01/09/16

မြန်မာနှစ်ထပ်ကားဆိုပြီး ကြံဖန်ဂုဏ်ယူနေကြတယ်။

ဒီဟာဟာ တကယ့် ကောင်းမွန်တဲ့ တီထွင်မှုမျိုး မဟုတ်ဘဲ၊ ဘေးအန္တရာယ်များလွန်းတဲ့ စီးပွားရေးဆန်သော လုပ်ရပ်ဖြစ်တယ်ဆိုတာ သိသင့်ကြတယ်။ ဒါကို ကြံဖန် ဂုဏ်မယူကြပါနဲ့ ။ ကမ္ဘာ့အလယ်မှာ မြန်မာလူမျိုး သိက္ခာကျပါတယ်။

ကားတစ်စီးမှာ သူ့ ရဲ့  ၀န်တင်မှု အလေးချိန်ဆိုတာ ရှိသလို၊ အပေါ်ထပ်က လိုက်ပါမယ့်သူတွေအတွက် ဘေးအန္တရာယ် ဘယ်လောက်များသလည်းဆိုတာ ဘယ်သူက သေသေချာချာ စစ်ဆေးဆုံးဖြတ်ပြီး ခွင့်ပြုခဲ့သလည်း။

တစ်လွဲဂုဏ်ယူတာတွေ လုပ်ပြီး မမြှောက်ပေးသင့်သလို၊ သက်ဆိုင်ရာကလည်း လူတစ်ယောက်ရဲ့ အသက် အရေးဘယ်လောက်ကြီးသလည်းဆိုတာ နားလည်ရင် ဒီလိုတစ်လွဲလုပ်ရပ်တွေ တားဆီးသင့်တယ်။

တီထွင်တယ်ဆိုတာ အဘက်ဘက်က လုံခြုံစိတ်ချ အကျိုးတကယ်ရှိမှ စစ်မှန်တဲ့ တီထွင်တာလို့  ခေါ်ပါတယ်။ စိတ်ကူးထတန်း သောက်တစ်လွဲလုပ်တာ အရုးထ ဖင်ယားတာပါဘဲခင်ဗျ။

အခုလုပ်ရပ်က လူတွေ ဘေးအန္တရာယ်ရှိ မရှိ ဂရုမစိုက်ဘဲ၊ ကားပေါ်မှာ ခရီးသည်များများ တင်ရဖို့ အရေးနဲ့  လုပ်တဲ့ လုပ်ရပ်မို့  အသက်မနှမြောသူတွေ စီးကြပါလို့ သာ ... ။

Nik Nayman Facebook


အခုရက်ပိုင်း သတင်းမီဒီယာ သမားတွေအကြား၊ ပြည်သူတွေအကြား အပြောများနေတဲ့ ကိစ္စ တစ်ခုကတော့ NLD ခေါင်းဆောင် ဦးဝင်းထိန်နဲ့ အမေရိကန်နိုင်ငံ ဝါရှင်တန်အခြေစိုက် အာရ်အက်ဖ် အေ သတင်းဌာန အင်တာဗျူး ကိစ္စပါ။ အင်တာဗျူး ပြီးဆုံးချိန် ဦးဝင်းထိန် ပြောလိုက်တဲ့ “ကျေးဇူးတင် မနေနဲ့။ ခင်ဗျားတို့မေးတဲ့ မေးခွန်းတွေကို စဉ်းစဉ်းစားစား မေးကြ” ဆိုတဲ့ စကားအပေါ်မှာ ဝေဖန်မှု များသွား တာဖြစ်ပါတယ်။ ဒီကနေ့ အဲဒီအကြောင်း ဆွေးနွေးကြည့်ကြရအောင်။ ပထမ အဲဒီအင်တာဗျူး မေးခွန်းတွေအကြောင်း အရင် ဆွေးနွေးကြည့်ရအောင်ပါ။ အင်တာဗျူး ကို အစချီထားတာ “ဖေဖော်ဝါရီလဆန်းမှာ လွှတ်တော်သစ် စတင် ခေါ်ယူနိုင်ဖွယ်ရှိတာကြောင့် NLD ပါတီက တင်သွင်းမယ့် သမ္မတလောင်းနဲ့ အစိုးရအဖွဲ့ဝင် စာရင်းတွေ အများပြည်သူသိအောင် ထုတ်ပြန် ကြေညာသင့်ပြီလို့ နိုင်ငံရေး လေ့လာသူတချို့က ထောက်ပြနေကြပါတယ်” လို့ ဖွင့်ထားပါတယ်။

ဘယ်လို နိုင်ငံရေး လေ့လာသူတွေလည်း ဆိုတာကတော့ မပါပါဘူး။ ဒီအချက်ဟာ တကယ်ပဲ နိုင်ငံ ရေး လေ့လာသူတွေ ထောက်ပြနေတဲ့ အချက်ဖြစ်သလား၊ ဒါမှမဟုတ် သတင်းဌာနက လုပ်ချင်တဲ့ Story Idea ဖြစ်နေသလား မသဲကွဲပါဘူး။
နောက် စပြီးမေးတာက “ NLD ရဲ့ သမ္မတ၊ အစိုးရအဖွဲ့တွေမှာ ဘယ်သူတွေပါမယ် ဘယ်သူ တွေနဲ့ ဖွဲ့စည်းပါမယ်ဆိုတာ မကြေငြာနိုင်သေးတဲ့အပေါ်မှာ တစ်ချို့လည်း မေးခွန်းတွေ ထုတ်နေကြတာ တွေ့ရပါ တယ် ခင်ဗျား။ ပြီးတော့ အားမလို အားမရလည်း ဖြစ်နေကြပါတယ်ခင်ဗျ။ တကယ်ပဲ အန်ကယ်တို့ဖက် အချိန်စောနေသေးတယ်ဆိုပြီး မထုတ်နိုင်တာလား အခက်အခဲတွေကြောင့် အဆင်သင့် မဖြစ်တာ လားသိပါရစေလား ခင်ဗျား” တဲ့။ ဒါလည်း စောစောက အတိုင်းပါပဲ။ တကယ်ပဲ ပြည်သူ တွေက မေးခွန်းထုတ်နေကြသလား ဆိုတာကလည်း ပြန်မေးခွန်းထုတ်စရာ ကောင်းပါတယ်။

ဒီ အင်တာဗျူးမှာ အရေးအကြီးဆုံး အချက်တစ်ချက် ရှိပါတယ်။ အဲဒါကတော့ အင်တာဗျူးပြီး လို့ ကျေးဇူးတင်ကြောင်း ပြောချိန် ဦးဝင်းထိန်က မီဒီယာတွေကို ပြန်ဝေဖန်လိုက်တဲ့ စကားကို အသေအခြာ ရည်ရွယ်ချက်ရှိရှိ ဖော်ပြပေးလိုက်တာပါ။ ဒါနဲ့ ပတ်သက်ရင် သတင်းမီဒီယာ တင်ဆက် သူတွေဘက်က အမျိုးမျိုး လုပ်ပိုင်ခွင့် ရှိပါတယ်။ ဦးဝင်းထိန်ရဲ့ အဲဒီ ပြောဆိုချက်ကို တည်းဖြတ်ပေး လိုက်ပြီး အင်တာဗျူးကို ဖော်ပြပေးရင်လည်း ရပါတယ်။ အဲဒါဆို ခုလို ဦးဝင်းထိန်အပေါ် ဟိုလိုပြော ဒီလိုပြော အငြင်းပွားမှုမျိုး ဖြစ်ပေါ်လာတော့မှာ မဟုတ်ပါဘူး။

ပြီးမှ ဦးဝင်းထိန်ကို ကျွန်တော်တို့ မေးတာတွေက ပြည်သူတွေက သိချင်လို့ မေးတာပါ၊ ဘာညာ ပြောချင်လည်း ပြောလို့ ရပါသေးတယ်။ ဒါပေမယ့် အခု အင်တာဗျူးမှာတော့ သတင်းဌာနဟာ ဦးဝင်းထိန်ရဲ့ အဲဒီ ပြောစကားကို ကြံရွယ်ချက်ရှိ ရှိ ထည့်ပေးလိုက်တယ်လို့ပဲ ယူဆ ရပါတယ်။

အင်တာဗျူးမှာ ဦးဝင်းထိန် ဖြေခဲ့တာတွေကတော့ ဘာမှ အငြင်းပွားစရာ မရှိပါဘူး။ တကယ် တော့ ပြည်သူတွေရော၊ ဒေါ်အောင်ဆန်းစုကြည်နဲ့ အင်န်အယ်လ်ဒီပါ အမှားအယွင်း အထိအခိုက်မခံ တဲ့ အခြေအနေ တစ်ခုကို ဖြတ်သန်းနေကြရတာပါ။ အများပြည်သူတွေ စိုးရိမ်ကြသလို ဒေါ်အောင် ဆန်းစုကြည်ကိုယ်တိုင် အတော်စိုးရိမ်တဲ့ ပုံပေါ်ပါတယ်။ အဲလို စိုးရိမ်ရတာကလည်း ခိုင်လုံတဲ့ အကြောင်းတွေ ရှိလို့ပဲဖြစ်ပါတယ်။

ဒါကြောင့် ဒေါ်အောင်ဆန်းစုကြည်ဟာ ရာနဲ့ချီရှိတဲ့ သူ့ရဲ့ ရွေးကောက်ခံ အမတ်တွေကို ပြောရေးဆိုခွင့် ပိတ်ပင်ထားပါတယ်။ ဒါဟာ ဒီမိုကရေစီ နည်းလမ်း မကျဘူးလို့ ယူဆရပေမယ့် တိုင်းပြည် အကျိုးစီးပွား၊ ပြည်သူတွေ အကျိုးစီးပွားအတွက် အရေးကြီးတဲ့ အချိန်အခါ ဖြတ်သန်းနေရလို့ အဲလို လုပ်ရတာလို့ ကောက်ချက်ချနိုင်ပါတယ်။

ဒီအတွက် ဒေါ်အောင်ဆန်းစုကြည်ဟာ သူ စိတ်ချယုံကြည်ရသူ ၃-၄ ယောက်လောက်ကိုပဲ သတင်းမီဒီယာတွေနဲ့ တွေ့ခွင့်၊ ဖြေခွင့် ပေးထားပါတယ်။ ဦးဝင်းထိန်၊ ဦးဥာဏ်ဝင်းတို့လောက် ဖြစ်ပါ တယ်။ တစ်ချို့ ပြောခွင့်ရသူတွေကတော့ မလုပ်မရှုတ် မပြုတ် လမ်းစဉ် ကျင့်သုံးတာကြောင့် မေးသမျှ မီဒီယာ အဲဒီ အဖိုးကြီးနှစ်ယောက်ပဲ ဒိုင်ခံဖြေရတဲ့အခြေအနေ ရောက်သွားပါတယ်။ နောက်ထပ် ပြဿနာတစ်ခုက အဲဒီ အဖိုးကြီးနှစ်ယောက်ဟာ အဲဒီ တာဝန်တွေချည်းပဲလည်း မဟုတ်သေးပါဘူး။

အစည်းအဝေးတွေ တက်တာ အပြင် ဒေါ်အောင်ဆန်းစုကြည်က ခိုင်းတဲ့ အခြား တာဝန်တွေကိုလည်း လုပ်ရပါသေးတယ်။ ပြောရရင် သူတို့တွေဟာ လေ့ကျင့်သားပြည့်ဝနေတဲ့ “ပြောရေးဆိုခွင့်ရှိသူ” တွေ မဟုတ်ကြပါဘူး။ ဒါကြောင့်လည်း သူတို့တွေဟာ မီဒီယာတွေကို တွေ့ဆုံတဲ့အခါ ပရော်ဖက်ရှင်နယ် ပြောရေးဆိုခွင့်ရှိသူတွေလို ပရိယာယ်ကြွယ်ကြွယ်၊ မာယာကြွယ်ကြွယ် ပြောဆိုတာမျိုး မလုပ်ပဲ ရိုးရိုး နိုင်ငံရေး သမားတွေလိုပဲ ကိုယ့်စရိုက်အတိုင်း ပြောဆိုတာ တွေ့နိုင်ပါတယ်။ ဒါကလွဲရင် သူတို့ကို ပေးထားတဲ့ တာဝန်အရ မေးသမျှကိုတော့ ဖြေတာချည်းပါပဲ။

