01/27/16

အနိုင်ရပါတီ ဥက္ကဋ္ဌ ဒေါ်အောင်ဆန်းစုကြည် နဲ့ ရွေးကောက်ပွဲ ကော်မရှင်ဥက္ကဋ္ဌ ဦးတင်အေး တွေ့ဆုံ။
၂၀၁၅ ရွေးကောက်ပွဲမှာ အစိုးရဖွဲ့နိုင်တဲ့အထိ တခဲနက် မဲအနိုင်ရခဲ့တဲ့ ရွေးကောက်ပွဲ အနိုင်ရ အတိုက်အခံပါတီ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေးနဲ့ ကော်မရှင် အဖွဲ့တခုလုံးကို တွေ့ဆုံပြီး ကျေးဇူးတင် ဂုဏ်ပြုစကားပြောကြား ခဲ့တယ် လို့ ပြည်ထောင်စုရွေးကောက်ပွဲကော်မရှင် အတွင်းရေးမှူး ကပြောပါတယ်။ နေပြည်တော်မှာ ရှိတဲ့ ပြည်ထောင်စု ရွေးကာက်ပွဲ ကော်မရှင်ရုံး ကို ဒေါ်အောင်ဆန်းစုကြည် ကိုယ်တိုင် သွားရောက်ပြီး ဂုဏ်ပြုစကားပြောခဲ့တာဟာ အပြုသဘောဆောင် တဲ့ တွေ့ဆုံမှုဖြစ်ပြီး ရွေးကောက်ပွဲကော်မရှင်နဲ့ အစိုးရသစ်ဦးဆောင်မယ့် ပါတီတို့ နောင်လာမယ့် ရွေးကောက်ပွဲတွေ အတွက် ပူးပေါင်း လုပ်ဆောင်မှုတွေ ဖော်ဆောင်နိုင်မယ့် ကောင်းမွန်ခြေလှမ်းသစ်တရပ်အဖြစ်လည်း ရွေးကောက်ပွဲ စောင့်ကြည့်လေ့လာခဲ့တဲ့အဖွဲ့တွေက ရှု့မြင်ပါတယ်။ အသေးစိတ် မဆုမွန် ပြောပြပေးပါမယ်။

ဒီကနေ့ ဇန်နဝါရီလ ၂၆ရက်နေ့၊ အင်္ဂါနေ့ မနက် ကိုးနာရီမှာ နေပြည်တော် က ပြည်ထောင်စုရွေးကောက်ပွဲကော်မရှင်ရုံးကို အနိုင်ရပါတီ အမျိူးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်သွားရောက်ပြီး ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေး အပါအဝင် ရွေးကောက်ပွဲကော်မရှင် အဖွဲ့တခုလုံးကို တွေ့ဆုံဂုဏ်ပြုစကားပြောကြားခဲ့ပါတယ်။ ဒါဟာဆိုရင် ၂၀၁၅ နိုဝင်ဘာလ ၈ရက်နေ့ ရွေးကောက်ပွဲကြီး ကျင်းပပြီးစီးချိန်နောက်ပိုင်း အနိုင်ရပါတီ ဥက္ကဋ္ဌနဲ့ ရွေးကောက်ပွဲကော်မရှင်ဥက္ကဋ္ဌတို့ ပထမဆုံး အကြိမ် တွေ့ဆုံမှုလည်းဖြစ်ပါတယ်။

အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က ပြည်ထောင်စုရွေးကောက်ပွဲကော်မရှင် ဥက္ကဋ္ဌ ကို ပြည်ထောင်စုရွေးကောက်ပွဲ ကော်မရှင်ရဲ့ ဦးဆောင်မှု နဲ့ ရွေးကောက်ပွဲကြီး အောင်အောင်မြင်မြင် ကျင်းပနိုင်ခဲ့တဲ့ အပေါ် ကျေးဇူးတင်ကြောင်း ဂုဏ်ပြုစကားပြောကြားခဲ့တာဖြစ်တယ်လို့ တွေ့ဆုံပွဲမှာ ကိုယ်တိုင် တက်ရောက်ခဲ့တဲ့ ပြည်ထောင်စုရွေးကောက်ပွဲ ကော်မရှင် အတွင်းရေးမှူး ညွှန်ကြားရေးမှူးချုပ် ဦးတင်ထွန်းက ဗွီအိုအေမြန်မာပိုင်းကိုပြောပါတယ်။

“ရွေးကောက်ပွဲပြီးကတည်းက NLD အနေနဲ့ ကော်မရှင် ဥက္ကဋ္ဌနဲ့ ကော်မရှင် အဖွဲ့ဝင်တွေကို မတွေ့ဆုံရသေးလို့ လာပြီးတော့ဆုံတဲ့သဘောပါပဲ။ စပြီးတော့ တွေ့ခွင့်တောင်းကတည်းက မတွေ့ရသေးလို့ နုတ်ဆက်ချင်လို့ပါ လို့ တွေ့ခွင့်တောင်းပြီးတော့ တွေ့ကြတာပါ။”

ရွေးကောက်ပွဲမကျင်းပမှီနဲ့ ရွေးကောက်ပွဲကျင်းပစဉ် နောက် ရွေးကောက်ပွဲ ကျင်းပပြီးနောက်ပိုင်း ပြည်ထောင်စုရွေးကောက်ပွဲကော်မရှင်နဲ့ အတိုက်အခံနိုင်ငံရေး ပါတီကြီး ဖြစ်တဲ့ အမျိုးသားဒီမိုကရေစီအဖွဲ့ချုပ်တို့ကြား မဲဆန္ဒရှင်စာရင်း ထုတ်ပြန်မှု၊ ကိုယ်စားလှယ်လောင်း ရွေးချယ်မှု နဲ့ ရွေးကောက်ပွဲ မဲရလဒ်တွေနဲ့ပတ်သက်လို့ အခြေအတင် အငြင်းပွားစရာတွေ ရှိခဲ့ပေမဲ့လို့ ရွေးကောက်ပွဲကြီး ကျင်းပပြီးနောက်ပိုင်း အနိုင်ရပါတီဘက်က အခုလို ပြည်ထောင်စုရွေးကောက်ပွဲ အဖွဲ့ကို လာရောက်ပြီးတော့ ကျေးဇူးတင် စကားပြောခဲ့တဲ့ အပေါ် ကောင်းမွန်တဲ့ လုပ်ရပ်အဖြစ် တွေ့ဆုံပွဲမှာ ကိုယ်တိုင် ပါဝင်ခဲ့တဲ့ ပြည်ထောင်စုရွေးကောက်ပွဲကော်မရှင် က ရွေးကောက်ပွဲဆိုင်ရာ အငြင်းပွားမှုဖြေရှင်းရေးတာဝန်ခံ ဦးမြင့်နိုင်ကလည်း ရှု့မြင်ပါတယ်။

“ရွေးကောက်ပွဲပြီးတော့ ရွေးကောက်ပွဲမှာ လွတ်လွတ်လပ်လပ်နဲ့ မျှမျှတတ အောင်မြင်စွာ ကျင်းပနိုင်တာကို ကျေးဇူးတင်တဲ့အနေနဲ့ လာပြောတဲ့ သဘောပါ။ အင်မတန်ကောင်းတာပေါ့ဗျာ၊ အင်မတန်ကောင်း တဲ့တွေ့ဆုံခြင်းပါ။ ပါလာတာကတော့ ဦးဝင်းမြင့်ရယ်၊ ဦးဇော်မြင့်မောင်နဲ့ ဦးဖြိုးဇေယျာသော်ရယ် ပါတယ်ခင်ဗျ။”

ပြည်ထောင်စုရွေးကောက်ပွဲကော်မရှင်ကို ဒေါ်အောင်ဆန်းစုကြည်နဲ့ အတူ ပြည်သူ့လွှတ်တော် ကိုယ်စားလှယ် ဦးဝင်းမြင့် ဦးဇော်မြင့်မောင်နဲ့ ဦးဖြိုးဇေယျာသော်တို့ လာရောက်တွေ့ဆုံခဲ့တာပါ။

အခုလို နေပြည်တော်မှာရှိတဲ့ ပြည်ထောင်စုရွေးကာက်ပွဲ ကော်မရှင်ရုံးကို ဒေါ်အောင်ဆန်းစုကြည် ကိုယ်တိုင် သွားရောက်ပြီးဂုဏ်ပြုစကားပြောခဲ့တာဟာ အပြု သဘောဆောင်တဲ့ တွေ့ဆုံမှုအဖြစ် ရွေးကောက်ပွဲ စောင့်ကြည့်လေ့လာခဲ့တဲ့အဖွဲ့တွေက ရှု့မြင်ပါတယ်။

ရွေးကောက် ရွေးကောက်ပွဲကော်မရှင်နဲ့ အစိုးရသစ်ဦးဆောင်မယ့် ပါတီတို့ နောင် လာမယ့် ရွေးကောက်ပွဲတွေအတွက် ပူးပေါင်း လုပ်ဆောင် မှုတွေ ဖော်ဆောင်နိုင် မယ့် ကောင်းမွန်ခြေလှမ်းသစ် တရပ်အဖြစ် လည်း ရွေးကောက်ပွဲစောင့်ကြည့်လေ့လာခဲ့တဲ့ ဒါနရှေ့ဆောင်မြန်မာအဖွဲ့ရဲ့ စီမံကိန်းအရာရှိဦးမြတ်မင်းဦး ကလည်း မျှော်လင့်ပါတယ်။

“ကျနော်တို့ကတော့ ဒီအကောင်းဘက်ကပဲ မြင်ချင်တယ်ပေါ့နော်။ ဒီရွေးကောက်ပွဲကြီး ကျင်းပတယ် ဆိုတာကလည်း တနိုင်ငံလုံးအနေအထားနဲ့ ကျင်းပတယ်ဆိုတော့လေ ကျနော်တို့နိုင်ငံအနေနဲ့ ဒီမိုကရေစီလျှောက်လှမ်းနေတဲ့ ကာလကိုလည်း အချိန်ကလည်း နည်းနေသေးတယ်ဆိုတော့ ဘာပဲပြောပြော ကျနော်တို့ ရွေးကောက်ပွဲဖြစ်စဉ်ကိုကြည့်မယ်ဆိုရင် ကျနော်တို့အားနည်းချက်တွေ အများကြီးတွေ့ရတယ်ပေါ့နော်။ အားနည်းချက်တွေအများကြီးတွေ့ရတယ်ဆိုပေမယ့် ကံကောင်းတာက ကျနော်တို့ ရွေးကောက်ပွဲကြီးက အဆင်ပြေပြေ ချောချောမွေ့မွေ့ပြီးသွားတယ်ပေါ့နော်။ အဲဒီပြီးသွားတဲ့အပေါ်မှာ ကျနော်တို့ သင်ခန်းစာယူရမယ့်အပိုင်းတွေအများကြီးရှိတယ်ပေါ့နော်။အဲဒါတွေကို အခု နှစ်ဦးတွေ့တယ် ဆိုတော့ ကျနော်ထင်ပါတယ်၊ ဒီဥစ္စာက အပြုသဘောဆောင်တွေ့တယ်လို့ထင်ပါတယ်။

