03/03/16

နို်င်ငံပေါင်း ၁၀၄ နိုင်ငံက ပက်စ်ပို့တွေရဲ့ သြဇာရှိမှုကို အဆင့်သတ်မှတ်ခဲ့ရာမှာ မြန်မာက အဆင့် ၉၅ ဖြစ်ပြီး မြောက်ကိုရီးယားနဲ့ အတူတူဖြစ်ပါတယ်။
မြန်မာပက်စ်ပို့ ကိုင်ဆောင်ထားသူတွေအတွက် ခရီးသွားရတာ မလွယ်ကူဘူးဆိုတာကို သက်သေပြတဲ့ စစ်တမ်းတစ်ခု ထပ်မံထွက်ပေါ်လာပါတယ်။ နိုင်ငံပေါင်း ၁၀၄ နိုင်ငံက ပက်စ်ပို့တွေကို လေ့လာစစ်မ်းထုတ်ယူပြီး သတ်မှတ်ထားတဲ့ အဆင့်အရ မြန်မာပက်စ်ပို့ရဲ့ အဆင့်ဟာ ၉၅ နေရာမှာရှိနေပါတယ်။

မြန်မာပက်စ်ပို့ရဲ့ အရှိန်အဝါဟာ အနိမ့်ဆုံး စာရင်းထဲမှာပါဝင်ပါတယ်။ ကမ္ဘာ့အင်အားကြီး နိုင်ငံတွေ ဝိုင်းဝန်းပြီး စီးပွားရေးပိတ်ဆို့ထားတဲ့ မြောက်ကိုရီးယားနိုင်ငံရဲ့ ပက်စ်ပို့လည်း အဆင့်-၉၅ နေရာပဲ ဖြစ်လို့ မြန်မာပက်စ်ပို့နဲ့ အဆင့်အတူတူဖြစ်ပါတယ်။ ဒါကို Visaindes.com က စစ်တမ်းပြုစုပြီး ထုတ်ပြန်ကြေငြာခဲ့တာပါ။

ကမ္ဘာအနှံ့အပြားက ပက်စ်ပို့တွေရဲ့ အင်အားကြီးမှုအဆင့်အတန်းကို အဆင့်သတ်မှတ်ရာမှာ အောက်ပါအချက်တွေ ထည့်သွင်းတွက်ချက်ပါတယ်။ နိုင်ငံပေါင်းဘယ်လောက်ကို ဗီဇာမလျှောက်ပဲ ခရီးသွားနိုင်သလဲဆိုတာနဲ့ ဗီဇာကြိုမလျှောက်ပဲ ဆိုက်ရောက်ဗီဇာလျှောက်ထားလို့ရတဲ့ နိုင်ငံ ဘယ်လောက်ရှိ၊ မရှိဆိုတာကို ထည့်သွင်းစဉ်းစားပါတယ်။

မြန်မာပက်စ်ပို့ကိုင်ဆောင်သူတွေအတွက် အနည်းငယ်တိုးတက်လာတဲ့ ဖြစ်စဉ်တစ်ခုအနေနဲ့ ပြီးခဲ့တဲ့ နှစ်အတွင် မြန်မာနဲ့ ထိုင်းအကြား ဗီဇာကြိုလျှောက်စရာမလိုပဲ နှစ်ပတ်ကြာဗီဇာကင်းလွတ်ပြီး လည်ပတ်ခွင့်သဘောတူညီမှုကို နှစ်နိုင်ငံလက်မှတ်ရေးထိုးနိုင်ခဲ့ပါတယ်။ အခုထုတ်ပြန်ထားတဲ့ စာရင်းအရ ကမ္ဘာမှာ သြဇာအရှိဆုံး ပက်စ်ပို့က ဂျာမနီပက်စ်ပို့ဖြစ်ပြီး အဲဒီနောက်မှာ ဆွီဒင်၊ ဖင်လန်နဲ့ ပြင်သစ်တို့ ရှိပါတယ်။
Source : Visaindex, Coconuts Yangon

ဒီမိုကရေစီ တူဒေး

(၁) ကားမောင်းရင် gears ကို သိထားရပါ့မယ်။
P for Park (ကားရပ်နားဖို့)
R for Reverse (ကားနောက်ဆုတ်ဖို့)
N for Neutral (ကားကို ဆယ်ဖို့)
D for Drive (ကားကို မောင်းဖို့)
D3 D2 D1 for conditional situations (တောင် စသည် တက်ဖို့)

ဖြစ်တယ်။

(၂) ဒီမိုကရေစီပြုပြင်ပြောင်းလဲရေးမှာလည်းပဲ
P = Liberalization ဖြေလျှော့ပေးတယ်။
R & N = Transition အကူးအပြောင်းကြားကာလ
D = Democratization ဒီမိုကရေစီကို အသွင်ကူးပြောင်းခြင်း
D3, D2, D1 = Socialization/Democratic consolidation ပြည်သူလူထုမှာ ဒီမိုကရေစီစိမ့်ဝင်အောင် ပြုခြင်း/ဒီမိုကရေစီအခြေခံခိုင်မာအောင် လုပ်ခြင်းတို့

ရှိတယ်။

(၃) နေပြည်တော်၊ အမြန်လမ်း၊ နာဂစ်ဖွဲ့စည်းပုံ
-နာဂစ်ဖွဲ့စည်းပုံကို ၁၉၉၃ ခုနှစ်က စပြီး ၂၀၀၈ ခုနှစ်မှာ အဆုံးသတ်ပါတယ်။ (၁၅)နှစ် ကြာပါတယ်။ အမြန်လမ်းဖောက်တုန်းက တဲ(၁၅)လုံး ထိုးခဲ့တာ သင်သိပါသလား။
-အမြန်လမ်းက မိုင်တိုင်နဲ့ နာဂစ်ဖွဲ့စည်းပုံရဲ့ ပုဒ်မတွေ ထပ်တူနီးပါး ဖြစ်နေတာ သင်သတိထားမိပါသလား။
-နေပြည်တော်လို့ သုံးကတည်းက ပြည်နယ်တွေဟာ စတုတ္ထမြန်မာနိုင်ငံတော်ရဲ့ လက်အောက်ခံဖြစ်ကြောင်း ပြောလိုတာကို ဂရုပြုမိပါသလား။

