03/02/16



မြန်မာနိုင်ငံရဲ့ အုပ်ချုပ်ရေးမဏ္ဍိုင်ကို ဦးဆောင်မယ့် သမ္မတလောင်းအမည်စာရင်းကို လွှတ်တော် ၂ ရပ်နဲ့ တပ်မတော်သားကိုယ်လှယ်အစုအဖွဲ့တွေအနေနဲ့ မတ်လ ၁၀ ရက်နေ့မှာ အပြီးသတ် တင်သွင်းဖို့ ပြည်ထောင်စုလွှတ်တော် ဥက္ကဋ္ဌကကြေညာ လိုက်ပါတယ်။ ဖေဖေါ်ဝါရီလ ၈ ရက်နေ့က ကျင်းပခဲ့တဲ့ ဒုတိယ အကြိမ်ပြည်သူ့လွှတ်တော်ကနေ ဒုသမ္မတ အမည်စာရင်း ပြည်ထောင်စု လွှတ်တော်သို့ တင်သွင်းခြင်းကိုမတ်လ ၁၇ ရက်နေ့လို့သတ်မှတ်ခဲ့ပြီးမှ အခု မတ်လ ၁၀ ရက်ကိုပြင်ဆင်လိုက်တာ ဖြစ်ပါတယ်။ ဒီလို ပြောင်းလဲမှုအပေါ်မှာ လွှတ်တော်ကိုယ်စားလှယ်တွေနဲ့ လေ့လာသုံးသပ်သူတွေဘက်မှာအမြင်အမျိုးမျိုးရှိနေပါတယ်။ ဗွီအိုအေမြန်မာပိုင်းက မေခကပေးပို့ထားပါတယ်။

လာမယ့် မတ်လ ၁၀ ရက်နေ့မှာ ဒုသမ္မတလောင်း အမည်စာရင်းတွေကို ထုတ်ပြန်ပေးဖို့ ဒီကနေ့လွှတ်တော်မှာ သတ်မှတ်လိုက်ပါပြီ။ မူလက မတ်လ(၁၇) ရက်အနေနဲ့ သတ်မှတ်ထားတာကို မတ်လ(၁၀)နေ့သို့ ပြန်လည်ပြင်ဆင် သတ်မှတ်လိုက်တာဖြစ်ပါတယ်။ ပြည်ထောင်စုလွှတ်တော်နာယက မန်းဝင်းခိုင်သန်း က ခုလိုလွှတ်တော်မှာကြေညာလိုက်တာပါ။

“စတင်ကျင်းပပြုလုပ်ရန် သတ်မှတ်ကြေညာထားတဲ့ မတ်လ(၁၇) ရက်နေ့ ကြာသပတေးနေ့အစား တပတ်ရှေ့တိုးပြီး ၂၀၁၆ခုနှစ် မတ်လ(၁၀) ကြာသပတေးနေ့တွင် စတင်ကျင်းပ ပြုလုပ်သွားရန် ပြင်ဆင် သတ်မှတ်ကြောင်း ကြေညာပါတယ်။ သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့က ရွှေးချယ်ပေးတဲ့ ဒုတိယ သမ္မတများ အမည်စာရင်းနဲ့ နိုင်ငံတော်သမ္မတ အရည်အချင်းပြည့်စုံမှု ရှိမရှိ စီစစ်နိုင်ရန် စီစစ်ရေးအဖွဲ့ ဖွဲ့စည်းဆောင်ရွက်ရေးအတွက် သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့က ရွေးချယ်ပေးတဲ့ လွှတ်တော်ကိုယ်စားလှယ် တဦးစီရဲ့ အမည်စာရင်းတွေကို ပြင်ဆင်သတ်မှတ်ပေးတဲ့ နေ့ရက်နဲ့အညီ တပါတည်း ရွေးချယ်ပြီး ပေးပိုကြရန်ဖြစ်ကြောင်း အသိပေး ကြေညာအပ်ပါတယ်။”

အစိုးရသစ်ကို ဦးဆောင်မယ့် သမ္မတ တဦးရွေးချယ်ဖို့အတွက် ဒုတိယသမ္မတ လောင်း အမည်စာရင်း တင်သွင်းဖို့ မတ်လ ၁၇ ရက်နေ့မှာ သတ်မှတ်ထားပေမဲ့ အခုအခါ ပြင်ဆင်ဖို့ စီစဉ်နေကြတာနဲ့ပတ်သက်ပြီး ရှမ်းတိုင်းရင်းသားများဒီမိုကရေစီအဖွဲ့ချုပ်က ပြည်သူ့လွှတ်တော်ကိုယ်စားလှယ် သီဟကျော်ကတော့ သူအမြင် ကိုခုလိုပြောပါတယ်။

“ဒါကတော့ ဆောင်ရွက်တဲ့ နယကတို့ အရှင်းဆုံးပြောရရင်တော့ NLD ပါတီ ပေါ့လေ။ သူတို့ရဲ့ စီစဉ်ဆောင်ရွက်မှုတွေ အဆင်သင့်ဖြစ် နေပြီလို့ယူဆတယ်။ နောက်တချက်က အဆင်သင့်ဖြစ်နေရဲ့သားနဲ့ အချိန်ကို တိုးပြီးယူထားပြီးတော့မှ ပြဿနာတွေပေါ်လာမှာ စိုးရိမ်တာရယ် အဲဒါကြောင့်မို့လို့ ရှေ့တိုးပြီးဆောင်ရွက်လိုက်တယ်လို့ ကျနော်ထင်ပါတယ်။ ကျနော်တို့အနေနဲ့ကတော့ အင်အားနည်းတဲ့အတွက်ကြောင့်မို့လို့ တင်လာမယ့်လူကို ကြိုက်တယ်မကြိုက်ဘူးဆိုတာကတော့ ကျနော်တို့ သဘောထားကို မဲနဲ့ပဲ ပြောလို့ရတာပေါ့နော်။ ဒါပေမယ့်လည်းပဲ ကန့်ကွက်နိုင်တဲ့ အင်အားမရှိပါဘူး။”

ဒေါ်အောင်ဆန်းစုကြည်သမ္မတဖြစ်လာနိုင်ရင် တိုင်းပြည်အတွက်သာမက တပ်မတော်ဘက်မှာပါ အကျိုးရလဒ်တွေရှိလာနိုင်တယ်ဆိုတာကို တပ်ပိုင်းဆိုင်ရာ ဘက်က နားလည်လက်ခံပေးမှသာ ၅၉(စ) ပြင်ဆင်ရေး အဆင်ပြေချောမွေ့ နိုင်မှဖြစ်တယ် လို့ နိုင်ငံရေးလေ့လာ အကဲခတ်သူ ဒေါက်တာရန်မျိုးသိမ်းကပြောပါ တယ်။

“ကျနော့်အမြင်ကတော့ မတ်လ ၁၀ ရက်နေ့ကို တိုးပြီးသတ်မှတ်လိုက်တာဟာ ၅၉( စ) လို အကျပ်အတည်း ကျော်လွှားနိုင်ဖို့နဲ့ တိုက်ရိုက်မဆက်စပ်ဘူးလို့ ကျနော်က မြင်တယ်။ ဒါပေမယ့် အဲဒီလို ရက်ရွေ့ဆိုင်းတာကို အကြောင်းပြုပြီးတော့ ၅၉ (စ) အကျပ်အတည်းကို လုံးဝ မကျော်လွှားနိုင်တော့ဘူးလို့ ယတိပြတ် သတ်မှတ်ဖို့တော့ ခက်မယ်လို့တော့မြင်တယ်။ သမ္မတနဲ့ ဒုတိယသမ္မတ အမည်စာရင်းတွေ တင်သွင်းဖို့ စပြီးတော့ လုပ်ဆောင်တဲ့အချိန်မှာ ဒေါ်အောင်ဆန်းစုကြည်အနေနဲ့တော့ စာရင်းထဲမှာ ပါဝင်လာဖို့ အလားအလာ မရှိသေးဘူးလို့မြင်တယ်။ ဒါပေမယ့် အစိုးရသစ်ဖွဲ့စည်းပြီးတဲ့နောက်ပိုင်းမှာ ဒီ NLD ပါတီအနေနဲ့ တပ်မတော်နဲ့ နိုင်ငံရေးအရ ညှိနှိုင်းဆွေးနွေးမှုတွေကို ဆက်လုပ်ပြီး နိုင်ငံရေးအရ သဘောတူညီချက်ရလာမယ်ဆိုရင်တော့ လက်ရှိဖြစ်နေတဲ့ ၅၉ (စ) အကျပ်အတည်းကို ကျော်လွှားနိုင်ပြီးတော့ ဒေါ်အောင်ဆန်းစုကြည် သမ္မတဖြစ်လာနိုင်တဲ့အလားအလာ ရှိနေတယ်လို့ ယေဘူရ သုံးသပ်လို့ရပါတယ်။”

လာမယ့် ၁၀ရက်နေ့မှာ ဒုသမ္မတလောင်း နာမည်စာရင်းတွေတင်ပြရာမှာ ဖြစ်ပေမယ့်လက်ရှိမှာ ပုဒ်မ ၅၉ (စ) ဆုိုင်းငံ့ရေး အဆုို တင်သွင်းရေး ကိစ္စများနဲ့ ပတ်သက်၍ ရှင်းရှင်းလင်းလင်း မသိရှိရသေးပါဘူး။ ဒီအတောအတွင်းမှာတော့မှာ ယာယီသမ္မတ ၁ ဦး တင်သွင်းပြီး ဒေါ်အောင်ဆန်းစုကြည်က နောက်ကွယ်က နေရပ်တည်သွားဖို့ စီစဉ်ထားတယ်လို့လည်းသတင်းတွေထွက်ပေါ်နေပါတယ်။

NLD ပါတီအနေနဲ့ အစိုးရသစ်ဖွဲ့ပြီး သမ္မတသစ်တင်ပြီးရင်လည်း ဆက်လက်ပြီး ၅၉(စ)ကိုပြင်ဆင်ဖို့နဲ့ ဒီဥပဒေပြင်ဆင်ပြီးရင် NLD ပါတီက တင်ထားတဲ့ သမ္မတက နှုတ်ထွက်ကာ ဒေါ်အောင်ဆန်းစုကြည်က ဒုသမ္မတလောင်းနာမည်စာရင်းသွင်းဖို့လုပ်ဆောင်နိုင်တယ်လို့လည်း NLD ပါတီက သတင်းတွေထွက် ပေါ်နေပေမဲ့ အတည်ပြုနိုင်ခြင်းတော့မရှိသေးပါဘူး။

NLD ပါတီဟာ ပြီးခဲ့တဲ့ရွေးကောက်ပွဲမှာ အများဆုံး အနိုင်ရထားတာကြောင့် ပြည်သူ့လွှတ်တော်နဲ့ အမျိုးသားလွှတ်တော်တွင် အမတ်နေရာအများစု အနုိုင်ရရှိထားရာ ပြည်သူ့လွှတ်တော်အတွက် သမ္မတလောင်း ဒုတိယသမ္မတ ၁ ဦး၊ အမျိုးသားလွှတ်တော်အတွက် သမ္မတလောင်း ဒုတိယသမ္မတ ၁ ဦး တင်သွင်းခွင့်ရရှိမှာဖြစ်ပါတယ်။ တပ်မတော်သားကိုယ်စားလှယ်တွေကလည်း သမ္မတလောင်း ဒုတိယသမ္မတ ၁ ဦးတင်သွင်းရမျှာဖြစ်ပါတယ်။ ဒီထဲကနေ မဲအများဆုံးရ သူက သမ္မတဖြစ်လာမှာ ဖြစ်ပါတယ်။

မေခ/VOA
http://burmese.voanews.com/content/president-election-date-change-/3214384.html

 mahn-winkhaingthan-620.jpg ပြည်ထောင်စု လွှတ်တော်နာယက မန်းဝင်းခိုင်သန်းကို မတ်လ ၁ ရက်နေ့ လွှတ်တော်အစည်းအဝေးမှာ တွေ့ရစဉ်

နိုင်ငံတော်သမ္မတနဲ့ ဒုတိယသမ္မတတွေ ရွေးချယ်တင်မြှောက်နိုင်ဖို့အတွက် ဒုတိယ သမ္မတလောင်း အမည်စာရင်းတင်သွင်းနိုင်ရေး အစုအဖွဲ့အစည်းအဝေးတွေကို လာမယ့် မတ်လ ၁၀ ရက်နေ့မှာ စတင်ကျင်းပဖို့ ပြည်ထောင်စုလွှတ်တော် နာယက မန်းဝင်းခိုင်သန်းက ဒီကနေ့ ကြေညာလိုက်ပါတယ်။

အရင်က မတ်လ ၁၇ ရက်မှာ အစုအဖွဲ့အလိုက်အစည်းအဝေးတွေ ကျင်းပမယ်လို့ ကြေညာထားတာကို ပြင်ဆင်သတ်မှတ်လိုက်ကြောင်းနဲ့ သမ္မတအရည်အချင်း စိစစ် ရွေးချယ်ရေးအဖွဲ့မှာပါဝင်မယ့် အဖွဲ့ဝင်စာရင်းကိုပါ မတ်လ ၁၀ရက်နေ့မှာ တင်သွင်းဖို့ ပြည်ထောင်စုလွှတ်တော်နာယက မန်းဝင်းခိုင်သန်းက ကြေညာခဲ့ပါတယ်။

"နိုင်ငံတော် သမ္မတနဲ့ ဒုတိယသမ္မတများ ရွေးချယ်တင်မြောက်နိုင်ရန်အတွက် သက်ဆိုင်ရာလွှတ်တော်ကိုယ်စားလှယ်များအစုအဖွဲ့လိုက်၊ ဒုတိယသမ္မတလောင်း များ အစုဖွဲ့လိုက် အဆိုပြုခြင်းအစည်းအဝေးကို စတင်ကျင်းပပြုလုပ်ရန် သတ်မှတ်ကြေညာ ထားတဲ့ ၂၀၁၆ ခုနှစ် မတ်လ ၁၇ ရက်နေ့ ကြာသပတေးနေ့အစား တစ်ပတ်ရှေ့တိုးပြီး ၂၀၁၆ ခုနှစ် မတ်လ ၁၀ ရက်နေ့ ကြာသပတေးနေ့တွင် စတင်ကျင်းပပြုလုပ်သွားရန် ပြင်ဆင်သတ်မှတ်ကြောင်း ကြေညာပါတယ်၊ သက်ဆိုင်ရာလွှတ်တော် ကိုယ်စားလှယ်များအစုအဖွဲ့က ရွေးချယ်ပေးတဲ့ ဒုတိယသမ္မတများ အမည်စာရင်းတွင် နိုင်ငံတော်သမ္မတ အရည်အချင်းပြည့်စုံမှု ရှိ၊ မရှိစိစစ်နိုင်ရန် စိစစ်ရေးအဖွဲ့ ဖွဲ့စည်းဆောင်ရွက်ရေးအတွက် သက်ဆိုင်ရာလွှတ်တော်ကိုယ်စားလှယ်များအစုအဖွဲ့က ရွေးချယ်ပေးတဲ့ လွှတ်တော်ကိုယ်စားလှယ် တစ်ဦးစီရဲ့ အမည်စာရင်းတို့ကို ပြင်ဆင်သတ်မှတ်ပေးတဲ့ နေ့ရက်နဲ့အညီ တစ်ပါတည်းရွေးချယ်ပြီး ပေးပို့ကြရန်ဖြစ်ကြောင်း အသိပေးကြေညာအပ်ပါတယ်"

၂၀၀၈ ဖွဲ့စည်းပုံအခြေခံဥပဒေအရ ပြည်သူ့လွှတ်တော်ကိုယ်စားလှယ်အစုအဖွဲ့၊ အမျိုးသားလွှတ်တော် ကိုယ်စားလှယ်အစုအဖွဲ့နဲ့ ပြည်သူ့လွှတ်တော်နဲ့ အမျိုးသား လွှတ်တော် ၂ ခုပေါင်းက တပ်မတော်သား ကိုယ်စားလှယ်အစုအဖွဲ့တို့က ဒုတိယ သမ္မတလောင်းအမည်စာရင်းတွေနဲ့ သမ္မတအရည်အချင်းစိစစ်ရွေးချယ်ရေး အဖွဲ့ဝင် စာရင်းတွေကို တင်သွင်းရမှာဖြစ်ပါတယ်။

ပြီးခဲ့တဲ့ ဖေဖော်ဝါရီလ ၂၈ ရက်က နေပြည်တော်မှာ ရွေးကောက်ပွဲအနိုင်ရ အင်န်အယ်လ်ဒီပါတီ ဗဟိုအလုပ်အမှုဆောင် အစည်းအဝေးကျင်းပပြီးနောက် အခုလိုပြင်ဆင်လိုက်တာဖြစ်ပါတယ်။

ရွေးချယ်တင်မြှောက်ခံရတဲ့ နိုင်ငံတော်သမ္မတဟာ မတ်လ ၃၁ ရက်မှာ ကျမ်းသစ္စာ ကျိန်ဆိုပြီး အစိုးရတာဝန်လွှဲပြောင်းရယူရမှာဖြစ်သလို ပြည်ထောင်စု ၀န်ကြီးတွေ၊ ဒုတိယ၀န်ကြီးတွေ၊ ပြည်နယ်နဲ့ တိုင်းဒေသကြီးဝန်ကြီးချုပ်တွေကို ခန့်အပ်ပေးရမှာ ဖြစ်ပါတယ်။

ပြည်ထောင်စုလွှတ်တော်ကို လာမယ့် မတ်လ ၂ ရက်ကနေ ၆ ရက်အထိ ရပ်နားမှာဖြစ်ပြီး လာမယ့် မတ်လ ၇ ရက်နေ့မှာ ပြန်လည်ကျင်းပမှာဖြစ်ပါတယ်။

RFA
http://www.rfa.org/burmese/news/presidential-vote-march-10-03012016122948.html


mdy-17-martyrs-620.jpg
၁၃၀၀ ပြည့် အရေးတော်ပုံမှ မန္တလေးမြို့သား ၁၇ ဦးကို ဂုဏ်ပြုတဲ့ ၇၇ နှစ်မြောက် အထိမ်းအမှတ်အခမ်းအနားကို မတ်လ ၁ ရက်နေ့က မန္တလေးမြို့မှာ ကျင်းပနေစဉ်
Photo: Nay Thwae/ RFA

၁၃၀၀ ပြည့်နှစ် အရေးတော်ပုံအတွင်း ကျဆုံးခဲ့တဲ့ မန္တလေးမြို့သား ၁၇ ဦးကို ဂုဏ်ပြုတဲ့ ၇၇ နှစ်မြောက် အထိမ်းအမှတ် အခမ်းအနားကို ဒီကနေ့ မန္တလေးမြို့ အာဇာနည် ၁၇ ဦး ဗိမာန်မှာ ကျင်းပခဲ့ပါတယ်။

လူတန်းစားပေါင်းစုံပါဝင်ပြီး လက်နက်နဲ့ အကြမ်းဖက်မှုကို ဆန့်ကျင်တော်လှန်ခဲ့တဲ့ ၁၃၀၀ ပြည့် အရေးတော်ပုံမှတ်တိုင်ကို နောင်မျိုးဆက်တွေ အမှတ်ရပြီး အတုယူဖို့အတွက် ဂုဏ်ပြုပွဲအခမ်းအနား ကျင်းပတာဖြစ်တယ်လို့ စာရေးဆရာ ဆူးငှက်က ပြောပါတယ်။

"အကြမ်းဖက်မှုကို ဆန့်ကျင်တယ်ဆိုတဲ့ အစဉ်အလာဟာ လူ့ယဉ်ကျေးမှုမှာရှိသင့်တဲ့ အစဉ်အလာပါ၊ ဒီအစဉ်အလာဟာ နောက်မျိုးဆက်မှာလည်း လက်နက်ရှိ တဲ့သူက အနိုင်မယူစတမ်း၊ လက်နက်ရှိတဲ့သူက လက်နက်မဲ့သူအပေါ်မှာ အကြမ်းမဖက်စတမ်း၊ ဒါဟာ ယဉ်ကျေးမှုတစ်ခုပါ၊ ဒီယဉ်ကျေးမှု မြန်မာပြည်မှာ ထွန်းကားသွားဖို့အတွက် ၁၃၀၀ ပြည့်အရေးတော်ပုံဟာ သင်ခန်းစာတစ်ခုပါ၊ မှတ်တိုင်တစ်ခုပါပဲ"

အရပ်ဖက်အဖွဲ့အစည်းတွေ၊ ကျောင်းသား ကျောင်းသူတွေ၊ နိုင်ငံရေးပါတီတွေ၊ အလုပ်သမားတွေ စုစုပေါင်း ၁၀၀ ကျော်က မန္တလေးမြို့ဦးပွားဘုရားကနေ အာဇာနည် ၁၇ ဦး ဗိမာန်ကို ချီတက်အလေးပြုခဲ့ကြတာ ဖြစ်ပါတယ်။ ကျဆုံးသွားသူတွေရဲ့ မိသားစုဝင်တချို့လည်း အခမ်းအနားကို တက်ရောက်ခဲ့ကြပါတယ်။

၁၃၀၀ ပြည့်အရေးတော်ပုံအတွင်း ကျဆုံးသွားသူ ၁၇ ဦးထဲမှာ သံဃာ ၇ ပါး ပါဝင်ခဲ့ပြီး ၁၀ ဦးက လူပုဂ္ဂိုလ်တွေဖြစ်ပါတယ်။ ကျဆုံးသွားသူ ၁၇ ဦးကို ဂုဏ်ပြုတဲ့ အနေနဲ့ ဆောက်လုပ်ထားတဲ့ အာဇာနည် ၁၇ ဦးဗိမာန်မှာ အလေးပြုခွင့်ကို အစိုးရအဆက်ဆက် တားမြစ်ထားရာကနေ လွန်ခဲ့တဲ့ ၂၀၁၃ ခုနှစ်ကမှ ပြန်လည်ခွင့်ပြု ခဲ့တာဖြစ်ပါတယ်။

မန္တလေးမြို့က ဗဟိုအမျိုးသားကျောင်းနဲ့ ရဟန်းပျိုအဖွဲ့က လွန်ခဲ့တဲ့ ၁၉၃၉ ခုနှစ် ဖေဖော်ဝါရီ ၉ ရက်နေ့ကစပြီး အင်္ဂလိပ်အစိုးရရဲ့ မတရားတဲ့ဥပဒေတွေကို ဆန့်ကျင် တဲ့ လှုပ်ရှားမှုတွေ စတင်ပြုလုပ်ခဲ့ပြီးနောက် အင်္ဂလိပ်အစိုးရရဲ့ နှိမ်နင်းမှုကြောင့် မန္တလေးမြို့ ၂၆ လမ်းမပေါ်မှာ ကျဆုံးခဲ့တာဖြစ်ပါတယ်။

RFA
http://www.rfa.org/burmese/news/mandalay-honors-17-martyrs-03012016120622.html


kachin-national-network-620.jpg
မြေမြုပ်မိုင်းတွေကို ဖယ်ရှားပေးဖို့နဲ့ ဖမ်းဆီးခံရွာသားတွေကို ပြန်လွှတ်ပေးဖို့ မတ်လ ၁ ရက်နေ့က ရန်ကုန်မြို့ ဒိုင်းမွန်းကွန်ဒိုမှာ ကချင်အမျိုးသားလုံးဆိုင်ရာ ကွန်ရက်က သတင်းစာရှင်းလင်းနေစဉ်
Photo: Zar Ni Htun/ RFA

ရှမ်းပြည်နယ်မြောက်ပိုင်း ကွတ်ခိုင်မြို့နယ် ဟိုပုန်ကျေးရွာမှာရှိတဲ့ မြေမြုပ်မိုင်းတွေကို ဖယ်ရှားပေးဖို့နဲ့ အစိုးရတပ်မတော် တပ်မ ၁၁ က ဖမ်းဆီးထားတဲ့ သိန်းနီမြို့နယ် ပန်ဟတ်ကျေးရွာသား ၄ ယောက်ကို ပြန်လွှတ်ပေးဖို့ ဒီနေ့ ရန်ကုန်မြို့ ဒိုင်းမွန်းကွန်ဒိုမှာ ကျင်းပတဲ့ သတင်းစာရှင်းလင်းပွဲမှာ ဒေသခံတွေနဲ့ ကချင်အမျိုးသားလုံးဆိုင်ရာ ကွန်ရက်က တောင်းဆိုလိုက်ပါတယ်။

မြေမြုပ်မိုင်းတွေကို ဘယ်လက်နက်ကိုင်အဖွဲ့က ဟိုပုန်ကျေးရွာမှာ မြုပ်ထားတယ်ဆိုတာ အတိအကျမသိတာကြောင့် လက်နက်ကိုင် ၃ ဖွဲ့ ပူးပေါင်းညှိနှိုင်းပြီး ဖယ်ရှားပေးဖို့ တောင်းဆိုတာဖြစ်တယ်လို့ ရှမ်းပြည်နယ် ကချင်အမျိုးသားလုံးဆိုင်ရာကွန်ရက်က ကိုအိုက်ဇက်အောင်က ပြောပါတယ်။

"ရွာဘေးနားမှာ မြှုပ်နှံထားတဲ့ မြေမြှုပ်မိုင်းများကို လက်နက်ကိုင်အဖွဲ့အစည်းတွေဖြစ်တဲ့ ၃ ဖွဲ့စလုံးပူးပေါင်းပြီးတော့ သူတို့အနေနဲ့ဖယ်ရှားပေးဖို့ ကျနော်တို့ အနေနဲ့ တောင်းဆို ခြင်းဖြစ်ပါတယ်၊ ဘာကြောင့်လဲဆိုတော့ မြေမြှုပ်မိုင်း မြှုပ်တဲ့အဖွဲ့အစည်းတွေက သူတို့မြှုပ်တဲ့နေရာကို သူတို့ပဲသိတာမို့လို့ပါ၊ ကျနော်တို့ အနေနဲ့ ရွာသားတွေအနေနဲ့ ပြောဆိုခွင့်မရှိပါဘူး၊ ကျနော်တို့ ၃ ဖွဲ့စလုံးပူးပေါင်းပြီးတော့ ညှိနှိုင်းပြီးတော့ ကျနော်တို့ ရွာသားတွေအတွက် ရည်ရွယ်ပြီးတော့ ပူးပေါင်းပြီးတော့ လုပ်ဆောင်ပေးဖို့ မေတ္တာရပ်ခံ ထားပါတယ်"

ရှမ်းပြည်နယ်မြောက်ပိုင်း ကွတ်ခိုင်မြို့နယ် ဟိုပုန်ကျေးရွာမှာ ပြီးခဲ့တဲ့ဇန်န၀ါရီလ ၁၁ရက်နေ့မှာ အစိုးရတပ်မတော်နဲ့ ကချင်လွတ်မြောက်ရေးတပ်မတော်တို့ တိုက်ပွဲဖြစ်ပွားခဲ့ပြီး ဇန်န၀ါရီလ ၁၂ရက်နေ့နဲ့ ၁၃ရက်နေ့တို့မှာ အစိုးရတပ်မတော်နဲ့ တအာင်းလွတ်မြောက်ရေးတပ်မတော်တို့ တိုက်ပွဲထပ်မံဖြစ်ပွားခဲ့ပါတယ်။