အဓိက နောင်လာမယ့်ရွေးကောက်ပွဲတွေဆိုရင် ဘယ်ဟာတွေကို ကျနော်တို့က အခြေခံကောင်းတွေ အနေနဲ့ ဆက်သယ်သွားမယ်၊ ဘယ်ဟာတွေကို ကျနော်တို့ ပြင်သင့်တယ် ဆိုတာမျိုးလေးတွေကို တွေ့ဆုံဆွေးနွေးတယ်လို့ ထင်ပါတယ်ခင်ဗျ။ အခုဟာက ကျနော်တို့ ရွေးကောက်ပွဲတနိုင်ငံလုံးအနေအထားနဲ့ အပြီးလုပ်ပြီးသွားပြီဆိုတော့ ပြီးခဲ့တဲ့ရွေးကောက်ပွဲမှာ ကျနော်တို့ သင်ခန်းစာတွေ အများကြီးရှိထားတယ်ဆိုတော့ အဲဒီအမှားတွေကို ကျနော်တို့က ပြင်ဆင်ပြီးတော့ လုပ်သွားမယ်ဆိုရင်တော့ ကြားဖြတ်ရွေးကောက်ပွဲတွေ လည်း တကယ့်ကို ကောင်းမွန်တဲ့ ရလဒ်တွေထွက်လာမယ်လို့ ကျနော်မျှော်လင့်ပါတယ်။”

ရွေးကောက်ပွဲကျင်းပပြီးနောက်ပိုင်း မဲရလဒ်တွေနဲ့ပတ်သက်ပြီး အာဏာရကြံ့ခိုင်ရေးပါတီဘက်က တိုင်ကြားမှုတွေ လုပ်မယ်လို့ ကနဦးမှာ ပြောဆိုခဲ့ပေမဲ့လို့ နောက်ပိုင်းမှာတော့ ပြည်ထောင်စုရွေးကောက်ပွဲကော်မရှင်ကို တိုင်ကြားခဲ့တဲ့အမှုတွေတော့ မရှိသလောက်ဖြစ်ခဲ့ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com


ဇန်နဝါရီ ၂၆ ရက်၊ ၂၀၁၆ ခုနှစ်။ ကေအိုင်စီ

ကရင်ပြည်နယ် ကော့ကရိတ်မြို့နယ် ကောင်းမှုကျေးရွာအနီး မကြာသေးမီ ရက်ပိုင်းက ဖြစ်ပွားခဲ့သည့် ပစ်ခတ်မှုအပြီး တိုးတက်သော ဗုဒ္ဓဘာသာ ကရင်အမျိုးသားတပ်မတော် DKBA က ဒေသခံများအား ဘေးလွတ်ရာသို့ ရှောင်ရှားကြရန် ဇန်န၀ါရီ ၂၅ ရက်နေ့ ရက်စွဲဖြင့် အသိပေး စာတစ်စောင်ထုတ်ပြန်ကြေညာလိုက်သည်။

ဇန်နဝါရီ ၂၃ ရက်နေ့က နယ်ခြားစောင့်တပ်-BGF တပ်ရင်း(၁၀၁၇)နှင့် အသစ်ပြန်လည်ဖွဲ့စည်း လိုက်သည့် DKBAတို့ ကောင်းမှုကျေးရွာအနီး ပစ်ခတ်မှုဖြစ်ပွားခဲ့ပြီးနောက် အစိုးရဘက်မှ စစ်ရေးအရ ဆက်လက်တိုးမြှင့်လုပ်ဆောင်လာပါက တိုက်ပွဲများ ထပ်မံဖြစ်ပွားလာနိုင်သည့်အတွက် ယခုလို ထုတ်ပြန်ခြင်းဖြစ်ကြောင်း DKBA ဗိုလ်မှူးကြီးစောဆန်းအောင်က ပြောသည်။

“အခု ထွက်ပေါ်လာတဲ့ လက်ရေးမူထုတ်ပြန်ချက်က အစစ်အမှန် ဖြစ်ပါတယ်။ ကျနော်တို့ကတော့ အသင့်အနေအထားပေါ့။ သူတို့ဘက်က ဆက်ပြီးလိုက်ရင် တိုက်ပွဲဆက်ဖြစ်နိုင်တယ်။ အဲဒါကြောင့် ဒေသခံတွေ ထိခိုက်မှုမရှိအောင် အခုလို ထုတ်ပြန်လိုက်တာပါ”ဟု ကေအိုင်စီသို့ ပြောဆိုသည်။

ယင်းပစ်ခတ်မှုဖြစ်ပွားပြီးနောက် မြန်မာအစိုးရစစ်တပ်၏ စစ်ဆင်ရေးကွပ်ကဲမှုဌာနချုပ်-စကခ(၁၂) လက်အောက်ခံ ခြေမြန်တပ်ရင်း-ခမရ (၅၄၇)၊ (၅၄၈)၊ (၅၄၉)၊ (၂၃၀)၊ (၂၃၁)နှင့် နယ်ခြားစောင့် တပ်-BGF တပ်ရင်း(၁၀၁၆)၊ (၁၀၁၇)တို့အနေဖြင့် နို့လား၊ ပျားပင်၊ ကောင်းမှု၊ ရန်ကုတ်၊ မိဖာလယ်၊ နောင်ကိုင်း စသည့်ကျေးရွာများတွင် အင်အားဖြည့်တင်းနေရာယူထားမှုများရှိကြောင်း DKBA၏ ကြေညာချက်တွင် ဖော်ပြထားသည်။

DKBA ၏ ထုတ်ပြန်ချက်အပေါ် နယ်ခြားစောင့်တပ်-BGF မှ အမည်မဖော်လိုသူ အရာရှိကြီး တစ်ဦးက “နယ်ခြားစောင့်တပ်ဖွဲ့အပေါ် အခုလို ထပ်မံ ရန်စတိုက်ခိုက်လာပါက ပြတ်ပြတ်သားသား ချေမှုန်းရတော့မယ်”ဟု ကေအိုင်စီသို့ ပြောသည်။

ထို့အပြင် ဇန်နဝါရီ ၂၃ရက်နေ့က တစ်နာရီနီးပါး ဖြစ်ပွားခဲ့သည့် ပစ်ခတ်တိုက်ခိုက်မှုတွင် BGF မှ (၂)ဦး ဒဏ်ရာရရှိသည်ဟု DKBAဘက်မှ သတင်းထုတ်ပြန်ထားသော်လည်း ၎င်းပြောဆိုချက်မှာ မဟုတ်မှန်ဘဲ စစ်ကားတစ်စီးသာ RPG အစ ထိမှန်ကြောင်း အဆိုပါ BGF အရာရှိက ပြောသည်။

လက်ရှိ ကောင်းမှုကျေးရွာတွင် အစိုးရတပ်နှင့် BGF တပ်တို့နေရာယူထားပြီး လုံခြုံရေးအရ တင်းကြပ်မှုများရှိသော်လည်း အခြေအနေ အေးဆေးငြိမ်သက်လျှက်ပင်ရှိနေကြောင်း ကျေးရွာဒေသခံများက ဆိုသည်။

ဒေသခံတစ်ဦးဖြစ်သူ ဦးအောင်တင်က ပျားပင်ကျေးရွာ ကရင်အခေါ်(တနေမူး)ကျေးရွာတွင် အစိုးရတပ်နှင့် BGF တပ်တို့ ရှိနေပြီး ဇန်နဝါရီ ၂၅ရက်နေ့က ထွက်ပေါ်လာသည့် ကျေးရွာ မီးရှို့ခံရသည့် သတင်းမှာလည်း မဟုတ်မှန်ကြောင်းနှင့် ရော်ဘာခြံအမှိုက်များကို မီးရှို့ခင်းသာ ဖြစ်ကြောင်း အတည်ပြုပြောဆိုသည်။

ယနေ့ ဇန်န၀ါရီ ၂၆ရက်နေ့၊ မွန်းလွဲ ၁ နာရီကျော်အချိန်တွင် ကော့ကရိတ်မြို့ အခြေစိုက် ခလရ (၉၇)မှ လက်နက်ကြီး ပစ်ခတ်မှုများရှိနေကြောင်း ကော့ကရိတ်မြို့ခံတစ်ဦးက ပြောဆိုသည်။

တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA)ကို ဒီမိုကရေစီအကျိုးပြု ကရင်တပ်မတော်(DKBA)မှ ထုတ်ပယ်ခံထားရသည့် တပ်မှူးများ ပူးပေါင်း၍ ယခုလ ဇန်န၀ါရီ ၁၆ ရက်နေ့က အသစ်ပြန်လည်ဖွဲ့စည်းခဲ့ခြင်းဖြစ်သည်။

ကေအိုင်စီ - KIC
http://kicnews.org



နေပြည်တော်၊ ၂၆.၁.၂၀၁၆

ဇန်န၀ါရီလ ၂၆ ရက်နေ့ ယနေ့ မွန်းလွဲ ၁း၀၀နာရီတွင် နေပြည်တော်ရှိ ရုံးအမှတ် ၁၂ တွင် တာဝန်လွှဲပြောင်းရေးအထောက်အကူပြု အဖွဲ့များ တွေ့ ဆုံဆွေးနွေးခဲ့ပါတယ်။

ယနေ့ တွေ့ဆုံမှုမှာ နုိုင်ငံတော် အကြီးအကဲ တာဝန်လွှဲပြောင်းတဲ့ အခမ်းအနား အစီအစဉ် နှင့်ပါတ်သက်သောလျာ ထားချက်များ၊ ၀န်ကြီးဌာနအချို့ရဲ့ ဆောင်ရွက်ဆဲလုပ်ငန်းများ အကြောင်းဆွေးနွေးခဲ့ပြီး ဖေဖော်ဝါရီလမှာ နောက်ထပ်တွေ့ဆုံဖို့ ရန် နှစ်ဘက်သဘောတူခဲ့ ကြပြီး ၎င်း တွေ့ဆုံဆွေးနွေးပွဲသို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်မှူဆောင် ဥိးဝင်းထိန်၊ ဒေါက်တာ မျိုးအောင်နှင့် တာဝန်လွဲပြောင်းရေး အဖွဲ့ဝင် ဒေါက်တာအောင်သူတို့ တက်ရောက်ခဲ့ကြပြီး အစိုးရအဖွဲ့ ပြည်ထောင်စုဝန်ကြီး ဦးလှထွန်း၊ ဦးရဲထွဋ် ဦးဆောင်သည့် တာဝန်ရှိသူများ တက်ရောက် ဆွေးနွေးခဲ့ ကြသည်။

