02/12/16

သမိုင်းဝင် ပင်လုံမြို့တွင် ဖေဖော်ဝါရီ ၁၂ ရက်၌ ကျင်းပမည့် ပြည်ထောင်စုနေ့ အတွက် အမျိုးသား ဒီမိုကရေစီအဖွဲ့ချုပ် တောင်ကြီးခရိုင် လူငယ်အဖွဲ့မှ မီးဆရာများ ပါဝင်သော အဖွဲ့သည် ၁၂ ရက်နှင့် ၁၃ ရက် ညတို့တွင် လွှတ်တင်မည့် မီးပုံးပျံ ၂ လုံးကို ပင်လုံဝမ်အန်ကျောင်းတွင် ညမအိပ်ဘဲ ကြိုးစားပမ်းစားနှင့် ပြုလုပ်နေကြပြီဖြစ်ကြောင်း သိရသည်။

ဖေဖော်ဝါရီ ၁၂ ရက် နှင့် ၁၃ ရက် ညတို့တွင် လွှတ်တင်မည်ဖြစ်ပြီး ပထမညတွင် ယမ်းပိသာချိန်ပေါင်း ၁၂ ပိဿာနှင့် ဒုတိယ ညပိုင်းတွင် ယမ်းပိဿာချိန် ၂၀ ခန့် ရှိမည်ဖြစ်ကြောင်း ခရိုင်အဖွဲ့ချုပ် လူငယ်မှ ကိုဇေယျာလင်းလင်းက ပြောသည်။

ဗိုလ်ချုပ်အောင်ဆန်းမွေးနေ့ အထိမ်းအမှတ်အဖြစ် အမှတ်တရ လွှတ်တင်ခြင်း ဖြစ်ကြောင်း ပင်လုံကျောက်တိုင်ကွင်းတွင် ပျော်ပွဲရွှင်ပွဲများကိုလည်း စည်ကားသိုက်မြိုက်စွာ ကျင်းပသွားမည် ဖြစ်ကြောင်း သိရသည်။

ယခင်နှစ်က ပင်လုံ ဗိုလ်ချုပ်နှစ် ၁၀၀ ပြည့်ပွဲသည် မြန်မာနိုင်ငံတွင် နတ်မောက်မြို့ ပွဲပြီးလျှင် ဒုတိယမြောက် စည်ကားသော ပွဲတစ်ခုဖြစ်ခဲ့ပြီး ကျောက်တိုင်ကွင်းနှင့် ဘုရားရင်ပြင်တော် မုဒ်ဦးပေါက်အထိ ကြက်ပျံမကျ လူများ၊ ယဉ်များဖြင့် ပြည့်ညှပ်အောင် စည်ကားခဲ့ခြင်းလည်း ဖြစ်သည်။
ပင်လုံမြို့အဝင်မှစကာ ရှမ်းအလံများကို အိမ်တိုင်းစေ့ ထောင်ထားကာ ရှမ်းပြည်နယ်နေ့ကို ကြိုဆိုခဲ့ကြပြီး ပြည်ထောင်စုနေ့တွင် မြန်မာအလံများကို ပြောင်လဲ တပ်ဆင်ကြမည်ဖြစ်ကြောင်း သိရသည်။

ဖေဖော်ဝါရီ ၁၂ ရက်နေ့ ညပိုင်းတွင် လာရောက် လည်ပတ်ကြမည့် ပရိသတ်များ စုံညီချိန်တွင် လွှတ်တင် ဖျော်ဖြေသွားမည်ဖြစ်ပြီး ၁၃ ရက် ညပိုင်းတွင် ထပ်မံ လွှတ်တင်မည် ဖြစ်ကြောင်း သိရသည်။

ဖေဖော်ဝါရီ ၁၃ ရက်တွင် နယ်မြေခံ စာရေးဆရာများ ပါဝင်သော စာပေဟောပြောပွဲ တစ်ခုကိုလည်း ရှမ်းတောင် လူငယ်ကွန်ယက်မှ ဦးစီးကျင်းပမည် ဖြစ်ကြောင်း သိရသည်။

ဖေဖော်ဝါရီ ၁၁ ရက် ညပိုင်းတွင် နယ်မြေအသီးသီးမှ ဧည့်ပရိသတ် ရာကျော် ရောက်ရှိနေပြီ ဖြစ်ကြောင်း သိရသည်။
Writer:
စည်သာ (တောင်ကြီး)
Eleven Media Group

တိုင်းဒေသကြီးနဲ့ ပြည်နယ် လွှတ်တော် အကြီးအကဲများ စာရင်းမှတ်တမ်း။
တိုင်းဒေသကြီးနဲ့ ပြည်နယ် လွှတ်တော် အကြီးအကဲများ စာရင်းမှတ်တမ်း။

လာမယ့် လွှတ်တော်သက်တမ်း ၅ နှစ်တွင်း ပြည်တွင်း ငြိမ်းချမ်းရေးနဲ့ ဒေသတွင်း ဖွံ့ဖြိုးရေး လုပ်ငန်းတွေကို အလေးပေး လုပ်ဆောင်သွားဖို့ မျှော်လင့်တယ် လို့ ပြည်နယ် လွှတ်တော် အကြီးအကဲ တချို့က ပြောပါတယ်။ ရွေးကောက်ပွဲအနိုင်ရ အမျိုးသား ဒီမိုကရေစီအဖွဲ့ချုပ် NLD ပါတီရဲ့ လွှတ်တော်ကိုယ်စားလှယ်တွေနဲ့ ဦးဆောင် ဖွဲ့စည်းထားတဲ့ ပြည်နယ်နဲ့ တိုင်းဒေသကြီး လွှတ်တော်သစ်တွေရဲ့ ပထမဆုံး အကြိမ် ပုံမှန် အစည်းအဝေးတွေကို ဒီလအစောပိုင်း မှာပဲ ခေါ်ယူခဲ့ကြသလို၊ လွှတ်တော် ဥက္ကဋ္ဌနဲ့ ဒုတိယ ဥက္ကဋ္ဌ နေရာတွေကို လည်း ရွေးချယ်ခဲ့ကြပြီး ဖြစ်ပါတယ်။ အသစ် ဖွဲ့စည်း လိုက်တဲ့ ပြည်နယ်နဲ့ တိုင်းဒေသကြီး လွှတ်တော်သစ်တွေနဲ့ ပတ်သက်လို့ ဘယ်လို မျှော်လင့်ချက်တွေ ရှိပါလဲ။ မခင်ဖြူထွေးက ဆက်သွယ်မေးမြန်း တင်ပြထားပါတယ်။

ပြီးခဲ့တဲ့နှစ် နိုဝင်ဘာရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် NLD ပါတီက မဲအပြတ်အသတ်နဲ့ အနိုင်ရခဲ့ပြီးတဲ့နောက် ပထမဆုံးအကြိမ် စတင်ခေါ်ယူ တဲ့ ပြည်နယ် နဲ့ တိုင်းဒေသကြီး လွှတ်တော်တွေ အနေနဲ့ ရှေ့ဆက် လုပ်ငန်းတွေနဲ့ ပတ်သက်လို့ မျှော်လင့်ချက်တွေကတော့ အများအပြား ရှိနေတာပါ။ ပြည်နယ် လွှတ်တော် အကြီးအကဲ တချို့ကတော့ လာမယ့် လွှတ်တော်သက်တမ်း ၅ နှစ် တွင်း ပြည်တွင်း ငြိမ်းချမ်းရေးနဲ့ ဖွံ့ဖြိုးရေးလုပ်ငန်းတွေကို အလေးပေး လုပ်ဆောင် သွားမယ်လို့ ပြောပါတယ်။

ကယားပြည်နယ်လွှတ်တော်သစ် ဥက္ကဋ္ဌ အဖြစ် အရွေးခံခဲ့ရတဲ့ ရှားတောမြို့နယ် မဲဆန္ဒနယ်အမှတ် (၂) လွှတ်တော်ကိုယ်စားလှယ် ဦးလှထွေးက - တိုင်းပြည်ဖွံ့ဖြိုး တိုးတက်ရေးမှာ အရေးပါတဲ့ ပြည်တွင်းငြိမ်းချမ်းရေး တည်ဆောက်နိုင်အောင် ကြိုးပမ်း သွားမှာဖြစ်သလို၊ လူထု အသံကို နားထောင်ပြီး လူထုတွေရဲ့ လိုအပ်ချက်တွေ ကို ဖော်ဆောင်ပေးနိုင်အောင် ကြိုးပမ်းသွားမယ်လို့ ဗွီအိုအေကို ပြောပါတယ်။

" ကျနော်တို့က ပြည်တွင်းငြိမ်းချမ်းရေးပေါ့။ ငြိမ်းချမ်းရေး ရမှပဲ အားလုံး ဖွံ့ဖြိုး တိုးတက်နိုင်မယ်လေ။ ငြိမ်းချမ်းရေးပြီးရင်တော့ တိုင်းရင်းသား အရေးပေါ့။ တိုင်းရင်းသား အရေးဆိုတာ ကယားပြည်နယ်မှာက တိုင်းရင်းသား ကိုးမျိုး ရှိတယ်လေ။ တိုင်းရင်းသားကိုးမျိုးထဲမှာ ယင်းတလဲ ဆိုတာက တိုင်းရင်းသား ကိုးမျိုးထဲမှာ နည်းနည်းလေး မှေးမှိန်နေတယ်လေ။ မှေးမှိန်တယ်ဆိုတာ လူမျိုးလည်း လူဦးရေလည်း နည်းသွားပြီပေါ့။ အဲ့တာလေးကိုလည်း ကျနော်တို့ ဖော်ထုတ်မယ်။ တခြား သူတို့ရဲ့ ၈မျိုးအတွက်လည်း တန်းတူဖြစ်အောင် ကျနော်တို့ ဖော်မယ်။ ဘယ်လိုပြောမလဲ။ သူတို့ရဲ့ အားနည်းချက်တွေကို ကျနော်တို့ လုပ်ပေးမှာပေါ့။ ထိန်းသိမ်းပေးမှာပေါ့။

နောက်တခုက ကျနော်တို့က ကျနော်တို့ လုပ်ချင်တယ်ဆိုတာထက် ကျနော်တို့ကို မဲပေးခဲ့တဲ့ ကျနော်တို့ရဲ့ လုပ်သားပြည်သူတွေရဲ့ အသံကို ကျနော်တို့ ကောင်းကောင်း နားထောင်မယ်။ အဲ့ဒီ့အထဲမှာမှ သူတို့ဆီက တန်ပြန်လာတဲ့အသံနဲ့ ကျနော်တို့ လုပ်ချင်တာနဲ့ ကိုက်တဲ့ဟာလေးတွေကို ကျနော်တို့ ဥပဒေပြုမယ်လို့ ရည်မှန်းထားတယ်။"

NLD ဦးဆောင်တဲ့ အစိုးရသစ် ဖွဲ့စည်းပြီးတဲ့အခါ ပြည်နယ်အစိုးရနဲ့ လက်တွဲပြီး လူထုတွေရဲ့ လိုအပ်ချက်တွေကို ပိုမို ဖြည့်ဆည်း ဆောင်ရွက်ပေးနိုင် ဖို့ မျှော်လင့်တယ် လို့လည်း သူက ပြောပါတယ်။

ပြည်နယ် လွှတ်တော်တွေရဲ့ လုပ်ငန်းတွေနဲ့ လုပ်ပိုင်ခွင့်တွေ ခွဲခွဲခြားခြား ဖြစ်လာဖို့ ကတော့ ပြည်ထောင်စုလွှတ်တော်အဆင့်မှာ ဖွဲ့စည်းပုံ ပြင်ဆင်ရေး ဆွေးနွေး အကောင်အထည်ဖော်ပြီးမှပဲ သတ်သတ် မှတ်မှတ်ဖြစ်လာနိုင်တယ်လို့ ချင်းပြည်နယ် လွှတ်တော် ဥက္ကဋ္ဌ ဦးဇိုဘွဲက ပြောပါတယ်။

" အခုဟာက တကယ်တမ်းဆိုရင်တော့ လွှတ်တော် အနေနဲ့ ပြည်သူရဲ့အကျိုး ကို ဖြစ်ထွန်းစေမယ့် နံပတ်တစ်ကတော့ အခြေခံဥပဒေကို ပြင်ဆင်မှ လုပ်ပိုင်ခွင့်နဲ့ လုပ်ငန်းကဏ္ဍက ပြည်နယ်နဲ့ ဗဟိုကို ခွဲခြားပြီးတော့ လုပ်ဖို့က ကျနော်တို့ ပြောလို့ ရမှာ။ ဘာပဲဖြစ်ဖြစ် ဗဟိုနဲ့ပြည်နယ် လုပ်ပိုင်ခွင့်က သပ်သပ်လေး ဥပဒေပြုမှု ပြင်ဆင်မှု ဖြစ်မှပဲ ကျနော်တို့ရဲ့ လုပ်ပိုင်ခွင့်တွေ ရှိမှာဆိုတော့ အခုကတော့ ကျနော်တို့ကတော့ ဘာပဲဖြစ်ဖြစ် ပြည်နယ်အတွက်ကတော့ လုပ်ရမှာတွေ အများကြီးရှိပါတယ်။ ဘယ်နေရာမဆို ကျနော်တို့ ချင်းပြည်နယ်က လမ်းပမ်း ဆက်သွယ်ရေးက ဥပမာ လမ်းကြောင်းတွေက ဘာမှ အဆင်မပြေသေးဘူး။ အဓိက နံပတ်တစ်က ဆက်သွယ်ရေး လမ်းကြောင်း ဥပမာ ကျနော်တို့ ပြည်နယ် လမ်းမကြီး ဟိုးမြို့က ပလက်ဝအထိ ဖွင့်နိုင်ရင် အနောက်ဘက် အိန္ဒိယနိုင်ငံနဲ့ ဆက်သွယ်ရေး လမ်းကြောင်း လေးငါးခုလောက် ဆက်သွယ်ရေး လမ်းကြောင်း ကောင်းကောင်း လုပ်နိုင်မယ်ဆိုရင် ဘာပဲဖြစ်ဖြစ် ကျနော်တို့ လက်ထဲမှာ လုပ်စရာ အများကြီး ရှိတယ်။ အဓိက ဘက်ဂျက်တွေ ဘာတွေ လိုမယ်ဆိုတော့ အဲ့ဒီ့ ဗဟိုအစိုးရနဲ့ ဘယ်လိုလုပ်ပိုင်ခွင့် ခွဲဝေမှုရှိမလဲဆိုတာ ကျနော်တို့လည်း အတိအကျ ပြောလို့မရသေးဘူးနော်။"

ဒုတိယအကြိမ် မန္တလေးတိုင်းဒေသကြီး လွှတ်တော်သစ် ရဲ့ ဒုဥက္ကဋ္ဌ ဦးခင်မောင်ဌေး ကတော့ လွှတ်တော်သစ် အနေနဲ့ ပြည်သူတွေရဲ့ အကျပ်အတည်းတွေ ကို လျော့ပါးအောင် ကြိုးပမ်း သွားမယ်လို့ ပြောပါတယ်။ လတ်တလောမှာတော့ လွှတ်တော်သစ် အနေနဲ့ အရင်လွှတ်တော်က ချမှတ်ခဲ့တဲ့ ဥပဒေတွေနဲ့ လုပ်ငန်းတွေ ကို ပြန်လည် သုံးသပ်နေပြီး ရှေ့ဆက်လုပ်ဆောင်နိုင်မယ့် လုပ်ငန်းတွေကို လည်း ဆွေးနွေးနေတယ်လို့ ပြောပါတယ်။

