02/17/16

နေပြည်တော်က ဟိုတယ်တွေကို နိုင်ငံရေးပါတီ အစည်းအဝေး ကျင်းပခွင့်မပြု
 နေပြည်တော်က ဟိုတယ်ဇုံ

နေပြည်တော် ဒက္ခိဏသီရိမြို့နယ်က ဟိုတယ်တွေကို နိုင်ငံရေးပါတီတွေရဲ့ အစည်းအဝေးတွေ ကျင်းပခွင့်မပြုဘူးလို့ နေပြည်တော် ကောင်စီက ထုတ်ပြန် ကြေညာ လိုက်ပါတယ်။ ဒီဟိုတယ်တွေဟာ စီးပွားရေး လုပ်ငန်းရှင်တွေ အာဆီယံ အစည်းအဝေးတက်တဲ့ ဧည့်သည်တွေ တည်းဖို့အတွက် အစိုးရထံက ငွေချေး ဆောင်ရွက်တာဖြစ်ပြီး ချေးငွေမကျေခင်မှာ နိုင်ငံပိုင် ဟိုတယ်ဖြစ်နေလို့ အခုလိုတားမြစ်တာလို့ ထုတ်ပြန်ချက်မှာ ဖေါ်ပြထားပါတယ်။

ဒီစာဟာ အနိုင်ရ အမျိုးသား ဒီမိုကရေစီအဖွဲ့ချုပ် ဒီဇင်ဘာလတုံးက ထူးကုမ္ပဏီပိုင် ရွှေစံအိမ်ဟိုတယ်မှာ အရွေးချယ်ခံ လွှတ်တော် ကိုယ်စားလှယ်တွေ စွမ်းရေမြှင့်သင်တန်းပေးခဲ့တာနဲ့တိုက်ရိုက် ဆက်စပ်နေပါတယ်။

ဘီဘီစီက လက်ခံရရှိတဲ့ စာထဲမှာတော့ နိုင်ငံတော် ဧည့်ဂေဟာ အဖြစ်နေပြည်တော် ကောင်စီဘဏ်ကနေတဆင့် ငွေချေးပေးပြီး လုပ်ပိုင်ခွင့်ပေးခဲ့တဲ့ ကုမ္ပဏီ၁၀ခုက ဟိုတယ်တွေကိုသတိပေးတာဖြစ်ပါတယ်။

ထူးကုမ္ပဏီ လုပ်ငန်းစုမှ နိုင်ငံတကာ ဆက်ဆံရေး စီးပွားရေးနဲ့ ပြည်သူ့ဆက်ဆံရေး မန်နေဂျာ ဒေါ်ဆွေဆွေညွန့်က NLD ကလွှတ်တော်အမတ်တွေ သင်တန်းပေးဖို့ အကူအညီတောင်းလို့ ဉီးတေဇက စေတနာနဲ့ ကူညီခဲ့တာဖြစ်ပြီး ဘာမှ အပေးအယူ မရှိဘူးလို့ဆိုပါတယ်။

နိုင်ငံရေးပါ တီတွေအစည်းအဝေးလုပ်ခွင့်မပြုတဲ့ ဟိုတယ်တွေထဲမှာ နာမည်ကြီး စီးပွားရေး လုပ်ငန်းရှင်တွေ ဖြစ်ကြတဲ့ ဉီးချစ်ခိုင် ဉီးထွန်းမြင့်နိုင် ဉီးတေဇတို့ လုပ်ကိုင်ကြတဲ့ ဟီလတန် ကန်ပတ်စကီး လိပ်ဂါးဒင်း စတဲ့ဟိုတယ်တွေ ပါဝင်ပါတယ်။ ဒီဟိုတယ်တွေ အတွက်မြေကို နေပြည်တော် ကောင်စီက ချပေးပြီး လိုင်စင်ကိုတော့ လုပ်ငန်းရှင် နံမည်နဲ့ထုတ်ပေး ထားတာလို့ ဟိုတယ်နဲ့ ခရီးသွားလာရေး ဝန်ကြီးဌာန ဟိုတယ်ဉီးစီးဌာနက ညွှန်ကြားရေးမှူး ဉီးမျိုးဝင်းညွန့်က ပြောပါတယ်။

အမျိုးသား ဒီမိုကရေစီအဖွဲ့ချုပ်ကတော့ နောင်ဖွင့်မယ့်သင်တန်းတွေမှာ ဟိုတယ်တွေကိုငွေပေးပြီးငှါးရမ်းမယ်လို့ဆိုပါတယ်။

အခုဟိုတယ် ပိုင်ရှင်တွေဟာ နှစ်ပေါင်းများစွာ စစ်အစိုးရနဲ့ပေါင်းပြီး စီးပွားရေး လုပ်ပိုင်ခွင့် ရခဲ့ပေမဲ့ ရွေးကောက်ပွဲ အနိုင်ရ ပါတီကို အကူအညီပေးလို့ ဖိအားပေး ခံရတာလို့လည်း သုံးသပ်မှုတွေ ရှိနပါတယ်။

BBC Burmese
http://www.bbc.com/burmese


ငယ်ငယ်က စာသင်တိုက်ကြီးတွေ တစ်တိုက်ပြီးတစ်တိုက်ပြောင်းရင်း သာသနာ့တက္ကသိုလ်၊ ဗုဒ္ဓတက္ကသိုလ် တက္ကသိုလ်ကြီးတွေ တစ်ခုပြီးတစ်ခု ပြောင်းရင်း စာပေတွေကို လေ့လာသင်ယူ ဆည်းပူးခဲ့ပါတယ် !

နေ့တိုင်းနေ့စဉ် ဘုရားကန်တော့ ဝတ်ပြုရပါတယ်။ ဘုရားကန်တော့ပြီးတိုင်း ဆရာတော်တွေက ဆုံးမသြဝါဒေ ပးလေ့ရှိပါတယ်။ ဆရာတော်တွေပေးတဲ့ သြဝါဒတွေကို မှတ်စုစာအုပ်လေးမှာ အမြဲ ရေးမှတ်ထားလေ့ရှိပါတယ် !

မှတ်စုစာအုပ်လေး ပြန်ဖတ်ကြည့်တော့ ဆင်ချည်တဲ့ကြိုးနဲ့ ကြက်ကိုမချည်နဲ့။ ကြက်ချည်တဲ့ကြိုးနဲ့ ဆင်ကိုမချည်နဲ့ဆိုတဲ့ ဆုံးမသြဝါဒလေးကို တွေ့မိပါတယ် !

ဆရာတော်က သာသနာပြုတဲ့အခါ ကိုယ့်ဝန်နဲ့ကိုယ့်အား ချိန်ဆဖို့ နေရာမှန်လူမှန်ဖြစ်ဖို့ အရည်အချင်းက နည်းနေပြီး နေရာကြီးကြီး ယူထားရင်လည်း အဆင်မပြေသလို အရည်အချင်းရှိပြီး ဘာမှလုပ်ပိုင်ခွင့် အခွင့်အလမ်းမရှိရင်လည်း ဆုံးရှုံးပျက်စီးတတ်ကြောင်းကို ဆုံးမသြဝါဒပေးထားပါတယ် !

ဒါကို မြင်မိတော့ မြန်မာနိုင်ငံမှာ အမြင့်ဆုံးရာထူးတွေတော့ ယူထားကြပြီး သူနဲ့ထိုက်တန်တဲ့ အရည်အချင်းက ဗလာနတ္ထိမို့ အရှေ့တောင်အာရှမှာ အစစအရာသာခဲ့တဲ့ မြန်မာဟာ ဟိုးကမ္ဘာ့အောက်ဆုံး အဆင့်ကို ဇောက်ထိုး ကျသွားရပါတော့တယ် !

တကယ့်အရည်အချင်းပြည့်ဝတဲ့ ကမ္ဘာက လေးစားတန်ဖိုးထားတဲ့ ဒေါ်အောင်ဆန်းစုကြည်နဲ့ ပညာရှင်တွေကိုကျတော့ နေရာမပေးသည့်အပြင် ထောင်တွင်းအကျဉ်းချကာ နည်းမျိုးစုံဖြင့် ညှင်းပန်းနှိပ်စက်ကြပြန်ပါတယ် !

တိုင်းပြည်ကြီးတစ်ခုလုံးကိုလဲ သူတို့ထင်တိုင်း အုပ်ချုပ် လက်ဝါးကြီးအုပ်ကာ ဖျက်ဆီးခဲ့လို့ တိုင်းပြည်မှာလည်း ဘာတစ်ခုမှ အကောင်းမကျန်တော့ပါဘူး !

ရဲဝန်ထမ်း၊ စစ်သားစစ်ဗိုလ်၊ ရုံးဝန်ထမ်း၊ တရားသူကြီးတွေပါမကျန် ဖြတ်စားလာဘ်စား ခြစား ခိုးစား ပေါင်းစား ရောင်းစားကာ ပျက်စီး အောင်လုပ်ထားကြလို့ တော်တော်လေးလည်း ပျက်စီးယိုယွင်းနေပါပြီ !

ဒီလောက် ဘက်ပေါင်းစုံ ပျက်စီးနေတဲ့ နိုင်ငံကြီး ပြန်လည် တည်ဆောက်နိုင်ဖို့ဆိုတာ တော်ရုံတန်ရုံ အရည်အချင်းနဲ့ မရပါဘူး။ ဒါကို ပညာရှင်တွေနဲ့တကွ ပြည်သူတရပ်လုံးက သဘောပေါက်နားလည်နေကြလို့လည်း တကယ်အရည်အချင်းပြည့်ဝသော ကမ္ဘာကပါ လေးစားတန်ဖိုးထားသော လူထုခေါင်းဆောင် ဒေါ်အောင်ဆန်းစုကြည်ကို ယုံယုံကြည်ဖြင့် မဲပေးကာ ရွေးချယ်ခဲ့ကြခြင်းဖြစ်ပါတယ် !

ပြည်သူက ယုံကြည်လို့ ရွေးချယ်ထားတာမို့ နေရာမှန်လူမှန် ဖြစ်အောင် သမ္မတနေရာ ပေးကိုပေးရပါမယ်။

၅၉ (စ)ကို ဗိုလ်ချုပ်အောင်ဆန်း မရေးခဲ့ပါဘဲ ဗိုလ်ချုပ်ရေးခဲ့သယောင် အခြေခံဥပဒေကို လူထုမထောက်ခံဘဲ လူထုထောက်ခံသယောင် အရှက်မဲ့စွာ ပြောဆိုရေးသား နေကြသူတွေဟာ မြန်မာနိုင်ငံရဲ့ သမိုင်းတရားခံ အမျိုးသား သစ္စာဖောက်တွေသာ ဖြစ်ပါတယ် !

ဒါကြောင့် လူမှန်နေရာမှန် အုပ်ချုပ်မှုပါဝါ အစစ်အမှန်ဖြစ်သွားရအောင် လူထုခေါင်းဆောင် ဒေါ်အောင်ဆန်းစုကြည် သမ္မတ နေရာပေးရေးသည် အဓိက ပဓာနကျပါကြောင်းကို ရေးသားတင်ပြလိုက်ပါတယ် !

မသူတော် လူ့ဗာလများဘေးမှ ဝေးကွာကြပါစေ !

ရေးသားသည့်ဆရာတော် = အရှင်ဣဿရိယ (မင်းသုည - ဗုဒ္ဓတက္ကသိုလ်)


ရှမ်းပြည် မြောက်ပိုင်း ကျောက်မဲ ဒေသအတွင်းမှာ ရှိတဲ့
စစ်ပွဲတွေ အဲဒီက ထွက်ပြေးလာခဲ့ရတဲ့ ဒုက္ခသည်
စခန်းတွေကို ကျွန်တော် ရောက်ခဲ့ပါတယ်။ ထုံးစံအတိုင်း
ကလေးနဲ့ မိန်းမတွေက အများစု ဖြစ်နေတယ်။ သူတို့
ပြေးခဲ့ရတဲ့ ခရီးဟာ အနည်းဆုံး၊ အနီးဆုံး ရွာက မိုင်
၃၀ လောက် ရှိတယ်။ ကျန်တာတွေက သူ့ထက် ပိုဝေး
တာပေါ့။ မိုင် လေးငါးခြောက်ဆယ်။
.
အများစုက တော့ဆမ်အုပ်စု၊ မင်းကုန်းအုပ်စု၊ ပန်စမ်
အုပ်စု၊ အဲဒီလို ကျေးရွာအုပ်စုပေါင်း များစွာကနေ ပြေးလာ
ခဲ့ရတယ်။ အခု ကျွန်တော် ရောက်တဲ့ အချိန်ထိတော့
လူဦးရေ သုံးထောင်ကျော်လောက် ရှိနေပါပြီ။
ဒီမှာ ထူးခြားချက်ကတော့ အထက်တန်း ကျောင်းသား
ကျောင်းသူတွေ တော်တော်များများ ပါလာတယ်။
ကလေးတွေက စာမေးပွဲဖြေတဲ့ရက်ဆိုတော့ မူလတန်း၊
အလယ်တန်းတွေကလည်း တော်တော် များတယ်။
စာမေးပွဲရက် ဖြစ်နေတဲ့အခါကျတော့ သူတို့က အသက်လု
ပြေးလာကြတော့ တချို့ဆိုရင် လွယ်အိတ်တောင်
မပါကြဘူး။
.
ကျောင်းသား တစ်ယောက်က စာမေးပွဲဖြေဖို့ အနီးကပ်တဲ့
ရက်တွေမှာ သူ့ရဲ့ ကိုင်တွယ် သုံးစွဲရမယ့် အရာ၊ သူတို့နဲ့
အတူ တိုက်ပွဲဝင်ရမယ့် အရာဟာ လွယ်အိတ်နဲ့ စာအုပ်
တွေပါပဲ။
အဲဒါ မပါဘူးဆိုရင်တော့ စစ်မြေပြင်ကို ရဲဘော်တစ်ယောက်က
လက်ဗလာနဲ့ ၀င်ရမလို ဖြစ်နေပါတယ်။
ဒီအတွက် ကျွန်တော်တို့ သိပ်စိုးရိမ်တာပဲ။ ဒါကြောင့်
ကျွန်တော်တို့တော့ ကျောင်းသုံးစာအုပ်တွေနဲ့ သူတို့
စာမေးပွဲ ဆိုတဲ့ တိုက်ပွဲကို ၀င်ကြဖို့ ၀ိုင်းဖြည့်ဖို့အတွက်
နယ်ခံတွေနဲ့ ကြိုးစားနေတယ်။
.
သူတို့မှာ ယူနီဖောင်းလည်း မရှိကြဘူး။ ဘာကြောင့်ဆို
ဒရောသောပါး ထပြေးလာကြတာ ဆိုတော့ လွယ်အိတ်က
အစ အဖြူအစိမ်းတွေပါ ၀ယ်ပေးကြရလိမ့်မယ်။သူတို့
ကျောင်းအုပ်ဆရာမကြီး အပါအ၀င်
ကျောင်းဆရာ၊ ဆရာမတွေလည်း လိုက်လာကြတယ်။
ဒီဘုရား ကုန်းပေါ်မှာပဲ ဇရပ်ပေါ်မှာ ဘုရားရင်ပြင်ပေါ်
တွေမှာ စာတွေ သင်ပေးနေတယ်။
စာတွေ ကျက်နေကြတယ်။
.
ဒီကလေးတွေကို သေသေချာချာ ပြောခဲ့ပါတယ်။
ကျွန်တော်တို့ ရောက်တဲ့ ရည်ရွယ်ချက်ကလည်း
တတ်နိုင် သမျှ ထောက်ပံ့ ကူညီဖို့ရယ်၊ သူတို့ကို
စိတ်ဓာတ်ရေးရာအရ အားပေးဖို့ရယ် အဲဒီအတွက်
ရောက်လာကြတာပဲ။
သူတို့ကတော့ တော်တော်ကြီးကို ချောက်ချားနေကြတယ်။
အသက်ဘေးက လွတ်အောင် ပြေးရတာလည်း ပါတယ်။
နောက်တစ်ခုက ကျောင်းသားဆိုတာ စာမေးပွဲ
အောင်ချင်တာလည်း ပါတာပေါ့။ သူတို့ စာမေးပွဲကို
ရင်ဆိုင်ရမယ့် အနေအထားကျတော့ မပြည့်မစုံနဲ့။
တဖက်ကလည်း အိမ်မက်ဆိုးကြီးထဲကနေ ပြီးတော့
ခြေထောက်တစ်ဖက် ကျန်သေးသလို ဖြစ်နေတယ်။
ဒါကြောင့် သူတို့ မနည်း ရုန်းကန်ပြီးတော့ ရင်ဆိုင်ရမယ့်
စာမေးပွဲ။
.
ကျွန်တော်တို့ သူတို့ကို စိတ်ဓာတ်ရေးရာအရ အားပေး
ဖို့ အတွက် နောက်ဆုံး တစ်ခုကတော့ စစ်ပွဲကို ပြီးဆုံးအောင်
မေတ္တာရပ်ခံဖို့၊ အားလုံးကို တိုက်တွန်းကြဖို့ ကျွန်တော်တို့
အလုပ် သုံးလုပ်ကို တစ်ပြိုင်နက် လုပ်ကြရမှာပါ။
ဒီမှာ ရောက်နေတဲ့ အထဲမှာ တချို့ဆို မိုင်းထိသွားလို့
ရွာသားသုံးယောက်ကို နောက်ဆုံးတော့ မန္တလေးအထိ
ပို့လိုက်ရတာတွေမျိုးတွေ ရှိတယ်။
.
တချို့ ရွာတွေမှာ တိုက်ပွဲကြားထဲမှာ ပိတ်မိနေသေးတာတွေ
ရှိနေသေးတယ်။ အဲဒီ ပိတ်မိနေတဲ့သူတွေအတွက်လည်း
အားလုံး စိုးရိမ်နေကြတယ်။ သူတို့ကို ဘယ်လို ကယ်တင်
ရမလဲဆိုတဲ့ နည်းလမ်းတွေလည်း ကျွန်တော်တို့ ရှာဖွေ
နေပါတယ်။
.
ဇာလီတောင်ရွာက အဘွားနာမည်က ဒေါ်ခမ်းအောင်
အသက်က ၇၅ နှစ် ထမင်း မစားရတာ ၈ ရက် ရှိပြီ။
ဒီနေ့ကျမှ ထမင်း စစားရပြီးတော့ စကားပြောနိုင်တယ်။
.
နောက်တစ်ခါ စာပို့ရွာက ၃ တန်း ကျောင်းသူလေးနဲ့
တွေ့ရသေးတယ်။ သူက သူ့စာမေးပွဲအတွက်ပဲ မေး
နေတယ်။ ဆရာမကလည်း မနေ့က တိုက်ပွဲဖြစ်တဲ့ နေရာ
ကနေ ဘယ်ရောက်သွားမှန်းမသိဘူး။ သူတို့ကတော့
ကျောက်မဲ ခရိုင် မိုင်းတင်းဆိုတဲ့ ရွာ ဒုက္ခသည်စခန်းမှာ
ရောက်နေကြတာ။ အများစုဟာ စစ်ပွဲကနေ ထွက်ပြေး
လာကြတဲ့အခါမှာ ညဘက်မှာ မြောင်းတွေထဲမှာလည်း
အိပ်ခဲ့ရတယ်။ ထူးခြားတာကတော့ ညောင်ပင်လှရွာက
ကိုယ်ဝန် အရင့်အမာနဲ့ ကိုယ်ဝန်သည် နှစ်ယောက်ဆိုရင်
တိုက်တိုက်ဆိုင်ဆိုင် ကိုယ်ဝန်အရင့်အမာကြီးနဲ့ ပြေး
လွှားရင်း ကံအားလျော်စွာပဲ ဖေဖော်ဝါရီ ၁၃ ရက်မှာ
စစ်ပြေးလာတဲ့ကြားက ကလေး နှစ်ယောက်ကို မွေးတယ်။
ကူညီတဲ့သူတွေက ဗိုလ်ချုပ် အောင်ဆန်း မွေးနေ့ပဲလို့
ပြောကြတဲ့အခါမှာ ကလေး အမေတွေက ပြောတယ်။
အဲဒါဆိုလည်း သူတို့ကလေးတွေ ဗိုလ်ချုပ် မွေးနေ့မှာ
မွေးတဲ့ ကလေးတွေ ဗိုလ်ချုပ်လိုပဲ ပြည်ထောင်စုကြီးကို
အားလုံးကို စည်းရုံးအောင် လုပ်နိုင်ပါစေတဲ့။
အခုတော့ သူတို့ဘ၀တွေက အသက်ဘေးက လုပြေး
နေရတာဖြစ်တဲ့အတွက် ဒီနေ့ မွေးတဲ့ ကလေးကို
အမှတ်တရနဲ့ အားကိုးတကြီး မျှော်လင့်ကြပါတယ်။
.
စစ်ပွဲ အတွင်းမှာ ပိတ်မိနေတဲ့ ညောင်မောင်းရွာသားတွေ
ရှိနေသေးတယ်။ ဒီစာကို ရေးနေစဉ်မှာပဲ ကျောက်မဲမြို့နယ်
ပန်မူးရွာကနေ စစ်ဘေးက ပြေးလာတဲ့ ဒုက္ခသည်ကလေး
အများစု ပါလာတဲ့ ထော်လာဂျီ မှောက်ပြီးတော့ ကလေးငယ်
သုံးဦးနဲ့ ဘုန်းကြီးတစ်ပါး ပွဲချင်းပြီး ဆုံးသွားတယ်။ ကား
ဘာလို့ မှောက်ရလဲဆုိတော့ မီးထွန်းမောင်းရင် အပစ်ခံရမှာ
စိုးလို့ မီးပိတ်မောင်းရာကနေ ကားတိမ်းမှောက်တာ
ဖြစ်တယ်လို့ ဆိုတယ်။
.
ဒီမှာ ဒုက္ခသည်ပေါင်း စခန်းပေါင်း ၁၅ ခု ရှိတဲ့ နေရာကို
ကျွန်တော်တို့ တစ်ခုပြီးတစ်ခု သွားကြရဦးမှာပါ။
ဒီည ကျွန်တော်တို့ ကျောက်မဲမှာပဲ အိပ်ကြမယ်။ ဒုက္ခသည်
်စခန်းမှာ လက်လှမ်းမီသမျှ လိုက်ပြီးတော့ အားပေးမယ်။
လိုအပ်ချက်တွေကို စာရင်းပြုစုပြီးတော့ လူတွေ ဖြန့်ပြီး
တာဝန်ခွဲကြရပါလိမ့်မယ်။ အဓိက ကတော့ စာမေးပွဲ
ဖြေဖို့ရော၊ အသက်ဘေးလုပြီးတော့ ပြေးလာခဲ့ရတဲ့
ကလေးတွေ သွေးပျက်နေတာနဲ့ ပတ်သက်ပြီးတော့
ကျွန်တော်တို့ကတော့ ကြင်နာမှုများကို တတ်နိုင်သမျှ
အားလုံး ကိုယ်စား ပေးခဲ့ပါတယ်။ မင်းတို့ချည်းပဲ
မဟုတ်ဘူးလို့ ပြည်ထောင်စု တစ်ခုလုံးက အားလုံးက
မင်းတို့ကို စာနာစိတ်နဲ့ စိုးရိမ်ပူပန်နေကြတယ်။ မေတ္တာ
တရားတွေ ပို့ကြတယ်။ မင်းတို့ လိုအပ်ချက်တွေကို
ဖြည့်ဆည်းဖို့အတွက် နားစွင့် နေပါတယ်။ တို့တွေ
အားလုံးက ပြန်ပြောပေးပါ့မယ်။ အမြန်ဆုံးနည်းနဲ့
ပြန်ပြောပေးပြီးတော့ သူတို့ရဲ့ ကူညီမှု တွေကို အမြန်ဆုံး
ရောက်အောင် ပြန်ပို့ပေးမယ်လို့ ပြောပါတယ်။

အဲဒီတော့ သူတို့က သူတို့တစ်ယောက်တည်း မဟုတ်ဘူး
အားလုံးက ပြည်ထောင်စု တစ်ခုလုံးက သူတို့အပေါ်
စာနာ ထောက်ထားတယ် ဆိုတဲ့ အခါမှာလည်း အားလုံးက
မော့ကြည့်ပြီးတော့ မျက်လုံးလေးတွေ ၀ိုင်းသွားတယ်။
ဟုတ်ရဲ့လားဆိုတဲ့ အကြည့်တွေ ပြန်ကြည့်ကြပါတယ်။
ကျွန်တော်တို့ ထပ်ထပ်ခါခါ ကတိပေးခဲ့ပါတယ်။
တကယ်ပြည်ထောင်စုသားတွေ အားလုံးက ကိုယ့်ရဲ့
ရင်မှာ ထိတဲ့ အနာလိုပဲ နာကျင်ခံစားနေရတယ်၊ စာနာ
နေတယ် ဆိုတာကို သေသေချာချာ ပြောပြခဲ့ပါတယ်။
သူတို့ အားတက် လာတဲ့ မျက်လုံးတွေ တောက်ပလာ
တာကို ကျွန်တော်တို့ တွေ့ခဲ့ ရပါတယ်။

အပြန်မှာ သူတို့ရဲ့ လိုအပ်ချက်တွေကို စာရင်းပြုစုကြတဲ့
နေရာမှာ ကျောင်းသူလေး အတော်များများက ဖိနပ်
မရှိကြတာတွေ များတယ်။
ပြေးလွှား လာကြတဲ့အခါကျတော့ ဖိနပ်ဆိုတာ ဘယ်ကျန်
ခဲ့မှန်းလည်း မသိပါဘူး။ အဲဒါကို ဖိနပ်အသစ်တွေ
ဝယ်ပေးဖို့ စီစဉ်ကြတဲ့ အခါမှာ သူတို့က ငြင်းတယ်။ သူတို့
ဖိနပ် မရရင် နေပါစေ၊ ဖိနပ်အဟောင်းလေး သွားရှာချင်
တယ်တဲ့။ ဖိနပ်အသစ် ၀ယ်ရင် ပိုက်ဆံကုန်မှာစိုးလို့ပါတဲ့။
တခြား ကလေးတွေကို အနွေးထည် ၀ယ်ပေးပါတဲ့။ သူတို့
ဖိနပ်အဟောင်းလေးတွေ သွားရှာမယ်တဲ့။ ဘယ်မှာ သွား
ရှာမှာလဲ။ ပြေးလာတာ လမ်းတစ်လျှောက် ဒီလောက်
ဝေးတာကို ဆိုတော့။ သူတို့က သေသေချာချာ မပြော
တော့ဘူး။ ကျွန်တော် သူတို့အတွက် စိတ်ပူတယ်။
ဖိနပ်အဟောင်းကို ရဖို့အတွက် သေနတ် ပြောင်းဝရှေ့
သူတို့ကို နောက်တစ်ခါ ပြန်မရောက်စေချင်တော့ပါဘူး။
ကျွန်တော် တားနိုင်ပါ့မလား။
.
‪#‎မင်းကိုနိုင်‬
(ပြည်သူ့အရေးဂျာနယ်ဆောင်းပါးမှ )

(VOA-Burmese)
(VOA-Burmese)

အမေရိကန်က မြန်မာနုိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေထဲက ရုပ်သိမ်းဖို့ ကျန်နေသေးတာတွေကို မြန်မာနုိုင်ငံမှာ နောက်အစိုးရသစ် တက်လာပြီး နောက်ပိုင်းမှပဲ လုပ်လိမ့်မယ်လုို့ ယုံကြည်တဲ့အကြောင်း မြန်မာသမ္မတရဲ့ ပြောခွင့်ရ၊ ပြန်ကြားရေးဝန်ကြီး ဦးရဲထွဋ်က ဗွီအိုအေကို ပြောပါတယ်။