National League for Democracy
https://www.facebook.com/NLDParty/

ဓါတ်ပုံ - လာမယ့်လွှတ်တော်သစ်ကို တက်ရောက်ဖို့ နေပြည်တော် စည်ပင်ရိပ်သာက လွှတ်တော် ကိုယ်စားလှယ်သစ်များ ကြိုဆိုရေးဆောင်မှာ လွှတ်တော် ကိုယ်စားလှယ်သစ်တချို့ လာရောက် သတင်းပို့နေကြစဉ်။ (မျိုးသန့်ခိုင်/RFA)
 လာမယ့်ဖေဖေါ်ဝါရီလ ၁ ရက်နေ့ လွှတ်တော်အသစ် အစည်းအဝေးတွေကို တက်ရောက်မယ့် လွှတ်တော်ကိုယ်စားလှယ်တွေဟာ နေပြည်တော် စည်ပင်ဧည့်ရိပ်သာကို ရောက်ရှိနေကြပြီး မနက်ဖြန်မှာ အမျိုးသားနဲ့ ပြည်သူ့လွှတ်တော်တွေမှာ တက်ရောက် လေ့လာကြမှာဖြစ်ပါတယ်။

မနေ့ကစပြီး ရောက်ရှိလာကြတဲ့ ကိုယ်စားလှယ်တွေကို လွှတ်တော်ကိုယ်စားလှယ် အသိအမှတ်ပြုလွှာတွေ ထုတ်ပေးနေတယ်လို့ အန်အယ်လ်ဒီပါတီက မုံရွာမြို့နယ် ပြည်သူ့လွှတ်တော်ကိုယ်စားလှယ် ဦးသန့်စင်မောင် က ပြောပါတယ်။

လွှတ်တော်ကိုယ်စားလှယ်အသစ်တွေဟာ မနက်ဖြန် ဇန်န၀ါရီလ ၂၇ရက်နေ့ကနေ ၂၈ ရက်နေ့အထိ ၂ရက်ကြာ သက်ဆိုင်ရာ လွှတ်တော်အသီးသီးမှာ တက်ရောက်လေ့လာကြမှာဖြစ်ပါတယ်။

ပြည်သူ့လွှတ်တော်မှာ အန်အယ်လ်ဒီပါတီက ကိုယ်စားလှယ် ၂၅၅ ဦး၊ ကြံ့ခိုင်ဖံွ့ဖြိုးရေးပါတီက ၃၀ ဦး၊ ရခိုင်အမျိုးသားပါတီက ၁၂ ဦး၊ ရှမ်းတိုင်းရင်းသားများဒီမိုကရေစီအဖွဲ့ချုပ်က ၁၂ ဦး စတဲ့ နိုင်ငံရေးပါတီ ၁၁ ပါတီက ကိုယ်စားလှယ် ၃၂၂ ဦးနဲ့ တစ်သီးပုဂ္ဂလ ၁ဦး စုစုပေါင်း ၃၂၃ဦး တက်ရောက်မှာ ဖြစ်ပါတယ်။

အမျိုးသားလွှတ်တော်မှာ အန်အယ်လ်ဒီပါတီက ကိုယ်စားလှယ် ၁၃၅ ဦး၊ ကြံ့ခိုင်ဖံွ့ဖြိုးရေးပါတီက ၁၁ဦး၊ ရခိုင်အမျိုးသားပါတီက ၁ဝ ဦး၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်က ၃ဦး စတဲ့ နိုင်ငံရေးပါတီ ၉ပါတီက ကိုယ်စားလှယ် ၁၆၆ ဦးနဲ့ တစ်သီးပုဂ္ဂလ ၂ဦး စုစုပေါင်း ၁၆၈ ဦး တက်ရောက်ရမှာဖြစ်ပါတယ်။

လာမယ့် ဖေဖော်ဝါရီလ ၁ရက်နေ့မှာ ဒုတိယအကြိမ် လွှတ်တော်အစည်းအဝေးကို စတင်ကျင်းပမှာဖြစ်ပြီး တိုင်းဒေသကြီးနဲ့ ပြည်နယ်အသီးသီးက လွှတ်တော်ကိုယ်စားလှယ်တွေလည်း နေပြည်တော်လွှတ်တော်တွေမှာ လာရောက်လေ့လာကြမှာဖြစ်ပါတယ်။

တိုင်းဒေသကြီးနဲ့ ပြည်နယ်လွှတ်တော် အစည်းအဝေးတွေကတော့ ဖေဖော်ဝါရီလ ၈ရက်နေ့မှာ စတင်ကျင်းပမှာဖြစ်ပါတယ်။

RFA Burmese
https://www.facebook.com/RFA-Burmese

ဓါတ်ပုံ - အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ ပြည်ထောင်စု ရွေးကာက်ပွဲ ကော်မရှင်ဥက္ကဋ္ဌ ဦးတင်အေးတို့ ဇန်နဝါရီလ ၂၆ ရက်နေ့က နေပြည်တော်မှာ တွေ့ဆုံစဉ်(NLD Facebook)
အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေးတို့ နေပြည်တော် ပြည်ထောင်စု ရွေးကောက်ပွဲ ကော်မရှင်ရုံးမှာ ဒီကနေ့ တွေ့ဆုံခဲ့ပါတယ်။

ရွေးကောက်ပွဲကာလမှာ ဆောင်ရွက်ပေးခဲ့တာတွေနဲ့ ပတ်သက်ပြီး ကျေးဇူးတင်ကြောင်းနဲ့ ရွေးကောက်ပွဲကာလမှာ အသိပညာပေးလုပ်ငန်းတွေ အားနည်းတာတွေ ရှိခဲ့ကြောင်း ဒေါ်အောင်ဆန်းစုကြည်က ပြောခဲ့တယ်လို့ တွေ့ဆုံပွဲမှာ ပါဝင်ခဲ့တဲ့ ပြည်ထောင်စုရွေးကောက်ပွဲ ကော်မရှင်အဖွဲ့ဝင် ဦးစိုင်းခမ်းဝင်း က ပြောပါတယ်။

ဒေါ်အောင်ဆန်းစုကြည်နဲ့ ပြည်ထောင်စု ရွေးကောက်ပွဲကော်မရှင် ဥက္ကဌတို့ သီးသန့်တွေ့ဆုံတာ ဒါပထမဆုံးအကြိမ်ဖြစ်ပြီး တစ်နာရီနီးပါးကြာမြင့်ခဲ့ပါတယ်။

တွေ့ဆုံပွဲကို အန်အယ်လ်ဒီပါတီက ဦးဝင်းမြင့်၊ ဒေါက်တာဇော်မြင့်မောင်၊ ဦးဖြိုးဇေယျာသော်နဲ့ ဒေါက်တာ ဒေါ်တင်မာအောင်တို့ တက်ရောက်ခဲ့ပြီး ပြည်ထောင်စု ရွေးကောက်ပွဲကော်မရှင်ဘက်က ဥက္ကဌ ဦးတင်အေး အပါအ၀င် ကော်မရှင် အဖွဲ့ဝင် ၁၅ ယောက် တက်ရောက်ခဲ့ကြပါတယ်။

ပြီးခဲ့တဲ့ ရွေးကောက်ပွဲမှာအသုံးပြုခဲ့တဲ့ မဲဆွယ်စည်းရုံးရေးစရိတ် မတင်တဲ့ ကိုယ်စားလှယ်လောင်းတွေထဲမှာ အန်အယ်လ်ဒီပါတီက ၃ဦး ပါဝင်ပြီး အနိုင်ရကိုယ်စားလှယ်တွေကို ကန့်ကွက်တဲ့ အမှုတွေထဲမှာလည်း အန်အယ်လ်ဒီပါတီက ကန့်ကွက်တဲ့အမှုတွေရှိသလို ကန့်ကွက်ခံရတဲ့ အမှုတွေလည်း ရှိနေပါတယ်။

ပြည်ထောင်စုရွေးကောက်ပွဲကော်မရှင်နဲ့ တွေ့ဆုံရာမှာ အဲဒီလိုအမှုတွေနဲ့ ပတ်သက်ပြီး ဆွေးနွေးခဲ့ခြင်း မရှိဘူးလို့ သိရပါတယ်။

RFA Burmese
https://www.facebook.com/RFA-Burmese


ဇန်န၀ါရီ ၂၆ရက်။ ၂၀၁၆ ခုနှစ်။ စောမြတ်ဦးသာ

ကရင်ပြည်နယ် ကြာအင်းဆိပ်ကြီးမြို့နယ် ဝင်းရော်ဒေသ၌ (၂၅)ကြိမ်မြောက် ကရင်ရိုးရာကောက်သစ်စားပွဲ အစီအစဉ်တစ်ရပ်ကို ကမော့ဝမ်းကျေးရွာ သိမ်ကွင်းတွင် ဇန်န၀ါရီ ၂၄ ရက်နေ့က ရိုးရာအစဉ်အလာမပျက် ပြုလုပ်ကျင်းပခဲ့သည်။

အဆိုပါ ကောက်သစ်စားပွဲကို ကမော့ဝမ်းရွာနှင့် ဒိုင်လွတ်ရွာတို့ ဦးဆောင်ကျင်းပခြင်းဖြစ်ပြီး ဝင်းရော်မှ သံဃာတော်များ၊ ယဉ်ကျေးမှုအဖွဲ့ဝင်များ၊ ခလယ်-တံခွန်တိုင်၊ တောင်ဒီ၊ နော်တ၀ယ်၊ ကျုံခ၀န်နှင့် ထီမံထို စသည့်ကျေးရွာ ၂၀ကျော်မှ ရွာသား ၃၀၀ ကျော် တက်ရောက်ဆင်နွှဲခဲ့ကြသည်။

