01/28/16


မလေးရှားနိုင်ငံမှာ သွားရောက် အလုပ်လုပ်ကိုင်မယ့် သူတွေအတွက် ဗီဇာကြေးကို  ပြီးခဲ့တဲ့တပတ်ကျော်ကစပြီး နိုင်ငံခြားရေးဝန်ကြီးဌာန လက်အောက်မှာရှိတဲ့ ဗီဇာဌာနကနေ ၆ ဒေါ်လာကနေ ၅၇ ဒေါ်လာအထိ တိုးမြှင့်လိုက်တဲ့အတွက် လူတင်ပို့တဲ့ ကုမ္ပဏီတွေကြားမှာ မကြေလည်မှုတွေ ဖြစ်ပွားခဲ့ပါတယ်။

လူတင်ပို့တဲ့ အေဂျင်စီတွေက ဆန္ဒပြမှုတွေလုပ်ဖို့အထိ တင်မားမှုတွေ ဖြစ်ခဲ့တဲ့ ဗီဇာကြေး ၁၀ ဆတိုးမြှင့်သွားတဲ့ကိစ္စကတော့ အခုအခါမှာ အတည်ဖြစ်သွားပါပြီ။ ဒါဟာ မလေးရှား နိုင်ငံခြားရေးဝန်ကြီးဌာနဘက်က ဆုံးဖြတ်ချက်သာ ဖြစ်တယ်လို့ မြန်မာနိုင်ငံ အလုပ်သမားဝန်ကြီးဌာန က ပြောပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပိုထားပါတယ်။

မလေးရှားမှာ သွားရောက်မယ့် အလုပ်သမားတွေနဲ့ အလည်အပတ် သွားသူတွေအားလုံးဟာ ဗီဇာကြေး ၅၇ ဒေါ်လာ ပေးဆောင်ရမှာ ဖြစ်တယ်လို့ ပြည်ထောင်စု မြန်မာနိုင်ငံတော် အလုပ်သမား အလုပ်အကိုင်နဲ့ လူမှုဖူလုံရေးဝန်ကြီးဌာန အမြဲတမ်း အတွင်းဝန်လည်းဖြစ် အလုပ်သမားညွှန်ကြားမှု ဦးစီးဌာနရဲ့ ညွှန်ကြားရေးမှူးချုပ်လည်းဖြစ်တဲ့ ဦးမျိုးအောင် က ပြောပါတယ်။

“၅၇ ဖြစ်သွားတာပေါ့။ ၆ ဒေါ်လာကနေ ၅၇ ဒေါ်လာ။ ကျနော်တို့က မလေးရှားနိုင်ငံခြားရေးဝန်ကြီးဌာနကိုလည်း စာပို့ပြီးပြီ။ သံအမတ်ကြီးကိုလည်း ဒုတိယ၀န်ကြီးက သွားရောက် ဆွေးနွေးပြီးပြီပေါ့နော်။ မလေးရှား နိုင်ငံခြားရေး ၀န်ကြီးကတော့ နည်းနည်းပဲ ပါတယ်။ အဓိကကတော့ သူတို့က ရွှေ့ပြောင်းအလုပ်သမားတွေကိစ္စက ပြည်ထဲရေးဌာနက လုပ်တာပေါ့နော်။ နောက်ပြီးတော့ မြန်မာတနိုင်ငံတည်းကိုလည်း လုပ်တာ မဟုတ်ဘူးပေါ့နော်။ သူတို့ နိုင်ငံအားလုံးကို လုပ်တာပေါ့။ ဒါတွေကတော့ လောလောဆယ်တော့ ဒီနှုန်းပေါ့။ ဒါပေမဲ့ ကျနော်တို့ကတော့ ဈေးနှုန်းတွေ လျှော့ဖို့ ဘာညာ ဒါတွေကျတော့ မြန်မာနိုင်ငံမှာရှိတဲ့ မလေးရှားနိုင်ငံဆိုင်ရာ သံအမတ်ကြီးကို ဒါလည်း သွား ဆွေးနွေးထားပြီးပြီပေ့ါ။”

ပညာ/ကျန်းမာခွင့်ပြုမိန့် ကျပြီးသား ၁/၂၀၁၆ ထိ ဗီဇာမ၀င်ရသေးတဲ့ အေဂျင်စီ ၉၂ ခုက အလုပ်သမား ၃,၀၀၀ ကျော်ကိုသာ အရင်နှုန်းထားအတိုင်း ၆ ဒေါ်လာနဲ့သာ လက်ခံသွားမှာ ဖြစ်တယ်လို့လည်း ဦးမျိုးအောင် က ဆက်ပြောပြပါတယ်။

“နောက်ဆုံး ကျနော်တို့က OSC ခေါ်တာပေါ့နော်။ One Source Service Center လုပ်မယ့် အဖွဲ့နဲ့ ကျနော်တို့ ၀န်ကြီးဌာန အေဂျင်စီအသင်းချုပ်ပါ ခေါ်ပြီးတော့ ကျနော်တို့ ညှိတယ်လေ။ ညှိပြီးတော့မှ ကျနော်တို့က အလုပ်သမား ၁ ယောက်သွားဖို့ဆိုရင် process က အနည်းဆုံး ၂ လလောက် ကြာတာကိုး။ ကျနော်တို့ ဒီမှာ ဒုတိယ၀န်ကြီး ဦးစီးပြီး အစည်းအဝေးထိုင်တယ်။ ပြည်ထောင်စုဝန်ကြီး အတည်ပြုချက်နဲ့ ကျနော်တို့က ပညာရေး၊ ကျန်းမာရေး၊ လူ့စွမ်းအားအရင်းအမြစ် ကော်မတီကို တင်တယ်။ ကော်မတီက ပြန်ကျလာတဲ့အခါမှာ ကျနော်တို့က ထွက်ခွာဖို့အတွက် သင်တန်းပေးတယ်။ ပြီးတော့မှ စမတ်ကဒ်လုပ်တယ်၊ ဗီဇာလျှောက်တယ်၊ လွှတ်တယ် ဆိုတော့ ကျနော်တို့ လုပ်ငန်းစဉ်က ၂ လနီးပါးကြာတယ်လေ။ သူတို့ မကြေညာခင်ကတည်းက ဒီလိုဟာတွေ ဖြစ်နေတဲ့အတွက် အဲဒါတွေနဲ့ ပတ်သက်ပြီး ကျနော်တို့က သက်ဆိုင်ရာ OSC ခေါ်တာပေါ့နော်။ အဲဒီက တာဝန်ခံတွေနဲ့ ဆွေးနွေးတဲ့အခါ သူတို့ကတော့ အဲဒီလုပ်ငန်းစဉ်ထဲမှာ ၀င်နေပြီးသား ခုနက ပညာရေး၊ ကျန်းမာရေး၊ လူ့စွမ်းအား အရင်းအမြစ် ကော်မတီကနေပြီးတော့မှ အတည်ပြုပြီးတဲ့ အလုပ်သမားတွေပေါ့ ဒါတွေကို သူတို့ကတော့ အရင် ဗီဇာကြေးနဲ့ရအောင် ပြန်လုပ်ပေးမယ်ပေါ့နော်။ အဲ့ဒါကတော့ ကျနော်တို့ ညှိနှိုင်းထားပြီးပါပြီ။”

ဒီလိုပေးဆောင်ဖို့အတွက် ဇန်န၀ါရီလ ၁၈ ရက်နေ့ကတည်းက ဆုံးဖြတ်ချက်ကျထားပေမဲ့ ဒါကို လက်မခံလိုတဲ့ အေဂျင်စီတချို့က ဆန္ဒပြဖို့ စီစဉ်ခဲ့တာပါ။ ဒါပေမဲ့ ဒါကို အလုပ်သမား ၀န်ကြီးဌာနဘက်က ဆွေးနွေးပေးပါမယ်ဆိုပြီး ပြောခဲ့တာကြောင့် ဆန္ဒပြဖို့ အစီအစဉ် ရပ်နားခဲ့ရတယ်လို့ ဆန္ဒပြဖို့ စီစဉ်ခဲ့သူတဦးက ပြောပြပါတယ်။

“အေဂျင်စီတွေအကုန်လုံး အစည်းအဝေးခေါ်လိုက်တယ် တရက်။ ခေါ်ပြီးတော့ ဒီ OSC ကုမ္ပဏီကိုပေါ့နော် ငြိမ်းချမ်းစွာ ဆန္ဒပြမယ်ဆိုပြီးတော့ မလေးရှားသံရုံးကိုသွားပြီး ဆန္ဒပြမယ်ဆိုပြီးတော့ စာတင်လိုက်တယ်။ တင်လိုက်တော့ ပြည်ထဲရေးဝန်ကြီးက စာကျပေးတယ်။ ဆန္ဒပြခွင့်ပေးလိုက်တယ်။ ဒါပေမဲ့ အလုပ်သမားဝန်ကြီးဌာနက မပြပါနဲ့ဆိုပြီးတော့ ပိတ်တယ်။”

မြန်မာ ပြည်ပ အလုပ်အကိုင် ၀န်ဆောင်မှု လုပ်ငန်းရှင်များအဖွဲ့ချုပ်က ကုမ္ပဏီ ၈၀ ကျော်နဲ့ ဆွေးနွေးပွဲလုပ်ခဲ့ပြီး မလေးရှားနိုင်ငံကို အလုပ်သမားတွေ ပို့မယ့်ကိစ္စတွေကို ဆွေးနွေးခဲ့ပါတယ်။ ဆွေးနွေပွဲအပြီး အင်္ဂါနေ့က ထုတ်ပြန်ချက်ထဲမှာတော့ ပညာ/ကျန်းမာ ခွင့်ပြုမိန့် ကျပြီးသား လူ ၃၀၀၀ ကျော်ကိုတော့ အမြန်ဆုံး ဗီဇာဝင်ခွင့်ရရှိဖို့ လုပ်ဆောင်သွားမယ်လို့ ဆိုထားပါတယ်။

မလေးရှားကို အလုပ်သမားနေတဲ့ ကုမ္ပဏီ ၂၀၀ ကျော်ရှိပြီး၊ ဒီအထဲက ကုမ္ပဏီတ၀က်လောက်က ဗီဇာကြေး တိုးမြှင့်ကောက်ခံတဲ့ကိစ္စကို သဘောမတူတာတွေ ရှိနေတယ်လို့လည်း မလေးရှားကို အလုပ်သမားတင်ပို့နေတဲ့ အေဂျင်စီနဲ့ နီးစပ်သူတွေက ဆိုပါတယ်။ အခုဆိုရင် ဂျပန်နိုင်ငံကလည်း အလုပ်သမားတွေ ခေါ်ယူတာတွေ ရှိနေပြီဖြစ်တဲ့အတွက် ဂျပန်နိုင်ငံကိုလည်း အလုပ်သမားတွေ စေလွှတ်လို့ ရနိုင်တယ်လို့လည်း ပြောကြပါတယ်။

ဗီဇာကြေး မတိုးခင်ကတော့ မလေးရှားကို သွားရောက် အလုပ်လုပ်ကိုင်သူပေါင်း တလကို ၃၀၀၀ကျော်ကနေ ၄၀၀၀ ၀န်းကျင်ထိ ရှိတယ်လို့လည်း အလုပ်သမား ညွှန်ကြားမှုဦးစီးဌာန ကလည်း ပြောဆိုခဲ့ပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်က ကျောင်းသူတစ်ဦးဖြစ်သူ မပိုပို ကိုတွေ့ရစဉ် Photo: RFA
 သာယာဝတီထောင်မှာ ဖမ်းဆီးခံထားရတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် တွဲဖက် အတွင်းရေးမှူး ကိုမင်းသွေးသစ် အပါအဝင် အရှေ့ပိုင်းခရိုင်သမဂ္ဂဝင် ကျောင်းသား ၁ဝ ယောက်ကို ခွင့်ပြုချက်မယူဘဲ ဆန္ဒပြမှု ပုဒ်မ (၁၈) နဲ့ သံလျင်မြို့မရဲစခန်းက အမှုဖွင့်လိုက်ပါတယ်။

အစိုးရရေးဆွဲထားတဲ့ ပညာရေးဥပဒေမူကြမ်းကို ၂ဝ၁၄ ခုနှစ် သြဂုတ်လက ကန့်ကွက်ဆန္ဒပြတဲ့ အတွက် အမှုဖွင့်ခံရကြောင်း၊ ဒီအမှုအတွက် တရားရုံးလာဖို့ ဆင့်ခေါ်စာကို အခုလ ၂၆ ရက်နေ့ ရက်စွဲနဲ့ လက်ခံရရှိခဲ့ကြောင်း အမှုဖွင့်ခံရသူထဲမှာ ပါဝင်တဲ့ မပိုပို (ခေါ်) မရတနာဆုပိုခိုင် က RFA ကိုပြောပါတယ်။

"ကျမတို့ သန်လျင်မှာ ၂၈ ရက် ၈ လပိုင်း ၂ဝ၁၄ တုန်းက ရန်ကုန် အရှေ့ပိုင်းတက္ကသိုလ်ရှေ့မှာ အမျိုးသားပညာရေးဥပဒေနဲ့ ပတ်သက်ပြီးတော့ ဆန္ဒပြတယ်၊ အဲ့ဒါနဲ့ပတ်သက်ပြီးတော့ ၁၈ ပုဒ်မတပ်တာရှင့်"

အမှုဖွင့်ခံသူတွေထဲမှာ ကိုမင်းသွေးသစ်၊ မပိုပိုနဲ့ သူ့ရဲ့အစ်မဖြစ်သူ မမြင့်မြင့်ခိုင် (ခေါ်) မအိပုံ၊ ကိုရဲမင်းဦးတို့ ပါဝင်တယ်လို့ ပြောပါတယ်။  မပိုပိုဟာ အမျိုးသားပညာရေးဥပဒေ ကန့်ကွက်ဆန္ဒပြတဲ့ ကျောင်းသားသပိတ်မှာ ပါဝင်တဲ့အတွက် ဆူပူအောင်လှုံ့ဆော်မှု အပါအဝင် ပုဒ်မ (၅) ခုနဲ့ တရားစွဲခံထားရလို့ အာမခံနဲ့ နေထိုင်ရ တဲ့ ကျောင်းသူဖြစ်ပါတယ်။
[youtube src="p-wCxiAHGQQ"/]
RFA Burmese
http://www.rfa.org/burmese

ရန်ကုန်မြို့ရှိ ရုံးခန်းတစ်ခုအတွင်းမှာတပ်ဆင်ထားတဲ့ လုံခြုံရေးကင်မရာ CCTV တစ်လုံးကို တွေ့ရစဉ် Photo: RFA
မြန်မာနိုင်ငံမှာ အကြမ်းဖက်လုပ်ရပ် နှိမ်နင်းရေး ဆောင်ရွက်ချက် တစ်ရပ်အနေနဲ့ ဒီနှစ်အတွင်း CCTVခေါ် လုံခြုံရေးဆိုင်ရာ စောင့်ကြည့်မှတ်တမ်းယူ ကင်မရာတွေ အများအပြား တပ်ဆင်သွားဖို့ စီစဉ်ထားတယ်လို့ ရဲတပ်ဖွဲ့က ပြောဆိုကြောင်း Channel News Asia သတင်း က ဖေါ်ပြပါတယ်။

အဲ့ဒီ CCTV ကင်မရာတွေ ထိန်းချုပ်ရေး ဗဟိုဌာနကို ရန်ကုန်မြို့မှာ ထူထောင်မှာဖြစ်ပြီး၊ အရာရှိတွေကို လည်း လေ့ကျင့်သင်တန်းပေးမယ်လို့ အကြမ်းဖက်မှု တိုက်ဖျက်ရေး ဗဟိုဌာန တွဲဖက်အတွင်းရေးမှူးလည်းဖြစ် ၊ နိုင်ငံစုံကျော် ရာဇဝတ်မှု တိုက်ဖျက်ရေး ရဲတပ်ဖွဲ့ အကြီးအကဲလည်းဖြစ်တဲ့ ဗိုလ်မှူးချုပ် စိုးမြိုင်က ပြောဆိုပါတယ်။

အင်ဒိုနိးရှား ဂျကာတာမှာ အကြမ်းဖက်သမားတွေ ဖေါက်ခွဲဖျက်ဆီးသွားခဲ့သလိုမျိုး မြန်မာနိုင်ငံမှာ မဖြစ်နိုင် အောင်ဆောင်ရွက်ရမှာပါ၊ အကြမ်းဖက်တိုက်ခိုက်မှုတွေကနေ ကာကွယ်ရေးအတွက် အတွေ့အကြုံလိုပါတယ်၊ မြန်မာနိုင်ငံမှာ ပြီးခဲ့တဲ့ သုံးလေးနှစ်က အကြမ်းဖက်ဗုံးခွဲမှုတချို့ ဖြစ်ပွားခဲ့ပေမဲ့၊ အဲဒါတွေက ပြည်တွင်းသောင်းကျန်းသူအဖွဲ့တွေရဲ့လက်ချက်သာဖြစ်ပါတယ်၊ ဒါကြောင့် တခြားနိုင်ငံတွေရဲ့ အတွေ့အကြုံတွေ၊ အထူးသဖြင့် အရှေ့တောင်အာရှ နိုင်ငံတွေက အတွေ့အကြုံတွေကို လေ့လာနေပါတယ် လို့ ပြောဆိုခဲ့တာပါ။

အခုလတ်တလောမှာတော့ ရန်ကုန်မြို့က လူစည်ကားရာ လမ်းတွေမှာ ရဲတပ်ဖွဲ့ ကင်းလှည့်တာမျိုး မမြင်ရ သလောက်ရှိနေပြီး၊ လူအများနဲ့ ပတ်သက်တဲ့နေရာတွေမှာလည်း လုံခြုံရေး ကင်မရာတွေ မရှိဘူးလို့ သတင်းမှာဖေါ်ပြထားပါတယ်။

RFA Burmese
http://www.rfa.org/burmese

 ဂျပန်နိုင်ငံ ​နိုင်ငံခြားရေး ​ဝန်ကြီး ​Fumio ​Kishida ​က ​NLD ​ဦးဆောင်တဲ့ ​အစိုးရသစ်ကို ​ထောက်ခံ ​ကူညီသွားမယ်လို့ ​ပြောဆိုလိုက်ပါတယ်။

ဂျပန်အနေနဲ့ ​ဖွံ့ဖြိုးရေး ​လုပ်ငန်းမှာ ​ကူညီမှာ ​ဖြစ်သလို ​ပုဂ္ဂလိကဆိုင်ရာ ​ရင်းနှီးမြုပ်နှံရေးတွေမှာ ​အရှိန်မြင့် ​ကူညီဆောင်ရွက်သွားမယ်လို့ ​ပြောခဲ့တာပါ။

ဂျပန်နိုင်ငံခြားရေး ဝန်ကြီး Fumio Kishida (Credit: ABC) 
အခုလောလောဆယ် ​NLD ​ပါတီရဲ့ ​စီးပွားရေး ​ပေါ်လစီမှာ ​အဓိက ​တာဝန်ယူတဲ့ ​ဦးမျိုးမြင့်ဦးဆောင်တဲ့ ​ကိုယ်စားလှယ်အဖွဲ့နဲ့ ​မနေ့တုန်းက ​တွေ့ဆုံမှုအတွင်း ​ဂျပန်နိုင်ငံခြားရေး ​ဝန်ကြီးက ​ပြောသွားခဲ့တာ ​ဖြစ်ပါတယ်။

NLD ​အစိုးရ ​လက်ထက်အတွင်း ​ငြိမ်းချမ်းရေးနဲ့ ​ဖွံ့ဖြိုးရေးက ​အရေးကြီးတဲ့ ​အချက်တွေ ​ဖြစ်ပြီး ​NLD ​စီးပွားရေး ​ကော်မတီနဲ့ ​ဂျပန်က ​နီးနီးကပ်ကပ် ​အလုပ်လုပ်သွားမယ်လို့ ​ဆိုပါတယ်။

ဦးမျိုးမြင့်ကလည်း ​မြန်မာအနေနဲ့ ​စိန်ခေါ်စရာတွေ ​အများကြီး ​ကြုံတွေ့ရတဲ့ ​ကာလဖြစ်တာကြောင့် ​ဂျပန်ဘက်က ​ကူညီမယ်ဆိုတာကို ​သိရတာ ​အားရတဲ့အကြောင်း ​ဂျပန်နဲ့ ​ဆက်ဆံရေး ​ပိုမိုတိုးတက်တာကို ​လိုလားပြီး ​မီဒီယာကနေတဆင့် ​ပွင့်လင်းတဲ့ ​ဆက်ဆံတွေ့ဆုံမှုမျိုးကို ​လိုလားတယ်လို့ ​ပြောသွားခဲ့ပါတယ်။

NLD ​ကိုယ်စားလှယ် ​အဖွဲ့ဟာ ​စနေနေ့အထိ ​ဂျပန်နိုင်ငံကို ​လည်ပတ်မှာ ​ဖြစ်ပြီး ​ဂျပန် ​ဘဏ္ဍာရေး ​ဝန်ကြီးနဲ့ ​တခြား ​ငွေရေးကြေးရေး ​အဖွဲ့အစည်းက ​ထိပ်တန်း ​အရာရှိတွေအပြင် ​ကူညီထောက်ပံ့ရေး ​အဖွဲ့တွေနဲ့လည်း ​တွေ့ဆုံခဲ့ပြီ ​ဖြစ်ပါတယ်။

ABC Radio Australia
http://www.radioaustralia.net.au/burmese


သြစတြေးလျနိုင်ငံက ​ဆယ်ကျော်သက်တွေ ​ဆေးလိပ်သောက်တဲ့ ​နှုန်းသိသိသာသာ ​လျော့ကျလာတဲ့အတွက် ​အနာဂတ်မှာ ​ဆေးလိပ်မသောက်တော့တဲ့ ​မျိုးဆက်သစ်တွေ ​ရှိလာနိုင်တယ်လို့ ​မျှော်လင့်နေကြပါတယ်။

လွန်ခဲ့တဲ့ ​ဆယ်စုနှစ် ​နှစ်ခုအတွင်း ​သြစတြေးလျ ​ဆယ်ကျော်သက်တွေ ​ဆေးလိပ်သောက်တဲ့နှုန်းက ​၂၀% ​လျော့ကျသွားတယ်လို့ ​ဆိုပါတယ်။

အရင်တုန်းက ​အသက် ​၁၂ ​နှစ်ကနေ ​၁၇ ​နှစ်ကြား ​လူငယ်တွေ ​ဆေးလိပ်သောက်တဲ့နှုန်းက ​၂၃.၅% ​ရှိခဲ့ပေမယ့် ​အခုအခါမှာ ​၆.၇% ​အထိ ​ကျဆင်းသွားတာ ​ဖြစ်ပါတယ်။

ဆေးလိပ်သောက်တဲ့နှုန်း ​ကျဆင်းရတာဟာ ​အစိုးရကနေ ​ဆေးလိပ်ဈေးကို ​အဆမတန် ​မြင့်တင်လိုက်တာတွေ၊ ​ပညာပေး ​အစီအစဉ် ​တိုးချဲ့တာတွေနဲ့ ​ဆေးလိပ်ဗူးတွေကို ​ဆွဲဆောင်မှု ​မရှိအောင် ​ရောင်စုံ ​အမှတ်တံဆိပ်တွေ ​သုံးခွင့်မပြုပဲ ​ဆေးလိပ်ဗူးခွံရဲ့ ​အရောင်ကို ​အစိမ်းပုတ်ရောင်ပဲ ​အားလုံး ​ထုတ်လုပ်ခိုင်းတဲ့အတွက် ​ဖြစ်တယ်လို့ ​သိရပါတယ်။

