02/26/16

ဒေသခံ ကချင်လူမျိုးတွေက ကချင်ပြည်နယ် ဝန်ကြီးချုပ်ရုံးရှေ့မှာ ဆန္ဒပြမှု။ Photo Credit to Jade Land 
ကချင်ပြည်နယ် ဝိုင်းမော်မြို့နယ် အတွင်း ဘိန်းခင်းဖျက်ဖို့ သွားရောက်ခဲ့တဲ့ Pat Jasan ခေါ် လူထု အခြေပြု မူးယစ်ဆေးဝါး တိုက်ဖျက်ရေးအဖွဲ့ တိုက်ခိုက်ခံ ရမှုဖြစ်ပြီး၊ မြစ်ကြီးနားဆေးရုံပေါ်ကို အနည်းဆုံး ဒဏ်ရာရသူ ၃၀ ရောက်ရှိ လာရာမှာ နှစ်ဦး သေဆုံးခဲ့တယ်ဆိုပြီး သတင်းတွေ ထွက်ပေါ်နေပါတယ်။ တချိန်တည်းမှာပဲ မြစ်ကြီးနားမြို့ပေါ်မှာ ဒေသခံကချင်လူမျိုးတွေက ဒီဖြစ်ရပ်နဲ့ ပတ်သက်လို့ ကချင်ပြည်နယ်ဝန်ကြီးချုပ်ရုံးရှေ့မှာ ဆန္ဒပြမှုတွေ ရှိနေပါတယ်။

ဒီအခြေအနေတွေနဲ့ပတ်သက်လို့ ကချင်လူထုနဲ့အာဏာပိုင်တွေကြား ၀င်ရောက် ညှိနှိုင်းပေးနေတဲ့ PCG ကချင်ငြိမ်းချမ်းရေးအကျိုးဆောင်အဖွဲ့က ဦးဆန်းအောင်ကို ဗွီအိုအေ သတင်းထောက် မမေခ မကြာသေးခင်ကပဲ ဆက်သွယ်မေးမြန်း ထားပါတယ်။

ဦးဆန်းအောင်။    ။ သေတာတော့ ကျနော် မသိသေးဘူး။ အခု ဒဏ်ရာ ရတာတော့ လူသုံးဆယ်ကျော်လောက်ရှိတယ်။ ဆေးရုံမှာ ရော်ကနေတာ သုံးဆယ်ကျော်လောက်ရှိတယ်။

မေခ။   ။ Kachin Land FB မှာ တက်လာတာ နှစ်ယောက်သေ သွားတယ် လို့ ပြောနေလို့ပါရှင့်။

ဦးဆန်းအောင်။     ။ ခုနက သေမလို ဖြစ်တဲ့ဟာက အဲ့ဒီ့ထဲက မဟုတ်ပဲနဲ့။ အခု နောက်ရောက်လာတဲ့ဟာထဲက မဟုတ်ရင်တော့ သေမလိုဖြစ်တာ မပါဘူး။ အဲ့ဒီ့မှာ သေမလိုဖြစ်တဲ့တယောက်ကတော့ တရားခံပေါ့နော်။ တရုတ်ပြည်က တရုတ် ဘိန်းစိုက်နေတဲ့သူ၊ ပြီးတော့ အဲ့ PJS အဖွဲ့တွေကို မိုင်းခွဲတဲ့သူ၊ သူ့မိုင်းနဲ့သူ ထိတာ။ အဲ့တယောက်ကတော့ သေမလိုဖြစ်နေတာ။ အခုနက အောက်ဆီဂျင်နဲ့ အသက်ရှုနေတာတွေ့တယ်။ မြစ်ကြီးနားဆေးရုံမှာပဲ။ အတူတူပဲ။ သူက တရုတ်နိုင်ငံသားလို့ပြောတယ်။ ဘာစကားမှာလည်း မတတ်ဘူး။ ကချင်စကားလည်း မတတ်ဘူး။ ဗမာစကားလည်း မတတ်ဘူး။

မေခ။   ။ အဲ့ဒီ့လူနဲ့က ဘယ်မှာ ထိတွေ့မှုဖြစ်တာလဲ။ ဥပမာ သူက အဲ့ဒီ့ဗုံးကို ဘယ်မှာ ထောင်တာလဲ။

ဦးဆန်းအောင်။    ။ အနီးကပ်ပစ်တဲ့အခါကျတော့ သူက ထိသွားတာ။ အများကြီး ထိသွားတဲ့သဘောရှိတယ်။ ကန်ပိုင်တီနားမှာပေါ့။ ဝမ်မောဆိုတဲ့ရွာပေါ့ အဲ့ဒီ့ကန်ပိုင်တီနား လမ်းဘေးဝဲယာက အားလုံး ဘိန်းခင်းတွေချည်းပဲ။

မေခ။   ။ အခုသတင်းတွေကြားနေရတာက ဦးဆခုန်တိုန်ယင်းရဲ့ အိမ်ကို ဝိုင်းမယ်ဆိုပြီးတော့ သတင်းတွေ ကြားနေတယ်။ မြစ်ကြီးနား ရဲစခန်း ရှေ့မှာ လူတွေ ဆန္ဒပြနေတယ်လို့ ပြောနေတယ်ရှင့်။ အဲ့တာရော ဟုတ်ပါ့သလား။

ဦးဆန်းအောင်။   ။ ခုနက ကျနော် ဆေးရုံရှေ့ကိုရောက်တော့ ဆန္ဒပြပြီး အော်နေတာတော့ တွေ့တယ်။ တော်တော်လေး အော်နေကြတယ်။ လူတွေက ထောင်ဂဏန်းလောက်ဖြစ်နေတယ်။ ဒီနေ့ ဝန်ကြီးချုပ် အိမ်မှာ သွားမယ်။ ပြီးရင် ပြန်မယ်ဆိုတာလောက်ပဲ ကျနော် သိတယ်။ ရဲစခန်းကို ဝိုင်းပြီး ဆန္ဒဖော်ထုတ်တယ်ဆိုတာတော့ မသိဘူး။

မေခ။   ။ အခု လက်ရှိအခြေအနေနဲ့ပတ်သက်ပြီးတော့ အန်ကယ်လ်တို့ဘက်က ဘာတွေများ လုပ်ဖို့ အစီအစဉ်များ ရှိပါသလဲရှင့်။

ဦးဆန်းအောင်။    ။ ကျနော်တို့ အဖွဲ့ကတော့ တကွဲတပြားဆို မကောင်းဘူးလေ။ ကျနော်တို့အဖွဲ့က ဦးလမိုင်ဂွမ်ဂျာကတော့ ပြည်နယ် ရဲတပ်ဖွဲ့မှုးနဲ့ Pa Jasan အဖွဲ့တွေနဲ့ ညှိနှိုင်းပေးတာမျိုးတွေတော့ ရှိတယ်။

မေခ။    ။ ဒါဆိုရင် အခုလက်ရှိ Pa Jasan အဖွဲ့က သေတာမရှိဘူးနော်။

ဦးဆန်းအောင်။   ။ မရှိလောက်သေးဘူးခင်ဗျ။ ကျနော် ခုနက ဆေးရုံရောက်တဲ့ အချိန်မှာ လူက အယောက်သုံးဆယ်ရောက်တယ်။ နောက်မှ ကိုးဦး လိုက်လာတယ်ပြောတယ်။ အဲ့ဒီ့ကိုးဦးအခြေအနေ ဘယ်လိုရှိသလဲဆိုတာတော့ ကျနော် မသိရသေးဘူး။

မေခ။   ။ ဒါဆို အခုရောက်နေတဲ့လူသုံးဆယ်ထဲမှာရော အသက်အန္တရာယ် စိုးရိမ်ရတဲ့ အနေအထားမှာ ရှိပါလားရှင့်။

ဦးဆန်းအောင်။   ။ အဲ့ဒီ့အယောက် ၃၀ထဲမှာ အသက်အန္တရာယ် စိုးရိမ်ရတာတော့ မပါဘူးခင်ဗျ။ အဲ့ဒီ့သုံးဆယ်ထဲမှာ ကိုယ်တိုင် မိုင်းဆွဲတဲ့ ဘိန်းခင်းပိုင်ရှင် တယောက်ပါလာတာ အဲဒီ့သူတယောက်ကတော့ နည်းနည်းစိုးရိမ်စရာဖြစ်တယ်။ သူ့ဒဏ်ရာတွေကတော့ မိုင်းက ထိတဲ့ဒဏ်ရာတွေရှိသလို တချို့ကျတော့ သေနတ်နဲ့ နယ်ခြားစောင့်တပ်က ဝိုင်းထားပြီးမှ တုတ်နဲ့ ရိုက်ခံရတဲ့သူတွေရှိတယ်။ တချို့က သေနတ်နဲ့ အပစ်ခံရတာတွေရှိတယ်။ တချို့က ဓားနဲ့ အခုတ်ခံရတာရှိတယ်။

ကချင်လူထုနဲ့အာဏာပိုင်တွေကြား ၀င်ရောက် ညှိနှိုင်းပေးနေတဲ့ PCG ကချင်ငြိမ်းချမ်းရေးအကျိုးဆောင်အဖွဲ့က ဦးဆန်းအောင်ကို ဗွီအိုအေ သတင်းထောက် မမေခ ဆက်သွယ်မေးမြန်း ထားတာဖြစ်ပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com

စီမံကိန်းတွေ ကိစ္စ အရေးကြီးအဆိုကို တပ်မတော်ကိုယ်စားလှယ်တွေ ကန့်ကွက်
ပြည်သူ့လွှတ်တော်မှာ လက်ရှိ အစိုးရ အနေနဲ့ သက်တမ်းကုန်ကာနီး အချိန်မှာ စီမံကိန်းတွေ လုပ်ပိုင်ခွင့်တွေကို အရင်စလို ခွင့်မပြု့ဖို့ ဖေဖော်ဝါရီလ ၂၅ ရက်နေ့က အရေးကြီး အဆို တင်သွင်းခဲ့ရာမှာ တပ်မတော် ကိုယ်စားလှယ်တွေနဲ့ တခြား ပါတီက ကိုယ်စားလှယ်တွေက ကန့်ကွက်ခဲ့ပါတယ်။

ဒါပေမဲ့ ထောက်ခံသူ များတဲ့ အတွက် ဖေဖော်ဝါရီလ ၂၆ ရက်နေ့မှာ အဲဒီ အဆိုကို ဆက်လက် ဆွေးနွေးမှာ ဖြစ်ပါတယ်။

ဒီအရေးကြီး အဆိုကို ပြည်သူ့လွှတ်တော် ဘဏ်များနဲ့ ငွေကြေးဆိုင်ရာ ဖွံ့ဖြိုးတိုးတက်ရေး ကော်မတီ အတွင်းရေးမှူး ဖြစ်တဲ့ NLD ပါတီပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က တင်သွင်းခဲ့တာဖြစ်ပါတယ်။

လက်ရှိ အစိုးရ သက်တမ်း တစ်လခွဲလောက်ပဲ ကျန်တော့ချိန်မှာ နိုင်ငံပိုင် လုပ်ငန်း၊ အဆောက်အဦနဲ့ နေရာတွေကို အလျင်စလို လွှဲပြောင်း ရောင်းချ ငှားရမ်းတာတွေ လုပ်နေလို့ ပြည်သူတွေကြားမှာ ကျယ်ကျယ်ပြန့်ပြန့် ပြောဆိုနေကြတာတွေ ရှိနေတဲ့အပြင် နောင် အစိုးရသစ် တက်မှ ဆောင်ရွက်ရမှာတွေကို အခု လုပ်ဆောင်နေတဲ့ အတွက် ထိန်းကျောင်း တည့်မတ်ပေးဖို့ အဆိုတင်ခဲ့တာလို့ သူက ပြောပါတယ်။

လူများသိရှိတဲ့ လုပ်ငန်းတွေထဲမှာ ဥပမာအားဖြင့် စင်ကာပူနိုင်ငံကို ရန်ကုန်က ၄ ဧကကျော် ရှိတဲ့ ဆေးရုံကြီးမြေနေရာ လုပ်ကိုင်ခွင့်ပေးတာ၊ ဒဂုံစီးတီး စီမံကိန်းလုပ်ခွင့်ပေးတာအပြင် ဓါတ်ဆီဆိုင် ၇၀ ကို ပြည်သူတွေကို အသိပေးခြင်းမရှိဘဲ လွှဲပြောင်းပေးမယ့် ကိစ္စတွေ ရှိသေးတယ်လို့ ဒေါ်ခင်စန်းလှိုင်က ပြောပါတယ်။

အစိုးရသစ် တာဝန်လွှဲပြောင်းတဲ့ အခါ ဂုဏ်သိက္ခာ ရှိရှိ လွှဲပြောင်းနိုင်အောင်နဲ့ ပြည်သူလူထုကိုလည်း ရှင်းပြနိုင်စေဖို့ လွှတ်တော်တွင်းကနေ မေးခဲ့တာ ဖြစ်တယ်လို့လည်း သူက ပြောပါတယ်။

လွှတ်တော်က တင်ပြတဲ့ အချက်တွေကို သက်ဆိုင်ရာဝန်ကြီးဌာနတွေ အနေနဲ့ ဘယ်လောက် စိတ်ဝင်စားသလဲ ဆိုတာနဲ့ တင်ပြတဲ့ အချက်အလက်တွေ အပေါ် ဘယ်လို တုံ့ပြန်မလဲ ဆိုတာက အရေးကြီးတယ်လို့လည်း ဒေါ်ခင်စန်းလှိုင်က ပြောပါတယ်။

တာဝန်ရှိတဲ့ အစိုးရပိုင်းက ဖြေရှင်း မပေးနိုင်ဘူးဆိုရင်တောင် ဒီစီမံကိန်းတွေကို သူတို့ ဘာကြောင့် ဘယ်လို ဆောင်ရွက်ခဲ့တယ် ဆိုတာ လွှတ်တော်ကို လာရောက် ရှင်းလင်း ပြောပြရင် ပြည်သူတွေက အစိုးရ အပေါ် ပိုလေးစားနိုင်မယ်လို့လည်း သူကဆိုပါတယ်။

ဒါ့အပြင် ဒေါ်ခင်စန်းလှိုင်က တာဝန်ရှိသူတွေ လာရောက်မရှင်းလင်းရင် လွှတ်တော်မှာ တင်ခဲ့တဲ့ အဆိုတွေကို မှတ်တမ်းနဲ့ ထားရှိပြီး နောက်အစိုးရသစ် လက်ထက်မှာ ဆက်လက် ဆောင်ရွက်ဖို့ လိုတာတွေကို လုပ်သွားမယ်လို့ ပြောပါတယ်။

BBC Burmese
http://www.bbc.com/burmese

တက္ကသိုလ်ကျောင်းသားသမဂ္ဂအဖွဲ့က ရန်ကုန်မြို့၊ မြို့တော်ခန်းမရှေ့မှာ သြဂုတ်လ ၂၃ ရက်နေ့တွင် မတရားတဲ့ ဥပဒေအားလုံးကို ကန့်ကွက်ကြောင်း Failed Law လို့စာတန်းရေးထားတဲ့ စာရွက်တွေကို ကိုင်ဆောင်ထားကြစဉ်။ Photo: Kyaw Zaw Win/ RFA
ရန်ကုန်မြို့တော်ခန်းမရှေ့က မဟာဗန္ဓုလပန်းခြံထဲမှာ ပြီးခဲ့တဲ့နှစ် မတ်လက Failed Law လှုပ်ရှားမှု ပြုလုပ်ခဲ့ တာကြောင့် စီးပွားရေးတက္ကသိုလ် ကျောင်းသားသမဂ္ဂ ဥက္ကဌ ကျောင်းသား ကိုမင်းသူကျော် နဲ့ ဒဂုံတက္ကသိုလ် တကသအဖွဲ့ဝင် ကိုဖိုးသားတို့ကို တရားမ၀င်စီတန်းလှည့်လည်မှု ပုဒ်မ ၁၈နဲ့ ကျောက်တံတားမြို့နယ် တရားရုံးမှာ ဒီကနေ့ ရုံးတင်စစ်ဆေးရာ အာမခံမယူတဲ့အတွက် အင်းစိန်အကျဉ်းထောင်ကို ပို့ဆောင်လိုက်ပါတယ်။

တကသကျောင်းသားတွေဟာ လှုပ်ရှားမှုတွေလုပ်ဆောင်တိုင်း ခွင့်ပြုချက်မယူသလို အာမခံယူတာတွေ ဒဏ်ငွေဆောင်တာတွေ  လုပ်ဆောင်မှာမဟုတ်ဘူးလို့ ဆုံးဖြတ်ထားတဲ့အတွက် ကိုမင်းသူကျော် နဲ့ ကိုဖိုးသားတို့က အာမခံမယူတာဖြစ်တယ်လို့ ကျောက်တံတားမြို့နယ် တရားရုံးချိန်းကို သွားရောက်ခဲ့တဲ့ တကသ အဖွဲ့ဝင် ကိုရဲဇာနည်ထွန်းက ပြောပါတယ်။

"ကျနော်တို့က တကသရဲ့ပုံစံကိုက အခုလက်ရှိကို အယုံအကြည်မရှိတဲ့အတွက် မည်သည့်လှုပ်ရှားမှုမှ သဘောရှေ့ကိုတင်မထားဘူးလေ၊ ပြီးရင်နောက်ဆက်တွဲ တရားစီရင်ရေးမှာလည်း အာမခံယူတာတွေ၊ ဒဏ်ငွေဆောင်တာတွေ၊ တရားစီရင်ရေးဖြစ်စဉ်မှာ ပူးပေါင်းဆောင်ရွက်မှာ မဟုတ်ပါဘူး ကျနော်တို့က၊ ကျနော်တို့ဆီကလူတွေက လုံးဝအာမခံမယူပဲနဲ့ ကြိုက်တဲ့ပြစ်ဒဏ်ချပေါ့၊ တရားရုံးစီရင်မှုမှာဗျာ ကျနော်က ပူးပေါင်းဆောင်ရွက်မှာမဟုတ်ဘူး၊ ဖမ်းလည်းဖမ်းပဲ ချုပ်လည်းချုပ်ပဲ ကြိုက်တဲ့နေရာပို့၊ တရားရုံးမှာစစ်တဲ့အခါကျရင် ဥပမာ တရားစွဲဆိုတဲ့ပုဂ္ဂိုလ်ပဲ တိုင်ကြားတဲ့လူက တရားလိုစစ်လည်း ကျနော်က ရှေ့နေငှားမှာလည်းမဟုတ်ဘူး၊ သူတို့မေးခွန်းမေးလည်း ဖြေမှာမဟုတ်ဘူး၊ ကျနော်တို့က အကြံပေးမှာလည်းမဟုတ်ဘူး"

မတရားတဲ့ ဥပဒေတွေကို ဆန့်ကျင်တဲ့အနေနဲ့ တက္ကသိုလ်ကျောင်းသားများသမဂ္ဂ အဖွဲ့ဝင်တွေဟာ ပြီးခဲ့တဲ့နှစ် သြဂုတ်လက ကျောက်တံတားမြို့နယ် မဟာန္ဓုလပန်းခြံမှာ Failed Law လှုပ်ရှားမှု ပြုလုပ်ခဲ့တာဖြစ်ပါတယ်။ အဲဒီလှုပ်ရှားမှုဟာ Failed Law စာလုံးပါ အနက်ရောင်တီရှပ်တွေ ဆင်တူဝတ်ဆင်တာဖြစ်ပါတယ်။

ဒါ့အပြင် အမျိုးသားပညာရေးဥပဒေကို သပိတ်မှောက်ခဲ့တဲ့ ကျောင်းသားတွေ ရုံးချိန်းနဲ့ အလုပ်သမား၊ လယ်သမားရုံးချိန်းတွေမှာ တကသအဖွဲ့ဝင်တွေဟာ Failed Law စာလုံးပါ အနက်ရောင်တီရှပ်တွေ ၀တ်ဆင်ပြီး ၀န်းရံအားပေးခဲ့တာဖြစ်ပါတယ်။

ကိုဖိုးသားနဲ့ ကိုမင်းသူကျော်တို့ကို လာမယ့် မတ်လ ၉ ရက်နေ့ ကျောက်တံတားမြို့နယ်တရားရုံးမှာ ရုံးထုတ်စစ်ဆေးမှာဖြစ်ပါတယ်။

RFA Burmese
http://www.rfa.org/burmese

 ရွာသားတွေကိုဝင်ကိုက်လို့ပစ်သတ်ထားတဲ့ကျား
ကရင်ပြည်နယ်မှာ ကျား ဝင်ရောက်ခဲ့တဲ့ ရေလယ်ကုန်း ကျေးရွာဟာ ကော့ကရိတ်မြို့နဲ့ တမိုင်လောက်ပဲဝေး ကွာပါတယ်။ မနက် ၅နာရီလောက် ရွာနားက ကန်မှာ ငါးဖမ်းပိုက် ထောင်နေတဲ့ ရွာသားနှစ်ဉီး ကျားကိုက်ခံရလို့ ကော့ကရိတ်ဆေးရုံကို ပို့လိုက်ရပါတယ်။

အဲဒီနောက် ကော့ကရိတ်မြို့နယ် ရဲတပ်ဖွဲ့တွေ နယ်ခြားစောင့် တပ်ဖွဲ့ဝင်တွေနဲ့ ရွာသား ၃၀ လောက်တို့ ကျားကို ဖမ်းဆီးဖို့ ရှာဖွေခဲ့ပါတယ်။

၎နာရီလောက် ရှာဖွေပြီး တွေ့တဲ့အခါ လူကို ပြန်လည် တိုက်ခိုက်တဲ့အတွက် ရွာသားတွေ အန္တရာယ် ကင်းအောင် ပစ်သတ်ခဲ့တာလို့ ကော့ကရိတ် ရဲစခန်းမှ တာဝန်ရှိသူက ဘီဘီစီကို ပြောပါတယ်။ ကျား သတ္တဝါတွေဟာ တန်ဖိုးရှိပြီး မေ့ဆေးသေနတ်နဲ့ ဖမ်းဖို့ ကောင်းပေမယ့် လူကို တိုက်ခိုက်တဲ့ ကျားဖြစ်လို့ ပစ်သတ်တာ ဖြစ်ကြောင်းလည်း သူက ဆက်ပြောပါတယ်။