ဒီလူတွေကို ပြောရေးဆိုခွင့် နေရာပေး ထားတဲ့ ကိစ္စ အပြစ်တင်ခြင်း တင်မယ်ဆိုရင် ဒေါ်အောင်ဆန်းစုကြည်ကို အပြစ်တင်ဖို့ပဲ ရှိပါတယ်။ ဒါပေမယ့် ဘယ်မီဒီယာသမား ဘယ်လူပုဂ္ဂိုလ်ကမှ ဒေါ်အောင်ဆန်းစုကြည်ကို မထိရဲကြပါဘူး။

အခု အင်တာဗျူးမှာလည်း ဦးဝင်းထိန် ပြန်ဖြေသမျှဟာ တိုင်းပြည်အကျိုးစီးပွား၊ ပြည်သူလူထု အကျိုးစီးပွားဘက်က ရပ်ခံ ဖြေသွားတာချည်းပါ။ ဘာပြဿနာမှ မရှိပါဘူး။ နောက်ပိုင်း အမေးအဖြေ တွေနဲ့ ပတ်သက်လို့ကတော့ အားလုံးသိကြပြီး ဖြစ်တဲ့အတိုင်း ဦးဝင်းထိန်နဲ့ အင်န်အယ်လ်ဒီ ဘက်က အသွင်ကူးပြောင်းရေးကို ချောချောမွေ့မွေ့ဖြစ်အောင်၊ ၁၉၉၀ တုန်းကလို ပြဿနာတွေ မပေါ်အောင် ဆောင်ရွက်နေရတယ် ဆိုတဲ့ သဘောမျိုး ဖြေသွားတာ တွေ့နိုင်ပါတယ်။ ဒီနေရာမှာ မီဒီယာတွေကို “မေးတဲ့ မေးခွန်းတွေကို စဉ်းစဉ်းစားစား မေးကြ” ဆိုတာကသာ သူ့ကို ထောက်ပြစရာ ဖြစ်သွားစေတာ ပါ။ မီဒီယာတွေကရော တကယ်ပဲ သူပြောသလို တိုင်းပြည် အကျိုးစီးပွား၊ ပြည်သူလူထု အကျိုးစီးပွား ကို အဓိကထားပြီး စဉ်းစဉ်းစားစား မေးကြသလား မေးစရာ ရှိလာပါတယ်။

သိပ်မကြာသေးခင်တုန်းကဆို ဘီဘီစီလို သတင်းဌာနကြီးကတောင် “ဗိုလ်ချုပ်မှူးကြီးဟောင်း သန်းရွှေကို အရေးယူသင့်သလား” ဆိုတဲ့ အစီအစဉ်မျိုး လုပ်ခဲ့ပါသေးတယ်။ ပြည်တွင်းထုတ် သတင်း စာ ဂျာနယ်တွေမှာဆိုရင်လည်း အပြောင်းအလဲ ကာလ ကို အချိန်မရွေး ပျက်စီးသွားစေနိုင်တဲ့ ဆောင်းပါးမျိုးကလည်း အချိန်မရွေး ဖော်ပြနေတာပါပဲ။ ဒီလို အခြေအနေမျိုးမှာ သတင်းမီဒီယာတွေ အနေနဲ့ ဦးဝင်းထိန်ကို အပြစ်တင်နေမယ့်အစား ကိုယ်ကိုယ်တိုင်က တိုင်းပြည်အကျိုးစီးပွား၊ ပြည်သူလူ ထု အကျိုးစီးပွားကို ဦးထိပ်ထားပါရဲ့လား၊ စာနယ်ဇင်း ကျင့်ဝတ်ကို လိုက်နာ စောင့်ထိန်းပါရဲ့လား၊ ကိုယ့်တာဝန် ကိုယ်ကြေကြပါရဲ့လား၊ နိုင်ငံရေးသမားတွေနဲ့ ဘယ်သူ့ကိုမှမချန် ကလောင်နဲ့ ဟိုထိုး သည်ထိုး၊ ဟိုရိုးသည်ရိုး လုပ်နေပြီး ကိုယ့်ကို ဝေဖန်လာရင်တော့ တရားစွဲမယ် တစ်ခြိမ်းခြိမ်း ခြိမ်းခြောက်ပြီး ဒီမိုကရေစီကို မျက်နှာပြောင်တိုက် ဆန့်ကျင်နေသလား ဆိုတာ ဆန်းစစ်ဖို့ပဲ ရှိပါကြောင်း သုံးသပ် တင်ပြလိုက်ရပါတယ်။

စည်သူအောင်မြင့်

ကလေးခိုးမှုအတွက် ဧရာဝတီတိုင်း ရဲတပ်ဖွဲ့မှူး သတင်းစာရှင်းပွဲ ပြုလုပ်နေစဉ်။ (ဓာတ်ပုံ - စည်သူမောင်မောင်)

အခုတလော နေ့စဉ်ရက်ဆက်လိုလို ကလေးခိုးခံရသည့်သတင်းများကို ကြားလာရပြန်ပါသည်။ အင်တာနက် လူမှုကွန်ရက်စာမျက်နှာပေါ်တွင်မူ ဖမ်းမိသည့်ကလေးခိုးသူနှင့် ခိုးဖို့ကြိုစားခံရသည့် ကလေး၏ ပုံကိုပါ တင်ပေးထားသည်ကိုဖတ်ကြရသည်။ တချို့နေရာများတွင်မူ ကလေးသူခိုးများ ရပ်ကွက်ထဲဝင်လာနေသည်ဟူသည့်သတင်းကြောင့် မိဘများ အထိတ်တလန့်ဖြစ်ကြရ တရပ်ကွက်လုံး လူစုပြီးသတိ နဲ့နေကြရတာမျိုးလည်း ဖတ်နေကြားနေကြရသည်။

ကလေးခိုးသည့်သတင်းဆိုသည်က အခုမှ ကြားဖူးခြင်းတော့မဟုတ်။ ယခင်ကတည်းက မကြာခဏဆိုသလို ကြားခဲ့ဖူး ဖတ်ခဲ့ကြဖူးသည်။ သို့သော် ယခုလောက်တော့ အုတ်သြသောင်းတင်း မဖြစ်။ ကြားပြီး ပျောက်သွားသည်သာများသည်။ ယခုတော့သည်လိုမဟုတ်။ နေ့စဉ်ရက်ဆက်လို ကြားနေရသည်။ ထို့ကြောင့် ကလေးခိုးသတင်းမှာ တမဟုတ်ချင်း ကျယ်ပြန့်သွားတော့သည်။

ကလေးခိုးသတင်းများနှင့်ပတ်သက်ပြီး ထင်မြင်ချက်ပေးကြသည်များကလည်း စိတ်ဝင်စားဖို့ ကောင်းသည်။ ကလေးများကို သူတောင်းစားလုပ်ခိုင်းစားဖို့၊ ရောင်းစားဖို့၊ မတော်မတရားပြုကျင့်ဖို့၊ ခိုးယူ ကြခြင်းဖြစ်သည်ဟု ပြောသူကပြောသည်။ တချို့ကတော့သည့်ထက် အမြင်ဆန်းသည်။ ကလေးများ၏ ခန္ဓာကိုယ်တွင်းကလီစာများကို ထုတ်ရောင်းရန် ခိုးခြင်းဖြစ်သည်ဟုပင် ထင်မြင်ယူဆကြ ပြောကြ သည်လည်း ရှိသည်။ သို့သော် ကြားရသည့်သတင်း ထွက်ပေါ်လာသည့် ထင်မြင်ချက် များက မြင့်မားကျယ်ပြန်နေသည့်တိုင် ယခုမထိမူ တရားရုံးတင် စစ်ဆေးအပြစ်ပေးသည့်သတင်းကိုမူ မကြားကြ ရသေး။

ယခုတော့ ကလေးခိုးသည့်သတင်း၊ ကလေးသူခိုးများ ရပ်ကွက်ထဲ မြို့ထဲ ရွာထဲဝင်လာ သည်ဆိုသည့် သတင်းကြောင့် တချို့မြို့ရွာ ရပ်ကွက်များ ကျီးလန့်စာစားဖြစ်ကြရသည်ကတော့ အမှန်ပင်ဖြစ်သည်။ ကိုယ်ရပ်ကိုယ့်ဒေသထဲ တစိမ်းပုဂ္ဂိုလ်များဝင်လာလျင်ပင် မယုံသင်္ကာစိတ်ဖြင့် စောင့်ကြည့်ရသည်အထိဖြစ်သည်။ ကလေးခိုးသတင်းသည် ကျယ်ပြန့်လာနေသည်ကတော့ အမှန်ပင် ဖြစ်သည်။

ကလေးခိုးသတင်းအပေါ် နောက်ထပ်ထင်မြင်ယူဆချက်များလည်း ရှိသေးသည်။ တမင်သက် သက် တည်ငြိမ်အေးချမ်းမှုကို နှောက်ယှက်လိုသောကြောင့် ကလေးသူခိုးများ ပေါ်လာရခြင်း ဖြစ်ကြောင်း ကလေးသူခိုးသတင်းကိုလည်း တစ်စိတ်မှ တစ်အိပ်ဖြစ်အောင် တမင်ထုတ်လွှင့်နေခြင်း သာ ဖြစ်ကြောင်း ယူဆသူများလည်းရှိသည်။ တည်ငြိမ်မှုကို ပျက်ပြားအောင် မသမာသူများက ဖန်တီးနေကြခြင်း သာဖြစ်သည်ဟု မြင်သည်။ နိုင်ငံရေး၊ လူမျိုးရေး မတည်မငြိမ်ဖြစ်အောင် တမင် ဖန်တီးနေခြင်းသာဖြစ်သည်ဟု ယူဆသူများလည်း ရှိသည်။

ထိုသို့ထင်မြင်လျင်လည်း အဆိုးမဆိုသာပြန်ပေ။ မိမိတို့တိုင်းပြည်တွင် မကြာတော့သော ကာလအထိ ထိုကဲ့သို့သော ကောလာဟလများကြောင့် လူမှုပဋိပက္ခတချို့ မီးလောင်ရာလေ ပင့်ဖြစ်ကာ အရှိန်အဟုန်ဖြင့် လူသေသည်အထိ ဖြစ်ခဲ့သည့် ဥပမာများကလည်း ရှိနေသည်။ ထို့ပြင် မြစ်ထဲက ခေါင်းလောင်းကြီး ဆယ်စဉ်တုန်းကလို ရုပ်လွန်ပရလောကနှင့် ပတ်သက်သည့် သတင်းများ ကြောင့် လူတွေ အုံးအုံးကျွက်ကျွက် သွားကြည့်ကြ ငြင်းကြခုန်ကြ ဖြစ်ခဲ့ကြဖူးသည်။ အလားတူ အဖြစ် အပျက်မျိုးကတော့ မကြာခဏဆိုသလို ဖြစ်ခဲ့သည်။

သည်လိုအဖြစ်အပျက်များသည် သွေးရိုးသားရိုးဖြစ်လာသည့် အဖြစ်အပျက်များ၊ သတင်းများ ဟူ၍ မဟုတ်ကြောင်း အထူးသဖြင့် တိုင်းပြည် အာဏာလွှဲပြောင်းရေးကာလ တည်ငြိ်မ်မှုကို ပျက်ပြား အောင် မသမာသူတချို့၏ ဖန်တီးမှုအဖြစ် မြင်သူကလည်း မြင်သည်။

မည်သို့ပင်ဖြစ်စေ ကောလာဟလသတင်းများသည် မိမိတို့တိုင်းပြည် ဆင်းရဲပြီး ပညာရည်နိမ့် ပါးနေသည့် အခိုက် တစ်စုံတစ်ရာထိရောက်သည့် သတင်းများဖြစ်စေသည်ဟုတော့ ပြောနိုင်ပါသည်။ ထို့ပြင် နှစ်ပေါင်း ၆၀ ကျော် သတင်းများပိတ်ပင်ခံရ၊ လူတွေ လွတ်လပ်စွာပြောဆိုမှု ဟန့်တားခံခဲ့ရ သည့် အခြေအနေများကြောင့် သတင်းမှန်များဖြစ်နေသည့်တိုင် လူတွေက အမှန်ဟု မမြင်နိုင်လောက်အောင် ဖြစ်ခဲ့ရသည့်အကျိုးဆက်မှာ ယခု ကလေးခိုးများ ပေါ်ပေါက်နေသည်ဟူသည့်သတင်းလို သတင်းမျိုးကိုပင်လျင် မှန်ကန်စွာသုံးသပ်နိုင်စွမ်းမရှိလောက်အောင် မိမိတို့လူမျိုးများ ပညာညာဏ်အ ရာ ချို့တဲ့ခဲ့ကြရသည်ဟုတော့ ပြောနိုင်ပါသည်။