ဒါ့အပြင် ​ဆေးလိပ်မသောက်ရတဲ့ ​နေရာကို ​တိုးချဲ့လိုက်တာတွေနဲ့ ​အသက် ​၁၈ ​နှစ်အောက် ​သမားတွေကို ​ဆေးလိပ် ​မရောင်းချအောင် ​လိုက်လံစောင့်ကြည့်တာမျိုးတွေ ​လုပ်လို့ ​ဖြစ်တယ်လို့ ​ဆိုပါတယ်။

ငယ်ရွယ်တဲ့အချိန်မှာ ​ဆေးလိပ်မသောက်ရင် ​ကြီးလာတဲ့အခါမှာလည်း ​ဆေးလိပ်သိပ်သောက်ဖြစ်မှာ ​မဟုတ်တဲ့အတွက် ​သြစတြေးလျ ​နိုင်ငံ ​တစ်ခုလုံးရဲ့ ​ကျန်းမာရေး ​ကဏ္ဍအတွက် ​ဝန်ထုတ်ဝန်ပိုး ​ပေါ့ပါးစေမယ်လို့လည်း ​ပညာရှင်တွေက ​ဆိုပါတယ်။

ဆေးလိပ်နဲ့ ​ဆက်စပ်ပြီး ​ရောဂါအစုံဖြစ်လေ့ရှိတဲ့အတွက် ​ဆေးလိပ်သောက်တဲ့နှုန်း ​လျော့ကျသွားရင် ​ကျန်းမာရေးကဏ္ဍကို ​ဒေါ်လာ ​ဘီလီယံများစွာ ​သက်သာစေမယ်လို့ ​ပြောပါတယ်။

ဆေးလိပ်သောက်တဲ့ ​လူငယ်တွေ ​နည်းလာတာ ​သတင်းကောင်း ​ဖြစ်ပေမယ့် ​ဆေးလိပ် ​ကုမ္ပဏီအတွက် ​သတင်းဆိုး ​ဖြစ်တာကြောင့် ​ကုမ္ပဏီတွေက ​တခြားနည်းတွေနဲ့ ​လူငယ်တွေကို ​မြူဆွယ်မှာကို ​စိုးရိမ်ရတဲ့အတွက် ​စောင့်ကြည့်ဖို့လည်း ​သတိပေးနေကြပါတယ်။

ABC Radio Australia
http://www.radioaustralia.net.au/burmese


သာသနာ ညှိုးနွမ်းစေမှုဖြင့် အကျဉ်းကျခံနေရသည့် နယူးဇီလန်နိုင်ငံသား ဖိလစ်ဘလက်ဝုဒ်သည် ယခုလအတွင်း ထုတ်ပြန် ကြေညာခဲ့သည့် သမ္မတ ၏ လွတ်ငြိမ်းချမ်းသာခွင့်စာရင်းတွင် ပါဝင်ခဲ့သဖြင့် လွတ်မြောက်ခွင့်ရရှိခဲ့သော်လည်း သြစတြေးလျ လူဝင်မှုကြီးကြပ်ရေး ဥပဒေ အဟန့်အတားကြောင့် အကျဉ်းထောင်အတွင်း ဆက်လက်ရှိနေဆဲဖြစ်သည်။

ဘလက်ဝုဒ်သည် ဗုဒ္ဓဦးခေါင်းတောင်တွင် နားကြပ်တပ်ထားသည့် ပုံပါဝင်သော ဘားဆိုင်ကြော်ငြာကို ဖေ့စ်ဘုတ်တွင် တင်ခဲ့သဖြင့် ထောင်ဒဏ်ချမှတ်ခံခဲ့ရခြင်းဖြစ်ပြီး အင်းစိန်အကျဉ်းထောင်တွင် ၁၃ လကြာ အကျဉ်းကျခံပြီး ဖြစ်သည်။

သမ္မတလွတ်ငြိမ်းချမ်းသာခွင့်အရ လွတ်မြောက်ခွင့်ရရှိခဲ့သည့် ဘလက်ဝုဒ် သည် သြစတြေးလျနိုင်ငံ၊ ဆစ်ဒနီ မြို့မှတစ်ဆင့် နယူးဇီလန်နိုင်ငံသို့ ပြန်ရန် စီစဉ်ခဲ့သော်လည်း ထိုခရီးစဉ်ကို သြစတြေးလျအစိုးရက ပိတ်ပင်ခဲ့သဖြင့် အကျဉ်းထောင်အတွင်း ဆက်ရှိနေရခြင်း ဖြစ်သည်။

လွတ်ငြိမ်းချမ်းသာခွင့်တွင် ပါဝင်ကြောင်း သိရှိပြီးနောက် မြန်မာနိုင်ငံ ဆိုင်ရာ နယူးဇီလန် သံရုံးမှ တာဝန်ရှိသူများသည် ပြီးခဲ့သည့် သောကြာနေ့တွင် ဘလက်ဝုဒ်ထံ သွားရောက် တွေ့ဆုံကာ တနင်္လာနေ့တွင် မြန်မာနိုင်ငံမှ လေကြောင်းခရီးဖြင့် ထွက်ခွာရန်နှင့် အင်္ဂါနေ့တွင် နယူးဇီလန်သို့ ရောက်ရှိရန် စီစဉ်ထားကြောင်း ပြောကြားခဲ့သည် ဟု ဖိလစ်ဘလက်ဝုဒ်၏ ဖခင် ဘရိုင်ယန် ဘလက်ဝုဒ်က ဆိုသည်။

သို့သော် ဘလက်ဝုဒ်၏ ခရီးစဉ်တွင် ဆစ်ဒနီမြို့ကို ဖြတ်သန်း သွားရမည် ဖြစ်သဖြင့် ယင်း၏ ရာဇ၀တ်မှု မှတ်တမ်းအရ သြစတြေးလျ လူဝင်မှုကြီးကြပ်ရေး၏ တားဆီးခြင်းကို ခံခဲ့ရသည်ဟု ဘရိုင်ယန်က ဆိုသည်။ ဘလက်ဝုဒ်အနေဖြင့် သြစတြေးလျကို ဖြတ်သန်းသွားခွင့်ရရန် အထူးခွင့်ပြုချက် ရယူရန် လိုအပ်ပြီး ထိုသို့ရယူရန် ရက်သတ္တပတ်နှင့် ချီ၍ စောင့်ဆိုင်းရနိုင်သည်ဟု ဆိုသည်။

ဘလက်ဝုဒ်သည် နယူးဇီလန်သို့ အခြားလမ်းကြောင်းမှ သွားရန် လေယာဉ် ခရီးစဉ် စီစဉ်ပြီးချိန်အထိ အကျဉ်းထောင်အတွင်း ဆက်လက်နေထိုင် ရမည် ဖြစ်သည်။ သူ၏ ပတ်စ်ပို့မှာ အကျဉ်းထောင် တွင် ပျောက်ဆုံး ခဲ့ခြင်းကြောင့်လည်း လွှတ်ပေးရာတွင် နှောင့်နှေးမှုများ ဖြစ်ပေါ်ခဲ့သည်ဟု ဆိုသည်။

ဖခင်ဖြစ်သူ ဘရိုင်ယန်က “သူ့ကို ထောင်က လွှတ်မပေးသေးပေမယ့် သူက လွတ်လပ် လူတစ်ယောက်ပါ” ဟု ပြောကြားခဲ့သည်။

ဘလက်ဝုဒ်သည် ၂၀၁၄ ဒီဇင်ဘာ ၁၀ တွင် ဖမ်းဆီးခံရပြီးနောက် ၁၃ လကြာ အကျဉ်းကျခံနေခဲ့ရသည့် အချိန်အတွင်း ကိုယ်အလေးချိန် ၂၀ ကီလိုခန့် လျော့ကျသွားသည်ဟု ဆိုသည်။ ဘလက်ဝုဒ်သည် အလုပ်ကြမ်းနှင့် ထောင်ဒဏ် ၂ နှစ်ခွဲ ချမှတ်ခံခဲ့ရခြင်း ဖြစ်ပြီး ပြီးခဲ့သည့် ရက်သတ္တပတ်အတွင်းက ထုတ်ပြန်ခဲ့သည့် သမ္မတ လွတ်ငြိမ်းချမ်းသာခွင့် စာရင်းတွင် နိုင်ငံသား အကျဉ်ားး ၁၀၁ ဦးနှင့် အတူ ပါဝင်ခဲ့ခြင်းဖြစ်သည်။

သို့သော် အကျဉ်းထောင်အတွင်း ဆက်ရှိနေရခြင်းနှင့် ပတ်သက်၍ နယူးဇီလန် နိုင်ငံခြားရေးနှင့် ကုန်သွယ်ရေး ၀န်ကြီးဌာန ပြောခွင့်ရပုဂ္ဂိုလ်က မှတ်ချက်ပေးရန် ငြင်းဆိုခဲ့သည်။ ယင်းက “မစ္စတာ ဘလက်ဝုဒ်ကို ပြန်လည် ပို့ဆောင်ဖို့ ကိစ္စရပ်အတွက် သက်ဆိုင်ရာ အာဏာပိုင်တွေ၊ မစ္စတာ ဘလက်သုဒ်ရဲ့ မိသားစုတွေနဲ့ ညှိနှိုင်း ဆောင်ရွက်နေပါတယ်” ဟု ပြောကြားခဲ့သည်။

KHTun
The Ladies News
https://www.facebook.com/News.TheLadies


ဒီမိုကရက်တစ်ပါတီက သမ္မတလောင်းအဖြစ် အရွေးခံဖို့ ဝင်ရောက်ယှဉ်ပြိုင်နေတဲ့ ပြိုင်ဘက်တွေထဲက နိုင်ငံခြားရေးဝန်ကြီးဟောင်း Hillary Clinton နဲ့ Vermont အထက်လွှတ်တော်အမတ် Bernie Sanders တို့ဟာ အခုနောက်ဆုံး ဗုဒ္ဓဟူးနေ့ လူထုစစ်တမ်းအရ ဆိုရင်တော့ လူကြိုက်များမှု သိပ်မကွာတော့တာ တွေ့ရပါတယ်။

လာမယ့် တနင်္လာနေ့မှာ Iowa မှာ ဒီမိုကရက်တစ်ပါတီ ကိုယ်စားလှယ်လောင်း အမည်တင်သွင်းပွဲ ကျင်းပဖို့ ရှိပြီး၊ ဆိုရှယ်ဒီမိုကရက်လို့ သူ့ကိုယ်သူပြောတဲ့ မစ္စတာ Sanders က ဒီမိုကရက်တစ် ပါတီဝင်တွေရဲ့ ၄၉ % ထောက်ခံမှု ရနေပြီး ၂၀၀၉ ခုနှစ်ကနေ ၂၀၁၃ ခုနှစ်အတွင်း အမေရိကန် နိုင်ငံခြာရေးဝန်ကြီးအဖြစ် တာဝန်ထမ်းဆောင်ခဲ့သူ မစ္စစ် ကလင်တန်ကတော့ ၄၅ % ရနေတယ်လို့ Quinnipiac တက္ကသိုလ် စစ်တမ်းမှာ ဖော်ပြထားပါတယ်။

Iowa မှာ ကျင်းပမယ့် ကိုယ်စားလှယ်လောင်း အမည်တင်သွင်းမယ့် မဲပေးပွဲဟာ လာမယ့် နိုဝင်ဘာ ရွေးကောက်ပွဲ မတိုင်ခင် လက်ရှိသမ္မတ Barack Obama နေရာကို ဆက်ခံမယ့် သမ္မတလောင်းအဖြစ် ဒီမိုကရက်တစ်ပါတီနဲ့ ရီပတ်ဘလစ်ကန် ပါတီကြီး ၂ ရပ်အတွက် ဝင်ရောက်ယှဉ်ပြိုင်မယ့် ကိုယ်စားလှယ်လောင်းကို လပေါင်းများစွာကြာအောင် ရွေးချယ်တဲ့ပွဲတွေထဲမှာ ပထမဆုံး မဲပေးရွေးချယ်ကြတာ ဖြစ်ပါတယ်။

မစ္စစ် ကလင်တန်ကတော့ အိုဘားမားအစိုးရရဲ့ ပထမသက်တမ်းမှာ အဓိက အရေးပါတဲ့ အဖွဲ့ဝင်တဦးဖြစ်ပေမဲ့ မစ္စတာ Sanders ကတော့ သမ္မတ အိုဘားမားနဲ့ နီးကပ်တဲ့ ဆက်ဆံရေး မရှိခဲ့ပါဘူး။ ဒါပေမဲ့ ဗုဒ္ဓဟူးနေ့မှာပဲ သမ္မတ အိုဘားမားက မစ္စတာ Sanders ကို အိမ်ဖြူတော်မှာ တွေ့ဆုံပြီး နိုင်ငံခြားရေးမူဝါဒတွေ၊ စီးပွားရေးနဲ့ လက်ရှိ မဲဆွယ်မှု အခြေနေတွေကို ၄၅ မိနစ်ကြာ ဆွေးနွေးခဲ့တာပါ။

မစ္စတာ Sanders ကို အခုလို မမျှော်လင့်ဘဲ မစ္စစ် ကလင်တန်နဲ့ သိပ်မကွာတဲ့ လူထုထောက်ခံမှု ရခဲ့တာဟာ ဒီမိုကရက်တစ် ပါတီအတွက် ကောင်းတယ်လို့ သမ္မတ အိုဘားမားက ယုံကြည်ကြောင်း သမ္မတ အိမ်ဖြူပြောခွင့်ရ Josh Earnest က ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

(Credit: https://freedomhouse.org)
ကမ္ဘာလုံးဆိုင်ရာ စီးပွားရေး ကျဆင်းနေတာနဲ့ လူမှု မငြိမ်သက်မှုတွေ ဖြစ်ပေါ်နိုင်တယ်ဆိုတဲ့ စိုးရိမ်မှုတွေကြောင့် ၂၀၁၅ ခုနှစ်အတွင်း အာဏာရှင်အစိုးရတွေက နိုင်ငံရေးအရ ဖိနှိပ် ချုပ်ခြယ်မှုတွေ ပိုများလာနေတယ်လို့ အမေရိကန် ပြည်ထောင်စု အခြေစိုက် Freedom House အဖွဲ့က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

မြန်မာနိုင်ငံနဲ့ ပတ်သက်လို့တော့ ပြီးခဲ့တဲ့နှစ်အတွင်း ပြောင်းလဲမှုတွေ ရှိခဲ့တဲ့အတွက် လာမယ့် ၂၀၁၆ ခုနှစ်မှာ စောင့်ကြည့်ရမယ့် နိုင်ငံတခုအဖြစ် သတ်မှတ်ထားကြောင်း Freedom House အဖွဲ့က တာဝန်ရှိသူတွေက ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။

၂၀၁၅ ခုနှစ်အတွင်း ကမ္ဘာ့တလွှား လွတ်လပ်ခွင့်အခြေအနေတွေဟာ ၁၀ နှစ် ဆက်တိုက်အဖြစ် ဆုတ်ယုတ် ကျဆင်းခဲ့တယ်လို့ အမေရိကန် ပြည်ထောင်စု အခြေစိုက် နိုင်ငံတကာ လူ့အခွင့်အရေးအဖွဲ့အစည်း တခုဖြစ်တဲ့ Freedom House အဖွဲ့က ထုတ်ပြန်တဲ့ အစီရင်ခံစာထဲမှာ ဖော်ပြထားပါတယ်။

Freedom House အဖွဲ့က ကမ္ဘာ့တလွှား နိုင်ငံပေါင်း ၁၉၅ နိုင်ငံရဲ့ လွတ်လပ်ခွင့်အခြေအနေတွေကို လေ့လာခဲ့တာမှာ ၇၂ နိုင်ငံက လွတ်လပ်ခွင့် အခြေအနေတွေ ပြီးခဲ့တဲ့နှစ်မှာ ကျဆင်းခဲ့ပြီး နိုင်ငံပေါင်း ၅၀ ကတော့ လုံးဝ လွတ်လပ်မှု မရှိတဲ့နိုင်ငံ၊ တခြား နိုင်ငံ ၅၀ ကတော့ တစိတ်တဒေသ လွတ်လပ်တဲ့နိုင်ငံတွေ ဖြစ်တယ်လို့ အစီရင်ခံစာမှာ ဖော်ပြထားပါတယ်။

အဲဒီအထဲမှာ ဆီးရီးယား၊ တိဘက် ကိုယ်ပိုင်အုပ်ချုပ်ခွင့်ရဒေသ၊ တရုတ်၊ ဆိုမားလီးယား၊ မြောက်ကိုရီးယား၊ Uzbekistan နဲ့ Eritrea နိုင်ငံတွေကတော့ လွတ်လပ်မှု လုံးဝမရှိတဲ့ အဆိုးနိုင်ငံတွေ ဖြစ်တယ်လို့ ဆိုပါတယ်။

မြန်မာနိုင်ငံနဲ့ ပတ်သက်လို့ ဖော်ပြထားတာမှာတော့ ၂၀၁၅ ခုနှစ်အတွင်း လွတ်လပ်မှု အခြေအနေ တိုးတက်မှု အနဲငယ် ရှိခဲ့တာကြောင့် အဆင့် ၆ ကနေ အဆင့် ၅ ကိုပြောင်းပြီး တဆင့် တိုးတက်လာတယ်လို့ အစီရင်ခံစာမှာ ဖော်ပြထားပါတယ်။

ဒါကြောင့်လည်း မြန်မာနိုင်ငံဟာ အီရန်နိုင်ငံနဲ့အတူ လာမယ့် ၂၀၁၆ ခုနှစ်အတွင်း စောင့်ကြည့်သင့်တဲ့ နိုင်ငံတွေ စာရင်းထဲမှာ ထည့်သွင်းထားတယ်လို့ Freedom House အဖွဲ့က ကမ္ဘာ့လွတ်လပ်မှုဆိုင်ရာ စီမံကိန်းရဲ့ ညွှန်ကြားရေးမှူး Sarah Repucci က ဗွီအိုအေကို ပြောပါတယ်။

“နိုင်ငံရေး ပြုပြင်ပြောင်းလဲမှုတွေ လုပ်ဆောင်နေတဲ့ နိုင်ငံ ၁၀ နိုင်ငံကို ကျမတို့ ရွေးချယ်ခဲ့ပါတယ်။ အဲဒီအထဲမှာ မြန်မာလည်း နိုင်ငံတနိုင်ငံအဖြစ်နဲ့ ကျမတို့က ရွေးချယ်ခဲ့တာပါ။ ဒီတိုင်းပြည်တွေမှာ ၂၀၁၅ ခုနှစ်အတွင်း ပြောင်းလဲမှု အတိုင်းအတာ တခုအထိ ဖြစ်ပေါ်ခဲ့တယ်၊ ဒါပေမဲ့ အပြည့်အ၀ကြီး ပြောင်းလဲသွားတာမျိုးတော့ မဟုတ်ဘူးလို့ ကျမတို့ ယူဆထားပါတယ်။ ဒီအထဲမှာ မြန်မာနိုင်ငံဟာ ဥပမာပေးလို့ အကောင်းဆုံး နိုင်ငံတခု ဖြစ်ပါတယ်၊ ဘာကြောင့်လဲဆိုတော့ ၂၀၁၅ နှစ်ကုန်ပိုင်းမှာ ရွေးကောက်ပွဲ ကျင်းပခဲ့တယ်၊ ရွေးကောက်ပွဲမှာ NLD ပါတီက တခဲနက် အနိုင်ရလိုက်တယ် ဆိုပေမဲ့လည်း အစိုးရသစ် ဖွဲ့တဲ့အခါ စစ်တပ်က ဘယ်လို အခန်းကဏ္ဍကနေ ပါဝင်မလဲ၊ ဒေါ်အောင်ဆန်းစုကြည်ကိုယ်၌က ဘယ်တာဝန်ယူမလဲ ဆိုတာတွေကို ကျမတို့ မသိရသေးပါဘူး။ အဲဒီအချက်တွေကို ကျမတို့က စောင့်ကြည့်နေတာပါ။”

တိုင်းရင်းသားတွေနဲ့ ဆက်ဆံရေးဟာလည်း Freedom House အဖွဲ့က စောင့်ကြည့်နေတဲ့ အချက်ထဲမှာ ပါတယ်လို့ Sarah Repucci က ပြောပါတယ်။

“ကျမတို့ Freedom House အဖွဲ့က စောင့်ကြည့်နေတဲ့ နောက်တချက်ကတော့ မြန်မာနိုင်ငံအတွင်းက တိုင်းရင်းသား လူနဲစုတွေနဲ့ ဆက်ဆံရေးကိစ္စပါ၊ ဒီအချက်ဟာလည်း ကျမတို့အနေနဲ့ စိုးရိမ်မှုရှိတဲ့ အချက်ဖြစ်ပါတယ်။ ဒီကိစ္စဟာ ပြဿနာ တခုအဖြစ် ရှိနေတာပါ၊ အထူးသဖြင့်တော့ ရိုဟင်ဂျာတွေအပေါ် ဆက်ဆံတဲ့ ကိစ္စပါ။ ရိုဟင်ဂျာကိစ္စကို ဒေါ်အောင်ဆန်းစုကြည်ကလည်း လုံးဝ ထုတ်ဖော် ပြောဆိုခြင်း မရှိသေးတော့ ဒီကိစ္စဟာ တော်တော်နဲ့ ပြေလည်မယ့်ကိစ္စမဟုတ်ပါဘူး။”

Freedom House အဖွဲ့အနေနဲ့ မြန်မာနိုင်ငံရဲ့ အခြေအနေ တိုးတက်မှု ရှိခဲ့တယ်လို့ ကောက်ချက်ဆွဲတဲ့နေရာမှာ ၂၀၁၅ ခုနှစ် ရွေးကောက်ပွဲ လွတ်လပ်ပြီး တရားမျှတမှု ရှိခဲ့တယ်ဆိုတဲ့ အချက်တခုထဲကို ကြည့်ပြီး ပြောဆိုနေတာဖြစ်ပြီး နိုင်ငံရေးအကျဉ်းသားတွေ ဖမ်းဆီးခံထားရဆဲ ဖြစ်တဲ့ကိစ္စလို တခြား အကြောင်းအရာတွေ အများကြီး ရှိနေသေးတယ်လို့ လူ့အခွင့်အရေး လှုပ်ရှားသူတွေက ထောက်ပြ ပြောဆိုနေကြတဲ့ အချက်နဲ့ ပတ်သက်လို့လည်း Sarah Repucci က အခုလို ပြန်လည် တုံ့ပြန်ခဲ့ပါတယ်။

