03/01/16

ဒေါ်နော်အုန်းလှ၊ ကိုတင်ထွဋ်ပိုင်နှင့် ကိုမိုးသူတို့ကို ဖေဖော်ဝါရီ ၂၉ ရက်က ဗိုလ်တထောင် တရားရုံး၌ တွေ့ရစဉ် (ဓာတ်ပုံ-နေမျိုးဝင်း)

လက်ပံတောင်းတောင် ဒေသခံ ဒေါ်ခင်ဝင်း သေနတ်ထိမှန် သေဆုံးခဲ့မှု အမှုမှန် ပေါ်ပေါက်ရေး ဆန္ဒပြမှုကြောင့် ရန်ကုန်တိုင်းဒေသကြီး မြို့နယ်တရားရုံး အသီးသီးက ထောင်ဒဏ် ငါးနှစ်ကျော်အထိ ချမှတ်ခံထားရသည့် ဒေါ်နော်အုန်းလှနှင့် ကိုတင်ထွဋ်ပိုင်တို့ကို ဖေဖော်ဝါရီ ၂၉ ရက်တွင် ဗိုလ်တထောင်မြို့နယ် တရားရုံးနှင့် တာမွေမြို့နယ် တရားရုံးတို့၌ ဆက်လက် ရုံးထုတ်ခဲ့သည်။

ယင်းနေ့တွင် ဗိုလ်တထောင် တရားရုံး၌ ပုဒ်မ ၁၈ ဖြင့် တရားစွဲခံထားရသည့် အမှုအတွက် တရားလိုဖြစ်သူ ဗိုလ်တထောင်မြို့နယ် ရဲတပ်ဖွဲ့မှူးအား စစ်ဆေးခဲ့ပြီး ရုံးချိန်းအား မတ် ၇ ရက်သို့ ချိန်းဆိုခဲ့ကြောင်း သိရသည်။

“ဒီသက်သေခံ ဓာတ်ပုံတွေ အကုန်လုံးက တာမွေမြို့နယ်မှာ ဖြတ်ကျော်တုန်းက ရိုက်ထားတဲ့ ဓာတ်ပုံတွေ ဖြစ်တယ်။ အဲဒါကို ဗိုလ်တထောင်မြို့နယ်က သူတို့မြို့နယ်ကို ဖြတ်ကျော်တယ်ဆိုပြီး တရားစွဲဆို ထားတယ်။ အဲဒါက လွဲမှားနေတယ် ဆိုပြီးတော့ ကျွန်တော် ထောက်ပြထားတာ။ ကျွန်တော် အဲဒီ ဆန္ဒပြပွဲမှာ ပါခဲ့တယ် မပါခဲ့ဘူးဆိုတာ ကိုယ်တရားစွဲတဲ့ မြို့နယ်မှူးကိုယ်တိုင် သေသေချာချာ မသိဘူး။ အမှုစစ်က တင်ပြတဲ့ဟာကိုပဲ သူက ကောက်ပြီး စွဲရတဲ့ပုံစံ ဖြစ်နေတယ်။ ပြီးတော့ အခင်းဖြစ်နေ့က ဆန္ဒပြသူတွေကို လာရောက် တားမြစ်ခဲ့တာလည်း အခု တရားစွဲထားတဲ့ တရားလို မြို့နယ်ရဲတပ်ဖွဲ့မှူး မဟုတ်ဘူး။ အဲဒီတော့ သက်သေခံ ဓာတ်ပုံတွေက မှန်ကန်မှု မရှိဘူး။ ဒီသက်သေခံ မှတ်တမ်းဓာတ်ပုံက တာမွေမြို့နယ် တရားရုံးမှာလည်း သက်သေအဖြစ် တင်သွင်းထားတယ်။ အဲဒီတော့ ကျွန်တော်တို့က ဖြစ်စဉ်မှာ မပါဝင်ဘဲနဲ့ မှားယွင်း စွာတရားစွဲ ခံနေရတာပါ” ဟု တရားစွဲခံထားရသူ တစ်ဦးဖြစ်သည့် ကိုတင်ထွဋ်ပိုင် ဖေဖော်ဝါရီ ၂၉ ရက်တွင် ပြောကြားသည်။

ထိုသို့ သက်သေခံ မှတ်တမ်းဓာတ်ပုံ မြို့နယ်မှားယွင်းခြင်းမှုနှင့် ပတ်သက်၍ တရားလို ရဲမှူးစိန်ဝေက “အမှုစစ် အနေဖြင့် စစ်ဆေး၍ မှတ်တမ်းတင်ထားခြင်း ဖြစ်ပါသည်။ တာမွေမြို့နယ်အတွင်း ရိုက်ကူးထားသော ဓာတ်ပုံများ မဟုတ်ပါ။ အခင်းဖြစ်နေ့ ဆန္ဒပြသူများကို မြို့နယ်စခန်းမှူးနှင့် တပ်ဖွဲ့ဝင်များက တားမြစ်၍ ကျွန်တော်မှာ အခင်းဖြစ် အနီးတစ်ဝိုက်တွင် ရှိနေခဲ့ပါသည်” ဟု တရားခွင်အတွင်း ထွက်ဆိုခဲ့သည်။

ထို့အပြင် ယင်းနေ့တွင် ၎င်းတို့အား ရှစ်လေးလုံး(၂၆)နှစ်ပြည့် အရေးတော်ပုံ လမ်းလျှောက်ထောက်ခံပွဲတွင် ပါဝင်ခဲ့သည်ဟု ဆိုကာ တာမွေမြို့နယ် တရားရုံး၌ ဆက်လက် ရုံးထုတ်၍ မြို့နယ် ရဲတပ်ဖွဲ့မှူးအား စစ်ဆေးခဲ့ကြောင်း သိရသည်။

ဒေါ်နော်အုန်းလှ၊ ကိုတင်ထွဋ်ပိုင်၊ ကိုမိုးသူနှင့် ကိုစည်သူတို့ကို ၂၀၁၄ ခုနှစ် သြဂုတ် ၈ ရက်က ပြုလုပ်ခဲ့သည့် ရှစ်လေးလုံး (၂၆)နှစ်ပြည့် အရေးတော်ပုံ လမ်းလျှောက်ထောက်ခံပွဲတွင် ပါဝင်ခဲ့သည်ဟုဆိုကာ ဗိုလ်တထောင်မြို့နယ် တရားရုံး၊ တာမွေမြို့နယ် တရားရုံးနှင့် မင်္ဂလာတောင်ညွန့်မြို့နယ်တို့တွင် ပုဒ်မ ၁၈ ဖြင့် တရားစွဲဆိုခဲ့ခြင်းဖြစ်ပြီး လက်ရှိတွင် တရားစွဲဆိုခံထားရသူ တစ်ဦးဖြစ်သည့် ကိုစည်သူမှာ လွတ်မြောက်နေသဖြင့် သက်ဆိုင်ရာ တရားရုံးတို့က တရားခံပြေးအဖြစ် ကြေညာထားကြောင်း သိရသည်။

ပြီးခဲ့သည့်နှစ် မေ ၁၅ ရက်က လက်ပံတောင်းတောင်သူ ဒေါ်ခင်ဝင်း အသတ်ခံရမှုအား ဖော်ထုတ်ပေးရန် ကျောက်တံတားမြို့နယ်မှ တရုတ်သံရုံးရှေ့အထိ လမ်းလျှောက် ဆန္ဒထုတ်ဖော်ခဲ့မှုဖြင့် မြို့နယ်တရားရုံး အသီးသီးက ပုဒ်မ ၃၅၃၊ ပုဒ်မ ၁၇၄၊ ပုဒ်မ ၅၀၅ (ခ)၊ ပုဒ်မ ၁၈ တို့ဖြင့် ကိုတင်ထွဋ်ပိုင်အား အလုပ်ပါသော ထောင်ဒဏ်ငါးနှစ်ကျော်နှင့် ဒေါ်နော်အုန်းလှအား ထောင်ဒဏ် ခြောက်နှစ်ကျော် ချမှတ်ထားကြောင်း သိရသည်။

၂၀၁၆ ခုနှစ် ဇန်န၀ါရီတွင် တက်ကြွလှုပ်ရှားသူများအား ယခင် ဆန္ဒပြခဲ့မှုများဖြင့် ထပ်မံ တရားစွဲဆိုမှုများရှိကာ လက်ရှိတွင် နိုင်ငံရေး တက်ကြွလှုပ်ရှားသူ ၃၀၀ ကျော် တရားစွဲဆိုခံထားရဆဲဖြစ်ကြောင်း နိုင်ငံရေး အကျဉ်းသားဟောင်းများ ကူညီစောင့်ရှောက်ရေးအသင်း (AAPP) ၏ ထုတ်ပြန်ချက်အရ သိရှိရပြီး သမ္မတဦးသိန်းစိန် အစိုးရသက်တမ်း မကုန်မီ ကာလအတွင်း ပြစ်ဒဏ်ကျခံနေရသည့် နိုင်ငံရေး တက်ကြွလှုပ်ရှားသူများနှင့် အမျိုးသားပညာရေး ဥပဒေ ပြင်ဆင်ရေး သပိတ်မှောက် ဆန္ဒပြ ကျောင်းသားခေါင်းဆောင်များအား အမှုဟောင်းများဖြင့် တရားစွဲဆိုမှုများ ပြုလုပ်ရှိသည်ကို နိုင်ငံရေး တက်ကြွလှုပ်ရှားသူများက ဝေဖန်မှုများ ပြုလုပ်ခဲ့ကြောင်း သိရသည်။
Writer:
ဝေလင်းအောင်၊ နေမျိုးဝင်း
Eleven Media Group

မြန်မာနိုင်ငံမှာ ဥပဒေစိုးမိုးမှုမရှိတာ အားလုံးအသိပဲ ဖြစ်ပါတယ်။ ဥပဒေစိုးမိုးမှု အကြောင်းပြောရင် ဥပဒေရဲ့ တန်းတူညီမျှမှု တရားမျှတမှု အကြောင်းအကျိုး ခိုင်လုံမှုတို့အပေါ်မှာ တည်မှီိပြီးပြောဆိုရမှာဖြစ်တယ်။ တည်ဆဲဥပဒေတစ်ရပ်ကို ချိုးဖောက်သူ မည်သူမဆို ဥပဒေအရ တန်းတူညီမျှစွာ အရေးယူခံရရေးဟာ တရားမျှတခြင်း ကြောင်းကျိုးခိုင်လုံခြင်းတို့လိုပဲ အရေးကြီးပါတယ်။

မြန်မာနိုင်ငံမှာ ဥပဒေကို သားရေမျှော့ကြိုးလို လိုတစ်မျိုးမလိုတစ်မျိုး အသုံးပြုတတ်ခြင်းဟာ ဥပဒေစိုးမိုးမှုပျက်နေတာရဲ့ ပထမအကြောင်းရင်း ဖြစ်နေပါတယ်။ ပြီးခဲ့တဲ့အစိုးရတွေ တလျောက်လုံး
တရားဥပဒေစိုးမိုးရေးဖော်ဆောင်ဖို့ တာဝန်ရှိတဲ့ အဖွဲ့အစည်းတွေဟာ စစ်အာဏာရှင်များ မလိုလားသူကို လိုသလိုဖမ်းဆီးဖို့ အသုံးချခံတွေ ဖြစ်ခဲ့ရပါတယ်။ အရေးယူဖို့ တကယ်လိုအပ်သူ လောင်းကစားဒိုင်များ မူးယစ်ဆေးရာဇာများကတော့ ကြီးပွားချမ်းသာမပျက် ရှိကြပါတယ်။

ဥပဒေကို လိုသလို အသုံးချတယ်ဆိုတာ ဂျွန်ယက်တော အမှုဟာ ကမ္ဘာသိ ထင်ရှားတဲ့အမှုပါပဲ။ လုံခြုံရေးအပြည့် ချထားတဲ့ ဒေါ်အောင်ဆန်းစုကြည်ရဲ့ အိမ်ထဲကို အမေရိကန်နိုင်ငံသား ဂျွန်ယက်တော ရေကူးဝင်ရောက်တဲ့အမှုမှာ အိမ်အဝင်အထွက်ကို စောင့်ရှောက်ဖို့ တာဝန်ရှိတဲ့ အဖွဲ့အစည်းတွေကို အရေးမယူပဲ အလုံပိတ် အစောင့်အရှောက်အပြည့်အောက်က အိမ်ရှင်ကို အရေးယူ အပြစ်ပေးခဲ့ပါတယ်။ တရားဥပဒေစိုးမိုးရေးဖော်ဆောင်ဖို့ တာဝန်ရှိတဲ့ အဖွဲ့အစည်းတွေဟာ လိုတစ်မျိုး မလိုတစ်မျိုး ဆောင်ရွက်နေဆဲပါ။

၂၀၁၀ ရွေးကောက်ပွဲပြီးတော့ တက်လာတဲ့ စစ်အာဏာရှင်ဟောင်းများရဲ့ အရပ်သားတစ်ပိုင်းအစိုးရ လက်ထက်မှာလည်း ဒီလိုအခြေအနေတွေက ပြောင်းလဲပြီး တိုးတက်လာမလားလို့ လူထုက မရဲတရဲ မျှော်လင့်ထားကြပါတယ်။ ဒါပေမယ့် လူတစ်ဦးတည်း ဆန္ဒထုတ်ဖော်ခြင်းများကို စုဝေးလှည့်လည်ခြင်း ပုဒ်မ ၁၈ နဲ့ အရေးယူခဲ့ခြင်းက စလို့ အကျင့်ဟောင်းတွေဟာ အဘဟောင်း လူဟောင်းတွေဆီမှာ စွဲနေတုန်းပဲဆိုတာ ထင်ရှားတယ်။ တရားဥပဒေစိုးမိုးရေးဖော်ဆောင်ဖို့ တာဝန်ရှိတဲ့ အဖွဲ့အစည်းတွေဟာ လိုတစ်မျိုး မလိုတစ်မျိုး ဆောင်ရွက်နေဆဲပါ။

နောက်ထပ်ထင်ရှားတဲ့ ဥပမာကတော့ နိုင်ငံတော်အလံပေါ်မှာ သမ္မတ ဦးသိန်းစိန်နဲ့ ဗိုလ်ချုပ်မှူးကြီး မင်းအောင်လှိုင်တို့ လက်မှတ်ရေးထိုးမှုပါ။ နိုင်ငံတော်အလံဥပဒေ ပုဒ်မ ၁၃(က) အရ "နိုင်ငံတော်အလံပေါ်တွင် စာလုံး၊ ဂဏန်း၊ ရုပ်ပုံနှင့် သင်္ကေတ စသောအမှတ်အသား တစ်ခုခုကို ရေးသားချယ်လှယ်ခြင်း ၊တွယ်ကပ်ခြင်း၊ ပုံနှိပ်ခြင်း၊ (သို့) တစ်ခုခုဖြင့် အရာထင်စေခြင်း" တို့ဟာ ထောင်သုံးနှစ်အထိ ထိုက်တဲ့ အမှုဖြစ်ပါတယ်။ အရေးယူခြင်း မရှိပါဘူး။ ၂၀၁၆ ဖေဖော်ဝါရီလထဲ ဗိုလ်စိန်မှန်ကွင်းမှာ ကျင်းပတဲ့ ပုဒ်မ ၅၉(စ) ထောက်ခံပွဲမှာ နောက်ခံဘုတ်ပြားအပြည့် နိုင်ငံတော်အလံပေါ်မှာ အရေးအသားရုပ်ပုံတွေ ရေးဆွဲထားတာကိုလည်း ခွင့်ပြုချက်လိုင်စင်ပေးခဲ့ပါတယ်။ အရေးယူခြင်းမရှိသေးပါ။ တရားဥပဒေစိုးမိုးရေးဖော်ဆောင်ဖို့ တာဝန်ရှိတဲ့ အဖွဲ့အစည်းတွေဟာ လိုတစ်မျိုး မလိုတစ်မျိုး ဆောင်ရွက်နေဆဲပါ။ အခုဆိုရင် မဘသဆိုတဲ့ အဆင့်အတန်းနိမ့်ကျတဲ့ နိုင်ငံရေးသမားအချို့ဟာလည်း သမ္မတကြီးနဲ့ ကာကွယ်ရေးဦးစီးချုပ်တို့နည်းတူ နိုင်ငံတော်အလံဥပဒေရဲ့အထက်မှာ နေရာရရှိကြပါပြီ။

တကယ်တော့ အခုအချိန်အခါဟာ အတိတ်တစ်ချိန်တုန်းက ဥပဒေကို လိုသလိုအသုံးချပြီး ဖိနှိပ်ခံခဲ့ရတဲ့ နိုင်ငံရေးသမားတွေအများစုကို ပြည်သူကရွေးချယ်ခဲ့လို့ လွှတ်တော်အသစ်တစ်ရပ် တည်ရှိနေတဲ့အချိန်ဖြစ်ပါတယ်။ လွှတ်တော်အမတ်များဟာလည်း အာဃာတတရားထက် တရားဥပဒေကိုပိုမိုအလေးထားဖို့ ကတိပြုထားပြီးဖြစ်ကြတယ်လို့ ယူဆနိုင်ပါတယ်။ တရားဥပဒေစိုးမိုးရေးဖော်ဆောင်ဖို့ တာဝန်ရှိတဲ့ အဖွဲ့အစည်းတွေ အနေနဲ့ ပြောင်းလဲချိန် အတအတန်လှပါပြီ။ အခုဆိုရင် အရင်လို အဘမျက်နှာကြည့်ပြီး အဘဘက်လိုက်နေလို့မရတော့ပါဘူး။ လူတစ်စုအသုံးချခံ လက်ကိုင်တုတ် အဖြစ်ကို စွန့်လွှတ်ပြီး ဘက်ပြောင်းလိုက်ရမယ့် အချိန်ကို ရောက်နေပါပြီ။ တရားဥပဒေစိုးမိုးရေး ဖော်ဆောင်ဖို့ တာဝန်ရှိတဲ့ အဖွဲ့အစည်းတွေ အနေနဲ့ ပြည်သူ့မျက်နှာကြည့်ပြီး ဥပဒေဘက်ကို ပြောင်းလိုက်ကြဖို့ အချိန်တန်လှပြီဖြစ်ပါကြောင်း ဆိုလိုက်ပါရစေ။

အတွေးအမြင် ‪#‎HaveASay‬
ဓာတ်ပုံ : အင်တာနက်

Carter Center
Carter Center

နိုဝင်ဘာ ရွေးကောက်ပွဲ အလွန်ကာလ ရွေးကောက်ပွဲ အငြင်းပွားမှုဆိုင်ရာ ဖြေရှင်းခြင်းနဲ့ ပတ်သက်လို့ နိုင်ငံရေး ပါတီ ကိုယ်စားလှယ်တွေအနေနဲ့ ကန့်ကွက်လွှာ တင်သွင်းရာမှာ အဟန့်အတားတွေ ရှိနေတယ်လို့ မြန်မာ့ရွေး ကောက်ပွဲ စောင့်ကြည့်အကဲခတ်ခဲ့တဲ့ ကာတာစင်တာက ပြောဆိုလိုက်ပါတယ်။

၂၀၁၅ ရွေးကောက်ပွဲ အလွန် ကာလ အခြေအနေတွေအပြင် ရွေးကောက်ပွဲဆိုင်ရာ အပြင်းပွားမှု ဖြေရှင်းခြင်း လုပ်ငန်းစဉ်နဲ့ ပတ်သက်လို့ ကြေညာချက်တစောင်ကို ကာတာစင်တာက ဖေဖော်ဝါရီ ၂၉ ရက်နေ့က ထုတ်ပြန်လိုက်တာပါ။ သတင်း အပြည့်အစုံ ကိုတော့ ဗွီအိုအေသတင်းထောက် မမြင့်မြင့်ခိုင်က တင်ပြထားပါတယ်။

၂၀၁၅ ရွေးကောက်ပွဲအလွန် ကာလမှာ ရွေးကောက်ပွဲ ကန့်ကွက်လွှာ တင်သွင်းခြင်းနဲ့ ပတ်သက်လို့ အခက်အခဲ တချို့ရှိတာမို့ လာမယ့် အစိုးရသစ်အနေနဲ့ ရွေးကောက်ပွဲ ဥပဒေတွေနဲ့ လုပ်ငန်းစဉ်တွေကို ပြန်လည် ပြင်ဆင်ဖို့ မြန်မာ့ရွေးကောက်ပွဲ လေ့လာစောင့်ကြည့်ခဲ့တဲ့ ကာတာစင်တာက အကြံပြု ပြောဆိုလိုက်ပါတယ်။

ရွေးကောက်ပွဲ ကန့်ကွက်လွှာ တင်သွင်းဖို့ ကုန်ကျစရိတ် ၅သိန်း အပြင် ရွေးကောက်ပွဲ အငြင်းပွားမှုဆိုင်ရာ ခုံရုံး ကြားနာဖို့အတွက် မလိုလားအပ်တဲ့ ကုန်ကျစရိတ်တွေကြောင့် နိုင်ငံရေးပါတီတွေက ကိုယ်စားလှယ် အများစု ရွေးကောက်ပွဲ ကန့်ကွက်လွှာ တင်သွင်းနိုင်ခြင်းမရှိဘူးလို့ ကာတာစင်တာရဲ့ မြန်မာပြည်ဌာနေတာဝန်ခံ Fre-derick Rawski က ပြောပါတယ်။

" နိုင်ငံရေးပါတီတွေက ကိုယ်စားလှယ်တော်တော် များများ ရွေးကောက်ပွဲ ကန့်ကွက်လွှာ တင်သွင်းနိုင်ဖို့ အတွက် အဟန့်အတားတွေ တော့ အများကြီးရှိပါတယ်။ အဓိကကတော့ ကုန်ကျစရိတ်များလွန်းတာကြောင့်ပါ။ နောက် အဟန့်အတား တစ်ခုကတော့ ခုံရုံးကြားနားမှုကို နေပြည်တော်မှာ ပြုလုပ်တာဖြစ်တဲ့ အတွက် ဝေလံတဲ့ဒေသမှာ နေထိုင်တဲ့သူတွေ အတွက် အခက်အခဲရှိပါတယ်။ ဒါပေမယ့် ကော်မရှင်အနေနဲ့ ပြည်နယ်နဲ့ တိုင်းဒေသကြီးတွေ ကို သွားရောက်ပြီး ခုံရုံးကြားနားမှုတွေ လုပ်ဖို့ရှိနေပါတယ်။ အဲ့ဒီအတွက်လည်း ကြိုဆိုပါတယ်။ အဲ့ဒါထက် လာ မယ့် အစိုးရသစ် အနေနဲ့ နောက်လာမယ့် ရွေးကောက်ပွဲတွေနဲ့ ကြားဖြတ်ရွေး ကောက်ပွဲတွေမှာ သိသာ ထင် ရှားတဲ့ သက်ရောက် မှုမျိုးရှိလာနိုင်တာမို့ ရွေးကောက်နဲ့ ပတ်သက်တဲ့ ဥပဒေကြောင်းနဲ့ လုပ်ငန်းစဉ်တချို့ကို အမြန်ဆုံး ပြုပြင် လုပ် ဆောင်ဖို့ အကြံပြုလိုပါတယ်။ "

ကာတာစင်တာအနေနဲ့ ရွေးကောက်ပွဲအလွန်ကာလ အခြေအနေတွေကို စောင့်ကြည့်လေ့လာရာမှာ မဲရလဒ်ပုံစံ တွေကို ထုတ်ပြန်တာနဲ့ ပတ်သက်လို့ လိုအပ်ချက်တွေရှိသလို မဲရလဒ်ထုတ်ပြန်တဲ့ အချို့နေရာတွေကို စောင့် ကြည့်လေ့လာရေးအဖွဲ့တွေအနေနဲ့ လွတ်လွတ်လပ်လပ် လေ့လာခွင့်မရဘူးလို့ ကာတာစင်တာက ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။

ရွေးကောက်ပွဲ အငြင်းပွားမှု ဖြေရှင်းရာမှာ ပြည်ထောင်စု ရွေးကောက်ပွဲ ကော်မရှင် အနေနဲ့ အမှုတွဲတွေကို နှောင့် နှေး ကြန့်ကြာမှုမရှိစေဘဲ အမြန်ဖြေရှင်းဖို့လိုတယ်လို့ Mr. Rawski က အခုလိုပြောပါတယ်။

" ဒီလုပ်ငန်းစဉ်က မပြီးဆုံးသေးပါဘူး။ မကြာမီမှာ ကော်မရှင်အနေနဲ့လည်း ရွေးကောက်ပွဲ အငြင်းပွားမှုတွေကို အပြီးသတ်ဖြေရှင်းနိုင်ရင်တော့ ကောင်းပါတယ်။ မြန်မာပြည်ရဲ့ ရွေးကောက်ပွဲ အငြင်းပွားမှုဆိုင်ရာ ဖြေရှင်းခြင်း လုပ်ငန်းစဉ်မှာ လွှတ်တော်သစ် မစတင်ခင်ကာလမှာ ရွေးကောက်ပွဲအလွန် အငြင်းပွားမှုဆိုင်ရာ ကန့်ကွက်လွှာ တွေကို အပြီးသတ်ကြားနာစရာလည်းမလိုပါဘူး။ ဒါကြောင့် လွှတ်တော်သစ် စတင်ပြီးသွားတာတောင်မှ အငြင်းပွား မှုတွေကို ကြားနားစစ်ဆေးနေရဆဲ အခြေအနေဖြစ်နေမှာပါ။ ကော်မရှင်အနေနဲ့တော့ ရွေးကောက် ပွဲဆိုင်ရာ အငြင်းပွားမှုတွေကို အကောင်းဆုံးဖြေရှင်းသွားမယ်လို့ အခိုင်အမာပြောထားပေမယ့် ဒီလုပ်ငန်းစဉ်က မပြီးဆုံးသေးပါဘူး။ "

နိုဝင်ဘာ ၈ရက်နေ့ ရွေးကောက်ပွဲအပြီး ပြည်ထောင်စုရွေးကောက်ပွဲကော်မရှင်ကို တင်သွင်းတဲ့ ကန့်ကွက်လွှာ စုစုပေါင်း ၄၅ မှု ရှိပြီး အခုချိန်ထိ ကော်မရှင်အနေနဲ့ ကန့်ကွက်လွှာ ၂မှုပဲ အပြီးသတ် ဆုံးဖြတ်ချက်ချရသေးတာ ဖြစ်ပါတယ်။

ရွေးကောက်ပွဲ အငြင်းပွားမှုတွေကို ခုံရုံးဖွဲ့ကြားနာရာမှာ နေပြည်တော်ကို အကြိမ်ကြိမ် သွားရောက်ပြီး ကြားနာ ရတာမို့ အခက်အခဲရှိသလို ခုံရုံးဖွဲ့ကြားနာမှုတွေ ကြန့်ကြာတာနဲ့ ပတ်သက်လို့တော့ ပြဿနာမရှိဘူးလို့ ၂၀၁၅ ရွေးကောက်ပွဲမှာ ရှမ်းပြည်နယ် ရပ်စောက်မြို့နယ်ကနေ ပြည်နယ်လွှတ်တော်ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်ခဲ့ပြီး ကော်မရှင်ကို ရွေးကောက်ပွဲကန့်ကွက်လွှာ တင်သွင်းထားတဲ့ NLD ပါတီက ဦးခိုင်ညီ ညီကျော်က ပြောပါတယ်။