ပြီးခဲ့တဲ့ ဇန်န၀ါရီလ ၁၁ ရက်နေ့က တိုက်ပွဲဖြစ်ပွားပြီးနောက် ပန်ဟတ်ကျေးရွာသား ၁၃ ဦးကို အစိုးရတပ်မ ၁၁ က ဖမ်းဆီးသွားပြီး တစ်လလောက်အကြာမှာ ၉ယောက်ကို ပြန်လည်လွှတ်ပေးခဲ့ပေမယ့် ရွာသား ၄ ယောက် မလွတ်မြောက်သေးဘူးလို့ ဒေသခံတွေက ပြောပါတယ်။

အဲဒီတိုက်ပွဲတွေကြောင့် ဒေသခံတွေ ထွက်ပြေးတိမ်းရှောင်နေရပြီး မြေမြုပ်မိုင်းတွေ နင်းမိတဲ့အတွက် ရွာသူရွာသားတွေနဲ့ ကျွဲ၊ နွားတွေ သေဆုံးခဲ့ရတယ်လို့ ဆိုပါတယ်။

အဖမ်းခံထားရသူတွေရဲ့ အခြေအနေကို သိခွင့်ပေးဖို့နဲ့ မိသားစုနဲ့ တွေ့ခွင့်ပေးဖို့လည်း ဒေသခံတွေ တောင်းဆိုခဲ့ကြပါတယ်။

RFA
http://www.rfa.org/burmese/news/kachin-network-demands-released-4-villagers-03012016112911.html

ဒေါ်အောင်ဆန်းစုကြည် (Photo-NLD Chairperson)
ဒေါ်အောင်ဆန်းစုကြည် (Photo-NLD Chairperson
ဒေါ်အောင်ဆန်းစုကြည် သမ္မတ ဖြစ်ရေးကို အမျိုးသား ဒီမိုကရေစီ အဖွဲ့ချုပ်က ဆက်ပြီး ကြိုးပမ်းသွားမှာ ဖြစ်တယ် ဒါပေမယ့်လည်း အမျိုးသားရင်ကြားစေ့ရေးနဲ့ ပြည်သူလူထု အကျိုးစီးပွား မထိခိုက်စေတဲ့ နည်းလမ်းတွေနဲ့ သတိထား လုပ်ဆောင်သွားမယ်လို့ ပါတီပြောခွင့်ရက ပြောဆိုလိုက်ပါတယ်။ ဒေါ်အောင်ဆန်းစုကြည် သမ္မတ ဖြစ်လာနိုင်ရေး အလားအလာနဲ့ လွှတ်တော်အမတ်တွေကို ပါတီဘက်က စည်းကမ်းထိန်းသိမ်းမယ့် အခြေအနေတွေနဲ့ ပတ်သက်ပြီး NLD ပြောခွင့်ရ ဦးဝင်းထိန်ကို မသိင်္ဂီထိုက် ဆက်သွယ်မေးမြန်းထားပါတယ်။

မသိင်္ဂီထိုက်။ ။ ဒေါ်အောင်ဆန်းစုကြည် သမ္မတ ဖြစ်လာမယ့် အလားအလာ သေချာသလောက်ရှိပြီလားရှင့်။ အဲဒီအခြေအနေ သိချင်ပါတယ်။

ဦးဝင်းထိန်။ ။ ဒီလိုလေ ဒေါ်အောင်ဆန်းစုကြည် သမ္မတ ဖြစ်ဖို့က ကျနော်တို့ရဲ့ အဆုံးစွန်သော ရည်မှန်းချက်ပဲ။ အဆုံးစွန်သော ရည်မှန်းချက်ဆိုတော့ ရတဲ့နည်းနဲ့ ကျနော်တို့ ကြိုးစားမှာ။ ဘယ်လို ကြိုးစားမလဲ ဆိုတာ ခင်ဗျားတို့ကြည့်လိုက်။ ၂၀၁၂ ကြားဖြတ်ရွေးကောက်ပွဲတုန်းက ကျနော်တို့က UG ပုံစံနဲ့ လှုပ်ရှားတဲ့ ပါတီဘ၀ကနေပြီးတော့ တရားဝင် ပါတီတွေဖြစ်လာတယ်။ အဲလိုမျိုးပဲ အခု ၂၀၁၅ ရွေးကောက်ပွဲမှာ ကျနော်တို့ အပြတ်အသတ်နိုင်တယ်။ ဒေါ်အောင်ဆန်းစုကြည် သမ္မတ ဖြစ်ဖို့က အလားအလာကောင်းတယ်။ သို့သော်လည်း အမျိုးသားရင်ကြားစေ့ရေးနဲ့ ဒီ ပြည်သူလူထုကို မနစ်နာစေတဲ့၊ မနာကျင်စေတဲ့ ပြည်သူလူထုအကျိုးရှိမယ့် နည်းလမ်းတွေကို ရွေးပြီးလုပ်တယ်။ လုပ်မယ်။ လုပ်တဲ့ အခါမှာ ဒေါ်အောင်ဆန်းစုကြည်က သမ္မတဖြစ်ဖို့က အနှေးနဲ့ အမြန်ဖြစ်ဖို့က ကျနော်တို့ရဲ့ ရည်မှန်းချက်ပဲ။ မဖြစ်ဖြစ်အောင်လုပ်မှာပါ။

မသိင်္ဂီထိုက်။ ။ ခုနက အန်ကယ်ပြောသလိုပေါ့နော် အနှေးနဲ့ အမြန်ဖြစ်မယ်ဆိုတော့ မကြာခင်ကဘဲဒေါ်ခင်ဝိုင်းကြည်တို့ ဦးဆောင်ပြီးတော့ ၅၉ (စ) မပြင်ဖို့ဆိုတော့ ၅၉ (စ) ဆိုတာကလည်း လူတိုင်းသိတဲ့ ကိစ္စပါပဲ ဒါ ဒေါ်အောင်ဆန်းစုကြည် သမ္မတဖြစ်ဖို့ အဓိက တားဆီးထားတဲ့ အကြောင်းအရာဆိုပြီးတော့ အဲတော့ ဒေါ်အောင်ဆန်းစုကြည် သမ္မတ မဖြစ်စေလိုတဲ့ အင်အားစုလေးတခုဆိုတာလည်း ရှိနေနိုင်တော့ ဒီအပေါ်မှာကော အန်ကယ်တို့အနေနဲ့ ဘယ်လောက်ထိ ထည့်သွင်းစဉ်းစားထားပါသလဲရှင့်။

ဦးဝင်းထိန်။ ။ ဒေါ်အောင်ဆန်းစုကြည်ကို သမ္မတ မဖြစ်ရေးဆိုတဲ့ အင်အားစုက ကျနော်တို့ ရွေးကောက်ပွဲ စံတွေနဲ့ ပြန်ကြည့်လိုက်။ ၂၀၁၅ ရွေးကောက်ပွဲမှာ ကျနော်တို့ ၈၀ ရာခိုင်နှုန်းလောက် နိုင်တဲ့အခါမှာ ၂၀ ရာခိုင်နှုန်းကကျနော်တို့ကို မဲမပေးဘူးပေါ့။အဲဒီတော့ ဒေါ်ခင်ဝိုင်းကြည်တို့လုပ်တဲ့ ပုဒ်မ ၅၉ ကိုထောက်ခံတယ် ဒေါ်အောင်ဆန်းစုကြည်က သမ္မတမဖြစ်ရေးဆိုတဲ့ လှုပ်ရှားမှုဟာ ၁၀၀ ပုံ ပံလို့ရှိရင် ၂၀ ရာခိုင်နှုန်းဘဲ ရှိမှာပါ။ ဒီသဘော ကျနော်ပြောလို့ရတယ်။

မသိင်္ဂီထိုက်။ ။အဲဒီတော့ ဒီ အတားအဆီးတွေကို လွယ်လွယ်ကူကူ ဖြတ်ကျော်နိုင်မယ့် အနေအထားရော ရှိပါသလားရှင့်။

ဦးဝင်းထိန်။ ။ ဒီလို ကျနော်တို့က အများစုနိုင်တယ်။ နိုင်တဲ့အတွက်ကြောင့် မို့လို့ မည်သည့် ဆုံးဖြတ်ချက်မျိုးမဆို လွှတ်တော်မှာကျနော်တို့က အများစုနဲ့ လုပ်လို့ရတယ်။ သို့သော် ခုန ကျနော်ပြောသလိုပေါ့ အမျိုးသား ရင်ကြားစေ့ရေးရယ်၊ ပြည်သူလူထုကို နစ်နာအောင်မလုပ်ချင်တဲ့ လမ်းကြောင်းကို ရွေးမှာဖြစ်တဲ့အတွက်ကြောင့် မို့လို့ ဒါပြည်သူ့လူထုက ကျနော်တို့ ရွေးချယ်မှုကို အားမလို အားမရ ဖြစ်ကောင်းဖြစ်မယ်။ သို့သော်လည်း ကျနော်တို့ နိုင်ငံရေး ရည်မှန်းချက်က ဒေါ်အောင်ဆန်းစုကြည် သမ္မတဖြစ်ရေး ရည်မှန်းချက်က ပျက်မသွားပါဘူးဆိုတာ ပြောချင်တာပါ။

မသိင်္ဂီထိုက်။ ။ ဒေါ်အောင်ဆန်းစုကြည် အနေနဲ့ နိုင်ငံခြားရေးဝန်ကြီးလောက်ယူပြီးတော့ အစိုးရကို ထိန်းကျောင်းနိုင်မယ်၊ ဒီလိုမျိုးပြောဆို မှုတွေအပေါ်မှာကော ဒီပါတီရဲ့သဘောထား ဘယ်လိုရှိပါသလဲရှင့်။

ဦးဝင်းထိန်။ ။ ဒီလိုလေ စာရေးဆရာ မင်းသိင်္ခ စကားနဲ့ ပြောရမယ်ဆိုရင် အလကားရတဲ့ဟာတွေကို ဖောချင်းသောချင်းပေးနေကြတာ။ အလကားရတယ်ဆိုတာက ဘာလဲဆိုရင် ထင်မြင်ချက်တွေ။ အဲဒီ ထင်မြင်ချက်ဆိုတဲ့ အလကားရတဲ့ဟာတွေကို ဖောချင်းသောချင်းပေးနေကြတယ်။ သူတို့ ပြောချင်ရာ ပြောလို့ ရပါတယ်လို့ ကျနော်တို့က အဲလိုပဲ အကြောင်းပြန်ချင်တယ်ခင်ဗျာ။

မသိင်္ဂီထိုက်။ ။ဟုတ်ကဲ့ပါ အန်ကယ်။နောက်တခုကတော့ အန်ကယ်တို့လည်း ဒီကနေ့ဒီ လွှတ်တော်အမတ်တွေကို တိုင်နိုင်ပြီဆိုပြီးတော့ အန်ကယ်တို့လည်း ကော်မတီဖွဲ့ပြီးတော့ အဖွဲ့ဖွဲ့ပြီးတော့ ပြောထားတာရှိပါတယ်။ နောက် ဒီတိုက်တိုက်ဆိုင်ဆိုင်ပဲ မနေ့က ဒီ ရွှေးကောက်ပွဲကော်မရှင်ဥက္ကဋ္ဌဦးတင်အေး ကလည်း ရွေးကောက်ခံ လွှတ်တော်အမတ်တွေကို ဖြုတ်ချနိုင်တဲ့ ဥပဒေမျိုး အရင်လွှတ်တော်က အတည်မပြုနိုင်ခဲ့လို့ လွှတ်တော်အာဏာရှင် စနစ်တရပ် ပေါ်လာမှာ စိုးရိမ်တယ်ဆိုပြီးတော့လည်း ပြောပါတယ်။ ဒီကနေ့မှာလည်း VOA ကို ထပ်ပြောပါတယ်။ အဲတော့ အန်ကယ်တို့ လွှတ်တော်အမတ်တွေကို မဲဆန္ဒရှင်တွေ စိတ်တိုင်းကျပေါ့နော် ဘယ်လိုမျိုး ထိန်းကျောင်းသွားမလဲရှင့်။ ဘယ်လိုကိစ္စမျိုးတွေမှာ တိုင်ကြားနိုင်ပါသလဲ။ ဘယ်လိုအရေးယူ လုပ်ဆောင်သွားမလဲရှင့်။

ဦးဝင်းထိန်။ ။ ကျနော်တို့ ဟိုတနေ့ကလည်း ကျနော်တို့ အဖွဲ့တခုဖွဲ့လိုက်တယ်။ အဲဒီအဖွဲ့က တိုင်ကြားချက်များကို စိစစ် ဆောင်ရွက်ပြီးတော့ အရေးယူဖို့ အဲဒါကို ကျနော်တို့ ဧရာဝတီတိုင်းက NLD ဥက္ကဋ္ဌ ဒေါက်တာ မျိုးမြင့်ကို တိုင်းဥက္ကဋ္ဌကနေပြီးတော့ အရန် ဗဟိုအလုပ်မှုဆောင် ကော်မတီဝင်အဖြစ်နဲ့ အဆင့်မြင့်ပြီးတော့ တိုင်ကြားချက်တွေကို အရေးယူ ဆောင်ရွက်ဖို့လုပ်နေတယ်။ အဲဒီ တိုင်ကြားချက်တွေဟာ ကျနော်တို့ လွှတ်တော်ကိုယ်စားလှယ်တွေရဲ့လုပ်ဆောင်ချက်တွေ မကျေနပ်တာတွေ ၊ အားမလိုအားမရဖြစ်တာတွေ၊ အပြစ်အနာအဆာတွေကို တိုင်နိုင်တယ် အထောက်အထားနဲ့တိုင်နိုင်တယ်။ တိုင်တဲ့အခါမှာ တိုင်တဲ့သူရဲ့ နာမည် ၊ မှတ်ပုံတင်နံပတ်၊ နေရပ်လိပ်စာ ၊ တယ်လီဖုန်းနံပတ် ပါရမယ်လို့ ကျနော်ပြောထားပါတယ်။

မသိင်္ဂီထိုက်။ ။ဘယ်အတိုင်းအတာထိ အန်ကယ်တို့ အပြစ်ယူဖို့ အခြေအနေရှိပါသလဲ။

ဦးဝင်းထိန်။ ။ကျနော်တို့ကတော့ တပိုင်းကတော့ ပါတီ စည်းကမ်းနဲ့ အရေးယူမယ့်အပိုင်းရှိတယ်။ တချို့အပိုင်းတွေကတော့ ဥပဒေဘက်က အရေးယူရမယ့်အပိုင်းတွေရှိတယ်။ အဲဒီလိုတိုင်ကြားထားတဲ့အပေါ်မှာ တွေ့ရှိတဲ့ အပြစ်အတိမ်အနက်ပေါ်မှာ မှုတည်ပြီးတော့မှ အရေးယူရမှာပါခင်ဗျ။

ဒီကနေ့မှာလည်း အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်၊ပါတီ ဗဟိုအလုပ်အမှုဆောင် အဖွဲ့နဲ့ ပါတီရဲ့ လွှတ်တော်ကိုယ်စားလှယ်တွေ တွေ့ဆုံခဲ့ကြပြီး လွှတ်တော်ရေးရာတွေကို ဆွေးနွေးခဲ့ကြပါတယ်။

မသိင်္ဂီထိုက်/VOA
http://burmese.voanews.com/content/nld-still-hoping-to-daw-aung-san-suu-kyi-to-become-president-/3214386.html


မြန်မာနိုင်ငံမှာ သမ္မတ ရွေးဖို့ အတွက် ပထမ သတ်မှတ် ထားတဲ့ မတ်လ ၁၇ ၇က် အစား မတ်လ ၁၀ ကို ပြောင်းလဲ လိုက်ကြောင်း အင်္ဂါနေ့မှာ ပြည်ထောင်စု လွှတ်တော်က ကြေညာ လိုက်ပါတယ်။

နိုင်ငံတော် သမ္မတနဲ့ ဒုတိယ သမ္မတတွေ ရွေးချယ်မယ့် ရက်ကို မူလ သတ်မှတ် ထားတဲ့ ရက်ထက် စောပြီး ပြုလုပ်မယ်လို့ အစောပိုင်း ကတည်းက သတင်းတွေ ကျယ်ကျယ် ပြန့်ပြန့် ထွက်နေတာ ဖြစ်ပြီး အင်္ဂါနေ့ မှာတော့ ပြည်ထောင်စု လွှတ်တော်က အတည်ပြု လိုက်တာ ဖြစ်ပါတယ်။

အခုလို ရက်ရွှေ့လိုက်တဲ့ အတွက် ပြည်သူတွေ ကြားမှာတော့ ဒေါ်အောင်ဆန်းစုကြည်နဲ့ ကာကွယ်ရေး ဦးစီးချုပ်တို့ကြား ညှိနှိုင်းမှုတွေဟာ ခရီး မရောက်လို့ ဆိုပြီး ဝေဖန် ပြောဆို နေကြပါတယ်။

NLD ပါတီရဲ့ ဗဟို အလုပ် အမူဆောင် ဦးဝင်းထိန် ကတော့ ဒေါ်အောင်ဆန်းစုကြည် သမ္မတ ဖြစ်မှာ ဖြစ်ကြောင်းနဲ့ အချိန် နှေးတာနဲ့ မြန်တာသာ ကွာမှာဖြစ်ကြောင်း ပြောပါတယ်။

ဦးဝင်းထိန် အပြော အရ ဒေါ်အောင်ဆန်းစုကြည်ကို သမ္မတ ဖြစ်အောင် လုပ်မယ် ဆိုပေမယ့် မတ်လ ၁၀ ရက်နေ့မှာ တင်မြှောက်မယ့် သမ္မတ ကတော့ ဒေါ်အောင်ဆန်းစုကြည် ဖြစ်လာမယ်လို့ ယူဆလို့ မရနိုင်ပါ။ ဒေါ်အောင်ဆန်းစုကြည် သမ္မတ ဖြစ်ဖို့ ဆိုရင် ဖွဲ့စည်းပုံ အခြေခံ ဥပဒေကို ပြင်ဆင်ရမှာ ဖြစ်ပါတယ်။

ဒါကြောင့် မတ်လ ၁၀ ရက် နေ့မှာ တင်မြှောက်မယ့် ဒုတိယ သမ္မတ ၂ ဦးဟာ NLD ပါတီက သဘောတူ ဆုံးဖြတ်ထားတဲ့ လူတွေ ဖြစ်လာမယ်လို့ ယူဆ ရပါတယ်။

ဖွဲ့စည်းပုံ အခြေခံ ဥပဒေ အရ ရွေးကောက်ခံ ပြည်သူ့ လွှတ်တော် ကိုယ်စားလှယ် များက ဒုတိယ သမ္မတ တစ်ဦး ရွေးကောက်ခံ အမျိုးသား လွှတ်တော် ကိုယ်စားလှယ် များက ဒုတိယ သမ္မတ တစ်ဦးနဲ့ အမျိုးသား လွှတ်တော်နဲ့ ပြည်သူ့ လွှတ်တော် နှစ်ရပ်ပေါင်း တပ်မတော်သား အစုအဖွဲ့မှ ဒုတိယ သမ္မတ တစ်ဦး တင်မြှောက် ရမှာ ဖြစ်ပါတယ်။

မတ်လ ၁၀ ရက်နေ့ မှာ ဘယ်သူ သမ္မတ ဖြစ်လာ မလဲ ဆိုတာ ကိုတော့ ပြည်သူ လူထုက စိတ်ဝင်တစား စောင့်ကြည့် နေကြပါတယ်။

BBC Burmese
http://www.bbc.com/burmese

Dear colleagues,

Here is translation of lecture I gave recently at the Open Myanmar Initiative office. I have also attached English version powerpoint
ဒီမိုကရေစီမဟုတ်၊ စနစ် ၂ မျိုး ယှဉ်တွဲထားခြင်း

နိုဝင်ဘာရွေးကောက်ပွဲတွေ အပြီးမှာ နိုင်ငံရေးစနစ် ၂ ခု ယှဉ်တွဲထွက်ပေါ်လာပါတယ်။
၂၀၀၈ အခြေခံဥပဒေနဲ့ ချမှတ်ပေးလိုက်တဲ့ စစ်တပ်ကြိုးကိုင် နိုင်ငံရေးစနစ်။ ( စစ်တပ်ကြိုးကိုင် နိုင်ငံရေးစနစ်ဆိုတာ စစ်အာဏာရှင်စနစ်လိုမျိုး စစ်တပ်က တိုက်ရိုက်အုပ်ချုပ်တာတော့ မဟုတ်ပါ။) အဲဒီိအစား စစ်တပ်က နောက်ကွယ်ကနေ မောင်းနှင်နေပါတယ်။ အရပ်သားအစိုးရ ထိန်းချုပ်တာကိုလည်း ၎င်းက မခံရပါ။ ဆုံးဖြတ်ပိုင်ခွင့် အပြည့်အ၀ရထားတဲ့ ဒိုင်လူကြီး အဖြစ်ပါ နိုင်ငံရေးလောကမှာ ရပ်တည်နေပါတယ်။ အစိုးရအဖွဲ့နဲ့ နိုင်ငံရေးစနစ်တစ်ခုလုံးက စစ်တပ်ရဲ့ ပင်မအကျိုးစီးပွားတွေကို မထိခိုက်လာသရွေ့၊ အမျိုးသားအကျိုးစီးပွားလို့ စစ်တပ်က ယူဆထားတဲ့အရာတွေကို လာပြီး မထိပါးသရွေ့တော့ ရွေးကောက်ခံထားရတဲ့ အစိုးရကို စစ်တပ်က အုပ်ချုပ်ခွင့်ပေးထားမှာပါ။ ဒါပေမယ့် အစိုးရနဲ့ လွှတ်တော်ရဲ့ လုပ်ကိုင်ဆောင်ရွက်မှုတွေကို စစ်တပ်က မကြိုက်တော့ဘူးဆိုရင်တော့ "ပြန်လည်ပြင်ဆင် တည့်မတ်ပေးမယ်" ဆိုပြီး နိုင်ငံရေးမှာ ပြန်လည်ပါဝင်လာမှာပါ။).

ရွေးကောက်ခံလွှတ်တော်နဲ့ အစိုးရတွေ ပါရှိတဲ့ ဒီမိုကရေစီစနစ်

စည်းကမ်းပြည့်ဝသော ဒီမိုကရေစီ တည်ဆောက်မယ်ဆိုတဲ့ စစ်အစိုးရရဲ့ မဟာ စီမံကိန်းကြီးလည်း ပျက်စီးသွားပါတယ်။ (စစ်တပ်က နောက်ကွယ်ကနေ ကြိုးကိုင်ထိန်းချုပ်ပြီး ကြံ့ခိုင်ရေးပါတီက ရွေးကောက်ပွဲ အမြဲအနိုင်ရအောင် ဖန်တီးပေးထားတဲ့ နိုင်ငံရေးစနစ်ပါ။ စစ်တပ်ကြိုးကိုင် နိုင်ငံရေးစနစ်နဲ့ စပ်ကြားနိုင်ငံရေးစနစ် ပေါင်းစပ်မယ်ဆိုတဲ့စီမံကိန်းပါ)

ရွေးကောက်ပွဲမှာ NLD ပါတီ အနိုင်ရသွားတာကြောင့် စပ်ကြားနိုင်ငံရေးစနစ် အမြစ်မတွယ်အောင် ဟန့်တား ထားလိုက်နိုင်ပါတယ်။ ဒါပေမယ့် စစ်တပ်ကြိုးကိုင် နိုင်ငံရေးစနစ်နဲ့ စစ်တပ်ရဲ့ အထူးလုပ်ပိုင်ခွင့် တွေကိုတော့ မတို့မထိနိုင်သေးပါ။

ဒါကြောင့်မို့ နိုင်ဝင်ဘာရွေးကောက်ပွဲ ပြီးသွားပေမယ့် ဒီမိုကရေစီ မရသေးဘူးလို့ ပြောနိုင်ပါတယ်။ စစ်တပ်ကြိုးကိုင် နိုင်ငံရေးစနစ်နဲ့ ထိန်းကွပ်ခံထားရတဲ့ ဒီမိုကရေစီစနစ်တို့ ၂ ခုပေါင်းထားတာကို မြင်နေရပါတယ်။

အခြေခံဥပဒေကြောင့် စစ်တပ်ကြိုးကိုင် နိုင်ငံရေးစနစ်မှာ နိုင်ငံရေးအရ တရားဝင်မှုနဲ့ အသာစီးရမှုတွေ ရှိလာပြီး စစ်တပ်က နောက်ဆုံးအဆုံးအဖြတ်ပေးနိုင်တဲ့ အမြင့်ဆုံး အာဏာပိုင်အဖွဲ့အစည်း ဖြစ်လာပါတယ်။

NLD ကလည်း ရွေးကောက်ပွဲမှာ ဒီမိုကရေစီနည်းကျ နိုင်လိုက်တာကြောင့် အခြေခံကျကျ ပြုပြင်ပြောင်းလဲမှုတွေ လုပ်နိုင်တော့မယ့် လုပ်ပိုင်ခွင့်အာဏာကို ခိုင်ခိုင်မာမာ ရရှိသွားပါတယ်။

စစ်တပ်နဲ့ NLD တို့က ဒီအချိန်မှာ တစ်ယောက်ကို တစ်ယောက် အပြတ်အသတ် အနိုင်မယူနိုင်ဘူးဆိုတာ သဘောပေါက်ကြပါတယ်။ ဒါကြောင့်မို့ တစ်ယောက်ကိုတစ်ယောက် အဆင်မပြေပေမယ့် လက်သင့်ခံ တွဲဖက်လုပ်ကိုင်နေကြပါတယ်။ တစ်ဖက်နဲ့ တစ်ဖက်လည်း ဆက်လက်ညှိနှိုင်း လုပ်ကိုင်နေကြပါတယ်။

စစ်တပ်ကြိုးကိုင် နိုင်ငံရေးစနစ်က အသာစီးရသွားမလား ဒါမှမဟုတ် ဒီမိုကရေစီစနစ်က အသာစီး ရသွားမလားဆိုတာ မေးစရာမေးခွန်း ဖြစ်လာပါတယ်။

