းဆိုလိုက်ပါတယ်။

KIA ဗဟိုဌာနချုပ်အနေနဲ့ အခုဖြစ်စဉ်တွေကို တာဝန်ယူဖို့ ကြေညာချက်ထုတ်ပြန်ပြီး တောင်းဆိုရတာ ဖြစ်တယ်လို့ SNLD ပါတီရဲ့ တွဲဖက်အထွေထွေ အတွင်းရေးမှူး ဦးစိုင်းလိတ်က ပြောပါတယ်။

"အမျိုးသားပြန်လည်ရင်ကြားစေ့ရေး၊ နောက်ပြီးတော့မှ ငြိမ်းချမ်းရေးကို ပြန်လည်ဖော်ဆောင်နေတဲ့ ကာလဖြစ်တယ်၊ မလိုလားအပ်တဲ့ တိုင်းရင်းသား အချင်းချင်း ကြားထဲက ပြဿနာ၊ နောက်အရပ်ဖက်၊ စစ်ဖက် ဆက်ဆံနေတဲ့ ပြဿနာတွေကို ဖန်တီးနေတဲ့ ပုံစံမျိုးကိုတော့ ကျနော်တို့အနေနဲ့ လုံးဝကို လက်မခံနိုင်ပါဘူး၊ ဒါကြောင့်ဒီကိစ္စကို အမြန်ဆုံးဖြေရှင်းတဲ့အနေနဲ့ ဖမ်းဆီး ခေါ်ဆောင်သွားတဲ့သူတွေကို အမြန်ဆုံးပြန်လွှတ်ပေးပြီးတော့မှ တောင်းပန် သင့်ရင်လည်း တောင်းပန် ရမှာပေါ့နော်၊ နောင်နောက် အဲ့လိုကိစ္စမျိုးမပေါ်ပေါက်အောင် KIA အနေနဲ့ သူ့ရဲ့လက်အောက်တပ်ဖွဲ့တွေကို တိတိကျကျလမ်းညွှန်ပေးဖို့ ကျနော် တိုက်တွန်း လိုပါတယ်"

ပြီးခဲ့တဲ့ ဒီဇင်ဘာလ ၂၈ ရက်နေ့ကတည်းက KIA က မူဆယ်နဲ့ ကွတ်ခိုင်မြို့နယ်တွေ ထဲက အမျိုးသမီး၊ အမျိုးသား ၁၅ ဦး ခန့်ကို ဖမ်းဆီးခေါ်ဆောင်သွားပြီး အများစုက ရှမ်းနဲ့ ပလောင် တိုင်းရင်းသားတွေဖြစ်ကြပါတယ်။

ကွတ်ခိုင်နဲ့ မူဆယ်မြို့နယ်ထဲမှာ KIA တပ်မဟာ ၄ လှုပ်ရှားတဲ့နယ်မြေဖြစ်ပြီး တစ်ရွာ နှစ် ယောက်နှုန်း တပ်သားသစ်ပေးဖို့ ရွာသူကြီးတွေဆီ KIA ရဲ့ ရုံးတံဆိပ်ပါ စာရွက်တွေ နဲ့ တောင်းဆိုတာဖြစ်တယ်လို့ ပြောပါတယ်။

ငြိမ်းချမ်းရေးအသွင်ကူးပြောင်းရေးကာလမှာ အခုလို အဓမ္မ ဖမ်းဆီးပြီး တပ်သားသစ် စုဆောင်းမှုကို ကန့်ကွက်ရှုတ်ချကြောင်းနဲ့ ဖမ်းဆီးထားသူတွေကို အမြန်ဆုံး ပြန်လွတ်ပေးဖို့ SNLD ပါတီရဲ့ ကြေငြာချက်မှာပါတယ်။

RFA

မြိတ်မြို့၊ ငွေပုလဲရပ်၊ မွေးမြူရေးဇုံတွင် လူသတ်ပြီး အလောင်းဖျောက်ထားသည်ကို အသတ်ခံရသူက အမေဖြစ်သူထံ ၀ိဥာဉ်ပူးပြီး အကူညီ တောင်းရာမှ အမှုအား ဇန်န၀ါရီ ၃ ရက်တွင် ဖော်ထုတ်နိုင်ခဲ့ကြောင်း သိရသည်။

မြိတ်မြို့၊ မြိတ်တောင်ကျေးရွာအုပ်စု၊ ငွေပုလဲရပ်၊ မြို့ပတ် ၂ လမ်း၊ မွေးမြူရေးဇုန်ရှိ ခြံအမှတ် ၉ တွင် ကြက်မွေးမြူရေးလုပ်ငန်း လုပ်ကိုင်နေသည့် ဦးအောင်မိုးဆွေ ပျောက်ဆုံးနေသည်မှာ တစ်လခန့် ကြာမြင့်ပြီ ဖြစ်သောကြောင့်
အစ်ကိုဖြစ်သူက ရန်ကုန်မြို့တိုင်းဒေသကြီး၊ မှော်ဘီမြို့နယ်မှ မြိတ်မြို့သို့ လာရောက်ကာ ရဲစခန်းတွင် တိုင်ချက်ဖွင့်ပြီး တစ်ရက်အကြာတွင် ဖော်ထုတ်နိုင်ခဲ့ခြင်း ဖြစ်ပါသည်။

“ကျွန်တော်တို့ဆီကို ဇန်န၀ါရီလ ၂ ရက်နေ့မှာ လူပျောက်တိုင်ချက် လာဖွင့်ပါတယ်။ ကျွန်တော်တို့ ပတ်ဝန်းကျင်ကို သွားရောက်စုံစမ်းကြည့်တော့ ဘေးပတ်ဝန်းကျင်က လူတွေကလည်း အဲဒီခြံထဲမှာ တစ်ခုခု ဖြစ်နေကြောင်း မသင်္ကာ ဖြစ်နေတယ်လို့ သိရတယ်။ ကျွန်တော်တို့ ခြံထဲဝင် စစ်ဆေးကြည့်ပြီး အလောင်းမြှုပ်ထားနိုင်တယ်လို့ မသင်္ကာဖြစ်တဲ့ နေရာကို သက်သေတွေနှင့် တူးဖော်ရာကနေ အလောင်းကို တွေ့ရှိခဲ့တာပါ။ ၀ိဥာဉ်ပူးပြီး ဖော်ထုတ်တယ် ဆိုတာကတော့ ကာယကံရှင်တွေပဲ သိမှာပါ။ ကျွန်တော်တို့က ဥပဒေပိုင်းအရ ဆောင်ရွက်တာပါ” လို့ မြိတ်မြို့မ ရဲစခန်းမှ တာဝန်ကျ ရဲတပ်ဖွဲ့ဝင် တစ်ဦးမှ ပြောကြားခဲ့သည်။

ဦးအောင်မိုးဆွေက အမေဖြစ်သူထံ ၀ိဥာဉ်ပူး အကူညီ တောင်းဆိုမှုကြောင့် အလောင်းကို ခြံထဲတွင် မြှုပ်နှံထားသည်ကို သိရှိခဲ့ခြင်းဖြစ်ကြောင်း အသတ်ခံရသည့် ဦးအောင်မိုးဆွေ၏ အကိုဖြစ်သူ ဦးထင်အောင်စိုးက ပြောကြားခဲ့သည်။

“ကျွန်တော့်အမေကို ၀ိဥာဉ်ဝင်ပူးပြီး ညီလေးက ပြောတာပါ။ ဇန်န၀ါရီလ ၂ ရက်နေ့က ကျွန်တော်က မြိတ်ကို ရောက်နေပါပြီ။ မှော်ဘီမှာရှိတဲ့ ကျွန်တော့်အမေကို ၀ိဥာဉ်ဝင်ပူးပြီး ညီလေးက အသတ်ခံရကြောင်း သူဘယ်မှ မသွားပဲ ခြံထဲမှာရှိကြောင်း သူ့ကို ကူညီပေးပါလို့ ပြောတယ်။ အိပ်မက်လည်း ရပါတယ်။ အဲဒါကို အမေက ကျွန်တော့်ဒေါ်လေးကို ပြောပြတာ ဒေါ်လေးက ကျွန်တော့်ဆီ ဖုန်းလှမ်းဆက်ပြီး အဲဒီအကြောင်း ပြောပြတာပါ။ ကျွန်တော် မြိတ်ရောက်တော့ ကျွန်တော့်ညီ ဘယ်မှာလဲလို့မေးတော့ ခြံအလုပ်သမားတွေက ထားဝယ်ဘက် သွားနေတယ်လို့ ပြောတယ်။ ဖုန်းထဲမှာလည်း သူမသေခင်တုန်းက ခရီးထွက်စရာရှိကြောင်း တစ်လလောက်ကြာမယ်လို့လည်း message တွေ ပို့ခဲ့တယ်။ ကျွန်တော်က မသင်္ကာလို့ ရဲစခန်းမှာ လူပျောက်တိုင်ချက် ဖွင့်ထားခဲ့တယ်” ဟု အသတ်ခံရသူ၏ အစ်ကိုဖြစ်သူ ဦးထင်အောင်စိုးမှ ပြောကြားခဲ့သည်။

"အလောင်း မတွေ့ခင်မှာ ကျွန်တော်ဆီ ဖုန်းဝင်လာပါတယ်။ ဦးထင်အောင်စိုးရဲ့ဖုန်း ဖြစ်ပါတယ်။ ဒါပေမယ့် ကျွန်တော် ကြားလိုက်ရတာကတော့ ကျွန်တော့်သူငယ်ချင်း အောင်မိုးဆွေ (အသတ်ခံရသူ)ရဲ့အသံ ဖြစ်နေတယ်။ သူ့ရဲ့ ဖုန်းပြောတဲ့ပုံစံအတိုင်း ဟဲလို အောင်မိုးဆွေပါလို့ ပြောပါတယ်။ ပြီးတော့ ငါတော့ ဒီမှာ ဒုက္ခရောက်နေပြီ။ ငါ့ကို မင်းနဲ့ ဇော်ကိုဦး (နောက်သူငယ်ချင်းတစ်ဦး) ပဲ ကယ်လို့ရတော့မယ်။ ငါ့ကို ခြံထဲမှာ မြုပ်ထားကြတယ်လို့ ငိုသံနှင့် ပြောပါတယ်။ ကျွန်တော်လည်း အရမ်းအံ့သြသွားတယ်။ နောက်တော့ သူ့အစ်ကို ဦးထင်အောင်စိုးကို မေးကြည့်တော့ သူဖုန်းခေါ်တာ မှန်ပါတယ်။ ဒါပေမယ့် ဖုန်းဝင်တဲ့ အသံပဲ ကြားနေရတယ် ဖုန်းတောင် မပြောရသေးဘူးလို့ ပြောပါတယ်။ ဖုန်းဝင်တဲ့အသံကို တစ်ဖက်က ကြားနေရပေမယ့် ကျွန်တော့်ဆီမှာကတော့ အောင်မိုးဆွေရဲ့ အသံကို အတိုင်းသား ကြားနေရတာပါ။ ဒါ ကျွန်တော်ကိုယ်တိုင် ကြုံတွေ့ရတာပါ” လို့ ကိုအောင်မိုးဆွေ၏ သူငယ်ချင်းဖြစ်သူ ၀တုတ် (ခ) ကျော်ဝင်းရှိန်မှ ပြောကြားခဲ့သည်။

“ခြံထဲက လက်ရှိအလုပ်သမားတွေကို ခေါ်ယူစစ်ဆေး ပြီးပါပြီ။ ပြစ်မှုကျူးလွန်တဲ့ ဇင်ကိုထိုက် (၁၇) နှစ်ကို မိထားပြီးပါပြီ။ အဓိက တရားခံလို့ ယူဆရတဲ့ ရဲမင်းဆွေ ဆိုသူကို အခု လိုက်လံ ဖမ်းဆီးနေပါတယ်။ အလုပ်ထဲက ထုတ်ခံထားရတာကို အကြောင်းပြပြီး ဖြစ်တာလို့ ပြောတယ်။ မိထားတဲ့ သူကတော့ ၀န်ခံထားပြီးပါပြီ။ ဗိုက်ကို ဓားနှင့်ထိုးတယ်။ ပြီးတော့ လည်ပင်းကိုလည်း ဓားနဲ့ ထိုးထားပါတယ်။ ပြီးတော့ မြန်မာဘီယာကြော်ငြာ ဗီနိုင်းစနဲ့ ပတ်ပြီး ခြံထဲမှာ မြှုပ်ထားခဲ့တယ်။ ပတ်ဝန်းကျင်ကိုလည်း အလုပ်ရှင် ခရီးထွက်နေတယ်လို့ပြောပြီး သူတို့က ဟန်မပျက် ပုံမှန် လုပ်ငန်း လုပ်နေကြတယ်။ အခု တစ်ယောက် ထွက်ပြေးနေလို့ ကျွန်တော်တို့ တပ်ဖွဲ့ဝင်တွေ လိုက်ဖမ်းနေပါတယ်” ဟု မြို့မရဲစခန်းမှ တာဝန်ရှိသူ တစ်ဦးမှ ပြောကြားခဲ့သည်။

အဆိုပါ အမှုနှင့် ပတ်သက်ပြီး မြိတ်မြို့မရဲစခန်းမှ (ပ ) ၁၂/၂၀၁၆၊ ပြစ်မှုပုဒ်မ ၃၀၂၊ ၂၀၂၊ ၁၁၄ တို့ဖြင့် အမှုဖွင့် ဆောင်ရွက်ထားကြောင်း သိရသည်။

■ ဇော်မိုးဦး (မြိတ်)
Eleven Media Group


ကချင်ပြည်နယ် လိုင်ဇာက KIA တပ် လေ့ကျင့်ရေး သင်တန်းကျောင်း မြင်ကွင်း ။ (ဖေဖော်ဝါရီလ၊ ၁၃ ၂၀၁၂။)
ကချင်ပြည်နယ် လိုင်ဇာက KIA တပ် လေ့ကျင့်ရေး သင်တန်းကျောင်း မြင်ကွင်း ။ (ဖေဖော်ဝါရီလ၊ ၁၃ ၂၀၁၂။)

ကချင်လွတ်မြောက်ရေးအဖွဲ့ KIO လက်အောက်ခံ (KIA) တပ်က စစ်မှုထမ်းဖို့ ခေါ်ဆောင်သွားတဲ့ ရှမ်းပြည်နယ်မြောက်ပိုင်း မူဆယ်၊ ကွတ်ခိုင်က ဒေသခံအရပ်သားပြည်သူတွေ အမြန်ဆုံး ပြန်လွှတ်ပေးဖို့ ရှမ်းတိုင်းရင်းသားများဒီမိုကရေစီအဖွဲ့ချုပ်ဘက်က KIA ကို တောင်းဆိုလိုက်ပါတယ်။ အမျိုးသားပြန်လည်ရင်ကြားစေ့ရေးအတွက် တိုက်ခိုက်တဲ့နည်းလမ်းနဲ့မဟုတ်ပဲ နိုင်ငံရေးနည်းလမ်းနဲ့ အဖြေရှာဖို့ကိုလည်း SNLD က တိုက်တွန်းပါတယ်။ ရှမ်းလူငယ်တွေဘက်ကလည်း ရှမ်းပြည်သူတွေကို ဒီလိုစစ်မှုထမ်းစေခိုင်းတာ မလုပ်ဖို့ ကချင်တပ်တာဝန်ရှိသူတွေကို တောင်းဆိုပါတယ်။ အသေးစိတ် မဆုမွန် ဆက်ပြောပြပါမယ်။

ရှမ်းပြည်နယ် မြောက်ပိုင်း ကွတ်ခိုင်မြို့နယ်၊ မူဆယ်မြို့နယ်တွေက အရပ်သားရှမ်းပြည်သူလူထုကို ကချင်လွတ်မြောက်ရေးအဖွဲ့ KIO လက်အောက်ခံ KIA ကချင်တပ်ကနေ စစ်မှုထမ်းဖို့ဆိုပြီး အတင်းအဓမ္မ ဖမ်းဆီးခေါ်ဆောင်နေတဲ့ကိစ္စကို ရှမ်းလူထုကွန်ရက် ရှမ်းလူငယ်တွေနဲ့ ရှမ်းစာပေယဉ်ကျေးမှုအဖွဲ့တွေဘက်က တင်ပြလာတဲ့ အပေါ် ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ပါတီအနေနဲ့ ဒီဖြစ်ရပ်တွေအပေါ် စိုးရိမ်ပူပန်တဲ့အတွက် အခုလို သတင်း ထုတ်ပြန်ကြေညာချက် ထုတ်ရတာဖြစ်တယ်လို့ SNLD ပါတီက ပြောပါတယ်။

တိုင်းရင်းသား လူမျိုးစုအချင်းချင်း ပဋိပက္ခ မဖြစ်စေချင်တဲ့အတွက် စည်းလုံးညီညွတ်ရေးကို ရှေးရှု့ပြီး နှစ်ဦး နှစ်ဘက်ပြေလည်စေမယ့် နည်းလမ်းတွေနဲ့ ဖြေရှင်းစေချင်ပါတယ်လို့ KIO တာဝန်ရှိသူတွေကို တောင်းဆိုလိုတယ်လို့ SNLD ပါတီ အတွင်းရေးမှူး ဦးစိုင်းညွန့်လွင်က အခုလိုပြောပါတယ်။

“အားလုံးပြေပြေလည်လည်ဖြစ်စေချင်တာပါ။ လူထုတွေကို အေးအေးချမ်းချမ်းနေစေချင်တယ်။ အထူးသဖြင့် တိုင်းရင်းသားအချင်းချင်း ပဋိပက္ခ မဖြစ်စေချင်ဘူး။ အဲ့ဒါပါပဲ အဓိက ကတော့လေ။ လူထုပေါ့နော် မဲဆန္ဒရှင်တွေပေါ့။ သူတို့ရဲ့ ဖိအားတွေကြောင့်ပါ။ သူတို့က ရွေးကောက်ပွဲပြီးသွားတဲ့အခါကျတော့ ဒီလို လူထုတွေ ဒုက္ခရောက်နေတာကို ပါတီတွေက ဒီအတိုင်းပဲ ကြည့်နေသလား ဆိုပြီးတော့ ဖိအားတွေ အများကြီးပေးလာပါတယ်။”

ပြီးခဲ့တဲ့ ၂၀၁၅ ဒီဇင်ဘာလကုန်ပိုင်း နှစ်သစ်ကူးတဲ့ချိန်ရှမ်းပြည်နယ် မူဆယ်မြို့နယ်အတွင်း ကျေးရွာအလိုက် ရှမ်းနှစ်သစ် ကောက်သစ်စားပွဲတော် အလှည့်ကျ ကျင်းပနေချိန် နမ့်အွမ်ကျေးရွာမှာ ကျင်းပတဲ့ ကောက်သစ်စားပွဲတော်ကို လာရောက်ကြတဲ့ ရှမ်းလူငယ်တွေနဲ့ တအောင်း ပလောင် လူငယ်တွေကို ကေအိုင်အေ ကချင်တပ်ဘက်က ဒီဇင်ဘာလ ၂၈ ရက်နေ့က ငါးဦးတခါ ဒီဇင်ဘာ ၂၉ ရက်နေ့ ဆယ်ဦးတခါ ဖမ်းဆီးခေါ်ဆောင်သွားတဲ့ကိစ္စကို ရှမ်းစာပေနဲ့ယဉ်ကျေးမှုကော်မတီဘက်က ရှုတ်ချကြောင်းလည်း ပြောဆိုထားပါတယ်။

ရှမ်းလူငယ်တွေ စုပေါင်းဖွဲ့စည်းထားတဲ့ ရှမ်းလူငယ်ကွန်ရက်အနေနဲ့ ဒေသတွင်း တည်ငြိမ်အေးချမ်းရေးနဲ့ ပြည်သူတွေ စိတ်ချလုံခြုံစွာ ဘေးကင်း လုံခြုံနေထိုင်နိုင်ရေးတို့အတွက် ကချင်လက်နက်ကိုင်တပ်အနေနဲ့ အခုလက်ရှိ ဖမ်းဆီးထားတဲ့ ရှမ်းပြည်သူတွေကို အမြန်ဆုံးပြန်လွှတ်ပေးစေဖို့ တောင်းဆိုပါတယ်လို့ ရှမ်းလူငယ်ကွန်ရက် ပြောခွင့်ရ ကိုစိုင်းနော်စိုင်းကလည်း ပြောပါတယ်။

“ကျနော်တို့ကတော့ အခုလက်ရှိ ငြိမ်းချမ်းရေး ဖော်ဆောင်နေတဲ့အချိန်ကာလမှာ လူမျိုးတမျိုးနဲ့ တမျိုးကြား အဲ့ဒီလိုမျိုး ပဋိပက္ခဖြစ်စေနိုင်တဲ့ အနေအထားမျိုးကို မဖြစ်စေချင်ဘူးဗျာ။ ကျနော်တို့ ငြိမ်းငြိမ်းချမ်းချမ်း နဲ့ ငြိမ်းချမ်းတဲ့ နည်းလမ်းလေးတွေပဲ ကျနော်တို့ ဖြစ်စေချင် ပါတယ်။ ခေါ်ဆောင်ထားတယ် ဆိုလို့ရှိရင်လည်းပြန်လွှတ်ပေးဖို့ လူငယ်ကွန်ရက်အနေနဲ့ တောင်းဆိုချင်ပါတယ် ခင်ဗျ။”

