02/04/16


slum-house-620.jpg
ကျူးကျော်နေအိမ်တစ်လုံးကို တွေ့ရစဉ်
Photo: RFA
မွန်ပြည်နယ်၊ ကျိုက်ထိုမြို့နယ် သိမ်ဇရပ်တိုက်နယ်မှာရှိတဲ့ ၀ါးဒက်ကွင်းကျေးရွာက နေအိမ်တွေကို ကျေးရွာ အုပ်ချုပ်ရေးအဖွဲ့နဲ့ ရဲတပ်ဖွဲ့ဝင် အင်အား ၂၀၀ လောက်က မနေ့ညက မီးရှို့ဖျက်ဆီးရာမှာ ထိခိုက်ဒဏ်ရာရရှိသူတွေ ရှိခဲ့ပါတယ်။

မီးရှို့သူတွေကို ပြန်လည်ခုခံရင်း ထိခိုက်ဒဏ်ရာရသူတွေ ရှိပေမယ့် ဆေးရုံမတက်ရဲဘဲ နီးစပ်ရာကျေးရွာတွေမှာ ထွက်ပြေးခိုလှုံနေကြတယ်လို့ ဒဏ်ရာရရှိသူတစ်ဦးဖြစ်တဲ့ ဦးဥာဏ်ထွန်းက ပြောပါတယ်။

"၀ါးဒက်ကွင်းကျေးရွာ တိုးချဲ့ရပ်ကွက်က အိမ်ခြေ ၄၅ဝ ကို ည ၈ နာရီလောက် သားရေဂွတွေနဲ့ ဝင်ပစ်တယ်၊ အိမ်တွေကို မီးရှို့တယ်၊ မီးရှို့တော့ ပြည်သူတွေက ထွက်ပြေးတာပေါ့၊ ညကသူတို့က လူအင်အား ၂ဝဝ လောက် ရှိတယ်၊ မြောက်ဘက်ကဝင်တယ်၊ တောင်ဘက်ကဝင်တယ်၊ ကျနော်တို့ထွက်ပြေးတယ်၊ ကျနော့်နောက် ကို ပြေးလိုက်ပြီးတော့ သံတုတ်နဲ့ပြေးရိုက်တယ်၊ ကျနော်မှောက်သွားပြီးတော့ ကျနော့်ကို ဖနောက်နဲ့ပေါက်ပြီး ကန်ချလိုက်တယ်၊ ညကသတိလစ်နေတယ်၊ မနက်မိုးလင်းတော့ ကျနော့်ကို ချောက်ထဲကနေ ပြန်ထမ်းတင် လာတာပါ"

ပြီးခဲ့တဲ့ ဇန်န၀ါရီလကုန်ကလည်း အဲဒီကျေးရွာမှာ နေအိမ်တွေကို ၀င်ရောက်မီးရှို့ဖျက်ဆီးတာရှိပေမယ့် အဲဒီအချိန်က နေအိမ် ၃လုံးလောက်သာ မီးလောင်ပျက်စီးသွားတယ်လို့ သိရပါတယ်။

အဲဒီနောက် တောင်သူလယ်သမား အကျိုးဆောင်ကွန်ရက်အဖွဲ့ဝင်တွေဟာ အဲဒီနေရာမှာ ဒေသခံတွေကို သွားရောက်ကူညီပေးနေတာဖြစ်ပြီး ဦးဥာဏ်ထွန်းဟာ တောင်သူလယ်သမား အကျုိုးဆောင်ကွန်ရက် အဖွဲ့ဝင်ဖြစ်ပါတယ်။

မနေ့ညက မီးရှို့ဖျက်ဆီးမှုမှာ ဒေသခံ အမျိုးသမီးကြီးတစ်ဦး သေဆုံးတယ်လို့ ဒေသခံတွေက ပြောဆိုပေမယ့် RFA က သီးခြားအတည်ပြုလို့ မရသေးပါဘူး။

လွန်ခဲ့တဲ့၂၀၁၄ ခုနှစ်က ကျိုက်ထိုမြို့နယ်မှာရှိတဲ့ အိမ်ယာမဲ့တွေကို ၀ါးဒက်ကွင်းကျေးရွာက မြေဧက ၁၀၀ နီးပါးမှာ နေရာချထားပေးဖို့ဆိုပြီး မွန်ပြည်နယ်ဝန်ကြီးချုပ်က ချထားပေးခဲ့တာဖြစ်တယ်လို့ သိရပါတယ်။

အဲဒီမြေနေရာမှာ နေအိမ် ၆၀၀ လောက်ရှိပြီး ကျိုက်ထိုက်မြို့ခံတွေအပြင် ဧရာဝတီတိုင်းနဲ့ ပဲခူးတိုင်းဘက် ကနေ ပြောင်းရွှေ့လာသူတွေလည်းရှိတယ်လို့ သိရပါတယ်။

ပြီးခဲ့တဲ့နှစ် နိုဝင်ဘာလကစပြီး မြို့နယ်/ရပ်ကွက်နဲ့ တိုက်နယ် အုပ်ချုပ်ရေးမှူးတွေက အဲ့ဒီမြေနေရာမှာ အကွက်ရိုက်ပြီး ရောင်းချတာတွေ ရှိလာပြီး နေအိမ်တွေကို ဖယ်ရှားပေးဖို့ ရဲတပ်ဖွဲ့ဝင်တွေက ဖိအားပေးတာတွေ ရှိလာတာလို့ သိရပါတယ်။ ပြီးခဲ့တဲ့ ဇန်န၀ါရီလအတွင်းမှာလည်း နေအိမ်တွေကို ဖြိုချဖျက်ဆီးရာမှာ တားမြစ်တဲ့ သူတွေကို အမှုဖွင့်တာတွေ ရှိသလို လူတစ်ဦးကိုလည်း ဖမ်းဆီးထိန်းသိမ်းထားပါတယ်။

RFA
http://www.rfa.org/burmese/news/burn-thainzayet-slum-houses--02032016101504.html

 မြန်မာ နိုင်ငံ နဲ့ လက်တွဲ ဆောင်ရွက်ဖို့ ဆိုတာ ဟာ ထိုင်းဝန်ကြီးချုပ် ပရာ့ယွတ် ကျန်အိုးချား ရဲ့ မူဝါဒ ဖြစ်တယ်လို့ ပြောခွင့်ရ ပုဂ္ဂိုလ် ဆို။
အမျိုးသား ဒီမိုကရေစီ အဖွဲ့ချုပ် NLD ပါတီ ဦးဆောင်တဲ့ အစိုးရ ပေါ်ပေါက် လာတဲ့ အခါ ကျရင်လည်း ထားဝယ် အထူး စီးပွားရေး ဇုံ အပါအဝင် မြန်မာ နိုင်ငံ ထဲ ထိုင်း အစိုးရ ရဲ့ စီးပွားရေး အရ ရင်းနှီးမြှပ် နှံ မှု တွေ အပြောင်းအလဲ ရှိမှာ မဟုတ် ဘူး ဆိုပြီး ထိုင်း အစိုးရ ပြောရေး ဆိုခွင့် ရှိသူ က ဘီဘီစီ ကို ပြောပါတယ်။

ပေါ်ပေါက် လာမယ့် မြန်မာ အစိုးရသစ် နဲ့ ပူးပေါင်း ဆောင်ရွက် မယ် ဆိုပြီး တော့လည်း ဗိုလ်ချုပ် စန်စွန် ကယောက်ကမ် နွတ် က ဆိုပါတယ်။

အိမ်နီးချင်း နိုင်ငံ အနေနဲ့ရော အာဆီယံ အဖွဲ့ဝင် နိုင်ငံ အချင်းချင်း အနေနဲ့ပါ မြန်မာ နိုင်ငံ နဲ့ လက်တွဲ ဆောင်ရွက်ဖို့ ဆိုတာ ဟာ ထိုင်းဝန်ကြီးချုပ် ပရာ့ယွတ် ကျန်အိုးချား ရဲ့ မူဝါဒ ဖြစ်တယ်လို့ လည်း အဲဒီ့ ဗိုလ်ချုပ် က ဘီဘီစီ နဲ့ မေးမြန်း ခန်းမှာ ဖြေဆို ခဲ့ ပါတယ်။

ထိုင်းနယ်စပ် က မြန်မာ ဒုက္ခသည် တွေ အရေးနဲ့ ပတ်သက်ပြီး တော့ ထိုင်း ဝန်ကြီးချုပ် ရဲ့ သဘောထား က တော့ ဒုက္ခသည် တွေ ရဲ့ ဆန္ဒ ကို အလေး ထားမယ် လို့ ဆိုပါတယ်။

ဒုက္ခသည်တွေ ဆန္ဒအရ မြန်မာ နိုင်ငံ ဘက်ကို ပြန်မယ်ဆိုရင် ထိုင်း အစိုးရ အနေနဲ့ ကူညီ ဆောင်ရွက်ပေးဖို့ အဆင်သင့်ပဲ လို့ လည်း ဗိုလ်ချုပ် စန်စွန် ကယောက်ကမ် နွတ် က ပြောပါတယ်။

BBC Burmese
http://www.bbc.com/burmese


ကျနော်နှင့် ဒေါက်တာဇော်မြင့်မောင်

လူချစ်လူခင် များသလောက်ကို လူမုန်းလည်း များတဲ့သူ။
ဒါပေမယ့် ချစ်သူရော၊ မုန်းသူရောက လေးစားကြတဲ့သူ … ။
ဆရာဝန်ဆိုပေမယ့် သူ့ပုံစံက ကျနော်နဲ့ခပ်ဆင်ဆင်။ "အသားမည်းမည်း၊ဂင်တိုတို၊ပုကွကွ" ဆိုတာ ကျနော်တို့နှစ်ယောက်ကို အနီးစပ်ဆုံးပုံဖော်တဲ့ဝေါဟာရဖြစ်မယ်။ မျက်နှာမှာ မှဲ့ခြောက်ပေါင်းများစွာပါတာက ကျနော့်ထက်သာသေး။ ဒါပေမဲ့ ဆရာဇော်က ကျနော့်ထက်ပိုပြီး ကြံ့ခိုင်တောင့်တင်းပါတယ်။ အကျဉ်းထောင်ထဲမှာ ကိုယ်လက်လှုပ်ရှားမှုကျန်းမာရေး အလိုက်စားဆုံးပုဂ္ဂိုလ်ဟာ ဆရာဇော်ပါပဲ။ ကျနော်သူ့ကို လူကိုယ်တိုင် မမြင်ဖူးခင် ကတည်းက နာမည်ကို ကြားဖူးနေတာပါ။ မန္တလေးအမရပူရသား။ဒေါက်တာမျိုးရိုး။ အဖေဒေါက်တာ၊ဇနီးဒေါက်တာ၊ ညီအစ်ကိုမောင်နှမတွေဒေါက်တာ၊ ယောက္ဖဒေါက်တာ။ (နောက်ပိုင်းမှာဆို သားသမီး သုံးယောက်စလုံးပါ ဒေါက်တာ)။

ဒေါက်တာဇော်မြင့်မောင် ဆရာဝန်ဘွဲ့ရတော့ မန္တလေးဆေးတက္ကသိုလ်မှာပဲ ဆရာပြန်လုပ်တယ်။ ရှစ်လေးလုံး အရေးတော်ပုံကျတော့ တက်တက်ကြွကြွ ပါဝင်လာတယ်။ NLD ပါတီဝင်တယ်။ ၁၉၉၀ခုနှစ် ရွေးကောက်ပွဲမှာ အမရပူရမြို့နယ်ကနေ အမတ်အဖြစ် အရွေးခံရတယ်။၁၉၉၀၊ ဂန္ဓီညီလာခံနောက်ပိုင်း နဝတစစ်အစိုးရက လွှတ်တော်ခေါ် ပေးဖို့ ပျက်ကွက်တာကနေစပြီး နိုင်ငံရေး တင်းမာမှုတွေ ဆက်တိုက်မြင့်မားလာတယ်။ နိုင်ငံရေးအင်းအားစုတွေ (ဒီမိုကရက်တစ်တွေ)ကို တစ်စတစ်စ ဖြိုခွင်းလာတယ်။ ဒီလိုနဲ့ပဲ ဒေါက်တာဇော်မြင့်မောင်အပါအဝင် အမတ်တချို့ကို စင်ပြိုင်အစိုးရထောင်တယ်ဆိုတဲ့စွပ်စွဲချက်နဲ့ ဖမ်းဆီးထောင်ချတယ်။ အမတ်တချို့ကို ရရာပုဒ်မတွေနဲ့အရေးယူတယ်။ ဒေါက်တာစိန်ဝင်းအပါအဝင် အမတ်တချို့က နယ်စပ်(ပြည်ပ)ကို တိမ်းရှောင်သွားကြတယ်။ တချို့က သွေဖည်သွားကြ တယ်။ တချို့လည်း ဖောက်ပြန်သွားကြတယ်။

ကျနော် ဆရာဇော့်ကို စမြင်ဖူးတာက သိပ်တော့ ကဗျာမဆန်လှပါဘူး။ နေရာက အင်းစိန်ထောင်ရဲ့ စစ်ခွေးတိုက် ထဲမှာ။ အချိန်က ဝေလီဝေလင်း။ အဲဒီ့နေ့က မှတ်မှတ်ရရ ဧပြီလ ၁ရက်နေ့။ မနက်အစောကြီး ၃ နာရီခွဲလောက်မှာ ကျနော် တို့အခန်းတံခါးတွေရဲ့သော့ခလောက်တွေကို တဂျောင်းဂျောင်းနဲ့ လာဆွဲခါရင်း "ထောင်ပြောင်းပါတယ်။ ပြင်ထားကြ" လို့ လာပြောတယ်။ ဘယ်လောက် စိတ်တိုဖို့ကောင်းသလဲဗျာ။ အိပ်လို့ အကောင်းဆုံးအချိန်ကြီးမှာ အဓမ္မလာနှိုးတာလေ။ ဒါပေမယ့် အကျဉ်းထောင်မဟုတ်လား။ ကိုယ့်စိတ်နဲ့ ကိုယ့်ကိုယ်မှ မဟုတ်တာ။ ဒီလိုနဲ့ပဲ လာခေါ်တဲ့ဝါဒါနောက်ကိုလိုက်။ စစ်ခွေးတိုက်ရှေ့မှာ ခြေကျင်းအခတ်ခံ။ စစ်ခွေးတိုက်ထဲက သူတို့ဝင်ခိုင်းတဲ့ အခန်းထဲကိုဝငရတယ်။ ကိုယ့်လူတွေချင်းလဲ ကွဲကုန်တယ်။ ပြောင်းရွှေ့ရမယ့် ထောင်အလိုက် လူတွေပြန်တွဲလိုက်တာကိုး။ ကျနော်တို့အခန်းထဲကို ပါလာတဲ့ တစ်ယောက်က ကိုကြည်ဖေကျော်(ဘိုကလေး)။
သူက ထောင်သက်ရင့်နေပြီ။ ထောင်ထဲမှာနေသားတင် ၇နှစ်ကျော်လို့ မူလအမှုကလည်း လွတ်ပြီ။ ဒါပေမယ့် လွတ်ရက်မစေ့ခင် ထောင်ထဲမှာ နောက်အမှုထပ်ဖြစ်လို့၊ ထောင်ထဲမှာ ထောင်ထပ်ကျ နေသူ။ ထောင်တွင်း နောက်အမှုမှာ ဒေါက်တာဇော်မြင့်မောင်က သူ့အမှုတွဲ။ ကျနော် ကြားဖူးရုံသာ ကြားဖူးတဲ့
ဒေါက်တာ ဇော်မြင့်မောင်ဆိုတာကို သူပဲ ပြတာ။ ခြေကျင်း အခတ်ခံပြီးတဲ့အခါ ကျနော်တို့ အခန်းရှေ့ကနေ ဖြတ်ဖြတ်လျှောက်သွား ကြတဲ့သူတွေထဲက တစ်ယောက်ကို "အဲဒါပေါ့ ဒေါက်တာဇော်မြင့်မောင်" ဆိုပြီး ညွှန်ပြတာ။ ဒါပေမယ့် ကျနော်က လွဲပါ တယ်။ ဆရာဝန်ဆိုတော့ ဖြူဖြူသန့်သန့်၊ခန့်ခန့်ချောချောကို လိုက်ရှာကြည့်နေတာနဲ့ ကျော်သွားတော့မလို့။ ဆရာဝန်ဆိုတော့ ကျနော့်လို အသားမည်းမည်း၊ဂင်တိုတို၊ပုကွကွလို့ ဘယ်ထင်မှာလဲဗျာ။ပြီးတော့ အဲဒီ့နေ့မှာ မြင်တွေ့ လိုက်ရတဲ့ သူ့ပုံစံကိုလည်းကြည့်ဦးလေ။ ထောင်ကပေးတဲ့ ဖျင်ကြမ်းအဖြူ ပုံစံအင်္ကျီကို လက်မောင်းရင်းကနေ ဖွာလန် ကြဲအောင် ဖြတ်ထားတယ်။ ဝါကျင့်ကျင့်ဖြစ်နေတဲ့ ပုံစံပုဆိုးကိုလည်း ဒူးခေါင်းဖုံးရုံ တိုတိုလေးဝတ်ထားတယ်။ ပြီးတော့ သူ့အရပ်နီးပါး လောက်ရှိတဲ့ ဆာလာအိတ်ကြီးကို နောက်ကျောမှာပိုး၊ သိုင်းကြိုးကို နဖူးမှာချိတ်လို့။ လက်တစ်ဖက်မှာလည်း အထုပ်တစ်ထုပ်က ဆွဲထားသေးတယ်။

ကျန်တဲ့လက်တစ်ဖက်က ခြေကျင်းကိုကိုင်။ မြင်ရတာ ကို့ယို့ကားယားဆိုတော့ ဘယ်လိုလုပ် ဆရာဝန်လို့ ထင်ရက်ပါ့မလဲ။အဲဒီ့နေ့ ထောင်ပြောင်းတာနိုင်ငံရေးအကျဉ်းသားတွေချည့်ပါပဲ။ အရေအတွက်လည်း အတော်များပါတယ်။ ပြောင်းရတဲ့ထောင်တွေက တောင်ငူ၊မန္တလေး၊မြင်းခြံ၊မြစ်ကြီးနား။ ပြောင်းရတဲ့သူစုစုပေါင်းက တစ်ရာကျော်လောက်ရှိမယ်။ လူဟောင်းတွေရော၊လူသစ်တွေရော၊လူငယ်တွေရော၊လူကြီးတွေရော အရောရောအထွေးထွေး။ အထူးတိုက်ကလူတွေကို ဘယ်တုန်းကမှထောင်ပြောင်းလေ့ မရှိခဲ့ပေမယ့်၊ဒီတစ်ခေါက်မှာတော့ အထူးတိုက်ကနေ ဦးဝင်းထိန်(NLD) ထောင်ပြောင်း ပါလာလို့ အားလုံး တအံ့တသြ ဖြစ်ကြရတယ်။ ဦးဝင်းထိန်ကိုယ်တိုင်တောင် April Fool အဖြစ် လာနောက်တယ်လို့ ထင်နေတာတဲ့။ ဒါပေမဲ့ ဘယ်သူက ဘယ်ထောင်ကိုပြောင်းရမယ်ဆိုတာတော့ ဘယ်သူမှမသိရ။ ကြိုပြောလေ့လည်း မရှိ။ ခေါ်တဲ့နောက်ကိုသာ တစ်သီတစ်တန်းကြီး လိုက်သွားရတာ။ အဲဒီ့နေ့ ထောင်ပြောင်းရတဲ့သူတွေ အများကြီးထဲမှာ အပြင် မှာကတည်းက လက်တွဲခဲ့ဖူးသူတွေ၊ ခင်မင်ရင်းနှီးခဲ့တဲ့သူတွေလည်း အတော်များများပါလာပါတယ်။ ကျနော်တို့အမှုတွဲ ကျောင်းသား ၄ယောက်စလုံး ပါတယ်။ လှိုင်သာယာက ဦးဖိုးအေးတို့ သားအဖပါတယ်။ ကိုသားကြီး၊ကိုမျိုးမင်းနိုင် (မျိုးကြီး/နန္ဒ)တို့အတွဲတွေပါတယ်။