နိုင်ငံရေးဆိုတာ အုပ်စုတွေ အချင်းချင်း ယှဉ်ပြိုင်မှု

ထိန်းချုပ်မှုတွေရှိတဲ့ နိုင်ငံရေးလွတ်လပ်မှုတွေ ခွင့်ပြုပေးတည်းချိန်ကစပြီး၊ ဒီမိုကရေစီလမ်းပြမြေပုံကို လက်ခံတယ်လို့ အဓိကနိုင်ငံရေး အင်အားစုတွေက ဆုံးဖြတ်လိုက် (ကြားဖြတ်ရွေးကောက်ပွဲတွေနဲ့ နိုင်ဝင်ဘာရွေးကောက်ပွဲတွေမှာ ၀င်ပြိုင်ဖို့ NLD က လက်ခံလိုက်ခြင်း၊ အပစ်ခတ်ရပ်စဲရေး လုပ်ပြီး နိုင်ငံရေးဆွေးနွေးပွဲမှာ ပါဝင်ဖို့ တိုင်းရင်းသား လက်နက်ကိုင်တွေက ဆုံးဖြတ်လိုက်ခြင်း)တည်းကိုကစပြီး မြန်မာ့နိုင်ငံရေးက (လက်နက်ကိုင်နဲ့ လက်နက်မဲ့) တော်လှန်ရေးကနေ ပြိုင်ဆိုင်မှုရှိတဲ့ နိုင်ငံရေးဘက်ကို ကူးပြောင်းသွားပါတယ်။

အတိုက်အခံတွေကလည်း စစ်အစိုးရကို ဖြုတ်ချရေးဆိုတဲ့ ရည်မှန်းချက် ထားရာကနေ၊ စစ်အစိုးရကလည်း "တိုင်းပြည်ရန်သူတွေ"ကို ဖျက်ဆီးချေမှုန်းဖို့ဆိုတဲ့ ရည်မှန်းချက် ထားရာကနေ မြန်မာ့နိုင်ငံရေးက အုပ်စုတွေ အချင်းချင်းပြိုင်ဆိုင်မှု ဖက်ကိုဦးတည်သွားပါတယ်။ အုပ်စုတွေ အသီးသီးက သူတို့ရဲ့ ရည်မှန်းချက် အကျိုးစီးပွားတွေရယ်၊ သူတို့ကို ထောက်ခံသူအုပ်စုကြီးရဲ့ စုပေါင်းအကျိုးစီးပွား ရည်မှန်းချက်တွေကို မြှင့်တင်ဖော်ဆောင်နိုင်ရေးအတွက် နိုင်ငံတော် အာဏာတွေကို ရယူနိုင်ဖို့ ပြိုင်ဆိုင်မှုပါ။

အဲဒီလို အဓိက စုဖွဲ့ပြီး အင်အားတောင့်တောင့်တင်းတင်းနဲ့ ပြိုင်ဆိုင်နေကြသူတွေကတော့ စစ်အုပ်စုရယ်၊ NLD ပါတီရယ်၊ (အစိုးရဟောင်းလက်ထက်မှာ ပေါ်ပေါက်လာတဲ့) စီးပွားရေးလုပ်ငန်းရှင် ခရိုနီတွေရယ်၊ အမျိုးသားရေးဝါဒကို ကျင့်သုံးချင်တဲ့ ဗမာလူမျိုး ဗုဒ္ဓဘာသာ ကိုးကွယ်သူတွေပါ။

အင်အားမတောင့်၊ စုဖွဲ့မှုအားနည်းသူတွေကတော့ တိုင်းရင်းသား လက်နက်ကိုင်အဖွဲ့တွေနဲ့ တိုင်းရင်းသား နိုင်ငံရေးပါတီတွေပါ။

အရပ်ဖက်အဖွဲ့အစည်းတွေကလည်း စုဖွဲ့မှု အတော်ကလေး အားနည်းကြပေမယ့် နိုင်ငံရေးစနစ် တစ်ခုလုံးအတွက်တော့ ပြဿနာမရှိလှပါ။ အကြောင်းကတော့ အရပ်ဖက်အဖွဲ့အစည်းတွေရဲ့ သဘောသဘာဝကိုက ပဒေသာစုံလင်ပါတယ်။ ၀ါစဉ်အလိုက် ဖွဲ့စည်းထားတာမျိုး မဟုတ်ပါ။ လှုပ်ရှားမှုတွေရှိပေမယ့် ပရမ်းပတာ နိုင်ပါတယ်။

စစ်အုပ်စု---အားကောင်းပြီးသား

-အဓိကအင်အား။ အခြေခံဥပဒေ၊ လက်နက်၊ အာဏာသိမ်းခွင့်၊ ဗီတိုအာဏာ၊ ရဲတပ်ဖွဲ့၊ ထွေအုပ်၊ စီးပွားရေးလုပ်ငန်း အရင်းအမြစ်များ၊ ပြည်သူ့စစ်တပ်ဖွဲ့များ၊ ထောက်လှမ်းရေး၊ လေ့ကျင့်ထားတဲ့ လူအင်အား
- စနစ်တကျ စုစည်းပြင်ဆင်ထားခြင်း၊ အမိန့်ပေးစီးဆင်းမှု ရှင်းလင်းခြင်း၊ အကျိုးစီးပွားများ ကျစ်လစ်ခိုင်မာခြင်း
--ရည်မှန်းချက်များ။ ပြည့်ပြည့်၀၀ရထားတဲ့ လုပ်ပိုင်ခွင့်တွေကို ထိန်းချုပ်ထားရေး၊ နိုင်ငံရေးမှာ သြဇာလွှမ်းမိုးထားနိုင်ရေး၊ အစိုးရအဖွဲ့နဲ့ လွှတ်တော်အာဏာကို ကန့်သတ်ထားရေး၊ ကျူးလွန်ချိုးဖောက်မှုတွေအတွက် အရေးယူမခံရရေး၊ စီးပွားရေး လုပ်ပိုင်ခွင့်များ ထိန်းချုပ်ထားရေး၊ တရားဝင်ထောက်ခံမှုရတဲ့ ခေတ်မှီလက်နက်ကိုင်တပ်ဖွဲ့ဖြစ်လာရေး၊ တိုင်းရင်းသား လက်နက်ကိုင်တပ်ဖွဲ့တွေကို လက်နက်ဖြုတ်သိမ်းနိုင်ရေး၊ နယ်မြေတွေ ထိန်းချုပ်ထားနိုင်ရေး၊ "စည်းလုံးညီညွတ်မှု"ကို ထိန်းထားနိုင်ရေး

NLD---အားကောင်းလာနေတဲ့ အုပ်စု

- အင်အားများ။ လွှတ်တော်တွင်း လူများစု၊ သမ္မတနဲ့ အုပ်ချုပ်ရေးအာဏာတွေကို ချုပ်ကိုင်ထားနိုင်ခြင်း(၀န်ကြီးဌာန ၃ ခုကလွဲပြီး)၊ ပြည်နယ်တိုင်းအစိုးရအဖွဲ့များ၊ အမိန့်နာခံသူ လူအင်အား၊ တိုးများလာတဲ့ စီးပွားရေး အရင်းအမြစ်များ
- စုစုစည်းစည်းနဲ့ ပါတီဝင်အင်အားများပြားပြီး နိုင်ငံအနှံ့မှာ လူအများရဲ့ စိတ်ဝင်စားမှုကို ရပြီး လှုပ်ရှားနိုင်တဲ့ လူထုပါတီဖြစ်နေခြင်း၊ အမိန့်ပေး စီးဆင်းမှု ရှင်းလင်းခြင်း
- ရည်မှန်းချက်များ။ ဒေါ်အောင်ဆန်းစုကြည် သမ္မတဖြစ်ရေး၊ အစိုးရဖွဲ့နိုင်ရေး။ ယေဘူယဆန်တဲ့ တခြားရည်မှန်းချက်တွေကတော့ ဒီမိုကရေစီ ပြုပြင်ပြောင်းလဲမှုလုပ်ဆောင်ရေး၊ အခြေခံဥပဒေပြင်ဆင်ရေး၊ တရားဥပဒေစိုးမိုးမှုရှိရေး၊ ငြိမ်းချမ်းရေးနဲ့ ပြန်လည်ရင်ကြားစေ့ရေး၊ စီးပွားရေးနဲ့ ဖွံ့ဖြိုးတိုးတက်မှု၊ ယဉ်ကျေးမှု ပြန်လည်ခိုင်မာအားကောင်းလာရေး

ခရိုနီကြီးများ။ မမြင်သာပေမယ့် အားကောင်းပြီးသား အုပ်စု

- အမိန့်ပေး စီးဆင်းမှု မရှိပေမယ့် ရည်ရွယ်ချက်ချင်း တူညီပြီး စည်းလုံးကြ
- အင်အားများ။ နေရာကောင်းကောင်းမှာ အဆက်အသွယ် ကောင်းကောင်းရှိ၊ နိုင်ငံရေးအရ သြဇာလွှမ်းမိုးမှုရှိဖို့ ငွေအင်အားကို အဆင်သင့် လိုသလို ထုတ်သုံးနိုင်၊ သတင်းအချက်လက်တွေကို သူများထက်ဦးအောင် အများကြီးရရှိ၊ အုပ်စုတွေ အားလုံး(စစ်အုပ်စု၊ ဗိုလ်ချုပ်ဟောင်းများ၊ NLD နဲ့ နိုင်ငံတကာ)နဲ့ အဆင်ပြေအောင် ပေါင်းသင်းနိုင်
- ရည်မှန်းချက်များ။ စီးပွားရေး အကျိုးစီးပွားတွေကို ဆက်လက်ကာကွယ်ပြီး တိုးတက်လာစေရေး၊ ရင်းနှီးမြှုပ်နှံမှုတွေ ချေးငွေတွေ နည်းပညာတွေနဲ့ ဈေးကွက်အခွင့်အလမ်းတွေ ဆောင်ယူလာမယ့် စီးပွားရေး တံခါးဖွင့်မှုကို ထောက်ခံရေး၊ ဒါပေမယ့် ပြည်တွင်းမှာ လက်ဝါးကြီး အုပ်ထားနိုင်ရေး၊ နိုင်ငံရေးမှာ သြဇာလွှမ်းမိုးနိုင်ရေး

ဗမာလူမျိုး ဗုဒ္ဓဘာသာ ကိုးကွယ်သူ

- သေချာစုစည်းပြင်ဆင်ထားပြီး အရင်းအမြစ်ကြွယ်ဝ
- ဘုန်းတော်ကြီးတွေရဲ့ ထင်ရှားကျော်ကြားမှုနဲ့ ဂုဏ်သိက္ခာ၊ ဘာသာတရားရဲ့ စွမ်းအား
- အမိန့်ပေးစီးဆင်းမှု သိပ်မရှင်းလင်း၊ ခေါင်းဆောင်ပိုင်းအတွက် ပြိုင်ဆိုင်မှုတွေရှိ
- ရည်မှန်းချက်များ။ နိုင်ငံရေး အသွင်ကူးပြောင်းမှုနဲ့ တိုင်းပြည်ရဲ့ စရိုက်လက္ခဏာကို ပြန်လည်အဓိပ္ပါယ် သတ်မှတ်ရာမှာ နိုင်ငံရေးသြဇာအာဏာရှိလာရေး။ ( "အမျိုး ဘာသာကာကွယ်ရေး"၊ ဗမာလူမျိုး ဗုဒ္ဓဘာသာ လွှမ်းမိုးထားနိုင်ရေး)။ လောကီရည်မှန်းချက်တွေဖြစ်တဲ့ ထင်ရှားကျော်ကြားမှု၊ ဂုဏ်သိက္ခာနဲ့ အထူးအခွင့်အရေးများ

-တိုင်းရင်းသား လူနည်းစုအကျိုးစီးပွားကို ကိုယ်စားပြုခြင်း--- လက်ရှိအချိန်မှာတော့ အားအနည်းဆုံးအုပ်စု
-ဘယ်သူက ကိုယ်စားပြုတယ်ဆိုတာအပေါ် အချင်းချင်း ပြိုင်ဆိုင်နေကြခြင်း။ တိုင်းရင်းသား လက်နက်ကိုင်တပ်ဖွဲ့များ၊ တိုင်းရင်းသားပါတီများ၊ ဘာသာရေးခေါင်းဆောင်များ၊ တိုင်းရင်းသား အရပ်ဖက် အဖွဲ့အစည်းများ
-တိုင်းရင်းသားလက်နက်ကိုင်အဖွဲ့များ။ ။ ဘုံရည်မှန်းချက်မရှိ၊ ထိထိရောက်ရောက် စုစည်းနိုင်တဲ့ နည်းစနစ်မရှိ၊ စုစည်းမှုမရှိ၊ အမိန့်ပေးစီးဆင်းမှု မရှိ၊ တစ်ဖွဲ့နဲ့တစ်ဖွဲ့ကြား ယုံကြည်ချက်မှာ အကန့်အသတ်တွေရှိ၊ လူအင်အားနည်းပါး၊ တရားဝင်မှုတွေ လျော့နည်းကျဆင်းလာ၊ တရားမ၀င် စီးပွားရေးလုပ်ငန်း၊ ဆက်ကြေးကောက်ခြင်း၊ အတင်းအဓမ္မ တပ်သားစုဆောင်းခြင်းများ လုပ်ဆောင်နေရ
-တိုင်းရင်းသားပါတီများ။ အကွဲကွဲအပြားပြားဖြစ်နေ၊ အချင်းချင်း ပြိုင်ဆိုင်မှု ပြင်းထန်နေ၊ ရွေးကောက်ပွဲ ရှုံးနိမ့်သွား၊ အရင်းအမြစ်နည်းပါး

အစိုးရအသစ်အတွက် စိန်ခေါ်မှုများနှင့် အတားအဆီးများ

ဒီမိုကရေစီနည်းကျ ရွေးကောက်တင်မြှောက်ခံထားရတဲ့ အနာဂတ် အစိုးရအနေနဲ့ များပြားလှတဲ့ ချုပ်နှောင်မှုတွေ အောက်မှာ လုပ်ကိုင်နေရပါလိမ့်မယ်။ စိန်ခေါ်မှုတွေနဲ့ အတားအဆီးတွေ အများကြီးကို ရင်ဆိုင်ရပါမယ်။ အဲဒီအထဲက အချို့ကတော့။


• ဒီမိုကရေစီ နည်းမကျတဲ့ အခြေခံဥပဒေ။ ။အဓိက အဟန့်အတား
• စစ်တပ်က လွတ်လပ်စွာ လုပ်ပိုင်ခွင့်ရနေခြင်း၊ အင်အားပြနိုင်ခြင်း၊ အားနည်းသူတွေကို ရက်စက်ညှင်းပန်းတတ်တဲ့ စရိုက်ရှိခြင်း၊ အပြစ်ကျူးလွန်သော်လည်း အရေးယူမခံရခြင်း
• စီးပွားရေးလုပ်ငန်း ကဏ္ဍကြီးများကို သိမ်းပိုက်ထားသော လက်ဝါးကြီးအုပ်စနစ်
• ဆိုးကျိုးဖြစ်စေသော လူမှုစီးပွားအခြေအနေများ၊ များပြားလှသော ကျေးလက်နေလူဦးရေ၊ နိမ့်ပါးသော ပညာရေးအဆင့်အတန်း၊အခြေခံအဆောက်အဦးနဲ့ လျှပ်စစ်ဓာတ်အား လုံးလောက်အောင် မရှိခြင်း၊ ညံ့ဖျင်းလှသော ပြည်သူ့ကျန်းမာရေးစနစ်
• အခြေမကျသေးသော နိုင်ငံတော်။ နိုင်ငံတော် စရိုက်လက္ခဏာနဲ့ ပတ်သက်ပြီး တိုင်းရင်းသား အုပ်စုတွေကြားမှာ ဘုံသဘောတူညီချက် မရှိသေးခြင်း
• သက်ဆိုးရှည်နေဆဲ ပြည်တွင်းစစ်။ ။ အမျိုးမျိုးသော လက်နက်ကိုင် အုပ်စုများ၊ တချို့က လက်နက်ကိုင် လူဆိုးဂိုဏ်းသာဖြစ်
•"ပုံမှန်လည်ပတ်နေတဲ့နိုင်ငံ" မရှိခြင်း။ ။ အကျင့်ပျက်ခြစားမှုတွေ အရမ်းများ၊ တက်ကြွလှုပ်ရှားမှုမရှိ စွမ်းဆောင်ရည်မရှိတဲ့ ဗျူရိုကရေစီစနစ်။ အုပ်ချုပ်ရေး ယန္တရားထဲက အဓိကကျတဲ့ အစိတ်အပိုင်းတွေနဲ့ ရဲတပ်ဖွဲ့တို့က ရွေးကောက်ခံနိုင်ငံရေး သမားတွေရဲ့ ထိန်းချုပ်မှုအောက်မှာ မရှိ
• တရားဥပဒေ စိုးမိုးမှုမရှိခြင်း။ ။ဆိုးသွမ်းဖိနှိပ်တဲ့ ဥပဒေတွေရှိနေခြင်း၊ တရားဥပဒေတွေ အားလုံးကို နိုင်ငံနယ်မြေ အားလုံးမှာ အကောင်အထည် မဖော်နိုင်ခြင်း၊ တရားစီရင်ရေးကဏ္ဍ လွတ်လပ်မှုမရှိခြင်း၊ အကျင့်ပျက်ခြစားခြင်း
• လွတ်လပ်မှုကို ဆန့်ကျင်တဲ့ အုပ်စုတွေ အားကောင်းကောင်းနဲ့ စနစ်တကျ ရှိနေခြင်း။ အမျိုးသားရေး အစွန်းရောက်၊ ဘာသာရေးအစွန်းရောက် အယူအဆတွေက မြန်မာ့နိုင်ငံရေးရဲ့ အစိတ်အပိုင်းတွေဖြစ်နေ
• လွတ်လပ်မှုကို ဆန့်ကျင်တဲ့ ယဉ်ကျေးမှု ထွန်းကားနေ။ နိုင်သူအကုန်ယူ သဘောထားတွေ၊ အထက်အောက် ခွဲခြားတည်ဆောက်ထားတဲ့ လူမှုအနေအထား၊ မိရိုးဖလာဆန်လွန်းပြီး ရှေးရိုးစွဲလွန်းတဲ့ လူ့အဖွဲ့အစည်း
•အားနည်းပြီး အင်စတီကျူးရှင်း မဆန်တဲ့ နိုင်ငံရေးပါတီတွေ
•ရွေးကောက်ပွဲအနိုင်ရ ဒီမိုကရေစီသမားတွေမှာ အုပ်ချုပ်ရေး အတွေ့အကြုံမရှိခြင်း
•ကမ္ဘာ့စီးပွားရေး စနစ်သစ်ထဲမှာ စီးပွားရေး လုပ်ငန်းကြီးတွေရဲ့ အင်အားကို နိုင်ငံအစိုးရတွေက ထိန်းချုပ်နိုင်ဖို့ ပိုပိုခက်လာခြင်း
•ကမ္ဘာ့နိုင်ငံရေး အခြေအနေက ဒီမိုကရေစီကို အားမပေးခြင်း။ ကမ္ဘာတခွင်မှာ ဒီမိုကရေစီ ဆုတ်ယုတ်နေခြင်း။ ဒီမိုကရေစီရဲ့ တွန်းအား/ဆွဲအားတွေ အားပျော့နေခြင်း

တစ်ခုတည်းသော အကြီးမားဆုံး အဟန့်အတား

နိုင်ငံရေးစိတ်ဝမ်းကွဲပြားမှုတွေ ပြင်းထန်နက်ရှိုင်းနေတဲ့ လူ့အဖွဲ့အစည်းတွေမှာ ဒီမိုကရေစီထူထောင်ပေးရတာ ခက်ခဲပါတယ်။ ဒီမိုကရေစီနိုင်ငံ ထူထောင်နိုင်ဖို့ဆိုရင် အဲဒီနိုင်ငံက အခြေတကျနဲ့ ခိုင်မာနေဖို့လိုပါတယ်။ နိုင်ငံတော် စရိုက်လက္ခဏာနဲ့ ပတ်သက်ပြီး အုပ်စုတွေအားလုံးမှာ တညီတညွတ်တည်း သဘောထား ရှိနေရပါမယ်။

မြန်မာနိုင်ငံက လွတ်လပ်ရေး ရချိန်တည်းကစပြီး ခိုင်မာတည်ငြိမ်တဲ့ နိုင်ငံတော် မရှိခဲ့သေးဘူးလို့ ပြောရမှာပါ။ အဲဒီအစား ဖိနှိပ်ချုပ်ချယ်မှု ပြင်းထန်ပြီး အားနည်းသူတွေကို အနိုင်ကျင့် ညှင်းပန်းတတ်တဲ့ ဗဟိုအစိုးရသာ ရှိနေခဲ့ပါတယ်။ နယ်စပ်ဒေသမှာ ရှိတဲ့ အစိတ်အပိုင်းတွေကတော့ ပျက်စီးကျဆုံးနိုင်ငံတော်တစ်ခုရဲ့ ပုံစံမျိုးသာ ရှိနေခဲ့ပါတယ်။

•နိုင်ငံတော် စရိုက်လက္ခဏာနဲ့ ပတ်သက်ပြီး တိုင်းရင်းသား အုပ်စုတွေကြားမှာ ဘုံသဘောတူညီချက် မရှိသေးခြင်း
•လက်ရှိဖြစ်ပေါ်နေတဲ့ နိုင်ငံတော်တည်ဆောက်ထားပုံကို အဓိကအုပ်စုကြီးတွေက မထောက်ခံကြခြင်း
•နိုင်ငံသားအဖြစ် အပြည့်အ၀ အသိအမှတ်ပြုမခံရ နိုင်ငံသားအခွင့်အရေး အပြည့်အ၀ မရတဲ့ လူအုပ်စုတွေ ရှိနေခြင်း။ တချို့အုပ်စုတွေဆိုရင် နိုင်ငံသားအဖြစ်ကိုပါ လုံးဝအသိအမှတ်ပြု မခံရခြင်း

တချို့စိတ်ဝမ်းကွဲပြားမှုတွေက စစ်အုပ်စုရဲ့ သွေးခွဲအုပ်ချုပ်ရေး မဟာဗျူဟာကြောင့် ဖြစ်ပေါ်လာတာမဟုတ်။ စိတ်ဝမ်းကွဲပြားမှုတွေက တကယ်ကို နက်နက်ရှိုင်းရှိုင်း ဖြစ်ပေါ်နေကြတာဖြစ်ပြီး အသွင်မျိုးစုံအောင် ရှိပါတယ်။ အပေးအယူလုပ်ဖို့ ညှိနှိုင်းဖို့ဆိုတာ မလွယ်ကူလှပါ။

(လူအများစု ဆုံးဖြတ်တဲ့) ဒီမိုကရေစီ စနစ်တစ်ခုတည်းနဲ့တော့ စိတ်ဝမ်းကွဲမှုဖြစ်နေတဲ့ နိုင်ငံရဲ့ ပြဿနာအားလုံးကို မဖြေရှင်းနိုင်ပါ။ အကြောင်းကတော့ မဲနဲ့ အနိုင်ယူခံလိုက်ရတဲ့ လူနည်းစုတွေက လူများစုရဲ့ အုပ်ချုပ်ရေးကို လက်ခံမယ်မဟုတ်ပါ။ တရားမျှတတဲ့ ဆုံးဖြတ်ချက်ဖြစ်တယ်လို့လည်း မြင်ကြမယ်မဟုတ်ပါ။ လူများစုရဲ့ လွှမ်းမိုးချုပ်ကိုင်မှုလို့သာ မြင်ကြမှာဖြစ်ပါတယ်။ အဲဒီတော့ ဘုံသဘောတူညီချက်ကို ရှာဖွေတဲ့ လုပ်ငန်းစဉ်တစ်ခုကို ဒီမိုကရေစီစနစ်နဲ့ အပြိုင်တည်ဆောက်ယူဖို့ လိုပါတယ်။

အဲဒီလုပ်ငန်းစဉ်မျိုးကို ဘယ်လိုလမ်းဖွင့် တည်ဆောက်ရမလဲ

NCA ကနေတဆင့်နဲ့ နိုင်ငံရေးဆွေးနွေးပွဲတွေကနေတဆင့် လမ်းဖွင့်တည်ဆောက်ရမလား။ ဒေါ်အောင်ဆန်းစုကြည်ကတော့ ဦးသိန်းစိန်ထက်ပိုပြီး အောင်မြင်နိုင်ပါလိမ့်မယ်

သေတော့မသေချာပါ။ အောင်မြင်ချင်မှလည်း အောင်မြင်ပါလိမ့်မယ်

အစိုးရသစ်က ပျက်စီးကျဆုံးသွားနိုင်ပါတယ်။ ဘာကြောင့်လဲဆိုတော့

•၎င်းကစစ်တပ်ကို မထိန်းချုပ်နိုင်ပါ
• ဗဟိုချုပ်ကိုင်မှုများတဲ့ တပြည်ထောင်စနစ် အယူအဆနဲ့ တိုင်းရင်းသား လူမျိုးနယ်မြေ အခြေပြု ဖက်ဒရယ်စနစ် ၂ ခုတို့ကြားမှာ စေ့စပ်ညှိနှိုင်းပေးနိုင်မယ် မဟုတ်ပါ
•သဘောထား ကွဲပြားမှုတွေ နက်နက်ရှိုင်းရှိုင်း ဖြစ်ပေါ်နေပြီး သဘောထား သင့်တင့်မျှတသူတွေကတော့ လူနည်းစုဖြစ်နေပါတယ်။
• နှောင့်ယှက်ဖျက်စီးမဲ့သူတွေလည်း အများကြီးရှိပါတယ်။