ကောလာဟလသတင်းများ၊ အကယ်၍ ဖန်တီးသူရှိ၍ ဖြစ်ပေါ်လာလျင်လည်း ထိုဖန်တီး သတင်းများ၊ အစရှိသည့် ပယောဂမကင်းသည့်သတင်းများကို လူတွေ မှန်ကန်စွာ သုံးသပ်ယုံကြည် နိုင်ဖို့ ဆိုလျင် မိမိတို့လူမျိုးများ သည့်ထက်ပညာညာဏ်မြင့်မားလာမှသာ ဖြစ်နိုင်မည်ဖြစ်ကြောင်း တင်ပြလိုက်ရပါသည်။

MIZZIMA

မင်္ဂလာဈေး မီးလောင်ကျွမ်းမှုကို မီးသတ်ယာဉ် ၁၁၅ စီးနဲ့ငြိမ်းသတ်ခဲ့ရပြီး မနက် ၈ နာရ်ီအချိန်ထိ မီးကြွင်းမီးကျန် တစ်ချို့ကို ငြိမ်းသတ်နေရဆဲဖြစ်ပါတယ်။

မီးလောင်ကျွမ်းမှုမှာ ၄လွှာရှိ ဆေးပစည်းနဲ့အလှကုန်ပစ္စည်းတွေအဓိက ရောင်းချတဲ့အထပ်မှာစတင်
လောင်ကျွမ်းခဲ့တာဖြစ်ပြီး မနက် ၃နာရီ ခွဲဝန်းကျင်မှာ ငါးလွှာကို ကူးစက်လောင်ကျွမ်းခဲ့ပါတယ်။

မီးလောင်ကျွမ်းမှုဟာ မနက် ၁ နာရီ ၄၅ မ်ိနစ်မှ် လောင်ကျွမ်းခဲ့ပြီး ငါးနာရီကျော်မှာ မီးထိမ်းနိုင်ခဲ့ပါတယ်။
မီးလောင်ကျွမ်းမှုကို level 5 အဆင့်သတ်မှတ်ပြီး မီးသတ်ယာဉ် ၁၁၅ စီးနဲ့ငြိမ်းသတ်ခဲ့တာ ဖြစ်ပါတယ်။ မီးလောင်ကျွမ်းမှုကြောင့် အရပ်သား ၁ ဦးနဲ့ မီးသတ်ဝန်ထမ်းတစ်ဦး ထိခိုက်ဒဏ်ရာ ရရှိခဲ့ပါတယ်။

မီးလောင်ကျွမ်းတဲ့ ပတ်ဝန်းကျင်ကို ရန်ကုန်တိုင်းဒေသကြီးမှ တပ်မတော် တပ်ရင်းတွေကိုယ်တိုင်
လုံခြုံရေး ရယူပေးခဲ့တာ ဖြစ်ပါတယ်။ လုံခြုံရေးရယူပေးတဲ့ တပ်မတော်သားများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်တွေနဲ့ ကြက်ခြေနီတွေကိုလည်း ပြည်သူအချိူ့က လက်ဖက်ရည်နဲ့ မုန့်တွေ ကျွေးမွေးကြတာကို တွေ့ရပါတယ်။

မင်္ဂလာဈေးမီးလောင်ကျွမ်းမှုကို မီးသတ်ယာဉ် ၁၁၅ စီးနဲ့ငြိမ်းသတ်ခဲ့ရပြီး မနက် ရှစ်နာရီ အချိန်ထိ မီးကြွမ်းမီးကျန်တစ်ချို့ကို ငြိမ်းသတ်နေရဆဲဖြစ်(ရုပ်သံ)မင်္ဂလာဈေးမီးလောင်ကျွမ်း မှုကို မီးသတ် ယာဉ် ၁၁၅ စီးနဲ့ငြိမ်းသတ်ခဲ့ရပြီး မနက် ၈ နာရ်ီအချိန်ထိ မီးကြွင်းမီးကျန်တစ်ချို့ကို ငြိမ်းသတ်နေရဆဲဖြစ်ပါတယ်။မီးလောင်ကျွမ်းမှုမှာ ၄လွှာရှိ ဆေးပစည်းနဲ့အလှကုန်ပစ္စည်းတွေအဓိက ရောင်းချတဲ့အထပ်မှာစတင် လောင်ကျွမ်းခဲ့တာဖြစ်ပြီး မနက် ၃နာရီ ခွဲဝန်းကျင်မှာ ငါးလွှာကို ကူးစက်လောင်ကျွမ်းခဲ့ပါတယ်။မီးလောင်ကျွမ်းမှုဟာ မနက် ၁နာရီ ၄၅ မ်ိနစ်မှ် လောင်ကျွမ်းခဲ့ပြီးငါးနာရီကျော်မှာမီးထိမ်းနိုင်ခဲ့ပါတယ်။မီးလောင်ကျွမ်းမှုကိုlevel 5 အဆင့်သတ်မှတ်ပြီးမီးသတ်ယာဉ် ၁၁၅ စီးနဲ့ငြိမ်းသတ်ခဲ့တာဖြစ်ပါတယ်။မီးလောင်ကျွမ်းမှုကြောင့် အရပ်သား ၁ဦးနဲ့ မီးသတ်ဝန်ထမ်းတစ်ဦးထိခိုက်ဒဏ်ရာရရှိခဲ့ပါတယ်။မီးလောင်ကျွမ်းတဲ့ပါတ်ဝန်းကျင်ကိုရန်ကုန်တိုင်းဒေသကြီးမှတပ်မတော်တပ်ရင်းတွေကိုယ်တိုင်လုံခြုံရေးရယူပေးခဲ့တာဖြစ်ပါတယ်။လုံခြုံရေးရယူပေးတဲ့တပ်မတော်သားများ၊ရဲတပ်ဖွဲ့ဝင်များ၊မီးသတ်တပ်ဖွဲ့ဝင်တွေနဲ့ကြက်ခြေနီတွေကိုလည်း ပြည်သူအချိူ့က လက်ဖက်ရည်နဲ့မုန့်တွေ ကျွေးမွေးကြတာကိုတွေ့ရပါတယ်။

Posted by Eleven Web TV on Friday, January 8, 2016
Eleven Media Group


ထိုင်းတောင်ပိုင်း လိပ်ကျွန်းလူသတ်မှုမှာ အမှန်တရား ဖော်ထုတ်နိုင်ဖို့အတွက် ခိုင်လုံတဲ့ အသိသက်သေအဖြစ် ထွက်ဆိုလိုသူတွေ မြန်မာသံရုံး အထူးအဖွဲ့ရဲ့ ရှေ့နေ ဦးအောင်မျိုးသန့်ထံ ဆက်သွယ်ဖို့ မေတ္တာရပ်ခံစာတစောင် ထုတ်ပြန်ထားပါတယ်။

သက်သေဟာ အမှု့ဖြစ်ရပ်မှန်ကို မြင်/တွေ့/သိ ဖြစ်ခဲ့ရိုး မှန်ကန်ရင် အယူခံတရားရုံးမှာ တင်ပြတောင်းဆိုသွားမယ်လို့ ဆိုပါတယ်။

သက်သေထွက်ဆိုမယ့်သူဟာ တခြား တနိုင်ငံမှာ ရောက်နေသူ ဖြစ်ဖြစ်၊ ပြည်တွင်းနေထိုင်သူများပဲ ဖြစ်ဖြစ် လုံခြုံရေးနဲ့ အလုပ်အကိုင် အဆင်ပြေစေရေးတို့ကို အထူးတာဝန်ယူပေးမယ်လို့လည်း မေတ္တာရပ်ခံစာမှာ အာမခံထားပါတယ်။

ထိုင်းနိုင်ငံတောင်ပိုင်း၊ ကော့စမွီခရိုင်ထဲက လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်က ဗြိတိန်နှစ်ဦး အသတ်ခံရမှုအတွက် ကိုဇော်လင်းနှင့် ကိုဝင်းဇော်ထွန်းတို့ကို သေဒဏ် ချမှတ်ထားပြီး ဒီလကုန်မှာ အယူခံဝင်ဖို့် မြန်မာသံရုံး အထူးအဖွဲ့နဲ့ ထိုင်းရှေ့နေကောင်စီတို့ ပြင်ဆင်နေတယ်လို့ သိရပါတယ်။

ပြီးခဲ့တဲ့ ရက်ပိုင်းအတွင်းက ရန်ကုန်မြို့က အမျိုးဘာသာသာသနာ စောင့်ရှောက်ရေး သံဃာတွေ ဦးဆောင်တဲ့ ဆန္ဒပြပွဲတခုမှာ မျက်မြင်သက်သေဆိုသူ အမျိုးသားတယောက်က မျက်နှာဖုံးစွပ်ပြီး ပါဝင်ခဲ့ပါတယ်။

DVB
http://burmese.dvb.no/archives/130186

အခုရက်ပိုင်းအတွင်း ထိုင်းလူမှုကွန်ရက်မှာ ချစ်သူရဲ့ ရုပ်အလောင်းနဲ့ လက်ထပ်တဲ့ မိန်းကလေးအကြောင်း ရေပန်းစားနေပါတယ်။

“သေမင်းဟာ ချစ်သူကို ခေါ်ဆောင်သွားပေမယ့် သူတို့ရဲ့ ချစ်ခြင်းကိုတော့ ခွဲလို့မရဘူး။ ချစ်သူမသေခင် ဆယ်မိနစ်တာ တွေ့ဆုံခွင့်ပေးခဲ့တဲ့ ကံကြမ္မာကို ကျေးဇူးတင်ပါတယ်။ အဲဒီ ဆယ်မိနစ်ဆိုတဲ့အချိန်လေးမှာ အနမ်းပေးပြီး ချစ်သူကို အသေဖြောင့်စေခဲ့တယ်။ သူ့ချစ်သူဟာ နောက်ဆုံးအချိန်မှာ စကားမပြောနိုင်တော့ပေမယ့် မျက်လုံးနဲ့သိရှိကြောင်း ပြသသွားတယ်။ ချစ်သူရဲ့ မျက်လုံးအစုံကို လက်နဲ့ ပိတ်ပေးခဲ့ရတယ်။ အေးချမ်းစွာ အိပ်စက်ပါတော့”လို့ အဓိပ္ပါယ်ရတဲ့ စကားလုံးတွေနဲ့အတူ အလောင်းဘေးမှာ သတိုးသမီးဝတ်စုံဝတ်ပြီး ပရိသတ်တွေကို ဧည့်ခံနေတဲ့ Nan Thipphart ခေါ် ခွန်နဲန်းရဲ့ ဖေ့စ်ဘုတ်ပေါ်က ဗွီဒီယိုကလစ်ဟာ တစ်ရက်တွင်း ကြည့်ရှုသူပေါင်း ၃ သောင်းကျော်နဲ့ ဗွီဒီယိုဖိုင် ပြန်ရှဲလ်ကြသူတွေ သောင်းကျော်သွားပါတယ်။

ထိုင်းနိုင်ငံအလယ်ပိုင်း ချချိုင်းဆောင်းခရိုင် ဖနုမ်ဆာရခမ်းမြို့က မိန်းမပျိုလေး ခွန်နဲန်းနဲ့ သူ့ရည်းစား ခွန်ဖျိုက် တို့ဟာ နှစ်ရှည်လများချစ်ခဲ့ကြပြီး လာမယ့် ဖေဖော်ဝါရီလ ၂ ရက်နေ့မှာ မင်္ဂလာဆောင်ဖို့ ဆုံးဖြတ်ထားကြတာဖြစ်ပါတယ်။