“ကျနော်တို့က ဒီကန့်ကွက်လွှာတင်သွင်းတာဟုတ်တယ်။ အဲဒီ ကုန်ကျစရိတ်က များတာထက်ကို အဓိကတော့ ကျနော်တို့က နေပြည်တော်မှာ စစ်လိုက်တာက ပိုဆိုးတာပေါ့နော်။ နေပြည်တော် UEC မှာ စစ်လိုက်တာက ကျနော်တို့ဆို ပြည်နယ်ဆိုရင် ပြည်နယ်လွှတ်တော် အနေနဲ့ရှမ်းပြည်နယ် ကနေသွားရတယ်။ ရုံးချိန်းဆို တခေါက်လည်းမဟုတ်ဘူး။ ၄၊၅၊၆ ခေါက်လောက် နောက်တဦးတယောက်ထဲလည်းမဟုတ်ဘူး ။ အမူကို လိုက်သက်သေထွက်ပေးမယ့် ပုဂ္ဂိုလ်တွေရောဆိုတော့ ကျနော်တို့မှာ အဓိကတော့ အဲဒီ အခက်အခဲရှိတာပေါ့။ ကိုယ့်ပြည်နယ်မှာပဲ စစ်တယ်ဆိုရင် ဒါတွေက နည်းနည်းသက်သာတာပေါ့ လောလောဆယ်ကတော့လေ။ ငွေရေးကြေးရေး ရူ့ထောင့်ကနေကြည့်မယ်ဆိုရင်တော့။”

အမေရိကန်ပြည်ထောင်စု အခြေစိုက် ကာတာစင်တာဟာ ၁၉၈၉ ခုနှစ်ကစပြီး နိုင်ငံပေါင်း ၃၈ နိုင်ငံက ရွေး ကောက်ပွဲ ၁၀၀ ကို လေ့လာစောင့်ကြည့်နေတဲ့ အဖွဲ့ဖြစ်ပြီး မကြာသေးခင်က မြန်မာ့ရွေးကောက်ပွဲ အကြိုနဲ့ ရွေး ကောက်ပွဲ အလွန်ကာလတွေကိုလည်း စောင့်ကြည့်လေ့လာခဲ့သလို နိုဝင်ဘာ ၈ရက်နေ့ ရွေးကောက်ပွဲနဲ့ ပတ် သက်တဲ့ ပဏာမ အစီရင်ခံစာကိုတော့ ၂၀၁၅ နိုဝင်ဘာ ၁၀ ရက်နေ့က ထုတ်ပြန်ခဲ့တာလည်းဖြစ်ပါတယ်။

မြင့်မြင့်ခိုင် /VOA
http://burmese.voanews.com/content/election-carter-center-statement-/3212750.html


     မနွယ်နွယ်အေးက ငရုတ် အချဉ်ရည်ကို အရမ်းကြိုက်တဲ့ သူတစ်ယောက်ပါ။ ခေါက်ဆွဲကြော်၊ ခေါက်ဆွဲသုပ် စားရင်လည်း ငရုတ်ချဉ်ရည် ရွှဲရွှဲလေး။ ၀က်သားတုတ်ထိုး စားလည်း ငရုတ်ချဉ်ရည်နဲ့မှ။ ထမင်းသုပ်စား ရင်တောင် ငရုတ်ချဉ်ရည် ထည့်ပြီး နယ်စားရ တာကို နှစ်သက်သူ။ ငရုတ်ချဉ်ရည် အရမ်းကြိုက်တဲ့ မနွယ်နွယ်အေး တစ်ယောက် ငရုတ်ချဉ်ကို အပြီးအပိုင် စွန့်လွှတ်လိုက်တဲ့နေ့ ကတော့ ဇန်န၀ါရီလ (၁၄) ရက်နေ့ ကပါ။

          အဲဒီနေ့က မန္တလေးမြို့တော် စည်ပင်သာယာရေး ကော်မတီရဲ့ လူမှုကွန်ရက် စာမျက်နှာမှာ ငရုတ်ဆီ လုပ်ငန်း တစ်ခုကို စစ်ဆေးတာနဲ့ ပတ်သက်ပြီး ဖော်ပြထားတဲ့ ငရုတ်ဆီ ထုတ်လုပ်တဲ့ လုပ်ငန်းဓာတ်ပုံ တွေကို တွေ့ပြီးနောက် ငရုတ်ချဉ်ရည်ကို တစ်သက်လုံး မစားတော့ဘူးလို့ မနွယ်နွယ်အေးက စိတ်ပိုင်းဖြတ်လိုက် တာပါ။

          မန္တလေးမြို့တော် စည်ပင်က စစ်ဆေး ဖော်ထုတ်ခဲ့တဲ့ ငရုတ်ဆီ လုပ်ငန်းတွင် အသုံးပြုတဲ့ ကုန်ကြမ်း ပစ္စည်းတွေ မှန်ကန်မှု မရှိခြင်း၊ ကျန်းမာရေးအား ဆိုးရွားစွာ ထိခိုက်နိုင်တဲ့ ကုန်ကြမ်း ပစ္စည်းများ ဖြစ်နေခြင်း၊ ထုတ်လုပ်မှု အဆင့်ဆင့်တွင် စားသုံးသူတွေ အတွက် ဘေးအန္တရာယ် မကင်းရှင်းသည် သာမက ငရုတ်ဆီ ထုတ်လုပ်သည့် နေရာသည် မီးဘေးအန္တရာယ် စိုးရိမ်ရတဲ့ အနေအထားမှာ ရှိနေခြင်း ဖြစ်တယ်။ အဆိုးဆုံးမှာ စားသုံးသူတွေရဲ့ ကျန်းမာရေးကို ဆိုးကျိုးပေး နိုင်တဲ့ အမျိုးအမည် မသိ ဓာတုဗေဒ အချဉ်မှုန့် တွေကို ရောနှော ကျိုချက် ထားခြင်း ဖြစ်ပါတယ်။

           အဲဒီလို ပုံစံနဲ့ ထုတ်လုပ်တယ် ဆိုတာ အရင်က မသိခဲ့ဘူး။ ပုံတွေ မြင်လိုက် တော့မှ တော်တော် စိတ်ကုန် သွားတယ်။ ဒီတစ်ခုတည်းတင် မဟုတ်ဘူး။ ကိုယ်နေ့စဉ် စားသောက် နေတဲ့ အစားအသောက် တွေတောင် သံသယ၀င် လာတယ်။ စားသုံးသူတွေ အတွက် ဘယ်လောက်များ အန္တရာယ်များ လိုက်မလဲလို့။ သေချာတာ ကတော့ ငရုတ်ချဉ်ကတော့ လုံးဝပြတ် သွားတယ် လို့ ချမ်းမြသာစည် မြို့နယ်မှာ နေထိုင်တဲ့ မနွယ်နွယ်အေးက ပြောပါတယ်။

          နေ့စဉ် သောက်သုံးနေတဲ့ ရေသန့်က စပြီး နေ့စဉ် ဟင်းချက်ရာမှာ အသုံးပြုတဲ့ ဆီ၊ ငပိ၊ ငရုတ်သီးမှုန့်၊ သီးနှံ စတဲ့ စားသောက်ကုန် အစားအသောက်တွေကို အခု နောက်ပိုင်းမှာ စိတ်ချလက်ချ သုံးစွဲဖို့ မရဲတော့ဘဲ စားသုံးသူတွေ အနေနဲ့ စိုးရိမ်မှု တွေရှိ လာကြ တာပါ။ ဒါ့အပြင် အစားအသောက်နဲ့ ဆေးဝါး ကွပ်ကဲမှု ဦးစီးဌာန က ဈေးကွက်မှာ စစ်ဆေးတွေ့ရှိတဲ့ စံမညီ၊ စားသုံးရန် မသင့်ဆိုတဲ့ ထုတ်ပြန်တဲ့ အစားအသောက်တွေ မှာလည်း အများစုက နေ့စဉ် အသုံး ပြုနေရတဲ့ စားသောက်ကုန်တွေ ပါဝင်နေ တာကို တွေ့ရ ပါတယ်။ ခေတ်မီ ဓာတုဆေး ပစ္စည်းတွေ ပေါများ လာတဲ့ ယနေ့ခေတ်မှာ အသီးအနှံက အစ သဘာဝသစ်သီး ဆိုတာ ရှားပါး လာပြီး ဈေးကွက်မှာ ရောင်းပန်းလှ နိုင်ဖို့ သီးနှံစိမ်းတွေ ကိုပါ ဓာတုဗေဒ ဆေးရည်သုတ်လိမ်း ရောင်းချ တာတွေ ပါရှိလာတယ်။

           သားဖြစ်သူကို ကျွေးချင်လို့ ငှက်ပျောသီးသွား ၀ယ်တယ်။ ကိုယ်ရှေ့မှာပဲ ငှက်ပျောသီး အစိမ်းကို ဆေးရည်တွေ စိမ်နေတယ်။ ၀ယ်လာတဲ့ ငှက်ပျောသီးက အခွံ ကတော့ ၀င်းမှည့်နေတယ်။ အထဲက အသားက အစိမ်းအတိုင်းပဲ။ ဒါသမားရိုးကျ မဟုတ်ဘူး။ အစိမ်းကို အမြန်မှည့်အောင် ဆေးရည်စိမ်တယ်။ သမားရိုးကျ မဟုတ်ရင်တော့ ဘယ်အရာမှ စိတ်မချ ရဘူး။ သဘာဝ အမှည့်က ပိုကောင်းပေမယ့်လည်း အခု နောက်ပိုင်း အသီးအနှံ မှန်သမျှကလည်း ဆေးစိမ်၊ ဆေးထိုးမှည့်ပြီး ရောင်းကြတော့ စားတာတော့ အစာပေမယ့် အဆိပ် စားနေရသလို ဖြစ်နေတယ် လို့ ကုမ္ပဏီဝန်ထမ်း ဖြစ်သူ ကိုမင်းမင်းက ပြောတယ်။

          လက်ရှိမှာ အစားအသောက် ဘေးအန္တရာယ် ကင်းရှင်းရေးနဲ့ ပတ်သက်ပြီး အစားအသောက်နဲ့ ပတ်သက်ပြီး အဓိက တာဝန်ရှိတဲ့ အစား အသောက်နှင့် ဆေးဝါး ကွပ်ကဲရေး ဦးစီးဌာန(FDA) အပြင် စည်ပင်သာယာရေး ကော်မတီ၊ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန လက်အောက်မှာ ရှိတဲ့ ကုန်သွယ်မှု မြှင့်တင်ရေးနှင့် စားသုံးသူ ရေးရာ ဦးစီးဌာနတို့က အစားအသောက်နဲ့ ပတ်သက်ပြီး ပညာပေး လုပ်ငန်းတွေ၊ ဈေးကွက်မှာ စားသုံးရန် မသင့်တဲ့ အစားအသောက် တွေကို စစ်ဆေးတာမျိုးတွေ ဆောင်ရွက် နေပေမယ့်လည်း တကယ့် လက်တွေ့မှာတော့ ထိရောက်မှု အားနည်းနေတယ်။

           ဌာနဆိုင်ရာ အချင်းချင်း ကလည်း ချိတ်ဆက်မှု အားနည်းတယ်။ တစ်ယောက်နဲ့ တစ်ယောက် role ကို ကွဲကွဲပြားပြား မယူဘူး။ အဲဒါက မထိရောက်ဘူး။ mapping သေချာ လုပ်ပြီး သူ့တာဝန်၊ ကိုယ့်တာဝန် သေချာ ခွဲပြီးတော့ တံဆိပ် ဆိုလည်း တံဆိပ်၊ လိုင်စင် ဆိုလည်း လိုင်စင်၊ ဘယ်သူက ဘယ်ဟာကို ပေးထားတယ်။ စည်ပင်က လိုင်စင်ပေးထား တာဆို အဲဒီ တံဆိပ်နဲ့ ထုတ်တဲ့ ပါကင်တွေက အရောင် တစ်မျိုး၊ FDA ကဆို အရောင် တစ်မျိုး၊ နိုင်ငံခြားက ၀င်လာတာ ဆိုရင် ပါကင်က အရောင်တစ်မျိုး ကြည့်လိုက်တာနဲ့ ချက်ချင်း ဘယ်သူ တာဝန်ယူလဲ ဆိုတာ ခွဲနိုင်တာတို့၊ ပင်ရင်းကို မြန်မြန် ထိလွယ်မှပဲ လုပ်တဲ့ သူလည်း ကြောက်မယ်။ ပြဿနာပေါ် ရင်လည်း ချက်ချင်း အရင်းအမြစ်ကို ကိုင်နိုင်မယ် ဆိုရင် လုပ်တဲ့ သူက မလုပ်ရဲတော့ဘူး ပေါ့လို့ မြန်မာ စားသုံးသူများ သမဂ္ဂမှ အတွင်းရေးမှူး ဦးမောင်မောင်က ပြောပါတယ်။

          အစားအသောက် ထုတ်ကုန်တွေနဲ့ ပတ်သက်ပြီး အန္တရာယ် ကင်းရှင်းကြောင်း ထောက်ခံချက် လက်မှတ်ကို ကျန်းမာရေး ၀န်ကြီးဌာန လက်အောက်မှာ ရှိတဲ့ အစားအသောက်နဲ့ ဆေးဝါး ကွပ်ကဲမှု ဦးစီး ဌာန (FDA) က ထုတ်ပေးနေ ပါတယ်။ (FDA) အနေနဲ့ ပြည်တွင်းမှာ စားသောက်ကုန် ထုတ်လုပ်တဲ့ လုပ်ငန်းတွေက ထောက်ခံချက် လျှောက်ထား လာရင် ထုတ်လုပ်တဲ့ လုပ်ငန်း၊ စက်ရုံ၊ အလုပ်ရုံဟာ အနိမ့်ဆုံး အားဖြင့် ကောင်းမွန်တဲ့ ထုတ်လုပ်မှု ကျင့်စဉ်နဲ့ ညီညွတ်ဖို့၊ အဲဒီလုပ်ငန်း ကနေ ထုတ်လုပ် လိုက်တဲ့ စားသောက်ကုန်က ဒီစားသောက်ကုန် အတွက် သတ်မှတ် ထားတဲ့ အသေးစိတ် အချက်အလက် (Quality Safety Specification) နဲ့ ကိုက်ညီခြင်း ရှိမရှိ ဓာတ်ခွဲ စစ်ဆေးတယ်။ ပြီးရင် စားသောက်ကုန်ရဲ့ အမှတ်တံဆိပ်ဟာ သတ်မှတ်ချက်တွေနဲ့ ကိုက်ညီဖို့ကို စိစစ်ပြီး ဒီအပိုင်းတွေ အားလုံး ပြည်စုံ ညီညွတ်မှသာ FDA က အစားအသောက် ထုတ်လုပ်မှု ထောက်ခံချက်ကို ထုတ်ပေးတယ်။ ဒါပေမဲ့ ဈေးကွက်ထဲမှာ ရောင်းချနေတဲ့ အစားအသောက် ထုတ်ကုန် အချို့ ကတော့ FDA ထောက်ခံချက် မယူဘဲ ထုတ်လုပ် ရောင်းချကြ တာတွေလည်း ရှိနေတယ်။ ဒါတွေကို သေချာ စိစစ်ကြပ်မတ် ပေးဖို့ စားသုံးသူတွေက ဆန္ဒရှိကြတယ်။ ဒါ့အပြင် စားသုံးသူတွေ အနေနဲ့ စားသောက်ကုန်တွေ ကို အန္တရာယ် ကင်းရှင်းစွာနဲ့ အရည်အသွေး အပြည့် စိတ်ချလက်ချ စားသုံးနိုင်ဖို့ ဆိုရင် သက်ဆိုင်ရာ ဌာနတွေ အနေနဲ့ ထုတ်ကုန် တစ်ခုကို ဈေးကွက်ထဲ ရောက်မှ အန္တရာယ် ရှိမရှိ စစ်ဆေး တာထက် စထုတ်တဲ့ ပင်ရင်းမှာ ပါဝင်တဲ့ ကုန်ကြမ်း ထုတ်လုပ်မှု ဖြစ်စဉ်မှာ ကတည်းက စိစစ် ကြပ်မတ်ဖို့က အရေးကြီးကြောင်း ပညာရှင် အချို့ က ထောက်ပြတယ်။

          pre market  မှာကတည်းက ကုန်ကြမ်းတွေကို တောက်လျှောက် monitor လုပ်ပြီး GMP (ကောင်းမွန်သော ထုတ်လုပ်မှု ကျင့်စဉ်) နဲ့ လုပ်ပြီး စောင့်ကြည့်ပြီး ထုတ်လာတဲ့ ထုတ်ကုန် ဆိုရင် ကိုယ်က အချိန်မရွေး ရှောင်တခင် စစ်ဆေးလို့ ရတယ်။ စောင့်ကြည့်လို့ ရတယ်။ အဲဒီလိုဆိုရင် ထုတ်ကုန်တွေက အကုန် စိတ်ချ ရမယ်။ အခုဟာက အဲဒီလို မဖြစ်ဘူး။ ကျွန်တော်တို့က အဲဒီလိုမျိုး ရှိစေချင်တယ်။ ထုတ်ကုန် တစ်ခု ဈေးကွက် ထဲရောက်မှ စစ်ဆေးတာထက် ထုတ်ကုန်ကို မထုတ်ခင်မှာ ကုန်ကြမ်းမှာ ကတည်းက သေချာ စနစ်တကျ ဆောင်ရွက်ခြင်း ရှိမရှိ စစ်ဆေးမယ် ဆိုရင် ပိုထိရောက်မယ် လို့ မြန်မာ စားသုံးသူများသမဂ္ဂမှ အတွင်းရေးမှူး ဦးမောင်မောင်က ပြောပါတယ်။

          ပြည်တွင်း စားသောက်ကုန်တွေ အပြင် နယ်စပ်က ၀င်လာတဲ့ အစားအသောက်တွေ ကိုလည်း သေချာ စိစစ်ဖို့ လိုတယ်။ တရားဝင် FDA ထောက်ခံချက် ယူပြီး ၀င်လာတဲ့ အစားအသောက်တွေက ပြဿနာ မရှိ ပေမယ့် မှောင်ခို လမ်းကြောင်းကနေ ၀င်လာတဲ့ အစားအသောက်တွေက စစ်ဆေးမှု မရှိလို့ အန္တရာယ် ရှိနိုင်တဲ့ အတွက် နယ်စပ် ကုန်သွယ်ရေးကို သေချာ ကြပ်မတ်ဖို့လည်း လိုအပ်နေတယ်။ FDA အနေနဲ့ ပြည်တွင်းကို တင်သွင်း လာတဲ့ အစားအသောက်တွေနဲ့ ပတ်သက်ပြီး ပြည်တွင်းကို မတင်သွင်းမီမှာ စီးပွားကူးသန်း ကနေ တင်သွင်းခွင့် ထောက်ခံချက် ထုတ်ပေးဖို့ စိစစ်တယ်။ တင်သွင်းမယ့် စားသောက်ကုန်နဲ့ ပတ်သက်တဲ့ တစ်ဖက် နိုင်ငံက ထုတ်ပေးတဲ့ စာရွက်စာတမ်းတွေကို စိစစ်ခြင်းနဲ့ အတူ သင်္ဘော မတင်မီ နမူနာကို ဓာတ်ခွဲ စစ်ဆေးခြင်း တွေ ဆောင်ရွက်တယ်။ သတ်မှတ်ချက်တွေနဲ့ ကိုက်ညီရင် တင်သွင်းခွင့် အတွက် ထောက်ခံပေးပြီး ဒုတိယ အဆင့် အနေနဲ့ ကတော့ တင်သွင်းခွင့်ရလို့ တင်သွင်းလာတဲ့ စားသောက်ကုန်တွေ ဆိပ်ကမ်း၊ နယ်စပ် စခန်းကို ရောက်ရှိ လာတဲ့ အခါမှာ ကိုယ်စားပြု နမူနာတွေကို ကောက်ယူ ဓာတ်ခွဲ စစ်ဆေးတယ်။ သင်္ဘောတင် စာရွက် စာတမ်း အထောက်အထားတွေ ကိုပါ စိစစ်ရပါတယ်။ စိစစ်ချက်အရ တင်သွင်း လာတဲ့ ထောက်ခံချက် လတ်မှတ်ပြ နိုင်သူ ကိုသာ အကောက်ခွန် ဦးစီးဌာနက အကောက်ခွန် ပေးဆောင်စေပြီး ပစ္စည်းထုတ်ယူ ရောင်းချခွင့် ပေးတဲ့ စနစ်ကို ကျင့်သုံးတယ်။ တရားဝင် မဟုတ်ဘဲ မှောင်ခို လမ်းကြောင်း ကနေ ဈေးကွက်ထဲ ရောက်လာတဲ့ စားသောက်ကုန်တွေ ကိုလည်း ဈေးကွက် ထဲမှာ လိုက်လံ စစ်ဆေးတာမျိုးတွေ၊ ဆောင်ရွက် တာတွေလည်း ရှိတယ်လို့  အစားအသောက်နဲ့  ဆေးဝါး ကွပ်ကဲရေး ဦးစီးဌာနထံ ကနေ သိရတယ်။

          မြန်မာလူမျိုးတွေဟာ အစားအစာ စားတဲ့ အခါမှာ တလွဲ အယူအဆနဲ့ အန္တရာယ်ကို ဖိတ်ခေါ်နေ ပါတယ်။ ဟင်းချက် ရင်လည်း အရောင်လေးပါမှ ငပိ၊ ငါးခြောက်၊ လက်ဖက်၊ ထန်းလျက် တွေတောင် ဆိုးဆေးက မကင်း။

          ရာသီဥတု ဆိုးရွာလာပြီး၊ လေထု မြေထု ရေထုမှာပါ အဆိပ်အတောက်တွေ ပေါ်များလာတဲ့ ခေတ်ကြီး ထဲမှာ ကျန်းမာရေးကို အသိ သတိထား ဉာဏ်နဲ့ ပညာနဲ့ယှဉ်ကာ ဂရုပြု စားသုံးဖို့ လိုလာနေ ပါပြီ။ အသက်ရှည် ကျန်းမာဖို့ အတွက် မနွယ်နွယ်အေးလိုပဲ မစားသင့်တဲ့ အစားအသောက်တွေကို မစားဖို့ လိုပြီး နေ့စဉ် အစားအသောက် တွေမှာ ကျန်းမာရေးနဲ့ ညီမညီ လူကို အန္တရာယ် ပြုမပြု သတိထား ချင့်ချိန်ဖို့ မြန်မာ ပြည်သူတွေ လိုအပ်နေပါတယ်။

သက်စုအောင်
Messenger News Journal
http://www.messengerdaily.com/

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် တိုင်းရင်းသား လွှတ်တော်ကိုယ်စားလှယ်တွေနဲ့ ဖေဖော်ဝါရီလ ၂၉ ရက်နေ့က နေပြည်တော် စည်ပင်ရိပ်သာမှာ တွေ့ဆုံစဉ်။ Photo: Win Ko Ko Latt/RFA
ပြည်ထောင်စုအတွက် အားလုံးက လိုချင်တာတွေ တောင်းဆိုနေမယ်ဆိုရင် ညီညွတ်ရေးကို တည်ဆောက်နိုင်မှာ မဟုတ်သလို အားလုံးက ပေးဆပ်မှုနဲ့ ချဉ်းကပ်မှသာ ညီညွတ်ရေးကို ရောက်နိုင်မှာဖြစ်ကြောင်း အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် က ပြောပါတယ်။

ဒီကနေ့ နေပြည်တော် စည်ပင်ဧည့်ရိပ်သာမှာ တိုင်းရင်းသား လွှတ်တော်ကိုယ်စားလှယ်တွေနဲ့ တွေ့ဆုံပွဲ မှာ ဒေါ်အောင်ဆန်းစုကြည်က အဖွင့်မိန့်ခွန်းပြောကြားစဉ် ထည့်သွင်းပြောတာ ဖြစ်ပါတယ်။

"ကိုယ်ဘာလိုချင်လဲဆိုတာပဲ ပထမတောင်းဆိုမယ်ဆိုလို့ရင် အားလုံးက ငါဒါလိုချင်တယ်၊ ငါဒါလိုချင်တယ်ဆိုရင် ဘယ်လိုလုပ် ကျမတို့ ညီညွှတ်မှုရမလဲ၊ ကျမဖြစ်စေချင်တာက အားလုံးက ဒီပြည်ထောင်စုကြီး ခိုင်မာဖို့ အတွက် ပြည်ထောင်စုကြီး သာယာဖို့အတွက် ကျနော်တို့က ဒါပေးလို့ရတယ်၊ ကျမတို့ကတော့ ဒါပေးလို့ရတယ်၊ ကျမတို့ ပေးချင်တယ်၊ ကျနော်တို့ ပေးချင်တယ် ဆိုတဲ့ စိတ်ဓါတ်နဲ့ ဒီကိစ္စကို ချဉ်းကပ်စေချင်တယ်"

အန်အယ်လ်ဒီရဲ့ မဟာမိတ် တိုင်းရင်းသားနိုင်ငံရေးပါတီတွေဟာ ၂၀၁၀ ရွေးကောက်ပွဲတုန်းက အတူတူမ၀င်ဖို့ ရပ်တည်ပေးခဲ့တာဖြစ်ကြောင်း၊ အဲ့ဒီအတွက် လေးစားမိကြောင်းလည်း ပြောပါတယ်။

ပြည်ထောင်စုကို ဘယ်လိုပုံစံမျိုးနဲ့ ထူထောင်ကြမလဲ ဘယ်လိုလုပ်ကြမလဲဆိုတာကို အကြံပေးဖို့ကို လည်း ဒေါ်အောင်ဆန်းစုကြည်က တက်ရောက်လာတဲ့ တိုင်းရင်းသား လွှတ်တော်ကိုယ်စားလှယ်တွေကို ဖိတ်ခေါ်လိုက်ပါတယ်။

ဒါ့အပြင် ပြည်ထောင်စုလို့ ပြောကြတဲ့အခါ နောင်လာနောက်သားတွေကို ဘယ်လိုပြည်ထောင်စုမျိုးကို ထားခဲ့မလဲ၊ နိုင်ငံရေးတင်မကဘဲ လူမှုရေးအရ ဘယ်လိုပြည်ထောင်စုမျိုးကို ထားခဲ့မလဲဆိုတာကိုလည်း ထည့်သွင်းစဉ်းစား ရမှာဖြစ်ကြောင်းလည်း ပြောပါတယ်။

ဒီအတွင်း အမျိုးသားဒီမိုကရေစီအဖွဲ့ချုပ် ဗဟိုအလုပ်အမူဆောင်အဖွဲ့ရဲ့ အတွင်းရေးမှူးအဖွဲ့ ဖွဲ့စည်းဘို့ မနေ့ကကျင်းပတဲ့ ဗဟိုအလုပ်အမှုဆောင်အဖွဲ့ အစည်းအဝေးကဆုံးဖြတ်လိုက်ပြီး ဒီကနေ့ ဖွဲ့စည်းလိုက်တယ်လို့  NLD ပါတီရုံးက ထုတ်ပြန်ပါတယ်။