“ကျမတို့အနေနဲ့ နိုင်ငံရေး အခွင့်အရေးနဲ့ နိုင်ငံသားလွတ်လပ်ခွင့်ဆိုပြီး ကဏ္ဍ ၂ ခု ခွဲပြီး သုံးသပ်ပါတယ်။ ကျမတို့ လေ့လာ တွေ့ရှိချက်အရ နိုင်ငံရေးအခွင့်အရေးဘက်မှာ တိုးတက်မှု ရှိတာကို တွေ့ရပြီး နိုင်ငံသား လွတ်လပ်ခွင့်ကတော့ တိုးတက်မှု မရှိပါဘူး။ အခု ထောက်ပြနေကြတဲ့ လူ့အခွင့်အရေး အခြေအနေတွေဟာ ကျမတို့ ခွဲခြား သတ်မှတ်ထားတဲ့ နိုင်ငံသားလွတ်လပ်ခွင့်ထဲမှာ ပါပါတယ်။ ဒါကြောင့် နိုင်ငံရေး အကျဉ်းသားတွေကိစ္စ၊ လွတ်လပ်စွာ ပြောဆိုခွင့်၊ လူနဲစုတွေအပေါ် ဆက်ဆံမှု စတဲ့ကဏ္ဍတွေမှာ ပြဿနာတွေ အများကြီး ရှိနေသေးတယ်ဆိုတာကို ကျမ လုံးဝ သဘောတူပါတယ်။”

မြန်မာနိုင်ငံအတွင်းက နိုင်ငံရေးဆိုင်ရာ အခွင့်အရေးတွေ အနဲငယ် တိုးတက် ကောင်းမွန်လာတယ်ဆိုပေမဲ့လည်း တစုံလုံး အခြေအနေနဲ့ ပတ်သက်လို့တော့ အပြည့်အ၀ လွတ်လပ်မှု မရှိသေးတဲ့ နိုင်ငံတခုအဖြစ် ၂၀၁၆ ခုနှစ် တကမ္ဘာလုံး လွတ်လပ်မှုဆိုင်ရာ အစီရင်ခံစာထဲမှာ Freedom House အဖွဲ့က သတ်မှတ်ထားပါတယ်။ အဲဒီလို လွတ်လပ်ခွင့် မရှိတဲ့ အကြောင်းတွေထဲမှာ မြန်မာ့နိုင်ငံရေးမှာ စစ်တပ်ရဲ့ သြဇာ လွှမ်းမိုးမှု ရှိနေတာကို တွေ့နေရသေးတဲ့အတွက် ဖြစ်တာကြောင့် စစ်တပ်ရဲ့ အခန်းကဏ္ဍ လျော့ကျတာကို သူတို့အနေနဲ့ မြင်တွေ့လိုကြောင်း Sarah Repucci က ဆက်ပြောပါတယ်။

“နိုင်ငံရေးမှာ စစ်တပ်က ပါဝင်ပတ်သက်မှု နဲနိုင်သမျှ နဲတာနဲ့ လွှတ်တော်ထဲမှာ သူတို့အနေနဲ့ အမတ်နေရာတွေ လုံးဝ မယူတော့တာမျိုးကို ကျမတို့ မြင်တွေ့လိုပါတယ်။ နောက်ပြီးတော့ နိုင်ငံရေးအရ တာဝန်ပေးအပ်မှုတွေနဲ့ ဥပဒေအရာရှိတွေ ခန့်အပ်တဲ့ နေရာတွေမှာ သူတို့ရဲ့ သြဇာလွမ်းမိုးမှု ရှိနေသေးတာ မြင်တွေ့လိုပါတယ်။ နောက်ပြီးတော့ နိုင်ငံရေးအကျဉ်းသားတွေ အားလုံး လွှတ်ပေးပြီး တိုင်းရင်းသားတွေနဲ့ လူနဲစုတွေကို တန်းတူ ဆက်ဆံတာမျိုးကိုလည်း မြင်တွေ့လိုပါတယ်။”

မြန်မာနိုင်ငံရဲ့ အခြေအနေအရပ်ရပ်ကို ထောက်ပြထားတာမှာ တိုင်းရင်းသား လက်နက်ကိုင်အဖွဲ့ အမျိုးမျိုးကို စစ်တပ်က ဆက်ပြီး ထိုးစစ်ဆင်နေတာ၊ ပြီးပြည့်စုံတဲ့ နိုင်ငံရေးဆွေးနွေးပွဲမျိုး အစိုးရက မလုပ်ချင်တာကြောင့် ၂၀၁၅ ခုနှစ်မှာ တနိုင်ငံလုံး အပစ်အခတ်ရပ်စဲရေး အလားအလာ ဆက်ပြီး အဟန့်အတားဖြစ်ခဲ့တာ၊ သတင်းမီဒီယာအပေါ် ကန့်သတ် တားဆီးတာတွေ ဆက်ရှိနေတာ၊ ကျောင်းသား ဆန္ဒပြပွဲတွေကို အင်အားသုံး နှိမ်နင်းဖြိုခွဲခဲ့တာ၊ လွတ်လပ်စွာ စုဝေးခွင့် ဆက်ပြီး ခြိမ်းခြောက်ခံနေရတာ၊ မူဆလင် ဆန့်ကျင်ရေး လှုံ့ဆော်မှုတွေ ဆက်ဖြစ်နေတာ၊ နိုင်ငံရေးပါတီတွေဟာ ရွေးကောက်ပွဲမှာ မူဆလင် ကိုယ်စားလှယ်လောင်းတွေကို ၀င်မပြိုင်စေဘဲ သိသိသာသာ ရှောင်ခဲ့တာ၊ အမျိုးဘာသာသာသနာ ကာကွယ်ရေး ဥပဒေတွေလို့ ခေါင်းစဉ်တပ်ထားတဲ့ ဥပဒေ ၄ ခုကို လွှတ်တော်က ပြဌာန်းခဲ့တာ စတဲ့ အချက်တွေကို Freedom House အဖွဲ့ရဲ့ အစီရင်ခံစာထဲမှာ ဖော်ပြထားပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com


 လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် သာသနာရေး ၀န်ကြီးဌာနတို့ကို ပြည်ထဲရေးဝန်ကြီး ဌာနလက်အောက်သို့ ပြောင်းရွှေ့ ရန် နိုင်ငံရေးပါတီကိုယ်စားလှယ် များသဘောတူသော်လည်း အချိန်အခါ မသင့်ဟု ဆန္ဒပြုခဲ့ကြကြောင်းသိရသည်။

ပြည်ထဲရေးဝန်ကြီး ဌာနလက်အောက်သို့ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာနနှင့် သာသနာရေးဝန်ကြီးဌာနတို့ကို ပြောင်းရွှေ့ ရန် လွှတ်တော် ဥပဒေကြမ်းကော်မတီနှင့် နိုင်ငံရေးပါတီကိုယ်စားလှယ်များ ဇန်န၀ါရီ ၂၆ ရက်တွင် အစည်းအဝေးပြုလုပ်ခဲ့ကြခြင်းဖြစ်သည်။

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် သာသနာရေး ၀န်ကြီးဌာနတို့ကို ပြည်ထဲရေးဝန်ကြီး ဌာနလက်အောက်သို့ ပြောင်းရွှေ့ရန် ကိစ္စ နှင့်ပတ်သက်၍ လွှတ်တော်ဥပဒေကြမ်းကော်မတီနှင့် နိုင်ငံရေး ပါတီ ကိုယ်စားလှယ်များ အစည်းအဝေးတွင် သဘောတူကြောင်း မှတ်ချက်ပြုသူ များပြားခဲ့သော်လည်း ယခုအချိန်ပြောင်းရွှေ့ရန်အချိန်အခါသင့်မသင့်ကို ဆန္ဒပြုရာတွင် အချိန်အခါမသင့်ဟု ဆန္ဒပြုသူများပြားခဲ့ကြောင်း အစည်းအဝေး တက်ရောက်ခဲ့သည့်ကိုယ်စားလှယ်တစ်ဦးက The Ladies သို့ပြောသည်။

“နိုင်ငံရေးပါတီတွေက တက်ရောက်ခွင့်ရှိတာ တစ်သီးပုဂ္ဂလအပါ ၂၃ ဖွဲ့ ရှိတဲ့ အထဲမှာ ၁၈ဖွဲ့တက်တယ် ပေါင်းဖို့သဘောတူမတူ ဆုံးဖြတ်တဲ့အခါမှာ သဘောတူတာ ၁၂ဖွဲ့ မတူတာ၆ဖွဲ့၊ ပေါင်းဖို့ အချိန်အခါ သင့်၊ မသင့် ဆုံးဖြတ်တဲ့ အခါမှာ အချိန်အခါမသင့်ဘူးဆိုတာက ၁၁ဖွဲ့ သင့်တယ်လို့ ဆန္ဒပြုတာက ၇ဖွဲ့ ရှိတယ်”ဟု အစည်းအဝေးသို့ တက်ရောက်ခဲ့သည့် ရှမ်းတိုင်းရင်းသားများဒီမိုကရက်တစ်ပါတီမှ လွှတ်တော်ကိုယ်စားလှယ် ဦးစိုင်းမောင်တင်က The Ladies သို့ပြောသည်။

“အခုအစိုးရသစ်လက်ထက်မှာ ပြည်ထဲရေးကို ကာကွယ်ရေးက ကိုင်တယ် ဆိုတော့ လ၀ကနဲ့ သာသနာရေးက အရပ်သား အစိုးရဖြစ်ကောင်းဖြစ် သွားနိုင်တယ် အဲ့ဒါကြောင့် ပေါင်းလိုက်ခြင်းအားဖြင့် လ၀ကကော သာသနာရေးကော အရပ်သား အစိုးရအဖြစ်မခံဘဲ ကာကွယ်ရေး လက်အောက်ရောက်အောင် ထည့်တယ်လို့ပဲမြင်ပါတယ်” ဟု ဦးစိုင်းမောင်တင် က ၎င်း၏ အမြင်ကိုပြောသည်။

‘‘အစိုးရသစ်တက်တော့မယ် ဆိုမှ ကပ်ပြီးလုပ်တဲ့သဘော၊ အနိုင်ရပါတီရဲ့ သမ္မတက သူဝန်ကြီးခန့်ရမယ့် ဝန်ကြီး ဌာန တစ်ခုကို တပ်မတော်ကာ ကွယ်ရေးဦးစီးချုပ်ကို ပေးလိုက်ရမယ့် သဘောဖြစ်နေတယ်။ အရပ်သား အစိုးရ ရရမယ့် ဝန်ကြီးဌာနတစ်ခု လျော့သွားတာပေါ့’’ဟု တစ်သီးပုဂ္ဂလ လွှတ်တော် ကိုယ်စားလှယ် ဦးဖုန်းမြင့်က ပြောသည်။

‘‘ပြည်ထဲရေးလက်အောက်ကို ထည့်မှာကို မူသဘော အရ ထောက်ခံကြတယ်။ လက်ရှိ အချိန်မှာတော့ ချက်ချင်းကြီး အကောင်အထည်ဖော်ဖို့ကိုတော့ သဘောမတူဘူး’’ ဟု မွန် အမျိုးသားလွှတ်တော်ကိုယ်စား လှယ် ဒေါက်တာ ဗညားအောင်မိုး ကပြောသည်။

‘‘တစ်မျိုးသားလုံး လုံခြုံမှုနဲ့ပတ် သက်တဲ့ ၀န်ကြီးဌာနဆိုတော့ ခိုင် ခိုင်မာမာ အားကောင်းတဲ့ အဖွဲ့ အစည်းကြီးတစ်ခုကကြီးကြပ်တာ အမျိုးသားရေး လုံခြုံမှုပိုရှိတယ်’’ ဟု ရခိုင်အမျိုးသားပါတီ ဥက္ကဋ္ဌ၊ အမျိုးသား လွှတ်တော် ကိုယ်စားလှယ် ဒေါက်တာအေး မောင်ကပြော ကြားသည်။

ဥပဒေကြမ်းကော်မတီ၏ သဘောထားနှင့်ပတ်သက်၍ ကော်မတီ၏ အတွင်းရေးမှုးဖြစ်သူ ဒေါက်တာမြတ်ဉာဏစိုးအား The Ladies ဂျာနယ်မှ ဆက်သွယ်မေးမြန်းရာ ဖြေကြား၍ မရကြောင်း ပြောဆို ခဲ့ပြီး အစီရင်ခံစာ တင်ပြသည့် အခါမှသာ စောင့်ကြည့် ရန်ပြောကြားခဲ့သည်။

ပြည်သူ့ လွှတ်တော်ကိုယ်စားလှယ် ဒေါက် တာဇော်မြင့်မောင်က ‘‘ကျွန်တော်တို့ သဘောထားက ပေါင်းတာ သဘောမတူဘူး။ လက်ရှိ အခြေအနေရ မသင့်သေးဘူး’’ဟု ပြော ကြားသည်။

ဇော်မင်းထွန်း

The Ladies News
www.facebook.com/News.TheLadies/

 တရုတ် စွမ်းအင် အင်ဂျင်နီယာ လုပ်ငန်း ကော်ပိုရေးရှင်းက တင်ဒါ အောင်။
လျှပ်စစ် ဓာတ်အားပေး စက်ရုံ အဆင့်မြှင့်ဖို့ ကမ္ဘာ့ဘဏ်က ရရှိ ထားတဲ့ ချေးငွေ တွေ သုံးပြီး လိုအပ်တဲ့ ပစ္စည်း တွေ ဝယ်ယူဖို့ရာ မြန်မာ အစိုးရ နဲ့ တရုတ် အစိုးရပိုင် ကုမ္ပဏီ တစ်ခု တို့ စာချုပ် ချုပ် ဆိုလိုက် ပါတယ်။

မွန်ပြည်နယ် သထုံမြို့နယ်က လျှပ်စစ် ဓာတ်အားပေး စက်ရုံ မှာ စက်ပစ္စည်း သစ်တွေ ဝယ်ယူဖို့ လျှပ်စစ် စွမ်းအား ဝန်ကြီးဌာန ကနေ တင်ဒါ ခေါ်ယူ ခဲ့တာမှာ တရုတ် စွမ်းအင် အင်ဂျင်နီယာ လုပ်ငန်း ကော်ပိုရေးရှင်းက တင်ဒါ အောင်သွားတာ ဖြစ်ပါတယ်။

အဲဒီလို စက်ရုံ မှာ ပစ္စည်း သစ် တွေ လဲလှယ် တပ် ဆင်နိုင်ဖို့ အပါအဝင် တခြား နည်းပညာ ပိုင်း ဆိုင်ရာ အကူအညီ တွေ ပေးဖို့ ဆိုပြီး ကမ္ဘာ့ ဘဏ်ကနေ ဒေါ်လာ သန်း ၁၄၀ ကို ပြီးခဲ့တဲ့ ၂၀၁၃ ခုနှစ် ကတည်းက နှစ်ရှည် ချေးငွေ အဖြစ် ပေးထား တာ ဖြစ်ပါတယ်။

မွန် ပြည်နယ် ထဲမှာ တော့ ကျေးရွာ တွေ အထိ လျှပ်စစ် မီး မရောက် သေးပဲ မြို့ ပေါ် တွေ မှာလည်း မီးစက် တွေ နဲ့ လည်ပတ် နေရကာ တစ်ယူနစ် ကျပ် ၉၀၀ ကျော်လောက် ကျ နေရတယ် ဆိုပြီး ဒေသခံ တွေက ပြောပါတယ်။

သထုံ လျှပ်စစ် ဓာတ်အား စက်ရုံ ကို သာ အဆင့်မြှင့် နိုင်ခဲ့ရင် အနီးအနား ဒေသတဝိုက် က လူ ၁ သန်း လောက် လျှပ်စစ် မီး ရလာဖို့ မျှော်လင့် ရ ပါတယ်။

BBC Burmese
http://www.bbc.com/burmese

 အကျင့်ပျက်မှု အကင်းစင်ဆုံး အဆင့် ၁ ဒိန်းမတ် နိုင်ငံ ကို အမှတ် ၁၀၀ မှာ ၉၁ မှတ် ပေးထားပြီး၊ မြန်မာ ကို တော့ ၂၂ မှတ် ပဲ ပေးထား ပါတယ်။
မြန်မာ နိုင်ငံထဲက အာဏာပိုင် အဖွဲ့အစည်းတွေထဲ အကျင့်ပျက်မှု အခြေအနေ ကို အတော်လေး ဆိုးနေတဲ့ အဆင့်အတန်းမှာ Transparency International အဖွဲ့ က ထည့်သွင်း ထားပါတယ်။

နိုင်ငံတကာမှာ ဖြစ်ပေါ် နေတဲ့ အကျင့်ပျက် ခြစား မှု တွေကို စောင့်ကြည့် လေ့လာ နေတဲ့ Transparency International လို့ ခေါ် တဲ့ အဖွဲ့ ရဲ့ ထုတ်ပြန် ချက် အရ မြန်မာ နိုင်ငံ ဟာ နိုင်ငံပေါင်း ၁၆၇ နိုင်ငံ ထဲမှာ အဆင့် ၁၄၇ ရှိနေပါတယ်။

အကျင့်ပျက်မှု အကင်းစင်ဆုံး အဆင့် ၁ ဒိန်းမတ် နိုင်ငံ ကို အမှတ် ၁၀၀ မှာ ၉၁ မှတ် ပေးထားပြီး၊ မြန်မာ ကို တော့ ၂၂ မှတ် ပဲ ပေးထား ပါတယ်။

ဒီ ရမှတ် ဟာ အခြေအနေ အတော် ဆိုးတာ ကို ပြသ နေပြီး အစိုးရ ဌာန တွေ အပါအဝင် လွှတ်တော် နဲ့ တရားရေးရာ ကဏ္ဍ တွေကို လေ့လာပြီး ထုတ်ပြန် တာ လို့ Transparency International အဖွဲ့ ရဲ့ အာရှပိုင်းရေးရာ ဌာန အကြီးအကဲ က ဆိုပါတယ်။

အဂတိ လိုက်စား မှု ကို ကိုင်တွယ်ရ မယ့် အာဏာပိုင် အဖွဲ့အစည်း အသီးသီး တွေ ကိုယ်တိုင် ခြစားမှု တွေ ရှိနေ တဲ့ အတွက် အစိုးရ နဲ့ မသက်ဆိုင် တဲ့ လွတ်လပ်တဲ့ ကော်မရှင် တစ်ရပ် ဖွဲ့စည်း ထားရှိ သင့်တယ် လို့ Transparency International အဖွဲ့ က ဘီဘီစီ ကို ပြောပါတယ်။

BBC Burmese
http://www.bbc.com/burmese

ကချင်ပြည်နယ် ဖားကန့်မြို့နယ် ဆွတ်အောင်ကျေးရွာအနီးက စွန့်ပစ်မြေစာပုံပြိုကျမှုကြောင့် ပျောက်ဆုံးနေသူ နိုဝင်ဘာလ ၂၄ ရက်နေ့က ရှာဖွေကြစဉ်။ Photo: Kyaw Myo Min/RFA
ကချင်ပြည်နယ် ဖားကန့် ကျောက်စိမ်းတူးဖော်ရေးလုပ်ငန်းမှာ ပြီးခဲ့တဲ့ ဇန်န၀ါရီလ ၂၅ ရက်နေ့က စွန့်ပစ်မြေစာပုံ ပြိုကျခဲ့တာကြောင့် အဲဒီမြေစာပုံတွေကိုပိုင်တဲ့ ကုမ္ပဏီနှစ်ခုကို လုပ်ပိုင်ခွင့် ယာယီရပ်ဆိုင်းထားလိုက်တယ် သိရပါတယ်။

ရတနာရောင်ခြည် ကျောက်မျက်ကုမ္ပဏီနဲ့ မြစ်ဆုံဧရာ ကျောက်မျက်ကုမ္ပဏီ နှစ်ခုတို့က စွန့်ပစ်တဲ့ မြေစာပုံတွေကနေ ပြိုကျခဲ့တာမို့ လုပ်ငန်းလုပ်ကိုင်ခွင့် ရပ်ဆိုင်းခိုင်းလိုက်တာလို့ လုံးခင်းနယ်မြေရဲစခန်းက ရဲအုပ်ကျော်ဇောဦးက ပြောပါတယ်။

"ရတနာရောင်ခြည် ကျောက်မျက်ကုမ္ပဏီနဲ့ မြစ်ဆုံဧရာ ကျောက်မျက်ကုမ္ပဏီပေါ့၊ အဲ့ကုမ္ပဏီနှစ်ခုကနေပြီးတော့ စွန့်ပစ်မြေစာပုံဟောင်းပေါ့ ပြိုတာ၊ ရေမဆေးကျောက်ရှာတဲ့လူတွေ ဘာမှမဖြစ်ပါဘူးခင်ဗျ၊  အန္တရာယ် မဖြစ်ပွားစေရေးအတွက် လုပ်ငန်းယာယီရပ်ဆိုင်းတာကတော့ အကန့်အသတ် အတိုင်းအတာကတော့ ကျနော်လည်း ပြောလို့မရဘူး"

ပြီးခဲ့တဲ့ ဇန်နဝါရီလ ၂၅ ရက်နေ့က အမတ်လင်းချောင်းကျေးရွာအုပ်စုထဲက မြေစာပုံမှာ ဖြစ်ပွားခဲ့တာဖြစ်ပြီး အဲ့ဒီမြေစာပုံ ပြိုကျတဲ့အထဲမှာ ပါသွားလို့ လူ ၄၀ လောက် ပျောက်ဆုံးနေတယ်လို့ သတင်းတွေ ထွက်ပေါ်နေပါတယ်။

အသေအပျောက်စာရင်းတွေနဲ့ ပတ်သက်ပြီး လုံးခင်းနယ်မြေရဲစခန်းကတော့ အတည်ပြုပြောကြားခြင်း မရှိခဲ့ပါဘူး။

ဖားကန့်ကျောက်စိမ်းတွင်းဒေသမှာ ပြီးခဲ့တဲ့နှစ် နိုဝင်ဘာ ၂၁ ရက်နေ့က ကန်ခမ် စုပေါင်း စွန့်ပစ်မြေစာ ပုံပြိုကျလို့ လူ ၁၁၄ ယောက် သေဆုံးခဲ့ပါတယ်။

RFA Burmese
http://www.rfa.org/burmese


လန်ဒန် ၊ ၂၇-၁-၂၀၁၆

အန္တာတိတ် ရေခဲပြင်သို့ အကူအညီ အထောက်အပံ့ မပါဘဲ ပထမဆုံး တစ်ကိုယ်တည်ြး ဖတ်သန်းနိုင်သူ အဖြစ် စံချိန်တင်ရန် ကြိုးပမ်းခဲ့သည့် ဗြိတိန်နိုင်ငံမှ စူးစမ်း လေ့လာသူတစ်ဦး သည် မိုင်ပေါင်းများစွာ ခရီးနှင် ခဲ့ပြီးနောက် ခရီးဆုံးသို့ ရောက်လုနီးတွင် အားအင် ကုန်ဆုံး၍ လဲကျ သေဆုံးခဲ့ကြောင်း သိရသည်။

ဗြိတိန်စစ်ဘက်မှ အရာရှိဟောင်း ဟန်နရီ ဝေါစလီ သည် အဆိုပါ ရေခဲပြင်သို့ မိုင် ၁ဝဝဝ ခန့် ခြေကျင် လျှောက်ခဲ့ပြီး ဇန်နဝါရီ ၂၂ ရက်က ပန်းတိုင် မရောက်မီ အကွာအဝေး မိုင် ၃ဝ ခန့်တွင် လေကြောင်း အကူအညီ တောင်းဆို ခဲ့ပြီးနောက် လဲကျခြင်း ဖြစ်သည်။