ခွန်နဲန်းဟာ နာမည်ကြီးတက္ကသိုလ်တခုက မဟာသိပ္ပံဘွဲ့ ရထားပြီး သူ့ရည်းစား ခွန်ဖျိုက် ကတော့ ဆင်းရဲသားဖြစ်တဲ့အပြင် အထက်တန်းကျောင်းကို ပြင်ပသက်ကြီးကျောင်း ကနေဘဲ အောင်မြင်ထားတဲ့အတွက် အမြဲအား ငယ်နေကြောင်း၊ ဒါပေမယ့် သူဟာ ခွန်နဲန်းကို မိကောင်းဖခင်သားသမီးပီသစွာ တောင်းရမ်းပြီး မင်္ဂလာဆောင်နိုင်ဖို့၊ ခွန်နဲန်းနဲ့အတူ မိသားစု ဘ၀ ထူထောင်ဖို့အတွက် အလုပ်တွေကြိုးစားပြီး ငွေစုခဲ့တာလို့ ခွန်နဲန်းသ ချယ်လ် ၇ တီဗွီ သတင်းထောက်ကို ပြောပါတယ်။

ဇန်န၀ါရီလ ၄ ရက်နေ့မှာတော့ ခွန်ဖျိုက်ဟာ ဈေးရောင်းနေရင်းက နှလုံးသွေးကြောပိတ်ပြီး သေဆုံးသွားခဲ့တာ ဖြစ်ပါတယ်။

အဲဒီနေ့ ညနေ ၄ နာရီအချိန် ထိုင်းထုံးစံအရ အလောင်းလက်ဆေးခြင်း အခမ်းအနားမှာ ခွန်နဲန်းက သတိုးသမီးဝတ်စုံဝတ်ဖို့ အလျင်အမြန်ဆုံးဖြတ်ခဲ့တာလို့ ဆိုပါတယ်။

“ကျမကို သတိုးသမီးဝတ်စုံနဲ့ မြင်ချင်တယ်ဆိုတဲ့ သူ့ရဲ့ဆန္ဒပြည့်ဝအောင်၊ ကျမတို့စိတ်ကူးခဲ့တဲ့ အိပ်မက်တကယ်ဖြစ်သွားအောင် သတိုးသမီးဝတ်စုံဝတ်ဖို့ အမြန်ဆုံးဖြတ်ခဲ့ပါတယ်။ အဲဒီနေ့ က ကျမဘယ်သူတွေဘာပြောမယ်ဆိုတာ ဂရုမစိုက်နိုင်တော့ပါဘူး။ ကျမစိတ်ထဲမှာ ခွန်ဖျိုက်ပဲ ရှိတယ်။ သူ့ရဲ့အိပ်မက်ကို ဖြည့်ဆည်းပေးချင်တယ်။ သူဟာ ကျမအပေါ်မှာ သစ္စာရှိခဲ့တယ်။ ကျမအတွက်ကြိုးစားရင်း သေဆုံးသွားခဲ့တယ်။ ဆရာဝန်က သူဟာ အလုပ်ပင်ပန်းလို့ နှလုံးအားနည်းပြီး ခုလိုဖြစ်သွားတာလို့ ပြောပါတယ်။ သူဟာ ကျမအတွက် အကောင်းဆုံး အမျိုးသားပါဘဲ။”

အသုဘရော မင်္ဂလာဆောင်ပါ တပြိုက်နက်တည်း ကျင်းပရတဲ့ အဲဒီအခမ်းအနားကို ချချိုင်းဆောင်းခရိုင် ဖနုမ်ဆာရခမ်းမြို့ ၀ပ်လောဝ်နမ့်ဘုန်းကြီးကျောင်းမှာ ကျင်းပခဲ့ပါတယ်။

DVB
http://burmese.dvb.no/archives/129865

 ကချင်ပြည်နယ် နဲ့ ရှမ်းပြည် မြောက်ပိုင်း ဒေသတွေမှာ လက်လမ်း မှီသလောက် ဘိန်း စိုက်ခင်းတွေကို ဖျက်ဆီးဦးမယ်။
ကချင်ပြည်နယ်၊ ပူတာအို မြို့နယ် ထဲက ဘိန်းစိုက်ခင်း ဧက ၁၀ဝ ကျော်ကို ဒေသခံ အများ ပြည်သူ ၇၀ဝ ဝန်းကျင် စုပေါင်းပြီး ပြီးခဲ့ တဲ့ အခု သီတင်းပတ် အစောပိုင်းကပဲ ဖျက်ဆီး ခဲ့ပါတယ်။

အဲဒီလို ဘိန်းခင်းဖျက်တဲ့ လှုပ်ရှားမှု ကို စုပေါင်း လုပ်ဆောင် ကြသူတွေ ဟာ သူတို့ကိုယ်သူတို့ ပြည်သူ့ အခြေပြု မူးယစ်ဆေးဝါး တိုက်ဖျက်ရေး အဖွဲ့ လို့ သုံးစွဲ ခေါ်ဝေါ် နေပြီး ကချင်ပြည်နယ် နဲ့ ရှမ်းပြည် မြောက်ပိုင်း ဒေသတွေမှာ လက်လမ်း မှီသလောက် ဘိန်း စိုက်ခင်းတွေကို ဖျက်ဆီးဦးမယ်လို့ ဆိုပါတယ်။

ကချင် ပြည်နယ် ထဲမှာ ဆိုရင် ပြည်သူ့ စစ်တွေ နဲ့ နယ်ခြားစောင့်တပ် တွေ ရဲ့ စခန်း တွေ အနီးတဝိုက် အစိုးရ ထိန်းချုပ် နယ်မြေ တွေ မှာ ဘိန်း စိုက်ခင်းတွေ ပိုတွေ့ နေရတယ် ဆိုပြီး ဘိန်းစိုက်ခင်းတွေ လိုက် ဖျက်နေတဲ့ အဖွဲ့ကို ဦးဆောင် နေသူ တစ်ဦးက ဘီဘီစီ ကို ပြောပါတယ်။

အခုလို ဘိန်းခင်းဖျက် လှုပ်ရှားမှု ပြုလုပ် တဲ့ အတွက် အန္တရာယ် ဖြစ်လာနိုင်တဲ့ နေရာ မျိုးတွေ ရှိပေမယ့် လှုပ်ရှားမှုထဲ တက်ကြွ ပါဝင်မယ့် ပြည်သူ အင်အား ထောင်ချီ ရှိနေသလို အစိုးရ အာဏာပိုင်တွေ ဆီက အကူအညီ တောင်းခံ သွားမယ် လို့လည်း ဆိုပါတယ်။

ကချင်ပြည်နယ် မှာ မူးယစ်ဆေးဝါး သုံးစွဲသူ တိုးတက် များပြား လာနေတဲ့ ပြဿနာ အတွက် အများပြည်သူတွေ ဟာ ခရစ်ယာန် အသင်းတော်တွေနဲ့ စုပေါင်းပြီး ပြည်သူ့ အခြေပြု မူးယစ်ဆေးဝါး တိုက်ဖျက်ရေး အဖွဲ့ ဆိုပြီး ၂၀၁၄ ခုနှစ် နှစ်လယ်ပိုင်း ကတည်းက စတင် ဖွဲ့စည်း ခဲ့တာပါ။

အခုဆိုရင် ကချင်ပြည်နယ်မှာ ၁၆ မြို့နယ်နဲ့ ရှမ်းပြည်မြောက်ပိုင်း မှာ ဆိုရင် ၃ မြို့နယ်မှာ အဖွဲ့ခွဲတွေ ဖွဲ့နိုင်ခဲ့ပြီ ဖြစ်ပါတယ်။

ဘိန်းအစားထိုး စိုက်ပျိုးရေး၊ မွေးမြူရေး လုပ်ငန်းတွေ လုပ်ဆောင် နိုင်ဖို့လည်း စတင် ဆောင်ရွက် နေပြီလို့ အဖွဲ့ရဲ့ တာဝန် ရှိသူ တစ်ဦးက ဆိုပါတယ်။

BBC Burmese
http://www.bbc.com/burmese

ထိခိုက် ဒဏ်ရာရသွားသူ အနည်းဆုံး ၃ ယောက် ရှိ။
အီဂျစ် နိုင်ငံထဲက ပင်လယ်နီ ကမ်းခြေ အပန်းဖြေ မြို့ဖြစ်တဲ့ ဟူဂါးဒါး မှာ ကမ္ဘာလှည့် ခရီးသည် တွေ တည်းခိုလေ့ရှိတဲ့ ဟိုတယ် တစ်လုံးကို ဓား ကိုင် ဆောင် ထား သူတွေက တိုက်ခိုက် ခဲ့ကြ ပါတယ်။

ထိခိုက် ဒဏ်ရာရသွားသူ အနည်းဆုံး ၃ ယောက် ရှိတယ် ဆိုတဲ့ သတင်းတွေ ရရှိ ထားတာမှာ အဲဒီ့ ထဲက နှစ်ဦးကတော့ ဂျာမနီ နိုင်ငံသား တစ်ဦးနဲ့ ဒိန်းမတ် နိုင်ငံသား တစ်ဦးတို့ ဖြစ်တယ်လို့ အစောပိုင်း သတင်းတွေက ဆိုပါတယ်။

အီဂျစ်လုံခြုံရေး တပ်ဖွဲ့တွေ တွေရဲ့ လက်ချက် နဲ့ တိုက်ခိုက်မှု ကျူးလွန်သူ တွေ ထဲက အနည်းဆုံး တစ်ယောက် ရှိတယ်လို့လည်း သိရပါတယ်။

ပြီးခဲ့တဲ့ ကြာသာပတေး နေ့တုန်းကလည်း ကိုင်ရိုမြို့တော် ပိရစ်မစ်ကြီးတွေ ရှိရာ အနီးက ဟိုတယ် တစ်လုံးမှာလည်း ခရီးသည်တင် ဘတ်စ်ကား တစ်စင်း သေနတ်နဲ့ ပစ်ခတ် တိုက်ခိုက် ခံခဲ့ရပါ သေးတယ်။

ဒါပေမယ့် အဲဒီ့တုန်းကတော့ ထိခိုက် ဒဏ်ရာ ရသူ မရှိခဲ့ပါဘူး။

BBC Burmese
http://www.bbc.com/burmese

ထောင်ဖေါက်ပြေးတဲ့ မူးယစ်ရာဇာ Mexico မှာပြန်မိ။ 
မက်ဆီကို မူးယစ်ရာဇာ "El Chapo" Guzman ကို အာဏာပိုင်တွေ ပြန်ဖမ်းမိပြီလို့ မက်ဆီကို သမ္မတ Enrique Pena Nieto က ကြေညာခဲ့ပါတယ်။ အကျဉ်းကျခံနေရ တဲ့ အယ်လ် ချာပိုဟာ လွန်ခဲ့တဲ့ ၇ လတုန်းက လျို့ဝှက် မြေအောက်လှိုင်ခေါင်းကနေ ထွက်ပြေး လွတ်မြောက် သွားခဲ့တာပါ။

သမ္မတက Spanish Friday တွစ်တာစာမျက်နှာကနေ Guzman ကို ဖမ်းမိတဲ့အကြောင်း ပြောကြားရာမှာ “ကြိုးပမ်းချက်အောင်မြင်ပြီ၊ သူ့ကိုမိထားပြီလို့” ကြေညာခဲ့တာ ဖြစ်ပါတယ်။

Guzman ရဲ့ မွေးဌာနေဖြစ်တဲ့ Sinaloa ပြည်နယ် Los Mochis မြို့မှာ မက်ဆီကို မရိန်းတပ်သားတွေနဲ့ ပစ်ခတ်မှုတွေ ဖြစ်ပွါးခဲ့ပြီးတဲ့နောက်မှာ Guzma ကို ဖမ်းမိခဲ့တာလို့ မက်ဆီကိုအရာရှိတွေက AP သတင်းဌာနကို ပြောပါတယ်။