ဒေါ်အောင်ဆန်းစုကြည် သမ္မတဖြစ်ဖို့ရာ အခြေခံဥပဒေကို ဆိုင်းငံ့ ပြင်ဆင် ဖြည့်စွက်တာတွေ လုပ်ဖို့မလိုဘဲ မိသားစုဝင်တွေကို မြန်မာနိုင်ငံသားခံယူစေခြင်းအားဖြင့် အဆင်ပြေသွားနိုင်တယ်လို့လည်း ၀န်ကြီးဦးရဲထွဋ်က ထောက်ပြသွားပါတယ်။

အမေရိကန်-အာဆီယံ ထိပ်သီးအစည်းအဝေးတက်ရောက်နေတဲ့ ဒုတိယသမ္မတ ဦးဥာဏ်ထွန်း ဦးဆောင်တဲ့ မြန်မာကိုယ်စား လှယ်အဖွဲ့ထဲမှာ အဖွဲ့ဝင်တဦးအဖြစ်ပါလာတဲ့ ဦးရဲထွဋ်ကို သူတည်းခိုတဲ့ဟိုတယ်မှာ ၀ိုင်းတော်သား ကိုကျော်ကျော်သိန်းက အင်္ဂါနေ့မနက်ပိုင်း သီးသန့် တွေ့ဆုံ မေးမြန်းထားတာပါ။ အမေရိကန်ရဲ့ ဒဏ်ခတ်အရေးယူမှုတွေ ရုပ်သိမ်းရေး အလားအလာအကြောင်း မေးခွန်းကို ၀န်ကြီးဦးရဲထွဋ်က အခုလို စဖြေပါတယ်။

ဝန်ကြီး ဦးရဲထွဋ်။ ။ “သူကတော့ ကျနော်တို့နိုင်ငံမှာရှိနေတဲ့ နိုင်ငံရေးဖြစ်ပေါ် တိုးတက်မှုတွေနဲ့ ဒီ Section နဲ့ သူက ချိတ်ထားတာကို။ ဆိုတော့ ကျနော်ထင်ပါတယ်လေ၊ နောက်အစိုးရသစ် တက်လာပြီးတဲ့အခါမှာတော့ သူတို့ ဒီအပြောင်းအလဲတွေကို မျက်မြင်တွေ့ရှိပြီးတဲ့အခါမှာတော့ ထပ်ပြီးတော့မှ ရုပ်သိမ်းတဲ့ကိစ္စတွေကို လုပ်လိမ့်မယ်လို့ ကျနော်တော့ ယုံကြည်ပါတယ်။”

မေး။ ။ နိုင်ငံရေးဖြစ်ပေါ် တိုးတက်မှုဆိုလို့ တနင်္လာနေ့ အစည်းဝေးမှာလည်းပဲ အမေရိကန်သမ္မတ Barack Obama က မြန်မာနိုင်ငံကို ချီးကျူးသွားပါတယ်။ တခါ ဒီအပြောင်းအလဲ ချောချောမွေ့မွေ့ဖြစ်မယ်လို့ မျှော်လင့်တယ်ဆိုတဲ့ဟာတွေလည်းပဲ ပြောထားတာတွေက ရှိပါတယ်။ ဆိုတော့ အပြောင်းအလဲတွေက ချောချောမွေ့မွေ့ဖြစ်ဖို့ အလားအလာကောင်းပါရဲ့လား ၀န်ကြီး။ ဘာဖြစ်လို့လဲဆိုတော့ အခုအခြေအနေက ကျနော်တို့ ရှမ်းပြည်ဖက်မှာလည်း တိုက်ပွဲတွေ ဖြစ်နေတာတွေလည်း ရှိပါတယ်။ တိုက်ပွဲဖြစ်တာမှ အပစ်ရပ်အဖွဲ့နဲ့ အပစ်ရပ်မထားတဲ့အဖွဲ့နဲ့ ဖြစ်တယ်ဆိုတယ် ဆိုတဲ့အခါကျတော့၊ တပ်မတော်ဘက်ကလည်း ပြောထားတာတွေ ရှိပါတယ်။ ဆိုတော့ ချောချောမွေ့မွေ့ဖြစ်ဖို့အလားအလာ တော်တော်ကောင်းပါပြီလား။

ဝန်ကြီး ဦးရဲထွဋ်။ ။“ချောမွေ့ဖို့အလားအလာ အများကြီးကောင်းပါတယ်။ နှစ်ဘက်စလုံးကလည်း အပြည့်အ၀ ပူးပေါင်း ဆောင်ရွက်နေတာပေါ့။ သို့သော် သမ္မတကြီးအနေနဲ့ကတော့၊ ဟုတ်လား သေချာသထက် ပိုပြီးတော့ သေချာအောင်လို့၊ တကယ်လို့များ အရေးပေါ်အခြေအနေ တခုနဲ့ ဆုံလို့ရှိရင် သူကိုယ်တိုင် ကိုင်တွယ်ဖြေရှင်းနိုင်ဖို့အတွက် ဒါ မြန်မာနိုင်ငံမှာနေဖို့ ဆုံးဖြတ်ခဲ့တယ်။ ဒါကိုကလည်း ကျနော်တို့အနေနဲ့ ဒီ အသွင်ကူးပြောင်းရေးကို ချောချောမွေ့မွေ့ဖြစ်ဖို့အတွက် ဘယ်လောက် အလေးထားတယ်ဆိုတာ ပေါ်လွင်တာပေါ့။”

မေး။ ။ ဆိုတော့ အသွင်ကူးပြောင်းရေးကို၊ အခုက ရက်ကတော့ သိပ်မလိုတော့ဘူးပေါ့လေ၊ ချောချောမွေ့မွေ့ဖြစ်ဖို့မှာ ဘယ်ကိစ္စတွေက အခယာ၊ ဘယ်ကိစ္စတွေက အဓိကအရေးတကြီး ရှိနေပါသလဲ။

ဝန်ကြီး ဦးရဲထွဋ်။ ။ “အဓိက တာဝန်လွှဲပြောင်းတဲ့ကိစ္စတွေကတော့ ဘာမှ ပြဿနာ မရှိဘူးပေါ့လေ။ သူတို့တာဝန်ယူပြီးရင်၊ သူတို့ဟာသူတို့ ဆက်လုပ်မယ့်အပိုင်းကတော့ သူတို့နဲ့ သူတုို့ အပိုင်းပေါ့။ ကျနော်တို့ကတော့ လွှဲတဲ့အထိပဲ ဆိုင်တာပေါ့။ ဆိုတော့ အဓိကကတော့ ကျနော်တို့က ဒီ တာဝန်လွှဲပြောင်းရေးကို ချောချောမွေ့မွေ့ဖြစ်ဖို့ဆိုတာ နံပတ်တစ်ကတော့ နိုင်ငံရေးတည်ငြိမ်မှု ရှိဖို့ လိုတာပေါ့။ နှစ်ကတော့ ကျနော်တို့ ဒီနိုင်ငံမှာ တည်ငြိမ်အေးချမ်းမှုကို ဆက်ပြီး ထိန်းသိမ်းနိုင်ဖို့ လိုတာပေါ့။ ခုနက ပြောသလို၊ ခင်ဗျားပြောတဲ့ တိုက်ပွဲတွေဖြစ်တာက အစ၊ နောက်တခါ လူမျိုးရေး၊ ဘာသာရေး ပြဿနာတွေဖြစ်တာအလယ်ပေါ့၊ နောက်တခါကျရင်တော့ ခုနကပြောသလို ထိန်းမနိုင်၊ သိမ်းမရ ဖြစ်တာတွေ အဆုံးပေါ့လေ၊ ဒီလိုဟာမျိုးတွေ မဖြစ်အောင် ကျနော်တို့ ဆက်ပြီးတော့ ကာကွယ်ဖို့ လိုတာပေါ့။”

မေး။ ။ ဒါတွေကို ကာကွယ်နိုင်မယ်ဆိုရင်တော့ ချောချောမွေ့မွေ့ လွှဲပြောင်းတဲ့ကိစ္စတွေ ဖြစ်နိုင်မယ်ပေါ့။ ဒီ ထိပ်သီးစည်းဝေးမတိုင်ခင်မှာ သမ္မတဦးသိန်းစိန် ဒီကို မတက်ဖို့ဆုံးဖြတ်တာနဲ့ပတ်သက်ပြီးတော့ ၀န်ကြီးပြောထားတာလဲ ရှိပါတယ်။ ဆိုတော့ အခြေအနေတွေက တချို့ သတင်းတွေရှိတယ်၊ တချို့ ကြားတာတွေရှိတယ်၊ မတည်ငြိမ်နိုင်တယ်ဆိုတဲ့ဟာတွေ ဆိုတော့ အဲဒါကိုများ ၀န်ကြီး နဲနဲလေးထပ်ပြီးတော့ ရှင်းအောင် ပြောပြပေးလို့ရမလား။ ဘယ်လောက်အထိ ကျနော်တို့က စိုးရိမ်စရာ အခြေအနေမျိုးမှာ ရှိနေပါသလဲ။

ဝန်ကြီး ဦးရဲထွဋ်။ ။ “ကျနော်တို့ကတော့ ဒါကြီးကဟို အရမ်းကြီး စိုးရိမ်စရာတော့ မဟုတ်ပါဘူး။ သို့သော် နိုင်ငံ့ခေါင်းဆောင်တယောက် ဆိုတာကတော့ ဖြစ်နိုင်စရာရှိတဲ့ အလားအလာတွေအားလုံးကို တွက်ချက်ပြီးတော့ ပြင်ဆင်ရတယ်၊ ပြီးရင် လုပ်စရာရှိတဲ့ အလုပ်တွေထဲကနေပြီးတော့ အကျိုး၊ အပြစ်ကို ရွေးတာပေါ့။ အဲဒီလို ရွေးတဲ့အခါမှာတော့ သမ္မတကြီးအနေနဲ့က ကျနော်တို့ရဲ့ ဒီ အသွင်ကူးပြောင်းရေး ကာလရဲ့ ဒုတိယအဆင့်သွားတော့မယ့် ဒီ တာဝန်လွှဲပြောင်းမှုဟာ၊ သမိုင်းဝင်ဖြစ်စဉ် ဖြစ်တယ်။ အဲဒီတော့ ဒီဖြစ်စဉ် မတိုင်ခင်မှာ ကျနော်တို့ ဒီ ပြင်ဆင်နိုင်တာရှိတာတွေအားလုံးကို ပြင်ဆင်ထားဖို့ လိုတယ်။ တကယ်လို့ ဆယ်ရေး တရေး၊ ကိုးရေး တစ်ရာဆိုသလို ဟုတ်လား၊ အရေးပေါ် အခြေအနေပေါ့ဗျာ၊ အရေးပေါ် အခြေအနေဆိုတာက ခုနက ကျနော်ပြောသလိုပဲ သဘာဝ ဘေးဒဏ်လိုမျိုးကအစ၊ ခုနက လူမျိုးရေး၊ ဘာသာရေး အငြင်းပွားမှုတွေ၊ တိုက်ပွဲတွေဖြစ်တာ အဆုံးပေါ့၊ ဒီလို ကိစ္စတွေကိုများ ဖြစ်ပေါ်လာခဲ့လို့ရှိရင်တော့ အဆုံးအဖြတ်ပေးနိုင်မယ့်လူတယောက်က ရှိနေဖို့လိုတယ်လို့ သမ္မတကြီးက ယူဆတာပေါ့။ ဒါကြောင့်မို့လို့ ဒီ ဦးစားပေး အစီအစဉ်အရ ဟို နိုင်ငံမှာနေဖို့ ရွေးချယ်လိုက်တာပေါ့။ ဒါကြီးက ဖြစ်တော့မှာမို့လို့ သူနေတယ်ဆိုတဲ့ သဘောတော့ မဟုတ်ဘူး။ တဖက်ကကြည့်ရင်တော့လည်း သမ္မတကြီးက ဒီအစည်းအဝေးကို သူကိုယ်တိုင်လည်း တက်ချင်ပါတယ်။ သူ့ရဲ့မိတ်ဆွေတွေ၊ နောက် အိုဘားမားတို့ကိုလည်း သူနှုတ်ဆက်ချင်တာတွေ၊ နောက် မြန်မာနိုင်ငံကို ဆက်ထောက်ခံဖို့ ပြောချင်တာတွေ ရှိတယ်။ သို့သော် ဒီဦးစားပေး နှစ်ခုကို ရွေးတဲ့အခါမှာတော့ ဒီ တာဝန်လွှဲပြောင်းရေး ချောချောမွေ့မွေ့ဖြစ်ဖို့ ဆိုတဲ့ဟာကို ဦးစားပေးလိုက်တဲ့ သဘောပါပဲ။”

မေး။ ။ ဆိုတော့ ပထမတော့ တက်ဖို့လို့ ကျနော်တို့ ကြားထားပြီးတော့မှ နောက်ပိုင်းကျတော့မှ ဆုံးဖြတ်လိုက်တာပေါ့နော်။

ဝန်ကြီး ဦးရဲထွဋ်။ ။ “ဟုတ်ပါတယ်ခင်ဗျ။ ပထမတော့ သူတက်ဖို့ လုပ်ထားပါတယ်။ ဒါပေမယ့် ခုနကပြောသလိုပဲ ကျနော်တို့တွေလည်း သတင်းတွေရနေတာတွေ ရှိတယ်။ ပြင်ဆင်နေတာတွေရှိတယ်။ ဒါတွေအားလုံးကို ချိန်ပြီးတော့မှ နောက်ဆုံးအခြေအနေရောက်တော့မှ ကပ်ပြီးတော့ ဆုံးဖြတ်လိုက်တာပေါ့။”

မေး။ ဒီရက်ပိုင်း ပြည်တွင်းကနေပြီးတော့ တက်တဲ့သတင်းတွေမှာ ဒီ အလွှဲအပြောင်းကိစ္စ ပြောဆို၊ ဆွေးနွေး၊ ညှိနှိုင်းကြတာတွေပေါ့လေ၊ အဓိက တပ်မတော်ပိုင်းနဲ့ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်အပိုင်းထဲမှာ အဖုအထစ်လေးတွေ ရှိနေတယ်ဆိုပြီးတော့ ကျနော်တို့ ကြားထားတာတွေ ရှိပါတယ်။ အဲဒါတွေက ဘယ်လောက်မှန်ပါသလဲ။

ဝန်ကြီး ဦးရဲထွဋ်။ “မဟုတ်ဘူးဗျ၊ သူတို့ နှစ်ဖွဲ့ ဆွေးနွေးနေကြတယ်ဆိုတာက တာဝန်လွှဲပြောင်းရေးနဲ့ မဆိုင်ဘူးလေ။ အမျိုးသားဒီမိုကရေစီအစိုးရက သူတာဝန်ယူပြီးတဲ့အချိန်မှာ သူဆက်လုပ်ချင်တဲ့ နိုင်ငံရေးလုပ်ငန်းစဉ်တွေနဲ့ ပတ်သက်ပြီးတော့ ဒါ ဆွေးနွေးတယ်လို့ပဲ ကျနော်တို့ နားလည်တယ်။ ဘာဖြစ်လို့လဲဆိုတော့ တပ်မတောက လွှတ်တော်ထဲမှာ ၂၅% ပါဝင်နေတဲ့အတွက်ကြောင့်မို့လို့ သူ့ကို ပါတီတခုအနေနဲ့ စဉ်းစားလိုက်မယ်ဆိုရင် ဒုတိယအင်အားအကြီးဆုံး ပါတီတခုလို့ ခင်ဗျား မြင်လို့ရတာပေါ့။ အဲဒီတော့ ဒီ နိုင်ငံရေးအင်အားစု နှစ်ခုကြားမှာ ရှေ့လုပ်ငန်းစဉ်ဆွေးနွေးခြင်းသည် ကျနော်တို့ တာဝန် လွှဲပြောင်းခြင်းနဲ့တော့ ဘာမှ မဆိုင်ပါဘူး။ တာဝန်လွှဲပြောင်းမှုကတော့ တပ်မတော်ကလည်း ပြောထားပြီးသား။ ရွေးကောက်ပွဲရလဒ်ကို လေးစားမယ်၊ ဒီတာဝန် လွှဲပြောင်းတဲ့အခါမှာ သူလည်း အပြည့်အ၀ ပူးပေါင်းဆောင်ရွက်မယ်လို့ ပြောထားပြီးသားပဲ။”

မေး။ ။ နောက်သတင်းတခုကတော့ တပ်မတော်ဘက်ကနေပြီးတော့ ပြည်နယ်တိုင်း ၀န်ကြီးချုပ်နေရာ (၄) နေရာ ပေးဖို့ဆိုပြီးတော့ ညှိတယ်၊ နှိုင်းတယ်၊ ပြောတယ်ဆိုတာတွေ ကျနော်တို့ ကြားထားတာတွေ ရှိပါတယ်။ အဲဒါတွေကရော ဘယ်လောက်မှန်ပါသလဲ။

ဝန်ကြီး ဦးရဲထွဋ်။ ဒါတွေကတော့ ကျနော်ထင်တယ်ဗျ၊ သက်ဆိုင်ရာ ကာယကံရှင်တွေက ပြောတာမဟုတ်ဘူးပေါ့လေ။ ဘေးကလူတွေက မှန်းဆပြီးတော့ ပြောတဲ့စကားတွေ ဖြစ်တဲ့အတွက်ကြောင့်မို့လို့ ဒါဟာ မှန်တယ်၊ မှားတယ်ဆိုတာ ကျနော်တို့လည်း ဆုံးဖြတ်ဖို့တော့ ခက်တာပေါ့။

မေး။ ။ နောက်တခုကတော့ လူပြော သူပြောများနေတဲ့ ဖွဲ့စည်းပုံပြင်ရေး၊ ၅၉(စ) စသည်အားဖြင့်ပေါ့လေ၊ ၀န်ကြီးကိုယ်တိုင်လည်း ပြောထားတာ ရှိပါတယ်။ ၅၉(စ) ပြင်ဖို့ကိစ္စနဲ့ပတ်သက်ပြီး ၀န်ကြီးသဘောမတူဘူးဆိုတဲ့ပုံမျိုး ၀န်ကြီး ပြောထားတာ ရှိပါတယ်။ အဲဒီတော့ ၀န်ကြီးက သမ္မတရဲ့ ပြောခွင့်ရပုဂ္ဂိုလ်လည်း ဖြစ်တဲ့အခါကျတော့ ဒါက သမ္မဦးသိန်းစိန်ရဲ့ သဘောထားလို့ရော နားလည်လို့ ရပါသလားခင်ဗျ။

ဝန်ကြီး ဦးရဲထွဋ်။ မဟုတ်ဘူး၊ ကျနော်တို့က ၅၉(စ) ကို ပြင်ခြင်း၊ မပြင်ခြင်းကို ကျနော်တို့က ပြောတမဟုတ်ဘူး။ ဘယ်ဟာကိုပဲ ပြင်ပြင်၊ ဖွဲ့စည်းပုံအခြေခံဥပဒေထဲမှာ ပြဌာန်းထားတဲ့ ပြင်ဆင်ရမယ့် လုပ်ထုံးလုပ်နည်းအတိုင်းလုပ်ဖို့ကို ကျနော်တို့က ပြောတာ။ ခင်ဗျားပြောတဲ့ ကျနော်တို့ သဘောမတူဘူးဆိုတာက ၅၉(စ) ကို ဆိုင်းငံ့မယ်ဆိုတဲ့ ကိစ္စကို ကျနော်တို့က သဘောမတူဘူး။ ဘာဖြစ်လို့လဲဆိုတော့ ဖွဲ့စည်းပုံအခြေခံဥပဒေ ပြင်ဆင်ခြင်းထဲမှာ ဆိုင်းငံ့တယ်ဆိုတာ မပါဘူး။ တခါ ဟုတ်လား၊ ဦးကိုနီတို့ ဘာတို့ကလည်း ပြောနေတာတွေ ရှိတယ်။ ၁၉၅၉ ခုနှစ်တုန်းက ဗိုလ်ချုပ်ကြီးနေ၀င်း ဆက်တာဝန်ယူဖို့အတွက် လုပ်ခဲ့တယ်၊ ဆိုင်းငံ့ခဲ့တယ်ဆိုတာလည်း အဲဒါလဲ လုံးဝမှားတယ်ဗျ။ ဘာဖြစ်လို့လဲဆိုတော့ ခင်ဗျားတို့ အဲဒီတုန်းက သမိုင်းအဆိုတွေကို ပြန်ကြည့်မယ်ဆိုရင်၊ လွှတ်တော်ရဲ့ပြင်ဆင်ချက်မှာ တခါမှ ဆိုင်းငံ့တယ်ဆိုတာ မပါဘူး။ ပြင်ဆင်တယ်။ ဘာဘဲပါသလဲဆိုတော့ ဒီ ပြင်ဆင်တဲ့ဟာကို အချိန်ကာလ သတ်မှတ်ချက် ထည့်လိုက်တယ်။ နောက်ထပ် ရွေးကောက်ပွဲကနေပြီးတော့မှ ပေါ်ပေါက်လာတဲ့ ၀န်ကြီးချုပ်က တာဝန်မယူခင်အထိ ဒီလို ပြင်မယ်လို့ ပြောတာ။ ဆိုင်းငံ့တယ်ဆိုတဲ့စကား မပါဘူး။ အဲဒီပြင်ဆင်ချက်ကို အဆိုတင်သွင်းခဲ့တုန်းက တင်ခဲ့တဲ့လူကလည်း ဦးကျော်ငြိမ်း။ ဦးကျော်ငြိမ်းရဲ့ အဲဒီတုန်းက တင်သွင်းတဲ့ မိန့်ခွန်းကို ခင်ဗျားတို့ ဖတ်ကြည့်မယ်ဆိုရင် ဆိုင်းငံ့တယ်ဆိုတဲ့စကား မသုံးပါဘူးတဲ့။ ဘာဖြစ်လို့လဲဆိုတော့ ဆိုင်းငံ့တယ်ဆိုတာ ၁၉၄၇ ခုနှစ် ဖွဲ့စည်းပုံအခြေခံဥပဒေထဲမှာ မပါတဲ့အတွက်ကြောင့်မို့လို့ သူက ဆိုင်းငံ့တယ်လို့ မသုံးဘူး။ ဒါကို ပြင်ဆင်ချက် ဥပဒေကြမ်းလို့ပဲ သုံးပါတယ်ဆိုပြီး သူကိုယ်တိုင်ကကို ရှင်းပြထားတာ ရှိတယ်။ ဒါကြောင့်မို့လို့ ပြန်ချုပ်ပြောရရင်တော့ ပြင်ခြင်း၊ မပြင်ခြင်းကို ကျနော်တို့ ဘာမှမပြောဘူး။ ဒါက လွှတ်တော်နဲ့ ပြည်သူတွေရဲ့ အဆုံးအဖြတ်ပဲ။ သို့သော် ပြင်ပြီဆိုလို့ရှိရင်တော့ ဖွဲ့စည်းပုံ အခြေခံဥပဒေထဲကအတိုင်း ပြင်တာကိုပဲ ကျနော်တို့က လိုလားတယ်။ မဟုတ်ပဲနဲ့ ဖွဲ့စည်းပုံအခြေခံဥပဒေထဲမှာ တားမထားလို့ လုပ်လို့ရတယ်ဆိုတဲ့ လိုရာဆွဲတွေးတာမျိုးသည် နိုင်ငံရဲ့အနာဂတ်အတွက် အန္တရာယ်ကြီးတဲ့အတွက်ကြောင့်မို့လို့ ကျနော်တို့က ဆန့်ကျင်တယ်လို့ ပြောတာ။

မေး။ ။ ဟုတ်ကဲ့။ ဖွဲ့စည်းပုံ ပြင်ရေးဆိုလို့ ၀န်ကြီး၊ ဖွဲ့စည်းပုံ ဒီ ၂၀၀၈ ခုနှစ် ဖွဲ့စည်းပုံအခြေခံဥပဒေက ကမ္ဘာပေါ်မှာ အပြင်ရအခက်ဆုံး အခြေခံဥပဒေဖြစ်တယ် ဆိုပြီးတော့ ဒီ အခြေခံဥပဒေရေးရာကျွမ်းကျင်တဲ့ ပညာရှင်တွေက ထောက်ပြထားတာတွေ ရှိပါတယ်။ ဆိုတော့ ပြင်ရေး အလားအလာကရော ၀န်ကြီး၊ ဘယ်လောက်များ အလားအလာ ကောင်းနိုင်ပါမလဲ။

ဝန်ကြီး ဦးရဲထွဋ်။ အခက်ဆုံးလို့တော့ ပြောလို့မရဘူး။ ဘာဖြစ်လို့လည်းဆိုတော့ ခင်ဗျား အမေရိကန်မှာရှိတဲ့ ဖွဲ့စည်းပုံအခြေခံဥပဒေ ပြင်တဲ့နည်းလမ်းကလည်း ခက်တာပဲလေ။ ပြည်နယ်တွေ၊ ပြည်နယ်လွှတ်တော်တွေမှာ မဲလိုက်ခွဲပြီးတော့မှ ပြည်နယ်အားလုံးရဲ့ ၃ ပုံ ၊ ၂ ပုံက သဘောတူမှ ပြင်လို့ရတာ။ အဲဒီတော့ အခက်ဆုံးလို့တော့ ပြောလို့မရဘူးပေါ့နော်။ သို့သော် ဖွဲ့စည်းပုံအခြေခံဥပဒေဟာ ကျနော်တို့ ၄၇ ခုနှစ် ဖွဲ့အစည်းပုံအခြေခံဥပဒေရဲ့ သင်္ခန်းစာအပေါ်မှာ မူတည်ပြီးတော့မှ လွှတ်တော်ထဲမှာ အများစုရတဲ့ ပါတီတခုထဲရဲ့ သဘောနဲ့ ပြင်လို့မရအောင် လုပ်ထားတာပေါ့။ အဲဒီတော့ ပြင်ချင်တယ်ဆိုရင်တော့ နိုင်ငံရေးမှာ ပါဝင်ပတ်သက်တဲ့သူတွေ အားလုံးကြားမှာ သဘောတူညီချက် တခုရအောင် လုပ်ရမှာပေါ့လေ။ တကယ်တော့ ဒါကလည်း နိုင်ငံရေးရဲ့ အနှစ်သာရဘဲလေ။

မေး။ ။ ၀န်ကြီး ဟိုတလောလေးကတင် ပြောပါတယ်၊ ပြီးခဲ့တဲ့ ရက်ပိုင်းကပဲ ဒီ NLD အနေနဲ့ပေါ့နော်၊ တပ်မတော်အပေါ် သဘောထား၊ တပ်မတော်နဲ့ ဆက်ဆံရေးကောင်းအောင်လုပ်ဖို့လိုတယ် ဆိုတဲ့သဘောမျိုး ကျနော် အဲဒီလို နားလည်ပါတယ်။ ဆိုတော့ တပ်မတော်နဲ့ NLD အကြား ဆက်ဆံရေးဟာ အခုလက်ရှိ ဒီကနေ့ဖြစ်နေတဲ့ အခင်းအကျင်းတွေအရပေါ့လေ ဆက်ဆံရေးကောင်း၊ တိုင်းပြည်အနာဂတ်အတွက် စိတ်ချရတဲ့ အလားအလာကောင်းလို့ ကျနော်တို့ ပြောနိုင်ပါပြီလားခင်ဗျ။