မိမိသည် အကွာအဝေးမိုင် ၉ဝဝ ခန့်ကို ရက်ပေါင်း ၇၁ ရက်ကြာ လျှောက်လှမ်းခဲ့ ရပြီး ယင်းကဲ့သို့ လျှောက်လှမ်းစဉ် မိမိ၏ အားအင်များမှာ တဖြည်းဖြည်း ကုန်ဆုံး လာခဲ့ကြောင်း နှင့် မိမိမျှော်မှန်း ထားသည့် ပန်းတိုင်ကို ရောက်ရန်အတွက် အလွန် နီးကပ်လာပြီ ဖြစ်ကြောင်း ဝေါစလီ ရေးသားပြုစု ခဲ့သည့် ၄င်း၏ ခရီးသွားမှတ်တမ်း အရ သိရသည်။

ဝေါစလီ သည် လွန်ခဲ့သည့် ရာစုနှစ်အတွင်း က တောင်ဝင်ရိုးစွန်းမှ တစ်ဆင့် အန္တာတိက သို့ သွားရောက်ခဲ့သည့် အာနက်စ်ရှခ်လီတွန် ၏ ကြိုးပမ်းချက်ကို ပြီးမြောက်အောင် လုပ်ဆောင်ရန် အတွက် ၄င်းဒေသသို့ ယခုကဲ့သို့  တစ်ကိုယ်တည်း လမ်းလျှောက် ခဲ့ခြင်းဖြစ်ကြောင်း သိရသည်။

အသက် ၅၅ နှစ်အရွယ်ရှိ ဝေါစလီ သည် ဝမ်းတွင်း အမြှေးရောင်သည့် ဗက်တီးရီးယားပိုး တစ်မျိုး ကူးစက်ခံ ရသောကြောင့် ချီလီနိုင်ငံ ပန်တာအေရီနက်စ် မြို့ရှိ ဆေးရုံ၌ ခွဲစိတ်ကုသမှု ခံယူပြီးနောက် တစ်ရက် အကြာတွင် ကိုယ်အင်္ဂါ လှုပ်ရှားမှုများ ရပ်ဆိုင်း၍ သေဆုံးခဲ့ခြင်း ဖြစ်ကြောင်း ၄င်း၏ မိသားစုဝင်များက ဇန်နဝါရီ ၂၅ ရက်တွင် ပြောကြားသည်။

PyiChitThar
http://www.pyichitthar.com

ဇီကာ ဗိုင်းရပ်စ် ကူးစက် ခံရတဲ့ မိခင် ဗိုက်ထဲက သန္ဓသားတွေမှာ ဦးနှောက် ဖွံ့ဖြိုးမှု ထိခိုက်။
ဇီကာ ဗိုင်းရပ်စ် ကူးစက်မှု ကို ထိန်းချုပ်နိုင်တဲ့ ကာကွယ်ဆေး ကို လူအများ အတွက် ထုတ်လုပ် ဖြန့်ဖြူး နိုင်ဖို့ ၁၀ စုနှစ် နဲ့ချီ ကြာနိုင်တယ် ဆိုပြီး အမေရိကန် သုတေသီ တွေ က သတိပေးလိုက် ပါတယ်။

ခြင် က တဆင့် ကူးစက် တဲ့ ဇီကာ ဗိုင်းရပ်စ် ပြန့်နှံမှု အကြီးအကျယ် ဖြစ်လာ နိုင်တယ် ဆိုပြီး တော့လည်း တက္ကဆက် ပြည်နယ် တက္ကသိုလ် က သိပ္ပံ ပညာရှင် တွေက ပြောပါတယ်။

ဇီကာ ဗိုင်းရပ်စ် ကူးစက် ခံရတဲ့ မိခင် ဗိုက်ထဲက သန္ဓသားတွေမှာ ဦးနှောက် ဖွံ့ဖြိုးမှု ထိခိုက် ရတယ် ဆိုပြီး ဆက်စပ် ထားကြ ပါတယ်။

သမ္မတ အိုဘားမား က လည်း ဇီကာ ဗိုင်းရပ်စ် ကူးစက် မှု ထိန်းချုပ်ရေး ကို အရေးတကြီး သဘောထား ကိုင်တွယ် ကြဖို့ ဆော်ဩ နေပါတယ်။

BBC Burmese
http://www.bbc.com/burmese

  ဦးခေါင်းအရွယ် ပုံမှန်ထက် သေးတဲ့ ကလေးငယ်တွေ အနေနဲ့ တစ်ဘဝလုံး အခက်အခဲနဲ့ ရင်ဆိုင်ရနိုင်ဖွယ် ရှိ။
ဦးနှောက် မဖွံ့ဖြိုးတဲ့ ကလေးငယ်တွေ မွေးဖွားလာမှုနဲ့ ဆက်စပ်နေတဲ့ ဇီကာ ဗိုင်းရပ်စ်ကို တိုက်ဖျက်နိုင်ရေး အတွက် လုပ်ဆောင်မှုတွေ အမြန်ဆုံး ဆောင်ရွက်ကြဖို့ အမေရိကန် သမ္မတ အိုဘားမားက တိုက်တွန်း လိုက်ပါတယ်။

ဇီကာ ဗိုင်းရပ်စ် ကာကွယ်ဆေး တွေနဲ့ ကုသရေး နည်းလမ်းတွေ ဖော်ထုတ်ရာမှာ အရှိန်မြှင့် ဆောင်ရွက်မှ ဖြစ်မယ်လို့ သူက ဆိုပါတယ်။

ဇီကာ ဗိုင်းရပ်စ်ဟာ တောင်နဲ့ မြောက် အမေရိက တခွင်လုံး နီးပါးကို ကူးစက် ပျံ့နှံ့ နိုင်တယ်လို့ ကမ္ဘာ့ ကျန်းမာရေး အဖွဲ့ကြီးက ပြောခဲ့ပါတယ်။

အခုချိန် အထိ တောင်နဲ့ မြောက် အမေရိကနဲ့ ကာရစ်ဘီယံ ဒေသတွေက နိုင်ငံ ၂၁ နိုင်ငံမှာ ဇီကာ ဗိုင်းရပ်စ် ကူးစက်မှုကို တွေ့ရှိ ခဲ့ပြီး ဖြစ်ပါတယ်။

ကျန်းမာရေး ဝန်ထမ်းတွေ အစိုးရိမ်ဆုံးကတော့ ဇီကာ ဗိုင်းရပ်စ်ကြောင့် အမိဝမ်းတွင်းက သန္ဓေသားကို ထိခိုက် စေတဲ့ အချက် ဖြစ်ပါတယ်။

ဦးခေါင်းအရွယ် ပုံမှန်ထက် သေးတဲ့ ကလေးငယ်တွေ မွေးဖွားတဲ့ အရေအတွက်ဟာ ဘရားဇီးမှာ တိုးတက် လာခဲ့ပြီး အမေရိက တောင်ပိုင်းနဲ့ အလယ်ပိုင်း နိုင်ငံတွေမှာ အမျိုးသမီးတွေကို ကိုယ်ဝန် မဆောင်ကြဖို့ ပြောထား ကြပါတယ်။

BBC Burmese
http://www.bbc.com/burmese

 ကေအိုင်အိုဟာမြန်မာအစိုးရနဲ့ငြိမ်းချမ်းရေး ဆွေးနွေးနေဆဲဖြစ်ပါတယ်
KIO ကချင် လွတ်လပ်ရေး အဖွဲ့ရဲ့ ဇန်နဝါရီလ ၂၁ ရက် ကနေ ၂၅ ရက်အထိ ကျင်းပခဲ့တဲ့ ဗဟိုကော်မီတီ အစည်းအဝေးမှာ ထိပ်တန်း ခေါင်းဆောင် နေရာတွေ အပြောင်းအလဲ လုပ်ဖို့ ဆုံးဖြတ် ခဲ့ကြောင်း KIO နဲ့ အစိုးရကြားငြိမ်းချမ်းရေး အကျိုး ဆောင် အဖြစ် ဆောင်ရွက်နေသူ ဦးလမိုင်ခွန်ဂျာ ကပြောပါတယ်။

ကေအိုင်အို ဒုတိယ ဥက္ကဌ ဗိုလ်ချုပ်ကြီး အင်ဗန်လ ဟာ ကချင် အတိုင်ပင်ခံ ကောင်စီ ကေအိုင်စီရဲ့ ဒုတိယ ဥက္က ဌနေရာကိုဘဲ ဆက်လက် တာဝန်ယူမှာ ဖြစ်ပြီး သူ့ရဲ့ ကေအိုင်အို တာဝန် နေရာမှာ ဒုတိယ ဥက္ကဌနှစ်ဦး ကိုအစား ထိုး ခန့်အပ် လိုက်ပါတယ်။

ဒုတိယ ဥက္ကဌ ၁ အဖြစ် စစ်ဦးစီး ချုပ် ဗိုလ်ချုပ် ဂမ်ရှောင်က ပူးတွဲ တာဝန်ယူမှာ ဖြစ်ပြီး ဒုတိယ ဥက္ကဌ ၂ နေရာ ကိုတော့ ကေအိုင်အေ ဒုတိယ စစ်ဦးစီးချုပ် ဗိုလ်ချုပ် ဂွမ်မော်ကို တာဝန်ပေး လိုက်ပါတယ်။

ဗိုလ်ချုပ် ဂွမ်မော်ရဲ့ ဒုတိယ စစ်ဦးစီးချုပ် နေ ရာမှာတော့ ဗိုလ်မှူးချုပ် ခေါင်လွန်းနဲ့၊ ဗိုလ်မှူးချုပ် အောင်ဆိုင်းလ တို့နှစ်ဦးကို ဒုဦးစီးချုပ်တွေ အဖြစ် ခန့်အပ်ခဲ့ ပါတယ်။

ဒါဟာ လက်ရှိ နိုင်ငံရေး အခင်းအကျင်းရဲ့ လိုအပ်ချက် အရပြောင်းလဲ တာသာဖြစ်ပြီး ကေအိုင်အို အဖွဲ့အတွင်း စိတ်သဘောထား ကွဲပြားမှု မရှိဘူးလို့ ဦးခွန်ဂျာက ဆိုပါတယ်။

BBC Burmese
http://www.bbc.com/burmese

Q. ကလေးတွေရဲ့ ကိုယ်ရည်ကိုယ်သွေး ဖွံ့ဖြိုးတိုးတက်ဖို့နဲ့ ကိုယ့်ကိုယ်ကိုယ် ဦးဆောင်နိုင်တဲ့ အရည်အချင်းတွေရှိလာဖို့ ပညာရေးစနစ်က ဘယ်လောက်အထိ အရေးကြီးလဲအစ်ကို။

A. ပညာရေးစနစ်ကြီးတစ်ခုလုံးက အနာဂတ်မှာ လူတွေဟာ ကိုယ့်ကိုယ်ကိုယ် ဦးဆောင်နိုင်မှုရှိလား၊ မရှိဘူးလားဆိုတဲ့အချက်အပေါ် သက်ရောက်မှု သိပ်ကြီးပါတယ်။ ကျွန်တော်တို့ဆီမှာက စာမေးပွဲမှာ အမှတ်ပေးတဲ့စနစ်တွေက “၏၊ သည်”မလွဲ ရွတ်ဖတ်နိုင်တာ၊ ပြန်ရေးနိုင်တာကိုပဲ ပေးထားတယ်။ ကိုယ်ပိုင်အသစ်ရလာတဲ့အပေါ်မှာ အမှတ်ပေးတာမရှိဘူး။ အဲဒီတော့ သုတေသနမရှိတော့ဘူး။ ပညာရေးစနစ်က သုတေသနမပါဘူးဆိုရင်တော့ အသက်မဲ့တာပဲ။

နိုင်ငံတကာမှာ ကလေးတွေကို စာသင်တဲ့အခါ “၏၊ သည်”မလွဲ အလွတ်ကျက်ခိုင်းတာမျိုးမှ မဟုတ်တာ။ ကြိမ်လုံးကြီးနဲ့ ကျောက်သင်ပုန်းကို ဗြန်းဗြန်းရိုက်ပြီးတော့ ကလေးတွေကို လိုက်အော်ဆိုတာမျိုး မဟုတ်ဘူး။ ဟောဒီအကြောင်းအရာအတွက် မင်းတို့ ရှာဖွေပြီးတော့ လေ့လာပြုစုခဲ့ပါလို့ပဲပေးတာ။ အဲဒီအခါ သူတို့က စာကြည့်တိုက်သွားပြီး မွှေနှောက်ကြရတယ်။

စာကြည့်တိုက်မှာ ရှာဖွေကြတဲ့အခါ တစ်ယောက်နဲ့တစ်ယောက် မတူတာတွေရတယ်။ မတူတာတွေကို ကျောင်းရောက်တော့ ပြန်ပြီးမျှဝေကြရင်းနဲ့ အမြင်တွေ အများကြီးရှိတယ်ဆိုတာ သိလာတယ်။ အသိတွေ သိပ်ကြွယ်ဝတယ်ဆိုတာ သိလာတယ်။ ကျွန်တော်တို့ဆီမှာတော့ ကလေးတွေအကုန်လုံးက ၀ါကျတစ်ကြောင်းတည်းကိုပဲ ၀ိုင်းကျက်ပြီးတော့ စာမေးပွဲဖြေကြရတယ်။ အဓိကက အဲဒါပဲ။

နောက်တစ်ခုက ကလေးကို ပညာသင်ပေးတဲ့နေရာမှာလည်း ကလေးရဲ့သိချင်စိတ်ကို လှုံ့ဆော်ပေးဖို့ လိုမယ်လို့ ကျွန်တော်ထင်တယ်။ ဥပမာ ကလေးတစ်ယောက်ကို မျက်လှည့်ပြတယ်ဆိုပါတော့။ ခုနက ဘာမှမရှိတဲ့အရာတွေ လက်ထဲကိုရောက်လာရင် ကလေးက သိချင်စိတ်တွေ သိပ်များသွားပြီ။ အဲဒီလိုပဲ ကျွန်တော်တို့က ကလေးတွေရဲ့သိချင်စိတ်ကို နည်းပေါင်းစုံနဲ့လှုံ့ဆော်နေရမှာ။ ကလေးကို မှတ်ထား၊ ကမ္ဘာသည် လုံး၏၊ လေထဲမှ အောက်ဆီဂျင်ကို ရှူရ၏ဆိုရင် ကလေးက မကျက်ချင်ဘူး။ တကယ်တော့ ကလေးက သိချင်စိတ်နဲ့ သူ့ဘာသာသူ ပြေးလိုက်ရင်း ခရီးရောက်သွားတာကောင်းတယ်။ အဲဒီလိုမဟုတ်ဘဲ ကလေးကို တရွတ်တိုက်ဆွဲခေါ်သလို ဖြစ်နေတယ်လို့ ကျွန်တော် ယူဆတယ်။ ကလေးရဲ့ရှေ့မှာ သူ့ရဲ့လိုချင်မှုတွေကိုပြထားရင် ကလေးက အဲဒီနောက်ကို ပြေးလိုက်မယ်။ လိုက်ရင်းနဲ့ ခရီးရောက်သွား မယ်။ ကျွန်တော်တို့က ခရီးရောက်ဖို့သာ အဓိကကိုး။ အဲဒါကြောင့် ကလေးရဲ့သိချင်စိတ်ကို နှိုးဆွဖို့ လိုတယ်။

တချို့ကလေးတွေကတော့ သိချင်လွန်းလို့ မေးတယ်။ ဒါပေမဲ့ ကျွန်တော်တို့ မဖြေနိုင်ကြဘူး။ ကျွန်တော်တို့က မအားဘူးလို့ အကြောင်းပြတယ်။ ကျွန်တော်တို့ မသိရင်လည်း ၀န်မခံကြဘူး။ အဲဒီအခါကျတော့ ကလေးကကြာလာတဲ့အခါမှာ ဘယ်လိုဖြစ်သလဲဆိုတော့ လောကကြီးမှာ ငါမေးခွန်းထုတ်နေလည်း အလကားပါပဲကွာလို့ ဖြစ်သွားလိမ့်မယ်။ ကျွန်တော်တို့က မေးခွန်းထုတ်တဲ့ မျိုးဆက်ကို လိုချင်တာလေ။ မေးခွန်းထုတ်နိုင်မှ သူ ပိုင်းခြားဝေဖန်နိုင်မယ်။ ပိုင်းခြားဝေဖန်နိုင်မှ ကိုယ့်ကိုယ်ကိုယ်ယုံကြည်မှုရှိမယ်။ အဲဒါမှလည်း ဦးဆောင်နိုင်မယ်။
-----------------------------------------------------------------

Credit.မူရင်းတင်သူ

 theinsein-speech-620.jpg သမ္မတ ဦးသိန်းစိန် အစိုးရသက်တမ်း သုံးနှစ်ပြည့် အထိမ်းအမှတ်အဖြစ် ၂ဝ၁၄ ခုနှစ် မတ်လ ၂၆ ရက်နေ့က ပြည်ထောင်စု လွှတ်တော်မှာ မိန့်ခွန်းပြောကြားစဉ်
Photo: Myanmar President Office Website

မနက်ဖြန် ကျင်းပမယ့် ပြည်ထောင်စု လွှတ်တော်အစည်းအဝေးမှာ နိုင်ငံတော်သမ္မတ ဦးသိန်းစိန် တက်ရောက်ပြီး မိန့်ခွန်းပြောကြားမယ်လို့ သိရပါတယ်။

မနက်ဖြန်မှာ ပြည်ထောင်စု လွှတ်တော်အစည်းအဝေးကို မနက် ၁၀ နာရီမှာ စတင်ကျင်းပမှာဖြစ်ပြီး လွှတ်တော်ကိုယ်စား လှယ်ဟောင်းတွေနဲ့ လွှတ်တော်ကိုယ်စားလှယ်သစ်တွေ တက်ရောက်ကြမှာဖြစ်ပါတယ်။

လွှတ်တော်ကိုယ်စားလှယ်အသစ်တွေဟာ ဒီနေ့ အမျိုးသားလွှတ်တော်၊ ပြည်သူ့ လွှတ်တော်နဲ့ ပြည်ထောင်စု လွှတ်တော်တွေမှာ လျို့ဝှက်မဲပေးစနစ်၊ လွှတ်တော် တက်ရောက်ပုံ၊ လွှတ်တော်ကျင်းပနေစဉ် လိုက်နာဆောင်ရွက်ရမယ့် စည်းကမ်းတွေနဲ့ ကိုယ်စားလှယ်တွေ လွှတ်တော်တွင်း ဆောင်ရွက်ပုံတွေကို လေ့လာခဲ့ပါတယ်။

RFA
http://www.rfa.org/burmese/news/theinsein-last-speech-parliament-01272016025207.html

Transparency International အဖွဲ့ရဲ့ ၂၀၁၅ ခုနှစ် အတွက် စစ်တမ်း
မြန်မာနိုင်ငံရဲ့ အဂတိ လိုက်စားမှု အခြေအနေက ကမ္ဘာ့နိုင်ငံပေါင်း ၁၆၈ နိုင်ငံထဲမှာ အဆင့် ၁၄၇ မှာ ရှိနေတယ်လို့ စစ်တမ်းအသစ် တခုက ဖော်ပြလိုက်ပါတယ်။

ကမ္ဘာတ၀န်းက နိုင်ငံပေါင်း ၁၆၈ နိုင်ငံရဲ့အဂတိလိုက်စားမှု အခြေအနေတွေကို စောင့်ကြည့်ပြီး ထုတ်ပြန်လိုက်တဲ့ Transparency International အဖွဲ့ရဲ့ ၂၀၁၅ ခုနှစ် အတွက် စစ်တမ်းသစ်မှာ အခုလို ဖော်ပြလိုက်တာ ဖြစ်ပါတယ်။

အဂတိ လိုက်စားမှု အခြေအနေမှာ မြန်မာနိုင်ငံက အဆင့် ၁၄၇ နဲ့ ဆိုးရွားနေဆဲ ဖြစ်ပေမယ့် ပြီးခဲ့တဲ့ ၂၀၁၄ ခုနှစ်တုန်းက အဆင့် ၁၅၆ ဖြစ်ခဲ့ပြီး၊ ၂၀၁၃ ခုနှစ် တုန်းကတော့ အဆင့် ၁၅၇ ဖြစ်ခဲ့တာနဲ့ ယှဉ်ရင်တော့ ပြီးခဲ့တဲ့နှစ် အတွင်း အဂတိလိုက်စား အခြေအနေက အနည်းငယ် တိုးတက်မှု ရှိလာတာ ဖြစ်ပါတယ်။

ဒါပေမယ့် အရှေ့တောင် အာရှ ဒေသတွင်း နိုင်ငံတွေထဲမှာတော့ ကမ္ဘောဒီးယား နိုင်ငံပြီးရင် မြန်မာနိုင်ငံက အဂတိ လိုက်စားမှု အဆိုးဆုံးနိုင်ငံ အဖြစ် ရပ်တည်နေဆဲ ဖြစ်ပါတယ်။

မြန်မာနိုင်ငံရဲ့ အဂတိ လိုက်စားမှု အခြေအနေက အာဖရိက နိုင်ငံတွေ ဖြစ်တဲ့ ချဒ်၊ ဒီမိုကရက်တစ် ကွန်ဂို သမ္မတ နိုင်ငံတို့နဲ့ တန်းတူ ဖြစ်တယ်လို့လည်း Transparency International အဖွဲ့ကြီးရဲ့ အစီရင်ခံစာမှာ ဖော်ပြထားပါတယ်။

မြန်မာနိုင်ငံ အပါအ၀င် ဖြစ်တဲ့ အာရှ ပစိဖိတ်ဒေသတွင်း အခြေအနေ တခုလုံးမှာတော့ အဂတိ လိုက်စားမှုက ဒေသတွင်းမှာ အဓိက ပြဿ နာ တခု အဖြစ် ရှိနေဆဲ ဖြစ်ပြီး အဂတိ လိုက်စားမှု တိုက်ဖျက်ရေး အရေးယူ လုပ်ဆောင်မှု တိုးတက် ဖြစ်ထွန်းမှုကလည်း မဖြစ်စလောက်ဘဲ ရှိတယ်လို့ Transparency International အဖွဲ့ကြီးက ပြောဆိုပါတယ်။

ဒါပေမယ့် လူထုကြားမှာ အဂတိလိုက်စားမှု အခြေအနေကိုပြောင်းလဲလိုစိတ်က သိပ်ကို မြင့်တက်လာတာကိုတော့ ကောင်းမွန်တဲ့ အခြေအနေ အဖြစ် ဖော်ပြပေမယ့် အစိုးရတွေ ဘက်က အဂတိ လိုက်စားမှု တိုက်ဖျက်ရေးကို ထိရောက်အောင် လုပ်ဖို့ လိုအပ်နေသေးတယ်လို့လည်း ပြောဆိုထားပါတယ်။ ကမ္ဘာတလွှား အဂတိ လိုက်စားမှု အဆိုးရွားဆုံး နိုင်ငံတွေကတော့ မြောက်ကိုရီးယား၊ ဆိုမာလီယာနဲ့ အာဖဂနစ္စတန် နိုင်ငံတို့ ဖြစ်တယ်လို့လည်း အစီရင်ခံစာက ဖော်ပြပါတယ်။

