02/15/16


ဒဂုံတက္ကသိုလ်ကျောင်းသားသမဂ္ဂအဖွဲ့ဝင် ကိုပိုင်ဖြိုးမင်းကို ဒီနေ့ ပန်းဘဲတန်းမြို့နယ် ရဲစခန်းက ရန် ကုန်မြို့ မြောက်ဥက္ကလာပမှာရှိတဲ့ သူ့နေအိမ်ကိုလာပြီး ပုဒ်မ ၁၈ နဲ့ အမှုဖွင့် ဖမ်းဆီးခဲ့တယ်လို့ သိရပါတယ်။

ပြီးခဲ့တဲ့ ၂၀၁၅ ခုနှစ် ဇွန်လ ၃၀ ရက်နေ့က သိမ်ကြီးဈေးရှေ့မှာ ဖွဲ့စည်းပုံပြင်ရေးနဲ့ လွှတ်တော်တွင်းက တပ်မတော်သားကိုယ်စားလှယ်တွေ နှုတ်ထွက်ပေးရေးအတွက် ဆန္ဒပြတောင်းဆိုရာမှာ ပါဝင်ခဲ့တာကြောင့် လာဖမ်းတာဖြစ်တယ်လို့ ကိုပိုင်ဖြိုးမင်းက ပြောပါတယ်။

"ကျနော့်အိမ်ကို စာမပို့ပဲနဲ့ ကျနော့်အိမ်ကိုဝရမ်းကြီးနဲ့ လာတာ၊ ကျနော်ကပြန်ပြောတော့ သူအထက်လူကြီးနဲ့ ဖုန်းခနပြောပြီးတော့ ကျနော်ကိုပြန်လျှောချ သွားတယ်၊ ကျနော်ကတော့ ရင်မဆိုင်ဘူးခင်ဗျ၊ ရင်မဆိုင်တော့ ကျနော့်ကိုနည်းအမျိုးမျိုးနဲ့ ရင်ဆိုင်အောင်လုပ်တယ်၊ ကျနော်အဖမ်းခံမယ်၊ အကိုတို့နောက် လိုက်မယ်လို့ ပြောတော့ ပြန်လျှောချသွားတယ်၊ ပုဒ်မ ၁၈ ဆိုတာက ကျနော်တို့နိုင်ငံသား တစ်ယောက် ရသင့်ရထိုက်တဲ့အခွင့်အရေးကို အကာအကွယ်မပေးပဲနဲ့ တားဆီးပိတ်ပင်တဲ့ ပုဒ်မလို့ ကျနော်မြင်တယ်၊ သာရေကွင်းလို လျှော့လိုက်၊ တင်းလိုက်လုပ်တာကို ကျနော်တို့သဘောမကျဘူး"

ကိုပိုင်ဖြိုးမင်းကို ရန်ကုန်တိုင်း ပန်းဘဲတန်းမြို့နယ် ရဲစခန်းက ရဲအုပ် ရဲမင်းစိုးက ဦးဆောင်ပြီး လာ ရောက် ဖမ်းဆီးခဲ့တာလို့ သိရပါတယ်။

လာမယ့် ဖေဖော်ဝါရီလ ၁၆ ရက်နေ့မှာ ပန်းဘဲတန်းမြို့နယ်တရားရုံးမှာ အမှုရင်ဆိုင်ရမှာ ဖြစ်ပါတယ်။

အဲဒီဆန္ဒပြပွဲမှာ ပါဝင်ခဲ့ကြတဲ့ တက္ကသိုလ်ကျောင်းသားသမဂ္ဂအဖွဲ့ဝင် ကိုဇေယျာလွင်၊ ကိုပိုင်ရဲသူနဲ့ ကိုနန်းလင်းတို့လည်း လက်ရှိမှာ အမှုရင်ဆိုင်နေကြရပါတယ်။

RFA
http://www.rfa.org/burmese/news/student-arrest-02142016121748.html

ncct-nainghanthar-620.jpg ရန်ကုန်မြို့ Green Hill ဟိုတယ်မှာ ၂ဝ၁၅ ခုနှစ် ဇွန်လ ၂၃ ရက်နေ့က သတင်းစာရှင်းလင်းပွဲမှာ ဦးနိုင်ဟံသာကို တွေ့ရစဉ်
Photo: Kyaw Lwin Oo/ RFA


မြန်မာနိုင်ငံရဲ့လုံခြုံရေး၊ ကာကွယ်ရေးနဲ့ လက်ရှိ ငြိမ်းချမ်းရေးလုပ်ငန်းစဉ်များဆိုင်ရာ ဆွေးနွေးပွဲ တစ်ရပ်ကို အစိုးရနဲ့ အပစ်အခတ်ရပ်စဲရေး လက်မှတ် မရေးထိုးသေးတဲ့ ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ UNFC အဖွဲ့ဝင် ခေါင်းဆောင်တွေ ထိုင်းနိုင်ငံ ချင်းမုိုင်မြို့မှာ ဒီနေ့ တွေ့ဆုံဆွေးနွေးနေကြပါတယ်။

အစိုးရစစ်တပ်က ဖြစ်စေချင်တဲ့ DDR ခေါ် လက်နက်ဖြုတ်သိမ်းရေးကို မလိုလားတဲ့ အတွက် တိုင်းရင်းသား လက်နက်ကိုင်အဖွဲ့တွေအနေနဲ့ နည်းလမ်းရှာဖွေနိုင်အောင် ဆွေးနွေးကြတာဖြစ်တယ်လို့ UNFC ဒုဥက္ကဌ နိုင်ဟံသာ က ပြောပါတယ်။

"ဒီနိုင်ငံရေး ပြဿနာကို စားပွဲခုံပေါ်မှာ ဖြေရှင်းတဲ့အခါကျရင် အဓိက အမြင်မတူတဲ့အပိုင်းကလေ တပ်မတော်ကို အနာဂတ်မှာ ဘယ်လိုဖွဲ့စည်းမလဲ၊ ဘယ်လိုဆက်လက်ထားရှိမလဲ ဆိုတဲ့ အပေါ်မှာ တော်တော်လေးညှိရမယ်လို့ ကျနော်ထင်တယ်၊ အစိုးရတပ်မတော်ဖက်က ဆိုရင်လဲ DDR ကိုပဲ အခြေခံတယ်၊ ကျနော်တို့တပ်တွေကို ဖျက်သိမ်းပြီးတော့၊ ကျနော်တို့ဖက်ကလဲ ကိုယ့်ဖက်က အာမခံချက်မရှိတဲ့ပုံစံမျိုးနဲ့ ကျနော်တို့က အဲ့ဒါကိုလက်မခံချင်ဘူး၊ ကျနော်တို့ကတော့ SSR ကိုလိုချင်တယ်၊ တချို့နိုင်ငံတွေမှာ ဒီပြဿနာကို ဘယ်လိုဖြတ်သန်းခဲ့လဲ ဆိုတဲ့ဟာကိုလေ့လာရတာပေါ့၊ အခုဟာက အဲ့ကိစ္စဖြေရှင်းတဲ့အခါကျရင်အထောက် အကူဖြစ်ဖို့ ဒီကိစ္စကိုလေ့လာတာပါ"