ဦးဆောင်စီစဉ်သူ မန်းခင်လှိုင်က “တစ်နှစ်တာ ကာလပတ်လုံး လယ်၊ တောင်ယာ၊ ခြံ စိုက်ပျိုးပြီး ဖြစ်ထွန်း အောင်မြင်တဲ့ သီးနှံတွေကို ကျေးဇူးရှင် စပါးစောင့်နတ် ဖီ့ဘူးယော်ကို တိုင်တည်ပြီး ကျေးဇူးဆပ်တဲ့အနေနဲ့ ဦးဦးဖျားဖျား ကျွေးတယ်။ ရှေးဘိုးဘွားတွေ ချန်ထားခဲ့တဲ့ ဒီရိုးရာယဉ်ကျေးမှုတွေ ပျောက်ကွယ်သွားမှာစိုးလို့ လက်ဆင့်ကမ်း လုပ်ဆောင်လာခဲ့တာဖြစ်ပါတယ်״ဟု ကေအိုင်စီသို့ ပြောသည်။

ရိုးရာအစဉ်အလာအရ ကောက်သစ်စားပွဲကို တစ်နှစ်တစ်ခါ ပြုလုပ်ခြင်းအားဖြင့် မိမိတို့လယ်ယာလုပ်ငန်း များ ဖြစ်ထွန်းအောင်မြင်ပြီး ရောဂါဘယကင်းဝေးခြင်း၊ ဘေးရန်ကင်းခြင်းနှင့် အစားအစာများ ပေါကြွယ်ဝခြင်းများ ဖြစ်စေသည်ဟု ယုံကြည်ကြောင်းလည်း မန်းခင်လှိုင်က ဆက်ပြောသည်။

ယင်းကောက်သစ်စားပွဲတွင် ပွဲမတိုင်မီ ဇန်နဝါရီ ၂၃ရက်နေ့၊ ညပိုင်းတွင် ကြာအင်းဆိပ်ကြီး၊ ကျိုက်မရော မြို့နယ်အတွင်းရှိ ယဉ်ကျေးမှုဒုံးအဖွဲ့(၁၄)ဖွဲ့က သွားရောက်ဖျော်ဖြေခဲ့ကြပြီး နောက်နေ့ နံနက် ၇နာရီတွင် ကောက်သစ်စားပွဲအစီအစဉ်ကို စတင်ခဲ့ကြခြင်းဖြစ်သည်။


ပွဲတွင် သံဃာတော်များ၏ သြ၀ါဒကို ခံယူကန်တော့ခြင်း၊ ကောက်သစ်စားပွဲ ဖြစ်ပေါ်လာပုံ စာတမ်း ဖတ်ကြားခြင်းနှင့် ပိန်းဥ၊ မျှစ်ချဉ်နှင့် ခရုတို့ဖြင့် ပေါင်းချက်ထားသော ရိုးရာဟင်းတို့ကို ဧည့်ခံကျွေးမွေးခြင်း စသည့် အစီအစဉ်ပြီးနောက် အတူတကွ ကောက်သစ်စားခဲ့ကြသည်။

ကောက်သစ်စားပွဲ တက်ရောက်သည့် ခလယ်ရွာမှ လူငယ်တစ်ဦးဖြစ်သူ စောရှားဖောင်က “ကောက်သစ်စား ပွဲဆိုတာ ကရင်သက္ကရာဇ်နဲ့ သက်ဆိုင်တဲ့ ဓလေ့တစ်ခုပါ။ နှစ်သစ်ကူးတဲ့ ဒီအချိန်မျိုးမှာ ကောက်သစ်စားပွဲ အမီ ဦးဦးဖျားဖျားကို ယူကျွေးစားသုံးကြတယ်။ အချို့က ပွဲနဲ့ လုပ်တာရှိသလို၊ တစ်အိမ် တစ်စုနဲ့ လုပ်တာလည်း ရှိတယ်။ ဓလေ့ရိုးရာတစ်ခုဖြစ်တာမို့ နှစ်စဉ်နှစ်တိုင်း လုပ်စေချင်တယ်״ဟု ကေအိုင်စီသို့ ပြောသည်။

ကရင်ပြည်နယ်၊ ကြာအင်းဆိပ်ကြီးမြို့နယ် ဝင်းရော်ဒေသတွင် ယခင်နှစ်က (၂၄)ကြိမ်မြောက် ကောက်သစ်စားပွဲကို ကမော့ဝမ်းရွာ၌ ပြုလုပ်ကျင်းပခဲ့သည်။

 စောမြတ်ဦးသာ
KIC - ကေအိုင်စီ
http://kicnews.org


ဇန်နဝါရီ ၂၆ရက်၊ ၂၀၁၆ခုနှစ်။ စအိုင်ဆူး

ဧရာဝတီတိုင်း၊ မြို့နယ် ၂၆ မြို့နယ်အတွင်းရှိ အနောက်ပိုးကရင်စာ မသင်ဖူးသေးသည့် စံပြကျေးရွာ (၅၀)ကို ဖော်ထုတ်ကာ ယခုနှစ်၊ နွေရာသီ၌ ယင်းစာသင်ကြားပေးနိုင်ရန် စီစဉ်နေသည်ဟု အနောက်ပိုးကရင်စာပေ လူငယ်များအဖွဲ့မှ တာဝန်ရှိသူ စခွါခွါက ဇန်နဝါရီ ၂၅ရက်နေ့တွင် ကေအိုင်စီသို့ ပြောသည်။

“ကျနော်တို့အနေနဲ့ ကရင်စာပေကို အနှစ် ၂၀ကျော်၊ ၃၀ လောက် ဝေးကွာပြီး မသင်ကြားခဲ့ရတဲ့ ကျေးရွာ ၅၀ ကို ဖော်ထုတ်ပြီးတော့ အဲ့ဒီကျေးရွာမှာ လိုအပ်တဲ့ သင်ထောက်ကူပစ္စည်းတွေနဲ့ ဆရာ၊ ဆရာမတွေကို ပံ့ပိုးကူညီဖို့ အခု ကျနော်တို့အဖွဲ့အနေနဲ့ ဧရာဝတီတိုင်းမှာရှိတဲ့ မြို့နယ်တချို့ကို ကိုယ်တိုင်ကွင်းဆင်းပြီး အချက်အလက်တွေ ရယူနေတယ်״ဟု စခွါခွါက ပြောသည်။

ယခု ဇန်နဝါရီမှစ၍ ကရင်စာပေအားနည်းနေသည့် ညောင်တုန်း၊ ဓနုဖြူ၊ ဟင်္သာတမြို့နယ်များသို့ ကွင်းဆင်း ဆောင်ရွက်နေပြီဖြစ်သလို စာသင်ကြားရန် စီစဉ်နေသည့် ယင်းစံပြကျေးရွာ ၅၀၌လည်း လက်ရှိတွင် ကျေးရွာတစ်ရွာချင်းစီ၏ ကျောင်းသားဦးရေနှင့် လိုအပ်သော ထောက်ပံ့မှုပုံစံများကို အချက်အလက် ကောက်ယူနေကြသည်ဟု စခွါခွါက ဆက်ပြောသည်။

ထို့အပြင် အဆိုပါ အနောက်ပိုးကရင်စာပေလူငယ်များအဖွဲ့သည် စာသင်ကြားပေးမည့် အစီအစဉ်များနှင့် ပတ်သက်၍ ဧရာဝတီတိုင်းအတွင်းရှိ သက်ဆိုင်ရာမြို့နယ်များ၏ ကရင်စာပေ ယဉ်ကျေးမှုကော်မတီအဖွဲ့ အချို့နှင့် သွားရောက်တွေ့ဆုံညှိနှိုင်းမှုများပြုလုပ်ကာ လိုအပ်သည့် ပူးပေါင်းဆောင်ရွက်မှုများအတွက် တောင်းဆိုဆွေးနွေးထားသည်ဟု သိရသည်။

ယင်းစာသင်ကြားသွားမည့်အပေါ် ဓနုဖြူ စာ/ယဉ်နာယာက နမ့်ခင်အေးဦးက “ကျမတို့အနေနဲ့ အခုလို လူငယ် တွေ အမျိုးသားစာပေအတွက် လုပ်စေချင်တာ ဖြစ်စေချင်တာကို အားပေးတယ်။ ဖြစ်လည်း ဖြစ်စေချင်တယ်။ လိုအပ်တဲ့ ပူးပေါင်းဆောင်ရွက်မှုအနေနဲ့ ကျမတို့ မြို့နယ်မှာ ရှိတဲ့ ရွာတွေကိုတော့ လိုက်ပြီး စည်းရုံးထားပေးတာမျိုး ရှိတယ်״ဟု ကေအိုင်စီသို့ ပြောသည်။

ဧရာဝတီတိုင်းတွင် ယခင် အမျိုးသားခေါင်းဆောင်များ မွေးဖွားထွက်ပေါ်ခဲ့ဖူးသည့် ဓနုဖြူ၊ ညောင်တုန်း၊ မအူပင် ကဲ့သို့သော မြို့နယ်များ၌ ခေတ်အဆက်ဆက် အစိုးရ၏ ဖိနှိပ်ထားမှုများကြောင့် စာပေအပေါ် စိတ်ပါဝင်စားသူ နည်းပါးသွားခဲ့သည်။ ထို့အတွက် စာသင်ကြားမှုများ ပြုလုပ်မည်ဆိုပါက ကျေးရွာများကို အရင်စည်းရုံးပြီးမှသာ စာသင်ကြားမှု စတင်လုပ်ဆောင်သင့်သည်ဟုလည်း နမ့်ခင်အေးဦးက အကြံပြုပြောဆိုသည်။

ဧရာဝတီတိုင်းဒေသကြီးအတွင်း ကရင်လူမျိုးများနေထိုင်သည့် မြို့နယ်ဒေသ အသီးသီးတွင် ကရင်စကား ပြောဆိုတတ်မြောက်မှုမှာ ကရင်လူဦးရေ၏ ရာနှုန်းထက်ဝက်မျှသာ ကျန်ရှိကြောင်းနှင့် ကရင်စာပေရေးသား ဖတ်ရှုတတ်မြောက်မှုမှာ ၁ ရာခိုင်နှုန်းမျှသာ ရှိတော့သည်ဟု စာ/ယဉ်အသိုင်းအဝိုင်းများထံမှ သိရသည်။

ကရင်စာပေအကျိုးပြုလုပ်ငန်းများ ပူးပေါင်းဆောင်ရွက်ရန် ရည်ရွယ်၍ အနောက်ပိုးကရင်စာပေလူငယ်များ အဖွဲ့ကို ၂၀၁၄ခုနှစ်၊ အောက်တိုဘာ ၁၅ရက်နေ့တွင် နိုင်ငံတကာရောက် ကရင်လူငယ်များနှင့် ပြည်တွင်းရှိ ကရင်လူငယ်များဖြင့် ချိတ်ဆက်ဖွဲ့စည်းခဲ့သည်။ အဆိုပါ အဖွဲ့သည် ယခင်နှစ်က ဧရာဝတီတိုင်းအတွင်းရှိ စံပြကျေးရွာ ၁၀ ရွာကို ဖော်ထုတ်ကာ ကရင်စာပေ သင်ကြားပေးခဲ့ပြီးဖြစ်သည်။