ဝန်ကြီး ဦးရဲထွဋ်။ ။ ဒါပေမဲ့ အဲဒါကတော့ အမျိုးသားဒီမိုကရေစီအဖွဲ့ချုပ် အပေါ်မှာပဲ မူတည်တာပေါ့ဗျာ။ ဘာဖြစ်လို့လဲဆိုတော့ အမျိုးသားဒီမိုကရေစီအဖွဲ့ချုပ်အနေနဲ့ တပ်မတော်ကို ပြုပြင်ပြောင်းလဲရေးရဲ့ လက်တွဲဖော်အနေနဲ့ မြင်လို့ရှိရင်၊ လုပ်ဖော်ကိုင်ဖက်အနေနဲ့ မြင်လို့ရှိရင် ညှိရ၊ နှိုင်းရတာ လွယ်မှာပေါ့။ လုပ်ဖော်ကိုင်ဖက်အနေနဲ့ မမြင်ဘဲနဲ့ အတားအဆီးတခုအနေနဲ့ မြင်ပြီးတော့မှ ဖယ်ထုတ်ဖို့ကြိုးစားမယ် ဆိုရင်တော့ ညှိနှိုင်းရတာ ခက်မှာပေါ့။ ကျနော်တို့ကြိုက်သည်ဖြစ်စေ၊ မကြိုက်သည်ဖြစ်စေ၊ လက်ရှိအခြေအနေမှာတော့ တပ်မတော်ကို နိုင်ငံရေးအင်အားစုတခုအနေနဲ့ မြင်ပြီးတော့မှ ညှိနှိုင်းဆွေးနွေးခြင်းကပဲ အဖြေမှန်၊ ရလဒ်ကောင်း ရမယ်လို့ ကျနော်မြင်တယ်။

မေး။ ။ တပ်မတော်ဘက်ကရော၊ သိပ်သဘောထားတင်းမာတဲ့ အလားအလာမျိုးတွေများ ရှိပါသလား။

ဝန်ကြီး ဦးရဲထွဋ်။ တပ်မတော်ကတော့ဗျာ၊ တပ်မတော်ကာကွယ်ရေး ဦးစီးချုပ် ပြောခဲ့တာတွေလည်း အများကြီးရှိပါတယ်။ သူက ကျနော်တို့ ဒီ သမ္မတကြီး ဦးသိန်းစိန်အစိုးရ လက်ထက်မှာရော၊ နောင်မှာရော သူသည် ဖွဲ့စည်းပုံအခြေခံဥပဒေက သူ့ကိုပေးထားတဲ့ အခန်းကဏ္ဍအတိုင်းပဲ သူနေမှာပဲ။ အဲဒီထက်လည်း ပိုလုပ်မှာမဟုတ်ဘူး။ အဲဒီထက်လည်း လျော့ပြီးတော့ လုပ်မှာမဟုတ်ဘူး။ အဲဒီတော့ တပ်မတော်ရဲ့ ရပ်တည်ချက်ကတော့ ကျနော်တို့ ရှင်းတယ်။ ဖွဲ့စည်းပုံအခြေခံဥပဒေနဲ့အညီ လုပ်နေသ၍ ကာလပတ်လုံးမှာ တပ်မတော်အနေနဲ့ ဒီကိစ္စတွေမှာ သူက ပူးပေါင်းဆောင်ရွက်ပေးနေမှာပဲ။

မေး။ ။ ကျနော် နောက်တခု ပွင့်ပွင့်လင်းလင်းတခု မေးချင်ပါတယ်။ ရွေးကောက်ပွဲကျင်းပတယ်၊ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က မျှော်လင့်မထားလောက်အောင်ပဲ ရာခိုင်နှုန်းအတော်များများနဲ့ အနိုင်ရတယ်။ ဆိုတော့ မဲဆန္ဒရှင်တွေရဲ့ သဘောထားက ထင်ရှားတယ်လို့ အများစုက သုံးသပ်ကြပါတယ်။ ဆိုတော့ ကျနော် ၀န်ကြီးကို၊ ၀န်ကြီးရဲ့ သဘောထားရော၊ အစိုးရအဖွဲ့ရဲ့ သဘောထားရော ခြုံပြီးမေးချင်တာက မဲဆန္ဒရှင်အများစုက ဒေါ်အောင်ဆန်းစုကြည်ကို နိုင်ငံ့ခေါင်းဆောင် ဖြစ်စေချင်ပါတယ်။ အခုလက်ရှိ အလားအလာက ဒေါ်အောင်ဆန်းစုကြည် နိုင်ငံ့ခေါင်းဆောင်ဖြစ်ဖို့ အလားအလာ၊ လူထုမဲဆန္ဒရှင်တွေ ဘယ်လောက်အထိ မျှော်လင့်လို့ရပါသလဲ ခင်ဗျ။

ဝန်ကြီး ဦးရဲထွဋ်။ ။ တကယ်တော့ဗျာ၊ ဟုတ်လား၊ ဒေါ်အောင်ဆန်းစုကြည် နိုင်ငံ့အကြီးအကဲဖြစ်ဖို့ဆိုတာ ၅၉(စ) တွေဘာတွေလည်း ပြင်ဖို့မလိုပါဘူး။ တကယ်တမ်း ကျနော့်ရဲ့ သုံးသပ်ချက် ထောက်ပြရမယ်ဆိုရင်၊ သူ့ရဲ့သား (၂) ယောက်နဲ့ ချွေးမရှိမယ်ဆိုရင်၊ ချွေးမ (၂) ယောက်၊ လူ (၄) ယောက်ပဲ မြန်မာနိုင်ငံသားခံယူလိုက်လို့ရှိရင် ဒီပြဿနာတွေအားလုံး ပြေလည်သွားမှာပါ။ ဘာမှ ကျနော်တို့ ဒါကြီးကို ၅၉(စ) တွေလာတွေလည်း ပြင်ဖို့ မလိုပါဘူး။ အဲဒီတော့ လူ (၄) ယောက်ရဲ့ အဆုံးအဖြတ်နဲ့ လုပ်တာကတော့ ပိုပြီးတော့ကောင်းတာပေါ့ဗျာ။ ဒါကြီးကို အဖွဲ့စည်းပုံအခြေခံဥပဒေပြင်ရေးလို့ ပြောဖို့တောင် မလိုပါဘူး။ တကယ်တန်း သူ့သားသမီးတွေအနေနဲ့ သူတို့ရဲ့မိခင် သမ္မတဖြစ်တာ လိုချင်လို့ရှိရင် ၁၉၈၂ ခုနှစ် ဥပဒေအရ မြန်မာနိုင်ငံသား လျှောက်ထားလိုက်ယုံပါဘဲ။



မေး။ ဒါပေမဲ့လည်းဝန်ကြီး အရွယ်ရောက်ပြီးသား လူတွေအနေနဲ့ ကလေးတွေလည်း မဟုတ်တဲ့အခါကျတော့ ဒီလိုမျိုး သူတို့ရဲ့ကိုယ်ပိုင် ဘ၀ပေါ့လေ၊ ကိုယ်ပိုင်ဘ၀ကို စွန့်လွှတ်ပြီးတော့ ပေးဆပ်ရမယ်ဆိုတာကရော၊ မျှတတယ်လို့ ပြောလို့ရပါ့မလား။

ဝန်ကြီး ဦးရဲထွဋ်။ ။ သူတို့ရဲ့မိခင် ဒေါ်အောင်ဆန်းစုကြည်က နှစ်ပေါင်း (၂၀) ကျော် စွန့်လွှတ်ခဲ့ပြီးပြီ။ သူ့အမေ အုပ်ချုပ်တဲ့နိုင်ငံမှာ သူမနေချင်ဘူးဆိုရင်တော့၊ နိုင်ငံသားမခံယူဘူးဆိုရင် ဒါက သူတို့ရဲ့ မိသားစုပြဿနာပဲ။ ဒါက ဖွဲ့စည်းပုံအခြေခံဥပဒေ ပြဿနာ မဟုတ်ဘူး။

မေး။ ။ ၀န်ကြီးကိုယ်တိုင်အနေနဲ့ရော ဒေါ်အောင်ဆန်းစုကြည်အပေါ်မှာ ပုဂ္ဂိုလ်ရေးအမြင် ဘယ်လိုရှိပါသလဲ ခင်ဗျ။

ဝန်ကြီး ဦးရဲထွဋ်။ ။ ကျနော် ပုဂ္ဂိုလ်ရေးအရ ဒေါ်အောင်ဆန်းစုကြည်ဟာ ခင်မင်စရာကောင်းတယ်။ လေးစားစရာကောင်းတယ်။ သူ့ရဲ့ စိတ်ဓါတ်ခိုင်မာမှုပေါ့နော်၊ ဒါတွေလည်း ကျနော်တို့ လေးစားပါတယ်။ အဲ ဒါပေမယ့် ဖွဲ့စည်းပုံအခြေခံဥပဒေ ပြင်ဆင်ရေးအပါအ၀င် တချို့ကိစ္စတွေမှာတော့ အမကြီး ဒေါ်အောင်ဆန်းစုကြည်နဲ့ ကျနော် သဘောထား မတူတာတွေ ရှိပါတယ်။ ဒါကလည်း တကယ်ကျတော့လည်း ဒီမိုကရေစီမှာတော့ ဒီလိုပဲ ဖြစ်မှာပေါ့လေ။

မေး။ ။ နောင်အစိုးရအသစ်အတွက် ၀န်ကြီးအနေနဲ့ အပေးချင်ဆုံး အကြံဉာဏ်ပေါ့လေ၊ တစ်ခု၊ နှစ်ခု၊ သုံးခုရှိတယ်ဆိုရင် နဲနဲပြောပြပါလား ၀န်ကြီး။

ဝန်ကြီး ဦးရဲထွဋ်။ ။ အခုကတော့ဗျာ၊ ဘာဘဲပြောပြော ဒေါ်အောင်ဆန်းစုကြည်အနေနဲ့ ပြည်သူလူထုရဲ့ Mandate ကို သူတို့ ရထားပြီပေါ့လေ၊ အမျိုးသားဒီမိုကရေစီအဖွဲ့ချုပ်အနေနဲ့။ အဲဒီတော့ အဲဒီ Mandate ကို အသုံးပြုတဲ့အခါမှာတော့ ကိုယ်ဖြစ်ချင်တာရယ်၊ ဖြစ်နိုင်တာရယ်၊ နောက်တခါ ကျနော်တို့နိုင်ငံရဲ့ ထူးခြားတဲ့အခြေအနေတွေရယ်၊ ဒါတွေကို ထည့်သွင်းစဉ်းစားပြီးတော့ လုပ်ဖို့ အကြံးပြုချင်တာပေါ့။ တကယ်တော့လည်း ဒေါ်အောင်ဆန်းစုကြည် အခုချိန်ထိ ကိုင်တွယ်ဆောင်ရွက်နေတာတွေကတော့ အဲဒီလိုမျိုး ထည့်သွင်းစဉ်းစားပြီး လုပ်နေတယ်လို့ ကျနော်တို့ မြင်ပါတယ်။

မေး။ ။ NLD ဦးဆောင်တဲ့ အစိုးရသည် မြန်မာနိုင်ငံကို အခုဝန်ကြီးတို့အစိုးရချခဲ့တဲ့ အခြေခံအပေါ်မှာ အခိုင်အမာရပ်တည်ပြီးတော့ ဒီထက်ဒီ ပိုပြီးတော့ တိုးတက်သွားအောင်၊ ရှေ့ရောက်သွားအောင် ဒေသတွင်းမှာ၊ နိုင်ငံတကာမှာ၊ ပြောရရင်တော့ နိမ့်ပါးခဲ့တဲ့ နိုင်ငံအနေနဲ့ နောင် (၅) နှစ်ကြာတဲ့အခါမှာ ဒီထက်ပိုပြီးတော့ ရှေ့ရောက်သွားအောင် လုပ်နိုင်မယ်လို့ ၀န်ကြီးကိုယ်တိုင် အခိုင်အမာ ယုံကြည်ပါသလားခင်ဗျ။

ဝန်ကြီး ဦးရဲထွဋ်။ ။ ကျနော့်အမြင်အရပေါ့ဗျာနော်၊ ဘယ်အစိုးရမဆို တာဝန်ယူပြီဆိုရင်တော့ နိုင်ငံနဲ့ လူမျိုးအတွက် အကောင်းဆုံးဖြစ်အောင် လုပ်ကြမှာပဲပေါ့။ ကျနော်တို့ အစိုးရကတော့ စံနစ်ဟောင်းကနေ စံနစ်သစ်ကို လုပ်ကြတဲ့အခါမှာ ကျနော်တို့က အခြေခံကိုပဲ ကျနော်တို့က ပြုပြင်ပြောင်းလဲပေးနိုင်တာပေါ့။ အဲဒီတော့ လက်ရှိကတော့ အခြေအနေကောင်းလဲ ရနေပြီ။ နောက်တခါ နိုင်ငံတကာကလည်း ကူညီမယ့်သူတွေ ရှိနေပြီ။ ပြည်တွင်းမှာလည်း ပြည်သူလူထုရဲ့ ထောက်ခံအားပေးမှုတွေ ရနေပြီဆိုတော့ ဒီအခြေအနေကိုသာ မှန်မှန်ကန်ကန် ကိုင်တွယ်အသုံးချနိုင်မယ်ဆိုရင်တော့ ကျနော်တို့နိုင်ငံသည် နောက် (၅) နှစ်မှာ ပိုပြီးတော့မှ တည်ငြိမ် အေးချမ်းတဲ့၊ ပိုပြီးတော့မှ ဖွံ့ဖြိုးတိုးတက်တဲ့နိုင်ငံအဖြစ် ရောက်မယ်လို့ ကျနော်တော့ ယုံကြည်ပါတယ်။

ကျော်ကျော်သိန်း/VOA
http://burmese.voanews.com/content/iv-with-u-ye-htut/3193720.html

 ရေလုပ်သားတွေ အပါအဝင် မြန်မာ အလုပ်သမား သန်းနဲ့ချီပြီး ထိုင်းမှာ ရှိနေ
ထိုင်းနိုင်ငံမှာ ဖေဖော်ဝါရီလ ၁၆ ရက်နေ့ မနက် ၃ နာရီလောက်က မြန်မာအလုပ်သမားတွေ လိုက်ပါလာတဲ့ ခရီးသည်တင် ဘတ်စ်ကားနဲ့ သဲကား တိုက်မိတဲ့ အတွက် လူ ၆ ယောက် သေဆုံးပြီး အများအပြား ဒဏ်ရာရခဲ့ ပါတယ်။

ဘန်ကောက်မြို့ တောင်ဘက် ချွန်းဘူရီမြို့ ကနေ မဲဆောက်မြို့ကို သွားတဲ့ နှစ်ထပ် ဘတ်စ်ကားနဲ့ ၁၈ ဘီးတပ် သဲကားတို့ မဲဆောက်မြို့မရောက်ခင် မိုင် ၁၀ဝ ကျော်ရှိတဲ့ ကမ်းဖဲန်ခရိုင် ခလောင်း ခလုန်မြို့ အနီးမှာ မျက်နှာချင်းဆိုင် တိုက်မိခဲ့တာ ဖြစ်ပါတယ်။

သေဆုံးသူက ၆ ယောက်မှာ မြန်မာ ၃ ယောက်နဲ့ ထိုင်း ၃ ယောက် ဖြစ်တယ်လို့ ခလောင်းခလုန် ဆေးရုံ အရေးပေါ်ဌာနက ကျန်းမာရေး ဝန်ထမ်း အမျိုးသမီးက ပြောပါတယ်။

ဒဏ်ရာရသူ စုစုပေါင်း ၄၉ ယောက် ရှိပြီး မြန်မာ ၃၄ ယောက်ပါဝင် ပါတယ်။

ဒဏ်ရာပြင်းသူ ၁၄ ယောက်ကိုတော့ ကမ်းဖဲန်ဖေတ် ခရိုင် ဆေးရုံကို ပို့ထားကြောင်းနဲ့ သူတို့ ဆေးရုံမှာ ၁၂ ယောက်ပဲ ကျန်တဲ့အကြောင်း အဲဒီ ကျန်းမာရေး ဝန်ထမ်း အမျိုးသမီးက ပြောပါတယ်။

အွန်လိုင်းပေါ်မှာ တွေ့ရတဲ့ ပုံတွေမှာ ကားနှစ်စီးလုံး အကြီးအကျယ် ပျက်စီးသွားတာ တွေ့ရတာကြောင့် ထိပ်တိုက် တိုက်မိကြတာ ဖြစ်နိုင်တယ်လို့ ယူဆရပါတယ်။

ဘတ်စ်ကားမောင်းသမားရော ကုန်တင်ကားမောင်းသူပါ သေဆုံးသွားတဲ့ အတွက် ယာဉ်တိုက်မှု အသေးစိတ်ကို မသိသေးဘူးလို့ ကယ်ဆယ်ရေးသမား တစ်ယောက်က ဘီဘီစီကိုပြောပါတယ်။

ခရီးသည်တွေကလည်း အိပ်နေလို့ မသိလိုက်ဘူးလို့ ဒဏ်ရာရသူ မြန်မာအလုပ်သမားက ပြောကြောင်း သူနာပြုဆရာမက ပြန်ပြောပြ ပါတယ်။

ထိုင်းနိုင်ငံမှာ ယာဉ်တိုက်မှုကြောင့် သေဆုံးသူတွေ ရှိရင် အာမခံကုမ္ပဏီက အနည်းဆုံး ၂ သိန်းကနေ ၅ သိန်းအထိ လျော်ကြေး ရကြပါတယ်။

BBC Burmese
http://www.bbc.com/burmese

၂၀၁၆ ဂရမ်မီ ဂီတဆုချီးမြှင့်ပွဲမှာ Taylor Swift က 1989 တေးဓါတ်ပြားနဲ့ အကောင်းဆုံး Pop တေးဓာတ်ပြားဆုတွေ ရရှိ
အမေရိကန်ပြည်ထောင်စု Los Angeles မှာ မနေ့ညက ကျင်းပတဲ့ ၂၀၁၆ ဂရမ်မီ ဂီတဆုချီးမြှင့်ပွဲမှာ Taylor Swift က 1989 တေးဓါတ်ပြားနဲ့ ဒီနှစ်အတွက် အကောင်းဆုံးတေးဓါတ်ပြားဆု၊ အကောင်းဆုံး Pop တေးဓာတ်ပြားဆုတွေ ရရှိသွားပါတယ်။


Kendrick Lamar နဲ့ ပေါ့ဂီတအဆိုကျော် Taylor Swift တို့ဟာ Bad Blood ဆိုတဲ့ SWIFT သီချင်းဗွီဒီယိုနဲ့ ဂရမ်မီဆုရခဲ့ပါတယ်။ Out of the woods ဆိုတဲ့ တေးသီချင်းကို Swift ကသီဆိုပြီး ဂရမ်မီဂီတဆုပေးပွဲကို စတင်ခဲ့တာပါ။

ဂရမ်မီတေးသီချင်းဆုကို Thinking Out Loud ဆိုတဲ့ သီချင်းနဲ့ Ed Sheeran နဲ့ Amy Wadge တို့ ရရှိသွားပါတယ်။ Ed Sheeran ဟာ POP ဂီတ တကိုယ်တော် ဖျော်ဖြေမှုအကောင်းဆုံးဆုကိုလည်း ရရှိခဲ့ပါတယ်။ အကောင်းဆုံး အနုပညာရှင်သစ်ဆုကိုတော့ POP အဆိုတော် Meghan Trainor က ရရှိသွားပြီး၊ Kendrick Lamar ကတော့ အကောင်းဆုံး RAP ဂီတဓါတ်ပြားဆု ရရှိသွားပါတယ်။

လူနည်းစုဝင် လူငယ်တွေကို ပံ့ပိုးမှုပေးတဲ့ သမ္မတ ဘရက်အိုဘားမားရဲ့ အစီအစဉ်တခုကို အတူပူးတွဲလုပ်ဆောင်ဖို့ Lamar ဟာ သမ္မတနဲ့လည်း လွန်ခဲ့တဲ့လက တွေ့ဆုံခဲ့ပါတယ်။ မနေ့ညကကျင်းပသွားတဲ့ ဂီတဆုပေးပွဲမှာတက်ရောက်နေတဲ့ တောက်ပတဲ့အနာဂါတ်ကို တည်ဆောက်နေသူ Lamar အပါအ၀င် အနုပညာရှင်တွေကို အိမ်ဖြူတော်က ချီးကျူးဂုဏ်ပြုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

Google လူသားဟု အမည်ရထားသူ
သူ့ကို ဘာမေးမေး မသိတာ မရှိသလောက်၊
မဖြေရှင်းနိုင်တာ မရှိသလောက်မို့
ဒီလို google လူသား အမည်ရဖို့ဖြစ်လာခဲ့တယ်။

သူ့အဖေ လီကွမ်ယု ရှိစဉ်က ပြောခဲ့တယ်။
ကျနော့်ကို ဥာဏ်စမ်း ဖြစ်ဖြစ် ဗဟုသုတပဲဖြစ်ဖြစ် လာမေးရင်
မဖြေနိုင်လို့ရှိရင် ကျနော့်မိန်းမက ဝင်ဖြေပေးတယ်။
မိန်းမက ကျနော့်ထက် စာပိုဖတ်နိုင်တယ်။ မိန်းမသာ
မဖြေနိုင်လို့ရှိရင်တော့ ဂိတ်ဆုံးပြီပေါ့။
ဒါပေမယ့် မြေးမလေးက အဖေ ဖြေနိုင်လိမ့်မယ်ထင်တယ်ဆိုပြီး
သွားခေါ်လာတယ်။ ဟုတ်တယ်။ တကယ်လဲ ဖြေနိုင်တယ်။
သူမဖြေနိုင်ဘူးဆိုတာက ခပ်ရှားရှားပဲလို့
သူ့သားဖြစ်သူကို ချီးမွမ်းခဲ့ဘူးလေတယ်…။

ဒီလိုလူကို အမေရိကန်သမ္မတက ပထမဆုံး အမေရိကန်မှာပြုလုပ်တဲ့
အမေရိကန် - အာဆီယံ ထိပ်သီးစည်းဝေးပွဲဖိတ်တော့
မပျက်မကွက် ရောက်အောင် သွားတယ်…။
ရောက်ရောက်ချင်းမှာပဲ တိုင်းပြည်အတွက် အကျိုးရှိစေမယ့် နေရာတွေ
သွားရောက် လည်ပတ်လေ့လာတယ်။ နည်းပညာ ဂုရုကြီးတွေဖြစ်တဲ့
Google, apple နဲ့ facebook တို့ ရောက်သွားတယ်…။
Telsa ကိုသွား လျှပ်စစ်ကားတွေ လေ့လာတယ်…။

Silicon Valley ကို သွားရောက်လေ့လာမှုဟာ အကျိုးရှိစေတယ် တဲ့..။
မောင်းသူမပါတဲ့ google car ကိုလည်း ရဲရဲဝံ့ဝံ့ စီးခဲ့တယ်။
Google နဲ့ facebook မှာ လုပ်နေတဲ့ စလုံး နိုင်ငံသားတွေနဲ့ တွေ့တယ်။
မြန်မာပြည်လို လူတော်တွေရှားတဲ့ နိုင်ငံမဟုတ်တော့ စလုံး ပြန်လာဖို့ ဘာညာ
ဘလာ ဘလာ ပြောစရာမလိုဘူးပေါ့။ နှစ်စဉ် စလုံးမှာရှိတဲ့ ကမ္ဘာ့အဆင့်မှီ
တက္ကသိုလ်တွေက လူတော်တွေ အများကြီး ထုတ်ပေးနေတာကိုး …။

ဒီလို လေ့လာမှုဟာ စင်ကာပူနိုင်ငံမှာ အကောင်အထည် ဖော်နေတဲ့
Smart city project အတွက် အထောက်အကူဖြစ်လာမယ်။
နိုင်ငံတွေ အကုန်လုံးကလည်း စလုံးပရိုဂျက်ကို အတုယူဖို့ စိတ်ဝင်တစား
စောင့်ကြည့်နေကြတယ်။

Smart city ဆိုတာက တစ်မြို့လုံး ပြည်လည် ပြည့်ဖြိုးမြဲ စွမ်းအင်တွေသုံးမယ်။
လူတစ်ယောက် ရုံးသွားတာ ဒီနေ့ ဘယ်လိုနည်းနဲ့သွားရင် ရုံးအမြန်ဆုံးရောက်
နိုင်တယ်ကအစ အကြံပေးနေမယ်။ မောင်းသူမဲ့ကားတွေက ရထားဘူတာရုံတွေဆီ
ပို့ပေးမယ်။ အိမ်တွေ တိုက်ခန်းတွေကလည်း smart home…၊ ရဲတွေ လူဆိုးဖမ်းဖို့
ကိစ္စကအစ ဆင်ဆာတွေသုံးမယ်။ လေထုကော ရေထုကော ညစ်ညမ်းတယ်ဆိုတာ
မရှိစေရဘူး။ ထောင်နဲ့ချီတဲ့ ဆင်ဆာတွေက အမြဲစောင့်ကြည့်မယ်။

အင်း … မြန်မာ သမ္မတကြီးသာ ဒီပွဲ တက်ဖြစ်ခဲ့ရင် ဘယ်သွားမလဲ..။
ဖြစ်နိုင်တာတော့ကျောက်မီးသွေး စက်ရုံတွေပဲ သွားကြည့်လိမ့်မယ်ထင်တယ်။

မီဒီယာတွေ ဒေါ်အောင်ဆန်းစုကြည် အစိုးရဖွဲ့နိုင်လောက်တဲ့အထိ
အနိုင်မရဘူး ခန့်မှန်းနေချိန်မှာ စင်ကာပူ ဝန်ကြီးချုပ်လီရှန်လွန်းကတော့
ဒေါ်အောင်ဆန်းစုကြည် အနိုင်ရပြီး တိုင်းပြည်တိုးတက်အောင်
ဦးဆောင်နိုင်လိမ့်မယ်လို့ ယုံကြည်ပါတယ်တဲ့။

စစ်ဗိုလ်ချုပ်ကြီးတွေ ကြားမှာ ဒေါ်အောင်ဆန်းစုကြည်
သမ္မတဖြစ်မှာကို လက်ခံတဲ့သူတွေ တော်တော်ရှိနေပြီ။
ကျန်တဲ့ မျက်စိစုံမှိတ် ကန့်ကွက်နေကြသူတွေလည်း
အမြင်မှန်ရကြဖို့ကောင်းပါပြီ…။

ဘာကြောင့်လဲ…
ခေါင်းဆောင် “ထက်” မှ တိုင်းပြည် “တိုးတက်” မှာမို့ ဖြစ်ပါတယ်။

ထက်မြက်တဲ့ သားအဖ ခေါင်းဆောင်လိုက်တဲ့ စင်ကာပူ ကျွန်းသေးသေး
လေးက အများလေးစားရတဲ့ ကမ္ဘာ့ ထိပ်တန်း နိုင်ငံတစ်နိုင်ငံဖြစ်နေပြီ။

ဒါကြောင့် မဆင်းရဲသင့်ဘဲ ဆင်းရဲလွန်းလှတဲ့ မြန်မာနိုင်ငံကို
ထောက်ထားပြီး အတ္တစွဲတွေ လျော့လိုက်ပါတော့လို့ …။

