01/21/16

EITI အစီရင်ခံစာ ထုတ်ပြန်
EITI အစီရင်ခံစာ ထုတ်ပြန်

မြန်မာနိုင်ငံရဲ့ သယံဇာတ ထုတ်လုပ်ရေးပိုင်း ပွင့်လင်းမြင်သာမှုနဲ့ ပတ်သက်လို့ EITI အစီရင်ခံစာကို ထုတ်ပြန်နိုင်ခဲ့ပေမယ့် အစိုးရနဲ့ ပုဂ္ဂလိကလုပ်ငန်းတွေဖက်က ပူးပေါင်းဆောင်ရွက်မှုအားနည်းတာကြောင့် ပထမဆုံးအစီရင်ခံစာမှာ အချက်အလက်တွေ ပြည့်ပြည့်စုံစုံ မရခဲ့ဘူးလို့ အစီရင်ခံစာရေးသားမှုမှာ ပါဝင်သူတွေက ပြောပါတယ်။ ဒါပေမယ့် လာမယ့် ဒီမိုကရက်တစ် အစိုးရသစ်လက်ထက်မှာ ပူးပေါင်းဆောင်ရွက်မှုပိုရလာမယ်လို့မျှော်လင့်ထားပြီး၊ ဒီအတွက် လာမယ့် အစီရင်ခံစာမှာ သတ္တုကဏ္ဍအပြင် သစ်တော သားငါး ရေအားလျှပ်စစ် စတဲ့ အပိုင်းတွေကိုလည်း ထည့်သွင်းသွားမယ်လို့ MATA လို့ခေါ်တဲ့ မြန်မာနိုင်ငံ ပွင့်လင်း မြင်သာမှုတာဝန်ယူမှုနဲ့ တာဝန်ခံမှု အရပ်ဘက်လူ့မှုအဖွဲပအစည်းက ပြောပါတယ်။ လာမယ့် EITI အစီရင်ခံစာ ပြင်ဆင်မှုနဲ့ပတ်သက်လို့ MATA သတင်းစာရှင်းလင်းပွဲကို သွားရောက်သတင်းယူခဲ့တဲ့ မမေခက သတင်းပေးပို့ထားပါတယ်။

သဘာဝ သယံဇာတများ ပွင့်လင်းမြင်သာမှုဖော်ဆောင်ရေးအတွက် EITI အစီရင်ခံစာကို မြန်မာနိုင်ငံအနေနဲ့ ပြီးခဲ့တဲ့လတုန်းက ပထမဆုံးအကြိမ်ထုတ်ပြန်နိုင်ခဲ့ပေမယ့်၊ အဲဒီ အစီရင်ခံစာပြုစုရာမှာ အစိုးရပိုင်းနဲ့ ပုဂ္ဂလိကလုပ်ငန်းပိုင်းတွေဖက်ကနေ အထူးသဖြင့် အခွန်ဘဏ္ဍာငွေကြေးဆိုင်ရာတွေမှာ ပူးပေါင်းဆောင်ရွက်မှု အပြည့်အ၀မရှိခဲ့ဘူးလို့ EITI အစီရင်ခံစာရေးသားရာမှာပါဝင်တဲ့ MATA အဖွဲ့က ဝေဖန်ပြောဆိုလိုက်တာပါ။ ဒါ့အပြင် အစီရင်ခံစာပြုစုရာမှာ အစိုးရဖက်က လွှမ်းမိုးမှုတွေလည်း ရှိတယ်လို့ ပြောပါတယ်။ ဒါပေမယ့် လာမယ့် အစိုးရသစ်လက်ထက်မှာတော့ ပူးပေါင်းဆောင်ရွက်မှုနဲ့ ပွင့်လင်းမြင်သာမှု ပိုရှိလာမယ်လို့ မျှော်လင့် ထားတဲ့အကြောင်း MATA အဖွဲ့က မမိုးမိုးထွန်းက ပြောပါတယ်။

“ဒုတိယအကြိမ်မှာဆိုရင်တော့ ကျမတို့ဖော်ထုတ်ဖို့မျှော်လင့်တယ်။ ဘာဖြစ်လို့လဲဆိုတော့ အပွင့်လင်းဆုံးပြောရင် ကျမတို့ တင်လိုက်တဲ့ အစိုးရသစ်နဲ့ဆိုရင်တော့ ကျမတို့ ဖြစ်နိုင်တယ်လို့ ကျမတို့ ယူဆတယ်ပေါ့နော်။”

မြန်မာနိုင်ငံအနေနဲ့ EITI အစီရင်ခံစာကို ပထမဆုံးအကြိမ်အဖြစ် ထုတ်ပြန်နိုင်ခဲ့တယ်ဆိုပေမယ့် နိုင်ငံတကာစံနှုန်းအတိုင်းလိုက်နာပါ့မယ်လို့ ဂတိပေးထားတာကို အစိုးရဖက်က ပျက်ကွက်ခဲ့တဲ့အပြင်၊ သယံဇာတ ထွက်ရာဒေသရှိဒေသခံများအတွက် ရရှိရမယ့် အခွင့်အရေးတွေ ဆုံးရှုံးမှုအပေါ် တောင်းဆိုပေးကြတဲ့ အရပ်ဘက်လူမှုအဖွဲ့ဝင်တွေကို ဖမ်းဆီးအ ရေးယူမှုပြုလုပ်ခဲ့ကြကြောင်း၊ MATA အဖွဲ့က ကိုလင်းလင်းက ပြောပါတယ်။

“လုပ်ငန်းရှင်တွေဟာ မိမိတို့ရဲ့အကျိုးစီးပွားကိုသာ ဦးတည်ပြီးတော့ တည်ဆဲဥပဒေတွေကိုလည်း ဖောက်ဖျက်ခဲ့တဲ့လုပ်ရပ်တွေကိုလည်း တွေ့ရှိခဲ့ရပါတယ်။ အစိုးရရော၊ ကုမ္ပဏီဘက်ကပါ၊လုပ်ငန်းဆောင်ရွက်ချက်တွေမှာ ဒေသခံများရဲ့ လယ်ယာမြေများကို သိမ်းဆည်း တဲ့ဟာတွေလည်းပါဝင်ပါတယ်။ နောက် လိုင်စင်မဲ့တူးဖော်ခြင်းတွေ ကျော်လွန်ပြီးတော့ တူးဖော်နေတဲ့ကိစ္စတွေ၊ သက်တမ်းလွန်တူးဖော်ခြင်း အရာတွေကို ပြုလုပ်လျှက်ရှိနေတယ်ဆိုတာကိုလည်း ကျနော်တို့ သိနေတာလေးတွေရှိပါတယ်။”

ထုတ်ပြန်ပြီတဲ့ အစီရင်ခံစာမှာတော့ အငြင်းပွား စရာဖြစ်နေတဲ့ ရေနံ၊ သဘာဝဓာတ်ငွေ့ နဲ့ သတ္တု ကဏ္ဍသုံးမျိုးရဲ့ ဘဏ္ဍာရေး ကိစ္စတွေကိုပဲ ထည့်သွင်းဖော်ပြခဲ့ပါ တယ်။ လာမယ့်နှစ်မှာတော့ သတ္ထုကဏ္ဍအပြင် သစ်တော၊ သားငါးကဏ္ဍ၊ ရေအားလျှပ်စစ် ကဏ္ဍ စတဲ့အပိုင်းတွေကို ထပ်မံဖြည့်တင်းကာ ထုတ်ပြန်သွားမယ်လို့ (MATA) က ကိုရဲမင်းဦးကပြောပါတယ်။ မြန်မာနိုင်ငံ တွင်းထွက်သယံဇာတ တူးဖော်ထုတ်လုပ်သည့် လုပ်ငန်းများ ပွင့်လင်း မြင်သာမှု ဖော်ဆောင်ရေး ဒီအစီရင်ခံစာမှာ ၂၀၁၃- ၁၄ ဘဏ္ဍာနှစ်ကို အခြေခံပြီး ရေနံနဲ့ သဘာဝဓာတ်ငွေ့ တူးဖော်ရေးလုပ်ငန်းရဲ့ အခွန်ဘဏ္ဍာငွေ ၁၀၀ % ကို ကိုယ်စားပြုတဲ့ ရေနံနဲ့ သဘာဝ ဓာတ်ငွေ့ကုမ္ပဏီ (၁၃) ခု၊ ကျောက်မျက်၊ ရတနာပြပွဲရဲ့ အခွန်ဘဏ္ဍာငွေ ၆၇ %ကို ကိုယ်စားပြုတဲ့ ကျောက်မျက်ရတနာ ကုမ္ပဏီ (၃၀) ခုနဲ့ သတ္တုကဏ္ဍ ရဲ့ အခွန် ဘဏ္ဍာငွေ ၅၀ % ကို ကိုယ်စားပြုတဲ့ ကုမ္ပဏီ (၁၁) ခုတို့က ကောက်ခံရရှိတဲ့အခွန်အခ အချက်အလက်တွေကို ထုတ်ဖော်ခဲ့ပေမယ့် မကြာသေးခင်က လန်ဒန်အခြေစိုက် Global Witness အဖွဲ့ကြီးက ထုတ်ပြန်ထားတဲ့ ကိန်း ဂဏန်းတွေ နဲ့ ကွဲလွဲမှုရှိနေပါတယ်။

ထုတ်ပြန်ခဲ့တာမှာ စစ်တပ်ပိုင် ဦးပိုင်ကုမ္ပဏီလို ကုမ္ပဏီတွေရဲ့ငွေစာရင်းတွေမှာ ထုတ်ပြန်ဖို့ခက်ခဲမှုတွေရှိခဲ့ကြောင်း၊ ဒါ့အပြင် မြန်မာရေနံ့နဲ့ သဘာဝဓါတ်ငွေံလုပ်ငန်း (MOGE) ဝင်ငွေရရှိမှုကို စစ်ဆေးဖော်ပြရာမှာလည်း အားနည်းမှုတွေရှိကြောင်း (MATA) က ကိုရဲမင်းဦးကပြောပါတယ်။

“ဦးပိုင်ရဲ့အခန်းကဏ္ဍသည် နိုင်ငံပိုင်ကုမ္ပဏီလိုလို၊ ပုဂ္ဂလိကပိုင် လုပ်ငန်းစုကြီးလိုလို မတင်မကျပုံစံမျိုးနဲ့ အလုပ်လုပ်ပါတယ်။ နိုင်ငံတော်ရဲ့ ကုမ္ပဏီများကနေ ရသင့်ရထိုက်တဲ့ အခွင့်အရေးပိုင်း ဆိုင်ရာတွေမှာကတော့ နိုင်ငံပိုင် ကုမ္ပဏီကြီးများထက် ပိုပြီးတော့ အခွင့်အရေးတွေယူပြီးတော့ လုပ်တာတွေလည်း အများကြီးရှိပါတယ်။ ဦးပိုင်လို ကုမ္ပဏီကြီးရဲ့ စာရင်းစစ်တဲ့ ကဏ္ဍကအစ တပ်မတော် စာရင်းစစ်ရုံးကနေ စစ်ဆေးတာတို့ ကျနော်တို့နိုင်ငံမှာရှိတဲ့ နိုင်ငံပိုင် စီးပွားရေးလုပ်ငန်းကြီးတွေလို ပုံစံမျိုးဘဲဖြစ်ပါတယ်။ သို့ပေမယ့် အခွင့်အရေးနဲ့ နိုင်ငံတော်ကို ပြန်ထည့်ဝေမှုကျတော့ အခြားနိုင်ငံပိုင် စီးပွားရေးလုပ်ငန်းစုကြီးတွေလို ဖြစ်မနေတာလိုလည်း တွေ့ရပါတယ်။”

မြန်မာနိုင်ငံကို ၂၀၁၄ ဇူလိုင်က ကျင်းပခဲ့တဲ့ (၂၇) ကြိမ်မြောက် နိုင်ငံတကာ EITI အဖွဲ့အစည်းအဝေးမှာ ၄၅ နိုင်ငံ မြောက် EITI အဖွဲ့ဝင် လောင်းနိုင်ငံအဖြစ် လက်ခံ ခဲ့တာဖြစ်ပြီး၊ ပထမအကြိမ် မြန်မာနိုင်ငံရဲ့ EITI အစီရင်ခံစာကိုတော့ ပြီးခဲ့တဲ့ နှစ်ကုန် ဒီဇင်ဘာလတွင်းမှာ ထုတ်ပြန်ခဲ့တာ ဖြစ်ပါတယ်။

မေခ/VOA
http://burmese.voanews.com/content/eiti-myanmar-report/3154355.html


ashin-gambira-620.jpg
၂၀၀၇ ရွှေဝါရောင်သံဃာ့လှုပ်ရှားမှုကို ဦးဆောင်ခဲ့တဲ့ အရှင်ဂမ္ဘီရ (ခ) ကိုညီညီလွင် ကို ၂ဝ၁၂ ခုနှစ် မေလ ၂၂ ရက်နေ့က တွေ့ရစဉ်
Photo: U Gambira Facebook

၂၀၀၇ ရွှေဝါရောင်သံဃာလှုပ်ရှားမှုမှာ အရှင်ဂမ္ဘီရအဖြစ် ထင်ရှားခဲ့တဲ့ ဦးညီညီလွင်ကို နယ်စပ်ဖြတ်ကျော်မှုနဲ့ မန္တလေးမြို့မှာ ဖမ်းဆီးလိုက်ပြီး အိုးဘိုအကျဉ်းထောင်ကို ပို့လိုက်ပါတယ်။

ဦးညီညီလွင်ဟာ ၂၀၁၃ ခုနှစ် သြဂုတ်လအတွင်း ထိုင်းနိုင်ငံမှာ ဆေးကုသဖို့ တရားမ၀င်သွားခဲ့တာကြောင့် ဖမ်းဆီးခံရတာဖြစ်ပြီး၊ လက်ရှိမှာ ကျန်းမာရေးမကောင်းဘူးလို့ ဦးညီညီလွင်ရဲ့မိခင် ဒေါ်ရေးက ပြောပါတယ်။

"နယ်စပ်ဖြတ်ကျော်မှုလို့ ပြောတာပဲ၊ ကျန်းမာရေး မကောင်းဘူး၊ ချင်းမိုင်မှာ ၅ နာရီကြာ နှာတံဘယ်ဘက်မှာ လို့ပြောတယ်၊ အတွင်းထဲကခွဲရတာ ချုပ်ရိုးကြောင်းက အရှည်ကြီး၊ အပြင်ကနေ မမြင်ရဘူးလေ၊ အန်တီစိုးရိမ်တာ က ကျန်းမာရေးက နောက်ထပ် ၆ လ ဆေးသောက်ရဦးမယ်"

ဦးညီညီလွင်ကို မဟာအောင်မြေမြို့နယ် လူဝင်မှုကြီးကြပ်ရေးဦးစီးမှူး ဦးသောင်းဒန်က တရားလိုလုပ်တိုင်ကြား တာဖြစ်ပြီး လာမယ့် ဖေဖော်ဝါရီ ၃ ရက်နေ့မှာ မဟာအောင်မြေမြို့နယ် တရားရုံးမှာ ရုံးထုတ်စစ်ဆေးမယ်လို့ သိရပါတယ်။

ဦးညီညီလွင်ဟာ လွန်ခဲ့တဲ့ ၂၀၀၇ ရွှေဝါရောင်သံဃာ့လှုပ်ရှားမှုမှာ ဦးဆောင်ပါဝင်ခဲ့တဲ့အတွက် ဖမ်းဆီးထောင်ချခံရပြီး ၂၀၁၂ ခုနှစ်မှာ လွတ်ငြိမ်းချမ်းသာခွင့်နဲ့ ပြန်လွတ်မြောက်လာတာဖြစ်ပါတယ်။ ထောင်ကလွတ်မြောက်ပြီး မကြာခင်မှာ လူဝတ်လဲလိုက်ပြီး သြစတြေးလျနိုင်ငံသူနဲ့ အိမ်ထောင်ကျခဲ့တာ ဖြစ်ပါတယ်။