ဒီနေ့ ဆွေးနွေးပွဲမှာ နီပေါ နိုင်ငံက စစ်ဗိုလ်ချူပ်ဟောင်းတစ်ဦးက အပစ်အခတ်ရပ်စဲရေး လေ့လာစောင့်ကြည့် ရေး ကိစ္စ၊ ကာကွယ်ရေးနဲ့ စစ်ဖက်ဆိုင်ရာ စည်းမျဉ်းစည်းကမ်း အတွေ့အကြုံတွေကို ဆွေးနွေးခဲ့ပြီး ဗြိတိန်နိုင်ငံ တက္ကသိုလ်တစ်ခုက ပါမောက္ခ တစ်ဦး ကလည်း ငြိမ်းချမ်းရေး သဘောတူညီချက်တွေကို အကောင်အထည် ဖေါ်တဲ့ ကိစ္စတွေနဲ့ ပတ်သက်ပြီး ဆွေးနွေးသုံးသပ်ခဲ့ကြပါတယ်။

ဒါ့အပြင် ဥပဒေအထောက်အကူပြု Legal Aid Network (LAN) အဖွဲ့ကိုထူထောင်တဲ့ လူ့အခွင့်အရေး ရှေ့နေ တစ်ဦးဖြစ်သူ ဦးအောင်ထူး ကလည်း မြန်မာနိုင်ငံရဲ့ ငြိမ်းချမ်းရေး လုပ်ငန်းစဉ်အပေါ် သုံးသပ် ဆွေးနွေးခဲ့ပြီး တိုင်းရင်းသားခေါင်းဆောင်တွေနဲ့ နိုင်ငံတကာက တတ်သိပညာရှင်တွေ အပြန်အလှန် ဆွေးနွေးခဲ့ပါတယ်။

သုံးရက်ကြာ ကျင်းပမယ့် အဲဒီဆွေးနွေးပွဲမှာ ကာကွယ်ရေးနဲ့ အမျိုးသားလုံခြုံရေးဆိုင်ရာ မူဝါဒ၊ မြန်မာနိုင်ငံ ငြိမ်းချမ်းရေးဆိုင်ရာ လုပ်ငန်းစဉ် ၊ နိုင်ငံရေး တွေ့ဆုံဆွေးနွေးပွဲအတွက် မူဘောင်ဆိုင်ရာ ကျင့်ထုံးကိစ္စတွေ အပါအ၀င် ပြည်ထောင်စု ငြိမ်းချမ်းရေး ညီလာခံ နဲ့ ကာကွယ်ရေးနှင့်လုံခြုံရေးဆိုင်ရာ ကိစ္စတွေကို သုံးသပ် ဆွေးနွေးကြမယ်လို့သိရပါတယ်။

ညီညွတ်သော တိုင်းရင်းသား လူမျိုးများ ဖယ်ဒရယ်ကောင်စီ UNFC မှာ ကချင်ပြည် လွတ်လပ်ရေးအဖွဲ့KIO၊ ရှမ်းပြည်တိုးတက်ရေးပါတီSSPP၊ ကရင်နီအမျိုးသားတိုးတက်ရေးပါတီ KNPP၊ မွန်ပြည်သစ်ပါတီNMSP၊ ရခိုင်ပြည် အမျိုးသားကောင်စီ ANC ၊ လားဟူဒီမိုကရက်တစ်ပါတီLDP၊ ၀ အမျိုးသားအဖွဲ့ချူပ် WNO၊ ပလောင်ပြည် လွတ်မြောက်ရေး တပ်ဦး PSLF၊ မြန်မာအမျိုးသား ဒီမိုကရေစီ မဟာမိတ် တပ်ဖွဲ့ MNDAA စတဲ့ အဖွဲ့တွေ ပါဝင်ပြီး ၂၀၁၀ ခုနှစ် နိုဝင်ဘာလမှာ စတင်ဖွဲ့စည်းခဲ့တာ ဖြစ်ပါတယ်။

RFA
http://www.rfa.org/burmese/news/unfc-leaders-discuss-02142016120428.html

 ကျောက်မဲမြို့ပေါ်က ဘုန်းကြီးကျောင်းတွေမှာ ဒုက္ခသည် စခန်းတွေ ဖွင့်လှစ် နေရာချထား
ရှမ်းပြည်နယ် မြောက်ပိုင်း ကျောက်မဲ မြို့နယ်မှာ PSLF/ TNLA ပလောင် ပြည်နယ် လွတ်မြောက်ရေး တပ်ဉီးနဲ့ RCSS/ SSA ရှမ်းပြည် ပြန်လည် ထူထောင်ရေး ကောင်စီအကြား တိုက်ပွဲတွေ ဆက်ဖြစ်နေရာမှာ ဒေသခံတွေ အိုးအိမ် စွန့်ခွာပြီး ကျောက်မဲမြို့ထဲကို ထွက်ပြေး လာခဲ့ပါတယ်။

အခုအခါ စစ်ပြေး ဒုက္ခသည် ထောင်နဲ့ချီ ရှိနေပြီး ကျောက်မဲမြို့ပေါ်မှာ ရှိတဲ့ ဘုန်းကြီးကျောင်းတွေမှာ ခွဲဝေ နေရာချထားပေးရာမှာ ဘုန်းကြီးကျောင်းတွေ အားလုံး ပြည့်နေပြီလို့ ဒေသခံ အရပ်ဘက် အဖွဲ့အစည်းတွေက ပြောပါတယ်။

လောလောဆယ်မှာ ထွက်ပြေးလာသူတွေကို ကျောက်မဲမြို့ အထွေထွေ အုပ်ချုပ်ရေး ဉီးစီးဌာနက တာဝန်ယူ စာရင်းကောက်ခံ နေရာချထားပေးနေပြီး အရပ်ဘက် အဖွဲ့အစည်းတွေက ကယ်ဆယ်ရေး အကူအညီတွေ ပေးနေပါတယ်။