ဘယ်ထောင်ကို ဘယ်သူတွေပြောင်းကြရမယ်ဆိုတာ အတိအကျ မသိရပေမယ့် အရင်ဆုံးသွားရ မယ့်လမ်း ကြောင်းက မန္တလေးထောင်ဆိုတော့၊ မန္တလေးသားဒေါက်တာဇော်မြင့်မောင် အလွန်ပျော်နေပါတယ်။ ထောင်ထဲမှာ နေလာရတာလည်း ၇နှစ်လောက်ရှိနေပြီဆိုတော့ အခုလိုအုတ်ရိုးပြင်ပက မြင်ကွင်းတွေကို
မြင်ရ၊ ပြင်ပလေကို ရှူရှိုက် ခွင့်ရတာကြောင့်လည်း ဆရာဇော်တစ်ယောက် အတော်လေး ရွှင်ရွှင်လန်းလန်း၊တက်တက်ကြွကြွဖြစ်နေပါတယ်။ ဆရာဇော့်မှာ တက်ကြွဖြတ်လတ်တဲ့ ဟန်ပန်ရှိတယ်။ စကားပြောရင်လည်း မျက်နှာသာမက၊ တစ်ကိုယ်လုံး ပါအောင် ပြောတတ်တယ်။ ဟန်ဆောင်ပလွှားမှုတွေ လုံးဝမရှိဘဲ ဟောဟောဒိုင်းဒိုင်းနဲ့ အားရပါးရ ပြောတတ်တယ်။ " နောက်ထပ် ၇ နှစ်နေဖို့ ခွန်အားတွေ ရှိသွားပြီ" တဲ့။ (ဒါပေမဲ့ နောက်ထပ် ၁၀နှစ်ကျော်လောက် ထပ်နေရဦးမယ်ဆိုတာကိုတော့ ဘယ်သူမှ မထင်ရက်ကြ ဘူးလေ) ရထား အချုပ်တွဲထဲမှာဆိုလည်းသူ့အသံချည့်ပါပဲ။ကျနော်တို့စီးရတဲ့ ရထားကလည်း အတော်နှေး ပါတယ်။လမ်းမှာတွေ့သမျှ ဘူတာစဉ် အကုန်ရပ်တယ်။ ဧပြီလ ၁ရက်နေ့၊ နေ့လည်လောက်ကတည်းက ရန်ကုန်ဘူတာ ကြီးကနေ ထွက်ခဲ့တဲ့ရထားဟာ နောက်တစ်ရက် နေ့ခင်းပိုင်းမှ မန္တလေးကိုရောက်တယ်။
အဲဒီ့ကာလမှာ မန္တလေးထောင်က နန်းတွင်းထဲကနေ အိုးဘိုဘက် ရွှေ့ပြီးနေပါပြီ။ ဒါပေမဲ့ ဆောက်လက်စတွေလည်း ရှိနေပါသေးတယ်။ အကျဉ်းထောင်ရဲ့ ထုံးစံအတိုင်း၊ ကျနော်တို့ထောင်ပြောင်းလူသစ်တွေ ရောက်လာတဲ့အခါ ဦးချိုးဖို့ ကြိုးစားပါတယ်။ ပါလာသမျှ ပစ္စည်းတွေ အတော်များများကို အကြောင်းအမျိုးမျိုးပြပြီး သိမ်းပစ်တယ်။ တစ်ကျောင်းတစ်ဂါထာ၊ တစ်ရွာတစ်ပုဒ်ဆန်းဆိုသလို၊ အင်းစိန်ထောင်မှာ တရားဝင်တဲ့ပစ္စည်းဟာ မန္တလေးထောင်ရောက်မှ တရားမဝင်ဖြစ်ရတာမျိုးလည်း ရှိတယ်။ ကျနော်တို့ရောက်လာမှ အရေးပေါ် ထုတ်ပြန်လိုက်တဲ့ စည်းကမ်းအသစ်တွေလည်း ပါတယ်။ ဖိနပ်လုံးဝမစီးရဘူး၊ ပလပ်စတစ်ခွက် လုံးဝ မသုံးရဘူး ဆိုတာမျိုးပေါ့။ ကျနော်တို့ကတော့ ဒီမန္တလေးထောင်မှာနေရမှာမဟုတ်ပါဘူး။ တခြားထောင်ကို ထပ်ပြောင်းရဦးမှာပါဆိုပြီး ဆရာဇော်က ပြန်တောင်းလို့ ဖိနပ်တွေ ပြန်ရခဲ့တယ်။ဘူးဝမှာ တန်းစီလူစစ် နေတုန်း၊ ထောင်အရာရှိတွေ သူတို့အချင်းချင်း ပြောနေသံတွေအရ၊တချို့ကို မြင်းခြံထောင်၊ တချို့ကို မြစ်ကြီးနားထောင် ပြောင်းမယ်ဆိုတာတော့ သိလိုက်ရတယ်။ ကျနော်တို့အားလုံးကို မန္တလေးထောင်ရဲ့တိုက်ခန်းတွေထဲ
ခွဲထည့်တယ်။ ညနေစောင်းမှာတော့ တချို့ကို တိုက်ရုံး ခန်းခေါ်ပြီး ကျန်းမာရေး စစ်ဆေးတယ်။ ကျနော့်အရှေ့မှာက ဆရာဇော်။ နောင်မှ သိလိုက် ရတာက မနက်ဖြန်မြစ်ကြီးနား ထောင် ဆက်ပြောင်းရမယ့်သူတွေကို fit for travel ဖြစ်မဖြစ် စစ်ဆေးတာ တဲ့။ အဲဒီ့မှာ မန္တလေးထောင်ဆေးရုံအုပ်ကြီး ဒေါက်တာဦးအောင်သန်းနဲ့ ဆရာဇော်တို့ တွေ့ကြတယ်။ ရှေ့မှာပြောခဲ့ပါရောလား။ ဆရာဇော်တို့ကဒေါက်တာမျိုးရိုး ဆိုတာလေ။ ဆရာဇော့်အဖေ ဒေါက်တာဦးချစ်မောင်ဆိုတာက ဒေါက်တာဦးအောင်သန်းရဲ့ဆရာရင်း။ ဆရာဇော့်ကို ဆေးစစ်ရင်းနဲ့ မိသားစုဆီ အကျိုးအကြောင်း ပြောပေးပါ့မယ်လို့ ဂတိပေးတယ်။ နဝတရဲ့မျက်စောင်း အကြောင်းသုံးပါး မရွေးတဲ့ကာလမို့၊ အမှန်တကယ်အကြောင်းကြားပေးရဲလိမ့်မယ်လို့ ဘယ်သူမှ မယုံကြည်ခဲ့ကြပါဘူး။
နောက်တစ်ရက်၊နေ့လည်မှာတော့ မြစ်ကြီးနားထောင်ကို ဆက်ပြောင်းရမယ့်ကျနော်တို့(၁၂) ယောက်ကို လာခေါ်ထုတ်ပါတယ်။ မန္တလေးထောင်ကနေ အချုပ်ကားပြာကြီးနဲ့ မန္တလေးဘူတာကြီးကို သွားရတယ်။ မြစ်ကြီးနားကို ထွက်မယ့်ရထားက အဆင်သင့်မရှိသေးတော့ ကားပြာကြီးပေါ်မှာပဲ အတော်ကြာကြာ နေနေရတယ်။ အဲဒီ့အချိန်မှာပဲ ဆရာဇော့်ရဲ့ဇနီးဒေါက်တာဒေါ်ယုယုမေ ဆိုင်ကယ်လေးနဲ့ ရောက်လာပါတယ်။ဒေါက်တာဦးအောင်သန်း အကြောင်းကြား လို့တဲ့။ ကျနော်တို့မှာ မန္တလေးထောင်ဆေးရုံအုပ်ကြီး ဒေါက်တာဦးအောင်သန်းကို ကြည်ညိုလေးစားလို့မဆုံး ဖြစ်ခဲ့ရ ပါတယ်။ ရထားပေါ်ကို တက်ရတော့လည်း ရထားက အတော်နဲ့မထွက်ပါဘူး။ ရထားမထွက်သ၍ ဆရာဇော့်ဇနီး ဒေါက်တာ ဒေါ်ယုယုမေလည်း အတော်ပင်ပမ်းရှာပါတယ်။ လိုအပ်မယ်ထင်တာတွေ သွားဝယ်ပေးလိုက်၊ ရထားဆီ ပြန်လာလိုက်။ အိမ်လိပ်စာတွေပေး၊ဖုန်းနံပါတ်တွေပေးပြီး အိမ်တွေကို ဆက်သွယ်ခိုင်းတဲ့ သူတွေကလည်း ခိုင်းပေါ့။ ညနေစောင်းမှာ ရထားထွက်တော့လည်း၊ ရထားလမ်းနဲ့ယှဉ်လျက် ကားလမ်းကနေ ဆိုင်ကယ်နဲ့ လိုက်လာပါသေးတယ်။ ရထားပေါ်နဲ့ ဆိုင်ကယ်ပေါ်ကနေ တစ်ယောက်နဲ့တစ်ယောက် လက်ပြနှုတ်ဆက် ကြလို့မဆုံး။ လမ်းချင်း ကွာသွားတဲ့အခါ မြင်ကွင်းကနေ ပျောက်သွားလိုက်၊ခနနေတော့ ပြန်ပေါ်လာလိုက်။ ဒီလိုနဲ့ ထုံးဖိုဘူတာမှာ ရထားခနကလေးရပ်တော့၊ ကြိုတင်အကြောင်း ကြားထားလို့ထင်ပါရဲ့ ဆရာဇော့်ရဲ့သားသမီးတွေနဲ့ မိသားစုတွေ၊ မိတ်ဆွေတွေ လာပြီးနှုတ်ဆက်ကြတယ်။ ဆရာဇော် စတင်အဖမ်းခံရစဉ် တုန်းက တစ်နှစ်သမီးလေးက အခုဆို ၇နှစ်ကျော်နေပြီ။ ဖခင်ဖြစ်သူကို ပထမဆုံးအကြိမ် နီးနီးကပ်ကပ် မြင်ခွင့်ရတာဆိုတော့ ကလေးက မျက်ရည်ဝဲနေပါတယ်။ မျက်ရည်ဥလေးက မျက်ဝန်းစပ်မှာ တွဲလဲလေး။
" သမီး ဖေဖေက ငိုတာမကြိုက်ဘူးနော်" လို့ အမေကလည်း ပြောလိုက်ရော၊ တွဲလဲခိုနေတဲ့ မျက်ရည်ဥလေး ပြန်ဝင်သွားတာကို ကျနော်တို့ တတွေ တအံ့တသြမြင်လိုက်ကြရတယ်။ ဆရာဇော်က အတော်လေးကို စိတ်ခိုင်ပါတယ်။ ဘေးက ကျနော်တို့လူငယ် တွေတောင် မျက်ရည်မဆယ်နိုင်ဖြစ်ကြရတဲ့ မိသားစုတွေ့ဆုံပွဲမှာ ဆရာဇော် တစ်ချက်မှ မျက်နှာမပျက်ခဲ့ပါဘူး။မြစ်ကြီးနားထောင်ဟာ ကျနော်တို့ မရောက်ခင်အထိက ဂငယ်ထောင်ပါ။ ထောင်အသေးလေး။ အကျဉ်းသားစုစု ပေါင်းမှ(၈၀၀)လောက်ရှိတာပါ။ ထောင်ဆေးရုံဆိုတာလည်း မရှိပါဘူး။ ကျနော်တို့ကို အဓမ္မ ပြောင်းရွှေ့ပြီး ကကြီးထောင် အဖြစ် မဟားဒယားသတ်မှတ်လိုက်တာပါ။ကျနော်တို့တတွေ မြစ်ကြီးနားထောင်ကိုရောက်တော့ ည ၉နာရီထိုးပါပြီ။ ခပ်မှိန် မှိန်မီးရောင်မှာမြင်နေရတဲ့ တိုက်ဟောင်းတစ်ခုထဲကို ဒေါက်တာဇော်မြင့်မောင်နဲ့ ဒေါက်တာခင်ဇော်ဝင်းတို့ကို ခေါ်သွားပါ တယ်။ ကျန်တဲ့ ကျနော်တို့ ၁၀ယောက် ကိုတော့ ငါးခန်းတွဲမျက်နှာချင်းဆိုင် အခန်း ၁၀ခန်းရှိတဲ့ တိုက်သစ်ထဲမှာ တစ်ခန်းစီ ထားပါတယ်။ ရောက်စ မှာ ထုံးစံအတိုင်း အနေနည်းနည်းကြပ်ပေမယ့်၊ ICRC ရောက်လာပြီးနောက်ပိုင်း မှာတော့ အနည်းငယ်သက် တောင့်သက်သာ ဖြစ်လာပါတယ်။ ဆရာဇော်ဟာ ကိုယ့်အချင်းချင်း စည်းရုံးရေးထက်၊ ထောင်ဝန်ထမ် တွေကိုစည်းရုံးတာ ပိုအောင်မြင်ပါတယ်။ ပွင့်ပွင့်လင်းလင်း ဟောဟောဒိုင်းဒိုင်းပြောတတ်တဲ့ သူ့စရိုက်သဘာဝကြောင့် မလိုမုန်းထားဖြစ်သူတွေလည်း ရှိပါတယ်။ ထောင်ဝန်ထမ်းတွေအပေါ် စည်းရုံးရေးကောင်းတဲ့ ဆရာဇော်ကြောင့် ထောင်တွင်းနိုင်ငံရေးလှုပ်ရှားမှုတွေတော့ အများကြီးလုပ်နိုင်ခဲ့ပါတယ်။ အမှတ်တရ စာစောင်တွေ၊ လက်ရေးဂျာနယ်၊ မဂ္ဂဇင်းတွေ အတော်များများလည်း ထုတ်နိုင်ခဲ့ပါတယ်။ ဆရာဇော်က စာလည်း အတော် ဖတ်ပါတယ်။ သိပ်မညံ့လှတဲ့ ကဗျာအတိုအစလေးတွေလည်း
ရေးပါတယ်။ နိုင်ငံရေး ရပ်တည်ချက်ကလည်း အတော်ကို ခိုင်မာပါတယ်။ ကျနော့်လိုပဲ လူပုစိတ်တို ဆိုပေမယ့် အခက်အခဲ အကြပ်အတည်းကြားထဲ၊ မိုးထဲရေထဲရောက်တဲ့အခါတွေမှာတော့ အလွန်ကို စိတ်ရှည် သည်းခံနိုင်စွမ်း ရှိပါတယ်။ သူ့တစ်ဦးတည်း ရပ်တည်ချက်အရ ခေါင်းမာတတ်ပေမယ့် အများကျိုးနဲ့ ယှဉ်လာတဲ့အခါမျိုး၊ အထူးသဖြင့် လူငယ်တွေနဲ့ ပတ်သက်လာရင်ပျော့ပြောင်းလေ့ရှိပါတယ်။ ဆရဇော့်ဆီကနေ ကျနော်တို့ တတွေ အတုယူရ တဲ့ ထူးခြားမှုကတော့၊ ထောင်ထဲမှာပေမယ့် အချိန်ကို အလဟဿ မဖြစ်စေတာပါပဲ။ သူ့ရဲ့အချိန်အများစုကိုလည်း စာဖတ်ခြင်း၊ ကျန်းမာရေးလေ့ကျင်းခန်းလုပ်ခြင်း၊ တရားထိုင်ခြင်းတွေနဲ့သာ ကုန်လွန်စေပါတယ်။
၂၀၀၄ခုနှစ်နောက်ပိုင်း၊ နိုင်ငံရေးအကျဉ်းသားတချို့ကို သာမန်အကျဉ်းသားတွေ အများစုနဲ့ရောပြီး အသုတ်လိုက်၊ အသုတ်လိုက် ပြန်လွှတ်ပေးတဲ့အခါ အများနည်းတူပဲ ဆရာဇော်လည်း မျှော်လင့်ခဲ့မိမှာပါ။ ဒါပေမယ့် ကိုယ်မပါဘဲ ကျန်နေ ရစ်လို့လည်း ဘယ်တော့မှ အနေအစား ပျက်လေ့မရှိပါဘူး။ ဒါကလည်း ထုံးစံပါပဲ။ ထောင်ထဲမှာ ကျန်နေရစ်ရသူအတွက်က ဆက်လက်ရှင်သန်၊ရပ်တည်နိုင်ဖို့အတွက် ရုန်းကန် ရင်ဆိုင်ရဦးမှာ မဟုတ်လား။ ထိုင်မှိုင်နေလို့မှ မရတာ။ ဒါပေမယ့် ၂၀၀၅ခုနှစ်၊ ဇူလိုင်လ ကျနော်တို့တတွေ လွတ်တဲ့အခါမှာတော့ ဆရာဇော် အတော်လေး စိတ်မကောင်းဖြစ် ကျန်ရစ်ခဲ့ပုံရ ပါတယ်။ လွတ်သွားတဲ့သူ ၅ယောက်က သူနဲ့အရင်းနှီးဆုံးသူတွေဖြစ်ယုံမက၊ လူကလည်း မကျန်တော့သလောက် ဖြစ်သွား တာကိုး။
စစ်အစိုးရက ဆရာဇော့်အပေါ်မှာတော့ အတော်ကို အညှိုးကြီးခဲ့ပုံ ရပါတယ်။ ကျနော်တို့ လွတ်မြောက်ပြီးမှကိုပဲ အကြိမ်ကြိမ်ထုတ်ပြန်တဲ့ လွတ်ငြိမ်းချမ်းသာခွင့်တွေမှာလည်း ဆရာဇော်မပါပါဘူး။၂၀၁၁ခုနှစ်၊နှစ်ဆန်း ပိုင်းလောက်မှ ဆရာဇော် ပြန်လွတ်တယ်လို့ ကြားပါတယ်။ ထောင်ထဲမှာ ဆရာဇော်နေခဲ့ရတာ အနှစ် ၂၀ကျော်လိမ့်မယ် ထင်ပါတယ်။ ဆရာဇော် ထောင်ကလွတ်တော့ ဆရာဝန်လိုင်စင် ပြန်လျှောက်တာ မရတဲ့အကြောင်း ကြားရပါတယ်။ ထုံးဖိုဘူတာမှာ မျက်ရည်ဥလေးတွေပြန်သိမ်းနိုင်ခဲ့တဲ့ သမီးငယ်လေးတောင် ဆရာဝန်ဘွဲ့ရသွားပြီ ဆိုတာလည်း ကြားရပါတယ်။ ထောင်ထဲမှာ ကိုယ်ရောစိတ်ပါ ကျန်းကျန်းမာမာနဲ့ နေထိုင်နိုင်ခဲ့ပြီး၊ ကိုယ့်ရဲ့ယုံကြည်ချက်၊ ရပ်တည်ချက်တွေ မယိုင်မလဲ၊ မပွန်းပဲ့ခဲ့တဲ့ ဆရာဇော့်အတွက် ကျနော်ဂုဏ်ယူပါတယ်။ ဒါ့အပြင် မမေ့မလျော့ ထပ်ဆင့်ဂုဏ်ပြုသင့်သူ တစ်ယောက်ကတော့ ဆရာဇော့်ရဲ့ဇနီး ဒေါက်တာဒေါ်ယုယုမေပါပဲ …. ။ ။

ကိုမာကီ(၈၈မျိုးဆက်)
ဇူလိုင်လ(၂၀)ရက်နေ့ထုတ် အာရှအလင်းဂျာနယ်မှ ….


၁၉၉၀ ရွေးကောက်ပွဲတုံးက (န၀တ-နအဖ)လွှတ်တော်မခေါ်ပေးခဲ့တဲ့အတွက် အစိုးရမဖွဲ့နိုင်ခဲ့ပါ။ အဲဒီအခါ လွှတ်တော်ခေါ်ယူရေးနဲ့ လွှတ်တော်ဆိုင်ရာအလုပ်တွေကို လုပ်ဖို့ ပြည်သူ့လွှတ်တော်ကို ကိုယ်စားပြုသော ကော်မတီ (CRPP) ကို ဖွဲ့စည်းခဲ့တယ်။

အဲဒီ ကော်မတီမှာ အမျိုးသားဒီမိုကရေစီအဖွဲ့ချုပ် ၊ ရှမ်းတိုင်းရင်းသားများဒီမိုကရေစီအဖွဲ့ချုပ် ၊ ရခိုင်ဒီမိုကရေစီအဖွဲ့ချုပ်၊ မွန်အမျိုးသားဒီမိုကရေစီအဖွဲ့ချုပ်၊ ဇိုမီးအမျိုးသားကွန်ဂရက်တို့နဲ့စဖွဲ့ခဲ့တယ်။ ကော်မတီဝင် ဆယ်ဦးဘဲပါတယ်။

အဲဒီ ကော်မတီဆယ်ဦးမှာ NLD က (၉)ပါဝင်ပါတယ်။ ကျန်တဲ့တစ်ယောက်ကတော့ ရှမ်း ၊ ရခိုင် ၊ မွန် ၊ ဇိုမီး ပါတီလေးပါတီကို ကိုယ်စားပြုပြီး ဦးအေးသာအောင်ပါဝင်ခဲ့ပါတယ်။ ဒီကော်မတီရဲ့ ဥက္ကဋ္ဌက ဦးအောင်ရွှေ ၊ အတွင်းရေးမှူးက ဦးအေးသာအောင် ၊ ဒေါ်အောင်ဆန်းစုကြည်က ကော်မတီဝင်အဆင့်မှာဘဲနေတယ်။

အဲဒီကော်မတီက ရေးရာ ကော်မတီတွေဖွဲ့တဲ့ အခါ တိုင်းရင်းသားရေးရာကော်မတီမှာ ဦးအေးသာအောင်က ဥက္ကဋ္ဌ ၊ ဒေါ်အောင်ဆန်းစုကြည်က အတွင်းရေးမှူး ။ အနာဂတ်မှာ ပြည်သူ့လွှတ်တော်ပေါ်ပေါက်လာရင် လွှတ်တော်ဥက္ကဋ္ဌကို ဒေါက်တာဦးစောမြအောင်(ဒေါက်တာတင်မာအောင်၏ ဖခင်)လို့ တရားဝင်ကြေညာခဲ့တယ်။

ဒီကော်မတီဖွဲ့တုံးက စစ်အစိုးရ ခြောက်ခြားတုန်လှုပ်ခဲ့လို့ ပတ်ယမ်းခဲ့တဲ့ လုပ်ရပ်တွေ သမိုင်းမှာ ကျန်ခဲ့တယ်။ လက်နက်ကိုင်အဖွဲ့တွေ ထောက်ခံတဲ့ ထုတ်ပြန်ချက်တွေ ထွက်လာတယ်။ အဲဒီတုံးက ခုကြားနေရတဲ့ အသံရှပ်ရှပ်နဲ့ ပြောနေတဲ့ ဦးအေးသာအောင်ရဲ့ အသံက မိမွေးတိုင်း ဖမွေးတိုင်း အကောင်းပတိ။ ကြည်လင် ပြတ်သားလို့။

တိုင်းရင်းသားလက်နက်ကိုင်အဖွဲ့တွေနဲ့ ဆက်သွယ်မှုစတဲ့ တသီတတန်းသော ပုဒ်မတွေနဲ့ ဦးအေးသာအောင်ကို ဖမ်းပြီး ထောင်(၂၁)နှစ်ချမှတ်လိုက်တယ်။ ထောင်က ထွက်လာတဲ့အခါ ခင်ဗျားတို့ ခုကြားနေရတဲ့ အသံရှပ်ရှပ် အသံပြာပြာ ပိုင်ရှင်ဘ၀ကို ရောက်ခဲ့ရတယ်။ ဒီ မတိုင်ခင် ၁၉၇၀ ကျော် ဦးနေ၀င်းလက်ထက်မှာလည်း နိုင်ငံရေးမှုနဲ့ ထောင်နန်းစံခဲ့ဖူးတဲ့သူ။ ခုလမ်းလျောက်ရင် ခြေထောက် ထော့နင်း ထော့နင်းနဲ့ လမ်းလျောက်နေရပြီး မီမွေးတိုင်း ဖမွေးတိုင်း ကြည်လင်ခဲ့တဲ့ သူ့အသံတွေပျောက်ဆုံးခဲ့ကာ အသံပြာပြာဘ၀နဲ့ သူယုံကြည်ရာကို သူလျောက်လှမ်းနေတုံးပေါ့။

ဒီအကြောင်းတွေ ဘာကြောင့် ပြောနေရသလဲဆိုတော့ ကျနှော့်ကို လှမ်းလှမ်းမေးနေတဲ့ ညီငယ်အချို့ရှိပါတယ်။ တယောက်စ နှစ်ယောက်စတုံးက ကျနှော် ပြန်ဖြေနိုင်ပေမယ့် များလာတဲ့အခါ အခုလို ကောက်ကြောင်းလေးရေးလိုက်တာ ပိုအဆင်ပြေမယ်ထင်လို့ ရေးလိုက်ရခြင်းဖြစ်တယ်။

စစ်အစိုးရခေတ် သူအဖမ်းမခံရခင် အသံလွင့်ဌာနတွေက တဆင့် နိုင်ငံရေးရပ်တည်ချက် ၊ နိုင်ငံရေးစာတမ်းတွေရေးခဲ့သလို ၊ လွတ်လာပြီးနောက် ပြည်ပမီဒီယာအချို့မှာ အောင်ဇံ နာမည်နဲ့ဆောင်းပါးတွေ ရေးပြီး သူ့ရဲ့ ရပ်တည်ချက်ကို ပြခဲ့ပါတယ်။

ဦးသန်းရွှေလက်ထက်ဆိုတာ အကြောက်တရားနဲ့ ဖိနှိပ်ထားဆဲကာလ ၊ဦးခင်ညွန့်ကလည်း လက်ဇောင်းထက်တဲ့ကာလကပေါ့။ အဲဒီကာလရဲ့ ၁၉၉၉ ဖေဖော်ဝါရီလ ပြည်ထောင်စုနေ့မှာ သူပြောခဲ့တဲ့ မိန်းခွန်းလေးကို မိတ်ဆက်ပေးစေချင်ပါတယ်။ ခုလို ပြောပိုင်ခွင့် ၊ ဆိုပိုင်ခွင့် မရှိတဲ့ ကာလက ဒီလို သူလုပ်ခဲ့ ၊ ရပ်တည်ခဲ့ပါလားဆိုတဲ့ အတွေးမျိုးလေးနဲ့ သိစေချင်ပါတယ်။

" မြန်မာနိုင်ငံဟာ လူမျိုးတမျိုးတည်း နေထိုင်တဲ့ နိုင်ငံမဟုတ်ဘူး။ တိုင်းရင်းသားလူမျိုးပေါင်းစုံ ပူးပေါင်းနေထိုင်ကြတဲ့ နိုင်ငံဖြစ်ပါတယ်။ ဒါကြောင့် တစ်ပြည်ထောင်စနစ်ကို မကျင့်သုံးသင့်ဘဲ ပြည်ထောင်စုစနစ်နဲ့သာ တည်ဆောက်ရမှာ ဖြစ်ပါတယ်။ ပြည်ထောင်စုဆိုရာမှာလည်း အမည်ခံပြည်ထောင်စုမျိုးမဟုတ်ဘဲ လူမျိုးတိုင်းတန်းတူရည်တူရှိတဲ့ ပြည်ထောင်စုစစ်စစ်ကို တည်ဆောက်ရပါမယ်။လူတိုင်းရဲ့ မွေးရာပါ အခွင့်အရေးတွေကို အသိအမှတ်ပြုပြီး ကိုယ့်ကြမ္မာကိုယ်ဖန်တီးခွင့်ရှိရပါမယ်။ ကိုယ်ပိုင်ပြဋ္ဌာန်းခွင့် ရှိရမယ်။ လွတ်လပ်ခြင်း၊ တန်းတူခြင်း၊ ညီညွတ်ခြင်းဆိုတဲ့ အခြေခံပေါ်မှာ လူမျိုးတိုင်းဟာ တကယ်လွတ်လပ်ရမယ်။ တကယ် တန်းတူအခွင့်အရေး ရှိရမယ်။ ဒါမှသာ ညီညွတ်ရေးကို တည်ဆောက်နိုင်မယ်။ ညီညွတ်မှု ရှိမှလည်း တကယ်စစ်မှန်တဲ့ ငြိမ်းချမ်းရေးကို ရနိုင်မှာ ဖြစ်ပါတယ်။" လို့ ခု ကြားနေရတဲ့ ရှပ်ရှပ် အသံမျိုးမဟုတ်ဘဲ ကြည်လင် ပြတ်သားတဲ့ အသံနဲ့ သူပြောနိုင်ခဲ့ပါတယ်။

အဲဒီ နောက်ပိုင်း ၂၀၁၀ လွှတ်တော်ကိုယ်စားပြုကော်မတီ(CRPP)မှာ သူတင်သွင်းခဲ့တဲ့ စာတမ်းကိုတော့ ခုကြားနေရတဲ့ အသံပြာပြာနဲ့ သူ့ ရပ်တည်ချက်ကို တင်သွင်းခဲ့ပါတယ်

" ကျွန်တော်တို့ ဒီနေ့ နိုင်ငံရေးရပ်တည်ချက်ကို အနှစ်ချုပ်လိုက်မယ်ဆိုရင် အဓိကအချက်ကတော့ ၂၀၀၈ ခုနှစ်မှာ နအဖက တဖက်သတ်ရေးဆွဲပြဋ္ဌာန်းလိုက်တဲ့ ဖွဲ့စည်းအုပ်ချုပ်ပုံ အခြေခံဥပဒေ ပြန်လည်သုံးသပ် ပြင်ဆင်ရေးဟာ အဓိကကျတဲ့ မူလည်းဖြစ်သလို ဒီကနေ့ လောလောဆယ်မှာရော ကာလအတိုင်းအတာတစ်ခုအထိရော ကျွန်တော်တို့ ဆုပ်ကိုင် ရပ်တည်ထားရမယ့် မူလည်းဖြစ်ပါတယ်။

ဒီတော့ အခု ကျွန်တော်တို့ ပြောချင်တာက ဒီမူတွေရှိရုံနဲ့ ပြီးပြီလားဆိုတော့ မပြီးသေးပါဘူး။ ဒီမူတွေအပေါ်ရပ်တည်ပြီးတော့ နိုင်ငံရေးအရ ရှေ့ကို ကျွန်တော်တို့ ဘယ်လို အခြေခံသွားမလဲ ၊ ဒီမူတွေကို အကောင်အထည်ပေါ်အောင် ဘယ်လိုလုပ်မလဲဆိုတာတွေဟာ အရေးကြီးသလို ဒီမူတွေကိုလည်းဘဲ ကျွန်တော်တိုဟာ အခိုင်အမာ ရပ်တည် ဆုပ်ကိုင်ပြီးတော့ အလွယ်တကူ မစွန့်လွှတ်မိဖို့လည်းဘဲ အရေးကြီးပါတယ်။

ဒီနေရာမှာ မူကို အလွယ်တကူ မစွန့်လွှတ်ရေးဆိုတာနဲ့ ပတ်သက်ပြီး ကျွန်တော် ပြောချင်တာက ကျွန်တော်တို့အနေနဲ့ ဘယ်နေရာမှာ မဆို တရားသေမဖြစ်သင့်ဘူး။ ကျွန်တော်တို့ဟာ ပြောင်းလွယ် ပြင်လွယ်ရှိရမယ်။ Flexible ဖြစ်ရမယ်။ သို့သော်လည်းဘဲ ဒီနေရာမှာ မူမဲ့ အခြေခံမဲ့ ပြောင်းတာမျိုး မလိုအပ်ဘဲနဲ့ မူကို စွန့်တာမျိုးကိုတော့ ရှောင်ဖို့လိုပါတယ်။" တဲ့

ဒါကတော့ သူ့ရဲ့ ပြာရှပ်ရှပ် အသံနဲ့ မဟာမိတ်တွေကြားမှာ သူ့စာတမ်းကို သူကိုယ်တိုင် ဖတ်ကြားခဲ့တဲ့ အထဲက ကောက်နှုတ်ချက်ဖြစ်ပါတယ်။ ပါတီကို ပြန်လည်တည်ဆောက်ရင်း အခြားတဖက်မှာ ပညာအသိုက်အမြုံဖြစ်ပေါ်ရေးကို ဇောင်းပေးတဲ့ အာရက္ခဖောင်ဒေးရှင်းကို ဒေါက်တာနာယကနဲ့ တည်ထောင်ခဲ့သူ ။

