02/23/16


ပုဂံရှေးဟောင်းဇုံ နယ်နိမိတ်အတွင်းရှိဘုရားများပေါ် တက်ရောက်ခွင့်မရှိဟု တရားဝင် ထုတ်ပြန်ထားခြင်းမရှိကြောင်း ယဉ်ကျေးမှုဝန်ကြီးဌာန ဒု-၀န်ကြီး မောင်သန်းဆွေ(ထားဝယ်)က News Watch သို့ ပြောသည်။

၎င်းမှ“ဘုရားပေါ်မတက်ရဆိုတာ အမိန့်ကြော်ငြာလည်း မဟုတ်ဘူး။ ဖေ့စ်ဘုတ်ပေါ်မှာ ဖွလိုက်တဲ့သတင်းတွေပါ။ အဲဒီလိုဖွတာကို သတင်းလုပ်ပြီးရေးနေကြတာ။ အခု အဲဒါကို ၀န်ကြီးက အဲဒီလို မရေးရဘူး၊ ပြန်ရုပ်သိမ်းလိုက်ပါဆိုလို့ ပြန်ရုပ်သိမ်းလိုက်ပါပြီ”ဟု ပြောသည်။

ပုဂံရှေးဟောင်းဧရိယာဇုံအတွင်းရှိ ဘုရားပုထိုးစေတီများပေါ် ပြည်တွင်းပြည်ပခရီးသွားများမှ နေ၀င်/နေထွက်ချိန်ကို စောင့်ဆိုင်းကြည့်ရှုလေ့ရှိပြီး ပုဂံရှေးဟောင်းနယ်မြေရှိ ပြာသာဒ်ကြီးဘုရားပေါ်တွင် လူအများ စုဖွဲ့ကခုန်နေသည့် ဗီဒီယို ဖိုင်တစ်ခုနှင့် ဓာတ်ပုံများ လူမှုကွန်ရက်၌ ပျံ့နှံ့ခဲ့ပြီးနောက် ပြည်သူများအကြား ဝေဖန်မှုများ မြင့်တက်ခဲ့ရာ ပုဂံဘုရား ပုထိုးများပေါ်သို့ တက်ရောက် ခွင့်မပြုရန်တော့ဟု ယဉ်ကျေးမှုဝန်ကြီးဌာနမှ ထုတ်ပြန်ကြေညာကြောင်း သတင်းတရပ်လည်း ထွက်ပေါ်လာခဲ့သည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ရှမ်းပြည်နယ်အတွင်းမှာ တိုက်ပွဲတွေဖြစ်တာကြောင့် ထွက်ပြေးတိမ်းရှောင်နေရတဲ့ ဒုက္ခသည်များ
မြန်မာနိုင်ငံ မြောက်ပိုင်းနေရာအချို့မှာဖြစ်လာတဲ့ စစ်ရေးပဋိပက္ခတွေကြောင့် အရပ်သားအထိအခိုက်တွေနဲ့ ဒုက္ခသည်ထောင်ဂဏန်းလောက် ထွက်ပြေးနေကြ ရတဲ့အခြေအနေ အပေါ်မှာ အီးယူ ဥရောပသမဂ္ဂအနေနဲ့ စိုးရိမ်မကင်းဖြစ်တဲ့ အကြောင်း အီးယူ ဥရောပသမဂ္ဂ ရန်ကုန်ရုံးက ထုတ်ပြန်ပါတယ်။

တိုက်ပွဲတွေကြောင့် လူမှုအသိုက်အ၀န်းအတွင်းက အမျိုးသမီးနဲ့ကလေးငယ်တွေလို အကာအကွယ်လိုအပ်သူတွေရဲ့ အသက်အန္တရယ်တွေ စိုးရိမ်စရာရှိပြီး မြန်မာနိုင်ငံ ငြိမ်းချမ်းရေးလုပ်ငန်းစဉ်မှာ မဖြစ်မနေလိုအပ်တဲ့ ယုံကြည်မှုတွေကိုလည်း ထိခိုက်စေတယ်လို့ အီးယူ ဥရောပသမဂ္ဂက ထုတ်ပြန်ပါတယ်။

အားလုံးပါဝင်ပြီး အရှည်တည်တံမယ့် စစ်မှန်တဲ့ ငြိမ်းချမ်းရေးအတွက် တိုက်ပွဲတွေအားလုံး ချက်ခြင်းရပ်ဆိုင်းထားနိုင်ဖို့ ပဋိပက္ခမှာပါဝင်တဲ့ ဘက်အားလုံးက အခြေအနေတွေကို ထိမ်းထိမ်း သိမ်းသိမ်း ကိုင်တွယ်ကြဖို့နဲ့၊ တွေ့ဆုံဆွေးနွေး ကြဖို့ အီးယူ ဥရောပသမဂ္ဂအနေနဲ့ တိုက်တွန်းတယ်လို့ အီးယူဥရောပသမဂ္ဂ ရန်ကုန်ရုံး ပြန်ကြားရေးတာဝန်ခံ Valerie ZIRL က ဗွီအိုအေကို ပြောသွားတာပါ။

ဒါ့အပြင် ပဋိပက္ခတွေဖြစ်ရာ နယ်မြေအတွင်းက အရပ်သားတွေရဲ လိုအပ်ချက်တွေကို ဖြည့်ဆည့်းနိုင်ဖို့ လူသားချင်း စာနာမှု အကူအညီတွေ ပေးနိုင်ရေး အတွက်လည်း ၀ိုင်းဝန်းအဖြေရှာညှိုနှိုင်းဆောင်ရွက်ကြဖို့ အီးယူက တိုက်တွန်းပါတယ်။ အခုနှစ်ဆန်းပိုင်းက စလို့ ရှမ်းပြည်နယ်အတွင်းမှာ TNLA ပလောင်လက်နက်ကိုင်တပ်ဖွဲ့နဲ့ SSA တောင်ပိုင်း တပ်ဖွဲ့အကြား နယ်မြေအငြင်းပွားပြီး အပြန်အလှန်တိုက်ပွဲတွေဖြစ်တာကြောင့် ဒုက္ခသည် သုံးထောင်ကျော် နေရပ်တိမ်းရှောင်နေကြရသလို၊ မြောက်ပိုင်း ကချင်ပြည်နယ်နဲ့ အခြားရှမ်းပြည် ဒေသအချို့မှာလည်း စစ်ရေးတင်းမာမှုတွေ ရှိနေတာပါ။

TNLA နဲ့ SSA တောင်ပိုင်းအကြား ပဋိပက္ခအပေါ်မှာ အခြားတိုင်းရင်းသား အဖွဲ့အစည်းတွေက ကြားဝင်ညှိုနှိုင်းဖို့ကြိုးစားနေချိန်မှာပဲ၊ TNLA နဲ့ မြန်မာစစ်တပ်တို့ တပ်ပွဲတွေလည်း ဆက်ဖြစ်ခဲ့ပါတယ်။ ရှမ်းပြည်နယ်အတွင်းက တိုက်ပွဲတွေနဲ့ ပတ်သက်လို့ ငြိမ်းငြိမ်းချမ်းချမ်းဖြေရှင်းဖို့ ရန်ကုန်အမေရိကန်သံရုံးကလည်း ပြီးခဲ့တဲ့ သီတင်းပတ်က တိုက်တွန်းခဲ့ပါတယ်။ ပြည်သူ့လွှတ်တော်မှာလည်း ရှမ်းပြည်တိုက်ပွဲအခြေအနေအပေါ် အရေးကြီးအဆို တင်သွင်းခဲ့ပြီး၊ တိုက်ပွဲတွေ ရပ်စဲဖို့ တောင်းဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


ဖေဖော်ဝါရီလ ၂၂ ရက်နေ့ ညနေပိုင်းလောက်က ဧရာဝတီမြစ်ရေဟာ မြစ်ကြီးနားမြို့ အနီး မြစ်ကမ်းဘေးတလျှောက်မှာရုတ်တရက်မြင့်တက်လာခဲ့တယ်လို့ ဒေသခံတွေက ပြောပါတယ်။ နောက် နှစ်ရက်အတွင်းဧရာဝတီမြစ်အောက်ပိုင်းက ဒေသတွေမှာ လည်း မြစ်ရေ မြင့်တက်လာနိုင်တာကြောင့် မြစ်ကြောင်းတလျှောက် ဂရုပြုနေထိုင်ဖို့ မိုးလေဝသနဲ့ ဇလဗေဒ ညွန်ကြားမှုဦးစီးဌာနက ပြောဆိုလိုက်ပါတယ်။ အပြည့်အစုံကို VOA သတင်းထောက် မသိင်္ဂီလင်းက ပြောပြပေးပါမယ်။

မနေ့က ဖေဖော်ဝါရီလ ၂၂ ရက်နေ့ ညနေပိုင်းမှာ ကချင်ပြည်နယ် မြစ်ဆုံဒေသအနီး ဧရာဝတီမြစ်ကမ်းတစ်လျှောက် မြစ်ရေ ရုတ်တရက်မြင့်တက် လာတယ်လို့   ဒေသခံ ဒေါ်ဂျာခွန်က အခုလို ပြောပါတယ်။

“မြစ်ရေက မြစ်ဆုံအခြေအနေပေါ့နော် မြစ်ကမ်းနားမှာ၊ မြစ်ကမ်းစပ်မှာ ဈေးရောင်းတဲ့ လူတွေ အကုန်ဖယ်ရတာပေါ့နော်။ ရေခဲတောင်ပြိုလို့ ရေကြီးတယ်လို့ပြောတာပဲ။ ဒီမှာတော့ မိုးတော့မရွာပါဘူးရှင့်။”

ဖေဖော်ဝါရီလ ၂၂ ရက်နေ့ ညနေ ၃ နာရီခွဲချိန် မိုးလေဝသနဲ့ ဇလဗေဒညွန်ကြားမှု ဦးစီးဌာနရဲ့တိုင်းထွာချက်အရဧရာဝတီမြစ်ရေဟာ မြစ်ကြီးနားမြို့မှာ ၃၄၆ စင်တီမီတာ ကိုရောက်ရှိခဲ့ပြီး ၁၀ နာရီအတွင်း ၇ ပေခန့် မြင့်တက် ခဲ့တာကြောင့် မြစ်ကြီးနားမြို့ စီတာပူရပ်ကွက်က မြစ်ကမ်းဘေးတလျှောက်မှာရှိတဲ့ စားသောက်ဆိုင်တွေ ရေမြုပ်ခဲ့တာပါ။

အနောက်လေပွေလှိုင်းက ပါဝင်လာတဲ့ တိမ်တိုက်တွေကနေ မိုးရွာသွန်းတာနဲ့ အပူချိန်မြင့်တက်လာမှုကြောင့် ရေခဲတောင်တွေ အရည်ပျော်တာတွေကြောင့် အခုလို မြစ်ရေ ရုတ်တရက်မြင့်တက်လာတာဖြစ်တယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူး ဦးကျော်မိုးဦးက အခုလို သုံးသပ်ပါတယ်။

“အဓိကတော့ ဖြစ်နိုင်တာကတော့ မိုးလေ၀သရူထောင့်က စောနကပြောတဲ့ western disturbance ကြောင့် ပါလာတဲ့ တိမ်တိုက်တွေ မိုးရွာသွန်း တဲ့အတွက်ကြောင့်မို့လို့ဒါ စောနကပြောတဲ့ ဒီရက်ပိုင်းတွေမှာ နဲနဲပူသွားတယ်။ ပူသွားတဲ့အနေအထားမှာ ရေခဲတောင်တွေ အရည်ပျော်နေတဲ့အချိန်မှာ ကျလာနိုင်တဲ့အနေအထားပေါ့လေ၊ အဲဒီအနေအထား မို့လို့ မြစ်ရေတွေ မြင့်တက် လာတယ်လို့ ကျနော့် အနေနဲ့ပြောလိုပါတယ်။ ဘာပဲပြောပြောဒါ ရာသီဥတုပြောင်းလဲမူ ဒဏ်ကိုတော့ ကျနော်တို့ စပြီးတော့ ခံစားနေရတဲ့အနေအထားလေးတွေရှိနေတာပေါ့နော်။ အယ်နီညိုရဲ့ affect လို့လဲပြောလို့ရတာပေါ့နော်။ ဟုတ်ကဲ့။ ”

အခု မြင့်တက်လာတဲ့ မြစ်ရေဟာ မြစ်အောက်ပိုင်းကို ဆက်လက် စီးဆင်း သွားမှာဖြစ်တာကြောင့် ဧရာဝတီမြစ်ကြောင်းတလျှောက်မှာ နေထိုင်သူတွေ၊ စိုက်ပျိုးရေးလုပ်သူတွေနဲ့ ရေယာဉ်တွေ၊ ရေလုပ်သားတွေအနေနဲ့ လာမယ့် ၂ ရက်အတွင်း သတိထား သွားလာသင့်တယ်လို့ ဦးကျော်မိုးဦးက ဆက်ပြောပါတယ်။

“ဧရာဝတီမြစ်ကြောင်းတလျှောက်ပေါ့နော်။ ဧရာဝတီမြစ်ကြောင်း တလျှောက်ဆိုတော့ မြစ်ကြီးနားကနေ ပြီးတော့ စတင်တယ်။ မြစ်ကြီးနားပြီးရင် ဗန်းမော်၊ ပြီးရင် ကသာ၊ ရွှေဂူ၊ သပိတ်ကျင်း ၊ မန္တလေး၊ စစ်ကိုင်း၊ ပြီးသွားရင် ပခုက္ကူ ၊ ညောင်ဦး ၊ မင်းပူးတို့လည်းပါတာပေါ့ ကြားထဲမှာ ။ ဒီတော့ ဧရာဝတီတလျှောက် ဧရာဝတီမြစ်တလျှောက် စီးဆင်းလာမယ်။ စီးဆင်းလာပြီးတော့ ဟင်္သတ က နေပြီးတော့မှ ဘင်္ဂလားပင်လယ်အော်ထဲကိုသွားမယ်။ ဒါပေမယ့် ရေပြင်က မြစ်ရေကြီးတဲ့ အနေအထားမဟုတ်ဘူး။ အခုဟာက မြစ်ရေ ရုတ်တရက် မြင့်တက်လာတာ ။ မြင့်တက်လာတာဖြစ်တဲ့အတွက်ကြောင့်မို့လို့ အဓိကတော့ စောနကပြောသလိုပဲ မြစ်နားချောင်းနားမှာနေတဲ့ ပြည်သူတွေအနေနဲ့ မြစ်အတွင်းမှာနေတဲ့ ပြည်သူတွေ ကြိုတင် သတိပြုရှောင်ရှားနိုင်ဖို့အတွက်ကို ဒီသတင်းကို ထုတ်ပေးရခြင်းဖြစ်ပါတယ်။”

ဒါ့အပြင် မြန်မာနိုင်ငံ အထက်ပိုင်း ကချင်ပြည်နယ်၊ စစ်ကိုင်းတိုင်းအထက်ပိုင်း၊ ရှမ်းပြည်နယ်နဲ့ မန္တလေးတိုင်းတွေမှာလည်း လာမယ့် ၂ ရက်အတွင်း အချိန်အခါမဟုတ် မိုးရွာသွန်းဖို့ရှိတယ်လို့ ဦးကျော်မိုးဦးက ပြောပါတယ်။

မနေ့က ပြည်သူ့လွှတ်တော်မှာလည်း အယ်နီညိုရာသီဥတုကြောင့် ဖြစ်ပေါ်လာနိုင်တဲ့ သဘာဝဘေးအန္တရာယ်တွေကို ကြိုတင်ကာကွယ်ဖို့နဲ့ သက်ဆိုင်ရာ ဝန်ကြီးဌာနတွေ ပူးပေါင်းပါဝင်ဖို့ အရေးကြီးအဆို တင်သွင်းထားပြီး၊ ဒီနေ့နဲ့ မနက်ဖြန်မှာ အဲ့ဒီအဆိုနဲ့ ပတ်သက်ပြီး လွှတ်တော်ကိုယ်စားလှယ်တွေ ဆွေးနွေးနေကြပါတယ်။

သိင်္ဂီလင်း / ဗွီအိုအေ (မြန်မာပိုင်း)
http://burmese.voanews.com


ဧရာဝတီတိုင်းဒေသကြီး၊ လပွတ္တာမြို့တွင် မီးဘေးသင့်ခံခဲ့ရသည့် ကဏန်းဒိုင်များ လုပ်ငန်းပြန်လည် လည်ပတ် နိုင်ရေး ရွေးမြစ်ကမ်းဘေးရှိ ကမ်းတိုးမြေကွက်များပေါ်တွင် ယာယီဆိုင်ခန်းများ ချထားပေးရန် စီစဉ်နေကြောင်း လပွတ္တာမြို့နယ် အုပ်ချုပ်ရေးမှူးရုံးမှ သိရှိရသည်။

လပွတ္တာမြို့တွင် ဖေဖော်ဝါရီ ၄ ရက်နေ့က ဖြစ်ပွားခဲ့သော မီးလောင်မှုတွင် လပွတ္တာမြို့မှ ကဏန်းဒိုင် ၁၃၀ ကျော် မီးဘေးသင့်ခဲ့ရာ ၎င်းတို့၏ လုပ်ငန်းများ ပြန်လည်စတင်နိုင်ရန် ကမ်းတိုးမြေပေါ်တွင် ဆိုင်ခန်း တစ်ခန်းလျှင် ၁၀ ပေ ပတ်လည် အကွက်များ ရိုက်၍ ယာယီဆိုင်ခန်းများ ချထားပေးသွားမည် ဖြစ်ကြောင်း လပွတ္တာမြို့နယ် အုပ်ချုပ်ရေးမှူးရုံးမှ သိရသည်။

“အခုမီးလောင်သွားတဲ့အထဲမှာ လုပ်ငန်းရှင်တွေ များတယ်။ အဲဒါကြောင့် သူတို့ရဲ့လုပ်ငန်းတွေ ပြန်လည် စတင်နိုင်ဖို့အတွက် ကမ်းတိုးမြေတွေမှာ ယာယီဆိုင်ခန်းတွေ ချထားပေးဖို့ စီစဉ်နေပါတယ်။ မီးလောင် သွားတာက ကဏန်းဒိုင်တွေ အများစုမို့ လုပ်ငန်းပြန်လည်ပတ်နိုင်ဖို့ ဦးစားပေးစီစဉ်တာပါ။ အမြန်ဆုံး နေရာချထားပေးသွားမှာပါ” ဟု လပွတ္တာမြို့နယ် အုပ်ချုပ်ရေးမှူးရုံးမှ ပြောရေးဆိုခွင့်ရှိသူ ဒေါ်စန္ဒာကြည်က ပြောသည်။

မီးလောင်ပြင် အားလုံးကို ရှင်းလင်းပြီးပါက ယခု မီးဘေးသင့် အိမ်ထောင်စုများအပြင် ဒီဇင်ဘာလအတွင်းက ဖြစ်ပွားခဲ့သည့် မီးလောင်မှုတွင် ပါဝင်ခဲ့သော မီးဘေးသင့် အိမ်ငါးလုံးကိုပါ ၎င်းတို့၏ မူလနေရာများတွင် နေရာပြန်လည် ချထားပေးမည်ဖြစ်ကြောင်း သိရသည်။

ကဏန်းလုပ်ငန်းမှာ လပွတ္တာမြို့၏ အဓိကအကျဆုံး စီးပွားရေးတစ်ခုဖြစ်ပြီး မီးမလောင်မီ ကာလအထိ မြို့နယ် အတွင်း ကဏန်းဒိုင်စုစုပေါင်း ၁၄၂ ဒိုင်ရှိပြီး (၁၃၀) ကျော် မီးဘေးထဲပါသွားသဖြင့် ကဏန်းဒိုင်များအား မှီခိုနေရသည့် လုပ်သား ၁၀၀၀ ကျော်မှာလည်း စားဝတ်နေရေး အခက်အခဲများ ဖြစ်ပေါ်နေကြောင်း ကဏန်းလုပ်ငန်းရှင်များထံမှ သိရသည်။

“မီးလောင်ပြီး နောက်ပိုင်းမှာ လုပ်ငန်းတွေ ရပ်ဆိုင်းသွားတဲ့အတွက် အဲဒီလုပ်ငန်းရှင်တွေကို မှီခိုပြီးလုပ်ကိုင် စားသောက်နေကြရတဲ့ နယ်က ရေလုပ်သားတွေ မြို့ပေါ်က လုပ်ငန်းနဲ့ ဆက်နွှယ်ပတ်သက်တဲ့ လုပ်သား အားလုံးအထိ ရိုက်ခတ်တာပေါ့။ ဘယ်လောက်အထိ ဖြစ်သွားလဲဆိုရင် ကုန်ထမ်းသမား၊ ဆိုက္ကားသမားအထိ အဲဒီအထဲမှာ ပါဝင်တယ်” ဟု လပွတ္တာမြို့မှ KTL ကဏန်းဒိုင်ပိုင်ရှင် ကိုတင့်လွင်က ပြောသည်။

မြန်မာ့ကဏန်း ပြည်ပနိုင်ငံများသို့ တင်ပို့မှုမှာ နှစ်စဉ် အမေရိကန်ဒေါ်လာ သန်း ၃၀ ခန့်ရရှိကြောင်း မွေးမြူရေးနှင့် ရေလုပ်ငန်းဝန်ကြီးဌာနမှ သိရသည်။

သတင်း - MMK
The Ladies News
https://www.facebook.com/News.TheLadies


ပြည်ပနိုင်ငံကနေ ​သြစတြေးလျနိုင်ငံကို ​လာရောက် ​အခြေချတဲ့ ​သက်ကြီး ​ရွယ်အိုတွေ ​အနိုင်ကျင့် ​ခံရတဲ့ ​ပြဿနာကို ​ဖြေရှင်းပေးဖို့ ​သက်ကြီး ​ရွယ်အိုတွေကို ​အကူအညီပေးနေတဲ့ ​လူတွေက ​အစိုးရကို ​တောင်းဆိုလိုက်ပါတယ်။

သြစတြေးလျနိုင်ငံက ​လူဖြူအသိုင်းအဝိုင်းမှာ ​သက်ကြီး ​ရွယ်အိုတွေက ​မိသားစုနဲ့ ​အတူတူ ​နေထိုင်လေ့ ​မရှိသလို ​အကူအညီကို ​ဘယ်ကနေ ​တောင်းရမလဲ ​ဆိုတာကိုလည်း ​သိရှိကြပါတယ်။

ဒါပေမဲ့ ​အင်္ဂလိပ် ​စကားမပြောတဲ့ ​သက်ကြီးရွယ်အိုတွေဟာ ​အကူအညီ ​ဘယ်နားမှာ ​တောင်းလို့ ​ရမလဲ ​ဆိုတာကို ​မသိကြသလို ​မိသားစုဝင်တွေရဲ့ ​အနိုင်ကျင့်မှုကို ​မတိုင်ကြားလိုကြဘူးလို့လည်း ​သိရပါတယ်။

မဲလ်ဘုန်းမြို့မှာ ​သက်ကြီးရွယ်အိုများ ​အနိုင်ကျင့်မှု ​ပပျောက်ရေး ​ညီလာခံကို ​ဒီကနေ့ ​စတင်နေတာ ​ဖြစ်ပါတယ်။

အာရှတိုက်နဲ့ ​တခြားဒေသက ​လူတွေဟာ ​မိအို ​ဖအိုတွေ၊ ​သားသမီး၊ ​မြေး၊ ​မြစ်နဲ့ ​အတူ ​နေထိုင်လေ့ရှိပြီး ​မိသားစုတွေကပဲ ​သက်ကြီး ​ရွယ်အိုတွေကို ​အနိုင်ကျင့်ကြတာလို့ ​ဆိုပါတယ်။

သက်ကြီး ​ရွယ်အိုတွေဟာ ​နေအိမ်မှာ ​လစ်လျူရှုခံနေရပြီး ​စိတ်ပိုင်းဆိုင်ရာ၊ ​ခန္ဓကိုယ် ​ဆိုင်ရာ ​အနိုင်ကျင့်မှုတွေအပြင် ​ငွေရေးကြေးရေးအရ ​အနိုင်ကျင့်ခံနေရတယ်လို့လည်း ​သိရပါတယ်။

တချို့ ​မိသားစုဝင်တွေကတော့ ​သက်ကြီး ​ရွယ်အိုတွေကို ​လူအိုရုံ ​ပို့ဖို့သင့်ပေမယ့် ​မိအို ​ဖအိုကို ​လူအိုရုံပို့တယ်လို့ ​အသိုင်းအဝိုင်းအတွင်းမှာ ​ဝေဖန်ခံရမှာ ​စိုးရိမ်လို့ ​အိမ်မှာပဲ ​ထားပြီး ​တခါတရံ ​စိတ်မရှည်လို့ ​အနိုင်ကျင့်တဲ့အထိ ​ဖြစ်သွားတာလို့လည်း ​သိရပါတယ်။

ABC Radio Australia
http://www.radioaustralia.net.au/burmese


စစ်ဒဏ်ကြောင့် ပျက်စီးနေသော အလက်ပိုမြို့ တစ်နေရာ၏ မြင်ကွင်းအား တွေ့ရစဉ် (ဆင်ဟွာ)
    ဒမားစကက်၊ ဖေဖော်ဝါရီ ၂၃ ရက် (ဆင်ဟွာ)

    ဆီးရီးယား အစိုးရတပ်အား နိုင်ငံ မြောက်ပိုင်းရှိ အလက်ပိုမြို့နှင့် ဆက်သွယ်သည့် တစ်ခုတည်းသော လမ်းကြောင်းအား အစ္စလာမ်မစ် စတိတ် (Islamic State) က ဖြတ်တောက်လိုက်ကြောင်း Pan-Arab al-Mayadeen TV က သတင်း တင်ပြထားသည်။