သူဘယ်မှာ ရှိနေတယ်ဆိုတဲ့ သတင်းပေးချက်အရ မက်ဆီကို မရိန်း တပ်သားတွေက သောကြာနေ့ အာရုံတက်ချိန်မှာ Los Mochis မြို့က အိမ်ကို ဝင်ရောက်စီးနင်းခဲ့တာဖြစ်ပြီး စီးနင်းချိန်မှာပဲ သေနတ်သံတွေ ချက်ချင်း ကြားခဲ့ရတယ်လို့ အာဏာပိုင်တွေက ပြောပါတယ်။

စီးနင်းမှုမှာ သံသယရှိသူ ၅ ဦးသေဆုံးပြီး နောက်ထပ် ၆ ဦးကို ဖမ်းမိခဲ့တယ်လို့ မက်ဆီကို အရာရှိတွေကပြောပါတယ်။ မရိန်းတပ်သား တယောက်ကတော့ ဒဏ်ရာအနည်းငယ် ရခဲ့တယ်လို့ ဆိုပါတယ်။

မက်ဆီကို အနောက်မြောက်ပိုင်း တောတောင်ထူထပ်တဲ့ Sinaloa ပြည်နယ် မှာ အောက်တိုဘာလကတည်းက စပြီး မက်ဆီကို အာဏာပိုင်တွေက သူ့ကို လိုက်ရှာနေတာ ဖြစ်ပါတယ်။ သူဟာ Sinaloa နဲ့ Durango ပြည်နယ် ၂ ခု နားက တောထူထပ်တဲ့ နယ်စပ်နေရာမှာ မရိန်းတပ်သားတွေ လက်က လွတ်အောင် ထွက်ပြေးရင်း ဒဏ်ရာရခဲ့ပုံရတယ်လုိ့ သူ့ကို နောက်ယောင်ခံလိုက်နေတဲ့အဖွဲ့က သတင်းပို့ခဲ့တာပါ။

အကျဉ်းကျနေတဲ့ Guzman ဟာ သူ့အခန်းထဲကနေ အနားက ရွာကလေးအထိ ပေါက်အောင် မြေအောက်လှိုင်ခေါင်းကို လျို့ဝှက် တူးဖေါ်ခဲ့ပြီး ၁ ကီလိုမီတာခွဲ ရှည်တဲ့ ဒီမြေအောက် လှိုင်ခေါင်းကနေ ဇူလိုင်လ ၁၁ ရက်နေ့က ထွက်ပြေးလွတ်မြောက် သွားခဲ့တာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

အာဖဂန်နစ္စတန်က အမေရိကန် မောင်းသူမဲ့ လေယာဉ်
အာဖဂန်နစ်စတန် နိုင်ငံအရှေ့ပိုင်းမှာ သောကြာနေ့က အိုင်အက်စ် စစ်သွေးကြွ တွေက လူ ၇ ယောက်ကို ခေါင်းဖြတ်သတ်လိုက်ပြီး မကြာခင်မှာပဲ အမေရိကန်က ပစ်ခတ်တယ်လို့ ယူဆရတဲ့ ဒရုံးယာဉ်နဲ့ အတိုက်ခိုက်ခံရတဲ့ အတွက် အဲဒီဒေသမှာ အိုင်အက်စ် ၁၇ ဦးထက်မနည်း သေဆုံးခဲ့ရပါတယ်။

အခင်းဖြစ်ပွါးတဲ့နေရာဟာ ပါကစ္စတန်နယ်စပ်က နန်ဂဟာ ခရိုင်ထဲက Achin ဒေသမှာ ဖြစ်ပွါးတာလို့ ဒေသခံတွေနဲ့ တာဝန်ခံ အရာရှိတွေက ပြောပါတယ်။ အဲဒီဒေသဟာ အိုင်အက်စ်အဖွဲ့ အင်အားပြန်ကောင်းနေတဲ့ နေရာဖြစ်ပါတယ်။

အာရပ်ဘာသာနဲ့ အတိုကောက် Daesh လို့ ခေါ်တဲ့ အိုင်အက်စ် အဖွဲ့က ခေါင်းဖြတ်သတ်သူတွေထဲမှာ တာလီဘန်သူပုန် ၆ ဦးပါနေတယ်လို့ ခရိုင်အုပ်ချုပ်ရေးမှုးရဲ့ ပြောခွင့်ရ Ataullah Khogyani က ဗီအိုအေကို ပြောပါတယ်။ သူတို့က ကွပ်မျက်နေတုန်း အဲဒီဒေသမှာ အမေရိကန် မောင်းသူ မပါတဲ့ လေယာဉ် ကနေ ပစ်ခတ်ခဲ့တဲ့အတွက် တပ်မှုး အများအပြားအပါအဝင် Daesh တိုက်ခိုက်ရေးသမား ၁၇ ယောက် သေဆုံးခဲ့ တယ်လို့လည်း ပြောပါတယ်။

သောကြာနေ့ နေ့လည်ခင်း ဝတ်ပြုဆုတောင်းချိန်အပြီး ရွာသားတွေ ရှေ့ မှာ ခေါင်းဖြတ် ကွပ်မျက်တာကို အိုင်အက်စ်တွေက လုပ်ဆောင်ခဲ့ တယ်လို့ လည်း ဒေသခံတွေကပြောပါတယ်။ အဲဒီထဲမှာ အသတ်ခံရသူတယောက်ဟာ အာဖဂန်အမျိုးသားတပ်က လို့ ပြောပေမယ့် ခရိုင်အုပ်ချုပ်ရေးမှုရဲ့ ပြောခွင့်ရကတော့ ဒါတို အတည်မပြုသလို အသေးစိတ်ကိုလည်း ထုတ်မပြောပါဘူး။

တာလီဘန်တွေဟာ ဒီသီတင်းပါတ်ထဲမှာပဲ အာချင်တဝိုက်က ဒေသ ၂ခုမှာ ရှိတဲ့ အိုင်အက်စ်တွေရဲ့ အခြေစိုက် စခန်းတွေကို စပြီးတိုက်ခိုက်ခဲ့ တာမို့ အိုင်အက်စ် ဒါဇင်နဲ့ချီပြီး သေဆုံးခဲ့ရသလို တခြားသူတွေကိုပါ ဒေသတွင်းကနေ ထွက်ပြေးစေခဲ့တာ ဖြစ်ပါတယ်။ နန်ဂဟာ ခရိုင်ထဲက အစိုးရ အဆောက် အဦးတွေကို အိုင်အက်စ်တွေ တိုက်ခိုက်တဲ့အခါမှာ တာလီဘန်တပ်တွေနဲ့ပါ အပြင်းအထန်ရင်ဆိုင် တိုက်ပွဲတွေ ဖြစ်ပွါးခဲ့တာပါ။

အာဖဂန် အစိုးရဟာ ဒီသီတင်းပါတ်ထဲမှာပဲ နိုင်ငံအရှေ့ပိုင်းက အိုင်အက်စ်တွေကို တိုက်ခိုက်ဖို့ အထူးတပ်တွေကို ဖွဲ့စည်းခဲ့တယ်လို့ အာဖဂန် ယာယီ ကာကွယ်ရေး ဝန်ကြီး က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com


ရန်ကုန်မြို့ မင်္ဂလာတောင်ညွန့်မြို့နယ်က မင်္ဂလာဈေးမီးဟာ ဒီကနေ့မနက်အစောကြီး ၁ နာရီကျော်လောက်က မီးလောင်နေတာ အခုအချိန်ထိ မီးညွန့် မကျိုးသေးပါဘူး။

မီးလောင်တာ ပြင်းထန်လွန်းတဲ့အတွက် ဒီနေ့ နေ့လည်လောက်မှ မီးညွန့်ကုန်မယ့် အခြေအနေလို့ ဘေးမှာ ကြည့်နေကြသူတွေက ခန့်မှန်းကြပါတယ်။ အဲဒီ ဈေး၎ ထပ်မှာ ဆေးဆိုင်တွေလည်း ရှိသလို ၅ ထပ်မှာ ဘီယာဆိုင်တွေလည်းရှိတယ်ပြောတယ်။

မနက် ၄ နာရီလောက်မှာ စစ်တပ်က တပ်မတော်သားတွေ ရောက်ရှိလာတာကိုလည်း တွေ့ရပါတယ်။။

ရိုက်ကူး ထက်အာကာ/RFA
RFA Burmese
https://www.facebook.com/RFA-Burmese
Fire Broke Out in Mingalar Taung Nyunt, Yangon

ရန်ကုန် မင်္ဂလာဈေးမီးလောင်နေဆဲရန်ကုန်မြို့ မင်္ဂလာတောင်ညွန့်မြို့နယ်က မင်္ဂလာဈေးမီးဟာ ဒီကနေ့မနက်အစောကြီး ၁ နာရီကျော်လောက်က မီးလောင်နေတာ အခုအချိန်ထိ မီးညွန့် မကျိုးသေးပါဘူး။မီးလောင်တာ ပြင်းထန်လွန်းတဲ့အတွက် ဒီနေ့ နေ့လည်လောက်မှ မီးညွန့်ကုန်မယ့် အခြေအနေလို့ ဘေးမှာ ကြည့်နေကြသူတွေက ခန့်မှန်းကြပါတယ်။ အဲဒီ ဈေး၎ ထပ်မှာ ဆေးဆိုင်တွေလည်း ရှိသလို ၅ ထပ်မှာ ဘီယာဆိုင်တွေလည်းရှိတယ်ပြောတယ်။ မနက် ၄ နာရီလောက်မှာ စစ်တပ်က တပ်မတော်သားတွေ ရောက်ရှိလာတာကိုလည်း တွေ့ရပါတယ်။။ရိုက်ကူး ထက်အာကာ/RFA

Posted by RFA Burmese on Friday, January 8, 2016

အပစ်ရပ်စဲရေး ညှိနှိုင်း ဆွေးနွေးနေတဲ့ ဗိုလ်ချုပ် ဂွမ်မော်
တိုက်ပွဲတွေ တိုးမြှင့် ဖြစ်ပွား လာနေတာကြောင့် KIA ကချင် လွတ်လပ်ရေး အဖွဲ့ အတွင်းမှာ ဒုတိယ စစ်ဦးစီးချုပ် အသစ် တွေ တိုးချဲ့ ခန့်ထားတာ အပါအဝင် ရာထူး အပြောင်းအလဲ တွေ လုပ်ခဲ့တယ်လို့ သိရပါတယ်။

ပဋိပက္ခ မဟုတ်ပေမယ့် အဖွဲ့ အတွင်းမှာ ငြိမ်းချမ်းရေး ကိစ္စ ဆွေးနွေး ညှိနှိုင်းမှုတွေ ရှိခဲ့တယ် လို့ ကေအိုင်အေ အပစ် ရပ်စဲရေး ညှိနှိုင်းရေး ဆိုင်ရာ အကြံပေး အဖွဲ့ ပြောခွင့်ရ ဦးဒေါင်ခါးက ပြောပါတယ်။

အပစ်ရပ်စဲရေး ညှိနှိုင်း ဆွေးနွေးမှုတွေ လုပ်နေတဲ့ ဗိုလ်ချုပ် ဂွမ်မော်က ဒုတိယ စစ်ဦးစီးချုပ် အဖြစ် ဆက်တာဝန်ယူပြီး ဆွေးနွေးမှုတွေ လုပ်သွားဖို့ ရှိပါတယ်။

တခြား ဒုတိယ စစ်ဦးစီးချုပ် ၂ ယောက် ကိုလည်း ထပ်မံ ခန့်အပ် ခဲ့ပါတယ်။

အဖွဲ့တွင်း ကွဲပြဲမှုတွေ ဖြစ်တယ်လို့ သတင်းတွေ ထွက်နေချိန်မှာ အစိုးရ တပ်တွေက KIA ကို စစ်ဆင်ရေး တိုးမြှင့် လုပ်တာတွေလည်း ရှိနေတယ် လို့ သိရပါတယ်။

BBC Burmese
http://www.bbc.com/burmese

 RCSS နဲ့ တိုက်ပွဲ ဖြစ်ရတာက နယ်နမိတ် မသတ်မှတ်ရသေးတာကြောင့်လို့JMC ပြော (ဓါတ်ပုံ မြန်မာ ငြိမ်းချမ်းရေး စင်တာ)
ဇန်နဝါရီလ ၈ ရက်နေ့မှာ ပစ်ခတ် တိုက်ခိုက်မှု ရပ်စဲရေး ဆိုင်ရာ ပူးတွဲ စောင့်ကြည့် ရေး ကော်မတီ JMC ရဲ့ တတိယ အကြိမ်မြောက် အစည်း အဝေး ကို ရန်ကုန် မြို့မှာ ကျင်းပ ခဲ့ပါတယ်။