(၄) မြန်မာ့တပ်မတော်က သူတို့ရဲ့ Gears ကို ဒီလိုအသုံးပြုပါတယ်။
P = နေရာကို ဦးအောင် ယူပြီး သူတို့ကားကို ရပ်နားထားတယ်။ Liberalization အနည်းငယ်ဖြေလျှော့ပေးပြီး သူတို့ကို ဆန့်ကျင်သူနည်းသွားအောင် လုပ်တယ်။ ပြည်တွင်းတည်ငြိမ်မှုရအောင် ကြိုးစားတယ်။
R & N= တပ်က ရှေ့မတိုးတော့ပါ။ နွံနစ်နေဟန် ဆောင်ပါတယ်။ R နဲ့ လွှတ်တော်ကနေ ဆုတ်ပေးဖို့ လိုပေမဲ့ သူတို့က N နဲ့ ဒီချုပ်နဲ့ ပြည်သူတို့ကို စစ်ကျွန်ဥပဒေအောက်မှာ အသားကျသွားအောင် Neutralization လုပ်ပါတယ်။ ရှေ့တိုးနောက်ဆုတ်လုပ်မယ်ပြောတိုင်း ကားက အသံကျယ်သလို လုပ်ပါတယ်။ အာဏာပြန်သိမ်းရမလား ပြန်မေးတတ်တယ်။ ဒရိုင်ဗာ ပြောင်းပေမဲ့ လက်ကိုင်ကို သူတို့မလွှတ်ပါ။

(၅) NLD က ဘာ Gears ကို သုံးဖို့ ကြိုးစားနေပါသလဲ။
R = အခု အာဏာလွှဲပြောင်းပေးဖို့ ကြိုးစားတယ်။
D = Drive အစား Neutral ကိုပဲ စစ်တပ်က သုံးနေလို့ NLD ကလည်း N ကိုပဲ D အစား သုံးနေတယ်။
D3, D2, D1 = ဒါတွေကို သုံးဖို့ မဖြစ်သေးပါ။ ဒီမိုကရေစီတောင် မရှိသေးလို့ ဒီမိုကရေစီအသားကျဖို့ လုံးဝမဖြစ်သေးပါ။

(၆) နာဂစ်ဖွဲ့စည်ပုံအပေါ်မှာ နေပြီး စစ်တပ်ကတော့ သူ့နည်းသူ့ဟန်နဲ့ သူတို့နှင်နေကြတယ်။
(က) တပြည်ထောင် unitary sate ကို ထူထောင်မယ်၊
(ခ) စစ်တပ်လက်အောက်ခံကိုယ်ပိုင်အုပ်ချုပ်ခွင့်ရှိတဲ့ ပြည်နယ်အစိုးရတွေနဲ့ self-authoriatarian military government ကို ထူထောင်မယ်၊
(ဂ) တိုင်းရင်းသားတွေကို ဗမာမှုပြုပြီး စတုတ္ထမြန်မာနိုင်ငံတော်ကြီးကို ထူထောင်မယ်၊
(ဃ) အရှေ့တောင်အာရှမှာ စူပါပါဝါ ဖြစ်အောင် လုပ်မယ်။

(၇) နာဂစ်ဖွဲ့စည်းပုံအောက်မှာ နေပြီး NLD လည်း သူတို့ဂိတ်ဆုံးမဲ့နေရာကို မှန်းထားကြတယ်။
(က) ဖက်ဒရယ်ဒီမိုကရေစီနိုင်ငံကို ထူထောင်မယ်၊
(ခ) ကိုယ်ပိုင်ပြဌာန်းခွင့်ရှိတဲ့ ပြည်နယ်များ၊ တိုင်းများနဲ့ ပြည်ထောင်စုကို တည်ဆောက်မယ်။
(ဂ) ဗဟိုအစိုးရအုပ်ချုပ်မှုကို ပြည်ထောင်စုတစ်ခုလုံး ဖြန့်ကျက်ပြီး ပဉ္စမမြန်မာနိုင်ငံတော်ကို ထူထောင်မယ်။
(ဃ) အာရှမှာ စူပါပါဝါ ဖြစ်လာအောင် လုပ်မယ်။

(ဂ) နာဂစ်ဖွဲ့စည်းပုံအောက်မှာ တိုင်းရင်းသားတွေကလည်း သူတို့ခရီးနဲ့သူတို့ သွားနေကြပါတယ်။
(က) စစ်မှန်တဲ့ ဖက်ဒရယ်ပြည်ထောင်စုနဲ့ ဖက်ဒရယ်ပြည်ထောင်စုတပ်မတော်ကို ထူထောင်မယ်၊
(ခ) ကိုယ်ပိုင်ပြဌာန်းခွင့်ရှိပြီး လူမျိုးတန်းတူရေးရှိတဲ့ အဖွဲ့ဝင်ပြည်နယ်များနဲ့ စစ်မှန်တဲ့ ပြည်ထောင်စုကို ထူထောင်ကြမယ်၊
(ဂ) ဗဟိုအစိုးရနဲ့ ပြည်နယ်အစိုးရများကြား အာဏာကို သေသေချာချာ ခွဲဝေထားပြီး ပြည်နယ်အုပ်ချုပ်ရေးမှာ ဗဟိုအစိုးရစွက်ဖက်မှု မရှိစေရေး လိုလားကြတယ်။
(ဃ) လက်ရှိပြည်ထောင်စုကို ဗမာတွေမပိုင်ဘဲ ပြည်ထောင်စုသားအားလုံး ပိုင်ကြတယ်။ ဒါကြောင့် ပြည်ထောင်စုအတွက် အမည်သစ်တစ်ခုကို စဉ်းစားချင်ကြတယ်။
(င) ကမ္ဘာမှာ ဂုဏ်သိက္ခာရှိတဲ့ ပြည်ထောင်စုနိုင်ငံတစ်ခုအဖြစ် ရပ်တည်ချင်ကြတယ်။

