01/12/16

ဖီဖာရဲ့ ၂၀၁၅ခုနှစ် အကောင်းဆုံးဘောလုံးသမားဆုကို ဖီဖာအဖွဲ့ဝင်နိုင်ငံတွေထဲက နိုင်ငံပေါင်း(၁၆၅) နိုင်ငံက နိုင်ငံလက်ရွေးစင်နည်းပြတွေ ၊ (၁၆၂) နိုင်ငံက လက်ရွေးစင်အ သင်းခေါင်းဆောင် တွေနဲ့ (၁၇၁) နိုင်ငံက မီဒီယာတွေက ပထမနေရာကို (၅)မှတ်၊ ဒုတိယနေ ရာကို (၃)မှတ်နဲ့ တတိယနေ ရာကို(၁)မှတ်အသီးသီးပေးခဲ့ကြပါတယ်။

Ballon d’Or Top 10 - Votes received
L Messi - 41.33%
C Ronaldo - 27.76%
Neymar - 7.86%
R Lewandowski - 4.17%
L Suarez - 3.38%
T Muller - 2.21%
M Neuer - 1.97%
E Hazard - 1.33%
A Iniesta - 1.24%
A Sanchez - 1.18%

“ဘောလုံးထိပ်သီးနိုင်ငံတွေက နည်းပြနဲ့ အသင်းခေါင်းဆောင်တွေမဲပေးမှု”

“ဘယ်ဂျီယံ”
Coach ၀ီမော့စ် - နော်ယာ (ပ)၊ ဒီဘရိုင်းနေးလ် (၂)၊ ဟာဇက်စ် (တ)
Captain ကွန်ပနီ - ဟာဇက်စ် (ပ)၊ ဒီဘရိုင်းနေးလ် (၂)၊ မက်ဆီ (တ)

“အာဂျင်တီးနား”
Coach မာတီနို - မက်ဆီ (ပ)၊ အဂွဲရိုး (၂)၊ မာရှေရာနို (တ)
Captain မက်ဆီ - ဆွာရက်ဇ် (ပ)၊ နေမာ (၂)၊ အင်နီယေစတာ (တ)

“အင်္ဂလန်”
Coach ရွိုင်ဟော့ဆန် - ရော်နယ်လ်ဒို (ပ)၊ မက်ဆီ (၂)၊ ဟာဇက်စ် (တ)
Captain ရူနီ - မက်ဆီ (ပ)၊ မူလာ (၂)၊ ရော်နယ်လ်ဒို (တ)

“ဂျာမနီ”
Coach ဂျိုအာချင်လို - နော်ယာ (ပ)၊ မူလာ (၂)၊ တိုနီခရုစ် (တ)
Captain စတိုင်ဂါ - နော်ယာ (ပ)၊ မူလာ (၂)၊ နေမာ (တ)

“ဟော်လန်”
Coach ဘလင့် - မက်ဆီ (ပ)၊ ရော်နယ်လ်ဒို (၂)၊ မူလာ (တ)
Captain ရော်ဘင် - မက်ဆီ (ပ)၊ နေမာ (၂)၊ ဆွာရက်ဇ် (တ)

“ပေါ်တူဂီ”
Coach ဆန်းတို့စ် - ရော်နယ်လ်ဒို (ပ)၊ မက်ဆီ (၂)၊ နေမာ (တ)
Captain ရော်နယ်လ်ဒို - ဘန်ဇီမာ (ပ)၊ ဟားမက်စ်ရိုဒရီဂွက်ဇ် (၂)၊ ဘေးလ် (တ)

“ဘရာဇီးလ်”
Coach ဒွန်ဂါ - နေမာ (ပ)၊ မက်ဆီ (၂)၊ ရော်နယ်လ်ဒို (တ)
Captain နေမာ - မက်ဆီ (ပ)၊ ဆွာရက်ဇ် (၂)၊ ရာကီတစ် (တ)

“ ပြင်သစ်”
Coach ဒတ်ချမ့်စ် - ရော်နယ်လ်ဒို (ပ)၊ မက်ဆီ (၂)၊ မူလာ (တ)
Captain လော်ရစ် - မက်ဆီ (ပ)၊ ရော်နယ်လ်ဒို (၂)၊ နေမာ (တ)

“မြန်မာ”
Coach Gerd Zeise - ဒီဘရိုင်းနေးလ် (ပ)၊ တိုနီခရုစ် (၂)၊ မူလာ (တ)
Captain ရန်အောင်ကျော် - ရော်နယ်လ်ဒို (ပ)၊ နေမာ (၂)၊ ဆွာရက်ဇ် (တ