အဲဒီခေတ် အဲဒီကာလက ဖြတ်သန်းခဲ့ဖူးတဲ့ မဟာမိတ်တွေဟာ ဒီနေ့ အချိန်ထိ သူ့အပေါ်မှာ ယုံကြည်နေဆဲ ၊ လေးစားနေဆဲဆိုတာကို တွေ့ရပါတယ်။ သူ ပေးဆပ်ခဲ့တာကို။ ယခု သူယုံကြည်တဲ့ နိုင်ငံရေးအရ တန်းတူပြီး ကိုယ်ပိုင်ပြဋ္ဌာန်းခွင့်ရှိတဲ့ ပြည်နယ်ပေါင်းစု ပြည်ထောင်စုတည်ဆောက်ရေးအတွက် ထောင်ထဲက ပေးလိုက်တဲ့ အသံပြာပြာ ရှပ်ရှပ်နဲ့ ထော့နင်း ထော့နင်းနဲ့ လွှတ်တော်ထဲကို လျောက်လှမ်းခဲ့ပါတယ်။ သူ့သက်တမ်းမှာ သူမျှော်လင့်သလို ဖြစ်လာနိုင်ပါ့မလားဆိုတာ သံယဖြစ်မိပေမယ့် နိုင်ငံရေးမျိုးဆက်တစ်ခုကိုတော့ သူမွေးထုတ်နိုင်ခဲ့ပါတယ်။ အဲဒီ သူမွေးထုတ်ခဲ့တဲ့ မျိုးဆက်တွေကကော ....... ။ ။

ခိုင်လင်း(မေဃ၀တီ)
ဖေဖော်ဝါရီ(၃)၂၀၁၆ ည ၁၂း ၄၃

 ဗြိတိသျှ နိုင်ငံသား သား နှစ်ယောက် ရှိနေတဲ့ အတွက် ဖွဲ့စည်းပုံ အခြေခံ ဥပဒေ အရ ဒေါ်အောင်ဆန်းစုကြည် ဟာ သမ္မတ ဖြစ်ခွင့် မရှိ ဖြစ်နေပါတယ်။
စတင် ခဲ့ပြီ ဖြစ်တဲ့ လွှတ်တော် အသီးသီးမှာ နေရာ အများစု လွှမ်းမိုး ထားတဲ့ အမျိုးသား ဒီမိုကရေစီ အဖွဲ့ချုပ် NLD ပါတီ အနေနဲ့ သမ္မတ နေရာ အတွက် ဘယ်သူ့ ကို လျာထားမယ် ဆိုတာ ကို အလောတကြီး ဆုံးဖြတ်မှာ မဟုတ်ဘူး ဆိုပြီး NLD ဥက္ကဌ ဒေါ်အောင်ဆန်းစုကြည် က ပြောပါတယ်။

သမ္မတ နေရာ အဆိုပြုဖို့ မတ်လ ထိအောင် အချိန်ရ သေးတယ်လို့လည်း ဆိုပါတယ်။

လက်ရှိ သမ္မတ သက်တမ်း ဟာ မတ်လ ထဲကျမှ ပြီးဆုံးမှာ ဖြစ်ပါတယ်။

ဗြိတိသျှ နိုင်ငံသား သား နှစ်ယောက် ရှိနေတဲ့ အတွက် ဖွဲ့စည်းပုံ အခြေခံ ဥပဒေ အရ ဒေါ်အောင်ဆန်းစုကြည် ဟာ သမ္မတ ဖြစ်ခွင့် မရှိ ဖြစ်နေပါတယ်။

ဒေါ်အောင်ဆန်းစုကြည် ကို သမ္မတ ဖြစ်ခွင့် ကို တားဆီး နေတဲ့ ဖွဲ့စည်းပုံ ပါ ပုဒ်မ ကို ယာယီ ခြွင်းချက်ပြု ရပ်ဆိုင်း ပေးရေး အတွက် အခု စတင် နေပြီ ဖြစ်တဲ့ လွှတ်တော် ထဲ မှာ မဲခွဲ ဆုံးဖြတ် နိုင်ဖို့ NLD အမတ် တွေ ကြိုးစား လာနိုင်တယ် ဆိုပြီး မြန်မာ့ နိုင်ငံရေး လေ့လာ စောင့်ကြည် သူတွေက သုံးသပ် နေကြ ပါတယ်။

BBC Burmese
http://www.bbc.com/burmese

အမျိုးသား လွှတ်တော် ဥက္ကဋ္ဌသစ် ဖြစ်လာသူ ဦးမန်းဝင်းခိုင်သန်း
ဖေဖော်ဝါရီလ ၃ ရက်နေ့က စတင် ဖွင့်လှစ်လိုက်တဲ့ အမျိုးသား ဒီမိုကရေစီ အဖွဲ့ချုပ် ရွေးကောက်ခံ ကိုယ်စားလှယ်တွေ လွှမ်းမိုးထားတဲ့ အမျိုးသား လွှတ်တော်သစ်မှာ လွှတ်တော် ဥက္ကဋ္ဌသစ် အဖြစ် တင်မြှောက်ခံခဲ့ရသူ ဦးမန်းဝင်းခိုင်သန်းက ချမ်းသာကြွယ်ဝတဲ့ ဖက်ဒရယ် ဒီမိုကရေစီ နိုင်ငံ ထူထောင်ဖို့ မလိုအပ်တဲ့ ဥပဒေတွေကို ဖျက်သိမ်းပြီး လိုအပ်တဲ့ ဥပဒေတွေကို ပြဌာန်းမယ်လို့ လွှတ်တော် အဖွင့် မိန့်ခွန်းမှာ ပြောခဲ့ပါတယ်။

ပြင်ဆင်ဖို့ လိုတဲ့ ဥပဒေတွေထဲမှာ ဒီမိုကရေစီနဲ့ ဖက်ဒရယ် နည်းမကျတဲ့ ဥပဒေတွေ အများကြီး ပါတဲ့ ဖွဲ့စည်းပုံ အခြေခံ ဥပဒေကို အရင်ဆုံး ပြင်ဆင်တာ ဒါမှ မဟုတ် အသစ် ပြင်ဆင်ရေးတာမျိုးလို တစ်ခုခုတော့ လုပ်ဖို့ လိုတယ်လို့ ပအိုးဝ် လွတ်မြောက်ရေး အဖွဲ့ချုပ် PNLO ခေါင်းဆောင် တစ်ယောက် ဖြစ်သူ ဦးခွန်ဥက္ကာက ပြောပါတယ်။

ဖက်ဒရယ် ပြည်ထောင်စုကို တည်ဆောက်ရေး အထောက်အကူဖြစ်စေတဲ့ ဥပဒေတွေကို ပြဌာန်းမယ် ဆိုရင် အဲဒါတွေက ဖွဲ့စည်းပုံ အခြေခံ ဥပဒေကို မလွဲမသွေ ဆန့်ကျင်မှာ အမှန်ပဲလို့ ဦးခွန်ဥက္ကာက ပြောပါတယ်။

အခု လက်ရှိ အခုခြေခံ ဥပဒေရဲ့ ကျောရိုးက တပ်မတော် ဖြစ်ပြီး အမျိုးသား နိုင်ငံရေးမှာ တပ်မတော် ပါရမယ်၊ ရွေးကောက်ဖို့ မလိုဘဲ ဥပဒေပြုရေးမှာ ၂၅ ရာခိုင်နှုန်း ရှိရမယ်၊ တိုင်းပြည်မှာ အဓိက အရေးကြီးတဲ့ ဝန်ကြီး ဌာန သုံးခုကို တပ်မတော်က ခန့်အပ်ရမယ် ဆိုတာတွေရှိနေလို့ ဖွဲ့စည်းပုံကို မပြင်ဘဲ မရနိုင်ဘူးလို့ သူက ဆိုပါတယ်။

ဒါကြောင့် တပ်မတော်ရဲ့ အခန်း ကဏ္ဍကို ဘယ်လောက် အထိ ဖြေလျှော့မလဲ ဆိုတာအပေါ်မူတည်တယ်လို့ လည်းသူက ပြောပါတယ်။

အခု လွှတ်တော် သက်တမ်း ငါးနှစ် အတွင်းမှာတော့ဖွဲ့စည်းပုံ အခြေခံ ဥပဒေကို ထိရောက်တဲ့ ပြင်ဆင်မှုမျိုး လုပ်နိုင်တဲ့ လမ်းကြောင်းပေါ်လာဖို့က လွှတ်တော်တွင်းမှာ ပိုခက်နိုင်ပြီး လွှတ်တော် ပြင်ပ လမ်းကြောင်းကသာ ဖြစ်ကောင်း ဖြစ်လာနိုင်တယ်လို့ ဦးခွန်ဥက္ကာက ပြောပါတယ်။

လွှတ်တော်တွင်း လွှတ်တော်ပ လမ်းကြောင်း နှစ်ခုစလုံးကနေ ကြိုးစားမှသာ ဖက်ဒရယ် ပြည်ထောင်စု တည်ဆောက်ရေး ဖြစ်နိုင်မယ်လို့ လည်း သူက ပြောပါတယ်။

BBC Burmese
http://www.bbc.com/burmese


ဧရာဝတီတိုင်းဒေသကြီး၊ အင်္ဂပူမြို့နယ် အတွင်းရှိ အင်္ဂပူတောကြီးတန်း အတွင်း လွန်ခဲ့သည့် နှစ်ပေါင်း ၂၅၀၀ ကျော်က တည်ရှိခဲ့သော ပျူခေတ်ဂ၀ံ မြို့ဟောင်းကြီးဟု ယူဆရသည့် ပျူခေတ် အဆောက်အအုံပျက်များနှင့် အသုံးအဆောင် ပစ္စည်းများ တွေ့ရှိထားကြောင်း သွားရောက် လေ့လာခဲ့သည့် သမိုင်းသုတေသီများထံမှ သိရှိရသည်။

မြို့ဟောင်းကြီးသည် ပုသိမ်-မုံရွာ ကားလမ်းပေါ်ရှိ တောင်ဇင်းကျေးရွာ၏ အနောက်ဘက် နှစ်မိုင်ကျော်ခန့် ကွာဝေးသော အင်္ဂပူတောကြီးတန်းအတွင်း တည်ရှိနေပြီး တွေ့ရှိထားသည့် ဘုရားစေတီနှင့် အဆောက်အအုံ ပျက်များတွင် ဘီစီ ၃ ရာစု(ဗုဒ္ဓခေတ်)နှင့် ဘီစီ ၆ ရာစု(အသောကခေတ်) အတွင်း သုံးစွဲခဲ့သော ဗြာဟ္မီ အက္ခရာများနှင့် ပျူအက္ခရာများ ရေးထိုးပါရှိသည့် လက်ရေးစင်း စပါးခွံ ပျူအုတ်ချပ်များနှင့် ပျူခေတ် ကျောက်ဆစ် နတ်ရုပ်များကိုလည်း တွေ့ရှိထားကြောင်း သမိုင်းသုတေသီများထံမှ သိရသည်။

တွေ့ရှိထားသည့် မြို့ဟောင်းကြီးသည် အ၀န်းပတ်လည် ရှစ်မိုင်ခန့်ရှိပြီး ဘယ်၊ ညာ နှစ်ဖက်တွင် ကာကင်းကုန်း နှင့် မျှော်ကင်းကုန်းဟု ယူဆရသည့် ရှေးဟောင်း ဂ၀ံကျောက်များဖြင့် တည်ဆောက်ထားသည့် ပေနှစ်ရာကျော်စီ ရှည်လျားသော တောင်တန်းကြီး နှစ်ခု တည်ရှိနေပြီး ပျူခေတ်၊ ပုဂံခေတ် အုတ်စီစနစ် (အုတ်ဒေါင် လိုက်စီ) နှင့် ပျူခေတ် စပါးခွံအုတ်ချပ်များ အသုံးပြုကာ တည်ဆောက်ထားသည့် ရှေးဟောင်း အုတ်လှေကား ရှည်ကြီးများလည်း တွေ့ရှိထားကြောင်း သွားရောက် လေ့လာခဲ့သူ သမိုင်းသုတေသီ ဆရာဘုန်းတင့်ကျော်က ပြောသည်။

“မြို့ဟောင်းကုန်းနဲ့ မြို့ဟောင်း ကုန်းပတ်လည်မှာရှိတဲ့ အဆောက်အအုံတွေက အုတ်ချပ်တွေမှာ ရေးထိုးပါရှိတဲ့ ရှေးခေတ်အက္ခရာတွေဟာ လွန်ခဲ့တဲ့ နှစ်ပေါင်း ၂၅၀၀ နှင့် ၂၃၀၀ ခန့်က ဗုဒ္ဓဘာသာ ယဉ်ကျေးမှုကို ပြန်ပြနိုင်သလို ပျူခေတ်၊ ပျူယဉ်ကျေးမှုကို ဖော်ပြတဲ့ ပျူမြို့ပြတစ်ခု ဖြစ်ခဲ့မယ် ဆိုတာကို သက်သေခံနေပါတယ်” ဟု သွားရောက် လေ့လာခဲ့သူ သမိုင်းသုတေသီ ဆရာဘုန်းတင့်ကျော်က ပြောသည်။

မြို့ဟောင်းကြီး၏ အရှေ့ဘက်တွင် ကမ်းပြို တောရရွှေတောင်ဦးစေတီ တည်ရှိပြီး မူလလက်ရာကို လွန်ခဲ့သော ၂၅ နှစ်ခန့်က ပိန္ဒဲကွင်း ဆရာတော်ကြီးက ပြန်လည် ပြုပြင်ထားသော်လည်း စေတီတော် အင်္ဂါထောင့်နှင့် စနေထောင့်တွင် ပျူခေတ် မြေထိန်းနံရံများ၊ ဖောင်းရစ်တော်တွင်လည်း ရှေးဟောင်း ပျူအက္ခရာပါ စပါးခွံအုတ်များ တွေ့ရှိရပြီး အနီးတွင် ဂ၀ံကျောက် သပိတ်ကြီး တစ်ခုလည်း တွေရှိထားကြောင်း သိရသည်။

အနောက်ဘက်တွင် လေသာတောင် ဓမ္မိက ရှေးစေတီ၊ တောင်ဘက်တွင် စောပြရွာ ရှေးစေတီကုန်းနှင့် အုတ်ရေကန်ကြီး၊ မြောက်ဘက်ရှိ နှစ်ကျိပ်ရှစ်ဆူ ဘုရားများတွင်လည်း ပျူခေတ် အထောက်အထားများစွာ တွေ့ရှိထားကြောင်း ရောက်ရှိ လေ့လာခဲ့သူ သမိုင်းပညာရှင်များက ဆိုသည်။

မြို့ဟောင်းကြီး တွေ့ရှိထားရာနှင့် အနီးဆုံးနေရာတွင် တည်ရှိနေသော တောင်ဇင်းကျေးရွာ အတွင်း၌လည်း ပျူအက္ခရာများ ရေးထိုးထားသည့် စပါးခွံအုတ်များကို ပျူခေတ် အုတ်စီစနစ်ဖြစ်သော အပြားလိုက် သုံးလွှာ တြိဂံပုံ တစ်ရစ်ဖြင့် တည်ဆောက်ထားသည့် ရှေးဟောင်းရေတွင်း သုံးတွင်းရှိနေပြီး ခိုင်ခံ့သော အုတ်ချပ်များ၊ အုတ်စီစနစ်များ ဖြစ်၍ ပြန်လည်တူးဖော်ကာ ရွာသားများက ယနေ့တိုင် အသုံးပြုလျက်ရှိပြီး ရေတွင်းများနှင့် ပတ်ဝန်းကျင်မှ ရှေးခေတ် အသုံးအဆောင် မျိုးစုံ ရရှိသော်လည်း ပျောက်ဆုံးပျက်စီး ကုန်ကြပြီဖြစ်ကြောင်း တောင်ဇင်း ကျေးရွာသားများထံမှ သိရသည်။

"အဘ ၁၅ နှစ်သားက ရေတွင်းကို စဖော်တာ၊ တွင်းထဲက ရောင်စုံပုတီးလုံး၊ ဖန်လုံးတွေ ရပေမယ့် ငယ်တော့ မသိဘူး။ ဒီတိုင်း မေ့မေ့ပျောက်ပျောက်နဲ့ မရှိတော့ဘူး၊ ယောက္ခမတောင် ဒီရေတွင်းထဲက ရတဲ့ သလင်းနားတောင်းကြီး ပန်ပန်ပြီး လျှောက်သွားနေသေးတယ်၊ ဆေးတံတစ်ခုလည်း ရတယ် ပျောက်သွားပြီ" ဟု အသက် ၈၈ နှစ်အရွယ်ရှိ တောင်ဇင်းရွာသား ဦးတင်မောင်က ပြောသည်။

ယခု တွေ့ရှိထားသည့် ပျူခေတ် ဂ၀ံမြို့ဟောင်း နယ်မြေရှိ ရှေးဟောင်း အဆောက်အအုံများ စေတီပုထိုးများကို ဆက်လက် ပျက်စီးမှုမရှိစေရန်နှင့် ရှေးဟောင်း အဆောက်အအုံများကို ဆက်လက် ဖော်ထုတ်ရန် ယဉ်ကျေးမှုနယ်မြေ အဖြစ် ထိန်းသိမ်းပေးရန် လိုအပ်နေကြောင်း သမိုင်သုတေသီများထံမှ သိရသည်။

“ရှေးဟောင်းဌာနအနေနဲ့ တူးဖော်ကြည့်မှသာ ဘယ်နေရာမှာ ဘာအကြွင်းအကျန် ဘယ်နေရာမှာ ဘာအကြွင်း အကျန်တွေ ကျန်သေးသမျှ ရဖို့အလားအလာ များလာမှာပါ၊ ရာဇ၀င်တွေမှာ ရှာရတာ နှစ်ပေါင်း နှစ်ထောင်လောက် ကတည်းကိုက ဒီမြို့ကြီးက စာရင်းမတွေ့တော့ဘူး၊ တောကြီးဖုံးပြီး တိမ်မြုပ်သွားတာ အရမ်းကြာသွားတယ်” ဟု ရှေးဟောင်း ဂ၀ံမြို့ဟောင်းရှိ ကျပ်ပြင်တောရ စေတီတော်ကို ပြုပြင်စောင့်ရှောက် လျက်ရှိသည့် ဆရာတော် ဦးပညာသီရိက ပြောသည်။

ဂ၀ံမြို့ဟောင်းကြီး၏ မြေပေါ်တွေ့ အထောက်အထားများနှင့် မြေထဲတွေ့ အထောက်အထားများ စုံလင်လာပါက မြို့ဟောင်းကြီး၏ သမိုင်းကြောင်းကို ပြည့်စုံစွာ တွေ့မြင်ရမည်ဖြစ်ပြီး မြန်မာနိုင်ငံ သမိုင်း၊ ဗုဒ္ဓသာသနာသမိုင်း၏ တိမ်မြုပ်နေသော သမိုင်းမှတ်တမ်း သစ်များကို ပြန်လည် ဖော်ထုတ်ပေးနိုင်မည် ဖြစ်ကြောင်း ထို့ကြောင့် တူးဖော်ရေး ပညာရှင်များအနေဖြင့် ထိုမြို့ဟောင်းအား မြန်မြန် တူးဖော်စေလိုကြောင်း ရှေးဟောင်းဂ၀ံ မြို့ဟောင်းရှိ ကျပ်ပြင်တောရ စေတီတော်ကို ပြုပြင်စောင့်ရှောက်နေသည့် ဆရာတော် ဦးပညာသီရိ ပြောပြချက်အရ သိရသည်။

ပျူယဉ်ကျေးမှု ထွန်းကားခဲ့သည့် မြန်မာနိုင်ငံ အလယ်ပိုင်းရပ်ဝန်းနှင့် ဧရာဝတီမြစ်ဝှမ်း တစ်လျှောက်တွင် တည်ရှိခဲ့သော ဟန်လင်း၊ ဗိဿနိုးနှင့် သရေခေတ္တရာ ပျူမြို့ဟောင်းတို့အား ကုလသမဂ္ဂ ပညာရေးသိပံ္ပနှင့် ယဉ်ကျေးမှုအဖွဲ့ (ယူနက်စကို)က ကမ္ဘာ့အမွေအနှစ် စာရင်းဝင်အဖြစ် ၂၀၁၄ ခုနှစ်ဇွန်လ ၂၂ ရက်နေ့က ကာတာနိုင်ငံ ဒိုဟာမြို့တွင် ပြုလုပ်သော ၃၈ ကြိမ်မြောက် ကမ္ဘာ့အမွေအနှစ် အစည်းအဝေးတွင် သတ်မှတ် ကြေညာခဲ့သည်။

သတင်း - MMK
The Ladies News Journal
https://www.facebook.com/News.TheLadies

 ပြီးခဲ့တဲ့ လက ဘဂ္ဂဒက်မှာ ကုန်တိုက် တစ်ခု အတိုက်အခိုက် ခံရလို့ အနည်းဆုံး လူ ၁၈ ဦး သေဆုံး ခဲ့ရပါတယ်။
အီရတ် နိုင်ငံ ဘဂ္ဂဒက် မြို့တော် တစ်ခုလုံးကို ကာရံမယ် ဆိုတဲ့ လုံခြုံရေး တံတိုင်းကြီး ကို အီရတ် အစိုးရ က စတင် ဆောက်လုပ် နေပြီ ဖြစ်ပါတယ်။

အခုလို ဆောက်လုပ် ရတဲ့ ရည်ရွယ်ချက် က အစ္စလာမ်မစ် နိုင်ငံ အဖွဲ့ IS တွေရဲ့ ကားဗုံးခွဲတာ အပါအဝင် တခြား နည်းလမ်း ပေါင်းစုံ နဲ့ တိုက်ခိုက် တာတွေကို ကာကွယ် ဟန့်တား နိုင်ဖို့ ဖြစ်တယ် လို့ ဆိုပါတယ်။

အဲဒီ့ တံတိုင်း ရဲ့ ခြေရင်းမှာ ၆ ပေခွဲ လောက် နက်မယ့် ကတုတ် မြောင်းတွေ လည်း ပတ်ချာလည် တူးဖော် မှာ ဖြစ်တယ် လို့ သတင်း တစ်ပုဒ် က ဆိုပါတယ်။

အခုလို တံတိုင်း ခတ်လိုက် တဲ့ အခါ ဘဂ္ဂဒက် မြို့တော် ထဲ ကို ဝင်ရောက် ရာ နေရာ တွေကို လည်း ကန့်သတ် လိုက် ပြီး ဖြစ် နိုင်သလို ယာဉ် အဝင် အထွက် တွေကို ပိုပြီး ထိန်းချုပ် ရှာဖွေ လာ နိုင်စေမှာ ဖြစ်ပါတယ်။

IS အဖွဲ့ဟာ မြို့တော် ဘဂ္ဂဒက် ကို ပစ်မှတ် ထားပြီး မကြာခဏ ဆိုသလို တိုက်ခိုက် နေတာမှာ ပြီးခဲ့တဲ့ လက ဆိုရင် ကုန်တိုက် တစ်ခု အတိုက်အခိုက် ခံရလို့ အနည်းဆုံး လူ ၁၈ ဦး သေဆုံး ခဲ့ရပါတယ်။

BBC Burmese
http://www.bbc.com/burmese

 ဖေဖေါ်ဝါရီ ၂၅ ရက်နေ့ စကားပြောပွဲ တွေ ပြန်လည် မစတင် ခင် ကြိုတင် ပြင်ဆင် ပြုလုပ်ရမှာ တွေ ရှိနေတယ်။
ဆီးရီးယား ပြည်တွင်းစစ် အဆုံးသတ်နိုင်ရေး အတွက် ရည်ရွယ် ပြုလုပ်နေတဲ့ စကားပြောပွဲ တွေကို ခေတ္တ ရပ်နားမယ် လို့ ကုလသမဂ္ဂ က ပြောပါတယ်။

အခုလို ရပ်နားရ တဲ့ အတွက် ဂျနီဗာ စကားပြောပွဲ မအောင်မမြင် ဖြစ်သွားပြီ လို့တော့ အဓိပ္ပာယ် မသက်ရောက်ဘူး ဆိုပြီး ဆီးရီးယား ဆိုင်ရာ ကုလသမဂ္ဂ ရဲ့ အထူး ကိုယ်စားလှယ် စတယ်ဖန် ဒီ မစ္စတူရာ က ပြောပါတယ်။

ဒါပေမယ့် ဖေဖေါ်ဝါရီ ၂၅ ရက်နေ့ စကားပြောပွဲ တွေ ပြန်လည် မစတင် ခင် ကြိုတင် ပြင်ဆင် ပြုလုပ်ရမှာ တွေ ရှိနေတယ် လို့တော့ မစ္စတာ ဒီမစ္စတူရာ က ဆိုပါတယ်။

ဆီးရီးယား အစိုးရနဲ့ သူတို့ရဲ့ မဟာမိတ် ရုရှား တို့ရဲ့ လေကြောင်းက ဗုံးကြဲ တိုက်ခိုက် မှု တွေ မရပ်မတန့် မခြင်း အစိုးရ ကိုယ်စားလှယ် တွေနဲ့ ညှိနှိုင်းမှု တွေ မပြုလုပ် နိုင်ဘူး ဆိုပြီး ဆီးရီးယား အတိုက်အခံ ညွန့်ပေါင်း အဖွဲ့ က ပြောထား ပါတယ်။

ဒါ့အပြင် ဆီးရီးယား သူပုန်တွေ ထိန်းချုပ်ရာ နယ်မြေတွေကို အစိုးရနဲ့ အစိုးရ ကို လိုလားတဲ့ လက်နက်ကိုင် အဖွဲ့တွေ ပိတ်ဆို့ ထားတာ ကိုလည်း ရုတ်သိမ်း ပေးရမယ် လို့လည်း တောင်းဆို ထားပါတယ်။

ဂျနီဗာမြို့ ဆွေးနွေးပွဲ တွေ ရှေ့ဆက်နိုင်ဖို့ မစ္စတာ ဒီမစ္စတူရာ ကြိုးစား နေတဲ့ အခု ရက်တွေ မှာ သူပုန် တွေဘက်က တောင်းဆို ထားတာ တွေ ကို ဆီးရီးယား အစိုးရ ဘက်က တစ်ခုမှ မလိုက်လျော ခဲ့ပါဘူး။

အခုလို ဂျနီဗာ ဆွေးနွေးပွဲ မရပ်တန့်သေးခင် နာရီ အနည်းငယ် ကပဲ သမ္မတ အယ်လ် အာဆတ်ရဲ့ တပ်တွေဟာ နိုင်ငံရဲ့ မြောက်ပိုင်းမှာ ထိုးစစ် အသစ်တွေ ပြုလုပ် ခဲ့ပါတယ်။