ဒီတော့
စစ်တပ်ပဲဖြစ်ဖြစ်၊
ဒီချုပ်ပဲဖြစ်ဖြစ်၊
တိုင်းရင်းသားတွေပဲဖြစ်ဖြစ်
Transition time ကို ကျော်လွှားဖို့ R ကို သုံးပြီး စစ်တပ်က စစ်တန်းလျားကို ပြန်ဖို့ လိုနေပြီ။ တပ်က အောင်မြင်စွာ ဆုတ်ခွာနေတယ်လို့ နိုင်ငံရေးပဏ္ဍိတ်ကြီးအချို့ ဟောခဲ့ပါတယ်။ မဟုတ်ခဲ့ပါ။ စစ်တပ်က N ကို သုံးပြီး ရှေးတိုးလိုက် နောက်ဆုတ်လိုက် သူ့ကို ဝိုင်းတွန်းကြဖို့ လိုနေတယ်။ အဲဒါကို မတွန်းဘဲ N ကို ထိုးထားပေမဲ့လည်း နိုင်ငံက နွံထဲကနေ တက်လာနိုင်စရာ မရှိပါ။ ဒါကြောင့် မြန်မာနိုင်ငံဟာ D ကို သုံးပြီး ဒီမိုကရေစီပြုပြင်ပြောင်းလဲရေးလုပ်ဖို့ လှုပ်တောင် မလှုပ်ရသေးကြောင်း မိမိထင်မြင်ချက်ကို မျှဝေပေးလိုက်ပါတယ်။

U Ravika Facebok



NLD အမျိုးသားဒီမိုကရေစီအဖွဲ့ချုပ်ပါတီက တိုင်းပြည်အာဏာကို လွှဲပြောင်းရယူဖို့ ပြင်ဆင်နေတဲ့အချိန်မှာပဲ တိုင်းပြည်အတွင်းက တိုင်းရင်းသား လူမျိုးစုတွေဟာ အနာဂတ်မှာ ကောင်းမွန်တဲ့ ဘ၀အခြေအနေတွေနဲ့ ငြိမ်းချမ်းမှု ရှိလိမ့်မယ်လို့ မျှော်လင့်နေကြပါတယ်။

ဒါပေမဲ့ တဘက်မှာလည်း စစ်တပ်က အစိုးရအပြောင်းအလဲ ဖြစ်ခါနီးမှာ သူတို့ရဲ့ သြဇာလွှမ်းမိုးမှု လျော့ကျမသွားအောင် လုပ်ဆောင်တာတွေကို တွေ့နေရတယ်လို့ မြန်မာ့အရေး လေ့ လာသူတွေကို ထောက်ပြ ပြောဆိုကြပါတယ်။ ဒီအကြောင်း ဗွီအိုအေသတင်းထောက် Steve Sandford ကချင်ပြည်နယ်၊ မြစ်ကြီးနားမြို့ကနေ သတင်းပေးပို့ထားတာအပေါ် အခြေခံပြီး ကိုဇော်ဝင်းလှိုင်က တင်ပြပေးပါမယ်။

မြန်မာနိုင်ငံအတွင်းက ကချင်ပြည်နယ်နဲ့ ရှမ်းပြည်တွေမှာ ဖြစ်ပွားခဲ့တဲ့ စစ်ပွဲတွေနဲ့ အကြမ်းဖက်မှုတွေကြောင့် လူပေါင်း ၂၀၀,၀၀၀ ကျော် အိုးမဲ့အိမ်မဲ့ ဖြစ်ခဲ့ပါတယ်။ တိုင်းရင်းသား လူမျိုးစု အများအပြားကတော့ လက်နက်ကိုင်အဖွဲ့အစည်းတွေနဲ့ တိုင်းပြည်အတွင်း သြဇာကြီးမားလှတဲ့ စစ်တပ်အကြား ငြိမ်းချမ်းရေး ရရှိအောင် ဆောင်ရွက်ပေးမယ်လို့ ကတိပြုထားတဲ့ ဒေါ်အောင်ဆန်းစုကြည်အပေါ် သူတို့ရဲ့ မျှော်လင့်ချက်တွေ စုပုံထားကြပါတယ်။

ကချင်ပြည်နယ်၊ မြစ်ကြီးနားမြို့မှာရှိတဲ့ ဒုက္ခသည်စခန်းအတွင်းက Dah Poh ဟာ သူမရဲ့ ကလေး ၃ ယောက်ကို ကြည့်ရှု စောင့်ရှောက်နေရတဲ့အတွက် ပြီးခဲ့တဲ့ နိုဝင်ဘာရွေးကောက်ပွဲမှာ မဲပေးခွင့် မရခဲ့ပါဘူး။

အခုတော့ KIA ကချင်လွတ်မြောက်ရေးတပ်မှာ တာဝန်ထမ်းဆောင်နေတဲ့ သူမရဲ့ခင်ပွန်း အိမ်ပြန်လာနိုင်မယ့်ရက်ကို လက်ချိုးစောင့်နေပါတယ်။

“နိုင်ငံရေးပြဿနာတွေ ပြေလည်သွားပြီး ကိုယ့်ရွာကို ပြန်နိုင်မယ့်ရက်ကို ကျမတို့ မျှော်လင့် စောင့်ဆိုင်းနေပါတယ်။ ကျမ အမျိုးသားကလည်း တနှစ်မှာတခါပဲ အိမ်ကို ပြန်လာလို့ရပါတယ်။ ပြီးတော့ အပြင်မှာ အလုပ်ထွက်ရှာမယ် ဆိုပြန်ရင်လည်း ကျမကလေးတွေက အရမ်းငယ်လွန်းနေတော့ အဲဒါကလည်း အဆင်မပြေပြန်ဘူး။ ကျမ သူတို့ကို စောင့်ကြည့်နေဖို့ လိုအပ်တယ်လေ။”