BBC Burmese


ဗိုလ်ချုပ်မှူးကြီး မင်းအောင်လှိုင်
ဗိုလ်ချုပ်မှူးကြီး မင်းအောင်လှိုင်

ပြည်ထောင်စု ငြိမ်းချမ်းရေး ညီလာခံ ဖွင့်ပွဲမှာတော့တခြား နိုင်ငံရေးခေါင်းဆောင်တွေ၊ တိုင်းရင်းသား လက်နက်ကိုင်တပ်ဖွဲ့ ခေါင်းဆောင်တွေနဲ့ အတူ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ဖို့ ရှိနေပါတယ်။တိုင်းရင်းသား လက်နက်ကိုင် အဖွဲ့ တချို့နဲ့ မြန်မာ အစိုးရကြား ဆယ်စုနှစ်တွေ အတွင်း ပထမဆုံးအကြိမ် နိုင်ငံရေး ဆွေးနွေးပွဲ အဖွင့်ဖြစ်တဲ့ ပြည်ထောင်စု ငြိမ်းချမ်းရေး ညီလာခံကို မနက်ဖြန် အင်္ဂါနေ့မှာ စတင်ဖို့ အတွက်လည်း သမ္မတ ဦးသိန်းစိန် အတော်လေး စိတ်အားထက်သန်နေပါတယ်။မသိင်္ဂီထိုက် စုစည်းတင်ပြထားပါတယ်။

နေပြည်တော်မှာ ဇန်န၀ါရီလ ၁၂ ရက်နေ့ အင်္ဂါနေ့မှာ ကျင်းပမယ့် ပြည်ထောင်စု ငြိမ်းချမ်းရေး ညီလာခံကို ဖွင့်ပွဲမှာတော့ သမ္မတ ဦးသိန်းစိန်၊ အတိုက်အခံ ခေါင်းဆောင် ဒေါ်အောင်ဆန်းစုကြည်၊ ပြည်ထောင်စု လွှတ်တော် နာယက သူရ ဦးရွှေမန်းတို့ နဲ့ အတူ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်လည်း တက်ရောက်မှာ ဖြစ်တယ်လို့ မြန်မာငြိမ်းချမ်းရေး စင်တာ တာဝန်ရှိသူ တဦးဖြစ်တဲ့ ဦးညိုအုန်းမြင့်က အတည်ပြု ပြောပါတယ်။

“ကျနော်တို့ Agenda တွေကို ညှိနေရတာပါ။ ဗိုလ်ချုပ်မှူးကြီး မင်းအောင်လှိုင်လည်း တက်ပါမယ်တဲ့ ။ အဲဒီတော့ ကျနော်တို့ကတော့ သူမိန့်ခွန်းပြောမယ် ၊ မပြောဘူး ဆိုတဲ့ဟာကျတော့ သူတို့ Agenda ပြီးမှာ ကျနော်တို့ သိရမှာပါ။ အားလုံးကို ဖိတ်ထားပါတယ်။ အားလုံးလည်းတက်ကြမှာပါ ဒါပေမယ့် သူမိန့်ခွန်းပြောဖို့ ၊ ကျနော်တို့ အဖွင့်ပြောဖို့အတွက်၊ နှုတ်ခွန်းဆက်ပြီးပြောဖို့အတွက်ကတော့ ဒီ ၅ ယောက် လို့တော့ ကျနော်တို့ ပထမပိုင်းမှာတော့ အကြမ်းအားဖြင့် သက်မှတ်ထားတာတော့ရှိပါတယ်။”

မြန်မာ့နိုင်ငံရေး ထိပ်တန်းခေါင်းဆောင်တွေ အပြင် တိုင်းရင်းသား လက်နက်ကိုင် အဖွဲ့ ခေါင်းဆောင် အဖြစ် ကရင်အမျိုးသား အစည်းအရုံး KNU ဥက္ကဌ ဗိုလ်ချုပ်ကြီး မူတူးဆေးဖိုးကိုလည်း ဖိတ်ကြားထားတယ်လို့ တနိုင်ငံလုံး အပစ်ရပ်ရေး စာချုပ် NCA ကို ပါဝင် လက်မှတ်ရေးထိုးထားတဲ့ ပအိုဝ်းအမျိုးသား လွတ်မြောက်ရေး အဖွဲ့ချုပ် PNLO ဥက္ကဋ္ဌ ခွန်မြင့်ထွန်းက ပြောပါတယ်။

“ကျနော်တို့ ငြိမ်းချမ်းရေးဆွေးနွေးဖို့ ပူးတွဲကော်မတီ UPDJC အနေနဲ့ကျနော်တို့ ခေါင်းဆောင်ကြီး ၅ ယောက်ကို ကျနော်တို့ဖိတ်ကြားပါတယ်။ အဲဒီမှာ ကျနော်တို့ သမ္မတကြီး ဦးသိန်းစိန်ကတော့ အဖွင့်အမှာစကားပြောကြားမယ်။ ပြီးရင်ကျနော်တို့ ဖိတ်ကြားထားတာကတော့ ကျနော်တို့ ပြည်ထောင်စုလွှတ်တော် နာယကကြီး သူရဦးရွှေမန်း၊ နောက် ဗိုလ်ချုပ်မှူးကြီးမင်းအောင်လှိုင်၊ နောက် ဒေါ်အောင်ဆန်းစုကြည်ပေါ့လေ။ နောက်ကျနော်တို့ တိုင်းရင်းသားလက်နက်ကိုင် တော်လှန်ရေး အစုအဖွဲ့က ဗိုလ်ချုပ်ကြီး စောမူတူးဆေးဖိုး ၊ KNU ဥက္ကဋ္ဌကြီး ဗိုလ်ချုပ် မူတူးဆေးဖိုး ကျနော်တို့ဖိတ်ထားပါတယ်။ အခုကတော့ ဒေါ်အောင်ဆန်းစုကြည်လည်း တက်ရောက်မယ်လို့တော့ ကျနော်တို့ သိထားပါတယ်။ ကြားထားပါတယ် ခင်ဗျ။ ”

