01/17/16


နှစ်သစ်ကူး အားလပ်ရက်ကုန်ဆုံးကာ အမေရိကန်သမ္မတ ရွေးကောက်ပွဲ မဲဆွယ်မှုများ အရှိန်မြင့်လာချိန်တွင် ကမ္ဘာတစ်ဖက်ခြမ်း မြန်မာနိုင်ငံ မှ ခေါင်းဆောင်တစ်ဦးထံမှ သင်ခန်းစာရယူရန် အချိန်ကောင်း တစ်ခုဖြစ်လာသည်။ အမေရိကန်သမ္မတ ရွေးကောက်ပွဲ အကြို ကာလတွင် ပါတီတွင်း သမ္မတလောင်းအချင်းချင်း ပါတီ ၂ ခုကြား သမ္မတလောင်း များကြားတွင် ပုဂ္ဂိုလ်ရေး နိုင်ငံရေး ပြစ်တင်ဝေဖန်မှုများက ထိပ်ဆုံး သို့ ရောက်ရှိနေသည်။

မြန်မာနိုင်ငံတွင် အတိုက်အခံ ခေါင်းဆောင် ဒေါ်အောင်ဆန်းစုကြည်သည် သူ၏ ပါတီအား လာမည့်မတ်လတွင် လွှတ်တော်ကို ဦးဆောင်နိုင် ရန် ပြင်ဆင်လျက်ရှိသည်။ ဒေါ်အောင်ဆန်းစုကြည်၏ NLD ပါတီသည် ပြီးခဲ့သည့် ရွေးကောက်ပွဲတွင် မဲဆန္ဒနယ် ၇၈ ရာခိုင်နှုန်းဖြင့် အနိုင်ရ ခဲ့သည်။ ရွေးကောက်ပွဲ အနိုင်ရပြီးနောက် မြန်မာ့ ဒီမိုကရေစီခေါင်းဆောင် ဆောင်ရွက်ချက်များမှာ မှတ်သားဖွယ်ရာ ဖြစ်သည်။

ပထမဆုံးအနေဖြင့် ဒေါ်အောင်ဆန်းစုကြည်သည် တရားထိုင်ခြင်းဖြင့် အချိန်များ ကုန်ဆုံးစေခဲ့သည်။ လနှင့်ချီကြာမြင့်သည့် မဲဆွယ်လှုပ်ရှားမှု ခရီးစဉ်များ အပြီးတွင် အင်အား ပြန်လည်ဖြည့်တင်းရန်နှင့် အကြံအစည်း အတွေးအခေါ်များ တည်ငြိမ်စေရန် အချိန်ယူခဲ့သည်။

အကြံပေးများ၊ အသနားခံ တောင်းဆိုသူများနှင့် မီဒီယာများက ဦးတည်ချက်မျိုးစုံသို့ ဆွဲယူခြင်းနှင့် ရင်ဆိုင်ကြုံတွေ့နေရသည့် ခေါင်းဆောင်များအနေဖြင့် နက်နဲစွာ စဉ်းစားတွေးခေါ်ရန် အချိန်လိုအပ်သည့် ခေါင်းဆောင်များ အနေဖြင့် အချိန်ရှားပါးလေ့ရှိသော်လည်း ထိုသို့ စဉ်းစားတွေးခေါ်ရန် အချိန်ယူ သင့်သည်။

ဒုတိယအချက်အနေဖြင့် ဒေါ်အောင်ဆန်းစုကြည်သည်။ တစ်နိုင်ငံလုံး သန့်ရှင်းသပ်ရပ်ရေးအတွက် အမှိုက်ကောက်ရန် လူထုလှုပ်ရှားမှုများ ပြုလုပ် ခဲ့သည်။ အသက် ၇၀ အရွယ် ဒေါ်အောင်ဆန်းစုကြည်က ပလက်စတစ် လက်အိတ်စွပ်ကာ အမှိုက်ကောက်ခဲ့ပြီး ပြည်သူအားလုံးကို ပူးပေါင်းပါဝင် ရန် နှိုးဆော်ခဲ့သည်။ ထို့အပြင် သတင်းယူ ဓာတ်ပုံရိုက်သည့် သတင်းထောက်များ ကိုပါ ကူညီအမှိုက်ကောက်ရန် ပြောကြားခဲ့သည်။

ထိုလှုပ်ရှားမှုမှာ ယိုယွင်းနေသော နိုင်ငံကို ပြန်လည် တည်ဆောက်ရာတွင် အားလုံးပါဝင်ဖို့ လိုသည်ဟု ဒေါ်အောင်ဆန်းစုကြည် က ပြောကြားခဲ့သည်။ ထိုအချက်မှာ မှန်ကန်ပြီး ဒေါ်အောင်ဆန်းစုကြည် သည် မြန်မာ့ပြုပြင်ပြောင်းလဲရေး၏ မျက်နှာစာဖြစ်သော်လည်း ပြုပြင်ပြောင်းလဲရေးကို တစ်ဦးတည်း ဆောင်ရွက်၍ မရနိုင်ပေ။

ဒေါ်အောင်ဆန်းစုကြည် ဆောင်ရွက်ခဲ့သည့် တတိယ လုပ်ဆောင်မှု မှာ ရွေးကောက်ပွဲတွင် သူအနိုင်ယူခဲ့သည့် စစ်အာဏာရှင်များနှင့် တွေ့ဆုံ ရန် လက်ကမ်းခဲ့ခြင်းဖြစ်သည်။ သူ့အား နေအိမ်အကျယ်ချုပ်ဖြင့် ထိန်းသိမ်း ခဲ့သည့် ယခင်စစ်အစိုးရအဖွဲ့တွင် ဗိုလ်ချုပ်တစ်ဦးဖြစ်ခဲ့သည့် လက်ရှိ သမ္မတဦးသိန်းစိန်နှင့် တွေ့ဆုံကာ အာဏာ လွှဲပြောင်းမှု ချောမွေ့ရေး ဆွေးနွေး ခဲ့သည်။ အခြေခံဥပဒေအရ လွှတ်တော်တွင် အမတ်နေရာ ၂၅ ရာခိုင်နှုန်း ရယူထားသည့် စစ်တပ်ကို ထိန်းချုပ်ထားသော ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံကာ ပူးပေါင်းဆောင်ရွက်ရေး ဆွေးနွေးခဲ့သည်။ ထို့အပြင် နိုင်ငံကို ဆယ်စုနှစ် နှစ်ခုကျော်ကြာ အုပ်ချုပ်ခဲ့သူ စစ်အာဏာရှင်ဟောင်း ဦးသန်းရွှေနှင့်လည်း တွေ့ဆုံခဲ့သည်။ အသက်အရွယ်ကြီးရင့်နေပြီဖြစ်သည့် စစ်အာဏာရှင်ဟောင်းအနေဖြင့် သူ့အား ဒေါ်အောင်ဆန်းစုကြည်က လက်စားချေလိုခြင်း ရှိ၊မရှိ သိရှိလိုသည်မှာ သံသယဖြစ်ဖွယ် မရှိပေ။

ဒေါ်အောင်ဆန်းစုကြည်က လက်စားချေလိုခြင်း မရှိကြောင်း ပြသခဲ့ပြီး တိုင်းပြည် တည်ဆောက်ရာတွင် ပူးပေါင်းပါဝင်ရန် စစ်တပ်ကို ဖိတ်ခေါ် ခဲ့သည်။ ဒေါ်အောင်ဆန်းစုကြည်သည် နေအိမ်အကျယ်ချုပ် ကျခံနေရစဉ် ကာလတွင် တောင်အာဖရိက နှင့် ချက်ကိုစလိုဗက်ကီးယား နိုင်ငံများ၏ ငြိမ်းချမ်းရေးဖြစ်စဉ်များကို ဂရုတစိုက် လေ့လာခဲ့ပြီး အကြမ်းဖက်မှုနှင့် အပြန်အလှန် စွပ်စွဲမှုများက အကြမ်းဖက်မှုများကိုသာ တိုးပွားစေနိုင်ကြောင်း သိရှိနားလည်ခဲ့သည်။ ဒေါ်အောင်ဆန်းစုကြည်သည် အာဏာ ရရှိလာသည့် အခါ ယခင်က သူ့အပေါ် သက်ညှာမှုမရှိခဲ့သူများအပေါ်ပါ ကရုဏာ ထားမည်ဟု ကတိပြုခဲ့သည်။

ဒေါ်အောင်ဆန်းစုကြည်က တိုင်းရင်းသား ခေါင်းဆောင်များနှင့် တွေ့ဆုံကာ အစိုးရအဖွဲ့သစ်တွင် တိုင်းရင်းသားတို့၏အသံ ပါဝင်စေရမည် ဟု ပြောကြား ခဲ့ခြင်းက စတုတ္ထမြောက် မှတ်သားဖွယ်အချက်ဖြစ်သည်။ မြန်မာနိုင်ငံတွင် ဆယ်စုနှစ် ၆ ခုကြာခဲ့ပြီဖြစ်သည့် ပြည်တွင်းစစ်ပြသ၁နာကို ဖြေရှင်းရန် လုပ်ဆောင်စရာများစွာ ကျန်ရှိနေသည်။ သို့သော် အားလုံးပါဝင်မှု ရှိမှသာ လေးစားမှုပြသရာရောက်ပြီး ဆွေးနွေးမှုပြုလုပ်ရန် တံခါးဖွင့်ပေးနိုင် မည်ဖြစ်သည်။ ဆွေးနွေးမှုများက အပြောင်းအလဲအတွက် လမ်းဖွင့်ပေးနိုင် မည်ဖြစ်သည်။ ထို လုပ်ငန်းစဉ်မှာ ခက်ခဲမည်မှန်သော်လည်း အခြားရွေးချယ် မှုများက ပိုမိုဆိုးဝါးစေနိုင်သည်။

ဒေါ်အောင်ဆန်းစုကြည် ဆောင်ရွက်ခဲ့သည့် အရာများ၊ မဆောင်ရွက်ရသေး သည့် အရာများနှင့် ပတ်သက်၍ ဝေဖန်မှုများ ဆက်လက်ရှိနေမည်မှာ အသေအချာပင် ဖြစ်သည်။ တိုင်းပြည်ကို ဦးဆောင်မောင်းနှင်ရန် လုံလောက်သော အင်အားစု ရှိ၊မရှိ၊ စိုးရိမ်မှုများလည်း ရှိနေသည့် တစ်ချိန်ချိန်တွင် ဒေါ်အောင်ဆန်းစုကြည်ကိုယ်တိုင် သမ္မတရာထူး ရယူရန် လက်ရှိအခြေခံဥပဒေပါ အတားအဆီးကို ကျော်လွှားနိုင်ခြင်း ရှိ၊မရှိ မသေချာပေ။ သို့သော် ဒေါ်အောင်ဆန်းစုကြည်သည် မှတ်သားဖွယ် ခေါင်းဆောင်မှုကို တိုက်ရိုက်နှင့် သွယ်ဝိုက်နည်းလမ်းများနှင့် ပြသခဲ့ပြီးဖြစ်သည်။

ထိုအချက်များမှာ စဉ်းစား တွေးခေါ်ရန်နှင့် အသိပညာအတွက် အချိန်ပေးခြင်း၊ ပြသ၁နာများ ဖြေရှင်းရာတွင် လူထုကိုယ်တိုင် ပါဝင်စေခြင်း၊ ပြိုင်ဘက်များနှင့် ဆက်ဆံရေး တည်ဆောက်ခြင်းနှင့် မတူညီသော နောက်ခံရှိသူများအတွက် ပါဝင်ရန် လမ်းဖွင့်ထားခြင်းတို့ ဖြစ်သည်။ ထိုရည်မှန်းချက်များမှာ အပြောလွယ်ပြီး လုပ်ဆောင်ရခက်ခဲသည့် အချက်များ ဖြစ်ကာ မြန်မာနိုင်ငံသည်လည်း ချွင်းချက်မဟုတ်ပေ။

သို့သော် အဆိုးမြင် ပုဂ္ဂိုလ်ရေး တိုက်ခိုက်မှုများနှင့် အထူးအကျိုးစီးပွား ကာကွယ်ရေးတို့ လွှမ်းမိုးနေသည့် အမေရိကန် ရွေးကောက်ပွဲနှင့် နှိုင်းယှဉ် ပါက လက်ခံကြိုဆိုဖွယ် ကောင်းသည်မှာ အသေအချာပင်ဖြစ်သည်။
'
ထို့အပြင် ဒီမိုကရေစီနှင့် တရားဥပဒေစိုးမိုးမှုတို့ အန္တရာယ်ကြုံ တွေ့နေ ရသည့် ကမ္ဘာ့အခြားဒေသများအတွက်လည်း ထိုအချက်များက နမူနာ ယူဖွယ်ဖြစ်သည်။ ဖွံ့ဖြိုးဆဲ နိုင်ငံများတွင် အာဏာရှင်အစိုးရက ငြိမ်းချမ်းစွာ အာဏာလွှဲပြောင်းပေးမှုနှင့် ဖိနှိပ်မှုခံခဲ့ရသည့် လူထုခေါင်းဆောင်က ခွင့်လွှတ်မှု၊ အားလုံးပါဝင်နိုင်မှုနှင့် တရားဥပဒေစိုးမိုးမှုတို့ ရှိရန် နှိုးဆော် သည့် နိုင်ငံမျိုး အလွန်နည်းပါးသည်။ ထို့ကြောင့် မြန်မာနိုင်ငံသည် ၂၀၁၅ အတွင်း ရှားရှားပါးပါး အောင်မြင်မှု ဇာတ်လမ်းတစ်ပုဒ်ဖြစ်ပြီး ၂၀၁၆ တွင်လည်း ဆက်လက်စောင့်ကြည့်ရန် ထိုက်တန်သည့် ပြုပြင်ပြောင်းလဲမှု တစ်ခု ဖြစ်သည်။

The Ladies News
https://www.facebook.com/News.TheLadies/

မူဆယ်-မန္တလေးလမ်း ဆိုးရွားစွာ ပိတ်ဆို့နေပုံ (သတင်းဓါတ်ပုံ- အလွတ်သတင်းထောက်ကိုဇော်မိုးထက်)
မူဆယ်-မန္တလေးလမ်း ဆိုးရွားစွာ ပိတ်ဆို့နေပုံ (သတင်းဓါတ်ပုံ- အလွတ်သတင်းထောက်ကိုဇော်မိုးထက်)

တရုတ်-မြန်မာ နယ်စပ်ကုန်သွယ်ရေး အဓိက လမ်းကြောင်းဖြစ်တဲ့ မူဆယ် အဝေးပြေးကားလမ်းကြီး ပိတ်ဆို့နေတာ သီတင်းရက် သတ္တပတ် တစ်ပတ်ကျော်ကြာ သွားပြီဖြစ်လို့ ဒေသခံတွေနဲ့ လုပ်ငန်းရှင်တွေ အတော်လေးကို အခက်တွေ့နေကြရပါတယ်။ ကုန်တင်ကားထောင်ချီ နေ့စဉ်သွားလာနေရတဲ့ မူဆယ်- မန္တလေး ကုန်သွယ်လမ်းမကြီးထက်မှာ မကြာခဏကြုံတွေ့နေရတဲ့ လမ်းကြောင်း ဆိုးဆိုးဝါးဝါး ပိတ်ဆို့နေမှု အခက်အခဲတွေကို ပြည်နယ်အစိုးရနဲ့ သက်ဆိုင်ရာတာဝန်ရှိသူတွေဘက်က အမြန်ဆုံးပြေလည်အောင် စနစ်တကျဖြေရှင်းပေးဖို့ကိုလည်း ဒေသခံတွေက လိုလားနေကြတာပါ။ အသေးစိတ် မဆုမွန်က ဆက်သွယ်မေးမြန်းတင်ပြပေးထားပါတယ်။

ရှမ်းပြည်နယ်မြောက်ပိုင်း တရုတ်-မြန်မာနယ်စပ်အနီးက နယ်စပ်မြို့ဖြစ်တဲ့ မူဆယ်မှာ ဖောက်လုပ်ထားတဲ့ အဓိက မြန်မာနိုင်ငံတွင်း နယ်စပ် ကုန်သွယ်ရေးလမ်းကြောင်းကြီး တခုဖြစ်တဲ့ မူဆယ်-မန္တလေး လမ်းမကြီးထက်မှာတော့ မကြာခဏဆိုသလို ယာဉ်ကြောပိတ်ဆို့မှုတွေ က နာရီနဲ့ချီ ၊ ရက်ပေါင်းများစွာနဲ့ချီပြီး လမ်းပိတ်ဆို့မှုတွေဖြစ်နေတာပါ။ လမ်းကြော ပိတ်ဆို့မှုရဲ့ အဓိကပြဿနာကတော့ လမ်းအကျယ်အဝန်း ကျဉ်းမြောင်းလွန်းတာ၊ အကွေ့အကောက်များတဲ့ တောင်ပေါ်လမ်း အတက်အဆင်းလမ်းတွေ ကုန်တင်ကားကြီးတွေပေါ်မှာ ဝန်နဲ့မမျှ တင်ဆောင်ပြီး သွားလာနေတာကနေ ယာဉ်မတော်တဆမှုတွေဖြစ်ပွားရာက ထောင်ချီတဲ့ ယာဉ်တန်းကြီး ပိတ်ဆို့မှုဖြစ်ပြီး အလွယ်တကူ ယာဉ်ကြောရှင်းလင်းရေး မလုပ်နိုင်ခဲ့ တာကြောင့်ဖြစ်တယ်လို့ ဒေသခံတွေကပြောပါတယ်။

ပြီးခဲ့တဲ့ ဒီဇင်ဘာလတုန်းကလည်း မူဆယ်လမ်းမကြီး ပိတ်ဆို့ခဲ့ပြီးတဲ့နောက် အခုတခါ၂၀၁၆ နှစ်ဆန်း ဇန်နဝါရီလ ၁၁ရက်နေ့ကစလို့ မူဆယ်လမ်းမကြီးထက်မှာ တွဲကားလို့ခေါ်တဲ့ ကုန်တင်ကားကြီး တိမ်းမှောက်ရာကနေ လမ်းပိတ်ဆို့မှုဖြစ်ခဲ့တာပါ။ အခု ဒီကနေ့အထိ ဆို သီတင်းတပတ်ကြာမြင့်လာပြီဖြစ်ပေမဲ့လို့ အခုချိန်အထိ ကားလမ်းကြောင်း ရှင်းလင်းနိုင်ခြင်း မရှိသေးဘူးလို့ ယာဉ်ကြောပိတ်ဆို့ရာနေရာအထိ သွားရောက်လေ့လာခဲ့တဲ့ အလွတ်သတင်းထောက်ကိုဇော်မိုးထက်က အခြေအနေကို အခုလိုရှင်းပြပါတယ်။



“ကျနော်တို့မနေ့ကတုန်းက ဆိုင်ကယ်နဲ့ တော်တော့်ကို တော့်တော့်ကို ကားပိတ်တဲ့အထိပေါ့နော်၊ နမ့်ဖက်ကာနားက နမ့်ကွတ်နားက ရူခင်းသာဆိုတဲ့နေရာကို မနည်းကို သွားရပါတယ် အမရေ။နမ့်ဖက်ကာနားကနေ ဒီ ပိတ်ခဲ့တဲ့ ကားတန်းကြီးက လားရိူးဒီဖက် လွိုင်ဆယ်ဆစ် အကျော်ပေါ့နော်၊ အဲဒီအထိပိတ်ခဲ့တဲ့ ကားတန်းကြီးက မိုင် ၅၀ ကျော်လောက်အထိ ရှိတဲ့ကားတမ်းကြီးက။ ဘယ်မှာဆက်ပြီးပြန်ပိတ်နေသလဲဆိုတော့ ဒီ မေမြို့ နဲ့ နောင်ချိုကြားပေါ့နော် ၊ မေမြို့ နဲ့ နောင်ချိုကြားမှာ ဒီမနက်ဆက်ပြီးပိတ်နေတယ်။ အခုအချိန်အထိလည်း ပိတ်နေတုန်းပဲ။”

အခုလို မူဆယ်ကားလမ်းမကြီး ယာဉ်ကြော ပိတ်ဆို့နေတဲ့အတွက် မူဆယ်ဒေသခံတွေမှာလည်း မူဆယ်-မန္တလေး အသွားအလာအတွက် လမ်းပမ်းဆက်သွယ်ရေး အခက်အခဲတွေနဲ့ ကြုံနေရပြီး သက်ဆိုင်ရာ အစိုးရ၊ နယ်မြေ လမ်းပမ်းဆက်သွယ်ရေး တာဝန်ရှိသူတွေအနေနဲ့ ဒီကိစ္စကို အမြန်ဆုံး အလေးအနက်ထား ဖြေရှင်းဆောင်ရွက်ပေးဖို့ တောင်းဆိုတယ်လို့ ရှမ်းပြည်နယ်မြောက်ပိုင်း မူဆယ်ခရိုင် နမ့်ခမ်းမြို့နယ် ဖွံ့ဖြိုးတိုးတက်ရေး အထောက်အကူပြုကော်မတီ အတွင်းရေးမှူး ဦးစိုင်းအောင်ဝင်းကပြောပါတယ်။

“၃၊ ၄ ရက်လောက် ပိတ်နေတာ။ ဆက်တိုက် ဆက်တိုက် ပိတ်လာတာ။ မနေ့ကလည်း ထပ် ပိတ်နေသေးတယ် အဲ့ဒီ့လမ်းက ။တချို့ကလည်း သင်တန်းသွားတက်မယ်ဆိုပြီး အဲဒီဆရာမတွေက မန္တလေးမှာ သင်တန်း လွတ်သွားတာ။ ကျနော်က ထင်ထားတာကတော့ အဲဒီတွဲကားတွေ မပြေးရင်တော့ အကောင်းဆုံးပေါ့။ အဲဒီတွဲကားက ကားရှည်တော့ ကျနော်တို့ တောင်ပေါ်လမ်းနဲ့ မတည့်ဘူးဗျ။ ဒီတွဲကားတွေ ပြေးနေတယ် ဆိုတဲ့ဟာက လမ်းပိတ်နေတယ်ဆိုတဲ့ အကြောင်း နဲနဲ ကူပြီးတော့ တင်ပေးပါ။ အစည်းအဝေးတက်မယ်ဆိုရင်လည်း ကျနော်တို့အစိုးရကို ပြန်တင်ပြဖို့ အစီအစဉ်ရှိတယ်။ တင်ပြရမယ်ဆိုရင်တော့ အဲဒီတွဲကားတွေ အသွားအလာရပ်ဆိုင်းဖို့ ၊ အဲဒီဟာပိတ်ပင်ပေးဖို့ အဲဒါဦးစားပေးပြီးတော့ တင်ပြမှာ။ ဘာဖြစ်လို့လဲဆိုတော့ ကျနော်တို့ တောင်ပေါ်လမ်းက အဲဒီတွဲကားတွေနဲ့ မသင့်လျော်ဘူး။ ဒီတွဲကားတွေကြောင့်သာ ပြည်သူလူထုက ဒုက္ခရောက်နေတာ။”

ဒီလိုဆိုးဆိုးရွားရွား လမ်းပိတ်ဆို့မှုတွေကို ပြေလည်အောင်ဖြေရှင်းနိုင်ဖို့က လမ်းပမ်းဆက်သွယ်ရေး တာဝန်ယူထားတဲ့ ကုမဏီက တာဝန်ရှိပြီးတော့ ကုန်တင်ကားတွေအပေါ် လမ်းစည်းကမ်းယာဉ်စည်းကမ်းနဲ့အညီ မောင်းနှင်ကြဖို့နဲ့ ကုန်တင်ကုန်ချ ဝန်သယ်တဲ့ စည်းမျဉ်းစည်းကမ်းတွေ စနစ်တကျ ထားရှိဖို့လိုအပ်တယ်လို့လည်း အလွတ်သတင်းထောက် ကိုဇော်မိုးထက်က ရှု့မြင်ပါတယ်။

“လားရိူးနဲ့ မူဆယ်ကြားမှာ မကြာခန ဆိုသလိုပေါ့နော်၊ ခနခနဖြစ်နေတယ်ပေါ့နော်။ ဒီလောက် ကျဉ်းမြောင်းတဲ့ တောင်ပေါ်လမ်းတွေမှာ အရမ်းရှည်လျားတဲ့ ကားကြီးတွေ ခွင့်ပြုထားတယ်။ နောက်ပြီးတော့ Asia World ကလမ်းတွေကို ပိုက်ဆံတွေကောက်စားပြီးတော့ ဘာမှ တိုးချဲ့ခြင်း မရှိဘူး၊ နောက် တတိယတချက်ကတော့ ယာဉ်မောင်းတွေကို စိစစ် ရွေးချယ်ခြင်း မရှိပဲနဲ့ဒီလောက်ကြီးတဲ့ကားကြီးတွေ ၊ ဒီလောက်သေးငယ်တဲ့ ကလေးတွေ အသက် ၂၀ ကျော် အရွယ်တွေ မောင်းခွင့်ပြုထားတယ်ဆိုတာက အလွန်ကို မှားယွင်းတဲ့ကိစ္စလို့ ကျနော်တော့ သုံးသပ်မိတယ် ။”

အခုဆိုရင်တော့ မူဆယ်လမ်းမကြီးတလျောက်တောင်ပေါ်လမ်းမှာ ယာဉ်ကြောပိတ်ဆို့မှုတွေကို မူဆယ် ယာဉ်စည်းကမ်းထိန်းသိမ်းရေး အဖွဲ့ဝင်တွေဘက်က သွားရောက် ရှင်းလင်းပေးနေတာရှိပေမဲ့လို့ အခုအချိ်န်အထိတော့ လုံးဝ လမ်းကြောင်းရှင်းသွားတာမျိုးမရှိဘူးလို့ သိရပါတယ်။

တရုတ်-မြန်မာ နယ်စပ်ကုန်သွယ်ရေးရဲ့ အဓိက အသက်သွေးကြောဖြစ်တဲ့ မူဆယ်-မန္တလေးအဝေးပြေးကားလမ်းမပေါ် နေ့စဉ် ထောင်ချီပြေးဆွဲနေတဲ့ ဝန်တင်၊ ကုန်တင်ကားတွေ အဆင်ပြေချောမွေ့စွာ ပို့ကုန် သွင်းကုန် စတဲ့ ကုန်ပစ္စည်းတွေကို အချိန်နဲ့တပြေးညီ ပို့ဆောင်နိုင်ရေး ယာဉ်ကြောပိတ်ဆို့မှုတွေကို ရှင်းလင်းနိုင်အောင် သက်ဆိုင်ရာ တာဝန်ရှိသူတွေဘက်က အပြေလည်ဆုံးဖြေရှင်းပေးနိုင်ဖို့ ကုန်သည်တွေ စီးပွားရေးလုပ်ငန်းရှင်တွေနဲ့ ယာဉ်လုပ်ငန်းရှင်တွေ ၊ ယာဉ်မောင်းတွေဘက်က လိုလားနေကြသလို နေ့စဉ် အဆင်ပြေချောမွေ့စွာ ဒေသတွင်း ပုံမှန် ခရီးသွားလာနိုင်ရေး အတွက်ကိုလည်း ဒေသခံပြည်သူလူထုကလည်း ဆန္ဒရှိနေကြတာပါ။

မဆုမွန်/VOA
http://burmese.voanews.com/content/mandalay-muse-traffic-/3149502.html

( ၁ )

သင်္ကြန်နှစ်ဦး .. တူးပို့ တူးပို့..
တူးသံမြူးသာယာ..
သင်္ကြန်မယ်များ .. တူးပို့ တူးပို့..
တူးမာရဲ့နော်ဗျာ..
ငွေငန်းသံစုံ .. တူးပို့ တူးပို့..
အာရုံဖျော်ဖြေတာ..
မယ်တို့ကိုလည်း.. တူးပို့ တူးပို့..
မာပါစေခင်ဗျာ..