ထုတ်ပြန်ထားတဲ့စာမှာ အဖွဲ့ချုပ်အမာခံပါတီဝင်အများအစုမှာ ရွေးကောက်ပွဲအနိုင်ရရှိပြီး လွှတ်တော်တွင်း ရောက်ရှိသွားတာကြောင့် ပါတီရဲ့လုပ်ငန်းစဉ်တွေ အားလျော့မသွားအောင် ကြီးကြပ်ဆောင်ရွက်နိုင်ရေးအတွက် အတွင်းရေးမှူးအဖွဲ့ကို ဖွဲ့စည်းရတာဖြစ်တယ်လို့ ဆိုပါတယ်။

အဖွဲ့ကို ပါတီ ဗဟိုကော်မတီဝင် ၅ ဦးနဲ့ ဖွဲ့စည်းလိုက်တာဖြစ်ပြီး ဦးဝင်းထိန်၊ ဦးဝင်းမြင့်၊ ဒေါက်တာဇော်မြင့်မောင်၊ ဦးဥာဏ်ဝင်းနဲ့ ဦးဟံသာမြင် တို့နဲ့ ဖွဲ့စည်းလိုက်ပါတယ်။

အလားတူ ပါတီက အရံဗဟို အလုပ်အမှုဆောင်ကော်မတီဝင် မန်းဂျော်နီကို ဗဟိုကော်မတီဝင်အဖြစ် တာဝန်ပေးအပ်လိုက်တယ်လို့လဲ NLD ဗဟိုလုပ်အမှုဆောင်အဖွဲ့က ဒီကနေ့ နေ့စွဲနဲ့ သီးခြားထုတ်ပြန်ထားပါတယ်။

RFA Burmese
http://www.rfa.org/burmese

ဒေါ်အောင်ဆန်းစုကြည်နှင့်တိုင်းရင်းသားကိုယ်စားလှယ်များတွေ့ ဆုံ (Photo-NLD Chairperson)
အမျိုးသား ဒီမိုကရေစီအဖွဲ့ချုပ် ဦးဆောင်မယ့် နောက်တတ်လာမယ့် အစိုးရ ကျရင် ပြည်တွင်း ငြိမ်းချမ်းရေး နဲ့ ဖယ်ဒရယ် ပြည်ထောင်စု တည်ဆောက်ဖို့ အပါအ၀င် တိုင်းပြည်ရဲ့ တရားဥပဒေ စိုးမိုးရေးတို့ကို တိုင်းရင်းးသားတွေနဲ့အတူ လက်တွဲလုပ်ဆောင်သွားမယ်လို့ ဒေါ်အောင်ဆန်းစုကြည်ကပြောဆိုလိုက်ပါတယ်။   ဒီကနေ့ နေပြည်တော်စည်ပင်ရိပ်သာဝင်းမှာ ဒေါ်အောင်ဆန်းစုကြည်က ပြည်သူ့လွတ်တော်နဲ့ အမျိုးသားလွတ်တော်တို့က တိုင်းရင်းသား လွတ်တော် ကိုယ်စားလှယ်တွေနဲ့ တစ်နာကျော်ကြာတွေ့ဆုံပြီး လက်တလော တိုင်းရင်းသား ဒေသတွေမှာ ဖြစ်ပျက်နေတဲ့ တိုက်ပွဲတွေ အပါအ၀င် တိုင်းရင်းသား ဒေသတွေရဲ့ လိုအပ်ချက်တွေကို အဓိကထား ဆွေးနွေး သွားခဲ့ကြပါတယ်။ အပြည့်အစုံကိုတော့ ဗွီအိုအေမြန်မာပိုင်းသတင်းထောက် ကိုထက်အောင်က ပြောပြပေးမှာပါ။

ရွေးကောက်ပွဲ အနိုင်ရ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒုတိယအကြိမ် ပြည်သူ့လွတ်တော်နဲ့ အမျိုးသားလွတ်တော်တို့မှာ ရှိတဲ့ တိုင်းရင်းသား ကိုယ်စားလှယ်တို့ကို ဖတ်ခေါ်ပြီး နေပြည်တော် စည်ပင်ရိပ်သာဝင်းမှာ ဒီကနေ့ ညနေပိုင်းမှာ တွေ့ဆုံခဲ့ပါတယ်။ နောက်တတ်လာမယ့် အစိုးရ သစ်လက်ထက်ကျရင် တစ်နိုင်ငံလုံး အပစ်အခတ်ရပ်ဆဲရေးနဲ့ တိုင်းရင်းသားများ တန်းတူညီမျှပါဝင်တဲ့ ဖယ်ဒရယ်ပြည်ထောင်စုကို တည်ထောင်သွားမယ်လို့ ဒေါ်အောင်ဆန်းစုကြည်က အဓိကထား တိုက်တွန်းပြောဆိုသွားခဲ့တယ်လို့ အမျိုးသား ဒီမိုကရေစီအဖွဲ့ချုပ်ရဲ့ဗဟိုအလုပ်အမှုဆောင် ဒေါက်တာဇော်မြင့်မောင်က အခုလို ပြောပါတယ်။

ဒေါ်အောင်ဆန်းစုကြည်နှင့်တိုင်းရင်းသားကိုယ်စားလှယ်များတွေ့ ဆုံ (Photo-NLD Chairperson)
“အဓိကတွေ့တာကတော့ တို့ တိုင်းရင်းသားတွေနဲ့ cooperative ဖြစ်ချင်တယ်။ ပူးပေါင်းဆောင်ရွက်ချင်တယ်။ National reconciliation နဲ့ နောက်ပြီးတော့ federalism ပေါ့နော် အဓိကထားပြီး ပြောတာပါပဲ။ federal state ပေါ့ တို့ထူထောင်မယ်ဆိုတာ အဲဒါကို တိုင်းရင်းသားတွေလည်း သဘောကျပါတယ်။ ကျန်တာကတော့ သူတို့ ပြည်နယ်တွေရဲ့ issue တွေပြောတာပေါ့။ ပညာရေး၊ ကျန်းမာရေး နိမ့်ကျတာတွေ တောင်ပေါ်မှာ ဖြစ်တာတွေကို မေ့မထားဖို့ပေါ့။ အဓိကတော့ ဒေါ်အောင်ဆန်းစုကြည်က ကျနော်တို့ရဲ့ မူဝါဒ ပေါ့ federal စစ်မှန်တဲ့ federal စနစ်ကို ထူထောင် မယ်ဆိုတာ သူက တရားဝင်ပေါ့နော်၊ အရင်တုန်းကတည်းက ဒါကြီးက ရှိပြီးသားပဲလေ။ နောက်ပြီး တိုင်းရင်းသားတွေဘက်ကတော့ federal နဲ့ peace ကိုလုပ်ပေးပါပေါ့ ဒေါ်အောင်ဆန်းစုကြည်က ပြောသွားတာပါ။ အဓိကတော့federalism ကိုပြောသွားပါတယ်။”

တိုင်းရင်းသားပါတီတစ်ခုဖြစ်တဲ့ တအောင်း ပလောင် အမျိုးသားပါတီကတော့ ဒီရက်ပိုင်း ရှမ်းပြည်မြှောက်ပိုင်းမှာ တိုက်ပွဲတွေ ဆက်တိုက်ဖြစ်နေတဲ့ အတွက်ကြောင့် နောက်အစိုးရသစ် လက်ထက်မှာ ငြိမ်းချမ်းရေးကို အဓိကထားလုပ်ဆောင်သွားဖို့ ဆွေးနွေးခဲ့တယ်လို့ ဒီပါတီရဲ့ ပြည်သူ့လွတ်တော် ကိုယ်စားလှယ် ဦးမိုင်းဝင်းထူးက ပြောပါတယ်။

“အဓိကတော့ ကျနော်တို့ ဒေသမှာဖြစ်နေတဲ့ ဒီလက်နက်ကိုင် ပဋိပက္ခတွေပေါ့၊ ငြိမ်းချမ်းရေးကိစ္စရယ် ၊ ကျနော်တို့တောင်ပေါ်ဒေသမှာ ရှိတဲ့ တောင်ပေါ်သားတွေ ကိုလည်း ဖွံ့ဖြိုးရေးကိစ္စတွေ လုပ်တဲ့အခါမှာ မေ့မထားဖို့ဆိုပြီးတော့ ကျနော်တို့ပြောဆို ဆွေးနွေးတာတွေရှိပါတယ်။”

NLD အစိုးရသစ်လက်ထက်မှာ တိုင်းရင်းသားတွေနဲ့ အတူလက်တွဲ လုပ်ဆောင်သွားပြီး တိုင်းရင်းသားတွေ ဘက်ကလည်း ပြည်ထောင်စုအတွက် အဓိကထားလုပ်ဆောင်သွားဖို့ ဒေါ်အောင်ဆန်းစုကြည်က တိုက်တွန်းခဲ့ပါတယ်။ ရခိုင်အမျိုးသားပါတီရဲ့ အမျိုးသား လွတ်တော် ကိုယ်စားလှယ် တစ်ဦးဖြစ်တဲ့ မထုမေကတော့ တိုင်းရင်းသားများ တန်းတူ ညီမျှရရှိဖို့ ဖယ်ဒရယ်ပြည်ထောင်စု တည်ထောင်ဖို့ လုပ်ဆောင်သွားမယ့်အကြောင်း ဆွေးနွေးခဲ့တယ်လို့ ပြောပါတယ်။

“ပြည်ထေင်စုကိုသွားတဲ့အခါမှာ တိုင်းရင်းသားအားလုံးရပိုင်ခွင့်ဖြစ်တဲ့ ကျမတို့ ဒီ တန်းတူညီမျှရေးကိုသွားတဲ့အခါမှာ ဖွဲ့စည်းပုံကိုယ်တိုင်ကနေပြီးတော့ federal ဖွဲ့စည်းပုံ ဖြစ်မှသာလျှင် တရားဥပဒေအရ ကျမတို့ တိုင်းရင်းသားများကို ကာကွယ်ပေးနိုင်မှာဖြစ်တယ်လို့ ဒါကြောင့်မို့လို့ အခုတက်လာကြတဲ့ တိုင်းရင်းသားကိုယ်စားလှယ်များအပါအ၀င် NLD လွှတ်တော်အမတ်တွေလည်း တိုင်းရင်းသားများလိုလားတဲ့ federal constitution တခုပေါ်ပေါက်လာဖို့အတွက် တိုက်တွန်းချက်ပါတယ်။”

၂၀၁၂ ကြားဖြတ်ရွေးကောက်ပွဲမှာ လွတ်တော်တွင်း ၀င်ခဲ့ပြီးတဲ့နောက် NLD ပါတီဟာ တိုင်းရင်းသားလွတ်တော်ကိုယ်စားလှယ်တွေနဲ့ အခုလိုမျိုး တွေ့ဆုံတာမျိုးတွေ ရှိပေမယ့်လို့ ဒုတိယအကြိမ်လွှတ်တော် စတဲ့အချိန်မှာတော့ ဒါဟာ ပထမဆုံးအကြိမ် တိုင်းရင်းသား ကိုယ်စားလှယ်တွေနဲ့ တွေ့ဆုံတာလည်းဖြစ်ပါတယ်။ ဒီတစ်ခေါက် လွတ်တော်သက်တမ်းမှာ ပါတီက အများစု အနိုင်ရထားတာကြောင့် အခုလိုမျိုးတွေ့ဆုံမှုဟာ အကောင်းဘက်ကို ဦးတည်တဲ့ အပြောင်းအလဲမျိုြးုဖစ်လာနိုငတယ်လို့ ဦးမိုင်းဝင်းထူးက ပြောပါတယ်။

“ကျနော်ထင်ပါတယ် ဒါက positive change ဘက်ကို များကြီး ဦးတည်သွားစေနိုင်တယ်လို့ ယုံကြည်ပါတယ်။ ဥပမာ ထားပါတော့ ကျနော်တို့က သူတို့အပေါ်မှာ ယုံကြည်မှုတွေ ပိုပိုပြီးတော့ ရှိလာမယ်။ သူတို့ဖွဲ့စည်းလာမယ့် အစိုးရအသစ်မှာ ကျနော်တို့ ဒီတိုင်းရင်းသား ပါတီတွေ အနေနဲ့ကနေပြီးတော့ ဒီငြိမ်းချမ်းရေးကိစ္စတွေကို ပူးပေါင်းလုပ်ဆောင်လာနိုင်မယ်ဆိုတဲ့ ကဏ္ဍ တွေကို ပိုပြီးတော့မှ အားပေးလာအောင်လို့ပေါ့နော်။”

ဒီကနေ့ စည်ပင်ရိပ်သာဝန်းထဲမှာ အမျိုးသား ဒီမိုကရေစီ အဖွဲ့ချုပ် ဒေါ်အောင်ဆန်းစုကြည်အပါအ၀င် ဗဟိုအလုပ်အမှုဆောင် အဖွဲ့တွေဟာ တိုင်းရင်းသား ကိုယ်စားလှယ် ၃၀၀ နီးပါးနဲ့ တစ်နာကျော်ကြာ တွေ့ဆုံဆွေးနွေး ခဲ့ပါတယ်။ လက်တလော လွတ်တော် ၂ ရပ်ကနေ တင်မြှောက်မယ့် ဒုသမ္မတ ၂ ဦးအတွက် သတင်းတွေ အမျိုးမျိုးထွက်နေပေမယ့်လို့ ဒီကနေ့မှာ ဒီကိစ္စ နဲ့ပတ်သက်လိုို့ ဆွေးနွေးခဲ့ခြင်း မရှိဘူးလို့ကိုယ်စားလှယ်တွေက ပြောဆိုကြပါတယ်။

ထက်အောင် / ဗွီအိုအေ (မြန်မာပိုင်း)
http://burmese.voanews.com

ကျွန်တော် အရိုးအထူးကု ဆရာဝန်ကြီး တစ်ဦးပါ
ကုသရေး ဘက်မှာတော့ ရာထူးအကြီးဆုံးပါ ။
ဒီထက်ပိုတဲ့ ရာထူး လိုချင်ရင်တော့
သင်ကြားရေး ဘက်ပြောင်းပြီး
ပါမောက္ခ ဆက်လုပ်ရင်တော့ ရပါတယ် ။

ထားပါတော့လေ
ဆိုလိုချင်တာက
အခု အချိန်ရောက်မှ
ကျွန်တော့်ကို တာဝန်ကျရာ ဆေးရုံကြီးမှာ
အရိုး ကျိုးတဲ့ လူနာတွေ ကို မကုနဲ့ မခွဲနဲ့
ဒဏ်ရာ ပြင်းထန် လူနာတွေကို မကိုင်နဲ့့့ 
လက်ထောက်ဆရာဝန် အလုပ်ပဲ လုပ်လို့
ဇွတ်ပြဌာန်းထားတဲ့ ဥပဒေ တစ်ခုခုအရ
ဆိုလာရင့့့့် 

တကယ်နစ်နာမှာက
ကျွန်တော် မဟုတ်ပါဘူး
လူနာတွေပါ ။
ထို့အတူပဲ
မေ့ဆေး ပါရဂူ တစ်ယောက်ကို
လူနာကို မေ့ဆေးမပေးရ
လက်ထောက်ဆရာဝန် အလုပ်ပဲ လုပ်ပါ ဆိုရင်
အမှန်တကယ် နစ်နာမှာက ခွဲစိတ်ခံရမယ့် လူနာတွေပါပဲ ။

ထို့အတူပါပဲ
ဒီတိုင်းပြည်မှာ
ဒေါ်အောင်ဆန်းစုကြည် ကို
သမ္မတ တာဝန် မယူပါနဲ့
သမ္မတ ထက် တာဝန်ပေါ့တဲ့
တခြားတာဝန်ပဲ ယူစေ လို့
ဇွတ်ပြဌာန်းထားတဲ့ ဥပဒေ တစ်ရပ်ရပ်နဲ့
ကန့်သတ်လိုက်မယ် ဆိုရင်
တကယ်နစ်နာမှာက
သူမ့့့ မဟုတ်ပါ ။

သူမ့့့ ဘယ်လိုလူစားဆိုတာ
တကမ္ဘာ လုံးက သိပြီးသားပါ ။
တကယ်နစ်နာမှာက
တစ်တိုင်းပြည်လုံးပါ ။
ဆန်ရှိပြီး ထမင်းမချက်တတ်လို့
အာလူးပဲ ပြုတ်စား တော့မယ် ဆိုလည်း
သဘောပဲ ။
စားဖိုမှုး လက်ထဲ
ဆန်ရော အာလူးရော ပေးလိုက်ရင်တော့
ကောင်းမွန်တဲ့ ညစာ တစ်ခု ရနိုင်ပါရဲ့။

Dr.Tay Za Kyaw

မကြာသေးမီက အမေရိကန်ပြည်ထောင်စုကနေ ပြန်လာတဲ့ စင်ကာပူဝန်ကြီးချုပ် ကတော့ သူ့တိုင်းပြည် ပြန်အရောက်မှာ အိုဘားမားစတိုင်အတိုင်း မောင်းနေပြီဗျ။ အိုဘားမားက ကျောင်းသင်ခန်းစာမှာ ကွန်ပျူတာ Coding လို့ခေါ်တဲ့ ပရိုဂရမ်းမင်း ရေးသားနည်းတွေကို ထည့်သွင်းသင်ကြားပေးဖို့ လူအား၊ ငွေအား၊ ဆရာအား တွေသုံးမယ်။ မကြာသောကာလမှာ အမျိုးသမီးတွေကို Coding တွေရေးနိုင်ပြီး ဘဝတိုးတက်ရာ တိုးတက် ကြောင်း ကြံဆောင်နိုင်စေရမယ်လို့ အာမခံချက်ပေး လုပ်ဆောင်နေတာကို သူတွေ့ခဲ့တယ်။

ခုဆိုရင် လီဆင်လွန်းတစ်ယောက် စင်ကာပူပြန်အရောက်မှာ လာမယ့်နှစ်ကစတင်ပြီး အထက်တန်းကျောင်း ၁၉ ကျောင်းမှာ ကွန်ပျူတာ Coding ရေးသားနည်းတွေ စတင်ပြဋ္ဌာန်းထည့်သွင်း သင်ကြားဖို့ သတ်မှတ်လိုက် ကြောင်း အမိန့်ထုတ်ပြန်လိုက်ပြီ။ နောက်နှစ်ကစပြီး O-le vel မှာ ကွန်ပျူတာဘာသာရပ်တစ်ခုကို မဖြစ်မနေထည့်သွင်းပြီး ကျောင်းသားတွေ သင်ယူရတော့မှာဖြစ်ပါတယ်။

လီဆင်လွန်းက သူ့နိုင်ငံကို စမတ်နိုင်ငံအောင်ဖြစ်အောင်လုပ်နေတာ။ စမတ်နိုင်ငံဖြစ်ရေးမှာ အိုင်စီတီရဲ့ အရေးပါပုံကို ကောင်းကောင်းနားလည်ထားတယ်။ သူတို့ကျောင်းတွေမှာ A level အဖြစ် စတင်ပြီး သင်ကြား ပေးမယ့် ကွန်ပျူတာ ပရိုဂရမ်က Python လို့ဆိုပါတယ်။ ပညာရေးဝန်ကြီးကလည်း တရားဝင်သတ်မှတ်ပြီးပြီ လို့ထုတ်ဖော်ပြောပါတယ်။

Python ပရိုဂရမ်းမင်းဟာ ထိပ်တန်း ပရိုဂရမ်းမင်း ၁၀ ခုစာရင်းထဲမှာ တစ်ခုအပါအဝင်ဖြစ်ပါတယ်။ ကလေး တွေကို data type တွေသုံးပြီး ကွန်ပျူတာနဲ့ ပရိုဂရမ်ကို ဘယ်လိုရေးလို့ရတယ်ဆိုတာသိအောင် အလွယ် ဆုံးဖြစ်တဲ့ Python ကို ရွေးတယ်လို့ဆိုပါတယ်။

မနှစ်ကတည်းက ဆရာ ၂၁ ဦးကို Python နဲ့ ပရိုဂရမ်ရေးနည်းတွေကို သင်တန်းပေးခဲ့ပြီးပြီ။ ဒီနှစ်လည်း ၂၂ ယောက် သင်တန်း ထပ်တက်နေကြသေးတယ်။ တစ်နှစ်လုံး ဆရာတွေက ကွန်ပျူတာ ပရိုဂရမ်ရေးနည်း သင်တန်းတွေ တက်ကြရတာ။ ဆရာ ၄၀ ကျော်နဲ့သူတို့ နောက်နှစ်မှာ ပရိုဂရမ်တွေကို စသင်ဖို့ ပြင်ဆင်နေ တာဖြစ်ပါတယ်။

ဟုတ်ကဲ့ … ကမ္ဘာကို မျက်စိဖွင့် နားစွင့်ကြပါဦးဗျာ။ အမေရိကန်က ရှေ့ကနေဘာလုပ်သလဲ၊ အခြားနိုင်ငံတွေ ဘာတွေ လုပ်နေသလဲ စင်ကာပူကလိုက်ကြည့်နေတာ။ သူများက ခြေတစ်လှမ်း လှမ်းရင် သူတို့က နှစ်လှမ်း သုံးလှမ်းလောက် လိုက်လှမ်းလိုက်ကြတယ်။ အဲဒါ သူတို့ခေါင်းဆောင်တွေရဲ့ အမြော်အမြင်တွေ။

ဒီမှာကတော့ ပညာရေးကို ဘယ်လို ပြုပြင်ရမှန်းလည်းမသိ၊ ကိုယ်တိုင်ကနားမလည်တော့ လမ်းမညွှန်တတ်၊ ကိုယ့်ရာထူးစည်းစိမ် အာဏာမပြုတ်ရေး သောကတွေနဲ့မအေးတော့ ပညာရေးကိုလည်း ထည့်မတွေးနိုင်ကြ ပါဘူး။ လွတ်နေပြီး လျှောကျလုဆဲဆဲပညာရေးကို ကျွန်မလည်း ဘာမှမတတ်နိုင်ဘူးဆိုပြီး လက်ပိုက်ကြည့် လိုက်တော့ အစိုးရဟောင်း ပြုတ်လုလုမှာ သောက်သောက်လဲအမှားတွေနဲ့ ပညာရေးလောကကနေ အစိုးရ ဟောင်းသရုပ်ကို ထုတ်ဖော်ပြသွားတယ်လို့သာ မြင်မိကြောင်းပါခင်ဗျာ။

၂၉.၂.၂၀၁၆
Tin Nyunt

မနေ့က ဘင်္ဂလားဒေ့ရှ် သတင်းစာ Dhaka Tribune မှာပါတဲ့ သတင်းကတော့ မြန်မာပြည်သူ တွေရဲ့ ဘ၀ တိုးတက်ကောင်းမွန်လာရေး အတွက် ရခိုင်မှာ ဖွံ့ဖြိုးရေး စီမံကိန်းတွေ လုပ်ဘို့ ဘင်္ဂလားဒေ့ရှ် အစိုးရက ငွေ ထုတ်ချေးခြင်ပါတယ်တဲ့၊

မြန်မာ အလုပ်သမားတွေ အလုပ်ရဘို့ အထည်ချုပ် စက်ရုံတွေ နယ်စပ်မှာ လာတည်ပေးချင်ပါတယ်လို့လည်း ကမ်းလှမ်းပါတယ်။

မြန်မာ ကျောင်းသား တွေ ပညာ ရေး တိုးတက်ဘို့ ဒါကါးရှိ ဆေးကောလိပ် နဲ့ တက္ကသိုလ်ကြီးတွေမှာ ပညာသင်ကြားခွင့် ရအောင် စကော်လားရှစ် ပေးပါရစေ ဆိုပြန်ပါတယ်။

ဒါတင်မကသေးဘူး ရခိုင်ပြည်နယ်မှာ ရေအားလျပ်စစ် ထုတ်လုပ်နိူင်ဘို့ ဆည်ကြီးတွေ ဆောက်ဘို့ စီမံကိန်းတွေ အဆိုပြုပြီး ရန်ကုန် ကို တိုက်ရိုက်ရောင်းမယ့် အစား ဘင်္ဂလားဒေ့ရ်ှကို တင်ပို့ရင် အမြတ်များများ ကျန်နိူင်တဲ့ အကြောင်းလည်း မြန်မာ အစိုးရကို အကြောင်းကြားထားပါတယ်တဲ့ ခံဗျာ၊

မြန်မာ အစိုးရက အကြောင်းပြန်ခြင်း မရှိသေးပါဘူးတဲ့၊ ပြောသေးတယ် ခင်ဗျ၊ မြန်မာ အောက်လွှတ်တော်မှာ နေရာ ၁၁၀ နဲ့ အထက်လွှတ်တော်မှာ နေရာ ၅၆ နေရာကို စစ်တပ် အတွက် ဖယ်ထားပေးရတယ်ဆိုတာ သူတို့ သိနေပါတယ်တဲ့။ (ဒါကား မြို့လယ်ခေါင် မြင်ကွင်းကို ပုံတွင် တွေ့ရစဉ်)

နောက်တချက် က လူဦးရေ (၅) သန်း ကျော်မျှ နေထိုင်တဲ့ ရန်ကုန် မြို့ ဗိုလ်စိန်မှန် ကွင်းမှာ ကျင်းပတဲ့ ၅၉(စ) မပြင်ဆင်ရေး ထောက်ခံတဲ့ပွဲကို ပြည်သူတွေရဲ့ ယုံကြည်ကိုးစားမှုကို နှမ်းတစိမျတောင် မရရှာကြတဲ့ ကြံ့ခိုင်ဖွံ့ဖြိုးရေးပါတီဝင်တွေ၊ တိုင်းရင်းသား စည်းလုံးညီညွတ်ရေး ပါတီ၊ အမျိုးသား ဒီမိုကရေစီ အင်အားစုပါတီ စတဲ့ပါတီတွေက ဦးဆောင်ကျင်းပရာမှာ လူ ဦးရေ (၃၀၀) ခန့် တက်ရောက်လာတယ်လို့ သိရပြီး ပြင်ဘို့ လုပ်ရင် စစ်တပ်က အာဏာသိမ်းမယ်ဆိုတဲ့ စကား နဲ့ ခြိမ်းခြောက် ပြောဆိုခဲ့ပါတယ်။

တန်ပြန် ဆန္ဒပြပွဲတွေ ဖြစ်ပေါ်အောင် တမင်တကာ ဆွပေးတဲ့ သဘောရှိနေတာကိုလည်း သတိပြုမိဘို့ လိုပါတယ်။

စစ်တပ်ကတော့ သူတို့ပြောသလို အာဏာသိမ်းဘို့ နေနေသာသာ ၎င်းတို့လက်ရှိ စစ်ရေး လေ့ကျင့်ရာ ခေါင်းပေါ်က ဖြတ်ပျံသွားတဲ့ တိုက်လေယာဉ်တွေကို တအားမြန်တဲ့ လေယာဉ်ကြီးတွေဟု ပြောဆိုနိူင်ယုံမျှတပါး ဘာမှန်းတောင် မသိလိုက် ဖြစ်ခဲ့ကြပါတယ်။