Moe Hein

၁....။

မြန်မာနိုင်ငံဟာ ဗုဒ္ဓဘာသာဝင် အများဆုံးရှိတဲ့ နိုင်ငံတစ်ခုပါ။
ဗုဒ္ဓရဲ့ အဆုံးအမနဲ့ အတူ
ဗုဒ္ဓရဲ့ တရားတော်တွေအရ
ကံ ကံရဲ့ အကျိုးပေးနဲ့..
အတိတ်ဘဝက ကံတွေကြောင့်
ဖြစ်ပေါ်လာရတဲ့ ဖူးစာဖက် ဆိုတာကို
ယုံကြည် သက်ဝင်သူ များပြားတဲ့ နိုင်ငံလည်း ဖြစ်ပါတယ်။

ဒါပေမယ့်..
အဲဒီ အချို့ အချို့သော
ဗုဒ္ဓဘာသာဝင်တွေကိုယ်တိုင်က
တခါတရံမှာ ..
အတိတ်ဘဝက ကုသိုလ်ကံတွေကြောင့်
ဖြစ်လာရတဲ့ ဖူးစာဖက်ဆိုတာကို
လက်မခံနိုင်ပဲ..
အဲဒီအပေါ်မှာ အပြစ်ကြီးတစ်ခုလို မြင်ပြီး
အပြစ်မြင်နေကြတာဟာဆိုရင်..
ဗုဒ္ဓရဲ့ တရားတော်တွေကို မယုံကြည်ကြလို့လား..
ဒါမှမဟုတ်
ဗုဒ္ဓရဲ့ အယူအဆတွေနဲ့ ဆန့်ကျင်ချင်လို့လားဆိုပြီးတော့လည်း တွေးနေမိပါတယ်။

၂.....။

ဗုဒ္ဓဘုရားရှင်ဟာ ကပ္ပိလဝတ်ပြည့်ရှင် ဘုရင်ကြီးရဲ့ သားတော် ။
ဒါပေမယ့် သူ့မိခင် မယ်တော် မာယာဟာ
ကပ္ပိလဝတ်ပြည်သူ တစ်ယောက် မဟုတ်ခဲ့ပါဘူး။

ပုဂံပြည် ရာဇဝင်ထဲက
ကျန်စစ်သားမင်း ဆိုရင်လည်း
မြန်မာလူမျိုး အများအပြား သိကြမှာ ဖြစ်သလို..
အဲဒီအချိန်က
ကိုယ်ထီး ကိုယ့်နန်း
ကိုယ့်တိုင်းပြည်နဲ့ကိုယ် တည်ရှိကြတဲ့အတွက်
မွန်တို့ရဲ့ သထုံပြည်ကြီးနဲ့
ဗမာလူမျိုးတို့ရဲ့ ပုဂံပြည်ကြီးဟာ
တသီးတခြားစီ ဖြစ်တည်နေခဲ့တဲ့ အချိန်ပါ။
ဒါပေမယ့်..
ကျန်စစ်သားမင်း နန်းတက်တဲ့အခါ
သူမိဖုရားမြှောက်ခဲ့တဲ့သူဟာလည်း..
ပုဂံသူတစ်ယောက် မဟုတ်ပဲ
မွန်လူမျိုး တစ်ယောက်ဖြစ်တဲ့
မွန်မင်းသမီး ခင်ဦး ဖြစ်နေတာဟာ
သမိုင်းသင်ဖူးခဲ့သူအားလုံး
သိထားပြီးသားအချက်ပဲ ဖြစ်ပါတယ်။

၃....။

အာရှရဲ့ လူဦးရေ အများဆုံးနဲ့အကြီးဆုံး ဒီမိုကရေစီ နိုင်ငံကြီးကို ပြပါဆိုရင်..
အိန္ဒိယနိုင်ငံကိုပဲ ပြကြမှာပါ။
ဘာသာအမျိုးမျိုး ကွဲပြားမှု့
လူမျိုးအထွေထွေနဲ့
လူတန်းစား မတူညီမှု့ များစွာရှိတဲ့
အိန္ဒိယနိုင်ငံမှာ..
ဝန်ကြီးချုပ်ဟာ နိုင်ငံရဲ့ အာဏာအရှိဆုံးပါ။

အဲဒီလို အာဏာအရှိဆုံး
ဝန်ကြီးချုပ် ရာထူးကို ယူခဲ့သူတစ်ယောက်ရဲ့သားက
အီတလီ နိုင်ငံသူကို ယူခဲ့တဲ့အပြင်.
နောင်တချိန်မှာ ..
အဲဒီ အီတလီနိုင်ငံသူနဲ့ လက်ထပ်ပြိး
သားနှစ်ယောက်ရထားသူကိုယ်တိုင်တောင်
ဝန်ကြီးချုပ် အဖြစ် ဝင်ရောက် အရွေးချယ်ခံရင်းနဲ့
ဝန်ကြီးချုပ် ဖြစ်လာခဲ့တဲ့ အဖြစ်အပျက်ဟာ
ဒီမိုကရေစီ စနစ်ကို ကျင့်သုံးပြီး
အမှန်တကယ် တိုးတက်လာနေတဲ့
အိန္ဒိယနိုင်ငံမှာ အမှန်တကယ်ပဲ ရှိခဲ့ပါတယ်။

၎.....။

ကျွန်တော့်အဘိုးငယ်ငယ်က ..
သူ အရမ်းကြိုက်တဲ့ သူ.တစ်ယောက် ရှိပါတယ်တဲ့..
အဲဒီတစ်ယောက်ကို အဘိုး တစ်ယောက်ထဲက
ကြိုက်တာလားဆိုတော့လည်း မဟုတ်ပါဘူး။
အဘိုးပြောပြတာကတော့...
သူတို့ တနယ်လုံးမှာ ရှိတဲ့ လူပျိုတွေ အကုန်လုံး နီးပါး
အဲဒီတစ်ယောက်ကို ကြိုက်ကြတာလို့ ဆိုပါတယ်။

အဲဒီတစ်ယောက်ကလည်း ....
အသားအရေလေးက အစ.
မဖြူလွန်း မဝါလွန်း
ကြားထဲက ဆင်စွယ်နှစ်ရောင်။
မျက်တောင်လေးတွေက အစ ကော့နေပြီး
စိတ်သဘောကလည်း အလွန်ကောင်းတယ်လို့ ဆိုပါတယ်။

ဒီကြားထဲ..
အဲဒီခေတ်
မြို့ကျောင်းမှာ ၉ တန်းအထိ နေခဲ့ဖူးတော့
တနယ်လုံးမှာလည်း စာအတတ်ဆုံးလို့ ဆိုရမှာပါ။
မိဘတွေကလည်း
တနယ်လုံးမှာ အချမ်းသာဆုံးလို့ ပြောရမယ့် သူတွေဆိုတော့..
တွေးသာ ကြည့်ကြပေါ့။

ဒီလိုနဲ့ ..
တနယ်လုံးမှာ ရှိတဲ့ လူပျိုတွေ အကုန်လုံး နီးပါး ဝိုင်းကြိုက်ကြရင်း..
ကျွန်တော့်အဘိုးလည်း ကျွန်တော့အဘွားနဲ့ အိမ်ထောင်ကျပြီး အဖေ့ကိုမွေး။
အဘိုးသူငယ်ချင်းတွေ တော်တော်များများလည်း
အိမ်ထောင်တွေကျကြနဲ့.။
ဒါပေမယ့်..
သူတို့လည်း..
သူတို့ အရမ်းကြိုက်ခဲ့တဲ့သူဟာ
ဒီနယ်က ဘယ်သူနဲ့များ အိမ်ထောင်ကျ မလဲဆိုပြီး စောင့်ကြည့်နေကြတာပေါ့
လို့ ပြောပြပါတယ်။

တနေ့တော့.. .
သူတို့..
သတင်းတစ်ခု ကြားရတယ်တဲ့..။
အဲဒါကတော့...
သူတို့ကြိုက်ခဲ့တဲ့သူ
ယောက်ကျားယူသွားပြီဆိုတာပါပဲ။

အဲ့ဒါနဲ့..
ဘယ်သူနဲ့များ အိမ်ထောင်ပြုတာလဲ။
ကံထူးရှင်ဟာ ဘယ်သူလဲ။
အဲဒီတစ်ယောက်ကရော ဘယ်လို အရည်အချင်းတွေ ရှိလို့လဲလို့ စုံစမ်းကြည့်တဲ့အခါ
အားလုံးပဲ အံ့သြသွားရတယ်။

သူမ ယူလိုက်တဲ့သူဟာ
သူတို့နယ်သားမဟုတ်ပဲ
သူတို့နယ်မှာ စာရင်းငှါးအနေနဲ့ လာပြီးတော့ လုပ်ကိုင်နေရတဲ့သူ။
အရပ်ကပုပု
လက်ပြင်ကုန်းကုန်းနဲ့ ဆိုတော့..
အားလုံးက အံ့သြမယ် ဆိုလည်း အံ့သြလောက်တယ်လို့
အဘိုးက ခဏခဏ ပြောပြတယ် ။

အားလုံးရဲ့စိတ်ထဲမှာကလည်း
ဘယ်လိုလုပ်ပြီး ဒီလူနဲ့ ရပါလိမ့် ဆိုပြီး အရမ်းပဲ သိချင်ကြတယ်။

အဘိုးပြောပြတာက
သူတို့ရပြီး သိပ်မကြာဘူး။
စစ်တွေလည်း ဖြစ်ကြတော့ ..
ဟိုပြေး ဒီပုန်းနဲ့
အဲဒီမိသားစုတွေလည်း ထွက်ပြေးကြရင်း
စစ်ကြီးပြီးပေမယ့် သူတို့နယ်ကို ပြန်မလာကြတော့ဘူးတဲ့။

ဒီလိုနဲ့..
အဘိုးလည်း အသက်တွေ ကြီးလာလို့ ခြောက်ဆယ်ကျော် ခုနှစ်ဆယ်နားနီး။
တနေ့တော့..
ရွာမှာရှိတဲ့ ခလေးတွေအားလုံးကို ရန်ကုန်မှာနေတဲ့အလှူရှင်တစ်ယောက်က
အစစအရာရာ တာဝန်ယူပြီး လှူချင်ပါတယ်လို့
ရွာက ဆရာတော်ဆီမှာ လာလျှောက်..။
ဘကြီးဘုန်းကြီးကလည်း ရွာက ရပ်မိရပ်ဖတွေနဲ့ တွေ့ပေးမယ်ဆိုပြီး
အဘိုးတို့ကိုခေါ်တော့..
အဘိုးလည်း သွားတာပေါ့။

ဘုန်းကြီးကျောင်းပေါ်အရောက် မြင်လိုက်ရတာက
သူတို့ ထင်မှတ်မထားတဲ့သူ။
သူတို့ ငယ်ငယ်က ကြိုက်ခဲ့ဖူးတဲ့သူ။

ဒီလိုနဲ့ ...
ရှေးဟောင်းနှောင်းဖြစ်တွေ ပြောကြဆိုကြရင်း
သူ့ အမျိုးသား ဆုံးသွားတာ ၅ နှစ်လောက်ရှိပြီဆိုတဲ့အကြောင်း။
သား ၁ ယောက် ပဲ ရှိတယ် ဆိုတာကအစ ပြောဖြစ်ကြမှာပေါ့..
စကားပြောရင်း ဆိုရင်း..
ရင်းနှီး လာကြတော့..
အဘိုးက သူသိချင်တာတွေကို မေးတယ်နဲ့ တူပါတယ်။

အဘိုးမေးမှာကတော့..
အဲဒီတုန်းက
အဲဒီယောက်ကျားနဲ့ ဘယ်လိုလုပ်ပြီး ရတာလဲ..?
သူ့ကို ဘာလို့ လက်ခံလိုက်တာလဲ
ဆိုတာမျိုး နေမှာပါ။

ဒါပေမယ့်..
ပြန်ဖြေလိုက်တဲ့ သူရဲ့ အဖြေစကားကိုကြားတော့.
အားလုံးပဲ အံ့အားသင့်သွားကြတယ် လို့
ဆိုပါတယ်။ ..။

ဘာလို့ အံ့အားသင့်သွားကြတာလဲ..
သူမက ဘာဖြေလိုက်လို့လဲ..။
တကယ်တော့..
သူဖြေလိုက်တဲ့ အဖြေက
ကျွန်မတစ်သက်တာမှာ
ကျွန်မကို ရည်းစားစကားပြောပြီး
အဖြေတောင်းခဲ့သူဟာ သူတစ်ယောက်ပဲ ရှိခဲ့ပါတယ်။
ကျွန်မ အလွယ်တကူ အဖြေပေးခဲ့တာ မဟုတ်ပဲ
နှစိချီအောင် အချိန်ယူပြီးမှ ဖြေခဲ့တာပါရှင်တဲ့။

၅....။

ကျွန်တော်ရဲ့ အမြင်အရတော့..
ဒါ ဖြစ်နိုင်လောက်တယ်လို့ပဲ တွေးမိပါတယ်။
တခါတခါမှာ.
ချစ်နေကြပေမယ့်လည်း
ငါ့အနေအထားဆိုရင် မဖြစ်နိုင်ပါဘူးလို့ တွေးမိကြရင်း
ဖွင့်ပြောဖို့ တွန့်ဆုတ်နေခဲ့ကြမှာပါ။
ကျွန်တော့်အဘိုး ကိုယ်တိုင်လည်း ပါခဲ့မှာပါပဲ။
ယောက်ကျားလေးတွေကမှ စပြီး မပြောရင်
မိန်းခလေးတွေကရော ဘာလုပ်လို့ ရမှာလဲ။
ဖွင့်ပြောလာတဲ့သူကို
အနေအထားကိုကြည့်ပြီး လက်ခံယုံပဲ ရှိတော့တာ မဟုတ်လား။
သူတို့မှာ..
သူတို့ကြိုက်တာကို ပြောပ်ိုင်ခွင့် ရှိကြတာမှ မဟုတ်တာပဲ။

ဒါဆိုရင်..
ဒေါ်အောင်ဆန်းစုကြည် အနေနဲ့လည်း
သူရထားတဲ့ ဘွဲ့။
သူ့ရဲ့မိဘမျိုးရိုးဂုဏ် ။
သူရဲ့ နေမှု့ထိုင်မှု့နဲ့ အိနြေ္ဒရှိမှု့။
ပြီးတော့..
ဘဝရဲ့ ငယ်ရွယ်နုပျိုစဉ် အချိန်တွေ တော်တော်များများမှာ
နေရတာကအစ သူတပါးတိုင်းပြည်။

ဒီလိုလူမျိုးတစ်ယောက်ကို
နိုင်ငံခြားမှာပဲ ဖြစ်ဖြစ်
မြန်မာပြည်မှာပဲ ဖြစ်ဖြစ်
ဘယ်သူက ရည်းစားစကား ပြောရဲပါ့ မလဲ ။
ဘယ်သူတွေများ ပြောခဲ့မယ် ထင်လို့လဲ။
သင်..
ဆိုရင်ရော ပြောရဲပါ့ မလား။
ပညာအရည်အချင်းတွေနဲ့ အခြားအကြောင်းအရာတွေကို ဖယ်ထားလို့
ဗိုလ်ချုပ်သမီးဆိုတဲ့ ဂုဏ်နဲ့တင် တွေးကြည့်ရုံနဲ့ သိနိုင်နေပါပြီ။

၆....။

ဒီနေရာမှာ တချို့က
သူ့အကိုနဲ့ ယှဉ်ပြီး ပြောကြတယ်။
တကယ်တော့..
သူ့အစ်ကိုဆိုတာက ယောက်ကျားလေးပါ။
ယောက်ကျားလေးဆိုတာ ..
နိုင်ငံခြားမှာ မြန်မာမိန်းခလေးကို မြင်တာနဲ့
ကြိုက်မိသွားရင် ရင်းနှီးအောင်လုပ်။
ပြီးရင် သူ့ဆီကို ခဏခဏ သွားလည်။
နောက်ပိုင်း အခြေအနေကောင်းရင် ရည်းစားစကားပြော။
အရမ်းလွယ်ပါတယ်။
တခါ တခါ
အချို့လူတွေ ရေးကြတဲ့
သူ့အစ်ကိုတောင် မြန်မာ အမျိုးသမီးကို ယူခဲ့တာပဲ ဆိုတဲ့ အသုံးအနှုန်းတွေက
သူတို့ရဲ့ အပြည့်အဝ ဖြည့်မတွေးပေးတတ်တဲ့ အတွေးအခေါ်တွေကို ဖော်ပြနေသလိုပါပဲ။

၇......။

အိနြေ္ဒ သိက္ခာရှိတဲ့ မြန်မာ အမျိုးသမီးတစ်ယောက်က
သူ့ကိုမှ ..
မြန်မာအမျိုးသားတွေက ရည်းစား.စကား လာမပြော၊
ချစ်ကြောင်း ကြိုက်ကြောင်း လာမပြောခဲ့ရင်
သူ့အနေနဲ့ ဘယ်လိုလုပ်ပြီး မြန်မာ အမျိုးသားကို အဖြေပြန်ပေးမလဲ။
ဘယ်လိုလုပ်ပြီး မြန်မာ အမျိုးသားကို ယူမလဲ။

အချိန်တန် အရွယ်ရောက်လို့ မိသားစုလေးနဲ့ နေမှ သင့်တော်မယ့်အချိန်မှာ အသက်ကြီးလာရင်ဆိုတဲ့အတွေး..
နောင်ရေးအတွက် အတွေးတွေနဲ့
သူရွေးချယ်ခွင့် ရတာက်ိုပဲ ရွေးချယ်လိုက်ရတဲ့
အနေအထားမှာ သူ့ကို မှားတယ်လို့
ယူဆလို့ ရပါ့မလား။

ဒီနေရာမှာ တစ်ခုလေက် ထပ်ပြီး ပြောချင်တာက..
ဒေါ်အောင်ဆန်းစုကြည် ကိုယ်တိုင်လည်း
မြန်မာ အမျိုးသားကို ယူချင်ခဲ့မယ်လို့ ထင်ပါတယ်။
ဒါကြောင့်သာ..
မြန်မာမှု့ကို မြတ်နိုးတဲ့ စိတ်နဲ့
မြန်မာဝတ်စုံ ဝတ်ပြီးတော့ပါ မဂ်လာဆောင်ခဲ့တာ ဖြစ်မှာပါ။

၈.....။

တကယ်တော့..
သူ့ကို
လက်ထပ်ပါရစေလို့..တောင်းဆိုလာသူတွေထဲက
သူလက်ခံရွေးချယ်လိုက်သူဟာလည်း
ဗုဒ္ဓဘာသာ စစ်စစ် ဖြစ်ရုံမက
ပါဠိ ပါမောက္ခ ။

သားတွေကို ကိုယ်တိုင် ရှင်ပြုပေးရင်းနဲ့
သာသနာ့အမွေကို ခံယူစေခဲ့သူ။
အလှူရေစက် လက်နဲ့မကွာ အမြဲလှူဒါန်းခဲတဲ့သူ။
မြန်မာလူမျိုးတွေအတွက် မြန်မာနိုင်ငံအတွက်
နားလည်မှု ရှိစွာနဲ့ ဇနီးတစ်ယောက်လုံးကို
နှလုံးသား အနာခံပြီး ပေးဆပ်ခဲ့တဲ့သူ။
ဒီဘိုလူမျိုးက မွေးဖွားလာတဲ့သားသမီးတွေဟာ
မြန်မာနိုင်ငံနဲ့ မြန်မာလူမျိုးတို့ရဲ့ အပေါ်
ဘယ်လိုများ ဒုက္ခပေးမယ်လို့ ထင်နေကြလို့လဲ..။

မြန်မာနိုင်ငံမှာ မွေးဖွားသူချင်းယူထားတဲ့
စစ်အာဏာရှင်ကြီးနဲ့ သူ့သားသမီးတွေ
နိုင်ငံကို ဘယ်လို ဒုက္ခပေးခဲ့တယ်ဆိုတာမျိုးနဲ့ ယှဉ်ပြီး ကြည့်ကြစမ်းပါဗျာ။
သူတို့
၅၉(စ) နဲ့ မငြိပါဘူး။
ဒါပေမယ့် နိုင်ငံနဲ့ လူမျိုးကို ဘယ်လို အကျိုးပြုခဲ..
ဘယ်လို တိုးတက်အောင် လုပ်ပေးခဲ့လို့လဲ။

၉...။

နောက်တစ်ခုက သူမ အနေနဲ့
နိုင်ငံခြားသားကို ယူခဲ့ခြင်းက နိုင်ငံအတွက် ဘာများထိခိုက်သွားလို့လဲ။
ဘာသာအတွက် ဘာများ ထိခိုက်နေလို့လဲ။

စစ်အစိုးရရဲ့ ဖိနှိပ်မှု့အောက်မှာ
မပြောရဲ မဆိုရဲ
တနိုင်ငံလုံး ဒုက္ခရောက်နေတဲ့ အချိန်။
သူမကပဲ ရှေ့ကနေပြီး
ရဲရဲဝံ့ဝံ့ ပြောခဲ့ ဆိုခဲ့တာ မဟုတ်ဘူးလား။
မြန်မာပြည်သူတွေကို
ဒုက္ခတွင်းထဲမှာ မထားရက်ခဲ့နိုင်လို့
လင်ယောက်ကျား.သေဆုံးခါနီး အချိန်မှာတောင် မပြန်တော့ပဲ
လင်ယောက်ကျားထက်
ပြည်သူတွေကို ချစ်ပြခဲ့တဲ့သူ ဆိုတာရော မသိကြတာလား။
မမြင်ချင်ယောင် ဆောင်နေကြတာလား။
အမျိုးသမီး ဖြစ်တဲ့အတွက်
ကိုယ်တိုင် ဖွင့်ပြောခွင့် မရခြင်းရဲ့နောက်
နိုင်ငံခြားသားကို လက်ထပ်ခဲ့ရပေမယ့်
အဲဒီသူထက် ပိုပြီး
နိုင်ငံနဲ့ လူမျိုးကို ချစ်ကြောင်း ပြခဲ့တာကိုရော မမြင်ကြတော့ဘူးလား။

၁၀....။

နိုင်ငံနဲ့ လူမျိုးအတွက် ပညာရေးနဲ့ ကျန်းမာရေးက အစ
ဖောင်ဒေးရှင်းတွေ ထူထောင်ပေးပြီး သူတတ်နိုင်သမျှ လုပ်ပေးနေတဲ့သူ။
လုပ်ပေးခဲ့တဲ့သူ။
ဒီလိုလူမျိုးကို သမ္မတ မဖြစ်စေချင်ပဲ
တိုင်းတစ်ပါးသားနဲ့ ယူခဲ့တာကို အကြောင်းပြ
၅၉(စ) ဆိုပြီး..စစ်အာဏာရှင်တွေ စိတ်ကြိုက်
ထည့်သွင်းထားတဲ့ ဥပဒေကြီးနဲ့
ပြည်သူအများစုရဲ့ဆန္ဒကို လျစ်လျူရှုချင်နေတာဟာ တကယ်ရော ဒီမိုကရေစီ ဖြစ်ရဲ့လား။
ဒီမိုကရေစီ ဆိုတာ ဘယ်လိုလဲ
အိမ်နီးချင်း အိန္ဒိယနိုင်ငံကြီးကို ကြည့်လိုက်ပါ။

ဗုဒ္ဓဘာသာဝင်တွေများပြားတဲ့ နိုင်ငံကြီးမှာ
ဗုဒ္ဓရဲ့ တရားတော်တွေကို လက်ခံပေးပါ။
ဗုဒ္ဓဝင်တွေကို ဖတ်ရ ကတည်းက
နိုင်ငံရဲ့ အထွဋ်အထိပ်ဘုရင်ဟာ
တိုင်းတစ်ပါးသူနဲ့ ယူခဲ့သလို.
မြန်မာရာဇဝင်အစ ပုဂံပြည်ကြီးမှာကတည်းက
ကျန်စစ်သားမင်းကိုယ်တိုင် တိုင်းတစ်ပါးသူကို မိဖုရားမြှောက်ခဲ့တာလည်း
အထင်အရှား ရှိခဲ့ပြီးပါပြီ။

ဒါ့ကြောင့်.. .
ငါတို့စစ်အစိုးရကို ဦးဆောင်ဆန့်ကျင်ခဲ့တဲ့သူကို ဒီတစ်သက် သမ္မတ မဖြစ်စေရဘူးဆိုတဲ့ ရည်ရွယ်ချက်နဲ့ ..
ဘယ်ဒီမိုကရေစီနိုင်ငံမှာမှ မရှိတဲ့ ပုဒ်မ ၊
မြန်မာ့သမိုင်းစဉ်တလျှောက်လည်း
ဘယ်ဖွဲ့စည်းပုံ အခြေခံဥပဒေမှာမှ မရှိတဲ့
ပုဒ်မကြီးကို ဆုပ်ကိုင်ထားချင်နေကြတာဟာ.
အငြိုးအတေးကြီးပြီး
လက်နက်အားကိုးနဲ့.
လူမဆန်တဲ့ လုပ်ရပ်များကို
ဆက်လက် လုပ်ကိုင်နေချင်သူများသာ ဖြစ်ပါလိမ့်မည်ဟု ရေးသားရင်း..