 စအိုင်ဆူး
ကေအိုင်စီ - KIC
http://kicnews.org


    ရန်ကုန်၊ ဇန်နဝါရီ ၂၆ ရက် (ဆင်ဟွာ)

    မင်္ဂလာဒုံမြို့နယ်၊ပျဉ်းမပင်စက်မူဇုန်အတွင်းရှိ ကျူးကျော်နေထိုင်နေသော နေအိမ် ၄၇၈ လုံးကို ယနေ့ နံနက်တွင် ဖယ်ရှားရှင်းလင်းခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှ သိရသည်။

အဆိုပါ ကျူးကျော်များကို လုံခြုံရေးနှင့် အရပ်သား အင်အားတစ်ထောင်ခန့်က ဘူဒိုဇာများကိုပါ အသုံးပြု၍ ဖယ်ရှားလျက်ရှိသည်။

မင်္ဂလာဒုံမြို့နယ်၊ပျဉ်းမပင်စက်မူဇုန်အတွင်းရှိ ကျူးကျော် နေအိမ်များကို စက်ယန္တရားကြီးများနှင့် ဖယ်ရှားနေစဉ် (ဆင်ဟွာ)
စက်မှုဇုန်အတွင်းရှိ ကျူးကျော်ဟုသတ်မှတ်ခံထားရသည့် ရပ် ကွက်သုံးခုမှ အိမ်ထောင်စုနှစ် ထောင်ခန့်ကို ဇန်နဝါရီ ၂၅ ရက် နောက်ဆုံးထား ပြောင်းရွှေ့ကြရန် ညွှန်ကြားထားသည်။

ဇန်နဝါရီ ၂၃ ရက်တွင် ဒဂုံ ဆိပ်ကမ်းမြို့နယ်ရှိ ရပ်ကွက် ၇၃၊ ၇၄၊ ၇၅ နှင့် ၆၁ ရပ်ကွက်များရှိ ကျူးကျော်အိမ်ခြေ ၂၃၂အိမ်ကို မြို့ရွာနှင့် အိုးအိမ်ဖွံ့ဖြိုးရေးဦးစီး ဌာနက ရန်ကုန်တိုင်းရဲတပ်ဖွဲ့ကို လုံခြုံရေးခေါ်ယူပြီး စက်ယန္တရား ကြီးများအသုံးပြုကာ အင်အားသုံး ဖယ်ရှားခဲ့သည်။

ရန်ကုန်တိုင်းအတွင်းရှိ အစိုးရစီမံကိန်းနယ်မြေများတွင် ၀င်ရောက်ကျူးကျော်နေသောနေ အိမ်များကို ဖယ်ရှားရှင်းလင်းသွား မည်ဖြစ်ကြောင်း ရန်ကုန်တိုင်းလုံ ခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီးတင်အောင်ထွန်းက ပြောကြားထားပြီးနောက် ဆက်တိုက် ကျူးကျော်များကို ရှင်းလင်း ဖယ်ရှားလျက်ရှိသည်။

(Xinhua)
http://www.xinhuamyanmar.com


ရခိုင်ပြည်နယ် ကျောက်ဖြူ ကမ်းလွန်ပင်လယ်ပြင် ကမ်းနီးကမ်းဝေး ငါးဖမ်း လုပ်ကွက်များအတွင်း ဘင်္ဂါလီလှေများသည် ဒေသခံများ၏ ငါးဖမ်းဆီးမှုကို ဟန့်တားနှောင့်ယှက်ခြင်း၊ ငါးဖမ်းပိုက်များကို ဓားဖြင့်ခုတ်ခြင်း၊ လူကိုရန်ပြုခြင်းတို့ ပြုလုပ်မှုများ ရှိနေကြောင်း ကျောက်ဖြူဒေသခံ ရေလုပ်သားများထံမှ သိရှိရသည်။

“ကမ်းဝေးသွား ငါးဖမ်းရတာ အရမ်းအန္တရာယ် များပါတယ်။ ဘင်္ဂါလီလှေတွေက ဖျက်ဆီးလို့။ ငါးဖမ်းတဲ့ ပိုက်ကို ဓားနဲ့ခုတ် ဖျက်ဆီးသွားတာတို့၊ ပိုင်းယူသွားတာတို့နဲ့ သိန်းနှစ်ဆယ်ဖိုးလောက် ဆုံးရှုံးသွားပြီ။ အဲဒီကိစ္စကို ကျွန်တော်တို့ ငါးဖမ်းလှေတွေမြို့နယ် ငါးဦးစီးဌာနကို အကြိမ်ကြိမ် တင်ပြထားပေမယ့် စိစစ်ဆောင်ရွက်ပေးမှု မရှိသေးဘူး” ဟု ကျောက်ဖြူ ငလပွေ့ဆိပ်ကမ်း၊ ဧရာဝတီတိုင်းမှ တန်ကဲငါးဖမ်းလှေ ပိုင်ရှင် ဦးရဲထွန်းက ပြောသည်။

ရမ်းဗြဲမြို့နယ်ရှိ ကျောက်နီမော်ကျေးရွာ၊ စစ်တွေမြို့နယ်နှင့် မြေပုံ၊ မင်းပြားမြို့နယ်များမှ ဘင်္ဂါလီ ငါးဖမ်းလှေများက ရန်ပြုနေခြင်းဖြစ်ပြီး ကမ်းမှ ရေမိုင်နှစ်ဆယ်ကျော် အကွာအဝေးရှိ လုပ်ကွက်နေရာ အချို့အား ဘင်္ဂါလီ ငါးဖမ်းလှေတစ်စီးတွင် ရေလုပ်သား ဆယ်ဦးမှ နှစ်ဆယ် ၀န်းကျင်ထိ ပါဝင်၍ ကျုးကျော်ကာ ငါးဖမ်းဆီး
နေကြကြောင်း ဒေသခံရေလုပ်သားများထံမှ သိရသည်။

“ဒီနှစ် ဘင်္ဂါလီတွေ ရန်ပြုတာ ၊ ပိုက်တွေကို ဖျက်ဆီးတာ စတဲ့အန္တရာယ်တွေ ကြုံတွေ့နေရတာ ပိုများလာတယ်။ ဒီတော့ ငါးဖမ်းကွက် လျော့သွားသလို ကျဉ်းမြောင်းသွားလို့ ငါးဖမ်းဆီးရရှိမှုကလည်း ကျဆင်းနေပါတယ်” ဟု ကျောက်ဖြူမြို့နယ်မှ ကမ်းဝေး ရေလုပ်ငန်းရှင် ဦးဖိုးထွန်းက ပြောသည်။

ကမ်းနီးလှေများထက် ကမ်းမှ ဆယ်မိုင်နှင့်အထက် မိုင်နှစ်ဆယ်ကျော်မှ မိုင်သုံးဆယ်ဝန်းကျင် အကွာအဝေးရှိ ရေပြင်ဧရိယာများအတွင်း သွားရောက် ဖမ်းဆီးလုပ်ကိုင်ရသည့် ကမ်းဝေးလှေများသည် ထိုကဲ့သို့ အဖြစ်အပျက်မျိုးကို ပိုမိုကြုံတွေ့ရလေ့ရှိကြောင်း ကျောက်ဖြူမြို့နယ် ပြင်ဖြူမော်ကျေးရွာမှ ကမ်းဝေးလှေပိုင်ရှင် ဦးခင်မောင်နုထံမှ သိရသည်။

“ကျောက်ဖြူ ကမ်းလွန်ပိုင်နက်ထိတော့ ဖြား (ဒီရေ)နဲ့ ဥတုရာသီလိုက်ပြီး တစ်လ၊နှစ်လနေလို့ တစ်ခေါက်လောက်ပဲ ဖမ်းဆီးမှုရှိပါတယ်။ ဒေသခံ ငါးဖမ်းလှေတွေကို ဟန့်တားတာတို့၊ ပိုက်ကွန်ကို ဖျက်ဆီးတာတို့က မကြားမိဘူး” ဟု ရမ်းဗြဲမြို့နယ် ကျောက်နီမော် ကျေးရွာ(ဘင်္ဂါလီ)အုပ်စုမှ ကမ်းဝေး ငါးဖမ်းလှေပိုင်ရှင် ဦးစီးယော် က အဆိုပါ ကိစ္စနှင့် ပတ်သက်၍ ဆက်သွယ် မေးမြန်းမှုကို ဖြေကြားထားသည်။

ကျောက်ဖြူမြို့နယ်အတွင်း ၂၀၁၅-၂၀၁၆ ဘဏ္ဍာရေးနှစ်တွင် ဒီဇင်ဘာလထိ ကမ်းဝေးစက်တပ်လှေ ကိုးဆယ်ကျော်၊ ကမ်းနီးစက်တပ်လှေ ၂၀၈ စီး၊ ကမ်းနီး စက်မဲ့လှေ ၄၈၂ စီးရှိကြောင်း ခရိုင်ငါးလုပ်ငန်း ဦးစီးဌာနမှ သိရသည်။

သတင်း - MMK
The Ladies News Journal
https://www.facebook.com/News.TheLadies


ကေအိုင်အို ကချင်လွတ်မြောက်ရေး အဖွဲ့ ဌာနချုပ် လိုင်ဇာတွင် ကျင်းပခဲ့သည့် ဗဟိုကော်မတီ အစည်းဝေး ဆုံးဖြတ်ချက်အရ အဖွဲ့၏ ဒုတိယ စစ်ဦးစီးချုပ်ရာထူးမှနေရာ ရွှေ့ပြောင်းခြင်း ( သို့မဟုတ် ) ရာထူးမှ ဖယ်ရှား ခံရသည်ဟု သတင်းများ ထွက်ပေါ်ခဲ့သည့် ကေအိုင်အေ ဒုတိယ စစ်ဦးစီးချုပ်ဟောင်း ဗိုလ်ချုပ်ဂွန်မော်မှာ
ကေအိုင်အို၏ ဒုတိယ ဥက္ကဋ္ဌ ( ၂) အဆင့်သို့ ပြောင်းရွှေ့တာဝန်ယူရတော့မည် ဖြစ်ကြောင်း သိရသည်။