သို့ပေမယ့် ထူးချွန်သည့် အရာများကိုကား ဤနေရာတွင် ချန်လှပ်၍ကား မသင့်ပေ၊ ပြီးခဲ့တဲ့ ရွေးကောက်ပွဲ မကျင်းပမြီ တလ အလိုမှာ မြန်မာ သတင်း ၀က်ဆိုဒ်တွေ ဖြစ်တဲ့ ဧရာဝတီ၊ DVB, 7 days News, Eleven daily တွေကို အတိုက်ခိုက် ခံရတဲ့ ကိစ္စကို အဆိုပါ သတင်းဌာနများရဲ့ host ဖြစ်တဲ့ ဆွီဒင် အခြေစိုက် Unleashed Research Lab မှ ၃ လကျော် စုံစမ်းစစ်ဆေးမှုအရ Union of Hacktivists လို့အမည်ပေးထားတဲ့ အဖွဲ့ရဲ့ လက်ချက်ဖြစ်ပြီး ကာကွယ်ရေး ၀န်ကြီးဌာနရဲ့ ကွန်ပြူတာဌာန (Defense Services Computer Directorate (DSCD) ရဲ့ Proxy server ကို အသုံးပြုခဲ့တယ်လို့ ထုတ်ဖေါ်ပြောကြားလိုက်ပါတယ်။ ဦးရဲထွဋ်ကတော့ ဒီသတင်းနဲ့ ပါတ်သက်ပြီး မြန်မာတပ်မတော်ကို နင်းကန် အထင်ကြီးမှုသာ ဖြစ်တယ်လို့ ပြန်လည် ချေပ ပြောဆိုသွားပါတယ်။

HSW
BrainWave ဉာဏ်လှိုင်း

ပြည်ခိုင်းဖြိုး လွှတ်တော်ကိုယ်စားလှယ် သုံးဦးဖြစ်သည့် မိတ္ထီလာမြို့နယ် မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါက်တာမောင်သင်း၊ ကျိုင်းတုံ မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးစတီဖန်နှင့် ဖာပွန်မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးစောထွန်းမြအောင်တို့ ဖေဖော်ဝါရီ ၂၆ ရက်တွင် လွှတ်တော်၌ ဆွေးနွေးနေစဉ်

ဖေဖော်ဝါရီ ၂၆ ရက် ပြည်သူ့လွှတ်တော် အစည်းအဝေးမှာ အမျိုးသား ဒီမိုကရေစီ အဖွဲ့ချုပ် (NLD) ပါတီ ပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်ရဲ့ အရေးကြီး အဆိုကို ဆွေးနွေးခဲ့ကြပါတယ်။

ဒေါ်ခင်စန်းလှိုင်ရဲ့ အရေးကြီး အဆိုက “နိုင်ငံတော်အစိုးရက ရွေးကောက်ပွဲအပြီး နောက်ပိုင်း ဆောင်ရွက်နေသော နိုင်ငံပိုင်မြေ၊ နိုင်ငံတော် စီးပွားရေး လုပ်ငန်းများကို အလျင်စလို ငှားရမ်း၊ ရောင်းချ၊ လွှဲပြောင်းမှု၊ ပုဂ္ဂလိကပိုင် ပြုလုပ်မှု၊ နိုင်ငံပိုင် စီမံကိန်းများကို နေရာတကျ စီမံခြင်း မပြုဘဲ အဆောတလျင် ခွင့်ပြုနေမှု၊ ကျူးကျော်များကို အဓမ္မ ဖယ်ရှားမှု၊ နိုင်ငံပိုင် သယံဇာတများကို လိုအပ်သော ဆောင်ရွက်မှုများ သဘောတူ ညှိနှိုင်းမှု မပြုလုပ်ဘဲ အစိုးရ တာဝန် မလွှဲပြောင်းမီ အလျင်အမြန် စီမံခန့်ခွဲမှု စသည်တို့ကို နိုင်ငံတော်နှင့် နိုင်ငံသားတို့ အကျိုးအတွက် အသေးစိတ် ဟန့်တား၍ ထိန်းကျောင်း တည့်မတ်ပေးရန် ပြည်ထောင်စု အစိုးရ အဖွဲ့အား တိုက်တွန်းကြောင်း” ဖြစ်ပါတယ်။

ဒီအဆိုဟာ အခုချိန်မှာ တင်သင့် တင်ထိုက်တဲ့ အဆိုတစ်ရပ် ဖြစ်ပါတယ်။ ဖြစ်နေတဲ့ အခြေအနေတွေနဲ့ နှိုင်းယှဉ်ရင်လည်း အဆို တင်သွင်းမှုဟာ နောက်ကျသလို ဖြစ်ခဲ့ပါတယ်။ နောက်ကျသလို ဖြစ်ခဲ့ပေမယ့် အချိန်မီ တင်နိုင်ခဲ့ပါတယ်။


■ အရေးကြီး အဆိုမှာ ဘာတွေပါလဲ

ဒေါ်ခင်စန်းလှိုင်က သူ့အဆိုကို လွှတ်တော်တင်တဲ့အခါ လက်ချိုးရေလို့ ရတဲ့ ပမာဏလောက်ကိုပဲ ဥပမာ ပေးပါတယ်။ ဖြစ်ပျက်နေသမျှ အားလုံးကို မပြောသေးပါဘူး။

ရွေးကောက်ပွဲ အပြီး နောက် အစိုးရကို တာဝန် မလွှဲမီ ကာလ ကြားထဲမှာ ရန်ကုန်ဆေးရုံကြီး အနီးက ကျန်းမာရေး ၀န်ကြီးဌာနပိုင် နိုင်ငံပိုင်မြေ ၄ ဒသမ ၄ ဧကပေါ်မှာ စင်ကာပူ ဆေးရုံ တစ်ခုကို အသုံးပြုခွင့် ပေးခဲ့တယ်။ ဖျက်သိမ်း ခံလိုက်ရတဲ့ ဒဂုံစီးတီး စီမံကိန်းက ကုမ္ပဏီ တစ်ခုကို ကမ္ဘာအေး ဘုရားလမ်းပေါ်မှာ ရှိတဲ့ သိပ္ပံနှင့် နည်းပညာ ၀န်ကြီးဌာနပိုင် မြေကို အစားထိုး ပေးခဲ့တယ်။

နိုင်ငံရဲ့ ရှားပါး သယံဇာတ တစ်ခုဖြစ်တဲ့ Spectrum ကြိမ်နှုန်း ၂၆၀၀ MHz ကို မတ်လ မတိုင်မီမှာ လေလံတင် ရောင်းချဖို့ လုပ်နေတယ်။

သံလွင်မြစ်ရိုး တစ်လျှောက်မှာ အငြင်းပွားဖွယ် ရေကာတာ ၁၈ ခုကို သဘောတူ လက်မှတ် ရေးထိုးခဲ့တယ်လို့ သတင်းတွေ ထွက်နေတယ်။ ဒါ့အပြင် အထက် ကျိုင်းတောင်း ရေအားလျှပ်စစ် စီမံကိန်းက လုပ်ငန်း အချို့ကို တင်ဒါ မခေဘဲ လျှပ်စစ်စွမ်းအား ၀န်ကြီးဋ္ဌာနက ပေးအပ်ခဲ့တယ်။

စွမ်းအင် ၀န်ကြီးဋ္ဌာနကလည်း စက်သုံးဆီဆိုင် ၇၀ နဲ့ အခြား လုပ်ငန်းတွေကို လွှဲပြောင်း ပေးနေတယ်။ ပြင်ဦးလွင် အမျိုးသား ကန်တော်ကြီး ဥယျာဉ်မှာ ရှိတဲ့ ရေဝေရေလဲ ဒေသ သဘာဝ သစ်တော ကြားခံဇုန်မြေ ဧရိယာ ၂၇၂ ဒသမ ၁၅ ဧကကို စက်မှုဇုန် မြေဂရန် ချပေးဖို့ စီစဉ်တာ အပြင် ရန်ကုန်မြို့သစ် စီမံကိန်းလို လုပ်ငန်းတွေကိုလည်း အဆောတလျင် စတင်နိုင်ဖို့ လုပ်ဆောင်နေတယ်။

နိုင်ငံ အနှံ့မှာ ကျုးကျော်တွေ ဖယ်ရှား ခံနေရသလို တညင်းကုန်း အုတ်စက်ရုံ အလုပ်သမားတွေ နှင်ထုတ်ခံနေရတယ်။

စုံစမ်း စစ်ဆေးရေး အစီရင်ခံစာ အပေါ် မှန်ကန်တဲ့ လိုက်နာမှု မရှိဘဲ လက်ပံတောင်းတောင် စီမံကိန်းကနေ သတ္တုရိုင်း တူးဖော်မှုကို မေလမှာ စတင်ထုတ်ဖော်ဖို့ စီစဉ်နေတာတွေ အပြင် EIA၊ SIA ပြုလုပ်တာတွေ မကြားရဘဲ မဂ္ဂါဝပ် ၅၀၀ ကျော်ရှိတဲ့ ကျောက်မီးသွေး ဓာတ်အားပေး စက်ရုံတွေ တည်ဆောက်ဖို့ စာချုပ် ချုပ်ဆိုခဲ့တာတွေ ရှိနေတယ်။

ဒါတွေကိုပဲ ဒေါ်ခင်စန်းလှိုင်ရဲ့ အရေးကြီး အဆိုမှာ ဥပမာပြု ထည့်သွင်းခဲ့တာပါ။ အဆိုကို ဖေဖော်ဝါရီ ၂၅ ရက်မှာ ပြည်သူ့လွှတ်တော်ကို တင်ခဲ့ပြီး ဖေဖော်ဝါရီ ၂၆ ရက်မှာ ဆွေးနွေးကြပါတယ်။


■ ခုခံ ချေပကြသူများ

ဒေါ်ခင်စန်းလှိုင်ရဲ့ အဆိုကို ပြည်သူ့လွှတ်တော်မှာ ဆွေးနွေးကြတဲ့အခါ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ပြည်ခိုင်ဖြိုး) ပြည်သူ့လွှတ်တော် ကိုယ်စားလှယ် သုံးဦးက ခုခံ ချေပပါတယ်။ လက်ပံတောင်းတောင် စီမံကိန်း ကိစ္စကို ပြောချိန်မှာလည်း ရွေးကောက်ခံ မဟုတ်တဲ့ တပ်မတော်သား လွှတ်တော်ကိုယ်စားလှယ် ၂၅ ရာခိုင်နှုန်းက မတ်တတ်ရပ် ကန့်ကွက်ခဲ့ပါတယ်။

ခုခံချေပသူ သုံးဦးရဲ့ ရပ်တည်ချက်နဲ့ တပ်မတော်သား လွှတ်တော်ကိုယ်စားလှယ်တွေရဲ့ ကန့်ကွက်မှုပုံစံ တူညီမှု မရှိပါဘူး။

စတုတ္တရာ မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးကျော်အောင်လွင်က ဒေါ်ခင်စန်းလှိုင်ရဲ့ အဆိုကို ထောက်ခံပြီး ဆွေးနွေးတဲ့အခါ လက်ပံတောင်းတောင် ကြေးနီစီမံကိန်း ကိစ္စနဲ့ ကပစ(၂၀) က သိမ်းယူထားတဲ့ မြေဧက ၆၀၀၀၀ ကျော် ကိစ္စတို့ ပါဝင်ခဲ့ပါတယ်။

အဲဒီအကြောင်း ဆွေးနွေးနေတုန်းမှာပဲ တပ်မတော်သား ကိုယ်စားလှယ်တွေက မတ်တတ်ရပ်ပြီး ကန့်ကွက်ခဲ့ကြတာပါ။

တပ်မတော်သား လွှတ်တော်ကိုယ်စားလှယ်တွေက လက်ပံတောင်းတောင် ကိစ္စနဲ့ ပတ်သက်ပြီး အခုလို ကန့်ကွက်လိုက်ခြင်းက ပြည်သူကြားမှာ ဝေဖန်စရာ ဖြစ်ခဲ့ပါတယ်။

ဒါပေမဲ့ တပ်မတော်သား ကိုယ်စားလှယ်တွေကတော့ ဆွေးနွေးပွဲနေ့မှာ မတ်တတ်ရပ် ကန့်ကွက်ခဲ့တဲ့အပြင် ကန့်ကွက်လွှာ တင်သွင်းပြီးလည်း ကန့်ကွက်ခဲ့ကြပါတယ်။

သူတို့ရဲ့ ကန့်ကွက်လွှာမှာ “လက်ပံတောင်းတောင် စီမံကိန်းနှင့် ကပစ (၂၀) ၏ တပ်မြေကိစ္စများကို ဆွေးနွေးခြင်းသည် မြန်မာ့စီးပွားရေး ဦးပိုင်လီမိတက်နှင့် တပ်မတော်တို့၏ ဥပဒေနှင့်အညီ လုပ်ဆောင်ချက်များအပေါ် ပြည်သူလူထု အနေဖြင့် အထင်အမြင် လွဲမှားမှု ဖြစ်စေနိုင်ခြင်း” ဆိုတဲ့ အချက် ပါဝင်ခဲ့ပါတယ်။

၂၀၀၈ ခုနှစ် ဖွဲ့စည်းပုံ အခြေခံဥပဒေ နိုင်ငံတော် အခြေခံမူများ အခန်းပုဒ်မ ၂၀ မှာ တပ်မတော်နဲ့ ပတ်သက်ပြီး အချက်ခြောက်ချက် ဖော်ပြထားပါတယ်။ ဒီထဲမှာ လုပ်ပိုင်ခွင့် တာဝန်နှစ်ရပ် ပါဝင်ပါတယ်။

ပထမ တာဝန်က ပုဒ်မ ၂၀ (င) မှာ ဖော်ပြတဲ့ “ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေးနှင့် အချုပ်အခြာ အာဏာ တည်တံ့ခိုင်မြဲရေးတို့ကို ကာကွယ်စောင့်ရှောက်ရန် တပ်မတော်တွင် အဓိက တာဝန်ရှိသည်” လို့ ဆိုထားပြီး ဒုတိယ တာဝန်က ပုဒ်မ ၂၀(စ) မှာ ဖော်ပြထားတဲ့ “တပ်မတော်သည် နိုင်ငံတော် ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ရန် အဓိက တာဝန်ရှိသည်” ဆိုတဲ့ အချက် ဖြစ်ပါတယ်။ တပ်မတော်သားတွေရဲ့ ကန့်ကွက်မှုဟာ ဒီနှစ်ချက်နဲ့ ကိုက်ညီပြီး ပြည်သူ့ အကျိုးစီးပွားနဲ့ တိုက်ရိုက် သက်ဆိုင်မယ် ဆိုရင် ပြည်သူတွေက လက်ခံကြမှာ ဖြစ်ပါတယ်။

ဖေဖော်ဝါရီ ၂၆ ရက် လွှတ်တော် အစည်းအဝေးမှာ NLD ပြည်သူ့လွှတ်တော် ကိုယ်စားလှယ် ကိုးဦးက အရေးကြီး အဆိုကို ထောက်ခံပြီး အချက်အလက်များဖြင့် အားဖြည့် ဆွေးနွေးခဲ့ပါတယ်။

ခုခံ ချေပခဲ့တဲ့ ပြည်ခိုင်ဖြိုးပါတီ ကိုယ်စားလှယ် သုံးဦးက မိထ္ထီလာ မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါက်တာမောင်သင်း၊ ကျိုင်းတုံမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးစတီဖန်၊ ဖာပွန်မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးစောထွန်းမြအောင်တို့ ဖြစ်ပါတယ်။

အဲဒီ သုံးဦးရဲ့ ခုခံ ချေပချက်တွေကို ကြည့်ရင် အချက် သုံးချက်ကို အဓိက တွေ့ရပါတယ်။

ပထမ အချက်က ဒေါ်ခင်စန်းလှိုင်ရဲ့ အရေးကြီး အဆိုဟာ ကြောင်းကျိုးပြမှု အားနည်းပြီး အုပ်ချုပ်ရေး အစိုးရရဲ့ လုပ်ထုံးလုပ်နည်းတွေကို နားလည်သိရှိခြင်း မရှိဘူးလို့ ဆိုလိုချင်တာ ဖြစ်ပါတယ်။

ဒုတိယ အချက်က အရေးကြီး အဆိုဟာ လွှတ်တော်မှာ ဆွေးနွေးရမှာထက် တာဝန်လွှဲပြောင်းမှု အထောက်အကူပြု အဖွဲ့ချင်း ညှိနှိုင်းမေးမြန်းတဲ့ကိစ္စ ဖြစ်သင့်တယ်လို့ ဆိုပါတယ်။ လွှတ်တော်မှာ တင်သွင်း ဆွေးနွေးစေခြင်းအပေါ် မေးခွန်းထုတ်လိုခြင်းပါ။

တတိယ အချက်က အရေးကြီး အဆိုကြောင့် အမျိုးသား ပြန်လည်သင့်မြတ်ရေး ထိခိုက်နိုင်တယ်ဆိုတဲ့ ကိစ္စ ဖြစ်ပါတယ်။

သူတို့ရဲ့ ခုခံချေပချက် သုံးခုထဲက ပထမ အချက်ကို မူလ အဆိုရှင် ဒေါ်ခင်စန်းလှိုင်က ပြန်ပြီး ချေပခဲ့ပါတယ်။ ဒုတိယ အချက်ကို ပြည်သူ့လွှတ်တော် ဥက္ကဋ္ဌ ဦးဝင်းမြင့် ဥပဒေ အထောက်အထားနဲ့ လွှတ်တော် ကိုယ်စားလှယ်တွေ သိဖို့ ပြန်ပြောခဲ့ပါတယ်။ တတိယ အချက်က အရေးကြီးဆုံးဖြစ်ပြီး ဒီပြောဆိုမှုကို လက်ခံရမယ့် အခြေအနေ မဟုတ်ပါဘူး။


■ အမျိုးသား ပြန်လည်သင့်မြတ်ရေးနဲ့ မသက်ဆိုင်

ဒေါ်ခင်စန်းလှိုင်ရဲ့ အရေးကြီး အဆိုကြောင့် အမျိုးသား ပြန်လည် သင့်မြတ်ရေးကို ထိခိုက်နိုင်တယ်လို့ ပြောစရာ မလိုပါဘူး။

အမျိုးသားပြန်လည် သင့်မြတ်ရေးမှာ မူဘောင်တွေ ရှိပါတယ်။ ဒါကို ခုတုံးလုပ်ပြီး လုပ်ချင်ရာလုပ်ခွင့် ပေးမထားပါဘူး။

အရေးကြီး အဆိုမှာ ဖော်ပြခဲ့တဲ့ အချက်တွေက စကားလုံးအားဖြင့် သက်ညှာစွာ ပြောဆိုခဲ့တာပါ။ လက်ရှိ အစိုးရက သဘောရိုးနဲ့ လုပ်ခဲ့တာ ဖြစ်တယ်၊ စီမံခန့်ခွဲမှု အမှားကြောင့် ဖြစ်ခဲ့တယ် ဆိုရင် အချိန်မီ ပြင်နိုင်ဖို့ သတိပေးခဲ့တာပါ။ မဟုတ်ဘူးဆိုရင် တာဝန် မလွှဲပြောင်းမီ အလျင်စလို လုပ်ဆောင်နေတာတွေဟာ လာဘ်ပေး လာဘ်ယူမှု၊ အဂတိ လိုက်စားမှုနဲ့ ဆက်နွှယ် ပတ်သက်မှု ရှိတယ်ဆိုတဲ့ စွပ်စွဲချက်အထိ ရောက်နိုင်ပါတယ်။

လက်ရှိ အစိုးရ အဖွဲ့ရဲ့ ဖြေရှင်းပုံ နည်းလမ်းအရ ဆိုရင်လည်း အဂတိ လိုက်စားမှု ရှိတယ်ဆိုတဲ့ စွပ်စွဲချက် ဖြစ်အောင် တွန်းပို့သလို ဖြစ်နေပါတယ်။ အရေးကြီး အဆိုနဲ့ ပတ်သက်ပြီး ပြန်လည်ဖြေကြားဖို့ သက်ဆိုင်ရာ ၀န်ကြီးဋ္ဌာန ၁၄ ခုကို ပြည်သူ့လွှတ်တော်က ဖိတ်ကြားခဲ့ပါတယ်။ လာရောက်ခြင်း မရှိပါဘူး။

တစ်ချိန်တည်းမှာပဲ သမ္မတ ဦးသိန်းစိန်ရဲ့ ပြောရေးဆိုခွင့်ရှိသူ၊ ပြန်ကြားရေး ၀န်ကြီးဋ္ဌာန ပြည်ထောင်စုဝန်ကြီး ဦးရဲထွဋ်က သမ္မတနဲ့ အစိုးရ အဖွဲ့ဟာ ပထမအကြိမ် ပြည်ထောင်စု လွှတ်တော်ကိုပဲ တာဝန်ခံရမယ်၊ ဒုတိယအကြိမ် ပြည်ထောင်စု လွှတ်တော်ကို တာဝန်ခံဖို့ ဆိုတာ ဖွဲ့စည်းပုံ အခြေခံ ဥပဒေအရ ပြန်သုံးသပ်ရမယ်၊ ဒီအတွက် ဒုတိယအကြိမ် လွှတ်တော် အစည်းအဝေးတွေမှာ လက်ရှိ အစိုးရ တာဝန်ရှိသူတွေ တက်ရောက် ဆွေးနွေးခြင်းကို ဆိုင်းငံ့ထားတယ်လို့ အရေးကြီး အဆို ဆွေးနွေးမယ့် နေ့မှာပဲ နိုင်ငံပိုင် သတင်းစာတွေကနေ တရားဝင် ထုတ်ပြောပါတယ်။

ပြည်ထောင်စု အစိုးရက ပြည်သူ့လွှတ်တော် ဥက္ကဋ္ဌ ဦးဝင်းမြင့်ဆီ ပို့တဲ့ အကြောင်းကြားစာမှာ ဖော်ပြချက်က ဦးရဲထွဋ် ပြောပုံနဲ့ မတူပါဘူး။

အရေးကြီး အဆိုပါ အကြောင်း ကိစ္စရပ်တွေကို ဒုတိယအကြိမ် ပြည်သူ့လွှတ်တော် အစည်းအဝေးမှာ ဆွေးနွေးဖို့ သင့်၊ မသင့် ကျယ်ကျယ်ပြန့်ပြန့် စဉ်းစားသုံးသပ်ဖို့ လိုတယ်၊ လက်ရှိ အခြေအနေမှာ အစိုးရ အဖွဲ့သစ်ကို လုပ်ငန်းတာဝန်တွေ စနစ်တကျ လွှဲပြောင်းဖို့ ဆောင်ရွက်နေတဲ့ အတွက် အရေးကြီး အဆိုကို ဖြေရှင်း ဆွေးနွေးဖို့ ကျယ်ကျယ်ပြန့်ပြန့် လေ့လာစရာ အချိန် လိုအပ်တာကြောင့် သက်ဆိုင်ရာ ၀န်ကြီးဋ္ဌာနတွေကို အချိန်မီ စေလွှတ်ပေးနိုင်ခြင်း မရှိဘူးလို့ ပြည်ထောင်စု အစိုးရအဖွဲ့က လွှတ်တော်ကို စာပို့ခဲ့တာပါ။

ပြည်သူ့လွှတ်တော်က သူ့ အလုပ် သူ လုပ်ကြောင်းကို ဥပဒေ အထောက်အထားနဲ့ ဖော်ပြခဲ့ပါတယ်။ အစိုးရ အဖွဲ့က အကြောင်းပြချက်ရှာပြီး လွှတ်တော်မှာ လာရောက်ဖြေဆိုဖို့ ရှောင်လွှဲခဲ့ပါတယ်။ ဒီအချိန်မှာပဲ ပြည်ခိုင်ဖြိုး ပါတီ ပြည်သူ့လွှတ်တော် ကိုယ်စားလှယ် သုံးဦးက အရေးကြီး အဆိုကို ခုခံ ချေပရင်း အဆိုကြောင့် အမျိုးသား ပြန်လည် သင့်မြတ်ရေး ထိခိုက်မယ် ဆိုတဲ့ လမ်းကြောင်း တစ်ခုပေါ်ကို တွန်းပို့ပါတယ်။

ဒါဟာ အဂတိ တရားနဲ့ သက်ဆိုင်နေနိုင်တဲ့ ကိစ္စတွေကို အမျိုးသား ပြန်လည် သင့်မြတ်ရေး ခေါင်းစဉ်အောက်ထဲ တွန်းပို့ ချင်တာပါပဲ။ အမျိုးသား ပြန်လည် သင့်မြတ်ရေးကို ငဲ့ညှာပြီး အဂတိ လိုက်စားမှု ရှိနေနိုင်တာတွေကို ခွင့်ပြုရမယ် ဆိုတာ ဘယ်လိုမှ အဓိပ္ပာယ် မရှိပါဘူး။


■ ပွင့်လင်း မြင်သာခြင်း မရှိခြင်း

လွှတ်တော်က အရေးကြီးအဆို တင်ချိန်မှာ အစိုးရဘက်ရဲ့ တုံ့ပြန့်မှုဟာ ပွင့်လင်းမြင်သာမှု မရှိပါဘူး။ ပွင့်လင်းမြင်သာမှု (transparency) ဆိုတာ ရိုးဖြောင့် မှန်ကန်မှု (honesty) နဲ့ သက်ဆိုင်ပါတယ်။ ပွင့်လင်းမြင်သာမှု မရှိရင် ရိုးဖြောင့် မှန်ကန်မှု မရှိဘူးလို့ပဲ ပြောရမှာပါ။

ဒေါ်ခင်စန်းလှိုင်ရဲ့ အရေးကြီး အဆိုမှာ ပါဝင်တဲ့ ဥပမာပေး ထောက်ပြချက်တွေကို အစိုးရက လွှတ်တော်မှာ လာမရှင်းခဲ့ပါဘူး။ ဒါဟာ ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်ကို ချိုးဖောက်တဲ့အထိ ဖြစ်နိုင်ပါတယ်။

နောက်တစ်ပိုင်းက လွှတ်တော်ရဲ့ တည်ရှိမှုကို မျက်ကွယ်ပြုပြီး နိုင်ငံပိုင် သတင်းစာတွေကတစ်ဆင့် ကိုယ်ပြောချင်တာကိုပဲ ထုတ်ပြန်တာ ဖြစ်ပါတယ်။ သတင်းစာကနေ ပြန်ရှင်းတာပဲလို့ ရှောင်လွှဲပြောလို့ ရပေမယ့် ဒါဟာ မှန်ကန်တဲ့ လုပ်နည်းလုပ်ဟန် မဟုတ်ပါဘူး။

ဒါပေမဲ့ သူတို့ရဲ့ သတင်းစာပါ ထုတ်ပြောချက်တွေကို အခြေတည်ပြီး မေးခွန်း ထုတ်ချင်ပါတယ်။

