02/19/16


ဖေဖော်ဝါရီလ ၁၈ ရက်နေ့ မနက်ပိုင်းက ပဲခူးတိုင်း ဒေသကြီး က အဋ္ဌမတန်း ကျောင်းသား တွေဖြေဆိုရတဲ့ အတန်းတင် စာမေးပွဲ မေးခွန်း တစ်ခုမှာ တရုတ်ပြည်သူ့ သမ္မတ မြန်မာနိုင်ငံတော် လို့ ဖော်ပြထားတဲ့ အတွက် ကြောင့် ကျောင်းသား မိဘတွေက မကျေမနပ် ဖြစ်နေကြပါတယ်။

ပဲခူးတိုင်း ဒေသကြီး ပညာရေးမှူးရုံးက ထုတ်တဲ့ ၂၀၁၅-၂၀၁၆ ပညာသင်နှစ် အတွက် ဖေဖော်ဝါရီလ ၁၈ ရက်နေ့ မနက်မှာ ဖြေဆိုရတဲ့ အဋ္ဌမတန်း ပထဝီဝင် မေးခွန်း လွှာ ပထဝီ ဘာသာရပ်မေးခွန်း မှာ ဖော်ပြထားတာ ဖြစ်ပါတယ်။

အဆိုပါ မေးခွန်းလွှာရဲ့ တစ်မှတ်တန် မေးခွန်းမှာ တရုတ်ပြည်သူသမ္မတ မြန်မာနိုင် ငံမှာ အများစု နေထိုင်တဲ့လူမျိုးတွေကြောင်းဖြေဆိုပါ ဆိုပြီး မှားယွင်း ခဲ့တာ ဖြစ်ပါ တယ်။

ပဲခူးတိုင်း အတွင်းမှာ ရှိတဲ့ မြို့နယ် ၂၈ မြို့နယ်မှာ မေးခွန်းတွေ ဝေငှ ခဲ့တာ ဖြစ်ပြီး မြန်မာ နိုင်ငံဟာ တရုတ် ရဲ့ လက်အောက်ခံ ပြည်နယ်မျိုး ဖြစ်စေတဲ့ မေးခွန်း မျိုးမို့ လူတွေ မကျေမနပ် ဖြစ်နေကြတယ်လို့ ပဲခူးတိုင်းဒေသကြီး လွှတ်တော် ကိုယ်စားလှယ် ဒေါ်မူမူခင်က ပြောပါတယ်။

ဒီကိစ္စနဲ့ ပတ်သက် ပြီး အခြေခံပညာ ဦးစီးဌာန ကို ဘီဘီစီက ဆက်သွယ်ဖို့ မေးမြန်းဖို့ ကြိုးစားပေမယ့် ဆက်သွယ် လို့ မရခဲ့ပါဘူး။

နိုင်ငံတော် သမ္မတ ရုံးကတော့ အခုလို မေးခွန်းလွဲမှားမှု ကိစ္စကို စုံစမ်းမှုတွေ လုပ်နေတယ်လို့ အတည်ပြု ပြောကြားပါတယ်။

သာယာဝတီ ခရိုင် က တိုင်းဒေသကြီး လွှတ်တော် ကိုယ်စားလှယ် ဒေါ်မူမူခင် ကတော့ ဒီ မေးခွန်းလွဲမှားတာနဲ့ ပတ်သက်ပြီး တိုင်း ဒေသကြီး အစိုးရကို နောက်ကျင်းပမယ့် လွှတ်တော်အစည်းအဝေးမှာ မေးမြန်းသွားမှာ ဖြစ်တယ်လို့ ပြောကြား ပါတယ်။

BBC
http://www.bbc.com/burmese/burma/2016/02/160218_grade_9_exam

aungnaing-kachin-620.jpg ကချင်ပြည်နယ် သစ်တောနဲ့ သတ္တုဝန်ကြီး ဦးအောင်နိုင်ကို တွေ့ရစဉ်။
Photo: Kyaw Myo Min/RFA

ကချင်ပြည်နယ်မှာ ပြီးခဲ့တဲ့ ငါးနှစ်တာကာလအတွင်း တရုတ်နိုင်ငံဘက် တရားမဝင်တင်ပို့တဲ့ သစ်မျိုးစုံ တန်ချိန်နှစ်သောင်းကျော်ကို ဖမ်းဆီးရမိခဲ့တယ်လို့ သိရပါတယ်။

ဗန်းမော်ခရိုင် မန်စီမြို့နယ်ထဲမှာ အများဆုံးဖမ်းဆီးရမိတာဖြစ်တယ်လို့ ကချင်ပြည်နယ် သစ်တောနဲ့ သတ္တုဝန်ကြီး ဦးအောင်နိုင်က ပြောပါတယ်။

"၁၁၊ ၁၂ မှာ ကျနော်တို့ ကျွန်းသစ်မာချကုန်ပေါ့နော် ၁၆၆ဝ လောက် ဖမ်းဆီးရမိခဲ့ပါတယ်၊ ဒီနောက် ၂ဝ၁၂၊ ၂ဝ၁၃ လောက်မှာတော့ ကျနော်တို့ ၂၇၇၇ တန်လောက် ဖမ်းဆီးနိုင်ခဲ့ပါတယ်၊ နောက် ၁၃၊ ၁၄ ခုနှစ်မှာတော့ ကျနော်တို့ ၄၇ဝဝ ကျော်လောက် ဖမ်းဆီးနိုင်ခဲ့ပါတယ်၊ ၁၄၊ ၁၅ မှာလည်း ထိုနည်းတူပဲ ကျနော်တို့ ၁ဝ၅၉၆ တန်လောက် ကျနော်တို့ ဖမ်းဆီးနိုင်ခဲ့ပါတယ်၊ ထိုနည်းတူပဲ ၂ဝ၁၅၊ ၁၆ မှလည်း ကျနော်တို့ ၄၉၉ဝ ကျော် ၅ဝဝဝ နီးပါးပေါ့လေ အဲ့ဒါလည်း ကျနော်တို့ ဖမ်းဆီးနိုင်ခဲ့တဲ့အတွက် ကျနော်တို့ ဒီအစိုးရသက်တမ်း ၅ နှစ်ပြည့်ခါနီးကာလအထိတော့ စုစုပေါင်းပေါ့နော် ကျွန်းသစ်မာ အခြားအပါအဝင်ပေါ့ အားလုံး သစ်တန်ပေါင်း နှစ်သောင်းလေးထောင်ခုနှစ်ရာကျော်လောက် ကျနော်တို့ ဖမ်းဆီးထိန်းသိမ်းနိုင်ခဲ့ပါတယ်"

ပြီးခဲ့တဲ့နှစ် ဝိုင်းမော်မြို့နယ်အတွင်း တရုတ်နိုင်ငံသား ၁၅ဝ ကျော်ကို သစ်တွေအပါအဝင် မူးယစ်ဆေးဝါးနဲ့ ယာဉ်တွေ စက်ယန္တရားတွေဖမ်းဆီးရမှုဟာ အများဆုံး ဖမ်းဆီးရမိတာဖြစ်တယ်လို့ သိရပါတယ်။

နယ်မြေမတည်ငြိမ်တာကိုအကြောင်းပြပြီး သစ်တောထွက်ပစ္စည်းတွေနဲ့ တခြားတားမြစ်ကုန် ပစ္စည်းတွေ ကို မြန်မာနိုင်ငံအနှံ့ကနေ ကုန်ကားကြီးတွေနဲ့ သယ်ယူပြီး ကချင်ပြည်နယ်ကတဆင့် တရုတ်ပြည်ဘက် တရားမဝင်တင်ပို့မှုတွေမှာ အစိုးရဝန်ထမ်းတွေ ပါဝင်ပတ်သက်မှုမရှိအောင် ညွှန်ကြားထားတယ်လို့ လည်း ပြည်နယ်ဝန်ကြီး ဦးအောင်နိုင်က ပြောပါတယ်။ ကချင်ပြည်နယ်မှာ ကျွန်း၊ ပျဉ်းကတိုး၊ သစ်ဥ၊ သစ်ဖု စတဲ့ သစ်တောထွက်ပစ္စည်းတွေနဲ့ ရွှေ၊ ကျောက်စိမ်း၊ ပယင်း စတဲ့ သဘာဝတွင်းထွက် သယံဇာတတွေ ထွက်ရှိပါတယ်။

RFA
http://www.rfa.org/burmese/news/kachin-logging-arreat-02182016125636.html

moe-thwae-620.jpg အမျိုးသားပညာရေးဥပဒေကို သပိတ်မှောက်တဲ့ ကျောင်းသား ကျောင်းသူတွေနဲ့ ၀န်းရံသူတွေကို အကြမ်းမဖက်ဖို့ ဆုတောင်းပွဲ ကျင်းပခဲ့တဲ့ Generation Wave အဖွဲ့က ကိုမိုဃ်းသွေးကို ဖေဖော်ဝါရီလ ၁၈ ရက်နေ့က တွေ့ရစဉ်
Photo: Htet Arkar/RFA


ပြီးခဲ့တဲ့နှစ် မတ်လက အမျိုးသားပညာရေးဥပဒေကို သပိတ်မှောက်တဲ့ ကျောင်းသား ကျောင်းသူတွေနဲ့ ၀န်းရံသူတွေကို အကြမ်းမဖက်ဖို့ ဆုတောင်းပွဲကျင်းပခဲ့တဲ့ Generation Wave အဖွဲ့က ကိုမိုဃ်းသွေး အပါအ၀င် ၄ ဦးကို ရန်ကုန်တိုင်းဒေသကြီး ဆိပ်ကမ်းမြို့နယ်တရားရုံးမှာ တရားမ၀င်စီတန်းလှည့်လည်မှု ပုဒ်မ ၁၈ နဲ့ ဒီနေ့ ရုံးတင်စစ်ဆေးခဲ့ပါတယ်။

ဘုရားမှာဆုတောင်းပွဲကျင်းပတာကို ပုဒ်မ ၁၈နဲ့ တရားစွဲဆိုတာဟာ မဖြစ်သင့်ဘူးလို့ ကိုမိုဃ်းသွေးက ပြောပါတယ်။

"ဆိပ်ကမ်းစခန်းကနေ ဒါပုဒ်မ ၁၈ နဲ့ ငြိစွန်းတယ်ပေါ့နော်၊ ဘုရားမှာဆုတောင်းလို့ မရဘူးဆိုပြီးတော့မှ ဒါမျိုးကျနော်တို့ကို တရားစွဲဆိုတာဖြစ်ပါတယ်၊ ပုဒ်မ ၁၈ ဥပဒေနဲ့ မြင်မြင်ရာ တွေ့လေရာကိစ္စမှန်သမျှကို ဒီပုဒ်မ ၁၈ ဆိုတဲ့ ငြိမ်းစုစီဥပဒေနဲ့ လိုက်ပြီးတော့မှ တရားစွဲနေတဲ့ကိစ္စကြီးက ဒါကသိပ်ပြီးတော့မှ သင့်တော်တဲ့အလုပ်မဟုတ်ဘူးလို့ ကျနော် ထင်တယ်၊ နေရာဒေသ၊ အချိန်ကာလတွေကို ကျနော်တို့က ကြည့်ဖို့လိုတယ်လို့ထင်တယ်၊ နောက်ပြီးတော့ ဒီပုဒ်မ ၁၈ ကိုယ်တိုင်ကိုက ပြည်သူတွေရဲ့ လွတ်လပ်စွာ ထုတ်ဖော်ပြောဆိုခွင့်ကို ကန့်သတ်နေတဲ့ ဖိနှိပ်နေတဲ့ ဥပဒေတစ်ရပ်ဖြစ်နေတယ်ပေါ့နော်၊ ဒီအထဲမှာလည်း အရေးယူအပြစ်ပေးမှုတွေကလည်း ပြင်းပြင်းထန်ထန် ပါနေတယ်ဆိုတဲ့ကြောင့် နောင်မကြာခင်အချိန် အတွင်းမှာ ဒီပုဒ်မ ၁၈ ကို ဖျက်သိမ်းရင် ဖျက်သိမ်း၊ ပြင်ဆင်ရင် ပြင်ဆင် လုပ်ဖို့သင့်တယ်လို့ ကျနော် ယူဆပါတယ်"

ပြီးခဲ့တဲ့နှစ် မတ်လက ပဲခူးတိုင်းဒေသကြီး လက်ပံတန်းမြို့နယ်မှာ ရောက်ရှိနေတဲ့ အမျိုးသားပညာရေးဥပဒေ သပိတ်စစ်ကြောင်းကို ရဲတပ်ဖွဲ့ဝင်တွေက တားမြစ်ထားတာကြောင့် ကိုမိုဃ်းသွေး၊ ကိုရဲဝင်းထွဋ်၊ မအိအိမိုးနဲ့ ကိုဇင်လင်းတို့ ဦးဆောင်ပြီး ကျောင်းသား ကျောင်းသူတွေနဲ့ ဝန်းရံသူတွေကို အကြမ်းမဖက်ဖို့ ဗိုလ်တထောင် ဘုရားမှာ ပြီးခဲ့တဲ့နှစ် မတ်လ ၇ ရက်နေ့က ဆုတောင်းပွဲ ကျင်းပခဲ့တာဖြစ်ပါတယ်။

အဲ့ဒီအမှုကို လာမယ့် ဖေဖော်ဝါရီလ ၂၉ ရက်နေ့မှာ ထပ်မံစစ်ဆေးမှာဖြစ်ပြီး တရားလိုဘက်က သက်သေတွေကို စတင်စစ်ဆေးနေပြီဖြစ်ပါတယ်။

RFA
http://www.rfa.org/burmese/news/prayer-four-peoples-lawsuit-02182016121230.html

kayah-state-forum-620.jpg ကယားပြည်နယ် လွိုင်ကော်မြို့မှာ ပညာရေးနဲ့ ဖံွ့ဖြိုးရေးဖောင်ဒေးရှင်းက ဖေဖော်ဝါရီလ ၁၈ ရက်နေ့က စတင်ကျင်းပဖို့ စီစဉ်ထားတဲ့ လူထုအခြေပြုငြိမ်းချမ်းရေး နှီးနှောဖလှယ်ပွဲကို နိုင်ငံတော်သမ္မတရုံးက ခွင့်မပြုတာကြောင့် ပွဲကိုဖျက်သိမ်းလိုက်စဉ်
Photo: Nay Thwae/RFA

ကယားပြည်နယ် လွိုင်ကော်မြို့မှာ ပညာရေးနဲ့ ဖံွ့ဖြိုးရေးဖောင်ဒေးရှင်းက ဒီနေ့ စတင်ကျင်းပဖို့ စီစဉ်ထားတဲ့ လူထုအခြေပြုငြိမ်းချမ်းရေး နှီးနှောဖလှယ်ပွဲကို နိုင်ငံတော်သမ္မတရုံးက ခွင့်မပြုတာကြောင့် ပွဲကိုဖျက်သိမ်း လိုက်ရပါတယ်။

ပြည်နယ်နဲ့ မြို့နယ်အဆင့်ရဲတပ်ဖွဲ့ရဲ့ ခွင့်ပြုချက်ရထားပြီးဖြစ်ပေမယ့် နိုင်ငံတော်သမ္မတရုံးက ခွင့်မပြုဖို့ ညွှန်ကြားလာတယ်ဆိုပြီး မနေ့က ခရိုင်အုပ်ချုပ်ရေးမှူးက ခေါ်ပြီးအသိပေးတာဖြစ်တယ်လို့ ပညာရေးနဲ့ ဖံွ့ဖြိုးရေးဖောင်ဒေးရှင်းက ကိုဗညားက ပြောပါတယ်။

"မနေ့က ညနေစောင်းလောက်မှာ ကျနော့်ကို သက်ဆိုင်ရာပြည်နယ်ရုံးကနေ ဖုန်းဆက်လာပြီးမှ သူတို့ကနေ ဘာပြောလဲဆိုတော့ ပြည်နယ်ဝန်ကြီးတစ်ပါးကနေ တဆင့်ပေါ့နော် ဒီပွဲကို သမ္မတရုံးရဲ့အမိန့်အရပေါ့နော် ပိတ်ပစ်ဖို့အတွက် မဟုတ်ရင်လည်း ပိတ်ရင်ပိတ်တယ်ဆိုပြီးတော့မှ ကျနော်ကို နှုတ်အားဖြင့်နဲ့ပြောပါတယ်၊ သမ္မတရုံးရဲ့ ခွင့်ပြုချက် မရတဲ့အတွက်ကြောင့်မို့လို့ ပိတ်ခိုင်းတဲ့အတွက်ကြောင့်မို့လို့ ကျနော်တို့ ပိတ်လိုက်ပါတယ်ဆိုပြီးတော့ တက်လာတဲ့အဖွဲ့တွေကို အသိပေးစာတစ်စောင် ထုတ်ပေးလိုက်တယ်"

အဲ့ဒီပွဲမှာ ပထမအကြိမ် ပြည်ထောင်စုငြိမ်းချမ်းရေးညီလာခံ ပေါ်ပေါက်လာပုံနဲ့ နောင်ဆက်လက်ကျင်းပမယ့် ညီလာခံအခြေအနေတွေ၊ ပြည်နယ်အဆင့်မှာ KNPP နဲ့ ပြည်နယ်အစိုးရကြား ဖွဲ့စည်းထားတဲ့ အပစ်ခတ်စောင့် ကြည့်လေ့လာရေးကော်မတီ JMC ရဲ့ လုပ်ငန်းစဉ်တွေကို ဆွေးနွေးဖို့ စီစဉ်ထားတာဖြစ်ပါတယ်။

အဲ့ဒီနှီးနှောဖလှယ်ပွဲကို နှစ်ရက်ကြာကျင်းပဖို့ စီစဉ်ထားတာဖြစ်ပြီး ကရင်နီပြည်လူငယ်များသမဂ္ဂ UKSY, ကရင်နီအမျိုးသားတိုးတက်ရေးပါတီ KNPP နဲ့ နိုင်ငံရေးပါတီတချို့က ကိုယ်စားလှယ်တွေ၊ UPDJC ကိုယ်စားလှယ်တွေကို ဖိတ်ကြားထားတာဖြစ်တယ်လို့ သိရပါတယ်

RFA
http://www.rfa.org/burmese/news/kayah-state-forum-close-02182016113857.html

လက်ရှိအချိန်ဟာ တုိုင်းရင်းသား လက်နက်ကုိုင်အဖွဲ့အစည်းတွေ အကျပ်အတည်း ဖြစ်နေတဲ့ကာလဖြစ်ပြီး အစိုးရသစ်လက်ထက် နိုင်ငံရေးဆွေးနွေးပွဲတွေမှာ ပူပေါင်းပါဝင်နိုင်ဖို့အတွက် ကောင်းမွန်တဲ့ နည်းလမ်းတွေ စဉ်းစားကြဖို့ လိုအပ်ကြောင်း ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) အရေးပေါ်အစည်းအဝေးမှာ ဆွေးနွေးကြတယ်လို့ လက်နက်ကိုင် တိုင်းရင်းသားခေါင်းဆောင်တွေက ပြောပါတယ်။

ဒီနေ့ ထိုင်းနိုင်ငံချင်းမိုင်မြို့မှာ စတင်ကျင်းပတဲ့ ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီရဲ့ အရေးပေါ် အစည်းအဝေးမှာ ရှေ့လာမယ့် အစိုးရသစ်နဲ့ ပူးပေါင်းဆောင်ရွက်ဖို့ ဆွေးနွေးခဲ့တယ်လို့ UNFC အထွေထွေအတွင်းရေးမှုး ခူဦးရယ်က အခုလို ပြောပါတယ်။

"ဖော်နိုင်တဲ့အခြေနေအရပ်ရပ်ကို ကျနော် စောင့်ကြည့်တဲ့အခါမျိုးတွေမှာ အခက်အခဲအများကြီး ကျနော်တို့ ကျော်ဖြတ်ရဦးမယ်ဆိုတာကိုတော့ အားလုံးက စိတ်တစ်သဘောတည်း တူကြပါတယ်နော်၊ အဲ့ဒီအများကြီး ပြဿနာရှိနေတယ်၊ သွားတဲ့လမ်းကြောင်းဟာ မှန်ကန်မှုမရှိသေးဘူးဆိုတာကိုလည်း ကျနော်တို့ မြင်တွေ့ရတယ်ပေါ့ဗျာ၊ ဆိုတော့ ကျနော်တို့ ဘယ်လိုနည်းလမ်းတွေနဲ့ သွားမှပဲ မှန်မှန်ကန်ကန်နဲ့ အဖြေကိုတွေ့နိုင်မယ်၊ အချိန်တိုတိုနဲ့ ကျနော်တို့ ခရီးပေါက်နိုင်မယ်ဆိုတဲ့ ဟာမျိုးတွေကို ကျနော်တို့ အဓိကထားပြီး ဆွေးနွေးဖြစ်ကြပါတယ်"

တိုင်းရင်းသားလက်နက်ကိုင်အဖွဲ့ ၉ ဖွဲ့ပါဝင်တဲ့ ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ အရေးပေါ်အစည်းအဝေးကို ဒီနေ့ကစတင်ပြီး လာမယ့်ဖေဖော်ဝါရီလ ၂ဝ ရက်နေ့အထိ ၃ ရက်ကြာ ကျင်းပသွားမှာဖြစ်ပါတယ်။

မနေ့က နေပြည်တော်မှာ ကျင်းပခဲ့တဲ့ ပြည်သူ့လွှတ်တော် အစည်းအဝေးမှာ တပ်မတော်သား လွှတ်တော်ကိုယ်စားလှယ်တွေ တင်ပြတဲ့ TNLA တအာင်းပလောင်အဖွဲ့ကို လက်နက်စွန့်ဖို့ပြောတာဟာ လက်တွေ့ကျပြီး ပြဿနာကို ပြေလည်နိုင်စေတဲ့ နည်းလမ်းမဟုတ်ဘူးလို့ ခူဦးရယ်က ပြောပါတယ်။