အခုလို အရပ်သားရှမ်းလူငယ်တွေကို ဖမ်းဆီးခေါ်ဆောင်သွားတဲ့ ကိစ္စနဲ့ပတ်သက်ပြီးလည်း ကေအိုင်အိုတာဝန်ရှိသူတွေနဲ့ သွားရောက်တွေ့ဆုံ မေးမြန်းခဲ့စဉ်ကတော့ ငြင်းချက်ထုတ်ပါတယ်လို့ ရှမ်းလူငယ်ကွန်ရက်က ကိုစိုင်းကျော်သီဟက ပြောပါတယ်။

“လူ့အခွင့်အရေး ချိုးဖောက်ခံရတဲ့အမှုတွေမှာ အရင်တုန်းကဖြစ်ခဲ့တဲ့အမှုတွေမှာ KIO ကလည်း ကျူးလွန်ခဲ့တာ အများကြီးရှိခဲ့ကြောင်း ကျနော်တို့တင်ပြတော့ သူတို့က အဲဒီတုန်းကတော့ စစ်ရေးအခြေအနေ ကြောင့်ဖြစ်ခဲ့ရတာရှိတာပေါ့နော်။ ပြီးတော့ သူတို့လည်း တော်လှန်ရေးအခြေအနေကြောင့် အဲဒီလိုလုပ်ခဲ့ရတာပေါ့သူတို့က။ ဒါပေမယ့် နောက်မှာ ရှမ်းအမျိုးသားတွေနဲ့ စည်းလုံးညီညွတ်ရေးအတွက် ရည်ရွယ်ပြီးမှ စုဆောင်းရေး ရှမ်းအမျိုးသားတွေကို စုဆောင်းရေး မလုပ်တော့ဘူး ဆိုပြီးတော့မှ ၂၀၁၃ ကတည်းက policy ထုတ်ထားတယ်ပေါ့။ နောက်ပြီးတော့ ဒီလို လူ့အခွင့်အရေး ချိုးဖောက်တာတွေအတွက်တော့ သူတို့ဆီမှာ Policy တော့ မရှိဘူးပေါ့နော်။ ဒါပေမယ့် အောက်ခြေက ရှိနိုင်တယ်ပေါ့နော်။ အဲဒီအတွက် သူတို့ နောက်နောင်မှာ သူတို့ အဲဒီလိုမျိုးမဖြစ်ရအောင် သူတို့ပြန်ပြီးတော့မှ ကော်မတီ အရှေ့မှာ သေချာဆွေးနွေးပြီးတော့မှ ကြပ်မတ်သွားမယ်လို့ အဲဒီလိုပြောခဲ့တယ်လေ။”

အခုအချိန်အခါဟာ အမျိုးသားပြန်လည်ရင်ကြားစေ့ရေးကို အဓိက ဦးစားပေး ဆောင်ရွက်နေတဲ့ ကာလ ရွေးကောက်ပွဲအနိုင်ရပါတီကို အာဏာလွှဲပြောင်းပေးရေး အတွက် ညှိနှိုင်းဆောင်ရွက်နေတဲ့ အလွန်သိမ်မွေ့တဲ့ အချိန်အခါဖြစ်တယ်ဆိုတာကိုလည်း SNLD သူတို့ရဲ့ ထုတ်ပြန်ချက်ထဲ ထည့်သွင်းထားပါတယ်။

တိုင်းပြည် တည်ငြိမ်အေးချမ်းရေးကို ရှေးရှု့ပြီး နိုင်ငံရေးနည်းလမ်းနဲ့ဖြေရှင်းဖို့ KIA ကို အလေးအနက်ထား တိုက်တွန်းပြောကြားလိုပါတယ်လို့ SNLD ပါတီ ပြောခွင့်ရ ဦးစိုင်းညွန့်လွင်ကပြောပါတယ်။

“ဒီအချိန်မှာတော့ အားလုံးက ငြိမ်းငြိမ်းချမ်းချမ်းနဲ့ နိုင်ငံရေးကိစ္စအနေနဲ့ပဲ ဆွေးနွေးစေချင်တယ်။ နိုင်ငံရေးနည်းနဲ့ပဲ စည်းစားစေချင်တယ်။ ဒီအချိန်မှာတော့ စစ်ရေးနည်း အနေနဲ့ မစဉ်းစားစေချင်ဘူး။ ဖြစ်နိုင်သလောက် ကျနော်တို့ လူမျိုးစုအချင်းချင်းမှာ တတ်နိုင်သလောက် ကျနော်တို့ စည်းစည်းရုံးရုံးနဲ့ ညီညီညွတ်ညွတ်နဲ့ တိုင်တိုင်ပင်ပင်နဲ့ လုပ်ချင်တယ်။ အဲဒါဆို ပိုကောင်းတယ်လို့ ကျနော်မြင်ပါတယ်။”

တတိုင်းပြည်လုံး ပစ်ခတ်တိုက်ခိုက်မှုရပ်စဲပြီး ငြိမ်းချမ်းရေးရအောင်လည်း နိုင်ငံရေး တွေ့ဆုံဆွေးနွေးပွဲတွေဖြစ်မြောက်ရေး အားလုံးက ဝိုင်းဝန်းကြိုးပမ်း အားထုတ်နေတဲ့ အချိန်ဖြစ်သလို ဒေသတွင်း အရပ်သူအရပ်သားပြည်သူလူထုရဲ့ လုံခြုံရေး၊ အေးချမ်းသာယာမှုရှိစေရေး အားလုံးက ကာကွယ်စောင့်ရှောက်ရမယ့် ဒီလို အချိန်မှာ အခုလို ပြည်သူလူထုကို အတင်းအဓမ္မ ဖမ်းဆီးခေါ်ဆောင် စစ်မူထမ်းစေခိုင်းတာာဟာ အလွန်အင်မတန် မလျော်ကန်တဲ့ လုပ်ရပ်အဖြစ် ပြစ်တင်ရှုတ်ချကြောင်းနဲ့ ဖမ်းဆီးခေါ်ဆောင်သွားသူတွေကို အမြန်ဆုံး လွှတ်ပေးဖို့ SNLD ဘက်က အလေးအနက်တောင်းဆိုပါတယ်လို့လည်း SNLD ပါတီ အတွင်းရေးမှူးက ပြောပါတယ်။

ဒီကိစ္စနဲ့ပတ်သက်ပြီး ကချင်လွတ်မြောက်ရေးအဖွဲ့ KIO ကချင်တပ် KIA တာဝန်ရှိသူတွေကို ဗွီအိုအေမြန်မာပိုင်းကို ဆက်သွယ်မေးမြန်းဖို့ကြိုးစားပေမဲ့ ဆက်သွယ်လို့မရခဲ့ပါဘူး။

မဆုမွန်/VOA
http://burmese.voanews.com/content/to-release-the-shan-porter-form-kia-army-/3129165.html

ရွေးကောက် ပွဲအနိုင်ရ ပါတီ အမျိုးသားဒီမိုကရေစီ အဖွဲ့ချုပ်၏ ရန်ကုန်မြို့ရုံးချုပ်တွင် ၆၈ ကြိမ်မြောက် လွတ်လပ်ရေးနေ့ အခမ်းအနားကို ဇန်နဝါရီ လ ၄ ရက် နံနက် ၁၀ နာရီတွင် ကျင်းပပြုလုပ်သွားမည်ဖြစ်သည်။

လွတ်လပ်ရေးနေ့အခမ်းအနားသို့ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကိုယ် တိုင် တက်ရောက် မိန့်ခွန်းပြောကြားမည်ဖြစ်ကာ လွတ်လပ်ရေးနေ့ အထိမ်းအမှတ် စတုဒီသာ ကျွေးမွေးခြင်းများကိုလည်း ပြုလုပ်မည် ဖြစ်ကြောင်း ရန်ကုန်တိုင်းဒေသကြီး အမျိုးသားဒီမိုကရေစီ အဖွဲ့ချုပ်ရုံးမှ သိရသည်။

#7 Day News journal

မြန်မာပြည်မှ အသက် ၂၀ ကျော်ရှိတဲ့ လူငယ်လေးဖြစ်တဲ့ ရဲရင့်ဟိန်းဟာ ဒေါ်အောင်ဆန်းစုကြည်၏ ပုံကို ကြက်ဥပေါ်တွင် ဓားဖြင့် ခြစ်ပြီး ဖန်တီးခဲ့ပါတယ်။

ကြက်ဥဆိုတာဟာ အဓိအခိုက် မခံတဲ့ အရာဖြစ်ပြီးတော့ ဓားဖြစ်ခြစ်ပြီး ပုံဖန်တီးတယ်
ဆိုတာ လွယ်ကူတဲ့ ကိစ္စမဟုတ်ပါဘူး။ သို့သော် ရဲရင့်ဟိန်းဟာ တစ်နာရီ နာရီဝက်
လောက်အတွင်းပဲ ဖန်တီးနိုင်ခဲ့ကြောင်း ပစ်တိုင်းထောင်ကို ပြောပါတယ်။

နောက်ထပ်ဖန်တီး မူတွေကို များစွာ လုပ်ဖို့ ရှိပြီးတော့ ရဲရင့်ဟိန်းဟာ ခဲပန်းချီ
ဖန်းတီးမူများ၊ 3D ဖန်တီးမူများဖြင့် နာမည်ကျော်ာကားနေသော လူငယ်လေး
တစ်ယောက်ပင် ဖြစ်ပါတယ်။

ကိုကျော် (ပစ်တိုင်းထောင်)
www.pyittinehtaung.com

၂၀၁၅ ခုနှစ်ကတော့ ထင်ရှားတဲ့သမိုင်းမှတ်တိုင်တွေစိုက်ထူလို့ အပြီးတိုင် နှုတ်ဆက်ထွက်ခွာသွားခဲ့ပါပြီ။ မျှော်လင့်ခြင်းတွေ၊ အလင်းရောင်တွေသယ်ဆောင်လို့  ၂၀၁၆ ခုနှစ်ဟာလည်း ဆိုက်ရောက်လို့ နေပါပြီ။

နှစ်ဟောင်းကုန်လို့ နှစ်သစ်ကူးတိုင်းမှာ လူတဦးချင်းစီကစလို့ အဖွဲ့ အစည်း အသင်းအပင်း ကုမ္ပကီတွေကနေ နိုင်ငံတစ်နိုင်ငံရဲ့ အုပ်ချုပ်သူအစိုးရအဖွဲ့ တွေတိုင်အောင် နှစ်ဟောင်းကလုပ်ရပ်တွေ၊ အကျိုးရလာဒ်တွေကို ပြန်လည် သုံးသပ်သင်ခန်းစာယူလို့ နှစ်သစ်အတွက်၊ ရည်မှန်းချက်အသစ်တွေ၊ ရာထားချက်အသစ်တွေ ချမှတ်ကြရပါတယ်။
လောကကြီး အမှားကင်းတဲ့လူဆိုတာ မရှိသလို ၊ အမြဲမှန်တဲ့ အဖွဲ့ အစည်းဆိုတာလည်းမရှိပါဘူး။ ဒါပေမဲ့  တနှစ်ထက်တနှစ် ဘ၀ခရီးတိုးတက်ခြင်သူတိုင်း၊ အောင်မြင်တဲ့စီးပွားရေး၊ လူမှု့ရေး နိုင်ငံရေးအဖွဲ့ အစည်း တိုင်းဟာ နှစ်ဟောင်းတုံးက အတွေးမှား၊ အမြင်မှား၊ အသိမှားတွေကြောင့် လုပ်ဆောင်ကျူးလွန်ခဲ့တဲ့ အပြောမှား၊ အရေးမှား အလုပ်မှားစတဲ့ ကံသုံးပါးအမှားတွေကို ဆင်ခြင်ပြုပြင်ကြမြဲပါ။

အဲ့ဒီလို ကိုယ့်အားနည်းချက်နဲ့ အမှားတွေကို ပြင်ဆင်ကြတဲ့အခါ အထူးသတိပြုဖြည့်ကျင့်ရမဲ့အချက်က အသိနဲ့ အကျင့် တစ်ထပ်တည်းကျခြင်း ဆိုတဲ့ဂုဏ်အရည်အသွေးပါ။
တကယ်တော့ ၀ိဇ္ဇာစရဏသမ္ပန္နော လို့ ခေါ်တဲ့ အသိနဲ့ အကျင့် တစ်ထပ်တည်းကျခြင်း ဂုဏ်တော်ဟာ မြတ်စွာဘုရားရှင်ရဲ့ ဂုဏ်တော်ဖြစ်ပါတယ်။ သိတာက ၀ိဇ္ဇာ၊ ကျင့်တာက စရဏ ပါ။ သိရုံသာသိပြီး မကျင့်ကြံ ဘူးဆိုရင် နိဗ္ဗာန်ကိုမျက်မှောက်မပြုနိုင်သလို ပညာရှိ (ပဏ္ဍိတ) လို့ မခေါ်နိုင်ပါဘူး။ အသိဗဟုသုတများတဲ့ ပုဂ္ဂိုလ်လို့ ပဲခေါ်နိုင်ပါလိမ့်တယ်။

ထိုနည်းတူစွာဘဲ နိုင်ငံရေးအသိတော့ရှိပါရဲ့ လက်တွေ့ မှာလိုက်နှာကျင့်သုံးမှု့ နိုင်ငံရေးအကျင့်မရှိရင် အလကား ဖြစ်တော့တာပါဘဲ။ သာဓကပြရရင် လက်ရှိအာဏာရပါတီနဲ့ အစိုးရဟာ တိုင်းရင်းသားစည်းလုံးညီညွတ်ရေး ရှိရမယ်၊ ပြည်တွင်းစစ်ရပ်စဲပြီး ငြိမ်းချမ်းစေရမယ်၊ တရားဥပဒေစိုးမိုးစေရမယ်၊ အဂတိလိုက်စားမှု့၊ အကျင့်ပျက် ခြစားမှု့တိုက်ဖျက်ရမယ်ဆိုတဲ့ နိုင်ငံရေးအသိတွေ ပိုစတာတွေပေါ် မိန့် ခွန်းတွေပေါ်မှာဘဲရှိနေပြီး လက်တွေ့  ဖြစ်လာအောင် အကောင်အထည်မဖေါ်တဲ့အပြင် ဆန့် ကျင်ဘက်တွေလုပ်ဆောင်တဲ့အခါ ပြည်သူတွေရဲ့ယုံကြည်ကိုးစားမှု့မရဘဲ ရွေးကောက်ပွဲမှာ မရှု့မလှရှူံးနိမ့်ခဲ့ရတာမဟုတ်လား
အသိအကျင့်နဲ့ ပတ်သက်လို့ မြန်မာစကားမှာ ဆိုရိုးတခုရှိပါတယ်။ “ပါးစပ်က ဘုရားဘုရား လက်ကကားယား ကားယား” “ အပြောတခြား အလုပ်တခြား ” စတာတွေဟာ အသိနဲ့ အကျင့်ထပ်တူမကျတဲ့သူတွေကို လူအများရဲ့ ကဲ့ရဲ့တဲ့စကားတွေမဟုတ်လား။ ပြောတော့တမျိုး လုပ်တော့တမျိုး အမြဲလုပ်ကိုင်သူတွေကို ဘယ်သူကမှ လေးစားအားထားလေ့မရှိပါဘူး။
ဒီနေရာမှာ ကြားဖြတ်လို့ စာရေးသူတွေ့ ကြုံခဲ့ရတဲ့ အသိအကျင့်နဲ့ ပတ်သက်တဲ့ အဖြစ်အပျက်လေးတခုကို မျှဝေခြင်ပါတယ်။

ပြီးခဲ့တဲ့နှစ်ဆန်းပိုင်းတုံးက ဇာတိချက်ကြွေ မွေးရပ်မြေကို အလည်ပြန်ဖြစ်တယ်။ အလုပ်ကိစ္စတခုပြီးလို့ အိမ်အပြန်လမ်းက မန္တလေးမြို့ရဲ့နံမည်ကျော် မင်းသီဟ လက်ဖက်ရေဆိုင်တဆိုင်မှာ ထိုင်ဖြစ်ခဲ့တယ်။ အဲ့ဒီဆိုင်က လမ်းမကြီးဘေး မေးတင်ပြီးတည်ရှိနေတာမို့ အမြဲမပြတ်လူစည်နေလေ့ရှိတဲ့အပြင် ကားဆိုင်ကယ်တွေလည်း ကျပ်ညှပ်နေတတ်တယ်။
လက်ဖက်ရေဆိုင်ထဲဝင်ပြီး လူတချို့ ထိုင်နေတဲ့စားပွဲတခုက ခုံလွတ်တလုံးမှာ ၀င်ထိုင်ရင်း ထုံးစံအတိုင်း ဖန်ပေါ့တခွက်မှာသောက်ဖြစ်တယ်။ လူသံဆူသံတွေညံနေတဲ့ကြားက ဘေးတခုံကျော်ဝိုင်းမှာ အာဘောင်အာရင်းသန်သန်နဲ့ စကားပြောနေတဲ့လူတယောက်ရဲ့အသံကို အတိုင်းသားကြားနေရတယ်။
အဲ့ဒီပုဂ္ဂိုလ်ပြောနေတဲ့အကြောင်းက အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ လွတ်လပ်ရေးနဲ့  ပတ်သက်တဲ့ နာမည်ကျော် မိန့် ခွန်းအကြောင်းပါ။ လွတ်လပ်ပြီ လွတ်လပ်ပြီဆိုပြီး လမ်းပေါ်ဆေးရိုးတက်လှမ်း တာဟာ လွတ်လပ်တာမဟုတ်ဘူး ဆိုတဲ့ ဗိုလ်ချုပ်မိန့် ခွန်းကို အားရပါးရပြောနေတော့ ဘေးကလူတွေလည်း ၀ိုင်းနားထောင်နေကြတာပေါ့။
သူပြောနေတာတောင်မဆုံးသေးဘူး စားပွဲထိုးလေးတယောက် ကသောကမျှောပြေးချလာပြီး အဲ့ဒီပုဂ္ဂိုလ်ရဲ့ မော်တော်ဆိုင်ကယ်က ဇက်သော့ခတ်ထားပြီး ရွေ့ မရလို့ လမ်းမှာပိတ်နေပြီး ကားတွေမောင်းမရတော့ကြောင်း လာပြောပါလေရော။ ပိတ်နေတဲ့ကားတွေကစိတ်မရှည်တော့ ကားဟွန်းတွေ တပွမ်ပွမ်တီးလာတော့မှ ဒီလူလည်း သူ့ ဆိုင်ကယ်ကိုသွားဖယ်ပေးဖို့ ထသွားတော့တယ်။

ဒီတော့မှ ကျန်ရစ်တဲ့ ဘေးစားပွဲဝိုင်းက လူတွေက အပြောနဲ့ အလုပ်မညီညွတ်တဲ့ အဲ့ဒီလူကို သူ့ နောက်ကွယ်မှာ ကဲ့ရဲ့စကားဆိုကြတာပေါ့။
စာရေးသူအပါအ၀င် ပုထုဇဉ်လူသားတွေဆိုတာ အမှားမကင်းကြသလို အသိနဲ့ အကျင့်လည်း အမြဲ တစ်ထပ်တည်းကျလေ့မရှိပါဘူး။ ဒါပေမဲ့လည်း အသိမှန်ဖို့ အချိန်နဲ့ အမျှ အမြဲလေ့လာကျိုးကုတ်နေဖို့ လိုသလို အသိအတိုင်းလည်း ကျင့်ကြံအားထုတ်နေဖို့ လိုပါတယ်။ အသိမှန်မှ အလုပ်မှန်နိုင်သလို အသိနဲ့ အကျင့် ထပ်တူကျနိုင်မှ ကောင်းမွန်တဲ့ရလာဒ်တွေထွက်နိုင်တာပါ။