အရင်က ဒီရွာဘက်မှာ ကျား မရှိပေမယ့် ဒေါန တောင်တန်းမှာ ရှိတဲ့ ကျားဟာ အစာရှာရင်း ရွာထဲကို ဝင်ရောက်လာတာ ဖြစ်နိုင်ပါတယ်။ အခု အသေဖမ်းဆီးရမိတဲ့ ကျားဟာ ဘင်္ဂလားကျား အမျိုးအစားဖြစ်ပြီး အမြီးကနေ ခေါင်းအထိ ၈ ပေလောက် ရှည်လျားကာ လူ ၇ယောက် သယ်ဆောင်ရပါတယ်။

BBC Burmese
http://www.bbc.com/burmese

မြန်မာနိုင်ငံအပါအဝင်ဖြစ်တဲ့ ရွှေတြိဂံဒေသ ပြ မြေပုံ။
အရှေ့တောင်အာရှဒေသတွင်း စီးပွားရေးချိတ်ဆက်မှု စတင်လာချိန် မှာ မြန်မာနိုင်ငံ အပါအဝင်ဖြစ်တဲ့ ရွှေတြိဂံဒေသကနေ မူးယစ်ဆေးကုန်ကူးမှုတွေလဲ ဆက်လက်မြင့်မားနေဆဲဖြစ်တယ်လို့ ကုလသမဂ္ဂ မူးယစ်ဆေးဝါး တိုက်ဖျက်ရေးအဖွဲ့က ဒီနေ့ ထုတ်ပြောလိုက်ပါတယ်။

UNODC လို့ အတိုကောက်ခေါ်တဲ့ ကုလသမဂ္ဂ မူးယစ်ဆေးဝါးနဲ့ ရာဇဝတ်မှုဆိုင်ရာ ရုံးအနေနဲ့ အစီရင်ခံစာသစ်တစ်စောင် ထုတ်ပြန်ရာမှာ ဘိန်းနဲ့ Methamphetamines စိတ်ကြွဆေးပြားထုတ်လုပ်ဖို့ လိုအပ်တဲ့ ဓာတုပစ္စည်းတွေ ဒီအရှေ့တောင် အာရှဒေသထဲကို ဆက်လက်တိုးပွားလာနေတယ်၊ ဒီဒေသတွင်းမှာ စီးပွားရေးချိတ်ဆက်မှု ဆက်ဖြစ်လာတနဲ့အမျှ ဒီပြဿနာက ပိုဆိုးလာဖို့ရှိနေတယ်လို့ ဆိုလိုက်ပါတယ်။

ဒီ ကုလသမဂ္ဂ မူးယစ်နဲ့ရာဇဝတ်မှုတိုက်ဖျက်ရေးအဖွဲ့ရဲ့ သုတေသီတွေက နယ်စပ်တွေ ပိုဖွင့်လာတာ၊ ကုန်သွယ်မှုပမာဏတွေ တိုးမြှင့်လာတာနဲ့အမျှ ဒီမူးယစ်ဆေးစီးဆင်းမှု ပိုမြန်လာဖို့ အခွင့်အလမ်းပိုရသွားတယ်၊ ဘာကြောင့်လဲဆိုတော့ တရားမဝင် ကုန်ကူးမှုတွေဟာ တရားဝင် ကုန်သွယ်မှုလမ်းကြောင်းတွေကို လိုက်ပြီး အသုံးချနေလို့ဖြစ်တယ်လို့ ဆိုပါတယ်။

မြန်မာအပါအဝင် အရှေ.တောင်အာရှက ဒီ ဝေးလံခေါင်ဖျားနယ်စပ်ဒေသတွေဟာ ဗဟိုအစိုးရ အာဏာ သက်ရောက်မှု အကန့်အသတ်ဖြစ်နေပြီး၊ နယ်စပ်တွေဟာလဲ တိတိကျကျ သတ်မှတ်ထားတာမရှိတဲ့အတွက် ခုလို မူးယစ်ဆေးဝါးအပြင် အခြားနယ်စပ်ဖြတ်ကျော် ရာဇဝတ်မှုတွေ ဖြစ်လာတာ ဆယ်စုနှစ်တွေ ချီလာခဲ့ပြီ၊ ဒီအထဲမှာ လူကုန်ကူးမှုနဲ့ တောတွင်းတရိစ္ဆာန်ကုန်ကူးမှုလဲပါတယ်လို့ ဒီအစီရင်ခံစာက ဖော်ပြထားပါတယ်။

ဒီ ကုလသမဂ္ဂ မူးယစ်ဆေးတိုက်ဖျက်ရေးအဖွဲ့ အစီရင်ခံစာထဲမှာပဲ ဒီတရားမဝင် ကုန်ကူးမှုတွေရဲ့ နှစ်စဉ်တန်ဖိုးဟာ အမေရိကန်ဒေါ်လာ အနည်းဆုံး ၁၀၀ ဘီလီလျံ ရှိတယ်၊ ဒီပမာဏဟာ အရှေ့တောင်အာရှနိုင်ငံများစွာရဲ့ စုစုပေါင်းပြည်တွင်း အသားတင်ထုတ်ကုန်ပမဏ GDP ထက်တောင် များနေတယ်လို့ ဖော်ပြထားပါတယ်။

ဒါ့အပြင် တရုတ်နိုင်ငံထဲမှာ ရာဇဝတ်မှုနှိမ်နင်းရေး ဥပဒေသက်ဝင်မှု အားကောင်းလာချိန်မှာ တရုတ်နိုင်ငံက ရာဇဝတ်သားတွေဟာ ဥပဒေစိုးမိုးမှု အားမကောင်းတဲ့ အရှေ.တောင်အာရှနိုင်ငံတွေထဲ ပိုဝင်လာနေတာမို့ ASEAN အရှေ.တောင်အာရှနိုင်ငံများအဖွဲ့အနေနဲ့ စီးပွားရေးချိတ်ဆက်မှုအပြင် အားနဲနေတဲ့ လုံခြုံရေးပူးပေါင်းဆောင်ရွက်မှုတွေ တိုးမြှင့်ဖို့ လိုနေတယ်လို့ ဒီအစီရင်ခံစာက ထောက်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com

အီဂျစ် ခရစ်ယာန်တွေ ဖိနှိပ် ဆက်ဆံခံရတယ် ဆိုတဲ့ မကျေနပ်မှုတွေ အချိန်အတော်ကြာ ကတည်းက ရှိနေခဲ့။
အီဂျစ် နိုင်ငံမှာ မွတ်ဆလင် ဝတ်ပြုသူတွေကို လှောင်ပြောင်တဲ့ ဗီဒီယို တစ်ခုမှာ ပါဝင်ခဲ့တဲ့ ဆယ်ကျော်သက် ကော့ပ်တစ် ခရစ်ယာန် သုံးယောက်ကို အီဂျစ် တရားရုံး တစ်ခုက ထောင်ဒဏ် ၅ နှစ်စီ ချမှတ် လိုက်ပါတယ်။

အစ္စလာမ် ဘာသာကို စော်ကားမှုနဲ့ ခုလို ပြစ်ဒဏ် ချမှတ်ခဲ့တာလို့ ဆိုပြီး၊ နောက်ထပ် တစ်ဦးကိုလည်း လူငယ် ထိန်းသိမ်းရေး စခန်းကို ပို့လိုက်ပါတယ်။

ပြစ်ဒဏ် ချခံရတဲ့ အဲဒီ ဆယ်ကျော်သက်တွေ ကတော့ သူတို့အနေနဲ့ IS အဖွဲ့ရဲ့ ခေါင်းဖြတ်မှုတွေကိုသာ လှောင်ပြောင်ခဲ့တာ ဖြစ်တယ်လို့ ပြန်လည် ချေပ ခဲ့ကြပါတယ်။

မွတ်ဆလင် အများစု ဖြစ်တဲ့ အီဂျစ်နိုင်ငံမှာ ခရစ်ယာန်တွေ အနေနဲ့ ဖိနှိပ် ဆက်ဆံ ခံရမှုတွေကြောင့် အချိန်အတော်ကြာ ကတည်းက မကျေနပ်မှုတွေ ရှိနေခဲ့တာပါ။

ဒီကနေ့ ကြာသပတေးနေ့မှာ ဆယ်ကျော်သက် ၄ ယောက်ကို ပြစ်ဒဏ် ချခဲ့တဲ့ Beni Mazar မြို့က တရားရုံးမှာ လုံခြုံရေးတွေကို ထူထူထပ်ထပ် ချထားခဲ့ပါတယ်။

တရားခံ ရှေ့နေ Maher Naguib ကတော့ ပြစ်ဒဏ်တွေက မယုံနိုင်စရာပဲလို့ ပြောပြီး၊ အယူခံ ဝင်သွားမယ်လို့ ဆိုပါတယ်။

သူတို့တွေ ရိုက်ခဲ့တဲ့ အဲဒီ ဗီဒီယိုကို IS တွေက လစ်ဗျားမှာ ဒါဇင်နဲ့ချီတဲ့ အီဂျစ် ခရစ်ယာန်တွေကို ခေါင်းဖြတ် သတ်ခဲ့ပြီး မကြာမီ၊ ပြီးခဲ့တဲ့နှစ် ဧပြီလက ထုတ်ခဲ့တာ ဖြစ်ပါတယ်။

ဒီဗီဒီယိုကို ရိုက်ပေးတဲ့ သူတို့ရဲ့ ဆရာကိုလည်း သီးခြား ရုံးထုတ်ခဲ့ပြီး ထောင်ဒဏ် ၃ နှစ် ချမှတ် ခဲ့ပါတယ်။

BBC Burmese
http://www.bbc.com/burmese

PJS ၂ ဦး ပစ်သတ်ခံရ
စင်ကြိုင်တွင် ကျန်ရှိနေသော ဘိန်းခင်းတိုက်ဖျက်ရေးအဖွဲ့ဝင် ၁၀ ဦးကို ဘိန်းခြံပိုင်ရှင်များ ၀ိုင်းရံထားရာတွင် ၂ ဦးကို ပစ်သတ်လိုက်ပြီဖြစ်ကြောင်း ရှေ့တန်းရောက် PJS ခေါင်းဆောင် တစ်ဦးပြောသည်။

ယနေ့ မနက်ပိုင်း ဘိန်းခြံပိုင်ရှင်များ၏ ပြင်းပြင်းထန်ထန် တိုက်ခိုက်ခံရမှုကြောင့် ကန်ပိုင်တီ စင်ကြိုင်သို့ ရောက်ရှိနေသော အဖွဲ့များမှာ ပြန်လည် တပ်ဆုတ်ခဲ့သော်လည်း ယင်းနေရာတွင် ၁၀ ဦးမှာ ကျန်နေခဲ့ခြင်းဖြစ်သည်။

တိုက်ခိုက်မှုကြောင့် ထိခိုက်ဒဏ်ရာရ သူပေါင်း ၂၉ ဦးမှာ မြစ်ကြီးနားဆေးရုံသို့ရောက်ရှိနေပြီဖြစ်သည်။

ယနေ့ညနေပိုင်းမှာပင် မြစ်ကြီးနား ပြည်သူလူထုက ဘိန်းခင်းတိုက်ဖျက်ရေးအဖွဲ့များ တိုက်ခိုက်ခံရမှုကြောင့် မြစ်ကြီးနားပြည်သူ့ဆေးရုံရှေ့တွင် ဆန္ဒပြခဲ့ကြသည်။

ကချင်ပြည်နယ် ဒီမိုကရေစီ ပါတီ KSDP ကလည်း လူထု ဘိန်းခင်းတိုက်ဖျက်ရေး အစီစဉ်နှင့် ပတ်သက်ပြီး ပါတီသဘောထားကို ယနေ့ ထုတ်ပြန်ခဲ့ပါသည်။

Kachinnews
http://burmese.kachinnews


တိုင်းပြည်တိုးတက်ဖွံ့ဖြိုးမှုနဲ့ ခေါင်းဆောင်မှု ဆက်စပ်နေပုံကို ပညာရှင်အများက ရေးသားကြပါတယ်။ ခေါင်းဆောင်ကောင်းတဲ့အခါ တိုးတက်ဖွံ့ဖြိုးပြီး မကောင်းတဲ့အခါမှာ ဆုတ်ယုတ်ပျက်စီးပုံကို လေ့လာသုံးသပ်ကြပါတယ်။ ဒါပေမဲ့ တော်လှန်ရေး အောင်မြင်အောင် လုပ်နိုင်တဲ့ ခေါင်းဆောင်နဲ့ တိုးတက်ဖွံ့ဖြိုး တိုးတက်အောင်လုပ်တဲ့ ခေါင်းဆောင်ကွဲပြာုးခြားနား ပြန်ပါတယ်။ တရုတ်ပြည်မှာ မော်စီတုန်း က တော်လှန်ရေးကို ဦးဆောင်ပြီး ဒန်ရှောင်ပင် က တည်ဆောက်ရေးကို ဦးဆောင်တယ်လို့ မြင်ကြပါတယ်။ အာဏာရှင် ဓလေ့ကျန်ရှိနေတဲ့ အရှေ့ တိုင်းမှာ ခေါင်းဆောင်မှု နဲ့ ဖွံ့ဖြိုးတိုးတက်မှု ဆက်စပ်ပုံဟာ ပိုပြီးသိသာပါတယ်။

မြန်မာနိုင်ငံဟာ ခေါင်းဆောင်ကောင်း ရခဲ့တဲ့ တိုင်းပြည် ဖြစ်ပါတယ်။ အမျိုးသားခေါင်းဆောင် ဖြစ်လာတဲ့ ဦးအောင်ဆန်းဟာ လွတ်လပ်ရေးမရမီ လုပ်ကြံသတ်ဖြတ် ခံရပါတယ်။ လွတ်လပ်ရေးရပြီး ဦးနု ခေါင်းဆောင်တဲ့ ပါလီမန်အစိုးရ ဆယ်နှစ်ကျော် အုပ်ချုပ်စဉ်မှာ စွမ်းရည်ရှိသူတွေ ခေတ္တပေါ်ထွက်လာပေမယ့် တိမ်မြုပ်သွားတာက (၁၉၈၈) လူထုအုံကြွမှု ဖြစ်တဲ့အထိပါ။ ဦးနုခေတ် (၁၉၅၀-၁၉၆၂) ရွှေရောင်လွှမ်းတဲ့ခေတ်လို့ ကွယ်လွန်သူ ပါမောက္ခ ဦးခင်မောင်ကြည် နဲ့ အပေါင်းပါ စီးပွားရေးပညာရှင်တစုက အမည်ပေးထားပါတယ်။ ဗိုလ်နေဝင်း ခေါင်းဆောင်ချိန်မှာ ရွှေရောင်ကို အမှောင်ဖုံးသွားပါတယ်။

မဆလ စစ်အစိုးရခေတ်မှာ အခွင့်ထူးခံ ဗိုလ်မှူးဗိုလ်ချုပ်တွေ ကြီးစိုးတာမို့ ပြည်သူ့ခေါင်းဆောင်တွေ ပေါ်ထွက်လာဖို့ အခွင့်အလမ်း မရှိပါဘူး။ ကျောင်းသား၊ အလုပ်သမား လှုပ်ရှားမှုတွေမှာ ခေါင်းဆောင်ထွက်ပေါ်လာပေမယ့် ဖိနှိပ်မှုကြောင့် ကွယ်ပျောက်ကုန်ပါတယ်။ မဆလ အစိုးရဒဏ် မခံနိုင်လို့ (၁၉၈၈) မှာ တပြည်လုံး အုံကြွတော့မှာ ခေါင်းဆောင်တွေ ပြန်ပေါ်လာပါတယ်။ စစ်တပ်က ဖြိုဖျက်တဲ့ ရှစ်လေးလုံး အရေးတော်ပုံဟာ အနာဂတ် ခေါင်းဆောင်တွေကို မွေးထုတ်ပေးနိုင်ပါတယ်။ ဒီအထဲမှာ ဒေါ်အောင်ဆန်းစုကြည် က အထင်ရှားဆုံး ဖြစ်ပါတယ်။ ဦးအောင်ဆန်းရဲ့  အရှိန်အဝါကြောင့် ဘာမှ မလုပ်ရသေးဘဲ လူထုခေါင်းဆောင်နဲ့ အမျိုးသားခေါင်းဆောင်အဖြစ် သတ်မှတ်ခံရသူ ဖြစ်ပါတယ်။ ဦးအောင်ဆန်းရဲ့  နိုင်ငံရေးအစဉ်အလာကို အမွေးဆက်ခံသူအဖြစ် ဒေါ်စု ကို ထောက်ခံအားပေးကြပါတယ်။

ခေါင်းဆောင်ကောင်း ငတ်နေတဲ့ ပြည်သူလူထုဟာ ရိုးသားဖြောင့်မတ်ပြီး ကိုယ်ကျိုးမရှာတဲ့ ဦးအောင်ဆန်းရဲ့  သမီးက ခေါင်းဆောင်တာကို လက်ခံကြိုဆိုကြတယ်။ (၁၉၉၀) ရွေးကောက်ပွဲမှာ ဒေါ်စု တည်ထောင်တဲ့ NLD ပါတီက ကိုယ်စားလှယ် (၄၀၀) နီးပါး အနိုင်ရရှိပြီး ဗိုလ်နေဝင်းရဲ့  မဆလ တဖြစ်လဲ တစညပါတီ က (၁၀) နေရာသာ ရရှိပါတယ်။ အခွင့်ထူးခံ စစ်ဗိုလ် နဲ့ စစ်ဗိုလ်လူထွက် ခေါင်းဆောင်တာကို ပြည်သူက လက်မခံကြောင်း ရှစ်လေးလုံး အရေးတော်ပုံမှာတကြိမ်၊ ၁၉၉၀ ရွေးကောက်ပွဲမှာတကြိမ် ပြသတာကို စစ်တပ်က လက်မခံလို့ အနောက်တိုင်းက ဒဏ်ခတ်အရေးယူတာ ဖြစ်ပါတယ်။ နိုင်ငံရေးခေါင်းဆောင်ဘဝကို အသွင်ကူးပြောင်းနိုင်တဲ့ စစ်ဗိုလ်ဟာ ဗိုလ်ချုပ်အောင်ဆန်း တဦးတည်းသာ ရှိပါတယ်။

ဗိုလ်သန်းရွှေလက်ထက်မှာ လူထုခေါင်းဆောင်တွေကို ခေါင်းမဖော်နိုင်အောင် ဖိနှိပ်ထားပြီး ဆွဲခန့်စစ်ဗိုလ်တွေကို ခေါင်းဆောင်လုပ်ခိုင်းပါတယ်။ NLD သပိတ်မှောက်တဲ့ ၂၀၁၀ ရွေးကောက်ပွဲမှာ ဗိုလ်သန်းရွှေ တည်ထောင်တဲ့ ကြံ့ဖွံ့က ကိုယ်စားလှယ် (၃၈၈) နေရာ အနိုင်ရပြီး၊ ဗိုလ်နေဝင်းရဲ့  မဆလ တဖြစ်လဲ တစညပါတီက (၁၇) နေရာသာ ရရှိပါတယ်။ အမိန့်နဲ့ တည်ထောင်တဲ့ အခွင့်ထူးခံ စစ်ဗိုလ်လူထွက်ပါတီချင်း တူပေမယ့် အာဏာလက်ရှိ ဗိုလ်သန်းရွှေ က ကွယ်လွန်သူ ဗိုလ်နေဝင်း ထက် သာသွားပါတယ်။ ဒါပေမဲ့ (၂၀၁၅) မှာ NLD နဲ့ လွတ်လပ်စွာ ယှဉ်ပြိုင်တော့ ဗိုလ်သန်းရွှေရဲ့  ကြံ့ဖွံ့ပါတီက (၄၁) ဦး၊ ဗိုလ်နေဝင်းရဲ့  တစညပါတီ က (၁) ဦးသာ လွှတ်တော်ကိုယ်စားလှယ်နေရာကို ရရှိပါတယ်။ အနစ်နာခံ ပြည်သူ့ခေါင်းဆောင်နဲ့ အာဏာရှင်ခိုင်းလို့လုပ်တဲ့ အခွင့်ထူးခံ စစ်ဗိုလ်လူထွက်တွေ ကွာခြားပုံကို ပြသလိုက်တာ ဖြစ်ပါတယ်။ ဒါပေမဲ့ အဖွဲ့အစည်းကို အဓိကမထားဘဲ ခေါင်းဆောင်ကို အားကိုးတဲ့ နိုင်ငံရေးဓလေ့ ပေါ်ထွက်လာပါတယ်။

စစ်အာဏာရှင်စနစ် လက်အောက်မှာ အနှစ် (၅၀) ကျော် နေထိုင်ခဲ့တဲ့ မြန်မာ့လူ့အဖွဲ့အစည်းမှာ အာဏာရှင်ဓလေ့ အမြစ်တွယ်သွားပုံကို Lutheran World Federation အဖွဲ့က (၂၀၁၃) မှာ လေ့လာပါတယ်။ အရပ်သားအသင်းအဖွဲ့တွေနဲ့ ရပ်ကွက်တွေမှာ လူတဦးကသာ ဆုံးဖြတ်နေတာ များတဲ့အတွက် ကာယကံရှင်တွေကိုယ်တိုင် ဆုံးဖြတ်ချက်ချရာမှာ ပါဝင်ဆွေးနွေးဖို့ အခွင့်အလမ်း မရှိသလောက် ဖြစ်နေတယ်လို့ ဆိုပါတယ်။ ပြောရဲဆိုရဲ မရှိဘဲ ငြိမ်ခံတဲ့ဓလေ့ကြောင့် အပြန်အလှန် ဆွေးနွေးမှု အားနည်းလာပြီး သဘောမတူရင် စေ့စပ်ညှိနှိုင်းမယ့်အစား ခွဲထွက်ကြတယ်လို့ Lutheran အဖွဲ့က သုံးသပ်ပါတယ်။

နိုင်ငံရေးမှာလည်း ဒေါ်အောင်ဆန်းစုကြည် အဖမ်းခံရစဉ်မှာ NLD ပါတီ ငြိမ်သွားပြီး လွတ်လာမှ ပြန်လည်လှုပ်ရှားတာကို မကြာခဏ တွေ့ရပါတယ်။ ခေါင်းဆောင်တဦးရဲ့  အရှိန်အဝါ ရှင်သန်နေတဲ့ အဖွဲ့အစည်းဟာ ဒီခေါင်းဆောင် မရှိတဲ့အခါမှာ ဆက်လက်ရှင်သန်ဖို့ အခက်အခဲ ရှိနိုင်ပါတယ်။ ဒါကြောင့် ခေါင်းဆောင်နေရာကို ဆက်ခံနိုင်မယ့် ပုဂ္ဂိုလ်တွေရှိဖို့ လိုအပ်ပါတယ်။ မော်စီတုန်းဟာ သြဇာအာဏာ အရှိန်အဝါ အလွန်ကြီးမားပေမယ့် သူမရှိတဲ့အခါမှာ ဆက်လက်ခေါင်းဆောင်နိုင်သူတွေ ရှိတဲ့အတွက် တရုတ်ကွန်မြူနစ်ပါတီ ဆက်လက်ရှင်သန်ပြီး တရုတ်ပြည် တိုးတက်ဖွံ့ဖြိုးလာတာဟာ သင်ခန်းစာ ယူစရာ ဖြစ်ပါတယ်။

ဦးအောင်ခင်, ကျော်ကျော်သိန်း / ဗွီအိုအေ (မြန်မာပိုင်း)
http://burmese.voanews.com

shan-parliament-620.jpg
ရှမ်းပြည်နယ် လွှတ်တော် အစည်းအဝေး ကျင်းပနေစဉ်
.