မြန်မာနိုင်ငံကို သူ့ရဲ့ဇနီးဖြစ်သူနဲ့ ထိုင်းနိုင်ငံကနေ ပြန်လာတာဖြစ်ပြီး နိုင်ငံကူးလက်မှတ်လုပ်ဖို့ ပြန်လာတာလို့ သိရပါတယ်။

RFA
http://www.rfa.org/burmese/news/ashin-gambira-nyinyilwin-still-arrested-01202016113908.html

ကာဘူးမြို့မှာ ဆက်တိုက် ဖြစ်ခဲ့တဲ့ တိုက်ခိုက်မှုတွေ အနက် နောက်ဆုံး တစ်ခု ဖြစ်။
အာဖဂန် နစ္စတန် နိုင်ငံ၊ ကာဘူး မြို့တော်က ရုရှား သံရုံး အနီးမှာ အသေခံ ဗုံးခွဲ တိုက်ခိုက်မှု တစ်ခု ဖြစ်ခဲ့ပြီး အနည်းဆုံး လူ ၄ ယောက် သေဆုံးတယ်လို့ အရာရှိတွေက ပြောပါတယ်။

ဒဏ်ရာရသူ အယောက် ၂၀ လောက်ကို ဆေးရုံ တင်ထားရတယ်လို့ အာဏာပိုင်တွေက ပြောပါတယ်။

ဒီ တိုက်ခိုက်မှုကို ဘယ်အဖွဲ့ကမှ သူတို့ လက်ချက် ဖြစ်တယ်လို့ ထုတ်မပြောသေး ပေမယ့် တာလီဘန် အဖွဲ့ရဲ့ လက်ချက် ဖြစ်မယ်လို့ ယူဆ ရပါတယ်။

သိပ်မကြာခင် ကလည်း ကာဘူးမြို့က အိန္ဒိယ၊ ပါကစ္စတန်နဲ့ အီတလီ သံရုံးတွေ အနားမှာ တိုက်ခိုက်မှုတွေ ဖြစ်ခဲ့ပါသေးတယ်။

ဒီ တိုက်ခိုက်မှုတွေဟာ တာလီဘန်နဲ့ ငြိမ်းချမ်းရေး ဆွေးနွေးမှုတွေ ပြန်လည် စတင်စေဖို့ ရည်ရွယ် တိုက်ခိုက်တာ ဖြစ်တယ်လို့ တချို့က သုံးသပ် ကြပေမယ့် အတည်ပြုနိုင်ခြင်း မရှိပါဘူး။

BBC Burmese
http://www.bbc.com/burmese


ရခိုင်ပြည်နယ်အစိုးရအဖွဲ့ကို ၂၀၀၈ ဖွဲ့စည်းပုံနှင့် အညီသာ ဖွဲ့စည်းသွားမည်ဖြစ်ကြောင်း အမျိုးသားဒီမိုကရေစီအဖွဲ့ချုပ်က ပြန်လည်တုန့်ပြန်ပြောကြား လိုက်သည်။

ရခိုင်အမျိုးသားပါတီအနေဖြင့် ပြည်နယ်အစိုးရအဖွဲ့အား ဦးဆောင်ဖွဲ့စည်းခွင့် မရပါက အမျိုးသားဒီမိုကရေစီအဖွဲ့ချုပ် နှင့် အတိုက်အခံပါတီအဖြစ် ရပ်တည်မည်ဖြစ်ကြောင်း ဇန်န၀ါရီလ( ၁၉ရက်က ထုတ်ပြန်ခဲ့သည့် အပေါ် အမျိုးသားဒီမိုကရေစီအဖွဲ့ချုပ် ဗဟိုအလုပ်မှုကော်မတီဝင် ဦးထွန်ထွန်းဟိန်က ယခုကဲ့သို့ ပြန်လည်တုံ့ပြန်လိုက်ခြင်းဖြစ်သည်။

"ငါတို့က ငါတို့ သဘောကျဖွဲ့လို့ရတာမဟုတ်ဘူးလေ။ ၂၀၀၈ခုနှစ် ဖွဲ့စည်းအုပ်ချုပ်ပုံအခြေခံဥပဒေအရပဲ ဖွဲ့လို့ရတာလေ။ ရခိုင်ပြည်နယ်မှာ အစိုးရဖွဲ့ရင် ဘယ်လိုဖွဲ့ရမလည်းဆိုတာ ဖွဲ့စည်းအုပ်ချုပ်ပုံမှာ ညွှန်ပြထားတာရှိတယ်။ အဲဒီအတိုင်း လိုက်နာပြီး ငါတို့က ဖွဲ့ရတာ။ ဘာဖြစ်လို့လည်းဆိုတော့ ဖွဲ့စည်းပုံအခြေခံဥပဒေမှ မပြင်သေးပဲနဲ့"ဟု ဦးထွန်းထွန်းဟိန်က ပြေသည်။

၂၀၀၈ ဖွဲ့စည်းပုံအခြေခံဥပဒေတွင် တိုင်းနှင့်ပြည်နယ် ဝန်ကြီးချုပ်ကို နိုင်ငံတော်သမ္မတမှ တိုက်ရိုက် ရွေးခြယ်ခွင့်ရရှိထားခြင်း ဖြစ်သည်။

ဇန်နဝါရီလ ၁၅ရက်က အမျိုးသားဒီမိုကရေစီအဖွဲ့ချုပ်၏ ရခိုင်ပြည်နယ် အလုပ်မှုဆောင်အဖွဲ့ ဥက္ကဋ္ဌ ဦးညီပုနှင့် တွေ့ဆုံစဉ်တွင်လည်း ဦးညီပုက ရခိုင်ပြည်နယ်အစိုးရအဖွဲ့ကို အမျိုးသားဒီမိုကရေစီအဖွဲ့ချုပ်က ဦးဆောင်ဖွဲ့စည်းမည်ဟု ပြောကြားခဲ့ကြောင်း သိရသည်။

အဆိုပါ ကိစ္စနှင့် ပတ်သကပ်၍ ရခိုင်အမျိုးသားပါတီက ဇန်နဝါရီလ ၁၉ရက်တွင် ထုတ်ပြန်ချက်တစ်စောင် ထုတ်ပြန်ကြေညာခဲ့သည်။

ယင်းထုတ်ပြန်ချက်တွင် ရခိုင်ပြည်နယ်အတွင်း ပြည်နယ်လွှတ်တော်ကိုယ်စားလှယ် (၂၃)ဦး အနိုင်ရခဲ့သည့် ရခိုင်အမျိုးသားပါတီအနေဖြင့် ပြည်နယ်အစိုးရအဖွဲ့ကို ဦးဆောင်ဖွဲ့စည်းခွင့်မရရှိပါက မည်သည့် အစိုးရအဖွဲ့တွင်မှ လုံးဝမပါဝင်ဘဲ ရခိုင်အမျိုးသားအကျိုးစီးပွားအတွက် အတိုက်အခံပါတီအနေဖြင့် ရပ်တည်မည် ဖြစ်ကြောင်း ဖော်ပြထားသည်။

ထို့ပြင် အမျိုးသားဒီမိုကရေစီအဖွဲ့ချုပ် အနေဖြင့် ရခိုင်ပြည်နယ်အစိုးရ ဖွဲ့စည်းနိုင်ရေးဆွေးနွေးမည်ဆိုပါက လက်ခံဆွေးနွေးသွားမည်ဟုလည်း ထည့်သွင်း ဖော်ပြထားသည်။

ယင်းအချက်နှင့် ပတ်သက်၍ ဦးထွန်းထွန်းဟိန်က "ဆွေးနွေးတာက သူတို့က အခုမှပြောတာလေ။ ငါတို့က ချက်ချင်း သူတို့နဲ့ ဆွေးနွေးတယ်ဆိုတာက တစ်ဦးကောင်း တစ်ယောက်ချင်း သွားတွေ့လို့ရတာမှ မဟုတ်ဘဲ။ စီအီးစီ ဆုံးဖြတ်ချက်နဲ့မှ တွေ့လို့ရတာလေ"ဟု ပြောသည်။

အမျိုးသားဒီမိုကရေစီအဖွဲ့ချုပ် အစဉ်တစိုက် ရပ်တည်ခဲ့သော ဒီမိုကရက်တစ် ဖက်ဒရယ်ပြည်ထောင်စုမူအရ ရခိုင်ပြည်နယ်အစိုးရအဖွဲ့ ဖွဲ့စည်းရာတွင် ပြည်နယ်ဝန်ကြီးချုပ်ကို ရခိုင်အမျိုးသားပါတီ ပြည်နယ်လွှတ်တော် ကိုယ်စားလှယ်များထဲမှသာ ဖြစ်ရမည်ဟုရပ်တည်ဆုံးဖြတ်ထားကြောင်းနှင့် အမျိုးသားဒီမိုကရေစီအဖွဲ့ချုပ်မှ ပြည်နယ်အစိုးရအဖွဲ့ကို ဦးဆောင်ဖွဲ့စည်းမည်ဆိုသည့် တင်ပြချက်မှ ပါတီနှစ်ခုအကြား ဒီမိုကရေစီအသွင် ကူး ပြောင်းရေးကို သိမ်မွေ့စွာလျောက်လှမ်းရမည့် လမ်းကြောင်းကို အဟန့်အထား ဖြစ်နိုင်ကြောင်းလည်း ထည့်သွင်းဖော်ပြထားသည်။

Mizzima -

topmyanmar-workers-620.jpg လှိုင်သာယာမြို့နယ် ကနောင်ခန်းမမှာ ဇန်နဝါရီလ ၂ဝ ရက်နေ့က ထိပ်တန်းမြန်မာ စက်ရုံအလုပ်သမား ၂ဝဝ ကျော်အတွက် ပြီးခဲ့တဲ့နှစ် နိုဝင်ဘာလ တစ်လစာကို အလုပ်ရှင်ဘက်က ပြန်ပေးစဉ်
Photo: Htet Arkar/RFA


ရန်ကုန်တိုင်း လှိုင်သာယာစက်မှုဇုန်မှာရှိတဲ့ ထိပ်တန်းမြန်မာ အထည်ချုပ်စက်ရုံက အလုပ်သမား ၂၀၀ ကျော်ဟာ လုပ်ခတစ်လစာရဖို့အတွက် နှစ်လကျော်ကြာ ဆန္ဒပြတောင်းဆိုရာမှာ အလုပ်သမားတွေရဲ့ တောင်းဆိုမှု အောင်မြင်ခဲ့ပြီး၊ ကုမ္ပဏီက ငွေကျပ်သိန်း ၃၃၀ ကျော် ပေးအပ်လိုက်ပါတယ်။

အဲဒီလို ကုမ္ပဏီက တစ်လစာပေးဖို့ ဥပဒေနဲ့အညီဖြေရှင်းခဲ့တာကြောင့် အလုပ်သမားတွေဟာ လုပ်ခတစ်လစာပြန်ရတာ ဖြစ်တယ်လို့ ရန်ကုန်တိုင်းဒေသကြီး အစိုးရအဖွဲ့က အလုပ်သမားရေးရာဝန်ကြီး ဦးဇော်အေးမောင်က ပြောပါတယ်။

အလုပ်သမား ၂၀၀ ကျော်အတွက် ပြီးခဲ့တဲ့နှစ် နိုဝင်ဘာလ တစ်လစာပေးအပ်ပွဲကို လှိုင်သာယာမြို့နယ်က ကနောင်ခန်းမမှာ ဒီကနေ့ ကျင်းပခဲ့တာဖြစ်ပြီး ထိပ်တန်းမြန်မာစက်ရုံဘက်က အလုပ်ရှင်ကိုယ်စား အထွေထွေမန်နေဂျာ ဦးအောင်မျိုးက တက်ရောက်ပေးအပ်ခဲ့ပါတယ်။

ပြီးခဲ့တဲ့နှစ် နိုဝင်ဘာလအတွက် လုပ်အားခ တစ်လစာရရှိဖို့ အလုပ်သမားတွေက ၂လကျော်ကြာ ဆန္ဒပြတောင်းဆိုခဲ့တာဖြစ်ပြီး ခုံသမာဓိကောင်စီက ဆုံးဖြတ်ပေးခဲ့တာဖြစ်ပါတယ်။

အလုပ်သမား ၂၀၀ ကျော်အတွက် တစ်ဦးကို ကျပ်တစ်သိန်း ခြောက်သောင်းနှုန်းရရှိမှာဖြစ်ပြီး ဆန္ဒပြတဲ့ အလုပ်သမား၂၀၀ကျော်ဟာ ထိပ်တန်းမြန်မာစက်ရုံမှာပဲ ပြန်လည်အလုပ်လုပ်ကိုင်ကြမှာ ဖြစ်ပါတယ်။
RFA





လက်ပံတန်းမြို့တင် ဖြိုခွင်းခံရသည့် ကျောင်းသားသပိတ် စတင်ခဲ့သည့်တစ်နှစ်ပြည့် အထိမ်းအမှတ်အဖြစ် မန္တလေးမြို့တွင် ဇန်န၀ါရီလ ၂၀ ရက်(ယနေ့)တွင် လမ်းလျှောက်ချီတက်ပွဲ မန္တလေးမြို့၌ ပြုလုပ်ခဲ့ကြောင်း သတင်းရရှိသည်။

ဒီမိုကရေစီ ပညာရေး စနစ်ပေါ်ပေါက်ရေး အတွက် အမျိုးသား ပညာရေးဥပဒေအပေါ် ဆန့်ကျင်ကန့်ကွက်သည့် ကျောင်းသားသပိတ် စစ်ကြောင်းသည်၂၀၁၅ ခုနှစ် ဇန်န၀ါရီလ ၂၀ ရက်နေ့က မန္တလေးမြို့မှ စတင်ခဲ့ခြင်းဖြစ်ပြီးယနေ့(ဇန်န၀ါရီလ ၂၀ ရက်)တွင် တစ်နှစ်ပြည့် အထိမ်းအမှတ်အဖြစ်
ဆန္ဒဖော်ထုတ်ခဲ့ခြင်း ဖြစ်သည်။

“ကျွန်တော်တို့အနေနဲ့ ကျောင်းသားသပိတ် စတင်တာ တစ်နှစ်ပြည့်အဖြစ်လုပ်တာပါ။ ချီတက်လမ်းလျှောက် ဆန္ဒတွေ ထုတ်ဖော်ခဲ့ပါတယ် ။ ဈေးချိုမှာကျောင်းသားတွေက တစ်နှစ်ပြည့် ဟောပြောခဲ့ပါတယ် ။ ပြီးခဲ့တဲ့ဒီဇင်ဘာက အထက်မြန်မာပြည် ဗ က သ ကျောင်းသားတွေ တောင်းဆိုထားတဲ့အချက် ၁၆ ချက်အပါအ၀င် ဖမ်းဆီးထားတဲ့ ကျောင်းသားတွေကို
ပြန်လွှတ်ပေးဖို့ကို ထပ်ပြီး တောင်းဆိုတာပါ” ဟု အထက်မြန်မာနိုင်ငံဆိုင်ရာ
ဗကသဥက္ကဋ္ဌ ကိုဥာဏ်လင်းထက်က ပြောသည်။

မန္တလေးမြို့ ၈၆/၂၆ လမ်းမှစတင်၍ ဈေးချိုမှတစ်ဆင့် မန္တလေးတက္ကသိုလ်အထိလမ်းလျှောက်ချီတက်ကာ ကြွေးကြော်သံများဖြင့် ဖြင့် ချီတက်ခဲ့ကြသည်။