အစည်းအဝေးကို တိုင်းရင်းသား လက်နက်ကိုင် အဖွဲ့တွေက ကိုယ်စားလှယ်တွေ၊ နိုင်ငံတကာ သံတမန်တွေနဲ့ လေ့လာစောင့်ကြည့်ရေး အဖွဲ့တွေ ပြီးတော့ စစ်တပ် ဘက်က ကိုယ်စားလှယ်တွေလည်း တက်ရောက် ခဲ့ကြပါတယ်။

အခု အစည်းအဝေးဟာ မြန်မာ ငြိမ်းချမ်းရေး စင်တာမှာ လစဉ် လုပ်နေကြ Key Stakeholder Briefing ဆိုတဲ့ အဓိက ပါဝင် သက်ဆိုင်သူတွေကို ရှင်းလင်း ပြောကြားတဲ့ အစည်းအဝေးလို့လည်း ဆိုနိုင်ပါတယ်။

ငြိမ်းချမ်းရေး လက်မှတ်ထိုးထားတဲ့ အဖွဲ့ တစ်ဖွဲ့ ဖြစ်တဲ့ ရှမ်းပြည် ပြန်လည် ထူထောင်ရေး ကောင်စီ RCSS / SSA နဲ့ တိုက်ပွဲတွေ ပြန်ဖြစ်ရတာက နယ်နမိတ် မသတ်မှတ် ရသေးလို့ ဖြစ်တယ်လို့ ပြည်ထောင်စု အဆင့် ပစ်ခတ် တိုက်ခိုက်မှု ရပ်စဲရေး ဆိုင်ရာ JMC အတွင်းရေးမှူး ဗိုလ်မှူးကြီး ဝဏ္ဏအောင် က ပြောပါတယ်။

JMC ရဲ့ လုပ်ငန်းတွေ အကောင်အထည် ဖော်ရာမှာ သုံးနှစ်အတွင်း အမေရိကန် ဒေါ်လာ ၂၁ သန်း လိုမှာ ဖြစ်ကြောင်းကို တက်ရောက်လာတဲ့ နိုင်ငံတကာနဲ့ ကုလသမဂ္ဂ အဖွဲ့အစည်းတွေကို တွက်ချက် တင်ပြခဲ့တယ်လို့ သူက ဆက်ပြောပါတယ်။

ချင်း အမျိုးသား တပ်ဦး CNF နဲ့ ပအိုဝ်း အမျိုးသား လွတ်မြောက်ရေး အဖွဲ့ PNLO အဖွဲ့ တို့နဲ့ နယ်နမိတ် သတ်မှတ်မှုတွေ လုပ်နိုင်ခဲ့ပြီး တိုက်ပွဲတွေ ပြန်ဖြစ်နေတဲ့ ရှမ်းပြည်နယ်မှာ နယ်နမိတ် သတ်မှတ်နိုင်ရေး ဆွေးနွေး နေဆဲ ဖြစ်ကြောင်း ပစ်ခတ် တိုက်ခိုက်မှု ရပ်စဲရေး ညှိနှိုင်း အကောင်အထည်ဖော် ဆောင်ရွက်မှု အစီအစဉ် ညွန်ကြားရေးမှူး ဦးမင်းဇော်ဦး က ရှင်းပြပါတယ်။

တစ်ဘက်က ငြိမ်းချမ်းရေး ဆွေးနွေးပွဲတွေ လုပ်နေပြီး တိုက်ပွဲတွေ ပြန်ဖြစ်နေတာ မကောင်းဘဲ သေနတ်သံတွေ တိတ်နေတာ အကောင်းဆုံးလို့ ချင်းအမျိုးသား တပ်ဦး က ဦးရွှေခါးက ဘီဘီစီကို ပြောပါတယ်။

ဒီအဖွဲ့ဟာ စပြီး အကောင်အထည်ဖော်တဲ့ အနေနဲ့ ရှမ်းပြည် ဆိုင်ရာ ပစ်ခတ် တိုက်ခိုက်မှု ရပ်စဲရေး ပူးတွဲ စောင့်ကြည့်ရေး ကော်မတီကို ဇန္နဝါရီလ ၉ ရက်နေ့နဲ့ ၁၀ ရက်နေ့တွေမှာ ရှမ်းပြည် က ခိုလမ်မြို့မှာ သွားရောက် ဖွဲ့စည်းမှာ ဖြစ်ကြောင်း သိရှိရပါတယ်။

BBC Burmese
http://www.bbc.com/burmese

ပြည်ခိုင်ဖြိုးရွာ နာမည်တပ်ထားတဲ့ မြင်းခြံမြို့နယ် သစ်ရုံကျေးရွာကို တွေ့ရစဉ်။ Photo: Hset Paing Toe/RFA
မန္တလေးတိုင်းဒေသကြီး ငန်းဇွန်၊ တောင်သာ၊ မြင်းခြံနဲ့ နွားထိုးကြီးမြို့နယ်တို့က ကျေးရွာအတော်များများ မှာ ခြင်္သေ့ပုံနဲ့ "ပြည်ခိုင်ဖြိုးရွာ" လို့ နာမည်တပ်ထားတဲ့ ကျောက်တိုင်တွေကို သက်ဆိုင်ရာမြို့နယ်အလိုက် ကြံ့ခိုင်ဖံွ့ဖြိုးရေးပါတီ တာဝန်ရှိသူတွေက လိုက်လံဖျက်သိမ်းနေတယ်လို့ သိရပါတယ်။

မြင်းခြံမြို့နယ် သစ်ရုံကျေးရွာမှာရှိတဲ့ "ပြည်ခိုင်ဖြိုးရွာ" ကျောက်တိုင်တွေကို ပါတီတာဝန်ရှိသူတွေက ပြီးခဲ့တဲ့နှစ် နိုဝင်ဘာလလောက်ကစပြီး ကျေးရွာထံအပ်နှံကြောင်းနဲ့ ရွာခံတွေက အရင်ရွာနာမည်အတိုင်း စိုက်ထူချင်တယ်လို့ ပြောတဲ့အခါ ရွာနာမည်နဲ့ ကျောက်တိုင်စိုက်ထူပေးခဲ့တာ ဖြစ်တယ်လို့ သစ်ရုံကျေးရွာ အုပ်ချုပ်ရေးမှူး ဦးစိုးနိုင်က ပြောပါတယ်။

"ပြည်ခိုင်ဖြိုး ဆိုင်းဘုတ်ကို ပြောင်းပြီး သစ်ရုံကျေးရွာ တပ်လို့ရပြီလေ၊ ရွာက ကလေးတွေကလည်း နိုဝင်ဘာ ၄ ရက်နေ့မှာ ဖျက်ကြတယ်၊ ဆိုင်းဘုတ်ပြန်လုပ်ချင်တယ်ပေ့ါ၊ သစ်ရုံကျေးရွာအုပ်စုက ကြိုဆိုပါ၏ ဒါလေးတော့ ဖြစ်သင့်တယ်ပေါ့၊ ဒါလည်းကောင်းပါတယ်ဆိုပြီး တခါတည်း ညတွင်းချင်း ပြည်ခိုင်ဖြိုး ဆိုင်းဘုတ်ဖျက်ပြီး သစ်ရုံကျေးရွာအုပ်စု လို့လာရေးပါတယ်"

မြင်းခြံခရိုင်အတွင်း ငန်းဇွန်၊ တောင်သာ၊ မြင်းခြံနဲ့ နွားထိုးကြီးမြို့နယ်တွေက ကျေးရွာတွေမှာ ခြင်္သေ့ပုံနဲ့အတူ "ပြည်ခိုင်ဖြိုးရွာ"လို့ ရေးထားတာတွေကို မတွေ့ရတော့ပဲ ကျေးရွာနာမည် တစ်ခုတည်းကိုပဲ ပြန်လည်ပြင်ဆင် ထားတာ ဖြစ်ပါတယ်။

အဲဒီကျေးရွာတွေမှာ လွန်ခဲ့တဲ့ ၁၅နှစ်လောက်ကတည်းက ကြံ့ခိုင်ဖံွ့ဖြိုးရေး ပါတီရဲ့ နာမည်တွေကို ပေးထား တာ ဖြစ်ပါတယ်။

အဲဒီဒေသတ၀ိုက်ဟာ ပြီးခဲ့တဲ့နှစ်က ကွယ်လွန်သွားတဲ့ ကြံ့ခိုင်ဖွံ့ဖြိုးရေးပါတီ ထိပ်ပိုင်းခေါင်းဆောင်တစ်ဦးဖြစ်တဲ့ လွှတ်တော်ကိုယ်စားလှယ် ဦးအောင်သောင်းရဲ့ ဇာတိဖြစ်ပြီး သူ့ရဲ့ သြဇာလွှမ်းမိုးမှု ခံရတဲ့ဒေသဖြစ်ပါတယ်။

RFA Burmese
http://www.rfa.org/burmese

ရန်ကုန်မြို့ ရွှေလီလမ်းမှာရှိတဲ့ Myanmar Peace Centre ရုံးကို တွေ့ရစဉ်။ Photo: RFA
 အစိုးရနဲ့ အပစ်ရပ်လက်မှတ်ထိုးထားတဲ့ တိုင်းရင်းသား လက်နက်ကိုင်အဖွဲ့တွေရှိတဲ့ ပြည်နယ်တွေမှာ ပြည်နယ် အဆင့် ပစ်ခတ်တိုက်ခတ်မှုရပ်စဲရေး ပူးတွဲစောင့်ကြည့်ရေးအဖွဲ့တွေ ဖွဲ့စည်းဖို့ အမေရိကန်ဒေါ်လာ ၂၁ သန်း လိုအပ်နေတယ်လို့ မြန်မာငြိမ်းချမ်းရေးစင်တာ တာဝန်ရှိသူတွေက ပြောပါတယ်။

ဒီကနေ့ ရန်ကုန်မြို့ ရွှေလီလမ်းမှာ ပြည်ထောင်စုအဆင့် ပစ်ခတ်တိုက်ခိုက်မှု စောင့်ကြည့်ရေးအဖွဲ့ဝင်တွေ နှစ်ရက် ကြာဆွေးနွေးပွဲအပြီးမှာ မြန်မာ့ငြိမ်းချမ်းရေးစင်တာ အကြီးတန်းအရာရှိ ဒေါက်တာမင်းဇော်ဦးက ပြောတာဖြစ် ပါတယ်။

"လုပ်ငန်းကို ဘယ်လိုအကောင်အထည်ဖော်မလဲဆိုတာ ကျနော်တို့သိပြီ၊ ဘယ်လို့ ဖွဲ့စည်းပုံတွေ ထားမယ်ဆိုတာ သိပြီ၊ ဘယ်လောက်ကုန်ကျသလဲဆိုတာ တွက်တာသိပြီဆိုတော့ အဲဒီ့ဟာတွေကို ဘယ်လိုပုံစံမျိုးနဲ့ လိုအပ် တဲ့ငွေကြေးဘတ်ဂျက်ကို ရအောင်လုပ်မလဲဆိုတာ နိုင်ငံတကာကလည်းဖြစ်မယ် ပြင်တွင်းမှာလည်းဖြစ်နိုင် တယ်ပေါ့နော်၊ အခုကတော့ နိုင်ငံတကာကို အဓိကပြောထားပြီးပြီ"

အဲဒီအမေရိကန်ဒေါ်လာ ၂၁ သန်းဟာ ၃ နှစ်အတွက် လျာထားတာဖြစ်ပြီး တစ်နှစ်ကို အမေရိကန် ၇ သန်းကနေ ၈ သန်းအထိ ကုန်ကျမှာဖြစ်ပြီး ပြည်နယ်အဆင့် ပစ်ခတ်တိုက်ခတ်မှုရပ်စဲရေး ပူးတွဲစောင့်ကြည့်ရေးအဖွဲ့ JMC အတွက် အဆောက်အအုံဆောက်လုပ်ဖို့လည်း ပါဝင်တယ်လို့ ပြောပါတယ်။