ဒါကြောင့် ရာစုနှစ်ပေါင်းများစွာ လူကောင်းသူကောင်း အာဇာနည်အပေါင်းရဲ့ အသက်သွေးချွေးတွေစတေးလို့  တည်ဆောက်ခဲ့ရတဲ့ မြန်မာ့ဒီမိုကရေစီရေးလမ်းကို ချောမွေ့ ပြီး လိုရာခရီးရောက်နိုင်စေဖို့  စာရေးသူအပါအ၀င် လူတဦးချင်းဆီသာမက၊ ပါတီအဖွဲ့ အစည်းပေါင်းစုံတင်မက၊ နိုင်ငံကိုအုပ်ချုပ်တဲ့အစိုးရတိုင်အောင် အတိတ်က မိမိလုပ်ရပ်တွေကိုဆင်ခြင်သုံးသပ်ရင်း အမှားတွေကိုရဲရဲရင့်ရင့်ပြင်ဆင်လို့ တာဝန်ယူသင့်တာတွေကို တာဝန်ယူလို့ တာဝန်ခံသင့်တာခံရဲကြဖို့ လိုပါတယ်။
တိုင်းသူပြည်သားအားလုံးရဲ့ရေရှည်အကျိုးစီးပွားအတွက် ခွင့်လွှတ်သင့်တာကိုလည်းခွင့်လွှတ်နိုင်ဖို့ လိုသလို၊ အတိတ်ကိုသင်ခန်းစာယူရမှာမို့ မေ့ဖျောက်ပြစ်စရာမလိုပေမဲ့ အတိတ်ရဲ့ ခါးသီးမှု့ဝေဒနာတွေကနေ ရုန်းထွက် လွတ်မြောက်နိုင်မှ ရှေ့ခရီးကို လွတ်လွတ်လပ်လပ် လျှောက်နိုင်မှာမို့ … အတိတ်အကျဉ်းထောင်က ထွက်လို့  လာခြင်းကောင်းတဲ့ခုနှစ်၂၀၁၆ နှစ်သစ်ကို … နိုင်ငံရေးအသိနဲ့ နိုင်ငံရေးအကျင့် ထပ်တူကျဖို့ ကျိုးပမ်းကြမယ် ဆိုတဲ့ သံဓ္ဓိဌာန်ချလို့  လူသစ်စိတ်သစ် အမြင်သစ်အတွေးသစ်တွေနဲ့  ကြိုဆိုကြဖို့ မေတ္တာရပ်ခံတိုက်တွန်း ဆန္ဒပြုလိုက်ရပါကြောင်း…။

လေးစားစွာဖြင့်
(မင်းကောင်းချစ်)
ဇန်န၀ါရီ (၃) ရက်နေ့  ၂၀၁၆ ခုနှစ်

မက္ကဆီကိုနိုင်ငံရဲ့ တမ်မစ်ခ်ကိုမြို့တော်မှာ အသစ်ခန့်အပ်လိုက်တဲ့ မြို့တော်ဝန်ဟာ မြို့တော်ဝန်အဖြစ် ကျမ်းသစ္စာကျိန်ဆိုပြီး နောက်တနေ့မှာပဲ ပစ်သတ်ခံလိုက်ရတယ်လို့ မိုရေလို့စ်ပြည်နယ် အုပ်ချုပ်ရေးမှူး ဂရာကို ရာမီရဇ်က တွစ်တာမှာ ရေးတင်ထားပါတယ်။

မြို့တော်ဝန် ဂီဆဲလာ မိုတာဟာ နှစ်သစ်ကူးရက် ဇန်န၀ါရီ ၁ ရက်နေ့မှာ မြို့တော်ဝန်ရာထူးတာဝန် စတင်ထမ်းဆောင်ပြီး ၂ ရက်န့မှာတော့ သူ့နေအိမ်မှာပဲ သေနတ်သမားတွေ တိုက်ခိုက်တာ ကြုံရတာလို့ မက္ကဆီကို မြို့တော်သတင်းစာ အလ် ယူနီဗာဆယ်မှာ ရေးသားပါတယ်။

ဒေသရဲတပ်ဖွဲ့က နောက်ပိုင်းမှာ တိုက်ခိုက်သူလို့ ယူဆရသူ ၂ ယောက်ကို ဖမ်းမိထားပြီး နောက်ထပ် ၂ ယောက်ကတော့ သေဆုံးသွားတယ်လို့ မိုရေလိုစ် ရှေ့နေချုပ်ရုံးက ထုတ်ပြန်ချက်က ဆိုပါတယ်။

ဒီကိစ္စမှာ သေနတ်သမား ၉ ယောက် ပါဝင်ပတ်သက်နေတယ်လို့ တမ်မစ်ခ်ကို အတွင်းရေးမှူးချုပ် ကားလို့စ် ကလ်တန်ကို က ပြောပါတယ်။

ကွန်ဂရက်စ် ဖက်ဒရယ်အဖွဲ့ဝင်ဟောင်း မိုတာက အကျင့်ပျက်ခြစားမှုတွေကို တိုက်ဖျက်မယ်ဆိုတဲ့ ကတိကြောင့် ခုလို ပစ်မှတ်ထားခံရတာ ဖြစ်မယ်လို့ တာဝန်ရှိသူအချို့က ယူဆထားကြောင်း ကာလ်တန်ကို က ပြောပါတယ်။

မက္ကဆီကိုမှာ မူးယစ်ဆေးဝါး ကုန်ကူးမှုကနေ ငွေကြေးထောက်ပံ့ထားတဲ့ လက်နက်ကိုင်ဂိုဏ်းတွေဟာ ဒေသအာဏာပိုင်တွေ အတော်များများကို ထိန်းချုပ်ထားကြပြီးတော့ မနှစ်တုန်းက မြို့တော်ဝန်အတော်များများ အသတ်ခံခဲ့ရပါတယ်။

By ဒီဗွီဘီ
http://burmese.dvb.no/archives/129532

အမေရိကန်ပြည်ထောင်စု၊ ဗာဂျီးနီးယားပြည်နယ်၊ ချန်တီလီနယ်မြေက ဒဲလပ်စ် အိပ်က်စ်ပိုစင်တာမှာ နှစ်စဉ် ကျင်းပနေကျ “The Nation’s Gun Show” သေနတ်ပြပွဲကို ဇန်န၀ါရီ ၂ ရက်က ကျင်းပပြုလုပ်ခဲ့ပါတယ်။

သေနတ်ကိုင်ဆောင်မှုကို ပိုပြီး တင်းတင်းကျပ်ကျပ် ထိန်းချုပ်တဲ့ စည်းမျဉ်းစည်းကမ်းတွေကို အကောင်အထည်ဖော်မယ် ဆိုတဲ့ သမ္မတ အိုဘားမားရဲ့ စီမံကိန်းကြောင့် သေနတ် ချစ်သူတွေကို လက်နက်နဲ့ ခဲယမ်းမီးကျောက်တွေ ၀ယ်ယူလာအောင် တွန်းအားပေးလိုက်သလိုပဲလို့ ရိုက်တာစ် သတင်းက ဆိုပါတယ်။

အမေရိကန်သမ္မတဟာ ဒီစီမံကိန်းနဲ့ပတ်သက်ပြီးတော့ ကွန်ဂရက်စ်ရဲ့ သဘောတူ ထောက်ခံ ခွင့်ပြုမှု မလိုအပ်တဲ့ ဆောင်ရွက်ချက်တွေကနေတဆင့် သေနတ်ကိုင်ဆောင် အကြမ်းဖက်မှုတွေကို လျှော့ချနိုင်မယ့် နည်းလမ်းတွေကို ဆွေးနွေးဖို့ ရှေ့နေချုပ် လော်ရက်တာ လင့်ခ်ျနဲ့ တွေ့ဆုံဖို့ ရှိနေပါတယ်။

သမ္မတဟာ လက်နက်တွေ အလွယ်ဝယ်လို့ရနေတာတွေနဲ့ သေနတ်တွေ လည်ပတ်တည်ရှိနေတာတွေကြောင့် လူအစုလိုက်အပြုံလိုက် ပစ်သတ်ခံရနိုင်တဲ့အဖြစ်တွေ ပိုများလာနိုင်တယ်လို့ ယုံကြည်နေတာပါ။

သေနတ်ထိန်းချုပ်မှုနဲ့ပတ်သက်ပြီး ထုတ်ဖော် မကြေညာရသေးပေမယ့် အဆိုတင်ထားချက်အရ လက်နက်ငယ်တွေကို ရောင်းချသူတွေအတွက်တောင် ပိုပြီး တင်းကျပ်တဲ့ စည်းမျဉ်းစည်းကမ်းတွေ အပါအ၀င် ရာဇ၀တ်မှုနောက်ကြောင်းရာဇ၀င် ပိုစစ်ဆေးချက်တွေနဲ့ ပျောက်ဆုံး သို့မဟုတ် အခိုးခံ သေနတ်တွေနဲ့ပတ်သက်ပြီး တိုင်ကြားဖို့ ပိုတင်းကျပ်တဲ့ စည်းကမ်းချက်တွေ ပါဝင်လာမယ်လို့ ကျယ်ကျယ်ပြန့်ပြန့် ယူဆထားကြပါတယ်။

အိုဘားမားရဲ့ အဆိုပြုချက်ကို လက်နက်ရောင်းသူတွေက မကြိုက်နှစ်သက်ကြပဲ ပိုပြီး တင်းတင်းကျပ်ကျပ် ထိန်းချုပ်မှုတွေဟာ ပြည်သူတွေရဲ့ ဖွဲ့စည်းပုံအခြေခံဥပဒေပါ အခွင့်အရေးတွေအပေါ် ချိုးဖောက်တာလို့ ယူဆကြပါတယ်။

the Nation’s Gun Show ကို လာရောက်သူ အများစုက သေနတ်ပိုင်ဆိုင်မှုဟာ သူတို့ကို စိတ်လုံခြုံမှု ပိုပေးနိုင်တယ်လို့ ပြောကြပါတယ်။

ပြပွဲပြသသူတွေ ပြောကြားချက်အရ ဒီပြပွဲအတွင်း သေနတ်ပစ်သင်တန်း တက်ဖို့ စာရင်းပေးသွင်းသူ လူပေါင်း ၃၅၀ ကျော် ရှိတယ်လို့ NBC က ပြောသွားပါတယ်။

By ဒီဗွီဘီ

စု။ ။ ရန်ကုန်သားတဲ့။ ရန်ကုန်သား ဆိုတော့ လည်တယ်လို့ ပြောတယ်။
ခပ်ကြွားကြွားပေ့ါ။ (ရယ်သံများ) တိုင်းပြည်တစ်ပြည်မှာတဲ့ စနစ်က အရေးကြီးပါသလား။
ဒါမှမဟုတ် ခေါင်းဆောင်ပိုင်းက ပိုအရေးကြီးပါသလား။
ဒါကတော့ ရှင်းရှင်းလေးပဲ။ စနစ်က ပိုအရေးကြီးပါတယ်။
ဘာဖြစ်လို့ ကျမက ဒီလို ပြောရသလဲဆိုတော့ ခေါင်းဆောင်များက လူတွေပဲ။ ပုထုဇဉ်လူတွေပဲ။
ပျက်စီးနိုင်ပါတယ်။ ဒါကြောင့် လူကို စနစ်နဲ့ ထိန်းထား လိုတာ။ ဒါကြောင့် ဒီမိုကရေစီ၊ ဒီမိုကရေစိ ဆိုပြီး
နားလျှံအောင် ပြောနေတဲ့ကိစ္စ ဖြစ်ပါတယ်။ စနစ်က ထိန်းထားမှ ခေါင်းဆောင်လုပ်တဲ့လူများ မပျက်စီးနိုင်မှာ။
အာဏာသိပ်ရသွားတဲ့အခါကျရင်၊ ရာထူးသိပ်ကြီးသွားတဲ့ အခါကျရင် တစ်ခါတလေ ရိုးရိုးလူတွေဟာ ဒီလို လူတွေကို မချဉ်းကပ်ဝံ့ဘူး။ အဲ့ဒီလို မချဉ်းကပ်ဝံ့တဲ့အခါကျတော့ ဒီလို အာဏာသိပ်ကြီးတဲ့၊ ရာထူးတွေ သိပ်ကြီးသွားတဲ့ လူတွေဟာ အောက်ခြေလွတ်သွားတတ်တယ်။ အများပြည်သူနဲ့ အဆက်ပြတ်
သွားတယ်။
(လက်ခုပ်သံများ)

အဲ့ဒီလို အများပြည်သူနဲ့ အဆက်ပြတ်သွားတဲ့ အခါကျတော့ လုပ်ချင်တာတွေ လျှောက်လုပ်တယ်။
လူထုရဲ့ ဆန္ဒနဲ့ ညီ၊ မညီ ဆိုတာ မသိဘူး။ တစ်ခါတလေ သိရဲ့နဲ့ ဂရုမစိုက်ဘူး။
လူထု။ ။ ဟုတ်ပါတယ်။ ဟုတ်ပါတယ်။

စု ။ ။ အဲ့ဒီလို အဖြစ်မျိုး ဖြစ်တတ်လို့၊ စနစ်က ပိုအရေးကြီးတယ်လို့ ပြောတာ။ ဒီလိုပြောတာ၊ ဒီလိုမဖြစ်နိုင်အောင်လို့ ဒီမိုကရေစီစနစ်က ထိန်းသိမ်းထားနိုင်တယ်။ ဒါကြောင့် ဒီမိုကရေစီစနစ်နဲ့ ပတ်သက်လို့ ပညာရှိကြီးတစ်ဦးက ပြောသွားပါတယ်။ လူသားတွေရဲ့ အားနည်းချက်ကြောင့် ဒီမိုကရေစီစနစ်က လိုကို လိုတယ်တဲ့။ လူသားတွေရဲ့ စွမ်းရည်ကြောင့် ဒီမိုကရေစီစနစ်ဟာ အောင်မြင်မယ်တဲ့။ ဒါကြောင့် ကျွန်မတို့လိုတဲ့ စနစ်ဖြစ်တဲ့ ဒီမိုကရေစီ ရအောင်လုပ်ရမယ်။ ဒီမိုကရေစီစနစ် အောင်မြင်အောင် လုပ်ဖို့ လိုတဲ့စွမ်းအား ရှိတယ်လို့ ကိုယ့်ကိုယ်ကိုယ် ရှိပါတယ်။
စနစ်ကောင်းမှ တိုင်းပြည်ကောင်းမှာပါ။ လူဆိုတာ တစ်ယောက်ကောင်းနဲ့ မဖြစ်ဘူး။ လူတွေဟာ နည်းနည်းပါးပါး တစ်ကိုယ်ကောင်းကြံတဲ့စိတ်ရှိတယ်။ အတ္တစွဲတွေကလည်း အင်မတန်ရှိတယ်။ ဒါကိုလည်း စနစ်နဲ့ ထိန်းသိမ်းဖို့ အင်မတန် အရေးကြီးပါတယ်။
ဒါကြောင့် ကျွန်မ ခဏခဏ ပြောတာပေါ့။
ကျွန်မကို ထောက်ခံတဲ့နေရာမှာ ပုဂ္ဂိုလ်စွဲအနေနဲ့ မထောက်ခံပါနဲ့။ ဒီမိုကရေစီ အတွက် ကြိုးပမ်းနေတဲ့ လူတစ်ယောက်အနေနဲ့ ထောက်ခံပါ။ တစ်နေ့မှာ ကျွန်မရဲ့ အပြုအမူများဟာ ဒီမိုကရေစီကို ထိပါးမယ် ဆိုရင်တော့ ကျွန်မကို ဆက်ပြီး မထောက်ခံပါနဲ့။ (လက်ခုပ်သံများ) ဘာလို့လဲဆိုတော့ ဒီလို ပုဂ္ဂိုလ်စွဲနဲ့ ဆက်ပြီး ထောက်ခံရင် တိုင်းပြည်အတွက် မကောင်းသလို ကျွန်မအတွက်လည်း မကောင်းပါဘူး။ ဒါကြောင့် ကျွန်မအပေါ်မှာ တကယ့်ကို မေတ္တာထားမယ်ဆိုရင် မှားတဲ့အခါမှာ မှားပါတယ်လို့ ထောက်ပြရမယ်။ ထောက်ပြမှ ပြုပြင်နိုင်မှာပေါ့။ ဒီလိုပဲ ကျွန်မတို့ မြန်မာပြည်သူ၊ ပြည်သားများဟာ ကိုယ်ကနေ ခေါင်းဆောင်အဖြစ် ရွေးထုတ်တင်ထားတဲ့သူ မှန်သမျှကို ကိုယ်ကနေ ထိန်းနိုင်ရမယ် ဆိုတဲ့
အာဏာရှိရမယ်။ အာဏာဆိုတာ ပြည်သူလူထုရဲ့ လက်ထဲမှာ ရှိရမယ်။
ဒါ ကျွန်မ ထပ်တလဲလဲ ပြောနေကျကိစ္စပါ။ (လက်ခုပ်သံများ)

ဒေါ်အောင်ဆန်းစုကြည်

Rfe..MichaelSuu Chit Thu

စ်​ဖောက်ခဲ့​သော ကျည်​ခွံများအား တွေ့ရစဉ်

မြဝတီမြို အမှတ်​(၄)ရပ်​ကွက်​ အာရှ​လမ်း ထိပ်​တန်း စာ​သောက်​ဆိုင်​တွင်​ ဆိုင်​ပိုင်​ရှင်​နှင့်​ လာ​ရောက်​စား​သောက်​သူတို့ စား​သောက်​ပြီး ပြန်​အထွက်​တွင်​ ​စကားများရာ ​သေနတ်​မိုး​ပေါ်​ထောင်​ပြီး ​ခြိမ်း​ခြောက်​ ပစ်​ခတ်​သည့် ​ဖြစ်စဉ်တစ်ရပ်
နှစ်​သစ်​ကူးညက ဖြစ်​ပွားခဲ့​ကြောင်း သိရသည်။

၂၀၁၆ခုနှစ်​ ဇန်န၀ါရီ ၁ ရက် နံနက် ၂ နာရီ ၂၅ မိနစ်တွင် အာရှလမ်းရှိ ​ရွှေပိုးစား​သောက်​ဆိုင်​ပိုင်​ရှင်​ ထွန်းထွန်းဦးသည်​ အမည်​မသိ လူတစ်​ဦးနှင့်​ အတူ ထိပ်​တန်း DJ စား​သောက်​​ဆိုင်​၌ စား​သောက်​ပြီး ပြန်​အထွက်​တွင်​ ထိပ်​တန်း​ဆိုင်​ပိုင်​ရှင်​ ကို​အောင်​(ခ)​အောင်​စိုးဦး မှ နှုတ်​ဆက်​စကား​ပြောဆိုခဲ့ကြောင်း၊ ထို့ သို့​ပြောဆိုကြစဉ်​ စား​သောက်​ဆိုင်​အား တိုင်​တန်းသည့်​ ကိစ္စကို ​မေးမြန်းရာမှ စကားများပြီး ထွန်းထွန်​ဦးက ၎င်းနှင့်အတူ ပါလာသူ လွယ်​ထား​သော အိတ်အတွင်းမှ ​သေနတ်​ကိုထုတ်​ယူပြီး မိုး​ပေါ်သို့ သုံးချက်​​ထောင်​ပစ်​ကာ ခြိမ်း​ခြောက်​ခဲ့ကြောင်း၊ ပြီး​နေက်​ ၄င်း၏မျက်​နှာအား လက်​သီးဖြင့် ထိုး​ကြောင်း၊ ထိုစဉ်​ ဆိုင်​ အလုပ်​သမားများ ​ပြေးထွက်​လာခြင်း​ကြောင့်​ အမည်​မသိသူက ​သေနတ်​အား ပြန်​ယူ၍
မြေပြင်​သို့ ​သေနတ်​ပစ်​​ဖောက် ​ခြိမ်း​ခြောက်​ခဲ့​ကြောင်းသိရသည်​။

ထိုဖြစ်စဉ်နှင့် ပတ်သက်ပြီး ထွန်းထွန်းဦးနှင့်​ အမည်​မသိသူအား အ​ရေးယူ​ပေးနိုင်​ရန်​ ထိပ်​တန်း စား​သောက်​ဆိုင်​ ပိုင်​ရှင်​မှ မြဝတီရဲစခန်းသို့ တိုင်​ကြားခဲ့ရာ ​ရွှေပိုးစား​သောက်​ဆိုင်​ပိုင်​ရှင်​ ထွန်းထွန်းဦး(၄၀)နှစ်​ ၊အမှတ်​(၄) ရပ်​ကွက်​​နေသူအား (ပ)၂ / ၂၀၁၆ ပြစ်​ပုဒ်မ၃၀၇/၃၂၃/၁၁၄ ဖြင့် အ​ရေးယူစစ်​​ဆေးနေပြီး ကွင်းဆက်​ အဖြစ်​ အမည်​မသိ ​သေနတ်​ကိုင်​​ဆောင်​သူ နှင့်​ သက်​​သေခံပစ္စည်းအား ဖမ်းဆီး ရမိနိုင်​​ရေးအတွက်​ စုံစမ်း​ထောက်လှမ်း လျှက်​ရှိ​ကြောင်း သိရှိရပါသည်​။

Eleven Media Group


စိတ်ကူးယဉ် သိပ္ပံဇာတ်ကား Star Wars: The Force Awakens သည် နှစ်သစ်ကူး အားလပ်ရက်များတွင် လက်မှတ်ရောင်းချမှု ၀င်ငွေဒေါ်လာ ၆၈၆ ဒသမ ၄ သန်းဖြင့် Titanic ဇာတ်ကားကို ကျော်တက်ပြီး အမေရိကန်တွင် သမိုင်းတစ်လျှောက် ဒုတိယမြောက် ၀င်ငွေအကောင်းဆုံးရ ဇာတ်ကားအဖြစ် ရပ်တည်ခဲ့သည်။