ထွက်ပြေးလာသူတွေထဲမှာ ရှမ်း၊ ပလောင်၊ တရုတ် လူမျိုးစုံ ပါဝင်တယ်လို့ ဆိုပါတယ်။

ဒုက္ခသည်တွေဟာ တိုက်ပွဲတွေကြောင့် ညဘက်မှာ အဝတ်တထည် ကိုယ်တခုနဲ့ ကိုယ်လွတ်ရုန်း ထွက်ပြေးလာခဲ့ကြရတယ်လို့ ကျောက်မဲမြို့နယ် မန့်နန်း ရှမ်းအဖွဲ့က ကိုစိုင်းထိန်ဝင်းက ပြောပြပါတယ်။

ဒုက္ခသည်တွေအတွက် အစားအသောက်၊ အဝတ်အထည် အပြင် အခုအခါ ဆောင်းတွင်း အအေးဒဏ်ကြောင့် ခြုံစောင်တွေ အဓိက လိုအပ်နေတယ်လို့ သူကပြောပါတယ်။

PSLF/ TNLA တပ်ဖွဲ့တွေက ပြည်သူတွေကို အကာအကွယ်ယူပြီး ကျေးရွာတွေထဲမှာ တပ်စွဲထားတယ်လို့ ထွက်ပြေးလာတဲ့ ဒုက္ခသည်တွေက ပြန်ပြောပြပါတယ်။

PSLF/ TNLA ပလောင် ပြည်နယ် လွတ်မြောက်ရေး တပ်ဉီးကတော့ သူတို့နယ်မြေမှာ RCSS/ SSA က အစိုးရတပ်တွေရဲ့ အကူအညီနဲ့ တပ်စခန်းသစ်တွေ တိုးချဲ့လာနေတယ်လို့ ပြီးခဲ့တဲ့ ရက်က ထုတ်ပြန်ကြေညာခဲ့ပါတယ်။

BBC Burmese
http://www.bbc.com/burmese

ဒေါ်အောင်ဆန်းစုကြည် လွှတ်တော်ကို တက်ရောက်လာစဉ်။ (နိုဝင်ဘာ လ ၈ ရက်နေ့ ၂၀၁၅)
အစိုးရသစ် အလွှဲအပြောင်းမှာ အခြေခံ ဥပဒေပြင်ဆင်ရေး၊ တိုင်းရင်းသား အရေးတို့နဲ့ ပတ်သက်ပြီး အခက်အခဲ အဟန့်အတား ပြဿနာတွေ ရှိနေဦးမှာ ဖြစ်တယ်လို့ အမျိုးသား လွှတ်တော်ရဲ့ ဒုတိယ ဥက္ကဋ္ဌ က ပြောဆိုပါတယ်။ ဒါပေမယ့် အပြောင်းအလဲအတွက် အရေးကြီးဆုံး ဖြစ်တဲ့ အခြေခံ ဥပဒေ ပြင်ဆင်ရေး အတွက် လွှတ်တော်ဘက်က အားစိုက် လုပ်ဆောင်မယ်လို့လည်း ပြောဆိုပါတယ်။ အမျိုးသား လွှတ်တော်ရဲ့ ဒုတိယ ဥက္ကဌလည်းဖြစ် လွှတ်တော် နှစ်ရပ်ပေါင်း ပြည်ထောင်စု လွှတ်တော်ရဲ့ ဥပဒေကြမ်း ကော်မတီ အကြီးအကဲအဖြစ်လည်း တာဝန်ယူထားသူ ဦးအေးသာအောင်ကို မသိင်္ဂီထိုက် ဆက်သွယ်မေးမြန်းထားပါတယ်။

လက်ရှိ မြန်မာ အစိုးရက နောက်လ မတ်လ ကုန်ပိုင်းမှာ သက်တမ်းကုန်ဆုံးတော့မယ့် အချိန် ၂၀၁၅ ရွေးကောက်ပွဲမှာ အများစု အနိုင်ရ အမျိုးသား ဒီမိုကရေစီ အဖွဲ့ချုပ် NLD ပါတီက ဦးဆောင်ဖွဲ့စည်းမယ့် အစိုးရသစ်က တာဝန်လွှဲပြောင်းလက်ခံရယူရေးမှာ အခြေခံ ဥပဒေပြင်ဆင်ရေး အပါအ၀င် တချို့ ကဏ္ဍတွေမှာ အခက်အခဲ တချို့ ရှိနေဆဲ ဖြစ်တယ်လို့ အမျိုးသား လွှတ်တော်ရဲ့ ဒုတိယ ဥက္ကဌ ဦးအေးသာအောင်က ပြောဆိုပါတယ်။

“အပြောင်းအလဲ ကာလမှာတော့ ချောချောမောမော ဖြစ်လိမ့်မယ်လို့ ထင်တယ်။ ဒီလို ပြောတဲ့ အတွက်ကြောင့် အားလုံး ကောင်းပါသည်၊ အားလုံး ကောင်းလိမ့်မယ်လို့ ပြောနေတာ မဟုတ်ပါဘူး။ ပြည်တွင်းစစ် ရပ်ဖို့၊ ပြည်တွင်း ငြိမ်းချမ်းရေးကို ဖော်ဆောင်ဖို့၊ တိုင်းရင်းသား အရေးနဲ့ ပတ်သက်လို့ ဖယ်ဒရယ် ပြည်ထောင်စု တည်ထောင်ဖို့၊ ၂၀၀၈ ဖွဲ့စည်းပုံ ပြင်ဆင်ဖို့ ကိစ္စတွေမှာ အခက်အခဲတွေ၊ ပြသနာတွေ၊ အဟန့်အတားတွေ များစွာ ရှိမယ်ဆိုတာ ကျနော်တို့ သဘောပေါက်ပါတယ်။”

နောက်လကုန်ပိုင်းမှာ အစိုးရဟောင်းက ၂၀၀၈ ခုနှစ် အခြေခံ ဥပဒေအရ သက်တမ်းကုန်ဆုံးမှာ ဖြစ်ပါတယ်။ ဒါပေမယ့် အခုချိန်ထိ အစိုးရသစ်ကို ဦးဆောင်ဖွဲ့စည်းရမယ့် NLD ပါတီဘက်က သမ္မတ အမည်စာရင်းတွေ မတင်သွင်းနိုင်သေးဘဲ လာမယ့် မတ်လ တတိယပတ်မှာမှ သမ္မတ ရွေးချယ်ရေး လုပ်ငန်းစဉ်တွေကို လွှတ်တော်က စတင်နိုင်မယ်လို့ ပြည်ထောင်စု လွှတ်တော်က ဆုံးဖြတ်ထားတာပါ။ တချိန်တည်းမှာဘဲ သမ္မတ ဦးသိန်းစိန်ဟာလည်း အမေရိကန်ပြည်ထောင်စုမှာ ကျင်းပမယ့် အာဆီယံ အမေရိကန် ထိပ်သီးစည်းဝေးပွဲကို မတက်ရောက်နိုင်ဘဲ သူ့ကိုယ်စား ဒုတိယ သမ္မတ ဦးညဏ်ထွန်းကို စေလွှတ်ထားပါတယ်။ ဒီအခင်းအကျင်းတွေကြောင့်လည်း အစိုးရသစ် အလွှဲအပြောင်းအတွက် ပိုပြီး စိတ်ဝင်စားစရာ ဖြစ်စေခဲ့တာပါ။ အမျိုးသား လွှတ်တော်ရဲ့ ဒုတိယ ဥက္ကဌ ဦးအေးသာအောင်ကတော့ အလွှဲအပြောင်း အရေး ဂရုတစိုက် လုပ်ဆောင်နေရတယ်လို့လည်း မှတ်ချက်ပေးပါတယ်။

“အပြောင်းအလဲနဲ့ ပတ်သက်လို့ကတော့ ၁၉၉၀ ရွေးကောက်ပွဲ အပြီးမှာ ဖြစ်ပေါ်ခဲ့တဲ့ အနေအထားတွေ အပေါ်မှာ သင်ခန်းစာ ယူပြီးတော့ ဒီတခေါက် အပြောင်းအလဲ ဖြစ်ဖို့ ကြိုးပမ်းတဲ့ အခါမှာ ညင်ညင်သာသာ ဖြစ်ဖို့ ချောချောမွေ့မွေ့ ဖြစ်ဖို့ အပြင် အနာဂတ် အတွက် အဆင်ပြေဖို့ အတွက် ကြိုးပမ်းဆောင်ရွက်နေတဲ့ ကဏ္ဍတွေကိုလည်း တွေ့ရပါတယ်။ ဥပမာ NLD က အပြတ်အသတ် ဆိုပေမယ့် အမျိုးသား ရင်ကြားစေ့ရေးကို အဓိက ဖော်ဆောင်သွားမယ်ဆိုတဲ့ စကားကိုလည်း ပြောပါတယ်။ အဲဒါနဲ့ အတူ သမ္မတ ဦးသိန်းစိန်နဲ့ တွေ့တယ် ဆွေးနွေးတယ်။ ကာကွယ်ရေး ဦးစီးချုပ်နဲ့ တွေ့တယ် ဆွေးနွေးတယ်။ ဒါ့အပြင် အငြိမ်းစား ဗိုလ်ချုပ်မှူးကြီး သန်းရွှေနဲ့လည်း ဆွေးနွေးတယ်။ ဆွေးနွေးတဲ့ ရလဒ်တွေကလည်း ကောင်းပါတယ်။ ဒါကြောင့် အပြောင်းအလဲ ကဏ္ဍမှာတော့ ချောချောမောမော အဆင်ပြေလိမ့်မယ်လို့ ဒီလို မျှော်လင့်ပါတယ်။”

လွှတ်တော်ပိုင်းကလည်း အဓိကကျတဲ့ ၂၀၀၈ ခုနှစ် အခြေခံ ဥပဒေ ပြင်ဆင်ရေးကို အာရုံစိုက် လုပ်ဆောင်သွားမယ်လို့လည်း အမျိုးသား လွှတ်တော်ရဲ့ ဒုတိယ ဥက္ကဌ ဦးအေးသာအောင်က အခုလို ပြောပါတယ်။

“အဓိကကတော့ တိုင်းပြည် အပြောင်းအလဲ ဖြစ်ဖို့ ၂၀၀၈ ဖွဲ့စည်းပုံ ပြင်မှ ဖြစ်မယ်။ ပြင်ဖို့ အတွက် လွှတ်တော်က ကြိုးပမ်းရမယ်။ တိုင်းပြည် အနာဂတ် အတွက် တိုင်းပြည် အပြောင်းအလဲ အတွက် ၂၀၀၈ ဖွဲ့စည်းပုံ မပြင်မဖြစ် ပြင်ဖို့က အဓိက ကျတယ်။ ပြီးခဲ့တဲ့ လွှတ်တော်မှာ ၂၀၀၈ ဖွဲ့စည်းပုံကို ပြင်ဖို့ ကြိုးပမ်းခဲ့တယ်။ ကြိုးပမ်းတဲ့ နေရာမှာ ရာနှုန်းပြည့် မဟုတ်ဘူး။ ရာခိုင်နှုန်း အတိုင်းအတာ တခုထိ ပြင်ဖို့ ကြိုးပမ်းခဲ့တယ်။ မအောင်မြင်ဘူး။ အခု ဒီလွှတ်တော်မှာရော ၂၀၀၈ ဖွဲ့စည်းပုံကို ပြင်ဖို့ အတွက် အောင်မြင်နိုင်သလား ဆိုတော့ အခက်အခဲတွေ၊ အဟန့်အတားတွေ များစွာ ရှိဦးမယ်။”

လွှတ်တော်အမတ်နေရာ အများစု အနိုင်ရ အမျိုးသား ဒီမိုကရေစီ အဖွဲ့ချုပ် NLD ပါတီဘက်က လွှတ်တော် အကြီအကဲ နေရာတို့လို အရေးပါတဲ့ ရာထူးတွေမှာ တိုင်းရင်းသားတွေကို ထည့်သွင်း ဖွဲ့စည်းတာဟာ အမျိုးသား ရင်ကြားစေ့ရေး အတွက် ဆောင်ရွက်ချက် အဖြစ် ကြိုဆိုပြီး စစ်မှန်တဲ့ အမျိုးသား ရင်ကြားစေ့ရေး အတွက် တိုင်းရင်းသားတွေနဲ့ သဟဇာတ ဖြစ်ဖို့၊ ပြည်တွင်းစစ်ကို အမြန်ဆုံး ရပ်စဲနိုင်ဖို့တွေကိုပါ လုပ်ဆောင်ရမယ်လို့လည်း အမျိုးသား လွှတ်တော်ရဲ့ ဒုတိယ ဥက္ကဌ ဦးအေးသာအောင်က တိုက်တွန်းပြောဆိုပါတယ်။

မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

ဖေဖော်ဝါရီလ ၈ ရက်နေ့က ကချင်ပြည်နယ် လွှတ်တော်အစည်းအဝေး စတင်ကျင်းပစဉ်။ Photo: Kyaw Myo Min/RFA
ပြည်နယ်နဲ့ တိုင်းဒေသကြီးလွှတ်တော်တွေ ပိုမိုအသက်ဝင်လာဖို့ ဖွဲ့စည်းပုံ အခြေခံ ဥပဒေကို ပြင်ဆင် ပြဌာန်း ရမှာဖြစ်တယ်လို့ ပြည်နယ်နဲ့တိုင်းဒေသကြီး လွှတ်တော်များ အားပေးမြှင့်တင်ရေးအဖွဲ့က ပြောပါတယ်။

ဒီနေ့ ရန်ကုန်မြို့ ချက်ထရီယမ်ဟိုတယ်မှာ ပြုလုပ်တဲ့ စွမ်းဆောင်ရည်မြင့်မားတဲ့ ဒေသဆိုင်ရာ လွှတ် တော်တွေ ဖြစ်ပေါ်လာစေရေးနဲ့ နိုင်ငံရေးမှာ နိုင်ငံသားတွေ ပိုမိုပါဝင်လာစေရေး ဆွေးနွေးပွဲအပြီးမှာ ပြည်နယ်နဲ့ တိုင်းဒေသကြီး လွှတ်တော်များ အားပေးမြှင့်တင်ရေးအဖွဲ့က ဒါရိုက်တာ ကိုသက်ဇော် က ပြောပါတယ်။

"တိုင်းဒေသကြီးနဲ့ ပြည်နယ်လွှတ်တော်တွေရဲ့ လုပ်ပိုင်ခွင့်က အင်မတန် နည်းလွန်းပါတယ်၊ ဥပမာဆိုရင် သတ္တုတွင်းဝန်ကြီးဌာနရဲ့အောက်မှာ ဆားလုပ်ငန်း လောက်ပဲလုပ်ပိုင်ခွင့်ပေးတာမျိုး၊ ငါးမွေးမြူရေးနဲ့ ပတ်သက်ရင်လည်း အင်းအိုင် အသေးလေးလောက်ပဲ လုပ်ပိုင်ခွင့်ပေးတာမျိုး၊ ပြောရရင်တော့ ဆားချက်တာ လောက်ပဲလုပ်ခွင့်ရှိတယ်၊ အဲ့တော့ ဖွဲ့စည်းပုံအခြေခံပြင်ဆင်ရေးကတော့ ပြည်နယ်တိုင်း ဒေသကြီးလွှတ်တော်တွေ လုပ်ပိုင်ခွင့်ပေးလာ ဖို့တော့ ပြည်ထောင်စု လွှတ်တော်ကပါပဲ"

အဲ့ဒီဆွေးနွေးပွဲကို ၈၈ မျိုးဆက်ငြိမ်းချမ်းရေးနဲ့ပွင့်လင်းလူ့အဖွဲ့အစည်းက ဦးကိုကိုကြီး၊ ရန်ကုန်တိုင်း ဒေသကြီး ရခိုင်တိုင်းရင်းသားရေးရာဝန်ကြီး ဦးဇော်အေးမောင်၊ ရန်ကုန်တိုင်းဒေသကြီး လွှတ်တော် ကိုယ်စားလှယ် ကိုနေဘုန်းလတ်တို့ ဆွေးနွေးခဲ့ကြပါတယ်။

ပြည်နယ်နဲ့တိုင်းဒေသကြီး လွှတ်တော်များအားပေးမြှင့်တင်ရေးအဖွဲ့ အနေနဲ့ လွှတ်တော်ကိုယ်စားလှယ် တွေ လက်ရှိရရှိထားတဲ့ လုပ်ကိုင်ခွင့်တွေနဲ့ ထိရောက်တဲ့ အဆိုတွေ တင်သွင်းနိုင်ဖို့အချက်အလက်တွေ ပံ့ပိုးပေး သွားမှာဖြစ်ပြီး လိုအပ်တဲ့ ဆွေးနွေးပွဲတွေကိုလည်း လုပ်ဆောင်ပေးမယ်လို့ ပြောပါတယ်။

အဲ့ဒီဆွေးနွေးပွဲကို ရန်ကုန်တိုင်းဒေသကြီးလွှတ်တော် ဥက္ကဌအပါအ၀င် လွှတ်တော်ကိုယ်စားလှယ် ၇၀ ဦးကျော် တက်ရောက်ခဲ့ကြပါတယ်။

RFA Burmese
http://www.rfa.org/burmese

လွှတ်တော်အစည်းအဝေး တက်ရောက်လာတဲ့ ကိုယ်စားလှယ်အသစ်တွေကို တွေ့ရစဉ်။ Photo: Myo Thant Khaing/RFA
ကုလသမဂ္ဂဖွံ့ဖြိုးရေးအစီအစဉ် UNDP နဲ့ နိုင်ငံတကာလွှတ်တော်သမဂ္ဂ IPU တို့က ပူးပေါင်းပြီး ပြည်ထောင်စု အဆင့်လွှတ်တော်ကိုယ်စားလှယ်တွေအတွက် မနက်ဖြန် ဖေဖော်ဝါရီလ ၁၅ ရက်နေ့ ကစပြီး စွမ်းရည်မြှင့် သင်တန်းပို့ချပေးသွားမှာဖြစ်ပါတယ်။

လွှတ်တော်ကိုယ်စားလှယ်အားလုံးကို သင်တန်းပို့ချတာဟာ အခုတကြိမ် ပထမဆုံးဖြစ်တယ်လို့ ပြည်သူ့ လွှတ်တော် ကိုယ်စားလှယ် ဒေါ်ခင်စောဝေ က ပြောပါတယ်။

"အရင်တုန်းက ဒီလိုလွှတ်တော်ကိုယ်စားလှယ်အကုန်လုံးကိုမပေးဘူး၊ ဥပဒေရေးရာနဲ့ ပတ်သက်လို့ရှိရင် အယောက် ၂ဝ တို့၊ အယောက် ၂၅ တို့လောက်ပဲပေးပါတယ်၊ အန်တီတို့လည်း တက်ဘူးပါတယ်၊ ဒါပေမယ့် ဒီလိုမျိုးလွှတ်တော်ကိုယ်စားလှယ် အကုန်လုံးကိုတော့ တစ်ခါမှမပေးဘူးပါဘူး၊ ဒါပထမဆုံးပါပဲ"

ဖေဖော်ဝါရီလ ၁၅ ရက်နေ့ကနေ ၁၉ ရက်နေ့အထိဖြစ်ပြီး သင်တန်းကာလ ၅ ရက် အတွင်း လွှတ်တော် နှစ်ရပ်လုံးကို ရပ်နားထားမှာဖြစ်ပါတယ်။

လာမယ့်ဖေဖော်ဝါရီလ ၂၂ ရက်နေ့မှာ အမျိုးသားလွှတ်တော်နဲ့ ပြည်သူ့လွှတ်တော်တွေ ကို ပြန်လည်ခေါ်ယူမှာဖြစ်ပါတယ်။

ပြည်ထောင်စုလွှတ်တော်အတွင်းက သဘင်ဆောင်မှာ သင်တန်းပို့ချမှာဖြစ်ပြီး ဗြိတိန်၊ တီမောနဲ့ အင်ဒိုနီးရှား နိုင်ငံတွေက လွှတ်တော်ကိုယ်စားလှယ် အဟောင်းတွေက လာရောက်ပို့ချပေးမှာ ဖြစ်တယ်လို့ ပြောပါတယ်။

RFA Burmese
http://www.rfa.org/burmese

 လွှတ်တော် စွမ်းအားမြှင့် အဖွဲ့ MCREP က တိုင်း ဒေသကြီး လွှတ်တော်တွေနဲ့ ပြည်သူတွေ ပိုမို ချိတ်ဆက်ဖို့ လုပ်ငန်း စတင်
ဖေဖော်ဝါရီလ ၁၄ ရက်နေ့မှာ နိုင်ငံရေး အကျဉ်းသား ဟောင်းများ ဦးဆောင်တဲ့ လွှတ်တော် စွမ်းအားမြှင့် အဖွဲ့ MCREP က တိုင်း ဒေသကြီး လွှတ်တော်တွေနဲ့ ပြည်သူတွေ ပိုမို ချိတ်ဆက်ဖို့ လုပ်ငန်း စတင်တော့မယ့် အကြောင်း ရန်ကုန်မြို့မှာ မိတ်ဆက်ရှင်းပွဲကို ကျင်း ပ ခဲ့ပါတယ်။

အဆိုပါ အခမ်းနား ကို ရန်ကုန်တိုင်းက လွှတ်တော် ဥက္ကဋ္ဌ အပြင် ရန်ကုန်တိုင်းက လွှတ်တော် ကိုယ်စားလှယ် အတော် များများ တက်ရောက် ကြခဲ့ကြပါတယ်။

နိုင်ငံရေး အကျဉ်းသားဟောင်းများ ဦးဆောင်တဲ့ လွှတ်တော် စွမ်းအားမြှင့် အဖွဲ့ MCREP က အဓိ ကကတော့ တိုင်း နဲ့ ပြည်နယ် တွေမှာရှိတဲ့ လွှတ်တော်တွေ ကို ဝိုင်းကူညီ ဖို့ နဲ့ လူထုနဲ့ ပူးပေါင်းပြီး ဆောင်ရွက် ဖို့ အတွက် ရည်ရွယ်ပြီး ဖွဲ့စည်း တာဖြစ်တယ် လို့ ပြောပါတယ်။

အခု လောလော ဆယ်မှာ ရန်ကုန်တိုင်း ဒေသကြီး လွှတ်တော်ကို အဓိက ကူညီမှု တွေ ပြုလုပ် သွားမယ့် အကြောင်း လွှတ်တော်စွမ်းအားမြှင့် အဖွဲ့ MCREP ရဲ့ အမှုဆောင် ဒါရိုက်တာ ဦးဇော်ရဲ ဝင်း က ဘီဘီစီကို ပြောပါတယ်။

MCREP အဖွဲ့ရဲ့ အစီစဉ် ကို လွှတ်တော် ကိုယ်စားလှယ်တွေက စိတ်ဝင်တစားရှိကြ ပြီး အမျိုးသားဒီမိုကရေစီအဖွဲ့ချုပ် ပါတီရဲ့ တိုင်းဒေသကြီး လွှတ်တော် ကိုယ်စားလှယ် ဒေါ်စန္ဒာမင်း က အခု အစီအစဉ်ဟာ လွတ်တော် ကိုယ်စားလှယ်တွေ အတွက် အများကြီး အထောက် အကူ ဖြစ်မယ်လို့ ပြောပါတယ်။

နိုင်ငံရေး လေ့လာ သူတွေက တိုင်းဒေသကြီး လွှတ်တော်နဲ့ အစိုးရ တွေရဲ့ လုပ်ပိုင်ခွင့်ဟာ ဗဟိုအစိုးရ က လုပ်ကိုင်တဲ့ စီမံကိန်း တွေမှာ ဝင်ရောက် ဆောင်ရွက် စီမံပိုင်ခွင့် ကို အခြေခံ ဥပဒေကထိန်းချုပ်ထားဆဲ ဖြစ်တာကြောင့် ပြည်နယ် နဲ့ တိုင်း လွှတ်တော် တွေရဲ့ လုပ်ပိုင်ခွင့်ဟာ အကန့်အသတ်တွေရှိနေတယ်လို့ ပြောနေကြပါတယ်။

BBC Burmese
http://www.bbc.com/burmese

စစ်ဘေးလွတ်ရာတွေဆီ ထွက်ပြေနေရတဲ့ ရှမ်း၊ ပလောင်ဒေသခံပြည်သူတွေ။
ရှမ်းပြည်နယ် အခြေစိုက် တိုင်းရင်းသား လက်နက်ကိုင် တပ်ဖွဲ့ ၂ ခုကြား ဖြစ်ပွားနေတဲ့ တိုက်ပွဲတွေက ပိုပြီး တင်းမာလာနေပါတယ်။ လနဲ့ချီ ဖြစ်ပွားနေတဲ့ နှစ်ဘက်တိုက်ပွဲတွေကြောင့် ထောင်နဲ့ ချီတဲ့ စစ်ရှောင် ဒုက္ခသည်တွေ အခက်အခဲ မျိုးစုံနဲ့ ရင်ဆိုင်နေကြရပါတယ်။ တိုက်ပွဲတွေ ရပ်စဲဖို့ တွေ့ဆုံဆွေးနွေးလိုစိတ်ရှိပါတယ်လို့ နှစ်ဘက်က ပြောဆိုကြပေမယ့် ဆွေးနွေးကြမယ့် အရိပ်အယောင်တွေတော့ မတွေ့ရသေးပါဘူး။ ရှမ်းပြည်နယ်မြောက်ပိုင်းက တိုက်ပွဲတွေရဲ့ နောက်ဆုံးရ အခြေအနေ မဆုမွန်က စုစည်းတင်ပြပေးထားပါတယ်။

အစိုးရနဲ့ အပစ်ရပ်လက်မှတ်ထိုးထားတဲ့ ရှမ်းပြည်ပြန်လည် ထူထောင်ရေး ကောင်စီ RCSS/SSA တောင်ပိုင်းတပ်နဲ့ တအောင်း ပလောင် အမျိုးသားလွတ်မြောက်ရေးတပ် TNLA တို့အကြား ပြီးခဲ့တဲ့နှစ် နိုဝင်ဘာလကုန်ပိုင်းက စခဲ့တဲ့ တိုက်ပွဲတွေက အခုဆိုရင် ၃ လအတွင်းကို ၀င်ရောက်လာခဲ့ပြီ ဖြစ်ပါတယ်။ ပြီးခဲ့တဲ့ရက်ပိုင်းအတွင်းမှာတော့ ရှမ်းပြည်နယ်မြောက်ပိုင်း ကျောက်မဲမြို့နယ်၊ နမ့်ခမ်းမြို့နယ်နဲ့ နမ့်ဆန်၊ မိုင်တုံ၊ ကွတ်ခိုင်စတဲ့ဒေသတွေမှာ နှစ်ဘက်တပ်တို့အကြား တိုက်ပွဲတွေက အတော်လေးကို ပြင်းပြင်းထန်ထန်ဖြစ်ပွားလာလို့ ထောင်ချီတဲ့ ရှမ်း၊ ပလောင်ဒေသခံပြည်သူတွေ စစ်ဘေးလွတ်ရာတွေဆီ ထွက်ပြေးခဲ့ရပါတယ်။

 အခုလက်ရှိအခြေအနေမှာတော့ နှစ်ဘက်တပ်တို့အကြား စစ်ရေးတင်းမာနေဆဲ အခြေအနေဖြစ်ပြီး တိုင်းရင်းသားလက်နက်ကိုင်အချင်းချင်း ရန်သူမဟုတ်တဲ့အတွက် ပြေလည်အောင် ညှိနှိုင်းဆွေးနွေးလိုတဲ့သဘောထား သူတို့မှာ ရှိပါတယ်လို့ RCSS/SSA တောင်ပိုင်း တပ်ပြောခွင့်ရ ဗိုလ်မှူးကြီးစိုင်းလ က ဗွီအိုအေကိုပြောပါတယ်။

“ စစ်ရေးအခြေအနေကတော့ တင်းမာတယ်လို့ပြောလို့ရပါတယ်။ ကျနော်တို့ တိုက်ရိုက်တွေ့ဆုံပြီးတော့ မညှိနှိုင်း နိုင်ရင်တောင်မှ ကြားလူ အကျိုးဆောင်ပေးခြင်းအားဖြင့် ညှိနှိုင်းပြီး ဖြစ်ပျက်နေတဲ့တိုက်ပွဲတွေကို အရှိန် လျှော့ချနိုင်သလောက် လျှော့ချပြီး ၊ ရပ်တန့်နိုင်သည် အထိ ညှိနှိုင်းဆွေးနွေး အဖြေရှာသွားဖို့ သင့်တော်ပါတယ်။ ဘာဖြစ်လို့လဲဆိုတော့ စစ်တိုက်ကြတယ်ဆိုတာ မကောင်းပါဘူး။ TNLA ကို ကျနော်တို့က ရန်သူလို သဘောထားပြီးတော့ တိုက်ဖို့လည်း ဘယ်တော့မှလည်း မစဉ်းစားခဲ့ပါဘူး။ အခု TNLA ဘက်က စတင်တိုက်ခိုက်လာလို့ ပြန်လည်ခုခံ ကာကွယ်တိုက်ခိုက်ရခြင်းဘဲ ဖြစ်ပါတယ်။ စစ်ရေး နည်းလမ်းနဲ့ ဖြစ်ပျက်နေတဲ့ ပြဿနာတွေကို မဖြေရှင်းချင်လို့ NCA အရ ကျနော်တို့ လက်မှတ်ထိုးခဲ့တယ်။ လိုလားခဲ့တယ်။ အခုလည်း ကျနော်တို့ တိုင်းရင်းသားလက်နက်ကိုင် အချင်းချင်း ဒီလို ငြိမ်းချမ်းတဲ့ နည်းလမ်းနဲ့ပဲ တွေ့ဆုံဆွေးနွေး အဖြေရှာသွားရတာက ပိုပြီးတော့ အကောင်းဆုံးဖြစ်ပါလိမ့်မယ်လို့။ TLNA နဲ့ အတူ ကျနော်တို့ မှာ တွေ့ဆုံဆွေးနွေးဖို့ အသင့်ဖြစ်ပါတယ် ဆိုတဲ့အကြောင်း ကျနော်တို့ အကြိမ်ကြိမ် အဖန်ဖန် ထုတ်ဖော်ပြောကြားခဲ့ပြီး ဖြစ်ပါတယ်။”

နှစ်ဘက်ရင်ဆိုင်တိုက်ပွဲတွေဖြစ်နေတဲ့ ရှမ်းမြောက်ပိုင်းမှာ စစ်ဖြစ်နေဆဲဖြစ်ပြီး RCSS ဘက်က စစ်အင်အားအလုံးအရင်းနဲ့ တိုးချလာနေတယ်လို့ ပလောင်ပြည်နယ် လွတ်မြောက်ရေးတပ်ဦး (P.S.L.F) လက်အောက်ခံ တအောင်းအမျိုးသားလွတ်မြောက်ရေးတပ်( TNLA) ပြောခွင့်ရ မိုင်အိုက်ကျော်က ပြောပါတယ်။

“ကျနော်တို့ တိုက်ပွဲက ၇ ရက်နေ့ကနေစပြီးတော့မှ ဒီကနေ့အထိ တိုက်ပွဲက ပျက်တဲ့ရက်ကိုမရှိဘူး။ ဒီကနေ့လည်း အဲဒီဘက်မှာ အစိုးရတပ်တွေပြန်ရောက်လာတယ်။ တောင်ကုန်းပေါ်မှာနေပြီးတော့မှ ဒီ RCSS နဲ့ ပြန်ပူးပြောင်းလာတယ်။ ဒီဖေဖော်ဝါရီလမှာ ပိုပြီးတော့မှ ပြင်းထန်တယ်။ ကျနော်တို့လည်း တိုက်ပွဲတော့ ဖြစ်ချင်တဲ့ ဆန္ဒတော့မရှိဘူး။ ဒီနည်းလမ်းကို ကျနော်တို့လိုက်ရှာနေတယ်။ UNFC ဘက်ကလည်း တဖက်က ညှိနှိုင်းပေးမယ် ကြားကနေ ညှိနှိုင်းပေးမယ်လို့ပြောတယ်။ ကျနော်တို့လည်း UNFC ကိုတဆင့် ကြားကနေ စေ့စပ်ပေးဖို့အတွက် အကြောင်းပြန်လာတယ်။ UNFC က အခု အလုပ်လုပ်နေတယ်ပေါ့နော် အဲ့ဒီ ကိစ္စအတွက်။”

နှစ်ဘက်တပ်တွေ ပြေလည်အောင် ဖြေရှင်းနိုင်ဖို့အရေး UNFC ဘက်က ကြားဝင်ဖြေရှင်းပေးဖို့ ကြိုးစားနေသလို သူတို့ဘက်ကလည်း ဒေသတွင်း တည်ငြိမ်စေလိုပါတယ်လို့လည်း TNLA ဘက်က ပြောပါတယ်။ ဒါ့အပြင် တအောင်းတပ်ဘက်ကပြည်သူလူထုတွေအပေါ် ညှင်းပမ်းနှိပ်စက်မှုတွေရှိနေတယ်ဆိုပြီး ဒေသတွင်း ထွက်ပေါ်နေတဲ့သတင်းတွေနဲ့ပတ်သက်ပြီးလည်း TNLA ဘက်က ငြင်းချက်ထုတ်ပါတယ်။

“ကျနော်တို့ အဖွဲ့တွေက လူထုတွေကို ဖမ်းဆီး သတ်ဖြတ်တာတွေရှိတယ်။ ဘုန်းကြီးအပါပေါ့နော်။ တကယ့်မြေပြင်မှာတော့ မရှိဘူး ကျေးရွာတွေ မီးရှို့တာတွေလည်းမဟုတ်ဘူး ပေါ့နော်။ ကြိုက်တဲ့ မီဒီယာ၊ ကြိုက်တဲ့ အဖွဲ့အစည်းတွေ ဖြစ်ဖြစ် လာစစ်လို့ရတယ်။ လာပြီး သတင်းယူလို့ ရတယ်။ ကျနော်တို့ဆီမှာ ရောက်လာလို့ရှိရင်တော့ လုံခြုံရေးကအစ အကုန်လုံး အစစအရရ ကျနော်တို့ ကူညီပေးမှာပါ။”

အခုလို ရှမ်းမြောက်ဘက်မှာ တအာင်း ပလောင် လက်နက်ကိုင် TNLA နဲ့ ရှမ်းပြည် တပ်မတော် တောင်ပိုင်းတပ်တို့ အကြား လတ်တလော ဖြစ်ပေါ် နေတဲ့ တိုက်ပွဲအတွင်း အရပ်သား တွေကိုပါ ပစ်မှတ်ထား ဖမ်းဆီး ပြီး သတ်ဖြတ်တဲ့အထိ အထိ ဖြစ်နေတဲ့အပေါ် ရှုတ်ချကြောင်း တိုင်းရင်းသားနိုင်ငံရေးပါတီတွေ စုဖွဲ့ထားတဲ့ စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့ UNA က ကြေညာချက် ထုတ် ကန့်ကွက်ထားပါတယ်။ အလားတူ ရှမ်းပြည်တိုးတက်ရေးပါတီSSPP/SSA မြောက်ပိုင်းတပ်ဘက်ကလည်း အခုလို ရှမ်းတောင်ပိုင်းတပ်နဲ့ တအောင်းတပ်တို့ကြား ဖြစ်ပွားနေတဲ့ လက်နက်ကိုင်ပဋိပက္ခနဲ့ အပြစ်မဲ့ပြည်သူတွေပါ စစ်ဘေးဒဏ်သင့်နေရတဲ့အပေါ် နိုင်ငံရေးအရ နှစ်ဘက်တွေ့ဆုံပြီး ညှိနှိုင်းအဖြေရှာဖို့ မေတ္တာရပ်ခံထားပါတယ်။

ဒေသခံပြည်သူတွေ ထောင်ချီ ဒုက္ခရောက်နေရတဲ့အပေါ် ရှမ်းပြည်နယ်အစိုးရဘက်က ဒီ့ထက်ပိုပြီး ကူညီဆောင်ရွက်ပေးသင့်သလို တိုက်ပွဲတွေရပ်ပေးဖို့ကိုလည်း နှစ်ဖက်တပ်တွေကို တောင်းဆိုလိုပါတယ်လို့ ရှမ်းလူငယ်ကွန်ရက်က စိုင်းဖုန်းခေါင်က ပြောပါတယ်။

“ပြည်နယ်သားအချင်းချင်း ဒီလက်နက်ကိုင်နည်းနဲ့ ဖြေရှင်းနေတာ မမှန်ဘူးလို့ပဲ ကျနော်တော့ ယူဆတယ်။ အဲ့ဒါအပြင်ကို လူထုကို ဦးတည်ပြီး တိုက်ခိုက်နေတာတို့ဖြစ်လာတယ်ဆိုတော့ တိုင်းရင်းသားအချင်းချင်း ကြားထဲမှာ မုန်းတီးတဲ့ ပြဿနာတွေ ဖြစ်လာနိုင်တယ်ပေါ့နော်။ ရှမ်းပြည်နယ်အစိုးရဘက်က အထောက်အပံ့ပေးမယ့် အဖွဲ့အစည်းတွေကိုလည်း လမ်းဖွင့်ပေးဖို့ လိုအပ်တယ်လို့ ယူဆတယ်လေ။ အခုထက်ထိ ရှမ်းပြည်မှာ ၀င်ရောက်ပြီး ကူညီဖို့ကိုလည်း အစိုးရက လက်မခံဘူး။ အဲလိုဖြစ်နေတယ်။ ရှိတဲ့ဒေသခံတွေရဲ့ အကူအညီတွေနဲ့ လက်တလော ကူညီနေတာပဲ ရှိနေတာကို။ ပြန်လည်တည်ထောင်ရေးလုပ်ငန်းတွေ မလုပ်နိုင်ဘူးပေါ့။”

လတ်တလောမှာတော့ ရှမ်းပြည်နယ်မြောက်ပိုင်း ကျောက်မဲတိုက်ပွဲတွေကြောင့် ဒေသခံတွေ စစ်ဘေးလွတ်ရာ ထွက်ပြေး တိမ်းရှောင်နေရဆဲဖြစ်သလို မထွက်ပြေးနိုင်ပဲ ရွာတွေထဲ ပိတ်မိနေတဲ့ပြည်သူတွေလည်း ရှိနေတယ်လို့ ကူညီ ကယ်ဆယ်ပေးနေသူတွေကပြောပါတယ်။ လတ်တလောမှာတော့ ထောင်ချီထွက်ပြေးလာနေတဲ့ စစ်ရှောင်ဒုက္ခသည်တွေအတွက် ကျောက်မဲမြို့ပေါ်ကမှာ စစ်ဘေးရှောင်ဒုက္ခသည်စခန်း သုံးခုဖွင့်လှစ်ထားပြီး ရှမ်းနိုင်ငံရေးပါတီတွေ၊ ရှမ်းလူမှုကူညီရေးအဖွဲ့အစည်းတွေနဲ့ ဒေသခံရပ်မိရပ်ဖတွေက ဝိုင်းဝန်း ကူညီစောင့်ရှောက် ပေးနေကြပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.