" ကျနော်တို့ကတော့ ပွင့်ပွင့်လင်းလင်းပြောရင် အရင် ပထမအကြိမ် လွှတ်တော်မှာ ဘာတွေ လုပ်ထားခဲ့သလဲ။ ဘာတွေ လုပ်နိုင်ခဲ့သလဲ။ နောက်တခုက ကျနော်တို့ ဥပဒေပြုရေး အပိုင်းနဲ့ ကျနော်တို့ တိုင်းဒေသကြီး အစိုးရအဖွဲ့နဲ့ checks and balances ဘယ်လောက် လုပ်ထားခဲ့သလဲ။ ဘာဥပဒေတွေ ပြုထားခဲ့သလဲ။ အကြမ်းဖျင်းပြောရင်တော့ ကျနော်တို့က အဲ့တာတွေကို ပြန်လေ့လာနေတယ်ပေါ့။ ကျနော်တို့ကတော့ အတတ်နိုင်ဆုံး ပြည်သူအတွက် ဘာလုပ်ပေးနိုင်မလဲ။ ဥပဒေဘောင်အတွင်းကနေ ဘယ်ကိစ္စတွေကို လုပ်ပေးနိုင်မလဲ။ ဥပဒေနဲ့ အညီအညွတ်ဖြစ်အောင် လုပ်ပေးနိုင်အောင်လို့လဲ ကျနော်တို့က လက်ရှိ အရင်လုပ်ထားတဲ့ မူတွေရယ် ဘာတွေ လုပ်ရမလဲဆိုတာ လောလောဆယ် ကျနော် လေ့လာနေပါတယ်။ ပြည်သူတွေအတွက်ကတော့ သူတို့မှာ ဖိစီးနေတဲ့ ကိစ္စလေးတွေ သက်သာမှုရအောင် ကျနော်တို့ ကြိုးစားနိုင်လိမ့်မယ်လို့ မျှော်လင့်ပါတယ်။ "

အသစ်ဖွဲ့စည်းလိုက်တဲ့ ပြည်နယ်နဲ့တိုင်းဒေသကြီး လွှတ်တော်သစ်တွေရဲ့ လုပ်ငန်းတွေကိုတော့ သမ္မတသစ်ရွေးချယ်ပြီး အစိုးရ သစ်ဖွဲ့စည်းပြီးတဲ့အခါမှာ ပိုပြီးတော့ သေသေချာချာ ဆောင်ရွက်နိုင်မှာဖြစ်တယ်လို့လည်း ပြည်နယ်နဲ့ တိုင်းဒေသကြီး လွှတ်တော်အကြီးအကဲ တချို့က ပြောပါတယ်။ ဒုတိယ အကြိမ် ပြည်နယ် နဲ့ တိုင်းဒေသကြီး လွှတ်တော်တွေကနေ ရွေးချယ် အတည်ပြုလိုက်တဲ့ လွှတ်တော် ဥက္ကဋ္ဌတွေနဲ့ ဒုဥက္ကဋ္ဌတွေကို လွှတ်တော်သစ် အပေါ် မျှော်လင့်ချက်တွေ၊ လုပ်ပိုင်ခွင့်တွေနဲ့ ပတ်သက်လို့ ဆက်သွယ်မေးမြန်းခဲ့ပေမဲ့ အတော်များများက ဖြေကြားဖို့ တွန့်ဆုတ်ခဲ့ကြပါတယ်။

ခင်ဖြူထွေး/VOA
http://burmese.voanews.com/content/new-state-and-division-parliament/3186547.html

[youtube src="kwe7ed5t8OU"/]
လက်ပံတန်းရောက် ပင်မ ကျောင်းသားသပိတ် အကြမ်းဖက်မခံရဖို့ ပြီးခဲ့တဲ့နှစ်က ဆုတောင်းပေးခဲ့ကြတဲ့ Generation Wave အဖွဲ့က ကိုမိုးဃ်သွေးအပါအဝင် ၃ ဦးကို ဖေဖော်ဝါရီလ ၁၁ ရက်နေ့ ဆိပ်ကမ်းမြို့နယ် တရားရုံးမှာ စတင်ရုံးထုတ်စစ်ဆေးခဲ့ကြပါတယ်။

Kamayut Media

၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်းကို တွေ့ရစဉ်
၂ဝ၁၅ ခုနှစ်အတွင်းက ဆန္ဒပြခဲ့သူတွေနဲ့  ဆုတောင်းပွဲလုပ်ခဲ့သူ ကျောင်းသားတွေကို မရမ်းကုန်း၊ ကမာရွတ်နဲ့ ဆိပ်ကမ်းမြို့နယ် တရားရုံးတွေမှာ ဒီကနေ့ ရုံးထုတ်စစ်ဆေးပြီး ၈၈ မျိုးဆက်ငြိမ်း/ပွင့်က မနီလာသိန်းကို တရားခံပြေးအဖြစ် ကြေညာလိုက်ပါတယ်။ မနီလာသိန်းကတော့ တရားစွဲဆိုခံရတာကိုတာကို မသိရှိဘူးလို့ ဆိုပါတယ်။

ရုံးထုတ်သူတွေထဲက မဖြိုးဖြိုးအောင်၊ ကိုလင်းထက်နိုင်တို့ကို မရမ်းကုန်းတရားရုံး၊ ကိုကျော်ကိုကို ကိုနန္ဒာစစ်အောင်၊ မပိုပို၊ မဖြိုးဖြိုးအောင်အပါအဝင် ၇ ဦးကို ကမာရွတ်တရားရုံးတွေမှာ ရုံးထုတ်ပြီး၊ ကိုမိုးသွေးပါ ၄ ဦးကို ဆိပ်ကမ်း မြို့နယ် တရားရုံးမှာ ပုဒ်မ၁၈နဲ့ ဒီကနေ့စတင် တရားစွဲဆိုလိုက်ပါတယ်။

ဒီအကြောင်း မရမ်းကုန်းတရားက အခြေအနေကို ရှေ့နေ ဦးရောဘတ်စန်းအောင်က အခုလို ပြောပြပါတယ်။

"၁၅ ရက် ၂ လ ၂ဝ၁၅ နေ့တုန်းက ဘုရင့်နောင်နားက ဖြိုးရတနာဆေးခန်းရှေ့နားမှာ ဆန္ဒဖော်ထုတ်လို့ အဲ့ဒါကို အခုမှ ရဲအုပ်ဦးသန်းဝင်းကနေပြီး တရားလိုပြုလုပ်ပြီးတော့ အမှုဖွင့်တယ်၊ မရမ်းကုန်းမြို့နယ် တရားသူကြီး ဦးမြင့်ဆွေ ရုံးမှာပြစ်မှုကြီးအမှတ် ၁၇၇/၂ဝ၁၆ နဲ့ စွဲတင်တယ်၊ အဲ့ဒီတော့ အဲ့ဒီစွဲတင်တဲ့ အမှုမှာ ၈၈ မျိုးဆက်ငြိမ်း/ပွင့်က ဒေါ်နီလာသိန်းလည်းပါတယ်၊ ဒေါ်နီလာသိန်းက ရှိနေပါရဲ့သားနဲ့ တရားခံပြေးလုပ်ထားတယ်၊ အဲ့ဒီတော့ ကျနော်တို့နိုင်ငံမှာ လူတွေရှိနေရဲ့သားနဲ့ မျက်ကွယ်မှာ သူတို့မှာ သူတို့ စီစဉ်ပြီးတော့ တရားခံပြေလုပ်နေတာတွေလည်း မကောင်းဘူးဗျ၊ အဲ့ဒီတော့ ဒီနေ့ ဒေါ်နီလာသိန်း မပါတဲ့အတွက် အမှုကိုစစ်လို့မရဘူး၊ ကျနော်တို့ကို ၂၄ ရက်နေ့ ပြန်ချိန်းလိုက်ပါတယ်"

အခုရုံးထုတ်စစ်ဆေးခံရသူတွေထဲမှာ သာယာဝတီအကျဉ်းထောင်မှာ ဖမ်းထားသူတွေပါဝင်ပြီး၊ သူတို့ကို မြို့နယ်တွေခွဲပြီး ရုံးထုတ်နေတာကြောင့် သွားလာရေးအခက်အခဲရှိတယ်လို့ ဦးရောဘတ်စန်းအောင် က ပြောပါတယ်။  သူတို့ကို စွဲဆိုထားတဲ့ အမူတွေဟာ တူနေတာကြောင့် မြို့နယ်တစ်ခုထဲမှာပဲ စစ်ဆေးသင့် တယ်လို့ ဆိုပါတယ်။

ဆိပ်ကမ်းမြို့နယ်တရားရုံးက ပုဒ်မ ၁၈ နဲ့ တရားစွဲလိုက်တဲ့ ကိုမိုးသွေးအပါအဝင် ၄ ဦးကို ဒီကနေ့ ပထမအကြိမ် ရုံးထုတ်တာဖြစ်ပြီး၊၂ဝ၁၅ ခုနှစ် ဒီဇင်ဘာလက ဗိုလ်တထောင်ဘုရားမှာ ဆုတောင်းပွဲ ပြုလုပ်ခဲ့တဲ့အတွက်ဖြစ် ပါတယ်။ သူတို့ကို ကိုယ်တိုင်ဝန်ခံချက်နဲ့ အာမခံပေးလိုက်ပြီး ဖေဖော်ဝါရီလ ၁၈ ရက်နေ့မှာ ရုံးချိန်းရှိတယ် လို့ ရှေ့နေ ဦးကြည်သာဖုန်းမြင့်က ပြောပါတယ်။

RFA Burmese
http://www.rfa.org/burmese

တိုက်ပွဲတွေကြောင့် ကျောက်မဲကို ထွက်ပြေး လာတဲ့ ဒုက္ခသည်တွေ
ရှမ်းပြည်နယ် မြောက်ပိုင်း နမ့်ခမ်းနဲ့ ကျောက်မဲဒေသ တဝိုက်မှာ တအာင်း အမျိုးသား လွတ်မြောက်ရေး တပ်မတော် TNLA နဲ့ ရှမ်းပြည် ပြန်လည် ထူထောင်ရေး ကောင်စီ ရှမ်းပြည် တပ်မတော် တောင်ပိုင်း RCSS/SSA တို့ကြား တိုက်ပွဲတွေကြောင့် ဒေသခံ နှစ်ထောင်ကျော် ဘေးလွတ်ရာကို တိမ်းရှောင် နေကြ ပါတယ်။

တိုင်းရင်းသား လက်နက်ကိုင် အချင်းချင်း ရွာသိမ်းတိုက်ပွဲတွေ မိုင်းထောင် တိုက်ခိုက်တာတွေ များလာလို့ ကိုယ့်နေအိမ်တွေမှာ မနေရဲတော့ဘူး ဆိုတဲ့ ဒေသခံတွေက နမ့်ခမ်းနဲ့ ကျောက်မဲ မြို့တွေဆီကို အလုံးအရင်းနဲ့ ထွက်ပြေးလာနေကြပါတယ်။

ဖေဖော်ဝါရီလ ၁၀ ရက်နေ့ ညနေပိုင်းအထိ နမ့်ခမ်းကို လူတစ်ထောင် နီးပါးရောက်လာပြီး သူတို့ကို မြို့ခံ လူမှုရေးအသင်း တွေက နေရာထိုင်ခင်းနဲ့ စားသောက်ဖို့ စီစဉ်ပေး နေကြ ပါတယ်။

ဖေဖော်ဝါရီ ၇ ရက်နေ့က နမ့်ခမ်းမြို့နယ် ဝက်နော် ရွာအတွင်းမှာ TNLA ရှိနေပြီး RCSS/SSA က ဝင်တိုက်ရာမှာ လက်နက်ကြီးတွေ ကျလို့ လူတွေ ထွက်ပြေးကုန်တာလို့ စစ်ရှောင် ပြည်သူတွေကို ကူညီ နေတဲ့ တအာင်းပလောင် စာပေနဲ့ ယဉ်ကျေးမှု ကော်မတီဥက္ကဌ တာမြင့်ကျော်က ပြောပါတယ်။

ထွက်မပြေးနိုင်တဲ့ လူကြီးတွေနဲ့ ကလေးတွေကို ငဲ့ညှာပြီး TNLA ကရွာကနေ ရှောင်ပေးလိုက်တဲ့ အတွက် RCSS/SSA က ရွာထဲဝင်လာပြီး တပ်စွဲတယ်လို့လည်း သူက ပြောပါတယ်။

ကျောက်မဲမြို့နယ် တော့စန်ရွာ ဘက်က ဒေသခံတစ်ထောင် နီးပါးကတော့ ကျောက်မဲမြို့ကို ရောက်နေကြပြီး နောက်ထပ်လည်း ပြေးလာနေကြတဲ့ အတွက် ဒေသခံ လူမှုရေး အဖွဲ့တွေ သွားကြိုနေကြပါတယ်။

တော့ဆန်ရွာ ထဲကို ဝင်လာတဲ့ ပလောင် စစ်သားတွေက ရွာကို ဝင်စီးပြီး ရှမ်းစစ်သားတွေရှိမယ်ထင်တဲ့ နေရာတွေကို ပစ်ခတ်တဲ့ အတွက် ရွာသားတွေ ထွက်ပြေး ကြတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် ပါတီဝင် စိုင်းသန်းမောင်ကပြောပါတယ်။

အဲဒီ စစ်ရှောင် ပြည်သူတွေကို ကျောက်မဲ ဘိုးဘွားရိပ်သာမှာ နေရာချထားပေးနေတယ်လို့လည်း သူက ပြောပါတယ်။

စစ်ရှောင် ပြည်သူတွေဟာ ကိုယ်လွတ် ပြေးလာကြရတဲ့ အတွက် အဝတ်အထည်နဲ့ အစားအသောက်တွေ လိုအပ်နေတယ်လို့ နမ့်ခမ်းနဲ့ ကျောက်မဲ ဘက်ကို ရောက်လာ ကြသူတွေက ပြောကြပါတယ်။

အရင်တုန်းက TNLA က အစိုးရ တပ်တွေနဲ့သာ တိုက်ပွဲဖြစ်ခဲ့ ပေမဲ့ ပြီးခဲ့တဲ့နှစ် နိုဝင်ဘာလက စပြီး RCSS/SSA နဲ့ တိုက်ပွဲတွေ ဆက်တိုက် ဖြစ်ခဲ့တာပါ။

TNLA က သူတို့ထိန်းချုပ်တဲ့ နေရာကို RCSS/SSA က နယ်ချဲ့လာလို့ တိုက်ရတာလို့ ပြောသလို RCSS/SSA ဘက်ကလည်း ဒီနယ်မြေတွေဟာသူတို့ အရင်ကတည်းက အခြေချခဲ့တဲ့ နေရာတွေဖြစ်တယ် သူတို့နယ်မြေအတွက် တိုက်ရတာလို့ ပြောကြပါတယ်။

RCSS/SSA က အစိုးရ စစ်တပ်နဲ့ အပစ်အခတ် ရပ်စဲဖို့ သဘောတူ လက်မှတ်ရေးထိုး ထားတဲ့အဖွဲ့ ဖြစ်ပြီး TNLA ကတော့ လက်မှတ်မထိုးသေးတဲ့အဖွဲ့ဖြစ်ပါတယ်။

BBC Burmese
http://www.bbc.com/burmese

ရှမ်းပြည် ပြန်လည်ထူထောင်ရေးကောင်စီ RCSS/SSA တပ်ဖွဲ့ဝင်တချို့ကို တွေ့ရစဉ်။ Photo: RFA
ရှမ်းပြည်နယ် မိုင်းကိုင်မြို့နယ်က ကျေးရွာ ၂၅ ရွာမှာ ရှမ်းပြည်ပြန်လည်ထူထောင်ရေး ကောင်စီ/ရှမ်းပြည် တပ်မတော် RCSS/SSA က တပ်သားသစ်စုဆောင်းနေတာတွေ၊ ဖမ်းဆီးနေတာတွေကို ရပ်တန့်ပေးဖို့ တအာင်းလူမှုအဖွဲ့အစည်းတွေက ဒီနေ့ ကြေညာချက်ထုတ် တောင်းဆိုလိုက်ပါတယ်။