၁၉၉၇ ခုနှစ်က ဖြန့်ချိခဲ့သည့် Titanic ဇာတ်ကားသည် ဒေါ်လာ ၆၅၈ ဒသမ ၇ သန်းဖြင့် တတိယနေရာသို့ ကျဆင်းခဲ့သည်။ Star Wars: The Force Awakens ဇာတ်ကားသည် မကြာမီ Avatar ဇာတ်ကားကို ကျော်တက်ပြီး အမေရိကန်တွင် သမိုင်းတစ်လျှောက် ၀င်ငွေအကောင်းဆုံး ဇာတ်ကားဖြစ်လာဖွယ် ရှိသည်ဟု ထုတ်လုပ်သူများက ခန့်မှန်းထားသည်။

ရုပ်ရှင်သမိုင်းတစ်လျှောက် ၀င်ငွေအကောင်းဆုံးရ ဇာတ်ကားစာရင်းတွင်မူ Avatar ဇာတ်ကားသည် ဒေါ်လာ ၂ ဒသမ ၇၈၈ ဘီလျံဖြင့် နံပါတ်တစ်နေရာတွင် ဦးဆောင်နေပြီး Titanic ဇာတ်ကားသည် ဒေါ် လာ ၂ ဒသမ ၁၈၇ ဘီလျံဖြင့် ဒုတိယနေရာတွင် ရပ်တည်ခဲ့သည်။ အာကာသ စစ်ပွဲအကြောင်း ရိုက်ကူးထားသည့် ခုနစ်ခုမြောက် Star Wars ဇာတ်ကားကမူ ကမ္ဘာတစ်ဝန်း လက်မှတ်ရောင်းချမှုဝင်ငွေ ဒေါ်လာ ၁ ဒသမ ၃၉၀ ဘီလျံဖြင့် အဆိုပါစာရင်း၏ သတ္တမနေရာတွင် ရပ်တည်ခဲ့သည်။

၂၀၁၅ ခုနှစ် ဒီဇင်ဘာတွင် ဖြန့်ချိခဲ့သည့် Star Wars ဇာတ်ကားသစ်သည် လက်မှတ်ရောင်းချမှု ၀င်ငွေစာရင်းများတွင် စံချိန်သစ်များ တင်နိုင်သည်အထိ အောင်မြင်ခဲ့သော်လည်း ယင်းဇာတ်ကောင်များကို ဖန်တီးခဲ့သည့် ဒါရိုက်တာ ဂျော့လူးကပ်ကမူ ဝေါ့ဒစ္စနေသည် နောက်ကြောင်းပြန်သည့် ဇာတ်ကားတစ်ခုကို ဖန်တီးခဲ့သည်ဟု ဝေဖန်ခဲ့သည်။

ဂျော့လူးကပ်သည် Lucasfilm ကုမ္ပဏီကို လူဖြူကျွန်များထံ ရောင်းချခဲ့သည်ဟု ပြောကြားခဲ့မှုအတွက် ဒစ္စနေကုမ္ပဏီကို တောင်းပန်ခဲ့ရသည်။

Eleven Media Group

ဧရာဝတီဖောင်ဒေးရှင်းနှင့် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က ထိုင်းနိုင်ငံလိပ်ကျွန်းအမှုကြောင့်သေဒဏ်ချမှတ်ခံရသည့် မြန်မာနှစ်ဦး၏ မိခင်နှစ်ဦးကို တစ်ဦးလျှင် ငွေကျပ် သိန်း ၅၀ စီကို ယနေ့ (ဇန်နဝါရီ ၃ )ရက်တွင် လှူဒါန်းလိုက်သည်။
ခင်ပွန်းသည်များ မရှိကြတော့သဖြင့် မိခင်နှစ်ဦး၏ စားဝတ်နေရေးနှင့် ကျန်းမာရေး တို့အတွက် အဆင်ပြေစေရန်ကူညီလှူဒါန်းခြင်းဖြစ်ကြောင်းသိရသည်။
ထို့အပြင် ဦးဇော်ဇော်က ဝင်းဇော်ထွန်း၏ မိခင်ဖြစ်သူ လည်ပင်းခွဲစိတ်မည့် ကုန်ကျစရိတ်အားလုံးကိုလည်း တာဝန်ယူပေးခဲ့ကြောင်း မြန်မာနှစ်ဦး အမှုကို လိုက်ပါကူညီနေသည့် ကိုယ်စားလှယ်အဖွဲ့မှ ဦးထူးချစ်က သူ၏ဖေ့ဘွတ်ခ်စာမျက်နှာမှ တစ်ဆင့် အသိပေးထားသည်

7Day News Journal


(ဆောင်းပါးရှင် - မောင်ကြည်)
ဆရာမဂျူး၏ "အောက်ခြေသန်းတစ်ထောင်" စာအုပ်ကို ဖတ်ပြီးသွားသော အခါ တော်တော်ရင်မော သွားပါသည်။ ထိုစာအုပ်သည် နိုင်ငံငယ်လေးတွေ ဘာကြောင့် ဆင်းရဲတွင်း နက်ရသလဲ ဆိုတာကို ထောင့်ပေါင်းစုံမှ ဖွင့်ဆို ရှင်းပြထားသော ပေါလ်ကိုလီယာ (Paul Collier) ၏ အောက်ခြေ သန်းတစ်ထောင် (The Bottom Billion) စာအုပ်ကို မိတ်ဆက်သဘော အကျဉ်းချုပ် ပြန်ရေးထားခြင်း ဖြစ်ပါသည်။ စီးပွားရေး ပညာရှင် ပေါလ်ကိုလီယာသည် ဆင်းရဲတွင်း နက်နေသော အာဖရိကမှ နိုင်ငံငယ်လေးများကို သေချာသုတေသနပြုကာ ဘာကြောင့်ဆင်းရဲတွင်း နက်နေရသလဲ ဆိုတာကို ရှင်းပြဖို့ ကြိုးစားခဲ့ပါသည်။ သူ၏ ရှင်းပြချက် များသည် နှစ်ရှည်လများ ဆင်းရဲတွင်း နက်နေသော ကျွန်တော်တို့ နိုင်ငံနှင့်လည်း သက်ဆိုင်သည်ဟု ထင်ပါသည်။


ပေါလ်ကိုလီယာက နိုင်ငံ၏ ဖွံ့ဖြိုးတိုးတက်မှုကို တားဆီးသည့် ထောင်ချောက်လေးခု ရှိသည်ဟု ဆိုပါသည်။ ၎င်းတို့မှာ (၁)ပြည်တွင်းစစ် ပဋိပက္ခ ထောင်ချောက်၊ (၂)သဘာဝ သယံဇာတ ထောင်ချောက်၊ (၃)ဆိုးရွားသော အိမ်နီးချင်း နိုင်ငံများကြားတွင် ပိတ်မိနေသည့် ထောင်ချောက်၊ (၄) စီမံအုပ်ချုပ်မှု ညံ့ဖျင်းနေခြင်း ထောင်ချောက်တို့ ဖြစ်ကြပါသည်တဲ့။

ထောင်ချောက်(၁)

ကျွန်တော်တို့ မြန်မာနိုင်ငံဟာ ပြည်တွင်းစစ်ဖြစ်ခဲ့တာ နှစ်ပေါင်း ၆၀ ကြာခဲ့ပါပြီ။ တချို့က ကမ္ဘာမှာ အရှည်ကြာဆုံး ပြည်တွင်းစစ်လို့တောင် ပြောကြပါသည်။ လောလောဆယ် တစ်နိုင်ငံလုံး အတိုင်းအတာအရ အပစ်အခတ် ရပ်စဲရေး စာချုပ်မှာ လက်မှတ်ရေးထိုးဖို့အတွက် အစိုးရနှင့် တိုင်းရင်းသား လက်နက်ကိုင် အဖွဲ့များ ကချင်ပြည်နယ် ကေအိုင်အို ရုံးစိုက်ရာ လိုင်ဇာမြို့မှာ ဆွေးနွေးကြရာ နောက်ဆုံးသိရသည့် သတင်းအရ နှစ်ဦးနှစ်ဖက် ဘုံသဘောတူညီချက် လက်မှတ်ရေးထိုးဖို့ ဆွေးနွေးနေဆဲဟု သိရပါသည်။ ထိုကဲ့သို့ ဆွေးနွေးနေစဉ်မှာပင် တချို့နေရာတွေမှာ တိုက်ပွဲတွေ ဖြစ်နေလို့ စစ်ရှောင်ဒုက္ခသည် ၃၀၀ ကျော် ဗန်းမော်သို့ ခိုလှုံလာတယ်လို့ သတင်းစာထဲမှာ ဖတ်လိုက်ရပါသည်။ ကျွန်တော်တို့ရဲ့ ပြည်တွင်းစစ်ကြီး အပြီးတိုင် ချုပ်ငြိမ်းစေချင်ပါပြီ။ အဘယ်ကြောင့်ဆိုသော် ပြည်တွင်း စစ်ဖြစ်လျှင် အထိနာဆုံးက စစ်ပြေးဒုက္ခသည် ပြည်သူတွေ ဖြစ်နေလို့ပါပဲ။ အဆိုးဆုံးကတော့ ၎င်းစစ်ပြေး ဒုက္ခသည်တွေရဲ့ စားဝတ်နေရေး၊ ပညာရေး၊ ကျန်းမာရေး အစစအရာရာ နစ်နာဆုံးရှုံးမှု ပမာဏ ကြီးမားလွန်းလို့ပါပဲ။ သူတို့တွေရဲ့ ဒုက္ခကို တကယ့်နှလုံးသားနဲ့ မျှဝေခံစားနိုင်တဲ့ တစ်နေ့မှာ နှစ်ဦးနှစ်ဖက် ခေါင်းဆောင်များ သဘောထား ကြီးကြီးနဲ့ ငြိမ်းချမ်းရေးအတွက် အဖြေရှာတွေ့လိမ့်မည်ဟု မျှော်လင့်မိပါသည်။

ထောင်ချောက်(၂)

တကယ်တော့ မြန်မာနိုင်ငံဟာ သဘာဝ သယံဇာတ ပေါကြွယ်ဝတဲ့ နိုင်ငံပါ။ သို့သော် သယံဇာတ မရှိသည့် နိုင်ငံတွေ ချမ်းသာနေချိန်မှာ အလျှံပယ် ကြွယ်ဝပါသည်ဆိုသည့် ကျွန်တော်တို့ နိုင်ငံက ကမ္ဘာ့အဆင်းရဲဆုံး နိုင်ငံတွေ ထဲမှာ ပါဝင်နေတာကတော့ စိတ်မကောင်းစရာပါ။ တချို့ကတော့ "နိုင်ငံက ချမ်းသာပါတယ်။ ပြည်သူတွေက ဆင်းရဲနေတာပါ" ဟု ဝေဖန်သုံးသပ် ကြပါသည်။ ရွှေ၊ ငွေ၊ ကျောက်သံပတ္တမြားမှအစ ရေနံ၊ သဘာဝဓာတ်ငွေ့၊ ကျွန်းသစ်အဆုံး ပေါများပြည့်လျှံခဲ့တဲ့ မြန်မာနိုင်ငံဟာ လက်ရှိအချိန်မှာတော့ အထည်ကြီးပျက်လို့ပဲ ပြောရမလား။ အထည်လေးပျက်လို့ပဲ ပြောရမလား မသိတော့ပါဘူး။ ပညာရှင်တွေကတော့ မြန်မာပြည်မှာ အရမ်းချမ်းသာတဲ့လူနဲ့ အရမ်းဆင်းရဲတဲ့ လူဆိုပြီး လူတန်းစား နှစ်မျိုးပဲ ရှိတော့တယ်ဟု ပြောပါသည်။ လူလတ်တန်းစား ပျောက်ဆုံးနေသည့် သဘောပါပဲ။ ကျွန်တော်တို့ နိုင်ငံရဲ့ အဖြစ်က ဘိုးဘွားတွေ ထားရစ်ခဲ့တဲ့ အမွေတွေ အမြောက်အမြား ရခဲ့ပြီးမှ နောက်ဆုံးမှာ မွဲပြာကျသွားတဲ့ လူတစ်ယောက်နဲ့ တူနေမည်လား မသိပါ။ သေချာသည့် အချက်ကတော့ ထိုကဲ့သို့ မွဲပြာကျအောင် ပြည်သူတွေ မလုပ်ခဲ့ဘူး ဆိုတာပါပဲ။

ထောင်ချောက်(၃)

မြန်မာနိုင်ငံ၏ အရှေ့ဘက်မှာ ထိုင်းနိုင်ငံ၊ အနောက်ဘက်မှာ အိန္ဒိယနှင့် ပါကစ္စတန်၊ မြောက်ဘက်မှာ တရုတ်နိုင်ငံတို့ တည်ရှိပါသည်။ မြန်မာနိုင်ငံသည် ၎င်းအိမ်နီးချင်း နိုင်ငံတို့နှင့် ရှေးယခင် ကတည်းက ဆက်ဆံလာခဲ့ ကြသည်မှာ ယခုအချိန် ထိပါပဲ။ အထူးသဖြင့် တရုတ်နိုင်ငံနှင့် အရောင်းအ၀ယ် အဆက်အဆံ ပိုများသည်ဟု ဆိုရပါမည်။ တရုတ်နိုင်ငံ ကလည်း အများသိကြသည့်အတိုင်း ဆွေမျိုးပေါက်ဖော် ဆက်ဆံရေးဆိုသည့် ခေါင်းစဉ်အောက်မှနေ၍ မြန်မာတစ်ပြည်လုံး၏ ဈေးကွက်ကို မောင်ပိုင်စီးထား လိုက်ပုံက မြန်မာနိုင်ငံရဲ့ နိုင်ငံခြား ရင်းနှီမြှုပ်နှံမှု စုစုပေါင်း ၆၅ ရာခိုင်နှုန်း (သုံးပုံနှစ်ပုံခန့်)ကို တရုတ်နိုင်ငံကပဲ ရရှိထားသည်ဟု သိရပါသည်။ တရုတ်လို စူပါပါဝါ နိုင်ငံကြီးတစ်ခု မိမိတို့နိုင်ငံနှင့် ကပ်လျက်ရှိသည်ကို သတိထားဖို့ လိုကြောင်း၊ ကမ္ဘာ့ လူဦးရေရဲ့ ၃၅ ရာခိုင်နှုန်းကျော်တဲ့ တရုတ်လို နိုင်ငံမျိုးနှင့် အိမ်နီးချင်းဖြစ်ရသော နိုင်ငံသည် အစွမ်းကုန် ဖွံ့ဖြိုးတိုးတက် လာနိုင်သလို ၎င်းနိုင်ငံကြီးရဲ့ ၀ါးမျိုမှုအောက်ကိုလည်း ရောက်ရှိသွားနိုင်သည့် အန္တရာယ် ကိုလည်း သတိထားဖို့လိုကြောင်း ပညာရှင် အချို့က ထောက်ပြကြပါသည်။ မည်သို့ဆိုစေ အိမ်နီးချင်းဆိုတာ ကိုယ့်ကို ကောင်းကျိုးပြုနိုင်သလို ဆိုးကျိုးလည်း ပြုနိုင်သည် ဆိုတာကို ကျွန်တော်တို့ သဘောပေါက်ထား ကြဖို့ပါပဲ။

ထောင်ချောက်(၄)

မြန်မာပြည် လွတ်လပ်ရေး ရပြီးနောက်ပိုင်း ၁၉၄၈၊ ၁၉၆၂၊ ၁၉၈၈၊ ၂၀၁၁ အကူးအပြောင်းကာလ လေးကြိမ်ကြုံခဲ့ ရပြီးပါပြီ။ ထိုအကူးအပြောင်း ကာလမှာပဲ ပြည်သူလည်း အာဏာရှင် စနစ်အောက်မှာ နှစ်ပေါင်း ၅၀ လောက်နေခဲ့ရပြီး တိုင်းပြည်လည်း နှစ်ပေါင်း ၅၀ ကျော် နောက်ကျကျန်ရစ် ခဲ့ရပါသည်။ ထိုစဉ် ကာလအတွင်းမှာ ပြည်သူတွေအတွက် ကောင်းမွန်သော အုပ်ချုပ်ရေးနှင့် သန့်ရှင်းသော အစိုးရ (Good Governance and Clean Government) ဆိုတာကို စာအုပ်တွေထဲမှာပဲ ဖတ်ခဲ့ရဖူး ပါသည်။ တစ်နည်းပြောရလျှင် ပြည်သူတွေမှာ မှားယွင်းသော စီမံခန့်ခွဲမှု (Mismanagement) အောက်မှာသာ နေထိုင်ခဲ့ရပါသည်။ ထိုကဲ့သို့ စီမံခန့်ခွဲမှု မှားယွင်းသောကြောင့် လာဘ်စားမှု၊ ဆင်းရဲမွဲတေမှု၊ ဖွံ့ဖြိုးမှု နောက်ကျမှု စသောအကျိုးရလဒ် တွေကိုသာ ပြည်သူတွေ ခံစားခဲ့ရပါသည်။ ထို့အပြင် သဘာဝ သယံဇာတနှင့် သစ်တောဧရိယာ တော်တော်များများလည်း အကျိုးမဲ့ နစ်နာဆုံးရှုံး ခဲ့ရပါသည်။

တကယ်တော့ ကျွန်တော်တို့ နိုင်ငံသည် ၁၉၆၂ ခုနှစ်က အာရှတိုက်ရဲ့ အချမ်းသာဆုံး ၁၀ နိုင်ငံထဲမှာ ပါဝင်ခဲ့သည်။ သို့သော် ၁၉၈၈ မှာတော့ အာရှတိုက်ရဲ့ အဆင်းရဲဆုံး ငါးနိုင်ငံ စာရင်းဝင် ဖြစ်ခဲ့ရပါသည်။ ၂၀၁၂ ခုနှစ်မှာတော့ အာရှတိုက်ရဲ့ ဒုတိယမြောက် အဆင်းရဲဆုံးနိုင်ငံ ဖြစ်သွားပါသတဲ့။ မည်သို့ဆိုစေ အနာသိလျှင် ဆေးရှိသည်ဟု ပြောကြပါသည်။ အထက်ပါ ထောင်ချောက်လေးခုသည် မြန်မာနိုင်ငံ ခံစားနေရသော အနာ(ရောဂါ)ဟု ဆိုရပါမည်။ ထိုအနာ ပျောက်ကင်းအောင် ဘယ်လိုကုသမလဲ ဆိုတာကို ကျွန်တော်တို့အားလုံး ၀ိုင်းဝန်းအဖြေရှာဖို့ လိုအပ်ပါပြီ။
Eleven Media Group



 အောင်ဘာလေထီ ဥပဒေမူကြမ်း အတည်ပြုပြီးပါက ၂၀၁၆ ခုနှစ်အတွင်း ထီများကို
အွန်လိုင်းမှ တစ်ဆင့် e-Lottery စနစ်ဖြင့် ရောင်းချ ပေးသွားမည်ဖြစ်ကြောင်း
ပြည်တွင်း အခွန်များဦးစီးဌာနမှ သိရှိရသည်။

“ဥပဒေမူကြမ်း အတည်ပြုပြီးသွားရင်တော့ အွန်လိုင်းကနေပြီး ထီရောင်းချသွားဖို့
စီစဉ်နေတယ်။ အွန်လိုင်းကနေတော့ လက်မှတ်နဲ့ မဟုတ်တော့ဘူး။ ကိန်းဂဏန်းကိုပဲ
ထိုးရမှာဖြစ်တယ်။ မူကြမ်း အတည်ပြုပြီးသွားတဲ့အခါ အဲ့ဒီစနစ် လုပ်ဆောင်ဖြစ်ရင်
တော့ နိုင်ငံခြားကုမ္ပဏီနဲ့ ဖက်စပ်လုပ်ကိုင်သွားမယ်။ အခုလက်ရှိမှာ လက်မှတ်စနစ်နဲ့
ရောင်းချနေတဲ့ အောင်ဘာလေကလည်း ဒီအတိုင်းပဲ ဆက်လက် လုပ်ဆောင်သွား
မယ်”ဟု ပြည်တွင်းအခွန် များဦးစီးဌာနမှ တာဝန်ရှိသူတစ်ဦးက ပြောသည်။

မြန်မာနိုင်ငံတွင် e-Lottery စနစ် အကောင်အထည်ဖော် ဆောင်နိုင်ရန် နိုင်ငံခြား
ကုမ္ပဏီများကို တင်ဒါ ခေါ်ယူ သွားမည်ဖြစ်ပြီး တင်ဒါအောင်မြင်သည့် ကုမ္ပဏီမှ
ငွေကြေး အရင်းအနှီးနှင့် နည်းပညာကို ကုမ္ပဏီမှ ဆောင်ရွက်သွားရမည် ဖြစ်ကြောင်း
သိရသည်။

