02/20/16


ဦးလေးတို့ဟာတွေက ချာတူးလန်တွေပါဗျာ"
"ဘယ်ဟာတွေကို ပြောတာလဲကွ"
"ဦးလေးတို့ အားကိုးတယ်ဆိုတဲ့ပါတီလေ"
"ဘာဖြစ်လို့လဲကွ"
"ပြည်ပကနေ သင်တန်းပို့ချဖို့ခေါ်တဲ့လူတွေကလည်း ကိုယ်လုံးတီးနဲ့ဓါတ်ပုံရိုက်ဖူးတဲ့လူတွေဗျာ"
"အမ်"
"ရှက်စရာကြီး ဟီး ဟီး"
"ဘယ်သူ့ကို ပြောတာလဲ"
"ဟောင်ကောင်ကလာတဲ့ သင်တန်းနည်းပြ အမတ် လေ"
"သူက ကိုယ်တုံးလုံးနဲ့ လာပြီး နည်းပြနေလို့လား?"
"အဲ"
"ဒီက ကိုယ်စားလှယ်တွေကို ကိုယ်တုံးလုံးချွတ်ဖို့ ဟောပြောပို့ချလို့လား?"
"အဲ"
"ဒါမှမဟုတ် ကိုယ်တုံးလုံးချွတ်ခြင်းအနုပညာရဲ့ အနာဂါတ်ကိုအမျိုးမျိုးပြောပြဆွဲဆောင်ပြီး စည်းရုံးနေလို့လား?"
"အဲ့လိုလည်း မဟုတ်ပါဘူးဗျာ ... ဒါပေမယ့် သမိုင်းမကောင်းတော့ နာတာပေါ့ ဟဲ ဟဲ"
"အိုဘားမားလည်း ဆေးသမားဖြစ်ခဲ့ဖူးတာပဲ ဒါပေမယ့် အမေရိကန်ပြည်သူတွေက ဆေးချဖူးတဲ့ သမ္မတ အလိုမရှိလို့ တစ်ယောက်မအော်ကြပါဘူး"
"အမ်"
"သမိုင်းမကောင်းလို့ နာတဲ့ပုံလည်း မပြကြပါဘူး"
"အွန်"
"ဥပမာကွာ ... အဲ့ဒီ ဟောင်ကောင်ငနဲက သန္တိသုခကျောင်းကို အတင်းသိမ်းခိုင်းရင်တော့ တမျိုးပေါ့"
"အဲ"
"ဒိုဇာသမားတွေ အားဖြည့်ဖို့ အတင်းတိုက်တွန်းပြီး ကျူးတွေကို ဆော်ပလော်တီးဖို့ မြှောက်ပေးနေရင်တော့ တမျိုးပေါ့"
"အဲ"
"သုံးသိန်းလောက်အထိ လာဘ်စားတာ သင့်တော်ပါတယ်လို့ လာပို့ချနေရင်တော့ တမျိုးပေါ့"
"ဟင်"
"လက်ရှိ မြန်မာ့ဖွဲ့စည်းပုံအခြေခံဥပဒေကြီးဟာ အလွန်တရာဒီမိုကရေစီ စနစ်နဲ့ ကိုက်ညီကြောင်းလာသက်သေပြတဲ့သဘောမျိုး ပို့ချနေရင်တော့ တမျိုးပေါ့"
"အဲ"
"ကျောက်တူးတဲ့လူတွေဟာ သူတို့ရပိုင်ခွင့်မို့ မစွက်ဖက်သင့်ကြောင်း သင်ကြားရင်လည်း မင်းပြောသလို သမိုင်းမကောင်းတာမျိုးဖြစ်နိုင်တာပဲ"
"အမ်"
"ကျောင်းသားတွေကို ရိုက်တာမှန်ကန်ကြောင်း ... အားလုံးကိုထောင်ထဲထည့်သင့်ကြောင်း အကိုးအကား အထောက်အထားတွေနဲ့ လာပို့ချနေရင်လည်း တမျိုးပေါ့"
"အဲ"
"ပြည်သူ့အသက်အိုးအိမ် ပျက်စီးရာ ပျက်စီးကြောင်း အဓိကရုဏ်းဖန်တီးရေး နည်းလမ်းတွေ လာပို့ချနေရင်လည်း တမျိုးပေါ့"
"အဲ"
"မင်းလို တပ်မတော်နဲ့ ပြည်သူကို သွေးခွဲဖို့ နည်းပညာတွေ ပို့ချနေရင်လည်း တမျိုးပေါ့"
"ဟာဗျာ တော်ပြီ ဦးလေးတို့က ကိုယ့်ကို ဝေဖန်ရင်တော့ မခံနိုင်ဘူး သူများကိုကျတော့ တစ်ဖြဲနှစ်ဖြဲ ဝေဖန်ကြတယ်"
"မင်းအခု ဝေဖန်နေတာပဲမဟုတ်ဘူးလား?"
"ဟုတ်တယ်လေ"
"မင်းဝေဖန်တာကို ငါက လက်မခံလို့လား?"
"လက်မခံလို့ ပြန်ချေပနေတာ မဟုတ်ဘူးလား?"
"ဟ ... မင်းက လူတစ်ယောက်ရဲ့သမိုင်းမကောင်းတဲ့သဘောကို ထောက်ပြတယ် ... ငါက သမိုင်းမကောင်းဘူးဆိုတာ ဘယ်လိုအမျိုးအစားလဲဆိုတာ ရှင်းပြတယ်။ ဒါအကျိုးအကြောင်းဆီလျှော်အောင် ပြန်ဆွေးနွေးတဲ့သဘောပဲကွ"
"ဘာပဲဖြစ်ဖြစ် ဦးလေးတို့ အားကိုးတဲ့ပါတီက ကိုယ့်အလှည့်ကျတော့ အပြုသဘောဆောင်ပြီး ဝေဖန်ဖို့တွေ ဘာတွေ စာတွေ လျှောက်ထုတ်နေပြီလေ"
"အင်းလေ ... ဘာဖြစ်လဲ ဒါဖြစ်သင့်တာပဲမဟုတ်ဘူးလား?"
"ဦးလေးတို့ ဝေဖန်တုန်းကကျတော့ သာယာနေပြီးတော့ အခုမှ ဒီလို စာတွေထုတ်တာကတော့ ကလေးမဆန်လွန်းဘူးလား?"
"အောင်မယ်လေးဗျာ ... တပြည်လုံးဝိုင်းပြီး ဒီလောက်ဝေဖန်နေတဲ့ကြားထဲက မင့်ပထွေးတွေက တောတွေ တောင်တွေ ပြောင်အောင်ရှင်းသွားကြတာ မင်းမမြင်ဘူးလား?"
"အဲ"
"မဝေဖန်ရင် မင်းကြီးတော်ကြီးမပြောနဲ့ မင့်ဖျင်ကြီးတောင် ချန်မှာမဟုတ်ဘူးဟဲ့ ငါတို့အမသားလေးရဲ့"
"အမ်"
"တပြည်လုံးက မင်းတို့အားကိုးပါတယ်ဆိုတဲ့ အစိုးရကို ဘာကြောင့် ဝိုင်းပြီး ဝေဖန်ကြသလဲသိလား?"
"ဘာကြောင့်လဲ ပြောကြည့်လေ"
"ပြည်သူက မရွေးချယ်ပဲ အစိုးရတက်လုပ်လို့ပေါ့ကွ"
"အဲ"
"တပြည်လုံးရဲ့ ဆန္ဒကို မငဲ့ပဲ ကိုယ့်သဘောနဲ့ကိုယ်ဖန်တီးတဲ့အစိုးရကို ပြည်သူက မနှစ်သက်တာလည်း မဆန်းပါဘူး"
"အင်"
"မနှစ်သက်တော့လည်း ဝေဖန်ခံရမှာပေါ့ ဟုတ်ဘူးလား?"
"ကိုယ့်ကိုဝေဖန်ရင်မကြိုက်တာကိုတော့ ဝန်ခံလိုက်စမ်းပါဦးလေးရာ"
"ဟား ဟား ဟား"
"ဘာလို့ ရယ်တာလဲဗျ?"
"ဘယ်အစိုးရတက်တက် ကိုယ့်ထမင်းကိုယ်စားရတာပဲ ဆိုတဲ့ မင်းတို့လိုကောင်တွေက NLD တောင် အစိုးရမဖွဲ့ရသေးဘူး အလောတကြီးဝေဖန်ဖို့ပြင်ဆင်နေကြတာတွေ့တော့ ငါလည်းရီချင်တာပေါ့ကွ"
"အဲ"
"ဒါပေမယ့် မင်းတို့အသည်းအသန် ဖက်တွယ်ထားတဲ့ မိုးကျရွှေကိုယ်အစိုးရတုန်းက ဝန်ကြီး တစ်ပါးတော့ ငါကြိုက်တယ်ကွ သူ့ကို NLD အစိုးရဖွဲ့တဲ့အခါ ဆက်ပြီး ဝန်ကြီးခန့်စေချင်တယ်"
"ဘယ်ဝန်ကြီးလဲ ဦးလေး"
"ဦးအုန်းမြင့်လေကွာ"
"ဘာဖြစ်လို့ကြိုက်တာလဲဗျ"
"သူတစ်ခါပြောဖူးတယ်လေ"
"ဘာပြောတာလဲဟင် ဦးလေး"
"ဘယ်နိုင်ငံရေးသမားကိုမှ ဂရုစိုက်စရာမလိုဘူးတဲ့"
"ဟုတ်လား"
"အစိုးရကို ဆန့်ကျင်ရင် ထောင်ထဲပို့ပစ်မယ် ... တဲ့"
"ဟင်"
"ဦးအုန်းမြင့်သာ ပြည်ထောင်စုဝန်ကြီးအဖြစ် ဆက်ရှိနေရင် မင်းတို့တွေအတွက် ငါ့နှီးတောင် မလိုအပ်တော့ဘူး"
"အမ်"
"အခပ်မသင့်ရင် ပါးရိုက်ခံရမယ်"
"ဟမ်"
"ဒီ့ထက်မှ အခပ်မသင့်ရင် ထောင်ထဲရောက်မယ်"
"ဟင်"
"ဒါပေမယ့် မကြောက်ပါနဲ့ကွာ"
"ဘာဖြစ်လို့လဲဗျ"
"အဲ့ဒါတွေက အရင်အစိုးရခေတ်ကပါ"
"ဟင်"
"အခုလာမယ့်အစိုးရက မေတ္တာကိုအခြေခံတဲ့နိုင်ငံရေးကို ဦးတည်နေတဲ့အစိုးရမျိုးဆိုတော့ ဦးအုန်းမြင့်လို လူမျိုး ဝန်ကြီးဖြစ်လာရင်တောင်မှ သမ္မတက အဲ့လိုမျိုး ပါးရိုက်တာတွေ ထောင်ထဲထည့်တာတွေ လုပ်ခွင့်ပေးမှာမဟုတ်ဘူး"
"အဲ"
"သမ္မတက လုပ်ချင်နေရင်တောင်မှ သမ္မတအထက်ကနေမယ့်သူကြီးက လုပ်ခွင့်ပေးမှာမဟုတ်ဘူးကွ"
"အမ်"
"ပြောင်းလဲချိန်တန်ပြီလေကွာ"
"အမ်"
"ဒါကြောင့် အပြုသဘောဆောင်ပြီး ဝေဖန်လို့ပြောနေရတာပါ"
"အမ်"
"အခုလို နိုင်ငံတိုးတက်ရာတိုးတက်ကြောင်းတွေ လုပ်နေတဲ့အချိန် ပြည်ပက အတတ်ပညာနဲ့အရင်းအနှီးတွေ ဖိတ်ခေါ်နေတဲ့အချိန်မှာ ကိုယ်တုံးလုံးကိစ္စတွေ လိုက်ရှာပြီးပြောနေတာ အပြုသဘောဆောင်သလား မဆောင်သလားဆိုတာ ကိုယ့်ဟာကိုယ်စဉ်းစားပေါ့"
"ဝေဖန်တာပဲဗျာ ဘာဖြစ်လဲ?"
"ဘာမှတော့ မဖြစ်ပါဘူး ငါ့နှီးကလေးကို သိပ်တမ်းတနေရင်တော့ မင်းသဘောပဲလေ .... "
"(*&^%$#@!"
_________
အောင်ကြီး
Cartoon Credit : မောင်မောင်ဖောင်တိန်

Aung Gyee FB


ဘာသာရေးနဲ့ပတ်သတ်လို့ ငယ်ငယ်တုန်းက ဘာလုပ်ခဲ့တာရှိလဲလို့မေးရင် အရင်ဆုံး မှတ်မိတာ တစ်ခုကတော့ ကျွန်တော်တို့ရွာနားက ဘုန်းကြီးကျောင်း မှာ စေတီတစ်ဆူ တည်တုန်းက လုပ် အားပေးခဲ့တာပါပဲ။ ကျွန်တော်အသက် ခုနနှစ်၊ ရှစ်နှစ်အရွယ်ပါ။ လုပ်အားပေး တယ်ဆိုတာ အုတ်ခဲတွေကို လက်ဆင့်ကမ်းပေးရတဲ့ လူတန်းကြီးထဲမှာ ကျွန်တော်ပါဝင်ခဲ့တာလောက်ပါ။

စေတီတည်ဖြစ်တဲ့ အကြောင်းကတော့ ဆရာတော်ကြီးတစ်ပါး အိမ်မက်ရလို့တည်ကြတာပါ။ အဲဒီဆရာတော်ကြီးကိုယ်တိုင်လည်း စေတီ တည်တဲ့နေရာမှာ ထိုင်ပြီး ကြည့်တယ်။ ဆရာတော်ကြီးက အသက်တော်ကြီးနေပါပြီ။ မျက်စီလည်းမကောင်းဘူး။ လမ်းလျှောက် တဲ့အခါ လည်း လူတွဲနဲ့လျှောက်ရတယ်။

အဲဒီတုန်းကဆိုရင် ဘုန်းကြီးကျောင်းထဲမှာ လူပရိတ်သတ်ဆိုတာ စည်ကားလို့ပါ။ မုန့်ရောင်းတဲ့ သူတွေလည်း ရှိတယ်။ ဗီဒီယိုမိုးတလင်း တွေလည်း ပြလိုက်သေးတယ်။ ပြီးတော့ ဆရာတော်ကြီးက “ တပေါင်းတခူးမှာ အကြောင်းထူးမယ်ဟေ့” ဆိုပြီး ပုတီးစိပ်ခိုင်းကြတယ်။ ကျွန်တော်လည်း ဘာအကြောင်းများထူးလေမလဲဆိုတဲ့အသိနဲ့ ပုတီးစိတ်ဖြစ်ခဲ့တယ်။

ဘဝမှာ ပထမဆုံးစိပ်ဖြစ်ခဲ့တဲ့ ပုတီးပေါ့။ အဲဒီတုန်းက “ အရဟံ ” လို့တစ်ခွန်းရွတ်ပြီးရင် ပုတီးတစ်လုံးချရတာပါ။ တစ်ညကိုးပတ်။ ညညဆိုရင် မျက်လုံးကိုစုံမိတ်ပြီး ပုတီးစိပ်တဲ့အခါ မျက်လုံးကနေ မျက်ရည်တွေ ကျလာတက်တယ်။

အိပ်ယာထဲမှာ ပက်လက်အနေအထားလှဲပြီး ပုတီးစိပ်တာဆိုတော့ တစ်ခါတစ်လေ လက်ထဲက ပုတီးက ရင်ဘက်ပေါ် “ဖုတ်” ဆိုပြုတ် ကျသွားတက်တယ်။ အရမ်းအိပ်ချင်လွန်းတဲ့ အခါဆိုရင် လက်ထဲက ပုတီးဟာ ဘယ်အချိန်ပြုတ်ကျသွားမှန်းတောင် မသိဘူး။

မနက်ကျမှ ကျောကုန်းအောက်ရောက်နေတာတွေ့ရတယ်။ ဒါပေမဲ့ အကြောင်း ထူးချင်တာကြောင့် ညတိုင်းတော့ စိပ်ဖြစ်တယ်။ ကျွန်တော့်အမေကို “ တပေါင်း၊ တန်ခူး ကျော်ပြီ လား ” လို့ခဏ ခဏမေးရတယ်။ အကြောင်းထူးချင်တဲ့ အထဲမှာ ကျွန်တော့် အမေလည်းပါပါတယ်။

ဒါပေမဲ့ ပုတီးစိတ်တာ တပေါင်း၊ တန်ခူးသာကျော်ပြီးသုံးလပြည့်သွားတယ် ဘာမှထူးခြားတာမတွေ့ရဘူး။ ကျွန်တော့်အမေလည်း ဒီအတိုင် ပါပဲ။ ဘာမှထူးမလာတဲ့ နောက်ပိုင်းတော့ ကျွန်တော်ပုတီးမစိပ်ဖြစ်တော့ဘူး။ ကျွန်တော်စိတ်ထဲမှာ ဆရာတော်ကြီးဟာ တမင်လျှောက် ပြောသွားတယ်လို့ပဲ ယူဆသွားတယ်။ “ဘာမှလည်း မဟုတ်ဘူး” လို့ မှတ်ယူ သွားတယ်။

စေတီတည်ပြီးသွားတော့လည်း စေတီဟာ ရက်ပိုင်းအတွင်းမှာပဲ တောရွာတွေမှာ ဇာတ်ကပြီးလို့ ကျန်ခဲ့တဲ့နေရာတစ်ခုလိုပါပဲ။ ခြောက် ကပ်ပြီးကျန်ခဲ့တယ်။ နောက်ပိုင်း ကျွန်တော် တစ်ခေါက်ရောက်ခဲ့သေးတယ်။ စေတီမှာသုတ်ထားတဲ့ ဆေးရောင်တွေ အလိပ်လိုက်ကွာချ နေတယ်။ စေတီရဲ့ အောက်ခြေမှာ ဘုန်းကြီးကျောင်း က ခွေး တစ်ကောင်တက် အိပ်နေတယ်။ ဘုရားဖူးတဲ့လူ မရှိဘူး။

ဒါက ကျွန်တော့်ဘဝမှာ ဘာသာရေးနဲ့ပတ်သက်လို့ မှတ်မှတ်ရရဖြစ်ခဲ့တဲ့ ပထမဦးဆုံး အတွေ့အကြုံပါ။ နောက်တစ်ခုက ကျွန်တော် ဆယ် တန်းဖြေပြီးတော့ ပဲခူး တိုင်း၊ ပြည်မြို့ ဘက်ကို ဘုရားဖူးထွက်ခဲ့တယ်။ စာမေးပွဲအောင်ပါစေလို့ဆုတောင်းဖို့ ဘုရားဖူးထွက်ခဲ့တာ မဟုတ်ပါ ဘူး။ အဲဒီအချိန်တုန်းက ကျွန်တော်ယုံကြည်တာက ဘုရားမှာ သတ္တဝါတွေ ကို မေတ္တာပဲပို့တယ်။ ဆုမတောင်းပါဘူး။ ကိုယ်ဖြစ်ချင်တာကို ကိုယ်တိုင်လုပ်မှရမယ်ဆိုတာ ယုံကြည်နေပါပြီ။

ပြည်ဘုရားဖူးခရီးစဉ်မှာ ဘုရားစေတီတော်တော်များများကို ဖူးခဲ့ရပါတယ်။ ဒီလောက်များတဲ့ ဘုရားတွေကို ကျွန်တော့်ဘဝမှာ ပထမဆုံး ဖူးမြောက်ခဲ့ရခြင်းပဲ ဖြစ်ပါတယ်။ ဒါပေမဲ့ ခရီးဆုံး သွားလို့ ပြန်တွေးကြည့်တဲ့အခါမှာ နေပူပူမှာ ချွေးတွေရွှဲပြီးတော့ ဘုရား၊ စေတီတွေကို တစ်ဆူဝင် တစ်ဆူထွက်လိုက်ဖူးခဲ့ တာဟာ ဘယ်သူ့တွေအတွက် ဘာတွေများ အကျိုးထူး သွားလဲ၊ ကိုယ့်အတွက်ဘာများရလိုက်လဲလို့ ကျွန်တော်ကိုယ့်ကိုယ်ကိုယ် မေးခွန်းထုတ်မိ တယ်။ ကိုယ်လုပ်ခဲ့တဲ့ အလုပ်အတွက် ပြန်သုံးသပ်မိတယ်။

အဲဒီနောက်ပိုင်းတော့ ကျွန်တော်ဟာ စေတီပုထိုးမြင်တိုင်၊ ဘုရားရုပ်ထုမြင်တိုင်း ဘာမှန်း၊ ညာမှန်းမသိဘဲ ဦးကုန်းချနေဖို့ထက် ဘုရား ဟောကြားခဲ့တဲ့ ငါးပါးသီလနဲ့ မဂ္ဂင်ရှစ်ပါး တရားတွေ ကိုသာ နုလုံးသွင်းတာမျိုးကို ပိုပြီးစိတ်အားသန်ခဲ့တယ်။

ကျွန်တော့်စိတ်ထဲမှာ စေတီပုထိုးဆိုတာ မြတ်စွာဘုရားကိုအာရုံပြုနိုင်ဖို့အတွက် တည်းထားတဲ့ အရာတစ်ခုလောက်သာ သဘောထားတယ်။ ကျွန်တော့်ရဲ့အတွေ့ အကြုံနောက်တစ်ခုကို ထပ်ပြောပါရစေ။ ဒါကတော့ အားလုံးသိကြတဲ့ ၂၀၀၈ခုနှစ် မေလမှာဖြစ်ခဲ့တဲ့ နာဂစ်မုန်တိုင်းပါ။ မုန်တိုင်းကြောင့် လူပေါင်း ၁၄၀၀၀၀လောက်သေတယ်။ သန်းနဲ့ချီပြီး လူတွေအိုးမဲ့ အိမ်မဲ့ဖြစ်ကုန်တယ်။ နေရာတိုင်း၊ ကဏ္ဍတိုင်းအတွက် အကူအညီအထောက်အပံ့တွေက လိုအပ်နေတယ်။

အဲဒီလိုအချိန်မျိုးမှာ အုပ်ချုပ်သူစစ်အစိုးရက နေပြည်တော်မှာ ရွှေတီဂုံစေတီတော်ကြီးထက် တစ်ပေပိုနိမ့်တဲ့ စေတီကြီးတစ်ဆူကို ရုတ်တရက်တည်လိုက် တယ်။ စေတီကြီး မှာကပ်ဖို့ အတွက် ရွှေပြားတစ်ပြားကို ဘယ်လောက်လှူဒါန်းနိုင်တယ်ဆိုတာမျိုးအလှူခံတယ်။ ဒီလောက်ကြီးမားတဲ့ စေတီကြီးကို ရွှေပြားပေါင်းများစွာကပ်ပြီး ကျပ်သန်းပေါင်းများစွာ အကုန်အကျခံတည်လိုက်တယ်။

အစိုးရရဲ့အဲဒီလုပ်ရပ်ကို ကြည့်ပြီး ကျွန်တော်စိတ်ထဲတွေးမိတာက ဒီစေတီတော်ကြီးဟာ မဖြစ်မနေ အရေးတကြီး သေရေ၊ရှင်ရေးအတွက် လိုအပ်နေလို့လား၊ ကျွန်တော်တို့မှာ ဖူးစရာဘုရားမရှိလို့လား၊ လူတွေဒုက္ခရောက်နေတာကို ကူညီဖို့က ပိုပြီးအရေးမကြီးဘူးလား။ ကျွန်တော်တို့နိုင်ငံက ချမ်းသားပြီး အေးချမ်းနေလို့ ဒီလိုအကုန်အကျများ တဲ့ စေတီကြီးတစ်ဆူ တည်တယ်ဆိုရင် ကျွန်တော်လက်ခံနိုင်ပါ သေးတယ်။ အခုလို ဒုက္ခရောက်နေတဲ့အချိန်မှာ တည်တာတော့ မလုပ်သင့်ဘူးလို့ ကျွန်တော်ခံစားရတယ်။

မြန်မာနိုင်ငံကိုအုပ်ချုပ်တဲ့ အာဏာရှင်တွေ၊ ရှေးတုန်းက ဘုရင်တွေဟာ တိုင်းပြည်အေးချမ်းသာ ယာကြောင်းကို ပြချင်လိုများ ဘုရားတွေ အမြောက်အမြားတည်ခဲ့လေသလား မပြောတက်ဘူး။ ပုဂံမှာဆိုရင်လည်း စေတီ၊ ပုထိုးဆိုတာ လက်ညိုးထိုးမလွဲပါဘဲ။ ဘုရားတွေ တည်တိုင်းလည်း တိုင်းပြည်သာယာနေတာ မဟုတ်ဘူးဆိုတာ ကတော့ နေပြည်တော်က ဥပ္ပါတသန္တီစေတီကြီးတည်တာက သက်သေပါ။

စေတီတည်တာနဲ့ပတ်သက်လို့နောက်တစ်ခုက ကျွန်တော့် ဇနီးဘက်က ဆွေမျိုးတော် တဲ့ ယောဂီ အမေကြီးတစ်ဦးဟာ ပုတီးကြီးလည်ပင်း ဆွဲပြီးတော့ နယ်တကာလှည့် ပြီး စေတီတည်းတယ်။ (သူကတော့ ဘုရားတည်တယ်လို့ဆိုတယ်) သူ့ပိုက်ဆံနဲ့တည် တာတော့ မဟုတ်ပါ ဘူး။ ဒေသခံတွေနဲ့ အလှူရှင်တချို့စုပေါင်းတည်တဲ့နေရာမှာ သူ့ကို ဖိတ်တာလို့ဆိုပါတယ်။ သူအိမ်ကိုလာလည်ပြီဆိုရင် ဘုရားတည်တယ် ဆိုတဲ့ ဒေသက လူတွေအကြောင်းကို ပြောပြ တက်တယ်။

ကျွန်တော်စိတ်ထဲမှာတော့ ဆင်းဆင်းရဲရဲနဲ့ မရှိ၊ ရှိတာလှူဒါန်းပြီး တည်ထားတဲ့စေတီကို ကြည့်ပြီး ကြည်နူးနေမယ့် ဒေသခံတွေရဲ့ မျက်နှာကိုပြေးမြင်ယောင်တယ်။ ပြီးတော့ ကျွန်တော် ငယ်ငယ် တုန်းကကြုံခဲ့ဖူးတဲ့ ရွာဘုန်းကြီးကျောင်းက စေတီလေးကိုလည်း ပြေးမြင် မိတယ်။ လူတွေဟာ ဘုရားတည်ပြီးသွားတော့လည်း အားလုံး ကို မေ့မေ့ပျောက်ပျောက်ဖြစ် သွား တက်ကြတဲ့ သဘာဝကိုတွေးနေမိတယ်။ မူလဖြစ်တဲ့ မြတ်စွာဘုရားနဲ့ သူ့ရဲ့တရားတော် ကို မသိလိုက်ဘာသာမေ့လျော့လာကြတယ်လို့ ထင်မိတယ်။

ပြောရရင် လူတွေဟာ အငတ်ခံပြီး ဘုရားတည်ကြတယ်။ လူမှုရေးလုပ်ငန်းတွေမှာ လှူဒါန်းခြင်း ထက် ဘုရားတည်ဖို့ကို ပိုပြီး သဒ္ဒါကြတယ်။ ဒီအပေါ်မှာ စီးပွားရှာတဲ့ သူတွေက လည်း ကောင်းကောင်းကြီး အမြတ်ထုတ်ကြတာကို အခုနောက်ပိုင်း သိသိသာသာကြီး တွေ့ လာရတယ်။