သမ္မတ ဦးသိန်းစိန် အစိုးရ အနေနဲ့ တနိုင်ငံလုံး ပစ်ခတ်တိုက်ခိုက်မှု ရပ်စဲရေး စာချုပ် NCA မှာ တိုင်းရင်းသား လက်နက်ကိုင် အားလုံး ပါဝင်လာအောင် မဆောင်ရွက်နိုင်ခဲ့ပါဘူး။ ဒါပေမယ့် အခု သဘောတူညီမှုရထားတဲ့ တိုင်းရင်းသား လက်နက်ကိုင် အဖွဲ့ ၈ ဖွဲ့နဲ့ စတင်မယ့် နိုင်ငံရေး ဆွေးနွေးပွဲက ငြိမ်းချမ်းရေး အတွက် အခြေခံကောင်းတခု ဖြစ်စေဖို့ မျှော်လင့်နေတာ ဖြစ်ပါတယ်။ ဇန်န၀ါရီလ ၁၂ ရက်နေ့ ပြည်ထောင်စု ငြိမ်းချမ်းရေး ညီလာခံ အဖွင့် အတွက် သမ္မတ ဦးသိန်းစိန် အတော်လေး စိတ်အားထက်သန်နေတယ်လို့ သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

“စိတ်အားထက်သန်တာကတော့ သူ တစိုက်မတ်မတ် သူ့သက်တမ်းမှာလုပ်လာတယ်။ ငြိမ်းချမ်းရေးဆွေးနွေးပွဲဆိုတာ အခုကျနော်တို့ အကုန်လုံးမြင်တွေ့ခဲ့ပြီး ဖြစ်တဲ့အတိုင်း ပေါ့နော် နိမ့်လိုက် ကျလိုက်ပေါ့နော်၊ အနိမ့်အမြင့် အတက်အကျတွေရှိတယ်။ အခုသဘောတူတယ်၊ နောက်တခါကျရင် သဘောထားတွေက ပြောင်းသွားပြန်တယ်ပေါ့နော်။ နောက် ညှိနှိုင်းတဲ့အခါမှာ ကျနော်တို့က နှစ်ပေါင်း ၆၀ လောက်ပေါ့နော် ကျနော်တို့ လုပ်ခဲ့တဲ့၊ အခု လုပ်နေတဲ့ All Inclusive ဆိုတာက ဘယ်တုန်းကမှ မရှိခဲ့ဘူးပေါ့နော် ။ နောက်အထူးသဖြင့် နိုင်ငံရေးဆွေးနွေးပွဲသွားမယ်ဆိုတာက ဘယ်တုန်းကမှ မရှိခဲ့ဘူးပေါ့နော်။ အဲဒါကို ကျနော်တို့က သွားတဲ့အတွက် ဒါကိုတော့ သူက တကယ်ကို လိုလိုလားလားပေါ့နော် ဖြစ်စေချင်တဲ့အတွက်လည်း ဒီလိုမျိုး ဘယ်သူမှ မလုပ်ခဲ့ဘူးတဲ့ နည်းလမ်းတွေ လုပ်နေတာဖြစ်တယ်။”

နေပြည်တော်မှာ ကျင်းပမယ့် ပြည်ထောင်စု ငြိမ်းချမ်းရေး ညီလာခံ ပြင်ဆင်မှုတွေကိုလည်း ဆွေးနွေးပွဲ မစခင် တရက် အလို တနလာင်္နေ့မှာ သမ္မတ ဦးသိန်းစိန် ကိုယ်တိုင် သွားကြည့်ခဲ့တယ်လို့လည်း သမ္မတရုံး ညွှန်ကြားရေးမှူးက ပြောပါတယ်။ အပစ်ရပ် တိုင်းရင်းသား လက်နက်ကိုင် အဖွဲ့ ၈ ဖွဲ့နဲ့ မြန်မာ အစိုးရကြား စတင်မယ့် နိုင်ငံရေး ဆွေးနွေးပွဲမှာတော့ အစိုးရ၊ အပစ်ရပ် တိုင်းရင်းသား လက်နက်ကိုင် အဖွဲ့ ၈ ဖွဲ့၊ တပ်မတော်၊ လွှတ်တော်နဲ့ နိုင်ငံရေး ပါတီတွေ နောက် တိုင်းရင်းသား ခေါင်းဆောင်တွေနဲ့ ပါဝင်သင့် ပါဝင်ထိုက်တဲ့ ပုဂ္ဂိုလ်တွေ စုစုပေါင်း ကိုယ်စားလှယ် ၇၀၀ နီးပါးတို့ ဆွေးနွေးကြမှာ ဖြစ်ပါတယ်။