“ဥပဒေက အတည် မဖြစ်သေးတော့ ပြောလို့ မရသေးဘူး။ အွန်လိုင်းကနေတော့
ရောင်းချဖို့အတွက် အစီအစဉ်တော့ မရှိသေးပါဘူး။ ဒီစနစ် လုပ်ဆောင်ဖြစ်ရင်လည်း
လက်မှတ်စနစ်နဲ့ ရောင်းချတာ ကိုတော့ ထိခိုက်မှုမရှိနိုင်ပါဘူး။ လက်မှတ်စနစ်
ကတော့ သတ်ဆိုင်ရာ အခွန်ဦးစီးဌာနမှာ လိုချင် သလောက်တင်ပြရတယ်။
ပြီးတော့မှ တစ်ဦးကို ဘယ်လောက်နှုန်းဆိုပြီး ပြန်ပြီးတော့ ခွဲဝေပေးတာ ဖြစ်တယ်”
ဟု အောင်ဘာလေ သိန်းဆုဌာနခွဲ ညွှန်ကြားရေးမှူး ဦးထွန်းထွန်းအောင်က
ပြောသည်။

လက်ရှိတွင် e-Lottery စနစ် အကောင်အထည် ဖော်ဆောင်နိုင်ရန် အောင်လေထီ
မူကြမ်းကို ပြည်ထောင်စု လွှတ်တော်သို့ ၂၀၁၅ ခုနှစ် အောက်တိုဘာလအတွင်းက
တင်ပြထားပြီး လက်ရှိ အချိန်အထိ ဆွေးနွေးမှုများ ပြုလုပ်လျက်ရှိကြောင်း
သိရသည်။

လက်ရှိ မြန်မာနိုင်ငံတွင် မိုးယံ၊ ရွှေလမင်းနှင့် မြတ်ဆုကဋေထီဆိုင်၊ ရွှေမြန်မာ
ထီဆိုင်များက တရားဝင် ဖွင့်လှစ် ရောင်းချလျက်ရှိကြောင်း သိရသည်။

သတင်း - MMK
The Ladies News Journal
https://www.facebook.com/News.TheLadies/

မန္တလေး၊ ဒီဇင်ဘာ ၃၀ - ရွှေ၁၆ကျပ်သားခွဲဖိုး ကျသင့်တန်ဖိုးငွေ ရလိုမှုအတွက် စစ်ကိုင်းတိုင်း တိုင်းရဲတပ်ဖွဲ့မှ ရဲမှူးကြီးတစ်ယောက်ရဲ့ဇနီးကို ဒုရဲအုပ်တစ်ဦးရဲ့ဇနီးက မန္တလေးခရိုင်တရားရုံးမှာ ဦးတိုက်လျှောက်ထားခဲ့ပြီး အဲသည်အမှုကို လာမယ့်လမှာ စတင်စစ်ဆေးတော့မှာဖြစ်တယ်လို့ တရားစွဲဆိုသူအမျိုးသမီးဆီက သိရပါတယ်။

'ရွှေဖိုးကျသင့်ငွေတွေပေးဖို့ အခုလ၁၉ရက်နေ့က နို့တစ်စာပေးခဲ့တယ်၊ ဘာမှအကြောင်း မပြန်လို့ အခုခရိုင်တရားရုံးကို ဦးတိုက်လျှောက်တယ်၊ လက်ခံတယ်၊ ပေးခဲ့တုန်းကလဲ လက်ထိ လက်ရောက်ပေးခဲ့တာ˘လို့ တရားစွဲဆိုသူ ဒုရဲအုပ်ဇနီး ဒေါ်ယုယုဝေက ပြောပါတယ်။

ရွှေဝယ်ယူပေးမှုကို ၂၀၁၃ခုနှစ်က ဝယ်ယူပေးခဲ့တာဖြစ်ပြီး စီးပွားရေးအရ ပတ်သက်မှုရှိနေ တဲ့အတွက် အချိန်စောင့်ဆိုင်းနေခဲ့ပြီး အခုအချိန်အထိ ကျသင့်တန်ဖိုးပေးချေခြင်းမရှိတဲ့အတွက် တရားရုံးကို ဦးတိုက်လျှောက်ထားခဲ့တာ ဖြစ်တယ်လို့ ဆိုပါတယ်။

'လာဘ်ပေးလာဘ်ယူတိုက်ဖျက်ရေးကော်မတီကိုလဲ တိုင်ကြားခဲ့တယ်၊ ဘာအကြောင်းပြန် ကြားမှုမှမရှိလို့ အခုလိုတရားစွဲဆိုလိုက်တာပါ˘လို့ ဒေါ်ယုယုဝေက ပြောပါတယ်။
ဒုရဲအုပ်ဇနီး ဒေါ်ယုယုဝေရဲ့ တရားရုံးဦးတိုက်လျှောက်ထားမှုကို အခုလ၂၉ ရက်နေ့က လျှောက်ထားခဲ့တာဖြစ်ပြီးမန္တလေးခရိုင်တရားရုံးက အမှုအမှတ်စဉ် ၅၆၁နဲ့ လက်ခံထားကာလာ မယ့် ဇန်နဝါ ရီလ ၁၂ ရက်နေ့မှာ စတင်စစ်ဆေးမယ်လို့သိရပါတယ်။

author ခေမဏီ
Kumudra

maungtaw-wy-620.jpg
ရခိုင်ပြည်နယ် ဘူးသီးတောင်နဲ့ မောင်တောမြို့တွေမှာ ဒီဇင်ဘာလ ၃၁ ရက်နေ့က ဖမ်းဆီးရမိထားတဲ့ WY စာတန်းပါ ပန်းရောင်စိတ်ကြွဆေးပြားထုတ်တွေကို တွေ့ရစဉ်
Photo: RFA

ရခိုင်ပြည်နယ် ဘူးသီးတောင်နဲ့ မောင်တောမြို့တွေမှာ ပြီးခဲ့တဲ့ ဒီဇင်ဘာလ ၃၁ ရက်နေ့က WY စာတန်းပါ ပန်းရောင်စိတ်ကြွဆေးပြား အလုံးရေ ၁၄ သိန်းကျော်ကို သိမ်းဆည်းရမိခဲ့ပါတယ်။

စစ်တွေမြို့ကနေ ထွက်ခွာလာတဲ့ အောင်သူဟိန်း ရေယာဉ်နဲ့ မောင်တောမြို့နေအိမ်တစ်ခုကနေ ဖမ်းဆီးရမိခဲ့တာလို့ ဘူးသီးတောင်မြို့ပေါ်မှာ တာဝန်ကျနေတဲ့ အမည်မဖော်လိုတဲ့ ရဲအရာရှိတစ်ဦးက ပြောပါတယ်။

"မိတာပေါ့ဗျာ ၁ဝ သိန်းနဲ့ ၄ သောင်း ၊ အဲ့ဒီကနေ အမှတ်အသားပါတဲ့အတွက် ကျနော်တို့က ချက်ချင်းမောင်တောမြို့ကိုလိုက်ရတယ်၊ အဲ့ဒီမောင်တောမြို့ကိုလိုက်ပြီးတော့ စုံစမ်းပြီးတော့ အဲ့ဒီအိမ်ကိုရှာတဲ့အချိန်မှာ ဆေးပြား ၃ သိန်း ၃ သောင်း ၆ ထောင် ဖမ်းမိတယ်၊ နောက်ပိုင်းတော့ အဲ့ဒီအမှုနဲ့ပတ်သက်တဲ့ တရားခံတွေကတော့ ထွက်ပြေးသွားကြတာပေါ့ဗျာ၊ အဲ့ဒီတရားခံကိုလည်း ဖမ်းဆီးဖို့အတွက် ကျနော်တို့က ကြိုးစားနေရတုန်းရှိပါတယ်"

အခုဖမ်းဆီးရမိမှုဟာ မောင်တောခရိုင်အတွင်းမှာ ပမာဏအများဆုံးဖြစ်တယ်လို့လည်း သိရပါတယ်။ အဲ့ဒီမူးယစ်ဆေးဝါးတွေဟာ ကာလတန်ဖိုး ဆေးပြားတစ်ပြားကို ကျပ်နှစ်ထောင်နှုန်းနဲ့ တွက်ချက်ရင် ငွေကျပ် သိန်းပေါင်း နှစ်သောင်းရှစ်ထောင်ကျော် တန်းဖိုးရှိကြောင်းလည်း သိရပါတယ်။

ဒီအမှုနဲ့ပတ်သက်ပြီး ကွင်းဆက်တွေကို ခေါ်ယူစစ်ဆေးနေတာတွေရှိပေမယ့် အဓိကတရားခံတွေကတော့ ထွက်ပြေးလွတ်မြောက်နေဆဲဖြစ်တယ်လို့လည်း သိရပါတယ်။

ဒီအမှုနဲ့ဆက်နွယ်နေသူ နှစ်ဦးကို စစ်တွေမြို့မှာ ဒေသခံရဲတပ်ဖွဲ့က မနေ့က ဖမ်းဆီးလိုက်ပြီး ဒီနေ့ ဘူးသီးတောင်မြို့ကို ပို့ဆောင်လိုက်ပါတယ်။

RFA

 rakhine-war-protest-620.jpg ရခိုင်ပြည်နယ်မှာ ဖြစ်ပွားနေတဲ့ တိုက်ပွဲတွေကို အမြန်ဆုံးရပ်တန့်ပေးဖို့ သံဃာတော်တွေနဲ့ ဒေသခံ ၁ဝဝ ကျော်ဟာ ဇန်နဝါရီလ ၂ ရက်နေ့က ကျောက်တော်တောင်ဘုရားမှာ ဆုတောင်းပွဲပြုလုပ်စဉ်
Photo: RFA

ရခိုင်ပြည်နယ် ကျောက်တော်မြို့နယ်အတွင်းမှာ ဖြစ်ပွားနေတဲ့တိုက်ပွဲတွေကို အမြန်ဆုံးရပ်တန့်ပေး ဖို့ ကျောက်တော်ဒေသခံ သံဃာတော်တွေနဲ့ ဒေသခံ ၁ဝဝ ကျော်က ဒီနေ့ ကျောက်တော်တောင်ဘုရား မှာ ဆုတောင်းပွဲတစ်ရပ်ပြုလုပ်ပြီး တောင်းဆိုကြပါတယ်။

ကျောက်တော်မြို့နယ်အတွင်းမှာ အစိုးရတပ်မတော်နဲ့ ရက္ခိုင့်တပ်မတော်(AA) တို့အကြား ဖြစ်ပွားနေတဲ့ တိုက်ပွဲတွေကြောင့် ဒေသခံတွေ စိုးရိမ်ထိတ်လန့်နေကြရတယ်လို့ ဒီနေ့ ဆုတောင်းပွဲမှာပါဝင်ခဲ့တဲ့ ကျောက်တော် မြို့ခံ ကိုဇော်ဝင်းက ပြောပါတယ်။

"စစ်ပွဲတစ်ပွဲဖြစ်တယ်ဆိုမှတော့ နိုင်ငံမှာရှိတဲ့ လူသားအရင်းအမြစ်တွေ ဆုံးရှုံးတယ်၊ ငွေကြေးတွေ ဆုံးရှုံးတယ်၊ ခရီးသွားလာရေးတွေ ခက်ခဲတယ်၊ အစစအရာရာပေါ့ စစ်ရဲ့အနိဌာရုံဆိုတာကတော့ ကမ္ဘာကြီး မှာ ကြောက်စရာအကောင်းဆုံးပဲ၊ အဲ့ဒါကြောင့် စစ်ရဲ့အနိဌာရုံကို ကျနော်တို့ အလိုမရှိဘူး၊ ငြိမ်းချမ်းရေး စားပွဲပေါ်မှာပဲ ဆွေးနွေးကြပါ၊ လက်နက်နဲ့ မဖြေရှင်းကြနဲ့၊ အဲ့လိုမျိုးလေးတွေပေါ့၊ စစ်ပွဲမှာ တစ်ခါ တစ်ခါ ပေါ်တာဆွဲတာတို့ အဲ့လိုမျိုးလေးတွေရှိနိုင်တယ်၊ ပြီးရင် စစ်ဖြစ်တာကြောင့် စိုးရိမ်ပူပန် မှုလေးတွေနဲ့ ကျေးရွာတွေက ကျီးလန့်စာစာ ကြောက်လန့်မှုလေးတွေ များလာကြတယ်၊ အဲ့ဒါနဲ့ ကျနော်တို့က ဒီလိုမျိုးလုပ်ဖြစ်ကြတာပေါ့"

ရခိုင်ပြည်နယ် ကျောက်တော်မြို့နယ် အရှေ့ဘက်မှာ အစိုးရတပ်မတော်နဲ့ ရက္ခိုင့်တပ်မတော် (AA) တို့ ပြီးခဲ့တဲ့ ဒီဇင်ဘာလ ၂၇ ရက်နေ့ကနေက စတင်ကာ တိုက်ပွဲတွေဖြစ်ပွားနေတာဖြစ်ပါတယ်။ တိုက်ပွဲအတွက် အစိုးရတပ်မတော်ဘက်က ပေါ်တာဆွဲတာတွေရှိတယ်ဆိုတဲ့ သတင်းတွေကြောင့် ကျောက်တော်နဲ့ မြောက်ဦး မြို့နယ်အတွင်းက ဒေသခံအမျိုးသားအတော်များများ စိုးရိမ်ထိတ်လန့်ပြီး ထွက်ပြေးတိမ်းရှောင်နေကြရတယ် လို့လည်း ဒေသခံတွေက ပြောပါတယ်။

RFA

parmaungkha-mabatha-620.jpg သေဒဏ်အမိန့် ချမှတ်ခံလိုက်ရတဲ့ မြန်မာနိုင်ငံသားနှစ်ဦး လွတ်မြောက်ဖို့အတွက် ဇန်နဝါရီလ ၂ ရက်နေ့က ရန်ကုန်မြို့ ဗဟန်းမြို့နယ် ဗိုလ်စိန်မှန် အားကစားကွင်းမှာ မဘသ ဆရာတော် ဦးပါမောက္ခ ဟောပြောစဉ်

ထိုင်းနိုင်ငံမှာ သေဒဏ်ချမှတ်ခံရတဲ့ မြန်မာနိုင်ငံသားနှစ်ဦး လွတ်မြောက်ရေးအတွက် ဆန္ဒပြတောင်းဆိုနေ ကြခြင်းဖြစ်ပြီး တချို့သူတွေစွပ်စွဲသလို နိုင်ငံကို ဆူပူအုံကြွအောင် လှုံ့ဆော်နေတာ မဟုတ်ကြောင်း မဘသ အဖွဲ့က ဆရာတော် ဦးပါမောက္ခက ရန်ကုန်မြို့ ဗိုလ်စိန်မှန်ကွင်းမှာ ပြုလုပ်တဲ့ ဆန္ဒပြပွဲမှာ မိန့်ကြားပါတယ်။

သေဒဏ်ချမှတ်ခံရတဲ့ မြန်မာနှစ်ဦးလွတ်မြောက်ရေးအတွက် ဆက်လက်တောင်းဆို သွားမှာဖြစ်ကြောင်း ဆရာတော် ဦးပါမောက္ခက မိန့်ပါတယ်။

"ဘုန်းကြီးတို့ ဒီပွဲပြုလုပ်ရခြင်းရည်ရွယ်ချက်က ဘယ်အဖွဲ့အစည်းရဲ့ ထောက်ပံ့မှုမှမရှိဘူး၊ နိုင်ငံရေး အပြောင်းအလဲဖြစ်မှာကြောက်လို့၊ စစ်အုပ်ချုပ်ဖြစ်သွားအောင်လို့ဆိုတဲ့ ရည်ရွယ်ချက်တွေလည်းပဲ ဘုန်းကြီးတို့ လုံးဝမပါဘူး၊ ဒီနေရာကနေပြီးတော့ သစ္စာကိုဆိုရဲပါတယ်၊ တချို့က ဘုန်းကြီးတို့က နောက်အစိုးရ တက်မှာကြောက်လို့ ဒီလိုပွဲတွေ ကျင်းပတယ်၊ စစ်အာဏာသိမ်းအောင်လို့ ကျင်းပတယ်၊ ဒါမျိုးရည်ရွယ်ချက် မရှိပါဘူး၊ တိုင်းပြည်နဲ့လူမျိုးအပေါ်မှာ အမြဲတမ်းကောင်းစေချင်ပါတယ်၊ လူမျိုးအပေါ်မှာလည်း ချစ်မြတ်နိုးတယ်၊ တန်ဖိုးထားတယ်"

ဒီဆန္ဒပြပွဲကို အမျိုးဘာသာသာသနာစောင့်ရှောက်ရေးအဖွဲ့ မဘသ အဖွဲ့ဝင်တချို့နဲ့ မြန်မာနိုင်ငံလုံးဆိုင်ရာ အမျိုးသားရေးညီနောင်အင်အားစုတွေက ပူးပေါင်းပြုလုပ်တာဖြစ်ပြီး လူအင်အား ၇ဝ ကျော် တက်ရောက်ခဲ့ပါတယ်။

မြန်မာနိုင်ငံသားနှစ်ဦးရဲ့ သေဒဏ်အမူကို တစ်လအတွင်း အယူခံဝင်ဖို့ရှိနေပြီး အဲ့ဒီအခြေအနေတွေ အပေါ်မူတည်ကာ ဆက်လက်တောင်းဆို ဆန္ဒပြသွားမယ်လို့ ဆန္ဒပြသံဃာတော်တွေက မိန့်ပါတယ်။

ဒါ့အပြင် ထိုင်းနိုင်ငံအစိုးရကို အိပ်ဖွင့်ပေးစာပေးဖို့ ရန်ကုန်မြို့က ထိုင်းသံရုံးရှေ့ကို ကားတွေနဲ့ သွားရောက်ခဲ့ကြပြီး မြန်မာနိုင်ငံသားနှစ်ဦး လွတ်မြောက်ရေးအတွက် တောင်းဆိုဆန္ဒပြခဲ့ပါတယ်။

RFA

 လက်နက်ကြီးသံတွေကို ကျောက်တော် မြို့ပေါ် ကနေ ကြားနေရပြီး အစိုးရ စစ်ကူ တွေ ထပ်ရောက် လာတဲ့ အတွက် တိုက်ပွဲတွေ ပိုပြင်းလာမယ့် အရေး ဒေသခံတွေ ကြား စိုးရိမ်နေ။
ရခိုင်ပြည်နယ် ကျောက်တော်မြို့နယ် ထဲမှာ အစိုးရ စစ်တပ်နဲ့ ရက္ခိုင့် တပ်မတော်အကြား တိုက်ပွဲတွေ ဆက်လက် ဖြစ်ပွားနေတဲ့ အတွက် ဒေသခံ တွေ အနေနဲ့ ပေါ်တာ ဆွဲခံ ရမှာ စိုးရိမ် လို့ မြို့ပေါ်တက် ပုန်းရှောင် အိပ်နေရတယ် ဆိုပြီး ကျောက်တော်မြို့ခံ တွေက ပြောပါတယ်။

ဒါ့အပြင် တိုက်ပွဲတွေ ကြောင့် ဒေသခံ လယ်သမားတွေ လုပ်ကိုင် စားသောက် နေကြရတဲ့ သီးနှံ စိုက်ခင်းတွေ ကိုလည်း ဂရုမစိုက် နိုင်တော့ပဲ ပစ်ထား ရတယ်လို့လည်း ဆိုပါတယ်။

ဒါ့ကြောင့် ဇန်နဝါရီ ၂ ရက် နေ့က ဆိုရင် ကျောက်တော်မြို့ ပေါ်မှာ လူအင်အား ၂၀၀ ကျော်ဟာ စစ်ပွဲတွေ ရပ်ကြဖို့ ဆန္ဒပြ ချီတက် တောင်းဆို ခဲ့ကြပါတယ်။

လက်နက်ကြီးသံတွေကို ကျောက်တော် မြို့ပေါ် ကနေ ကြားနေရပြီး အစိုးရ စစ်ကူ တွေ ထပ်ရောက် လာတဲ့ အတွက် တိုက်ပွဲတွေ ပိုပြင်းလာမယ့် အရေး ဒေသခံတွေ ကြား စိုးရိမ်နေကြောင်း သိရတယ် ဆိုပြီး ဘီဘီစီ သတင်းထောက် က ပြောပါတယ်။