တစ်ခါက ကျွန်တော် အင်းလေးဖောင်တော်ဦးဘုရားကို သွားဖူးတယ်။ စက်လှေပေါ်က ဆင်းပြီး ဖောင်တော်ဦးဘုရားရင်ပြင်တော်ပေါ်တက် လိုက်တာနဲ့ ဘုရားရွှေသင်္ကန်းကပ် မလား ဆိုပြီး ရွှေသင်္ကန်းကပ်တဲ့ ရွှေပြားလေးတွေကို ကလေးငယ်တချို့ကလိုက်ရောင်းတယ်။

“အစ်ကိုကြီးရယ် ဈေးဦးမပေါက်သေးလို့ပါ။ ရွှေသင်္ကန်းလေးအားပေးသွားပါလား” ဆိုပြီး ကလေးမလေးက မျက်နှာငယ်လေးနဲ့ အနားက မခွာဘဲ တစာစာနဲ့လိုက်ပြောတယ်။

သူ့မျက်နှာမှာလည်း ချွေးတွေက စီးကျလို့။ ကျွန်တော်လည်း သနားသွားတာနဲ့ ရွှေသင်္ကန်းပြား နည်း နည်းဝယ်လိုက်တယ်။ ဖောင်တော်ဦးဘုရားဆင်းတုတော်တွေ စံမြန်းတဲ့ကျောင်းဆောင် ထဲ လည်းရောက်ရော “ပြင်ပရွှေသင်္ကန်းကပ်လှူ ခြင်း မပြုရ” ဆိုတဲ့ ကြေညာစာရွက်တွေ့တော့ ကျွန်တော်ဝယ်လာတဲ့ ရွှေသင်္ကန်းကို ဝှက်ထားရမလိုဖြစ်သွားတယ်။

ဒါနဲ့ လိုက်ပို့ပေးတဲ့ ဒေသခံကိုမေးကြည့်တော့ ကျွန်တော်ဝယ်လာတဲ့ ရွှေသင်္ကန်းက အတုတော့မဟုတ်ဘူး။ ဒါပေမဲ့ ဘုရားကိုရွှေသင်္ကန်း ကပ်ဖို့ လုပ်ငန်းရှင်တစ်ယောက် က လေလံဆွဲထားတာအတွက် သူ့ဆီက ရွှေသင်္ကန်းကိုသာ ဘုရားမှာကပ်ခွင့်ပြုပြီး အပြင်ကဒေသခံ တချို့ရောင်းတဲ့ ရွှေသင်္ကန်းကို ကပ်ခွင့်မပေးတာလို့ ရှင်းပြတယ်။

ဝယ်ပြီးသား ရွှေသင်္ကန်းတွေကို လွှင့်ပစ်ရမလိုဖြစ်သွားတယ်။ အိမ်ပြန် သယ်သွားဖို့ကလည်း အလကားဖြစ်မှာဆိုးတယ်။ ဒါနဲ့ပဲ လူအလစ် ကိုကြည့်ပြီး ခိုးချောင်ခိုးဝှက်နဲ့ ဘုရားကိုရွှေ သင်္ကန်းကပ်ခဲ့ရတယ်။

ဒီလိုမျိုး ဘာသာရေးကို အကြောင်းပြုပြီး စီးပွားရှာတဲ့ကိစ္စတွေဟာ နေရာတိုင်းမှာလိုတွေ့နေရ တယ်။ ထင်ရှားတဲ့ဥပမာပြရမယ်ဆိုရင် ကျိုက်ထီးရိုးဘုရားကိုသွားကြည့်ရင် ထင်သာမြင်သာ ပိုရှိပါတယ်။ အလှူခံဌာနကို လေလံပစ် ကန်ထရိုက်ဆွဲကြတယ်။ ပိုက်ဆံရမှန်းသိ တော့ တချို့နေရာတွေမှာ စေတီလေးတွေတည်ကြတယ်။ ဘုရားရုပ်တုတွေ သွန်းလုပ်တယ်။

နတ်ရုပ်တွေလည်း တည်ကြတယ်။ ဒါတွေ ကို ပြပြပြီး အလှူငွေတွေ အတင်းထည့် ခိုင်းသလိုမျိုးတွေ လုပ်ကြတယ်။ ဒါမျိုးတွေက ကျိုက်ထီးရိုးမှာ အများကြီးပါ။ ဒီလိုဖြစ်တာ ဟာ ပြုသူတစ်ဖတ် တည်းကိုကြည့်လို့မရပါဘူး။ လူတွေရဲ့ယုံကြည်ကိုးကွယ် မှုတွေ ပြောင်းလဲလာတဲ့အပေါ်မူတည်းပြီး လုပ်စား ဘာသာရေးသမားတွေပေါ်လာတာပါ။

ပြီးခဲ့တဲ့လက ဂျာနယ်တစ်စောင်မှာ ဆောင်းပါးတစ်ပုဒ်ဖတ်လိုက်ရတယ်။ ပိုက်ဆံရှိမှ ဘုရားဖူး ရ တော့မှာလား ဆိုတဲ့ခေါင်းစဉ်နဲ့ပါ။ ရုတ်တရက်ကြည့်ရင် အလွန်အကျူးရေးထား တယ်လို့ ထင်စရာရှိတယ်။ ဒါပေမဲ့ ဒါတွေဟာ တကယ်ကို ဖြစ်နေတာပါ။

ရန်ကုန်မြို့က ရွှေတီဂုံစေ တီတော်ကြီးကိုဖူးမယ်ဆိုရင် အရင်ဆုံးဖိနပ် အပ်ဖို့အတွက်၊ ဖိနပ်ထည့်ဖို့ အတွက် ကြွတ်ကြွတ်အိတ်ဝယ်ရတယ်။ ပြီးရင် စေတီတော်ကြီးရဲ့အထပ်ပစ္စယံ ကိုတက်ပြီး ဘုရားဖူးချင်တယ်ဆိုရင်လည်း ရွှေသင်္ကန်းရွှေပြားအလှူ သိန်းနဲ့ချီပြီးလှူနိုင်မှ ဖူးနိုင် တာမျိုးတွေလုပ်လာကြတယ်။

နောက်တစ်ခုက ဘုရားဖူးတွေဆီက လှူဒါန်းရရှိတဲ့ အလှူငွေတွေကို ဘာတွေလုပ်ဖြစ်လဲဆို တာပါပဲ။ ရွှေတီဂုံဘုရားကြီးကိုကြည့်မယ် ဆိုရင် ဖိနပ်အပ်ဌာနကိုလေလံပစ် လို့ရတဲ့ ငွေ၊ ဘုရားစောင်းတန်းက ဆိုင်းခန်းတွေကို လေလံပစ်လို့ရတဲ့ငွေတွေ၊ ငှက်ပျောပွဲ၊ အုန်းပွဲ ရောင်းတဲ့ဌာနကို လေလံပစ်လို့ရတဲ့ငွေတွေ၊ ဘုရားရင်ပြင်တော်ပေါ်မှာရှိတဲ့ အလှူခံပုံတွေနဲ့ အလှူခံဌာနတွေက ကောက်ခံရရှိတဲ့ အလှူ ငွေတွေ၊ နိုင်ငံခြားသားတွေဆီ က ကောက်ခံရရှိတဲ့ ငွေတွေ စတာတွေဟာ တစ်နှစ်၊ တစ်နှစ် မနည်းလှပါဘူး။

ပြီးတော့ စေတီတော်ကြီးကို လေးနှစ်၊ ငါးနှစ်ကို တစ်ကြိမ်လောက် ရွှေသင်္ကန်းတွေပြန်ကပ် ကပ်နေ တဲ့အခါမှာ အရင်ကကပ်ထားတဲ့ ရွှေသင်္ကန်း အဟောင်းတွေဟာ ပြန်သုံး မယ်ဆိုရင် တန်ဖိုးအားဖြင့် မနည်းလောက်ပါဘူး။

ဒါ့အပြင် ရွှေတီဂုံစေတီတော်ကြီးလို အလွန်ကြီးမားတဲ့ စေတီကြီးတစ်ခုကို လေးနှစ်၊ ငါးနှစ်လောက်ကို တစ်ကြိမ်လောက် ရွှေသင်္ကန်း ကပ်ရတဲ့ ကုန်ကျစရိတ်ဟာ မနည်းလှပါဘူး။ တကယ်ဆို ကျွန်တော်တို့ဟာ ရွှေရောင်တွေ၊ အဖြူရောင်တွေ ကိုးကိုယ်တာ မဟုတ်တဲ့အတွက် ထုံးသင်္ကန်းကပ်မယ်ဆိုရင် ဒီလိုထိကုန်ကျစရိတ်ရှိမယ် မထင်ပါဘူး။ ဒီ့အတွက်ကုန်ကျမယ့်ငွေကို လူမှုရေးလုပ်ငန်း တွေမှာ သုံးမယ်ဆိုရင် အတော်ပဲ ကျိုးထူးမှာပါ။

ပြီးခဲ့တဲ့လပိုင်းက သီရီလင်္ကာနိုင်ငံက ပြန်လာတဲ့ မိတ်ဆွေတစ်ယောက်ပြောပြတာတစ်ခုရှိ တယ်။ သီရိလင်္ကာမှာရှိတဲ့ ဘုရားစေတီပုထိုး တွေဟာ ထုံးဖြူဖြူပဲ သုတ်ထားကြတယ်တဲ့။ ဒီလိုကြားလိုက် ရတော့ တော်တော်အားကျသွားတယ်။

ကျွန်တော်တို့ဆီကနဲ့ တော်တော်ကွာ ခြားပါလားလို့ တွေးမိတယ်။ ဒါပေမဲ့ မြန်မာတွေဟာ မိဘမဲ့ကလေးတွေ၊ ဆင်းရဲတဲ့သူတွေ၊ အသက်ကြီးရွယ်အိုတွေ၊ တရားစခန်းတွေ၊ သာသနာပြုဆရာတော်ကြီး တွေကို လှူဖို့ထက် ရွှေချပြီးသားဘုရားတွေကို အထပ်ထပ်ရွှေချဖို့ အတော်ပဲဝါသနာကြီးကြဟန်တူပါတယ်။ ကျောက်တုံးကြီးတွေကို ရွှေချတာ၊ ဘုရားရုပ်တုတွေ ကို ရွှေအထပ်ထပ်ကပ်နေတာ၊ ဘုရားတွေ တစ်ဆူပြီး တစ်ဆူတည်ကြတာကို ပိုမိုလုပ်ဆောင် ကြတယ်။

အဲဒီလိုယုံကြည်ကိုးကွယ်ကြတဲ့ သူတွေပေါများနေတော့ ဘာသာရေးကိုအရင်းပြုပြီး စီးပွားရှာကြတဲ့ လူတွေကလည်း သူတို့စိတ်ကြိုက် လုပ်စားကြတယ်။ ပိုက်ဆံတွေ အကုန် ကျခံပြီး ရွှေအထပ်ထပ်ချထားတဲ့ စေတီတော်ကြီးတွေ၊ အလွန်တရာမှ ကြီးမားလှတဲ့ ဘုရားဆင်းတုတော်ကြီးတွေသာ တကယ်တန်ခိုးကြီးတယ်၊ ဆုတောင်းပြည့်တယ်ဆိုရင် ဆုတောင်းချင်တာတွေရှိပါတယ်။

ကျွန်တော့်အတွက်တော့ မဟုတ်ဘူး။ သန်း ၅၀ကျော်သော ပြည်သူတွေအပေါ်တင်နေတဲ့ အကြွေးကျပ် ငါးသိန်းပြန်ဆပ်နိုင်ပါစေ၊ ငြိမ်းချမ်းရေးဆွေးနွေးပွဲတွေ အမြန်ပြီးပြီး တိုင်းရင်းသားလက်နက်ကိုင်တွေအားလုံးနဲ့ အမျိုးသားပြန်လည်သင့်မြတ်ရေး ရရှိပါစေ၊ တိုင်းပြည်အုပ်ချုပ်တဲ့ အစိုးရမင်းတို့ စိတ်ကောင်း ဝင်ကာ တိုင်းသူပြည်သားတွေ စိတ်ချမ်းသာအောင်ထားနိုင်ပါစေ၊ ရွှေမိုး၊ ငွေမိုးတွေ ရွာသွန်းဖြိုးပါစေလို့ ဆုတောင်းချင်တယ်။

ရုပ်ရှင်ကြည့်ပရိတ်သတ်တို့ နှုတ်ဖျားမှာ အပြောများနေတဲ့ အိန္ဒိယရုပ်ရှင်ဇာတ်ကားတစ်ခုဖြစ် တဲ့ ပီကေ(PK) ဇာတ်ကားမှာ ကျွန်တော် သဘောကျတာတစ်ခုရှိပါ တယ်။ ကျောက်တုံးလေး ကို ကွမ်းတံတွေးနဲ့ သုတ်လိုက်တယ်။ ကျောက်တုံးရှေ့မှာ အကြွေစေ့လေးတချို့ချပေး ထား လိုက်တယ်။ ခဏနေတော့ စာမေးပွဲဖြေမယ့်ကျောင်းသားတချို့ အလုအယက် ပူဇော်ကြတယ်၊ ဆုတောင်းကြတယ်။ ဒါကို ဂြိုလ်သား ပီကေက လူတွေမှာ ဘုရားနှစ်ဆူရှိနေတယ်လို့ ရှင်းပြတယ်။ တစ်ဆူက မူလဘုရား သခင်ဖြစ်ပြီး၊ တစ်ဆူကတော့ လူတွေဖန်ဆင်းထားတဲ့ ဘုရားပါတဲ့။

အဲဒီအခါမှာ လူတွေဟာ ပီကေပြောတာကို လက်ခံသွားပြီး ဘာသာရေးအသုံးချ စီးပွားရှာနေတဲ့ လူတွေရဲ့ အလိမ်ဟာ လယ်ပြင်မှာ ဆင် သွားသလို ထင်ရှားသွားတယ်။

ဒီဇာတ်ကားကိုကြည့်ပြီး ကျွန်တော်တွေးမိတာတစ်ခုက ကျွန်တော်တို့ဆီမှာလည်း သင့်တင့်လျှောက်ပတ်တဲ့ နေရာမှာရှိတဲ့ ကျောက်တုံး ကြီးတစ်ခုကို ရွှေချ။ ကျောက်တုံးမှာ တစ်ခုခုရေး။ အမွှေးတိုင်တွန်း၊ ဘုရားပန်းကပ်။ ကျောက်တုံးရှေ့မှာ အခင်းခင်းပြီး အလှူခံပုံသာချ ထားမယ်ဆိုရင် ထိုင်ပြီးကန်တော့မယ့်သူ၊ အလှူငွေထည့်မယ့်လူဟာ ရှားမယ်လို့ မထင်ဘူး။

ကာလကြာလာတဲ့အခါ လူတွေဟာ ဒါကို ကိုးကွယ်စရာလို့ထင်လာကြမယ်။ ကျွန်တော့် ရင်ထဲမှာ အဲဒီလိုဖန်တီးထားတဲ့ ဘုရားတွေကိုပဲ လူတွေက ယုံကြည်သက်ဝင် ကိုးကွယ်နေ ကြပြီးတော့ တကယ့်အနှစ်သာရရှိတဲ့ ဗုဒမြတ်စွာဘုရားရဲ့တရားတော်တွေ ကို မေ့ပျောက် နုလုံးမသွင်းနိုင်မှာ၊ အကြောက်တရားတွေ ဖုံးလွှမ်းပြီး မြတ်စွာဘုရား ကို မေ့ပျောက်သွား မှာ အလွန်ပဲ စိုးရိမ်နေမိတယ်။

ရေးသားသူ - ဝေလင်း။

ဗိုလ်အောင်ကျော် သည် ၁၃ဝဝ ပြည့် အရေးတော်ပုံခေတ်က တိုင်းပြည်နှင့်လူမျိုးအတွက် အသက်နှင့် လဲသွားသော ကျောင်းသားခေါင်းဆောင်ဖြစ်သည်။ အမည်ရင်းမှာ ကိုအောင်ကျော်ဖြစ်သော်လည်း အာဇာနည်ခေါင်းဆောင် တစ်ယာက် အနေနှင့် ဗိုလ်အောင်ကျော် ဟု ခေါ်ကြ၍ ထို အမည်နှင့်ပင် ကျော်ကြားသည်။

ကိုအောင်ကျော် ကို မြန်မာ သက္ကရာဇ် ၁၂၇၇ ခုနှစ် တပို့တွဲ လဆုတ် ၉ ရက်၊ ခရစ်နှစ် ၁၉၁၆ ခုနှစ် ဖေဖော်ဝါရီ ၂၇ရက် တနင်္ဂနွေနေ့ တွင် ဟင်္သာတခရိုင်၊ မဲဇလီကုန်းမြို့၊ ရုံးဇင်ရွာတွင် အဖ အလယ်တန်းကျောင်း ဆရာကြီး ဦးကျော်ဒင်၊ အမိ ဒေါ်ဆွေကျော့တို့မှ ဖွားမြင်သည်။

ညီအစ်ကိုမောင်နှမ တစ်ကျိပ်တစ်ယောက် ရှိသည့်အနက် အဋ္ဌမမြောက် မွေးဖွားခဲ့သူဖြစ် သည်။ မွေးချင်းပေါက်ဖော်များမှာ ဖခင်က ဆင်းသက်၍ ကျောင်းဆရာ ဆရာမများသာ ဖြစ်ကြသည်။

ကိုအောင်ကျော်သည် ဖခင်ဖြစ်သူ၏ အလယ်တန်းကျောင်းတွင် သူငယ်တန်းမှ စ၍ ခြောက်တန်း အထိ ပညာ ဆည်းပူးခဲ့သည်။ ထို့နောက် အမျိုးသားကျောင်းများ ပေါ်ပေါက်လာချိန်တွင် ဇာတိ ရုံးဇင်ရွာနှင့် တစ်မိုင် ခန့်ဝေးသော မဲဇလီကုန်းမြို့ရှိ အမျိုးသားအလယ်တန်းကျောင်းသို့ ပြောင်းရွှေ့ကာ အင်္ဂလိပ် - မြန်မာနှစ် ဘာသာ ပညာသင်ယူသည်။ ထိုကျောင်းမှပင် ကိုအောင်ကျော်သည် အမျိုးသားစိတ်ဗီဇကို ရရှိခဲ့သည်ဟု ဆိုရပေမည်။

မဲဇလီကုန်းမြို့။

အမျိုးသားအလယ်တန်းကျောင်းမှ သတ္တမ တန်းအောင်မြင်ပြီးနောက် ဟင်္သာတမြို့ ရှိ ဒေါက်တာ ကမ်းမင်း အထက်တန်းကျောင်းတွင် မိဘဆွေမျိုးများ၏ ဆန္ဒအရ အထက်တန်း ပညာ များကို ဆက်လက်သင်ယူသည်။

ယင်းသို့ အနောက်တိုင်းဆန်သူများ နေလေ့ရှိသောကျောင်းတွင် ကိုအောင်ကျော်အတွက် မျက်စိနောက်စရာများနှင့်သာ တိုး၍နေရာ ထို ဓလေ့အမူအယူများကို သရော်သည့် အနေနှင့် ကိုအောင်ကျော်သည် ခုံဖိနပ်စီး၊ ပင်နီ တိုက်ပုံဝတ်၊ ကတုံး ဆံထောက်ညှပ်( ယခုအခါ အောင်ကျော် ဆံထောက်ဟုပင် တွင်နေသည်။)

ဘုကျကျ၊ ဂွကျကျနေခဲ့လေသည်။ သို့ရာတွင် ကိုအောင်ကျော်ကား ပညာရေး ဘက်၌မူ ထိပ်ကပင် အောင်ပန်းကို အမြဲ ဆွတ်ခူးနိုင်ခဲ့ရာ ၁၉၃၄-ခုနှစ်တွင် ဆယ်တန်းစာမေးပွဲကို ကောင်းစွာ အောင်မြင်ခဲ့သည်။

ဗိုလ်အောင်ကျော်။

အစဉ်သဖြင့် ဆရာသမား၏ စကားကို နားထောင်လာခဲ့သော ကိုအောင်ကျော်သည် ဟင်္သာတကျောင်းမှ ဆရာများ ညွှန်ကြားချက် အရ ၁၉၃၄-၃၅ ခု ပညာသင်နှစ်တွင် ဂျပ်ဆင်ကောလိပ်သို့ တက်ရောက်သင်ယူသည်။

မြန်မာဘာသာ၊ စီးပွားရေးပညာတို့ကို ယူ၍ တက္ကသိုလ်ပညာကို ဆက်လက်သင်ယူ ခဲ့ရာ မြန်မာစာပေတွင် ထူးချွန်သဖြင့် မြန်မာစာ ကထိက ဦးထွန်းဖေက မြန်မာစာ ဂုဏ်ထူးယူရန် ပင် တိုက်တွန်းခြင်း ခံရဘူးသည်။ အမျိုးသား စိတ်ဓာတ်ပြင်းထန်သော ကိုအောင်ကျော် သည် ကောလိပ်ကျောင်းမှ အနောက်တိုင်းဆန်ဆန် ပွဲသဘင်များကို မျက်စိ စပါးမွေး စူးရပြန်လေသည်။

ကပွဲသဘင် အခမ်းအနားများကို တွေ့ရှိက ခုံဖိနပ်စီး၍ ဝင်ခြင်း၊ ပွဲသဘင်ခန်းမှ တစ်ယောက်တည်း ဆန့် ကျင်၍ ထွက်ခဲ့ခြင်းများကို ပြုလေသည်။ အမျိုးသားစိတ်ဓာတ်ကို ကိုအောင်ကျော်သည် အမူအရာနှင့် သာမက အဟောအပြောတို့နှင့်လည်း ပြသခဲ့သည်။

ပါတော်မူနေ့နှင့် အမျိုးသားအောင်ပွဲနေ့ များသို့ ရောက်တိုင်းလိုလိုပင် ကိုအောင်ကျော် သည် မိမိမြို့နယ်သို့ အမျိုးသားရေး လှုံ့ဆော်မှု တရားများ သွားရောက်ဟောပြောခြင်း၊ စာကြည့်တိုက်များ ဦးစီးဖွင့်လှစ်ပေးခြင်း၊ စကားရည်လုပွဲများ၊ ဟောပြောပွဲများကို လုပ်ကိုင်ကြရန် စီစဉ်ပေးခြင်းများ ပြုလုပ်လေသည်။

တစ်ခါ တစ်ရံ ကျောင်းပိတ်ရက်အတွင်း ခရမ်း၊ သုံးခွဘက်သို့ စည်းရုံးရေးဆင်းနေ ပါက နေရင်း ရပ်ရွာရှိ မိတ်ဆွေများထံ သူ ကိုယ်တိုင် မလာရောက်နိုင်သဖြင့် မည်သည့် လုပ်ငန်းစဉ်များ လုပ်ဆောင်သင့်ကြောင်း လှုံ့ဆော်သည့်အနေဖြင့် စာရေးတတ်သည်။

ပါတော်မူနေ့ တစ်နေ့တွင် ကိုအောင်ကျော်သည် ဂျပ်ဆင်ကောလိပ်ကြော်ငြာဘောင်တွင် နယ်ချဲ့တော်လှန်ရေးဆောင်းပါး အနေဖြင့် ဤနေ့ သို့ရောက်တိုင်း နိုင်ငံခြားသားများကို စိတ်နာသည်၊ ဤနေ့တွင် နိုင်ငံခြားသားများနှင့် အလိုတော်ရိများကို စကားမပြောလို စသည်ဖြင့် မင်နီ စာလုံးကြီး များဖြင့် ရေးသားကပ်ထားသဖြင့် သူငယ်ချင်းတစ်ဦးက စာတမ်းကို ဆုတ်ခွာ၍ ယင်း၏ ဖခင်ထံ ပေးပို့ တိုင်တန်းခြင်း ခံရဖူးသည်။

ယင်းသို့ မျက်နှာလိုအားရ လုပ်သော အပြုအမူမျိုးကို ကိုအောင်ကျော်သည် အလွန် စက်ဆုပ်သူ ဖြစ်သည်။

၁၉၃၈ ခုနှစ် ဇူလိုင်လတွင် ကုလား-ဗမာ အဓိကရုဏ်းဖြစ်ပွားစဉ် အခါက ကိုအောင်ကျော် ၏ ဇာတိမြို့ ကလေးတွင်လည်း ဖြစ်ပွား၍ အဖမ်းခံရသူ အများအပြားရှိခဲ့လေသည်။

ထိုစဉ်တွင် ကိုအောင်ကျော်သည် ဟင်္သာတသို့ ရောက်လာကာ ဟင်္သာတ ဦးမြ၊ ပါလီမန် အမတ် ဦးအိန် တို့နှင့် တိုင်ပင်၍ ဟင်္သာတထောင်သို့ ဝင်ရောက်ကြည့်ရှုလျက် အဖမ်းအဆီး ခံရသူများကို အားပေးစကား ပြောဆိုခဲ့လေသည်။

ထိုနောက် အခြေအနေအရပ်ရပ်ကို ဆွေးနွေးရန် ဇာတိချက်မြှုပ်ရာ ရုံးဇင်ရွာသို့ ဝင်ပြီးမှ ရန်ကုန်သို့ ပြန်သည်။ ၁၃ဝဝ-ပြည့် အရေးတော်ပုံ မတိုင်မီ ကိုအောင်ကျော်သည် ကျောင်းသားခေါင်းဆောင် သမဂ္ဂ ဒုတိယ ဥက္ကဌ ကိုလှရွှေ၊ ကိုသိန်းအောင်တို့နှင့်အတူ မဲဇလီကုန်းမြို့သို့ ရောက်ရှိလာကာ ကျောင်းသားများ သပိတ်မှောက်ရေးကို လှုံ့ဆော်ပေးခဲ့သည်။

၁၃ဝဝ ပြည့် အရေးတော်ပုံ တွင် ကိုအောင်ကျော် သည် ကျောင်းသား သမဂ္ဂ အမှုဆောင် အဖွဲ့တွင် ပါဝင် သည့် အလျောက် အရေးတော်ပုံ အတွက် အစီ အစဉ်များဖြင့် မအားမလပ် ဖြစ်နေလေ သည်။

ရေနံမြေသပိတ်သမားများအား ဆူပူအောင် လှုံ့ဆော်ရေး တရားဟောမှုဖြင့် တက္ကသိုလ် သမဂ္ဂဥက္ကဌ ကိုဗဟိန်းနှင့် အတွင်းရေးမှူး ကိုဗဆွေ တို့အား အစိုးရက ဖမ်းဆီးလိုက်သောအခါ ၁၉၃၈ ခုနှစ် ဒီဇင်ဘာလ ၁၃ ရက် ၊ မြန်မာ သက္ကရာဇ် ၁၃ဝဝ ပြည့်နှစ် နတ်တော်လဆုတ် (ရ)ရက်နေ့ ညဉ့်တွင် ရန်ကုန်တက္ကသိုလ်သမဂ္ဂအသင်းတိုက်၌ ကိုအောင်ကျော် အပါအဝင် သမဂ္ဂအမှုဆောင် အဖွဲ့က ရန်ကုန်နှင့် မကွေး၌ အစိုးရက ထုတ်ထားသော ပုဒ်မ ၁၄၄ ရုပ်သိမ်းရန်နှင့် ဖမ်းဆီးထားသော ကျောင်းသားခေါင်းဆောင်များကို အမြန်လွှတ်ရန် အစိုးရထံ တောင်းဖို့ ဆုံးဖြတ်ချက် ချကြသည်။