ဒါ့အပြင် UNFC အဖွဲ့ရဲ့ လုပ်ဆောင်ချက်တွေဟာ မှန်ကန်တာတွေရှိခဲ့သလို မှားယွင်းမူတွေလည်း ရှိခဲ့တာကြောင့် မှန်ကန်တဲ့ နည်းလမ်းရရှိရေးအတွက် ပူးပေါင်းဆွေးနွေးကြဖို့ကိုလည်း ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ဥက္ကဋ္ဌ ဗိုလ်ချုပ်ကြီး အန်ဘန်လက တိုက်တွန်းခဲ့တယ်လို့ သိရပါတယ်။

နောက်နေ့မှာ ပြုလုပ်မယ့် ဆွေးနွေးပွဲတွေမှာ ရှမ်းပြည်ပြန်လည်ထူထောင်ရေးကောင်စီ (RCSS/SSA) နဲ့ တအာင်းအမျိုးသား လွှတ်မြောက်ရေးတပ်မတော် (TNLA)တုို့အကြား ဖြစ်ပွားနေတဲ့ တိုက်ပွဲတွေ ရပ်တန့်ရေးအတွက် ကြားဝင်ဆောင်ရွက်ဖို့ ဆွေးနွေးမယ်လို့ ပြောပါတယ်။

RFA
http://www.rfa.org/burmese/news/unfc-meeting-02182016105732.html

 ကိုယ်စားလှယ်တွေကို စွမ်းရည်မြှင့် သင်တန်းတွေ ပေးနေ
လွှတ်တော် ကိုယ်စားလှယ်တွေကို နိုင်ငံတကာ အဖွဲ့အစည်းတွေရဲ့ အကူအညီ နဲ့ စွမ်းရည်မြှင့် သင်တန်းတွေ ပေးနေတာ အပေါ် အင်တာနက် လူမှုကွန်ရက် စာမျက်နှာတွေမှာ ဝေဖန်နေတာတွေနဲ့ ပတ်သက်လို့ ပြည်ထောင်စု လွှတ်တော် ရုံးက တုံ့ပြန်လိုက် ပါတယ်။

ဥပဒေပြုရေး အပါအဝင် လွှတ်တော်ရဲ့ အဓိက တာဝန်တွေကို ဖွဲ့စည်းပုံ အခြေခံ ဥပဒေနဲ့ အညီ ဆောင်ရွက်နိုင်ဖို့ ရည်ရွယ်ချက်နဲ့ အခုလို သင်တန်းတွေ ပေးနေတာလို့ ပြည်ထောင်စု လွှတ်တော်ရဲ့ ကြေညာချက်မှာ ဖော်ပြ ထားပါတယ်။

နိုင်ငံခြားသားတွေနဲ့ သင်တန်းတွေလုပ်တာ ဟာ အချုပ်အချာအာဏာကို ထိပါးတဲ့သဘောမျိုး လူမှု ကွန်ရက်တွေမှာ ရေးသားထားပြီး ဖွဲ့စည်းပုံရဲ့ ဘာပုဒ်မနဲ့ ငြိတယ် ဆိုတာ ဖော်ပြမထားဘူး၊ အဲဒီ ဝေဖန်မှုတွေဟာ အခြေ အမြစ် မရှိဘူးလို့ အန်အယ်လ်ဒီ ဗဟို အလုပ်အမှုဆောင် အဖွဲ့ဝင် ဦးဝင်းထိန်က ဘီဘီစီကို ပြောပါတယ်။

အဲဒီပြောဆိုမှုတွေဟာ လွှတ်တော်ကို ပုတ်ခတ်တာ ဖြစ်လို့ တရားဥပဒေအရ အရေးယူလို့ ရကြောင်းလည်း သူက ပြောပါတယ်။

ပြည်ထောင်စု လွှတ်တော်က ကုလသမဂ္ဂ ဖွံ့ဖြိုးမှု အစီအစဉ် UNDP နဲ့ နိုင်ငံတကာ ပါလီမန်များ အဖွဲ့ IPU တို့ အပါအဝင် နိုင်ငံတကာ အဖွဲ့ အစည်းတွေရဲ့ အကူအညီနဲ့ လွှတ်တော် ကိုယ်စားလှယ် တွေကို သင်တန်းတွေ ပေးနေတာဟာ တရားဝင် ဖြစ်ကြောင်း ကြေညာတဲ့ အနေနဲ့ အခုလို ကြေညာချက် ထုတ်ပြန်ရတာလို့ ဦးဝင်းထိန်က ပြောပါတယ်။

ဒီမိုကရေစီ ပြုပြင်ပြောင်းလဲမှု ချောမွေ့စေဖို့အလေးထား လုပ်ဆောင်နေချိန်မှာ မလိုလားအပ်တဲ့၊ အပြုသဘောမဆောင်တဲ့ ရေးသားဖော်ပြချက်တွေကို ပြည်သူတွေ သတိပြု ဆင်ခြင်ဖို့လည်း လွှတ်တော်က ကြေညာချက်မှာ သတိပေးထားပါတယ်။

ဒါနဲ့ ပတ်သက်လို့ လွှတ်တော်တွင်းမှာ နိုင်ငံခြားသားတွေ အတွေ့အကြုံလာရောက်ဖလှယ်ပေးတာ အကြံပေးတာတွေကို လူမှုကွန်ရက်မှာ ပုတ်ခတ် ရေးသားကြတာကို ပြည်သူလူထု ထင်ယောင်ထင်မှား ဖြစ်မှာ စိုးရိမ်တဲ့ အတွက် ထည့်သွင်း ဖော်ပြတာလို့ ဦးဝင်းထိန်က ပြောပါတယ်။

BBC Burmese
http://www.bbc.com/burmese

 Freedom 251 ဟန်းဆက်ဟာ အက်ပဲလ်ရဲ့ အိုင်ဖုန်း ၄ နဲ့ ခပ်ဆင်ဆင် တူ။
ကမ္ဘာ့ ဈေးအပေါဆုံး မိုဘိုင်း ဟန်းဆက်ကို အိန္ဒိယ ကုမ္ပဏီ တစ်ခုက စတင် ရောင်းချ လိုက်ပါတယ်။

Freedom 251 လို့ ခေါ်တဲ့ အဲဒီ ဟန်းဆက်ကို အိန္ဒိယ အခြေစိုက် Ringing Bells ကုမ္ပဏီက ဗုဒ္ဓဟူးနေ့မှာ တစ်လုံးကို ၂၅၁ ရူပီ (၃.၆၇) ဒေါ်လာ နဲ့ ဈေးကွက် တင်လိုက်တာ ဖြစ်ပြီး စတင် ရောင်းချတဲ့ နာရီပိုင်း အတွင်းမှာပဲ အတော်လေး အဝယ်လိုက် ခဲ့ပါတယ်။

အဲဒီ ဟန်းဆက်မှာ ၈ ဂီဂါဘိုက် သိုလှောင်နိုင်စွမ်း ရှိပြီး မျက်နှာ နှစ်ဘက်စလုံးမှာ ကင်မရာ ပါရှိပါတယ်။

ဒါပေမယ့် ဝေဖန်သူတွေကတော့ ကိရိယာရဲ့ အရည်အသွေးနဲ့ ကုမ္ပဏီရဲ့ ဈေးနှုန်း သတ်မှတ်မှု ဗျူဟာတွေ အပေါ် မေးခွန်း ထုတ်ကြပါတယ်။

အိန္ဒိယ မိုဘိုင်းဖုန်း ဈေးကွက်ဟာ ကမ္ဘာ့ ဒုတိယ အကြီးဆုံး ဈေးကွက် ဖြစ်ပြီး မိုဘိုင်းဖုန်း အသုံးပြုသူပေါင်း သန်းတစ်ထောင် ရှိပါတယ်။

Freedom 251 ဟန်းဆက်ဟာ အိန္ဒိယ မိုဘိုင်းဖုန်း ဈေးကွက်မှာ နေရာရနှင့်ပြီး ဖြစ်တဲ့ အပေါစား ဟန်းဆက်တွေကို ယှဉ်ပြိုင်ဖို့ ရည်ရွယ် ထားတာ ဖြစ်ပါတယ်။

BBC Burmese
http://www.bbc.com/burmese

ဘိန်းခင်းဖျက်ဆီးဖို့ ချီတက်လာသူပြည်သူများအား စစ်တပ်က တားမြစ်ထားစဉ်။ သတင်းဓာတ်ပုံ- (Photo Credit to Kachin News)
ဘိန်းခင်းဖျက်ဆီးဖို့ ချီတက်လာသူပြည်သူများအား စစ်တပ်က တားမြစ်ထားစဉ်။ သတင်းဓာတ်ပုံ- (Photo Credit to Kachin News)

ဘိန်းခင်းတွေကို ဖျက်ဆီးဖို့ ချီတက်လာကြတဲ့ လူဦးရေ ၂ ထောင်ကျော်ကို ကချင်ပြည်နယ် ၀ိုင်းမော်မြို့နဲ့ ၁၂ မိုင်အကွာ လမ်းမပေါ်မှာ မြန်မာ့ တပ်မတော်က ပိတ်ဆို့ တားဆီးထားတာ ဒီကနေ့ ၃ ရက်ရှိသွားပြီ ဖြစ်ပါတယ်။ ဘိန်းစိုက်တောင် သူတွေနဲ့ ဘိန်းခင်း ဖျက်မယ့် ဒေသခံတွေကြား ပဋိပက္ခတွေ ဖြစ်မယ့် အရေးကြောင့် အာဏာပိုင်တွေက တားဆီးထားတာလို့ အကြောင်းပြသလို ဘိန်းခင်း ဖျက်ဖို့ ချီတက်လာတဲ့ ကချင်ရပ်မိရပ်ဖတွေ ဒေသခံတွေနဲ့ ဦးဆောင်ဖွဲ့စည်းထားတဲ့ ကချင်ပြည်သူ့ မူးယစ်ဆေးဝါး တိုက်ဖျက်ရေး အဖွဲ့ကလည်း ခွင့်ပြုချက် ရတဲ့ အထိ စောင့်ဆိုင်းမယ်လို့ ပြောဆိုထားပါတယ်။

ကချင်ပြည်နယ်တွင်း လူငယ်တွေ မူးယစ်ဆေး သုံးစွဲမှု ပြဿနာ ကြီးထွားလာတာနဲ့ ဘိန်းခင်းတွေကို စီးပွားဖြစ် စိုက်ပျိုးလာကြတယ်လို့ ဒေသခံတွေက ယူဆတာကြောင့် ဒီနှစ်မှာ ပထမဆုံး အကြိမ်အဖြစ် အရပ်သားတွေ စုပေါင်းပြီး ဘိန်းခင်းတွေ ဖျက်ဆီးဖို့ လှုပ်ရှားလာကြတာ ဖြစ်ပါတယ်။ ကချင်ပြည်နယ် ၀ိုင်းမော်မြို့ ပြည်နယ်လွှတ်တော် အမတ် ဦးနော်လီ ခေါ် ဇခေါင်ခမ်းရယ် ကို မသိင်္ဂီထိုက် ဆက်သွယ်မေးမြန်း တာမှာတော့ လက်ရှိ အခြေအနေကို အခုလို စပြီး ပြောဆိုခဲ့ပါတယ်။

ဦးနော်လီ။ ။ တားထားတဲ့ အခြေအနေတော့ ရှိတော့ ရှိသေးတယ်။ ၀ါရှောင် အထွက် လမ်းခွဲနားမှာပေါ့နော်။ ကျနော်တို့ သိထားတာကတော့ တဘက်နဲ့ တဘက်၊ တဘက်မှာက ဘိန်းပင်တွေကို စိုက်တဲ့ တောင်သူတွေလို့ ပြောရမလား၊ လုပ်ငန်းရှင်တွေလို့ ပြောရမလား၊ ဒေသခံတွေက အန္တရာယ် ပြုမယ်ဆိုတဲ့ဟာကို ဒီက အစိုးရက ကျတော့ လုံခြုံရေး အနေနဲ့ သူတို့ ဆောင်ရွက် မပေးနိုင်တဲ့ အခြေအနေ ရှိလို့ အဲသလို တားထားတယ်လို့ လောလောဆယ်တော့ အဲလို သဘောပေါက်ထားတယ်။

မသိင်္ဂီထိုက်။ ။ အဲဒီတော့ ဘိန်းခင်းတွေကို ဖျက်နေပြီလား။ ဘယ်နား မှာ ရောက်နေကြပါလဲ။

ဦးနော်လီ။ ။ ပထမ တသုတ် လူ ၁၀၀၀ တက်သွား ခဲ့ပြီး ပြန်လာခဲ့ပြီ။ အခု လူအင်အား မလောက်လို့ ဘိန်းခင်းကလည်း များတဲ့ အခါကျတော့ လူအင်အား ၂၀၀၀ ကျော်ပေါ့နော်။ လူအင်အား ပြန်လာစုပြီးတော့ ဒုတိယ အကြိမ် ပြန်တက်ဖို့ လုပ်တဲ့ အချိန်မှာ အခုအချိန်ထိ မထွက်နိုင်သေးဘူးပေါ့။ အဲဒီ အခြေအနေ ရှိနေပါတယ်။

မသိင်္ဂီထိုက်။ ။ ၀ိုင်းမော် အထွက်မှာလားရှင်။

ဦးနော်လီ။ ။ ၀ိုင်းမော်အထွက်တော့ မဟုတ်ဘူး။ ၀ိုင်းမော်ကနေ ၁၂ မိုင်လောက် ရှိမယ် ထင်တယ်။ ၀ါရှောင် အထွက်ပေါ့။ ၀ိုင်းမော်ကနေ အသွားမှာ ၀ါရှောင်ဆည် ဆိုတာ ရှိတယ်။ အဲဒီ ရွာအထွက် ချီဖွေလမ်းခွဲ၊ ချီဖွေကို သွားတဲ့ လမ်းနဲ့ ကန်ပိုက်တီကို သွားတဲ့ လမ်းခွဲ ထိပ်မှာ ဟုတ်တယ်။

မသိင်္ဂီထိုက်။ ။ ပိတ်ဆို့ခံထားရတာ စိုးရိမ်စရာများ ရှိပါသလားရှင့်။

ဦးနော်လီ။ ။ အဲလိုမျိုး တိုင်ပင်ညှိနှိုင်းနေတာတော့ ရှိပါတယ်။ ဒါကတော့ စိုးရိမ်စရာ အန္တရာယ် ရှိတာ အဲသလိုတော့ မရှိပါဘူး။ ဒါပေမယ့် ဒေသခံတွေလည်း မသွားခိုင်းရင်လည်း သွားခွင့်ပြုတဲ့ အထိ စောင့်နေမယ်ပေါ့ အဲဒီသဘော။ ဒီက အာဏာပိုင်တွေကလည်း လုံခြုံရေး အခြေအနေ အရပေါ့နော် ဘယ်လို ပြန်ဖြစ် မလာမလဲ ဆိုတာကတော့ မသိသေးဘူးပေါ့နော်။

မသိင်္ဂီထိုက်။ ။ အခု တားထားတာက စစ်တပ်က တားထားတာလား၊ ရဲက တား ထားတာလား။ ဘယ်သူတွေက တားထားတာလဲ။

ဦးနော်လီ။ ။ ဂိတ် ကတော့ စစ်တပ် ဂိတ် ဖြစ်ပါတယ်။ ဒါပေမယ့် လာရောက် ညှိနှိုင်းတာကတော့ ရဲ။ မြန်မာနိုင်ငံ ရဲတပ်ဖွဲ့က လာရောက် ညှိနှိုင်း တိုင်ပင်နေတာ တွေ့ရပါတယ်။

မသိင်္ဂီထိုက်။ ။ ဘိန်းခင်း ဖျက်တာကိုတော့ ဒီနှစ်မှ စလုပ်တာလား။ ရပ်မိ ရပ်ဖတွေ ရပ်ရွာက စုပြီး လုပ်ကြတယ်လို့ ကျမတို့ ကြားထားလို့ပါ။ ဒီနှစ်မှ စလုပ်တာလား။ နှစ်စဉ်ဘဲ လုပ်နေကြလားရှင့်။

ဦးနော်လီ။ ။ ခါတိုင်းနှစ်ကတော့ သက်ဆိုင်ရာ ဌာန ဆိုင်ရာကပေါ့နော် လုပ်နေတာ တွေ့ရတယ်။ ဒီနှစ်ကတော့ ပြည်သူလူထု ပါဝင်လာတဲ့ အပိုင်း တွေ့ရတယ်။ ခါတိုင်းနှစ်က ပြည်သူ လူထု အခုလို ပါဝင်တာ မရှိဘူး ဒီနှစ်မှ စတာ ဖြစ်ပါတယ်။

မသိင်္ဂီထိုက်။ ။ ဟုတ်ကဲ့ရှင့်။ ပြည်သူလူထုကပါ ဒီမူးယစ်ဆေးကို ဘိန်းခင်းပေါ့နော်။ ဘိန်းခင်းကို ဖျက်မယ်ဆိုပြီး အင်တိုက် အားတိုက် ဖြစ်လာရတဲ့ အကြောင်းရင်းက ကချင်ပြည်နယ်တွင်းက မူးယစ်ဆေးဝါး ပြဿနာက စိုးရိမ်ရတဲ့ အနေအထား ရှိနေလို့လား။ ဘာကြောင့် ပြည်သူလူထုက ထွက်ပြီး ဘိန်းခင်း ဖျက်မယ်ဆိုတဲ့ အဆင့် ဖြစ်လာရတာပါလဲ။

ဦးနော်လီ။ ။ အဲဒါက ကျနော့် အမြင်က ၂ ချက် ရှိပါတယ်။ ၁ ချက်က တကယ့်ကို ဒေသခံ ပြည်သူလူထုက ဆိုးဆိုးရွားရွားကိုပေါ့နော် မူးယစ်ဆေးဝါး သုံးစွဲလာတာကို တွေ့နေရတယ်။ အဲဒါကျတော့ ဒီပြည်သူ လူထုကနေ အသင်းတော်တွေကနေ ခရစ်ယာန် အသင်းတော်တွေကနေ စုပေါင်းပြီးတော့မှ ပြည်သူလူထုတွေ ဒီ မူးယစ်ဆေးဝါးကို ဆိုးဆိုးရွားရွား အထူးသဖြင့် လူငယ်တွေပေါ့နော် ပျက်ဆီးသွားတာတွေက ပိုပြီးမှ ဆိုးရွားလာတာကို တွေ့တဲ့ အခါကျတော့ ဒီ အသင်းတော်က ဦးဆောင်တာ တွေ့ရတယ်။

နောက် ဒုတိယ တချက်ကတော့ ဒီဘိန်းခင်း စိုက်တယ်ဆိုတာ တကယ်တန်းကျတော့ စပါးတို့ ပြောင်းတို့ ဘာတို့ စိုက်လို့ မရတဲ့ ဒေသမှာ နေထိုင်တဲ့ ဒေသခံတွေ အရင်တုန်းကတော့ ရှေးရိုးရာ အလိုက် နည်းနည်းပါးပါး ဆေးဖြစ် ၀ါးဖြစ် စိုက်ကြတာ ရှိတယ်။ ဒါပေမယ့် အခု နောက်ပိုင်းကျတော့ တဘက် နိုင်ငံကနေ စီးပွားရေး လုပ်ငန်းရှင်တွေ ပုံစံ လာရောက်လုပ်ကိုင်တဲ့ အခါကျတော့ ကိုယ့်နိုင်ငံ အတွင်းမှာ လာရောက် လုပ်ကိုင်တဲ့ အခါကျတော့ အဲလိုမျိုးတွေပေါ့။ တကယ်တမ်း ကျတော့ ဒေသခံတွေရဲ့ နာမည်ယူပြီးတော့ တဘက် ကိုယ်ကျိုးစီးပွားရှာတဲ့ လူတွေက ပိုပြီးမှ ဖြစ်နေတယ်ပေါ့။ အဲဒီ အမြင် ၂ ဘက်နဲ့ ဒီဟာကို မလုပ်မဖြစ်ဘူး ဆိုပြီး ပြည်သူလူထုက ၀ိုင်းဝန်း လုပ်ဆောင် ပါဝင်လာကြတဲ့ သဘောရှိတယ်။

ကချင်ပြည်နယ် ၀ိုင်းမော်မြို့နယ် ပြည်နယ်လွှတ်တော် အမတ် ဦးနော်လီ ခေါ် ဇခေါင်ခမ်းရယ်ကို မသိင်္ဂီထိုက် ဆက်သွယ်မေးမြန်းတင်ပြခဲ့တာဖြစ်ပါတယ်။

မသိင်္ဂီထိုက်/VOA
http://burmese.voanews.com/content/kachin-drug-eradication-group-confrontations-with-authorities/3196289.html

 မဘသ က သံဃာတွေ အပါအဝင် တခြား လူမှုရေး ကွန်ရက် အသင်းက ခေါင်းဆောင် တွေ စုစည်း ထား တဲ့ အမျိုးသား လုံခြုံရေး ကွန်ရက် ဖွဲ့စည်း။
အမျိုးဘာသာ သာသနာ စောင့်ရှောင့်ရေးအဖွဲ့ မဘသ က သံဃာတွေ အပါအဝင် တခြား လူမှုရေး ကွန်ရက် အသင်းက ခေါင်းဆောင် တွေ စုစည်း ထား တဲ့ အမျိုးသား လုံခြုံရေး ကွန်ရက် ဆိုပြီး မိတ္ထီလာ မြို့ မှာ ပေါ်ပေါက် လာပါတယ်။

သဘာဝ ဘေး အန္တရာယ် ကျရောက်တဲ့ အခါ လူမှု ကယ်ဆယ် ရေး လုပ်ငန်း တွေ လုပ်နိုင်ဖို့ အပါအဝင် အမျိုးသားရေး ကာကွယ်စောင့်ရှောက် မှု တွေပြုလုပ် နိုင်ဖို့ ဖွဲ့စည်းရတာ ဖြစ်တယ် ဆိုပြီး အဲဒီ့ ကွန်ရက်ရဲ့ ဦးဆောင် သံဃာ တစ်ပါး ဖြစ်တဲ့ ဦးအဂ္ဂဓဇ က ဘီဘီစီ ကို မိန့် ပါတယ်။