ရည်မှန်းချက် မအောင်မြင်ခဲ့သော်လည်း လူထုအားပေး ထောက်ခံမှုကို ရခဲ့သည့်ကျောင်းသား သပိတ် ခေါင်းဆောင်များမှာ လက်ရှိအချိန်တွင် ပုဒ်မအသီးသီးဖြင့်တရားစွဲဆိုခြင်း ခံထားရပြီး အများစုမှာ သာယာဝတီ ထောင်တွင် ထိန်းသိမ်းခံထားရသည်။

ဆန္ဒထုတ်ဖော်မှုတွင် အထက်မြန်မာပြည် တက္ကသိုလ်အသီးသီးမှ ကျောင်းသား ၁၀၀ကျော် ပါဝင်ခဲ့ပြီး ဆန္ဒထုတ်ဖော်မှုကို သက်ဆိုင်မြို့နယ်သို့ ခွင့်ပြုချက် တင်ပြခဲ့ခြင်းမရှိခဲ့ခြင်းကြောင့် ရဲတပ်ဖွဲ့ဝင်များက တရားဥပဒေနှင့်မညီ၍ တားဆီးမှု ၃ ကြိမ်ရှိခဲ့ကြောင်း သိရသည်။

ယမန်နှစ်က မန္တလေးမြို့မှ စတင်ခဲ့သော ကျောင်းသားသပိတ်သည် မြန်မာနိုင်ငံအလယ်ပိုင်းရှိ မြို့ကြီးအသီးသီးကို ဖြတ်သန်းချီတက်ခဲ့ရာ ပဲခူးတိုင်းဒေသကြီးလက်ပံတန်းမြို့တွင် ၂၀၁၅ ခုနှစ် မတ်လ ၁၀ ရက်က အကြမ်းဖက်ဖြိုခွင်းမှုခံခဲ့ရသည်။

သတင်း - မျိုးမင်းပိုင်
Photo..MIZZIMA
The Ladies News Journal


အမျိုးသားလွတ်တော်ဥက္ကဌအဖြစ် NLD ပါတီမှ ကရင်အမျိုးသား ဦးဝင်းခိုင်သန်း ၊ ပြည်သူ့လွတ်တော် ဥက္ကဌရာထူးအတွက် NLD ပါတီမှ ဦးဝင်းမြင့် တို့ကို လျာထားကြောင်း CNA နှင့် စတိတိုင်းမ်ဂျာနယ်တို့ကို ပါတီ၏ တရားဝင်ပြောခွင့်ရှိသူ ဦးဥာဏ်ဝင်း က AFP သတင်းဌာနသို့ ပြောကြားခဲ့ကြောင်း သတင်းဖော်ပြပါရှိပါသည်။

အမျိုးသားလွတ်တော် ဒုဥက္ကဌရာထူးအတွက် ANP ပါတီမှ ရွေးကောက်ပွဲနိုင် ကိုယ်စားလှယ် တစ်ဦးနှင့် ပြည်သူ့လွတ်တော် ဒုဥက္ကဌရာထူးအတွက် USDP ပါတီမှ ကချင်အမျိုးသား ရွေးကောက်ပွဲနိုင် ကိုယ်စားလှယ် တစ်ဦးကို လျာထားကြောင်း အဆိုပါ သတင်းတွင် ဖော်ပြထားသည်။

Ref - CNA

The Ladies News Journal

ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်
ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်

အမျိုးသားဒီမိုကရေစီအဖွဲ့ချုပ် NLD ပါတီအနေနဲ့ ဦးဆောင်ဖွဲ့စည်းမယ့် ရခိုင်ပြည်နယ်အစိုးရအဖွဲ့မှာ ရခိုင်အမျိုးသားပါတီ ANP အနေနဲ့ ပါဝင်မှာမဟုတ်ဘူးလို့ ANP ခေါင်းဆောင် ဒေါက်တာအေးမောင်က ပြောပါတယ်။ ဒါပေမယ့်လည်း NLD အနေနဲ့ တွေ့ဆုံဆွေးနွေးဖို့ ကမ်းလှမ်းလာမယ်ဆိုရင်တော့ အဆင်သင့်ပဲလို့လည်း ပြောပါတယ်။ လွန်ခဲ့တဲ့နှစ် နိုဝင်ဘာလက ကျင်းပတဲ့ အထွေထွေရွေးကောက်ပွဲမှာ NLD ပါတီဟာ အပြတ်အသတ်အနိုင်ရရှိတာကြောင့် NLD ကရွေးချယ်တင်မြှောက်တဲ့ သမ္မတကနေ ပြည်နယ်အစိုးရ၀န်ကြီးချုပ်တွေကို ခန့်အပ်သွားမှာဖြစ်ပါတယ် ။ ဒီအကြောင်း ကိုအောင်အောင်က တင်ပြပေးမှာပါ။

ရွေးကောက်ပွဲမှာ အပြတ်အသတ်အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ် NLD ပါတီအနေနဲ့ ပြည်နယ်အစိုးရ၀န်ကြီးချုပ်တွေကို ရွေးချယ်တင်မြှောက်သွားမှာနဲ့ ပတ်သက်လို့ ရခိုင်အမျိုးသားပါတီ ANP အနေနဲ့ လက်မခံနိုင်ဘဲဖြစ်နေတာပါ။

ရခိုင်ပြည်နယ် အကျိုးစီးပွါး၊ ရခိုင်အမျိုးသားပါတီ ANP ရဲ့ ရပ်တည်ချက်အရ ပြည်နယ်မှာ အမတ်နေရာတော်တော်များများအနိုင်ရရှိထားတဲ့ ANP အနေနဲ့ ရခိုင်ပြည်နယ်အစိုးရအဖွဲ့ကို ဦးဆောင်ဖွဲ့စည်းနိုင်တဲ့ အခြေအနေမရှိရင် ဒီအစိုးရအဖွဲ့မှာ ANP အနေနဲ့ ပါဝင်မှာမဟုတ်ဘူးလို့ ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်ကပြောပါတယ်။

“ဒီမိုကရက်တစ် society ကိုသွားလိုတဲ့ဖွဲ့စည်းပုံမဟုတ်ဘူး ၊ ဖက်ဒရယ် ပြည်ထောင်စုကို သွားလိုတဲ့ ဖွဲ့စည်းပုံမဟုတ်ဘူးဆိုတာကို သိပါလျှက်နဲ့ ဒီဖွဲ့စည်းပုံရဲ့အားနည်းချက်ကို အမျိုးသားဒီမိုကရေစီအဖွဲ့ချုပ်အားသာချက်အဖြစ် ပုဒ်မ ၂၆၁ ကို အသုံးပြုခဲ့မယ်ဆိုရင် အမျိုးသားဒီမိုကရေစီအဖွဲ့ချုပ်သည် တိုင်းရင်းသားများရဲ့ ယုံကြည်မှုကိုရဖို့ ခက်ခဲသွားပါလိမ့်မယ်။ ဖွဲ့စည်းပုံပြင်မယ် ဆိုတဲ့လမ်းကြောင်းကနေ ၂၀၀၈ ဖွဲ့စည်းပုံကို ထောက်ခံပြီးမှ ဒီဖွဲ့စည်းပုံရဲ့ အကြပ်အတည်း ၊ တိုင်းရင်းသားများရဲ့အကြပ်အတည်းကို အားသာချက်အဖြစ် ယူသွားတဲ့ပါတီအဖြစ်ပဲ ကျနော်တို့ သက်မှတ်ခြင်းကို သမိုင်းမှာ ကျန်သွားရပါလိမ့်မယ်။”

NLD ပါတီအနေနဲ့ တစိုက်မတ်မတ်ရပ်တည်လာခဲ့တဲ့ ဒီမိုကရေစီ ဖက်ဒရယ်ပြည်ထောင်စုဆိုတဲ့ မူအတိုင်း ရခိုင်ပြည်နယ်အစိုးရဖွဲ့စည်းရာမှာ ရခိုင်ပြည်နယ်အတွင်း မဲအများဆုံးနဲ့ အနိုင်ရထားတဲ့ ANP ပါတီ ပြည်နယ်လွှတ်တော်ကိုယ်စားလှယ်ထဲကသာ ၀န်ကြီးချုပ်ဖြစ်သင့်တယ်ဆိုပြီး ANP က ရပ်တည်ဆုံးဖြတ်ထားတာပါ။ ပြီးခဲ့တဲ့ရွေးကောက်ပွဲအတွင်း မဲအများဆုံးနဲ့ အနိုင်ရခဲ့တဲ့ ANP ဥက္ကဋ္ဌ ဒေါက်တာအေးမောင်က အခုလိုဆက်ပြောပါတယ်။

“သို့သော် ဒီနှစ် အမျိုးသားဒီမိုကရေစီအဖွဲ့ချုပ်က ရှမ်းရေးရာ ၀န်ကြီးတဦးအပါအ၀င်မှ ၉ ဦးပဲရပါတယ်။ ပြည်ခိုင်ဖြိုးပါတီက ၃ ဦးပဲ ရပါတယ်။ ရခိုင်အမျိုးသားပါတီက ၂၁ ဦးရပါတယ်။ တပ်မတော်က ၁၂ ဦးရှိပါတယ်။ ဒီအခြေအနေထိ ရခိုင်တမျိုးသားလုံးဟာ ရခိုင်အမျိုးသားပါတီကို မဲပေးခဲ့တာတောင်မှ လက်ရှိ ၆၈ နှစ်ရှိတဲ့ မြန်မာနိုင်ငံရဲ့အခင်အကျင်းမှာ တိုင်းရင်းသားအားလုံးလည်း လက်နက်ကိုင်နေကြတယ်။ ကျနော်တို့ရဲ့စစ်မှန်တဲ့ပြည်ထောင်စုကို သွားမယ်ဆိုတဲ့ ဦးတည်ချက်ကြောင့်ပဲ ဒီပြည်တွင်းစစ်ကြီး တနည်းအားဖြင့် ဒီပြဿနာကို ဖြေရှင်းဖို့အတွက် ဒီ ဒုတိယအပြောင်းအလဲမှာတောင်မှ majority seats ကိုရထားတဲ့ ပါတီကြီးတခုရဲ့ အမတ် အရေအတွက်ကို အသိအမှတ်မပြုနိုင်ဘူးဆိုရင် ကျနော်တို့ဟာ ပွင့်ပွင့်လင်းလင်းပြောရင်ဗျာ၊ အခုထိ ကိုလိုနီ နယ်ချဲ့အောက်မှာ ရှိနေသေးပါတယ်လို့ တိုင်းရင်းသားတွေက ပြောရမယ့်သဘောပါပဲ။”

ဇန်န၀ါရီလ ၁၅ ရက်နေ့က စစ်တွေမြို့ရွှေစေတီ ကျောင်းတိုက်မှာ ကျင်းပတဲ့ အစည်းအဝေးအတွင်း ရပ်မိရပ်ဖတွေ၊ လူမှုကွန်ယက် အဖွဲ့တွေနဲ့ နိုင်ငံရေးပါတီက ကိုယ်စားလှယ်တွေနဲ့ တွေ့ဆုံရာမှာ ရခိုင်ပြည်နယ်အစိုးရအဖွဲ့ကို NLD အနေနဲ့ ဦးဆောင်ဖွဲ့စည်းသွားမယ်လို့ရခိုင်ပြည်နယ်အလုပ် အမှုဆောင်အဖွဲ့ ဥက္ကဌ ဦးညီပုက ပြောကြားခဲ့ပြီးနောက် အဲဒီ အစိုးရအဖွဲ့မှာ ပါဝင်မှာမဟုတ်ဘူးလို့ ANP ပါတီက ကြေညာချက်ထုတ်ပြန်ခဲ့တာပါ။ NLD အနေနဲ့တော့ ဒီလိုအစိုးရဖွဲ့စည်းရာမှာ ကန့်သတ်ချက်ထားတာမျိုးမရှိတဲ့အပြင် NLD ရပ်တည်ချက်နဲ့ ပတ်သက်ပြီး ထုတ်ဖေါ်ပြောကြားထားပြီးပြီလို့ ဦးညီပုက ပြောပါတယ်။

“ဒါကတော့ တရားဝင်ပြောထားပြီးသားပါ။ ကျနော်တို့စီက ပြောရေးဆိုခွင့်ရှိတဲ့ ဒေါ်နန်းခင်ထွေးမြင့်က တိုင်းနဲ့ပြည်နယ် အစိုးရတွေ ဖွဲ့စည်းရေးနဲ့ပတ်သက်လို့ ပြောပြီးသွားပါပြီ။”

အရင်ပြည်ထောင်စုကြံ့ခိုင်ဖွံ့ဖြိုးရေး အစိုးရလက်ထက်မှာတော့ ANP အနေနဲ့ ရခိုင်ပြည်နယ် အစိုးရအဖွဲ့ထဲမှာ ပါဝင်ခဲ့ပေမယ့် NLD အနေနဲ့တော့ ပြည်ခိုင်ဖြိုးနဲ့ ထပ်တူကျတဲ့ နိုင်ရေးပါတီတရပ် အနေနဲ့ မသတ်မှတ်တာကြောင့် အခုလို အစိုးရအဖွဲ့မှာ ပါဝင်တာမဟုတ်ကြောင်း ဒေါက်တာအေးမောင် ကပြောပါတယ်။ ၂၀၀၈ ခုနှစ်ဖွဲ့စည်းပုံအခြေခံဥပဒေရ ရွေးချယ်တင်မြှောက်ခံရတဲ့ သမ္မတကနေ ပြည်နယ်ဝန်ကြီးချုပ်တွေကို ခန့်အပ်ရမှာဖြစ်ပြီး ပြည်နယ်ဝန်ကြီးချုပ်ကနေ သက်ဆိုင်ရာ ပြည်နယ်အစိုးရ၀န်ကြီးတွေကို ခန့်အပ်ရမှာဖြစ်ပါတယ်။

အောင်အောင်/VOA
http://burmese.voanews.com/content/anp-will-not-participate-in-the-government-unless-the-state-minister-position-is-granted/3154324.html

နိုင်ငံတော်သမ္မတ ဦးသိန်းစိန်နဲ့ နိုင်ငံရေးပါတီ ၈၆ ပါတီက ခေါင်းဆောင်တွေ ရန်ကုန်တိုင်းဒေသကြီး အစိုးရရုံးခန်းမမှာ နိုဝင်ဘာလ ၁၅ ရက်နေ့က တွေ့ဆုံဆွေးနွေးကြစဉ်။ Photo: Thiha Tun/RFA
ပြီးခဲ့တဲ့နှစ်အတွက် ပြည်ထောင်စုအစိုးရအဖွဲ့ရဲ့ သီးသန့်ရန်ပုံငွေကနေ ကျပ်သန်းပေါင်း နှစ်သောင်းနီးပါး သုံးစွဲခဲ့ကြောင်း နိုင်ငံတော်သမ္မတ ဦးသိန်းစိန်က ပြည်ထောင်စုလွှတ်တော်နာယကထံ သ၀ဏ်လွှာ ပေးပို့လိုက်ပါတယ်။

ကာကွယ်ရေးဝန်ကြီးဌာန၊ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန စတဲ့ အစိုးရအဖွဲ့တွေက ကျပ်သန်းပေါင်း ၂သောင်းနီးပါး ကို သုံးစွဲခဲ့တာဖြစ်ကြောင်း နိုင်ငံတော်သမ္မတ ဦးသိန်းစိန် မနေ့ကပေးပုိ့လိုက်တဲ့ သ၀ဏ်လွှာမှာပါရှိတယ်လို့ ပြည်ထောင်စုလွှတ်တော်နာယက သူရဦးရွှေမန်းက ဒီနေ့ ပြည်ထောင်စု လွှတ်တော်မှာ ပြောပါတယ်။