လာမယ့် ဖေဖော်ဝါရီလ ၂ဝ ရက်နေ့မှာ မိုင်းကိုင်မြို့နယ်ထဲက တအာင်းကျေးရွာတွေက ရွာသား ၄ဝဝ ကို တပ်သားသစ်အဖြစ်ခေါ်ပြီး စစ်သင်တန်းပေးမယ်လို့ RCSS/SSA က အကြောင်းကြားထားတယ်လို့ တအာင်းကျောင်းသားနဲ့ လူငယ်များအဖွဲ့က ကိုမိုင်းမျိုးအောင်က ပြောပါတယ်။

"၂ဝ ရက်နေ့မတိုင်ခင်မှာ အကုန်လုံး အရောက်သွားရမယ့်သဘော ရှိတာပေါ့လေ၊ အဲ့ဒီ ၂ဝ ရက်နေ့မှာ စစ်သင်တန်းစမယ်၊ စစ်သင်တန်းစတဲ့အချိန်မှာမှ မလာနိုင်ဘူးဆိုရင်တော့ အဲ့လိုသူတို့က ခြိမ်းခြောက်တာပေါ့၊ ကျနော်တို့ အိမ်တွေ၊ မြေတွေ သိမ်းမယ်စသဖြင့် အဲ့လိုမျိုးတွေ အဲ့လိုရှိတယ်၊ အခုလက်ရှိမှာက တချို့လူတွေကလည်း ထွက်ပြေးတိမ်းရှောင်နေတဲ့ အပိုင်းတွေလည်းရှိတာပေါ့နော်၊ ကိုယ့်ရဲ့နီးစပ်ရာနီးစပ်ရာကို သွားလာတဲ့အပိုင်းရှိတယ်၊ ယောက်ကျားလေးရှိတဲ့အိမ်တွေကို ကျတော့ လောလောဆယ်မှာက ခဏလေးတိမ်းရှောင်နေရတဲ့ အပိုင်းတွေရှိတယ်"

မိုင်းကိုင်မြို့နယ် နောင်စံဖူး၊ ခေးအုံအွေ့၊ စုံလော၊ ဖားခေါင် စတဲ့ ကျေးရွာအုပ်စု ၄အုပ်စုထဲမှာ ကျေးရွာပေါင်း ၂၅ရွာရှိပြီး၊ အဲဒီ၂၅ရွာကနေ ဒေသခံ ၄၀၀ ကျော်ကို တပ်သားအဖြစ်ပေးဖို့ ပြီးခဲ့တဲ့ ဖေဖော်ဝါရီ ၈ ရက်နေ့က အကြောင်းကြားထားတာဖြစ်တယ်လို့ သိရပါတယ်။

ဒါ့အပြင် ဖေဖော်ဝါရီ ၈ ရက်နေ့က ဖမ်းဆီးထားတဲ့ ရှမ်းပြည်နယ် နမ့်ခမ်းမြို့နယ် လော့နော်ကျေးရွာက ဒေသခံ တစ်ယောက်ကို ပြန်လွှတ်ပေးဖို့၊ မတရားဖမ်းဆီးတာတွေ၊ ပစ္စည်းလုယူတာတွေ မလုပ်ဖို့နဲ့ လက်နက်ကိုင် အဖွဲ့အချင်းချင်း ထိုးစစ်ဆင်တိုက်ခိုက်နေတာတွေ ရပ်တန့်ပေးဖို့ တအာင်းကျောင်းသားနဲ့ လူငယ်များအဖွဲ့နဲ့ တအာင်းအမျိုးသမီးအဖွဲ့အစည်းတို့က ကြေညာချက်ထုတ် ထားတာဖြစ်ပါတယ်။

အဲဒီကြေညာချက်တွေကို အရှေ့မြောက်တိုင်း စစ်ဌာနချုပ်၊ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲကော်မတီနဲ့ ရှမ်းလူမှုအဖွဲ့အစည်းတွေထံ ပေးပို့သွားမယ်လို့ သိရပါတယ်။

ဒီအတောအတွင်း ရှမ်းပြည်မြောက်ပိုင်း ကျောက်မဲမြို့ နယ် တော့ဆန်ကျေးရွာတဝိုက်မှာ ပြီးခဲ့တဲ့ ဇန်နဝါရီလ ၇ ရက်နေ့ကစပြီး RCSS/SSA နဲ့ TNLA တပ်တွေအကြား တိုက်ပွဲဖြစ်ပွားနေတာကြောင့် ထွက်ပြေးနေတဲ့ ဒေသခံ ၃ဝဝ ကျော်ဟာ မနေ့ညက ကျောက်မဲမြို့ကို ရောက်ရှိလာပါတယ်။

ဒုက္ခသည်တွေထဲမှာ တော့ဆန်ကျေးရွာက ကျောင်းသား ကျောင်းသူတွေနဲ့ ဆရာ၊ ဆရာမ တစ်ရာဝန်းကျင်လောက် ပါဝင်တယ်လို့ သိရပါတယ်။ တော့ဆန် ကျေးရွာအနီးမှာ ပြီးခဲ့တဲ့ရက်ပိုင်းက RCSS နဲ့ TNLA တပ်တွေအကြား တိုက်ပွဲပြင်းထန်ခဲ့သလို နမ့်ခမ်းမြို့နယ်အတွင်းမှာလည်း RCSS နဲ့ TNLA တပ်တွေ တိုက်ပွဲဖြစ်ပွားနေတာကြောင့်  နမ့်ခမ်းမြို့နယ် လော့နော်ကျေးရွာက ဒေသခံ ၁၅ဝဝ ကျော်ဟာ မိုင်းဝီးကျေးရွာက တအာင်းစာပေနဲ့ ယဉ်ကျေးမှု ရုံးမှာ ခိုလှုံနေရပါတယ်။

RFA Burmese
http://www.rfa.org/burmese


အခုရက်အတွင်း အမေရိကန် ဒေါ်လာဈေး ဆက်တိုက် ကျဆင်းနေတဲ့အတွက် ငွေလဲ ကောင်တာတွေနဲ့ ပုဂ္ဂလိကဘဏ်တွေမှာ ဒေါ်လာဝယ်ယူမှုကို ပိတ်ထားတဲ့ အထိ ဖြစ်နေ ပါတယ်။

ဒီအတွက် ဗဟိုဘဏ်က ငွေလဲကောင်တာတွေ နဲ့ ဘဏ်တွေက တာဝန်ရှိသူတွေကို ခေါ်ယူပြီး ဒေါ်လာတွေ ဆက်ဝယ်ဖို့ ညွှန်ကြားခဲ့ ပါတယ်။

ဒေါ်လာဈေးဟာ ဒီနှစ် အစောပိုင်း ကတည်းက ဈေးကျလာခဲ့ပြီး အခုရက်အတွင်း တစ်နေ့ကို ဈေးနှုန်း ကျပ်ငွေ ဆယ်ဂဏန်းနဲ့ ချီပြီး အကျနှုန်း မြန်ဆန်လာခဲ့တာ ဖြစ်ပါတယ်။

ဗဟိုဘဏ်ရဲ့ သတ်မှတ်နှုန်း မှာတော့ ဒေါ်လာဈေးဟာ အရင် တစ်ဒေါ်လာကို ကျပ် ၁၃၀၀ ကျော် ရှိခဲ့ပြီး ဖေဖေါ်ဝါရီ ၁၁ ရက်နေ့ ပေါက်ဈေးကတော့ ၁၂၃၀ ကျပ်ပဲ ရှိပါတော့တယ်။

ဒါကြောင့် ပြင်ပငွေလဲ ကောင်တာတွေ ပုဂ္ဂလိက ဘဏ်တွေမှာ ဒေါ်လာဝယ်ယူမှု ရပ်ဆိုင်းတာမျိုးတွေ ရှိနေပါတယ်။

ထွန်းဖောင်ဒေးရှင်းဘဏ် ဥက္ကဌ ဦးသိန်းထွန်းကတော့ နေ့စဉ်ငွေလဲနှုန်း အတက်အကျ များနေတဲ့ အတွက် ငွေအမြောက်အများ ဝယ်ယူရတဲ့ ဘဏ်တွေ အရှုံးပေါ်နိုင်ခြေ ရှိလို့ စိုးရိမ်ပြီး မဝယ်ဘဲ နေကြတာမျိုး ရှိနိုင်တယ်လို့ဆိုပါတယ်။
ဆက်ဝယ်ဖို့ ဗဟိုဘဏ် ညွှန်ကြား

ဒီအတွက် ဗဟိုဘဏ်က ပုဂ္ဂလိကဘဏ်တွေနဲ့ ပြင်ပ ငွေလဲကောင်တာတွေက တာဝန်ရှိသူ တွေကို ခေါ်ယူပြီး ဒေါ်လာ ဝယ်ယူဖို့ ဝယ်ယူမှု ရပ်ဆိုင်းတဲ့ ဘဏ်တွေကို အရေးယူ ဆောင်ရွက်မယ် ဆိုပြီး ပြောခဲ့တယ်လို့ ဗဟိုဘဏ် တာဝန်ရှိသူတစ်ဦးက ပြောပါတယ်။

ဒီလို ဒေါ်လာဈေးဆက်တိုက် ကျဆင်းနေတာက ကမ္ဘာ့ဈေးကွက် အတက်အကျ အတိုင်း လိုက်ဖြစ်တာလို့ ယူဆနိုင်ပြီး၊ မူးယစ်ဆေး ရောင်းဝယ်မှုက ရတဲ့ ဒေါ်လာငွေတွေ ဈေးကွက်ထဲ အများကြီး ဝင်လာနေတဲ့အတွက် ဈေးကျတာ ဖြစ်နိုင်ကြောင်း၊ ဗဟိုဘဏ် အနေနဲ့ ထိန်းချုပ်ဖို့ အများကြီး မတတ်နိုင်တဲ့ အကြောင်း စီးပွားရေးပညာရှင် ဦးလှမောင်က ထောက်ပြပါတယ်။

ပြင်ပဈေးကွက်မှာတော့ ဒေါ်လာ ပေါက်ဈေးက ဗဟိုဘဏ်သတ်မှတ်နှုန်းထက် (၁၅) ကျပ်လောက် ပိုများနေပြီး အရောင်းအဝယ် ဆက်ရှိနေပါတယ်။

ဒေါ်လာဈေး ကျဆင်းတဲ့ အတွက် သွင်းကုန်ဈေးနှုန်း ကျဆင်းပြီး ကုန်ဈေးနှုန်း ကျဆင်းတာမျိုး ဖြစ်နိုင်တယ် ဆိုပေမယ့် ဒေါ်လာဈေး အတက်အကျ ကြမ်းနေတာက စီးပွားရေး မတည်မငြိမ် ဖြစ်စေတယ်လို့ သုံးသပ်မှုတွေလဲ ရှိနေပါတယ်။

BBC Burmese
http://www.bbc.com/burmese

 ပစ်ခတ်မှု ဖြစ်ပွားတဲ့ ရုံး အပြင်ဘက်မှာ အရေးပေါ် ယာဉ်တွေကို တွေ့ရ။
ဆော်ဒီ အာရေဗျ နိုင်ငံ တောင်ပိုင်း၊ ဂျာဇန် ပြည်နယ်က ပညာရေး ဌာနရုံးမှာ လူတစ်ယောက်က သေနတ်နဲ့ ပစ်ခတ် တိုက်ခိုက်ခဲ့လို့ ဝန်ထမ်း ၆ ဦး သေဆုံး သွားတယ်လို့ ဆော်ဒီ အရာရှိတွေက ပြောပါတယ်။

ယီမင် နယ်စပ်နဲ့ နီးတဲ့ Ad Dair ဒေသမှာ တိုက်ခိုက်မှု ဖြစ်ပွားခဲ့တာပါ။ ဒဏ်ရာရသူ ၂ ဦး ရှိပြီး တိုက်ခိုက်သူကို ဖမ်းဆီး မိခဲ့တယ်လို့ အရာရှိ တစ်ဦးက ပြောပါတယ်။

ပစ်ခတ် တိုက်ခိုက်တဲ့ အကြောင်းရင်းကို မသိရသေးဘဲ ဒီအမှုကို ရာဇဝတ်မှုခင်း အဖြစ် ကိုင်တွယ် နေတယ်လို့ ဆိုပါတယ်။

တိုက်ခိုက်သူဟာ အဲဒီ ဌာနက ဝန်ထမ်း မဟုတ်ဘဲ အလုပ် ကိစ္စနဲ့ လာတဲ့ လူတစ်ယောက် ဖြစ်တယ်လို့ အေအက်ဖ်ပီ သတင်းက ဆိုပါတယ်။

ဆော်ဒီ နိုင်ငံမှာ အခုလို ပစ်ခတ် တိုက်ခိုက်မှုတွေ မရှိသလောက် ရှားပေမယ့် အခု နောက်ပိုင်းမှာတော့ IS အဖွဲ့ရဲ့ တိုက်ခိုက်မှုတွေ ပေါ်ပေါက် လာခဲ့ပါတယ်။

ဆော်ဒီ နိုင်ငံဟာ တောင်ပိုင်းက ယီမင် နိုင်ငံမှာလည်း ရှီးယား ဟွတ်သီ သူပုန်တွေအပေါ် လေကြောင်း တိုက်ခိုက်မှုတွေကို ဦးဆောင် ပြုလုပ်ခဲ့ပါတယ်။

BBC Burmese
http://www.bbc.com/burmese

 အကျဉ်းသား အချို့ လွတ်မြောက် သွားကြတယ် ဆိုတဲ့ သတင်းတွေ ထွက်နေ။
မက္ကဆီကို နိုင်ငံ မြောက်ပိုင်း၊ မွန်တယ်ရေး မြို့အနီးက တိုပိုချီကို အကျဉ်းထောင်မှာ ထောင်ဆူမှုနဲ့ မီးရှို့မှုတွေ ဖြစ်ခဲ့လို့ ၅၂ ဦး သေဆုံးတယ်လို့ သတင်းတွေ ရရှိပါတယ်။

ထောင်သားတွေ ထဲက ပြိုင်ဘက် ဂိုဏ်းနှစ်ဂိုဏ်း အကြား အကြမ်းဖက် တိုက်ခိုက် ရာက စတင်ခဲ့တာ ဖြစ်ပြီး ဒဏ်ရာရသူ ၁၂ ဦး ရှိတယ်လို့ နွယ်ဗိုလီယွန် ပြည်နယ် အုပ်ချုပ်ရေးမှူးက ပြောပါတယ်။

အခုတော့ အခြေအနေတွေကို ထိန်းချုပ် လိုက်နိုင်ပြီး ထောင်ကနေ လွတ်သွားတဲ့ အကျဉ်းသားလည်း မရှိဘူးလို့ အရာရှိတွေက ပြောပါတယ်။

ထောင်အပြင်က လမ်းတွေမှာ ထောင်သားတွေကို စိတ်ပူကြတဲ့ မိသားစုဝင် တွေနဲ့ ပြည့်နှက် နေခဲ့ပြီး လုံခြုံရေးတွေက တားဆီး ထားခဲ့ရပါတယ်။