ဘုန်းထက်ကြယ်

စင်ကာပူဝန်ကြီးချုပ် လီဆင်လွန်းဟာ ခုဆိုရင် အမေရိကန်ပြည်ထောင်စုကို ရောက် တုန်းရောက်ခိုက် နည်းပညာဌာနတွေကို မွှေနေပြီ။ ဆီလီကွန်တောင်ကြားလို့ခေါ်တဲ့ နည်းပညာရပ်ဝန်းကြီးကိုလည်း ရောက်အောင်သွားပြီး နည်းပညာရှင် ဂုရုကြီးတွေနဲ့ တွေ့ဖို့ ကြိုးစား၊ ကိုယ်ကလည်း စင်ကာပူနိုင်ငံမှာ ဘာတွေ လုပ်ဖို့ရှိတယ်ဆိုတာပြော၊ သူတို့ထံကလည်း နည်းနာခံယူ အလွန်ကြည်နူးဖို့ ကောင်းတဲ့ မြင်ကွင်းတွေပဲ။

လီဆင်လွန်းက သူ့နိုင်ငံမှာ အကောင်အထည်ဖော်မယ့် Smart Nation ဆိုတဲ့ စိတ်ကူးကို နည်းပညာရှင် တွေကို ပြောပြတယ်။ သူပြောတယ်ဆိုတာက သူ့နိုင်ငံမှာ နည်းပညာနဲ့ ပတ်သက်ပြီးတော့ ဘယ်လိုအခွင့်အလမ်းတွေ ရှိနေတယ်ဆိုတာကို နည်းပညာသူဌေးလေးတွေကို လိုက်ပြောပြနေတာ အကြောင်းရှိသပေါ့။ မကြာမီ သူ့နိုင်ငံမှာ ဘယ်လိုလာပြီး ရင်းနှီးမြှုပ်နှံမှုတွေ လုပ်နိုင်တယ်၊ အစိုးရက ဘယ်လို အားပေးအားမြှောက် ပြုနေ တယ် ဆိုတာကိုသူက အမေရိကရောက်တုန်း တစ်ချက်ခုတ် နှစ်ချက်ပြတ်လုပ်သွားတာ။

အမေရိကန်ပြည်ထောင်စုမှာ ဖေဖော်ဝါရီ ၁၅ ကနေ ၁၆ အထိ နှစ်ရက်တိုင် အာဆီယံနဲ့ အမေရိကန်ခေါင်း ဆောင်တွေ အထူးတွေ့ဆုံဆွေးနွေးပွဲတွေလုပ်မှာပါ။ အဲဒီလို နိုင်ငံ့ခေါင်းဆောင်တွေ တွေ့ဆုံဆွေးနွေးပွဲကို တက်ခဲ့တဲ့ ခေါင်းဆောင်တွေထဲမှာ အမေရိကန်က နည်းပညာရှင်တွေနဲ့ သွားရောက်တွေ့ ဆုံတဲ့ ခေါင်းဆောင် တွေ က နှစ်ဦးတည်းရှိတယ်။ စင်ကာပူ ဝန်ကြီးချုပ် လီဆင်လွန်းနဲ့ မလေးရှား ဝန်ကြီးချုပ် နာဂျစ် ရာဇတ် တို့ပဲဖြစ်ပါတယ်။ စင်ကာပူနဲ့ မလေးရှားဟာ အနာဂတ်မှာ ဘယ်လိုပုံစံနဲ့ သွားတော့မယ်ဆိုတာ ကြိုတင် ကြေညာပြီးသား ဖြစ်သွား သလိုပဲ ။

လီဆင်လွန်းဟာ နည်းပညာသမားတစ်ယောက်ဖြစ်ပါတယ်။ ကွန်ပျူတာ Code တွေလည်း ရေးနိုင်တယ်။ မနှစ်က မေလမှာ လီဆင်လွန်းဟာ Sudoku ကို ဘယ်လိုဖြေရှင်းရင်ရသလဲဆိုတဲ့ ကွန်ပျူတာ ပရိုဂရမ်တစ်ခုကို ရေးခဲ့သေးတယ်။

ခုလည်း အမေရိကန်ကိုရောက်ခိုက် သူတွေ့လိုက်တဲ့ပုဂ္ဂိုလ်တွေကိုကြည့်လိုက်ဦး။ Facebook က ဇပ်ကာဘတ်၊ Google က စီအီးအို ဆန်းဒါး ပီချိုင်း၊ Alphabet က အီးရစ် ရှမစ်တို့နဲ့တွေ့ခဲ့တာ။ Facebook နဲ့ Google တို့ကို တကူးတက သွားတွေ့တာရယ်၊ Google ကထုတ်ပြလိုက်တဲ့ မောင်းသူမဲ့ကားကို သဘောကျနေတာရယ်ကို ကြည့်ပြီး အနာဂတ် စင်ကာပူလမ်းကြောင်းဟာ နည်းပညာကို ဘယ်လိုပြောင်းတော့မယ်ဆိုတာ ခန့်မှန်းလို့ ရနေပါပြီ။

လီဆင်လွန်းဟာ အမေရိကကိုရောက်ခိုက် သူ့နိုင်ငံကနေ ဒီမှာလာပြီး အလုပ်လုပ်နေကြတဲ့ နည်းပညာရှင်တွေနဲ့ တွေ့ဆုံသွားတယ်။ မြန်မာနိုင်ငံက အကြီးအကဲဆိုသူတွေ ရောက်လာရင် သံရုံးမှာတွေ့ဆုံပြီး ကန်တော့တာခံတဲ့ ပုံစံတော့ မဟုတ်ဘူးဗျ။ ဟက်ကာစကွဲယားလို့ခေါ်တဲ့ နေရာမှာ ဒီလိုပဲ စုဝေးပြီး ဓာတ်ပုံ အရိုက်ခံလိုက်ကြတာ။ ဘယ်နိုင်ငံရောက်ရောက် နိုင်ငံတော်အကြီးအကဲလာရင် ကန်တော့ရမယ်ဆိုတာ အစဉ်အလာမဟုတ်ပါလားလို့ အဲဒီတော့မှပဲ သဘောပေါက်သလိုလို။

၁၆.၂.၂၀၁၆
ဆရာတင်ညွှန့်


အမေရိကန်ပြည်ထောင်စုမှာ နှစ်ရက်တိုင် ကျင်းပနေတဲ့ အာဆီယံထိပ်သီးခေါင်းဆောင်တွေနဲ့ အမေရိကန် သမ္မတ တွေ့ဆုံဆွေးနွေးပွဲကတော့ ဒီနေ့နောက်ဆုံးပါ။

ဒီဆွေးနွေးပွဲကို တက်လာတဲ့ အာဆီယံထိပ်သီးတွေထဲမှာ မထင်မရှားခပ်ကုတ်ကုတ်လေး ဖြစ်သွားရသူကတော့ မြန်မာနိုင်ငံက သမ္မတကိုယ်စား တက်ရောက်ခဲ့ရသူပေါ့။ ဒုသမ္မတ ဦးဉာဏ်ထွန်းက သမ္မတကိုယ်စား မြန်မာနိုင်ငံကနေ သွားတက်တော့ သူတို့ဆီက သတင်းစာတွေက “Lame Duck” လို့ သုံးသဗျ။ အဓိပ္ပာယ် ကတော့ နှစ်မျိုးထွက်တယ်။ အရည်အချင်းလည်းမရှိ၊ အောင်မြင်မှုလည်းမရှိသော ပုဂ္ဂိုလ်လည်း ဖြစ်နိုင်သလို၊ အစိုးရအဖွဲ့တစ်ဖွဲ့မှာ ပြုတ်လုဆဲ မကြာမီထွက်သွား ရတော့မယ့်သူလို့လည်း ဆိုနိုင်တယ်။ ဒုတိယအဓိပ္ပာယ် အနေနဲ့ AP သတင်းက သုံးလိုက်တာဖြစ်မယ်လို့ ယူဆရတာပဲ။

အမေရိကန်သမ္မတက အာဆီယံခေါင်းဆောင်တွေကို ဖိတ်လိုက်တော့ တက်ရောက်လာသူတွေအထဲမှာ အာဏာသိမ်းခေါင်းဆောင်၊ အကောင်းကြိုက် ဇိမ်ခံတတ်သူ၊ နှစ်ပေါင်း ၃၂ နှစ်ကြာအောင် တိုင်းပြည်ကို အုပ်စိုး ထားတဲ့ ဝန်ကြီးချုပ်၊ တစ်ချိန်က ပရိဘောဂအရောင်းသမား၊ ကွန်မြူနစ် ပေါ်လစ်ဗြူရိုအဖွဲ့ဝင်စစ်ပြန်၊ ဒေါ်လာ သန်း ၇၀၀ လောက်ဘုံးထားတဲ့ဝန်ကြီး အားလုံးနဲ့ လက်ဆွဲနှုတ်ဆက်ပြီး ပြုံးပြုံးလေး ဧည့်ခံခဲ့ပါတယ်။

အာဆီယံခေါင်းဆောင်တွေကို အမေရိကန်ပြည်ထောင်စုကဖိတ်ပြီး တွေ့ဆုံဆွေးနွေးတာ ဒါ ပထမဆုံးပဲဗျ။ ခေါင်းဆောင်တွေက စီးပွားရေးနဲ့ ကုန်သွယ်ရေး ပူးပေါင်းဆောင် ရွက်ရေးနဲ့ လုံခြုံရေးဆိုင်ရာ ကိစ္စတွေကို ဆွေးနွေး တိုင်ပင်ခဲ့တယ်လို့ဆိုပါ တယ်။ မြန်မာနိုင်ငံကတော့ ဘာတွေဆွေးနွေးခဲ့တယ်ဆိုတာ ဖော်ပြထားတာ မတွေ့ရပါဘူး။ ကိုယ့်နိုင်ငံ မျက်နှာငယ်ရတာတော့ အမှန်ပဲဗျ။

ဒီပွဲမှာ တကယ်လို့သာ ဒေါ်အောင်ဆန်းစုကြည် သွားတက်ခွင့်ရမယ်ဆိုရင် သမ္မတအိုဘားမား အလေး အထားဆုံး ဆက်ဆံခံရတဲ့သူဟာ ဒေါ်အောင်ဆန်းစုကြည်ဖြစ် မှာ သေချာတယ်။ ဘာကြောင့်လဲဆိုရင် အထက်မှာ ကျွန်တော်ပြောထားသလို အာဏာရှင်၊ ကွန်မြူနစ်၊ လူသတ်သမား၊ သူခိုးတွေကို ပြုံးပြီးတော့ လက်ဆွဲနှုတ် ဆက်နေရတာထက် မြန်မာပြည်မှာ လူထုဒီမိုကရေစီအောင်ပွဲခံနိုင်အောင် လုပ်နိုင်ခဲ့တဲ့ ဒေါ်အောင်ဆန်းစုကြည်ကို တန်ဖိုးထားပြီးလေးစားစွာ ဆက်ဆံခံရမှာ ကျိန်းသေပါတယ်။

ဒါပေမဲ့ဗျာ စစ်တပ်ထွက်တွေကလွဲရင် ဘယ်သူမှအရေးပါသူတွေလို့ မထင်တဲ့ တိုင်းပြည်မှာ ဒေါ်အောင်ဆန်းစုကြည်တစ်ယောက် သမ္မတဖြစ်ရေးကို အကြိတ်အနယ်ကြိုးစားနေရချိန်ဆိုတော့ ဒီလိုပွဲမျိုး ဘယ်သွားတက်နိုင်မှာလဲ။ အနေအထားအရကလည်း တက်ခွင့်မရှိသေးတော့ တို့နိုင်ငံ မျက်နှာငယ်စွာနဲ့ Lame Duck ဘဝရောက်ပြီး ကုတ်ကုတ်လေးဖြစ်ခဲ့ရပါတယ်။

ပြည်သူတွေက ကြည်ဖြူလို့ ရွေးကောက်တင်မြှောက်ပြီးတာတောင် စစ်တပ်နဲ့ သမ္မတဖြစ်ရေး ညှိနှိုင်းဆွေးနွေး နေရသေးတယ်ဆိုတာကိုက အလွန်ဘဝင်မကျစရာကောင်းတာပေါ့ဗျာ။ စစ်တပ်ကချုပ်ကိုင်ထားကို ဘယ်လိုမှ မလွန်ဆန်နိုင်ဘူးဆိုတဲ့ အပေါက်မျိုးရောက်အောင်လုပ်လေ မြန်မာဟာ ကမ္ဘာမှာ မျက်နှာငယ်လေပဲ။

ဒီတော့ စဉ်းစားကြပေါ့ဗျာ။ တိုင်းပြည်ဖွံ့ဖြိုးတိုးတက်ရေးနဲ့ ကမ္ဘာ့အလယ်မှာ မြန်မာလို့ ဂုဏ်ယူပြီး လက်မ မထောင်နိုင်အောင် အမျိုးမျိုး အနှောင့်အယှက်ပေးနေသူတွေဟာ ဘယ်သူတွေလဲဆိုတာ။

၁၆.၂.၂၀၁၆
ဆရာတင်ညွှန့်


၅၉(စ) ကို ဆိုင်းငံ့စရာ မလို..
ပယ်ဖျက်စရာ မလိုပဲနဲ့ ..
ပြည်သူအများစုက သမ္မတဖြစ်စေချင်တဲ့
လူထုခေါင်းဆောင်ဒေါ်အောင်ဆန်းစုကြည် သမ္မတ ဖြစ်နိုင်တယ်။

၅၉ စ ကိုမထိနဲ့ .
မီးပွင့်သွားမယ် ။
၅၉ စ ကို ပြင်မယ်ဆိုရင်လက်မခံဘူး။
အခြေခံ ဥပဒေအတိုင်းပဲ သွားရမယ်
စသဖြင့်..
ခုတလော အသံစုံအောင် ကြားနေရတယ်။

ဒါ့ကြောင့်လည်း
အဲဒီလို ပြောနေတဲ့သူတွေကို
ကြည့်လိုက်တော့..
ပြည်သူ့ဆန္ဒအရ
ပြည်သူက ရွေးချယ် တင်မြှောက်ထားတဲ့သူတွေ မဟုတ်ပဲ..
ပြည်သူ့ဆန္ဒကို မျက်ကွယ်ပြုပြီးမှ
မိမိကောင်းစားဖို့နဲ့..
ဲ့လူတစ်စုကောင်းစားဖို့အတွက်
လုပ်နေတဲ့သူတွေမှန်း သိလိုက်ရတယ်.။

ပြီးတော့..
သူတို့ကိုယ်တိုင်..
ဖွဲ့စည်းအုပ်ချုပ်ပုံ အခြေခံ ဥပဒေ
ပုဒ်မ ၁၂၁ အရ..
လွှတ်တော် ကိုယ်စားလှယ်ဖြစ်ခွင့်
မရှိသူတွေ ဖြစ်နေတာကိုလည်း
သိလိုက်ရတယ် ။

ဒါပေမယ့်..
နိုင်ငံရဲ့ လိုအပ်ချက်အရ ဆိုပြီး ..
ပုဒ်မ ၁၂၁ ( ည ) ရဲ့ အနောက်မှာ
ခြွင်းချက် ဆိုတဲ့ စာသားကိုထည့်။
ပြီးတာနဲ့ ..
ပြည်သူက မတင်မြှောက်ပဲ လွှတ်တော်အတွင်းမှာ ခပ်တည်တည်နဲ့ ဝင်ထိုင်ခွင့်
ရသွားခဲ့ကြတယ်။

ဒီနေရာမှာ တစ်ခုပြောချင်တာက..
ဥပဒေ ပုဒ်မ တခုကို သတ်မှတ်ပြဋ္ဌာန်းထား
သော်ငြားလည်း..
အဲဒီ ဥပဒေ ပုဒ်မ နဲ့
မလွတ်မကင်းဖြစ်နေတဲ့ အခြေအနေမျိုး
ပေါ်ပေါက်လာခဲ့ရင်..
အဲဒီပြဋ္ဌာန်းထားတဲ့ ဥပဒေ ပုဒ်မမှာ
ခြွင်းချက်ဆိုတဲ့..
နောက်ဆက်တွဲ စာသား ကို
ထည့်သွင်းပေးထားခြင်းအားဖြင့်
မူလထုတ်ပြန်ထားတဲ့ ဥပဒေ ရဲ့ အနှစ်သာရ
ဟာ ထိခိုက်ပျက်စီးမှု မဖြစ်ပေါ်စေတော့ပဲ
မလွတ်မကင်းဖြစ်ပေါ်နေတဲ့
အခြေအနေတခုဟာလည်း ဥပဒေနဲ့အညီ
အကျုံးဝင်သွားတာကို
တွေ့ရမှာဖြစ်တယ် ။

ဥပမာအားဖြင့်..
နိုင်ငံဝန်ထမ်းဖြစ်တဲ့ တပ်မတော်သားတွေ
လွှတ်တော်အမတ် ဖြစ်ခွင့် မရှိတဲ့
ပုဒ်မ ၁၂၁ ရဲ့ အနေအထားကို လေ့လာကြည့်ရင်..

ပုဒ်မ ၁၂၁ ။ အောက်ပါပုဂ္ဂိုလ်များသည်
ပြည်သူ့လွှတ်တော် ကိုယ်စားလှယ်အဖြစ်
ရွေးကောက်တင်မြှောက်ခံပိုင်ခွင့် မရှိစေရ ..
....
....
....
(ည) နိုင်ငံ့ ဝန်ထမ်း

လို့ ပြဆိုထားပြီး

လွှတ်တော်အတွင်း တပ်မတော်က နေရာယူချင်တဲ့အခါမှာတော့..
အဲဒီအနောက်မှာ
ခြွင်းချက် ။ ယင်းစကားရပ်သည် ဖွဲ့စည်းအုပ်ချုပ်ပုံ အခြေခံဥပဒေအရ ဖွဲ့စည်းသော လွှတ်တော်များနှင့်
့်အဖွဲ့အစည်းများတွင် ရွေးချယ်ခန့်အပ်ခြင်းခံရသည့် တပ်မတော်သားများ အပါအဝင် နိုင်ငံ့ဝန်ထမ်း များနှင့် မသက်ဆိုင်စေရ။
ဆိုပြီး ရေးသားထားတာကို တွေ့ရှိရပါတယ်။

ထို့အတူ..
ပုဒ်မ ၅၉( စ) ဟာ
ဒေါ်အောင်ဆန်းစုကြည်အတွက် ရည်ရွယ်ပြီး
ရေးဆွဲထားတာ ဟုတ်သည်ဖြစ်စေ..
မဟုတ်သည်ဖြစ်စေ...

လက်ရှိ မြန်မာနိုင်ငံရဲ့ လိုအပ်ချက် အရ..
တပ်မတော်သားတွေတောင်မှပဲ လွှတ်တော် အတွင်းမှာ နေရာယူ အမတ်လုပ်ခွင့်ရဖို့..
ပုဒ်မ ၁၂၁ ( ည ) မှာ
ခြွင်းချက် ဆိုတဲ့ စာသားကို ထည့်သွင်းထားနိုင်သေးရင်..

စစ်အစိုးရ အဆက်ဆက်
အသုံးမကျခဲ့မှု့တွေကြောင့်
နိုင်ငံနဲ့ပြည်သူ မွဲတေနေတဲ့အနေအထားမှာလည်း..
ဒေါ်အောင်ဆန်းစုကြည် ဟာ
နိုင်ငံတော် သမ္မတ ဖြစ်ကိုဖြစ်သင့်တဲ့..
လုပ်ကိုလုပ်သင့်တဲ့..
အခြေအနေတရပ် မှာ ရောက်ရှိနေပါတယ်။
ဒါမှသာ.
နိုင်ငံတကာရဲ့ ယုံကြည်မှု့နဲ့ အတူ
ရင်းနှီးမြုပ်နှံမှု့တွေ အလုံးအရင်းနဲ့
ဝင်ရောက်လာမှာ ဖြစ်ပြီး
ပြည်သူအများလည်း အလုပ်အကိုင် အခွင့်အလမ်းတွေ များပြားရင်းနဲ့ စားဝတ်နေရေး ပြေလည်မှု့တွေ ဖြစ်ပေါ်လာမှာ ဖြစ်ပါတယ်။
ဒါ့ကြောင့်
ပုဒ်မ ၅၉ ( စ ) ကိုလည့်း့ 
ပုဒ်မ ၁၂၁ ( ည ) လိုပဲ ခြွင်းချက်စာသားကို
ဥပဒေ နဲ့အညီ ထပ်ပြီး
ဖြည့်စွက်ပေးလိုက်ခြင်းအားဖြင့့့် 
၅၉( စ ) ကို မထိစေချင်တဲ့သူတွေ ၊ မပြင်စေချင်တဲ့သူတွေ
မဖျက်စေချင်တဲ့ သူတွေရဲ့အတွက်လဲ
အဆင်ပြေ သွားနိုင်သလို
ဥပဒေရဲ့ မူလအနှစ်သာရဟာလည်း
မပျက်မစီးပဲ တည်ရှိနေနှိုင်မှာ
ဖြစ်ပါတယ် ။

ဥပမာ..
ပုဒ်မ ၅၉ ။ (စ)
ခြွင်းချက်..
လွတ်လပ်ရေးဖခင်..
အမျိုးသားခေါင်းဆောင်ကြီးဗိုလ်ချုပ်အောင်ဆန်း၏ သမီး အရင်း ၊

ကမ္ဘာ့ ငြိမ်းချမ်းရေးနိုဘယ်လ်ဆုရှင်
ဒေါ်အောင်ဆန်းစုကြည် နှင့်
သက်ဆိုင်ခြင်း မရှိစေရ ဆိုတဲ့၊
စာသားကို ထပ်မံဖြည့်စွက်လိုက်ခြင်းအားဖြင့်
မူလ ၅၉ စ ရဲ့ အနှစ်သာရကို ဘယ်လိုမှ
မထိခိုက်စေနိုင်တော့သလို့့့ 

ထပ်မံဖြည့်စွက်လိုက်တဲ့
စာသားတခုချင်းစီရဲ့ အဆိုအရကလည်း
ဒေါ်အောင်ဆန်းစုကြည်ကလွဲပြီး
နောက်ထပ် အလားတူ မည်သူမျှပေါ်ထွက်
လာနိုင်စရာအကြောင်းမရှိတော့တဲ့
အဓိပ္ပါယ်တွေပဲဖြစ်လို့..
၅၉( စ )ကို အထိအခိုက်မခံစေလိုတဲ့သူတွေ
အတွက် နောင်ရေးအတွက် ရတက်မအေးနှိုင်
စရာ အကြောင်းလည်း လုံးဝမရှိတော့ပါဘူး။

ဒါကြောင့့့် 
၁၂၁ ။ ( ည ) ကို ခြွင်းချက်စာသားထည့်သွင်း
ထားသလို..
၅၉ ။ ( စ ) ကို ခြွင်းချက်စာသားထည့်သွင်းပေး
ခြင်းဟာ့့့ 
reasonable ကျပြီး
အခြေခံဥပဒေ နဲ့လည်း ညီညွတ်တယ်လို့
ပြောနိုင်ပါတယ် ။

ဒါဟာ..
ပယ်ဖျက်ခြင်းလည်း မဟုတ်သလို..
ဆိုင်းငံ့ ခြင်းလည်း မဟုတ်ပါဘူး။
ဒါဟာ နည်းလမ်း အကျဆုံး ပုံစံလည်း ဖြစ်ပါတယ်။
အကယ်၍
ဒီလို နည်းလမ်းတကျ
ဖြစ်စေနိုင်တဲ့ ...
ပုံစံမျိုးကိုတောင်မှပဲ လက်မခံနိုင်ပါဘူးလို့..
ပြောနေကြဦးမယ်ဆိုရင်တော့..
အဲဒီလိုလူတွေဟာ..
နိုင်ငံတိုးတက်မှာကို မလိုလားသူ..
ပြည်သူကို အခက်အခဲ အမျိုးမျိုးတွေ့စေရင်းနဲ့..
ဆင်းရဲတွင်းထဲမှာ နေစေချင်သူ..
ဒီမိုကရေစီ ရရှိရေးအတွက်
စစ်အစိုးရကို ဦးဆောင်တိုက်ပွဲ ဝင်ခဲ့သူ
ဒေါ်အောင်ဆန်းစုကြည်အား
အငြိုးအတေးဖြင့် သမ္မတ မဖြစ်စေလိုသူ..
ပြီးတော့..
သူတို့ကို ဆန့်ကျင်ခဲ့တဲ့
ပြည်သူတွေ အခက်အခဲ အမျိုးမျိုး တွေ့မှ
အာဏာကို ရေရှည် ဆုပ်ကိုင်ထားနိုင်လိမ့်မည်ဟု ထင်နေသူများသာ ဖြစ်ပါလိမ့်မည်ဟု ရေးသားရင်း.. ..

မှတ်ချက်..
စာသားများစွာအား
ကိုZawwin Hlaing. ဆီမှ ကူးယူဖော်ပြပါသည်။

ဘုန်းထက်ကြယ်

အဘခေတ်မှနေ အစ်မခေတ်ကို ကူးတဲ့ စပ်ကူး မတ်ကူး ကာလမှာ ဒါမျိုးတွေလည်း တွေ့ရ မြင်ရပါတယ်။ ငယ်ငယ်က ကလေးတွေ ရန်ဖြစ်သလို "ငါကျွေးတဲ့ မုန့် စားထားပြီးတော့ ငါနဲ့ မတည့်တဲ့ ကောင်ကို ဘာလို့ သွားရော တာလဲ" ဆိုတဲ့ အကွက်တွေပေါ့။ အသက်ကြီးလို့သာ လူကြီး ဖြစ်နေတာ။ စိတ်ဓာတ်က သူငယ်တန်းက မတက်ဘူး။
အဖွဲ့ချုပ်ရွေးချယ်ခံ လွတ်တော် ကိုယ်စားလှယ် များ စွမ်းရည်မြင့်တင်ရေး သင်တန်းများ ကိုတာဝန်ပေးချက် အရတာဝန်ခံ ဆောင်ရွက်ခဲ့ ပါတယ်
လွတ်တော်မတက်မှီ အပြီးစီစဉ် ရမှာမို့လို့ ချက်ချင်းစီစဉ်ရပါတယ်

သင်တန်းအတွက် ဦးတေဇ ကို ကျွန်တော် အကူအညီ တောင်းခဲ့ ပါတယ်

အဲ့ဒီ လို ကူညီပေးမှု အတွက် လက်ရှိအစိုးရ အဖွဲ့ က ဥိးတေဇ ကို အရေးယူခံရ. မယ်လို့ သတိပေး ခြိမ်းခြေက်ခဲ့ ပါတယ်

နေပြည်တော် သင်တန်းကာလ အတွင်းမှာ တင် သင်တန်းရပ်နား ဖို့ ( ရှင်းရှင်း ပြောရ ရင် မောင်းထုတ်ဖို့ ) လာရောက်ဖိအားပေးတယ် လို့ သိရှိရ ပါတယ်

မနေ့ က ပဲ နေပြည်တော် ရွေစံအိမ် ဟိုတယ် ကို သင်တန်းဖွင့် ခွင့် ပေး တဲ့ အတွက် မတန်မရာ လုပ်တယ် ဆိုတဲ့ ပုံစံ မျိုး အောက်ပါစာကိုထုတ်ခဲ့ ပါတယ်

မျိုးရန်နောင်သိန်း
၁၆ - ၂ - ၂၀၁၆
နေ့လည် ၁နာရီ ၄၉ မိနစ်


ဂျပန်ဝန်ကြီးချုပ်ရုံးခန်း ခေါင်မိုးပေါ်သို့ ရေဒီယိုသတ္တိကြွဓာတ် သဲပုလင်း ပါဝင်တဲ့ ဒရုန်းကို ဆင်းသက်စေခဲ့သူ အမျိုးသားတစ်ဦးအား တရားရုံးက ထောင်ဒဏ်ချမှတ်လိုက်ပါတယ်။

အသက် ၄၁ နှစ်အရွယ် ယာဆူအို ယာမာမိုတို အမည်ရှိ အမျိုးသားက နျူကလီးယား ယိုစိမ့်မှုဖြစ်ခဲ့တဲ့ ဖူကူရှီးယား ဓာတ်ပေါင်းဖို ပတ်ဝန်းကျင်ရှိ သဲတွေကို ပုလင်းတစ်လုံးအတွင်း ထည့်သွင်းကာ ဒရုန်းဖြင့် သယ်ဆောင်ပြီး ဝန်ကြီးချုပ် ရှင်ဇို အဘေးရဲ့ ရုံးခန်းခေါင်မိုးပေါ်သို့ ဆင်းသက်စေခဲ့တာ ဖြစ်ပါတယ်။

တိုကျိုတရားရုံးက ယာမာမိုတိုကို ထောင်ဒဏ် ၂ နှစ် ကျခံရန်နဲ့ ဆိုင်းငံ့ထောင်ဒဏ် ၄ နှစ် ပြစ်ဒဏ် ချမှတ်ခဲ့ပါတယ်။ တရားရုံး ပြစ်ဒဏ်အရ ယာမာမိုတိုဟာ လာမယ့် ၄ နှစ်အတွင်း ကောင်းမွန်စွာ နေထိုင်ပါက အကျဉ်းထောင်အတွင်း ကာလရှည်ကြာ ပြစ်ဒဏ်ကျခံရမှာ မဟုတ်ပါဘူး။