- တူးပို့ တူးပို့ (ရေး - မြို့မငြိမ်း)


ဆရာမြို့မငြိမ်းရဲ့ “တူးပို့” စာသားကို ဘီယာပုလင်းပေါ် ပုံနှိပ်ပြီး “တူးပို့နဲ့ မြူးစို့” လုပ်ရာက ခွင့်ပြုချက်မရှိဘဲ စာသားသုံးစွဲမှုအတွက် အငြင်းပွားမှုဖြစ်ပါတယ်။

Carlsberg Group က ပိုင်ဆိုင်ပြီး ဒိန်းမတ်နိုင်ငံမှာ ၁၈၇၃ ခုနှစ်ကတည်းက စတင်ထုတ်လုပ်ခဲ့တဲ့ Tuborg ဘီယာကို မြန်မာဈေးကွက်မှာ ဖြန့်ဖြူးတဲ့အခါ “တူးပို့” စာသားကို ဘီယာပုလင်းပေါ်မှာ ရိုက်နှိပ်ခဲ့တာပါ။ ၂၀၁၅ ခုနှစ် မေလမှာ စတင်မိတ်ဆက်ခဲ့တယ် ဆိုပေမယ့် သူတို့သုံးခဲ့တဲ့ မြန်မာစာသားကို ကြည့်ခြင်းအားဖြင့် ၂၀၁၆ ခုနှစ် သင်္ကြန်ကာလကို ပစ်မှတ်ထား ဈေးကွက်ချဲ့ထွင်ဖို့ ပြင်ဆင်ထားတယ်လို့ ယူဆနိုင်ပါတယ်။

Tuborg ဆိုတဲ့ စာသားကို “တူးပို့” အသံဖလှယ်ပြီး သုံးခဲ့တာဟာ သုံးစွဲသူမှာ ရည်ရွယ်ချက်ရှိပါလိမ့်မယ်။ တိုက်ဆိုင်မှုမဟုတ်ဘဲ တမင်ရည်ရွယ်ချက်ရှိရှိ သုံးစွဲခဲ့တာမျိုး ဖြစ်ပါတယ်။

နောက်တစ်ချက်က “တူးပို့” ဆိုတာ ဆရာမြို့မငြိမ်း တစ်ဦးတည်းက ပိုင်ဆိုင်တဲ့ စကားလုံးဖြစ်ပါတယ်။ ဒီစကားလုံးဟာ မန္တလေးရဲ့ ၀ိညာဉ်၊ မြန်မာ့ရိုးရာသင်္ကြန်ရဲ့ သင်္ကေတဖြစ်ရုံမက မြန်မာ့ အမျိုးသားယဉ်ကျေးမှု စံနှုန်းနဲ့ပါ သက်ဆိုင်ပါတယ်။

ဆရာမြို့မငြိမ်း မိသားစုကလည်း “တူးပို့” စာသားကို ဘီယာပုလင်းပေါ်မှာ မသုံးစွဲဖို့ တားမြစ်ပါတယ်။ အကယ်၍ မြို့မငြိမ်းမိသားစုက ခွင့်ပြုတယ်ဆိုရင်တောင် ၀ိုင်းပြီး ကန့်ကွက်ရမယ့် စာသားဖြစ်ပါတယ်။

“တူးပို့” စကားလုံးကို ဘီယာပုလင်းပေါ်မှာသုံးဖို့ ကုမ္ပဏီက လေးကြိမ်လာရောက် ညှိနှိုင်းတယ်လို့ သိရပါတယ်။ မြို့မငြိမ်းမိသားစုက ခွင့်မပြုပါဘူး။ ဒီလို ခွင့်မပြုချိန်မှာဘဲ ဘီယာပုလင်းပေါ် “တူးပို့” ရိုက်နှိပ်ပြီး ဈေးကွက်ထဲ ဖြန့်ချိတာဖြစ်ပါတယ်။ ဒါဟာ ကျင့်ဝတ်ဖောက်ဖျက်ခြင်းပါပဲ။

ဇန်န၀ါရီ ၁၅ ရက်မှာတော့ ဆရာမြို့မငြိမ်းမိသားစုက မန္တလေးမှာ သတင်းစာရှင်းလင်းပွဲ လုပ်ပြီး ဘီယာပုလင်းပေါ်က “တူးပို့” စာသားကို တစ်ပတ်အတွင်း ဖယ်ရှာပေးဖို့ တောင်းဆိုပါတယ်။ စာသားသုံးစွဲမှုအတွက် ငွေကြေးတောင်းဆိုတာ မဟုတ်ဘဲ လုံးဝဖယ်ရှားပေးဖို့ တောင်းဆိုခဲ့တာပါ။ တကယ်လို့ ဆက်လက်သုံးစွဲမယ်ဆိုရင် နိုင်ငံတကာ ဥပဒေတွေနဲ့အညီ တရားစွဲဆိုသွားမယ်လို့ ပြောခဲ့ပါတယ်။

ဒီနေရာမှာ ရှင်းရှင်းလင်းလင်း သိရတာက “တူးပို့” စာသားကို ဘီယာပုလင်းပေါ်မှာ လုံးဝ သုံးစွဲခွင့်မပြုဘူး။ အခုသုံးစွဲထားတာအတွက် နစ်နာကြေး တစ်စုံတစ်ရာ တောင်းဆိုတာ မဟုတ်ဘဲ “တူးပို့” စာသားဖြုတ်ပေးဖို့ပဲ တောင်းဆိုပါတယ်။ ဖြုတ်မပေးဘူးဆိုမှ ဥပဒေကြောင်းအရ ဆက်လုပ်မယ်လို့ ပြောခဲ့တာပါ။


■ ( ၂ )

Tuborg ကို “တူးပို့”အသံဖလှယ်ပြီး ရည်ရွယ်ချက်ရှိရှိ သုံးစွဲမှုဟာ မူပိုင်ခွင့်ချိုးဖောက်မှု ဖြစ်ပါတယ်။ မြန်မာနိုင်ငံမှာ မူပိုင်ခွင့်ဆိုင်ရာ ဥပဒေအားနည်းချက်တွေရှိလို့ တရားစွဲလို့ မရဘူးဆိုတာ မဟုတ်ပါဘူး။ ပြည်တွင်းမှာဆိုရင် တရားမ နစ်နာမှုအရ စွဲဆိုလို့ရပါတယ်။ နိုင်ငံတကာဥပဒေဆိုရင် Traditional Knowledge (TK) ၊ Geographical Indication (GI) တို့နဲ့ သက်ဆိုင်ပါတယ်။

နောက်ပြီး Copyrights (ဉာဏပစ္စည်းဆိုင်ရာ မူပိုင်ခွင့်) မှာ လူတစ်ဦးက တီထွင်ထားတဲ့ စကားလုံးကို Dilution ဖြစ်စေပြီး တန်ဖိုးကို ယုတ်လျော့အောင် လုပ်လို့မရပါဘူး။

“တူးပို့”စာသားကို မြန်မာ့ရိုးရာသင်္ကြန် နဲ့ သက်ဆိုင်တဲ့ အသုံးအဆောင်တွေမှာ ခွင့်ပြုချက်ရပြီး သုံးစွဲရင် ပြဿနာမရှိနိုင်ပေမယ့် သင်္ကြန်နဲ့အရက် တွဲစပ်ပြီး သုံးတယ်ဆိုရင် ဆီလျော်အပ်စပ်ခြင်း မရှိတဲ့နေရာမှာ တန်းဖိုးယုတ်လျော့အောင် ပြုလုပ်တာဖြစ်ပါတယ်။ ဥပမာအားဖြင့် ဆရာတော် ဦးဝိစာရတည်းခိုခန်း လုပ်လို့မရသလို ဆရာတော်ဦးဥတ္တမ လက်ဖက်ရည်ဆိုင် လုပ်လို့မရတဲ့ သဘောမျိုးပါပဲ။

ဒါကြောင့် ဘီယာပုလင်းပေါ်မှာ “တူးပို့” စာသား ရိုက်နှိပ်ထားကို ဖြုတ်ပယ်ပေးရမှာ ဖြစ်ပါတယ်။ ဘာကြောင့်လဲဆိုရင်-

(က) “တူးပို့” စာသားကို ဆရာမြို့မငြိမ်း က တီထွင်ခဲ့တယ်။ သူ့ရဲ့ မူပိုင်ဖြစ်တယ်။ သူ့ရဲ့သီချင်းတွေ အားလုံးကို မှတ်ပုံတင်ပြီးသားဖြစ်တဲ့အတွက် စာသားကို ခွင့်ပြုချက်မရဘဲ သုံးစွဲခြင်းဟာ ဥပဒေဖောက်ဖျက်မှု ဖြစ်ပါတယ်။

(ခ) “တူးပို့” စာသားသုံးစွဲမှုကို ဆရာမြို့မငြိမ်းမိသားစုက လုံးဝခွင့်မပြုပါဘူး။ သုံးစွဲမှုအတွက် ငွေကြေးတောင်းခံခြင်း လုံးဝမရှိသလို စာသားကို ဖြုတ်ပယ်ပေးဖို့ပဲ တောင်းဆိုပါတယ်။ မြို့မငြိမ်းမိသားစုအနေနဲ့ “ရွှေမန်းမာလာ”ကို ရိုးရိုးကုန်ပစ္စည်း ကြော်ငြာအတွက် သုံးဖို့တောင် ခွင့်ပြုခြင်းမရှိခဲ့ဘူးလို့ ဆရာမြို့မငြိမ်းရဲ့သား ဦးရွှန်းမြိုင်က ဇန်န၀ါရီ ၁၇ ရက် ထုတ် The Voice သတင်းစာမှာ ပြောထားပါတယ်။

(ဂ) “တူးပို့” သင်္ကြန်သီချင်းကို ၁၉၄၀ ပြည့်နှစ်မှာ ဆရာမြို့မငြိမ်းက ရေးပြီး ကျော်ကြားခဲ့တဲ့ သင်္ကြန်သီချင်း ဖြစ်ခဲ့ပါတယ်။ “တူးပို့”ဟာ ဆရာမြို့မငြိမ်း၊ မန္တလေး၊ မြန်မာ့ရိုးရာသင်္ကြန်ရဲ့ သင်္ကေတဖြစ်ရုံမကဘဲ အမျိုးသားယဉ်ကျေးမှုဆိုင်ရာ စံနှုန်းကို ကိုယ်စားပြုခဲ့ပါတယ်။ တစ်ဆက်တည်းမှာပဲ “တူးပို့”ဟာ ဆရာ မြို့မငြိမ်းထက် ကျယ်ပြန့်လာပြီး မြန်မာ့ယဉ်ကျေးမှု၊ မြန်မာလူထုအသိုင်းအ၀ိုင်းက အမြတ်တနိုးထားရတဲ့ စကားရပ်ဖြစ်ခဲ့ပါတယ်။

(ဃ) Tuborg အနေနဲ့ ရည်ရွယ်ချက်ရှိရှိ အလွဲသုံးစားလုပ်ခဲ့တာ မဟုတ်ရင် “တူးပို့” မဟုတ်တဲ့ “တူးဘော့ဂ်” ဖြစ်ဖြစ်၊ အခြား အသံထွက်တစ်ခုခုဖြစ်ဖြစ် ပြောင်းပြီး သုံးစွဲလို့ရပါတယ်။ ဒီလိုမဟုတ်ဘဲ ဆက်လက်သုံးစွဲတယ်ဆိုရင် ဒါဟာ ရည်ရွယ်ချက်ရှိလို့ဖြစ်ပြီး ဥပဒေကြောင်းအရ မလွဲမသွေ တရားစွဲဆိုရမှာ ဖြစ်ပါတယ်။ ဒီအခါ နစ်နာကြေးအတွက် ဒေါ်လာသန်းရာချီ တောင်းလို့ရတဲ့ ကိစ္စမျိုးဖြစ်လာပါမယ်။ ဒီအတွက်လည်း ကူညီမယ့်သူတွေ အများကြီးရှိပါတယ်။


■ ( ၃ )

“တူးပို့” စာသား အငြင်းပွားမှုဖြစ်လာချိန်မှာ သဘောထားအမျိုးမျိုး ထွက်လာပါတယ်။ အထူးသဖြင့် လူမှုကွန်ရက်စာမျက်နှာတွေမှာပါ။

ထွက်လာတဲ့ သဘောတရားတွေ ကြည့်တဲ့အခါ ရိုးရိုးမှတ်ချက်ပေးသူတွေ ရှိသလို ပုံဖျက်ပြောဆိုသူတွေလည်း ရှိခဲ့ပါတယ်။

ရိုးရိုးသဘောထား မှတ်ချက်ပေးသူတွေထဲမှာ အများစုက “တူးပို့” ဘက်က ရပ်တည်ရေးကြသူ အများအပြား ပါဝင်ပါတယ်။

တချို့ကတော့ မြို့မငြိမ်းမိသားစုရဲ့ ရှင်းလင်းချက်ကို သေချာမလေ့လာဘဲ ၁၈၇၃ ခုနှစ်က စထုတ်တဲ့ ဘီယာကို တရားစွဲမယ်ဆိုတာ မဖြစ်နိုင်ဘူးလို့ ပြောကြပါတယ်။ ဒါက လွဲမှားတဲ့ ချဉ်းကပ်မှုဖြစ်ပါတယ်။ မြို့မငြိမ်းမိသားစု ပြောတာက ဘီယာကုမ္ပဏီ မြန်မာနိုင်ငံက ထွက်သွားဖို့ ပြောတာမဟုတ်ဘဲ ဘီယာဆက်မထုတ်ဖို့ ပြောတာလည်း မဟုတ်ပါဘူး။ မြန်မာဈေးကွက်မှာ ဖြန့်ချိနေတဲ့ ဘီယာပုလင်းတွေပေါ်မှာ ရိုက်နှိပ်ထားတဲ့ “တူးပို့” စာသားကို ဖြုတ်ပေးဖို့ ပြောတာပါ။ Tuborg ကို “တူးပို့” မဟုတ်ဘဲ “တူးဘော့ဂ်” လို့ ပြောင်းသုံးရင် ဒီလိုပြောစရာ မရှိပါဘူး။

တချို့ကတော့ တရားစွဲချင်လည်း စွဲကြပေါ့ဆိုပြီး ကျော်ကြားတဲ့ သင်္ကြန်သီချင်း တချို့က ကော်ပီဖြစ်နေတာကို ထောက်ပြပါတယ်။

မြန်မာ့ဂီတရေစီးမှာ ကော်ပီသီချင်းများစွာ ရှိပေမယ့် အခုကိစ္စနဲ့ ဆက်စပ်ပြောဆိုလို့ မရပါဘူး။ “တူးပို့”ဟာ ကော်ပီသံစဉ်ထဲက ထွက်လာတဲ့ စာသားမဟုတ်ပါဘူး။

ဒါပေမဲ့ အင်ဒိုနီးရှားသီချင်းတစ်ပုဒ် ဖြစ်တဲ့ Ayo Mama တစ်ပုဒ်လုံးနဲ့ သံစဉ်တူတဲ့ “နှစ်သစ်မင်္ဂလာ” သီချင်း၊ Jim Reeves ရဲ့ Drinking Tequila တစ်ပုဒ်လုံးနဲ့ သံစဉ်တူနေတဲ့ “ပိတောက်တစ်မျက်နှာ” သီချင်းတွေကိုပြပြီး ဆရာမြို့မငြိမ်းရဲ့ “တူးပို့” ကို မေးခွန်းထုတ်ဖို့ လုပ်ခဲ့သူတွေ ရှိပါတယ်။

“နှစ်သစ်မင်္ဂလာ” ကို ကိုမင်းဇော်က ရေးခဲ့ပြီး “ပိတောက်တစ်မျက်နှာ” က ကိုနေ၀င်း ရေးခဲ့တာ ဖြစ်ပါတယ်။ ဆရာမမြို့မငြိမ်း ရေးတာ မဟုတ်သလို အဲဒီသီချင်းနှစ်ပုဒ်က “သင်္ကြန်မိုး” ဇာတ်ကားမှာ ပါဝင်ပြီး နာမည်ကြီးခဲ့တာပါ။ ဒီသီချင်းတွေနဲ့ ပတ်သက်လို့ အငြင်းပွားတယ်ဆိုရင် ဘာမှမပြောလိုပေမယ့် ဆရာမြို့မငြိမ်းရဲ့ “တူးပို့”က ကော်ပီလုံးဝ မဟုတ်ပါဘူး။

ဒီအတိုင်းပဲ မြို့မငြိမ်း ဘာဆိုတာကို မသိဘဲ “တူးပို့” အငြင်းပွားမှုကို ဟာသလုပ်ခဲ့ကြသူတွေလည်း ရှိပါတယ်။

မြို့မငြိမ်းဟာ ၁၉၀၉ ခုနှစ်မှာ မွေးဖွားခဲ့သူ တစ်ဦးဖြစ်ပါတယ်။ ၁၉၅၅ ခုနှစ်မှာ ကွယ်လွန်ပါတယ်။ သူ့ကို ပါရမီထူးချွန်တဲ့ ဂီတပညာရှင်အဖြစ် သတ်မှတ်ခံခဲ့ရုံမက “မြန်မာ့ဆင်ဖိုနီ”လို့ တင်စားခဲ့ကြပါတယ်။ သူရေးခဲ့တဲ့ သီချင်းပေါင်း ၂၀၀ နီးပါး ရှိပါတယ်။ “ချစ်ထာပဓာန” သီချင်းက သူ့ကို ပထမဆုံးသိစေခဲ့တဲ့ သီချင်းပါ။ သီချင်းရေးသက်တမ်း ၂၄ နှစ်တာ ကာလအတွင်းမှာ ခင့်အိပ်မက်၊ တစ်ချစ်တည်းချစ်၊ မြင်းခင်းတော်၊ ရေခင်းတော်၊ ဖူးစာပိုင်၊ နတ်သျှင်နောင်၊ မေ့ပါနိုင်၊ ပျို့မှာတမ်း၊ သက်ဝေ၊ ပါရမီတော်၊ ချစ်ရဲဘော်၊ မင်္ဂလာမောင်မယ်၊ ရွှေမင်းဝံ၊ ငွေစင်ရော်၊ ပြုံးတဲ့မေ၊ လေချိုသွေး၊ မန်းတောင်ရပ်ခို၊ မပြီးသေးသော ပန်းချီကား၊ သစ္စာ စတဲ့ သီချင်းတွေက သူ့ရဲ့ နာမည်ကျော်တွေပါပဲ။ သူ မကွယ်လွန်ခင်ရေးခဲ့တဲ့ သီချင်းတွေထဲမှာ တိမ်လွှာမို့မို့လွင်က အကျော်ကြားဆုံးပါပဲ။

ဆရာမြို့မငြိမ်း သီချင်းရေးခဲ့တဲ့ ခေတ်မှာ အနောက်တိုင်းတေးသွားတွေကိုယူပြီး သီချင်းထဲ မြန်မာစာသားထည့် သီဆိုကြတဲ့ ဓလေ့ စတင်ထွန်းကားနေပါပြီ။ ဆရာမြို့မငြိမ်းက အနောက်တိုင်းဂီတသီချင်း ရေးနည်းကို မှီးငြမ်းခဲ့တာ တချို့ရှိပေမယ့် တေးသွားတစ်ပုဒ်လုံးယူပြီး စာသားထည့်သွင်းခဲ့တာ လုံးဝမရှိခဲ့ပါဘူး။ ပင်ကိုယ်ဂီတဉာဏ်နဲ့ ကိုယ်ပိုင်တေးသွားတွေချည်း ဖန်တီးခဲ့တာပါ။

ဆရာမြို့မငြိမ်း မဟုတ်ဘဲ အခြားသူတစ်ဦးက ရေးလို့ သူ့သီချင်းတေးသွားက ကော်ပီဖြစ်နေရင်တောင် စာသားဖန်တီးမှုကြောင့် ထွက်လာတဲ့ စကားလုံးဟာ တေးရေးသူရဲ့ ဉာဏပစ္စည်း ဖြစ်ပါတယ်။ ဖန်တီးသူကပဲ ပိုင်ဆိုင်ပါတယ်။


■ ( ၄ )

မြို့မငြိမ်းကို သေချာမသိဘဲ ဝေဖန်သူတွေ ရှိခဲ့သလို သိလျက်နဲ့ ပုံဖျက်ပြောဆိုသူတွေလည်း ရှိခဲ့ပါတယ်။

“တူးပို့” အငြင်းပွားမှုကို ပုံဖျက်ပြောဆိုမှုတွေထဲမှာ “မြန်မာဘီယာ” ကိစ္စကို ရှေ့တန်းတင်ပြီး လမ်းလွှဲပို့ခဲ့သူတွေလည်း ပါဝင်ပါတယ်။ ဒီနောက်ကွယ်မှာတော့ ဘီယာကုမ္ပဏီ အကျိုးစီးပွားကာကွယ်မှုနဲ့ နိုင်ငံရေး အမြတ်ထုတ်မှုတွေ ပါလာပါပြီ။ “တူးပို့” ကိစ္စကို အမျိုးသားယဉ်ကျေးမှု စံနှုန်းနဲ့ တိုင်းတာနေချိန်မှာ “မြန်မာဘီယာ” ကိစ္စနဲ့ နှိုင်းယှဉ်ပြီး လမ်းလွှဲပို့ခြင်း ဖြစ်ပါတယ်။ သဘောရိုးနဲ့ ရေးကြသူတချို့ရှိပေမယ့် အများစုက ဘီယာကုမ္ပဏီကို ကာကွယ်လိုစိတ် ကြီးစိုးခဲ့ပါတယ်။