သို့ရာတွင် တောင်းဆိုချက်များ မရရှိသည့် အတွက် ဒီဇင်ဘာ ၁၅ ရက်နေ့တွင် ရန်ကုန်မြို့ရှိ ကျောင်းပေါင်းစုံမှ ကျောင်းသားများနှင့် မြို့မကျောင်းသားများသည် မြို့မ အထက်တန်းကျောင်း၊ ရန်ကုန်ဝင်းအတွင်း စုရုံးပြီးနောက် ပုဒ်မ ၁၄၄ ကန့်ကွက်သည့် အနေနှင့် စီတန်း လမ်းလျှောက် ဆန္ဒပြကြရာ ကိုအောင်ကျော်က ကြွေးကြော်သံများကို ရှေ့မှ တိုင်၍ လိုက်ရသည်။

ထိုသို့ ဆန္ဒပြ၍ မရသောအခါ အစိုးရ ၏ အုပ်ချုပ်ရေး ကြိုးကိုင်ရာဖြစ်သော အတွင်းဝန်ရုံးကြီးကို ဝိုင်း၍ အာဏာဖီဆန်သည့် သဘောနှင့် ဆန္ဒပြရန် ဆုံးဖြတ်ကြလေသည်။ ဆုံးဖြတ်ချက်အတိုင်း ဒီဇင်ဘာလ ၂ဝ ရက်နေ့၊ နတ်တော်လဆုတ် ၁၄ ရက်နေ့နံနက်တွင် ကျောင်းပေါင်းစုံမှ ကျောင်းသားတစ်သောင်းကျော်နှင့် အတွင်းဝန်ရုံးကို ဝိုင်းဝန်း ဆန္ဒပြရာ ကိုအောင်ကျော်က သူရိယသတင်းစာတိုက်ဘက်အဝင်ဝတွင် တာဝန်ယူ၍ ကျောင်းသူကျောင်းသားများကို အုပ်ချုပ်ရသည်။

ယင်းသို့ ဝိုင်းဝန်းထားရာ နာရီပြန် ၁ ချက်ခန့်ရောက်သော အခါ အတွင်းဝန်ရုံးကြီးသည် ဘာမျှ လုပ်မရအောင်ဖြစ်နေသဖြင့် ရုံးကြီးကို ပိတ်လိုက်ရလေသည်။

ထိုအခါ ကျောင်းသားများ တပ်ခေါက်၍ ပြန်မည်အပြုတွင် လက်နက်ဟူ၍ အပ်တစ်ချောင်းမျှ မပါသော ကျောင်းသားများအား နယ်ချဲ့လက်ပါးစေ ပုလိပ်များက နံပါတ်တုတ်ဖြင့် အတင်းဝင်ရောက် ရိုက်နှက်ရာ ကိုအောင်ကျော် အပါအဝင် ကျောင်းသူကျောင်းသား ၂ဝဝ ကျော် ဒဏ်ရာ ရရှိခဲ့လေသည်။ ကိုအောင်ကျော်၏ ဒဏ်ရာသည် ပြင်းထန်လှရကား ဒီဇင်ဘာလ ၂၂ ရက် ပြာသိုလဆန်း ၂ ရက်နေ့မွန်းလွဲ ၂ နာရီ အချိန်တွင် ရန်ကုန်ဆေးရုံကြီးဝယ် အသက် ၂၃ နှစ် အရွယ်၌ သူမြတ်နိုးသော တိုင်းပြည်ကို စွန့်ခွာ သွားရရှာလေသည်။

ကွယ်လွန်ကြောင်း သိသည်နှင့် မိဘဆွေမျိုးများ ဝမ်းနည်းကြေကွဲစွာ ရောက်ရှိလာကာ အလောင်းကို ဇာတိချက်မြေသို့ ယူခွင့်ပြုရန် တောင်းသော်လည်း ကျောင်းသားများ၏ ဆန္ဒအရ ရန်ကုန်မြို့တွင်ပင် ခုနစ်ရက်ထားပြီးလျှင် ပြာသိုလဆန်း ၈ ရက်နေ့တွင် ဂူသွင်းသင်္ဂြိုဟ်ရာ မကြုံစဖူး အထူးစည်ကား သိုက်မြိုက်လှလေသည်။

ကျောင်းသားခေါင်းဆောင် ကိုအောင်ကျော် သွေးမြေကျခဲ့ရသည့် အစိုးရ၏ အပြုအမူကို ကန့်ကွက်သည့် အနေဖြင့် မြို့မ-ဦးဘလွင်သည် လွှတ်တော်အမတ်အဖြစ်မှ နုတ်ထွက်ခဲ့သည်။ ကေအိုင်အိခ်ျ ဘွဲ့ကိုလည်း အစိုးထံ ပြန်လည် ပေးအပ်ခဲ့သည်။

ကိုအောင်ကျော်၏ ဂူကို ကြံတော သုဿာန် ရှိ နိုင်ငံရေးခေါင်းဆောင်ကြီး ဦးထွန်းရှိန် ဂူနှင့်ယှဉ်၍ သီးသန့် ပြုလုပ်ထားလေသည်။ မြန်မာတစ်နိုင်ငံလုံးလည်း ဝမ်းနည်းကြေကွဲသော အထိမ်းအမှတ်ဖြင့် တစ်ချိန်တည်းလိုပင် ဆွမ်းသွတ် အမျှဝေခြင်း ပြုကြသည်။

အာဇာနည် ကိုအောင်ကျော်အကြောင်း ဖွဲ့နွဲ့ စပ်ဆိုသော သီချင်းများလည်း အတော်များများ ပေါ်ပေါက်ခဲ့လေသည်။

ကိုအောင်ကျော်၏ အသုဘသည် မြန်မာတစ်နိုင်ငံလုံးအား တပ်လှန့်နှိုးသကဲ့သို့ နိုးကြားမှု ကို ဖြစ်စေသည်။ အသက်သေချင် သေပါစေ၊ နောက်လူများ အတုယူဖွယ် အလုပ်တစ်ခုကို လုပ်ပြချင်သည်ဟူသော စကားကို ၁၉၃၅ ခုနှစ်ခန့် က ကမ္မမြို့နေ သူ၏ မိတ်ဆွေကျောင်းဆရာကြီးတစ်ဦးအား ပြောခဲ့ဖူးသော ကိုအောင်ကျော်ကား သူ၏ဆန္ဒ ပြည့်ဝခဲ့ရသည်ဟု ဆိုရပေမည်။

ကိုအောင်ကျော် သည် စိတ်နေ သဘောထား ပြည့်ဝသူ ဖြစ်ရုံမက အပျော်အပါး ကင်းစင်သူလည်း ဖြစ်သည်။ ကွမ်းဆေးပင် မစားမသောက်တတ်ချေ။

ကိုအောင်ကျော်သည် အမျိုးသားစိတ်ဓာတ် ပြင်းထန်ရုံသာမက စာပေဘက်၌လည်း ဝါသနာ ထုံသူဖြစ်သည်။ ကောလိပ်ကျောင်းရောက်၍ မကြာမီပင် စာရေးဆရာကြီး မဟာဆွေ ထံ ကိုယ်တိုင် သွားရောက် မိတ်ဖွဲ့သည်။ ကိုယ်တိုင်လည်း ဂန္တလောက မဂ္ဂဇင်းတွင် စာတိုပေစများကို အောင်ကျော်ဟူသော အမည်နှင့်ပင် ရေးလေ့ရှိသည်။

နယ်ရှိ ပညာရင်နို့ သောက်စို့ ခဲ့ဖူးသည့် ကျောင်းများမှ ကျောင်းသားမဂ္ဂဇင်းများသို့လည်း ဆောင်းပါးများ၊ စာညွန့် ကဗျာများ၊ နိုင်ငံရေးနှိုးဆော်စာများ ရေးသားပေးပို့လေ့ရှိသည်။

ယင်းတို့အနက် ကိုအောင်ကျော်နေခဲ့ဘူးသော ကျေးရွာရှိ ကျောင်းသားလက်ရေးမဂ္ဂဇင်း သို့ ရေးသားပေးပို့ လိုက်သော ကဗျာကလေး တစ်ခုကား-

"စည်းသံက ချွင်၊ ဘင်သံက ဒိန်း။ ။

မောင်းသံမှာ ဒီဟီနှောတယ်၊ ဗြောသံက ဗြိန်း ။ ။"

ဟူသော တူရိယာသံစုံကဗျာကလေးပင် ဖြစ်သည်။

ကိုအောင်ကျော်သည် နိုင်ငံရေး စာပေများကိုလည်း လေ့လာသူဖြစ်သည်။ အထူးသဖြင့် လက်ဝဲစာပေများ ကို လေ့လာခဲ့လေသည်။

ကျဆုံးရခြင်း အကြောင်းရင်း။

၁၃ဝဝပြည့် အရေးတော်ပုံ၊ ချောက်မြို့ ရေနံမြေ အလုပ်သမားသပိတ်ကြီးနှင့် ဆက်သွယ် ပတ်သက်နေလေသည်။ ချောက်မြို့ ဘီအိုစီရေနံကုမ္ပဏီမှ မျက်နှာဖြူနယ်ချဲ့ အရာရှိတို့၏ မတရား ဖိနှိပ်ချုပ်ချယ်မှုများကို ရေနံမြေရှိ အလုပ်သမားထုခေါင်းဆောင် အာဠာဝက သခင် ဘိုးလှကြီး ခေါင်းဆောင်သော အလုပ်သမားထုကြီးက အန်တုတော်လှန်ခဲ့ကြသည်။

ရေနံမြေသပိတ်တပ်ကြီးသည် မိမိတို့ လိုလားချက်များကို တောင်းဆိုရန် ချောက်၊ ရေနံချောင်း၊ မကွေးမြို့ များသို့ ဖြတ်သန်း၍ ရန်ကုန်မြို့ အထိ ချီတက်ဆန္ဒပြကြရန် ချီတက်လာကြသည်။ မြန်မာသက္ကရာဇ် ၁၃ဝဝပြည့်နှစ်တွင် ဖြစ်ပေါ်ခဲ့သော ရေနံမြေသပိတ်တိုက်ပွဲကို မြန်မာ့ သမိုင်းတွင် ၁၃ဝဝပြည့် အရေးတော်ပုံ ဟု မော်ကွန်းတင်လေသည်။

သခင်ဘိုးလှကြီး ခေါင်းဆောင်သော ရေနံမြေ အလုပ်သမားထုကြီးသည် မကွေးမြို့ မဲထီး ဘုန်းကြီးကျောင်းအတွင်း စခန်းချ နားနေစဉ် ရန်ကုန်မြို့ မှ ရောက်ရှိလာသော ရန်ကုန် တက္ကသိုလ်ကျောင်းသားဥက္ကဋ္ဌ ကိုဘဟိန်းနှင့် ကိုဗဆွေ တို့က လှုံ့ဆော် စည်းရုံးရေး တရားပွဲများ ဟောကြသည်။

ထိုအချိန်၌ မဲထီးကျောင်းတိုက်ပြင်ပတွင် မကွေးမြို့ ပုလိပ်စခန်းမှ တုတ်ကိုင်မြင်းစီး ပုလိပ်များသည် ရေ နံမြေ အလုပ်သမားများ၊ ကျောင်းဝင်းထဲမှ ထွက်လာလျှင် ရိုက်နှက် လူစုခွဲရန် တပ်ချီ၍ စောင့်နေကြသည်။

ဤတွင် ကျောင်းသားခေါင်းဆောင် ကိုဘဟိန်းက ရဲရဲတောက် တရားဟောရာတွင် ဒီမှာ နယ်ချဲ့ ပုလိပ်တွေကို ပြောလိုက်မယ်။ မြင်းစီးပုလိပ်တွေရဲ့ မြင်းခွာသံ တစ်ချက်ပေါက်ရင် ဗမာပြည်ကြီး မီးဟုန်းဟုန်းတောက်မယ်ဟေ့ ဟု ရဲဝင့်စွာ ပြောဆိုခဲ့သည်။ မကွေးခရိုင်ပုလိပ် အဖွဲ့သည် ကျောင်းသားခေါင်းဆောင် ကိုဘဟိန်းနှင့် ကိုဗဆွေတို့ကို ဖမ်းဆီး၍ မကွေးမြို့အကျဉ်းထောင်တွင် ချုပ်နှောင်ထားလိုက်လေသည်။

ထိုသို့ ရန်ကုန်တက္ကသိုလ်ကျောင်းသားသမဂ္ဂ ဥက္ကဋ္ဌ ကိုဘဟိန်း၊ အတွင်းရေးမှူး ကိုဗဆွေ တို့ကို နယ်ချဲ့ အစိုးရက ဖမ်းဆီးချုပ်နှောင်ခြင်းကို မကျေနပ်သဖြင့် တစ်ဗိုလ်ကျ တစ်ဗိုလ် တက်စနစ်ဖြင့် ရန်ကုန်တက္ကသိုလ် ကျောင်းသားသမဂ္ဂ ဥက္ကဋ္ဌသစ် ဖြစ်လာသူ ကျောင်းသားခေါင်းဆောင် ကိုလှရွှေနှင့် ရန်ကုန်တက္ကသိုလ် ယုဒသန်ကောလိပ် ကျောင်းသားခေါင်းဆောင် ကိုအောင်ကျော်တို့ ခေါင်းဆောင်သော ကျောင်းသားထုကြီးသည် ၁၉၃၈ခုနှစ်၊ ဒီဇင်ဘာ ၂ဝရက်တွင် ရန်ကုန်မြို့၊ အတွင်းဝန်များရုံးကြီးကို ဝိုင်းဝန်းသပိတ်တား ဆန္ဒပြကြ သည်။

ရုံးတက်ရန် လာကြသော အတွင်းဝန်ရုံးမှ အရာရှိ၊ အမှုထမ်း၊ စာရေးစာချီများသည် ကျောင်းသားထုသပိတ် တားပိတ်ဆို့ ထားသောကြောင့် ရုံးမတက်နိုင်ဘဲ အိမ်ပြန်သွားကြရသည်။ ကျောင်းသားခေါင်းဆောင် ကိုအောင်ကျော်သည် ကျောင်းသားထု၏ ရှေ့ဆုံး မှ ချီတက်လာကာ ကြွေးကြော်သံများကို အသံကုန် ဟစ်၍ တိုင်လာသည်။

ဖမ်းဆီးထားတဲ့ ကျောင်းသားခေါင်းဆောင်များ အမြန်လွှတ်၊ အမြန်လွှတ်။ အရေးတော်ပုံအောင်ရမည် အောင်ရမည် ။

ထိုသို့ ရန်ကုန် တက္ကသိုလ်ကျောင်းသား ထုကြီးက အတွင်းဝန်များရုံးကို သပိတ်တားပြီး၍ အစိုးရ အမှုထမ်းများ အိမ်ပြန်သွားကြသာအခါ သပိတ်တိုက်ပွဲ အောင်မြင်ပြီဖြစ်၍ ကျောင်းသားထုကို ပြန်လည် စုဝေးကာ ပြန်ကြရန် ပြင်ဆင်နေသည်။

ထိုအခိုက်တွင် ရန်ကုန်မြင်းစီးပုလိပ်တပ်ဖွဲ့ ချီတက်ဝင်ရောက်လာပြီး အင်အားရာချီသော ပုလိပ်များက ကျောင်းသားထု လူအုပ်အတွင်း မြင်းစီး၍ တရကြမ်းဝင်၊ ကျောင်းသားကျောင်းသူများအား သားသမီးချင်း မစာမနာ မြင်းနှင့် နင်း၊ တုတ်နှင့် ရိုက်၊ လူစုခွဲကြသည်။

မြင်းစီးပုလိပ်များ၏ အကြမ်းဖက် ရိုက်နှက်မှုကြောင့် ကျောင်းသားကျောင်းသူ ၃ဝဝ ကျော် ဒဏ်ရာရရှိ ပြီး ရန်ကုန်ဆေးရုံကြီးသို့ တင်ပို့ဆေးကုသရသည်။ ကျောင်းသားခေါင်းဆောင် ကိုအောင်ကျော်ကို ခေါင်းဆောင်ဟု သိထားသော မြင်းစီးပုလိပ်များက ဝိုင်းဝန်း၍ ဦးခေါင်း ကို နံပါတ်တုတ်ဖြင့် အရှိန်ပြင်းစွာ ရိုက်နှက်ကြသည်။

ကျောင်းသားခေါင်းဆောင် ကိုအောင်ကျော်သည် ၂၂-၁၂-၁၉၃၈နေ့ တွင် ရန်ကုန်ဆေးရုံကြီး ၌ ဒဏ်ရာပြင်းထန်စွာ ရရှိထားသည့် ဝေဒနာဖြင့်ပင် အသက်ပေး ကျဆုံးခဲ့သည်။ ကျောင်းသားခေါင်းဆောင် ကိုအောင်ကျော်ကို ကြံတောသုဿာ န်တွင် ဂူသွင်း သင်္ဂြိုဟ်ပြီး ရန်ကုန်တက္ကသိုလ်ကျောင်းသားသမဂ္ဂဝင်းအတွင်း၌ ဂုဏ်ပြုကျောက်တိုင် စိုက်ထူကာ ပြည်သူလူထုက 'ဗိုလ်အောင်ကျော်' ဟု 'ဗိုလ်' ဘွဲ့တပ်၍ ဂုဏ်ပြုခဲ့သည်။

ရာပြည့်နှစ်။

လာမည့် ၂ဝ၁၆ ခုနှစ်တွင် နယ်ချဲ့ ဆန့်ကျင်ရေးနှင့် အမျိုးသားလွတ်မြောက်ရေး ကျောင်းသားခေါင်းဆောင် ဗိုလ်အောင်ကျော် အသက် ရာပြည့်တော့မည်။ ဗိုလ်အောင်ကျော်ကား လူသာ သေသော်လည်း ဂုဏ်နှင့် နာမည် မသေသော ကျောင်းသား ခေါင်းဆောင်ပေတည်း။

(ရေးသားသူ - သက်ထား ဘသိန်းတင်)။

 thai-car-accident-620.jpg ထိုင်းနိုင်ငံ မဟာချိုင်မြို့နယ်မှာ ဧပြီလ ၂၇ ရက်နေ့ က မြန်မာအလုပ်သမား တင်ဆောင်လာတဲ့ ကား တစ်စီးမှောက်နေစဉ်
Photo: Aung Moe Myint/RFA

ထိုင်းနိုင်ငံမှာ ဖူးကက်ကနေ တာ့ခ်ခရိုင် မဲဆောက်ကိုပြန်လာတဲ့ မြန်မာအလုပ်သမား ၁၅ ယောက် စီးလာတဲ့မော်တော်ကား သောကြာနေ့ မနက်က တိမ်းမှောက်လို့ မြန်မာအမျိုးသမီးတစ်ဦး သေဆုံးပြီး တစ်နှစ်သားအရွယ် ကလေးတစ်ယောက်နဲ့ အမျိုးသား ၁၄ ယောက် ဒဏ်ရာရသွားတယ်လို့ ဗန်ကောက် ပို့စ်သတင်းမှာ မနေ့က ဖေါ်ပြထားပါတယ်။

ကားမှောက်တဲ့နေရာဟာ ဗန်ကောက်မြို့အနားက Ban Pho ခရိုင်ထဲမှာဖြစ်ပြီး မနက် ၈ နာရီ လောက် မှာဖြစ်ခဲ့တာလို့ သက်ဆိုင်ရာရဲအရာရှိကပြောပါတယ်။ ကားဟာ လမ်းဘေးသစ်ပင်ကို ဝင်တိုက်ပြီး တိမ်းမှောက်သွားတာဖြစ်ပါတယ်။

ရဲအရာရှိတွေရဲ့ ပြောဆိုချက်အရ ယဉ်မောင်းအိပ်ငိုက်နေပြီး ကားကို အမြန်မောင်းနှင်ခဲ့တဲ့ အတွက်ကြောင့်ဖြစ် နိုင်တယ်လို့ သိရပါတယ်။ အဲ့ဒီယဉ်မောင်းကတော့ ရှင်သန်လွတ်မြောက် ခဲ့တယ်လို့ဆိုပါတယ်။

RFA
http://www.rfa.org/burmese/news/thai-car-accident-02192016224150.html

တနေသ၌ က္ဈနူပ် နှင့် အိုင်ပီ လက်ဝါးကိုကိုကြီးတို့ သည် အမှုကလည်း ပါးသည့် အလျောက် လုပ်စရာကလည်း မယ်မယ်ရရ မရှိ ဖြစ်ရလေကာ အလုပ်မရှိသူတို့၏ ထုံးစံအတိုင်း ကိုယ့်စားပွဲ ကိုယ်ထိုင်၍ လက်ကိုင်ဖုန်း များ ထုတ်ကာ ပွတ်ရင်း အချိန်ဖြုန်းနေကြပေသည်။

မိတ်ဆွေကြီး ကိုနှင်းမောင်မှာလည်း မင်းကြီးမှ က္ဈနူပ်တို့ အား အပြစ်မရှိ အပြစ်ရှာ ဆူပူကြိမ်းမောင်းနေမှုကို မြင်ပြင်းကပ်လာသဖြင့် "Elephamt in a china shop" ဟု ဖေ့ဘုတ်ပေါ်တွင် ဖေါ်ပြမိသဖြင့် ရွှေဘို ဂါတ်သို့ စပ်စပင်းရှင်း ချပြီး အပို့ခံထားရချိန် ဖြစ်သဖြင့် သွားစရာ လာစရာ မရှိ ရုံးတွင်ပင် ဖင်မြဲ နေကြရသည်။

ရုံုးပြာတာ မောင်ရွှေမှ ပြုးတူ ပြဲတဲ ရုံးခန်းထဲ ၀င်လာသဖြင့်.. မိမိမှ စိတ်ပျက်လက်ပျက် သံဖြင့် မင်းကြီးက အခေါ်လွှတ်လိုက်သလားဟု မေးမြန်းရာ ...

မောင်ရွှေ ။ ။ မဟုတ်ဘူး ဆရာရေ၊ ပွဲကြီး ပွဲကောင်းဗျ

ဦးကိုကိုကြီး။ ။ ဘာလဲကွ မင်းက အရင်းမရှိ အဖျားမရှိ။

ရွှေ။ ။ ၀ိုင်းမော်မှာ ဘိန်းခင်းဖျက်ဘို့ သွားတဲ့ လူ ၃၀၀၀ ကျေိာလောက်နဲ့ ထိပ်တိုက်ရင်ဆိုင်နေကြပြီတဲ့ဆရာ။

နူပ်။ ။ ဘိန်း ခင်း ပိုင်ရှင် တွေက အဖျက်မခံ။ ပြန်ခုခံမယ်ပေါ့လေ။

ရွှေ။ ။ ဘိန်းစိုက်သူတွေနဲ့ မဟုတ်ဘူး ဆရာရေ။ တပ်မတော်နဲ့ဗျ

ကြီး။ ။ ဟ..စစ်တပ်က ဘာလို့ ဟန့် တား နေရတာလဲ။ သူတို့ ကတောင် ကိုယ်မလုပ်နိူင်တဲ့ ကိစ္စ ၀ိုင်းကူမယ့် လူတွေ အတွက် လုံခြုံရေး တောင် ယူပေးရမယ့် ကိစ္စကို မဟုတ်သေးပါဘူး မင်းသတင်းက

ရွှေ။ ။ ဟုတ်တယ် ဆရာရေ။.ဘိန်းခင်း ဖျက်မယ့်သူတွေနဲ့ ဘိန်းစိုက်သူတွေအကြား ပဋိပက္ခ ဖြစ်မှာ စိုးလို့တဲ့။

နူပ်။ ။ ဒါဆို အားနည်းတဲ့ ဘိန်းစိုက်သူတွေ ဖက်က ဒို့တပ်မတော်က အကာအကွယ် ပေးနေရရှာပေါ့။

ကြီး။ ။ ကချင် တိုင်းရင်းသားတွေကလည်း သူတို့ လူငယ်တွေ အားလုံးနီးပါး ဘိန်းစွဲကုန်ပြီ ဆိုတော့ မခံမရပ်နိူင် ဖြစ်ကုန်ကြတာ နေမှာပေါ့။

ရွှေ။ ။ ဆရာရေ အရပ်ထဲမှာ ပြောနေကျတာကတော့ ရှေ့တန်းက ပြန်လာတဲ့ တပ်မတော်သားတွေ ၀င်ငွေရဘို့ မူးယစ်ဆေးဝါးတွေ မသိမသာ သယ်ခွင့်ပြု ပြီး မြို့  တွေ ရွာတွေမှာ အရောင်းအ၀ယ် ဖြစ်နေဆိုပဲ။ ဒီ သတင်း မဟုတ်ပါစေ နဲ့ ဆုတောင်း ရတော့မှာပါပဲ။

နူပ်။ ။ အမှုကတော့ ထင်တာထက် လေးနက်လာပြီ။ ကိုနှင်းမောင်ကို ကြေးနန်း ရိုက်ခေါ်မှ ဖြစ်မယ်။

ဓါတ်ပုံ။ ။ ဧရာဝတီ

HSW
BrainWave ဉာဏ်လှိုင်း

ပြည်သူ့အရေးဂျာနယ်၊ အတွဲ-၂၊ အမှတ်-၇၃၊ မျိုးညွန့်(Popular News) ဆောင်းပါး

ပြည်ခိုင်ဖြိုးပါတီ နှစ် ၅၀ လွှမ်းမိုးရေးဆိုသည့် မဟာစီမံကိန်း သည် ၅ နှစ်သက်တမ်း တစ်ခုတွင် ပျက်ပြယ်သွားခဲ့လေပြီ။ရွေးကောက်ပွဲ တစ်ရက်တာ တွဲလက်ခိုင်မာစွာဖြင့် ပြည်သူ တို့၏ ဆန္ဒ၊ ပြတ်သားစွာ အဖြေထုတ်ပေးလိုက်သည်။

အင်မတန် တိုတောင်းလှသည့် အချိန်တွင် ပြည်ခိုင်ဖြိုး ဆိုသည်မှာ အာဏာလက်မဲ့ ပါတီတစ်ရပ်အဖြစ် ဆက်လက် ချီရပေတော့မည်။ အာဏာလက်မဲ့သည် နောက်ထပ် ၅ နှစ်လား ဆိုတော့ မသေချာ။ မဆလ တစ်ဖြစ်လဲ တစည ပါတီ၏ ရွေးကောက်ပွဲ အနိုင်ရသမိုင်းကို ပြန်ကြည့်တော့ ၁၉၉၀ ရွေးကောက်ပွဲတွင် ၁၂ ဦး၊ ဒီချုပ် ၀င်ရောက် ယှဉ်ပြိုင်ခြင်း မရှိသော ၂၀၁၀ ရွေးကောက်ပွဲတွင် ၆၄ ဦး၊ ၂၀၁၅ ရွေးကောက်ပွဲတွင် ၁ ဦးသာ ရှိတာမို့ တစညနှင့် အခြေခံ ဖွဲ့စည်းပုံချင်း ဆင်တူသော ပြည်ခိုင်ဖြိုးကရော တစည ပါတီလို တဖြည်းဖြည်း ဖုတ်လိုက် ဖုတ်လိုက် ဖြစ်မသွားဟု မပြောနိုင်။ ပြည်ခိုင်ဖြိုး ထိပ်ပိုင်း ခေါင်းဆောင် များမှာ တစ်သက်တာ အာဏာကို ဖင်ခုထိုင်လာကြသူများ ဆိုတော့ အာဏာလက်မဲ့ ဘ၀တွင် အာဏာရလာသူများ အပေါ် ဘယ်လောက်ထိ မုဒိတာ ပွားနိုင်မလဲ ဆိုသည်မှာ မေးခွန်းထုတ်စရာ တစ်ခုပင် ဖြစ်သည်။