အစိုးရအသစ်အတွက် အကြံပြုချက်တစ်ချို့

• အမျိုးသား ပြန်လည်ရင်ကြားစေ့ရေး လုပ်ဆောင်မယ့် အရည်အချင်းရှိ အားလုံးပါဝင် အစိုးရကို ဖွဲ့စည်းရပါမယ်။ (စစ်တပ်ဗိုလ်ချုပ်ဟောင်း တချို့နဲ့ NLD ပါတီဝင် တိုင်းရင်းသား တွေချည်းပဲပါဝင်တဲ့ အစိုးရမျိုးကို မဆိုလိုပါ။ အားလုံးပါဝင်အစိုးရဆိုတာ တိုင်းရင်းသားပါတီ ကိုယ်စားလှယ်တွေကိုပါ ထည့်သွင်းဖွဲ့စည်းခြင်း ဖြစ်ပါတယ်။ အဲဒီလို ဖွဲ့စည်းနိုင်ခြင်းအားဖြင့် တန်းတူညီမျှမှုဆိုတဲ့ တိုင်းရင်းသားတွေ အစဉ်တစိုက်တောင်းဆိုတဲ့ တောင်းဆိုမှုကို အလေးအနက်ထားနေကြောင်း သတင်းစကားတစ်ခုကို ရှင်းရှင်းလင်းလင်း ပြလိုက်သလိုလည်း ဖြစ်သွားပါတယ်။ တဆင့်နှိမ့်ပြီး နေရာပေးတာက တန်းတူညီမျှမှုမဟုတ်ပါ။ ၀န်ကြီးနေရာတချို့ကိုခွဲဝေပေးတာက တန်းတူညီမျှမှုကို သွားနေတဲ့ အရေးကြီးခြေလှမ်းတစ်ခုပါ။ မူဆလင်တွေက လွန်ခဲ့တဲ့ ရွေးကောက်ပွဲတွေမှာ မဲပေးခွင့်ဆုံးရှုံးသွားသလို ဖြစ်သွားတာကြောင့် ဖွဲ့မယ့်အစိုးရအဖွဲ့ထဲမှာ အနည်းဆုံး မူဆလင်ဝန်ကြီးတစ်ယောက် (NLD ပါတီဝင် ဖြစ်မယ်ဆိုလည်း ရပါတယ်)ကို ထည့်သွင်းဖွဲ့စည်းဖို့ အရေးကြီးပါတယ်။
• အခြေခံဥပဒေကို မပြင်ဆင်မပြောင်းလဲနိုင်ခင်မှာ နိုင်ငံရေးဆွေးနွေးပွဲတွေကို ပြီးမြောက်အောင် မကျင်းပသေးနိုင်ခင်မှာ အားလုံးပါဝင်ခွင့်ပေးပြီး ဗဟိုချုပ်ကိုင်မှုဖြေလျော့ပေးတဲ့ မူဝါဒတွေကို ရဲရဲတင်းတင်းနဲ့ ရည်မှန်းချက်ကြီးကြီး ချမှတ် အကောင်အထည်ဖော်သင့်ပါတယ်။
•နောက် ၆ နှစ်အတွင်း တိုင်းရင်းသားလူနည်းစုတွေကို အုပ်ချုပ်ရေးစနစ်ထဲမှာ ၃၀% ထည့်သွင်းဖွဲ့စည်း နေရာပေးခြင်း။(၂ နှစ်ကို ၁ ခါ ၁၀% တိုးမြှင့်ထည့်သွင်းသွားခြင်း)
•တိုင်းရင်းသားလူနည်းစုတွေအတွက် ယဉ်ကျေးမှု၊ ပညာရေးနဲ့ ဘာသာစကား အခွင့်အခွင့်အရေးတွေ ပေးအပ်ခြင်း
•ဘာသာတရား တစ်ခုခုကို လွှမ်းမိုးခွင့် အထူးအခွင့်အရေး မပေးခြင်း
• နိုင်ငံတော် အင်စတီကျူးရှင်းတွေကို အရပ်သားတွေ အားလုံးပါဝင်နိုင်တဲ့မူဖြင့် ပြန်လည်ရယူခြင်း၊
•ဥပဒေပြုရေးမှာ ပြုပြင်ပြောင်းလဲမှုတွေကို တစ်ခုပြီးတစ်ခု ဆက်တိုက်လုပ်ဆောင်ရပါမယ်။ ဖိနှိပ်ချုပ်ချယ်တဲ့ ဥပဒေဟောင်းတွေကို ဖျက်သိမ်းခြင်း၊ ဒီမိုကရေစီနဲ့ အစစ်အမှန်ကိုက်ညီတဲ့ တရားဥပဒေတွေကို တတ်နိုင်သလောက် များများနဲ့ မြန်မြန်ထုတ်ပြန်ပေးခြင်း၊ ငြိမ်း/စု/စီ ဥပဒေအသစ်၊ မီဒီယာဥပဒေအသစ်၊ သတင်းဆက်သွယ်ရေး ဥပဒေအသစ်တွေ ထုတ်ပြန်ပေးခြင်း။ နိုင်ငံတကာ လူ့အခွင့်အရေး သဘောတူစာချုပ်တွေကို လက်မှတ်ရေးထိုး အတည်ပြုခြင်း
•တရားဥပဒေစိုးမိုးရေးအတွက် အတတ်နိုင်ဆုံး ဆောင်ရွက်ခြင်း
•အပြန်အလှန်တာဝန်ခံမှု လုပ်ဆောင်မယ့် အင်စတီကျူးရှင်းတွေကို အားဖြည့်ပေးခြင်း
•အရပ်သား နိုင်ငံရေးပါတီတွေ အားကောင်းအောင် လုပ်ဆောင်ပေးခြင်း
•ကျူးလွန်သူတွေကို အပြစ်ပေး အရေးမယူနိုင်ရင်တောင် ချိုးဖောက်ခံခဲ့ရသူတွေအတွက် ပြန်လည်ထူထောင်ရေး အစီအစဉ်တွေကို ရက်ရက်ရောရောနဲ့ စနစ်တကျလုပ်ဆောင်ပေးခြင်း
•ဥစ္စာဓနတွေကို ရဲရဲတင်းတင်း ခွဲဝေပေးခြင်း။ စီးပွားရေးလက်ဝါးကြီး အုပ်မှုတွေကို ဖျက်သိမ်းခြင်း။ ကျေးလက်ကဏ္ဍနဲ့ အသေးစားစီးပွားရေး လုပ်ငန်းရှင်တွေကို ဦးစားပေးခြင်း

တက်ကြွလှုပ်ရှားသူတွေနဲ့ အရပ်ဖက်အဖွဲ့အစည်းတွေအတွက် ရွေးကောက်ပွဲနောက်ပိုင်း လုပ်ဆောင်စရာများ

တက်ကြွလှုပ်ရှားသူတွေနဲ့ အရပ်ဖက်အဖွဲ့အစည်းတွေ ရွေးကောက်ပွဲအပြီးမှာ ရှိထားသင့်တဲ့ မဟာဗျူဟာနည်းကျ မှန်ကန်တဲ့ သဘောထားတွေနဲ့ ရွေးချယ်စရာတွေ အကြောင်း ဆွေးနွေးပါမယ်

• ဟန်းနီးမွန်းကာလကို လိုက်နာပေးပါ။ အစိုးရသစ်က သူ့ရဲ့ ရည်ရွယ်ချက်အမှန်တွေနဲ့ စွမ်းရည်အမှန်တွေကို ထုတ်ဖော်ပြသနိုင်ဖို့ ရက်ပေါင်း ၁၀၀ အချိန်ပေးပါ။ အခြေအနေကို ရုတ်တရက် မြန်မြန်ဆန်ဆန်ကြီး မလှုပ်ရမ်းတာက အကောင်းဆုံးပါ။ ဒါမှမဟုတ် အစိုးရသစ် ရင်ဆိုင်ရမယ့် စိန်ခေါ်မှုတွေနဲ့ အတားအဆီးတွေက များပြားနေတာကြောင့် ဟန်းနီးမွန်းကို ၃၆၅ ရက်လောက်တောင် ပေးဖို့လိုလာနိုင်ပါတယ်။
• စိတ်ပျက်ဒေါသထွက်မှုတွေ၊ ခံစားမှုနဲ့ တုံ့ပြန်တာတွေ ဖြစ်ပေါ်မလာအောင် အစောကြီးတည်းကိုက အမျာကြီး မျှော်လင့်မထားသင့်ပါ။ တားမြစ်ကန့်သတ်ခံထားရတဲ့ အစိုးရက အကန့်အသတ်နဲ့သာ လုပ်ဆောင်နိုင်ပါမယ်။ အဲဒီအတွက် လက်တွေအခြေအနေကို အမှန်အတိုင်း သဘောပေါက်ထားဖို့ လိုပါတယ်။
•မဟာဗျူဟာကျကျ စဉ်းစားခြင်း။ ဒီမိုကရေစီနည်းကျ ရွေးကောက်တင်မြှောက်ခံထားရတဲ့ အစိုးရသာ မအောင်မမြင်ဖြစ်သွားရင် ဒီမိုကရေစီအပေါ် ပြည်သူလူထု ယုံကြည်မှုအားနည်းသွားမှာ ဖြစ်ပြီး စစ်တပ်ရဲ့ပြောဆိုနေမှုကို အားဖြည့်ပေးသလို ဖြစ်သွားပါလိမ့်မယ်။ အားကောင်းတဲ့ စစ်တပ်နဲ့ယှဉ်နှိုင်ဖို့ ရွေးကောက်ခံအရပ်သားတွေ ပါဝင်တဲ့ လွှတ်တော်နဲ့ အစိုးရကို အင်အားဖြည့်တင်းပေးရမှာက အားလုံးနဲ့သက်ဆိုင်တဲ့ တာဝန်ပါ။ မြန်မာနိုင်ငံမှာ အခုလောလောဆယ် မတူညီတဲ့ စနစ် ၂ ခု ဒွန်တွဲပြီး သွားနေပါတယ်။ မတူညီတဲ့ စနစ် ၂ ခု ဆိုတာမှာ တစ်ခုက ပြည့်သူ့ဆန္ဒနဲ့အညီပေါ်လာတဲ့ ဒီမိုကရေစီစနစ်ဖြစ်ပြီး နောက်တစ်ခုကတော့ ၂၀၀၈ အခြေခံဥပဒေကနေ ချမှတ်ပေးထားတဲ့ စစ်တပ်ကြိုးကိုင် နိုင်ငံရေးစနစ်ပါ။ တစ်ခုနဲ့ တစ်ခုက ဆူမိုနပန်းသမားတွေလို အားစမ်းနေကြပြီး ဘယ်သူအနိုင်ရသွားမလဲဆိုတာ စောင့်ကြည့်ရပါဦးမယ်။
ဒီမိုကရေစီဘက်တော်သား ဆူမိုနပန်းသမား အခြေယိုင်သွားအောင် မလုပ်မိစေဖို့ အရပ်ဖက်အဖွဲ့အစည်းတွေက သတိထားသင့်ပါတယ်။

• မဟာဗျူဟာနည်းကျ စိတ်ရှည်သည်းခံမှုရှိရပါမယ်။ အားနည်းပြီး ချုပ်ကိုင်ခံရမှုများနေတဲ့ အစိုးရကို နောက်ထပ်ပိုပြီး အားနည်းသွားစေနိုင်မယ့် ဖိအားတွေ တောင်းဆိုမှုတွေကို မလုပ်ဆောင်သင့်ပါ။

လုပ်စရာတွေ အများကြီးရှိပါတယ်။ အဲဒီအထဲမှာ ဦးစားပေးရမှာကတော့ အောက်ကနေအထက်ကို ဆန်တက်မယ့် အမျိုးသား ပြန်လည်ရင်ကြားစေ့ရေးပါ

မတူညီတဲ့ တိုင်းရင်းသား အုပ်စုတွေကြားမှာ နိုင်ငံတော် စရိုက်လက္ခဏာနဲ့ ပတ်သက်ပြီး ဘုံသဘောတူညီချက် ရယူနိုင်ဖို့လိုနေတာက မြန်မာ့နိုင်ငံရေး အသွင်ကူးပြောင်းမှုအတွက် အကြီးမားဆုံး စိန်ခေါ်မှု ဖြစ်နေပါတယ်။

အပေးအယူ အလျှော့အတင်းနဲ့ ဘုံသဘောတူညီချက်တွေသာ မရှိရင် အပစ်ခတ်ရပ်စဲရေးဆိုတာ မရှိနိုင်သလို ငြိမ်းချမ်းရေးလည်း မရနိုင်ပါ။ ဒီမိုကရေစီလည်း အခြေမခိုင်နိုင်သလို၊ နိုင်ငံရေးကနေ စစ်တပ်ထွက်ခွာသွားဖို့လည်း မဖြစ်နိုင်ပါ။

စိတ်ဝမ်းကွဲပြားမှု နက်ရှိုင်းနေတဲ့ လူ့အဖွဲ့အစည်းတွေမှာ ဒီမိုကရေစီ ထူထောင်ဖို့က ခက်ပါတယ်။ စစ်အုပ်စုရဲ့ သွေးခွဲအုပ်ချုပ်ရေးကြောင့်သာ သွေးကွဲနေတာ မဟုတ်ပဲ အချင်းချင်းကြားမှာလည်း အမှန်တကယ်ကို သွေးကွဲနေကြပါတယ်။ စေ့စပ်ညှိနှိုင်းဖို့က မလွယ်ကူပါ။

အားလုံးသဘောတူညီချက်ကို ရနိုင်ဖို့အတွက် နိုင်ငံရေးသမားတွေနဲ့ လက်နက်ကိုင်တပ်ဖွဲ့တွေက တော်တော်ကိုကြိုးစားရပါမယ်။( သဘောထားတင်းမာ ခေါင်းမာလွန်းနေခြင်း၊ သဘောထား သင့်တင့်မျှတသူတွေ နည်းပါးလွန်းခြင်း၊ နှောင့်ယှက်ဖျက်ဆီးနိုင်သူတွေ များနေခြင်း)

ဒါကြောင့်မို့ အရပ်ဖက် အဖွဲ့အစည်းတွေရဲ့ တာဝန်က အကောင်းစားဟိုတယ်ကြီးတွေမှာ ကျင်းပတဲ့ စေ့စပ်ညှိနှိုင်းရေး စားပွဲမှာ ထိုင်နေဖို့၊ အထက်ကနေ အောက်ကိုသွားတဲ့ ဖြစ်စဉ်မှာ ပါနေဖို့တော့ မသင့်ပါ။ အဲဒီအစား အောက်ကနေ အထက်ကို ဆန်တက်သွားမယ့် ပြန်လည်ရင်ကြားစေ့ရေး အားတစ်ခုဖြစ်သင့်ပါတယ်။ မြန်မာပြည်သားတွေ အားလုံးနေထိုင်နိုင်မယ့် ဗဟိုချုပ်ကိုင်မှုလျှော့ချ၊ ဖက်ဒရယ် ဒီမိုကရက်တစ်မြန်မာနိုင်ငံက ဘယ်လိုဆိုတာကို ချပြစည်းရုံးနိုင်ရပါမယ်။ အပြန်အလှန်နားလည်မှုတွေကို တည်ဆောက်နိုင်ရပါမယ်။

စိတ်ဝမ်းကွဲပြားမှုတွေ နက်နက်ရှိုင်းရှိုင်း ဖြစ်ပေါ်နေတဲ့ လူ့အဖွဲ့အစည်းမှာ အပြန်အလှန် နားလည်မှုတွေ တည်ဆောက်နိုင်ဖို့ ရည်ရွယ်ချက်ရှိရှိ ဆက်လက်ပူးပေါင်း လုပ်ဆောင်နေသင့်ပါတယ်။ ပြန်လည်ရင်ကြားစေ့ရေးကို အစိုးရတွေ၊ သေနတ်ကိုင်ထားသူတွေ နိုင်ငံရေးသမားတွေ ချည်းပဲနဲ့တော့ မလုပ်နိုင်ပါ။ အောက်ကနေ အထက်ကိုတက်သွားမယ့် ကြိုးစားအားထုတ်မှုတွေက လူမှုအရင်းအနှီးတွေကို ဖန်တီးပေးပါလိမ့်မယ်။ လူမှုအရင်းအနှီးဆိုတာကတော့ မတူညီတဲ့ တိုင်းရင်းသားလူမျိုးတွေကြား၊ မတူညီတဲ့ ဘာသာတရားတွေကြား၊ ဘာသာစကားတွေကြား အပြန်အလှန်ယုံကြည် နားလည်မှုကို ဆိုလိုတာဖြစ်ပါတယ်။

ဒုတိယ တာဝန်။ "လည်ပတ်နေတဲ့ နိုင်ငံတော်" ရှိမနေတာကို ကိုင်တွယ်ဖြေရှင်းခြင်း

နှစ်ပေါင်းများစွာ အာဏာရှင်စနစ် အုပ်စိုးပြီးမှ ဒီမိုကရေစီသမားတွေ ရွေးကောက်တင်မြှောက်ခံရပြီး အစိုးရဖြစ်သွားတာဆိုရင် ရှုပ်ထွေးပွေလီနေတဲ့ နိုင်ငံကိုပဲ အမွေဆက်ခံ ရတတ်ပါတယ်။ ပြုပြင်ပြောင်းလဲမှုတွေ လုပ်ဆောင်ဖို့ဆိုရင် ပြုပြင်ပြောင်းလဲရေး ပေါ်လစီတွေ ချမှတ်ရုံနဲ့တော့ မရပါ။ အဲဒီပေါ်လစီတွေကို အောင်အောင်မြင်မြင် အကောင်အထည်ဖော်နိုင်ရပါမယ်။ အဲဒီလို အကောင်အထည်ဖော်နိုင်ဖို့အတွက် "အဆင့်သင့်အသုံးပြုနိုင်"တဲ့ နိုင်ငံတော်၊ စွမ်းဆောင်ရည်ပြည့်ဝပြီး သစ္စာရှိတဲ့ ဗျူရိုကရေစီယန္တရားရှိနေတဲ့ နိုင်ငံတော် တစ်ခုရှိထားရပါမယ်။ မြန်မာအတွက်တော့ "အဆင်သင့်အသုံးပြုနိုင်တဲ့ နိုင်ငံတော်"ဆိုတာ မရှိပါ။ အကြီးအကျယ် အကျင့်ပျက်ခြစား၊ တက်ကြွမှုမရှိ စွမ်းဆောင်ရည်ကင်းမဲ့တဲ့ ဗျူရိုကရေစီယန္တရားပဲ ရှိနေပါတယ်။

ပိုပြီးဆိုးတာက အုပ်ချုပ်ရေးစနစ်ရဲ့ အရေးကြီးအစိတ်အပိုင်းတွေနဲ့ ရဲတပ်ဖွဲ့တို့က ရွေးကောက်ခံအရပ်သားတွေ လက်အောက်မှာ ရှိနေတာမဟုတ်ပဲ စစ်တပ်ထိန်းချုပ်မှုအောက် ကျရောက်နေပါတယ်။

ဒီမိုကရေစီနည်းကျ ရွေးကောက်တင်မြှောက်ခံထားရတဲ့ အစိုးရအဖွဲ့က လိုအပ်တဲ့ ပြုပြင်ပြောင်းလဲမှုတွေ လုပ်ဆောင်နိုင်အောင် နိုင်ငံတော် အင်စတီကျုးရှင်းတွေ အစိုးရဌာနတွေရဲ့ စွမ်းရည်တွေကို မြှင့်တင်ပေးရာမှာ အရပ်ဖက် အဖွဲ့အစည်းတွေက စနစ်တကျနဲ့ တက်တက်ကြွကြွ ကူညီသင့်ပါတယ်။

ရပ်ကွက်ကျေးရွာ အုပ်ချုပ်ရေးအဆင့်မှာဆို ပိုလိုအပ်ပါတယ်။

လစ်ဘရယ် သဘောထားရှိတဲ့ အရပ်ဖက်အဖွဲ့အစည်းက ရပ်ရွာအသိုက်အ၀န်းထဲကို ရောက်အောင်သွားပြီး မြှပ်နှံလုပ်ကိုင်ရပါမယ်။ မြန်မာ ဒီမိုကရေစီတိုက်ပွဲက နေပြည်တော် ဟိုတယ်ကြီးတွေမှာ ရှိနေမှာ မဟုတ်ပဲ ကျေးရွာတွေ၊ ဆင်းရဲတဲ့ မြို့နယ်တွေ ပတ်ဝန်းကျင်တွေ၊ အလုပ်ခွင်တွေ၊ လယ်ကွင်းတွေမှာ ရှိနေမှာပါ။ အဲဒီလိုမှ မဟုတ်ရင်တော့ နိုင်ငံခြားအလှူရှင်တွေ ထောက်ပံ့ထားတဲ့ အီလစ်တွေနဲ့ ပရော်ဖက်ရှင်နယ် အရပ်ဖက်အဖွဲ့အစည်း ခေါင်းဆောင်တွေက ရန်ကုန်နဲ့ နေပြည်တော်ရှိ "ပူပေါင်း"ထဲမှာ နေနေကြပြီး လူထုကိုတော့ လစ်ဘရယ်ဆန့်ကျင် နိုင်ငံရေးအင်အားစုတွေက စည်းရုံးသိမ်းသွင်းသွားပါလိမ့်မယ်။

တာဝန်ခံ တုံ့ပြန်ဖြည့်ဆည်းပေးနိုင်တဲ့ နိုင်ငံတော်

နောက်ထပ်အလွန်အရေးကြီးတဲ့ တာဝန် ၁ ခု လည်း ရှိပါသေးတယ်။ အဲဒီတာဝန်ကို အစိုးရနဲ့ လွှတ်တော်တို့က ထမ်းဆောင်ရမှာပါ။ ဒါပေမယ့် ဆော်သြစည်းရုံးတာတွေ အဓိကလုပ်ဆောင်တဲ့ အရပ်ဖက်အဖွဲ့အစည်းတွေနဲ့ ပညာရှင်အဖွဲ့တွေက ပြည်ပအတွေ့အကြုံတွေ သင်ခန်းစာတွေကို ယူဆောင်ပေးလာနိုင်ပါတယ်။

ဒီမိုကရေစီနည်းကျ ရွေးကောက်တင်မြှောက်ထားတဲ့ အစိုးရရှိတိုင်းလည်း ပြည့်သူ့အကျိုးအတိုင်း စွမ်းဆောင်ရည်ပြည့်ပြည့် ထိထိရောက်ရောက် အုပ်ချုပ်တဲ့စနစ် ဖြစ်ပေါ်လာစေရမယ်လို့ အာမခံချက် မပေးနိုင်ပါ။

အရပ်ဖက်အဖွဲ့အစည်းတွေရဲ့ တောင်းဆိုမှုနဲ့ ဖိအားတွေ မီဒီယာတွေရဲ့ ဖော်ထုတ်မှုတွေ သက်သက်ကတော့ အရေးကြီးပေမယ့် မလုံလောက်ပါ။

“အပြန်အလှန် တာဝန်ခံမှုတွေ” ရှိထားဖို့လိုပါတယ်။ (Guillermo O'Donnell)

"တချို့အစိုးရ အဖွဲ့အစည်းတွေ ဒါမှမဟုတ် အရာရှိတွေရဲ့ ဥပဒေမဲ့လုပ်ရပ်တွေ ထိမ်ချန်မှုတွေနဲ့ ပတ်သက်ပြီး အရေးယူလုပ်ဆောင် (ကြပ်မတ်ပေးခြင်း၊ စွပ်စွဲပြစ်တင်ဖယ်ရှားခြင်း၊ ရာဇ၀တ်ကြောင်းအရ ပြစ်ဒဏ်ပေးခြင်း)ဖို့ အစိုးရဌာနတွေကို တရားဥပဒေအရ အာဏာတွေ အပ်နှင်းထားပြီး အဲဒီလိုလုပ်ဆောင်ဖို့လည်း သူတို့က စိတ်ဆန္ဒရှိ စွမ်းရည်ရှိရပါမယ်။"

မတော်မတရားမှုတွေကို အရပ်ဖက် အဖွဲ့အစည်းတွေနဲ့ မီဒီယာတွေက ဖော်ထုတ်နိုင်ရင်တောင် နောက်ဆက်တွဲ "ဘာမှဖြစ်မလာရင်" ပြည်သူတွေ နိုင်ငံသားတွေ မဲပေးသူတွေက စိတ်ပျက်လက်ပျက်နဲ့ ခွန်အားမဲ့သလို ခံစားသွားရပါမယ်။

တချို့အစိုးရ အဖွဲ့အစည်းတွေရဲ့ တရားဥပဒေနဲ့မညီ လုပ်ဆောင်မှုတွေကို ကြပ်မတ် ထိန်းချုပ် တားမြစ်ဖို့ ဆန္ဒလည်းရှိ လုပ်ပိုင်ခွင့်လည်းရှိတဲ့ အစိုးရအဖွဲ့အစည်းတွေ လိုအပ်ပါတယ်။ အရေးယူကြပ်မတ်ပေးမယ့် အဖွဲ့တွေက ကိုယ်ပိုင်ဆုံးဖြတ်ပိုင်ခွင့် လုပ်ပိုင်ခွင့်တွေ ရှိထားရပါမယ်။
စွမ်းဆောင်ရည် အမြင့်ဆုံး ရနိုင်စေဖို့ဆိုရင် အဂတိလိုက်စားမှုကင်းတဲ့ တရားရုံးတွေအပေါ်မှာ မူတည်နေပါတယ်။

အပြန်အလှန်တာဝန်ခံမှု ရှိလာစေဖို့ဆိုရင် တရားဥပဒေစိုးမိုးရေးကို လေးစားယုံကြည်တဲ့ အစိုးရဌာနတွေက ကွန်ယက်သဖွယ် ချိတ်ဆက်လုပ်ဆောင်ရပါမယ်။ အစိုးရဌာန ၁ ခု ၂ ခု လောက်နဲ့တော့ မဖြစ်နိုင်ပါ။

[youtube src="p-AQ0YrFiB8"/]
မြန်မာ့ဆိုရှယ်လစ်လမ်းစဉ်ရဲ့ တစ်ပါတီအာဏာရှင်စနစ်ကို ဖြိုလှဲဖို့အတွက် လူထုအရေးတော်ပုံကြီးဆင်နွှဲတဲ့ ၁၉၈၈ ခုနှစ်ကစပြီး ရှေ့နေအဖြစ် အသက်မွေးဝမ်းကျောင်းနေတဲ့ ဦးဝင်းမြင့်တစ်ယောက် နိုင်ငံရေးလောကထဲကို ခြေစုံပစ် ဝင်ခဲ့ပါတယ်။
Kamayut Media


နိုင်ငံကျော် စာရေးဆရာကြီး မောင်သာရ (၈၅နှစ်)ဟာ အမေရိကန်ပြည်ထောင်စု Las Vegas မြို့နေအိမ်မှာ ဖေဖော်ဝါရီ ၂၉ရက်နေ့က ကွယ်လွန်သွားခဲ့ပါတယ်။
အမည်ရင်း ဦးသိန်းလွင်(ခ) စာရေးဆရာကြီး မောင်သာရဟာ မန္တလေးဇာတိဖြစ်ပြီး ၁၉၅၁ခုနှစ်နောက်ပိုင်း ဗကသများအဖွဲ့ချုပ်ဝင် ကျောင်းသားတစ်ဦးဖြစ်လာခဲ့ပါတယ်။ ဆရာကြီးဟာ ၁၉၅၃ကနေ ၁၉၅၅အထိ ဖဆပလအစိုးရရဲ့ဖမ်းဆီးအကျဉ်းချမှုကို ခံခဲ့ရပြီး ရာသက်ပန်ကျောင်းထုတ်ခံခဲ့ရပါတယ်။
ဆရာကြီး မောင်သာရဟာ ရှုမဝမဂ္ဂဇင်းမှာ ညှာရွှေတခက် ကြွေရက်စော ဝတ္ထုရှည်နဲ့ ၁၉၅၅မှာ စာပေနယ်ထဲ ဝင်ရောက်ခဲ့ပြီး ၁၉၅၈ စစ်အာဏာသိမ်းချိန်မှာ စာရေးဆရာကြီး ဗန်းမော်တင်အောင်၊ မြသန်းတင့်တို့နဲ့အတူ ကိုကိုးကျွန်းမှာ ဖမ်းဆီးထိန်းသိမ်းခံခဲ့ရပါတယ်။ ၁၉၇ဝမှာ မတ်တပ်ရပ်လို့ လမ်းမှာငို ဝတ္တုနဲ့အမျိုးသားစာပေဆုရခဲ့ပြီး လုံချင်းဝတ္ထုပေါင်း ၆ဝကျော်၊ ဝတ္တုတိုပေါင်း ၃ဝဝကျော်ကို ရေးသားခဲ့ပါတယ်။
၁၉၉၉ဇူလိုင်မှာ ထိုင်းနိုင်ငံကို ထွက်ခွာခဲ့ပြီးနောက် နိုင်ငံရေးဒုက္ခသည်အဖြစ်နဲ့ အမေရိကန်ပြည်ထောင်စုမှာ ပြောင်းရွှေ့အခြေချ နေထိုင်ခဲ့ပါတယ်။