ဗွီအိုအေ (မြန်မာပိုင်း)
http://burmese.voanews.com


ဆယ်စုနှစ်နဲ့ချီ နိုင်ငံကိုအုပ်ချုပ်ခဲ့တဲ့ စစ်အစိုးရအဆက်ဆက်၊ နောက် အရင်အစိုးရ လက်ထက်က ပေါ်ပေါက်ခဲ့တဲ့ တရားမျှတမှုမရှိတဲ့ ဥပဒေတွေ၊ အဖြေမရှာနိုင်ခဲ့တဲ့ လူ့အခွင့်အရေး ချိုးဖေါက်မှုတွေကို နောင်တက်လာမယ့် အစိုးရအနေနဲ့ ဖြေရှင်းနိုင်လိမ့်မယ်လို့ အားလုံးက မျှော်လင့်ထားကြောင်း HRW အဖွဲ့ကြီးကပြောဆိုလိုက်ပါတယ်။

လွန်ခဲ့တဲ့ နိုဝင်ဘာရွေးကောက်ပွဲဟာ ပွင့်လင်းမြင်သာစွာ ကျင်းပခဲ့တာလို့ လေ့လာသူတွေက သုံးသပ်ထားပေမယ့် ဒီမိုကရေစီစနစ်နဲ့ မညီတဲ့ ၂၀၀၈ ဖွဲ့စည်းပုံ အခြေခံဥပဒေအရ လွှတ်တော်တွင်း တပ်မတော်သားကိုယ်စားလှယ် ၄ ပုံ ၁ ပုံရှိနေသေးပြီး အရေးပါတဲ့ ၀န်ကြီးဌာနတချို့ကို စစ်တပ်က ဆက်လက် ချုပ်ကိုင်ထားတယ် လို့လည်း ထောက်ပြထားပါတယ်။ ဒီအကြောင်း ကိုအောင်အောင်က ဆက်သွယ်မေးမြန်းတင်ပြပေးထားပါတယ်။

လွန်ခဲ့တဲ့ နိုဝင်ဘာလက ရွေးကောက်ပွဲအတွင်း အမျိုးသားဒီမိုကရေစီအဖွဲ့ချုပ် NLD ပါတီကနေ တနိုင်ငံလုံးမှာ အပြတ်အသတ်ရရှိခဲ့ပြီးတဲ့နောက် မကြာခင်ရက်ပိုင်းတွေအတွင်း ဒုတိယအကြိမ် လွှတ်တော် ပြန်လည် စတင်တော့မှာပါ။ ဒီလိုစတင်တဲ့အခါမှာ NLD ပါတီအနေနဲ့ အစိုးရကို ထိန်းချုပ်နိုင်မယ့် အနေအထားရှိတဲ့ ပြည်သူ့လွှတ်တော်မှာနေရာ အများစုရထားတာကြောင့် ဥပဒေပြဌာန်းခွင့်၊ မူဝါဒ ပြောင်းလဲခွင့်တွေဆောင်ရွက်ဖို့ အခွင့်အရေးရရှိလာမှာဖြစ်ပြီး ကာလကြာရှည်စွာ မြန်မာလူထုအပေါ် ဖိနှိပ်ရာမှာ အသုံးပြုလာခဲ့တဲ့ ဥပဒေတွေကို ဦးတည်ထား ပြောင်းလဲသင့်တယ်လို့ HRW လူ့အခွင့်အရေးအဖွဲ့ကြီးရဲ့အာရှရေးရာ လက်ထောက်တာဝန်ခံ Phil Robertson က ပြောပါတယ်။

“ ၁၉၇၅ ခုနှစ် နိုင်ငံတော်ကာကွယ်ရေးဥပဒေ၊ တရားမ၀င် အသင်းဖွဲ့စည်းတာ၊ နောက်အရေးပေါ် စီမံချက် ဥပဒေနဲ့ ဖမ်းဆီးခံထားရသူတွေထဲမှာ အခု NLD အစိုးရထဲမှာတောင် ပါလာမယ့် လွှတ်တော်ကိုယ်စားလှယ်တွေ၊ နိုင်ငံရေးတက်ကြွလှုပ်ရှားသူတွေကို ဖိနှိပ်ရာမှာ အသုံးပြုခဲ့တာကြောင့် ဒါတွေကို ပြောင်းလဲပစ်ဖို့ လိုပါမယ်။ နိုင်ငံရေးအကျဉ်းသားတွေကိုလည်း လွှတ်ပေးရပါမယ်။ ဒါ့အပြင်လွတ်လပ်စွာစုရုံးခွင့်၊ ၁၉၈၂ နိုင်ငံသားဖြစ်ခွင့်ဥပဒေကိုအသုံးချပြီး မြန်မာနိုင်ငံမှာ နှစ်ပေါင်းများစွာ နေထိုင်လာတဲ့ ရိုဟင်ဂျာတွေအပေါ် ဖိနှိပ်မှု ဒါတွေလည်း ဆက်ဖြစ်နေပါတယ်။”

၂၀၁၆ ခုနှစ်အတွက် လူ့အခွင့်အရေးဆိုင်ရာ အစီရင်ခံစာကို HRW ကဒီကနေ့မှာ ထုတ်ပြန်လိုက်တာဖြစ်ပြီး မြန်မာနိုင်ငံမှာ အပြောင်းအလဲတွေ ဆက်လက်ဖေါ်ဆောင်သွားဖို့လိုကြောင်း ဒီအစီရင်ခံစာမှာထောက်ပြထားပါတယ်။

လာမယ့် လွှတ်တော်မှာ အရင်အစိုးကိုဖွဲ့စည်းခဲ့တဲ့ ပြည်ထောင်စု ကြံခိုင်ဖွံ့ဖြိုးရေးပါတီ အနေနဲ့ အမတ်နေရာ အနည်းစုသာ အနိုင်ရရှိထားတာကြောင့်၊ NLD အနေနဲ့ ဥပဒေတွေ ပြောင်းလဲပြင်ဆင်ပြဌာန်းဖို့ မလုပ်နိုင်စရာအကြောင်းမရှိဘူးလို့လည်းPhil ကပြောပါတယ်။ သမ္မတ ဦးသိန်းစိန်အစိုးရလက်ထက် ၂၀၁၀ ခုနှစ်ကနေစလို့ မြန်မာနိုင်ငံမှာ နိုင်ငံရေးတိုးတက် ဖြစ်ထွန်းမှုတွေ ရှိလာပေမယ့်လည်း နေရာအတော်များများမှာ အခြေအနေတွေ ဆက်တိုးတက်လာအောင် လုပ်ဖို့လိုတယ်လို့ Phil ကထောက်ပြပါတယ်။

“ရှမ်းပြည်မြောက်ပိုင်း၊ ကချင်ပြည်နယ်နဲ့ မြန်မာပြည်အရှေ့ပိုင်းဒေသတွေမှာ တိုက်ပွဲတွေဖြစ်နေတာကြောင့် အဲဒီဒေသကလူထုတွေဟာ ထွက်ပြေးတိမ်းရှောင်နေကြရပါတယ်။ ဒါ့အပြင်တချို့ တိုင်းရင်းသားဒေသတွေမှာ မြန်မာစစ်တပ်ရဲ့တိုက်ခိုက်မှုနဲ့ အဓမ္မလုပ်အားပေးခိုင်းစေမှုတွေ ရှိနေဆဲပါ။ အပစ်အခတ်ရပ်စဲရေး၊ ငြိမ်းချမ်းရေးရရှိဖို့ အစိုးရနဲ့ တိုင်းရင်းသား အဖွဲ့တွေကြား တွေ့ဆုံဆွေးနွေးနေကြတာဟာ အရေးကြီးပေမယ့် လူ့အခွင်အရေး ဆိုင်ရာကိစ္စတွေကို ဘေးဖယ်ထားလို့မရပါဘူး။ လူ့အခွင့်အရေးချိုးဖေါက်မှုတွေကြောင့် တိုက်ပွဲတွေဆက်ဖြစ်ပေါ်စေပြီး နယ်စပ်ဖြတ်ကျော် ထွက်ပြေးတာတွေလည်း ဖြစ်စေပါတယ်။”

HRW အဖွဲ့ကြီးအနေနဲ့ နိုင်ငံပေါင်း ၉၀ေ ကျော်က လူ့အခွင့်အရေး အခြေအနေတွေကို ပြန်လည်ဆန်းစစ်ပြီး စာမျက်နှာ ၆၅၉ မျက်နှာပါဝင်ပြီး ၂၆ ကြိမ်မြောက်အဖြစ် ၂၀၁၆ ခုနှစ် လူ့အခွင့်အရေးအစီရင်ခံစာကို ထုတ်ပြန်လိုက်တာပါ။ ဒီအစီရင်ခံစာမှာ ရွေးကောက်ပွဲကနေ လူ့အခွင့်အရေး အခြေအနေတိုးတက်ရာ လမ်းကြောင်းဆီသို့ ဆိုတဲ့ မြန်မာနိုင်ငံနဲ့ ပတ်သက်တဲ့ အခြေအနေတွေကို ဖေါ်ပြထားပြီး အဲဒီထဲမှာ ရွေးကောက်ပွဲ၊ ဖွဲ့စည်းပုံ အခြေခံဥပဒေ၊ လူနည်းစု တိုင်းရင်းသားအရေး၊ လွတ်လပ်စွာ စုရုံးနိုင်ခွင့် စတာတွေပါဝင်ပါတယ်။

အောင်အောင် / ဗွီအိုအေ (မြန်မာပိုင်း)
http://burmese.voanews.com


ဂျန္န၀ါရီလ ၂၇ ရက် ၂၀၁၆

တအာင်းအမျိုးသားလွတ်မြောက်ရေးတပ်မတော် TNLA မှ ဖမ်းဆီးထားသော မိုင်းဝီးနှင့်ဝမ့်ဟိုပန်ရွာသားများ အား ပြန်လွှတ်ပေးရန် ဒေသခံများက ယနေ့နံနက် ဆန္ဒထုတ်ဖော် တောင်းဆိုခဲ့ကြသည်။

“အပြစ်မဲ့ပြည်သူ ၁၂ ယောက် ဘေးကင်းလုံခြုံစွာနဲ့ လွတ်မြောက်လာဖို့ပါ။ သက်ဆိုင်ရာလူကြီးတွေက လူသားချင်း စာနာထောက်ထားပြီး ၀ိုင်းဝန်းကူညီဆောင်ရွက်ပေးဖို့ မိဘဆွေမျိုးတွေက ဆန္ဒထုတ်ဖော်ရတာပါ”ဟု မိုင်းဝီး ဒေသခံ လုံးစိုင်း က ပြောပါသည်။

ယနေ့ ဂျန္န၀ါရီလ ၂၇ ရက် နံနက် ၈ နာရီခွဲခန့် သျှမ်းပြည်မြောက်ပိုင်းနမ့်ခမ်းမြို့ နယ် မိုင်းဝီးသျှမ်းစာပေနှင့် ယဉ်ကျေးမှုအသင်းရုံးရှေ့ ၌မိုင်းဝီးကျေးရွာ တွင် လာရောက်ခိုလှုံနေကြသည့် စစ်ဘေးရှောင် ၀မ့်ဟိုပန်ဒေသခံ ၂၅၀ ကျော်က ဆန္ဒထုတ်ဖော် တောင်း ဆိုခဲ့ကြခြင်း ဖြစ်သည်။

“ကျမရဲ့ညီလေး ပါသွားတယ်လေ။ ကျမတို့ ဘယ်မှာသွားရှာရမယ် မှန်းမသိ ဘူး။ သေလားရှင်းလားဆိုတာ လည်း မသိရဘူး” ဟု ၀မ့်ဟိုပန်ရွာသူ နန်းခမ်းက ပြောပါသည်။

ဝမ့်ဟိုပန်ရွာသား ၉ ဦးနှင့် မိုင်းဝီးရွာသား ၃ ဦး စုစုပေါင်း ၁၂ ဦးအား တအာင်း တပ် TNLA မှ နိုဝင်ဘာလ ၂၇ ရက်နေ့တွင် ဖမ်းဆီးသွားေ ကြာင်း၊ ဈေးေ ရာင်း သွားရာမှ အဖမ်းခံရခြင်း၊ အဝေးရှိ မိဘဆွေမျိုးများကို သွား ရောက် လည်ပတ်ရာမှ အဖမ်းခံရခြင်း၊ သားမယားတောင်းရမ်းလက်ထပ်ရန် သွားရာမှ အဖမ်းခံရခြင်းစသည်တို့ဖြစ် ကြောင်း ဆိုပါသည်။


အလားတူ ဖမ်းဆီးခံရသည့် မိုင်းခတ်ရွာသား ၁၁ ဦးအနက် ၈ ဦးမှာ ပြန် လည်လွှတ်မြောက်လာပြီဟု ဆိုသော်လည်း ကျန် ၃ ဦးနှင့် ဟိုပန်- မိုင်းဝီး ရွာသား ၁၂ ဦးတို့မှာ သတင်းအစအန မကြားသိရပေ။

၎င်းနှင့်ပတ်သက်ပြီး TNLA ဘက်ကမူ ကျေးရွာလူထုအား ဖမ်းဆီးသည့်ေ ပ်ါလစီမရှိဟု ငြင်းဆိုထားပါသည်။

၂၀၁၅ နိုဝင်ဘာလနှောင်းပိုင်းမှစ၍ သျှမ်းပြည်တပ်မတော် RCSS/SSA နှင့် PSLF/TNLA တအာင်းတပ်မတော်တို့ နယ်မြေအငြင်းပွါးမှုဖြစ်ပြီး တိုက်ပွဲ များဖြစ်ပွားရာမှ ဒေသခံများ ဖမ်းဆီးခံနေရခြင်းသည်။ ၀မ့်ဟိုပန်ရွာသူရွာသား အားလုံးလည်း မိုင်းဝီကျေးရွာတွင် ယနေ့တိုင် သွားရောက်ခိုလှုံနေကြရသည်။

သျှမ်းသံတော်ဆင့်/မွေခေါဝ်
Panglong(Burmese)
https://www.facebook.com/Panglong.burmese


၂၀၁၅ ခုနှစ်က အောင်ဇေယျ အိမ်ယာလမ်း လမင်ရိပ်လက်ဖက်ရည်ဆိုင်ရှေ့ ၌ အမှုလိုက် ရဲအရာရှိအား သတ်ခဲ့သည့် တရားခံနှစ်ဦးအား ပုဒ်မ ၃၀၂ (၂) ဖြင့် မြောက်ပိုင်းခရိုင်တရားရုံးက ဇန်န၀ါရီ ၂၇ ရက်နေ့က အလုပ်ကြမ်းနှင့် ထောင်ဒဏ် နှစ် (၂၀) ချမှတ်လိုက်ကြောင်း သိရသည်။

တရားခံချစ်ကိုနှင့် တက်ပုတို့အား ကြိုတင်ကြံရွယ်ချက်ဖြင့် လူသတ်မှုကျူးလွန်သည့် ပုဒ်မ ၃၀၂ (၁)(ခ) ဖြင့် စွဲချက်တင်ထားသောအမှုအား တရားသူကြီးမှ စစ်ဆေးရာတွင် ကြိုတင်ကြံရွယ်သည့် ထောက်ခံချက်မခိုင် လုံသဖြင့် တရားခံနှစ်ဦးအား လူသတ်မှု ပုဒ်မ ၃၀၂ (၂) ဖြင့် အလုပ်ကြမ်းနှင့်ထောင်ဒဏ် နှစ် (၂၀) ချမှတ်လိုက်သည်။

အမှုစစ်ဆေးရာတွင် ခံပြသက်သေ ၂ ဦး၊ တရားလိုနှင့် အမှုစစ်အပါအ၀င် ၁၄ တို့ပါဝင်ပြီး ရာဇသတ်ကြီးပုဒ်မ ၃၀၂ (၂) ဖြင့် ချမှတ်လိုက်ကြောင်း သိရသည်။ အမိန့်ချမှုနှင့်ပတ်သက်၍ အယူခံဝင်တော့မည်မဟုတ်ကြောင်း တရားခံ ရှေ့နေက ပြောကြားသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/

လွှတ်တော်ကိုယ်စားလှယ်ဟောင်း ဦးရွှေမောင်ကို တွေ့ရစဉ်။ Photo: Shwe Maung Facebook
လက်ရှိ ကြံ့ခိုင်ဖွံ့ဖြိုးရေးပါတီက ဘူးသီးတောင်မြို့နယ် ပြည်သူ့လွှတ်တော် ကိုယ်စားလှယ် ဦးရွှေမောင်ကို ငွေကြေးလိမ်လည်မှုနဲ့ ရန်ကုန်တိုင်းဒေသကြီး မင်္ဂလာတောင်ညွန့်မြို့နယ် ရဲစခန်းက ဖမ်းဝရမ်းထုတ်လိုက်ပါတယ်။

ရှိုင်းဆောက်လုပ်ရေးကုမ္ပဏီ အထွေထွေမန်နေဂျာ ဦးစိုးနိုင်က ပုဒ်မ ၄၂၀ လိမ်လည်မှုနဲ့ အမှုဖွင့်တိုင်ကြားတာဖြစ်ပြီး ဦးရွှေမောင်က ရှောင်တိမ်းနေတဲ့အတွက် ၀ရမ်းထုတ်လိုက် တာ ဖြစ်တယ်လို့ အဲဒီအမှုကို ကုမ္ပဏီဖက်က ဆောင်ရွက်ပေးနေတဲ့ တရားလွှတ်တော် ရှေ့နေ ဒေါ်တင်တင်မြ က ပြောပါတယ်။

"ပုဒ်မ ၄၂၀နဲ့ စွဲထားတယ်၊ ငွေကြေးက စာချုပ် ၂ ခုနဲ့၊ ၃ဝဝ ကျော်တယ်နဲ့ တူတယ်၊ အမှုတွေများလို့ သိပ်မပြောတတ်ဘူး၊ နှစ်ခါခွဲတာလေ၊ ၂ဝဝ ရယ်၊ ၁ဝဝ ကျော်လား မသိဘူး၊ အမှုကစွဲထားပြီးပြီ၊ သူ့ကိုရှာမတွေ့လို့ ဖမ်းဝရမ်းတောင်ထုတ်ပြီးပြီ"

လွန်ခဲ့တဲ့ ၂၀၁၂ ခုနှစ်က ငွေကျပ် သိန်း ၂၀၀ ၊ ၂၀၁၃ ခုနှစ်က ငွေကျပ် သိန်း ၁၅၀ စုစုပေါင်း ကျပ်သိန်း ၃၅၀ကို ရှိုင်းဆောက်လုပ်ရေးကုမ္ပဏီ ဥက္ကဌ ဦးအောင်ဇော်ဝင်း ထံကနေ ဦးရွှေမောင် က ချေးယူသွားတာဖြစ်ပြီး ပြန်လည်ပေးဆပ်ခြင်းမရှိသေးတဲ့ အတွက် အမှုဖွင့်ထားတာဖြစ်တယ်လို့ သိရပါတယ်။

အာအက်ဖ်အေ က ဦးရွှေမောင်ကို ဆက်သွယ်ဖို့ကြိုးစားခဲ့ပေမယ့် ခေါ်ဆိုလို့ မရခဲ့ပါဘူး။

ဦးရွှေမောင်ဟာ ရခိုင်ပြည်နယ် ဘူးသီးတောင်မြို့နယ်ကနေ ပြီးခဲ့တဲ့ ၂၀၁၀ ရွေးကောက်ပွဲတုန်းက ရွေးချယ်ခံခဲ့ရတာဖြစ်ပြီး ရှိုင်းဆောက်လုပ်ရေးကုမ္ပဏီ ဥက္ကဌ ဦးအောင်ဇော်ဝင်း ဟာ မောင်တောမြို့နယ်ကနေ ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံထားရတာဖြစ်ပါတယ်။

RFA Burmese
http://www.rfa.org/burmese

ရခိုင်အမျိုးသားခေါင်းဆောင် ဦးအေးသာအောင် နဲ့ ဦးအေးမောင် (Photo from Rakhine CJ FB)
ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ ရခိုင်အမျိုးသားပါတီက အမတ်တဦးကို ပြည်နယ်ဝန်ကြီးချုပ်ရာထူး မပေးရင် သူတို့ပါတီဟာ NLD အစိုးရနဲ့ ပူးပေါင်းဆောင်ရွက်မှာ မဟုတ်ဘဲ အတိုက်အခံအဖြစ် ရပ်တည်မယ်ဆိုတဲ့ ကြေညာချက်ဟာ မြန်မာ့နိုင်ငံရေးမှာရော ANP ပါတီတွင်းမှာပါ ဂယက်ရိုက်နေတဲ့ကိစ္စ ဖြစ်ပါတယ်။ ဒီဆုံးဖြတ်ချက်၊ ကြေညာချက်အတွက် သူ့ကိုအသိပေးခြင်း တိုင်ပင်ခြင်း လုံးဝမရှိခဲ့ဘူး၊ ဗဟိုအလုပ်အမှုဆောင် အများစုရဲ့သဘောထားကိုလဲ ရယူခဲ့ခြင်း မရှိခဲ့ဘူးလို့ ANP အကြီးအကဲတဦးလဲဖြစ် ပေါင်းစည်းပါဝင်နေတဲ့ ရခိုင်ဒီမိုကရေစီအဖွဲ့ချုပ် ခေါင်းဆောင်လဲဖြစ်တဲ့ ဦးအေးသာအောင်က ဆိုပါတယ်။ ဒီပြသနာကို ဘယ်လိုဖြေ ရှင်းကြမလဲ၊ ပါတီ နှစ်ခြမ်းကွဲတဲ့အထိ ပြဿနာ ကြီးထွားလာနိုင်သလားဆိုတာ ဦးအေးသာအောင် နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ ဦးအေးသာအောင် ခင်များ .. အခု ANP ရခိုင်အမျိုးသားပါတီအနေနဲ့ သူတို့ပါတီကလူကို ရခိုင်ပြည်နယ်ဝန်ကြီးချုပ် မပေးရင် NLD အစိုးရကို သပိတ်မှောက်မယ်။ အတိုက်အခံနဲ့ပဲ ရပ်တည်မယ်ဆိုတဲ့ ကြေညာချက် ထွက်တာနဲ့ ပတ်သက်ပြီးတော့ လူတိုင်းက စိတ်ဝင်စား ပြောနေကြပါတယ်။ တချိန်တည်းမှာပဲ ဦးအေးသာအောင် အမှုပြုတဲ့ ALD ဘက်က ပါဝင်လာတဲ့ ပုဂ္ဂိုလ်တွေအနေနဲ့ ဒီကိစ္စနဲ့ ပတ်သက်ပြီး သိပ်ဘဝင်မကျဆိုတဲ့ အသံတွေလည်း ကျနော်တို့ သဲ့သဲ့ကြားရပါတယ်။ ဦးအေးသာအောင်ရဲ့  သဘောထားကို ပထမဦးဆုံး ရှင်းပြပါ။

