01/07/16

၂၀၁၀ မြန်မာပြည်မှာ အပူရှိန်ပြင်းခဲ့စဉ်။
၂၀၁၀ မြန်မာပြည်မှာ အပူရှိန်ပြင်းခဲ့စဉ်။

မြန်မာနိုင်ငံမှာ ၂၀၁၆ ခုနှစ် ပထမနှစ်ဝက်ဟာ ခါတိုင်းနှစ်တွေထက်ပိုပြီး ပူပြင်းခြောက်သွေ့ပြီး၊ El Niño ရာသီဥတု အားအကောင်းဆုံးဖြစ်နေတာမို့ လူထုအနေနဲ့ ကျန်းမာရေးပြဿနာ၊ စိုက်ပျိုးရေး ရေရရှိရေးအတွက် ပြင်ဆင်ထား သင့်တယ်လို့ မိုးဇလ ပညာရှင်တွေက အကြံပြုထားပါတယ်။

ဒီရာသီဥတုကြောင့် နွေဥတုဟာ အပူရှိန်ပြင်းထန်တဲ့ ရာသီဥတုဖြစ်နိုင်ပြီး မိုးကြိုကာလ မုတ်သုံအ၀င်ဟာလည်း နောက်ကျနိုင်သလို မိုးတွင်းကာလမှာလည်း မိုးလျော့နည်းနိုင်တယ်လို့ သုံးသပ်ပြောဆိုပါတယ်။ အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်က ပြောပြပေးမှာပါ။

ပူပြင်းခြောက်သွေ့တဲ့ ရာသီဥတု အမျိုးအစားဖြစ်တဲ့ အယ်နီညို ရာသီဥတုဟာ မြန်မာနိုင်ငံမှာ ၂၀၁၆ ခုနှစ်ရဲ့ ပထမနှစ်ဝက်အတွင်း အားအကောင်းဆုံး ဖြစ်လာနိုင်တယ်လို့ မိုးဇလ ပညာရှင်တစ်ဦးက ခန့်မှန်းပြောဆိုပါတယ်။ ဒီ အယ်နီညိုရာသီဥတုကြောင့် နွေရာသီမှာ ခါတိုင်းနှစ်တွေကထက်ပိုပြီး အပူပြင်းနိုင်သလို မိုးဥတုမှာလည်း မိုးနည်းနိုင်တယ်လို့ မိုးဇလပညာရှင် ဦးထွန်းလွင်က ပြောပါတယ်။

“ကျနော်ပြောထားပါတယ်။ အယ်နီညှိ အားကောင်းတယ်၊ အဲတော့ အပူရှိန် လွန်ကဲတာနဲ့ မိုးနည်းတဲ့ရေရှားပါးတဲ့အန္ဒရာယ် သတိပြုဖို့လိုတယ်လို့ ပြောခဲ့ပါပြီ။ အဓိကကတော့ ရေရှားတာနဲ့ အပူရှိန်လွန်ကဲတဲ့ နွေရာသီ အဲဒါတခု၊ နောက် မုတ်သုံအ၀င်နောက်ကျနိုင်တယ် ။ နောက် မုတ်သုံရာသီဥတု မှန်မှန်ကန်ကန်မရှိနိုင်ဘူး။”

ရာသီဥတု ပိုမို ပူပြင်းပြီး ရေရှားပါးမှု အဓိက ကြုံတွေ့ရနိုင်တာကြောင့် စိုက်ပျိုးရေးပိုင်းမှာ အခက်အခဲ ကြုံတွေ့ရနိုင်တယ်လို့လည်း မိုးဇလ ဌာနရဲ့ ဒုညွှန်ချုပ် ဦးကျော်မိုးဦးက ပြောပါတယ်။

“လာမယ့် နွေရာသီပေါ့လေ။ ဒီ လာမယ့်နွေရာသီမှာ ပူပြင်းမယ့် အတွက်ကြောင့်မို့လို့ ကျနော်တို့ နိုင်ငံမှာတော့ မိုးစပါးရယ်၊ ဆောင်းရယ်၊ နွေစပါးရယ်ဆိုပြီးတော့ ၃ မျိုးစိုက်နေတာပေါ့။ စိုက်တဲ့အချိန်ကျရင်တော့ နွေစပါး ကျရင်တော့ စိုက်တဲ့အချိန်ကျရင် စိုက်ပျိုးရေ လုံလုံလောက်လောက်ရရှိနိုင်ဖို့အတွက်ကိုလေ အခုကတည်းက ကြိုတင်ပြင်ဆင်ထားနိုင်မယ် ဆိုရင်တော့ ဒီနွေစပါးအတွက် အခက်အခဲမရှိနိုင်ပေမယ့် ၊ ကြိုတင်ပြင်ဆင်မှုနည်းပြီဆိုရင်တော့ ခုနပြောတဲ့ စိုက်ရေးပျိုးရေးမှာ အနည်းနဲ့အများ ထိခိုက်နိုင်တဲ့အနေအထားရှိပါတယ်။”

၂၀၁၆ ခုနှစ်အတွင်း အထူးသတိထားရမယ့် သဘာဝဘေးအန္တရယ်ကတော့ ရေရှားပါးမှု ပြဿနာဖြစ်သလို မိုးအကြိုကာလမှာ မုန်တိုင်းလည်း ဖြစ်လာဖို့ ရှိတယ်လို့ မိုးဇလ ပညာရှင်တွေက သတိပေးထားပါတယ်။ဒါ့အပြင် ဒီနှစ်မှာလည်း မြန်မာနိုင်ငံမှာ အယ်နီညို ရာသီဥတုရဲ့ အကျိုးဆက်ကို ကြုံတွေ့နိုင်တာကြောင့် လူထုအနေနဲ့ကျန်းမာရေး၊ သောက်ရေသုံးရေ ရှားပါးမှု ပြဿနာကို ကြိုတင်ပြင်ဆင်ထားဖို့လိုတယ်လို့ ဦးကျော်မိုးဦးက ဆိုပါတယ်။

“အယ်နီညှိ ဖြစ်တဲ့ ၂၀၀၉- ၂၀၁၀ တုန်းကဆိုရင် Moderate အယ်နီညှိ လောက်ပဲဖြစ်တယ်။ ဒါပေမယ့် အဲဒီနှစ်မှာပေါ့လေ နေ့အပူချိန်မြင့်တက်တဲ့အတွက်ကြောင့်မို့လို့ ကျန်းမာရေးဆိုင်ရာ ဒုက္ခတွေပေါ့လေ၊ ကျန်းမာရေးဆိုင်ရာ ဒုက္ခတွေ တွေ့ရတယ်။ နေ့ခင်းဖက်တွေမှာ အပူရှပ်ပြီးပြန်လာတဲ့အချိန်ကျတော့ ခြေထောက်တွေမှာ ရေလောင်းရင်းနဲ့ အပူရှပ်ပြီးတော့ သေတဲ့ဟာတွေပေါ့နော်။ ကျန်းမာရေးဆိုင်ရာ ရှုထောင့်အနေနဲ့တော့ ကျန်းမာရေးဝန်ကြီးဌာနကနေပြီးတော့ လမ်းညွှန်မှုတွေနဲ့ ဆောင်ရွက်ရမယ့်အနေအထားရှိပါတယ်။ အယ်နီညှိ ဒီနှစ်က ခါတိုင်းနှစ်ထက် ပူမယ့် အနေအထားဖြစ်တဲ့ အတွက်ကြောင့်မို့လို့ သောက်သုံးရေပြဿနာတို့ ၊ စိုက်ပျိုးရေ ရရှိဖို့ ပြဿနာတို့ အဲဒီပြဿနာတွေရှိလာနိုင်ပါတယ်။ နောက်ပြီးတော့ စောနပြောတဲ့ လျှပ်စစ်မီးလိုင်းပေါ့ ။ အဓိက တော့ ကျနော်တို့နိုင်ငံက များသောအားဖြင့်တော့ ဟိုက်ဒရို ပါဝါ သုံးတဲ့ နိုင်ငံဖြစ်တဲ့အတွက်ကြောင့်မို့လို့လာမယ့်နွေရာသီမှာလည်း မြစ်ရေကျလို့ရှိရင် ခုနပြောတဲ့ ဟိုက်ဒရိုပါဝါတွေ လျှော့ကျသွားမယ့်အနေအထားမျိုးရှိတယ်ပေါ့လေ။ ဒါတွေအတွက် ကြိုတင်ပြင်ဆင်ထားဖို့လိုပါတယ်။”

ပြီးခဲ့တဲ့ ၂၀၁၁ ခုနှစ်တုန်းက မြန်မာပြည်မှာ အပူရှိန် ပြင်းခဲ့တာကြောင့် လူအသေအပျောက် များခဲ့ပါတယ်။ ဒါ့အပြင် ကမ္ဘာကြီးမှာလည်း ပြီးခဲ့တဲ့ ၂၀၁၄ ခုနှစ်ဟာ ကမ္ဘာ့သမိုင်းရဲ့ အပူဆုံး ဖြစ်ခဲ့တာပါ။ ၃နှစ် နဲ့ ၇ နှစ် ကြားကာလ အတွင်း ဖြစ်ပေါ်လေ့ရှိတဲ့ အယ်နီညို ရာသီဥတုဟာ ဒီနှစ်မှာဆိုရင် အားအကောင်းဆုံးနဲ့ အပြင်းထန်ဆုံး ဖြစ်လာနိုင်တာကြောင့် စိုက်ပျိုးရေး ၊ ကျန်းမာရေးနဲ့ ရေရရှိရေးတို့အတွက် ကြိုတင်ပြင်ဆင်သင့်တယ်လို့ ပညာရှင်တွေက သုံးသပ်ပြောဆိုနေကြတာပါ။

ထက်အောင်/VOA

ပြည်သူ့လွှတ်တော် ပုံမှန်အစည်းအဝေး
ပြည်သူ့လွှတ်တော် ပုံမှန်အစည်းအဝေး

နိုဝင်ဘာ ရွေးကောက်ပွဲမှာ တခဲနက်အနိုင်ရရှိခဲ့တဲ့ အမျိုးသား ဒီမိုကရေစီအဖွဲ့ချုပ်ရဲ့ ရွေးကောက်ခံ လွှတ်တော် ကိုယ်စားလှယ်တွေ ပထမဆုံးပါဝင်တက်ရောက်မယ့် ဒုတိယအကြိမ် ပြည်သူ့လွှတ်တော် ပထမပုံမှန် အစည်းအဝေးကို ဖေဖော်ဝါရီ ၁ ရက်နေ့မှာ စတင်ကျင်းပမယ်လို့ ဒီကနေ့ ဇန်နဝါရီ ၆ရက်နေ့ရက်စွဲနဲ့ ပြည်သူ့လွှတ်တော် ရုံးက ကြေညာလိုက်ပါတယ်။

ဖွဲ့စည်းပုံအခြေခံ ဥပဒေ ပုဒ်မ ၁၂၄ ပုဒ်မခွဲ (ခ)အရ လက်ရှိ ပြည်သူ့ လွှတ်တော်ဥက္ကဌ အနေနဲ့ ဒုတိယအကြိမ် ပြည်သူ့လွှတ်တော်အသစ်ရဲ့ ပထမဆုံးအကြိမ် အစည်းအဝေးကို ခေါ်ယူလိုက်တာပါ။ သတင်း အပြည့်အစုံကိုတော့ ဗွီအိုအေ သတင်းထောက် မြင့်မြင့်ခိုင်က တင်ပြပေးပါမယ်။

ဖွဲ့စည်းပုံအခြေခံ ဥပဒေ ပုဒ်မ ၁၂၄ ရဲ့ ပုဒ်မခွဲ (ခ)၊ ပြည်သူ့ လွှတ်တော်ဆိုင်ရာ ဥပဒေပုဒ်မ ၃၇ ၊ ပြည်သူ့လွှတ်တော်ဆိုင်ရာ နည်းဥပဒေတွေရဲ့ နည်းဥပဒေ ၃ တို့ပါ ပြဌာန်းချက်တွေနဲ့ အညီ ခေါ်ယူကျင်းပမယ့် ပြည်သူ့လွှတ်တော် အသစ်အတွက် ရွေးကောက်ပွဲ အများစု အနိုင်ရ အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေအနေနဲ့ အင်တိုက်အားတိုက် ပြင်ဆင်ထားကြပါတယ်။

မကြာခင် စတင်မယ့် လွှတ်တော်အသစ်မှာ တိုင်းပြည်အတွက် အရေးတကြီး လုပ်ဆောင်ရမယ့်ကိစ္စက ၂၀၀၈ ဖွဲ့စည်းပုံအခြေခံ ဥပဒေ ပြင်ဆင်ဖို့ဖြစ်ပြီး နိုင်ငံရေး၊ စီးပွားရေးနဲ့ လူမှုရေးပြုပြင်ပြောင်းလဲမှုတွေအတွက် လွှတ်တော် တွင်းကနေ လုပ်ဆောင်သွားမှာဖြစ်တယ်လို့ ရန်ကုန်တိုင်း ဒဂုံမြို့နယ်ရဲ့ ရွေးကောက်ပွဲအနိုင်ရ ပြည်သူ့ လွှတ်တော် ကိုယ်စားလှယ် ဒေါ်သက်သက်ခိုင်က အခုလို ပြောပါတယ်။

“အရေးကြီးဆုံးကတော့ အခြေခံ ဥပဒေပြင်ဆင်ရေးပဲ။ အခြေခံဥပဒေ ပြင်ဆင်လိုက်နိုင်မှ တကယ့်ကို ဒီမိုကရေစီ အစစ်အမှန် လမ်းကြောင်းပေါ်ကို ကျမတို့က နိုင်ငံကို တင်နိုင်မှာလေ။ လုပ်ချင်တာကတော့ တိုင်းပြည်ရဲ့ နိုင်ငံရေး၊ စီးပွားရေး ၊ လူမှုရေး ပြုပြင်ပြောင်းလဲမှုထဲမှာ ပါဝင်ချင်လို့ ကျမက ပါတာပေါ့နော်။ ဆိုရင် လုပ်စရာတွေကလည်း အများကြီးရှိတယ်။ အတိအကျပြောရင်တော့ အဓိကတော့ စီးပွားရေးကို ပို ပြုပြင်ပြောင်းလဲရေးကို လုပ်ချင်တယ် ပေါ့နော်။”

လာမယ့် ဒုတိယအကြိမ် ပြည်သူ့လွှတ်တော်နဲ့ အမျိုးသားလွှတ်တော်တွေက ရွေးချယ်လိုက်တဲ့ လွှတ်တော် ဥက္ကဌ အသစ်တွေကနေ ဦးစီးပြီး ပြည်ထောင်စုလွှတ်တော် အစည်းအဝေးခေါ်ယူရမှာဖြစ်သလို အဲ့ဒီအစည်း အဝေး မှာ အာဏာလွှဲပြောင်းမှု ပြုလုပ်ရမှာဖြစ်ပါတယ်။

လက်ရှိလွှတ်တော်သက်တမ်းမှာတော့ သမ္မတ ဦးသိန်းစိန်နဲ့ ပြည်သူ့လွှတ်တော်ဥက္ကဌ သူရဦးရွှေမန်းတို့ကြားက ပုဂ္ဂိုလ်ရေး အဆင်မပြေမှုတွေကနေ အပြန်အလှန် ထိန်းကြောင်းတဲ့ စနစ်ကို ကျင့်သုံးနိုင်ခဲ့ပေမယ့် လာမယ့် လွှတ်တော် အသစ် မှာတော့ ဒေါ်အောင်ဆန်းစုကြည်ဦးဆောင်တဲ့ အစိုးရအဖွဲ့နဲ့ လွှတ်တော်ကို အဓိကလွှမ်းမိုး မယ့် NLD ပါတီ ကိုယ်စားလှယ်တို့ကြား အပြန်အလှန်ထိန်းကြောင်းမှု အားနည်းသွားနိုင်တယ်လို့ လက်ရှိ သီပေါမဲဆန္ဒနယ်ရဲ့ ပြည်သူ့လွှတ်တော်ကိုယ်စားလှယ် ဦးရဲထွန်းက ပြောပါတယ်။

“နောက်ပိုင်း လွှတ်တော်ကတော့ ကျနော်တို့ ဒီ မှုလ လွှတ်တော်နဲ့ မတူနိုင်တာက ကျနော်တို့ မှုလ ပထမအကြိမ် လွှတ်တော်မှာတုန်းကတော့ ပြည်ထောင်စုကြံ့ခိုင်ဖွံ့ဖြိုးရေးပါတီက အများစုကိုယ်စားလှယ်တွေရှိတယ် ဆိုပေမယ့် လွှတ်တော် အကြီးအမှူးလည်းဖြစ်၊ ဥပဒေအရ ပါတီခေါင်းဆောင်လည်းဖြစ်တဲ့ ဦးရွှေမန်းနဲ့ ကျနော်တို့အနေနဲ့ နိုင်ငံတော် အုပ်ချုပ်ရေးအကြီးအမှူးလည်းဖြစ်တဲ့ သမ္မတ ဦးသိန်းစိန်တို့ ကြားက ပုဂ္ဂိုလ်ရေး ဆိုင်ရာ ဒီအဆင်မပြေ ဖြစ်မှုလေးတွေကနေပြီးတော့ လွှတ်တော်နဲ့ အစိုးရကြားမှာ အပြန်အလှန် Check and Balance စနစ်ကို ကျင့်သုံး ရတာဖြစ်နေတဲ့ အခါကျတော့ အများက မျှော်လင့်ထားသလိုမဟုတ်ပဲနဲ့ လွှတ်တော်က အစိုးရရဲ့ Rubber stamp သတ်သတ်မဟုတ်ပဲနဲ့ အပြန်အလှန် Check and Balance ကို အများ အံ့သြလောက်တဲ့ အဆင့်အထိလုပ်တာကိုတွေ့ရတယ်။ လာမယ့်လွှတ်တော်မှာတော့ အဲဒီလိုမြင်ရဖို့ သိပ်အလားအလာမရှိဘူး။ ဘာကြောင့်လဲဆိုတော့ ဒီလွှတ်တော်ထဲမှာ ကြီးစိုးထားတဲ့ပါတီကလည်း NLD ပါတီဖြစ်တယ်။ အစိုးရအဖွဲ့ကလည်း NLD က ဒေါ်အောင်ဆန်းစုကြည်ကပဲ ဦးဆောင်မယ်။ ဆိုတဲ့အခါကျတော့ ဒီလွှတ်တော်တွင်းမှာ အစိုးရအဖွဲ့ရဲ့ အုပ်ချုပ်ရေး ယန္တယားရဲ့ ချို့ယွင်းချက်၊ အားနည်းချက်တွေကို အပြန်အလှန် ထိမ်းကြောင်းတဲ့ မေးခွန်းတွေမေးတာ ၊ အဆိုတင်သွင်းတာလောက်ပဲရှိမယ်။”

ပြည်သူတွေအနေနဲ့ကတော့ သူတို့ ရွေးချယ်တင်မြောက်ထားတဲ့ ပြည်သူ့လွှတ်တော်ကိုယ်စားလှယ်တွေအနေနဲ့ စနစ်ဆိုးတွေကို ပြောင်းလဲပစ်နိုင်ဖို့ မျှော်လင့်ပြီး ရွေးကောက်ပွဲအနိုင်ရ NLD ပါတီရဲ့ ကိုယ်စားလှယ်တွေအပေါ် ယုံကြည်မှုနဲ့ ပတ်သက်လို့ စစ်မှန်သော ပြည်သူ့ကျေးကျွန်အဖွဲ့က ကိုသွင်လင်းအောင်က အခုလိုပြောပါတယ်။