ပထမ မေးခွန်း ထုတ်ချင်တာက ရန်ကုန်ဆေးရုံကြီး အနီး ကျန်းမာရေး ၀န်ကြီးဋ္ဌာနပိုင် မြေ၊ နိုင်ငံပိုင် မြေပေါ်မှာ Parkway ဆေးရုံ စီမံကိန်း ကိစ္စ ဖြစ်ပါတယ်။ ဒါကို မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) အတွင်းရေးမှူး ဦးအောင်နိုင်ဦးက ဖေဖော်ဝါရီ ၂၆ ရက်ထုတ် နိုင်ငံပိုင် သတင်းစာတွေကတစ်ဆင့် ပြန်ရှင်းပါတယ်။ ဒီရှင်းလင်းချက်တွေအတွက် ဦးအောင်နိုင်ဦးမှာ တာဝန် ရှိသွားပါပြီ။

ဦးအောင်နိုင်ဦးရဲ့ ဖြေရှင်းချက်မှာ လုပ်ထုံးလုပ်နည်း အဆင့်ဆင့်နဲ့ စိစစ် လုပ်ဆောင်ခဲ့တယ် ဆိုပြီး ကာကွယ်ခဲ့ပါတယ်။

ဒါပေမဲ့ ဒီစီမံကိန်းနဲ့ ပတ်သက်ပြီး ပြည်သူတွေ ဘာမှ မသိခဲ့ကြရပါဘူး။ စီမံကိန်း စတင်တော့မှ ပြည်သူတွေ သိခဲ့ပါတယ်။ ကန့်ကွက်ခဲ့ကြပါတယ်။ နိုင်ငံနဲ့ ပြည်သူ နစ်နာမှု ဖြစ်စေတဲ့ အတွက် ကန့်ကွက်ကြတာ ဖြစ်ပါတယ်။

ပြည်သူ့ ကျန်းမာရေး အတွက် အထောက်အကူ ဖြစ်မယ့် မြေနေရာ တစ်ခု၊ အခြေခံ လူတန်းစား ပြည်သူတွေ အားထားတဲ့ ရန်ကုန်ဆေးရုံကြီး အနီးမှာ စင်ကာပူတင် မက အရှေ့တောင် အာရှမှာပါ ဈေးအကြီးဆုံး ဖြစ်တဲ့ Mount Elizabeth ဆေးရုံနဲ့ ဆက်စပ်တဲ့ Parkway ကို ဘာကြောင့် လုပ်ခွင့်ပေးခဲ့တာလဲ။ အကြီးအကဲ ကိုယ်တိုင်က ရွေးချယ် ခွင့်ပြုခဲ့တယ် ဆိုရင် ဘယ်အကြီးအကဲက ရွေးချယ် ပေးခဲ့တာလဲ။ နာမည်နဲ့ ထုတ်ပြောရပါမယ်။

နောက်ပြီး ဒီဆေးရုံ စီမံကိန်း နောက်ကွယ်မှာ ဘယ်သူတွေက အမှန်တကယ် ရင်းနှီး မြှုပ်နှံမှာလဲ။ ဒါတွေကို တရားဝင် ဖြေကြားရပါလိမ့်မယ်။ ဦးအောင်နိုင်ဦးရဲ့ ဖြေကြားချက်မှာ ဘယ်သူတွေက ဘယ်လိုနည်းနဲ့ ရင်းနှီးမြှုပ်နှံတယ် ဆိုတဲ့ အချက် ပါဝင်ခြင်း မရှိပါဘူး။

နောက် တစ်ခုက အဲဒီ နေရာနဲ့ ဆက်စပ်တဲ့ မြေနေရာမှာပဲ ပြည်သူ့ဆေးရုံသစ် တစ်ခုကို ဗြိတိန်နိုင်ငံ အကူအညီနဲ့ တည်ဆောက်ဖို့ NLD ပါတီ ဥက္ကဋ္ဌ ဒေါ်အောင်ဆန်းစုကြည်က ၂၀၁၃ ခုနှစ်မှာ ဆွေးနွေးဖူးပါတယ်။ ဖြစ်မလာသေးပေမယ့် ဒီနေရာဟာ အများပြည်သူနဲ့ သက်ဆိုင်တဲ့ ပြည်သူ့ဆေးရုံ၊ ပြည်သူ့ကျန်းမာရေး စနစ်ကို အထောက်အကူ ပြုနိုင်မယ့် သင်ကြားရေးဆေးရုံ တည်ဆောက်တဲ့ နေရာသာ ဖြစ်ရပါမယ်။

လက်တစ်ဆုပ်စာ လူတန်းစား တစ်ရပ်အတွက် အထောက်အကူပြုပြီး ခရိုနီတွေနဲ့ အခွင့်ထူးခံတွေ အတွက် တည်ဆောက်တဲ့ ဆေးရုံ မဖြစ်ရပါဘူး။ ဒီလို မဟုတ်ဘူး ဆိုရင် အခု တည်ဆောက်မယ် ဆိုတဲ့ Parkway ဆေးရုံက ငွေကြေး ချို့တဲ့တဲ့ အခြေခံ လူတန်းစား ပြည်သူတွေကို အခမဲ့ ကုသပေးမှာလား၊ ဆေးကုသစရိတ်ကို ပြည်တွင်းမှာ ရှိနေတဲ့ ပုဂ္ဂလိ ဆေးရုံတွေ အတိုင်း သတ်မှတ်မှာလား၊ ဒေါ်လာနဲ့ ယူမှာလား ဒါတွေကို ပြန်ဖြေရပါလိမ့်မယ်။

ပြည်သူနဲ့ ပတ်သက်တာပဲ လုပ်ရမယ့် နိုင်ငံပိုင် မြေပေါ်မှာ လူ့သက်တမ်း တစ်ခုစာ (နှစ် ၅၀+၁၀+၁၀ = နှစ် ၇၀) ပိုင်ဆိုင်ခွင့် ပေးလိုက်တာကို အပြီးပေးလိုက်တာ မဟုတ်ဘူး၊ နှစ် ၅၀ ငှားရမ်းတယ် ပြောတာဟာ သဘာဝ မကျပါဘူး။

ဒါ့အပြင် အဲဒီ ဆေးရုံ စီမံကိန်း ကိုပန်းလှိုင်ဆေးရုံ ပုံစံနဲ့လည်း နှိုင်းယှဉ်ပြောလို့ မရပါဘူး။ အများပြည်သူနဲ့ သက်ဆိုင်ခြင်း မရှိဘဲ နိုင်ငံပိုင်မြေ မဟုတ်တဲ့ ပုဂ္ဂလိကပိုင် မြေပေါ်မှာ လုပ်မယ်၊ ရန်ကုန်ဆေးရုံကြီး အနီး မြို့တွင်း အချက်အချာ နေရာ မဟုတ်ဘဲ ပန်းလှိုင်ဆေးရုံတို့၊ ပင်လုံ ဆေးရုံတို့လို မြို့တွင်းနဲ့ အလှမ်းဝေးတဲ့ နေရာ တစ်ခုမှာ လုပ်ခွင့်ပေးတယ် ဆိုရင် နှိုင်းယှဉ်လို့ ရပါတယ်။ အခု ရရှိထားတဲ့ ပုံစံနဲ့ မနှိုင်းယှဉ်ပါနဲ့။

သေချာတာက Parkway ဆေးရုံ စီမံကိန်း ခွင့်ပြုချက်ဟာ နိုင်ငံကိုလည်း နစ်နာစေသလို ပြည်သူတွေကိုလည်း နစ်နာစေပါတယ်။ ဒီလို နစ်နာမှု ရှိပါလျက် ခွင့်ပြုတယ်ဆိုရင် တာဝန်ခံရ ပါလိမ့်မယ်။ သမ္မတရုံးက တာဝန်ခံမလား၊ ကျန်းမာရေး ၀န်ကြီးဋ္ဌာန ပြည်ထောင်စုဝန်ကြီး ဒေါက်တာ သန်းအောင် တာဝန်ခံမလား၊ MIC ဥက္ကဋ္ဌ ဦးဇေယျာအောင် တာဝန် ခံမလား။ မေးရပါမယ်။ တစ်ဆက်တည်းမှာပဲ ဒီစီမံကိန်းရဲ့ နောက်ကွယ်မှာ အဂတိ လိုက်စားမှု ရှိ၊ မရှိ ဆိုတာကို စစ်ဆေးရပါမယ်။

ရန်ကုန်မြို့သစ် စီမံကိန်း ကိစ္စလည်း ဒီအတိုင်းပဲ ဖြစ်ပါတယ်။

ကြည့်မြင်တိုင်၊ တွံတေးနဲ့ ဆိပ်ကြီးခနောင်တို မြို့နယ် သုံးခုက မြေဧက ၃၀၀၀၀ ပေါ်မှာ အကောင်အထည် ဖော်မယ့် ရန်ကုန်မြို့သစ် စီမံကိန်းကို ၂၀၁၄ ခုနှစ်မှာ လုပ်ဖို့ ကြိုးစားခဲ့ဖူးပါတယ်။

ဒီစီမံကိန်းနဲ့ ပတ်သက်ပြီး ရန်ကုန်မြို့တော်ဝန် ဦးလှမြင့်က ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေ ကိုယ်စား တိုင်းဒေသကြီး လွှတ်တော်မှာ သ၀ဏ်လွှာဖတ်ပြီး အသိပေးရုံ လုပ်ခဲ့ပါတယ်။ အဲဒီအချိန် မတိုင်ခင် အထိ ပြည်သူတွေဟာ ဒီစီမံကိန်းအကြောင်း ဘာမှ မသိခဲ့ရပါဘူး။ နောက်ပြီး လုပ်ပိုင်ခွင့်ကိုလည်း စီမံကိန်း မကြေညာမီ တစ်နှစ် အလိုကမှ တည်ထောင်ထားတဲ့ မြန်မာ့စေတနာမြို့သစ် အမည်ခံ အများပိုင် ကုမ္ပဏီ တစ်ခုကို ပေးခဲ့ပါတယ်။

အဲဒီ ကုမ္ပဏီရဲ့ မတည် ရင်းနှီးငွေက အမေရိကန်ဒေါ်လာ တစ်ဘီလျံ (ကျပ်ငွေ သန်း ၁၀၀၀)ပဲ ရှိခဲ့ပါတယ်။ မတည် ရင်းနှီးငွေ အမေရိကန် ဒေါ်လာ တစ်ဘီလျံပဲ ရှိတဲ့ ကုမ္ပဏီက အမေရိကန်ဒေါ်လာ ၁၅ ဘီလျံ စီမံကိန်းမှာ ရင်းနှီးမြှုပ်နှံမယ်ဆိုတာ ယုံကြည်စိတ်ချရမှု အပိုင်းမှာ ဘယ်လိုမှ မဖြစ်နိုင်ပါဘူး။ ဒါကြောင့် အဲဒါကို ပြည်သူတွေက လက်မခံဘဲ ကန့်ကွက်ခဲ့ကြပါတယ်။

သတင်းထောက်များ၏ မေးမြန်းနေမှုကို ဖြေကြားနေသော ပုလဲမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်အား ဖေဖော်ဝါရီ ၂၆ ရက်က တွေ့ရစဉ်

ဒီအတွက် စီမံကိန်းကို ယာယီ ရပ်ဆိုင်းခဲ့ပေမယ့် ရန်ကုန်တိုင်းဒေသကြီး အစိုးရက နောက်ဆုတ် မသွားပါဘူး။ တိုင်းဒေသကြီး လွှတ်တော်ကို စီမံကိန်း အဆို ထပ်တင်ခဲ့ပြီး တင်ဒါ ပြန်ခေါ်ခဲ့ကြပါတယ်။

ဒီတစ်ကြိမ်မှာ မြန်မာ့စေတနာ မြို့သစ် အများပိုင် ကုမ္ပဏီ ပါမလာတော့ ပါဘူး။ တင်ဒါဖောင် လာဝယ်သူ ၅၄ ဦး ရှိခဲ့ပြီး ကုမ္ပဏီ သုံးခုပဲ လာတင်ခဲ့ပါတယ်။ အဲဒီ ကုမ္ပဏီ သုံးခုက ရန်ကုန် အနောက်တောင်ဒေသ ဖွံ့ဖြိုးရေး အများနှင့် သက်ဆိုင်သော ကုမ္ပဏီ၊ Business Capital City နဲ့ ရွှေပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီ သုံးခု ဖြစ်ပါတယ်။ ဒီထဲမှာ ရန်ကုန် အနောက်တောင်ဒေသ ဖွံ့ဖြိုးရေး အများနှင့် သက်ဆိုင်သော ကုမ္ပဏီရဲ့ ဆက်နွှယ်မှုတွေကို အသေးစိတ် သိဖို့ လိုပါသေးတယ်။

ရွှပုပ္ပား အပြည်ပြည်ဆိုင်ရာ ဆောက်လုပ်ရေး ကုမ္ပဏီကို ရွှေသံလွင် ကုမ္ပဏီက ပိုင်ဆိုင်ထားတယ်လို့ သိရပါတယ်။

ရန်ကုန်မြို့သစ် စီမံကိန်းနဲ့ ပတ်သက်လို့လည်း ရန်ကုန်တိုင်း ဒေသကြီး သစ်တောနှင့် စွမ်းအင်ဝန်ကြီး ဦးကျော်စိုးရဲ့ အင်တာဗျူး အဖြေတွေကို ဖေဖော်ဝါရီ ၂၇ ရက်ထုတ် နိုင်ငံပိုင် သတင်းစာတွေမှာ ဖော်ပြခဲ့ပါတယ်။

တစ်ချိန်တည်းမှာပဲ ရန်ကုန်မြို့သစ် စီမံကိန်းကို လာမယ့် မတ်လမှာ စတင် အကောင်အထည် ဖော်ဖို့ လုပ်လာတာတွေ ရှိပါတယ်။

တကယ်တော့ ရန်ကုန်မြို့သစ် စီမံကိန်းနဲ့ ပတ်သက်ပြီး အများပြည်သူကြားမှာ မြင်သာထင်သာရှိတဲ့ ပုံစံ မမြင်ရသေးပါဘူး။

စီမံကိန်း မြေနေရာဟာ အဲဒီ ဒေသမှာ နေထိုင်သူတွေနဲ့တင် သက်ဆိုင်တာ မဟုတ်ပါဘူး။ ရန်ကုန်မြို့ရဲ့ နှလုံးသည်းပွတ်၊ ပင်လယ်ထွက်ပေါက်နဲ့ အနီးဆုံး တန်ဖိုး အရှိဆုံး မြေနေရာကို စီမံကိန်း အကြောင်းပြပြီး ရောင်းထုတ်မယ့် ကိစ္စ ဖြစ်နေတာကြောင့် တစ်နိုင်ငံလုံးနဲ့ သက်ဆိုင်ပါတယ်။ ဒါကို တိုင်းဒေသကြီး လွှတ်တော် တစ်ခုတည်းရဲ့ ဆုံးဖြတ်ချက်နဲ့ မဟုတ်ဘဲ ပြည်ထောင်စု လွှတ်တော်ရဲ့ ဆုံးဖြတ်ချက် ရယူရမှာပါ။

လတ်တလောမှာ ဒီစီမံကိန်းကို ရပ်ပြီး အသေးစိတ် သုံးသပ်ဖို့ လိုနေ ပါတယ်။ မရပ်ဘဲ ဆက်လုပ်နေမယ် ဆိုရင် ဒါကလည်း အဂတိ လိုက်စားမှုနဲ့ ဆက်နွှယ်ခြင်း ရှိ၊ မရှိ ဆုံးဖြတ်ကြရမှာ ဖြစ်ပါတယ်။


■ လက်သိပ်ထိုးတာ မဟုတ်ဘူးဆိုတဲ့ Limited Tender

ဖေဖော်ဝါရီ ၂၇ ရက်ထုတ် နိုင်ငံပိုင် သတင်းစာတွေမှာ လျှပ်စစ်စွမ်းအား ၀န်ကြီးဌာန ဒုတိယ၀န်ကြီး ဦးမော်သာထွေးရဲ့ အင်တာဗျူးကို ဖော်ပြခဲ့ပါသေးတယ်။ အဲဒီ အင်တာဗျူးပါ အချက်အလက်တွေကလည်း ဒေါ်ခင်စန်းလှိုင်ရဲ့ အရေးကြီး အဆိုပါ ဖော်ပြချက်ကို ကာကွယ်ပြောဆိုတာ ဖြစ်ပါတယ်။

ဒေါ်ခင်စန်းလှိုင်ရဲ့ အရေးကြီး အဆိုမှာ အထက်ကျိုင်းတောင်း ရေအားလျှပ်စစ် စီမံကိန်း လုပ်ငန်းတစ်ချို့ကို တင်ဒါမခေါ်ဘဲ လုပ်ခွင့် ပေးခဲ့တယ် ဆိုတဲ့ အချက် ပါဝင်ပါတယ်။

ဒါကို လျှပ်စစ်စွမ်းအား ၀န်ကြီးဌာန ဒုတိယ၀န်ကြီး ဦးမော်သာထွေးက ပြန်ရှင်းတဲ့ အခါ “ကုမ္ပဏီ ခြောက်ခုကို Limited Tender ခေါ်တာဖြစ်ပြီး တစ်ခုတည်း လက်သိပ်ထိုးတာ မရှိပါဘူး” လို့ ပြန်ဖြေခဲ့ပါတယ်။

ဒါကလည်း ဦးမော်သာထွေး ပြန်ရှင်းမှပဲ ပြည်သူတွေက သိကြရတာပါ။ Open Tender မခေါ်ဘဲ ဘာကြောင့် Limited Tender ခေါ်ခဲ့တယ် ဆိုတာကို အကြောင်းပြချက် ပေးခဲ့ပေမယ့် ကုမ္ပဏီ ခြောက်ခု စာရင်းနဲ့ ရရှိသွားသူတွေရဲ့ အချက်အလက်တွေကို ဦးမော်သာထွေးက ဖြေဆိုခဲ့ခြင်း မရှိပါဘူး။ ယျေဘုယျအားဖြင့်သာ ခြုံပြောခဲ့ပါတယ်။

ပြည်သူတွေ သိချင်တာက အထက်ကျိုင်းတောင်း ရေအားလျှပ်စစ် စီမံကိန်းမှာ တင်ဒါပေးခဲ့တယ်ဆိုရင် ဘယ်ကုမ္ပဏီတွေကို လုပ်ပိုင်ခွင့် ပေးခဲ့သလဲ ဆိုတာ ဖြစ်ပါတယ်။ သမ္မတ ဦးသိန်းစိန် အစိုးရ မတိုင်ခင် အချိန်က အထက်ကျိုင်းတောင်း စီမံကိန်းမှာ တရုတ်နိုင်ငံက China National Technical Import and Export Corporation (CNTIC) ပါဝင် ပတ်သက်နေပါတယ်။ အခုရော ဘယ်သူ ပါဝင် ပတ်သက်နေပြီး ဘယ်လို အကျိုးအမြတ် ခွဲဝေ ရယူထားသလဲ။ ဘယ်လို သဘောတူညီချက်တွေ လုပ်ထားသလဲ။ ဒါကို ပြည်သူတွေ သိချင်ပါတယ်။ လျှပ်စစ်စွမ်းအား ၀န်ကြီးဌာန ဒုတိယ၀န်ကြီး ဦးမော်သာထွေးရဲ့ ရှင်းလင်းချက်ထဲမှာ ဒါတွေ မပါပါဘူး။

ပြည်တွင်း လျှပ်စစ်ဓာတ်အား သုံးစွဲမှု မလုံလောက်တဲ့ အချိန်မှာ ရေအားလျှပ်စစ် စက်ရုံတွေ တိုးချဲ့ပြီး ဆောက်လုပ်၊ နိုင်ငံခြားကိုပဲ လျှပ်စစ်ဓာတ်အား တင်ပို့နေတာကို ပြည်သူတွေက မလိုချင်ပါဘူး။

အခုတော့ ပြည်သူ့အတွက်လို့ ခေါင်းစဉ်တပ်ပြီး ပြည်သူတွေ လက်မခံတဲ့ ကျောက်မီးသွေး စက်ရုံတွေ ဇွတ်အတင်း ဆောက်ဖို့ ပြင်ဆင်၊ လက်ရှိ ရနေတဲ့ ရေအားလျှပ် စစ်တွေကို နိုင်ငံခြား ရောင်းစားနေကြတာ ဘယ်သူတွေအတွက် လုပ်နေသလဲလို့ မေးစရာ ဖြစ်လာခဲ့ပါတယ်။ ဒါကလည်း နိုင်ငံနဲ့ ပြည်သူတွေကို နစ်နာစေတဲ့ အချက်တစ်ခု ဖြစ်လာနိုင်ပါတယ်။

နိုင်ငံကို နစ်နာစေတာ အမှန်မဟုတ်ဘူး ဆိုရင် လျှပ်စစ်စွမ်းအား ၀န်ကြီးဋ္ဌာန အနေနဲ့ အခု လုပ်နေတဲ့ ရေအားလျှပ်စစ် စီမံကိန်းတွေ၊ လျှပ်စစ်ဓာတ်အား ရရှိမှု၊ သုံးစွဲမှု၊ ရောင်းချမှု ပမာဏ၊ ပူးပေါင်း လုပ်ကိုင်နေတဲ့ နိုင်ငံတွေ၊ ကုမ္ပဏီတွေ အပါအ၀င် သူတို့နဲ့ အကျိုးတူ ပူးပေါင်းလုပ်ဆောင်ခဲ့တဲ့ စာချုပ်၊ ဘဘောတူညီချက်၊ နားလည်မှု စာချွန်လွှာ အားလုံးကို အများပြည်သူ သိအောင် ဖော်ပြ ပေးလိုက်ပါ။ ပြည်သူတွေ ဆုံးဖြတ် ပေးပါလိမ့်မယ်။

လျှပ်စစ်စွမ်းအား ၀န်ကြီးဌာန ဒုတိယ၀န်ကြီး ဦးမော်သာထွေးလိုပဲ စွမ်းအင် ၀န်ကြီးဌာန အမြဲတမ်း အတွင်းဝန် ဦးဖေဇင်ထွန်းရဲ့ ပြောကြားချက်တွေ၊ ပြည်ထဲရေး ၀န်ကြီးဌာန အထွေထွေ အုပ်ချုပ်ရေး ဦးစီးဌာန ညွှန်ကြားရေးမှူးချုပ် ဦးတင်မြင့်ရဲ့ ပြင်ဦးလွင် အမျိုးသား ကန်တော်ကြီး ဥယျာဉ် ရေဝေရေလဲဒေသ သဘာဝသစ်တော ကြားခံဇုန်မြေ ပြင်ဆင်မှု အဖြေတွေအတွက် ပြည်သူတွေက ထပ်သိချင်တာတွေ ရှိနေပါတယ်။

ဒီအတွက် နိုင်ငံပိုင် သတင်းစာက တစ်ဆင့် အင်တာဗျူး ပုံစံ ဖန်တီးပြီး ပြန်ဖြေနေတာမျိုး မဟုတ်ဘဲ ပြည်သူ့ကိုယ်စား မေးမြန်းပိုင်ခွင့် ရှိတဲ့ ပြည်သူ့လွှတ်တော် ကိုယ်စားလှယ်တွေ ရှိရာ ပြည်သူ့လွှတ်တော်မှာပဲ သွားဖြေသင့်ပါတယ်။ မရှင်းတဲ့ အဖြေတွေအတွက် မေးမြန်းချက်တွေကိုလည်း လက်ခံ ဖြေကြားသင့်ပါတယ်။ ပွင့်လင်းမြင်သာမှု ရှိပြီး ရိုးဖြောင့် မှန်ကန်တဲ့ ရပ်တည်ချက် ရှိတယ်ဆိုရင် ဘယ်မေးခွန်းကိုမှ စိုးရိမ် ထိတ်လန့်နေစရာ မလိုပါဘူး။

ဒီလို မဟုတ်ဘဲ အစိုးရ ၀န်ကြီးဌာန တာဝန်ရှိသူတွေက လွှတ်တော်ကို မသွားဘဲ ပြည်သူ့ ဘဏ္ဍာငွေ အသုံးပြု ထုတ်ဝေနေတဲ့ နိုင်ငံပိုင် သတင်းစာတွေကို ကြားခံလုပ်ပြီး ကိုယ်ပြောချင်သလောက်ပဲ ဖြေဆိုနေတာတွေဟာ ပြည်သူကို မျက်ကွယ်ပြုရာ ရောက်ပြီး ပြည်ထောင်စု အစိုးရအဖွဲ့ အကြောင်းပြချက်နဲ့ ရှေ့နောက်မညီ ဖြစ်နေပါတယ်။

ဘယ်လိုပဲ ဖြစ်ဖြစ် လွှတ်တော်မှာဖြေဖို့ ပြင်ဆင်ချိန် မလုံလောက်ဘူးပဲ ဆိုဆို၊ လက်ရှိ အစိုးရဟာ ဒုတိယအကြိမ် ပြည်ထောင်စု လွှတ်တော်ကို တာဝန်ခံစရာ မလိုဘူးလို့ပဲ ပြောပြော ဒေါ်ခင်စန်းလှိုင်ရဲ့ အရေးကြီး အဆိုကို ထောက်ခံမဲ ၂၇၁ မဲ၊ ကန့်ကွက်မဲ ၁၃၈ မဲ၊ ကြားနေမဲ ခုနစ်မဲနဲ့ ပြည်သူ့လွှတ်တော်က အတည်ပြုလိုက်ပြီ ဖြစ်ပါတယ်။

ဒီအတွက် အရေးကြီး အဆိုမှာ ပါဝင်တဲ့ လတ်တလော ဖြစ်ပျက်နေတာတွေနဲ့ ပတ်သက်ပြီး “နိုင်ငံတော်နှင့် နိုင်ငံသားတို့ အကျိုးအတွက် အသေးစိတ် ဟန့်တား၍ ထိန်းကျောင်း တည့်မတ်ပေးရန် ပြည်ထောင်စု အစိုးရ အဖွဲ့အား တိုက်တွန်းကြောင်း” ဆိုတဲ့ အချက်ဟာ အတည် ဖြစ်သွားပါပြီ။

ဒါကြောင့် လက်ရှိ အစိုးရ အနေနဲ့ အသေးစိတ် ဟန့်တားပြီး ထိန်းကျောင်း တည့်မတ် (တစ်နည်းအားဖြင့် လက်ရှိ လုပ်ကိုင်နေတာတွေကို ဆိုင်းငံ့ရပ်ဆိုင်းပြီး စိစစ် သုံးသပ်မှုတွေ လုပ်ဖို့) ရမှာ ဖြစ်ပါတယ်။ မလုပ်ဘူး ဆိုရင် ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်တွေကို ကျော်လွန် ချိုးဖောက်ရာ ရောက်ပါလိမ့်မယ်။

ဒီအတိုင်းပဲ နိုင်ငံပိုင် သတင်းစာတွေမှာ ကြိုက်သလို ဖြေနိုင်ပါတယ်။ ခိုင်လုံသည် ဖြစ်စေ၊ မခိုင်လုံသည် ဖြစ်စေ ကြိုက်သလို အကြောင်းပြချက် ပေးနိုင်ပါတယ်။ လွှတ်တော်ကို သွား မဖြေလည်း ရပါတယ်။ စွပ်စွဲ ပြောဆိုမှုတွေကို ငြင်းဆိုလို့လည်း ရပါတယ်။