မဘသ အဖွဲ့ ရှိနှင့်ပြီး ဖြစ်ပေမယ့် သံဃာတွေ ဝိနည်းတဲ့ ညိစွန်း နိုင်တဲ့ ရုံးပြင်ကနား ကိစ္စတွေ မှာ လိုအပ် လာရင် ဖြေရှင်းဖို့ လူပုဂ္ဂိုလ် တွေ ပါ ပါဝင်တဲ့ အခုလို ကွန်ရက် မျိုး ဖွဲ့ရတာ ဖြစ်တယ်လို့လည်း ဦးအဂ္ဂဓဇ က မိန့်ပါတယ်။

အမျိုးသား တိုးတက် မြင့်မားရေး ပါတီ ဆိုတဲ့ နိုင်ငံရေး ပါတီ ကနေ ထုတ်ပြန် ကြေညာချက် တွေ လောလော လတ်လတ် ထွက်ပေါ် လာ ပေမယ့် အခု ဖွဲ့စည်း လိုက်တဲ့ ကွန်ရက် နဲ့ကြား ဆက်သွယ်မှု တစုံတရာ မရှိဘူးလို့ ဦးအဂ္ဂဓဇ က မိန့်ပါတယ်။

ဒါ့အပြင် နိုင်ငံရေး အပြောင်းအလဲ ကို ညင်ညင်သာသာ ဖြစ်ပေါ် ဖို့ ကြိုးစားနေတဲ့ ကာလ မျိုးမှာ အမျိုးသားရေး ဝါဒ လမ်းကြောင်း က အနှောင့်အယှက် ဖြစ်လာ စေနိုင် လားဆိုတဲ့ ဘီဘီစီ ရဲ့ အမေးကို ဦးအဂ္ဂဓဇ က ကွန်ရက် အနေနဲ့ နိုင်ငံရေး ကိစ္စတွေ အပေါ် စိတ်ဝင်စားမှု မရှိဘူး ဆိုပြီး ငြင်းဆိုသလို ဘယ်သူ အစိုးရ ဖြစ်ဖြစ် အမျိုး၊ ဘာသာ၊ သာသနာ ကို ထိခိုက် စေမယ့် အရာ တွေကို ကာကွယ် သွားမယ်လို့ မိန့်ပါတယ်။

BBC Burmese
http://www.bbc.com/burmese

ဒေါ်အောင်ဆန်းစုကြည်က “အားလုံးပါဝင်တဲ့ အပစ်အခတ်ရပ်စဲရေး ရရှိဖို့ ကျွန်မတို့ ကြိုးစားပါမယ်။ ကျွန်မတို့နိုင်ငံမှာ ငြိမ်းချမ်းရေး မရဘဲ ဘာမှလုပ်လို့ မရနိုင်ပါဘူး”ဟု ပြောကြားခဲ့သည်။ သို့သော် ရွေးကောက်ပွဲပြုလုပ်သည့် ကာလတွင်ပင် မြန်မာနိုင်ငံ အရှေ့မြောက်ပိုင်း ရှမ်းပြည်နယ်၌ အစိုးရစစ်တပ်နှင့် ရှမ်းပြည်တပ်မတော်မြောက်ပိုင်း (SSA-N) တို့ တိုက်ပွဲများ ဖြစ်ပွားခဲ့သဖြင့် ငြိမ်းချမ်းရေး လုပ်ငန်းစဉ်အပေါ် သံသယ၀င်မှုများ ရှိနေသည်။ အစိုးရ စစ်တပ်နှင့် တိုင်းရင်းသားလက်နက်ကိုင်တပ်ဖွဲ့များဖြစ်သော KIA, TNLA တို့ကြား တိုက်ပွဲများ ဆက်လက်ဖြစ်ပွားလျက်ရှိသည်။

ဒေါ်အောင်ဆန်းစုကြည်က ယင်းတို့အစိုးရအဖွဲ့ တာဝန်ယူပြီးနောက် ပြည်တွင်းငြိမ်းချမ်းရေး ရရှိရန် ဦးစားပေးဆောင်ရွက်သွားမည်ဟု ကတိပြုပြောကြားခဲ့သည်။

ရှမ်းတိုင်းရင်းသားလက်နက်ကိုင်တပ်ဖွဲ့ SSA-N မှ ဗိုလ်ချုပ်စေထန်က အစိုးရ၏ တပ်အား ယုံကြည်မှုမရှိဟု ပြောကြားခဲ့သည်။ ဗိုလ်ချုပ်စေထန်က ယင်းတုိ့၏ ရည်မှန်းချက်များ အပြည့်အ၀ အကောင်အထည်ပေါ်မှသာ လက်နက်စွန့်မည်ဟု ပြောကြားခဲ့ပြီး ဦးစွာအနေဖြင့် လူနည်းစုတိုင်းရင်းသားများ စစ်မှန်သည့် ကိုယ်ပိုင်ပြဌာန်းခွင့်ရရှိသည့် ဖက်ဒရယ်စနစ် ကျင့်သုံးရမည်ဟု ဆိုသည်။

ရှမ်းပြည်နယ်၌ ဖြစ်ပွားခဲ့သည့် တိုက်ပွဲများတွင် အစိုးရစစ်တပ်က ဂျက်တိုက်လေယာဉ်များ၊ တိုက်ခိုက်ရေး ရဟတ်ယာဉ်များ အသုံးပြုကာ စစ်တပ်နှင့်အရပ်ဘက် ပစ်မှတ်များကို တိုက်ခိုက်ခဲ့သည်ဟု ဆိုသည်။ တိုက်ပွဲများကြောင့် ကျေးရွာများ ပျက်စီးခဲ့ပြီး လူ ၁၀၀၀၀ ကျော် နေရပ်မှ ထွက်ပြေးခဲ့ရသည်ဟု ဆိုသည်။

နိုင်ငံလူဦးရေ၏ ၄၀ ရာခိုင်နှုန်းရှိသော လူနည်းစုတိုင်းရင်းသားများတွင် ရှမ်းက လူဦးရေအများဆုံးဖြစ်သည်။ ရှမ်းတိုင်းရင်းသား လက်နက်ကိုင်တပ်ဖွဲ့တွင် ၁၉၅၈ ကတည်းက ပါဝင်ခဲ့သည့် ဗိုလ်ချုပ်စေထန်က ဒေါ်အောင်ဆန်းစုကြည်၏ အစိုးရသစ်အပေါ် မျှော်လင့်ချက်ထားကြောင်း ဖော်ပြခဲ့သည်။

အသက် ၈၀ ရှိနေပြီဖြစ်သည့် ဗိုလ်ချုပ်စေထန်က ၀မ်ဟိုင်းမြို့၌ ပြုလုပ်ခဲ့သည့် အင်တာဗျူးတွင် “ကျွန်တော်တို့ သူ့ (ဒေါ်အောင်ဆန်းစုကြည်) ကို ယုံကြည်မှုရှိပါတယ်။ တခြားရွေးချယ်စရာမရှိပါဘူး” ဟု ပြောကြားခဲ့သည်။

SSA-N တပ်ဖွဲ့တွင် အင်အား တစ်သောင်း ကျော်ရှိပြီး ဧရိယာစတုရန်းမိုင် ၁၈,၀၀၀ ခန့် ထိန်းချုပ်ထားသည်ဟု ဆိုသည်။ အခြားအဓိက တိုင်းရင်းသားတပ်ဖွဲ့များကဲ့သို့ပင် ပြည်နယ်အတွင်း ကိုယ်ပိုင်ဒေသတစ်ခု တည်ထောင်ထားနိုင်သည့် အဖွဲ့ဖြစ်သည်။ အဖွဲ့ထိန်းချုပ်ထားသည့် ဒေသအတွင်း ကျန်းမာရေးနှင့် စိုက်ပျိုးမွေးမြူရေး အပါအ၀င် ဌာန ၂၈ ခု ဖွဲ့စည်းဆောင်ရွက်လျက်ရှိပြီး ကိုယ်ပိုင်စာသင်ကျောင်းများ၊ ဆေးရုံနှင့် မိဘမဲ့ကလေးဂေဟာတစ်ခု ရှိသည့်အပြင် ကားများကိုလည်း ကိုယ်ပိုင်နံပါတ်ပြားများ ထုတ်ဝေအသုံးပြုစေသည်။

ဒေသခံများထဲမှ အခွန်ကောက်ခံခြင်းဖြင့် ၀င်ငွေရရှိပြီး တရုတ်၊ ထိုင်းနှင့် ကမ္ဘောဒီးယားတို့ရှိ မှောင်ခိုဈေးကွက်များမှ လက်နက်များ ၀ယ်ယူနိုင်သည်။ ရှမ်းပြည်နယ်အတွင်းရှိ အခြားလက်နက်ကိုင်တပ်ဖွဲ့များကဲ့သို့ပင် မူးယစ်ဆေးလုပ်ငန်းမှ ၀င်ငွေရရှိသည်မှ အစဉ်အလာတစ်ခုဖြစ်လျက်ရှိသည်။

ဝမ်ဟိုင်းမှ ၅ မိုင်ခန့်အကွာ ရှေ့တန်းတွင် တပ်ဖွဲ့ဝင်များကို၂၄ နာရီ တပ်လှန့်ထားပြီး ညအချိန်တွင် အစိုးရတပ်ဖွဲ့များ စခန်းချရာနေရာများကို စောင့်ကြည့်လေ့ရှိသည်။ လှေခါးထစ်စပါးခင်းများနှင့် လှပနေသည့် တောင်ကြားဒေသ တွင် မည်သူမျှမလာနိုင်ရန် မြေမြှုပ်မိုင်းခင်းများရှိနေသည်။

SSA-N တပ်ဖွဲ့ဝင် ဗိုလ်စောမောင်က “ကျွန်တော်တို့မှာ ဒီနယ်မြေသေးသေးလေးပဲရှိပြီး ငြိမ်းငြိမ်းချမ်းချမ်းနေချင်ပေမယ့် သူတို့က လာတိုက်နေပါတယ်”ဟု ပြောကြားခဲ့သည်။

အဓိက ရှမ်းတိုင်းရင်းသားလက်နက်ကိုင်အဖွဲ့ ၂ ဖွဲ့အနက် တစ်ခုဖြစ်သည့် SSA-N သည် အောက်တိုဘာလအတွင်းက အစိုးရနှင့် တိုင်းရင်းသားအဖွဲ့ ၈ ဖွဲ့တို့ လက်မှတ်ရေး ထိုးခဲ့သည့် အပစ်ရပ်စာချုပ် (NCA) တွင် ပါဝင်ခြင်းမရှိပေ။ NCA လက်မှတ်ရေး ထိုးခဲ့သော်လည်း SSA-S/RCSS တပ်ဖွဲ့ကလည်း လက်နက်စွန့်ခြင်းမရှိပေ။

မြန်မာနိုင်ငံအကြောင်း စာအုပ်များ ရေး သားခဲ့သည့် အမေရိကန် စာရေး ဆရာ ဒေးဗစ်စတိန်းဘာ့ဂ်က “အစိုးရက တိုင်းရင်းသားတပ်ဖွဲ့တွေကို ယင်းတို့လက်နက်တွေ ချထားခဲ့ပြီး ငါတို့နဲ့ လာဆွေးနွေးလို့ အမြဲပြောလေ့ရှိပြီး တိုင်းရင်းသားတပ်ဖွဲ့တွေကတော့ နိုင်ငံရေး အရင်ဆွေးနွေးပြီးမှ ငါတို့လက်နက် စွန့်ချင်စွန့်မယ်လို့ ပြောလေ့ရှိပါက ပြဿနာက အဲဒါပါပဲ”ဟု ပြောကြားသည်။

နိုင်ငံအတွင်း ဆယ်စုနှစ် ၇ ခုကြာ တည်ရှိခဲ့သည့် သံသယများ အမုန်းများနှင့် သွေးထွက်သံယိုပဋိပက္ခများကို အဆုံးသတ်ပေးမည်ဆိုသည့် NLD ၏ ကတိကို အကောင်အထည်ဖော်ရာတွင် အခက်အခဲများ ကြုံတွေ့ရနိုင်သည်။

မကြာမီက တိုက်ပွဲအတွင်း လက်နက်ကြီး ကျည်ထိမှန်ပျက်စီးခဲ့သဖြင့် ပြန်လည်ပြုပြင်ထားရသည့် ၀မ်ဟိုင်းဘုန်းကြီး ကျောင်းအနီးတွင် လမ်းလျှောက်ရင်း SSA-N တပ်ဖွဲ့ဝင်တစ်ဦးဖြစ်သူ စစ်သီဟက “ကျွန်တော်တို့ ငယ်စဉ်ကတည်းက ဖိနှိပ်တာတွေ၊ အနိုင်ကျင့်တာတွေ၊ တရားမျှတမှုမရှိတာတွေ ရင်ဆိုင်ခဲ့ရပါတယ်”ဟု ပြောကြားသည်။

အသက် ၄၅ နှစ်ရှိပြီဖြစ်ပြီး ၃၅ နှစ်ကြာ သင်္ကန်းဝတ်ဖြင့်နေခဲ့ကာ ဘုန်းကြီးကျောင်းတစ်ကျောင်းတွင် ကျောင်းထိုင်ဘုန်းကြီးဖြစ်ခဲ့သည့် စစ်သီဟသည် အောက်တိုဘာလတွင် ယင်း၏မြို့ မိုင်းနောင်အား စစ်တပ်က တိုက်ခိုက်လာချိန်တွင် SSA-N သို့ ၀င်ရောက်ရန် ဆုံးဖြတ်ခဲ့သည်ဟု ဆိုသည်။

KHTun
Source - AP
The Ladies News Journal


dassk-nld-member-620.jpg
ဲပြည်ထောင်စု လွှတ်တော်ကို ၂ဝ၁၄ ခုနှစ် မတ်လ ၁ဝ ရက်နေ့က လာရောက်လေ့လာတဲ့ မန္တလေးတိုင်းဒေသကြီး၊ နွားထိုးကြီးမြို့နယ် NLD ပါတီဝင်တွေနဲ့ ဒေါ်အောင်ဆန်းစုကြည် တွေ့ဆုံစဉ်
photo: Win Naung Toe/RFA

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ တိုင်းဒေသကြီးနဲ့ ပြည်နယ်အသီးသီးက လွှတ်တော် ဥက္ကဌတွေနဲ့ ဒုတိယဥက္ကဌတွေ နေပြည်တော်မှာ လာမယ့်ဖေဖော်ဝါရီလ ၂၂ ရက်၊ တနင်္လာနေ့ တွေ့ဆုံကြမယ်လို့ သိရပါတယ်။

နေပြည်တော် လွှတ်တော်ထဲက တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ အဆောင်မှာ တွေ့ဆုံသွားမှာဖြစ်တယ်လို့ ပဲခူးတိုင်းဒေသကြီး လွှတ်တော် ဥက္ကဌ ဦးခင်မောင်ရင်က ပြောပါတယ်။

"ကျနော်တို့ ၂၂ ရက်နေ့မှာ သွားရောက်ပြီးတော့ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ တွေ့ဆုံရမှာဖြစ်ပါတယ်၊ အဲ့အတွက်ပေါ့နော် ဒေါ်အောင်ဆန်းစုကြည်ရဲ့ တရားဥပဒေစိုးမိုးရေးနဲ့ တည်ငြိမ်ရေးအဆောင်မှာ တွေ့မှာပါ၊ ကျနော်တို့ကတော့ ရေးရာကော်မတီများဖွဲ့စည်းရေးကိစ္စနဲ့ လွှတ်တော်ကိုယ်စားလှယ်များ စွမ်းရည်မြှင့်စစ်တမ်းများ ဖွင့်လှစ်ရေးကိစ္စများတင်ပြမှာပေါ့"

တိုင်းဒေသကြီးနဲ့ ပြည်နယ်လွှတ်တော် ၁၄ ခုထဲက ရခိုင်နဲ့ ရှမ်းပြည်နယ်လွှတ်တော် နှစ်ခုကလွဲပြီး ကျန်တဲ့ ၁၂ ခုက လွှတ်တော်ဥက္ကဌနဲ့ ဒုဥက္ကဌနေရာတွေမှာ အန်အယ်လ်ဒီပါတီက ကိုယ်စားလှယ်တွေကို ရွေးချယ်တာဝန်ပေးထားတာဖြစ်ပါတယ်။ ရခိုင်ပြည်နယ်လွှတ်တော်မှာတော့ ပြည်နယ်တွင်း အနိုင်ရပါတီဖြစ်တဲ့ ANP ပါတီက ဦးစံကျော်လှနဲ့ ရှမ်းပြည်နယ်မှာ ပြည်နယ်တွင်း နေရာအများဆုံးအနိုင်ရထားတဲ့ ကြံ့ခိုင်ဖံွ့ဖြိုးရေးပါတီက ဦးစိုင်းလုံးဆိုင်တို့က လွှတ်တော် ဥက္ကဌတွေအဖြစ် ရွေးချယ်တင်မြှောက်ခံထားရပါတယ်။

တိုင်းနဲ့ပြည်နယ်လွှတ်တော် ဥက္ကဌနဲ့ ဒုဥက္ကဌတွေဟာ လာမယ့် ဖေဖော်ဝါရီလ ၂၃ ရက်နေ့မှာ ကျင်းပမယ့် မြန်မာနိုင်ငံလွှတ်တော်ဆိုင်ရာအဖွဲ့ အစည်းအဝေးကို တက်ရောက်သွားမယ်လို့လည်း သိရပါတယ်။ မြန်မာနိုင်ငံလွှတ်တော်ဆိုင်ရာ အဖွဲ့ကို လက်ရှိ ပြည်ထောင်စုလွှတ်တော် နာယက ကဦးဆောင်ပြီး တိုင်းဒေသကြီးနဲ့ ပြည်နယ်လွှတ်တော် ဥက္ကဌတွေနဲ့ ဖွဲ့စည်းမှာဖြစ်တယ်လို့ သိရပါတယ်။ အဲ့ဒီအဖွဲ့ အစည်းအဝေးကို နေပြည်တော် လွှတ်တော်ဝင်းထဲမှာ ကျင်းပမှာဖြစ်ပါတယ်။

တိုင်း/ပြည်နယ် လွှတ်တော်အသီးသီးမှာ ရေးရာကော်မတီ ၉ ခုစီ ဖွဲ့စည်းရမှာဖြစ်ပြီး တချို့တိုင်းဒေသကြီးတွေမှာ စတင်ဖွဲ့စည်းနေပြီဖြစ်ပါတယ်။ ပဲခူးတိုင်းလွှတ်တော်မှာ ပြီးခဲ့တဲ့ရက်ပိုင်းက လွှတ်တော်ရေးရာကော်မတီ ၅ ခုမှာ ဖွဲ့စည်းဖို့ စီစဉ်ထားပြီး လျှပ်စစ်နဲ့စွမ်းအင်ရေးရာကော်မတီမှာ ဥက္ကဌအဖြစ် လက်ရှိပဲခူးတိုင်းဝန်ကြီးချုပ် ဦးဥာဏ်ဝင်းကို လျာထားကြောင်း ကမ်းလှမ်းထားပေမယ့် ဦးဥာဏ်ဝင်းက သူ့အနေနဲ့ ရေးရာကော်မတီမှာ လုပ်ကိုင်လိုစိတ်မရှိကြောင်း အကြောင်းပြန်ကြားထားတယ်လို့ သိရပါတယ်။

လွှတ်တော်ရေးရာကော်မတီတွေကို တိုင်းဒေသကြီး/ပြည်နယ်ဝန်ကြီးချုပ်နဲ့ အစိုးရအဖွဲ့တွေ ဖွဲ့စည်းပြီးချိန်မှသာ ပြန်လည်ဖွဲ့စည်းသွားမှာ ဖြစ်တယ်လို့ သိရပါတယ်။

RFA
http://www.rfa.org/burmese/news/dassk-meets-state-province-mp-leaders-02182016100601.html



၂၀၁၅-၂၀၁၆ ပညာသင်နှစ် ရှစ်တန်းအတန်းတင် စာမေးပွဲအတွက် တိုင်းအဆင့် စစ်ဆေးသည့် ပထဝီဝင် ဘာသာရပ် မေးခွန်းတွင် “တရုတ်ပြည်သူ့ သမ္မတ မြန်မာနိုင်ငံ” ဟု သုံးနှုန်းမေးမြန်းထားသည်ကို တွေ့ရှိရသည်။

ဖေဖေါ်ဝါရီ ၁၈ ရက်က စစ်ဆေးသည့် ပထဝီဝင် မေးခွန်းအပိုင်း (က) မေးခွန်းအမှတ် (၂) မေးခွန်းအမှတ်ခွဲ (ဃ) တွင် “တရုတ်ပြည်သူ့ သမ္မတ မြန်မာနိုင်ငံတွင် နေထိုင်သူ အများစုမှာ (ထန်တရုတ်၊ ဗင်တရုတ်၊ ဟန်တရုတ်) တို့ဖြစ်သည်” ဟု မေးမြန်းထားခြင်းဖြစ်သည်။

မေးခွန်းအမှတ် (၂) သည် ကွက်လပ်ဖြည့်ရမည့် မေးခွန်းဖြစ်ပြီး အကြောင်းအရာ တစ်ခုအပေါ် အဖြေသုံးခု ပေးလျက် အမှန်တစ်ခုကို ဖြေဆိုရခြင်းဖြစ်သည်။ မေးခွန်းသည် “တရုတ်ပြည်သူ့ သမ္မတ မြန်မာနိုင်ငံတွင် နေထိုင်သူ အများစုမှာ (ထန်တရုတ်၊ ဗင်တရုတ်၊ ဟန်တရုတ်) တို့ဖြစ်သည်” ဟု မေးမြန်းထားခြင်းကြောင့် မည်သို့ ဖြေဆိုရမည်ကိုပင် ကျောင်းသားများ မသိရှိဘဲ ဖြစ်ခဲ့သည်။

မေးခွန်းအမှန် ဖြစ်သင့်သည်မှာ “တရုတ်ပြည်သူ့ သမ္မတ နိုင်ငံတွင်” ဟု ဖြစ်ရမည်ဖြစ်ကြောင်း ပဲခူးမြို့တွင် ကျူရှင်သင်ကြားပေးနေသည့် ဆရာ ဦးဝေလင်းက ပြောသည်။ မေးခွန်းများသည် ယခုမှ မဟုတ်ဘဲ လွန်ခဲ့သည့် နှစ်များတွင်လည်း မှားယွင်းမှုများ ရှိခဲ့သည်ဟုလည်းဆိုသည်။