“ အခု ဒီလွှတ်တော်မှာ တရားဝင် အနိုင်ရတဲ့ လူတွေက ပြည်သူ့ကိုယ်စားလှယ်အနေနဲ့ တရားဝင်ထိုင်ရတော့မယ်ဆိုတဲ့အခါကျတော့ ဒါကတော့ ပြည်သူတွေက သူတို့မြင်ချင်တဲ့ မြင်ကွင်းတခုကို မြင်ရတော့မယ်ဆိုတဲ့ ပုံစံမျိုး သူတို့မျှော်လင့်ကြမှာပဲလေ။ အဲဒါရဲ့နောက်ဆက်တွဲကတော့ သေချာတယ် သူတို့ ဒီရွေးကောက်ပွဲမှာကိုက NLD ကို မဲပေးခဲ့တယ်ဆိုတာက တခြားသူတို့မကြိုက်တဲ့ ပါတီပေါ့နော်၊ သူတို့ မကြိုက်တဲ့အစိုးရက လုပ်ကိုင်ခဲ့တဲ့ ကိစ္စမျိုးတွေ ၊ မြေသိမ်းတာတွေ၊ လူ့အခွင့်အရေးချိုးဖောက်တာတွေ ၊ နိုင်ငံအပြောင်းအလဲ တည်ငြိမ်မဖြစ်တာတွေ ၊ တိုင်းရင်းသားကိစ္စတွေမှာ ငြိမ်းချမ်းရေးတကယ်မရှိတာတွေ ၊ အဲဒါတွေအားလုံးကို ပြောင်းပြန်လှန်ပစ်ချင်တဲ့ မျှော်လင့်ချက်မျိုးတွေ သူတို့မှာ ရှိတာပေါ့နော်။ အဲဒီမျှော်လင့်ချက်မျိုးတွေက အခု လွှတ်တော်စခေါ်ပြီ ဆိုတဲ့အခါကျတော့ အဲဒီလွှတ်တော်ကနေ တဆင့် ပြည်သူတွေအတွက် ဒီ မျှော်လင့်ချက်မျိုးကို ဖော်ဆောင်ပေးနိုင်မယ်ဆိုတဲ့ ဟာမျိုးတွေပေါ့နော်၊ အဲဒီလိုမျှော်လင့်ချက်မျိုးသူတို့ဆီမှာလည်း ရှိနေတယ်။”

ဖွဲ့စည်းပုံအခြေခံဥပဒေအရ ပြည်သူ့လွှတ်တော်အသစ်ရဲ့ ပထမဆုံးအစည်းအဝေး ခေါ်ယူပြီး ၁၅ရက်အတွင်း ပြည်ထောင်စုလွှတ်တော် အစည်းအဝေးခေါ်ယူရမှာဖြစ်သလို ရွေးကောက်ပွဲအနိုင်ရ NLD ပါတီရဲ့ အစိုးရ အဖွဲ့ဝင်တွေ ဖွဲ့စည်းမှာဖြစ်ပြီး နိုဝင်ဘာရွေးကောက်ပွဲအနိုင်ရ လွှတ်တော် ကိုယ်စားလှယ်တွေ တက်ရောက်မယ့် ပထမဆုံး အစည်းအဝေး ဖြစ်လာမှာဖြစ်ပါတယ်။

မြင့်မြင့်ခိုင်/VOA
http://burmese.voanews.com/content/the-first-parliament-will-start-in-february/3133418.html

အမေရိကန်သမ္မတ ဘာရက် အိုဘားမားသည် ဇန်န၀ါရီ ၅ ရက်က နိုင်ငံတွင်းမှ သေနတ် အကြမ်းဖက်မှု ဖြစ်စဉ်များကို လျှေ့ချရေးနှင့် ပတ်သက်၍ အိမ်ဖြူတော်၌ ပြောကြားနေစဉ် စိတ်ထိခိုက်ပြီး မျက်ရည်များ ကျခဲ့ကြောင်း သိရှိရသည်။

လွန်ခဲ့သည့် သုံးနှစ်က ကွန်နက်တီကတ်ပြည်နယ် နယူးတောင်းမြို့တွင် ဖြစ်ပွားခဲ့သော မူကြိုအရွယ် ကလေးငယ် ၂၀ ဦးကို သေဆုံးစေခဲ့သည့် သေနတ် ပစ်ခတ်မှုကို ပြန်လည် သတိရစဉ် အိုဘာမားသည် ယင်းကဲ့သို့ စိတ်ထိခိုက်ခဲ့ရခြင်းဖြစ်သည်။

အိုဘားမားသည် နိုင်ငံအတွင်း၌ ဖြစ်ပွားနေသော သေနတ် အကြမ်းဖက်မှုဖြစ်စဉ်များကို ကိုင်တွယ် အရေးယူရန် စည်းမျဉ်းများကို ကြေညာပြီး ပိုမို အဓိပ္ပါယ်ရှိသော ပြုပြင် ပြောင်းလဲမှုများကို ပြုလုပ်ရေးတွင် ကန့်ကွက်နေသည့် အမေရိကန် လွှတ်တော်အမတ်များကို အပြစ်ပေးကြရန်လည်း အမေရိကန် ပြည်သူများကို ပြောကြားခဲ့သည်။

အမေရိကန်နိုင်ငံအတွင်း၌ သေနတ်ပေါင်း သန်း ၃၀၀ ကျော်ရှိပြီး သေနတ် အကြမ်းဖက်မှုဖြစ်စဉ်ကြောင့် နှစ်စဉ် သေဆုံးရသူ ၃၀၀၀၀ ခန့်ရှိသည်ဟု သိရသည်။

(Photo: HuffPost , AFP)
Eleven Media Group

ဇန်န၀ါရီ ၆ ရက်က ဆိုးလ်ရှိ ဘူတာရုံတစ်ရုံတွင် မြောက်ကိုရီးယား၏ ဟိုက်ဒရိုဂျင်ဗုံးစမ်းသပ်မှု သတင်းထုတ်လွှင့်မှုကို ကြည့်ရှုနေကြသူများ

ဟိုက်ဒရိုဂျင်ဗုံးစမ်းသပ်မှုသည် အောင်မြင်ခဲ့ကြောင်း မြောက်ကိုရီးယားက ဇန်န၀ါရီ ၆ ရက်တွင် ကြေညာခဲ့သည်။ ယင်းစမ်းသပ်မှုကို အိမ်နီးချင်း တောင်ကိုရီးယား၏ အမျိုးသားလုံခြုံရေးကောင်စီက ပြင်းပြင်းထန်ထန် ကန့်ကွက်ရှုတ်ချခဲ့ပြီး ဂျပန်ဝန်ကြီးချုပ် ရှင်ဇိုအာဘေးကလည်း ယင်းစမ်းသပ်မှုသည် ကုလလုံခြုံရေးကောင်စီ ဆုံးဖြတ်ချက်ကို ဆိုးရွားစွာ ချိုးဖောက်သော ကြီးမားသည့် ခြိမ်းခြောက်မှုဖြစ်ကြောင်း ခိုင်းနှိုင်းခဲ့သည်။

ဟိုက်ဒရိုဂျင်ဗုံးစမ်းသပ်မှုကို ဒေသစံတော်ချိန် နံနက် ၁၀ နာရီ (ဂရင်းနစ်စံတော်ချိန် ၃ နာရီ မိနစ် ၃၀) တွင် အောင်မြင်စွာ ပြုလုပ်နိုင်ခဲ့ကြောင်း၊ သမိုင်းဝင် ဟိုက်ဒရိုဂျင်ဗုံး စမ်းသပ်အောင်မြင်မှုကြောင့် မြောက်ကိုရီးယားသည် နျူကလီးယားလက်နက်များ ပိုင်ဆိုင်သည့် ထိပ်တန်းနိုင်ငံများနှင့် အဆင့်တူသွားပြီဖြစ်ကြောင်း မြောက်ကိုရီးယားနိုင်ငံပိုင် ရုပ်သံက ထုတ်လွှင့်ခဲ့သည်။ ဟိုက်ဒရိုဂျင် သို့မဟုတ် အပူချိန်မြင့်မားသော နျူ ကလီးယား (သာမိုနျူကလီးယား) ကို အခြေခံသည့်ကိရိယာသည် ဆင့်ကဲဓာတ်ပြုမှု ဖြစ်စဉ်များအတွင်း အဏုမြူ ပေါင်းစပ်ခြင်းဖြစ်ပြီး ရလဒ်အဖြစ် ယူရေနီယမ် သို့မဟုတ် ပလူတိုနီယမ်တစ်ခုတည်းဖြင့် ဖန်တီးသော ပေါက်ကွဲမှုထက် အင်အားပိုမိုပြင်းထန်ကြောင်း သိရသည်။

မြောက်ကိုရီးယားသည် ဟိုက်ဒရိုဂျင်ဗုံး တစ်လုံးကို တည်ဆောက်ခဲ့ပြီးဖြစ်ကြောင်း ခေါင်းဆောင် ကင်ဂျုံအွန်က ပြီးခဲ့သောလတွင် ကြေညာခဲ့သည်။ ယင်းပြောဆိုမှုကို နိုင်ငံတကာ ကျွမ်းကျင်ပညာရှင်များက မေးခွန်းထုတ်ခဲ့ကြပြီး ယခု စမ်းသပ်မှုနှင့် ပတ်သက်၍လည်း သံသယများလည်း ဆက်လက်ရှိနေကြောင်း သိရသည်။ ယင်းလက်နက်သည် အမေရိကန်က ဟီရိုရှီးမားမြို့ပေါ် ကြဲချခဲ့သော အဏုမြူဗုံးအရွယ်အစားခန့် ရှိဖွယ်ရှိကြောင်း၊ ဟိုက်ဒရိုဂျင်ဗုံး မဟုတ်ကြောင်း Rand Corporation မှ ထိပ်တန်းကာကွယ်ရေး သုတေသီ ဘရုစ်ဘင်းနက်က ဘီဘီစီသို့ ပြောကြားခဲ့သည်။

ယင်းဗုံး၏ ပေါက်ကွဲမှုအားကို ထောက်ဆပါက ယင်းကိရိယာသည် အဆင့်နှစ်ဆင့်ပါ သာမိုနျူကလီးယားဗုံး ဖြစ်နိုင်ခြေမရှိကြောင်း Carnegie Endowment for International Peace မှ နျူကလီးယားမူဝါဒအစီအစဉ် ပူးတွဲညွှန်ကြားရေးမှူး ဂျိမ်းစ်အက်တန်ကလည်း ပြောကြားခဲ့သည်။ ကင်ဂျုံအွန်၏ မွေးနေ့မတိုင်မီ နှစ်ရက်အလိုတွင် ပြုလုပ်ခဲ့သော ယင်းစမ်းသပ်မှုကို အပြည်ပြည်ဆိုင်ရာ မြေငလျင်ဗေဒပညာရှင်များက စောင့်ကြည့်ခဲ့ရာ မြောက်ကိုရီးယားအရှေ့မြောက်ပိုင်းရှိ Punggyeri နျူကလီးယား စမ်းသပ်သည့် နေရာအနီး ပြင်းအား ၅ ဒသမ ၁ အ ဆင့်ရှိ ငလျင်လှုပ်ခတ်မှုကို ကနဦးတွင် ထောက်လှမ်းသိရှိခဲ့ကြောင်း သိရသည်။

လက်နက်ထိပ်ဖူးအား ပိုမိုသေးငယ်အောင် လုပ်ဆောင်သည့် နည်းပညာကို မြောက်ကိုရီးယားက မည်သည့်အဆင့်အထိ ကျွမ်းကျင်ပိုင်နိုင်နေပြီဖြစ်ခြင်းနှင့် ပတ်သက်၍ သဘောထားကွဲလွဲမှု ဖြစ်ပေါ်နေစဉ် မြောက်ကိုရီးယားသည် သာမိုနျူကလီးယားဗုံး ထုတ်လုပ်နိုင်ရန်အတွက် နှစ်နှင့်ချီ အချိန်ယူရနိုင်သေးကြောင်း ကျွမ်းကျင်သူအများစုက ယူဆထားကြသည်။

ယခုစမ်းသပ်မှုသည် ဟိုက်ဒရိုဂျင်ဗုံး ဟုတ်သည်ဖြစ်စေ၊ မဟုတ်သည်ဖြစ်စေ မြောက်ကိုရီးယား၏ လေးကြိမ်မြောက် အဏုမြူစမ်းသပ်မှု ဖြစ်လာမည်ဖြစ်သည်။ ထို့ပြင် နျူကလီးယားလက်နက်စီမံကိန်းများကို ရှေ့ဆက် လုပ်ဆောင်ပါက တန်ဖိုးကြီးကြီးမားမား ပေးဆပ်ရမည်ဟု ရန်သူနှင့် မဟာမိတ်များ၏ သတိပေးမှု ကြုံတွေ့နေရစဉ် အာခံသော လုပ်ရပ်တစ်ခုလည်း ဖြစ်သည်။
Writer:
Ref: AFP
Eleven Media Group

ဇန်န၀ါရီ ၄ ရက်က ဟီနန်ပြည်နယ်$ မော်စီတုန်း၏ ဧရာမရုပ်တုကြီးကို တွေ့ရစဉ်

ကွန်မြူနစ်တရုတ်နိုင်ငံ ထူထောင်သူ မော်စီတုန်း၏ ရွှေရောင်သုတ်ထားသော ဧရာမရုပ်တုတစ်ခုကို ဟီနန်ပြည်နယ်ရှိ ကျေးလက်ဒေသတွင် ဆောက်လုပ်နေသည်ဟု သိရသည်။ ၃၇ မီတာ (၁၂၁ ပေ)ခန့်မြင့်သည့် အဆိုပါရုပ်တုသည် ဟီနန်ပြည်နယ် အလယ်ပိုင်းရှိ ဟင်းလင်းပြင်ဖြစ်နေသော ကွင်းပြင်တွင် လွှမ်းမိုးနေသည်။ ယင်းရုပ်တုသည် တရုတ်နိုင်ငံတွင် နှစ် ၃၀ နီးပါးခန့် အာဏာချုပ်ကိုင်ခဲ့သည့် မော်စီတုန်းက ခုံပေါ်တွင် လက်နှစ်ဖက် ယှက်ပြီးထိုင်နေသည့်ပုံ ဆောက်လုပ်ထားခြင်း ဖြစ်သည်။

အဆိုပါ ရုပ်တုကို ကိုးလကြာ ဆောက်လုပ်ခဲ့ပြီး ဒီဇင်ဘာတွင် ပြီးဆုံးခဲ့ကြောင်းနှင့် ဒေသခံ စီးပွားရေးလုပ်ငန်းရှင်များက ကုန်ကျစရိတ် ဒေါ်လာ ၆၄၀,၀၀၀ (ယွမ်သုံးသန်း) ထောက်ပံ့ခဲ့ကြောင်း HMR.cn ၀က်ဘ်ဆိုက်တွင် ဖော်ပြခဲ့သည်။

လူသန်းချီသေဆုံးမှုအတွက် အပြစ်တင်ခံခဲ့ရသော်လည်း မော်စီတုန်းသည် တရုတ်နိုင်ငံတွင် လေးစားခံနေရဆဲ ဖြစ်သည်။ တရုတ်နိုင်ငံ၏ လက်ရှိသမ္မတ ရှီကျင်ပင်းက မော်ကို ကြီးမြတ်သော ပုဂ္ဂိုလ်တစ်ဦးဟု အမွှမ်းတင်ခဲ့ပြီး သူ၏ မိန့်ခွန်းအချို့နှင့် ဗဟိုချုပ်ကိုင်မှုကို ပြန်လည်ဆန်းသစ်ခဲ့သည်။

မော်၏ စီးပွားရေးမူဝါဒများကြောင့် ၁၉၅၀ ပြည့်လွန်နှစ်များနှောင်းပိုင်း အငတ်ဘေးဖြစ်ပွားမှုတွင် လူ သန်း ၄၀ ကျော် သေဆုံးခဲ့သည့် ဟီနန်ပြည်နယ်တွင် မော်၏ ရုပ်တုဆောက်လုပ်မှုကို အင်တာနက် အသုံးပြုသူအချို့က ဝေဖန်ခဲ့ကြသည်။
အငတ်ဘေးဒဏ်ကို အဆိုးရွားဆုံး ကြုံတွေ့ခဲ့သည့်ဒေသ တစ်ခုဖြစ်သည့် ဟီနန်ပြည်နယ်သည် အဆင်းရဲဆုံး ပြည်နယ်တစ်ခုအဖြစ် ကျန်ရှိနေဆဲဖြစ်သည်။

“အငတ်ဘေးကို မေ့လျော့သွားပြီး ရုပ်တုဆောက်နေတာလား”ဟု အင်တာနက် အသုံးပြုသူတစ်ဦးက စီနာဝေပိုဝက်ဘ်ဆိုက်တွင် ရေးသားခဲ့သည်။
Writer:
Ref: AFP

Eleven Media Group


ဖေဖော်ဝါရီလဆန်းမှာ လွှတ်တော်သစ် စတင်ခေါ်ယူနိုင်ဖွယ်ရှိတာကြောင့် NLD
ပါတီက တင်သွင်းမယ့် သမ္မတလောင်းနဲ့ အစိုးရအဖွဲ့ဝင်စာရင်းတွေ အများပြည်သူ
သိအောင် ထုတ်ပြန်ကြေညာသင့်ပြီလို့ နိုင်ငံရေးလေ့လာသူတချို့က ထောက်ပြ
နေကြပါတယ်။

RFA : : NLD ရဲ့ သမ္မတ၊ အစိုးရအဖွဲ့တွေမှာ ဘယ်သူတွေပါမယ် ဘယ်သူတွေ
နဲ့ ဖွဲ့စည်း ပါမယ် ဆိုတာ မကြေငြာနိုင်တဲ့ အပေါ်မှာ တစ်ချို့လည်း မေးခွန်းတွေ
ထုတ်နေကြတာ တွေ့ရပါတယ် ခင်ဗျား ။ ပြီးတော့ အားမလို အားမရလည်း
ဖြစ်နေကြပါတယ်ခင်ဗျ ။ တကယ်ပဲ အန်ကယ်တို့ဖက် အချိန်စောနေသေးတယ်
ဆိုပြီး မထုတ်နိုင်တာလား အခက်အခဲတွေကြောင့် အဆင်သင့် မ ဖြစ်တာလား
သိပါရစေလား ခင်ဗျား