BBC Burmese
http://www.bbc.com/burmese


ဦးစည်သူအောင်မြင့်။ ။ ပြီးခဲ့တဲ့ ဒီဇင်ဘာ ၃၀ ရက်နေ့က သမ္မတ ရုံးဟာ မှောင်ခိုဖမ်းတဲ့ “တရားမ၀င် ကုန်သွယ်မှု တားဆီး ထိန်းချုပ်ရေး ဗဟိုကော်မတီ” ကို ဖျက်သိမ်းကြောင်း ကြေညာချက် တစ်စောင် ထုတ်ပြန်ခဲ့ပါတယ်။ အဲဒီထုတ်ပြန်ကြေညာချက်နဲ့အညီ ဒီကော်မတီကို တာဝန်ယူထားတဲ့ စီးပွား-ကူးသန်း ၀န်ကြီးဌာနကလည်း သူတို့ ဖွဲ့စည်းထားတဲ့ Mobile Team လို့ခေါ်တဲ့ မှောင်ခိုဖမ်းတဲ့ အဖွဲ့တွေကိုလည်း ဖျက်သိမ်းဖို့ တစ်ပြိုင်နက်တည်း ကြေညာချက် ထုတ်ပြန်ခဲ့ပါတယ်။ သမ္မတရုံးရဲ့ အမိန့်ကြေညာချက်မှာရော ထပ်ဆင့် အမိန့်ထုတ်တဲ့ စီးပွား-ကူးသန်း ၀န်ကြီးဌာနရဲ့ အကြောင်းကြားစာမှာပါ ဒီ အဖွဲ့ကို ဘာကြောင့်ဖျက်သိမ်းရတယ် ဆိုတာ ဖော်ပြမထားပါဘူး။ ဒါပေမယ့် အဲဒီ Mobile Team တာဝန်ယူတဲ့ အဖွဲ့ဝင်တွေ အဂတိလိုက်စားမှုရှိနေတယ်၊ တိုင်ကြားမှုတွေ များနေတယ်၊ ဒါကြောင့် ဖျက်သိမ်းရတာဆိုပြီး သတင်းတွေလည်း ထွက်ပေါ်နေပါတယ်။ အစိုးရက အကောင်အထည်ဖော်တဲ့ တရားမ၀င် ကုန်သွယ်မှု ထိန်းချုပ်ရေး လုပ်ငန်း ဘာကြောင့် မအောင်မြင်သလဲ ဆိုတာ ဒီတစ်ပါတ် ဆွေးနွေးတင်ပြသွားပါ့မယ်။

ခွာညို။ ။ ဒီအဖွဲ့ကို ၂၀၁၂ ဒီဇင်ဘာ ၁၂ ရက်နေ့က စီးပွား- ကူးသန်း ၀န်ကြီး ဦးဝင်းမြင့် ဦးဆောင်ပြီး ဖွဲ့စည်းခဲ့တာမို့ အခုဆိုရင် ၃ နှစ် တာ သက်တမ်းရှိနေပါပြီ။ နဂိုရ် စပြီး ဖွဲ့စည်းရတဲ့ ရည်ရွယ်ချက်ကတော့ မြန်မာနိုင်ငံရဲ့ ကုန်သွယ်ရေးစာရင်းဇယားတွေဟာ အိမ်နီးချင်းတွေနဲ့ ကုန်သွယ်ဘက် နိုင်ငံတွေက စာရင်းဇယားတွေနဲ့ ကွာဟမှု အလွန်များနေတယ်၊ ဒါဟာ တရားမ၀င် ကုန်သွယ်မှုကြောင့် ဖြစ်တယ်၊ ဒါကို တားဆီးဖို့အတွက် တရားမ၀င် ကုန်သွယ်မှု တားဆီးထိန်းချုပ်ရေး အဖွဲ့ ဖွဲ့ဖို့ လိုအပ်တယ် ဆိုပြီး ဖွဲ့ခဲ့တာ ဖြစ်ပါတယ်။ စ ဖွဲ့စဉ်ကစ ဒီကနေ့ အချိန်အထိ အဲဒီ ဗဟိုကော်မတီလက်အောက်မှာ မှောင်ခို ကုန်ပစ္စည်းတွေ ဖမ်းဖို့ Mobile Team တွေကို ဖွဲ့စည်းခဲ့ပါတယ်။ အထူးသဖြင့် နယ်စပ်ကုန်သွယ်မှု ပမာဏ များတဲ့ တရုတ်နယ်စပ် မူဆယ်- မန္တလေး ကားလမ်းပေါ်မှာနဲ့ ထိုင်းနယ်စပ် မြ၀တီ- ရန်ကုန် ကားလမ်းပေါ်တွေမှာ ဖြစ်ပါတယ်။

စတင်ဖွဲ့စည်းစဉ်ကတော့ စီးပွား-ကူးသန်း ၀န်ကြီးဌာနက အရာရှိတွေ အခြား ဌာနဆိုင်ရာတွေနဲ့ သက်ဆိုင်ရာ ဒေသဆိုင်ရာ အာဏာပိုင်တွေအပြင် သတင်းမီဒီယာက လူတွေကိုပါ ထည့်သွင်းခဲ့တာ တွေ့ရပါတယ်။ တရားမ၀င် ကုန်ပစ္စည်း စစ်ဆေး တားမြစ်တယ် ဆိုပေမယ့်လည်း တကယ့်တကယ် ဖမ်းဆီး စစ်ဆေးမိတာတွေဟာ တရုတ်နဲ့ ထိုင်းနိုင်ငံနယ်စပ်ကနေ အကောက်အခွန်မဲ့ တရားမ၀င် တင်သွင်းလာတဲ့ အရက်၊ ဘီယာနဲ့ စီးကရက်တွေက အများစု ဖြစ်နေပါတယ်။ ဒါ့အပြင် ရွေ့ရှား (Mobile Team) စနစ်နဲ့ ကြပ်မတ်မယ် ဆိုပေမယ့် နောက်ပိုင်း အဖွဲ့ကိုအထိုင်ချပြီး စစ်ဆေးရေး ဂိတ်သဖွယ် လုပ်လာတဲ့အတွက် အရင်ခေတ်က လုပ်ခဲ့တဲ့ပုံစံအတိုင်း ပြန်ဖြစ်သွားပါတော့တယ်။

အဲလို မှောင်ခိုဖမ်းတဲ့ ကော်မတီဟာ နောက်ပိုင်းမှာ တရားမ၀င် ကုန်ပစ္စည်းတွေဟာ နယ်စပ်လမ်းကြောင်းကနေပဲ ၀င်လာတာ မဟုတ်၊ ပင်လယ်ရေကြောင်းကနေလည်း ၀င်တယ်၊ လေဆိပ်တွေကနေလည်း ၀င်တယ်၊ ဒါကြောင့် ပင်လယ် ရေကြောင်းကနေ ၀င်လာတဲ့ ကွန်တိန်နာ တင် သင်္ဘောကြီးတွေကိုလည်း စစ်ရမယ်၊ လေဆိပ်အ၀င်အအထွက်ကိုလည်း စစ်ရမယ်ဆိုပြီး အကောင်အထည်ဖော်ဖို့ ကြိုးစားခဲ့ပါသေးတယ်။ ဒါပေမယ့် အဲလို စစ်ဆေးမယ့်ကိစ္စ သက်ဆိုင်ရာ ရေကြောင်းပို့ဆောင်ရေး၊ ရေတပ်၊ လေကြောင်းပို့ဆောင်ရေး၊ ဒေသအာဏာပိုင်၊ အကောက်အခွန် စတဲ့ လာဘ်ပေး လာဘ်ယူလုပ်တာ အံဝင်ဂွင်ကျ ဖြစ်နေတဲ့ ဌာနဆိုင်ရာတွေဘက်က သဘောမတူတာကြောင့် ကောင်းကောင်း အကောင်အထည်ဖော်လို့ မရခဲ့ပါဘူး။ ရန်ကုန်မှာပဲဝိုင်နဲ့အရက် သိုလှောင်တဲ့ဂိုဒေါင်တွေကို ၀င်စီးတာမျိုး လုပ်နိုင်ခဲ့ ပါတယ်။ ဒါကလည်း တိုင်သူရှိလို့ လုပ်ရတာပါဆိုပြီး နောက်ပိုင်း ပြောဆိုခဲ့ပါတယ်။

ကုန်သွယ်ရေးလမ်းကြောင်းတွေမှာ မှောင်ခိုဖမ်းတဲ့ Mobile Team အဖွဲ့တွေ ရှိနေတော့ မှောင်ခို ကုန်ကူးသူ တွေဟာ အဲဒီ အဖွဲ့တွေ ရှိရာ ဂိတ်ကို ရှောင်ကွင်းပြီး သွားကြတာ၊ လာဘ်ငွေပေးပြီး ဖြတ်သန်းတာ စတာတွေ ဖြစ်လာပါတယ်။ Mobile Team အဖွဲ့တွေအနေနဲ့ကလည်း လာသမျှ ကုန်ကားအားလုံးကို စစ်ဆေးရင် ကုန်စည် စီးဆင်းမှု ကြံ့ကြာစေနိုင်တာမို့ မသင်္ကာတာလောက်ပဲ ဖွင့်ဖေါက် စစ်ဆေးတာမျိုး လုပ်လို့ရတဲ့အခြေအနေကလည်း လာဘ်ပေး လာဘ်ယူ လုပ်ဖို့ အခြေအနေတစ်ခု ဖြစ်ပေါ်စေခဲ့တာမျိုးပါ။ တကယ်တော့ ဒီလို ဖြစ်စဉ်တွေဟာ အဆန်းတကြယ်တော့ မဟုတ်ပါဘူး။ အရင် စစ်အစိုးရ အုပ်ချုပ်ခဲ့တဲ့ အနှစ် ၂၀ ကျော် ကာလမှာလည်း ခုလိုပဲ ဖြစ်ခဲ့ဖူးပြီး မှောင်ခိုဖမ်းဆီးရေး လုပ်ငန်း တစ်ကြိမ်မှ အောင်မြင်မှုရခဲ့တာ မဟုတ်ပါဘူး။

အရင် စစ်အစိုးရခေတ်ကဆိုရင် ကုန်ပစ္စည်း အုပ်စု (၁၁) စုက အမျိုးအစားပေါင်း များစွာကို တင်သွင်းခွင့် ကန့်သတ်ခဲ့လို့ တရားမ၀င် ကုန်ပစ္စည်း တင်သွင်းမှု အလွန် မြင့်တက်ခဲ့ပါတယ်။ ဒီအခါ စစ်အစိုးရဟာ နယ်စပ် ကုန်သွယ်မှု စစ်ဆေးတာကို အကောက်အခွန် ဌာန တစ်ခုတည်း မလုပ်စေတော့ပဲ ဌာနဆိုင်ရာ အသီးသီးပါတဲ့အဖွဲ့ ဖွဲ့စည်း ဆောင်ရွက် စေတာ၊ နယ်စပ် ကုန်သွယ်ရေး လမ်းတစ်လျှောက် စစ်ဆေးရေးဂိတ် အများအပြား ချထားစစ်ဆေးစေတာ လုပ်ကိုင်ခဲ့ပါ တယ်။ ဒါပေမယ့်လည်း အဂတိ လိုက်စားမှုတွေကြောင့် အောင်မြင်မှု မရခဲ့ပါဘူး။ နောက်ဆုံး ဗိုလ်ချုပ်ကြီးခင်ညွန့်က သူ့ ထောက်လှမ်းရေး တပ်ဖွဲ့တွေ ဦးဆောင်တဲ့ “နစက” အဖွဲ့တွေ ထပ်မံဖွဲ့စည်း တာဝန်ပေးအပ်ခဲ့ပြန်ပါတယ်။ အဲဒီ အဖွဲ့လည်း အဂတိလိုက်စားမှုနဲ့ ပြဿနာတွေပေါ်ပြီး နောက်ပိုင်း စစ်ထောက်လှမ်းရေး အဖွဲ့ကို ဖျက်သိမ်းခံရသည်အထိ ဖြစ်ပျက်ခဲ့တာ တွေ့နိုင်ပါတယ်။

တရားမ၀င် ကုန်စည်တင်သွင်းခွင့်နဲ့ ပတ်သက်ရင် ခေတ်အဆက်ဆက် မှောင်ခိုဖမ်းအဖွဲ့ ဖွဲ့ပြီး ဖမ်းတာ၊ ဂိတ်တွေ ဖွင့်ပြီး ဆောင်ရွက်တာ တစ်ကြိမ်မှ အောင်မြင်မှု မရခဲ့ပါဘူး။ အခု အစိုးရအဖွဲ့သစ် လက်ထက်မှာတော့ နဂိုရ်က စစ်ဆေးရေးဂိတ်အားလုံးကို ဖျက်သိမ်းပြီးနောက် သိပ်မကြာခင် Mobile Team တွေပြန်ဖွဲ့ ရွေ့ရှားဂိတ်ဖွင့်ပြီး မှောင်ခို ပြန်ဖမ်းခဲ့တာ ဖြစ်ပါတယ်။ ဒါပေမယ့် ဒီ အဖွဲ့ကိုယ်တိုင်လည်း အဂတိလိုက်စားမှုတွေ ရှိလာ၊ တိုင်တောမှုတွေ များလာတဲ့အတွက် အခုနောက်ဆုံး အရင်အဖွဲ့တွေ၊ ဂိတ်တွေလိုပဲ ဖျက်သိမ်းရတဲ့ အခြေအနေထိ ပြန်ရောက်သွားရတာ ဖြစ်ပါတယ်။

ပြောရရင် မြန်မာနိုင်ငံမှာ အကောက်အခွန်မဲ့ တရားမ၀င် မှောင်ခို တင်သွင်းမှု အကြီးအကျယ် လုပ်နေကြသူ တွေဟာ အစိုးရနဲ့ နီးစပ်တဲ့ ခရိုနီအသိုင်းအ၀ိုင်း၊ လက်နက်ကိုင် အဖွဲ့အစည်းတချို့၊ ကုမ္ပဏီထောင်၊ တရားဝင် ကုန်ပစ္စည်း နည်းနည်းပါးပါး အသွင်းပြပြီး အများစု ခိုးသွင်းနေတဲ့ ကုမ္ပဏီကြီးတွေက အဓိက လုပ်ကိုင်နေကြတာပါ။ သူတို့ကို ဖမ်းရ ဆီးရ ခက်ပါတယ်။ ဖမ်းဖို့ဆီးဖို့ ကြိုးစားသူတွေ ဒုက္ခတောင် ရောက်သွားနိုင်ပါတယ်။ တကယ့်တကယ် ဖြစ်သင့်တာက နယ်စပ်ကုန်သွယ်ရေးကိုရော ပင်လယ်ရေကြောင်း ကုန်သွယ်ရေးကိုပါ ကြပ်ကြပ်မတ်မတ် ထိန်းသိမ်းနိုင်ဖို့ ကြိုးစားတာ၊ အဂတိလိုက်စားမှုကို စနစ်တကျ တိုက်ဖျက်တာတွေ လုပ်မှသာ တရားမ၀င် ကုန်သွယ်မှု လျော့နည်းသွားမှာ ဖြစ်ကြောင်းပါ။

ဦးစည်သူအောင်မြင့် / ဗွီအိုအေ (မြန်မာပိုင်း)
http://burmese.voanews.com


 ထိုင်းနိုင်ငံမှာ ပြီးခဲ့တဲ့နှစ် စစ်တပ်က အာဏာသိမ်းပြီးကတည်းက စစ်အစိုးရနဲ့ သဘောထား မတူသူတွေကို ကန့်သတ်ချုပ်ခြယ်ခဲ့ပြီး အဲဒီလုပ်ရပ်တွေက ထိုင်းတက္ကသိုလ်တွေအပေါ် ရိုက်ခတ်မှု ရှိလာတယ်လို့ တက္ကသိုလ်အသိုင်းအဝိုင်းက ပြောကြပါတယ်။

ပညာရှင်တွေ အထူးသဖြင့် နိုင်ငံရေးသိပ္ပံ ဘာသာရပ်လို လွတ်လပ်စွာ တွေးခေါ်မှု အတတ်ပညာကို သင်ကြားပေးနေရသူတွေက သူတို့ဟာ အစိုးရက ထိန်းချုပ်ထားတဲ့ နိုင်ငံရေးဆိုင်ရာ ဆွေးနွေးငြင်းခုံမှုတွေနဲ့ လူ့အခွင့်အရေးဆိုင်ရာ ကိစ္စတွေနဲ့ ပတ်သက်လို့ စောင့်ကြည့်မှု ခံနေရကြောင်း ပြောနေကြတာပါ။ ဗွီအိုအေသတင်းထောက် Ron Corben ရဲ့ သတင်းပေးပို့ချက်ကိုတော့ ကိုရဲခေါင်က တင်ပြထားပါတယ်။

ထိုင်းနိုင်ငံမှာ မေလ ၂၀၁၄ ခုနှစ်က စစ်တပ်ကအာဏာသိမ်းပြီးကတည်းက လူပေါင်း ၇၅၀ လောက်ဟာ ပြန်လည်ရင်ကြားစေ့ရေး ကိစ္စကို ပြောဆိုဆွေးနွေးခဲ့တဲ့အတွက် စစ်တပ်ရဲ့ ခေါ်ယူစစ်ဆေးခြင်းကို ခံခဲ့ရတယ်လို့ နယူးယောက်မြို့အခြေစိုက် Human Rights Watch အဖွဲ့က ပြောပါတယ်။ ထင်ရှားတဲ့ နိုင်ငံရေးသမားတွေ၊ တက်ကြွလှုပ်ရှားသူတွေနဲ့ စာနယ်ဇင်းသမားတွေဟာလည်း စစ်တပ်ရဲ့ အုပ်စိုးမှုကို ဆန့်ကျင်ဝေဖန်ခဲ့တယ်ဆိုတဲ့ စွပ်စွဲချက်တွေနဲ့ ရင်ဆိုင်နေရပါတယ်။ ဒီထဲမှာ ထိုင်းနိုင်ငံရဲ့ ထိပ်တန်းတက္ကသိုလ်ကြီးတွေက ပါမောက္ခတွေလည်း မလွတ်ပါဘူး။ ထိန်းသိမ်းခဲ့တဲ့ လူ ၇၅၀ ထဲမှာ အနည်းဆုံး ၆၅ ဦးဟာ တက္ကသိုလ်ကထိကနဲ့ ပါမောက္ခတွေဖြစ်ပြီး၊ သူတို့ဟာ “ခံယူချက် ထိန်းညှိပေးတဲ့သင်တန်း” တွေ တက်ခိုင်းဖို့အတွက်လို့ အကြောင်းပြပြီး ခေါ်ယူခံခဲ့ရတာလို့ ဒေသတွင်း တက်ကြွလှုပ်ရှားမှု ကွန်ယက်အဖွဲ့ Internet Dialogue on Law Reform က ပြောပါတယ်။

Titipol Phakdeewanich ဟာ ထိုင်းနိုင်ငံအရှေ့မြောက်ပိုင်းမှာရှိတဲ့ Ubon Ratchathani တက္ကသိုလ်က နိုင်ငံရေးသိပ္ပံဘာသာရပ် သင်ပြတဲ့ ကထိကတဦး ဖြစ်ပါတယ်။ ဒီဒေသဟာ ၂၀၁၄ ခုနှစ် မေလက ဖြုတ်ချခံလိုက်ရတဲ့ ၀န်ကြီးချုပ်ဟောင်း Yingluck Shinawatra ကို ထောက်ခံတဲ့သူတွေရဲ့ အမာခံနယ်မြေ ဖြစ်ပါတယ်။ အခုဆိုရင် စာသင်ခန်းထဲနဲ့ ဆွေးနွေးပွဲတွေ အထူးသဖြင့် နိုင်ငံတကာ အဖွဲ့အစည်းတွေ ပါဝင်တဲ့ အခမ်းအနားတွေမှာ စစ်တပ်လူတွေ ပုံမှန် လာတက်နေကြတယ်လို့ Titipol က ပြောပါတယ်။

“အခြေအနေကတော့ ကြောက်ရွံ့တာနဲ့ ခြောက်လှန့်ခံရတာ ရောထွေးနေပါတယ်။ ကျနော် နောက်က တယောက်ယောက် လိုက်နေတယ်ဆိုတာ သိလိုက်ရပြီးကတည်းက ဘယ်အချိန် ညဘက် ကားမောင်းနေတုန်း စစ်တပ်က လာရပ်ခိုင်းတာ ကြုံရမလဲဆိုတာ အမြဲတွေးနေမိပါတယ်။ ဒါကြောင့် ကျနော့်စိတ်ထဲမှာ ကျနော့်ကျောင်းမှာ သင်ကြားခဲ့တာ အားလုံးအတွက် စိုးရိမ်နေရပါတယ်။"

တက္ကသိုလ်ကတိက ဆရာတွေဟာ ကျောင်းသားတွေအကြားမှာ ပုန်ကန်ထကြွချင်တဲ့ အတွေးအခေါ်တွေနဲ့ လုပ်ဆောင်ချက်တွေ ဖြစ်လာအောင် နှိုးဆွပေးနေတယ်လို့ ပြီးခဲ့တဲ့ အောက်တိုဘာလက ထိုင်းဝန်ကြီးချုပ် Prayuth Chan-ocha က စွပ်စွဲပြောဆိုခဲ့ပါတယ်။ အမေရိကန်နိုင်ငံအခြေစိုက် ကမ္ဘာလုံးဆိုင်ရာ လွတ်လပ်ခွင့် လေ့လာစောင့်ကြည့်ရေးအဖွဲ့က ထိုင်းနိုင်ငံရဲ့ သတင်းနဲ့ လူမှုကွန်ယက် မီဒီယာ လွတ်လပ်ခွင့်ကို အဆင့်ချပြီး၊ လွတ်လပ်မှု မရှိတဲ့ အဆင့် သတ်မှတ်ထားပါတယ်။ အာဏာသိမ်း စစ်ခေါင်းဆောင်တွေရဲ့ အမျိုးသား ငြိမ်းချမ်းရေးနဲ့ ငြိမ်ဝပ်ပိပြားရေးကောင်စီဟာ လူပေါင်း ၄၀၀ ကျော်ကို အင်တာနက်ပေါ်မှာ ရေးသားခဲ့တာတွေအတွက် ခေါ်ယူစစ်ဆေးခဲ့တယ်လို့ Freedom House အဖွဲ့ရဲ့ နောက်ဆုံးအစီရင်ခံစာမှာ ဖော်ပြထားပါတယ်။ ဆိုင်းယမ်းတက္ကသိုလ်က ဒုတိယဌာနမှူး Ekachai Chaninuvati ကတော့ ထိုင်းနိုင်ငံရဲ့ နိုင်ငံရေးပြဿနာတွေကို စစ်ရေးနည်းလမ်း တခုတည်းနဲ့ ဖြေရှင်းလို့ မရနိုင်ဘဲ၊ စစ်တပ်နဲ့ လူမှုအဖွဲ့အစည်းကြားမှာ တိုးပွားလာနေတဲ့ မယုံကြည်မှုတွေကို ရပ်တန့်နိုင်မှ ဖြစ်နိုင်မယ်လို့ ဆိုပါတယ်။