၂၀၁၅-၂၀၁၆ ပညာသင်နှစ် ရှစ်တန်းအတန်းတင် စာမေးပွဲအတွက် မေးခွန်း အမှတ်စဉ် (၁) တွင် မှား၊ မှန် မေးခွန်း ငါးခု အမှတ်စဉ် (၂)တွင် အဖြေမှန်ရွေးသည့် မေးခွန်း ငါးခုနှင့် အမှတ်စဉ် (၃) တွင် ကွက်လပ်ဖြည့်ခြင်းနှင့် အမှတ်စဉ် (၅) တွင် ပေးထားသည့် မြေပုံကို လေ့လာလျက် မေးခွန်းများ ဖြေဆိုရခြင်းဖြစ်သည်။

မေးခွန်းကိုသည် တိုင်းအဆင့် ပညာရေးဝန်ထမ်းများက ထုတ်ခြင်းကြောင့် အလယ်တန်းအဆင့် ဆရာဆရာမများနှင့် သက်ဆိုင်ခြင်းမရှိဟု ယူဆကြောင်းလည်း ဆရာဦးဝေလင်းက ပြောသည်။

မဇ္ဈိမ
http://www.mizzimaburmese.com/article/11331


နှစ်နိုင်ငံ ရှေ့အနာဂတ်ပူးပေါင်းဆောင်ရွက်ရေးအတွက် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကို ဂျပန်နိုင်ငံ အဆောတလျင်လာရောက်ဖို့ ဂျပန်ဝန်ကြီးချုပ်က ဖိတ်ကြားလိုက်ပါတယ်။

မြန်မာနိုင်ငံကို ရောက်ရှိနေတဲ့ ဂျပန်ဝန်ကြီးချုပ် ရှင်ဇိုအာဘေးရဲ့ အထူးအကြံပေးပုဂ္ဂိုလ် မစ္စတာ အီဇုမီ ဟီရိုတို (Mr.Izumi Hiroto) က ပြီးခဲ့တဲ့ ဖေဖော်ဝါရီ ၁၆ ရက်နေ့က အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နဲ့ နေပြည်တော်မှာ တွေ့ဆုံဆွေးနွေးခဲ့ပြီးနောက် ဂျပန်ဝန်ကြီးချုပ်ရဲ့ စာချွန်လွှာကို ပေးအပ်ခဲ့တာပါ။

စာချွန်လွှာထဲမှာ မြန်မာအစိုးရသစ်လက်ထက် ဂျပန်အနေနဲ့ အများပြည်သူနဲ့ ပုဂ္ဂလိက ၂ ခုလုံးကို အပြည့်အ၀ အကူအညီပေးမှာ ဖြစ်ကြောင်း၊ မြန်မာနိုင်ငံမှာ နိုင်ငံရေးအရ ချောမွေ့စွာ အသွင်ကူးပြောင်းရေးနဲ့ မြန်မာ့တပ်မတော် အပါအ၀င် လက်နက်ကိုင်များ ငြိမ်းချမ်းရေးအတွက် ဂျပန်အနေနဲ့ တောက်လျှောက်တိုက်တွန်း ဆောင်ရွက်လာခဲ့ပြီး ဆက်လက် ကူညီဆောင်ရွက်သွားမှာဖြစ်ကြောင်း၊ အစိုးရသစ်ရဲ့ ချောမွေ့စွာ သမ္မတ ကျမ်းသစ္စာ ကျိန်ဆိုမယ့်ရက်ကို စ်ိတ်အားထက်သက်စွာ မျှော်လင့်နေပြီး နှစ်နိုင်ငံ ရှေ့အနာဂတ် ပူးပေါင်းဆောင်ရွက်မှုတွေကို နှစ်နိုင်ငံခါင်းဆောင် အချင်းချင်း ဆွေးနွေး တိုင်ပင်ဖို့အတွက် ဂျပန်နိုင်ငံကို အဆောတလျှင်လာဖို့ ဖိတ်ကြားထားပါတယ်။

ဒေါ်အောင်ဆန်းစုကြည်ဘက်ကလည်း ဂျပန်နိုင်ငံအနေနဲ့ မြန်မာနိုင်ငံကို အကူညီဆုံးနိုင်ငံ ဖြစ်တဲ့အတွက် အထူးကျေးဇူးတင် လေးစားကြောင်း၊ ဆက်လက်ပြီး မြန်မာပြည်သူတွေဆီကို တိုက်ရိုက်ရောက်ရှိမယ့် အကူအညီတွေ ပေးနိုင်ဖို့ တိုက်တွန်းကြောင်း၊ အထူးသဖြင့် နိုင်ငံတကာ အလှူရှင်တွေအနေနဲ့ သယ်ယူပို့ဆောင်ရေး အပါအ၀င် အခြေခံ အဆောက်အအုံတွေ ဖွံ့ဖြိုးတိုးတက် တည်ဆောက်ရေးကို အကူအညီပေးစေလိုကြောင်းနဲ့ ရန်ကုန်မြို့ရဲ့ ကြိုတင်စီမံချက်တွေကို ပြန်လည်ဆွေးနွေးတင်ပြခဲ့ပါတယ်။

ဂျပန်ဝန်ကြီးချုပ်ရဲ့ အထူးအကြံပေး မစ္စတာ အီဇုမီ ဟီရိုတိုဟာ အမျိုးသားဒီမိုကရေစီအဖွဲ့ချုပ်က တာဝန်ရှိသူတွေအပြင် သမ္မတဦးသိန်းစိန်ရဲ့ သမ္မတရုံး ပြည်ထောင်စုဝန်ကြီး ဦးစိုးသိန်းနဲ့လည်း တွေ့ဆုံဆွေးနွေးခဲ့ပါတယ်။

ဇော်ဇော်လှိုင်/DVB
http://burmese.dvb.no/archives/135865


လက်ပံတောင်းတောင် ကြေးနီစီမံကိန်းပဋိက္ခတွင် ဒေသခံ ဒေါ်ခင်ဝင်း သေနတ်ထိမှန်သေဆုံးသွားသည့်အတွက် အ မှုမှန်ပေါ်ပေါက်ရေး ဆန္ဒပြမှုဖြင့် (ဗကသ) ကျောင်းသားခေါင်းဆောင် ကိုကျော်ကိုကို အပါအ၀င်သုံးဦးကို လှိုင် မြို့နယ်တရားရုံးတွင် ပုဒ်မ(၁၈)ဖြင့် အမှုဖွင့် တရားဆွဲဆိုလိုက်ကြောင်း သိရသည်။

ကိုကျော်ကိုကို၊ ကိုနန္ဒစစ်အောင်နှင့် ကိုတင်ထွဋ်ပိုင်တို့အား ၂၀၁၄ခုနှစ် ဒီဇင်ဘာ ၂၅ ရက်နေ့က ဒေါ်ခင် ၀င်း သေဆုံးမှုအား အမှုမှန်ပေါ်ပေါက်ရန် အင်းယားကန်ဘောင် ဆန္ဒပြမှုတွင် ပါဝင်ပတ်သက်မှု ရှိသည်ဟု ဆိုကာ လှိုင်မြို့နယ် တရား ရုံးတွင် ၂၀၁၆ခုနှစ် ဖေဖေါ်ဝါရီ ၁၈ ရက်နေ့က ရုံးတင်တရားစွဲဆိုခြင်းဖြစ်သည်

အဆိုပါ ဆန္ဒပြမှုသည် အရပ်ဖက်အဖွဲ့အစည်းများက ဦးဆောင်ပြုလုပ်ခြင်း ဖြစ်ပြီး ၎င်းတို့ ဦးဆောင်ပြု လုပ်ခြင်း မဟုတ်ကြောင်း ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်မှ ကိုနန္ဒစစ်အောင်က ဖေဖေါ်ဝါရီ ၁၈ ရက်နေ့ လှိုင်မြို့နယ် တရားရုံးသို့ ရုံးထုတ်လာစဉ် ပြောသည်။

" ဒီဘက်ခေတ်နိုင်ငံရေးမှာ ဘယ်သူတွေက ဦးဆောင်တယ်။ ဘယ်နေ့ ဘယ်ရက် ဘယ်နေရာ ကိုလာခဲ့ကြပါ ဆိုတာ အွန်လိုင်းပေါ်မှာ တင်ထားပြီးသားဗျာ။ အဲ့ကြားထဲကမှ ကျွန်တော်တို့ကိုဆွဲတယ်ဆိုတာ မရိုးသားမှုပဲဗျ။ ကျွန်တော်တို့ကိုအငြိုးထားမှုပဲ" ဟု ကိုနန္ဒစစ်အောင်က ပြောသည်။

"ကျောင်းသားတွေအပေါ်မှာ နှစ်ဟောင်းနှစ်ဆွေးက အမှုတွေဟာတွေကို ရုံးတင်ပြီး အမှုဖွင့်နေတာ မကောင်း တော့ဘူးဗျ။ ရှေ့နေတွေအတွက်လည်းမကောင်းဘူး။ အဲတော့ အမှုတွေ ပလဗွနဲ့ နောက်အစိုးရအတွက် လက် ဆောင်ထားခဲ့တော့မှာလားလို့ မေးရတော့မလိုပဲဗျ"ဟု ကျောင်းသားများ၏ ရှေ့နေ ဦးရောဘတ်ဆန်း အောင် က ပြောသည်။

၂၀၁၄ခုနှစ် ဒီဇင်ဘာ ၂၂ ရက်တွင် လက်ပံတောင်းတောင် ကြေးနီစီမံကိန်း ဧရိယာအတွင်းရှိ လျော်ကြေးရယူ ထားခြင်း မရှိသည့် လယ်ယာမြေများပေါ်တွင် ၀မ်ပေါင်ကုမ္ပဏီက ခြံစည်းရိုးခတ်သည့် အတွက် လုံခြုံရေးရယူ နေသည့် ရဲတပ်ဖွဲ့ဝင်များနှင့် ဒေသခံများအကြား ပဋိပေက္ခ ဖြစ်ပွားခဲ့ကာ ရဲတပ်ဖွဲ့မှ သေနတ်ဖြင့် ပစ်ခတ် မှု ကြောင့် ဒေသခံ ဒေါ်ခင်ဝင်း၏ ဦးခေါင်းအား သေနတ်ထိမှန်ကာ သေဆုံးခဲ့ခြင်း ဖြစ်သည်။

အဆိုပါ အမှုအတွက် ၂၀၁၆ခုနှစ် မတ် ၃ ရက်နေ့ တွင် ထပ်မံ ရုံးထုတ်သွားမည် ဖြစ်ကြောင်းလည်း သိရ သည်။

MIZZIMA
http://www.mizzimaburmese.com/article/11339



ရန်ကုန်၊ ဖေဖော်ဝါရီ ၁၈ ။ ။ လူမှုကွန်ရက်တွင်ပျံ့နှံ့ခဲ့သော တပ်မတော် သင်တန်းကျောင်း တစ်ခု၌ သင်တန်းသား အချင်းချင်း ပြင်းထန်စွာ အပြစ်ပေးမှုကို တပ် စည်းမျဉ်း ဥပဒေနှင့် အရေးယူသွားမည်ဖြစ်ကြောင်း တပ်မတော်ပိုင် မြ၀တီ သတင်းမီဒီယာမှတဆင့် တရားဝင်ထုတ်ပြန်သည်။

အဖြစ်မှန်သိရှိရန်အတွက် သက်ဆိုင်ရာ တပ်မတော် သင်တန်းကျောင်းသို့ ဒုတိယတပ်မတော် လေ့ကျင့်ရေး အရာ ရှိချုပ် ဦးစီးသော စုံစမ်း စစ်ဆေးရေးအဖွဲ့ သွားရောက် စစ်ဆေးခဲ့ရာ ဖြစ်စဉ်မှန်ကန်ကြောင်း တွေ့ရှိရသဖြင့် ဖြစ်စဉ်တွင် ပါဝင်သူများနှင့် တာဝန်ရှိသူများကို တပ်မတော်၏ စည်းမျဉ်း ဥပဒေများနှင့်အညီ အရေးယူဆောင် ရွက်သွားမည်ဖြစ်ကြောင်း သိရသည်။

စစ်စည်းကမ်းသည် တပ်မတော်၏ အသက်သွေး ကြောဖြစ်သဖြင့် စစ်စည်းကမ်းနှင့် ပတ်သက်ပြီး လိုက်နာ လုပ်ဆောင်ရမည့် တပ်မတော် အက်ဥပဒေ၊ နည်းဥပဒေများ၊ အမိန့်နှင့် ညွှန်ကြားချက်များ ကိုလည်း တိကျစွာ ပြဋ္ဌာန်း သတ်မှတ် ထားရှိပြီးဖြစ်သည့်အပြင် တပ်မတော်အနေဖြင့် တပ်တွင်းစည်းလုံး ညီညွတ်မှုအတွက် အုပ် ချုပ်မှုညီညွတ် မျှတစေရေးကိုလည်း အလေးထား ဆောင်ရွက်လျက်ရှိကြောင်း တပ်မတော်ပိုင် သတင်းမီဒီယာက ဖော်ပြထားသည်။

အဆိုပါ တပ်မတော် သင်တန်းသားအချင်းချင်း ပြင်တန်စွာ အပြစ်ပေးနေသည့် ဗီဒီယိုမှတ်တမ်း ဖိုင်သုံးခု ဖေ ဖေါ်ဝါရီ ၃ ရက်နေ့နှင့် ၄ ရက်နေ့တို့တွင် လူမှုကွန်ရက်ပေါ်၌ ပျံ့နှံခဲ့ပြီး ယင်းဗီဒီယို ဖိုင်များနှင့် ပတ် သက် ၍ သတင်းမီဒီယာများ အနေဖြင့်လည်း ဝေဖန်သုံးသပ်ချက်များ စွာ ဖော်ပြခဲ့ကြသည်။

MIZZIMA
http://www.mizzimaburmese.com/article/11341


(Credit: U Ye Htut's Facebook)
(Credit: U Ye Htut's Facebook)

ပြီးခဲ့တဲ့ နိုဝင်ဘာရွေးကောက်ပွဲအတွင်း မဲဆန္ဒရှင်တွေက ဒေါ်အောင်ဆန်းစုကြည် သမ္မတဖြစ်စေလိုတဲ့ ရည်ရွယ်ချက်နဲ့ NLD အမျိုးသားဒီမိုကရေစီအဖွဲ့ချုပ်ကို မဲပေးခဲ့ကြတာ ဖြစ်တဲ့အတွက် ဒေါ်အောင်ဆန်းစုကြည် သမ္မတဖြစ်ရေးအတွက် ပြန်ကြားရေးဝန်ကြီး ဦးရဲထွဋ်ပြောသလို လူ ၄ ဦးရဲ့ အဆုံးအဖြတ်ပေါ်မူတည်ပြီး လုပ်ဆောင်ရမယ်ဆိုတဲ့အချက်ကို သူ့အနေနဲ့ သဘောမတူကြောင်း မြန်မာ့နိုင်ငံရေး သုံးသပ်သူ ဒေါက်တာ တင့်ဆွေက ပြောပါတယ်။

ဒေါ်အောင်ဆန်းစုကြည်သမ္မတဖြစ်ဖို့ ၂၀၀၈ အခြေခံဥပဒေကို ဆိုင်းငံ့ ပြင်ဆင် ဖြည့်စွက်တာတွေ လုပ်ဖို့မလိုဘဲ မိသားစုဝင်တွေကို မြန်မာနိုင်ငံသား ခံယူစေခြင်းအားဖြင့် အဆင်ပြေသွားနိုင်တယ်လို့ ၀န်ကြီး ဦးရဲထွဋ်က ဗွီအိုအေ မြန်မာပိုင်းဌာနနဲ့ ပြုလုပ်တဲ့ သီးသန့်တွေ့ဆုံ မေးမြန်းခန်းအတွင်း ပြောဆိုခဲ့တာ ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။

ရွေးကောက်ပွဲအနိုင်ရ NLD အမျိုးဒီမိုကရေစီအဖွဲ့ချုပ်က မကြာခင် သီပတ်အနဲငယ်အတွင်း အစိုးရသစ် ဖွဲ့စည်းနိုင်ဖို့ ပြင်ဆင်နေချိန် ပါတီခေါင်းဆောင် ဒေါ်အောင်ဆန်းစုကြည် သမ္မတဖြစ်နိုင်ရေးကိစ္စမှာ ၂၀၀၈ ဖွဲ့စည်းပုံ အခြေခံဥပဒေမှာ ပြဌာန်းထားတဲ့ ၅၉(စ) က အကန့်အသတ်အဖြစ် ရှိနေတာကြောင့် ဖွဲ့စည်းပုံကို ဆိုင်းငံ့ရေး၊ ပြင်ဆင်ရေး၊ ဖြည့်စွက် ရေးသားရေးဆိုတဲ့ ပြောဆို ဆွေးနွေးမှုတွေ ကျယ်ကျယ်ပြန့်ပြန့် ထွက်ပေါ်လာနေတဲ့အချိန်မှာပဲ သမ္မတ ဦးသိန်းစိန်ရဲ့ ပြောခွင့်ရပုဂ္ဂိုလ်လည်းဖြစ်၊ ပြန်ကြားရေးဝန်ကြီးဌာန ပြည်ထောင်စုဝန်ကြီးလည်းဖြစ်တဲ့ ဦးရဲထွဋ်က ဖွဲ့စည်းပုံကို ဆိုင်ငံ့ ပြင်ဆင် ဖြည့်စွက်တာတွေ လုပ်မနေဘဲ မိသားစုဝင်တွေ နိုင်ငံသားအဖြစ် လျှောက်ထားလိုက်ခြင်းအားဖြင့် အားလုံး ပြေလည်သွားမယ်ဆိုတဲ့ သဘောမျိုး ဖေဖော်ဝါရီလ ၁၆ ရက်နေ့က ဗွီအိုအေနဲ့ ပြုလုပ်တဲ့ သီးသန့် တွေ့ဆုံ မေးမြန်းခန်းအတွင်း ပြောကြားလိုက်တာပါ။

“တကယ်တော့ဗျာ ဒေါ်အောင်ဆန်းစုကြည် နိုင်ငံ့အကြီးအကဲဖြစ်ဖို့ဆိုတာ ၅၉(စ) တွေလည်း ပြင်ဖို့ မလိုပါဘူး။ တကယ်တမ်း ကျနော့်ရဲ့ သုံးသပ်ချက် ထောက်ပြရမယ်ဆိုရင် သူ့ရဲ့သား နှစ်ယောက်နဲ့ ချွေးမရှိမယ်ဆိုရင် ချွေးမနှစ်ယောက် လူ ၄ ယောက်ပဲ မြန်မာနိုင်ငံသား ခံယူလိုက်လို့ရှိရင် ဒီပြဿနာတွေအားလုံးက ပြေလည်သွားမှာပဲ။ ဘာမှ ကျနော်တို့ ဒါကြီးကို ၅၉(စ) တွေ ဘာတွေ ပြင်ဖို့ မလိုပါဘူး။ လူ ၄ ယောက်ရဲ့ အဆုံးအဖြတ်နဲ့ လုပ်တာက ပိုပြီးတော့ ကောင်းတာပေါ့ဗျာ။ ဒါကြီးကို ဖွဲ့စည်းပုံအခြေခံဥပဒေ ပြင်ရေးကို ပြောဖို့တောင် မလိုပါဘူး။ သူ့သားသမီးတွေအနေနဲ့ သူတို့ရဲ့မိခင် သမ္မတဖြစ်တာကို လိုချင်လို့ရှိရင် ၁၉၈၂ ခုနှစ်ဥပဒေအရ မြန်မာနိုင်ငံသား လျှောက်ထားလိုက်ရုံပါပဲ။”

ဒေါက်တာ တင့်ဆွေဟာ ၁၉၉၀ ခုနှစ် ရွေးကောက်ပွဲမှာ NLD ပါတီ ကိုယ်စားပြု အနိုင်ရခဲ့တဲ့ လွှတ်တော်အမတ်တဦးဖြစ်ပြီး အမေရိကန်နိုင်ငံ၊ Indiana ပြည်နယ်၊ Indianapolis မှာ အခြေချ နေထိုင်နေသူ ဖြစ်ပါတယ်။ သူက ဒေါ်အောင်ဆန်းစုကြည် သမ္မတလုပ်ခွင့်မရှိအောင် ၂၀၀၈ ဖွဲ့စည်းပုံအခြေဥပဒေကို ရေးဆွဲခဲ့တာဖြစ်တဲ့ အတွက် ဒေါ်အောင်ဆန်းစုကြည်ရဲ့ မိသားစုဝင်တွေ နိုင်ငံသားအဖြစ်လျှောက်ထားလိုက်ယုံနဲ့ ဖြစ်နိုင်ခြေရှိပါ့မလား ဆိုတဲ့အပေါ် သူ့အနေနဲ့ သံသယရှိတယ်လို့ ပြောပါတယ်။