"၂ဝ၁၅ ခုနှစ် ပြည်ထောင်စု၏ ဘဏ္ဍာငွေရသုံးဆိုင်ရာ ဥပဒေပါ သီးသန့်ရန်ပုံငွေမှ ကာကွယ်ရေးဝန်ကြီးဌာနဆိုင်ရာ လုပ်ငန်း ၁ ခု၊ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနဆိုင်ရာ လုပ်ငန်း ၇ ခု၊ မွေးမြူရေး၊ ရေလုပ်ငန်းနဲ့ ကျေးလက်ဒေသ ဖွံဖြိုးရေးဝန်ကြီးဌာနဆိုင်ရာ လုပ်ငန်း ၂ ခု၊ ပဲခူးတိုင်းဒေသကြီး အစိုးရအဖွဲ့ဆိုင်ရာ လုပ်ငန်း ၁ ခု၊ ရခိုင်ပြည်နယ် အစိုးရအဖွဲ့ဆိုင်ရာ လုပ်ငန်း ၁ ခု၊ ရန်ကုန်တိုင်းဒေသကြီး အစိုးရအဖွဲ့ဆိုင်ရာ လုပ်ငန်း ၁ ခုနဲ့ ဧရာဝတီတိုင်းဒေသကြီး အစိုးရအဖွဲ့ဆိုင်ရာ လုပ်ငန်း ၁ ခု စုစုပေါင်းလုပ်ငန်း ၁၄ ခုအတွက် ရန်ပုံငွေစုစုပေါင်း ကျပ်သန်း ၁၂၈၁ဝ.၇၃၁ ကို ခွဲဝေသုံးစွဲထားရှိမှုကို လွှတ်တော်က မှတ်တမ်းတင်ကြောင်း အသိပေးကြေညာပါတယ်"

လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနက ကျပ်သန်းပေါင်း ရှစ်ထောင်နီးပါး သုံးစွဲခဲ့ပြီး ကာကွယ်ရေးဝန်ကြီးဌာန လက်အောက်မှာရှိတဲ့ တပ်မတော် ( ကြည်း၊ ရေ၊ လေ ) တပ်ရင်း/တပ်ဖွဲ့ ၂၁၁ ခု အတွက် ကျပ်သန်းပေါင်း သုံးထောင် သုံးစွဲခဲ့တယ်လို့ သိရပါတယ်။

လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနက တိုင်းနဲ့ပြည်နယ်တွေမှာရှိတဲ့ ဆည်မြောင်းတာတမံတွေ၊ ရေးကြီးရေလျှံမှု ကာကွယ်ရေးလုပ်ငန်းတွေ၊ အင်းလေးကန် အစဉ်အမြဲသာယာလှပရေးနဲ့ ရေရှည်တည်တံ့ရေးတို့အတွက် သုံးစွဲခဲ့တာဖြစ်တယ်လို့လည်း သိရပါတယ်။

ဒါ့အပြင် ပဲခူးတိုင်း၊ ရန်ကုန်တိုင်း၊ ဧရာဝတီတိုင်းနဲ့ ရခိုင်ပြည်နယ်အတွင်းက ချောင်းမြောင်းတွေ ပြန်လည်တူးဖော်ရေးနဲ့ မြေထိန်းနံရံ တည်ဆောက်ရေးတို့အတွက်လည်း ကျပ်သန်းပေါင်း တစ်ထောင့်နှစ်ရာကျော် အသုံးပြုခဲ့ပါတယ်။

RFA Burmese
http://www.rfa.org/burmese

တရားမဝင် နယ်စပ်ဖြတ်ကျော်မှု ပုဒ်မ ၁၃(၁) အရ တရားလိုလုပ်တရားစွဲပြီး အိုးဘိုထောင်ကို တန်းပို့
ဇန်နဝါရီ၁၉ ရက်နေ့ ညက ၂၀၀၇ ခုနှစ် ရွှေဝါရောင် သံဃလှူပ်ရှားမှုတုန်းက ဦးဂမ္ဘီရဘွဲ့နာမည်နဲ့ သံဃာ ခေါင်းဆောင် ဖြစ်ခဲ့ဖူးပြီး ယခု လူဝတ်လဲထားတဲ့ ကိုညီညီလွင်ကို မန္တလေး မဟာအောင်မြေမြို့နယ်က ပါဝါဟိုတယ်မှာ တည်းခိုနေတုန်း ဖမ်းဆီးလိုက်ပါတယ်။

တချိန်က ဦးဂမ္ဘီရဖြစ်ခဲ့တဲ့ ကိုညီညီလွင်ကို သူတည်းခိုတဲ့ ပါဝါဟိုတယ်ကနေ ည ၁၁ နာရီလောက်မှာ ရဲတပ်ဖွဲ့နဲ့ လူဝင်မှု ကြီးကြပ်ရေးအရာရှိတွေ အင်အား ၁၅လောက် ရောက်လာပြီးတော့ ဖမ်းသွားတာပါ။

ရွှေဝါရောင် သံဃလှူပ်ရှားမှုတုန်းက ဦးဂမ္ဘီရနာမည်နဲ့ သံဃခေါင်းဆောင်တပါးဖြစ်ခဲ့ဘူးတဲ့ ယခု လူဝတ်လဲထားတဲ့ ကိုညီညီလွင်ကို မန္တလေး မဟာအောင်မြေမြို့နယ်က ပါဝါဟိုတယ်မှ မနေ့ညက တည်းခိုနေတုန်း ဖမ်းဆီးလိုက်ပါတယ်။ မဟာအောင်မြေ လူဝင်မှုကြီးကြပ်ရေးဦးစီးမှုး ဦးသောင်းဒန်က တရားလိုလုပ်ပြီး တရားမ၀င် နယ်စပ်ဖြတ်ကျော်မှု ပုဒ်မ ၁၃(၁) အရ မဟာအောင်မြေတရားရုံးမှာ တရားစွဲဆိုပြီး အိုးဘိုထောင်ကို ပို့လိုက်ပြီဖြစ်ပါတယ်။ မဟာအောင်မြေမြို့နယ် တရားရုံးမှာ ရုံးထုတ်ရမန်ယူလာရောက်စဉ် ရုပ်သံမှတ်တမ်း။

Posted by BBC Burmese on Wednesday, January 20, 2016
ဇန်နဝါရီလ ၂၀ ရက်နေ့ ညနေပိုင်းမှာတော့ မဟာအောင်မြေတရားရုံးမှာ မဟာအောင်မြေမြို့နယ် လူဝင်မှုကြီးကြပ်ရေးဦးစီးမှုး ဦးသောင်းဒန်က တရားမဝင် နယ်စပ်ဖြတ်ကျော်မှု ပုဒ်မ ၁၃(၁) အရ တရားလိုလုပ်တရားစွဲပြီး အိုးဘိုထောင်ကို တန်းပို့လိုက်ပါတယ်။

ကိုညီညီလွင်ရဲ့ အမေ ဒေါ်ရေးကတော့ သူ့သားဟာ ထိုင်းနိုင်ငံကနေ တရားဝင်ပြန်လာပြီး မိတ္ထီလာကို ၁၆ ရက်နေ့ ကတည်းက ရောက်ပြီးတော့ မန္တလေးကို အသွားမှာ အဖမ်းခံရတာဖြစ်တယ်လို့ ပြောပါတယ်။

ကိုညီညီလွင်ရဲ့ အမှုကို ရှေ့နေလိုက်ပေးမယ့် တရားလွှတ်တော်ရှေ့နေ ဒေါ်ရွှက်နုအောင်က ကိုညီညီလွင်ရဲ့ ပြောပြချက်တွေနဲ့ အထောက်အထားတွေကို အခြေခံပြီး ကိုညီညီလွင်ဟာ ထိုင်းကိုတရားဝင်သွားပြီး ဆေးကုသမှုခံခဲ့တာမို့ ဒီအကြောင်းရာတွေနဲ့ ခုခံချေပသွားမယ်လို့ ပြော ပါတယ်။

ဦးဂမ္ဘီရဘွဲ့နာမည်နဲ့ ၂၀၀၇ ရွှေဝါရောင် သံဃာ့ အရေးအခင်းမှာ ခေါင်းဆောင်ခဲ့မှုကြောင့် ထောင်ဒဏ် ၆၈နှစ်ချခံရပြီး ၂၀၁၂ ဇန်နဝါရီ ၁၃ရက်နေ့က သမတ လွတ်ငြိမ်း ချမ်းသာခွင့်နဲ့ လွတ်မြောက် လာသူဖြစ်ပါတယ်။

ထောင်ကလွတ်ပြီးတဲ့နောက် ၂၀၁၃ နှစ်ကုန်ပိုင်းမှာ ဩစတြေးလျ နိုင်ငံသူ Marie Linda နဲ့ မြန်မာနိုင်ငံမှာ တရားဝင် လက်ထပ်ခဲ့ပါတယ်။

လက်ထပ်ပြီးတဲ့နောက်ပိုင်း ထိုင်းနိုင်ငံမှာ အလုပ်သမားမှတ်ပုံတင်နဲ့ သွားရောက်နေထိုင်ခဲ့ပါတယ်။

ပြီးခဲ့တဲ့ တစ်ပတ်က ထိုင်းမြန်မာနယ်စပ် တာချီလိတ် နယ်စပ်ဂိတ်ကနေ မန္တလေးမြို့မှာ နိုင်ငံကူး လက်မှတ်လုပ်ဖို့ လာရင်း ခုလို အဖမ်းခံ လိုက်ရတာဖြစ်ပါတယ်။

BBC Burmese
http://www.bbc.com/burmese

 စိန့် အယ်လီဂျာ ဘုရားကျောင်းရဲ့ ၂၀၁၁ မတ်လ ဂြိုဟ်တု ဓာတ်ပုံနဲ့ ၂၀၁၄ စက်တင်ဘာ ဂြိုဟ်တု ဓာတ်ပုံ နှိုင်းယှဉ်ချက်။
အီရတ် နိုင်ငံမှာ ရှိတဲ့ သက်တမ်း အရင့်ဆုံး ခရစ်ယာန် ဘုရားကျောင်းကို အစ္စလာမ္မစ် နိုင်ငံ IS အဖွဲ့က ဖြိုချ ဖျက်ဆီး လိုက်တယ် ဆိုတာကို ဂြိုဟ်တု ဓာတ်ပုံတွေ အရ အတည်ပြု နိုင်ခဲ့ပါတယ်။

အဲဒီ စိန့် အယ်လီဂျာ ဘုရားကျောင်းဟာ အီရတ် မြောက်ပိုင်းက မိုဆူးလ်မြို့ အနီး တောင်ကုန်း တစ်ခုပေါ်မှာ နှစ်ပေါင်း ၁၄၀၀ လောက် တည်ရှိ နေခဲ့တာ ဖြစ်ပါတယ်။

ဒါပေမယ့် အဲဒီ ဘုရားကျောင်းဟာ ၂၀၁၄ ခုနှစ် နှောင်းပိုင်းမှာ IS အဖွဲ့က မိုလ်ဆူးမြို့ကို သိမ်းပိုက်ပြီး မကြာမီမှာပဲ ဖျက်ဆီး ခံလိုက်ရတာလို့ ဓာတ်ပုံ အကဲဖြတ်သူတွေက ပြောပါတယ်။

မိုဆူးလ် မြို့က ကက်သလစ် ဘုန်းတော်ကြီး Paul Thabit Habib က ခရစ်ယာန် ဘာသာရဲ့ သမိုင်းကြောင်းဟာ ရိုင်းရိုင်းစိုင်းစိုင်း ဖျက်ဆီး ခံနေရပြီလို့ သတိပေး ပြောဆို ပါတယ်။

IS အဖွဲ့ဟာ အီရတ်နဲ့ ဆီးရီးယားမှာ ရှိတဲ့ ခရစ်ယာန် တွေရဲ့ ပိုင်ဆိုင်မှုတွေကို သိမ်းယူတာ၊ အစ္စလာမ် ဘာသာထဲ အတင်း အဓမ္မ ပြောင်းခိုင်းတာတွေ လုပ်ကြပါတယ်။

ဝတ်ကျောင်းတွေ အများအပြားနဲ့ အစ္စလာမ် ဘာသာ မပေါ်ခင် ကတည်းက ရှိခဲ့တဲ့ နာမည်ကျော် မြို့ဟောင်းတွေကိုလည်း IS အဖွဲ့က ဖျက်ဆီးခဲ့ပြီး ဖြစ်ပါတယ်။

BBC Burmese
http://www.bbc.com/burmese







ရွှေပြည်သာ၊ လှိုင်သာယာ မြို့နယ်များအတွင်း ပြည်သူ့ဘ၀ လုံခြုံရေးကို ထိပါးနှောက်ယှက် သူများအား ရန်ကုန်တိုင်းဒေသကြီး ရဲတပ်ဖွဲ့မှ အထူးစီမံချက်ဖြင့် ဖမ်းဆီးအရေးယူ

ရန်ကုန်၊ ဇန်န၀ါရီ ၂၀

၁၇.၁.၂၀၁၆ ရက်နေ့တွင် Facebook လူမှုကွန်ရက်စာမျက်နှာများ၌ “ဘုရားဒကာအမည်ခံ လောင်းကစားနှင့် ဘိန်းရာဇာ” ခေါင်းစဉ်ဖြင့် လှိုင်သာယာမြို့နယ်တွင် လူမိုက် ၀င်းနိုင်နှင့် လူမိုက် ခင်စိန်တို့ ဦးဆောင်၍ မူးယစ်ဆေးဝါး ရောင်းချခြင်း၊ လောင်းကစားဝိုင်းများ ပြုလုပ်နေခြင်း စသည့် အကြောင်းအရာများကို မှတ်တမ်းဓါတ်ပုံများဖြင့် ဖော်ပြပါရှိလာခဲ့ပါသည်။

ယင်းသို့ ဖော်ပြ ပါရှိလာမှုနှင့် ပတ်သက်၍ အများပြည်သူ၏ ဘ၀လုံခြုံရေးကို ထိပါးစေသည့်အပြင် ရပ်ရွာအေးချမ်းသာယာရေးနှင့် တရားဥပဒေစိုးမိုးရေးကို ထိခိုက်လာစေနိုင်သဖြင့် ရန်ကုန်တိုင်းဒေသကြီး ရဲတပ်ဖွဲ့မှူး၏ စီမံညွှန်ကြားမှုဖြင့် အထူးအဖွဲ့များဖွဲ့စည်း၍ ဖမ်းဆီးဆောင်ရွက်ခဲ့ပါသည်။

ထိုသို့ဆောင်ရွက်ခဲ့ရာ ၂၀.၁.၂၀၁၆ ရက်နေ့တွင် လူမှုကွန်ရက်စာမျက်နှာပါ လှိုင်သာယာမြို့နယ်နေသူ များဖြစ်သည့် ၀င်းနိုင်၊ (၄၄)နှစ်၊ လိပ်(ခ)ခင်စိန်၊ (၄၇)နှစ်၊ အောင်စိုး(ခ)အောင်စိုးလေး၊ (၄၁)နှစ်၊ ရွှေအိုးစည်(ခ)ရဲညွန့်၊ (၄၂)နှစ်တို့နှင့် ရွှေပြည်သာမြို့နယ်နေသူများဖြစ်သည့် ၀င်းနိုင်၊ (၅၀)နှစ်၊ စိန်ဌေး၊ (၅၆)နှစ်တို့(၆)ဦးအား ဖမ်းဆီးရမိခဲ့ပါသည်။

ဖမ်းဆီးရမိခဲ့သည့် ၀င်းနိုင်ပါ(၆)ဦးတို့အား စစ်ဆေးဆောင်ရွက်လျက်ရှိပြီး သက်ဆိုင်ရာ ရဲစခန်းများ၌ ဥပဒေနှင့်အညီ အရေးယူ ဆောင်ရွက်လျက် ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/