မသိင်္ဂီထိုက် /VOA


မန္တလေးတိုင်းဒေသကြီး၊ ရှမ်းတိုင်းရင်းသားရေးရာဝန်ကြီးနေရာမှာ အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ် ကိုယ်စားလှယ် ဦးစိုင်းကျော်ဇောကို ရှမ်းတိုင်းရင်းသားများ ဒီမိုကရေစီအဖွဲ့ချုပ် ကိုယ်စားလှယ်လောင်း ဒေါက်တာ စိုင်းနော်ခေးက ကန့်ကွက်ထားတဲ့အမှုနဲ့ ပတ်သက်ပြီး ပြည်ထောင်စုရွေးကောက်ပွဲ ကော်မရှင်က ဒီနေ့ စစ်ဆေး ခဲ့ပါတယ်။

အနိုင်ရကိုယ်စားလှယ် ဦးစိုင်းကျော်ဇောဟာ ရှမ်းတိုင်းရင်းသား မဟုတ်တာကြောင့် ကန့်ကွက်တာဖြစ်တယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ်ရဲ့ ပြောရေးဆိုခွင့်ရှိသူ ဦးစိုင်းလိတ်က ပြောပါတယ်။

"သူ့မှတ်ပုံတင်မှာ ဗမာလူမျိုးဖြစ်နေတယ်၊ သူ့အဖေမိဘနှစ်ပါးရယ် အဘိုးဘွားနှစ်ဘက်စလုံးက ဗမာလူမျိုးလို့ရေး ထားပါတယ်၊ သူမို့လို့တိုင်တာလည်း မဟုတ်ဘူး၊ NLD မို့လို့ တိုင်တာလည်း မဟုတ်ဘူး၊ ဥပဒေကြောင်းအရ အငြင်းပွားစရာဖြစ်နေလို့ တိုင်တာပါ၊ တိုင်းရင်းသားရေးရာဝန်ကြီးကို မဲထည့်တဲ့အခါကျတော့ သက်ဆိုင်ရာ တိုင်းရင်းသားလူမျိုးတွေပဲ ထည့်ရပါမယ်၊ ရှမ်းလူမျိုးမှထည့်ရမှာပဲပေါ့နော်၊ မဲပေးပိုင်ခွင့်မရှိတဲ့ လူတစ်ယောက်က ယှဉ်ပြိုင်အရွေးခံခွင့်ရှိတယ်ဆိုတာ ဥပဒေကြောင်းအရေ အငြင်းပွားစရာဖြစ်နေတယ်၊ ၂ဝဝ၈ ဥပဒေရဲ့ ချို့ယွင်းချက်ကို ထောက်ပြတဲ့သဘောပါ"

အမျိုးသားဒီမိုကရေစီအဖွဲ့ချုပ် ကိုယ်စားလှယ် ဦးစိုင်းကျော်ဇောက ဒီနေ့ ပြည်ထောင်စုရွေးကောက်ပွဲ ကော်မရှင်မှာ ထုချေလွှာတင်ခဲ့ပြီး အဲဒီအမှုကို လာမယ့် ဇန်နဝါရီလ ၂၀ ရက်နေ့မှာ ဆက်လက်စစ်ဆေးသွားမယ်လို့ သိရပါတယ်။

ဦးစိုင်းကျော်ဇောဟာ ရှမ်းလူမျိုး မဟုတ်တာကြောင့် ရှမ်းတိုင်းရင်းသားရေးရာဝန်ကြီးနေရာမှာ ၀င်ရောက်ရွေးချယ်ခံ ပိုင်ခွင့်မရှိကြောင်း ရွေးကောက်ပွဲမတိုင်ခင်မှာ SNLD ပါတီက မန္တလေးတိုင်းဒေသကြီး ရွေးကောက်ပွဲကော်မရှင်ထံ ကန့်ကွက်စာတင်ခဲ့ရာ တိုင်းကော်မရှင်က ကိုယ်စားလှယ်အဖြစ်ကနေ ပယ်ဖျက်ခဲ့တာကို ပြည်ထောင်စု ရွေးကောက် ပွဲကော်မရှင်က ခွင့်ပြုပေးခဲ့တာလို့ သိရပါတယ်။

ဦးစိုင်းကျော်ဇောက သူဟာ ရှမ်းလူမျိုးဖြစ်ကြောင်း ပြည်ထောင်စုရွေးကောက်ပွဲကော်မရှင်မှာ ကျမ်းသစ္စာကျိန် ဆိုခဲ့တဲ့အတွက် ရွေးကောက်ပွဲဝင်ခွင့်ပြုခဲ့တာလို့ ကော်မရှင်အဖွဲ့ဝင်တစ်ဦးက ပြောပါတယ်။