Kamayut Media

[youtube src="JoKU8JPF9dc"/]
မတ်လ ၁ရက်နေ့ ပြည်ထောင်စုလွှတ်တော် အစည်းအဝေးအပြီးမှာ လူထုခေါင်းဆောင် ဒေါ်အောင်ဆန်းစုကြည်ဟာ NLD လွှတ်တော်ကိုယ်စားလှယ်တွေနဲ့ လွှတ်တော်ဝင်းအတွင်းက ဇမ္ဗူသီရိခန်းမဆောင်မှာ တွေ့ဆုံခဲ့ပါတယ်။

ပထမအကြိမ်လွှတ်တော်တုန်းက NLD အမတ်တွေက ၄ဝကျော်လောက်ပဲရှိလို့ တစ်ပတ်တစ်ကြိမ် လူထုခေါင်းဆောင်နဲ့တွေ့ခဲ့ပေမယ့် အခုတော့ NLD အမတ်က ၃၉ဝလောက်ရှိတာကြောင့် တစ်လတစ်ကြိမ်တွေ့နိုင်ဖို့ ကြိုးစားရမယ်လို့ ပါတီအတွင်းရေးမှူးအဖွဲ့က ဦးဝင်းထိန်က ဆိုပါတယ်။ လွှတ်တော်အမတ် အရည်အသွေးစစ်တဲ့အချိန်က မန္တလေးနဲ့ ရန်ကုန်က အဆိုးဆုံး သုညရတဲ့သူတွေရှိတာကြောင့် သုညရတဲ့သူတွေကို ဆန်ရင်းနာနာဖွတ်မယ့်သဘောရှိတယ်လို့ ဆိုပါတယ်။
Kamayut Media

Photo..NLD Chairperson
အမျိုးသားဒီမိုကရေစီအဖွဲ့ချုပ်ဥက္ကဌဒေါ်အောင်ဆန်းစုကြည်ဟာ သူ့ရဲ့ပါတီဝင် ပြည်ထောင်စုလွှတ်တော်အမတ်တွေနဲ့ နေပြည်တော်လွှတ်တော်ထဲက ဇဗ္ဗူသီရိခန်းမဆောင်မှာ ဒီကနေ့မွန်းလွဲပိုင်းက တွေ့ဆုံခဲ့ပါတယ်။ အဲ့ဒီတွေ့ဆုံပွဲမှာ ဒေါ်အောင်ဆန်းစုကြည်က အမတ်တွေကို ကြိုးစားကြဖို့ ပြောခဲ့သလို ချို့ယွင်းချက်တွေကိုပြုပြင်ပြီး ပြည်သူအားကိုးရတဲ့ အမတ်တွေဖြစ်အောင်လုပ်ဖို့ ဩဝါဒပေးခဲ့တယ်လို့ တွေ့ဆုံပွဲအပြီးမှာ ဦးဝင်းထိန်က ပြောပါတယ်။ အရည်အချင်းစစ်စာမေးပွဲမှာ ဝင်ဖြေတဲ့အမတ်တွေထဲက တစ်ချို့ဟာ ရမှတ်တစ်မှတ်မှမရတာကြောင့် ဒေါ်အောင်ဆန်းစုကြည်က အဲ့ဒီတွေ့ဆုံပွဲမှာ သတိပေးခဲ့တယ်လို့ ဆိုပါတယ်။
(ရိုက်ကူး- မင်းမင်း/မဇ္ဈိမ)
ချို့ယွင်းချက်တွေကိုပြုပြင်ဖို့ NLDအမတ်တွေကို ဒေါ်အောင်ဆန်းစုကြ...

ချို့ယွင်းချက်တွေကိုပြုပြင်ဖို့ NLDအမတ်တွေကို ဒေါ်အောင်ဆန်းစုကြည် တိုက်တွန်း(ရုပ်/သံ)...........အမျိုးသားဒီမိုကရေစီအဖွဲ့ချုပ်ဥက္ကဌဒေါ်အောင်ဆန်းစုကြည်ဟာ သူ့ရဲ့ပါတီဝင် ပြည်ထောင်စုလွှတ်တော်အမတ်တွေနဲ့ နေပြည်တော်လွှတ်တော်ထဲက ဇဗ္ဗူသီရိခန်းမဆောင်မှာ ဒီကနေ့မွန်းလွဲပိုင်းက တွေ့ဆုံခဲ့ပါတယ်။ အဲ့ဒီတွေ့ဆုံပွဲမှာ ဒေါ်အောင်ဆန်းစုကြည်က အမတ်တွေကို ကြိုးစားကြဖို့ ပြောခဲ့သလို ချို့ယွင်းချက်တွေကိုပြုပြင်ပြီး ပြည်သူအားကိုးရတဲ့ အမတ်တွေဖြစ်အောင်လုပ်ဖို့ ဩဝါဒပေးခဲ့တယ်လို့ တွေ့ဆုံပွဲအပြီးမှာ ဦးဝင်းထိန်က ပြောပါတယ်။ အရည်အချင်းစစ်စာမေးပွဲမှာ ဝင်ဖြေတဲ့အမတ်တွေထဲက တစ်ချို့ဟာ ရမှတ်တစ်မှတ်မှမရတာကြောင့် ဒေါ်အောင်ဆန်းစုကြည်က အဲ့ဒီတွေ့ဆုံပွဲမှာ သတိပေးခဲ့တယ်လို့ ဆိုပါတယ်။(ရိုက်ကူး- မင်းမင်း/မဇ္ဈိမ)

Posted by Mizzima - News in Burmese on Tuesday, March 1, 2016
Mizzima - News in Burmese

ဖွဲ့စည်းပုံ အခြေခံဥပဒေထဲက သမ္မတ အရည်အချင်း သတ်မှတ်ချက် ၅၉ (စ) ပုဒ်မကို မပြင်ရင် ဒေါ်အောင်ဆန်းစုကြည် အတွက် ကြီးကြီးမားမား ပြဿနာ မဟုတ်ပါဘူး။ ဒါပေမယ့် စစ်တပ် အတွက်ကတော့ ဗြဟ္မာကြီး ဦးခေါင်းကို ပိုက်ထားသလို ဖြစ်နေပါလိမ့်မယ်။ ရွေးကောက်ပွဲမှာ တခဲနက် အနိုင်ရတဲ့ ပါတီရဲ့  ခေါင်းဆောင်က အစိုးရသစ်မှာ ဘယ်လို တာဝန်ကို ယူမလဲဆိုတာ ဒီမိုကရေစီနိုင်ငံမှာ မေးဖို့ မလိုအပ်တဲ့ ကိစ္စဖြစ်ပါတယ်။ ဒါပေမယ့် မြန်မာပြည်အတွက်ကတော့ ဒါဟာ မေးခွန်းတခု ဖြစ်နေတုန်းပါပဲ။

စစ်တပ်က စိတ်ကြိုက်ရေးဆွဲထားတဲ့ ဖွဲ့စည်းပုံ အခြေခံဥပဒေက ဒေါ်အောင်ဆန်းစုကြည်ကို သမ္မတ ဖြစ်ခွင့် ပိတ်ပင်ထားတယ်။ ပုဒ်မ ၅၉ (စ) ထဲက “ … ခင်ပွန်းသော်လည်းကောင်း၊ မိမိ၏ တရားဝင် သားသမီး တစ်ဦးဦးသော် လည်းကောင်း၊ ထိုတရားဝင် သားသမီးတစ်ဦးဦး၏ ဇနီးသို့မဟုတ် ခင်ပွန်းသော်လည်းကောင်း … တိုင်းတစ်ပါး၏ နိုင်ငံသား … မဖြစ်စေရ ” ဆိုတဲ့ ပြဌာန်းချက်ဟာ ဒေါ်အောင်ဆန်းစုကြည်နဲ့ တိုက်ရိုက် သက်ဆိုင်ပါတယ်။ သမ္မတဖြစ်ခွင့် မရှိလည်း ဒေါ်အောင်ဆန်းစုကြည်က “သမ္မတ အထက်”မှာ ရှိမှာပါ။

ဖွဲ့စည်းပုံ အခြေခံ ဥပဒေအရ အာဏာ အရပ်ရပ်ရဲ့  ပင်မ မဏ္ဍိုင်ဖြစ်တဲ့ နိုင်ငံတော် ကာကွယ်ရေးနှင့် လုံခြုံရေး ကောင်စီ ၁၁ ယောက်မှာ ၅ နေရာဖြစ်တဲ့ သမ္မတ၊ ဒုတိယ သမ္မတ၊ ပြည်သူ့လွှတ်တော် ဥက္ကဌ၊ အမျိုးသားလွှတ်တော် ဥက္ကဌ၊ နိုင်ငံခြားရေး ၀န်ကြီး တို့ ကတော့ အမျိုးသား ဒီမိုကရေစီအဖွဲ့ချုပ်က တင်မြှောက်နိုင်ပါတယ်။ ၅၉ (စ) မပြင်ဘဲ ဆိုရင် ကာလုံမှာ ဒေါ်အောင်ဆန်းစုကြည် ဝင်ထိုင်နိုင်ဖို့ နိုင်ငံခြားရေးဝန်ကြီး တနေရာ ကျန်တယ်လို့ တွက်ချက်ယူဆချက်တွေ ရှိပါတယ်။

ဒေါ်အောင်ဆန်းစုကြည် နိုင်ငံခြားရေး ၀န်ကြီးကို ယူမယ်ဆိုရင်လည်း သမ္မတက ဒေါ်အောင်ဆန်းစုကြည် ပြောသမျှ ပြန်နာခံရမှာမို့ အစိုးရ အလုပ်လုပ်ပုံ နည်းနည်းတော့ ဂွကျမှာ ဖြစ်ပါတယ်။ ဒီလိုမဟုတ်ဘဲ ဒေါ်အောင်ဆန်းစုကြည်အနေနဲ့ အစိုးရတာဝန်တွေကို မယူဘဲ ပါတီမှာပဲ ဆက်နေမယ် ဆိုရင် အနှစ်သာရက အတူတူပါပဲ။ အန်အယ်ဒီက တင်တဲ့ နိုင်ငံတော် သမ္မတဟာ ပါတီ ဥက္ကဌ ဒေါ်အောင်ဆန်းစုကြည်ရဲ့  လမ်းညွန်မှု အတိုင်း ဆုံးဖြတ်လုပ်ကိုင်ရမှာပါ။ ဒါကလည်း ဖွဲ့စည်းပုံ အခြေခံဥပဒေကို ချိုးဖောက်ရာ မရောက်ပါဘူး။

ဒီအခြေအနေတွေ အားလုံးကို ဒေါ်အောင်ဆန်းစုကြည်က ရွေးကောက်ပွဲ မတိုင်ခင်ကတည်းက ပြောခဲ့ပြီးဖြစ်လို့ အားလုံး သိပြီး ဖြစ်ပါတယ်၊ မဲဆန္ဒရှင်တွေ ပြည်သူတွေဟာလည်း ဒါကို လက်ခံနိုင်လို့ ဒေါ်အောင်ဆန်းစုကြည် ပြောတဲ့ အတိုင်းပဲ အန်အယ်ဒီကိုပဲ မဲပေးခဲ့ပါတယ်။ ပါတီ အလံကို ကြည့်ပြီးပေးတယ် ဆိုတာ ဒေါ်အောင်ဆန်းစုကြည်ကိုပဲ မဲပေးခဲ့တာနဲ့ အတူတူပါပဲ။

ပြည်သူတွေ ဆန္ဒက ရှင်းပါတယ်။ ဒေါ်အောင်ဆန်းစုကြည်က နိုင်ငံကို ဦးဆောင်တာကို လိုလားတယ်။ ဒေါ်အောင်ဆန်းစုကြည်အနေနဲ့ သမ္မတပဲ လုပ်လုပ်၊ သမ္မတ မလုပ်ရလို့ သမ္မတကို ညွန်ကြားသူပဲ ဖြစ်ဖြစ်၊ ဘယ်လိုနည်းနဲ့ပဲ ဦးဆောင်ပါစေ၊ ကြည်ဖြူ ထောက်ခံတယ်ဆိုတာကို ရွေးကောက်ပွဲက သက်သေပါပဲ။

နောက်ဆုံးကျတော့ ဘယ်လို ဖွဲ့စည်းပုံ အခြေခံဥပဒေက ဘယ်လိုပဲ ကန့်သတ်ထားပါစေ၊ ဒေါ်အောင်ဆန်းစုကြည်ကပဲ လက်တွေ့ ဦးဆောင်ပါလိမ့်မယ်။ ဒါကြောင့် ၅၉ (စ) ကို ပြင်လိုက်တာနဲ့ မပြင်တာနဲ့ အနှစ်သာရအရ အတူတူပါပဲ။ အစိုးရရဲ့  အဖွဲ့ရဲ့  လုပ်ငန်းတွေမှာ အားနည်းချက်တွေ ပေါ်ရင် အပြောင်းအလဲတွေ ထင်သလောက် ရှေ့တိုးမရတဲ့အခါ ကန့်လန့်တိုက်နေတဲ့ စစ်တပ်ကြောင့် ဆိုပြီး လက်ညှိုးထိုးကြပါလိမ့်မယ်။ ဒေါ်အောင်ဆန်းစုကြည်ကို နိုင်ငံကို ဦးဆောင်မှု မပေးတာကြောင့်ဆိုပြီး အပြစ်တင်ကြပါလိမ့်မယ်။ တနည်းအားဖြင့် ပြောရင် သမ္မတ အရည်အချင်း သတ်မှတ်ချက်ကို မပြင်တဲ့အတွက် ဒေါ်အောင်ဆန်းစုကြည်နဲ့ အန်အယ်ဒီ ပါတီ အတွက် အရှုံးထဲက အမြတ်တောင် ထွက်သွားနိုင်ပါတယ်။ စစ်တပ်အတွက်ကတော့ အကျိုးထက် အဆိုးပဲ ပိုများပါလိမ့်မယ်။

၁၉၄၇၊ ၁၉၇၄ ဖွဲ့စည်းပုံနှစ်ခု စလုံးမှာ မပါဝင်ခဲ့တဲ့ ၅၉ (စ) ပုဒ်မကို ပြင်ပေးလိုက်ခြင်း အားဖြင့် စစ်တပ်က နာမည်ကောင်းယူနိုင်ပါတယ်။ စစ်တပ်အနေနဲ့ အရေးကြီးတဲ့ ၀န်ကြီးဌာနသုံးခုကို ကိုင်ထားပြီး ဖြစ်လို့ အပြောင်းအလဲ အတွက် အထူး စိုးရိမ်စရာ မလိုပါဘူး။ စစ်ခေါင်းဆောင်တွေရဲ့  သဘောထားနဲ့ အမြော်အမြင်ကြီးမှု၊ ပြည်သူ့ ဆန္ဒကို လေးစားမှုအတွက် နာမည်ကောင်း ပြန်ရနိုင်ပြီး အမှတ်ရနိုင်ပါတယ်။ ဒါဟာ မနည်းလှတဲ့ နိုင်ငံရေး၊ စီးပွားရေး၊ လူမှုရေး ပြဿ နာတွေကို အစိုးရသစ်က ကိုင်တွယ် ဖြေရှင်းတဲ့ အခါ အကြောင်းအကျိုး၊ အကောင်းအဆိုး တာဝန်အားလုံး ဒေါ်အောင်ဆန်းစုကြည်နဲ့ အန်အယ်ဒီ ပါတီ ဦးဆောင်တဲ့ အစိုးရ အပေါ်မှာသာ မူတည် ကျရောက်သွားစေတာပဲ ဖြစ်ပါလိမ့်မယ်။

Irrawaddy

(ဓာတ်ပုံ- သက်ကို/မဇ္ဈိမ)

နေပြည်တော်(မတ်လ ၁)။ ။ ရွေးကောက်ပွဲတွင် အပြတ်အသတ်အနိုင်ရထားသော အမျိုးသားဒီမိုကရေစီအဖွဲ့ချုပ်(NLD) အမတ်တို့၏ လုပ်ရပ်များအား မကျေနပ်ပါက မဲဆန္ဒနယ်ရှင်ပြည်သူများအနေဖြင့် တိုင်ကြားနိုင်ပြီဟု ပါတီ၏ ဗဟိုအလုပ်အမှုဆောင်ကော်မတီဝင် ဦးဝင်းထိန်က မတ်လ ၁ရက်တွင် ပြောဆိုလိုက်သည်။

NLDအမတ်တို့၏ လုပ်ရပ်များကို မကျေနပ်ပါက တိုင်ကြားနိုင်ရန် တိုင်ကြားရေးဌာနတစ်ခုကို ဖေဖော်ဝါရီ ၂၈ရက်က စတင်ဖွဲ့စည်းလိုက်ကြောင်း၊ အဆိုပါ တိုင်ကြားရေးဌာနကို အရံဗဟိုအလုပ်အမှုဆောင်အဖွဲ့ဝင်ဖြစ်သူ ဒေါက်တာမျိုးညွှန့်အား တာဝန်ပေးအပ်ထားကြောင်း ဦးဝင်းထိန်က ပြောသည်။

"တိုင်တဲ့သူတွေက ကိုယ့်ကိုယ်ပိုင်နံပါတ် ပါရမယ်၊ မှတ်ပုံတင်ပါရမယ်၊ လိပ်စာပါရမယ်၊ ဖုန်းနံပါတ်ပါရမယ်။ ကျွန်တော်တို့လွှတ်တော်ကိုယ်စားလှယ်တွေကို မကျေနပ်တာတွေ၊ လုပ်သင့်လုပ်ထိုက်တာတွေ မလုပ်ဘဲနဲ့ လျစ်လျူရှုတာတွေ၊ ယုတ်စွအဆုံး မူးပြီးရမ်းတာလည်း ပါတယ်" ဟု ဦးဝင်းထိန်က သတင်းထောက်များကို ပြောသည်။

တိုင်ကြားရေးဌာနအနေဖြင့် တိုင်ကြားချက်များကို စိစစ်ကာ ပါတီစည်းကမ်းအရ အရေးယူသွားမည်ဖြစ်သလို ရဲဘော်ရဲဘက်စိတ်ဖြင့် ပြုပြင်ပေးမည်ဖြစ်ကြောင်း၊ ထိုသို့ပြုပြင်၍မရသည့်ကိစ္စဖြစ်ပါက ဥပဒေကြောင်းအတိုင်း လုပ်ဆောင်သွားမည်ဖြစ်ကြောင်း ၎င်းက ဆိုသည်။

ယခုကဲ့သို့ တိုင်းကြားရေးဌာနဖွဲ့စည်းလိုက်သည့်အပေါ် အမျိုးသားဒီမိုကရေစီအဖွဲ့ချုပ်(NLD)မှ ကယားပြည်နယ်၊ မဲဆန္ဒနယ်အမှတ်(၇)မှ အမျိုးသားလွှတ်တော်အမတ် ဦးအောင်ကျော်စိုး(ခ)ဖိုးခွားက "ကျွန်တော်တို့ကိုယ်စားလှယ်တွေကို ထိန်းကျောင်းဖို့ဆိုပြီး ဖွဲ့လိုက်တဲ့သဘောလို့ ထင်တယ်" ဟု မှတ်ချက်ပြုသည်။

နိုဝင်ဘာရွေးကောက်ပွဲရလဒ်အရ ပြည်ထောင်စုလွှတ်တော်တွင် အမတ်ဦးရေ လေးရာနီးပါးခန့်နေရာယူထားသော NLDအမတ်များနှင့် ပါတီဥက္ကဌ ဒေါ်အောင်ဆန်းစုကြည်တို့ မတ်လ ၁ရက်၊ မွန်းလွဲပိုင်းတွင် တွေ့ဆုံခဲ့သေးရာ အဆိုပါတွေ့ဆုံမှုတွင် ဒေါ်အောင်ဆန်းစုကြည်က လွှတ်တော်တွင် မေးခွန်းများ၊ အဆိုများတင်ပြသည့်အခါ ကိုယ်ကျိုးစီးပွားအတွက်မဟုတ်ဘဲ အများပြည်သူအကျိုးအတွက်သာ တင်ပြကြရန်နှင့် ချို့ယွင်းမှု၊ မှားယွင်းမှုများကို ပြုပြင်ရန် မှာကြားခဲ့သေးသည်။
မူးယစ်ရမ်းကားတာကအစ NLDအမတ်တို့လုပ်ရပ်တွေကို တိုင်နိုင်ပြီ

မူးယစ်ရမ်းကားတာကအစ NLDအမတ်တို့လုပ်ရပ်တွေကို တိုင်နိုင်ပြီလို့ ဦးဝင်းထိန်ပြော(ရုပ်/သံ).................................(ရိုက်ကူး- မင်းမင်း/မဇ္ဈိမ)(သတင်းအပြည့်အစုံကို http://mizzimaburmese.com/article/11831 တွင် ဖတ်ရှုနိုင်ပါသည်)

Posted by Mizzima - News in Burmese on Tuesday, March 1, 2016
မင်းမင်း
Mizzima - News in Burmese

၁-၃-၂၀၁၆ ရက် မွန်းလွဲ ၁ နာရီအချိန်တွင် နေပြည်တော်လွှတ်တော်ဝင်းအတွင်းရှိ ဇမ္ဗူသီရီခန်းမတွင် NLD ဥက္ကဋ္ဌ ဒေါ်အောင်ဆန်းစုကြည်နှင့် NLD လွှတ်တော်ကိုယ်စားလှယ်များ ဒုတိယအကြိမ် တွေ့ဆုံခဲ့ကြသည်။
တွေ့ဆုံပွဲတွင် ဒေါ်အောင်ဆန်းစုကြည်မှ “လွှတ်တော်မှာ အဆိုတွေတင်တဲ့အခါမှာ စည်းမျဉ်းစည်းကမ်းတွေအတိုင်း တင်ကြပါ။ လွှတ်တော်အတွင်း မေးခွန်းမေးတဲ့အခါ ရှင်းရှင်းလင်းလင်း မေးပါ။ အဖွဲ့ချုပ်အပေါ်မှာ သစ္စာရှိပါ။
အဆိုတွေ မေးခွန်းတွေကို တင်တော့မယ်ဆိုရင် စိစစ်ရေးအဖွဲ့ကို တင်ပါလို့ ပြောထားခဲ့ပါတယ်။ ကျွန်မတို့ရဲ့ ကိုယ်စားလှယ်တွေဟာ ပါတီအတွက်၊ လွှတ်တော်အတွက်၊ နိုင်ငံအတွက် လိုအပ်တဲ့ကိစ္စတွေကိုလုပ်တဲ့အခါမှာ တဦးကောင်း တယောက်ကောင်း မလုပ်စေချင်ပါဘူး``

“အဆိုတွေ တင်သွင်းချင်တယ်။ မေးခွန်းတွေ တင်သွင်းချင်တယ်ဆိုရင် ဖွဲ့ပေးထားတဲ့ အဖွဲ့အစည်းတွေကို တင်ပြပါ။ တင်သွင်းမယ့်သူတွေဟာ လွှတ်တော်ရဲ့ စည်းမျဉ်းစည်းကမ်းတွေကို နားလည်ရပါမယ်။ ဖွဲ့ထားတဲ့အဖွဲ့ အစည်းထဲမှာ ပါဝင်တဲ့သူတွေဟာ လွှတ်တော်ရဲ့ စည်းကမ်းနဲ့ပတ်သက်ပြီး အင်မတန် ကျွမ်းကျင်တဲ့သူတွေဖြစ်ကြပါတယ်။ ဒီလိုတော့ တင်လို့မဖြစ်ဘူး။ ဘယ်လိုတင်ရင်တော့ ဖြစ်နိုင်တယ်ဆိုတာ နားလည်တယ်။
နောက်တခုက အချို့ကိစ္စတွေမှာ အဖွဲ့ချုပ်ရဲ့ မူဝါဒတွေနဲ့ ကိုက်ညီလား၊ မကိုက်ညီလားဆိုတာ နားလည်ရမယ်။ ကိုယ်ဘာသာ ကိုယ်လုပ်ချင်တယ် ဆိုရင်တော့ ဒါဟာ ဘယ်ပါတီရဲ့ ကိုယ်စားလှယ်အဖြစ်နဲ့မှ ရွေးချယ်ခံစရာ မလိုဘူး။ တသီးပုဂ္ဂလအနေနဲ့ပဲ အရွေးခံပါ။ ပါတီရဲ့ အလံအောက်မှာ နေမယ်ဆိုရင်တော့ ပါတီရဲ့ မူဝါဒကို လေးစားရမှာ ဖြစ်ပါတယ်။ ကျွန်မတို့မူပဲ။
အရင်လွှတ်တော်တုန်းကလည်း ဒီအတိုင်းပဲပြောခဲ့ပါတယ်။ မူနဲ့မဆိုင်တဲ့ ကိစ္စ သိပ်ပြီးတော့ အရေးမကြီးတဲ့ကိစ္စတွေမှာ ကိုယ့်ဟာကိုယ်ဆုံးဖြတ်၊ ကိုယ့်ဟာကိုယ် အတည်ပြု၊ မူဝါဒနဲ့မဆိုင်ရင် ကိုယ့်ဟာကိုယ် ဆုံးဖြတ်ရ တယ်။ ခွင့်ပေးတယ်။ ဒါပေမဲ့ မူဝါဒနဲ့ဆိုင်တဲ့ကိစ္စတွေမှာတော့ အဖွဲ့ချုပ်ရဲ့ မူဝါဒအတိုင်းပဲလုပ်ပါ။”