ယာမာမိုတိုဟာ ပြီးခဲ့တဲ့နှစ် ဧပြီလအတွင်းက ဝန်ကြီးချုပ်ရုံးခန်း ခေါင်းမိုးပေါ်ကို ဒရုန်း ဆင်းသက်စေခဲ့တာ ဖြစ်ပါတယ်။ ယာမာမိုတိုရဲ့ အကျိုးဆောင်ရှေ့နေက ၎င်းရဲ့ အမှုသည်မှာ အပြစ်မရှိကြောင်းနဲ့ နျူကလီးယားစွမ်းအင် အသုံးပြုမှုကို ဆန့်ကျင်ကန့်ကွက်ကြောင်း ဖော်ပြမှုတစ်ခုသာ ဖြစ်တယ်လို့ ပြောကြားခဲ့ပါတယ်။

============

Duwun


kachin-parliament-620.jpg
ဖေဖော်ဝါရီလ ၁၆ ရက်နေ့က ကချင်ပြည်နယ် လွှတ်တော်အစည်းအဝေး ကျင်းပနေစဉ်
Photo: Kyaw Myo Min/RFA

ပြီးခဲ့တဲ့ ဖေဖော်ဝါရီလ ၄ ရက်နေ့က မီးလောင်မှုကြောင့် နေအိမ်ပျက်စီးဆုံးရှုံးသွားကြတဲ့ ရှမ်းပြည်နယ်မြောက်ပိုင်း နမ့်ဆန်မြို့နယ်နဲ့ ဧရာဝတီတိုင်းဒေသကြီး လပွတ္တာမြို့နယ် တွေက မီးဘေးဒုက္ခသည်တွေအတွက် ကချင်ပြည်နယ်နဲ့ စစ်ကိုင်းတိုင်းဒေသကြီး လွှတ်တော်ကိုယ်စားလှယ်အားလုံးက တစ်ရက်စာနေ့တွက် စားရိတ်ကို ဒီကနေ့ လှူဒါန်းလိုက်ပါတယ်။

ကချင်ပြည်နယ်လွှတ်တော်ကိုယ်စားလှယ် ၅၃ ယောက်ရဲ့ တစ်ရက်စာ ချီးမြှင့်ငွေ ကျပ် ၂သောင်းစီကို စုပေါင်းပြီး ရရှိတဲ့ ငွေကျပ် ဆယ်သိန်းခြောက်သောင်းကို လှူဒါန်း တာဖြစ်တယ်လို့ မြစ်ကြီးနားမြို့နယ် ပြည်နယ်လွှတ်တော် ကိုယ်စားလှယ် ဦးနေဝင်း က ပြောပါတယ်။

"ဒီနေ့ ကျနော်တို့လွှတ်တော်ပုံမှန်အစည်းအဝေးမှာ မီးဘေးသင့်နေတဲ့ ရှမ်းပြည်မြောက်ပိုင်း၊ နမ့်ဆန်၊ ဧရာဝတီတိုင်း လပွတ္တာမြို့နယ် မီးဘေးအတွက်ကို ကျနော်တို့ ကချင်ပြည်နယ် လွှတ်တော်ကနေ ၁ဝ သိန်း ၆ သောင်းကို ကျနော်တို့အတည်ပြု လှူဒါန်းလိုက်ပါတယ်၊ မီးဘေးသင့်ပြည်သူတွေအတွက် ကျနော်တို့ များစွာစိတ်မကောင်းဖြစ်ရပါတယ်၊ ဒီထက်မက ပံ့ပိုးပေးနိုင်အောင်လည်း ကျနော်တို့ကြိုးစားပါမယ်"

အလားတူပဲ စစ်ကိုင်းတိုင်းဒေသကြီး လွှတ်တော်ကိုယ်စားလှယ် ၁၀၁ ဦးကလည်း ငွေကျပ်သိန်း ၂၀ ကျော်ကို မီးဘေးဒုက္ခသည်တွေအတွက် လှူဒါန်းဖို့ ဒီနေ့ကျင်းပတဲ့ လွှတ်တော်မှာ အတည်ပြုလိုက်ပါတယ်။

နမ့်ဆန် နဲ့ လပွတ္တာ မြို့နယ်တွေအပြင် တနင်္သာရီတိုင်းဒေသကြီး ပုလောမြို့နယ် ကျောက်က္ကာကျေးရွာ မှာလည်း ပြီးခဲ့တဲ့ရက်ပိုင်းက မီးလောင်မှုကြောင့် နေအိမ် ၃၀၀ ကျော် ပျက်စီးသွားပြီး လူဦးရေ ၁၈၀၀ ကျော် အိုးမဲ့အိမ်မဲ့ ဖြစ်နေပါတယ်။

မီးဘေးသင့်ဒေသတွေ ပြန်လည်ထူထောင်ရေးနဲ့ လတ်တလော စားဝတ်နေရေးအတွက် အစိုးရ၊ လွှတ်တော်နဲ့ လူမှုအဖွဲ့အစည်းတချို့က ကူညီကယ်ဆယ်ရေးလုပ်ငန်းတွေ ဆောင်ရွက်ပေးနေပါတယ်။

RFA
http://www.rfa.org/burmese/news/kachin-mp-donate-fire-refugees-02162016095949.html

 pharkant-machinery-620.jpg ဖားကန့်မြို့နယ် လုံးခင်းကျေးရွာအုပ်စု ဆန်ခါကျေးရွာအနီးက မှော်ပုံ တောင်ကြောမှာ ကုမ္ပဏီတွေက ဝှက်ထားတဲ့ ကျောက်တူးဖော်ရေးလုပ်ငန်းမှာအသုံးပြုတဲ့ စက်ယန္တရားများကို တွေ့ရစဉ်
Photo: Ko Tin Hlaing

ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စုမှာ ဆန္ဒပြနေတဲ့ ဒေသခံတွေကို ကျောက်တူးဖော်ရေး ကုမ္ပဏီတွေ၊ မြို့နယ်အုပ်ချုပ်ရေးအဖွဲ့နဲ့ ကျောက်မျက် တူးဖော်ရေးဌာန တာဝန်ရှိသူတွေ ဒီနေ့ တွေ့ဆုံညှိနှိုင်းရာ မှာ ဒေသခံတွေဘက်က ဆန္ဒပြမှုတွေကို ရပ်ဆိုင်းပြီး ကုမ္ပဏီတွေက မြေစာစွန့်ပစ်တဲ့ ကားတွေ ဖြတ်သန်းသွား လာခြင်းမပြုဖို့ ယာယီသဘောတူလိုက်ကြပါတယ်။

ဒေသခံတွေရဲ့တောင်းဆိုချက်ကို ကျောက်မျက်တူးဖော်ရေးဌာနက ပြည်ထောင်စု အစိုးရထံ တင်ပြပေးမှာဖြစ်တဲ့ အတွက် ပြေလည်မှုမရမချင်း ဆန္ဒပြတာတွေ ရပ်ဆိုင်းသလို ကုမ္ပဏီတွေဘက်က မြေစာစွန့်ပစ်တာတွေ ရပ်ဆိုင်းဖို့ သဘောတူ ခဲ့ကြတာလို့ ဆိပ်မူကျေးရွာအုပ်စုရဲ့ အမျိုးသားဒီမိုကရေစီအဖွဲ့ချုပ် ဥက္ကဌ ဦးရွှေသိန်းက ပြောပါတယ်။

"ပြည်သူဖက်ကလိုချင်တာကတော့ မြေစာသွန်ကားတွေ မသွန်ဖို့ဆိုပြီးတော့ တောင်းဆိုတယ်၊ သက်ဆိုင်ရာအာဏာပိုင်ဖက်ကတော့ မြေစာတွေကိုလုံးဝစွန့်ပစ်ဖို့ ကိစ္စကို ကျနော်တို့ဖက်ကနေပြီးတော့ ဆုံးဖြတ်ဖို့အဆင့်မရှိပါဘူးတဲ့၊ အထက်က ပြည်ထောင်စုအစိုးရကသာလျှင် သတ္တုတွင်းဝန်ကြီးဌာနဆီကို အစီရင်ခံရမယ် ဆိုပြီးတော့ အကြောင်းကြားပါတယ်၊ ကောင်းပြီ၊ ဒါဆိုခင်ဗျားတို့ဖက်က လုပ်မယ်ဆိုရင် သဘောတူညီမှုတစ်စုံတစ်ရာမရမခြင်းကတော့ မြေစာသွန်ခွင့်မပေးနိုင် ဘူးဆိုတာ ဖြစ်ပါတယ်၊ ဒီနေ့ညှိနှိုင်းမှုရဲ့ယာယီသဘောတူညီမှုအရ ဆန္ဒပြတဲ့နေရာကို ရုတ်သိမ်းလိုက်တာမှန်သော်လည်း ကုမ္ပဏီတွေမြေစာသွန်ခွင့်လုံးဝမပေး ပါဘူးဆိုပြီး ကတိကဝတ်နဲ့ နားလည်မှုယူခဲ့တာဖြစ်ပါတယ်"

ကျောက်စိမ်းတူးဖော်နေတဲ့ကုမ္ပဏီတွေအနေနဲ့ မြေစာစွန့်ပစ်တာတွေ မလုပ်ဖို့ အခုလ ၁၃ ရက်နေ့ကစပြီး ဖားကန့်မြို့နယ် ဆိပ်မူနဲ့ လုံးခင်းကျေးရွာအုပ်စု နှစ်ခု က ဒေသခံတွေဟာ မြေစာသယ်တဲ့ကားတွေ ဖြတ်သန်းသွား လာရာလမ်းတွေမှာ သပိတ်စခန်းတွေ ဖွင့်လှစ်ပြီး ဆန္ဒပြခဲ့တာဖြစ်ပါတယ်။

ကျေးရွာတွေအနီးမှာ မြေစာပုံတွေကို အမြင့်ကြီးစုပုံထားတာကြောင့် ဒေသခံတွေအတွက် အသက် အန္တရာယ် စိုးရိမ်ရသလို စည်းကမ်းမဲ့ မြေစာစွန့်ပစ် မှုတွေကြောင့် ရာသီဥတုဖောက်ပြန်ပြီး မိုးရာသီမှာ ရေကြီးရေလျှံ မှုတွေဖြစ်ပေါ်မှာကို ဒေသခံတွေက စိုးရိမ်နေကြပါတယ်။

ဆိပ်မူကျေးရွာအုပ်စုအတွင်းမှာရှိတဲ့ မှော်ခြံရပ်ကွက်က ကျောက်စိမ်းလုပ်ကွက်၊ စိုင်းအောင်ကျေးရွာအနီး က ကျောက်စိမ်းလုပ်ကွက်နဲ့ စိုင်းနောင်ရွာဟောင်း အနီးက ကျောက်စိမ်း လုပ်ကွက်တွေကို မြို့နယ်အထွေထွေ အုပ်ချုပ်ရေးဦးစီးဌာန၊ ကျောက်မျက်တူးဖော်ရေးဌာန၊ ကျောက်စိမ်းတူးဖော်ရေးကုမ္ပဏီတွေက တာဝန်ရှိသူ နဲ့ ဒေသခံတွေ ဒီနေ့ သွားရောက်ကြည့်ရှုခဲ့ကြပါတယ်။

ပြီးခဲ့တဲ့နှစ် နိုဝင်ဘာ ၂၁ ရက်နေ့က ဖားကန့်မြို့နယ် ဆိပ်မူကျေးရွာအနီးမှာရှိတဲ့ ကန်ခမ်လုပ်ကွက် မြေစာပုံပြိုကျ တာကြောင့် လူ ၁၁၄ ယောက် သေဆုံးခဲ့ပြီး မကြာခဏ မြေစာပုံပြိုကျမှုတွေ ဖြစ်ပွားနေတာဖြစ်ပါတယ်။

RFA
http://www.rfa.org/burmese/news/pharkant-protest-temporary-agreement-02162016090434.html


ဘိန်းခင်းတွေ
ဘိန်းခင်းတွေ

ကချင်ပြည်နယ် လူထုအခြေပြု မူးယစ်တိုက်ဖျက်ရေးအဖွဲ့ဟာ ကန်ပိုက်တီးမြို့ နယ်ခွဲက ဘိန်းခင်းတွေကို ဖျက်ဆီးဖို့ ပြင်ဆင်နေပြီး ဒီရက်ပိုင်းမှာ သွားရောက်ဖို့ ရှိနေပါတယ်။ လောလောဆည်မှာ ဘိန်းခင်း ပိုင်ရှင်တွေက လက်နက်တွေကိုင်ဆောင် စောင့်ဆိုင်းနေကြောင်း သတင်းရရှိထားသလို အစိုးရဖက်က လည်း လုံခြုံရေးလိုက်ပါ ဆောင်ရွက်မပေးတာကြောင့် နှစ်ဖက် တင်းမာလာမယ့် အနေအထား ရှိနေပါတယ်။ ဒီသတင်းကိုတော့ ဗွီအိုအေမြန်မာပိုင်းက ကိုမိုးဇော်က တင်ပြထားပါတယ်။

ကချင်ပြည်နယ် တ၀ှမ်းက လူထုအခြေပြု မူးယစ်တိုက်ဖျက်ရေးအဖွဲ့ဝင်တွေဟာ ဝိုင်းမော်မြို့နယ် ကန်ပိုက်တီးမြို့နယ်ခွဲက ဘိန်းခင်းတွေကို ဖျက်ဆီးဖို့အတွက် ၀ိုင်းမော်မြို့မှာ လူစုနေပြီး လာမယ့်ရက်တွေ အတွင်းမှာ ထွက်ခွာဖို့ ပြင်ဆင်နေတာဖြစ်ပါတယ်။

သွားရောက်ဖျက်ဆီးရမယ့် ဘိန်းခင်းတွေဟာ ဧက ၅ ထောင်ဝန်းကျင်လောက်ရှိပြီး လူ ၂ ထောင် ကျော် လောက်နဲ့ သွားရောက်ဖို့ ပြင်ဆင်နေတယ်လို့ ၀ိုင်းမော်မြို့နယ် လူထုအခြေပြု မူးယစ်တိုက်ဖျက်ရေး အဖွဲ့ခေါင်းဆောင် ဦးဇုန်းတိန်က အခုလို ပြောပါတယ်။

“ကျနော်တို့သွားမယ့်နေရာကတော့ ၀ိုင်းမော်မြို့နယ်၊ ကန်ပိုက်တီး မြို့နယ်ခွဲနေရာပေါ့နော်။ နေရာ ကတော့ မော်ချိတုန်းကျေးရွာတ၀ိုက်ရယ်၊ ကဇုန်ရွာပတ်ဝန်းကျင်ရယ်၊ ချင်းကိုင် ရွာ အဲဒီနေရာတွေပေါ့။ ဒေသခံတွေအပြောအရတော့ ၅၀၀၀ အဲဒီပတ်ဝန်းကျင်တော့ရှိတယ် လို့တော့ပြောတယ်။ ကျနော်တို့က အင်အားများများနဲ့ ဖျက်ဖို့ ၊ ကချင်ပြည်နယ် တနယ်လုံးပေါ့နော်။ ဒီမှာ လူစုနေတယ်။ အခုလောလောဆယ် ၂၀၀၀ တော့ကျော် သွားပြီ။”

ဒီကနေ့မနက်မှာ ၀ိုင်းမော်မြို့မှာ တည်းခိုဖို့ နေရာမလောက်တာကြောင့် အခြားကို လူအင်အားတချို့ ပြောင်းရွှေ့ရာမှာ ရဲတပ်ဖွဲ့က မသွားဖို့ တားမြစ်တာတွေ ရှိတယ် လို့လည်း ပြောပါတယ်။

လူထုအခြေပြု မူးယစ်တိုက်ဖျက်ရေးအဖွဲ့က ဘိန်းခင်းတွေ သွားရောက် ဖျက်ဆီးဖို့ ပြင်ဆင်နေချိန်မှာ ဘိန်းခင်းပိုင်ရှင်တွေကလည်း တားဆီးဟန့်တားဖို့ လမ်းခရီးကနေ လက်နက်နဲ့ စောင့်ဆိုင်းနေတယ်လို့ သတင်းရကြောင်းလည်း ဆက်ပြောပါတယ်။

“ဒီနေ့ ကျနော်တို့ ဒီမှာ ဘိန်းခင်းဖျက်ဖို့ လာတဲ့လူတွေကို သတိလာပေးတာကတော့ အခုကတော့ လက်နက်အပြည့်အစုံနဲ့ပေါ့နော်၊ ကတုတ်ကျင်းတွေတူးပြီးတော့မှ စခန်း ပုံစံနဲ့ စောင့်နေကြတယ်တဲ့။ လူအင်အားကတော့ ၂၀၀-၃၀၀ ရှိတယ်လို့တော့ပြောတယ်။”

ဘိန်းခင်းဖျက်ဆီးဖို့ သွားရောက်မယ့် ကန်ပိုက်တီးဒေသဟာ နယ်ခြားစောင့်တပ် အမှတ် ၁၀၀၃ နဲ့ ကချင်အထူးဒေသ ၁ က ပြည်သူ့စစ်တပ်ဖွဲ့တွေ အခြေစိုက် ထားတဲ့ဒေသလည်းဖြစ်တာကြောင့် ဟန့်တားဖို့ ပြင်ဆင်သူတွေဟာ အဲဒီ တပ်ဖွဲ့ တွေနဲ့ ဆက်စပ်မယ်လို့ သုံးသပ်တာတွေ ရှိနေပါတယ်။

ပြီးခဲ့တဲ့ လကလည်း ဘိန်းခင်းတွေဖျက်ဆီးဖို့ သွားရောက်ရာမှာ အခုလို ဟန့်တားဖို့ ပြင်ဆင်တာ တွေရှိခဲ့ တာကြောင့် ပြည်နယ်အစိုးရနဲ့ လုံခြုံရေး တပ်ဖွဲ့တွေကအဲဒီဒေသကို မသွားဖို့ ပန့်ကြား ခဲ့ပါတယ်။ အဲဒီနောက် မှာ မူးယစ် တိုက်ဖျက်ရေးအဖွဲ့တွေဟာ ချီဗွေဖက်ကိုသွားရောက်ခဲ့ကြပြီး ဒီရက်ပိုင်းမှာတော့ ကန်ပိုက်တီးဒေသ ဖက်ကို သွားရောက်ဖို့ ထပ်မံ စီစဉ်ကြတာဖြစ်ပါတယ်။

ဒီခရီးစဉ်မှာတော့ အစိုးရက လုံခြုံရေးပေးဖို့ စီစဉ်မပေးကြောင်း လူထုအခြေပြု မူးယစ်တိုက်ဖျက်ရေး အဖွဲ့က အကြံပေးအဖွဲ့ဝင် ကချင်နှစ်ခြင်းခရစ်ယာန်အဖွဲ့ချုပ်က အထွေထွေအတွင်းရေးမှုး ဒေါက်တာခလပ်ဆမ်ဆွန် က ပြောပါတယ်။

“ပထမမှာတော့ လုံခြုံရေးပါတယ်။ဒါပေမယ့် ဒီတခေါက်ကတော့ ဘယ်မှ မပေးနိုင်တော့ဘူး လို့ ပြောတယ်။ ကျနော်တို့ လူထုအခြေပြု မူးယစ်တိုက်ဖျက်ရေးမှာ KIA ပါတယ်လို့ သူတို့ယူဆတယ် ထင်တယ်။ သက်ဆိုင်ရာအာဏာပိုင် အဖွဲ့အစည်းက လုံခြုံရေး မပေးဘူး၊ ပါဝင်ခြင်းမရှိဘူးဆိုရင်လည်း ကျနော်တို့ကတော့ ဒီပြည်သူ့အသိစိတ်ဓါတ်နဲ့ ဆက်သွားမှာဖြစ်တယ်။ ဒီသွေးထွက်သံယို မဖြစ်အောင်တော့ ကျနော်တို့ ထိန်းသိမ်းထားပါတယ်။ ညှိနှိုင်းပြီးမှ မရဘူး ဆိုရင်လည်း ဒါတကမ္ဘာလုံးက ဘုံရန်သူအဖြစ်နဲ့ focus လုပ်နေတဲ့အရာကို ဘာကြောင့် တားဆီးမရသလဲပေါ့ ၊ ဒါ question တော့ဖြစ်သွားမှာပဲ။”

ပြီးခဲ့တဲ့လတွေအတွင်းကတော့ လူထုအခြေပြု မူးယစ်တိုက်ဖျက်ရေး အဖွဲ့ဟာကချင်ပြည်နယ်၊ ရှမ်းပြည်နယ် မြောက်ပိုင်းနဲ့ စစ်ကိုင်းတိုင်းဒေသကြီး ဟူးကောင်းတောင်ကြားဒေသက ဘိန်းခင်းဧက ၈ထောင်လောက်ကို ဖျက်ဆီးခဲ့ပြီ လို့လည်း ပြောပါတယ်။

ပြီးခဲ့တဲ့ ဒီဇင်ဘာလအတွင်းကတော့ ကချင်ပြည်နယ် တနိုင်းဒေသဖက်မှာ မူးယစ်ဆေးဝါး တိုက်ဖျက်ရေး အဖွဲ့တွေက ဘိန်းခင်းဖျက်ဆီးနေချိန်မှာ တူမီးသေနတ်နဲ့ ချောင်းမြောင်း ပစ်ခတ်တာကြောင့် အသက် ၁၉ နှစ်အရွယ် လူငယ်တဦး သေဆုံးခဲ့ရပါတယ်။

လက်ရှိအချိန်ဟာ ဘိန်းခင်းတွေ ရိတ်သိမ်းချိန်ဖြစ်ပြီး ဒီလကုန်လောက်ဆိုရင် အစေးထုတ်ယူတာတွေ ပြီးဆုံးတော့မှာ ဖြစ်တာကြောင့် ဘိန်းစိမ်းမထုတ်လုပ်နိုင်မီ ဘိန်းခင်းတွေ ဖျက်ဆီးဖို့ လိုအပ်နေ တာလည်း ဖြစ်ပါတယ်။

ကိုမိုးဇော်/VOA
http://burmese.voanews.com/content/kachin-poppy-destory-/3192954.html

အမေရိကန် အာဆီယံ ထိပ်သီးအစည်းအဝေး၊ ကယ်လီဖိုးနီးယားပြည်နယ် (ဖေဖေါ်ဝါရီလ ၁၅ ၂၀၁၆)
ဓါတ်ပုံ- မြန်မာသံရုံး (၀ါရှင်တန်)
အမေရိကန် အာဆီယံ ထိပ်သီးအစည်းအဝေး၊ ကယ်လီဖိုးနီးယားပြည်နယ် (ဖေဖေါ်ဝါရီလ ၁၅ ၂၀၁၆) ဓါတ်ပုံ- မြန်မာသံရုံး (၀ါရှင်တန်)

၂၀၁၅ ရွေးကောက်ပွဲရလဒ်ဖြစ်တဲ့ NLDအစိုးရသစ်ကို အာဏာလွှဲပြောင်းဖို့အဆင့်ရောက်ရှိနေပြီးဖြစ်တာကြောင့် အမေရိကန်ဘက်က မြန်မာအပေါ်ချမှတ်ထားတဲ့ ကုန်သွယ်ရေး ပိတ်ဆို့မှုအားလုံးကိုချွင်းချက်မရှိရုပ်သိမ်းပေးသင့်ကြောင်း ကာလီဖိုးနီးယားပြည်နယ် Sunnylands မှာကျင်းပနေတဲ့ အမေရိကန်-အာဆီယံ ထိပ်သီးညီလာခံမှာ တက်ရောက်နေတဲ့ မြန်မာအစိုးရကိုယ်စားလှယ်အဖွဲ့ဝင် ပြန်ကြားရေးဝန်ကြီး ဦးရဲထွဋ်က ဗွီအိုအေကို ပြောပါတယ်။

ဒုသမ္မတ ဦးဥာဏ်ထွန်းဦးဆောင်တဲ့ မြန်မာကိုယ်စားလှယ်အဖွဲ့အနေနဲ့ ထိပ်သီးညီလာခံမှာဆွေးနွေးတင်ပြမယ့် အဓိကအကြောင်းအရာတွေနဲ့ပတ်သက်လို့ မအင်ကြင်းနိုင်က ဆက်သွယ်မေးမြန်းရာမှာသူကအခုလိုစပြောပါတယ်။

ပထမတခုကတော့ အရင်တုန်းက မြန်မာနိုင်ငံဟာ အာဆီယံ-အမေရိကန်ဆက်ဆံရေးကို တာဝန်ခံပြီးဆက်ဆံပေးရတဲ့နိုင်ငံဖြစ်တာကြောင့် ဒါနဲ့ပတ်သက်လို့ အမေရိကန်-အာဆီယံနဲ့ ကျနော်တို့ဆွေးနွေးဖို့ရှိပါတယ်။ ဒုတိယကတော့ မြန်မာနိုင်ငံရဲ့ပြုပြင်ပြောင်းလဲရေး၊ ၂၀၁၅ ရွေးကောက်ပွဲကနေပေါ်ပေါက်လာတဲ့ အစိုးရအဖွဲ့သစ်ကို အာဆီယံနဲ့ အမေရိကန်က ဆက်ပြီးအကူအညီပေးဖို့၊ နောက်တခါ အမေရိကန်နိုင်ငံက ကျန်နေသေးတဲ့ပိတ်ဆို့မှုကိစ္စတွေကိုလည်း ဆက်ပြီးအမြန်ဆုံးရုတ်သိမ်းပေးဖို့ ဒါတွေကိုကျနော်တို့ဆွေးနွေးဖို့ရှိပါတယ်။

မေး။ ။ ဒီလို မြန်မာအပေါ်သီးသန့်ပိတ်ဆို့အရေးယူထားတာတွေကို အမေရိကန်ဘက်က ရုပ်သိမ်းပေးဖို့ ၀န်ကြီးတို့ ဘယ်လောက်အထိမျှော်လင့်ထားလဲရှင့်။

ကျနော်တို့ကတော့ မြန်မာနိုင်ငံမှာ မြန်မာပြည်သူတွေစီးပွားဖွံဖြိုးတိုးတက်ဖို့အတွက် အခြေအနေကောင်းတွေရနိုင်ဖို့အတွက် အတတ်နိုင်ဆုံးလုပ်တာပေါ့။ အဲဒီအခါမှာ အခုထက်ထိတော့ ကုန်သွယ်မှုနဲ့ပတ်သက်ပြီးအထူးအခွင့်အရေးလိုကိစ္စမျိုးတွေ၊ အဲဒီမှာ အမေရိကန်နိုင်ငံကချမှတ်ထားတာ ကျန်နေသေးတယ်၊ နောက်တခုက တချို့ပိတ်ဆို့မှုတွေကျတော့ ဆိုင်းငံ့တဲ့သဘောပဲရှိသေးတယ်။ အပြီးပိုင်ရုပ်သိမ်းတာမဟုတ်ဘူး။ ဒါပေမဲ့ ရွေးကောက်ပွဲရလဒ်တွေအရ မြန်မာနိုင်ငံက အသွင်ကူးပြောင်းရေးကို နောက်တဆင့်ရောက်သွားပြီဆိုတဲ့အချိန်မှာ ဒီအချိန်မှာ အမေရိကန်နိုင်ငံအနေနဲ့ မြန်မာပြည်သူတွေကို အကောင်းဆုံးကူညီနိုင်မယ့်နည်းလမ်းကတော့ ဒီစီးပွားရေးပိတ်ဆို့မှုတွေအားလုံးကို အကြွင်းမဲ့ရုပ်သိမ်းပေးတဲ့နည်းလမ်းက အကောင်းဆုံးနည်းလမ်းဖြစ်မှာပါ။