ဦးအေးသာအောင် ။ ။ ဒီကိစ္စက ကျနော်တို့ ပေါ်လစီနဲ့ ပတ်သက်တဲ့ အရေးကြီးတဲ့ ကြေညာချက်တခုကို ဆုံးဖြတ်ချက်မျိုး ဆုံးဖြတ်မယ်ဆိုရင် CEC အားလုံးကို ဖိတ်သင့်တယ်။ အများရဲ့  ဆန္ဒသဘောကို ယူသင့်တယ်။ အခုတော့ ကျနော် သိရသလောက်ဆိုရင် ကျနော်နဲ့ သိတဲ့လူ တော်တော်များများ ဒီကြေညာချက်ကိုထုတ်ဖို့ အခုလို ဆုံးဖြတ်လိုက်တဲ့ ကိစ္စနဲ့ ပတ်သက်ပြီး မသိတဲ့လူများပါတယ်။ ဒါက မဖြစ်သင့်ဘူး။ ကျနော် ပြောချင်တာက နှစ်ပါတီ ပေါင်းတဲ့အခါမှာ ရခိုင်ဒီမိုကရေစီအဖွဲ့ချုပ်ဘက်က ကျနော်သည် ဥက္ကဋ္ဌ ဖြစ်တယ်။ ဘာပဲဖြစ်ဖြစ် ရခိုင်အမျိုးသားပါတီမှာ ရာထူးမယူထားဆိုပေမယ့် ဒီလို အရေးကြီးတဲ့ ဆုံးဖြတ်ချက်မျိုး ချမယ်ဆိုရင် ကျနော်ကို ဖိတ်သင့်တယ်။ ကျနော်ကို အကြောင်းကြားသင့်တယ်။ အသိပေးသင့်တယ်။ အခုတော့ အကြောင်းလဲမကြားဘူး။ အသိတောင် မပေးဘူးဆိုတော့ ကျနော်အနေနဲ့ ဘယ်လို ပြောရမလဲ။

ဦးကျော်ဇံသာ ။ ။ ဦးအေးသာအောင် ခေါင်းဆောင်တဲ့ ALD ဘက်က လူတွေကို အသိမပေးခဲ့ဘူးဆိုတော့ ဒီကိစ္စဟာ ပါတီနှစ်ခြမ်းကွဲသွားနိုင်တဲ့ အခြေအနေ ရှိနိုင်ပါလား။

ဦးအေးသာအောင် ။ ။ တကယ်တော့ ကျနော်တို့ ရခိုင်ပြည်နယ်က အဆင်းရဲဆုံး ပြည်နယ်တခု ဖြစ်ပါတယ်။ ပြည်နယ်မှာ နိုင်ငံရေး၊ စီးပွားရေး၊ ပညာရေး ဘက်စုံယိုးယွင်းကျဆင်းနေတာကို ပြန်ပြီးတော့ တိုးတက်လာအောင်လုပ်ဖို့ စွန့်ရဲတဲ့ အမျိုးသားညီညွှတ်ရေးကို တည်ဆောက်ရပါမယ်။ အမျိုးသားညီညွှတ်ရေးအင်အားနဲ့ အခုနပြောတဲ့ လက္ခဏာတွေကို ဖြေရှင်းဖို့ ကြိုးပမ်းရမယ်။ ဒါကြောင့် နှစ်ပါတီပေါင်းတဲ့အခါမှာ ဘာပဲဖြစ်ဖြစ် ကျနော်တို့ဘက်က လိုလိုလားလား လိုက်လျောပြီးတော့ ပူးပေါင်းခဲ့တယ်။ အခု ဘယ်လိုပဲ ပြဿနာဖြစ်ဖြစ် တကယ့်တကယ် နိုင်ငံရေးသမားတွေ၊ နိုင်ငံရေးသမားဆိုပြီးတော့ ကိုယ့်ကိုယ်ကိုယ် ခံယူချက်ရှိတယ်။ စိတ်ဓါတ်ရှိတယ်ဆိုရင် အမျိုးသားညီညွှတ်ရေးကို ပျက်ပြားအောင် မလုပ်ရဘူး။ ပျက်ပြားဖို့ ဖြစ်လာတဲ့ ပြဿနာတွေကိုလည်း အမျိုးသားရေး၊ တမျိုးသားလုံးအကျိုးကို ရည်မျှော်ပြီးတော့ သည်းခံရမယ်၊ စိတ်ရှည်ရမယ်၊ စိတ်အေးအေးနဲ့ ဖြေရှင်းတတ်တဲ့ အလေ့အကျင့်တွေ ရှိဖို့လိုပါတယ်။

ဦးကျော်ဇံသာ ။ ။ ဆိုတော့ အခု ရှေ့ ကိုဆက်ပြီးတော့ အဲဒီလို အခြေအနေမျိုး ဖြစ်လာနိုင်ပါသလား။ ဦးအေးသာအောင် ပြောသလို၊ သို့တည်းမဟုတ် ပိုပြီးတော့ တင်းတင်းမာမာ ဖြစ်ပြီးတော့ ကွဲသွားနိုင်ပါလား။

ဦးအေးသာအောင် ။ ။ ကျနော့်သဘောကတော့ ဘာပဲဖြစ်ဖြစ် ဒီနေ့ ကျနော်တို့ ရခိုင်ပြည်နယ် အနာဂတ် ချီတက်ဖို့နေရာမှာ အမျိုးသားညီညွှတ်ရေးကို မဖြစ်မနေ တည်ဆောက်ဖို့ လိုပါတယ်။ ဒါကြောင့် ကျနော်တို့ကတော့ တမျိုးသားလုံးရဲ့ အရေးကို ရှေ့ ရှုပါတယ်။

ဦးကျော်ဇံသာ ။ ။ အခု ကြေညာချက်မှာပါတဲ့ အချက်အလက်နဲ့ ပတ်သက်ပြီး မေးချင်ပါတယ်။ ရခိုင်အမျိုးသားပါတီအမတ်ကို ပြည်နယ်ဝန်ကြီးချုပ်မပေးရင် NLD နဲ့ ပူးပေါင်းမဆောင်ရွက်ဘူး၊ အတိုက်အခံအဖြစ် ဆောင်ရွက်မယ်လို့ ဆိုပါတယ်။ အတိုက်အခံအဖြစ် ဆောင်ရွက်တာလဲ တကယ်တော့ ဒီမိုကရေစီလမ်းကြောင်းနဲ့ သင့်တဲ့ လမ်းတလမ်းပါ။ သို့ပေမဲ့ ဒီလိုဆောင်ရွက်ခြင်းအားဖြင့် ရခိုင်ပြည်နယ်အကျိုး၊ တနိုင်ငံလုံး၊ ပြည်ထောင်စုတခုလုံးရဲ့  အကျိုးကို ဘယ်လို ထိခိုက်နိုင်လဲလို့ ဦးအေးသာအောင်တို့ တွက်ပါသလဲ။

ဦးအေးသာအောင် ။ ။ ကျနော် ပြောချင်တာက ဒီလိုပါ အပြတ်အသတ်နိုင်တဲ့ပါတီ နဲ့ ကျန်တဲ့ပါတီတွေ ရှိမယ်။ မူအရ အတိုက်အခံအနေနဲ့ နေလို့ရပါတယ်။ ဒါပေမဲ့ ဝန်ကြီးချုပ်မပေးရင် ဆိုတာမျိုးကတော့ မကောင်းဘူးလို့ ထင်ပါတယ်။ ဘာပဲဖြစ်ဖြစ် ဒီလိုဖြစ်ရတဲ့အကြောင်းသည် ဒီနေ့မှ ဖြစ်လာတဲ့သဘော မဟုတ်ပါဘူး။ ဖဆပလခေတ်က ၄၇ ဖွဲ့စည်းပုံ အခြေခံဥပဒေမှာ ပြည်နယ်ဥက္ကဋ္ဌတွေကို ပြည်နယ်က ဘယ်လောက်ပဲရွေရွေး၊ ဝန်ကြီးချုပ်ဖြစ်တဲ့ ဖဆပလ ဥက္ကဋ္ဌ ဦးနု က သဘောမတူရင် ပြည်နယ်ဥက္ကဋ္ဌ မဖြစ်ခဲ့တဲ့ သာဓကတွေ ရှိတယ်။ ဒါကြောင့်လဲ ပြည်နယ်ပြည်မ ပြဿနာတွေ ရှိခဲ့တယ်။ ဘာကြောင့်လဲ ၄၇ ဥပဒေမှာ ဒီလိုပြဌာန်းခဲ့လို့ ဖြစ်ပါတယ်။ အခုလဲ ပြည်နယ်မှာ အပြတ်အသတ်တော့ အနိုင်ရတဲ့ပါတီ နှစ်ခုပဲ။ ပြည်နယ်ဝန်ကြီးချုပ် ဖြစ်ခွင့်မရဘူး။ အစိုးရဖွဲ့ခွင့် မရဘူးဆိုတဲ့ အဓိက ပြဿနာသည် ၂၀၀၈ ဖွဲ့စည်းပုံ။ ဒီတော့ ကျနော်တို့က ၂၀၀၈ ဖွဲ့စည်းပုံကို ဘယ်လို ပြင်မလဲ။ ဘယ်လိုပြင်လို့ ရမလဲ။ ပြင်ဖို့အတွက် ဘယ်လို ကြိုးပမ်းမလဲ ဆိုတာမျိုးတွေကို တခွန်းတလေ မပြောဘဲနဲ့ ဝန်ကြီးချုပ်ရမှ ဆိုတာမျိုးတော့ မဖြစ်သင့်ဘူးလို့ ထင်ပါတယ်။

ဦးကျော်ဇံသာ ။ ။ အဓိကအားဖြင့် ဒေါက်တာအေးမောင်အနေနဲ့လဲ အဲဒီအချက်ကိုပဲ ဆန့်ကျင်ကန့်ကွက်လိုတဲ့ သဘောလို ထင်ပါတယ်။ ဗဟိုအစိုးရက ချုပ်ကိုင်ထားပြီးတော့၊ ဗဟိုက ခန့်အပ်ပေးတဲ့ ဝန်ကြီးချုပ်ကသာ ပြည်နယ်ကို အုပ်ချုပ်တယ့်သဘော၊ အရင်တုန်းကလဲ အငြင်းပွားခဲ့တဲ့ကိစ္စ။ အခုလဲ တိုင်းရင်းသားတွေအားလုံး လိုလားနေတဲ့ကိစ္စ။ ဒီကိစ္စနဲ့ ပတ်သက်ပြီး သူက အဓိက ရပ်တည်တယ်လို့ ထင်ပါတယ်။

ဦးအေးသာအောင် ။ ။ ကျနော် ပြောချင်တာက ကျနော် နိုင်ငံရေးသမား ဖြစ်လာတာက ကျောင်းတဆောင်ဆောက်ဖို့၊ လမ်းတလမ်းဖောက်ဖို့ဆောက်ဖို့၊ ရာထူးတခုရဖို့အတွက် မဟုတ်ပါဘူး။ အဓိက ရခိုင်အမျိုးသားများရဲ့  ဆုံးရှုံးနေတဲ့ အမျိုးသား ရပိုင်ခွင့်ကို ရဖို့အတွက် နိုင်ငံရေးလုပ်တာပါ။ အဓိက ပြောချင်တာက ပြည်နယ်မှာ ကိုယ်ပိုင်ပြဌာန်းခွင့်ရဖို့၊ ကိုယ့်ကြမ္မာကိုယ် ဖန်တီးခွင့်ရဖို့ ကြိုးပမ်းနေတာပါ။ အဲဒီအတွက်ဆို ၂၀၀၈ ဖွဲ့စည်းပုံကို ပြင်ရေးသည် အဓိက ဖြစ်ပါတယ်။ ဒါကြောင့် ကျနော်တို့ကတော့ ၂၀၀၈ ဖွဲ့စည်းပုံ ပြင်ရေးကိုပဲ အဓိကပြောမယ်။ တိုက်တွန်းသွားမယ်ဆိုတာကို ပြောချင်ပါတယ်။

ဦးကျော်ဇံသာ ။ ။ ကျနော် တစ်ခု မေးချင်ပါသေးတယ်။ ဦးအေးသာအောင် ကို တကယ်လို့ အမျိုးသားဒီမိုကရေစီအဖွဲ့ချုပ် အစိုးရက နေရာ၊ တာဝန်၊ တစုံတရာ ကမ်းလှမ်းလာတယ်ဆိုရင် ဦးအေးသာအောင် ဘယ်လို သဘောထားမလဲ။

ဦးအေးသာအောင် ။ ။ ကျနော် နိုင်ငံရေး လုပ်တာသည် ရာထူးလိုချင်လို့၊ နေရာလိုချင်လို့ လုပ်တာမဟုတ်ပါဘူး။ ပြည်တွေဘက်က ရပ်ပြီးတော့ ပြည်သူတွေအတွက် ပြောဖို့၊ ပြည်သူတွေအတွက် လုပ်ဖို့ ကျနော် နိုင်ငံရေးလုပ်တာပါ။ ကျနော်အနေနဲ့ မည်သည့်ရာထူး၊ မည်သည့်နေရာမှ မျှော်လင့်မမျှော်လင့်ခဲ့ပါဘူး။ အခုလဲပဲ တချို့  ထင်ကြေးပေးကြတယ်။ ခန့်မှန်းပြီးတော့ ပြောကြတယ်။ ဂျာနယ်တွေမှာ ရေးကြတယ်။ မေးလဲမေးတယ်။ ဒါပေမဲ့ ဒါတွေက တိတိကျကျ၊ မသေမချာ ဖြစ်တဲ့အခါကြတော့ ကျနော်ကပြောဖို့ ခက်ပါတယ်။

ဦးကျော်ဇံသာ ။ ။ ကျနော် နောက်ဆုံး မေးချင်တာက အခု ဒေါက်တာအေးမောင်တို့ ကြေညာချက် ထုတ်ပြန်တာနဲ့ ပတ်သက်ပြီးတော့ ပါတီအတွင်းမှာ အတော်လေး ကွဲပြဲသွားနိုင်တယ့် အခြေအနေ ရှိနိုင်တယ်လို့ သုံးသပ်ရပါတယ်။ ဒီကိစ္စ နှစ်ဘက် ပြေလည်သွားနိုင်တဲ့ အလားအလာ ရှိပါလား။ ပြေလည်သွားနိုင်အောင် ဘယ်လိုဆောင်ရွက်နိုင်မယ်လို့ ထင်ပါလဲ။ နောက်ဆုံးအနေနဲ့ ပြောပေးပါ။

ဦးအေးသာအောင် ။ ။ အမှန်ကတော့ နိုင်ငံရေးပါတီတစ်ခုဟာ အမျိုးသားညီညွှတ်ရေးကို တည်ဆောက်ဖို့ လိုပါတယ်။ ညီညွှတ်ရေးကို တည်ဆောက်တဲ့နေရာမှာ အကြောင်းတချက်နဲ့ တည်ဆောက်လို့ မရပါဘူး။ နိုင်ငံရေးခေါင်းဆောင်၊ နိုင်ငံရေးသမား တစ်ယောက်အနေနဲ့က တကယ့် ဒီမိုကရေစီကျင့်စဉ်၊ ပါတီတွင်း လုပ်ထုံးလုပ်နည်း၊ နိုင်ငံရေးပါတီတစ်ခုရဲ့  လုပ်ရမယ့် ကျင့်ထုံးကျင့်စဉ်တွေကို လိုက်နာပြီးတော့ လုပ်မယ်ဆိုရင် ညီညွှတ်ရေးဆိုတာ ဖြစ်ပါတယ်။ စကားက ပြောချင်သလိုပြောလို့ မဖြစ်ပါဘူး။ တကယ့်တကယ် ညီညွတ်ရေးကို ဦးတည်တဲ့ ထိန်းထိန်းသိမ်းသိ်ိမ်း၊ ဆင်ဆင်ခြင်ခြင် လုပ်ဖို့လိုပါတယ်။ ပြည်ထောင်စုအတွက်၊ တမျိုးသားလုံးအတွက် ပြောတဲ့အခါမှာ အမျိုးသားရေးကို ရည်မှန်းပြီးတော့၊ အမျိုးသားညီညွှတ်ရေးကို ရည်မှန်းပြီးတော့ ပြောဖို့လိုပါတယ်။

ဦးကျော်ဇံသာ ။ ။ ဆိုတော့ အခု ပြန်လည်ပြီးတော့ ဦးအေးသာအောင်တို့ဘက်က CEC အစည်းအဝေးကို ပြန်ခေါ်ပြီးတော့ ဒါကိုတင်ပြမယ်။ ပြေလည်အောင် ညှိနှိုင်းမယ်ဆိုတဲ့ အဲဒီလိုများ စဉ်းစားထားပါလား။ ဘယ်လို ပြေလည်အောင် ဖြေရှင်းသွားဖို့ စဉ်းစားထားပါလဲ။

ဦးအေးသာအောင် ။ ။ ကျနော်တို့ဘက်ကတော့ ဘာပဲဖြစ်ဖြစ် ကျနော်တို့ ပြည်နယ်က အဆင်းရဲဆုံး ပြည်နယ်ဖြစ်တယ်။ တခြားပြည်နယ်တွေထက်လဲ ပြဿနာတွေ များပါတယ်။ ဒီတော့ ဒီစိန်ခေါ်မှုတွေ၊ ပြဿနာတွေကို ကျော်လွှာနိုင်ဖို့ ညီညွတ်တဲ့ အမျိုးသား ညီညွှတ်ရေးကို တည်ဆောက်ဖို့ လိုပါတယ်။ အဲဒီတော့ ဘယ်လို ပြဿနာပဲဖြစ်ဖြစ်၊ ဘယ်လိုကိစ္စမျိုးပဲပေါ်ပေါ် ညီညွှတ်ရေးကို ပြန်ပြီးတော့ ရယူသင့်တယ်။ တည်ဆောက်သင့်တယ်လို့ ပြောချင်ပါတယ်။

ဦးကျော်ဇံသာ ။ ။ CEC အစည်းအဝေး ကျင်းပဖို့ တောင်းဆိုတင်ပြဖို့ အစီအစဉ် ရှိပါလား။

ဦးအေးသာအောင် ။ ။ ကျနော်အနေနဲ့ တင်ပြတာထက် တကယ်တော့ ဥက္ကဋ္ဌအဖွဲ့၊ အတွင်းရေးမှူးအဖွဲ့တွေမှာ တာဝန်ရှိပါတယ်။ သင့်တော်တဲ့ အချိန်မျိုးမှာ ခေါ်သင့်တယ်လို့ မြင်ပါတယ်။

ဦးကျော်ဇံသာ ။ ။ ဒါကတော့ ဦးအေးသာအောင်ရဲ့  အမြင်များ ဖြစ်ပါတယ်။ နောက်တပတ်မှာတော့ ဒေါက်တာအေးမောင် ကို ဆက်သွယ်ပြီး သူတို့ဘက်က သဘောထားအမြင်ကို တင်ပြနိုင်အောင် ကြိုးစားသွားပါမယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com


အသက် ၅၇နှစ် မစ်စတာစုရတ် ထန်ယာနွန်ဆိုတဲ့ ထိုင်းအမျိုးသား တစ်ဦးသည် သူ့ကိုယ်သူ မော်ဒယ်လင်း(Modeling) ဆိုပြီး လှပချောမောသောကျောင်းသူမလေးတွေကိုလိမ်လည် ခေါ်ဆောင်မှုပြုလုပ်နေပါတယ်။ အဆိုတော် လုပ်မလား သရုပ်ဆောင် မင်းသမီးလုပ်မလား ကြော်ငြာ မင်းသမီးလုပ်မလား အကသမားလုပ်မလား အနုပညာလောကမှာ သူပိုင်တယ် သူက (Modeling) သူအဆက်အသွယ် များတယ်ဆိုပြီး အမျိုးသမီးချောလေးတွေကို ဆွဲဆောင်ပြောဆိုပြီး စိတ်ဝင်စားသော အမျိုးသမီးတွေကို ကားပေါ်တက်ခိုင်းကာ တနေရာရောက်တော့ မုဒိန်းကျင့်လေ့ရှိပါတယ်။

 ဘယ်ကောင်မလေးချောလဲဆိုတာ ဖေ့ဘွတ်ပေါ်မှာ လိုက်ကြည့်ခြင်း အဖြူရောင် ဟွန်ဒါ ကားတစ်စီးနဲ့ စာသင်ကျောင်းပတ်ဝန်းကျင်မှာ လိုက်လံကြည့်ရှုခြင်းဖြင့် အပြောအဆိုလည်းကောင်းတဲ့အတွက် အမျိုးသမီးလေးအတော်များများ ပါသွားခဲ့ဖူးပါတယ်။

 ဒီနေ့ ဇန်န၀ါရီလ ၂၇ရက်နေ့ ၂၀၁၆ခုနှစ်မှာဆိုရင် ဘန်ကောက်မြို့အ၀င် ဖျူးကျောပတ် ရန်ဆစ်ကုန်တိုက်မှာ ၎င်းလူဆိုးကို ဖမ်းဆီးရမိပါတယ်။

 ဒါလည်းသင်ခန်းစာတခုဖြစ်ပါတယ် အဆိုတော် သရုပ်ဆောင်မင်းသမီးဖြစ်ချင်သောအမျိုးသမီးများအတွက် နာမည်ကျော်ကြားမည့်အစား ဘ၀ပျက်ဆီးသွားတာများပါတယ်။

 နောက်ပြီးဖေ့ဘွတ်ထဲမှာ မျက်နှာလှလှလေးဖြစ်စေ အ၀တ်အစား တိုတိုလေးဖြစ်စေ တင်မိပါက ကံမကောင်းဖြစ်ခဲ့လျှင် လူဆိုးရဲ့သားကောင်ဖြစ်စေပါတယ်။ အမျိုးသမီးများအတွက် သတိထားသင့်ပါတယ်။

MTF Channel
https://www.facebook.com/mtftv


ကျောက်ဖြူ၊ ဇန်န၀ါရီ ၂၇

ရခိုင်ပြည်နယ် ကျောက်ဖြူမြို့တွင် အိမ်တအိမ်အား ၀င်ရောက်ရှာဖွေရာ အိမ်ရှင် ဖြစ်သူက ဓါးဖြင့် ခုခံခဲ့သော်လည်း ၎င်းအိမ်အတွင်းမှ WY စာတန်းပါ စိတ်ကြွဆေးပြားများကို ဖမ်းဆီးရမိခဲ့သည်ဟု သိရသည်။

 ယနေ့နံနက် ၅ နာရီခန့်က  ကျောက်ဖြူခရိုင် ရဲတပ်ဖွဲ့မှူးရဲ့ ညွန်ကြားချက်ဖြင့် ကျောက်ဖြူမြို့၊ ရခိုင် ပိုက်ဆိပ် ရပ်ကွက်၊ ဆားပြင်ကွင်း ဆင်းလမ်းနေ ဦးစံခင်မောင် ၏နေအိမ်သို့ ကျောက်ဖြူမြို့နယ် ရဲတပ်ဖွဲ့မှူး ရဲမှူး ဦးကျော်ဌေး ဦးဆောင်ပြီး ရဲတပ်ဖွဲ့ဝင်များ၊ မူးယစ်အထူးတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးအပါအ၀င် ၀င်ရောက် ရှာဖွေရာ  WY စာတန်းပါ စိတ်ကြွဆေးပြား ၁၃၄ ပြားနှင့် အတူ ငွေစက္ကူအမျိုးမျိုး  ကျပ် ၇၃၀၀၀၀ ကို ဖမ်းဆီးရမိခဲ့ကြောင်း  ကျောက်ဖြူမြို့မရဲစခန်းမှူး ဒုရဲမှူး မိုးဇော်သူက ပြောသည်။