ဒါပေမဲ့ ၂၀၁၅ ခုနှစ် နိုဝင်ဘာ ၈ ရက်က စလို့ ၂၀၁၆ ခုနှစ် မတ် ၃၁ ကြား နောက် အစိုးရကို တာဝန် မလွှဲပြောင်းခင် အချိန်အထိ လုပ်ခဲ့သမျှ အရာ အားလုံးကို လက်ရှိ အစိုးရက တာဝန်ခံရ ပါလိမ့်မယ်။ တာဝန်ယူရမှာပါ။

လွှတ်တော်ရဲ့ အတည်ပြုချက်ကို မလိုက်နာနိုင်ဘူး ဆိုရင်လည်း အခုကာလမှာ နေလို့ ရပါတယ်။ ဒါပေမဲ့ မတ် ၃၁ ရက် နောက် အစိုးရကို တာဝန်လွှဲပြီးချိန်မှာ အခု လုပ်ခဲ့တာတွေကို ပြန်ပြီး စစ်ဆေးရမှာ ဖြစ်ပါတယ်။ ဥပဒေကို ကျော်လွန်ခဲ့တယ် ဆိုရင် ဥပဒေအတိုင်း လုပ်ဆောင်ရုံပဲ ရှိပါတယ်။ ဒါကို ဆုံးဖြတ်နိုင်တဲ့ အဂတိ လိုက်စားမှု တိုက်ဖျက်ရေး ဥပဒေလည်း အဆင်သင့် ရှိထားပြီး ဖြစ်ပါတယ်။


■ နိုင်ငံနဲ့ ပြည်သူ နစ်နာတယ် ဆိုရင်

အစိုးရအဖွဲ့ အနေနဲ့ ဥပဒေနဲ့ အညီ ကြိုက်သလို စီမံ ခန့်ခွဲပိုင်ခွင့် ရှိပါတယ်။ ဒါပေမဲ့ အဲဒီ စီမံခန့်ခွဲမှုတွေဟာ နိုင်ငံနဲ့ ပြည်သူ နစ်နာခဲ့တယ် ဆိုရင် ဒါကို အဂတိ လိုက်စားမှု တိုက်ဖျက်ရေး ဥပဒေနဲ့ ကိုင်တွယ်ရမှာ ဖြစ်ပါတယ်။

၂၀၁၃ ခုနှစ် သြဂုတ်လက ပြဋ္ဌာန်းခဲ့တဲ့ အဂတိ လိုက်စားမှု တိုက်ဖျက်ရေး ဥပဒေ ပုဒ်မ ၃၊ အပိုဒ်ခွဲ (က)မှာ “အဂတိ လိုက်စားမှု ဆိုသည်မှာ လုပ်ပိုင်ခွင့်အာဏာ ရှိသူက ရာထူး တာဝန်ကို အလွဲသုံးစားပြု၍ တစ်စုံတစ်ရာကို ပြုလုပ်ရန်၊ ဥပဒေနှင့်အညီ ပြုလုပ်ခြင်းမှ ရှောင်ကြဉ်ရန်၊ တစ်ဦး တစ်ယောက်အား ဥပဒေနှင့်အညီ ရထိုက်သော အခွင့်အရေးပေးရန် သို့မဟုတ် ဥပဒေနှင့်အညီ ရထိုက်သော အခွင့်အရေးကို မမှန်မကန် ပိတ်ပင်ရန်သော် လည်းကောင်း၊ သက်ဆိုင်သူထံမှ တံစိုးလက်ဆောင်ကို မိမိအတွက်သော် လည်းကောင်း၊ အခြားသူ တစ်ဦးဦး အတွက်သော် လည်းကောင်း၊ အဖွဲ့အစည်း အတွက်သော် လည်းကောင်း၊ ပေးခြင်း၊ လက်ခံခြင်း၊ ရယူခြင်း၊ ရယူရန် အားထုတ်ခြင်း၊ ကမ်းလှမ်းခြင်း၊ ကတိပြုခြင်း သို့မဟုတ် တစ်နည်းနည်းဖြင့် ဆွေးနွးခြင်းအား တိုက်ရိုက် ဖြစ်စေ၊ သွယ်ဝိုက်၍ ဖြစ်စေ ပြုလုပ်ခြင်းကို ဆိုသည်” လို့ ဖွင့်ဆိုထားပါတယ်။

ဒီအတိုင်းပဲ ဥပဒေရဲ့ ရည်ရွယ်ချက် ဥပဒေ ပုဒ်မ ၄၊ ပုဒ်မခွဲ (ခ)မှာ “သန့်ရှင်းသော အစိုးရနှင့် ကောင်းမွန်သော အုပ်ချုပ်ရေးစနစ် ဖြစ်ထွန်းစေရန်”၊ ပုဒ်မခွဲ(ဂ) မှာ “အများပြည်သူ ဆိုင်ရာ အုပ်ချုပ်ရေးတွင် ဂုဏ်သိက္ခာနှင့် တာဝန်ယူနိုင်မှု မြင့်မား တိုးတက်လာစေရန်”၊ ပုဒ်မခွဲ (ဃ)မှာ “အဂတိ လိုက်စားမှုများကြောင့် နိုင်ငံတော်ပိုင် ပစ္စည်းများ၊ လူ့အဖွဲ့အစည်းနှင့် နိုင်ငံသားများ၏ အခွင့်အရေးနှင့် အကျိုးစီးပွားကို ထိခိုက်မှု မရှိစေရေးအတွက် အကာအကွယ်ပေးရန်” လို့ ပြဋ္ဌာန်းထားပါတယ်။

ဒီအချက်တွေအရ နိုင်ငံနဲ့ ပြည်သူကို နစ်နာစေတယ် ဆိုရင် ဒီလို နစ်နာအောင် ပြုလုပ်သူဟာ အဂတိ လိုက်စားမှု တိုက်ဖျက်ရေး ဥပဒေနဲ့ ငြိစွန်းပါတယ်။

လက်ရှိ အစိုးရဆီကနေ တာဝန် လွှဲပြောင်းရယူပြီးတဲ့ အစိုးရသစ်က နိုင်ငံနဲ့ ပြည်သူ နစ်နာစေခဲ့တဲ့ ကိစ္စတွေကို ကိုင်တွယ်ဖို့ဆိုရင် အဂတိ လိုက်စားမှု တိုက်ဖျက်ရေး ဥပဒေကိုပဲ ကိုင်တွယ် ကျင့်သုံးရမှာပါ။

ဒါကို အပြည့်အ၀ ကိုင်တွယ်ဖို့ဆိုရင် လက်ရှိအစိုးရ ဖွဲ့စည်းထားတဲ့ အဂတိလိုက်စားမှု တိုက်ဖျက်ရေး ကော်မရှင်ကို ပြင်ဆင် ဖွဲ့စည်းရမှာ ဖြစ်ပါတယ်။

လက်ရှိ အဂတိ လိုက်စားမှု တိုက်ဖျက်ရေး ကော်မရှင်ကို ၂၀၁၄ ခုနှစ် မတ် ၁၀ ရက်မှာ စတင်ဖွဲ့စည်း ခဲ့တာပါ။ နှစ်နှစ်တာ ကာလ အတွင်းမှာ ကိုးဦးကိုသာ တရားစွဲဆို နိုင်ခဲ့ပါတယ်။ ဒီကိုးဦးမှာ တရားသူကြီး လေးဦး ပါဝင်ပြီး တစ်ဦးက ထောင်ဒဏ် ချမှတ် ခံရပါတယ်။ ၀န်ထမ်း စည်းမျဉ်းအရ အရေးယူခဲ့သူ ၁၂၅ ဦးပဲ ရှိပါတယ်။ ဒါဟာ ခြစားမှု စိုးရိမ်ဖွယ် ရှိနေတဲ့ မြန်မာနိုင်ငံအတွက် အလွန်နည်းတဲ့ ကိန်းဂဏန်း ဖြစ်ပါတယ်။

အဂတိ လိုက်စားမှု တိုက်ဖျက်ရေး ကော်မရှင်မှာ အဖွဲ့ဝင် ၁၅ ဦး ရှိပါတယ်။ ကော်မရှင် ဥက္ကဋ္ဌဟာ ပြည်ထောင်စုဝန်ကြီး အဆင့်နဲ့ တူညီပြီး အတွင်းရေးမှူးနဲ့ အဖွဲ့ဝင်တွေက ဒုတိယ၀န်ကြီး အဆင့်နဲ့ တူညီတဲ့ ခံစားခွင့် ရနေကြသူတွေပါ။ သူတို့ ရရှိနေတဲ့ ခံစားခွင့်တွေနဲ့ သူတို့ရဲ့ လုပ်ဆောင်မှု ရလဒ်တွေ အတွက် မေးခွန်း ထုတ်စရာတွေ ရှိပါတယ်။

ဒါကြောင့် NLD ဦးဆောင်တဲ့ အစိုးရသစ် အနေနဲ့ အဂတိ လိုက်စားမှု တိုက်ဖျက်ရေး ဥပဒေပါ ပြဋ္ဌာန်းချက်တွေ အတိုင်း ထိရောက်တဲ့ အရေးယူ ဆောင်ရွက်မှု လုပ်ဖို့ဆိုရင် အဂတိ လိုက်စားမှု တိုက်ဖျက်ရေး ကော်မရှင်ကို ပြင်ဆင် ဖွဲ့စည်းမှပဲ ခရီးရောက်နိုင် ပါလိမ့်မယ်။

အဂတိ လိုက်စားမှု လုပ်ခဲ့တယ်လို့ ထင်ရှားတဲ့ စစ်ဆေးမှု တွေ့ရှိပြီ ဆိုရင် ဘယ်သူ့ကို မဆို အရေးယူလို့ ရပါတယ်။ အဂတိ လိုက်စားမှု တိုက်ဖျက်ရေး ဥပဒေ ပုဒ်မ ၆၅ မှာ ဘယ်လို တရားစွဲနိုင်သလဲ ဆိုတာ ဖွင့်ဆို ထားပါတယ်။

နိုင်ငံရေး ရာထူး လက်ရှိ ဖြစ်သူကို တရားစွဲချင်ရင် ပြည်ထောင်စု အစိုးရ အဖွဲ့ရဲ့ ကြိုတင်ခွင့်ပြုချက်၊ လွှတ်တော် ကိုယ်စားလှယ်ကို တရားစွဲမယ် ဆိုရင် တည်ဆဲ ဥပဒေနဲ့ အညီ ကြိုတင် ခွင့်ပြုချက် ရယူရမှာတွေ ရှိပါတယ်။

ဒါပေမဲ့ ပုဒ်မ ၆၅ (ဂ) မှာ “နိုင်ငံရေးရာထူး လက်ရှိ ဖြစ်သူနှင့် လွှတ်တော် ကိုယ်စားလှယ်မှ အပ အခြားသူ တစ်ဦးဦးကို တရားစွဲဆိုရန် ဖြစ်ပါက ကော်မရှင်က ထုတ်ပေးသော ကြိုတင် ခွင့်ပြုချက် ရယူရမည်” လို့ ဆိုထားပါတယ်။

ဒီအချက်ကြောင့် အခု ဖြစ်နေတဲ့ ကိစ္စတွေမှာ အဂတိ လိုက်စားမှုတွေ ရှိနေခဲ့တယ်၊ စုံစမ်းစစ်ဆေး ပေါ်ပေါက်တယ် ဆိုရင် ဒီဖြစ်စဉ်မှာ ပါဝင်နေသူတွေကို အစိုးရသစ်က အဂတိ လိုက်စားမှု တိုက်ဖျက်ရေး ကော်မရှင်ရဲ့ ဆုံးဖြတ်ချက် တစ်ခုတည်းနဲ့ အရေးယူနိုင်မှာပါ။

ပုလဲ မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က သူ့ရဲ့ အရေးကြီး အဆိုဟာ နိုင်ငံအတွက် အရေးကြီးနေတဲ့ အချိန်မှာ ပြည်သူလူထုအတွင်း ထင်ယောင်ထင်မှား မဖြစ်စေဖို့၊ လက်ရှိ အုပ်ချုပ်နေတဲ့ အစိုးရ အနေနဲ့ မှန်ကန်သော ကြိုးစားမှုနဲ့ ရလဒ်ကောင်းများ ရှိခဲ့ကြောင်း မှတ်တမ်းတစ်ရပ် ကျန်ခဲ့စေချင်တဲ့အတွက် တင်သွင်းရခြင်း ဖြစ်တယ်လို့ ဆိုပါတယ်။

ဒေါ်ခင်စန်းလှိုင်ရဲ့ စေတနာဟာ အရာ မထင်ခဲ့ပါဘူး။ လက်ရှိ အစိုးရ ၀န်ကြီးဌာနတွေက ဒေါ်ခင်စန်းလှိုင်ရဲ့ အရေးကြီး အဆိုကို လွှတ်တော်မှာ ဖြေဆိုပေးဖို့ မျက်ကွယ်ပြုခဲ့ ကြပါတယ်။ ဒီနောက်ကွယ်မှာ ဘာတွေ ရှိမလဲ ဆိုတာ သက်ဆိုင်ရာ ကာယကံရှင်တွေပဲ သိပါလိမ့်မယ်။

ဒါပေမဲ့ နောက်ကွယ်က ကိစ္စတွေမှာ နိုင်ငံနဲ့ ပြည်သူကို နစ်နာစေတဲ့ အဂတိ လိုက်စားမှုတွေ ပါဝင် ပတ်သက်နေတယ် ဆိုရင် ဘယ်လိုမှ ခွင့်လွှတ်နိုင်စရာ အကြောင်း မရှိပါဘူး။ အဂတိ လိုက်စားမှုနဲ့ ဆက်နွှယ်နေတဲ့ လုပ်ရပ်တွေဟာ အမျိုးသား ပြန်လည် သင့်မြတ်ရေး ခေါင်းစဉ်အောက်ထဲ ထည့်ရမယ့် ကိစ္စ မဟုတ်သလို ဘယ်အစိုးရ တက်တက် ဥပဒေအရ ကိုင်တွယ်ပြီး စစ်ဆေး အရေးယူရမှာ ဖြစ်ပါတယ်။



အဂတိ လိုက်စားမှု တိုက်ဖျက်ရေး ဥပဒေ အခန်း (၁၀) ပြစ်မှုနှင့် ပြစ်ဒဏ်များ အခန်းတွင် အရေးယူ ဆောင်ရွက်ရန် ပြဋ္ဌာန်းထားချက်များ

၅၅။ နိုင်ငံရေးရာထူး လက်ရှိဖြစ်သူ မည်သူ မဆို အဂတိ လိုက်စားမှု ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ၁၅ နှစ်ထက် မပိုသော ထောင်ဒဏ် ချမှတ်ရမည့် အပြင် ငွေဒဏ်လည်း ချမှတ်နိုင်သည်။

၅၆။ နိုင်ငံရေးရာထူး လက်ရှိဖြစ်သူမှ အပ အခြား လုပ်ပိုင်ခွင့်အာဏာ ရှိသူ မည်သူမဆို အဂတိ လိုက်စားမှု ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ၁၀ နှစ်ထက် မပိုသော ထောင်ဒဏ် ချမှတ်ရမည့် အပြင် ငွေဒဏ်လည်း ချမှတ်နိုင်သည်။

၅၇။ နိုင်ငံရေးရာထူး လက်ရှိဖြစ်သူနှင့် လုပ်ပိုင်ခွင့် အာဏာရှိသူမှ အပ အခြား မည်သူမဆို အဂတိ လိုက်စားမှု ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ခုနစ်နှစ်ထက် မပိုသော ထောင်ဒဏ် ချမှတ်ရမည့် အပြင် ငွေဒဏ်လည်း ချမှတ်နိုင်သည်။

၅၈။ မည်သူမဆို ဤဥပဒေပါ ပြစ်မှု တစ်ရပ်ရပ်နှင့် သက်ဆိုင်သည့် ငွေကြေးနှင့် ပစ္စည်းများ အပေါ် အရေးယူ ဆောင်ရွက်ခြင်း မပြုနိုင်ရန် ဖုံးကွယ်ခြင်း၊ ဖျောက်ဖျက်ခြင်း၊ ပြောင်းလဲခြင်း သို့မဟုတ် လွှဲပြောင်းခြင်းပြုကြောင်း ပြစ်မှုထင်ရှား စီရင်ခြင်း ခံရလျှင် ထိုသူအား ငါးနှစ်ထက် မပိုသော ထောင်ဒဏ် ချမှတ်ရမည့် အပြင် ငွေဒဏ်လည်း ချမှတ်နိုင်သည်။

၅၉။ မည်သူမဆို ခိုင်လုံသော အကြောင်း မရှိဘဲ ပုဂ္ဂိုလ် တစ်ဦး တစ်ယောက်အား နစ်နာစေရန် သို့မဟုတ် ဂုဏ်သရေ ပျက်စေရန် ရည်ရွယ်၍ ဤဥပဒေပါ ပြစ်မှု တစ်ခုခုကို ကျူးလွန်သည်ဟုသော် လည်းကောင်း၊ အဂတိ လိုက်စားမှုဖြင့် ကြွယ်ဝ ချမ်းသာလာသည်ဟုသော် လည်းကောင်း၊ မမှန်မကန် သတင်းပို့ခြင်း၊ တိုင်တန်းခြင်း သို့မဟုတ် မမှန်မကန် သက်သေခံခြင်း၊ မမှန်မကန် သက်သေခံ ဖန်တီးခြင်း ပြုကြောင်း သို့မဟုတ် အခြားသူ တစ်ဦးဦးအား ထိုသို့ တစ်ခုခု ပြုလုပ်စေရန် ခိုင်းစေခြင်း ပြုကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ငါးနှစ်ထက် မပိုသော ထောင်ဒဏ် ချမှတ်ရမည့် အပြင် ငွေဒဏ်လည်း ချမှတ်နိုင်သည်။

၆၀။ မည်သူမဆို ကော်မရှင် သို့မဟုတ် ကော်မရှင်က လွှဲအပ် တာဝန်ပေးသည့် အဖွဲ့အစည်း တစ်ခုခုက ထုတ်ဆင့်သည့် အမိန့် တစ်ရပ်ရပ်ကို လိုက်နာရန် ပျက်ကွက်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ခြောက်လထက် မပိုသော ထောင်ဒဏ် ဖြစ်စေ၊ ငွေဒဏ် ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်နိုင်သည်။

၆၁။ မည်သည့် လုပ်ပိုင်ခွင့် အာဏာရှိသူ မဆို ဤဥပဒေအရ ကော်မရှင်က သတ်မှတ်သည့် အချိန် ကာလအတွင်း ငွေကြေး၊ ပစ္စည်း၊ ပေးရန် တာဝန်နှင့် ရရန် ပိုင်ဆိုင်ခွင့် ဆိုင်ရာ အထောက်အထားများကို တင်ပြရန် တမင် ပျက်ကွက်ကြောင်း သို့မဟုတ် ယင်းအထောက်အထားများကို မမှန်မကန် တင်ပြကြောင်း သို့မဟုတ် အချက်အလက်များကို ထိန်ချန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ငါးနှစ်ထက် မပိုသော ထောင်ဒဏ် ချမှတ်ရမည့်အပြင် ငွေဒဏ်လည်း ချမှတ်နိုင်သည်။

၆၂။ ဘဏ်နှင့် ငွေရေးကြေးရေး အဖွဲ့အစည်း တစ်ခုခုမှ တာဝန်ရှိသူ မည်သူမဆို ဤဥပဒေပါ ပြစ်မှုနှင့် စပ်လျဉ်း၍ အောက်ပါပြုလုပ်မှု တစ်ရပ်ရပ်ကို ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ယင်းပြုလုပ်မှု တစ်ရပ်ရပ် အတွက် ထိုသူကို ငါးနှစ်ထက် မပိုသော ထောင်ဒဏ် ချမှတ်ရမည့် အပြင် ငွေဒဏ်လည်း ချမှတ်နိုင်သည်-
(က) ကော်မရှင်၏ တာဝန်ပေးအပ်ချက်အရ စုံစမ်းစစ်ဆေးရေး အဖွဲ့က တရားဝင် တာဝန် ထမ်းဆောင်ခြင်းကို ခွင့်ပြုရန် ငြင်းပယ်ခြင်း၊
(ခ) ကော်မရှင်က တားမြစ်မိန့် ထုတ်ဆင့်ထားသော ဘဏ်နှင့် ငွေရေးကြေးရေး အဖွဲ့အစည်း တစ်ခုခုရှိ ငွေကြေးနှင့် ပစ္စည်းများကို ကော်မရှင်၏ ခွင့်ပြုမိန့် မရှိဘဲ ထုတ်ပေးခြင်း၊ လွှဲပြောင်းခြင်း၊
(ဂ) စုံစမ်းစစ်ဆေးမှုနှင့် သက်ဆိုင်သည့် ငွေကြေးနှင့် ပစ္စည်းဆိုင်ရာ မှတ်တမ်းများကို ဖျောက်ဖျက်ခြင်း၊ ပြောင်းလဲခြင်း၊ ပြင်ဆင်ခြင်း သို့မဟုတ် ကော်မရှင်၏ ခွင့်ပြုချက် မရှိဘဲ လွှဲပြောင်းခြင်း။

၆၃။ မည်သူမဆို ဤဥပဒေပါ ပြစ်မှု တစ်ရပ်ရပ်ကို ကျူးလွန်ရန် လှုံ့ဆော်ခြင်း၊ အားထုတ်ခြင်း၊ ပူးပေါင်း ကြံစည်ခြင်း သို့မဟုတ် စီမံခန့်ခွဲခြင်း ပြုလျှင် ဖြစ်စေ၊ ပြစ်မှု ကျူးလွန်ရာတွင် အားပေး ကူညီလျှင် ဖြစ်စေ၊ ယင်းပြစ်မှုအတွက် ပြဋ္ဌာန်းထားသည့် ပြစ်ဒဏ်ကို ချမှတ်ခြင်း ခံရမည်။

Writer:
နေထွန်းနိုင်
Eleven Media Group

ဒုတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေးကာလအတွင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နှင့်တိုင်းရင်းသားခေါင်းဆောင်များသည် ဖေဖော်ဝါရီ ၂၉ ရက် ညနေ ၆နာရီ ၂၅မိနစ်တွင် နေပြည်တော်စည်ပင်ဧည့်ရိပ်သာတွင်တွေ့ဆုံခဲ့သည်။

ယင်းသို့တွေ့ဆုံရာတွင် ဒေါ်အောင်ဆန်းစုကြည်က အခုလိုတွေ့ဆုံရတာဟာ တိုင်းရင်းသားတွေနဲ့ ရင်းရင်းနှီးနှီး နေချင်လို့ဖြစ်ပါတယ်။၂၈ နှစ်တာကာလအတွင်း ဒီမိုကရေစီအတွက် လှုပ်ရှားကြိုးစားကြတဲ့ကာလတုန်းက ကျမ တို့နဲ့လက်တွဲတိုက်ပွဲဝင်ခဲ့ကြတာက တိုင်းရင်းသားမဟာမိတ်အဖွဲ့ဝင်တွေပဲဖြစ်ကြပါတယ်။ဦးအေးသာအောင် တို့ဆိုရင် ကျမတို့နဲ့နှစ်ပေါင်းများစွာအတူလက်တွဲပြီး အခက်အခဲပေါင်းများစွာကို ရင်ဆိုင်ဖြတ်သန်းခဲ့ကြရပါ တယ်။ဒီကျေးဇူးကို ကျမတို့တသက်လုံးမမေ့ပါဘူး။ကျမတို့အားလုံးဟာ ဖက်ဒရယ်ပြည်ထောင်စုစနစ်ကိုဦးတည် တယ်ဆိုတဲ့နေရာမှာ မတူကွဲပြားမှုအပေါ် အခြေခံတဲ့ညီညွတ်မှုတွေက အဓိကဖြစ်ပါတယ်။အချင်းချင်းနားလည်မှု ချစ်ကြည်ရင်းနှီးမှု ယုံကြည်မှု မတည်ဆောက်နိုင်ရင်တော့ ဖက်ဒရယ်ပြည်ထောင်စု စနစ်ကိုအကောင်အထည် ဖော်နိုင်မှာမဟုတ်ပါဘူး ဟုအဖွင့်အမှာစကားတွင်ထည့်သွင်းပြောကြားခဲ့သည်။

ပြည်ထောင်စုဆိုသည့်စကားမပြောခင် မိမိတို့၏နောင်လာနောက်သားများ မိမိတို့၏သားသမီးမြေးမြစ်များသည် မည်သည့်နိုင်ငံမျိုးတွင် ကြီးပြင်းလာစေချင်သည်ကို စဉ်းစားစေချင်ကြောင်း ဘယ်လိုအခြေအနေ ဘယ်လိုပတ် ၀န်းကျင်တွင်မိမိတို့၏မျိုးဆက်သစ်များကိုကြီးပြင်းစေချင်သနည်း စဉ်းစားရမှာဖြစ်ကြောင်း မိမိတို့ကြီးပြင်းစေလို သောနိုင်ငံမျိုးဖြစ်အောင်ဘယ်လိုလုပ်ရမလဲဆိုပြီး စဉ်းစားစေချင်ကြောင်း ဒေါ်အောင်ဆန်းစုကြည်က ထည့်သွင်း ပြောကြားခဲ့သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)

 nwe-parliament-620.jpg ဒုတိယအကြိမ် ပြည်သူ့လွှတ်တော် ပုံမှန်အစည်းအဝေး ကျင်းပနေစဉ်
Photo: RFA

နိုင်ငံတော်သမ္မတကို ရွေးချယ်တင်မြှောက်ဖို့အတွက် ဒုတိယသမ္မတလောင်း ၃ ဦးအမည်စာရင်း တင်သွင်းနိုင်ရေး ဆွေးနွေးမယ့် သက်ဆိုင်ရာ လွှတ်တော်ကိုယ်စားလှယ် အစုအဖွဲ့အလိုက် အစည်းအဝေးတွေ ကျင်းပမယ့်ရက်ကို ပြင်ဆင်သတ်မှတ်မယ်လို့ သိရပါတယ်။

လာမယ့် မတ်လ ၁၇ ရက်နေ့မှာ သက်ဆိုင်ရာ လွှတ်တော်ကိုယ်စားလှယ် အစုအဖွဲ့အလိုက် အစည်းအဝေးတွေ စတင်ကျင်းပဖို့ ကြေညာထားရာကနေ ပြင်ဆင်မှာဖြစ်ပြီး ၁၇ ရက်ထက် ရှေ့တစ်ပတ် စောသွားနိုင်တယ်လို့ ရခိုင်အမျိုးသားပါတီ ပြည်သူ့လွှတ်တော်ကိုယ်စားလှယ် ဒေါ်ခင်စောဝေ က ပြောပါတယ်။

"မနက်ဖြန်ကျရင် ပြည်ထောင်စုလွှတ်တော်မှာ အစုအဖွဲ့ဖွဲ့ဖို့ ရက်ကိုသတ်မှတ်ပေးမယ် အန်တီတို့ကို ဒုသမ္မတရွေးဖို့အတွက် ဘယ်နေ့ကိုရွေးပါဆိုပြီး အန်တီတို့ကို ရက်သတ်မှတ်ပေးမှာ၊ တစ်ပတ်ထပ်တိုးမယ် လို့ကြားတယ်၊ မနက်ဖြန်မှ ကြေညာတဲ့အပေါ်မှာမူတည်ပြီး အန်တီတို့ ၇ ရက်နေ့ဆို ၇ ရက်နေ့တင် ထားမယ်၊ ၈ ရက်နေ့လောက်ရွေးမယ်ပေါ့ သဘောတစ်ခုကပေါ့နော်"