ပြီးခဲ့တဲ့ နှစ်ထဲ ရေဘေးအန္တရာယ်ကြုံတွေ့ခဲ့ရတဲ့ မြန်မာပြည်မြောက်ပိုင်း ကလေးဒေသကို အကူအညီပေးဖို့ ဂျာမနီအစိုးရက ယူရိုသိန်း ၁၀၀ ထပ်မံလှူဒါန်းဖို့ ဆုံးဖြတ်ခဲ့ပါတယ်။ ကလေးဒေသတွင်းမှာရှိတဲ့ ကျေးလက် ဒေသ ၃၂ ရွာရဲ့ လမ်းပန်း ဆက်သွယ်ရေးအတွက် တံတားတွေနဲ့ လမ်းတွေကို ဒီငွေနဲ့ တည်ဆောက် သွားမှာဖြစ်ပါတယ်။

နောက်အစိုးရသစ်လက်ထက်မှာ မြန်မာပြည်တွင်းက အကူအညီလိုတဲ့ နေရာတွေကို ဆွေးနွေးပြီး ဆက်လက်ကူညီသွားဖို့ ညိုနှိုင်းသွားမယ်လို့ မြန်မာနိုင်ငံဆိုင်ရာ ဂျာမနီသံအမတ် Christian Ludwig က ပြောပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေ မြန်မာပိုင်းသတင်းထောက် ကိုထက်အောင်က ပြောပြပေးမှာပါ။

ပြီးခဲ့တဲ့ နှစ် ဇူလိုင်လလယ်ကတည်းက စခဲ့တဲ့ မိုးကြီးရေလျှံမှုတွေကြောင့် ရေဘေးအန္တရာယ် ဆိုးဆိုးဝါးဝါး ခံခဲ့ရတဲ့ မြန်မာပြည်မြောက်ပိုင်း ဒေသတွေကို ဂျာမနီအစိုးရအနေနဲ့ ယူရို သိန်း ၁၀၀ ထပ်မံလှူဒါန်းသွားမှာလည်း ဖြစ်ပါတယ်။ ရေဘေးအန္တရယ်ကို အဆိုးဝါးဆုံး ခံခဲ့ရတဲ့ နေရာအဖြစ် ကလေးဒေသကို အစိုးရတာဝန်ရှိတဲ့ သူတွေက ထောက်ပြတာကြောင့် ဒီဒေသတစ်ဝိုက်ကိုပဲ အကျိုးရှိအောင် ထိထိရောက်ရောက် ကူညီသွားမယ်လို့ မြန်မာနိုင်ငံဆိုင်ရာ ဂျာမနီ သံအမတ်ကြီး Christian Ludwig က ဗွီအိုအေကို ပြောပါတယ်။

“ကျွန်တော်တို့တွေဟာ အစိုးရနဲ့ ပူးပေါင်းတိုင်ပင်ပြီး မွေးမြုရေး ရေလုပ်ငန်းနဲ့ ကျေးလက်ဒေသဖွံ့ဖြိုးရေး ၀န်ကြီးဌာနနဲ့ အတူလက်တွဲလုပ်ဆောင်တဲ့ အခါမှာ သူတို့ အကြံပြုတာက ကလေးဒေသ တစ်ဝိုက်ကိုပါ။ ပြီးခဲ့တဲ့ နှစ်ထဲ ရေဘေးအန္တရာယ်ကြုံတွေ့ခဲ့ရတဲ့ တိုင်းနဲ့ ပြည်နယ် အများစုရှိပေမယ့်ကလေးဒေသဟာ ရေဘေးဒဏ်ကို အဆိုးရွားဆုံး ဒေသတစ်ခုဖြစ်တယ်လို့လည်း အစိုးရက အကြံပေး ထောက်ပြ တာကြောင့် ကျွန်တော်တို့အဖွဲ့ဝင်တွေကိုစေလွှတ်ခဲ့ပါတယ်။ ပြီးတော့ ကျွန်တော်တို့ အဖွဲ့ဝင်တွေနဲ့ နည်းပညာပိုင်း အကူအညီပေးတဲ့ KFW ဖွံ့ဖြိုးရေးဘဏ်တို့ဟာ ဒီဒေသ ၀န်းကျင်မှာ လေ့လာ ဆန်းစစ်ပြီး ကျွန်တော်တို့ရဲ့ ပထမအစီအစဉ်ကို လုပ်ဆောင်ဖို့ အတည်ပြုခဲ့တာပါ။ တကယ့်တော့ အဲဒီ့ဒေသတစ်ဝိုက်မှာ လမ်းတံတား အပျက်အဆီး အတော်လေးများတာကို တွေ့မြင်ခဲ့ရတာကြောင့် ကျွန်တော်တို့တွေဟာ ဒေသခံပြည်သူတွေအတွက် ကောင်းမွန်တဲ့ လူနေမှုဘဝ အတွက် ကူညီပေးဖို့ပါ။ ကျွန်တော်တို့တွေဟာ တစ်နိုင်ငံလုံးကို အကူအညီမပေးနိုင်ပေမယ့်လို့ ဒေသတစ်ခုကိုပဲ ဦးတည်ထားလိုက်ရင် အဲဒီ့နေရာအတွက် အတော်များများ အကျိုးရှိအောင် ထိထိရောက်ရောက် ကူညီနိုင်မှာလည်း ဖြစ်ပါတယ်။”

ဒီထောက်ပံငွေတွေကို ကလေးဒေသတွင်းမှာရှိတဲ့ ဒေသခံပြည်သူတွေရဲ့ လမ်းပန်းဆက်သွယ်ရေးအတွက် တံတားတွေနဲ့ လမ်းတွေ တည်ဆောက် သွားမယ်လို့ သူက ဆက်ပြောပါတယ်။

“ကျွန်တော်တို့ရဲ့အကူအညီတွေဟာ ရေဘေးသင့်ပြည်သူ ၆ သောင်းကျော်တွေအတွက် ပုံမှန်အခြေအနေ လည်ပတ်နိုင်အောင် အထောက်အကူဖြစ်စေခဲ့ပါတယ်။ ခင်ဗျားတို့တစ်တွေကို ပို့ဆောင်ဆက်သွယ်ရေး လမ်းကြောင်းတွေကို ဖြတ်ကောက်ခံရမယ်ဆိုရင် ခင်ဗျားတို့ရဲ့လယ်ယာထွက် ပစ္စည်းတွေကို ရောင်းဝယ်ဖောက်ကားခြင်း မရနိုင်သလို့ တခြားနေရာတွေကိုလည်း လွယ်လင့်တကူ သွားနိုင်မှာမဟုတ်ပါဘူး။ ဒါ့အပြင် ခင်ဗျားတို့ရဲ့ကလေးတွေကို စာသင်ကျောင်းတွေဆီ ပို့နိုင်မှာလည်း မဟုတ်ပါဘူး။ နေထိုင်မကောင်းတဲ့ သူတွေကိုလည်း ဆေးရုံဆေးခန်းတွေကို ပို့ပေးဖို့ ခဲယဉ်းနိုင်ပါတယ်။ ဒါကြောင့်မလို့ ဒေသရဲ့အခြေခံ အဆောက်အအုံတွေဖြစ်တဲ့ လမ်းပန်း ဆက်သွယ်ရေးကို ဖန်တီးပေးတာဟာ တကယ့်ကို အရေးပါတဲ့ အခန်းကဏ္ဍ တွေပဲဖြစ်ပါတယ်။”

ဒါ့အပြင် တခြား ရေဘေးသင့်ဒေသတွေဖြစ်တဲ့ ဧရာဝတီတိုင်းဒေသကြီးနဲ့ ရခိုင်ဒေသတွေကိုလည်း အရေးပေါ် အကူအညီတွေ ပေးနိုင်ဖို့ ရန်ပုံငွေ ရာထားတာတွေလည်း ရှိတယ်လို့ ဆိုပါတယ်။ မြန်မာနဲ့ ဂျာမနီ နှစ်နိုင်ငံကြား ဆင်းရဲမွဲတေမှု လျော့ချနိုင်ရေးဟာ နှစ်နိုင်ငံကြား ပူးပေါင်းဆောင်ရွက်ဖို့ အဓိက ဦးစားပေးကဏ္ဍ တစ်ခုဖြစ်တာကြောင့် အစိုးရသစ်လက်ထက်မှာလည်း ဖွံဖြိုးတိုးတက်ရေးလုပ်ငန်းတွေကို ဆက်လက်လုပ်ဆောင်သွားမယ်လို့ သူက ဆိုပါတယ်။

“ရွေးကောက်ပွဲ အနိုင်ရ ပါတီဥက္ကဌ ဒေါ်အောင်ဆန်းစုကြည်ကလည်း အနာဂတ်မှာ သူမအနေနဲ့ တိုင်းပြည် ဖွံ့ဖြိုးတိုးတက်ဖို့ အဓိကထား လုပ်ဆောင်သွားမယ်လို့ ပြောဆိုခဲ့ပါတယ်။ ဒါကြောင့် အစိုးရသစ်လက်ထက်မှာ ကျွန်တော်တို့အနေနဲ့ အစိုးရ တာဝန်ရှိသူတွေသာသိတဲ့ မြန်မာပြည်ရဲ့ ဘယ်နေရာတွေမှာ ဆင်းရဲမွဲတေနေသလဲဆိုတာကို ဆွေးနွေးပြီး အဲဒီ့နေရာတွေမှာ ကျွန်တော်တို့တွေ ဘယ်လိုကူညီနိုင်မလဲဆိုတာ ညိုနိုင်းချင်ပါတယ်။”

၂၀၁၅ ခုနှစ်က မိုးကြီးရေလျှံမှုတွေကြောင့် တိုင်းနဲ့ပြည်နယ် ၁၂ ခုမှာ ရေဘေးသင့်ခဲ့ပြီး လယ်မြေဧက ၇ သိန်းကျော် ပျက်စီးဆုံးရှုံးခဲ့တာပါ။ ဒါကြောင့်လည်း ပြီးခဲ့တဲ့ ဇူလိုင်လ ၃၁ ရက်နေ့မှာ လက်ရှိ သမ္မတဦးသိန်းစိန်ကနေ အရေးပေါ်အခြေအနေ ကြေညာပြီး ပြည်တွင်းကော နိုင်ငံတကာ အကူအညီတွေကိုပါ တရားဝင် လက်ခံခဲ့ပါတယ်။ အစိုးရအနေနဲ့လည်း ပြန်လည်ထူထောင်ရေးလုပ်ငန်းတွေမှာ အသုံးပြုဖို့ ပြည်ထောင်စု သီးသန့်ရန်ပုံငွေထဲက ကျပ်သန်းပေါင်း ၂၄ ဘီလီယံ ကို ပြည်ထောင်စု လွှတ်တော်က ခွင့်ပြုထားပါတယ်။

ထက်အောင် / ဗွီအိုအေ (မြန်မာပိုင်း)
http://burmese.voanews.com


IS အစွန်းရောက် အစ္စလာမ်မစ် စစ်သွေးကြွအဖွဲမှာ ပြီးခဲ့သော ရက်ပိုင်းတွင် ဆီးရီယားနိုင်ငံ Deir al-Zor, ဒေသကို တိုက်ခိုက်မှုများ ပြုလုပ်ခဲ့ပြီးနောက် မြို့အတွင်းရှိ အမျိုသမီး နှင့် ကလေးငယ်ပေါင်း ၄၀၀ ကျော်ကို ပြန်ပေးဆွဲခဲ့ရာ  လက်ရှိတွင် လူပေါင်း ၂၇၀ ကျော်ကို အင်္ဂါနေ့တွင် ပြန်လွှတ်ပေးခဲ့ဖွယ် ရှိကြောင်း ဆီးရီယားရှိ လူအခွင့်အရေး စောင့်ကြည့်ရေးအဖွဲ့က သတင်းထုတ်ပြန်လိုက်သည်။

အစွန်းရောက် စစ်သွေးကြွအဖွဲ့မှာ အဆိုပါ မြို့ကို ၄ ရက်ကြာ တိုက်ခိုက်မှုများ ပြုလုပ်ပြီးနောက် မြို့အတွင်းရှိ အိမ်များကို ၀င်ရောက်စီးနင်းမှုများ ပြုလုပ်ခဲ့ကြောင်း၊ စီနင်းမှုပြုလုပ်စဉ် အတွင်း အမျိုသမီးများ သာမက အမျိုသား ၅၀ ကျော်ကိုလည်း ဖမ်းဆီးခဲ့ကြောင်း သိရသည်။

ဆီးရီယားရှိ လူ့အခွင့်အရေး စောင့်ကြည့်ရေးအဖွဲ့မှ အကြီးအကဲ Rami Abdulrahman, က အစွန်းရောက်အဖွဲ့များမှာ အသက် ၁၄ နှစ် နှင့် အသက် ၅၅နှစ်အတွင်းရှိ အမျိုသားများကို မေးမြန်းစုံစမ်းမှုများ ပြုလုပ်ရန် အတွက် ဖမ်းဆီးထိန်းသိမ်းမှုများ ပြုလုပ်ခဲ့သည် ဟု ပြောဆိုသည်။

အမေရိကန်နိုင်ငံကမူ အစွန်းရောက်အဖွဲ့များ အနေဖြင့် အပြစ်မဲ့ အရပ်သားများကို ပြန်ပေးဆွဲမှုများ ပြုလုပ်ခြင်းအတွက် တာဝန်ယူရမည် ဖြစ်ကြောင်း သတိပေးထားသည်။

အမေရိကန် အစိုးရအဖွဲ့မှ ပြောရေးဆိုခွင့်ရှိသူ Mark Toner က “ အစွန်းရောက် စစ်သွေးကြွ IS အဖွဲ့မှ ပြန်ပေးဆွဲ ဖမ်းဆီးထားတဲ့သူများကို အမြန်ဆုံး ပြန်လွှတ်ပေးဖို့ တောင်းဆိုတယ်။ ပြန်ပေးဆွဲခံရသူများရဲ့ အခြေအနေကို အသေးစိတ် မသိရသေးပေမယ့်လည်း အခြေအနေကို သိလိုတယ်” ဟု ပြောဆိုသည်။

လက်ရှိအချိန်တွင် ပြန်လွှတ်ပေးလိုက်သော အရပ်သားများမှာ Deir al-Zor ရှိ အစွန်းရောက် စစ်သွေးကြွအဖွဲ့များ ပိုင်ဆိုင်သော ကျေးရွာများတွင် ရှိနိုင်ဖွယ် ရှိနေပြီး စစ်သွေးကြွများမှာ အီရတ်နှင့် နယ်နိမိတ်ချင်း ထိစပ်လျက်ရှိနေသော Raqqa များကိုလည်း ထိမ်းချုပ်ထားကြောင်း သိရသည်။ IS အစွန်းရောက် စစ်သွေးကြွအဖွဲ့မှာ အီရတ်နှင့် ဆီးရီယားနိုင်ငံရှိ နယ်မြေများကို သိမ်းပိုက်ပြီး အစ္စလာမ်မစ် နိုင်ငံတော် တည်ထောင်ထားရာ နယ်မြေအများအပြားကို သိမ်းပိုက်ထားနိုင်ခဲ့ကြောင်း အစွန်းရောက် စစ်သွေးကြွအဖွဲ့ တိုက်ခိုက်ခဲ့သော Deir al-Zor ဒေသမှာ ပြီးခဲ့သော မတ်လ ကတည်းက ဆီးရီယားအစိုးရ တပ်ဖွဲ့များ ထိမ်းချုပ်ထားသော
နယ်မြေအဖြစ် ရှိနေခဲ့ကြောင်း သိရသည်။

Refး reuters
သတင်း - ဇော်မင်းဦး
The Ladies News Journal
https://www.facebook.com/News.TheLadies


 ပါကစ္စတန် အနောက်မြောက်ပိုင်း ချာဆာဒါမြို့ရှိ ဘာချာခန်ဘတက္ကသိုလ်အတွင်း စီးနင်းထားတဲ့ စစ်သွေးကြွဘအကြမ်းဖက်ဘသမားတွေနဲ့ လုံခြုံရေးတပ်ဖွဲ့ဝင်တွေကြား ပစ်ခတ်မှုတွေ ဖြစ်ပွားခဲ့ပြီး အနည်းဆုံး လူ ၁၉ ဦး သေဆုံးကာ ၅၀ ဒဏ်ရာ ရရှိခဲ့ကြောင်း အာဏာပိုင်တွေက ပြောပါတယ်။