အကြမ်းဖက် အဖွဲ့က အလက်ပိုမြို့နှင့် ဆက်သွယ်ထားသည့် လမ်းမပေါ်ရှိ နေရာ သုံးခုအား ညတွင်းချင်း သိမ်းပိုက်ခဲ့သည်။ အဆိုပါ လမ်းကြောင်းမှာ အစိုးရတပ်က အလက်ပိုမြို့နှင့် ဆက်သွယ်သည့် တစ်ခုတည်းသော လမ်းကြောင်း ဖြစ်သည့်အတွက် ပြန်လည် ဖွင့်နိုင်ရန် ကြိုးစားလျက်ရှိပြီး အလက်ပိုမြို့ အရှေ့ပိုင်းရှိ စစ်ကူများလည်း စေလွှတ်ထားပြီး ဖြစ်ကြောင်း သိရသည်။

တစ်ချိန်က စီးပွားရေး အချက်အချာနှင့် နိုင်ငံ၏ အကြီးဆုံးမြို့ ဖြစ်ခဲ့သည့် အလက်ပို၏ အရှေ့ပိုင်း ကျေးလက်ဒေသ တွင်လည်း အစိုးရ တပ်က ဆန့်ကျင်သူများအား ဆက်လက် နှိမ်နင်း နေခြင်း ဖြစ်သည်။

ထိုသို့ အလက်ပိုနှင့် ဆက်သွယ်သည့် လမ်းမအား ဖြတ်တောက်ခြင်း မတိုင်မီ ရက်အနည်းငယ်ကလည်း  ဟုမ်းစ် မြို့နှင့် ဒမားစကက် မြို့များ၌ လူ ၁၅၀ ကျော်သေဆုံးခဲ့သည့် ဗုံးဖောက်ခွဲမှုများကို IS က လုပ်ဆောင်ခဲ့ ကြောင်း သိရသည်။

(Xinhua)
http://www.xinhuamyanmar.com


အင်ဒိုနီးရှားနိုင်ငံ ​အစိုးရက ​ပလတ်စတစ်အိတ် ​ဒါမှမဟုတ် ​ကျွတ်ကျွတ်အိတ် ​အသုံးပြုမှုကို ​လျှော့ချဖို့ ​ကြိုးစားနေပါတယ်။

အင်ဒိုနီးရှားနိုင်ငံမှာ ​သန်းနဲ့ချီတဲ့ ​ပလတ်စတစ်အိတ်တွေ ​နေ့စဉ် ​စွန့်ပစ်ခံရပြီး ​တချို့က ​ပင်လယ်ပြင်မှာ ​ရောက်ရှိနေတာ ​ဖြစ်ပါတယ်။

ပင်လယ်ပြင်ကို ​ညစ်ညမ်းအောင် ​လုပ်တဲ့ ​နိုင်ငံထဲမှာ ​တရုတ်နိုင်ငံပြီးရင် ​အင်ဒိုနီးရှားက ​ဒုတိယအဆင့်မှာ ​ရှိနေတာကြောင့် ​အင်ဒိုနီးရှားက ​ပြဿနာကို ​ဖြေရှင်းဖို့ ​ကြိုးစားနေတာပါ။

အဲဒါကြောင့် ​ဒီတပတ်ကစပြီး ​ကျွတ်ကျွတ်အိတ် ​တစ်လုံးအတွက် ​၂၀၀ ​ရူပီယာ ​ဒါမှမဟုတ် ​ဒေါ်လာ ​၂ ​စင့်လောက်ကို ​တောင်းခံဖို့ ​ဈေးဆိုင်တွေကို ​အစိုးရက ​မှာကြားလိုက်ပါတယ်။

ကျွတ်ကျွတ်အိတ်ဖိုးကို ​တောင်းခံလိုက်ရင် ​လူတွေက ​အိမ်ကနေ ​ဈေးခြင်းတောင်းတွေ၊ ​ပြန်လည် ​အသုံးပြုနိုင်တဲ့ ​တခြား ​အိတ်တွေ ​ဒါမှမဟုတ် ​ကျွတ်ကျွတ် ​အိတ် ​အဟောင်းကို ​ပိုသုံးလာမယ်လို့ ​ရည်ရွယ်တဲ့အနေနဲ့ ​ပြုလုပ်တာ ​ဖြစ်ပါတယ်။

အဲဒါ့အပြင် ​ကျွတ်ကျွတ်အိတ် ​တစ်လုံးအတွက် ​ဒေါ်လာ ​၅၀ ​စင့် ​အထိ ​တိုးမြင့် ​တောင်းခံဖို့ ​ဂျာကာတာအာဏာပိုင်တွေက ​ညွှန်ကြားဖို့အထိ ​စဉ်းစားနေပြီ ​ဖြစ်ပါတယ်။

အင်ဒိုနီးရှားနိုင်ငံသားအများစုရဲ့ ​တစ်အိမ်ထောင် ​ဝင်ငွေဟာ ​တစ်ရက်ကို ​၁၀ ​ဒေါ်လာ ​လောက်သာ ​ရှိပြီး ​ကျွတ်ကျွတ်အိတ် ​တစ်လုံးအတွက် ​ပြား ​၅၀ ​လောက် ​ပေးရမယ် ​ဆိုရင်တော့ ​တော်တော့်ကို ​အထိနာမယ့် ​ဥပဒေသစ် ​ဖြစ်မယ့်အကြောင်း ​Adam ​Harvey ​က ​အင်ဒိုနီးရှားကနေ ​သတင်းပေးပို့ထားပါတယ်။

ABC Radio Australia
http://www.radioaustralia.net.au/burmese

တရားမဝင် ဝင်ရောက် ငါးဖမ်းကြမှုကြောင်းဖမ်းဆီးထားသည့် လှေများအား အင်ဒိုနီးရှားနိုင်ငံ က ဖောက်ခွဲနှစ်မြုပ်နေစဉ် (အင်တာနက်)
    ဂျာကာတာ၊ဖေဖော်ဝါရီ ၂၃ ရက် (ဆင်ဟွာ)

    အင်ဒိုနီးရှားနိုင်ငံသည် ၄င်း၏ သယံဇာတ ပေါကြွယ်ဝသည့် ရေပြင်တွင် တရားမဝင် ငါးဖမ်းခြင်းအား တိုက်ဖျက် ရန် ဖမ်းဆီးထိန်းသိမ်းထားသည့် ပြည်တွင်း၊ ပြည်ပမှ ငါးခိုးဖမ်းသူများ၏ လှေအစီး ၃၀ ကို နှစ်မြုပ်ပစ်ခဲ့ကြောင်း သိရသည်။

နှစ်မြှုပ်ပစ်ခဲ့သည့် လှေအစီး ၃၀ တွင် ဗီယက်နမ်နိုင်ငံမှ ၁၁စီး၊ မလေးရှားနိုင်ငံမှ ၈စီး၊ ဖိလစ်ပိုင်နိုင်ငံမှ ၇စီးပါဝင်ပြီး ကျန်လှေများမှာ အင်ဒိုနီးရှားနိုင်ငံ မှဖြစ်ကြောင်း သိရသည်။

တရားမဝင် ငါးဖမ်းဆီးမှု အား တိုက်ဖျက်ရန် အင်ဒိုနီးရှားနိုင်ငံ တရားမဝင် ငါးဖမ်းမှု တားဆီးခြင်း တပ်ဖွဲ့၊ အင်ဒိုနီးရှားနိုင်ငံရေတပ်၊ အမျိုးသားရဲတပ်ဖွဲ့၊ အင်ဒိုနီးရှားနိုင်ငံရေကြောင်း လုံခြုံရေး အေဂျင်စီ၊ ရှေ့နေချုပ်ရုံး တို့သည် အင်ဒိုနီးရှားနိုင်ငံ တစ်လျှောက်ရှိ မတူညီသော ဒေသ ငါးခု တွင် ဖေဖော်ဝါရီလ ၂၂ရက်နေ့ အသီးသီး နေရာယူထားခဲ့ကြောင်းသိရသည်။

ရေကြောင်း နှင့် ငါးလုပ်ငန်း ဝန်ကြီး Susi Pudjiastuti က ဖမ်းဆီးထိန်းသိမ်းထားသည့် လှေအားလုံးသည် နိုင်ငံ၏ ရေပြင်အတွင်းသို့ ခိုးဝင်လာသော လှေများဖြစ်ကြောင်း ရှင်းလင်းပြောကြားခဲ့သည်။

ထိုသို့လုပ်ဆောင်ခြင်းသည် ၂၀၁၆ခုနှစ်အတွက် ပထမဆုံးအကြိမ်ဖြစ်ပြီး သမ္မတ Joko Widodo အာဏာ လွှဲပြောင်းယူခဲ့သည့် ၂၀၁၄ခုနှစ် အောက်တိုဘာလ မှစ၍ လှေအစီးပေါင်း ၁၅၁ စီးကို နှစ်မြုပ်ပစ်ခဲ့ကြောင်း သိရ သည်။ သမ္မတ Joko Widodo နိုင်ငံ၏ ရေပြင်တွင် တရားမဝင် ငါးဖမ်းဆီး ခြင်းအား ပြင်းပြင်းထန်ထန် အရေးယူ ဆောင်ရွက်ခဲ့ကြောင်း သိရသည်။

သမ္မတ က ထိုသို့ တရားမဝင် ငါးဖမ်းဆီးခြင်းကိုတားဆီးရန် နှစ်စဉ် အမေရိကန်ဒေါ်လာ ဘီလီယံ နှင့်ချီ၍ ကုန်ကျကြောင်း ပြောကြားခဲ့သည်။

(Xinhua)
http://www.xinhuamyanmar.com

တိုင်းရင်းသား ပါတီ ကိုယ်စားလှယ်တွေ ဘေဂျင်းမြို့မှာ တရုတ်ကွန်မြူနစ် ပါတီ ခေါင်းဆောင်တွေနဲ့ တွေ့ဖို့ ရှိ
မြန်မာနိုင်ငံက တိုင်းရင်းသား ပါတီ ၄ ခုဟာ တရုတ်ပြည် ကွန်မြူနစ် ပါတီရဲ့ ဖိတ်ကြားချက် နဲ့ ဖေဖော်ဝါရီလ ၂၄ရက် နေ့မှာ တရုတ်ပြည်ကို သွားရောက်မှာ ဖြစ်ပါတယ်။

အခု ဖိတ်ကြားခံရတဲ့ အထဲမှာ ရခိုင် အမျိုးသား ပါတီ၊ ချင်း အမျိုးသား ပါတီ၊ ရှမ်း အမျိုးသား ဒီမိုကရက်တစ်နဲ့ ကရင် အမျိုးသား ပါတီ တို့ ပါဝင်ပြီး စုစုပေါင်း ကိုယ်စားလှယ် ၂၀ သွားရောက်မှာ ဖြစ်တယ်လို့ သိရပါတယ်။

အခု သွားရောက်မယ့် မြန်မာ တိုင်းရင်းသား ကိုယ်စားလှယ် အဖွဲ့ဟာ တရုတ်ပြည်ကို ရောက်တဲ့ အခါ တရုတ်ပြည်ရဲ့ စီးပွားရေး ဖွံ့ဖြိုး တိုးတက်နေတဲ့ ဒေသတွေကို သွားရောက်မှာ ဖြစ်တဲ့ အပြင် ဘေဂျင်းမြို့မှာ ကွန်မြူနစ် ပါတီ ခေါင်းဆောင်တွေနဲ့ တွေ့ဖို့ အစီအစဉ် ရှိတယ်လို့ ရခိုင်အမျိုးသားပါတီက ကျောက်ဖြူမြို့နယ် ပြည်နယ် လွှတ်တော် ကိုယ်စားလှယ် ဦးဖိုးစံက ပြောပါတယ်။

မြန်မာနိုင်ငံမှာ အစိုးရသစ် မတက်ခင် တိုင်းရင်းသား ပါတီတွေက ကိုယ်စားလှယ်တွေကို တရုတ်ပြည် ကွန်မြူနစ်ပါတီက အခုလို ဖိတ်ကြားတာဟာ ထူးခြားမှု ရှိနေသလို တရုတ်ပြည် အနေနဲ့ လာမယ့် နိုင်ငံရေး အခင်းအကျင်းမှာ တိုင်းရင်းသား ပါတီတွေနဲ့ပါ ဆက်ဆံရေး တိုးမြှင့်လိုတဲ့ လက္ခဏာ တစ်ရပ် ဖြစ်တယ်လို့ အကဲခတ်တွေက သုံးသပ်နေကြပါတယ်။

BBC Burmese
http://www.bbc.com/burmese

ဖေဖေါ်ဝါရီ ၂၃၊ ၂၀၁၆ ၀ါးရှောင်ဂိတ်မှ ကန်ပိုင်တီသို့ ဦးတည် ချီတက်လာသော ကချင် လူထု ဘိန်းခင်း ဖျက်ဆီးရေး အဖွဲ့ PJS
လွန်ခဲ့သည့် ၂ နာရီခန့် ၀ါးရှောင်ဂိတ်မှ ထွက်ခွာလာသော လူထု ဘိန်းခင်း တိုက်ဖျက်ရေး အဖွဲ့သည် ဘွမ်တောင် အစိုးရတပ် စခန်း မရောက်မီ ထပ်မံ တားဆီး ခံနေရပါသည်။

ဘွမ်တောင် (Bum Tawng) စခန်းသည် အစိုးရတပ်မှ ဘိန်းခင်း တိုက်ဖျက်ရေး အဖွဲ့ PJS အား တစ်ပတ်တိတိ ပိတ်ပင် တားဆီး ထားသော ၀ါးရှောင်ဂိတ်နှင့် ၂ မိုင်ခန့် ကွာဝေးသော နေရာဖြစ်သည်။

ယခင် ကချင်လွတ်လပ်ရေးတပ်မတော် KIA ရှေ့တန်းစခန်း ဖြစ်သော ဘွမ်တောင် (Bum Tawng) စခန်းရှိ ရဲမှုးကြီးက ၀ါးရှောင်ဂိတ်တွင် လူများလာသဖြင့် နေရာပြောင်းခြင်းသာဖြစ်သည်ဟု ပြောလာကြောင်း သိရသည်။

ထို့ကြောင့် PJS အဖွဲ့ဝင်များမှာ ဒေါသကြီးဖြင့် စိတ်ဆိုးနေကြကြောင်းလည်း သိရသည်။

Kachinnews
http://burmese.kachinnews.com

ဖေဖေါ်ဝါရီ ၂၃၊ ၂၀၁၆၊ အသင်းတော် ဂိုဏ်းပေါင်းစုံ ဆရာများ ဦးဆောင်ပြီး ကချင် လူထု ဘိန်းခင်း တိုက်ဖျက်ရေး အဖွဲ့များ ကန်ပိုင်တီသို့ ထွက်ခွာရန် ပြင်ဆင်နေပုံ၊ ၀ါးရှောင်ဂိတ်၊ ၀ိုင်းမော်မြို့နယ်၊ ကချင်ပြည်နယ်
အစိုးရမှ တစ်ပတ်တိတိ တားဆီး ထားသော လူထု ဘိန်းခင်း တိုက်ဖျက်ရေး အဖွဲ့သည် ၀ါးရှောင်ဂိတ်၊ ချီဖွေ-ဆဒုံး လမ်းခွမှ ကန်ပိုင်တီသို့ ယနေ့ မြန်မာစံတော်ချိန် ၂ နာရီမှ စတင် ထွက်ခွာနေပြီ ဖြစ်သည်။

ကချင် ခရစ်ယာန် ဂိုဏ်းပေါင်းစုံမှ ခေါင်းဆောင်များ ဆုတောင်းပြီး ဘိန်းခင်း ဧက ထောင်ပေါင်းများစွာ ရှိသော ကန်ပိုင်တီသို့ အင်အား ၄၀၀၀ ခန့်ရှိ ကချင်လူထု ဘိန်းခင်း တိုက်ဖျက်ရေးအဖွဲ့များ ထွက်ခွာသွားခြင်းဖြစ်သည်။ ၎င်းတို့ကို တခဲနက် အားပေးကြသော လူထု ထောင်ပေါင်း များစွာလည်း အတူ လိုက်ပို့ သွားနေပြီဖြစ်သည်။

ယခု အစီစဉ်တွင် မူးယစ်ဆေးဝါး (ဘိန်း) တိုက်ဖျက်ရေး အဖွဲ့ PJS ၀တ်စုံ ၀တ်ဆင်ခြင်းနှင့် အလံကိုင်ဆောင်ခြင်း မပြုဘဲ ရိုးရိုးအ၀တ်ဖြင့်သာ ချီတက်နေပြီဖြစ်သည်။

ကန်ပိုင်တီ ဘိန်းခင်းရှိရာဒေသနှင့် ယခု စတင်ထွက်ခွာရာ နေရာအတွင်း အစိုးရနှင့် နယ်ခြားစောင့်တပ် ဂိတ်များမှာ ၅ ခု ထက် မနည်းရှိနေသေးပါသည်။

အစိုးရက တရားဝင်ခွင့်ပြုခြင်း မရှိသော်လည်း “အကူညီ” ပေးသွားမည်ဟု ပြောထားကြောင်း PJS အဖွဲ့ ခေါင်းဆောင်များ ကချင်သတင်းဌာန KNG ကို ပြောပါသည်။

Kachinnews
http://burmese.kachinnews.com


နိရဉ္စရာ၊ ဖေဖော်ဝါရီလ ၂၃

ရခိုင်ပြည်နယ် ကျောက်ဖြူမြို့နယ် ဇင်ချောင်းတိုက်နယ် အပိုင် ကျောက်ကလေကျေးရွာမှ လူ လေးဦးကို မြို့နယ် အထူးရဲတပ်ဖွဲ့ (SB) မှ ထိန်းသိမ်းထားသည်ဟု ကျေးရွာသားများက ပြောသည်။

ထိန်းသိမ်းခံထားရသူများမှာ ဦသိန်းလိူင်၊ ငမဲဦး၊ ညီညီနိုင်နှင့် ကားပိုင်ရှင် ထူးထူးမောင်တို့ ဖြစ်ကြောင်း ညီညိနိုင်၏ မိခင် ဖြစ်သူက ပြောသည်။

“ ကျွန်မသား ညီညီနိုင်နဲ့ ဦးသိန်းလှိုင်ကို မနေ့က နံနက် ၉ နာရီ ၁၀ နာရီခန့်မှာ ခေါ်ဆောင် သွားပါတယ်။ အက်စ်ဘီက လို့ ပြောပြီး ခေါ်သွား ပါတယ်။ အက်စ်ဘီဆိုတာ ဘယ်အဖွဲ့အစည်း ဆိုတာလည်း မသိပါဘူး” ဟု ညီညီနိုင် မိခင် ဖြစ်သူက ယနေ့ နံနက် ၈ နာရီခန့်က နိရဉ္စရာ သတင်းဌာန သို့ ပြောဆိုသည်။

ညီညီနိုင်နှင့် ဦးသိန်းလှိုင် တို့ နှစ်ဦးအား ကျောက်ကလေ ကျေးရွာမှ SB က ခေါ်ဆောင်သွားစဉ် ငမဲဦးမှာ ရွာအပြင်သို့ ရောက်နေ၍ ငမဲဦးအား လာပို့ရန် မှာကြားထားသဖြင့် ကားပိုင်ရှင် ဦးထူးထူးမောင်မှ ကျောက်ဖြူမြို့ SB စခန်းသို့ လိုက်ပို့စဉ် ဦးငမဲဦးနှင့် ဦးထူးထူးမောင်အား SB က ဆွဲထားလိုက်သည်ဟု ဆိုသည်။

“ အခုလို သတင်းမကြား၊ ဘာသတင်းမှလည်း မရတဲ့ အတွက် ဒေါ်ဒေါ် တို့မှာ အထူးစိုးရိမ်နေပါတယ်။ ထမင်းလည်း စားမ၀င်၊ ရေလည်း သောက်မရဘဲ ဖြစ်နေပါပြီ။ ဒီရွာမှာ ဒီလို ဖြစ်တာလည်း မရှိတဲ့ အတွက် တစ်ရွာလုံးက စိုးရိမ်နေကြပါတယ်” ဟု ညီညီနိုင်မိခင် ဖြစ်သူက ဆိုသည်။

ဖမ်းဆီးခံရသူ လေးဦးထဲတွင် ဦသိန်းလိူင်၊ ငမဲဦး၊ ညီညီနိုင် တို့မှာ ဖေဖော်ဝါရီလ ၁၇ ရက်နေ့ ညဉ့်က တာတမံ ဆည်ဖို့ရာတွင် အိပ်နေစဉ် စစ်တပ်၏ ဖမ်းဆီးခြင်းကို ခံရသူများ ဖြစ်ကြပြီး ရိုက်ပုတ် ထိုးကြိတ်ခြင်းကို ခံခဲ့ရသူများဖြစ်ကြသည်ဟု သိရသည်။

အဆိုပါ လူလေးဦးဖမ်းဆီးခံရခြင်း ကိစ္စနှင့် ပတ်သက်ပြီး နိရဉ္စရာမှ ကျောက်ဖြူမြို့နယ် ရဲစခန်းသို့ ဆက်သွယ်ရာ ကျောက်ကလေ ကျေးရွာမှ တစ်ဦးတစ်ယောက်ကိုမှ ဖမ်းဆီးထားခြင်း မရှိကြောင်း၊ ကျောက်ကလေ ကျေးရွာမှာ စနဲရဲစခန်းအပိုင် ဖြစ်သဖြင့် စနဲရဲစခန်းသို့ ဆက်သွယ်မေးမြန်း သင့်ပါကြောင်း၊ SB စခန်းမှာ မြို့ပြင်တွင် တည်ရှိပြီး ဆက်သွယ်ရမည့် ဖုန်းနံပတ်ကို မသိရှိပါကြောင်း တာဝန်ကျ ရဲအရာရှိက ပြောကြားသည်။

စနဲရဲစခန်းသို့ဆက်သွယ်မေးမြန်းရာ စနဲရဲစခန်းအနေဖြင့် ယခု ဖြစ်စဉ်နှင့် ပတ်သက်ပြီး တစ်စုံတစ်ရာ မသိရှိသေးပါကြောင်း၊ စနဲ ရဲစခန်းမှ ကျောက်ကလေ ကျေးရွာမှ တစ်စုံတစ်ဦးအား ဖမ်းဆီးထားခြင်း မရှိပါကြောင်း၊ ကျောက်ကလေ ကျေးရွာ အုပ်ချုပ်ရေးမှူးသို့ ဆက်သွယ်ပြီး မေးမြန်းကြည့်မည် ဖြစ်ကြောင်း ပြောကြားသည်။

လူလေးဦး ထိန်းသိမ်းခံထားရပြီး မိသားစုများနှင့် ဆက်သွယ် မရဘဲ ဖြစ်နေသည့် အပေါ် ကျောက်ဖြူမြို့နယ် ပြည်သူ့ လွှတ်တော်ကိုယ်စားလှယ် ဦးဘရှင်အား မေးကြည့်ရာ ယခု သတင်းကို မရရှိသေးကြောင်း၊ ခရိုင်ရဲမှူးနှင့် မြို့နယ် အုပ်ချုပ်ရေးမှူး တို့ကို မေးကြည့်မည် ဖြစ်ကြောင်း ပြောကြားသည်။

နောက်ဆုံး ရရှိသတင်းအရ ယခု လူလေးဦး ထိန်းသိမ်းခံရခြင်းနှင့် ပတ်သက်ပြီး ခရိုင်ရဲမှူးကို မေးကြည့်ရာတွင်လည်း ခရိုင်ရဲမှူးကိုယ်တိုင် မသိရှိသေးကြောင်း ပြည်သူ့လွှတ်တော်ကိုယ်စားလှယ် ဦးဘရှင်က ပြောကြားသည်။

ယခုအခါ ညီညိနိုင် မိခင်၊ ငမဲဦး မိခင်တို့မှာ ကျောက်ကလေ ကျေးရွာမှနေ ကျောက်ဖြူမြို့သို့ ကားဖြင့် လိုက်ပါသွားကြသည်ဟု ကျေးရွာသားများက ပြောကြားသည်။

နိရဉ္စရာ အနေဖြင့် ကျောက်ဖြူမြို့နယ် အထူးရဲတပ်ဖွဲ့ (SB) နှင့် အဆက်အသွယ် မရရှိသေးသဖြင့် ယခု ဖမ်းဆီး ထိန်းသိမ်းမှုမှာ SB နှင့် သက်ဆိုင်မှု ရှိ/ မရှိ အတည်ပြုနိုင်ခြင်း မရှိသေးပါ။

Arakan State
https://www.facebook.com/NarinjaraNews

အောင်ဆန်းစုကြည် သမ္မတမဖြစ်သေးရင်
ငါတို့လည်း မင်းတို့. မြန်မာပြည်မှာလာပြီးတော့..
ရင်းနှီိးမြုပ်နှံမှု့ မလုပ်ရဲသေးဘူး.။

အဲ့ဒီလို
သူ့ပြောစကားကို ကြားတော့
ကျွန်တော်လည်း အံ့သြစိတ်နဲ့ အတူ
သူ့ကို ကြည့်ရင်း.
Why..?
ဘာကြောင့်လဲ ဆိုပြီး မေးလိုက်မိတယ်။

အဲဒီမှာ သူဆက်ပြီး ပြောလာတာက..
မင်းတို့ ပြည်သူတွေ သမ္မတ ဖြစ်စေချင်နေတာက သူမ ( အောင်ဆန်းစုကြည် ) လေတဲ့.။

ဒါကြောင့်လည်း ရွေးကောက်ပွဲမှာ.
သူမရဲ့ပါတီက
တနိုင်ငံလုံးအတိုင်းအတာ
၈၀ ရာခိုင်နှုန်း
ဝန်းကျင် မဲအပြတ် အသတ်နဲ့ နိုင်ခဲ့တာ မဟုတ်လား.လို့ မေးလာတော့..
ဒါတွေ အားလုံးလည်း သူသိနေတာပဲဆိုတဲ့ အံ့သြစိတ်နဲ့
ဟုတ်ပါတယ်လို့ ပြန်ဖြေလိုက်ရတယ်။

ပြီးတာနဲ့ ကျွန်တော်မျက်နှာကိုကြည့်ရင်း..
သူ ဆက်ပြီး ပြောပြန်တာက..
အဲဒီလို ပြည်သူအများစုက သမ္မတ ဖြစ်စေချင်နေတဲ့
အနိုင်ရပါတီ ဥက္ကဋ္ဌကိုယ်တိုင်
စစ်တပ်က သဘောမတူလို့
သမ္မတ မဖြစ်ရဘူးဆိုရင်
ဒါဟာ..
မင်းတို့နိုင်ငံရဲ့ စစ်တပ်က
ပြည်သူ့ဆန္ဒကို အလေးမထားလို့..
ပြည်သူ့အကျိုးကို မလိုလားလို့.ဆိုတာ
သိသာတယ်တဲ့.။

အဲဒါနဲ့..
ဒါတွေဟာ
စစ်တပ်က ဖွဲ့စည်းအုပ်ချုပ်ပုံ အခြေခံ ဥပဒေ အရ လုပ်တာပါလို့..
ကျွန်တော်က ဖြတ်ပြီး ပြောလိုက်တော့..