ဒါပေမဲ့ တနိုင်ငံလုံး အပစ်အခတ်ရပ်စဲရေးအတွက် လုပ်ဆောင်နေမှုတွေက တိုင်းရင်းသားတွေ အချင်းချင်းကြား သွေးကွဲအောင် လုပ်နေသလားဆိုပြီး ဝေဖန်သူတွေက မေးခွန်းထုတ်နေကြပါတယ်။

ရှမ်းပြည်နယ်ထဲမှာဆိုရင်လည်း တနိုင်ငံလုံး အပစ်အခတ်ရပ်စဲရေး သဘောတူညီချက်မှာ လက်မှတ်ထိုးခဲ့တဲ့ ရှမ်းလက်နက်ကိုင်အဖွဲ့နဲ့ တခြား လက်နက်ကိုင် အဖွဲ့အစည်းအကြား တိုက်ပွဲတွေ ဖြစ်နေပါတယ်။

မြန်မာစစ်တပ်က လက်ရှိ ကျင့်သုံးနေတဲ့ နည်းဗျူဟာဟာ လွန်ခဲ့တဲ့ ဆယ်စုနှစ်ပေါင်း များစွာကတည်းက စစ်တပ်က အသုံးပြုလာတဲ့ ဗြူဟာနဲ့ ကွာခြားမှုမရှိဘူးလို့ မြန်မာ့ရေးရာ ကျွမ်းကျင်သူ Bertil Lintner က ပြောပါတယ်။

“မြန်မာစစ်တပ်ဟာ စစ်ပွဲကို လူစားထိုး ဆင်နွှဲနေတယ်လို့ ကျနော်ထင်ပါတယ်။ စစ်တပ်က သူတို့ကိုယ်တိုင် ၀င်တိုက်နေတယ်လို့ အထင်မခံရအောင် ပလောင်တပ်ဖွဲ့တွေကို တိုက်ခိုက်ဖို့အတွက် တခြား ရှမ်းလက်နက်ကိုင်အဖွဲ့တခုကို ကြားခံအဖြစ် အသုံးပြုပြီး သူတို့လိုချင်တဲ့ ပုံစံရအောင် လုပ်ခိုင်းနေတာပါ။ ဘာဖြစ်လို့လဲဆိုတော့ စစ်တပ်က လိုချင်တာက အပြီးသတ် အောင်ပွဲပဲ ဖြစ်ပါတယ်။ စစ်တပ်က အဲဒီ အဖွဲ့တွေအပေါ် အောင်ပွဲခံချင်လို့ပါ။”

တိုက်ပွဲတွေ ဆက်လက်ဖြစ်ပွားသလိုပဲ ၂၀၀၈ ဖွဲ့စည်းပုံကလည်း စစ်တပ်အသာစီးရအောင် ရေးဆွဲထားတဲ့အပေါ် စိုးရိမ်မှုတွေ ရှိနေတာကြောင့် တိုင်းရင်းသား လက်နက်ကိုင်အဖွဲ့ အများစုက လက်နက်တွေကို ဆက်လက် ကိုင်ဆောင်ထားကြဆဲ ဖြစ်တယ်လို့ TNLA တအောင်း အမျိုးသားလွတ်မြောက်ရေးတပ်ဖွဲ့က ပြောခွင့်ရ တာပါလက ပြောပါတယ်။

“စစ်တပ်ဟာ သီးခြား လွတ်လပ်တဲ့ အဖွဲ့အစည်းတခုလိုပါပဲ။ သူတို့ကို လွှတ်တော်ကလည်း ထိန်းချုပ်ထားတာမဟုတ်သလို အစိုးရကလဲ ထိန်းချုပ်ထားတာ မဟုတ်ပါဘူး။ သူတို့ဟာ သီးခြား လွတ်လပ်တဲ့ အဖွဲ့တခု ဖြစ်ပါတယ်။ ဒါကြောင့် ဒီကိစ္စဟာ NLD အတွက် အကြီးမားဆုံး စိန်ခေါ်မှုကြီးပဲ ဖြစ်ပါတယ်။”

ကိုဂွမ်ဆန်းဟာ ကချင်မဟာမိတ်အဖွဲ့ရဲ့ ဥက္ကဋ္ဌဖြစ်ပါတယ်။ သူက အစိုးရအပြောင်းအလဲ ပြုလုပ်ခါနီးမှာ စစ်တပ်အနေနဲ့ သူ့ရဲ့ သြဇာအရှိန်အ၀ါ ပိုကြီးအောင် လုပ်ဆောင်လာနေတာကို တွေ့နေရတယ်လို့ ထောက်ပြ ပြောဆိုပါတယ်။

“ကျနော့်အမြင်ကတော့ ဒီစစ်တပ်ကနေပြီးတော့ပေါ့နော် သူတို့မှာ အာဂျင်တာရှိမှာပါ။ နိုင်ငံရေးအာဂျင်တာရှိမယ်။ ရှေးယခင်က သူတို့အခါတိုင်း တွေ့ခဲ့သလိုပဲ ဒီ UPWC နဲ့ ဒီမှာ တွေ့ခဲ့တာတွေက သူတို့အာဂျင်တာတွေနဲ့ ပတ်သက်တယ်ဆိုပေမဲ့ - ဥပမာ အခုဆိုရင် အစိုးရနဲ့ ပတ်သက်ပြီးမှ သူတို့ တောင်းဆိုချက်တွေက ရှိမှာဆိုတော့ ယေဘုယျအားဖြင့် အကုန်လုံး လက်ခံတာပဲ။ လက်ခံတော့ အခု အစိုးရအနေနဲ့ အများကြီးလုပ်လာတဲ့အချိန်မှာ NLD အစိုးရကနေပြီးတော့ အပေးအယူလုပ်လာတဲ့အချိန်မှာ တိုင်းရင်းသားတွေက လုပ်လာတဲ့အချိန်မှာ သူတို့ မလိုချင်တဲ့ဟာတွေကတော့ သူတို့မလုပ်အောင်လို့ ဖျက်ဆီးပစ်လိမ့်မယ်လို့ ကျနော်မြင်တာပေါ့။”