၃ နာရီခန့် ပစ်ခတ်မှုတွေ ဖြစ်ပွားခဲ့ပြီးတဲ့နောက် တက္ကသိုလ်ဝင်းအတွင်း လုံခြံရေးတပ်ဖွဲ့တွေက ရှာဖွေစစ်ဆေးမှုတွေ လုပ်နေတယ်လို့ စစ်ဘက်ဆိုင်ရာမှ ပြောကြားပါတယ်။

ချာဆာဒါမြို့ဟာ မြို့တော် အစ္စလာမာဘတ်နဲ့ မိုင် ၃၀ လောက်သာ ကွုာဝေးသာ ဖြစ်ပါတယ်။

သေနတ်သမား ၄ ဦးသေဆုံးခဲ့တယ်လို့ စစ်ဘက်က ပြောပါတယ်။

ကျောင်းသားအချို့ကို ကယ်တင်နိုင်ခဲ့ပြီး အနည်ဆုံး ၃ ဦး ဒဏ်ရာရရှိတယ်လို့ ဒုစစ်ဆေးရေးမှူးဖြစ်သူ ဗိုလ်ချုပ်ကြီး ဆာအဒ် ၀ါဇာက ပြောပါတယ်။


ဒီနေ့မနက်ပိုင်း ဒေသစံတော်ချိန် ၉ နာရီခွဲလောက်မှာ အကြမ်းဖက်သမားတွေက တက္ကသိုလ်အတွင်း ဖောက်ခွဲမှုတွေပြုလုပ်ပြီး စီးနင်းဝင်ရောက်ခဲ့တာ ဖြစ်ပါတယ်။

စစ်တပ်နဲ့ ရဲတပ်ဖွဲ့ဝင်တွေက တက္ကသိုလ်ဝင်းကို သံချပ်ကာ ကားတွေနဲ့ ၀န်းရံ ပိတ်ဆို့ထားကြပါတယ်။

သေဆုံးသူ ၅ ဦးကို သေနတ်ဒဏ်ရာတွေနဲ့ တွေ့ရှိရကြောင်း အရေးပေါ် ကယ်ဆယ်ရေးအရာရှိ ဘီလား ဖာဇီက အေအက်ပီကို ပြောပါတယ်။

BBC Burmese
https://www.facebook.com/bbcburmese/


Breaking news on 20-1-2016

စင်္ကပူ နိုင်ငံတွင်းမှ ဆောက်လုပ်ရေး လုပ်ငန်းများတွင် လုပ်ကိုင်နေကြသူ ဘင်္ဂလားဒေ့ရှ် နိုင်ငံသားတွေကို ခုလိုဖမ်းဆီး စစ်ဆေးခဲ့တာဟာ နိုင်ငံတကာ လုံခြုံရေး ဥပဒေအရ ဖြစ်ကြောင်း ဖြစ်ကြောင်း ပြည်ထဲရေးဌာနက ထုတ်ပြန်ခဲ့ပါတယ်။

ဘင်္ဂလားဒေ့ရှ် နိုင်ငံသား တရားခံ ၂၇ ယောက်ဟာ နိုင်ငံတကာက အကြမ်းဖက်အဖွဲ့ တွေကို လှို့ ဝှက်
ဆက်သွယ်ပြီး အကြမ်းဖက် လက်နက်ကိုင် သင်တန်းတွေ တက်ထားကြသူတွေဖြစ်ပြီး သူတို့ မှာ အဖွဲ့ ဝင် စာရင်းနံမည်တွေ ရထားသူများ ဖြစ်ကြပါတယ်။

တပါတ်တခါ ဗလီဝတ်ပြုပွဲမှာ စင်္ကာပူနိုင်ငံအတွင်း အကြမ်းဖက်လုပ်ရပ်များ လုပ်ဆောင်ဘို့  အစည်းအဝေး တွေလုပ်နေကြတာကို စင်္ကာပူရဲတွေက အချိန်မှီ စုံစမ်းဖေါ်ထုတ် နိုင်ခဲ့ပါတယ်။

အဆိုပါ ဘင်္ဂလားဒေ့ရှ် နိုင်ငံသား (၂၇)ဦး မှာ -

From left to right: Alam Khurshed, 27; Alam Mahabub, 34; Ali Abdul, 40. Ali Md Ashraf, 33; Alim Abdul, 32; Aminur, 31. Golam Jilani Abdur Rouf, 27; Haque Md Mofazzal, 29; Hasan Md Mahmudul, 30. Photo: Singapore’s Ministry of Home Affairs

ယခုဖမ်းဆီးတဲ့ သူတွေကို ဘာသာရေး အစွန်းရောက် အဖွဲ့ စည်းတွေက ငွေကြေး ရန်ပုံငွေများ ထောက်ပံ့ပေးနေပါတယ်။

အကြမ်းဖက်နည်းပညာနဲ့  တိုက်ခိုက်ရေးသရုပ်ပြ မှတ်တမ်းဗီဒီယိုရုပ်သံတွေ ကို အွန်လိုင်းကနေ ဖြန့် ဝေသင်ကြားပေးနေတာပါ။

ဒါ့အပြင် ခလေးငယ်တွေ ကို အကြမ်းဖက် သင်တန်းများ ပေးဘို့  ရှာဖွေပြီး ဆီးရီးယား နိုင်ငံကို ပို့ ဆောင်စေလွှတ်နေကြတာကို လည်းအသေးစိတ် ဖေါ်ပြထားပါတယ်။

SOUTHEAST ASIA
Social Action for Women - SAW
https://www.facebook.com/Social-Action-for-Women-SAW




ထိုင်း နိုင်ငံ ဘန်ကောက်နဲ့  စမုတ်ပကမ် Samut Prakan မြို့ နယ်တွင် ယနေ့ မနက်ပိုင်းမှာ မြို့ တွင်းရပ်ကွက် အတော်များများ ရေကြီးရေလျှံ မှုတွေ ဖြစ်ပေါ်နေတာကြောင့် လမ်းတွေ ပိတ်ဆို့ ခဲ့ကြောင်း ဘန်ကောက်ပိုစ့် သတင်းစာ ဖေ့ဘွတ်စာမျက်နှာမှာဖေါ်ပြ ထားပါတယ်။

ယနေ့ မနက်းပိုင်းကစ ဘန်ကောက်နဲ့ မြို့ နယ်တချို့ မှာ မိုးရွာသွန်းမှုတွေ ဖြစ်ပေါ်ခဲ့တာပါ၊ ဘန်ကောက်မြို့ က အဓိက လမ်းမတွေဖြစိတဲ့ ချရွမ်ကုန် Charoen Krung နဲ့  Tanon Tok ထနုံတုတ်-ချန်း လမ်းမ စတဲ့နေရာတွေ မှာ ကားလမ်းပိတ် ဆို့ မှုတွေဖြစ်ခဲ့ပါတယ်။

စမုတ်ပကမ်နဲ့ ဘန့် ပူ မြို့ နယ်က စက်မှုဇုံတွေမှာ ရေက နှစ်ပေကျော် အထက် ရေကြီးနေခဲ့လို့  ဆိုင်ကယ်တွေ ကားတွေမောင်နှင်ဘို့  အခက်ခဲတွေ ဖြစ်ခဲ့တာကြောင့် ကျောင်းပို့ ချိန်တွေ အချိန်နောက်ကျခဲ့ပြီး အစိုးရရုံးကုပဏီဝန်ထမ်းတွေအလုပ်ချိန် နောက်ကျနေခဲ့ရကြောင်း ရေးသားထားပါတယ်။

Social Action for Women - SAW
https://www.facebook.com/Social-Action-for-Women-SAW

Jihadi John ဟာ သတင်းသမားတွေကို လည်လှီးသတ်ဖြတ်တဲ့ ဗီဒီယို တင်ပြီးတဲ့နောက်ပိုင်း ကမ္ဘာက အလိုရှိဆုံး အကြမ်းဖက် သမားတစ်ဦး ဖြစ်လာပါတယ်။ (Credit: Reuters)
ဗြိတိန်နိုင်ငံသား ​ဂျီဟတ်ဒစ် ​သမား ​Jihadi ​John ​ဟာ ​နိုဝင်ဘာလတုန်းက ​သေဆုံးသွားပြီလို့ ​IS ​အစ္စလာမ်မစ် ​အဖွဲ့က ​အတည်ပြုလိုက်ပါတယ်။

IS ​တွေ ​ကြီးစိုးထားတဲ့ ​Raqqa ​မြို့မှာ ​သွားလာနေတုန်း ​မောင်းသူမဲ့ ​လေယာဉ်ဒရုန်းနဲ့ ​တိုက်ခိုက်ခံရပြီး ​သေဆုံးသွားတာလို့ ​ဆိုပါတယ်။

အမေရိကန် ​အစိုးရကလည်း ​Jihadi ​John ​သေဆုံးပြီ ​ဆိုတာ ​အတော့်ကို ​သေခြာတယ်လို့ ​နိုဝင်ဘာလက ​ပြောဆိုခဲ့ပေမယ့် ​အခုအခါမှသာ ​IS ​အဖွဲ့ရဲ့ ​Dabig ​မဂ္ဂဇင်းမှာ ​ဖော်ပြတဲ့အတွက် ​အတည်ပြုနိုင်တာ ​ဖြစ်ပါတယ်။

Jihadi ​John ​ရဲ့ ​နာမည်ရင်းဟာ ​Mohammed ​Emwazi ​ဖြစ်ပြီး ​အမေရိကန်နိုင်ငံက ​သတင်းထောက် ​James ​Foley ​နဲ့ ​Steven ​Sotloff ​တို့ကို ​လည်လှီးသတ်ဖြတ်ပြီးတဲ့နောက် ​အနောက်တိုင်း ​အစိုးရက ​အလိုရှိနေတာ ​ဖြစ်ပါတယ်။

သတင်းထောက်တွေကို ​လည်လှီးသတ်ဖြတ်တဲ့ ​ဗီဒီယိုကိုလည်း ​အင်တာနက်ပေါ် ​ဖြန့်ချီခဲ့ပါတယ်။

ဒါ့အပြင် ​ဗြိတိန် ​ကူညီကယ်ဆယ်ရေး ​အမှုထမ်းတွေ၊ ​အမေရိကန် ​နိုင်ငံက ​ကူညီကယ်ဆယ်ရေး ​အမှုထမ်း ​တစ်ယောက်နဲ့ ​ဂျပန် ​သတင်းထောက်သမားတွေအပြင် ​တခြား ​လူတွေကိုလည်း ​သတ်ဖြတ်ခဲ့တဲ့အတွက် ​Jihadi ​John ​ဟာ ​IS ​အဖွဲ့ရဲ့ ​မျက်နှာစာ ​ဖြစ်လာပြီး ​IS ​ရဲ့ ​ရက်စက်မှုကို ​ပိုပြီး ​မျက်ဝါးထင်ထင် ​သိလာကြတာ ​ဖြစ်ပါတယ်။

IS ​အဖွဲ့ရဲ့ ​မဂ္ဂဇင်းမှာတော့ ​အသက် ​၂၄ ​နှစ်အရွယ် ​Jihadi ​John ​ဟာ ​တိုက်ခိုက်ခံရပြီးမှာပဲ ​ချက်ခြင်း ​သေဆုံးသွားပြီး ​သူဟာ ​အာလ်လာ ​အရှင်မြတ်ရဲ့ ​သူရဲကောင်း ​ဖြစ်သွားပြီလို့ ​ဖော်ပြထားပါတယ်။

Mohammed ​Emwazi ​ဟာ ​လန်ဒန်အခြေစိုက် ​ကွန်ပြူတာ ​ပရိုဂမ်မာ ​တစ်ဦးဖြစ်ပြီး ​ကူဝိတ်မှာ ​မွေးဖွားသူ ​ဖြစ်ပါတယ်။

သူမိဘတွေကတော့ ​အီရတ်နိုင်ငံက ​ဖြစ်ပြီး ​အသက် ​၆ ​နှစ်အရွယ်မှာ ​လန်ဒန်မြို့ကို ​ရောက်ရှိလာတာပါ။

လူလတ်တန်းစားတွေ ​အနေများတဲ့ ​North ​Kensington ​ရပ်ကွက်မှာ ​နေထိုင်ခဲ့ပြီး ​အဲဒီ ​ရပ်ကွက်မှာ ​အစွန်းရောက်သမားတွေ ​စုပေါင်း ​နေထိုင်ကြတာကို ​ဗြိတိန် ​အစိုးရက ​သိရှိသွားတာ ​ဖြစ်ပါတယ်။

ABC Radio Australia
http://www.radioaustralia.net.au/burmese


အိုင်အက်စ် အစ္စလာမ်မစ်နိုင်ငံအဖွဲ့မှ ဂျီဟတ်ဒီ ဂျွန်ဟာ ပြီးခဲ့တဲ့ နိုဝင်ဘာလမှာ မောင်းသူမဲ့လေယာဉ်နဲ့ တိုက်ခိုက်ခံရမှုကြောင့် သေဆုံးသွားကြောင်း အစ္စလာမ်မစ်နိုင်ငံအဖွဲ့က အတည်ပြုပြောကြားလိုက်ပါတယ်။

ဂျီဟတ်ဒီ ဂျွန်လို့ လူသိများပြီး ကူဝိတ်နိုင်ငံဖွား၊ ဗြိတိသျှ နိုင်ငံသားဖြစ်သူ နာမည်ရင်း မိုဟာမက် အမ်ဝါဇီ ကွယ်လွန်တဲ့အကြောင်းကို အစ္စလာမ်မစ်နိုင်ငံအဖွဲ့ရဲ့ အွန်လိုင်းမဂ္ဂဇင်း Dabiq မှာကြေညာထားပါတယ်။

အိုင်အက်စ်တွေရဲ့ အမာခံ အခြေစိုက်စခန်း ရာခါမြို့မှာ မိုဟာမက် အမ်ဝါဇီ ကို တိုက်ခိုက်နိုင်ခဲ့ပြီး သူသေဆုံးခဲ့တာ သေချာကြောင်း ပြီးခဲ့တဲ့ နိုဝင်ဘာလထဲမှာ အမေရိကန်စစ်ဘက်ဆိုင်ရာမှ ပြောကြားခဲ့ပါတယ်။

ဗြိတိန်နိုင်ငံသား ကူညီထောက်ပံ့ရေး ၀န်ထမ်း ဒေးဗစ် ဟိန်းစ် နဲ့ တက္ကစီမောင်းသူ အယ်လန် ဟန်နင်း တို့အပါအ၀င် ဖမ်းဆီးထားသူတွေကို ခေါင်းဖြတ်ကွပ်မျက်ခဲ့တဲ့ အမ်ဝါဇီရဲ့ ဗီဒီယိုတွေ ထွက်ပေါ်ခဲ့ပါတယ်။

ပြီးခဲ့တဲ့နိုဝင်ဘာလ ၁၂ ရက်နေ့က ရာခါမြို့မှာ မောင်းသူမဲ့ လေယာဉ်တစ်စင်းရဲ့ ပစ်ခတ်တိုက်ခိုက်ခံရမှုကြောင့် အမ်ဝါဇီ စီးနင်းလိုက်ပါလာတဲ့ကားကို ထိမှန်ပြီး အမ်ဝါဇီ သေဆုံးခဲ့တယ်လို့ အိုင်အက်စ်အဖွဲ့က ပြောကြားခဲ့ပါတယ်။