 ယခု ဖမ်းဆီးမှုသည် ကျောက်ဖြူမြို့တွင် လူငယ်များ အကြား မူးယစ်ဆေးဝါး သုံးစွဲမှု ပျံ့နှံ့နေမှုကို တားဆီးရန်  ဇန်န၀ါရီလ ၂၄ ရက်နေ့က ရဲနှင့်ပြည်သူများ ပူးပေါင်း ဆွေးနွေးပွဲတစ်ခုပြုလုပ်ခဲ့ အပြီး သုံးရက်တာ ကာလ အတွင်း ဖမ်းမိခြင်း ဖြစ်သည်။

  “ သတင်းအရ ဦးစံခင်မောင် နေအိမ်သို့ ၀င်ရောက်ရှာဖွေခဲ့ရာမှာ သူကခုနှစ်လက်မလောက်ရှည်တဲ့ ဓားမြောင်နဲ့ ရဲတပ်ဖွဲ့ကို ခုခံပါတယ်။ ခုခံတဲ့အတွက် ရုန်းရင်းဆန်ခတ်ဖြစ်သွားပါတယ်။ ရဲတပ်ဖွဲ့ဝင်တွေတော့ ဒဏ်ရာ ကြီးကြီးမားမား မရခဲ့ပါဘူး။ ရုန်းရင်းဆန်ခတ်ဖြစ်သွားတဲ့အတွက် နဖူးတွေအနည်းငယ် ပွန်းသွားတာတော့ ရှိပါတယ်” ဟု ဖမ်းဆီးရာတွင် ပါဝင်သူ ကျောက်ဖြူရဲစခန်းမှ တပ်​ကြပ်​ထွန်းလင်း ကပြောသည်။

 ကျောက်ဖြူရဲစခန်း မူးယစ် ပ အမှတ် ၁/၂၀၁၆ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးဆိုင်ရာ ဥပဒေပုဒ်မ ၁၅/၁၉က/၂၀က/၂၁ ဖြင့် အရေးယူဆောင်ရွက်ထားကြောင်းသတင်းရရှိသည်။

ကျော်ဝင်း / နိရဉ္စရာသတင်းဌာန
http://www.narinjara.com


မူဆယ်၊ ဇန်န၀ါရီ ၂၇ ။

ရှမ်းပြည်နယ်(မြောက်ပိုင်း) မူဆယ်မြို့ ၌ ပန်ဆေးပြည်သူ့ စစ်အဖွဲ့ နှင့် နမ့်ခမ်းဌာနေပြည်သူ့ စစ်အဖွဲ့ တို့ အကြား လောင်းကစားဝိုင်း ကိစ္စနှင့် ပတ်သက်ပြီး နှစ်ဖက် အခြေအတင် စကားများရာမှ ပစ်ခတ်မှုများဖြစ်ပွားခဲ့ကြောင်း ၊ ပစ်ခတ်မှုဖြစ်ပွားရာ နေရာသို့ရောက်ရှိနေသည့် အမည်မဖော်လိုသူ မူဆယ်မြို့ခံတစ်ဦးက ဇန်န၀ါရီလ ၂၆ ရက်နေ့လယ်ပိုင်းတွင် ကမ္ဘောဇတိုင်းသတင်းဂျာနယ်သို့ပြောသည်။

ဖြစ်စဉ်မှာ ဇန်န၀ါရီလ (၂၆) ရက်၊ နံနက် ၁၁ နာရီအချိန်ခန့် က မူဆယ်မှနမ့်ခမ်းမြို့ အထွက်ကားလမ်းရှိ နမ့်ခမ်း ဌာနေပြည်သူ့ စစ်အဖွဲ့ မှဖွင့်လှစ်ထားသော (၆)ကောင်ဂျင်လောင်းကစားရုံသို့  ပန်ဆေးပြည်သူ့ စစ်အဖွဲ့ ဝင် အင်အား ၂၀ ခန့် ကလက်နက်ငယ်ကိုယ်စီဖြင့်ရောက်ရှိလာခဲ့ကြောင်း၊ယင်းနောက် အဆိုပါလောင်းကစားရုံ၌ လုံခြုံရေးတာဝန်ထမ်း ဆောင်နေသော နမ့်ခမ်းဌာနေပြည်သူ့ စစ်အဖွဲ့ ၏ တပ်စုမှူးအဆင့်ရှိသူ နှင့် အခြေအတင် စကားများခဲ့ကြပြီး၊ ပန်ဆေးပြည်သူ့ စစ်အဖွဲ့ ခေါင်းဆောင်က ပစ္စတိုသေနတ်ကို မိုးပေါ်ထောင်၍ ၂ ချက်ပစ်ခတ်ခဲ့ခြင်း ဖြစ်ကြောင်း၊ ပစ်ခတ်မှုဖြစ်ပွားစဉ်က လောင်းကစားရုံ အနီးရောက်ရှိနေသည့် အထက်ပါ မူဆယ်မြို့ခံကပြောသည်။

"လောင်းကစားရုံက မြို့ ပြင်မှာ၊ ပြီးတော့ အဲဒီအချိန်က လောင်းကစားရုံကို လူတွေမလာတဲ့မနက်ပိုင်းဆိုတော့ မြို့ ထဲက ဘာမှမသိလိုက်ပါဘူး။ ဒီလောင်းကစားရုံက ဖွင့်ထားတာ ၂ လလောက် ရှိပါပြီ။ ဌာနေပြည်သူ့ စစ်ကို ပန်ဆေးပြည်သူ့ စစ်က လောင်းကစားရုံဖွင့်ထားလို့  အခွန်လာတောင်းတာနဲ့ တူပါတယ် ” ဟုလည်း ၄င်းကသုံးသပ်ပြောဆိုသည်။

ယင်းကိစ္စနှင့်ပါတ်သက်၍ မူဆယ်မြို့ မရဲစခန်းသို့ဆက်သွယ်မေးမြန်းရာ ဖြစ်စဉ်ကို စုံစမ်းစိစစ်ဆဲဖြစ်ကြောင်း တာဝန်ကျရဲအရာရှိက ပြန်လည်ဖြေကြားသည်။

စိုင်းမိန်း
Kanbawza Tai News Journal
https://www.facebook.com/kanbawzatai

မော်လမြိုင်မြို့ဝင် ဆိုင်းဘုတ်ကိုတွေ့ရစဉ် Photo: RFA
အမေရိကန်ပြည်ထောင်စုက မြန်မာလူမျိုးအများအပြားနေထိုင်တဲ့ ဖို့တ်ဝိန်း (Fort Wayne) မြို့နဲ့ မွန်ပြည်နယ် မော်လမြိုင်မြို့တို့ကို ညီအမမြို့တွေအဖြစ် သဘောတူလက်မှတ်ရေးထိုးလိုက်ပြီ ဖြစ်ပါတယ်။

ဖို့တ်ဝိန်းနဲ့ မော်လမြိုင်မြို့တွေကို ညီအမမြို့တွေအဖြစ် သတ်မှတ်လိုက်ကြောင်း ချစ်ကြည်ရင်းနှီးမှုဆိုင်ရာ သဘောတူစာချုပ်ကို ဖို့တ်ဝိန်းမြို့တော်ဝန် တွန်ဟင်နရီ (Tom Henry) က သူ့မြို့တော်ဝန်ရုံးခန်းမှာ ဇန်နဝါရီလ ၂၅ ရက် တနင်္လာနေ့က လက်မှတ်ရေးထိုးလိုက်တာပါ။

ညီအမမြို့တော်တွေ ဖြစ်လာတဲ့အတွက် မြန်မာနိုင်ငံက ကျောင်းသားနဲ့ ဆရာတွေအတွက်ရော၊ မြန်မာ့ယဉ်ကျေးမှု ထိန်းသိမ်းရေးအတွက်ပါ အင်မတန် အကျိုးရှိလာစေမှာဖြစ်တယ်လို့ ဖို့တ်ဝိန်းမြို့က ကျောင်းဆရာတစ်ဦးဖြစ်သူ ဦးကျော်သိန်းစိုးက ပြောပါတယ်။

"မနေ့က မြို့တော်ဝန် Tom Henry ကနေပြီးတော့ လက်မှတ်ထိုးလိုက်တာပါ၊ တကယ်တမ်း ထိထိရောက်ရောက်လုပ်ကြမယ်ဆိုလို့ရှိရင်တော့ အကျိုးအမြတ်တွေက တန်ဖိုးမဖြတ်နိုင်အောင်ပဲ များပါတယ်၊ အကျိုးအမြတ်တွေမှာ ဘာတွေပါမလဲဆိုရင် အထက်တန်းကျောင်းသားလေးတွေကို အလဲအလှယ်လုပ်ကြတာပေါ့လေ၊ မြန်မာနိုင်ငံက အထက်တန်းကျောင်းသားက ဒီကိုလာ၊ ဒီမှာရှိတဲ့ အထက်တန်းကျောင်းသားက ဟိုမှာသွားနေပေါ့လေ၊ ဟိုမှာကလည်း ဧည့်ခံမယ့်အိမ်ရှိရမှာပေါ့ဗျာ အဲ့ဒါကိုလည်းသူတို့လျှောက်ရတယ်ဗျ မြန်မာနိုင်ငံမှာ၊ ဒီမှာလည်း ဧည့်ခံမယ့်အိမ်ကို ကျနော်တို့က ရှာပေးရတာပေါ့၊ ၃ လတခါ ဒါမှမဟုတ် နွေရာသီမှာ အလဲအလှယ်လုပ်တာတို့ အဲ့ဒီကမှ တဆင့် ကျောင်းဆရာတွေ မြန်မာနိုင်ငံမှာ အထူးသဖြင့် တေးဂီတသင်ပေးတဲ့ဆရာတို့ မြန်မာစကားကို သင်ပေးနိုင်မယ့်ဆရာတို့ အနုပညာ အဆိုအက သင်ပေးမယ့်ဆရာတို့ အဲ့ဒါမျိုးတွေကိုဒီကိုလွှတ် ဒီကလည်း အင်္ဂလိပ်စာသွားသင်ပေးနိုင်မယ့်ဆရာတို့ကို အဲ့ဒါကိုအလဲအလှယ်လုပ်တတ်လို့ရှိရင်တော့ အကျိုးအမြတ် ကတော့ နှစ်ဘက်စလုံးမှာရမှာပါ၊ အထူးသဖြင့် ကျနော်တို့ မြန်မာကလေးငယ်တွေဘက်က ရနိုင်မယ် လို့မျှောင်လင့်တာပေါ့"

ညီအမမြို့များအဖွဲ့ဝင် ၉ ဦးဟာ အခုရက်ပိုင်းအတွင်း မော်လမြိုင်မြို့ကို သွားရောက်ဖို့ရှိပြီး၊ မြန်မာနိုင်ငံခရီးစဉ်အတွင်း အမေရိကန်သံအမတ်ကြီး Scot Marciel၊ NLD ပါတီဥက္ကဌ ဒေါ်အောင်ဆန်းစုကြည်တို့နဲ့ တွေ့ဆုံနိုင်ဖို့ စီစဉ်ထားတယ်လို့ ဆိုပါတယ်။

ဖို့တ်ဝိန်းညီအမမြို့များဆိုင်ရာ နိုင်ငံတကာအဖွဲ့ကို ၁၉၇၆ ခုနှစ်က စတင်တည်ထောင်တာဖြစ်ပြီး၊ လောလောဆယ်မှာ ဂျပန်နိုင်ငံ တာကာအိုကာမြို့၊ ပိုလန်နိုင်ငံ ပလော့မြို့၊ ဂျာမနီနိုင်ငံ ဂါရာမြို့နဲ့ တရုတ်နိုင်ငံ တိုင်ကျိုးမြို့ စတဲ့ မြို့ ၄ မြို့နဲ့ ညီအမမြို့တွေအဖြစ်သဘောတူညီထားပါတယ်။ မြန်မာနိုင်ငံ မော်လမြိုင်မြို့ကတော့ ဖို့တ်ဝိန်းမြို့ရဲ့ ပဉ္စမမြောက် ညီအမမြို့ ဖြစ်လာတာပါ။

အင်ဒီးယားနားပြည်နယ် ဖို့တ်ဝိန်းမြို့မှာ မြန်မာလူမျိုး ၈၀၀၀ နဲ့ ၁၀၀၀၀ ကြားခန့် နေထိုင်ပြီး၊ အများစုဟာ ထိုင်း-မြန်မာနယ်စပ် ဒုက္ခသည်စခန်းက ပြောင်းရွှေ့လာသူတွေ ဖြစ်ပါတယ်

RFA Burmese
http://www.rfa.org/burmese

 ရန်ကုန်မြို့ အင်းစိန်အကျဉ်းထောင်ကို တွေ့ရစဉ် Photo: RFA
 သမ္မတဦးသိန်းစိန် အစိုးရလက်ထက် လွတ်ငြိမ်းချမ်းသာခွင့်နဲ့ ပြန်လွှတ်ပေးလိုက်တဲ့ အကျဉ်းသား ၁ သောင်း ၁ ထောင့် ၅ ရာကျော်ထဲမှာ လူသတ်မှုနဲ့ ပြစ်ဒဏ်ကျခံနေရသူ ၂၃၀၀ ကျော်၊ သားမယားအဓမ္မပြုကျင့်မှု (မုဒိန်းမှု)နဲ့ ပြစ်ဒဏ်ကျခံနေရသူ ၁၇၀၀ ကျော်၊ လုယက်မှုနဲ့ ပြစ်ဒဏ်ကျခံနေရသူ ၅၀၀၀ ကျော် ပါဝင်တယ်လို့ သိရပါတယ်။

မနေ့ကကျင်းပတဲ့ လွှတ်တော်ဆွေးနွေးပွဲအတွင်း အမျိုးသားလွှတ်တော်ကိုယ်စားလှယ် ဦးဖုန်းမြင့်အောင် ရဲ့ မေးမြန်းချက်ကို ပြည်ထဲရေး ဒုတိယဝန်ကြီး ဗိုလ်မှူးချုပ်ကျော်ကျော်ထွန်းက ဖြေဆိုခဲ့တာဖြစ်ကြောင်း Eleven Media သတင်းကို ကိုးကားပြီး ထိုင်းနိုင်ငံထုတ် The Nation သတင်းစာက ဖော်ပြပါတယ်။

ဒါ့ပြင် သေဒဏ်ချမှတ်ခံထားရသူ ၁၈၁ ဦးရှိတဲ့ထဲက ၂၀၁၂ ခုနှစ်မှာ ၃၃ ဦး၊ ၂၀၁၄ ခုနှစ်မှာ ၇၁ ဦးကိုလည်း လွတ်ငြိမ်းချမ်းသာခွင့်အမိန့်နဲ့ ပြန်လွှတ်ပေးခဲ့တယ်လို့ ပြည်ထဲရေး ဒုတိယဝန်ကြီးက လွှတ်တော် မှာ ပြောကြားခဲ့ပါတယ်။

RFA Burmese
http://www.rfa.org/burmese


လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနကို ပြည်ထဲရေးဝန်ကြီးဌာနအောက် ပြောင်းရွှေ့ဖို့ သမ္မတဦးသိန်းစိန်အဆို တင်သွင်းထားတဲ့ အစီအစဉ်ကို ဒီကနေ့ ဗုဒ္ဓဟူးနေ့မှာ ပြည်ထောင်စုလွှတ်တော်မှာ ဥပဒေမူကြမ်းကော်မတီက တင်သွင်းမှာ ဖြစ်ပါတယ်။

ဒါဟာ နိုင်ငံအတွက် အရေးကြီးတဲ့ ကိစ္စရပ်တွေမှာ စစ်တပ်အနေနဲ့ ပိုပြီး လုပ်ပိုင်ခွင့် အာဏာ ရှိစေဖို့ အခုလို လ၀က ကို စစ်တပ်အောက်မှာ ရှိနေတဲ့ ပြည်ထဲရေးဝန်ကြီးဌာနနဲ့ ပူးပေါင်းဖို့ ကြိုးစားတဲ့လုပ်ရပ် ဖြစ်တယ်လို့ ဝေဖန်မှုတွေ ထွက်ပေါ်နေပါတယ်။ အပြည့်အစုံကို မအင်ကြင်းနိုင်က တင်ပြထားပါတယ်။

အခုလွှတ်တော်သက်တမ်းပြီးဆုံးဖို့ ၃ ရက်သာ လိုတော့တဲ့အချိန်မှာ စစ်တပ်ရဲ့လုပ်ပိုင်ခွင့် ပိုရှိစေတဲ့ သမ္မတရဲ့ အဆိုတင်သွင်းလာတဲ့အပေါ် လူအများ စိတ်ဝင်တစား ဖြစ်ခဲ့ကြတာပါ။ ၂၀၀၈ ဖွဲ့စည်းပုံ အခြေခံဥပဒေအရဆိုရင် ပြည်ထဲရေး အပါအ၀င် နယ်စပ်ရေးရာနဲ့ ကာကွယ်ရေးဝန်ကြီးဌာန ၃ ခုကို ကာကွယ်ရေးဦးစီးချုပ်ရဲ့ ထိန်းချုပ်မှုအောက်မှာ ရှိနေတာပါ။

ဒီကနေ့ ပြည်ထောင်စုလွှတ်တော်မှာ တင်သွင်းမယ့် သမ္မတဦးသိန်းစိန်ရဲ့အဆိုကို ဆုံးဖြတ် အတည်ပြုခဲ့မယ်ဆိုရင် ဒေါ်အောင်ဆန်းစုကြည် ဦးဆောင်မယ့် အစိုးရသစ် လက်ထက်မှာလည်း နိုင်ငံရဲ့ အရေးကြီးတဲ့ ကိစ္စရပ်တွေမှာ စစ်တပ်ရဲ့အာဏာ ပိုပြီး အထင်အရှား ရှိနေဦးမှာ ဖြစ်တယ်လို့လည်း မြန်မာ့အရေး အကဲခတ်တွေက သုံးသပ်ကြပါတယ်။ လူဝင်မှုကြီးကြပ်ရေးဝန်ကြီးဌာနဟာ အရပ်သားအစိုးရ လက်အောက်မှာပဲ ရှိသင့်တယ်လို့ မြင်ကြောင်း မြန်မာ့အရေးအကဲခတ်လည်းဖြစ် ထောက်လှမ်းရေးမှူးဟောင်းလည်းဖြစ်တဲ့ ဦးအောင်လင်းထွဋ်က မြင်ပါတယ်။

“လူဝင်မှုကြီးကြပ်ရေး ၀န်ကြီးဌာနဆိုတာက ကျနော်တို့ ၁၉၈၈ ခုနှစ် အရေးအခင်းပြီးတော့ န၀တအစိုးရ စ ဖွဲ့တဲ့အချိန်ကျမှ လူဝင်မှုကြီးကြပ်ရေးဝန်ကြီးဌာနဆိုပြီးတော့ အဲဒီအချိန်တုန်းကတော့ ဗိုလ်ချုပ်ကြီးမောင်လှ စပြီးတော့မှ ဖွဲ့ခဲ့တဲ့ ၀န်ကြီးဌာနပါ။ ဘာဖြစ်လို့ဖွဲ့သလဲဆိုတော့ တရုတ်နဲ့ ကုလားကြားမှာနေတဲ့ ကျနော်တို့ ဗမာနိုင်ငံရဲ့ လူဝင်မှုကိစ္စတွေကို တားဆီးနိုင်အောင် ကာကွယ်နိုင်အောင်အတွက် ဖြစ်ပါတယ်။ ဒါပေမဲ့ အခု ပြည်ထဲရေးက ယူမယ်ဆိုတဲ့သဘောက တပ်မတော်က သိမ်းပိုက်ချင်တဲ့သဘောမျိုး ဖြစ်ပါတယ်။ ဒီလို ၀န်ကြီးဌာနမျိုးက တကယ့်တကယ်တော့ အရပ်သားအစိုးရရဲ့ လက်အောက်မှာပဲ ရှိသင့်ပါတယ်။”

ရက်ပိုင်းသာရှိတော့တဲ့ လွှတ်တော်သက်တမ်းမှာ သမ္မတဘက်က သူရဲ့အဆိုကို ရုတ်တရက် တင်သွင်းလာတာဟာ မေးခွန်းထုတ် သံသယတွေ ဖြစ်ပေါ်စေတယ်လို့ ဦးအောင်လင်းထွဋ် က ပြောပါတယ်။

“လူဝင်မှုကြီးကြပ်ရေးနဲ့ ပတ်သက်ပြီးတော့မှ အခုလက်ရှိ ဗိုလ်ချုပ်ကြီးသိန်းစိန်တို့ အစိုးရက လျှို့ဝှက်ချက်တွေများ ထားခဲ့သလား ဆိုတာကို သံသယဖြစ်ပါတယ်။ ဘာဖြစ်လို့လဲဆိုတော့ ဒီ ၀န်ကြီးဌာနကို ကျနော်တို့ ကာကွယ်ရေးကို ပေးလိမ့်မယ်ဆိုရင် နောက်တက်လာတဲ့ အစိုးရသစ်အနေနဲ့ လူဝင်မှုကြီးကြပ်ရေး ၀န်ကြီးဌာနမှာ ဘာတွေ ဟိုဒင်းဖြစ်တယ်ဆိုတဲ့ဥစ္စာ သိလာတဲ့အခါမှာ တစုံတခု ပြဿနာဖြစ်မှာ ကြောက်လို့များလားတော့ မပြောတတ်ဘူးခင်ဗျ။ အခုမှ ကောက်ခါငင်ခါ ထပြီးတော့ လုပ်တဲ့ကိစ္စမျိုးလို့ ကျနော် မြင်ပါတယ်ခင်ဗျ။”

၁၉၈၈ ခုနှစ် စစ်အစိုးရလက်ထက် ပြည်ထဲရေးဝန်ကြီးဌာနအောက်မှာ ရှိခဲ့တဲ့ လူဝင်မှုကြီးကြပ်ရေး ဦးစီးဌာနအနေနဲ့  အိမ်နီးချင်းနိုင်ငံတွေနဲ့ နယ်စပ်ရေးရာ ကိစ္စတွေမှာ ခပ်ကြမ်းကြမ်း ကိုင်တွယ်ခဲ့တဲ့ ဖြစ်ရပ်မျိုး ရှိခဲ့တယ်လို့လည်း ဦးအောင်လင်းထွဋ် က ဆိုပါတယ်။ အထူးသဖြင့် ရခိုင်ပြည်နယ်တွင်း ထောက်လှမ်းရေးတွေအနေနဲ့ လူဝင်မှုကြီးကြပ်ရေး ကိစ္စတွေ ဆောင်ရွက်ခဲ့ကြောင်းလည်း ဦးအောင်လင်းထွဋ် က ပြောပါတယ်။