ရှမ်းပြည်နယ်မြောက်ပိုင်း ကျောက်မဲမြို့နယ်အတွင်း ဖြစ်ပွားနေတဲ့တိုက်ပွဲတွေကြာင့် ထွက်ပြေးတိမ်းရှောင်နေရတဲ့ စစ်ဘေးဒုက္ခသည်တွေကို ပြည်နယ်အစိုးရအနေနဲ့ အမြန်ဆုံး အကူအညီတွေပေးဖို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် ပြည်နယ်လွှတ်တော် ကိုယ်စားလှယ်က ဒီနေ့ ပြည်နယ်လွှတ်တော်မှာ အဆိုတင်သွင်းလိုက် ပါတယ်။

တိုက်ပွဲအတွင်းမှာ ပြည်သူတွေ သေဆုံးရတာကို ကန့်ကွက်ရှုတ်ချကြောင်းနဲ့ စစ်ဘေးဒုက္ခသည်တွေ ပြန်လည် ထူထောင်ရေးအတွက် အကူအညီပေးဖို့ ရှမ်းပြည်နယ် အစိုးရကို တိုက်တွန်းတာဖြစ်တယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် ကျောက်မဲမြို့နယ် အမှတ် ၂ ပြည်နယ်လွှတ်တော် ကိုယ်စားလှယ် ဦးစိုင်းထွန်းဥာဏ်က ပြော ပါတယ်။

"အရေးကြီးတဲ့အဆိုထဲမှာ လက်နက်ကိုင်တိုင်းရင်းအချင်းချင်း တိုက်ခိုက်တဲ့စစ်ပွဲမှာ လူသားတွေကို လူသားတိုင်းအဖြစ်အသုံးပြုပြီးတော့ စစ်ပွဲဆင်နွှဲတာကိုတော့ ရှမ်းပြည်နယ်မှာလည်း ဖြစ်ပွားနေတယ်၊ ရှမ်းပြည်နယ်လွှတ်တော်အနေနဲ့ ဒီကိစ္စကို အပြင်းအထန် ကန့်ကွက်ရှုတ်ချသင့်တာပေါ့၊ ကျနော် ပထမ တစ်ချက်အနေနဲ့ မီးမောင်းထိုးပြီးတော့ တင်ပြတာပေါ့လေ၊ နံပါတ် ၂ က အရပ်သားတွေ သတ်ဖြတ်ခံ ရတယ်၊ ပြည်သူတွေရဲ့ အိမ်နဲ့ပစ္စည်းတွေ လုယက်ခံရတာပေါ့လေ၊ အဲ့ဒါကို တိုင်းရင်းသားအချင်းချင်း တိုက်ခိုက်တဲ့စစ်ပွဲမှာ အပြစ်မဲ့ပြည်သူများကို သတ်ဖြတ်တာတို့ဘာတို့ အဲ့ဒါလည်းပဲ လွှတ်တော်ကနေ တဆင့်ပေါ့လေ အပြင်အထန် ကန့်ကွက်ရှုတ်ချဖို့ စစ်ပွဲကာလအတွင်းမှာ နေအိမ် ၈ လုံး မီးရှို့ခံရတယ်၊ ဆိုင်ကယ် ၈ စီး ၉ စီးလောက် ဖျက်ဆီးခံရတယ်၊ အခြားပစ္စးတွေအများကြီး လုယက်ခံရတယ်၊ ဒီလိုမျိုး အနေအထားမှာဆိုလို့ရှိရင် ပြန်လည်ထူထောင်တဲ့ကာလမှာ အစိုးရအနေနဲ့ အပြည့်အဝ ကူညီဆောင် ရွက်ပေးဖို့ပေါ့လေ ကျနော် အလေးအနက် အစိုးရကို တိုက်တွန်းတာပေါ့"

ပြီးခဲ့တဲ့နှစ် နိုဝင်ဘာလကစပြီး ရှမ်းပြည်နယ်မြောက်ပိုင်း နမ့်ခမ်း၊ နမ့်ဆန်၊ မန်တုံ၊ ကျောက်မဲ၊ သီပေါနဲ့ နမ့်မတူမြို့နယ်တွေမှာ TNLA နဲ့ RCSS/SSA တို့ကြား တိုက်ပွဲတွေ ဖြစ်ပွားနေတာ ဖြစ်ပါတယ်။

တိုက်ပွဲတွေကြောင့် ကျောက်မဲမြို့နယ် မင်းကုန်း၊ ညောင်မောင်းနဲ့ တော့ဆန်ကျေးရွာတွေမှာ နေအိမ်တွေနဲ့ ဆိုင်ကယ်တွေ ဖျက်ဆီးခံခဲ့ရတယ်လို့ သိရပါတယ်။

တိုက်ပွဲတွေကြောင့် ကျောက်မဲမြို့ပေါ်မှာ ဒုက္ခသည်စခန်း ၂ဝ ကျော် ဖွင့်လှစ်ထားရပြီး စစ်ဘေးဒုက္ခသည် ၄ ထောင် ကျော် ခိုလှုံနေကြပါတယ်။ ဒီရက်ပိုင်းအတွင်း တိုက်ပွဲတွေ မရှိပေမယ့် ဒုက္ခသည်တွေဟာ နေရပ်ကို မပြန်ရဲကြသေးဘူးလို့လည်း သိရပါတယ်။

အဲ့ဒီအဆိုဟာ ပြီးခဲ့တဲ့ဖေဖော်ဝါရီလ ၈ ရက်နေ့မှာ အသစ်စတင်တဲ့ တိုင်းဒေသကြီးနဲ့ ပြည်နယ်လွှတ်တော် အစည်းအဝေးတွေမှာ ပထမဆုံးတင်သွင်းတဲ့ အဆိုဖြစ်ပါတယ်။ အဆိုကို ပြည်နယ်လွှတ်တော်မှာ ဆွေးနွေးဖို့ ကန့်ကွက်သူမရှိတာကြောင့် မနက်ဖြန် ဆွေးနွေးကြမှာဖြစ်ပါတယ်။

ဒီနေ့ ရှမ်းပြည်နယ် လွှတ်တော်အပြင် ဧရာဝတီတိုင်းဒေသကြီးနဲ့ မကွေးတိုင်းဒေသကြီးတို့မှာ လွှတ်တော်အစည်း အဝေးတွေ ပြန်လည်ကျင်းပခဲ့ပြီး လွှတ်တော်ရေးရာ ကော်မတီတွေကို ဖွဲ့စည်းခဲ့ကြပါတယ်။

RFA
http://www.rfa.org/burmese/news/northern-shan-state-war-refugees-02252016101155.html


အရှုံးပေါ်နေတဲ့ ဂျပန် အီလက်ထရောနစ်ပစ္စည်း ထုတ်လုပ်သူ Sharp ကော်ပိုရေးရှင်းဟာ တိုင်ဝမ်ပိုင် ဖောက်စ်ကွန်း နည်းပညာအုပ်စုရဲ့ အောက်က ဟွန်ဟိုင် ကုမ္ပဏီရဲ့ ဒေါ်လာ ၅ ဒသမ ၉ ဘီလီယံတန် ကမ်းလှမ်းမှုကို လက်ခံဖို့ ဖေဖော်ဝါရီ ၂၅ ရက် မနက်က ဆုံးဖြတ်လိုက်ပါတယ်။

Sharp ကော်ပိုရေးရှင်းရဲ့ ၂ ရက်ကြာ ဘုတ်အဖွဲ့အစည်းအဝေးကို အိုဆာကာမြို့မှာ ဖေဖော်ဝါရီ ၂၄ ရက်နေ့က စတင်ဆွေးနွေးနေတယ်လို့ သတင်းရင်းမြစ်တွေက ပြောပါတယ်။

ဂျပန်အစိုးရက ကျောထောက်နောက်ခံ ပေးထားတဲ့ ရန်ပုံငွေကို Sharp က ပယ်ချခဲ့တာပါ။

Sharp ကော်ပိုရေးရှင်းကို ဟွန်ဟိုင်က လွှဲယူဖို့ ပထမအကြိမ် အရစ်ကျ ပေးချေမှုအနေနဲ့ ဂျပန်ယန်းငွေ ဘီလီယံ ၁၀၀ ပေးဖို့ ကတိပြုခဲ့ပြီးပြီလို့ ယုံကြည်ရပါတယ်။

electronic gadgets တွေကို ကန်ထရိုက်စနစ်နဲ့ လုပ်ပေးနေတဲ့ ကမ္ဘာ့အကြီးဆုံး ကုမ္ပဏီ ဟွန်ဟိုင်ဟာ Sharp ကော်ပိုရေးရှင်းမှာ ရင်းနှီးမြှုပ်နှံဖို့ ကမ်းလှမ်းခဲ့တာလို့ သတင်းရင်းမြစ်တွေက ပြောပါတယ်။

ဒီအရေးနဲ့ ပတ်သက်ပြီး Sharp က မှတ်ချက်ပေးဖို့ ငြင်းပါတယ်။

By ဒီဗွီဘီ
http://burmese.dvb.no/archives/136990

  • 12122727_1042939042414917_8773513933883387078_n


ရန်ကုန်မြို့မှာ ဖေဖော်ဝါရီ ၂၄ ရက် မနက်ပိုင်းက မြေပြင်လှုပ်ခတ်ခဲ့ပြီး ဒါဟာ တပ်မတော် ရေရဲ့ စစ်ရေးလေ့ကျင့် ပစ်ခတ်တာကြောင့် မဖြစ်နိုင်ဘူးလို့ မြန်မာ့တပ်မတော် (ရေ) Myanmar NAVY Community ဖေ့စ်ဘွတ်စာမျက်နှာတခုမှာ ဖော်ပြပါတယ်။

မနက် ၇ နာရီ မနစ် ၄၀ လောက်မှာ သိသိသာသာ လှုပ်ခတ်ခဲ့တာဖြစ်ပြီး နိုင်ငံတကာ ငလျင်စခန်းတွေကတော့ မသိရှိခဲ့တဲ့အတွက် မြန်မာ့တပ်မတော်ရေရဲ့ လေ့ကျင့် ပစ်ခတ်တာ ကြောင့် ဖြစ်နိုင်တယ်လို့ ထင်ကြေးပေးကြတာပါ။

ဒီစာမျက်နှာဟာ တရားဝင်စာမျက်နှာမဟုတ်ပေမယ့် အခုလတ်တလော ကိုကိုးကျွန်း ဘက်မှာ မြန်မာ့တပ်မတော် (ရေ) ရဲ့ ၂၀၁၆ ခုနှစ် ရေတပ်ဆိုင်ရာစစ်ရေး လေ့ကျင့်ခန်း Sea Shield 2016 ကို ဓာတ်ပုံတွေ၊ သရုပ်ပြပုံတွေ၊ မြေပုံကားချပ်တွေနဲ့ စုံစုံလင်လင် တင်ဆက်ထားတဲ့ စာမျက်နှာဖြစ်ပါတယ်။

သူတို့ လေ့ကျင့်နေတာဟာ ပစ်မှတ်အရွယ်အစား၊ အမျိုးအစားနဲ့ ညီမျှတဲ့ ထိရောက်မှုပဲ ရှိမှာဖြစ်ကြောင်း၊ ထိရောက်မှုအကျယ်နဲ့ အနက်၊ အသံနဲ့ တုန်ခါမှုကို လေ့ကျင့်ခန်းဧရိယာ အတွင်းက သတ်မှတ်ထားတဲ့ ရေပြင်မှာပဲ အကျိုးသက်ရောက်မှာ ဖြစ်တယ်လို့ ဆိုပါတယ်။

ဒါဟာလည်း ရန်ကုန်မြို့နဲ့ မိုင် ၂၀၀ ကျော် ဝေးတဲ့အပြင် လေ့ကျင့်ခန်း ရေပြင်ဧရိယာဟာ ရှေ့-နောက်၊ တောင်-မြောက် မိုင် ၅၀ ကျော် ရှိတယ်လို့ ဆိုပါတယ်။

မြန်မာနိုင်ငံမိုးဇလဌာနကကတော့ ဒေးဒရဲမြို့အနီးမှာ ၂၄ ရက်နေ့မနက် ၇ နာရီ ၄၂ မိနစ် ၂၀ စက္ကန့်အချိန်မှာ အင်အား ရစ်ခ်ျတာစကေး ၄ ဒသမ ၄ အဆင့် အင်အားအနည်းငယ်ရှိ မြေငလျင်တခု လှုပ်ခတ်သွားတယ်လို့ ထုတ်ပြန်ခဲ့ပါတယ်။

ဒီလှုပ်ခတ်မှုကို ကမ္ဘာတလွှားထင်ရှားကျော်ကြားတဲ့ငလျင်တိုင်းထွာရေးစခန်းတွေနဲ့ မြန်မာ အိမ်နီးချင်းနိုင်ငံတွေက ငလျင်တိုင်းထွာရေးစခန်းတွေကပါ မကြေညာတဲ့အတွက် မြန်မာ့မိုး လေ၀သပညာရှင် ဦးထွန်းလွင်က ထူးဆန်းတဲ့ လှုပ်ခတ်မှုအဖြစ် သူ့ဖေ့စ်ဘွတ်မှာ ရေးခဲ့ပါ တယ်။

တပ်မတော် (ရေ) က ဖေဖော်ဝါရီလ ၂၂ ရက်နေ့ကနေ မတ်လ ၂ ရက်နေ့အတွင်း ကိုကိုးကျွန်းရေပြင်မှာ စစ်ရေးလေ့ကျင့်နေပါတယ်။ သတ်မှတ် ဧရိယာရဲ့ ၅ မိုင်ပတ်လည်ကို သင်္ဘောတွေ၊ စက်လှေများ၊ စက်တပ်သမ္ဗန်တွေ ဖြတ်မသွားဖို့၊ ကျောက်ချ မရပ်ဖို့၊ ငါးဖမ်းတာ၊ ငါးဖမ်းကိရိယာတွေ ချတာ မလုပ်ဖို့အပြင် လေယာဉ်၊ ရဟတ်ယာဉ်တွေ အနေနဲ့လည်း အမြင့်ပေ ၁၅၀၀၀ အောက် ဖြတ်ကျော်မပျံသန်းကြဖို့ အသိပေး ကြေညာထားပါတယ်။

ဓာတ်ပုံ- Myanmar Navy Community (Photos: Sea Shield 2014 / 2015 & others)
ပိုင်စိုး/DVB
http://burmese.dvb.no/archives/137010


ဖေဖော်ဝါရီ ၇ ရက်နေ့မှာ ကျင်းပပြုလုပ်တဲ့ ရှမ်းပြည်အမျိုးသားနေ့တွင် စစ်ရေးပြပြုလုပ်နေသည့် အာရ်စီအက်စ်အက်စ် တပ်ဖွဲ့ဝင်များ ဖေဖော်ဝါရီ ၇ ရက်နေ့မှာ ကျင်းပပြုလုပ်တဲ့ ရှမ်းပြည်အမျိုးသားနေ့တွင် စစ်ရေးပြပြုလုပ်နေသည့် အာရ်စီအက်စ်အက်စ် တပ်ဖွဲ့ဝင်များ

တအာင်း ပလောင်လွတ်မြောက်ရေးတပ်မတော်နဲ့ ရှမ်းပြည်တပ်မတော်တောင်ပိုင်းတို့ တိုက်ခိုက်နေကြတဲ့ ရှမ်းပြည်မြောက်ပိုင်း ကျောက်မဲနဲ့ နမ့်ဆန်မြို့နယ်ထဲမှာ မြန်မာ့ တပ်မတော်က အဲဒီအဖွဲ့တွေကို ၀င်ရှင်းနေတယ်လို့ နိုင်ငံပိုင်သတင်းမှာ ထုတ်ပြန်ပါတယ်။

တိုက်ပွဲကြောင့်ဒေသခံတွေ ဒုက္ခရောက်နေရတဲ့အတွက် အာရ်စီအက်စ်အက်စ် ရှမ်းတပ်ကို ထွက်ခွာသွားဖို့ ဖေဖော်ဝါရီလ ၁၂ ရက်က အကြောင်းကြားခဲ့ကြောင်း၊ ဒါပေမယ့် ရှမ်းတပ်ဘက်က ပြန်လည်ထွက်ခွာမှာမဟုတ်ဘူးလို့ အကြောင်းပြန်ခဲ့တာကြောင့် နယ်မြေခံ တပ်တွေနဲ့ ၀င်ရောက်ရှင်းလင်းနေတယ်လို့ ကာကွယ်ရေးဝန်ကြီးဌာနရဲ့အပြောကို ကိုးကား ပြီး သတင်းမှာ ဖော်ပြပါတယ်။ ထိတွေ့တိုက်ပွဲဖြစ်တဲ့သတင်းတွေတော့ မကြားသိရသေး ပါဘူး။

အစိုးရတပ်ဟာ တီအန်အယ်လ်အေကိုလည်း ရှင်းလင်းတိုက်ခိုက်နေတယ်လို့ ကာကွယ်ရေး ၀န်ကြီးဌာန ဒုဝန်ကြီးက ဖေဖော်ဝါရီလ ၁၂ ရက်နေ့က လွှတ်တော်ထဲမှာ ပြောကြားခဲ့ ပါတယ်။

တီအန်အယ်လ်အေဘက်ကလည်း အစိုးရတပ်က နယ်မြေထဲဝင်လာတာကြောင့် နမ့်ဆန်မြို့နယ်နဲ့ ကွတ်ခိုင်မြို့နယ်ထဲမှာ ဖေဖော်ဝါရီလ ၁၄ မှ ၂၅ ရက်အတွင်း တိုက်ပွဲပေါင်း ၇ ကြိမ်ထက်မနည်းဖြစ် ပွါးပြီး ဖေဖော်ဝါရီလ ၁၇ ရက်နဲ့ ၂၃ ရက်နေ့တွေမှာ ဝေဟင်ကနေ ရဟတ်ယာဉ် ၂ စီးစီနဲ့ လာရောက်တိုက်ခိုက်ခဲ့တယ်လို့ ထုတ်ပြန်ပါတယ်။

လက်ရှိတီအန်အယ်လ်အေ ထိန်းချုပ်ဒေသထဲမှာ မြန်မာ့တပ်မတော်က အင်အား ၁၀၀၀ ကျော် ရောက်ရှိနေပြီး သူတို့အနေနဲ့ ဘိုးဘွားလက်ထက်ကတည်းက နေလာတာကြောင့် ဆုတ်စရာမြေမရှိကြောင်း၊ ဘယ်တပ်ကဘဲဝင်လာလာ ခုခံရမှာဘဲလို့ တီအန်အယ်လ်အေ နိုင်ငံခြားဆက်ဆံရေးတာဝန်ခံ တာ့ပန်လက ဒီဗွီဘီကို ပြောပါတယ်။

“ကျနော်တို့တော့ ဆုတ်ခွာစရာမရှိဘူး။ ဒါကျနော်တို့နယ်မြေဖြစ်တယ်။ ကျနော်တို့ အဘိုးအဘွား ကျနော်တို့ပြည်သူတွေရော ဒီမှာဘဲနေတယ်။ ဘယ်တပ်ဘဲလာလာ ကိုယ့် ကိုယ်ကိုတော့ ခုခံကာကွယ်သွားရမှာဘဲ။ တိုက်ပွဲကြောင့် ပြည်သူတွေဒုက္ခရောက်နေရ တယ်။ ကျနော်တို့လည်း ဒီလိုဖြစ်တာကို မမြင်လိုပါဘူး။ အခုက အာရ်စီအက်စ်အက်စ်က အန်စီအေလက်မှတ်ထိုးပြီးတဲ့နောက် ဒီဘက်ကို အင်အားတွေအများကြီးချဲ့လာတယ်။ လက်မှတ်မထိုးခင်က နမ့်ခမ်းဘက်မှာ အင်အား ၃၀၊ ကျောက်မဲဘက်မှာ အင်အား ၅၀ လောက်ဘဲရှိတယ်။ အခုသူတို့ ၂ ထောင်ကျော် ၃ ထောင်နီးပါး ရောက်လာတယ်။ ရှမ်းပြည် တောင်ပိုင်းကနေ မြောက်ပိုင်းဘက်ကို သေနတ်သံတချက်မှ မထွက်ဘဲ ရောက်လာနိုင်တာ ဟာ အစိုးရတပ်ရဲ့ ပူးပေါင်းပါဝင်မှုပါတယ်လို့ ကျနော်တို့သုံးသပ်တယ်။ ကျနော်တို့တိုက်ပွဲ ဖြစ်ပြီးတဲ့နောက် အစိုးရတပ်က နှစ်ဖွဲ့လုံးဖယ်ခိုင်းပြီး နယ်မြေထဲဝင်တယ် ရှင်းလင်းတယ် ထိန်းသိမ်းတယ်ဆိုတာဟာ သက်သက်နိုင်ငံရေးအရ အမြတ်ထုတ်တယ်လို့ ကျနော်တို့ အဲလိုဘဲမြင်တယ်။”