ပြည်ခိုင်ဖြိုးပါတီ ဥက္ကဋ္ဌ အဖြစ်မှ ဖယ်ရှားခံရသူ သူရဦးရွှေမန်းကတော့ နိုဝင်ဘာ ၁၃ ရက်နေ့တွင် သူ၏ဖေ့စ်ဘွတ် စာမျက်နှာမှနေ၍ သူ၏ ရွေးကောက်ပွဲ ရှုံးနိမ့်မှု အပေါ် ယခုလို ဖွင့်ဆိုခဲ့သည်။
“ကျွန်တော် မဲရှုံးခဲ့ပေမယ့် ဒီပြိုင်ပွဲမှာ ပြည်သူတွေ အနိုင်ရခဲ့တာဖြစ်လို့ ပြည်သူထဲက ပြည်သူတစ်ဦး ဖြစ်တဲ့ ကျွန်တော်ဟာလည်း အနိုင်ရရှိသူတစ်ဦးပဲ ဖြစ်ပါတယ်”ဟု သူ၏ မုဒိတာစိတ်ကို ပြသခဲ့သည်။

သူရဦးရွှေမန်းက ယခုလို ဖွင့်ဆိုလိုက်လေတော့ သူရဦးရွှေမန်းနှင့် အဓိက ပြိုင်ဘက် သမ္မတဦးသိန်း စိန်ကရော လူထုအနိုင်ကို ဘယ်လိုဖွင့်ဆိုသလဲ ဆိုသည်မှာ စိတ်ဝင်စားဖွယ်ရာ ဖြစ်ရသည်။ သူတို့ ၂ ဦးမှာ လာရာ လမ်းက တူညီခဲ့ကြသူများ။ သို့သော်၊ ပြည်ခိုင်ဖြိုး အစိုးရ လက်ထက်တွင် ရောက်ရှိလာသော နေရာချင်းက မတူ လေတော့ ၅ နှစ်တာ ကာလအတွင်း ရောက်ရှိ နေရာအလိုက် ပတ်ဝန်းကျင်ထံမှ နားလည် သိရှိရပုံချင်းမတူဟု နားလည် မိသည်။

သူရဦးရွှေမန်း ရောက်ရှိခဲ့သည်မှာ လွှတ်တော်ဆိုတော့ ယခင် သူဆက်ဆံခဲ့ဖူးသော အမိန့်ပေး ဆက်ဆံရေး အသိုင်းအ၀ိုင်း သာမက အရောင်စုံ ပြည်သူ့ ကိုယ်စားလှယ် များနှင့်ပါ ထိတွေ့ခဲ့ရသည်။ ပြည်သူ့ ကိုယ်စားလှယ်များမှ တစ်ဆင့် ပြည်သူတို့၏ ဘ၀ကို ထိတွေ့ခွင့် ရသည်။ ပြည်သူတွေ ဘာဖြစ်နေသလဲ၊ ပြည်သူတွေ ဘာဖြစ်ချင် နေသလဲ၊ ပြည်သူ့ဆန္ဒသည် ဘာလဲ ဆိုသည်ကို တိုးလျှိုးပေါက် မြင်တွေ့ ရသည်။ ထိုမှတစ်ဆင့် နိုင်ငံရေးသမား တစ်ဦးအဖြစ် ရပ်တည်လိုလျှင် ပြည်သူ့အသံကို ကိုယ်စားပြုနိုင်ဖို့ လိုကြောင်း ကောင်းကောင်း သိရှိခဲ့သည်ဟု နားလည် မိသည်။

သမ္မတ ဦးသိန်းစိန်မှာမူ ယခင် စစ်အစိုးရ လက်ထက်တုန်းကလည်း ရေဘူးပေါက်တာ မလိုချင်၊ ရေပါ လာတာကိုသာ လိုချင်သည်ဆိုသော အ၀န်းအ၀ိုင်းတွင် ကြီးပြင်းလာခဲ့သူ။ စစ်အစိုးရခေတ် ၀န်ကြီးချုပ် ဘ၀တွင် လည်း ဒီလူ ဒီလူ။ ပြည်ခိုင်ဖြိုး အစိုးရ၏ သမ်္မတရာထူးကို ရချိန်ကျပြန်တော့လည်း သူ၏ ပတ်ပတ်လည်မှာ ယခင် ယန္တရားဖြင့် ကြီးပြင်းလာခဲ့ကြသူများသာဆိုတော့ တင်းကျပ် သော အထက်၊ အောက် အမိန့်ပေး ဆက်ဆံရေးမှာ ဆက်လက် ရှင်သန်ခဲ့တာ သေချာသလို သမ္မတ၏ သိမှု သည် လည်း အောက်အဆင့်ဆင့်၏ ဆင်ဆာ အဆင့်ဆင့် ကြား အကန့်အသတ်များဖြင့်သာ ရရှိမည်ဟု ထင်၏။ ထို့ကြောင့် သမ္မတ ဦးသိန်းစိန်နှင့် ပြည်သူကြား ထိတွေ့ရမှု မှာလည်း ကန့်လန့်ကာ တစ်ခုခု ကြားတွင်သာ ဖြစ်သည်။

သမ္မတ၏ ခရီးစဉ်တွင် ပြည်သူများကို တွေ့ရသည်။ ပြည်သူတို့၏ နှုတ်ခွန်းဆက်သံ၊ ပြည်သူတို့၏ လက်ပြ နှုတ်ဆက်ခြင်း များကို ကြုံရတော့ ၀မ်းသာရသည်။
သမ်္မတကို လာကြိုသော ပြည်သူများမှာ သူတို့ သဘောဖြင့် လာကြိုကြတာလား၊ တစ်စုံတစ်ရာ မလွန်ဆန် နိုင်မှု တစ်ခုခုကြောင့် လာရောက် ကြိုဆိုကြတာလား။ သမ္မတကို လက်ကလေး တစ်ချက်ပြရဖို့ အရေး ၄-၅ နာရီ လောက် နေပူကြီးထဲ ထိုင်စောင့်နေရသဖြင့် စိတ်ပျက် လက်ပျက် ဖြစ်နေရခြင်းများကို သမ္မတ သိမည့်ပုံ မပေါ်။ သမ္မတ သိတာက ပြည်သူများက သောင်းသောင်း ဖြဖြ ကြိုဆိုခြင်းသာ။ ထိုသို့ ကြိုဆိုမှုကို ကြည့်ပြီး သြော် ပြည်သူတွေ ငါ့အပေါ် ထောက်ခံကြပါလားဆိုသည့် အသိ။ထိုအသိမှသည် အတိုက်အခံ ဘယ်လိုပဲ ဝေဖန် ဝေဖန် ငါ့လုပ်ရပ် မှန်ကန်၏ ဆိုတာမျိုး။

ထိုသို့သော ကန့်သတ် အသိများကြားမှ သမ္မတ ဦးသိန်းစိန် အနေနှင့် သူရဦးရွှေမန်းလောက် ပြည်သူ့အသံကို မှန်မှန်ကန်ကန် အကဲမဖြတ်နိုင်ခဲ့သည် ဆိုလျှင်လည်း သဘာဝကျပေသည်။ သို့သော်၊ ဦးသိန်းစိန် အနေနှင့် သမ္မသက်တမ်း ကုန်ဆုံးချိန်တွင် ပါတီတာဝန် ဆက်လက် ထမ်းဆောင်ဦးမည်ဆိုတော့ ပြည်သူ့အသံကို မှန်ကန်စွာ အကဲမဖြတ်နိုင်လို့မရ။ ၂၀၂၀ တွင် ယခုလို ရုပ်ပျက် ဆင်းပျက် မရှုံးစေလိုလျှင် ၂၀၁၅ ရွေးကောက်ပွဲတွင် ပြည်ခိုင်ဖြိုးကို ပြည်သူက ဘာလို့ ငြင်းဆိုခဲ့သလဲ ဆိုသည်ကို မှန်ကန်စွာ အကဲမဖြတ်နိုင်လို့မရ။ ပြည်သူ့ဆန္ဒနှင့် ပါတီ၏ပေါ်လစီ ဘယ်လောက်တောင် ဝေးကွာနေသလဲ ဆိုသည်ကို အမှန်အတိုင်း မသုံးသပ်နိုင်လို့ မရ။

အနီးဆုံး အခြေအနေ တစ်ခုကို ပြောရမည်ဆိုလျှင် အနိုင်ရ ဒီချုပ်ဆိုသည်မှာ ပြည်သူအများက အမှန်အကန် ရွေးချယ်ထားသည့် ပါတီဖြစ်သောကြောင့် ဒီချုပ်အပေါ် မုဒိတာပွားခြင်းကို ပြည်သူ့ဆန္ဒကို မုဒိတာပွားခြင်းဟု ဆိုရပေမည်။ ပြည်သူကို မုဒိတာပွားနိုင်မှသာ ပြည်သူ၏ဆန္ဒကို လေးစားမှသာ ပြည်သူ၏ မေတ္တာကို ရရှိပေမည်။ပြည်သူ့မေတ္တာကို ရရှိမှသာ ၂၀၂၀ ရွေးကောက်ပွဲတွင် မျှော်လင့်ချက် တစ်စုံတစ်ရာ ရှိပေမည်။
မုဒိတာဆိုတာ ဘာလဲဟုမေးလျှင် လွှတ်တော် အလွှဲအပြောင်းကို လက်ညှိုးထိုးပြရပါမည်။ လွှတ်တော် အဟောင်း အသစ် ကူးပြောင်းမှု ဖြစ်စဉ်မှာ တာဝန်အရ လွှဲပြောင်းပေးခြင်းမျိုးမဟုတ်။ လွှတ်တော်ဥက္ကဋ္ဌ ၂ ဦး စလုံးမှာ တကယ့်ကို လိုလိုချင်ချင်၊ ပျော်ပျော်ရွှင်ရွှင်။ ဒုတိယအကြိမ် လွှတ်တော်သစ်ကို မည်သို့ မည်ပုံ ပံ့ပိုးပေး ရမလဲ အထိ။ သမ္မတအဖြစ် ရည်မှန်းထားသည်ဟု ပြောခဲ့သော သူရဦးရွှေမန်းဆိုလျှင် (သူ၏ ရွေးကောက်ပွဲ ရှုံးနိမ့်မှုအရ) လွှတ်တော်ဥက္ကဋ္ဌ အဆင့်တောင် ပြန်မဖြစ် သော်လည်း လွှတ်တော်သစ်၏ တာဝန်ပေးချက်အရ ကော်မရှင် ဥက္ကဋ္ဌအဖြစ် တစ်ထောင့် တစ်နေရာမှ ပံ့ပိုးမည် ဆိုသည့် ရည်ရွယ်ချက်ဖြင့် ပါဝင်ခဲ့သည်။ မုဒိတာ မပွားနိုင်သူဆိုလျှင် အထက်မှသည် ရုတ်တရက် ပြုတ်ကျ သွားသော အောက်အဆင့် ကုလားထိုင်တွင် ထိုင်နိုင်စရာ အကြောင်းမရှိ။ ကိုယ့်အိမ် ကိုယ်ပြန်အိပ်လို့လည်း အပြစ် လွတ်သည့် အနေအထားတွင် ထိုသို့ ကျရာနေရာမှ အလုပ် လုပ်ပြခြင်းမှာ သူ၏ သဘောထားကြီးမှုနှင့် မုဒိတာကို ဖော်ပြနေသည်။

ထို့ကြောင့် လွှတ်တော် အလွှဲအပြောင်းကို စိတ်ဝင်တစား စောင့်ကြည့်ပြီး လက်ခုပ်တီး ကြိုဆိုကြသည့် ပြည်သူက မနည်း။

အစိုးရ အလွှဲအပြောင်းကိုလည်း ဒါမျိုးဖြစ်ပါစေဟု ဆုတောင်းကြသူလည်း မနည်း။

လွှတ်တော် အလွှဲအပြောင်းလို တာဝန်အရတင်မက စိတ်ပါ လက်ပါရော ရှိပါ့မလားဟု ပူပန်ကြသူကလည်း မနည်း။ အစိုးရ အလွှဲအပြောင်းကာလ ရောက်မလာသေးသဖြင့် မပြောနိုင်သေးသော်လည်း ဖေဖော်ဝါရီ ၂ ရက်၊ အစိုးရ ချုပ်ကိုင်ထားသည့် မီဒီယာ များတွင် လွှတ်တော်သစ်ဆိုင်ရာ ထုတ်လွှင့်ဖော်ပြမှုကို ကြည့်ပြီးနောက် ဖေ့စ်ဘွတ်တစ်ခွင် ပွက်လောရိုက်သွား ခဲ့သည်။ သမိုင်းဝင် နေ့တစ်နေ့အပေါ် အစိုးရ၏ တုံ့ပြန်မှုမှာ မြန်မာ့အလင်း၊ ကြေးမုံနှင့် MRTV တို့တွင် ပါသည်ဆိုရုံမျှ ဆိုတော့ သို့လော၊ သို့လော မေးခွန်း များစွာ ထွက်ကျလာခဲ့သည်။ ပထမအကြိမ် လွှတ်တော်၊ ပထမနေ့တုန်းက ဟည်းထနေအောင် ဖော်ပြခဲ့သည် ဆိုတော့။ ဘယ်မလဲ၊ မုဒိတာဟု မေးငေါ့ကြသည်မှာ မဆန်း။
၂၀၁၂ ခုနှစ်၊ ကြားဖြတ် ရွေးကောက်ပွဲ ၀င်စဉ် ကတည်းက ဒီချုပ်၏ ကြွေးကြော်သံမှာ လွှတ်တော်တွင်းမှ နေ၍ အခြေခံဥပဒေ ပြင်ဆင်ရေး။ ပြည်ခိုင်ဖြိုးကတော့ တည်ငြိမ်စွာ အသွင်ကူးပြောင်းရေးနှင့် အခြေခံဥပဒေ ကို ကာကွယ် ထိန်းသိမ်းရေး။ ဦးသိန်းစိန်က အခြေခံဥပဒေ ကို မပြင်ဆင်ဟုတော့ မပြော။ ဒီမိုကရေစီ ရင့်ကျက်လာ ချိန်ရောက်လျှင် ပြင်မည်တဲ့။ အချိန်ဇယား အတိအကျ မရှိ။ ၂၀၁၅ ရွေးကောက်ပွဲ ရလဒ်မှာ ဒီချုပ်၏ နိုင်ငံရေး လမ်းစဉ်နှင့် ပြည်သူ့ဆန္ဒ တစ်ထပ်တည်းကျကြောင်း သက်သေဟု ခြွင်းချက်မရှိ ယုံကြည်တတ်ဖို့ လိုသည်။

ပြည်သူ့ဆန္ဒသည် တိုင်းပြည်၏ အနာဂတ်ချီရာလမ်း တွင် ခလုတ်ကန်သင်း ဖြစ်နေသော အခြေခံဥပဒေအချို့ကို ပြင်ဆင်ရေး ဖြစ်သည်။ ယခု လောလောဆယ်တွင် ဒေါ်အောင်ဆန်းစုကြည် သမ္မတ ဖြစ်ရေးအတွက် ၅၉(စ)ဆိုင်းငံ့ရေး။ ၅၉ (စ) ဆိုသည် ဒေါ်အောင်ဆန်းစုကြည် သမ္မတ မဖြစ်စေရေးကို ရည်ရွယ်ကာ ရေးဆွဲထားခြင်း ဖြစ်ကြောင်း ပြည်သူတွေ မြင်သလို ပြည်ခိုင်ဖြိုးလည်း မြင်တတ်ဖို့လိုသည်။ က်္ဘာ့အဆင့် ခေါင်းဆောင်လည်းဖြစ်၊ ပြည်သူအများ၏ မျှော်လင့်ချက်လည်းဖြစ်သော ဒေါ်အောင်ဆန်းစုကြည် သမ္မတ ဖြစ်ခြင်းသည် ဆင်းရဲတွင်း နက်နေသော တိုင်းပြည်ကို ဆွဲထူဖို့ရာအတွက် မဟာဗျူဟာ ကျသော ခြေလှမ်းတစ်လှမ်းဖြစ်သည်ကို အခုအခံ စိတ်ကို ဖယ်ကာ တွေးမိဖို့လိုသည်။ ပြည်သူက ချီးမြှင့်ထားသော လူထုခေါင်းဆောင်ဆိုသည့် ခမ်းနားလွန်းလှသော ဘွဲ့ထူးကို ရရှိထားသူ ဒေါ်အောင်ဆန်းစုကြည် အနေနှင့် သမ္မတ ရာထူးကို တိုင်းပြည်အတွက်၊ လုပ်နိုင်ကိုင်နိုင်သော လုပ်ပိုင်ခွင့်အတွက် ဆိုသည့်စိတ်ဖြင့်သာ တောင်းဆို နေကြောင်း သိရန်လိုသည်။ ပြောရလျှင် ပြည်သူတွေ တွေးတတ်သလို တွေးမိကြဖို့ လိုသည်။

အမျိုးသား လွှတ်တော် ဥက္ကဋ္ဌဟောင်းလည်းဖြစ်၊ ပြည်ခိုင်ဖြိုးပါတီ၏ ဗဟို အတိုင်ပင်ခံလည်းဖြစ်သူ ဦးခင်အောင်မြင့်က ပြည်သူအများစု ယုံကြည်အားထားခြင်း ခံရတဲ့ ခေါင်းဆောင်ကို သမ္မတ ဖြစ်စေချင်ကြောင်း ဖေဖော်ဝါရီ ၈ ရက်တွင် ပြောကြားခဲ့သည်ဟု မဇ္ဈိမတွင် ဖော်ပြခဲ့သလို ၅၉(စ) ကို ပြင်ခြင်းထက် ဆိုင်းငံ့တာက ပိုသင့်တော်မည်ဟု ထင်ကြောင်း မှတ်ချက်ပေးခဲ့သည်ကို ဖေဖော်ဝါရီ ၁၀ ရက်နေ့ထုတ် The Voice သတင်းစာ မှသိရသည်။

ပြည်ခိုင်ဖြိုး ဗဟို အလုပ်အမှုဆောင် ဦးသိန်းဆွေ ကတော့ ၅၉(စ) ဆိုင်းငံ့ရေးကို အခြေခံ ဥပဒေအတိုင်း ဆောင်ရွက်ရမည်တဲ့။ ဦးသိန်းဆွေ၏ သဘောထားလား၊ ပြည်ခိုင်ဖြိုး၏ သဘောထားလားတော့ မသိ။
၅၉(စ) ဆိုင်းငံ့ရေးမှာ တပ်မတော်၏ သဘောထားသာ အခရာ ဖြစ်သော်လည်း တပ်နှင့်ပါတီ တစ်သားတည်းနီးနီး ဖြစ်နေမှုအရရော နိုင်ငံရေး ပါတီကြီးတစ်ရပ် ဖြစ်နေခြင်း ကြောင့်ပါ ပြည်ခိုင်ဖြိုး၏ သဘောထားမှာ အရေးကြီး လှပေသည်။ သို့သော်၊ အတွေ့အကြုံအရ မျှော်လင့် စရာတော့ မရှိ။
လက်ရှိ ပြည်ခိုင်ဖြိုး၏ အခြေအနေမှာ အကျဘက်ကို ရွေ့နေသောပါတီ။ ထိုသို့သော ပါတီတစ်ရပ် အနေဖြင့် ပြန်လည် ထူမတ်လိုလျှင် တစ်ခုတည်းသော နည်းလမ်းမှာ ပြည်သူ့ဆန်္ဒကို လေးစားဖော်ဆောင်ရေးပင် ဖြစ်သည်။၂၅ ရာခိုင်နှုန်းကို အပွန်းမခံနိုင်သဖြင့် အခြား ပြင်သင့် ပြင်ထိုက် သော အခြေခံဥပဒေများကို လူထုဆန္ဒနှင့်အညီ မပြင် လိုလျှင်လည်းထား။ လတ်တလော ပြည်သူအများ၏ပြင်းပြသောဆန္ဒမှာ ဒေါ်အောင်ဆန်းစုကြည် သမ္မတ ဖြစ်ရေးပင် ဖြစ်သည်။

ပြည်ခိုင်ဖြိုးသည် ကိုယ့်အတွက် ကိုယ်လား။ပြည်သူအတွက်လား။ ပြည်သူတို့၏ အောင်ပွဲကို မုဒိတာ ပွားနိုင်သလား။ ပြည်သူ့ဆန္ဒကို လေးစားစွာ နာယူတတ် ပါသလား။ ထိုအခြင်းအရာများသည် ၂၀၂၀ ရွေးကောက်ပွဲ အတွက် အရေးကြီးသော သက်ရောက်မှု တစ်ခုလည်း ဖြစ်သည်။ ပြည်သူအများက ပြည်ခိုင်ဖြိုး ဘယ်လဲဟု မေးခွန်း ထုတ်နေပါသည်။

ပြည်ခိုင်ဖြိုးပါတီ နှစ် ၅၀ လွှမ်းမိုးရေးဆိုသည့် မဟာစီမံကိန်း သည် ၅ နှစ်သက်တမ်း တစ်ခုတွင် ပျက်ပြယ်သွားခဲ့လေပြီ။ရွေးကောက်ပွဲ တစ်ရက်တာ တွဲလက်ခိုင်မာစွာဖြင့် ပြည်သူ တို့၏ ဆန္ဒ၊ ပြတ်သားစွာ အဖြေထုတ်ပေးလိုက်သည်။
အင်မတန် တိုတောင်းလှသည့် အချိန်တွင် ပြည်ခိုင်ဖြိုး ဆိုသည်မှာ အာဏာလက်မဲ့ ပါတီတစ်ရပ်အဖြစ် ဆက်လက် ချီရပေတော့မည်။ အာဏာလက်မဲ့သည် နောက်ထပ် ၅ နှစ်လား ဆိုတော့ မသေချာ။ မဆလ တစ်ဖြစ်လဲ တစည ပါတီ၏ ရွေးကောက်ပွဲ အနိုင်ရသမိုင်းကို ပြန်ကြည့်တော့ ၁၉၉၀ ရွေးကောက်ပွဲတွင် ၁၂ ဦး၊ ဒီချုပ် ၀င်ရောက် ယှဉ်ပြိုင်ခြင်း မရှိသော ၂၀၁၀ ရွေးကောက်ပွဲတွင် ၆၄ ဦး၊ ၂၀၁၅ ရွေးကောက်ပွဲတွင် ၁ ဦးသာ ရှိတာမို့ တစညနှင့် အခြေခံ ဖွဲ့စည်းပုံချင်း ဆင်တူသော ပြည်ခိုင်ဖြိုးကရော တစည ပါတီလို တဖြည်းဖြည်း ဖုတ်လိုက် ဖုတ်လိုက် ဖြစ်မသွားဟု မပြောနိုင်။ ပြည်ခိုင်ဖြိုး ထိပ်ပိုင်း ခေါင်းဆောင် များမှာ တစ်သက်တာ အာဏာကို ဖင်ခုထိုင်လာကြသူများ ဆိုတော့ အာဏာလက်မဲ့ ဘ၀တွင် အာဏာရလာသူများ အပေါ် ဘယ်လောက်ထိ မုဒိတာ ပွားနိုင်မလဲ ဆိုသည်မှာ မေးခွန်းထုတ်စရာ တစ်ခုပင် ဖြစ်သည်။
ပြည်ခိုင်ဖြိုးပါတီ ဥက္ကဋ္ဌ အဖြစ်မှ ဖယ်ရှားခံရသူ သူရဦးရွှေမန်းကတော့ နိုဝင်ဘာ ၁၃ ရက်နေ့တွင် သူ၏ဖေ့စ်ဘွတ် စာမျက်နှာမှနေ၍ သူ၏ ရွေးကောက်ပွဲ ရှုံးနိမ့်မှု အပေါ် ယခုလို ဖွင့်ဆိုခဲ့သည်။
“ကျွန်တော် မဲရှုံးခဲ့ပေမယ့် ဒီပြိုင်ပွဲမှာ ပြည်သူတွေ အနိုင်ရခဲ့တာဖြစ်လို့ ပြည်သူထဲက ပြည်သူတစ်ဦး ဖြစ်တဲ့ ကျွန်တော်ဟာလည်း အနိုင်ရရှိသူတစ်ဦးပဲ ဖြစ်ပါတယ်”ဟု သူ၏ မုဒိတာစိတ်ကို ပြသခဲ့သည်။
သူရဦးရွှေမန်းက ယခုလို ဖွင့်ဆိုလိုက်လေတော့ သူရဦးရွှေမန်းနှင့် အဓိက ပြိုင်ဘက် သမ္မတဦးသိန်း စိန်ကရော လူထုအနိုင်ကို ဘယ်လိုဖွင့်ဆိုသလဲ ဆိုသည်မှာ စိတ်ဝင်စားဖွယ်ရာ ဖြစ်ရသည်။ သူတို့ ၂ ဦးမှာ လာရာ လမ်းက တူညီခဲ့ကြသူများ။ သို့သော်၊ ပြည်ခိုင်ဖြိုး အစိုးရ လက်ထက်တွင် ရောက်ရှိလာသော နေရာချင်းက မတူ လေတော့ ၅ နှစ်တာ ကာလအတွင်း ရောက်ရှိ နေရာအလိုက် ပတ်ဝန်းကျင်ထံမှ နားလည် သိရှိရပုံချင်းမတူဟု နားလည် မိသည်။
သူရဦးရွှေမန်း ရောက်ရှိခဲ့သည်မှာ လွှတ်တော်ဆိုတော့ ယခင် သူဆက်ဆံခဲ့ဖူးသော အမိန့်ပေး ဆက်ဆံရေး အသိုင်းအ၀ိုင်း သာမက အရောင်စုံ ပြည်သူ့ ကိုယ်စားလှယ် များနှင့်ပါ ထိတွေ့ခဲ့ရသည်။ ပြည်သူ့ ကိုယ်စားလှယ်များမှ တစ်ဆင့် ပြည်သူတို့၏ ဘ၀ကို ထိတွေ့ခွင့် ရသည်။ ပြည်သူတွေ ဘာဖြစ်နေသလဲ၊ ပြည်သူတွေ ဘာဖြစ်ချင် နေသလဲ၊ ပြည်သူ့ဆန္ဒသည် ဘာလဲ ဆိုသည်ကို တိုးလျှိုးပေါက် မြင်တွေ့ ရသည်။ ထိုမှတစ်ဆင့် နိုင်ငံရေးသမား တစ်ဦးအဖြစ် ရပ်တည်လိုလျှင် ပြည်သူ့အသံကို ကိုယ်စားပြုနိုင်ဖို့ လိုကြောင်း ကောင်းကောင်း သိရှိခဲ့သည်ဟု နားလည် မိသည်။