အလက်ပ်ပို ဒေသထဲ သူပုန်တွေ ၃ နှစ်တာ ဝိုင်းဝန်း ပိတ်ဆို့ တာ ခံနေရတဲ့ မြို့ နှစ်မြို့ ဖြစ်တဲ့ နွတ်ဘဲလ် နဲ့ ဇဟရာ မြို့တွေ ရှိရာဆီ ထိုးဖောက် နိုင်ခဲ့တယ် လို့ အစိုးရ စစ်တပ် က ပြောပါတယ်။

ဒါ့ကြောင့် အလက်ပ်ပို မြို့တော် ဆီ ကိုသွားတဲ့ သူပုန် အုပ်စု တွေ ရဲ့ ထောက်ပံ့ရေး လမ်းကြောင်း တွေကို အစိုးရ စစ်တပ် က ခြိမ်းခြောက် နိုင်တဲ့ အနေအထား မျိုး ရရှိ လာပါတယ်။

အခုလို ဆီးရီးယား အစိုးရ စစ်တပ် က ထိုးစစ် ဆင် ခဲ့တာ မှာ ရုရှား က လေကြောင်း ပစ်ကူ တွေ အကြီးအကျယ် ပေးခဲ့ သလို၊ မြေပြင် မှာလည်း ရှီအာ လက်နက်ကိုင် အုပ်စု တွေ ဖြစ်တဲ့ လက်ဘနွန် အခြေစိုက် ဟစ်ဇ်ဘိုလာ တပ်ဖွဲ့ နဲ့ အီရန် ကျောထောက် နောက်ခံပြု လက်နက်ကိုင် တွေက ပူးပေါင်း ကူညီ ခဲ့ပါတယ်။

BBC Burmese
http://www.bbc.com/burmese


“ ဒေါက်တာဒေါ်အောင်ဆန်းစုကြည်နဲ့ ပြည်ဖျက်ဗိုင်းရပ်စ်ပိုး (၃) မျိုး တိုက်ဖျက်ရေး”

ပြီးခဲ့တဲ့နှစ်နိုဝင်ဘာလ အထွေထွေရွေးကောက်ပွဲမှာ ပြည်သူလူထုမဲအများဆုံးကို အနိုင်ရခဲ့တဲ့ အမျိုးသား ဒီမိုကရေစီအဖွဲ့ချုပ်ကိုယ်စားလှယ်တွေဦးဆောင်တဲ့ သမိုင်းဝင်ဒုတိယအကြိမ် ပြည်သူ့လွှတ်တော် ပထမပုံမှန်အစည်းအဝေးကို ဖေဖော်ဝါရီ (၁) ရက်နေ့ က စတင်ကျင်းပလို့ ပြီးစီးခဲ့ပါပြီ။

အဲ့ဒီအစည်းအဝေးကနေ အမျိုးသားဒီမိုကရေစီအဖွဲ့ချုပ်မှဦးဝင်းမြင့်ကို ပြည်သူ့လွှတ်တော်ဥက္ကဋ္ဌအဖြစ် လည်းကောင်း၊ ပြည်ခိုင်ဖြိုးပါတီမှ ဦးတီခွန်မြတ်ကို ဒုဥက္ကဋ္ဌအဖြစ်လည်းကောင်း တာဝန်ထမ်းဆောင်ဖို့  အတည်ပြုခဲ့ပြီးတဲ့နောက် ပြည်သူ့ လွှတ်တော်အကြီးအကဲနှစ်ဦးက ကတိသစ္စာပြုခဲ့ကြပါတယ်။

“တည်ဆဲဥပဒေများ၊ နည်းဥပဒေများ၊ အမိန့်များ၊ ကြေညာချက်များဟာ ဒီမိုကရေစီကျင့်စဉ်နဲ့ညီမညီ လူ့အခွင့်အရေးစံနှုန်းများနဲ့ ကိုက်မကိုက်၊ အပြည်ပြည်ဆိုင်ရာ သဘောတူညီချက်များနဲ့ ဆီလျော်မှုရှိမရှိ၊ နိုင်ငံတကာစာချုပ်စာတမ်းများနဲ့ အကျုံးဝင်မ၀င်၊ ပြည်သူလူထုအတွက် အကျိုးရှိမရှိ၊ ပြည်သူလူထုရဲ့ ဘ၀လုံခြုံရေးနဲ့ စိတ်လုံခြုံရေးကို အကာအကွယ်ပေးမပေးတို့ကို လေ့လာစီစစ်ကြပြီး ပြင်ဆင်ခြင်း၊ ဖြည့်စွက်ခြင်း၊ ပယ်ဖျက်ခြင်း၊ အသစ်ရေးဆွဲခြင်းတို့ကို ဆောင်ရွက်နေကြရမှာဖြစ်ပါတယ်”လို့ လွှတ်တော်ဥက္ကဋ္ဌသစ်ဦးဝင်းမြင့်က ပြောကြားခဲ့တယ်ဆိုတာကို ဒီဗွီဘီသတင်းမှာဖတ်လိုက်ရပါတယ်။

အင်မတန်ကျက်သရေရှိတဲ့စကား၊ ပြည်သူလူထု အကြားခြင်ဆုံးစကားကို လွှတ်တော်ဥက္ကဋ္ဌသစ်ကပြောသွား တယ်လို့ ပဲဆိုပါရစေ။ ဒါပေမဲ့လက်တွေ့ မှာ ဒီစကားဟာဘယ်လောက်ခရီးပေါက်မယ်၊ ဘယ်လောက်အတိုင်း အတာထိအောင် အကောင်အထည်ဖေါ်နိုင်မယ်ဆိုတာကတော့ အမျိုးသားဒီမိုကရေစီအဖွဲ့ ချုပ်ပါတီတခုထဲ အပေါ်မှာသာတည်မှီနေတာမဟုတ်ပါဘူး။ နိုင်ငံရေးအင်အားစုအားလုံး၊ ပါတီအသီးသီးနဲ့ တကွတပ်မတော်သား တွေ၊ အရပ်သား၊ ကျောင်းသား၊ ရဟန်းသံဃာများအပါအ၀င် နိုင်ငံသူနိုင်ငံသားအားလုံး ( All Stakeholders) တွေဟာ မှန်ကန်တဲ့အပြောင်းအလဲတွေအပေါ် ဘယ်လောက်ထိ လိုခြင်ဆန္ဒပြင်းပြသလဲဆိုတာ အပေါ်မှာသာ မူတည်ပါလိမ့်မယ်။

ဒီနေ့ မျက်မှောက်ကမ္ဘာကြီင်္းမှာ အလွန်အန္တရာယ်များတဲ့ ဗိုင်းရပ်စ်ပိုးတွေကူးစက်ပြန့်ပွားလို့ သေကြေပျက်စီးမှု့ တွေ တိုးပွားလာနေသလို ဆေးပညာရှင်တွေ၊ ကျန်းမာရေးဝန်ထမ်းတွေကလည်း အစွမ်းကုန်ကုသအဖြေရှာ နေကြပါတယ်။ တချို့ ပိုးတွေက အယင်ကပေါ်ခဲ့ဖူးပြီးပေမဲ့ လူသားတွေတီထွင်တဲ့ ကာကွယ်ဆေးတွေကို ခံနိုင်ရည်ရှိလာပြီး မျိုးရိုးဗီဇပြောင်းလို့  အဖျက်စွမ်းအားပိုကောင်းလာကြတယ်။ တချို့ ပိုးတွေကတော့ နောက်တိုးအသစ်တွေပေါ့။ အခုလောလောဆယ်မှာထင်ရှားလူသိများပြီး ကြောက်မက်ဖွယ်အကောင်းဆုံး ဗိုင်းရပ်စ်ပိုးတွေကတော့ အီဗိုလာ (Ebola)၊ အေအိုင်ဒီအက်စ် (HIV)၊ ဇီကာ (Zika) နဲ့ သွေးလွန်တုပ်ကွေး (Dengue) ဗိုင်းရပ်စ်ပိုးတွေပါဘဲ။

ဆင်းရဲနွမ်းပါးပြီး ကျန်းမာရေးအသိနိမ့်ကျတဲ့အရပ်ဒေသတွေ၊ အုပ်ချုပ်ပုံစနစ် မမှန်ကန်တဲ့တိုင်းနိုင်ငံတွေမှာ ဒီဗိုင်းရပ်စ်ပိုးတွေကြောင့်အနာရောဂါတွေ ဖြစ်ပွားခဲ့ရင်လျှင်မြန်စွာကူးစက် ပြန်ပွားတတ်သလို၊ သေကြေပျက်ဆီး ဆုံးရှုံးမှု့ လည်းပိုကြီးမားလေ့ရှိတယ်။

အဲ့ဒီလိုပါဘဲ လွန်ခဲ့တဲ့နှစ် (၅၀) ကျော်ကထဲက စစ်ဖိနပ်အောက်ရောက်ခဲ့ရပြီး အုပ်ပုံစနစ်မမှန်ကန်ခဲ့တဲ့ မြန်မာနိုင်ငံမှာ ကိုယ်ကျင့်သီလနဲ့ စာရိတ္တဆိုတဲ့ စိတ်ကျန်းမာရေးနယ်ပယ်ကို ဗိုင်းရပ်စ်ပိုးအမျိုးမျိုး ကူးဆက် ပြန့် ပွားခြင်းခံခဲ့ရပြီး ကဏ္ဍပေါင်းစုံမှာချွတ်ခြုံကျ၊ နာတာရှည်ရောဂါသည်ဘ၀ရောက်ခဲ့ရတယ်မဟုတ်လား။

ကမ္ဘာမှာသူခိုးမရှိတဲ့နိုင်ငံလို့ တချိန်တခါတုံးက နိုင်ငံရပ်ခြားကုန်သည်တွေအသိအမှတ်ပြုလေးစားခံခဲ့ရတဲ့ မြန်မာနိုင်ငံဟာ စောရပြည်လို့ ခေါ်ရလောက်အောင် နေ့ တဓူဝ လူမှု့ဘ၀တွေမှာ ရှောင်လို့ မလွတ်နိုင်တဲ့ အဂတိလိုက်စားမှု့တွေ၊ တရားမမျှတမှု့တွေ ပြည့်လျှမ်းညစ်နွမ်းနေတဲ့ အခြေအနေဆိုးကြီးထဲလှောင်ပိတ် ခံနေရအောင် အစိုးရကနေ အောက်ခြေပြည်သူတွေကြား ကူးဆက်ပြန့် ပွားနေတဲ့ ကြောက်မက်ဖွယ်ရာ ဗိုင်းရပ်စ်ပိုး (၃) မျိုးရှိပါတယ်။

အဲ့ဒါတွေကတော့
(၁) အာဏာရှင်ဗိုင်းရပ်စ်ပိုး
(၂) အကျင့်ပျက်ခြစားဗိုင်းရပ်စ်ပိုး
(၃) အခွင့်ထူးခံဗိုင်းရပ်စ်ပိုး စတာတွေဘဲဖြစ်ပါတယ်။

အဆိုပါဗိုင်းရပ်စ်ပိုးတွေဟာ ပေါက်ပွားခြင်တိုင်းပေါက်ပွားခွင့် နှစ်ရှည်လများရခဲ့ကြတော့ အလွန်သန်စွမ်းကြ တယ်။ ဟိရိသြတ္တပ္ပတရား ၊ ဗြဟ္မစိုရ်တရား၊ မြတ်စွာဘုရားရှင်ရဲ့တရားဓမ္မအဆုံးအမ စတဲ့ကာကွယ်ဆေးတွေ တောင်မတိုးတော့ဘဲ လူတိုင်းလိုလိုရဲ့နှလုံးသားနဲ့ ကိုယ်ကျင့်သီလကို ထိုးနှက်ချိုးဖျက် မိုက်တွင်းနက်စေခဲ့တယ် မဟုတ်လား။

(၁) အာဏာရှင်ဗိုင်းရပ်စ်ပိုး

ဒီဗိုင်းရပ်စ်ပိုးရဲ့လက္ခဏာကတော့ အများသိပြီးကြတဲ့အတိုင်း အနိုင်ကျင့်ဗိုလ်ကျမယ်၊ စီးပိုးမယ်၊ ဘယ်ကိစ္စမဆို သူ့ စိတ်တိုင်းကျချယ်လှယ်မယ်၊ အရာရာကိုမောင်ပိုင်စီးခြင်တယ်။ တခြားသူတွေရဲ့သဘောထားကို လုံးလုံး ထည့်သွင်းစဉ်းစားပေးခြင်းမပြုဘူး။ သူ့ ဆန္ဒကိုသာအမြဲရှေ့တန်းတင်လေ့ရှိကြတာ လူတိုင်းသိပါတယ်။

ဗိုလ်ချုပ်ကြီးနေ၀င်း မြေစမ်းခရမ်းပျိုးခဲ့တဲ့ ဒီအာဏာရှင်ဗိုင်းရပ်စ်ပိုးဟာ တပ်မတော်သားတွေသာမက နိုင်ငံရေး၊ အုပ်ချုပ်ရေး၊ စီးပွားရေး၊ ပညာရေး၊ လူမှု့ရေးစတဲ့ရှိရှိသမျှနယ်စုံပယ်စုံမှာသာမက အငယ်ဆုံးလူ့ အဖွဲ့ စည်း ဖြစ်တဲ့ မိသားစုတွေထဲမှာတောင် ကျယ်ကျယ်ပြန့် ပြန့် ကူးစက်ရင်း အခုဆို ထုံးတမ်းအစဉ်အလာသဘော၊ သူတို့ ရဲ့မူလရပိုင်ခွင့်လို့ တောင် ထင်မှတ်မှားတဲ့အဆင့်ရောက်နေပါပြီ။ တနည်းအားဖြင့်ပြောရရင် ဗိုင်းရပ်စ်ပိုး ဟာ အသွေးထဲအသားထဲထိစိမ့်ဝင်ပြီး၊ နှလုံးအိမ်မှာလွှမ်း၊ ရောဂါတော်တော်ကျွမ်းနေတဲ့အဆင့်ကိုရောက်နေပြီ ဆိုတဲ့သဘောပါဘဲ။

(၂) အကျင့်ပျက်ခြစားဗိုင်းရပ်စ်ပိုး

ဒီနေ့ မြန်မာနိုင်ငံမှာ အကျင့်ပျက်ခြစားတယ်ဆိုတာ နေ့ ခင်းကြောင်တောင် ဗြောင်လုပ်ဆောင်ရဲတဲ့အဆင့် ရောက်သွားပြီ။ ဟီရိသြတ္တပ္ပတရားတွေပျောက်ဆုံးစေတဲ့ လာဘ်ပေးလာဘ်ယူကိစ္စတွေဟာ နေ့ စဉ်လူမှု့ဘ၀ တွေထဲမှာ သမရိုးကျကိစ္စတရပ်လို ပျော်ဝင်ဖြစ်တည်နေခဲ့ပြီလေ။ ပြည်သူ့ ဘဏ္ဍာခိုးယူခွင့်ရဖို့  မင်္ဂလာဆောင်မှာ လက်ဖွဲ့ တာကစလို့ ပုံသဏ္ဍန်အမျိုးမျိုးနဲ့ အပေးအယူလုပ်နေကြတာ လူတိုင်းမြင်နေရတာမဟုတ်လား။

ဒီအကျင့်ပျက်ပိုးဟာ မြန်မာနိုင်ငံရဲ့အုပ်ချုပ်ရေးအာဏာပိုင်တွေထဲမှာသာမက ကိုယ်ကျင်တရားတွေကောင်းမွန် အောင် ထိန်းကြောင်းတည့်မတ်ပေးရမဲ့ အာစရိယဂိုဏ်းဝင်မိဘဆရာသမား၊ ဘာသာရေးခေါင်းဆောင်၊ ရဟန်း သံဃာတချို့ ထိတိုင်အောင် နက်နက်ရှိုင်းရှိုင်းကူးစက်ပြန့် ပွားနေတာဟာ အလွန်စိုးရိမ်စရာကောင်းတဲ့ အခြေအနေလို့ ပြောရင်မမှားပါဘူး။

အဆိပ်ပြင်းလွန်းလှတဲ့ အဂတိတရားလေးပါးကိုအခြေခံလာတာမို့  အကျင့်ပျက်ခြစားဗိုင်းရပ်စ်ပိုးဟာ နိုင်ငံနဲ့  ချီပြီး စာရိတ္တသီလ၊ ၀ါရိတ္တသီလတွေကျိုးပြတ်ချွတ်ခြုံကျစေအောင် အဖျက်စွမ်းအားကြီးမားလွန်းလှပါတယ်။ ဒီပိုး ကူးဆက်ပြန့် ပွားနေတဲ့ ကမ္ဘာပေါ်မှာရှိရှိသမျှ တိုင်းနိုင်ငံလူ့ အဖွဲ့ အစည်းတိုင်းဟာ အလွန်အရုပ်ဆိုး အကျည်းတန်တဲ့ မတရားမှု့တွေနဲ့ သာပြည့်လျှမ်းနေလေ့ရှိပြီး လူများစုဟာ ငရဲဘုံမှာကျခံရသလို ဆင်းရဲဒုက္ခ ရောက်ကြရပါတယ်။

(၃) အခွင့်ထူးခံဗိုင်းရပ်စ်ပိုး

မြန်မာနိုင်ငံမှာ ဖြစ်ပျက်ခဲ့၊ ဖြစ်ပျက်ဆဲ လူမှု့အနိဌာရုံအစုစုရဲ့ မြစ်ဖျားခံရာအရင်းခံအကြောင်းတရားဟာ တရားဥပဒေမစိုးမိုးခြင်းပါဘဲ။ အဲ့ဒီလို တရားဥပဒေစိုးမိုးမှု့ မရှိစေတဲ့ လက်သယ်တရားခံတွေကတော့ အခွင့်ထူးခံဗိုင်းရပ်စ်ပိုးကူးစက်နေတဲ့ ဥပဒေအထက်နေလိုသူတွေဆိုတာမြင်သာပါတယ်။
လူအများဆင်းရဲမွဲတေနေတဲ့တိုင်းပြည်မှာ မတော်မတရားတဲ့နည်းလမ်းတွေနဲ့ သူများထက်ရူး အခွင့်ထူးခံခြင် စိတ်ဆိုတာ အသိဥာဏ်ပညာမဖွံ့ ဖြိုးမှု့၊ ကိုယ်ကျင့်တရားမရင့်ကျက်မှု့ကိုညွှန်ပြနေတာပါဘဲ။ လက်နက်ကိုင်ပြီးအခွင့်ထူးခံသူတွေကို စစ်ဂျပိုး၊ စီးပွားရေးမှာ အခွင့်ထူးခံသူတွေကို ခရိုနီ၊ ရာထူးဌာနန္တရမှာ အခွင့်ထူးခံသူတွေကိုတော့ မိုးကျရွှေကိုယ်လို့ ပြည်သူတွေရဲ့တံထွေးခွက်မှာ ပက်လက်မျောလို့  ကျိန်စာတိုက်မှု့၊ ကဲ့ရဲ့မုန်းတီးမှု့ကိုခံကြရတာမဟုတ်လား။

အထက်မှာဖေါ်ပြခဲ့တဲ့ ပြည်ဖျက်ဗိုင်းရပ်စ်ပိုး (၃) မျိုးနှိပ်စက်လို့ ညိုးခြုံးပိန်ခြောက် နိုင်ငံရုပ်ပျောက်နေတဲ့ မြန်မာပြည်ကိုရောဂါကင်းစင်အောင်ကုသဖို့ ဒေါက်တာဒေါ်အောင်ဆန်းစုကြည်ဦးဆောင်တဲ့ အစိုးရအဖွဲ့ ဟာ မကြာခင်မှာ လုပ်ပိုင်ခွင့်အကန့် အသတ် ဘောင်ခတ်မှု့တွေနဲ့ အတူ တရားဝင်ကုသခွင့်လိုင်စင်ကို လွှဲယူပါ တော့မယ်။

ဆေးပီးနေတဲ့ ဗိုင်းရပ်စ်ပိုးတွေကို ကင်းစင်အောင် ကုသဖို့ ဆိုတာ အချိန်အတိုင်းအတာတခုယူရမှာဖြစ်သလို ရှင်းရှင်းလင်းလင်းပျောက်ကင်းဘို့ ဆိုတာ သမားတော်ရဲ့အရည်အသွေးပေါ်မှာသာမက လူနာတွေရဲ့ ပူးပေါင်းပါဝင်မှု့၊ ရောဂါပျောက်ခြင်တဲ့ဆန္ဒပြင်းထန်မှု့တွေပေါ်မှာလည်းတည်မှီနေပါတယ်။

ဘုရားမကြိုက်၊ နတ်မကြိုက်တဲ့ အကျင့်ပျက်စရိုက်ဆိုး အထက်ပါဗိုင်းရပ်စ်ပိုးတွေကို အမြစ်ဖြတ်ရှင်းလင်း သုတ်သင်နိုင်အောင် ကျိုးပမ်းနေတဲ့လူထုခေါင်းဆောင်ဒေါ်အောင်ဆန်းစုကြည်ရဲ့ အဆင့်မြင့်နိုင်ငံရေးခရီးစဉ်မှာ ပါဝင်နိုင်ဖို့  နိုင်ငံသားတိုင်းဟာ မိမိကိုယ်မှာစွဲကပ်နေတဲ့ အကျင့်ဟောင်းတွေကို ကိုယ်တိုင်ပြင်ခြင်းနဲ့  ပထမအဆင့်အနေနဲ့  ပူးပေါင်းပါဝင်နိုင်ပါတယ်။ မကောင်းမှန်းသိရင်ကိုယ်ကိုတိုင် ကိုယ့်မှာစွဲကပ်နေတဲ့ အကျင့်ဆိုးတွေ စပြုပြင်စွန့် လွှတ်ကြဖို့ လိုပါတယ်။

ဒုတိယအဆင့်အနေနဲ့ မိမိဝန်းကျင်မှာရှိတဲ့ လူပုဂ္ဂိုလ်တွေမှာ အနည်းနဲ့ အများဆိုသလို ကူးဆက်ပြန့် ပွားနေတဲ့ အထက်ပါအဖျက်စွမ်းအားကြီးတဲ့ဗိုင်းရပ်စ်ပိုးတွေ ပျောက်ကင်းအောင်ကုသရေးမှာ အမျိုးသားရေးတာဝန်တရပ် အနေနဲ့  မိမိစွမ်းသလောက်၊ နိုင်သလောက် လက်တွဲဖေးကူ ကုသိုလ်ယူကြပါလို့ တိုက်တွန်းလိုက်ပါတယ်။

အထွေထွေရွေးကောက်ပွဲမှာ အမျိုးသားဒီမိုကရေစီအဖွဲ့ ချုပ်ကိုမဲပေးဖို့ လက်သန်းမှာ မှင်အစွန်းခံလိုက်ရုံနဲ့  မိမိတို့ တာဝန်ပြီးဆုံးသွားပြီလို့ မထင်မှတ်စေခြင်ပါဘူး။ တပြည်လုံးမှာဂျွတ်တက်နေတဲ့အကျင့်ဆိုးတွေ ရှင်းထုတ်သန့် စင်ဖို့ တာဝန်ဟာ အသစ်တက်လာမဲ့ အရပ်သားအစိုးရတာဝန်ဘဲလို့ မမှတ်ပါနဲ့ ။ ပြည်သူတွေကိုယ်တိုင် ကိုယ်ပိုင်အသိတရားနဲ့  မပါဝင်မပူးပေါင်းရင် ဘယ်ကိစ္စမျိုးမဆို မပြီးမြောက်နိုင်ပါဘူး။

လူ့ အဖွဲ့ အစည်းတခုအတွက် စစ်မှန်တဲ့ပြုပြင်ပြောင်းလဲခြင်းဆိုတာ အဲ့ဒီခေတ်ရဲ့လိုအပ်နေတဲ့ပြောင်းလည်းမှု့ကို လူတဦးချင်းတယောက်ချင်းစီက ပြင်းပြစွာမွတ်သိပ်လာခြင်းနဲ့ အတူ၊ မိမိကိုယ်ကိုမိမ်ိပြောင်းလဲခြင်းများ စုပေါင်း ပါဝင်ဖြည့်ဆီးခြင်းတွေရဲ့ ဘုံအကျိုးရလာဒ်ပါဘဲ။ အဲ့ဒီလိုပြောင်းလဲမှု့မျိုးကို ဟန့် တားနှောက်ရှက်နိုင်တဲ့အရာ ဆိုတာ ဒီလောကမှာ မရှိနိုင်တော့ပါဘူး။ မြန်မာနိုင်ငံသားတိုင်း မိမိကိုယ်မိမိပြုပြင်အောင်နိုင်ကြပါစေ။

လေးစားစွာဖြင့်
(မင်းကောင်းချစ်)
ဖေဖေါ်ဝါရီလ (၃) ရက်နေ့  ၂၀၁၅ ခုနှစ်














လွှတ်တော် ထဲမှာရှိတဲ့ ၂၅ ရာခိုင်နှုန်း တပ်မတော်သား ကိုယ်စားလှယ်တွေ။
လွှတ်တော် ထဲမှာရှိတဲ့ ၂၅ ရာခိုင်နှုန်း တပ်မတော်သား ကိုယ်စားလှယ်တွေ။

အနိုင်ရ NLD ပါတီကိုယ်စားလှယ် အများစုဖြစ်တဲ့ လွှတ်တော် ကိုယ်စားလှယ်တွေဟာ အမျိုးသားရင်ကြားစေ့ရေးကို အခြေခံပြီး၊ လွှတ်တော် ထဲမှာရှိတဲ့ ၂၅ ရာခိုင်နှုန်း တပ်မတော်သား ကိုယ်စားလှယ်တွေနဲ့ ပူးပေါင်းဆောင်ရွက်ဖို့ စိတ်အား ထက်သန်နေကြပါတယ်။ လွှတ်တော်တွင်း တပ်မတော်သား ကိုယ်စားလှယ်တွေပါ ပူးပေါင်းပါဝင်နိုင်ဖို့ကြိုးစား စည်းရုံးမယ်လို့ အာဏာရ NLD ပါတီကိုယ်စားလှယ် တွေကပြောပါတယ်။ လွှတ်တော်မှာ လူနည်းစုအနေနဲ့ရှိလာတဲ့ ကြံခိုင်ရေး ပါတီ ကိုယ်စားလှယ်တွကလည်း အမျိုးသားရင်ကြားစေ့ရေးအခြေခံပြီး NLD နဲ့ ပူးပေါင်း ဆောင်ရွက် မယ်လို့ ပြောနေပါတယ်။ နေပြည်တော်မှာ ရောက်ရှိနေတဲ့ ဗွီအိုအေ သတင်းထောက် မမေခ သတင်းပေးပို့ ထားပါတယ်။