“မတ်လမှာ အစိုးရဖွဲ့ခွင့်ရတော့မယ်။ ဘယ်လိုမှ မကြုံဖူးတဲ့နှစ် (၅၀) အတွင်းမှာ ပြည်သူလူထုကိ တင်တဲ့၊ ရွေးချယ်တဲ့ အစိုးရသစ်ကို ပထမ ဦးဆုံးအကြိမ်အဖြစ်မြင်ရတော့မှာ။ ကျွန်မတို့ ဒီကိစ္စအတွက် ကြိုးပမ်းဆောင်ရွက်နေကြပါတယ်။ ဒီလို လုပ်ငန်းမျိုးဟာ မလွယ်ပါဘူး။ မလွယ်လို့ကို ကျွန်မတို့အားလုံးဟာ ညီညီညွတ်ညွတ်နဲ့ သေသေချာချာ လုပ်နေပါတယ်။ ကိုယ့်ရဲ့ အပြောအဆိုကို ဆင်ခြင်ရပါမယ်။ တချို့က မီဒီယာနဲ့တွေ့ပြီး ပြောချင်နေကြတယ်။ ပြောကြတယ်။ မီဒီယာတွေ့ရတာ စကားပြောရတဲ့နေရာမှာ တာဝန်ယူရပါတယ်။ ကိုယ့်စကားနဲ့ မှားသွားရင် တယောက်တည်းထိမှာ မဟုတ်ပါဘူး။ ကိုယ့်ရဲ့ အဖွဲ့အစည်းကို ထိခိုက်နိုင် ပါတယ်။ အဲဒါကြောင့်မို့လို့ ဒီကာလအတွင်းမှာ ဆင်ဆင်ခြင်ခြင်နေကြပါ။ ကိုယ့်စည်းကိုစောင့်ကြပါ။ ကိုယ့်ရဲ့တာဝန်ဟာ ဘာလဲဆိုတာကို သိကြပါ။ အားလုံး ညီညွတ်ရမယ်။”

“လွှတ်တော်ကြီးဟာ နိုင်ငံတော်ရဲ့ လွှတ်တော်ပါ။ အမျိုးသား ဒီမိုကရေစီအဖွဲ့ ချုပ်ရဲ့ လွှတ်တော်ကြီး မဟုတ်ပါဘူး။ တချို့တွေက ဒီလွှတ်တော်ကြီးကို ကိုယ်ပိုင်လွှတ်တော်လို့ ထင်နေကြတယ်။ ဒီလွှတ်တော်ဟာ ကိုယ်ပိုင်မဟုတ်ပါဘူး။ နိုင်ငံတော်နဲ့ပဲ ဆိုင်ပါတယ်။ ဒီ လွှတ်တော်ဟာ ကျွန်မတို့ လွှတ်တော်မဟုတ်ပါဘူး။ မနေ့က တိုင်းရင်းသား ကိုယ်စားလှယ်တွေနဲ့ တွေ့ဆုံမှုမှာ တအာင်း(ပလောင်) အမျိုးသမီးတဦးပြောတာကို ကျွန်မ သဘောကျပါတယ်။ ဘာလဲဆိုတော့ ကျွန်မတို့ ပါတီဝင်တွေဟာ ခွဲခြားမှုမရှိပါဘူးတဲ့။ ကိုယ်က လူများစုဖြစ်တာကြောင့် ယဉ်ကျေးရမယ်။ သဘောထားကြီးရမယ်။ သိမ်မွေ့ရမယ်။ ဒါပေမဲ့ တချို့တွေဟာ ဒီလွှတ်တော်ဟာ ငါတို့လွှတ်တော် ငါတို့ပုံစံနဲ့ ငါတို့လုပ်နိုင်တယ်ဆိုတဲ့စိတ် တွေရှိနေပါတယ်။ အဲဒီစိတ်တွေ ဖျောက်ပါလို့ ပြောချင်ပါတယ်”ဟု ဒေါ်အောင်ဆန်းစုကြည်က ပြောသည်။

တွေ့ဆုံပွဲတွင် ဒေါ်အောင်ဆန်းစုကြည်က ပါတီကိုယ်စားလှယ်များ လိုက်နာစောင့်ထိန်းရမည့်အချက်များကို အသေးစိတ်ပြောကြားသွားခဲ့ပြီး “တနင်္ဂနွေလုပ်တဲ့ CEC အစည်းအဝေးမှာ တချို့အပြောင်းအလဲတွေ ရှိပါတယ်။ တလအတွင်းမှာ ကိုယ်စားလှယ်တွေရဲ့ တိုင်စာတွေ တက်လာပါတယ်။ တက်လာတဲ့ တိုင်ချက်တွေကို စိစစ်ပြီးတော့ အရေးယူပါမယ်”ဟု ပြောကြားခဲ့သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)

မြန်မာနိုင်ငံဆိုင်ရာ အမေရိကန်သံအမတ် တာဝန် ပြီးဆုံးတော့မည့် ကန်သံအမတ်ကြီး ဒဲရစ်မစ်ချဲလ်နှင့် ဇနီးသည် အမျိုးသားဒီမိုကရေင်္စီအဖွဲ့ချုပ် ဥက္ကဌ ဒေါ်အောင်ဆန်းစုကြည်နှင့် မတ်လ ၁ရက်တွင် နောက်ဆုံးအကြိမ်တွေ့ဆုံ နှုတ်ဆက်ခဲ့သည်ဟု သိရသည်။

တွေ့ဆုံရာတွင် ရှေ့လာမည့် အရေးကြီးသော နှစ်များအတွင်း နှစ်နိုင်ငံအကြား မိတ်ဖက်ဆက်ဆံရေးကို ပိုမိုအားဖြည့် ဆောင်ရွက်သွားကြမည့်အကြောင်း သံအမတ်ကြီးက ထပ်လောင်း၍ ကတိကဝတ်ပြုခဲ့ပြီးရှေ့တွင်ရင်ဆိုင်ရမည့် စိန်ခေါ်မှုများနှင့် အခွင့်အလမ်းများ အကြောင်းကို ဆွေးနွေးခဲ့သည်ဟု သတင်းရရှိသည်။

PHOTO-U.S. Embassy Rangoon
The Street View


new-mp-620.jpg
လွှတ်တော်အစည်းအဝေး တက်ရောက်လာတဲ့ ကိုယ်စားလှယ်အသစ်တွေကို တွေ့ရစဉ်
Photo: Myo Thant Khaing/RFA

အန်အယ်လ်ဒီပါတီရဲ့လွှတ်တော်ကိုယ်စားလှယ်အားလုံး ရရှိတဲ့ လစာငွေထဲက ပါတီရန်ပုံငွေအဖြစ် လစဉ်ထည့်ဝင်ဖို့ အန်အယ်လ်ဒီ ပါတီဌာနချုပ်က ညွှန်ကြား လိုက်ပါတယ်။

ဒေသဖံွ့ဖြိုးရေးလုပ်ငန်းတွေ ဆောင်ရွက်ဖို့နဲ့ ပါတီအသုံးစရိတ်အတွက် ရန်ပုံငွေကို သုံးစွဲသွားမှာဖြစ်တယ်လို့ မန္တလေးတိုင်းဒေသကြီး လွှတ်တော်ကိုယ်စားလှယ် ဦးဝိုင်းချစ်အောင်က ပြောပါတယ်။

"ဒီလ လစာတော့မပါတော့ဘူးပေါ့နော်၊ ၃ လပိုင်းလကုန်ဆိုရင်တော့ ကျနော်တို့ရရှိတဲ့ လွှတ်တော်ကိုယ်စားလှယ်တွေရဲ့လစာထဲကနေ ပါတီရန်ပုံငွေအဖြစ် ကျနော်တို့ ထည့်ဝင်ရမှာပါ၊ အကြမ်းမျဉ်းကတော့ ဒေသဖွံ့ဖြိုးရေးနဲ့ ပတ်သက်တဲ့ကဏ္ဍာတွေ ပေါ့နော်၊ ပါတီတွင်းရန်ပုံငွေနဲ့ ပတ်သက်တဲ့ ကိစ္စရပ်မျိုးတွေမှာ ကျနော်တို့ ပြန်ပြီးအသုံးချမှာပါ"

အဲဒီအစီအစဉ်အရ ပြည်ထောင်စုအဆင့် လွှတ်တော်ကိုယ်စားလှယ်တွေဟာ ကျပ် ၂သိန်းခွဲ ၊ တိုင်းဒေသကြီး/ပြည်နယ်လွှတ်တော် ကိုယ်စားလှယ်တွေက ကျပ် တစ်သိန်းစီ ရန်ပုံငွေအဖြစ် လစဉ်ထည့်ဝင်ရမှာဖြစ်ပါတယ်။

အန်အယ်လ်ဒီပါတီ ကိုယ်စားလှယ်တွေထဲက တိုင်းဒေသကြီး/ပြည်နယ် လွှတ်တော် ဥက္ကဌ၊ ဒုတိယဥက္ကဌအဖြစ် ရွေးချယ်တင်မြှောက်ခံရသူတွေရဲ့ လစာချီးမြှင့်ငွေထဲက ဘယ်လောက် ထည့်ဝင်ရမယ်ဆိုတာကို သီးခြားညွှန်ကြားချက်ထုတ်မှာဖြစ်တယ်လို့ တနင်္သာရီတိုင်းဒေသကြီးလွှတ်တော် ဒုတိယဥက္ကဌ ဦးကြည်စိုးက ပြောပါတယ်။

"အခုဆိုရင်လွှတ်တော်ကိုယ်စားလှယ်တွေကတော့ တစ်သိန်းထည့်ဝင်ရမှာပါ၊ ကျနော်တို့ ဥက္ကဌ၊ ဒုတိယဥက္ကဌတွေကျတော့ သီးခြားညွှန်ကြားချက်ပါမှာပါ၊ ကျနော်တို့ရဲ့ဥက္ကဌက လွှတ်တော်ဥက္ကဌတွေ၊ ဒုတိယဥက္ကဌတွေကို ချီးမြှင့်ထားတဲ့စရိတ်တွေကို သူအနေနဲ့ သေသေချာချာမသိသေးတဲ့အတွက် ရရှိတဲ့ငွေအမောက်များရင်ဘယ်လောက်ဖြတ်မယ်ဆိုတာကို နောက်အစီစဉ်အနေနဲ့ ထပ်ပြီးသီးခြားညွှန်ကြားပါမယ်တဲ့ ဒီလတော့မပါသေးဘူးပေါ့ဗျာ"

အဲဒီတိုင်းဒေသကြီး/ပြည်နယ်လွှတ်တော် ဥက္ကဌ တစ်ဦးဟာ လစဉ်ချီးမြှင့်ငွေ ကျပ် သိန်း ၃၀ နဲ့ ကား ၃စီးစီ ခံစားခွင့်ရှိပြီး ဒုဥက္ကဌတစ်ဦးဟာ လစဉ် ကျပ် သိန်း ၂၀ နဲ့ ကား ၂စီးစီ ခံစားခွင့် ပေးထားပါတယ်။

တိုင်းဒေသကြီးနဲ့ ပြည်နယ်လွှတ်တော်ကိုယ်စားလှယ်တွေဟာ တစ်လအတွက် ချီးမြှင့်ငွေ ကျပ် ၅ သိန်းစီ ရရှိတာဖြစ်ပြီး လွှတ်တော်တက်ရောက်ရတဲ့ကာလ အတွင်း တစ်ရက်အသုံးစရိတ် ကျပ် ၂ သောင်းစီ ရရှိပါတယ်။

ပြည်သူ့လွှတ်တော်နဲ့ အမျိုးသားလွှတ်တော် ကိုယ်စားလှယ်တွေက လစဉ် ချီးမြှင့်ငွေ ကျပ် ၁၀ သိန်းစီ ရရှိတာဖြစ်ပြီး တစ်ရက်အသုံးစရိတ် ကျပ် ၂ သောင်းစီ ရရှိပါတယ်။

ပြီးခဲ့တဲ့ ရွေးကောက်ပွဲမှာ အန်အယ်လ်ဒီပါတီဟာ ပြည်သူ့လွှတ်တော်မှာ ကိုယ်စားလှယ် ၂၅၅ ဦး၊ အမျိုးသားလွှတ်တော်မှာ ၁၃၅ဦး၊ တိုင်းဒေသကြီး/ပြည်နယ် လွှတ်တော်မှာ ၄၉၆ ဦး စုစုပေါင်း ၈၈၆ ဦး အနိုင်ရရှိထားတာဖြစ်ပါတယ်။


NLD လွှတ်တော်ကိုယ်စားလှယ်တွေ လစာထဲကနေ ပါတီရန်ပုံငွေထည့်မည်~~~~~~~~~~NLD ပါတီ လွှတ်တော်ကိုယ်စားလှယ်အားလုံး... ရရှိတဲ့ လစာငွေထဲကနေ ပါတီရန်ပုံငွေအဖြစ် လစဉ်ထည့်ဝင်ကြဖို့ ပါတီဌာနချုပ်က ညွှန်ကြားလိုက်ပါတယ်။ ဒီရန်ပုံငွေကို ဒေသဖံွ့ဖြိုးရေးနဲ့ ပါတီအသုံးစရိတ်အတွက် သုံးစွဲသွားမယ်လို့ သိရပါတယ်။ ဒီအစီအစဉ်အရ... ပြည်ထောင်စုအဆင့် NLD လွှတ်တော်ကိုယ်စားလှယ်တွေက ကျပ် ၂ သိန်းခွဲ ၊ တိုင်းဒေသကြီးနဲ့ ပြည်နယ်လွှတ်တော် ကိုယ်စားလှယ်တွေက တသိန်းစီ... လစဉ်ထည့်ဝင်ရမှာပါ။ ပြည်သူ့လွှတ်တော်နဲ့ အမျိုးသားလွှတ်တော် ကိုယ်စားလှယ်တွေဟာ လစဉ်ချီးမြှင့်ငွေ ကျပ် ၁ဝ သိန်းစီနဲ့၊ လွှတ်တော်တက်နေတဲ့ ကာလအတွင်း တရက်အသုံးစရိတ် ကျပ် ၂သောင်းစီ ရရှိပြီး၊ တိုင်းဒေသကြီးနဲ့ ပြည်နယ်လွှတ်တော် ကိုယ်စားလှယ်တွေက တလကို ၅ သိန်း၊ တရက်အသုံးစရိတ် ၂ သောင်းစီ ရရှိတာဖြစ်ပါတယ်။ တိုင်းနဲ့ပြည်နယ် လွှတ်တော်ဥက္ကဋ္ဌတွေ ဒု-ဥက္ကဋ္ဌတွေအဖြစ် ရွေးချယ်တင်မြှောက်ခံရတဲ့ ပါတီကိုယ်စားလှယ်တွေ လစဉ်ထည့်ဝင်ရမယ့် ပမာဏကိုတော့ သီးခြားညွှန်ကြားချက် ထုတ်ပြန်မယ်လို့ သိရပါတယ်။ လက်ရှိမှာ တိုင်းနဲ့ပြည်နယ် လွှတ်တော်ဥက္ကဋ္ဌတဦးကို လစဉ် ကျပ်သိန်း ၃ဝ နဲ့ ကားသုံးစီး၊ ဒုဥက္ကဋ္ဌတဦးကို ကျပ်သိန်း ၂ဝ နဲ့ ကား ၂ စီးစီ ခံစားခွင့် ပေးထားတယ်လို့ သိရပါတယ်။
Posted by RFA Burmese TV Channel on Tuesday, March 1, 2016
RFA



မြန်မာနိုင်ငံရဲ့ အုပ်ချုပ်ရေးမဏ္ဍိုင်ကို ဦးဆောင်မယ့် သမ္မတလောင်းအမည်စာရင်းကို လွှတ်တော် ၂ ရပ်နဲ့ တပ်မတော်သားကိုယ်လှယ်အစုအဖွဲ့တွေအနေနဲ့ မတ်လ ၁၀ ရက်နေ့မှာ အပြီးသတ် တင်သွင်းဖို့ ပြည်ထောင်စုလွှတ်တော် ဥက္ကဋ္ဌကကြေညာ လိုက်ပါတယ်။ ဖေဖေါ်ဝါရီလ ၈ ရက်နေ့က ကျင်းပခဲ့တဲ့ ဒုတိယ အကြိမ်ပြည်သူ့လွှတ်တော်ကနေ ဒုသမ္မတ အမည်စာရင်း ပြည်ထောင်စု လွှတ်တော်သို့ တင်သွင်းခြင်းကိုမတ်လ ၁၇ ရက်နေ့လို့သတ်မှတ်ခဲ့ပြီးမှ အခု မတ်လ ၁၀ ရက်ကိုပြင်ဆင်လိုက်တာ ဖြစ်ပါတယ်။ ဒီလို ပြောင်းလဲမှုအပေါ်မှာ လွှတ်တော်ကိုယ်စားလှယ်တွေနဲ့ လေ့လာသုံးသပ်သူတွေဘက်မှာအမြင်အမျိုးမျိုးရှိနေပါတယ်။ ဗွီအိုအေမြန်မာပိုင်းက မေခကပေးပို့ထားပါတယ်။

လာမယ့် မတ်လ ၁၀ ရက်နေ့မှာ ဒုသမ္မတလောင်း အမည်စာရင်းတွေကို ထုတ်ပြန်ပေးဖို့ ဒီကနေ့လွှတ်တော်မှာ သတ်မှတ်လိုက်ပါပြီ။ မူလက မတ်လ(၁၇) ရက်အနေနဲ့ သတ်မှတ်ထားတာကို မတ်လ(၁၀)နေ့သို့ ပြန်လည်ပြင်ဆင် သတ်မှတ်လိုက်တာဖြစ်ပါတယ်။ ပြည်ထောင်စုလွှတ်တော်နာယက မန်းဝင်းခိုင်သန်း က ခုလိုလွှတ်တော်မှာကြေညာလိုက်တာပါ။

“စတင်ကျင်းပပြုလုပ်ရန် သတ်မှတ်ကြေညာထားတဲ့ မတ်လ(၁၇) ရက်နေ့ ကြာသပတေးနေ့အစား တပတ်ရှေ့တိုးပြီး ၂၀၁၆ခုနှစ် မတ်လ(၁၀) ကြာသပတေးနေ့တွင် စတင်ကျင်းပ ပြုလုပ်သွားရန် ပြင်ဆင် သတ်မှတ်ကြောင်း ကြေညာပါတယ်။ သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့က ရွှေးချယ်ပေးတဲ့ ဒုတိယ သမ္မတများ အမည်စာရင်းနဲ့ နိုင်ငံတော်သမ္မတ အရည်အချင်းပြည့်စုံမှု ရှိမရှိ စီစစ်နိုင်ရန် စီစစ်ရေးအဖွဲ့ ဖွဲ့စည်းဆောင်ရွက်ရေးအတွက် သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့က ရွေးချယ်ပေးတဲ့ လွှတ်တော်ကိုယ်စားလှယ် တဦးစီရဲ့ အမည်စာရင်းတွေကို ပြင်ဆင်သတ်မှတ်ပေးတဲ့ နေ့ရက်နဲ့အညီ တပါတည်း ရွေးချယ်ပြီး ပေးပိုကြရန်ဖြစ်ကြောင်း အသိပေး ကြေညာအပ်ပါတယ်။”

အစိုးရသစ်ကို ဦးဆောင်မယ့် သမ္မတ တဦးရွေးချယ်ဖို့အတွက် ဒုတိယသမ္မတ လောင်း အမည်စာရင်း တင်သွင်းဖို့ မတ်လ ၁၇ ရက်နေ့မှာ သတ်မှတ်ထားပေမဲ့ အခုအခါ ပြင်ဆင်ဖို့ စီစဉ်နေကြတာနဲ့ပတ်သက်ပြီး ရှမ်းတိုင်းရင်းသားများဒီမိုကရေစီအဖွဲ့ချုပ်က ပြည်သူ့လွှတ်တော်ကိုယ်စားလှယ် သီဟကျော်ကတော့ သူအမြင် ကိုခုလိုပြောပါတယ်။

“ဒါကတော့ ဆောင်ရွက်တဲ့ နယကတို့ အရှင်းဆုံးပြောရရင်တော့ NLD ပါတီ ပေါ့လေ။ သူတို့ရဲ့ စီစဉ်ဆောင်ရွက်မှုတွေ အဆင်သင့်ဖြစ် နေပြီလို့ယူဆတယ်။ နောက်တချက်က အဆင်သင့်ဖြစ်နေရဲ့သားနဲ့ အချိန်ကို တိုးပြီးယူထားပြီးတော့မှ ပြဿနာတွေပေါ်လာမှာ စိုးရိမ်တာရယ် အဲဒါကြောင့်မို့လို့ ရှေ့တိုးပြီးဆောင်ရွက်လိုက်တယ်လို့ ကျနော်ထင်ပါတယ်။ ကျနော်တို့အနေနဲ့ကတော့ အင်အားနည်းတဲ့အတွက်ကြောင့်မို့လို့ တင်လာမယ့်လူကို ကြိုက်တယ်မကြိုက်ဘူးဆိုတာကတော့ ကျနော်တို့ သဘောထားကို မဲနဲ့ပဲ ပြောလို့ရတာပေါ့နော်။ ဒါပေမယ့်လည်းပဲ ကန့်ကွက်နိုင်တဲ့ အင်အားမရှိပါဘူး။”

ဒေါ်အောင်ဆန်းစုကြည်သမ္မတဖြစ်လာနိုင်ရင် တိုင်းပြည်အတွက်သာမက တပ်မတော်ဘက်မှာပါ အကျိုးရလဒ်တွေရှိလာနိုင်တယ်ဆိုတာကို တပ်ပိုင်းဆိုင်ရာ ဘက်က နားလည်လက်ခံပေးမှသာ ၅၉(စ) ပြင်ဆင်ရေး အဆင်ပြေချောမွေ့ နိုင်မှဖြစ်တယ် လို့ နိုင်ငံရေးလေ့လာ အကဲခတ်သူ ဒေါက်တာရန်မျိုးသိမ်းကပြောပါ တယ်။

“ကျနော့်အမြင်ကတော့ မတ်လ ၁၀ ရက်နေ့ကို တိုးပြီးသတ်မှတ်လိုက်တာဟာ ၅၉( စ) လို အကျပ်အတည်း ကျော်လွှားနိုင်ဖို့နဲ့ တိုက်ရိုက်မဆက်စပ်ဘူးလို့ ကျနော်က မြင်တယ်။ ဒါပေမယ့် အဲဒီလို ရက်ရွေ့ဆိုင်းတာကို အကြောင်းပြုပြီးတော့ ၅၉ (စ) အကျပ်အတည်းကို လုံးဝ မကျော်လွှားနိုင်တော့ဘူးလို့ ယတိပြတ် သတ်မှတ်ဖို့တော့ ခက်မယ်လို့တော့မြင်တယ်။ သမ္မတနဲ့ ဒုတိယသမ္မတ အမည်စာရင်းတွေ တင်သွင်းဖို့ စပြီးတော့ လုပ်ဆောင်တဲ့အချိန်မှာ ဒေါ်အောင်ဆန်းစုကြည်အနေနဲ့တော့ စာရင်းထဲမှာ ပါဝင်လာဖို့ အလားအလာ မရှိသေးဘူးလို့မြင်တယ်။ ဒါပေမယ့် အစိုးရသစ်ဖွဲ့စည်းပြီးတဲ့နောက်ပိုင်းမှာ ဒီ NLD ပါတီအနေနဲ့ တပ်မတော်နဲ့ နိုင်ငံရေးအရ ညှိနှိုင်းဆွေးနွေးမှုတွေကို ဆက်လုပ်ပြီး နိုင်ငံရေးအရ သဘောတူညီချက်ရလာမယ်ဆိုရင်တော့ လက်ရှိဖြစ်နေတဲ့ ၅၉ (စ) အကျပ်အတည်းကို ကျော်လွှားနိုင်ပြီးတော့ ဒေါ်အောင်ဆန်းစုကြည် သမ္မတဖြစ်လာနိုင်တဲ့အလားအလာ ရှိနေတယ်လို့ ယေဘူရ သုံးသပ်လို့ရပါတယ်။”

လာမယ့် ၁၀ရက်နေ့မှာ ဒုသမ္မတလောင်း နာမည်စာရင်းတွေတင်ပြရာမှာ ဖြစ်ပေမယ့်လက်ရှိမှာ ပုဒ်မ ၅၉ (စ) ဆုိုင်းငံ့ရေး အဆုို တင်သွင်းရေး ကိစ္စများနဲ့ ပတ်သက်၍ ရှင်းရှင်းလင်းလင်း မသိရှိရသေးပါဘူး။ ဒီအတောအတွင်းမှာတော့မှာ ယာယီသမ္မတ ၁ ဦး တင်သွင်းပြီး ဒေါ်အောင်ဆန်းစုကြည်က နောက်ကွယ်က နေရပ်တည်သွားဖို့ စီစဉ်ထားတယ်လို့လည်းသတင်းတွေထွက်ပေါ်နေပါတယ်။

NLD ပါတီအနေနဲ့ အစိုးရသစ်ဖွဲ့ပြီး သမ္မတသစ်တင်ပြီးရင်လည်း ဆက်လက်ပြီး ၅၉(စ)ကိုပြင်ဆင်ဖို့နဲ့ ဒီဥပဒေပြင်ဆင်ပြီးရင် NLD ပါတီက တင်ထားတဲ့ သမ္မတက နှုတ်ထွက်ကာ ဒေါ်အောင်ဆန်းစုကြည်က ဒုသမ္မတလောင်းနာမည်စာရင်းသွင်းဖို့လုပ်ဆောင်နိုင်တယ်လို့လည်း NLD ပါတီက သတင်းတွေထွက် ပေါ်နေပေမဲ့ အတည်ပြုနိုင်ခြင်းတော့မရှိသေးပါဘူး။

NLD ပါတီဟာ ပြီးခဲ့တဲ့ရွေးကောက်ပွဲမှာ အများဆုံး အနိုင်ရထားတာကြောင့် ပြည်သူ့လွှတ်တော်နဲ့ အမျိုးသားလွှတ်တော်တွင် အမတ်နေရာအများစု အနုိုင်ရရှိထားရာ ပြည်သူ့လွှတ်တော်အတွက် သမ္မတလောင်း ဒုတိယသမ္မတ ၁ ဦး၊ အမျိုးသားလွှတ်တော်အတွက် သမ္မတလောင်း ဒုတိယသမ္မတ ၁ ဦး တင်သွင်းခွင့်ရရှိမှာဖြစ်ပါတယ်။ တပ်မတော်သားကိုယ်စားလှယ်တွေကလည်း သမ္မတလောင်း ဒုတိယသမ္မတ ၁ ဦးတင်သွင်းရမျှာဖြစ်ပါတယ်။ ဒီထဲကနေ မဲအများဆုံးရ သူက သမ္မတဖြစ်လာမှာ ဖြစ်ပါတယ်။

မေခ/VOA
http://burmese.voanews.com/content/president-election-date-change-/3214384.html

ကချင်ပြည်နယ် ဘိန်းခင်းဖျက်ဆီးရေး လူထုအင်အားထောင်ချီပါဝင်တဲ့ Pat Jasan အဖွဲ့။ သတင်းဓာတ်ပုံ- Ying Kyang။
ကချင်ပြည်နယ် ဘိန်းခင်းဖျက်ဆီးရေး လူထုအင်အားထောင်ချီပါဝင်တဲ့ Pat Jasan အဖွဲ့။ သတင်းဓာတ်ပုံ- Ying Kyang