အာရ်စီအက်စ်အက်စ်၊ ရှမ်းပြည်တပ်မတော် ဘက်ကတော့ TNLA ကို အန်စီအေ (တနိုင်ငံလုံးဆိုင်ရာ အပစ်ခတ်ရပ်စာချုပ်)မှာ ပါဝင်လက်မှတ်ရေးထိုးစေလိုကြောင်း၊ အဲဒီနောက် နိုင်ငံရေးအတွက် အတူတကွဆွေးနွေးကာ ရှမ်းပြည်အကျိုးစီးပွားအတွက် လုပ်ဆောင်ဖို့ ဆန္ဒရှိကြောင်း ပြီးခဲ့တဲ့ ဖေဖော်ဝါရီလ ၂၂ ရက်နေ့က ထိုင်းနိုင်ငံ ချင်းမိုင်မှာ ၀န်ကြီး ဦးအောင်မင်းဦးဆောင်တဲ့ မြန်မာငြိမ်းချမ်းရေးစင်တာအဖွဲ့နဲ့ တွေ့ဆုံစဉ် ဒီဗွီဘီကို ပြောကြားခဲ့ပါတယ်။

အစိုးရတပ်ဘက်က ညွှန်ကြားထားတဲ့ တပ်ဆုတ်ခွါရေးနဲ့ပတ်သက်လို့တော့ ရှမ်းပြည် တပ်မတော်ကို ထပ်မံဆက်သွယ်မေးမြန်းလို့ မရသေးပါဘူး။

ရှမ်းတိုင်းရင်းသားများဒီမိုကရေစီအဖွဲ့ချုပ်ရဲ့ ပြောရေးဆိုခွင့်ရှိသူ ဦးစိုင်းလိတ်ကတော့ စစ်ဘေးရှောင်ပြည်သူများအပေါ် ငဲ့ညာပြီး တိုက်ပွဲဖြစ်စေမယ့်ကိစ္စ ရှောင်ရှားသင့်ကြောင်း ဒီဗွီဘီ ကို ပြောပါတယ်။

“မနေ့ညက နမ့်ဆန်ဘက်က စစ်ဘေးရှောင်ပြည်သူ ၇၀ ကျော် ကျောက်မဲဘက်ကို ထပ်ပြီး တိမ်းရှောင်လာတယ်လို့ ကျနော်တို့သိရတယ်။ ဒါက ပလောင်ကိုယ်ပိုင်အုပ်ချုပ်ခွင့်ရဒေသ ထဲမှာ အစိုးရတပ်နဲ့ တီအန်အယ်လ်အေကြား တင်းမာမှုကြောင့်ပေါ့။ နောက်ပြီး ရှမ်းပြည် မြောက်ပိုင်းဘက်မှာရှိတဲ့ အာရ်စီအက်စ်အက်စ်ရှမ်းတပ်ကိုလည်း ဆုတ်ခိုင်းထားတာ၊ ဆုတ်မသွားဘူးဆိုရင် တပ်အင်အားသုံးဖြေရှင်းမယ့်သဘော ရှိတယ်။ အဲဒီခါမှာ စစ်ပြေး ရှောင်ပြည်သူတွေ ပိုတိုးလာမယ်။ ရှမ်းပြည်တောင်ပိုင်း မိုင်းရှူးဘက်မှာ ပြီးခဲ့တဲ့နှစ်က တိုက်ပွဲ ကြောင့် ခုထိအိမ်မပြန်ရသေးတဲ့ ပြည်သူတွေအများကြီး ရှိသေးတယ်။ အခုမြောက်ပိုင်းမှာလဲ စစ်ဘေးရှောင်ပြည်သူတွေ၊ နောက်ထပ်လည်း ပြေးရဦးမယ်ဆိုရင် သူတို့ရှေ့ရေးနဲ့ ဘ၀ ရပ်တည်ဖို့က တော်တော်ခက်ခဲသွားမယ်။ ကျနော်တို့ရှမ်းပြည်က စစ်ဘေးရှောင်ပြည်သူတွေ နဲ့ ပြည့်နေမယ်။ ဒါကြောင့် ကျနော်တို့နိုင်ငံရေးပါတီ အနေနဲ့ကတော့ မိဘပြည်သူတွေကို ထောက်ထားပြီး တိုက်ပွဲဖြစ်စေမယ့် ကိစ္စတွေကို ရှောင်ရှားဖ်ို့၊ သူတို့ဘ၀လုံခြုံရေးအတွက် ၀ိုင်းဝန်းဆောင် ရွက်ပေးဖို့ တိုက်တွန်းချင်ပါတယ်။”

တိုင်းရင်းသားလက်နက်ကိုင်အဖွဲ့ကြား အခုလိုပဋိပက္ခဖြစ်ရတဲ့အကြောင်းအရင်းဟာ ၂၀၀၈ အခြေခံဥပဒေကြောင့် ဖြစ်ကြောင်း၊ အဲဒီ ဥပဒေအရ ပြည်နယ်ထဲက လူမျိုးစုတွေကို ကိုယ်ပိုင် အုပ်ချုပ်ခွင့်ရနယ်မြေတွေ ခွဲပေးလိုက်ခြင်းအားဖြင့် အတူနေလူမျိုးစုတွေကြား နယ်မြေ ပိုင်ဆိုင်မှု ပြဿနာပေါ်ပေါက်လာကြောင်း၊ ယခင်စစ်အစိုးရက နယ်မြေခွဲဝေသတ်မှတ်ပေး ခဲ့ရာမှာ ရှမ်းပြည်သူပြည်သားများအားလုံးရဲ့ သဘောဆန္ဒကို မေးမြန်းခြင်း မပြုခဲ့သလို၊ ကိုယ်ပိုင်အုပ်ချုပ်ခွင့်ရဒေသမှာလည်း စစ်မှန်တဲ့ ကိုယ်ပိုင်အုပ်ချုပ်ခွင့် မရဘဲ စစ်အစိုးရ အုပ်ချုပ်မှုအောက်မှာဘဲ ရှိနေတာကြောင့် ပေးသူအတွက်လည်း မသက်သာသလို ရယူ အတွက်လည်း အမှန်တကယ်မရရှိခဲ့ဘူးလို့ သူကဆက်ပြောပါတယ်။

ဒါကြောင့် အခုလက်ရှိအချိန်မှာ ဘယ်သူမှဆုံးဖြတ်ပိုင်ခွင့်မရှိသေးတဲ့ နယ်မြေကိစ္စ အငြင်းပွား တာထက် ရေရှည်နောင်ရေး တိုင်းရင်းသားအခွင့်အရေးနဲ့ တန်းတူညီမျှရေးတွေအတွက် တိုင်းရင်းသားအချင်းချင်း ပူးပေါင်းဆောင်ရွက်သင့်တယ်လို့ ဦးစိုင်းလိတ်က ပြောသွားပါ တယ်။

တီအန်အယ်လ်အေနဲ့ အာရ်စီအက်စ်အက်စ်ကြား ပြီးခဲ့တဲ့ နိုဝင်ဘာလ ၂၇ ရက်ကနေ ဖေဖော်ဝါရီလလယ်ထိ ဖြစ်ပွားတဲ့တိုက်ပွဲကြောင့် ရှမ်းပြည်မြောက်ပိုင်း နမ့်ခမ်းမြို့နယ် မိုင်းဝီးကျေးရွာဘက်မှာ စစ်ဘေးရှောင်ပြည်သူပေါင်း ၁၀၀၀ ကျော်၊ ကျောက်မဲမြို့ပေါ် မှာ ၄ ထောင်ကျော်ရောက်လာပြီး စစ်ရှောင်စခန်းကို ရောက်မလာဘဲ အခြားဒေသဘက် ထွက်ခွာ သွား သူတွေလည်း ရာဂဏန်းထိ ရှိနေပါတယ်။

ဒုက္ခသည်တွေကို ကူညီစောင့်ရှောက်ပေးနေတဲ့ ကျောက်မဲ လူမှုကူညီရေးအသင်း ဥက္ကဋ္ဌ ဦးတင်မောင်သိန်းက လက်ရှိကျောက်မဲမြို့ပေါ်မှာ ဒုက္ခသည်စခန်း ၂၁ ခုထိ တိုးချဲ့ထား ရတယ်လို့ ပြောပါတယ်။

လက်နက်ကိုင်အဖွဲ့ ၃ ဖွဲ့လုံး ဆိုင်နေကြတဲ့အတွက် တိုက်ပွဲဖြစ်လို့ စစ်ဘေးရှောင်တွေ ထပ်ရောက်လာရင် ကျောက်မဲမြို့ပေါ်မှာ ထားစရာနေရာမရှိတော့သလို ရေရှည် စားဝတ်နေရေး၊ ကျန်းမာရေးထောက်ပံ့ ကူညီမှုတွေလည်း အခက်အခဲရှိလာနိုင်တယ်လို့ သူက ပြောသွားပါတယ်။

နန်းမြနဒီ/DVB
http://burmese.dvb.no/archives/137020

လွှတ်တော်ထဲက တပ်မတော်သား အစိတ်သားထွက်သွားဆိုတဲ့ ဆန္ဒပြပွဲပြလုပ်မှုနဲ့ တရားစွဲဆိုခံထားရတဲ့ ကိုဇေယျာလွင်၊ ကိုပိုင်ရဲသူနဲ့ ကိုနန်းလင်းတို့ကို ပုဒ်မ ၁၈ နဲ့ တရားစွဲဆိုထားတာကိုအမှုစစ်ဖို့ ဖေဖော်ဝါရီလ ၂၅ ရက်နေ့ ကျောက်တံတားတရားရုံးမှာ ရုံးထုတ်ခဲ့ပါတယ်။

ဒါ့အပြင် ၂၀၁၅ ဩဂုတ်လ ၂၃ ရက်က မဟာဗန္တုလပန်းခြံတွင် Failed law ကမ်ပိန်း ပြုလုပ်မှုနဲ့တကသမှ ကိုဖိုးသားနဲ့ ကိုမင်းသူကျော်ကို ကျောက်တံတားတရားရုံးမှာ အမှုစစ်ဖို့ ဆင့်ခေါ်ထားကြောင်းလည်း သိရပါတယ်။

“ကျနော်တို့ ပုဒ်မ ၁၈ ထိထားတာ ဩဂုတ်လ ၂၀၁၅ ထဲကပေါ့နော် တော်တော်ကြာခဲ့ပြီ အဲဒီအမှုကိုလွန်ခဲ့တဲ့ ၂ ရက် ၃ ရက်လောက်ကမှ ဖုန်းဆက်လာပြီးတော့ တရားရုံးပိုလာဖို့ ဆင့်ခေါ်တယ်။ ဒီကျောက်တံတားစခန်းမှူးက ဖုန်းဆက်ပြီးဆင့်ခေါ်တယ် အဲဒီအတွက် လာပြီးတော့ တရားရုံးကိုတက်တယ်ပေါ့ တက်တယ်ဆိုတာ ကျနော်က အမှုရင်ဆိုင်တာ မဟုတ်ဘူး အမှုကို အယုံကြည် မရှိဘူး အယုံအကြည်မရှိတဲ့အတွက် အမှုမရင်ဆိုင်ဘူး ရင်မဆိုင်ကြောင်းလာပြောပြတာ ပုဒ်မ ၁၈ကို အယုံအကြည်မရှိဘူးဆိုတာ လာပြောပြတာ။” ပုဒ်မ ၁၈ နဲ့ တရားစွဲခံထားရတဲ့ ကိုမင်းသူကျော်က ဒီဗွီဘီကို ပြောပါတယ်။

ကျောက်တံတားမြို့နယ်မှာ failed law ကမ်ပိန်းပြုလုပ်မှု တရားစွဲဆိုခံထားရတဲ့ ကိုဖိုးသားနဲ့ ကိုမင်းသူကျော်တို့ကို အာမခံပေးသော်လည်း မယူတာကြောင့် အင်းစိန်ထောင်ကို ဖမ်းဆီးခေါ်ဆောင်သွားမှာဖြစ်ကာ မတ်လ ၉ ရက်နေ့တွင် အမှုစစ်ရန် တရားရုံးမှ ချိန်းဆို လိုက်ကြောင်းသိရပါတယ်။

သတင်းဓာတ်ပုံ – ကောင်းထက်ကျော်
DVB TV News
http://burmese.dvb.no/archives/137004

Pat Jasan မူးယစ်နှိမ်နင်းရေးအဖွဲ့ တိုက်ခိုက်ခံရ- Photo credit to Jade Land Kachin- La N Lung Lung FB.
Pat Jasan မူးယစ်နှိမ်နင်းရေးအဖွဲ့ တိုက်ခိုက်ခံရ- Photo credit to Jade Land Kachin- La N Lung Lung FB.

ကချင်ပြည်နယ် ၀ိုင်းမော်မြို့ နယ်အတွင်း ဘိန်းခင်းဖျက်ဆီးဖို့ သွားရောက် တဲ့ လူထု အခြေပြု မူးယစ် တိုက်ဖျက်ရေး အဖွဲ့ဝင်တွေကို သေနတ်၊ ဗုံးတွေနဲ့ တိုက်ခိုက်ခံ ရတာကြောင့် လူအတော်များများ ထိခိုက်ဒဏ်ရာရပြီး လူ
အယောက် ၂၀ကျော် ကတော့ မြစ်ကြီးနားဆေးရုံ ကို ရောက် လာပြီဖြစ်ပါတယ်။ ဒီတိုက်ခိုက်မှုဟာ မနက် ၉နာရီလောက် မှ ၂ကြိမ် ၊ နေ့ခင်း ၁နာရီလောက်မှာ တကြိမ် ဖြစ်ပွားခဲ့တာပါ။ ဒီသတင်းကိုတော့ ဗွီအိုအေ မြန်မာပိုင်းရဲ့သတင်းထောက် ကိုမိုးဇော်က သတင်းပေးပို့ထားပါတယ်။

ဒီကနေ့ ပြည်သူ့လွှတ်တော်မှာ ကချင်ပြည်နယ် မူးယစ်ဆေး တိုက်ဖျက်ရေး အတွက် ဆွေးနွေးနေချိန်မှာပဲ ဘိန်းခင်းဖျက်ဆီးဖို့ သွားရောက်တဲ့ Pat Jasan ခေါ် လူထုအခြေပြု မူးယစ်တိုက်ဖျက်ရေး အဖွဲ့ဝင်တွေကို သေနတ်၊ဗုံးတွေနဲ့ တိုက်ခိုက်ခံ ရတာဖြစ်ပါတယ်။ ဒီကနေ့ တိုက်ခိုက်ခံရတဲ့ မူးယစ်တိုက်ဖျက်ရေးအဖွဲ့ဝင်တွေဟာ ဗုဒ္ဓဟူးနေ့က လုံခြုံရေးတွေနဲ့အတူ ဘိန်းခင်းတွေဆီကို ပထမဆုံး ထွက်ခွာသွားတဲ့ အဖွဲ့ ၂ဖွဲ့ ဖြစ်ပါတယ်။

မနက် ၉နာရီလောက်မှာ စတင် တိုက်ခိုက်ခံရတာကြောင့် သူတို့ကို ကူညီဖို့
ထပ်မံ သွားရောက်တဲ့ ကား ၅စီးဟာ နေ့ခင်း ၁နာရီလောက်မှာ ထပ်မံ တိုက်ခိုက်ခံ ရတယ်လို့ ဒဏ်ရာရသူတွေကို သယ်ဆောင်လာတဲ့ မူးယစ်တိုက်ဖျက်ရေးကော်မတီ ဝင် ဦးဒိုင်ဇောင်းက ပြောပါတယ်။

" တောင်ဘက်ခြမ်းက အဖွဲ့ အရင်စ ဖြစ်ပါတယ်ခင်ဗျ။ သူတို့ကို သေနတ်နဲ့ ပစ်၊ နောက်ပြီးတော့ လူတွေ ဝိုင်းရိုက်၊ အဲ့လို ရုန်းရင်းဆန်ခတ်ဖြစ် ပြီးတော့ နောက်တခါကျတော့ အထက်က အဖွဲ့နဲ့ပြန်ဖြစ်တယ်။ အထက်နဲ့ အဖွဲ့ ပြန်ဖြစ်တော့ သူတို့ကို လာဝိုင်းထားတယ်။ အခု ရဲတွေလည်း ထွက်ပြေး သွားတယ်။ ကျနော်တို့ အနောက်ကို ပြန်ဖုန်းဆက်တော့ အဲ့ဒီ့ဘိန်းဖျက်အဖွဲ့ ကားငါးစီး ပြန်တက်လာတယ် ခင်ဗျ။ ကန်ပိုက်တီးနဲ့ မြစ်ကြီးနား လမ်းမကြီးပါ အပေါ်မှာကို တိုက်ခိုက်ခံရတာပါခင်ဗျ။ သေနတ်နဲ့ပစ်တာ၊ မိုင်းနဲ့ပစ်တာ၊ ကိုးနာရီလောက်က စဖြစ်ပါတယ် ခင်ဗျ။ အခု ကျနော် တင်လာတဲ့ လူနာကတော့ တစ်နာရီ လောက်မှာ ပစ်ပါတယ်ခင်ဗျ။ "

လောလောဆယ် လူဘယ်လောက် ထိခိုက်တယ်ဆိုတာ မသိရသေးကြောင်းနဲ့ ကား၃စင်းနဲ့မြစ်ကြီးနားဆေးရုံကို ပို့ဆောင်နေကြောင်း ဒဏ်ရာရသူတွေကို သယ်ဆောင်လာတဲ့ မူးယစ်တိုက်ဖျက်ရေးကော်မတီဝင် ဦးဒိုင်ဇောင်းက ပြော ပါတယ်။

"ဘယ်နှစ်ယောက်လဲ တော့ သေချာ မသိသေးဘူးခင်ဗျ။ ဟိုဘက်မှာ အထက်မှာလည်း အများကြီး ဒဏ်ရာ ရပါတယ်ခင်ဗျ။ မိုင်းထောင်တာ များပါတယ်ခင်ဗျ။ သေနတ်နဲ့ပစ်တာ၊ မိုင်းနဲ့ပစ်တာ၊ အခု ကျနော် အခုသယ်လာတဲ့လူတွေကတော့ ဒဏ်ရာ ရတာ သုံးယောက်ပါ ခင်ဗျ။ မိုင်းတွေနဲ့ပစ်တာ သုံးလေးငါးချက် ထိတယ်ခင်ဗျ။ တယောက်ဆို အရမ်းဆိုးပါတယ်ခင်ဗျ။ သွေးအရမ်းသွန်တော့ ကျနော်တို့ ရှေ့မှာ ဒဏ်ရာရတဲ့သူ တင်တဲ့ကားကတော့ ကားနှစ်စီး သွားပါတယ်ခင်ဗျ။ လူနာတင်တဲ့ကားက ကျနော်နဲ့ဆို နှစ်စီး အခု နောက်မှာလည်း ကျန်သေးတယ်။"

အခြား မူးယစ်တိုက်ဖျက်ရေး ကော်မတီဝင်တဦးကတော့ မူးယစ် တိုက်ဖျက်ရေး အဖွဲ့ဝင်တွေ ရဲ့ စားနပ်ရိက္ခာတွေ၊ အိပ်ယာလိပ်တွေနဲ့ ရွက်ထည်တဲတွေကို မီးရှို့လိုက်ကြသလို ကား ၂စင်းလည်း ဖျက်ဆီးခံရကြောင်း ပြောပါတယ်။

" ကျနော်တို့ရဲ့ ပစ္စည်းတွေ စားကုန်သောက်ကုန်တွေ ကားတွေရော အိပ်ယာလိပ်တွေရော အားလုံး မီးရှို့ပစ်လိုက်တယ် သူတို့က။ လမ်းမကြီးပေါ်မှာ အဲ့ဒီ့အဖွဲ့တဖွဲ့က လာပြီးမှ သေနတ်တွေနဲ့ မိုင်းတွေနဲ့ လာပစ်လို့ ကျနော်တို့ အဲ့ဒီ့မှာ ကားနှစ်စင်း မီးရှို့ခံရတယ်။ အဲ့ဒီ့ ဝတ်မောရဲ့ တောင်ကုန်းပေါ်မှာဆိုရင် ဦးဇခုန်တိန်ယင်းတို့ရဲ့ စစ်တပ်ရှိတယ်လေ။ တောင်ကုန်းပေါ် ကနေ ကျော်ပြီး သေနတ်နဲ့ပစ်လို့ ကျနော်တို့ အဖွဲ့တွေ ဒဏ်ရာရပြီး အခု ဆေးရုံရောက်နေကြတယ်။"

ကချင်ငြိမ်းချမ်းရေးအကျိုးဆောင်အဖွဲ့က ဦးလမိုင်ဂွမ်ဂျာကတော့
မြစ်ကြီးနားဆေးရုံ ကို ရောက်လာတဲ့လူနာ ၂၀ကျော်ရှိတယ်လို့ ပြောပါတယ်။

" အခုလောလောဆယ်တော့ ၁၈ယောက်လောက်တော့ ရောက်လာပြီဗျ။ ကိုးယောက်လောက် ကျန်တယ်ပြောတယ်။ အားလုံး ၂၀ကျော်လောက်တော့ ရှိမယ်ထင်တယ်။ ဒဏ်ရာတွေကတော့ သေနတ် ကျည်ဆန်တွေ၊ နောက်ပြီး မိုင်းစတွေ ထိပြီးမှ လာတာတွေ။"

အခုအခါ မြောက်ပိုင်းတိုင်းစစ်ဌာနချုပ်က အခင်းဖြစ်တဲ့နေရာကိုရှင်းလင်းဖို့ ညွှန်ကြား ထားတယ်လို့ သိရကြောင်းလည်း ဦးလမိုင်ဂွမ်ဂျာက
ဆက်ပြောပါတယ်။

" တပ်ကလည်းပဲ မြောက်ပိုင်းတိုင်း စစ်ဌာနချုပ်ကို အကြောင်းကြားတယ်။ သူတို့လည်း ဗျူဟာမှူးကို တာဝန်ပေးပြီးမှ ဗျူဟာမှူးက အဲ့ဒီ့နေရာကို အခင်းဖြစ်ပွားတဲ့နေရာကို အမြန်ဆုံး သွားပြီးတော့ လုံခြုံရေး ယူပေးဖို့အတွက် ညွှန်ကြားထားပြီးပြီလို့ သိရတယ်ခင်ဗျ။"