“ကျနော်မြင်တာက ၂၀၀၈ ဖွဲ့စည်းပုံ မပြင်ဆင်ရေး လမ်းကြောင်းကနေပြီးတော့ နည်းလမ်းရှာတဲ့ နည်းလမ်းတခုပဲဖြစ်တယ်လို့ ကျနော်မြင်တယ်။ နောက်တခုက ၂၀၀၈ ဖွဲ့စည်းပုံကို ပြင်လို့မရအောင်ဆိုတဲ့အချက်နဲ့ ဒေါ်အောင်ဆန်းစုကြည် သမ္မတလုပ်လို့မရအောင်ဆိုပြီးတော့ အဲဒီ အခြေခံဥပဒေ ရေးဆွဲရခြင်း ရည်ရွယ်ချက်ကြီးနဲ့ ရေးခဲ့တာဖြစ်တော့ကာ ကျနော်က ဒီဟာကို ဖြစ်လာမလားဆိုတဲ့ ဒီနည်းလည်းပဲ ဖြစ်လာမလားဆိုတာတော့ သံသယကတော့ ကြီးတုန်းပဲဖြစ်ပါတယ်။ ဦးရဲထွဋ်ပြောလိုက်လို့ ကျနော့်သံသယ သေမသွားဘူးခင်ဗျ။ နောက်တခုပေါ့နော်။ နောက်တခုပေါ့နော် ဦးရဲထွဋ်ရဲ့ စကားလုံးအရဆိုရင် လူ ၄ ဦးပေါ့ ဒေါ်အောင်ဆန်းစုကြည်ရဲ့ သား ၂ ယောက်နဲ့ ချွေးမ ၂ ယောက် ဒီ ၄ ဦးရဲ့ ဆန္ဒနဲ့ပဲ ဒေါ်စုက သမ္မတလုပ်ရမှာဆိုတဲ့အချက်ကတော့ ကျနော်က သဘောမတူနိုင်ဘူး။ ဘာကြောင့်လဲဆိုတော့ တိုင်းပြည်လူအများစုက ၂၀၁၅ ရွေးကောက်ပွဲ မဲပေးသူအများစု ဒေါ်အောင်ဆန်းစုကြည်ကို သမ္မတ ဖြစ်စေချင်တယ်ခင်ဗျ။ ဒီ ၄ ဦးက ဖြစ်ချင်တာမဟုတ်ဘူး။ ကျနော်ကတော့ မလဲနိုင်ဘူးလို့ ယူဆပါတယ်။ ဦးရဲထွဋ်က နိုင်ငံသားဖြစ်ရေးဥပဒေကို ၈၂ ခုနှစ်ဥပဒေနဲ့တော့ ပြောတော့ပြောတယ်။ သူ့ရဲ့ ချွေးမတွေ၊ သားတွေက တခြားနိုင်ငံမှာ နေတဲ့သူ။ မြန်မာပြည်ထဲမှာတင် တကယ်ကို နှစ်ပေါင်းများစွာနေတဲ့ မြန်မာအစစ်တွေတောင်မှ နိုင်ငံသားဖြစ်ခွင့်တို့၊ မှတ်ပုံတင်ရတာတို့ ဆိုတာက အခက်အခဲ အကြီးမားဆုံးဖြစ်နေတော့ကာ သူက ခပ်ပေါ့ပေါ့နဲ့ လက်လွတ်စလွယ် ပြောလိုက်တာလားလို့လဲ ကျနော်က သံသယရှိတယ်ခင်ဗျ။ ဒေါ်စုရဲ့ချွေးမတွေဆိုရင် တခြားနိုင်ငံသူပေါ့နော်။ အဲဒါက သိပ်သိသိသာသာကြီးဖြစ်တော့ သူတို့အတွက်လည်း စဉ်းစားဆုံးဖြတ်ဖို့ရာက ကိုယ်က လုပ်ချင်ရင်တောင်မှ ဟိုနိုင်ငံကဥပဒေ၊ ဒီနိုင်ငံက ဥပဒေတွေက ရှိသေးတော့ အချိန်ကလည်း အတော်ယူဦးမယ်။ ဖြစ်စဉ်ပေါ့နော်။ ဗမာပြည်ရဲ့ဖြစ်စဉ်က ခုနက ကျနော်ပြောသလို ဘာမှမရေရာတဲ့ ဥပဒေကြီး၊ နောက်ထပ်တက်မယ့် NLD အစိုးရလက်ထက်မှာ ပြည်ထဲရေးကို ကိုင်မှာကလည်း စစ်တပ်က ဖြစ်နေတော့ကာ NLD ထဲမှာမရှိတဲ့ကိစ္စဖြစ်တော့ ဒါက တမင်တကာကို ဂျောက်များချသလားပေါ့ဗျာ ကျနော်တော့ သံသယရှိပါတယ်ခင်ဗျ။”

၂၀၀၈ ဖွဲ့စည်းပုံအခြေခံဥပဒေ အခန်း (၃) ပါ နိုင်ငံတော်သမ္မတနှင့် ဒုတိယသမ္မတများဆိုတဲ့ ခေါင်းစဉ်အောက်က အပိုဒ် ၅၉(စ) မှာ ဖော်ပြထားတာမှာတော့ - “မိမိကိုယ်တိုင်သော်၎င်း၊ မိမိ၏ မိဘတစ်ပါးပါးသော်၎င်း၊ မိမိ၏ဇနီး သို့မဟုတ် ခင်ပွန်းသည်သော်၎င်း၊ မိမိ၏ တရားဝင် သားသမီး တစ်ဦးဦးသော်၎င်း၊ ထိုတရားဝင်သားသမီး တစ်ဦးဦး၏ ဇနီး သို့မဟုတ် ခင်ပွန်းသည်သော်၎င်း နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ၊ သို့မဟုတ် နိုင်ငံခြားအစိုးရ၏ လက်အောက်ခံဖြစ်သူ၊ သို့မဟုတ် တိုင်းတစ်ပါး၏ နိုင်ငံသားဖြစ်သား မဖြစ်စေရ၊ ထိုသူများသည် နိုင်ငံခြားအစိုးရ၏ လက်အောက်ခံ ဖြစ်သူသော်၎င်း၊ တိုင်းတပါး၏ နိုင်ငံသားသည်သော်၎င်း ခံစားရသော အခွင့်အရေးများနှင့် ကျေးဇူးခံစားခွင့်များကို ခံစားနိုင်ခွင့် ရှိသူများ မဖြစ်စေရ”- ဆိုပြီး ထည့်သွင်း ရေးသားထားတာ ဖြစ်ပါတယ်။

ဒေါ်အောင်ဆန်းစုကြည် နေအိမ်ကျယ်ချုပ်နဲ့ ဖမ်းဆီး ထိန်းသိမ်းခံထားရစဉ် ကာလတွေအတွင်း နာမကျန်းဖြစ်နေတဲ့ ခင်ပွန်းသည် Michael Aris နဲ့ မိသားစုဝင်တွေ သူမထံ လာလည်လို့မရနိုင်အောင် အဲဒီအချိန်က စစ်အစိုးရက ပြည်ဝင်ခွင့်ဗီဇာ ထုတ်မပေးခဲ့တဲ့ သာဓကတွေ ရှိခဲ့ဖူးတယ်ဆိုတာကိုလည်း ဒေါက်တာ တင့်ဆွေက ထောက်ပြ ပြောဆိုပါတယ်။

အခုလဆန်းပိုင်းမှာ စတင်ခဲ့တဲ့ လွှတ်တော်အသစ်ကနေ ဒုတိယသမ္မတလောင်း ၃ ဦးကို မတ်လ ၁၇ ရက်နေ့မှာ အဆိုတင်သွင်းပြီး မကြာင်မှာ အဲဒီ ၃ ဦးထဲက တဦးကို သမ္မတအဖြစ် ရွေးကောက် တင်မြောက်ကြတော့မှာ ဖြစ်ပါတယ်။ လက်ရှိ အခြေအနေအထိကတော့ ဒုသမ္မတလောင်းတွေ ရွေးချယ်ခြင်းမပြုခင် ဖွဲ့စည်းပုံ အခြေခံဥပဒေကို လက်ရှိအတိုင်းထားမလား၊ ဒါမှမဟုတ် ဆိုင်းငံ့ ပြင်ဆင် ဖြည့်စွက်မှုတွေ လုပ်ဆောင်သွားမလားဆိုကိုလည်း မသိရသေးပါဘူး။

ဒေါ်အောင်ဆန်းစုကြည်ကတော့ သူမအနေနဲ့ သမ္မတဖြစ်ခွင့် မရှိရင်တောင် သမ္မတရဲ့ အထက်မှာ ရှိနေတယ်ဆိုတာမျိုး သတင်းမီဒီယာတွေကို ပြောထားဖူးပါတယ်ခင်ဗျား။

ကိုဇော်ဝင်းလှိုင်/VOA
http://burmese.voanews.com/content/react-on-u-ye-htut-iv/3195977.html

ရခိုင်ပြည်နယ် မြောက်ဦးမြို့နယ်။
ရခိုင်ပြည်နယ် မြောက်ဦးမြို့နယ်။

ရခိုင်ပြည်နယ်တွင်းက ပဋိပက္ခဘေးသင့်ပြည်သူ လူထုတွေနဲ့ ရွှေ့ပြောင်း ဒုက္ခသည်တွေ အတွက် ကူညီထောက်ပံ့မှုတွေ ပေးသွားမယ်လို့ အမေရိကန် နိုင်ငံတကာ ဖွံ့ဖြိုးမှုအေဂျင်စီက ပြောဆိုလိုက်ပါတယ်။ ရခိုင်ပြည်နယ်က ပြည်သူလူထုတွေရဲ့ သက်မွေးဝမ်းကျောင်းမှုဆိုင်ရာ အခွင့်အလမ်းတွေ တိုးတက်လာဖို့ ကူညီတာဖြစ်တယ်လို့လည်း ပြောပါတယ်။ အပြည့်အစုံကို VOA သတင်းထောက် မသိင်္ဂီလင်းက ပြောပြပေးပါမယ်။
အမေရိကန် နိုင်ငံတကာဖွံ့ဖြိုးမှုအေဂျင်စီ ကြေညာချက်

ရခိုင်ပြည်နယ်တွင်းက ပဋိပက္ခဘေးသင့်ပြည်သူလူထုတွေနဲ့ ရွှေ့ပြောင်းဒုက္ခသည်တွေ လျင်မြန်စွာ ပြန်လည်ထူထောင်နိုင်ဖို့အတွက် အမေရိကန်ဒေါ်လာ ငါးသန်း ကူညီထောက်ပံ့ သွားမယ်လို့ အမေရိကန် နိုင်ငံတကာ ဖွံ့ဖြိုးမှုအေဂျင်စီ ပြောရေး ဆိုခွင့်ရှိသူက အခုလို ပြောဆိုလိုက်ပါတယ်။

"မြန်မာပြည်သူလူထုတွေကို ကူညီထောက်ပံ့ပေးဖို့ ကတိကဝတ်ပေးထားတဲ့အတိုင်း အခု အမေရိကန် နိုင်ငံကတာဖွံ့ဖြိုးမှုအေဂျင်စီအနေနဲ့ ရခိုင်ဒေသက ပြည်သူလူထုကို ကူညီထောက်ပံ့မယ့် အစီအစဉ်သစ်ကို စတင်လိုက်ပါပြီ။ ဒီအစီအစဉ်အရ ရခိုင်ပြည်နယ်က ပဋိပက္ခဘေးသင့် လူမှု အသိုက်အဝန်းတွေ၊ နေရပ်ပြောင်းရွှေ့ ဒုက္ခသည်တွေနဲ့ ဆင်းရဲ နွမ်းပါးသူတွေ အတွက် အသက်မွေးဝမ်းကျောင်း လုပ်ငန်းတွေနှင့် ပြန်လည် ထူထောင်နိုင်ရေး လုပ်ငန်းတွေ လျင်မြန်စွာ ဆောင်ရွက်နိုင်ဖို့ အမေရိကန်ဒေါ်လာငါးသန်းကို ကူညီ ပံ့ပိုးသွားမှာဖြစ်ပါတယ်။ ဒီအစီအစဉ်အရ အိမ်ထောင်စု ကိုးထောင်၊ ဒါမှမဟုတ် လူဦးရေ လေးသောင်းငါးထောင်လောက်ကို ကူညီထောက်ပံ့နိုင်မှာဖြစ်ပြီး သူတို့အတွက် အခြေခံ ဝန်ဆောင်မှုတွေ ဈေးကွက်၊ အခြေခံ အဆောက်အအုံ နှင့် စီးပွားရေးအခွင့်အလမ်းတွေ ပိုပြီး တိုးတက်လာမှာဖြစ်ပါတယ်။"

အခုလို ကူညီထောက်ပံ့တဲ့အစီအစဉ်အရ ရခိုင်ပြည်နယ်က လူ့အဖွဲ့အစည်းတွေ ကိုယ်တိုင်ကသာ မိမိတို့ရဲ့ လိုအပ်ချက်တွေ၊ ဖွံ့ဖြိုးတိုးတက်ဖို့ လိုအပ်နေတဲ့ ကဏ္ဍတွေကို ဖော်ထုတ်ပြီး ပြန်လည် ထူထောင်ရေးလုပ်ငန်းတွေကို ဦးဆောင် ရမှာဖြစ်ပါတယ်။

ဒါဟာ အမေရိကန် နိုင်ငံတကာဖွံ့ဖြိုးမှုအေဂျင်စီက ချမှတ်ထားတဲ့ စည်းမျဉ်း စည်းကမ်းဖြစ်ပြီး ဒီလိုဆောင်ရွက်စေခြင်းအားဖြင့် ခွဲခြားဆက်ဆံမှုမရှိအောင်၊ အားလုံးပါဝင်နိုင်အောင်၊ ပွင့်လင်းမြင်သာမှုရှိအောင်၊ တာဝန်ခံမှုရှိအောင်၊ အရပ်ဖက်စွမ်းဆောင်ရည် တိုးမြင့်လာအောင်နဲ့ ဒေသတွင်းအခြေအနေတွေကို အသိပေးလေးစားလိုက်နာရာ ရောက်မှာဖြစ်တယ်လို့ သူက ပြောပါတယ်။

အမေရိကန်သံရုံးအနေနဲ့လည်း ရခိုင်ပြည်နယ်က ပြည်သူလူထုတွေရဲ့ လူနေမှုဘဝအရည်အသွေးတွေ တိုးမြင့်လာစေဖို့ နိုင်ငံတကာအဖွဲ့အစည်းတွေနဲ့ ပူးပေါင်းဆောင်ရွက်နေတယ်လို့ ပြောရေးဆိုခွင့်ရှိသူက အခုလို ပြောပါတယ်။

"ရခိုင်ဒေသက လူ့အဖွဲ့အစည်းတွေရဲ့ လူနေမှုဘဝအရည်အသွေးတွေ တိုးတက်လာဖို့ အမေရိကန်သံရုံးက နိုင်ငံတကာအဖွဲ့အစည်းတွေနဲ့လည်း ပူးပေါင်းဆောင်ရွက်နေ ပါတယ်။ စီးပွားရေးအခွင့်အလမ်းတွေ ဖန်တီးပေးတာ၊ အခြေခံအဆောက်အအုံတွေ တိုးတက်အောင် ဆောင်ရွက်ပေးတာ၊ ပညာရေးအခွင့်အလမ်းတွေ တိုးမြှင့်ပေးတာ၊ အားလုံးအတွက် ကျန်းမာရေးနဲ့ သက်မွေးဝမ်းကျောင်း အခွင့်အရေးတွေ ပံ့ပိုးပေးတာ အပါအဝင် လူ့အဖွဲ့အစည်းတွေကြား ယုံကြည်မှုတည်ဆောက်ရာမှာ ကူညီဆောက်ရွက်ပေးဖို့လည်း ကြိုးစားနေပါတယ်။

အမေရိကန် နိုင်ငံတကာဖွံ့ဖြိုးမှု အေဂျင်စီအနေနဲ့ မြန်မာပြည်သူတွေရဲ့ အခွင့်အရေးနဲ့ အလားအလာကောင်းများစွာကို အပြည့်အဝ အကောင်အထည်ဖော်နိုင် ဖို့ ပြည်တွင်းပြည်ပ အဖွဲ့အစည်းတွေနဲ့လည်း အနီးကပ် ပူးပေါင်းဆောင်ရွက် သွားမှာဖြစ်ပါတယ်။"

အမေရိကန် နိုင်ငံတကာ ဖွံ့ဖြိုးရေးအေဂျင်စီ အဖွဲ့ဟာ ၂၀၀၀ ပြည့်နှစ် ကတည်းက မြန်မာနိုင်ငံ မှာ လူသားချင်းစာနာမှုဆိုင်ရာ အကူအညီတွေ ပေးနေ တာဖြစ်ပါတယ်။၂၀၁၃ ခုနှစ်မှာ စတင်ပြီး ရွေးကောက်ပွဲကော်မရှင်၊ နိုင်ငံရေးပါတီတွေ အပြင် အရပ်ဖက်လူ့အဖွဲ့အစည်းတွေကိုပါ ရွေးကောက်ပွဲဆိုင်ရာ အကူအညီတွေ ပေးခဲ့ပါတယ်။

သိင်္ဂီလင်း/VOA
http://burmese.voanews.com/content/usaid-provide-to-support-rakhine-state/3196193.html

ကွာလာလမ်ပူမြို့ပြင်တွင် ဟင်းသီဟင်းရွက်များကို ခုးဆွတ်နေသော တောင်သူများ။ အောက်တိုဘာ ၁၃၊ ၁၉၉၇။
ကွာလာလမ်ပူမြို့ပြင်တွင် ဟင်းသီဟင်းရွက်များကို ခုးဆွတ်နေသော တောင်သူများ။ အောက်တိုဘာ ၁၃၊ ၁၉၉၇။

မလေးရှားနိုင်ငံမှာရှိတဲ့ အလုပ်ရှင်အများအပြားက တောင်းဆိုမှုတွေကြောင့် တနှစ်ကျော်ကြာ ပိတ်ပင်ထားတဲ့ ကျွမ်းကျင်ရွှေ့ပြောင်း အလုပ်သမားများ ပြန်လည်ခန့်အပ်ရေး အစီအစဉ်ကို တနင်္လာနေကနေ စတင်ခဲ့ပြီးတဲ့နောက် ကုမ္ပဏီတွေမှာ အလုပ်လုပ်ချင်တဲ့ အလုပ်သမားတွေဟာ အလုပ်လုပ်ခွင့်ပါမစ်တွေ လျှောက်ထားလို့ ရပြီဖြစ်ပါတယ်။ ဒါပေမဲ့ မလေးရှားနိုင်ငံက လုပ်ငန်းရှင်တွေကတော့ အခြေခံအလုပ်သမားထက် နှစ်ရှည်လုပ်ခဲ့တဲ့ ကျွမ်းကျင်လုပ်သားတွေကိုသာ အဓိကထား ခန့်အပ်တွေ ရှိနေတယ်လို့ ဆိုပါတယ်။ အသေးစိတ်ကို မအေးအေးမာက သတင်းပေးပို့ထားပါတယ်။

မလေးရှားနိုင်ငံမှာ တရားမ၀င် နေထိုင်နေကြတဲ့ မြန်မာအလုပ်သမားတွေအတွက် ကျွမ်းကျင်တဲ့ အလုပ်သမားတွေကို ပြန်လည်ခန့်အပ်တဲ့ အစီအစဉ်ကို မလေးရှားအစိုးရက ဖေဖော်ဝါရီလ ၁၅ ရက်နေ့က စတင်ခဲ့ပြီး ကုမ္ပဏီတွေမှာ အလုပ်လုပ်ချင်သူတွေက အလုပ်လုပ်ခွင့်ပါမစ်တွေကို စတင်လျှောက်ထားနေပြီလို့ မလေးရှားက မြန်မာအလုပ်သမားတဦးက ပြောပြပါတယ်။

“ကျနော်တို့ကုမ္ပဏီဘက်ကတော့ လုပ်တော့လုပ်နေပြီ။ ဒါပေမဲ့ လိုချင်တဲ့ အဲဒီကုမ္ပဏီတွေက ပါမစ်ထုတ်တယ်ပေါ့ အဲ့လိုမျိုးပုံစံနဲ့။ အကုန်လုံးအတွက် သူက အခုလုပ်ပေးထားတယ်လေ။ အခု လက်ထဲမှာ စာအုပ်ရှိပေမဲ့ အခု ပါမစ်ထုတ်ချင်တာ အဲလိုမျိုး လူတွေလည်း သွားလျှောက်လို့ရတာပေါ့။ လက်မှတ်မရှိတဲ့သူကတော့ နည်းနည်း အခက်အခဲရှိတာပေါ့။ အခု များသောအားဖြင့် လူတွေက အော်ပရေတာတွေကို မယူကြဘူး။ Supervisor တွေ၊ ခေါင်းဆောင်တွေကို အဲ့လိုမျိုးတွေကို သူတို့က များသောအားဖြင့် ယူကြတာပေါ့။ အော်ပရေတာဆိုတော့ အလုပ်သမားပေါ့။ စက်တွေမောင်းရမယ်။ သန့်ရှင်းရေးလည်းလုပ်ရမယ်။ ခေါင်းဆောင်ဆိုတာကတော့ ကြီးကြပ်ရေးလိုမျိုးပေါ့။ ခိုင်းတဲ့လူမျိုးပေါ့ အဲ့လိုမျိုးပေါ့ အောက်ခြေအလုပ်သမားမျိုးတော့ မလိုချင်ဘူးပေါ့။ အလုပ်ကျွမ်းကျင်တဲ့သူမျိုးပဲ ထား၊ အလုပ်မကျွမ်းကျင်တဲ့သူမျိုး မထားဘူး။ အဲ့လိုမျိုးပေါ့။”

အရင်တုန်းကတော့ ကုမ္ပဏီတချို့ဟာ ပါမစ်လုပ်ပေးမယ်ဆိုပြီး ငွေကြေးတောင်းခံပြီး လိမ်လည်ခံရတဲ့အတွက် မလေးရှားက မြန်မာတွေဟာ အခု ပါမစ်ထုတ်ပေးတဲ့အချိန်မှာ စိုးရိမ်ပူပန်မှုတွေ ရှိနေတယ်လို့လည်း ဆိုပါတယ်။ ဒါပေမဲ့လည်း နေရပ်ရင်းကို ပြန်တာထက်စာရင်တော့ အလုပ်လုပ်ခွင့် ပြန်ရတာ အခွင့်လမ်းကောင်းတခုအဖြစ် ရှုမြင်ကြပါတယ်။

“တချို့လူတွေက ကုမ္ပဏီတွေမှာ အလုပ်ဝင်လုပ်ကြတယ်။ တချို့သူဌေးတွေက လိမ်လည်ပြီးမှပေါ့ အိုကေ ငါ မင်းတို့ကို ပတ်စ်ပို့သက်တမ်းတိုးပေးမယ်၊ ငါတို့ဆီမှာ လာလုပ်ဆို လုပ်တဲ့သူတွေရှိတယ်။ ပြီးတော့ အေးဂျင့်တွေက လိမ်တဲ့ပုံစံမျိုးတွေ များသောအားဖြင့် လူတွေ ခံကြရတာပေါ့။ ကိုယ့်နိုင်ငံမှာလုပ်ရင် တလကို ၂ သ်ိန်းလောက်ရမယ်။ ကိုယ့်အလုပ်ကလည်း နည်းနည်း ပင်ပန်းမယ်။ ဘတ်စ်ကားစရိတ်နဲ့ ဟိုသွားဒီသွားနဲ့ဆိုတော့ သိပ်အဆင်မပြေဘူးပေါ့။ နိုင်ငံခြားမှာလုပ်တော့ တလကို ၃ သိန်း ၄ သိန်းလောက်တော့ စုမိတာပေါ့။ အဲ့လိုမျိုး။”