NLD ပါတီဝင်အများစုပါဝင်တဲ့ လွှတ်တော်တွေကို ဒီလထဲမှာ စတင်ခေါ်ယူ ကျင်းပနေပြီဖြစ်ပါတယ်။ ပြီးခဲ့တဲ့ ၅ နှစ်တာ ကာလမှာတော့ ကြံ့ခိုင်ရေးပါတီက လွှတ်တော် တွေကို ဦးဆောင် ကျင်းပခဲ့တာမှာ NLD ပါတီက လူနည်းစုသာ ပါဝင်ခဲ့တာကြောင့် ၂၅ ရာခိုင်နှုန်းရှိနေတဲ့ တပ်မတော်သား ကိုယ်စားလှယ်တွေကို စည်းရုံးနိုင်ခြင်း မရှိခဲ့ပါဘူး။ ဒီအတွက် လွှတ်တော်တွင်းမှာ တပ်မတော်သား တွေနဲ့ NLD ပါတီကြားမှာလည်း အလှမ်းဝေးကွာမှုတွေဖြစ်ခဲ့ပါတယ်။ ဒီလိုဖြစ်ခဲ့တာကြောင့် အခြေခံဥပဒေပြင် ဆင်ရေးကို ထိရောက်စွာ လုပ်ဆောင်နိုင်ခဲ့ခြင်းမရှိခဲ့ပါဘူး။

ဒီအပြင် ထိပ်တိုက်တွေ့ဆုံခဲ့တာကြောင့် NLD ပါတီဝင်တွေနဲ့ တပ်မတော်ကိုယ်စားလှယ်ကြားမှာ သဘောထား တင်းမာမှု တွေဖြစ်ခဲ့ရပါတယ်။ ဒီတခေါက်မှာတော့ NLD ပါတီက ဦးဆောင်ကျင်းပတဲ့ လွှတ်တော်တွေဖြစ်လာပါပြီ။NLD ပါတီဝင် တွေကိုယ်စားလှယ်တွေဟာ ၂၅ ရာခိုင်နှုန်းရှိနေတဲ့ တပ်မတော်သားကိုယ်စားလှယ်တွေကိုစည်းရုံးနိုင်မှသာ အများလိုလားတဲ့ ဖွဲ့စည်းပုံ အခြေခံဥပဒေကို ပြင်ဆင်နိုင်မှာပါ။ ဒီလို အမျိုးသားရင်ကြားစေ့နိုင်ဖို့ NLD ပါတီဝင်တွေအနေနဲ့ ဘယ်လိုကြိုးစားမလဲဆိုတာကို မေးမြန်းတင်ပြပါတယ်။

ပြီးခဲ့တဲ့ ၅ နှစ်တွင်းမှာကော အခုစတင်တဲ့လွှတ်တော် ၅ နှစ်သက်တမ်းမှာပါ အမျိုးသားလွှတ်တော် ကိုယ်စားလှယ်တာဝန်ထမ်းဆောင်နေသူ မကွေးတိုင်းမဲဆန္ဒနယ် အမှတ်(၄)မှ ဦးအောင်ကြည်ညွှန့်က တပ်မတော်နဲ့ ပတ်သက်ပြီး အခုလိုပြောဆိုခဲ့ပါတယ်။

“အဲဒါကတော့ တဦးချင်း၊ တဦးချင်း ကနေပြီးတော့ တပ်မတော်သားတွေကို အခြေခံကနေ စည်းရုံးဖို့ဆိုတဲ့ကိစ္စကတော့ လက်တွေ့မကျပါဘူး။ တကယ်တော့ တပ်မတော်ဆိုတာ သူ့ရဲ့ မှုလစည်းကမ်းအတိုင်း အမိန့်တခုရဲ့အောက်မှာ စီစဉ်ဆောင်ရွက်ရတာဖြစ်တယ်။ အခုလက်ရှိ ကာကွယ်ရေးဦးစီးချုပ်နဲ့ အခုဆိုရင် အနာဂတ်မှာ တကယ်တမ်း ပြည်သူလူထုက Mandate ပေးလိုက်လို့ ဦးဆောင်လို့ရမယ့် အမျိုးသားဒီမိုကရေစီအဖွဲ့ချုပ်ရဲ့ ဥက္ကဋ္ဌနဲ့ ညှိနှိုင်းတိုင်ပင်ကြမယ်။ အမျိုးသားရင်ကြားစေ့ရေးကို အကောင်အထည်ဖော်နိုင်မယ်ဆိုရင် တပ်မတော်ထဲမှာရှိတဲ့ ကိုယ်စားလှယ်များနဲ့ အခုလွှတ်တော်ထဲမှာရှိတဲ့ အရပ်ဘက်ဆိုင်ရာ ကိုယ်စားလှယ်များရဲ့ ကြားထဲမှာ အထူးအငြင်းပွားစရာတွေ၊ ပဋိပက္ခဖြစ်စရာတွေ နည်းပါးသွားမယ်။ သို့မဟုတ် မရှိနိုင်လောက်တဲ့ အထိတောင်ဖြစ်သွားမယ်။ ဘာဖြစ်လို့လဲဆိုတော့ တပ်မတော်ဆိုတာက တပ်မတော်ရဲ့ အမိန့်နဲ့ စည်းကမ်းအတိုင်း သွားကြရတာ၊ တဦးချင်းရဲ့သဘောနဲ့ သွားဖို့ ရနိုင်တဲ့ အနေအထားမရှိဘူး။”

ရခိုင်ပြည်နယ် မဲဆန္ဒနယ် ၁၁ ရခိုင်အမျိုးသားပါတီဝင် မထုမေက တပ်မတော်နဲ့ ပူးပေါင်းဆောင်ရွက် ဖို့နဲ့ ပတ်သက်ပြီး အခုလိုပြောပါတယ်။

“ပထမအဆင့်အရေးကြီးတာကတော့ ပါဝင်လာကြတဲ့ လွှတ်တော်ကိုယ်စားလှယ်များ အရေးကြီးဆုံးပေါ့နော်။ ဘေးကနေပြီးတော့ တွန်းပို့တာထက် စာရင် ၂၅ ရာခိုင်နှုန်းသော တပ်မတော်သားများရဲ့ အခန်းကဏ္ဍကို ပီပြင်အောင် လုပ်ဖို့အရေးကြီးတယ်။ တပ်မတော်သည် နိုင်ငံရဲ့ ကာကွယ်ရေးလား ၊ ဥပဒေပြုရေးလား ဆိုရင် သီးခြားခွဲပြီးတော့ ကိုယ်ပိုင် အသိဉာဏ်နဲ့ ဆုံးဖြတ်ရတာတော့ အကောင်းဆုံးဖြစ်ပါလိမ့်မယ်။”

အခုစတင်ကျင်းပနေတဲ့ လွှတ်တော်မှာ လူနည်းစုသာပါဝင်တော့တဲ့ ပြည်ခိုင်ဖြိုးပါတီ မန္တလေးတိုင်း မဲဆန္ဒနယ် ၁၁ က ဦးစိုးအောင်ကတော့ လွှတ်တော်တွင်း လူနည်းစုသာ ဖြစ်နေပေမယ့် စိုးရိမ်မှုမရှိဘဲ NLD ပါတီနဲ့ ပူးပေါင်းဆောင်ရွက်သွားမယ်လို့ အခုလိုပြောပါတယ်။

“အားလည်းမငယ်ဘူး။ ဘာဖြစ်လို့လဲဆိုတော့ ဒေါ်အောင်ဆန်းစုကြည်က ကတိပေးပြီးပြီလေ။ ပုဂ္ဂိုလ်စွဲ၊ဒေသစွဲ၊ ၀ါဒစွဲတွေ၊ ပါတီစွဲတွေ မထားပဲ နဲ့ ပူးပေါင်းပြီးလုပ်ဆောင်သွားမယ်ဆိုပြီး သူ ကတိပေးထားတယ်လေ။ ဒါက လူကြီးတယောက် ကတိပေးထားတာလေ။ ကျနော်ကတော့ ပူးပေါင်းပြီး လုပ်ဆောင်သွားမှာပါ။ ဒေါ်စုကိုလည်း ယုံတယ်။”

ရှမ်းပြည်နယ် ဓနုကိုယ်ပိုင်အုပ်ချုပ်ခွင့်ဒေသက ဓနုတိုင်းရင်းသူ NLD ပါတီဝင် ဒေါ်မာမာလေးကလည်း တပ်ပိုင်းဆိုင်ရာ ကိုယ်စားလှယ်တွေနဲ့ပတ်သက်ပြီး အခုလိုပြောဆို ခဲ့ပါတယ်။

“တပ်မတော်နဲ့ ပြည်သူနဲ့ တသားတည်း လက်တွဲရမယ်လို့ အမေစု၊ ကျမတို့ ခေါင်းဆောင်ကလည်းပြောထားတယ်လေ။ ကျမတို့လည်း တပ်မတော်ကို ကျမတို့ လက်တွဲမှာပဲ။ တပ်မတော်သားတွေကို ကျမတို့ ဘယ်လိုမှ အမြင်မစောင်းဘူး။ တပ်မတော်နဲ့ ကျမတို့ NLD နဲ့လက်တွဲမှာ ။ ဘယ်လိုစည်းလုံးမလဲဆိုတော့ ကျမတို့ သူတို့ကို တိုင်းရင်းသားအားလုံး ရင်ကြားစေ့ရေး အဲလိုမျိုးတွေနဲ့ ကျမတို့ လက်တွဲခေါ်မှာ ။ တပ်မတော်သားနဲ့ ပြည်သူတွေ တသားတည်း ဖြစ်အောင်လို့ ကျမတို့လက်တွဲခေါ်မှာ။”

ဒီကနေ့မှာ NLD ပါတီကိုယ်စားလှယ် အများစု ဦးဆောင်တဲ့ အမျိုးသားလွှတ်တော်ကို စတင်ကျင်းပခဲ့ပါတယ်။လွှတ်တော် ၂ ရပ်စလုံးအတွက် ဥက္ကဋ္ဌ နဲ့ ဒု-ဥက္ကဋ္ဌ နေရာတွေ လည်း ရွေးချယ်ခဲ့ပြီး ဖြစ်တာကြောင့် မနက်ဖန်မှာ လွှတ်တော် ၂ ခုစလုံး ကိုပုံမှန်အတိုင်းစတင်တော့မှာပါ။ လက်ရှိ လွှတ်တော် ၂ခုစလုံးမှာ NLD ပါတီက အများဆုံးနေရာ ယူထားတာကြောင့် ဒီ ၅ နှစ် သက်တမ်း လွှတ်တော်မှာ ပါတီ ကိုယ်စားလှယ်တွေအနေနဲ့ တည်ဆဲဖွဲ့စည်းပုံဥပဒေအရ နိုင်ငံရဲ့ အုပ်ချုပ်ရေး၊ ကာကွယ်ရေးပိုင်းမှာ နေရာရထား တဲ့ တပ်မတော်ကို ဘယ်လောက် အတိုင်းအတာထိ စည်းရုံး နိုင်မလဲဆိုတာစောင့်ကြည့်ရမှာပါ။ စည်းရုံးနိုင်မှသာ အများက ပြင်ဆင်ဖို့လိုလားနေတဲ့ ဖွဲ့စည်းပုံ အခြေခံဥပဒေကို ပြင်ဆင်နိုင်မှာဖြစ်ပါတယ်။

မေခ/VOA
http://burmese.voanews.com/content/role-of-army-in-the-hluttaw-nld-to-cooperate/3174662.html

 election-commission-press-620.jpg ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးနဲ့ အဖွဲ့ဝင်တွေ စက်တင်ဘာလ ၃ ရက်နေ့က ရန်ကုန်မြို့ ရွှေလီလမ်းရှိ ရွေးကောက်ပွဲ အချက်အလက်စင်တာမှာ သတင်းမီဒီယာသမားတွေနဲ့ တွေ့ဆုံရှင်းလင်းစဉ်
Photo: RFA

ပြီးခဲ့တဲ့ အထွေထွေရွေးကောက်ပွဲမှာ အနိုင်ရရှိခဲ့တဲ့ ကိုယ်စားလှယ်တွေနဲ့ ရှုံးခဲ့ပေမယ့် သက်ဆိုင်ရာ မဲဆန္ဒနယ်မှာ ဆန္ဒမဲလာပေးသူ ၈ပုံ ၁ပုံရဲ့ မဲရရှိခဲ့တဲ့ ကိုယ်စားလှယ်လောင်း ၂၆၀၀ ကျော်ကို ကိုယ်စားလှယ်လောင်း မှတ်ပုံတင်ကြေး ငွေကျပ် ၃သိန်းစီ စတင်ထုတ်ပေးနေပါတယ်။

သက်ဆိုင်ရာ ခရိုင်ရွေးကောက်ပွဲ ကော်မရှင်ရုံးတွေမှာ ဒီနေ့ကစပြီး ထုတ်ယူခွင့်ပေးနေတာဖြစ်တယ်လို့ ပြည်ထောင်စု ရွေးကောက်ပွဲကော်မရှင် အဖွဲ့ဝင် ဦးစိုင်းခမ်းဝင်းက ပြောပါတယ်။

"မဲအနိုင်ရရှိတဲ့ ကိုယ်စားလှယ်တွေကို ထုတ်ပေးပိုင်ခွင့်ရှိတယ်၊ နောက်ရွေးချယ်ခံမရပေမဲ့လည်း မဲအရေအတွက်က ၈ ရာခိုင်နှုန်းရတဲ့ပုဂ္ဂိုလ်တွေကို သုံးသိန်း အသုံးစရိတ်ပြန်ထုတ်ပေးပါတယ်၊ ဥပမာ မဲဆန္ဒနယ် ၁ဝဝ ရှိတယ်ဆိုရင် မဲထည့်တဲ့အရေအတွက် ၈ ယောက်လောက်နိုင်ရင် သူ့ကိုပြန်လည်ထုတ်ပေးပါတယ်"

ရွေးကောက်ပွဲမှာ ၀င်ရောက်ယှဉ်ပြိုင်ဖို့အတွက် မှတ်ပုံတင်ကြေးအဖြစ် ငွေကျပ် ၃သိန်း တင်သွင်းပြီး ယှဉ်ပြိုင်ရတာဖြစ်ပါတယ်။

မှတ်ပုံတင်ကြေး တင်သွင်းငွေ ပြန်ထုတ်ပေးတဲ့အထဲမှာ ဆန္ဒမဲ ၈ပုံ ၁ပုံ မရရှိသူတွေနဲ့ ကွယ်လွန်သွားသူတွေ မပါဘူးလို့ သိရပါတယ်။

ပြီးခဲ့တဲ့ ရွေးကောက်ပွဲမှာ တစ်နိုင်ငံလုံး အတိုင်းအတာနဲ့ ၀င်ရောက်ယှဉ်ပြိုင်သူ ၆ထောင်ကျော်ရှိခဲ့ပြီး ကိုယ်စားလှယ် ၁၁၅၀ အနိုင်ရရှိခဲ့တာဖြစ်ပါတယ်။

ကိုယ်စားလှယ်လောင်း မှတ်ပုံတင်ကြေးတွေကို လွန်ခဲ့တဲ့ ၂၀၁၀ နဲ့ ၂၀၁၂ ရွေးကောက်ပွဲတွေမှာ အနိုင်ရရှိသူတွေကိုသာ ပြန်လည်ထုတ်ပေးတာဖြစ်ပြီး ဆန္ဒမဲ ၈ပုံ ၁ပုံရတဲ့ ကိုယ်စားလှယ်လောင်းတွေကိုပါ ထုတ်ပေးတာ ဒါပထမဆုံးအကြိမ် ဖြစ်ပါတယ်။

RFA
http://www.rfa.org/burmese/news/candidates-registration-fees-02032016101204.html


ဒေါ်စု သတင်းမီဒီယာများနှင့် ဒီကနေ့ တွေ့ဆုံစဉ်
ဒေါ်စု သတင်းမီဒီယာများနှင့် ဒီကနေ့ တွေ့ဆုံစဉ်

လွှတ်တော်အကြီးအကဲတွေကို အဆိုပြု ရွေးချယ်ရာမှာ အမျိုးသားရင်ကြားစေ့ရေး အသွင်ဆောင်စေဖို့ စဉ်းစား ဆုံးဖြတ်ခဲ့တာဖြစ်တယ်လို့ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောလိုက်ပါတယ်။ ဒီလို အဆိုပြုချက်တွေအပေါ်မှာ လွှတ်တော်တွင်းက အခြားပါတီ အစုအဖွဲ့တွေဘက်က ပူးပေါင်းဆောင်ရွက်တဲ့အပေါ်မှာ ၀မ်းမြောက် ကျေးဇူးတင်ကြောင်းလည်း ဒေါ်အောင်ဆန်းစုကြည်က ပြောဆိုပါတယ်။ ကိုသားညွန့်ဦး ဆက်ပြီး တင်ဆက်ပေးမှာပါ။

လွှတ်တော်နှစ်ရပ်ရဲ့ အကြီးအကဲနေရာတွေအတွက် ရွေးချယ်တဲ့နေရာမှာ NLD အနေနဲ့ ဘယ်လို စဉ်းစား ဆုံးဖြတ်ခဲ့သလဲဆိုတာကို အမျိုးသား လွှတ်တော် အစည်းအဝေးတွေအပြီး နေပြည်တော်မှာ သတင်းထောက်တွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်က ပြောဆိုသွားတာပါ။ အခု လွှတ်တော်ကို အမျိုးသားရင်ကြားစေ့ရေး အသွင်ဆောင်တဲ့ လွှတ်တော်ဖြစ်လာဖို့ မျှော်လင့် ထားတဲ့အတွက် လူနည်းစု တိုင်းရင်းသားတွေကို ဦးစားပေး ရွေးချယ်ခဲ့တယ်လို့ ဒေါ်အောင်ဆန်းစုကြည်က ပြောသွားပါတယ်။

“ဒီ လွှတ်တော် ဥက္ကဋ္ဌတို့ ၊ ဒု-ဥက္ကဋ္ဌ တို့ကို ရွေးတဲ့နေရာမှာ ပြည်ထောင်စုအသွင်၊ အမျိုးသားရင်ကြားစေ့ရေး အသွင်ကို ဆောင်စေချင်တယ်။ အဲဒါ အန်တီတို့ ဒီလွှတ်တော်ကရွေးလိုက်တဲ့ ပုဂ္ဂိုလ်တွေက ဒီအသွင်ဆောင်တယ်လို့ အန်တီမြင်တယ်။”

ပြည်သူ့လွှတ်တော်ရဲ့ ဥက္ကဋ္ဌ အဖြစ် NLD ရဲ့ ၀ါ့ရင့်အဖွဲ့ဝင် တဦးဖြစ်တဲ့ ဦးဝင်းမြင့်ကို ရွေးချယ်ခဲ့သလို၊ ဒု ဥက္ကဋ္ဌ အဖြစ် ကြံ့ခိုင်ရေးပါတီက ဦးတီခွန်မြတ်ကို ရွေးချယ်ခဲ့ရာမှာ ပြည်သူ့လွှတ်တော်တွင်း ဒုတိယ အင်အားအကြီးဆုံး ပါတီကဖြစ်သလို၊ တိုင်းရင်းသား တဦးလည်းဖြစ် ဥပဒေ ပညာရှင်တဦးလည်း ဖြစ်တာကြောင့် ရွေးချယ်ခဲ့ရတာလို့ ပြောပါတယ်။ အမျိုးသားလွှတ်တော်မှာတော့ ဥက္ကဋ္ဌ အဖြစ် NLD ပါတီတွင်းက တိုင်းရင်းသားဖြစ်သူ မန်းဝင်းခိုင်းသန်း ကိုရွေးခဲ့သလို၊ ရခိုင်အမျိုးသားပါတီက ဦးအေးသာအောင်ကို ဒုဥက္ကဋ္ဌ အဖြစ်ရွေးချယ်ခဲ့တဲ့ စဉ်းစားချက်ကိုလည်း ရှင်းပြသွားပါတယ်။

“ဦးအေးသာအောင်က ရခိုင်ပါတီက ခေါင်းဆောင်တဦးတင်မက အန်တီတို့နဲ့ နှစ်ပေါင်းများစွာတွဲခဲ့တဲ့ မဟာမိတ် တယောက်ဖြစ်တယ်။ အန်တီ ခဏခဏ ပြောတယ် အန်တီတို့ပါတီ အကျပ်အတည်းရောက်နေတဲ့အချိန်မှာ သိပ်ရုန်းကန်နေရတဲ့အချိန်မှာ အန်တီတို့ကို ၀န်းရံထားတာက တိုင်းရင်းသား ပါတီတွေပဲ။ အဲဒီအထဲမှာ ဦးအေးသာအောင်တို့ ALD ပါတယ်၊ ဇိုမီး အဖွဲ့ပါတယ်။ ဦးခွန်ထွန်းဦးတို့ရဲ့ SNLD ပါတယ်။ အဲတော့ အန်တီတို့ ဒီမဟာမိတ်တွေရဲ့ကျေးဇူးကို မမေ့ဘူး။ နောက်ပြီးတော့ အန်တီတို့ အချင်းချင်းကြားမှာလည်း နားလည်မှုက အပြည့်အ၀ရှိတယ်။ ဒါကြောင့်မို့လို့ ဦးအေးသာအောင်က သင့်တော်မယ်ဆိုပြီးတော့ အန်တီတို့ ဒီလို အဆိုပြုတာ။”

NLD ပါတီရဲ့ လွှတ်တော်အကြီးအကဲတွေကို အဆိုပြုခဲ့ရာမှာ အတိုက်အခံလုပ်တာမရှိပဲ ပူးပေါင်းဆောင်ရွက်ခဲ့ကြတဲ့ လွှတ်တော်အတွင်း အခြားနိုင်ငံရေးပါတီတွေနဲ့ တပ်မတော်သားကိုယ်စားလှယ်တွေအတွက် ၀မ်းမြောက်ကျေးဇူးတင်စကားကိုလည်း ဒေါ်အောင်ဆန်းစုကြည်က ပြောဆိုသွားပါတယ်။ ဒါဟာ အခု လွှတ်တော်သစ်အခင်းအကျင်းအတွက် ကောင်းသော နိမိတ်ဖြစ်တယ်လို့ ဒေါ်အောင်ဆန်းစုကြည်က သုံးနှုန်းပြောပါတယ်။ လွှတ်တော်အကြီးအကဲ တာဝန်တွေကို ရွေးခြယ်ရာမှာ ပြည်သူ့လွှတ်တော် ဒုဥက္ကဋ္ဌ ဖြစ်သူ ကြံခိုင်ရေးပါတီက ဦးတီခွန်မြတ်ကို ရွေးချယ်တဲ့အပေါ် ဝေဖန်မှုအချို့ပေါ်ထွက်ခဲ့သလို၊ အမျိုးသားလွှတ်တော် ဒုဥက္ကဋ္ဌ ဦးအေးသာအောင်ကို ရွေးချယ်မှုပိုင်းမှာလည်း ရခိုင်အမျိုးသားပါတီတွင်းက ဝေဖန်မှုအချို့ထွက်ပေါ်ခဲ့ပါတယ်။ ဒါတွေအပေါ်မှာတော့ ဒေါ်အောင်ဆန်းစုကြည်ဖက်က တစုံတရာ တုန့်ပြန်ဖြေရှင်းတာမတွေ့ရပါဘူး။

ကိုသားညွှန့်ဦး/VOA
http://burmese.voanews.com/content/daw-aung-san-suu-kyi-express-her-concern-on-choosing-the-hluttaw-speakers/3174809.html

အထက်လွှတ်တော်ဥက္ကဋ္ဌ မန်းဝင်းခိုင်သန်း
အထက်လွှတ်တော်ဥက္ကဋ္ဌ မန်းဝင်းခိုင်သန်း

၂၀၁၅ ရွေးကောက်ပွဲရလဒ်အရ ခေါ်ယူတဲ့ အမျိုးသားလွှတ်တော်ကို ဒီကနေ့ စတင်ရာမှာ အမျိုးသားလွှတ်တော် ဥက္ကဋ္ဌအဖြစ်နဲ့ မန်းဝင်းခိုင်သန်း၊ ဒု ဥက္ကဋ္ဌ အဖြစ်နဲ့ ဦးအေးသာအောင် တို့ကို ဆန္ဒမဲပေး ရွေးချယ်အတည်ပြုလိုက်ပါပြီ။ သူတို့နှစ်ဦးစလုံးကို အများစုအနိုင်ရတားတဲ့ အမျိုးသားဒီမိုကရေစီအဖွဲ့ချုပ်က အဆိုပြုခဲ့တာဖြစ်ပါတယ်။ တိုင်းရင်းသားကိုယ်စားလှယ်တွေကို နေရာပေးခဲ့တဲ့ အမျိုးသားလွှတ်တော်ကနေ ငြိမ်းချမ်းရေး နဲ့ အမျိုးသားရင်ကြားစေ့ရေးအတွက် ဥပဒေတွေ ရေးဆွဲပြဌာန်းကြဖို့ လွှတ်တော်ဥက္ကဋ္ဌသစ် မန်းဝင်းခိုင်သန်းက သူ့ရဲ့ပထမဆုံးမိန့်ခွန်းမှာ ပြောကြားခဲ့ပါတယ်။ လွှတ်တော်ကျင်းပရာ နေပြည်တော်မှာ သတင်းသွားယူနေတဲ ဗွီအိုအေ သတင်းထောက်ကိုစည်သူ သတင်းပေးပို့ထားပါတယ်။

ပထမအကြိမ် လွှတ်တော်ကျင်းပခဲ့စဉ်တုန်းက လွှတ်တော်ဥက္ကဋ္ဌတွေ ဒုတိယ ဥက္ကဋ္ဌ
တွေ နေရာမှာ စစ်တပ်ခေါင်းဆောင်တွေကို အရပ်ဝတ်လဲစေပြီး ခန့်အပ်ခဲ့တာဖြစ်ပေမယ့် အခု ဒုတိယအကြိမ် လွှတ်တော်မှာတော့ တိုင်းရင်းသားတွေကို နေရာပေးခဲ့ပါတယ်။ ရွေးကောက်ပွဲအနိုင်ရ NLD ပါတီက ကြိုတင်အဆိုပြုထားတဲ့အတိုင်း NLD ပါတီဝင် ကရင်တိုင်းရင်းသား မန်းဝင်းခိုင်သန်းကို အမျိုးသားလွှတ်တော်ဥက္ကဋ္ဌ အဖြစ် ရွေးချယ်ခဲ့ပြီး ရခိုင်အမျိုးသားပါတီခေါင်းဆောင် ဦးအေးသာအောင်ကို ဒု-ဥက္ကဋ္ဌ အဖြစ်ရွေးချယ်ခဲ့ပါတယ်။