မေး။ ။ အဲတော့ မကြာခင်မြန်မာနိုင်ငံမှာလည်း အစိုးရသစ်ကိုအာဏာလွှဲပြောင်းတဲ့ကိစ္စတွေကလည်းဖြစ်လာတော့မှာဆိုတော့ အမေရိကန်ဘက်က ၀န်ကြီးတို့နဲ့တွေ့ဆုံတဲ့အခါမှာ အာဏာလွှဲပြောင်းရေးအပေါ် သူတို့အမြင်၊ သဘောထားတွေကိုဆွေးနွေးတာမျိုးရှိပါလားရှင့်။

အခုချိန်ထိတော့ ကျနော်တို့ဆွေးနွေးပွဲမစသေးတော့ မသိရသေးပါဘူး။ ဒါပေမဲ့ကျနော်ထင်ပါတယ်။ ရွေးကောက်ပွဲမတိုင်ခင်မှာရော၊ ရွေးကောက်ပွဲကာလမှာရော အမေရိကန်ကထိပ်တန်းပုဂ္ဂိုလ်တွေ မြန်မာနိုင်ငံကိုလာခဲ့ပြီးပြီဆိုတော့ ဒီငြိမ်းချမ်းစွာအသွင်ကူးပြောင်းရေးနဲ့ပတ်သက်လို့တော့ သူတို့ဘာသံသယမှာမရှိဘူးလို့ ကျနော်ထင်ပါတယ်။

မေး။ ။ အမေရိကန်ဘက်က သမ္မတဦးသိန်းစိန်ကို ထိပ်သီးညီလာခံလာဖို့ဖိတ်ခေါ်ခဲ့ပေမဲ့ ပြည်တွင်းအခြေအနေကြောင့် ညီလာခံတက်မယ့်အစီအစဉ်ကို ရုတ်တရက်ဖျက်သိမ်းလိုက်တဲ့အပေါ်မှာ အများကစိတ်ဝင်စားနေကြပါတယ်။ ဘာကြောင့်လဲဆိုတာကို ၀န်ကြီးရှင်းပြလို့ရမလားရှင့်။

အခုချိန်မှာတော့ သမ္မတကြီးအနေနဲ့ အင်မတန်မှနူးညံသိမ်မွေ့တဲ့ အသွင်ကူးပြောင်းရေးကာလအတွက် ပြင်ဆင်နေတဲ့အချိန်မှာ ပြည်တွင်းမှာနိုင်ငံရေးတည်ငြိမ်ဖို့ရော၊ နောက်တခါ ငြိမ်ဝပ်ပိပြားမှုအခြေအနေတွေရော ထိန်းသိမ်းနိုင်ဖို့အတွက် သူကိုယ်တိုင်ရှိဖို့လိုနေတယ်လို့ ဆုံးဖြတ်လိုက်တဲ့အတွက်ကြောင့် ဒီကိုမလာပဲနဲ့ နေပြည်တော်မှာနေတာပေါ့ဗျာ။ ဒီဆုံးဖြတ်ချက်ကိုလည်း အမေရိကန်ဘက်နားလည်နိုင်လိမ့်မယ်လို့ ကျနော်ယုံကြည်ပါတယ်။

မေး။ ။ အခုလို အမေရိကန်-အာဆီယံထိပ်သီးညီလာခံကို အမေရိကန်ပြည်ထောင်စုက အိမ်ရှင်အဖြစ်လက်ခံကျင်းပတဲ့အကြောင်းအရင်းတခုမှာ မြန်မာဘက်က ပြုပြင်ပြောင်းလဲရေးတွေဆောင်ရွက်လာတဲ့အပေါ်မှာ သူတို့ဘက်က ဖြေလျော့ပေးတဲ့အနေနဲ့ နှစ်ပေါင်းများစွာကြာပြီးမှ ပထမဆုံးအကြိမ်ကျင်းပတာလို့ပြောပါတယ်။ ၀န်ကြီးတို့ဘက်ကရော ဘယ်လိုသဘောထားရှိပါလဲရှင့်။

ပထမဆုံးကတော့ သမ္မတအိုဘားမားတာဝန်ယူပြီးတဲ့အချိန်မှာ သူရဲ့အာရှဆိုင်ရာမူဝါဒအပြောင်းအလဲအနေနဲ့ ၂၀၀၉ခုနှစ်ကစပြီး နှစ်ဘက်အာဆီယံ၊ အမေရိကန် အဆင့်မြင့်ဆွေးနွေးပွဲတွေစခဲ့တာပေါ့။ ဒီထိပ်သီးဆွေးနွေးပွဲမျိုးကတော့ ၂၀၁၃ကနေစပြီးတော့ ကျနော်တို့လုပ်ခဲ့တာ။ အခုအကြိမ်နဲ့ဆို လေးကြိမ်မြောက် ထိပ်သီးဆွေးနွေးပွဲပါ။ ဒါပေမဲ့ ထူးခြားချက်ကတော့ ပထမဆုံးအကြိမ် အမေရိကန်မြေပေါ်မှာကျင်းပတဲ့ အစည်းအဝေးဖြစ်တယ်။ ပြီးရင် အာဆီယံထိပ်သီးအစည်းအဝေးနဲ့မဆိုင်ပဲနဲ့ သီးခြားကျင်းပတဲ့အစည်းအဝေးလည်းဖြစ်တယ်။ ဒီထက်ပိုပြီးအရေးကြီးတာက ၂၀၁၅ ဒီဇင်ဘာမှာ တခုတည်းသောအာဆီယံ အသိုင်းအ၀ိုင်းအဖြစ်တည်ဆောက်ပြီးချိန်မှာ တွေ့ဆုံဆွေးနွေးတာဖြစ်တာကြောင့် ဒီဆွေးနွေးပွဲက အင်မတန်မှအရေးကြီးတဲ့ ပြောင်းလဲမှုတခုလို့ ကျနော်တို့ကမြင်ပါတယ်။

မေး။ ။ ဒီထိပ်သီးညီလာခံဟာ အာဆီယံဒေသတွင်း ကုန်သွယ်ရေးအပါအ၀င် အခြားကိစ္စရပ်တွေမှာ တရုတ်ထက်သာအောင် လက်ဦးမှုရယူလိုတဲ့အနေနဲ့ အမေရိကန်က ရည်ရွယ်ြပုလုပ်တယ်လို့ သုံးသပ်သူတွေရှိပါတယ်။ ဒီအပေါ်မှာ ၀န်ကြီးဘယ်လိုမြင်ပါလဲရှင့်။

အာဆီယံနိုင်ငံတွေအနေနဲ့ကတော့ ဒေသတွင်းဒီထက်ပိုပြီးကျယ်ပြန့်အောင် အရှေ့အာရှ တည်ငြိမ်အေးချမ်းရေးနဲ့ ဖွံဖြိုးတိုးတက်ရေးအတွက် အမေရိကန်ရော၊ တရုတ်ရော ပါဝင်ဖို့လိုတယ်လို့ ကျနော်တို့ကယုံကြည်တာပေါ့။ ဒါကြောင့်လည်း အမေရိကန်နိုင်ငံက အာရှမှာထဲထဲဝင်ဝင်ပါဝင်နေတာကို ကျနော်တို့ ကြိုဆိုတယ်။ တခုတော့ရှိတာပေါ့။ အာဆီယံနဲ့အမေရိကန်ဆက်ဆံမှုက တခြားနိုင်ငံတခုကိုထိန်းချုပ်ဖို့ဆိုတဲ့ဟာမျိုးကတော့ အာဆီယံအဖွဲ့က လက်ခံမှာမဟုတ်ဘူး။

မေး။ ။ ဒီနေ့နေ့လည်က သတင်းစာရှင်းလင်းပွဲမှာ သံအမတ်ကြီး Susan Rice ကပြောသွားပါတယ်။ အာဆီယံဒေသတွင်း လူ့အခွင့်အရေးတိုးတက်လာအောင် အမေရိကန်ဘက်က အလေးပေးဆောင်ရွက်သွားမယ်ဆိုပြီး သတင်းထောက်တွေကိုပြောသွားတော့ တဖက်မှာလည်း လက်ရှိမြန်မာနိုင်ငံရဲ့ လူ့အခွင့်အရေးအခြေအနေတွေကို ဝေဖန်မှုတွေရှိနေတယ်၊ အထူးသဖြင့် ဖမ်းဆီးထောင်ချနေတာ၊ တိုးတက်လာမှုမရှိဘူးဆိုပြီး ဝေဖန်နေတဲ့အပေါ် ၀န်ကြီးအနေနဲ့ ဘယ်လိုမြင်ပါလဲရှင့်။

ကျနော်တို့စပြီးပြုပြင်ပြောင်းလဲရေးလုပ်ခဲ့တဲ့ ၂၀၁၁ခုနှစ်က အခြေအနေနဲ့နှိုင်းယှဉ်ရင်ကြည့်ရင် မြန်မာနိုင်ငံက ဒီမိုကရေစီအသွင်ကူးပြောင်းရာမှာ၊ နောက် လူ့အခွင့်အရေးကိစ္စတွေကို အကောင်အထည်ဖေါ်ရာမှာရော အများကြီးတိုးတက်ပြောင်းလဲလာတာကိုတွေ့ရမှာဖြစ်ပါတယ်။ ပြဿနာဆိုတာကတော့ ဘယ်နေရမှာမဆို ဖြေရှင်းဖို့ ပြဿနာကတော့ရှိနေတာပေါ့ဗျာ။

အင်ကြင်းနိုင်/VOA
http://burmese.voanews.com/content/us-asean-summit-iv-u-ye-htut/3192664.html

ပြည်သူ့လွှတ်တော်။
ပြည်သူ့လွှတ်တော်။

ရှမ်းပြည်မြောက်ပိုင်း မှာဖြစ်ပွားနေတဲ့ တိုက်ပွဲများရပ်ဆိုင်းဖို့အတွက် အရေးကြီး အဆိုကို ဒီကနေ့လွှတ်တော်မှာ တင်သွင်းလိုက်ပါတယ်။ ဒီလိုတင် သွင်းတာနဲ့ ပတ်သက်ပြီး မနက်ဖြန်မှာ ဆက်လက်ဆွေးနွေးမှာပါ။ လက်ရှိဖြစ်နေတဲ့ တိုက်ပွဲတွေကြောင့် လူထောင်ပေါင်းများစွာ အိုးမဲ့အိမ်မဲ့ ထွက်ပြေးနေရပြီး ပြည်သူအချို့မှာလည်း အသတ်ခံရတဲ့ အထိ ဒုက္ခရောက်နေရကြောင်း လွှတ်တော်ကိုယ်စားလှယ်က ပြောပါတယ်။ ဒီသတင်းအပြည့်အစုံကို ဗွီအိုအေ မြန်မာပိုင်းက မေခ ကပေးပို့ထားပါတယ်။

ဒီကနေ့ လွှတ်တော်မှာ ရှမ်းတိုင်းရင်းသားများ ဒီမိုကရေစီအဖွဲ့ချုပ်က ကျောက်မဲ လွှတ်တော် ကိုယ်စားလှယ် ဦးစိုင်းထွန်းအောင် က အခုလိုတင်သွင်းခဲ့တာပါ။ လက်ရှိချိန်မှာ ရှမ်းပြည် မြောက်ပိုင်း ကျောက်မဲခရိုင်အတွင်းမှာ ရှမ်းပြည်ပြန်လည် ထူထောင်ရေးကောင်စီ RCSS/SSA နဲ့ တအောင်းအမျိုးသားလွတ်မြောက်ရေး တပ်မတော် TNLA တို့ နမ့်ခမ်းနဲ့ ကျောက်မဲတို့မှာ တိုက်ပွဲတွေ ပြင်းထန် နေရတာကြောင့် ဒေသခံပြည်သူတွေမှာ အိုးမဲ့အိမ်မဲ့ ထွက် ပြေးနေရပါတယ်။ ဒီအပေါ်မှာ အခုလို ဦးစိုင်း ထွန်းအောင် က အခုလို တင်သွင်း ခဲ့တာပါ။

“ကျောက်မဲမြို့နယ်အတွင်း စစ်ဘေးရှောင်လူဦးရေမှာ ၃၀၀ ကျော်ရှိပြီး ကယ်ဆယ်ရေးစခန်း စုစုပေါင်း ၁၇ ခုထိ ထားရှိခဲ့ ရပါတယ်။ ကျေးလက်နေပြည်သူ များ၏ အိုးအိမ် အသက်အန္တရာယ် စိုးရိမ်စွာ ရင်ဆိုင်ကြုံတွေ့နေရပါသဖြင့် ပလောင် ကိုယ်ပိုင်အုပ်ချုပ်ခွင့်ရဒေသနှင့် ကျောက်မဲမြို့နယ်အတွင်း အမြန်ဆုံးတိုက်ပွဲများ ရပ်ဆိုင်းနိုင်ရေးနှင့် စစ်ဘေးရှောင်ပြည်သူများ၏ လူမှုဒုက္ခများအား အမြန်ဆုံးဖြေရှင်းဆောင်ရွက်ပေးနိုင်ပါရန် နိုင်ငံတော်အစိုးရ၊ ရှမ်းပြည်နယ် အစိုးရများနှင့် သက်ဆိုင်ရာ အဖွဲ့အစည်းများအားလုံးအား တိုက်တွန်းကြောင်း အရေးကြီးအဆို တင်သွင်းအပ်ပါသည်။”

ဒီပြင် ကျောက်မဲလွှတ်တော်ကိုယ်စားလှယ် ဦးစိုင်းထွန်းအောင် က လက်ရှိမှာ ဒေသခံပြည်သူတွေမှာ ဖမ်းဆီးခံရမှုတွေ၊ သတ်ဖြတ်ခံရမှုတွေ ရှိနေကြောင်း၊ ဒီလို ဖြစ်နေမှုအပေါ်အမြန်ဆုံး အဖြေရှာဖို့လည်း တောင်းဆို လိုက်ပါတယ်။

ဒီလိုရောက်ရှိနေတဲ့ ဒုက္ခသည် တွေမှာ သက် ဆိုင်ရာ ပြည်နယ်အစိုးရတွေဘက် ကနေ အကူအညီရရှိမှုနည်းနေသေးပေမယ့် တပ်မတော်ဘက် ကတော့ နှစ်ဘက် တိုက်ပွဲတွေကြား ညပ်နေတဲ့ ပြည်သူတွေအပေါ် ကာကွယ်မှုတွေ လုပ်ပေးနေတယ်လို့ ဇီဝိတလူမှုဒုက္ခသည် ကူညီကယ်ဆယ်ရေးအဖွဲ့က ဦးတင်မောင်သိန်း ကအခုလိုပြောပါတယ်။

“လက်ရှိအနေအထားအရကတော့ တိုက်ပွဲတွေရပ်သွားဖို့ဆိုတာကတော့ မှန်းဆလို့ မရနိုင်သေးပါဘူး။ ဒုက္ခသည် လောလောဆယ် ကျနော်တို့ စာရင်းချုပ်ထားတာ ၃၁၀၁ ယောက်ရှိပါတယ်။ ကျနော်တို့ လက်တလောရနေတဲ့ သတင်း ကလည်း နောက်ထပ်ကျနော်တို့ဆီကို လာနေကြပါတယ်။ တပ်မတော်ကနေ တက်နိုင်သမျှဝင်ပြီးထိန်းလိုက်တဲ့အခါကျတော့ တိုးတက်မှုတွေဖြစ်ပါတယ်။ ဖြစ်တော့ တဘက် လက်နက်ကိုင်အဖွဲ့အစည်းက ဆုတ်သွားတယ်ပေါ့နော်။ ဆိုတော့ ရွာသူရွာသားတွေ အပြင်ကို ထွက်လာလို့ရပါတယ်ခင်ဗျ။ အဲလိုအနေအထားလေးတွေနဲ့ တပ်မတော်ကလည်း ကူညီပါတယ်။ အစိုးရဘက်ကတော့ ယနေ့အချိန်အထိတော့ ဘာမှ မကြားရသေး ပါဘူး။”

ရှမ်းပြည်နယ် အခြေစိုက် တိုင်းရင်းသား လက်နက်ကိုင် တပ်ဖွဲ့ ၂ ခုကြား ဖြစ်ပွားနေတဲ့ တိုက်ပွဲတွေက ပိုပြီး တင်းမာလာနေပါတယ်။ လနဲ့ချီ ဖြစ်ပွားနေတဲ့ နှစ်ဘက်တိုက်ပွဲတွေကြောင့် ထောင်နဲ့ ချီတဲ့ စစ်ရှောင် ဒုက္ခသည်တွေ အခက်အခဲ မျိုးစုံနဲ့ ရင်ဆိုင်နေကြရပါတယ်။အစိုးရနဲ့ အပစ်ရပ်လက်မှတ်ထိုးထားတဲ့ ရှမ်းပြည်ပြန်လည် ထူထောင်ရေး ကောင်စီ နဲ့ တအောင်း ပလောင် အမျိုးသားလွတ်မြောက်ရေးတပ် TNLA တို့အကြား ပြီးခဲ့တဲ့နှစ် နိုဝင်ဘာလကုန်ပိုင်းက စခဲ့တဲ့ တိုက်ပွဲတွေက အခုဆိုရင် ၃ လအတွင်းကို ၀င်ရောက်လာခဲ့ပြီ ဖြစ်ပါတယ်။ ပြီးခဲ့တဲ့ရက်ပိုင်းအတွင်းမှာတော့ ရှမ်းပြည်နယ်မြောက်ပိုင်း ကျောက်မဲမြို့ နယ်၊ နမ့်ခမ်းမြို့နယ်နဲ့ နမ့်ဆန်၊ မိုင်တုံ၊ ကွတ်ခိုင်စတဲ့ဒေသတွေမှာ နှစ်ဘက်တပ်တို့အကြား တိုက်ပွဲတွေက အတော်လေးကို ပြင်းပြင်းထန်ထန်ဖြစ်ပွားလာလို့ ထောင်ချီတဲ့ ရှမ်း၊ ပလောင်ဒေသခံပြည်သူတွေ စစ်ဘေးလွတ်ရာတွေဆီ ထွက်ပြေး နေရတာပါ။

နှစ်ဘက်တပ်တွေ ပြေလည်အောင် ဖြေရှင်းနိုင်ဖို့အရေး UNFC (ညီညွှတ်သော တိုင်းရင်းသားလူမျိုးများ ဖက်ဒရယ် ကောင်စီ) ဘက်က ကြားဝင်ဖြေရှင်းပေးဖို့ ကြိုးစားနေပြီးညှိုနှိုင်းမှုတွေလုပ်နေကြ ပေမယ့် တိကျတဲ့ အဖြေရလဒ်တော့ မရသေးပါဘူး။ လက်ရှိမှာ အဲဒီဒေသအခြေစိုက် လက်နက်ကိုင်အဖွဲ့တွေ ကပြည်သူလူထုတွေအပေါ် ညှင်းပမ်းနှိပ်စက်သတ်ဖြတ်မှုတွေရှိနေ တယ်ဆိုပြီး ဒေသတွင်း ထွက်ပေါ်နေတဲ့သတင်းတွေနဲ့ပတ်သက်ပြီးလည်း TNLA ဘက်က ကော RCSS/SSA တောင်ပိုင်းကကော ဒီအပေါ်ငြင်းချက်ထုတ်ပါတယ်။

လတ်တလောမှာတော့ရှမ်းပြည်နယ် မြောက်ပိုင်း ကျောက်မဲတိုက်ပွဲတွေကြောင့် ဒေသခံတွေ စစ်ဘေးလွတ်ရာ ထွက်ပြေး တိမ်းရှောင်နေရဆဲဖြစ်သလို မထွက်ပြေးနိုင်ဘဲ ရွာတွေထဲ ပိတ်မိနေတဲ့ ပြည်သူတွေလည်း ရှိနေတယ်လို့ ကူညီ ကယ်ဆယ်ပေးနေသူတွေကပြောပါတယ်။

မေခ/VOA
http://burmese.voanews.com/content/myanmar-parliament-regular-section-/3192913.html

 ဆေးရုံတွေကို တမင် ရည်ရွယ် တိုက်ခိုက်ခဲ့တာလို့ MSF အဖွဲ့က ပြော။
ဆီးရီးယား ဆေးရုံတွေကို ရုရှားက ဗုံးကြဲ တိုက်ခိုက် ခဲ့တာဟာ စစ်ရာဇဝတ်မှု ကျူးလွန်ခဲ့တာ ဖြစ်တယ် ဆိုပြီး စွပ်စွဲ ပြောဆို နေမှုတွေကို ရုရှားက'အကြွင်းမဲ့ ငြင်းဆိုတယ်' လို့ ပြောလိုက်ပါတယ်။

ကရင်မလင် ပြောခွင့်ရသူ ဒမစ်ထရီ ပက်စ်ကော့ဗ်က 'အဲဒီလို စွပ်စွဲ ပြောဆိုသူတွေဟာ သက်သေ အထောက်အထား မပြနိုင်တဲ့ သူတွေပါပဲ' လို့ ပြောပါတယ်။

တနင်္လာနေ့က ဆီးရီးယား မြောက်ပိုင်း၊ သူပုန် နယ်မြေထဲက ဆေးရုံပေါင်း အနည်းဆုံး ၄ ရုံနဲ့ စာသင်ကျောင်း တစ်ကျောင်းကို ဒုံးကျည်တွေနဲ့ ပစ်ခတ် တိုက်ခိုက်ခဲ့လို့ လူ ၅၀ လောက်အထိ သေဆုံး ခဲ့ရတာ ဖြစ်ပါတယ်။

ကုလ သမဂ္ဂ ကတော့ အဲဒီလို ဆေးရုံတွေနဲ့ ဆေးအဖွဲ့တွေကို တမင် ရည်ရွယ် တိုက်ခိုက်တာဟာ စစ်ရာဇဝတ်မှု မြောက်တယ်လို့ ပြောပါတယ်။

အဲဒီ တိုက်ခိုက်မှုတွေ အတွက် ရုရှားမှာ တာဝန်ရှိတယ်လို့ တူရကီ အပါအဝင် တခြား နိုင်ငံတွေက စွပ်စွဲ ကြပါတယ်။

တစ်ချိန်တည်းမှာ တူရကီ အရာရှိ တစ်ဦးက ဆီးရီးယားမှာ မြေပြင် တိုက်ပွဲတွေ ပြုလုပ်မယ် ဆိုရင် တူရကီရဲ့ မိတ်ဆွေ နိုင်ငံတွေနဲ့ ပြုလုပ်မှသာ ထောက်ခံမယ်လို့ အင်္ဂါနေ့က ပြောပါတယ်။

ငါးနှစ်နီးပါး ကြာလာတဲ့ ဆီးရီးယား စစ်ပွဲတွေကြောင့် လူ နှစ်သိန်းခွဲကျော် သေဆုံးခဲ့ရပြီး ဖြစ်သလို၊ ၁၁ သန်းကျော် နေရပ် စွန့်ခွာ ခဲ့ကြရပြီး ဖြစ်ပါတယ်။

BBC Burmese
http://www.bbc.com/burmese

အချင်း မီတာ ၅၀၀ ရှိတဲ့ ကမ္ဘာ့ အကြီးဆုံး တယ်လီစကုပ်ကို အခုနှစ်ထဲမှာ လုပ်ငန်း စမယ်လို့ ဆို။
တရုတ် နိုင်ငံမှာ တည်ဆောက် ထားတဲ့ ကမ္ဘာ့ အကြီးဆုံး ရေဒီယို တယ်လီစကုပ်ကြီး အနီးက လူပေါင်း တစ်သောင်း နီးပါးကို ပြောင်းရွှေ့ နေရာ ချထားဖို့ တရုတ် အစိုးရက စီစဉ် နေပါတယ်။

အနောက်တောင်ပိုင်း ကွမ်ကျိုး ပြည်နယ်မှာ ရှိတဲ့ အဲဒီ ဧရာမ တယ်လီစကုပ်ရဲ့ လျှပ်စစ် သံလိုက်လှိုင်းတွေနဲ့ အနှောင့်အယှက် မဖြစ်စေဖို့ အနီးအနားက နေထိုင်သူတွေကို ပြောင်းရွှေ့ပေးမှာ ဖြစ်တယ်လို့ ဆိုပါတယ်။

စကြဝဠာထဲက ဉာဏ်ရည်မြင့် သက်ရှိတွေကို ရှာဖွေရာမှာ ဒီ တယ်လီစကုပ်ကြီးက ပိုခရီးတွင် စေလိမ့်မယ်လို့ အဲဒီ ပရောဂျက်ရဲ့ ခေါင်းဆောင် သိပ္ပံပညာရှင်က တရုတ် သတင်းဌာနကို ပြောပါတယ်။

FAST လို့ အမည်ပေးထားတဲ့ အချင်း မီတာ ၅၀၀ (ပေ ၁၆၄၀) ရှိတဲ့ အဲဒီ တယ်လီစကုပ် ကြီးရဲ့ လုပ်ငန်းတွေကို အခုနှစ်ထဲမှာ စတင်မယ်လို့ ဆိုပါတယ်။ အရင်က ကမ္ဘာ အကြီးဆုံး ဖြစ်ခဲ့တဲ့ ပူတိုရီကိုက တယ်လီစကုပ်က အချင်း မီတာ ၃၀၀ သာ ရှိပါတယ်။

တယ်လီစကုပ်နဲ့ ၅ ကီလိုမီတာ အတွင်းက နေထိုင်သူပေါင်း ၉,၁၁၀ ကို အခုနှစ် စက်တင်ဘာလ မတိုင်မီမှာ ရွှေ့ပြောင်း နေရာချထား ပေးသွားမယ်လို့ ပြည်နယ် အရာရှိတွေက ကတိပြု ထားကြောင်း ဆင်ဟွာ သတင်းဌာနက ပြောပါတယ်။

BBC Burmese
http://www.bbc.com/burmese


မနေ့ဖေဖော်ဝါရီလ ၁၅ ရက်နေ့ ၂၀၁၆ခုနှစ် မွန်းလွဲ ၁နာရီလောက်မှာ နခွန်းပထုံခရိုင် စာလယာမြို့နယ် ဗုဒ္ဓမွန်ထွန်ဘုရားနယ်မြေအတွင်းမှာ ထိုင်းနိုင်ငံတစ်ဝှမ်း သံဃာတော်အပါးပေါင်း ၃၀၀၀၀ ခန့်နှင့် ဗုဒ္ဓဘာသာဝင်ဒကာ/မ များ စုရုံးဆန္ဒဖော်ထုတ်မှုပြုလုပ်ခဲ့ပါတယ်။ သံဃာ့မဟာနာယကဆရာတော်ခန့်ထားရန်အတွက် ရွေးချယ်ပွဲပြုလုပ်ခြင်း အစိုးရမှ သံဃာတော်ကို အုပ်ချုပ်မှုပေါ်လစီများ ပြောင်းလဲလိုခြင်းစသည်ဖြင့် စုရုံးဆန္ဒဖော်ထုတ်ရာမှာ စစ်တပ်အင်အားသုံးပြီး ၀င်ရောက်စစ်ဆေး ခဲ့တဲ့အတွက် နှစ်ဖက်ထိပ်တိုက်ရင်ဆိုင်ခဲ့ရကာ ရုန်းရင်းဆန်ခတ်အနည်းငယ်ဖြစ်ပွားခဲ့ပါတယ်။

ဗုဒ္ဓမွန်ထွန်ဘုန်းကြီးကျောင်းရဲ့ ၀င်ပေါက်ထွက်ပေါက်များကို စစ်တပ်က တင်းကြပ်စွာ စစ်ဆေးမှုတွေပြုလုပ်ခဲ့ပါတယ်။