အကယ်၍ “မြန်မာဘီယာ”မှာ “မြန်မာ” ဆိုတဲ့ စာသားသုံးစွဲထားတာကို မကျေနပ်ဘူးဆိုရင် ဒါကို တရားစွဲလို့ ရပါတယ်။ တရားစွဲဆိုင်ပိုင်ခွင့်လည်း ရှိပါတယ်။ တရားစွဲဆိုမယ့် သူပဲ လိုပါတယ်။ ဒီအတိုင်းပဲ “မန္တလေး ဘီယာ” ကိစ္စမကျေနပ်ရင် တရားစွဲဆိုပိုင်ခွင့် ရှိပါတယ်။

“တူးပို့” ကိစ္စမှာ စာသားနဲ့ သက်ဆိုင်တဲ့ မြို့မငြိမ်းမိသားစုက သုံးစွဲခွင့်မပြုဘူး။ ဆက်သုံးရင် ဥပဒေကြောင်းအရ သွားမယ်လို့ ပြောပြီး သူတို့အလုပ် သူတို့ လုပ်ပါတယ်။ ဒီအခါမှာ မြို့မငြိမ်းမိသားစုရဲ့ လွတ်လပ်စွာ လုပ်ပိုင်ခွင့်ကို ကာကွယ်ရင်း “တူးပို့” စကားလုံးကို အမျိုးသားယဉ်ကျေးမှု စံနှုန်းသက်ဆိုင်တဲ့အတွက် အားလုံးပါဝင် ပြောဆိုကြတာမျိုးက ပြဿနာ မဟုတ်ပါဘူး။

ယဉ်ကျေးမှုစံနှုန်းနဲ့ တိုင်းတာပြောဆိုနေတဲ့ “တူးပို့” ကိစ္စကို ချနင်းပြီး “မြန်မာဘီယာ” ကိစ္စပြောဆိုမှု ရှေ့တန်းတင်နေကြတာက ပြဿနာဖြစ်လာပါတယ်။ “တူးပို့” နဲ့ “မြန်မာ ဘီယာ”ကိစ္စဟာ သီးခြားစီရှုမြင်ရမယ့်ကိစ္စ ဖြစ်ပါတယ်။ ဘာကြောင့် ဒီလိုဖြစ်သလဲဆိုတဲ့ နောက်ကွယ်ကို လေ့လာတဲ့အခါမှာ မန္တလေးယဉ်ကျေးမှုကို ချနင်း၊ မြန်မာ့အမျိုးသား ယဉ်ကျေးမှုစံနှုန်းတွေကို အလေးမထားဘဲ မန္တလေးဝိညာဉ်ချုပ်ငြိမ်းဖို့ လုပ်ဆောင်နေသူ တချို့နဲ့ ကုမ္ပဏီတစ်ချို့က ချပေးတဲ့ လမ်းကြောင်းအတိုင်း လိုက်ပြောကြာတာကို သံသယဖြစ်စရာ တွေ့ရပါတယ်။

“တူးပို့” ကိစ္စမှာ ဘီယာကုမ္ပဏီဘက်က “တူးပို့” စာသားကိုသာမက သီချင်းသံစဉ်ကိုပါ ကြော်ငြာအတွက် အသုံးပြုဖို့ပါ ရည်ရွယ်ခဲ့တယ်လို့ သိရပါတယ်။ မြို့မငြိမ်းမိသားစုနဲ့ ဘီယာကုမ္ပဏီတို့ ပထမဆုံးတွေ့ချိန်မှာ ကုမ္ပဏီဘက်က “တူးပို့” စာသားရော၊ သီချင်းတစ်ပုဒ်လုံးရဲ့ သံစဉ်ကိုပါ ယူလာခဲ့တယ်လို့ ဆိုပါတယ်။ မြို့မငြိမ်း မိသားစုက ခွင့်မပြုပါဘူး။ ဒါကို ကြည့်ခြင်းအားဖြင့် ကုမ္ပဏီဘက်က မသိလို့ သုံးခဲ့တာမဟုတ်ဘဲ သိလျက်နဲ့ ရည်ရွယ်ချက်ရှိရှိ သုံးခဲ့တာ ဖြစ်ပါတယ်။ ဒီလိုသုံးတာကို မရပ်ဘဲ ဆက်သုံးနေရင် ဥပဒေကြောင်းအရ ဆက်လက်ဆောင်ရွက်တာ သဘာဝကျပါတယ်။ ဒါက ပထမအချက် ဖြစ်ပါတယ်။

ဒုတိယအချက်က ဘီယာပုလင်းပေါ်မှာ လူတစ်ဦးချင်းသာမက၊ မြန်မာတိုင်းသိနေတဲ့ “တူးပို့” စာသားသုံးစွဲခွင့်ကို ဘယ်သူ ခွင့်ပြုချက်ပေးခဲ့သလဲဆိုတဲ့ အချက်ဖြစ်ပါတယ်။ ကာကယံရှင် သဘောတူညီချက်ကို ထည့်သွင်းစဉ်းစားခြင်းမရှိဘဲ စီးပွားရေးအကျိုးငှာ သုံးစွဲခွင့်ပြု တဲ့ ၀န်ကြီးဌာန၊ အဖွဲ့အစည်းမှာ တာဝန်ရှိပါတယ်။ ဒါကို ပြန်စစ်ဆေးရမှာပါ။ စစ်ဆေးလို့ အဂတိလိုက်စားမှုရှိရင် အရေးယူဖို့ပါပဲ။

အခုချိန်မှာတော့ “တူးပို့” စာသားကို ဘီယာပုလင်းပေါ် ရိုက်နှိပ်ဖြန့်ချိခဲ့တာဟာ မြို့မငြိမ်းမိသားစု၊ မန္တလေးယဉ်ကျေးမှု အသိုင်းအ၀ိုင်းတစ်ခုတည်းနဲ့ဆိုင်တာ မဟုတ်ပါဘူး။ မြန်မာ့ယဉ်ကျေးမှုကို ကိုယ်စားပြုတဲ့ သင်္ကေတကိုပါ ထိပါးခဲ့တာ ဖြစ်ပါတယ်။ မြန်မာတိုင်းနဲ့ ဆိုင်ပါတယ်။

မန္တလေးကို မန္တလေးနဲ့ပဲ ဆိုင်တယ်လို့ ခံယူပြီး လမ်းလွှဲပို့ခဲ့တာတွေရှိလို့ မန္တလေး ၀ိညာဉ် ပျောက်ဆုံးလုနီးပါး ဖြစ်ခဲ့ပါပြီ။ အခု မန္တလေးကိုသာမကဘဲ မြန်မာ့ယဉ်ကျေးမှု စံနှုန်းနဲ့ တိုင်းတာလို့ရတဲ့ စကားရပ်ကိုပါ တန်ဖိုးယုတ်လျော့အောင် လုပ်ဆောင်လာသူတွေကြောင့် မြန်မာ့ယဉ်ကျေးမှု ၀ိညာဉ်ပျောက်ဆုံးရတာမျိုး မဖြစ်သင့်ပါဘူး။

“တူးပို့” ကိစ္စကို ချနင်ပြီး “မြန်မာဘီယာ” ကိစ္စကို ရှေ့တန်းတင်၊ ဘီယာကုမ္ပဏီကို ကာကွယ်တဲ့ လမ်းကြောင်း ပုံဖော်နေကြတာဟာ မြန်မာ့ယဉ်ကျေးမှုစံနှုန်းကာကွယ်ဖို့ လက်ငင်းလုပ်ဆောင်မှုတွေကို ပစ်ပယ်ရာရောက်ပါတယ်။

ဒီအတွက် မူလလမ်းကြောင်းက သွေဖည်ခြင်းမရှိဘဲ “တူးပို့”နဲ့ မြို့မငြိမ်းမိသားစုဘက်က ရပ်ပါတယ်။
Writer:
နေထွန်းနိုင်
Eleven Media Group

၂၀၁၃ ခုနှစ်က ရွေးကောက်ပွဲ ရှုံးနိမ့်ခဲ့သည် စင်ကာပူနိုင်ငံခြားရေး ၀န်ကြီးဟောင်း ဂျော့်ယို ဦးဆောင်သည့် သယ်ယူပို့ဆောင်ရေး လုပ်ငန်း ဖြစ်သည့် ဟောင်ကောင် အခြေစိုက် Kerry Logistics ၏ စင်ကာပူ အခြေစိုက် ကုမ္ပဏီသည် မြန်မာနိုင်ငံ၏ အဓိက စီးပွားရေး မြို့တော် နှစ်ခုဖြစ်သော ရန်ကုန်နှင့် မန္တလေးရှိ ပြည်တွင်း ရေကြောင်း ဆိပ်ကမ်းများတွင် လုပ်ငန်း လုပ်ကိုင်ခွင့်ရရှိခဲ့ကြောင်း သတင်းရရှိသည်။

ပြည်တွင်း ရေကြောင်း ဆိပ်ကမ်းများမှ နိုင်ငံအတွင်းရှိ အဓိက
ကုန်သွယ် လမ်းကြောင်းများသို့ ကွန်တိန်နာနှင့် ကုန်ပစ္စည်းများကို ရထားလမ်း ကားလမ်း ရေလမ်းဖြင့် ချိတ်ဆက် ပို့ဆောင်ပေးလျက် ရှိသည်။

ထို့အပြင် သွင်းကုန် ထုတ်ကုန် လုပ်ငန်းရှင်များ၊ ရန်ကုန်နှင့်
သီလ၀ါ ဆိပ်ကမ်းများမှ ကုန်ပစ္စည်းများ ထုတ်ယူ ပို့ဆောင်ပေးသော ပြည်တွင်း
လုပ်ငန်းများနှင့် တရုတ်နှင့် ထိုင်းကဲ့သို့ အိမ်နီးချင်း နိုင်ငံများ၏
နယ်စပ်ဖြတ်ကျော် ကုန်သွယ်ရေးများအတွက် ကုန်သွယ်ရေး လမ်းဆုံများလည်းဖြစ်သဖြင့် အကျိုးအမြတ်များစွာ ရရှိဖွယ်ရှိသည်။

Kerry Logistics ၏ ဥက္ကဌ ဂျော့ယိုက “ကျွန်တော်တို့အပေါ်
ယုံကြည်မှုပေးတဲ့ မြန်မာ့မီးရထား ပို့ဆောင်ရေး ၀န်ကြီးဌာနကို ကျေးဇူးတင်ပါတယ်။
မြန်မာနိုင်ငံ ဖွံ့ဖြိုးတိုးတက်ရေးအတွက် ကျွန်တော်တို့ရဲ့ ကျွမ်းကျင်မှုနဲ့
ပါဝင်ခွင့်ရတဲ့အတွက် ကျေနပ်မိပါတယ်” ဟု ပြောကြားခဲ့သည်။

ဂျော့ယိုသည် ယခင် မြန်မာစစ်အစိုးရလက်ထက် ဗိုလ်ချုပ်ကြီးများနှင့် အထူးရင်းနှီးကျွမ်းဝင်သူတစ်ဦးဖြစ်သည်။ ၄င်းသည် ထောက်လှမ်းရေးဗိုလ်ချုပ်(ငြိမ်း) နေအိမ်အကျယ်ချုပ်မှ လွတ်မြောက်လာစဉ် သီးသန့်လာရောက်တွေ့ဆုံခဲ့သည့် စင်ကာပူထိပ်တန်းခေါင်းဆောင်တစ်ဦးဖြစ်သည်။

Kerry Logistics သည် အာရှတွင် လုပ်ငန်းအများအပြား ဆောင်ရွက်လျက်ရှိပြီး မြန်မာ
နိုင်ငံအတွင်းတွင် မီးရထားသယ်ယူပို့ဆောင်ရေးနှင့် ကုန်စည်အများအပြား သယ်ယူပို့ဆောင်ရေးတို့ ဖွံ့ဖြိုးရန် လုပ်ဆောင်မည်ဟု ကတိပြုထားသည်။

အဆိုပါ ကိစ္စနှင့် ပတ်သက်၍ ရန်ကုန် မန္တလေး ရေလမ်းကုန်သယ်မှု ပြုလုပ်နေသည့် သင်္ဘော ၂ စင်းပိုင်ရှင် ကိုအောင်အောင်ကျေ်က "နိုင်ငံခြားကုမ္ပဏီဆိုတိုင်းလည်း ကောင်းမယ်လို့တော့ ပြောလို့မရပါဘူး။ ပြည်တွင်းက လုပ်ငန်းငယ်တွေ အတွက်ကတော့ ဈေးကွက်ကျုံ သွားမှာ သေချာပါတယ်။ ဒီလိုကိစ္စမျိုးကို ကျွန်တော်တို့ ပြည်တွင်းမှာ လုပ်ဆောင်နေတဲ့ လုပ်ငန်းတွေကို ခေါ်ယူတိုင်ပင်ခြင်းမျိုး မလုပ်ပါဘူး။" ဟု The Ladies News သို့ ဖြေကြားခဲ့သည်။

The Ladies News Journal


အီရန်နိုင်ငံနဲ့ နျူကလီးယား သဘောတူညီချက်အရ အမေရိကန်က ချမှတ်ထားတဲ့ ဒဏ်ခတ်အရေးယူတွေ ရပ်ဆိုင်းပေးရမယ့် အစီအစဉ်တွေဟာ စတင်အသက်ဝင်သွားပြီ ဖြစ်တဲ့အကြောင်း အမေရိကန် နိုင်ငံခြားရေးဝန်ကြီး John Kerry က - ကြေညာချက်တစောင် ထုတ်ပြန်ပြောဆိုလိုက်ပါတယ်။ တချိန်တည်းမှာပဲ - အမေရိကန် သမ္မတ အိမ်ဖြူတော်ကလည်း - အစီအစဉ်တွေကို ချက်ခြင်းအကောင်အထည်ဖော်ဖို့ သမ္မတရဲ့လုပ်ပိုင်ခွင့်အာဏာနဲ့ အမိန့်ထုတ်ပြန်လိုက်ပါတယ်။

EU ဥရောပသမဂ္ဂရဲ့ နိုင်ငံခြားမူဝါဒရေးရာ အဆင့်မြင့် ကိုယ်စားလှယ် Federica Mogherini ကလည်း - ကမ္ဘာ့အင်အားကြီးနိုင်ငံတွေက အီရန်ရဲ့နျူကလီးယား လုပ်ငန်းတွေနဲ့ ပတ်သက်ပြီး ချမှတ်ထားတဲ့ ဒဏ်ခတ်မှုတွေကို ဖယ်ရှားပေးနေပြီဖြစ်တဲ့အကြောင်း အီရန်နိုင်ငံခြားရေးဝန်ကြီး Mohammed Javad Zarif နဲ့အတူ စနေနေ့က သြစတြီးယားနိုင်ငံ ဗီယမ်နာမြို့မှာ ရှိနေစဉ် ပြောဆိုခဲ့ပါတယ်။

“သမိုင်းဝင်သဘောတူညီချက်က မျှတပြီး ခိုင်မာမှုရှိသလို၊ မှန်မှန်ကန်ကန် အကောင်အထည်ဖော်သွားမယ်ဆိုရင် ဒေသတွင်းနဲ့ နိုင်ငံတကာ ငြိမ်းချမ်းရေး အတွက် အဓိကကျတဲ့ လုပ်ငန်းစဉ်တရပ် ဖြစ်လာလိမ့်မယ်” - လို့လည်း သူက ပြောဆိုခဲ့ပါတယ်။

ကမ္ဘာ့အင်အားကြီးနိုင်ငံတွေနဲ့ နျူကလီးယားသဘောတူညီချက်အတိုင်း အီရန်နိုင်ငံက လိုက်နာဆောင်ရွက်ခဲ့ကြောင်း နိုင်ငံတကာ အနုမြူစွမ်းအင် အေဂျင်စီ (IAEA) က အတည်ပြု ပြောကြားခဲ့တဲ့အတွက် - နျူကလီးယား လုပ်ငန်းတွေကြောင့် အီရန်အပေါ် ချမှတ်ထားတဲ့ ပိတ်ဆို့ဒဏ်ခတ်မှုတွေကို လျှော့ပေးဖို့ လမ်းပွင့်သွားခဲ့တာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


အီရန်နဲ့ အနောက်အုပ်စု အင်အားကြီးနိုင်ငံတွေအကြား Vienna မြို့မှာ  နျူကလီးယားသဘောတူညီချက်မရခင် အီရန်နဲ့ အမေရိကန်အကြား အကျဉ်းသားလဲလှယ်ရေး ရှုတ်ထွေးတဲ့ သဘောတူညီချက် ရရှိလိုက်တဲ့အတွက် စနေနေ့မှာ နှစ်နိုင်ငံစလုံးက အကျဉ်းသားတွေကို အပြန်အလှန် လွှတ်ပေးခဲ့ကြပါတယ်။

ပြန်လည်လွတ်မြောက်လာတဲ့ အမေရိကန်နိုင်ငံသားတွေထဲ အီရန်က သူလျှိုမှုနဲ့ ပြစ်ဒဏ်စီရင်ခံရပြီး ရက်ပေါင်း ၅၀၀ ကျော် ထိန်းသိမ်းခံထားရတဲ့ Washington Post သတင်းစာရဲ့ အီရန်ဆိုင်ရာ သတင်းထောက် Jason Rezaian လည်း ပါဝင်ပါတယ်။ သူ့အပေါ် တင်ထားတဲ့ အဲဒီစွဲချက်ဟာ မမှန်ကန်ကြောင်း အမေရိကန်အစိုးရ၊ သူ့ရဲ့ အလုပ်ရှင်နဲ့ မိသားစုတွေက ငြင်းဆိုထားပါတယ်။

တခြား ပြန်လွတ်လာသူတွေထဲမှာ ခရစ်ယာန် တရားဟောဆရာတဦးနဲ့ အီရန်နွယ်ဖွား အမေရိကန်နိုင်ငံသား မရိန်းတပ်ဖွဲ့ဝင်တဦးတို့လည်း ပါဝင်ပါတယ်။ အီရန်ဘက်က စုစုပေါင်း အကျဉ်းသား ၅ ဦး လွှတ်ပေးရမှာဖြစ်တဲ့အကြောင်း အမေရိကန်အရာရှိတွေက ပြောပါတယ်။

အီရန်နဲ့ ရရှိထားတဲ့ နျူကလီးယားသဘောတူညီချက်ကို အကောင်အထည်ဖော်ဖို့ Vienna မြို့ရောက်နေကြတဲ့ သံတမန်တွေက ပြင်ဆင်နေကြတဲ့အချိန် ၁၄ လကြာ ဆွေးနွေးခဲ့ကြတာရဲ့ ရလဒ်အဖြစ်နဲ့ လွန်ခဲ့တဲ့ ၂၄ နာရီအတွင်း အကျဉ်းသားလဲလှယ်ရေး သဘောတူညီချက် ရရှိလိုက်တာလို့ အမေရိကန် အရာရှိတွေက ပြောပါတယ်။
အမေရိကန်ဘက်က အီရန်အကျဉ်းသား ၇ ဦးကို လွှတ်ပေးမှာဖြစ်ပြီး အဲဒီလူတွေဟာ အကျဉ်းထောင်ထဲမှာ ရှိနေပြီးသားသူတွေ၊ ဒါမှမဟုတ် အီရန်အပေါ် ချမှတ်ထားတဲ့ပိတ်ဆို့ အရေးယူမှုတွေကို ချိုးဖောက်တဲ့သူတွေ ဖြစ်တယ်လို့ ဆိုပါတယ်။ ၀ါရှင်တန်ဒီစီမြို့မှာ ထုတ်ပြန်တဲ့ အကျဉ်းရုန်း ကြေညာချက်မှာ တခြား အီရန်နိုင်ငံသား ၇ ဦးကို ပြစ်ဒဏ်ကင်းလွတ်ခွင့်ပေးပြီး အမေရိကန်နိုင်ငံအပြင်မှာ ရှိနေသူ ၁၄ ဦးကို တင်ထားတဲ့ စွဲချက်တွေကို ပြန်လည် ရုပ်သိမ်းလိုက်ကြောင်း ဖော်ပြထားပါတယ်။
အီရန်နဲ့ အကျဉ်းသားလဲလှယ်ရေး သဘောတူညီချက် ရရှိခဲ့ကြောင်း ၊ ဒီ သဘောတူညီချက်ဟာ ဖမ်းဆီးခံထားရတဲ့ အကျဉ်းသားတွေ ပြန်လွတ်ရေးအတွက် ရည်ရွယ်ပြီး အီရန်ဆောက်ထားတဲ့ သံတမန် ဆက်ဆံရေး လမ်းကြောင်းအရ ရရှိခဲ့ခြင်းဖြစ်ကြောင်း အမေရိကန် နိုင်ငံခြားရေးဌာနကလည်း ကြေညာချက် ထုတ်ပြန်ပါတယ်။

ဗွီအိုအေ (မြန်မာပိုင်း)
http://burmese.voanews.com

ဒေါ်အောင်ဆန်းစုကြည်က မြစ်ဆုံစီမံကိန်းနှင့်ပတ်သက်၍ တိုင်းပြည်နှင့် လူမျိုးကို အထိခိုက်မခံဘဲ လျော်စရာရှိပါက ပေးလျော်ပေးပြီး ကာ
ကွယ်ပေးသွားမည်ဟု ပြောကြားခဲ့ကြောင်း ယင်းပါတီမှ သဘာဝ ပတ်ဝန်းကျင်ထိန်းသိမ်းရေးဗဟိုကော်မတီ ဒုတိယဥက္ကဋ္ဌ ဦးစိုးညွန့် က ပြောသည်။

ဒီမြစ်ဆုံစီမံကိန်းနဲ့ပတ်သက်ပြီး ကျွန်တော်တို့ကို ဒေါ်အောင်ဆန်းစုကြည်က ဘာတွေမှာထားသလဲဆိုတော့ ''ကျွန်မတုိ့ ပြောဖို့စောသေးတယ်။ ကျွန်မတို့ ဘာမှမသိဘူး။ ပွင့်လင်းမြင်သာမှု မရှိဘဲ ဝေဖန်ပိုင်းခြားလို့လဲ မရဘူး။ ဒါတွေကို ခိုင်ခိုင်မာမာလုပ်ပြီးတဲ့အခါမှ ဘာဆိုတာ ပေါ်လာမှာပဲ'' ဟု ဒေါ်အောင်ဆန်းစုကြည်က မှာကြားထားကြောင်း ၄င်းက ပြောသည်။

အမျိုးသားဒီမိုကရေစီအဖွဲ့ချုပ် သဘာဝပတ်ဝန်းကျင်ထိန်းသိမ်းရေးဗဟို
ရဲ့အတိုင်ပင်ခံပညာရှင်များနှင့် တွေ့ဆုံဆွေးနွေးပွဲတွင် ယင်းသို့ပြောကြားခဲ့ခြင်း ဖြစ်သည်။

ရွေးကောက်ပွဲအလွန်ကာလတွင် အမျိုးသားဒီမိုကရေစီအဖွဲ့ချုပ်မှ အစိုးရဖြစ်ခဲ့လျှင် မြစ်ဆုံစီမံကိန်းနှင့် ပတ်
သက်၍သက်ဆိုင်ရာကုမ္ပဏီများနှင့် မည်ကဲ့သို့ သဘောတူညီချက်များဖြင့် ချုပ်ဆို ထားသည်ကို ပြည်သူလူထုအားချပြသွားမည်ဟု အောက်တိုဘာ ၂ ရက်က ကချင် ပြည်နယ် မြစ်ကြီးနားမြို့မနောအားကစားကွင်း၌ ကျင်းပသော မဲဆွယ်စည်းရုံးရေး ဟောပြောပွဲတွင် ဒေါ်အောင်ဆန်းစုကြည်
က ကတိပြုမဲဆွယ်စည်းရုံးခဲ့သည်။