ငြိမ်းချမ်းရေး၊ တရားဥပဒေစိုးမိုးရေးနဲ့ အမျိုးသားရင်ကြားစေ့ရေးအတွက် ရည်ရွယ်ပြီး ခေတ်နဲ့အညီဥပဒေတွေပြဌာန်းဖို့၊ ခေတ်နဲ့မညီတော့တဲ့ ဥပဒေတွေကို ပယ်ဖျက်နိုင်ကြဖို့ အမျိုးသားလွှတ်တော် ဥက္ကဌသစ် မန်းဝင်းခိုင်သန်းက သူ့ရဲ့ မိန့်ခွန်းထဲမှာ ထည့်သွင်းပြောသွားခဲ့ပါတယ်။

“ကျနော်တို့ရဲ့နိုင်ငံကို ချမ်းသာကြွယ်ဝ ဖွံ့ဖြိုးတိုးတက်တဲ့ ဖက်ဒရယ် ဒီမိုကရေစီနိုင်ငံ ဖြစ်အောင်ဆောင်ရွက်ရာမှာ ငြိမ်းချမ်းရေးရရှိဖို့ ၊ တရားဥပဒေစိုးမိုးရေးရရှိဖို့ ၊ အမျိုးသားရင်ကြားစေ့ရေးရရှိဖို့ အထူးပဲလိုအပ်ပါတယ်။ အဲဒီအတွက် ငြိမ်းချမ်းရေး ၊ တရားဥပဒေစိုးမိုးရေး၊ အမျိုးသားရင်ကြားစေ့ရေးအတွက် ဖော်ဆောင်ပေးမယ့် တရားဥပဒေတွေ လိုအပ်မှာဖြစ်ပါတယ်။ ကျနော်တို့ရဲ့အမျိုးသားလွှတ်တော်ကြီးဟာ နိုင်ငံတော်ရဲ့ အာဏာကြီး ၃ ရပ်နဲ့ ဥပဒေပြုရေးအာဏာ ရရှိထားတဲ့ အဖွဲကြီးဖြစ်တဲ့အားလျှော်စွာ ငြိမ်းချမ်းရေး၊ တရားဥပဒေစိုးမိုးရေးနဲ့ အမျိုးသားရင်ကြားစေ့ရေးတို့အတွက် လိုအပ်တဲ့ ဥပဒေများကို ရေးစွဲပြဌာန်းဖို့ ၊ မလိုအပ်တဲ့ ဥပဒေများကို ပြင်ဆင်ပယ်ဖျက်ဖို့ ဆောင်ရွက်ကြရမှာဖြစ်ပါတယ်။”

တိုင်းရင်းသားအများစုနဲ့ဖွဲ့စည်းထားတဲ့ အမျိုးသားလွှတ်တော်ဖြစ်တာကြောင့် အသစ်ရောက်လာတဲ့ အမျိုးသားလွှတ်တော်အမတ်တွေအနေနဲ့ ငြိမ်းချမ်းရေးနဲ့ အမျိုးသားရင်ကြားစေ့ရေး အတွက်တွေဦးစားပေးကြိုးစားသွားမယ်လို့ ကချင်ပြည်နယ် လွှတ်တော်အမတ် ဦး ခင်မောင်မြင့်က အခုလို ပြောပါတယ်။

“ပထမဦးဆုံး လုပ်ချင်တဲ့အချက်ကတော့ ငြိမ်းချမ်းရေးပေါ့ဗျာ။ ငြိမ်းချမ်းရေးမရှိဘဲနဲ့ ဘယ်လိုမှ မတိုးတက်နိုင်ဘူး။ ငြိမ်းချမ်းရေးမရှိပဲနဲ့ ဘာလုပ်ငန်းမှ မအောင်မြင်နိုင်တဲ့အတွက် ငြိမ်းချမ်းရေးကတော့ အဓိက အချက်လို့ ကျနော်ပြောချင်ပါတယ်။”

ဇိုမီးဒီမိုကရေစီအဖွဲ့ချုပ်ရဲ့ အမျိုးသား လွှတ်တော်ကိုယ်စားလှယ် ဒေါ်ကျိန်ငိုက်မာန်ကတော့ အရင် လွှတ်တော်အမတ်တွေရဲ့ လုပ်ဆောင်ချက်တွေကို သင်ခန်းစာယူပြီး ပြည်သူလူထုအတွက် အကောင်းဆုံးဆောင်ရွက်သွားဖို့စိတ်လှုပ်ရှားနေကြောင်း ပြောပါတယ်။

“စိတ်လှုပ်ရှားတာထက် ကိုယ့်ဒေသ ၊ ကိုယ့်လူမျိုးအတွက်က ခြေလှမ်း လှမ်းပြီ ဆိုတဲ့ဟာကို သူတို့ရဲ့ကိုယ်စား သူတို့ ကိုယ့်ကို ယုံကြည်အားကိုးလို့ ဒီနေရာကိုပို့တာ ကျမတို့တွေက ကိုယ်စားလှယ်တွေဆိုတာ ပြည်သူ့ကိုယ်စားပါပဲ။ အဲဒီအတွက်ကြောင့် သူတို့ကိုယ်စားဆောင်ရွက်ရတဲ့အတွက် ၀မ်းသာပီတိဖြစ်မိပါတယ်။ ပြီခဲ့တဲ့ ပထမ လွှတ်တော်တုန်းကလည်း ကိုယ်စားလှယ်တွေလည်း ကြိုးစားခဲ့ကြပါတယ်။ အားလုံးကြိုးစားခဲ့ကြပါတယ်။ သူတို့ရဲ့ ကြိုးစားမှုလို ကျမတို့ ဆက်လက်ဆောင်ရွက်ပြီးတော့ ကျမတို့ ကြိုးစားကြရမှာပါ။ လုပ်ဆောင် ရမှာပါ။ ပြည်သူတွေ ယုံကြည်အားကိုးလို့ ဒီနေရာရောက်ရှိလာတာပါ။ ရောက်ရှိလာတဲ့ ကိုယ်စားလှယ်တွေအားလုံးလည်း ပြည်သူတွေရဲ့ အားကိုးတဲ့လူတွေပဲဖြစ်ပါတယ်။ အဲဒီအတွက်ကြောင့် ကောင်းလာမယ်လို့မြင်ပါတယ်။ ဒါပေမယ့် အရာအားလုံးက တဟုန်တည်းဖြစ်သွားတာတော့ မရှိပါဘူး။ တဖြည်းဖြည်းနဲ့တော့ ကောင်းလာမှာပါ၊ ကောင်းသွားမှာပါ။”

ဒီကနေ့ ကျင်းပတဲ့ အမျိုးသားလွှတ်တော်အစည်းအဝေးကို NLD ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်၊ NLD နာယက သူရဦးတင်ဦး နဲ့ ပြည်ထောင်စုလွှတ်တော်နာယကဟောင်း သူရဦးရွှေမန်းတို့ လေ့လာသူအဖြစ်တက်ရောက်ခဲ့ကြပါတယ်။ ရွေးကောက်ခံ NLD အမတ်တွေ အများစုပါဝင်တဲ့ အမျိုးသားလွှတ်တော်နဲ့ ပြည်သူ့လွှတ်တော်တွေကို မနက်ဖြန် ဖေဖော်ဝါရီလ(၄) ရက်နေ့မှာ ဆက်လက်ကျင်းပသွားမှာဖြစ်ပါတယ်။ ဒါပေမယ့် သမ္မတရွေးချယ်တင်မြောက်ရေးအတွက် ပြည်ထောင်စု လွှတ်တော်ခေါ်ယူရေးကိုတော့ နောက်သတင်းပတ်အတွင်းလောက်မှ စတင်နိုင်ဖို့ ရှိနေတယ်လို့လည်း သိရပါတယ်။


ကိုစည်သူ/VOA
http://burmese.voanews.com/content/mann-win-hkai-than-is-selected-as-upper-parliament-speaker/3174734.html

ပြည်သူ့လွှတ်တော် အစည်းအဝေး တက်ရောက်နေတဲ့ NLD လွှတ်တော်ကိုယ်စားလှယ်တွေကို တွေ့ရစဉ် Photo: Myo Thant Khaing/RFA
နေပြည်တော်က လွှတ်တော်အစည်းအဝေးတွေကို တက်ရောက်နေကြတဲ့ အမျိုးသားဒီမိုကရေစီအဖွဲ့ချုပ်ပါတီက လွှတ်တော်ကိုယ်စားလှယ်တွေအားလုံး ဒီရက်ပိုင်း ခွင့်မယူကြဖို့ NLD ဗဟိုအလုပ်အမှုဆောင်ကော်မတီအဖွဲ့က ညွှန်ကြားထားပါတယ်။

စနေ၊ တနင်္ဂနွေနေ့မျိုးတွေမှာတောင် အိမ်မပြန်ကြဖို့အတွက် ညွှန်ကြားထားတယ်လို့ အမည်မဖော်လိုတဲ့ NLD ပါတီက အမျိုးသားလွှတ်တော်ကိုယ်စားလှယ်တစ်ဦးက အတည်ပြုပြောပါတယ်။

ပြည်သူ့လွှတ်တော်နဲ့ အမျိုးသားလွှတ်တော်တွေ စတင်နိုင်ပြီဖြစ်ပေမယ့် နိုင်ငံတော်သမ္မတ အမည်စာရင်းတွေ တင်သွင်းဖို့ ၊ အစိုးရဖွဲ့စည်းဖို့ စတဲ့လုပ်ငန်းတွေ ကျန်နေသေးတာကြောင့်  NLD ဗဟိုအလုပ်အမှုဆောင်အဖွဲ့က ညွှန်ကြားတာဖြစ်နိုင်ကြောင်း ပြောပါတယ်။

လွှတ်တော်ကိုယ်စားလှယ်တွေကိုလည်း အချိန်မရွေး ပါတီတွင်းအစည်းအဝေးခေါ်ယူတဲ့အခါ တက်ရောက်နိုင်ဖို့အတွက် အဆင်သင့်ရှိနေကြဖို့အတွက်လည်း ဖြစ်တယ်လို့လည်း အမည်မဖော်လိုတဲ့ အဲဒီ ကိုယ်စားလှယ်က ပြောပါတယ်။

လာမယ့် ဖေဖော်ဝါရီလ ဒုတိယအပတ်အတွင်းလောက်မှာ နိုင်ငံတော်သမ္မတလောင်း အမည်စာရင်းတွေကို လွှတ်တော်မှာတင်သွင်းဖို့ ရှိနိုင်တယ်လို့လည်း ခန့်မှန်းပြောပါတယ်။

RFA Burmese
http://www.rfa.org/burmese

ရန်ကုန်မြို့ဒေသကြီးအတွင်းရှိ ဖျက်ဆီးခံရတဲ့ ကျူးကျော်နေအိမ်တချို့ကို တွေ့ရစဉ်။ Photo: RFA
ကျူးကျော်နေထိုင်သူတွေကို ဖယ်ရှားပြီးရင် ပြန်လည်နေရာချထားပေးဖို့နဲ့ ဖယ်ရှားတဲ့အခါမှာ သယ်ယူ ပို့ဆောင်ရေးတွေ စီစဉ်ပေးဖို့ မြန်မာနိုင်ငံ အမျိုးသားလူ့အခွင့်အရေး ကော်မရှင်က ဒီနေ့ ကြေညာချက်ထုတ်ပြန် တိုက်တွန်းလိုက်ပါတယ်။

ရန်ကုန်တိုင်းနဲ့ မန္တလေးတိုင်းဒေသကြီးက ကျူးကျော်နေထိုင်သူတွေကို ပြီးခဲ့တဲ့ ဇန်န၀ါရီလအတွင်း အတင်းအဓမ္မ ဖယ်ရှားခဲ့တဲ့အပေါ် ကျုးကျော်သူတွေကို လူသားချင်းစာနာထောက်ထားပြီး ဆောင်ရွက်ပေးဖို့အတွက် အကြံပြု တဲ့ ကြေညာချက်ဖြစ်တယ်လို့ အမျိုးသား လူ့အခွင့်အရေးကော်မရှင် အဖွဲ့ဝင် ဒေါက်တာဥာဏ်ဇော်က ပြောပါတယ်။

"ကျူးကျော်တဲ့လူတွေကို ဖယ်ရှားတဲ့ကိစ္စမှာ သူတို့ကို ပြန်စဉ်းစားပေးဖို့ပါ၊ သူတို့ရဲ့ ကျန်းမာရေး အခွင့်အရေးတွေ၊ ပညာသင်ကြားတဲ့ အခွင့်အရေးတွေ၊ နေရေးထိုင်ရေး အခွင့်အရေးတွေ ဒါလေးတွေ စဉ်းစားပေးဖို့ပါပဲ"

ပြီးခဲ့တဲ့ ဇန်န၀ါရီလအတွင်းမှာ ရန်ကုန်တိုင်းဒေသကြီးထဲက ယုဇနဥယျာဉ်မြို့တော်နဲ့ မင်္ဂလာဒုံ ပျဉ်းမပင်စက်မှုဇုန်က ကျုးကျော်နေထိုင်သူတွေ၊ မန္တလေးတိုင်းဒေသကြီးက ညောင်နီကျေးရွာက ကျုးကျော်နေထိုင်သူတွေကို အတင်းအဓမ္မ ဖယ်ရှားခဲ့တာတွေနဲ့ ပတ်သက်ပြီး ထုတ်ပြန်တဲ့ ကြေညာချက် ဖြစ်ပါတယ်။

ကျုးကျော်သူတွေကို ဖယ်ရှားရာမှာ ယာယီနေထိုင်စားသောက်နိုင်ဖို့နဲ့ ကျန်းမာရေးကူညီစောင့်ရှောက်မှုတွေပေး မှာဖြစ်ကြောင်း အုပ်ချုပ်ရေးဘက်က ပြောဆိုမှုတွေရှိပေမယ့် လက်တွေ့မှာ ဘယ်အကူအညီမှ မပေးတာကို ကြားသိနေရကြောင်းနဲ့ လမ်းကြိုလမ်းကြားမှာ ဖြစ်သလိုနေထိုင်ပြီး လမ်းဘေးကျူးကျော်တွေအဖြစ် ထပ်မံရောက်ရှိသွားကြောင်း ကြေညာချက်မှာ ပါရှိပါတယ်။

နေအိမ်ဖယ်ရှားခံရတာကြောင့် လမ်းဘေးရောက်နေသူတွေထဲမှာ ကျောင်းသူ ကျောင်းသားတွေ၊ ကိုယ်ဝန်ဆောင်တွေ၊ သက်ကြီးရွယ်အိုတွေ ပါရှိနေပြီး သောက်သုံးရေ လုံလောက်စွာမရရှိကြောင်းလည်း ပါရှိပါတယ်။

ကျုးကျော်တွေကို ဖယ်ရှားတာ မလုပ်ခင် အသိပညာပေးဆွေးနွေးတာ၊ သတိပေးအမိန့်တွေ ထုတ်ပြန်တာ၊ ရွှေ့ပြောင်းရေးအတွက် သယ်ယူပို့ဆောင်ရေးတွေ စီစဉ်ပေးတာ၊ လူမှုရေးဆိုင်ရာ အကူအညီတွေပေးတာ၊ ဖယ်ရှားပြီးနောက် ပြန်လည်နေရာချထားတာတွေကို ဆောင်ရွက်ပေးသင့်တယ်လို့ အကြံပြုထားပါတယ်။

RFA Burmese
http://www.rfa.org/burmese

  တောင်ကိုရီးယား သမ္မတရုံး အကြီးတန်း အရာရှိ မစ္စတာ ချိုက ရုပ်သံကနေ မြောက်ကိုရီးယားကို သတိပေးခဲ့။
အာကာသထဲ ဂြိုဟ်တု တစ်လုံး လွှတ်တင်မယ့် မြောက်ကိုရီးယားရဲ့ အစီအစဉ်ကို ဆက်လုပ်မယ် ဆိုရင် ဆိုးဆိုးရွားရွား ပြန်ပေးဆပ် ရလိမ့်မယ်လို့ တောင်ကိုရီးယားက သတိပေး လိုက်ပါတယ်။

ဖေဖော်ဝါရီ ၈ ရက်နဲ့ ၂၅ ရက် အတွင်းမှာ ဂြိုဟ်တု သယ်ဆောင်မယ့် ဒုံးပျံ တစ်စင်းကို ပစ်လွှတ် သွားမယ်လို့ မြောက်ကိုရီးယားက အင်္ဂါနေ့က ကြေညာခဲ့တာပါ။

ဝေဖန်သူတွေ ကတော့ အဲဒီလို ပစ်လွှတ်မယ့် အစီအစဉ်ဟာ ပဲ့ထိန်း ဒုံးကျည် စနစ်ကို စမ်းသပ်ဖို့အတွက် ဟန်ပြ လုပ်ဆောင်တာ ဖြစ်တယ်လို့ ဆိုကြပါတယ်။

ဂျပန် ကာကွယ်ရေး ဝန်ကြီးကလည်း ဂျပန် နယ်နိမိတ်ထဲ ကျလာနိုင်တဲ့ ဘယ် ဒုံးပျံကို မဆို ပစ်ချဖို့ အမိန့်ပေးထားပြီး ဖြစ်တယ်လို့ ပြောပါတယ်။

ဝါရှင်တန် ကတော့ မြောက်ကိုရီးယားရဲ့ အစီအစဉ်ဟာ ဘယ်ဒုံးပျံကို မဆို မပစ်လွှတ်ဖို့ မြောက်ကိုရီးယားအပေါ် တားမြစ်ထားတဲ့ ကုလ သမဂ္ဂရဲ့ တားမြစ်ချက်ကို အလွန်အကျွံ ချိုးဖောက်ရာ ရောက်မှာဖြစ်တဲ့ အတွက် ထပ်ပြီး ဒဏ်ခတ် ပိတ်ဆို့မှုတွေ လုပ်ဖို့လည်း ဆော်သြ လိုက်ပါတယ်။

မြောက်ကိုရီးယား ကတော့ သူတို့ရဲ့ အာကာသ အစီအစဉ်ဟာ ငြိမ်းချမ်းပါတယ်လို့ အမြဲလိုလို ပြောနေပေမယ့် အများကတော့ မြောက်ကိုရီးယားဟာ တိုက်ချင်းပစ် ပဲ့ထိန်း ဒုံးပျံတွေ တည်ဆောက် နေတယ်လို့ ယုံကြည် ထားကြပါတယ်။

ပြီးခဲ့တဲ့ ဇန်နဝါရီ ၆ ရက်နေ့ကလည်း မြောက်ကိုရီးယားက သူတို့ရဲ့ ၄ ကြိမ်မြောက် နျူလက်နက် စမ်းသပ်မှုကို ပြုလုပ်ခဲ့ပြီး နိုင်ငံတကာက ဝိုင်းဝန်း ရှုတ်ချ ခဲ့ကြပါတယ်။

BBC Burmese
http://www.bbc.com/burmese

မြောက်ကိုရီယား တာဝေးဒုံးကျည် စမ်းသပ်ဖို့ အစီအစဉ်။ 
မြောက်ကိုရီးယားအနေနဲ့ အာကာသထဲ တာဝေးပစ်ဒုံးယာဉ်တစင်း ပစ်လွှတ်ဖို့ စီစဉ်ထားတာကို ပယ်ဖျက်ဖို့ အမေရိကန် ပြည်ထောင်စုနဲ့အတူ ဂျပန်နဲ့ တောင်ကိုရီးယားနိုင်ငံတွေက ဒီကနေ့ တောင်းဆိုလိုက်ပါတယ်။ ဒီ ဒုံးယာဉ် ပစ်လွှတ်မယ့် အစီအစဉ် ဟာ တာဝေးပစ် ဒုံးကျည်တွေနဲ့  နျူ ကလီးယား လက်နက်တွေ စမ်းသပ်တာမလုပ်ဖို့ မြောက်ကိုရီးယားအပေါ် ပိတ်ပင်ကန့်သတ်ထား တဲ့ ကုလသမဂ္ဂဆုံးဖြတ်ချက်တွေကို ချိုးဖောက်ရာကျမယ်ဆိုပြီး ပြောနေကြတာပါ။

ကမ္ဘာမြေစူးစမ်းလေ့လာရေး ဂြိုဟ်တုလို့ဆိုတာကို ဖေဖော်ဝါရီလ ၈ ရက်နဲ့ ၂၅ ရက်အတွင်း ပစ်လွှတ်မယ်ဖို့ စီစဉ်ထားတယ်ဆိုတာ ကုလသမဂ္ဂ အေဂျင်စီတွေကို မြောက်ကိုရီးယားက အင်္ဂါနေ့နှောင်းပိုင်းမှာ အကြောင်းကြား အသိပေးခဲ့တာပါ။

သူတို့အနေနဲ့ ဒုံးယာဉ်တွေပစ်လွှတ်ပြီးတော့ အာကာသဆိုင်ရာအစီအစဉ်ကို လုပ်ခွင့်ရှိတယ်လို့ မြောက်ကိုရီးယားက အခိုင်အမာ ပြောနေပါတယ်။ ဒါပေမဲ့လည်း ဒီအစီအစဉ်ဟာ နိုင်ငံတကာက ကန့်သတ်ထားတာတွေကို ရှောင်ဖို့ရည်ရွယ်တဲ့ ဖုံးကွယ်ထားတဲ့ အစီအစဉ်ဖြစ်တယ်လို့ ဂျပန်ဝန်ကြီးချုပ် ရှင်ဇို့ အဘဲ့နဲ့ အမေရိကန်ရဲ့ တခြားမဟာမိတ်နိုင်ငံတွေက ပြစ်တင်ဝေဖန်ထားတာပါ။

မြောက်ကိုရီးယားက လေးကြိမ်မြောက် နျူကလီးယားစမ်းသပ်ချက်ကို ဇန်န၀ါရီလ ၆ ရက်နေ့က လုပ်ထားပါတယ်။

၂၀၁၂ ခုနှစ် ဒီဇင်ဘာလက သုံးကြိမ်မြောက် နျူကလီးယားစမ်းသပ်မှုလုပ်ပြီး သိပ်မကြာခင်မှာပဲ တာဝေးပစ်ဒုံးယာဉ်တစင်းကို မြောက်ကိုရီးယားက ပစ်လွှတ် စမ်းသပ်ခဲ့ပါတယ်။

အခု ဒုံးယာဉ်ပစ်လွှတ်မယ့်အစီအစဉ်ကို ဆက်လုပ်မယ်ဆိုရင် ဆိုးရွားတဲ့ အကျိုးဆက်တွေနဲ့ရင်ဆိုင်ရမယ်လို့ တောင်ကိုရီးယားက မြောက်ကိုရီးယားကို သတိပေးထားပါတယ်။

ဗွီအိုအေ (မြန်မာပိုင်း)
http://burmese.voanews.com

၂၀၀၇ ရွှေဝါရောင် သံဃာ့ လှုပ်ရှားမှုကို ဦးဆောင်ခဲ့တဲ့ အရှင်ဂမ္ဘီရ (ခ) ကိုညီညီလွင် ကို ၂ဝ၁၂ ခုနှစ် မေလ ၂၂ ရက်နေ့က တွေ့ရစဉ် Photo: U Gambira Facebook
လွန်ခဲ့တဲ့ ၂၀၀၇ ခုနှစ် ရွှေဝါရောင်သံဃာ့လှုပ်ရှားမှုမှာ အရှင်ဂမ္ဘီရ အဖြစ်ထင်ရှားခဲ့တဲ့ နိုင်ငံရေးအကျဉ်းသားဟောင်း ဦးညီညီလွင်ကို မန္တလေးတိုင်းဒေသကြီး မဟာအောင်မြေမြို့နယ် တရားရုံးမှာ တရားမ၀င်နယ်ခြားဖြတ်ကျော်မှုနဲ့ ဒီကနေ့ ရုံးထုတ်ရာမှာ အာမခံပေးဖို့ လျှောက်ထားခဲ့ပါတယ်။

ဦးညီညီလွင်အမှုကို တရားလွှတ်တော်ရှေ့နေ ဦးရောဘတ်စန်းအောင် အပါအ၀င် ရှေ့နေ ၄ ဦးက လိုက်ပါဆောင် ရွက်ပေးမှာဖြစ်ပြီး အာမခံရရှိဖို့ တရားရုံးမှာလျှောက်ထားခဲ့တာကို လာမယ့် ဖေဖော်ဝါရီလ ၁၀ရက်နေ့မှာ ဆုံးဖြတ်ပေး မှာဖြစ်တယ်လို့ ဦးရောဘတ်စန်းအောင်က ပြောပါတယ်။

"အာမခံကို ငြင်းပယ်ခြင်းဟာ ခြွင်းချက်သာဖြစ်ပြီး ပေးခြင်းဟာ  ကောင်းမြတ်တဲ့အစဉ်အလာဖြစ်တယ်၊ တရားရုံးတွေအပေါ် ပြည်သူတွေက ပိုပြီးကြည်ညိုလေးစားလာမယ်၊ လွတ်လပ်တဲ့တရားစီရင်ရေးဆိုတဲ့ အနက်အဓိပ္ပာယ်နဲ့ ပြည့်စုံသွားမယ်"

အရှင်ဂမ္ဘီရဟာ ရွှေဝါရောင်သံဃာ့လှုပ်ရှားမှုမှာ ပါဝင်ခဲ့တဲ့အတွက် လွန်ခဲ့တဲ့၂၀၁၂ ခုနှစ်ကမှ ထောင်ကပြန်လည် လွတ်မြောက်လာခဲ့ပြီး လူဝတ်လဲကာ သြစတြေးလျသူနဲ့ အိမ်ထောင်ပြုပြီး ပြည်ပမှာ  သွားရောက်နေထိုင်ခဲ့တယ်လို့ သိရပါတယ်။

ပြီးခဲ့တဲ့ ဇန်နဝါရီလက ပြည်ပကနေ မန္တလေးမြို့ကို နိုင်ငံကူးလက်မှတ်လျှောက်ထားဖို့ ရောက်ရှိစဉ် တရားမ၀င် နယ်ခြားဖြတ်ကျော်မှုနဲ့ ဖမ်းဆီးခံခဲ့ရတာဖြစ်ပါတယ်။