မနက်ဖြန်မှာကျင်းပမယ့် ပြည်ထောင်စုလွှတ်တော် အစည်းအဝေးမှာ ကြေညာမှာဖြစ်တယ်လို့ အစည်းအဝေး အစီအစဉ်လျာထားချက်မှာ ပါရှိတာဖြစ်ပါတယ်။

နိုင်ငံတော်သမ္မတကို ရွေးချယ်ဖို့အတွက် ပြည်သူ့လွှတ်တော် ကိုယ်စားလှယ်အစုအဖွဲ့၊ အမျိုးသားလွှတ်တော် ကိုယ်စားလှယ်အစုအဖွဲ့နဲ့ ပြည်သူ့လွှတ်တော်၊ အမျိုးသားလွှတ်တော် နှစ်ခုပေါင်းက တပ်မတော်သားကိုယ်စားလှယ် အစုအဖွဲ့ စုစုပေါင်း အဖွဲ့ ၃ ဖွဲ့က ဒုတိယသမ္မတလောင်း အမည်စာရင်းတွေကို တင်သွင်းရမှာ ဖြစ်ပါတယ်။

အဲ့ဒီထဲကမှ နိုင်ငံတော်သမ္မတ တစ်ဦးကို ရွေးချယ်တင်မြှောက်မှာဖြစ်ပြီး ကျန်တဲ့ ၂ ဦးက ဒုတိယသမ္မတတွေအဖြစ် တင်မြှောက်ခံရမှာ ဖြစ်ပါတယ်။

RFA
http://www.rfa.org/burmese/news/parliament-vice-president-list-02292016082926.html


kachin-parliament-620.JPGကချင်ပြည်နယ်လွှတ်တော်မှာ ၂၀၁၆ ခုနှစ် ဖေဖော်ဝါရီလ ၂၉ ရက်နေ့က ပြုလုပ်တဲ့ အထူးအစည်းအဝေးကို တွေ့ရစဉ်။
Photo:Kyaw Myo Min/RFA

ကချင်ပြည်နယ် ဝိုင်းမော်မြို့နယ် ဆဒုံးနဲ့ ကန်ပိုက်တီဒေသမှာ ပြီးခဲ့တဲ့ရက်ပိုင်းအတွင်း ဘိန်းခင်းဖျက်ဆီးရေး အဖွဲ့တွေနဲ့ ဘိန်းစိုက်တောင်သူတွေအကြား ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေ နောက်နောင် မဖြစ်ပေါ်စေဖို့နဲ့ ဘိန်းစိုက်တောင်သူတွေကို စားနပ်ရိက္ခာ ကူညီထောက်ပံ့ပေးဖို့ အစိုးရထံ တိုက်တွန်းကြောင်း အရေးကြီးအဆိုကို ကချင်ပြည်နယ်လွှတ်တော်မှာ ဒီကနေ့ ဆွေးနွေးအတည်ပြုလိုက်ပါတယ်။

အဲ့ဒီအရေးကြီးအဆိုကို ဝိုင်းမော်မြို့နယ် မဲဆန္ဒနယ် အမှတ် ၂ က အန်အယ်လ်ဒီပါတီ ကိုယ်စားလှယ် ဦးနော်လီ(ခ) ဦးဇခေါင်ခမ်းရယ်က အခုလို တင်သွင်းခဲ့တာဖြစ်ပါတယ်။

"ဆဒုံးနဲ့ ကန်ပိုက်တီဒေသ၌ဖြစ်ပွားခဲ့သော ဖြစ်စဉ်ကြောင့် နှစ်ဦးနှစ်ဘက် ထိခိုက်ဒဏ်ရာရခြင်း ကား၊ ဆိုင် ကယ်နှင့် လူနေအိမ်တချို့ မီရှို့ဖျက်ဆီးခြင်းခံရမှုကို စသည့်မင်းမဲ့စရိုက်ဆန်ဆန် အကြမ်းဖက်မှု မျိုး နောက်နောင် မပေါ်ပေါက်စေရေးအတွက် သက်ဆိုင်ရာအစိုးရမှ ပြည်သူလူထု၏ အသက်အိုးအိမ် စည်းစိမ်ကို ကာကွယ်လုံခြုံ မှု ပေးနိုင်ရေး၊ ဘိန်းခင်းဖျက်ဆီးခံ ဒေသခံဖျက်ဆီးခံ တောင်သူများ၊ အမှန်တကယ်နစ်နာပြီး စားနပ်ရိက္ခာ မရှိနိုင်တော့မည့် ဒေသခံတောင်သူအစစ်များအား စာနပ်ရိက္ခာ ကူညီပံ့ပိုးနိုင်ရေးနဲ့ သက်ဆိုင်ရာပြည်နယ် အစိုးရအဖွဲ့နဲ့ နိုင်ငံတော့အစိုးရတို့ တိုက်တွန်းနိုင်ရေးအတွက် ဒီအရေးကြီးအဆိုကို လေးလေးနက်နက် တင်သွင်းအပ်ပါတယ်ခင်ဗျာ"

အဲ့ဒီအဆိုကို တပ်မတော်သားကိုယ်စားလှယ် ၄ ဦးပါအ၀င် လွှတ်တော်ကိုယ်စားလှယ် ၇ ဦးက ပါဝင်ဆွေးနွေး ခဲ့ပါတယ်။

လူထုအခြေပြု ဘိန်းဖျက်ရေးအဖွဲ့ဝင်တွေဟာ သက်ဆိုင်ရာအုပ်ချုပ်ရေးအဖွဲ့ကို တင်ပြဆောင်ရွက်မှု မရှိခဲ့ဘဲ သတ်မှတ်လမ်းကြောင်းကို သွေဖယ်ပြီး ဆောင်ရွက်ခဲ့တာကြောင့် အကြမ်းဖက် တိုက်ခိုက်မှုတွေ ဖြစ်ရတာလို့ တပ်မတော်သားကိုယ်စားလှယ် ဗိုလ်မှူး စိုးနိုင်က ဆွေးနွေးပါတယ်။

"အခုလို မင်းမဲ့စရိုက်ဆန်ဆန် အကြမ်းဖက်မှုများ ပေါ်ပေါက်ရခြင်းဟာဆိုရင် လူထုအခြေပြု ဘိန်းဖျက် အဖွဲ့များ အနေဖြင့် သက်ဆိုင်ရာ အုပ်ချုပ်ရေးအဖွဲ့အစည်းများသို့ တင်ပြဆောင်ရွက်မှုမရှိကြောင်း တွေ့ရှိရပါတယ်၊ အဖွဲ့လိုက် သတ်မှတ်ထားသော လမ်းကြောင်းများအတိုင်း စနစ်တကျ ဆောင်ရွက်နိုင်ခြင်းမရှိဘဲ သတ်မှတ် လမ်းကြောင်းအား သွေဖယ်ပြီးတော့ ဘိန်းဖျက်ဆီးရေးလုပ်ငန်းများ ဆောင်ရွက်ခဲ့ကြ လို့ နှစ်ဘက်ထိခိုက် မှုများ ဖြစ်ပွားတာကိုလည်း တွေ့ရပါတယ်၊ ဒါ့ကြောင့် လုပ်နည်းလုပ်ဟန်များ မှားယွင်း မှုမရှိအောင် လူထုအခြေပြု ပါဝင်တဲ့အဖွဲ့အစည်းများမှ ဥပဒေနဲ့အညီ သက်ဆိုင်ရာ အုပ်ချုပ်ရေးအဖွဲ့အစည်းများနဲ့ စနစ်တကျပေါင်းစပ်ပြီး ထိန်းသိမ်းဆောင်ရွက် သွားသင့်ကြောင်း ဖြည့်စွက်ဆွေးနွေးရင်း ကျနော်၏ ဆွေးနွေးမှုကို နိဂုံးချုပ်အပ်ပါသည်"

ကချင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး သူရမျိုးတင်က လွှတ်တော်မှာ ရှင်းလင်းဖြေကြား တဲ့အခါ အဲ့ဒီဘိန်းဖျက်ဆီးရေးအဖွဲ့ဟာ အစိုးရထံမှာ တရားဝင်မှတ်ပုံတင်ထားတဲ့ အဖွဲ့မဟုတ်ပေမယ့် အမျိုးသားရေးတာဝန်ဖြစ်တဲ့ မူးယစ်ဆေးဝါး တားဆီးရေးလုပ်ငန်းတွေ ဆောင်ရွက်တာမှာ ပြည်နယ်အစိုးရအဖွဲ့က ကူညီဆောင်ရွက်ခဲ့တာဖြစ်ကြောင်း ပြောခဲ့ပါတယ်။

ဒါ့အပြင် အဲ့ဒီမူးယစ်တိုက်ဖျက်ရေးအဖွဲ့ဟာ တရားခံ ၁ဝ၁ ဦးကို ဥပဒေမဲ့ အကြမ်းဖက်ဖမ်းဆီးမှုတွေကြောင့် တရားခံတွေဖက်က အဲ့ဒီအဖွဲ့ကို ပြန်လည်တိုင်တန်းခဲ့တယ်လို့ ပြောခဲ့ပါတယ်။

ကချင်လူမှုအခြေပြု မူးယစ်ဆေးဝါးအဖွဲ့ ပေါ်ပေါက်လာတဲ့အချိန်ကစပြီး အခုအချိန်အထိ မြစ်ကြီးနား၊ တနိုင်း၊ ဝိုင်းမော်၊ ဖားကန့် စတဲ့ မြို့နယ်တွေအတွင်း အဲ့ဒီအဖွဲ့ရဲ့ ဖမ်းဆီးရိုက်နှက်မှုတွေကို မကျေနပ်လို့ တိုင်ကြားတဲ့ အမှု ၇ မှု ရှိခဲ့တယ်လို့ သိရပါတယ်။

ပြီးခဲ့တဲ့ ဖေဖော်ဝါရီ ၂၄ ရက် နဲ့ ၂၅ ရက်နေ့မှာ ဘိန်းစိုက်တောင်သူနဲ့ ဘိန်းခင်းဖျက်ဆီးရေး အဖွဲ့တွေ အကြား နှစ်ဖက်အပြန်အလှန် တိုက်ခိုက်မီးရှို့ဖျက်ဆီးမှုတွေ ဖြစ်ပွားခဲ့တာကြောင့် ဒဏ်ရာရသူ ၃၇ ယောက် ဟာ မြစ်ကြီးနားဆေးရုံမှာ ကုသခံနေရပြီး ကား၊ ဆိုင်ကယ်နဲ့ နေအိမ်တွေ ပျက်စီးဆုံးရှူံးခဲ့ပါတယ်။

ဦးနော်လီ တင်သွင်းတဲ့ အရေးကြီးအဆိုကို ကန့်ကွက်မယ့်သူမရှိဘဲ ကိုယ်စားလှယ်အားလုံးက ထောက်ခံတာကြောင့် အတည်ပြုလိုက်ပါတယ်။

RFA
http://www.rfa.org/burmese/news/kachin-parliament-approved-supply-poppy-farmers-02292016072722.html

 shwemann-620.jpg ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် ဥက္ကဌအဖြစ် တာဝန်ထမ်းဆောင်မယ့် သူရ ဦးရွှေမန်းကို တွေ့ရစဉ်
Photo: RFA

ပြည်ထောင်စုလွှတ်တော်မှာ ဖွဲ့စည်းတဲ့ ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင် မှာ ပြည်သူ့လွှတ်တော် ဥက္ကဌဟောင်း သူရဦးရွှေမန်းကို ဥက္ကဌအဖြစ် ခန့်အပ်တာဝန်ပေးပြီး အဖွဲ့ဝင် ၃၅ ဦးနဲ့ ဒီနေ့ ဖွဲ့စည်းလိုက်ပါတယ်။

တည်ဆဲဥပဒေတွေကို လေ့လာဆန်းစစ်သုံးသပ်ပြီး ပြင်ဆင်၊ ပယ်ဖျက်၊ အသစ်ပြဌာန်းနိုင်ဖို့အတွက် လွှတ်တော် အသီးသီးထံ အကြံပြုတင်ပြဖို့ တာဝန်ရှိတယ်လို့ ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင် ဒုတိယဥက္ကဌ ၁ အဖြစ် တာဝန်ပေးအပ်ခံရတဲ့ လွှတ်တော်ကိုယ်စားလှယ် ဦးကိုကိုနိုင် က ပြောပါတယ်။

"တည်ဆဲဥပဒေများအား လေ့လာဆန်းစစ်သုံးသပ်ပြီး ပြင်ဆင်ရေး၊ ပယ်ဖျက်ရေး၊ အသစ်ပြဌာန်းနိုင်ရေးတို့ ကို ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဌနှင့် အမျိုးလွှတ်တော် ဥက္ကဌတို့မှတဆင့် သက်ဆိုင်ရာလွှတ်တော်သို့ အကြံပြုတင်ပြရမှာဖြစ်ပါတယ် ဒါ့အပြင် အထူးကိစ္စရပ်များ ပေါ်ပေါက်လာပါက ၄င်းကိစ္စရပ်များအား ဥပဒေအမြင်နှင့်ယှဉ်ပြီး လေ့လာဆန်းစစ်သုံးသပ်ပြီးတော့ ပြည်ထောင်စုလွှတ်တော် နာယက၊ ပြည်သူ့လွှတ်တော် ဥက္ကဌနှင့် အမျိုးလွှတ်တော် ဥက္ကဌတို့မှတဆင့် သက်ဆိုင်ရာလွှတ်တော်သို့ အစီရင်ခံတင်ပြရပါတယ်၊ နာယကနှင့် လွှတ်တော် ဥက္ကဌများက သတ်မှတ်ပေးသည့် လုပ်ငန်းတာဝန်များကို သတ်မှတ်ကာလအတွင်း ပြီးစီးအောင် ဆောင်ရွက်ရပါမယ်၊ နာယကနှင့် လွှတ်တော်ဥက္ကဌများက ကဏ္ဍ အလိုက် သီးခြားသတ်မှတ်ပေးသည့် အထူးကိစ္စရပ်များအတွက် ကော်မရှင်အတွင်း တာဝန်ခွဲဝေ သတ်မှတ် ဆောင်ရွက်ရပါမယ်၊ နာယက၊ လွှတ်တော် ဥက္ကဌများက လုပ်ငန်းလိုအပ်ချက်အရ အကြံဥာဏ်တောင်းခံသည့်အခါ ဥပဒေနဲ့အညီ ဆွေးနွေးညှိနှိုင်းသုံးသပ်ပြီး သင့်တော့သည့်အကြံ ပေးရ မှာဖြစ်ပါတယ်"

ကော်မရှင်ဟာ အထူးကိစ္စရပ်တွေ ပေါ်ပေါက်လာရင် ဥပဒေရေးရာရှုထောင့်ကနေ လေ့လာသုံးသပ်ပြီး လွှတ်တော် ဥက္ကဌတွေထံ တင်ပြဖို့ တာဝန်ရှိတယ်လို့လည်း သိရပါတယ်။

အဲ့ဒီကော်မရှင်ကို ပြီးခဲ့တဲ့ လွှတ်တော်သက်တမ်းမှာ ပြည်သူ့လွှတ်တော် တစ်ခုတည်းအတွက်သာ ဖွဲ့စည်းခဲ့တာဖြစ် ပြီး ဒီတစ်ကြိမ်မှာ ပြည်သူ့လွှတ်တော်၊ အမျိုးသားလွှတ်တော်နဲ့ ပြည်ထောင်စု လွှတ်တော်တို့အတွက် အားလုံးသက် ဆိုင်မှုရှိမှာဖြစ်ပါတယ်။

အဲ့ဒီကော်မရှင်မှာ သူရဦးရွှေမန်းအပြင် ဦးဇော်မြင့်ဖေ၊ ဦးမောင်တိုး၊ ဦးကြည်သာ၊ ဦးအေးမောက်၊ ဦးတင်မောင်ဦး စတဲ့ ကြံ့ခိုင်ဖံွ့ဖြိုးရေးပါတီ ကိုယ်စားလှယ်ဟောင်း တချို့ပါဝင်ပြီး အငြိမ်းစားအစိုးရ ထိပ်တန်းအရာရှိတွေ ပါဝင်ပါတယ်။

အဲ့ဒီကော်မရှင်ကို ပြီးခဲ့တဲ့ ဖေဖော်ဝါရီလ ၄ ရက်နေ့က ပြည်သူ့လွှတ်တော်မှာ အဖွဲ့ဝင် ၂၃ ဦးနဲ့ ဖွဲ့စည်းခဲ့ပြီးနောက် ဒီနေ့ ပြည်ထောင်စုလွှတ်တော်မှာ ဖွဲ့စည်းတဲ့အခါ အဲ့ဒီအဖွဲ့ဝင် ၂၃ ဦးအပြင် အန်အယ်လ်ဒီပါတီ လွှတ်တော် ကိုယ်စားလှယ် ၃ ဦးနဲ့ အငြိမ်းစားအစိုးရအရာရှိတချို့ ထပ်တိုးလာတာဖြစ်ပါတယ်။

ပြည်ထောင်စုလွှတ်တော်မှာ အဲ့ဒီကော်မရှင်ကို ဖွဲ့စည်းလိုက်တဲ့အတွက် ပြည်သူ့လွှတ်တော်မှာ အရင်ဖွဲ့စည်း ထားတဲ့ ကော်မရှင်ကို ဖျက်သိမ်းမလား၊ ဆက်လက်ထားရှိမလားဆိုတာ မသိရသေးဘူးလို့ ကော်မရှင် အဖွဲ့ဝင်တွေက ပြောပါတယ်။

RFA
http://www.rfa.org/burmese/news/parliament-shwemann-commission-02292016080809.html


အစိုးရသစ်ကို ဦးဆောင်မယ့် သမ္မတတွေရဲ့ အမည်စာရင်းကို မတ်လ ၁၇ ရက်နေ့မှာ နောက်ဆုံးထား တင်သွင်းဖို့ သတ်မှတ်ထားတာကို လွှတ်တော်မှာ ပြင်ဆင်ဖို့ စီစဉ်နေပါတယ်။ ရွေးကောက်ပွဲမှာ တခဲနက် အနိုင်ရထားပြီး ဒုသမ္မတလောင်း ၂ ဦး တင်မြှောက်ခွင့် ရထားတဲ့ အမျိုးသား ဒီမိုကရေစီအဖွဲ့ချုပ် (NLD) ပါတီက အစိုးရသစ်ဖွဲ့စည်းရေး အရှိန်မြှင့် ဆောင်ရွက်နေချိန်မှာပဲ သမ္မတလောင်း အမည်စာရင်း တင်သွင်းမယ့် အစီအစဉ် အပြောင်းအလဲလုပ်မယ့် သတင်းတွေ ထွက်ပေါ်လာတာပါ။ အပြည့်အစုံကိုတော့ ဆက်သွယ်စုံစမ်းထားတဲ့ ဗွီအိုအေ မြန်မာပိုင်း သတင်းထောက် မေခ က သတင်းပေးပို့ ထားပါတယ်။

သမ္မတတဦးအဖြစ် ရွေးချယ်မှုတွေ မတိုင်မီ ဒုတိယသမ္မတ ၃ ဦး အမည်စာရင်း တင်သွင်းဖို့ မတ်လ ၁၇ ရက်နေ့မှာ သတ်မှတ်ထားပေမဲ့ အခုအခါ ပြင်ဆင်ဖို့ စီစဉ်နေကြတာပါ။ အင်္ဂါနေ့မှာ ကျင်းပမယ့် ပြည်ထောင်စုလွှတ်တော် အစည်းအဝေးမှာ ဒီကိစ္စကို ဆွေးနွေးမယ့် အစီစဉ်ထည့်သွင်းထားတယ်လို့လည်း NLD ပါတီရဲ့ မကွေးတိုင်း အမျိုးသား လွှတ်တော် ကိုယ်စားလှယ် ဒေါက်တာကျော်ငွေက ပြောပါတယ်။

“မနက်ဖြန်မှ ကြေညာမှာ ဟုတ်တယ် အဲလိုပါတယ်။ ကျနော်တို့တွေကိုတော့ ဘယ်သူမှတွေတော့မပြောသေးဘူး ။ ကျနော်တို့လည်း အဲဒီကိစ္စ ဒါပဲ ဆွေးနွေးနေတယ်လို့ ထင်တာပေါ့လေ။”

လွှတ်တော်မှာ ဒုသမ္မတလောင်း သုံးဦးရဲ့အမည်စာရင်းတွေကိုတော့ NLD နဲ့ တပ်မတော် ကိုယ်စားလှယ်တွေ မူလက မတ်လ (၁၇) ရက်နေ့မှာ တင်သွင်းဖို့ စီစဉ်ထားကြတာပါ။ ရွေးကောက်ပွဲ အနိုင်ရ NLD ပါတီကတော့ ပြည်သူ့လွှတ်တော် အမတ်နေရာ ၂၅၅ နေရာ၊ အမျိုးသားလွှတ်တော်မှာ ၁၃၅ နေရာ အနုိုင်ရရှိထားတဲ့အတွက် ဒုသမ္မတ ၂ ဦး ရွေးချယ်ခွင့်ရထားပြီး၊ တပ်မတော်သား ကိုယ်စားလှယ်တွေက ၁ ဦး ရွေးချယ် တင်မြှောက်ခွင့်ရမှာ ဖြစ်ပါတယ်။ NLD ပါတီ ဥက္ကဋ္ဌ ဒေါ်အောင်ဆန်းစုကြည် ကတော့ ဖွဲ့စည်းပုံအခြေခံဥပဒေပုဒ်မ ၅၉-စ အရ လက်ရှိမှာ သမ္မတတာဝန်ယူခွင့်မရပဲ ဖြစ်နေပါတယ်။

ဒါပေမဲ့လည်း တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဒေါ်အောင်ဆန်းစုကြည် တို့ မကြာသေးခင် လတွေအတွင်း တွေ့ဆုံမှုတွေကြောင့် ဒေါ်အောင်ဆန်းစုကြည် အစိုးရအဖွဲ့ကို ဦးဆောင်နိုင်မယ့် အခွင့်အလန်းတွေ ပွင့်လာတော့ မယ်လို့ မျှော်လင့် မှုတွေလည်း ထွက်ပေါ်လာပါတယ်။ဒါပေမဲ့လည်း အခုအခါ ဒုသမ္မတအမည်စာရင်း တင်သွင်းမယ့် အစီအစဉ် အပြောင်းအလဲတွေ ဖြစ်လာ တာဟာ ဒေါ်အောင်ဆန်းစုကြည် သမ္မတ တာဝန်ယူခွင့်ယူဖို့ ညှိနှိုင်းမှုတွေ ပြေလည်မှု မရတာကြောင့် ဖြစ်နိုင်တယ် လို့လည်း မြန်မာ့အရေးအကဲခတ် လေ့လာသူဦးစည်သူအောင်မြင့် က သုံးသပ်ပါတယ်။

“ဒေါ်အောင်ဆန်းစုကြည်ကို သမ္မတအနေနဲ့ တင်မြှောက်လို့ရအောင် ပုဒ်မ ၅၉ ( စ ) ကိုပေါ့နော် လွှတ်တော်ထဲမှာ ဆိုင်းငံ့တာတို့ လုပ်ဖို့အတွက်ကို တပ်မတော် ကာကွယ်ရေးဦးစီးချုပ်နဲ့ ညှိနှိုင်းမှု ဘာညာဆိုပြီးတော့မှ အချိန်ယူတာတို့ အဲဒီလိုမျိုးယူဆတယ်။ အဲဒီတော့ အခုလောလောဆယ် နောက်ဆုံးအခြေအနေမှာ အဲဒါက ညှိနှိုင်းလို့ အဆင်မပြေဘူး။ ဒီအသွင်ကူးပြောင်းရေးကာလမှာတော့ ဒေါ်အောင်ဆန်းစုကြည်အနေနဲ့ သမ္မတလုပ်ဖို့ ကြိုးစားတော့မယ့် ပုံမပေါ်ဘူး။ အဲဒါတချက်ပေါ့နော်။ ဒုတိယတချက်က ပြီးခဲ့တဲ့ရက်ပိုင်းက ဒေါ်ခင်စန်းလှိုင်တင်တဲ့ အဆို ပြဿနာပေါ့ ။ အခု NLD ဘက်က နောက်ဆုံးအဖြေက သမ္မတ တင်မြှောက်ရေးကိစ္စ အစိုးရဖွဲ့ရေးကိစ္စကို အချိန်ဆွဲထားဖို့ ဘာအကြောင်းမှ မရရှိတော့ဘူး။ စောစော စီးစီသာ သမ္မတ ၊ဒုသမ္မတတို့ရွေးထားပြီးတော့ အစိုးရ အဖွဲ့ဝင်တွေ ကိုလည်း ရွေးထား လိုက်မယ်ဆိုရင် အဲဒီ မတ်လ ၃၀ ရက်နေ့မတိုင်ခင်မှာ သူတို့ ကောင်းကောင်းမွန်မွန်လုပ်နိုင်လိမ့်မယ်လို့ ယူဆတဲ့ပုံပေါ်တယ်။ နောင်တက်လာမယ့် အစိုးရအတွက် ပိုအဆင်ပြေနိုင်တယ်လို့ ပိုအချိန်စောပြီးတော့မှ လုပ်ရတယ်လို့ထင်တယ်လေ။”

NLD ပါတီကတော့ ပြည်နယ်နဲ့ တိုင်းဒေသကြီး အစိုးရတွေ ဖွဲ့စည်းတဲ့အခါ တိုင်းရင်းသား လူနည်းစု ကိုယ်စားလှယ်တွေကို ပါဝင်ခွင့်ပေးမှာ ဖြစ်တယ်လို့လည်း ပြောဆိုထားတာပါ။ ဒါပေမဲ့လည်း ပြည်နယ်နဲ့ တိုင်းဒေသကြီး အစိုးရတွေရဲ့ အကြီးအကဲ တာဝန်တွေကိုတော့ NLD ပါတီက ကိုယ်စားလှယ်တွေကိုသာ ခန့်အပ်တာဝန်ပေးမှာ ဖြစ်တယ်လို့လည်း ပြောဆိုထားပါတယ်။

မနက်ဖြန် အင်္ဂါနေ့မှာ ကျင်းပမယ့် လွှတ်တော် အစည်းအဝေးမှာ ဒီကိစ္စကို ဆွေးနွေးမှာ ဖြစ်တယ်လို့လည်း ရခိုင်အမျိုးသားပါတီ ပြည်သူ့လွှတ်တော်ကိုယ်စားလှယ် ဦးဖေသန်း က ဗွီအိုအေကို ပြောပါတယ်။ ရွေးကောက်ပွဲမှာ တခဲနက် အနိုင်ရထားပြီး ဒုသမ္မတလောင်း ၂ ဦး တင်မြှောက်ခွင့် ရထားတဲ့ အမျိုးသား ဒီမိုကရေစီအဖွဲ့ချုပ် (NLD) ပါတီက အစိုးရသစ်ဖွဲ့စည်းရေး အရှိန်မြှင့် ဆောင်ရွက်နေချိန်မှာပဲ သမ္မတလောင်း အမည်စာရင်း တင်သွင်းမယ့် အစီအစဉ် အပြောင်းအလဲလုပ်မယ့် အခြေအနေနဲ့ ပတ်သက်လို့မသိင်္ဂီထိုက်ကမေးမြန်းရာမှာ ဦးဖေသန်းက အခုလို စပြောပါတယ်။