ကချင်ပြည်နယ်တွင်း လူထု ဦးဆောင်တဲ့ မူးယစ်ဆေးဝါး တိုက်ဖျက်ရေး လုပ်ငန်းတွေမှာ တပ်မတော်နဲ့ ရဲတွေဘက်က လုံခြုံရေးအပြည့်အဝ ပေးနိုင်ဖို့ ကချင်ပြည်နယ် အစိုးရကနေ ပြည်ထောင်စုအစိုးရကို တောင်းဆိုလိုက်ပါတယ်။ လုံခြုံရေးစိုးရိမ်ရလို့ Pat Jasan အဖွဲ့ နောက်ဆုတ်လိုက်ရပေမဲ့ မူးယစ် တိုက်ဖျက်ရေး လုပ်ငန်းတွေကို လူထုက ဆက်လက် လုပ်ဆောင်နေ မှာဖြစ်တယ်လို့ လူထုအင်အားထောင်ချီပါဝင်တဲ့ မူးယစ်တိုက်ဖျက်ရေးအဖွဲ့ Pat Jasan ပြောပါတယ်။ ဘိန်းခင်းဖျက် Pat Jasan အဖွဲ့နဲ့ ဘိန်းစိုက်သူတွေကြား အကြမ်းဖက် တိုက်ခိုက်မှု အတွင်း ဖမ်းဆီးရမိထားတဲ့သူတွေနဲ့ ထိခိုက်ဒဏ်ရာရသူတွေ အတွက် ဥပဒေကြောင်း အရ တရားစီရင်မှုတွေ လုပ်ဆောင်ကြမှာလည်းဖြစ်ပါတယ်။ အသေးစိတ်ကို မဆုမွန်က စုံစမ်းတင်ပြပေးထားပါတယ်။

မူးယစ်ဆေးဝါးအန္တရာယ် အထူးစိုးရိမ်စရာအနေအထားဖြစ်နေတဲ့ ကချင်ပြည်နယ် တွင်း ဘိန်းခင်းအများဆုံး စိုက်ပျိုးရာဒေသတွေ ဖြစ်တဲ့ ကဒုံးနဲ့ ကန်ပိုက်တီ ဘိန်းစိုက်ခင်းတွေဆီ ဘိန်းခင်းဖျက်ဖို့သွားတဲ့ လူထု အင်အားထောင်ချီပါဝင်တဲ့ Pat Jasan လူထု အခြေပြု မူးယစ် ဆေးဝါး တိုက်ဖျက်ရေးအဖွဲ့ ဘိန်းခင်းဖျက် လုပ်ငန်းတွေ ခေတ္တရပ်နားပြီး အသုတ်လိုက် ပြန် လာနေကြပြီဖြစ်ပါတယ်။ တပ်မတော်နဲ့ ရဲတွေဘက်က လုံခြုံရေး တာဝန်မယူနိုင်တော့တဲ့ အနေအထားဖြစ်တဲ့ အတွက် အသက်အန္တရာယ် စိုးရိမ်ရလို့ ပြန်လာခဲ့ကြတာဖြစ်ပါတယ်။

ပြည်နယ်တွင်း မူးယစ်တိုက်ဖျက်ရေးလုပ်ငန်းတွေမှာ လုံခြုံရေးအပြည့်ပေးဖို့အရေး ကချင်ပြည်နယ် အစိုးရဘက်က နိုင်ငံတော်အစိုးရကို တင်ပြထားတယ်လို့ ကချင်ပြည်နယ် ငြိမ်းချမ်းရေး အကျိုးဆောင်အဖွဲ့က ဦးလမိုင်ဂွမ်ဂျာက ပြောပါတယ်။

“အခုလောလောဆယ်ကတော့ ကချင်ပြည်နယ်အစိုးရအဖွဲ့ကနေပြီးမှ လုံခြုံရေး မပေးနိုင်တဲ့ အတွက်ကြောင့်မို့လို့ ကချင်ပြည်နယ် အစိုးရက နိုင်ငံတော်အစိုးရဆီ အထိကို တင်ပြမယ်။ တင်ပြပြီးတော့မှ တပ်မတော် လုံခြုံရေးအနေနဲ့ ပါဝင်နိုင်ဖို့အတွက် Pat Jasan အဖွဲ့က တောင်းဆိုထားတာ ရှိတယ်။ နိုင်ငံတော် အစိုးရဆီ တင်ပြထားတဲ့အပေါ်မှာ ဘယ်နေ့ဘယ်ရက် ကျလာမှာမှန်းလည်း မသိဘူးလေ။ အဲဒီအချိန်မှာ Pat Jasan အဖွဲ့တွေကလည်းပဲ လူပေါင်းနှစ်ထောင်ကျော် လမ်းမှာ စောင့်ဆိုင်းနေတဲ့ အချိန်မှာ သူတို့အတွက် အသက်အန္တရာယ် လုံခြုံရေးလည်း စိုးရိမ်စရာရှိတယ်။ ကျန်းမာရေးအရရော နောက်ဆုံး အဲဒီမှာပဲ နေတဲ့အချိန်မှာ မဖြစ်သင့်တဲ့ပြဿနာတွေ ဖြစ် လာမှာစိုးလို့ နိုင်ငံတော် အစိုးရကနေပြီးတော့မှ ဘယ်လို ညွှန်ကြားလာမလဲ ဆိုတဲ့အပေါ်ကို စောင့်ဆိုင်းရင်းနဲ့ အခုလောလောဆယ် ခန တန်းဖြုတ်ထားတဲ့သဘောပါပဲ။”

ဘိန်းခင်းဖျုက်ဖို့သွားတဲ့ ကချင်ပြည်နယ်တွင်း မြို့နယ်အသီးသီးက လူထု အင်အားထောင်ချီ ပါဝင်တဲ့ PJS အဖွဲ့ဝင်တွေနဲ့ ကချင်ပြည်နယ် ကန်ပိုက်တီဒေသက ဝေမိုး ရွာသားတွေအကြား မိုင်းခွဲမှုတွေ၊ သေနတ် ပစ်ခတ်မှုတွေနဲ့ အကြမ်းဖက် တိုက်ခိုက်မှုတွေဖြစ်ပွားခဲ့တဲ့ဖြစ်ရပ်နဲ့ ပတ်သက်ပြီးလည်း ဖမ်းဆီးရမိထားတဲ့သူတွေကို ဥပဒေကြောင်းနဲ့အညီ အရေးယူ စစ်ဆေးဖို့နဲ့ မြစ်ကြီးနားဆေးရုံမှာ လက်ရှိဆေးကုသနေဆဲ ထိခိုက် ဒဏ်ရာရသူတွေအတွက် နစ်နာရမှုတွေ အတွက်လည်း လိုအပ် တာတွေ ဆောင်ရွက်နေ တယ်လို့ PJS အဖွဲ့ရဲ့ အထွေထွေ အတွင်း ရေးမှူး ခွန်ဂျော်လီက ပြောပါတယ်။

“ကျနော်တို့ဘက်က ကျတော့ အယောက် ၃၀ ပေါ့၊ တချို့ ပြင်းထန်တဲ့ ဒဏ်ရာရတဲ့လူတွေလည်း ဆေးရုံမဆင်းရသေးဘူး။ ဌာနေတော့ မပြန်ခိုင်းသေးဘူး။ ဘာလို့လဲဆိုတော့ ဒီလူနာတွေကတော့ သူတို့ရဲ့ သက်သေဖြစ်တယ်။ ကျနော်တို့က ဆက်လက်ပြီးတော့ တရားရုံးတွေနဲ့ ဆက်သွယ်ရအုံးမယ်။”

အခုဖြစ်ပျက်ခဲ့တာနဲ့ပတ်သက်ပြီး ကချင်ပြည်နယ်အစိုးရဘက်က စုံစမ်း စစ်ဆေးရေးကော်မတီ ဖွဲ့ စစ်ဆေးဆောင်ရွက်မှာဖြစ်တယ် လို့လည်း ပြောပါတယ်။ အခုလိုအကြမ်းဖက်တိုက်ခိုက်မှုတွေနဲ့ပတ်သက်လို့ လုံခြုံရေး အားနည်းခဲ့တဲ့အပေါ် ကချင်ပြည်သူလူထုဘက်ကလည်း ကချင်ပြည်နယ် ဝန်ကြီးချုပ်နဲ့ ကချင်ပြည်နယ်အစိုးရကို ဆန္ဒပြခဲ့ကြပါသေးတယ်။

အခုလို အကြမ်းဖက် တိုက်ခိုက်မှုတွေဖြစ်လာတဲ့ အတွက် ဒေသတွင်း မတည်ငြိမ်ဖြစ်လာမှာကို နယ်လုံဝန်ကြီးဘက်က လုံခြုံရေး စိုးရိမ်မှုတွေ ရှိတဲ့အတွက် လွှတ်တော်ဘက်က တာဝန်ရှိသူတွေနဲ့ ညှိနှိုင်းဆောင်ရွက်မှုတွေလုပ်ခဲ့ပြီး ဘိန်းဖျက်လုပ်ငန်းတွေ ခေတ္တရပ်ခဲ့တယ်လို့ ကချင်ပြည်နယ် ဖားကန့်က NLD ပါတီက အမျိုးသား လွှတ်တော်ကိုယ်စားလှယ် ဦးခင်မောင်မြင့်က ပြောပါတယ်။

“ဒီကိစ္စနဲ့ပတ်သက်ပြီး တော်တော်လေးကို ဂယက်ရိုက်သွားပြီးတော့ ဆန္ဒပြတဲ့ အထိ ဖြစ်လာတဲ့အချိန်ကျတော့ နယ်လုံကနေပြီး ခေါ်ယူ သတိပေးတယ်။ အကယ်၍ ဆန္ဒပြတာကို မရပ်ဘူးဆိုရင် အထက်ကို ကာလုံကိုအကြောင်းကြားပြီးတော့မှ ၁၄၄ ထုတ်မယ်ဆိုပြီးတော့မှ ခြိမ်းခြောက်တာနဲ့ ကျနော်တို့ ကချင်ပြည်နယ် က မြစ်ကြီးနားက လူတွေကလည်း သူတို့ကြောင့် နိုင်ငံရေး အခင်းအကျင်းမှာ အနှောင့်အယှက်မဖြစ်အောင်လို့ လျှော့ပေးလိုက်ပါတယ်။”

ကချင်ပြည်နယ်တွင်း မူးယစ်တိုက်ဖျက်ရေးလုပ်ငန်းတွေကို ကချင်ပြည်သူ လူထုဘက်က ရှေ့ဆက်တောက်လျောက် အသွင်သဏ္ဍာန်မျိုးစုံ ဆောင်ရွက် သွားမှာဖြစ်သလို ဒီလိုဆောင်ရွက်ကြမယ့် ကချင်လူထုတွေအတွက် လုံခြုံရေး အကာအကွယ်ပေးဖို့ကိုလည်း ကချင်ဘာသာရေး အသင်းတော်အဖွဲ့တွေနဲ့ ကချင်လူထုအခြေပြု အရပ်ဖက်အဖွဲ့အစည်းတွေဘက်က လိုလားနေကြတဲ့အတွက် ကချင်ပြည်နယ် အစိုးရနဲ့ လုံခြုံရေးအာဏာပိုင်တွေဘက်က ပူးပေါင်း ကူညီဆောင်ရွက် ဖို့ကိုလည်း ညှိနှိုင်းဆောင်ရွက်ပေးနေတယ်လို့ ဦးလမိုင်ဂွမ်ဂျာကပြောပါတယ်။

“အစိုးရအဖွဲ့တွေအနေနဲ့ လုံခြုံရေးပေးနိုင်တဲ့ အာဏာပိုင်တွေ အားလုံး ပါဝင်မှသာ မူးယစ်ဆေးဝါး အားလုံးကင်းစင်နိုင်မှာဖြစ်တယ်လို့ ကျနော်တို့က ထင်တယ်။ ဒါတော့ အားလုံး ပါဝင်သင့်တယ်လို့ ကျနော်တို့က အဲလိုပဲမြင်တယ်ဗျ။”

ကချင်ဒေသမှာ မူးယစ်ဆေးဝါးပြဿနာ နှစ်ချီကြာမြင့်လာပေမဲ့လို့ မူးယစ်ဆေးဝါး ထုတ်လုပ်သူတွေဘက်က နယ်ခြားစောင့်တပ်၊ ပြည်သူ့စစ် တွေနဲ့ပေါင်းပြီး ကချင်လူထုတွေကြား မူးယစ်ဖြန့်ဖြူးစိုက်ပျိုးရောင်းချနေမှုတွေကို ပေါ်ပေါ်ထင်ထင် လုပ်ဆောင်လာနေတာတွေကို နိုင်ငံတော် အစိုးရ၊ သက်ဆိုင်ရာပြည်နယ် အစိုးရ၊ စစ်တပ်နဲ့ ဒေသဆိုင်ရာ အာဏာပိုင်တွေဘက်က ထိထိရောက်ရောက် နှိမ်နင်းဖြေရှင်းပေးနိုင်ခြင်း မရှိခဲ့တဲ့အတွက် အခုလို လူထုအင်အားကိုယူပြီး လူထု အခြေပြုအဖွဲ့အဖြစ် ပြည်သူ့အင်အားနဲ့ မူးယစ်ဖျက်ဆီးရေးလုပ်ငန်းတွေကို လုပ်ဆောင်လာကြရတာဖြစ်တယ်လို့လည်း PJS အဖွဲ့ကပြောပါတယ်။

မဆုမွန်/VOA
http://burmese.voanews.com/content/pat-jasan-aims-to-keep-on-anti-poppy-/3214028.html

လပ္ပတ္တာမြို့မှာ ဖေဖော်ဝါရီလ ၄ ရက်နေ့က မီးလောင်ခဲ့တာကြောင့် ပျက်စီးနေတဲ့နေအိမ်တွေကို တွေ့ရစဉ်။ Photo: Kyaw Htoon Naing/RFA
ဧရာဝတီတိုင်းဒေသကြီး လပွတ္တာမြို့နယ်မှာ ပြီးခဲ့တဲ့ ဖေဖော်ဝါရီလ ၄ရက်နေ့က မီးလောင်မှုဖြစ်ပွားခဲ့တဲ့ ရပ်ကွက် ၃ခုမှာ မြို့နယ်အုပ်ချုပ်ရေးအဖွဲ့က ပုဒ်မ ၁၄၄ ထုတ်ပြန်လိုက်ပါတယ်။

မီးလောင်မှုဖြစ်ပွားခဲ့တဲ့နေရာမှာ ခွင့်ပြုချက်မရရှိဘဲ နေအိမ်ပြန်လည်ဆောက်လုပ် နေတာတွေ ရှိနေတာကြောင့် ပုဒ်မ ၁၄၄ အမိန့်ထုတ်လိုက်တာလို့ လပွတ္တာမြို့နယ် အုပ်ချုပ်ရေးမှူး ဦးတိုးတိုးထွန်းက ပြောပါတယ်။

"အဓိကကတော့ မီးလောင်လွင်ပြင်နေရာမှာ စနစ်တကျအကွက်ပြန်ရိုက်ပြီးမှ ခွင့်ပြုချက်ကျမှ ဆောက်ဖို့လိုပါတယ်၊ တချို့ကဒါတွေကို မလိုက်နာပဲ စည်းမဲ့ကမ်းမဲ့ လုပ်တာတွေ ဒီထက်စည်းကမ်းမပျက်အောင် ထုတ်လိုက်တာ၊ အများပြည်သူထိခိုက် နစ်နာစေမယ့်ကိစ္စတွေ မဆောင်ရွက်ဖို့၊ အဓိကဒါတွေကိုရည်ရွယ်တာပါ၊ လူတွေက စည်းမဲ့ကမ်းမဲ့အရမ်းများတယ်၊ မီးလောင်ပြင်ဆိုတာမဝင်ရဘူး၊ မီးလောင်ပြင်မှာ ဝင်ပြီးတော့ စီးပွားရှာတာရှိတယ်၊ သံတိုသံစကောက်တာရှိတယ်၊ အမှန်တော့ မီးလောင်ပြင်ဆိုတာအပြင်လူမဝင်ရဘူး၊ မလိုလားအပ်တဲ့ ပြဿနာတွေဖြစ်မှာဆိုးလို့ ကြိုတင်ပြီးတော့ ကာကွယ်ထားတာပါ"

အဲဒီပုဒ်မ ၁၄၄ ဟာ ၂ လ အကျုံးဝင်မှာဖြစ်ပြီး ဒေသခံတွေ သိရှိနိုင်အောင် လိုက်လံကြေညာထားပြီး ဖြစ်တယ်လို့ သိရပါတယ်။

ပြီးခဲ့တဲ့ ဖေဖော်ဝါရီလ ၄ ရက်နေ့က လပွတ္တာမြို့ အမှတ် ၁၊ ၄ နဲ့ ၅ ရပ်ကွက်တွေက အိမ်ခြေ ၂၀၀ နီးပါးနဲ့ ဂဏန်းရောင်းဝယ်ရေး ဆိုင်ခန်း ၁၃၀ ကျော် မီးလောင် ပျက်စီးခဲ့ပါတယ်။

မီးဘေးဒုက္ခသည်တွေအတွက် ဖွင့်ပေးထားတဲ့ ယာယီကယ်ဆယ်ရေးစခန်းမှာ အိမ်ထောင်စု ရှစ်စုလောက်သာ နေထိုင်နေကြပြီး အများစုက နီးစပ်ရာဆွေမျိုး အိမ်တွေမှာ နေထိုင်နေကြတယ်လို့လည်း သိရပါတယ်။

RFA Burmese
http://www.rfa.org/burmese

TNLA တပ်သားတချို့ကို မတ်လ ၁ ရက်နေ့က တွေ့ရစဉ်။ Photo: Kan Thar/ RFA
ရှမ်းပြည်မြောက်ပိုင်းဖက်မှာ ဒီရက်ပိုင်းအတွင်း မြန်မာ့တပ်မတော်က အင်အားတွေ တိုးချဲ့လာပြီး ထိုးစစ်အရှိန်မြှင့်တင်လာတာဟာ ငြိမ်းချမ်းရေးဖြစ်စဉ်ကို ဟန့်တားရာ ရောက်တဲ့အတွက် ကန့်ကွက်ကြောင်း ပလောင်ပြည်နယ် လွတ်မြောက်ရေးတပ်ဦး PSLF/TNLA က ဒီနေ့ ကြေညာချက် ထုတ်ပြန်လိုက်ပါတယ်။

ကျောက်မဲ၊ မန်တုံ၊ နမ္မတူ၊ နမ့်ခမ်း၊ ကွတ်ခိုင် စတဲ့ဒေသထဲကို အစိုးရတပ်မတော်က စစ်ကား အစီး ၅၀၀ လောက်နဲ့ အင်အား ၃ ထောင်လောက် တိုးချဲ့ချထားနေတယ်လို့ TNLA က ပြန်ကြားရေး တာဝန်ခံ ဗိုလ်မှူး မိုင်းအိုက်ကျော်က ပြောပါတယ်။

"ဒီတစ်ပတ်တွင်း အစိုးရဖက်က အင်အားတွေ၊ တပ်မတွေတိုးချဲ့လာတယ်၊ စစ်ကား အစီး ၅၀၀ ဝန်းကျင်လောက်ရှိမယ်၊ လူအင်အားကတော့ ၃ ထောင်နဲ့ ၄ ထောင်ကြားမှာ ရှိမယ်၊ အင်အားတွေ တိုးချဲ့ပြီးမှ စစ်ပွဲတွေကို ဖန်တီးမယ်၊ ငြိမ်းချမ်းရေးဖော်ဆောင် နေတာကို ရှေ့လျှောက် အာဏာအလွှဲအပြောင်းကာလမှာ တိုက်ပွဲတွေဖန်တီးမယ်၊ တိုင်းပြည်မငြိမ်မသက်အောင် ဖန်တီးနေတယ်လို့ တွေးတာပဲ"

ရှမ်းပြည်မြောက်ပိုင်းမှာ အစိုးရတပ်မတော်က အရင် တပ်မ ၁၁၊ ၃၃၊ ၆၆၊ ၇၇၊ ၈၈၊ ၉၉ တို့ တပ်စွဲထားပြီး ဒီရက်ပိုင်းအတွင်း တပ်မ ၅၅၊ စကခ ၂၊ ၇၊ ၁၀ စတဲ့ တပ်တွေ ထပ်မံတိုးချဲ့လာတယ်လို့ ပြောပါတယ်။

TNLA အဖွဲ့ဟာ အစိုးရနဲ့ အပစ်အခတ်ရပ်စဲရေး NCA စာချုပ် လက်မှတ်ထိုးထားခြင်း မရှိတဲ့ တိုင်းရင်းသားလက်နက်ကိုင်အဖွဲ့ တစ်ဖွဲ့ဖြစ်ပါတယ်။

ပြီးခဲ့တဲ့ ဖေဖော်ဝါရီလထဲက အစိုးရနဲ့ NCA စာချုပ်လက်မှတ်ထိုးထားတဲ့ ရှမ်းပြည် ပြန်လည်ထူထောင်ရေးကောင်စီ RCSS/SSA နဲ့ TNLA တို့ တိုက်ပွဲတွေဖြစ်ပွားခဲ့တာကြောင့် ဒုက္ခသည် ၃၀၀၀ ကျော် နေရပ်စွန့်ခွာထွက်ပြေးနေရပါတယ်။

RFA Burmese
http://www.rfa.org/burmese


အမေရိကန် ပြည်ထောင်စု၊ နိုဝင်ဘာလ သမ္မတ ရွေးကောက်ပွဲမှာ ဝင်ပြိုင်ခွင့် ရဖို့အတွက် ပါတီကိုယ်စားပြု သမ္မတလောင်း ဖြစ်ရေး ကြိုးစားနေကြတဲ့ သမ္မတလောင်း အရွေးခံသူတွေ အနေနဲ့ ဒီကနေ့ မတ်လ ၁ ရက်နေ့၊ ပြည်နယ် အများအပြားက တစ်ရက်တည်း ရွေးချယ်တဲ့ Super Tuesday လို့ ခေါ်တဲ့ ရွေးကောက်ပွဲနေ့မှာ အကြီးဆုံး စမ်းသပ်မှုနဲ့ ရင်ဆိုင်ကြရမှာ ဖြစ်ပါတယ်။

ရီပတ်ဘလီကန်နဲ့ ဒီမိုကရက်တစ် ပါတီ နှစ်ခုစလုံးရဲ့ ပါတီကိုယ်စားပြု သမ္မတလောင်းတွေကို ပြည်နယ် ၁၁ ခုမှာ အသီးသီး မဲပေး ရွေးချယ်နေကြပြီး သမ္မတလောင်းတွေ အတွက် အရေးအကြီးဆုံး ပြိုင်ဆိုင်မှုလည်း ဖြစ်ပါတယ်။

ပြည်နယ် ၄ ခုက အစောပိုင်း မဲရလဒ်တွေအရ ရီပက်ဘလီကန် ပါတီအတွက် ဒေါ်နယ် ထရမ့်က ဦးဆောင်နေပြီး ဒီမိုကရက်တစ် ပါတီအတွက်တော့ ဟီလာရီ ကလင်တန်က ဦးဆောင် နေပါတယ်။

ဆီနိတ်တာ တက်ဒ်ခရုဇ် အနေနဲ့ သူ့ပြည်နယ် ဖြစ်တဲ့ တက္ကဆက်မှာ မစ္စတာ ထရမ့်ကို ရှုံးနိမ့်ဖို့ လုံးဝ လက်ခံနိုင်မှာ မဟုတ်သလို၊ မစ္စတာ ထရမ့် ကလည်း သူ့ပြည်နယ် မက်ဆာချူးဆက်မှာ ရှုံးဖို့ လက်ခံနိုင်မှာ မဟုတ်ပါဘူး။

ဒီမိုကရက်တစ် မှာလည်း အခု သီတင်းပတ် အကုန်က တောင်ကာရိုလိုင်းနား ပြည်နယ်မှာ နိုင်ခဲ့တဲ့ မစ္စက် ကလင်တန်က အဲဒီ အရှိန်အဝါကို သုံးဖို့ မျှော်လင့်နေပြီး၊ အဲဒီ မတိုင်ခင် နယူးဟမ့် ရှိုင်းယားမှာ ဘာနီ ဆန်းဒါးစ်ကို ရှုံးခဲ့ရတဲ့ အခြေအနေကို ပြန် အဖတ်ဆယ်နိုင်ဖို့ မျှော်လင့်နေပါတယ်။

နိုင်ဝင်ဘာ ၈ ရက်နေ့မှာတော့ သမ္မတ သက်တမ်း နှစ်ကြိမ် ပြည့်ခဲ့ပြီ ဖြစ်တဲ့ ဒီမိုကရက်တစ် သမ္မတ ဘားရက် အိုဘားမားကို ဆက်ခံမယ့် သူကို ရွေးချယ်ကြမှာ ဖြစ်ပါတယ်။

BBC Burmese
http://www.bbc.com/burmese




တန်ဖိုးမျှတိုက်ခန်းဌားရမ်းဖို့ ဒါမှမဟုတ်ရောင်းချပေးဖို့ တောင်းဆိုကြတဲ့ထဲမှာ ဗိုလ်မှူးချုပ်ဟောင်း၊ စီးပွားကူးသန်းဝန်ကြီးငြိမ်း၊ သမ္မတရုံးဝန်ကြီးတွေလည်း ပါဝင်နေပါတယ်။

ဦးစိုးသိန်း ၊ ဒေါက်တာကံဇော် ၊ ဦးတင်နိုင်သိန်း စသဖြင့် သမ္မတ ဦးသိန်းစိန် လက်ရုံးတွေလည်း ပါဝင်ကြောင်း သိရှိရပါတယ်။

လျောက်ထားလွှာတွင် ဒေါက်တာကံဇော်က မန္တလေးမြို့တွင် မိသားစုနှင့် အတူနေထိုင်ရန်ဟု ဖော်ပြထားသည်။ ဦးတင်နိုင်သိန်းကမူ အသက်ကြီးလာလျှင် အထပ်မြင့်များ မတက်နိုင်သဖြင့် မြေညီထပ် သို့မဟုတ် ပထမထပ်ကို တောင်းခံထားကြောင်း တွေ့ရှိရပါတယ်။

Credit - ၀င်းမော်
The Ladies News
https://www.facebook.com/News.TheLadies



သရုပ်ဆောင် လင်းမောင်အား ၄င်းပိုင်ဆိုင်သော ကားပေါ်တွင် သရုပ်ပျက် အကြည်ညိုပျက်စွာ ရေးသားထားမှု အပါအ၀င် ယာဉ်စည်းကမ်းအမှုများဖြင့် ကမာရွတ်ရဲစခန်းမှ ဖမ်းဆီးထားကြောင်း ရဲအရာရှိတဦးက The Ladies News သို့ ပြောသည်။