NLD: : အဲဒီမေးခွန်းတွေ ထုတ်တဲ့သူတွေရော ခင်ဗျားတို့ သတင်းဋ္ဌာနတွေရော သိစေချင်တာက ဒေါ်အောင်ဆန်းစုကြည်ခေါင်းဆောင်တဲ့ ဒီမိုကရေစီ အစိုးရ ဖွဲ့ဖြစ်ဖို့ဆိုတာ နှစ်ပေါင်း ၂၇ နှစ် ၂၈ နှစ် လောက် ဘဝတွေနဲ့ ရင်းပြီး ရလာတဲ့
ရလာဒ် အဲဒီရလာဒ် ကို ခင်ဗျားတို့ သတင်းဋ္ဌာနက ၅ မိနစ် ဆယ်မိနစ် လောက်နဲ့
အပြောလေးနဲ့ ကျွန်တ်ာတို့ကိစ္စတွေ ရှုပ်ရှက်ခတ်တာတွေ အဖြစ်မခံနိုင်ဘူး
မလိုအပ်ပဲနဲ့ သတင်းဆောင်းပါးရေးတာတွေ သုံးသပ်တာတွေ ဝေဖန်တာတွေ
ကျွန်တော်တုိ့ မလိုလားဘူး ။
တရားဝင် ကြေညာတဲ့ အထိ စိတ်ရှည်ရှည်နဲ့ စောင့်ကြ ဒါပဲ ။

RFA : : ဘယ်တော့လောက်များ အန်ကယ်တို့ ကြေညာဖြစ်မယ် ဆိုတာကိုများ အကြမ်းမျဉ်းပြောလို့မရဘူးလား ခင်ဗျာ ။

NLD: : အဲဒီမေးခွန်းက လွန်သွားပြီ ။ခုနကတည်းက အပြတ်ပြောလိုက်ပြီလေ ။
ပြောချင်လဲ ပြောသင့်တဲ့အချိန် ပြောမှာပေါ့ ။
လိုအပ်လို့ လျို့ဝှက်ထားတာ။မလိုအပ်ရင် မလုပ်ဘူး ။
မပြောသင့်ရင်မပြောဘူးလေ ။ကျွန်တော်တို့ ပြောရင်လည်း ခင်များတို့က ပြောကြဦးမှာ ဝေဖန်ကြဦးမှာပဲ ။ပြောကြလေ၊
အပြောခံရမှာလည်း မကြောက်ဘူး ။

RFA: : နောက်တစ်ခုက ဒေါ်အောင်ဆန်းစုကြည် မနေ့ကပဲ အလေးထားပြီး ထပ်ပြောထားတာ တွေ့ရပါတယ် NLD အစိုးရအဖွဲ့ဝင်တွေထဲမှာ ပါတီဝင်တွေ
က ဝန်ကြီးဖြစ်ချင်လို့ ဝန်ကြီးနေရာ ပေးပါ ဆိုပြီးတောင်းတဲ့ ပါတီဝင်တွေ ရှိနေတယ် ဆိုတာလေး ရော ခင်ဗျာ ။

NLD: : အဲဒီလိုတောင်းနေကြတာက ပါတီဝင်တွေ ရော အပြင်ကလူတွေရော
တောင်းဆိုကြတဲ့ စာတွေ ဟော ဒီမှာတစ်ပုံကြီးရှိတယ် ၊၊ဒီမိုကရေစီအရေးတုန်း
က လက်ကလေးတောင် မမြှောက်ခဲ့တဲ့ သူတွေက အခု မှ ဟိုဟာ လိုချင်တယ်
ဖြစ်ချင်ကြတယ် ဆိုတော့ရီရခက် ငိုရခက် ပေါ့ ဗျာ ။ ဘယ်လောက်စိတ်ရှုပ်
ရှက် စရာကောင်းသလဲ ။

RFA : နောက်တစ်ခုက အခုဆိုလျှင် NLD ပါတီဝင်တွေ တော်တော်များများ
မပြောရဲ မဆိုရဲ နဲ့ ကြောက်နေကြတယ်ခင်ဗျား ။ ဟိုပါတီ ထိပ်ပိုင်း မှာ ၂ ယောက် ၃ ယောက်ပဲ ပြောရ ဆိုရမယ်လို့ သိရပါတယ်

NLD : : မပြောရဲ မဆိုဖြစ်နေတာ မဟုတ်ဘူး ။ ပြောချင်ကြတာ ။ကျွန်တော်တို့က
မပြောရဘူးလို့ တားထားတာ ။ ၁၉၉၀ ရွေးကောက် ပွဲ မှာ ဦးကြည်မောင်ရဲ့ စကားတစ်ခွန်းကြောင့် ဗိုလ်ချုပ်ခင်ညွှန့်က အထအန ကောက်ပြီး NLD ပါတီ
က လူ တွေ ၂၀၀ လောက် ဖမ်းပြီး ထောင်ချ ပစ်တာလေ ။

RFA : : လောလော ဆယ် အစိုးရ နဲ့ ဆက်သွယ်တဲ့ အပိုင်းမှာ ဘာတွေ အခက်
အခဲ ဖြစ်နေ တာတွေ ရှိပါသလဲ ခင်ဗျာ ။

NLD : : ဘာမှ အခက်အခဲ မရှိဘူး ။
-
RFA: : အန်ကယ် ဦးဝင်းထိန် ကျေးဇူးအများကြီး တင်ပါတယ် ခင်ဗျာ ။

NLD: : ကျေးဇူးတင်မနေနဲ့ ။
ခင်ဗျားတို့ သတင်းဋ္ဌာနတွေ မေးခွန်းတွေကို စဉ်းစဉ်းစားစား မေးကြ ။

အသံဖိုင်
https://soundcloud.com/burmeserfa/nld-68
Via. Ko Kyaw Swar Myint





လာမယ့် ဇန်နဝါရီ ၁၁ရက်ကစပြီး မြန်မာနိုင်ငံကို ပြည်ဝင်ခွင့်ပေးတဲ့ ဗီဇာအမျိုးအစား လက်ရှိ ၆မျိုးကနေ ၁၂မျိုးအထိ ပြောင်းလဲကျင့်သုံးမယ်လို့ လူဝင်မှုကြီးကြပ်ရေးဝန်ကြီးဌာနက ဒီကနေ့ကြေညာလိုက်ပါတယ်။ ဗီဇာအမျိုးအစား ၁၂မျိုးအပြင် Re-entry Visa ၃မျိုးကိုလည်း ခွင့်ပြုသွားမယ်လို့ ဆိုပါတယ်။

Kamayut Media

hlamaungshwe-620.jpg မြန်မာငြိမ်းချမ်းရေးစင်တာ အကြီးတန်းအကြံပေး ဦးလှမောင်ရွှေ သတင်းမီဒီယာတွေရဲ့ မေးမြန်းချက်များကို ပြန်လည်ဖြေကြားနေစဉ်
Photo: RFA


အစိုးရနဲ့ တိုင်းရင်းသား လက်နက်ကိုင်အဖွဲ့တွေ၊ နိုင်ငံရေးပါတီတွေက ကိုယ်စားလှယ်ပေါင်း ၇၅၀ တက်ရောက် မယ့် ပြည်ထောင်စု ငြိမ်းချမ်းရေးညီလာခံကို လာမယ့် ဇန်နဝါရီလ ၁၂ ရက်နေ့ကနေ ၁၆ ရက်နေ့ အထိ နေပြည်တော်မှာ ၅ရက်ကြာ ကျင်းပဖို့ ပြင်ဆင်နေပါတယ်။

နောင်အစိုးရလက်ထက်မှာ နိုင်ငံရေးအခြေခံ အုတ်မြစ်ကောင်းတွေ ချမှတ်ဖို့ ရည်ရွည်ချက်နဲ့ ညီလာခံကို ကျင်းပသွားမှာဖြစ်တယ်လို့ မြန်မာငြိမ်းချမ်းရေးစင်တာက အကြီးတန်းအကြံပေး ဦးလှမောင်ရွှေက ပြောပါတယ်။

"အခုလက်ရှိနိုင်ငံရေးဆွေးနွေးပွဲပေါ့၊ ကျနော်တို့ ညှိနှိုင်းနေတာကတော့ ငြိမ်းချမ်းရေးညီလာခံကို အဖြစ်မလုပ်ဘူး၊ တကယ့်ကို အခြေခံအုတ်မြစ်တွေချပေးတဲ့ အနေအထားမျိုး ကျနော်တို့လုပ်မယ်၊ ဒါကိုလည်း အောင်မြင်အောင် ကြိုးစားမယ်၊ ပြီးတော့ ၁၂ ရက်နေ့က ၁၆ ရက်နေ့အထိ ငါးရက်လုပ်မယ်ဆိုတာကို ဦးအောင်မင်း ကပြောတယ်၊ အားလုံးကသဘောတူပါတယ်၊ နောက်တစ်ခုက လက်မှတ်ရေးထိုးခြင်းမရှိတဲ့ တိုင်းရင်းသား ၁ဝ ဖွဲ့ကို ဖိတ်ကြား ဖို့လည်း သဘောတူတယ်"

အပစ်အခတ်ရပ်စဲရေးစာချုပ်မှာ လက်မှတ်မထိုးထားတဲ့ UWSA "၀" ပြည်သွေးစည်းညီညွတ်ရေးတပ်မတော်၊ KIA ကချင်လွတ်မြောက်ရေးအဖွဲ့၊ SSPP/SSA ရှမ်းပြည်တိုးတက်ရေးပါတီနဲ့ မွန်ပြည်သစ်ပါတီ စတဲ့ တိုင်းရင်းသား လက်နက်ကိုင်အဖွဲ့ ၁၀ ဖွဲ့ကို တက်ရောက်ဖို့ ဖိတ်ကြားသွားမယ်လို့ သိရပါတယ်။

အဲဒီအထဲက "၀"ပြည်သွေးစည်းညီညွတ်ရေးတပ်မတော်က ပြည်ပဆက်ဆံရေးဌာနကြီးမှူး ဦးကျောက်ကော်အန်း ကတော့ ညီလာခံကို တက်ရောက်မှာ မဟုတ်ဘူးလို့ ပြောပါတယ်။

ဖိတ်ကြားခံထားရတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC က တိုင်းရင်းသားအဖွဲ့တွေ ကလည်း အဖွဲ့ဝင်တွေ ဆွေးနွေးပြီးမှ ညီလာခံတက်ဖို့ မတက်ဖို့ကို ဆုံးဖြတ်သွားမယ်လို့ ပြောပါတယ်။

အဲဒီညီလာခံမှာ နိုင်ငံရေး၊ စီးပွားရေး၊ လူမှုရေး၊ မြေယာနဲ့ သယံဇာတအရေး၊ ကာကွယ်ရေးနဲ့ အထွေထွေ အကြောင်းအရာများဆိုတဲ့ ခေါင်းစဉ် ၅ ခုနဲ့ ဆွေးနွေးသွားမှာဖြစ်ပါတယ်။

ဒါ့အပြင် အစိုးရနဲ့ တိုက်ပွဲတွေဖြစ်ပွားခဲ့တဲ့ MNDAA ကိုးကန့် လက်နက်ကိုင်တပ်ဖွဲ့ ၊ AA ရခိုင့်တပ်မတော်နဲ့ TNLA တအာင်းပလောင် အမျိုးသားလွတ်မြောက်ရေးတပ်မတော် တို့ကို ဖိတ်ကြားထားခြင်း မရှိဘူးလို့ ပြည်ထောင်စု ငြိမ်းချမ်းရေး လုပ်ငန်းကော်မတီ UPWC အဖွဲ့က ပြောပါတယ်။

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က အန်အယ်လ်ဒီပါတီ ဦးဆောင်တဲ့ အစိုးရသစ် လက်ထက်မှာ အားလုံးပါဝင်ပြီး တကယ်ထိရောက်တဲ့ ငြိမ်းချမ်းရေးညီလာခံကြီး ကျင်းပဖို့ ဆုံးဖြတ်ထားတယ် လို့ ပြောဆိုထားပါတယ်။

RFA


mawlamyine-620.jpg
မော်လမြိုင်မြို့ဝင် ဆိုင်းဘုတ်ကိုတွေ့ရစဉ်
Photo: RFA

မွန်ပြည်နယ်၊ ကျိုက်ထိုမြို့နယ် သိမ်ဇရပ်တိုက်နယ် ၀ါးဒက်ကွင်းကျေးရွာက မြေဧက ၁၀၀ နီးပါးမှာ ၀င်ရောက်နေ ထိုင်ကြသူတွေဟာ ဒီနေ့ မော်လမြိုင်မြို့မှာ သတင်းစာရှင်းလင်းပွဲကျင်းပစဉ် ဦးဆောင်သူတစ်ဦးကို ရဲတပ်ဖွဲ့က ဖမ်းဆီးသွားပါတယ်။

သတင်းစာရှင်းလင်းပွဲပြုလုပ်နေစဉ် ဦးမောင်ရွှေဆိုသူကို ရိုက်နှက်ဖမ်းဆီးသွားတာဖြစ်ပြီး နိုင်ငံတော် အကြည်ညိုပျက်စေမှု ပုဒ်မ ၅၀၅(ခ) နဲ့ ကျိုက်ထိုမြို့နယ်ရဲစခန်းကို ခေါ်ဆောင်သွားတယ်လို့ အဲဒီ သတင်းစာရှင်းလင်းပွဲမှာ တက်ရောက်ခဲ့တဲ့ ၀ါးဒက်ကွင်းကျေးရွာသူ မအညာသူ ကပြောပါတယ်။

"ကျမတို့ကို ညှင်းပမ်းနှိပ်စက်တယ်၊ ရိုက်နှက်ထိုးညပီး လူတွေကို အတင်းဆွဲ ရမ်းရမ်းကားကားလုပ်၊ မိန်းကလေးတွေကိုဆွဲချ၊ အဲ့လိုအမျိုးမျိုး ညှင်းပမ်းနှိပ်စက်တာကို မခံနိုင်လို့ ပြည်သူတွေသိအောင်ဆိုပြီး သတင်းစာရှင်းလင်းပွဲကိုလုပ်တာ ရဲတွေက အကွက်ဆင်ပြီး စနစ်ကျကျနဲ့ ကျမတို့ကို ဆီးဖမ်းတယ်၊ အဲ့သတင်းစာရှင်းလင်းပွဲမှာ ဦးမောင်ရွှေကို လောလောဆယ် ပုဒ်မ ၅ဝ၅(ခ)နဲ့ ဖမ်းသွားတယ်"

ပြီးခဲ့တဲ့ ၂၀၁၄ ခုနှစ်က ကျိုက်ထိုမြို့နယ်မှာရှိတဲ့ အိမ်မဲ့ယာမဲ့တွေကို ၀ါးဒက်ကွင်းကျေးရွာက မြေဧက ၁၀၀ နီးပါး မှာ နေထိုင်ဖို့ဆိုပြီး မွန်ပြည်နယ်အစိုးရက နေရာချထားပေးခဲ့ပါတယ်။ အဲဒီမြေနေရာမှာ နေအိမ် ၆၀၀ လောက် ရှိပြီး နေထိုင်ကြသူတွေဟာ မြို့ခံတွေနဲ့ ဧရာဝတီတိုင်း၊ ပဲခူးတိုင်းတို့ဘက်ကနေ ပြောင်းရွှေ့လာသူတွေ ဖြစ်တယ်လို့ သိရပါတယ်။

ပြီးခဲ့တဲ့ နိုဝင်ဘာလကစပြီး မြို့နယ် ရပ်ကွက် တိုက်နယ် အုပ်ချုပ်ရေးမှူးတွေက မြေကွက်တွေကို ရောင်းချတာတွေ ရှိလာပြီး နေအိမ်တွေကို ရဲတပ်ဖွဲ့ဝင်တွေက ဖျက်ဆီးဖယ်ရှားတာတွေ ခြိမ်းခြောက်တာတွေ ရှိလာတယ်လို့ သတင်းစာရှင်းလင်းပွဲ ဦးဆောင်ကျင်းပသူတွေက ပြောပါတယ်။

အဲဒီလိုဖျက်ဆီးဖယ်ရှားရာမှာ တားမြစ်ခဲ့သူ ၃ဦးကို နိုင်ငံတော်အကြည်ညိုပျက်စေမှု ပုဒ်မ ၅၀၅(ခ) နဲ့ ဖမ်းဝရမ်း ထုတ်ထားတာဖြစ်ပြီး ၀ရမ်းထုတ်ခံထားရသူ ၃ဦးထဲက ဦးမောင်ရွှေဆိုသူကို ဒီနေ့ ၀င်ရောက်ဖမ်းဆီးခဲ့တာဖြစ် ပါတယ်။

RFA

NCA  (photo: MOI)
NCA (photo: MOI)

ပြည်ထောင်စု ငြိမ်းချမ်းရေး ညီလာခံ ကျင်းပရေးအတွက် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အတွင်းရေးမှူးအဖွဲ့ အစည်းအဝေးကို အင်္ဂါနေ့က ကျင်းပခဲ့ပြီး တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် NCA ကို ပါဝင်လက်မှတ်မထိုးထားတဲ့အဖွဲ့ ၁၀ ဖွဲ့ကို ဖိတ်ကြားဖို့ ဆုံးဖြတ်ခဲ့ပါတယ်။

ဒါ့အပြင် ပြည်ထောင်စု ငြိမ်းချမ်းရေး ညီလာခံကို အနည်းဆုံး ၅ ရက် ကျင်းပဖို့ကိုလည်း ဆုံးဖြတ်ခဲ့ပါတယ်။ အပြည့်အစုံကို ဗွီအိုအေမြန်မာပိုင်း သတင်းထောက် ကိုမိုးဇော်က သတင်းပေးပို့ထားပါတယ်။

ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အတွင်းရေးမှူးအဖွဲ့ အစည်းအဝေးကို အင်္ဂါနေ့ မနက် ၉ နာရီခွဲကနေ ညနေ ၅ နာရီလောက်အထိ ကျင်းပခဲ့ပြီး UPDJC ရဲ့ ဒုဥက္ကဌ အဖွဲ့ဝင်တွေဖြစ်တဲ့ ပြည်ထောင်စုဝန်ကြီး ဦးအောင်မင်း၊ ပဒိုကွယ်ထူးဝင်းနဲ့ ဦးသုဝေ တို့ ပါဝင်တက်ရောက်ခဲ့သလို ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC ဒုဥက္ကဌ ဦးသိန်းဇော်လည်း ပါဝင် တက်ရောက်ခဲ့ပါတယ်။

ဒီဆွေးနွေးပွဲမှာတော့ NCA ကို ပါဝင်လက်မှတ်ရေးထိုးဖို့ ဖိတ်ကြားပြီး လက်မှတ်မရေးထိုးတဲ့ တိုင်းရင်းသားလက်နက်ကိုင်အဖွဲ့ ၇ ဖွဲ့ အပါအ၀င် ၁၀ ဖွဲ့ကို ပြည်ထောင်စု ငြိမ်းချမ်းရေး ညီလာခံမှာ ဖိတ်ကြားဖို့ ဆုံးဖြတ်ခဲ့တယ်လို့ မြန်မာငြိမ်းချမ်းရေးစင်တာက အကြီးတန်း အကြံပေး ဦးလှမောင်ရွှေက ပြောပါတယ်။

“ဒီဆွေးနွေးပွဲမှာ လက်မှတ်ရေးထိုးထားခြင်းမရှိတဲ့ တိုင်းရင်းသားလက်နက်ကိုင် ၇ ဖွဲ့ရှိတယ်။ အဲဒါအပြင်ကို ကျန်တဲ့ ၃ ဖွဲ့နဲ့ စုစုပေါင်း ၁၀ ဖွဲ့ကို အယောက် ၅၀ ထက် မပိုတဲ့ အထူးဖိတ်ကြားထားသူများအနေနဲ့ တက်ရောက်ဖို့ ဆိုတာကိုလည်း ဆုံးဖြတ်ပြီးတော့ အဲဒါကိုလည်း ဒုတိယဥက္ကဌ ၃ ဦးဖြစ်တဲ့ ဦးအောင်မင်း၊ စောကွယ်ထူးဝင်းနဲ့ ဦးသုဝေ တို့ လက်မှတ်ထိုးပြီး ဖိတ်မယ်ဆိုတာကိုလည်း ဆုံးဖြတ်ချက်ထဲမှာ ပါပါတယ်ခင်ဗျ။”