သူက လက်ကာပြရင်း
မဟုတ်ဘူး..
မင်းတို့ ဖွဲ့စည်းပုံ အခြေခံ ဥပဒေကြီးက
စစ်တပ်ကလူတွေ သူတို့စိတ်ကြိုက်
သူတို့ ရေးချင်ရာ ရေးထားတဲ့
ဖွဲ့စည်းပုံကြီးဆိုတာ တစ်ကမ္ဘာလုံး သိတယ်တဲ့..။

သူက အဲဒီလို ပြောလာတော့..
ကျွန်တော် ဘာဆက်ပြောရမှန်း မသိတော့ဘူး။
ဒီလောက်အထိ မြန်မာ့နိုင်ငံရေးကို လေ့လာထားတာပဲဆိုပြီး
အံ့သြစိတ်နဲ့လည်း မှင်သက်နေမိတယ်။

အဲဒီမှာ ကျွန်တော့် အနေအထားကို ကြည့်ပြီး သူဆက်ပြောပြန်တာက
မင်းတို့ဆီက စစ်တပ်ကနေ..
သူတ်ို့ ရေးချင်ရာ ရေးထားတဲ့
ဖွဲ့စည်းပုံ အခြေခံဥပဒေအတိုင်း..
သူတို့ သဘောထားကိုပဲ ရှေ့တန်းတင်ပြီး လုပ်နေဦးမယ်.
ပြည်သူတွေရဲ့ဆန္ဒကို
အကောင်အထည် ဖော်ပေးဖို့..
ပြီးတော့..
နိုင်ငံတကာရဲ့ ယုံကြည်မှု့ကို ရဖို့
ခုအချိန်အထိ.
အလေးမထားဘူးဆိုတာ ငါတို့တွေက
မြင်နေရသေးရင်..
ငါတို့လို..
ဒေါ်လာသန်းနဲ့ချီပြီး ပြည်ပရင်းနှီး မြုပ်နှံမှု့တွေ
လာလုပ်ရမယ့်
သူတွေက
ဘယ်လို ယုံကြည်မှု့မျိုးနဲ့ လာပြီး
ရင်းနှီးမြုပ်နှံမှု့တွေ လုပ် ရဲမှာလဲတဲ့.။

ဒီတော့မှပဲ..
သူက..
မြန်မာပြည်မှာ ရင်းနှီး မြုပ်နှံမှု့တွေ လာလုပ်ဖို့အတွက်
မြန်မာ့နိုင်ငံရေးကို သေသေချာချာ လေ့လာနေသူမှန်း သိလိုက်ရတော့တယ်။

ပြီးတော့..
နိုင်ငံရေးအရ.စိတ်ချရမှပဲ
စီးပွားရေး လာလုပ်ရဲကြမယ့် အနေအထားကို မြင်လိုက်မိတယ်။

တကယ်တော့..
အဲဒီစကားတွေကို ပြောတဲ့သူဟာ
မလေးရှားနိုင်ငံမှာ ရှိတဲ့ နာမည်ကြီး
ကြက်တံဆိပ် စည်သွပ်ဗူးစက်ရုံရဲ့
ဒါရိုက်တာ တစ်ယောက်ဖြစ်ပြီး
Taiping မြို့မှာရှိတဲ့
သူ့စက်ရုံမှာ ဘွိုင်လာ တစ်လုံး
Overhauling လုပ်ပေးနေတဲ့ ရက်တွေမှာ
မြန်မာလူမျိုးမှန်းသိပြီး
သူကစ စကားလာပြောရင်းနဲ့
ပြောဖြစ်ခဲ့တဲ့ စကားတွေပဲ ဖြစ်ပါတယ်။

သူပြောတာကတော့..
သူတို့ရဲ့ (Ayam) ကြက်တံဆိပ် စည်သွပ်ဗူးစက်ရုံကို ဗီယက်နမ်နိုင်ငံမှာလည်း
လုပ်ထားပြီးပြီတဲ့..
မြန်မာပြည်မှာလည်း အဲဒီစက်ရုံ
သွားလုပ်ဖို့ မြန်မာ့နိုင်ငံရေးကို လေ့လာနေတာလို့ ဆိုပါတယ်။

ဒီနေရာမှာ ပြောချင်တာက
သူလိုပဲ..
မြန်မာပြည်မှာ ရင်းနှီး မြုပ်နှံမှု့တွေ
ပြုလုပ်ဖို့
နိုင်ငံတကာမှာ ရှိကြတဲ့
စီးပွားရေးလုပ်ငန်းရှင်တွေ
ဘယ်လောက်များများက
မြန်မာ့နိုင်ငံရေးကို လေ့လာနေကြမလဲ..။

သူနဲ့ ကျွန်တော် ပြောခဲ့စဉ်က
သူပြောခဲ့တဲ့ စကားလိုပဲ..
ပြည်သူ့ဆန္ဒကို အလေးထားမှ
ပြည်သူကလည်း ကျေနပ်ပြီး
နိုင်ငံရေး တည်ငြိမ်မယ် ဆိုတာနဲ့..

ဒေါ်အောင်ဆန်းစုကြည် သမ္မတ ဖြစ်ခြင်း
မဖြစ်ခြင်းဟာ..
စစ်တပ်ရဲ့ သဘောထား
အမှန်တကယ်ပျော့ပြောင်းသွားတယ်..
ပျော့ပြောင်းမသွားဘူး ဆိုတာ

ပြီးတော့..
စစ်တပ်က
နိုင်ငံနဲ့ ပြည်သူ တိုးတက်ဖို့
အမှန်တကယ် လိုလားတယ်
မလိုလားဘူး ဆိုပြီး
မြင်တဲ့ အမြင်မျိုး..
ဒီနောက်မှာမှ
နိုင်ငံရေး တည်ငြိမ်မှု့ ရှိနိုင် မရှိနိုင်
သူခန့်မှန်းသလိုမျိုး..
မြန်မာပြည်မှာ ရင်းနှီး မြုပ်နှံမှု့တွေ လာလုပ်ကြမယ့်
စီးပွားရေးလုပ်ငန်းရှင် ဘယ်လောက်များများက မြင်ထားကြမလဲ...။

အဲဒီလို
သူနဲ့ စကားပြောပြီးမှ
ဒေါ်အောင်ဆန်းစုကြည် သမ္မတ ဖြစ်ခြင်း
မဖြစ်ခြင်းဟာ..
နိုင်ငံတကာရဲ့ စီးပွားရေး လုပ်ငန်းရှင်တွေ
ကိုယ်တိုင် စောင့်ကြည့်နေရတဲ့
အဖြေမှန်း သိလိုက်ရပြီး..
နိုင်ငံတကာရဲ့
မြန်မာနိုင်ငံအပေါ် ယုံကြည်မှု့နဲ့အတူ
မြန်မာနိုင်ငံသားတွေ အလုပ်အကိုင် အခွင့်အလမ်းတွေ ပေါများလာဖို့အတွက်လည်း
တော်တော်များများ အရေးပါမှန်း
သိလိုက်ရတယ် ။

ဒါကြောင့်..
ပြည်သူအများစု သမ္မတ ဖြစ်စေချင်နေတဲ့
ဒေါ်အောင်ဆန်းစုကြည် သမ္မတ ဖြစ်ခွင့်ရရေး
မရရေးဟာ..
မြန်မာနိုင်ငံအတွင်း လာရောက် ရင်းနှီး မြုပ်နှံကြမယ့် စီးပွားရေး လုပ်ငန်းရှင်တွေကိုယ်တိုင် စောင့်ကြည့်နေကြတယ်
ဆိုတာကို သိထားပြီး...
မြန်မာပြည်သူ ပြည်သားများအပေါ်..
တာဝန်ရှိသူတချို့မှ စေတနာကောင်းများ ထားပေးနိုင်ပါစေ..။

ခေတ်အဆက်ဆက် စစ်တပ်ကြီးစိုးထားခဲ့ခြင်းကြောင့် နိုင်ငံနဲ့လူမျိုး
မွဲတေခဲ့ရတယ်ဆိုတဲ့ အမြင်မျိုးမှလည်း
တပ်မတော်အနေနဲ့ လွတ်မြောက်နိုင်ပါစေလို့.
ဆုတောင်းနေရင်း..

ဘုန်းထက်ကြယ်
https://www.facebook.com/bobo.aung.39904/posts/1751744808388632

ပုံဂံ ရှေးဟောင်းယဉ်ကျေးမှု နယ်မြေရှိ ရွှေဆံတော်ဘုရားအပေါ်မှ နေ၀င်ချိန် ရှုခင်း ကြည့်ရှနေသော ကမ္ဘာလှည့် ခရီးသွားများ။ (AP Photo/Gemunu Amarasinghe)
ပုံဂံ ရှေးဟောင်းယဉ်ကျေးမှု နယ်မြေရှိ ရွှေဆံတော်ဘုရားအပေါ်မှ နေ၀င်ချိန် ရှုခင်း ကြည့်ရှနေသော ကမ္ဘာလှည့် ခရီးသွားများ။ (AP Photo/Gemunu Amarasinghe)

လာမယ့် မတ်လ(၁)ရက်နေ့ကစပြီး၊ ပုဂံ ယဉ်ကျေးမှုအမွေအနှစ်ဒေသအတွင်းက ဘယ် ဘုရား ပစ္စယံတွေပေါ်ကိုမှ တက်ရောက်ခွင့် မပြုတော့ဘူးလို့ ဒီကနေ့မှာ ယဉ်ကျေးမှု ၀န်ကြီးဌာနက ထုတ်ပြန်လိုက်ပါတယ်။ မကြာသေးခင်က ဘုရား ပစ္စယံအတွင်းမှာ ပွဲလမ်းသဘင်ကျင်းပပြီး ကပြတဲ့ ဗွီဒီယိုဖိုင်တခုလူမှုကွန်ယက်မှာ တက်လာအပြီးမှာ အခုလို ထုတ်ပြန်ကြေငြာလိုက်တာပါ။ ဒီဗွီဒီယိုဖိုင်ကြောင့်လည်း လူတော်တော် များများက အစိုးရရဲ့ရှေးဟောင်း အမွေအနှစ် ထိမ်းသိမ်းတဲ့အပေါ်ဝေဖန်ခဲ့ကြတဲ့ အပြင်လုပ်ဆောင်ခဲ့သူတွေကိုလည်းတောင်းပန်ဖို့အထိ ပြင်းပြင်းထန်ထန် ဝေဖန် ခဲ့ကြတာပါ။ ဒီကနေ့ ထုတ်ပြန်ချက်ထဲမှာလည်း အဲအချက်ကို ထည့်သွင်းထား ပါတယ်။ ဒီသတင်းကိုဗွီအိုအေမြန်မာပိုင်းက မေခကပေးပို့ထားပါတယ်။

ထုတ်ပြန်ထားတဲ့ကြေငြာချက်အရ လူများတက်ရောက်မှုကြောင့် ရှေးဟောင်း အဆောက်အဦးတွေရဲ့ ခံနိုင်ရည်လျော့နည်း လာရသလို တက်ရောက်သူများကို အန္တရာယ်များစေကြောင်း၊ ထိုအပြင် မလျော်ကန်သည့် ၀တ်စားဆင်ယင်မှု၊ ကခုန်သီဆိုမှု၊ ဘုရားပေါ်တွင် အိပ်စက်ခြင်း စသည့် ယဉ်ကျေးမှုဖြစ်စဉ်ကို ထိခိုက် ယိုယွင်းစေသည့် အပြုအမှုများကြောင့်လည်း အခုလို ပိတ်ရတာ ဖြစ်ကြောင်းလည်းဖော်ပြထားပါတယ်။ ဒီလိုထုတ်ပြန်မှုဟာ ယဉ်ကျေးမှုထိမ်းသိမ်းမှု တခုဖြစ်တာကြောင့် လုပ်ဆောင်သင့်တယ်လို့ သုံးသပ်သူတွေရှိနေသလို ကမ္ဘာလှည့်တွေ ကိုစွဲဆောင်ရာနေရာတခု အဖြစ်တည်ရှိနေတဲ့ ပုဂံဒေသအတွက် ဒါဟာ စွဲဆောင်မှု လျော့စေတဲ့အချက်တချက်လို့ သုံးသပ်သူတွေလည်း ရှိနေပါတယ်။

တံမ္ပဝတီ ဦးဝင်းမောင် က ဒီထုတ်ပြန်ချက်အပေါ်သူ့အမြင်ကိုခုလိုပြောပြပါတယ်။

“အခုဟာက ဒီလိုရှိတာပေါ့ ခင်ဗျာ။ ပုဂံ ဘုရားကို အသုံးချတဲ့ သူတွေက ရှိနေတယ်။ အဲဒီအပေါ်မှာ ထမင်းစားပွဲ လုပ်တာတို့၊ ကပွဲ လုပ်တာတို့၊ အဲဒီလို ဟာမျိုးတွေ ရှိနေတယ်။ ကျွန်တော်တို့ ပြဿဒါးကြီး ဘုရားပေါ်မှာ လုပ်တာတို့ ဘာတို့၊ အဲဒါတွေက မသင့်တော်ဘူးပေါ့။ အဲဒါမျိုးတွေကတော့ အမိန့်ထုတ်ပြန်လိုက်တဲ့ အတွက် ကောင်းပါတယ်။ ဒါပေမယ့် ချွင်းချက်ကလေး တစ်ခုတော့ရှိသင့်ပါတယ်။ ဘာလို့လဲဆိုတော့ ပုဂံ ဘုရားတွေပေါ် မတက်ရဘူးဆိုတာက မူလက တက်ဖို့ အတွက်ကို လှေကားတွေ ဘာတွေ တပ်ထားခဲ့တာ ဆိုတော့၊ စီစစ်ပြီးတော့ပေါ့။ အပျော်တက်တဲ့သူတော့ ပေးမတက်ပဲနဲ့၊ ပညာရှင်တွေကိုတော့ တက်ခွင့်ပေးရင် ကောင်းတယ်။ ထိမ်းသိမ်းတာတော့ ထိမ်းသိမ်းတာပေါ့ ဒါပေမယ့် တက်လည်း တက်နိုင်အောင် ပျက်လည်း မပျက်အောင် နည်းလမ်းရှာနိုင်ရင်တော့ ပိုကောင်းတာပေါ့။ ”

ခရီးသွားလုပ်ငန်းရှင် SST Tour ကုမ္ပဏီက အုပ်ချုပ်မှုဒါရိုက်တာ တဦးဖြစ်တဲ့ ဦးစောလှချစ် ကလည်း သူ့အမြင်ကိုခုလိုပြောပါတယ်။

”တကယ်တမ်းက အတက်ရှိပါတယ်။ ဒီဟာကတော့လေ။ မတက်တာထက်စာရင်တော့ တက်နေတာက ပိုပြီးတော့ အတက်များတာပေါ့နော်။ တစ်ဖက်တော့လည်း ကောင်းပါတယ်။ တစ်ဖက် alternative တော့လည်း သူတို့ လုပ်ပေးရလိမ့်မယ် ထင်တယ်။ ဒီနောက်လာမယ့် ရာသီကျရင်တော့လည်းပဲ alternative တစ်ခုခု တော့ လုပ်ပေးလိမ့်မယ်လို့ ကျွန်တော် ထင်တယ်။ ဒီလိုကြီးတော့ ကြည့်လို့ မရလောက်အောင်တော့လည်း မထားလောက်ဘူးလို့ ကျွန်တော် ထင်တယ်။ ဒါလည်း ကျွန်တော့်ဘက်က အမြင်ပေါ့။ ဒါလည်း လုပ်သင့်တဲ့ အလုပ်လို့ ကျွန်တော် ထင်တယ်။ ဒါပေမယ့်လို့လည်း ဘာပဲဖြစ်ဖြစ် တစ်ခုခုတော့ alternative ပြန် လုပ်ပေးရမှာပေါ့။”

ပုဂံ ရှေးဟောင်းမြို့ကို အေဒီ ၉ ရာစုမှာ စတင် တည်ထောင်ခဲ့ကာ ၁၁ ရာစုခန့် အထိ ထွန်းကားခဲ့တဲ့ ပုဂံဟာ ၁၆ စတုရန်းမိုင် ကျယ်ဝန်းပြီး ဘုရား ပုထိုး၊ စေတီ၊ အုတ်ကျောင်း ၃ထောင်ကျော်ရှိပါတယ်။ ငလျင်ဒဏ်လည်း ၃ကြိမ်ခံထားရတဲ့ ရှေးဟောင်းယဉ်ကျေးမှု နေရာတနေရာဖြစ်ပါတယ်။

မေခ/VOA
http://burmese.voanews.com/content/ban-for-climbing-bagan-temples-/3202112.html

pat-jasan-620.jpgလူထုအခြေပြု ဘိန်းခင်းတိုက်ဖျက်ရေးအဖွဲ့ Pat Jasan အဖွဲ့ဝင်တွေကို တွေ့ရစဉ်
Photo: Htoi Awng Facebook

ကချင်ပြည်နယ် ၀ိုင်းမော်ဒေသမှာ ဘိန်းခင်းတွေဖျက်ဆီးဖို့ ရောက်ရှိနေတဲ့ Pat Jasan လူထုအခြေပြုအဖွဲ့အနေနဲ့ မူးယစ်ဆေးဝါးတိုက်ဖျက်ရေးကို အစိုးရနဲ့ပြည်သူ ပူးပေါင်းဆောင်ရွက်နိုင်အောင်၊ လွှတ်တော်မှာ အရေးကြီးအဆို တင်နိုင်ရေးအတွက် အဖွဲ့ကိုယ်စားလှယ်တွေ နေပြည်တော်ကို ရောက်ရှိနေကြပါတယ်။

Pat Jasanအဖွဲ့က ခေါင်းဆောင်သုံးဦးဟာ ၀ိုင်းမော်မြို့နယ် ပြည်သူ့လွှတ်တော် ကိုယ်စားလှယ်နဲ့ အမျိုးသား လွှတ်တော် ကိုယ်စားလှယ်တွေနဲ့ တနင်္လာနေ့က တွေ့ဆုံပြီး ၀ိုင်းမော်မြို့နယ်က အခြေအနေတွေကို တင်ပြခဲ့ ကြတယ်လို့ သိရပါတယ်။

လူထုအခြေပြု မူးယစ်ဆေးဝါးတိုက်ဖျက်ရေး အဖွဲ့ဝင်တွေဟာ ၀ိုင်းမော်မြို့နယ်၊ ကန်ပိုက်တီးဒေသက ဘိန်းခင်းတွေ ဖျက်ဖို့အသွား၊ လုံခြုံရေးတပ်ဖွဲ့တွေ လုံခြုံရေးအရ သွားရောက်ခွင့် မပြုနိုင်ကြောင်းပြောဆိုပြီး၊ ဖေဖေါ်ဝါရီ လ ၁၆ ရက်နေ့က တားဆီးထားခဲ့ပါတယ်။ ဘိန်းခင်းဖျက်မယ့်သူတွေနဲ့ ဘိန်းခင်းပိုင်ရှင်တွေကြား ပြဿနာတက်မှာ စိုးရိမ်ရ တာကြောင့် တားဆီးထားတာလို့ ဆိုပါတယ်။ အဲဒါကြောင့် Pat Jasanအဖွဲ့ဝင်တွေ ဆဒုံး၊ ချီဖွေလမ်းခွဲမှာ ရှေ့ဆက် မသွားနိုင်ဘဲ ဖြစ်နေပါတယ်။ ဒီကိစ္စနဲ့ပတ်သက်ပြီး နေပြည်တော်ကို ရောက်ရှိနေတဲ့ လူထုအခြေပြုအဖွဲ့ ခေါင်းဆောင် တစ်ဦးဖြစ်သူ ဦးလုံကြုံထူးရော် က အခုလိုပြောပါတယ်။

"လက်မခံဘူးဆိုတာက နိုင်ငံတော်အစိုးရရဲ့ ထိန်းချုပ်ရာအောက်မှာ ရဲရော တပ်ရော ပြည်သူ့စစ်ရော နယ်ခြားစောင့်တပ်ရော အပြည့်အဝရှိနေတဲ့နေရာပါ၊ လူထုကို လုံခြုံရေးမပေးနိုင်ဘူးဆိုတာ မဖြစ်နိုင်ဘူး"

ပိတ်မိနေတဲ့ ကချင်ပြည်နယ် ဒေသခံ Pat Jasan အဖွဲ့ဝင် အမျိုးသား၊ အမျိုးသမီးစုစုပေါင်း ၃၇၀၀ ၀န်းကျင် ရှိပါတယ်။

အခုလို လူထုအခြေပြုအဖွဲ့ဝင်တွေ အတားဆီးခံရတာနဲ့ ပတ်သက်လို့ ကချင်အမျိုးသား အတိုင်ပင်ခံအဖွဲ့က ပြင်းပြင်း ထန်ထန် ရှုတ်ချကြောင်း သဘောထားကြေညာချက်တစ်စောင် ဖေဖေါ်ဝါရီလ ၂၂ရက်နေ့က ထုတ်ပြန်ပါတယ်။ မူးယစ်ဆေးဝါး တိုက်ဖျက်ရေးလုပ်ငန်းတွေကိုပိတ်ပင်တားဆီးသူဟာ ကမ္ဘာ့လူသား အားလုံးရဲ့ ဘုံရန်သူဖြစ်တယ် လို့ ကြေညာချက်မှာ ဖေါ်ပြထားပါတယ်။

RFA
http://www.rfa.org/burmese/news/pat-jasan-kachin-02222016114718.html

aungmin-620.jpg နိုင်ငံတော်သမ္မတရုံး ပြည်ထောင်စုဝန်ကြီး ဦးအောင်မင်း ကိုတွေ့ရစဉ်
Photo: RFA


အစိုးရနဲ့ အပစ်အခတ်ရပ်စဲရေး သဘောတူစာချူပ် NCA လက်မှတ်မရေးထိုးကြရသေးတဲ့ တိုင်းရင်းသား လက်နက် ကိုင် တော်လှန်ရေး အဖွဲ့ ၉ ဖွဲ့နဲ့ ဖွဲ့စည်းထားတဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC အဖွဲ့က ဒုဥက္ကဌ ဦးနုိုင်ဟံသာ ဦးဆောင်တဲ့အဖွဲ့နဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ် ငန်းကော်မတီ UPWC အဖွဲ့က ၀န်ကြီး ဦးအောင်မင်း ခေါင်းဆောင်တဲ့အဖွဲ့တို့ဟာ ၂ နာရီကြာ တွေ့ဆုံဆွေးနွေး ခဲ့ကြပါတယ်။

ဒီကနေ့ နှစ်ဘက်တွေ့ဆုံ ဆွေးနွေးခဲ့ကြတာနဲ့ ပတ်သက်ပြီး UNFC အဖွဲ့က နိုင်ငံရေးဆိုင်ရာ တွေ့ ဆုံဆွေးနွေးရေးကော်မတီ DPN အဖွဲ့ခေါင်းဆောင် ခူးဦးရယ် က သတင်းထောက်တွေကို အခုလို ပြောဆိုပါတယ်။

"အထူးအထွေရယ်လို့ ပြောလို့မရဘူး၊ ဒါပေမဲ့ ကျနော်တို့ အရင်ကလုပ်ခဲ့တဲ့ လုပ်ငန်းအဆက်အစပ်ကို ကျနော်တို့ ဘယ်လိုဆက်လုပ်မလဲဆိုတဲ့ ကျနော်တို့ နှစ်ဘက်စလုံးက ဆန္ဒရှိသလား၊ ဘယ်လိုဆန္ဒရှိသလဲ၊ နောက်ဘယ်လို ဆက်လုပ်ဖို့ စဉ်းစားထားသလဲပေါ့ အဲ့ဒီဟာလေးကို နှစ်ဦးနှစ်ဘက် အသိပေးတဲ့သဘောကျပါတယ်၊ အဲ့လောက်ပဲ ကျနော်တို့ ပြောဖြစ်ကြပါတယ်"