မန္တလေးတိုင်းဒေသကြီး ရှမ်းတိုင်းရင်းသားရေးရာဝန်ကြီးနေရာမှာ အမျိုးသားဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရက်တစ်ပါတီ၊ တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေး ပါတီနဲ့ ကြံ့ခိုင်ဖွံ့ဖြိုးရေးပါတီတို့က ဝင်ရောက်ယှဉ်ပြိုင်ခဲ့တာဖြစ်ပါတယ်။

ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် ကိုယ်စားလှယ် ဦးစိုင်းကျော်ဇောက မဲရလဒ် တစ်သောင်းကျော်နဲ့ အနိုင်ရရှိခဲ့တာဖြစ်ပြီး SNLD ကိုယ်စားလှယ်လောင်း ဒေါက်တာစိုင်းနော်ခေးက မဲရလဒ် ခြောက်ထောင်ကျော်နဲ့ ဒုတိယမဲအများဆုံးရခဲ့တာ ဖြစ်ပါတယ်။

RFA
http://www.rfa.org/burmese/news/commission-investigates-shan-candidates-01112016100754.html

 dassk-620.jpg အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ကိုတွေ့ရစဉ်
Photo: RFA

ပြည်ထောင်စု ငြိမ်းချမ်းရေးညီလာခံ အခမ်းအနားကို အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် တက်ရောက်မှာဖြစ်ပြီး နိုင်ငံတော်သမ္မတ ဦးသိန်းစိန်က အဖွင့်မိန့်ခွန်းကို ပြောကြားမှာ ဖြစ်ပါတယ်။

မနက်ဖြန် ဇန်နဝါရီလ ၁၂ ရက်နေ့ နေပြည်တော် မြန်မာကွန်ဗင်းရှင်းစင်တာမှာ ပြုလုပ်မှာဖြစ်ပြီး ဖွင့်ပွဲအခမ်းအနား အပြီးမှာ နိုင်ငံတော်သမ္မတ ဦးသိန်းစိန် မိန့်ခွန်းပြောကြားမှာ ဖြစ်တယ်လို့ မြန်မာငြိမ်းချမ်းရေးစင်တာက ဦးညိုအုန်းမြင့် က ပြောပါတယ်။

"ဖွင့်ပွဲအခမ်းအနားမှာ နိုင်ငံတော်သမ္မတ ဦးသိန်းစိန် မိန့်ခွန်းပြောမှာပါ၊ ကျနော်တို့ အစုအဖွဲ့အလိုက်ပေါ့ ခေါင်း စဉ် ၅ ခုနဲ့ NCA ထဲမှာပါတဲ့ သဘောတူညီထားတဲ့ကိစ္စရပ်တွေ ဘယ်လိုဆွေးနွေးကြမလဲဆိုပြီးတော့ အစု အဖွဲ့တွေထဲမှာ ဆောင်ရွက်မှာဖြစ်ပါတယ်"

အဲဒီညီလာခံမှာ NLD ဥက္ကဌ ဒေါ်အောင်ဆန်းစုကြည်၊ ပြည်ထောင်စုလွှတ်တော် နာယက သူရဦး ရွှေမန်း၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ကလည်း မိန့်ခွန်း ပြောကြားဖို့ရှိတယ်လို့ သတင်းတွေထွက်နေပေမယ့် မြန်မာငြိမ်းချမ်းရေးစင်တာက အတည်မပြုနိုင်သေးဘူးလို့ ပြောပါတယ်။

ညီလာခံကို ၅ ရက်ကြာကျင်းပမှာဖြစ်ပြီး အစိုးရ၊ လွှတ်တော်၊ နိုင်ငံရေးပါတီတွေ၊ တိုင်းရင်းသားလက်နက်ကိုင် အဖွဲ့အစည်းတွေက ကိုယ်စားလှယ် စုစုပေါင်း ၇၀၀ တက်ရောက်ကြမှာ ဖြစ်ပါတယ်။

ညီလာခံ ဒုတိယမြောက်နေ့မှာတော့ တက်ရောက်လာတဲ့ ကိုယ်စားလှယ်တွေထဲက အစုအဖွဲ့တွေက ကဏ္ဍအလိုက် ခေါင်းစဉ် ၅ ခု ကို ဆွေးနွေးသွားမှာဖြစ်တယ်လို့လည်း ပြောပါတယ်။

အစိုးရနဲ့ တိုင်းရင်းသား လက်နက်ကိုင်အဖွဲ့တွေအကြား သဘောတူညီထားတဲ့ အပစ်အခတ်ရပ်စဲရေး စာချုပ်တွေထဲက အဓိကအကြောင်းအရာတွေကို ဆွေးနွေးကြမှာလည်း ဖြစ်ပါတယ်။