ဒီလ ၆ ရက်နေ့လောက်မှာ ဖိတ်ကြားဖို့ ရှိနေပါတယ်။ ဒီလို ဖိတ်ကြားရာမှာ အထူးဧည့်သည်တွေအနေနဲ့ ညီလာခံမှာ ပါဝင်ဆွေးနွေးခွင့်၊ ဆုံးဖြတ်ခွင့် ရှိ မရှိ ဆိုတာမျိုး အပါအ၀င် အသေးစိတ် အချက်တွေကို ဒီလ ၉ ရက်နေ့မှာ ကျင်းပမယ့် UPDJC ခေါင်းဆောင်များ အစည်းအဝေးက ဆုံးဖြတ်ဖို့ ရှိနေပါတယ်။ NCA ကို လက်မှတ်ရေးထိုးရာမှ မပါဝင်တဲ့ တိုင်းရင်းသား လက်နက်ကိုင်အဖွဲ့တွေ စုဖွဲ့ထားတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ အတွင်းရေးမှူး ၂ ဦးထွန်းဇော်ကတော့ သူတို့ဘက်က ရပ်တည်ချက်ကို အခုလို ပြောပါတယ်။

“အခုလောလောဆယ်ကတော့ ကျနော်တို့ ယေဘုယျသဘောထားပဲ ပြောနိုင်မယ်။ ယေဘုယျ အားဖြင့်ဆိုရင် လေ့လာသူအနေနဲ့ ဖိတ်ခေါ်လာမယ်ဆိုရင်ပေါ့နော် တဖွဲ့ချင်းစီအနေနဲ့တော့ တက်ရောက်နိုင်မယ့် အနေအထားတော့ မရှိဘူး။ ကျနော်တို့ကတော့ အားလုံး ပါဝင်နိုင်မှု ရှိရေးကိုပဲ ဆက်လက် ကြိုးပမ်းမယ်ဆိုတဲ့ သဘောထား ကျနော်တို့ ရှိပါတယ်ခင်ဗျ။ အဲဒီသဘောထားက UNFC တခုလုံးကို ထင်ဟပ်ပါတယ်။”

ဖိတ်စာရရှိပြီးနောက်မှသာ ဆွေးနွေးဆုံးဖြတ်ပြီး တရားဝင်တုံ့ပြန်ဖို့ရှိကြောင်းလည်း သူက ပြောပါတယ်။ ဒီဇင်ဘာလ ၁၉ ရက်နဲ့ ၂၀ ရက်နေ့တွေကတော့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC ဒုဥက္ကဌ ဦးသိန်းဇော် ခေါင်းဆောင်တဲ့အဖွဲ့ဟာ NCA လက်မှတ်မထိုးထားတဲ့ ၀ပြည်သွေးစည်းညီညွတ်ရေးပါတီ UWSP နဲ့ မိုင်းလားအဖွဲ့လို့ လူသိများတဲ့ အမျိုးသား ဒီမိုကရေစီ သွေးစည်းညီညွတ်ရေး တပ်ဖွဲ့ NDAA ခေါင်းဆောင်တွေနဲ့ တွေ့ဆုံပြီး အထူးဧည့်သည်အဖြစ် ညီလာခံ တက်ရောက်ဖို့အတွက် ဖိတ်ကြားခဲ့ပါတယ်။ ဒီဖိတ်ကြားမှုအပေါ်မှာတော့ ၀တပ်ဖွဲ့ဘက်က သဘောထားကို အဖွဲ့ရဲ့ ပြည်ပဆက်ဆံရေးဌာနကြီးမှူး ဦးကျောက်ကော်အန်းက အခုလို ပြောပါတယ်။

“ဖိတ်တယ်။ ဒါပေမဲ့ ကျနော်တို့ စဉ်းစားတာ မသွားဘူးနော်။”

ဘာကြောင့်မတက်ရောက်သလဲ ဆိုတာကိုတော့ ဖြေကြားတာ မရှိပါဘူး။ မိုင်းလားအဖွဲ့ရဲ့ အထွေထွေအတွင်းရေးမှူး ဦးကြည်မြင့်ကလည်း သူတို့အဖွဲ့အနေနဲ့ ညီလာခံတက်ရောက်မှာ မဟုတ်ကြောင်း ပြောပါတယ်။

“ကျနော်တို့က ဗဟိုကော်မတီ အစည်းအဝေးတော့ လုပ်ပြီးပြီ။ သဘောအရဆိုရင်လည်း ကျနော်တို့ သွားချင်တဲ့ စိတ်က ရှိပါတယ်။ ဒါပေမဲ့ လောလောဆယ် အခု ဦးအောင်မင်းနဲ့ ပဒိုစောကွယ်ထူးဝင်းတို့ လုပ်ထားတဲ့ ပုံစံဟာ ကျနော်တို့နဲ့ အခြေအနေ မကိုက်ညီဘူး။ မကိုက်ညီဘူးဆိုတော့ ကျနော်တို့ဟာ လောလောဆယ်ဟာ လက်ခံနိုင်တဲ့အနေအထား မရှိတဲ့အတွက် ခဏလေး စောင့်ကြည့်မယ်။”

ဒီလ ၁၂ ရက်နေ့မှာ စတင်ကျင်းပမယ့် ပြည်ထောင်စု ငြိမ်းချမ်းရေး ညီလာခံကိုတော့ အစိုးရနဲ့ လွှတ်တော်က ကိုယ်စားလှယ် ၁၅၀၊ တပ်မတော်က ကိုယ်စားလှယ် ၁၅၀၊ တိုင်းရင်းသား လက်နက်ကိုင် အဖွဲ့အစည်းတွေက ကိုယ်စားလှယ် ၁၅၀၊ နိုင်ငံရေးပါတီတွေက ကိုယ်စားလှယ် ၁၅၀၊ လူမှုအဖွဲ့အစည်းတွေက ကိုယ်စားလှယ် ၅၀ နဲ့ တိုင်းရင်းသားကိုယ်စားလှယ် ၅၀ တို့ကို ဖိတ်ကြားမှာ ဖြစ်ပါတယ်။

ကိုမိုးဇော်/VOA
http://burmese.voanews.com/content/myanmar-peace-talks-summit/3133000.html

အာရှဒေသ အစုရှယ်ယာ ဈေးကွက် အများအပြား ဒီကနေ့ ဈေးကျ။
မြောက်ကိုရီးယား နူကလီးယား စမ်းသပ်မှု လုပ်တဲ့ အပေါ် ရင်းနှီးမြှုပ်နှံသူတွေ စိုးရ်ိမ်ကြတဲ့ အတွက် အာရှဒေသ အစုရှယ်ယာ ဈေးကွက် အများအပြားမှာ ဒီကနေ့ ဈေးကျပါတယ်။ တရုတ်နိုင်ငံရဲ့ အစုရှယ်ယာဈေးကွက် တည်ငြိမ်အောင် လုပ်စရာရှိတာတွေ ကို ဆက်လုပ်သွားမယ်ဆိုတဲ့ သတင်းတွေ ထွက်လာပြီးတဲ့နောက် တရုတ်အစုရှယ်ယာ ဈေးကွက်ကတော့ တည်ငြိမ်သွားပါတယ်။

ဂျပန်နိုင်ငံရဲ့ စံ အစုရှယ်ယာအညွှန်းကိန်း Nikki 225 ဟာ ၁.၃% ကျပြီး တောင်ကိုရီးယားရဲ့ Kospi အညွှန်းကိန်းက ဒဿမ ၅% ကျသွားပါတယ်။ သြစတြေးလျ S&P/ASX 200 အညွှန်းကိန်းက ၁.၃% ကျပါတယ်။

ဟောင်ကောင်ကျွန်းရဲ့ Hang Seng အညွှန်းကိန်းက ဒဿမ ၈% ကျပါတယ်။ ဒါပေမဲ့ ရှန်ဟဲနဲ့ ရှင်ဇန်းက အကြီးဆုံးကုမ္ပဏီတွေ ပါဝင်တဲ့ CSI300 အညွှန်းကိန်းကတော့ ၁.၈% အတက်ပြပြီး ရှန်ဟဲ ပေါင်းစပ် အညွှန်းကိန်းက ၂.၃% တက်ပါတယ်။ အဲဒီ ရှန်ဟဲ ပေါင်းစပ်အညွှန်းကိန်းဟာ တနင်္လာနေ့က ၆.၉% ကျပြီး အင်္ဂါနေ့က ဒဿမ ၃% ဈေးကျခဲ့တာပါ။

တရုတ်နိုင်ငံမှာ ကုမ္ပဏီတခုရဲ့ အစုရှယ်ယာ ၅% ကျော်ထက် ပိုပြီးပိုင်ဆိုင်တဲ့ အစုရှယ်ယာပိုင်ရှင်တွေ သူတို့ရဲ့ အစုရှယ်ယာတွေ ကို မရောင်းဖို့ ပိတ်ပင်ကန့်သတ်ထားတာ ဒီသီတင်းပတ်မှာ သက်တမ်းကုန်တော့မှာပါ။

ဒါပေမဲ့လည်း နောက်ထပ် စည်းမျဉ်းစည်းကမ်းအသစ်တွေ ချမှတ်တဲ့အချိန်ထိ တရုတ်နိုင်ငံ အစုရှယ်ယာနဲ့ အာမခံစာချုပ်စာတမ်း လုပ်ငန်းများဆိုင်ရာ ကော်မရှင် CSRC က အခု ပိတ်ပင်ကန့်သတ်ချက်ကို ဆက်ထားသွားမယ်လို့ ရှန်ဟဲ Securities News သတင်းဌာနကပြောပါတယ်။ မူဝါဒအသစ် ဘယ်တော့ အဆင်သင့်ဖြစ်မယ်ဆိုတာကိုတော့ CSRC က အတိအကျ မပြောပါဘူး။

ဗွီအိုအေ (မြန်မာပိုင်း)
http://burmese.voanews.com

တောင်ကိုရီးယား ထောက်လှမ်းရေး အရာရှိတွေနဲ့ နျူးကလီးယား ဆိုင်ရာ ကျွမ်းကျင်သူတွေက ပေါက်ကွဲမှု အရွယ်အစားကို တိုင်းတာနေ။
မြောက်ကိုရီးယားရဲ့ နျူးကလီးယား စမ်းသပ်မှုကို အိမ်ဖြူတော်က အတည်မပြု နိုင်ပေမယ့်လည်း မြောက်ကိုရီးယား နျူးကလီးယား ပိုင်ဆိုင်တာကို အမေရိကန် ပြည်ထောင်စုက လက်ခံမှာ မဟုတ်ဘူးဆိုတာကို ရှင်းရှင်းလင်းလင်း ပြောဆိုထားပြီး ဖြစ်ပါတယ်လို့ အမေရိကန် အမျိုးသား လုံခြုံရေး ကောင်စီ ပြောခွင့်ရ Ned Price က ပြောပါတယ်။

တောင်ကိုရီးယား နိုင်ငံ အပါအ၀င် ဒေသတွင်းမှာရှိတဲ့ အမေရိကန်ရဲ့ မဟာမိတ်တွေကို ဆက်လက် ကာကွယ်၊ ခုခံပေးသွားမှာ ဖြစ်ပြီးမြောက်ကိုရီးယား ဘက်က ဘယ်လို ရန်စမှုတွေကို မဆို ထိုက်သင့်သလို တုံ့ပြန်သွားမှာ ဖြစ်တယ်လို့လည်းNed Price က ပြောဆိုခဲ့ပါတယ်။ ကုလ သမဂ္ဂ လုံခြုံရေး ကောင်စီ ဆုံးဖြတ်ချက်တွေကို ချိုးဖောက်မှုမှန်သမျှ အမေရိကန် ပြည်ထောင်စု၊ ဗြိတိန်နဲ့ ပြင်သစ်တို့က ရှုတ်ချကြပါတယ်။

 မြောက်ကိုရီးယား အစိုးရကို ကုလ လုံခြုံရေး ကောင်စီက ဒဏ်ခတ်ပိတ်ဆို့မှု ချမှတ်ထားပြီး နျူးကလီးယား အစီအစဉ်တွေကို စွန့်လွှတ်ဖို့ အကြိမ်ပေါင်းများစွာ တောင်းဆိုနေတာလည်း ဖြစ်ပါတယ်။ ဒီကနေ့ ဗုဒ္ဓဟူးနေ့က လုပ်ရပ်နဲ့ပတ်သက်ပြီးလည်း ကုလသမဂ္ဂ လုံခြုံရေး ကောင်စီက အရေးပေါ် စည်းဝေးပွဲ တခု ပြုလုပ်ဖို့ ရှိနေပါတယ်။

မြောက်ကိုရီးယားရဲ့ မဟာမိတ်လည်းဖြစ် နောက် ကုလ လုံခြုံရေး ကောင်စီရဲ့ အမြဲတမ်း အဖွဲ့ဝင်နိုင်ငံလည်း ဖြစ်တဲ့ တရုတ်နိုင်ငံကတော့ နျူးကလီးယား စမ်းသပ်မှုကို ပြင်းပြင်းထန်ထန် ကန့်ကွက်ကြောင်း ပြောဆိုခဲ့ပြီး ကိုရီးယားကျွန်းဆွယ် အခြေအနေကို ပိုပြီး ဆိုးရွားသွားစေမယ့် လုပ်ရပ်တွေကို ရပ်တန့်ဖို့လည်း မြောက်ကိုရီးယားကို ပြောဆိုလိုက်ပါတယ်။

တောင်ကိုရီးယား ထောက်လှမ်းရေး အရာရှိတွေနဲ့ နျူးကလီးယားဆိုင်ရာ ကျွမ်းကျင်သူတို့ကတော့ ပေါက်ကွဲမှု အရွယ်အစားအရ တကယ့် ဟိုက်ဒရိုဂျင်ဗုံး ဆိုတာကို အတော်လေး သံသယရှိတယ်လို့ပြောဆိုကြပါတယ်။

ဒီစမ်းသပ်မှုကြောင့် တောင်ကိုရီးယားနဲ့ ဂျပန်နိုင်ငံတို့ကလည်း အရေးပေါ် အမျိုးသား လုံခြုံရေး အစည်းအဝေးတွေ ခေါ်ယူခဲ့ကြပါတယ်။ ဂျပန်နိုင်ငံက အမေရိကန် ပြည်ထောင်စု၊ တောင်ကိုရီးယား၊ တရုတ်၊ ရုရှားတို့နဲ့ ပူးပေါင်းလုပ်ဆောင်ပြီး ပြင်းပြင်းထန်ထန် တုံ့ပြန်သွားမယ်လို့ ကုလသမဂ္ဂမှာ ကတိပြု ပြောဆိုထားပါတယ်။ မြောက်ကိုရီးယားရဲ့ နျူးကလီးယား စမ်းသပ်မှုဟာ ဂျပန်နိုင်ငံရဲ့ အမျိုးသား လုံခြုံရေးကို ဆိုးရွားတဲ့ ခြိမ်းခြောက်မှုဖြစ်ပြီး လုံးဝ လက်ခံနိုင်စရာ မရှိဘူး၊ အပြင်းအထန် ကန့်ကွက် ရှုတ်ချပါတယ် လို့ ဂျပန် ၀န်ကြီးချုပ်က လွှတ်တော်မှာ မိန့်ခွန်းပြောတာမှာ ထည့်သွင်း ပြောဆိုခဲ့ပါတယ်။

ဒီစမ်းသပ်မှုဟာ တောင်ကိုရီးယား နိုင်ငံရဲ့ အနာဂတ်ကို ခြိမ်းခြောက်နေတဲ့ ဆိုးရွားလှတဲ့ ရန်စမှုတခု အဖြစ် တောင်ကိုရီးယား သမ္မတ Park Geun-hye က သုံးနှုန်း ပြောဆိုပါတယ်။ နျူးကလီးယား စမ်းသပ်မှု အတွက် ထိုက်သင့်တဲ့ ပြစ်ဒဏ်မျိုး မြောက်ကိုရီးယားကို ချမှတ်နိုင်ဖို့ တောင်ကိုရီးယား အစိုးရက နိုင်ငံတကာ အသိုင်းအ၀ိုင်းနဲ့ နီးနီးကပ်ကပ် ပူးပေါင်းလုပ်ဆောင်သွားရမယ်လို့ တောင်ကိုရီးယား သမ္မတရဲ့ ပြောဆိုချက်ကို Yonhap သတင်းဌာနက ဖော်ပြပါတယ်။ မြောက်ကိုရီးယားရဲ့ နျူးကလီးယား စမ်းသပ်မှုကိုသာ အတည်ပြုနိုင်ပြီဆိုရင်တော့ ဒါဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို အကြီးအကျယ် ခြိမ်းခြောက်မှု ဖြစ်တယ်လို့ နျူးကလီယား စမ်းသပ်မှု အလုံးစုံ တားမြစ်ပိတ်ပင်ရေး နိုင်ငံတကာ အဖွဲ့ကြီး CTBTO ရဲ့ အကြီးအကဲ Lassina Zerbo က ပြောဆိုလိုက်ပါတယ်။

ဗွီအိုအေ (မြန်မာပိုင်း)
http://burmese.voanews.com

 နိုင်ငံရေးတက်ကြွလှုပ်ရှားသူ နော်အုန်းလှကို ဇွန်လ ၂၆ ရက်နေ့က ရန်ကုန်မြို့ ဒဂုံမြို့နယ်တရားရုံးမှာ တွေ့ရစဉ်။ Photo: Kyaw Lwin Oo/RFA
 တရုတ်သံရုံးရှေ့မှာ ဆန္ဒပြမှုကြောင့် ထောင်ဒဏ် ၆နှစ်ကျော် အမိန့်ချခံထားရတဲ့ လူ့အခွင့်အရေးလှုပ်ရှားသူ နော်အုန်းလှက ပြည်သူ့လွှတ်တော်မှာ အတည်ပြုလိုက်တဲ့ နိုင်ငံတော်သမ္မတ တာဝန်ထမ်းဆောင်ခဲ့သူရဲ့ လုံခြုံရေးဆိုင်ရာ ဥပဒေကြမ်းကို ကန့်ကွက်တဲ့အနေနဲ့ အင်းစိန်ထောင်အတွင်း အစာငတ်ခံ ဆန္ဒပြနေတယ်လို့ သိရပါတယ်။

ဒီဇင်ဘာလ ၅ ရက်နေ့ မနေ့ကစပြီး ဆန္ဒပြနေတာဖြစ်တယ်လို့ နော်အုန်းလှနဲ့ တစ်ဆောင်တည်း အကျဉ်းကျနေတဲ့ မစပယ်က ဒီနေ့ ရုံးထုတ်စဉ် ပြောပါတယ်။