ဒီအဖြစ်အပျက်ဟာ မက္ကဆီကို မြောက်ပိုင်းက စယီဒက် ဂျွာရက်ဇ် မြို့မှာ ရှိတဲ့ အကျဉ်းထောင် တစ်ခုကို ပုပ်ရဟန်းမင်း ဖရန်စစ် အလည်အပတ် လာရောက်ဖို့ ရှိနေချိန် ရက်ပိုင်း အလိုမှာ ပေါ်ပေါက် လာတာ ဖြစ်ပါတယ်။

BBC Burmese
http://www.bbc.com/burmese

ရခိုင်ပြည်နယ် ကျောက်တော်မြို့အဝင်ကို မြင်ရစဉ်။ Photo: Min Thein Aung/RFA
ရခိုင်ပြည်နယ် ကျောက်တော်မြို့နယ်မှာ ရက္ခိုင့်တပ်မတော်နဲ့ ပတ်သက်ဆက်နွယ်မှုရှိတယ်ဆိုပြီး ဖမ်းဆီးခံထားရသူ ၁၂ ဦးကို စစ်ဘက်ဆိုင်ရာလုံခြုံရေးတပ်ဖွဲ့(စရဖ)က ကျောက်တော်မြို့နယ် ရဲတပ်ဖွဲ့ထံ မနေ့က လွှဲပြောင်းပေးအပ် လိုက်ပါတယ်။

အဲ့ဒီ ၁၂ ဦးဟာ ကျောက်တော်၊ မင်းပြား၊ မြောက်ဦး အပြင် ပလက်ဝမြို့နယ်တို့က ဒေသခံတွေဖြစ်ပြီး တရားမဝင် အသင်းနဲ့ဆက်သွယ်မှု ပုဒ်မ ၁၇(၁)နဲ့ အမှုဖွင့်ထားတယ်လို့ အမည်မဖော်လိုသူ ကျောက်တော်မြို့နယ် ရဲတပ်ဖွဲ့မှူးတစ်ဦးက ပြောပါတယ်။

"မတရားအသင်းဥပဒေနဲ့ မနေ့ကပဲ ဖွင့်ပြီးပါပြီခင်ဗျ၊ မင်းပြားကပါတယ်၊ ပုဏ္ဏားကျွန်းကပါတယ်၊ ရသေ့တောင်ကပါတယ်၊ ကျောက်တော်ကပါတယ်၊ မြောက်ဦးကပါတယ်၊ ကျနော်တို့ သိတာတော့ ကျောက်တော်မြို့နယ်နဲ့ အမ်းနဲ့ ပလက်ဝနယ်စပ်ကနေ ဖမ်းမိတယ်လို့ သိရပါတယ်ခင်ဗျာ"

အဲ့ဒီဒေသခံ ၁၂ ဦးကို ပြီးခဲ့တဲ့ ဇန်နဝါရီလဆန်းလောက်က တပ်မတော်က ဖမ်းဆီးခဲ့တာဖြစ်ပါတယ်။

ဒါ့အပြင် ရခိုင်ပြည်နယ် စစ်တွေမြို့နယ်မှာလည်း ရက္ခိုင့်တပ်မတော်ကို ပတ်သက်ဆက်နွယ်မှုနဲ့ ဖမ်းဆီးခံထားရသူ ၁၆ ဦးရှိပြီး ပြီးခဲ့တဲ့ ၃ ရက်လောက်က စစ်ဘက်ဆိုင်ရာလုံခြုံရေးတပ်ဖွဲ့(စရဖ)က မြို့နယ်ရဲတပ်ဖွဲ့ထံ လွှဲပြောင်းပေးအပ်ပြီး ပုဒ်မ - ၁၇(၁)နဲ့ အမှုဖွင့်ထားတယ်လို့ သိရပါတယ်။

ရခိုင်ပြည်နယ် ကျောက်တော်မြို့နယ်မှာ ပြီးခဲ့တဲ့ ဒီဇင်ဘာလကုန်လောက်က အစိုးရတပ်မတော်နဲ့ ရက္ခိုင့် တပ်မတော်(AA)တို့အကြား ဖြစ်ပွားခဲ့တဲ့တိုက်ပွဲတွေကြောင့် အစိုးရတပ်မတော်က AA နဲ့ ဆက်နွယ်မှုရှိတယ်လို့ သံသယရှိသူတွေကို ဖမ်းဆီးခဲ့တာဖြစ်ပါတယ်။

ဒါ့အပြင် ပြီးခဲ့တဲ့နှစ် ဧပြီလက ကျောက်တော်မြို့နယ် ပီချောင်းဒေသမှာ အစိုးရတပ်မတော်နဲ့ ရက္ခိုင့်တပ်မတော်တို့ အကြားဖြစ်ပွားခဲ့တဲ့ တိုက်ပွဲတွေနောက်ပိုင်း ရခိုင်ဒေသခံ ၃ဝ ကျော် ဖမ်းဆီးထိန်းသိမ်းခံခဲ့ရပြီး အဲ့ဒီအထဲက ၁၈ ဦးဟာ ကျောက်တော်မြို့နယ် တရားရုံးမှာ ဒီနေ့အထိ အမှုရင်ဆိုင်နေရဆဲဖြစ်ပါတယ်။

RFA Burmese
http://www.rfa.org/burmese/news/arakhine-army-12suspects-link-transfer-02112016100741.html

နေပြည်တော် ပြည်ထောင်စု ရွေးကောက်ပွဲကော်မရှင်ရုံးမှာ ဇူလိုင်လ ၂ ရက်နေ့က ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးနဲ့ နိုင်ငံရေးပါတီ ၆၅ ပါတီတို့ တွေ့ဆုံစဉ်။ Photo: Myo Thant Khaing/RFA
ပြီးခဲ့တဲ့ ရွေးကောက်ပွဲမဲဆွယ်စည်းရုံးရေး အသုံးစရိတ်တင်သွင်းဖို့ ပျက်ကွက်တဲ့ ကိုယ်စားလှယ်လောင်း ၁၇၅ ဦးထဲက ၇ဝ နီးပါးကို ကိုယ်စားလှယ်လောင်း အရည်အချင်း ပျက်ယွင်းသူအဖြစ် သတ်မှတ်ကြေညာဖို့ ပြည်ထောင် စုရွေးကောက်ပွဲ ကော်မရှင်က အမိန့်ချလိုက်ပါတယ်။

အဲ့ဒီကိုယ်စားလှယ်လောင်း ၇ဝ နီးပါးထဲမှာ ဧရာဝတီနဲ့ ရန်ကုန်တိုင်းဒေသကြီးက ကိုယ်စားလှယ်လောင်းတွေ များတယ်လို့ ပြည်ထောင်စုရွေးကောက်ပွဲကော်မရှင် အဖွဲ့ဝင် ဦးညွန့်တင် က ပြောပါတယ်။

"ရွေးကောက်ပွဲကုန်ကျငွေစရိတ် ငွေစာရင်းပျက်ကွက်တဲ့ကိစ္စက ဧရာဝတီဘက်က ၂ဝ ထင်တယ်၊ သူတို့ကို အကြောင်းပြခိုင်းတာပေါ့နော်၊ ဘာကြောင့် ငွေစာရင်းမတင်တာလဲဆိုတာ အကြောင်းကြားတဲ့အခါကျတော့ သူတို့က အကြောင်းကြားစာရရဲ့သားနဲ့ သူတို့က မလာကြဘူး တစ်ယောက်မှ၊ မလာဘူးဆိုတော့ သူတို့မျက်ကွယ်မှာပဲ ပျက်ကွက်တဲ့အတွက် အားလုံးက အရည်အချင်းပျက်ယွင်းတယ်လို့ပဲ ဆုံးဖြတ်လိုက်ပြီ၊ အကြောင်းမပြတဲ့လူကတော့ စဉ်းစားစရာကိုမရှိတော့ဘူး၊ သူတို့က ငွေစာရာင်းကိုက ဟိုမှာတင်မှမတင်ပဲ၊ ရန်ကုန်က မလာတဲ့ဟာတော့ အမိန့်ချလိုက်ပြီပေါ့၊ သူတို့လည်း မငြင်းဘူးလေ၊ တင်ပါတယ်လို့မှ မပြောကြပဲ၊ ပျက်ကွက်ရင်တော့ နိုင်ငံတော်ပြန်တမ်းထဲမှာကိုက ထုတ်ပြန်ကြေညာပေးမယ်"

ချင်း၊ စစ်ကိုင်း၊ ပဲခူး၊ မန္တလေး၊ ရန်ကုန်နဲ့ ဧရာဝတီ စတဲ့တိုင်းဒေသကြီးနဲ့ ပြည်နယ်က ကိုယ်စားလှယ်လောင်း စုစုပေါင်း ၇ဝ နီးပါးကို အရည်အချင်းပျက်ယွင်းသူအဖြစ် သတ်မှတ်ပြီး မြန်မာနိုင်ငံပြန်တမ်းမှာ ထည့်သွင်းကြေညာ မှာဖြစ်ပါတယ်။

အရည်အချင်းပျက်ယွင်းကြောင်း ကြေညာခံရတဲ့ ကိုယ်စားလှယ်လောင်း ၇ဝ နီးပါးထဲမှာ အမျိုးသားဒီမိုကရေစီ အင်အားစုက အများဆုံးဖြစ်ပြီး အမျိုးသားတိုးတက်ရေးပါတီက ဒုတိယအများဆုံးဖြစ်ပါတယ်။

ပြီးခဲ့တဲ့ ဇန်နဝါရီလကစပြီး တိုင်းဒေသကြီးနဲ့ ပြည်နယ်အလိုက် အသုံးစရိတ်တင်သွင်းဖို့ ပျက်ကွက်တဲ့ ကိုယ်စားလှယ်လောင်းတွေကို နေ့စဉ်ခေါ်ယူစစ်ဆေးနေတာဖြစ်ပါတယ်။

တစ်နိုင်ငံလုံးအတိုင်းအတာအရ တိုင်းဒေသကြီးနဲ့ ပြည်နယ် ၁၂ ခုက ကိုယ်စားလှယ်လောင်း ၁၇ဝ ကျော်ဟာ မဲဆွယ်စည်းရုံးရေး အသုံးစရိတ်တင်သွင်းဖို့ ပျက်ကွက်ခဲ့ပြီး ကရင်ပြည်နယ်နဲ့ နေပြည်တော်ကောင်စီ မှာ ရွေးကောက်ပွဲအသုံးစရိတ် တင်သွင်းဖို့ ပျက်ကွက်တဲ့ ကိုယ်စားလှယ်လောင်း မရှိဘူးလို့ သိရပါတယ်။

အရည်အချင်း ပျက်ယွင်းတဲ့စာရင်းမှာ ပါသွားတဲ့သူတွေဟာ နောက်ရွေးကောက်ပွဲတစ်ကြိမ်မှာ ဝင်ရောက်ယှဉ်ပြိုင် ခွင့် မရှိတော့ဘူးလို့ ရွေးကောက်ပွဲဥပဒေမှာ ပါရှိပါတယ်။

RFA Burmese
http://www.rfa.org/burmese

 ဒု-သမ္မတ ဦးဉာဏ်ထွန်း၊
ဒု-သမ္မတ ဦးဉာဏ်ထွန်း၊

အမေရိကန်ပြည်ထောင်စုမှာ ပထမဆုံးအကြိမ် ကျင်းပဖို့ရှိတဲ့ အမေရိကန်-အာဆီယံ ထိပ်သီး အစည်းအဝေးကို မြန်မာသမ္မတ ဦးသိန်းစိန် တက်ရောက်မှာမဟုတ်ပဲ၊ သူ့ကိုယ်စား ဒု သမ္မတ ဦးဉာဏ်ထွန်း တက်ရောက်မှာဖြစ်ပါတယ်။ မကြာခင် တာဝန်ကနေ အနားယူရတော့မယ့် သမ္မတဦးသိန်းစိန်အနေနဲ့ ဒီ ထိပ်သီး စည်းဝေးပွဲ ကို အခြား အာဆီယံခေါင်းဆောင်တွေနဲ့အတူ တက်ရောက်မယ်လို့ မူလက အစီအစဉ်ရှိထားပေမယ့်၊ အကြောင်းအမျိုးမျိုးကြောင့် မအားလပ်တဲ့အတွက် သမ္မတဦးသိန်းစိန် တက်ရောက်နိုင်ခြင်းမရှိဘူးလို့ သမ္မတရုံးက အတည်ပြုပြော ပါတယ်။

ဒီ ထိပ်သီးအစည်းအဝေးကို အမေရိကန်ပြည်ထောင်စု ကယ်လီဖိုးနီးယားပြည်နယ် Sunnylands မှာ ဖေဖော်ဝါရီလ ၁၅ ရက်နေ့ကနေ ၁၆ ရက်နေ့အထိ အမေရိကန် သမ္မတ ဘရက်ခ်အိုဘားမားက တာဝန်ယူ ဦးဆောင် ကျင်းပမှာဖြစ်ပါတယ်။

ဒီထိပ်သီးညီလာခံအတွင်း စီးပွားရေး၊ လုပ်ငန်းသစ်များ စတင်ထူထောင်ရေး၊ ကုန်သွယ်ရေး၊ ရင်းနှီးမြှုပ်နှံမှု၊ ဥတုရာသီ ပြောင်းလဲမှုဆိုင်ရာ ကိစ္စရပ်တွေ၊ အကြမ်းဖက်မှု တိုက်ဖျက်ရေး၊ လူမှောင်ခိုကူးမှု တိုက်ဖျက်ရေး၊ တောင်တရုတ် ပင်လယ်ပြင်အတွင်း နယ်မြေပိုင်ဆိုင်မှု အငြင်းပွားနေတဲ့ ကိစ္စအပါအ၀င် ဒေသန္တရ လုံခြုံရေးဆိုင်ရာ ကိစ္စရပ်တွေကို ဆွေးနွေးသွားကြမှာ ဖြစ်တယ်လို့ သမ္မတ အိမ်ဖြူတော် အရာရှိတွေက ပြောကြားပါတယ်။

သမ္မတအိုဘားမားလက်ထက်မှာတော့ Asia Pivot ဆိုပြီး အာရှကို အလေးပေး တဲ့ နိုင်ငံခြားရေးမူဝါဒ ကျင့်သုံးခဲ့ပြီး အာဆီယံနိုင်ငံတွေနဲ့ဆက်ဆံရေး အထူးဂရုပြုခဲ့ သလို၊ အာဆီယံဟာ အမေရိကန်ပြည်ထောင်စုရဲ့ စတုတ္တမြောက် အကြီးဆုံး ကုန်သွယ်ဖက် ဒေသကြီးလည်းဖြစ်ပါတယ်။

VOA
http://burmese.voanews.com/content/on-hehalf-of-president-vice-president-will-visit-to-attend-us-asean-summit-in-us/3186521.html

ရှမ်းဒုက္ခသည်များ။ 
ရှမ်းပြည်နယ်မြောက်ပိုင်းမှာ ရှမ်းပြည် တပ်မတော်တောင်ပိုင်းနဲ့ ပလောင် လက်နက် ကိုင်အဖွဲ့တွေ အကြား ဖြစ်ပွားတဲ့ တိုက်ပွဲတွေကြောင့် ထောင်နဲ့ချီတဲ့ ရှမ်းနဲ့ ပလောင် ဒေသခံတွေဟာ ကျောက်မဲမြို့နဲ့ နမ့်ခမ်းမြို့နယ် မိုင်းဝီးရွာကို တိမ်းရှောင်နေရပါတယ်။ လောလောဆည်မှာတော့ တိမ်းရှောင်လာတဲ့ စစ်ရှောင် ဒုက္ခသည်တွေ ကို ဒေသခံလူမှုရေးအသင်းတွေနဲ့ အာဏာပိုင်တွေက ထောက်ပံ့ ကူညီ ထားရပါတယ်။ ရှမ်းပြည်နယ်မြောက်ပိုင်းက စစ်ရှောင်ဒုက္ခသည်တွေရဲ့ အခြေအနေကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထား ပါတယ်။