RFA
http://www.rfa.org/burmese/news/dassk-attends-peace-conference-01112016100551.html

 farmers-620.jpg လယ်သမားတစ်ဦး လယ်ထွန်နေစဉ်
Photo: RFA

ပဲခူးတိုင်းဒေသကြီး၊ တောင်ငူမြို့နယ်၊ နဂါးမောက်ကျေးရွာအုပ်စုမှာ ကောင်းမြန်မာအောင်ကုမ္ပဏီက ကျွန်းစိုက်ဖို့အတွက် သိမ်းထားတဲ့ ယာမြေဧက ၂၅၀၀ နီးပါးထဲက ဧက ၅၀၀ ကျော်အတွက် နစ်နာကြေး ပေးအပ်ပြီး ကျန်တဲ့ဧက ၁၈၀၀ ကျော်ကို တောင်သူတွေထံ ပြန်လည်အပ်နှံလိုက်ပါတယ်။

ဧက ၅၀၀ ကျော်အတွက် တစ်ဧက ကို ငွေကျပ် ၃သိန်းနှုန်းနဲ့ တွက်ပေးတာဖြစ်ပြီး ကျန်တဲ့ ဧက ၁၈၀၀ကျော်ကို ပိုင်ဆိုင်မှုအထောက်အထားပြနိုင်တဲ့ တောင်သူတွေကို ပေးအပ်တာဖြစ်တယ်လို့ သိမ်းယူခံထားရတဲ့ ယာမြေတွေ ပြန်လည်ရရှိရေးအတွက် ဆောင်ရွက်ပေးတဲ့ တောင်ငူမြို့နယ် မြန်မာနိုင်ငံ တောင်သူလယ်သမား ဖံွ့ဖြိုးတိုးတက်ရေးပါတီ ဥက္ကဌ ဦးကျော်စိုးမိုးက ပြောပါတယ်။

"ကုမ္ပဏီကနေပြီးတော့ စိုက်ပျိုးထားတဲ့မြေတွေပေါ့၊ ကုမ္ပဏီက ကျွန်းစိုက်ခင်းစိုက်တယ်၊ အားလုံးပေါင်းက ဧက ၂၄ဝဝ လေ၊ စွန့်လွှတ်မြေ ပြန်လည်ပေးအပ်ပွဲနဲ့ နစ်နာကြေးထပ်ပေးတယ်ဆိုပြီး နှစ်ခုလုပ်တာပေါ့"

အဲဒီယာမြေဧက ၂၅၀၀နီးပါး ကို လွန်ခဲ့တဲ့ ၂၀၀၉ ခုနှစ်က ကောင်းမြန်မာအောင်ကုမ္ပဏီထံ မြေလွတ်မြေရိုင်း စီမံခန့်ခွဲမှုကော်မတီက လုပ်ပိုင်ခွင့်ချပေးခဲ့တာဖြစ်ပြီး ပြီးခဲ့တဲ့ ၂၀၁၃ ခုနှစ်ကလည်း တစ်ဧကကို ငွေကျပ် ၅သောင်း၊ ကျပ်တစ်သိန်းခွဲ စတဲ့နှုန်းထားတွေနဲ့ တောင်သူတွေထံ ကုမ္ပဏီက နစ်နာကြေးပေးအပ်ခဲ့တယ်လို့လည်း သိရပါတယ်။

အဲ့ဒီယာမြေတွေမှာ ဒေသခံတောင်သူတွေက ရာသီအလိုက် ပဲ၊ နှမ်းနဲ့ နှစ်ရှည်သီးနှံတွေဖြစ်တဲ့ ငှက်ပျောနဲ့ ကွမ်းသီး စတဲ့သီးနှံတွေကို စိုက်ပျိုးတာဖြစ်ပါတယ်။

RFA
http://www.rfa.org/burmese/news/land-compensation-01112016100326.html


အီရတ် နိုင်ငံ မြို့တော် ဘဂ္ဂဒက် အပါအဝင် အရှေ့ပိုင်း မြို့တွေ ဖြစ်တဲ့ မုဂ်ဒါဒီယာ နဲ့ ဘာကူဘာ တို့မှာ လက်နက်ကိုင် တွေ ရဲ့ တိုက်ခိုက်မှု တွေ စုစုပေါင်း ၄ ကြိမ် ဖြစ် ပေါ် ခဲ့ပါတယ်။

အဲဒီလို တိုက်ခိုက် ခံခဲ့ရလို့ လူ ၄၀ ကျော် သေဆုံး ခဲ့ရပါတယ်။

ဘဂ္ဂဒက် မြို့တော် ရဲ့ ကုန်တိုက် တစ်ခုမှာ ကားဗုံး ခွဲ ခဲ့ကြပြီး တဲ့နောက် အသေခံ ဗုံးခွဲတဲ့ ကိုယ်ကြပ် အင်္ကျီတွေ ဝတ်ဆင် ထားတဲ့ သေနတ် သမားတွေ ဝင်ရောက် ပစ်ခတ် ခဲ့ကြပါတယ်။