"ဦးဖေသန်း။ ။ မနက်ဖြန် Agenda မှာ တွေ့တာကတော့ ဒီသမ္မတ ရွေးချယ်ရေးအစီအစဉ်ကို ရက်စွဲ နေ့ရက်ကို ပြင်ဆင် သက်မှတ်မယ်ဆိုတဲ့ agenda တခုပါပါတယ်။ အရင်တုန်းကတော့ ကျနော်တို့ မတ်လ ၁၇ ရက်နေ့မှာ သမ္မတ ရွေးချယ်ရေးအစီအစဉ်ကို လွှတ်တော် ၂ ရပ် သီးခြားခွဲပြီးတော့ စတင်လုပ်ဆောင်မယ်ဆိုပြီးတော့ ပြောထားပါတယ်။ အခုအခါကျတော့ ပြန်ပြင်မလို့နဲ့တူပါတယ်။ ရှေ့တိုးမလား၊ နောက်ဆုတ်မလားတော့မပါပါဘူး။ ဒါပေမယ့် ကျနော့်အနေနဲ့ ထင်တာကပေါ့နော် ဒီသမ္မတရွေးချယ်ရေးအစီအစဉ်ကို ရှေ့ကို ဒီထက် နည်းနည်းတိုးပြီးတော့ ဒါမျိုးက စောစောစီးစီး လုပ်ချင်ပုံရပါတယ်။ ဘာဖြစ်လို့လဲဆိုတော့ အခြေအနေအရပေါ့နော် ဒီကိစ္စနဲ့ ပတ်သက်ပြီးတော့လည်း ဒေါ်အောင်ဆန်းစုကြည်မှာ အဖြေတခုရလောက်ပြီ၊ ၀န်ကြီးတွေရွေးဖို့ ပြည်ထောင်စု ၀န်ကြီးတွေရွေးဖို့ ကိစ္စလည်း အစီအစဉ် လျာထားချက်တွေ ပြီးလောက်ပြီ။ အဲဒါနဲ့ ဒီနေ့ရက်ကို ရှေ့တိုးပြီးတော့ သက်မှတ်တယ်၊ သက်မှတ်မယ်လို့ ကျနော်ထင်တာပေါ့နော်။ အဲလို သတ်မှတ် လိုက်ရင်တော့ ကျနော်တို့ သမ္မတက အမြန်ဆုံးဖြစ်လာမယ်။ ပြီးတော့မှ တဆက်တည်းပဲ ကျနော်တို့ ပြည်ထောင်စုဝန်ကြီးတွေ၊ ၀န်ကြီး ဌာနတွေ ရွေးချယ် သက်မှတ်တဲ့လုပ်ငန်းစဉ်တွေကို ဆက်လုပ်လို့ရမယ်။ ပြီးမှ ကျနော်တို့ ပြည်နယ်တွေ တိုင်းဒေသကြီး ၀န်ကြီးချုပ်တွေကို ဆက်ပြီးတော့ ရွေးဖို့အစီအစဉ်တွေ အများကြီးရှိပြီးတော့ အဲဒီလို ရက်ရွေ့ပြီးတော့ ရှေ့ကို တိုးသက်မှတ်တာ လို့ ကျနော်ယူဆပါတယ်။

မသိင်္ဂီထိုက်။ ။ ဟုတ်ကဲ့ ။ ဆရာ ဒီ သမ္မတ အမည်စာရင်းနဲ့ပတ်သက်ပြီးတော့ရော ဆရာတို့ ဘယ်လောက်ထိ သိထားပါပြီလဲရှင့်။ ဒေါ်အောင်ဆန်းစုကြည် သမ္မတ ဖြစ်ခွင့်ရရော နီးစပ်ပါသလား။

ဦးဖေသန်း။ ။ ကျနော်တို့ကတော့ မီဒီယာ သတင်းတွေ အရပေါ့ဗျာ ပြောရမယ် ဆိုရင်တော့ တပ်မတော် ကာကွယ်ရေး ဦးစီးချုပ်နဲ့ ဒေါ်အောင်ဆန်းစုကြည် တို့ အဲဒီကိစ္စမှာ ပြေလည်မှု သိပ်မရဘူးလို့ ကျနော်တို့ ကြားပါတယ်။ ပြီးတော့ ဒီ လက်ရှိအစိုးရနဲ့လည်းပဲ နည်းနည်း အဖုအထစ်လေးတွေရှိတာပေါ့နော်။ ဟိုဘယ်လိုပြောမလဲ ဖြစ်ပျက်ခဲ့တဲ့ ကိစ္စတွေဒါတွေလည်း ပါတာပေါ့။ ဒါကြောင့်မို့လို့ ကျနော်အထင်ကတော့ပေါ့နော် ၊ အထင်ပဲပြောပါမယ် သူ့အနေနဲ့ သမ္မတဖြစ်ခွင့်ကို စွန့်လွတ်လိုက်ပြီလို့ ယူဆတဲ့အတွက်နဲ့ ဒီလိုနေ့စွဲကို ရက်ရှေ့တိုးပြီးတော့ သက်မှတ်တယ်လို့ပဲ ကျနော်တို့ ယူဆပါတယ်။ အဲဒါကြောင့် ကျနော်တို့ကတော့ မပြောတက်ဘူးဗျ။ ဒါပေမယ့် ဒါက ဒေါ်အောင်ဆန်းစုကြည် တယောက်တည်းပဲ သိမယ့်ကိစ္စပဲဖြစ်ပါတယ်။”

မေခ, မသိင်္ဂီထိုက်/VOA
http://burmese.voanews.com/content/the-date-to-elect-president-and-vice-president-will-change-/3212667.html

Arakan Army AA ခေါ် ရက္ခိုင့်တပ်မတော် တပ်ဖွဲ့ဝင် တချို့ကို တွေ့ရစဉ်။ Photo: Arakan Army
ရခိုင်ပြည်နယ် ဘူးသီးတောင်မြို့နယ် မြန်မာ-ဘင်္ဂလားဒေ့ရ်ှနယ်စပ် နယ်ခြားမှတ်တိုင်အမှတ်- ၆၃၊ ၆၄ အနီးမှာ ရက္ခိုင့်တပ်မတော် AA နဲ့ အစိုးရတပ်မတော်တို့ ပြီးခဲ့တဲ့ ဖေဖော်ဝါရီလ ၂၇ ရက်နေ့က တိုက်ပွဲဖြစ်ပွားခဲ့ကြောင်း ရက္ခိုင့်တပ်မတော် AA က သတင်းထုတ်ပြန်လိုက်ပါတယ်။

ဒါ့အပြင် မြန်မာ-ဘင်္ဂလားဒေ့ရ်ှနယ်စပ်မှာ အစိုးရတပ်မတော်ဖက်က တပ်အင်အား တိုးချဲ့လာတာတွေ ရှိတယ်လို့လည်း ပါရှိပါတယ်။

ဒီသတင်းနဲ့ပတ်သက်ပြီး အစိုးရတပ်မတော်ဘက်က သတင်းထုတ်ပြန်ကြေညာတာမရှိသေးပါဘူး။

အစိုးရတပ်မတော်နဲ့ AA တပ်ဖွဲ့တို့ဟာ ပြီးခဲ့တဲ့နှစ် ဧပြီလက ကျောက်တော်မြို့နယ် ပီချောင်းဒေသမှာ တစ်ကြိမ်၊ ဒီဇင်ဘာလကုန်လောက်မှာ တစ်ကြိမ် တိုက်ပွဲဖြစ်ပွားခဲ့ပါတယ်။

အဲ့ဒီတိုက်ပွဲတွေကြောင့် ဒေသခံ ၂ဝဝ လောက်ဟာ နီးစပ်ရာကျေးရွာတွေကို ထွက်ပြေးတိမ်းရှောင်ခဲ့ကြတာဖြစ်ပြီး အခုချိန်ထိ နေရပ်မပြန်ရဲကြသေးဘူးလို့ သိရပါတယ်။

RFA Burmese
http://www.rfa.org/burmese


ထိုင်းနိုင်ငံ ချင်းမိုင်မြို့က အသက်(၂၀)အရွယ် ဟိုတယ်ဝန်ထမ်းအမျိုးသမီးတစ်ဦးကို မွေးစကလေး သတ်ပြီးအမှိုက်ပုံးထဲ ပစ်ထားသူလို့ယူဆတဲ့အတွက် ဖေဖော်ဝါရီလ (၂၄)ရက်က ဖမ်းဆီးလိုက်ပါတယ်။

ချင်းမိုင်မြို့က နာမည်ကြီးဟိုတယ်တစ်ခုရဲ့ အိမ်ဖော်အလုပ်သမားအိပ်တဲ့ တိုက်နံပါတ်(၂)မှာ ၂၀၁၅ ခုနှစ် ဒီဇင်ဘာလ ၂၉ ရက်က တွေ့ခဲ့ရတဲ့ ကလေးငယ်အလောင်းနဲ့ ပတ်သက်လို့ ဖမ်းဆီးခံလိုက်ရတာ ဖြစ်ပါတယ်။

ဒီကလေးငယ်ဟာ (၉)လကိုယ်ဝန်နဲ့ မွေးထားခြင်းဖြစ်ပြီး အသက်မရှူနိုင်အောင် အဝတ်စတွေနဲ့ ရစ်ပတ်ထားတာကို တွေ့ခဲ့ရတာပါ။

ဒီအမှုကိုစစ်ဆေးရာကနေ ဟိုတယ်မှာ အလုပ်လုပ်နေတဲ့ ရှမ်းအမျိုးသမီးတစ်ယောက် ကိုယ်ဝန်နဲ့ ရှိခဲ့ဖူးတာကြောင့် သူ့ကို ရဲတပ်ဖွဲ့က DNA စစ်ဆေးရာကနေ ကလေးနဲ့ DNA တူနေတာကို တွေ့လိုက်ရတာပါ။

ဟိုတယ်က CCTVကိုပြန်စစ်ဆေးတဲ့အခါမှာလည်း ဒီအမျိုးသမီးက အမှိုက်အိတ်နဲ့ ထုတ်ထားတဲ့ကလေးကို အမှိုက်ပုံးထဲပစ်နေတာ တွေ့ရပါတယ်။

ထိုင်းနိုင်ငံသားတစ်ယောက်နဲ့ ချစ်သူဖြစ်ခဲ့ပြီး ကိုယ်ဝန်ရတဲ့အခါ ချစ်သူက လမ်းခွဲသွားတာကြောင့် ကလေးကို ကိုယ်တိုင်မွေးပြီး ကလေးပါးစပ်ကို အဝတ်နဲ့ပိတ်ပြီး အမှိုက်ပုံးထဲသွားပစ်ခဲ့တာလို့ ဒီအမျိုးသမီးက ဝန်ခံလိုက်တဲ့အတွက် ရဲတပ်ဖွဲ့က အမှုဖွင့်ပြီး ဥပဒေအရ အရေးယူထားတယ်လို့ သိရတယ်။

ဘာသာပြန် ။ ။ ‪‎နန်းမောက်ကွမ်‬
Ref; dailynews
Tachileik News Agency
http://www.tachileik.net


ကေအိုင်အေ ကချင်လွတ်မြောက်ရေးတပ်မတော်မှ ရှမ်းပြည်နယ်မြောက်ပိုင်းဒေသတွင် တပ်မဟာ ( ၆) အမည်ဖြင့် တပ်ရင်းတိုးချဲ့ ဖွဲ့စည်းခဲ့မှုအပေါ် အစိုးရ၏ ပြည်ထောင်စု ငြိမ်းချမ်းရေး ဖော်ဆောင်မှု လုပ်ငန်းကော်မတီမှ အပြင်းထန် ရှုံ့ချလိုက်ပါသည်။

ဖေဖော်ဝါရီလ ၂၉ ရက်နေ့ နေ့စွဲဖြင့် ထုတ်ပြန်လိုက်သော အဆိုပါ ထုတ်ပြန်ချက်တွင် တပ်မဟာ (၆) တိုးချဲ့ဖွဲ့စည်းမှုမှာ ငြိမ်းချမ်းရေး အတွက် ကောင်းကျိုးထက် ဆိုးကျိုး ပိုမိုသက်ရောက်စေ မည်ဖြစ်ကြောင်း ဖော်ပြထားပြီး အစိုးရမှ ဖော်ဆောင်နေသည့် ပြည်တွင်းငြိမ်းချမ်းရေးကို ဆန့်ကျင်ရာရောက်ကြောင်းလည်း ရေးသားထားပါသည်။

တပ်မဟာ (၆) အခြေချသည့် ဒေသမှာ ယခင် ဗမာပြည်ကွန်မြူနစ်ပါတီ ဗကပ ထိန်းချုပ်နယ်မြေဖြစ်သည့် မုန်းကိုး ၊ ဖောင်းဆိုင်နှင့် မုန်းဘော် တို့တွင်ဖြစ်ပြီး ဖေဖော်ဝါရီလ ၂၆ ရက်နေ့တွင် တရားဝင်ဖွဲ့စည်း ထားကြောင်း အစိုးရ၏ ထုတ်ပြန်ချက်တွင် ဖော်ပြ ထားသည်။

‘အဲဒီနယ်မြေတွေမှာ ကေအိုင်အေ တပ်မဟာ (၆) ဆိုပြီးဖွဲ့တာ ကြာနေပြီ။ အခုမှ တရားဝင်ကြေငြာတာ။တကယ်တော့ CPB ဗကပ အခြေချခဲ့တဲ့ အဲဒီဒေသတွေက တကယ်တော့ ဗကပ မ၀င်ခင်ခေတ် ကတည်းက ကေအိုင်အေ နယ်မြေတွေပါပဲ’ ဟု ယခင်က ဗမာပြည်ကွန်မြူနစ်ပါတီ၏ အဖွဲ့ဝင်ဟောင်းတစ်ဦးက The Ladies News သို့ပြောသည်။

လတ်တလောကာလအတွင်းမှာပင် တအာင်းပလောင် TNLA/PSLF ၊ ကေအိုင်အေ ၊ ကိုးကန့် နှင့် ရှမ်းတပ်မတော် တို့အခြေချရာ ရှမ်းပြည်နယ်မြောက်ပိုင်းဒေသတို့ အင်အား ထောင်နှင့်ချီသည့် အစိုးရတပ်ဖွဲ့မှ တပ်ရင်းများ တိုးချဲ့နေရာချထားလာကြောင်း တိုင်းရင်းသားလက်နက်ကိုင်အဖွဲ့များမှ သတင်းထုတ်ပြန်ထားသည်.။

The Ladies News
https://www.facebook.com/News.TheLadies


 ဉာဏ်ပညာအမြော်အမြင်ဖြင့် ဆင်ဆင်ခြင်ခြင် ပြောဆိုလုပ်ဆောင် ကြမှသာလျှင် နိုင်ငံတော်နှင့်နိုင်ငံသားအကျိုးစီးပွားကို မှန်ကန်စွာဖော်ဆောင်နိုင်ကြမှာဖြစ်သည်

✔ အထင်အမြင်လွဲမှား သံသယတွေများကြလျှင် ယုံကြည်မှုလျော့နည်းလာလိမ့်မယ်။

✔ ယုံကြည်မှုလျော့နည်းလာလျှင်၊ စိုးရိမ်မှုပိုကဲလာကြလိမ့်မယ်။ စိုးရိမ်မှုပိုလာကြလျှင်၊ နေထိုင်ရတာ မလုံမခြုံ ဖြစ်လာလိမ့်မယ်။

✔ ထို့အတူ ပကတိအခြေအနေနှင့် အမှန်တရားအပေါ် အခြေခံပြီး နိုင်ငံတော်အပေါ်၊ ပြည်သူများအပေါ် သစ္စာတရားဖြင့် နိုင်ငံကာကွယ်ရေး၊ နိုင်ငံတည်ဆောက်ရေးတို့အတွက် သက်ဆိုင်ကြသူများ အားလုံးမှ ပါဝင်စဉ်းစားသုံးသပ် ဆောင်ရွက်ကြရန် အမှန်ပင်အရေးကြီးလှပါတယ်။

✔ ဒါကြောင့် နိုင်ငံသားအားလုံး၊ တိုင်းရင်းသား ညီအစ်ကိုမောင်နှမအားလုံးနှင့် တစ်ဦးချင်း၊ တစ်ယောက်ချင်း ပြောဆို လုပ်ဆောင်မှုများသည်လည်း သံသယပွားစေသော၊ အထင်အမြင်လွဲမှားစေသော အကြောင်း အရာနှင့် အချက်အလက်များကို ဉာဏ်ပညာအမြော်အမြင်ဖြင့် သတိပြုဆင်ခြင်၍ ပြောဆိုလုပ်ဆောင်မှုများဖြင့်သာလျှင် နိုင်ငံနှင့်နိုင်ငံသား အကျိုးစီးပွားကို မှန်ကန်စွာ ဖော်ဆောင်ကြရမည့် အချိန်ဖြစ်ပါတယ်။

✔ ဉာဏ်ပညာအမြော်အမြင်ဖြင့် နိုင်ငံတော်နှင့်နိုင်ငံသားများအတွက် ကောင်းကျိုးလိုရာဆန္ဒများပြည့်ဝအောင် ဆောင်ရွက်နိုင်ကြပါစေ…။

(သူရဦးရွှေမန်း၏ ၂၀၁၆ ခုနှစ်၊ ဖေဖော်ဝါရီလ ၂၉ ရက်နေ့၊ ၀၉၀၀ နာရီအချိန်၊ ကော်မရှင်အဆောက်အဦ(I-1)၌ ပြုလုပ်သောအစည်းအဝေးတွင် ပြောကြားမှုမှ ကောက်နှုတ်ဖော်ပြချက်)

Thura U Shwe Mann
https://www.facebook.com/HEThuraUShweMann


ပြည်ထောင်စု လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင်အား အဖွဲ့ ဝင် ၃၄ ဦးဖြင့် ဖွဲ့စည်းထားကြောင်း ပြည်ထောင်စု လွှတ်တော် နာယက ဦးမန်းဝင်းခိုင်သန်းက ပြောသည်။

“ပြည်ထောင်စုလွှတ်တော် နာယကသည် ပြည်ထောင်စု လွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော် ကော်မတီများက လေ့လာသော ကိစ္စရပ်များမှအပ ကျန်ကိစ္စရပ်များကို လေ့လာရန်နှင့် လွှတ်တော်အသီးသီး၏ ကော်မတီဆိုင်ရာ လုပ်ငန်းများတွင် ပူးပေါင်း ဆောင်ရွက်နိုင်ရန် လိုအပ်ချက်အရ ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင်ကို ပြည်ထောင်စု လွှတ်တော် ဥပဒေနှင့်အညီ ဖွဲ့စည်းလိုက်သည်” ဟု ပြည်ထောင်စု လွှတ်တော် နာယက က ပြောသည်။

ကော်မရှင်၏ တာဝန်နှင့် လုပ်ပိုင်ခွင့်များတွင် တည်ဆဲဥပဒေများအား လေ့လာဆန်းစစ် သုံးသပ်ပြီး ပြင်ဆင်ရေး၊ ပယ်ဖျက်ရေး၊ အသစ်ပြန်လည် ပြဋ္ဌာန်းရေးတို့ကို ပြည်ထောင်စု လွှတ်တော်နာယက၊ ပြည်သူ့လွှတ်တော်၊ အမျိုးသား လွှတ်တော် ဥက္ကဋ္ဌတို့မှ တစ်ဆင့် သက်ဆိုင်ရာ လွှတ်တော်သို့ တင်ပြခွင့်ရှိသည်။

ယင်းအပြင် အထူးကိစ္စရပ်များ၊ နာယကနှင့် လွှတ်တော် ဥက္ကဋ္ဌတို့ သတ်မှတ်ပေးသော လုပ်ငန်းများ၊ နာယကနှင့် ဥက္ကဋ္ဌများက ကဏ္ဍအလိုက် သီးခြားသတ်မှတ်ပေးသော အထူးကိစ္စရပ်များအတွက် ကော်မရှင်အတွင်း တာဝန်ခွဲ ဝေ ဆောင်ရွက်ရမည် ဖြစ်သည်။

“ကော်မရှင် ဥက္ကဋ္ဌ အဖြစ် သူရဦးရွှေမန်း၊ ဒုတိယဥက္ကဋ္ဌ(၁) အဖြစ် ရမည်းသင်း မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးကိုကိုနိုင်၊ ဒုတိယဥက္ကဋ္ဌ(၂) အဖြစ် ပဲခူးတိုင်းဒေသကြီး မဲဆန္ဒနယ် အမှတ်(၂) အမျိုးသား လွှတ်တော် ကိုယ်စားလှယ် ဒေါက်တာဝင်းမြတ်အေးနှင့် အတွင်းရေးမှူးအဖြစ် ဦးခင်မောင်ထွန်း တွဲဖက်စစ်ထောက်ချုပ်(ငြိမ်း) တို့ တာဝန်ယူ ဆောင်ရွက်မှာ ဖြစ်ပါတယ်” ဟု ပြည်ထောင်စု လွှတ်တော် နာယက ဦးမန်းဝင်းခိုင်သန်းက ပြောသည်။

ကော်မရှင်၏ သက်တမ်းသည် စတင်ဖွဲ့စည်းသည့် နေ့မှစ၍ တစ်နှစ်ဖြစ်ပြီး ယနေ့ဖွဲ့စည်းပေးလိုက်သည့် ကော်မရှင်တွင် လွှတ်တော် ကိုယ်စားလှယ် သုံးဦးနှင့် နိုင်ငံသား ၃၁ ဦး စုစုပေါင်း ၃၄ ဖြင့် ဖွဲ့စည်းလိုက်ကြောင်း ၄င်းက ဆိုသည်။

သတင်း - ကိုပေါက်
The Ladies News
https://www.facebook.com/News.TheLadies


လွှတ်တော်ကိုယ်စားလှယ် အစုအဖွဲ့များမှ နိုင်ငံတော်သမ္မတနှင့် ဒုတိယသမ္မတများ အမည်စာရင်း တင်သွင်းနိုင်ရေး အစည်းအဝေး သတ်မှတ်ရက် ရွှေ့ရန် ပြည်ထောင်စု လွှတ်တော် နာယက က ကြေညာမည်ဟု မတ်လ ၁ ရက်နေ့ အစည်းအဝေး အစီအစဉ်တွင် ထည့်သွင်း ဖော်ပြထားသည်။

ပြည်ထောင်စု လွှတ်တော်နာယက က နိုင်ငံတော်သမ္မတနှင့် ဒုတိယသမ္မတများ ရွေးချယ် တင်မြှောက်နိုင်ရန်အတွက် သက်ဆိုင်ရာ လွှတ်တော် ကိုယ်စားလှယ်များ အစုအဖွဲ့အလိုက် အစည်းအဝေးများ စတင်ကျင်းပမည့် နေ့ရက် ပြင်ဆင်သတ်မှတ်ချက်ကို ကြေညာခြင်းဟု အစီအစဉ် ၁၁ တွင် ထည့်သွင်းဖော်ပြထားသည်။

မူလက နိုင်ငံတော်သမ္မတနှင့် ဒုတိယသမ္မတများ အမည်စာရင်း တင်သွင်းနိုင်ရန် လွှတ်တော် ကိုယ်စားလှယ်များ အစုအဖွဲ့အလိုက် အစည်းအဝေး ကျင်းပရန် မတ်လ ၁၇ ရက်ဟု သတ်မှတ်ထားသည်။

ပြည်သူ့လွှတ်တော် ကိုယ်စားလှယ်များ အစုအဖွဲ့၊ အမျိုးသား လွှတ်တော် ကိုယ်စားလှယ်များ အစုအဖွဲ့နှင့် တပ်မတော်သား ကိုယ်စားလှယ်များ အစုအဖွဲ့ဟု အစုအဖွဲ့သုံးခုမှ အစုအဖွဲ့ တစ်ခုလျှင် ဒုတိယသမ္မတလောင်း အမည် တစ်ဦးစီ အမည်စာရင်း တင်သွင်းရမည် ဖြစ်သည်။

သမ္မတလောင်းများ ရွေးချယ် တင်မြှောက်ရန်အတွက် ရွေးချယ်ရေး အဖွဲ့သုံးဖွဲကို ပြည်သူ့ လွှတ်တော် ၊ အမျိုးသားလွှတ်တော် ၊ တပ်မတော်သား လွှတ်တော် ကိုယ်စားလှယ်များမှ အစုအဖွဲ့တစ်ဖွဲ့စီအလိုက် ရွေးချယ် တင်မြှောက်ရေး အဖွဲ့ ဖွဲ့စည်းကာ တင်မြှောက် ရမည် ဖြစ်သည်။

ယခုအခြေအနေအရ သမ္မတလောင်း တင်သွင်းရွေးချယ်မည့် ရက်များမှာ ရှေ့သို့ တိုးလာမည် ဖြစ်သည်။

“ကျွန်တော် ထင်တာကတော့ အခုအချိန်မှာ လွှတ်တော်နဲ့ အစိုးရအဖွဲ့အကြားမှာ ပွတ်တိုက် မှုတွေ များနေတေယ်။ အစိုးရက လွှတ်တော်မှာ လာမဖြေတဲ့ ကိစ္စတွေလည်း ရှိနေတော့ လွှတ်တော်ရဲ့ တရားဝင်မှု အနေအထားကိုလည်း ထိခိုက်နိုင်တယ်။ ရေရှည်ဆိုရင် အဲဒီလို ကိစ္စတွေက ပြသ၁နာရှိနိုင်တဲ့အတွက် သမ္မတလောင်း ရွေးချယ်မှုကို အမြန်ဆုံး ဆောင်ရွက်ခြင်းနဲ့ အနိုင်ရပါတီရဲ့ တရားဝင်မှု အခြေအနေကို ပိုမို မြင့်တင် ဆောင်ရွက်နိုင်အောင် တစ်ဖက်မှာလည်း ပွတ်တိုက်မှုတွေ လျော့သွားအောင် ကြိုးစားတဲ့ ဆောင်ရွက်ချက်လို့ မြင်တယ်” ဟု တကောင်း မြန်မာ့အရေး လေ့လာသူများ အင်စတီကျုမှ ကိုရဲမျိုးဟိန်းက သုံးသပ်သည်။

မြန်မာ့အရေး လေ့လာသူ ဦးအောင်သူငြိမ်းက မူ “အခုအခြေနေက ဘာပဲဖြစ်ဖြစ် တစ်ခုခုတော့ လုပ်ရမှာပါ။ အီးစီ အစည်းအဝေး က ကျေလည် ဆုံးဖြတ်ပြီးလို့ ထင်ပါတယ်။ သို့လောသို့လော ဖြစ်နေတာတွေ လျော့ကျစေတယ်။ Business confidence တက်စေမယ် ထင်ပါတယ်” ဟု မှတ်ချက်ပြု ပြောဆိုသည်။

သတင်း - ကိုပေါက်
The Ladies News
https://www.facebook.com/News.TheLadies