သမ္မတ ဦးသိန်းစိန်မှာမူ ယခင် စစ်အစိုးရ လက်ထက်တုန်းကလည်း ရေဘူးပေါက်တာ မလိုချင်၊ ရေပါ လာတာကိုသာ လိုချင်သည်ဆိုသော အ၀န်းအ၀ိုင်းတွင် ကြီးပြင်းလာခဲ့သူ။ စစ်အစိုးရခေတ် ၀န်ကြီးချုပ် ဘ၀တွင် လည်း ဒီလူ ဒီလူ။ ပြည်ခိုင်ဖြိုး အစိုးရ၏ သမ်္မတရာထူးကို ရချိန်ကျပြန်တော့လည်း သူ၏ ပတ်ပတ်လည်မှာ ယခင် ယန္တရားဖြင့် ကြီးပြင်းလာခဲ့ကြသူများသာဆိုတော့ တင်းကျပ် သော အထက်၊ အောက် အမိန့်ပေး ဆက်ဆံရေးမှာ ဆက်လက် ရှင်သန်ခဲ့တာ သေချာသလို သမ္မတ၏ သိမှု သည် လည်း အောက်အဆင့်ဆင့်၏ ဆင်ဆာ အဆင့်ဆင့် ကြား အကန့်အသတ်များဖြင့်သာ ရရှိမည်ဟု ထင်၏။ ထို့ကြောင့် သမ္မတ ဦးသိန်းစိန်နှင့် ပြည်သူကြား ထိတွေ့ရမှု မှာလည်း ကန့်လန့်ကာ တစ်ခုခု ကြားတွင်သာ ဖြစ်သည်။ သမ္မတ၏ ခရီးစဉ်တွင် ပြည်သူများကို တွေ့ရသည်။ ပြည်သူတို့၏ နှုတ်ခွန်းဆက်သံ၊ ပြည်သူတို့၏ လက်ပြ နှုတ်ဆက်ခြင်း များကို ကြုံရတော့ ၀မ်းသာရသည်။
သမ်္မတကို လာကြိုသော ပြည်သူများမှာ သူတို့ သဘောဖြင့် လာကြိုကြတာလား၊ တစ်စုံတစ်ရာ မလွန်ဆန် နိုင်မှု တစ်ခုခုကြောင့် လာရောက် ကြိုဆိုကြတာလား။ သမ္မတကို လက်ကလေး တစ်ချက်ပြရဖို့ အရေး ၄-၅ နာရီ လောက် နေပူကြီးထဲ ထိုင်စောင့်နေရသဖြင့် စိတ်ပျက် လက်ပျက် ဖြစ်နေရခြင်းများကို သမ္မတ သိမည့်ပုံ မပေါ်။ သမ္မတ သိတာက ပြည်သူများက သောင်းသောင်း ဖြဖြ ကြိုဆိုခြင်းသာ။ ထိုသို့ ကြိုဆိုမှုကို ကြည့်ပြီး သြော် ပြည်သူတွေ ငါ့အပေါ် ထောက်ခံကြပါလားဆိုသည့် အသိ။ထိုအသိမှသည် အတိုက်အခံ ဘယ်လိုပဲ ဝေဖန် ဝေဖန် ငါ့လုပ်ရပ် မှန်ကန်၏ ဆိုတာမျိုး။
ထိုသို့သော ကန့်သတ် အသိများကြားမှ သမ္မတ ဦးသိန်းစိန် အနေနှင့် သူရဦးရွှေမန်းလောက် ပြည်သူ့အသံကို မှန်မှန်ကန်ကန် အကဲမဖြတ်နိုင်ခဲ့သည် ဆိုလျှင်လည်း သဘာဝကျပေသည်။ သို့သော်၊ ဦးသိန်းစိန် အနေနှင့် သမ္မသက်တမ်း ကုန်ဆုံးချိန်တွင် ပါတီတာဝန် ဆက်လက် ထမ်းဆောင်ဦးမည်ဆိုတော့ ပြည်သူ့အသံကို မှန်ကန်စွာ အကဲမဖြတ်နိုင်လို့မရ။

၂၀၂၀ တွင် ယခုလို ရုပ်ပျက် ဆင်းပျက် မရှုံးစေလိုလျှင် ၂၀၁၅ ရွေးကောက်ပွဲတွင် ပြည်ခိုင်ဖြိုးကို ပြည်သူက ဘာလို့ ငြင်းဆိုခဲ့သလဲ ဆိုသည်ကို မှန်ကန်စွာ အကဲမဖြတ်နိုင်လို့မရ။ ပြည်သူ့ဆန္ဒနှင့် ပါတီ၏ပေါ်လစီ ဘယ်လောက်တောင် ဝေးကွာနေသလဲ ဆိုသည်ကို အမှန်အတိုင်း မသုံးသပ်နိုင်လို့ မရ။
အနီးဆုံး အခြေအနေ တစ်ခုကို ပြောရမည်ဆိုလျှင် အနိုင်ရ ဒီချုပ်ဆိုသည်မှာ ပြည်သူအများက အမှန်အကန် ရွေးချယ်ထားသည့် ပါတီဖြစ်သောကြောင့် ဒီချုပ်အပေါ် မုဒိတာပွားခြင်းကို ပြည်သူ့ဆန္ဒကို မုဒိတာပွားခြင်းဟု ဆိုရပေမည်။ ပြည်သူကို မုဒိတာပွားနိုင်မှသာ ပြည်သူ၏ဆန္ဒကို လေးစားမှသာ ပြည်သူ၏ မေတ္တာကို ရရှိပေမည်။ပြည်သူ့မေတ္တာကို ရရှိမှသာ ၂၀၂၀ ရွေးကောက်ပွဲတွင် မျှော်လင့်ချက် တစ်စုံတစ်ရာ ရှိပေမည်။
မုဒိတာဆိုတာ ဘာလဲဟုမေးလျှင် လွှတ်တော် အလွှဲအပြောင်းကို လက်ညှိုးထိုးပြရပါမည်။ လွှတ်တော် အဟောင်း အသစ် ကူးပြောင်းမှု ဖြစ်စဉ်မှာ တာဝန်အရ လွှဲပြောင်းပေးခြင်းမျိုးမဟုတ်။ လွှတ်တော်ဥက္ကဋ္ဌ ၂ ဦး စလုံးမှာ တကယ့်ကို လိုလိုချင်ချင်၊ ပျော်ပျော်ရွှင်ရွှင်။ ဒုတိယအကြိမ် လွှတ်တော်သစ်ကို မည်သို့ မည်ပုံ ပံ့ပိုးပေး ရမလဲ အထိ။ သမ္မတအဖြစ် ရည်မှန်းထားသည်ဟု ပြောခဲ့သော သူရဦးရွှေမန်းဆိုလျှင် (သူ၏ ရွေးကောက်ပွဲ ရှုံးနိမ့်မှုအရ) လွှတ်တော်ဥက္ကဋ္ဌ အဆင့်တောင် ပြန်မဖြစ် သော်လည်း လွှတ်တော်သစ်၏ တာဝန်ပေးချက်အရ ကော်မရှင် ဥက္ကဋ္ဌအဖြစ် တစ်ထောင့် တစ်နေရာမှ ပံ့ပိုးမည် ဆိုသည့် ရည်ရွယ်ချက်ဖြင့် ပါဝင်ခဲ့သည်။ မုဒိတာ မပွားနိုင်သူဆိုလျှင် အထက်မှသည် ရုတ်တရက် ပြုတ်ကျ သွားသော အောက်အဆင့် ကုလားထိုင်တွင် ထိုင်နိုင်စရာ အကြောင်းမရှိ။ ကိုယ့်အိမ် ကိုယ်ပြန်အိပ်လို့လည်း အပြစ် လွတ်သည့် အနေအထားတွင် ထိုသို့ ကျရာနေရာမှ အလုပ် လုပ်ပြခြင်းမှာ သူ၏ သဘောထားကြီးမှုနှင့် မုဒိတာကို ဖော်ပြနေသည်။
ထို့ကြောင့် လွှတ်တော် အလွှဲအပြောင်းကို စိတ်ဝင်တစား စောင့်ကြည့်ပြီး လက်ခုပ်တီး ကြိုဆိုကြသည့် ပြည်သူက မနည်း။ အစိုးရ အလွှဲအပြောင်းကိုလည်း ဒါမျိုးဖြစ်ပါစေဟု ဆုတောင်းကြသူလည်း မနည်း။
လွှတ်တော် အလွှဲအပြောင်းလို တာဝန်အရတင်မက စိတ်ပါ လက်ပါရော ရှိပါ့မလားဟု ပူပန်ကြသူကလည်း မနည်း။ အစိုးရ အလွှဲအပြောင်းကာလ ရောက်မလာသေးသဖြင့် မပြောနိုင်သေးသော်လည်း ဖေဖော်ဝါရီ ၂ ရက်၊ အစိုးရ ချုပ်ကိုင်ထားသည့် မီဒီယာ များတွင် လွှတ်တော်သစ်ဆိုင်ရာ ထုတ်လွှင့်ဖော်ပြမှုကို ကြည့်ပြီးနောက် ဖေ့စ်ဘွတ်တစ်ခွင် ပွက်လောရိုက်သွား ခဲ့သည်။ သမိုင်းဝင် နေ့တစ်နေ့အပေါ် အစိုးရ၏ တုံ့ပြန်မှုမှာ မြန်မာ့အလင်း၊ ကြေးမုံနှင့် MRTV တို့တွင် ပါသည်ဆိုရုံမျှ ဆိုတော့ သို့လော၊ သို့လော မေးခွန်း များစွာ ထွက်ကျလာခဲ့သည်။ ပထမအကြိမ် လွှတ်တော်၊ ပထမနေ့တုန်းက ဟည်းထနေအောင် ဖော်ပြခဲ့သည် ဆိုတော့။ ဘယ်မလဲ၊ မုဒိတာဟု မေးငေါ့ကြသည်မှာ မဆန်း။

၂၀၁၂ ခုနှစ်၊ ကြားဖြတ် ရွေးကောက်ပွဲ ၀င်စဉ် ကတည်းက ဒီချုပ်၏ ကြွေးကြော်သံမှာ လွှတ်တော်တွင်းမှ နေ၍ အခြေခံဥပဒေ ပြင်ဆင်ရေး။ ပြည်ခိုင်ဖြိုးကတော့ တည်ငြိမ်စွာ အသွင်ကူးပြောင်းရေးနှင့် အခြေခံဥပဒေ ကို ကာကွယ် ထိန်းသိမ်းရေး။ ဦးသိန်းစိန်က အခြေခံဥပဒေ ကို မပြင်ဆင်ဟုတော့ မပြော။ ဒီမိုကရေစီ ရင့်ကျက်လာ ချိန်ရောက်လျှင် ပြင်မည်တဲ့။ အချိန်ဇယား အတိအကျ မရှိ။ ၂၀၁၅ ရွေးကောက်ပွဲ ရလဒ်မှာ ဒီချုပ်၏ နိုင်ငံရေး လမ်းစဉ်နှင့် ပြည်သူ့ဆန္ဒ တစ်ထပ်တည်းကျကြောင်း သက်သေဟု ခြွင်းချက်မရှိ ယုံကြည်တတ်ဖို့ လိုသည်။

ပြည်သူ့ဆန္ဒသည် တိုင်းပြည်၏ အနာဂတ်ချီရာလမ်း တွင် ခလုတ်ကန်သင်း ဖြစ်နေသော အခြေခံဥပဒေအချို့ကို ပြင်ဆင်ရေး ဖြစ်သည်။ ယခု လောလောဆယ်တွင် ဒေါ်အောင်ဆန်းစုကြည် သမ္မတ ဖြစ်ရေးအတွက် ၅၉(စ)ဆိုင်းငံ့ရေး။ ၅၉ (စ) ဆိုသည် ဒေါ်အောင်ဆန်းစုကြည် သမ္မတ မဖြစ်စေရေးကို ရည်ရွယ်ကာ ရေးဆွဲထားခြင်း ဖြစ်ကြောင်း ပြည်သူတွေ မြင်သလို ပြည်ခိုင်ဖြိုးလည်း မြင်တတ်ဖို့လိုသည်။ က်္ဘာ့အဆင့် ခေါင်းဆောင်လည်းဖြစ်၊ ပြည်သူအများ၏ မျှော်လင့်ချက်လည်းဖြစ်သော ဒေါ်အောင်ဆန်းစုကြည် သမ္မတ ဖြစ်ခြင်းသည် ဆင်းရဲတွင်း နက်နေသော တိုင်းပြည်ကို ဆွဲထူဖို့ရာအတွက် မဟာဗျူဟာ ကျသော ခြေလှမ်းတစ်လှမ်းဖြစ်သည်ကို အခုအခံ စိတ်ကို ဖယ်ကာ တွေးမိဖို့လိုသည်။ ပြည်သူက ချီးမြှင့်ထားသော လူထုခေါင်းဆောင်ဆိုသည့် ခမ်းနားလွန်းလှသော ဘွဲ့ထူးကို ရရှိထားသူ ဒေါ်အောင်ဆန်းစုကြည် အနေနှင့် သမ္မတ ရာထူးကို တိုင်းပြည်အတွက်၊ လုပ်နိုင်ကိုင်နိုင်သော လုပ်ပိုင်ခွင့်အတွက် ဆိုသည့်စိတ်ဖြင့်သာ တောင်းဆို နေကြောင်း သိရန်လိုသည်။ ပြောရလျှင် ပြည်သူတွေ တွေးတတ်သလို တွေးမိကြဖို့ လိုသည်အမျိုးသား လွှတ်တော် ဥက္ကဋ္ဌဟောင်းလည်းဖြစ်၊ ပြည်ခိုင်ဖြိုးပါတီ၏ ဗဟို အတိုင်ပင်ခံလည်းဖြစ်သူ ဦးခင်အောင်မြင့်က ပြည်သူအများစု ယုံကြည်အားထားခြင်း ခံရတဲ့ ခေါင်းဆောင်ကို သမ္မတ ဖြစ်စေချင်ကြောင်း ဖေဖော်ဝါရီ ၈ ရက်တွင် ပြောကြားခဲ့သည်ဟု မဇ္ဈိမတွင် ဖော်ပြခဲ့သလို ၅၉(စ) ကို ပြင်ခြင်းထက် ဆိုင်းငံ့တာက ပိုသင့်တော်မည်ဟု ထင်ကြောင်း မှတ်ချက်ပေးခဲ့သည်ကို ဖေဖော်ဝါရီ ၁၀ ရက်နေ့ထုတ် The Voice သတင်းစာ မှသိရသည်။
ပြည်ခိုင်ဖြိုး ဗဟို အလုပ်အမှုဆောင် ဦးသိန်းဆွေ ကတော့ ၅၉(စ) ဆိုင်းငံ့ရေးကို အခြေခံ ဥပဒေအတိုင်း ဆောင်ရွက်ရမည်တဲ့။ ဦးသိန်းဆွေ၏ သဘောထားလား၊ ပြည်ခိုင်ဖြိုး၏ သဘောထားလားတော့ မသိ။

၅၉(စ) ဆိုင်းငံ့ရေးမှာ တပ်မတော်၏ သဘောထားသာ အခရာ ဖြစ်သော်လည်း တပ်နှင့်ပါတီ တစ်သားတည်းနီးနီး ဖြစ်နေမှုအရရော နိုင်ငံရေး ပါတီကြီးတစ်ရပ် ဖြစ်နေခြင်း ကြောင့်ပါ ပြည်ခိုင်ဖြိုး၏ သဘောထားမှာ အရေးကြီး လှပေသည်။ သို့သော်၊ အတွေ့အကြုံအရ မျှော်လင့် စရာတော့ မရှိ။
လက်ရှိ ပြည်ခိုင်ဖြိုး၏ အခြေအနေမှာ အကျဘက်ကို ရွေ့နေသောပါတီ။

ထိုသို့သော ပါတီတစ်ရပ် အနေဖြင့် ပြန်လည် ထူမတ်လိုလျှင် တစ်ခုတည်းသော နည်းလမ်းမှာ ပြည်သူ့ဆန်္ဒကို လေးစားဖော်ဆောင်ရေးပင် ဖြစ်သည်။၂၅ ရာခိုင်နှုန်းကို အပွန်းမခံနိုင်သဖြင့် အခြား ပြင်သင့် ပြင်ထိုက် သော အခြေခံဥပဒေများကို လူထုဆန္ဒနှင့်အညီ မပြင် လိုလျှင်လည်းထား။ လတ်တလော ပြည်သူအများ၏ပြင်းပြသောဆန္ဒမှာ ဒေါ်အောင်ဆန်းစုကြည် သမ္မတ ဖြစ်ရေးပင် ဖြစ်သည်။

မျိုးညွန့် (Popular )

ဦးမျိုးလွင် ခွဲစိတ်ခန်းမဝင်မီတွေ့ရစဉ် (ဓာတ်ပုံ − သက်ဆွေ)

ဧရာဝတီတိုင်းဒေသကြီး အတွင်းရှိ ဘူးစင်စခန်း သစ် ထုတ်လမ်းတွင် သစ်တင်လာ သည့်ကားကို တပ်က ဂိတ်ကြေး တောင်းရာ မပေးသဖြင့် စကား များရန်ဖြစ်ရာမှ တပ်ကြပ်တစ်ဦး က သေနတ်ဖြင့် ပစ်ခတ်သဖြင့် အမျိုးသားတစ်ဦး ဒဏ်ရာရရှိပြီး ဆေးရုံတွင် သေဆုံးသွားသည်။

ဧရာဝတီတိုင်း ဒေသကြီး ပုသိမ်မြို့နယ် ရှောပြာကျေးရွာ နှင့် ၁၂ မိုင်ခန့်ဝေးသည့် ဒေသ အခေါ် ဘူးစင်စခန်း သစ်ထုတ် လမ်းတွင် ဖေဖော်ဝါရီ ၁၈ ရက် ည ၈ နာရီခန့်က ပစ်ခတ်မှုဖြစ် ပွားခဲ့ခြင်းဖြစ်သည်။

သေနတ်ဖြင့်ပစ်သည့် တပ် ကြပ်ဌေးအောင်ကို ရွှေသောင်ယံရဲစခန်းတွင် ဖမ်းဆီးထိန်းသိမ်း ထားပြီး ၎င်းအား စစ်ဥပဒေအရ အရေးယူရန် စီစဉ်ထားသည်။

‘‘စစ်သားက အရပ်ဘက် ဥပဒေရော၊ စစ်ဥပဒေရော ထိန်း သိမ်းရမယ့် တာဝန်ရှိတယ်။ ပြစ်မှု ကျူးလွန်သူကတော့ အနည်းဆုံး ထောင် နှစ် ၂၀ပဲ။ သူတင်မဟုတ် ဘူး။ သူ့နောက်မှာရှိတဲ့ အဆင့် ဆင့်သော အရာရှိတွေပါ အရေး ယူခံရမှာဖြစ်တယ်’’ဟု အနောက် တောင်တိုင်း စစ်ဌာနချုပ်မှ စစ်ဦး စီးမှူး (ပထမတန်း) ဒုတိယ ဗိုလ်မှူးကြီး ရဲငြိမ်းက ရှင်းပြ သည်။

သေနတ်ဖြင့် ပစ်ခတ်ခံရ သည့် ရှောပြာကျေးရွာအုပ်စု ရှမ်း ကွင်းကျေးရွာတွင် နေထိုင်သော ဦးမျိုးလွင် အသက် (၄၄)နှစ်သည် ဖေဖော်ဝါရီ ၁၉ ရက် ည ၈ နာရီခွဲ ၌ ပုသိမ်ဆေးရုံကြီးတွင် သေဆုံး သွားကြောင်း မိသားစုဝင်တစ်ဦး က ပြောသည်။

‘‘ခွဲစိတ်ခန်း မ၀င်ခင်က သတိရတယ်။ ပြန်ထွက်လာတော့ နေ့လယ် ၁၂ နာရီလောက်ရှိပြီ။ အသက်မထွက်ခင် သူ့ကိုယ်မှာ တပ်ထားတဲ့ပိုက်တွေကို ၀ူးဝါးဝူး ၀ါးနဲ့ဆွဲဖြုတ်တယ်။ ဆရာဝန်သွား ခေါ်နေတုန်း အသက်ထွက်သွား တယ်။ သေသွားချိန်အထိ သတိ မရသေးဘူး’’ဟု ၎င်း၏ မိသားစု ၀င်တစ်ဦးက ပြောသည်။

၎င်းသေဆုံးသွားခြင်းနှင့် ပတ်သက်၍ သေနတ်ဖြင့်ပစ်ခဲ့ သော တပ်ကြပ်ဌေးအောင်အား မူလဖွင့်လှစ်အရေးယူထားသည့်ပုဒ်မအစား ရွှေသောင်ယံရဲစခန်း က ပုဒ်မ ၃၀၂ ဖြင့် ပြောင်းလဲဖွင့် လှစ်အရေးယူမည်ဖြစ်ကြောင်း သတင်းရရှိသည်။

ဂိတ်ကြေးမပေးသည့်ကား ကို သေနတ်ဖြင့် အချက်ပေါင်း များစွာ လိုက်လံပစ်ခတ်ခဲ့ရာမှ ကားပေါ်လိုက်ပါလာသူ ငါးဦး အနက်မှ တစ်ဦး၏ဆီးအိမ် အထက်ပိုင်းတွင် ဒဏ်ရာရခဲ့၍ ပုသိမ်မြို့ ဆေးရုံကြီးသို့ ခေါ် ဆောင် ဆေးကုသစဉ် သေဆုံး သွားခဲ့ခြင်းဖြစ်သည်။

သစ်တင်လာသောကား သည် ပုဂ္ဂလိကသစ်ကားဖြစ်ပြီး သစ်လုပ်ငန်းပိုင် သရက်သားသစ် လုံး ကိုးတန်ခန့် တင်ဆောင်၍ မောင်းနှင်လာခဲ့ခြင်းဖြစ်ကာ ကားပေါ်တွင် လူကြီးသုံးဦးနှင့် သစ် ထုတ်သည့်ဒေသမှ ကလေးနှစ်ဦး လိုက်ပါလာသည်။

‘‘တပ်နဲ့ရဲက အမြဲတမ်း တောင်းနေကျပါ။ သူတို့က တောင်းတော့ ကားပေါ်ပါလာတဲ့ ကိုမိုးဇော် (ခေါ်) ကြောပြားကြီးနဲ့ စကားများတယ်။ အားလုံးက လည်း မူးနေတော့ ကြောပြားကြီး က စစ်သားကို လက်သီးနဲ့ထိုး လိုက်တယ်။ စစ်သားက သေနတ် နဲ့လိုက်ပစ်ရော’’ဟု ယင်းကား ပေါ်တွင် အတူပါလာသည့် ကိုကပြားက ပြောသည်။

သစ်ထုတ်လုပ်ရေးလမ်း တွင် တရားမဝင်သစ်တိုက်၊ သစ် ထုတ်နေသည့် ကားများအား တပ်၊ရဲနှင့်သစ်တောအပါအဝင် အဖွဲ့ အစည်းပေါင်းများစွာက တရား မဝင်ဂိတ်ကြေး တောင်းခံနေသည့် နေရာ ကိုးနေရာထက်မနည်း ရှိသည်။ ဂိတ်တစ်ဂိတ်စီတွင် သစ်ကားတစ်စီးလျှင် ကျပ်တစ် သောင်းခွဲမှ လေးသောင်းအထိ ပေးရသည်။ လက်ရှိဖြစ်ပွားသည့် ဘူးစင်စခန်းတွင် ပုံမှန်အားဖြင့် သစ်ကားတစ်စီးကို ကျပ်နှစ် သောင်းပေးရသည်ဟု ကိုကပြား ကဆက်လက်ရှင်းပြသည်။

သေနတ်ဖြင့် ပစ်ခတ်ခဲ့သည့် စစ်သားသည် မြန်အောင်မြို့ အခြေစိုက် အမှတ် (၅၁) ခြေ လျင်တပ်ရင်းတွင် တာဝန်ထမ်း ဆောင်နေသည့် တပ်ကြပ်ဌေး အောင်ဖြစ်ပြီး အဆိုပါတပ်သည် ကမ်းခြေလုံခြုံရေးအတွက် ရွှေ သောင်ယံမြို့၌ စခန်းချထားသည့်တပ်တစ်ခုလည်းဖြစ်သည်။

7Day News Journal
http://www.7daydaily.com/story/58443



ဒေါ်အောင်ဆန်းစုကြည်၊ ၅၉ (စ)နှင့် အခြေခံဥပဒေခုံရုံးထွက်ပေါက်မြန်မာနိုင်ငံ ပြည်သူ၊ ပြည်သားတို့၏ ဆန္ဒမဲ ဖြင့်ထွက်ပေါ်လာသောလွှတ်တော်အမတ်များ၏ လွှတ်တော်ခရီးကို မြင်ရသည်မှာ
စိတ်ချမ်းမြေ့ဖွယ်ရာ ကောင်းလှသည်။ပြည်သူများ၏ မျှော်လင့်ချက်အတိုင်းအနိုင်ရပါတီဥက္ကဋ္ဌ ဒေါ်အောင်ဆန်းစုကြည် သမ္မတဖြစ်ရေးအဆင့်တစ်ဆင့် လိုအပ်နေသေးသည်။

 လွှတ်တော်အသစ် (၂)ရပ်ဖြစ်သောပြည်သူ့ လွှတ်တော်၊ အမျိုးသားလွှတ်တော် ဥက္ကဋ္ဌ၊ ဒုတိယ ဥက္ကဋ္ဌများ
ရွေးချယ်ရာတွင် NLD ပါတီမှ ရည်မှန်း ထားသူများဖြစ်သည့်ပြည်သူ့လွှတ်တော်ဥက္ကဋ္ဌ ဦး ဝင်းမြင့်၊ ဒုတိယဥက္ကဋ္ဌဦးတီခွန်မြတ်၊အမျိုးသား လွှတ်တော်ဥက္ကဋ္ဌအဖြစ် ဦးမန်းဝင်းခိုင်သန်း၊ ဒုတိယ ဥက္ကဋ္ဌ
အဖြစ်ဦးအေးသာအောင်တို့ကို အပြိုင်အဆို ပြုသူမရှိဘဲရွေးချယ်နိုင်ခဲ့သည်ကို တွေ့ရ၏။

အနိုင်ရပါတီဥက္ကဋ္ဌဒေါ်အောင်ဆန်းစုကြည်ကမီဒီယာများနှင့်တွေ့ဆုံရာမှာထိုသို့လွှတ်တော်နှစ်ရပ်အား
အောင်အောင်မြင်မြင် ချောချောမွေ့မွေ့ ဖွဲ့စည်းနိုင်ခဲ့ခြင်းအတွက်အားလုံးကို ကျေးဇူးတင် ကြောင်း၊ တပ်မတော်သား လွှတ်တော်ကိုယ်စားလှယ်တွေကိုလည်း ကျေးဇူးတင်ကြောင်း ပြောကြား သွားခဲ့တာ
ဖတ်လိုက်ရပါတယ်။ ဒီစကားဟာ အနိုင်ရ NLD ပါတီက တပ်မတော်သားကိုယ်စားလှယ်တွေကို ဂုဏ်ပြုချီးကျူးလိုက်တာပါပဲ။