နောက်ပိုင်း အီရတ် အစိုးရ လုံခြုံရေး တပ်ဖွဲ့တွေက ကုန်တိုက်ထဲ ဝင်ရောက် ရှင်းလင်း ခဲ့ကြတာ မှာ လက်နက်ကိုင် ၂ ဦး သေဆုံး သွားပြီး တခြား သူတွေတော့ လွတ်မြောက် သွားတယ် လို့ ဆိုပါတယ်။

အဲဒီ့ တိုက်ခိုက်မှုရဲ့ နောက်ကွယ်မှာ သူတို့ ရှိတယ် ဆိုပြီး အစ္စလာမ်မစ် နိုင်ငံ အဖွဲ့ IS က ကြေညာ ပါတယ်။

တချိန်တည်း လိုလို မှာပဲ ဘဂ္ဂဒက် ရဲ့ ဆင်ခြေဖုံး တစ်နေရာမှာ ကားဗုံးကွဲ မှု တစ်ခု ဖြစ် ခဲ့သလို၊ မုဂ်ဒါဒီယာ နဲ့ ဘာကူဘာ မြို့တွေမှာလည်း လူ အသေအပျောက် ဖြစ်စေခဲ့တဲ့ ဗုံးကွဲမှု တွေ ပေါ်ပေါက် ခဲ့ပါတယ်။

BBC Burmese
https://www.facebook.com/bbcburmese/


ဆီးရီး ယား နိုင်ငံမှာ သမ္မတ ဘရှား အယ်လ် အာဆတ် ရဲ့ အစိုးရ အပေါ် လိုလားတဲ့ လက်နက်ကိုင် တပ်တွေရဲ့ ပိတ်ဆို့ ဝိုင်းရံ တာ လပေါင်း များစွာ ခံနေရတဲ့ မဒါးယား မြို့ ထဲ အရေးတကြီး လိုအပ် နေတဲ့ အစားအစာ၊ ဆေးဝါး နဲ့ စောင် တွေကို အကူအညီ ပေးရေး အဖွဲ့တွေ က အရောက် ပို့ နိုင် ခဲ့ပြီ ဖြစ်ပါတယ်။

တနင်္လာ နေ့ အစောပိုင်းက နိုင်ငံတကာ အကူအညီ ပေးရေး အဖွဲ့တွေ ရဲ့ ကားတန်း မဒါးယား မြို့ကို ဆိုက်ရောက် လာပါတယ်။

မြို့သူမြို့သား တွေကို ည လုံးပေါက် ဆက်လက်ပြီး စားနပ် ရိက္ခာတွေ ဖြန့်ဝေ ပေးသွားမှာ ဖြစ်ပါတယ်။

မဒါးယား မြို့ခံ ၄ သောင်း ဝန်းကျင်ဟာ လများစွာ ပိတ်ဆို့ ခံထား ခဲ့ရတဲ့အတွက် အစာရေစာ ပြတ်လပ် ပြီး ငတ်မွတ်တဲ့ ဒဏ် နဲ့ သေဆုံး မှု တွေ ဖြစ်ပေါ် ခဲ့တယ် ဆိုတဲ့ သတင်းတွေ ရရှိ ခဲ့ပါတယ်။

မဒါးယား မြို့ဆီ ထောက်ပံ့ရေး ယာဉ်တန်း ရောက် လာတာ နဲ့ အချိန်ကိုက် မှာပဲ ဆီးရီးယား မြောက်ပိုင်း မှာ သူပုန် အဖွဲ့တွေ ရဲ့ ဝိုင်းရံ တာ ခံနေရတဲ့ ကျေးရွာ ၂ ရွာ ဆီကိုလည်း ထောက်ပံရေး ပစ္စည်း တွေ သယ်ဆောင် ထားတဲ့ ကားတွေ သွား နေကြပြီ ဖြစ်ပါတယ်။

BBC Burmese
https://www.facebook.com/bbcburmese/



၂၀၁၅ FIFA Ballon d’Or ရဲ့ အကောင်းဆုံးဘောလုံးသမားဆုကို ဘာစီလိုနာအသင်းရဲ့ တိုက်စစ်မှူး လီယွန်နယ်မက်ဆီက ပြိုင်ဖက် ရော်နယ်လ်ဒိုကို မဲအရေအတွက် အပြတ်အသတ် အသာရပြီး ၅ကြိမ်မြောက် Ballon d’Or ဆုကိုရရှိခဲ့ပါတယ်။

 FIFA Ballon d’Or ဆုကို ဖီဖာ အဖွဲ့ဝင် နိုင်ငံ လက်ရွေးစင်အသင်းနည်းပြ၊ အသင်းခေါင်းဆောင် နဲ့မီဒီယာတွေက မဲပေးရွေး ချယ်ခဲ့တာဖြစ်ပြီး မက်ဆီက မဲအရေအတွက်ရဲ့ ၄၁.၃၃ရာခိုင်နှုန်းရရှိခဲ့ ဒီဆုကိုဆွတ်ခူးနိုင်ခဲ့တာ ဖြစ်ပါတယ်။