"ထိုင်းစစ်တပ်ကသူတို့ဟာ ပြည်သူတွေနဲ့ မတူဘူးလို့ ထင်နေပြီး၊ ပြည်သူတွေကလည်း စစ်တပ်နဲ့ မတူဘူးလို့ ထင်နေရင် ဘယ်လိုမှ ရှေ့ဆက်လို့ ရမှာ မဟုတ်ပါဘူး။"

ထိုင်းစစ်တပ်ဟာ နိုင်ငံကို ပြုပြင်ပြောင်းလဲရေးလုပ်ဖို့နဲ့ ဖွဲ့စည်းပုံအခြေခံဥပဒေသစ်ကို ရေးဆွဲဖို့အတွက် အာဏာသိမ်းထားတာ ဖြစ်တဲ့အကြောင်း ၀န်ကြီးချုပ် Prayuth က နှစ်ကုန်ဆုံးချိန် တနိုင်ငံလုံး ထုတ်လွှင့်တဲ့ ရုပ်သံမိန့်ခွန်းမှာ ထိုင်းနိုင်ငံသားတွေကို ပြောကြားခဲ့ပါတယ်။၂၀၁၇ ခုနှစ် နှစ်လယ်ပိုင်းလောက်မှာ ရွေးကောက်ပွဲအသစ် လုပ်ပြီးတဲ့နောက် ဒီမိုကရေစီ ပြန်ရလိမ့်မယ်လို့ မျှော်လင့်တဲ့အကြောင်း သူက ပြောပါတယ်။

ရဲခေါင် / ဗွီအိုအေ (မြန်မာပိုင်း)
http://burmese.voanews.com

ကချင်ပြည်နယ် ဖားကန့်ဒေသ ကျောက်စိမ်းလုပ်ကွက်တွေမှာ အသုံးပြုနေတဲ့ စက်ယန္တရားတွေကို တွေ့ရစဉ်။ Photo: Kyaw Myo Min/RFA
ကချင်ပြည်နယ် ဖားကန့်ကျောက်စိမ်းဒေသအတွက် တရုတ်နယ်စပ်ဖြတ်ကျော်ပြီး ရောက်ရှိနေတဲ့ စက်ယန္တရားတွေဟာ ကချင်ပြည်နယ်အစိုးရက လုပ်ပိုင်ခွင့်မရှိကြောင်းနဲ့ အဲ့ဒီလို လုပ်ပိုင်ခွင့်တွေ အားလုံးဟာ ပြည်ထောင်စု အဆင့်နဲ့သာ သက်ဆိုင်ကြောင်း အဲ့ဒီကိစ္စတွေနဲ့ ပတ်သက်ပြီး မေးမြန်းခံရတဲ့ ကချင်ပြည်နယ်အစိုးရ ဘဏ္ဍာရေးဝန်ကြီးက ပြောပါတယ်။

ဖားကန့်ဒေသမှာ ကျောက်စိမ်းတူးဖော်တဲ့ စက်ယန္တားရားအရေအတွက် ဘယ်လောက်ရှိတယ် ဆိုတာတောင် ပြည်နယ်အစိုးရအဖွဲ့အနေနဲ့ မသိရကြောင်း ကချင်ပြည်နယ် ဘဏ္ဍာရေးဝန်ကြီး ဦးညွန့်အောင်က ပြောပါတယ်။

"ပွင့်ပွင့်လင်းလင်းပြောရရင် ကချင်ပြည်နယ် အစိုးရအဖွဲ့တောင် ဒီယန္တရားအင်အားကို မသိဘူး၊ ကျနော်တို့လည်း မသိဘူးနော်၊ တစ်နေ့က ဒုတိယဝန်ကြီး ထုတ်ပြန်မှပဲ ၁၈၇၂ စီး ဘတ်ဟိုး ရှိတာတို့၊ ၃၃ဝ၆ ပေါ့နော် မြေသယ်ကား ရှိတာတို့ အဲ့ဒါမှ ကျနော်တို့သိတာ"

ဖားကန့်ကျောက်စိမ်းတွင်းတွေအတွက် နယ်စပ်ကနေ ဝင်ရောက်လာတဲ့ စက်ယန္တရားတွေ များပြားလွန်းတဲ့ အတွက်ဆိုပြီး ကချင်ပြည်နယ် ဝန်ကြီးချုပ် ဦးလဂျွန်ငန်ဆိုင်းနဲ့ ပြည်နယ်အစိုးရတာဝန်ရှိသူတွေ တချို့ကို စစ်ဆေးနေတယ်လို့ သတင်းတွေ ထွက်ပေါ်နေတာ ဖြစ်ပါတယ်။

ဒီလို လုပ်ငန်းတွေအတွက် ရောက်ရှိတယ်ဆိုတဲ့ စက်ယန္တရားတွေ ဘယ်လောက်ရှိတယ် ဘယ်နှစ်စီး တင်သွင်းဆိုတာ ကချင်ပြည်နယ်အစိုးရမှာ လုပ်ပိုင်ခွင့်မရှိကြောင်းနဲ့ကချင်ပြည်နယ်အစိုးရမှာ လုပ်ပိုင်ခွင့်ဆိုတာ မရှိကြောင်းလည်း ပြောပါတယ်။

ကချင်ပြည်နယ်ဝန်ကြီးချုပ် ဦးလဂျွန်ငန်းဆိုင်းကို စစ်ဆေးမေးမြန်းတာ ရှိ၊ မရှိ ကိုတော့ အတည်မပြုနိုင်ဘူး လို့ ပြည်နယ်ဘဏ္ဍာရေးဝန်ကြီး ဦးညွန့်အောင်က ပြောပါတယ်။

ဖားကန့်ကျောက်စိမ်းတူးဖော်တဲ့ဒေသမှာ စက်ယန္တာရားယာဉ် အမြောက်အများနဲ့ တူးဖော်မှုတွေကို ပတ်ဝန်းကျင်ထိန်းသိမ်းရေးနဲ့ သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်းနဲ့ ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်တို့က ဦးဆောင်ပြီး စစ်ဆေးနေတာ ဖြစ်ပါတယ်။

RFA Burmese
http://www.rfa.org/burmese

လက်ရှိ လွှတ်တော် သက်တမ်း ဇန်နဝါရီ ၃၁ မှာ ကုန်ဆုံး
လာမယ့် ဖေဖော်ဝါရီလ ပထမပတ်မှာ မြန်မာ လွှတ်တော် အသစ်တွေ ခေါ်ယူနိုင် တယ်လို့ NLD အမျိုးသား လွှတ်တော် ကိုယ်စားလှယ် ဒေါက်တာ မြတ်ဉာဏစိုးက ပြောပါတယ်။

ဥပဒေ အရ လက်ရှိ လွှတ်တော် တွေ အားလုံးရဲ့ သက်တမ်းက ဇန်နဝါရီ ၃၁ မှာ ကုန်ဆုံးမှာ ဖြစ်လို့ လွှတ်တော် အသစ် တွေကို လက်ရှိ လွှတ်တော် ဥက္ကဋ္ဌ တွေက ခေါ်ယူ ပေးသွားရ မယ် လို့ သိရပါတယ်။

အဲဒိ လွှတ်တော် သစ်မှာ လွှတ်တော် ဥက္ကဋ္ဌတွေ ရွေးချယ်ပြီး ဒုတိယ သမ္မတ လောင်း တွေ ရွေးချယ်ရေးနဲ့ အစိုးရ ဖွဲ့စည်းရေး ကို မတ်လ အစိုးရ သက်တမ်း မကုန် မီ ဆောင်ရွက် သွားရမှာ ဖြစ်ပါတယ်။

လက်ရှိ လွှတ်တော် တွေမှာ တင်သွင်း ဆွေးနွေး နေတဲ့ ဥပဒေ တွေ မပြီးပြတ်ဘဲ ကျန်နေရင် လွှတ်တော် သစ်မှာ အသစ်က ပြန်စရမယ် လို့ လည်း ဥပဒေကြမ်း ကော်မတီ က ဒေါက်တာ မြတ်ဉာဏစိုးက ပြောပါတယ်။

လောလောဆယ် အမျိုးသား လွှတ်တော် မှာ ဆွေးနွေးနေတဲ့ ဥပဒေကြမ်း ၂ ခု ရှိပြီး ပြည်သူ့ လွှတ်တော် မှာ ၅ ခု လောက် ရှိတယ် လို့ ဆိုပါတယ်။

လူပြောများ နေတဲ့ ကာလုံ ခေါ် ကာကွယ်ရေးနဲ့ လုံခြုံရေး ကောင်စီ ဥပဒေ ကြမ်းကို တော့ ခုထိ လွှတ်တော် မှာ တင်သွင်းမှု မရှိသေးဘူး လို့လည်း ပြောပါတယ်။

BBC Burmese
http://www.bbc.com/burmese

ရှမ်းပြည် ပြန်လည်ထူထောင်ရေးကောင်စီ RCSS/SSA တပ်ဖွဲ့ဝင်တွေကို တွေ့ရစဉ်။ Photo: Kyaw Myo Tun/ RFA
တစ်နိုင်ငံလုံးအပစ်ခတ်ရပ်စဲရေး NCA လက်မှတ်ရေးထိုးထားတဲ့ ရှမ်းပြည်ပြန်လည်ထူထောင်ရေး ကောင်စီ RCSS/ SSA အဖွဲ့ဝင်တွေ နယ်မြေကျော်သွားလာတယ်ဆိုပြီး အစိုးရတပ်တော်နဲ့ ပြီးခဲ့တဲ့ ဒီဇင်ဘာ ၃၁ ရက်နေ့ က ရှမ်းပြည်နယ် မိုင်းပြင်းမြို့နယ်မှာ တိုက်ပွဲဖြစ်ပွားခဲ့တဲ့အပေါ် တစ်နိုင်ငံလုံး အပစ်ခတ်ရပ်စဲရေးစာချုပ် NCA အရ ပြန်လည်ညှိနှိုင်းဖို့လိုတယ်လို့ RCSS က ပြောပါတယ်။

NCA စာချုပ်မှာလက်မှတ်ရေးထိုးစဉ်က တပ်ဖွဲ့ဝင်တွေ သွားလာမှုကို နယ်မြေကန့်သတ်ထားတဲ့ အချက်မပါဝင် တာကြောင့် ပြန်လည်ညှိနှိုင်းရမယ်လို့ RCSS က ပြောရေးဆိုခွင့်ရှိသူ ဗိုလ်မှူးကြီးစိုင်းလ က ပြောပါတယ်။

"NCA စာချုပ်မှာဆိုရင် ကျနော်တို့တပ်ဖွဲ့တွေကို ဒီမှာမနေရ၊ ဟိုမှာမနေရဆိုတဲ့ စာချုပ်ချုပ်ထားတာ မရှိပါဘူး ခင်ဗျ၊ ဆိုတော့ ကျနော်တို့ တပ်ဖွဲ့တွေကို စားဝတ်နေရေးအတွက် နေထိုင်စားသောက်ရမယ့် နေရာတွေ နှစ်ဖက် ညှိနှိုင်းပြီးတော့ ဆောင်ရွက်သွားမယ်ဆိုပြီးတော့ ပါတဲ့အချက်တွေပဲ လက်မှတ်ထိုးထားတာပါဖြစ်တယ်၊ အဓိကတော့ ကျနော်တို့ကို ဒီလိုမျိုးနေရာအတည်တကျ နေထိုင်ဖို့အတွက် ကန့်သတ်လာတဲ့ အနေအထားမျိုး ကိုလည်းတွေ့ရတော့ အဲ့ဒီအချက်အတိုင်း ထပ်မံပြီးတော့ညှိနှိုင်း ဖြေရှင်းသွားကြဖို့တော့ လိုအပ်ပါလိမ့် မယ်တော့မြင်ပါတယ်"

ပြီးခဲ့တဲ့ ဒီဇင်ဘာ ၃၁ ရက်နေ့ နေလည် ၁၂ နာရီ က ရှမ်းပြည်နယ် မိုင်းပြင်းမြို့နယ်တွင်းမှာ တိုက်ပွဲဖြစ်ပွား ခဲ့တာဖြစ်ပြီး RCSS ဘက်က တစ်ဦးသေဆုံး၊ တစ်ဦး ဒဏ်ရာရခဲ့ပါတယ်။ ဖြစ်ပွားတဲ့နေရာဟာ ကျေးရွာတွေ နဲ့ ဝေးတဲ့နေရာတွေဖြစ်တာကြောင့် ဒေသခံတွေကို ထိခိုက်မှုမရှိဘူးလို့ သိရပါတယ်။

RCSS အဖွဲ့ဟာ အစိုးရနဲ့ အပစ်ခတ်ရပ်စဲရေး NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင် အဖွဲ့ ၈ ဖွဲ့ထဲက တစ်ဖွဲ့အပါအဝင်ဖြစ်ပါတယ်။

လာမယ့် ဇန်နဝါရီလ ၁၂ ရက်နေ့မှာ ပြည်ထောင်စု ငြိမ်းချမ်းရေး ညီလာခံကို နေပြည်တော်မှာ ကျင်းပမှာဖြစ်ပြီး အဲ့ဒီညီလာခံမှာ အစိုးရ၊ လွှတ်တော် ၊ တိုင်းရင်းသားလက်နက်ကိုင် အဖွဲ့အစည်းတွေ ၊ နိုင်ငံရေးပါတီတွေက ကိုယ်စားလှယ်စုစုပေါင်း ၇ဝဝ တက်ရောက်ကြမယ်လို့ သိရပါတယ်။

RFA Burmese
http://www.rfa.org/burmese

အပစ်ရပ် သဘောတူမှု အပေါ် နှစ်ဘက်စလုံး က မစောင့်ထိန်းပဲ မှန်မှန် ချိုးဖောက် ခဲ့။
ယီမင် နိုင်ငံမှာ ရှီအာမွတ်ဆလင်မ် ဟူသီ သူပုန်တွေ နဲ့ကြား ရယူ ထားတဲ အပစ်ရပ် သဘောတူမှုဟာ အမည်ခံ သက်သက် ဖြစ်နေပြီး၊ အဲဒီ့ သဘောတူမှုကို ဆက်လက် စောင့်ထိန်း တော့မှာ မဟုတ်ဘူး ဆိုပြီး ဆော်ဒီအာရေဗျ ဦးဆောင်နဲ့ မဟာမိတ် အဖွဲ့က ကြေညာလိုက်တဲ့ နေ့မှာပဲ အကြမ်းဖက် ဖြစ်ရပ် တွေ ပိုပြီး ဖြစ်ပေါ် လာပါတယ်။

ဆော်ဒီ နယ်စပ်က ပစ်မှတ်တွေ အပါအဝင် ဆော်ဒီ မြို့ကြီးတွေ ဆီ ဟူသီသူပုန် တွေ ဘက်က ဒုံးကျည် ပစ်ခတ်မှု တွေ အကြိမ်ရေ အမြောက်အများ လုပ်ဆောင် ခဲ့တဲ့ အတွက် အပစ်ရပ် သဘောတူမှု အပေါ် မလိုက်နာ နိုင်တော့တာ ဖြစ်တယ် လို့ ဆော်ဒီ ဦးဆောင်တဲ့ မဟာမိတ် အဖွဲ့က ပြောပါတယ်။

ယီမင် နိုင်ငံ အတွင်း ရေရှည် ငြိမ်းချမ်းရေး ဖြစ်ထွန်းအောင် ဆောင်ရွက် နိုင်ကြဖို့ ရယူထားခဲ့တဲ့ အပစ်ရပ် သဘောတူမှု အပေါ် နှစ်ဘက်စလုံး က မစောင့်ထိန်းပဲ ချိုးဖောက် ခဲ့ကြမြဲ ဖြစ်နေခဲ့ပါတယ်။

ပြီးခဲ့တဲ့နှစ် မတ်လ ကစလို့ ယီမင် နိုင်ငံထဲမှာ ဆော်ဒီ ဦးဆောင်တဲ့ မဟာမိတ် အဖွဲ့က စစ်ရေး ဆောင်ရွက်ချက် တွေ စတင် ပြုလုပ် လာခဲ့ပြီး နောက်ပိုင်း လူ ၆ ထောင် ဝန်းကျင် သေဆုံး ခဲ့ရပြီး ဖြစ်တယ်လို့ ကုလသမဂ္ဂက ပြောပါတယ်။

BBC Burmese
http://www.bbc.com/burmese


အထင်ကရ Shi'ite ဘာသာရေးခေါင်းဆောင် Nimr al-Nimr ကို ဆော်ဒီအာရေးဗီးယားရဲ့ အာဏာရ တော်ဝင်မိသားစုက ကွပ်မျက်လိုက်တဲ့အပေါ် နိုင်ငံတကာမှာ အမျက်ဒေါသထွက် ထွက်ပေါ်နေပြီး ဒေသတွင်းက Shi'ite ဘာသာဝင် အများစုနေထိုင်တဲ့ တိုင်းပြည်တွေနဲ့ သံတမန်ရေးအရ တင်းမာမှုတွေ ဖြစ်ပေါ်လာနိုင်သလို၊ ဒေသတွင်းမှာ မတည်ငြိမ်မှုတွေလည်း နောက်ဆက်တွဲ ဖြစ်ပေါ်နိုင်တယ်လို့ ဆိုပါတယ်။

Shi'ite ဘာသာရေးခေါင်းဆောင် Nimr al-Nimr ကို ကွပ်မျက်လိုက်တဲ့အတွင် ဒေသတွင်း မတူညီတဲ့ ဘာသာရေး အဖွဲ့အစည်းတွေအကြားက တင်းမာမှုကို တိုးမြှင့်လိုက်သလို ဖြစ်နေကြောင်း အမေရိကန်ပြည်ထောင်စုကလည်း သတိပေး ပြောကြားလိုက်ပါတယ်။

တချိန်ထဲမှာပဲ အီရန်နိုင်ငံ တီဟီရန်မြို့မှာရှိတဲ့ ဆော်ဒီအာရေးဗီးယားနိုင်ငံ သံရုံးကို ဒေါသထွက်နေတဲ့ အီရန်ဆန္ဒပြသူတွေ စနေနေ့မှာ ၀င်ရောက် တိုက်ခိုက်တယ်ဆိုတဲ့ သတင်းတွေလည်း ထွက်ပေါ်နေပါတယ်။

အထင်ကရ Shi'ite ဘာသာရေးခေါင်းဆောင်တဦး အပါအ၀င် အကြမ်းဖက်မှု ကျူးလွန်ခဲ့တယ်ဆိုတဲ့ စွဲချက်နဲ့ အရေးယူခံထားရတဲ့ လူပေါင်း ၄၇ ဦးကို ဆော်ဒီအာရေးဗီးယားနိုင်ငံက နှစ်ပေါင်း ၃၀ အတွင်း လူအများအပြားကို ပထမဆုံးအကြိမ် ကွပ်မျက်လိုက်ပါတယ်။

ကွပ်မျက်ခံရသူ အများစုဟာ Sunni စစ်သွေးကြွတွေဖြစ်ပြီး အဲဒီထဲက တချို့ဟာ al-Qaida အဖွဲ့နဲ့ ဆက်နွယ်မှုရှိတဲ့ သူတွေဖြစ်လို့ သတင်းမီဒီယာတွေမှာ ဖော်ပြထားပါတယ်။ ကွပ်မျက်ခံရသူ အားလုံးထဲမှာ ၂ ဦးကလွဲလို့ ကျန်သူတွေဟာ ဆော်ဒီအာရေးဗီးယား နိုင်ငံသားတွေ ဖြစ်ကြပြီး တဦးက ချဒ်နိုင်ငံသားနဲ့ ကျန်တဦးကတော့ အီဂျစ်နိုင်ငံသား ဖြစ်တယ်လို့ ဆိုပါတယ်။