အခု ပြည်သူ့လွှတ်တော်ရော၊ အမျိုးသား လွှတ်တော်ပါဖွဲ့စည်းနိုင်ပြီဖြစ်တဲ့အတွက် အုပ်ချုပ် ရေးမဏ္ဍိုင်ကို ဦးဆောင်မယ့်အစိုးရအဖွဲ့ကို ရွေးချယ် ပေးဖို့ ပြည်ထောင်စုလွှတ်တော် ခေါ်နိုင်သွားပါပြီ။

အစိုးရအဖွဲ့ကို အဓိကဦးဆောင်မောင်းနှင်မယ့် သမ္မတရာထူးကိုဘယ်သူဖြစ်လာနိုင်မလဲလို့ဟောကိန်းအမျိုးမျိုးထွက်နေပေမယ့် ပြည်သူတွေ
ကတော့ တိုင်းပြည်အပေါ်အစဉ်အလာကောင်းခဲ့တဲ့ဒေါ်အောင် ဆန်းစုကြည်ကိုပဲ သမ္မတဖြစ်စေချင်ကြပါတယ်။

ပြည်တွင်းစစ်နဲ့ လွဲမှားတဲ့ စီမံခန့်ခွဲမှုတွေကြောင့် ပြာပုံထဲရောက်နေတဲ့နိုင်ငံကို အချိန်တိုအတွင်း ဆွဲ တင်နိုင်ဖို့ဆိုတာ ရာထူးနေရာရဲ့ ပါဝါအပြင်ပုဂ္ဂိုလ် ရေး အရှိန်အဝါရှိဖို့လည်း လိုအပ်ပါတယ်။ မြန်မာနိုင်ငံလို
ဆင်းရဲမွဲတေနေတဲ့ နိုင်ငံတစ်ခု ရဲ့သမ္မတဟာ နိုင်ငံတကာဆက်ဆံရေးမှာမျက်နှာ သာရဖို့မဖြစ်နိုင်ဘူးဆိုတဲ့ အရှိတရားကို လက်ခံရ ပါလိမ့်မယ်။

ပြီးခဲ့တဲ့ ၂ဝ၁ဝ-၂ဝ၁၅ သက်တမ်းမှာ သမ္မတ တာဝန်ထမ်းဆောင်ခဲ့တဲ့သမ္မတကြီးဦးသိန်းစိန်ဟာ စင်ကာပူဝန်ကြီးချုပ်နဲ့တွေ့ဖို့ထိုင်စောင့်ရဖူးတယ်ဆိုတဲ့ သတင်းတစ်ခုထွက်ပေါ်လာခဲ့တာ မှတ်မိပါသေးတယ်။

မြန်မာနိုင်ငံဟာ ကမ္ဘာ့နိုင်ငံရေး ဇာတ်ခုံပေါ်မှာ ထင်ရှားလာခဲ့တာသိပ်မကြာသေးပါဘူး။ ဒါဟာငြိမ်းချမ်းရေးနိုဘယ်ဆုရှင်တစ်ဦးဖြစ်တဲ့ ဒေါ်အောင် ဆန်းစုကြည်ကြောင့်လို့ တစ်စိတ်တစ်ပိုင်း
ဆိုနိုင်ပါတယ်။ မြန်မာနိုင်ငံရဲ့သမ္မတသစ်ဟာ ဒေါ်အောင်ဆန်းစုကြည်သာဖြစ်မယ်ဆိုရင် နေရာပါဝါတင်မက လူ ပုဂ္ဂိုလ်အရှိန်အဝါပါပြည့်စုံတဲ့သမ္မတတစ်ဦးဖြစ်လာမှာပါ။

သို့သော်လည်း ဒေါ်အောင်ဆန်းစုကြည်ကိုသမ္မတမဖြစ်အောင်ပိတ်ပင်ထားတဲ့ ပုဒ်မ ၅၉ (စ) ရှိနေပါတယ်။

တချို့တွေက အမျိုးဘာသာ၊ သာသနာကို အကြောင်းပြပြီးနိုင်ငံခြားသြဇာခံနိုင်ငံတစ်နိုင်ငံ ဖြစ်မသွားရအောင် ဒီပုဒ်မကို
ပြဋ္ဌာန်းထားတယ်လို့ ခြေကန်ငြင်းကြပါတယ်။ တကယ်တော့ ဒီ ၅၉(စ)
ပုဒ်မဟာ မလိုအပ်ဘဲ ဒေါ်အောင်ဆန်းစုကြည် သမ္မတမဖြစ်ရေးအတွက်
ကြိုတင်စီမံထားတာပါ။ မြန်မာနိုင်ငံမှာ ၅၉(စ) ပုဒ်မပယ်ဖျက်လိုက်ရင်
ဘာဖြစ်သွားမလဲလို့ မေးစရာရှိပါတယ်။ ဘာမှမဖြစ် ပါလို့ပဲ ဖြေပါရစေ။

၂ဝဝ၈ ခုနှစ်၊ အခြေခံဥပဒေထဲ မှာ ပါတဲ့ ပုဒ်မ ၅၉(ခ) မှာ မိမိနှင့်မိမိ၏ မိဘ နှစ်ပါးလုံး နိုင်ငံတော်၏အာဏာပိုင်နက်အတွင်း၌ မွေးဖွားသော
တိုင်းရင်းသားမှဖြစ်သည့် မြန်မာနိုင်ငံသားဖြစ်ရမည်လို့ဖော်ပြထားပါတယ်။

ဒါကြောင့် နိုင်ငံခြားသြဇာခံသူတစ်ယောက်အ နေနဲ့ သမ္မတဖြစ်ဖို့မရှိပါဘူး။ နောက်တစ်ခုက အခုလို (၂၁) ရာစုမှာ နိုင်ငံခြားသြဇာခံသူတစ်ယောက် သမ္မတဖြစ်ရင် ဘယ်လိုလုပ်ကြမလဲ ဆိုတဲ့ စိုးရိမ်စိတ်
ထားရှိတယ်ဆိုရင် အဲဒီလူဟာ အတွေးအခေါ်အတော်ညံ့နေလို့ပဲလို့ဆိုချင်ပါတယ်။ ယနေ့ ကမ္ဘာပေါ်မှာ အင်အားကြီးနိုင်ငံတွေကအင်အားနည်းတဲ့ နိုင်ငံတွေအပေါ် အနည်းနဲ့အများ သြဇာလွှမ်းမိုးတာပါပဲ။

ဥပမာ တစ်ခုအနေနဲ့ ကချင်ပြည်နယ်မှာ မူးယစ်ဆေးဝါးတွေ၊ခိုးပြီးထုတ်ယူနေတဲ့သစ်တွေ အပုံအပင်နဲ့ဖမ်းမိတဲ့သစ်ခိုးဂိုဏ်းကိုလွတ်ငြိမ်းချမ်း သာခွင့်နဲ့လွှတ်ပေးရတာဟာ သူတို့မိခင်နိုင်ငံရဲ့ သြဇာကို
မလွန်ဆန်နိုင်လို့ ဖြစ်ရတာပါ။ ဒီကိစ္စဟာ လူတစ်ဦးတစ်ယောက်ကနိုင်ငံခြား သြဇာခံတာ မဟုတ်ပါဘူး။ ကျွန်တော်တို့ နိုင်ငံဆင်း ရဲနေလို့အဲဒီတိုင်းပြည်ကို မှီခိုနေရလို့ပါ။

 ဖြစ်ရပ် ကလေးတစ်ခုပြောပြချင်ပါတယ်။စင်ကာပူနိုင်ငံမှာ နိုင်ငံခြားသားတစ်ယောက်က (သြစတြေးလျ နိုင်ငံသားလို့ ထင်ပါတယ်) မော်တော်ကားတွေကို မှုတ် ဆေးနဲ့မှုတ်ပြီးဖျက်ဆီးပါတယ်။ အဲဒီနိုင်ငံခြားသားကို စင်ကာပူတရားရုံးကဥပဒေအတိုင်း ကြိမ်ဒဏ်ပေးပါတယ်။ အဲဒီနိုင်ငံက သူ့နိုင်ငံသား
ကြိမ်ဒဏ်ပေးမခံရရေး အမျိုးမျိုးနည်းလမ်းတွေသုံးပြီး ဆောင်ရွက်ပါတယ်။ဒါပေမဲ့ စင်ကာပူအစိုးရက လက်မခံခဲ့ပါဘူး။ သူ့နိုင်ငံကဥပဒေအတိုင်းပဲကြိမ်ဒဏ်ပေးခဲ့ ပါတယ်။ ဒီလိုလုပ်နိုင်တာဟာ သူ့နိုင်ငံက အမှီအခိုကင်းလို့ပါ။ အနာဂတ်မြန်မာနိုင်ငံကိုလည်း အမှီအခိုကင်း တဲ့ နိုင်ငံတစ်နိုင်ငံဖြစ်စေလိုပါတယ်။ အဲဒီလို အမှီအခိုကင်းတဲ့ နိုင်ငံတစ်နိုင်ငံအဖြစ်ပေါ်ပေါက်လာအောင် နိုင်ငံကိုဦးဆောင်နိုင်သူဟာ အနိုင်ရပါတီခေါင်းဆောင် ဒေါ်ဆောင်ဆန်းစုကြည်ပဲ ဖြစ်ပါတယ်။

အခု ဒေါ်အောင်ဆန်းစုကြည်သမ္မတအဖြစ် လုပ်ဆောင်ဖို့အဟန့်အတားဖြစ်နေတဲ့ အခြေခံ ဥပဒေပါပုဒ်မ ၅၉(စ)ကိုပြည်ထောင်စုလွှတ်တော်မှာ ဆိုင်းငံ့ဖို့ အဆိုတင်မယ်လို့ သတင်းတွေထွက်နေပါ တယ်။ ၂ဝဝ၈ ခုနှစ် အခြေခံဥပဒေဟာ ပြင်ဆင်ဖို့အလွန်ခက်ခဲတဲ့ ဥပဒေဆိုတာ အားလုံးသိကြပါ တယ်။ ဒါကြောင့်
ပုဒ်မ ၅၉(စ)ကို ဆိုင်းငံ့တာဟာ ဖြစ်သင့်ဖြစ်ထိုက်တဲ့ အနေအထားလို့ယူဆပါတယ်။ ဒီနေရာမှာ တပ်မတော်ရဲ့သဘောထားက အလွန်အရေးပါတဲ့နေရာမှာရှိနေပါတယ်။ တပ်မတော် ကိုယ်စား လက်ရှိ
ကာကွယ်ရေးဦးစီးချုပ်ရဲ့ အမြော် အမြင်ကြီးမှုပေါ်မှာမူတည်နေပါတယ်။

တစ်နည်းအားဖြင့် ဒေါ်အောင်ဆန်းစုကြည်သမ္မတဖြစ်ရေးဟာကာကွယ်ရေးဦးစီးချုပ်နဲ့ ညှိနှိုင်းလုပ်ဆောင်ရမှာပါ။ အကယ်၍ကာကွယ်ရေးဦးစီးချုပ်က ၅၉ (စ) ဆိုင်းငံ့ခြင်းကို သဘောမတူရင်
အခြေခံဥပဒေမှာ ဒေါ်အောင်ဆန်းစုကြည် သမ္မတရာထူးထမ်းဆောင်နိုင်ရေးအတွက် ခြွင်းချက်အဖြစ် ထည့်သွင်းပြဋ္ဌာန်း သင့်ပါတယ်။

ဒီလို မလုပ်ရင်တော့ NLD ပါတီက ယာယီ သမ္မတတစ်ယောက်တင်ပါလိမ့်မယ်။ ပြီးမှ ၅၉ (စ) ကို ဆိုင်းငံ့ဖို့ကြိုးစားလာနိုင်ပါတယ်။

၂ဝဝ၈ ဖွဲ့စည်းပုံအခြေခံဥပဒေထဲမှာ ဥပဒေ တစ်ရပ်ရပ်ကိုဆိုင်းငံ့နိုင်သည်လို့ မပါဝင်သော်လည်း မဆိုင်းငံ့နိုင်လို့လည်း မပါပါဘူး။

တကယ်လို့ အခြေခံဥပဒေဆိုင်ရာ အငြင်းအခုံ ဖြစ်ရင် အပြီးအပြတ်ဆုံးဖြတ်ရမယ့်သူဟု အခြေခံ ဥပဒေခုံရုံးပါ။ အခြေခံဥပဒေခုံရုံးအဖွဲ့ဝင်တွေကို အမျိုးသားလွှတ်တော်ဥက္ကဋ္ဌက (၃)ဦး၊ ပြည်ထောင်စု
လွှတ်တော်ဥက္ကဋ္ဌက (၃) ဦး၊ နိုင်ငံတော်သမ္မတက (၃) ဦး ခန့်အပ်ရတာဖြစ်တဲ့အတွက် NLD ပါတီလွှမ်းမိုး ထားတဲ့ ခုံရုံးတစ်ရုံးဖြစ်လာမှာပါ။

၅၉ (စ)ဆိုင်းငံ့ရေး၊ သို့မဟုတ် ဒေါ်အောင် ဆန်းစုကြည်အတွက်၅၉(စ)ကို ခြွင်းချက်အဖြစ် ထည့်သွင်းပြဋ္ဌာန်းရေးဟာ အနှေးနဲ့အမြန်ဆိုသလို ပေါ်ပေါက်လာမယ့် အခြေအနေတစ်ရပ်ပါ။ ဒါကြောင့်
ပြည်သူတစ်ရပ်လုံးက လိုလားသော အနိုင်ရပါတီခေါင်းဆောင်ဒေါ်အောင်ဆန်းစုကြည် သမ္မတအဖြစ်တာဝန်ယူနိုင်ရေးကိုတပ်မတော်က ကူညီပေးလိုက်ရင်ဖြင့် အမျိုးသားရင်ကြားစေ့ရေးအတွက်
အင်မတန်အားကောင်းတဲ့ အခြေအနေ တစ်ရပ်ပေါ်ထွက်လာမယ်လို့
ယုံကြည်မျှော်လင့်မိပါ တယ်။

နိဂုံးချုပ်အနေနဲ့ အနိုင်ရပါတီခေါင်းဆောင်ဒေါ်အောင်ဆန်းစုကြည် သမ္မတအဖြစ်ဦးဆောင်ခွင့်ရ ခဲ့ပါက
တိုင်းပြည်ဖွံ့ဖြိုးတိုးတက်ရေးအတွက်အစွမ်းကုန်လုပ်ဆောင်နိုင်မယ်လို့ယုံကြည်တဲ့အပြင် နိုင်ငံ ခြားသြဇာခံနိုင်ငံတစ်နိုင်ငံအဖြစ်က
လွတ်မြောက်ပြီး ကမ္ဘာ့အလယ်မှာဂုဏ်သိက္ခာမြင့်မားတဲ့နိုင်ငံတစ် နိုင်ငံအဖြစ် မြင်တွေ့ချင်ပါသောကြောင့်
ဒေါ်အောင် ဆန်းစုကြည်သမ္မတဖြစ်ရေးကို လက်ရှိနိုင်ငံရေးဖော်ဆောင်နေသူများအနေဖြင့် ဝိုင်းဝန်းကူညီဆောင် ရွက်ကြပါစေကြောင်း
တိုက်တွန်းရေးသားလိုက်ရပါ သည်။