ဒီကနေ့ ဆွေးနွေးပွဲကို တိုင်းရင်းသား လက်နက်ကိုင်ခေါင်းဆောင်တွေဖက်က နိုင်ဟံသာ အပါအ၀င် နိုင်ငံရေး ဆိုင်ရာ တွေ့ဆုံဆွေးနွေးရေး ကော်မတီဝင်တွေဖြစ်တဲ့ ခူးဦးရယ်၊ ဗုိုလ်မှူးချူပ် စိုင်းထူး၊ ဗိုလ်ချူပ် ဂွမ်မော်၊ ဦးထွန်းဇော်၊ ဒေါက်တာခင်မောင်၊ တာ့ညီလူ၊ ဗိုလ်မှူးကြီး ဆော်လမွန်၊ နိုင်ရွှေသိန်း တို့ တက်ရောက်ခဲ့ကြပါတယ်။

ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC အဖွဲ့မှာတော့ ၀န်ကြီး ဦးအောင်မင်း အပါအ၀င် ဦးလှမောင်ရွှေ၊ ဦးတင်မောင်သန်း၊ အငြိမ်းစား ဒုတိယ ဗုိုလ်ချူပ်ကြီး ခင်ဇော်ဦး၊ ဦးအောင်နိုင်ဦး၊ ဒေါက် တာ ကျော်ရင်မြင့်၊ ဦးညိုအုန်းမြင့် တက်ရောက်ဆွေးနွေးခဲ့ကြပါတယ်။

ဒီဆွေနွေးပွဲမှာ သီးခြားရလဒ် အဖြေတစ်စုံတရာ ရရှိတာမျိုးမရှိဘဲ ရှေ့ဆက်ငြိမ်းချမ်းရေးကို ဘယ်လိုဆက် သွားနိုင်မလဲဆိုတဲ့ နှစ်ဖက်အမြင်တွေ ဖလှယ်ခဲ့ကြပါတယ်။ တိုင်းရင်းသားတွေဘက်က အားလုံးပါဝင်ရေးမူကို လက်ကိုင်ထားတဲ့အပေါ် အဆင့်ဆင့်သွားရမှာ ဖြစ်တယ်လို့ ၀န်ကြီး ဦးအောင်မင်းက ပြောပါတယ်။ ဒါ့ပြင် လက်ရှိ အစိုးရသက်တမ်းမကုန်ခင်မှာ တခြားကျန်ရှိနေတဲ့ တုိုင်းရင်းသားအဖွဲ့တွေနဲ့ လက်မှတ်ရေးထိုးနိုင်ဖွယ် ရှိ မရှိကိစ္စနဲ့ ပတ်သက်ပြီး သတင်းထောက်တွေကို အခုလို ပြောဆိုပါတယ်။

ချင်းမုိုင်မြို့ကို ရောက်ရှိနေတဲ့ ၀န်ကြီး ဦးအောင်မင်း ခေါင်းဆောင်တဲ့ UPWC အဖွဲ့ဟာ ဒီကနေ့ ညနေ ၇ နာရီခန့်မှာ ရှမ်းပြည်ပြန်လည်ထူထောင်ရေးကောင်စီ RCSS အဖွဲ့က ခေါင်းဆောင်တွေနဲ့ ဆက်လက်တွေ့ဆုံ ဆွေးနွေးဖို့ရှိ တယ်လို့လည်း သိရပါတယ်။

RFA
http://www.rfa.org/burmese/news/minister-aungmin-unfc-discuss-02222016113336.html

salween-river-620.jpg
သံလွင်မြစ်တစ်နေရာကို တွေ့ရစဉ်
Photo: Nay Thwae/RFA


တရုတ်အစိုးရနဲ့ မြန်မာအစိုးရတို့ ပူးပေါင်းပြီး ရှမ်း၊ ကယား နဲ့ ကရင်ပြည်နယ်မှာ ရေအားလျှပ်စစ်စီမံကိန်း ၆ခု တည်ဆောက်ဖို့ ပြင်ဆင်နေတာကို သံလွင်မြစ်ထိန်းသိမ်းကာကွယ်ရေးကွန်ရက်က ကန့်ကွက်ကြောင်း ဒီနေ့ ကြေညာချက်ထုတ်ပြန်လိုက်ပါတယ်။

အစိုးရချင်း သဘောတူထားတဲ့ ရေအားလျှပ်စစ်စီမံကိန်း ၁၈ ခုထဲမှာ ၆ခုလောက်က သံလွင်မြစ်ပေါ် မှာ ဆောက်လုပ်မှာဖြစ်တယ်လို့ သံလွင်မြစ် ထိန်းသိမ်းကာကွယ်ရေးကွန်ရက်အဖွဲ့ဝင် မိအားချိုင် က ပြောပါတယ်။

"လက်ရှိအစိုးရနဲ့ တရုတ်ကုမ္ပဏီတွေ လက်မှတ်ထိုးထားတာရှိတယ်၊ သူတို့ဖော်ပြထားတာကတော့ ရေကာတာ ၁၈ ခုပေါ့နော်၊ သံလွင်မြစ်ပေါ်မှာ အများဆုံးတည်ဆောက်သွားမှာပေါ့နော်၊ ၆ ခုကတော သေချာနေပြီ၊ ကျမတို့ပြန်လည်သုံးသပ်ပြီးတော့ အခုလက်ရှိအစိုးရရော နောင်တက်လာမယ့် အစိုးရသစ်တွေကို ဒီစီမံကိန်းနဲ့ ပတ်သက်ပြီးတော့ ကျမတို့သိစေချင်လို့ ထုတ်ပြန်လိုက်တဲ့ သဘောပေါ့နော်"

သံလွင်မြစ်မှာ ငလျင်ပြတ်ရွေ့ကြောတွေရှိနေတဲ့အတွက် ရေအားလျှပ်စစ်စီမံကိန်းတွေ ဆောက်လုပ်မယ်ဆိုရင် အန္တရာယ်ကြီးမားကြောင်း၊ အဲဒီစီမံကိန်းတွေကြောင့် လူ့အခွင့်အရေးချိုးဖောက်ခံရမှုတွေ ရှိလာနိုင်ကြောင်းနဲ့ လာမယ့်အစိုးရသစ်အနေနဲ့ တိုင်းရင်းသားတွေရဲ့ အသက်အိုးအိမ်စည်းစိမ်ကို ထိခိုက်နိုင်တဲ့ ရေအားလျှပ်စစ် စီမံကိန်းတွေကို သံလွင်မြစ်ပေါ်မှာ မတည်ဆောက်ဖို့ ကြေညာချက်မှာ တောင်းဆိုထားပါတယ်။

တရုတ် နဲ့ မြန်မာအစိုးရတို့ဟာ ရေအားလျှပ်စစ်စီမံကိန်း ၁၈ ခု ဆောက်လုပ်ဖို့ သဘောတူထားပြီး စီမံကိန်း ဆိုင်ရာ ကိစ္စရပ်တွေဖြေရှင်းဖို့အတွက် သဘောတူညီချက်မူကြမ်းတွေကို ရေးဆွဲနေတယ်လို့ ပြီးခဲ့တဲ့ ဖေဖော်ဝါရီလ ၃ရက်နေ့က လျှပ်စစ်စွမ်းအားဝန်ကြီးဌာနက သတင်းထုတ်ပြန်ထားတာဖြစ်ပါတယ်။

RFA
http://www.rfa.org/burmese/news/salween-dam-02222016112417.html

Photo..Zaw Moe Htet

ကချင်ပြည်နယ် ဖားကန့်မြို့နယ်အတွင်း ကျောက်စိမ်း အလွန်ကျွံတူးဖော်မှုများလျှော့ချရန်ကိစ္စနှင့် ပတ်သက်၍ ကြယ်ပွင့်ပြမေးခွန်းမေးမြန်းရန် လွှတ်တော်သို့တင်ပြထားကြောင်း ကချင်ပြည်နယ် အမှတ် (၃) မဲဆန္ဒနယ်မှ အမျိုးသားလွှတ်တော် ကိုယ်စားလှယ် ဦးခင်မောင်မြင့်က The Ladies သို့ပြောသည်။

“၀န်ကြီးတွေသွားစစ်ဆေးတဲ့အချိန်မှာလဲ ကျောက်တူးတာလျှော့ဖို့ပါတယ်။အဲ့ဒါကိုသူတို့က ရေမဆေးတွေလျှော့ဖို့ပဲမြင်တယ် မိုးကောင်း တို့ဘာတို့မှာရေမဆေးတွေသွားပစ်ချထားတယ် နောက်တခါမလာနိုင်အောင် ဒါတွေကနည်းစနစ်ကျတဲံဖြေရှင်းနည်းမဟုတ်ဘူးလေ”ဟု ဦးခင်မောင်မြင့် ကပြောသည်။

ဖားကန့်မြို့နယ်အတွင်း မြေစာပုံမကြာခဏပြိုကျခြင်း၊ လူအမြောက်အမြားသေဆုံးခြင်း နှင့် ဥရုချောင်းအတွင်း တံတားများ တည်ဆောက်ထားခြင်း ၊မြေသယ်ယာဉ်များ အများသူငါသွားသည့် လမ်းတွင် ဖြတ်သန်းသွားလာ ခြင်း တို့အပါအ၀င် လတ်တလောဒေသခံများ ရင်ဆိုင်ကြုံတွေ့နေရသည့်အခက်အခဲများနှင့် ပတ်သက်၍ သတ္ထုတွင်းဝန်ကြီးဌာနက မည်သို့စီမံ ဆောင်ရွက်ပေးမည် ကို မေးမြန်းသွား မည်ဖြစ်ကြောင်းသိရသည်။

“နည်းစနစ်ကျတဲ့ဖြေရှင်းနည်းက ကျောက်တွေကို ထုတ်လုပ်မှုလျှော့ချရန် ပေါ့ ထုတ်လုပ်မှုလျှော့ချမှသာလျှင် ဒီဥစ္စာကြီးကရေရှည် နောင်လာနောက်သားတွေ လုပ်ကိုင်စားသောက်နိုင်မယ် အခုဟာ တရုတ်လက်ထဲ ၀ကွက်အပ်ပြီးတော့ လုပ်နေတဲ့ကိစ္စကြီးကတော့ ကိုယ့်တိုင်းသူပြည်သားလဲမစားရ သူများပဲ စားနေတယ်ဆိုတာတော့မဖြစ်သင့်ဘူး”ဟု ဦးခင်မောင်မြင့်ကပြောသည်။

ကျောက်တူးဖော်ရေးလုပ်ငန်းလုပ်ကိုင်ရန်အတွက် ကုမ္မဏီများသို့လိုင်စင် ချပေးထားခဲ့စဉ်က အခြားကုမ္မဏီများသို့ လွှဲပြောင်းခြင်းမပြုရန်၊ စပ်တူ တူးဖော်ခြင်းမပြုရန် တားမြစ်ထားသော်လည်း ကျော်တူးဖော်သည့် အခါ စပ်တူ တူးဖော်မှုများလည်းရှိနေသည်။ သဘာဝပတ်ဝန်းကျင် ပျက်စီးခြင်း၊ ဒေသခံများ ထိခိုက်မှု ရှိလာပါက ကျောက်စိမ်းတူးဖော်သည့် လုပ်ကွက်များကို ရပ်ဆိုင်းရမည်ဟုလည်း ကျောက်စိမ်းတူးဖော်မှုနှင့် ပတ်သက်၍ ဥပဒေ ပြဌာန်းထားသည်များရှိကြောင်း ဦးခင်မောင်မြင့်က ဆက်လက်ပြောဆိုခဲ့သည်။

ဇော်မင်းထွန်း
The Ladies News Journal

လတ်တလော ကာလ အာဏာလွှဲပြောင်းရေး ဆွေးနွေးမှုများနဲ့အတူ လူထုအကြား စိတ်ပါဝင်စားဆုံး အရာကတော့ ဒေါ်အောင်ဆန်းစုကြည် သမ္မတ ဖြစ်မဖြစ်ဆိုတဲ့ ကိစ္စရပ်ပဲ ဖြစ်ပါတယ်။ ဖွဲ့စည်းပုံ အခြေခံဥပဒေအရ သမ္မတဖြစ်ခွင့် တားမြစ်ခံထားရပေမယ့် ရွေးကောက်ပွဲအပြီး ၂၀၀၈ ခုနစ် အခြေခံဥပဒေ ပေါ်ပေါက်လာဖို့ အဓိက တာဝန်ရှိသူလည်း ဖြစ်ခဲ့တဲ့ ဗိုလ်ချုပ်မှူးကြီး (ငြိမ်း) သန်းရွှေ နဲ့ ဒေါ်အောင်ဆန်းစုကြည်တို့ တွေ့ဆုံခဲ့အပြီး နောက်မှာတော့ ပြည်သူတွေအကြား ဒေါ်အောင်ဆန်းစုကြည် သမ္မတဖြစ်မဖြစ် ပုဒ်မ ၅၉ (စ) ကို ဆိုင်းငံ့မလားဆိုတဲ့ ကိစ္စရပ်တွေ ရှူထောင့်အမျိုးမျိုးနဲ့ ဆွေးနွေးငြင်းခုံမှုတွေ တဖန် နိုးထလာခဲ့ပြန်ပါတယ်။ သို့ပေမယ့် အန်အယ်လ်ဒီနဲ့ တပ်မတော်တို့အကြား ဆွေးနွေးမှုတွေမှာလည်း ၅၉ (စ) နဲ့ ပတ်သက်လို့ မပြေလည်မှုကြောင့် မတ်လ ၁၇ ရက်နေ့အထိ သမ္မတလောင်းတွေ တင်သွင်းမယ့်ရက်ကို ရွှေ့ဆိုင်းလိုက်တာ ဖြစ်ကောင်း ဖြစ်နိုင်ပါတယ်။

ဒေါ်အောင်ဆန်းစုကြည် အနေနဲ့ သမ္မတ ဖြစ်ခွင့်မရရင် သမ္မတ အထက်မှာ နေမယ်ဆိုပြီး ရွေးကောက်ပွဲမတိုင်ခင်မှာ ပြောဖူးပါတယ်။ ဒါပေမဲ့ အဲဒီလို သမ္မတ အထက်မှာနေရင် တပ်မတော်က သမ္မတ (သို့မဟုတ်) သမ္မတ အထက်က ကြိုးကိုင်သူကို လိုက်နာပါ့မလား။ အဲဒီသမ္မတ ကိုကော တပ်မတော်က အခြေခံဥပဒေအရ ဖိအားပေးလာမှုတွေ ရှိလာနိုင်လား စသည်ဖြင့် အခြေခံဥပဒေဆိုင်ရာ အကျပ်တည်းနဲ့ ကြုံတွေ့ရနိုင်ချေတွေအတွက် နိုင်ငံရေး အသိုင်းဝိုင်းအတွင်းမှာ မေးခွန်းထုတ်နေတာတွေလည်း မြင်တွေ့နေရပါတယ်။

ပါတီ ၊ အစိုးရအဖွဲ့အကြား သူမအနေနဲ့ အခြေခံဥပဒေအရ ဘယ်လို တရားဝင်မှုနဲ့ ရပ်တည် ဆောင်ရွက်မလဲဆိုတဲ့ ကိစ္စပဲဖြစ်ပါတယ်။ ဒေါ်အောင်ဆန်းစုကြည်သာ အစိုးရတာဝန် တစ်ရပ်ရပ် ထမ်းဆောင်ခဲ့ရင် အခြေခံဥပဒေအရ ပါတီ တာဝန်ထမ်းဆောင်နိုင်ခွင့် မရှိတော့တဲ့ အခြေအနေ ၊ ဒါမှမဟုတ် သူမပါတီက တင်မြှောက်ထားတဲ့ သမ္မတ ၊ ဒုသမ္မတ တို့က ပါတီရေးရာ ကိစ္စရပ်တွေ ထမ်းဆောင်ခွင့် မရှိအချိန်မှာ သူမက ပါတီဘက်မှာနေခဲ့ပြီး သမ္မတ ရဲ့ အပေါ်မှာ နေမယ်ဆိုရင် အခြေခံဥပဒေအရ တရားဝင်မှုအပေါ် မေးခွန်းထုတ်ခံရနိုင်မှုစတဲ့ အခြေအနေတွေလည်း မြင်တွေ့နေရပါတယ်။

ပုဒ်မ ၅၉ (စ) နဲ့ ပတ်သက်လို့ ပြောဆိုနေတာ တွေ့ရပေမယ့် အကယ်၍ ပုဒ်မ ၅၉ (စ) ကို ဆိုင်းငံ၍ မရခဲ့သည် သို့မဟုတ် ပြင်ဆင် မရခဲ့သည် ရှိသော်ဆိုတဲ့ အနေအထားမျိုးကို ကျော်လွန် စဉ်းစားရေးသား နေကြတာကို သိပ်မတွေ့သေးပါဘူး။ အန်အယ်လ်ဒီက ကြီးစိုးထားနိုင်ဖွယ်ရှိတဲ့ အခြေခံဥပဒေ ခုံရုံးနဲ့ပတ်သက်လို့ ရေးသားကြပေမယ့် သူရဦးရွှေမန်းနဲ့ တပ်မတော်အကြား ပြီးခဲ့တဲ့ အစိုးရလက်ထက်က ခုံရုံးကိစ္စနဲ့ ပတ်သက်လို့ အငြင်းပွားစရာတွေ ဖြစ်ခဲ့တာကို ကြည့်ရင် ခုံရုံးအနေနဲ့ ပုဒ်မတစ်ခုချင်းစီ အလိုက် အဓိပ္ပာယ်ဖွင့်ပေးတာကလွဲလို့ တခြား (ဥပမာ - ၅၉-စ ဆိုင်းငံ့ရေးလိုကိစ္စ) တွေမှာ အခြေခံဥပဒေအရ ၀င်ပြီး ကြားဖြတ် ကူညီဆောင်ရွက်ပေးဖို့ ဖြစ်နိုင်မှာမဟုတ်ပါဘူး။

အန်အယ်လ်ဒီအနေနဲ့ အခြေခံဥပဒေ အကျပ်တည်းနဲ့ ပတ်သက်လို့ ဘယ်လောက် ပြင်ဆင်ထားသလဲ ဆိုတာ သတင်းစာဂျာနယ်တွေ အင်တာဗျူးတွေမှာ ရေးသားထားတာမျိုး မတွေ့ရသေးပါ။ ဒါပေမယ့် အစိုးရကို ပဲ့ကိုင်ထိန်းချုပ်မယ်ဆိုတာကိုတော့ ဒေါ်အောင်ဆန်းစုကြည်က ပြည်သူတွေကိုရော၊ နိုင်ငံတကာကိုပါ အတိအလင်းကြေငှာထားခဲ့ပါတယ်။

အခြေခံဥပဒေအရ ကျွန်တော် သတိပြုမိတဲ့ ပုဒ်မလေးခုက အခြေခံဥပဒေနဲ့ ပတ်သက်လို့ နိုင်ငံရေးအရ အကျပ်တည်း ကြုံလာခဲ့ရင် အသုံးချနိုင်တဲ့ အသုံးချချင်ချလို့ရတဲ့ အနေအထားတစ်ရပ်မှာ ရှိနေပါတယ်။ သမ္မတ မဖြစ်နိုင်ပေမယ့် လုပ်ပိုင်ခွင့်တွေ အများကြီး တရားဝင် ရယူနိုင်မှာဖြစ်တဲ့ အန်အယ်လ်ဒီရော ဒေါ်အောင်ဆန်းစုကြည် အတွက်ပါ အဆင်ပြေနိုင်တဲ့ အခြေအနေမှာ ရှိနေပါတယ်။ အဲဒီပုဒ်မတွေနဲ့ ပတ်သက်လို့ သဘောတရားရေးရာ ဆက်စပ်စဉ်းစားမှုနဲ့ အမြင်သဘောထားအပေါ် အခြေတည် ဆက်စပ်စဉ်းစားမှုအရ အလုပ်ဖြစ်နိုင်ခြေ ရှိတယ်လို့ အမေရိကန်နိုင်ငံက မြန်မာ့အရေး လေ့လာသူတစ်ဦးကလည်း ဆိုပါတယ်။ အဲဒီ ပုဒ်မတွေအားလုံးဟာ လူထုဆန္ဒခံယူပွဲ လုပ်စရာမလိုဘဲ ပြင်နိုင်တဲ့ ပုဒ်မတွေ ဖြစ်နေတဲ့အပြင် အချို့ပုဒ်မတွေဆိုရင်လည်း အခြေခံဥပဒေပါ ပေးထားချက်အရ အာဏာခွဲဝေမှု ပေးနိုင်တဲ့ အနေအထားမှာ ရှိနေတာ တွေ့ရပါတယ်။ တချို့ပုဒ်မတွေက ပြင်ဖို့လိုပြီး တချို့ကတော့ မပြင်ဘဲ လက်ရှိ ဥပဒေအရ လုပ်ပိုင်ခွင့် စီမံခန့်ခွဲနိုင်ခွင့်တွေ အများကြီးရနိုင်တဲ့ အခြေအနေပါ။

အဲဒီ ပုဒ်မတွေကတော့ ပုဒ်မ ၆၄၊ ပုဒ်မ ၂၁၆ ၊ ၂၁၇ နဲ့ ပုဒ်မ ၂၃၂ (ဋ) တို့ ဖြစ်ပါတယ်။ ပုဒ်မ (၆၄) နဲ့ ပုဒ်မ ၂၃၂ (ဋ) တို့ဟာ အနည်းငယ် ဆင်တူမှုရှိတဲ့ ပုဒ်မတွေလို့ ဆိုနိုင်ပါတယ်။ ၂၀၀၈ ခုနစ် အခြေခံဥပဒေ အခန်း (၃) ၊ ပုဒ်မ ၆၄ မှာ ဆိုရင် ‘နိုင်ငံတော် သမ္မတ (သို့မဟုတ်) ဒုတိယသမ္မတ များသည် နိုင်ငံရေးပါတီ တစ်ခုခု၏ အဖွဲ့ဝင်ဖြစ်လျှင် နိုင်ငံတော်သမ္မတ (သို့မဟုတ်) ဒုတိယ သမ္မတ များအဖြစ် ရွေးချယ်တင်မြှောက် ခံရသူတို့သည် ရွေးချယ်တင်မြှောက် ခံရသော နေ့မှစတင်၍ မိမိတို့ ရာထူးသက်တမ်းအတွင်း ယင်းပါတီ၏ လုပ်ငန်းများတွင် ပါဝင်ဆောင်ရွက်ခြင်း မပြုရ” ဆိုတဲ့ အချက်ပဲဖြစ်ပါတယ်။ တကယ်လို့ ဒေါ်အောင်ဆန်းစုကြည်သာ ပါတီမှာနေခဲ့ပြီး ဘာတာဝန်ရာထူးမှ မယူတော့ဘဲ သူမပါတီက တင်မြှောက်ထားတဲ့ သမ္မတ ရဲ့ အပေါ်ကနေ ညွှန်ကြားချက် ပေးမယ်ဆိုရင် သမ္မတ အနေနဲ့ အဆိုပါပုဒ်မနဲ့ ညှိစွန်းနိုင်ဖွယ်ရာ ရှိပါတယ်။

ဒါပေမဲ့ ဒီ ၆၄ တို့ ၂၃၂ (ဋ) တို့ကို ပြင်ဆင်ဖို့ဆိုတဲ့ အချက်ကို တပ်မတော်နဲ့ ဆွေးနွေးကြည့်မယ်ဆိုရင် ပုဒ်မ ၅၉ (စ) လောက် တပ်မတော်အနေနဲ့ တင်းခံမှု ရှိမရှိဆိုတာက စဉ်းစားကြည့်သင့်တဲ့အရာပါ။ အခြေခံဥပဒေ ပြင်ဆင်မှုအရ ဆိုရင်လည်း ပုဒ်မ ၄၃၆ (ခ) နည်းလမ်းအတိုင်း လွှတ်တော် အတွင်းမှာတင် ၇၅ ရာခိုင်နှုန်းကျော်တဲ့ လွှတ်တော် ကိုယ်စားလှယ်တွေရဲ့ ထောက်ခံမှုနဲ့တင် ပြင်ဆင်နိုင်တဲ့ ပုဒ်မလည်း ဖြစ်ပါတယ်။