RFA Burmese
http://www.rfa.org/burmese


Oldieမဂ္ဂဇင်းကြီး၏ နှစ်ပတ်လည်ဆုပေးပွဲတွင် လေဒီကောလင်းကမ်းပဲလ်ကလည်း နိုဘယ်ဆုရှင်ငြိမ်းချမ်းရေးလှုပ်ရှားသူ ဒေါ်အောင်ဆန်းစုကြည်နှင့်အတူ ဂုဏ်ပြုချီးမြှင့်ခံခဲ့ရသည်။

ဒေါ်အောင်ဆန်းစုကြည်အား မြန်မာနိုင်ငံတွင်ငြိမ်းချမ်းရေးစမ့်စပ်ပေးနိုင်မှုအတွက် သူမ၏ မျက်ကွယ်တွင် ယခုနှစ်အတွက် သူရဲကောင်းဆုချီးမြှင့်ခဲ့သည်။ အသက် ၆၆ နှစ်အရွယ် လေဒီကမ်းပဲလ်ကမူ ယင်းဆုထက် အနည်းငယ်နိမ့်သော ဆုချီးမြှင့်ခံရသည်။

သရုပ်ဆောင်မင်းသား ပရူနယ်လာစကေးလ်နှင့် တီမိုသီဝက်စ် တို့ကိုမူ ချန်နယ် ၄ တွင် တင်ဆက်ခဲ့သော ဂရိတ်ကင်နယ်ခရီးစဉ်အတွက် ဆုချီးမြှင့်ခဲ့သည်။ Oldie of the year ၏ အန္တိမဂုဏ်ပြုဆုကို အသက် ၉၉ နှစ်ရှိ ပြီး သက်ရှိထင်ရှားရှိနေသော လေရူးသုန်သုန်ဇာတ်ကားမှ မင်းသမီးကြီး အိုလီးမီးယားဒေဟာ ဗီလန်နှင့် အသက် ၁၀၁ နှစ်ရှိ ယခင် Queen Council ဟောင်းတဦး ဖြစ်သူ Baron Hutchinson of Lullington တို့ အား ပူးတွဲချီးမြှင့်ခဲ့သည်။


ဗြိတိသျှဆုသူကောင်းမျိုးဘွဲ့ရ အသက် ၇၅ နှစ်အရွယ် Meacher သည် tax credits ဆွေးနွေးပွဲတွင် သူကောင်းမျိုးအဖွဲ့၏ တွန်းလှန်ဆန့်ကျင်မှုကို ဦးဆောင်ခဲ့မှုဖြင့် တိုက်ပွဲဝင် သူရဲကောင်းဆုရခဲ့သည်။


ဓာတ်ပုံဆရာဒွန်အက္ကကူကင်း ၈၀ နှစ် မှာမူ ပဋိပက္ခဖြစ်ရပ်အမှန်တရားများကို မီးမောင်းထိုးပြခဲ့မှုဖြင့် အခုနှစ်၏ သက်သေထူနိုင်သူ ဆုရခဲ့သည်။

တေဇာဝင်း
Daily Mail
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ဂျာဟာခန် ဖေဖော်ဝါရီ ၂

အိန္ဒိယနိုင်ငံ ဂျာဟာခန်ပြည်နယ်ရှိ ဂျန်ရှက်ဒ်ပါမြို့ရှိ ဆေးရုံတွင် မုဒိမ်းကျင့်ခံရ မှုကြောင့်ဆေးကုသမှုခံယူနေသောအသက် ၁၅ နှစ်အရွယ် အမျိုးသမီးငယ်တစ်ဦးကို ဆေးရုံလုံခြုံရေးများက မုဒိမ်းကျင့်မှုဖြစ်ပွား ခဲ့ကြောင်း ဒေးလီးမေးလ်သတင်းစာက ဖော်ပြသည်။

အဆိုပါ အမျိုးသမီးငယ်ကို သူမ၏ အိမ်နီးချင်း ဆယ်ကျော်သက်တစ်ဦးက မုဒိမ်းကျင့်ခဲ့ခြင်းကြောင့် ဆေးရုံတွင် ဆေး ကုသမှုခံယူနေစဉ်အတွင်း ဆေးရုံလုံခြုံရေး များက လူရှင်းသည့်ညအချိန်တွင် မုဒိမ်း ကျင့်မှုကျူးလွန်ခဲ့ခြင်းဖြစ်သည်ဟုဂျန်ရှက်ဒ် ပါ ရဲတပ်ဖွဲ့က အတည်ပြုထားသည်။ ဂျန် ရှက်ဒ်ပါရဲတပ်ဖွဲ့၏ ပြောရေးဆိုခွင့်ရှိသူ ချန်ဒန်ဂျာက''မုဒိမ်းကျင့်ခံရလို့ ဆေးရုံ တက်ဆေးကုသမှုခံယူနေတဲ့အမျိုးသမီးငယ် တစ်ဦးကို ဆေးရုံလုံခြုံရေးတွေက မုဒိမ်း ကျင့်ခဲ့တယ်ဆိုတဲ့ တိုင်ကြားမှုကို လက်ခံ ရရှိထားပါတယ်။တရားလိုရဲ့ဆေးစစ်ချက် အဖြေကို စောင့်ဆိုင်းနေပါတယ်။ ဆေးစစ် ချက်အဖြေရရင် လိုအပ်တဲ့စစ်ဆေးမှုတွေ စတင်ပြုလုပ်သွားမှာပါ''ဟု ပြောသည်။

အဆိုပါဖြစ်စဉ်ပေါ်ထွက်လာပြီးနောက် တွင် ကိုးလ်ကတ္တားမြို့အပါအဝင် အိန္ဒိယ နိုင်ငံတစ်ဝန်းရှိ မြို့ကြီးများတွင် အမျိုးသမီး များဘဝလုံခြုံမှုကို ခြိမ်းခြောက်သည့် ဖြစ်စဉ်များ ဖြစ်ပွားနေခြင်းကို အကာ အကွယ်ပေးနိုင်ခြင်းမရှိသည့် အိန္ဒိယအစိုးရ နှင့် အိန္ဒိယတရားရေးဌာနတို့၏ စွမ်းဆောင် ရည် အားနည်းချက်များကို ဆန့်ကျင်သည့် ဆန္ဒပြမှုများပေါ်ထွက်ခဲ့ပြီး ဆန္ဒပြသူဦးရေ မှာ သောင်းဂဏာန်းခန့်ရှိခဲ့သည်ဟု ကိုးလ် ကတ္တားရဲတပ်ဖွဲ့က အတည်ပြုခဲ့သည်။

NG (Ref: Daily Mail)
The Union Daily
http://uniondaily.net

(ဒီကနေ့အမျိုးသားလွှတ်တော်ကို တက်ရောက်လာတဲ့ တပ်မတော်သား ကိုယ်စားလှယ်တစ်ဦး လက်မှတ်ရေးထိုးနေစဉ်။ ဓါတ်ပုံ ၀င်းကိုကိုလတ်/RFA)
အမျိုးသားလွှတ်တော် ဥက္ကဌအဖြစ် အမျိုးသား ဒီမိုကရေစီ အဖွဲ့ချုပ်ရဲ့ ကရင်ပြည်နယ် အမှတ် (ဂ) မဲဆန္ဒနယ်က အမျိုးသား လွှတ်တော် ကိုယ်စားလှယ် မန်းဝင်းခုိုင်သန်းကို ရွေးချယ်တင်မြှောက်လိုက်ပါတယ်။

အမျိုးသားလွှတ်တော် ဒုတိယဥက္ကဌအဖြစ် ရခိုင်အမျိုးသားပါတီက ရခိုင်ပြည်နယ် အမှတ် (၆) မဲဆန္ဒနယ် က ဦးအေးသာအောင်ကို တင်မြှောက်လုိုက်ပါတယ်။

ဒီကနေ့ အမျိုးသားလွှတ်တော် ပထမဆုံးနေ့ မှာ တစ်ဦးသာ ပျက်ကွက်ပြီး အားလုံးနီးပါး တက်ရောက်ကြပါတယ်။

ဥက္ကဌ မန်းဝင်းခုိုင်သန်း အဖွင့်စကားပြော

အမျိုးသားလွှတ်တော် ဥက္ကဌ မန်းဝင်းခုိုင်သန်းက အဖွင့်အမှာစကား ပြောကြားနေပါတယ်။ ကရင်တိုင်းရင်းသားတစ်ဦးဖြစ်သူကို ယုံကြည်မှုပေးပြီး တာဝန်ပေးတဲ့အတွက် ကျေပြွန်အောင် ထမ်းဆောင်ပါ့မယ်လို့ ကတိပြုလိုက်ပါတယ်။

မြန်မာနုိုင်ငံဟာ သယံဇာတချမ်းသာကြွယ်ဝပေမယ့် တုိုင်းပြည်ဆင်းရဲနေကြောင်း နဲ့ ဖွံ့ဖြိုးတိုးတက်တဲ့ ဖက်ဒရယ် ဒီမိုကရေစီနုိုင်ငံဖြစ်လာအောင် ထမ်းဆောင်ရမှာဟာ ကိုယ်စားလှယ်တုိုင်းရဲ့ တာဝန်ဖြစ်ကြောင်း ပြောပါတယ်။

ငြိမ်းချမ်းရေး တရားဥပဒေစိုးမိုးရေး နဲ့ အမျိုးသားရင်ကြားစေ့ရေးတို့အတွက် လိုအပ်တဲ့ ဥပဒေတွေကို ပြဌာန်းပြီး မလိုအပ်တာတွေကို ပြင်ဆင်သွားရမယ်လို့ လည်း ပြောပါတယ်။

RFA Burmese
https://www.facebook.com/RFA-Burmese


ပြီးခဲ့တဲ့ ဒီဇင်ဘာ (၂၅၊ ၂၆၊ ၂၇) ရက်များသည် ရုံးပိတ်ရက်ဆက် တိုက်ဖြစ်၍ ကျိုက်ထီးရိုးဘုရားအား ဖူးမြော်ရန် ကားလက်မှတ်ကြို၍ပင် ဖြတ်ထားလိုက်ပါသည်။ ကျိုက်ထီးရိုးစေတီတော်ကြီးအား ငယ်စဉ်ကလေး ဘ၀ မိသားစုနှင့်အတူ ဖူးမြော်ခဲ့သည်မှာ နှစ်ပေါင်းသုံးဆယ်လောက်ပင် ရှိခဲ့ပါပြီ။ စာရေးသူတို့ သွားရောက်ခဲ့သည့်အချိန်မှာ ၀န်ထမ်းများအဖို့ အသင့်တော်ဆုံးဖြစ်သော်လည်း ရုံးပိတ်ရက်၊ ကျောင်းပိတ်ရက်ဖြစ်သောကြောင့် ဘုရားဖူးများ စည်ကားလှသဖြင့် မမျှော်လင့်သော အခက်အခဲများ ကြုံတွေ့ခဲ့ရပါသည်။

စာရေးသူတို့ စီးနင်းလာသော မော်တော်ကားမှာ တောင်ခြေတွင် ရပ်ထားခဲ့ရပါသည်။ ကင်မွန်းစခန်းတွင် မိမိတို့ စီးနင်းလာသော ဘုရားဖူး ကားမှတဆင့် တောင်တက်ကားများရှိရာသို့ ချီတက်ခဲ့ကြရပါသည်။ ငယ်ရွယ်စဉ် မိသားစုနှင့်အတူ ဘုရားဖူးသွားခဲ့ရသည်ကို ပြန်လည်သတိရ မိပါသည်။ မိသားစုထဲတွင် အဖေနှင့် အမေသည်လည်း အရွယ်ကောင်း၍ လမ်းလျှောက်တက်နိုင်ကြပါသည်။ စာရေးသူနှင့် မောင်ဖြစ်သူလည်း လမ်းလျှောက်တက်နိုင်ကြပါသည်။ လမ်းလျှောက်မတက်နိုင်သူမှာ စာရေး သူ၏အစ်မပင် ဖြစ်သည်။ အစ်မသည် ကလေးအရွယ် ငယ်စဉ်က နှလုံး ရောဂါကုထားရသူတဦးပင်ဖြစ်သည်။ သူသည် အမောဖောက်လာ၍ အသက်ရှူမ၀တော့ပေ။ အသားရောင်ပင် ညိုမည်းလာပါတော့သည်။ မိဘများမှာ စိတ်ပူသဖြင့် အထမ်းသမားအား ငှားရပါတော့သည်။

အထမ်းဖြင့် တောင်တက်ကြသူများမှာ အသက်အရွယ်ကြီးသော အဘိုး အဘွားများ၊ လမ်းမလျှောက်နိုင်သောသူများ၊ ကျန်းမာရေးမကောင်း သူများဖြစ်ကြရာ စာရေးသူ၏အစ်မသည် နှလုံးရောဂါအခံရှိသောကြောင့် အထမ်းဖြင့် တောင်ပေါ်သို့တက်ခဲ့ရပါသည်။ အထမ်းသမားတို့သည် ရိုးသား ဖြူစင်ကြသည်၊ စေတနာကောင်းမွန်ကြသည်၊ ရောဂါရှင်၏မိဘများမှာ ကြားချက်များကို လိုက်နာဆောင်ရွက်ပေးကြသည်။ ဤသို့ဖြင့် ရောဂါရှင် သည် အသက်ရှူဝကာ ရောဂါသက်သာ၍ ဘုရားရင်ပြင်ပေါ်သို့ ရောက်ခဲ့ကြပေသည်။ ဘုရားရင်ပြင်တော်ရောက်မှ မိသားစုဆုံကြရတော့သည်။ ထမင်းဆိုင်များမှ လှိုက်လှဲစွာဖိတ်ခေါ်မှုကြောင့် ညနေစာစားရင်း တည အိပ်ခဲ့ကြပါသည်။ နံနက်မိုးလင်းအရုဏ်တွင် ကျိုက်ထီးရိုးစေတီတော်မြတ် ကြီးအား ဆွမ်း၊ ပန်း၊ ဆီမီး၊ ရွှေသင်္ကန်းကပ်ခြင်းတို့ဖြင့် ကြည်ညိုစွာ ဖူးမြော်ကန်တော့ကြရပါသည်။
စာရေးသူတို့မိသားစု ကင်မွန်းစခန်းမှစ၍ တောင်ပေါ်သို့တက်ကြရာ ကင်မွန်းစခန်းတွင် တောင်ပေါ်ကကျနေသောရေကို လွတ်လပ်စွာ ချိုးနေကြသည်ကို မြင်တွေ့ခဲ့ရပါသည်။ တောင်ပေါ်သို့ သဘာဝရှုခင်းများကိုကြည့်ရင်း လမ်းလျှောက်တက်ခဲ့ကြပါသည်။ လမ်းတလျှောက်တွင် အလှူခံဌာနဆိုတာ မရှိပါ။ ၀ါးခြမ်းလေးများထောက်၍ သောက်ရေအိုးစင်လေးများကို တွေ့ခဲ့ဖူးပါသည်။ ရေမြှောင်ကြီးရောက်တော့ ခဏနားကြပါသည်။ အမောဖြေအနားယူရင်း ရေချိုးသူများမှာ ရေချိုးခန်းများတွင် ရေချိုးနိုင်ကြပါသည်။ အခကြေးငွေပေးစရာမလိုပါ။ ဖိုးပြန်တောင်၊ ဆိုင်တမော့၊ နဂါးပတ်တောင်တို့ဆိုလျှင် တက်ရသည်မှာ တော်တော်ပင်ပန်းပါသည်။ တဖြည်းဖြည်း နေ၀င်၍ မိုးပင်ချုပ်လာခဲ့ပါပြီ။ ထိုအခါ အလင်းရောင်ရရန် မီးတုတ်ကိုင်၍ တက်ခဲ့ကြပေသည်။

ယခုအခါတွင် စာရေးသူတို့မောင်နှမတွေမှာ ကိုယ်စီ၊ ကိုယ်စီ လုပ်ငန်းခွင်ရောက်နေပြီဖြစ်သောကြောင့် ဘုရားဖူးသွားရန် မကြုံကြပါ။ ဒီနှစ်ပိတ်ရက်မှာ ကျိုက်ထီးရိုးဘုရားဖူးမည်ဟု ကြိုတင်အစီအစဉ်လုပ် ထားရပါသည်။ ဒီတခေါက်တော့ တောင်တက်ကားစီးပြီး လမ်းဘေးဝဲယာမှ ရှုခင်းများကိုကြည့်၍ တောင်တက်ခြင်း၏အရသာကို ကြည့်မည်ဟု ရည်ရွယ်ခဲ့ပါသည်။ မိမိတို့စီးလာသော ဘုရားဖူးကားမှာ ကင်မွန်းစခန်းတွင် ရပ်ထားခဲ့ပါသည်။ ကားပေါ်ပါလာသော ဘုရားဖူးများအား နောက်နေ့ ၁၂ နာရီအရောက် ပြန်လာခဲ့ဖို့ မှာကြားပါသည်။ မှန်းချက်နှင့် လွဲခဲ့ပါပြီ။ မမျှော်လင့်သော အခက်အခဲတွေ၊ စိတ်ပျက်စရာကောင်းသောမြင်ကွင်းတွေ စတင်တွေ့မြင်ရပါပြီ။

ညနေ ၆ နာရီကျော်လျှင် ကားမတက်တော့ပါဆိုသဖြင့် အလုအယက် တန်းစီရပါသည်။ ကားခေါင်းခန်းတွင် စီး၍ရမလားဆိုတော့ လူကြီးကိုသွားပြောပါဆိုသဖြင့် ဘယ်လူကြီးသွားပြောရမှန်းမသိ ဖြစ်နေပါသည်။ သွားပြောလျှင် မိမိတန်းစီထားသောနေရာ ပျောက်သွားမည်စိုး၍ မသွားဝံ့ပါ။ နောက်တွဲမှာ ထိုင်ခုံတတန်းကို စပယ်ယာက ရှစ်ယောက်တင် ပါသည်။ တချို့ ခရီးသည်များက လူကြီးခပဲပေး၍ ကလေးကိုပင် ပေါင်ပေါ် တင်ကာ စီးကြပါသည်။ တော်တော်လေး ကျပ်ညပ်နေအောင်ထိုင်ပြီး စီးခဲ့ရပါသည်။ နှလုံးရောဂါအခံရှိသော အစ်မကိုလည်း ကျန်းမာရေးအခြေအနေကောင်းပါစေဆိုပြီး ဆုတောင်းနေရပါသည်။ ကားစထွက်ပြီး မကြာမီ ငွေဖလားထိုးပြီး အလှူခံကြပါသည်။ တောင်တက်ကားလမ်းသည် ခပ်ဆိုးဆိုးမဟုတ်၊ ချောချောမွေ့မွေ့ အဆင်ပြေပါသည်။ သို့သော် ကားရပ်ခိုင်းပြီး ငွေဖလားထိုးခံ၍ အလှူခံကြသည်မှာ များပြားလွန်းလှသည်။
တောင်ပေါ်ရောက်တော့ ကြက်ပျံမကျ စည်ကားလှသည်။ မိမိတို့ အထွတ်အမြတ်ထားရာ ဆံတော်ရှင်ကျိုက်ထီးရိုးစေတီတော်မြတ်ကြီးအား အနယ်နယ်အရပ်ရပ်မှ လာရောက်ဖူးမြော်ကြသည်ကို မြင်ရသဖြင့် ၀မ်းသာပီတိ ဖြစ်ခဲ့ရပါသည်။ ရင်ပြင်တော်ပေါ်တလျှောက်လုံး ဘုရားဖူးများ နေရာယူထားကြသည်ကိုလည်း တွေ့ရပါသည်။ လမ်းဘေးဝဲယာတလျှောက် ကျိုက်ထီးရိုးတောင်ဝှေးလေးတွေထောင်ကာ စောင်ကာ၍ တညတာ အိပ်စက်နားနေကြသည်ကို မြင်တွေ့ခဲ့ရပါသည်။ စာရေးသူတို့အုပ်စုတွင် အသက်အရွယ်ကြီးသူပါသဖြင့် သူတို့လို မနေနိုင်ပါ။ Hotel လည်း မတည်းနိုင်ပါ။ သင့်တင့်သောတည်းခိုခန်းကို ငါးယောက်စာ ရှစ်သောင်းပေး၍ တည်းခဲ့ရပါသည်။ တချို့ဆိုလျှင် အိပ်စရာနေရာမရှိ၍ အမှိုက်ပုံဘေး၊ အမှိုက်ပုံးကြီးများကို အကာအကွယ်ပြုကာ အိပ်ကြရသည်။ ရင်ပြင် တော်တွင်ဖြစ်သလို စောင်လေးတွေကာပြီး အဖီထိုးကာနေကြသည်ကို မြင်တွေ့ခဲ့ရပါသည်။ Hotel ကြီးများမှာ အထပ်များစွာနှင့် ခမ်းနားသော်လည်း ဘုရားဖူးသူများအတွက် တန်ဖိုးကြီးသဖြင့် အနားသို့မကပ်နိုင်ပါ။ ဌာနဆိုင်ရာ ဓမ္မာရုံများမှာလည်း သက်ဆိုင်ရာလူကြီးတွေအတွက်ဆိုတော့ ဘုရားဖူးသူများအတွက် ကုန်ကျစရိတ်နည်းနည်းနဲ့ တည်းခိုနိုင်ဖို့စီစဉ်ပေး သင့်ပါသည်။

အလှူခံဌာနများအနေဖြင့် အတင်းအဓမ္မအလှူ မခံစေလိုပါ။ သဒ္ဓါကြည်ညိုစွာ လာရောက်ဖူးမြော်ကြသော ဘုရားဖူးခရီးသည်များမှာ သူ့အတိုင်းအတာနှင့်သူ စုဆောင်းလာကြရသဖြင့် စေတနာဖြင့် လှူဒါန်းခြင်းသည် ပို၍ကုသိုလ်ရပါသည်။ အလှူပွဲစား မလုပ်စေချင်ပါ။ စေတနာနှင့် လှူဒါန်းခြင်းသည် အလှူခံပုဂ္ဂိုလ်ရော၊ အလှူရှင်ပါ နှစ်ဦးနှစ်ဖက်ကုသိုလ် ရရှိနိုင်ပါသည်။ နောက်ပြဿနာတခုမှာ ရေချိုးခန်းနှင့် သန့်စင်ခန်းဖြစ်ပါ သည်။ လူတန်းစီရသည့်အပြင် သန့်စင်ခန်းတခါဝင်လျှင် ကျပ် ၃၀၀ ပေးခဲ့ရပါသည်။ ဆက်ဆံရေးက မပြေလည် မိမိသုံးမည့်ရေကို မိမိကိုယ်တိုင် ရေခပ်၍ သုံးခဲ့ရပါသည်။ အပြန်လမ်းခရီးမှာတော့ ပို၍ဒုက္ခရောက်ခဲ့ရပါပြီ။ မမျှော်လင့်သော၊ မကြုံဖူးသောမြင်ကွင်းကို ကိုယ်တိုင်ကြုံတွေ့ခဲ့ရပါပြီ။ တောင်ခြေသို့ဆင်းရန် ကားရပ်နားရာနေရာ၌ တန်းစီကြရပါသည်။ ကားပေါ်တက်ရန် အလူမီနီယံလှေကားပေါ်အထိ မတ်တတ်ရပ်၍ တန်းစီကြရပါသည်။ စာရေးသူတို့သည် ကားပေါ်တက်ရန် အဆင်သင့်ဖြစ်နေသော်လည်း မတက်နိုင်ပါ။ ကားတစီးဝင်လာလျှင် လမ်းခုလတ်က တွယ်ကပ်၊ ကားအနောက်ဘက်က တွယ်တက်ဖြင့် ကားပေါ်ကပါလာသူတွေ မဆင်းရသေး၊ ကားကိုတွယ်၍ လိုက်လာကြသဖြင့် ကားပေါ်တွင် ထိုင် စရာနေရာမရှိတော့ပါ။ ဒီနေရာတွင် တဦးနှင့်တဦး ညှာတာစိတ်၊ ကူညီစိတ်ဆိုတာ မရှိတော့ပါ။ စည်းကမ်းဆိုတာလည်း မရှိပါ။ တာဝန်ယူပြီး ကြပ်မတ်မည့်သူလည်း မရှိပါ။

စာရေးသူတို့ ညီအစ်မမှာလည်း တယောက်နှင့်တယောက် ကွဲသွားမည်ကို စိုးရိမ်သဖြင့် နောက်ကားတစီးလာလျှင် ဖြစ်တဲ့နည်းနဲ့ မတ်တတ်ရပ် လိုက်ခဲ့ရပါသည်။ အစ်မကိုလည်း ဆွဲခေါ်ရပါသည်၊ အစ်မ၏ ခြေထောက်မှ ထိုင်ခုံတွင်ထိုင်နေသော ယောကျာ်းကြီး၏ တင်ပါးအောက်ရောက်နေ၍ ခဏကြွပေးပါဟု တောင်းပန်တာတောင် ရန်တွေ့ခံရပါသည်။ တချို့ ယောကျာ်းကြီးများမှာ နှမသားချင်းမစာနာ လက်သီးနှင့်ထိုးမည့်ဟန် ကြုံတွေ့ခဲ့ရပါသည်။ ဘယ်သူ့ကိုမှ အပြစ်မတင်လိုပါ။ မိမိတို့ဝန်ထမ်းဘ၀နဲ့ ပိတ်ရက်ကို ဆုံလာကြလို့ မိမိကိုယ်မိမိ အပြစ်တင်မိပါသည်။

ဒီလိုမဖြစ်ရအောင် အများပြည်သူဘုရားဖူးတွေတည်းဖို့၊ သန့်စင်ခန်း လုံလောက်အောင် ဆောင်ရွက်ပေးဖို့၊ သန့်ရှင်းရေး စနစ်တကျဆောင်ရွက်ဖို့၊ ကားစီးရာတွင် လူဦးရေနဲ့ နံပါတ်အလိုက် စနစ်တကျ တန်းစီပြီး ကားပေါ်တက်ဖို့၊ လမ်းခုလတ်မှတွယ်တက်၍ နေရာမလုဖို့ စသည့် ကောင်းမွန်သော စီမံခန့်ခွဲရေးရှိရန် ဘုရားဂေါပကအဖွဲ့နဲ့ ပတ်သက်ပါသလား၊ သက်ဆိုင်ရာအကြီးအကဲ၊ ဒေသဆိုင်ရာအကြီးအကဲများနှင့် ပတ်သက်ပါသလား၊ ဆင်းရဲချမ်းသာအယုတ်အလတ်အမြတ်မရွေး၊ ငွေကြေးနည်းနည်းနှင့် နှစ်စဉ် သွားရောက်ဖူးမြော်နိုင်ရန် သက်ဆိုင်ရာမှ တာဝန်ယူ၍ ဆောင်ရွက်ပေးမည်ဆိုပါလျှင် ဘုရားဖူးများ စိတ်ချမ်းသာ မည်ဟု စာရေးသူထင်မြင်မိပါသည်။