အမ်ဝါဇီကို ပစ်မှတ်ထားတိုက်ခိုက်ရေးမှာ ဗြိတိန်မှ တစ်စီး၊ အမေရိကန်မှနှစ်စီး စုစုပေါင်း မောင်းသူမဲ့ လေယာဉ် သုံးစီးပါဝင်ခဲ့ပြီး အမေရိကန် မောင်းသူမဲ့လေယာဉ်တစ်စင်းရဲ့ ပစ်ခတ်မှုကြောင့် အမ်ဝါဇီရဲ့ကားကိုထိမှန်ခဲ့ပြီး ကားထဲမှာ တခြားသူတစ်ဦးလည်း ပါဝင်ခဲ့တယ်လို့ သတင်းတွေမှာ ဖော်ပြပါတယ်။

BBC Burmese
https://www.facebook.com/bbcburmese


News update 20-1-2016

ပါကစ္စတန် ကျန်းမာရေး ၀န်ကြီး Shaukat Ali Yousafzai ရှာကပ် အလီယူစာဖါ က ယခုအချိန်ပိုင်းအတွင်း သတင်းထောက်တွေကို ပြောကြားရာမှာ Bacha Khan University ဘာချ ကန် တက္ကသိုလ်ကို သေနတ်သမားတွေ စီးနင်း တိုက်ခိုက်ခံခဲ့ ရလို့  လူ ၂၀သေဆုံးပြီး ၆၀ ကျော် ဒဏ်ရာရခဲ့ကြောင်းနဲ့  ဒီထက်ပိုပြီး သေဆုံးမှု မြင့်တက်နိုင်ကြောင်း ပြောဆိုခဲ့ပါတယ်။

အသေခံဗုံးသမားတွေဟာ ကျောင်းခန်းအတွင် ၀င်ရောက်ပြီး အသေခံဗုံး ခွဲခဲ့တဲ့ ယခုဖြစ်ရပ်ကို အကြမ်းဖက်အဖွဲ့ စည်းတခုဖြစ်တဲ့ တာလီဘန်တွေက သူတို့ လက်ချက်လို့  ထုတ်ဖေါ်ပြောဆိုခဲ့ပါတယ်။

Social Action for Women - SAW
https://www.facebook.com/Social-Action-for-Women-SAW

နယူးဂျာဆီ ပြည်နယ်က စာသင်ကျောင်းတခုမှာ ခြိမ်းခြောက်မှုကြောင့် ကျောင်းသားတွေကို ရွှေ့ပြောင်းခိုင်းစဉ် (Credit: ABC licensed)
အမေရိကန်နိုင်ငံ ​အရှေ့မြောက်ပိုင်းက ​စာသင်ကျောင်းတွေမှာ ​ဗုံးတွေ ​ရှိတယ်ဆိုတဲ့ ​ဖုန်းခေါ်ဆိုမှုတွေကြောင့် ​ကျောင်းပေါင်း ​တစ်ဒါဇင်ကျော်ကို ​ပိတ်ချခဲ့ရပါတယ်။

နယူးဂျာဆီ ​ပြည်နယ်က ​အနည်းဆုံး ​ကျောင်း ​၉ ​ကျောင်းလောက် ​ခြိမ်းခြောက်မှုတွေ ​ရရှိခဲ့လို့ ​ရဲတွေက ​ဝင်ရောက်စစ်ဆေးခဲ့ရပါတယ်။

ကျောင်း ​၄ ​ကျောင်းမှာတော့ ​ဘာဗုံးမှ ​မရှိဘူးလို့ ​ရဲတွေက ​ပြောပြီး ​ကျန် ​၅ ​ကျောင်းလောက်မှာ ​ရှာဖွေ ​စစ်ဆေးမှုတွေ ​ပြုလုပ်နေဆဲ ​ဖြစ်ပါတယ်။

ဖုန်းခေါ်ဆိုမှု ​အသံတွေဟာ ​တစ်ခုနဲ့တစ်ခု ​ဆင်တူနေတဲ့အတွက် ​အသံသွင်းပြီး ​ခြိမ်းခြောက်မှု ​လုပ်တာ ​ဖြစ်မယ်လို့ ​ယူဆနေကြပါတယ်။

Massachusetts ​ပြည်နယ်က ​Arlington ​ကျောင်းမှာလည်း ​ဗုံးဖောက်ခွဲမှုနဲ့ ​သေနတ် ​ပစ်ခတ်မှု ​ဖြစ်နိုင်တယ်လို့ ​ခြိမ်းခြောက်ခံရလို့ ​အင်္ဂါနေ့မှာ ​ကျောင်းပိတ်ချခဲ့ရပါတယ်။

တစ်ယောက်ယောက်က ​အပျော်သဘောနဲ့ ​နောက်နေတာလို့ ​ရဲတွေက ​ယူဆထားပေမယ့်လည်း ​ကြိုတင်ပြင်ဆင်တဲ့အနေနဲ့ ​ကျောင်းကို ​ပိတ်ချတာတွေ၊ ​ရှာဖွေမှုတွေ ​လုပ်ခဲ့တယ်လို့ ​ဆိုပါတယ်။

Delaware ​ပြည်နယ်က ​ကျောင်းသုံးကျောင်းမှာလည်း ​ခြိမ်းခြောက်မှုတွေ ​ရရှိခဲ့ပါတယ်။

အရင်တပတ် ​သောကြာနေ့တုန်းကလည်း ​ဘောစတွန်မြို့က ​ကျောင်း ​၉ ​ခုမှာ ​အလားတူ ​ခြိမ်းခြောက်မှုမျိုး ​ရရှိခဲ့ပါတယ်။

ABC Radio Australia
http://www.radioaustralia.net.au/burmese

ဂျာကာတာမှာ အကြမ်းဖက်မှု ဖြစ်ပြီးနောက် လုံခြုံရေး တင်းကြပ်ထား (Credit: ABC)
အင်ဒိုနီးရှားနိုင်ငံက ​ကမ္ဘာလှည့် ​ခရီးသည်တွေ ​သွားလာမှု ​များတဲ့ ​ဘာလီကျွန်းမှာ ​အကြမ်းဖက်မှု ​လုပ်မယ်လို့ ​အစိုးရက ​ခြိမ်းခြောက်စာ ​ရရှိတဲ့အတွက် ​လုံခြုံရေးတွေ ​တင်းကြပ်နေပါတယ်။

မြို့တော် ​ဂျာကာတာ ​မြို့မှာ ​အကြမ်းဖက်မှု ​ဖြစ်ပေါ်ပြီး ​တစ်ပါတ်တောင် ​မရှိတဲ့ ​အချိန်မှာပဲ ​အခုလို ​ခြိမ်းခြောက်စာ ​ရရှိထားတာပါ။

ဘာလီမြောက်ပိုင်းက ​Buleleng ​မြို့ ​အာဏာပိုင်တွေက ​ခြိမ်းခြောက်စာ ​ရရှိတာ ​ဖြစ်ပြီး ​Denpasar ​နဲ့ ​Singaraja ​ကိုလည်း ​တိုက်ခိုက်မယ်လို့ ​ပါရှိပါတယ်။

တစ်ယောက်ယောက်က ​ပျော်စေပျက်စေနဲ့ ​ရေးထားတာ ​ဖြစ်နိုင်ပေမယ့် ​ရဲတွေကတော့ ​ဒီကိစ္စကို ​အရေးတယူ ​လုပ်ပြီး ​လုံခြုံရေး ​တိုးမြင့်ထားတယ်လို့ ​အင်ဒိုနီးရှား ​ရဲက ​ပြောပါတယ်။

လေဆိပ်တွေ၊ ​ဖျော်ဖြေရေး ​စင်တာတွေနဲ့ ​အစိုးရ ​ရုံးတွေမှာ ​လုံခြုံရေး ​ပိုမို ​ချထားတာ ​ဖြစ်ပါတယ်။

အထူးတပ်ဖွဲ့တွေကိုလည်း ​ကမ္ဘာလှည့် ​ခရီးသည်တွေ ​သွားလာမှုများတဲ့ ​နေရာကို ​ပို့ဆောင်ထားပြီး ​နိုင်ငံခြားက ​ကောင်စစ်ဝန်ရုံးတွေမှာလည်း ​လုံခြုံရေး ​တိုးချလိုက်ပါတယ်။

ပြီးခဲ့တဲ့ ​ကြာသပတေးနေ့တုန်းကပဲ ​ဂျာကာတာ ​မြို့မှာ ​ဗုံးဖောက်ခွဲမှုတွေ ​သေနတ် ​ပစ်ခတ်မှုတွေ ​ဖြစ်ပွားခဲ့ရာက ​လူ ​၈ ​ဦး ​သေဆုံးပြီး ​ပြည်သူ ​၄ ​ဦး ​ပါဝင်ပါတယ်။

IS ​အစ္စလာမ်မစ် ​အဖွဲ့ကတော့ ​အဲဒီအကြမ်းဖက်မှုဟာ ​သူတို့ရဲ့ ​လက်ချက်ဖြစ်တယ်လို့ ​ပြောဆိုထားပါတယ်။

ABC Radio Australia
http://www.radioaustralia.net.au/burmese

၂၀၀၇ ရွှေဝါရောင်သံဃာ့လှုပ်ရှားမှုကို ဦးဆောင်ခဲ့တဲ့ အရှင်ဂမ္ဘီရ (ခ) ကိုညီညီလွင် ကို ၂ဝ၁၂ ခုနှစ် မေလ ၂၂ ရက်နေ့က တွေ့ရစဉ်။ Photo: U Gambira Facebook
၂၀၀၇ ရွှေဝါရောင်သံဃာ့လှုပ်ရှားမှုမှာ အရှင်ဂမ္ဘီရ အဖြစ် ထင်ရှားခဲ့တဲ့ နိုင်ငံရေးအကျဉ်းသားဟောင်း ကိုညီညီလွင်ကို မနေ့ညက မန္တလေးမြို့ ပါဝါဟိုတယ်မှာ ရဲတပ်ဖွဲ့က ဖမ်းဆီးသွားကြောင်း သိရပါတယ်။

ကိုညီညီလွင် ဖမ်းဆီးခံခဲ့ရတာ ဟုတ်မှန်ကြောင်း မိသားစုဝင်တစ်ဦးက RFA ကို အခုလိုပြောပါတယ်။

"ဟုတ်တယ်၊ အခုအထိ ကျမတို့လည်းလိုက်တုန်းပဲ၊ ဘာမှကိုမသိရသေးဘူး၊ နှစ်ယောက် စလုံး ခေါ်သွားတာ လို့ပြောတယ်၊ ညက သူ့အမျိုးသမီးကို ပြန်လွှတ်လိုက်ပြီး သူ့ကိုခေါ်ထား လိုက်တယ်လို့ပြောတယ်"

အရှင်ဂမ္ဘီရ ဟာ ရွှေဝါရောင်သံဃာ့လှုပ်ရှားမှုကို ဦးဆောင်ခဲ့တဲ့အတွက် အဲဒီ့အချိန် စစ်အစိုးရက ဖမ်းဆီးထောင်ချခဲ့ပါတယ်။ ၂၀၁၂ ခုနှစ်မှာ ထောင်ကနေ ပြန်လွတ်လာခဲ့ပါတယ်။

အဲဒီနောက် ရဟန်းဘဝကနေ လူဝတ်လဲ အိမ်ထောင်ပြုခဲ့ပါတယ်။ ထောင်ထဲမှာရလာခဲ့တဲ့ ကျန်းမာရေး အခြေအနေတွေကိုလည်း ကုသနေရသူဖြစ်တယ်လို့ မိသားစုဝင်တွေက ပြောပါတယ်။

ကိုညီညီလွင်ဟာ ပြည်ပမှာ သွားရောက်နေထိုင်နေခဲ့ပြီး မြန်မာနိုင်ငံကို ပြန်လည်ရောက်ရှိတာ ရက်ပိုင်းပဲရှိသေးတယ်လို့လည်း သိရပါတယ်။

RFA Burmese
http://www.rfa.org/burmese


မန္တလေးမြို့တွင် ဗကသ(အထက်ဗမာပြည်)ကျောင်းသားများက ဒီမိုကရေစီ ပညာရေး ကျောင်းသားသပိတ် နှစ်ပတ်လည်ဖြစ်သည့် ယနေ့ ဇန်န၀ါရီ ၂၀-ရက်နေ့ နံနက် ၁၀ နာရီက ပညာရေးတောင်းဆိုချက် (၁၁) ချက်နှင့် ဖမ်းဆီးခံကျောင်းသား/လယ်သမား/အလုပ်သမားများကို လွှတ်ပေးရန် ဆန္ဒထုတ်ဖေါ်ကြသည်။

၎င်းတို့သည် ဈေးချိုနာရီစင်အနီးတွင် ဆန္ဒထုတ်ဖေါ်ခြင်းနှင့် ဗကသ(အထက်ဗမာပြည်) သဘောထားကြေငြာချက်များကို ဟောပြောခဲ့ကြပြီး ကြွေးကြော်သံများနှင့်အတူ အင်အား ၅၀ ကျော်ဖြင့် လမ်းလျှောက်ဆန္ဒထုတ်ဖေါ်ခဲ့ကြသည်။

“ကျောင်းသားတွေ မမှားဘူးဆိုတာ ပြည်သူတွေကသိတယ်။မှန်ကန်တဲ့လမ်းကြောင်းကို လျှောက်နေတာကို ဒီအစိုးရကလက်နက်ဆိုလို့ အပ်တိုတစ်ချောင်းမပါတဲ့ ကျောင်းသားတွေကို အင်အားသုံး ဖြေရှင်းခဲ့တာတွေကို လုံးဝကန့်ကွက်တယ်”ဟု ယာယီကော်မတီ ဥက္ကဌ ကိုဥာဏ်လင်းအောင်က ပြောသည်။

ယနေ့သည် မန္တလေးမှ ရန်ကုန်သို့ ကျောင်းသားများစုစည်း၍ ပညာရေးဥပဒေအတွက် သပိတ်မှောက် ဆန္ဒထုတ်ဖေါ်ခဲ့ကြသည့် ကျောင်းသားများအား အစိုးရဘက်က အကြမ်းဖက် နှိမ်နင်းခဲ့သည့် တစ်နှစ်ပြည့်မြောက်သောနေ့ဖြစ်ကြောင်း၊ တောင်းဆိုချက်များအနက် ကျောင်း သားသမဂ္ဂလွတ်လပ်စွာ ဖွဲ့စည်းခွင့်၊ ဖမ်းဆည်းခံ ကျောင်းသားများ လယ်သမား/အလုပ်သမားများ/နိုင်ငံရေးအကျဉ်းသားများ လွှတ်ပေးရေး၊တို့ အဓိကပါဝင်ကြောင်း သိရသည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


တရုတ်နိုင်ငံရဲ့ စီးပွားရေးနှေးကွေးမှုကြောင့် ဖွံ့ဖြိုးဆဲနိုင်ငံတွေရဲ့ ဈေးကွက်တွေအပေါ် အန္တရာယ်ရှိစေနိုင်တာကို ထောက်ပြပြီး၊ ၂၀၁၆ ခု အတွက် ကမ္ဘာ့စီးပွားရေး ဖွံ့ဖြိုးတိုးတက်မှုခန့်မှန်းချက်ကို IMF ခေါ် နိုင်ငံတကာငွေကြေးရန်ပုံငွေအဖွဲ့ကြီးက လျှော့ချလိုက်ပါတယ်။ ကမ္ဘာ့စီးပွားရေးဟာ ၂၀၁၆ ခုမှာ ၃.၄% နဲ့ ၂၀၁ရ ခုမှာ ၃.၆ % တိုးလိမ့်မယ်လို့ ယုံကြည်တဲ့အကြောင်း ၀ါရှင်တန်အခြေစိုက် IMF အဖွဲ့ကြီးက အင်္ဂါနေ့က ထုတ်ပြန်ခဲ့ပါတယ်။