ဝိုင်းမော်မြို့နယ်အုပ်ချုပ်ရေးမှူး နဲ့ ပြည်နယ်ရဲတပ်ဖွဲ့မှူး ထံကိုအခင်းဖြစ်ပွားမှု နဲ့ ပတ်သက်ပြီး မေးမြန်းဖို့ အတွက် ဆက်သွယ်ခဲ့ပေမဲ့
အစည်းအဝေး ရောက်ရှိနေတာကြောင့် တစုံတရာဖြေကြားတာမရှိပါဘူး။ကန်ပိုက်တီး နယ်မှာ ဘိန်းခင်းဧက ၅ထောင်လောက်ရှိမယ်လို့
ကချင်လူထု အခြေပြု ဘိန်းတိုက်ဖျက်ရေး အဖွဲ့က ခန့်မှန်းထားပြီးဒီဘိန်းခင်းတွေဟာ တဖက်နိုင်ငံက လုပ်ငန်းရှင်တွေလာရောက်
စိုက်ပျိုးတာဖြစ်ကြောင်း လည်း ပြောဆိုတာတွေ ရှိပါတယ်။

လက်ရှိ ကချင်လူထုအခြေပြု မူးယစ်တိုက်ဖျက်ရေးအဖွဲ့တွေ သွားရောက်မယ့်ကန်ပိုက်တီးဒေသဟာ အမျိုးသားလွှတ်တော်ကိုယ်စားလှယ်
ဦးစခုန်တိန်းယိန် ခေါင်းဆောင်တဲ့ NDA-K ခေါ် အပစ်ရပ် ကချင် ဒီမိုကရေစီသစ် တပ်ဖွဲ့ ကနေ အသွင်ပြောင်းထားတဲ့ နယ်ခြားစောင့်တပ်နဲ့ ပြည်သူ့စစ်အဖွဲ့တွေ ထိန်းချုပ်ထားတဲ့ နယ်မြေဖြစ်ပါတယ်။

ကိုမိုးဇော်/VOA
http://burmese.voanews.com/content/pat-jasan-attack-by-villagers-/3207538.html


ဖေဖော်ဝါရီ ၂၅ရက်၊ ၂၀၁၆ခုနှစ်။ (နန်းဝေဖြိုးဇာ၊ ကဆောဝါး)

ကရင်ပြည်နယ် ကော့ကရိတ်မြို့နယ် ရေလယ်ကုန်းကျေးရွာမှ ရွာခံအမျိုးသားနှစ်ဦး ဖေဖော်ဝါရီ ၂၅ရက်(ယနေ့) နံနက်ပိုင်းက ကျားကိုက်ခံရပြီးနောက် ယင်းကျားကို အသေဖမ်းမိခဲ့သည်ဟု ကော့ကရိတ်မြို့နယ် အထွေထွေအုပ်ချုပ်ရေးမှူး ဦးစီးဌာန၏ ဒု-အုပ်ချုပ်ရေးမှူး ဦးစန်းလွင်က ကေအိုင်စီသို့ အတည်ပြုပြောဆိုသည်။

အရှည် ၇ပေရှိသော အဆိုပါကျားမှာ အသက် ၅၁နှစ်အရွယ် စောချက်ပြူး (ခ) ထိပ်ဖြူကို နံနက် ၄နာရီကျော်တွင်လည်းကောင်း၊ အသက် ၁၈နှစ်အရွယ် စောအောင်ကိုလေးကို နံနက် ၇နာရီတွင်လည်းကောင်း ကိုက်ခဲ့ပြီးနောက်ပိုင်း နယ်မြေရဲတပ်ဖွဲ့နှင့် BGF နယ်ခြားစောင့်တပ်(၁၀၁၆)တပ်ရင်းတို့က လိုက်လံပစ်ခတ်သဖြင့် နေ့လည် ၁၁နာရီခွဲခန့်တွင် ရေလယ်ကုန်းကျေးရွာနှင့် ၂ဖာလုံ ခန့်အကွာ သခွားခြံအရပ်တွင် အသေဖမ်းဆီးရမိခဲ့ခြင်းဖြစ်သည်။

ယင်းကိစ္စအပေါ် ကော့ကရိတ်မြို့နယ် အထွေထွေအုပ်ချုပ်ရေးမှူး ဦးစီးဌာန၏ ဒု-အုပ်ချုပ်ရေးမှူး ဦးစန်းလွင်က “ကျားကိုက်ခံရတဲ့ နှစ်ဦးက အင်းထဲကို ငါးဖမ်းပိုက်ဖြုတ်သိမ်းချိန်နေစဉ် အကိုက်ခံရတာဖြစ်တာလို့ ကျနော်တို့ သိရတယ်။ အဲဒီကျားကိုတော့ အသေဖမ်းမိပြီ။”ဟု ကေအိုင်စီသို့ ပြောသည်။

ကျားကိုက်ခံရသည့် ရေလယ်ကုန်းကျေးရွာသားနှစ်ဦးသည် ၎င်းတို့၏ ခါးနောက်ကျောတွင် ကျားကိုက်ခံရပြီး လတ်တလောတွင် ၎င်းတို့မှာ ကော့ကရိတ်မြို့ ပြည်သူ့ဆေးရုံသို့ ပို့ဆောင်ပြီး ဆေးကုသမှု ခံယူလျှက်ရှိသည်။

ထို့အပြင် လက်ရှိ အသေဖမ်းဆီးရမိသော ကျားကို ရေလယ်ကုန်းကျေးရွာ ဘောလုံးကွင်းတွင် ပြသထားကာ လာရောက်ကြည့်ရှု သူ များပြားလျှက်ရှိကြောင်းနှင့် ယင်းကျားကို BGF ၁၀၁၆ တပ်ရင်းမှ စောချစ်မိုးနှင့်အဖွဲ့က စကခ(၁၂)သို့ ပို့ဆောင်အပ်နှံသွား မည်ဖြစ်ကြောင်း သိရသည်။

ကော့ကရိတ်မြို့နယ်၊ ရေလယ်ကုန်းကျေးရွာသည် လှိုင်ဝအင်းနှင် ချုံပုတ်တော အနည်းငယ် ပတ်ပတ်လည် ဝိုင်းရံလျှက်ရှိပြီး ၎င်း ရွာအနီးတဝိုက်တွင် ယခင်က ယခုကဲ့သို့ ကျားကိုက်ခံရမှုများ မရှိခဲ့ဖူးကြောင်း သိရသည်။

(နန်းဝေဖြိုးဇာ၊ ကဆောဝါး)
KIC - ကေအိုင်စီ
http://kicnews.org


ဘောလုံး အကျော်အမော် မက်ဆီရဲ့ အာဂျင်တီနား အင်္ကျီပုံစံအတိုင်း အစင်းပါတဲ့ ပလတ်စတစ် အိတ်ပေါ်မှာ ကျောနံပါတ်နဲ့ မက်ဆီ့ အမည်ကို ရေးပြီး ဝတ်ထားတဲ့ ဓာတ်ပုံနဲ့ အင်တာနက်ပေါ်မှာ နာမည်ကြီးခဲ့တဲ့ အာဖဂန်က ငါးနှစ်သား တစ်ယောက်ဟာ အခုတော့ မက်ဆီရဲ့ တကယ့် အင်္ကျီအစစ် တစ်ထည်ကို ရရှိသွားပါတယ်။

Murtaza Ahmadi ဆိုတဲ့ အဲဒီ ငါးနှစ်သားလေးက မက်ဆီ ကိုယ်တိုင် လက်မှတ်ထိုးထားတဲ့ အင်္ကျီကို ဝတ်ထားတဲ့ ဓာတ်ပုံကို ကုလသမဂ္ဂ ကလေးများ ရန်ပုံငွေအဖွဲ့ ယူနီဆက်ဖ်က ဖော်ပြ ခဲ့ပါတယ်။

မက်ဆီရဲ့ စီမံခန့်ခွဲရေး အဖွဲ့ကလည်း Murtaza အတွက် လက်မှတ်ထိုးထားတဲ့ အင်္ကျီတစ်ထည်နဲ့ ဘောလုံးတစ်လုံးကို ပေးပို့ခဲ့တယ် ဆိုတာကို ကြသပတေးနေ့က အတည်ပြု ပြောဆိုပါတယ်။

Murtaza က 'ကျွန်တော် မက်ဆီ့ကို ချစ်တယ်၊ မက်ဆီကလည်း ကျွန်တော့်ကို ချစ်တယ် ဆိုတာ ဒီအင်္ကျီက ပြောနေတယ်' လို့ ပြောပါတယ်။

ပလပ်စတစ်အိတ် အင်္ကျီနဲ့ Murtaza ရဲ့ ဓာတ်ပုံကို သူ့အစ်ကို ဖြစ်သူက အွန်လိုင်းပေါ် တင်ခဲ့ပြီးနောက် အင်တာနက်ပေါ်မှာ ပျံ့နှံ့ ခဲ့တာပါ။

လယ်သမား တစ်ယောက် ဖြစ်တဲ့ သူ့ရဲ့ ဖခင်ကတော့ အခုလို မက်ဆီရဲ့ အင်္ကျီအစစ် တစ်ထည်ကို သူ့သားအတွက် ဝယ်ပေးဖို့ တတ်နိုင်မှာ မဟုတ်ဘူးလို့ ပြောပါတယ်။

BBC Burmese
http://www.bbc.com/burmese

ကချင်ပြည်နယ် မြစ်ကြီးနား ပြည်သူ့ဆေးရုံကြီးကို ရောက်ရှိလာတဲ့ ထိခိုက်ဒဏ်ရာရသူတစ်ဦးကို ဖေဖော်ဝါရီလ ၂၅ ရက်နေ့ က တွေ့ရစဉ်။ Photo: Kyaw Myo Min/RFA
ကချင်ပြည်နယ် ၀ိုင်းမော်မြို့နယ် ဆဒုံးနဲ့ ကန်ပိုက်တီ ဒေသဘက်က ဘိန်းခင်းတွေကို သွားရောက်ဖျက်ဆီးနေတဲ့ အစိုးရနဲ့ ကချင်လူမှုအခြေပြု ဘိန်းခင်းတိုက်ဖျက်ရေး ပူးပေါင်းအဖွဲ့ဟာ အမည်မသိတဲ့ ဒေသခံလက်နက်ကိုင် အဖွဲ့တွေရဲ့ တိုက်ခိုက်မှုကို ဒီကနေ့ နှစ်ကြိမ်ခံခဲ့ရပြီး လူ ၃၀ ကျော် ထိခိုက်ဒါဏ်ရာရရှိခဲ့ပါတယ်။

ဒီကနေ့ ညနေပိုင်း လေးနာရီကျော်အထိ မြစ်ကြီးနား ပြည်သူ့ဆေးရုံကြီးကို ရောက်ရှိလာတဲ့ ဒဏ်ရာရသူ ၂၉ ယောက်ရှိပြီလို့ မြစ်ကြီးနား ပြည်သူ့ဆေးရုံအုပ်ကြီး ဒေါက်တာ အောင်ငွေစံက ပြောပါတယ်။

"လူနာကတော့ လောလောဆယ်မှာ ၂၉ ဦး ရောက်နေပြီ၊ ခွဲစိတ်ကုသဆောင်မှာ ၁၁ ဦး အရိုးနဲ့ထိခိုက် ဒဏ်ရာ ကုသဆောင်မှာ ၁၈ ဦးပေါ့နော်၊ လူနာတွေ နောက်ထပ်ရောက်လာရင်တော့ အချိန်နဲ့ တပြေးညီ အရေအတွက်ပြောင်းလဲမှာပေါ့နော်၊ လူနာတစ်ယောက်ကတော့ ဗိုက်မှာထိမှန်တယ်၊ တစ်ယောက်ကတော့ ပုခုံးမှာထိမှန်တာရှိတယ်၊ ဒီဒဏ်ရာက စိုးရိမ်ရလား မစိုးရိမ်ရဘူးလားဆိုတာ ဓါတ်မှန်ရိုက်တဲ့ဟာတွေနဲ့ လုပ်နေရတယ်လေ၊ အဆင့်ဆင့် စမ်းသပ်စစ်ဆေးမှုတွေ လုပ်နေရတယ်၊ အဲ့အပေါ်မှာမူတည် ပြီးတော့ ရောဂါပြင်းထန်ရင် ပြင်းထန်သလို လိုအပ်တဲ့ကုသမှုတွေ ဆောင်ရွက်သွားရမှာပေါ့နော်"

ဒီကနေ့ မနက်ပိုင်းမှာ တိုက်ခိုက်ခံရတဲ့ ဘိန်းတိုက်ဖျက်ရေးအဖွဲ့တွေဟာ ၀ိုင်းမော်မြို့နယ် ဝေမိုးရွာကနေ ထန်းမိုခမ်းကျေးရွာဘက်က ဘိန်းစိုက်ခင်းတွေဘက်အသွားမှာ တစ်ကြိမ်တိုက်ခိုက်ရပြီး နေ့လည်ပိုင်းမှာ စင်ကြိုင်ရွာကနေ ဘိန်းစိုက်ခင်းတွေဘက်ကိုအသွားမှာ တိုက်ခိုက်ခံရတာလို့ သိရပါတယ်။

ဆဒုံးမြို့အကျော်မှာ ဒီကနေ့ နေ့လည်ပိုင်းက တိုက်ခိုက်ခံရလို့ ဗုံးစမှန်ထားပြီး ဒဏ်ရာရရှိသူ တစ်ဦးဖြစ်တဲ့ အသက် ၂၄ နှစ်အရွယ် ကိုဘရန်ဂျာက တိုက်ခိုက်ခံရတဲ့ အခြေအနေကို အခုလိုပြောပါတယ်။

"မိုင်းတွေနဲ့ အခွဲခံရတယ်၊ တော်တော်ထိသွားတယ်၊ သူတို့လည်း အယောက် ၃ဝ ကျော်လောက်ရှိတယ်၊ ဝိုင်းရိုက်ဖမ်းနေကြရင်းနဲ့ လက်ပစ်ဗုံးနဲ့ ကြားထဲက ပစ်ခွဲလိုက်တာ၊ လက်ပစ်ဗုံးပစ်တဲ့လူကိုတွေ့တယ် ဒါပေမဲ့ လိုက်ဖမ်းမမိလိုက်ကြဘူး၊ ယူနီဖောင်းနဲ့ မဟုတ်ဘူး၊ ဒါပေမဲ့ သေနတ်တွေနဲ့ ပစ်တယ်၊ လက်ပစ်ဗုံး ဆို သုံးလုံးတောင်ကွဲတယ်၊ ကျနော်တို့လည်း ရှေ့ဆက်တိုးလို့မရတော့ နောက်ပြန်ဆုတ်တယ်၊ ဟိုမှာရှိတဲ့ လူတွေလည်းရှိနေကြတယ်"

ဘိန်းခင်းပိုင်ရှင်လို့ယူဆရတဲ့ လက်နက်ကိုင်ဆောင်ထားသူတွေဟာ တုတ်၊ ဓါး၊ လောက်လေးခွ၊ သေနတ်၊ လက်ပစ်ဗုံးစတဲ့လက်နက်တွေနဲ့ ပစ်ခတ်တိုက်ခိုက်ပြီး ကားတချို့ကိုလည်း မီးရှို့ခဲ့သလို ရိက္ခာတွေကိုလည်း ယူဆောင်သွားတယ်လို့ ဒဏ်ရာရသူတွေကို ကူညီပေးနေတဲ့ ငြိမ်းချမ်းရေးအကျိုးဆောင်အဖွဲ့ဝင် ဦးလမိုင်ဂွမ်ဂျာက ပြောပါတယ်။

လတ်တလော မြန်မာနိုင်ငံ ကြက်ခြေနီအသင်း၊ လူမှုအဖွဲ့အစည်းတွေ အပါအဝင် အစိုးရတာဝန်ရှိသူတချို့က ဒါဏ်ရာရရှိသူတွေကို သွားရောက်သယ်ယူပြီး မြစ်ကြီးနားဆေးရုံကို ပို့ဆောင်နေတာဖြစ်ပါတယ်။

ဒီအတောအတွင်းမှာပဲ ဘိန်းဖျက်ဆီးရေးသွားသူတွေ တိုက်ခိုက်ခံရတာကိုမကျေနပ်တဲ့ ဒေသခံကချင်တိုင်းရင်းသား အယောက်တစ်ရာကျော်က မြစ်ကြီးနားပြည်သူ့ဆေးရုံရှေ့မှာ ဆန္ဒပြခဲ့ကြပါတယ်။


ဆန္ဒပြသူတွေဟာ နယ်ခြားစောင့်တပ် အလိုမရှိ၊ ဘိန်းအစိုးရ အလိုမရှိစတဲ့ ကြွေးကြော်သံတွေနဲ့ ဆန္ဒပြနေကြ တာဖြစ်ပါတယ်။

မြစ်ကြီးနားဆေးရုံပေါ်မှာ ရောက်ရှိနေတဲ့ ဒဏ်ရာရရှိသူအများစုဟာ ဝိုင်းမော်မြို့နယ်ထဲကဖြစ်ပြီး ဖားကန့်မြို့နယ် ဘက်ကတချို့နဲ့ အသေးစိတ်ကိုတော့ စိစစ်နေဆဲဖြစ်ပါတယ်။

ဒီကိစ္စနဲ့ ပတ်သက်ပြီး ကချင်ပြည်နယ် အစိုးရအဖွဲ့ရုံးနဲ့ ပြည်နယ်ရဲတပ်ဖွဲ့ရုံးကို RFA က လူကိုယ်တိုင် သွားရောက်မေးမြန်းခဲ့ပေမဲ့ အလုပ်ရှုပ်နေတယ်လို့ပြောပြီး တာဝန်ယူ ဖြေဆိုရှင်းမရှိခဲ့ပါဘူး။

ကချင်လူမှုအခြေပြု ဘိန်းခင်းတိုက်ဖျက်ရေးအဖွဲ့ဟာ အစိုးရရဲ့ လုံခြုံရေးစီမံပေးမှုနဲ့အတူ ဋ္ဌာနဆိုင်ရာတွေနဲ့ ပူးပေါင်းပြီး ဖေဖော်ဝါရီ ၂၃ ရက်နေ့ကစတင်ပြီး အဖွဲ့ကြီး ၆ ဖွဲ့ အဖွဲ့ငယ် ၂၆ဖွဲ့ခွဲကာ ဘိန်းခင်းဖျက်ဆီးရေးတွေ ကို ဆောင်ရွက်နေတာဖြစ်ပါတယ်။

RFA Burmese
http://www.rfa.org/burmese


စင်ကြိုင် ၀တ်မောတွင် BGF တို့၏ ဗုံးဖြင့် တိုက်ခိုက်ခံရသော PJS အဖွဲ့ဝင်များ ယခု အချိန်မှာပဲ အစိုးရ နယ်ခြားစောင့်တပ် စခန်းရှိသည့် စင်ကြိုင် တွင် လူထု အခြေပြု ဘိန်းခင်း တိုက်ဖျက်ရေး အဖွဲ့ PJS လူ ၃၀၀ ခန့်ကို ဘိန်းခြံပိုင်ရှင်များ၊ ပြည်သူ့စစ်နှင့် နယ်ခြားစောင့်တပ် ၁၀၀၀ ကျော်မှ သေနတ်၊ ဗုံးများဖြင့် ပစ်ခတ် ဖောက်ခွဲပြီး ၀ိုင်းရံ ထားနေကြောင်း သိရသည်။

ယနေ့ မနက်ပိုင်း စင်ကြိုင်အလွန် ၀တ်မောတွင် ခေတ္တရပ်နားနေသော PJS ကား ၂ စီးကို BGF မှ ဗုံးခွဲ တိုက်ခိုက်ခဲ့သောကြောင့် PJS (၁၈) ယောက် ထိခိုက် ဒဏ်ရာ ရရှိခဲ့ပါသည်။ ယခုချိန် ဒဏ်ရာရရှိသူများကို မြစ်ကြီးနား ပြည်သူ့ဆေးရုံကြီး သို့ ပို့ခဲ့ပြီးဖြစ်သည်။

ဝတ်မောသို့ အကူညီပေးရန် တက်လာသော PJS အဖွဲ့ကိုလည်း လမ်းခုလပ်တွင် နယ်ခြားစောင့်တပ်များမှ ဒုတိယ အကြိမ် ပစ်ခတ်တိုက်ခိုက်ခဲ့ရာတွင် PJS တစ်ဦး ဗိုက်တွင် သေနတ် မှန်ခဲ့ကြောင်း ဘိန်းခင်း တိုက်ဖျက်ရေးအဖွဲ့ ခေါင်းဆောင်များ ကချင်သတင်းဌာန KNG သို့ အတည်ပြုပြောခဲ့သည်။

ယခု သတင်း ရေးသားနေချိန်အထိ မြန်မာအစိုးရနှင့် အစိုးရတပ်မှ ကန်ပိုင်တီ နယ်ခြားစောင့်တပ်၊ ပြည်သူ့စစ် နှင့် ဘိန်းခြံပိုင်ရှင်များမှ လက်နက်မဲ့ PJS ဘိန်းခင်း တိုက်ဖျက်ရေး အဖွဲ့များကို ပြင်းပြင်းထန်ထန် တိုက်ခိုက် နေခြင်း အား ဟန့်တား ပေးခြင်းမျိုး မရှိသေးပါ။

Kachinnews
http://burmese.kachinnews.com


ကချင်ပြည်နယ်အတွင်း ဘိန်းခင်းများဖျက်ဆီးမှုတွင် ဥိးဆောင်နေသည့် လူထုအခြေပြု မူးယစ်ဆေးဝါး တိုက်ဖျက်နှိမ်နှင်းရေးအဖွဲ့ကို တပ်မတော်မှ လက်မခံ အသိမှတ် မပြုသလို အဆိုပါအဖွဲ့အား အကာကွယ်ပေးရေးအဆိုကို ပြည်သူ့လွှတ်တော်တွင် ယနေ့ ဆွေးနွေးရာ အစိုးရအဖွဲ့မှလည်း လာရောက်ဖြေရှင်းခြင်း မရှိခဲ့ပေ။

ကချင်ပြည်နယ် အခြေစိုက် စစ်ဗျုဟာမှူးမှ ဘိန်းခင်းများ ရှိသည့် ဆဒုံး ကန်ပိုက်တီနယ် မော်စီတုန်းရွာသိသွားရောက်ညှိနှိုင်းရာ နိုင်ငံတော် မှ ဖွဲ့စည်းပေးထားသည့် ဘိန်းခင်းဖျက်အဖွဲ့ကိုသာလက်ခံမည် ဖြစ်ပြီး ခရစ်ယာန်ဘာသာရေးနှင့် လူထုအခြေပြု ဘိန်းခင်းဖျက်အဖွဲ့အား လက်မခံကြောင်း တပ်မတော်သားကိုယ်စားလှယ် ဒုတိယဗိုလ်မှူးကြီး သိန်းထွန်းက ဆိုသည်။