သဲအောင်

The Politics Journal

၅၉(စ) ပြင်ရေး၊ မပြင်ရေး

၅၉(စ) ကို မပြင်ချင်ဘူးတဲ့လား၊

ရပါတယ်။ မပြင်သေးပါဘူး။

ဆိုင်းငံ့တာမျိုးလည်း လက်မခံဘူးတဲ့။

ဟာ ...ဗျာ အဲ့ဒါတော့ မဟုတ်သေးဘူး ထင်တယ်။

ပြည်သူတွေက ဒေါ်အောင်ဆန်းစုကြည်ကို သမ္မတဖြစ်စေချင်ကြတာဗျ။

ဒီပုဒ်မလေးဆိုင်းငံ့မှ ရှောရှောရှူရှူ သမ္မတလုပ်လို့ရမှာလေဗျာ။

ဘာ.. ပြောတယ်။ ပြန်ပြောပါဦး။

၅၉(စ)ကို ဆိုင်းငံ့လိုက်ရင် ၄၃၆ လို ပုဒ်မမျိုး ကိုလည်း ဆိုင်းငံ့ကြရင် မခက်ဘူးလား။

ဘာခက်မှာလဲ။ ပြောပြပါဦးဗျာ။

၂ဝဝ၈ ဖွဲ့စည်းပုံကြီးကို ပြင်မယ်ဖျက်မယ် လုပ်ကြတော့မှာလေ။

အဲဒီဖွဲ့စည်းပုံကြီးက ဒီမိုကရေစီစနစ်နဲ့ဖြောင့် ဖြောင့်ကြီးဆန့်ကျင်နေမှန်း

တစ်ကမ္ဘာလုံးသိတယ်။ အဲ့ဒါကြီးကို မပြင်ဘဲစစ်မှန်တဲ့ ဒီမိုကရေစီနိုင်ငံကို

ဘယ်လိုလုပ်တည်ဆောက်မလဲ။

ဒါတော့ မသိဘူး။ ဖွဲ့စည်းပုံပြင်လို့ကတော့ တပ်က လက်ခံမှာမဟုတ်ဘူး။

တပ်က ကာကွယ် စောင့်ရှောက်ပါ့မယ်လို့ ကတိသစ္စာဆိုထားတာ။

ခင်ဗျားက တပ်နဲ့ပြည်သူကို ရန်တိုက်ပေးနေ တာပဲ။

၅၉(စ) ပြင်မှ ဒေါ်အောင်ဆန်းစုကြည် သမ္မတဖြစ်မယ်။

သူသမ္မတဖြစ်မှ နိုင်ငံတကာအကူအညီရပြီး ခေတ်မီတပ်မတော်

တည်ဆောက်လို့ ရမယ်ဆိုတာ ခင်ဗျားသိရဲ့လား။

ဘာ ..ခင်ဗျားတို့က တိုင်းပြည်အကျိုး၊

အမျိုးဘာသာအကျိုးအတွက် ပြောတာဟုတ်လား။

တောသွားပြော၊ ဘယ်သူမှမယုံဘူး။ တိုင်းပြည် ကို

တရုတ်လက်ထဲလက်သိပ်ထိုးရောင်းခဲ့တာ ဘယ်သူလဲ။

ဘင်္ဂါလီတွေကိုဝှိုက်ကတ်ပေးပြီး မဲ ပေး၊ မဲရွေးခိုင်းတာဘယ်သူလဲ။

တိုင်းရင်းသားမဟုတ်ဘဲ ဘင်္ဂါလီကိုမှတ်ပုံတင်ကိုင်ဆောင်ခွင့်ပေးပြီး

ပြည်သူ့လွှတ်တော်ကိုယ်စားလှယ်အဖြစ်နဲ့ လွှတ်တော်ထဲ

ဝင်ထိုင်ခွင့်ပေးခဲ့တာဘယ်သူလဲ။

ပြည်သူတွေကအားလုံးသိတယ်နော်။ မပြော ချင်လို့နေတာ။

ခင်ဗျားတို့ အမျိုးသားအကျိုးစီးပွားအသံတွေ ဆူညံနေတုန်းက

တိုင်းပြည်ဘယ်လောက်ဆူပွက် သွားခဲ့လဲ။ ပြန်စဉ်းစားကြည့်။

ခင်ဗျားတို့ အသံတွေငြိမ်သွားတာနဲ့ တိုင်းပြည်လည်း

အေးချမ်းသွားတာပဲလေ။ တစ်စုံတစ်ယောက်က

တိုင်းပြည်အတွက် ပြောပြီဆိုရင် သူဘယ်လိုလူလဲကြည့်ပြီးမှ ယုံတတ်

ကြပြီဗျ။ ပြည်သူတွေ မအတော့ဘူး။ တယ်လီဖုန်း တစ်လုံးရှိရင်

တစ်ကမ္ဘာလုံးကိစ္စသိနေခွင့်ရနေကြ ပြီ။ ၅၉(စ)ဆိုင်းငံ့တာကို

ခင်ဗျားသဘောမတူတာ ဘာမှပြောစရာမရှိပါဘူး။ ဒီမိုကရေစီဆိုတာ

လွတ် လပ်စွာသဘောကွဲလွဲခွင့်ရှိတာပဲလေ။

ဒါပေမဲ့ ၅၉(စ)ကိုသာဆိုင်းငံ့လိုက်ရင် နောင် ကို မုတ်ဆိတ်မွေး

ပါးသိုင်းမွေးနဲ့ နိုင်ငံခြားသားတွေ သမ္မတတက်ဖြစ်လာရင်

ဘယ်လိုလုပ်မလဲ။ တိုင်းပြည်အတွက်ပူပန်ပြီး ခင်ဗျားပြောတယ်ပေါ့။

မဟုတ်ဘူး။ ခင်ဗျားဖြီးနေတာ။ ဖွဲ့စည်းပုံအခြေခံဥပဒေ

သေချာမသိတဲ့သူတွေ ကို ခင်ဗျားဖြီးရှော့ ရိုက်နေတာ။

၅၉(စ)နဲ့ ၅၉(င) ပုဒ်မနှစ်ခုနဲ့တင် နိုင်ငံခြား သားက မြန်မာပြည်လာပြီး

ဘယ်လိုမှသမ္မတလုပ် လို့မရဘူးဆိုတာ ခင်ဗျားသိသိကြီးနဲ့ဖြီးနေတာ။

၅၉(ခ)က အမိ၊ အဖ နှစ်ပါးက မြန်မာနိုင်ငံ သားစစ်စစ်ဖြစ်ရမယ်

ဆိုတာ ပြောပြီးသား။ ၅၉ (င) ကမြန်မာနိုင်ငံတွင် တစ်ဆက်တည်း

နှစ်၂ဝ အခြေကျနေထိုင်ခဲ့သူဖြစ်ရမယ်။ တကယ်တော့ ၅၉(က)၊ (ခ)၊ (ဂ)၊

(ဃ)၊ (င) ပုဒ်မတွေနဲ့တင် နိုင်ငံခြားသားက သမ္မတလုပ်လို့

မရဘူးဆိုတာသိတယ်။ ၅၉(စ) က ဒေါ်အောင်ဆန်းစုကြည်သမ္မတ

လုပ်လို့မရအောင် တမင်ညစ်ထားမှန်း ပြည်သူတွေ က သိမှသိ။

ဒါတောင် တစ်ယောက်ကပြောသေးတယ်။ ဒေါ်စုသမ္မတလုပ်ချင်ရင်

သူ့သားနှစ်ယောက်ကို နိုင်ငံသားလုပ်ခိုင်းလိုက်ပေါ့တဲ့။

မိဘက သားသမီးကိုမွေးလိုက်ရင် ငွေဝယ် ကျွန်တွေလို

တစ်သက်လုံးပိုင်တယ်လို့များသဘော ထားလား မသိဘူး။

လူတစ်ယောက်ဟာ အသက် (၁၈)နှစ်ပြည့်ရင် သူ့ဘာသာ

လွတ်လပ်စွာ တွေးခေါ် စဉ်းစားရွေးချယ်ပိုင်ခွင့်ရှိတယ်။ မိဘသဘောတူ

တာကိုလုပ်နိုင်သလို မိဘသဘောမတူတာတွေလည်း လုပ်ခွင့်ရှိတယ်။

ကိုယ့်သမီးဆိုပြီး ငွေဝယ်ကျွန်လို သဘော ထားလို့မရဘူးလေ။

ပြီးတော့ ဒေါ်အောင်ဆန်းစုကြည်သားနှစ်ယောက်က

မြန်မာနိုင်ငံသားဖြစ်ပြီးသား။ စစ်အစိုးရက တမင်ဖျက်သိမ်းပစ်လိုက်တာ။

အခုနေပြန်လျှောက်တော့ ပေးမယ်ထင်လို့လား။

ထားပါလေ။ သမ္မတဆိုတာ လွယ်လွယ်နဲ့ရမယ်ထင်နေလို့လား။

မြန်မာနိုင်ငံသားစစ်စစ်ဖြစ် ဦးတော့။ တစ်နိုင်ငံလုံး မဲပေးရွေးချယ်မှ

ရတယ်ဆိုတာ ခင်ဗျားသိပြီးသားပါ။ ပြည်သူတွေမှာ

ခံစားတတ်တဲ့နှလုံးသားနဲ့ စဉ်းစားတတ်တဲ့ ခေါင်းတစ်လုံးရှိတယ်။

ဘယ်သူ က သူတို့အပေါ်ကောင်းတယ်၊ မကောင်းဘူးဆို တာ

အသေအချာသိတယ်။ ဒါကြောင့် မဲနဲ့ပြတ်ပြတ်သားသားရှင်းရှင်း

လင်းလင်းအဖြေပေးလိုက်ကြတာလေ။ ၅၉(စ) ပြုတ်လို့ ပြည်သူတွေက

ဘာမှန်း၊ ညာမှန်းမသိတဲ့ နိုင်ငံခြားသားကို သမ္မတရွေးမယ်ဆိုတဲ့

အတွေးကတော့ လုပ်ကြံအတွေးပဲဖြစ်မှာပဲ။ အခုတိုင်းပြည်

ဘာဖြစ်ဖြစ် ပြည်သူတွေနှစ်သက်တဲ့ဒေါ်အောင်ဆန်းစုကြည် သမ္မတ

မဖြစ်ရင် ပြီးရောဆိုတဲ့ ခင်ဗျားတို့ရဲ့ အာဃာတစိတ်ထား သဘောထား

တွေက ပြည်သူတွေကို စိတ်ထိခိုက်စေ တယ်ဗျ။ တပ်နဲ့ပြည်သူကိုလည်း

လှည့်ရန်တိုက်ပေး သေးတယ်။ အတော်ဆိုးတဲ့သူတွေပါလား။

ခင်ဗျားတို့ကတော့ ကိုယ့်ကိုယ်ကျိုးစီးပွား ကာ ကွယ်နေတာဆိုတော့

ကိုယ့်ဘာသာဆိုးမှန်းမသိပေ မယ့် ပြည်သူတွေကတော့ သိတယ်ဗျာ။

တကယ်တော့ တိုင်းပြည်တစ်ပြည်မှာ တပ်မတော်အင်အားတောင့်တင်း

ခိုင်မာဖို့ အလွန် လိုတာပေါ့။ အထူးသဖြင့် တရုတ်နဲ့အိန္ဒိယနိုင်ငံကြီး

နှစ်ခုကြားညပ်နေတဲ့ ကျွန်တော်တို့နိုင်ငံအတွက် အထူးလိုအပ်ပါတယ်။

တပ်မတော်အင်အားတောင့်ဖို့ စီးပွားရေးအင် အားတောင့်တင်းဖို့လိုတယ်။

စီးပွားရေးအင်အား တောင့်မှ ခေတ်မီတပ်မတော်ကို ထူထောင်လို့

ရမှာ လေ။ ခြင်းကြားကြီးပခုံးလွယ်ပြီး စစ်တိုက်ရမယ့်

ခေတ်မဟုတ်တော့ဘူး။ ကွန်ပျူတာခလုတ်နှိပ်ပြီး မစ်ဇိုင်းဒုံးကျည်

လွှတ်တိုက်ရမယ့်ခေတ်ရောက်ပြီ။ တိုင်းပြည်စီးပွားရေးက

ခင်ဗျားသိတဲ့အတိုင်း ပဲ။ အုပ်ချုပ်သူလူတန်းစားနဲ့ ဆက်နွှယ်တဲ့လူတွေ

အားလုံးစီးပွားရေးခိုင်မာတောင့်တင်းပြီး တိုင်းပြည်က

ကမ္ဘာ့အဆင်းရဲဆုံးနိုင်ငံဖြစ်နေတယ်။ ပြည်သူ တွေမှာ စားစရာမရှိ

၊နေစရာမရှိဖြစ်နေတယ်။ နိုင်ငံ ရဲ့အရန်ငွေကြေးဆိုတာ

မဆိုစလောက်ပဲကျန်တော့ တယ်။ ဒီအခြေအနေမျိုးကရုန်းထွက်နိုင်ဖို့

ကမ္ဘာနဲ့ဝင် ဆန့်တဲ့၊ကမ္ဘာက အထင်ကြီးလေးစားဂရုစိုက်ခံရတဲ့၊

ဥာဏ်ပညာအရည်အချင်းထက်မြက်တဲ့ခေါင်းဆောင် မျိုး ဦးဆောင်မှ

ရမှာလေ။ ကမ္ဘာကအသိအမှတ်ပြုပေမယ့် ကိုယ့်ပြည်သူ က

ယုံကြည်လေးစားအားကိုးထိုက်တဲ့သူမျိုးဖြစ်ဖို့ လည်း လိုတာပဲလေ။

အဲဒီလိုခေါင်းဆောင်မျိုး သမ္မတလုပ်မှ ကမ္ဘာ ကအသိအမှတ်ပြု

ကူညီကြမှာပေါ့။ ပြည်သူတွေ ကလည်း သူ့စကားနားထောင်ပြီး

သူတို့ကိုယ်သူတို့ ပြုပြင်ပြောင်းလဲကြမှာပေါ့။ တိုင်းပြည်အကျိုးဝိုင်း

ဝန်းသယ်ပိုးကြမှာပေါ့။ ၅၉ (စ) နဲ့ ဒေါ်အောင်ဆန်းစုကြည်

သမ္မတ ဖြစ်ခွင့်မရအောင် ခင်ဗျားတို့မလုပ်ကြပါနဲ့ဗျာ။

သူသမ္မတမဖြစ်ရင် အားလုံးနစ်နာသွားကြမှာ ဗျ။

နိုင်ငံတကာစစ်တပ်တွေနဲ့ချိတ်ဆက်ပြီး ခေတ်မီတပ်မတော်ကြီးဖြစ်ထွန်း

အောင်လုပ်ပေးနိုင်တာ ဒေါ်အောင်ဆန်းစုကြည်ဗျ။

ပြည်သူတွေရဲ့ နိမ့်ကျနေတဲ့ ပညာရေး၊ ကျန်း မာရေး၊ စီးပွားရေး

ကိုမြှင့်တင်ပြီး နိုင်ငံတကာအရင်း အနှီးတွေ တိုင်းပြည်ထဲ

အလုအယက်ဝင်လာအောင် လုပ်နိုင်တာ ဒေါ်အောင်ဆန်းစုကြည်ဗျ။

ကျီးလန့်စာစား နေနေရတဲ့ဘဝကနေ တရားဥပဒေရဲ့

အကာအကွယ်အောက်မှာအလှူဒါနပြုပြီးအေးအေးဆေးဆေးနေနိုင်အောင်

ကြိုးစားပေးမယ့် သူက ဒေါ်အောင်ဆန်းစုကြည်ဗျ။

သူသမ္မတမဖြစ်လို့ သူ့အတွက်ဘာမှမထိခိုက် ဘူး။

ကျွန်တော်တို့အတွက် အများကြီးထိခိုက်သွား နိုင်တယ်ဆိုတာယုံပါ။

ဒီမိုကရေစီရဲ့ အသီးအပွင့်တွေကို ခင်ဗျားရဲ့ သားသမီးမြေးမြစ်တွေ

ခံစားခွင့်ရအောင် ခင်ဗျားရဲ့ အတ္တမာန အာဃာတတွေလျှော့ပေးပါလားဗျာ။

တောင်းပန်ပါတယ်။ အမုန်းတရားတွေ ချေ ဖျက်ပေးကြပါ။

ဒီမိုကရေစီနိုင်ငံတော်သစ်တည်ဆောက်ရေး ကိစ္စမှာ

လက်တစ်ဆုပ်စာလူတစ်စုက အဖျက်အ မှောင့်တွေလုပ်ပြီး

ဟန့်တားနေတယ်ဆိုတဲ့ သမိုင်း ကြွေးကျန်အဖြစ်မခံစေချင်ဘူးဗျာ။

အဘက်ဘက်က နိမ့်ကျအားနည်းနေတဲ့ ကျွန်တော်တို့နိုင်ငံကြီးကို

တစ်ခါတုန်းကလိုပဲ အရှေ့ တောင်အာရှမှာ တစ်ပြန်ဖြစ်အောင် အားလုံး

ညီညီ ညွတ်ညွတ်ဝိုင်းဝန်းကြိုးစားကြအောင်ပါဗျာ။

ကျွန်တော်တို့အားလုံး ပျော်ပျော်ရွှင်ရွှင် လက် တွဲဆောင်ရွက်ကြရအောင်ပါ။

ကောင်းသန့်

The Politics Journal


မြန်မာ့ရုပ်ရှင်ထူးချွန်ဆု အကယ်ဒမီပေးပွဲကျင်းပရန် သုဝဏ္ဏမိုးလုံလေလုံ အားကစားကွင်းနေရာ လျှောက်ထားမှု ပယ်ချခံရကြောင်း သတင်းရရှိသည်။
အကယ်ဒမီပေးပွဲ ကျင်းပရန်အတွက် အမျိုးသားကဇာတ်ရုံတွင် ကျင်းပနိုင်ရန် နေရာလျှောက်ထားမှု ပြုခဲ့သော်လည်း အဆင်ပြေမှု မရှိသဖြင့် သုဝဏ္ဏ မိုးလုံလေလုံ အားကစားကွင်းနေရာကို ထပ်မံ လျှောက်ထားခဲ့ခြင်း ဖြစ်သည်။ ထိုသို့ လျှောက်ထားရာတွင် ဧပြီလအတွင်း အားကစား ဘောလုံးပွဲများ ရှိခြင်းကြောင့် ပယ်ချခံရကြောင်း သိရသည်။

မြန်မာ့ရုပ်ရှင်ထူးချွန်ဆု ကျင်းပစဉ်အတွင်း မြန်မာတစ်နိုင်ငံလုံးရှိ ပြည်သူများ ကြည့်ရှုနိုင်စေရန်အတွက် ယခင်နှစ်များက ပြန်ကြားရေးဝန်ကြီးဌာနက ကူညီထုတ်လွှင့်ပေးသော်လည်း ယခုနှစ်တွင် ကူညီထုတ်လွှင့်မှု မပြုနိုင်ကြောင်းလည်း သတင်းများ ထွက်ပေါ်လျက်ရှိနေသည်။ ထိုသို့ ထုတ်လွှင့်ပြသခြင်း မပြုခြင်းသည် ပြီးခဲ့သည့် နိုဝင်ဘာ ၈ ရက် ရွေးကောက်ပွဲ မတိုင်မီပြုလုပ်ခဲ့ကြသော အမျိုးသားဒီမိုကရေစီအဖွဲ့ချုပ် စည်းရုံးရေးလုပ်ငန်းစဉ်များတွင် ရုပ်ရှင်အနုပညာရှင် အတော်များများ ပါဝင်လှုပ်ရှား စည်းရုံးခဲ့ခြင်းကြောင့်လည်း ဖြစ်နိုင်ကြောင်း အကယ်ဒမီပေးပွဲကို စောင့်မျှော်နေကြသည့် ပြည်သူအချို့က သုံးသပ်ကြသည်။

“ဒီနှစ် မြန်မာ့ရုပ်ရှင်ထူးချွန်ဆု အကယ်ဒမီပေးပွဲဟာ ၂ နှစ်ပေါင်း ကျင်းပတာလည်း ဖြစ်တယ်၊ ဒီပွဲက ၂၀၁၆ မှာ နောက်ကျပြီးမှ ကျင်းပတာဖြစ်တော့ ပြည်သူတွေကြားမှာ ကိုယ်ချစ်တဲ့ အနုပညာရှင်တွေကို အကယ်ဒမီဆု ရစေချင်တဲ့စိတ်နဲ့ စောင့်မျှော်နေတဲ့အခါမှာ ဒီလို သတင်းတွေကြားရတော့ နည်းနည်းတော့ စိတ်မကောင်းဘူး။ ဒါပေမဲ့ ရုပ်ရှင်အစည်းအရုံး ဥက္ကဋ္ဌ ဦးလူမင်းကတော့ အခက်အခဲများ ရှိနေသော်လည်း အကောင်းဆုံး ဖြစ်အောင်တော့ လုပ်ဆောင်မယ်လို့ ပြောတဲ့အတွက် ၀မ်းသာမိပါတယ်” ဟု ရုပ်ရှင်ထူးချွန်ဆု အကယ်ဒမီပေးပွဲကို စိတ်ပါဝင်စားစွာ စောင့်မျှော်နေသည့် ရန်ကုန်မြို့နေ မငယ်က ဆိုသည်။

မြန်မာ့ရုပ်ရှင် ထူးချွန်ဆု အကယ်ဒမီပေးပွဲကို ၂၀၁၆၊ ဧပြီလ ၃ ရက်နေ့တွင် ကျင်းပရန် စီစဉ်ထားသော်လည်း ယခုအချိန်ထိ ကျင်းပမည့်နေရာ ရရှိရန် ကြိုးပမ်းဆောင်ရွက်လျက် ရှိသည်။

သတင်း - တီဇက်အေ
The Ladies News Journal


လာမယ့် မေလအထိ အပူချိန်မြင့်တက်မှုတွေ ရှိနိုင်တာကြောင့် အပူဒဏ်အန္တရာယ် ကြိုတင်ကာကွယ်ရေး သတိပေးနှိုးဆော်မှုတွေကို လိုက်နာဖို့ လိုအပ်တယ်လို့ မိုးလေ၀သနဲ့ ဇလဗေဒညွှန်ကြားမှု ဦးစီးဌာနက တိုက်တွန်းလိုက်ပါတယ်။

နေ့အပူချိန် မြင့်တက်မှုတွေဟာ မေလအထိ ဖြစ်ပေါ်နိုင်တဲ့အတွက် ကျန်းမာရေးဝန်ကြီးဌာနရဲ့ သတိပေးထုတ်ပြန် ချက်တွေကို လိုက်နာဆောင်ရွက်ဖို့ လိုအပ်တယ်လို့ မိုးလေ၀သနဲ့ ဇလဗေဒညွှန်ကြားမှုဦးစီးဌာန ဒုတိယညွှန်ကြားရေး မှူးချုပ် ဦးကျော်မိုးဦးက ပြောပါတယ်။

"အခုမှ နွေရာသီကို အစပျိုးနေတာလေ၊ နေ့အပူချိန်တွေက တဖြည်းဖြည်းတက်လာတဲ့ အနေအထားမျိုးပေါ့ ၊ နွေရာသီကတော့ မတ်၊ ဧပြီ၊ မေလ လောက်အထိကိုသွားမယ်၊ မုတ်သုန်မိုးပြန်ရတဲ့အချိန်ကျမှ အပူချိန်ကပြန်ပြီး ကျသွားမယ်၊ အဲ့ဒါကြောင့် သတင်းစာတွေမှာလည်း ဖော်ပြထားတယ်၊ သက်ဆိုင်ရာဝန်ကြီးဌာနတွေကနေ ပြီးတော့ အကြံပေး သတိပေးနှိုးဆော်ချက်တွေကို လိုက်နာဆောင်ရွက်သွားဖို့ လိုပါတယ်"

လက်ရှိ မန္တလေး၊ စစ်ကိုင်း၊ ဧရာဝတီ၊ ပဲခူး၊ တနင်္သာရီ၊ မကွေး စတဲ့ တိုင်းဒေသကြီးနဲ့ ပြည်နယ်တွေမှာ အပူချိန်တွေ စတင်မြင့်တက်လာတဲ့အတွက် သတိထားနေထိုင်ဖို့ လိုအပ်တယ်လို့လည်း ပြောပါတယ်။

အပူချိန် မြင့်တက်မှုကြောင့် ချွေးထွက်လွန်ပြီး ခန္ဓာကိုယ်အတွင်းက ရေနဲ့ဓာတ်ဆားတွေဆုံးရှုံးမှု များတတ်တဲ့ အတွက် မိတ်နဲ့ ယားနာဖုတွေထွက်တာ၊ ပင်ပန်းနွမ်းနယ်တာ၊ မူးမော်တာ၊ ကြွက်တက်တာ၊ ချွေးခြောက်ပြီး ကိုယ်အပူချိန်တက်တာ၊ သတိလစ်တာအပြင် အသက်အန္တရာယ်စိုးရိမ်ရတဲ့ အခြေအနေထိဖြစ်တတ်တယ်လို့ ကျန်းမာရေးဝန်ကြီးဌာနက သတိပေးထားပါတယ်။

နှစ်ပေါင်း ၁၀၀ အတွင်း ဒီနှစ်ဟာ အယ်နီညို (အပူချိန်မြင့်မားမှု) ရာသီဥတုအပြင်းထန်ဆုံးဖြစ်တဲ့အတွက် မွေးမြူရေး ကန်နဲ့ ရေလှောင်ကန်တွေမှာ ရေတွင်းရေကန်တွေခမ်းခြောက်တာ၊ ငါးရှားပါးတာတွေကြုံတွေ့နိုင်ကြောင်းနဲ့ သန့်စင်တဲ့ရေတွေ သိုလှောင်ထားဖို့၊ ရေအငွေ့ပျံနှုန်း နည်းပါးအောင် အရိပ်ရအပင်ငယ်တွေစိုက်ပျိုးဖို့ မြန်မာနိုင်ငံ ငါးလုပ်ငန်းအဖွဲ့ချုပ်ကလည်း သတိပေးချက်ထုတ်ပြန်ထားပါတယ်။

RFA
http://www.rfa.org/burmese/news/temperatures-rise-02192016110647.html


drugs-destruction-ceremony-620.jpg
ရန်ကုန်တိုင်းဒေသကြီး၊ လှိုင်သာယာ ကုန်တင်ယာဉ်ရပ်နားစခန်းမှာ ၂ဝ၁၅ ခုနှစ် ဇွန်လ ၂၆ ရက်နေ့က ဖမ်းဆီးရမိတဲ့ မူးယစ်ဆေးဝါးတွေကို မီးရှို့ဖျက်ဆီးစဉ်
Photo: Aung Thain Kha/RFA

မြန်မာနိုင်ငံတွင်း မူးယစ်ဆေးဝါးသုံးစွဲမှု အခြေအနေတွေကို မြန်မာနိုင်ငံ မူးယစ်ဆေးဝါး နှိမ်နင်းရေး ဗဟိုအဖွဲ့နဲ့ ကုလသမဂ္ဂ မူးယစ်ဆေးဝါး တိုက်ဖျက်ရေးအဖွဲ့ UNODC တို့ပူးပေါင်းပြီး တိုင်းဒေသကြီးနဲ့ ပြည်နယ်အသီးသီးမှာ လာမယ့် ဇွန်လလောက်ကစတင်ပြီး စစ်တမ်းကောက်ယူသွားမယ်လို့ သိရပါတယ်။

မူးယစ်ဆေးဝါးသုံးစွဲမှု မြင့်တက်နေတဲ့အတွက် အခြေအနေမှန်ကို သိရှိနိုင်အောင် စစ်တမ်းကောက်ယူမှာဖြစ် တယ်လို့ မြန်မာနိုင်ငံ မူးယစ်ဆေးဝါးနှိမ်နှင်းရေး ဗဟိုအဖွဲ့က ရဲမှူးကြီး ဇော်လင်းထွန်းက ပြောပါတယ်။

"ကျနော်တို့နိုင်ငံသည် မူးယစ်ဆေးဝါး စိုက်ပျိုးတဲ့နိုင်ငံဖြစ်တယ်၊ မူးယစ်ဆေးဝါး ထုတ်လုပ်တဲ့နိုင်ငံဖြစ်တယ်၊ အလားတူပဲ ကျနော်တို့ နိုင်ငံထဲမှာလည်း သုံးစွဲမှုတွေက အထိုက်အလျောက် မြင့်တက်လာတာပေါ့နော်၊ ဒီလို အခြေအနေမှန်ကို ကျနော်တို့က မသိဘူးဆိုလို့ရှိရင် ကျနော်တို့ဘာလုပ်ရမယ်ဆိုတဲ့ လုပ်ဆောင်ချက်တွေက လွဲမှားသွားနိုင်တယ်၊ လျော့သွားနိုင်တယ်၊ ပိုသွားနိုင်တယ်၊ တကယ့်လက်ရှိ ကျနော်တို့နိုင်ငံမှာရှိနေတဲ့ မူးယစ်ဆေးဝါးသုံးစွဲမှု၊ ပျံ့နှံ့မှု အခြေအနေမှန်ကို ကျနေ်ာတို့သိအောင်လုပ်တာဖြစ်ပါတယ်၊ သိအောင်လုပ်ခြင်း အားဖြင့် လုပ်ငန်းစဉ်တွေ ရေးဆွဲနေတာတွေ၊ မူဝါဒရေးဆွဲတဲ့နေရာမှာ ပိုပြီးတော့ပေါ့ အနာကိုသိမှ ဘယ်ဆေး နဲ့ကုရမည်ဆိုတာကို သိမှာပေါ့"

တိုင်းဒေသကြီးနဲ့ ပြည်နယ်အသီးသီးက လူဦးရေ ၅သောင်းခွဲလောက်ကို မေးမြန်းပြီး စစ်တမ်းကောက်ယူ မှာဖြစ်တဲ့အတွက် ကော်မတီတွေဖွဲ့စည်းနေတယ်လို့ သိရပါတယ်။

မူးယစ်ဆေးဝါးနဲ့ ဆက်နွယ်တဲ့ ဆိုးကျိုးတွေ၊ ပျံ့နှံ့နေတဲ့ မူးယစ်ဆေးဝါး အမျိုးအစားတွေ၊ တိုင်းနဲ့ ပြည်နယ်အလိုက် ဘယ်အသက်အရွယ်တွေမှာ အသုံးများတယ်ဆိုတာတွေကို စစ်တမ်းကောက်ယူမှာဖြစ်ပါတယ်။

အဲဒီစစ်တမ်းကနေ ရရှိလာတဲ့ အချက်အလက်တွေပေါ် မူတည်ပြီး နိုင်ငံတွင်း မူးယစ်ဆေးဝါးသုံးစွဲမှု ကြိုတင်ကာကွယ်ရေး၊ တားဆီးနှိမ်နှင်းရေး၊ ကုသရေးနဲ့ ပြန်လည်ထူထောင်ရေးဆိုင်ရာ လုပ်ငန်းစဉ်တွေမှာ မူဝါဒချမှတ်တာ၊ လုပ်ငန်းစဉ်ရေးဆွဲတာတွေ ဆက်လက်ဆောင်ရွက်သွားမှာဖြစ်တယ်လို့ သိရပါတယ်။

အဲဒီစစ်တမ်းကောက်ယူဖို့ကို အမေရိကန်အစိုးရက ရန်ပုံငွေထောက်ပံ့ပေးပြီး ကုလသမဂ္ဂ မူးယစ်ဆေးဝါးနဲ့ ရာဇ၀တ်မှုတိုက်ဖျက်ရေးရုံး UNODC တို့က နည်းပညာပိုင်း အကူအညီတွေပေးမှာဖြစ်တယ်လို့လည်း သိရပါတယ်။

ရဲမှူးကြီး ဇော်လင်းထွန်းကို RFA သတင်းထောက် မဇာဏီထွဏ်း ဆက်သွယ်မေးမြန်းထားတာ နားဆင်နိုင်ပါတယ်။

RFA
http://www.rfa.org/burmese/news/drug-users-survey-02192016110524.html


mp-new-parliament-620.JPG
အမျိုးသားဒီမိုကရေစီအဖွဲ့ချုပ်ပါတီက အနိုင်ရကိုယ်စားလှယ်တွေကို ဇန်နဝါရီလ ၃ဝ ရက်နေ့က ပြည်သူ့လွှတ်တော် အစည်းအဝေးခန်းမမှာ လွှတ်တော်ဆိုင်ရာသင်တန်းပေးနေစဉ်။
Photo: Win Ko Ko Latt/RFA

ဒီနေ့ကျင်းပတဲ့ ပြည်သူ့လွှတ်တော် အစည်းအဝေးမှာ ကျန်းမာရေး အားကစား ဖွံ့ဖြိုးတိုးတက်ရေး ကော်မတီ၊ သယံဇာတ၊ သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီနဲ့ ပို့ဆောင်ရေး ဆက်သွယ်ရေး ဆောက် လုပ်ရေးဆိုင်ရာကော်မတီ ၃ ခုကို ကိုယ်စားလှယ် ၁၅ ဦးစီနဲ့ ဖွဲ့စည်းလိုက်ပါတယ်။

ပြည်သူ့လွှတ်တော် ဒုတိယဥက္ကဌ ဦးတီခွန်မြတ်က ရေးရာကော်မတီ ၃ခု ရဲ့ တာဝန်နဲ့ လုပ်ပိုင်ခွင့်တွေကို လွှတ်တော်မှာ ရှင်းလင်းတင်ပြရာ သယံဇာတ၊ ပတ်ဝန်းကျင်ထိန်းသိမ်းရေးဆိုင်ရာ ကော်မတီအနေနဲ့ သယံဇာတတွေကို စနစ်တကျ ထုတ်ယူသုံးစွဲရေးအတွက် ဆောင်ရွက်ရမှာဖြစ်တယ်လို့ ပြောခဲ့ပါတယ်။

"ကော်မတီသည် သယံဇာတနဲ့ သဘာဝပတ်ဝန်းကျင်လုပ်ငန်းများ ဖွံ့ဖြိုးတိုးတက်စေရေးအတွက် ကူညီဆောင် ရွက်ပေးရမည်၊ သဘာဝသယံဇာတပစ္စည်းများ စနစ်တကျထုတ်ယူသုံးစွဲနိုင်ရေးကို အားပေးကူညီရမည်၊ သယံ ဇာတပစ္စည်းများ ထုတ်လုပ်ရာတွင် ဂေဟစနစ်မပျက်သုံးစေရေးနဲ့ သဘာဝပတ်ဝန်းကျင်ဆိုင်ရာ မပျက်ယွင်းစေရေး အတွက် စိစစ်ညှိနှိုင်းကူညီဆောင်ရွက်ရမည်၊ သက်ဆိုင်ရာနယ်ပယ်အသီးသီးရှိ ဌာနအဖွဲ့အစည်းများက ကျင့်သုံး လျှက်ရှိသည့် ဥပဒေများကိုလေ့လာ၍ ပယ်ဖျက်ရန် ပြင်ဆင်ရန် အသစ်ပြဌာန်းရန်များ တွေ့ရှိက လွှတ်တော်သို့ တင်ပြရမည်"

သယံဇာတ၊ သဘာဝပတ်ဝန်းကျင် ထိန်းသိမ်းရေးဆိုင်ရာကော်မတီ ဥက္ကဌအဖြစ် မြန်မာနိုင်ငံ မြေငလျင်ကော်မတီမှာ တာဝန်ထမ်းဆောင်ခဲ့တဲ့ ဦးစိုးသူရထွန်း၊ ကျန်းမာရေး၊ အားကစား ဖွံ့ဖြိုးတိုးတက်ရေး ကော်မတီဥက္ကဌ အဖြစ် ဒေါက်တာစံရွှေဝင်းနဲ့ ပို့ဆောင်ရေး၊ ဆက်သွယ်ရေး၊ ဆောက်လုပ်ရေးဆိုင်ရာကော်မတီ ဥက္ကဌအဖြစ် ဦးတင်မောင်ဝင်းတို့ကို ပြည်သူ့လွှတ်တော်ဥက္ကဌက တာဝန်ပေးအပ်ခဲ့တာဖြစ်ပါတယ်။

လွှတ်တော်ရေးရာကော်မတီ အသီးသီးက ကော်မတီဝင်တွေ လိုက်နာရမယ့် စည်းကမ်းချက်တွေထဲမှာ လွှတ်တော် ကိုယ်စားလှယ်တစ်ဦးဟာ လွှတ်တော်ကဖွဲ့စည်းပေးတဲ့ ကော်မတီ ၂ ခုမှာ အများဆုံး လုပ်ကိုင်ခွင့်ရှိပြီး ကော်မတီဝင် အဖြစ်က နှုတ်ထွက်လိုတဲ့အခါ ခိုင်လုံတဲ့အကြောင်းပြချက်နဲ့ လွှတ်တော် ဥက္ကဌထံ တင်ပြရမယ်လို့ ပါရှိပါတယ်။

ဒါ့အပြင် ကော်မတီ အစည်းအဝေးတွေမှာ ဆွေးနွေးတဲ့အကြောင်းအရာတွေ ပြင်ပကိုသတင်းပေါက် ကြားတာမျိုး မရှိစေရဘူးလို့လည်း တားမြစ်ထားပါတယ်။

ဒီနေ့ကျင်းပတဲ့ အမျိုးသားလွှတ်တော် အစည်းအဝေးမှာ သတ္တု၊ သယံဇာတနဲ့ သဘာဝပတ်ဝန်းကျင် ထိန်းသိမ်းရေး ဆိုင်ရာကော်မတီကိုဖွဲ့စည်းခဲ့ပြီး ကော်မတီဥက္ကဌအဖြစ် မန္တလေးတိုင်းဒေသကြီး မဲဆန္ဒနယ်အမှတ် ၁၂ က ဦးကျော်သီဟကို တာဝန်ပေးအပ်ခဲ့ပါတယ်။

RFA
http://www.rfa.org/burmese/news/pyithu-hluttaw-organizes-three-committee-02192016103452.html

ဖလော်ရီဒါပြည်နယ် အထက်လွှတ်တော်အမတ် Marco Rubio ။ 
အမေရိကန်သမ္မတ ဘရာ့ခ် အိုဘားမားဟာ နောက်လမှာ ကျူးဘားနိုင်ငံကိုသွားဖို့ စီစဉ်ထားတာမို့ လက်ရှိ သမ္မတတဦးအနေနဲ့ နှစ်ပေါင်း ၇၀ အတွင်း ကျူးဘားနိုင်ငံကို သွားတဲ့ ပထမဆုံး သမ္မတဖြစ်ပါလိမ့်မယ်။

အမေရိကန်က ကျူးဘားနဲ့ ပြန်ပြီး ဆက်ဆံလာတဲ့အပေါ် ကျေနပ်တဲ့သူတချို့က သူ့ကိုကြိုဆိုဖွယ် ရှိပေမဲ့ ဝေဖန်သူတွေလည်းရှိပါ တယ်။ ဒီထဲမှာ ရီပတ်ဘလီကန်ပါတီ ကိုယ်စားပြု သမ္မတလောင်းဖြစ်ဖို့ ကြိုးစားနေသူတွေထဲက တဦးဖြစ်သူ ဖလော်ရီဒါပြည်နယ် အထက်လွှတ်တော်အမတ် Marco Rubio လည်း အပါအ၀င်ပါ။