“အဓိကကတော့ ဘင်္ဂါလီပေါ့လေ။ ဘင်္ဂါလီ တားဆီးရေးနဲ့ ပတ်သက်ပြီး လုပ်တဲ့အခါမှာ ၁၉၉၃ ခုနှစ်လောက်မှာ ကျနော်တို့ တပ်မတော် ထောက်လှမ်းရေးက ဦးစီးပြီးတော့မှ န.စ.က ဆိုပြီးတော့ လူဝင်မှုကြီးကြပ်ရေး ယူနီဖောင်း ၀တ်ပြီးတော့မှ ကျနော်တို့ ဖွဲ့ခဲ့တာရှိပါတယ်။ အဲဒီ န.စ.က ဆိုတာကတော့ အဓိကကတော့ ကျနော်တို့ ဘင်္ဂါလီကို တားဆီးရေးဆိုတဲ့ အနေအထားမျိုးနဲ့ ကျနော်တို့ လုပ်ခဲ့တာ ဖြစ်ပါတယ်။ အဲဒီအချိန်တုန်းကပေါ့လေ။ ပွင့်ပွင့်လင်းလင်း ပြောရရင်တော့ တော်တော်လေး ကျနော်တို့ ဖိဖိစီးစီးနဲ့ ကြမ်းကြမ်းတမ်းတမ်း ကျနော်တို့ လုပ်ခဲ့ကိုင်ခဲ့တဲ့ အနေအထားမျိုးတွေ အဲဒီအချိန်မှာ ရှိပါတယ်။ ဒါပေမဲ့ အားလုံးကတော့ အဲဒီအချိန်တုန်းက တပ်မတော် ထောက်လှမ်းရေးအနေနဲ့ မဟုတ်ဘူး။ လ၀က အနေနဲ့ပဲ လ၀က ယူနီဖောင်းဝတ်ပြီးတော့ ဆောင်ရွက်ခဲ့တဲ့ သာဓကတွေ ကျနော်တို့ ရှိပါတယ်။”

လက်ရှိ လွှတ်တော် ကိုယ်စားလှယ်တွေထဲမှာတော့ သမ္မတရဲ့အဆိုနဲ့ပတ်သက်လို့ သဘောထား အမျိုးမျိုးရှိနေတာပါ။ သမ္မတဦးသိန်းစိန်ဟာ သူရဲ့အဆိုကို ဇန်န၀ါရီလ ၂၂ ရက်နေ့ ရက်စွဲနဲ့ ပြည်ထောင်စု လွှတ်တော် နာယကဆီကို ပေးပို့ခဲ့တာ ဖြစ်ပါတယ်။ လူဝင်မှုကြီးကြပ်ရေးလုပ်ငန်း၊ အမျိုးသားမှတ်ပုံတင်ရေးနဲ့ နိုင်ငံသားမှတ်ပုံတင်ရေးလုပ်ငန်း၊ ပြည်သူ့အင်အား စာရင်းကောက်ယူ ထိန်းသိမ်းရေးလုပ်ငန်း စတဲ့ လုပ်ငန်းတာဝန်သုံးရပ်ကို ပိုမို ထိရောက်စွာ ဆောင်ရွက်နိုင်ဖို့နဲ့ ၀န်ကြီးဌာနတွေကို ပိုမို ကျစ်လစ်စွာ ဖွဲ့စည်းနိုင်ဖို့ စတဲ့ ရည်ရွယ်ချက်တွေနဲ့ လူဝင်မှုကြီးကြပ်ရေးဝန်ကြီး ဌာနကို ပြည်ထဲရေးဝန်ကြီးဌာနနဲ့ ပူးပေါင်းဖို့ အဆိုတင်သွင်းတာဖြစ်ကြောင်း သမ္မတရဲ့ကြေညာချက်မှာ ဖော်ပြထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

 မြေစာ ကို စွန့်ပစ် ကြတဲ့ အခါ ပေ ရာ နဲ့ ထောင် နဲ့ ချီပြီး မြင့်တဲ့ အထိ အရောက် မခံ ပဲ ပေ ၅၀ ဝန်းကျင် သာ ထားကြဖို့ အမိန့် ထုတ် ထား။
ပြီးခဲ့တဲ့ တနင်္လာနေ့ ညက ဖားကန့်ဒေသ လုံးခင်း မြို့နယ် ထဲမှာ ကျောက်စိမ်း မိုင်းတွင်း မြေစာပုံ ပြိုကျ မှု ထပ်မံ ဖြစ်ခဲ့တာမှာ ရေးမဆေး ကျောက် ရှာ ဖွေ နေသူ တွေ ရာ ဂဏန်း ရှိနေပေမယ့် အချိန်မီ ရှောင်တိမ်း နိုင်ခဲ့လို့ သေဆုံး ဒဏ်ရာရ သူ မရှိဘူး ဆိုပြီး ဒေသခံ ရဲစခန်း က ဘီဘီစီ ကို ပြောပါတယ်။

ပြိုကျ ခဲ့တဲ့ မြေစာပုံ ဟာ ရတနာ ရောင်ခြည် နဲ့ မြစ်ဆုံ ဧရာ ကျောက်မျက် ကုမ္ပဏီ တွေရဲ့ စွန့်ပစ် မြေစာပုံ ဖြစ်တယ် လို့ အခင်း ဖြစ်ရာ ကို သွားရောက် စစ်ဆေး ခဲ့တဲ့ လုံးခင်း ရဲစခန်းက ရဲအရာရှိ က ဆိုပါတယ်။

ဒေသခံ အာဏာပိုင် တွေ အပါအဝင် ကုမ္ပဏီ က တာဝန်ရှိသူ တချို့ နဲ့ တွေ့ဆုံ ပြီး ကျောက်စိမ်း တူး နေတဲ့ လုပ်ငန်း ကို ယာယီ ရပ်ဆိုင်း ထားခဲ့တယ် လို့လည်း အဲဒီ့ အရာရှိ က ဆိုပါတယ်။

ဖားကန့် ဒေသမှာ ကျောက်စိမ်း တွင်း တွေက စွန့်ပစ် မြေစာပုံ ပြိုကျ တာမျိုး မကြာ ခဏ ဆိုသလို ဖြစ်ပေါ် နေ ခဲ့ပြီး လူ့ အသက် ပေါင်း ရာ နဲ့ချီ သေဆုံး ရတဲ့ အခါ မျိုးလည်း ရှိခဲ့ ပါတယ်။

အခုတော့ သက်ဆိုင်ရာ အာဏာပိုင် တွေကနေ ကျောက်စိမ်း ကုမ္ပဏီ တွေကို မြေစာ ကို စွန့်ပစ် ကြတဲ့ အခါ ပေ ရာ နဲ့ ထောင် နဲ့ ချီပြီး မြင့်တဲ့ အထိ အရောက် မခံ ပဲ ပေ ၅၀ ဝန်းကျင် သာ ထားကြဖို့ အမိန့် ထုတ် ထားတယ် လို့ ဆိုပါတယ်။

BBC Burmese
http://www.bbc.com/burmese


၂၀၁၆ အမေရိကန် သမ္မတကိုယ်စားလှယ်လောင်းအဖြစ် အမည်တင်သွင်းမယ့် ပုဂ္ဂိုလ်ကို ရီပတ်ဘလစ်ကန်ပါတီက ပထမဆုံးအကြိမ် Iowa ပြည်နယ်မှာ မဲပေးဖို့ ရက်ပိုင်းသာ လိုတော့တဲ့ အချိန်မှာပဲ၊ ကိုယ်စားလှယ် ၂ ဦးဖြစ်တဲ့ အိမ်ခြံမြေလုပ်ငန်းရှင် ကုဋေကြွယ်သူဌေးကြီး Donald Trump နဲ့ ရှေးရိုးစွဲဝါဒီ Texas ပြည်နယ် အထက်လွှတ်တော်အမတ် Ted Cruz တို့ အကြိတ်အနယ် ယှဉ်ပြိုင်ရဖို့ ရှိနေတဲ့အကြောင်း နောက်ဆုံးကောက်ခံတဲ့ နိုင်ငံရေးစစ်တမ်းတွေက ဖော်ပြနေကြပါတယ်။

မကြာသေးခင် ရက်ပိုင်းမှာပဲ Quinnipiac တက္ကသိုလ်က ကောက်ယူတဲ့ စစ်တမ်းအရ Iowa ပြည်နယ်မှာ နောက်သီတင်းပတ် တနင်္လာနေ့ ကျင်းပမယ့် ပါတီတွင်း အကြိုမဲပေး ရွေးချယ်ပွဲမှာ ရီပတ်ဘလစ်ကန်ပါတီက မဲပေးခွင့်ရှိသူ ၃၁ ရာခိုင်နှုန်းက သူဌေးကြီး Trump ကို ထောက်ခံပြီး၊ ၂၉ ရာခိုင်နှုန်းကတော့ Cruz ကို ထောက်ခံထားကြတာပါ။

တနိုင်ငံလုံး အတိုင်းအတာနဲ့ ကောက်ယူထားတဲ့ စစ်တမ်းတွေမှာတော့ နယူးယောက်က အိမ်ခြံမြေ လုပ်ငန်းရှင်၊ ကာစီနိုလောင်းကစားရုံသူဌေး၊ ရုပ်မြင်သံကြား စီစဉ်တင်ဆက်သူ Trump က ပြိုင်ဘက် အထက်လွှတ်တော်အမတ် Cruz ထက် အသာရနေသလို၊ တခြား ကိုယ်စားလှယ် ၁၀ ဦးထက်လည်း အပြတ်အသတ် နေရာမှာ ရှိနေတာကြောင့် နိုဝင်ဘာလ သမ္မတရွေးကောက်ပွဲမှာ ၀င်ပြိုင်နိုင်မယ့် အလားအလာ ရှိနေတာ တွေ့ရပါတယ်။

Quinnipiac တက္ကသိုလ်က စစ်တမ်းပြုစုသူတဦးဖြစ်တဲ့ Peter Brown ကတော့ ထိပ်တန်းနေရာမှာ ရှိနေကြတဲ့ Trump နဲ့ Cruz တို့ မကြာသေးခင် ရက်တွေအတွင်း နိုင်ငံရေးအရ အပြန်အလှန် ထိုးနှက်နေကြပေမဲ့ Iowa ပြည်နယ်က ရီပတ်ဘလစ်ကန် ပါတီတွင်း အကြိုရွေးကောက်ပွဲမှာ ဘယ်သူအသာရနိုင်တယ်ဆိုတာ ပြောဖို့မလွယ်ဘူးလို့လည်း မှတ်ချက်ပေးခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

 ငါးလုပ်ငန်းနဲ့ ပတ်သက်တဲ့ အလုပ်သမား တွေကို တရားဝင် အလုပ်လုပ်ခွင့် လက်မှတ်တွေ ထုတ်ပေးဖို့ ထိုင်း အစိုးရ က ညွှန်ကြားထား။
ထိုင်း နိုင်ငံ မဟာချိုင် မြို့ က ငါးပုဇွန် ရေထွက် ပစ္စည်း ထုတ်လုပ် တဲ့ လုပ်ငန်း တွေ ကို ထိုင်းရဲ တွေ ဝင် စစ် ခဲ့ ကြတာ မှာ တရား မဝင် အလုပ် လုပ်ကိုင် နေလို့ ဆိုပြီး မြန်မာ နိုင်ငံသား ၁၀ ဦး အခု ရက်ပိုင်း ကပဲ အဖမ်း ခံလိုက် ရပါတယ်။

အဲဒီလို တရားမဝင် လုပ်သား တွေ ကို အသုံးပြု တဲ့ အလုပ်ရှင် ၅ ယောက် လည်း အဖမ်း ခံခဲ့ ရပါတယ်။

ထိုင်း နိုင်ငံ ရဲ့ ရေထွက် လုပ်ငန်း တွေ မှာ အထူး သဖြင့် ငါးဖမ်း လှေတွေ ပေါ် မှာ ဆိုရင် လူမှောင်ခို တွေရဲ့ ရောင်းစား ထားတာ ခံရတဲ့ မြန်မာ နိုင်ငံ အပါအဝင် ဒေသတွင်း တချို့ နိုင်ငံ က သူတွေ ဟာ ခေတ်သစ် ကျွန် တွေ သဖွယ် မတရား ခိုင်း စေခံ နေရတဲ့ အဖြစ် တွေ ကို ဥရောပ က ပြစ်တင် ပြောဆို နေပြီး အလုပ်သမား အခွင့် အရေး ပြဿနာ ကို မဖြေရှင်း ရင် ဥရောပ ကို ထိုင်း ရေထွက် ပစ္စည်း တွေ အဝင် မခံ ဘူး ဆိုပြီး သတိ ပေးထား မှု တွေ ရှိပါတယ်။

အဲဒီ့ သတိပေး မှု ရဲ့ နောက်ဆက် တွဲ အနေနဲ့ ထိုင်း ဒေသခံ အာဏာပိုင် တွေ က သူတို့ အနေနဲ့ အရေးယူ ဆောင် ရွက် တာ ပြသ ချင်လို့ မဟာချိုင် မှာ အခုလို ဖမ်းဆီး တာ မျိုး လုပ်တာ ဖြစ်ပြီး အဲဒီလို ဆောင် ရွက် ချက် တွေဟာ တကယ်တမ်း အလုပ်သမား အခွင့်အရေး ပြဿနာ မပြေလည် စေဘူးလို့ အလုပ်သမား အခွင့်အရေး လှုပ်ရှား ကြသူ တွေက ဝေဖန် နေပါတယ်။

ငါးလုပ်ငန်းနဲ့ ပတ်သက်တဲ့ အလုပ်သမား တွေကို တရားဝင် အလုပ်လုပ်ခွင့် လက်မှတ်တွေ ထုတ်ပေးဖို့ ထိုင်း အစိုးရ က ညွှန်ကြားထား တာ ရှိရက် နဲ့ အခုလို အလုပ်သမားတွေ ကို ဖမ်းဆီးနေတာ နည်းလမ်း မကျဘူး လို့ မဟာချိုင်း အခြေစိုက် အယ်လ်ပီအဲန် အလုပ်သမား အခွင့်အရေး မြှင့်တင်ရေး ကွန်ရက်က ဒါရိုက်တာ စုမ်ဖုန်း စာကယောက် က ဘီဘီစီ ကို ပြောပါတယ်။

ထိုင်း နိုင်ငံ ထဲမှာ အလုပ်သမား အခွင့်အရေးကို အလေးထား ဆောင်ရွက်ဖို့ နဲ့ လူကုန်ကူးမှု ပပျောက်ရေးကို ၆ လ အတွင်း အထူးလုပ်ဆောင်ဖို့ ဥရောပသမဂ္ဂက တိုက်တွန်း ထားပါတယ်။

BBC Burmese
http://www.bbc.com/burmese


ရန်ကုန်တိုင်းဒေသကြီး စမ်း ချောင်းမြို့နယ် မဟာမြိုင်လမ်းတွင် ဖြစ်ပွားခဲ့သော ဒုရဲမှူးတစ်ဦး လုယက်ခံရမှုမှ ထွက်ပြေးလွတ် မြောက်နေသူကို ဖမ်းဆီးရမိပြီဖြစ်ကြောင်း စမ်းချောင်းမြို့မရဲစခန်းမှ စခန်းမှူး ဒုရဲမှူး သိန်းဝင်းက ပြောသည်။ ဖြစ်စဉ်မှာ ယခုလ ၂၃ ရက် ည ၈ နာရီ ၄၅မိနစ်က တာဝန်ပြီး ဆုံး၍ အလုပ်မှ နေအိမ်သို့ လမ်းလျှောက်ပြန်လာသော ရန်ကုန်တိုင်း ဒေသကြီး လုံခြုံရေးရဲတပ်ဖွဲ့ခွဲမှ ဒုရဲမှူး ဒေါ်မိုးသူဇာကို ဆိုင်ကယ်တစ်စီးပေါ်မှ အမျိုးသားနှစ်ဦးက တွန်းလှဲပြီး လက်ကိုင်အိတ်ကို လု ယက်ထွက်ပြေးခဲ့ခြင်းဖြစ်သည်။
''မဟာမြိုင်နားမှာ ဆိုင်ကယ်နဲ့ နောက်ကလိုက်လာတယ်။ လူ ကို တွန်းထိုးပစ်လိုက်တယ်။ အိတ် ကိုလုတယ်။ မောင်းပြေးတယ်ပေါ့။ပြီးတော့ လှိုင်မြို့နယ်အပိုင်ထဲမှာ မြကန်သာအိမ်ရာဝင်းဆိုတာ ရှိ တယ်။ ဖုန်းပါသွားတော့ ဖုန်းမွှာဏှ စနစ်ပါတော့ ဖုန်းကနေ တစ်ဆင့် ပိတောက်ချောင်းရဲကို လှမ်း ဆက်တော့ ပိတောက်ချောင်းရဲက ဝိုင်းဖမ်းတော့ မိတယ်ပေါ့။ ဆိုင် ကယ်ရတယ်။ ဒီကောင့်လက်ထဲ မှာ ဖုန်းနှစ်လုံးရှိတော့ အဲ့ဒါရ တယ်။ ကျန်တာအတိုအစပေါ့။ မှတ်ပုံတင်တို့ဘာတို့ကတော့ ညတွင်းချင်းပြန်ရတယ်။ တစ်ကောင်က ထွက်ပြေးသွား တော့ ညဘက် လိုက်ဖမ်းတာမမိဘူး။ နောက်နေ့ မွန်းလွဲ ၃ နာရီလောက်မှာမိတယ်။ နှစ်ယောက်စလုံးရမန်ယူပြီးပါပြီ'' ဟု ဒုရဲမှူးသိန်းဝင်းက ပြော သည်။

အဆိုပါ လုယက်ခံရသည့် ညတွင်ပင် လုယက်မှုကျူးလွန်ခဲ့သူဟု ယူဆရသူနှစ်ဦးအနက်မှ မျိုး မင်းထွန်း (အသက်၁၉နှစ်)ကိုကမာ ရွတ်မြို့နယ်အတွင်း သက်သေခံ ပစ္စည်းများနှင့်အတူ ဖမ်းမိခဲ့ပြီး ထွက်ပြေးလွတ်မြောက်နေ့သည့် မဲကြီး(ခေါ်)နေလင်းထွန်းကို ယမန်နေ့က ရွှေပြည်သာမြို့နယ်အတွင်း ဖမ်းဆီးရမိခဲ့ကြောင်း ၄င်းကဆက် လက်ပြောကြားသည်။

အဆိုပါ လုယက်မှုကျူးလွန် သူနှစ်ဦးမှာ ရွှေပြည်သာမြို့နယ် (၁/၁၇)ရပ်ကွက်ရှိကျူးကျော်အိမ် များတွင် နေထိုင်သူများဖြစ်ပြီး ၄င်းတို့ကို ပြစ်မှုပုဒ်မ ၃၈၂ ဖြင့် အမှုဖွင့်ဆောင်ရွက်လျက်ရှိသည်။

The Union Daily
http://uniondaily.net

ပြည်သူ့လွှတ်တော် အစည်းအဝေးကျင်းပနေစဉ် Photo: RFA
 တရားဥပဒေစိုးမိုးရေးရှိဖို့အတွက် အုပ်ချုပ်ရေးကဏ္ဍနဲ့ တရားစီရင်ရေးကဏ္ဍတို့ ပူးပေါင်းဆောင်ရွက်ဖို့ လိုအပ်ကြောင်းနဲ့ အုပ်ချုပ်ရေးအဆင့်ဆင့်မှာ အကျင့်ပျက် ခြစားမှုတွေ ရှိနေတာကို တွေ့ရကြောင်း တရားဥပဒေ စိုးမိုးရေးနဲ့ တည်ငြိ်မ်အေးချမ်းရေး ကော်မတီက ဒီနေ့ ပြည်သူ့လွှတ်တော်ထံ တင်သွင်းတဲ့ အစီရင်ခံစာမှာ ပါရှိပါတယ်။

ဒီကနေ့ ကျင်းပတဲ့ ပြည်သူ့လွှတ်တော်ရေးရာကော်မတီက ၁၂ ခုက နောက်ဆုံးအစီရင် ခံစာတွေ တင်သွင်းခဲ့တာဖြစ်ပြီး ဒေါ်အောင်ဆန်းစုကြည် ဥက္ကဌ အဖြစ် ဆောင်ရွက်နေတဲ့ တရားဥပဒေစိုးမိုးရေးနဲ့ တည်ငြိမ် အေးချမ်းရေးကော်မတီရဲ့ အစီရင်ခံစာကို ကော်မတီ အဖွဲ့ဝင် ပြည်သူ့လွှတ်တော် ကိုယ်စားလှယ် ဒေါ်ဒွဲဘူက အခုလိုတင်သွင်းခဲ့တာဖြစ်ပါတယ်။

"တရားဥပဒေစိုးမိုးရေးရှိရန်နှင့် တည်ငြိမ်အေးချမ်းမှုရှိရန် ဥပဒေပြုရေး၊ အုပ်ချုပ်ရေး၊ တရားစီရင်ရေး ကဏ္ဍအသီးသီးမှ တာဝန်ရှိပုဂ္ဂိုလ်များ အဓိကဝိုင်းဝန်းကြိုးပမ်း အကောင်အထည်ဖော်ရန်လိုအပ်ပါသည်၊ အထူးသဖြင့် အုပ်ချုပ်ရေးနဲ့ တရားစီရင်ရေး ပိုင်းက ပူးပေါင်းဆောင်ရွက်ခြင်းမရှိပါက တရားဥပဒေစိုးမိုးရေး လုပ်ငန်း သည် မအောင်မြင်နိုင်ပါ၊ ဒီမိုကရေစီအသွင်ကူးပြောင်းရေး ကာလတွင် ဗဟိုကပြုပြင်မှုများ၊ ဖြေလျှော့မှုများ လမ်းညွှန်ပြောကြားနေသော်လည်း အဆင့်ဆင့်သော အုပ်ချုပ်ရေးပိုင်း အဖွဲ့အစည်းများတွင် ရာစုထက်ဝက်ကျော်စွဲကပ်နေသော အလေ့အကျင့်၊ စရိုက် လက္ခဏာများ၊ အကျင့်ပျက်ခြစားမှုများ မပျောက်မပျက် တည်ရှိနေခြင်းတို့ကို သုံးသပ်တွေ့ရှိရပါသည်"

ဒါ့အပြင် နယ်ခြားစောင့်တပ်ဖွဲ့တွေ စားဝတ်နေရေးပြေလည်စေရေးအတွက် နိုင်ငံတော်အစိုးရက တာဝန်ယူ ဖြေရှင်းပေးဖို့ လိုအပ်ကြောင်း တိုက်တွန်းထား ပါတယ်။

ပြည်သူ့လွှတ်တော်မှာ ငွေစာရင်းကော်မတီ၊ ဥပဒေကြမ်းကော်မတီ၊ လွှတ်တော်အခွင့် အရေးကော်မတီ စတဲ့ ကော်မတီပေါင်း ၂၄ ခု ရှိပါတယ်။ အဲဒီထဲက ကျန်းမာရေး မြှင့်တင်မှုကော်မတီ၊ ပညာရေးမြှင့်တင်မှုကော်မတီ၊ ရင်းနှီးမြှုပ်နှံမှုနဲ့ စက်မှုလက်မှု ဖွံ့ဖြိုးတိုးတက်ရေးကော်မတီ၊ သယံဇာတ နဲ့ သဘာဝပတ်ဝန်းကျင် ထိန်းသိမ်း ရေးဆိုင်ရာကော်မတီ စတဲ့ ကော်မတီ ၁၂ ခုက အစီရင်ခံစာ တင်သွင်းကြတာ ဖြစ်ပါတယ်။

RFA Burmese
http://www.rfa.org/burmese