အစိုးရနဲ့ အပစ်ရပ်ထားတဲ့ ရှမ်းပြည်ပြန်လည် ထူထောင်ရေးကောင်စီ RCSS/SSA တောင်ပိုင်း တပ်တွေနဲ့ တအာင်းခေါ် ပလောင် အမျိုးသား လွတ်မြောက်ရေး တပ်ဦး PSLF/TNLA တပ်ဖွဲ့တွေဟာ နယ်မြေစိုးမိုးမှုနဲ့ပတ်သက်လို့ ပြီးခဲ့တဲ့နိုဝင်ဘာလဆန်းလောက်တည်းက တိုက်ပွဲတွေ ဖြစ်ပွားခဲ့တာပါ။

ပြီးခဲ့တဲ့ ရက်ပိုင်းတွေက ကျောက်မဲ၊ နမ့်ဆန်နဲ့ နမ့်ခမ်းမြို့နယ်တွေ အတွင်း နှစ်ဖက်တပ်တွေ အကြားဖြစ်ပွားတဲ့ တိုက်ပွဲတွေကြောင့် ထောင်နဲ့ချီ တဲ့ ဒေသခံပြည်သူတွေဟာ စစ်ဘေးလွတ်ရာဒေသတွေကို တိမ်းရှောင်နေရပါတယ်။

ဒီလ ၇ရက် ရှမ်းပြည်နယ်နေ့ ကစတင်ခဲ့တဲ့ တိုက်ပွဲကြောင့် ကျောက်မဲ မြို့နယ် တော့ဆန် ကျေးရွာ အုပ်စုက ရွာသူရွာသား ၁ထောင်ကျော် ဟာ ကျောက်မဲမြို့ ကို တိမ်းရှောင် လာသလို တချို့တွေကလည်း ရွာတွေအတွင်းမှာ ပိတ်မိနေဆဲ ရှိတယ်လို့ ရှမ်းတိုင်းရင်းသားများဒီမိုကရေစီအဖွဲ့ချုပ်က ဗဟိုဦးစီးအဖွဲ့ဝင် ဦးစိုင်းသန်းမောင်က ပြောပါတယ်။

" သုံးနေရာ၊ လေးနေရာလောက် ခွဲထားတော့ တစ်ထောင် လျော့လျော့လေး ရောက်နေ တယ်။ အဲ့တာ ဒီနေ့လည်း ကားရှစ်စီး သွားကြိုတုန်းပဲ ကျနော်ထင်တယ်။ ဒီနေ့လည်း တစ်ထောင်လောက် ရောက်လာဦးမယ်။"

စစ်ရှောင် ဒုက္ခသည်တွေဟာ ဒီလ ၉နေ့က စတင်ရောက်ရှိ လာ တာဖြစ်ပြီး ကျောက်မဲမြို့ ဘိုးဘွားရိပ်သာ၊ သီဟိုကျောင်း၊ ရေဦးကျောင်း နဲ့ အောင်ဆုပန်ကျောင်းတိုက်တွေမှာ နေရာချထားတယ်လို့ ပြောပါတယ်။

ကျောက်မဲရောက် စစ်ရှောင်ဒုက္ခသည်တွေကို ကူညီပေးနေတဲ့ ဇီဝိတ ဒါနလူမှု ကူညီရေး အသင်း ဥက္ကဋ္ဌ ဦးတင်မောင်သိန်းကလည်း လောလောဆည် ၁၀၀၀နီးပါးရောက်နေပြီး ဒီကနေ့ ထပ်ရောက် လာသလို နောက်ထပ် ထပ်ရောက် လာမှာတွေလည်း ရှိတယ်လို့ ပြောပါတယ်။

ကျောက်မဲမြို့ကို တိမ်းရှောင်လာသူတွေဟာ ရှမ်းရော၊ ပလောင်တွေပါ ပါဝင်ပြီး သူတို့ကို ဒေသခံအာဏာပိုင်နဲ့ လူမှုအသင်းတွေက စောင့်ရှောက်ထားကြောင်း ဦးတင်မောင်သိန်းက ဆက်ပြောပါတယ်။

"မြို့ခံတွေနဲ့ မြို့က ပရဟိတ အဖွဲ့တွေက အဲ့တာတွေက ဝိုင်းပြီးတော့ စီစဉ်ပေးနေ ပါတယ်။ ဒေသထဲက တာဝန်ရှိပုဂ္ဂိုလ်တွေလည်း ဝိုင်းပြီးတော့ စီစဉ်ပေးပါတယ်။ ကျန်းမာရေးစောင့်ရှောက်မှုလည်း လုပ်ပေးပါတယ်။ ပညာရေးဆိုရင်လည်း ပညာရေးဌာနကနေပြီးတော့ စစ်ပြေးရှောင်ကလေးတွေကို စာသင်နိုင်အောင် ကျနော်တို့ စီစဉ်ပေးနေပါတယ်။"

ပြီးခဲ့တဲ့ ရက်တွေက ပလောင်တပ်ဖွဲ့ကနေ တော့ဆန်ကျေးရွာအုပ်စုအတွင်းက ဘုန်းတော်ကြီး တပါးနဲ့ ရှမ်းရွာသား ၇ယောက်ကို သတ်ဖြတ်တယ် လို့ ဒေသခံတချို့ က ပြောဆိုပေမဲ့ ပလောင်တပ်ဖွဲ့ဖက်ကတော့ သတ်ဖြတ်တာ မရှိကြောင်း ငြင်းဆို ထားပါတယ်။

ကျောက်မဲမြို့နယ်အတွင်းမှာဖြစ်တဲ့တိုက်ပွဲကြောင့် ရှမ်းအမျိုးသားတွေ အများစု တိမ်းရှောင်နေရသလို နမ့်ခမ်းမြို့နယ်တွင်းတိုက်ပွဲကြောင့်လည်း ပလောင် အမျိုးသားအများစု တိမ်းရှောင်နေရပါတယ်။

နမ့်ခမ်းမြို့နယ် ပလောင်စာပေနဲ့ ယဉ်ကျေးမှုအသင်းဥက္ကဋ္ဌ တာ့မြင့်ကျော်က နမ့်ခမ်းမြို့နယ် လော့နော်ကျေးရွာက ရွာသား၅၀၀ကျော်ဟာ မိုင်းဝီးရွာကို တိမ်းရှောင် လာနေရကြောင်း ပြောပါတယ်။

"အဲ့မှာ မိုင်းဝီးကိုရောက်လာတာ အိမ်ထောင်စုက ၁၁၄ စု၊ လူက ၅၅၆ ယောက်၊ ကလေးရော လူကြီးရောပေါ့ တိုက်ပွဲဖြစ်တော့ ရွာလူကြီးက ကြောက်ပြီး ထွက်ပြေးကြတာပေါ့။ "

ဒီရက်ပိုင်းမှာ တိုက်ပွဲတွေငြိမ်သက်နေပေမဲ့ RCSS ခေါ် ရှမ်းတပ်ဖွဲ့နဲ့ TNLA ခေါ် ပလောင်တပ်ဖွဲ့တွေဟာ နှစ်ဖက်တပ်ချင်း ရင်ဆိုင်ရှိနေပြီး စစ်ရေးအရ တင်းမာမှုတွေ ရှိနေကြောင်းနဲ့ မြေမြုပ်မိုင်းအသုံးပြုတာကြောင့် အရပ်သားတွေနဲ့ ကျွဲနွားတွေ ထိခိုက်တာရှိကြောင်းလည်း ဆက်ပြောပါတယ်။

၈၈မျိုးဆက် ငြိမ်းချမ်းရေးနဲ့ ပွင့်လင်းလူအဖွဲ့အစည်းက တိုင်းရင်းသားရေးရာ တာဝန်ခံ ဦးမြအေးကတော့ နှစ်ဖက်တပ်တွေအကြား တိုက်ခိုက်တာတွေ ရပ်ဆိုင်းဖို့ တောင်းဆို ပါတယ်။

"တော်လှန်ရေးလုပ်တဲ့အထဲမှာ ကိုယ့်လူမျိုးစုတွေရဲ့ လွတ်မြောက်မှုကို ရှာကြတာပဲလေ။ အဲ့လိုရှာကြတဲ့အချိန်မှာ ကျနော်မြင်တာကတော့ ဦးတည်ချက် တူကြတာပဲဗျာ။ အဲ့ဒီ့အပေါ် တဖက်နဲ့ တဖက် နယ်မြေစိုးမိုးမှုတွေကြည့်ပြီး တိုက်ပွဲတွေ ဖြစ်လာတဲ့အခါကျတော့ မကောင်းဘူးပေါ့နော်၊ တိုက်ပွဲတွေ ပြင်းထန် လာတာ အခုဟာက အစိုးရနဲ့ ဖြစ်တာကတမျိုး နောက် အချင်းချင်း ဖြစ်ကြတာမျိုး ဆိုတော့ ကြားထဲက ဘာဖြစ်လဲ ဆိုတော့ ဒေသခံပြည်သူတွေ ပဲ ဒုက္ခ သုက္ခတွေ ရောက်ကုန်ကြပြီလေ။ ဘယ်သူမှန်တယ်။ မှားတယ်ဆိုပေမဲ့ ညှိနှိုင်းပြီးတော့မှ ဒီတိုက်ပွဲတွေ ရပ် ဆိုင်းသင့်တယ်။ အထူးသဖြင့် တော်လှန်ရေး နယ်မြေ ထဲမှာ ရှိနေတဲ့ ပြည်သူတွေရဲ့ မျက်နှာကို ကြည့်သင့်တယ်လို့ ကျနော်မြင်တယ်။ နှစ်ဘက်အဖွဲ့အစည်းတွေကို အဲ့ဒီ့အတိုင်းပဲ ကျနော် တိုက်တွန်းချင်တယ်။"

TNLA ခေါ် ပလောင်တပ်ဖွဲ့ဖက်ကတော့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ကို နှစ်ဖက်တွေ့ဆုံဆွေးနွေးရေးအတွက် ကြားဝင်ဆောင်ရွက် ဖို့ စာပေးပို့ခဲ့ပေမဲ့ အကောင်အထည်ပေါ်လာတာတော့ မရှိသေးပါဘူး။ ဒီရက်ပိုင်းမှာတော့ ပလောင်နဲ့ ရှမ်းအရပ်သားတွေကို ဖမ်းဆီးကြောင်း လည်း ရှမ်းနဲ့ ပလောင်တပ်တွေက အပြန်အလှန် သတင်းထုတ်ပြန်တာတွေ ရှိနေပါတယ်။

မိုးဇော် / ဗွီအိုအေ (မြန်မာပိုင်း)
http://burmese.voanews.com


ncct-nainghanthar-620.jpg
ရန်ကုန်မြို့ Green Hill ဟိုတယ်မှာ ၂ဝ၁၅ ခုနှစ် ဇွန်လ ၂၃ ရက်နေ့က သတင်းစာရှင်းလင်းပွဲမှာ ဦးနိုင်ဟံသာကို တွေ့ရစဉ်
Photo: Kyaw Lwin Oo/ RFA

အစိုးရသစ်နဲ့ ငြိမ်းချမ်းရေးကိစ္စ တွေ့ဆုံဆွေးနွေးရေးအပါအဝင် တိုင်းရင်းသားလက်နက်ကိုင်အဖွဲ့တွေရဲ့ အရေးကိစ္စတွေကို ညှိနှိုင်းဆွေးနွေးနိုင်ဖို့အတွက် ဖေဖော်ဝါရီလ ၁၈ ရက်နေ့မှာ UNFC ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ ထိပ်သီးခေါင်းဆောင်တွေအနေနဲ့ အရေးပေါ်အစည်းအဝေး တစ်ရပ် ခေါ်ယူကျင်းပမယ်လို့ သိရပါတယ်။

UNFC အဖွဲ့ အရေးပေါ်ကောင်စီ အစည်းအဝေး ခေါ်ယူဖို့ စီစဉ်ရတာနဲ့ ပတ်သက်ပြီး UNFC ဒုဥက္ကဌ ဦးနိုင်ဟံသာက RFA ကို အခုလို ပြောပါတယ်။

"အခြေအနေပေါင်းစုံကို စဉ်းစားဖို့နဲ့ အခုအစိုးသစ်တက်မယ့် ဒီတွေ့ဆုံဆွေးနွေးရေးကိစ္စကိုလည်း စဉ်းစားမယ်၊ နောက်တစ်ချက် ဆက်စပ်တဲ့ကိစ္စတွေလည်းစဉ်းစားမှာမို့ ဥပမာ ပလောင်တို့ RCSS တို့ တိုက်ပွဲဖြစ်နေတဲ့ကိစ္စတွေ အပါအဝင်ပေါ့နော် အခြေအနေအပေါင်းစုံ၊ ဒါကတော့ လောလောဆယ် အဓိကအားဖြင့်ကတော့ ဟို ၈ ဖွဲ့တို့ ပါဝင်ပြီးတော့မှ ဆွေးနွေးနေတဲ့ ဆွေးနွေးပွဲရဲ့အခြေအနေအပေါ်မှာ လည်း နည်းနည်းသုံးသပ်မှာပါ"

ဒီအရေးပေါ်အစည်းအဝေးမှာ တိုင်းရင်းသားဒေသတွေမှာဖြစ်ပွားနေတဲ့ တိုက်ပွဲတွေအတွက် ဖြေရှင်းမယ့် နည်းလမ်းတွေကိုလည်း ရှာဖွေသွားကြမယ်လို့ သိရပါတယ်။

တိုင်းရင်းသားလက်နက်ကိုင် တော်လှန်ရေး အဖွဲ့ ၉ ဖွဲ့နဲ့ ဖွဲ့စည်းထားတဲ့ UNFC ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီအဖွဲ့ဝင်တွေဟာ အစိုးရနဲ့ တစ်နိုင်ငံလုံး အပစ်အခတ်ရပ်စဲရေး NCA စာချုပ်ကို လက်မှတ်မရေးထိုးရသေးပါဘူး။

UNFC ၉ ဖွဲ့ထဲမှာ ကချင်လွတ်မြောက်ရေးအဖွဲ့၊ ရှမ်းပြည်တိုးတက်ရေးပါတီ၊ ကရင်နီအမျိုးသား တိုးတက်ရေးပါတီ၊ မွန်ပြည်သစ်ပါတီ၊ ရခိုင်ပြည်အမျိုးသားကောင်စီ၊ လားဟူဒီမိုကရက်တစ်ပါတီ၊ ဝ အမျိုးသားအဖွဲ့ချုပ်၊ ပလောင်ပြည်လွတ်မြောက်ရေးတပ်ဦး၊ မြန်မာအမျိုးသား ဒီမိုကရေစီမဟာမိတ် တပ်ဖွဲ့တို့ ပါဝင်ပြီး၊ ၂ဝ၁ဝ ခုနှစ် နိုဝင်ဘာလမှာ စတင်ဖွဲ့စည်းခဲ့တာ ဖြစ်ပါတယ်။

RFA
http://www.rfa.org/burmese/news/unfc-top-meeting-02112016093341.html


ပြည်တွင်းငွေလဲနှုန်းကျဆင်းလာခြင်းကြောင့် ငွေလဲကောင်တာများနှင့် ပုဂ္ဂလိကဘဏ်အချို့ အမေရိကန် ဒေါ်လာ အ၀ယ်ပိတ်ထားမှုနှင့်ပတ်သက်ပြီး ပုဂ္ဂလိကဘဏ်အချို့ကို ခေါ်ယူသတိပေးထားကြောင်း မြန်မာနိုင်ငံ တော် ဗဟိုဘဏ်နိုင်ငံခြားသုံးငွေစီမံခန့်ခွဲမှုဌာန ဒုတိယညွှန်ကြားရေးမှူးချုပ် ဦးဝင်းဇော်က News Watch သို့ ပြောသည်။ ပုဂ္ဂလိကဘဏ်များနှင့် ငွေလဲကောင်တာများအား နိုင်ငံခြားငွေအရောင်းအ၀ယ် လိုင်စင်ထုတ်ပေး ထား ကြောင်း၊ ပမာဏနည်းသော ဒေါ်လာငွေကြေးများကို ပြည်သူများနှင့် နိုင်ငံခြားသားများ လွယ်ကူချောမွေ့စွာ ရောင်းဝယ်ဖောက်ကားနိုင်ရေးအတွက် ၀ယ်ယူပေးသင့်ကြောင်း ၎င်းကပြောသည်။

''ဒေါ်လာငွေရောင်းဝယ်မှုလိုင်စင် ထုတ်ပေးထားတာပါ။ မြတ်တုန်းကတော့ ၀ယ်ပြီး အခုလိုကျရိပ်တွေ ပြမှ ၀ယ်ယူမှုမရှိဘူးဆိုတာ မဖြစ်သင့်ဘူး။ ထိန်းထိန်းသိမ်းသိမ်းနဲ့ ၀ယ်ယူပေးသင့်တယ်။ ဒီကိစ္စနှင့်ပတ်သက်ပြီး ပုဂ္ဂလိကဘဏ်တွေကို ဖေဖော်ဝါရီ ၁၀ ရက်က ခေါ်ယူသတိပေး အရေးယူမှုတွေလုပ်မယ်။ ဒါကတော့ အဆင့် ဆင့်ပေါ့ဗျာ။ နောက်ဆုံး လိုင်စင်သိမ်းတာတို့၊ ဘဏ်ဖျက်သိမ်းတာတို့လုပ်မယ်။ ဒေါ်လာဈေးကျဆင်းတာ မြန်မာ ငွေမာလာတာပဲလေ။ ဒါကို အရှုံးမျှမျှတတခံပြီး ၀ယ်ပေးသင့်တယ်။ စီးပွားရေးလုပ်တယ်ဆိုတာ မြတ်တုန်းက တော့ ယူဝယ်ပြီး အခုရှုံးတော့မှ ဘဏ်တွေက ဗဟိုဘဏ်က တားထားလို့ မ၀ယ်တာပါလို့ တာဝန်မဲ့စွာ မပြော သင့်ဘူး''ဟု ၎င်းက ပြောသည်။

ပြည်တွင်းငွေကြေးဈေးကွက်တွင် ဒေါ်လာဈေးနှုန်းများ ဆက်တိုက်ဆိုသလို ကျဆင်းလာသောကြောင့် ဘဏ် အချို့မှာ ဒေါ်လာကို အကန့်အသတ်ဖြင့်သာ ၀ယ်ယူရန် ညွှန်ကြားထားကြောင်း၊ ဒေါ်လာပိုက်မိနေသူများအနေ ဖြင့် ဈေးထပ်ကျမည်ကို စိုးရိမ်မှုများရှိနေကြောင်း ဈေးကွက်အတွင်းမှသိရသည်။

၎င်းကိစ္စနှင့်စပ်လျဉ်းပြီး ဧရာဝတီဘဏ်ရုံးချုပ်ကို ဒေါ်လာငွေ ကန့်သတ်ဝယ်ယူမှုနှင့်ပတ်သက်ပြီး မေးမြန်းရာ အီးမေးလ်နှင့် ပြန်လည် ဖြေကြားမည်အကြောင်းပြန်ခဲ့သော်လည်း ပြန်လည်ဖြေကြားခြင်းမရှိသေးပေ။ ဗဟိုဘဏ်၏ သတ်မှတ်ငွေလဲနှုန်း အခြေပြုပြီး ပုဂ္ဂလိကဘဏ်များက ဒေါ်လာဈေးဖွင့်ရကြောင်းသိရပြီး ၀ ဒသမ ၈ ရာခိုင်နှုန်းသာ အတိုးအလျှော့ပြု လုပ်ခွင့်ရှိကြောင်း သိရသည်။

သဒ္ဓါထက်အိုင်(လှည်းတန်း)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


ကျန်းမာရေးနဲ့ ပညာရေး အခြေခံကောင်းမှ တိုင်းပြည်တိုးတက်ဖွံ့ဖြိုးကြောင်း ရေးထားတဲ့ စာအုပ်စာတမ်း အများအပြား ရှိပါတယ်။ ဒါပေမဲ့ မြန်မာပြည်မှာတော့ ကျန်းမာရေး နဲ့ ပညာရေးဟာ အချို့ တဲ့ဆုံး ဖြစ်နေပါတယ်။ လူဦးရေနဲ့ နှိုင်းယှဉ်ရင် ကျန်းမာရေးကဏ္ဍဟာ မနိုင်တဲ့ဝန်ကို ထမ်းနေရတယ်လို့ လွန်ခဲ့တဲ့ ဧပြီလထုတ် အာရှဖွံဖြိုးရေးဘဏ်ရဲ့  Long-term Scenerios for Sustained Growth စာတမ်းမှာ ဖော်ပြထားပါတယ်။ လူ့စွမ်းရည်မြှင့်တင်ရေးမှာ ထိုက်ထိုက်တန်တန် ရင်းနှီးမြှုပ်နှံဖို့ လိုအပ်နေတာကို ဇူလိုင်လထုတ် အာရှဖွံ့ဖြိုးရေးဘဏ်ရဲ့  Unlocking the potential ဆိုတဲ့ စာတမ်းမှာ သုံးသပ်ထားပါတယ်။

ကျန်းမာရေး၊ ပညာရေး နဲ့ တိုင်းပြည်တိုးတက်ဖွံ့ဖြိုးရေး အပြန်အလှန် ဆက်စပ်နေတယ် ဆိုပေမယ့် မြန်မာအစိုးရရဲ့  စစ်တပ်အသုံးစရိတ်ဟာ ပညာရေး၊ ကျန်းမာရေး အသုံးစရိတ် (၂) ခုပေါင်းထက် များနေတာ နှစ်ပေါင်းကြာညောင်းလှပါပြီ။ အခုအထိ စစ်အသုံးစရိတ်ဟာ ပထမဦးစားပေး ဖြစ်နေပါတယ်။ အရှေ့ တောင်အာရှမှာ မြန်မာပြည်သူပြည်သားတွေရဲ့  ကျန်းမာရေးအခြေအနေဟာ အညံ့ဖျင်းဆုံး နဲ့ အဆိုးဝါးဆုံး ဖြစ်တယ်လို့ (၂၀၀၄) နိုဝင်ဘာလထုတ် ကမ္ဘာ့ဘဏ်အုပ်စုရဲ့  အစီရင်ခံစာမှာ ဖော်ပြထားပါတယ်။ စစ်ရေးဟာ ပထမဦးစားပေး ဖြစ်နေတာမို့ နိုင်ငံတည်ဆောက်တဲ့ဘက်မှာ အားနည်းနေတာ ဖြစ်ပါတယ်။

အာဆီယံ (၁၀) နိုင်ငံရဲ့  လူ့သက်တမ်းကို လေ့လာရင် မြန်မာပြည်သားဟာ အသက်အတိုဆုံး ဖြစ်နေပါတယ်။ ကလေး အသေအပျောက် အများဆုံးဟာလည်း မြန်မာပြည် ဖြစ်နေပါတယ်။ အဟာရဓါတ် ချို့ တဲ့မှုဟာလည်း မြန်မာပြည်သူပြည်သားတွေ ရင်ဆိုင်နေရတဲ့ အဓိက ပြဿနာ ဖြစ်ပါတယ်။ အစိုးရအသုံးစရိတ်ရဲ့  (၁) ရာခိုင်နှုန်းကျော်ဟာ ကျန်းမာရေးမှာ သုံးတာမို့ တိုင်းသူပြည်သားဟာ ကိုယ့်စရိတ်နဲ့ကိုယ် ဆေးကုသရပါတယ်။ ကျန်းမာမှ အလုပ်လုပ်နိုင်ပါတယ်။ ဒါကြောင့် ကျန်းမာရေးအတွက် လိုအပ်တဲ့ အခြေခံ ဝန်ဆောင်လုပ်ငန်းရှိမှသာ အလုပ်လုပ်နိုင်စွမ်းလည်း ရှိလာမှာဖြစ်လို့ ဆင်းရဲမှု လျော့နည်းသွားနိုင်ပါတယ်။ ကျန်းမာရေး နဲ့ လူမှုစီးပွားရေး ဆက်စပ်နေတာမို့ ကျန်းမာရေး အသုံးစရိတ် တိုးလာရင် လူမှုဘဝ ဖွံ့ဖြိုးတိုးတက်လာနိုင်တယ်လို့ ကမ္ဘာ့ဘဏ် အစီရင်ခံစာမှာ သုံးသပ်ထားပါတယ်။

ကျန်းမာရေး အခြေအနေ အဆိုးဝါးဆုံးဟာ နယ်စပ်ဒေသတွေ ဖြစ်ပါတယ်။ ထိုင်း-မြန်မာ နယ်စပ်ဒေသမှာ လူတစ်သောင်းမှာ ကိုးဆယ်ဟာ ငှက်ဖျားရောဂါရှိကြောင်း သိရပါတယ်။ အခုဆိုရင် ဆေးမတိုးတဲ့ ငှက်ဖျားရောဂါမျိုး ဖြစ်ပွားနေပြီး မြန်မာပြည်မြောက်ပိုင်း နဲ့ အနောက်ပိုင်းအထိ ပြန့်နှံနေကြောင်း ကြားသိရပါတယ်။ တိုင်းရင်းသားဒေသတွေကို ကုလသမဂ္ဂ နဲ့ အခြားနိုင်ငံခြား ကျန်းမာရေးအဖွဲ့အစည်းတွေက ကူညီကြပါတယ်။ ကုလသမဂ္ဂ နဲ့ ကမ္ဘာ့ဘဏ်က (၂၀၁၄) မှာ ဒေါ်လာသန်း (၅၀၀) ဖိုးလောက် ကျန်းမာရေး အကူအညီ ပေးပါတယ်။ တိုင်းရင်းသားဒေသတွေကို မဝင်နိုင်တဲ့ အပြည်ပြည်ဆိုင်ရာ အေဂျင်စီတွေဟာ ဒေသခံအဖွဲ့တွေကတဆင့် ကူညီကြပါတယ်။ အပစ်ရပ်ဒေသ နဲ့ ထိုင်းအခြေစိုက် အဖွဲ့အစည်းတွေဟာ ပြည်သူ့ကျန်းမာရေးအတွက် တတ်နိုင်သလောက် ဝင်ရောက်ကူညီနေတာ နှစ်ပေါင်းကြာပြီ ဖြစ်ပါတယ်။

ကုလသမဂ္ဂ ဖွံ့ဖြိုးမှုအစီအစဉ် UNDP ဟာ အများစုနေထိုင်ရာ ကျေးလက်ဒေသမှာ လူမှုဖွံ့ဖြိုးရေး စီမံကိန်း အကောင်အထည်ဖော်နေတာ (၁၉၉၄) ခုနှစ်ကတည်းက ဖြစ်ပါတယ်။ ကျန်းမာရေး၊ ပညာရေး နဲ့ ရိက္ခာဖူလုံရေးအတွက် ဆင်းရဲနွမ်းပါးသူတွေကို ကူညီထောက်ပံ့တဲ့ အစီအစဉ် ဖြစ်ပါတယ်။ ရပ်ရွာအကျိုးအတွက် ဆောင်ရွက်မယ့် ဆုံးဖြတ်ချက်တွေမှာ ကိုယ်တိုင်ပါဝင်ပြီး ကိုယ်တိုင်အကောင်အထည် ဖော်နိုင်တဲ့ ကိုယ်ထူကိုယ်ထ လုပ်ကိုင်နိုင်မှု စွမ်းရည်ကို မြှင့်တင်ပေးဖို့ ရည်ရွယ်တဲ့ စီမံကိန်း ဖြစ်ပါတယ်။ အနှစ် (၂၀) လောက်ကြာတော့ ရွာသူရွာသားတွေ တိုးတက်ဖွံ့ဖြိုးလာကြတာ တွေ့ရတယ်လို့ ဆိုပါတယ်။ ဒါပေမဲ့ မြို့ နယ် (၃၀၀) ကျော် ရှိတဲ့အနက် UNDP လူမှုဖွံ့ဖြိုးရေး စီမံချက်ကို အကောင်အထည်ဖော်နေတဲ့ မြို့ နယ်က (၆၀) ရှိပါတယ်။ အနောက်တိုင်း နဲ့ ဂျပန်ဟာ စီမံချက်ရဲ့  အလှူရှင်တွေ ဖြစ်ပါတယ်။

မြန်မာပြည်ရဲ့  ကျန်းမာရေး အသုံးစရိတ် စုစုပေါင်းမှာ (၂၀) ရာခိုင်နှုန်းကိုသာ အစိုးရစိုက်တာဖြစ်လို့ (၈၀) ရာခိုင်နှုန်းဟာ ကိုယ့်အိတ်ထဲက စိုက်သုံးတဲ့ ပမာဏ ဖြစ်ပါတယ်။ ဒီအထဲမှာ (၈) ရာခိုင်နှုန်းဟာ နိုင်ငံခြားအကူအညီ ဖြစ်ပါတယ်။ ပုဂ္ဂလိကဆေးရုံအချို့  ပေါ်ထွက်လာပေမယ့် ဆင်းရဲသားလူထုကတော့ ရရာဆေးဝါးကို မှီဝဲနေရပါတယ်။ ဆရာဝန်ဦးရေဟာ တထောင်မှာ တယောက်နှုန်းသာရှိပြီး မြို့ မှာစုပြုံနေကြတာ များပါတယ်။ သူဌေးတွေကတော့ ပြည်တွင်းကျန်းမာရေးစနစ်ကို အယုံအကြည်မရှိတဲ့အတွက် နိုင်ငံခြား - အထူးသဖြင့် စင်္ကာပူ နဲ့ ထိုင်းနိုင်ငံတွေမှာ ဆေးဝါးကုသကြပါတယ်။

မြန်မာသူဌေးတွေ ထိုင်း၊ စင်္ကာပူ နဲ့ မလေးရှားမှာ (၂၀၁၂) က ဒေါ်လာသန်း (၁၅၀) ဖိုး ဆေးစရိတ်သုံးကြောင်း သိရပါတယ်။ ကိုယ်ပိုင်လေယာဉ်စီးသူတွေ သီးသန့်ဝင်ထွက်နိုင်တဲ့ Business Aviation Center ကို ရန်ကုန်လေဆိပ်မှာ (၂၀၁၄) က ဖွင့်ပေးပါတယ်။ ဂျက်လေယာဉ်အသေးစားကို စင်းလုံးငှား လူနာတင်လေယာဉ်အဖြစ် အသုံးပြုပါတယ်။ လစဉ် လေးငါးကြိမ် လူနာတင်ဂျက်လေယာဉ် အဝင်အထွက်ရှိကြောင်း ဒီဇင်ဘာ (၂၅) ရက်နေ့ထုတ် Eleven Media သတင်းမှာ ဖော်ပြထားပါတယ်။ ငွေရှင်ကြေးရှင်နဲ့ ဒေါ်လာဗိုလ်ချုပ်တွေ နိုင်ငံခြားမှာ လွတ်လပ်စွာ ဆေးကုနိုင်အောင် စီစဉ်ထားတာ ဖြစ်ပါတယ်။

ဦးအောင်ခင်, ကျော်ကျော်သိန်း / ဗွီအိုအေ (မြန်မာပိုင်း)
http://burmese.voanews.com

အကျဉ်းသား အချို့ လွတ်မြောက် သွားကြတယ် ဆိုတဲ့ သတင်းတွေ ထွက်နေ။
မက္ကဆီကို နိုင်ငံ မြောက်ပိုင်း၊ မွန်တယ်ရေး မြို့အနီးက အကျဉ်းထောင် တစ်ခုမှာ ထောင်ဆူမှုနဲ့ မီးရှို့မှုတွေ ဖြစ်ခဲ့လို့ လူ ဒါဇင်နဲ့ချီ သေဆုံးတယ်လို့ သတင်းတွေ ရရှိပါတယ်။

အဲဒီ တိုပို ချီကို အကျဉ်းထောင် ကနေ မီးခိုးတွေ ထွက်နေတာကို မက္ကဆီကို ရုပ်သံ တစ်ခုကနေ ပြသသွားပြီး ထောင်သား အချို့လည်း လွတ်မြောက် သွားကြတယ်လို့ ဆိုပါတယ်။

ထောင်အပြင်က လမ်းတွေမှာ ထောင်သားတွေကို စိတ်ပူကြတဲ့ မိသားစုဝင်တွေနဲ့ ပြည့်နှက်နေပြီး လုံခြုံရေးတွေက တားဆီး ထားခဲ့ရပါတယ်။

သေဆုံးသူ အတိအကျကို အတည်နိုင်ခြင်း မရှိသေးပါဘူး။ မက္ကဆီကို မီဒီယာ Televisa ကတော့ သေဆုံးသူ အယောက် ၃၀ ရှိတယ်လို့ ပြောပြီး၊ Milenio TV ကတော့ အယောက် ၅၀ သေဆုံးတယ်လို့ ဖော်ပြပါတယ်။

အကျဉ်းထောင် အဆောက်အဦ လေးခုအနက် တစ်ခုမှာ ထောင်သားတွေက ပရိဘောဂတွေ၊ အမှိုက်တွေကို သုံးပြီး မီးရှို့ခဲ့ကြတာလို့ မက္ကဆီကို သတင်းစာ El Universal က ဖော်ပြပါတယ်။

ထောင်ဆူမှု ပေါ်ပေါက်ခဲ့တဲ့ အကြောင်းရင်းနဲ့ ပတ်သက်ပြီး တိတိကျကျ မသိရသေးပါဘူး။

BBC Burmese
http://www.bbc.com/burmese

ဇီကာဗိုင်းရပ်စ် ကူးစက်ခံထားရသူ ကလေးငယ် တစ်ဦးအားတွေ့ရစဉ် (ဓာတ်ပုံ-အင်တာနက်)
    ရီယို ဒီ ဂျန်နိုင်ရို၊ ဖေဖော်ဝါရီ ၁၁ ရက် (ဆင်ဟွာ)

    ဘရာဇီ သုတေသီ များသည် ဇီကာဗိုင်းရပ်စ်ပိုး ရှိ၊မရှိ ၅နာရီအတွင်း ဖော်ထုတ်ပေးနိုင် သည့် မော်လီကျူး စစ်ဆေးမှု တစ်ရပ်အား လုပ်ဆောင်နိုင်ခဲ့ကြောင်း ပညာရပ်ဆိုင်ရာ အရင်းအမြစ်များက ဖေဖော်ဝါရီ ၁၀ ရက်နေ့ တွင် ပြောကြားခဲ့သည်။

ဘရာဇီးနိုင်ငံ အရှေ့တောင်ပိုင်း ရှိ Unicamp တက္ကသိုလ် က ယင်း စမ်းသပ်မှုကို အသုံးပြု၍ သွေး၊ တံတွေးနှင့် ဆီး နမူနာများ တွင် ဇီကာဗိုင်းရပ်စ် ရှိ၊မရှိ စစ်ဆေးနိုင်ပြီဖြစ်ကြောင်း ပြောကြားခဲ့သည်။

အဆိုပါ ဇီကာဗိုင်းရပ်စ် စစ်ဆေးမှုအား Unicamp တက္ကသိုလ် မှ ကျွမ်းကျင်သူများ နှင့် University of Sao Paulo (USP) နှင့် Sao Paulo State University  (Unesp) တို့ ပူးပေါင်းကာ သုတေသန ပြုလုပ်ခဲ့ကြပြီး ဇီကာဗိုင်းရပ်စ် အား တိုက်ဖျက်နေသည့် ဆီနီဂေါ သုတေသီ များထံမှလည်း သတင်းအချက်အလက်များ ရယူခဲ့ကြောင်း သိရသည်။

လာမည့် ဖေဖော်ဝါရီ ၁၅ ရက်နေ့မှ စ၍ Sao Paulo ပြည်နယ် ရှိ Campinas ဆေးရုံ မှ ဇီကာဗိုင်းရပ်စ် ကူးစက်ခံထားရသည်ဟု ယူဆထားသည့် လူနာများ အား စတင် အဆိုပါ နည်းလမ်းဖြင့် စစ်ဆေးပေးနိုင်တော့မည်ဖြစ်ကြောင်း သိရသည်။

ဇီကာဗိုင်းရပ်စ်ပိုးရှိသည့် စစ်ဆေးချက် နမူနာများအား ဇီကာဗိုင်းရပ်စ် အားလေ့လာနေသည့် ဘရာဇီး ဓါတ်ခွဲခန်းများ သို့ ပို့ဆောင်ကာ ဗိုင်းရပ်စ်ပိုး နှိမ်နင်းနိုင်ရန် နှင့် ၄င်း၏ မျိုးဗီဇ ကို ဖော်ထုတ်ရာတွင် အသုံးပြုသွားမည်ဖြစ်ကာ ယင်း ဗိုင်းရပ်စ်ပိုး အား တိုက်ဖျက်နိုင်ရန် နည်းလမ်းသစ်များကို ပေးစွမ်းနိုင်မည်ဟု မျှော်လင့်ကြကြောင်း သိရသည်။

စစ်ဆေးမှု အသစ်သည် ရက်ပေါင်း များစွာ စောင့်ဆိုင်းရသည့် လက်ရှိ စစ်ဆေးမှု နှစ်ခု နေရာတွင် အစားထိုးနိုင်မည်ဖြစ်ကြောင်း သိရသည်။

ယခုလက်ရှိတွင် ဘရာဇီး ကျန်းမာရေးအာဏာပိုင်များသည် သွေးနမူနာများမှ ဇီကာဗိုင်းရပ်စ်ပိုး စစ်ဆေးရန် အချိန် ငါးရက် ယူရပြီး ဆီးနမူနာမှ အချိန် ၈ရက်အထိစောင့်ဆိုင်းရကြောင်း သိရသည်။

(Xinhua)
http://www.xinhuamyanmar.com


ဇီကာဗိုင်းရပ်စ်နဲ့ ချို့ယွင်းချက် ရှိတဲ့ ကလေးငယ်တွေ မွေးဖွားမှုတိုးများလာမှုကြား ချိတ်ဆက်မှု ရှိတယ်ဆိုတဲ့ ခိုင်မာတဲ့ အထောက်အထားသစ်တွေ တွေ့ရှိရတယ်လို့ New England Journal of Medicine ရဲ့ ဆောင်းပါး တခုမှာ ဖော်ပြ လိုက်ပါတယ်။ ဆလိုဗေးနီးယား သုတေသန ပညာရှင် အဖွဲ့ တခုရဲ့ ဆောင်းပါး ကိုတော့ သူတို့ရဲ့ လေ့လာတွေ့ရှိမှုကို ထောက်ခံတဲ့ အမေရိကန် ကျန်းမာရေးဆိုင်ရာ ကျွမ်းကျင်သူ အဖွဲ့တခုရဲ့ အာဘော်နဲ့ အတူ မနေ့ ဗုဒ္ဓဟူးနေ့က ထုတ်ဝေတာ ဖြစ်ပါတယ်။

ကိုယ်ဝန်ဆောင်စဉ် ဇီကာဗိုင်းရပ်စ် ကူးစက်ခံထားရတဲ့ မိခင်နဲ့ ပုံမှန် မဟုတ် တာကြောင့် ဖျက်ချလိုက်တဲ့ သန္ဓေသားကို လေ့လာခဲ့တာ ဖြစ်ပါတယ်။ ဘရာဇီလ်းနိုင်ငံက ဇီကာဗိုင်းရပ်စ် ကူးစက် ပျံ့ပွားမှု အများဆုံး ဖြစ်နေတဲ့ နိုင်ငံပါ။ ဇီကာဗိုင်းရပ် ကူးစက်ခံရမှုတွေ မြင့်တက်လာတာနဲ့ အတူ မွေးကင်းစ ကလေးငယ်တွေမှာ ဦးနှောက် ဖွံ့ဖြိုးမှုမရှိတဲ့ Microcephaly ဖြစ်ပွားမှု ကလည်း မြင့်တက် လာတာနဲ့လည်း ဘရာဇီလ်းနိုင်ငံ ကြုံတွေ့နေရတာပါ။

ခြင်ကနေ တဆင့် ကူးစက်တဲ့ ဇီကာဗိုင်းရပ်စ် ပျံ့နှံ့ဖြစ်ပွားနေတာကြောင့် ၂၀၁၆ ခုနှစ် နွေရာသီ အိုလံပစ် ပွဲတော် ကျင်းပမယ့် ဘရာဇီးလ် နိုင်ငံကို ကိုယ်ဝန်ဆောင် မိခင်တွေ၊ နောက် ကလေးယူဖို့ စိတ်ကူးထားတဲ့ အမျိုးသမီးတွေ ခရီးမသွားကြဖို့လည်း ကျန်မာရေး ဆိုင်ရာ ကျွမ်းကျင်သူ တချို့က အကြံပြုထားပါတယ်။

ဇီကာဗိုင်းရပ်စ်ကို တိုက်ဖျက်ဖို့ အတွက် ခြင်နှိမ်နင်းရေးကို အလေးထား လုပ်ဆောင်ရမယ်လို့ အမေရိကန် လူထု ကျန်းမာရေးဆိုင်ရာ တာဝန်ရှိသူတွေက မနေ့ ဗုဒ္ဓဟူးနေ့မှာ အမေရိကန် လွှတ်တော် ကော်မတီရှေ့မှောက်မှာ အစီရင်ခံခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

အိန္ဒိယနိုင်ငံ အရှေ့ပိုင်း ရှိ အနောက်ဘင်္ဂလား ပြည်နယ်သို့ ဝင်ရောက်လာသည့် တောဆင်ရိုင်းအား တွေ့ရစဉ် (ဆင်ဟွာ)
    နယူးဒေလီ၊ ဖေဖော်ဝါရီ ၁၁ ရက် (ဆင်ဟွာ)

    အိန္ဒိယနိုင်ငံ အရှေ့ပိုင်း ရှိ အနောက်ဘင်္ဂလား ပြည်နယ်တွင် ဖေဖော်ဝါရီလ ၁၀ ရက်နေ့ က တောဆင်ရိုင်း တစ်ကောင် ဝင်ရောက် ဖျက်ဆီးမှုကြောင့် အနည်းဆုံး လူနေ အဆောက်အအုံ ၁၀၀ နှင့် ကားများ၊ မော်တော်ဆိုင်ကယ်များ ဖျက်ဆီးခဲ့ရကြောင်း ဒေသခံများက ပြောကြားခဲ့သည်။

တောဆင်ရိုင်း ဝင်ရောက်မှုသည် အနောက်ဘင်္ဂလား ပြည်နယ် မြို့တော် ကိုလ်ကတ္တား၏ မြောက်ဖက် ၅၆၆ ကီလိုမီတာ အကွာခန့်ရှိ ဆီလီဂူရီ မြို့တွင် ဖြစ်ပွားခဲ့ခြင်း ဖြစ်ပြီး ထိခိုက်ဒဏ်ရာ ရရှိမှုနှင့် လူသေဆုံးမှု မရှိခဲ့ကြောင်း သိရသည်။

တာဝန်ရှိသူများက ယင်းဆင်ရိုင်းသည် မြို့နှင့် အနီးဆုံး Baikunthapur တောအုပ်မှ ရောက်ရှိလာခြင်း ဖြစ်နိုင်ကြောင်း၊ လူများကို အန္တရာယ် မပေးသော်လည်း ၄င်းလမ်းကြောင်း ပေါ်ရှိ အရာဝတ္ထု မှန်သမျှကို ဖျက်ဆီး သွားခဲ့ကြောင်း နှင့် တောအုပ်ထဲသို့ ဝင်ရောက်ရန် လမ်းကြောင်း ရှာဖွေနေသည်ဟု ယူဆရကြောင်း ပြောကြားခဲ့သည်။

အိန္ဒိယနိုင်ငံ အရှေ့ပိုင်း ရှိ အနောက်ဘင်္ဂလား ပြည်နယ်သို့ ဝင်ရောက်လာသည့် တောဆင်ရိုင်းအား တွေ့ရစဉ်  (ဆင်ဟွာ)
တောဆင်ရိုင်း ဝင်ရောက်မှု ဖြစ်ပွားပြီး နာရီ အနည်းငယ်အကြာတွင် သစ်တောရေးရာ ဌာနမှ တာဝန်ရှိသူများ ရောက်ရှိလာကာ မေ့ဆေး သေနတ်ဖြင့် ပစ်ခတ် ထိန်းချုပ်ခဲ့ပြီး ၄င်းအား ကရိန်းဖြင့် မကာ ထရပ်ကားဖြင့် မြို့နှင့် ဝေးရာသို့ သယ်ဆောင်ခဲ့ကြောင်း ဒေသခံတစ်ဦး ဖြစ်သူ Rishikesh Banerjee က ဆင်ဟွာသို့ ဖုန်းဖြင့် ပြောကြားခဲ့သည်။

အိန္ဒိယနိုင်ငံ တွင် လူနှင့် တိရစ္ဆာန်ကြား ပဋိပက္ခများသည် တိုးပွားလာသော လူဦးရေနှင့် မြို့များ တိုးချဲ့လာမှု တို့နှင့် အတူ ကြီးထွားလျက် ရှိကြောင်း သိရသည်။

ဖေဖော်ဝါရီလ ၇ ရက်နေ့က လည်း ဘန်ကာလူရူမြို့ရှိ ကျောင်းတစ်ကျောင်းသို့ ကျားသစ် ဝင်ရောက် တိုက်ခိုက်မှု ကြောင့် လူခြောက်ဦး ဒဏ်ရာ ရရှိခဲ့ကြောင်း သိရသည်။

(Xinhua)
http://www.xinhuamyanmar.com

ဘိုကိုဟာရမ် စစ်သွေးကြွ အဖွဲ့အား တွေ့ရစဉ် (ဓာတ်ပုံ-အင်တာနက်)
    အဘူဂျာ၊ ဖေဖော်ဝါရီ ၁၁ ရက် (ဆင်ဟွာ)

    နိုင်ဂျီးရီးယား နိုင်ငံ အရှေ့မြောက်ပိုင်း ရှိ ဒုက္ခသည် စခန်းတစ်ခုတွင် အသေခံ ဗုံးခွဲမှု နှစ်ခု ဖြစ်ပွားခဲ့မှုကြောင့် လူပေါင်း ၆၀ ဦးနီးပါး သေဆုံးပြီး ၇၈ ဦး ဒဏ်ရာ ရရှိခဲ့ကြောင်း ဒေသခံ တာဝန်ရှိသူများက ဖေဖော်ဝါရီလ ၁၀ ရက်နေ့တွင် ပြောကြားခဲ့သည်။

ဗုံးပေါက်ကွဲမှု များသည် ဘော်နိုပြည်နယ် မိုင်ဒူဂူရီ မြို့ မှ ၉၀ ကီလိုမီတာ အကွာ ရှိ ဒိကွမြို့တွင် ဖေဖော်ဝါရီလ ၉ ရက်က ဖြစ်ပွားခဲ့ကြောင်း သိရသည်။

ပြည်နယ် အရေးပေါ် စီမံခန့်ခွဲမှု အေဂျင်စီ ၏ ဥက္ကဋ္ဌ ဆာတိုမီ အာမတ် က အမျိုးသမီး အသေခံ ဗုံးခဲ့သူ နှစ်ဦး သည် ဒုက္ခသည် စခန်းအတွင်းသို့ တိတ်တဆိတ် ဝင်ရောက် လာပြီး စခန်းအလယ်၌ အသေခံ ဗုံးခွဲမှု ပြုလုပ်ခဲ့ကြောင်း ပြောကြားခဲ့သည်။

အေဂျင်စီ၏ တရားဝင် ထုတ်ပြန်ချက် အရ ဒဏ်ရာ ရရှိသူများအား ပြည်နယ် အတွင်းရှိ ပြည်သူ့ဆေးရုံများသုို့ ပို့ဆောင်ထားကြောင်း သိရသည်။

ထုတ်ပြန်ချက် အရ ဒုက္ခသည်များ ရိက္ခာ ထုတ်ယူရန် တန်းစီ စောင့်ဆိုင်းနေစဉ် ထိုသို့ ဖြစ်ပျက်ခဲ့ကြောင်း သိရသည်။

အဆိုပါ ဗုံးဖောက်ခွဲမှုအား မည်သည့် အဖွဲ့က ပြုလုပ်ခြင်းဖြစ်ကြောင်း ထုတ်ဖော် ပြောကြားခြင်းမရှိသော်လည်း ဒေသခံပြည်သူများက နိုင်ဂျီးရီးယား အခြေစိုက် ဘိုကိုဟာရမ် စစ်သွေးကြွအဖွဲ့ လက်ချက်ဖြစ်နိုင်သည်ဟု ယူဆကြကြောင်း သိရသည်။

(Xinhua)
http://www.xinhuamyanmar.com

အိန္ဒိယနိုင်ငံ ဘန်ဂါလူရူမြို့ ရှိ ကျောင်းတစ်ကျောင်းသို့ ဝင်ရောက်လာသည့် ကျားသစ်ထီးအား တွေ့ရစဉ် (ဓာတ်ပုံ-အင်တာနက်)
    နယူးဒေလီ၊ ဖေဖော်ဝါရီ ၁၁ ရက် (ဆင်ဟွာ)

    အိန္ဒိယနိုင်ငံ မြောက်ပိုင်း ကာနတာကာ ပြည်နယ် မြို့တော် ဘန်ဂါလူရူရှိ ကျောင်းတစ်ကျောင်းတွင် ဖေဖော်ဝါရီလ ၇ ရက်နေ့က ကျားသစ်သုံးကောင် ဝင်ရောက် တိုက်ခိုက်မှု ဖြစ်ပွားပြီး နောက်ပြည်နယ်အတွင်း ကျောင်းပေါင်း ၁၃၀ ကျော်အား ဖေဖော်ဝါရီလ ၁၁ ရက် နေ့တွင် ခေတ္တ ပိတ်ထားခဲ့ကြောင်း သိရသည်။

ဖေဖော်ဝါရီလ ၇ ရက်တွင် ကျားသစ်ထီးတစ်ကောင် သည် Vibgyor စာသင်ကျောင်းအတွင်း ဝင်ရောက်လာပြီး ဖေဖော်ဝါရီလ ၉ ရက် တွင်လည်း အခြားကျားသစ် နှစ်ကောင်မှာ အဆိုပါ ကျောင်းပတ်ဝန်းကျင်တွင် ရှိနေခဲ့ကြောင်း သိရသည်။ ကျောင်းအတွင်း ရောက်ရှိလာသည့် ကျားသစ်ထီးအား ပြည်နယ်ဆိုင်ရာ သစ်တောရေးရာ ဌာန တာဝန်ရှိသူများက ဖမ်းဆီး နိုင်ခဲ့သော်လည်း ကျန်နှစ်ကောင်မှာမူ လွတ်မြောက်ဆဲ ဖြစ်ကြောင်း သိရသည်။

သစ်တောရေးရာဌာန တာဝန်ရှိသူများ၏ ပြောကြားချက်အရ ကျားသစ်ထီးသည် စာသင်ကျောင်းနှင့် သစ်တောအား ကာထားသည့် ခြံစည်းရိုးကို ခုန်ကျော်ကာ ကျောင်းဝင်း အတွင်းသို့ဝင်ရောက်လာခြင်း ဖြစ်ကြောင်း သိရသည်။

အိန္ဒိယနိုင်ငံ တစ်ဝန်းလုံးတွင် ကျားသစ်ပေါင်း ၁၄,၀၀၀ ကျော်ရှိပြီး ၄င်းတို့၏ စားကျက်မြေများ လျော့နည်းလာမှု ကြောင့် လူနေရပ်ကွက် များထဲသို့ ဝင်ရောက်လာခြင်း ဖြစ်ကြောင်း သိရသည်။

Xinhua)
http://www.xinhuamyanmar.com

ကေဆောင် စက်မှုဇုန် အတွင်းရှိ စက်ရုံတစ်ခုအား တွေ့ရစဉ် (ဆင်ဟွာ)
    ဆိုးလ်၊ ဖေဖော်ဝါရီ ၁၁ ရက် (ဆင်ဟွာ)

    တောင်ကိုရီးယား (ROK) နှင့် မြောက်ကိုရီးယား (DPRK) နှစ်နိုင်ငံ ပူးပေါင်းလုပ်ဆောင်နေသည့် နယ်စပ် ကေဆောင်း (Kaesong) စက်မှုဇုန် လုပ်ငန်းများအား မြောက်ကိုရီးယား အစိုးရက ရပ်တန့်လိုက်ပြီး နှစ်နိုင်ငံ ဆက်ဆံရေး ဖြတ်တောက် လိုက်သလို စက်မှုဇုန်အတွင်းရှိ တောင်ကိုရီးယား နိုင်ငံသား အားလုံးကို မြောက်ကိုရီးယားက ဖေဖော်ဝါရီလ ၁၁ ရက်တွင် ပြည်နှင်ဒဏ် ပေးလိုက်ကြောင်း တောင်ကိုရီးယား သတင်းအေဂျင်စီ ယွန်ဟပ်က ဖော်ပြခဲ့သည်။

မြောက်ကိုရီးယား နိုင်ငံမှ ငြိမ်းချမ်းစွာ ပြန်လည် ပေါင်းစည်းရေး ကော်မတီ၏ ထုတ်ပြန်ချက်တွင် စက်မှုဇုန်အတွင်းရှိ တောင်ကိုရီးယား နိုင်ငံသား အားလုံး ဖေဖော်ဝါရီလ ၁၁ ရက် ဒေသစံတော်ချိန် ညနေ ၅း၃၀ နာရီတွင် နောက်ဆုံးထား၍ ထွက်ခွာရမည် ဖြစ်ကြောင်းနှင့် မြောက်ကိုရီးယား နယ်စပ်မြို့ရှိ ကေဆောင် စက်မှုဇုန်အား စစ်တပ် အုပ်ချုပ်ရေး ဧရိယာအဖြစ် ကြေညာလိုက်သည်။

ထိုစက်မှုဇုန်အား ၂၀၀၄ ခုနှစ် ဒီဇင်ဘာလတွင် ကုန်ထုတ်လုပ်မှုများ စတင်ခဲ့ပြီး မြောက်ကိုရီးယား အလုပ်သမား ၅၄,၀၀၀ ခန့် အလုပ်က ရပ်နားရဖွယ် ရှိသည်။

မြောက်ကိုရီးယား၏ ကြေညာချက်အရ လုပ်ငန်းသုံး ကိရိယာများ၊ ပစ္စည်းများနှင့် ထုတ်ကုန်များ အပါအဝင် တောင်ကိုရီးယား ကုမ္ပဏီနှင့် ဆက်စပ်သည့် အေဂျင်စီများ၏ ပိုင်ဆိုင်မှုများအားလုံး လုံးဝ ရပ်တန့် ရမည် ဖြစ်ကြောင်းနှင့် ပြည်နှင်ခံရသည့် တောင်ကိုရီးယား နိုင်ငံသားများ၏ ကိုယ်ပိုင် ပစ္စည်းများနှင့် ပိုင်ဆိုင်မှုများအား မြောက်ကိုရီးယား နိုင်ငံတွင် ငြိမ်းချမ်းစွာ ပြန်လည် ပေါင်းစည်းရေး ကော်မတီ၏ စီမံခန့်ခွဲမှုဖြင့်သာ ပြန်လည် သယ် ယူခွင့် ပြုမည် ဖြစ်သည်။

ကေဆောင် စက်မှုဇုန် အနီးရှိ နှစ်နိုင်ငံ နယ်စပ်အား လုံးဝ ပိတ်လိုက်သလို စက်မှုဇုန်နှင့် ချိတ်ဆက်ထားသည့် လမ်းကြောင်းကိုလည်း မြောက်ကိုရီးယားက ပိတ်လိုက်ပြီ ဖြစ်ကြောင်း သိရသည်။

(Xinhua)
http://www.xinhuamyanmar.com

 ပြုံယမ်းက နျူစမ်းသပ်မှု ထပ်လုပ်ခဲ့ပြီးနောက် တောင်နဲ့ မြောက် ဆက်ဆံရေး ပိုဆိုးလာခဲ့။
တောင်နဲ့ မြောက် ကိုရီးယား နှစ်နိုင်ငံ ပူးတွဲ လည်ပတ်နေခဲ့တဲ့ ကေဆောင်း စက်မှုဇုန်ကို တောင်ကိုရီးယား ဘက်က ရပ်ဆိုင်း လိုက်ပြီးနောက် တောင်ကိုရီးယားနဲ့ ချိတ်ထားတဲ့ အဓိက ဆက်သွယ်ရေးလိုင်း ၂ ခုကို ဖြတ်ပစ် တော့မယ်လို့ မြောက်ကိုရီးယားက ပြောလိုက်ပါတယ်။

မြောက်ကိုရီးယား နျူစမ်းသပ်မှုနဲ့ ဒုံးကျည် ပစ်လွှတ်မှုတွေ လုပ်ခဲ့လို့ အခြေအနေတွေ ပိုမို တင်းမာ လာနေချိန်မှာပဲ မြောက်ကိုရီးယားက အခုလို ပြောဆို လိုက်တာ ဖြစ်ပါတယ်။

ကေဆောင်း စက်မှုဇုန်ကို တောင်ကိုရီးယားက ပိတ်လိုက် တာဟာ စစ်ကြေညာ လိုက်တာပဲလို့ မြောက်ကိုရီးယားက ပြောလိုက်ပြီး အဲဒီ စက်မှုဇုန်ကို စစ်ဇုန် အဖြစ်လည်း သတ်မှတ် လိုက်တယ်လို့ မြောက်ကိုရီးယား ပြောပါတယ်။

ကေဆောင်း စက်မှုဇုန်ဟာ ကိုရီးယား နှစ်နိုင်ငံ အကြား ရှားရှားပါးပါး ပူးပေါင်း ဆောင်ရွက်မှုတွေ ထဲက တစ်ခု ဖြစ်ပြီး ပြုံယမ်းအတွက် အဓိက ဝင်ငွေ အရင်းအမြစ် တစ်ခုလည်း ဖြစ်ပါတယ်။

တောင်ကိုရီးယား ကတော့ အဲဒီ စက်မှုဇုန်က ရတဲ့ ဝင်ငွေကို မြောက်ကိုရီးယား နျူလက်နက် အစီအစဉ်တွေမှာ အသုံးမပြုနိုင်အောင် ရပ်ဆိုင်းလိုက်တာ ဖြစ်တယ်လို့ ပြောပါတယ်။

ပြုံယမ်းဟာ သူတို့ရဲ့ ၄ ခုမြောက် နျူစမ်းသပ်မှုကို ပြီးခဲ့တဲ့ လက ပြုလုပ်ခဲ့သလို၊ ပြီးခဲ့တဲ့ တနင်္ဂနွေနေ့ကလည်း အာကာသထဲကို ဂြိုဟ်တု လွှတ်တင်ခဲ့လို့ နိုင်ငံတကာက ဝိုင်းဝန်း ရှုတ်ချ ခဲ့ကြပါတယ်။

မြောက်ကိုရီးယားမှာ တောင်ကိုရီးယားနဲ့ အဓိက ဆက်သွယ်ရေးလိုင်း ၃ ခု ရှိရာမှာ တစ်ခုကို စစ်တပ်ဘက်က သုံးပြီး၊ ဒုတိယ တစ်ခုကို စစ်ကင်းမဲ့ဇုန်မှာ ရှိတဲ့ ကုလသမဂ္ဂ ရုံးနဲ့ ဆက်သွယ်ဖို့ သုံးကာ၊ တတိယ တစ်ခုကတော့ ကမ္ဘာ့ ကြက်ခြေနီ အဖွဲ့က သုံးတဲ့ လိုင်း ဖြစ်ပါတယ်။

BBC Burmese
http://www.bbc.com/burmese


၅ နှစ်အတွင်း UAE နိုင်ငံကို ကမ္ဘာ့အကောင်းဆုံးနိုင်ငံစာရင်းဝင် ဖြစ်လာစေရမည်ဟု ကြုံးဝါးထားသော ၀န်ကြီးချုပ် ရှိုတ်ခ်မိုဟာမက်ဘင်ရာရှစ်က အများပြည်သူ၏ လူမှုဘ၀များ ပျော်ရွှင်စိတ်ချမ်းမြေ့မှုရှိစေရေးအတွက် အမျိုးသမီးတဦးအား ပြည်သူ့ပျော်ရွှင်မှုဆိုင်ရာဝန်ကြီးအဖြစ် တရားဝင် ခန့်အပ်လိုက်သည်။

 ဗြိတိန်တွင် ပညာသင်ကြားခဲ့သူ စီးပွားရေးသမားလည်းဖြစ် ၁၉၈၅ ခုနှစ်တွင် Emirates လေကြောင်းလိုင်းကို တည်ထောင်သူလည်းဖြစ်သည့် ရှိုတ်ခ်မိုဟာမက်ဘင်ရာရှစ်က ၂၀၀၆ ခုနှစ်က ကမ္ဘာ့အချမ်းသာဆုံး အဆင့် ၆ ရှိ UAE နိုင်ငံ၏၀န်ကြီးချုပ်ဖြစ်လာပြီး ၎င်း၏အစိုးရအဖွဲ့တွင် အမျိုးသမီး ငါးဦးပါဝင်သည်။

 ၎င်းတို့အနက်မှ ၀န်ကြီးချုပ်ရုံး ညွှန်ကြားရေးမှူးချုပ်ဖြစ်သူ Ohood Al Roumi ဆိုသူ အမျိုးသမီးကို အထက်ပါဝန်ကြီးနေရာ ခန့်အပ်ခဲ့ခြင်း ဖြစ်သည်။

 သူမ၏တာဝန်မှာ အစိုးရမူဝါဒများသည် အများပြည်သူ၏လူမှုဘ၀ ပျော်ရွှင်စိတ်ချမ်းမြေ့မှုနှင့်အညီ ဖြစ်စေရေး ထိန်းကျောင်းပေးရမည်ဟု ဆိုသည်။

Ref;TIME
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/