"အခုအတည်ပြုထားတဲ့ သမ္မတတွေ၊ ဒုသမ္မတတွေကို တရားစွဲဆိုခွင့် မရှိဘူးဆိုတဲ့ဥစ္စာကို မကျေနပ်လို့ အမိုးက အစာငတ်ခံ ဆန္ဒပြတာပါ၊ မနက်တစ်ကြိမ် ညနေတစ်ကြိမ် ဆရာဝန်တွေလည်းလာတယ်၊ ထောင်အာဏာပိုင်တွေလည်းလာတယ်၊ အမိုးကတော့ ၅ ရက်နေ့ကစပြီး ထမင်းမစားဘူး ရေလည်းမသောက်ဘူး"

နိုင်ငံတော်သမ္မတ တာဝန်ထမ်းဆောင်ခဲ့သူရဲ့လုံခြုံရေးဆိုင်ရာဥပဒေကြမ်းမှာ နိုင်ငံတော်သမ္မတ တာဝန်ထမ်းဆောင်ခဲ့သူက တာဝန်ထမ်းဆောင်စဉ်ကာလအတွင်း ဥပဒေအရဆောင်ရွက်ခဲ့တာတွေကို နောက်ကြောင်းပြန် တရားစွဲဆိုခွင့်မရှိစေရဆိုတဲ့ အချက်ထည့်သွင်းထားတာဖြစ်ပါတယ်။

အဲဒီဥပဒေကြမ်းကို ပြီးခဲ့တဲ့ဒီဇင်ဘာလ ၃၁ရက်နေ့က ပြည်သူ့လွှတ်တော်မှာ အတည်ပြုလိုက်ပြီး အမျိုးသားလွှတ်တော်မှာ ဆက်လက်ဆွေးနွေးအတည်ပြုဖို့ ကျန်နေပါတယ်။

အလားတူ ဖမ်းဆီးထိန်းသိမ်းခံထားရတဲ့ ကျောင်းသား ကျောင်းသူတွေကလည်း အဲဒီဥပဒေကြမ်းကို မကျေနပ်တဲ့အတွက် ပြီးခဲ့တဲ့ရက်ပိုင်းက တရားရုံးထုတ်ချိန်မှာ ဆန္ဒပြတာတွေ ရှိခဲ့ပါတယ်။

နော်အုန်းလှဟာ စစ်ကိုင်းတိုင်းဒေသကြီး၊ ဆားလင်းကြီးမြို့နယ်က လက်ပံတောင်းတောင်ကြေးနီ စီမံကိန်း ပဋိပက္ခမှာသေနတ်ထိမှန် သေဆုံးခဲ့တဲ့ တောင်သူဒေါ်ခင်ဝင်းအတွက် အမှုမှန်ဖော်ထုတ်ပေးဖို့ တရုတ်သံရုံးရှေ့ထိ လမ်းလျှောက်ဆန္ဒပြခဲ့တာကြောင့် ထောင်ဒဏ် ၆ နှစ်နဲ့ ၄ လချမှတ်ခံထားရတာဖြစ်ပါတယ်။

RFA Burmese
http://www.rfa.org/burmese

Photo - ပုဂံ နေအ၀င်ကို စောင့်ကြည့်ရန် မြောက်ဂူနီ ဘုရားပေါ်တွင် နေရာယူ ထားသော ပြည်ပခရီးသွားများအား တွေ့ရစဉ်
ယခုနှစ် ခရီးသွား ရာသီဖြစ်သော ဒီဇင်ဘာလအတွင်း ပုဂံရှေးဟောင်းနယ်မြေသို့ ပြည်တွင်းပြည်ပ ခရီးသွားများ စုပြုံလာရောက်ကြရာ ဟိုတယ်၊ တည်းခိုခန်းများတွင် အခန်းလွတ် မကျန်အောင် အထူး စည်ကားလျက်ရှိကြောင်း သတင်းရရှိသည်။

“ဟိုမှာတွေ့လား ကျောပိုးအိတ်နဲ့ နိုင်ငံခြားသားစုံတွဲ၊ သူတို့နှစ်ယောက် ဟိုတယ်အခန်းလိုက်ရှာနေတာ တနေကုန်ပဲ ခုထိ မရသေးဘူး။ သူတို့ကို ကျွန်တော် ပြောတယ် ဒီဘက်မှာ မရနိုင်တော့ဘူးလို့ အဲဒါကို ဇွဲမလျော့ဘဲ ဟိုတယ် တခုဝင်တခုထွက် လိုက်မေးနေတယ်”ဟု ပုဂံမြို့သစ်မှ မြင်းလှည်းမောင်းသမားတဦးက ပြောသည်။ ပုဂံ၊ ညောင်ဦးတခွင်မှ ဟိုတယ်နှင့် တည်းခိုခန်းများတွင်သာမက ဘုန်းကြီးကျောင်းများတွင်လည်း တည်းခိုသူများဖြင့် ပြည့်လျက်ရှိကြောင်း ၎င်းက ပြောကြားသည်။

“ဟိုတနေ့ကဆိုရင်ဗျာ ခရီးသွားနှစ်ယောက်ကို ကျွန်တော့် အိမ်မှာ နေရာချပေးလိုက်ရတယ်။ ကျွန်တော့်ကား ငှားစီးတဲ့ ဧည့်သည်တွေပေါ့။ သူတို့က ဒီမှာ ၄ ရက်နေတာ။ ပထမဆုံးရက်နဲ့ နောက်ဆုံးရက်ပဲ အခန်းရတယ်။ ကြားထဲက နှစ်ရက်မှာ အခန်း ဘယ်လိုမှ ရှာမရဘူး။ ဘုန်းကြီးကျောင်းတွေမှာပါ ပြည့်နေလို့ မရတဲ့အဆုံး အိမ်မှာ ခေါ်သိပ်လိုက်ရတယ်။ ဘယ်လိုလုပ် ပိုက်ဆံ ယူရက်မှာလဲဗျာ။ သူတို့မှာလည်း တော်တော် အခက်အခဲ ကြုံတာကိုး”ဟု ခရီးသွားများ ပုဂံမြို့တွင်း လည်ပတ်ရန် အငှားကားလိုက်သူ ကိုငွေတိုးက သူ၏အတွေ့အကြုံကို ပြောသည်။

ခရီးသွားရာသီဖြစ်သည့်အပြင် ဒီဇင်ဘာ ရက်ရှည်ကျောင်းပိတ်ရက်နှင့်လည်း တိုက်ဆိုင်သဖြင့် ပြည်ပခရီးသွားဧည့်သည်များသာမက အနယ်နယ်အရပ်ရပ်မှ ပြည်တွင်းခရီးသွားများလည်း ဘုရာဖူးထွက်ကြသဖြင့် ပုဂံဘုရားအများစုတွင် ပွဲနေ့သဖွယ် လူများဖြင့် ပြည့်ကျပ်လျက်ရှိကြောင်း သတင်းရရှိသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

အစိုးရနှင့် ငြိမ်းချမ်းရေးဆွေးနွေးရန် ၂ဝ၁၄ ခုနှစ် မေလ ၁၃ ရက်နေ့က မြစ်ကြီးနားမြို့ကို ရောက်ရှိလာတဲ့ ကေအိုင်အို ကိုယ်စားလှယ် ဒုတိယစစ်ဦးစီးချုပ် ဗိုလ်ချုပ်ဂွမ်မော် ဦးဆောင်တဲ့အဖွဲ့ကို တွေ့ရစဉ်။ photo: RFA/ Kyaw Myo Min
ကချင်လွတ်မြောက်ရေး တပ်မတော် ကေအိုင်အေရဲ့ ဒုတိယစစ်ဦးချုပ် ဗိုလ်ချုပ်ဂွမ်မော် တာဝန်ယူနေရတဲ့ လုပ်ငန်းတွေ များနေတာကြောင့် နောက်ထပ်ဒုတိယစစ်ဦးစီးချုပ် နှစ်ဦးကို ကချင်လွတ်မြောက်ရေးအဖွဲ့ ကေအိုင်အို ဗဟိုက ထပ်မံခန့်ထားလိုက်ပါတယ်။

ဒုတိယစစ်ဦးချုပ်နှစ်ယောက်ကို လုပ်ငန်းတာဝန်တွေ ခွဲဝေလိုက်တဲ့အတွက် ငြိမ်းချမ်းရေးလုပ်ငန်းတွေကို ပိုမိုဆောင်ရွက်နိုင်မှာဖြစ်တယ်လို့ မြစ်ကြီးနားမြို့အခြေစိုက် ငြိမ်းချမ်းရေးအကျိုးဆောင်အဖွဲ့ PCG ရဲ့အဖွဲ့ဝင် တစ်ဦးဖြစ်သူ ဦးဆန်းအောင်က ဒီကနေ့ပြောပါတယ်။

"ဗိုလ်ချုပ်ဂွမ်မော်က သူတာဝန်ယူရတဲ့အပိုင်းတွေ တော်တော်များနေတယ်၊ နိုင်ငံခြားရေးရော ငြိမ်းချမ်းရေး လုပ်ငန်းနဲ့ ပတ်သက်ပြီးတော့ရော တပ်ပိုင်းဆိုင်ရာရော ပညာရေးပိုင်းရော မျိုးစုံတဲ့အခါကျတော့ သူ့အတွက်က မနိုင်မနင်းဖြစ်နေတဲ့အတွက်ကြောင့်မို့ ဒုဦးစီးချုပ်ကို နှစ်ယောက်ထပ်တိုးတာပေါ့၊ အလုပ်တွေ ခွဲဝေလိုက်ရင်တော့ ပိုကောင်းလာမယ်လို့ မျှော်လင့်ပါတယ်၊ အလုပ်ခွဲရင် မြန်မြန်သွက်သွက်နဲ့ ပြီးနိုင်တယ်ပေ့ါ"

ထပ်မံတာဝန်ပေးလိုက်တဲ့ ဒုတိယစစ်ဦးစီးချုပ် နှစ်ယောက်ဟာ ဗိုလ်မှူးချုပ် ခေါင်လွမ်းနဲ့ ဗိုလ်မှူးချုပ် အောင်ဆိုင်းလာ တို့ဖြစ်ပြီး သူတို့နှစ်ဦးကို ဘယ်လိုတာဝန်တွေပေးမယ်ဆိုတာတော့ လောလောဆယ်မှာ အသေးစိတ်မပြောနိုင်သေး ဘူးလို့ ကေအိုင်အိုအဖွဲ့နဲ့ နီးစပ်သူတွေက ပြောပါတယ်။

ကချင်လွတ်မြောက်ရေးတပ်မတော် ကေအိုင်အေရဲ့ လက်ရှိစစ်ဦးစီးချုပ်ဟာ ဒုတိယဗိုလ်ချုပ်ကြီး ဂမ်ရှောင်ဖြစ်ပြီး ဒုတိယစစ်ဦးချုပ်က သုံးယောက်ဖြစ်သွားပြီ ဖြစ်ပါတယ်။

ဗိုလ်ချုပ်ဂွမ်မော်ဟာ လက်ရှိဒုတိယစစ်ဦးချုပ် တာဝန်ထမ်ဆောင်းနေသလို ညီညွှတ်သော တိုင်းရင်းသား လူမျိုးများဖက်ဒရယ်ကောင်စီ UNFC ၊ ငြိမ်းချမ်းရေး၊ နိုင်ငံခြားရေး၊ လူငယ်နဲ့ ပညာရေး စတဲ့ကဏ္ဍတွေမှာ တာဝန်ယူနေတာလို့ သိရပါတယ်။

ဒီအတောအတွင်း ကုလသမဂ္ဂ အထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ဗီဂျေနမ်ဘီးယားဟာ အခုလအတွင်း ကေအိုင်အို ဗဟိုဋ္ဌာနချုပ်တည်ရှိရာ လိုင်ဇာမြို့ကို သွားရောက်ဖို့ စီစဉ်နေပါ တယ်။ လိုင်ဇာမြို့မှာ ကေအိုင်အို ဗဟိုကော်မတီဝင်တွေနဲ့ တွေ့ဆုံပြီး ငြိမ်းချမ်းရေးကိစ္စဆွေးနွေးဖို့ စီစဉ်ထားပေမယ့် အသေးစိတ်ကို အတည်မပြုနိုင်သေးဘူးလို့ ဆိုပါတယ်။ Mr. Vijay Nambia ဟာ ပြီးခဲ့တဲ့ ၂၀၁၃ သြဂုတ်လ နဲ့ ၂၀၁၄ ဧပြီလတွေမှာ လိုင်ဇာမြို့ကို သွားရောက်ခဲ့ပါတယ်။

RFA Burmese
http://www.rfa.org/burmese


လိပ်ကျွန်းလူသတ်မှု တရားမျှတရေးတောင်းဆိုသည့်အနေဖြင့် ထိုင်းရဲဝက်ဘ်ဆိုက် ၄ ခုကို ဖောက်ထွင်း၍ “တရားမျှတမှုကို တောင်းဆိုခြင်း”ဆိုသော စာသားချိတ်ဆွဲခဲ့သည့် ဟက်ကာများသည် ပြည်ပအခြေစိုက် လူ့အခွင့်အရေး တက်ကြွလှုပ်ရှားသူများဖြစ်ကြောင်း ထိုင်းရဲတပ်ဖွဲ့က ထုတ်ဖော်ပြောဆိုလိုက်သည်။

“သူတို့က ကျွန်တော်တို့ကို အနှောက်အယှက်ပေးရုံသက်သက်ပါ။ ကြီးကြီးကျယ်ကျယ် ထိခိုက်မှုမျိုး၊ သတင်းအချက်အလက် ခိုးယူခံရခြင်းမျိုး မရှိပါဘူး”ဟု ထိုင်းရဲတပ်ဖွဲ့ ပြောရေးဆိုခွင့်ရှိသူ Dechnarong Sutticharnbancha က ပြောသည်။

သို့ရာတွင် အင်္ဂါနေ့ ညပိုင်းအထိ metropolitan police ၀က်ဘ်ဆိုက်အား အပြီးသတ်ပြန်လည် ထူထောင်နိုင်ခြင်း မရှိသေးဘဲ police clearance certificate centre ၀က်ဘ်ဆိုက်သည်လည်း database error ရှိနေဆဲဖြစ်ကြောင်း သိရသည်။ Phichit police Office ၀က်ဘ်ဆိုက်သည် ပုံမှန်အခြေအနေသို့ ပြန်လည်ရောက်ရှိနေပြီဖြစ်ပြီး ထိုင်း တော်ဝင်ရဲတပ်ဖွဲ့ နည်းပညာနှင့် ပြင်ပဆက်ဆံရေးရုံး ၀က်ဘ်ဆိုက်မှာမူ logo banner ပျောက်ဆုံးနေခြင်းမှလွဲ၍ ပုံမှန် အခြေအနေ ပြန်လည်ရောက်ရှိပြီဖြစ်ကြောင်း သိရသည်။

Greetz Myanmar Black Hats ဟု အမည်ပေးထားသော ဟက်ကာအဖွဲ့က ထိုင်းရဲဝက်ဘ်ဆိုက် ၁၄ ခုကို ဖောက်ထွင်းတိုက်ခိုက်ခဲ့ကြောင်း ၎င်းတို့၏ ဖေ့ဘုတ်စာမျက်နှာတွင် ဖော်ပြထားသည်။

အဆိုပါ ဟက်ကာများအား ကွန်ပျုတာရာဇ၀တ်အက်ဥပဒေဖြင့် အရေးယူမည်ဖြစ်ကြောင်း ထိုင်းရဲတပ်ဖွဲ့၏ နည်းပညာဆိုင်ရာ ရာဇ၀တ်မှုတိုက်ဖျက်ရေးဌာန အကြီးအကဲ ရဲမှူးချုပ် Sripong Timula က ပြောသည်။

Greetz Myanmar Black Hats ဟက်ကာများ၏တိုက်ခိုက်ဖောက်ထွင်းခံခဲ့ရသော ထိုင်းရဲဝက်ဆိုက် လေးခုမှာ the Metropolitan Police (http://metro.police.go.th) ; the Pichit Police Office (http://phichit.police.go.th) ; the Police Clearance Certificate Centre (http://www.pcscenter.sb.police.go.th) ; and Office of Communication and Communication Technology of the Royal Thai Police (http://ictgeneral.police.go.th) တို့ဖြစ်ကြောင်း သိရသည်။

ရည်ညွှန်း; ဘန်ကောက်ပို့စ်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


 မြောက်ကိုရီးယားနိုင်ငံသည် ဟိုက်ဒရိုဂျင်ဗုံးတစ်လုံးအား ပထမဆုံး အကြိမ်အဖြစ် အောင်မြင်စွာ စမ်းသပ်ဖောက်ခွဲနိုင်ခဲ့ကြောင်း ဇန်န၀ါရီ ၆ ရက် နံနက်တွင် ကြေညာခဲ့သည်။

 မြောက်ကိုရီးယားနိုင်ငံ မြောက်ပိုင်း၊ ကီလ်ဂျူ မြို့မှ မိုင် ၃၀ ခန့်အကွာ ပန်ဂျီရီ နျူကလီးယား စမ်းသပ်ဧရိယာတွင် ရစ်ခ်ျတာစကေး ၅.၁ ရှိ ငလျင်တစ်ခု လှုပ်ခတ်သွားကြောင်း နိုင်ငံတကာရှိ ငလျင် တိုင်းတာရေးစခန်းများက တိုင်းတာရရှိပြီးနောက် နာရီပိုင်းအကြာတွင် မြောက်ကိုရီးယားက အထက်ပါအတိုင်း ကြေညာခဲ့ခြင်း ဖြစ်သည်။

မြောက်ကိုရီးယားနိုင်ငံပိုင် KCTV တွင် ထုတ်လွှင့်ခဲ့သည့် ကြေညာချက်တွင် “အလုပ်သမားပါတီ၏ မဟာဗျူဟာ သန္နိဋ္ဌာန်ကို အခြေခံ၍ ပထမဆုံး ဟိုက်ဒရိုဂျင်ဗုံး စမ်းသပ်ဖောက်ခွဲခြင်းအား ၂၀၁၆ ဇန်န၀ါရီ ၆ ရက် နံနက် ၁၀ နာရီတွင် အောင်မြင်စွာ ပြုလုပ်နိုင်ခဲ့သည်” ဟု ဖော်ပြခဲ့သည်။

 စမ်းသပ်မှု ပြုလုပ်ခဲ့သည့် ဧရိယာသည် ၂၀၀၆ ၊ ၂၀၀၉ နှင့် ၂၀၁၃ တွင် နျူကလီးယားဗုံး စမ်းသပ်မှုများ
ပြုလုပ်ခဲ့သည့် နေရာဖြစ်သည်။

တောင်ကိုရီးယားနိုင်ငံ လက်ထောက်နိုင်ငံခြားရေးဝန်ကြီး လင်ဆမ်နမ်က မြောက်ကိုရီးယား၏ ဟိုက်ဒရိုဂျင်ဗုံး စမ်းသပ်မှုသည် ကုလသမဂ္ဂ လုံခြုံရေး ကောင်စီ၏ ဆုံးဖြတ်ချက်ကို ဖောက်ဖျက်ခြင်း ဖြစ်သည်ဟု ပြောကြားခဲ့သည်။

Ref; Koreatimes
KHTun
The Ladies News Journal
https://www.facebook.com/News.TheLadies