စစ်မှန်တဲ့ ပြည်တွင်း ငြိမ်းချမ်းရေး ပေါ်ပေါက်လာဖို့အတွက် တိုင်းရင်းသား လက်နက်ကိုင် အဖွဲ့အစည်းတွေနဲ့ အစိုးရအကြား အပစ်အခတ်ရပ်စဲရေး သဘောတူညီချက် လက်မှတ်ရေးထိုးလိုက်ယုံနဲ့ ပြီးဆုံးသွားတာမဟုတ်ဘဲ အဲဒီ သဘောတူညီချက်ကို စစ်တပ်က လက်တွေ့ လိုက်နာဆောင်ရွက်ခြင်း ရှိမလားဆိုတဲ့ အပေါ်မှာ အများကြီး မူတည်နေတာကြောင့် NLD အစိုးရအနေနဲ့ ဒီကိစ္စကို သဟဇာတမျှအောင် ဘယ်လို ကိုင်တွယ်သွားမလဲဆိုတဲ့အချက်က အရေးကြီးတယ်လို့ ကိုဂွမ်ဆန်းက ပြောပါတယ်။

“ပါကစ္စတန်နိုင်ငံဆိုရင် စစ်တပ်က သူ့ဟာသူ အာဏာတရပ်ရှိတယ်။ အဲ့လိုဆို နိုင်ငံခြားကနေပြီးတော့ အမေရိကန်အစိုးရဖြစ်ဖြစ်၊ ဘယ်အစိုးရဖြစ်ဖြစ် စစ်တပ်ကိုရော တမျိုးအနေနဲ့ ဘာလို့လဲဆိုတော့ တကယ့်အာဏာတည်ရှိနေတဲ့ နေရာတနေရာဆိုတော့ သူတို့လက်ခံရတယ်ဆိုတော့ စစ်တပ်ကိုရော သူတို့ကနေ စေ့စပ်တယ်။ ပါကစ္စတန်စစ်တပ်ပေါ့နော်။ ထိုနည်းတူပဲ ဒီအစိုးရကိုရော သူတို့ကနေပြီးတော့ ချဉ်းကပ်တယ်။ နှစ်မျိုးနဲ့လုပ်ရတာပေါ့။ ကျနော်တို့ ဗမာပြည်လည်း အဲ့လိုပဲ လုပ်ပါလိမ့်မယ်လို့ ထင်တယ်။ ဘာလို့လဲဆိုတော့ NLD အစိုးရအတွက်က ဒီ ၂ ခုကို ဘယ်လို ကိုင်တွယ်မလဲဆိုတာ အဲဒါ အရေးကြီးဆုံးပဲ။ အရမ်းကြီး လုပ်လိုက်မယ်ဆိုရင်တော့ ဟိုဘက်ကို ကျွံတာပေါ့နော်။ ကျနော်တို့ စိုးရိမ်တာကလည်း ဒါပဲ။ ငြိမ်းချမ်းရေးက အစိုးရနဲ့ ပြီးတော့ အစိုးရကို စာချုပ်ချုပ်လိုက်တာတော့ ဟုတ်ပါရဲ့။ ဒါပေမဲ့ စစ်တပ်ကနေပြီးတော့ အဲဒါကို လိုက်နာရဲ့လားဆိုတာ ကတော့ မေးခွန်းအကြီးကြီး ရှိတာပေါ့။ အဲဒါက။”

လက်ရှိ အခြေအနေမှာတော့ အားလုံးက NLD ဘာလုပ်မလဲဆိုတဲ့အပေါ်မှာ စောင့်ကြည့်နေကြပြီး ထောင်ပေါင်းများစွာသော စစ်ဘေးရှောင် ဒုက္ခသည်တွေ ဘယ်တော့ ကိုယ့်အိမ်ကိုယ့်ယာကို ပြန်နိုင်ကြမလဲဆိုတဲ့ အချိန်ကို မျှော်လင့် စောင့်ဆိုင်းနေကြပါတယ်။

ကိုဇော်ဝင်းလှိုင်/VOA
http://burmese.voanews.com/content/myanmar-peace-process/3217494.html


သာယာဝတီ မတ် ၃

သာယာဝတီခရိုင်လက်ပံတန်း မြို့နယ် ရေငံကျေးရွာအုပ်စု ဂုံမင်း ရှိုးအစုနေ (ဘ)ဦး----၏ သမီး ဖြစ်သူ မ---- အသက် ၁၅ နှစ်ကို နယ်ထိန်းအမည်ခံ ကိုနေလင်းဦးဆိုသူက တောင်ပေါ်သစ် လှည်းများကို အခကြေးငွေတောင်းခံသည့် တည်းခိုနေထိုင်သော အိမ် ရှင်၏သမီးဖြစ်သူကို ဖေဖော်ဝါရီ ၂၈ရက်က အဓမ္မအလိုမတူ သား မယားပြုကျင့်ခဲ့ကြောင်း သိရ သည်။