မလေရှားကို လာကြတဲ့ မြန်မာအတော်များများဟာ အလုပ်လုပ်ခွင့်ပါမစ်ရဖို့ အပါအ၀င် မြန်မာကျပ်ငွေ ၁၂ သိန်းလောက် အကုန်ခံပြီး လာကြရတာပါ။ တချို့ကတော့ တ၀က်ကိုပေးချေပြီး တ၀က်ကို အလုပ်လုပ်ပြီး အကြွေးဆပ်ကြရပါတယ်။ မလေးရှားမှာ အလုပ်လာလုပ်သူတွေဟာ တလကို မလေးရှားရင်းဂစ်တွေ အနည်းဆုံး ၁၂၀၀ ကနေ ၁၄၀၀ လောက်ထိ ရကြတာကြောင့် မြန်မာနိုင်ငံမှာ အလုပ်လုပ်တာထက်စာရင် အဆင်ပြေတယ်လို့ ဆိုကြပါတယ်။ ဒါပေမဲ့ အများစုဟာ အလုပ်လုပ်ခွင့်ပါမစ် မရှိတဲ့အတွက် အဖမ်းဆီးတွေ ခံရသူတွေများပါတယ်။

မလေးရှားနိုင်ငံမှာရှိတဲ့ တရားမ၀င် နေထိုင်သူတွေကို မလေးရှားအစိုးရက ဖမ်းဆီးပြီး ထိန်းသိမ်းရေးစခန်းတွေကို ပို့ခဲ့ပြီးနောက် မြန်မာအစိုးရအနေနဲ့ နေရပ်ရင်းကို ပြန်လည်ပို့ဆောင်ပေးနေတာ ၂၀၁၅ ခုနှစ်ထဲမှာ လူဦးရေ ၅ ထောင်ကျော် ရှိနေပြီဖြစ်ပါတယ်။ မလေးရှားနိုင်ငံမှာရှိတဲ့ မြန်မာသံရုံးမှာ everfine အလုပ်သမားဝန်ဆောင်မှု လုပ်ငန်းကနေ လက်ဗွေနှိပ်ခ ၉၀၀ ကားခ ၅၀ စုစုပေါင်း မလေးရှားရင်းဂစ် ၉၅၀ ကောက်ခံကာ G to G လိုခေါ်တဲ့ အစိုးရချင်း လုပ်ဆောင်တဲ့ အစီအစဉ်နဲ့ ဝန်ဆောင်ပေးနေကြတာပါ။ ဒီအစီအစဉ်အရ စရိပ်စက ၀န်ဆောင်မှုအဖြစ် ပေးရတဲ့ မလေးရှားရစ်ဂစ်ငွေ ၉၅၀ ထဲမှာ လေယာဉ်စရိပ်တော့ မပါဝင်ဘူးလို့ ဆိုပါတယ်။

ပြီးခဲ့တဲ့လပိုင်းတုန်းကပဲ မလေးရှားကိုသွားမယ့်သူတွေအတွက် ဗီဇာကြေးကို အရင်ကထက် ၁၀ ဆတိုး ကောက်ခံလိုက်တဲ့အတွက် မလေးရှားကို အလုပ်သမား တင်ပို့နေတဲ့ ကုမ္ပဏီတွေကြားမှာလည်း အဆင်မပြေမှုတွေဖြစ်ပြီး ကုမ္ပဏီတွေက ညှိနှိုင်းတဲ့အတွက် ပညာ/ကျန်းမာ ခွင့်ပြုမိန့်ကျပြီးသား ၁/၂၀၁၆ ထိ ဗီဇာမ၀င်ရသေးတဲ့ အေဂျင်စီ ၉၂ ခုက အလုပ်သမား ၃ ထောင်ကျော်ကိုသာ အရင်နှုန်းထားအတိုင်း ကောက်ခံသွားမယ်လို့ ဆုံးဖြတ်ခဲ့တာပါ။ ကုမ္ပဏီတွေကတော့ နေ့စဉ် အလုပ်သမားတွေကို မလေးရှားကို ပို့ဆောင်ပေးနေတာတွေ ရှိနေပေမဲ့ အခု တနင်္လာနေ့ကစတဲ့ ကျွမ်းကျင်အလုပ်သမား ခေါ်ယူတဲ့ အစီအစဉ်အရ မလေးရှားကုမ္ပဏီ အများစုကတော့ နှစ်ရှည်လုပ်သက်ရှိတဲ့ အလုပ်သမားတွေကိုသာ အလုပ်လုပ်ခွင့်ပါမစ်တွေ လျှောက်ထားခွင့် ပြုနေတယ်လို့လည်း မလေးရှားက အလုပ်သမားတွေက ပြောဆိုပါတယ်။

မအေးအေးမာ/VOA
http://burmese.voanews.com/content/malaysia-burmese-migrants/3195981.html



မြန်မာနိုင်ငံမှာ နိုင်ငံရေးအပြောင်းအလဲတွေ တွေ့မြင်နေရပေမဲ့ လူ့အခွင့်အရေး အခြေအနေတွေ တိုးတက်လာစေဖို့ ကုလသမဂ္ဂနဲ့ ဆက်လက် ထိတွေ့ဆက်ဆံဖို့ လိုအပ်နေဆဲပဲလို့ နိုင်ငံတကာ လွတ်ငြိမ်းချမ်းသာခွင့်အဖွဲ့ Amnesty International က ပြောဆိုလိုက်ပါတယ်။ မကြာသေးခင်က ရွေးကောက်ပွဲတွေ ကျင်းပခဲ့တာလို နိုင်ငံရေးအပြောင်းအလဲတွေ ရှိခဲ့ပေမဲ့လည်း ကုလသမဂ္ဂရဲ့ အခန်းကဏ္ဍကို ပစ်ပယ်လို့ မရသေးဘူးလို့ ဖေဖော်ဝါရီ လကုန် ကျင်းပမယ့် ကုလသမဂ္ဂ လူ့အခွင့်အရေး ကောင်စီရဲ့ ၃၁ ကြိမ်မြောက် ညီလာခံ မတိုင်ခင် မြန်မာနိုင်ငံနဲ့ ပတ်သက်တဲ့ အစီရင်ခံစာတင်သွင်းရာမှာ AI အဖွဲ့ကြီးက သတိပေးခဲ့တာပါ။ အသေးစိတ်ကိုတော့ ဆက်သွယ် မေးမြန်းထားတဲ့ မနန္ဒာချမ်း က တင်ပြထားပါတယ်။

ဖေဖော်ဝါရီလ ၂၉ ရက်နေ့ကနေ မတ်လ ၂၄ ရက်နေ့အထိ ကျင်းပမယ့် ၃၁ ကြိမ်မြောက် ကုလသမဂ္ဂ လူ့အခွင့်အရေးညီလာခံမတိုင်ခင် ကုလသမဂ္ဂ ကို ပြီးခဲ့တဲ့ တနင်္လာနေ့က ပေးပို့ခဲ့တဲ့ AI အဖွဲ့ကြီးရဲ့ ကြေညာချက်ထဲမှာ - မကြာသေးခင်က ကျင်းပခဲ့တဲ့ ရွေးကောက်ပွဲတွေကြောင့် - ကုလသမဂ္ဂ လူ့အခွင့်အရေးကောင်စီအနေနဲ့ မြန်မာနိုင်ငံနဲ့ ပတ်သက်တဲ့ လုပ်ငန်းတွေကို မလိုအပ်တော့ဘူးလို့ မယူဆသင့်ကြောင်း၊ ဧပြီလမှာ တက်လာမယ့် အစိုးရသစ်အနေနဲ့လည်း ကြီးမားတဲ့ လူ့အခွင့်အရေး စိန်ခေါ်ချက်တွေနဲ့ ရင်ဆိုင်ရနိုင်တယ်လို့ AI အဖွဲ့ကြီးက ထောက်ပြထားပါတယ်။ ဒါကြောင့် နောင်တက်လာမယ့် အစိုးရသစ်အနေနဲ့ နိုင်ငံတကာ စံချိန်စံညွှန်းတွေနဲ့ ပြည့်ဝတဲ့ လူ့အခွင့်အရေး အခြေအနေတွေကို လုပ်ဆောင်လာအောင် မြန်မာ့ လူ့အခွင့်အရေး အခြေအနေအပေါ် ကုလသမဂ္ဂရဲ့ အာရုံစိုက်မှုတွေ လိုအပ်နေဆဲပဲလို့ AI အဖွဲ့ရဲ့ ပြောခွင့်ရပုဂ္ဂိုလ် T Kumar က အခုလို ပြောဆိုခဲ့ပါတယ်။

“ကုလသမဂ္ဂ အနေနဲ့ ဆက်လက်ထိတွေ့ ဆက်ဆံဖို့ လိုအပ်နေတဲ့ အရေးကြီးဆုံး အကြောင်းရင်းကတော့ အခြေအနေတွေက မရေမရာ ဖြစ်နေတုန်းမို့ပါ။ အခြေအနေတွေဟာ ရှင်းရှင်းလင်းလင်း မရှိသေးသလို၊ အစိုးရသစ်တက်လာမယ် ဆိုပေမဲ့ ဘာတွေဖြစ်လာမယ်မှန်းလည်း မသိနိုင်သေးပါဘူး။”

ဒါ့အပြင် ကုလသမဂ္ဂ လူ့အခွင့်အရေးကောင်စီကို တင်သွင်းခဲ့တဲ့ AI အဖွဲ့ရဲ့ ကြေညာချက်ထဲမှာ - နိုင်ငံတကာ လူ့အခွင့်အရေး စံချိန်စံနှုန်းတွေနဲ့ မညီဘဲ လွှတ်တော်က အတည်ပြု ပြဌာန်းလိုက်တဲ့ မျိုးစောင့်ဥပဒေတွေနဲ့ ပတ်သက်လို့လည်း ထောက်ပြထားသလို၊ ပြီးခဲ့တဲ့ ၂၀၁၅ ခုနှစ် တနှစ်တည်းမှာတင် မြန်မာနိုင်ငံမှာ ဖြစ်ပွားနေတဲ့ တိုက်ပွဲတွေကြောင့် အိုးအိမ်စွန့်ခွာ ထွက်ပြေးကြရသူ ၁ သိန်းဝန်းကျင်ရှိခဲ့ပြီး၊ ဒေသခံအရပ်သားတွေအပေါ် ဥပဒေမဲ့ သတ်ဖြတ်တာ၊ လိင်ပိုင်းဆိုင်ရာအကြမ်းဖက်မှု၊ အဓ္ဓမပေါ်တာခိုင်းစေမှု၊ အဓ္ဓမ တပ်သားသစ်စုဆောင်းမှုနဲ့ လူသားချင်းစာနာမှုအကူအညီတွေ ၀င်ရောက်ဖို့ တားမြစ်ပိတ်ပင်ခံရတာလို လူ့အခွင့်အရေးချိုးဖောက်မှုတွေကိုလည်း မြန်မာအစိုးရတပ်တွေရော၊ တိုင်းရင်းသားလက်နက်ကိုင်တပ်ဖွဲ့တွေ နှစ်ဘက်စလုံးက ကျူးလွန်နေကြတာ ဖြစ်တယ်လို့ ပြောဆိုထားပါတယ်။ ဒါ့အပြင် လက်ရှိ သမ္မတ ဦးသိန်းစိန်အစိုးရလက်ထက်မှာ - လွတ်လပ်စွာ ထုတ်ဖော်ပြောဆိုခွင့်ကို ဆန့်ကျင်ပြီး - ဆန္ဒပြတောင်းဆိုသူတွေကို ပုဒ်မ ၁၈ နဲ့ ဖမ်းဆီးအရေးယူမှုတွေလည်း လုပ်ဆောင်နေတာပါ။

အထူးသဖြင့် တိုင်းရင်းသားလူမျိုးစုဒေသတွေဖြစ်တဲ့ ရခိုင်ပြည်နယ်မှာ ရိုဟင်ဂျာမူဆလင်တွေအပေါ် ခွဲခြားဆက်ဆံမှုတွေနဲ့ ရှမ်းပြည်နဲ့ ကချင်ပြည်နယ်တို့မှာ ဖြစ်ပွားနေတဲ့ တိုက်ပွဲတွေအတွင်း အရပ်သားတွေ အပေါ် လူ့အခွင့်အရေးချိုးဖောက်မှုတွေကို အဓိက မီးမောင်းထိုးပြထားပြီး၊ အစိုးရအနေနဲ့ ဒီလို လူ့အခွင့်အရေးချိုးဖောက်မှုတွေ အဆုံးသတ်ရေး ကိုင်တွယ်ဖြေရှင်းသွားရမယ်လို့လည်း မစ္စတာ T Kumar က အခုလို ဆက်ပြောခဲ့ပါတယ်။

“နိုင်ငံရေးအကျဉ်းသားတွေ၊ တခြားလူ့အခွင့်အရေး ချိုးဖောက်မှုတွေ ရှိနေသလို၊ တိုင်းရင်းသား လူမျိုးစုတွေ နေထိုင်ရာဒေသတွေနဲ့ တခြားနေရာတွေမှာ လူ့အခွင့်အရေးတွေကို အကာအကွယ်ပေးနိုင်အောင် အာမခံချက်ရှိဖို့လည်း လိုပါတယ်။”

ဒါကြောင့် လက်ရှိ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် ယန် ဟီးလီ ကို ဆက်လက် တာဝန်ပေးအပ်တာလို၊ ဦးသိန်းစိန် အစိုးရ လက်ထက်က ဖွင့်လှစ်ခွင့် မပြုခဲ့တဲ့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးခွဲကို လာမယ့် အစိုးရသစ်လက်ထက်မှာ ဖွင့်ခွင့်ရရှိအောင် ကြိုးပမ်းဖို့ကိုလည်း မစ္စတာ T Kumar က တိုက်တွန်းသွားခဲ့ပါတယ်။

“ကျနော်တို့အနေနဲ့ ကုလသမဂ္ဂရဲ့ အထူးကိုယ်စားလှယ်ကို သက်တမ်းတိုးတာ၊ တာဝန်ပေးတာတွေ လုပ်စေချင်ပါတယ်။ မြန်မာနိုင်ငံဆိုင်ရာရုံးတရုံး ဖွင့်လှစ်နိုင်အောင်လည်း ကြိုးပမ်းစေချင်ပါတယ်။”

ပြီးခဲ့တဲ့ သီတင်းပတ်ကတော့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ် ယန်ဟီးလီဟာ ဖေဖော်ဝါရီလကုန် ကျင်းပမယ့် လူ့အခွင့်အရေးကောင်စီ ညီလာခံမတိုင်ခင် မြန်မာနိုင်ငံကို သွားရောက်ဖို့ရှိပေမဲ့ ကိုယ်ရေးကိုယ်တာကိစ္စကြောင့် ဖျက်ခဲ့ရပြီး၊ ဘယ်တော့ ပြန်သွားမယ် ဆိုတာကိုတော့ ကုလသမဂ္ဂ က ပြောဆိုခြင်း မရှိသေးပါဘူး။ AI အဖွဲ့ကြီးရဲ့ ကြေညာချက်ထဲမှာတော့ လုံခြုံရေးတပ်ဖွဲ့တွေရဲ့ လူ့အခွင့်အရေး ချိုးဖောက်မှုတွေကို အရေးမယူဘဲ လွတ်ငြိမ်းချမ်းသာခွင့်ပေးတာတွေကိုလည်း ထောက်ပြထားပါတယ်။ မကြာသေးခင်ကပဲ အတည်ပြုလိုက်တဲ့ သမ္မတ တာဝန်ထမ်းဆောင် စဉ်က လုပ်ရပ်တွေနဲ့ ပတ်သက်လို့ အရေးမယူဖို့ ကင်းလွတ်ခွင့်ပြုတဲ့ လုံခြုံရေးဆိုင်ရာ ဥပဒေတရပ်ဟာ လည်း နိုင်ငံတကာ ဥပဒေတွေနဲ့ ကိုက်ညီမှု မရှိဘူးလို့ ဖော်ပြထားပြီး၊ စစ်တပ်အနေနဲ့ လွှတ်တော်ထဲမှာ ၄ ပုံ ၁ ပုံ နေရာယူထားသလို၊ အဓိကကျတဲ့ ကာကွယ်ရေး၊ နယ်စပ်လုံခြုံရေးနဲ့ ပြည်ထဲရေး ၀န်ကြီးဌာန တွေကို ထိန်းချုပ်ထားတဲ့ အတွက်လည်း လူ့အခွင့်အရေးအတွက် အကာအကွယ်ပေးရာမှာ အရေးကြီးတဲ့ လုပ်ငန်းတွေကို အစိုးရက အုပ်ချုပ်ခွင့်မရှိတဲ့ အတွက် လူ့အခွင့်အရေး တိုးတက်အောင် ထိထိရောက်ရောက် လုပ်နိုင်ပါ့မလားဆိုတာ ရှင်းရှင်းလင်းလင်း မသိနိုင်ဘူးလို့လည်း ဖော်ပြထားပါတယ်ရှင်။

မနန္ဒာချမ်း/VOA
http://burmese.voanews.com/content/ai-burma-human-rights/3195973.html

 ဝါဒက် ပြည်နယ်ထဲက နေရာတချို့ကို တာလီဘန်တွေ ထိန်းချုပ်ထားဆဲ ဖြစ်။
အာဖဂန် နစ္စတန် နိုင်ငံမှာ ဆွီဒင် ကူညီရေးအဖွဲ့ တစ်ခုက လည်ပတ်တဲ့ ဆေးခန်းတစ်ခု စီးနင်းခံရပြီး လူနာ နှစ်ယောက်နဲ့ လူနာစောင့် တစ်ယောက်တို့ အသတ် ခံရတယ်လို့ အဲဒီ ဆွီဒင် အဖွဲ့က ပြောပါတယ်။

အာဖဂန် အတွက် ဆွီဒင် ကော်မတီ SCA လို့ ခေါ်တဲ့ အဲဒီ အဖွဲ့က ပြောရာမှာ ဝါဒက် ပြည်နယ်ထဲက တန်ဂျီ ဆိုင်ဒန် ရွာမှာ ရှိတဲ့ သူတို့ရဲ့ ဆေးခန်းကို ဝင်စီးခဲ့သူတွေက အာဖဂန် စစ်တပ်က စစ်သားတွေ ဖြစ်တယ်လို့ ဆိုပါတယ်။

အဲဒီ တန်ဂျီ ဆိုင်ဒန် ရွာဟာ တာလီဘန်တွေရဲ့ ထိန်းချုပ်မှု အောက်မှာ ရှိပါတယ်။

ဒီအကြောင်းကို အာဖဂန် စစ်တပ်က တစုံတရာ အတည်ပြု ပြောဆိုမှု မရှိပေမယ့် ဒေသတွင်းက နိုင်ငံရေးသမား တစ်ယောက်ကတော့ အဲဒီ ဆေးခန်းကို စစ်သားတွေ ပစ်မှတ် ထားခဲ့တယ်လို့ ပြောပါတယ်။

ဆေးခန်း ဝန်ထမ်းတွေကို စစ်သားတွေက ဖမ်းဆီး ရိုက်နှက်ခဲ့ပြီး၊ လူနာ နှစ်ယောက်နဲ့ လူနာ စောင့် တစ်ယောက်ကို ဖမ်းခေါ်သွားကာ အနီးအနား တစ်နေရာမှာ သူတို့ကို သတ်ပစ် ခဲ့တယ်လို့ SCA အဖွဲ့ရဲ့ ဆက်သွယ်ရေး မန်နေဂျာက ဘီဘီစီကို ပြောပါတယ်။

BBC Burmese
http://www.bbc.com/burmese

ကျူးဘားသမ္မတနဲ့ အမေရိကန်သမ္မတတို့ တွေ့ဆုံခဲ့ကြစဉ်။ (ဧပြီ ၁၁၊ ၂၀၁၅)
စစ်အေးကာလ ရန်ဘက်နိုင်ငံတွေဖြစ်ခဲ့ကြတဲ့ အမေရိကန်နဲ့ ကျုးဘားနိုင်ငံတို့ကြား အဓိကကျတဲ့ ဆက်သွယ်ရေးခြေလှမ်းတရပ်ပြန်လည်တည်ဆောက်တဲ့အနေနဲ့ အမေရိကန်သမ္မတ ဘရက်ခ် အိုဘားမားဟာ ကျုးဘားနိုငံကို နောက်လတွင်း သွားရောက် လည်ပတ်လိမ့်မယ်လို့ အိမ်ဖြူတော်ကပြောပါတယ်။ အိုဘားမားရဲ့ ခရီးစဉ်နဲ့ ပတ်သက်လို့ ကြာသပတေးနေ့မှာ တရားဝင်သတင်းထုတ်ပြန်မှာဖြစ်သလို ဒါဟာ သမ္မတ အိုဘားမားရဲ့  လက်တင်အမေရိက ခရီးစဉ်ရဲ့  တစိတ်တပိုင်းဖြစ် တယ်လို့ အဆင့်မြင့်အရာရှိတယောက်ကပြောပါတယ်။

အာဂျင်တီးနားနိုင်ငံကို မသွားခင် ကျူးဘားနိုင်ငံကို မတ်လ ၂၁ ရက်နဲ့ ၂၂ ရက်မှာ အိုဘားမား သွားရောက်ဖို့ စီစဉ်ထားတယ်လို့ CNN သတင်းဌာနကပြောပါတယ်။ အိုဘားမားရဲ့  သမ္မတ သက်တမ်းကုန်ဆုံးမယ့် ဇန်နဝါရီလ ၂၀၁၇ မတိုင်ခင် ကျူးဘားနိုင်ငံနဲ့ ဆက်ဆံရေး တိုးတက်ဖို့ အတတ်နိုင်ဆုံး ကြိုးပမ်းတဲ့အနေနဲ့ ကျူးဘားကို သွားရောက်လိမ့်မယ်ဆိုပြီး အရင်ကတည်းက ခန့်မှန်းမှုတွေ ရှိနေတာပါ။