 ရှမ်းပြည်နယ် မြောက်ပိုင်း ၊ မန်ပန်ပြည်သူ့စစ် ထိန်းချုပ်နယ်မြေဖြစ်သည့် လားရှိုးမြို့နယ် နားနန်းအုပ်စု ပန်လုံးရွာတွင် ဇန်န၀ါရီ ၄ ရက်က မိုင်းကြတ်မှ ဆင်းလာသည့် အစိုးရတပ်က သေနတ်ဖြင့် ပစ်ခတ်ရာ ရွာသားသုံးဦး သေဆုံးခဲ့ပြီး ရွာသားလေးဦးကို ဖမ်းဆီးခဲ့ကာ နေအိမ်တစ်လုံးကို မီးရှို့ဖျက်ဆီးခဲ့ကြောင်း သေဆုံးခဲ့သူသုံးဦးတွင် ကလေးငယ်နှစ်ဦး ပါဝင်ကြောင်း အမည်မဖော်လိုသူ ဒေသခံတစ်ဦးက ဇန်န၀ါရီ ၆
ရက်တွင် The Ladies သို့ပြောသည်။

“ဖြစ်တဲ့နေရာက လားရှိုးမြို့နယ် နားနမ်းအုပ်စု ပန်လုံးရွာ (ပလောင်ရွာ ) ပေါ့ ။ စစ်ကြောင်းကတော့ မိုင်းကြတ်ဘက်က ဆင်းလာတဲ့တပ် ၊ တပ်ရင်းနာမည်တော့ မသိဘူး ။ တပ်ရင်းအမှတ် မသိဘူး ။ ဇန်န၀ါရီ ၄ ရက် နေ့ကဖြစ်တာ။ ဖမ်းသွားတဲ့ အထဲမှာ ရွာသူကြီးလည်းပါတယ် ။ ရွာသား သုံးယောက်ပါသွားတယ်” ဟု အဆိုပါဒေသခံကပြောသည်။

အစိုးရတပ်က ဖမ်းဆီးသွားသည့်အထဲတွင် ရွာလူကြီးကင်းထွေးလည်း အပါအ၀င်ဖြစ်ပြီး ရွာသားအိုက်ဆန်နှင့် အခြားရွာသားနှစ်ဦးတို့ ပါဝင်ကြောင်း ၊ သေဆုံးသွားသည့် ရွာသားများမှာအိုင်းလှ ၃၈ နှစ် နှင့် ၇ နှစ် ၈နှစ်အရွယ် ကလေးငယ်နှစ်ဦးတို့ဖြစ်ကြောင်း နမ့်ပေါင်ရွာသို့ ထွက်ပြေးလာသည့် ဒေသခံများဆိုသည်။

“လောလောဆယ် အပစ်အခတ်ရပ်စဲဖို့ အတွက်လည်း လုပ်နေကြတဲ့အချိန်မှာ ဒါကတော့ မဖြစ်သင့်ဘူးပေါ့။ အင်မတန်မှစိုးရိမ်ရပါတယ် ။ ဒေသခံတွေအတွက်လည်း တော်တော်လေး ခံရခက်နေတယ်လို့ ကြားရတယ် ။ လောလောဆယ်တော့ လားရှိုး၊ မူဆယ် နမ့်ခမ်း ဒီမြောက်ပိုင်း တစ်ဝိုက်မှာ အဲ့လိုကြားနေရတာ အင်မတန်မှ စိတ်မကောင်းစရာ ဖြစ်ပါတယ် ။ ဘယ်လို ဖြေရှင်းရမှန်းတောင် မသိတော့ဘူး” ဟုဒေသခံ အနိုင်ရလွှတ်တော် ကိုယ်စားလှယ် ဦးစိုင်းဝမ်းလှိုင်က The Ladies သို့ပြောသည်။

ယင်းအဖြစ်အပျက်များကြောင့် ဒေသခံရွာသား ၁၅၀ ခန့်သည့် တောတွင်းသို့ ထွက်ပြေးတိမ်းရှောင် နေရပြီး အနီးအနား ရွာများမှ ဒေသခံများသည်လည်း အရေးကြီး သည့် ပစ္စည်းများကို ရွှေ့ပြောင်းမှုများ ပြုလုပ်လျက်ရှိကြောင်းဒေသခံများ၏ ပြောကြားချက်အရ သိရသည်။

သတင်း - ဇော်မင်းထွန်း
The Ladies News Journal
https://www.facebook.com/News.TheLadies


 လွှတ်တော်အသစ်ကျင်းပမည့်နေ့ရက်နှင့် သတင်းပို့ရမည့်နေ့ရက်ထုတ်ပြန်

❖ ဒုတိယအကြိမ်၊ ပြည်သူ့လွှတ်တော် ပထမပုံမှန်အစည်းအဝေးကို နေပြည်တော်ရှိ ပြည်သူ့လွှတ်တော်အစည်းအဝေးခန်းမ၌ ၂၀၁၆ ခုနှစ်၊ ဖေဖော်ဝါရီလ ၁ ရက် (တနင်္လာနေ့)၊ နံနက် ၁၀ နာရီအချိန်တွင် စတင်ကျင်းပရန် ပြည်သူ့လွှတ်တော်ဥက္ကဋ္ဌက ခေါ်ယူထားရာ အဆိုပါ အစည်းအဝေးသို့ တက်ရောက်ရန် ဖိတ်စာများကို ပြည်သူ့လွှတ်တော်ကိုယ်စားလှယ်များထံသို့ ပေးပို့ထားပါသည်။

❖ ပြည်သူ့လွှတ်တော်ကိုယ်စားလှယ်များအနေဖြင့် အစည်းအဝေးအတွက် လိုအပ်သည့် ပြင်ဆင်မှုများ ပြုလုပ်နိုင်ရန် ❝ ဖိတ်စာလက်ခံရရှိသည်ဖြစ်စေ၊ မရရှိသည်ဖြစ်စေ ❞ နေပြည်တော် ရုံးအမှတ်(၂၀)၊ လွှတ်တော်ရုံးသို့ ၂၀၁၆ ခုနှစ်၊ ဇန်န၀ါရီလ ၂၅ ရက် (တနင်္လာနေ့) ထက်မစော၊ ဇန်န၀ါရီလ ၂၆ ရက်နေ့ (အင်္ဂါနေ့) ထက် နောက်မကျစေဘဲ သတင်းပို့ကြရန်ဖြစ်သည်။

H.E. Thura U Shwe Mann
https://www.facebook.com/HEThuraUShweMann/

ဒေါ်အောင်ဆန်းစုကြည် ရွေးကောက်ပွဲ အနိုင်ရမှုအတွက် ၀မ်းသာကြည်နူးနေကြသည့် ရန်ကုန်မြို့က NLD ပါတီ ထောက်ခံသူတချို့။ (ဧပြီလ ၁၊ ၂၀၁၂)
ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ ပြီးခဲ့တဲ့ အထွေထွေရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က အနိုင်ရရှိလိုက်ပေမယ့် ဗျူရိုကရေစီ ယန္တရားတခုလုံးကို စစ်တပ်က ချုပ်ကိုင်ထားတာ အပါအဝင် အာဏာကြီးစိုးထားဆဲ ဖြစ်တဲ့အတွက် တခြမ်းပဲ့ ဒီမိုကရေစီအဖြစ်နဲ့ပဲ ဆက်လက် ခရီးသွားရလိမ့်အုံးမယ်လို့ မြန်မာ့အရေးသုံးသပ်သူ သမိုင်းပညာရှင် ဒေါက်တာအောင်ခင်  က သုံးသပ်လိုက်ပါတယ်။ ဒေါက်တာဦးအောင်ခင် ကို ဦးကျော်ဇံသာ က ဆက်သွယ်မေးမြန်း ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ အခု မြန်မာနိုင်ငံမှာ ရွေးကောက်ပွဲ ပြီးသွားပါပြီ။ ရွေးကောက်ပွဲမှာ ပြည်သူတွေက ဒီမိုကရေစီ ဖော်ဆောင်ပေးလိမ့်မယ်လို့ ယုံကြည်တဲ့ အမျိုးသားဒီမိုကရေစီအဖွဲ့ချုပ်က အပြတ်အသတ် နိုင်ခဲ့တယ်ဆိုတဲ့ အထောက်အထားတွေ အများကြီး တွေ့နေရပါပြီ။ လူတွေကတော့ ဒီမိုကရေစီ ဖြစ်ထွန်းတော့မယ်ဆိုပြီးတော့ မျှော်လင့်နေကြတယ်။ ဆရာ ဘယ်လို သုံးသပ်လိုပါလဲ။ အခုအခြေအနေက ဒီမိုကရေစီ ခရီးအစ ဘယ်လောက် အလှမ်းဝေးနေပါသေးလဲ။

ဦးအောင်ခင် ။ ။ လွတ်လပ်ပြီးတော့ အနှောင့်အယှက် ကင်းမဲ့တဲ့ ရွေးကောက်ပွဲမှာ အရပ်သားနိုင်ငံရေးပါတီ အနိုင်ရတယ်ဆိုတာ အင်မတန် ဝမ်းသာစရာကောင်းတာပေါ့။ ဒီဥစ္စာက ကျနော်တို့ ဗမာပြည်မှာ ဖြစ်တောင့်ဖြစ်ခဲပါ။ အရင်တုန်းကလဲ ရှိခဲ့ပါတယ်။ ၁၉၆၀ သန့်ရှင်း ဖဆပလ နဲ့ တည်မြဲ ဖဆပလ ကွဲတဲ့အချိန်မှာ ရွေးကောက်ပွဲ လုပ်တဲ့အခါမှာ တည်မြဲ ဖဆပလ က စစ်တပ်နဲ့ ပတ်သက်တယ်။ သန့်ရှင်းက မပတ်ဘူးဆိုတော့ အဲဒီမှာ ၁၉၆၀ ရွေးကောက်ပွဲမှာ ဦးနုရဲ့  ပါတီက အပြတ်အသတ် နိုင်သွားတယ်။ အရပ်သားပါတီ အောင်ပွဲခံတာပေါ့။ အဲဒီတုန်းကလဲ နောက်ဆုံး ဦးနု က စစ်တပ်ကို သိမ်းသွင်းစည်းရုံးဖို့ အားနည်းတဲ့အတွက် နောက်ဆုံးပိတ်မှာ အာဏာရပြီးတော့ (၁) နှစ် (၂) နှစ် နေပြီးတော့ စစ်တပ်က ဗိုလ်နေဝင်းတို့ အာဏာသိမ်းတာပေါ့။ အာဏာသိမ်းတဲ့အကြောင်းတွေကတော့ အမျိုးမျိုး ပြထားတာတော့ ရှိတာပေါ့။ ယုတ်တိရှိတာလဲရှိတယ်။ မရှိတာလဲ ရှိတယ်။

ဦးကျော်ဇံသာ ။ ။ အခုကော ဆရာ ဘယ်လိုမြင်ပါလဲ အဲဒီတော့။ အခုလဲ စစ်တပ်ထောက်ခံတဲ့ပါတီက ရှုံးနှိမ့်ပြီးတော့ အရပ်သားပါတီက အပြတ်အသတ် နိုင်တယ်ဆိုတော့။ ဘယ်လောက် တည်မြဲနိုင်မယ့် အခြေအနေ ရှိပါလဲ။ စစ်တပ်ကို စည်းရုံးသိမ်းသွင်းနိုင်မယ့် အလားအလာ ဘယ်လောက် ရှိနေတယ်လို့ ဆရာ သုံးသပ်ပါလဲ။

ဦးအောင်ခင် ။ ။ အဲဒီတုန်းနဲ့ အခုဟာနဲ့ဆိုရင်တော့ နှစ်ပေါင်း (၅၅) နှစ် ရှိသွားပြီးပေါ့။ ကြားထဲမှာ တခါရှိသေးတယ်။ ၁၉၉၀ မှာ အရပ်သားပါတီက အပြတ်အသတ်နိုင်ပြီး၊ စစ်တပ် ထောက်ခံတဲ့ပါတီက ခွက်ခွက်လန်အောင် ရှုံးသွားတယ်။ အဲဒီတုန်းကလဲ စစ်တပ်က နောက်မဆုတ်ဘဲနဲ့ အာဏာသိမ်းလိုက်တာ စစ်အာဏာရှင် အနှစ် (၂၀) ကျော် အုပ်ချုပ်သွားတယ်။ အခုလဲပဲ အရပ်သားအဖွဲ့အစည်းက နိုင်တယ်။ နိုင်တာတောင် အပြတ်အသတ်နိုင်တာ။ ၁၉၆၀ က နိုင်သလို၊ ၁၉၉၀ က နိုင်သလို၊ အခု ၂၀၁၅ မှာလည်း နိုင်တယ်။ ဒါတွေက ရွေးကောက်ပွဲတခုနဲ့တခုကြားမှာ one generation ကွာတယ်။ အနှစ် (၃၀) ပထမ ရွေးကောက်ပွဲ။ နောက်တခါ (၂၅) နှစ် ကွာတယ်။ ဒါပေမဲ့ အရပ်သားက စစ်တပ်ထောက်ခံတဲ့ပါတီကို ဘယ်တော့မှ မထောက်ခံဘူး။ အခုကတော့ သူတို့က အသိအမှတ်ပြုတယ် ပြောတယ်။ အသိအမှတ်ပြုတယ်ပြောတာက သူက အခြေခံဥပဒေအရ စစ်တပ်က သူလိုချင်တာတွေ သူရထားပြီးပြီ။ စစ်ဗိုလ်တွေလည်း သူဌေး ဖြစ်ကုန်ပြီ။ နေပြည်တော်မှာလည်း ကုတ်ထားပြီးပြီ။ ဆိုတော့ ပါလီမန်မှာသာ NLD ပါတီက အများစု အရပ်သားအများစု ရှိပေမယ့်။ ကျန်တဲ့ Bureaucratic Machinery နဲ့ ကျန်တဲ့ဟာတွေက စစ်တပ်ကို။ ဘာလို့လဲဆိုတော့ အစိုးရဌာနတွေအားလုံးက ဒီ စစ်အစိုးရလက်ထက်က ကျန်ခဲ့တဲ့ အစိုးရဌာနတွေ။ ဒီ အစိုးရဌာနတွေကို ဦးသိန်းစိန်အစိုးရတောင် ပြုပြင်ရေးလုပ်ဖို့ မလွယ်ဘူး။ ဆိုတော့ ပြောတာပြောနေတာ တကယ့်တကယ်က မထိရောက်တာတွေများတယ်။ ဆိုတော့ စစ်တပ်က ၂၀၀၈ အခြေခံဥပဒေက လုပ်လိုက်တဲ့ တခြမ်းပဲ့ ဒီမိုကရေစီ ကနေ၊ အရင်က တခြမ်းက စစ်တပ်က ယူထားတယ်။ တခြမ်းကတော့ စစ်ဗိုလ်ဟောင်းတွေပေါ့။ အခု စစ်ဗိုလ်ဟောင်းတခြမ်း ယူထားတဲ့နေရာကို အရပ်သားတွေ ရောက်လာတယ်။ အရပ်သားနဲ့ စစ်သားက ဆက်ပြီးတော စခန်းသွားရအုံးမယ်။

ဦးကျော်ဇံသာ ။ ။ အဲဒီတော့ ဒီမိုကရေစီ အပြည့်အဝတော့ နိုင်ငံရေးအားဖြင့် မဖြစ်နိုင်သေးတဲ့ သဘောပေါ့။ အဲဒါကို ဒီမိုကရေစီအသွင် ပိုမိုဖြစ်လာအောင် လုပ်နိုင်မယ့် နိုင်ငံရေးအလားအလာကို ဆရာ မြင်ပါလား။

ဦးအောင်ခင် ။ ။ ဒီဥစ္စာလဲ တဖြည်းဖြည်းနဲ့ လုပ်ယူရမယ်ပေါ့။ အခုမှ ပြောကြတာတော့ အခု ပုံစံက အင်ဒိုနီးရှားပုံစံလို ဖြစ်သွားတဲ့သဘော ရှိတယ်။ အင်ဒိုနီးရှားမှာလည်း တဖြည်းဖြည်း တဖြည်းဖြည်းနဲ့ နောက်ဆုတ်သွားတယ့် သဘောရှိတယ်။ ဘယ်လောက်ကြာမလဲတော့ မပြောတတ်ဘူး။ ဒါက အင်မတန်ကြာမယ့်ကိစ္စပေါ့။ အခုမှ အရပ်သားနဲ့ စစ်သားနဲ့ အစိုးရကို ချုပ်ကိုင်ဖို့ ပြိုင်ဆိုင်တဲ့ ပထမအဆင့်ပဲ ရှိသေးတယ်။ ဒီအထဲမှာ ပြဿနာတခုက ဘာလဲဆိုတော့ ဗမာနိုင်ငံရေးမှာ လူပုဂ္ဂိုလ်ကို အဓိကထားတဲ့ နိုင်ငံရေးဖြစ်တယ်။ အရှေ့ တိုင်းမှာ အများအားဖြင့် အဲဒီလိုမျိုး ရှိတယ်။ အင်မတန် ဒီမိုကရေစီ ဝါရင့်ပါတယ်ဆိုတဲ့ ဂျပန်မှာတောင် ဝန်ကြီးသားသမီးဆိုရင် ဘာမှမပြောဘဲနဲ့ မဲပေးတာရှိတယ်။ အခုလဲ ဒီလိုပဲ။ တဘက်ကလဲ စစ်အာဏာရှင်ရဲ့  အမိန့်နဲ့ နာခံပြီးတော့ သူတို့ လုပ်ထားတယ်။ အခု စစ်အာဏာရှင် မရှိတော့တဲ့အခါမှာ နည်းနည်းလေးလျော့ပြီး အရပ်သားဘက်က နည်းနည်းတိုးလာတယ်။ အရပ်သားဘက်ကလဲ အရပ်သားမှာ ဒေါ်အောင်ဆန်းစုကြည် က သူတယောက်တည်းပဲ She’s calling all the shots တယောက်တည်း လုပ်နေတဲ့ Autocrat ပေါ့ဗျာ။ အရပ်သားဘက်ကလဲ အရပ်သား Autocract ပေါ်လာတယ်ဆိုတော့ အပေးအယူ ဘယ်လောက် လုပ်နိုင်မလဲဆိုတဲ့အပေါ်မှာ မူတည်တယ်လို့ ကျနော် မြင်ပါတယ်။

ဦးကျော်ဇံသာ ။ ။ ကျနော် စဉ်းစားမိတာ လွတ်လပ်ရေးရပြီးနောက်ပိုင်း ဒီမိုကရေစီမှာ Institution တွေ၊ ပါတီတွေ၊ အဖွဲ့အစည်းတွေ အခုထက် ပိုပြီးခိုင်မာတယ်၊ အုပ်ချုပ်ရေးယန္တရားဟာ ဗျူရိုကရေစီကလည်း အခုထက် ပိုပြီးစနစ်ကျတယ်လို့ တွေးမိပါတယ်။ နောက်ပြီးတော့ အဲဒီတုန်းက လူတွေဟာ ပိုပြီးတော့ သဘောထား တင်းမာမှုနည်းတယ်။ ဘာသာရေးအားဖြင့် အဲဒီတုန်းက မူစလင်ဘာသာတွေ၊ ခရစ်ယာန်ဘာသာဝင်တွေ၊ ဘာသာခြားတွေ ဗုဒ္ဓဘာသာအပြင် ဘာသာခြားတွေ နိုင်ငံရေးထိပ်တန်းမှာ ရှိနေကြတယ်။ ဝန်ကြီးရာထူးမှာ ရှိကြတယ်။ အခုကြတော့ အဲဒီလိုပုံစံ မဖြစ်တော့ လူ့အဖွဲ့အစည်း Society ကိုယ်နှိုက်က ပိုပြီးတော့ ဒီမိုကရေစီ ရှင်သန်နိုင်တဲ့ အလားအလာ နည်းနေသလားလို့ စဉ်းစားမိပါတယ်။ ဆရာ ဘယ်လို သဘောရပါလဲ။ အရင်ထက်ဆရင်။