အဆိုပါကိစ္စဖြင့် အဓမ္မပြုကျင့် ခံရသူ မ----၏ မိခင်ဖြစ်သူက ''ကျွန်မတို့နေထိုင်တဲ့တဲကို လွန်ခဲ့ တဲ့နှစ်ပတ်ကျော်ခန့်က လက်ပံ တန်းရဲတပ်ဖွဲ့မှဆိုပြီး နယ်ထိန်း နေလင်းဦးနဲ့ တင်ထွေးဆိုသူ နှစ်ဦး ရောက်ရှိလာတယ်။ သူတို့ဟာ လက်ပံတန်းရဲစခန်းအတွက် ဘတ် ဂျက်ငွေလိုနေသဖြင့် ဒီတဲမှာတည်း ခိုပြီး သစ်လှည်းတွေကို ငွေတောင်း ဖို့တာဝန်နဲ့လာကြောင်း ပြောပါ တယ်။ ကျွန်မတို့မှာ ရဲဆိုကြောက် သဖြင့် သူတို့ပြောတဲ့အတိုင်း ဘာမှ မပြောဘဲ လက်ခံထားလိုက်ပါ တယ်။ အဲဒီနောက် သူတို့တွေဟာ တောင်ပေါ်မှလာတဲ့သစ်လှည်းတွေ ကို သူတို့နှစ်ဦးဟာ နယ်ထိန်းလို့ ပြောပြီး အခကြေးငွေတောင်းပါ တော့တယ်။ ဒီလိုနဲ့ ကျွန်မတို့ အနေနဲ့ နောင်တစ်ချိန်မှာ သူတို့ တောင်းထားတဲ့ သစ်လှည်းတွေ ဟာ သူတို့မရှိရင် ကျွန်မတို့ကို ရန် လုပ်မှာကြောက်လို့ ဆရာတို့အနေ နဲ့ တခြားနေရာမှာတောင်းပါလို့ နယ်ထိန်းနေလင်းဦးနဲ့ တင်ထွေး ကိုပြောသောအခါ ကျွန်မတို့တဲ တွင်မနေတော့ဘဲ ပြောင်းသွားပါ တယ်။ ဒါပေမဲ့ နယ်ထိန်း နေ လင်းဦးကတော့ အမြဲပြန်လာပြီး တောင်းနေတယ်။ ဒီလိုနဲ့ ဖေဖော် ဝါရီ ၂၈ ရက် နံနက် ၁ဝ နာရီ ကျော်လောက်မှာ ကျွန်မခရီးမှပြန် စဉ် ချုံပုတ်ထဲတွင်စကားပြောသံ ကြားပြီး အိမ်သို့ကြည့်သောအခါ အိမ်ရှေ့တွင် ဆိုင်ကယ်တစ်စီးရပ် ထားတာကိုတွေ့ရပါတယ်။ အဲဒီ နောက်ချုံပုတ်အတွင်းမှထွက်လာ သူဟာနယ်ထိန်းကိုနေလင်းဦးဖြစ် ပြီး သမီးဖြစ်သူ မ----မှာ ရှေ့ ဆင့် နောက်ဆင့်ထွက်လာခဲ့တာ တွေ့မြင်ရပါတယ်။ ကျွန်မ သမီး နွားကျောင်းနေစဉ် ပါးစပ်ပိတ်ပြီး နွားကျောင်းတဲ့နေရာ သစ်ချိုးပုံ အတွင်းသို့ခေါ်ဆောင်ပြီး အတင်း အဓမ္မပြုကျင့်မှုခံရတာဖြစ်ပါတယ်'' ဟုပြောသည်။

အဆိုပါလက်ပံတန်းရဲစခန်းမှ ရဲအုပ်သန့်ဇင်ထွန်းကအမှုကိုလက်ခံ ကိုင်တွယ်ပြီး ရဲစခန်းက (ပ)၈ဝ/ ၂ဝ၁၆ ပြစ်မှုဆိုင်ရာ ပုဒ်မ ၃၇၆/ ၅၁၁ ဖြင့် အမှုစွဲဆိုနိုင်ရန် ဆောင် ရွက်ကြောင်းသိရသည်။

သခင်ဖိုးလှ(သာယာဝတီ)
The Union Daily
http://uniondaily.net


    ရန်ကုန်၊ မတ် ၃ ရက် (ဆင်ဟွာ)

    ရန်ကုန် စတော့ခ်အိတ်ချိန်း (Yangon Stock Exchange) တွင် အစုရှယ်ယာ လက်မှတ်များအား ယခုလ တတိယပတ်မှ စတင် ရောင်းဝယ် ခွင့်ပြုမည် ဖြစ်ကြောင်း မြန်မာ့ ငွေချေးသက်သေခံလက်မှတ်များ ကြီးကြပ်ရေး ကော်မရှင် (SECM) ဥက္ကဋ္ဌ ဒေါက်တာ မောင်မောင်သိမ်းက မတ်လ ၂ ရက်တွင် ပြောသည်။

ရန်ကုန် စတော့ခ်အိတ်ချိန်းတွင် စာရင်းဝင်သည့် ကုမ္ပဏီ ၆ ခု စာရင်းအား ၂၀၁၅ ခုနှစ် ဒီဇင်ဘာလက ကြေ ညာခဲ့ပြီး ထိုကုမ္ပဏီများထဲမှ ၁ ခု၊ ငွေချေးသက်သေခံလက်မှတ်များ ကုမ္ပဏီ ၅ ခုနှင့် ငွေပေးချေ စာရင်းရှင်း လင်းမှု ဘဏ် (Fund settlement bank) တစ်ခုအဖြစ် ကမ္ဘောဇဘဏ် စသည့်တို့ဖြင့် လတ်တလော ရန်ကုန် စတော့ခ်အိတ်ချိန်း၌ အရောင်းအဝယ် ပြုလုပ်ရန် စတင်မည် ဖြစ်ကြောင်း ဒေါက်တာ မောင်မောင်သိမ်းက ဖုန်းကတဆင့် ဆင်ဟွာသို့ ပြောသည်။

ရန်ကုန် စတော့ခ်အိတ်ချိန်းတွင် အရောင်းအဝယ်ပြုလုပ်မည့် စာရင်းဝင် ကုမ္ပဏီ တစ်ခု၏အမည်အား ထုတ်ဖော် ပြောကြားထားခြင်း မရှိကြောင်း၊ အခြား စာရင်းဝင်ကုမ္ပဏီများမှာလည်း ၎င်းတို့ အဆင်သင့် ဖြစ်သည့် ကဏ္ဍ များဖြင့် စတော့ခ်အိတ်ချိန်း အရောင်းအဝယ်၌ ပါဝင်မည် ဖြစ်ကြောင်း သိရသည်။

ထို့ပြင် မြန်မာ သီလဝါ အထူးစီးပွားရေးဇုန် အများပိုင် ကုမ္ပဏီ၏ ဥက္ကဋ္ဌ ဦးဝင်းအောင်ကလည်း ရန်ကုန် စတော့ခ်အိတ်ချိန်း ကနဦး အရောင်းအဝယ် ပြုလုပ်ရာ၌ ပါဝင်ရန် အဆင့်ဖြစ်နေပြီဟု ဆင်ဟွာသို့ ပြောသည်။