လိုင်ဇာတွင် (၅) ရက်ကြာ ကျင်းပခဲ့သည့် အစည်းဝေး ဆုံးဖြတ်ချက်အရ အသက်အရွယ် ကြီးမြင့်သောကြောင့် ဥက္ကဋ္ဌ ရာထူးမှ အနားယူတော့မည်ဟု သတင်းထွက်ခဲ့သည့် ကေအိုင်အို ဥက္ကဋ္ဌ ဦးဇောင်းဟရားမှာ ဥက္ကဋ္ဌ ရာထူးတွင် ဆက်ရှိနေမည် ဖြစ်ပြီး ဒုတိယ ဥက္ကဋ္ဌဖြစ်သူ ဗိုလ်ချုပ်ကြီး အန်ဘန်လ ( UNFC တပ်ပေါင်းစု ဥက္ကဋ္ဌ ) မှာ ကေအိုင်အို ဗဟိုအလုပ်အမှုဆောင် များဖြင့် ဖွဲ့စည်းထားသော ကချင်လွတ်မြောက်ရေး ကောင်စီ KIC တွင် ဒုတိယ ဥက္ကဋ္ဌ အဖြစ်ပြောင်းရွှေ့ တာဝန်ယူရတော့မည် ဖြစ်သည်။

‘ရာထူးအပြောင်းရွှေ့က ဗိုလ်ချုပ်ဂွန်မော်က ဒုတိယ ဥက္ကဌ (၂) ဖြစ်သွားတယ် ။ သူက ဒုစစ်ဦးစီးချုပ် မဟုတ်တော့ဘူး။ စစ်ဦးစီးချုပ်က ဗိုလ်ချူပ်ကြီး ဂမ်ရှောင် ၊ ဥက္ကဋ္ဌလည်း မနားဘူး။ ဗိုလ်ချုပ်ကြီး ဂမ်ရှောင်က ဒုတိယ ဥက္ကဋ္ဌ (၁)ကိုလည်း တွဲကိုင်မယ်။ ဗိုလ်ချုပ်ကြီး အန်ဘန်လက ကေအိုင်စီ ကောင်စီလိုင်းက ကေအိုင်စီရဲ့ ဒုတိယ ဥက္ကဋ္ဌ ဖြစ်သွားမယ်’ ဟု ကချင်ငြိမ်းချမ်းရေး အကျိုးတော်ဆောင်အဖွဲ့ PCG မှ ဦးဆန်အောင်က The Ladies News သို့ အတည်ပြု ပြောဆိုသည်။

အစည်းဝေး မတိုင်ခင် ၁၅ ရက်ခန့်အလိုက ကေအိုင်အို ဌာနချုပ် လိုင်ဇာတွင် ခေါင်းဆောင် အချင်းချင်း လုပ်ကြံမှုများ ဖြစ်ပေါ်ခဲ့သည်ဟု ကောလဟာလများ ထွက်ပေါ်ခဲ့ဖူးသဖြင့် ကေအိုင်အို ဗဟိုကော်မတီ အစည်းဝေးမှာ လေ့လာသူများအကြား စိတ်ဝင်စားစရာ ဖြစ်ခဲ့သည်။

ယင်းအပြင် ကေအိုင်အို အဖွဲ့အတွင်း တရုတ်နှင့် ဆက်ဆံရေး ပြေလည်လိုသော အုပ်စုနှင့် တရုတ် အပြင် အနောက်နိုင်ငံများနှင့်ပါ ပြေလည်မှု ရရှိလိုသော အုပ်စုများ ကွဲနေသည်ဟူ၍လည်း သတင်းများ ထွက်ပေါ်ခဲ့သဖြင့် တိုင်းရင်းသား လက်နက်ကိုင် တပ်ပေါင်းစု UNFC တွင် ဦးဆောင်သူအဖြစ် ရှိနေသည့် ကေအိုင်အို၏ ဗဟိုကော်မတီ အစည်းဝေးမှာ တိုင်းရင်းသားအရေး ဆောင်ရွက်နေသူများ အတွက် စောင့်ကြည့်ရန် ဖြစ်လာခဲ့သည်။

ယင်းအပြင် ကေအိုင်အို အဖွဲ့အနေဖြင့် ခေါင်းဆောင် အပြောင်းလဲများတွင် အာဏာသိမ်းခြင်းကဲ့သို့ ကိစ္စရပ်များ ဖြစ်ပေါ်ခဲ့ဖူးသဖြင့် အစည်းဝေး ကျင်းပနေစဉ်အတွင်း ကချင်ပြည်သူများ အကြားတွင်လည်း စိုးရွှဲ့မှုအချို့
ရှိခဲ့ဖူးသည်။

ကျင်းပခဲ့သည့် အစည်းဝေးတွင် ဗိုလ်ချုပ်ဂွန်မော်၏ ယခင်ရာထူးဖြစ်သော ဒုတိယ စစ်ဦးစီးချုပ် နေရာတွင် အစားထိုး ခန့်အပ်ခဲ့သူနှစ်ဦးမှာ အဆိုပါ ရာထူးတွင်ပင် ဆက်ရှိနေမည် ဖြစ်သည်။

သဘောကတော့ ဗိုလ်ချုပ်ဂွန်မော်ကို တပ်ဘက်ကနေ ပါတီဘက်ကို ရွှေ့လိုက်တဲ့ သဘောပဲ ဟု နိုင်ငံရေး လေ့လာသူ ကိုကျော်လင်းဦးက သုံးသပ်သည်။

လိုင်ဇာတွင် ၅ ရက်ကြာ ကျင်းပခဲ့သည့် အဆိုပါ အစည်းဝေးမှ နိုင်ငံရေးဆွေးနွေးပွဲနှင့် ငြိမ်းချမ်းရေး ဖြစ်စဉ်အတွက် ကော်မတီတစ်ရပ် ဖွဲ့စည်းရန် သဘောတူခဲ့ပြီး ယင်းကော်မတီအတွက် အကြံပေးတစ်ဖွဲ့ ဖွဲ့စည်းရန် ပါ သဘောတူခဲ့သည်။

နိုင်ငံလုံးဆိုင်ရာ အပစ်ခတ်ရပ်စဲရေး လက်မှတ် ရေးထိုးရာတွင်လည်း အားလုံးပါဝင်မှ လက်မှတ်ရေးထိုးမည် ဟူသည့် မူဝါဒကို ဆက်လက် ထားရှိရန် သဘောတူထားကြောင်းလည်း ဦးဆန်အောင်က ပြောသည်။

The Ladies News Journal
https://www.facebook.com/News.TheLadies


ဆော်ဒီတော်ဝင်မိသားစုမှ မလေးရှားဝန်ကြီးချုပ် နာဂျစရာဇတ်၏ ဘဏ်စာရင်းထဲသို့ ဒေါ်လာ ၆၈၁ သန်းလွှဲခြင်းမှာ မေတ္တာလက်ဆောင်အဖြစ် ပေးခြင်းသာဖြစ်ပြီး အကျင့်ပျက်လာဘ်စားမှုသော်လည်းကောင်း၊ ရာဇ၀တ်ပြစ်မှုသော်လည်းကောင်း တစုံတရာ ကျုးလွန်ခြင်းမရှိကြောင်း မလေးရှား ရှေ့နေချုပ်က ဇန်န၀ါရီ ၂၆ ရက်က ပြောသည်။

“ဒီငွေတွေဟာ လာဘ်ပေးလာဘ်ယူကိစ္စနဲ့ ကင်းရှင်းကြောင်း တွေ့ရှိချက်အပေါ် ကျေနပ်မှုရှိပါတယ်။ ဘာကြောင့် ဒီငွေတွေ ပေးသလဲဆိုတာ မသိရဘူး။ ဒါဟာ ၀န်ကြီးချုပ် နာဂျစ်၊ ဆော်ဒီမိသားစုတို့နဲ့သာ သက်ဆိုင်ပါတယ်”ဟု ရှေ့နေချုပ် မိုဟာမက်အာပန်ဒီအလီ က သတင်းစာရှင်းလင်းပွဲတွင် ပြောကြားသည်။

မလေးရှားနိုင်ငံ အကျင့်ပျက်ခြစားမှုတိုက်ဖျက်ရေးအေဂျင်စီသို့ သတင်းပေးချက်နှင့်ပတ်သက်ပြီး ပြုလုပ်ခဲ့သော စုံစမ်းစစ်ဆေးမှု သုံးခုနှင့်ပတ်သက်၍ ပြစ်မှု တစုံတရာ ကျုးလွန်းခြင်း မရှိကြောင်းတွေ့ရှိခဲ့ရပြီး ဆက်လက်စုံစမ်းမှု ပြုလုပ်တော့မည်မဟုတ်ကြောင်း ၎င်းက ပြောသည်။ ယင်းအပြင် အဆိုပါ ငွေများအနက် အသုံးမပြုဘဲကျန်ရှိသည်ဆိုသော ဒေါ်လာ သန်း ၆၂၀ ကို ၀န်ကြီးချုပ် နာဂျစ်က ဆော်ဒီမိသားစုထံ ပြန်လည် လွှဲပြောင်းပေးခဲ့ပြီးဖြစ်ကြောင်းလည်း ၎င်းက ပြောသည်။

မလေးရှားအစိုးရပိုင် 1MDB ရင်နှီးမြှပ်နှံမှုကုမ္ဗဏီသည် ဒေါ်လာ ဘီလီယံနှင့်ချီ၍ အကြွေးတင်နေသည်ဆိုသော သတင်းနှင့်အတူ လွန်ခဲ့သော ဇူလိုင်လက ထွက်ပေါ်လာသော အဆိုပါ ငွေလှူဒါန်းမှုသတင်းကြောင့် ၀န်းကြီးချုပ်နာဂျစ် အပြင်းအထန် ဝေဖန်ခံရလျက်ရှိသည်။ ယင်သို့ အကြီးအကျယ် စွပ်စွဲပြစ်တင်ခံနေရသော်လည်း မလေးရှား ၀န်ကြီးချုပ် နာဂျစ်ရာဇတ်က ၎င်းအနေနှင့် မည်သည့်အပြစ်မှ ကျုးလွန်ခဲ့ခြင်းမရှိကြောင်း ရာထူးမှနုတ်ထွက်ပေးရန် အကြောင်းမရှိကြောင်း ငြင်းဆိုထားသည်။

Ref;Al Jazeera
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ချစ်သူရည်းစား၏ ရုပ်ရည်ရူပကာကို အခြားအမျိုးသားတဦးက လူမှုမီဒီယာပေါ်၌ ချီးမွှမ်းပြောဆိုသည်ကို တွေ့ရှိပြီးနောက် မနာလိုဝန်တိုဖြစ်ကာ အသက် ၅၂ နှစ်အရွယ် အမျိုးသားက အသက် ၂၈ နှစ်အရွယ်
အမျိုးသမီးအား ရဲတင်းဖြင့် တိုက်ခိုက်မှု ဇန်န၀ါရီ ၂၁ ရက်က မလေးရှားတွင် ဖြစ်ပွားခဲ့သည်။