ဦးအောင်ခင် ။ ။ အရင်တုန်းက လွတ်လပ်ရေးရပြီးတဲ့နောက်ပိုင်းကတော့ ကျနော် လေ့လာသလောက်တော့ လွတ်လပ်ရေး တိုက်ပွဲမှာ ပါလာတဲ့လူတွေက အားလုံးရောနှောပြီး ပါလာတဲ့အခါကြတော့ ဥပမာ ဝန်ကြီးဦးရာရှစ်တို့ ဘာတို့၊ ဆက်တိုက်နောက်ပိုင်းမှာ ပါလာတာရှိတယ်။ ဆိုတော့ အဲဒါကလဲ နှစ်သိပ်မကြာဘူး။ ဆယ်နှစ်ကျော်လောက်ပဲ ရှိတယ်။ အခု စစ်အစိုးရ အုပ်ချုပ်ထားတာ အနှစ် (၅၀) ကျော်။ အရင်တုန်းက ဒီမိုကရေစီ သက်တမ်းလေးရှိတာ (၁၀) နှစ်ကျော်လောက်ဆိုတော့ (၁၀) နှစ်ကျော်လောက်မှာ ဘာမှမရှိဘူး။ မရှိတဲ့ သက်တမ်းလေးမှာ တတ်နိုင်သလောက်တော့ အစပျိုးလာတယ်။ မှတ်မိသလောက်တော့ ကျနော်တို့ ကျောင်းသားဘဝမှာ တက္ကသိုလ်မှာ ကျောင်းသားသမဂ္ဂ ရွေးကောက်ပွဲဆိုတာ ဒီမိုကရေစီ အလေ့အကျင့် လုပ်ပေးတဲ့ ရွေးကောက်ပွဲ။ ဒီမိုကရေစီ အလေ့အကျင့် ရွေးကောက်ပွဲမှာ ဟိုဘက်နဲ့ဒီဘက် ပြိုင်ကြပြုကြ လုပ်တဲ့အခါမှာ ကျနော်တို့ ဆန့်ကျင်ဘက်လူတွေက ရွေးကောက်ပွဲချိန်မှာ တယောက်နဲ့တယောက် ကလော်ဆဲ ဘာညာနဲ့ ဖြစ်ပြီးတော့ ရွေးကောက်ပွဲလဲ ပြီးသွားရော တယောက်နဲ့တယောက် လည်ပင်း ပြန်ဖတ်ပြီးတော့ တယောက်နဲ့တယောက် ပိုက်ဆံချေး၊ ဟိုလူပိုက်ဆံ ဒီလူချေး၊ ဒီလူပိုက်ဆံ ဟိုလူချေးနဲ့ သူငယ်ချင်း ပြန်ဖြစ်သွားတယ်။ ရွေးကောက်ပွဲအချိန်မှာတော့ တယောက်နဲ့တယောက် ရန်သူပေါ့။ ဆဲကြနှက်ကြနဲ့။ အဲဒီ အလေ့အကျင့်က ကျနော်တို့ ပါလီမန်ဒီမိုကရေစီခေတ်မှာ ရှိခဲ့တယ်။ ဆန့်ကျင်ဘက် အယူအဆ ရွေးကောက်ပွဲမှာ ဖြစ်ပေမယ့် ရွေးကောက်ပွဲ ပြီးတဲ့အခါ ဒီလူတွေဟာ မိတ်ဆွေတွေ ပြန်ဖြစ်သွားတယ်။

ဦးကျော်ဇံသာ ။ ။ အခုအခါမှာတော့ ပညာရေး ပြုပြင်ဖို့ ဆန္ဒပြတဲ့ ကျောင်းသားတွေ၊ ကျောင်းသူတွေကို ထောင်ထဲချထားတဲ့ခေတ်ပေါ့။ အဲဒီလို ပညာရေးက စပြီးတော့ စာသင်ကျောင်းတွေ၊ တက္ကသိုလ်တွေက စပြီးတော့ ဒီမိုကရေစီ အလေ့အကျင့်တွေ လုပ်ပေးနိုင်ဖို့ အတော်လိုမယ်ထင်တယ်။

ဦးအောင်ခင် ။ ။ ဟုတ်ပါတယ်။ ပညာရေးမှာ ပြတ်သွားတယ်။ ဒီမိုကရေစီ အလေ့အကျင့်ဆိုတာ ကျောင်းသူကျောင်းသား ဘဝထဲကစပြီးတော့ အလေ့အကျင့် ပေးရမှာပေါ့။ ဆိုတော့ အဲဒီ အလေ့အကျင့်က ကျနော်တို့ဆီမှာ မရှိခဲ့ဘူး။ မရှိခဲ့ဘဲနဲ့ သူတို့ အစိုးရ ဝါဒဖြန့်တာတွေပဲ ကျောင်းသားတွေဆီရောက်။ အထက်က ပြောတဲ့ဟာ အကုန်နာခံ။ အဲဒါမျိုးတွေပဲ ဖြစ်လာတဲ့အခါကြတော့ ကိုယ်ပိုင်ဥာဏ်နဲ့ စဉ်းစားတွေးခေါ် ဆုံးဖြတ်တဲ့ အလေ့အထ ရှင်သန်ရမယ်အစား။ ကိုးကွယ်ဆည်းကပ်တဲ့ အလေ့အထ ရှင်သန်သလို ဖြစ်နေတယ်။

ဦးကျော်ဇံသာ ။ ။ ကျနော် တခုမေးချင်တာက ဆရာတို့ တက္ကသိုလ်မှာ ဒီမိုကရေစီ အလေ့အကျင့်ရအောင် ရွေးကောက်ပွဲတွေ လုပ်ခဲ့ကြတဲ့ခေတ်တုန်းကရော ဆရာပြောတာတွေကို ဝေဖန်တာ၊ အပြန်အလှန် ဆွေးနွေးတာကို လက်ခံကြပါလား။ ဗမာပြည် ပညာရေးစနစ်က အဲဒီတုန်းက။

ဦးအောင်ခင် ။ ။ အဲဒီတုန်းက ပညာရေးစနစ်ကတော့ ဆရာကို ပြန်ပြောတာတော့ သိပ်မတွေ့ဖူးဘူး။ အရင်တုန်းကတော့ Seminar တော့ ရှိတယ်။ Seminar ကတော့ Post graduate Seminar ကို Honor class တွေမှာ Seminar ရှိတယ်။ Seminar မှာတော့ ဝေဖန်တာပေါ့။ Seminar ကလဲ လူနည်းနည်းလေးပဲ။ လူ လေးငါးဆယ်ယောက်ပဲ ရှိတယ်။ Post graduate လောက်ပဲရှိတယ်။ ကျန်တဲ့ Class တွေကတော့ ရှင်းရှင်းပြောရရင် High School ကျောင်း အကြီးစားလောက်ပဲ ရှိတယ်။ ဒါပေမဲ့ ဆရာပြောတာ နာခံပြီးတော့ အပြင်ဘက်မှာတော့ လွတ်လပ်တယ်။ အပြင်ဘက်မှာ လွတ်လွတ်လပ်လပ် ရှိတယ်။ အဲဒါက ကောင်းတာ။ အပြင်ဘက်မှာ လွတ်လပ်တဲ့အခါကြတော့ ဘာပဲဖြစ်ဖြစ် သူ့ရဲ့  State … မဟုတ်ဘူးပေါ့။ ကျောင်းသားတွေက သူ့ယဉ်ကျေးမှုအရ … တွေရှိတယ်။ Hall တွေမှာရှိတယ်။ လွတ်လွတ်လပ်လပ် ယုံကြည်တာ ယုံကြည်နိုင်တယ်။ ဘာဝါဒီ ညာဝါဒီ အကုန်ပေါ့။ ကိုယ်ယုံကြည်တာတွေ လွတ်လွတ်လပ်လပ် ရှိတယ်။ Academic Freedom ပေ့ါ။

ဦးကျော်ဇံသာ ။ ။ ကျနော် တခုဆက်စပ်ပြီး မေးချင်ပါတယ်။ ဒါက ဆရာ ကျွမ်းကျင်တဲ့ဟာဆိုတော့ ဂျပန်နိုင်ငံမှာလဲ ဂျပန်ပညာရေးက အထက်ကပြောတာကို နာခံကြတယ်။ ဆရာကို ပြန်လှန်ပြီးတော့ မပြောကြဘူး။ What ပဲ ရှိတယ် Why ဆိုတာ မမေးကြဘူးဆိုပြီး ပြောကြပါတယ်။ သူတို့က ဒီလို ပညာရေးစနစ် ကြီးထွားလာပြီးတော့ ဘယ်လိုလို့ ဒီမိုကရေစီ ဖြစ်နေကြလဲ။

ဦးအောင်ခင် ။ ။ ဂျပန်ကလဲ ဒီမိုကရေစီဆိုတာ အမေရိကန် ချပေးထားတဲ့ဟာပဲ။ သူ့ဟာနဲ့သူ ပေါ်ပေါက်လာတဲ့ ဒီမိုကရေစီက ပြိုင်ပြီးတော့ ဂျပန် ပြုပြင်ရေးလုပ်တဲ့အခါမှာ ဒီမိုကရေစီ ကော်လန် (column) နဲ့ military column နဲ့ ယှဉ်ပြီးတော့ ပေါ်လာတော့ democracy column ကို military column က ရိုက်ချိုးပစ်လိုက်တာပဲ။ ရိုက်ချိုးပစ်လိုက်တော့ စစ်ပြီးတဲ့အခါမှာ ပြန်ပြီးတော့ အမေရိကန်က ပြန်ပြုစုပျိုးထောင်တော့ အမေရိကန် ချပေးထားတဲ့ ခွင်ထဲမှာပဲ ဂျပန် လျှောက်နေတာ။ ဒီခွင်ကနေ ပြင်နိုင်တဲ့ အစဉ်အလာ မရှိသေးဘူးပေါ့။ ပြင်ဖို့ မရှိသေးတော့ ဂျပန်နိုင်ငံရေးသမားတွေမှာလဲ သူတို့ရဲ့ အတွေးအခေါ်မှာ အများကြီး အကန့်အသတ်တွေ ရှိပုံရတယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com


ကိုလံဘို ၊ ၆-၁-၂ဝ၁၆

ပြာလဲ့သော အရောင်ရှိသည့် ကမ္ဘာ့အကြီးဆုံး နီလာကျောက်ကြီး တစ်လုံးကို သီရိလင်္ကာနိုင်ငံရှိ သတ္တုတွင်း တစ်ခု၌ ရှာဖွေတွေ့ရှိ ခဲ့ကြောင်း ကျောက်မျက် ရတနာ ပညာရှင်များ၏ အတည်ပြု ထုတ်ပြန်ချက် အရ သိရသည်။

အဆိုပါနီလာ၏ အလေးချိန်မှာ ၁၄ဝ၄ ဒသမ ၄၉ ကာရတ်ရှိပြီး ၄င်းထက် အရွယ်အစား ကြီးမားသည့် နီလာမျိုးကို ယခင်က မတွေ့ရှိခဲ့ ဖူးကြောင်း ကိုလံဘိုမြို့ရှိ ကျောက်မျက် ရတနာဌာနက ၂ဝ၁၆ ခုနှစ် ဇန်နဝါရီ ၅ ရက်တွင် အတည်ပြု ပြောကြား ခဲ့သည်။

၎င်းနီလာ၏ တန်ဖိုးမှာ အမေရိကန် ဒေါ်လာ သန်း ၁ဝဝ ထက်မနည်း ရှိမည်ဟု ခန့်မှန်းထားပြီး အမေရိကန် ဒေါ်လာ ၁၇၅ သန်းဖြင့် လေလံတင် ရောင်းချရန် စီစဉ်ထားသည်။

သီရိလင်္ကာ နိုင်ငံသည် နီလာကို အဓိကထား၍ ပြည်ပသို့ တင်ပို့ ရောင်းချသည့် နိုင်ငံဖြစ်ပြီး နှစ်စဉ်ဝင်ငွေ အမေရိကန် ဒေါ်လာ သန်း ၁ဝဝ ကျော် ရရှိကြောင်း သိရသည်။

ပြာလဲ့လဲ့ အရောင်ရှိသော ၄င်းနီလာကြီး ကို မြင်မြင်ချင်း ဝယ်ယူရန် ဆုံးဖြတ်ခဲ့ကြောင်း၊ အရောင်းအဝယ် ပြုလုပ်နေစဉ် အတွင်း ကမ္ဘာ့အကြီးဆုံး နီလာကြီး တစ်လုံး ဖြစ်မည်ဟု ယူဆမိကြောင်း လက်ရှိပိုင်ရှင် က ထုတ်ဖော် ပြောကြားသည်။

ယခင်က ကမ္ဘာ့အကြီးဆုံး နီလာအဖြစ် သတ်မှတ်ခံရသည့် နီလာ၏ အလေးချိန်မှာ ၁၃၉၅ ကာရတ် ရှိသည့်အတွက် ယခု တွေ့ရှိသည့် နီလာကြီးသည် ကမ္ဘာ့ အကြီးဆုံး နီလာဟု ထပ်မံ သတ်မှတ်ခံရမည်
ဖြစ်ကြောင်း ၄င်းက ထပ်မံ ပြောကြားသည်။

၎င်းနီလာကြီးကို သီရိလင်္ကာနိုင်ငံ တောင်ပိုင်းရှိ ကျောက်မျက် ရတနာမြို့တော် ဟု တင်စားထား ရသည့် ရတ်နာပူရာမြို့ တွင် တူးဖော်တွေ့ရှိ ခဲ့ခြင်းဖြစ်သည်။

PyiChitThar
http://www.pyichitthar.com


အမေရိကန်ပြည်ထောင်စုအတွင်း သေနတ်ကိုင် အကြမ်းဖက်မှုတွေ လျှော့ချနိုင်ရေး အရေးယူ ဆောင်ရွက်မယ့် အစီအစဉ်သစ် တော်တော်များများကို သမ္မတ အိုဘားမား က အင်္ဂါနေ့မှာ ကြေညာလိုက်ပါတယ်။

အမေရိကန်ပြည်သူတွေအကြား သဘောထားကွဲလွဲမှုတွေ အကြီးအကျယ် ရှိနေတဲ့ သေနတ်ကိုင်ခွင့် ထိန်းချုပ်ရေးနဲ့ ပတ်သက်ပြီး လွှတ်တော်ရဲ့သဘောတူညီချက် မယူဘဲ သမ္မတရဲ့ အုပ်ချုပ်ခွင့် အမိန့်အရ အခုလို ထုတ်ပြန် ကြေညာလိုက်တာပါ။ ဒီအကြောင်းနဲ့ ပတ်သက်ပြီး Jeff Custer သတင်းပေးပို့ထားတာကို ကိုသိန်းထိုက်ဦး တင်ပြထားပါတယ်။

အိမ်ဖြူတော်မှာ မနေ့က ကြေညာလိုက်တဲ့ သမ္မတရဲ့ အုပ်ချုပ်ခွင့်အမိန့် ကြေညာချက်အရ သေနတ်ရောင်းတဲ့သူတွေ အရင်ကထက် လိုင်စင်တွေ ရယူဖို့လိုသလို သေနတ်ဝယ်မယ့် သူတွေရဲ့ နောက်ကြောင်း ရာဇ၀င်တွေကိုလည်း ပိုပြီး စိစစ်ရတော့မှာ ဖြစ်ပါတယ်။ လက်ရှိ သေနတ်ထိန်းချုပ်ရေး ဥပဒေတွေကို ပိုပြီး ထိရောက်အောင် တင်းကျပ်ဖို့၊ စိတ်ကစဥ့်ကလျား ဖြစ်မှုတွေကို ကုသရေးမှာ ငွေကြေးပိုသုံးစွဲဖို့၊ သေနတ်ဘေးကင်းလုံခြုံရေး နည်းပညာတွေကို တိုးပြီး သုသေသနလုပ်ဖို့ စတဲ့ အချက်တွေ ပါဝင်ပါတယ်။ လက်ရှိ သေနတ်ဥပဒေကို ပိုပြီး တင်းတင်းကျပ်ကျပ် ကိုင်တွယ်နိုင်အောင် ဒီထက်ပိုပြီး လုပ်ဆောင်သွားမယ်လို့လည်း သမ္မတ အိုဘားမားက ပြောဆိုသွားပါတယ်။

၂၀၁၂ ခုနှစ်က ကျောင်းသားနဲ့ ဆရာ ၂၆ ယောက် ပစ်သတ်ခံခဲ့ရတဲ့၊ Connecticut ပြည်နယ် Newtown မြို့ Sandy Hook မူလတန်းကျောင်းမှာ ဖြစ်ပွားခဲ့တဲ့ ပစ်ခတ်မှုအကြောင်း ပြန်ပြောတဲ့အချိန် သမ္မတအိုဘားမားက စိတ်အကြီးအကျယ် ထိခိုက်ပြီး အခုလို ပြောသွားခဲ့ပါတယ်။

“ဒီကလေးတွေအကြောင်း စဉ်းစားတိုင်း ကျနော် စိတ်ဆိုး ဒေါသဖြစ်မိပါတယ်။ စကားမစပ်၊ ဒီလို ပစ်ခတ်မှုတွေ ရှီကာဂိုမြို့ လမ်းမတွေပေါ်မှာ နေ့စဉ် ဖြစ်နေပါတယ်။ ဒါကြောင့် သေနတ်ကိုင်ခွင့် စည်းရုံးနေသူတွေရဲ့ အလိမ်အညာတွေကို လက်မခံဖို့ လွှတ်တော်အနေနဲ့ ရဲရဲရင့်ရင့် ရပ်တည်ဖို့ ကျနော်တို့ တောင်းဆိုဖို့ လိုပါတယ်။ ကျနော်တို့ နိုင်ငံသားတွေကို ကာကွယ်ဖို့ အားလုံး ရပ်တည်ဖို့ လိုလာပါပြီ၊ အုပ်ချုပ်ရေးမှူးတွေ ဥပဒေပြုအမတ်တွေ၊ စီးပွားရေးသမားတွေအနေနဲ့ ကျနော်တို့ လူမှုအသိုင်းအ၀ိုင်းကို ပိုပြီး ဘေးကင်းလုံခြုံအောင် လုပ်ဆောင်ပေးဖို့ ကျနော်တို့ အားလုံး တောင်းဆိုဖို့ လိုလာပါပြီ။”

အခု ကြေညာတဲ့ အရေးယူဆောင်ရွက်မယ့် အချက်တွေက တိုင်းပြည်တွင်းမှာ ဖြစ်ပျက်တဲ့ အကြမ်းဖက်တဲ့ ရာဇတ်ဝတ်မှုတိုင်းကို ဖြေရှင်းနိုင်မှာ မဟုတ်ဘူး ဆိုတာကိုတော့ သမ္မတ အိုဘားမား အလေးအနက် ပြောဆိုသွားပါတယ်။ ဒါပေမဲ့ အဆင့်ဆင့် ဆောင်ရွက်ချက်တွေကြောင့် အသက်တွေကို ကယ်တင်နိုင်ကောင်း ကယ်တင်မှာ ဖြစ်သလို၊ မိသားစုတွေအကြား သာမန်ထက် ဆုံးရှုံး ထိခိုက်ခဲ့ရတဲ့  နာကျင်မှုတွေကို သက်သာစေလိမ့်မယ်လို့ ဆိုပါတယ်။