အုပ်ချုပ်ရေးဆိုင်ရာ အခန်းဖြစ်တဲ့ အခန်း (၅) ပုဒ်မ ၂၃၂ (ဋ) မှာ ပါရှိတဲ့ “ပြည်ထောင်စုဝန်ကြီးသည် နိုင်ငံရေးပါတီ တစ်ရပ်ရပ်၏ အဖွဲ့ဝင်ဖြစ်လျှင် ခန့်အပ်တာဝန်ပေးခြင်း ခံထားရသည့် နေ့ရက်မှစ၍ မိမိရာထူးသက်တမ်း အတွင်း ယင်းပါတီ အဖွဲ့အစည်း၏ ပါတီလုပ်ငန်းတွင် ပါဝင်ဆောင်ရွက်ခြင်း မပြုရ” ဆိုတဲ့ ပုဒ်မပဲဖြစ်ပါတယ်။ အခုလက်ရှိ အနေအထားအရ ဒေါ်အောင်ဆန်းစုကြည် အနေနဲ့ ကာလုံအဖွဲ့မှာပါဝင်ရေး ဆိုရင် နိုင်ငံခြားရေး ၀န်ကြီးတာဝန်ကိုပဲ ရနိုင်ပါတယ်။ တကယ်လို့ အဲဒီပုဒ်မသာ ပြင်နိုင်ခဲ့ရင် ပါတီကိုပါ ပူးတွဲကိုင်နိုင်မှာဖြစ်သလို တခြားဥပဒေကြောင်းအရ တရားဝင်စွာ အဲဒီပုဒ်မ ၂၃၂ (ဋ) နဲ့ဆက်စပ်ပြီး အာဏာခွဲဝေ ရယူနိုင်တဲ့ အချက်တွေလည်း ရှိပါတယ်။ အဲဒီ ပုဒ်မတွေကတော့ အခန်း (၅) အုပ်ချုပ်ရေးဆိုင်ရာ ပုဒ်မတွေဖြစ်တဲ့ ပုဒ်မ ၂၁၇ ၊ ၂၁၆ တို့ဖြစ်ပြီး ၂၃၂ (ဋ) နဲ့ ဆက်စပ် ရယူနိုင်မယ်ဆိုပါက ရယူနိုင်တဲ့ အခြေအနေမှာ ရှိနေပါတယ်။

ပုဒ်မ ၂၁၇ မှာဆိုရင် “ဖွဲ့စည်းပုံ အခြေခံဥပဒေပါ ပြဋ္ဌာန်းချက်နှင့် မဆန့်ကျင်စေဘဲ ပြည်ထောင်စု၏ အုပ်ချုပ်မှု အာဏာသည် နိုင်ငံတော်၌ တည်ရှိသည်။ ဤစကားရပ်ကြောင့် ပြည်ထောင်စု လွှတ်တော်သည် အာဏာပိုင် အဖွဲ့အစည်း တစ်ရပ်ရပ်အားလည်းကောင်း ၊ အာဏာပိုင် ပုဂ္ဂိုလ် တစ်ဦးဦးအား လည်းကောင်း တာဝန်နှင့် လုပ်ပိုင်ခွင့်များ ပေးအပ်ခြင်းမပြုနိုင်ဟု မမှတ်ယူရ။ ထို့ပြင် ယင်းစကားရပ်ကြောင့် တည်ဆဲဥပဒေများအရ သက်ဆိုင်ရာ အာဏာပိုင် အဖွဲ့အစည်း တစ်ရပ်ရပ်အားဖြစ်စေ ၊ သက်ဆိုင်ရာ အာဏာပိုင် ပုဂ္ဂိုလ်တစ်ဦးဦးအားဖြစ်စေ အပ်နှင်းထားသော တာဝန်နှင့် လုပ်ပိုင်ခွင့်များကို နိုင်ငံတော်သမ္မတ အား လွှဲပြောင်းပေးသည်ဟု မမှတ်ယူရ” ဆိုပြီး ဖော်ပြထားပါတယ်။ အဲဒီပုဒ်မအရ ဆိုရင် ပြည်ထောင်စု လွှတ်တော်ကနေ လွှတ်တော် ကိုယ်စားလှယ်ပင်ဖြစ်စေ၊ ၀န်ကြီးဖြစ်စေ ဒေါ်အောင်ဆန်းစုကြည်အနေနဲ့ ခေါင်းစဉ်တစ်ရပ်ရပ် အောက်ကနေ ဒါမှမဟုတ် အဖွဲ့အစည်းတစ်ရပ်ကို ဦးဆောင်တာဖြစ်စေ တရားဝင်တာဝန်နဲ့ လုပ်ပိုင်ခွင့်တွေ ပေးလို့ရနေပါတယ်။

အဲဒီ ၂၁၇ နဲ့ မဖြစ်မနေ ဆက်စပ် စဉ်းစားရမှာက ပုဒ်မ ၂၁၆ ပါ။ အဲဒီပုဒ်မမှာ ဖော်ပြထားတာကတော့ “ဖွဲ့စည်းပုံ အခြေခံဥပဒေပါ ပြဋ္ဌာန်းချက်များနှင့် မဆန့်ကျင်လျှင် ပြည်ထောင်စု၏ အချုပ်အခြာ အာဏာသည် ပြည်ထောင်စုလွှတ်တော်က ဥပဒေပြုနိုင်သော အုပ်ချုပ်ရေးဆိုင်ရာ ကိစ္စရပ်များသို့လည်း သက်ရောက်ပျံ့နှံ့သည်” လို့ ဆိုထားပါတယ်။ သဘောကတော့ လိုအပ်ရင် အခြေခံဥပဒေအရ မဆန့်ကျင်ဘဲ အုပ်ချုပ်ရေးကဏ္ဍအတွက် ဥပဒေတစ်ခု ရေးဆွဲနိုင်တဲ့ သဘောပါ။ တကယ်လို့ ဒေါ်အောင်ဆန်းစုကြည်သာ ၀န်ကြီးတစ်နေရာကနေ ဖြစ်ဖြစ်၊ လွှတ်တော် ကိုယ်စားလှယ်အဖြစ်ကနေ ဖြစ်ဖြစ် အစိုးရနဲ့ လွှတ်တော်အကြား ဆက်စပ်ဆောင်ရွက်ဖို့နဲ့ အဲလိုဆက်စပ် ဆောင်ရွက်နိုင်ဖို့အတွက် ဥပဒေတစ်ရပ် ပေါ်လာဖို့ဆိုရင် အဲဒီအချက်က အသုံးချလို့ ရနိုင်တဲ့ အခြေအနေမှာ ရှိပါတယ်။

ဒါပေမဲ့ ချက်ချင်း ရနိုင်မှာ မဟုတ်ဘဲ အန်အယ်လ်ဒီက ဦးဆောင်တဲ့ အစိုးရ အဖွဲ့ဖွဲ့ပြီး အဲဒီ ပုဒ်မအသုံးချတဲ့ ဥပဒေ ပေါ်လာရင် ဒေါ်အောင်ဆန်းစုကြည် အနေနဲ့ အုပ်ချုပ်ရေးဆိုင်ရာ စီမံ ခန့်ခွဲခွင့်တွေပါ အကန့်သတ်တစ်ခု အနေနဲ့ ရရှိနိုင်သလို ၂၁၇ အရ လွှတ်တော်က ပေးထားတဲ့ တာဝန်နဲ့ လုပ်ပိုင်ခွင့်တွေကိုလည်း ရနိုင်ပါတယ်။
နိုင်ငံခြားရေးဝန်ကြီး အပါအ၀င် ၀န်ကြီးနှစ်နေရာ စာလောက်ယူပြီး ပုဒ်မ ၂၁၆ အရ ဥပဒေဆွဲသည်ဖြစ်စေ ၊ ၂၁၇ ပါ လုပ်ပိုင်ခွင့်အရ တာဝန်နဲ့ လုပ်ပိုင်ခွင့် ခွဲဝေယူတာပဲဖြစ်စေ ပြုလုပ်ခြင်းအားဖြင့်လည်း လွှတ်တော်နဲ့ အစိုးရအကြား ချိတ်ဆက်ပြီး တာဝန် မြောက်မြားစွာကို ခွဲဝေရယူ ဆောင်ရွက်နိုင်မှာ ဖြစ်ပါတယ်။ နိုင်ငံတကာနဲ့ ဆက်ဆံရာမှာလည်း အနည်းဆုံး သြဇာကြီးသူတစ်ယောက် ဒုသမ္မတ ထက် ပိုမိုနိုင်တဲ့ လုပ်ပိုင်ခွင့်ရှိသူတစ်ယောက် အနေနဲ့ ဆက်ဆံလို့ရတဲ့ အခြေအနေမှာ ရှိနေဦးမှာပါ။ ၂၁၇ နဲ့ ၂၁၆ ဆက်စပ်လိုက်မယ် ဆိုရင်တော့ သမ္မတ မဖြစ်စေကာမူ ပါတီက နေရာအများစု ရယူထားတဲ့ လွှတ်တော်နဲ့ အစိုးရအဖွဲ့အကြား တရားဝင် ဆက်ဆံနိုင်ခွင် ရာထူးတစ်ပြိုင်နက် ဆက်စပ်ထမ်းဆောင်နိုင်ခွင့် ပီပြင်လာနိုင်ပြီး ပုဒ်မ ၂၃၂ (ဋ) နဲ့ ပုဒ်မ ၆၄ တွေကို အခြေခံ ဥပဒေအကျပ်တည်း ထွက်ပေါက်အတွက် ရည်ရွယ်ပြီး ညှိနှိုင်းမယ်ဆိုရင် ပါတီ ၊ အစိုးရ ၊ လွှတ်တော်နေရာ သုံးနေရာ စလုံးမှာ သူမအနေနဲ့ တရာဝင် သြဇာလွှမ်းခြုံနိုင်စွမ်း ရှိမှာဖြစ်ပါတယ်။ အခြေခံ ဥပဒေက သမ္မတ စနစ်နဲ့ ပါလီမန် (Parliamentary) စနစ် နှစ်ရပ်ကို ရောနှော ပေါင်းစပ်ထားတဲ့ စနစ်ဖြစ်တာကြောင့် လွှတ်တော်ကနေ အကြီးအကဲ ရွေးတာခြင်း အတူတူ အခြေခံဥပဒေ အနည်းငယ် ပြုပြင်နိုင်ရင် ၀န်ကြီးချုပ် ဒါမှမဟုတ် အဓိပတိ ရာထူးတွေကို ဖန်တီးရယူနိုင်ပါသေးတယ်။

ဖော်ပြခဲ့တဲ့ အချက်တွေက သမ္မတဖြစ်ခွင့်အတွက် တားဆီးထားတဲ့ ပုဒ်မ ပြင်ဆင်မှု၊ ဆိုင်ငံ့ဖို့ အဆင်မပြေခဲ့ဘဲ အစိုးရ၊ လွှတ်တော် ၊ ပါတီ ကဏ္ဍ သုံးရပ်စလုံးကို တရားဝင် သြဇာလွှမ်းခြုံချင်ရင် လွှမ်းခြုံနိုင်လောက်တဲ့ အခြေခံဥပဒေအရ ဖြစ်နိုင်ခြေရှိတဲ့ အချက်တွေပဲဖြစ်ပါတယ်။ ကျွန်တော့်အနေနဲ့ အခြေခံဥပဒေဆိုင်ရာ ကျွမ်းကျင်သူ မဟုတ်သလို ဒီပုဒ်မအားလုံးကလည်း သင်ဆရာ မြင်ဆရာတွေရဲ့ ရေးသားပြောဆိုမှုတွေနဲ့ စဉ်းစားတွေးခေါ်မှုတွေက တစ်ဆင့် အခြေခံထားတာ ဖြစ်ပါတယ်။ ဖောက်ထွက်စဉ်းစားတတ်ရင် အဖြေဟာ ရကောင်းရနိုင်တဲ့ အခြေအနေမှာ ရှိတဲ့အတွက် ဖောက်ထွက်စဉ်းစားဖို့လည်း တိုက်တွန်းလိုက်ပါရစေ။

စိုင်းထွန်းအောင်လွင်
The Ladies News Journal


အီးယူ အဖွဲ့က ထွက်ရင် လုံခြုံရေးအတွက် အရဲစွန့်ရာ ကျမယ်လို့ ယူက ကာကွယ်ရေး ဝန်ကြီးက ပြော။

ယူကေ အနေနဲ့ ဥရောပ သမဂ္ဂထဲကနေ ထွက်ဖို့ ဆုံးဖြတ်မယ် ဆိုရင် ယူကေရဲ့ လုံခြုံရေးအတွက် အတော်လေး စွန့်စားရာ ကျမယ်လို့ ယူကေ ကာကွယ်ရေး ဝန်ကြီး မိုက်ကယ် ဖယ်လန်က ပြောပါတယ်။

အီးယူလို အဖွဲ့အစည်းမျိုးနဲ့ ပေါင်းစည်းရာကနေ ရလာတဲ့ အင်အားကြောင့် ကမ္ဘာ့အတိုင်းအတာနဲ့ ခြိမ်းခြောက်မှု အန္တရာယ်တွေကို ကိုင်တွယ်ရာမှာ ပိုမို လွယ်ကူ စေတယ်လို့ မိုက်ကယ် ဖယ်လန်က ဘီဘီစီကို ပြောပါတယ်။

ဒီကနေ့ တနင်္လာနေ့မှာပဲ ဝန်ကြီးချုပ် ဒေးဗစ် ကင်မရွန်းက အီးယူအဖွဲ့ထဲမှာ ယူကေ ဆက်ရှိနေရေးနဲ့ ပတ်သက်ပြီး အီးယူ ခေါင်းဆောင်တွေနဲ့ သဘောတူခဲ့တဲ့ ပြုပြင်ရေး အစီအစဉ်တွေကို ပါလီမန်မှာ ချပြဖို့ ရှိပါတယ်။

မစ္စတာ ကင်မရွန်းက အီးယူ ခေါင်းဆောင်တွေနဲ့ ရခဲ့တဲ့ သဘောတူညီချက်ဟာ ဗြိတိန်ရဲ့ အချုပ်အခြာကို ပိုမို ခိုင်မာသွား စေတယ်လို့ ပြောလိုက်ပြီး၊ အီးယူထဲမှာ ဆက်ရှိနေမှသာ ယူကေ အနေနဲ့ ပိုလုံခြုံပြီး ပိုအားကောင်း လာမယ်လို့ ပြောပါတယ်။

ဒါပေမယ့် လန်ဒန် မြို့တော်ဝန် ဘောရစ် ဂျွန်ဆင်ကတော့ ယူကေ အနေနဲ့ အီးယူ ထဲက ထွက်လိုက်မယ် ဆိုရင် ပိုကောင်းတဲ့ အနာဂတ် ရှိလာမယ်လို့ တနင်္ဂနွေနေ့က ထပ်မံ ပြောဆို ခဲ့ပါတယ်။

မစ္စတာ ဂျွန်ဆင်ရဲ့ အဲဒီလို ပြောဆိုမှုဟာ အီးယူထဲမှာ ယူကေ ဆက်ရှိနေရေး ကြိုးစားနေတဲ့ မစ္စတာ ကင်မရွန်းရဲ့ လုပ်ဆောင်ချက်တွေကို သိသိသာသာ ထိုးနှက်လိုက်တာ ဖြစ်တယ်လို့ ယူဆ ကြပါတယ်။

တချိန်တည်းမှာပဲ အီးယူကနေ ယူကေ ထွက်သွားနိုင်တဲ့ မရေရာတဲ့ အခြေအနေတွေကြောင့် ဗြိတိန်ရဲ့ စတာလင် ပေါင် တန်ဖိုးဟာ ၇ နှစ်အတွင်းမှာ အနိမ့်ဆုံး တန်ဖိုးအထိ ကျဆင်း နေပါတယ်။

အီးယူထဲမှာ ဆက်နေဖို့ မနေဖို့ ဆုံးဖြတ်မယ့် ဗြိတိန် ပြည်သူတွေရဲ့ လူထု ဆန္ဒ ခံယူပွဲကို ဇွန်လထဲမှာ ပြုလုပ်ဖို့ ရှိပါတယ်။

BBC Burmese

 nld-hluttaw-leaders-620.jpg နေပြည်တော်မှာ ဖေဖော်ဝါရီလ ၂၂ ရက်နေ့က တိုင်းနဲ့ပြည်နယ် ၁၂ ခုက လွှတ်တော်ဥက္ကဌ၊ ဒုဥက္ကဌတွေနဲ့ တွေ့ဆုံ ခဲ့တဲ့ ဒေါ်အောင်ဆန်းစုကြည်ကို မြင်ရစဉ်
Photo: Win Ko Ko Latt/RFA

တိုင်းဒေသကြီးနဲ့ ပြည်နယ် ၁၂ ခုက လွှတ်တော် ဥက္ကဌ၊ ဒုဥက္ကဌတွေကို အဂတိတရားကင်းကင်းနဲ့ တာဝန် ထမ်းဆောင်ကြဖို့နဲ့ ပြည်သူတွေ စိတ်ပျက်စေတဲ့လုပ်ရပ်မျိုး မလုပ်ကြဖို့ အမျိုးသားဒီမိုကရေစီအဖွဲချုပ် ဥက္ကဌ ဒေါ်အောင်ဆန်းစုကြည်က ဒီနေ့ မှာကြားလိုက်ပါတယ်။

ဒေါ်အောင်ဆန်းစုကြည်က တိုင်းဒေသကြီးနဲ့ ပြည်နယ်လွှတ်တော် ဥက္ကဌ၊ ဒုဥက္ကဌတွေအဖြစ် ရွေးချယ်တင်မြှောက် ခံရတဲ့ အန်အယ်လ်ဒီပါတီ ကိုယ်စားလှယ်တွေကို တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီရုံး ခန်းမှာ ခေါ်ယူတွေ့ဆုံတာဖြစ်ပြီး တွေ့ဆုံပွဲမှာ ဆွေးနွေးခဲ့တာတွေကို ပါတီဗဟိုအလုပ်အမှုဆောင်အဖွဲ့ဝင် ဦးဝင်းထိန်က အခုလိုပြောပါတယ်။ အဲ့ဒီတွေ့ဆုံပွဲမှာ ဒေါ်အောင်ဆန်းစုကြည်က အခုလို မှာကြားခဲ့ပါတယ်။

"ဥက္ကဌအနေနဲ့ တိုင်းနဲ့ပြည်နယ် ၁၂ ခုပေါ့၊ ရခိုင်နဲ့ ရှမ်းမပါ၊ ဥက္ကဌတွေ ဒုတိယဥက္ကဌတွေ ရှေ့ဆောင်ရွက်ရမယ့် လမ်းကြောင်းတွေပေါ့၊ ထားရမယ့်စိတ်ထားတွေ ကျနော်တို့က အသစ်ဆိုပေမယ့် စေတနာနဲ့ လုပ်ရမယ်၊ နောက် အဂတိတရား ကင်းစင်တဲ့ဟာကို ရှေးရှုပြီးတော့ အထူးသဖြင့် တိုင်းသူပြည်သား စိတ်ပျက်မယ့် အလုပ်မျိုးတွေ မလုပ်မိဖို့ သြဝါဒပေးတယ်"

တွေ့ဆုံပွဲမှာ တိုင်းဒေသကြီးနဲ့ ပြည်နယ်ဝန်ကြီးချုပ်အပါအ၀င် အစိုးရအဖွဲ့ ဖွဲ့စည်းရေးနဲ့ ပတ်သက်ပြီး မဆွေးနွေးခဲ့ဘူးလို့ ဦးဝင်းထိန် က ပြောပါတယ်။

အဲဒီတွေ့ဆုံပွဲကို ရခိုင်ပြည်နယ်နဲ့ ရှမ်းပြည်နယ်ကလွဲပြီး ကျန်တဲ့ ပြည်နယ်/တိုင်း ၁၂ ခုက လွှတ်တော် ဥက္ကဌ၊ ဒုတိယဥက္ကဌတွေနဲ့ အန်အယ်လ်ဒီပါတီ ဗဟိုအလုပ်အမှုဆောင် အဖွဲ့ဝင်တချို့ တက်ရောက်ခဲ့ပါတယ်။ တက်ရောက်လာတဲ့ တိုင်းဒေသကြီး/ပြည်နယ်လွှတ်တော် ဥက္ကဌ၊ ဒုဥက္ကဌတွေက သူတို့ရရှိတဲ့ အဆောင် အယောင်တွေနဲ့ ပတ်သက်ပြီး တင်ပြတာတွေရှိတယ်လို့ သိရပါတယ်။

ပြည်ထောင်စုလွှတ်တော် နာယက အပါအ၀င် တိုင်းဒေသကြီး/ ပြည်နယ်လွှတ်တော် ဥက္ကဌ၊ ဒုဥက္ကဌတွေနဲ့ ဖွဲ့စည်းမယ့် မြန်မာနိုင်ငံ လွှတ်တော်ဆိုင်ရာ အဖွဲ့ MPU အစည်းအဝေးကို မနက်ဖြန်ကျင်းပမှာဖြစ်ပါတယ်။ မနက်ဖြန် အစည်းအဝေးကို ရခိုင်နဲ့ ရှမ်းပြည်နယ်က လွှတ်တော်ဥက္ကဌနဲ့ ဒုဥက္ကဌတွေ တက်ရောက်ကြမှာဖြစ်ပါတယ်။

RFA
http://www.rfa.org/burmese/news/dassk-meets-hluttaw-leaders-02222016100434.html

မုန်တိုင်း ၀င်ရောက်တိုက်ခတ်ပြီးနောက်။
ပစိဖိတ်သမုဒ္ဒရာတောင်ပိုင်းက ကျွန်းနိုင်ငံတခုဖြစ်တဲ့ Fiji ကို စနေနေ့က အင်အားကြီး မုန်တိုင်းဝင်ရောက်တိုက်ခတ်ခဲ့တာမှာ သေဆုံးသူဦးရေ ၂၀ ထက်မနည်း ရှိသွားပါပြီ။ လိုအပ်သူတွေထံ အကူအညီတွေ အရောက်ပို့ပေးနိုင်ဖို့ အာဏာပိုင်တွေကလည်း အရေးတကြီး လုပ်ဆောင်နေပါတယ်။

ဆိုင်ကလုန်း Winston ၀င်ရောက်ခဲ့ပြီးတဲ့နောက် Fiji ကျွန်းမှာ နေအိမ်တွေ ပြိုကျပျက်စီး၊ သစ်ပင်တွေ အမြစ်ကနေ ကျွတ်ထွက်၊ လမ်းမတွေ ရေလျှံပြီး နေရာအနှံ့ အပျက်အစီးတွေ ပျံ့ကျဲနေတာတွေကိုတော့ အပေါ်စီးကနေ ရိုက်ယူထားတဲ့ပုံရိပ်တွေမှာ တွေ့ရပါတယ်။ နိုင်ငံတ၀ှမ်းက လျှပ်စစ်ဝါယာကြိုးတွေ ပြတ်တောက်ကုန်တာကြောင့် မြို့နဲ့အလှမ်းဝေး တဲ့နေရာတွေက ဒေသခံတွေနဲ့လည်းအဆက်အသွယ်တွေ ပြတ်တောက်နေပါတယ်။ ပြင်းအားအဆင့် ၅ နဲ့ဝင်ရောက် တိုက်ခတ်တဲ့ Winston မုန်တိုင်း ဝင်ရောက်ချိန်မှာ လေပြင်းတိုက်နှုန်း တနာရီ ကီလိုမီတာ ၃၀၀ ရှိပြီး ကမ္ဘာ့တောင်ဘက်အခြမ်းမှာ ပြင်းအားအများဆုံး အပူပိုင်းမုန်တိုင်းအဖြစ် သတ်မှတ်ထားပါတယ်။

တနိုင်ငံလုံး ညမထွက်ရ Carfew အမိန့်ကို ထုတ်ပြန်ထားတာကို ဒီကနေ့ ပြန် ရုပ်သိမ်းလိုက်ပေမဲ့ တလကြာ သဘာဝဘေးဒဏ် အရေးပေါ် အခြေအနေကိုတော့ ထုတ်ပြန်ထားဆဲဖြစ်ပါတယ်။ စာသင်ကျောင်းတွေကိုလည်း နောက်သီတင်းပတ် တနင်္လာနေ့အထိ ပိတ်ထားပါတယ်။ ကျွန်းစုငယ်ပေါင်း ၃၃၀ ကျော်ရှိတဲ့ Fiji နိုင်ငံတလျှောက် အကယ်ဆယ်ရေး စခန်းတွေမှာ မုန်တိုင်းသင့်ပြည်သူတွေ ထောင်နဲ့ချီ ခိုလှုံနေကြရပါတယ်။

ဗွီအိုအေ (မြန်မာပိုင်း)
http://burmese.voanews.com



တိုင်းပြည်ရဲ့ အညွှန့် အဖူး အသွေးအသား
ကျောင်းသူကျောင်းသားလူငယ်လူရွယ်များကို
မိဘသဖွယ် ခွင့်လွှတ်နားလည်ရမဲ့အစား
ရုပ်ပျက်ဆင်းပျက် ကတိဖျက်
အညိုးတကြီးရိုက်နှက်နှိပ်စက်ယုံမက
သားသမီးခြင်းကိုယ်ချင်းမစာနာ
နှစ်ရှည်လများချုပ်နှောင်အချိန်ဆွဲ
သိက္ခာဆိုတာဘယ်မှာလဲ မသိ
အရှက်အကြောက်မရှိ
ထွက်ပေါက်မသိ
ကိုယ်ပိုင်မေးရိုးမရှိဘဲ .. သူများကိုထိုးခြင်
ကလိန်စိငြမ်းဆင်
သရေပင်လို အမှု့တွေထပ်တလဲလဲတိုး
သမိုင်းဆိုးတွေဂျိုးကပ်
မထူးဇါတ်ခင်း
နဖူးရင်းမှာ ဇကာပေါက်
မျက်ကန်းတစ္ဆေမကြောက်သလို
အတွေးကမှောက်
သွေးဆိုးထောက်
ငြိမ်းခါနီးမီးတောက်
ဟုန်းဟုန်းတောက်ဆဲ ။ ။
(မင်းကောင်းချစ်)
၂၃-၀၂-၂၀၁၆