ပြီးခဲ့တဲ့နှစ်က ကျူးဘားနိုင်ငံမှာ အမေရိကန် သံရုံးပြန်လည် ဖွင့်လှစ်ြ့ပီးတဲ့နောက် အိုဘားမားရဲ့ ခရီးစဉ်ဖြစ်ပေါ်လာတာလည်းဖြစ်ပါတယ်။ အမေရိကန်နဲ့ ကျူးလားပြည်သူတွေ စီးပွါးရေးအရပြေးဆွဲတဲ့ ပုံမှန် လေယာဉ်ခရီးစဉ်နဲ့ အပြန်အလှန် ခရီးသွားလာနိုင်တော့မှာဖြစ်တယ်လို ပြီးခဲ့တဲ့ သီတင်းပတ်ကပဲ အမေရိကန်အရာရှိတွေက ကြေညာခဲ့ပါတယ်။

ခုလိုလေယာဉ် ပျံသန်းရေးသဘောတူညီမှုဟာ နှစ်နိုင်ငံကြာ သံတမန် ဆက်ဆံရေးပြန်လည်စတင်ဖို့ အိုဘားမားရဲ့  ၂၀၁၄ခုနှစ်တွင်းက ကြိုးပမ်းမှုရဲ့ တစိတ်တပိုင်းလည်း ဖြစ်ပါတယ်။ အိုဘားမားဟာ ကျူးဘားနိုင်ငံကို ၁၀ စုနှစ်တွေ အတွင်း လက်ရှိသမ္မတ ရာထူးနဲ့ သွားရောက်တဲ့ ပထမဆုံး ပုဂ္ဂိုလ်လည်းဖြစ်လာပါလိမ့်မယ်။

ဗွီအိုအေ (မြန်မာပိုင်း)
http://burmese.voanews.com

အမေရိကန်နဲ့ တောင်ကိုရီးယား စစ်တပ်ပူးတွဲ စစ်ရေးလေ့ကျင့်မှု (မတ် ၃၀၊ ၂၀၁၅)
လာမယ့် အမေရိကန်နဲ့ တောင်ကိုရီးယားစစ်တပ် ပူးတွဲ စစ်ရေးလေ့ကျင့်မှုဟာ အကြီးမားဆုံးဖြစ်လိမ့်မယ်လို့ တောင်ကိုရီးယားကာကွယ်ရေး အရာရှိတွေက ပြောပါတယ်။ ဒါဟာ မြောက်ကိုရီးယားနိုင်ငံဘက် က  နျူးကလီးယားဖေါက်ခွဲမှု နဲ့ ပဲ့ထိန်းတပ် ဒုံးကျည် စမ်းသပ်ပစ်လွှတ်ပြီးတဲ့နောက် ၂ နိုင်ငံကြား ဆက်ဆံရေး အရှိန်မြင့် တင်းမာလာတဲ့ လက္ခဏာလည်း ဖြစ်ပါတယ်။

အမေရိကန်တပ်ဖွဲ့ဝင် ၁ သောင်းခွဲလောက်ဟာ နောက်လထဲမှာ Key Resolve နဲ့ Foal Eagle နှစ်စဉ် ပူးတွဲစစ်ရေးလေ့ကျင့်မှုတွေမှာ ပါဝင်လိမ့်မယ် လို့ တောင်ကိုရီးယား ကာကွယ်ရေးဝန်ကြီး Han Min-koo က ဒီကနေ့မှာ ပြောလိုက်တာပါ။ ဒီအရေအတွက်ဟာ လွန်ခဲ့တဲ့နှစ်ကထက် ၂ ဆ တိုးလာတာလည်းဖြစ်ပါတယ်။

ဒီလိုစစ်ရေးလေ့ကျင့်ရာမှာ နျူကလီးယားစွမ်းအင်သုံး လေယာဉ်တင်သင်္ဘော John C. Stennis ပါဝင်မယ်လို့ တောင်ကိုရီးယား ယုံဟပ်သတင်းဌာနက ကြေညာပါတယ်။ ဒီစစ်ရေးလေ့ကျင့်မှုဟာ သူတို့နိုင်ငံကို ကျူးကျော်ဖို့ ပြင်ဆင်နေတာ လို့ မြောက်ကိုရီးယားဘက် က စွပ်စွဲပြောဆိုလေ့ ရှိပါတယ်။ မြောက် ကိုရီးယားခေါင်းဆောင် ကင်ဂျုံအွန်းဟာ တောင်ကိုရီးယားကို တိုက်ခိုက်ဖို့ ပြင်ဆင်ဖို့ အမိန့်ပေးထားကြောင်း တောင်ကိုရီးယား အစိုးရကို ထောက်လှမ်းရေး ဘက်က ပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com

 စစ်ယာဉ်တန်းကို ပစ်မှတ်ထား တိုက်ခိုက်ခဲ့ရာမှာ ၂၈ ဦး သေဆုံးခဲ့။
တူရကီနိုင်ငံ၊ အန်ကာရာ မြို့မှာ ၂၈ ဦး သေဆုံးခဲ့ရတဲ့ ဗုံးခွဲ တိုက်ခိုက်မှုဟာ ဆီးရီးယား အခြေစိုက် ကာဒစ်ရှ် ပြည်သူ့စစ် YPG တွေရဲ့ လက်ချက် ဖြစ်တယ်လို့ တူရကီ ဝန်ကြီးချုပ် အာမတ် ဒဝူတိုလူ က ပြောပါတယ်။

အဲဒီ ကာဒ့် တိုက်ခိုက်ရေးသမား တွေကို တူရကီထဲက မတရားအသင်း ကြေညာထားတဲ့ ကာ့ဒ် အလုပ်သမား ပါတီ PKK က ကူညီခဲ့တယ်လို့ အာမတ် ဒဝူတိုလူက ပြောပါတယ်။ ဒါပေမယ့် YPG ကတော့ ပါဝင် ပတ်သက်ခြင်း မရှိကြောင်း ငြင်းဆိုပါတယ်။

စစ်သားတွေ တင်လာတဲ့ ယာဉ်တန်းကို ပစ်မှတ်ထား တိုက်ခိုက်ခဲ့တဲ့ အဲဒီ ဗုံးခွဲမှုနဲ့ ပတ်သက်ပြီး လူ ၁၄ ဦးကို ဖမ်းဆီး ထားတယ်လို့ တူရကီက ပြောပါတယ်။

ဗုဒ္ဓဟူးနေ့ ညနေပိုင်းက အန်ကာရာမြို့မှာ တူရကီ စစ်ယာဉ်တန်း တစ်ခု အစိုးရ အဆောက်အအုံတွေ အနီး ဖြတ်သွားစဉ် တိုက်ခိုက် ခံခဲ့ရတာ ဖြစ်ပြီး ၂၈ ဦး သေဆုံးကာ ၆၁ ဦး ဒဏ်ရာ ရခဲ့ပါတယ်။

သေဆုံးသူတွေ ထဲက ၂၆ ယောက်က စစ်သားတွေ ဖြစ်ပြီး အသုဘ အခမ်းအနားတွေကို ကြာသပတေးနေ့မှာ လုပ်မယ်လို့ မစ္စတာ ဒဝူတိုလူက ပြောပါတယ်။

တချိန်တည်းမှာပဲ တူရကီ အရှေ့တောင်ပိုင်းမှာလည်း နောက်ထပ် တူရကီ စစ်ယာဉ်တန်း တစ်ခု ထပ်မံ တိုက်ခိုက် ခံရလို့ အနည်းဆုံး စစ်သား ၆ ဦး သေဆုံး သွားပါတယ်။

BBC Burmese
http://www.bbc.com/burmese


ဘရာဇီး နိုင်ငံမှာ ကိုယ်ဝန်ဆောင် အမျိုးသမီးတွေ ပါဝင်တဲ့ လေ့လာ စမ်းသပ်ချက် တစ်ခုအရ ဦးခေါင်း သေးတဲ့ ကလေးတွေ မွေးဖွားလာမှုဟာ ဇီကာ ဗိုင်းရပ်စ်နဲ့ ဆက်စပ်တယ် ဆိုတဲ့ အယူအဆကို ပိုမို ခိုင်မာ လာစေတယ်လို့ ပညာရှင်တွေက ပြောပါတယ်။

ကိုယ်ဝန်ဆောင်စဉ် ကာလအတွင်း ဇီကာပိုး ကူးစက်ခံရတဲ့ လက္ခဏာတွေ ပြခဲ့တဲ့ အမျိုးသမီး နှစ်ဦးရဲ့ ရေမြွာရည်ထဲမှာ ဇီကာ ဗိုင်းရပ်စ် ရောက်ရှိ နေတာကို အဲဒီ လေ့လာချက်က အတည်ပြုခဲ့ပါတယ်။

ဒါကြောင့် သန္ဓေသားကိုလည်း ဇီကာ ဗိုင်းရပ်စ် ကူးစက်နိုင်တယ် ဆိုတာ ဒီတွေ့ရှိချက်က ဖော်ပြတယ်လို့ ဘရာဇီး ပညာရှင်တွေက ဆိုပါတယ်။

ဒါပေမယ့် ကမ္ဘာ့ ကျန်းမာရေးအဖွဲ့ WHO က ပညာရှင်တွေကတော့ အဲဒီလို ဇီကာ ဗိုင်းရပ်စ်နဲ့ ဦးခေါင်း သေးတဲ့ ကလေးတွေ အကြား အဆက်အစပ်ကို သက်သေ မပြနိုင်သေးပါဘူးလို့ သတိပေးခဲ့ပြီး၊ လာမယ့် သီတင်းပတ် အနည်းငယ်အတွင်း အသေးစိတ် အချက်တွေ ထပ်ထွက်လာမယ်လို့ မျှော်လင့်ထား ပါတယ်။

ဘရာဇီး နိုင်ငံမှာ ပြီးခဲ့တဲ့ နှစ်အတွင်း ဇီကာ ဗိုင်းရပ်စ် ကူးစက်ခံရသူ အရေအတွက် များလာခဲ့ သလို ဦးခေါင်းအရွယ် ပုံမှန်ထက် သေးငယ်တဲ့ ကလေးတွေ မွေးဖွားမှုလည်း တိုးလာခဲ့ကာ တချို့ ကလေးတွမှာ ဦးနှောက် ဖွံ့ဖြိုးမှုကိုပါ ထိခိုက်ခဲ့တယ်လို့ ဆိုပါတယ်။

ဒါကြောင့် အဲဒီ ပြဿနာရဲ့ နောက်ကွယ်မှာ ဇီကာ ဗိုင်းရပ်စ် တကယ် ရှိနေသလား ဆိုတာကို အတည်ပြုနိုင်ဖို့ လေ့လာ စမ်းသပ်မှုတွေ ပြုလုပ် လာကြတာ ဖြစ်ပါတယ်။

BBC Burmese
http://www.bbc.com/burmese/

မုံရွာ လက်ပံတောင်းတောင် ကြေးနီစီမံကိန်း လုပ်ငန်းခွင်တစ်နေရာကို တွေ့ရစဉ်။ Photo: RFA
ဒေါ်အောင်ဆန်းစုကြည် ဦးဆောင်တဲ့ NLD အစိုးရသစ်တက်လာတာနဲ့ မုံရွာလက်ပံတောင်းတောင် ကြေးနီ စီမံကိန်းလုပ်ငန်းတွေကို မေလအတွင်း စတင်မယ်လို့ တရုတ်ဝမ်ပေါင်ကုမ္ပဏီက ဒီကနေ့ ပြောကြားလိုက်ပါတယ်။

ဒေသခံတွေနဲ့ ပြဿနာတချို့ရှိနေဆဲဖြစ်ပေမယ့် NLD အစိုးရသစ်လက်ထက်မှာ ပိုမိုကောင်းမွန်တဲ့ အနာဂတ်ဖြစ် ထွန်းလာလိမ့်မယ်လို့ မျှော်လင့်ထားပြီး၊ ကြေးနီထုတ်လုပ်မှုလုပ်ငန်းတွေကို အစိုးရသစ်တက်လာပြီး သီတင်းပတ် အနည်းငယ်အကြာ မေလထဲမှာ စတင်မယ်လို့ ဝမ်ပေါင်ကုမ္ပဏီရဲ့ ပြောခွင့်ရပုဂ္ဂိုလ် မစ္စတာ ဒေါင်ယွန်ဖီးက AFP သတင်းဌာနကို ပြောပါတယ်။

စစ်တပ်ပိုင် ဦးပိုင်ကုမ္ပဏီနဲ့ တရုတ်ဝမ်ပေါင်ကုမ္ပဏီတို့ ပူးပေါင်းအကောင်အထည်ဖော်နေတဲ့ လက်ပံတောင်းတောင်ကြေးနီစီမံကိန်းမှာ လွန်ခဲ့တဲ့နှစ်တွေအတွင်း ဒေသခံဆန္ဒပြတောင်သူတွေနဲ့ အာဏာပိုင်တွေ အကြား မကြာခဏဆိုသလို ထိပ်တိုက်ပဋိပက္ခတွေ ဖြစ်ပွားခဲ့ပါတယ်။

RFA Burmese
http://www.rfa.org/burmese


ရှမ်းပြည်နယ်မြောက်ပိုင်း ကျောက်မဲမြို့နယ် ပန်မက်မီးကျေးရွာတွင် အခြေချနေထိုင်သည့် တအာင်းအမျိုးသား လွှတ်မြောက်ရေး တပ်မတော်(PSLF/TNLA ) တပ်ကို ရှမ်းပြည် ပြန်လည်
ထူထောင်ရေးကောင်စီ (RCSS/SSA) အဖွဲ့က ဖေဖော်ဝါရီ ၁၈ ရက်တွင် တိုက်ခိုက် သိမ်းပိုက်နိုင်ခဲ့ကြောင်း နှစ်ဖက်အသိုင်းဝိုင်းများထံမှ သိရသည်။

စခန်းကုန်းသိမ်း တိုက်ပွဲတွင် အကျအဆုံးများခဲ့ပြီး TNLA ဘက်က ထွက်ပြေးဆုတ်ခွာ သွားကြောင်း TNLA တံဆိပ်ပါ အလောင်း ၁၀ လောင်းနှင့် လက်နက်ခဲယမ်းများကို သိမ်းဆည်းရမိကြောင်း RCSS/SSA ဘက်ကထုတ်ပြန်သည်။

အဆိုပါကိစ္စရပ်နှင့် ပတ်သက်၍ တအာင်းအမျိုးသား လွှတ်မြောက်ရေး တပ်မတော် (PSLF/TNLA ) မှ ပြောရေးဆိုခွင့်ရှိသူ မိုင်အိုက်ကျော် အား The Ladies က မေးမြန်းရာ ၎င်းတို့အနေဖြင့် ကျေးရွာများတွင် မိုဘိုင်း(ရွေ့လျားတပ်) အဖြစ်သာ အခြေချထားခြင်း
ဖြစ်သည်ဟု ပြန်လည်ဖြေကြားခဲ့သည်။

“ကျွန်တော်တို့တပ်တွေက မိုဘိုင်းအဖြစ်ပဲရှိတာပါ။ စခန်းတွေဘာတွေမရှိဘူး ” ဟု TNLA ပြောရေးဆိုခွင့်ရှိသူ မိုင်အိုက်ကျော်က ပြောသည်။

အမည်မဖော်လိုသော တရုတ်မြန်မာနယ်စပ် စစ်ရေးနိုင်ငံရေး အကဲခတ်တစ်ဦးကလည်း တအာင်းပလောင်စခန်းများ သိမ်းပိုက်ခံရသည်မှာ မှန်ကန်ပြီး RCSS ဘက်မှ လက်နက်ကြီး အမြောက်အမြား အသုံးပြုခဲ့သောကြောင့် အစိုးရစစ်တပ်ဘက်မှ လက်နက်ကြီးပစ်ကူများ ပစ်ပေးသည်ဟု သံသယ၀င်စရာ ဖြစ်နေကြောင်း သုံးသပ်ပြောဆိုသည်။

ရှမ်းပြည်မြောက်ပိုင်း တော့ဆန်၊တောင်ပလို့၊ စာတီဟောင်း၊ စာတီစမ်း၊ ပန်မက်မိုင်း၊ မိုင်လုံ အစရှိသည့် ကျောက်မဲမြို့နယ် အတွင်းရှိ နေရာများအား RCSS/SSA တပ်ဖွဲ့များက TNLA တပ်ဖွဲ့များထံမှာ တိုက်ခိုက် ထိန်းချုပ်ထား လိုက်နိုင်ပြီဖြစ်ကြောင်း RCSS/SSA တာဝန်ရှိသူတစ်ဦးကလည်း The Ladies News သို့ ပြောသည်။

ကျောက်မဲမြို့နယ်အတွင်း RCSS/SSA နှင့် TNLAတို့ နှစ်ဖက်ထိတွေ့ တိုက်ပွဲဖြစ်ပွားမှု များကြောင့် ကျေးရွာအုပ်စု ၁၂ အုပ်စု ဒေသခံအများအပြား စစ်ဘေးဒုက္ခသည်အဖြစ် ကျောက်မဲမြို့သို့ စစ်ဘေးရှောင်များအဖြစ် သွားရောက် နေထိုင်နေရကြောင်း သိရသည်။ ယင်းအပြင် နမ့်ခမ်းဘက်တွင်လည်း နှစ်ဖက် တိုက်ပွဲများကြောင့် အနည်းဆုံးဒေသခံ ၁,၅၀၀ ကျော် ဘေးလွတ်ရာကို ပုန်းရှောင်နေရပြီး လက်ရှိအချိန်တွင်
ကျောက်မဲမြို့ရှိ စစ်ဘေးရှောင်စခန်းများသို့ တော့ဆန်၊ ညောင်မောင်း၊ နမ့်ခွန်၊ မင်းကုန်း၊ ပန်ဟူ၊ နမ့်ဖန်း၊ ပန်စံ(လုံ)၊ စန့်ဟိန်း၊ ကန့်ကန်၊ ကွမ်းစလန်း၊ လွယ်ဆာ၊ ပါလှိုင် ကျေးရွာအုပ်စု ၁၂ အုပ်စုမှ
ဒေသခံများ ရောက်ရှိ နေထိုင်လျက် ရှိကြောင်း ကျောက်မဲဒေသခံများ
ထံမှ သိရသည်။

ကိုယ်ပိုင်အုပ်ချုပ်ခွင့်ရ ဒေသအဖြစ် သတ်မှတ်ခံထားရသည့် တအာင်းပလောင် ဒေသအား ပြည်နယ်အဆင့် တိုးမြှင့် သတ်မှတ်ပေးရန်နှင့် လက်ရှိဒေသအပြင် တအာင်းပလောင် လူမျိုးအချို့ ရှိနေသော နမ့်ခမ်း ၊ မူဆယ်ကဲ့သို့ ဒေသများကိုပါ ပြည်နယ်သတ်မှတ်မှု အတွင်း ထည့်သွင်း
ပေးရန် ပြည်ထောင်စုငြိမ်းချမ်းရေး ညီလာခံတွင် တင်ပြခဲ့ပြီး နောက်ပိုင်း ရှမ်းလက်နက်ကိုင် တပ်ဖွဲ့ဖြစ်သည့် RCSS/SSA နှင့် တအာင်းပလောင် တပ်ဖွဲ့တို့အကြား တိုက်ပွဲများမှာ ပြင်းထန်လာခဲ့ခြင်းဖြစ်သည်။

ရှမ်းပြည် ပြန်လည်ထူထောင်ရေး ကောင်စီ RCSS/SSA မှာ ထိုင်းနယ်စပ်အခြေစိုက် လက်နက်ကိုင် အဖွဲ့စည်းဖြစ်ပြီး အစိုးရနှင့် နိုင်ငံလုံးဆိုင်ရာ အပစ်ခတ်ရပ်စဲရေး လက်မှတ်ရေးထိုးထားကာ တအာင်းပလောင်အဖွဲ့မှာ ရှမ်းမြောက်ဒေသ တရုတ်နယ်စပ် အနီးတွင် လှုပ်ရှားနေသော အဖွဲ့စည်းဖြစ်ကာ တရုတ်နယ်စပ် အဖွဲ့စည်းများ
ဖြစ်သော ကေအိုင်အို ၊ ကိုးကန့် ၊ ၀ စသော တပ်ဖွဲ့များနှင့် ရင်းနှီးသော ဆက်ဆံမှုရှိသည့် အဖွဲ့စည်းဖြစ်သည်။

သတင်း - ဇော်မင်းထွန်း
The Ladies News
https://www.facebook.com/News.TheLadies/

ဗြိတိန်တော်ဝင် လေတပ် (RAF) ၏ တိုင်ဖုန်းဂျက်တိုက်လေယာဉ် များကိုတွေ့ရစဉ် (ဓာတ်ပုံ-အင်တာနက်)
    လန်ဒန်၊ ဖေဖော်ဝါရီ ၁၈ ရက် (ဆင်ဟွာ)

    ဗြိတိန်နိုင်ငံ လေပိုင်နက်အတွင်း သို့ တရားမဝင် ဦးတည်ပျံသန်းလာသည့် ရုရှားဗုံးကြဲလေယာဉ် နှစ်စီးအား ကြားဖြတ်တားဆီးရန် ဗြိတိန်တော်ဝင် လေတပ် (RAF) ၏ တိုင်ဖုန်းဂျက်တိုက်လေယာဉ် များကို အလျင်အမြန် စေလွှတ်ခဲ့ရကြောင်း သိရသည်။

ရုရှား Tupolev TU 160 လေယာဉ်များသည် ဗြိတိန်နိုင်ငံ၏ ပိုင်နက်သို့ ဦးတည် ပျံသန်း ခဲ့သော်လည်း လေပိုင်နက် အတွင်းသို့ ဝင်ရောက်လာခြင်းမရှိခဲ့ကြောင်း ကာကွယ်ရေးဝန်ကြီးဌာန (MoD) ပြောရေးဆိုခွင့်ရှိသူ ၏ ပြောကြားချက်ကို ကိုးကား၍ British Sky News ကဖော်ပြခဲ့သည်။