လူမှုကွန်ရက်ပေါ်မှ အဆိုပါ ချီးမွှမ်းပြောဆိုမှုနှင့်ပတ်သက်၍ ၎င်းတို့ နှစ်ဦး အပြင်းအထန် အချင်းများခဲ့ကြသည်။ အမျိုးသားဖြစ်သူသည် ၀န်တိုစိတ်မွှန်ကာ ချစ်သူ၏ ခြေ၊ လက်များကို ရဲတင်းအနှောင့်ဖြင့် ထုရိုက်ခဲ့ကြောင်း၊ ယင်းနောက် နေအိမ်မှ မောင်းထုတ်ခဲ့ကြောင်း၊ တိုက်ခိုက်ခံရသူ အမျိုးသမီး၏ ယာဘက်မျက်လုံး ယောင်ရမ်း၍ လက်နှစ်ဘက်တွင်လည်း ပွန်းပဲ့ဒဏ်ရာများ ရရှိခဲ့ကြောင်း ခရိုင်ရဲမှူးကြီး ၀ါဟိဒ် က ပြောသည်။

“မိန်းကလေးငြင်းပေမယ့် သူမမှာ နောက်ထပ်ချစ်သူတယောက် ရှိတယ်လို့ ထင်နေတာ”ဟု ရဲမှူးကြီးက ပြောသည်။ အဆိုပါ စုံတွဲသည် လက်မထပ်ဘဲ အတူနေထိုင်လျက်ရှိသည်မှာ နှစ်နှစ်ခန့်ရှိပြီဖြစ်ပြီး ၎င်းတို့တွင် လေးလအရွယ် သမီးကလေးတဦးရှိကြောင်း The New Straits Times က ဖော်ပြသည်။

ပြစ်မှုကျုးလွန်သူအမျိုးသား ထွက်ပြေးတိမ်းရှောင်နေဆဲဖြစ်ပြီး ၎င်းသည် မူးယစ်ဆေးဝါးမှု၊ ခိုးမှု၊ ခြိမ်းခြောက်မှုများဖြင့် ဖမ်းဆီးခံရဖူးသူဖြစ်ကြောင်း သိရသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


(ဓာတ်ပုံမှာ မောင်စောနိုင်အား ဆရာဝန်ထံတွင် ပြသနေစဉ်)
နိရဉ္စရာ၊ ဇန်န၀ါရီ ၂၆

ရခိုင်ပြည်နယ် ရသေ့တောင်မြို့နယ် စေတီပြင်ကျေးရွာမှ အသက် (၁၉) နှစ် အရွယ် လူငယ်တစ်ဦးအား ဇန်န၀ါရီလ ၂၄ ရက်နေ့က နယ်ခြားစောင့် တပ်ဖွဲ့ဝင် သုံးဦးက အကြောင်းမဲ့ ရိုက်နှက် ထိုးကြိတ်သဖြင့် ခြေထောက်နှင့် ဦးခေါင်းတွင် ဒဏ်ရာ ရရှိသွားပြီး ယခုအခါ ဆရာဝန်ထံ သွားရောက်ပြသနေရ သည်ဟု သတင်း ရရှိသည်။

ရိုက်နှက် ထိုးကြိတ်ခံရသည့် လူငယ်မှာ (ဘ) ဦးမောင်ကောင်းစံ၊ (မိ) ဒေါ်မသိန်းနုတို့ ၏သား မောင်စောနိုင် (၁၉) နှစ်ဖြစ်သည်။

“ ကျွန်တော် ချွတ်ပြင်တံတားနားမှာ စက်လှေ စက်ပျက်တဲ့ အတွက် စေတီပြင်ရွာကို ပစ္စည်းတွေ ယူပြီး စက်ကို ပြန်ပြင်ပါတယ်။ အဲဒီစက်လှေနားမှာ နယ်ခြားစောင့်တပ်က တပ်သား တစ်ဦးရှိနေပါတယ်။ ဒီရေကျနေတော့ ဒီရေ အမှီကျွန်တော်က ရွာကိုပြန်မယ်ဆိုပြီး စက်လှေ ထွက်တော့ မထွက်ရဘူးဆိုပြီး ပြောပါတယ်။ အစကတည်းက မထွက်ရဘူးဆိုရင်လည်း မထွက်ရဘူးလို့ မပြောပါ။ ကမ်းကခွာပြီးမှ မထွက်ရဘူးဆိုပြီး ပြောပါတယ်။ ကျွန်တော်ကလည်း စက်လှေပေါ်မှာ တစ်ယောက်တည်းဆိုတော့ စက်ရပ်ရမလား၊ ကမ်းကပ်ရမလားနဲ့ အလုပ်ရှုပ်သွားပါတယ်။ သူက မရမနေ ခေါ်တော့ ကျွန်တော်က စက်လှေကို မရမနေ ပြန်ကပ်ပါတယ်။ ပြန်ကပ်တာနဲ့ ဓနိပင် အရိုးတံနဲ့ ပထမ ရိုက်ပါတယ်။ နောက်ထပ် နယ်ခြားစောင့် တပ်သားနှစ်ဦး မော်တော် ဆိုင်ကယ်နဲ့ ရောက်လာပြီး ကျွန်တော်ကို ၀ိုင်းဝန်းရိုက်နှက်ကြပါတယ်။ ဦးခေါင်းနဲ့ ခြေထောက်မှာ ဒဏ်ရာ ရသွားတဲ့ အတွက် အခု ဆရာဝန်ဆီ မှာ ပြသနေရပါတယ်” ဟု အရိုက်ခံရသူ မောင်စောနိုင်က နိရဉ္စရာသို့ ပြောဆိုသည်။

၎င်းပြင် စက်လှေတွင် လိုင်စင်ပါသလား၊ ဘယ်သူ့ စက်လှေ လည်း မေးမြန်းကြောင်း၊ မောင်စောနိုင်မှ စက်လှေတွင် လိုင်စင်ရှိသော စက်လှေ ဖြစ်ပါကြောင်း၊ နိုင်ငံတော်ကို ပုံမှန်အခွန်ဆောင်ပြီး လုပ်ကိုင် စားသောက်နေခြင်း ဖြစ်သည်ဟု ပြောဆိုကြောင်း၊ နောက်ပိုင်းတွင် ရိုက်နှက်သတ်ပုတ်မှုအတွက် နယ်ခြားစောင့် တပ်ဖွဲ့ဝင်သုံးဦး မှ တောင်းပန်သည်ဟု ပြောကြားကြောင်း သူကဆိုသည်။

နယ်ခြားစောင့်ရဲတပ်ဖွဲ့ဝင်များမှာ စေတီပြင်ရွာ စခန်းမှ ဖြစ်ကြပြီး နယ်ခြားစောင့် တပ်ဖွဲ့ဝင်များမှာ ကျေးရွာသူ ကျေးရွာသားများနှင့် ချစ်ခင်ရင်းနှီးစွာ နေထိုင်ကြသူများ ဖြစ်ကြပြီး ယခုလို အနိုင်ကျင့် ရိုက်နှက်မှု ဖြစ်ပွားခြင်း အပေါ် အများက နားမလည်အောင် ဖြစ်နြေ ကသည်ဟု ဆိုသည်။

အဆိုပါ ကိစ္စနှင့် ပတ်သက်ပြီး စက်လှေပိုင်ရှင် အမျိုးသမီး က စေတီပြင် ကျေးရွာ နယ်ခြားစောင့်တပ်ဖွဲ့ စခန်းမှူး တင်ထွန်းဦးအား သွားရောက်တိုင်ကြားထားသော်လည်း တစ်စုံတစ်ရာ အရေးယူဆောင်ရွက်ပေးခြင်း မရှိသေးကြောင်း သိရသည်။

အဆိုပါ ကိစ္စနှင့် ပတ်သက်ပြီး နိရဉ္စရာသတင်းဌာနမှ ဇန်န၀ါရီလ ၂၆ ရက်နေ့ နံနက်က အဆိုပါ စခန်းသို့ ဆက်သွယ်မေးမြန်းရာ ဖုန်းလက်ခံ ခဲ့သော်လည်း နောက်ပိုင်းတွင် ဖုန်းပြတ်တောက်သွားခဲ့ပြီး ဆက်လက် မေးမြန်းသော်လည်း ဆက်သွယ်ရေးပြင်ပ ဧရိယာသို့ ရောက်နေသည်ဟု ဖုန်းထဲက အကြောင်း ပြန်သဖြင့် မေးမြန်းနိုင်ခြင်း မရှိခဲ့ပါ။

စေတီပြင် ကျေးရွာ အုပ်ချုပ်ရေးမှူးသို့ ဆက်သွယ်မေးမြန်းရာ အခင်းဖြစ်ပွားမှုမှာ မှန်ကန်ကြောင်း ပြောဆိုပြီး သူအား တရားဝင် တိုင်ကြားခြင်း မရှိသေးကြောင်း ပြောကြားသည်။

Arakan State
https://www.facebook.com/NarinjaraNews/

ဇန်နဝါရီ ၂၅ ရက်နေ့က ကချင်ပြည်နယ် ဖားကန့်မြို့နယ်အတွင်း စွန့်ပစ်မြေဇာပုံ ပြိုကျနေသည့်မြင်ကွင်း (ဓာတ်ပုံ- MOI)
    ရန်ကုန်၊ ဇန်နဝါရီ ၂၆ ရက် (ဆင်ဟွာ)

    ကချင်ပြည်နယ် ဖားကန့်မြို့နယ် လုံးခင်း ကျေးရွာအုပ်စု အနီးတွင် ရေမဆေးကျောက် ရှာဖွေနေသော လုပ်သား ၁၀၀ ခန့် အလုပ် လုပ်နေချိန်၌ စွန့်ပစ် မြေဇာပုံ နှစ်ပုံဆက်တိုက် ပြိုကျခဲ့ကြာင်း ဖားကန့်တွင် မြေဇာပုံ ပြိုကျရာ၌ ကယ်ဆယ်ရေး လုပ်ကိုင်သူများထံမှ သိရသည်။

ဆိပ်မူ (ဆိုင်းတောင် ) ကျေးရွာအုပ်စု ဥရုချောင်း အနောက်ဘက်ကမ်းရှိ ဆွတ်အောင်ကျေးရွာနှင့် ရှမ်းစုကျေးရွာကြားရှိ တစ်သုံးလုံး ကုမ္မဏီစွန့်ပစ်မြေဇာပုံသည် ဇန်နဝါရီလ ၂၅ ရက် ညနေ ၃ နာရီ ရေမဆေးကျောက် လုပ်သားများ အလုပ်လုပ်ကိုင်နေချိန် ပြိုကျခဲ့ကြောင်း အဆိုပါ မြေဇာပုံပြိုကျရာမှ လွတ်မြောက်လာသူ တစ်ဦးက ပြောကြားသည်။