ကချင်ပြည်နယ်တွင် လူထုအခြေပြု မူးယစ်ဆေးဝါးတိုက်ဖျက်နှိမ်နင်းရေး အဖွဲ့ ဘိန်းစိုက်ခင်းများ ဖျက်ဆီးရန် သွားရောက်ရာလမ်းတွင် ပိတ်ဆို့တားဆီးခြင်း၊ သေနတ်၊ ဗုံးများဖြင့် တိုက်ခိုက်ခံရခြင်းများကြောင့် ယင်းအဖွဲ့ အားအကာအကွယ်ပေးရန် အစိုးရအဖွဲ့အားတိုက်တွန်းသည့်အဆိုကို လွှတ်တော်ကိုယ်စားလှယ် ၂၀ ဦးနှင့် တပ်မတော်သားကိုယ်စားလှယ် ၃ ဦးတို့ဆွေးနွေးခဲ့သည်။

“မူးယစ်ဆေးဝါး တိုက်ဖျက်နှိမ်နင်းတဲ့ လုပ်ငန်းကို အုပ်ချုပ်တဲ့ အစိုးရနဲ့ ပြည်သူ လူထုပူးပေါင်းဆောင်ရွက်ရင် မအောင်မြင်စရာ အကြောင်း မရှိပါဘူး” ဟု မြစ်ကြီးနားမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးအင်ထုံးခါးနော်ဆမ် ကပြောသည်။

မြန်မာနိုင်ငံတွင် မူးယစ်ဆေးဝါးရောင်းချခြင်းနှင့် ဘိန်းစိုက်ပျိုးခြင်းများသည် UNODC ၏ ထုတ်ပြန်ချက်များအရ ကမ္ဘာပေါ်တွင် အာဖဂ္ဂနစ္စတန်နိုင်ငံပြီး လျှင် မြန်မာနိုင်ငံသည် အများဆုံးဖြစ်ကြောင်း သတင်းထုတ်ပြန်ထားသည် ဟု မိုင်းပန်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးစိုင်းကျော်မိုးက ဆိုသည်။

လွှတ်တော်အတွင်းဆွေးနွေးမှုများ ပြုလုပ်သည့်ဖေဖော်ဝါရီလ ၂၅ ရက်နေ့ မှာပင် ကချင်ပြည်နယ် ဆဒုံးကန်ပိုက်တီ နယ်သို့ ဘိန်းခင်းဖျက်ရန် သွားရောက်သူများမှာ လက်ပစ်ဗုံးအပါဝင် တုတ် ၊ ဓါးလက်နက်များဖြင့် တိုက်ခိုက်ခြင်း ခံခဲ့ရသည်။

“အစိုးရအနေဖြင့် ထုတ်လုပ်သူကို မတားဆီးနိုင်၊ ဘိန်းခင်းများ မဖျက်ဆီးနိုင်၊ ရောင်းချသူများ မဖမ်းဆီး သုံးစွဲသူ များကိုသာ ဖမ်းဆီး တာကိုတွေ့ရပါတယ်၊ မူးယစ်ဆေးဝါးဟာ အခုဆိုရင် စာသင်ခန်းတွေထဲ အထိ ရောက်နေတာ တွေ့ရပါတယ်” ဟု ကောလင်းမြို့နယ် ပြည်သူ့လွှတ်တော် ကိုယ်စားလှယ် ဦးမျိုးဇော်အောင် ဆွေးနွေးသည်။

ယခု တိုက်ခိုက်မှုများ ပိတ်ဆို့မှုများ ဖြစ်ပွားခဲ့သည့် ၀ိုင်းမော်မြို့နယ်မှာ အစိုးရ အုပ်ချုပ်မှုအောက်တွင်ရှိနေသောကြောင့် ဘိန်းဖျက်သည့်အဖွဲ့အား ကာကွယ်စောင့်ရှောက်ရန် အစိုးရတွင် တာဝန်ရှိကြောင်း သန်လျင်မြို့နယ် ပြည်သူ့လွှတ်တော်ကိုယ်စားလှယ် ဦးလွင်ကိုလတ် မှလည်း ဆွေးနွေးခဲ့သည်။

ယင်းအရေးကြီးအဆိုအား လွှတ်တော်ကိုယ်စားများဆွေးနွေးပြီး အစိုးရအဖွဲ့ သက်ဆိုင်ဝန်ကြီးဌာနများအား လွှတ်တော်သို့လာရောက်ဖြေရှင်းရန် အကြောင်းကြားစာပို့ထားသော်လည်း လာရောက်ဖြေရှင်းခြင်းမရှိခဲ့ပေ။အစိုးရအဖွဲ့မှ လာရောက်ဖြေရှင်းခြင်းမရှိသော်လည်း လွှတ်တော်၏ လုပ်ထုံးလုပ်နည်း၊ ဥပဒေ၊ နည်းဥပဒေများအ ရ ဆက်လက်ဆောင်ရွက်ပြီး အဆိုအတည်ဖြစ်ကြောင်း ပြည်သူ့လွှတ်တော် ဥက္ကဌက ပြောသည်။

ကိုပေါက်

The Ladies News
https://www.facebook.com/News.TheLadies/

ပြည်သူ့လွှတ်တော် အစည်းအဝေးကျင်းပနေစဉ်။ Photo: RFA
မူးယစ်ဆေးဝါး တိုက်ဖျက်နှိမ်နင်းရာမှာ ပြည်သူလူထုပါဝင်လာမှုအပေါ် ကြိုဆိုထောက်ခံဖို့၊ ဟန့်တားနှောင့်ယှက် သူတွေရဲ့ အန္တရာယ်ကနေ ကာကွယ်ပေးဖို့အပြင် ထိရောက်တဲ့ ကူညီပံ့ပိုးမှုတွေ အမြန်ဆုံးဆောင်ရွက်ပေးဖို့ တိုက် တွန်းတဲ့ အရေးကြီးအဆိုနဲ့ပတ်သက်ပြီး ပြည်ထောင်စုဝန်ကြီးဌာန ၁၃ ခုနဲ့ မြန်မာနိုင်ငံ ရင်းနှီးမြှုပ်နှံမှု ကော်မရှင်တို့ကို ရှင်းလင်းတင်ပြဖို့ ဖိတ်ကြားထားပေမယ့် လာရောက်ဖြေကြားခြင်းမရှိကြောင်း ပြည်သူ့လွှတ်တော် ဥက္ကဌ ဦးဝင်းမြင့် က ဒီနေ့ ကြေညာလိုက်ပါတယ်။

မနေ့က ဝိုင်းမော်မြို့နယ် ပြည်သူ့လွှတ်တော်ကိုယ်စားလှယ် ဦးလဂန်ဇယ်ဂျုံး တင်သွင်းခဲ့တဲ့ အရေးကြီးအဆိုကို တပ်မတော်သားကိုယ်စားလှယ် ၃ဦး အပါအဝင် ကိုယ်စားလှယ် ၂၃ ဦး ပါဝင်ဆွေးနွေးခဲ့ပြီးနောက် ပြည်သူ့ လွှတ်တော် ဥက္ကဌ ဦးဝင်းမြင့်က ကြေညာတာဖြစ်ပါတယ်။

"လွှတ်တော်ကိုယ်စားလှယ်များခင်ဗျာ ဦးလဂန်ဇယ်ဂျုံး တင်သွင်းသွားတဲ့အဆိုကို ကိုယ်စားလှယ် ၂၃ ဦးက ဆွေးနွေးပြီးဖြစ်ပါတယ်၊ သက်ဆိုင်ရာဝန်ကြီးဌာနများကတော့ ပြန်လည်ရှင်းလင်းဆွေးနွေးခြင်း မရှိပါဘူး"

အဲ့ဒီအဆိုနဲ့ပတ်သက်ပြီး ပြည်ထဲရေး၊ ကာကွယ်ရေး၊ နယ်စပ်ရေးရာ၊ သစ်တော၊ လျှပ်စစ် စတဲ့ ဝန်ကြီးဌာန ၁၃ ခုနဲ့ မြန်မာနိုင်ငံ ရင်းနှီးမြှုပ်နှံမှုကော်မရှင်တို့ကို လွှတ်တော်မှာ ရှင်းလင်းတင်ပြဖို့ ပြည်သူ့လွှတ်တော်က ဖိတ်ကြားထားပေမယ့် သက်ဆိုင်ရာဌာနဆိုင်ရာ တာဝန်ရှိသူတွေ လာရောက်ခြင်းမရှိတာဖြစ်ပါတယ်။

သက်ဆိုင်ရာဝန်ကြီးဌာနတွေက ပြန်လည်ရှင်းလင်းတာမရှိတာကြောင့် ကိုယ်စားလှယ်တွေရဲ့ ဆန္ဒမဲခံယူရာ မှာ ထောက်ခံသူများတဲ့အတွက်အဆိုကို အတည်ပြုလိုက်ပါတယ်။

အဲဒီအရေးကြီးအဆိုကို ဒီကနေ့ ပြည်သူ့လွှတ်တော်မှာ ဆွေးနွေးကြရာမှာ တပ်မတော်သား လွှတ်တော် ကိုယ်စားလှယ်တွေနဲ့ ကျန်တဲ့ကိုယ်စားလှယ်တွေအကြား သဘောထားကွဲလွဲမှုတွေ ရှိနေပါတယ်။

ဘိန်းစိုက်ခင်းတွေကို ဖျက်ဆီးရမယ်ဆုိုတဲ့အပေါ် သဘောတူကြပေမယ့် ဘယ်လိုအကောင်အထည်ဖေါ်မယ် ဆုိုရာမှာ လက်ရှိ ဘိန်းခင်းတွေကို ဖျက်ဆီးနေတဲ့ Pat Jasan ပတ်ဂျာဆန် အဖွဲ့လို လူထုအခြေပြု ဘိန်းခင်းဖျက်ဆီးရေးနဲ့ ပတ်သက်ပြီး သဘောထားမတူကြပါဘူး။

ကချင်ပြည်နယ်မှာ ဘိန်းစိုက်ခင်းအကျယ်အဝန်းဟာ ဧကသောင်းချီရှိတယ်လို့သိရပြီး တရုတ်နုိုင်ငံက စီးပွားရေးလုပ်ငန်းရှင်တွေကလည်း ချယ်လှယ်ထားတယ်လို့ ဆွေးနွေးတာလည်း ရှိပါတယ်။ ကိုယ်စားလှယ်အများစု ဆွေးနွေးရာမှာ လူငယ်တွေဟာ မူးယစ်ဆေးဝါး သံသရာထဲမှာ မျောနေကြရပြီး ဘိန်းစို်က်ပျိုးမှုနဲ့ မူးယစ်ဆေးဝါးဟာ တမျိုးသားလုံးရဲ့ ဘုံရန်သူအဖြစ် သတ်မှတ်ပြီး တိုက်ဖျက်ဖို့ကို တိုက်တွန်းကြပါတယ်။

RFA Burmese
http://www.rfa.org/burmese

ပြည်သူ့ လွှတ်တော် အစည်းအဝေးအား မြင်တွေ့ရစဉ် (ဆင်ဟွာ)
    ရန်ကုန် ၊ ဖေဖော်ဝါရီ ၂၅ ရက် (ဆင်ဟွာ)

    မူးယစ် ဆေးဝါး တိုက်ဖျက်နှိမ်နှင်းရာတွင် ပြည်သူလူထု ပါဝင်လာမှု အပေါ် ကြိုဆို ထောက်ခံရန်နှင့် ဟန့် တား နှောင့်ယှက်သူများ၏ အန္တရာယ်မှ ကာကွယ် ပေးရန် အပြင် ထိရောက်သော ကူညီ ပံ့ပိုးမှုများကို အမြန်ဆုံး ဆောင်ရွက်ပေးရန် ပြည်ထောင်စု အစိုးရ အဖွဲ့ သို့ ပြည်သူ့ လွှတ်တော်မှ တိုက်တွန်းကြောင်း အရေးကြီး အဆိုအား ယနေ့ ဖေဖော်ဝါရီ ၂၅ ရက် ပြည်သူ့ လွှတ်တော် အစည်းအဝေးတွင် အတည်ပြုခဲ့သည်။

ထိုအရေးကြီးအဆိုအား ဝိုင်းမော် မဲဆန္ဒနယ် ပြည်သူ့ လွှတ်တော်ကိုယ်စားလှယ် ဦးလဂမ်ဇယ်ဂျုံးက တင်သွင်းခဲ့ခြင်း ဖြစ်ပြီး အမည်စာရင်းတင်သွင်းထားသော လွှတ်တော် ကိုယ်စားလှယ် ၂၃ ဦးက ထောက်ခံ ဆွေးနွေးခြင်းများ ပြုလုပ်ခဲ့သည်။

ကချင်ပြည်နယ် ဖားကန့် ဒေသတွင် မူးယစ်ဆေးဝါးများကို ခွင့်ပြုချက် ရထားသကဲ့သို့  ဈေးတန်းခင်းလျက် ရောင်းချနေပြီး ရေမဆေးကျောက် လုပ်သား ရှစ်သောင်းခန့် တို့  ဆေးစွဲနေကြောင်း၊ မူးယစ်ဆေး ရောင်းသူတစ်ဦး၏ ၅၈ ရက်အတွင်း လိုင်းကြေး ပေးဆောင်ရသည့် ပမာဏမှာ ကျပ်သိန်း ၅၆၈၀ ကျော်ရှိရာ ထိုသူတစ်ဦးတည်းက ဒေသ အာဏာပိုင်များသို့ လိုင်းကြေး ပေးသွင်းရငွေမှာ ကျပ် သိန်း တစ်ရာ ကျော် ရှိနေသဖြင့် သက်ဆိုင်ရာ ဌာနဆိုင်ရာ အဖွဲ့ များ၏ အဂတိ လိုက်စားမှုကို အရေးယူသင့်ကြောင်း ဖားကန့်  မဲဆန္ဒနယ်မှ လွှတ်တော် ကိုယ်စားလှယ် ဦးတင်စိုးက ဆွေးနွေးရာတွင် ထည့်သွင်းပြောကြားခဲ့သည်။

အဆိုနှင့် စပ်လျဉ်း၍ သက်ဆိုင်ရာ ပြည်ထောင်စုအဆင့် အဖွဲ့အစည်းဝင်က လွှတ်တော်သို့ လာရောက်ရှင်းလင်း ဆွေးနွေးခြင်း မရှိခဲ့သဖြင့် လွှတ်တော်၏ အစီအစဉ်အတိုင်း ဆက်လက် ဆောင်ရွက်ခဲ့ပြီး အဆိုရှင်၏ သဘောဆန္ဒအရ လွှတ်တော်၏ အဆုံးအဖြတ် ခဲ့သည်။

အဆိုနှင့် ပတ်သက်၍ ဆန္ဒမဲပေးခွင့် ရှိသူ ၄၃၂ ဦး ရှိသည်အနက် ထောက်ခံ ဆန္ဒမဲ ၃၉၈ ၊ ကန့် ကွက် ဆန္ဒမဲ ၂ ၊ ကြားနေ ဆန္ဒမဲ ၁၀ ဖြင့် အရေးကြီး အဆိုအား အတည်ပြုခဲ့သည်။

(Xinhua)
http://www.xinhuamyanmar.com3

နိုင်ငံတော်သမ္မတရုံး ဒုတိယညွှန်ကြားရေးမှူးချုပ် ဦးဇော်ဌေး ကို တွေ့ရစဉ် ။ Photo: Hmuu Zaw(Facebook)
လက်ရှိ အစိုးရလုပ်ဆောင်နေတဲ့ စီမံကိန်းတွေနဲ့ ပတ်သက်ပြီး သိရှိလိုတယ်ဆိုရင် ဝန်ကြီးဋ္ဌာနတွေကို တိုက် ရိုက်မေးမြန်းနိုင်သလို လွှတ်တော်မှာ ခေါ်ယူမေးမြန်းနိုင်ပေမယ့် ဒီနေ့ ပြည်သူ့လွှတ်တော်မှာ အရေးကြီးအဆို တင်သွင်းတာဟာ မေးခွန်းထုတ်စရာဖြစ်နေကြောင်း နိုင်ငံတော်သမ္မတရုံး ပြောရေးဆိုခွင့်ရှိသူက ပြောလိုက်ပါတယ်။

အစိုးရသစ်ကို ညင်သာစွာ တာဝန်လွှဲပြောင်းပေးဖို့ ကြိုးစားနေတဲ့ အချိန်မှာ ပြည်သူ့လွှတ်တော်မှာ အရေးကြီး အဆိုတင်သွင်းလိုက်တာဟာ မေးခွန်းထုတ်စရာဖြစ်တယ်လို့ နိုင်ငံတော်သမ္မတရုံး ဒုတိယညွှန်ကြားရေးမှူးချုပ် ဦးဇော်ဌေးက ပြောပါတယ်။

"အရေးကြီးအဆိုနဲ့ ပတ်သက်လို့ သူ့ရဲ့တင်သွင်းတဲ့ အချိန်ကာလပေါ့၊ အချိန်ကာလအားဖြင့် အစိုးရ အဟောင်း အသစ် တစ်ခါမှမရှိဘူးသေးတဲ့ အပြောင်းအလဲကို ကျနော်တို့က ညင်ညင်သာ သာဖြစ်အောင် နှစ်ဦးနှစ်ဖက်ညှိနှိုင်းပြီးတော့ နားလည်မှုရှိရှိပေါ့ ပူးပေါင်းဆောင်ရွက်နေတဲ့ အချိန် ကာလဖြစ်တယ်၊ ဒီအချိန်ကာလမှာ ဒီအရေးကြီးအဆို ပေါ်ထွက်လာတဲ့အခါမှာ ဒီအပေါ်မှာ ကျနော်တို့ က မေးခွန်းတွေဖြစ်လာတယ်၊ ဆိုလိုတာက ဒီမှာပါတဲ့ တစ်ခုခြင်းကို သက်ဆိုင်ရာဝန်ကြီးဌာနတွေကို လွှတ်တော်ကိုယ်စားလှယ်တွေကသိချင်ရင် မေးမြန်းလို့ရတယ်၊ မေးမြန်းတဲ့အခါ ဝန်ကြီးဌာနကို စာနဲ့ဖြေခိုင်းတာရှိသလို ခေါ်ပြီးရှင်းခိုင်းတာလည်းရှိတယ်"

ဒီနေ့ ပြည်သူ့လွှတ်တော်မှာ အမျိုးသားဒီမိုကရေစီအဖွဲ့ချုပ် NLD လွှတ်တော်ကိုယ်စားလှယ် ဒေါ်ခင်စန်းလှိုင်က အစိုးရသစ်ထံ တာဝန်လွှဲမပြောင်းပေးခင် နိုင်ငံပိုင်မြေတွေနဲ့ အစိုးရစီမံကိန်းတွေကို ပုဂ္ဂလိကထံ လွှဲပြောင်းတာတွေ အလျင်စလိုမလုပ်ဖို့ အစိုးရကို တိုက်တွန်းကြောင်း အရေးကြီးအဆိုကို တင်သွင်းခဲ့တာဖြစ်ပါတယ်။

ပြီးခဲ့တဲ့ ၂၀၁၅ ခုနှစ်ရွေးကောက်ပွဲပြီးနောက်ပိုင်း ၄ လကြာကာလအတွင်း နိုင်ငံပိုင်မြေတွေနဲ့ စီမံကိန်းတွေကို ပုဂ္ဂလိကထံ လွှဲပြောင်းပေးတာတွေကို လွှတ်တော်နဲ့ နောင်တက်လာမယ့် အစိုးရကို ကျယ်ကျယ်ပြန့်ပြန့် ပွင့်လင်းမြင်သာမူရှိရှိ ချပြတာတွေမရှိဘူးလို့ ဒေါ်ခင်စန်းလှိုင်က လွှတ်တော်မှာ အဆိုတင်သွင်းခဲ့ပါတယ်။

သမ္မတရုံး ဒုတိယညွှန်ကြားရေးမှူးချုပ် ဦးဇော်ဌေးက လက်ရှိအချိန်ဟာ အစိုးရဟောင်းကနေ အစိုးရသစ်ကို တိုက်ရိုက်အစိုးရချင်း အာဏာလွှဲပြောင်းတဲ့ ကာလမဟုတ်ဘဲ ရွေးကောက်ပွဲအနိုင်ရ ပါတီနဲ့သာ ဆွေးနွေးနေတဲ့ အချိန်ဖြစ်တယ်ဆိုတာကို ကွဲပြားဖို့လိုကြောင်းနဲ့ အစိုးရဟောင်းလက်ထက်မှာ မပြီးပြတ်သေးပဲ ဆက်လက်လုပ်ဆောင်နေရတဲ့ လုပ်ငန်းတွေရှိတယ်လို့ ပြောပါတယ်။

ဒါ့အပြင် ရွှေတိဂုံစေတီတော်အနီးမှာ ဆောက်လုပ်မယ့် ဒဂုံစီးတီးစီမံကိန်းကို ပြည်သူတွေရဲ့ တောင်းဆိုချက်ကြောင့် ရပ်ဆိုင်းလိုက်ပြီး သက်ဆိုင်ရာ ကုမ္ပဏီတွေနဲ့ ညှိနှိုင်းကာ မြေနေရာသစ် အစားထိုးပေးခဲ့တာလို့ ပြောပါတယ်။

ပြည်သူ့လွှတ်တော် ဒေါ်ခင်စန်းလှိုင် တင်သွင်းတဲ့ အဆိုထဲက အချက်အလက်အသေးစိတ်ကိုတော့ သက်ဆိုင်ရာ ဝန်ကြီးဋ္ဌာနတွေက သတင်းထုတ်ပြန်တာတွေ ပြုလုပ်သွားမယ်လို့ ဦးဇော်ဋ္ဌေးက ပြောပါတယ်။