ဒါဟာ အရင်က ခန့်မှန်းချက်တွေထက် (ဒဿမ ၂ %) လျော့နည်းနေတာလည်း ဖြစ်ပါတယ်။ တရုတ်နိုင်ငံရဲ့ စီးပွားရေးဟာ ဒီနှစ်မှာ ၆.၃ % တိုးပြီး ၊ ၂၀၁ရ မှာတော့ ၆.၀ % သာ တိုးလိမ့်မယ်လို့ IMF က ခန့်မှန်းပါတယ်။ တရုတ်နိုင်ငံအနေနဲ့ ရင်းနှီးမြှုပ်နှံမှုနဲ့ ပို့ကုန်တွေအပေါ် အခြေခံတဲ့စီးပွားရေးစနစ်ကနေ စားသုံးသူတွေရဲ့ ၀ယ်လိုအားအပေါ် အခြေခံတဲ့ စီးပွားရေးစနစ်ဆီကို ပြောင်းလဲရာမှာ ရုန်းကန်နေရတာ ဖြစ်ပါတယ်။

ခုလိုပြောင်းလဲရာမှာ တရုတ်နိုင်ငံရဲ့ ကုန်ကြမ်းဝယ်လိုအား ကြီးမားမှုကြောင့် စီးပွားရေးတိုးတက်လာတဲ့ သံယံဇာတ ပေါကြွယ်ဝတဲ့ Brazil လို နိုင်ငံတွေ အတွက် အကျိုးရှိစေမှာ ဖြစ်ပါတယ်။ ဒီအတောအတွင်း တရုတ်အစိုးရရဲ့ အမျိုးသားစာရင်းအင်းဌာနရဲ့ အင်္ဂါနေ့ကထုတ်ပြန်ချက်အရ၊ ၂၀၁၅ ခုအတွက် စီးပွားရေး ဖွံဖြိုးတိုးတက်မှုဟာ ၆.၉% ရှိတဲ့အတွက်၊ ဒါဟာ ၂၅ နှစ်တာကာလအတွင်း တရုတ်နိုင်ငံရဲ့ စီးပွားရေးဟာ အနှေးကွေးဆုံး ဖြစ်တယ်လို့ ဆိုပါတယ်။ ၂၀၁၆ ခုနှစ်ရဲ့ ပထမ သုံးပတ်အတွင်းမှာတော့ တရုတ်နိုင်ငံရဲ့ စီးပွားရေးနှေးကွေးမှုကြောင့်နဲ့ ရေနံဈေးထိုးကျမှုကြောင့် ကမ္ဘာ့ငွေကြေးဈေးကွက် ကမောက်ကမ ဖြစ်ခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


နေပြည်တော်မှာ မကြာခင် ပြန်စတင်တော့မယ့် ဒုတိယအကြိမ် လွှတ်တော် ၂ ရပ် အစည်းအဝေးတွေအတွက် အသစ်ခန့်အပ်လိုက်တဲ့ တမတ်သား ကိုယ်စားလှယ်တွေ ထဲမှာ ဗိုလ်ချုပ်တွေ ပိုမို ထည့်သွင်းလာတာဟာ မြန်မာ့နိုင်ငံရေးမှာ တပ်မတော်က ဦးဆောင်မှု အခန်းကဏ္ဍကို တိုးမြှင့်ဖို့ ရည်ရွယ်တာ ဖြစ်နိုင်တယ်လို့ သုံးသပ်မှုတွေ ရှိပါတယ်။ ပြည်တွင်းစစ်ဖြစ်ပွားနေဆဲ မြန်မာနိုင်ငံမှာ အစိုးရသစ်အနေနဲ့လည်း တိုင်းပြည် လုံခြုံရေးနဲ့ ကာကွယ်ရေးကိစ္စရပ်တွေမှာ တပ်မတော်နဲ့ လက်တွဲလုပ်ဆောင်ရ မှာ ဖြစ်တယ်လို့ စစ်ထောက်လှမ်းရေး အရာရှိဟောင်း ဦးအောင်လင်းထွဋ် က ပြောဆိုခဲ့ပါတယ်။ အပြည့်အစုံကိုတော့ မနန္ဒာချမ်း က တင်ပြထားပါတယ်။

နေပြည်တော်မှာ ဖေဖော်ဝါရီလ ၁ ရက်နေ့ ပြန်လည်စတင်မယ့် ဒုတိယအကြိမ် လွှတ်တော်အစည်းအဝေးတွေအတွက် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က တမတ်သား စစ်တပ်ကိုယ်စားလှယ်တွေကို အသစ်ရွေးချယ်ခန့်အပ်လိုက်ပါတယ်။ ဒီအထဲမှာ ပြည်သူ့လွှတ်တော်အတွက် ဗိုလ်ချုပ် တောက်ထွန်းနဲ့ ဗိုလ်ချုပ်သန်းထွတ်သိန်း အပါအ၀င် ကိုယ်စားလှယ် ၁၁၀ ယောက်ကို ရွေးချယ်ခဲ့ပြီး၊ အမျိုးသားလွှတ်တော်အတွက် ဗိုလ်ချုပ် သန်းစိုး အပါအ၀င် ၅၆ ဦးကို ရွေးချယ်ခဲ့တာဖြစ်ပါတယ်။ လွှတ်တော် ၂ ရပ်စလုံးရဲ့ စစ်တပ်ကိုယ်စားလှယ်တွေစာရင်းကိုတော့ ပြည်ထောင်စုရွေးကောက်ပွဲကော်မရှင်ကနေ ဇန်န၀ါရီလ ၁၈ ရက်နေ့က အတည်ပြုပေးခဲ့တာဖြစ်ပါတယ်။ ဒါကြောင့် အခု ခန့်အပ်ခဲ့တဲ့ စစ်တပ်ကိုယ်စားလှယ်တွေထဲမှာ ဗိုလ်ချုပ်တွေရဲ့ သဘောထားနဲ့ ပတ်သက်ပြီး ဦးအောင်လင်းထွဋ် က အခုလို ပြောပြပါတယ်။

“ဗိုလ်ချုပ်သန်းစိုးတို့ ဗိုလ်ချုပ် သန်းထွတ်သိန်းတို့က ၂ ယောက်ကတော့ ကျနော်နဲ့ ထောက်လှမ်းရေး သင်တန်းကျောင်းမှာ သင်တန်းမှူးဘ၀နဲ့ လုပ်စဉ်မှာတော့ ကျနော် သူတို့ကို ထောက်လှမ်းရေးနဲ့ ပတ်သက်တဲ့ တန်ပြန်ထောက်လှမ်းရေးသင်တန်းတို့ ဘာတို့ ကျနော် ပို့ချခဲ့ဖူးပါတယ်။ အဲဒီအချိန်ကတော့ သူတို့ ၂ ယောက်စလုံးရဲ့ စိတ်ဓာတ်က ကောင်းပါတယ်ခင်ဗျ။ ကျနော့်အမြင် ပြောရရင်တော့ လူကောင်းတွေပါခင်ဗျ။ တိုင်းပြည်အတွက်ကို ကောင်းရာကောင်းကျိုးကို လုပ်မယ့် ပုဂ္ဂိုလ်မျိုးတွေ ဖြစ်ပါတယ်။ ဟိုဘက်က ဗိုလ်ချုပ်တောက်ထွန်းတော့ ကျနော်နဲ့ မဆက်ဆံခဲ့ဖူးပါဘူး။ ဒီ ၂၀၀၈ ဖွဲ့စည်းပုံ အခြေခံဥပဒေထဲမှာကိုက တပ်မတော်ရဲ့ ဦးဆောင်မှု အခန်းကဏ္ဍ ပါရမယ်ဆိုတဲ့ ပေါ်လစီအရပေါ့လေ အခုအချိန်ခါမှာတော့ ဗိုလ်ချုပ်အဆင့်ရှိတဲ့သူတွေကို အမျိုးသားလွှတ်တော်ရော၊ ပြည်သူ့လွှတ်တော်မှာပါ ထည့်တဲ့သဘောပါပဲ။”

ဒါ့အပြင် မြန်မာနိုင်ငံကို သွားရောက်နေတဲ့ အမေရိကန် လက်ထောက် နိုင်ငံခြားရေးဝန်ကြီး Antony Blinken နဲ့ ဒုတိယတပ်မတော်ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းတို့ နေပြည်တော်မှာ တွေ့ဆုံစဉ် - အနာဂတ် မြန်မာ့နိုင်ငံရေးမှာ တပ်မတော်ရဲ့ ဦးဆောင်မှုအခန်းကဏ္ဍနဲ့ အသစ်တက်လာမယ့် NLD အစိုးရနဲ့ တပ်မတော် လက်တွဲ လုပ်ဆောင်သွားရမယ့် အစီအစဉ်တွေကို ချပြ ပြောဆိုခဲ့ကြပါတယ်။ စစ်ထောက်လှမ်းရေး အရာရှိဟောင်း ဦးအောင်လင်းထွဋ် ကတော့ - အစိုးရသစ်အနေနဲ့ တိုင်းပြည်လုံခြုံရေးအတွက် တပ်မတော်နဲ့ ဆက်လက် လက်တွဲရမှာပဲဖြစ်တယ်လို့ သူ့အမြင်ကို အခုလို ပြောခဲ့ပါတယ်။

“နိုင်ငံတော် ကာကွယ်ရေးနဲ့ လုံခြုံရေးကိစ္စတွေမှာတော့ တပ်မတော်အနေနဲ့ NLD နဲ့ ညှိနှိုင်းပြီး လုပ်ရပါလိမ့်မယ်ခင်ဗျ။ NLD ကလည်း နိုင်ငံတော်ကာကွယ်ရေးနဲ့ လုံခြုံရေးကိစ္စတွေမှာကို တပ်မတော် မပါဘဲနဲ့ ပစ်ပယ်ပြီးတော့မှ လုပ်လို့မရပါဘူး။ ဒါကြောင့်မို့လို့ ညှိညှိနှိုင်းနှိုင်းလုပ်ရတဲ့အခါမှာ အဆင့်မြင့်တဲ့ ဗိုလ်ချုပ်တွေ ပါဝင်ခြင်းအားဖြင့် ကာကွယ်ရေးဦးစီးချုပ်ကိုယ်စားပေါ့လေ သူတို့နဲ့ တိုက်ရိုက် ညှိနှိုင်းပြီးတော့မှ ဆွေးနွေးသွားနိုင်မယ့် အခြေအနေဖြစ်အောင်အတွက်ကို ဗိုလ်ချုပ်အဆင့် ရှိတဲ့ ပုဂ္ဂိုလ်များကို ခန့်အပ်ထားတယ်လို့ ကျနော် သိရပါတယ်ခင်ဗျ။”

နိုဝင်ဘာ ၈ ရက် ရွေးကောက်ပွဲမှာ အတိုက်အခံ NLD အမျိုးသားဒီမိုကရေစီအဖွဲ့ချုပ်က မဲအပြတ်အသတ်နဲ့ အနိုင်ရရှိခဲ့တာ ဖြစ်ပြီး၊ ပြည်သူ့လွှတ်တော်မှာ NLD ကိုယ်စားလှယ် ၂၃၅ ဦး၊ အမျိုးသားလွှတ်တော်မှာ ၁၃၅ ဦးနဲ့ လွှတ်တော်နှစ်ရပ်ပေါင်း ၈၆ ရာခိုင်နှုန်း အနိုင်ရရှိခဲ့တာဖြစ်တာကြောင့် - မကြာခင် ပြန်စတင်တော့မယ့် လွှတ်တော်အစည်းအဝေးတွေမှာ NLD ကိုယ်စားလှယ်တွေ အများစု တက်ရောက်ကြမှာ ဖြစ်ပါတယ်။ ဒါပေမဲ့လည်း ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ဖုိ့ကတော့ ထင်သလောက် မလွယ်လှဘူးလို့ ဦးအောင်လင်းထွဋ် က ယူဆပါတယ်။

“ကျနော့်အမြင်ပြောရရင်တော့ သူတို့မှာတော့ လုပ်ပိုင်ခွင့် အခွင့်အာဏာ မရှိပါဘူးခင်ဗျ။ သူတို့ဟာ ဆုံးဖြတ်နိုင်ခွင့် ပုဂ္ဂိုလ်တွေလည်း မဟုတ်ပါဘူး။ အားလုံးဟာ အပေါ်ကပဲ ကကန ဆိုတဲ့ ကာကွယ်ရေးကောင်စီ ဆိုတာ ကျနော်တို့ရှိပါတယ်။ တပ်မတော်ကာကွယ်ရေးဦးစီးချုပ်ရုံးမှာလေ။ အဲဒီရဲ့ အဆုံးအဖြတ်အတိုင်းပဲ လွှတ်တော်မှာရောက်နေတဲ့ ဗိုလ်ချုပ်တွေက အမိန့်နာခံရမယ့် အနေအထားမျိုး ဖြစ်ပါတယ်။ ဒါကြောင့် သူတုိ့က ဒီ သဘောထားတွေ၊ ဘာညာ ဆိုတာထက် သူတို့က အပေါ်က လူကြီးတွေ သူတို့ဆက်ဆံရေး မကောင်းဘူး၊ မကြိုက်ဘူး ဆိုလို့ရှိရင်တော့ ချက်ခြင်းလဲပစ်မယ့် အနေအထားမျိုး ရှိပါတယ်ခင်ဗျ။”

ဒါ့အပြင် ရန်ကုန်တိုင်း ဒေသကြီး လွှတ်တော်အတွက် ကိုယ်စားလှယ်စာရင်းမှာတော့ - အရင် စစ်ခေါင်းဆောင်ဟောင်း ဗိုလ်ချုပ်မှူးကြီး သန်းရွှေရဲ့ သားမက် ဗိုလ်မှူးချုပ် သိန်းနိုင် လည်း ပါဝင်တယ်လို့ သတင်းတွေထွက်ပေါ်နေပါတယ်။ ဒါနဲ့ ပတ်သက်လို့ ဦးအောင်လင်းထွဋ်က အခုလို သုံးသပ်ခဲ့ပါတယ်။

“လက်ရှိပေါ့လေ မင်္ဂလာဒုံ လေတပ်စခန်းမှူး ဗိုလ်မှူးချုပ်သိန်းနိုင်ပေါ့လေ အသက်အားဖြင့်တော့ ကျနော်ထင်တယ် ၅၈၊ ၅၉ လောက်ရှိပြီ။ သူ့ကို ရှေ့ဆက်ပြီးတော့မှပေါ့လေ ဗိုလ်ချုပ်ပေးစရာ အကြောင်းမရှိတော့ပါဘူး။ ဘာဖြစ်လို့လဲဆိုတော့ အသက်အရွယ်အားဖြင့် ပင်စင်နားနီးတဲ့အခါကျတော့ လေတပ်ကနေပြီးတော့မှ တနေရာကို ရွှေ့တဲ့အနေအထားမျိုးလို့ ကျနော်မြင်ပါတယ်။”

မကြာခင်မှာ ဒေါ်အောင်ဆန်းစုကြည် ဦးဆောင်တဲ့ NLD ပါတီက အစိုးရသစ် တက်လာတော့မယ်ဆိုပေမဲ့ - တိုင်းပြည်ရဲ့ အဓိကကျတဲ့ ကာကွယ်ရေး၊ ပြည်ထဲရေး နဲ့ နယ်စပ်ရေးရာ ၀န်ကြီးဌာန ၃ ခု ကတော့ တပ်မတော်ကာကွယ်ရေးဦးစီးချုပ်ရဲ့ လက်အောက်မှာ ဆက်လက် ရှိနေမှာဖြစ်ပါတယ်။ NLD ဦးဆောင်မယ့် အစိုးရသစ် ကတော့ မတ်လမှာ တာဝန်စယူမှာ ဖြစ်ပါတယ်။

မနန္ဒာချမ်း / ဗွီအိုအေ (မြန်မာပိုင်း)
http://burmese.voanews.com