သေနတ်ကိုင်ခွင့်ကို ထောက်ခံသူတွေကတော့ သမ္မတ အိုဘားမားရဲ့ အရေးယူ ဆောင်ရွက်မယ့် အစီအစဉ်တွေဟာ ဥပဒေနဲ့အညီ သေနတ်ကိုင်ခွင့်အပေါ် ကန့်သတ်လိုက်တာဆိုပြီး မျှော်လင့်ထားတဲ့အတိုင်း အပြင်းအထန် ဝေဖန် တုံ့ပြန်ပါတယ်။ Texas ပြည်နယ်က သေနတ်ရောင်းဝယ်သူတဦးဖြစ်တဲ့ James Hallin က စည်းမျဉ်းအသစ်တွေ မလိုတဲ့အကြောင်း အခုလိုပြောပါတယ်။

“သေနတ် ခင်းကျင်း ရောင်းဝယ်တာတွေမှာ ဘာချို့ယွင်းချက်မှ မရှိပါဘူး။ ဒီနေရာက ခင်ဗျား ၀ယ်လို့ရတဲ့နေရာ၊ ၀ယ်လို့မရတဲ့နေရာ ဆိုပြီး ကန့်သတ်ထားတာမျိုးလည်း မရှိပါဘူး။ ကျနော်တို့က သေနတ်ကို လူတဦးချင်းဆီကလည်း ၀ယ်လို့ရပါတယ်။ သေနတ်ကို အမျိုးသား မှတ်ပုံတင် လုပ်ချင်တယ်ဆိုရင်တော့၊ ဒီမှတ်ပုံတင်ကြောင့် အသိမ်းခံရနိုင်ပါတယ်။ ဟစ်တလာတို့၊ စတာလင်တို့ စတဲ့ ခေါင်းဆောင်ကြီးတွေ တချိန်က လူထုကို ထိန်းချုပ်နိုင်အောင် ပြည်သူတွေဆီက သေနတ်တွေကို သိမ်းခဲ့ဖူးပါတယ်။ အဲဒါမျိုးဆိုရင် ဘယ်လို လုပ်မလဲ။”

အောက်လွှတ်တော် ဥက္ကဋ္ဌ Paul Ryan ကတော့ သမ္မတ အိုဘားမား ကြေညာတဲ့ အဆိုပြုချက်ဟာ အုပ်ချုပ်ရေးအာဏာ အလွန်အကျွံ ရှေ့ကျုးလာတဲ့ အန္တရာယ်ရှိတဲ့ အဆင့် ဆိုပြီး ဝေဖန်ပါတယ်။ သမ္မတရဲ့ ဆောင်ရွက်ချက်က ဥပဒေပြုရေးကို သေးသိမ်အောင် လုပ်လိုက်တာဖြစ်ပြီး ရည်ရွယ်ချက်တွေကို ပြောင်းပြန် လှန်လိုက်သလို ဖြစ်သွားလိမ့်မယ်လို့ ပြောဆိုပါတယ်။

မကြာသေးခင်က ထွက်လာတဲ့ လူထုစစ်တမ်းတွေမှာတော့ သေနတ်ဝယ်ဖို့ ကြိုးစားတဲ့သူတွေရဲ့ နောက်ခံသမိုင်းကို စစ်ဆေးဖို့ ထောက်ခံတဲ့ အမေရိကန်ပြည်သူတွေ ပိုများလာတယ်လို့ ဖော်ပြနေပါတယ်။

ကိုသိန်းထိုက်ဦး / ဗွီအိုအေ (မြန်မာပိုင်း)
http://burmese.voanews.com


ဘယ်မောင်းစနစ် မော်တော်ယာဉ်တွေကိုပဲ တင်သွင်းခွင့်ပြုမယ်ဆိုတဲ့ ကားတင်သွင်းခွင့် မူဝါဒကို အစိုးရဘက်က အချိန် အကန့်အသတ်နဲ့ ဖြေလျှော့ပေးဖို့ သဘောတူလိုက်တာကြောင့် ကားဈေးတွေ ပြန်ကျလာဖို့ အလားအလာ ရှိတယ်လို့ ကားဝယ်ရောင်း အသိုင်းအ၀ိုင်းက ပြောဆိုပါတယ်။

နိုင်ငံတွင်းမှာ ဒီနှစ်ဆန်းကစလို့ ဘယ်မောင်းကားတွေပဲ တင်သွင်းခွင့် ပေးတော့မယ်ဆိုတဲ့ သတ်မှတ်ချက်ကြောင့် နိုင်ငံတွင်း တင်သွင်းထားပြီးသား ယာဉ်တွေ မှတ်ပုံတင်ခွင့် မရဖြစ်နေပြီး ကားဈေးကွက်လည်း အေးစက်သွားခဲ့တာ ဖြစ်ပါတယ်။ ကားတင်သွင်းခွင့် မူဝါဒကို အချိန် အကန့်အသတ်နဲ့ ဖြေလျှော့ပေးလိုက်တာကြောင့် ကားဈေးကွက်အတွင်း ဘာတွေ ပြောင်းလဲလာနိုင်လဲ ဆိုတာကိုတော့ မသိင်္ဂီထိုက် က စုစည်းတင်ပြထားပါတယ်။

မော်တော်ယာဉ်ဥပဒေ ပုဒ်မအရ ဘယ်မောင်း မော်တော်ယာဉ်တွေပဲ တင်သွင်းခွင့် ပြုတော့မယ်ဆိုတဲ့ သတ်မှတ်ချက်ကို မြန်မာအစိုးရဘက်က ဒီနှစ်ကုန်ပိုင်းအထိ ဖြေလျှော့ပေးလိုက်တာကြောင့် ဘယ်မောင်းစနစ်ရော ညာမောင်းစနစ် မော်တော်ယာဉ်တွေပါ ပြန်လည် တင်သွင်းခွင့် ရရှိသွားပြီ ဖြစ်ပါတယ်။ မြန်မာအစိုးရ တာဝန်ရှိသူတွေနဲ့ မော်တော်ယာဉ် ထုတ်လုပ်သူများနှင့် ဖြန့်ဖြူးရောင်းချသူများ အသင်းတို့ နေပြည်တော်မှာ အင်္ဂါနေ့က တွေ့ဆုံဆွေးနွေးပြီး သဘောတူညီမှု ရခဲ့တာ ဖြစ်တယ်လို့ အသင်းဥက္ကဌ ဒေါက်တာ စိုးထွန်းက ပြောပါတယ်။

“အရင်တုန်းကတော့ ဘယ်မောင်း ဒီ ၂၀၁၄၊ ၁၅၊ ၁၆ အသစ်တွေပဲ သွင်းဖို့ လုပ်ထားတာပေါ့နော်။ အခုကတော့ ကျနော်တို့က အသစ်ကလွဲရင် ကျန်တဲ့ကားတွေတော့ ဘယ်ရော၊ ညာရော နှစ်ဘက်စလုံး တင်သွင်းခွင့် ပြုခဲ့တာပေ့ါနော်။ နောက် ၂၀၁၅ ခုနှစ် ရခဲ့တဲ့ လိုင်စင်တွေကိုလည်း ဒီ ၂၀၁၆ မှာ နှစ်ကုန်အထိကို ကျနော်တို့က မှတ်ပုံတင်ခွင့်ပြုမယ်ဆိုတဲ့ အချက်ပေါ့နော်။ အဲဒါတော့ ထူးခြားတဲ့ဟာ။”

ဘယ်မောင်းရော ညာမောင်းယာဉ်ရောပါ ဒီနှစ်ကုန်အထိ ပြန်လည်တင်သွင်းခွင့် ပေးလိုက်တာကြောင့် ကားဈေး ပြန်ကျလာနိုင်သလို ကုန်တင်ကားတွေ၊ ခရီးသည်တင် ကားတွေရော ပြည်ပက လှူဒါန်းထားတဲ့ ညာမောင်းယာဉ်တွေအတွက်ပါ အဆင်ပြေသွားမှာ ဖြစ်တယ်လို့ မော်တော်ယာဉ် ထုတ်လုပ်သူများနဲ့ ဖြန့်ဖြူးရောင်းချသူများအသင်း ဥက္ကဌ ဒေါက်တာ စိုးထွန်းက ပြောပါတယ်။

“အရင်တုန်းကတော့ ၂၀ ရာခိုင်နှုန်းလောက် တက်တာပေါ့။ အခုကတော့ ပုံမှန်အတိုင်း ပြန်ဖြစ်နိုင်တယ်။ လက်ရှိအနေအထားတော့ ကျနော်တို့က ဘယ်ညာမခွဲခြားပဲ သူတို့အဆင်ပြေအောင် ၀ယ်လို့ရမယ့်အချက်ရယ်၊ နောက် ဒုတိယအချက် အရင်တုန်းက ကျနော်တို့က ၂၀၁၃ ခုနှစ်ထိကို ကျနော်တို့က စလစ်ကပ်ရမယ်ဆိုတော့ စရိတ်တွေ ကုန်ကျစရိတ်ရှိတာပေါ့။ အခုက အရင်လိုပဲ ကျနော်တို့က ဒီ personal permit ခေါ်တယ် အဲဒါနဲ့ပဲ သုံးစွဲလို့ရမှာဖြစ်တဲ့အတွက်ကြောင့်မို့ ကားဝယ်စီးတဲ့သူတွေအတွက်က ပိုအဆင်ပြေသွားမယ်လို့ ထင်ပါတယ်။”

မော်တော်ယာဉ် ဥပဒေပုဒ်မ အရ ၂၀၁၆ ခုနှစ် အတွင်း တင်သွင်းမယ့် မော်တော်ယာဉ်တွေကို ယာဉ်အိုယာဉ်ဟောင်း အစားထိုးယာဉ် တင်သွင်းသူတွေကအပ ကျန်တဲ့ မော်တော်ယာဉ်တွေအားလုံး ဘယ်မောင်းစနစ် ၂၀၁၄ ခုနှစ်ကနေ ၂၀၁၆ ခုနှစ်အတွင်း ထုတ်လုပ်တဲ့ ကားသစ်တွေကိုသာ  တင်သွင်းခွင့် ပြုမယ်လို့ ဒီဇင်ဘာလ တတိယပတ်က မြန်မာအစိုးရက ကြေညာခဲ့ပြီးနောက် ပြီးခဲ့တဲ့နှစ်အတွင်း နိုင်ငံတွင်းမှာ တင်သွင်းရောင်းချနေဆဲ မော်တော်ယာဉ်သစ်တွေ မှတ်ပုံတင်ခွင့်မရ ဖြစ်နေသလို ကားဈေးလည်း မူလပေါက်ဈေးထက် ၂၀ ရာခိုင်နှုန်းလောက် တက်သွားခဲ့တာ ဖြစ်ပါတယ်။ လတ်တလော ကားဈေးကွက်မှာလည်း အရောင်းအ၀ယ် အေးနေတယ်လို့ နယ်စပ်ကားဈေးကွက်အခြေစိုက် ၀ယ်ရောင်း ကိုအိုင်စီက ပြောပါတယ်။

“သိန်း ၄၀ လောက်အထိ တက်တယ်ဗျ။ ကားအ၀ယ်လည်း ကျတယ်ဗျ။ ကားအ၀ယ်လည်း ၀ယ်သူ မရှိသလောက်ကို ဖြစ်နေတာဗျ။ လိုင်စင်ဈေးကွက်မှာရော၊ ကျနော်တို့ နယ်စပ်ဈေးကွက်ကျတော့ အလွတ်ဈေးကွက်မှာရော အလွတ်ဈေးကွက်ကျတော့ without တွေ ဖမ်းမယ်ပြုမယ်ဆိုတော့ အရောင်းအ၀ယ် အေးသွားတယ်ဗျ။ ဘယ်မောင်းတင်သွင်းခွင့်ပြုမယ်ဟေ့ဆိုရင်တော့ ညာမောင်းတွေက နည်းနည်းလေး တက်လာမှာပေါ့။ အခုလက်ရှိက ဘယ်ကို လက်မခံနိုင်သေးဘူးခင်ဗျ။ ဘယ်မောင်းကိုလေ။ အသားမကျသေးဘူးပေါ့ ကျနော်တို့အနေနဲ့လေ။ ဘယ်မောင်းက ပိတ်လိုက်ပြီဟေ့ဆိုရင်တော့ ညာမောင်းဈေးကွက် တက်လာမယ်ဗျ။”

ဘယ်မောင်းရော ညာမောင်းစနစ်ပါ အသုံးပြုနေတဲ့ နိုင်ငံတွင်း ယာဉ်အန္တရာယ် လမ်းအန္တရာယ် ကင်းရှင်းရေး၊ ပတ်ဝန်းကျင်ထိခိုက်မှု လျော့နည်းစေဖို့နဲ့ လက်ယာမောင်းစနစ်နဲ့ ကိုက်ညီတဲ့ ဘယ်မောင်းယာဉ်တွေ အသုံးပြုဖို့ ရည်ရွယ်ချက်နဲ့ မြန်မာအစိုးရရဲ့ ဘယ်မောင်းစနစ်သုံး ယာဉ်သစ်တွေကိုသာ တင်သွင်းအသုံးပြုရေး ဆိုတာကို ကားဝယ်ရောင်းလုပ်ငန်းရှင်တွေဘက်က ကြိုဆိုပေမဲ့ မြန်မာနိုင်ငံရဲ့ စီးပွားရေးအခြေအနေအရ ညာမောင်းစနစ်သုံး ကားဟောင်းတွေကို ကာလတခုအထိ အသုံးပြုသင့်တယ်လို့လည်း ထောက်ပြကြပါတယ်။ လူစီးကားကအစ ခရီးသည်တင်ကား၊ ကုန်တင်ကား၊ မီးသတ်ကား၊ လူနာတင်ယာဉ်တွေက အစ ကားသစ်တွေကိုပဲ တင်သွင်းအသုံးပြုဖို့ ကန့်သတ်မယ်ဆိုရင်တော့ ကားဈေးတက်လာပြီး သယ်ယူပို့ဆောင်ရေး စရိတ်စကတွေ တက်လာနိုင်တာကိုလည်း ကားလုပ်ငန်းရှင်တို့က ထောက်ပြပြောဆိုပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

လက်ဝဲမောင်းကား တမျိုးတည်း တင်သွင်းခွင့် မူဝါဒကို ပြန်ပယ်ဖျက်
မြန်မာနိုင်ငံမှာ ကားတင်သွင်းခွင့် ဆိုင်ရာ မူဝါဒသစ် ထပ်ထုတ်ပြန်ဖို့ ရှိပါတယ်။

နေပြည်တော်မှာ ဇန္နဝါရီလ ၅ရက်နေ့က ကျင်းပခဲ့တဲ့ မော်တော်ယာဉ် ထုတ်လုပ် ရောင်းချသူတွေနဲ့ အစိုးရ ဝန်ကြီးဌာန တာဝန်ရှိသူတွေ တွေ့ဆုံပွဲ အပြီးမှာ ကားတင်သွင်းခွင့်နဲ့ ပတ်သက်တဲ့ မူဝါဒသစ် ထပ်ထုတ်ပြန်ဖို့ အခုလို သဘောတူလိုက်ကြတာပါ။

ပြီးခဲတဲ့ ဒီဇင်ဘာလ ၁၅ ရက်နေ့က ထုတ်ပြန်လိုက်တဲ့ မူဝါဒအစား အသစ် ထုတ်ပြန်မှာ ဖြစ်တယ်လို့လည်း သိရပါတယ်။

တွေ့ဆုံပွဲအပြီး ရရှိခဲ့တဲ့ ဒီသဘောတူချက်ဟာ ပြည်တွင်းမှာ ကားဝယ်မယ့်သူတွေအတွက် သတင်းကောင်း ဖြစ်ပါတယ်။

အရင်က မသွင်းရဘူးလို့ သတ်မှတ်ထားတဲ့ မော်ဒယ်တွေကိုပါ ပြန်လည် တင်သွင်းခွင့် ပြုမှာ ဖြစ်ပြီး ၂၀ဝ၃ခုနှစ်၊ ၂၀ဝ၄ခုနှစ်၊ ၂၀ဝ၅ခုနှစ် မော်ဒယ်တွေ တင်သွင်းခွင့် ရမယ့် သဘောပါ။

အရင်က သတ်မှတ်ထားတဲ့ လက်ဝဲမောင်း တမျိုးတည်း တင်သွင်းရမယ် ဆိုတဲ့ မူဝါဒကိုလည်း ပြန်လည် ပယ်ဖျက်ပေးလိုက်ပါတယ်။

လူနာတင်ယာဉ်၊ မီးသတ်ကား၊ နိဗ္ဗာန်ယာဉ်၊ သာသနာယာဉ်တွေကိုလည်း ၂၀ဝ၀ ခုနှစ် အထက် မော်ဒယ်တွေ တင်သွင်းခွင့် ရတော့မှာပါ။

ကားတင်သွင်းသူတွေနဲ့ အစိုးရ ဝန်ကြီးဌာန တာဝန်ရှိသူတွေအကြား အခု သဘောတူခဲ့ချက်ဟာ ပြီးခဲတဲ့နှစ် ၂၀၁၅ ခုနှစ်က မူဝါဒ အတိုင်း ဖြစ်ပြီး ထရပ်ကားနဲ့ ဘတ်စ်ကားတွေကို ၂၀ဝ၆ခုနှစ် မော်ဒယ်က စပြီး လက်ဝဲမောင်း၊ လင်္ကျာမောင်း မခွဲခြားပဲ တင်သွင်းနိုင်တော့မှာ ဖြစ်ပါတယ်။

ဒီသဘောတူချက်တွေကို သမ္မတရုံးထံ တင်ပြပြီး ဒီရက်ပိုင်း အတွင်း ထုတ်ပြန်ဖို့ ရှိတယ်လို့ တွေ့ဆုံပွဲ တက်ရောက်ခဲ့တဲ့ မြန်မာနိုင်ငံ မော်တော်ယာဉ် ထုတ်လုပ်ရောင်းချသူများ အသင်း ဥက္ကဋ္ဌ ဒေါက်တာစိုးထွန်းက ဘီဘီစီကို ပြောပါတယ်။

အရင်မူဝါဒတွေ ချမှတ်တုန်းက ကားထုတ်လုပ် ရောင်းချသူတွေ မပါပဲ ချမှတ်ခဲ့တာ ဖြစ်ပြီး အခုထုတ်ပြန်မယ့် မူဝါဒကတော့ အားလုံး ပါဝင် ညှိနှိုင်းပြီးမှ ချမှတ်ခဲ့တာ ဖြစ်တယ်လို့ ဆိုပါတယ်။

အခု ပြောင်းလဲ ထုတ်ပြန်မယ့် မူဝါဒအရ မြန်မာနိုင်ငံ ဈေးကွက်ထဲက အဝယ်များတဲ့ ဂျပန်ကားဈေးတွေ ပြန်အေးသွားဖို့ ရှိတယ်လို့ သူက ပြောပါတယ်။

BBC Burmese
http://www.bbc.com/burmese