အမေရိကန်ရဲ့ မြန်မာနိုင်ငံဆိုင်ရာ မူဝါဒမှာ အပြောင်းအလဲ လုပ်ခဲ့သလို မြန်မာနိုင်ငံ မှာ အပြောင်းအလဲတွေ ဖြစ်ခဲ့တာကို ထောက်ပြပြီး သူကဝေဖန် တာပါ။ မြန်မာ အစိုးရက အပြောင်းအလဲတွေလုပ်တာကြောင့် အမေရိကန်ဘက် ကလည်း မူဝါဒ အပြောင်းအလဲလုပ်ခဲ့တဲ့အတွက် ဒီကနေ့ဆိုရင် အရင်က လူနည်းစုပါတီ ဟာ လွှတ်တော်ထဲမှာ လူများစုပါတီဖြစ်လာပြီလို့ မစ္စတာ Rubio က ထောက်ပြပါတယ်။

ဒါပေမဲ့ ကျူးဘားမှာတော့ အဲဒီလိုလုပ်ဖို့ သမ္မတအိုဘားမားက မတောင်းဆိုခဲ့ဘဲ ကျူးဘားအစိုးရဟာ ဖိနှိပ်အုပ်ချုပ်တဲ့အစိုးရတရပ် အဖြစ် ဆက်ရှိနေတုန်းပဲလို့ မစ္စတာ Rubio ကပြောပါတယ်။ သမ္မတအိုဘားမားရဲ့ ခရီးစဉ်ကြောင့် ကျူးဘား ကွန်မြူနစ် အစိုးရရဲ့ တရားဝင်မှုကို ထောက်ခံအားပေး သလို ဖြစ်စေနိုင်တယ်ဆိုပြီး ကျူးဘားလူမျိုးတချို့ကလည်း ဝေဖန်ကြပါတယ်။

မတ်လ ၂၁ ရက်နဲ့ ၂၂ ရက် နှစ်ရက်ကြာ သွား ရောက်မယ့် ခရီးစဉ်အတွင်း ကျူးဘားသမ္မတ Raul Castro နဲ့ တွေ့ဆုံတဲ့အခါ လူ့အခွင့်အရေးဆိုင်ရာ ကိစ္စရပ်တွေကို ပြောဆို မယ်လို့ သမ္မတအိုဘားမားက ကတိပေးထားပါတယ်။

ပြီးခဲ့တဲ့နှစ်က ဟားဗားနားမြို့တော်မှာ အမေရိကန်သံရုံး ဖွင့်လှစ်ပြီးတဲ့ နောက်ပိုင်း သမ္မတအိုဘားမားရဲ့ အခုခရီးစဉ်ဖြစ်လာတာပါ။

ဗွီအိုအေ (မြန်မာပိုင်း)
http://burmese.voanews.com

တကသကျောင်းသားခေါင်းဆောင်တွေ ဖြစ်တဲ့ ကိုဇေယျာလွင်၊ ကိုပိုင်ရဲသူ ရုံးထုတ်လာစဉ်။
မြန်မာနိုင်ငံမှာ ငြိမ်းချမ်းစွာ ဆန္ဒပြတဲ့ ကျောင်းသားခေါင်းဆောင်တွေနဲ့ လှုပ်ရှား တက်ကြွသူတွေကို ပုဒ်မအမျိုးမျိုးနဲ့ စွပ်စွဲပြီး တရားရုံးများစွာမှာ ရုံးထုတ်စစ်ဆေးနေတဲ့ လုပ်ရပ်ဟာ တရားဥပဒေနဲ့ မညီညွတ်ဘူးလို့ ဟောင်ကောင် အခြေစိုက် AHRC လူ့အခွင့်အရေးကော်မရှင်က မနေ့ကပြောကြားလိုက်ပါတယ်။ ဒါဟာ ရာထူးကနေ အနားယူတော့မယ့် သမ္မတဦးသိန်းစိန်ရဲ့ အစိုးရအဖွဲ့အနေနဲ့ သူတို့ လက်ထက် မှာ ကျောင်းသားတွေဟာ မငြိမ်မသက်ဖြစ်အောင်လုပ်ခဲ့တယ်ဆိုတဲ့ အငြိုးနဲ့ လုပ်ဆောင်နေတယ်လို့ မြင်ကြောင်း AHRC ပြောခွင့်ရပုဂ္ဂိုလ်က ဗွီအိုအေ ကိုပြောပါတယ်။ ဆက်သွယ်မေးမြန်းထားတဲ့ မအင်ကြင်းနိုင်က အကြောင်းစုံပြောပြမှာပါ။

AHRC အာရှလူ့အခွင့်အရေးကော်မရှင်ရဲ့ မနေ့က ထုတ်ပြန်တဲ့ အရေးပေါ်ကြေညာချက်မှာ မနှစ်က ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး ဆန္ဒပြတောင်းဆိုခဲ့တဲ့ အတွက် ဖမ်းဆီးခံထားရပြီး အမှုပေါင်းများစွာနဲ့ စွပ်စွဲခံထားရတဲ့ ကျောင်းသားခေါင်းဆောင် (၃)ဦးကို ခြွင်းချက်မရှိ ချက်ချင်း လွှတ်ပေးဖို့ မြန်မာ အစိုးရကို တောင်းဆိုထားပါတယ်။ တက္ကသိုလ်ကျောင်းသား သမဂ္ဂခေါင်းဆောင်တွေဖြစ်တဲ့ ကိုပိုင်ရဲသူ၊ ကိုဇေယျာလွင်နဲ့ ကိုနန်လင်းတို့ သုံးဦးကို အင်းစိန်ထောင်မှာ ထိန်းသိမ်းထားတာဖြစ်ပါတယ်။ သူတို့ကို ငြိမ်းစုစီပုဒ်မ (၁၈) အပြင် နောက်ထပ် ပုဒ်မ ၅၀၅ (ခ) အများပြည်သူမငြိမ်မသက်ဖြစ်အောင် ဆူပူလှုံဆော်တဲ့ အမှု နဲ့လည်း အာဏာပိုင်တွေက စွပ်စွဲထားတယ်လို့ AHRC ရဲ့ကြေညာချက်မှာဖေါ်ပြထားပါတယ်။

ကျောင်းသားတွေ ရုံးထုတ်
အလားတူ ၂၀၁၅ခုနှစ်က လက်ပံတန်း ပညာရေးသပိတ်စစ်ကြောင်း ဦးဆောင် ခဲ့ကြတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ခေါင်းဆောင်တွေဖြစ်တဲ့ ကိုကျော်ကိုကို၊ ကိုမင်းသွေးသစ်၊ မဖြိုးဖြိုးအောင်၊ ကိုနန္ဒစစ်အောင်နဲ့ ကိုလင်းထက်နိုင် တို့ကိုလည်း ပုဒ်မ (၁၈) အပြင် အခြားပုဒ်မတွေဖြစ်တဲ့ ၅၀၅ (ခ)၊ ၁၄၃၊ ၁၄၅၊ ၁၄၇ စတာတွေနဲ့လည်း မြို့နယ်တရားရုံး (၂၀)ကျော်မှာ အာဏာပိုင်တွေက စွဲဆိုထားတာဖြစ်ပါတယ်။

ကျောင်းသားတွေ ရုံးထုတ်
အခုလိုကျောင်းသားတွေအပေါ် စွပ်စွဲထားတဲ့အမှုတွေဟာ တရားဥပဒေနဲ့ ညီညွတ်မှု မရှိဘူးလို့ AHRC ရဲ့မြန်မာနိုင်ငံဆိုင်ရာတာဝန်ခံ ဦးမင်းလွင်ဦး ကပြောပါတယ်။

" အစိုးရအဖွဲ့ဝင်ကိုယ်တိုင်ကိုက အရေးမယူပါဘူးလို့ သဘောတူညီချက်မှာ လက်မှတ်ရေးထိုးထားပြီးတော့မှ သဘောတူညီချက်ကို ဖောက်ဖျက်ပြီးတော့ အခုလို ဖမ်းဆီးထားခြင်းက လုံးဝကို မှားယွင်းတယ်။ အစိုးရတရပ်ရဲ့တာဝန်ယူမှု တာဝန်ခံမှု လုံးဝ ကင်းမဲ့နေတဲ့ လုပ်ရပ်ဖြစ်တယ်ဆိုတာကို ကျနော်တို့ ပထမ ပြောချင်တယ်။ နောက်တချက်ပြောချင်တာက လက်ပံတန်းကျောင်းသားတွေ ဖြစ်တဲ့ ကိစ္စမှာ မြို့နယ်တွေအလိုက် အခုစွဲဆိုနေတဲ့ ကိစ္စရပ်က လူတယောက်ကို ဓားနဲ့ အချက်ငါးဆယ်ထိုးရင် တချက်ကို ငါးနှစ်ကျမယ် အချက်ငါးဆယ်ဆိုရင် နှစ် ၂၅၀ ချမယ့် သဘောမျိုး ဖြစ်တဲ့ ရည်ရွယ်ချက်မျိုး ဖြစ်နေတာကို ကျနော်တို့ တွေ့ရတယ်။ ဒါတွေက ကျနော်တို့ ဥပဒေပြဋ္ဌာန်းချက်အရဆိုလို့ရှိရင် လုံးဝကြီးကို မှားယွင်းနေတဲ့ ပြဋ္ဌာန်းချက်မျိုး ဖြစ်တယ်။"

ကျောင်းသားတွေ ရုံးထုတ်
ဥပဒေပညာရှင်အနေနဲ့ အခုလိုကျောင်းသားခေါင်းဆောင်တွေကို စွပ်စွဲချက်ပေါင်း များစွာနဲ့ တရားရုံး (၂၀)ကျော်မှာ နေ့စဉ်ရုံးထုတ်နေတဲ့ အာဏာပိုင်တွေရဲ့လုပ်ရပ်ဟာ ဘာကြောင့်လဲလို့မြင်လဲရှင့်။

" ကျောင်းသားတွေက မိမိတို့ရဲ့ အနာဂတ်အတွက် လွတ်လပ်စွာ ပညာသင်ယူခွင့် ရှိရမယ်။ မိမိတို့အနာဂတ်ကို မိမိတို့ ဖန်တီးနိုင်တဲ့ ပညာရေးစနစ်မျိုး ဖြစ်ရမယ် ဆိုတဲ့ အမြင်ကို မိဘတွေနဲ့ ကျောင်းသားထု သိအောင် မျက်လုံးဖွင့်ပေးလိုက်တာဖြစ်တယ်။ အဲ့ဒီ့လို မျက်လုံးဖွင့်ပေးလိုက်တာက ကျနော်တို့ ယခင်အစိုးရရဲ့ အရှိုက်ကို ထိုးသလိုမျိုး ဖြစ်တယ်ဆိုတာကို ကျနော်တို့ မြင်ရတယ်။ ထိုနည်းတူစွာပဲ ကိုနေမျိုးဇင်တို့လို တက်ကြွလှုပ်ရှားသူတွေကလည်း လက်ပံတောင်းတောင် အရေးကို နိုင်ငံတကာက အာရုံစိုက်ပြီး ကြည့်လာရတဲ့အထိ လုပ်ခဲ့တဲ့အတွက် အခုလိုမျိုး အငြိုးအတေးတွေနဲ့ အခုလိုမျိုး အမှုတွေ ထပ်ခါထပ်ခါ စွဲဆိုပြီး နောက်ဆုံး ငါတို့ ထွက်သွားတဲ့အချိန်မှာ မင်းတို့ကို ရသလောက်တော့ အပြစ်ပေးဦးမယ်ဆိုတဲ့ ရည်ရွယ်ချက်နဲ့ လုပ်ဟန်တူတယ်လို့ ကျနော်တို့ကတော့ ယူဆတယ်။"

ဒီအတောအတွင်းမှာပဲ မြန်မာနိုင်ငံမှာ အသွင်ကူးပြောင်းရေး ကာလရောက်နေပေမဲ့ လည်း လူ့အခွင့်အရေး အခြေအနေတွေ ဆက်ပြီးဆိုးရွားနေ တာကြောင့် မြန်မာနိုင်ငံ ဆိုင်ရာ ကုလသမဂ္ဂလူ့အခွင့်အရေးအထူးကိုယ်စားလှယ်ရဲ့ အခွင့်အာဏာကို အရင်နှစ်တွေအတိုင်း မတ်လမှာကျင်းပမယ့် လူ့အခွင့်အရေးကောင်စီညီလာခံကနေ သက်တမ်းတိုးပြီး ဆက်လက်ထားရှိဖို့မြန်မာလူထုအခြေပြုအဖွဲ့ပေါင်း (၅၀)ကျော်က လက်မှတ်ရေးထိုးတောင်းဆိုထားတဲ့စာကိုကုလသမဂ္ဂလူ့အခွင့်အရေးကောင်စီကို မနေ့က ပေးပို့ခဲ့ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


mp-training-620.jpg
လွှတ်တော်ဆိုင်ရာလုပ်ငန်းများ ရှင်းလင်းတင်ပြခြင်း အစီအစဉ် ဒုတိယနေ့အဖြစ် ဖေဖေါ်ဝါရီလ ၁၆ ရက်နေ့ကကျင်းပစဉ်
Photo: NLD Chairperson Facebook

ပြည်ထောင်စုလွှတ်တော်၊ ပြည်သူ့လွှတ်တော်နဲ့ အမျိုးသားလွှတ်တော်ရုံးမှာ ၀န်ထမ်းအင်အား ၁၃၀၀ ကျော်ရှိပြီး အရည်အချင်းပိုင်းမှာ လိုအပ်ချက်တွေ ရှိနေကြောင်း ဒီနေ့ လွှတ်တော်ဆိုင်ရာ လုပ်ငန်းများရှင်းလင်းဆွေးနွေးခြင်း အစီအစဉ် နောက်ဆုံးနေ့မှာ ပြည်ထောင်စု လွှတ်တော်ရုံး ညွှန်ကြားရေးမှူးချုပ် ဦးကျော်စိုးက တင်ပြခဲ့ပါတယ်။

လွှတ်တော်လုပ်ငန်းစဉ်တွေအကြောင်း ရှင်းလင်းတင်ပြရာမှာ ညွှန်ကြားရေးမှူးချုပ် ဦးကျော်စိုးက ထည့်သွင်းပြော သွားတာဖြစ်ပါတယ်။

"ကျနော်တို့ ပထမသက်တမ်း စတင်ဆောင်ရွက်တဲ့အချိန်မှာ ဝန်ထမ်းများကိုယ်တိုင် လွှတ်တော်လုပ်ငန်းဆိုတာ ဘာမှအတွေ့အကြုံမရှိတဲ့ အခြေအနေကနေပြီးတော့မှ အခုသက်တမ်းပြီးဆုံးသွားတဲ့ အခြေအနေ၊ အခုဒုတိယ သက်တမ်း စတဲ့အချိန်မှာဆိုရင် လွှတ်တော်ရုံး သုံးရုံးရှိလာပြီးတော့မှ ဝန်ထမ်းတွေကလည်း ယခင်စတင်တုန်းက အနေအထားနဲ့စာရင် ထိုက်သင့်တဲ့ အင်အားအနေအထားရှိလာပြီ၊ သို့သော်လည်း ဒီအင်အားတွေက လုံလောက် တဲ့အင်အား ကျွမ်းကျင်တဲ့အင်အားတွေ ဖြစ်သွားပြီလားဆိုတော့ အင်အားအနေအထားလည်း မလုံလောက်ပါဘူး၊ အရေအတွက်အားဖြင့်သော်၎င်း အရည်အသွေးအားဖြင့်သော်၎င်း အများကြီးလိုနေသေးတယ်ဆိုတာ ကျနော့် အနေနဲ့ လက်တွေ့ကျကျဝန်ခံပါတယ်"

ဒါ့အပြင် လွှတ်တော်ကိုယ်စားလှယ် တစ်ဦးချင်းစီအတွက် သက်ဆိုင်ရာနယ်မြေတွေမှာ လွှတ်တော်ကိုယ်စားလှယ် ရုံးတွေ ဆောက်လုပ်ပေးဖို့နဲ့ ၀န်ထမ်းတွေခန့်ထားပေးဖို့အတွက် အခက်အခဲတွေ ရှိနေကြောင်းလည်း ဦးကျော်စိုးက ပြောခဲ့ပါတယ်။

နိုင်ငံတကာ လွှတ်တော် ကိုယ်စားလှယ်တွေရဲ့လွှတ်တော်လုပ်ငန်းဆိုင်ရာ အတွေ့အကြုံတွေ၊ ဥပဒေတွေပြဌာန်းတာ၊ အစိုးရကို စောင့်ကြည့်လေ့လာတာတွေမှာ ဖွဲ့စည်းပုံအခြေခံဥပဒေ၊ လွှတ်တော်ဆိုင်ရာဥပဒေ ၊ နည်းဥပဒေတွေနဲ့ အညီ ဆောင်ရွက်နိုင်ဖို့ကို ၅ရက်ကြာ ဆွေးနွေးခဲ့ကြတာဖြစ်ပါတယ်။

အဲဒီအခမ်းအနားကို ကုလသမဂ္ဂဖွံ့ဖြိုးမှုအစီအစဉ် UNDP၊ နိုင်ငံတကာ ပါလီမန်အမတ်များအဖွဲ့ IPU တို့နဲ့ တခြားမိတ်ဖက်အဖွဲ့တွေ ပူးပေါင်းပြီး ဖေဖော်ဝါရီလ ၁၅ ရက်နေ့ကနေ ဒီနေ့အထိ လွှတ်တော်ဝင်းအတွင်းက သဘင်ဆောင်မှာကျင်းပရာ လွှတ်တော်ဥက္ကဌတွေ နဲ့ ကိုယ်စားလှယ် ၄၆၅ ဦး တက်ရောက်ခဲ့ပါတယ်။

RFA
http://www.rfa.org/burmese/news/employees-skills-upgrade-02192016103451.html

naymyozin-620.jpg
ဗိုလ်ကြီးဟောင်း ဦးနေမျိုးဇင် ကို ဖေဖော်ဝါရီလ ၁၈ ရက်နေ့က တရားရုံးထုတ်လာစဉ်
Photo: Nay Myo Zin Facebook

လွန်ခဲ့တဲ့ ၂၀၁၄ ခုနှစ်က အမျိုးသားပညာရေးဥပဒေကို သပိတ်မှောက်ခဲ့တဲ့ ကျောင်းသား ကျောင်းသူတွေကို အကူအညီ ပေးခဲ့တဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မမီးမီး၊ ဗိုလ်ကြီးဟောင်း ဦးနေမျိုးဇင် နဲ့ ကျောင်းသားခေါင်းဆောင် ကိုကျော်ကိုကိုတို့ ၃ ဦး ကို မင်္ဂလာတောင်ညွန့်မြို့နယ် ရဲစခန်းက ပုဒ်မ ၁၈ နဲ့ အမှုဖွင့်ထားပြီး တရားရုံးမှာ အမှုရင်ဆိုင်ဖို့ အကြောင်းကြားထားတယ်လို့ သိရပါတယ်။

လာမယ့် ဖေဖော်ဝါရီလ ၂၄ ရက်နေ့ မှာ မင်္ဂလာတောင်ညွန့်မြို့နယ် တရားရုံးမှာ ရုံးချိန်းရှိကြောင်း စခန်းမှူးက ဒီကနေ့မနက်က အကြောင်းကြားလာတယ်လို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မမီးမီးက ပြောပါတယ်။

"ဒီနေ့ စခန်းမှူးကနေပြီးတော့ အကြောင်းကြားစာက ဒီညရောက်မယ်ပေါ့၊ ပထမတော့ သူကနှုတ်နဲ့ အကြောင်းကြားတာပေါ့၊ ၃ ကြိမ် ဖုန်းနဲ့ အကြောင်းကြားတာပေါ့၊ ကျောင်းသားတွေ ပညာရေးဥပဒေကို ဆန့်ကျင်ဆန္ဒပြတဲ့ ၂ဝ၁၄ ခုနှစ်က ရန်ကုန်မြို့မှာလုပ်တဲ့ ဆန္ဒပြပွဲနဲ့ ပတ်သက်ပြီးတော့ ကျမရယ်၊ ကိုနေမျိုးဇင်ရယ်၊ ကိုကျော်ကိုကိုရယ် ၃ ယောက် မင်္ဂလာတောင်ညွန့် စခန်းကနေပြီးတော့ ပုဒ်မ ၁၈ နဲ့ အမှုဖွင့်ပြီးတော့ ၂၄.၂.၂ဝ၁၆ ရက်မှာ မင်္ဂလာတောင်ညွန့် တရားရုံးမှာ တရားလာရင်ဆိုင်ဖို့ အကြောင်းကြားတာပါ"

အဲဒီအမှုနဲ့ ပတ်သက်ပြီး အာမခံပေးမယ်ဆိုရင်တောင် အာမခံယူမှာမဟုတ်သလို ရှေ့နေငှားပြီး အမှုရင်ဆိုင် ဖြေရှင်းသွားမှာမဟုတ်ကြောင်းလည်း မမီးမီိး က ပြောပါတယ်။

၂၀၁၄ ခုနှစ် နိုဝင်ဘာလ ၁၄ ရက်နေ့ကစလို့ ရန်ကုန်မြို့မှာ အမျိုးသားပညာရေးဥပဒေကို ၄ ရက်ကြာ သပိတ်မှောက်ခဲ့ရာ ပထမနေ့နဲ့ နောက်ဆုံးနေ့ နှစ်ရက်မှာ မမီးမီးတို့က သပိတ်စစ်ကြောင်းကို ရေသန့်ဘူးနဲ့ အစားအသောက်တွေ ဝေငှခဲ့တာဖြစ်တယ်လို့ သိရပါတယ်။

RFA
http://www.rfa.org/burmese/news/court-charges-student-helpers-02192016094639.html

ရမ္မက်ကိုနှိုးဆွတဲ့ ဖက်ရှင်တွေ ၀တ်ပြီး သီချင်းဆိုတဲ့ ထိုင်းအမျိုးသမီးအဆိုတော်ကို ပရိသတ်တွေ လူမှုရေးကွန်ရက်မှာ ဝေဖန်နေကြပါတယ်။

ထိုင်းအရှေ့မြောက်ပိုင်း အီဆန်ဒေသက အီဆန်ရိုးရာ သီချင်းတွေနဲ့ အနုပညာ လောကထဲကို ၀င်လာတဲ့ အဆိုတော် လမ်းယိုင်း ဟိုင်ထောင်းန်ခမ်းရဲ့ ရဲတင်းတဲ့ ၀တ်စားဆင်ယင်မှုကို ဝေဖန်နေတာ ဖြစ်ပါတယ်။

ရိုးရာတေးသီချင်းတွေကို မြူးကြွတဲ့ ခေတ်ပေါ် ဂီတနဲ့ တွဲဆိုပြီး အသက် ၁၈ နှစ်နဲ့ အထက်သာ သင့်တော်တဲ့ အကတွေနဲ့ ကပြခဲ့တာ ဖြစ်ပါတယ်။

DVB
http://burmese.dvb.no/archives/136091


ချင်းပြည်နယ်အတွင်း သဘာဝအလျောက်ဖြစ်ပေါ်လာတဲ့ မြေပြိုဆည်ကြောင့် အနီးနားရွာတွေနဲ့ ဆည်တွေ အန္တရာယ်ရှိတယ်လို့ ကယ်ဆယ်ရေးဌာနအစီရင်ခံစာက သတိပေး ဖော်ပြလိုက်ပါတယ်။

ချင်းပြည်နယ်၊ တွန်းဇံမြို့နယ်အတွင်း ၈၇ ဧကလောက် ကျယ်ဝန်းတဲ့ မြေပြိုဆည်ကြီးတခု ဖြစ်ပေါ်နေပြီး မိုးကြီးလို့ အဲ့ဒီမြေပြိုဆည်ရေလျှံမှုဖြစ်ပွားရင် အနီးနားရွာတွေနဲ့ ၃၂ မိုင်ဝေးတဲ့ ရာဇဂြိုဟ်ဆည် ကျိုးနိုင်တယ်လို့ ကယ်ဆယ်ရေးနဲ့ ပြန်လည်နေရာချထားရေး၊ မြေပြိုဆည်လေ့လာရေးအစီရင်ခံစာက ဖော်ပြလိုက်တာပါ။

တွန်းဇံမြို့နယ်၊ ဟန်ကင်ကျေးရွာအနောက်ဘက် ၇ မိုင်လောက်အကွာမှာ ၂၀၁၅ ခုနှစ်၊ ဇူလိုင်လကုန်ပိုင်း ရွာသွန်းခဲ့တဲ့မိုးကြောင့် အဲ့ဒီ မြေပြိုဆည် ပေါ်ထွက်လာတာ ဖြစ်ပါတယ်။

လက်ရှိအနေအထားအရ အန္တရာယ်မရှိပေမယ့် မိုးများပြီး ရေ၀င်များရင် သဘာဝမြေပြိုဆည် ကျိုးပါက်နိုင်တယ်၊ အဲ့ဒီလို ဆည်ကျိုးပေါက်ရင် နုန်းတွေ၊ ကျောက်တုံးတွေ အပါအ၀င် ဆည်ရေကျော်ပြီး ရာဇဂြိုဟ်ဆည်ကို ဒုက္ခပေးနိုင်တယ်လို့ အစီရင်ခံစာမှာ ဖော်ပြထားပါတယ်။

အနီးနား ကျေးရွာတွေကိုပါ အန္တရာယ်ပေးနိုင်လို့ ရေရှည်အစီအမံချမှတ် လုပ်ဆောင်သင့်ကြောင်းလည်း အကြံပြုထားပါတယ်။

ချင်းပြည်နယ်အတွင်းရှိ တောင်ကုန်းတောင်တန်းများဟာ ဘူမိဗေဒသဘောအရ မြေသားတည်ငြိမ်မှု မရှိတာကြောင့် သဘာဝမြေပြိုဆည်တွေလည်း အချိန်မရွေး ကျိုးပေါက်ပျက်စီးနိုင်တယ်လို့ အစီရင်ခံစာက သတိပေးထားပါတယ်။

အခုလဆန်းပိုင်းက ကယ်ဆယ်ရေးနဲ့ ပြန်လည်နေရာချထားရေးဌာနက တာဝန်ရှိသူတွေ အဲ့ဒီဒေသကို ကွင်းဆင်းစစ်ဆေးပြီး အစီရင်ခံစာ ထုတ်ပြန်ခဲ့တာ ဖြစ်ပါတယ်။

ပြီးခဲ့တဲ့နှစ် ဇူလိုင်နဲ့ သြဂုတ် မိုးကြီးရေကြီးမှုအတွင်း ထိခိုက်မှု အဆိုးဆုံး ပြည်နယ်ထဲမှာ ချင်ပြည်နယ် ပါဝင်ပြီး ပြည်နယ်မြို့ဖြစ်တဲ့ ဟားခါးမြို့ဟောင်း ပြောင်းရွှေ့ဖို့ စီစဉ်ရတဲ့အထိ အိမ်ခြေများစွာ ထိခိုက်ပျက်စီးခဲ့ပါတယ်။

ရေကြီး မြေပြိုတာတွေကြောင့် ဟားခါး၊ တီးတိန်၊ တွန်းဇံ၊ ပလက်ဝ စတဲ့ မြို့ ၇ မြို့မှာ အိမ်ပေါင်း ၁၁၀၀ ကျော် ပျက်စီးခဲ့ပါတယ်။

DVB
http://burmese.dvb.no/archives/136115