 မြန်မာ စစ်တပ်
မြန်မာ စစ်တပ်

မြန်မာနိုင်ငံဟာ တရုတ်နိုင်ငံထံက လက်နက်တွေကို ၀ယ်ယူသုံးစွဲနေတဲ့ တတိယ အများဆုံး နိုင်ငံဖြစ်တယ်လို့ စစ်ရေးဆိုင်ရာ သုတေသန အဖွဲ့ကြီးရဲ့ အစီရင်ခံစာသစ်က ဖော်ပြလိုက်ပါတယ်။ ပြီးခဲ့တဲ့ ၅ နှစ်တာ ကာလ အတွင်း တရုတ်နိုင်ငံရဲ့ လက်နက် တင်ပို့ ရောင်းချမှုက ၂ ဆ တက်လာပြီး နည်းပညာပိုင်းမှာလည်း တိုးတက်မှု ရှိလာတယ်လို့ စစ်ရေးဆိုင်ရာ သုတေသန အဖွဲ့ကြီးရဲ့ အစီရင်ခံစာသစ်က ဖော်ပြပါတယ်။ မြန်မာနိုင်ငံ အနေနဲ့ တရုတ်ထံက လက်နက် ရဖို့ မှီခိုနေရတဲ့ အခြေအနေ ပြောင်းလဲ လာနိုင်ပါသလားဆိုတာကိုတော့ မသိင်္ဂီထိုက် စုစည်းတင်ပြထားပါတယ်။

မြန်မာနိုင်ငံဟာ ပြီးခဲ့တဲ့ ၅ နှစ်တာ ကာလ အတွင်း တရုတ်ထံက တတိယ အများဆုံး လက်နက် ၀ယ်ယူသူ အဖြစ် ရပ်တည်နေတယ်လို့ စစ်ရေးဆိုင်ရာ သုတေသန အဖွဲ့ကြီး Stockholm International Peace Research Institute (SIPRI) က တနလာင်္နေ့ ထုတ်တဲ့ အစီရင်ခံစာ သစ်မှာ ဖော်ပြ လိုက်တာ ဖြစ်ပါတယ်။ တရုတ်နိုင်ငံဟာ ၂၀၁၁ ခုနှစ်ကနေ ၂၀၁၅ ခုနှစ် အတွင်း ၅ နှစ်တာ ကာလ အတွင်း ပြည်ပလက်နက် တင်ပို့မှု ၂ ဆနီးပါး မြင့်တက်လာပြီး နည်းပညာပိုင်းမှာလည်း တိုးတက်မှု ရှိလာတယ်လို့ SIPRI ရဲ့ အစီရင်ခံစာက ဖော်ပြလိုက်တာ ဖြစ်ပါတယ်။ မြန်မာ့ တပ်မတော် တင်မဟုတ်ဘဲ တိုင်းရင်းသား လက်နက်ကိုင်တွေပါ တရုတ်ရဲ့ လက်နက်တွေကို အဓိက အသုံးပြုနေကြတဲ့ အခြေအနေမျိုးမှာ ရှိတယ်လို့ မြန်မာ့ အရေး သုံးသပ်သူ ဒေါက်တာ လှကျော်ဇောက ပြောပါတယ်။

“ဗမာနိုင်ငံက တရုတ်ပြည်က လက်နက်တွေ တော်တော်များများ ၀ယ်တယ်ဆိုတာ ကျမလည်း ကြားတော့ ကြားဖူးထားတယ်။ ဘာဖြစ်လို့လဲဆိုတော့ ဗမာပြည်က အစောပိုင်းတုန်းက အနောက်နိုင်ငံတွေကလည်း အားလုံး ၀ိုင်းပိတ်ဆို့ထားတာဖြစ်တာကိုး။တရုတ်ပြည်ကကျတော့ ဈေးနှုန်းလည်းသက်သာတယ်။ သူ့ကို အချိန်မရွေးလည်းရောင်းတော့ အများအပြား ဗမာပြည်က ၀ယ်ယူတယ်ဆိုတော့ ကျမတို့သိပါတယ်။ နောက်တခုက တရုတ်ပြည်ရဲ့လက်နက်ရဲ့ ဒီဈေးကွက်က ဗမာပြည်စစ်တပ်အတွက်သာမဟုတ်ဘူး။ ဗမာစစ်တပ်ကို ဗမာအစိုးရကို ပုန်ကန်တိုက်ခိုက်နေတဲ့ ကျမတို့ရဲ့ လူမျိုးစုတွေအတွက်လည်း သူက အဲဒီက တရုတ်ပြည်ကပဲ ၀ယ်ကြပုံရတယ်။”

စစ်သံမှူးဟောင်း ဗိုလ်မှူး အောင်လင်းထွဋ်ကတော့ မြန်မာ့တပ်မတော် အနေနဲ့ တရုတ်ထံက စစ်လေယာဉ်တွေ အရင်က ၀ယ်ယူခဲ့ဖူးပေမယ့် နောက်ပိုင်းမှာတော့ စစ်သုံးသယ်ယူပို့ဆောင်ရေး ယာဉ်တွေနဲ့ စစ်တပ် အသုံးအဆောင်လောက်သာ ၀ယ်ယူတော့တဲ့ အနေအထားမှာ ရှိတယ်လို့ ဆိုပါတယ်။ မြန်မာ စစ်တပ်ရဲ့ အဆင့်အတန်းက အရှေ့တောင်အာရှ ဒေသတွင်းမှာ အတော်လေး နိမ့်ကျနေတဲ့ အနေအထားရှိပြီး ခေတ်မီ တပ်မတော် တခု ဖြစ်လာဖို့ အနောက်နိုင်ငံတွေက အဆင့်မီတဲ့ လက်နက်တွေ လိုအပ်တယ်လို့လည်း ပြောပါတယ်။”

စစ်ရေးအရတော့ ဒီ အနောက်နိုင်ငံရဲ့ လက်နက်တွေကို ကျနော်တို့ ဒီ အရှေ့ပေါ့လေ ဒီ တရုတ်တို့ ရုရှားတို့ရဲ့ လက်နက်တွေက မမှီ ပါဘူး။ ရုရှား လက်နက်က နည်းနည်း မှီကောင်း မှီမယ်။ ဒါပေမယ့် ရုရှားက အင်မတန်မှ ကျနော်တို့ စစ်ရေး အရ ပြောရရင် အပေးအယူနဲ့ ပိုက်ဆံလည်း ဈေးကြီးကြီး ပေးရတယ်ဗျာ နည်းနည်းလည်း ကန့်သတ်ချက်တွေလည်း များတယ်၊ တခါတလေကျ ညစ်တတ်တဲ့ အနေအထားမျိုးတွေလည်း ရှိကြတယ်။ အနောက်နိုင်ငံတွေ အထူးသဖြင့်တော့ NATO (မြောက်အတ္တလန္တိတ် စစ်စာချုပ် အဖွဲ့) က တကယ်လို့ ရံ ပေးမယ်ဆိုလို့ရှိရင်တော့ ဒါ ကျနော်တို့ ဘာဘဲ ဖြစ်ဖြစ်ပေါ့လေ ကျနော်တို့ ခုန ပြောတဲ့ တိုင်းပြည်ကို Defense (ကာကွယ်) လုပ်ဖို့ပေါ့လေ၊ ကာကွယ်ဖို့ အတွက်ကတော့ လက်နက်ကောင်းတွေ ကျနော်တို့ ရမယ့် အနေအထားမျိုး ရှိပါတယ်။

ဒီမိုကရေစီရေးနဲ့ လူ့အခွင့်အရေး ချိုးဖောက်မှုတွေကြောင့် အနောက်နိုင်ငံတွေရဲ့ စစ်ရေးဆက်ဆံမှု ဖြတ်တောက်ခံထားရတဲ့ မြန်မာနိုင်ငံ အနေနဲ့ စစ်ရေးဆက်ဆံရေး တရပ် ပြန်လည် ထူထောင်နိုင်ဖို့ အတွက် တပ်မတော်နဲ့ အနိုင်ရ ပါတီကြား စေ့စပ်ညှိနှိုင်းမှုတွေက အရေးကြီးတယ်လို့လည်း စစ်သံမှူးဟောင်း ဗိုလ်မှူး အောင်လင်းထွဋ်က ပြောပါတယ်။

“လက်ရှိပေါ့လေ ဒေါ်အောင်ဆန်းစုကြည်နဲ့ ဗိုလ်ချုပ်မှူးကြီး မင်းအောင်လှိုင်သာ အဆင်ပြေလို့ ရှိရင်တော့ ဒီကိစ္စတွေက အဆင်ပြေသွားမယ့် အနေအထားမျိုး ရှိပါတယ်။ အမေရိကန် အပါအ၀င် အနောက်နိုင်ငံတွေကလည်း ကျနော်တို့ နိုင်ငံကို ၁၉၈၈ မတိုင်ခင်က အားလုံး လက်နက် ရောင်းပေးတဲ့ နိုင်ငံတွေ ဖြစ်ပါတယ်။ အမေရိကန် ဆိုရင် အဲဒီအချိန်တုန်းက တရုတ် ကွန်မြူနစ်ကို တိုက်ဖို့ ဆိုတဲ့ ဟာမျိုးက ကျနော်တို့ရဲ့ လေယာဉ်ကစ အမေရိကန် သုံး စစ်သုံးတွေပါ။ အခုအချိန်ထိလည်း ကျနော်တို့ တချို့ပစ္စည်းတွေမှာ ရှိနေပါသေးတယ်။ ဒါပေမယ့် Spare Parts ပေါ့လေ ကျနော်တို့ မရတဲ့ အတွက်ကြောင့် ရပ်ထားရတာတွေ ကျနော်တို့ ရှိပါတယ်။

အဲဒီတော့ ဒါက နိုင်ငံရေးနဲ့ သက်ဆိုင်ပါတယ်။ ဒေါ်အောင်ဆန်းစုကြည်နဲ့ ဗိုလ်ချုပ်မှူးကြီး မင်းအောင်လှိုင်တို့ရဲ့ ဆွေးနွေးပွဲတွေ တိုင်ပင်မှုတွေက အခြေအနေ ကောင်းလာမယ်ဆိုရင် တပ်မတော်ရဲ့ အနေအထားကလည်း အနောက်နိုင်ငံရဲ့ ထောက်ခံမှုကို ရလာလိမ့်မယ်လို့ ကျနော်တို့ မြင်တယ်။ အဲသလို ထောက်ခံလာတာနဲ့ အမျှ လက်နက်လည်း အရောင်းအ၀ယ် ပြန်ရလာ လိမ့်မယ်လို့ ကျနော် မြင်ပါတယ် ခင်ဗျ။"

တကမ္ဘာလုံး အတိုင်းအတာနဲ့ လက်နက် အရောင်းအ၀ယ် အခြေအနေကတော့ ပြီးခဲ့တဲ့ ၅ နှစ် အတွင်းမှာ ၁၆ ရာခိုင်နှုန်းတိုးလာတယ်လို့ စစ်ရေးဆိုင်ရာ သုတေသန အဖွဲ့ကြီး Stockholm International Peace Research Institute (SIPRI) ရဲ့ နောက်ဆုံးထုတ် အစီရင်ခံစာက ဖော်ပြပါတယ်။ အမေရိကန် ပြည်ထောင်စု၊ ရုရှား၊ တရုတ် ၊ ပြင်သစ်၊ ဂျာမနီတို့က အဓိက လက်နက်က တင်ပို့မှု အများဆုံးနိုင်ငံတွေ ဖြစ်ပါတယ်။ တရုတ်နိုင်ငံထံက ပြီးခဲ့တဲ့ ၅ နှစ် အတွင်း လက်နက် ၀ယ်ယူမှု အများဆုံးက ပါကစ္စတန် ဖြစ်ပြီး ဘင်္ဂလားဒေရှ့်နဲ့ မြန်မာတို့က ဒုတိယနဲ့ တတိယနေမှာ ရှိနေတယ်လို့လည်း အစီရင်ခံစာက ဖော်ပြပါတယ်။

မသိင်္ဂီထိုက်/VOA
http://burmese.voanews.com/content/myanmar-as-a-third-country-buying-arm-from-china-/3201528.html

မြို့တော်ခန်းမရှေ့ ကျောင်းသားဆန္ဒပြပွဲ ဖြိုခွင်းခံရစဉ်။ (မတ်လ ၅ ရက်နေ့ ၊ ၂၀၁၅)
မြို့တော်ခန်းမရှေ့ ကျောင်းသားဆန္ဒပြပွဲ ဖြိုခွင်းခံရစဉ်။ (မတ်လ ၅ ရက်နေ့ ၊ ၂၀၁၅)

ပညာရေးဥပဒေ ပြုပြင်ပြောင်းလဲဖို့ လှုပ်ရှားဆန္ဒပြမှုတွေနဲ့ ဆက်နွယ်ပြီး ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်းကို အာဏာပိုင်တွေက တရားစွဲဆိုလိုက်သလို၊ ဖမ်းဝရမ်းထုတ်ပြန်လိုက်ပါတယ်။

ပြီးခဲ့တဲ့နှစ် ဖေဖော်ဝါရီလတုန်းက အမျိုးသား ပညာရေး ဥပဒေ ပြုပြင်ပြောင်းလဲရေး ကန့်ကွက် ဆန္ဒပြပွဲတွေကို ခွင့်ပြုချက်မယူဘဲ လုပ်ဆောင်ခဲ့ရာမှာ ပါဝင်ခဲ့သူတဦးအဖြစ် တရားစွဲဆိုခံရပြီး၊ ဖမ်းဆီးမိန့်ထုတ်ပြန်ခံထားရတဲ့ မနီလာသိန်းကတော့ မတရားတဲ့ စွပ်စွဲချက်အဖြစ် ဥပဒေနဲ့အညီ ရင်ဆိုင်သွားမယ်လို့ ပြောဆိုခဲ့ပါတယ်။ အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်က ပြောပြပေးမှာပါ။

၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက အမျိုးသမီးအရေး အဓိကထား လုပ်ဆောင်နေတဲ့ မနီလာသိန်းကို ပြီးခဲ့တဲ့ နှစ် ဖေဖော်ဝါရီလတုန်းက မရမ်းကုန်းမြို့နယ်မှာ ခွင့်ပြုချက်မပါဘဲ ဆန္ဒပြခဲ့တာကြောင့် ပုဒ်မ ၁၈ နဲ့ တရားစွဲဆိုလိုက်ပါတယ်။ မနီလာသိန်းဟာ အမျိုးသားပညာရေး ဥပဒေ ကျောင်းသားသပိတ်ကို ထောက်ခံခဲ့ ဆန္ဒပြပွဲကို ခွင့်ပြုချက်မပါဘဲ လုပ်ဆောင်ခဲ့တာကြောင့် အခုလိုမျိုး တရားစွဲဆိုခံထားရသလို ဘုရင့်နောင် နယ်မြေရဲစခန်းကလည်း ဖမ်းဝရမ်းထုတ်ပြီး ဒီလ ၂၄ ရက်နေ့မှာမရမ်းကုန်း တရားရုံးမှာ တရားရင်ဆိုင်ဖို့ ဆင့်ခေါ်လိုက်ပါတယ်။ ဘုရင့်နောင် နယ်မြေစခန်းမှူး ရဲအုပ်သန်းဝင်းကတော့ မနီလာသိန်းကို ဖမ်းဝရမ်းထုတ်ရတဲ့ အကြောင်းနဲ့ ပတ်သက်လို့ အခုလို ပြောပါတယ်။

“ဒီလိုဗျာ ကျနော်တို့က ငြိမ်းစုစီ ၁၈ ပုဒ်မနဲ့ အရေးယူတဲ့အချိန်မှာ မနီလာသိန်းကို ကျနော်တို့က နဂို လှိုင်လိပ်စာကို ကျနော်တို့သိတယ်ဗျာ။ တရားစွဲတင်တဲ့အခါကျတော့ မနီလာသိန်းလိပ်စာက သင်္ဃန်းကျွန်း သုမင်္ဂလာလမ်းဆိုပြီးတော့ ကိုလင်းထက်နိုင် ပြောတာကို ကျနော်တို့က တရားသူကြီးကို တင်ပြပြီးတော့ ၀ရမ်းထုတ်ပေးတာ။ ကျနော်ကတော့ သူတို့ အဲဒီ ပါဝင်ပတ်သက်တဲ့သူတွေ ၂၄ ရက်နေ့ ရုံးချိန်းရှိတယ်လေ။ ကျနော်က ရုံးချိန်းကို ခေါ်ပြီးတော့ တရားစွဲတင်ပေးလိုက်ရင် ဒါ ကျနော့် တာဝန်ကျေတာပဲ ခင်ဗျ။”

တရားစွဲဆို ခံထားရတဲ့ မနီလာသိန်းကတော့ သူဟာ ဒီအမှုနဲ့ ပတ်သက်လို့ ရှောင်ပြေးခြင်း မရှိဘဲနဲ့ အခုလိုမျိုး ဖမ်းဝရမ်းထုတ်လိုက်တဲ့ အပေါ်မှာ တရားဥပဒေ ယိုယွင်းမှု ရှိနေတယ်လို့ ဝေဖန်လိုက်ပါတယ်။

“ကျမတို့ရဲ့ တရားရေးမဏ္ဍိုင်က ဘယ်လောက်ထိ ပျက်စီးယို့ယွင်းနေသလဲဆိုတာကို ထပ်ဖော်ပြနေတာဖြစ်တယ်။ သူတို့ ခေတ်အဆက်ဆက်မှာ နှစ်ပေါင်းများစွာ တရားရေးမဏ္ဍိုင်ပျက်စီးနေတယ်။အခုအချိန်အထိလည်း ပျက်စီးနေတယ် ယိုယွင်းနေတယ် ဆိုတာကို ပြသနေပါတယ်ရှင့်။ ဘာဖြစ်လို့လဲဆိုတော့ ကျမတို့ အိမ်မှာ တရားဝင်မိမိနေထိုင်တဲ့အိမ်မှာလည်း တရားဝင် နေထိုင်တယ်။ ရုံးကိုလည်း ပုံမှန်သွားနေတဲ့ဟာ ပြီးတော့ ရုံးရှေ့မှာလည်း ထောက်လှမ်းရေးတွေလည်း ရှိနေတာပဲလေ။ အဲတော့ ကျမတို့ ဘယ်မှာနေတယ်၊ ဘယ်မှာထိုင်တယ် ၊ ဘာလုပ်နေသလဲဆိုတဲ့ အသေးစိတ်က သက်ဆိုင်တဲ့ သူတွေသိနေပြီးသားဖြစ်ရဲ့သားနဲ့ တစုံတရာ အကြောင်းကြားခြင်း၊ စာဖြင့်သော်လည်းကောင်း ၊ နှုတ်ဖြင့်သော်လည်းကောင်း အကြောင်းကြားခြင်း လုံးဝမရှိဘဲနဲ့ ဒီလိုမျိုးပေါ့နော် ဖမ်းဝရမ်းထုတ် စာထုတ်ပြီးတော့မှ ဒီရက်မှလာပြီး အကြောင်းကြားခြင်း ဖြစ်တယ်ပေါ့နော်။”



ပြီးခဲ့တဲ့ နှစ်ကတည်းက ဖြစ်ခဲ့တဲ့ အမှုအပေါ်မှာ အခုကျမှ အမှုစွဲဆိုတာဟာ တရားမျှတမှု မရှိဘူးလို့ ပြောပါတယ်။ ဒါ့အပြင် လက်ပံတန်း ကျောင်းသားသပိတ်မှာ ဖမ်းဆီးခံထားရတဲ့ မဖြိုးဖြိုးအောင်နဲ့ ကိုလင်းထက်နိုင်အပါအ၀င် တခြား ကျောင်းသား ခေါင်းဆောင်အချို့ကိုလည်း ပြန်လွှတ်ပေးခြင်း မရှိသေးသလို အခုလိုမျိုး သူ့ကိုပါ ပုဒ်မ ၁၈ နဲ့ တရားစွဲဆိုလိုက်တာဟာ တိုင်းပြည်အပြောင်းအလဲအတွက် နှောင့်နှေးမှုတွေ ရှိနိုင်တယ်လို့ ထောက်ပြပြောဆိုပါတယ်။

“အကောင်းဘက်ကို ဦးတည်ပြီးတော့ ပြောင်းလဲမှုတရပ်ကို အားလုံးက မျှော်လင့်တောင့်တနေပေမယ့် သူတို့တွေက အခုလက်ရှိ ဖမ်းဆီးခံထားတဲ့ ကျောင်းသားတွေပေါ်မှာကော ၊ အခြားသူတွေပေါ်မှာကော ပုဒ်မ ၁၈ နဲ့ နည်းမျိုးစုံ၊ နယ်မြေပေါင်းစုံကနေပြီးတော့ အမျိုးစုံ သူတို့ တံဆိတ်ကပ်ပြီးတော့ လုပ်ဆောင်နေတာက တရားမျှတမူ လုံးဝမရှိဘူး။ တကယ့် မတရားမှုကြီး တခုကို သူတို့ ပေါ်ပေါ်ထင်ထင် ကျူးလွန်နေတယ်လို့ ကျမမြင်ပါတယ်ရှင့်။ အသွင်ကူးပြောင်းရေးကာလမှာ အကောင်းဘက်ကို ဦးမတည်ဘဲနဲ့ ဘာဖြစ်လို့ နောက်ကြောင်းပြန်လှည့်မှုတွေကို သူတို့ကိုယ်တိုင်က လုပ်ဆောင်နေသလဲဆိုတဲ့ အရာပေါ်မှာ ကျမ သံသယရှိနေပါတယ်ရှင့်။”

မနီလာသိန်းဟာ ဒီလ ၂၄ ရက်နေ့ ဗုဒ္ဓဟူးနေ့မှာ မရမ်းကုန်းမြို့နယ် တရားရုံးမှာ မဖြိုးဖြိုးအောင်နဲ့ ကိုလင်းထက်နိုင်တို့နဲ့အတူ တရားရင်ဆိုင်ရဖို့ ရှိပါတယ်။ မနီလာသိန်းကတော့ ဒီအမှုအတွက် အာမခံ လျှောက်ထားဖို့ ခံဝန်ထိုးဖို့တွေကို လုပ်ဆောင်မှာ မဟုတ်သလိုအမှုအတွက်လည်း သူကိုယ်တိုင်ဖြစ်စေ တခြားသူတစ်ဦးတစ်ယောက်ရဲ့ ဒဏ်ကြေးငွေပေးဆောင်မှုကိုလည်း လုံးဝ လက်ခံမှာမဟုတ်ဘူးလို့ ပြောဆိုထားပါတယ်။

ထက်အောင်/VOA
http://burmese.voanews.com/content/nilar-thein-/3201491.html


ဖေဖော်ဝါရီ ၂၁ ရက် (တနင်္ဂနွေနေ့)က နိုဗိုတယ်ဟိုတယ်တွင် ပြုလုပ်ခဲ့သော မီဒီယာဖွံ့ဖြိုးရေးဆွေးနွေးပွဲ (ဓာတ်ပုံ−ကျော်ဇင်သန်း)

အစိုးရသစ်လက်ထက် တွင် အစိုးရပိုင်ရုပ်သံနှင့် သတင်း စာများကို ပုဂ္ဂလိကပိုင်ပြုလုပ်ရန် ရှိကြောင်း အမျိုးသားဒီမိုကရေစီ အဖွဲ့ချုပ် ဗဟိုပြန်ကြားရေး ကော် မတီဝင် မုံရွာအောင်ရှင်ကပြော သည်။


‘‘အင်န်အယ်လ်ဒီရဲ့မူအရ ကတော့ အစိုးရပိုင်မီဒီယာဆိုတာ မရှိဘူး။ အစိုးရအာဘော်တွေပဲ ထုတ်လွှင့်တာ မဖြစ်စေရဘူး။ လက်ရှိအစိုးရပိုင် ရုပ်သံတွေ၊ သတင်းစာတွေကို ပုဂ္ဂလိကပိုင် လုပ်ဖို့ ရှိပါတယ်။ ဒါမှမဟုတ် လည်း ဖက်စပ်လုပ်တာတို့၊ အဲဒီ မီဒီယာတွေကို အများပိုင်လုပ်တာ တို့ကိုလည်း စဉ်းစားရမှာပေါ့’’ ဟု မုံရွာအောင်ရှင်ကပြောသည်။

ဒီချုပ်က လက်ရှိထုတ်ဝေ သော ဒီလှိုင်းစာစောင် တာဝန်ခံ အယ်ဒီတာလည်းဖြစ်သည့် မုံရွာ အောင်ရှင်က ဖေဖော်ဝါရီ ၂၁​ရက်တွင် နိုဗိုတယ်ဟိုတယ်၌ ကျင်း ပသော မီဒီယာအဖွဲ့များစွာပါဝင် သည့် မြန်မာ့မီဒီယာဖွံ့ဖြိုးရေး ဆွေးနွေးပွဲတွင် ထိုသို့ပြောကြားခဲ့ ခြင်းဖြစ်သည်။

အစိုးရပိုင်မီဒီယာများကို ပုဂ္ဂလိကပိုင်ပြုလုပ်မည်ဖြစ်သော် လည်း အစိုးရ ထုတ်ပြန်ကြေညာ ချက်များ၊ မူဝါဒများကို ထုတ်ပြန် မည့် အခြားလမ်းကြောင်းများကို လည်း ထားရှိမည်ဖြစ်ကြောင်း မုံရွာအောင်ရှင်ကဆိုသည်။ ထို့ အပြင် ပုဂ္ဂလိကမီဒီယာများမှတစ် ဆင့် ထုတ်ပြန်မည်ဖြစ်ကြောင်း ၎င်းကဆိုသည်။