၂၀၁၄ ခုနှစ် ဒီဇင်ဘာလ ၂၃ ရက်တွင် လက်မှတ်ရေးထိုးခဲ့သည့် သဘောတူညီမှုအရ ရန်ကုန် စတော့ခ်အိတ် ချိန်းအား တိုကျို စတော့ခ်အိတ်ချိန်းနှင့် ဒိုင်ဝါ ငွေချေးသက်သေခံလက်မှတ်များ အုပ်စုက ၄၉ ရာခိုင်နှုန်း၊ နိုင်ငံ ပိုင် မြန်မာ့ စီးပွားရေးဘဏ်က ၅၁ ရာခိုင်နှုန်း ပိုင်ဆိုင်ထားသည်။ ရန်ကုန် စတော့ခ်အိတ်ချိန်း အောင်မြင်လာပါ က နိုင်ငံခြားသား ရင်နှီးမြှုပ်နှံသူများအား ခွင့်ပြုသွားမည် ဖြစ်ကြောင်း SECM ထံက သိရသည်။

(Xinhua)
http://www.xinhuamyanmar.com


ရန်ကုန်မြို့ အနောက်ဘက် ပန်း လှိုင်မြစ်နှင့်တွံတေးတူးမြောင်းကြား လှိုင်မြစ်နှင့် လှိုင်သာယာ-တွံတေး ကားလမ်းကြားမြေဧကသုံးသောင်း ခန့်တွင် အကောင်အထည်ဖော် တည်ဆောက်မည့်ရန်ကုန်မြို့သစ်စီမံကိန်း ကြောင့် မြေဈေးများထိုးတက်သွားသည်။ ယခင်က လယ်တစ်ဧကလျှင် ကျပ်သိန်း ၁ဝဝ ဝန်းကျင်သာ ဈေးရှိသော လယ်ကွက်များမှာ စီမံကိန်းပြုလုပ်မည်ဆိုသောကြောင့် ကျပ်သိန်း ၅ဝဝ အထိ ဈေးပေါက် လျက်ရှိသော်လည်း ရောင်းချမည့် သူမရှိကြောင်း ဒေသခံများက ပြောသည်။

''စီမံကိန်းပထမတစ်ခေါက် ပျက်သွားတုန်းက ဈေးတွေပြန်ကျ သွားတယ်။ အခုစီမံကိန်းဖြစ်တယ် ဆိုတော့ ဈေးတွေပြန်တက်လာတယ်။ တစ်ဧကကို ကျပ်သိန်း ၁၅ဝ ကနေသိန်း၅ဝဝအထိပေါက်တယ်။ ဒါပေမဲ့ရောင်းမယ့် သူမရှိဘူး။ ဈေး ထပ်ပြီးတော့တက်မှာကို ဒေသခံ တွေကသိနေတယ်'' ဟု ရန်ကုန် အနောက်တောင်ဒေသဖွံ့ဖြိုး တိုးတက် ရေးအဖွဲ့မှ အတွင်းရေးမှူး ဦးခင် မောင်ခန့်က ပြောသည်။

 စီမံကိန်း တွင်တံတားကြီးငါးစင်းနှင့်တံတား ငယ်သုံးစင်းပါဝင်မည်ဖြစ်ပြီးတံတား များပြီးစီးပါက လယ်မြေဈေးများမှာ သုံးဆခန့် မြင့်တက်လာနိုင်၍ မရောင်းချကြရန် အဖွဲ့ကပညာပေး များလည်း လုပ်ဆောင်နေသည်ဟု ဆိုသည်။

 ရန်ကုန်မြို့သစ်စီမံကိန်း ကို ကုမ္ပဏီသုံးခုက လုပ်ကိုင်ခွင့် တင်ဒါ အောင်မြင်ထားပြီး ယခုလတွင်း အကောင်အထည်ဖော်မည် ဖြစ်သည်။

ရကောက်
The Union Daily
http://uniondaily.net/


ရန်ကုန်မြို့တွင်း မြို့နယ် ၃ ခုရှိ ရပ်ကွက်အချို့တွင် မတ်လ ၃ ရက်မှစတင်ကာ ငါးရက်ကြာသည်အထိ ရေပြတ်တောက်မည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ၏ ရေသန့်ဌာနမှ သိရှိရသည်။

ရေပြတ်တောက်မည့် မြို့နယ်များတွင် မရမ်းကုန်းမြို့နယ် အမှတ် (၅)၊ (၆)၊ (၇)နှင့် (၈)ရပ်ကွက်များ၊ ဗဟန်းမြို့ နယ် ရွှေတောင်ကြား (၁)ရပ်ကွက်၊ ရွှေတောင်ကြား (၂)ရပ်ကွက်နှင့် ဆရာစံရပ်ကွက်များ၊ ကမာရွတ်မြို့နယ် အမှတ်(၉)ရပ်ကွက်နှင့် အမှတ်(၁၀)ရပ်ကွက်များ ဖြစ်ကြောင်း သိရသည်။

“ဂျပန်နဲ့စီမံကိန်းအရ လှော်ကားက ရေပိုက်လိုင်းကို ကမ္ဘာအေးဘုရားလမ်း တစ်လျှောက်နားမှာ ရေပိုက်ကို ပြန်ဆက်နေလို့ပါ။ သက်တမ်းကြာလာတော့ ရေယိုစိမ့်တာတွေများလို့ ပိုက်အသစ် ပြန်ဆက်တာပေါ့။ စည်ပင်က ပိုက်အဟောင်းနဲ့ ဂျပန်က ရေပိုက်အသစ် အစားထိုး ပြန်ဆက်တာပါ” ဟု ရန်ကုန်မြို့တော် စည်ပင်သာယာရေး ကော်မတီ ရေသန့်ဌာနမှ လက်ထောက်ဌာနမှူး ဒေါ်သွဲ့နိုင်ဦးက ပြောသည်။