RFA Burmese
http://www.rfa.org/burmese


နိုင်ငံတော်အစိုးရအနေဖြင့် နိုင်ငံပိုင်မြေ၊ နိုင်ငံပိုင်စက်ရုံ၊ နိုင်ငံပိုင်စီးပွားရေး လုပ်ငန်းများကို အလျင်စလိုငှားရမ်း ရောင်းချ လွှဲပြောင်းမှု၊ စီမံကိန်းများ အဆောတလျင် ခွင့်ပြုနေမှု ကျူးကျော်များအား အဓမ္မဖယ်ရှားနေမှု၊ နိုင်ငံပိုင် သယံဇာတများကို လိုအပ်သော သဘောတူညီမှုများ မပြုလုပ်ဘဲ အစိုးရတာဝန် မလွှဲပြောင်းမီ အလျင်အမြန် စီမံခန့်ခွဲနေမှုတို့ကို စိစစ်ထိန်းကျောင်းပေးရန် အစိုးရအား တိုက်တွန်းကြောင်း အရေးကြီးအဆို တစ်ရပ်ကို ပုလဲမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြည်သူ့လွှတ်တော်တွင် တင်သွင်းခဲ့သည်။

“၂၀၁၅ ရွေးကောက်ပွဲပြီး နောက်ပိုင်းတွင် ပိုမိုအလျင်စလို လုပ်ဆောင်လာတဲ့ လုပ်ငန်းများအနက် ဥပမာအချို့ တင်ပြလိုပါတယ်” ဟု အဆိုရှင်က ပြောသည်။

တိုးချဲ့ရန် ပြင်ဆင်စီစဉ်လျက်ရှိသော ရန်ကုန်ဆေးရုံးကြီးအနီး မြေနေရာ ၄ ဒသမ ၃ ဧကအား ပြည်တွင်းလုပ်ငန်း ရှင်အချို့နှင့် ဖက်စပ်လုပ်ဆောင်မည့် စင်ကာပူဆေးရုံတစ်ခုအား အသုံးပြုခွင့်ပေးခြင်း၊ ရပ်ဆိုင်းခဲ့ရသော ဒဂုံစီးတီး စီမံကိန်းဝင် ကုမ္ပဏီများကို ရန်ကုန်မြို့တော်ရှိ မြေနေရာကောင်းများ (Merga Landmark ကုမ္ပဏီအား ကမ္ဘာဇ ဘုရားလမ်းပေါ်ရှိ မြေဧရိယာ ၁၇ ဒသမ ၇ ဧကကျယ်သော သိပ္ပံနှင့် နည်းပညာဝန်ကြီး ဌာနပိုင်မြေ) အားအစား ထိုးပေးခဲ့ကြောင်း ၄င်းကပြောသည်။

ရှမ်းပြည်နယ် သံလွင်မြစ်ကြောင်း တစ်လျှောက် ရေကာတာပေါင်း ၁၈ ခုအား သဘောတူ လက်မှတ်ထိုးခဲ့သည်ဟု သတင်းထွက်ပေါ်နေခြင်း၊ စုံစမ်းစစ်ဆေးရေး ကော်မရှင်၏ အစီရင်ခံစာအပေါ် မှန်ကန်စွာ လိုက်နာကျင့်သုံးခြင်းမရှိဘဲ ဒေသခံပြည်သူတို့နှင့် ပြသ၁နာများစွာ ဖြစ်ပွားလျက်ရှိသော လက်ပန်းတောင်းတောင် ကြေးနီစီမံကိန်းမှ လာမည့် မေလတွင် သတ္တုရိုင်း စတင်ထုတ်လုပ်ရန် ရှိခြင်းများကို ဒေါ်ခင်စန်းလှိုင်က ပြောသည်။

“ယနေ့အချိန်ကာလသည် ၂၀၁၀ ခုနှစ်၏ အရွေးကောက်ခံ နိုင်ငံတော်သမ္မတ ဦးသိန်းစိန် ဦးဆောင်သည့် အစိုးရ သည် ဒီမိုကရေစီ စံချိန်စံညွန်းများနဲ့အညီ ကြိုးစားပြင်ဆင်ပေးခဲ့ကြောင်း သမိုင်းမှတ်တမ်း တင်ရမည့် အချိန်ကာလ ဖြစ်ပါတယ်” ဟု ၄င်းကဆိုသည်။
အစိုးရသစ်အနေဖြင့် လုပ်ငန်းတာဝန်များကို ချောမွေ့စွာ ဆက်လက် ထမ်းဆောင်နိုင်ရန်အတွက် စနစ်တကျ လွှဲပြောင်းခြင်းကို အာရုံစိုက် ညှိနှိုင်းဆောင်ရွက်ရမည် ဖြစ်ကြောင်းလည်း ၄င်းက တိုက်တွန်းပြောကြားသည်။
ဒေါ်ခင်စန်းလှိုင် တင်သွင်းသည့် အရေးကြီးအဆိုအား ဆိပ်ကြီးခနောင်တို မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးတင်ထွန်းနိုင်က ထောက်ခံဆန္ဒပြု ဆွေးနွေးခဲ့သည်။

အဆိုနှင့်ပတ်သက်ပြီး လွှတ်တော်တွင် လက်ခံဆွေးနွေးရန် မဲခွဲဆုံးဖြတ်ရာ မဲပေးပိုင်ခွင့်ရှိသူ ဦးရေ ၄၃၂ ဦးရှိပြီး ထောက်ခံမဲ ၂၇၈ မဲ၊ ကန့်ကွက်မဲ ၁၃၂ မဲ၊ ကြားနေမဲ ၃ မဲရှိကာ ထောက်ခံမဲ များသည့်အတွက် အဆိုအား ဆွေးနွေးရန် လွှတ်တော်က အတည်ပြုပေးခဲ့သည်။

သတင်း - ကိုပေါက်
The Ladies News
https://www.facebook.com/News.TheLadies/


    ရန်ကုန် ၊ ဖေဖော်ဝါရီ ၂၅ ရက် (ဆင်ဟွာ)

    အစိုးရ တာဝန် မလွှဲပြောင်းမီ နိုင်ငံပိုင် စီမံကိန်း လုပ်ငန်း သယံဇာတများအား အလျင်အမြန် စီမံ ခန့် ခွဲနေမှု တို့ ကို နိုင်ငံတော် နှင့် နိုင်ငံသားတို့ အကျိုးအတွက် အသေးစိတ် စိစစ် ဟန့်တား၍ ထိန်းကျောင်း တည့်မတ် ပေးရန် ပြည်ထောင်စုအစိုးရအား တိုက်တွန်းကြောင်း အရေးကြီး အဆိုအား လွှတ်တော်၌ ဆက်လက် ဆွေးနွေး သွားရန် ယနေ့ ဖေဖော်ဝါရီ ၂၅ ရက် ပြည်သူ့ လွှတ်တော် အစည်းအဝေးတွင် အတည်ပြုခဲ့သည်။

ထိုအရေးကြီး အဆိုအား ပုလဲ မဲဆန္ဒနယ်မှ လွှတ်တော် ကိုယ်စားလှယ် ဒေါ်ခင်စန်းလှိုင်က တင်သွင်းခဲ့ခြင်း ဖြစ်ပြီး နိုင်ငံတော်အစိုးရက ရွေးကောက်ပွဲပြီးနောက်ပိုင်း ဆောင်ရွက်နေသော နိုင်ငံပိုင်မြေ ၊ နိုင်ငံပိုင်စက်ရုံများ ၊  နိုင်ငံပိုင် စီးပွါးရေးလုပ်ငန်းများကို အလျင်စလို ဌားရမ်း လွှဲပြောင်းရောင်းချနေမှု ၊ ပုဂ္ဂလိကပိုင် ပြုလုပ်မူ  ၊ စီမံကိန်းများကို နေရာတကျမစီမံပဲ အဆောတလျင်ခွင့် ပြုနေမူ ၊ ကျူးကျော်များကို အဓမ္မဖယ်ရှားမှု ၊ နိုင်ငံပိုင် သယံဇာ များကို လိုအပ်သော ဆောင်ရွက်မှု များသဘောတူညှိနှိုင်းမူများ မပြု လုပ်ပဲ အစိုးရတာဝန် မလွှဲပြောင်းမီ အလျင်အမြန် စီမံခန့် ခွဲနေ မှု စသည်တို့ ကို နိုင်ငံတော် နှင့်နိုင်ငံသားတို့ အကျိုးအတွက် အသေးစိတ် စိစစ် ဟန့် တား၍ ထိန်းကျောင်းတည့်မတ်ပေးရန် ပြည်ထောင်စုအစိုးရအား တိုက်တွန်းကြောင်း အရေးကြီး အဆို တင်သွင်းရခြင်း ဖြစ်ကြောင်း သိရသည်။


ထို အရေးကြီး အဆိုအား ဆိပ်ကြီး ခနောင်တို မဲဆန္ဒနယ်မှ လွှတ်တော်ကိုယ်စားလှယ် ဦးတင်ထွန်းလှိုင်က ထောက်ခံခဲ့သဖြင့် လွှတ်တော်၏ သဘောဆန္ဒရယူခဲ့သည်။

အရေးကြီးအဆိုနှင့် ပတ်သက်၍ ဆန္ဒမဲပေးခွင့် ရှိသူ ၄၃၂ ဦး ရှိသည့် အနက် ထောက်ခံ ဆန္ဒမဲ ၂၇၈ ၊ ကန့် ကွက် ဆန္ဒမဲ ၁၃၂ ၊ ကြားနေ ဆန္ဒမဲ ၃ ဖြင့် အဆိုအား ဖေဖော်ဝါရီ ၂၆ ရက်တွင် ဆက်လက် ဆွေးနွေးသွားမည် ဖြစ်ကြောင်း သိရသည်။

(Xinhua)
http://www.xinhuamyanmar.com


မကွေး၊ဖေဖော်ဝါရီ ၂၅ ။

မကွေး-မင်းဘူးဆက်သွယ်ထားသော ဧရာဝတီတံတား(မကွေး) မင်းဘူဘက်ခြမ်းပေါ်မှ အမျိုးသားတစ်ဦး ရေထဲခုန်ချခဲ့မှု ဖေဖော်ဝါရီ (၂၄)ရက်နေ့ကဖြစ်ပွားခဲ့ကြောင်းမင်းဘူးမြို့မရဲစခန်းမှ တာဝန်ကျရဲဝန်ထမ်းတစ်ဦးကဖေဖော်ဝါရီလ ၂၅ ရက်နေ့တွင် ကမ္ဘောဇတိုင်းသတင်းဂျာနယ်သို့ပြောသည်။

ဖေဖော်ဝါရီ(၂၄)ရက်နေ့ ညနေ(၃း၅၀)အချိန်ခန့် ကဧရာဝတီတံတား(မကွေး) တိုင်အမှတ်(P ၁၇) မှ ဧရာဝတီမြစ်အတွင်းသို့ လူတစ်ဦးခုန်ချ သွားကြောင်းသတင်းအရ မင်းဘူးမြို့မရဲစခန်းမှ ဒုရဲအုပ်မျိုးကိုကိုဦးဆောင်သောတာဝန်ရှိသူများက တံတားအောက်သို့ ဆင်း၍ ငါးဖမ်းနေသောဦးမောင်နု နှင့်အတူလိုက်လံဆယ်ယူခဲ့ရာ မြစ်ထဲခုန်ချသူ အမျိုးသားအားအသက်ရှင်လျှက် ပြန်လည်ဆယ်ယူရရှိခဲ့ကြောင်း၊

ဆယ်ယူရရှိစဉ် ၄င်းမှာရင်ဘတ်အောင့် ဝေဒနာခံစားနေသည်ဟုသိရကြောင်း၊ ရေထဲသို့ ခုန်ချသူမှာ မောင်.................. အသက်(၂၀)နှစ၊် ကျောက်စံကျေးရွာ၊ မင်းဘူး(စကု) မြို့နယ်နေသူဖြစ်ကြောင်း ၊

၎င်းသည် ရည်းစားဖြစ်သူ မဥမ္မာအောင်နှင့် ချိန်းဆိုထားရာ၊ မဥမ္မာအောင် ရောက်ရှိလာခြင်းမရှိ၍ စိတ်ညစ်ပြီးရေထဲသို့ခုန်ချ၍ မိမိကိုယ်ကိုမိမိသေကြောင်းကြံစည်ခဲ့ခြင်းဖြစ်သည်ဟုအမှုစစ်၏စစ်ဆေးချက်အရသိရကြောင်း အထက်ပါတာဝန်ကျရဲဝန်ထမ်းကပြောသည်။

ဖြစ်စဉ်နှင့်ပက်သက်၍ ရေထဲခုန်ချသူမောင်..................အား မင်းဘူးမြို့နယ်၊မြို့မရဲစခန်း (ပ) ၂၈/၂၀၁၆ ၊ပုဒ်မ ၃၀၉ ဖြင့်အမှုဖွင့်ထားသည်ဟုလည်း ၄င်းကပြောသည်။

စ၀်မြတ်ကြည်ကြည်ဟုန်း
Kanbawza Tai News Journal
https://www.facebook.com/kanbawzatai


မိမိ၏ချစ်သူကောင်လေးကို ဆေးထိုးသတ်ခဲ့ကြောင်းဝန်ခံခဲ့သည့် တရုတ် သူနာပြုအမျိုးသမီးတဦး၏ အမှုက တရုတ်နိုင်ငံရှိ အွန်လိုင်းသုံးစွဲသူများ အကြား အုတ်အော်သောင်းတင်း အငြင်းအခုံဖြစ်စေခဲ့ကြောင်းသိရသည်။

သူနာပြုအလုပ်မှာ လူ့အသက်ကို ကယ်ဆယ်ရသည့် အလုပ်ဖြစ်သော်လည်း ရှန်ဟိုင်းရှိ သူနာပြုအမျိုးသမီးကမူ သူ၏ချစ်သူကောင်လေးအား အခြားအမျိုးသမီးတဦးနှင့် ဖောက်ပြန်သည်ဟု သံသယဖြစ်ရာမှ ဆီးချိုရောဂါကုဆေး အင်ဆူလင်ထိုး၍ သတ်ဖြတ်ခဲ့သည်ဟုဆိုသည်။

မျိုးရိုးအမည် '၀မ်' အမည်ရှိ သူနာပြုအမျိုးသမီးကို ရှန်ဟိုင်းရှိတရားရုံးတွင် မကြာသေးမီကရုံးတင်စစ်ဆေးခဲ့ရာမှသူမ၏ချစ်သူ ကောင်လေးကိုရည်ရွယ်ချက်ရှိရှိဖြင့်သတ်ဖြတ်ခဲ့ကြောင်းအမှုအမှန်ပေါ်ပေါက်ခဲ့ခြင်းဖြစ်သည်။

ဝမ်နှင့်သူမ၏ချစ်သူလီတို့သည် ကောလိပ်တွင် တွေ့ဆုံချစ်ကြိုက်ခဲ့ကြောင်းနှင့် အလွန်ချစ်ကြသည့် ချစ်သူများဖြစ်ကြောင်း ၀မ်က တရားရုံးတွင် ထွက်ဆိုခဲ့သည်။ ၎င်းတို့နှစ်ဦးသည် ၂၀၁၅ ခုနှစ် ဇန်န၀ါရီလက လက်ထပ်ရန် စီစဉ်ခဲ့သော်လည်း မင်္ဂလာပွဲမတိုင်မီ မင်္ဂလာခန်းဝင်ပစ္စည်းများ မင်္ဂလာပွဲအစီအစဉ် အသေး စိတ်အချက်အလက်များနှင့်ပတ်သက်၍ အကြီးအကျယ်စကားများ ရန်ဖြစ်ရာမှ ဆက်ဆံရေးပြိုကွဲခဲ့သည်။ ၀မ်သည် လီ၏ဦးလေးကို ဆေးရုံတွင်ပြုစုစောင့်ရှောက် ပေးနေရသူဖြစ်သည်။

သို့သော်လည်း နှစ်ဦးသားစကားများပြီးနောက် ဦးလေးအား စောင့်ရှောက်ပေးခြင်းကို ရပ်တန့်ခဲ့သည်။ နောက်ပိုင်းတွင် လီ၏မိခင်က ၀မ်၏ လုပ်ရပ်ကိုသိရှိခဲ့ပြီး မင်္ဂလာပွဲကို ရွှေ့ဆိုင်းထားရာမှ ဖျက်သိမ်း၍ သားဖြစ်သူကို အခြားမိန်းကလေးတဦးနှင့် လက်ထပ်ပေးရန်စီစဉ်ခဲ့သည်။

လီဝန်ခံရာမှ အဆိုပါ ကိစ္စကို သိရှိသွားသော ၀မ်က အကြီးအကျယ်စိတ်ဆိုးခဲ့သည်။

၂၀၁၅ ခုနှစ် မတ်လ ၃၁ ရက်တွင် ၀မ်၏နေအိမ်၌ လီရှိနေစဉ် မိန်းကလေးတဦးနှင့် ဖုန်းပြော နေသည်ကို ၀မ်ကသိရှိခဲ့ခြင်းဖြစ်သည်။

နောက်တနေ့မနက်တွင် ၀မ်က သူမ၏ ချစ်သူအား အိပ်ဆေးများနှင့် ဆီးချိုဆေးများအသုံးပြုကာ သတ်ဖြတ်ခဲ့သည်။ ယင်းနောက်ဝမ်က မိမိကိုယ်ကိုယ်အဆုံးစီရင်ရန် ကြိုးပမ်းခဲ့သော်လည်း သူမ၏ အဒေါ်ဖြစ်သူက တွေ့သွားကာ ရဲစခန်းကို အကြောင်းကြားခဲ့ခြင်းဖြစ်သည်။

လက်ရှိအမှုသည် အခြားလူသတ်မှုများနှင့်မတူဘဲ လူသတ်ပြီးနောက် မိမိ ကိုယ်ကိုယ်သတ်သေရန်ကြိုးပမ်းခဲ့သည့်အတွက်တမျိုးတမည် ပြစ်ဒဏ်ချမှတ်သင့်ပါကြောင်း ၀မ်၏ရှေ့နေက ဆိုသော်လည်း လီ၏မိသားစုကမူ လက်မခံဘဲ ပယ်ချခဲ့ပြီး အဆိုပါအမျိုးသမီးကို သေဒဏ်ချမှတ်သင့်ကြောင်း အခိုင်အမာပြောဆိုထားသည်။

Ref:CCTV
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


အိန္ဒိယနိုင်ငံတွင် ချစ်သူနှစ်ဦး ကားကို အရှိန်ဖြင့် မောင်းနှင်နေစဉ် လိင်ဆက်ဆံရာ အရှိန်မထိန်းနိုင်ဘဲ ထရပ်ကားတစီးနှင့်တိုက်မိပြီး ယာဉ်မောင်းအမျိုးသား ပွဲချင်းပြီး သေဆုံးခဲ့သည့် အဖြစ်ဆိုးတခု ဖြစ်ပွားခဲ့သည်။ အမျိုးသမီးမှာ ပြင်းထန်သော ဦးခေါင်းဒဏ်ရာဖြင့် ဆေးရုံတွင် ကုသမှုခံယူနေရဆဲဖြစ်သည်။

ပူရန်ပူရအရပ်မှ အသက် ၃၁ နှစ်အရွယ်အမျိုးသားသည် ပီလစ်ဘစ်အရပ်ရှိ အသက် ၂၄ နှစ်အရွယ် ချစ်သူထံ အလည်အပတ် သွားရောက်ခဲ့သည်။ ထို့နောက် ၎င်းတို့နှစ်ဦး Pilibhit-Puranpur အဝေးပြေးလမ်းမဆီသို့ မောင်းနှင်ခဲ့ကြသည်။ ရဲတပ်ဖွဲ့၏အဆိုအရ အဝေးပြေးလမ်းမှာ မှောင်နေပြီး ၎င်းတို့၏ယာဉ်သည် မျက်နှာချင်းဆိုင်မှ လာသော မီနီထရပ်ကို အချိန်မီ မရှောင်တိမ်းနိုင်ခဲ့ခြင်းဖြစ်နိုင်သည်ဟု ဆိုသည်။

အခင်းဖြစ်ပွားရာသို့ သွားရောက်စုံစမ်းခဲ့သော ရဲအရာရှိများက ခါးအောက်ပိုင်း အ၀တ်ဗလာဖြစ်နေသော စုံတွဲကို ကားထဲတွင် တွေ့ရှိခဲ့ရသည်။ ကက်သနာတံတားအနီး၌ဖြစ်ပွားခဲ့သော အဆိုပါ ယာဉ်မတော်တဆမှုနှင့်ပတ်သက်၍ ပထမသတင်းပေးတိုင်ကြားချက်အဖြစ် မီနီထရပ် ယာဉ်မောင်းအား မော်တော်ယာဉ် မဆင်မခြင် မောင်းနှင်မှုဖြင့် Gajroula ရဲစခန်း၌ အမှုဖွင့်တိုင်ကြားထားသည်။

“ကားတိုက်တဲ့အသံကြားတော့ အနီးအပါးက လူတွေထွက်လာပြီး ကားထဲကလူတွေကို ကယ်ဖို့ကြိုးစားခဲ့ကြတယ်။ ဒါပေမယ့် အဲဒီအချိန်မှာ ယာဉ်မောင်းအမျိုးသားက သေဆုံးနေပြီ။ ဖြစ်နိုင်တာကတော့ ကားမောင်းနေတုန်း လိင်ဆက်ဆံတာကနေ မျက်နှာချင်းဆိုင်ကလာတဲ့ ကားကို မမြင်တာသော်လည်းကောင်း၊ အချိန်မီ မရှောင်တိမ်းနိုင်တာသော်လည်းကောင်း ဖြစ်ပါလိမ့်မယ်”ဟု Gajroula ရဲစခန်းမှ စခန်းမှူး Gajroula Rajesh Yadav က ပြောသည်။

ရည်ညွှန်း - TOI
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



ကော့ကရိတ်၊ ဖေဖော်ဝါရီ ၂၅

ကော့ကရိတ်မြို့နယ်၊ ရေလယ်ကုန်းကျေးရွာတွင် ယနေ့နံနက် ၄ နာရီခွဲခန့်တွင် (၇)တောင်အရွယ်ခန့်ရှိ ကျားတစ် ကောင်ဝင်ရောက်သည့်အတွက် ငါးပိုက်ထောင်သူ(၂)ဦးထိခိုက်ဒဏ်ရာရရှိပြီး ဆေးရုံသို့ တင်ပို့ကုသ ထားကြောင်း တပ်မတော်နှင့် တာဝန်ရှိသူများက ကျားကို ဖမ်းဆီးရမိရေးနှင့် ရွာသူ/ရွာသားများ အန္တရာယ်မဖြစ်စေရေး ဆောင်ရွက်ခဲ့ရာ နံနက် (၁၁)နာရီခွဲခန့်တွင် ကျားအားအသေ ဖမ်းဆီးရမိခဲ့ကြောင်း သတင်းရရှိသည်။