‘‘ပုဂ္ဂလိကပိုင်လုပ်ဖို့ နှစ်မျိုး ရှိတယ်။ လုပ်ငန်းရဲ့ အတိုင်းအ တာအပေါ်မှာမူတည်တယ်။ လုပ် ငန်းကကြီးရင်လည်း ချက်ချင်း လုပ်လို့မရဘူး။ ခြေနိုင်၊ လက်နိုင် ပမာဏဆိုရင်တော့ ချက်ချင်းလုပ် လို့ရတာပေါ့။ ဥပမာ အစိုးရ သ တင်းစာနှစ်စောင်ရှိတယ်။ အဲဒီမှာ အလုပ်သမားက အများကြီးပဲ။ အဲဒီမှာ အခြေခံအဆောက်အအုံ တွေရှိတယ်။ အဲဒါကို ချက်ချင်းလွှဲ ပြောင်းယူလို့တော့ မရဘူး’’ဟု မုံရွာအောင်ရှင်ကဆိုသည်။

နိုင်ငံပိုင်မီဒီယာများကို ပုဂ္ဂ လိကပိုင်ပြုလုပ်ခြင်းဖြင့် ပုဂ္ဂလိက အစုရှယ်ယာများ ဖိတ်ခေါ်ပြီး အ များပိုင်မီဒီယာ ပြုလုပ်ခြင်းကို လည်း စဉ်းစားသင့်ကြောင်း သ တင်းမီဒီယာကောင်စီအတွင်းရေး မှူး ဦးသီဟစောက ယင်းဆွေးနွေး ပွဲတွင် အကြံပြုခဲ့သည်။ နိုင်ငံပိုင်သတင်းမီဒီယာအချို့ကို အများ ပိုင်ပြုလုပ်ပြီး တစ်ပြိုင်တည်းတွင် ပုဂ္ဂလိကမီဒီယာများကိုလည်း ရုပ် သံနှင့် ရေဒီယိုထုတ်လွှင့်မှုများ လွတ်လပ်စွာ လုပ်ကိုင်ခွင့်ပြုသင့် ကြောင်း ဦးသီဟစောကပြော သည်။

အစိုးရသစ်လက်ထက်တွင် ပြန်ကြားရေးဝန်ကြီးဌာနကိုပင် သီးခြားထားရန် (သို့မဟုတ်) အခြားဝန်ကြီးဌာနများနှင့် ပေါင်းလိုက်ရန်ကိုမူ မဆုံးဖြတ်ရသေးကြောင်း မုံရွာအောင်ရှင်က ပြောသည်။

‘‘ပြန်ကြားရေးကို တခြားဝန် ကြီးဌာနတွေနဲ့ ပေါင်းလုပ်လို့ရ တယ်။ သမ္မတရုံးရဲ့ လက်အောက် မှာ ထားလို့ရတယ်။ ပြည်ထောင်စု အစိုးရအဖွဲ့မှာလည်း ထားလို့ရ တယ်။ ဒါကတော့ ကြိုက်သလို လုပ်လို့ရတာပေါ့။ ဘယ်လိုလုပ် မယ်ဆိုတာတော့ ပါတီခေါင်း ဆောင်တွေ မဆုံးဖြတ်ရသေးပါ ဘူး’’ဟု ၎င်းကဆိုသည်။

တပ်မတော်ပိုင်မီဒီယာများ ဖြစ်သည့် မြ၀တီရုပ်သံနှင့် စာပေ ထုတ်လုပ်ရေးလုပ်ငန်းများမှာမူ လတ်တလောတွင် ၎င်းတို့နှင့် သက်ဆိုင်ခြင်းမရှိကြောင်း မုံရွာ အောင်ရှင်ကဆိုသည်။

လက်ရှိတွင် ပြန်ကြားရေး ၀န်ကြီးဌာနက ဦးဆောင်ရေးဆွဲ ထားသည့် ရုပ်သံထုတ်လွှင့်ခြင်း ဆိုင်ရာ ဥပဒေကို ပြဋ္ဌာန်းနိုင်ခြင်း မရှိသေးပေ။ အဆိုပါဥပဒေကို မ ပြဋ္ဌာန်းသေးမီစပ်ကြား အစိုးရနှင့် ဖက်စပ်လုပ်ကိုင်နေသည့် ရုပ်သံ မှတစ်ပါး ပုဂ္ဂလိကရုပ်သံလိုင်းများ ပြုလုပ်ခွင့်မရှိကြောင်း ပြန်ကြား ရေးတာဝန်ရှိသူများက ပြောကြား ထားသည်။

7Day News Journal
http://www.7daydaily.com/story/58609


ပုဂံယဉ်ကျေးမှုအမွေအနှစ်ဒေသသည့် ဘုရား၊ ပုထိုး၊ စေတီ၊ အုတ်ကျောင်း စသည့် ရှေးဟောင်းအဆောက်အဦပေါင်း(၃၀၀၀)ကျော်ရှိပြီး လွန်ခဲ့သည့် နှစ်ပေါင်းများစွာ ကတည်းက တည်ရှိခဲ့သည့် မြန်မာတမျိုး သား လုံးနှင့်ဆက်နွယ်နေသည့်ယဉ်ကျေးမှုအမွေအနှစ်ဒေသတစ်ခု ဖြစ်သည်။
-
နှစ်ကာလ ရှည်ကြာလာသည့် အဆောက်အဦတို့သည် ခံနိုင်ရည် လျော့နည်းလာသည့်အပြင် လူအများအပြား တက်ရောက် မှု အတွက် ဘုရားများ၊ ရှေးဟောင်းအဆောက် အဦများ၏ ရေရှည် တည်တံ့ မှုကို အန္တရာယ်ဖြစ်စေပါသည်။
တက်ရောက်သူတို့အတွက်လည်း အန္တရာယ် များလာပါသည်။
-
ထို့အပြင် တက်ရောက်သူ လူအများ၏ မလျော်ကန်သည့် ၀တ်စားဆင်ယင်မှု၊ ကခုန်သီဆိုမှု၊ ဘုရားပေါ်တွင် အိပ်စက်ခြင်း စသည့် ယဉ်ကျေးမှု
ဖြစ်စဉ်ကို ထိခိုက် ယိုယွင်းစေသည့် အပြုအမှု အဖြစ် အပျက်တို့သည် သတိပေး တားမြစ်သည့် ကြားကပင် မလိုလား အပ်သည့် ဖြစ်စဉ်မျိုး မကြာခဏ ဖြစ်ပွားလျက်ရှိနေပါသည်။
-
ပုဂံယဉ်ကျေးမှုအမွေအနှစ်ဒေသအတွင်းရှိ ရှေးဟောင်းအဆောက်အဦများနှင့် ဆင်းတု၊ ရုပ်တု တို့သည် ကိုးကွယ်ယုံကြည်မှုကို အခြေခံ ထုဆစ် တည်ဆောက်ခဲ့သည်အတွက် ကိုးကွယ်ယုံကြည်မှု ဆိုင်ရာ အထွဋ်အမြတ် အဆောက်အဦများဖြစ်သည့်အပြင် လွန်ခဲ့သည့် နှစ်ပေါင်းများစွာက ယဉ်ကျေးမှုအမွေအနှစ်၏ အဆင့်အတန်း မြင့်မားမှု ပြယုဒ်များ ဖြစ်ကြသည်။
-
သို့ဖြစ်ရာ အထက်ဖော်ပြသည့် အကြောင်းအချက်များကြောင့် မတ်လ(၁)ရက်နေ့မှစ၍ ပုဂံ ယဉ်ကျေးမှုအမွေအနှစ်ဒေသအတွင်းရှိ မည့်သည် ဘုရား ပစ္စယံများပေါ်သို့မျှ တက်ရောက်ခွင့် ပြုတော့မည် မဟုတ်ကြောင်း အသိပေး ကြေညာ အပ်ပါသည်။
============
ယဉ်ကျေးမှုဝန်ကြီးဌာန


၂၀၁၄က Myanmar Event Park တွင်ပြုလုပ်ခဲ့သော အကယ်ဒမီချီးမြှင့်ပွဲ (ဓာတ်ပုံ - ဂျေမောင်မောင်(အမရပူရ))

အစိုးရသစ်လက်ထက် ဧပြီ ၃ ရက်တွင် ကျင်းပမည့် မြန်မာ့ရုပ်ရှင်ထူးချွန်ဆု အကယ် ဒမီပေးပွဲကို မြန်မာ့အသံနှင့် ရုပ် မြင်သံကြားက ယခင်နှစ်များကဲ့သို့ တိုက်ရိုက်ထုတ်လွှင့်၊ မလွှင့် မသေချာသေးကြောင်း ပြန်ကြားရေးဝန် ကြီးဌာနမှ သတင်းရရှိသည်။


ဧပြီ ၃ ရက်တွင် ကျင်းပမည့် မြန်မာ့ရုပ်ရှင်ထူးချွန်ဆု အကယ် ဒမီပေးပွဲ ကျင်းပရန် အချိန်တစ် လကျော်လိုသေးသဖြင့် ရိုက်ကူးမှု အစီအစဉ်များ မသတ်မှတ်ရသေး ဟု ပြန်ကြားရေးဝန်ကြီးဌာနမှ တာဝန်ရှိသူတစ်ဦးက ပြောသည်။

အကယ်ဒမီပေးပွဲကျင်းပရန် သုဝဏ္ဏမိုးလုံလေလုံအားကစား ကွင်းကို ငှားရမ်းခဲ့သော်လည်း ယင်းနေ့တွင် အားကစားပွဲများ ကျင်းပရန်ရှိနေခြင်းကြောင့် နေရာအခက်အခဲရှိခဲ့ပြီး ယခင်နှစ်က ပြုလုပ်ခဲ့သည့် Myanmar Event Park ၌သာ ပြုလုပ်ရန်လျာထား ကြောင်း ရုပ်ရှင်အစည်းအရုံး ဥက္ကဋ္ဌ ဦးလူမင်းက ပြောသည်။

‘‘သုဝဏ္ဏကွင်းမှာ ပြုလုပ်ဖို့ လျာထားခဲ့ပေမယ့် အဲဒီနေ့က အားကစားပွဲရှိနေတဲ့အတွက် ရုံမအားလို့ အဆင်မပြေဘူးလို့သိရတယ်။ Myanmar Event Park ကတော့ မနှစ်က လုပ်ထားပေမယ့် အခု အဲဒီကိုပဲ ပြန်စဉ်းစားရမလိုဖြစ်နေတယ်’’ဟု ၎င်းက ပြောသည်။

ထို့အပြင် အကယ်ဒမီပွဲ ကျင်းပချိန်သည် အစိုးရသစ်လက် ထက်ဖြစ်၍ သတင်းစာနှင့် ရုပ်သံများတွင် ထုတ်လွှင့်မှုရရှိရန်မှာနောက်အစိုးရနှင့် ချိတ်ဆက် ဆောင်ရွက်ရမည်ဖြစ်ကြောင်း ဦးလူမင်းက ပြောသည်။

ထို့အပြင် ပြန်ကြားရေး ပြည်ထောင်စုဝန်ကြီး ဦးရဲထွဋ်ကလည်း ‘‘အစိုးရသစ်လက်ထက်မှာ ပြန် ကြားရေးရော မြန်မာ့အသံပါ ရှိ၊ မရှိ မသေချာလို့ အစိုးရသစ်နဲ့ ညှိပါလို့ အစည်းအရုံးကို ပြော ထားတယ်’’ဟု ပြောသည်။

လာမည့် ဧပြီ ၃ ရက်တွင် သုဝဏ္ဏအားကစားကွင်း၌ ဖူဆယ် ပြိုင်ပွဲများနှင့် နွေရာသီအခြေခံ အားကစားသင်တန်းများဖွင့်လှစ် ထားသည်ဟု ဆိုသည်။

‘‘ခွင့်ပြုတယ်၊ ခွင့်မပြုဘူးဆို တာက ကျွန်တော်တို့ဆီကနေ သွားတာ မဟုတ်ပါဘူး။ ဝန်ကြီး ဌာနကနေ တိုက်ရိုက်စီမံတာဖြစ် ပါတယ်။ ဧပြီ ၃ ရက်မှာလည်း ဖူဆယ်ပြိုင်ပွဲတွေ ပြုလုပ်ဖို့ရှိပါ တယ်။ နောက်ပြီး နှစ်စဉ်ကျင်းပ နေတဲ့ နွေရာသီအခြေခံအား ကစားသင်တန်းတွေလည်း ရှိပါ တယ်’’ဟု သုဝဏ္ဏအမျိုးသားအား ကစားပြိုင်ပွဲရုံ (၁) တာဝန်ခံ ဒုတိယညွှန်ကြားရေးမှူး ဦးရဲနန္ဒက ပြော သည်။

အမျိုးသားဒီမိုကရေစီအဖွဲ့ ချုပ်ဦးဆောင်မည့် အစိုးရသစ် လက်ထက်တွင် ကျင်းပမည့် အကယ်ဒမီပွဲမှာ နေရာအခက် အခဲနှင့် ရုပ်သံမှ ထုတ်လွှင့်ပြသ ခြင်းအပါအဝင် အခက်အခဲများ ကြုံတွေ့နေရခြင်းသည် ပြီးခဲ့သည့် ရွေးကောက်ပွဲ၌ နိုင်ငံရေးပါတီ အချို့ အနိုင်ရရန် အနုပညာရှင်များက ဝန်းရံပါဝင်လှုပ်ရှားမှုများ နှင့် သက်ဆိုင်နေကြောင်း ဝေဖန် မှုများ ရှိနေသည်။

‘‘ဒီအကယ်ဒမီ အနုပညာပေးပွဲတစ်ခုဆိုတာ တစ်သက်လုံး အ စဉ်အလာကြီးနဲ့ ကျင်းပလာခဲ့တာ ဖြစ်ပါတယ်။ ဘယ်နေရာမဆို ကျင်းပလို့ရတယ်။ ဒါက တစ်တိုင်းပြည်လုံးက ပြည်သူတွေက အနု ပညာရှင်တွေနဲ့အတူ ရောပြီး တီဗီ ကနေ စောင့်ကြည့်ရင်ခုန်ကြတာ ပေါ့။ အခုပြောထားတဲ့ နေရာတွေ ခွင့်မပြုတာကတော့ အစိုးရက ဒီ ထက်ကောင်းတဲ့ နေရာလေးပေး ချင်လို့ပဲ ဖြစ်မှာပါ’’ဟု ဟာသ သရုပ်ဆောင် ဗေလုဝက ပြော သည်။

နေပြည်တော်သို့ အစိုးရ အဖွဲ့ပြောင်းရွှေ့သွားပြီးနောက် ၂၀၀၅ နောက်ပိုင်းမှစ၍ အကယ် ဒမီပေးပွဲကို နေပြည်တော်တွင် ကျင်းပခဲ့ရာမှ ဦးသိန်းစိန်အစိုးရ လက်ထက်၌ အနုပညာရှင်များ သွားလာရေးနှင့် ပွဲကျင်းပရေးအ ဆင်ပြေစေရန် ၂၀၁၃ တွင် ရန်ကုန်မြို့ သုဝဏ္ဏအားကစားပြိုင်ပွဲရုံ (၁)၌ ပြန်လည်ကျင်းပခွင့်ရရန် ရုပ်ရှင်အစည်းအရုံး၏ တင်ပြချက်ကို ထိုစဉ်က အစိုးရက ပြန်လည် ခွင့်ပြုပေးခဲ့သည်။

ဆုပေးပွဲကို ၂၀၁၄ က Mya-nmar Event Park ၌ ကျင်းပခဲ့သည်။ ယခုနှစ်တွင် သုဝဏ္ဏအားကစားခန်းမတွင် ကျင်းပရန် ပွဲမတိုင်မီ တစ်လခန့်က ကြိုတင်ငှားရမ်းသော်လည်း အဆင်မပြေခဲ့ပေ။

၂၀၁၆ ဧပြီတွင် ကျင်းပမည့် အကယ်ဒမီပေးပွဲသည် ၂၀၁၄ နှင့် ၂၀၁၅ ၂ နှစ်တာအတွက်ဖြစ်ပြီး ဇာတ်ကား ၃၀ ကျော်ကို တစ်နှစ် ချင်းစီအလိုက် ဆုရွေးချယ်ပေး အပ်မည့်ပွဲဖြစ်သည်

7Day News Journal
http://www.7daydaily.com/story/58582

ဒေါ်အောင်ဆန်းစုကြည် သမ္မတဖြစ်ရေး အဟန့်အတားဖြစ်နေသော ဖွဲ့စည်းပုံအခြေခံဥပဒေ ပုဒ်မ ၅၉(စ) ဆက်လက်တည်ရှိ ရေး ထောက်ခံဆန္ဒပြပွဲကို အမျိုး သားရေးလှုပ်ရှားသူများက ရန်ကုန်မြို့တွင် ပြုလုပ်သွားမည် ဖြစ်ကြောင်း သတင်းရရှိသည်။


၅၉(စ)ဆက်လက်တည်ရှိ ရေး ထောက်ခံဆန္ဒပြပွဲကို အမျိုး သားရေးလှုပ်ရှားသူများက ဖေ ဖော်ဝါရီ ၂၈ ရက်တွင် ရန်ကုန်မြို့ ဗိုလ်စိန်မှန်ကွင်း၌ လူဦးရေတစ် ထောင်ကျော်ဖြင့် ပြုလုပ်သွားရန် စီစဉ်နေကြောင်း ဦးဆောင်ဆန္ဒ ပြထောက်ခံသူတစ်ဦးဖြစ်သူ မြန်မာ့အမျိုးသားရေးကွန်ရက်အ ဖွဲ့မှ ဦးဝင်းကိုကိုလတ်က ပြော သည်။

‘‘လူဦးရေတစ်ထောင်ကျော် နဲ့ ထောက်ခံပွဲလုပ်ဖို့ စာတင်ထား တယ်။ အဓိကကတော့ ၅၉(စ)ကိုဆက်ရှိစေချင်တာပေါ့။ ဒေါ်အောင်

ဆန်းစုကြည်သမ္မတ မဖြစ်ဖို့အ တွက် ထောက်ခံပွဲလုပ်တာ မဟုတ်ပါဘူး။ ၅၉(စ)မပြင်ဘဲ သူသမ္မတ ဖြစ်တယ်ဆိုရင်လည်း လက်ခံပါ တယ်။ အမျိုးသားရေးအတွက် ထောက်ခံပွဲလုပ်တာပါ။ လုပ်မယ့် ပွဲကတော့ အမျိုးသားရေးလှုပ်ရှား သူတွေ အကုန်ပါတယ်’’ဟု ဦးဝင်းကိုကိုလတ်က ပြောသည်။

၅၉(စ)နှင့်ပတ်သက်၍ ပြင် ဆင်လိုသည့် သူများနှင့် မပြင် ဆင်လိုသည့်သူများ တစ်ဖက်နှင့် တစ်ဖက် ကန့်ကွက်ပြောကြားမှုများသည် လူမှုကွန်ရက်စာမျက်နှာ များတွင်ပျံ့နှံ့နေသည်။

အဆိုပါ ၅၉(စ) ထောက်ခံ ပွဲကို ကန့်ကွက်သွားမည်ဖြစ်ပြီး ပွဲကိုတက်ရောက်မည် မဟုတ်ကြောင်း အမျိုးဘာသာသာသနာ စောင့်ရှောက်ရေးအဖွဲ့မှ ဆရာ တော်ဥုးပါမောက္ခက မိန့်ကြား သည်။

‘‘အဓိကက တိုင်းပြည်ကောင်းစားဖို့ပဲ။ တိုင်းပြည် ကောင်းစားဖို့ဆိုရင် ၅၉(စ)ကို ပြင်သင့်ရင်ပြင်ရမှာပဲ။ မိန်းမပဲ သမ္မတလုပ်လုပ်၊ ယောက်ျားပဲ သမ္မတလုပ်လုပ် တိုင်းပြည်ကောင်းဖို့က အဓိကပဲ’’ဟု ဆရာတော်ကမိန့် ကြားသည်။

ဒေါ်အောင်ဆန်းစုကြည် သမ္မတဖြစ်စေရေး လာမည့်လွှတ် တော်တွင် ပုဒ်မ ၅၉(စ)ကို ဆိုင်း
ငံ့ထားရန် စီစဉ်နေကြောင်း သတင်းများထွက်ပေါ်နေသကဲ့သို့ ပြင်ဆင်မည်ဟုလည်း သတင်းများထွက်ပေါ်နေသည်။

၅၉(စ) ပြင်ဆင်ကြောင်း လွှတ်တော်တွင် တင်ပြပြောဆို လာပါက ဥပဒေအတိုင်းဆောင် ရွက်မည်ဖြစ်ကြောင်း တပ်မတော် သားကိုယ်စားလှယ်များက မီဒီ ယာများအား ပြောကြားထား သည်။

ဒေါ်အောင်ဆန်းစုကြည် သမ္မတဖြစ်ရေး အခြေခံဥပဒေကို ဆိုင်းငံ့ပြင်ဆင်ဖြည့်စွက် ပြောင်းလဲစရာမလိုဘဲ သားသမီးနှင့် ချွေးမများ မြန်မာနိုင်ငံသားအဖြစ် ပြောင်းလဲခံယူလိုက်ရုံဖြင့် ပြဿနာတွေအားလုံး ပြေလည်သွားမည်ဖြစ်ကြောင်း ပြန်ကြားရေးဝန်ကြီးဦးရဲထွဋ်က ဗီအိုအေသတင်းဌာန အား ပြောကြားထားသည်။

ဖွဲ့စည်းပုံ အခြေခံဥပဒေ ပုဒ်မ ၅၉(စ)မှာ သမ္မတအရည်အ ချင်းပြဋ္ဌာန်းချက်တစ်ခုဖြစ်ပြီး သမ္မတ၏ မိဘ၊ ဇနီး၊ ခင်ပွန်း၊ သားသမီးနှင့် သားသမီး၏ဇနီး ခင်ပွန်းတို့မှာ နိုင်ငံခြားသားခံယူ ထားသူ (သို့မဟုတ်) နိုင်ငံခြား အစိုးရ၏ အထောက်အပံ့ခံယူသူ မဖြစ်ရဟု ပြဋ္ဌာန်းထားသည်။

7Day News Journal
http://www.7daydaily.com/story/58600

နေပြည်တော်၊ ဖေဖော်ဝါရီလ၂၂ ရက်

ပြည်သူ့လွှတ်တော်ဥက္ကဋ္ဌ ဦးဝင်းမြင့်သည် ကမ္ဘာ့ဘဏ်၏ အရှေ့အာရှနှင့် ပစိဖိတ်ဒေသဆိုင်ရာ ဒုတိယဥက္ကဋ္ဌ မစ္စတာအက်ဇဲလ်ဗန်ထရောဇန်ဘာ့ခ် ဦးဆောင်သော ကိုယ်စားလှယ်အဖွဲ့အား ၂၀၁၆ခုနှစ် ဖေဖော်ဝါရီလ ၂၂ ရက် နံနက် (၉) နာရီတွင် နေပြည်တော်ရှိ လွှတ်တော်အဆောက်အအုံ ဇမ္ဗူသီရိဧည့်ခန်းမဆောင်၌ လက်ခံတွေ့ဆုံသည်။

ထိုသို့တွေ့ဆုံရာတွင် ပြည်သူ့လွှတ်တော်ဥက္ကဋ္ဌနှင့်အတူ ပြည်သူ့လွှတ်တော်ဒုတိယဥက္ကဋ္ဌ ဦးတီခွန်မြတ်၊ ပြည်သူ့လွှတ်တော်ဘဏ်များနှင့် ငွေကြေးဆိုင်ရာဖွံ့ဖြိုးတိုးတက်ရေးကော်မတီ ဥက္ကဋ္ဌ ဒေါက်တာသန်းမြင့်၊ အတွင်းရေးမှူး ဒေါ်ခင်စန်းလှိုင်၊ အဖွဲ့ဝင် ဦးစိုင်းထွန်းအောင်နှင့် ပြည်သူ့လွှတ်တော်ရုံးမှ တာဝန်ရှိသူများ တက်ရောက်ခဲ့ကြသည်။

တွေ့ဆုံစဉ် ကမ္ဘာ့ဘဏ်က မြန်မာနိုင်ငံ၌ လွန်ခဲ့သည့် လေးနှစ်မှ စတင်၍ လုပ်ငန်းများ ဆောင်ရွက်ပြီး ဘဏ္ဍာရေးဆိုင်ရာကဏ္ဍများတွင် အထောက်အကူများပေးခဲ့မှု၊ မြန်မာနိုင်ငံတွင် စာသင်ကျောင်းများ ဆောက်လုပ်ခြင်း၊ ကျန်းမာရေးဆိုင်ရာ လုပ်ငန်းများတွင် အထောက်အကူ ပေးခြင်း အပါအဝင် ပြည်သူများ၏ လိုအပ်ချက်များကို ဖြည့်ဆည်းဆောင်ရွက်ပေးခဲ့မှု၊ ကမ္ဘာ့ဘဏ် အနေဖြင့် မြန်မာနိုင်ငံ၏ ကျန်းမာရေး၊ ပညာရေး၊ လျှပ်စစ်၊ ငွေရေးကြေးရေးနှင့် စိုက်ပျိုးရေး ကဏ္ဍများ တွင် အကူအညီပေးရေးအတွက် သုံးသပ်လေ့လာ ဆန်းစစ်သွားရေး၊ မြန်မာနိုင်ငံ၏ သဘာဝ ဘေးအန္တရာယ် ကျရောက်မှုများကို အကူအညီပေးရာတွင် လွှတ်တော်အပိုင်းက ပူးပေါင်းပါဝင် ဆောင်ရွက်ရေး၊ မြန်မာနိုင်ငံ၏ ဆင်းရဲနွမ်းပါးမှု လျှော့ချရေးနှင့် ဖွံ့ဖြိုးတိုးတက်ရေးလုပ်ငန်း အစီအစဉ် များတွင် ကမ္ဘာ့ဘဏ်မှ ငွေကြေးအကူအညီပေးရေးဆိုင်ရာ ကိစ္စရပ်များနှင့် စပ်လျဉ်း၍ ရင်းနှီးခင်မင် စွာ ဆွေးနွေးခဲ့ကြသည်။