တိုင်ဖုန်းစစ်လေယာဉ်များအား Lincolnshire ရှိ RAF Coningsby စစ်စခန်းမှ စေလွှတ်ခဲ့ခြင်းဖြစ်ပြီး ရုရှားဗုံးကြဲလေယာဉ် နှစ်စီးအား မြောက်ပိုင်းပင်လယ် ၏ တောင်ဖက်အတိုင်း လိုက်လံစောင့်ကြည့်ခဲ့ကြောင်း သတင်း၌ဖော်ပြခဲ့သည်။

ဗြိတိန်အစိုးရက ၄င်းတို့၏ လေပိုင်နက်သည် ကမ်းရိုးတန်းမှ ၁၂မိုင်အကွာအဝေးအထိ ဖြစ်ကြောင်း ပြောကြားခဲ့သည်။

လွန်ခဲ့သည့် နှစ်တွင်လည်း RAF စစ်လေယာဉ်များအား ရုရှားဂျက်လေယာဉ်များကို ကြားဖြတ်တားဆီးရန် အကြိမ်ကြိမ်စေလွှတ်ခဲ့ရကြောင်းသိရသည်။

(Xinhua)
http://www.xinhuamyanmar.com

(Credit: Reuters)

မြန်မာနိုင်ငံနဲ့ ​ကုန်သွယ်ရေး ​တိုးမြင့်နိုင်ဖို့အတွက် ​အိန္ဒိယ ​အစိုးရက ​အိန္ဒိယ ​မြန်မာ ​နယ်စပ်မှာ ​ကုန်သွယ်ရေး ​ဂိတ် ​၉ ​ခု ​ဖွင့်လှစ်သွားမယ်လို့ ​သိရပါတယ်။

မြန်မာနိုင်ငံနဲ့ ​ထိစပ်နေတဲ့ ​Arunachal ​Pradesh ​ပြည်နယ်၊ ​Nagaland ​ပြည်နယ်၊ ​မဏိပူရ ​ပြည်နယ်နဲ့ ​မီဇိုရမ် ​ပြည်နယ်မှာ ​နယ်စပ်ကုန်သွယ်ရေးဂိတ်တွေ ​ဖွင့်လှစ်မှာ ​ဖြစ်ပြီး ​ဒီကိစ္စကို ​၂၀၁၂ ​ခုနှစ်တုန်းက ​မြန်မာ ​အစိုးရနဲ့ ​သဘောတူခဲ့တာလို့ ​The ​Statesman ​သတင်းမှာ ​ဖော်ပြထား ​ပါတယ်။

အိန္ဒိယ ​အစိုးရအတွက် ​အာဆီယံ ​အသင်းဝင် ​နိုင်ငံတွေနဲ့ ​ကုန်သွယ်ရေးတိုးမြင့်မှုဟာ ​အိန္ဒိယအတွက် ​ဦးစားပေး ​လုပ်ငန်း ​တခုဖြစ်ပြီး ​အခုလောလောဆယ် ​အာဆီယံအသင်းဟာ ​အိန္ဒိယရဲ့ ​စတုတ္ထအကြီးမားဆုံး ​ကုန်သွယ်ဘက် ​ဖြစ်တယ်လို့လည်း ​သိရပါတယ်။

အိန္ဒိယ၊ ​မြန်မာနဲ့ ​ထိုင်းနိုင်ငံကို ​ဆက်သွယ်ပေးမယ့် ​ဟိုင်းဝေးလမ်းမ ​တည်ဆောက်ရေး ​စီမံကိန်းလည်း ​တိုးတက်မှုတွေရှိနေပြီး ​၂၀၁၈ ​ခုနှစ်မှာ ​အဲဒီလမ်းကို ​စတင်အသုံးပြုနိုင်ဖို့ ​စီစဉ်နေကြပါတယ်။

အဲဒီလမ်းမက ​ကီလိုမီတာ ​၃၂၀၀ ​ရှည်တဲ့ ​လမ်းမ ​ဖြစ်ပြီး ​အိန္ဒိယ ​နိုင်ငံ ​မိုရယ်မြို့ကို ​မန္တလေးမြို့နဲ့ ​ဆက်သွယ်ပေးမှာ ​ဖြစ်သလို ​မန္တလေး ​ကနေတဆင့် ​ထိုင်းနိုင်ငံ ​မဲဆောက်မြို့ကို ​ဆက်သွယ်ပေးမှာ ​ဖြစ်ပါတယ်။

ABC Radio Australia
http://www.radioaustralia.net.au/burmese


    ရန်ကုန်၊ ဖေဖော်ဝါရီ ၁၈ ရက် (ဆင်ဟွာ)

    လူမှုကွန်ရက်တွင် ပျံ့နှံ့ခဲ့သော တပ်မတော် သင်တန်းကျောင်း တစ်ခု၌ သင်တန်းသား အချင်းချင်း ပြင်းထန်စွာ အပြစ်ပေးမှုကို စစ်ဆေးရာ မှန်ကန်ကြောင်းတွေ့ရှိသဖြင့် တပ်မတော် ၏ စည်းမျဉ်း ဥပဒေများနှင့် အရေးယူသွားမည်ဖြစ်ကြောင်း တပ်မတော်သတင်းမီဒီယာက တရားဝင်ထုတ်ပြန်သည်။

အဆိုပါ လူမှုကွန်ရက်တွင် ပျံ့နှံ့ခဲ့သော ဗွီဒီယို ဖိုင်များနှင့် ပတ်သက်၍ အဖြစ်မှန် ပေါ်ပေါက်စေရန်အတွက် ယင်းဖြစ်စဉ်ဖြစ်ပွား ခဲ့သည့် သက်ဆိုင်ရာ တပ်မတော် သင်တန်းကျောင်းသို့ ဒုတိယတပ်မတော် လေ့ကျင့်ရေး အရာရှိချုပ် ဦးစီးသော စုံစမ်း စစ်ဆေးရေး အဖွဲ့ဖြင့် သွားရောက် စစ်ဆေးခဲ့သည်။

ယင်းတို့စစ်ဆေးရာတွင် ဖြစ်စဉ်မှန်ကန် ကြောင်း တွေ့ရှိရသဖြင့် ဖြစ်စဉ်တွင် ပါဝင်သူများနှင့် တာဝန်ရှိသူများကို တပ်မတော်၏ စည်းမျဉ်း ဥပဒေများနှင့်အညီ အရေးယူဆောင် ရွက်သွားမည်ဖြစ်ကြောင်း သိရသည်။

စစ်စည်းကမ်းသည် တပ်မတော်၏ အသက်သွေး ကြောဖြစ်သဖြင့် စစ်စည်းကမ်းနှင့် ပတ်သက်ပြီး လိုက်နာလုပ်ဆောင်ရမည့် တပ်မတော် အက်ဥပဒေ၊ နည်းဥပဒေများ၊ အမိန့်နှင့် ညွှန်ကြားချက်များကိုလည်း တိကျစွာ ပြဋ္ဌာန်း သတ်မှတ် ထားရှိပြီးဖြစ်ကြောင်းလည်း သိရသည်။

(Xinhua)
http://www.xinhuamyanmar.com




 မကွေးတိုင်း ဒေသကြီး အဌမတန်း အတန်းတင်စာမေးပွဲ အင်္ဂလိပ်စာ စတင်ဖြေကြားသည့်နေ့မှစတင်၍ ဖေဖော်ဝါရီလ ၁၈ ရက် ပထ၀ီဘာသာဖြေကြားသည့်နေ့အထိ ရာခိုင်နှုန်းပြည့် မေးခွန်းပေါက်ကြားခဲ့သည်ဟု နတ်မောက်မြိုကနယ်မှ ကျောင်းဆရာဟောင်းတဦးဖြစ်သူ ဦးဌေးဝင်းမှ News Watch သို့ ဖေဖော်ဝါရီ ၁၈ ရက်က ပြောသည်။

ယင်းကိစ္စနှင့် ပတ်သက်၍ “အင်္ဂလိပ်စာနေ့ကတည်းက မေးခွန်းပေါက်တယ်။ အမှတ် ၁၀၀ ဖိုး လုံးဝကွက်တိပဲ။ အဲဒီလိုမေးခွန်းပေါက်လာတာ သင်္ချာနေ့ရော ဒီနေ့ ပထ၀ီဖြေမယ့်နေ့ပါ မေးခွန်းပေါက်တယ်”ဟု ပြောကြားခဲ့ပြီး မေးခွန်းပေါက်ကြားမှုသည် ပုဂ္ဂလိကကျောင်းများနှင့် ပညာရေးဌာနမှ သက်ဆိုင်ရာ တာဝန်ရှိသူများ အပေးအယူလုပ်ခြင်းကြောင့် ဖြစ်နိုင်ကြောင်း ၎င်းက သုံးသပ်ပြောကြားသည်။

ယနေ့ ပထ၀ီဘာသာဖြေဆိုရသည့်နေ့တွင် ကျောင်းသားများ စာမေးပွဲခန်းတွင်းသို့ မ၀င်ရောက်ခင်ကတည်းက ပြင်ပတွင် ပျံ့နှံ့နေသော မေးခွန်းအစုံ (ပူးတွဲပုံပါ) ကို ဦးဌေးဝင်းမှ News Watch သို့ ကြိုတင်ပေးပို့ထားခဲ့ပြီး စာမေးပွဲခန်းမှ ထွက်လာသော ကျောင်းသားများထံမှ မေးခွန်းလွှာချင်း တိုက်ဆိုင်စစ်ဆေးကြည့်ရာ မေးခွန်း နံပါတ်မှအစ ၏/သည်မရွေ့ တူညီနေသည်ကို တွေ့ရှိခဲ့ရသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


  ဇနီးကိုသတ်သောသူကို ဖမ်းဆီးပြီး ကွင်းဆင်း သရုပ်ပြခိုင်း

ထိုင်းနိုင်ငံ ချင်းမိုင်ခရိုင် စန်စိုင်မြို့မှ Massage အနှိပ်ဆိုင်ရှင် မစ်စတာဖိဖတ် အသက် ၄၁နှစ်နှင့် မစ်စုရီ အသက် ၄၆နှစ်တို့ လင်မယားသည် မယားဖြစ်သူက တခြားယောင်္ကျားတွေနဲ့ပွေရှုပ်တာတို့ မကြာမကြာလုပ်လေ့ရှိတဲ့အတွက် တခါမှာတော့ လင်ဖြစ်သူက သ၀န်တို စိတ်ဆိုးဒေါသထွက်ကာ မယားကိုသတ်ပြီး မယား၏လိင်အင်္ဂါကို အပိုင်း ၆ပိုင်းပိုင်းကာ မီးရှို့လိုက်ပစ်လိုက်ပါတယ်။

 ထိုနောက်သူက တရားစခန်းတနေရာမှာ တရားသွားအားထုတ်လိုက်ပါတယ်။ ပြီးခဲ့တဲ့ဖေဖော်ဝါရီလ ၄ရက်နေ့မှာ အခင်းဖြစ်ပွားခဲ့တာပါ ရဲတပ်ဖွဲ့က ၁ရက်အချိန်ယူပြီး လိုက်လံရှာဖွေရာမှာ တရားစခန်းတနေရာမှာဖမ်းဆီးရမိသွားပါတယ်။

 စစ်ဆေးမေးမြန်းချက်အရ သူ့မယားဟာ တခြားလူနဲ့ပွေရှုပ်နေလို့ သ၀န်တို စိတ်ဆိုးဒေါသထွက်ပြီး သတ်လိုက်တယ်လို့ဝန်ခံထွက်ဆိုခဲ့ပါတယ်။ ရဲတပ်ဖွဲ့က အခင်းဖြစ်ပွားရာနေရာကိုခေါ်ဆောင်ပြီး ကွင်းဆင်းသရုပ်ပြခိုင်းပါတယ်။ လက်ရှိမှာလူသတ်အမှုနဲ့ အရေးယူထားပါတယ်။

MTF Channel
https://www.facebook.com/mtftv


February 17, 2016 2:22am

အာဂျင်တီးနား နိုင်ငံ ကော်ဒိုဘာ မြို့ နယ် ဘောလုံးပွဲတခုအတွင်း ကွင်းလယ်ဒိုင် အဖြစ် တာဝန်ယူပေးရသူ César Flores စီစာ ဖလိုရက် အသက် ၄၈ နှစ် မှာ အားကစားသမား တဦးအား အနီကပ်ပြကာ ထုတ်လိုက်တဲ့ အတွက် စိတ်ဆိုးဒေါသ ထွက်နေသူ ဘောလုံး ကစားသမားက သေနတ်ဖြင့် ပစ်ခတ်လိုက်လို့  သေဆုံးသွားခဲ့ကြောင်း သိရပါတယ်။


မျက်မြင် သက်သေတွေရဲ့  ပြောဆိုချက်မှာ ကွင်းလည်ဒိုင်ရဲ့  ဦးခေါင်းနဲ့  ရင်အုံ ကို သေနတ်နဲ့  သုံးချက်ပစ်ခံခဲ့ရကြောင်း သိရပါတယ်။

ဘောလုံးပွဲတွေမှာ ဒိုင်လူကြီးကို မကြေနပ်လို့  အားကစားသမားက ရိုက်နှက် ထိုးကြိတ်ခဲ့တဲ့ ဖြစ်ရပ်တွေ ရှိခဲ့ပေမဲ့ ခုလို သေနတ်နဲ့  သေတဲ့အထိပစ်တဲ့ အမှုကတော့ အလွန်ဖြစ်ခဲတဲ့ ဖြစ်ရပ်ပါ။

ယခုဖြစ်ရပ်မှာ ဒိုင်လူကြီးဖြစ်သူသေဆုံးခဲ့ရပြီး သေနတ်ကိုင် လာသူကို ၀င်ရောက်ဟန့် တားခဲ့တဲ့ အားကသမား နောက် တဦးလည်း ဒဏ်ရာရ သွားခဲ့ကြောင်း သိရပါတယ်။

dailytelegraph.com
Social Action for Women - SAW


တူရကီနိုင်ငံမြို့တော် အန်ကာရာမြို့လယ်ခေါင်မှာ လူပေါင်း ၂၈ ဦး သေဆုံးပြီး ၆၁ ဦး ထိခိုက်ဒဏ်ရာရခဲ့တဲ့ ကားဗုံးဖောက်ခွဲမှုမှာ တာဝန်ရှိသူတွေကို လက်စားချေသွားမယ်လို့ တူရကီသမ္မတ Recep Tayyip Erdogan က ဗုဒ္ဓဟူးနေ့မှာ ပြောပါတယ်။

ဒီဗုံးခွဲတိုက်ခိုက်မှုဟာ လူသားတွေရဲ့ ကိုယ်ကျင့်တရားနဲ့ စာနာမှုဘောင်တွေကို ကျော်လွန်ပြီး ပြုလုပ်လိုက်တဲ့ လုပ်ရပ်ဖြစ်ကြောင်း၊ ဒီဗုံးခွဲမှုမှာ ပါဝင် ပတ်သက်သူတွေတင် သာမကဘဲ နောက်ကွယ်က ပါဝင် ပတ်သက်သူတွေကိုပါ တူရကီအနေနဲ့ လက်စားချေသွားမယ်လို့ သမ္မတက ပြောပါတယ်။

ဗုံးပေါက်ကွဲမှု ဖြစ်သွားတဲ့အတွက် သမ္မတ Erdogan က စီစဉ်ထားတဲ့ သူ့ရဲ့ Azerbaijan နိုင်ငံခရီးစဉ်ကို ဖျက်သိမ်းလိုက်ပြီး ၀န်ကြီးချုပ် Ahmet Davutoglu ကလည်း ဥရောပခေါင်းဆောင်တွေနဲ့တွေ့ဆုံပြီး ဒုက္ခသည်တွေအရေး ဆွေးနွေးမယ့် Brussels ခရီးစဉ်ကို  ဖျက်သိမ်းလိုက်ပါတယ်။

အန်ကာရာမြို့လယ်မှာရှိတဲ့ တူရကီနိုင်ငံရဲ့ လွှတ်တော်နဲ့ စစ်ဌာနချုပ်တွေအနီးက လမ်းဆုံတခုက မီးပွိုင့်မှာ စစ်တပ်ယာဉ်တန်း ရပ်နေတဲ့အချိန် ကားဗုံးပေါက်ကွဲမှု ဖြစ်သွားခဲ့တာပါ။

ကားဗုံးပေါက်ကွဲသံကို မြို့ရဲ့တဘက်ခြမ်းကနေတောင် ကြားရတယ်လို့ မျက်မြင်သက်သေတွေက ပြောပါတယ်။

နေတိုးညွန့်ပေါင်းအဖွဲ့ရဲ့ အတွင်းရေးမှူးချုပ် Jens Stoltenberg ကလည်း - ဗုဒ္ဓဟူးနေ့က ဖြစ်သွားခဲ့တဲ့ အဲဒီ ကြောက်မက်ဖွယ် လုပ်ရပ်တွေအတွက် ဘယ်လိုမှ အကြောင်းကောင်းပြချက် မရှိနိုင်ဘူးလို့ ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

တိုက်ခိုက်မှုဟာ အသေအချာ အကွက်ချ လုပ်ခဲ့တဲ့ တိုက်ခိုက်မှု ဖြစ်တယ်လို့ တူရကီ အစိုးရ ပြောခွင့်ရ ပုဂ္ဂိုလ်က ပြော
ဖေဖော်ဝါရီလ ၁၇ ရက်နေ့ ညနေပိုင်းက တူရကီနိုင်ငံ Ankara မြို့တော်မှာ ရှိတဲ့ ပါလီမန်လွှတ်တော်နဲ့ စစ်ဌာနချုပ်နားမှာ ကားဗုံးခွဲ တိုက်ခိုက်မှုတခုကြောင့် အနည်းဆုံး လူ ၃၀နီးပါး သေဆုံးခဲ့ပြီး ၆၀ကျော်လောက် ဒဏ်ရာရသွားပါတယ်။

စစ်ဘက်ဆိုင်ရာ ဘတ်စ်ကားတွေ ဖြတ်သွားနေချိန်မှာ ဖောက်ခွဲပစ္စည်းတွေ အပြည့်တင်ထားတဲ့ မော်တော်ယာဉ် တစ်စီးကို အခုလို ဖောက်ခွဲတိုက်ခိုက်ခဲ့တာပါ။

အခင်းဖြစ်ပွားခဲ့ချိန်တုန်းက အဲဒီ နေရာနားက မီးပွိုင့် မီးနီနေချိန်မို့ အခြား စစ်မော်တော်ယာဉ်တွေ အများအပြား ရပ်ထားကြပါတယ်။

ထိခိုက်သေဆုံးသူ အများစုဟာ စစ်သားတွေ ဖြစ်ပြီး အရပ်သားတွေလည်း ပါတယ်လို့ သိရပါတယ်။

ဒီတိုက်ခိုက်မှုဟာ ရက်စက် ကြမ်းကြုတ်တဲ့ အကြမ်းဖက် လုပ်ရပ်တခုဆိုပြီး တူရကီ စစ်တပ်က ပြင်းပြင်းထန်ထန် ရှုတ်ချလိုက်ပါတယ်။

အခု ဒီတိုက်ခိုက်မှုကို ဘယ်သူက ကြိုးကိုင်စီစဉ်ခဲ့တာလဲ ဆိုတာကို အသေအချာ မသိရသေးပေမယ့် ဒီတိုက်ခိုက်မှုဟာ အသေအချာ အကွက်ချ လုပ်ခဲ့တဲ့ တိုက်ခိုက်မှု ဖြစ်တယ်လို့ တူရကီ အစိုးရ ပြောခွင့်ရ ပုဂ္ဂိုလ်က ပြောပါတယ်။

လုံခြုံရေး သတင်းရပ်ကွက်ကတော့ ဒီတိုက်ခိုက်မှုနဲ့ ပတ်သက်လို့ IS အစ္စလာမစ်နိုင်ငံ အဖွဲ့ ကိုရော မတရားသင်းကြေညာထားတဲ့ PKK ကာဒစ်စတန် အလုပ်သမားပါတီ ကိုပါ စွပ်စွဲထားပါတယ်။

ဆီးရီးယားမှာ ရှိတဲ့ ကာဒ် လက်နက်ကိုင်အဖွဲ့ တဖွဲ့အပေါ် တူရကီ တပ်ဖွဲ့တွေက မကြာသေးခင်ကပဲ တိုက်ခိုက်မှုတွေ အရှိန်တိုး လုပ်ခဲ့ပြီး အဲဒီ အဖွဲ့ဟာ PKK အဖွဲ့နဲ့ ဆက်နွယ်နေတယ်လို့ တူရကီ အစိုးရက ပြောနေပါတယ်။

ပြီးခဲ့တဲ့ အောက်တိုဘာလတုန်းကလည်း Ankara မြို့မှာ ငြိမ်းချမ်းရေး ချီတက်ပွဲတခုကို ပစ်မှတ်ထားတဲ့ ဖောက်ခွဲတိုက်ခိုက်မှုတွေအတွင်း လူ၁၀၀ကျော် သေဆုံးခဲ့ပြီး တူရကီနိုင်ငံကို ပစ်မှတ်ထားတဲ့ နောက်ထပ် တိုက်ခိုက်မှုကြီးတခု ထပ်ဖြစ်လာဘွယ် ရှိတယ်ဆိုတဲ့ စိုးရိမ်မှုတွေ တိုးပွားနေခဲ့တာပါ။

အခုဖြစ်ခဲ့တဲ့ တိုက်ခိုက်မှုနဲ့ ပတ်သက်လို့ လက်သည်တရားခံတွေကို မရမက ဖေါ်ထုတ်ပြီး တုန့်ပြန် လက်စားချေသွားမယ်လို့ တူရကီ သမ္မတ ရီချက်ပ် တိုင်ယစ်ပ် အဲဒိုဝမ် က အခိုင်အမာ ပြောကြားထားကြောင်း ဘီဘီစီ သတင်းထောက် Selin Girit က အစ္စတန်ဘူလ်မြို့ကနေ သတင်းပေးပို့ခဲ့ပါတယ်။

BBC Burmese
http://www.bbc.com/burmese