စုရုံးဆန္ဒဖော်ထုတ်ရာမှာ တောင်းဆိုမှုအချက်ငါးချက်ထုတ်ပြန်ထားပါတယ် ၎င်းတို့မှာ

 ၁။ အစိုးရဘက်မှ သံဃာတော်၏အရေးကိစ္စများကို ၀င်ရောက်စွက်ဖက်ခြင်းမပြုရန်
 ၂။သံဃာတော်များနဲ့ပါတ်သက်သည့် ဆုံးဖြတ်ချက်တစ်ခုခုချရာမှာ အစိုးရဘက်မှ သံဃနာယကအဖွဲ့၏သဘောတူညီချက်ကို အရင်ရယူရန်
 ၃။ သံဃာနာယကရွေးချယ်ရန် သံဃာတော်များမှ အမည်စာရင်းတင်သွင်း ထားသော သံဃာ့ကိုယ်စားလှယ်များကို ၀န်ကြီးချုပ်လိုက်နာဆောင်ရွက်ပေးရန်။
၎။ အစိုးရမှ သံဃာတော်များကိုကြည်ညိုလေးစားသောမူဝါဒချမှတ်ပေးရန်နှင့် သံဃာတော်များကို တရားဥပဒေနှင့်ခြိမ်းခြောက်ခြင်း မပြုရန်
 ၅။ ထိုင်းနိုင်ငံကို ဗုဒ္ဓဘာသာနိုင်ငံတော်အဖြစ် ဖွဲ့စည်းပုံအခြေခံဥပဒေမှာ ပြဌာန်းပေးရန် စသည်တို့ဖြစ်ပါတယ်။
ဤတောင်းဆိုမှုအချက် ၅ချက်ကို အစိုးရအိမ်ဖြူတော်မှ ဒုဝန်ကြီးချုပ်မစ်စတာပ၀စ် ၀ုန်စုဝန်ထံ ချက်ချင်းသွားရောက်တင်ပြပြီး အကယ်၍လိုက်နာဆောင်ရွက်ပေးမှုမရှိပါက စုရုံးဆန္ဒဖော်ထုတ်မှုကို တပို့တွဲလပြည့်နေ့ မာဃပူဇာ နေ့အထိ ဆက်လက်ကျင်းပသွား မယ်လို့ဆိုပါတယ်။

MTF Channel
https://www.facebook.com/mtftv


    ရန်ကုန်၊ ဖေဖော်ဝါရီ ၁၆ ရက် (ဆင်ဟွာ)

    မြန်မာနိုင်ငံ၏ ဒုတိယအကြိမ် ပါတီစုံ အထွေထွေ ရွေးကောက်ပွဲကို ၂၀၁၅ ခုနှစ် နိုဝင်ဘာလ ၈ ရက်နေ့တွင် ကျင်းပခဲ့ပြီးနောက် ယနေ့ ၂၀၁၆ ခုနှစ် ဖေဖော်ဝါရီလ ၁၆ ရက်နေ့တွင် ရွေးကောက်ပွဲအပြီး ရက်ပေါင်း ၁၀၀ ပြည့်ခဲ့ပြီ ဖြစ်သည်။

ရက်ပေါင်း ၁၀၀ အတွင်း လွှတ်တော်
ပါတီစုံ အထွေထွေ ရွေးကောက်ပွဲ ကျင်းပသည့် ၂၀၁၅ နိုဝင်ဘာလ ၈ ရက် နောက်ပိုင်း ယနေ့ ၂၀၁၆ ခုနှစ် ဖေဖော်ဝါရီလ ၁၆ ရက်ထိ ရက်ပေါင်း ၁၀၀ အတွင်း အဓိက ကျသော အခန်းကဏ္ဍတစ်ခု ဖြစ်သည့် လွှတ်တော်တွင်း နိုင်ငံရေး အခင်းအကျင်းကို ပြည်တွင်း ပြည်ပက စိတ်ဝင်တစား လေ့လာ စောင့်ကြည့်လျက် ရှိသည်။
ဒုတိယအကြိမ် လွှတ်တော် သက်တမ်းကို ဖေဖော်ဝါရီလ ၁ ရက်တွင် စတင်ပြီး လွှတ်တော် ဥက္ကဋ္ဌ၊ ဒုတိယ ဥက္ကဋ္ဌ ရွေးချယ်ခဲ့ကာ နိုင်ငံတော် သမ္မတ ရွေးချယ်ရေး အတွက် မတ်လ ၁၇ ရက်တွင် အမျိုးသား လွှတ်တော် ကိုယ်စားလှယ် အစု အဖွဲ့၊ ပြည်သူ့ လွှတ်တော် ကိုယ်စားလှယ် အစုအဖွဲ့နှင့် တပ်မတော်သား လွှတ်တော် ကိုယ်စားလှယ် အစုအဖွဲ့ စသည့် သုံးဖွဲ့မှ ဒုတိယ သမ္မတလောင်းများ အမည်စာရင်း တင်သွင်းမည့် ရက်အဖြစ် ပြည်ထောင်စု လွှတ်တော်က သတ်မှတ်ခဲ့သည်။
နိုင်ငံတော် သမ္မတ ရွေးချယ်ပြီးလျှင် သမ္မတက တင်သွင်းရမည့် အစိုးရ အဖွဲ့ကို ရွေးချယ် အတည်ပြုခြင်းအား ဆက်လက် ပြုလုပ်မည် ဖြစ်သည်။

မတ်လ ၃၁ ရက်နေ့တွင် သမ္မတ ဦးသိန်းစိန် အစိုးရ အုပ်ချုပ်ရေး သက်တမ်း ကုန်ဆုံးပြီးနောက် သမ္မတအသစ်နှင့် အစိုးရ အဖွဲ့ အသစ်က အုပ်ချုပ်ရေး အာဏာ လွှဲပြောင်း ရယူမည် ဖြစ်သည်။
၂၀၁၁ ခုနှစ် ဇန်နဝါရီလ ၃၁ ရက်၌ စတင် အသက်ဝင်ခဲ့သော ပထမအကြိမ် လွှတ်တော် သက်တမ်းသည် ၂၀၁၆ ခုနှစ် ဇန်နဝါရီလ ၃၀ ရက်နေ့တွင် သက်တမ်း ကုန်ဆုံးကာ ဒုတိယအကြိမ် လွှတ်တော် သက်တမ်းကို ၂၀၁၆ ခုနှစ် ဖေဖော်ဝါရီလ ၁ ရက်နေ့က စတင်ခဲ့သည်။
ဒုတိယအကြိမ် လွှတ်တော် သက်တမ်း စတင်သည့်နေ့ ပထမနေ့၌ ပြည်သူ့ လွှတ်တော် ဥက္ကဋ္ဌ နှင့် ဒုတိယ ဥက္ကဋ္ဌများကို ရွေးချယ်ခဲ့ရာ ရွေးကောက်ပွဲ၌ အနိုင်ရ ပါတီ ဖြစ်သော အမျိုးသား ဒီမိုကရေစီ အဖွဲ့ချုပ်မှ တာမွေ မဲဆန္ဒနယ် ကိုယ်စားလှယ် ဦးဝင်းမြင့်အား ပြည်သူ့ လွှတ်တော် ဥက္ကဋ္ဌ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ကွတ်ခိုင် မဲဆန္ဒနယ်မှ ဦးတီခွန်မြတ်အား ဒုတိယ ဥက္ကဋ္ဌ အဖြစ် ပြည်သူ့ လွှတ်တော်က အတည်ပြု ခန့်အပ်ခဲ့သည်။
အမျိုးသား လွှတ်တော် ဥက္ကဋ္ဌ အဖြစ် အမျိုးသား ဒီမိုကရေစီ အဖွဲ့ချုပ်မှ ကရင်ပြည်နယ် မဲဆန္ဒနယ် အမှတ် (၈) ကိုယ်စားလှယ် ဦးမန်းဝင်းခိုင်သန်းနှင့် ဒုတိယ ဥက္ကဋ္ဌ အဖြစ် ရခိုင်အမျိုးသားပါတီမှ ရခိုင်ပြည်နယ် မဲဆန္ဒနယ် အမှတ် (၆) ကိုယ်စားလှယ် ဦးအေးသာအောင်ကို အတည်ပြု ခန့်အပ်ခဲ့သည်။
ဒုတိယ အကြိမ် ပြည်သူ့ လွှတ်တော်၏ ဖွဲ့ စည်းပြီးသော ကော်မတီ/ကော်မရှင်များမှာ ပြည်သူ့ လွှတ်တော် အမြဲတမ်း ကော်မတီ (၄) ရပ်ဖြစ်သော လွှတ်တော် အခွင့်အရေး ကော်မတီ၊ အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီ ၊ ဥပဒေကြမ်း ကော်မတီနှင့် ပြည်သူ့ ငွေစာရင်း ကော်မတီ တို့အပြင် ဥပဒေရေးရာနှင့် အထူး ကိစ္စရပ်များ လေ့လာ ဆန်းစစ် သုံးသပ်ရေး ကော်မရှင်ကို ဖွဲ့စည်းထားသည်။
ဒုတိယ အကြိမ် အမျိုးသား လွှတ်တော် အတွက် အမြဲတမ်း ကော်မတီ ၄ ရပ် ဖြစ်သော လွှတ်တော် အခွင့်အရေး ကော်မတီ ၊ အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီ၊ ဥပဒေကြမ်း ကော်မတီ နှင့် ပြည်သူ့ ငွေစာရင်း ကော်မတီတို့ကိုလည်း ဖွဲ့စည်းခဲ့သည်။
ဒုတိယအကြိမ် ပြည်ထောင်စု လွှတ်တော် ပထမပုံမှန် အစည်းအဝေးကို ဖေဖော်ဝါရီလ ၈ ရက်နေ့တွင် စတင်ကျင်းပခဲ့ပြီး ဖွဲ့စည်းပုံ အခြေခံ ဥပဒေအရ ပြည်ထောင်စု လွှတ်တော် နာယက အဖြစ် အမျိုးသား လွှတ်တော် ဥက္ကဋ္ဌ ဦးမန်းဝင်းခိုင်သန်းက ဆောင်ရွက်လျက် ရှိသည်။
ဒုတိယ အကြိမ် ပြည်ထောင်စု လွှတ်တော်တွင် ပြည်သူ့ ငွေစာရင်း ပူးပေါင်း ကော်မတီ ၊ လွှတ်တော် ကိုယ်စားလှယ် စိစစ်ရေး ကော်မတီနှင့် ဥပဒေကြမ်း ပူးပေါင်း ကော်မတီကိုလည်း ဖွဲ့စည်းခဲ့သည်။
ပြည်နယ်နှင့် တိုင်းဒေသကြီး လွှတ်တော်များလည်း ဖေဖော်ဝါရီလ (၈) ရက်နေ့တွင် စတင်ပြီး ဥက္ကဋ္ဌနှင့် ဒုတိယ ဥက္ကဋ္ဌများကို ရွေးချယ် တင်မြှောက်ခဲ့သည်။
ပုဒ်မ ၅၉ (စ) အဆို ဆိုင်းငံ့မှု အသံများ
နိုင်ငံတော် သမ္မတ အရည်အချင်း သတ်မှတ်သည့် ပုဒ်မ ၅၉ (စ) ဆိုင်းငံ့ရေးနှင့် ပတ်သက်သော အဆို တင်သွင်း ဆွေးနွေးမည့် အသံများ ဒုတိယအကြိမ် လွှတ်တော် ပြန်လည် စတင်ချိန်တွင် ထွက်ပေါ်လာသော်လည်း ယနေ့ချိန်ထိ အဆိုပါ ၅၉ (စ) နှင့် ပတ်သက်သော အရေးကိစ္စကို အနိုင်ရ ပါတီက လုပ်ဆောင်ခြင်း မရှိသေးပေ။
အဆိုပါ ပုဒ်မ ၅၉ (စ) ဆိုင်းငံ့မှု အဆို တင်သွင်းလာလျှင် တပ်မတော်သား လွှတ်တေ်ာ ကိုယ်စားလှယ်များ ဘက်က ၂၀၀၈ ဖွဲ့စည်းပုံ အခြေခံ ဥပဒေ အတိုင်း ဆောင်ရွက်သွားမည် ဖြစ်ကြောင်း ပြောကြားထားသည်။
အမျိုးသား ဒီမိုကရေစီ အဖွဲ့ချုပ်  (NLD) ဥက္ကဋ္ဌ ဒေါ်အောင်ဆန်းစုကြည် သမ္မတ ဖြစ်လာရန် အတွက် အတားအဆီး ဖြစ်နေသော ပုဒ်မ ၅၉ (စ) အပေါ် ပြည်သူများက စိတ်ဝင်စားလျက် ရှိသည်။
ဒုတိယ အကြိမ် ပြည်ထောင်စု လွှတ်တော် စတင်သည့် ပထမနေ့တွင် နိုင်ငံတော် သမ္မတ ဦးသိန်းစိန်က သဝဏ်လွှာ ပေးပို့ရာ အဆိုပါ သဝဏ်လွှာတွင် ဥပဒေ အသစ်များ ရေးဆွဲခြင်း၊ ပြင်ဆင်ခြင်းနှင့် ရုပ်သိမ်းခြင်းများ ပြုလုပ်ရာတွင် ၂၀၀၈ ဖွဲ့စည်းပုံ အခြေခံ ဥပဒေကို လေးစား လိုက်နာပြီး အလေးထား ဆောင်ရွက်ရန် ထည့်သွင်း ဖော်ပြထားသည်။
 ရက်ပေါင်း ၁၀၀ တွင်း အနိုင်ရ ပါတီ သမိုင်းဝင် တွေ့ဆုံမှု
၂၀၁၅ ရွေးကောက်ပွဲ ရလဒ်များ ထွက်ပေါ်လာချိန်တွင် အနိုင်ရပါတီ ဥက္ကဋ္ဌ ဒေါ်အောင်ဆန်းစုကြည်သည် နိုင်ငံတော် သမ္မတ ဦးသိန်းစိန်၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ပထမအကြိမ် ပြည်ထောင်စု လွှတ်တော် နာယက သူရ ဦးရွှေမန်းတို့နှင့် အသွင်ကူးပြောင်းရေး ချောမွေ့စေရေး အတွက် တွေ့ဆုံ ဆွေးနွေးခဲ့သည်။
အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် အငြိမ်းစား ဗိုလ်ချုပ်မှူးကြီး သန်းရွှေနှင့်လည်း ၂၀၁၅ ခုနှစ် ဒီဇင်ဘာလ ၅ ရက်နေ့တွင် တွေ့ဆုံကာ အာဏာလွှဲပြောင်းရေး ချောမွေ့စေရန် အတွက် ဆွေးနွေးခဲ့သည်။
၂၀၁၅ ပါတီစုံ အထွေထွေ ရွေးကောက်ပွဲ ယှဉ်ပြိုင်မှု ရလဒ်
မြန်မာနိုင်ငံ၏ ဒုတိယမြောက် ပါတီစုံ အထွေထွေ ရွေးကောက်ပွဲကို ၂၀၁၅ ခုနှစ် နိုဝင်ဘာလ ၈ ရက်နေ့တွင် ကျင်းပခဲ့ပြီး ရွေးကောက်ပွဲ၌ လွှတ်တော် သုံးရပ်၏ အမတ်နေရာ ၁,၁၅၀ အတွက် နိုင်ငံရေး ပါတီ ၉၁ ခုမှ ကိုယ်စားလှယ်လောင်း ၆,၀၃၈ ဦးသည် ပြည်သူ့လွှတ်တော် ၃၂၃ နေရာအတွက် ၁,၇၃၃ ဦး၊ အမျိုးသားလွှတ်တော် ၁၆၈ နေရာအတွက် ၈၈၆ ဦး၊ တိုင်းဒေသကြီး/ပြည်နယ် နှင့် တိုင်းရင်းသား လူမျိုးစုနေရာ ၆၅၉ နေရာ အတွက် ၃,၄၁၉ ဦး ဝင်ရောက် ယှဉ်ပြိုင်ခဲ့သည်။
အမျိုးသား ဒီမိုကရေစီ အဖွဲ့ချုပ် အနေဖြင့် လွှတ်တော် သုံးရပ်၌ ပြည်သူ့ လွှတ်တော်တွင် ၂၅၅ နေရာ၊ အမျိုးသား လွှတ်တော်တွင် ၁၃၅ နေရာ၊ တိုင်းဒေသကြီးနှင့် ပြည်နယ် လွှတ်တော်တွင် ၄၇၅ နေရာ၊ တိုင်းရင်းသား လူမျိုး ကိုယ်စားလှယ် ၂၁ နေရာ စုစုပေါင်း ၈၈၆ နေရာ အနိုင်ရရှိထားသည်။
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီအနေဖြင့် ပြည်သူ့ လွှတ်တော်တွင် နေရာ ၃၀၊ အမျိုးသား လွှတ်တော်တွင် ၁၁ နေရာနှင့် တိုင်းဒေသကြီး/ပြည်နယ်လွှတ်တော် ကိုယ်စားလှယ် ၇၄ နေရာ၊ တိုင်းရင်းသားလူမျိုး ကိုယ်စားလှယ် တစ်နေရာ စုစုပေါင်း  ၁၁၇ နေရာ အနိုင် ရရှိထားသည်။
ရခိုင်အမျိုးသား ပါတီအနေဖြင့် ပြည်သူ့ လွှတ်တော်တွင် ၁၂ နေရာ၊ အမျိုးသား လွှတ်တော်တွင် ၁၀ နေရာ၊ ပြည်နယ် လွှတ်တော်တွင် ၂၂ နေရာနှင့် ရန်ကုန်တိုင်း ဒေသကြီးတွင် ရခိုင်တိုင်းရင်းသား လူမျိုး ကိုယ်စားလှယ်တစ်နေရာ စုစုပေါင်း ၄၅ နေရာ အနိုင်ရရှိထားသည်။

ပထမအကြိမ် လွှတ်တော်၏ စိတ်လှုပ်ရှားဖွယ် အခိုက်အတန့်
အမျိုးသား ဒီမိ်ုကရေစီ အဖွဲ့ချုပ်က ကြိုးပမ်းခဲ့သော ဖွဲ့စည်းပုံ အခြေခံဥပဒေ ပြင်ဆင်ရေးနှင့် ပတ်သက်ပြီး ပထမ အကြိမ် ပြည်ထောင်စု လွှတ်တော်တွင် မဲခွဲဆုံးဖြတ်ရာ  ပုဒ်မ ၅၉ (စ) နှင့် ပုဒ်မ ၄၃၆ ပြင်ဆင်ရေးများ ရှုံးနိမ့်ခဲ့သည်။
၅၉ (စ)၊ ၄၃၆ အပါအဝင် ပုဒ်မများပြင်ဆင်ရေးမှာ အမြင့်ဆုံး ထောက်ခံမဲ ၃၈၀ ကျော် ရသည့်တိုင် ၇၅ ရာခိုင်နှုန်း မကျော်သဖြင့် ရှုံးနိမ့်ခဲ့သည်။
လွှတ်တော် ကိုယ်စားလှယ် တာဝန်မှ ပြန်လည် ရုပ်သိမ်းခြင်း ဆိုင်ရာ ဥပဒေကြမ်းကို လွှတ်တော်က မပြဋ္ဌာန်းဘဲ ဆိုင်းငံ့ခဲ့ခြင်းက အငြင်းပွားဖွယ်ရာ ဖြစ်ခဲ့သည်။ မဲဆန္ဒရှင် ပြည်သူ လူထု၏ ၁ ရာခိုင်နှုန်းက တိုင်တန်းနိုင်သည် ဟူသော အချက်ကို ထောက်ပြ၍ လွှတ်တော် ကိုယ်စားလှယ်များက ကန့်ကွက်သော်လည်း ကော်မရှင်ကမူ တိုင်တန်းချက်ကို မဲပေးပိုင်ခွင့်ရှိသူ အားလုံး၏ ထက်ဝက်ကျော် ဆန္ဒမဲဖြင့်သာ လွှတ်တော် ကိုယ်စားလှယ် အဖြစ်မှ ရုပ်သိမ်းရကြောင်း ပြန်လည် ချေပခဲ့သည်။
တစ်လင်တစ်မယား စနစ် ကျင့်သုံးခြင်းဆိုင်ရာ ဥပဒေ၊ မြန်မာ ဗုဒ္ဓဘာသာဝင် မိန်းမများ အထူးထိမ်းမြားခြင်း ဆိုင်ရာ ဥပဒေ၊ ကိုးကွယ်ရာဘာ သာကူးပြောင်းခြင်းဆိုင်ရာ ဥပဒေ၊ လူဦးရေ တိုးပွားနှုန်း ထိန်းညှိခြင်း ဆိုင်ရာ ကျန်းမာရေး စောင့်ရှောက်မှု ဥပဒေတို့ ကိုလည်း အတည်ပြုခဲ့ပြီး လူမှုရေး ကိစ္စများကို ဥပဒေပြုသည်ဟု ဝေဖန်မှုများ ရှိခဲ့သကဲ့သို့ ထောက်ခံမှုများလည်း အများအပြား ရှိခဲ့သည်။ အဆိုပါ မျိုးစောင့် ဥပဒေ လေးခုအနက် တစ်လင်တစ်မယား စနစ် ကျင့်သုံးခြင်း ဆိုင်ရာ ဥပဒေသည် သက်ရောက်မှု အရှိဆုံး ဖြစ်ခဲ့ပြီး အဆိုပါ ဥပဒေဖြင့် တရားစွဲမှု အများအပြား ပေါ်ပေါက်ခဲ့သည်။
ပြည်ထောင်စု လွှတ်တော် ပထမ သက်တမ်း အတွင်း ဥပဒေ ၂၂၉ ခု ပြဋ္ဌာန်း
၂၀၁၁ ခုနှစ်မှ ၂၀၁၆ ခုနှစ်အထိ ကျင်းပခဲ့သည့် ပြည်ထောင်စုလွှတ်တော် အစည်းအဝေးတွင် ဥပဒေ စုစုပေါင်း ၂၂၉ ခု ပြဋ္ဌာန်းနိုင်ခဲ့ကြောင်း၊ အသစ်ပြဋ္ဌာန်းသည့် ဥပဒေ ၁၀၉ ခု ရှိပြီး ပြင်ဆင်ပြဋ္ဌာန်းသည့် ဥပဒေပေါင်း ၁၀၃ ခုရှိ၊ ပြန်လည်ရုပ်သိမ်းသည့် ဥပဒေပေါင်း ၁၇ ခုရှိသည်။
ပြည်ထောင်စု လွှတ်တော်တွင် ဆောင်ရွက်ရန် ကျန်ရှိခဲ့သည့် ဥပဒေကြမ်း ၂၃ ခုတွင် ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေကို ပြင်ဆင်သည့် ဥပဒေကြမ်းတွင် ပုဒ်မ ၄၃၆၊ ပုဒ်မခွဲ (က) နှင့် စပ်လျဉ်းပြီး ပြည်ထောင်စု လွှတ်တော်တွင် ဆွေးနွေး ဆုံးဖြတ်နိုင်ရန် အတွက် ပြည်ထောင်စု လွှတ်တော် နာယကက ဥပဒေကြမ်း ပူးပေါင်း ကော်မတီအား လေ့လာ သုံးသပ်ရန် ညွှန်ကြားခဲ့ကြောင်း၊ ပြင်ဆင်ရန် တင်သွင်းသည့် ပုဒ်မ၊ ပုဒ်မခွဲ ခြောက်ခုအနက်မှ ပုဒ်မ ၅၉ ပုဒ်မခွဲ (ဃ) တစ်ခုသာ ထောက်ခံဆန္ဒမဲ ၅၅၀ ကျော်ဖြင့် အတည်ပြုနိုင်ခဲ့သည့် အတွက် ၇၅ ရာခိုင်နှုန်းကျော် ထောက်ခံမဲဖြင့် ဆက်လက် ဆောင်ရွက်နိုင်ရန် အတည်ပြုခဲ့ကြောင်း ဥပဒေကြမ်း ပူးပေါင်း ကော်မတီက ပြောကြားသည်။

ဥပဒေကြမ်းများတွင် လွှတ်တော် ကိုယ်စားလှယ် တာဝန်မှ ပြန်လည် ရုပ်သိမ်းခြင်းဆိုင်ရာ ဥပဒေကြမ်း၊ ပြည်ထောင်စု အစိုးရအဖွဲ့ ဥပဒေကို ပြင်ဆင်သည့် ဥပဒေကြမ်း၊ စက်မှုလုပ်ငန်း ဥပဒေကြမ်း၊ အစိုးရ အောင်ဘာလေထီ ဥပဒေကြမ်း၊ အကျဉ်းထောင်များ ဥပဒေကြမ်း၊ ပုဂ္ဂလိက ပညာရေး ဥပဒေကြမ်း၊ ဖွဲ့စည်းပုံ အခြေခံဥပဒေကို ကာကွယ် စောင့်ရှောက်ရေး ဥပဒေကြမ်း၊ အခြေခံပညာရေး ဥပဒေကြမ်း စသည်ဖြင့် ဥပဒေကြမ်း ၂၂ ခု ကျန်ရှိခဲ့ကြောင်း ပူးပေါင်းကော်မတီ၏ အစီရင်ခံစာအရ သိရသည်။

 ဥပဒေကြမ်း ပူးပေါင်း ကော်မတီ အနေဖြင့် ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး လွှတ်တော် သို့မဟုတ် ပြည်နယ် လွှတ်တော် ဥပဒေများကို ပြင်ဆင်သည့် ဥပဒေများတွင် ဖွံ့ဖြိုးရေး ရန်ပုံငွေ ကျပ်သိန်း ၁,၀၀၀ သုံးစွဲနိုင်ရန် အတည်ပြုနိုင်ခဲ့ကြောင်း၊ နိုင်ငံ့ဝန်ထမ်းများ၏ အခွင့်အရေးများ ပိုမို ခံစားနိုင်စေရန် ဆောင်ရွက်ချက်များနှင့် ဥပဒေနှစ်ခုကို ပြဋ္ဌာန်းပေးနိုင်ခြင်း၊ အလုပ်သမားများ၏ အခွင့်အရေး ကာကွယ်စောင့်ရှောက်သည့် ဥပဒေကိုးခုကို ပြဋ္ဌာန်းပေးနိုင်ခြင်း၊ တောင်သူလယ်သမားများ၏ အခွင့်အရေး ကာကွယ်စောင့်ရှောက်ရေးနှင့် အကျိုးစီးပွား မြှင့်တင်ရေးကို ဆောင်ရွက်ပေးသည့် ဥပဒေနှစ်ခုကို ပြဋ္ဌာန်းပေးနိုင်ခြင်း၊ တိုင်းရင်းသား လူမျိုးများ၏ အခွင့်အရေး ကာကွယ်စောင့်ရှောက်သည့် ဥပဒေကို ပြဋ္ဌာန်းပေးနိုင်ခြင်း၊ ပညာရေးကဏ္ဍကို အထောက်အကူ ဖြစ်စေမည့် ဥပဒေလေးခုကို ပြဋ္ဌာန်းပေးနိုင်ခြင်း စသည်ဖြင့် ဆောင်ရွက်နိုင်ခဲ့ကြောင်း ဥပဒေကြမ်း ပူးပေါင်းကော်မတီ၏ အစီရင်ခံစာတွင် ဖော်ပြထားသည်။

(Xinhua)
http://www.xinhuamyanmar.com