(သတင်းစဉ်)

 
၈၈ မျိုးဆက် ခေါင်းဆောင် မနီလာသိန်းကို ဖေဖော်ဝါရီလ ၂၂ ရက်နေ့က ဘုရင့်နောင်ရဲစခန်းက စခန်းမှူးနဲ့ အတူတွေ့ရစဉ်။ Photo: Kyaw Zaw Win/ RFA
စီတန်း လှည့်လည်မှုဆိုင်ရာ ဥပဒေပုဒ်မ ၁၈ နဲ့ ဖမ်းဝရမ်း ထုတ်ခံထားရတဲ့ ၈၈ မျိုးဆက်အဖွဲ့က မနီလာသိန်းကို မရမ်းကုန်းမြို့နယ် တရားရုံးမှာ အမှုရင်ဆိုင်ဖို့ ဖေဖော်ဝါရီလ ၂၄ ရက်နေ့မှာ လာရောက်ခေါ်ဆောင်မယ့်အကြောင်း ဘုရင့်နောင်ရဲစခန်းက ဒီကနေ့ လာရောက် အကြောင်းကြားခဲ့ပါတယ်။ မနီလာသိန်းကတော့ ဒီအမှုနဲ့ပတ်သက်ပြီး အာမ,ခံ လျှောက်ထားတာတွေ၊ ခံဝန်ချက်ထိုးပြီး ဒဏ်ငွေဆောင်တာတွေ လုပ်မှာမဟုတ်ဘူးလို့ ပြောပါတယ်။ မနီလာသိန်းဟာ ပြီးခဲ့တဲ့နှစ် ဖေဖော်ဝါရီလက လက်ပံတန်း ကျောင်းသားသပိတ်ကို ထောက်ခံ ဆန္ဒပြခဲ့တဲ့အတွက် တနှစ်နီးပါးအကြာမှာ အခုလို တရားစွဲခံရတာပါ။ အလားတူပဲ လက်ပံတန်း ကျောင်းသားသပိတ် ကာလအတွင်း ရန်ကုန်မြို့က ဆန္ဒပြပွဲမှာ ပါဝင်ခဲ့တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်က မဖြိုးဖြိုးအောင်နဲ့ ကိုလင်းထက်နိုင် တို့ကိုလည်း မရမ်းကုန်းမြို့နယ်မှာ တရားစွဲဆိုထားပါတယ်။ မဖြိုးဖြိုးအောင်ဟာ လက်ပံတန်း ကျောင်းသားသပိတ်မှာ ပါဝင်ခဲ့တဲ့အတွက် သာယာဝတီထောင်မှာ ဖမ်းဆီးခံ ထားရသူလည်း ဖြစ်ပါတယ်။

Nilar Thein of 88 Gen Faces Charges for Protest
၈၈ မျိုးဆက်မနီလာသိန်း အမှုရင်ဆိုင်ဖို့ ဖေဖော်ဝါရီ ၂၄ ရက်နေ့မှာ ရဲက လာခေါ်မည်~~~~စီတန်း လှည့်လည်မှုဆိုင်ရာ ဥပဒေပုဒ်မ ၁၈ နဲ့ ဖမ်းဝရမ်း ထုတ်ခံထားရတဲ့ ၈၈ မျိုးဆက်အဖွဲ့က မနီလာသိန်းကို မရမ်းကုန်းမြို့နယ် တရားရုံးမှာ အမှုရင်ဆိုင်ဖို့ ဖေဖော်ဝါရီလ ၂၄ ရက်နေ့မှာ လာရောက်ခေါ်ဆောင်မယ့်အကြောင်း ဘုရင့်နောင်ရဲစခန်းက ဒီကနေ့ လာရောက် အကြောင်းကြားခဲ့ပါတယ်။ မနီလာသိန်းကတော့ ဒီအမှုနဲ့ပတ်သက်ပြီး အာမ,ခံ လျှောက်ထားတာတွေ၊ ခံဝန်ချက်ထိုးပြီး ဒဏ်ငွေဆောင်တာတွေ လုပ်မှာမဟုတ်ဘူးလို့ ပြောပါတယ်။ မနီလာသိန်းဟာ ပြီးခဲ့တဲ့နှစ် ဖေဖော်ဝါရီလက လက်ပံတန်း ကျောင်းသားသပိတ်ကို ထောက်ခံ ဆန္ဒပြခဲ့တဲ့အတွက် တနှစ်နီးပါးအကြာမှာ အခုလို တရားစွဲခံရတာပါ။ အလားတူပဲ လက်ပံတန်း ကျောင်းသားသပိတ် ကာလအတွင်း ရန်ကုန်မြို့က ဆန္ဒပြပွဲမှာ ပါဝင်ခဲ့တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်က မဖြိုးဖြိုးအောင်နဲ့ ကိုလင်းထက်နိုင် တို့ကိုလည်း မရမ်းကုန်းမြို့နယ်မှာ တရားစွဲဆိုထားပါတယ်။ မဖြိုးဖြိုးအောင်ဟာ လက်ပံတန်း ကျောင်းသားသပိတ်မှာ ပါဝင်ခဲ့တဲ့အတွက် သာယာဝတီထောင်မှာ ဖမ်းဆီးခံ ထားရသူလည်း ဖြစ်ပါတယ်။
Posted by RFA Burmese TV Channel on Monday, February 22, 2016
RFA Burmese TV Channel

တိုင်းဒေသကြီး လွှတ်တော်ခေါင်းဆောင်တွေနဲ့ ဒေါ်စုတွေ့ ဆုံစဉ်  (Photo-NLD Chairperson)
တိုင်းဒေသကြီး လွှတ်တော်ခေါင်းဆောင်တွေနဲ့ ဒေါ်စုတွေ့ ဆုံစဉ် (Photo-NLD Chairperson)

အမျိုးသားဒီမုိုကရေစီ အဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့မှာ ပြည်နယ်နဲ့တိုင်း လွှတ်တော်ဥက္ကဋ္ဌ၊ ဒုတိယ ဥက္ကဋ္ဌ တွေနဲ့ နေပြည်တော်မှာ တွေ့ဆုံခဲ့ပါတယ်။ ရွေးကောက်ပွဲမှာ တခဲနက် အနိုင်ရပြီးနောက် အစိုးရသစ်ဖွဲ့စည်းနိုင်ဖို့ ပြင်ဆင်နေတဲ့ NLD ပါတီက လွှတ်တော်အကြီးအကဲ အသစ်တွေ အနေနဲ့ တာဝန်တွေ ချောချောမွေ့မွေ့ဆောင်ရွက်နိုင်ရေး အဓိက ဆွေးနွေး ခဲ့ကြတယ် လို့လည်း တွေ့ဆုံပွဲမှာ ပါဝင်ခဲ့တဲ့ ပဲခူးတိုင်းဒေသကြီးလွှတ်တော် ဒုဥက္ကဋ္ဌ ဦးကြည်ဇင်က ပြောပါတယ်အပြည့်အစုံကို ဗွီအိုအေမြန်မာပိုင်း သတင်းထောက် မေခက ပြောပြပေးမှာ ဖြစ်ပါတယ်။

တိုင်းဒေသကြီး လွှတ်တော်ခေါင်းဆောင်တွေနဲ့ ဒေါ်စုတွေ့ ဆုံစဉ် (Photo-NLD Chairperson)
တိုင်းဒေသကြီး လွှတ်တော်ခေါင်းဆောင်တွေနဲ့ ဒေါ်စုတွေ့ ဆုံစဉ် (Photo-NLD Chairperson))

NLD ပါတီ ဥက္ကဋ္ဌ ဒေါ်အောင်ဆန်းစုကြည်နဲ့ တိုင်းနဲ့ပြည်နယ် ၁၂ ခုမှာ ခန့်အပ်ထားတဲ့ လွှတ်တော်ဥက္ကဋ္ဌနဲ့ ဒုတိယဥက္ကဋ္ဌ အသစ်တွေနဲ့ ဒီကနေ့ နေပြည်တော်မှာ တွေ့ဆုံပြီး လွှတ်တော်သစ်ရဲ့ လုပ်ငန်းတွေနဲ့ ပတ်သက်လို့ ဆွေးနွေးခဲ့ကြတာပါ။ အထူးသဖြင့်ကတော့ NLD ပါတီက အများစုအဖြစ်နဲ့ နေရာယူထားတဲ့ လွှတ်တော်တွေမှာ၊ အရင်လွှတ်တော်ဟောင်းက လူပုဂ္ဂိုလ်တွေနဲ့ ညှိညှိနှိုင်းနှိုင်း ဆောင်ရွက်ဖို့ ဒေါ်အောင်ဆန်းစုကြည်က မှာကြားခဲ့တာလို့လည်း ဆွေးနွေးပွဲမှာ ပါဝင်ခဲ့သူတဦးဖြစ်တဲ့ ပဲခူးတိုင်းလွှတ်တော် ဒုဥက္ကဋ္ဌ ဦးကြည်ဇင်က ပြောပါတယ်။

“သိပ်တော့ထွေထွေထူးထူးမရှိပါဘူး။ လောလောဆယ် လက်ရှိမှာ လွှတ်တော် ဥက္ကဋ္ဌ၊ ဒု ဥက္ကဋ္ဌနေရာ အသစ်တွေဖြစ်တဲ့အတွက်ကြောင့်မို့လို့ လက်ရှိဖွဲ့စည်းပုံအရကလည်း အစိုးရကလည်းအဟောင်းတွေဖြစ်တယ်။ လွှတ်တော်က အသစ်ဖြစ်တဲ့အတွက်ကြောင့်မို့လို့ ဆက်ဆံရေးမှာ ပြေပြေလည်လည် ဆက်ဆံကြဖို့နဲ့ နောက်တခါ ကိုယ့်အစိုးရ တက်လာတဲ့အချိန်ကျတော့မှသာ ရှေ့ဆက်လုပ်ငန်းစဉ်တွေကို အရှိန်အဟုန်တိုးမြင့်ပြီးလုပ်ဆောင်ကြဖို့ လောလောဆယ်မှာတော့ တိုင်းဒေသကြီး လွှတ်တော်တွေအနေနဲ့က တည်တည်ငြိမ်ငြိ်မ်နဲ့ပဲ ၊ ကိုယ့်ဟာကို မှန်မှန်လေးသွားကြဖို့ ဒီလောက်ပါပဲ များများစားစား မပြောပါဘူး။ လူသစ်တွေကြီးပဲ ဖြစ်နေတဲ့အတွက်ကြောင့်မို့လို့ ဒီရှေ့မှာ လုပ်ဆောင်ရမယ့် လုပ်ငန်းလေးတွေတချို့နဲ့ ကျနော်တို့ နေတက်၊ ထိုင်တက်၊ ပြောတက်၊ ဆိုတက်အောင် သင်ပေးတဲ့သဘောပါပဲ အဲလောက်ပါပဲ။”

တိုင်းဒေသကြီး လွှတ်တော်ခေါင်းဆောင်တွေနဲ့ တွေ့ဆုံမှု အသေးစိတ်ကိုတော့ တက်ရောက်သူတွေက ပြောဆိုဖို့ ငြင်းဆိုကြပါတယ်။ NLD ပါတီ ဥက္ကဌဖြစ်သူ ဒေါ်အောင်ဆန်းစုကြည် အနေနဲ့ကတော့ ဖွဲ့စည်းပုံအခြေခံထဲက ကန့်သတ်ချက်အရ သမ္မတ ဖြစ်ခွင့်မရှိပဲ ဖြစ်နေရတဲ့ အတွက်လည်း လွှတ်တော်တွင်းမှာ ၄ ပုံ ၁ ပုံ နေရာယူထားတဲ့ စစ်တပ်ရဲ့ ထောက်ခံမှုနဲ့ ဖွဲ့စည်းပုံကို ပြင်ဆင်ရမယ့် အခြေအနေမျိုးပါ။ မြန်မာ့နိုင်ငံရေး အကဲခတ်တဦးဖြစ်တဲ့ ဦးခင်မောင်ညို ကတော့ ဒေါ်အောင်ဆန်းစုကြည် သမ္မတတာဝန်ယူနိုင်တဲ့ အလားအလာတွေ ရှိနေပေမဲ့ အချိန်ကတော့ အကန့်အသတ်နဲ့သာ ရှိနေတယ်လို့ ပြောပါတယ်။

“ပထမတချက်ကတော့ သူတို့ ၅၉ (စ) ကိစ္စပေါ့လေ။အဲဒါကို တကယ်လို့ တပ်မတော်က စောင့်ပြီးပြင်မယ်ဆိုရင်တောင်မှ အချိန်အကြာကြီး ။ တကယ်လို့ ဆိုင်းငံ့ကို တကယ်လို့ တပ်မတော် က သဘောတူရင်တော့ အဆင်ပြေနိုင် စရာရှိတယ်။ အဲဒီတော့ ဆရာတို့ ဒီအပတ်မှာတော့ တင်မယ်ထင်တယ်။ ၅၉ (စ) ဆိုင်းငံ့ဆိုတာကို။ ဦးနေ၀င်းလက်ထက်တုန်းက လုပ်ဖူးတယ်လေ။ သူတို့ ဒီလိုမျိုးပဲ ၀န်ကြီးချုပ်ကို ၆ လ ထက် ပိုမလုပ်ရဘူးဆိုတဲ့ ကိစ္စ ။ အဲဒီဥပဒေ ၁၄၂ လားမသိဘူး အဲဒါကို ခဏ ဆိုင်းငံ့လုပ်ရတယ်။ အခြေခံဥပဒေမှာ ဆိုင်းငံ့လုပ်လို့ ရတယ် ဆိုတာလည်းမပါဘူး၊ လုပ်လို့မရဘူးဆိုတာလဲ မပါတဲ့အတွက် လုပ်နိုင်ခွင့် ရှိတယ်ပေါ့။”

ဒေါ်အောင်ဆန်းစုကြည်ကတော့ မြန်မာ့နိုင်ငံရေးမှာ အဓိကနေရာယူထားတဲ့ စစ်တပ်နဲ့ ဆွေးနွေးညှိနှိုင်းမှုတွေ ဆက်တိုက်ဆိုသလို လုပ်ဆောင်နေတာပါ။ ပြီးခဲ့တဲ့ သီတင်းပတ်ထဲမှာလည်း တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့လည်း တတိယအကြိမ်အဖြစ် တွေ့ဆုံခဲ့ပါတယ်။ ရွေးကောက်ပွဲမှာ တခဲနက် အနိုင်ရထားတဲ့ NLD ပါတီက ဦးဆောင်ပြီး လွှတ်တော်သစ်တွေကို ဒီလဆန်းမှာပဲ ဖွဲ့စည်းထားပြီး၊ မတ်လ ၁၇ ရက်နေ့မှာ ဒုသမ္မတနဲ့ သမ္မတအတွက် အမည်စာရင်းတွေ တင်သွင်းဖို့လည်း စီစဉ်ထားတာပါတယ်။

မေခ/VOA
http://burmese.voanews.com/content/daw-aung-san-suu-kyi-will-meet-with-hluttaw-parliamentarian/3201365.html


ကချင်ပြည်နယ် ၀ိုင်းမော်မြို့နယ် ဆဒုံး၊ ချီဖွေလမ်းခွဲမှာ တားဆီးခံထားရတဲ့ လူထုအခြေပြု မူးယစ်တိုက်ဖျက်ရေး အဖွဲ့ဟာ ကန်ပိုက်တီမြို့နယ်အတွင်းက ဘိန်းခင်းတွေကို ဖျက်ဆီးဖို့အတွက် မနက်ဖြန်မှ ဆက်လက်ထွက်ခွာဖို့ ဆုံးဖြတ်လိုက်ပြီဖြစ်ပါတယ်။ လောလောဆည် လုံခြုံရေးတပ်ဖွဲ့တွေက တားဆီးထားသလို ဘိန်းခင်းရှင်တွေက လက်နက်ကိုင် ဟန့်တားဖို့ ပြင်ဆင်ထား တာကြောင့် တင်းမာလာမယ့်အခြေအနေတွေရှိနေပါတယ်။ ဒီသတင်းကို တော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။


ကချင်လူထုအခြေပြု မူးယစ်တိုက်ဖျက်ရေးအဖွဲ့ Pat Jasan အဖွဲ့ဝင် ၄ ထောင်လောက်ဟာ ဆဒုံး၊ ချီဖွေလမ်းခွဲမှာ ဒီလ ၁၆ ရက်နေ့တည်းက ရဲနဲ့ စစ်တပ်က တားဆီးထားတာဖြစ်ပါတယ်။ တနင်္ဂနွေနေ့က လူအင်အား တသောင်းလောက် လာရောက်စုဝေးပြီး လုပ်ငန်းအောင်မြင်ဖို့ ၀တ်ပြုဆုတောင်းပြီးတဲ့နောက်မှာ ဒီကနေ့မှာတော့ ဘိန်းခင်းတွေဖျက်ဆီးဖို့ အတွက် ဆက်လက်ထွက်ခွာဖို့ဆုံးဖြတ်လိုက်တာဖြစ်ပါတယ်။

ဒီအခြေအနေကို ကချင်လူထုအခြေပြု မူးယစ်တိုက်ဖျက်ရေးအဖွဲ့ရဲ့ အကြံပေးအဖွဲ့ဝင် ကချင်နှစ်ခြင်းခရစ်ယာန် အဖွဲ့ချုပ်က အထွေထွေအတွင်းရေးမှုး ဒေါက်တာခလပ် ဆမ်ဆွန် က အခုလို ပြောပါတယ်။

“အခုကျနော်တို့က အဲဒါကို သက်ဆိုင်ရာတွေနဲ့လည်း ကျနော်တို့ တော်တော် ညှိနှိုင်းတယ်။ ဒါပေမယ့် ထူးခြားမှု တွေကတော့ မရှိဘူး။ ကျနော်တို့လူတွေကလည်း တပတ်လောက်ရှိပြီဆိုတော့ ပင်ပန်း လာပြီ။ သူတို့ပြောတဲ့ အကြောင်းအရာတွေ ကလည်း ကျနော်တို့လက်ခံပါတယ်။ ဒါပေမယ့် ဒီလို ပိတ်ပင်တားဆီးမှုကိုတော့ ကျနော်တို့က နားမလည်နိုင်ဘူး။ အဲဒါကြောင့်မို့လို့ ကျနော်တို့ အားလုံးက ဒီလူထုအခြေပြု မူးယစ်ဆေးဝါးက မနက်ဖြန် ကျနော်တို့ ရောက်နိုင် တဲ့အထိ ရောက်အောင်သွားပြီးမှ လုပ်ငန်းစဖို့ အဲလိုဆုံးဖြတ်ထားပါတယ်။ သူတို့ကို ကျနော်တို့ တောင်းဆိုမယ်။ စာလည်း ရေးထားတယ်။ အကြောင်းကြားပြီးမှ ကျနော်တို့သွားမှာဖြစ်ပါတယ်။”

ပြီးခဲ့တဲ့ရက်တွေကတော့ ကန်ပိုက်တီးနယ်ဘက်က ဘိန်းခင်းရှင်တွေဟာ သေနတ်၊ ဒုတ်၊ ဒါး စတဲ့လက်နက်ကိုတွေကိုင်ဆောင်ပြီး လူအင်အား ၂၀၀ လောက်နဲ့ လမ်းခရီးမှာ စောင့်ဆိုင်းနေတယ်လို့လည်း သတင်းထွက်ပေါ်ခဲ့တာကြောင့် လုံခြုံရေးတပ်ဖွဲ့တွေက မူးယစ်တိုက်ဖျက်ရေးအဖွဲ့တွေကို ဒီလ ၁၆ ရက်နေ့မှာ ဆက်လက်မသွားဖို့ တားဆီးခဲ့တာဖြစ်ပါတယ်။

ဒီလို တားဆီးတာနဲ့ပတ်သက်ပြီး ပြည်နယ်ရဲမှုးကြီး ချစ်ဦးက တဖက်က ရန်ပြုတိုက်ခိုက်နိုင် တာကြောင့် ဖြစ်ကြောင်းနဲ့ အရင် တနိုင်း ၂ကြိမ်နဲ့ ၀ိုင်းမော်မြို့နယ်အတွင်းမှာ ၃ကြိမ် တိုက်ခိုက်ခဲ့ ရကြောင်း သတင်းစာ ရှင်းလင်းပွဲ မှာ ဒီလ ၁၇ ရက်နေ့က သတင်းစာရှင်းလင်းပွဲမှာပြောဆိုခဲ့ပါတယ်။

ဒေါက်တာ ခလပ် ဆမ်ဆွန်ကတော့ သွေးထွက်သံယိုမှုတွေမဖြစ်အောင် ထိန်းသိမ်းဆောင်ရွက် သွားမှာ ဖြစ်ကြောင်း ပြောဆိုပါတယ်။

“သွေးထွက်သံယိုမှုတွေမဖြစ်အောင်တော့ ကျနော်တို့ ဘာသာရေး အဖွဲ့အစည်းအားလုံးကနေ ထိန်းကျောင်း သွားမှာဖြစ်ပါတယ်။ ဒါက နိုင်ငံရေးလည်း မဟုတ်ဘူး။ ဘာမှနိုင်ငံရေး ပရောဂလည်းမရှိဘူး။ ကျနော်တို့ရဲ့ လူထု လှုပ်ရှားမှု ဒီ ဘိန်းခင်းကို ဖြတ်တာပဲ။ ဒါဟာကောင်းမြတ်တဲ့ လုပ်ငန်းဆိုတာ ကျနော်တို့ အသိစိတ်နဲ့ လုပ်တာဖြစ်တဲ့အတွက်ကြောင့်မို့လို့ ကျနော်တို့ကပြောမယ်၊ သွားမယ်၊ ဘယ်လောက်အထိ ပိတ်ပင်မလဲဆိုတာကတော့ ကျနော်တို့က လက်တွေ့ လုပ်မှပဲ တွေ့ရမှာပေါ့။”

ကချင်ပြည် ဒီမိုကရေစီပါတီဥက္ကဋ္ဌ ဒေါက်တာတူးဂျာကတော့ တိုက်ခိုက်တာတွေ မဖြစ်အောင် အာဏာပိုင်တွေက နှစ်ဖက်ညှိနှိုင်းပြီး ဆောင်ရွက်သင့်တယ်လို့ အခုလို ပြောပါတယ်။

“အကောင်းဆုံးက ကျနော်မြင်တာက ဒီအာဏာပိုင်တွေအနေနဲ့ပေါ့၊ အခုဒီ မူးယစ်ဆေးဝါးနှိမ်နင်းတဲ့ ခေါင်းဆောင်တွေအနေနဲ့ရော ဘိန်းခင်းတောင်သူတွေနဲ့ရော တာဝန်ရှိသူတွေနဲ့ပါ ညှိနှိုင်းပေးပြီးတော့မှ အဆင်ပြေအောင်လုပ်ပေးမယ်ဆိုရင် အကောင်ဆုံးပါ။ ဒီအဖွဲ့တွေက ဆက်သွားဖို့ တကဲကဲဖြစ်နေတာ။ အဲဒါဆိုရင် ဒီမှာလည်းပြဿနာ ပေါ်နိုင်တယ်။ ပြီးရင် ဆက်သွားလို့ရှိရင် ဟိုမှာလည်း ပြဿနာ ပေါ်နိုင်တယ်။ ဆိုတော့ဒါ အင်မတန်စိုးရမ်စရာ ကောင်းတယ်၊ ရင်လေးစရာ ကောင်းပါတယ်။”

ကချင်ပြည်နယ်က မူးယစ်တိုက်ဖျက်ရေးအဖွဲ့တွေဟာ ဒီနှစ် ဘိန်းစိုက်ရာသီမှာ ကချင်ပြည်နယ်၊ ရှမ်းပြည်နယ်မြောက်ပိုင်းနဲ့ စစ်ကိုင်းတိုင်းဒေသကြီး ဟူးကောင်းတောင်ကြားဒေသက ဘိန်းခင်းဧက ၈ ထောင်လောက်ကို ဖျက်ဆီးခဲ့ပြီလို့လည်း သတင်းထုတ်ပြန်ထားပါတယ်။

လက်ရှိ ကချင်လူထုအခြေပြု မူးယစ်တိုက်ဖျက်ရေးအဖွဲ့တွေသွားရောက်မယ့် ကန်ပိုက်တီးဒေသဟာ ဦးစခုန်တိန်းယိန်းခေါင်းဆောင်တဲ့ NDA-K ( ခေါ် ) အပစ်ရပ် ကချင်ဒီမိုကရေစီသစ်တပ်ဖွဲ့ကနေ အသွင်ပြောင်းထားတဲ့ နယ်ခြားစောင့်တပ်နဲ့  ပြည်သူ့စစ် အဖွဲ့တွေ ထိန်းချုပ်ထားတဲ့နယ်မြေဖြစ်ပါတယ်။ ပြီးခဲ့တဲ့ ရွေးကောက်ပွဲကာလကလည်း အမျိုးသားဒီမိုကရေစီအဖွဲ့ချုပ် NLD အပါအ၀င် နိုင်ငံရေးပါတီတချို့ကို အဲဒီနယ်မြေမှာ မလာရောက်ဖို့ ပိတ်ပင်တာတွေ ရှိခဲ့ဖူးပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com