 ရော်နယ်လ်ဒိုက မဲအရေအတွက် ၂၇.၇၆ရာခိုင်နှုန်းနဲ့ ဒုတိယနေရာရရှိခဲ့ပြီး နေမာက ၇.၈၆ ရာခိုင်နှုန်းနဲ့ တတိယရရှိခဲ့ပါတယ်။

 အကောင်းဆုံးနည်းပြဆုကိုလည်း ဘာစီလိုနာနည်းပြ လူးဝစ်အင်းနစ်က မဲအရေအတွက် ၃၁. ၀၈ရာခိုင်နှုန်းရရှိပြီး ဘိုင်ယန် နည်းပြဂွါဒီယိုလာကို ကျော်ဖြတ်ပြီးရရှိခဲ့ပါတယ်။

BBC Burmese
https://www.facebook.com/bbcburmese/


မြန်မာ နိုင်ငံက သစ်တွေ တရုတ်နိုင်ငံကို တရားဝင် ရောင်းချနိုင်ဖို့ အတွက် နားလည်မှု စာချွန်လွှာ လက်မှတ်ရေးထိုးနိုင်ရေး အတွက် နှစ်နိုင်ငံ ကြား ဆွေးနွေးမှုတွေဟာ ပွင့်လင်း မြင်သာမှု မရှိဘူးလို့ အဖွဲ့ အစည်း ၁၃၉ ဖွဲ့က ထုတ်ဖော် ပြောဆိုပြီး ကန့်ကွက်လိုက်ပါတယ်။

ကျယ်ကျယ်ပြန့်ပြန့် ဆွေးနွေး တာတွေ မရှိတဲ့ အတွက် လက်မှတ်ထိုးဖို့ စောလွန်း နေသေးတယ်လို့ လည်း လူထု အခြေပြု အရပ်ဖက် အဖွဲ့ အစည်းတွေက ပြောကြပါတယ်။

အဲဒီ ဆွေးနွေးပွဲ ဖြစ်မြောက်ရေး အတွက် ငွေကြေး ထောက်ပံ့ ပေးနေတယ်လို့ ဆိုတဲ့ Blue Moon Fund အဖွဲ့ကို အဲဒီ အဖွဲ့တွေက လက်မှတ်ရေးထိုး ကန့်ကွက် ကြတာ ဖြစ်ပါတယ်။

နှစ်နိုင်ငံကြား တွေ့ဆုံ ဆွေးနွေးမှုတွေ ဖြစ်မြောက်အောင် Blue Moon Fund အဖွဲ့က ကုန်ကျစရိတ် ထောက်ပံ့တယ်လို့လည်း ဦးဝင်းမျိုးသူက ပြောပါတယ်။

တရုတ်နဲ့ မြန်မာ နိုင်ငံကြား တရားဝင် သစ်ထုတ်လုပ်ရေးနဲ့ ပတ်သက်တဲ့ ဆွေးနွေးမှုတွေကို နေပြည်တော်မှာ လုပ်ခဲ့တုန်းက အရပ်ဖက် အဖွဲ့ တချို့ကို ဖိတ်ခဲ့ပေမဲ့ ကျယ်ကျယ် ပြန့်ပြန့် ဆွေးနွေး ခဲ့တာတွေ မရှိခဲ့ဘဲ စာချွန်လွှာ လက်မှတ် ထိုးနိုင်ရေး လုပ်ဆောင်မှုဟာ နယ်တွေက အရပ်ဖက် အဖွဲ့တွေကို သံသယတွေ တိုးပွား စေတယ်လို့ သူက ပြောပါတယ်။

ဒါကြောင့် သစ်တောထွက် ပစ္စည်းတွေကို ပြုပြင် ထုတ်လုပ်တဲ့ စက်မှုဇုန်တွေ ထူထောင်သွားမယ်ဆိုရင် ဒေသတွင်းမှာ ပိုမို နစ်နာစရာ ရှိတယ်လို့ ဒေသခံတွေက ယုံကြည် နေတယ်လို့လည်း သူက ပြောပါတယ်။

သူတို့မြေတွေသိမ်းမှာ၊ သစ်တောထွက် ပစ္စည်းတွေ ပိုဆုံးရှုံးမှာနဲ့ ဒါနဲ့ ပတ်သက်လို့ စစ်ရေး အရ အရေးယူမှုတွေ ဖြစ်လာ မလားလို့ စိုးရိမ် နေကြတာ လို့လည်း ဦးဝင်းမျိုးသူက ပြောပါတယ်။

အခုလို တောင်းဆိုမှုကြောင့် ပိုမိုကျယ်ပြန့်တဲ့ ဆွေးနွေးပွဲ ပြုလုပ်ပြီး အားလုံး ပါဝင်နိုင်အောင် ဆောင်ရွက်သွားဖို့ မျှော်လင့်တယ်လို့ ဦးဝင်းမျိုးသူက ပြောပါတယ်။

BBC Burmese
http://www.bbc.com/burmese

Author Name

Contact Form

Name

Email *

Message *

Powered by Blogger.