ရှမ်းပြည်နယ်အဆင့် JMC အဖွဲ့ကို ရှမ်းပြည်နယ် ခိုလန်မြို့မှာ မနက်ဖြန်ကနေ စတင်ဖွဲ့စည်းမှာဖြစ်သလို ရှမ်းပြည် ပြန်လည်ထူးထောင်ရေးကော်စီ RCSS အဖွဲ့ရဲ့ ထိပ်ပိုင်းခေါင်းဆောင်တွေနဲ့လည်း တွေ့ဆုံကြမှာဖြစ်ပါတယ်။

ပြည်ထောင်စုအဆင့်ဖွဲ့စည်းထားတဲ့ JMC အဖွဲ့ဝင်တွေ လိုအပ်နေတဲ့ အမေရိကန်ဒေါ်လာ ၂၁ သန်းရရှိရေးအတွက် ကမ္ဘာ့ကုလသမဂ္ဂအပါအ၀င် နိုင်ငံတကာအဖွဲ့အစည်းတွေနဲ့လည်း ဒီကနေ့ ဆွေးနွေးခဲ့ကြပါတယ်။

RFA Burmese
http://www.rfa.org/burmese


 ဂျာမနီ နိုင်ငံ ကိုလုံးမြို့တော် ရဲ့ ရဲတပ်ဖွဲ့ အကြီးအကဲ ဗော်လ်ဂင် အဲလ်ဘားစ် ရာထူး ကနေ အဖယ်ရှား ခံလိုက် ရပါတယ်။

ပြီးခဲ့တဲ့ နှစ်သစ် ကူး ကာလမှာ မြို့တော် တခွင် ဖြစ်ပေါ် ခဲ့တဲ့ လုယက်မှု၊ လိင်ပိုင်းဆိုင်ရာ မဖွယ်မရာ ပြုကျင့်မှု တွေ အပါအဝင် တခြား အကြမ်းဖက် ဖြစ်ရပ် တွေ အပေါ် ရဲ တပ်ဖွဲ့ရဲ့ ကိုင်တွယ် ခဲ့ပုံ တွေ နဲ့ ပတ်သက်ပြီး ဝေဖန်သံ တွေ ထွက်ပေါ် ခဲ့ပြီးတဲ့ နောက် အခုလို ဗော်လ်ဂင် အဲလ်ဘားစ် ရာထူးက အထုတ် ခံလိုက်ရတာ ဖြစ်ပါတယ်။

ရဲတပ်ဖွဲ့အပေါ် အများပြည်သူရဲ့ ယုံကြည် ကိုးစားမှု ပြန်လည် ရရှိအောင် အခုလို ဆုံးဖြတ် ရတာ ဖြစ်တယ်လို့ ဂျာမနီနိုင်ငံရဲ့ မြောက်ပိုင်း Rhine-Westphalia ဒေသ ရဲ့ ပြည်ထဲရေး ဝန်ကြီးက ဆိုပါတယ်။

နှစ်သစ်ကူး ပွဲတွေတုန်းက မှုခင်းတွေ ကျူးလွန်ကြသူ အများအပြားဟာ မြောက်အာဖရိက ဒါမှမဟုတ် အာရပ် နွယ်ဖွားတွေ ဖြစ်တယ် ဆိုတဲ့ ပြောဆိုမှုတွေ နဲ့ အတူ ဂျာမနီ နိုင်ငံထဲ ဒုက္ခသည်တွေ ကို လွတ်လွတ်လပ်လပ် ၀င်ရောက်ခွင့် ပေးနေတဲ့ မူဝါဒ အပေါ် မှာပါ အပြင်းအထန် ဆွေးနွေး ငြင်းခုံစရာ ဖြစ်လာစေပါတယ်။

BBC Burmese
https://www.facebook.com/bbcburmese

ကိုလုန်းမြို့ ဘုရားကျောင်း အပြင်မှာ အမျိုးသမီးတွေအပေါ် လိင်ပိုင်း စော်ကားတဲ့ မှုခင်းတွေ ပေါ်ပေါက်ခဲ့။
ဂျာမနီ နိုင်ငံ၊ ကိုလုန်း မြို့မှာ နှစ်သစ်ကူး အကြိုနေ့က ကျူးလွန်ခဲ့တဲ့ ပြစ်မှုတွေ အတွက် သံသယရှိသူ ၃၁ ယောက်ကို ဖော်ထုတ် နိုင်ခဲ့ရာမှာ အဲဒီ လူတွေ အနက် ခိုလှုံခွင့် လျှောက်ထားသူ ၁၈ ယောက် ပါဝင် နေတယ်လို့ ဂျာမန် ပြည်ထဲရေး ဌာနက ပြောပါတယ်။

အဲဒီ သံသယရှိသူတွေ အတွက် စွဲချက်တွေကတော့ ခိုးမှုတွေနဲ့ ကိုယ်ထိ လက်ရောက်မှုတွေ အများစု ဖြစ်တယ်လို့ ဂျာမန် ပြည်ထဲရေးဌာန ပြောခွင့်ရသူက ဆိုပါတယ်။

သံသယ ရှိသူတွေထဲက အချို့ကို ဖမ်းဆီးပြီး ဖြစ်ကာ ဂျာမန် နိုင်ငံသား ၂ ဦးနဲ့ အမေရိကန် တစ်ဦးလည်း ကျူးလွန်တဲ့ အထဲမှာ ပါဝင်တယ်လို့ သိရပါတယ်။

လိင်ပိုင်းဆိုင်ရာ စော်ကားတဲ့ မှုခင်းတွေ အတွက်လည်း တိုင်ကြားမှုတွေ အများအပြား လက်ခံ ရရှိထားပေမယ့် လက်သည်တွေကို မဖော်ထုတ်နိုင် သေးပါဘူး။

ကျူးလွန်သူတွေဟာ အာဖရိကန် ဒါမှမဟုတ် အာရပ် ပုံစံတွေ ဖြစ်တယ်လို့ မျက်မြင် သက်သေတွေက ဆိုပါတယ်။

ဒီဇင်ဘာ ၃၁ ရက်နေ့က ကိုလုန်းမြို့ ဘူတာရုံ အပြင်မှာ ဖြစ်ခဲ့တဲ့ မှုခင်းတွေကြောင့် ရွှေ့ပြောင်း ဝင်လာသူတွေကို တံခါးဖွင့်ပေးတဲ့ ဂျာမနီရဲ့ မူဝါဒ အပေါ် ငြင်းခုန်မှုတွေ ပေါ်ပေါက် စေခဲ့ပါတယ်။

BBC Burmese
http://www.bbc.com/burmese/world/2016/01/160108_cologn_attacks_suspects


 ၂၀၁၆ နှစ်ဦး ကာလ ဆုံးရှုံးမှု့ အများဆုံး မီးမတော်တဆမှု့  ဖြစ်လေသလား

ဇန်နဝါရီ ၉

ရန်ကုန်မြို့ ၊ မင်္ဂလာတောင်ညွန့်မြို့နယ် ရှိ အဆင့်မြင့်မင်္ဂလာ ယနေ့ နံနက် ၀၂း၀၀ အချိန်ခန့် တွင် မီးမတော်တဆမှု့ စတင်ဖြစ်ပွား၍ ( level 5 ) ယာဉ်စုထွက်ခွာ ငြိမ်းသတ်နေရပြီး
ယခု လက်ရှိ(၀၃း၃၀) အချိန်တွင် ၃ လွှာ နှင့် ၂ လွှာ တို့ကိုပါ ကူးစက်နေကြောင်း သိရသည်။

မင်္ဂလာဈေးမီးလောင်မှု 4:00am

- မီးသတ်ရဲဘော်များ ထိခိုက်မှုများရှိနေ
- ဘေးရှိအဆောက်အဦးများ မီးကူးစက်မှု မရှိရန်တားထားနိုင်
- ဆေးဆိုင်တန်းအထပ်မှ ပေါက်ကွဲမှုများ ဆက်လက်ရှိနေ
- အောက်ထပ်ဆိုင်ခန်းများ မီးဆက်လက် မကူးဆက်နိုင်ရန် ထိန်းထား

မြန်မာနိုင်ငံမီးသတ်တပ်ဖွဲ့ (facebook)


ရန်ကုန် မင်္ဂလာတောင်ညွန့်မြို့နယ်မှာရှိတဲ့ မင်္ဂလာဈေးမှာ ဒီကနေ့ ဇန်န၀ါရီလ ၉ ရက်နေ့ မနက်အစောပိုင်းကစလို့ မီး စတင်လောင်ကျွမ်းခဲ့ပြီး၊  ဗွီအိုအေ-မြန်မာပိုင်းက ဆက်သွယ်မေးမြန်းချိန်အထိ မီးက လောင်ကျွမ်းနေဆဲဖြစ်ပါတယ်။

 ဈေးရဲ့ အထပ် ၅ လွှာနဲ့ ၄ လွှာမှာ လောင်ကျွမ်းပြီးသွားပြီဖြစ်ပြီး ၃ လွှာထပ်ထိ ကူးစက်လာတဲ့မီးကို မီးသတ်တွေက ကြိုးစား ငြိမ်းသတ်နေကြတယ်လို့ မနန္ဒာချမ်းက မင်္ဂလာဈေးအနီး နေထိုင်သူ ပန်းချီဆရာ ကိုကျော်လင်း ကို ဆက်သွယ်မေးမြန်းချိန်မှာ အခုလို စတင် ဖြေကြားခဲ့ပါတယ်။

မနန္ဒာချမ်း  / ဗွီအိုအေ (မြန်မာပိုင်း)
http://burmese.voanews.com

 IS ဌာနချုပ် ဖြစ်တဲ့ ရက်ကာ မြို့မှာ သတ်ဖြတ် ခဲ့တာလို့ သတင်းတွေက ဆို။
IS အစ္စလာမ္မစ် နိုင်ငံအဖွဲ့ဝင် စစ်သွေးကြွ တစ်ယောက်က သူ့ကို IS အဖွဲ့ထဲကနေ ထွက်ဖို့ ပြောတဲ့ မိခင် ဖြစ်သူကို လူမြင်ကွင်းမှာ သူကိုယ်တိုင် ကွပ်မျက် လိုက်တယ်လို့ ဆီးရီးယားမှာ ရှိတဲ့ လှုပ်ရှားသူ တွေက ပြောပါတယ်။

ဆီးရီးယား နိုင်ငံ၊ ရက်ကာ မြို့က စာတိုက်ရုံး အပြင်ဘက်မှာ ၂၁ နှစ်အရွယ် Ali Saqr ဆိုသူက သူ့မိခင် Lena al-Qasem ကို သတ်ဖြတ် ခဲ့တာလို့ မျက်မြင် သက်သေတွေက ပြောပါတယ်။

ရက်ကာ မြို့ကို IS အဖွဲ့က ၂၀၁၃ ခုနှစ် သြဂုတ်လမှာ သိမ်းခဲ့ပြီးနောက် သူတို့ရဲ့ ဌာနချုပ် မြို့အဖြစ် သုံးလာခဲ့တာ ဖြစ်ပါတယ်။

IS အဖွဲ့ဟာ သူတို့နဲ့ သဘောကွဲလွဲမှု အားလုံးကို လုံးဝ ခွင့်လွှတ်လေ့ မရှိဘဲ အများရှေ့မှာ ရက်စက်တဲ့ ပြစ်ဒဏ်တွေ ပေးလေ့ ရှိပါတယ်။

Lena al-Qasem က သူ့သားကို ဖြောင်းဖျ ပြောဆိုရာမှာ အမေရိကန် ဦးဆောင်တဲ့ တပ်ဖွဲ့တွေက IS အဖွဲ့ကို ချမှုန်းပစ်မှာ ဖြစ်လို့ သူမနဲ့ အတူ မြို့ကနေ ထွက်ခွာဖို့ ပြောခဲ့တာလို့ သတင်းတွေက ဆိုပါတယ်။

အဲဒီလို ပြောတဲ့ အကြောင်းကို သားဖြစ်သူက IS အဖွဲ့ကို သတင်း ပေးခဲ့ပြီးနောက် သူ့မိခင်ကို ကွပ်မျက်ဖို့ သူ့ကို ခိုင်းခဲ့တာ ဖြစ်ပါတယ်။