ဂျပန်နိုင်ငံအစိုးရ၏ အထောက်အပံ့ဖြင့် အကောင်အထည်ဖော် ဆောင်ရွက်ခဲ့သော ကမ္ဘာအေးဘုရား လမ်းတစ်လျှောက် ၁၀၀၀ ဒိုင်ယာမီလီမီတာ ရေပို့ပိုက်လိုင်း ဆက်သွယ်ခြင်း လုပ်ငန်းများမှာ ပြီးစီးတော့မည် ဖြစ်၍ လက်ရှိပိုက်လိုင်းနှင့် လိုင်းပေါင်း ဆက်သွယ်ခြင်း လုပ်ငန်းကို မတ်လ ၃ ရက် နံနက် ၈ နာရီမှ မတ်လ ၇ ရက် နံနက် ၈ နာရီအတွင်း ပြီးစီးအောင် ဆောင်ရွက်နေကြောင်း သိရသည်။

အဆိုပါ နေရာများတွင် နေထိုင်သူများအနေဖြင့် ရေဖြတ်တောက်ထားသည့် ကာလအတွင်း ကိုယ်ပိုင် အစီအစဉ်ဖြင့် ရေကြိုတင် စုဆောင်းထားရန် ရန်ကုန်မြို့တော် စည်ပင်သာယာရေး ကော်မတီက ကြေညာထားသည်။

သတင်း - MMK
Photo - Zwe Htet
The Ladies News
https://www.facebook.com/News.TheLadies


မိတ္ထီလာမြို့ အောင်ဇေယျာရပ် ကွက် မန္တလေးလမ်းအထွက် ကမ္ဘောဇဘဏ်(၄)ရှေ့တွင် ဖေဖော် ဝါရီ ၂၉ရက် ည၁၁နာရီ မိနစ် ၂ဝ ခန့်ကဘဏ်လုံခြုံရေးဝန်ထမ်းကျော် ဖြိုးအောင်နှင့်မျိုးမင်းဆန်းတို့ တာ ဝန်ယူဆောင်ရွက်နေစဉ် အမည်မသိ အသက်(၃၅)နှစ်ခန့်ရှိ၊ လူလတ် ပိုင်းတစ်ဦး ရောက်ရှိလာပြီး 'မင်း တို့ရဲ့အထက်အကြီးအကဲ' ဟု ယုံကြည်အောင်ပြောဆိုပြီး ဘဏ် ရှေ့တွင် မိုးကာအုပ်၍ ရပ်ထား သော YGN 6I/ ----- တိုယိုတာ ဖီလ်ဒါ၊ နက်ပြာရောင်ကားအား ကားသော့တောင်း၍ မြို့တွင်းသို့ မောင်းနှင်သွားခဲ့သည်။

တာဝန်ခံမန်နေဂျာနှင့် လုံခြုံ ရေးဝန်ထမ်းများက မသင်္ကာသဖြင့် မိတ္ထီလာမြို့ အမှတ်(၂)ရဲစခန်းသို့ တိုင်ကြားခဲ့သည်။ သတင်းရလျှင် ရခြင်း မြို့နယ်ရဲတပ်ဖွဲ့မှူးထံ သတင်းပေးပို့ခဲ့ရာ မြို့နယ်ရဲတပ် ဖွဲ့မှူး ရဲမှူးမောင်ရွှေက ခရိုင်ရဲတပ် ဖွဲ့မှူး ဒုတိယရဲမှူးကြီး စဝ်နေ လင်းကို သတင်းပေးပို့ခဲ့ရာ ခရိုင် ရဲတပ်ဖွဲ့မှူး၏ ဦးဆောင်မှု၊ မြို့ နယ်ရဲတပ်ဖွဲ့မှူး ရဲမှူး မောင်ရွှေ၏ ကြီးကြပ်ကွပ်ကဲမှုဖြင့် တောမ မောင်းတံဂိတ်၊ မြတ်နိုးသူမောင်း တံဂိတ်၊သီးကုန်းတိုးဂိတ်၊ မလှိုင် မောင်းတံဂိတ်၊ တပ်ထိန်းဂိတ်၊ သပြေဝတိုးဂိတ်၊ မလှိုင်အဝင် ကုန်း တဲမောင်းတံဂိတ်၊ ဝမ်းတွင်းမြို့ အလယ်ဂိတ်၊ သာစည်မြို့အဝင်တို့ ကို မိတ္ထီလာ၊ ဝမ်းတွင်း၊ မလှိုင်၊ သာစည် စသည့်မြို့နယ်များက တာဝန်ရှိသောရဲတပ်ဖွဲ့ဝင်များအသီး သီးနေရာယူပြီး ပိတ်ဆို့စစ်ဆေး ရှာဖွေခဲ့ကြသည်။

ဤကဲ့သို့ပိတ်ဆို့ရှာဖွေစစ်ဆေး ရာ အဆိုပါယာဉ်သည် သပြေဝတိုး ဂိတ်အားဖြတ်သန်း၍ မန္တလေး ဘက်သို့ မောင်းနှင်သွားကြောင်း သိရသည်။

မိတ္ထီလာခရိုင် ရဲတပ်ဖွဲ့မှူး ဒုတိယရဲမှူးကြီး စဝ်နေလင်းသည် သတင်းရလျှင်ရခြင်း ခရိုင်ချင်း ချိတ်ဆက်၍ ရှာဖွေကြရာ ယမန်နေ့ နံနက် ၃နာရီတွင် အဆိုပါယာဉ်အား ကျောက်ဆည်ခရိုင်၊ စဥ့်ကိုင် တိုး ဂိတ်တွင် ဖမ်းဆီးရမိခဲ့သည်။ အဆို ပါဘဏ်ကားအား ခိုးယူမောင်း နှင်ထွက်ပြေးသူမှာ ရန်ကုန်မြို့ လမ်းမတော်မြို့နယ် အမှတ် ၅၅/၅၆ ