02/16/16

၅ နှစ်သက်တမ်းရှိသော ကာလတွင်း ကုလားထိုင်တစ်လုံးကို စွဲစွဲမြဲမြဲ ရရှိထားသူအဖို့ တစ်သက်တာ မပူမပင်ရသော ဓနဥစ္စာ ရရှိသွားနိုင်လေသည်။ ယင်းကြောင့်လည်း ကုလားထိုင်ကို လွန်စွာမက်မော ကြခြင်းဖြစ်သည်။ ကြည့်...ဒေါ်စုအစိုးရအဖွဲ့ ဖွဲ့ဖို့ စည်းဝါးရိုက်ရုံ ရှိသေးသည်။ ကုလားထိုင်လိုချင်သူများက ရွပိုးထိုးလျက် ရှေ့ထွက်လာ ...

~~~~~~~~~~~~~~~~~~~~~~~~~~~~~~~~~~~~~~~~~~~~

ကုလားထိုင်ဆိုသည်မှာ နေရာကြီးကြီးကို ဆိုလိုသည်။ နေရာကြီးကြီးမှာ ထိုင်ရသော ကုလားထိုင်ကို အားလုံး လိုလို သိပ်မက်ကြသည်။ ကုလားထိုင်ပေါ်မှာ ထိုင်မိပါက စည်းစိမ်ယစ်မူးပြီး မထချင်တော့ပေ။ စင်စစ် မိမိ ထိုင်ခွင့်ရသော ကုလားထိုင်ကို အချိန်ကျလျှင် နောက်လူကို ဖယ်ပေးရန် အသိတရားရှိသူ၊ သတိတရားရှိသူ အလွန်နည်းပါးလှသည်။ မရှိသလောက်ရှားသည်။ ကုလားထိုင်မက်သည့်ရောဂါသည် ယနေ့ကာလတွင် နေရာတိုင်းမှာ တွေ့နေရသည်။ ယင်းကုလားထိုင်မက်သည့် ရောဂါသည် မည်မျှထိ ဒုက္ခပေးပါသနည်း။ အန္တရာယ်များပါသနည်း။ ပြည်သူလူထုကို ချောက်ကျအောင် မည်မျှထိဖြိုပျက် ဖျက်ဆီးကြပါသနည်း။

ဒေါ်စုသည် ကုလားထိုင်မက်သည့် ရောဂါကို ကျကျနန လေ့လာထားသူပင်။ ကမ္ဘာ့ကုလသမဂ္ဂမှာကအစ ပြည်ပနေရာတွေမှာ တာဝန်ထမ်းဆောင် ခဲ့သော ဒေါ်စုသည် ကုလားထိုင်မက်သော မြန်မာနိုင်ငံ အခြေအနေ ကိုလည်း ပြည်ပနိုင်ငံများက အခြေအနေနှင့် နှိုင်းယှဉ် ကာ လေ့လာသိရှိထားသူဖြစ်သည်။

၁၉၉၀ ပြည့်နှစ် ရွေးကောက်ပွဲ ၂၃ နှစ်ပတ်လည်(၂၇-၅-၂၀၁၃)နေ့မှာ ဒေါ်စုသည် မပြောမဖြစ်စကားကို NLD ပထမဆုံးအကြိမ် ဗဟိုကော်မတီအစည်းအဝေးတွင် ကုလားထိုင်မက်သူတို့ အကြောင်း ပြောသွားသေးသည်။

ကုလားထိုင်ဆိုသည်မှာ မည်သည့်အခါမှ တည်မြဲသည့် ကိစ္စမဟုတ်။ သေချာ စဉ်းစားကြည့်ပါက ကုလားထိုင် ပေါ်တွင် ကြာကြာထိုင်လျှင် အင်မတန်မှ ညောင်းလာမည်ဖြစ်သည်။ ကြာကြာထိုင်လျှင် ကျန်းမာရေးချို့တဲ့ တတ်သည်ဟု ဒေါ်စုက ယဉ်ယဉ်ကျေးကျေး လိမ်လိမ်မာမာ သတိပေးလိုက်ပြီး ကုလားထိုင်တွင် ကြာကြာ ထိုင်သူသည် ကိုယ်ကျန်းမာရေး သာမက စိတ်ကျန်းမာရေးလည်း ချို့တဲ့တတ်သည်။ ထို့ကြောင့် ကုလားထိုင် ပေါ်တွင် ကြာကြာထိုင်လိုသော စိတ်ဓာတ်ကို ယခုကတည်းက ဖယ်ရှားကြရန် လွန်ခဲ့သော ၂ နှစ်ခန့်ကတည်းက ဒေါ်စုကိုယ်တိုင် သတိပေးထားခဲ့သည်။

အဂတိလိုက်စားမှုသည် ၀န်ကြီးဌာနမှာသာမက ညွှန်ချုပ်ရုံးတို့မှာလည်း ရှိသည်။ ထို့ပြင် ငွေထုတ်ပေးရသည့် ဌာနတိုင်းတွင် အဂတိကိစ္စ လာဘ်ပေးလာဘ်ယူရှိသည်။ သမ္မတကြီး ပြောသလို ၃ သိန်း လောက်ဆိုသည်မှာ ညွှန်ချုပ်များ၊ ဦးဆောင်ညွှန်ကြား ရေးမှူးများ အုပ်ချုပ်သည့်ဌာနများမှာ တစ်ကြိမ်လာဘ်စားရုံဖြင့် ရရှိနိုင်သည်။ ပို၍ ရှင်းလင်းအောင် ပြောရလျှင် ကုလားထိုင်ရှိထားသူသည် ငွေ ၃ သိန်းလာဘ်စားတိုင်း ပြည်သူ့ ဘဏ္ဍာငွေထဲက ငွေ ၃သိန်းသည် သူခိုးသူဝှက် လက်ထဲရောက်ပြီး ပျောက်ဆုံးသွားရသည်ပင်။ ကုလားထိုင်ရှိ သူတိုင်းလိုလို မစားသူ အလွန်နည်းသည်။ စားသူသိပ်များသည်။ တချို့ဌာနတွင် ကုလားထိုင်ရှိသူ ဤအံဆွဲကို ဖွင့်ထားရုံသာရှိသည်။ အဂတိလိုက်စားမှုဖြင့် အပေးအကမ်းပြုရ သူတို့သည် ယင်းအံဆွဲထဲသို့ ကုလားထိုင် လူကြီးအလိုရှိသည့်ငွေကို ထည့်သွားရသည်။ ရုံးဆင်းသောအခါ ကုလားထိုင်ပိုင်ရှင်၏ လက်ဆွဲအိတ်ကြီးထဲတွင် ဤငွေတို့ ဖောင်းဖောင်းကားကား ပါသွားလေ့ရှိသည်။

ရုံးတိုင်းလိုလိုမှာ ယနေ့ကာလ လိုင်းကြေးရှိသည်။ လိုင်းကြေးကို ကုလားထိုင်ကြီး၊ ကုလားထိုင်လတ်၊ ကုလား ထိုင်သေးကအစ ရုံးပေါက်ဝမှာ ခွေးခြေဖြင့်ထိုင်သော ရုံးအကူကိုပင် ပေးရသည်။ လိုင်းကြေး မပေးလျှင် မိမိကိစ္စ မပြီးနိုင်။ ထို့ကြောင့် မိမိကိစ္စပြီးနိုင်အောင် လိုင်းကြေးကို မဖြစ်မနေပေးရခြင်းဖြစ်သည်။

တချို့ရုံးတို့တွင် ကုလားထိုင် ထိုင်နေသူတို့နှင့် မိမိကိစ္စအောင်မြင်ရေးအတွက် စာပေးစာယူလုပ်ရာတွင် ကြားပွဲစားနှင့် စခန်းသွားရသည်လည်းရှိသည်။ ကြားပွဲစားက ကုလားထိုင်လူကြီးအတွက် မည်မျှပေးရမည်။ သူ့အတွက်တော့ ဆောင်ရွက်ခ သဒ္ဓါသလောက်ပေးပါဟု ဆိုသည်။ မိမိကိစ္စအောင်မြင်ရေး၊ ပြီးမြောက် ရေးတို့အတွက် ကြားပွဲစားတောင်း သမျှကို ရှောရှောရှူရှူပေးရလေသည်။ သို့မှလည်း အလုပ်ဖြစ်တော့သည်။ မပေးသမျှတော့ မိမိကိစ္စကို ထစ်သွားပေးလိမ့်မည်။ ကုလားထိုင်သမား လာဘ်မရ၊ သို့မဟုတ် ကုလားထိုင် အရှင်သခင်ကို လာဘ်လာဘ မဆက်သပါလျှင် မိမိကြိုးပမ်း အားထုတ်မှုသည်လုံးဝ အကျိုးမဲ့မှုဖြင့် ကြုံတွေ့ ရမည်သာပင်။

ထို့ကြောင့် ကုလားထိုင်သမားကို ပွဲတော်ဆက်ရသည်မှာ တချို့ဆိုလျှင် သိန်းရာချီ၍ပင် ပေးရလေသည်။ တင်ဒါကိစ္စ၊ ခွဲတမ်းကိစ္စ လုပ်ငန်းချပေးဖို့ အဖွဲ့ဝင်ကုလားထိုင် လူကြီးတို့ကို ပဏ္ဏာဆက်သခတို့သည် နေ့စဉ်နှင့်အမျှ ဖက်ရှင်လုပ်ငန်းသဖွယ် တွင်ကျယ်နေ၏။

ဆောက်လုပ်ရေး သို့မဟုတ်မြေနှင့် ပတ်သက်သော အလုပ်ကိစ္စတို့တွင် ကြားပွဲစားတစ်ဦးနှင့်မပြီးဘဲ ၂ ဦး ၃ ဦးထိ အဆင့်ဆင့် ပေးကမ်းရမှုတို့ရှိ၏။ ကုလားထိုင်လူကြီး အဂတိလိုက်စားမှုအတွက် အဂတိလိုင်းကြေး၊ ဆက်ကြေးပေးရသည်မှာလည်း သာမန်အရည်အချင်းနှင့်မရ အလွန်စိတ်ရှည်ရသည်။ တစ်ခါတစ်ရံ ပွဲစားက တစ်ဆင့် ကုလားထိုင်ရနေသူထံသို့ ရောက်ရှိအောင် ကုလားထိုင်ရတို့၏ တူ၊ တူမဆွေမျိုးသားချင်းများထိ လာဘ်လာဘ ဆက်သကြရလေသည်။

၅ နှစ်သက်တမ်းရှိသော ကာလတွင်း ကုလားထိုင်တစ်လုံးကို စွဲစွဲမြဲမြဲ ရရှိထားသူအဖို့ တစ်သက်တာ မပူမပင်ရသော ဓနဥစ္စာရရှိသွားနိုင်လေသည်။ ယင်းကြောင့်လည်း ကုလားထိုင်ကို လွန်စွာမက်မောကြ ခြင်းဖြစ်သည်။

ကြည့်...ဒေါ်စုအစိုးရအဖွဲ့ဖွဲ့ဖို့ စည်းဝါးရိုက်ရုံရှိသေးသည်။ ကုလားထိုင် လိုချင်သူများက ရွပိုးထိုးလျက် ရှေ့ထွက်လာကြလေသည်။ ““၀န်ကြီးဖွဲ့စည်းရေး၌ ၀န်ကြီးနေရာ လျှောက်ထားသူများ အလွန်များပြား လျက်ရှိပြီး စိတ်ပျက်စရာ အခြေအနေနှင့် ကြုံနေရသည်””ဟု NLD ပြောရေးဆိုခွင့်ရှိသူ ဦးဝင်းထိန်က ဖွင့်ဟထား၏။

တိုင်းပြည်အကျိုး၊ နိုင်ငံ့အကျိုး၊ ပြည်သူ့အကျိုးကို ရိုးသားစွာ ထမ်းဆောင်နိုင်ဖို့ အတွက် မိမိ၏အစွမ်းအစ အကြံဉာဏ် ဆောင်ရွက်ပေးနိုင်မှု တို့ကို ဘေးချိတ်ထားပြီး မိမိအတွက် ကုလားထိုင်ရဖို့၊ ၀န်ကြီးနေရာလို ကုလားထိုင်ကြီးကြီးရဖို့ သွားရည် မသိမ်းနိုင်၊ ဟန်မဆောင်နိုင်အောင် ငမ်းငမ်းတက်ဖြစ်နေကြသည်မှာ အမှန်တကယ် ရွံရှာစက် ဆုပ်ဖွယ် ကောင်းလှပေသည်။

ယင်းတို့ကို ကုလားထိုင်တစ်လုံးစာ ပေးဖို့မှာ စင်စစ်အလွန်စိတ်မချစရာပင်။ အစောင့်ကို မည်သူတို့ စောင့်ကြည့်မည်နည်းဟူသော CIA ထောက်လှမ်းရေး စကားပုံလို ကုလားထိုင်သမားတို့ မစားအောင် မ၀ါးအောင် မဆုံးနိုင်သော အစောင့်အကြပ်တို့ ထားရတော့မလို။ စိတ်မချစရာပင်။

ရှေ့တွင်ဒေါ်စုသည် ကုလားထိုင်ပေါ် ထိုင်ချင်သူတို့နှင့် မလွဲမသွေ ဆုံတွေ့ရပေလိမ့်မည်။ အမြင့်ဆုံး နိုင်ငံတော် အစိုးရအဖွဲ့ ကအစ အောက်ဆုံးရုံးဌာန ကလေးတွေထိ ကုလားထိုင်ပေါ်မှာထိုင်လျက် အဂတိလိုက် စားသွားမည့် သူတို့က ဒေါ်စုကို ယခုကတည်းက စိန်ခေါ်နေကြလေပြီ။

မြန်မာသံတော်ဆင့်သတင်းဌာန - https://www.facebook.com/myanmarherald


dassk-kawmu-620.jpg
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ကို ၂ဝ၁၅ ခုနှစ် စက်တင်ဘာလ ၂၂ ရက်နေ့က ကော့မှူးမြို့နယ် လူထုဟောပြောပွဲမှာ တွေ့ရစဉ်
Photo: RFA

ရန်ကုန်တိုင်းဒေသကြီး ကော့မှူးမြို့နယ်မှာ မီးဘေးအန္တရာယ် ကြိုတင်ကာကွယ်ရေးလုပ်ငန်းတွေ ဆောင်ရွက်ကြဖို့ အမျိုးသားဒီမိုကရေစီအဖွဲ့ချုပ် ဥက္ကဌ ကော့မှူးမြို့နယ် ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်က မြို့နယ်အုပ်ချုပ်ရေးအဖွဲ့ထံ မေတ္တာရပ်ခံစာ ပေးပို့လိုက်ပါတယ်။

မနက်ဖြန်ကစပြီး မီးဘေးအန္တရာယ် ကြိုတင်ကာကွယ်ရေးအတွက် ပညာပေးလုပ်ငန်းတွေနဲ့ စီမံချက်ရေး ဆွဲရေး ဆောင်ရွက်သွားမှာဖြစ်တယ်လို့ ကော့မှူးမြို့နယ် ဒုတိယအုပ်ချုပ်ရေးမှူး ဦးမျိုးသန်းထိုက်က ပြောပါတယ်။

"ကျနော်တို့က မီးဘေး သတိမူရေးနဲ့ ပတ်သက်လို့ ကွင်းဆင်းစစ်ဆေး ပညာပေးရေးတွေလုပ်ဖို့ ညှိနှိုင်းပြီးတော့ ရပ်ကွက်တွေမှာ အရင်လုပ်ဖို့ ဆုံးဖြတ်ထားတယ်ခင်ဗျ၊ ကျနော်တို့ကတော့ ပွင့်လင်းရာသီဖြစ်တဲ့အတွက် ပုံမှန်လုပ်ငန်းဖြစ်နေတော့လုပ်မှာပါ"

မြန်မာနိုင်ငံဒေသအနံှ့မှာ ပေါ့ဆမီးကြောင့် မီးလောင်ကျွမ်းမှုတွေ ဖြစ်ပေါ်နေတဲ့အတွက် ကော့မှူးမြို့နယ်မှာ မီးဘေးအန္တရာယ် ကြိုတင်ကာကွယ်နိုင်ဖို့ မြို့နယ်အုပ်ချုပ်ရေးမှူးနဲ့ မီးသတ်ဌာနတို့ ပူးပေါင်းလုပ်ဆောင် ဖို့ မေတ္တာရပ်ခံစာမှာ တိုက်တွန်းထားပါတယ်။

ဒါ့အပြင် မီးဘေးအန္တရာယ်ကြုံလာရင် အရေးပေါ်အသုံးပြုနိုင်ဖို့ ရေရှိမယ့်နေရာတွေကို ကွင်းဆင်းလေ့လာဖို့၊ လူနေထူထပ်တဲ့ ရပ်ကွက်၊ ဈေး၊ ကျောင်း၊ ဆေးရုံ၊ ရုံး စတဲ့နေရာတွေမှာ လျှပ်စစ်မီးသွယ်တန်းတာ စနစ်တကျ ရှိမရှိ လျှပ်စစ်ဌာနနဲ့ ပူးပေါင်းစစ်ဆေးဖို့၊ ကော့မှူးမြို့ပေါ်က လောင်စာဆီသိုလှောင်တဲ့အခြေအနေတွေနဲ့ ဓါတ်ဆီဆိုင်တွေ ကို စစ်ဆေးဖို့ ၊ နေအိမ်တွေနဲ့ ခြံဝင်းတွေမှာ မီးလောင်လွယ် မီးကူးလွယ်တဲ့ပစ္စည်းတွေ သိုလှောင် တာတွေကို သတိပေးဖို့ နဲ့ ရပ်ကွက် လူနေအိမ် ၊ ဈေး၊ ကျောင်း၊ ဆေးရုံ၊ ရုံးတွေမှာ မီးသတ်ဆေးဘူးတွေ ဆောင်ထားဖို့အတွက် ပညာပေးလှုံ့ဆော်ဖို့ တိုက်တွန်းထားပါတယ်။

ကော့မှူးမြို့နယ်မှာ ရပ်ကွက်ပေါင်း ၇ ခုရှိပြီး ကျေးရွာပေါင်း ၅၅ ရွာရှိပါတယ်။

ဒီအတွင်း အမျိးသားဒီမိုကရေစီအဖွဲ့ချုပ်က National Health Governing Care Group ဆိုတဲ့ ကျန်းမာရေးဆိုင်ရာ အဖွဲ့ ဖွဲ့စည်းပြီး ကျန်းမာရေးမူဝါဒတစ်ရပ် ရေးဆွဲအကောင်အထည်ဖော်မယ်လို့ သိရပါတယ်။

WHO၊ ကမ္ဘာ့ဘဏ်၊ ကျန်းမာရေးဝန်ကြီးဌာနက အငြိမ်းစားဆရာဝန်ကြီးတွေ အရပ်ဘက်လူမှုအဖွဲ့ အစည်းတွေက ပညာရှင်တွေနဲ့ တိုင်ပင်ဆွေးနွေးပြီး ရေးဆွဲအကောင်အထည်ဖော်မှာ ဖြစ်တယ်လို့ NLD ကျန်းမာရေးကွန်ရက် ဥက္ကဌ ဒေါက်တာ တင်မျိုးဝင်းက ပြောပါတယ်။

"National Health Governing Care Group ဖွဲ့ပြီးတော့ Health Policy ဆွဲတာပါ၊ ကျနော်တို့က အနိုင်ရပါတီနဲ့ အဲဒီ့ Policy ကိုဆွဲတာလေ၊ အဲ့ဒါ ထောင့်စုံပါအောင် တိုင်းရင်းသားအဖွဲ့အစည်းတွေရော၊ Civil Society အဖွဲ့အစည်းတွေရော၊ WHO တို့၊ World Bank နောက် UN အဖွဲ့အစည်းတွေရော အားလုံးကိုဖိတ်ပြီးတော့ အားလုံးရဲ့သဘောထားနဲ့ ကျနော်တို့လုပ်ကြတာပါ "

ကျန်းမာရေးစောင့်ရှောက်မှု ပိုမိုကောင်းမွန်လာစေဖို့၊ ပြည်သူတွေရဲ့ ကျန်းမာရေးလိုအပ်ချက်တွေကို အဆင့်မြှင့် စွမ်းဆောင်ပေးနိုင်ဖို့အတွက် နိုင်ငံတကာရဲ့ အကူအညီတွေကို ရယူသွားမယ်လို့လည်း သိရပါတယ်။

RFA
http://www.rfa.org/burmese/news/kawmu-fire-prevention-02152016095926.html

dassk-parliament-role-620.jpg ဒုတိယအကြိမ် လွှတ်တော်ကိုယ်စားလှယ်တွေအတွက် လွှတ်တော်ဆိုင်ရာလုပ်ငန်း ရှင်းလင်းတင်ပြတဲ့ အခမ်းအနားမှာ ဒေါ်အောင်ဆန်းစုကြည် အဖွင့်မိန့်ခွန်းပြောကြားစဉ်
Photo: Win Ko Ko Latt/RFA

လွှတ်တော်ဆိုတာ ကိုယ်စားလှယ်တစ်ဦးအတွက် အသုံးချဖို့စင်မြင့် မဟုတ်သလို၊ ရာထူးနေရာရဖို့ လှေကားထစ် လည်းမဟုတ်ဘဲ နိုင်ငံနဲ့ပြည်သူ့အကျိုးကိုသာ ထမ်းဆောင်ရမယ့်နေရာဖြစ်တယ်လို့ ဒေါ်အောင်ဆန်းစုကြည်က ဒီကနေ့ ဒုတိယအကြိမ် လွှတ်တော်မှာ တက်ရောက်တဲ့ လွှတ်တော်ကိုယ်စားလှယ်တွေကို ပြောလိုက်ပါတယ်။

ဒုတိယအကြိမ် လွှတ်တော်ကိုယ်စားလှယ်တွေအတွက် လွှတ်တော်ဆိုင်ရာလုပ်ငန်း ရှင်းလင်းတင်ပြတဲ့ အခမ်းအနားကို ဒီနေ့ လွှတ်တော်ဝင်းထဲမှာ စတင်ကျင်းပရာဖွင့်ပွဲမှာ ဒေါ်အောင်ဆန်းစုကြည်က ပြောကြား ခဲ့တာ ဖြစ်ပါတယ်။

"ကျမတို့ ကိုယ်စားလှယ်တွေ အားလုံးဟာ ကိုယ်စားလှယ်တွေဆိုတာ မေ့လို့မဖြစ်ပါဘူး၊ ပြည်သူကို ကိုယ်စားပြုပြီး တက်နေတာပါ၊ ကိုယ့်ကိုကိုယ် ကိုယ်စားပြုပြီး တက်နေတာ မဟုတ်ပါဘူး၊ အဲ့ဒါဟာ ကိုယ်စားလှယ်များ အားလုံး စွဲစွဲမြဲမြဲ နှလုံးသွင်းထားဖို့ လိုပါတယ်၊ ကျမတို့ လွှတ်တော်ဆိုတာဟာ ကိုယ်စားလှယ် တစ်ဦးချင်း တစ်ဦးချင်း ကိုယ့် အတွက် အသုံးချဖို့ စင်မြင့်လည်း မဟုတ်ပါဘူး၊ ရာထူး နေရာရဖို့အတွက် ခုတုံးလှေကားထစ်လည်း မဟုတ်ပါဘူး၊ သဘောထားမတူညီတဲ့ ပုဂ္ဂိုလ်များကြားမှာ နပန်းလုံးဖို့ ကြိုးဝိုင်းလည်း မဟုတ်ပါဘူး၊ ဒီနေရာဟာ ကျမတို့အားလုံး ဝိုင်းဝန်းပြီးတော့ နိုင်ငံနဲ့ ပြည်သူ့အကျိုးကို အတတ်နိုင်ဆုံး ထမ်းဆောင်ရမယ့်နေရာ ဖြစ်ပါတယ်၊ ပြည်သူတွေရဲ့ ကိုယ်စားလှယ်ဆိုတာဟာ ပြည်သူ့မျက်နှာကို အဓိကကြည့်ရမယ်"

ဒါ့အပြင် လူမျိုးစွဲ၊ ၀ါဒစွဲ၊ ပါတီစွဲ၊ ပုဂ္ဂိုလ်စွဲ မထားဖို့ဆိုတဲ့ အရင်လွှတ်တော်ဟောင်းက ချမှတ်ခဲ့တဲ့ အစဉ်အလာကောင်း ကို ထိန်းသိမ်းကြဖို့လည်း တိုက်တွန်းလိုက်ပါတယ်။

လွှတ်တော်ဆိုင်ရာလုပ်ငန်း ရှင်းလင်းတင်ပြတဲ့ အခမ်းအနားဟာ လွှတ်တော်ကိုယ်စားလှယ်တွေကို အရည်အချင်း မြှင့်တင်ဖို့အတွက် ကုလသမဂ္ဂဖံွ့ဖြိုးမှုအစီအစဉ် UNDP နဲ့ ပူးပေါင်းပြီး သင်တန်းပေးတာဖြစ်ပါတယ်။

သင်တန်းမှာ UNDP၊ တောင်ကိုရီးယား၊ ဟောင်ကောင်၊ နယူးဇီလန်၊ အရှေ့တီမော၊ အင်္ဂလန်၊ ဖိလစ်ပိုင် စတဲ့လွှတ်တော်တွေက ဥက္ကဌ၊ ဒုတိယဥက္ကဌဟောင်းတွေ၊ ကိုယ်စားလှယ်တွေ၊ ကိုယ်စားလှယ်ဟောင်းတွေ အပြင် ပြည်တွင်းက လွှတ်တော်ကိုယ်စားလှယ်ဟောင်းတွေနဲ့ ပညာရှင်တွေလည်း တက်ရောက်ဆွေးနွေးကြပါတယ်။

အဲ့ဒီသင်တန်းကို လွှတ်တော်ကိုယ်စားလှယ် ၄၆၅ ဦး တက်ရောက်ပြီး လာမယ့် ဖေဖော်ဝါရီလ ၁၉ရက်နေ့အထိ ၅ရက်ကြာမြင့်မှာဖြစ်ပါတယ်။

သင်တန်းကျင်းပတဲ့ရက်တွေမှာ ပြည်ထောင်စုလွှတ်တော်ကို မကျင်းပဘဲ ပြည်သူ့လွှတ်တော်နဲ့ အမျိုးသားလွှတ်တော် အစည်းအဝေးတွေကိုသာ မနက်ပိုင်းကျင်းပမှာဖြစ်ပါတယ်။

RFA
http://www.rfa.org/burmese/news/dassk-parliament-role-02152016095423.html

ဒေါ်အောင်ဆန်းစုကြည်က
``လွှတ်တော်ဆိုတာဟာကိုယ်စားလှယ်တစ်ဦးချင်း တစ်ဦးချင်း ကိုယ့်အတွက်အသုံးချဖို့စင်မြင့်လည်းမဟုတ်ပါဘူး၊ရာထူးနေရာရဖို့အတွက်ခုတုံးလှေခါးထစ်လည်းမဟုတ်ပါဘူး၊သဘောထားမတူညီတဲ့ ပုဂ္ဂိုလ်များအကြားမှာ နပန်းလုံးဖို့ကြိုးဝိုင်းလည်းမဟုတ်ပါဘူး။သည်နေရာဟာကျွန်မတို့ အားလုံးဝိုင်းဝန်းပြီးနိုင်ငံနဲ့ပြည်သူ့အကျိုးကိုအတတ်နိုင်ဆုံးထမ်းဆောင်ရမယ့် နေရာဖြစ်ပါတယ်။´´ လို့ လွှတ်တော် ဝန်းသဘင်ဆောင်မှာပြုလုပ်နေတဲ့ ဒုတိယအကြိမ်လွှတ်တော်ကိုယ်စားလှယ်တွေ အတွက် လွှတ်တော်လုပ်ငန်းစဉ်များရှင်းပြခြင်းအစီအစဉ်ဖွင့်ပွဲရဲ့အဖွင့်မိန့်ခွန်းမှာထည့်သွင်းပြောကြားခဲ့ပါတယ်။

ပါကစ္စတန်၊ဘူတန်၊တောင်ကိုရီးယားစတဲ့ ပြည်ပနိုင်ငံတွေက လွှတ်တော် အတွေ့ကြုံရှိတဲ့ အကြီးအကဲတွေနဲ့ ကိုယ်စားလှယ်တွေ က ဦးဆောင်ရှင်းပြပေးသွားမှာဖြစ်ပြီး သည်သင်တန်းကြ့ပည်ထောင်စုလွှတ်တော်ကိုယ်စားလှယ်တွေအားလုံးတက်ရောက်ခွင့်ရှိမှာဖြစ်ပါတယ်။

အဲ့သည်အစီအစဉ်ကငါးရက်ကြာကျင်းပသွားမှာဖြစ်ပြီး
ကိုယ်စားလှယ်များရဲ့တာဝန်ဝတ္တရား၊ထိန်းသိမ်းအပ်တဲ့ ကျင့်ဝတ်သိက္ခာတွေ၊လိုက်နာရမယ့်စည်းမျဉ်းစည်းကမ်းတွေနဲ့ရင်ဆိုင်ရမယ့်စိန်ခေါ်မှုတွေကို ရှင်းပြပေးသွားမှာဖြစ်တယ်လို့လည်းသိရပါတယ်။

ဖေသက်ထက်ခင်
Kumudra

အလုပ်သမား ပြတ်လပ်မှုနှင့် ကြုံတွေ့နေရသည့် ဂျပန်နိုင်ငံမှ ကုမ္ပဏီများက မြန်မာနိုင်ငံမှ လုပ်ခလစာ သက်သာသော အလုပ်သမားများ တိုးမြှင့်ခေါ်ယူလျက်ရှိသည်။ ဂျပန်နိုင်ငံ၌ ၂၀၁၁ က ကြုံတွေ့ခဲ့သည့် ငလျင်နှင့် ဆူနာမီများကြောင့် ထိခိုက်ပျက်စီးခဲ့သည့် ဒေသများတွင် ပြန်လည် တည်ဆောက်ရေး လုပ်ငန်းများ အများအပြား ပေါ်ပေါက်ခဲ့သည်။
-
ထိုလုပ်ငန်းများအတွက် အလုပ်သမား လိုအပ်ချက်ကို နိုင်ငံခြားသား ပညာသင် အလုပ်သမားများက ဖြည့်ဆည်းပေးခဲ့သည်။
၂၀၁၁ တွင် သဘာဝဘေးအန္တရာယ် ကြုံတွေ့ခဲ့ရပြီးနောက် ပြန်လည် တည်ဆောက်ရေး လုပ်ငန်း အများအပြား ဆောင်ရွက်ရသဖြင့် ဆောက်လုပ်ရေးကဏ္ဍတွင် လုပ်သားပြတ်လပ်မှု ဖြစ်ပေါ်ကာ လုပ်ခလစာများ မြင့်တက်လာခဲ့သည်။ ယခင်က တစ်ရက်လုပ်အားခ ယန်း ၇၀၀၀ မှ ၈၀၀၀ အထိ ရရှိပါက ကံကောင်းသည်ဟု ဆိုနိုင်သော်လည်း ယခုအခါ ယန်း ၁၅၀၀၀ အထိ မြင့်တက်လျက်ရှိသည်။ ပညာသင် လုပ်သားများမှာ ယခင်လုပ်ခလစာဖြင့် ဖန့်အပ်နိုင်သဖြင့် ဆာတိုဂိုကန်ကုမ္ပဏီက ခေါ်ယူခန့်ထားခဲ့ခြင်း ဖြစ်သည်။
-
အခြားတစ်ဖက်လျှင် မြန်မာနိုင်ငံသည် အာရှဒေသတွင် နိုင်ငံများနှင့် ဆက်သွယ်မှု တိုးမြင့်လာသဖြင့် ဂျပန်ကုမ္ပဏီများမှာ ပညာသင်အလုပ်သမား
သစ်များကို ဆွဲဆောင်နိုင်စွမ်း လျော့ကျလာသည်။ ၂၀၁၃ နှစ်ကုန်မှ ၂၀၁၅ ဇွန်အထိ ၁၈ လကြာ ကာလအတွင်း မြန်မာနိုင်ငံမှ ဂျပန်နိုင်ငံသို့ သွားရောက်ခဲ့သည့် ပညာသင် အလုပ်သမားအရေအတွက်မှာ ၁၀ ဆ တိုးမြင့်လာသော်လည်း ဈေးသက်သာသည့် မြန်မာလုပ်သားများကို ခေါ်ယူလိုသော အခြားနိုင်ငံများ၏ ပြိုင်ဆိုင်မှုများ ပိုမိုကြုံတွေ့လာရသည်။
-
၂၀၁၅ စက်တင်ဘာတွင် ဖူကူရှီဒေသမှ ဆောက်လုပ်ရေးကုမ္ပဏီ လေးခုသည် မြန်မာပညာသင် အလုပ်သမားများ ခေါ်ယူရန် ရန်ကုန်မြို့၌ ပူးတွဲ အင်တာဗျူးတစ်ခု ပြုလုပ်ခဲ့သည်။ အင်တာဗျူး ဖြေသူ ၄၀ ခန့်တွင် ဆောက်လုပ်ရေး လုပ်ငန်း အတွေ့အကြုံ ရှိသူ ၁၄ ဦး ထိုအင်တာဗျူးတွင် အလုပ်ရရှိခဲ့သည်။
-
၂၀၁၃ နှစ်ကုန်တွင် ဂျပန်နိုင်ငံ၌ မြန်မာပညာသင် အလုပ်သမား ၁၂၀ သာ ရှိသော်လည်း ၂၀၁၅ ဇွန်တွင် ၁၃၇၈ ဦးအထိ တိုးမြင့်လာသည်။ မြန်မာနိုင်ငံမှ ပညာသင်အလုပ်သမားများ ခေါ်ယူပေးနေသည့် တိုကျိုအခြေစိုက် SBS International Human Resources Training Center ၏ အဆိုအရ ၂၀၁၅ တွင် ဂျပန်ကုမ္ပဏီ ၆၀ ခန့်က မြန်မာပညာသင် အလုပ်သမားများကို အင်တာဗျူး ပြုလုပ်ခဲ့ပြီး ဖြစ်သည်ဟု ဆိုသည်။

The Ladies News Journal

မြို့လုံးကျွတ်နီးပါး မီးဘေးသင့် ခဲ့သည့် နမ့်ဆန်မြို့အတွက် Town Plan ရေးဆွဲကာ အသစ်ပြန်လည် တည်ဆောက် သွားရန် စီစဉ် ထား ကြောင်း နမ့်ဆန်မြို့ မီးဘေးသင့် ပြည်သူများ ကယ်ဆယ်ရေး နှင့် ပြန်လည် ထူထောင်ရေး ဦးစီး ကော်မတီထံမှ သိရသည်။
-
”အခုက ပြန်လည် ထူထောင် ရေးအတွက်ပဲ လိုတော့တာပါ။ ဒီ ဒုက္ခသည်တွေနဲ့ ပတ်သက်ပြီးတော့ နံပါတ်တစ် ရာသီဥတု မိုးဒဏ်၊ လေ ဒဏ်ကို မခံရအောင် အမိုးအ ကာအောက်ရောက်ရမယ်၊ နံပါတ် နှစ် အသက်ရှင်ဖို့ အတွက် ထမင်း စားရအောင်၊ နံပါတ်သုံး ကျန်းမာ ရေးစောင့်ရှောက်မှုပေးရမယ် ဒါ ဆိုရင် ဒုက္ခသည် ဖြစ်နေတဲ့ ကာလ မှာ အထိုက် အလျောက် ပြည့်စုံ သွားပြီပေါ့။ နေစရာရှိပြီ၊ စားစရာ ရှိပြီ၊ ကျန်းမာရေး စောင့်ရှောက်မှု ရှိပြီဆိုရင် အဆင်ပြေသွားပြီ။
-
အဲ ဒါပြီးပြီဆိုရင်တော့ မီးကြွင်းမီးကျန် တွေအကုန် ရှင်းမယ်၊ ပြီးရင် အမှိုက် သရိုက်တွေ အကုန်ရှင်းမယ်၊ ပြီးပြီ ဆိုတဲ့အခါ ကျတော့မှ Town Plan ရေးဆွဲပြီး ပြန်နေရာချ ထားပေးပါ မယ်” ဟု ကော်မတီ ဥက္ကဋ္ဌပလောင် ကိုယ်ပိုင် အုပ်ချုပ်ခွင့်ရ ဒေသ ဦးစီးအ ဖွဲ့ဥက္ကဋ္ဌ ဦးမောင်ကျော်ကပြောသည်။
လက်ရှိ အခြေအနေတွင် မီး ဘေးသင့်သူများအတွက် အနယ်နယ် အရပ်ရပ်မှ လာရောက်ကူညီထောက် ပံ့ကြသူများကြောင့် အထိုက် အ လျောက် လုံလောက်ပြည့်စုံနေ ကြောင်းသိရပြီး ပြန်လည် ထူထောင် ရေး အတွက်သာ ကြိုးပမ်း ဆောင် ရွက်သွားရတော့မည်ဟု ၄င်းက ဆိုသည်။
-
”အခု လောလောဆယ် အတွက်တော့ အဝတ်အထည်တွေ ရော၊ စားစရာပါ လုံလောက်နေပါ ပြီ။ ကျန်းမာရေး စောင့်ရှောက်မှု အတွက် ငွေကြေးလိုမယ်။ မြို့ပြန် လည် တည်ဆောက်နိုင်ဖို့ အတွက် ငွေကြေး လိုမယ်။ မြို့ရဲ့သုံးပုံနှစ်ပုံ လောက်ကျသွားတာ ဆိုတော့ အ သစ် ပြန်တည်ဆောက် မှပဲ ဖြစ်တော့ မှာလေ။ Town Plan ရေးဆွဲတဲ့အ ခါမှာ ပညာရှင်တွေ ခေါ်ပြီး ဆွဲခိုင်း မှာပါ”ဟုလည်း ၄င်းက ဆိုသည်။
-
ရှမ်းပြည်မြောက်ပိုင်း၊ ပလောင် ကိုယ်ပိုင် အုပ်ချုပ်ခွင့် ရဒေသ၊ နမ့် ဆန်မြို့တွင် ဖေဖော်ဝါရီ ၄ ရက် မွန်းလွဲ ၁ နာရီ ၂၅ မိနစ် အချိန် မှ နောက်တစ်နေ့ မနက် ၆ နာရီအချိန် အထိလောင်ကျွမ်းခဲ့သည့် မီးကြောင့် အိမ်ခြေ ၂၈ဝ၊ အိမ်ထောင်စု ၂၉၂ စု၊ လူဦးရေ ၁၅ဝဝ ကျော် မီးဘေး သင့်ခဲ့ကြောင်း နိုင်ငံတော် သမ္မတ ရုံးမှ ထုတ်ပြန်သည်။
နမ့်ဆန်မြို့တွင် ၂ဝ၁၂ ခုနှစ် ကလည်း မီးတစ်ကြိမ် လောင်ကျွမ်း ခဲ့ဖူးကြောင်း သိရသည်။
စောထွေး
============
Popular News Journal

လုံးခင်းအုပ်စု မဇွပ်ယန်ကျေးရွာအနီး ဆန္ဒဖော်ထုတ်သည်ကို တွေ့ရစဉ်

ဖားကန့်ဒေသတွင် ကျောက်တူးဖော်နေသော ကုမ္ပဏီများအား ကန့်ကွက်သည့် အနေဖြင့် ဒေသခံများမှ မြေစာသယ်ယာဉ်သွားရာ လမ်းများကို ပိတ်ဆို့ ဆန္ဒထုတ်ဖော်မှုအား ဖေဖော်ဝါရီ ၁၅ ရက်ထိတိုင် သုံးရက်ဆက်တိုက် ပြုလုပ်လျက်ရှိကြောင်း သိရသည်။

ဆန္ဒထုတ်ဖော်မှုအား လုံးခင်းကျေးရွာ အုပ်စုနှင့် ဆိပ်မူကျေးရွာ အုပ်စုအတွင်း မြေစာသယ်ယာဉ်များ အဓိက ဖြတ်သန်းသွားလာရာ လမ်းဆုံလမ်းခွများတွင် ပြုလုပ်လျက်ရှိပြီး အဆိုပါ ဆန္ဒထုတ်ဖော်မှုကြောင့် ကုမ္ပဏီ ၁၀ ခုထက်မနည်း လုပ်ငန်းများ ရပ်နားထားရကြောင်း ဖားကန့်မြို့နယ် အုပ်ချုပ်ရေး အဖွဲ့မှ တာဝန်ရှိသူ တစ်ဦးက ပြောကြားသည်။

“သူတို့ ဆန္ဒထုတ်ဖော်နေတာ သုံးရက် ရှိပါပြီ။ ကျွန်တော်တို့ကလည်း သူတို့ဖြစ်ချင်တဲ့ အကြောင်းအရာကို ကုမ္ပဏီနဲ့ နှစ်ဖက်ညှိနှိုင်းပေးဖို့ လုပ်နေပါတယ်။ သူတို့က အဓိက လမ်းဆုံနေရာတွေမှာ ပိတ်ဆို့ထားတာ ဖြစ်တဲ့အတွက် ကုမ္ပဏီ ၁၀ ခု မကဘူး။ ရပ်နားထားရတယ်” ဟု ဖားကန့်မြို့နယ် ဒု-အုပ်ချုပ်ရေးမှူး ဦးမင်းကျော်က ပြောကြားသည်။

ဖေဖော်ဝါရီ ၁၃ ရက်မှ စတင်ခဲ့သည့် ဆန္ဒထုတ်ဖော်မှု အဓိက အကြောင်းရင်းမှာ အများပြည်သူပိုင် လမ်းများတွင် ကုမ္ပဏီမြေစာသယ်ယာဉ်များ သွားလာနေခြင်း၊ ဖြစ်ပေါ်လာနိုင်သည့် သဘာဝ ဘေးအန္တရာယ်ကို မကြည့်ဘဲ စည်းကမ်းမဲ့ စွန့်ပစ်မြေစာပုံများ ပုံနေခြင်း၊ ယမ်းသိပ်သည်းဆ အများအပြားဖြင့် ကျောက်မိုင်းခွဲမှုကြောင့် ဒေသခံပြည်သူများ ထိခိုက်နစ်နာမှုတို့ ရှိနေခြင်းတို့ကြောင့်ဖြစ်ကြောင်း သိရသည်။

“ကျွန်မတို့ အဓိက ဆန္ဒထုတ်ဖော်တာက ဒီကနေ မြေစာစွန့်ပစ်ဖို့ သွားနေတဲ့ ကားတွေဟာ ရွာဟောင်းမြေစာပုံမှာ သွားစွန့်ပစ်ကြတယ်။ ရွာဟောင်းမြေစာပုံဟာ မြေစာ မစွန့်ပစ်သင့်တော့ဘူး။ တအားမြင့်နေပြီ။ ဒါ့အပြင် အဲဒီက မြေစာတွေဟာ မိုးရာသီအခါ ဝှေခါချောင်းထဲကို လျောကျပြီး ချောင်းပိတ်ဆို့တာတွေ ဖြစ်တယ်။ အောက်မှာ ရွာတွေ ရှိတယ်။ မနှစ်ကလည်း အဲဒီ ချောင်းမြေစာတွေ ပိတ်သွားလို့ ချောင်းရေတွေ ရွာထဲဝင်လာပြီး အိမ်ခြေ ၄၀ ကျော် ပျက်စီးသွားတယ်။ ကျွန်မတို့ ဆိုင်းတောင်ရွာလည်း တစ်ခါမှ မဖြစ်ဖူးတဲ့ ရေနစ်မြုပ်မှု ဖြစ်တယ်။ ဒီပုံအတိုင်းဆို အခုလာမယ့် မိုးရာသီမှာ ပိုလို့ ရေနစ်မြုပ်နိုင်တယ်။ ဒါကြောင့် ဆန္ဒထုတ်ဖော်တာပါ။ သူတို့ဘက်က ကျွန်မတို့ ဒေသခံတွေ ကျေနပ်အောင် ညှိနှိုင်းလို့ အဆင်ပြေသွားရင်တော့ ရပ်နားသွားမှာပါ” ဟု ဆိပ်မူကျေးရွာတွင် ဆန္ဒထုတ်ဖော်နေသူ ဒေါ်ထွယ်နန်က ပြောကြားသည်။

ဖေဖော်ဝါရီ ၁၅ ရက် နံနက်ပိုင်းတွင် စပေါ့ကျေးရွာ၌လည်း ဆန္ဒထုတ်ဖော်မှု စတင်ခဲ့ပြီး ယခုကဲ့သို့ ဆန္ဒထုတ်ဖော်မှုများမှာ ဖားကန့်မှော်ဒေသ အနှံ့အပြားတွင် ဆက်တိုက် ဖြစ်ပေါ်လာနိုင်ကြောင်း ဒေသခံများက သုံးသပ်ပြောကြားသည်။
Writer:
အောင်ဟိန်းမင်း
Eleven Media Group


ပြည်သူနှင့်လွှတ်တော်ကြားပေါင်းကူးတံတားသဖွယ် ဆက်သွယ်ပေးမည့် ပြည်သူအားကိုးသည့်
ပြည်သူ့ကိုယ်စားလှယ်များပေါ်ပေါက်လာရန်အများကြီးကြိုးစားသွားမည်ဟုအမျိုးသားဒီမိုကရေစီအဖွဲ့ချုပ်မှ ဥက္ကဌဒေါ်အောင်ဆန်းစုကြည်က ပြောသည်။

ဖေဖော်ဝါရီလ(၁၅) ရက်မှ (၁၉) ရက်ထိ နေပြည်တော်၊ပြည်ထောင်စုလွှတ်တော်သဘင်ခန်းမ တွင်ပြုလုပ်
သည့်ဒုတိယအကြိမ်လွှတ်တော်ကိုယ်စားလှယ်များအတွက်လွှတ်တော်ဆိုင်ရာ လုပ်ငန်းများရှင်းလင်း တင်ပြခြင်းအစီအစဉ်တွင် ယင်းသို့ပြောကြားလိုက်ခြင်းဖြစ်သည်။

“ပြည်သူတွေရဲ့ကိုယ်စားလှယ်ဆိုတာ ပြည်သူတွေ့ရဲ့မျက်နှာကိုအဓိကကြည့်ရပါမယ်။ကိုယ့်ရဲ့ အစုအဖွဲ့ မျက်နှာကိုအဓိကကြည့်ရမှာမဟုတ်ပါဘူး။ပထမဦးဆုံးလွှတ်တော်က ချမှတ်ထားခဲ့တဲ့ပါတီစွဲ၊ပုဂ္ဂိုလ်စွဲ၊
လူမျိုးစွဲ၊ဘာသာအယူဝါဒတွေမရှိပဲနဲ့ နိုင်ငံအတွက်၊ပြည်သူအတွက်ဝိုင်းဝန်းထမ်းဆောင်ကြမယ်ဆိုတာကို ဆက်လက်ထန်းသိမ်းသွားရမယ်။ပြည်သူတွေကိုလေးစားတယ်ဆိုရင်လွှတ်တော်ကိုယ်စားလှယ်တစ်ယောက်ရဲ့တာဝန်က ဘယ်လောက်လေးနက်တယ်ဆိုတာ နားလည်ကြမှာပါ” ဟုဒေါ်အောင်ဆန်းစုကြည်ကပြောသည်။

ထို့ကြောင့် ကိုယ်စားလှယ်များ၏ ထိန်းသိမ်းအပ်သည့်အကျင့်ဝတ်တရားများ၊လိုက်နာရမည့် စည်း မျဉ်း
စည်းကမ်းများ၊ရင်ဆိုင်ရမည့်စိန်ခေါ်မှုများအကြောင်းကိုလွှတ်တော်ဆိုင်ရာလုပ်ငန်းများ ရှင်းလင်းတင် ပြခြင်း အစီအစဉ်တွင်ဆွေးနွေးသွား မည်ဖြစ်ပြီး ပြည်သူ့တာဝန်ထမ်းဆောင်ကြမည့် တကယ့်ကိုယ်စားလှယ် များဖြစ်ရေးလုပ်ဆောင်နေခြင်းဖြစ်ကြောင်း ဒေါ်အောင်ဆန်းစုကြည်က ဆက်ပြောသည်။

“ကိုယ်စားလှယ်ဆိုတာပြည်သူတွေကိုယ်စားပြုတွေပါ။
မိမိကိုမိမိကိုယ်စားပြုရမှာမဟုတ်ပါဘူး။လွှတ်တော်ဆိုတာကိုယ်စားလှယ်တစ်ဦးချင်းသည်ကိုယ့်အတွက် အသုံးချဖို့စင်မြင့်မဟုတ်ပါဘူး။ရာထူးနေရာအတွက်ခုတုံးလှေကားထစ်လည်းမဟုတ်ပါဘူး။သဘောထား မတူညီတဲ့ ပုဂ္ဂိုလ်များအကြားမှာနပန်းလုံးဖို့ကြိုးဝိုင်းမဟုတ်ပါဘူး။ နိုင်ငံတော်တာဝန်တွေကို အဓိကထမ်း
ဆောင်ရမယ့်နေရာပါ”ဟုယင်းကဆက်လက်ပြောကြားသည်။

ယင်းကဲ့သို့လုပ်ဆောင်ရာတွင်အထောက်အကူပြုနိုင်ရန်၊ကိုယ်စားလှယ်များ၏အရည်အချင်းများကိုမြှင့်တင်နိုင်ရန်ဆွေးနွေးပွဲပြုလုပ်ရခြင်းဖြစ်ကြောင်း သိရသည်။
ထို့ပြည်သူ့လွှတ်တော်၊ အမျိုးသားလွှတ်တော် အသီးသီးတို့အတွက်ကုလသမဂ္ဂဖွံ့ဖြိုးရေးအစီအစဉ်(UNDP) တို့ကပူးပေါင်းဆောင်ရွက်ရေး အစီအစဉ်ကိုလွှတ်တော်ဆိုင်ရာလုပ်ငန်းများ ရှင်းလင်း တင်ပြခြင်းအစီအစဉ်အဖြစ် (၅)ရက်ကျင်းပသွားမည်ဖြစ်ပြီး ဖေဖော်ဝါရီလ (၁၉) ရက်နေ့တွင်
အမျိုးသမီးလွှတ်တော်ကိုယ်စားလှယ်တွေအတွက်သီးခြား အစီစဉ်များရှိနေကြောင်း
လွှတ်တော်ညွှန်ကြားရေးမှူးချုပ်ဦးကျော်စိုးက ပြောသည်။

အဆိုပါ လွှတ်တော်ဆိုင်ရာလုပ်ငန်းများ ရှင်းလင်းတင်ပြခြင်းအစီအစဉ်တွင်
အမျိုးသားဒီမိုကရေစီအဖွဲ့ချုပ်ဥက္ကဌဒေါ်အောင်ဆန်းဆုကြည်၊ပြည်သူ့လွှတ်တော်ကိုယ်စားလှယ် (၃၀၉) ဦး၊
အမျိုးသားလွှတ်တော်ကိုယ်စားလှယ်(၁၄၉)ဦး၊ပါကစ္စတန်အထက်လွှတ်တော်ဥက္က၊အရှေ့တီမောလွှတ်တော် ဒုတိယဥက္ကဌ၊သြစတေးလျမှလွှတ်တော်ကိုယ်စားလှယ်၊ဟောင်ကောင်ဒီမိုကရက်တစ်ပါတီဥက္ကဌ၊ဟောင်ကောင်လွှတ်
တော်ကိုယ်စားလှယ်၊မလေးရှားလွှတ်တော်ကိုယ်စားလှယ်၊တောင်ကိုရီးယားလွှတ်တော်ကိုယ်စားလှယ်၊
နယူးဇီလန်လွှတ်တော်ကိုယ်စားလှယ်ဟောင်း၊ယူကေအောက်လွှတ်တော်ကိုယ်စားလှယ်များနှင့်နိုင်ငံခြားမှ ကိုယ်စားလှယ်များပါဝင်ဆွေးနွေးကြမည်ဖြစ်ကြောင်း သိရသည်။

သတင်း-MMK
The Ladies News Journal

သမ္မတနဲ့ ကာကွယ်ရေးဦးစီးချုပ် ဓာတ်ပုံတွေကို ပြုပြင်ပြီး ဖေ့ဘွတ်စ်မှာ တင်ခဲ့တဲ့ "ကြက်ဖကြီး" အကောင့်ပိုင်ရှင်ဆိုသူ ကိုလှဖုန်းကို ရန်ကုန်တိုင်း မရမ်းကုန်း မြို့နယ်တရားရုံးမှာ ဆက်သွယ်ရေးဥပဒေနဲ့ ဒီနေ့ ပထမဆုံးအကြိမ် ရုံးထုတ်ခဲ့ပါတယ်။ ကိုလှဖုန်းက သူ့ကို ကြက်ဖကြီး ဆိုပြီး စွပ်စွဲဖမ်းဆီးထားတာလို့ ဒီနေ့ တရားရုံးထုတ်မှာ သတင်းမီဒီယာသမားတွေကို ပြောပါတယ်။

လက်ရှိ ဖမ်းဆီးခံထားရတဲ့ ကိုလှဖုန်း ဆိုသူဟာ ကြက်ဖကြီးအကောင့်ပိုင်ရှင် အစစ်အမှန် မဟုတ်ဘူးလို့ ကိုလှဖုန်းရဲ့ ရှေ့နေ ဦးရောဘတ်စန်းအောင်က ပြောပါတယ်။ ကိုလှဖုန်းကို ရန်ကုန်တိုင်း စစ်ဌာနချုပ် ဒုတိယဗိုလ်မှူးကြီး စိုးဝင်းမော်က တရားလိုလုပ်ပြီး မရမ်းကုန်းမြို့နယ် ရဲစခန်းမှာ ဆက်သွယ်ရေး ဥပဒေပုဒ်မ ၆၆-ဃ နဲ့ အမှုဖွင့်ခဲ့တာ ဖြစ်ပါတယ်။

ကိုလှဖုန်းဟာ သင်္ဘောသားတဦး ဖြစ်ပြီး မြန်မာပြည် ပြန်ရောက်တာဟာ တလလောက်သာ ရှိသေးတယ်လို့ သိရပါတယ်။ ကိုလှဖုန်းကို ကြက်ဖကြီး အကောင့်ပိုင်ရှင်ဆိုပြီး ဖမ်းဆီးထားပေမယ့် လက်ရှိ အချိန်ထိ ကြက်ဖကြီးအကောင့်နဲ့ ဖေ့စ်ဘွတ်ပေါ်မှာ စာသားတွေ တက်နေဆဲ ဖြစ်ပါတယ်။

RFA

သမ္မတနဲ့ကာချုပ်ပုံတွေ ဖေ့ဘွတ်စ်တင်တဲ့ "ကြက်ဖကြီး" အကောင့်ပိုင်ရှင်ဆိုသူကို ရုံးထုတ်~~~~~~သမ္မတနဲ့ ကာကွယ်ရေးဦးစီးချုပ် ဓာတ်ပုံတွေကို ပြုပြင်ပြီး ဖေ့ဘွတ်စ်မှာ တင်ခဲ့တဲ့ "ကြက်ဖကြီး" အကောင့်ပိုင်ရှင်ဆိုသူ ကိုလှဖုန်းကို ရန်ကုန်တိုင်း မရမ်းကုန်း မြို့နယ်တရားရုံးမှာ ဆက်သွယ်ရေးဥပဒေနဲ့ ဒီနေ့ ပထမဆုံးအကြိမ် ရုံးထုတ်ခဲ့ပါတယ်။ ကိုလှဖုန်းက သူ့ကို ကြက်ဖကြီး ဆိုပြီး စွပ်စွဲဖမ်းဆီးထားတာလို့ ဒီနေ့ တရားရုံးထုတ်မှာ သတင်းမီဒီယာသမားတွေကို ပြောပါတယ်။ လက်ရှိ ဖမ်းဆီးခံထားရတဲ့ ကိုလှဖုန်း ဆိုသူဟာ ကြက်ဖကြီးအကောင့်ပိုင်ရှင် အစစ်အမှန် မဟုတ်ဘူးလို့ ကိုလှဖုန်းရဲ့ ရှေ့နေ ဦးရောဘတ်စန်းအောင်က ပြောပါတယ်။ ကိုလှဖုန်းကို ရန်ကုန်တိုင်း စစ်ဌာနချုပ် ဒုတိယဗိုလ်မှူးကြီး စိုးဝင်းမော်က တရားလိုလုပ်ပြီး မရမ်းကုန်းမြို့နယ် ရဲစခန်းမှာ ဆက်သွယ်ရေး ဥပဒေပုဒ်မ ၆၆-ဃ နဲ့ အမှုဖွင့်ခဲ့တာ ဖြစ်ပါတယ်။ ကိုလှဖုန်းဟာ သင်္ဘောသားတဦး ဖြစ်ပြီး မြန်မာပြည် ပြန်ရောက်တာဟာ တလလောက်သာ ရှိသေးတယ်လို့ သိရပါတယ်။ ကိုလှဖုန်းကို ကြက်ဖကြီး အကောင့်ပိုင်ရှင်ဆိုပြီး ဖမ်းဆီးထားပေမယ့် လက်ရှိ အချိန်ထိ ကြက်ဖကြီးအကောင့်နဲ့ ဖေ့စ်ဘွတ်ပေါ်မှာ စာသားတွေ တက်နေဆဲ ဖြစ်ပါတယ်။

Posted by RFA Burmese TV Channel on Monday, February 15, 2016

ငလျင် လှုပ်ခတ်မှုကြောင့် ပြိုကျ သွားသည့် ဝေကွမ်း အဆောက်အအုံအား တွေ့ရစဉ် (ဆင်ဟွာ)
    တိုင်ပေ၊ ဖေဖော်ဝါရီ ၁၅ ရက် (ဆင်ဟွာ)

    ထိုင်ဝမ်ဒေသ တောင်ပိုင်း တိုင်နန်မြို့တွင် လှုပ်ခတ်ခဲ့သည့် ငလျင်ကြောင့် သေဆုံးသူ ဦးရေသည် ဖေဖော်ဝါရီလ ၁၃ ရက်နေ့တွင် ၁၁၆ ဦး ရှိပြီး ပျောက်ဆုံးသူ အရေအတွက် ပြည့်သွားပြီ ဖြစ်သောကြောင့် ကယ်ဆယ် ရှာဖွေရေး လုပ်ငန်းများ ပြီးဆုံးသွားပြီ ဖြစ်ကြောင်း သိရသည်။

တိုင်နန်မြို့သည် ငလျင်ဒဏ်ကို ခံစားခဲ့ရပြီး ၁၉၉၂ ခုနှစ် က ဆောက်လုပ်ခဲ့သော ၁၆ ထပ် ရှိသည့် ယူ-ပုံ သဏ္ဍာန် ဝေကွမ်း အဆောက်အအုံသည် ငလျင်ကြောင့် လမ်းပေါ်သို့ ပြိုကျခဲ့ကာ အဆောက်အအုံ အတွင်းမှ ဆွဲထုတ်နိုင်ခဲ့သည့် လူပေါင်း ၂၈၉ ယောက်အနက် ၁၁၄ ဦး သေဆုံးခဲ့ကြောင်း သိရသည်။

ဖေဖော်ဝါရီလ ၁၃ ရက်နေ့ နေလယ် ၃ နာရီတွင် နောက်ဆုံး ပျောက်ဆုံးနေသည့် ရုပ်အလောင်းအား ကယ်ဆယ်ရေး သမားများမှ ဆွဲထုတ်နိုင်ခဲ့ ပြီးနောက် တိုင်နန် မြို့တော်ဝန်က ပျောက်ဆုံးသူ အရေအတွက် ပြည့်သွားပြီ ဖြစ်သောကြောင့် ကယ်ဆယ် ရှာဖွေရေး လုပ်ငန်းများ ပြီးဆုံးသွားပြီ ဖြစ်ကြောင်း ပြောကြားခဲ့သည်။

(Xinhua)
http://www.xinhuamyanmar.com

ဖားကန့်ဒေသမှာ မြေစာသယ်ကားတွေကို ဒေသခံတွေက လမ်းပိတ်ဆို့ဆန္ဒပြနေစဉ်။ ဓါတ်ပုံ- ဇော်မိုးထက်
ကချင်ပြည်နယ် ဖားကန့်ဒေသက ကျောက်စိမ်းတူးဖော်ရေး လုပ်ငန်းတွေမှာ ဒေသခံတွေ ကန့်ကွက် ဆန္ဒပြနေတာ ဒီကနေ့ ၃ ရက် ပြည့်လာချိန်မှာ အာဏာပိုင်တွေက ပြေလည်အောင် ဆောင်ရွက်ပေးဖို့ ကတိပေးခဲ့တဲ့နောက် ဆန္ဒပြသူတချို့က လမ်းပိတ်ဆို့ တားဆီးမှုတွေကို ရပ်ဆိုင်းဖို့ ဆုံးဖြတ်လိုက်ကြပါတယ်။ ကျောက်စိမ်းလုပ်ငန်းတွေမှာ မတော်တဆမှုတွေ မကြာခန ဖြစ်နေတာကြောင့် မကျေနပ်ရာက ဆန္ဒပြနေကြသူ တချို့ကတော့ အာဏာပိုင်တွေထံက တိတိကျကျ အာမခံချက်မရမချင်း ဆက်လက် ဆန္ဒပြ သွားမယ်လို့ ပြောပါတယ်။ ဖားကန့်ဒေသက တင်းမာမှု အခြေအနေကိုတော့ ဗွီအိုအေမြန်မာပိုင်းက ကိုမိုးဇော်က တင်ပြထားပါတယ်။

ဖားကန့်ဒေသဖက်မှာ မြေသယ်ယာဉ်တွေ မြို့ရွာအတွင်းဖြတ်သန်းမောင်းနှင် တာကြောင့် ယာဉ်တိုက်မှုမကြာခဏဖြစ်ပြီး လူတွေသေဆုံး တာ၊ မြေစာပုံတွေ ပြိုကျလို့ လူသေဆုံးတာနဲ့ ချောင်းမြောင်းတွေ တိမ်ကောပြီး ရေကြီးရေလျံဖြစ်တာနဲ့ ဒိုင်းနမိုက်အသုံးပြုပြီး တူးဖော်တာကြောင့် နေအိမ်တွေ ထိခိုက်ရ တာတွေကို ဖြေရှင်းဆောင်ရွက်ပေးဖို့အတွက် စနေနေ့ကစတင်ပြီး လမ်းတွေပိတ်ဆို့ ဆန္ဒပြခဲ့ကြတာဖြစ်ပါတယ်။

ဒီကနေ့ ၃ရက်မြောက်နေ့မှာတော့ ဆန္ဒုပြသူတွေကို အာဏာပိုင်တွေက လာရောက်တွေ့ဆုံပြီး နှစ်ဖက်ညှိနှိုင်းဖို့ဖိတ်ခေါ်ခဲ့သလို ပြေလည်အောင်ဆောင်ရွက်ပေးမယ်လို့ ကတိပြုခဲ့တဲ့နောက် ဆန္ဒပြတာတွေကို ရုတ်သိမ်းတော့မှာဖြစ်ကြောင်း ဆိုင်းတောင်ဖက်မှ ဆန္ဒပြရာမှာပါဝင်တဲ့ ဦးနော်လွန်က ပြောပါတယ်။

“လာဆွေးနွေးတယ်။ ဌာနဆိုင်ရာ အကုန်လုံးလာပါတယ်။ အဲဒီကျနော်တို့တားထားတဲ့နေရာမှာပဲ လာဆွေးနွေးသွားပါတယ်။ ဒီနေ့ညနေ ၃ နာရီကို ရုတ်သိမ်းပေးပါပေါ့။ မနက်ဖြန် ၁၀ နာရီကျရင် ဆိုင်းတောင် အုပ်ချုပ်ရေးရုံးမှာ ဆွေးနွေးကြမယ်ပေါ့။ ပြည်သူလူထုဖြစ်ချင်တဲ့အတိုင်း ဖြစ်စေရမယ်ပေါ့။ မြို့နယ်အုပ်ချုပ်ရေးမှူးက တာဝန်ယူ ကတိခံသွားတာပေါ့။ ဒီနေ့ညနေ ၃ နာရီ ကျော်ရင်ကို ရုတ်သိမ်းဖို့ အစီအစဉ်ရှိတယ်။”

မြို့နယ်အုပ်ချုပ်ရေးမှူးဘက်က နှစ်ဖက်ဆွေးနွေးညှိနှိုင်းနေချိန်မှာ မြေသယ်ကားတွေ သွားလာတာမလုပ်စေဖို့ အာမခံကြောင်းနဲ့ တောင်းဆိုချက်တွေ မရရင် ဆက်လက် ဆန္ဒပြသွားမှာဖြစ်ကြောင်း ဦးနော်လွန်ကပြောပါတယ်။

ဖားကန့်ဒေသမှာ လမ်းပိတ်ဆို့ဆန္ဒပြနေတာ အနည်းဆုံး ၄ နေရာလောက်ရှိပြီး လုံးခင်းဖက်က၃နေရာတော့ တိကျတဲ့အာမခံချက်မရတာကြောင့် ဆန္ဒပြတာကို ရုတ်သိမ်းမှာမဟုတ်ကြောင်း ဦးဆောင်ပါဝင်သူတဦးက အခုလို ပြောပါတယ်။

“ကျနော်တို့အပိုင်းက ခုနက မရက မြို့နယ်မှူးတို့ ၊ ရဲတွေနဲ့ ကျနော်တို့ဆွေးနွေးကြည့်တာကတော့ ကျနော်တို့ရပ်တယ်ဆိုရင် ခင်ဗျားတို့ ကားရပ်ပေးမလားလို့ပြောတော့ ရပ်ပေးမယ်လို့ပြောတယ်။ ဒါဆိုရင် သဘောတူညီချက်စာ တကြောင်းရေးထားရအောင်၊ နုတ်ကတိနဲ့ မဖြစ်ဘူး။ စာနဲ့ရေးထားရအောင်ဆိုတာကို မဖြစ်ဘူးပေါ့။ သူတို့ ရပ်ပေးချင်တယ်ဆိုရင် ရှိနေတဲ့ကားတွေ တခါထဲ ဆုတ်ပေးရမှာလေ။အခုသူတို့က မဆုတ်ဘူး။ ကျနော်တို့ သဘိတ်စခန်း သိမ်းတာနဲ့ သူတို့က ကားဖြတ်ဖို့ အစီအစဉ်ရှိတယ်။ ဒါကြောင့် ကျနော်တို့ မနက်ဖြန်မှပဲ မရက မြို့နယ်မှူးတွေနဲ့ ဒီ ရဲမြို့နယ်မှူးတွေနဲ့ ဆွေးနွေးပြီးမှပဲ ကျနော်တို့က သဘောတူညီချက် ရမှ ရပ်မှာ ကျနော်တို့ကတော့ ”

ဒေသခံအာဏာပိုင်တွေက ဆိုင်းတောင်ဖက်မှာမနက်ဖြန်မနက် ၁၀ နာရီ မှာ ဆွေးနွေးမှာဖြစ်ပြီး လုံးခင်းဖက်မှာတော့ ညနေ၃နာရီမှာ ဆွေးနွေးမှာဖြစ်ပါတယ်။

လမ်းပိတ်ဆို့ ဆန္ဒပြတာကို မရုတ်သိမ်းရင် မနက်ဖြန်မှာ အင်အားသုံးဖြိုခွင်းမယ် လို့လည်း သတင်းကြားနေရကြောင်း ဆက်ပြောပါတယ်။

“မနက်ဖြန်လောက်မှ မသိမ်းရင်ပေါ့နော် ကျနော်တို့ ဆန္ဒထုတ်ဖော်နေတာ မသိမ်းရင်ပေါ့နော်၊ ရဲအင်အားနဲ့ ကျနော်တို့ကို ဖြိုခွင်းမှာပေါ့နော် ။ အဲလိုတော့ ကြားထားတယ် ကျနော်တို့ကတော့။”

လက်ရှိညှိနှိုင်းနေတဲ့အခြေအနေနဲ့ပတ်သက်ပြီး မေးမြန်းဖို့ ဖားကန့်မြို့နယ် အုပ်ချုပ်မှူးကို ဆက်သွယ်ခဲ့ပေမဲ့ ဖုန်းခေါ်ဆိုလို့ မရပါဘူး။

ဖားကန့်ဒေသက ပြည်နယ်လွှတ်တော်ကိုယ်စားလှယ် ဦးတာရှီလဆိုင်းကတော့ လက်ရှိ အစိုးရအပြောင်းအလဲကာလမှာ နှစ်ဖက်ချင့်ချင့်ချိန်ချိန်နဲ့ ဆောင်ရွက်ဖို့ လိုကြောင်း ပြောပါတယ်။

“အဓိကကတော့ ကျနော်တို့ အဲဒီလိုလမ်းပေါ်ထွက် ဆန္ဒထုတ်ဖော်တဲ့လူတွေလည်း သွားလာရေးလမ်းကြောင်းမှာ အခက်အခဲ ရှိလာတဲ့ အနေအထားမျိုးမှာ ဖြစ်နေတယ်ဆိုရင် ဒီအပေါ်မှာလည်း ကျနော်တို့ တာဝန်ယူမှု၊ တာဝန်ခံမှုတွေ ကိုယ်လုပ်တဲ့လူတွေကလည်း အဲဒီအပေါ်မှာ နားလည်ဖို့ လိုမယ်။ နောက်ဒီအစိုးရဘက်ကလည်း လုပ်ငန်းလုပ်ကွက်တွေပေါ်မှာ စနစ်တကျ ကြပ်မတ်သွားဖို့တော့ လိုအပ်တာပေါ့။ အစိုးရဘက်ကနေပြီးမှ စနစ်တကျ ဥပဒေ လမ်းကြောင်းအတိုင်းဖော်ဆောင်သွားပေးပါ့မယ်ဆိုတဲ့အတိုင်းအတာမျိုးတွေနဲ့ သူတို့အနေနဲ့ လုပ်ကြမယ်ဆိုရင်တော့ ဒါအကောင်းဆုံးဖြစ်မယ်လို့ ကျနော် ကတော့မြင်တယ်လေ။”

လောလောဆယ် အစိုးရဖွဲ့စီးပြီးချိန် ဒါမှမဟုတ် ရေးရာကော်မတီတွေ ဖွဲ့စည်းပြီးချိန်မှာ လူထုတောင်းဆိုတဲ့အခြေအနေတွေကို ကွင်းဆင်းလေ့လာပြီး လွှတ်တော်ဥက္ကဋ္ဌ ထံမှာ တင်ပြသွားလို့လည်း စီစဉ်ထားတယ်လို့ ပြောပါတယ်။

ပြီးခဲ့တဲ့နှစ် နိုဝင်ဘာလအတွင်းကလည်း ဒေသခံပြည်သူတွေက လမ်းပိတ်ပြီးဆန္ဒပြတာကြောင့် မြေသယ်ကားတွေ မောင်းနှင်တာနဲ့ပတ်သက်ပြီး ကျောက်တူးဖော်ရေးကုမဏီတွေဘက်က သတိထားဆောင်ရွက် လာတာရှိပေမဲ့ မြေစာပုံစွန်ပစ်တာနဲ့ ဒိုင်းနမိုက် အသုံးပြုတာတွေတော့ ဆောင်ရွက်နေဆဲ ရှိကြောင်း ပြောပါတယ်။

ဖားကန့်ဒေသအတွင်းမှာ ကျောက်စိမ်းတူးဖော်တာကို ယန္တရားကြီးတွေ အသုံးပြုလာတဲ့နောက် မြေစာပုံပြိုကျတာနဲ့ယာဉ်တိုက်မှုကြောင့် လူသေဆုံးတာတွေ မကြာခဏဖြစ်ပျက်ခဲ့သလို ဥရုချောင်းရေလျံတာလည်း နှစ်တိုင်းလို ဆိုးဆိုး ၀ါးဝါးဖြစ်ပွားနေပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com


    ရန်ကုန် ၊ ဖေဖော်ဝါရီ ၁၅ ရက် (ဆင်ဟွာ)

    မြန်မာနိုင်ငံနေရာ ဒေသအနှံ့တွင် ပေါ့ဆမှုကြောင့် မီးလောင်ကျွမ်းမှု အများအပြား ဖြစ်ပွားလျက် ရှိခြင်းကြောင့် ကော့မှူးမြို့ နယ်တွင် မီးဘေး အန္တရာယ် ကြိုတင် ကာကွယ်နိုင်ရေး နှင့် ပတ်သက်၍ အခြား လိုအပ်ချက်များ အားလုံးကိုမြို့ နယ် အုပ်ချုပ်ရေးမှူးမှ မီးသတ် ဦးစီးဌာန နှင့် ညှိနှိုင်း၍ စီမံချက် အမြန်ဆုံး တင်ပြရန် မေတ္တာရပ်ခံစာအား ကော့မှူး မဲဆန္ဒနယ်မှ ပြည်သူ့ လွှတ်တော်ကိုယ်စားလှယ် ဒေါ်အောင်ဆန်းစုကြည်က ယနေ့ ဖေဖော်ဝါရီ ၁၅ ရက်တွင် ကော့မှူးမြို့ နယ် အုပ်ချုပ်ရေးမှူးထံသို့ ပေးပို့ အကြောင်းကြားခဲ့ကြောင်း သိရသည်။

ကော့မှူးမြို့ နယ် တစ်ခုလုံး အတိုင်းအတာအနေဖြင့် မီးဘေး အန္တရာယ် ကြိုတင် ကာကွယ်ရေး နှင့် ပတ်သက်၍ မီးသတ် ဦးစီးဌာန နှင့် ပူးပေါင်းကာ လူနေ ထူထပ်သည့် ရပ်ကွက် ၊ ဈေး ၊ ကျောင်း ၊ ဆေးရုံ ၊ ရုံးလူနေအိမ် နေရာတို့တွင် မီးသတ်ဘူးများ ဆောင်ထားရှိရန် ပညာပေး လှုံ့ဆော်မှုများ ဆောင်ရွက်ရန် စသည့် အချက်များအရ ကြိုတင်ကာကွယ်မှုများ ပြင်ဆင်ပြုလုပ်ထားရန် အထူးလိုအပ်မည် ဖြစ်ကြောင်း အကြောင်းကြားစာတွင် ဖော်ပြထားသည်။

အမျိုးသား ဒီမိုကရေစီ အဖွဲ့ ချုပ် (NLD) ဥက္ကဋ္ဌ ဒေါ်အောင်ဆန်းစုကြည်သည် ပြီးခဲ့သည့် ၂၀၁၂ ကြားဖြတ် ရွေးကောက်ပွဲတွင် ကော့မှူးမြို့ နယ် ပြည်သူ့ လွှတ်တော် ကိုယ်စားလှယ် အဖြစ် ဝင်ရောက် ယှဉ်ပြိုင် ရွေးချယ် အနိုင်ရရှိခဲ့ပြီး ၂၀၁၅ ခုနှစ် အထွေထွေ ရွေးကောက်ပွဲတွင်လည်း ကော့မှူးမြို့ နယ် ပြည်သူ့ လွှတ်တော် ကိုယ်စားလှယ် အဖြစ် ပြန်လည် အရွေးချယ်ခံ အနိုင်ရရှိခဲ့သည်။

(Xinhua)
http://www.xinhuamyanmar.com

ဆီးရီးယားဆေးရုံ လေကြောင်းတိုက်ခိုက်မှု ၈ ဦးသေ
ဆီးရီးယားအနောက်မြောက်ပိုင်းက ဒီကနေ့ လေကြောင်းတိုက်ခိုက်မှုအတွင်း နယ်စည်းမခြားဆရာဝန်များအသင်းရဲ့ ပံ့ပိုးမှုနဲ့ ဖွင့်လှစ်ထားတဲ့ ဆေးရုံးပျက်စီးပြီး လူ ၈ ဦးထက်မနည်း သေဆုံးသွားတယ်လို့ MSF ကပြောပါတယ်။

Idlib ဒေသမှာရှိတဲ့ Maaret al-Numan က ဆေးရုံကို ရော့ကတ်ဒုံးကျည် ၄ စင်း ထိမှန်ခဲ့ပြီး ၀န်ထမ်း ၈ ဦးပျောက်ဆုံးနေတယ်ကြောင်း ပြင်သစ်နိုင်ငံ အခြေစိုက် နိုင်ငံတကာအကူအညီပေးရေးအဖွဲ့ MSF က ပြောပါတယ်။ ဒါဟာ ကျန်းမာရေးပိုင်းဆိုင်ရာ အကူအညီပေးနေတဲ့ဆေးရုံတရုံကို ရည်ရွယ်ချက်ရှိရှိ တိုက်ခိုက်ခိုက်တာဖြစ်တာကြောင့် ဒီလုပ်ရပ်အပေါ် အပြင်းထန်ဆုံးရှုံ့ချပါတယ်လို့ MSF အကြီးအကဲ Massimiliano Rebaudengo ကပြောပါတယ်။

ဆေးရုံကို အခုလိုတိုက်ခိုက်တာကြောင့် ပဋိပက္ခတွေ အပြင်း အထန်ဖြစ်ပွားနေတဲ့ နေရာက လူ ၄ သောင်းလောက်ဟာ ကျန်းမာရေးစောင့်ရှောက်မှု ရရှိတေ့ာမှာ မဟုတ်ဘူးလို့လည်း သူကပြောပါတယ်။ ခုတင် ၃၀ ဆန့် ဆေးရုံးမှာ ကျန်းမာရေး ၀န်ထမ်း ၅၄ ဦးအထိရှိပြီး ခွဲစိတ်ခန်း ၂ ခန်း ၊ ပြင်ပလူနာ ကုသရေးဌာနနဲ့ အရေးပေါ်အခန်း ၁ ခန်းရှိတယ်လို့ MSF ကပြောပါတယ်။

ဒီ တိုက်ခိုက်မှုဟာ ဘယ်သူ့လက်ချက် ဆိုတာကို MSF က မပြောပေမယ့် ဗြိတိန်အခြေစိုက် ဆီးရိးယားလူ့အခွင့်အရေး လေ့လာစောင့်ကြည့်ရေး အဖွဲ့က ဒါဟာ ရုရှားရဲ့ လေကြောင်းတိုက်ခိုက်မှုလို့ ယုံကြည်ရကြောင်းပြောဆိုပြီး ဒီတိုက်ခိုက်မှုအတွင်း လူ ၉ ဦးသေဆုံးပြီးဒါဇင်နဲ့ချီပြီး ဒဏ်ရာရခဲ့ပါတယ်။

ဆီးရီးယားမြောက်ပိုင်း Azaz မြို့က ကလေးဆေးရုံကိုလည်း ဒီကနေ့မှာ မစ်ဇိုင်း ဒုံးကျည် တစင်း ထိမှန်ခဲ့တာကြောင့် လူ ၁၀ ဦး ထက်မနည်း သေဆုံးသွားပါတယ်။

ဗွီအိုအေ (မြန်မာပိုင်း)
http://burmese.voanews.com

မာရတ် အယ်လ် နူမန် မြို့က ဆေးရုံ ထိမှန်ခဲ့တဲ့ ပုံကို MSF အဖွဲ့က ဖော်ပြခဲ့။
ဆီးရီးယား နိုင်ငံ မြောက်ပိုင်းမှာ လေကြောင်း တိုက်ခိုက်မှုတွေကြောင့် ဆေးရုံ နှစ်ရုံ ထိမှန်ခဲ့ပြီး အသေအပျောက် အများအပြား ရှိခဲ့တယ်လို့ မျက်မြင် သက်သေတွေနဲ့ ဆရာဝန်တွေက ပြောပါတယ်။

တူရကီနဲ့ နယ်စပ်က အာဇက်ဇ် မြို့မှာ ဆေးရုံ အဆောက်အအုံထဲက လူတွေ အပါအဝင် အနည်းဆုံး ၁၀ ဦး သေဆုံးတယ်လို့ သတင်းတွေက ဆိုပါတယ်။

နောက်တစ်မြို့ ဖြစ်တဲ့ မာရတ် အယ်လ် နူမန် မြို့မှာလည်း ဆေးရုံ တိုက်ခိုက် ခံရလို့ ၇ ယောက် သေဆုံးပြီး ၈ ဦး ပျောက်ဆုံး နေတယ်လို့ နယ်စည်းမခြား ဆရာဝန်များ အဖွဲ့ MSF က ပြောပါတယ်။

ဆီးရီးယားထဲမှာ အပစ်ရပ်ရေး စတင် ကြိုးပမ်းဖို့ ရုရှားနဲ့ နိုင်ငံကြီးတွေ သဘောတူခဲ့ပြီး ရက်ပိုင်း အကြာမှာပဲ အခုလို တိုက်ခိုက်မှုတွေ ပေါ်ပေါက် ခဲ့တာပါ။

၅ နှစ်နီးပါး ကြာလာတဲ့ ဆီးရီးယား စစ်ပွဲတွေကြောင့် ခုချိန်အထိ လူပေါင်း နှစ်သိန်းခွဲကျော် သေဆုံး ခဲ့ရပြီး၊ ၁၁ သန်းကျော် နေရပ် စွန့်ခွာ ခဲ့ကြရပြီး ဖြစ်ပါတယ်။

BBC Burmese
http://www.bbc.com/burmese

 ကေဆောင်း စက်မှုဇုန်မှာ ထောင်သောင်းချီတဲ့ မြောက်ကိုရီးယား လုပ်သားတွေ အလုပ်လုပ်ခဲ့။
ကေဆောင်း စက်မှုဇုန်မှာ အလုပ်လုပ်တဲ့ မြောက်ကိုရီးယား လုပ်သားတွေရဲ့ လစာငွေ ၇၀ ရာခိုင်နှုန်းလောက်ကို မြောက်ကိုရီးယား အစိုးရက လက်နက် ထုတ်လုပ်တဲ့ အစီအစဉ်တွေမှာ သုံးခဲ့ပြီး၊ ဇိမ်ခံ ပစ္စည်းတွေကို ထိပ်ပိုင်း လူနည်းစု အတွက် သုံးခဲ့တယ်လို့ တောင်ကိုရီးယားက ပြောပါတယ်။

တောင်နဲ့ မြောက် ကိုရီးယား နှစ်နိုင်ငံ ပူးတွဲ လည်ပတ်တဲ့ ကေဆောင်း စက်မှုဇုန်ကို ပြီးခဲ့တဲ့ သီတင်းပတ်မှာ တောင်ကိုရီးယား ဘက်က ရပ်ဆိုင်း ခဲ့တာ ဖြစ်ပါတယ်။ မြောက်ကိုရီးယားရဲ့ နျူကလီးယား စမ်းသပ်မှုတွေနဲ့ တာဝေးပစ် ဒုံးကျည် ပစ်လွှတ်မှုတွေ ပေါ်ပေါက်ခဲ့ပြီးနောက် သူတို့ရဲ့ ဝင်ငွေကို ဖြတ်တောက်ဖို့ တောင်ကိုရီးယားက အဲဒီ စက်မှုဇုန်ကို ရပ်ဆိုင်း ခဲ့တာပါ။

မြောက်ကိုရီးယား ကတော့ အဲဒီလို စက်မှုဇုန်ကို ရပ်ဆိုင်း လိုက်တာဟာ စစ်ကြေညာ လိုက်တာပဲလို့ ပြောခဲ့ပါတယ်။

စက်မှုဇုန် ပိတ်လိုက်ပြီးနောက် မြောက်ကိုရီးယားဘက်က တုံ့ပြန်တဲ့ အနေနဲ့ တောင်ကိုရီးယား နိုင်ငံသား အားလုံးကို နှင်ထုတ်လိုက်ပြီး တောင်ကိုရီးယား လုပ်ငန်းတွေရဲ့ ပိုင်ဆိုင်မှုတွေကိုလည်း ပိတ်ပစ် ခဲ့ပါတယ်။ တောင်ကိုရီးယားနဲ့ အရေးပေါ် ဆက်သွယ်ရာမှာ သုံးတဲ့ အဓိက ဆက်သွယ်ရေး လမ်းကြောင်းတွေကိုလည်း ဖြတ်ပစ်မယ်လို့ မြောက်ကိုရီးယားက ပြောခဲ့ပါတယ်။

တောင်ကိုရီးယားပိုင် အထည်စက်ရုံ၊ ကားပစ္စည်း စက်ရုံ၊ တစ်ပိုင်း လျှပ်ကူးပစ္စည်း စက်ရုံတွေ ပါဝင်တဲ့ အဲဒီ စက်မှုဇုန်မှာ မြောက်ကိုရီးယား လုပ်သား ထောင်ပေါင်းများစွာ အလုပ်လုပ် ခဲ့ကြတာ ဖြစ်ပါတယ်။

BBC Burmese
http://www.bbc.com/burmese


ထိုင်းနိုင်ငံ ဥဒွန်ဌာနီမြို့ နောင်ခမ်ရပ်ကွက်ကမှ အလုပ်သမား လင်မယားနှစ်ဦးသည် သူဌေးအိမ် တစ်အိမ်မှာ အလုပ်လုပ်နေပါတယ် မယားဖြစ်သူက ရုပ်ရည်လေး အသင့်တင့် လှပမှုကြောင့် သူဌေးက သူမကိုအခါပေါင်းမြောက်များစွာ မယားသဖွယ်ပြုကျင့်ခဲ့တာကို မကျေနပ်တဲ့အတွက် အကြိမ်ကြိမ်ရဲစခန်းနှင့် သက်ဆိုင်ရာဌာနသို့ သွားရောက် တိုင်ကြားခဲ့သည်မှာ အရေးယူဆောင်ရွက်ပေးခြင်းမရှိ ခဲ့ပါဘူး။

 အဲဒါသာမက သူဌေးကဒေသခံရဲအရာရှိနဲ့လူကြီးတွေ သူခင်မင်တယ်ဆိုတဲ့အကြောင်း တိုင်တန်းခဲ့တဲ့အမှုကို သက်ဆိုင်ရာမှာလက်မခံခဲ့တဲ့အတွက် အားရစကားတွေ လာဆိုနေတာကြောင့် ၀မ်းနည်းမိလို့ ပြီးခဲ့တဲ့ဖေဖော်ဝါရီလ ၁၃ရက်နေ့မှာ လင်မယားနှစ်ဦးစလုံး အဆိပ်ခတ်ဆေးသောက်ပြီး မိမိကိုယ်မိမိ အဆုံးစီရင်ခဲ့ပါတယ်။

 အလောင်းဘေးမှာစာတစ်စောင်ရေးထားခဲ့ ပါသေးတယ် သူဌေးက ကာမေသုကျူးလွန်၍ အမှုတိုင်တန်းရာမှာ မထမြောက်တဲ့အကြောင်းအရာအဖြစ်ပျက်စာလေးတွေ ရေးထားခဲ့ပါသေးတယ်။

 ကျန်ရစ်နေတဲ့သားတစ်ယောက်က မနေ့ဖေဖော်ဝရီလ ၁၄ရက်နေ့မှာ သူမိဘနှစ်ပါးအတွက် ရိုးရာထုံးတမ်းအရ ကုသိုလ်ကောင်းမှုလှူဒါန်းပေးပြီး ဈာပနပွဲပြုလုပ်ပေးခဲ့ပါတယ်။

 ကျန်ရစ်သား၏ပြောပြချက်အရ ရဲတပ်ဖွဲ့က ဤအမှုကိုလိုက်လံဆောင်ရွက် ပေးတော့မယ်လို့ဆိုပါတယ်။

MTF Channel
https://www.facebook.com/mtftv



Breaking news on 15-2-2016

ယနေ့  နေ့ လည် ပိုင်းက ထိုင်းနိုင်ငံ တွင် သံဃာတော်များ စုပေါင်း ဆွေးနွေး ပြုလုပ်နေသည့် ၀င်း အတွင်း အစည်းဝေး လာရောက်သည့် ကားများ သံဃာများကို စစ်တပ်မှ လာရောက် အသေးစိတ် စစ်ဆေးခဲ့ရာမှ သံဃာတော်များနှင့် စစ်တပ်အကြား တင်းမာ မှုများ ဖြစ်ပွားခဲ့ပါတယ်။

သံဃာတော် အပါး ၃၀၀၀ ကျော်က စစ်သားများအား ကျောင်းဝင်းအတွင်းမှ ဆွဲထုတ်ခဲ့ကြကြောင်း သိရပါတယ်။ ယခုဖြစ်ရပ်နှင့် ပါတ်သက်ပြီး သံဃာတော်များမှ ယနေ့ ညနေ အသေးစိတ် သတင်းစာရှင်းလင်းပွဲ ပြုလည်မယ်လို့  သိရပါတယ်။

Social Action for Women - SAW
Daily news


ကြက်ဖကြီး အကောင့်ပိုင်ရှင်လို့ စွပ်စွဲခံထားရတဲ့ ကိုလှဖုန်း ကို မရမ်းကုန်းမြို့နယ် တရားရုံးမှာ ဒီနေ့ ပထမဆုံးအကြိမ် ရုံးထုတ်ခဲ့ပါတယ်။

ကိုလှဖုန်း ကို နိုင်ငံတော်သမ္မတနဲ့ တပ်မတော်ကာကွယ်ရေးဦးစီးချုပ် ပုံတွေကို ကွန်ပျူတာနဲ့ ပြုပြင်ပြီး ဖေ့ဘုတ်မှာ တင်ခဲ့တယ်လို့စွပ်စွဲပြီး ဖေဖော်ဝါရီ ၁ဝ ရက်နေ့က ဖမ်းဆီးလိုက်တာဖြစ်ပါတယ်။

Photo: Aung Thain Kha/RFA

RFA Burmese
https://www.facebook.com/RFA-Burmese


လွှတ်တော်ဆိုင်ရာလုပ်ငန်းများ ရှင်းလင်းတင်ပြခြင်း Induction Programme for MPs of the Second Hluttaw အစီအစဉ် ကျင်းပပြုလုပ်

ပြည်ထောင်စုလွှတ်တော် ဒုတိယအကြိမ် လွှတ်တော်ကိုယ်စားလှယ်များအတွက် လွှတ်တော်ဆိုင်ရာလုပ်ငန်းများ ရှင်းလင်းတင်ပြခြင်း Induction Programme for MPs of the Second Hluttaw အစီအစဉ် ကို ဖေဖေါ်ဝါရီလ ၁၅ ရက်နေ့ ယနေ့နံနက် ၁၀ နာရီက နေပြည်တော်လွှတ်တော်ဝင်းအတွင်းရှိ သဘင်ဆောင်တွင် ကျင်းပပြုလုပ်ခဲ့သည်။ အဆိုပါ အခမ်းအနားသို့ အဖွဲ့ချုပ်ဥက္ကဋ္ဌ ကော့မှူးမြို့နယ် ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်တက်ရောက်၍ အမှာစကားပြောကြားခဲ့သည်။

လွှတ်တော်ဆိုင်ရာလုပ်ငန်းများ ရှင်းလင်းတင်ပြခြင်း Induction Programme for MPs of the Second Hluttaw အစီအစဉ် ကျင်းပပြုလုပ်***************************************************************************************************************************************ပြည်ထောင်စုလွှတ်တော် ဒုတိယအကြိမ် လွှတ်တော်ကိုယ်စားလှယ်များအတွက် လွှတ်တော်ဆိုင်ရာလုပ်ငန်းများ ရှင်းလင်းတင်ပြခြင်း Induction Programme for MPs of the Second Hluttaw အစီအစဉ် ကို ဖေဖေါ်ဝါရီလ ၁၅ ရက်နေ့ ယနေ့နံနက် ၁၀ နာရီက နေပြည်တော်လွှတ်တော်ဝင်းအတွင်းရှိ သဘင်ဆောင်တွင် ကျင်းပပြုလုပ်ခဲ့သည်။ အဆိုပါ အခမ်းအနားသို့ အဖွဲ့ချုပ်ဥက္ကဋ္ဌ ကော့မှူးမြို့နယ် ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်တက်ရောက်၍ အမှာစကားပြောကြားခဲ့သည်။

Posted by NLD Chairperson on Sunday, February 14, 2016
NLD Chairperson


မြန်မာနိုင်ငံဟာ ​ထိုင်းနိုင်ငံက ​အစားအသောက်တွေကို ​စတုတ္တအများဆုံး ​ဝယ်ယူတဲ့ ​နိုင်ငံဖြစ်လာတယ်လို့ ​The ​Nation ​သတင်းမှာ ​ဖော်ပြထားပါတယ်။

ထိုင်းနိုင်ငံက ​အစားအသောက်တွေကို ​ဂျပန်က ​အများဆုံး ​ဝယ်ယူပြီး ​အဲဒီနောက် ​အမေရိကန်နဲ့ ​တရုတ်နိုင်ငံတို့က ​ဝယ်ယူကြပေမယ့် ​မြန်မာနိုင်ငံဟာ ​ထိုင်းအစားအစာတွေကို ​စတုတ္တ ​အများဆုံး ​ဝယ်ယူတင်သွင်းနေတာ ​ဖြစ်ပါတယ်။

အရင်တစ်နှစ်ထဲမှာပဲ ​မြန်မာနိုင်ငံက ​ထိုင်း ​အစားအသောက်ကို ​၂၄% ​တိုးပြီး ​ဝယ်ယူနေတာ ​ဖြစ်ပြီး ​ဒီနှစ်အတွင်း ​မြန်မာ ​စီးပွားရေးက ​၈% ​တိုးတက်ဖို့ ​ရှိတာကြောင့် ​ပိုပြီး ​ရောင်းချဖို့ ​ထိုင်းက ​ကြိုးစားနေပါတယ်။

မြန်မာနိုင်ငံကို ​သွားပြီး ​လေ့လာတဲ့အခါမှာ ​မြန်မာတွေက ​ခေါက်ဆွဲတွေ ​ပါတဲ့ ​အစားအသောက်တွေ၊ ​ဆားများတဲ့ ​အစားအသောက်ကို ​ကြိုက်တာကို ​တွေ့ခဲ့ရတယ်လို့ ​ဆိုပါတယ်။ ​ဒါ့အပြင် ​အပြုတ်ထက် ​အကြော်ကို ​ပိုကြိုက်ပြီး ​ဟင်းထဲမှာ ​အုန်းနို့တွေကို ​အသုံးပြုတာ ​သိပ်မကြိုက်တာကိုလည်း ​တွေ့ခဲ့ရပါတယ်။

မြန်မာနိုင်ငံဟာ ​ထိုင်းနိုင်ငံကနေ ​သကြားတွေ၊ ​လီပိုလို ​energy ​အရည်တွေ၊ ​ဘီယာ၊ ​ဝီစကီ၊ ​မုန့်ကျွတ်တွေ၊ ​ဆေးဖက်ဝင် ​အစားအသောက်၊ ​ကော်ဖီနဲ့ ​ဆီအုန်းတွေကို ​အများဆုံး ​ဝယ်ယူနေကြတယ်လို့ ​ဆိုပါတယ်။

မြန်မာဈေးကွက်ကို ​ထိုးဖောက်နိုင်ဖို့ ​ထိုင်း ​အစားအသောက်ထုတ်တဲ့ ​ကုမ္ပဏီတွေဟာလည်း ​မြန်မာကို ​သွားပြီး ​ပြသ ​မြည်းစမ်းခိုင်းတာမျိုးတွေ ​ပြုလုပ်ပြီး ​ဈေးကွက်လေ့လာနေကြကြောင်း ​သိရပါတယ်။

ABC Radio Australia
http://www.radioaustralia.net.au/burmese


ဆီးရီးယား ​နိုင်ငံ ​နယ်စပ်မှာ ​ရှိနေတဲ့ ​Kurdish ​တပ် ​တွေကို ​မတိုက်ခိုက်ဖို့ ​အမေရိကန်နဲ့ ​ပြင်သစ်က ​တောင်းဆိုတဲ့ ​ကြားကပဲ ​တူရကီက ​တိုက်ခိုက်မှုတွေ ​ဆက်လုပ်နေပါတယ်။

IS ​အစ္စလာမ်မစ် ​အဖွဲ့ကို ​တိုက်ခိုက်ချေမှုန်းရေးမှာ ​အနောက်တိုင်း ​နိုင်ငံတွေက ​Kurdish ​တပ်တွေကို ​အားကိုးပြီး ​အကူအညီပေးနေတာ ​ဖြစ်ပါတယ်။

ဒါပေမဲ့ ​အရင်တပတ်မှာပဲ ​Kurdish ​တပ်တွေက ​တူရကီနဲ့ ​ဆီးရီးယားနိုင်ငံ ​အလက်ပိုမြို့အကြားက ​နေရာတစ်ခုကို ​သိမ်းပိုက်လိုက်ပြီးနောက် ​တူရကီဘက်က ​စိုးရိမ်မှု ​ကြီးထွားလာတာ ​ဖြစ်ပါတယ်။

တူရကီနိုင်ငံဟာ ​Kurdish ​တွေရဲ့ ​ဆန့်ကျင်မှုကို ​ခံနေရတဲ့အတွက် ​Kurdish ​တပ်တွေ ​ကြီးထွားလာရင် ​တူရကီအတွက် ​အန္တာရာယ် ​ဖြစ်မယ်လို့ ​ယူဆနေတာ ​ဖြစ်ပါတယ်။ ​အဲဒါကြောင့် ​ဆီးရီးယား ​နယ်စပ်နားမှာ ​ရှိနေတဲ့ ​Kurdish ​တပ်ကို ​တူရကီက ​တိုက်ခိုက်နေတာ ​ဖြစ်ပါတယ်။

ဆီးရီးယား ​နယ်ထဲက ​Kurdish ​တွေကို ​တူရကီက ​တိုက်ခိုက်နေတာ ​ဖြစ်လို့ ​ဆီးရီးယားကလည်း ​ကုလသမဂ္ဂကို ​ကြားဝင် ​ဖြေရှင်းပေးဖို့ ​တောင်းဆိုထားပါတယ်။

တချိန်တည်းမှာပဲ ​ဆော်ဒီအာရေးဗီးယား ​အစိုးရရဲ့ ​အဆိုအရ ​ဆီးရီးယားနိုင်ငံက ​IS ​ကို ​တိုက်ခိုက်ဖို့ ​တူရကီနိုင်ငံမှာ ​စစ်လေယာဉ်တွေ ​ပို့ဆောင်ထားတယ်လို့ ​ဆိုပါတယ်။

ဆော်ဒီ ​အစိုးရဟာ ​ဝေဟင်တိုက်ခိုက်မှုတွေကို ​ဆော်ဒီနိုင်ငံအတွင်းကနေသာ ​လုပ်ဆောင်တာ ​ဖြစ်ပေမယ့် ​အခုအခါမှာတော့ ​တူရကီနိုင်ငံကနေတဆင့် ​လုပ်ကိုင်ဖို့ ​ဆုံးဖြတ်လိုက်တာ ​ဖြစ်ပါတယ်။

ဒါ့အပြင် ​လိုအပ်လာရင်တော့ ​ဆော်ဒီအာရေးဗီးယား ​အနေနဲ့ ​ဆီးရီးယားနိုင်ငံကို ​စစ်သားတွေ ​စေလွတ်ပြီး ​IS ​ကို ​တိုက်ခိုက်ဖို့ ​အသင့်ပဲလို့ ​ပြောလိုက်ပါတယ်။

အမေရိကန်နဲ့ ​တခြား ​မဟာမိတ်နိုင်ငံတွေကသာ ​စစ်သားတွေကို ​စစ်မြေပြင် ​စေလွတ်ရင် ​ဆော်ဒီဘက်ကလည်း ​အသင့်ပဲလို့ ​ပြောလိုက်ပါတယ်။

ရုရှား ​အစိုးရကတော့ ​အမေရိကန်ကသာ ​ဆီးရီးယားနိုင်ငံထဲ ​စစ်သားတွေ ​ပို့ဆောင်မယ်ဆိုရင် ​ဆီးရီးယားစစ်ဟာ ​ကြာရှည်တဲ့ ​စစ်အသွင်ပြောင်းသွားမယ်လို့ ​သတိပေးထားပါတယ်။

ဆီးရီးယား ​နိုင်ငံက ​IS ​ကို ​တိုက်ခိုက်ရေးမှာ ​ပိုမို ​ပူးပေါင်းမှုတွေလုပ်ဖို့လည်း ​အမေရိကန်နဲ့ ​ရုရှားတို့က ​သဘောတူခဲ့ကြပါတယ်။ ​အမေရိကန်ကတော့ ​ဆီးရီးယား ​အစိုးရကို ​ဆန့်ကျင်တဲ့ ​တချို့ ​သူပုန် ​တပ်ဖွဲ့ကို ​မတိုက်ခိုက်ဖို့ ​ရုရှားကို ​ပြောဆိုပေမယ့် ​ရုရှားကတော့ ​သူတို့က ​အကြမ်းဖက် ​အဖွဲ့တွေကိုသာ ​တိုက်ခိုက်နေတယ်လို့ ​တုန့်ပြန်ထားပါတယ်။ ​ဆီးရီးယား ​အစိုးရကတော့ ​သူ့ကို ​ဆန့်ကျင်တဲ့ ​သူပုန်တပ်ဖွဲ့ ​အားလုံးကို ​အကြမ်းဖက် ​အဖွဲ့အဖြစ် ​သတ်မှတ်နေတာ ​ဖြစ်ပါတယ်။

ABC Radio Australia
http://www.radioaustralia.net.au/burmese


နေပြည်တော် ပြည်ထောင်စုနယ်မြေ ပျဉ်းမနားမြို့ ချယ်ရီမေ KTV ဆိုင်တွင် ၁၄-၁၂-၂၀၁၅ ရက်နေ့ ညဥ့်သန်း ခေါင်ယံအချိန်၌ ဆိုင်အတွင်းရှိ အခန်းတခုထဲတွင် နေပြည်တော် ရဲတပ်ဖွဲ့မှူးရုံးမှ ရဲအရာရှိသုံးဦးတို့အား
ရန်နောင်စိုးပါ ရှစ်ဦးတို့မှ ဓားနှင့်ခုတ်၊ တုတ်များဖြင့် အကြမ်းဖက် တိုက်ခိုက်မှုတခု ဖြစ်ပွားခဲ့ပြီး တရားခံများမှာ ထွက်ပြေး တိမ်းရှောင်နေသဖြင့် ပျဉ်းမနားမြို့မရဲစခန်းမှ (ပ)၅၉၆/၁၅၊ ပြစ်မှုပုဒ်မ ၃၂၆/၃၂၅ တို့ဖြင့် အမှုဖွင့်ထား ပြီး တရားခံများ ဖမ်းဆီးရမိရေး ဆောင်ရွက်နေကြောင်း သိရသည်။


အချင်းဖြစ် အကြမ်းဖက်မှုတွင် ပါဝင်သည့် ဇော်မင်းနိုင် ကျပန်း (မ)၁၁၃၁ အခန်း(၁၉)၊ အောင်သုခလမ်း(၂၀)၊ ၆/ရှေ့ရပ်ကွက်၊ သာကေတမြို့နယ်နေသူ၏ နေရပ်လိပ်စာအား စုံစမ်းသိရှိရပြီး ဖေဖော်ဝါရီ ၁၃
ရက် ညနေ ၄ နာရီခွဲတွင် နေပြည်တော်ရဲတပ်ဖွဲ့မှူးရုံးမှ ဒုရဲမှူးစိုးညွန့်၊ ရဲအုပ်ထွန်းလှိုင်၊ ရဲအရာခံဝင်းဇော်၊ ရဲတပ်ကြပ်ဇော်မင်း ထိုက်တို့နှင့် ရန်ကုန်အရှေ့ပိုင်းခရိုင်ရဲတပ်ဖွဲ့မှ ရဲတပ်ဖွဲ့ဝင်များ ပူးပေါင်းအဖွဲ့သည် ပျဉ်းမနားမြို့မရဲစခန်း (ပ)၅၉၆/၁၅၊ ပြစ်မှုပုဒ်မ ၃၂၆/၃၂၅ အမှုမှ ထွက်ပြေးတရားခံများဖြစ်ကြသော ဇော်မင်းနိုင် ကျပန်း (မ)၁၁၃၁ အခန်း(၁၉)၊ အောင်သုခလမ်း(၂၀)၊ ၆/ရှေ့ရပ်ကွက်၊ သာကေတမြို့နယ်၊ မြင့်ဇော် (မ)၁၂၇၃ သလ္လာဝတီ(၄) လမ်း၊ (၁၃)ရပ်ကွက်၊ သာကေတမြို့နယ်နှင့် သီဟ အိမ်အမှတ်မရှိ ချင်းတွင်း(၄)လမ်း၊ (၆၇)ရပ်ကွက်၊ ဒဂုံဆိပ် ကမ်းမြို့နယ်နေသူတို့အား ဇော်မင်းနိုင်နေအိမ်တွင် ဖမ်းဆီးရမိခဲ့သည်။


ကျန်တရားခံများ ဖမ်းဆီး ရမိရေး အတွက် ဆက်လက် စုံစမ်းစစ်ဆေးမှုများ ပြုလုပ်နေကြောင်း သိရသည်။

ထွန်း(နေပြည်တော်)
News Watch(စောင့်ကြည့်သတင်းဂျာ
https://www.facebook.com/NewsWatchJournal/


မကွေးတိုင်းဒေသကြီး လွှတ်တော်ဥက္ကဌ ဦးတာသည့် ဌာနဆိုင်ရာပေါင်း ၃၆ ခုနှင့် ပထမဆုံး တွေ့ဆုံပွဲကို မင်းဘူးခရိုင် စလင်းမြို့နယ်တွင် ဖေဖော်ဝါရီလ ၁၅ ရက်နေ့ကပြုလုပ်ရာတွင် အခြေခံအုပ်ချုပ်ရေးစနစ်၌ အရေးကြီးသော ရပ်ကျေး/ထွေအုပ် စာရေးများ ၀န်ထမ်းစည်းကမ်းများကို အဓိကချိုးဖောက်နေမှုကို လုံးဝလက်ခံနိုင်စရာမရှိကြောင်း ပြောကြားသည်။

ရပ်ကျေးအုပ်ချုပ်ရေး အတွင်းရေးမှူးအဖြစ် ဆောင်ရွက်ရသည့် ရပ်ကျေးစာရေးများမှာ တာဝန်ကျရာအရပ်ဒေသတွင် သွားရောက်နေထိုင်ခြင်းမရှိဟု ၎င်းက ပြောဆိုသည်။ ထို့ပြင် ရွေးကောက်ပွဲဆိုင်ရာ စည်းမျဉ်းစည်းကမ်းများကိုလည်း ချိုးဖောက်မှုများရှိပြီး ရပ်ကျေး အုပ်ချုပ်ရေးမှူးများသည်လည်း ပြည်သူတကယ်ကြိုက်သော အုပ်ချုပ်ရေးမှူးများဖြစ်ရန် လိုအပ်သောကြောင့် အခြေခံအုပ်ချုပ်ရေးကဏ္ဍမှစတင်ပြီး ထိန်းကျောင်းဆောင်ရွက်သွားမည်ဖြစ်ကြောင်း ပြောသည်။

‘’ကျွန်တော်တို့ပါတီအနေနဲ့ ပြည်သူက တကယ်ပြောင်းလဲဖို့ ရွေးချယ်ပေးလိုက်တဲ့အတွက် ပြည်သူတွေလိုအပ်တဲ့ ကဏ္ဍတိုင်းကို ဖြည့်ဆည်းဆောင်ရွက်ပေးသွားပါမယ်။ ပညာရေးနဲ့ပတ်သက်ပြီး အားနည်းချက်တွေ တွေ့နေရပါတယ်။ အခြေခံအဆောက်အအုံတွေ ဆောက်တာကိုက စိစစ်မှုတွေ အားနည်းနေပါတယ်။ အရည်အသွေးမပြည့်တာတွေ တွေ့ရပါတယ်။ အရည်အသွေးက တော်တော်ညံ့ပါတယ်။‘’ဟု လွှတ်တော်ဥက္ကဌက သုံးသပ်ပြောဆိုသည်။

အခြေခံအုပ်ချုပ်ရေး ကဏ္ဍနှင့်ပတ်သတ်၍ အားနည်းချက်များကို သက်ဆိုင်ရာဌာနများက အရေးယူဆောင်ရွက်ရန် လိုအပ်သလို တိုင်းပြည်အတွက် မနစ်နာစေရန် စည်းကမ်းတကျ လုပ်ဆောင်သွားရန် လိုအပ်ကြောင်း လွှတ်တော်ဥက္ကဌ ဦးတာက ပြောကြားသည်။ ထိုသို့ လုပ်ကိုင်ဆောင်ရွက်ခြင်းမရှိပါက သက်ဆိုင်ရာ တိုင်းဒေသကြီးဌာနဆိုင်ရာအကြီးအကဲများမှတဆင့် လုပ်ဆောင်ပေးရန် ပြောဆိုသွားမည်ဟု ဆိုသည်။

စောကျော်ဝင်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


 ရွှေစက်တော် ဘုရားပွဲတော် ဖွင့်ပွဲနေ့ဖြစ်သည့် ဖေဖော်ဝါရီလ ၁၃ ရက်နေ့တွင် မကွေးမြို့နယ်၊ ကံပြားကျေးရွာမှ လူငယ်တစ်ဦး မန်းချောင်းရေအတွင်း ရေနစ်သေဆုံးမှုတစ်ရပ် ဖြစ်ပွားခဲ့ကြောင်း မင်းဘူးမြို့နယ်၊ စကုနယ်မြေ ရဲစခန်းမှ သိရှိရသည်။

ရေနစ်သေဆုံးသူမှာ မကွေးမြို့နယ်၊ ကံပြားကျေးရွာနေသူ အသက် ၁၉ နှစ်အရွယ်ရှိ ရှမ်းလေး (ခ) လှိုင်ဘွားအောင် ဖြစ်ပြီး ရွှေစက်တော်ဖွင့်ပွဲ ကျင်းပအပြီး နံနက် ၁၁ နာရီအချိန်ခန့်တွင် သူငယ်ချင်းများ ဖြစ်သည့် သန်းဆွေဦး၊ အာကာစိုး၊ အောင်လင်း၊ အောင်ထက်လင်း တို့နှင့်အတူ မန်းချောင်းအတွင်း ရေဆင်းချိုးကြရာမှ ဝဲအတွင်းရောက်ရှိ၍ ရေနစ်သေဆုံးခဲ့ခြင်း ဖြစ်ကြောင်း သိရသည်။

“ကလေးက အသောက်အစား မရှိပါဘူး။ အဲဒီနေ့က အလုပ်သွားတာလို့ပဲ အိမ်က သိကြတာ။ ရေနစ် သေဆုံးတယ်လို့ သတင်းကြားရမှ ရွှေစက်တော်ကို ရောက်နေတယ်ဆိုတာ သိကြရတာ” ဟု ကံပြားကျေးရွာနေ ဦးဇော်မိုးထွန်းက ပြောသည်။

ရွှေစက်တော်ဘုရား အောက်စက်တော်ရာအား ရစ်ခွေစီးဆင်းနေသည့် မန်းချောင်းရေမှာ နေရာ အတော်များများတွင် ခါးလယ်ခန့်အထိသာ ရေအနက်ရှိသော်လည်း အချို့နေရာများတွင် ဝါးတစ်ရိုက်ခန့်အထိ နက်ပြီး တရုတ်ဝဲဟု အမည်တွင်သည့် ဝဲကတော့တစ်ခုလည်း ရှိသဖြင့် နှစ်စဉ်လိုလို ရေနစ်သေဆုံးမှု ဖြစ်ပွားလေ့ရှိကြောင်း မင်းဘူးမြို့မှ ဒေသခံတစ်ဦးဖြစ်သူ ဦးတင်ရွှေထံမှ သိရသည်။

ရှမ်းလေး (ခ) လှိုင်ဘွားအောင်အား တရုတ်ဝဲအတွင်းမှ ပြင်ပဒဏ်ရာ တစ်စုံတစ်ရာမရှိဘဲ တွေ့ရှိရပြီး ၎င်းသေဆုံးခြင်းမှာ ဓမ္မတာအတိုင်း သေဆုံးရခြင်းဟုတ်၊မဟုတ် စစ်ဆေးနိုင်ရန် မင်းဘူးမြို့နယ်၊ စကုနယ်မြေ ရဲစခန်းမှ ၁၃-၂-၂၀၁၆ ရက် ညနေ ၅နာရီ အချိန်ခန့်တွင် သေမှုသေခင်းအမှတ်စဉ် ၃/၂၀၁၆ ဖြင့် အမှုရေးဖွင့် ဆောင်ရွက်ထားကြောင်း ရဲစခန်းမှတ်တမ်းအရ သိရသည်။

သတင်း - MMK
The Ladies News
https://www.facebook.com/News.TheLadies

ရှမ်းပြည်တပ်မတော် ထိန်းချုပ်နယ်မြေဖြစ်တဲ့ ဝမ်ဟိုင်းဌာနချုပ်မှာ နိုဝင်ဘာလ ၁ ရက်နေ့က SSPP/SSA တပ်ဖွဲ့ဝင်တချို့ကို တွေ့ရစဉ်။ Photo: Kan Thar/RFA
ရှမ်းပြည်နယ်ထဲမှာ ရှမ်းပြည်ပြန်လည်ထူထောင်ရေးကောင်စီ RCSS/SSA ရှမ်းပြည်တပ်မတော် တောင်ပိုင်း တပ်ဖွဲ့နဲ့ တအာင်းပလောင်လွတ်မြောက်ရေးတပ်ဖွဲ့ TNLA တို့အကြား တိုက်ပွဲဖြစ်ပွားနေမှုတွေ ရပ်စဲဖို့အတွက် RCSS အဖွဲ့အနေနဲ့ ဆွေးနွေးဖို့အဆင်သင့်ရှိကြောင်း SSPP ရှမ်းပြည်တိုးတက်ရေးပါတီ နာယက ဗုိုလ်ချုပ်ဆေထင် ဦးဆောင်တဲ့အဖွဲ့နဲ့ တွေ့ဆုံဆွေးနွေးအပြီး ပြောဆိုလိုက်ပါတယ်။

ထိုင်းနုိုင်ငံ ချင်းမုိုင်မြို့မှာ SSPP အဖွဲ့ရဲ့ နာယကလည်းဖြစ် SSJAC ရှမ်းပြည်ပူးပေါင်းဆောင်ရွက်ရေး ကော်မတီဝင် ဗုိုလ်ချုပ်ဆေထင် ဦးဆောင်တဲ့SSJAC အဖွဲ့ဝင်တွေနဲ့ RCSS အဖွဲ့က ဥက္ကဌ ဒုဗုိုလ်ချုပ်ကြီး ယွတ်ဆစ် ဦးဆောင်တဲ့အဖွဲ့တို့ဟာ မနေ့ညနေပိုင်းက ထိုင်းနုိုင်ငံ ချင်းမုိုင်မြို့မှာ နှစ်နာရီကြာ တွေ့ဆုံဆွေးနွေးခဲ့ကြပါတယ်။

ဒီဆွေးနွေးပွဲမှာ မြန်မာနိုင်ငံ ပြုပြင်ပြောင်းလဲမှု အခြေအနေနဲ့ နိုင်ငံရေးအခြေအနေတွေ၊ ရှမ်းပြည်နယ်တွင်းက စစ်ပြေးဒုက္ခသည်အရေးကိစ္စနဲ့ PSLF/TNLA အမျိုးသား လွတ်မြောက်ရေးတပ်မတော်နဲ့ RCSS အကြားဖြစ်ပွားနေတဲ့ ပဋ္ဋိပက္ခတွေပါတဲ့ အချက်သုံးချက်ကို အဓိကဆွေးနွေးခဲ့ပြီး နှစ်ဖက်ရလာဒ်ရရှိခဲ့တာနဲ့ ပတ်သက်လို့ ဆွေးနွေးပွဲ ရဲ့ ပြောရေးဆိုခွင့်ရှိသူ RCSS အဖွဲ့က ဗိုလ်မှူး စိုင်းမိဏ်း က ပြောပါတယ်။

“ကျနော်တို့ ရှေ့အနာဂတ် နုိုင်ငံရေးအပြောင်းအလဲမှာ နုိုင်ငံရေးဆွေးနွေးပွဲတွေမှာ ကျနော်တို့ ရှမ်းပြည် အနေနဲ့ ဖက်ဒရယ်မူကို ဘယ်လိုမူမျိုးအနေနဲ့ ကျနော်တို့ ရှမ်းပြည်မှာ သုံးစွဲမလဲ၊ ပြီးတော့ ပြည်ထောင်စု အတွက် ကျနော်တို့ ဘယ်လိုမျိုး အတူတကွ ဆွေးနွေးသွားကြမလဲဆိုတဲ့ဒီမူကို ရှေ့ဆက်ဆွေးနွေးသွားဖို့ ဆိုပြီးတော့ အမြင်သဘောထား တူညီမှုရရှိခဲ့ပါတယ်၊ ၂ အချက်ကတော့ အခု စစ်ပြေးဒုက္ခသည်တွေနဲ့ ပတ်သက်ပြီးတော့ လက်တလောအခြေအနေမှာ ကျနော်တို့ ဘယ်လို အကူအညီပေးနုိုင်မလဲ၊ စစ်ပြေးဒုက္ခ သည်တွေကို ဒီလောက် ကူညီရုံနဲ့မပြီးသေးဘူးပေါ့၊ တိုက်ပွဲတွေ ရပ်တန့်နိုင်မှ ပြည်သူလူထုတွေ အတွက် အေးချမ်းနုိုင်မယ်၊ သူတို့နေရပ်ကို ပြန်နုိုင်မယ်လို့ ကျနော်တို့ မြင်ကြတယ်၊ ဒီမူသဘောထားကို တူညီကြပါတယ်၊ ၃ အချက်ကတော့ ကျနော်တို့ TNLA နဲ့ တွေ့ဆုံဆွေးနွေးဖို့အတွက်ကို ကျနော်တို့အနေနဲ့ ရှမ်းပြည်သားချင်းဖြစ်တယ် ဒါကြောင့်မို့ ကျနော်တို့ RCSS အနေနဲ့လည်း တွေ့ဆုံဖို့အတွက် အခု ကျနော်တို့ လက်ခံတယ် ပြီးတော့ ကျနော်တို့ဖက်က အဆင်သင့်ဖြစ်ပါတယ်“

ဆွေးနွေးပွဲကို ရှမ်းပြည်ပြန်လည်ထူထောင်ရေးကောင်စီ RCSS ဖက်က ဒု ဗုိုလ်ချူပ်ကြီး ယွက်ဆစ် ဦးဆောင်ပြီး RCSS ဒုဥက္ကဌ အပါအဝင် ထိပ်သီးခေါင်းဆောင် ၉  ယောက် တက်ရောက်ခဲ့ပြီး SSJAC လို့ခေါ်တဲ့ ရှမ်းပြည်ပူးပေါင်းဆောင်ရွက်ရေး ကော်မတီက ဗိုလ်ချုပ် ဆေထင် ဦးဆောင်တဲ့ အဖွဲ့ဝင် ၆ ယောက် တက်ရောက်ဆွေးနွေးခဲ့ကြတာ ဖြစ်ပါတယ်။

တအာင်း ပလောင်လွတ်မြောက်ရေးတပ်မတော် PSLF/TNLA အဖွဲ့ရဲ့ နိုင်ငံခြားရေးရာဌာနတာဝန်ခံ တာဘန်လ ကတော့ ရှမ်းပြည်နယ်ထဲက ပလောင်ဒေသမှာ အရင်က RCSS အဖွဲ့ဝင်တွေဟာ အနည်းငယ်သာရှိပြီး NCA လက်မှတ်ရေးထိုးပြီးချိန်ကစပြီး အင်အားတိုးချဲ့လာရာက တိုက်ပွဲတွေဖြစ်ပွားလာတာဖြစ်တဲ့အတွက် စစ်ပွဲတွေမဖြစ်ပွားဖို့ဆိုရင် မူလအတိုင်းပြန်နေရင် ငြိမ်းချမ်းသွားမှာဖြစ်တယ်လို့ RFA ကို ပြောပါတယ်။

"ကျနော်တို့ဖက်က လိုလားတာကတော့ ဒီ NCA မထိုးခင်တုန်းက အခြေအနေမျိုး RCSS ဖက်က ပြန် ပြီးတော့ နေပေးမယ်ဆိုရင်တော့ ဒီတိုက်ပွဲက ငြိမ်သက်သွားနိုင်တယ်၊ ရပ်တန့်သွားနုိုင်တယ်၊ ဘာဖြစ်လို့လဲဆိုတော့ကာ NCA မထိုးခင်တုန်း အခြေအနေဆိုရင် ဒီအခု နမ့်ခမ်းဖက်မှာဆိုရင် RCSS က အယောက် ၃ဝ လောက်ပဲရှိပြီးတော့ ဒီ ကျောက်မဲဖက်မှာဆိုရင် အယောက် ၅ဝ လောက်ပဲရှိတယ်၊ NCA ထိုးပြီးမှသာ ရုတ်တရက် ဒီ အင်အား ၈ဝ လောက်ကနေပြီးတော့ အင်အား ၁၅ဝဝ အထက် ထိုးတက် သွားတယ်၊ ဆိုတော့ အဲ့ဒါကြောင့် တိုက်ပွဲတွေက ဖြစ်လာရတာပေါ့လေ၊ အဲ့လိုမဟုတ်ပဲနဲ့ မူလ NCA မထိုးခင်တုန်းက အနေအထား သူတို့ ပြန်ပြီးတော့နေမယ်ဆိုရင် ဒီတုိုက်ပွဲက ရပ်တန့်သွားမှာ ဖြစ်ပါတယ်"

ဒီလိုပြောတာနဲ့ ပတ်သက်ပြီး RCSS ရှမ်းပြည်ပြန်လည်ထူထောင်ရေးကောင်စီရဲ့ ပြောရေးဆိုခွင့်ရှိသူ ဗုိုလ်မှူး စိုင်းမိဏ်း ကတော့ ဒီနယ်မြေဟာ ၂ဝဝ၆ ခုနှစ်ကစလို့ RCSS တပ်ဖွဲ့ဝင်တွေ နေရာယူထားကြတာဖြစ်တယ် လို့လည်း ပြန်လည်ပြောဆိုပါတယ်။

"အမှန်ဆို ဒီ ၂ဝဝ၆ ကတည်းက ကျနော်တို့ ဒီဒေသတွေမှာ ရောက်နေပါတယ်၊ နမ့်ခမ်း မူဆယ် ဖက်မှာလည်း ကျနော်တို့ အမှတ် ၇ဝ၁ ဆိုတဲ့ တပ်ရင်းလည်းရှိတယ်၊ ပြီးတော့ SSNA မရှိတော့တဲ့နောက်ပိုင်း ဒီနယ်မြေတွေမှာ ကျနော်တို့ တပ်ဖွဲ့ဝင်တွေ ရှိပြီးသားဖြစ်ပါတယ်"

ဒီ ဆွေးနွေးပွဲမှာ RCSS အနေနဲ့ ရှမ်းပြည်နယ်အတွင်း တိုက်ပွဲတွေ ငြိမ်းချမ်းသွားဖို့အတွက် တအာင်းပလောင် လွတ်မြောက်ရေးတပ်ဦး TNLA နဲ့ တွေ့ဆုံဆွေးနွေးဖို့ အဆင်သင့်ရှိနေပြီး ရှမ်းပြည်တိုးတက်ရေးပါတီ SSPP အဖွဲ့အနေနဲ့ ကြားနေဝင်ရောက်ညှိနှိုင်းပေးဖို့လည်း သဘောတူခဲ့တယ်လို့ သိရပါတယ်။

RFA Burmese
http://www.rfa.org/burmese