“ မြေဇာက နှစ်ပုံပြိုသလိုဖြစ်သွားတာဗျ ။ တစ်သုံးလုံးကမြေဇာက ပြိုကျပြီး အောင်ဟိန်းမင်း မြေဇာပုံကို ခါးဖြတ်ရိုက်သလိုဖြစ်ပြီး အောင်ဟိန်းမင်းမြေဇာပုံလည်း ထပ်ပြိုကျပြီး နှစ်ပုံပေါင်း လူတစ်ရာလောက်ပါနိုင်တယ်” ဟု ၎င်းက ဆိုသည်။

ယင်း မြေဇာပုံပြိုကျမှုကို ကယ်ဆယ်ရေးပြုလုပ်ရာ၌  အလောင်း သုံးလောင်း ရှာဖွေတွေ့ရှိရကြောင်း နိုင်ငံပိုင် သတင်းစာတွင် ဖော်ပြထားသည်။

အဆိုပါ မြေဇာပုံပြိုကျမှုကြောင့် လူသေဆုံးမှုနှင့် ပျောက်ဆုံးစာရင်းကို ဖားကန့်ဒေသ အာဏာပိုင်များထံ အတည်ပြုရာတွင် ဖားကန့်ရဲစခန်းက အရာရှိတစ်ဦးက “ အလုပ်လုပ်ချိန်ကြီး ပြိုကျတယ်ဆိုတာ သိရတယ်၊ ကယ်ဆယ်ရေးတွေလည်း လုပ်နေတယ်၊ အသေအပျောက် သေချာပြောလို့မရသေးဘူး”ဟု ပြောသည်။

ဖားကန့်ဒေသ၌ စက်ယန္တရားကြီးများသုံးပြီး ကျောက်တူးနေသည့် ကျောက်တူးဖော်ရေး လုပ်ငန်းများက စွန့်ပစ်ထားသည့် မြေစာပုံပြိုကျမှုသည် ၂၀၁၅ ခုနှစ်အတွင်း ၉ ကြိမ်ရှိပြီး လူ၂၀၀ ခန့် သေဆုံးခဲ့သည်။

(Xinhua)
http://www.xinhuamyanmar.com





၂၆ .၁.၂၀၁၆

ယနေ့ နံနက် ၉း၀၀ နာရီက နေပြည်တော်ရှိ ပြည်ထောင်စု ရွေးကာက်ပွဲ ကော်မရှင်ရုံး တွင် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ဦးဆောင်သော အဖွဲ့ နှင့်  ပြည်ထောင်စု ရွေးကာက်ပွဲ ကော်မရှင်ဥက္ကဋ္ဌ ဦးတင်အေး ဦးဆောင်သော ကော်မရှင်အဖွဲဝင်များ တွေဆုံ  ဆွေးနွေး ခဲ့ကြသည်။

တွေ့ ဆုံမှု့ မှာ တစ်နာရီ ခန့်ကြာမြင့်ခဲ့ပြီး တွေ့ ဆုံပွဲသို အဖွဲ့ချုပ် ဥက္ကဋ္ဌ နှင့် အတူ ပြည်သူလွှတ်တော်ကိုယ်စားလှယ် အဖွဲ့ချုပ် ဗဟိုအလုပ်အမှု့ ဆောင်ဦးဝင်းမြင့်၊ ဒေါက်တာဇော်မြင့်မောင်၊ ဗဟိုကော်မတီဝင်ဦးဖြိုးဇေယျာသော် နှင်ဒေါက်တာ ဒေါ်တင်မာအောင်တို့ တက်ရောက်ခဲ့ ကြသည်။

NLD Chairperson
https://www.facebook.com/NLD-Chairperson


ဇန်နဝါရီ ၂၆ ရက်၊ ၂၀၁၆ ခုနှစ်။ နန်းဝေဖြိုးဇာ

ကရင်ပြည်နယ်၊ ဖားအံမြို့နယ်၊ တရုတ်လှကျေးရွာရှိ ဓမ္မဝိဟာရ တောရကျောင်း၌ သာသနာပြုအဖြစ် လာရောက်သီတင်းသုံးနေသည့် ဆရာလေး ဒေါ်သုနန္ဒာမှ ၇ ရက်သားသမီးများကို သစ္စာအဓိဌာန်ရေစင်ဖြင့် ကုသပေးနေရာ ဇန်နဝါရီ ၁၉ မှ ၂၅ရက်နေ့အထိ လူတစ်သောင်းကျော် ကုသမှုလာရောက်ခံယူနေသည်ဟု ယင်းကျောင်းထိုင် ဆရာတော်အရှင်ပုညာနန္ဒက ကေအိုင်စီသို့ မိန့်ကြားသည်။

အဆိုပါ ဆရာလေးထံသို့ ကရင်ပြည်နယ် အနယ်နယ်အရပ်ရပ်မှ ၉၆ ပါး ဝေဒနာ ခံစားနေရသူအများအပြား နေ့စဉ် တိုးဝှေ့လာရောက်ကုသနေပြီး ဆရာလေးက ယင်းလူနာများကို ဆေးထိုး၊ ဆေးလိမ်းကုသပေးခြင်းမျိုး မဟုတ်ဘဲ ဂါထာတော် ရွတ်ဖတ်ပေးကာ သစ္စာအဓိဌာန်ရေစင်သာ တိုက်ပေးခြင်းဖြစ်သည်ဟု ဆရာတော်အရှင် ပုညာနန္ဒက ကေအိုင်စီသို့ ယခုလို မိန့်ကြားသည်။

“ဦးဇင်းဒါကာတစ်ယောက်က စကားမပြောတတ်ဘူး။ ဆရာလေးဆီသွားတော့ ဆရာလေးက သစ္စာရေမန်း တိုက်လိုက်တာ စကားပြောလာနိုင်တယ်။ ဒါကြောင့် ကိုယ့်ကရင်ပြည်နယ်ထဲက အဲလိုရောဂါသည်တွေကို ပျောက်အောင် ကရင်ပြည်နယ်ကိုလည်း လာရောက်ကုပါလို့ ဦးဇင်းတို့ သွားပင့်ပြီး လာကုခိုင်းတာ ဖြစ်တယ်။ လူနာတွေ တော်တော်လာကြတယ်။ တချို့ဆရာဝန်တွေနဲ့ လိုက်ကုတာ မပျောက်လို့ ဆရာလေးဆီမှာ လာကုတာ သက်သာတယ်ဆိုပြီး ရောဂါအခြေနေ ပြန်အကြောင်းပြန်တာ ရှိတယ်”ဟု ၎င်းက မိန့်ကြားသည်။

ထိုသို့ ကုသပေးရာတွင် ဆရာလေးက လူမျိုး၊ ဘာသာမရွေး အခမဲ့ကုသပေးခြင်းဖြစ်သလို သစ္စာအဓိဌာန် ပြုထားသည့် ရေများယူဆောင်သွားလိုသည့် လူများအတွက် တစ်ဗူးလျှင် ကျပ် တစ်ထောင်နှုန်းပေးရသည်ဟု လာရောက်ကုသမှုခံယူသူ လူနာများက ကေအိုင်စီသို့ ပြောသည်။

ဆရာလေးထံ လာရောက်ကုသမှုခံယူခဲ့သည့် မချောလှက “ကျမခြေထောက်ဒူးစစ်ကိုက်လို့ သွားကုတာ သီလ ရှင်က ကျမဒူးဆစ်ကိုင်ပြီး ဂါထာရွတ်တယ်။ ပြီးတော့ အဲဒီရေမန်းနဲ့ဘဲ လိမ်းပေးတယ်။ သောက်တယ် တကယ်ပဲ သက်သာလာတယ်။ လာတဲ့ လူနာတွေက အစုံပဲ။ လမ်းမလျှောက်တတ်တဲ့ လူနာတွေဆို ထမ်းပြီးတော့ လာကြ တယ်။ တချို့က ဆေးရုံကနေဆင်းပြီး ဒီမှာ လာတယ်။ လူတွေ ပွဲထက်တောင် စည်နေတယ်”ဟု ကေအိုင်စီသို့ ပြောသည်။

အဆိုပါ သီလရှင် ဆရာလေးသည် မကွေးတိုင်းဒေသကြီး၊ နတ်မောက်မြို့နယ်၊ နာမ်ချွန်၊ နာမ်ထူး၊ နာမ်မြင့် တောရကျောင်းမှ ကြွရောက်လာခြင်းဖြစ်ကာ ယင်းဓမ္မဝိဟာရ တောရကျောင်းတိုက်၌ ဇန်နဝါရီ ၁၉ မှ ၂၇ ရက်နေ့အထိ ရောဂါကုသပေးမည်ဖြစ်သလို သီလရှင်ဆရာလေးအနေဖြင့် အခြားတိုင်းဒေသကြီးများသို့ ကြွရောက် ကုသပေးမှု အကြိမ် ၁၀၁ ကြိမ်ရှိပြီးဖြစ်ကြောင်း သိရသည်။

 နန်းဝေဖြိုးဇာ
KIC - ကေအိုင်စီ
http://kicnews.org


ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပျဉ်းမပင်ကျေးရွာအုပ်စုမှာရှိတဲ့ ရွာ ၃ ရွာက အိမ်ခြေ ၈၀၀ ကျော်ကို ဒီကနေ့ ဇန်နဝါရီလ ၂၆ ရက်နေ့ မနက် ၇ နာရီလောက်ကစပြီး လူအင်အား၊ ရဲအင်အားတွေနဲ့ ဖယ်ရှားခဲ့ကြပါတယ်။

လယ်မြေဧက ၅၀၀ ကျော်ကို မြန်မာစီးပွားရေး ဦးပိုင်လီမီတက်က ပိုင်တဲ့မြေတွေဖြစ်တယ်ဆိုပြီး ရွာသူရွာသားတွေကို သက်ဆိုင်ရာက မနေ့က ပြောင်းရွှေ့ပေးဖို့ အမိန့်ထုတ်ခဲ့ပါတယ်။ လက်ရှိအခြေအနေမှာ ဒေသခံတွေ နေထိုင်စရာမရှိဘဲ အိုးမဲအိမ်မဲ့ ဖြစ်နေတယ်လို့ သိရပါတယ်။

Photo Aung Thain Kha/ RFA
RFA Burmese
https://www.facebook.com/RFA-Burmese

Author Name

Contact Form

Name

Email *

Message *

Powered by Blogger.