မြစ်ဆုံဆည်စီမံကိန်းကို၂ဝဝ၆ ခုနှစ်တွင် တရုတ်နှင့်မြန်မာတပ်မတော် အစိုးရလက်ထက်တွင် သဘောတူစာချုပ် ချုပ်ဆိုခဲ့ပြီး ၂ဝဝ၉ ခုနှစ်တွင် ဆောက်လုပ် ရေးလုပ်ငန်းများအား တရုတ်အစိုးရပိုင် CIP ကုမ္ပဏီက ဦးဆောင်ကာ ဆောက်လုပ်ခဲ့သည်။

ထိုသို့ဆောက်လုပ်မှုအတွက်
မြစ်ဆုံစီမံကိန်းရပ်တန့်ရေးကို ပြည်တွင်း ပြည်ပမြန်မာနိုင်ငံသား အလွှာအသီးသီး က ကန့်ကွက်တောင်းဆိုမှုများကြောင့် ၂ဝ၁၁ ခုနှစ် စက်တင်ဘာလတွင်သမ္မတ ဦးသိန်းစိန်ကစီမံကိန်းကို လက်ရှိအစိုးရ သက်တမ်းအတွင်း ဆက်လက်အကောင်အထည်ဖော်ခြင်းမပြုဘဲ ဆိုင်းငံ့မည်ဖြစ်ကြောင်း ကြေညာခဲ့သည်။

မြစ်ဆုံဆည်စီမံကိန်းသည် ကန် ဒေါ်လာ ၃ ဒသမ ၆ ဘီလီယံ အကုန်အကျခံ တည်ဆောက်ရန် စီစဉ်ခဲ့ခြင်းဖြစ်ပြီး ထွက်ရှိလာသည့် လျှပ်စစ်မဂ္ဂါဝပ် ၆ဝဝဝ တွင် ရာခိုင်နှုန်း ၉ဝ ကို တရုတ်နိုင်ငံကရယူမည်ဖြစ်သည်။

ထို့ပြင် မြစ်ဆုံဆည်စီမံကိန်း အပါအဝင် မေခ၊ မလိခမြစ်နှင့် သံလွင်မြစ်တို့အပေါ်တွင်လည်း ရေကာတာစီမံကိန်းများ အတွက် ဒေါ်လာဘီလီယံ ၂ဝ ကို တရုတ် ကရင်းနှီးမြှုပ်နှံထားကာ လျှပ်စစ် မဂ္ဂါဝပ်အများစုကို တရုတ်က ရယူမည် ဖြစ်သည်။

#TheFlowerNewsJournal


လှိုင်သာယာမြို့နယ် FMI CITY တွင်ဖြစ်ပွားခဲ့သည့် အဓမ္မပြုကျင့်ပြီး ရွှေထည်ပစ္စည်းများနှင့် ငွေများကို လုယက်ထွက်ပြေးခဲ့သူ နှင့် အိမ်အကူအမျိုးသမီးငယ်တို့မှာ ပတ်သက်မှုမရှိကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။

ပြစ်မှုဖြင့်မသင်္ကာသူ ရခိုင်(ခ) ဖိုးလပြည့်(ခ) သက်ဇော်မင်း(ခ) သက်ယုဇော်ကိုစစ်ဆေးရာ ၄င်း သည် ၂ဝ၁၅ ခုနှစ် သြဂုတ်လမှ စတင်၍ အခင်းဖြစ်နေအိမ်မှ သွားနှင့်ပတ်သက်သော ဆေး ပစ္စည်းများကို ယာဉ်မောင်း ဘိုထီး (ခ)ဦးခင်မောင်ထွန်း မောင်းနှင်သည့်ကားဖြင့် သယ်ယူပို့ဆောင် သည့်အလုပ်လုပ်ကိုင်ခဲ့ရာမှ ၄င်း နေအိမ်တွင် နေ့လယ်ပိုင်းအချိန်များ၌ အိမ်ရှင်ဖြစ်သူ၏ အဒေါ်တော် စပ်သူ အသက် ၉၂နှစ် အရွယ် အမျိုးသမီးကြီးနှင့် အိမ်အကူအမျိုး သမီးတို့နှစ်ဦးတည်းသာရှိသည် ကို သိရှိထားကြောင်း၊ အခင်းဖြစ် ပွားသည့် ယခုလ ၁၂ ရက်နံနက် ၁ နာရီခန့်တွင် ယင်းတစ်ဦးတည်း အဆိုပါ နေအိမ်နောက်ဘက်ခြံ စည်းရိုးမှ ကျော်တက်ဝင်ရောက်ခဲ့ ပြီး အနီးရှိရေကန်ဘေးတွင် ညအိပ် ကာပြစ်မှုကျူးလွန်ရန် စောင့်ဆိုင်း နေခဲ့ကြောင်း၊ နံနက် ၁ဝ နာရီခွဲခန့်၌ အိမ်ရှင်များ ကားဖြင့်ထွက်သွားပြီး နောက် အိမ်အကူမိန်းကလေးမှာ အလုပ်လုပ်ရန် အတွက်ရေကန်အနီး သို့လာရောက်စဉ် ၄င်းကိုတွေ့ရှိသွားပြီးအော်မည်ပြုသဖြင့် မိန်းကလေး၏ပါးစပ်ကို လက်ဖြင့် ပိတ်၍ ဓားဖြင့်ထောက်ကာ နောက် ဖေးတံခါးမှ နေအိမ်အတွင်းသို့ခေါ် ဆောင်သွားခဲ့ကြောင်း၊ နေအိမ် အပေါ်ထပ်ရှိ အခန်းများအား လိုက်လံပြသစေပြီး ပွင့်နေသော အခန်းအတွင်းသို့ ရောက်ရှိစဉ် မိန်းကလေးကို ဓားဖြင့်ထောက်၍ ခြိမ်းခြောက်ပြီး အလိုမတူဘဲ သားမယားအဖြစ်တစ်ကြိမ်ပြုကျင့် ခဲ့ကြောင်း ပြစ်မှုကျူးလွန်သူက ထွက်ဆိုခဲ့ကြောင်းသိရသည်။

ထို့နောက် အိမ်ရှင်ဖြစ်သူ၏ အိပ်ခန်းတံခါးသော့အား ဓားဖြင့် ထောက်၍ ခြိမ်းခြောက်တောင်းရာ အိမ်အကူမိန်းကလေးကမရှိကြောင်း ပြောသဖြင့် နေအိမ်အောက်ထပ် မီးဖိုချောင်အတွင်းမှ တူကိုယူ ဆောင်ကာ အခန်းတံခါးသော့အား ဖျက်၍ အခန်းအတွင်းသို့ဝင် ရောက်ခဲ့ကာ မီးခံသေတ္တာအနီးရှိ ခရီးဆောင်အိတ်အတွင်းမှ တွေ့ရှိသည့်သော့များဖြင့် မီးခံသေတ္တာ အားဖွင့်ပြီး ရွှေထည်ပစ္စည်းမျိုးစုံ၊ အမေရိကန်ဒေါ်လာ၊ စင်ကာပူ ဒေါ်လာနှင့် မြန်မာငွေရောရာစုစု ပေါင်းတန်ဖိုး ကျပ် ၂၃၁၁၁၅ဝဝ ကို ယူဆောင်ကာ အိမ်အကူ မိန်းကလေး၏ ခြေနှင့်လက်တို့အား ကြိုးဖြင့်တုပ်နှောင်ပြီး ခြံဝင်း တံခါး သော့ထားသည့်နေရာအား မေးမြန်းရယူကာ အိမ်ရှေ့တံခါးပေါက်မှ ထွက်လာခဲ့ကြောင်း၊ ပြစ်မှုကျူးလွန်သူ ရခိုင်(ခ) ဖိုးလ ပြည့် (ခ)သက်ဇော်မင်း (ခ)သက်ယုဇော်မှာ အိမ်အကူ မိန်းကလေးနှင့် ရင်းနှီးပတ်သက်ခြင်း၊ သမီး ရည်းစားဖြစ်ခြင်း၊ ကြိုတင်ညှိနှိုင်း တိုင်ပင်ချိတ်ဆက်ထားခြင်းမရှိ ကြောင်း၊ ပြစ်မှုကျူးလွန်သူက မီးခံသေတ္တာအား အလွယ်တကူ ဖွင့်နိုင်ခဲ့သည်မှာလည်း အိမ်ရှင် ဖြစ်သူအမျိုးသမီးမှ ၄င်း၏ခင်ပွန်း ဖြစ်သူမှာ မကျန်းမာသူတစ်ဦးဖြစ် ၍ မီးခံသေတ္တာဖွင့်ပါကအလွယ်တကူဖွင့်နိုင်ရန်အတွက် လျှို့ဝှက်နံပါတ်များကို ပြင်ဆင်ပြီးသော့ဖြင့် ဖွင့်နိုင်စေရန် စီစဉ်ထားခဲ့ခြင်းဖြစ်ကြောင်းစစ်ဆေးပေါ်ပေါက်ခဲ့သည်။

ပေါ်ပေါက်ချက်အရ ပြစ်မှုကျူးလွန်သူယူဆောင်သွားသော သက်သေခံပစ္စည်းများကို ပြန်လည်သိမ်းဆည်း နိုင်ခဲ့ပြီး အမှုလာ ရောက်တိုင်တန်းခဲ့သည့် အချိန်မှ ၂၇နာရီအတွင်းဖော်ထုတ် ဖမ်းဆီး ရမိခဲ့သဖြင့် ပြစ်မှုကျူးလွန်သူ သက်ယုဇော်ကိုလှိုင်သာယာ မြို့မ ရဲစခန်းက(ပ)၆၅/၂ဝ၁၆၊ ပုဒ်မ -၃၈၆/၃၇၆ ဖြင့် အမှုဖွင့်အရေးယူ ဆောင်ရွက်ခဲ့ကြောင်းသိရသည်။

နေထက်ဝေ
The Union Daily
http://uniondaily.net


မလေးရှားနိုင်ငံမြို့တော်၊ ကွာလာလမ်ပူမြို့အစွန်က ဆီလယန်ဈေးထဲမှာ ဇန်န ၀ါရီလ ၁၃ ရက်နေ့ညပိုင်းက အုပ်စုလိုက်ရန်ပွဲဖြစ်ခဲ့ပြီး ၂ နှစ်အရွယ်မြန်မာ ကလေးငယ် တဦးနဲ့ ရွှေ့ပြောင်းမြန်မာအမျိုးသားတဦးဒဏ်ရာရခဲ့ကာ မလေးရှားအမျိုးသားတဦး သေဆုံးခဲ့ပါတယ်။ အဲဒီဈေးမှာ ၂၀၁၃ ခုနှစ်ကတည်းက မြန်မာရွှေ့ပြောင်းအလုပ်သမားတွေနဲ့ ဒေသတွင်း ရမ်းကားသူတွေကြား အစ္စလာမ်-ဗုဒ္ဓဘာသာဆိုင်ရာ ရန်ပွဲတွေမကြာခဏ ဖြစ်လေ့ ရှိတယ်လို့ chinlandguardian သတင်းက ဆိုပါတယ်။

အဲဒီနေ့က မလေးရှားနိုင်ငံသား အင်ဒီးယန်း ၅ ယောက်ပါဝင်တဲ့ အုပ်စုက မြန်မာ အုပ်စုကို စတင်တိုက်ခိုက်ခဲ့တာဖြစ်ပြီး ၂ နှစ်သားကလေးငယ်နဲ့ အသက် ၃၄ နှစ်အရွယ် အမျိုးသားတဦး ထိခိုက်ဒဏ်ရာရရှိချိန်မှာ ကားနဲ့ထွက်ပြေးခဲ့ကြတာပါ။

တိုက်ခိုက်မှုကြောင့် ပေါင်မှာထိခိုက်ဒဏ်ရာရရှိခဲ့တဲ့ ကလေးငယ်နဲ့ ၀မ်းဗိုက်မှာထိ ခိုက်ဒဏ်ရာရရှိခဲ့ကြတဲ့ အမျိုးသားကို ဆေးရုံပို့ဆောင်ပေးခဲ့ကာ စိုးရိမ်စရာမရှိဘူးလို့ သတင်းက ဆိုပါတယ်။

တိုက်ခိုက်ခဲ့ကြတဲ့ အုပ်စုထဲက တဦးကို မလေးရှားရဲတွေက တနာရီအကြာမှာ ဖမ်းမိခဲ့ပြီး သူဟာ ပြစ်မှုကျူးလွန်ခဲ့ဖူးတဲ့ မှတ်တမ်းရှိတယ်လို့ ဆိုပါတယ်။

ဒေါသထွက်နေကြတဲ့ မြန်မာအုပ်စုဘက်မှ အဲဒီတိုက်ခိုက်သူတွေကို တုတ်တွေ၊ ဓားတွေကိုင်ပြီး ရှာခဲ့ကြကာ ကား ၂ စီးကို ကလဲ့စားချေဖျက်ဆီးခဲ့ကြတယ်လို့ သတင်းမှာ ဖော်ပြပါတယ်။

သေဆုံးခဲ့တဲ့ မလေးရှားနိုင်ငံသားရဲ့ဖခင်ကတော့ ဒါဟာ မှားယွင်းပြီး သတ်ခံခဲ့ရ တာဖြစ်တယ်လို့ ဆိုပါတယ်။