ဒေါ်ကြည်ကြည်တင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


လုံးခင်း အထက်မှော်မှာ ဖားကန့်မြေစာပုံပြိုကျချိန် မြေစာပုံပြိုကျတာကို သတင်းဓာတ်ပုံရိုက်ကူးနေတဲ့ ဓာတ်ပုံသမားတဦးအပေါ်ကို မြေစာပုံပြိုကျလို့ မြေပြိုတဲ့အထဲပါသွားပြီး အခုချိန်အထိ အလောင်းတူးဖော်လို့မရဘဲ ပျောက်ဆုံးနေဆဲဖြစ်ပါတယ်။

အခုလို မကြာခဏ မြေပြိုကျမှုတွေဖြစ်ပြီး လူရာချီသေဆုံးနေရတဲ့ ဖားကန့်ကျောက်စိမ်း တူးဖော်ရေး လုပ်ငန်းတွေကို NLD ဘက်က စိစစ် စစ်ဆေးမှုတွေ လုပ်ဆောင်နေသလို လွှတ်တော်သစ်အနေနဲ့ ကျောက်စိမ်းတူးဖော်ရေးလုပ်ငန်းတွေ စနစ်တကျရှိစေရေးနဲ့ ဒေသခံပြည်သူတွေ အလုပ်အကိုင် အခွင့်အလမ်းတွေ ဖော်ဆောင်ပေးဖို့အရေး အရေးတကြီး လုပ်ဆောင်သင့်ကြောင်း လွှတ်တော်တာဝန်ရှိသူတွေကို တင်ပြဖို့ ဒေသခံတွေနဲ့ ဒေသခံ အရပ်ဘက် အဖွဲ့အစည်းတွေက စီစဉ်ဆောင်ရွက်နေပါတယ်။ အသေးစိတ် မဆုမွန် တင်ပြတင်ပြထားပါတယ်။

လူရာချီသေဆုံးခဲ့ရတဲ့ မြေပြိုကျမှုတွေ ဆက်တိုက်ဖြစ်နေတဲ့ ကချင်ပြည်နယ် ဖားကန့်မြို့နယ် လုံးခင်းမှော်ဘက်မှာ မြေစာပုံ ထပ်ပြိုကျခဲ့ပြန်ပါတယ်။ ဒီတခါ မြေစာပုံပြိုကျခဲ့တဲ့ အထဲမှာတော့ နေမင်းကမ္ဘာ ကျောက်စိမ်းတူးဖော်ရေး ကုမ္ပဏီလုပ်ငန်းခွင်တွင်း စွန့်ပစ် မြေစာပုံပြိုကျနေတာကို သတင်းဓာတ်ပုံရိုက်ကူးနေသူတစ်ဦး မြေပြိုကျတဲ့အထဲ ပါသွားတယ်လို့ ဖားကန့်ဒေသခံ သတင်းသမားတဦးဖြစ်တဲ့ ကိုဇော်မိုးထက်က ပြောပါတယ်။ အခုအချိန်အထိ တူးဖော်နေဆဲဖြစ်ပြီး ဘယ်နှစ်ဦး ပါသွားသလဲ ဆိုတာကိုတော့ အတိအကျ မသိရသေးပါဘူး။

“အထက်မှော်ခေါ်တာပေါ့။ လုံးခင်းကျေးရွာရဲ့ မြောက်ဘက်ကျတယ်နော်။ တောမှော်နဲ့ ကုဋေကြားဆိုတော့လေ။ နေမင်းကမ္ဘာ ကျောက်စိမ်းတူးဖော်ရေး ကုမ္ပဏီ မြေစာပြိုကျတယ်။ လောလောဆယ် သေတာကတော့ အဲဒီလူက သတင်းထောက်လား။ ဘာမှန်းတော့ မသိဘူးဗျ။ သိလား။ ပါသွားတယ်။ အမှန်ကတော့ သူက ပုံကောင်းရအောင်လို့ မြေစာပုံအောက်ခြေကနေ ပင့်ရိုက်တဲ့သဘော နေမှာပေါ့။ ကြည့်ရတာ သူ တခြမ်းမှာ ရိုက်နေတဲ့အချိန် နောက်ဘက်က တခြမ်းက ပြိုကျတာတဲ့။ ၃ ယောက်ပါတယ်၊ ၄ ယောက်ပါတယ်လို့ ကြားတာပဲ။ နောက်ထပ် လူတွေကတော့ ပျောက်တဲ့လူ ပိုင်ရှင်မပေါ်တဲ့အခါကျတော့ ဒါပေမဲ့ ခက်တာက မြေစာအောက် ရောက်သွားတယ်ဆိုတော့ အလောင်းကို မတွေ့ရင် ကျနော်တို့ဆီက အသေစာရင်း မထည့်သလို ဖြစ်နေပြီလေ။”

အခုလို စွန့်ပစ်ရေမဆေးကျောက်တွေ ကောက်ဖို့ လာရှာရင်း စွန့်ပစ်မြေစာပုံ ပြိုကျလို့ လူရာချီသေဆုံးမှုတွေ ဖြစ်နေရတဲ့ စွန်ပစ်မြေစာပုံ ပြိုကျမှု သတင်းဆိုးတွေ ထွက်နေတဲ့အပြင် ကျောက်စိမ်းတူးဖော်ရေး လုပ်ငန်းခွင်တွေမှာ စက်ယန္တယားကြီးတွေနဲ့ အကြီးအကျယ် တူးဖော်နေတယ်ဆိုတဲ့သတင်းတွေ ထွက်နေတဲ့အတွက် လွှတ်တော်ဘက်က အစိုးရကို ထိရောက်တဲ့ စုံစမ်းစစ်ဆေးမှုတွေ လုပ်ဖို့နဲ့ အစိုးရဆောင်ရွက်ချက်တွေကို တင်ပြဖို့ လွှတ်တော်ဘက်က တိုက်တွန်းခဲ့သလို အနိုင်ရပါတီ အမျိုးသားဒီမိုကရေစီ အဖွဲ့ချုပ်ဘက်ကလည်း စုံစမ်းရေးအဖွဲ့ စေလွှတ်ပြီး သဘာဝပတ်ဝန်းကျင် ပျက်စီးမှုနဲ့ပတ်သက်ပြီး ကွင်းဆင်း လေ့လာနေကြတာပါ။

ဖားကန့်ဒေသခံတွေ၊ ဒေသခံသတင်းသမားတွေ၊ အရပ်ဖက်အဖွဲ့အစည်းတွေဘက်ကလည်း လာမယ့် လွှတ်တော်သစ်မှာ ဖားကန့်အရေး အရေးတကြီး ဆွေးနွေးတင်ပြပေးဖို့ လိုလားသလို ကျောက်စိမ်းတူးဖော်ရေး လုပ်ငန်းခွင်တွေအတွင်း လုပ်ငန်းခွင် ထိခိုက်မှု နည်းအောင် စိတ်ချလုံခြုံမှု ရှိအောင် ဆောင်ရွက်ပေးဖို့ တောင်းဆိုနေကြတာပါ။ စွန့်ပစ်မြေစာပုံတွေကို သတ်မှတ်စံချိန်မှီ အမြင့်ပေတွေ သတ်မှတ်ဖို့ ဒေသခံတွေ အပါအဝင် ရေမဆေးကျောက် ရှာဖွေသူ တော်တော်များများ မှီတည် လုပ်ကိုင်နေရတဲ့ မြေစာပုံ စွန့်ပစ်နေရာအတွက် စနစ်တကျ ဆောင်ရွက်ပေးသင့်ပါတယ်လို့ ဖားကန့်ဒေသက သတင်းသမား ဦးဇော်မိုးထက်က ပြောပါတယ်။

“အကောင်းဆုံးနည်းလမ်းကတော့ ကုမ္ပဏီတွေဘက်ကနေမှ မြေစာပုံတွေကို သတ်မှတ်ထားတဲ့ အကန့်အသတ်ပေါ့နော် မြေစာပုံတပုံဆိုရင် ကုမ္ပဏီတခုပဲ ပုံရမယ်။ ဟုတ်တယ်နော်။ မြေစာပုံအမြင့်ကို ဘယ်လောက်အထိ အမြင့်ပေ ဘယ်လောက် အနည်းဆုံးပေါ့နော် လူ အန္တရာယ်မဖြစ်နိုင်တဲ့ အမြင့်ပေပေါ့နော်။ အဲ့လိုမျိုး ပုံလိုက်ခြင်းအားဖြင့် ကျနော်တို့ အများကြီး လျှော့ချလို့ ရပါတယ်။ အရင်တုန်းကလည်း အဲဒီပုံစံအတိုင်း ပုံခဲ့တာဗျ။ အခုဟာကကျတော့ နိုင်ငံတော်အနေနဲ့က ဘာလုပ်ပေးရမလဲဆိုရင် အဲဒါမျိုးတွေကို သတ်သတ်မှတ်မှတ်လုပ်ပြီးတော့ ကျောက်စိမ်းတူးဖော်တဲ့ ကျောက်စိမ်းလုပ်ကွက်တွေကိုလည်း ကျနော်တို့ လျှော့ချပေးဖို့ လိုတယ်။ အခုက လုပ်ကွက်တွေကို အရမ်းချပေးလိုက်တဲ့အခါကျတော့ မြေစာပစ်မယ့်လူတွေက ဧရိယာတွေ နည်းလာတဲ့အခါကျတော့ တနေရာ၊ တနေရာတည်းမှာ မြေစာတွေ စုပြုံသလို ဖြစ်တာပေါ့နော်။ မြေစာပုံတွေက အရမ်းမြင့်တယ်။ အရမ်းကြီးတယ်။ ရေမဆေးရှာတဲ့သူတွေကလည်း အဲဒီနေရာမှာပဲ စုပြုံပြီး ရှာကြတဲ့အခါကျတော့ သတ်မှတ်မြေစာပုံဧရိယာနဲ့ မြေစာပုံအကျယ်အ၀န်းနဲ့ လုပ်ပေးလို့ရှိရင် အဆင်ပြေနိုင်တယ်ဆိုတာကို ကျနော်တို့ ပြောချင်တယ်။”

မြန်မာနိုင်ငံတွင်း အနယ်နယ်အရပ်ရပ်ကနေ ဖားကန့်ဒေသတွင်း ကျောက်စိမ်းတူးဖော်ရေး လုပ်ငန်းတွေမှာ လာရောက် လုပ်ကိုင်နေသူတွေ၊ ရေမဆေးကျောက် ရှာဖွေနေသူတွေ နဲ့ ဒေသခံပြည်သူတွေအတွက် ရေရှည် ဘဝရပ်တည်ရေး အာမခံချက်ပေးနိုင်တဲ့ အလုပ်အကိုင် ဖန်တီးပေးနိုင်မှု စီမံချက်တွေကိုလည်း အစိုးရသစ်၊ လွှတ်တော်သစ်နဲ့ အုပ်ချုပ်ရေး အာဏာလွှဲပြောင်းရယူမယ့် တာဝန်ရှိသူတွေဘက်က အလေးထား ဆောင်ရွက်ပေးဖို့ ဒေသခံတွေက လိုလားနေကြတယ်လို့လည်း ဦးဇော်မိုးထက်က ပြောပါတယ်။

“နောက်တချက်က ကျနော်တို့ ဒေသခံ ရေမဆေးတွေကို ရေမဆေးမရှာနဲ့လို့ အမိန့်တခုတည်း ထုတ်ပြန်ယုံနဲ့ မရပါဘူး။ ဒေသခံတွေ စားဝတ်နေရေး ပြေလည်ဖို့အတွက် အလုပ်အကိုင် အခွင့်အလမ်းတွေ နိုင်ငံတော်က ဘယ်လိုဖန်တီးပေးမလဲ ဆိုတာကလည်း တပြိုင်တည်း စဉ်းစားသင့်တဲ့အချက်ပါ။ အဲဒါကို ကျနော်တို့ အကြံပြုစေချင်ပါတယ်ခင်ဗျာ။”

ကမ္ဘာအဆင့်မှီ အရည်အသွေးရှိတဲ့ ကျောက်စိမ်းတွေထွက်ရှိရာ မြန်မာနိုင်ငံ ကချင်ပြည်နယ် ဖားကန့်ဒေသထဲက ကျောက်စိမ်းတူးဖော်ရေး လုပ်ငန်းခွင်တွေမှာ ကျောက်စိမ်းတူးဖော်ရာက ထွက်ရှိလာတဲ့ စွန့်ပစ်မြေစာပုံတွေ ပြိုကျလို့ လူရာနဲ့ချီ ပျောက်ဆုံး၊ သေဆုံးခဲ့ရတဲ့ အကြိမ်ရေက ၂၀၁၅ ခုနှစ်အတွင်းမှာကို အနည်းဆုံး ၅ ကြိမ်ထက်မနည်း ဖြစ်ပွားခဲ့ပြီး ဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com


နေပြည်တော်မှာရှိနေတဲ့ NLD လွှတ်တော် ကိုယ်စားလှယ်တွေကို ဒီရက်ပိုင်းအတွင်း ခရီးမထွက်ကြဖို့ အမျိုးသား ဒီမိုကရေစီ အဖွဲ့ချုပ်ဥက္ကဌ ဒေါ်အောင်ဆန်းစုကြည်က တားမြစ်ထားပါတယ်။ ဒါဟာ သမ္မတဖြစ်ဖို့ ကန့်သတ်ချက်တွေ ရှိနေတဲ့ ဖွဲ့စည်းပုံ အခြေခံဥပဒေ ပုဒ်မ (၅၉) (စ) ကို လက်ရှိ စတင်ကျင်းပနေတဲ့ လွှတ်တော်နှစ်ရပ်မှာ  ဆိုင်းငံဖို့ ဒါမှမဟုတ် ပြင်ဆင်ဖို့ အတွက်များ ဖြစ်လေမလား လို့ ခန့်မှန်းသုံးသပ်ချက်တွေ ထွက်ပေါ်နေပါတယ်။

ပြန်ကြားရေးဝန်ကြီး ဦးရဲထွဋ်ကတော့ ဖွဲ့စည်းပုံ အခြေခံ ဥပဒေမှာ ပါတဲ့ အချက်ကို ဆိုင်းငံနိုင်တာဟာ အရေးပေါ်အခြေအနေမှာ ကာကွယ်ရေးဦးစီးချုပ်က နိုင်ငံတော်အာဏာကို ယူထားချိန်အတော်အတွင်းမှာပဲ လုပ်ပိုင်ခွင့် ရှိတယ်လို့ပြောပါတယ်။ မအင်ကြင်းနိုင်က အသေးစိတ်ကို ဆက်လက်တင်ပြမှာပါ။

ဒေါ်အောင်ဆန်းစုကြည်ရဲ့ သားနှစ်ဦးလုံး နိုင်ငံခြားသားဖြစ်နေတဲ့အတွက် ၂၀၀၈ ဖွဲ့စည်းပုံအခြေခံဥပဒေအရ သူအနေနဲ့သမ္မတဖြစ်ဖို့ ကန့်သတ်ချက်တွေရှိနေဆဲပါ။ ဒါပေမဲ့လည်း နေပြည်တော်ကို ရောက်ရှိနေတဲ့ NLD နာယက သူရဦးတင်ဦးကတော့ ဒေါ်အောင်ဆန်းစုကြည်ဟာ သမ္မတ ဖြစ်ကိုဖြစ်လာရမယ်လို့ သတင်းထောက်တွေကိုအခုလိုပြောသွားပါတယ်။

“သမ္မတဖြစ်ရမှာပေါ့။ မဖြစ်ဖြစ်အောင်လဲ လုပ်မှာ။ ကျနော်ကအားလုံးအောင်မြင်အောင်အတွက် ထမ်းပို့မယ့် အထမ်းသမား၊ ပြည်သူ့ဘက်က အထမ်းသမား။”

ဦးတင်ဦးအနေနဲ့ သမ္မတဖြစ်လာဖို့ရော ရှိမလားလို့ သတင်းထောက်တဦးကမေးရာမှာ တော့ သူ့အနေနဲ့သမ္မတလုပ်မှာမဟုတ်ကြောင်း အခုလိုဖြေကြားခဲ့ပါတယ်။

“ဘယ်တော့မှ မလုပ်ချင်ဘူး။ မလုပ်ဘူး။ သူ့ကိုအောင်မြင်အောင်လုပ်ပေးမယ်၊ ကျနော်တတ်နိုင်သမျှကူညီမယ်ဆိုတဲ့ အတိုင်းပဲဆောင်ရွက်နေပါတယ်။”

ဒီအတောအတွင်းမှာပဲ NLD လွှတ်တော်ကိုယ်စားလှယ်တွေကို နောက်သတင်းပတ်အကုန်ထိ ခွင့်ယူခွင့်မပြုဖို့ ဒေါ်အောင်ဆန်းစုကြည်က ညွန်ကြားထားကြောင်း NLD လွှတ်တော်ကိုယ်စားလှယ်တချို့က Reuters သတင်းဌာနကို ပြောပါတယ်။ အရင်ကထွက်ပေါ်ခဲ့တဲ့ သတင်းတွေ အရဆိုရင်လည်း NLD ကိုယ်စားလှယ်တွေအများဆုံးလွှမ်းမိုးထားတဲ့ လွှတ်တော်သက်တမ်း အသစ်စတင်တဲ့ အချိန်မှာ ဒေါ်အောင်ဆန်းစုကြည်ကို သမ္မတဖြစ်ရေးကန့်သတ်ထားတဲ့ ဖွဲ့စည်းပုံအခြေခံဥပဒေပုဒ်မ (၅၉) (စ)ကို အရင်ဆုံးဆိုင်းငံဖို့ ပြင်ဆင်လိမ့်မယ်ဆိုတာမျိုးရှိနေတာပါ။

ဒါပေမဲ့ ရာထူးကအနားယူတော့မယ့် သမ္မတဦးသိန်းစိန်ရဲ့ပြောခွင့်ရ ပြန်ကြားရေးဝန်ကြီး ဦးရဲထွဋ်ကတော့ နိုင်ငံရဲ့ အရေးပေါ်အခြေအနေမှာ အုပ်ချုပ်ရေးအာဏာကို တပ်မတော် ကာကွယ်ရေး ဦးစီချုပ်လက်ထဲ လွှဲပြောင်းချိန်အတွင်းမှာပဲ ဒီလိုအခြေခံဥပဒေပါပြဌာန်းချက်ကို ဆိုင်းငံနိုင်မှာဖြစ်တယ်လို့  Reuters သတင်းဌာနနဲ့တွေ့ဆုံမေးမြန်းခန်းမှာ ပြောသွားပါတယ်။ တကယ်လို့ လွှတ်တော်ကနေ ဆောင်ရွက်ခဲ့မယ်ဆိုရင် အစဉ်အလာကောင်းမှမဟုတ်ဘူးလို့ သူကအခုလိုပြောပါတယ်။

“အခု NLD က ဖွဲ့စည်းပုံအခြေခံဥပဒေမှာပါတဲ့ အချက်တချက်ကို ဆိုင်းငံ့လိုက်မယ်၊ ဒီလိုဆိုရင် ၂၀၂၀ပြည့်နှစ်နောက်မှာ ဘာဖြစ်လာမလဲ။ နောက်ထပ်အခြားနိုင်ငံရေးပါတီတခု အာဏာရလာတဲ့အချိန်မှာ အခြားနောက်ထပ် ဥပဒေ (၁၀)ခု ဒါမှမဟုတ် (၁၂)ခုကို ဆိုင်းငံ့မှာလား။ အဲဒါဆိုရင် ကျနော်တို့နိုင်ငံမှာ ဘာတွေဖြစ်လာဖို့ရှိမလဲ။”

အရေးပေါ်အခြေအနေမှာ ကာကွယ်ရေးဦးစီးချုပ်ကို အာဏာလွှဲလိုက်တဲ့အတွက် ဖွဲ့စည်းပုံ အခြေခံဥပဒေ ရပ်ဆိုင်းနိုင်တဲ့ကိစ္စကသီးသန့်သာဖြစ်ပြီး အခုလိုပုဒ်မ (၅၉) (စ)ကို ယာယီဆိုင်းငံ့တဲ့ ကိစ္စကတော့ လူထုဆန္ဒအရ ဥပဒေလုပ်ထုံးလုပ်နည်းနဲ့အညီ ဆောင်ရွက်နိုင်ကြောင်း တရားလွှတ်တော်ရှေ့နေကြီးဦးကိုနီကပြောပါတယ်။

“အခုကျနော်တို့ပြောနေတဲ့ ယာယီဆိုင်းငံ့တယ်ဆိုတဲ့ကိစ္စက ဖွဲ့စည်းပုံဆိုင်ရာအကြပ်အတည်း ပေါ်ပေါက်တဲ့အခါမျိုးမှာ သုံးဖို့ ကျနော်တို့ပြောတာပါ။ ဖွဲ့စည်းပုံအခြေခံဥပဒေမှာပါတဲ့ ပြဌာန်းချက်တရပ်ကို ဆိုလိုတာပါ။ ဦးရဲထွဋ်ပြောတဲ့ဖွဲ့စည်းပုံရပ်ဆိုင်းခြင်းဆိုတာ စာအုပ်ကြီးတအုပ်လုံးကိုရပ်ပစ်လိုက်တာ။ ဖွဲ့စည်းပုံအခြေခံဥပဒေကိုမသုံးတော့ဘူး။ စစ်အုပ်ချုပ်ရေး၊ စစ်ဗိုလ်ချုပ်က ကြိုက်တာလုပ်မယ် ဆိုတဲ့ပုံမျိုးကိုပြောတာ။ အခုကျနော်တို့ပြောနေတာက ဖွဲ့စည်းပုံအခြေခံဥပဒေ ပြဌာန်းချက်တခုကို ယာယီဆိုင်းငံ့တာ။ အဓိပ္ပါယ်အများကြီးကွာပါတယ်။ ဒါက နိုင်ငံရေးလိုအပ်ချက်အတွက် လုပ်ရတာပါ။”

မေး။    ။ ဖွဲ့စည်းပုံအခြေခံဥပဒေ ပုဒ်မ (၅၉) (စ)ကို လွှတ်တော်မှာဆိုင်းငံ့လို့ရတယ်ဆိုလို့ရှိရင် ဒေါ်အောင်ဆန်းစုကြည်သမ္မတဖြစ်လာဖို့ အချိန်ဘယ်လောက်ယူရမလဲ။

အချိန်ယူရမယ်။ ဖွဲ့စည်းပုံအခြေခံဥပဒေမှာပါတဲ့ပြဌာန်းချက်တခုကို ယာယီဆိုင်းငံ့ဖို့ဆိုရင် လုပ်ထုံးလုပ်နည်းပိုင်းပေါ့ဗျာ။ လွှတ်တော်ကို ဥပဒေကြမ်းတင်ပြီးတော့မှပဲ ဥပဒေအသစ်တရပ်ပြဌာန်းရမယ်။ အထူးဥပဒေတရပ်အနေနဲ့ ပြဌာန်းဖို့လိုလိမ့်မယ်။ အဲဒါကို တိုက်ရိုက်အထူးဥပဒေအဖြစ်ပြဌာန်းမလား၊ သို့တည်းမဟုတ် နောက်တမျိုးက အရေးကြီးအဆိုတခုအရင်တက်မယ်။ အရေးကြီးအဆို ဆိုတာက ပြည်သူလူထုက mandate (လုပ်ပိုင်ခွင့်) ပေးလိုက်ပြီ။ (၅၉) (စ) ကြောင့်ပြည်သူ့ဆန္ဒကို အကောင်အထည်ဖေါ်လို့မရဘူး၊ အကြပ်အတည်းဖြစ်နေတယ်။ ဒါကြောင့် အဲဒီအကြပ်အတည်းဖြစ်နေတဲ့ ဖွဲ့စည်းပုံအခြေခံဥပဒေ ပုဒ်မ (၅၉)(စ)ကို ယာယီဆိုင်းငံ့ဖို့ အရေးကြီးအဆိုတရပ်တင်မယ်ဆိုကြပါစို့။ အဲဒီအရေးကြီးအဆိုပေါ်မှာ ဆွေးနွေးမယ်၊ ဆုံးဖြတ်မယ်။ ပြည်ထောင်စုလွှတ်တော်က သဘောတူတယ်ဆိုရင် ဆုံးဖြတ်ချက်ကျသွားပြီ။ အဲတော့ ပြည်ထောင်စုလွှတ်တော်က သဘောတူတယ်ဆိုတဲ့ အဓိပ္ပါယ်သည် ပြည်သူတရပ်လုံးက ဒီပုဒ်မကို ဆိုင်းငံ့ဖို့သဘောတူတယ်ဆိုတဲ့ အဓိပ္ပါယ်နဲ့ အတူတူပါပဲ။ အဲသလို သဘောတူပြီးပြီဆိုပြီးမှ ဒီအပေါ်မှာ ဥပဒေကြမ်းတင်ပါဆိုတာ ပြည်ထောင်စုလွှတ်တော်နာယက ညွန်ကြားမယ်၊ ဥပဒေကြမ်းတခုရေးတင်မယ်။ ဒီအပေါ်မှာ ဆွေးနွေးကြမယ်။ လိုရင်လိုအပ်သလို ပြင်ဆင်မယ်။ ပြီးတော့မှာ ဒီဥပဒေကြမ်းကို အတည်ပြုမယ်။ အတည်ပြုပြီးရင် သမ္မတက လက်မှတ်ထိုးမယ်။ အဲဒါက သူရဲ့ process (လုပ်ထုံးလုပ်နည်း) အမှန်ပဲ။ ဒါဆိုရင် အခုသွားမလား (သို့မဟုတ်) နောက်အစိုးရသစ်ဖွဲ့ပြီး သမ္မတအသစ်ပေါ်မှ သွားမလား။ အဲဒါကတော့ လွှတ်တော်အမတ်တွေနဲ့ တာဝန်ရှိတဲ့သူတွေဆုံးဖြတ်ရမှာပါ။”

ဒီအတောအတွင်းမှာပဲ နောက်သတင်းပတ်အတွင်း သမ္မတလောင်းအမည်ကိုကြေညာဖို့ရှိတယ်လို့ NLD ထိပ်တန်းခေါင်းဆောင်တဦးဖြစ်တဲ့ ဦးဝင်းထိန်က Reuters သတင်းဌာနကို ပြောကြားခဲ့ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com