BBC Burmese
http://www.bbc.com/burmese/

နိုဝင်ဘာ တိုက်ခိုက်မှု ဖြစ်ပြီးနောက် ဘယ်လ်ဂျီယံ ရဲတပ်ဖွဲ့က ဘရပ်ဆဲလ်မြို့မှာ အကြိမ်များစွာ စီးနင်း ရှာဖွေခဲ့ကြ။
နိုဝင်ဘာ ၁၃ ရက် ပဲရစ် တိုက်ခိုက်မှုမှာ ပါဝင်ခဲ့တဲ့ Salah Abdeslam ဆိုသူ ဘရပ်ဆဲလ် မြို့မှာ ရှောင်ပုန်းစဉ် တည်းခိုခဲ့တဲ့ တိုက်ခန်းကို ရှာတွေ့ခဲ့တယ်လို့ ယုံကြည်ကြောင်း ဘယ်လ်ဂျီယံ အစိုးရ ရှေ့နေတွေက ပြောပါတယ်။

ပြီးခဲ့တဲ့ လက ဝင်ရောက် ရှာဖွေခဲ့တဲ့ ဘရပ်ဆဲလ် မြို့က တိုက်ခန်းမှာ ဆာလာ အက်ဘ်ဒီဆလမ်ရဲ့ လက်ဗွေရာတွေနဲ့ ဖောက်ခွဲရေး ပစ္စည်းတွေကို ဘယ်လ်ဂျီယံ ရဲတပ်ဖွဲ့က တွေ့ခဲ့ကြ တာပါ။

အဲဒီ တိုက်ခန်းကို တခြား အမည် တစ်ခုနဲ့ ငှားရမ်းခဲ့တာ ဖြစ်ပြီး၊ အဲဒီ ငှားရမ်းခဲ့သူဟာလည်း ရဲတပ်ဖွဲ့ရဲ့ ဖမ်းဆီး ထိန်းသိမ်းမှုကို ခံထားရပြီး ဖြစ်နိုင်တယ်လို့ ဘယ်လ်ဂျီယံ ရှေ့နေတွေက ဆိုပါတယ်။

ဘရပ်ဆဲလ် မြို့မှာ မွေးတဲ့ ပြင်သစ် နိုင်ငံသား ဖြစ်သူ အက်ဘ်ဒီဆလမ်ဟာ ထွက်ပြေး လွတ်မြောက်နေဆဲ ဖြစ်ပြီး ရဲတွေက ဆက်လက် ရှာဖွေ နေဆဲ ဖြစ်ပါတယ်။

သူဟာ နိုဝင်ဘာ ပဲရစ် တိုက်ခိုက်မှုမှာ ပါဝင် ခဲ့ပြီးနောက် ဘယ်လ်ဂျီယံမှာ ရှိတဲ့ သူ့ သူငယ်ချင်းတွေက သူ့ကို ကားနဲ့ သွားခေါ်ခဲ့ပြီး ဘရပ်ဆဲလ်မြို့ကို ပို့ခဲ့တယ်လို့ ရဲတပ်ဖွဲ့က ယူဆ ထားပါတယ်။

IS အဖွဲ့ဝင် အကြမ်းဖက် သမားတွေက နိုဝင်ဘာ ၁၃ ရက် ပဲရစ်မြို့ တိုက်ခိုက်မှုမှာ လူ ၁၃၀ ကို သတ်ဖြတ် ခဲ့ကြပါတယ်။

BBC Burmese
http://www.bbc.com/burmese


 တစ်ဖက်နိုင်ငံမှ ကုလားဆိုး အကြမ်းဖက် အဖွဲ့အစည်းများ၊ လက်နက်ကိုင် အဖွဲ့အစည်းများနှင့် ချိတ်ဆက်ရန် ကြိုးပမ်းသည့် AA သောင်းကျန်းသူများကို အပြီးတိုင် ချေမှုန်းသွားမည် ဖြစ်ကြောင်း အတန်ငယ် ပြင်းထန်သော အသုံးနှုန်းများဖြင့် ရေးသားထားသည့် သတင်းထုတ်ပြန်ချက် သတင်းတစ်ပုဒ်ကို တပ်မတော်
ပိုင် မြ၀တီသတင်းဌာနက ဇန်န၀ါရီလ ၇ ရက်နေ့ ရက်စွဲဖြင့် သတင်းဖော်ပြထားသည်။

ဒီဇင်ဘာလ ၂၈ ရက်နေ့မှစ၍ ကျောက်တော်မြို့နယ် ရမ်းချောင်း - ရူးချောင်း နယ်မြေအတွင်း AA သောင်းကျန်းသူအဖွဲ့ ၀င်ရောက် လာသည့်အတွက် နယ်မြေရှင်းလင်းရေး တိုက်ပွဲများကို တပ်မတော်က ဆင်နွှဲခဲ့ရာ ဇန်န၀ါရီလ ၄ ရက်နေ့အထိ တိုက်ပွဲ ၁၅ ကြိမ် ဖြစ်ပွားခဲ့ပြီး တပ်ရင်းမှူးအဆင့်ရှိ အရာရှိတစ်ဦး အပါဝင် စစ်သည်အချို့ နိုင်ငံတော်အတွက် အသက်ပေးလှူ ခဲ့ရကာ ဒဏ်ရာရှိသူ အချို့ရှိခဲ့ကြောင်း မြ၀တီက အတည်ပြု ထားသည်။

ယခုကဲ့သို့ နိုင်ငံလုံးဆိုင်ရာ အပစ်ခတ်ရပ်စဲပြီး နောက်ပိုင်း နိုင်ငံရေး ဆွေးနွေးပွဲများ ကျင်းပနေချိန်တွင် AA အဖွဲ့က တည်ငြိမ်မှု ပျက်ပြားစေရန် ဆောင်ရွက်လာခဲ့ပြီး AA မှာ KIA ၏ ၄င်းအပေါ် စစ်ရေးအရ ဖိအားများ လျော့နည်းစေရန် ဖန်တီးဖွဲ့စည်းပေး ထားသော အဖွဲ့သာ ဖြစ်ကြောင်း တပ်မတော်ပိုင် မြ၀တီသတင်းတွင် ဖော်ပြထားသည်။

လတ်တလော တိုက်ပွဲကာလအတွင်း AA အနေဖြင့် ပလက်ဝမြို့နယ် အတွင်းမှ အမျိုးသား ငါးဦးနှင့် အမျိုးသမီး နှစ်ဦးကိုလည်း ဖမ်းဆီးထားကြောင်း မြ၀တီသတင်းတွင် ဖော်ပြထားသည်။

"သူက ဘယ်လို အထောက်အထားနဲ့ ပြောမှန်းတော့ မသိဘူး ။ တစ်ဖက်နိုင်ငံက ကုလားဆိုးတွေနဲ့ ကတော့ ညီအစ်ကိုရင်းချာ ကိုယ့်အချင်းချင်းဆိုတဲ့ စိတ်ဓာတ်မျိုး ထားလို့မရဘူး ၊ အထူးသဖြင့် ရခိုင်တွေ စိတ်ထဲမှာ အဲ့လိုပူးပေါင်းဖို့ ရှိမယ်ဆိုတာကို  ကျွန်တော်ကတော့ လုံးဝမယုံဘူး ၊ သူတို့တွေ ဘယ်လို အထောက်အထားနဲ့ စွပ်စွဲတယ်ဆိုတာတော့ မသိဘူး၊ ကိုယ့်ရခိုင် အချင်းချင်းပေါ်တာဆွဲဖို့ ဆိုတာကိုလည်း တော်တော် တွန့်ပါလိမ့်မယ် ” ဟု မြေပုံမြို့နယ် ပြည်သူ့လွှတ်တော် ကိုယ်စားလှယ် ဖြစ်ပြီး ရခိုင်အမျိုးသား တစ်ဦးဖြစ်သူ ဦးဖေသန်းက ပြောသည်။

AA ရခိုင်တပ်ဖွဲ့နှင့် အစိုးရတပ်မတော် တို့အကြား ကျောက်တော် မြို့နယ်အတွင်း လတ်တလော ဖြစ်ပွားခဲ့သည့် တိုက်ပွဲများကြောင့် ရာနှင့်ချီသည့် ဒေသခံများနေရပ်စွန့်ခွာ ထွက်ပြေးနေရပြီး တိုက်ပွဲများအတွင်း တပ်မတော်ဘက်မှ ရဲတပ်ရင်းများကို အသုံးပြုခြင်းများလည်း ရှိခဲ့ကြောင်း AA ဘက်မှ သတင်းထုတ်ပြန်ထားသည်။

AA မှာ နိုင်ငံလုံးဆိုင်ရာ အပစ်ခတ်ရပ်စဲရေး ပြုလုပ်ရန်အတွက် အစိုးရဘက်မှ ဆွေးနွေးဖက်အဖြစ် သတ်မှတ်ခံရခြင်း မရှိသည့် အဖွဲ့ဖြစ်ပြီး တရုတ်မြန်မာနယ်စပ်တွင် အခြေစိုက်နေရာမှာ ပြီးခဲ့သည့်နှစ်က ကိုးကန့်တိုက်ပွဲများတွင် ပါဝင်ခဲ့ပြီးသည့်နောက် ရခိုင်ပြည်နယ် အတွင်းသို့ ၀င်ရောက် အခြေချရန် ကြိုးစားလာခဲ့ခြင်း ဖြစ်သည်။

"တပ်ဆိုတာ တစ်ချိန်က လက်နက်ကိုင် တပ်ဖွဲ့တွေက သူတို့ရဲ့ ရန်သူဆိုတာ ဟုတ်ကောင်း ဟုတ်နိုင်ပေမယ့် ဒီနေ့တော့ ရန်သူရယ်လို့ မရှိတော့ပါဘူး ။ အကုန်လုံး ဆွေးနွေးပွဲ စားပွဲဝိုင်းကို လာနေကြပါပြီ ။ လာဖို့လည်း တာစူနေကြပါပြီ ။ အဲ့ဒါကြောင့် ရေရှည်မှာ တစ်ယောက်နဲ့တစ်ယောက် သတ်မယ် ၊ ပုတ်မယ်
ပြောနေမယ့်အစား တိုင်းပြည် မနစ်နာရအောင် တိုင်းရင်းသား အချင်းချင်းသေကျေပျက်စီးမှု မဖြစ်ရအောင် ဆွေးနွေးပွဲစားပွဲ ၀ိုင်းကိုပဲလာဖို့ ဖိတ်ခေါ်သင့်ပါတယ်” ဟု ဦးဖေသန်းက မှတ်ချက်ပြု ပြောသည်။

တပ်မတော်ပိုင် မြ၀တီသတင်း ဖော်ပြချက်မှာ တိုက်ပွဲတွင် တပ်မတော်သားများ အနည်းငယ် ကျဆုံးသဖြင့် အတန်ငယ် ပြင်းထန်သော အသုံးနှုန်းများဖြင့် ဖော်ပြခဲ့ ဟန်ရှိသည်ဟု လေ့လာသူများက ဆိုကြပြီး ပဋိပက္ခများ ပိုမိုပြင်းထန်လာစေမည့် အသုံးနှုန်းများဖြင့် သုံးနှုန်းမည့်အစား သတင်းမီဒီယာ ကျင့်ဝတ်နှင့်အညီ ဖော်ပြသင့်ကြောင်း ၀ါရင့် သတင်းမီဒီယာများက ဝေဖန်ပြောဆိုကြသည်။

" မြ၀တီက သတင်းသမားတွေကုို ပုဂ္ဂလိက သတင်း သင်တန်းကျောင်းတွေမှာတက်ခွင့် မပေးဘူးလား။ သတင်းရေးနည်းက မဆလ ခေတ်မှာ ကျန်နေဆဲလိုလိုဖြစ်နေတယ် " ဟု နော်ဝေနိုင်ငံတွင် အခြေစိုက် နေထိုင်သည့် သတင်းစာဆရာ တစ်ဦးဖြစ်သူ ကိုထက်အောင်ကျော်က ပြောသည်။

သတင်း - ဇော်မင်းထွန်း
Photo - MOI
The Ladies News Journal
https://www.facebook.com/News.TheLadies