By ဒီဗွီဘီ
http://burmese.dvb.no/archives/131253

အဘက အခုထိ ပါတီညီလာခံအတွက် လောလောဆယ် ပြောတာ မရှိသေးဘူး ... ဦးသိန်းစိန် မဲရှုံးပြီးတဲ့နောက်ကို တခြားဧည့်သည်တွေက များနေတယ် ...

~~~~~~~~~~~~~~~~~~~~~~~~~~~~~~~~~~~~~~~~~

ရန်ကုန်၊ ဇန်န၀ါရီလ ၁၀

ယခင်စစ်အစိုးရ ခေါင်းဆောင် ဗိုလ်ချုပ်မှူးကြီး(ငြိမ်း) ဦးသန်းရွှေ ၏ နေပြည်တော် နေအိမ်သို့ ရွေးကောက်ပွဲ အပြီးတွင် နိုင်ငံ့ထိပ်ပိုင်း အကြီးအကဲ ပုဂ္ဂိုလ်များ အပါအ၀င် ဧည့်သည်များ ၀င်ထွက်မှုများလျက် ရှိကြောင်း ဇန်န၀ါရီလ ၄ ရက်နေ့က ဦးသန်းရွှေ၏ နေအိမ်သို့ ရောက်ရှိ ခဲ့သည့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌရုံးအကြံပေး (ယခုသမ္မတရုံး အကြံပေး)ဦးအံ့မောင်က မြန်မာ သံတော်ဆင့်သို့ ပြောသည်။

ဗိုလ်ချုပ်မှူးကြီး(ငြိမ်း) ဦးသန်းရွှေနေအိမ်သို့ သွားရောက်၍ တွေ့ ဆုံခဲ့သည့် အငြိမ်းစား သာသနာရေး ဦးစီးဌာန ညွှန်ကြားရေးမှူးချုပ်လည်းဖြစ်သော ဦးအံ့မောင်က ““ဘာမှတော့မရှိပါဘူး။ ဘုရားဝတ်ပြုတယ်။ ဒါပါပဲ။ ကောင်းတာတွေ ဘုရားဝတ်ပြုတယ်။ တရားထိုင်တယ်။ အဲဒီလောက်ပါပဲ။ ပုံမှန်ပါပဲ။ ထူးခြားချက်မရှိပါဘူး။ ဦးသိန်းစိန် မဲရှုံးပြီးတဲ့နောက်ကို သူနဲ့ ကျွန်တော် မတွေ့ရသေးဘူး။ ကြံ့ခိုင်ရေး မဲရှုံးပြီးတဲ့နောက်ကို သွားသေး တယ်။ တခြားဧည့်သည်တွေက များနေတယ်။ သူနဲ့ရင်းနှီး ၀င်ထွက်နေတာတွေ ရှိတယ်လေ။ ဗိုလ်ချုပ်စိုးရှိန် ကတော့ သူကအမြဲတမ်း ပီအက်စ်အိုသဘော လုပ်နေတာလေ။ ဗိုလ်ချုပ်မှူးကြီးနဲ့ ဒေါ်စုနဲ့ တွေ့သေးတယ် မလား။ ခင်ဗျားတို့ အကဲခတ်လို့ရ မှာပါ”” ဟု မြန်မာသံတော်ဆင့်သို့ ပြောသည်။

၂၀၁၅ ခုနှစ်၊ ဒီဇင်ဘာလအတွင်းက ဗိုလ်ချုပ်မှူးကြီးဟောင်း ဦးသန်းရွှေသည် ကျန်းမာရေးအရ အသည်းအသန် ဖြစ်လျက်ရှိကြောင်း လူမှုကွန်ရက် စာမျက်နှာအချို့တွင် ရေးသားဖြန့်ဝေမှုများလည်း ရှိခဲ့သည်။

ယခင် န၀တ ၊ နအဖ စစ်အစိုးရ အုပ်ချုပ်မှု လက်ထက်မှစ၍ ဗိုလ်ချုပ်မှူးကြီးဟောင်း ဦးသန်းရွှေ တည်ထောင် ဖွဲ့စည်းခဲ့သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းကို ပါတီအဖြစ် ပြောင်းလဲကာ ၂၀၁၀ အထွေထွေ ရွေးကောက်ပွဲတွင် နည်းမျိုးစုံဖြင့် နေရာအများစု၌် အနိုင်ရရှိစေခဲ့ သော်လည်း ၂၀၁၂ ကြားဖြတ် ရွေးကောက်ပွဲ နှင့် ၂၀၁၅ အထွေထွေ ရွေးကောက်ပွဲများတွင် ဗိုလ်ချုပ်မှူးကြီးသန်းရွှေ ရွေးချယ် တာဝန် ပေး ထားခဲ့သော သမ္မတ ဦးသိန်းစိန် ဥက္ကဋ္ဌအဖြစ် ဦးဆောင်သည့် ကြံ့ခိုင်ရေးပါတီသည် ဒေါ်အောင်ဆန်းစုကြည်၏ NLD ပါတီကို တစ်နိုင်ငံလုံး အတိုင်းအတာဖြင့် ရှုံးနိမ့်သွားခဲ့သည့်နောက်ပိုင်း ကြံ့ခိုင်ရေး တည်ထောင်ခဲ့သူ ဗိုလ်ချုပ်မှူးကြီး(ငြိမ်း) ဦးသန်းရွှေသည် ဒေါ်အောင်ဆန်း စုကြည်ကို နေပြည်တော်၌ လက်ခံတွေ့ဆုံခဲ့ရာ သမ္မတရုံး အသိုင်းအ၀ိုင်းထံမှ မနှစ်မြို့သော တုံ့ပြန်ပြောဆိုသံများ ထွက်ပေါ်လာခဲ့သည်။

သမ္မတဦးသိန်းစိန် အစိုးရနှင့် ပြည်ခိုင်ဖြိုးပါတီ၏ နောက်ကွယ် တွင် နိုင်ငံရေးသြဇာကြီးသော ဦးသန်းရွှေကို မလွန်ဆန်နိုင်ကြောင်း သတင်းစကားများ ထွက်ပေါ်ခဲ့သော်လည်း ပြည်ခိုင်ဖြိုးပါတီ၏ အကြီးအကဲ ပုဂ္ဂိုလ်တချို့က ၎င်းအနေဖြင့် ပါဝင်မှု မရှိတော့ကြောင်း ငြင်းဆိုခဲ့ကြသည်။

““အဘ(ဗိုလ်ချုပ်မှူးကြီးသန်းရွှေ)က အခုထိ ပါတီညီလာခံ အတွက် လောလောဆယ် ပြောတာမရှိသေးဘူး။ ပုဂ္ဂိုလ်ရေးအရ ကန်တော့တာတို့၊ တွေ့ဆုံတာတို့တော့ ရှိတာပေါ့။ တပည့်တွေ ဆိုတော့ ခေါ်တွေ့တာတော့ ရှိတာပေါ့။ အခုထိ ပါတီကို တစ်စုံတစ်ရာ ညွှန်ကြားတာ မရှိပါဘူး””ဟု ပါတီဗဟိုအလုပ်အမှုဆောင် (ဗိုလ်မှူးကြီး) ဦးလှသိန်းဆွေက ဇန်န၀ါရီ ၇ ရက်တွင် မြန်မာသံတော်ဆင့်သို့ ပြောသည်။

သမ္မတ ဦးသိန်းစိန် အစိုးရသစ် သက်တမ်းတွင် နာမည်ကောင်း ရရှိစေရန် ဗိုလ်ချုပ်မှူးကြီး(ငြိမ်း) ဦးသန်းရွှေက နိုင်ငံရေး အကျဉ်းသားများ လွတ်ငြိမ်း ချမ်းသာခွင့်ကို ဖန်တီးပေးခဲ့ခြင်း ဖြစ်သည်ဟု စစ်အစိုးရ လက်ထက်မှစ၍ အကြံပေးဖြစ်ခဲ့သူ နိုင်ငံတော်သမ္မတရုံး အကြံပေး ဦးအံ့မောင်က မြန်မာ သံတော်ဆင့်သို့ ပြောကြားခဲ့သည်။

ဝတ်ရည်နွေးနွေး

မြန်မာသံတော်ဆင့်သတင်းဌာန - https://www.facebook.com/myanmarherald

ပထမဆုံး အကြိမ် ကျင်းပ ခဲ့တဲ့ ပြည်ထောင်စု ငြိမ်းချမ်းရေး ညီလာ ခံ မှာ အစိုးရ စစ်တပ် အနေနဲ့ မြန်မာ နိုင်ငံ မှာ တစ်ခုတည်း သော တပ်မတော် ထားရှိ ရမယ် ဆိုတဲ့ မူဝါဒ ကို ကိုင်စွဲပြော ဆို ခဲ့တယ် ဆိုပြီး တပ်မတော် အစုအဖွဲ့ကို ဦးဆောင် လာခဲ့တဲ့ ဒုတိယ ဗိုလ်ချုပ်ကြီး ခင်ဇော်ဦး က ဘီဘီစီကို ပြောပါတယ်။

ပြည်နယ် အစိုးရ အသီးသီး ရဲ့ အုပ်ချုပ် မှု အောက်မှာ ကိုယ်ဆီ လက်နက်ကိုင် လုံခြုံရေး တပ်တွေ ထားလိုတဲ့ သဘောဆန္ဒ ရှိတဲ့ တိုင်းရင်းသား အဖွဲ့တွေ ရှိနေတယ် လို့လည်း ဒုတိယဗိုလ်ချုပ်ကြီး ခင်ဇော်ဦး က ဆိုပါတယ်။

၅ ရက်တာ ကျင်းပခဲ့တဲ့ ပြည်ထောင်စု ငြိမ်းချမ်းရေး ညီလာ ခံ အပြီးမှာ တပ်မတော် အစုအဖွဲ့ ခေါင်းဆောင်ကို ဘီဘီစီ က သီးသန့် တွေ့ဆုံ မေးမြန်းခဲ့ တာ ပါ။

ဒုတိယ ဗိုလ်ချုပ်ကြီး ခင်ဇော်ဦး ဟာ ကစထ လို့ ခေါ်တဲ့ ကာကွယ်ရေးဌာန စစ်ဆင်ရေး အထူးအဖွဲ့ ၃ ရဲ့ အကြီးအကဲ ရာထူး ကနေ အငြိမ်းစား ယူထားသူ ဖြစ်ပါတယ်။

တပ်မတော် နဲ့ ပူးပေါင်း လိုတဲ့ လက်နက်ကိုင် အဖွဲ့တွေ ကို ကြိုဆို မှာ ဖြစ်ပြီ၊ ပြည်တွင်းစစ် ပဋိပက္ခ ချုပ်ငြိမ်း ဖို့ဆိုရင် နိုင်ငံ တကာ မှာ ကျင့်သုံး နေသလိုပဲ လက်နက် ဖြုတ်သိမ်းတာ၊ စစ်ရေး ပြင်ဆင် ဆောင်ရွက်မှု တွေ ရပ်တန့်တာ၊ လက်နက်ကိုင် ဟောင်းတွေ ကို အရပ်ဖက် လူ့ အသိုင်းအဝိုင်း ထဲ ပြန်လည် ပေါင်းစပ် စေတာ စတဲ့ DDR လို့ ခေါ်တဲ့ လုပ်ငန်းစဉ် တွေ ကို အချိန် ကာလ အတိုင်းအတာ သတ်မှတ် ဆောင် ရွက် သွားမယ် လို့လည်း ဒုဗိုလ်ချုပ်ကြီး ခင်ဇော်ဦး က ဆိုပါတယ်။

ဒီ သဘောထားကို ညီလာခံ အဖွင့်တုန်းကလည်း အစိုးရ စစ်တပ် အကြီးအကဲ ဗိုလ်ချုပ်မှုး ကြီး မင်းအောင်လှိုင် ဆီကနေ ကြား ခဲ့ရပြီ ဖြစ်ပြီး တိုင်းရင်းသား လက်နက်ကိုင် တပ် တွေကို သတ်မှတ် ထားတဲ့ အချိန်ကာလ အတိုင်းအတာ တစ်ခု အတွင်း နယ်ခြားစောင့်တပ် အသွင် ပြောင်း ခိုင်း တဲ့ အစိုးရ စစ်တပ် ရဲ့ အစဉ်အဆက် မူဝါဒ ပဲ ဖြစ်တယ် ဆိုတဲ့ဝေဖန် ဆန်းစစ် မှု တွေ ပေါ် ထွက် ခဲ့ ပါတယ်။

ပဋိပက္ခ ပြေငြိမ်းရေး လုပ်ငန်းစဉ် နောက် တစ်ခု ဖြစ်တဲ့ SSR လို့ ခေါ်တဲ့ လုံခြုံရေး ကဏ္ဍကို တာဝန်ယူ ရတဲ့ အစုအဖွဲ့တွေ ပြင်ဆင် ပြောင်းလဲရေး အနေနဲ့ ကတော့ လက်ရှိ တပ်မတော် ကို တပြည်လုံး အတိုင်းအတာ အနေနဲ့ ပြင်ဆင် ပြောင်းလဲဖို့ မလိုအပ် ဘူး ဆိုပြီး ဒုဗိုလ်ချုပ်ကြီး ခင်ဇော်ဦး က ပြောပါတယ်။

ရွေးကောက်ပွဲလွန် ကာလ ဖြစ်ပေါ် လာမယ့် အစိုးရ သစ် နဲ့ လက်တွဲ ဆောင်ရွက် မယ်ဆိုတဲ့ ကတိကဝတ် ကို တပ်မတော် က ပေး ခဲ့ပြီး ဖြစ်တယ် လို့ ဒုဗိုလ်ချုပ်ကြီး ခင်ဇော်ဦး က ဆိုပါတယ်။

ဒါပေမယ့် တစ်ဘက်မှာလည်း အမျိုးသား ဒီမိုကရေစီ အဖွဲ့ချုပ် ဦးဆောင် တဲ့ အစိုးရ သစ် ပေါ်ပေါက် လာတဲ့ အခါ အစိုးရရဲ့ ငြိမ်းချမ်းရေး လုပ်ငန်းစဉ် မူဝါဒ သဘောတွေ အပြောင်းအလဲ လုပ်ဆောင် လာမယ် ဆိုရင် တပ်မတော် ရဲ့ သဘောထား ကရော ဆိုတဲ့ အမေးကိုတော့ ဘာတွေ တကယ် ဖြစ်လာဦးမယ် ဆိုတာ မသိရ သေးတဲ့ အတွက် သူ့အနေနဲ့ ကြိုတင် ပြောဆိုတာ တွေ မလုပ်ချင်ဘူး လို့ ဒုဗိုလ်ချုပ်ကြီး ခင်ဇော်ဦး က တုံ့ပြန် ဖြေကြား ခဲ့ ပါတယ်။

BBC
http://www.bbc.com/burmese/burma/2016/01/160117_peace_conference_khin_zaw_oo_interview

လက်ပံတောင်းတောင် ဆည်တည်းရွာမှာ ခြံစည်းရိုးလိုက်ခတ်နေတဲ့ ဝမ်ပေါင်ကုမ္ပဏီဝန်ထမ်းတွေကို ၂ဝ၁၄ ခုနှစ် ဒီဇင်ဘာလ ၂၃ ရက်နေ့က တွေ့ရစဉ်။ Photo: Kyaw Zaw Win/RFA
 လက်ပံတောင်းတောင် ကြေးနီစီမံကိန်းမှာ လယ်မြေသိမ်းဆည်းခံထားရပြီး မြေလျော်ကြေးရယူထား ခြင်းမရှိသေး တဲ့ ဒေသခံတောင်သူ ၅ဝ ကျော်ဟာ ၂ဝ၁၅ ခုနှစ်အတွက် သီးနှံလျော်ကြေးရရှိဖို့ ဒီနေ့ ဝမ်ပေါင်ကုမ္ပဏီရုံးရှေ့ မှာ တောင်းဆိုဆန္ဒပြခဲ့ကြပါတယ်။

ဒေသခံတွေက ကုမ္ပဏီတာဝန်ရှိသူတွေနဲ့ တွေ့ဆုံခွင့်ပေးဖို့ တောင်းဆိုပေမယ့် တွေ့ခွင့်မရဘူးလို့ ဆည်တည်းရွာသူ မနွယ်နွယ်ဝင်းက ပြောပါတယ်။

"မိမိတို့ရဲ့ လယ်ယာမြေတွေပေါ်မှာ သီနှံစိုက်ခွင့်မရတဲ့အတွက် သီနှံလျော်ကြေး လာတောင်းခံရခြင်းဖြစ်တယ်၊ အခု သူတို့က မုံရွာ ပုသိမ်လမ်းရှေ့မှာ ရဲအင်အားတွေနဲ့ပေါ့နော် ပိတ်ဆို့ထားတာ၊ အခုက သွားလို့လည်းမရဘူး၊ ဒီဘက်က ဖြေရှင်းဖို့ကို တောင်းတော့လည်း သူတို့က ဘာမှပြန်မပြောဘူးပေါ့နော်၊ အခြေအနေက တင်းမာသလိုဖြစ်နေတယ်"

ပြီးခဲ့တဲ့၂ဝ၁၄ ခုနှစ် ဒီဇင်ဘာလ ၂၂ ရက်နေ့မှာ ဝမ်ပေါင်ကုမ္ပဏီက လျော်ကြေးရယူထားမှု မရှိသေးတဲ့ လယ်ယာမြေတွေကို ခြံစည်းရိုးခတ်ခဲ့ပြီး သီးနှံလျော်ကြေးအဖြစ် တစ်ဧကကို ကျပ်နှစ်သိန်းကနေ လေးသိန်း အထိ ပေးအပ်ခဲ့တာဖြစ်ပါတယ်။

လယ်ယာမြေတွေကို ခြံစည်းရိုးခတ်ထားတာကြောင့် ဒေသခံတွေက ၂ဝ၁၅ ခုနှစ်အတွက် သီးနှံလျော်ကြေးပေးဖို့ ထပ်မံတောင်းဆိုကြတာဖြစ်ပြီး လက်ရှိအချိန်ဟာ ပဲစင်းငုံ၊ ပြောင်းနဲ့ နေကြာရိတ်သိမ်းချိန်ဖြစ်တယ်လို့ ပြော ပါတယ်။

စီမံကိန်းကြောင့် လယ်ယာမြေသိမ်းဆည်းခံထားရတဲ့ တောကျောင်း၊ အလယ်ရွာ၊ ရွာသစ်၊ အလယ်တော၊ မိုးကြိုးပြင်နဲ့ ဆည်းတည်းရွာက ဒေသခံတောင်သူလယ်သမား ၅ဝ ကျော်ဟာ ဝမ်ပေါင်ကုမ္ပဏီရုံးရှေ့ကို ပြီးခဲ့တဲ့ ဇန်နဝါရီလ ၁၄ ရက်နေ့ကလည်း  သီးနှံလျော်ကြေး သွားရောက်တောင်းခံခဲ့ကြပါတယ်။

ခြံစည်းရိုးခတ်လိုက်တဲ့ ကြေးနီစီမံကိန်းဧရိယာဝင်းအတွင်း လျော်ကြေး ရယူမှုမရှိသေးတဲ့ လယ်ယာမြေ ဧက ၃ဝဝဝ ခန့်ရှိတယ်လို့သိရပါတယ်။

ဒေါ်ခင်ဝင်းကို သေနတ်နဲ့ ပစ်သတ်ခဲ့တဲ့ တရားခံကို ဖော်ထုတ်ပေး .. ဖော်ထုတ်ပေး ... ဖော်ထုတ်ပေး။တရုတ်ဝမ်ပေါင် ... တို့ နိုင်ငံက အခုထွက်သွား ... အခုထွက်သွား ... အခုထွက်သွား။(ဗွီဒီယို - ကျော်သူအောင်)။

Posted by Nik Nayman on Saturday, January 16, 2016
RFA Burmese
http://www.rfa.org/burmese

 ပြည်ထောင်စု စနစ် ကို တည်ထောင် ရာမှာ ၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်ဖို့ လိုအပ်တဲ့ အကြောင်း တွေကို ဆွေးနွေး
၅ ရက်ကြာ ကျင်းပ ခဲ့တဲ့ ပထမ ဦးဆုံး အကြိမ် ပြည်ထောင်စု ငြိမ်းချမ်းရေး ညီလာခံ ဟာ ဇန်နဝါရီလ ၁၆ ရက်နေ့ ညနေပိုင်း မှာ ပြီးဆုံး ခဲ့ပါတယ်။

နိုင်ငံရေး ဆွေးနွေးပွဲတွေ နဲ့ ငြိမ်းချမ်းရေး ညီလာခံ ကို ၃ နှစ် ကနေ ၅ နှစ် အတွင်း ပြီးပြတ်အောင် ဆောင်ရွက်သွားမယ်လို့ ဆုံးဖြတ်ချက် ချမှတ်ခဲ့ပါတယ်။

နိုင်ငံရေး ကဏ္ဍ ဆွေးနွေးပွဲမှာတော့ ညီလာခံ တက်ရောက် လာကြတဲ့ အစု အဖွဲ့ အားလုံးက ဒီမိုကရေစီ နဲ့ ဖက်ဒရယ် စနစ် ကို အခြေခံတဲ့ ပြည်ထောင်စု စနစ် ကို တည်ထောင် ရာမှာ ၂၀၀၈ ဖွဲ့စည်းပုံ အခြေခံ ဥပဒေကို ပြင်ဆင်ဖို့ လိုအပ်တဲ့ အကြောင်း တွေကို ဆွေးနွေး ခဲ့ကြပါတယ်။

ဖက်ဒရယ် စနစ်ဖွဲ့စည်းမှု မှာတော့ တပ်မတော်သား အစုအဖွဲ့၊ NLD နဲ့ကြံခိုင်ရေး ပါတီတို့ကတော့ လက်ရှိ ပြည်နယ်နဲ့ တိုင်း ၁၄ ခု အတိုင်း ထားရှိဖို့ ဆွေးနွေး ခဲ့ပေ မယ့် တိုင်းရင်းသားပါတီတွေက ကိုယ်စားလှယ် အချို့ကတော့ ၈ ပြည်နယ် အခြေခံပြီး ဖွဲ့ စည်းဖို့ တင်ပြခဲ့ပါတယ်။

အဆိုပါ တင်ပြချက်ဟာ တိုင်းရင်းသားလက်နက်ကိုင် အဖွဲ့တွေနဲ့ နဲ့အဓိက ကွဲလွဲတဲ့အချက်ဖြစ်ပြီး ဒုတိယ အကြိမ်ညီလာခံမှာ အကြိတ်အနယ် ဆွေးနွေး ညှိနှိုင်းရမဲ့အချက်လို့လဲ တိုင်း ရင်းသားခေါင်းဆောင်တွေကပြောပါတယ်။

အခု ၅ ၇က်တာကျင်းပခဲ့တဲ့ညီလာခံ မှာတော့ တပ်မတော်ရဲ့သဘောထားကိုသိခဲ့၇ပြီး နောက်ဆွေးနွေးပွဲတွေမှာ တပ်မတော်ဟာ အဓိက ဆွေးနွေးဖက် ဖြစ်လာ လိမ့်မယ်လို့ရခိုင်အမျိုးသား ပါတီ အကြီးအကဲဦးလှစောက ပြောပါတယ်။

၅ ရက်တာကျင်းပတဲ့ညီလာခံကတော့ ဒီကနေ့မှာပြီးဆုံးခဲ့ပါပြီ သမ္မတ ဦးသိန်းစိန်အစိုးရရဲ့ နောက်ဆုံး ည်ီလာခံဖြစ်သလို့ NCA စာချုပ်ပါ အချိန်ဇယား အတိုင်း ကျင်းပ နိုင်ခဲ့ပါတယ် ညီလာခံက နေ မတူညီတဲ့ အမြင် သဘောထား တွေကိုသိခွင့်ရခဲ့ပေမဲ့ဆွေးနွေးစရာတွေကတော့များစွာရှိနေပြီး ဒါတွေကို နောက်တက်လာမယ့် အစိုးရ အနေနဲ့ ဆက်လက် လုပ်ဆောင် သွားရတော့မှာ ဖြစ်ပါတယ်။

BBC Burmese
http://www.bbc.com/burmese

 ပို့ခဲ့တဲ့ စာတွေ မရောက်ခဲ့ဘူးဆိုရင်လည်း မြန်မာ့ ဆက်သွယ်ရေးထံ တိုင်ကြားနိုင်
မြန်မာ့ စာတိုက် လုပ်ငန်း အရှုံးပေါ် နေတာနဲ့ ပတ်သက်လို့ ဒီဇင်ဘာလ ၁၅ ရက်နေ့က လွှတ်တော်မှာ မေးမြန်းခဲ့ကြပါတယ်။

အများပြည်သူ ယုံကြည်မှု နည်းပါး ပြီး အရှုံးပေါ် နေတဲ့ မြန်မာ့ စာတိုက် လုပ်ငန်းကို ခေတ်မီ တိုးတက်အောင် ပြုပြင် ပြောင်းလဲမှုတွေ လုပ်ရမှာ ဖြစ်တယ်လို့ စာတိုက် လုပ်ငန်း ဆိုင်ရာ အထွေထွေ မန်နေဂျာ ဦးခမ်းအောင်က ဘီဘီစီကို ပြောပါတယ်။

စာတိုက် စနစ် ဟာ အရင်တုန်း က အရည်အသွေး ကျဆင်း ခဲ့တယ်ဆိုတာ မှန်တယ်လို့ ဝန်ခံခဲပြီး အခုအခါမှာတော့ တိုးတက်အောင် ပြန်လည် ပြုလုပ် နေကြောင်း ဒီနေ့ပို့ မနက်ဖန် ရောက် စာပို့ စနစ်ကို ကျင့်သုံးနေတယ်လို့လည်း ပြောပါတယ်။

အများပြည်သူတို့ ပို့ခဲ့တဲ့ စာတွေ မရောက်ခဲ့ဘူးဆိုရင်လည်း မြန်မာ့ ဆက်သွယ်ရေးထံ တိုင်ကြားနိုင်တယ်လို့လည်း ဆက်ပြောပါတယ်။

နိုင်ငံတကာ စာပို့ အဖွဲ့ချုပ်နဲ့လည်း ဆက်သွယ် ဆောင်ရွက် ထားခဲ့ပြီး ၂၀၁၂ ခုနှစ် တုန်းက ဆိုလျှင် တစ်ကမ္ဘာလုံး မှာ မြန်မာ့ စာတိုက် ဟာ အဆင့် ၁၁ အထိ ချိတ် ခဲ့ပြီး ၂၀၁၅ ခုနှစ်မှာတော့ နိုင်ငံတကာမှာ မြန်မာ့စာပို့ စနစ် ဟာ အဆင့် ၆၅ အထိ ကျဆင်း ခဲ့တယ်လို့ ဆိုပါတယ်။

စာတစ်စောင် ပို့ခကို ပြည်တွင်းမှာ တစ်ရာ ကျပ်သာ ကောက်ယူခဲ့ပေမယ့် တကယ်တန်း ကုန်ကျစားရိတ်က ၂၃၇၈ ကျပ် ရှိတာကြောင့် နိုင်ငံတော် အနေနဲ့ စာတစ်စောင် ပို့တိုင်းမှာ ကျပ် ၂ ထောင်ကျော် အရှုံးခံ လုပ်ဆောင်နေရတယ်လို့ လည်း ဆက်ပြောပါတယ်။

မြန်မာ့ စာပို့ စနစ်ကို ကျေးရွာ နဲ့ နယ်စွန် နယ်ဖျားတွေ အထိ တိုးချဲ့ ပို့ဆောင်ဖို့ အစီအစဉ်တွေ၊ အွန်လိုင်း အရောင်းအဝယ် ထွန်းကား လာတာနဲ့ အမျှ စာပို့ လုပ်ငန်း စနစ် တွေကို တိုးတက်အောင် လုပ်ဆောင်သွားမယ့် အစီအစဉ်တွေကိုလည်း ချမှတ် ထားတယ်လို့ ပြောကြားခဲ့ပါတယ်။

BBC Burmese
http://www.bbc.com/burmese

တိုက်ခိုက်မှု ဖြစ်ပွားခဲ့သည့် ဂျကာတာမြို့ Starbucks ကော်ဖီဆိုင်အနီးရှိ ရဲတပ်ဖွဲ့ဝင်များကို ဇန်န၀ါရီလ ၁၅ရက်နေ့က တွေ့ရစဉ်။ 
အင်ဒိုနီးရှားနိုင်ငံ၊ ဂျကာတာမြို့တော်မှာ ကြာသပတေးနေ့က တိုက်ခိုက်မှုနဲ့ဆက်စပ်ပြီး သံသယရှိသူ ၁၂ ဦးကိုဖမ်းဆီးထားတယ်လို့ အင်ဒိုနီးရှား ရဲတပ်ဖွဲ့က ပြောပါတယ်။ သံသယရှိခံထားရသူတွေကို နိုင်ငံတ၀ှမ်းက ၀င်ရောက် စီးနင်းမှုတွေ အတွင်းဖမ်းဆီးခဲ့တာဖြစ်တယ်လို့ အမျိုးသားရဲအရာရှိချုပ် Badrodin Haiti က စနေနေ့က ပြောပါတယ်။ဒီအကြမ်းဖက်တိုက်ခိုက်မှုဟာ သူတို့ရဲ့ လက်ချက်ဖြစ်တယ်လို့ပြောဆိုထားတဲ့ IS အဖွဲ့က ဒီအုပ်စု ကို ငွေကြေးအထောက်ပံ့ပေးနခဲ့တာဖြစ်တယ်လို့ ရဲအရာရှိချုပ်ကဆိုပါတယ်။

ဂျကာတာမြို့တော်မှာ ကြာသပတေးနေ့က ရဲနဲ့ အခြားနေရာတွေကို ဗုံးခွဲပြီး သေနတ်နဲ့ ပစ်ခတ်တိုက်ခိုက်မှုအတွင်းပါဝင်ခဲ့သူ အကြမ်းဖက်သမား ငါးယောက်လုံးသေဆုံးသွားခဲ့ပါတယ်။ ဒီတိုက်ခိုက်မှုအတွင်းအရပ်သား ၂ ယောက် လည်း သေဆုံးသွားပါတယ်။

သေဆုံးသွားတဲ့ အကြမ်းဖက်သမားငါးယောက်ထဲက တယောက်ဟာလည်း အင်ဒိုနီးရှားနိုင်ငံကို သမ္မတ ဘရက်ခ် အိုဘားမား အလည်အပတ် လာရောက်ခဲ့စဉ် တုန်းက လက်နက်ခဲယမ်းပိုင်ဆိုင်မှုနဲ့ အဖမ်းခံခဲ့ဖူးသူဖြစ်တယ်လို့ ရဲ အရာရှိချုပ် Haiti က သောကြာနေ့ကပြောပါတယ်။

၂၀၀၉ ခုနှစ်တုန်းက ဟော်တယ်နှစ်လုံးကို တပြိုင်နက်ထဲ ဗုံးခွဲတိုက်ခိုက်လို့ လူ ၇  ဦး သေဆုံးခဲ့ရတဲ့ ဖြစ်ရပ်နောက်ပိုင်း ဒီအကြမ်းဖက် တိုက်ခိုက်မှုဟာ အင်ဒိုနီးရှားနိုင်ငံအတွင်း အဆိုးရွားဆုံးအဖြစ်အပျက်လည်းဖြစ်ပါတယ်။ အင်ဒိုနီးရှား နိုင်ငံဟာကမ္ဘာပေါ်မှာ မွတ်ဆလင် လူဦးရေ အများဆုံးနေထိုင်တဲ့ နိုင်ငံလည်း ဖြစ်ပါတယ်။ ဒီလိုအကြမ်းဖက်တိုက်ခိုက်မှု ကြောင့် ဒေသတွင်းနိုင်ငံတွေမှာလည်း လုံခြုံရေးကို အထူးတင်းကြပ်ထားကြပါတယ်။ အိမ်နီးချင်း မလေးရှားနိုင်ငံမှာတော့ အသေခံဗုံးခွဲတိုက်ခိုက်ဖို့ကြံစည်ထားတယ်လို့ဝန်ခံသူလည်းဖြစ် IS အဖွဲ့ ဝင်အဖြစ်သံသယရှိသူ အသက် ၂၈ နှစ်အရွယ်လူတယောက်ကို စနေနေ့က ဖမ်းဆီးထားတယ်လို့ ရဲဘက်ကဆိုပါတယ်။ သူ့ကို Kuala Lumpur ကရထားဘူတာရုံတခုမှာထိန်းသိမ်းထားပါတယ်။ သူ့ဆီမှာ လက်နက်တွေနဲ့ IS အကြမ်းဖက်သမားတို့ရဲ့ အလံအတော်များများကို တပါထဲတွေ့ရတယ်လို့ အာဏာပိုင်တွေကပြောပေမယ့် အဖြစ်အပျက် အသေးစိတ်ကိုတော့ ထုတ်ပြောသွားခြင်းမရှိပါဘူး။

ဗွီအိုအေ (မြန်မာပိုင်း)
http://burmese.voanews.com

တိုင်ဝမ်ရဲ့ ပထမဆုံး အမျိုးသမီးသမ္မတ
အတိုက်အခံပါတီ ခေါင်းဆောင် ရှိုင်ယင်ဝမ်းကို တိုင်ဝမ်ရဲ့ ပထမဆုံးအမျိုးသမီး သမ္မတအဖြစ် ဒီနေ့ကျင်းပတဲ့ ရွေးကောက်ပွဲက ရွေးကောက် တင်မြှောက် လိုက်ပါတယ်။

ရွေးကောက်ပွဲမှာ အနိုင် ရရှိခဲ့တဲ့ DPP ပါတီ သမ္မတလောင်း ရှိုင်ယင်ဝမ်း က တိုင်ဝမ် နိုင်ငံသားတွေ အနေနဲ့ စည်းစည်းလုံးလုံး နဲ့ နိုင်ငံတကာအသိုင်းအဝိုင်းကို တိုင်ဝမ် နိုင်ငံရဲ့ ကိုယ်ပိုင်လက္ခဏာကို အခု ရွေးကောက်ပွဲမှာ စုပေါင်းပြီး ပြသခဲ့တယ်လို့ ပြောကြားခဲ့ပြီး သူ့အစိုးရကို အဂတိလိုက်စားမှု ကင်းအောင် ကြိုးစားမယ်လို့ဂတိပေးခဲ့ပါတယ်။

အသက်၅၉နှစ်ရှိ ရှိုင်ယင်ဝမ်း ရဲ့ Democratic Progressive Party ပါတီဟာ တိုင်ဝမ်ကို လွတ်လပ်တဲ့ တိုင်းပြည်တစ်ခုအဖြစ်ဆက်လက်ရက်တည်လိုပြီး တရုတ်ပြည်နဲ့ ပြန်လည်ပေါင်းစည်းကို ဆန့်ကျင်နေတဲ့ ပါတီဖြစ်ပါတယ်။

လက်ရှိ အာဏာရ ပါတီ ဖြစ်တဲ့ ကူမင်တန်ပါတီက ရွေးကောက်ပွဲမှာ ရှုံးနိမ့်ခဲ့ကြောင်း ဝန်ခံ ပြောကြား လိုက်ပါတယ်။ ကူမင်တန်ပါတီ ရဲ့ တရုတ်ပြည်နဲ့ ပြန်လည်ပေါင်းစည်းရေး မူဝါဒဟာ လူကြိုက်နည်းခဲ့ပြီး ရွေးကောက် ပွဲမှာ မဲရရှိမှု အလွန် နည်းပါးခဲ့တယ်လို့ ဆိုပါတယ်။

တရုတ် ပြည်မကြီးနဲ့ ပေါင်းစည်းလိုခြင်း မရှိတဲ့ ဒီမိုကရက်တစ် တိုးတက်ရေး ပါတီက ရွေးကောက်ပွဲမှာ အနိုင်ရရှိ ခဲ့တာကြောင့် တရုတ်ပြည်နဲ့ ဆက်ဆံရေးမှာ ကွဲလွဲမှုတွေ ဖြစ်ပေါ်လာနိုင်စရာ ရှိတယ်လို့ ဘီဘီစီ သတင်းထောက်က သတင်းပေးပို့ ထားပါတယ်။

BBC Burmese
http://www.bbc.com/burmese


နိုင်ငံတကာ နဲ့ ကြား သဘောတူ ထားခဲ့သလို အီရန်ဟာ သူတို့ လုပ်ဆောင် ရမယ့် နျုကလီယာ ထိန်းချုပ်ရေး လုပ်ငန်းစဉ် တွေ အားလုံးကို လိုက်နာ ဆောင်ရွက် ခဲ့တယ် လို့ ကုလသမဂ္ဂရဲ့ နျူကလီယာ စောင့်ကြည့်ရေး အဖွဲ့ IAEA က အတည်ပြု ပြောဆို လိုက်ပါတယ်။

တရားဝင် ထုတ်ပြန်ချက် တစ်ရပ်လည်း IAEA ဘက်က မကြာခင် ထွက်လာလိမ့်လို့ မျှော်လင့် ရပါတယ်။

IAEA က အခုလို အတည်ပြု ပြောဆိုပြီး မကြာခင်မှာပဲ ဥရောပ သမဂ္ဂ အီးယူ က အီရန် အပေါ် ချမှတ်ထားတဲ့ ပိတ်ဆို့မှု တွေ ကို ရုတ်သိမ်း လိုက်ပြီ ဆိုပြီး အီးယူ အဖွဲ့ ရဲ့ နိုင်ငံခြားရေး မူဝါဒ ပိုင်း ဆိုင်ရာ အကြီးအကဲ ဖက်ဒရီးကား မိုဂီရီးနီးက ကြေညာလိုက်ပါတယ်။

အမေရိကန် ကလည်း အီရန် အပေါ် ချမှတ် ထားတဲ့ သူတို့ရဲ့ ပိတ်ဆို့ ကန့်သတ်မှု တွေကို ရုတ်သိမ်း လိုက်ပြီ ဖြစ်တယ် လို့ အမေရိကန် အစိုးရ က ပြောပါတယ်။

BBC Burmese
https://www.facebook.com/bbcburmese/

အကြမ်းဖက် သမားများ ထိမ်းချုပ်ထားသည့် ဟိုတယ်ကို ဇန်န၀ါရီလ ၁၅ရက်က တွေ့ရစဉ်။ 
အာဖရိကတိုက်ထဲက Burkina Faso နိုင်ငံ မြို့တော်က အဆင့်မြင့်ဟိုတယ်တခုကို ISအစွန်းရောက်အကြမ်းဖက်သမားတွေလို့ ယူဆရတဲ့စစ်သွေးကြွတွေ ထိန်းချုပ်ထားတာ ခုတော့အဆုံးသတ်သွားပြီလို့ အစိုးရအရာရှိတွေကပြောပါတယ်။

ဒီဖြစ်ရပ်မှာ လူ၂၀ ထက်မနည်းသေဆုံးသွားခဲ့တာပါ။ ဟိုတယ်ထဲက ဓားစာခံ ၁၂၆ ယောက်ကို စနေနေ့က ကယ်တင်ပေးနိုင်ခဲ့ပြီး ဂျီဟတ်စစ်သွေးကြွ ၃ ယောက်လည်း သေဆုံးသွားခဲ့ တဲ့အပြင် ဓားစာခံ အယာက် ၃၀ လောက် ဒဏ်ရာ ရသွားတယ်လို့ အာဏာပိုင်တွေကပြောပါတယ်။

အနီးဝန်းကျင်က ဟိုတယ်တွေမှာ အကြမ်းဖက်သမားတွေ ပုန်းအောင်းနေခြင်း ရှိမရှိကိုလည်း လုံခြုံရေးတပ်သားတွေလိုက်လံရှာဖွေနေတယ်လို့ Burkina Faso ရဲ့ ပြည်ထဲရေးနဲ့ လုံခြုံရေးဝန်ကြီး Simon Compaore ကပြောပါတယ်။ အခင်းဖြစ်ပွါးခဲ့ရာ အနီးတ၀ိုက်က ဟိုတယ်တခုမှာ ပြင်းထန်တဲ့ တိုက်ခိုက်မှုတွေဖြစ်နေခဲ့တယ်လို့လည်း ပြောဆိုမှုတွေရှိနေပါတယ်။

နိုင်ငံခြားသားတွေနဲ့ ကုလသမဂ္ဂ၀န်ထမ်းတွေအလာများတဲ့ Ouagadougou မြို့ ထဲက ဟိုတယ်ကို သောကြာနေ့နှောင်းပိုင်းက သေနတ်သမားတွေ ၀င်ရောက် စီးနင်းခဲ့ပြီးတဲ့နောက်အစိုးရတပ်တွေဟာပြင်သစ်တပ်သားတွေနဲ့အတူ အကြမ်းဖက်သမားတွေကို စီးနင်းတိုက်ခိုက်ပြီး ဟိုတယ်ကို ပြန်သိမ်းယူခဲ့တာ ဖြစ်ပါတယ်။ သေနတ်သမားတွေက ဟိုတယ်ကိုသိမ်းပိုက်ထားပြီး ငါးနာရီလောက်အကြာမှာ အစိုးရတပ်တွေက ၀င်ရောက်စီးနင်းခဲ့တာပါ။ ဒီလုပ်ရပ်ကို စက်ဆုပ်ဖွယ် သူရဲဘောကြောင်တဲ့ လုပ်ရပ်ဖြစ်တယ်လို့ ပြင်သစ် သမ္မတ Francois Hollande ကပြောပါတယ်။ ဒါဟာ AQIM လို့ခေါ်တဲ့ ဒေသတွင်း al-Qaida တို့ရဲ့ လက်ချက်ဖြစ်တယ်လို့ ဂျီဟတ် စစ်သွေးကြွတွေရဲ့လုပ်ရပ်ကိုစောင့်ကြည့်နေတဲ့ SITE အဖွဲ့ကပြောပါတယ်။ ဒီတိုက်ခိုက်မှုကို ပြင်းပြင်းထန်ထန်ရှုံချတယ်လို့ အမေရိကန် နိုင်ငံခြားရေးဌာနပြောခွင့်ရ John Kirby ကလည်းပြောသွားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

အမျိုးသားဒီမိုကရေစီအဖွဲ့ချုပ် အစိုးရ လက်ထက် တွေ့ရမယ့် စိန်ခေါ်မှုတွေ ထဲ ဖက်ဒရယ် ပြည်ထောင်စု တည်ဆောက်ရေး လည်း ပါဝင်
အမျိုးသားဒီမိုကရေစီအဖွဲ့ချုပ်အနေနဲ့ ဖက်ဒရယ် ပြည်ထောင်စု တည်ဆောက်ရေးအပေါ် မူအရ လက်ခံထားပြီး ဘယ်လိုစုဖွဲ့တည်ဆောက်မလဲ ဆိုတာနဲ့ ပတ်သက်လို့ ဖြစ်နိုင်ချေတွေ အားလုံး ကို လမ်းဖွင့် ပေးထားတယ် လို့ ဆိုပါတယ်။

ပြီးခဲ့တဲ့ ပြည်ထောင်စုငြိမ်းချမ်းရေး ညီလာခံမှာ ဖက်ဒရယ်ပြည်ထောင်စု ကို ဘယ်လိုစုဖွဲ့တည်ဆောက်မလဲ ဆိုတာနဲ့ပတ်သက်လို့ မတူတဲ့အမြင်များစွာ ပေါ်ထွက်ခဲ့ပါတယ်။

တချို့က ဗမာပြည်နယ် တခုဖွဲ့စည်းပြီး အခုလက်ရှိတိုင်းရင်းသား ပြည်နယ် ၇ ပြည်နယ် နဲ့ ပေါင်းကာ စုစုပေါင်း ၈ ပြည်နယ်နဲ့ဖွဲ့စည်းမယ့် ဖက်ဒရယ်ပြည်ထောင်စု ပေါ်ထွန်းဖို့လုပ်ဆောင်လိုတဲ့ သူများရှိသလို၊ ပြည်နယ်အသစ်များထပ်တိုး ဖွဲ့စည်းရေး တောင်းဆိုတာတွေလည်း ရှိနေပါတယ်။

ရွေးကောက်ပွဲအနိုင်ရ NLD ပါတီ အနေနဲ့ကတော့ ပထမ အပစ်အခတ်ရပ်စဲရေး သဘောတူညီချက်မှာ တိုင်းရင်းသားလက်နက်ကိုင်အဖွဲ့ အားလုံးပါဝင်အောင် လုပ်ဆောင်ရမယ်။

အဲဒီနောက်ပိုင်း နိုင်ငံရေးဆွေးနွေးပွဲကျမှသာ ဖက်ဒရယ် ပြည်ထောင်စု ကို ဘယ်လို တည်ဆောက်ကြမလဲဆိုတာ ကို ဆွေးနွေးအဖြေရှာကြမှာ ဖြစ်တယ် လို့ NLD ပါတီ ပြောခွင့်ရပုဂ္ဂိုလ် တယောက် ဖြစ်တဲ့ ဦးဝင်းထိန် က ဘီဘီစီ ကို ပြောပါတယ်။

၈ ပြည်နယ်နဲ့ ဖက်ဒရယ် ပြည်ထောင်စု ဖွဲ့စည်းတည်ဆောက်ရေး ကို ပြည်ထောင်စု ငြိမ်းချမ်းရေး ညီလာခံ တက်ရောက်ခဲ့တဲ့ NLD ပါတီခေါင်းဆောင် တချို့ က သဘောမတူကြောင်း ပြသခဲ့တယ် ဆိုတဲ့ သတင်းတွေနဲ့ ပတ်သက်လို့တော့ ဦးဝင်းထိန် က ပါတီ တခုလုံးအနေနဲ့ ပြည်နယ်အရေအတွက် အတိအကျ သတ်မှတ်မထားသေးကြောင်း ပြောပါတယ်။

NLD ပါတီအနေနဲ့ အပစ်အခတ်ရပ်စဲရေး အတွက် ကြိုးစားတဲ့နေရာမှာရော၊ ဖက်ဒရယ်ပြည်ထောင်စု ကို ဘယ်လို တည်ဆောက်ကြမလဲ ဆိုတာနဲ့ ပတ်သက်လို့ရော စိန်ခေါ်မှုတွေအများကြီး ကျော်ဖြတ်ရဖို့ ရှိတယ်လို့ လည်း သုံးသပ်ပြောနေကြပါတယ်။

BBC Burmese
http://www.bbc.com/burmese

 gradeworld-workres-protest-620.jpg အစိုးရသစ်အနေနဲ့ အလုပ်ရှင်ပေါ် ထိရောက်တဲ့ ပြစ်ဒဏ်တွေကို ပြင်ဆင်သတ်မှတ်ပေးဖို့ အလုပ်သမား ၁၅ဝဝ ကျော် ဇန်နဝါရီလ ၁၆ ရက်နေ့က လမ်လျှောက်ဆန္ဒထုတ်ဖော်စဉ်
Photo: Bone Myat/RFA

အလုပ်သမား ဥပဒေမှာ ပြဌာန်းထားတဲ့ အလုပ်ရှင်ပေါ်ချမှတ်တဲ့ ပြစ်ဒဏ်တွေဟာ ထိရောက်မှုမရှိ တာကြောင့် နောင်တက်လာမယ့် အစိုးရသစ်အနေနဲ့ ထိရောက်တဲ့ ပြစ်ဒဏ်တွေကို ပြင်ဆင်သတ်မှတ်ပေးဖို့ အလုပ်သမား ၁၅ဝဝ ကျော်က ဒီကနေ့ ဆန္ဒပြ တောင်းဆိုခဲ့ကြပါတယ်။

လှိုင်သာယာမြို့နယ် ရွှေလင်ဗန်းစက်မှုဇုန်ကနေ စက်မှုဇုန်ဝင်းတစ်လျှောက် လမ်းလျှောက် ဆန္ဒဖော်ထုတ် ခဲ့ကြတာဖြစ်ပါတယ်။ အလုပ်ရှင်တွေအပေါ် သတ်မှတ်ထားတဲ့ ဥပဒေကို ပြင်ဆင်ပေးဖို့ လိုအပ်ကြောင်း အလုပ်သမားတွေနဲ့အတူ ဆန္ဒပြတဲ့ အလုပ်သမားအရေး လုပ်ဆောင်ပေးနေတဲ့ ရှေ့နေ ဦးဌေးက ပြောပါတယ်။

"အလုပ်သမားအများစုက အဲ့ဒါနဲ့ ဘဝပျက်တာ၊ အလုပ်သမား အခွင့်အရေးတွေ ဆုံးရှုံးတာဖြစ်တဲ့အတွက် ဒါတွေကို ပြင်ဆင်ပေးမှဖြစ်တယ်၊ ပြင်ဆင်ပေးဖို့အတွက် ပြည်ထောင်စုလွှတ်တော်ရဲ့ နောက်ဆုံး ကာလတွေဖြစ်တော့ လာမယ့်လွှတ်တော်အသစ်အတွက်တော့ ရည်ရွယ်ပြီးတော့ လွှတ်တော်အသစ်မှာ တင်ကြမှာ၊ ဒီစာတွေတင်ဖို့ဟာအတွက် ဒီအလုပ်သမားလှုပ်ရှားမှုဟာ အစိုးရအသစ်အတွက် လွှတ်တော် အသစ်အတွက် ဒါဟာ ရှေ့ပြေးကနဦးပေါ့၊ အဲ့ဒီမှာပြင်နိုင်အောင် ကြိုးစားကြရမှာ"

လက်ရှိပြဌာန်းထားတဲ့ အလုပ်သမားဥပဒေမှာ အလုပ်ရှင်နဲ့ အလုပ်သမား ပြဿနာတွေ ဖြစ်ပွားတဲ့အခါ အလုပ်ရှင်တွေအတွက် ငွေဒဏ်ပေးဆောင်ဖို့သာ ပြဌာန်းထားပြီး ငွေဒဏ်အစား ထောင်ဒဏ် ပြင်ဆင်ပေးဖို့ အလုပ်သမားတွေက တောင်းဆိုကြတာဖြစ်ပါတယ်။

အဲ့ဒီဆန္ဒပြပွဲမှာ ခုံသမာဓိကောင်စီရဲ့ ခွင့်ပြုချက်ကို မလိုက်နာသူ မည်သူကိုမဆို အနည်းဆုံးထောင်ဒဏ် ၁ နှစ် ချမှတ်ပေးဖို့၊ ညှိနှိုင်းမှုမလုပ်ပဲ အလုပ်ရှင်က တဖက်သက် အလုပ်ထုတ်ပယ်ရင် အရေးယူပေးဖို့၊ အလုပ်ခန့် ထားမှုဆိုင်ရာ သဘောတူစာချုပ်နဲ့ ဒေသန္တရ လုပ်ငန်းခွင် စည်းကမ်းတွေကို အလုပ်ရှင်နဲ့အလုပ်သမား နှစ်ဘက် သဘောတူညီမှုနဲ့ အမြန်ဆုံးချုပ်ဆိုပေးဖို့ စတဲ့အချက်တွေကို ကြွေးကျော်ခဲ့ကြတာဖြစ်ပါတယ်။

အလုပ်သမားတွေဟာ လှိုင်သာယာမြို့နယ် ဂရိတ်ဝေါ စက်ရုံကနေ အောင်မြေသာယာ အားကစားကွင်းအထိ လမ်းလျှောက်ဆန္ဒပြခဲ့ကြပါတယ်။

RFA
http://www.rfa.org/burmese/news/hlaingtharyar-gradeworld-wokers-protest-01162016110310.html


bagan-620.jpg
မြန်မာနိုင်ငံရဲ့ ယဉ်ကျေးမှုထွန်းကားရာ ပုဂံဒေသကို မြင်တွေ့ရစဉ်
Photo: RFA

ပြီးခဲ့တဲ့ ဇန်နဝါရီလ ၁၃ ရက်နေ့ထုတ် 7 Day News Journal မှာ ပုံနှိပ်ထုတ်ဝေခဲ့တဲ့ ပုဂံဘုရားပွဲ အသစ်နဲ့ပုဂံအမြင်သစ် ဆောင်းပါးမှာ ပုဂံဘုရားပုံတွေကို အိမ်သာအိုးပုံနဲ့ ယှဉ်တွဲဖော်ပြထားတဲ့အတွက်ဆိုပြီး အမျိုးဘာသာသာသနာ စောင့်ရှောက်ရေးအဖွဲ့ မဘသက ကန့်ကွက်ကြောင်း ကြေညာချက်ထုတ်ပြန်ပါတယ်။

အဲ့ဒီသရုပ်ဖော်ပုံဟာ အမျိုးဘာသာသာသနာတစ်ရပ်လုံးကို စော်ကားခဲ့တဲ့လုပ်ရပ်ဖြစ်တာကြောင့် တရားစွဲဖို့အထိ ပြင်ဆင်နေတယ်လို့ အမည်မဖော်လိုတဲ့ မဘသအဖွဲ့ရဲ့ ပြန်ကြားရေးတာဝန်ခံ တစ်ဦးက ပြောပါတယ်။

"အခုအခြေအနေကတော့ တရားစွဲမယ့်သဘောပဲရှိတာပေါ့လေ၊ ဘာကြောင့်လဲဆိုတော့ ဒါသည် မဘသနဲ့ ချည်းပဲဆိုင်တာ မဟုတ်ဘူးပေါ့နော်၊ တစ်နိုင်ငံလုံးမှရှိသမျှ ဗုဒ္ဓဘာသာဝင်တွေ အားလုံးနဲ့ ဆိုင်ပါတယ်၊ ဒီဆောင်းပါက တကယ့်တကယ်ကျတော့ ဒီလောက်ကြီးထိ အိမ်သာသမုဒ်ကြီးနဲ့ ဘုရားတွေနဲ့ တွဲပြီးတော့ ပြစရာမလိုဘူးလေ၊ သာမန်အားဖြင့် ပုဂံညောင်ဦးဆိုရင် ပုဂံညောင်ဦးမုဒ်ဦးလေးနဲ့ အိမ်သာသမုဒ်နဲ့ ဒါဆိုရင် ပြဿနာမရှိဘူး၊ အခုဟာက ပုဂံညောင်ဦးဘုရားတွေနဲ့ အိမ်သာသမုဒ်ကြီးနဲ့ တွဲပြီးပြထားတာ ဒါတော်တော်ပုံဆိုးတယ်"

လာမယ့်အပတ်ထုတ် 7 day news ဂျာနယ်မှာလည်း တောင်းပန်စာထပ်မံထည့်သွင်းသွားမှာ ဖြစ်တယ်လို့ 7 Day News ဂျာနယ်ရဲ့ ဒုတိယအယ်ဒီတာချုပ် ကိုအားမာန်က ပြောပါတယ်။

"သရုပ်ဖော်ပုံ ပါခဲ့တာက ပြီးခဲ့တဲ့အပတ် ဂျာနယ်မှပါခဲ့တော့လေ လာမယ့်အပတ်ထွက် ကျနော်တို့ ဂျာနယ်မှာ အဲ့ဒီပုံနဲ့ပတ်သက်ပြီးတော့ ကျနော်တို့ သရုပ်ဖော်ရာမှာ မရည်ရွယ်ပဲနဲ့ အဲ့ဒီလိုဖြစ်သွားတာ၊ တချို့လည်း အဲ့ဒီလိုဖြစ်တော့လေ၊ ကျနော်တို့လည်း ပေါ့ဆတဲ့အပိုင်းဖြစ်တယ်၊ အဲ့ဒါကို ပြန်ပြီးတော့ ကျနော်တို့ တောင်းပန် တဲ့ဟာ ဖော်ပြဖို့ပြင်ထားပါတယ်ဗျ"

အဲ့ဒီဆောင်းပါးဟာ နိုင်ငံခြားသား ခရီးသွားတွေများတဲ့ ပုဂံဒေသမှာ အများသုံးသန့်စင်ခန်းတွေ သန့်ရှင်းမှု မရှိတဲ့အတွက် ခရီးသွားတွေ အဆင်ပြေမှုမရှိတာကို ရေးသားထားတာ ဖြစ်ပါတယ်။

ဆောင်းပါးပါသရုပ်ဖော်ပုံနဲ့ပတ်သက်ပြီး အမြင်မတော်မှုများရှိခဲ့တဲ့အတွက် တောင်းပန်ကြောင်း ဒီနေ့ထုတ်ဝေတဲ့ 7 day သတင်းစာမှာ ဖော်ပြခဲ့ပါတယ်။

ထိုင်းနိုင်ငံတောင်ပိုင်း ခိုတောင်ကျွန်းလူသတ်မှုကြောင့် သေဒဏ်ချမှတ်ခံရတဲ့ ကိုဝင်းဇော်ထွန်းနဲ့ ကိုဇော်လင်း တို့နှစ်ဦး လွတ်မြောက်ဖို့ ပြီးခဲ့တဲ့ ဒီဇင်ဘာလအတွင်းက ရန်ကုန်မြို့တွင်း ဆန္ဒပြတောင်းဆိုခဲ့မှုတွေကို မဘသ အဖွဲ့က ဦးဆောင်ကျင်းပခဲ့တယ်ဆိုပြီး 7 Day News သတင်းစာအနေနဲ့ သုံးနှုန်းခဲ့တာတွေရှိခဲ့တယ်လို့လည်း မဘသအဖွဲ့က ပြောပါတယ်။

RFA
http://www.rfa.org/burmese/news/mabatha-file-lawsuits-aginst-7day-news-weekly-01162016115854.html

 students-tharyarwaddy-court-620.jpg ဖမ်းဆီးခံထားရတဲ့ ကျောင်းသားတွေကို သာယာဝတီခရိုင်တရားရုံးမှာ မေလ ၁၂ ရက်နေ့က ရုံးထုတ်စဉ်
Photo: Kyaw Zaw Win/RFA

လက်ပံတန်းကျောင်းသားသပိတ်ကြောင့် ဖမ်းဆီးခံထားရတဲ့ ကျောင်းသား ကျောင်းသူတွေကို လွှတ်ပေးဖို့ ပြီးခဲ့တဲ့နှစ် မတ်လက အင်းလျားကန်ဘောင်ရှေ့မှာ ဆန္ဒပြတောင်းဆိုခဲ့တဲ့ ကိုဒီငြိမ်းလင်း၊ ကိုသီဟမောင်မောင်၊ ကိုသက်ဆွေဝင်းနဲ့ ကိုမိုသွေးတို့လေးဦးကို လှိုင်မြို့နယ်ရဲစခန်းက ပုဒ်မ ၁၉ နဲ့ တရားစွဲဆိုလိုက်ပါတယ်။

လှိုင်မြို့နယ်ရဲစခန်းက ဒီနေ့ ဖုန်းဆက်အကြောင်းကြားလာတာဖြစ်ပြီး ဆင့်ခေါ်စာပေးပို့တာ မရှိသေးဘူးလို့ တရားစွဲဆိုခံရသူတစ်ဦးဖြစ်တဲ့ ကိုဒီငြိမ်းလင်းက ပြောပါတယ်။

"ကျနော်တို့အထဲမှပါတဲ့ ကိုသီဟမောင်မောင်ကို ဖုန်းဆက်အကြောင်းကြားထားတာလည်း ရှိသေးတယ်ဗျ၊ တရားပြန်စွဲထားတယ်ပေါ့လေ၊ ကျနော်တို့ ၄ ယောက်ကို တရားစွဲထားတယ်ဆိုတဲ့ အဆင့်ပဲရှိသေးတယ်ဗျ၊ စာပို့တာကတော့ ဒီနေ့ညလောက်မှာ ဒါမှမဟုတ် မနက်ဖြန်လောက်မှာ သူတို့ စာပို့မယ်လို့ပဲ ပြောထားတာပါ၊ တရားရုံးမှာဆင့်ခေါ်ရင် ဘယ်နေ့ဘယ်ရက်ကို ကျနော်တို့ သွားပြီးရင်ဆိုင်ရုံပဲရှိတာပေါ့"

ကျောင်းသား ကျောင်းသူတွေ လွတ်မြောက်ဖို့အတွက် ဆန္ဒပြသူတွေဟာ ခွင့်ပြုထားတဲ့ တာမွေမြို့နယ်က ဟစ်တိုင်ကွင်းမှာ မဟုတ်ပဲ အင်းလျားကန်ဘောင်မှာ စုဝေးတောင်းဆိုခဲ့ကြတဲ့အတွက် တရားစွဲဆို ခံရတာ ဖြစ်ပါတယ်။

အင်းလျားကန်ဘောင်ရှေ့မှာ ဆန္ဒပြခဲ့တာကြောင့် လှိုင်မြို့နယ် ရဲစခန်းက လာရောက်တားမြစ်မှုတွေလည်း ရှိခဲ့ပါတယ်။

ပြီးခဲ့တဲ့ ၂ဝ၁၅ ခုနှစ် မတ်လ ၁ဝ ရက်နေ့က လက်ပံတန်း ကျောင်းသားသပိတ် ဖြိုခွင်းခံခဲ့ရတာဖြစ်ပြီး လက်ရှိမှာ ကျောင်းသားကျောင်းသူ ၅ဝ ကျော်ဟာ သာယာဝတီအကျဉ်းထောင်မှာ ဖမ်းဆီးထိန်းသိမ်း ခံနေရဆဲဖြစ်ပါတယ်။

RFA
http://www.rfa.org/burmese/news/four-activists-protest-detained-students-01162016103802.html


လွှတ်တော်ပြင်ပ နိုင်ငံရေး အတိုင်းအတာတစ်ခုအထိ ဆက်ရှိသင့်ကြောင်း ရန်ကုန်မြို့ ကမာရွတ်မြိ့နယ်ရှိ ဒိုင်းမွန်းကွန်ဒို ရှိ စကားဝါခန်းမတွင် ဇန်န၀ါရီလ ၁၅ ရက်နေ့က မြန်မာနိုင်ငံရွေးကောက်ပွဲဆိုင်ရာ သတင်းအချက်အလက်ကွန်ရက်မှ စီစဉ်ကျင်းပသော ၂၀၁၅ ရွေးကောက်ပွဲအလွန် မြန်မာ့နိုင်ငံရေး လားရာခေါင်စဉ်းဖြင့် ဟောပြောဆွေးနွေးပွဲတွင် ၈၈မျိုးဆက်ကျောင်းသားခေါင်ဆာင် ကိုမင်းကိုနိုင်ပြောကြားလိုက်သည်။

“ အတိုင်းအတာတစ်ခုအထိလို့ ကျွန်တော်ပြောပါတယ်။ဘယ်လောက်နည်းတယ်၊များတယ်ဆိုတာကတော့ issue အပေါ်မှာ မူတည်ပါလိမ့်မယ်။ issueတွေက လွှတ်တော်ထဲမှာ နိုင်နင်းရင် အရပ်ထဲကို ရောက်လာစ ရာအကြောင်းမရှိတော့ ဘူး။အ ချို့ကိစ္စ တွေမှာ ဒီဘက် ဒီမိုကရက်တစ်နဲ့ ဖက်ဒရယ်ဘက်က မနိုင်ဘူးပေါ့။ဒါတည့်တည့်ပြောတာပေါ့။အဲဒါဆိုလို့ရှိရင် ဘယ်လိုလုပ်မလဲ။ လွှတ်တော်ပြင်ပ အားလိုတယ်။”၄င်းကပြောသည်။

အမျိုးသားအရေးကိစ္စတစ်ခုဖြစ်သည့် မြစ်ဆုံစီမံကိန်းကိစ္စအား အငြင်းပွါးဖွယ်ရာ ၂၀၁၀ ရွေးကောက်ပွဲမှ တက်လာသော လွှတ် တော် ကိုယ်စားလှယ်အများစုရှိနေကြသည့် လွှတ်တော်တွင် မဲခွဲဆုံးဖြတ်စဉ်အခါ လွှတ်တော်ပြင်ပတွင်ရှိနေသော CSO ၊NGO ၊ရုပ်ရှင်၊ကဗျာ၊ဂီတ၊စာပေနယ်ပယ်အသီးသီး၊ပြည်သူတို့က ၀ိုင်းဝန်းကန့်ကွက်ခဲ့ကြသည့်အတွက် ယင်းစီမံကိန်းမှာ နိုင်ငံတော် သမ္မတ သက်တမ်းတွင် ရပ်နားခဲ့သည့်သာဓကများရှိခဲ့ခြင်းကြောင့် issueများအပေါ်မူတည်ကာ လွှတ်တော်ပြင်ပနိုင်ငံရေးသည် အကြောင်းအားလျှော်စွာရှိနေသင့်ပြီဖြစ်ကြောင်း ကိုမင်းကိုနိုင်ကပြောသည်။
ယင်းအပြင် မြန်မာ့နိုင်ငံရေးသည် ဖက်ဒရယ်ဒီမိုကရက်တစ်ပြည်ထောင်စုသို့ လျှော်လှမ်းရမည်ဖြစ်၍ မပြည့်ဝသည့် ဒီမိုကရေစီကို ဖြည့်ရင်း ဖက်ဒရယ်ကို မျက်ခြေပြတ်၍ မရကြောင်း ၄င်းကဆက်ပြောသည်။

“ သွားမဲ့နေရာတော့ သိတယ်။အရင်တုန်းကတော့ လွယ်လွယ်ရိုးရိုးပဲ ပြောခဲ့ကြတယ်။ဒီမိုကရေစီပေါ့။ဒါပေမဲ့ ဒီကနေ့ ပြည့်စုံ အောင်ပြောရရင် ဒီမိုကရက်တစ်ဖယ်ဒရယ်ပြည်ထောင်စု ။အဲဒါက နောက်တိုးပြီးတော အခုမှ လက်တည့်စမ်းပြီးတော့ ကိုက် ထည့်လိုက်တဲ့ကိစ္စတစ်ခုတော့ မဟုတ်ဘူး။သမိုင်းနဲ့ ချီပြီးတော့ ဖြစ်လာတဲ့ ပြသာနာတစ်ခုကို ဒီကနေ့ ရိုးရိုးသားသား ၀န်ခံ လိုက် ကြတာပဲ။ဒီမုကရေစီလို့ ပြောရင် အရင်တုန်းကတော့ ပြည့်စုံပြီလို့ ယူဆစရာရှိတယ်။ ဒါပေမဲ့ ဒီကနေ့ သမိုင်းရဲ့ ပေးထားတဲ့ အ ချက်အလက်တစ်ခုလို ၀န်ခံလိုက်ရတော့တာပါပဲ။အဲဒါဘာလဲဆိုတော့ ဖယ်ဒရယ် ”ကိုမင်းကိုနိုင်က ပြောသည်။

ထိုပြင် “မြန်မာ့နိုင်ငံရေးက ဘယ်လိုသွားမလဲဆိုတာ ကတော့ ရှင်းတယ်။အမှန်တကယ်ကတော့ ဒီမိုကရက်တစ်ပြည်ထောင်စုပဲ။ တစ်ဆက်တည်းမှာပဲ။ဒီမိုကရေစီ မပြည့်သေးတဲ့ဟာတွေကို ဖြည့်ရအုံးမှာ ဖြစ်သလို ဖက်ဒရယ်ကိုလည်း မျက်ခြေပြတ်လို့ မရဘူး။ ဒီနေ့ ဒီအချိန်အခါဟာ တိုင်းရင်းသားတွေ အတွက် အင်မတန်ရင့်မှည့်နေတဲ့အချိန် ၊အဲဒါကိုတော့ အသိအမှတ်ပြုရမယ်။ နံပတ် တစ်။အသိအမှတ်ပြုပြီးတော့ လက်ခံဆွေးနွေးအဖြေရှာတဲ့အပိုင်းကို ရောက်မယ်။အဲဒီနေရာမှာလည်း တိုင်းရင်းသားပါမယ်။ သုံး နေရာစလုံးအဲဒါကိုမျှတအောင်ဘယ်လို စဉ်းစားရမည်။စားပွဲဝိုင်းပေါ်ကို ဘယ်သူကတက်မှာလဲ။ အခုပြည်ထောင်စုငြိမ်းချမ်း ရေး ဆွေးနွေးပွဲတွေ မြင်နေကြရတယ်။ဒါပေမဲ့ ကျွန်တော်တို့ အူလှိုက်သည်းလှိုက် ၀မ်းသာနွေးထွေးမှုမျိုးဖြစ်သလား၊ မဖြစ်ဘူးလား ဆို တာ ကိုယ်ကိုယ်သာ ဆန်းစစ်ကြည့်ပါ။ ”၄င်းကပြောသည်။

လင်းလင်းအောင်

News Watch(စောင့်ကြည့်သတင်းဂျာနယ်)

Q. ထောင်ကျနေတဲ့အချိန်မှာ ဘယ်လိုဆင်းရဲဒုက္ခတွေကို ကြုံတွေ့ခံစားခဲ့ရလဲအစ်မ။

A. ၁၉၉၉ မှာ အန်တီက မန္တလေးခရီးစဉ်သွားတဲ့အခါကျတော့ ကျွန်မတို့က အန်တီ့ကို လိုက်ပို့တာ ဘူတာကြီးရှေ့မှာ အဖမ်းခံရတယ်။ နောက်တော့ အင်းစိန်ထောင်ရောက်သွားတယ်။ ၂၀၀၀ မှာ ပြန်လွတ်တယ်။

ကျွန်မတို့တုန်းက လေးလတိတိ အခန်းထဲမှာ ပိတ်ထားတယ်။ မနက် ၁၅ မိနစ်၊ နေ့လယ် ၁၅ မိနစ်ပဲ ထွက်ပြီးတော့ ရေချိုး၊ ပန်းကန်ဆေး၊ မိလ္လာခွက်သွန် အပြေးအလွှားလုပ်ရတယ်။ လေးယောက်ရှိရင် နှစ်ယောက်က မိလ္လာတာဝန်ယူတယ်။ အင်တုံကို ဆေးကြော၊ အခန်းသန့်ရှင်းရေးလုပ်တဲ့သူက လုပ်၊ အ၀တ်လျှော်တဲ့သူကလျှော်၊ လေးယောက်က မနားရဘူး၊ အဲဒီလိုလုပ်ရတာ။ ပြီးရင် ပြန်ဝင်၊ တံခါးပိတ်။ အဲဒီလိုမျိုး နေခဲ့ရတဲ့အခါကျတော့ အရမ်းကို ကျဉ်းကျပ်တယ်။

ကျွန်မတို့ဆိုရင် သူတို့ကျွေးတဲ့ ထမင်းတွေကို စရောက်ခါစ ၇-၈ ရက်လောက် မစားဘူး။ ပဲပြုတ်တွေဆိုလည်း ပိုးတွေနဲ့ ညစ်ပတ်နေတာပဲ။ လောက်တွေရောပဲ။ သဲတွေက လက် ၂ - ၃ လုံးလောက် ရတယ်။ သဲကို သွန်ပြီးတော့မှ အရည်ကြည်လေးကို ခပ်စားရတာ။ အသီးအရွက်တွေဆိုရင်လည်း ပြုတ်ထားတာ တီကောင်တွေတောင် ပါတယ်။ အဲဒီလိုဟာတွေကို နောက်တော့ စားရတာပဲ။ အဲဒီလိုမျိုး စားပြီးတော့ ရပ်တည်လာခဲ့တဲ့အခါကျတော့ အပြင်ပြန်ရောက်လာတဲ့အခါ ကိုယ်စားနေတာတွေက တန်ဖိုးရှိမှန်း သိသွားတယ်။

ကျွန်မတို့က ဒေါ်နော်အုန်းလှနဲ့ အတူတူနေခဲ့ရတာ။ သူက ကရင်မဆိုတော့ အကုန်စားတယ်။ ကျွန်မတို့ကမှ ရွေးချယ်စားသေးတယ်။ သူက ပိုးကောင်ပါလည်း အကုန်စားတယ်။ သူက အရှေ့ကနေ စားပြတယ်။ ကျန်တဲ့သူတွေက သူ့ကိုကြည့်ပြီး ဘာကြောင့်စားနေတာလဲပေါ့။ ဒါ ဘယ်လိုလုပ်စားမလဲပေါ့။ ထမင်းတွေဆိုရင် နံတယ်။ သူက ကျွန်မတို့ကို ကျွေးရှာပါတယ်။ အဲဒီခြံကြီးထဲမှာ သံပယိုပင် ရှိတယ်။ အဲဒီအရွက်လေးတွေကို လေးငါးရွက်ခူးလာပြီး ထမင်းနဲ့လုံးတယ်။ သူ စားတာမဟုတ်ဘူး။ ကျွန်မတို့အတွက် လုပ်ပေးတာ။ အဲဒါကို ကျွန်မတို့က ဆေးသောက်သလို မျိုချတယ်။ သူကတော့ ကျွေးတာအကုန်ထည့်စားတယ်။ ကျွန်မတို့ကို စားချင်လာအောင် စားပြတာလေ။ သူ့ပိုက်ဆံအိတ်ထဲမှာ ကွေကာအုပ်တစ်ထုပ် ပါလာတယ်။ ကျွန်မတို့က ကွေကာအုပ်တစ်ထုပ်ကို နည်းနည်းချင်းစီလျက်ပြီး ရေနဲ့စားရတယ်။ အဲဒီကွေကာအုပ်တစ်ထုပ်လည်း အထဲရောက်ဖို့ မလွယ်ဘူး။ သူက အများကြီး အားပေးပါတယ်။ ကျွန်မတို့ကို ထောင်ထဲမှာ အဲဒီလိုနေရတယ်ဆိုတာ သင်ပေးတယ်။ နောက်တော့လည်း စားရတော့တာပေါ့။ ငယ်ငယ်တုန်းကတော့ ထမင်းထဲမှာ၊ ငါးပိရည်ထဲမှာ ပိုးတစ်ကောင်ပါရင် မစားတော့ဘူး။ အခုကျတော့ လူ့လောကကို ပိုပြီးတော့ သဘောပေါက်လာတယ်။

တစ်ခါတလေဆိုရင် ထောင်ဝါဒါတွေ မုန့်စားနေတာကို ကိုယ်က ရေချိုးရင်းနဲ့ ကြည့်နေတာပေါ့။ ဗိုက်ကလည်း အရမ်းဆာနေရင်းနဲ့ ကြည့်နေတာ။ တစ်ခါမှာ သူက ခေါက်ဆွဲစားနေရင်းနဲ့ ခေါက်ဆွဲဖတ်လေး အောက်ကျသွားတာကို တော်တော်ခံစားရတယ်။ အဲဒီခေါက်ဆွဲဖတ်လေးကို ကျအောင်စားရလားဆိုပြီး နှမြောနေတယ်။ ကျွန်မတို့ ထောင်ထဲမှာနေတော့ အင်းစိန်ထောင်ရှေ့မှာ စမူဆာသုပ်ဆိုင်ရှိတယ်။ တစ်ခါမှာ ထောက်လှမ်းရေးက ဘာစိတ်ကူးပေါက်လဲ မသိဘူး။ တစ်ခန်းကို တစ်ထုပ် စမူဆာသုပ်ဝယ်ကျွေးတယ်။ အထဲမှာ အရမ်းကို ငတ်နေကြတော့ တစ်ယောက် တစ်ဇွန်းနှစ်ဇွန်းစီစားရပြီး ကျွန်မတို့ ကြုံးဝါးထားကြတယ်။ ထောင်ကထွက်တဲ့နေ့ အဲဒီအသုပ်ကို အားရပါးရသွားစားမယ်ပေါ့။ တကယ်ထွက်တော့ အဲဒီစမူဆာသုပ်ကို သွားစားတာ အရသာမရှိတော့ဘူး။ အထဲမှာ ငတ်နေတော့ ဘာစားစား အရသာရှိတယ်။ ထောက်လှမ်းရေးတစ်ယောက် ထောင်ကျတော့ အဲဒီလူက သူ့သားမွေးနေ့မှာ ပဲကုလားဟင်းချက်ကျွေးတယ်။ ကျွန်မတို့ ဇလုံကြီးတွေနဲ့ ထည့်စားကြတာ၊ ၀မ်းလျှောကြတယ်။ အူတွေက မစားရတာကြာတဲ့အခါ အကျင့်မရှိတော့ အကုန်ဝမ်းလျှောကြတယ်။ သူလည်း နောက်မကျွေးရဲတော့ဘူး။

ထောင်ဝင်စာက တစ်လလောက်ကြာမှရတယ်။ ပါဆယ်ပဲရတယ်။ အိမ်ကရတော့လည်း မစားရဲဘူး။ စားလိုက်လို့ရှိရင် ကုန်သွားမှာစိုးလို့။ ကုန်သွားလို့ရှိရင် ဘယ်လိုရပ်တည်မလဲပေါ့။ ထောင်ဝင်စာ လာပို့လို့ရှိရင် ထမင်းတစ်နပ်ကို ရခိုင်ခြောက်လေးနှစ်ကောင် စားတယ်။ ကျွန်မတို့သူငယ်ချင်းတွေ စုပြီးတော့ တစ်ယောက်ကို နှစ်ကောင် တို့လိုက်စားလိုက်ပေါ့။ မိသားစုက ဘယ်လောက်ကြီးပဲ ပို့လိုက် ပို့လိုက် ကျွန်မတို့ဆီကျတော့ အကုန်ဖြတ်ပြီးတော့ ပို့တယ်။ အ၀တ်အစားဆိုရင်လည်း လေးစုံလောက်ပို့ရင် တစ်စုံပဲရတယ်။ ကျွန်မတို့ဆိုရင် ၀တ်စရာမရှိလို့ စောင်တွေကို ရင်ရှားပြီးတော့ နေရတယ်။ စစချင်း အဖမ်းခံရတော့ လေးရက်ငါးရက်အထိ အ၀တ်အစား မရဘူးလေ။ အဲဒီအခါကျတော့ အင်္ကျီတွေလျှော်၊ နေလှန်းထားတဲ့အချိန်၊ မိုးကလည်း ဆက်တိုက်ရွာနေတဲ့အခါကျတော့ ကျွန်မတို့ စောင်တွေကို ရင်ရှားထားပြီး အဲဒီလိုနေခဲ့ရတယ်။ အဲဒီကျမှ အိမ်ကနေ တောင်းပေးတယ်။ လေးစုံထည့်ပေးလိုက်တယ်လို့ အိမ်ကပြောတယ်။ ကိုယ့်ဆီ တစ်စုံပဲရောက်တယ်။ ကျွန်မတို့တုန်းက ခြင်ထောင် ထောင်ခွင့် မရဘူး။ ခြင်ကိုက်တဲ့အထဲမှာ ဒီလိုပဲနေရတယ်။ အေးရင်လည်း အေးတဲ့အတိုင်းပဲ။ စောင်လည်းမရဘူး။ ထောင်ကပေးတဲ့ လုံချည်တွေကို ခေါင်းတွေဘာတွေ စွပ်ပြီးတော့ အိပ်ကြရတယ်။

လူတွေက ခံနိုင်ရည် ရှိပါ့မလားလို့ ကိုယ့်ကိုယ်ကိုယ်ထင်ကြပေမယ့် ခံနိုင်ရည်မရှိဘူးဆိုတာ မရှိဘူး။ လူဆိုတာ ဘယ်လိုနေရာပဲဖြစ်ဖြစ် နေတတ်တယ်။ ကိုယ်က မကြုံဖူးတဲ့အခါကျတော့ ဖြစ်ပါ့မလားဆိုပြီးတော့ တွေးကြောက်တာလေ။ ဖြစ်တယ်။ ဘယ်နေရာမဆို မဖြစ်ဘူးဆိုတာ မရှိဘူး။ အဆင်ပြေသွားတယ်။ အာဏာပိုင်တွေကတော့ ထောင်ကျရင် ကြောက်ပြီးတော့ နိုင်ငံရေးမလုပ်တော့ဘူးလို့ ထင်တာ။ တကယ်က ထောင်ကျလိုက်တော့မှ လုံးဝကို လုပ်ရမယ်ဆိုတာ ပိုသိသွားတယ်။ အထဲမှာ အရမ်းကို ဒုက္ခခံခဲ့ရတာကိုး။

" ပရဟိတနှင့် နိုင်ငံရေးနယ်ပယ်မှ ဒေါ်ဖြူဖြူသင်း၏ ဘ၀ဖြတ်သန်းမှုအကြောင်း " အင်တာဗျူးဆောင်းပါးမှကောက်နုတ်ချက်

Eternal Light Magazine
January 2016

union-peace-conference-close-620.jpg နေပြည်တော်မှာ ကျင်းပနေတဲ့ ပြည်ထောင်စု ငြိမ်းချမ်းရေး ညီလာခံပိတ်ပွဲအခမ်းအနားကို ဇန်နဝါရီလ ၁၆ ရက်နေ့က တွေ့ရစဉ်
Photo: Myo Thant Khaing/RFA

ငြိမ်းချမ်းရေးလက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့တွေ လက်မှတ်ရေးထိုးလာဖို့ အတွက် ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ် အစိုးရက ကြိုးစားပေးဖို့ လိုအပ်ကြောင်း ပြည်ထောင်စုငြိမ်းချမ်းရေးညီလာခံမှာ တက်ရောက်ဆွေးနွေးခဲ့တဲ့ တိုင်းရင်းသားခေါင်းဆောင် တစ်ဦးက ပြောပါတယ်။

နေပြည်တော်က အပြည်ပြည်ဆိုင်ရာ ကွန်ဗန်းရှင်းစင်တာ ၂ မှာ ကျင်းပတဲ့ ဒီကနေ့ ပိတ်ပွဲအခမ်းအနားအပြီးမှာ သတင်းမီဒီယာတွေရဲ့ မေးမြန်းချက်ကို ချင်းအမျိုးသားတပ်ဦးခေါင်းဆောင် ဒေါက်တာဆလိုင်းလျန်မှုန်းဆာခေါင်း က ပြောတာဖြစ်ပါတယ်။

"လက်မှတ်မထိုးရသေးတဲ့အဖွဲ့နဲ့ လက်မှတ်ထိုးပြီးသားအဖွဲ့တွေအတူကြားမှာ ကျနော်တို့အနေနဲ့ ပူးပေါင်းဆောင်ရွက်နိုင်ဖို့ သူတို့အမြန်ဆုံး လက်မှတ်လာထိုးရေးကိစ္စတွေကိုလည်း လက်ရှိအစိုးရပေါ့နော်၊ သမ္မတ ဦးသိန်းစိန်အစိုးရမှာ တာဝန်ရှိနေတဲ့ပုဂ္ဂိုလ်တွေကိုလည်း ကျနော်တို့ မေတ္တာရပ်ခံသလို NLD အနေနဲ့လည်း ဒါကိုဆောင်ရွက်ပေးဖို့ကိုတော့ ကျနော်တို့ မေတ္တာရပ်ခံခြင်းဖြစ်ပါတယ်၊ အဲ့ဒီအတွက်ကြောင့် လာမယ့်ညီလာခံမှာ သူတို့နဲ့ လက်မှတ်မထိုးသေးတဲ့အဖွဲ့တွေက အားလုံးပါလာနိုင်လိမ့်မယ်လို့ ကျနော်တို့ အများကြီး မျှော်လင့်ပါတယ်လို့ ပြောချင်ပါတယ်"

ပြီးခဲ့တဲ့နှစ် အောက်တိုဘာလ ၁၅ ရက်ကကျင်းပတဲ့ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးစာချုပ်မှာ တိုင်းရင်းသားလက်နက်ကိုင် ၈ ဖွဲ့သာ လက်မှတ်ရေးထိုးထားတာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကလည်း ပစ်ခတ်တိုက်ခိုက်မှုရပ်စဲရေး သဘောတူညီချက် လက်မှတ်ရေးထိုးထားတဲ့အဖွဲ့တွေနဲ့ မရေးထိုးရသေးတဲ့ အဖွဲ့တွေကြား စိတ်ဝမ်းမကွဲဖို့ အရေးကြီးတယ်ဆိုတာကို အခုလ ၁၂ ရက်က ကျင်းပတဲ့ ငြိမ်းချမ်းရေးညီလာခံ ပထမနေ့မှာ ပြောကြား ထားပါတယ်။

RFA
http://www.rfa.org/burmese/news/nld-urges-nca-all-inclusive-01162016094441.html

 စစ်ဆင်ရေးမှာ ပြင်သစ်စစ်သားတွေလဲ ပါဝင်ခဲ့ပါတယ်
 ဘူကီနာဖာဆိုနိုင်ငံမြို့တော် အိုဂါဒူးကူးက ဟိုတယ်တစ်ခုတိုက်ခိုက်ခံရမှုမှာ သေဆုံးခဲ့သူအများစုဟာ နိုင်ငံခြားသားတွေဖြစ်ကြပါတယ်။

အယ်လ်ကေးဒါးအစွန်းရောက်အဖွဲ့ တိုက်ခိုက်မှုကြောင့် အနည်းဆုံး လူ ၂၃ ယောက် သေဆုံးခဲ့ပြီး သေဆုံးသူအများစုဟာ နိုင်ငံ ၁၈နိုင်ငံက နိုင်ငံခြားသားတွေဖြစ်ပါတယ်။

ဘာကီနာဖာဆို သမ္မတ ရို့ခ်မက်ခရစ်စတီယန်ကာဘိုယီ က တိုက်ခိုက်ခံရမှုတွေ နဲ့ ပါတ်သက်လို့ ဘာကီနာဖာဆို အနေနဲ့ အကြမ်းဖက် တိုက်ခိုက်မှုတွေကြောင့် အလျော့ပေးသွားမှာ မဟုတ်ပါဘူး။ ပြီးတော့ ကျနော်တို့နိုင်ငံ ရဲ့အိမ်နီးခြင်းနိုင်ငံတွေအနေနဲ့ အကြမ်းဖက် သမားတွေရဲ့ သတင်းအချက်အလက်တွေကို ဝေမျှ ကြဖို့ တောင်းဆိုပါတယ်လို့ လည်းပြောကြား ခဲ့ပါတယ်။

ဟိုတယ်ကို တိုက်ခိုက်ခဲ့ကြတဲ့ အစ္စလာမ်မစ်အစွန်းရောက်တိုက်ခိုက်ရေးသမား ၄ ဦး ကိုလည်း အသေပစ်ခတ်ဖမ်းဆီး ရမိခဲ့တယ်လို့ ရဲတပ်ဖွဲ့ကပြောပါတယ်။

အစွန်းရောက်တိုက်ခိုက်ရေးသမားတွေဟာ ပစ်ခတ် တိုက်ခိုက်မှုတွေလုပ်ခဲ့ အပြီးမှာ ဟိုတယ်ကိုမီးရှို့ ခဲ့ကြတယ်လို့လည်း တိုက်ခိုက်မှု အတွင်းလွတ်မြောက် လာခဲ့သူအချို့က ဘီဘီစီကို ပြောခဲ့ပါတယ်။

BBC Burmese
http://www.bbc.com/burmese


 ကချင်ပြည်နယ် ဖားကန့်ကျောက်စိမ်းတွင်း လုပ်ကွက်များတွင် လည်ပတ် အသုံးပြုနေသည့် စက်ယန္တရား များ ကို စစ်ဆေး မှတ်ပုံတင်ရန် အတွက် ပြည်ထောင်စု အစိုးရအဖွဲ့ စေလွှတ်သည့် အထူးကွင်းဆင်း စုံစမ်းရေးအဖွဲ့ က စစ်ဆေးနေခြင်းကြောင့် လုံးခင်းဒေသတွင် လုပ်ငန်းများ ခေတ္တ ရပ်ဆိုင်းထားကာ အချို့ကုမ္ပဏီများမှာ ယန္တရားများကို စွန့်ပစ်မြေစာပုံ အနီးသို့ရွှေ့ပြောင်းထားကြောင်း လုံးခင်းဒေသခံများက ဇန်န၀ါရီ ၁၆ ရက်တွင် The Ladies သို့ပြောသည်။

ဖားကန့်မြို့နယ် လုံးခင်းကျေးရွာအုပ်စု အတွင်းရှိ ကုမ္ပဏီများကို အထူးကွင်းဆင်း စုံစမ်းရေးအဖွဲ့က ပထမဦးဆုံးအဖြစ် ဇန်န၀ါရီ ၁၆ ရက် (ယနေ့) တွင် စတင်စစ်ဆေးခြင်း ဖြစ်သည်။

“ကုမ္ပဏီက ကားတွေဟာ သူတို့ရဲ့မြေစာသွန်တဲ့ နေရာမှာ ရွေ့ထားတာတွေရှိတယ်၊ တစ်ဖက်က ကုမ္ပဏီမှာ စစ်နေတဲ့အချိန်မှာ တစ်မိုင်ခွဲလောက်ဝေးတဲ့ မြေစာပစ်ကွင်းမှာ မြေစာသယ်ကားတွေကို ရွှေ့ထားတာ” ဟု လုံးခင်းဒေသတွင် နေထိုင်လာသည်မှာ ၂၇ နှစ်ခန့် ကြာမြင့်ပြီဖြစ်သည့် ဒေသခံ အမျိုးသားတစ်ဦးက
The Ladies သို့ပြောသည်။

ကုမ္ပဏီကြီးများမှ ယန္တရားများ မောင်းနှင်သည့် ယာဉ်မောင်းများမှာလည်းယာဉ်များကို ရွှေ့ပြောင်းရခြင်းကြောင့် ညဘက်များတွင်လည်း အိပ်စက်ရခြင်း မရှိကြောင်း အဆိုပါဒေသခံက ပြောသည်။

အထူးကွင်းဆင်း စုံစမ်းရေးအဖွဲ့သည် ဖားကန့်မြို့သို့ ဇန်န၀ါရီ ၁၅ ရက်က ရောက်ရှိခဲ့ခြင်းဖြစ်ပြီး ကျောက်စိမ်း ဧည့်ရိပ်သာ၊ ဟိုတယ်တို့တွင် တည်းခိုခြင်း မဟုတ်ဘဲ အထွေထွေ အုပ်ချုပ်ရေး ဦးစီးဌာန ရှိ ဘိုတဲဟုခေါ်သည့် တည်းခိုရိပ်သာတွင်သာ တည်းခိုကြပြီး အခြားခြားသော ကုမ္ပဏီများနှင့် ဆက်စပ်မှု မရှိအောင်
သီးခြား အစီအစဉ်ဖြင့် နေထိုင် ကြသည်ဟုလည်း အဆိုပါဒေသခံက ဆက်လက်ပြောသည်။

ပြည်ထောင်စုအစိုးရအဖွဲ့ စေလွှတ်သည့် အထူးကွင်းဆင်း စုံစမ်းရေးအဖွဲ့ တွင် သတ္တုတွင်း၊ ကုန်းလမ်းပို့ဆောင်ရေး ညွှန်ကြားမှု ဦးစီးဋ္ဌာန၊ အကောက်ခွန်စသည့် ဌာနများမှ အဆင့်အမြင့် အရာရှိများ အပါအ၀င် စုစုပေါင်း ၂၈ ဦးရှိကြောင်း၊ သိရသည်။

တရုတ်- မြန်မာနယ်စပ် ကန်ပိုက်တီး နယ်စပ်ကုန်သွယ်ရေး စခန်း၊ မန္တလေး၊ ရန်ကုန် စသည့် လမ်းကြောင်းများမှ တရားမ၀င် ကျောက်စိမ်း တူးဖော်ရေးယာဉ်၊ စက်ယန္တရားများ ဖားကန့်ဘက်သို့ သယ်ယူနေသည့် သတင်းများ ထွက်ပေါ်လာပြီး နောက်ပိုင်း ယခုကဲ့သို့ ကွင်းဆင်းစစ်ဆေးမှုများ ပြုလုပ်နေခြင်းဖြစ်ပြီး ပြီးခဲ့သည့်
ဒီဇင်ဘာ လကုန်ပိုင်းနှင့် ယခုနှစ် ဇန်န၀ါရီ လဆန်းပိုင်းကလည်း ပြည်ထောင်စုဝန်ကြီးများ ဖြစ်သည့် ဦးဝင်းထွန်းနှင့် ဦးဝင်းရှိန်တို့ ဦးဆောင်သည့် စုံစမ်းစစ်ဆေးရေး အဖွဲ့သည် မြစ်ကြီးနားနှင့် ကန်ပိုက်တီး ဒေသများသို့ သွားရောက် စစ်ဆေးမှုများ ပြုလုပ်ခဲ့သေးသည်။

သတင်း - ဇော်မင်းထွန်း
Photo - MOI
The Ladies News Journal
https://www.facebook.com/News.TheLadies

အော်ဂါဒိုဂူ မြို့တော်ရှိ အကြမ်းဖက်တိုက်ခိုက်မှု ဖြစ်ပွားရာ နေရာကို တွေ့ရစဉ် (ဓာတ်ပုံ-အင်တာနက်)
    အော်ဂါဒိုဂူ၊ ဇန်နဝါရီ ၁၆ ရက် (ဆင်ဟွာ)

    ဘာ့ကီးနား ဖာဆို မြို့တော် အော်ဂါဒိုဂူရှိ ဟိုတယ် တစ်ခုအား အယ်လ်ကိုင်းဒါး အဖွဲ့ဝင်များ၏ ဇန်နဝါရီလ ၁၅ ရက်က တိုက်ခိုက်မှု တစ်ခုတွင် အနည်းဆုံး လူ ၂၁ ဦး သေဆုံးခဲ့ပြီး ၁၅ ဦး ဒဏ်ရာ ရရှိခဲ့ကြောင်း သိရသည်။

အဆိုပါ ဟိုတယ်အား ဘာ့ကီးနား ဖာဆို လုံခြုံရေး တပ်ဖွဲ့ဝင်များက ပြန်လည် သိမ်းပိုက် မိကြောင်းနှင့် ဓားစာခံများကို ကယ်တင် နိုင်ခဲ့ကြောင်း ကြေညာခဲ့ပြီးနောက် ဟိုတယ် အတွင်းရှိ နိုင်ငံခြားသားနှင့် ဘာ့ကီးနား ဖာဆို နိုင်ငံသားများ အပါအဝင် ဓားစာခံ အမြားအပြား လွတ်မြောက်လာသည်ကို တွေ့ကြရသည်။

နောက်ဆုံး သတင်းများ အရ လက်ရှိအချိန်တွင် ဓားစာခံ ၃၀ ဦးခန့် လွတ်မြောက်ပြီး ဖြစ်ကြောင်း သိရသည်။

အမေရိကန် အခြေစိုက် ထောက်လှမ်းရေး အဖွဲ့ SITE က ထိုအကြမ်းဖက် တိုက်ခိုက်မှုသည် Al-Qaida in the Islamic Maghreb= AQIM) အဖွဲ့၏ လုပ်ဆောင်ချက် ဖြစ်ကြောင်း ၎င်းတို့၏ ဝက်ဘ်ဆိုဒ်တွင် ပြောကြားခဲ့သည်။

မျက်နှာဖုံး တပ်ထားပြီး လက်နက်ကြီးများ ကိုင်ဆောင်လာသည့် အကြမ်းဖက်သမား သုံးဦးသည် မော်တော်ကား နှစ်စီးနှင့် ရောက်လာပြီး တိုက်ခိုက်ခြင်း ဖြစ်ကြောင်း မျက်မြင် သက်သေများက ပြောခဲ့ကြသည်။

အပြည်ပြည်ဆိုင်ရာ လေဆိပ်နှင့် အနည်းငယ်သာ ဝေးသည့် ယင်းဟိုတယ်သည် ကုလသမဂ္ဂ ဝန်ထမ်းများနှင့် သတင်းထောက်များ အနောက်နိုင်ငံသားများ မကြာခဏ တည်းခိုလေ့ရှိသည့် ဟိုတယ်လည်း ဖြစ်သည်။

သေနတ် ပစ်ခတ်မှုနှင့် ပေါက်ကွဲမှုများကို မြို့တော်၏ စီးပွားရေး ရပ်ကွက်အနီး ဒေသ စံတော်ချိန် ည ၇း၃၀ နာရီ ဝန်းကျင်က ကြားခဲ့ရကြောင်းနှင့် အခင်း ဖြစ်ပွားသည့် ဧရိယာအား ဇန်နဝါရီလ ၁၆ ရက် နံနက် ၆း၀၀ နာရီ အထိ အပြင်မထွက်ရ အမိန့် ထုတ်ပြန်ထားကြောင်း သိရသည်။

(Xinhua)
http://www.xinhuamyanmar.com


 ကျောက်ဖြူ၊ ဇန်န၀ါရီ ၁၆

 တိုးတက်လာသော ခေတ်နှင့် အညီ ဆိုင်ကယ်ဘေးတွင် လူထိုင်ခုံ ပြုလုပ်ပြီး ခရီးသည်များကို လျင်မြန်စွာ သယ်ယူပေးနေသော ဘေးတွဲဆိုင်ကယ်များကို ဖျက်သိမ်းရန် ကျောက်ဖြူမြို့တွင် သက်ဆိုင်ရာမှ အမိန့်ထုတ်လိုက်ကြောင်း သတင်းရရှိသည်။

၎င်းစာအား မြို့နယ် အုပ်ချုပ်ရေးမှူးမှ ဇန်န၀ါရီ ၁၃ ရက် နေ့စွဲဖြင့် ဘေးတွဲ ဆိုင်ကယ်များအား ဖျက်သိမ်းရန် ညွှန်ကြားလိုက်၍ ဘေးတွဲ ဆိုင်ကယ် မောင်းနေသူများ အနေဖြင့် စားဝတ်နေရေး ခက်ခဲဖြစ်လာနိုင်သည်ဟု ဒေသခံ ဘေးတွဲ ဆိုင်ကယ်သမားများ က ပြောသည်။

“ ကျောက်ဖြူမှာ ဘေးတွဲဆိုင်ကယ်တွေကိုဖျက်သိမ်းရမယ်လို့ညွန်ကြားလာတော့ ကျနော်တို့ ဘေးတွဲ ဆိုင်ကယ် သမားတွေ စားဝတ်နေရေးတော်တော် ခက်ခဲ သွားနိုင်ပါတယ်။ ဘေးတွဲ ဆိုင်ကယ် မောင်းနေတဲ့ သူက တစ်ထောင်လောက် အလုပ် လက်မဲ့ဖြစ်ပြီး စားဝတ်နေရေး တော်တော် အခက်အခဲ ရှိနိုင်ပါတယ်။ ကျောင်းတက်နေတဲ့ သားသမီးတွေ ကိုလည်း ကျောင်းဆက် မထားနိုင်မှာကို စိုးရိမ်ပါတယ်။ ကျနော်တို့ လက်မှတ်ကောက်ခံပြီးတော့ သက်ဆိုင်ရာ မြို့နယ်၊ ခရိုင်၊ ပြည်နယ် အဆင့်ဆင့်ကိုလည်း သနားခံစာ တင်သွားမယ်” ဟု ဦးသန်းထွန်း ကပြောသည်။

ထိုသို့ ဘေးတွဲဆိုင်ကယ်များကို ဖျက်သိမ်းပေးရန် သက်ဆိုင်ရာမှ ညွန်ကြား လာသောကြောင့် ကျောက်ဖြူမြို့၊ ဘုရားကြီးတောင်ကွင်းတွင် ဇန်န၀ါရီလ ၁၄ ရက်နေ့က ဘေးတွဲဆိုင်ကယ် သမားများအစည်းအဝေးပြု လုပ်ပြီး ကော်မတီ ၁၅ ဦးဖွဲ့စည်းကာ လက်မှတ်ကောက်ခံ ၍ မြို့နယ် အုပ်ချုပ်ရေးမှူးကို သနားခံတင်ပြခဲ့သည် ဟု ဘေးတွဲ ဆိုင်ကယ်မောင်းနေသူ ဦးသန်းထွန်း ကပြောသည်။

ဘေးတွဲဆိုင်ကယ်သမား ကော်မတီ(၁၅)ဦးက မြို့နယ်အုပ်ချုပ်ရေးမှူးထံ သွားရောက်တွေ့ ဆုံပြီး သနားခံခဲ့ရာ မြို့နယ်အုပ်ချုပ်ရေးမှူးက အပေါ်ကို တင်ပြပေးပါမည် ဟုပြောဆိုခဲ့ကြောင်း ၎င်းကပြောဆိုသည်။

ဘေးတွဲဆိုင်ကယ်မောင်းသူတစ်ဦးဖြစ်တဲ့ ကိုလှမောင် ကလည်း “ တစ်ခြား အလုပ်လည်း လုပ်ဖို့အလုပ်မရှိတော့ ဘေးတွဲဆိုင်ကယ်ဘဲ မောင်းနေရတယ်။ အလုပ် မရှိလို့ ဘေးတွဲ ဆိုင်ကယ်မောင်းနေတာကို မမောင်းရဘူး ဆိုတော့ အလုပ်လက်မဲ့ဖြစ်ပြီး မိသားစု အခက်အခဲဖြစ်သွားနိုင်တယ်” ဟု ဆိုသည်။

၂၀၁၄ခုနှစ်က ဘဏ္ဍာရေးနှစ်တွင် ဘေးတွဲဆိုင်ကယ်လိုင်စင်ခ ကျပ်(၁၅၀၀၀)နှင့် ဘီးခွန်ခ ကျပ်(၅၀၀၀)နှင့် စုစုပေါင်း ကျပ်ငွေ (၂၅၀၀၀) ပေးသွင်းရပြီး နိုင်ငံတော်အတွက် အခွန်ရသော ဘေးတွဲ ဆိုင်ကယ်များကို ဖျက်သိမ်းရန် အမိန့်ထုတ်ပြန်ခြင်း အပေါ် ဘေးတွဲ ဆိုင်ကယ် မောင်းသူများမှ နားမလည်နိုင်အောင် ဖြစ်နေကြသည်ဟု ကိုလှမောင်က ဆိုသည်။

ကျောက်ဖြူမြို့နယ် အုပ်ချုပ်ရေးမှူးအား ဆက်သွယ်မေးမြန်းရာ ယခုကဲ့သို့ ရုတ်သိမ်းရန် အမိန့်ထုတ်ပြန်ထားသည်မှာ ဟုတ်မှန်ကြောင်း၊ သို့သော်လည်း ဘေးတွဲ ဆိုင်ကယ် မောင်းသူများမှ အသနားခံ တင်ပြလာသဖြင့် အထက်ကို ပြန်လည် တင်ပြထားကြောင်း၊ အဓိက Safe မဖြစ်သဖြင့် ပြည်နယ်အစိုးရကဖျက်သိမ်းခိုင်းသည်ဟု ယူဆရကြောင်း၊ ယခု လက်ရှိ အချိန်တွင် ဆိုင်ကယ်မောင်းသူများ စားဝတ်နေရေး ဒုက္ခတွေ့နိုင်သဖြင့် ယာယီ ခွင့်ပြုထားကြောင်း ပြောကြားသည်။

ဘေးတွဲဆိုင်ကယ်ဖျက်သိမ်းရေးကို ကျောက်ဖြူခရိုင်ဖြစ်တဲ့ ကျောက်ဖြူ၊ ရမ်းဗြဲ၊ မာန်အောင်၊ အမ်း စသည့်မြို့တွေကိုလည်း သက်ဆိုင်ရာမှ စာပေးပို့ထားကြောင်း သိရသည်။

ကျောက်ဖြူမြို့တွင် ဘေးတွဲဆိုင်ကယ်အစီး ၂၀၀၀ ခန့်ရှိကြောင်းသိရသည်။

ကျော်ဝင်း
Arakan State
https://www.facebook.com/NarinjaraNews

NLD နာယက ဦးတင်ဦးမှ နိုဘယ်-မြန်မာစာပေပွဲတော်ကို ဖဲကြိးဖြတ် ဖွင့်လှစ်ပေးနေစဉ်
ဒုတိယအကြိမ်မြောက် နိုဘယ်-မြန်မာစာပေပွဲတော် ၂၀၁၆ (ကလေးစာပေဖွံဖြိုးတိုးတက်ရေး)ကို ဇန်န၀ါရီ ၁၆ ရက်၊ နံနက် ၉ နာရီက ရန်ကုန်မြို့ ရှင်စောပုလမ်းရှိ Myanmar Even Park တွင်ကျင်းပရာ NLD ဥက္ကဋ္ဌဒေါ်အောင်ဆန်းစုကြည် သ၀ဏ်လွှာပေးပို့သည်။

အဆိုပါသ၀ဏ်လွှာတွင် “၂၀၁၆ ခုနှစ်၊ ဇန်န၀ါရီလ ၁၆ ရက်နေ့တွင် ကျင်းပမယ့် နိုဘယ်မြန်မာစာပေပွဲတော်ဖွင့်ပွဲအခမ်းအနားကို လူကိုယ်တိုင်မလာရောက်နိုင်တဲ့အတွက် အခုလို အမှာစကားပေးလိုက်ရတာ ဖြစ်ပါတယ်။ ဒီနှစ် နိုဘယ်မြန်မာစာပေပွဲတော်ဟာ ကလေးစာပေဖွံဖြိုးရေးအတွက် ရည်ရွယ်လုပ်ဆောင်တာဖြစ်တယ်လို့ သိရတဲ့အတွက် အင်မတန်ဝမ်းသာပါတယ်။ ကျွန်မတို့ရဲ့ စာသင်ကျောင်းတွေမှာလည်း ကျောင်းစာကြည့်တိုက်ဆိုတာ မရှိသလောက်ဖြစ်နေပါပြီ။ စာပေလေ့လာဖတ်ရှုတာဟာလည်း ကျောင်းစာသင်ချိန်တွေထဲမှာ မရှိတော့ပါဘူး။ ပညာရေးစနစ်ကလည်း အလွတ်ကျက်ဖြေရတဲ့စနစ်ဖြစ်လေတော့ အခြားသော ကျောင်းပြင်ပအတွေးအခေါ် အယူအဆနဲ့ ဆင်ခြင်နိုင်စွမ်းတွေကို ကန့်သတ်ထားပြီးတော့ စာပေဖတ်ရှုတာတွေကို ကန့်သတ်ထားပါတယ်။ ဒီအခြေအနေမှာ ကျွန်မတို့ရဲ့ကျောင်းသားလူငယ်တွေ စာပေနဲ့အလှမ်းဝေးသွားတာ သိပ်ဝမ်းနည်းဖို့ကောင်းပါတယ်။ ကျွန်မတို့ရဲ့မြို့ရွာရပ်ကွက်တွေမှာလည်း စာကြည့်တိုက်ရှိတဲ့ မြို့ရွာရပ်ကွက်ဆိုတော့ အင်မတန်ရှားပါးလှပါတယ်။ စာအုပ်စာပေတွေ အလွယ်တကူမရနိုင်တဲ့အတွက် ကျွန်မတို့ရဲ့ လူငယ်လေးတွေ စာပေလေ့လာဖတ်ရှုမှု အားနည်းရပါတယ်။ ဒီနေ့ခေတ်မှာ နည်းပညာကလွန်စွာအဆင့်မြင့်လာတဲ့အလျောက် ကျွန်မတို့ရဲ့လူနေမှုဘ၀တွေကို များစွာပြောင်းလဲစေပါတယ်။ အခုဆိုရင်ကျွန်မတို့ကလေးတွေဟာ ကွန်ပျူတာဂိမ်းတွေ အင်တာနက်ဂိမ်းတွေနဲ့ လူမှုကွန်ရက်တွေမှာ သူတို့ရဲ့အချိန်အများစုကို အသုံးချနေပါတယ်။ နည်းပညာအသုံးပြုမှုမြင့်တက်လာတာကြောင့်လည်း ကလေးတွေ စာပေဖတ်ရှုတဲ့အချိန် နည်းပါးလာတာဖြစ်ပါတယ်။ ဒါကြောင့် မြို့ရွာရပ်ကွက်နဲ့ကျောင်းတွေတိုင်း စာကြည့်တိုက်များထားရှိနိုင်ရေးကို ကြိုးပမ်းကြရမယ့်အပြင် ကလေးတွေ စာဖတ်ချိန်ရဖို့အတွက် ကလေးစာအုပ်များ ပိုမိုရေးသားထုတ်ဝေဖို့လည်း အထူးအရေးကြီးလှပါတယ်။ ကလေးတွေအတွက်ရည်ရွယ်ပြီး စာပေပွဲတော်ကို တခမ်းတနားကျင်းပပြုလုပ်တဲ့အချိန် ကလေးစာပေများ တိုးပွားရေးအတွက် တတ်အားတမျှလုပ်ဆောင်ကြဖို့ တိုက်တွန်းလိုက်ပါတယ်”ဟု ပြောကြားထားသည်။

ကိုဗညား

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

NLD ဗဟိုကော်မတီဝင် ကဗျာဆရာ မုံရွာအောင်ရှင်နှင့် ဦးတင်ဦးတို့အား အတူတကွ တွေ့ရစဉ်
မုံရွာအောင်ရှင်မှ ဒေါ်အောင်ဆန်းစုကြည်၏သ၀ဏ်လွှားအား ဖတ်ကြားစဉ်