Shi'ite ဘာသာရေးခေါင်းဆောင် Nimr al-Nimr ဟာ ၂၀၁၁ ခုနှစ်အတွင်း ဖြစ်ပေါ်ခဲ့တဲ့ အာရပ်နွေဦး လှုပ်ရှားမှုတွေအတွင်း အရေးပါတဲ့ ပုဂ္ဂိုလ်တဦးဖြစ်ပါတယ်။ သူဟာ ဆော်ဒီ အစိုးရက Shi'ite ဘာသာဝင်တွေအပေါ် ခွဲခြားဆက်ဆံမှုတွေနဲ့ ပတ်သက်လို့ ဝေဖန် ပြောဆိုခဲ့သူဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

တဟီရန်မှာ ရှိတဲ့ ဆော်ဒီ သံရုံးရှေ့ ဆန္ဒပြ အုံကြွမှုတွေ ဖြစ်ပေါ်နေ။
ဆော်ဒီအာရေဗျ နိုင်ငံမှာ ရှီအာမွတ်ဆလင်မ် တွေ ကြား ဩဇာကြီး ထင်ရှားတဲ့ ဘာသာရေး ခေါင်းဆောင် ရှိတ်ခ် နီမာ အယ်လ် နီမား အကွပ်မျက် ခံခဲ့ရတဲ့ နောက် နောက်ဆက်တွဲ ဂယက်တွေ ကြီးကြီးမားမား ပေါ်ထွက် နေပါတယ်။

အီရန် နိုင်ငံ တဟီရန် မြို့တော်မှာ ရှိတဲ့ ဆော်ဒီ သံရုံးထဲကို ဒေါသထွက်နေတဲ့ အီရန် ဆန္ဒပြသမားတွေ ဝင်ရောက် လာတယ် လို့ သတင်းတွေ ရရှိ ထားပါတယ်။

အင်တာနက် လူမှုကွန်ရက် စာမျက်နှာတွေပေါ် ဓာတ်ပုံတွေ တက်လာတာမှာ လည်း သံရုံး အဆောက်ဦ တစိတ်တပိုင်း မီးလောင် နေတဲ့ ပုံတွေ တွေ့နေရပါတယ်။

ရှိတ်ခ် နီမာ အယ်လ် နီမား ကိုသေဒဏ် စီရင်မှုဟာ ဆွန်နီနဲ့ ရှီအာ တို့အကြား တင်းမားမှု တွေ တိုးမြင့်လာတဲ့ အပေါ် စိုးရိမ်တယ် ဆိုပြီး အမေရိကန် က ပြောပါတယ်။

အရှေ့အလယ်ပိုင်း ဒေသတခွင်လုံးက နိုင်ငံ အသီးသီးရဲ့ အစိုးရ တွေကိုလည်း တိုးမြင့်လာတဲ့ တင်းမာမှုတွေကို ကြိုးစား လျှော့ချကြဖို့ အမေရိကန် နိုင်ငံခြားရေး ဌာနက တိုက်တွန်း နေပါတယ်။

အခြေအနေကို မီးလောင်ရာ လေပင့် ဖြစ်စေနိုင်တဲ့ လုပ်ရပ် မျိုးတွေ ကို ရှောင်လွှဲ နိုင်ဖို့ အတွက် သက်ဆိုင်တဲ့သူတွေ အားလုံး က တင်းမာမှု တွေ ဖြေလျော့ကြပါ ဆိုပြီးတော့ လည်း ဥရောပ သမဂ္ဂ ရဲ့ နိုင်ငံခြား ရေးရာ မူဝါဒ အကြီးအကဲ ဖက်ဒရီးကား မိုဂီရီးနီးက ဆော်ဩ နေပါတယ်။

အစောပိုင်းတုန်းက၊ လူထု ဆန္ဒပြမှု တွေ မပြုလုပ်ဖို့ ဆော်ဒီ အာဏာပိုင်တွေက ပိတ်ပင် ထားတဲ့ ကြားကပဲ အရှေ့ဘက်ပိုင်း ကာတိဖ် မြို့မှာတော့ လူ ၁၀၀ ကျော် လမ်းပေါ် ထွက်လာပြီး ဆော်ဒီ တော်ဝင်မိသားစု သေဆုံးပါစေ ဆုံးပြီး အော်ဟစ် ခဲ့ကြပါတယ်။

နီမာ အယ်လ် နီမား ကို သေဒဏ် စီရင် လိုက်တဲ့ အတွက် ဆော်ဒီ ထဲက လူနည်းစု ရှီအာ မွတ်ဆလင်တွေကြားထဲ မကျေနပ်မှု တွေ ကျယ်ကျယ်ပြန့်ပြန့် ဖြစ်ပေါ် လာစေပါတယ်။

အကြမ်းဖက် ပုဒ်မ စွဲချက် တွေ နဲ့ သေဒဏ် စီရင် လိုက်တဲ့ လူပေါင်း ၄၇ ယောက်ထဲမှာ ရှီအာ ဘာသာရေး ခေါင်းဆောင် နီမာ အယ်လ် နီမား လည်း ပါဝင်တယ် ဆိုပြီး ဆေယ်ဒီ ပြည်ထဲရေး ဌာနက ကြေညာပါတယ်။

နီမာ အယ်လ် နီမား ဟာ ဆော်ဒီထီးနန်း အပေါ် ဝေဖန်ခဲ့ အပြီး ၂၀၁၂ ခုနှစ်မှာ အဖမ်းခံခဲ့ရတာ ဖြစ်ပါတယ်။

သူဟာ ဘယ်တော့မှ အကြမ်းဖက်ဖို့ မဟောပြောခဲ့ဘူးလို့ သူ့ရဲ့ နောက်လိုက်တွေက ပြောကြပါတယ်။

ဆော်ဒီအာရေဗျရဲ့ ဒေသတွင်း ပြိုင်ဘက် ရှီအာ မွတ်ဆလင်မ် နိုင်ငံ ဖြစ်တဲ့ အီရန် က နီမာ အယ်လ် နီမား အသတ် ခံခဲ့ ရမှု အပေါ် ကန့်ကွက်တဲ့ အနေနဲ့ မြို့တော် တဟီရန် မှာ ရှိတဲ့ ဆော်ဒီ သံရုံး တာဝန်ခံ ကို ဆင့်ခေါ် ခဲ့ပါတယ်။

ဆွန်နီတွေ ကြီးစိုးတဲ့ ဆော်ဒီ ဘုရင့် နိုင်ငံ အနေနဲ့ တန်ဖိုး ကြီးကြီးမားမား ပြန်လည် ပေးဆပ် ရလိမ့်မယ် ဆိုပြီးတော့လည်း အီရန် နိုင်ငံခြားရေး ဌာန က ပြောပါတယ်။

အီရန်ရဲ့ အထွဋ်အထိပ် ခေါင်းဆောင် အယာတိုလာ အလီ ခါမေနီ က သေဆုံးသွားတဲ့ နီမာ အယ်လ် နီမား ရဲ့ ဓာတ်ပုံကို အင်တာနက် လူမှုကွန်ရက် စာမျက်နှာ တစ်ခု ဖြစ်တဲ့ တွစ်တာပေါ် တင်ခဲ့ ပါတယ်။

အီရတ် နိုင်ငံရဲ့ ဝန်ကြီးချုပ်ဟောင်း ဖြစ်တဲ့ နူးရီ အယ်လ် မာလီကီ ကလည်း အခုလို သတ်ဖြတ်မှုဟာ ဆော်ဒီကို အုပ်စိုးနေတဲ့ မိသားစု ပြုတ်ကျသွားဖို့ အထိ ဖြစ်လာနိုင်လို့ ဆိုပါတယ်။

ဆွန်နီ လူများစု ရှိတဲ့ ဘာရိန်း မှာလည်း လူနည်းစု ရှီအာတွေက နီမာ အယ်လ် နီမား သေဒဏ် စီရင် ခံခဲ့ရလို့ ဆန္ဒ ပြ ခဲ့ကြပါတယ်။

လက်ဘနွန် အခြေစိုက် ရှီအာ မွတ်ဆလင် အဖွဲ့ဖြစ်တဲ့ ဟစ်ဇ်ဘိုလာ က လည်း နီမာ အယ်လ် နီမား ဟာ အဖိနှိပ်ခံတွေ ရဲ့ အခွင့်အရေးကို တောင်းဆိုလို့ လုပ်ကြံ သတ်ဖြတ် ခံလိုက်ရတာ ဆိုပြီး သုံးနှုံး ဝေဖန် ခဲ့ပါတယ်။

တခါ၊ နီမာ အယ်လ် နီမား နဲ့ အတူ အကွပ်မျက် ခံခဲ့ရတဲ့ ၄၇ ဦးထဲမှာ ၂၀၀၄ ခုနှစ် တုန်းက ဆော်ဒီအာရေဗျ နိုင်ငံထဲမှာ ဘီဘီစီ အတွက် အလုပ်လုပ်ပေးရင်း အသတ်ခံခဲ့ရတဲ့ အိုင်းရစ်ရှ် လူမျိုး ကင်မရာမင်း Simon Cumbers ကို ပစ်ခတ်ခဲ့တဲ့ သေနတ်သမားလည်း ပါဝင်တယ် လို့ ဘီဘီစီ အနေနဲ့ နားလည် ထားပါတယ်။

Adel al-Dhubaiti ဆိုသူကို အယ်လ်ကိုင်အေဒါး အဖွဲရဲ့ တိုက်ခိုက်မှုတွေ ထဲ ပါဝင် ပတ်သက်မှုနဲ့ ၂၀၁၄ ခုနှစ် မှာ ဆော်ဒီ အစိုးရရဲ့ သေဒဏ် ချမှတ်ထားတာ ဖြစ်ပါတယ်။

မစ္စတာ Cumbers သေဆုံးခဲ့ရတဲ့ ဖြစ်ရပ်မှာ ဘီဘီစီ သတင်းထောက် ဖရန့်ဂါ့ဒ်နာ လည်း ဒဏ်ရာ အပြင်းအထန် ရရှိ ခဲ့ပါတယ်။

BBC Burmese
http://www.bbc.com/burmese

ဘာသာရေး ခေါင်းဆောင် နဲ့ အတူ အခြား လူ ၄၆ ဦးကိုလည်း ကွပ်မျက် ခဲ့
ရှီးယား မွတ်စလင် ခေါင်းဆောင် တစ်ဦး ဖြစ်တဲ့ Nimr Al Nimr ကို ကွပ်မျက် ခဲ့ပြီး ဖြစ်ကြောင်း ဆော်ဒီအာရေးဘီးယား နိုင်ငံက ပြောကြား လိုက်ပါတယ်။

အကြမ်းဖက် သမား တွေကို အပြစ်ပေး အရေးယူတဲ့ အနေနဲ့ ဘာသာရေး ခေါင်းဆောင် နဲ့ အတူ အခြား လူ ၄၆ ဦးကိုလည်း ကွပ်မျက် ခဲ့ကြောင်း ဆော်ဒီ ပြည်ထဲရေး ဝန်ကြီး က ပြောပါတယ်။

၂၀၁၂ ခုနှစ်က ရှီးယား မွတ်စလင် ခေါင်းဆောင် Nimr ဟာ ဆော်ဒီနိုင်ငံရဲ့ ဘုရင် စနစ်ကို ဝေဖန်ခဲ့ပြီး ရွေးကောက်ပွဲ လုပ်ဖို့ တောင်းဆို ခဲ့တဲ့ အတွက် ဖမ်းဆီး ထိန်းသိမ်း ခံခဲ့ရတာ ဖြစ်ပါတယ်။

သူ့ကို ဖမ်းဆီး ခဲ့မှုကြောင့် ဆော်ဒီ နိုင်ငံက လူနည်းစု ရှီးယား မွတ်စလင် တို့ အကြား ဆန္ဒပြမှုတွေ ဖြစ်ပွားခဲ့ပြီး သူနဲ့ ဆက်နွယ် နေသူတွေက ဘာသာရေး ခေါင်းဆောင် Nimr ဟာ အကြမ်းဖက် ဝါဒ ကို ကျင့်သုံးတဲ့သူ မဟုတ်ကြောင်း ထောက်ခံ ပြောကြား ခဲ့ကြပါတယ်။

ရှီးယား မွတ်စလင် ခေါင်းဆောင်တွေ အုပ်ချုပ်တဲ့ အီရန် နိုင်ငံက ဆော်ဒီ နိုင်ငံ အနေနဲ့ ဘာသာရေး ခေါင်းဆောင်ကို ကွပ်မျက်ခဲ့ရင် နောက်ဆက်တွဲ အကျိုးဆက်တွေကို ခံစား ရလိမ့်မယ်လို့ သတိပေး ပြောကြားခဲ့ပါတယ်။

BBC Burmese
http://www.bbc.com/burmese

Austin၊ Texasမှာ လက်နက်ကိုင်ဆောင်ခွင့် ထောက်ခံဆန္ဒပြ။
အမေရိကန်ပြည်ထောင်စု၊ တက္ကဆက်စ်ပြည်နယ်မှာ ခြောက်လုံးပြူး ပစ္စတို စတဲ့ ပြောင်းတိုသေနတ်တွေကို လူမြင်သူမြင် ယူသွား နိုင်တဲ့ ဥပဒေ အသစ်တရပ် သောကြာနေ့ကစပြီး အသက်ဝင်ပါတယ်။ ဒီဥပဒေအရ တက္ကဆက်စ်ပြည်နယ်သားတွေအနေနဲ့ လိုင်စင်နဲ့ကိုင်တဲ့ ပစ္စတိုလ်သေနတ်တွေကို သေနတ်အိတ်နဲ့ထည့်ပြီး ယူသွားလို့ရပါပြီ။ ဒါဟာ ၁၈၇၁ ခုနှစ် ကတည်းကနေဆိုရင် ပထမဆုံးအကြိမ်ဖြစ်ပါတယ်။ လူမြင်ကွင်း မှာ သေနတ်ယူသွားလို့ရတဲ့ အခုဥပဒေကို ရီပတ်ဘလီကန်အမတ် အများစုဖြစ်တဲ့ ပြည်နယ် လွှတ်တော်ကနေ ၂၀၁၅ ခုနှစ်က ပြဌာန်းထားတာပ့ါ။

အခုဥပဒေအသစ်ကို ထောက်ခံသူတွေဟာ အိတ်နဲ့ထည့်ထားတဲ့ သူတို့ရဲ့သေနတ်တွေကို ယူပြီး အော်စတင်မြို့မှာရှိတဲ့ တက္ကဆက်စ်ပြည်နယ် လွှတ်တော် အဆောက်အဦးရှေ့မှာ သောကြာနေ့က စုဝေးကြပါတယ်။

ဘေးကင်းလုံခြုံရေးဆိုင်ရာ တက်ဖို့လိုအပ်တဲ့ သင်တန်းတွေကို တက်ရောက် အောင်မြင်ပြီးသူ၊ သေနတ်ကို အိတ်နဲ့ထည့်ပြီး ယူသွားခွင့်လိုင်စင် ရထားပြီးသူ တက္ကဆက်စ်ပြည်နယ်သားတွေအနေနဲ့ ဈေးဝယ်ထွက်တဲ့အခါ၊ လမ်းလျှောက်သွားတဲ့အခါ၊ ဘုရားကျောင်းသွားတဲ့အခါ၊ ညစာသွားစားတဲ့အခါ Glocks နဲ့ Smith and Wessons အမျိုးအစား သူတို့ သေနတ်တွေ ကို သေနတ်အိတ်နဲ့ ထည့်ပြီး လူမြင်သူမြင် သယ်သွားနိုင်ကြပါပြီ။

ဒါဟာ အများပြည်သူ ဘေးကင်းလုံခြုံရေးကို အားကောင်းစေမယ်လို့ ဥပဒေကို ထောက်ခံသူတွေကဆိုပါတယ်။ ကန့်ကွက်သူတွေ ကတော့ သေနတ်ကို လူမြင်သူမြင်ကိုင်နိုင်တဲ့ ပြည်နယ်တွေဟာ ပိုပြီးတော့ ဘေးကင်း လုံခြုံတဲ့နေရာတွေ ဖြစ်တယ်ဆိုတဲ့ အထောက်အထား မရှိလှဘူးလို့ ပြောကြပါတယ်။

ဗွီအိုအေ (မြန်မာပိုင်း)
http://burmese.voanews.com

အမျိုးသားဒီမိုကရေစီအဖွဲ့ချုပ် ရွေးကောက်ပွဲအောင်နိုင်ရေးကော်မတီ နာယက ဦးတင်ဦးကို တွေ့ရစဉ်။ Photo: RFA
 တိုင်းပြည်အသွင်ကူးပြောင်းရေးကာလမှာ အနှောက်အယှက်ဖြစ်စေမယ့် အပြောအဆို၊ အသုံးအနှုန်းတွေ ကို နှစ်ဘက်ညှိနှိုင်းပြီး ထိန်းသိမ်းသွားဖို့အတွက် အမျိုးဘာသာသာသနာ စောင့်ရှောက်ရေးအဖွဲ့ မဘသ ဗဟိုနဲ့ အမျိုးသားဒီမိုကရေစီအဖွဲ့ချုပ် NLD နာယက ဦးတင်ဦးတို့တွေ့ဆုံပွဲမှာ သဘောတူညီခဲ့ကြတယ်လို့ မဘသ အဖွဲ့က မိန့်ကြားပါတယ်။

အမျိုးဘာသာသာသနာစောင့်ရှောက်ရေးအဖွဲ့ မဘသ ဥက္ကဋ္ဌ ဆရာတော် ဘဒ္ဒ န္တတိလောကဘိဝံသနဲ့ NLD နာယက ဦးတင်ဦးတို့ ရန်ကုန်မြို့မှာ မနေ့ကတွေ့ဆုံခဲ့ပြီး တိုင်းပြည်အတွက် အတူပူးပေါင်းဆောင်ရွက်ဖို့ သဘောတူခဲ့တယ် လို့ မဘသအဖွဲ့ဗဟိုက ပြောခွင့်ရ ဆရာတော် ဦးဝိမလက မိန့်ကြားပါတယ်။

"အဲ့ဒါကတော့ ဒီလိုပဲပေါ့ ကိုယ့်ဘက်ကလွန်တာရှိရင် ကိုယ့်ဘက်ကလူကိုထိန်း၊ ဟိုဘက်ကလွန်ရင် ဟိုဘက်ကလူကို ကိုယ့်ဟာကိုယ်ထိန်းပြီးတော့ တိုင်းပြည်အတွက် အနှောက်အယှက်ဖြစ်စေနိုင်တဲ့ အသုံးအနှုန်း အပြောအဆိုတွေကိုရှောင်ရှားပြီးတော့၊ မတူညီတဲ့အရာတွေကိုဖယ်ခွါပြီးတော့ အကောင်းဆုံး တိုင်းပြည် အတွက် အတူချီတက်ကြမယ်ဆိုတဲ့ ရည်ရွယ်ချက် သန္နိဋ္ဌာန် နှစ်ဘက်မှာ ဒီသဘောတရားရှိရပါမယ်"

မဘသအဖွဲ့အနေနဲ့ နှစ်ဘက်အထင်အမြင်လွဲစေနိုင်မယ့် ကိစ္စတွေနဲ့ ပတ်သတ်ပြီး တိုင်းပြည်အရေးအတွက် အမှန်တကယ်အဆုံးအဖြတ်ပေးနိုင်တဲ့ NLD ဥက္ကဋ္ဌ ဒေါ်အောင်ဆန်းစုကြည်နဲ့ တွေ့ဆုံနိုင်ရေးကို လိုလားကြောင်း ပြောခဲ့တယ်လို့ မိန့်ပါတယ်။ ဒါ့အပြင် မဘသအဖွဲ့နဲ့ အမျိုးသားဒီမိုကရေစိအဖွဲ့ချုပ် NLD ကြားမှာ လုပ်ငန်းဆောင်ရွက်တဲ့ နည်းနာပိုင်းမှာ မတူညီတာတွေရှိပေမယ့် တိုင်းပြည်ကောင်းကျိုးအတွက် ဆောင်ရွက်တဲ့ ရည်ရွယ်ချက်ကတော့ တူညီတယ်လို့ မဘသ ဥက္ကဋ္ဌ ဆရာတော်က မိန့်ကြားခဲ့တယ်လို့ သိရပါတယ်။

မဘသအဖွဲ့အနေနဲ့ အမျိုးဘာသာသာသနာစောင့်ရှောက်ရေးကိုသာ အဓိကထားလုပ်ဆောင်သွားမှာဖြစ်ပြီး အဏာရရှိရေးနဲ့ နိုင်ငံရေးအတွက် ဆောင်ရွက်သွားမှာမဟုတ်ကြောင်း မဘသ ဥက္ကဋ္ဌ ဆရာတော်က မိန့်ကြားခဲ့တယ်လို့ သိရပါတယ်။ NLD အနေနဲ့ မဘသရဲ့ဆောင်ရွက်ချက်တွေကြောင့် နိုင်ငံရေးဦးတည်ချက်တွေကို ထိခိုက်နစ်နာတယ်ဆိုရင် အချိန်မရွေးပြောဖို့ ဖိတ်ခေါ်ကြောင်းကိုလည်း မဘသ အဖွဲ့က ထုတ်ပြန်ကြေညာထားပါတယ်။

RFA Burmese
http://www.rfa.org/burmese