ကျားကိုက်ခံရသူများမှာ ဦးချက်ပြူး(ခ)ထိပ်ဖြူ ၊ ဦးသန်းထွန်းလေးတို့ (၂) ဦး ဖြစ်ကြောင်း ကျားကိုက်ခံရသူ(၂)ဦးအား ကော့ကရိတ်ဆေးရုံကြီး အတွင်း လူနာ (မစိုးရိမ်ရ)ဖြင့် ဆေးကုသမှု ခံယူလျက်ရှိကြောင်း သတင်းရရှိသည်။

သတင်း- ခရိုင်ပြန်/ဆက်( ကော့ကရိတ်)
ဓာတ်ပုံ- ဒေါနထက်အောင်
MOI Webportal Myanmar
https://www.facebook.com/MOIWebportalMyanmar


ပြီးခဲ့တဲ့ ဖေဖော်ဝါရီ (၂၃) ရက်က ချင်းပြည်နယ်၊ မင်းတပ်မြို့စည်ပင်သာယာဈေး၊ မီးလောင် မှုဟာ ရှို့မီးဖြစ်ပြီး တရားခံကို ဖမ်းဆီးထားတယ်လို့ သိရပါတယ်။ ဒီမီးလောင်ကျွမ်းမှုဟာ သားအဖချင်းစကားများကြရာကတဆင့် သားဖြစ်သူက မီးရှို့ခဲ့တာဖြစ်ပြီး ဒီရှို့မီးကြောင့် မင်းတပ်မြို့စည်ပင်သာယာဈေးမှာ ဆိုင်ခန်းပေါင်း (၆၄) ခန်းရှိရာမှာ (၃၈) ခန်း မီးလောင်ကျွမ်းခဲ့တယ်လို့ သိရပါတယ်။

မီးရှို့ပြီးထွက်ပြေးသွားတဲ့ တရားခံကို အခင်းဖြစ်ပွားတဲ့နေ့မှာပဲ ချက်ချင်း ဖမ်းဆီးအရေးယူ ထားတယ်လို့ မင်းတပ် မြို့မရဲစခန်းမှ ဒုရဲအုပ်တစ်ဦးက ပြောပါတယ်။ပြီးခဲ့တဲ့ ဖေဖော်ဝါရီလ (၁၂) ရက်ကလည်း မင်းတပ်မြို့ ကွက်စိပ် (၅)မှာ ပေါ့ဆထင်းမီး ကြောင့် နေအိမ် (၂) လုံးမီးလောင်ကျွမ်းခဲ့ပြီး ကျပ် (၆) သိန်းကျော်ဖိုး ဆုံးရှုံးခဲ့တယ်လို့ သိရပါတယ်။

For Info News
https://www.facebook.com/forinfo/timeline



စွမ်းအင်ဝန်ကြီးဌာန၊

မြန်မာ့ ရေနံ နှင့် သဘာဝဓာတ်ငွေ့လုပ်ငန်းမှ ရတနာကမ်းလွန် platform နှင့် ပတ္တမြား ကမ်းလွန်platform ပိုက်ဆက်ခြင်း လုပ်ငန်းဆောင်ရွက်ရန်အတွက် (၂၅.၂.၂၀၁၆) ရက်နေ့မှ (၂၆.၂.၂၀၁၆)ရက်နေ့အထိ (၄)ရက်ကြာ သဘာဝဓာတ်ငွေ့ပို့လွှတ်မူရပ်ဆိုင်း မည့်ကိစ္စအား ရက်ရွှေ့ဆိုင်းထားပါကြောင်း စွမ်းအင်ဝန်ကြီးဌာနမှ ( ၂၄.၂.၂၀၁၆) ရက်နေ့ (၂၃:၃၀)နာရီခန့်တွင် တယ်လီဖုန်း သတင်းရရှိပါသဖြင့် ရန်ကုန်မြို့အတွင်း ဝန်အားလျော့ချ ဓာတ်အားပေးမည့် အစီအစဉ် များကို ရပ်ဆိုင်းပြီး လျှပ်စစ် ဓာတ်အားဖြန့်ဖြူးခြင်းလုပ်ငန်းများကို ပုံမှန်အတိုင်း ဆက်လက်ဆောင်ရွက် လျက်ရှိပါကြောင်း နှင် စွမ်းအင်ဝန်ကြီးဌာနမှ လုပ်ငန်းဆောင်ရွက်မည့်ရက်အား အတည်ပြုချက်ရရှိပါက မီးသုံးစွဲသူ ပြည်သူများထံသို့ အချိန် နှင့်တပြေးညီ အသိပေး တင်ပြသွားမည်ဖြစ်ပါကြောင်း ရန်ကုန်လျှပ်စစ် ဓာတ်အားပေးရေး ကော်ပိုရေးရှင်းမှ အသိပေးပန်ကြားအပ်ပါသည်။

YESC-CallCenter
https://www.facebook.com/yescmyanmar/

နယ်ခြားစောင့်တပ်ဖွဲ့ ကို မြစ်ကြီးနားမြို့တွင် ကြိုဆိုနေပုံ၊ ၂၀၁၀
ကန်ပိုင်တီသို့ တက်လာသော လက်နက်မဲ့ လူထု ဘိန်းခင်း တိုက်ဖျက်ရေး အဖွဲ့ PJS ကို အစိုးရ နယ်ခြားစောင့်တပ်များမှ ယနေ့ နံနက်ပိုင်း စောင့်ကြို တိုက်ခိုက်မှုတွင် PJS အနည်းဆုံး (၃) ဦး ဒဏ်ရာ ရရှိသွားကြောင်း PJS ခေါင်းဆောင်များ ပြောသည်။

PJS အဖွဲ့များ စင်ကြိုင် (Shingchyai) နယ်ခြားစောင့်တပ် စခန်း အလွန် ၀တ်မော (Wut Maw) ကျေးရွာ အနီးသို့ ချည်းကပ်လာစဉ် ၉ နာရီခန့် တွင် သေနတ်၊ မိုင်းများဖြင့် တိုက်ခိုက်လာ ခြင်းဖြစ်သည်ဟု PJS ခေါင်းဆောင်များ ကချင်သတင်းဌာန KNG ကို ပြောပါသည်။

တိုက်ခိုက်မှုအတွင်း PJS အဖွဲ့များနှင့် အတူ လိုက်ပါ လုံခြုံရေးပေး နေသော ကချင်ပြည်နယ် ရဲတပ်ဖွဲ့များက ထွက်ပြေး တိမ်းရှောင်သွားကြောင်း PJS ခေါင်းဆောင်များ ပြောပါသည်။

ယခုချိန် နယ်ခြားစောင့်တပ်များက PJS အဖွဲ့များကို ၀ိုင်းရံထားနေပြီး ၎င်းတို့၏ ရိက္ခာများကိုလည်း လုယူ ဖျက်ဆီးမှုများ ပြုလုပ်နေသည်ဟု PJS ခေါင်းဆောင်များ ဆက်ဆိုသည်။

ဦးဇခုန်တိန့်ယိန်း ဦးဆောင်သော ကချင်ဒီမိုကရေစီသစ်တပ်မတော် NDA-K၊ ယခု နယ်ခြားစောင့်တပ် ထိန်းချုပ်သော ဘိန်းခြံများရှိရာသို့ ရာဂဏန်းရှိသော PJS အဖွဲ့များဝင်ရောက်လာချိန် ပထမဦးဆုံး အစိုးရ နယ်ခြားစောင့်များ၏ တိုက်ခိုက်မှုကို ခံရခြင်းဖြစ်သည်။

၎င်းဘိန်းခင်းတိုက်ဖျက်ရေးအဖွဲ့သည် ဖေဖော်ဝါရီ ၂၃ ရက်နေ့ တစ်ပတ်တိတိ တားမြစ်ခံထားရသည့် ၀ါးရှောင်ဂိတ်မှ လူထုအင်းအား ၁ သောင်းကျော်၏ လိုက်ပို့ မှုဖြင့် ကန်ပိုင်တီဒေသသို့ ထွက်ခွာလာခဲ့ခြင်းဖြစ်သည်။ ထို့အပြင် အသင်းတော်ခေါင်းဆောင် တချို့လည်း ၄င်း PJS အဖွဲ့နှင့်အတူ ဘိန်းခင်းတိုက်ဖျက်ရေး အစီစဉ် လိုက်ပါ ဦးဆောင် နေဆဲဖြစ်သည်။

Kachinnews
http://burmese.kachinnews.com


မကြာမီ သက်တမ်းကုန်ဆုံးတော့မယ့် မြန်မာအစိုးရလက်ထက် အတွင်း နိုင်ငံရေး အကျဉ်းသားတွေကို ဆက်လက် ဖမ်းဆီးထားတဲ့ ကိစ္စအပါအ၀င် တခြားဖိနှိပ်ချုပ်ခြယ်တဲ့ ဥပဒေတွေ ရှိနေသေးတဲ့အပေါ်နဲ့ စစ်ဖြစ်နေတဲ့ ဒေသတွေမှာ အပြစ်မဲ့ အရပ်သားပြည်သူတွေ အသက်ဆုံးရှုံးနေရတဲ့ ဖြစ်ရပ်တွေအပေါ် Amnesty International နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးအနေနဲ့ စိုးရိမ်ပူပန်ကြောင်း ဖေဖော်ဝါရီလ ၂၄ ရက်နေ့က ထုတ်ပြန်တဲ့ နှစ်ပတ်လည် လူ့အခွင့်အရေး အစီရင်ခံစာမှာ ဖော်ပြထားပါတယ်။

မြန်မာ့အရေး လေ့လာသူတွေကလည်း အဲဒီလို ဖိနှိပ်ချုပ်ခြယ်တဲ့ ဥပဒေတွေ မရှိသင့်တော့ဘူးလို့ ထောက်ပြကြပါတယ်။ အပြည့်အစုံကိုတော့ ကိုဇော်ဝင်းလှိုင်က စုစည်းတင်ပြပေးထားပါတယ်။

၂၀၁၅ ခုနှစ်အတွင်း မြန်မာနိုင်ငံရဲ့ လူ့အခွင့်အရေး အခြေအနေဟာ ယေဘုယျအားဖြင့် ကဏ္ဍအသီးသီးမှာ တိုးတက်မှု မရှိခဲ့ဘူးလို့ Amnesty International နိုင်ငံတကာ လွတ်ငြိမ်းချမ်းသာခွင့်အဖွဲ့ကြီးက ၂၀၁၅ ခုနှစ်အတွက် ထုတ်ပြန်တဲ့ နှစ်ပတ်လည် လူ့အခွင့်အရေး အစီရင်ခံမှာ ဖော်ပြထားတာပါ။

အထူးသဖြင့်တော့ နိုင်ငံရေးအကျဉ်းသားတွေကို ဆက်လက် ဖမ်းဆီးထားတဲ့ကိစ္စနဲ့ လွတ်လပ်စွာ ပြောဆိုခွင့်တွေ ပိတ်ပင်ခံထားရမှုတွေ ဖြစ်ပေါ်နေတဲ့အပေါ် စိုးရိမ်ပူပန်ကြောင်း AI အဖွဲ့ရဲ့ အာရှရေးရာ ညွန်ကြားရေးမှူး T Kumar က ပြောပါတယ်။

“မိမိရဲ့ ယုံကြည်ချက်ကြောင့် ငြိမ်းချမ်းစွာ နိုင်ငံရေးလှုပ်ရှားကြသူတွေကို ဆက်လက် ဖမ်းဆီးထားတဲ့အပေါ် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးအနေနဲ့ စိုးရိမ်မိပါတယ်။ ကျနော်တို့အဖွဲ့က တခြား စိုးရိမ်မိတဲ့ အချက်တွေကတော့ ဖိနှိပ်ချုပ်ခြယ်တဲ့ ဥပဒေတွေ တည်ရှိနေတဲ့ကိစ္စ၊ အပြစ်မဲ့ အရပ်သား ပြည်သူလူထုတွေ သတ်ဖြတ်ခံနေရတဲ့ ပဋိပက္ခဖြစ်နေတဲ့ ဒေသတွေက အခြေအနေတွေ၊ ရခိုင်ပြည်နယ်အတွင်းက ရိုဟင်ဂျာမူဆလင်တွေရဲ့ အခြေအနေတွေ ပါဝင်ပါတယ်။ ဒါကြောင့်လည်း မြန်မာအစိုးရအနေနဲ့ ဖိနှိပ်ချုပ်ခြယ်တဲ့ ဥပဒေတွေကို ပြန်လည် ရုပ်သိမ်းပေးဖို့၊ ယုံကြည်ချက်ကြောင့် အကျဉ်းကျနေသူတွေကို ပြန်လွှတ်ပေးဖို့နဲ့ ငြိမ်းချမ်းစွာ သဘောထား ကွဲလွဲသူတွေအတွက် လမ်းကြောင်းတွေ ဖွင့်ပေးဖို့အတွက် ကျနော်တို့ တောင်းဆိုပါတယ်။”

ဒါ့အပြင် သတင်းမီဒီယာတွေအပေါ် ကန့်သတ်ချုပ်ခြယ်မှုတွေ ရှိနေတဲ့ကိစ္စကိုလည်း AI အဖွဲ့အနေနဲ့ စိုးရိမ်ပူပန်ကြောင်း၊ သတင်းထောက်တွေအနေနဲ့ တိုင်းပြည်အတွင်း ဖြစ်ပေါ်နေတဲ့ သတင်းတွေကို လွတ်လပ်စွာ တင်ပြခွင့် ရှိသင့်ကြောင်းလည်း T Kumar က ပြောပါတယ်။

ဒေါက်တာ စိန်ဝင်းဟာ NCGUB ခေါ် အဝေးရောက် ပြည်ထောင်စု မြန်မာနိုင်ငံ အမျိုးသားညွှန့်ပေါင်းအစိုးရအဖွဲ့ တည်ရှိစဉ်က ၀န်ကြီးချုပ်အဖြစ် တာဝန်ထမ်းဆောင်ခဲ့သူ တဦးဖြစ်သလို၊ ၁၉၉၀ ပြည့်နှစ် ရွေးကောက်ပွဲမှာ အနိုင်ရခဲ့တဲ့ လွှတ်တော်အမတ်ဟောင်းတဦးလည်း ဖြစ်ပါတယ်။ သူက အဲဒီလို ဖိနှိပ်ချယ်တဲ့ ဥပဒေတွေ မရှိသင့်တော့ဘူးလို့ ထောက်ပြ ပြောဆိုပါတယ်။

“တကယ်လို့ AI ကနေ ပြောနေရင် ဒီလို ဒီလို ဖြစ်နေတယ်ဆိုရင် ဒီလို ဒီလို မဟုတ်ပါဘူး။ ဒီလို ဒီလိုပါ ဆိုပြီးတော့ ပြောဖို့တာဝန်ရှိတာက အစိုးရက တာဝန်ရှိတယ်။ တကယ်တမ်းကျတော့ ဒါပေမဲ့လို့ အစိုးရက အခုအချိန်မှာ အပြောင်းအလဲနဲ့ မသိချင်ယောင်ဆောင်နေသလား ဘာလဲတော့ မသိဘူးပေါ့ဗျာ။ ဆိုတော့ ကျနော်တို့အမြင်ကတော့ လွတ်လပ်စွာပြောဆိုခွင့် ကိုယ့်ရဲ့ယုံကြည်ချက်ကို တင်ပြခွင့်၊ ကိုယ်မကြိုက်တဲ့ ဒီဟာကို ကန့်ကွက်ခွင့်၊ ဒါကို ဘယ်လိုမျိုးသော ပုဒ်မတွေတပ်တပ် အကြမ်းဖက်တာတို့ ဖမ်းဆီးတာတို့ဟာ လုံးဝ မဖြစ်သင့်ဘူး။ ဒါ နိုင်ငံရေးအကျဉ်းသားတွေ များလာတာလည်း ဒီအကြောင်းကြောင့် ပါတယ်။ အဲတော့ ဒါတွေဟာ ဆင်ခြင်ဖို့ လိုတယ်လို့ ကျနော် ပြောချင်ပါတယ်။”

ဒါ့အပြင် စစ်ဖြစ်နေတာကို အကြောင်းပြပြီး အရပ်သားတွေအပေါ် လူ့အခွင့်အရေး ချိုးဖောက်မှုတွေ မကျူးလွန်မိအောင် ရှောင်ရှားသင့်တယ်လို့လည်း ဒေါက်တာစိန်ဝင်းက ပြောပါတယ်။

“တခုရှိတာကတော့ ကျနော်တို့ စစ်တိုက်နေတဲ့အချိန်မှာ အရပ်သားတွေပေါ့ စစ်နဲ့မပတ်သက်တဲ့ သူတွေအပေါ်မှာ အကြမ်းဖက်မှုတွေ အကုန်လုံးပေါ့ ဒါတွေက ရှောင်ရမှာ။ စစ်တိုက်လို့ပေါ့ဗျာ ကျုပ်တို့က ဒါတွေတော့ ချပစ်လိုက်တာပဲ ဒါတွေတော့ လုပ်ထည့်လိုက်တာပဲ ဒီလိုပြောလို့မရဘူး တကယ်တမ်းက။ အဲတော့ စစ်တိုက်လို့ ဒါတွေ ဒါတွေဖြစ်တာပဲဗျာ။ အောက်က ငယ်သားကလုပ်လို့၊ အပေါ်က ဒီစစ်ဗိုလ်ကပဲလုပ်လုပ် အဲ့လိုပြောတာမျိုးကို ကျနော်တို့ လက်ခံလို့မရဘူး။”

AI အဖွဲ့ရဲ့ အာရှရေးရာ ညွန်ကြားရေးမှူး T Kumar ကတော့ နောင်တက်လာမယ့် အစိုးရသစ်အနေနဲ့ ယုံကြည်ချက်ကြောင့် အကျဉ်းချခံထားရသူ အားလုံးကို ပြန်လွှတ်ပေးပြီး ဖိနှိပ်ချုပ်ခြယ်တဲ့ ဥပဒေတွေကို ရုပ်သိမ်းပေးလိမ့်မယ်လို့ မျှော်လင့်ကြောင်း ပြောပါတယ်။

“မကြာခင်မှာ တိုင်းပြည်အာဏာကို လွဲပြောင်းရယူတော့မယ့် အစိုးရသစ်အနေနဲ့ ယုံကြည်ချက်ကြောင့် အကျဉ်းချခံထားသူ အားလုံးကို ခြွင်းချက်မရှိ ပြန်လွှတ်ပေးပြီး ဖိနှိပ်ချုပ်ခြယ်တဲ့ သဘောသဘာဝရှိတဲ့ ဥပဒေတွေ အားလုံးကို ပြန်လည် ရုပ်သိမ်းပေးဖို့ ကျနော်တို့ တောင်းဆိုပါတယ်။ ဒါ့အပြင် ပဋိပက္ခဖြစ်နေတဲ့ ဒေသတွေမှာ ရှိနေကြတဲ့ ပြည်သူတွေ ဘေးကင်းလုံခြုံမှုရှိပြီး စားနပ်ရိက္ခာနဲ့ နေထိုင်စရာတွေ ထောက်ပံ့ပေးဖို့၊ ရိုဟင်ဂျာတွေအပေါ် ဖိနှိပ်မှုတွေ မရှိတော့အောင် သူတို့ရဲ့ကိစ္စကို အရေးပေါ် အကြောင်းရပ်တခုအဖြစ် အမြန်ဆုံး ကိုင်တွယ်ဖြေရှင်းဖို့အတွက် တောင်းဆိုပါတယ်။”

၂၀၁၅ ခုနှစ်ကုန်ချိန်မှာ မြန်မာနိုင်ငံအတွင်း နိုင်ငံရေးအကျဉ်းသား ၁၁၄ ယောက် အကျဉ်းထောင်တွေထဲမှာ ရှိနေဆဲဖြစ်ပြီး အမျိုးသားပညာရေးဥပဒေကို ငြိမ်းငြိမ်းချမ်းချမ်း ကန့်ကွက်ဆန္ဒပြခဲ့တဲ့ ကျောင်းသားခေါင်းဆောင်တွေနဲ့ သူတို့ကို ထောက်ခံသူတွေ ရာပေါင်းများစွာ တရားစွဲခံထားရတာကို AI အစီရင်ခံစာမှာ ဖော်ပြထားပါတယ်။ လူ့အခွင့်အရေး ချိုးဖောက်မှုတွေဖြစ်စေတဲ့ လုပ်ရပ်တွေကို စီးပွားရေးလုပ်ငန်းတွေက ကျူးလွန်တာမျိုး မဖြစ်ရအောင် အကာအကွယ်ပေးဖို့ လုံလောက်တဲ့ တရားဥပဒေ မရှိတာကိုလည်း AI က ထောက်ပြပါတယ်။

လူတွေကို နေအိမ်တွေကနေ အတင်းအဓမ္မ ဖယ်ရှားတာမျိုးကို တားဆီးကန့်သတ်တဲ့ ဥပဒေမျိုး မရှိဘူးလို့လည်း AI က ပြောပါတယ်။ လွတ်လပ်စွာ ထုတ်ဖော်ပြောဆိုခွင့်၊ သင်းပင်းဖွဲ့စည်းခွင့်နဲ့ ငြိမ်းချမ်းစွာ စုဝေးခွင့်တွေကို ကန့်သတ်တဲ့ ဥပဒေတွေကို ပြန်သုံးသပ်ဖို့ ပြီးခဲ့တဲ့နှစ် နိုဝင်ဘာလမှာ ကုလသမဂ္ဂ လူ့အခွင့်အရေးကောင်စီက အကြံပေးတာကို မြန်မာနိုင်ငံက ပယ်ချခဲ့သလို ရိုဟင်ဂျာလူနည်းစုတွေ ခွဲခြားဆက်ဆံခံနေရတယ်ဆိုတာကို အသိအမှတ်ပြု လက်ခံဖို့လည်း ငြင်းပယ်ခဲ့တယ်လို့ AI အဖွဲ့ရဲ့ အစီရင်ခံစာထဲမှာ ဖော်ပြထားပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com