မတ်လ ၁ ရက်နေ့ မနက်ပိုင်းက သရုပ်ဆောင်လင်းမောင် စီးနှင်းလာသော ကားမှာ လှည်းတန်းခုံးကျော် တံတားပေါ်တွင် လောင်စာဆီ ပြတ်တောက်မှုကြောင့် ယာဉ်ထိန်းမှ ဖမ်းဆီးနိုင်ခဲ့ခြင်းဖြစ်ပြီး နိုင်ငံတော်အလံပါ ကားတွင် ချိတ်ဆွဲထားကာ ဗိုလ်ချုပ်များကိုပါ ညစ်ညမ်းသည့် အသုံးနှုန်းများဖြင့် ဆဲဆိုထားသည့် စာသားအား ရေးသားထားသည်ကိုပါ တွေ့ရပြီး ယင်းအမှုများဖြင့်လည်း တရားစွဲဆိုနိုင်ရန် ဆက်လက် ပြင်ဆင်လျက်ရှိနေကြောင်း အဆိုပါ ရဲအရာရှိက ပြောသည်။

Photo - htet aung khant
The Ladies News
https://www.facebook.com/News.TheLadies


လေးဘက်သွား ကလေးငယ်တဦး၏ ဖြတ်ထားသောဦးခေါင်းကို မြေအောက်ရထားဘူတာရုံတွင် ဝှေ့ယမ်းပြီး လျှောက်သွားနေသော ရုရှားနိုင်ငံ မော်စကိုမြို့မှ ကလေးထိန်းအမျိုးသမီးတဦးကို တနင်္လာနေ့က ရဲက ဖမ်းဆီး လိုက်သည်။

ယင်းအမျိုးသမီးသည် ဂျူချေရာ ဘိုဘိုကူလိုဗာဟုခေါ်သော ဥဇဘက်အမျိုးသမီးတဦးဖြစ်သည်။ အသက် (၃၀) ကျော် (၄၀) နီးပါးခန့်ရှိသည်။ သူမသည် အနက်ရောင်ဝတ်ရုံဝတ်ဆင်ပြီး အထုပ်ငယ်တထုပ်ကို ကိုင်ဆွဲ ထားကြောင်း၊ 'အာလ္လာရှင်မြတ်သည် ကြီးမြတ်ပါပေသည်' ဟူ၍ ကြွေးကြော်ကာ မိမိကိုယ်ကိုဖောက်ခွဲပစ်မည်ဟု ခြိမ်းခြောက်ခဲ့ကြောင်း၊ ယင်းနောက် သူမသည် အထုပ်ထဲမှ လေးနှစ်သမီးလေး၏ ဦးခေါင်းပြတ်ကိုထုတ်ကာ လက်ဖြင့်ဝှေ့ယမ်းခဲ့ကြောင်း ဘေးမှရပ် ကြည့်သူများက ပြောသည်။


''ငါ ဒီမိုကရေစီကို မုန်းတယ်။ ငါက အကြမ်းဖက်သမားတယောက်''ဟု ရဲက သူမကို မဖမ်းမီ အော်ဟစ်ခဲ့သည် ဟု ဆိုသည်။ ဖြစ်ရပ်မှာ ၁၅ မိနစ်သာကြာသည်။ သူမက ခြိမ်းခြောက်ခဲ့စေကာမူ ပေါက်ကွဲစေသည့် ပစ္စည်း မတွေ့ရှိခဲ့ရဟု သိရသည်။

ယင်းဖြစ်ရပ်မတိုင်မီ တရက်ကမူ အဆိုပါ ကလေးငယ်၏မိသားစုတိုက်ခန်းမှာ မီးလောင်ကျွမ်းခဲ့ပြီး ခေါင်းမပါ သော ကလေးငယ်တဦး၏ခန္ဓာကိုယ်ကို တွေ့ရှိခဲ့ကြသည်။ ကလေးထိန်း ဘိုဘိုကူလိုဗာသည် ယင်းမိသားစုထံတွင် သုံးနှစ်ကြာအလုပ် လုပ်လာခဲ့ရာ၌ ပြဿနာတစုံတရာမရှိခဲ့ဟုဆိုသည်။ ယင်းကလေးငယ်မှာ မသန်စွမ်းရောဂါ စွဲကပ်နေ၍ ဂျာမနီနိုင်ငံသို့ သွားရောက်ပြသရန် မိဘများက ပြင်ဆင်နေကြကြောင်း ပြောသည်။


အာဏာပိုင်များကမူ အဆိုပါအမျိုးသမီး၏စိတ္တဇအခြေအနေကို အကဲဖြတ်ရန် စီစဉ်နေသည်။ ရဲကမူ ကလေး ထိန်း အမျိုးသမီးသည် စိတ်ကြွဆေးများသုံးစွဲထားပုံရကြောင်း မှန်းဆပြောကြားခဲ့သည်။ ယင်းဖြစ်ရပ်အပေါ် မူတည်ပြီး ရုရှားကလေး သူငယ်အကာအကွယ်ပေးရေး အရာရှိတဦးက မိဘများအနေနှင့် ကလေးထိန်း မငှားရမ်းမီ ၎င်းကလေးထိန်းများ၏ စိတ်အခြေအနေကို အကဲဖြတ်သင့်ကြောင်းပြောသည်။ ယင်းဖြစ်ရပ်သည် အဆိုပါ ကလေးထိန်းအမျိုးသမီးက ဇန်န၀ါရီလ ၁ ရက်တွင် ဥဇဘက်ကစ္စတန်သို့ အိမ်ပြန်သွားခဲ့မှုနှင့် ဆက်စပ် မှုရှိမရှိကို အာဏာပိုင်များက စစ်ဆေးနေသည်။ တချိန်တည်းမှာပင် မော်စကိုရှိ မွတ်စလင်ဘာသာရေး ခေါင်း ဆောင်တဦးက ယင်းရက်စက်မှုဖြစ်ရပ်ကို အစ္စလာမ်ဘာသာရေးနှင့်မဆက်စပ်ကြရန် ကြေညာချက်တရပ် ထုတ်ပြန်ခဲ့သည်။ ရုရှားနိုင်ငံတွင် လူဦးရေ ၁၂ ရာခိုင်နှုန်းသည် မွတ်စလင်ဘာသာဝင်များဖြစ်ပြီး မွတ်စလင် အများစုနေထိုင်သော ဥဇဘက်ကစ္စတန်မှ ရွှေ့ပြောင်းလာသူများမှာ ရုရှားတွင် ရွှေ့ပြောင်းလုပ်သားများအနက် အများစုဖြစ်သည်။

ထွဋ်ဝင်းထွဋ်
Ref : Daily Beast
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


မတ် ၁ ရက်၊ ၂၀၁၆ ခုနှစ်။

ကရင်ပြည်နယ်၊ ပြည်နယ်လွှတ်တော်ကိုယ်စားလှယ်အချို့ ဖေဖော်ဝါရီလအတွက် လစာမရရှိခြင်းများ ကြုံတွေ့ခဲ့ရသည်ဟု ဖားအံမြို့နယ် အမှတ်(၁) ပြည်နယ်လွှတ်တော်ကိုယ်စားလှယ် နန်းခင်ထွေးမြင့်က ကေအိုင်စီသို့ ယနေ့ ပြောသည်။

လက်ရှိ ဒုတိယအကြိမ် ကရင်ပြည်နယ်လွှတ်တော်ကို ပြီးခဲ့သည့် ဖေဖော်ဝါရီ ၈ ရက်နေ့တွင် စတင်ကျင်းပခဲ့ပြီး အရပ်သား လွှတ်တော်ကိုယ်စားလှ ၁၇ ဦးရှိကာ ယင်းတို့ထဲတွင် ပြည်နယ်လွှတ်တော်ဥက္ကဌ၊ ဒုဥက္ကဌနှင့် ပြည်နယ်လွှတ်တော်ကိုယ်စားလှယ် ၃ ဦးစုစုပေါင်း ၅ ဦးသာ ဖေဖော်ဝါရီလ အတွက် လစာရရှိထားကြောင်း ပြည်နယ်လွှတ်တော်ကိုယ်စားလှယ်များနှင့် ပြည်နယ်လွှတ်ရုံးတာဝန်ရှိသူများထံမှ သိရသည်။

အဆိုပါ ကိစ္စနှင့် ပတ်သက်၍ ပြည်နယ်လွှတ်တော်ကိုယ်စားလှယ် နန်းခင်ထွေးမြင့်က “အန်တီတို့ ပြည်နယ် လွှတ်တော်မှာကိုယ်စားလှယ် ၁၇ ယောက်ရှိတယ်။ အရင်ကလည်း ၁၇ ယောက်ဆိုတော့ တိုးသွားတာ မဟုတ်ဘူး။ အခုနောက်လကုန်မှ ပေါင်းယူပါလို့ ပြောတယ်။ တခြားပြည်နယ်တွေကို လိုက်မေးကြည့်တော့ သူတို့ အကုန်ရကြတယ်ကွယ်။ ကျမတို့ ကရင်ပြည်နယ်မှာ ၁၇ ယောက်မှာ ၅ ယောက် ရတယ်၊ ကျန်တဲ့သူတွေ မရဘူး။ ဒီလစာကို လိုချင်နေလို့ ပြောတာတော့ မဟုတ်ဘူး။ ဘယ်လိုဖြစ်လဲတော့ မသိဘူး။ သိပ်သဘာဝမကျဘူးလို့ မြင်တယ်”ဟု ပြောသည်။

ထိုသို့ ဖြစ်ရခြင်းမှာ နှစ်စဉ်နှစ်တိုင်း ပြည်နယ်လွှတ်တော်ကိုယ်စားလှယ် ၅ ဦးကိုသာ ပြည်နယ်လွှတ်တော်ရုံးက လစာထုတ်ပေးရပြီး ကျန်ကိုယ်စားလှယ်များမှာ ပြည်နယ်အစိုးရအဖွဲ့ဝန်ကြီးများဖြစ်သည့်အတွက် ပြည်နယ် အစိုးရအဖွဲ့ကသာ လစာပေးနေခြင်းကြောင့် ပြည်နယ်လွှတ်တော်ရုံး၏ ယခုနှစ် ဘာဂျက်တွင် ၅ ဦးစာသာ ထည့်သွင်းထားမိသည့်အတွက် ဖြစ်သည်ဟု လွှတ်တော်ရုံး၊ ညွှန်ကြားရေးမှူး ဦးနေလင်းက ကေအိုင်စီသို့ ယခုလို ပြောသည်။

“နှစ်စဉ်နှစ်တိုင်းမှာ အဲ့ငါးယောက်စာပဲ ကျနော်တို့ဘက်က ထုတ်ပေးခဲ့တာပါခင်ဗျား။ ကျန်တဲ့ လွှတ်တော် ကိုယ်စားလှယ်တွေက အစိုးရအဖွဲ့ဝန်ကြီးတွေ ဖြစ်တဲ့အတွက် အစိုးရရုံးဘက်က ထုတ်ပေးတာဖြစ်ပါတယ်။ အစိုးရအဖွဲ့တာဝန်က မပြီးဆုံးသေးတော့ လွှတ်တော်မှာ ကိုယ်စားလှယ်များသွားတာပေါ့နော်။ အဲ့နှစ်လစာကို ကျနော်တို့ တင်တောင်းဖို့ ကျန်နေခဲ့တယ်။ ကျန်နေခဲ့တာကို အစိုးရအဖွဲ့ကို တင်ပြပြီးတော့ မတ်လကုန် ပိုနေတဲ့ ဘာဂျက် ပြန်အပ်တဲ့အခါ ထုတ်ပေးဖို့ အစိုးရအဖွဲ့ အစည်းအဝေးခွင့်ပြုချက်ရရှိထားပြီးဖြစ်ပါတယ်”ဟု ဦးနေလင်းက ဆက်ပြောသည်။

လက်ရှိပြည်နယ်လွှတ်ကိုယ်စားလှယ် တဦးလျှင် တလကျပ် ၅ သိန်းလစာရရှိမည်ဖြစ်ပြီး ဒုတိယအကြိမ် ပြည်နယ်လွှတ်တော်ကို ဖေဖော်ဝါရီ ၈ ရက်နေ့တွင် စတင်သည့်အတွက် လွှတ်တော်ကိုယ်စားလှယ်အဖြစ် ကျမ်းသစ္စာကြိမ်ဆိုသည့် နေ့မှစတင်ကာ ခံစားခွင့်ရှိကြောင်း သိရသည်။

ထို့အတွက်ကြောင့် ဖေဖော်ဝါရီလအတွက် ဒုတိယအကြိမ် ပြည်နယ်လွှတ်တော်ကိုယ်စားလှယ်များအနေဖြင့် ဖေဖော်ဝါရီ ၈ ရက်မှစတင်ကာ လစာရရှိမည်ဖြစ်သည့်အတွက် ဖေဖော်ဝါရီလအတွက် တဦးလျှင် ကျပ်သုံးသိန်းကျော်သာ ရရှိမည်ဖြစ်ကာ မတ်လမှစတင်ပြီး လစာ ကျပ် ၅ သိန်းကို အပြည့်အဝ ရရှိမည်ဟု ပြည်နယ်လွှတ်တော်ကိုယ်စားလှယ်ရုံးမှ သိရသည်။

စောထွန်းလင်း
KIC - ကေအိုင်စီ
http://kicnews.org


အမျိုးသား ဒီမိုကရေစီ အဖွဲ့ချုပ်ပါတီ ဥက္ကဋ္ဌ ဒေါ်အောင်ဆန်းစုကြည် သမ္မတ ဖြစ်ရေးသည် နိုင်ငံတော် သမ္မတလောင်း အမည်စာရင်း တင်သွင်းမည့် ရက်ရွှေ့ဆိုင်းခြင်းနှင့် မသက်ဆိုင်ကြောင်း ဒီချုပ် ဗဟိုကော်မတီဝင် ဦးဝင်းထိန်က ယနေ့ ပြည်ထောင်စု လွှတ်တော် အစည်းအဝေး အပြီးတွင် ပြောသည်။

“ဒေါ်အောင်ဆန်းစုကြည် သမ္မတဖြစ်မယ့်ကိစ္စက ဖြစ်ကိုဖြစ်မှာ၊ ရက်ရွှေ့တာ မရွှေ့တာနဲ့ ဘာမှမဆိုင်ဘူး။ နှေးတာနဲ့ မြန်တာ ဒီနှစ်ရပ်ပဲ။ ဘယ်လိုနည်းနဲ့ ဖြစ်နိုင်တယ်ဆိုတာကတော့ ဖွဲ့စည်းပုံ အခြေခံ ဥပဒေဖတ်၊ နည်းဥပဒေတွေ ဖတ်၊ သူဖြစ်ဖို့ လုပ်နေတာပဲ” ဟု ၄င်းကဆိုသည်။

ဒု သမ္မတလောင်း ရွေးချယ်ရန်အတွက် အစည်းအဝေးကို မူလသတ်မှတ်ထားသည့် မတ်လ ၁၇ ရက်နေ့အစား မတ်လ ၁၀ ရက်နေ့သို့ ပြောင်းလဲသတ်မှတ်ခဲ့ရာ အဆိုပါကိစ္စမှာ ဒေါ်အောင်ဆန်းစုကြည်နှင့် တပ်မတော်တို့အကြား ပုဒ်မ ၅၉ (စ ) ပြင်ဆင်ရေး ညှိနှိုင်းမရခြင်း ၊ အစိုးရနှင့် လွှတ်တော်တို့အကြား ပွတ်တိုက်မှု များလာခြင်းတို့ကြောင့် ဖြစ်နိုင်ကြောင်း နိုင်ငံရေး အကဲခတ်များက သုံးသပ်ထားကြသည်။

နိုင်ငံတော် သမ္မတလောင်း အမည်စာရင်း တင်သွင်းမည့် ရက်ရွှေ့ဆိုင်းခြင်းနှင့် ပတ်သက်၍ ၄င်းက “နောက်တစ်ခုက မတ်လ ၁၇ ရက်နေ့လုပ်မယ့် အစား ပြောင်းလုပ်လိုက်တာ အခြေအနေက ကောလာဟလတွေ ပလူပျံနေလို့ ၊ အဲ့ဒါတွေရှင်းလိုက်တဲ့သဘောလည်း ပါတာပေါ့၊ အပြောင်းအလဲ လုပ်ဖို့ကိစ္စကတော့ ပြီးခါနီးပြီ၊ နောက်ဆုံးအဆင့်လောက်ပဲ ကျန်တော့တယ်၊ အစည်းအဝေးတစ်ခါ နှစ်ခါဆို ပြီးပါတယ်” ဟု ဦးဝင်းထိန်က ပြောသည်။

သတင်း - ကိုပေါက်
Photo - NLD Chairperson
The Ladies News
https://www.facebook.com/News.TheLadies


ဒေါ်အောင်ဆန်းစုကြည် နိုင်ငံတော်သမ္မတဖြစ်ကို ဖြစ်ရမယ်လို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးဝင်းထိန်က ပြောလိုက်ပါတယ်။

ပုဒ်မ ၅၉(စ) ပြင်ဆင်ရေးအပြင် လက်ရှိအစိုးရတာဝန်လွှဲပြောင်းရေးနဲ့ပတ်သက်ပြီး သတင်းထောက်တွေက မေးမြန်းရာမှာ ဦးဝင်းထိန်က ဒေါ်အောင်ဆန်းစုကြည်ဟာ အနှေး နဲ့ အမြန် သမ္မတဖြစ်လာမယ်လို့ ပြောပါတယ်။

"ဒေါ်အောင်ဆန်းစုကြည် သမ္မတဖြစ်မယ့် ကိစ္စဖြစ်ကိုဖြစ်မယ်၊ ရှိတာ၊ မရှိတာနဲ့ ဘာမှမဆိုင်ဘူး၊ နှေးတာနဲ့ မြန်တာဒီနှစ်ခုပဲ၊ ကိုယ့်ဘာသာတွက်၊ ဖွဲ့စည်းပုံ အုပ်ချုပ်မှုအခြေခံဥပဒေဖတ်၊ နည်းဥပဒေတွေဖတ်၊ ဖြစ်လာမှာ၊ အခုဖြစ်ဖို့လုပ်နေတယ်၊"

အများက ထင်ကြေးပေးပြောနေကြတဲ့ ကောလဟာလတွေများလာတာကြောင့် အရင်က ဒုတိယသမ္မတ တင်မြှောက်ရေးအတွက် အစုအဖွဲ့အလိုက် စတင်ဆွေးနွေးဖို့ ရက်ကို မတ်လ ၁၇ ရက်နေ့လို့ သတ်မှတ်ထားတာကို မတ်လ ၁၀ ရက်အဖြစ် ပြည်ထောင်စုလွှတ်တော်က ပြောင်းလဲသတ်မှတ်လိုက်ပါတယ်။

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီ အစည်းအဝေးကို ပြီးခဲ့တဲ့ တနင်္ဂနွေနေ့က နေပြည်တော်မှာရှိတဲ့ ဒေါ်အောင်ဆန်းစုကြည်ရဲ့ နေအိမ်မှာ ကျင်းပခဲ့ပါတယ်။ အဲဒီအစည်းအဝေးမှာ ပုဒ်မ ၅၉ (စ) ကိစ္စကို ဆွေးနွေးတာ မဟုတ်ဘဲ ပုံမှန်ကျင်းပနေကြ အစည်းအဝေးသာ ဖြစ်တယ်လို့ ပြောပါတယ်။

ဒေါ်အောင်ဆန်းစုကြည်ဟာ မနေ့က ဖေဖေါ်ဝါရီလ ၂၉ ရက်နေ့က တိုင်းရင်းသား လွှတ်တော်ကိုယ်စားလှယ်တွေနဲ့ တွေ့ဆုံဆွေးနွေးခဲ့ပြီး ပြည်ထောင်စု တည်ဆောက်ဖို့အတွက် အားလုံးက ဘာတွေ လုပ်ပေးနိုင်မလဲဆိုတာနဲ့ အကြံပေးကြဖို့ကိုလည်း တိုက်တွန်းလိုက်ပါတယ်။

RFA Burmese
https://www.facebook.com/RFA-Burmese


ပေကျင်း ၊ ၁-၃-၂၀၁၆

တရုတ်နိုင်ငံ တောင်ပိုင်းတွင် ဓားကိုင်ရမ်းကားသူ အမျိုးသား တစ်ဦးသည် ဖေဖော်ဝါရီ ၂၉ ရက်က ကလေး ၁ဝ ဦးကို မူလတန်းကျောင်း အပြင်ဘက်၌ ဓားဖြင့်ခုတ်ပြီး နောက် ကိုယ့်ကိုယ်ကိုယ် သတ်သေ သွားကြောင်း ရဲတပ်ဖွဲ့က ပြောကြားသည်။

ကလေးငယ် များသည် ဟိုင်ကိုမြို့ရှိ Yang Fan မူလတန်း ကျောင်းမှ လမ်းလျှောက် ပြန်လာစဉ် အမျိုးသား တစ်ဦးက ဓားဖြင့် ခုတ်ခဲ့ခြင်း ဖြစ်ကြောင်းနှင့် အသေးစိတ် အချက်အလက် များကို ထုတ်ပြန်နိုင်ခြင်း မရှိသေးဘဲ အဆိုပါအမှုကို စုံစမ်းစစ်ဆေး နေဆဲ ဖြစ်ကြောင်း လောင်ဟူ ရဲစခန်းမှ တာဝန်ရှိသူ တစ်ဦးက ပြောကြားသည်။

ဓားဖြင့် အခုတ်ခံရသည့် ကလေးငယ် ၁ဝ ဦးအနက် နှစ်ဦးမှာ ဒဏ်ရာပြင်းထန် သော်လည်း ကျန်ကလေးငယ် များမှာ ဒဏ်ရာ အနည်းငယ်သာ ရရှိထားပြီး အသက်အန္တရာယ် စိုးရိမ်ဖွယ် မရှိကြောင်း ဒေသတွင်း သတင်းဌာန များက ဖော်ပြထားသည်။

တရုတ်နိုင်ငံတွင် ကျောင်းသား များအား ဓားဖြင့်ထိုးမှု သည် မရှိသလောက် ရှားပါးပြီး ထိုသို့ တိုက်ခိုက်မှု များသည်လည်း စိတ်ရောဂါ ဝေဒနာရှင်များ၏ လုပ်ဆောင်မှုသာ ဖြစ်ကြောင်းနှင့် ကလေးများ၏ လုံခြုံရေးအတွက် ကာကွယ်ပေးရန် မိဘများက တောင်းဆို ထားကြောင်း သိရသည်။

PyiChitThar
http://www.pyichitthar.com

ဒေါ်အောင်ဆန်းစုကြည်သာ နိုင်ငံခြားရေး ဝန်ကြီးဖြစ်ရင် နိုင်ငံတကာမှာ မြန်မာကို ကိုယ်စားပြုနိုင်မယ် (Credit: AFP) 
အမျိုးသား ​ဒီမိုကရေစီ ​အဖွဲ့ချုပ် ​ပါတီ ​NLD ​ခေါင်းဆောင် ​ဒေါ်အောင်ဆန်းစုကြည်က ​နိုင်ငံခြားရေးရာ ​ဝန်ကြီးရာထူးကို ​ရယူနိုင်တယ်လို့ ​သတင်းတွေမှာ ​ရေးသားနေကြပါတယ်။

မြန်မာ့နိုင်ငံရေး ​လေ့လာသူတွေကတော့ ​နိုင်ငံခြားရေး ​ဝန်ကြီး ​ရာထူးရခဲ့မယ်ဆိုရင် ​ဒေါ်အောင်ဆန်းစုကြည်အနေနဲ့ ​ကာကွယ်ရေးနဲ့ ​လုံခြုံရေး ​ကောင်စီ ​(ကာလုံ) ​မှာ ​သမ္မတ၊ ​ဒုသမ္မတတွေနဲ့အပြင် ​စစ်ဦးစီးချုပ်နဲ့အတူ ​ပါဝင်ခွင့်ရမယ့်အနေအထား ​ရှိတယ်လို့ ​ဆိုပါတယ်။

ဒါ့အပြင် ​စစ်တပ် ​ဝန်ကြီးတွေ ​နေရာယူထားမယ့် ​ပြည်တွင်းရေး ​ဝန်ကြီးဌာနက ​ဝန်ကြီးတွေ၊ ​ကာကွယ်ရေး ​ဝန်ကြီးနဲ့ ​နယ်စပ်ရေးရာ ​ဝန်ကြီးတွေနဲ့ ​တန်းတူ ​ကာလုံမှာ ​ပါဝင်ခွင့် ​ရမှာ ​ဖြစ်ပါတယ်။

ဒါ့အပြင် ​ဒေါ်အောင်ဆန်းစုကြည်ကသာ ​နိုင်ငံခြားရေး ​ဝန်ကြီး ​ရာထူးကို ​ရရှိရင် ​နိုင်ငံတကာမှာ ​မြန်မာကို ​ကိုယ်စားပြုနိုင်မှာ ​ဖြစ်သလို ​အရေးကြီးတဲ့ ​ညီလာခံတွေမှာလည်း ​သမ္မတနဲ့ ​အတူတူ ​တက်ရောက်နိုင်မှာ ​ဖြစ်ပါတယ်။

ဒါပေမဲ့ ​နိုင်ငံခြားရေး ​ဝန်ကြီး ​ဖြစ်လာရင် ​ဒေါ်အောင်ဆန်းစုကြည်က ​NLD ​ပါတီ ​ရေးရာမှာ ​ပါဝင်ခွင့်ရမှာ ​မဟုတ်တော့တဲ့အတွက် ​ပါတီခေါင်းဆောင် ​အသစ် ​လိုအပ်လာနိုင်ပါတယ်။ ​ဒါပေမဲ့ ​ပါတီခေါင်းဆောင်သစ်ကလည်း ​ဒေါ်အောင်ဆန်းစုကြည်ရဲ့ ​ညွှန်ကြားချက်နဲ့ ​လှုပ်ရှားမယ့်သူကို ​ရွေးရင် ​ဖြစ်နိုင်တယ်လို့ ​သုံးသပ်နေကြပါတယ်။

မြန်မာ ​သမ္မတ ​ဘယ်သူ ​ဖြစ်မလဲ ​ဆိုတာကို ​စောင့်ဆိုင်းနေချိန်မှာပဲ ​ဒေါ်အောင်ဆန်းစုကြည်က ​နိုင်ငံခြားရေး ​ဝန်ကြီး ​ရာထူးကို ​လက်ခံနိုင်တယ်ဆိုတဲ့ ​သတင်းတွေ ​ထွက်ပေါ်နေတယ်လို့ ​Straits ​Times ​သတင်းမှာ ​ပါရှိပါတယ်။

မတ်လ ​၁၇ ​ရက်နေ့ကျရင် ​သမ္မတအဖြစ် ​ဘယ်သူ့ကို ​ရာထားသလဲ ​ဆိုတာကို ​ထုတ်ပြောမယ်လို့ ​NLD ​ပါတီက ​အရင်တုန်းက ​ပြောခဲ့ဖူးပေမယ့် ​အခုအခါမှာ ​သတ်မှတ်ရက်ထက် ​စောပြီး  ​မတ်လ ​၁၀ ​ရက်နေ့မှာ ​ကြေညာမယ်လို့ ​သိရပါတယ်။

ABC Radio Australia
http://www.radioaustralia.net.au/burmese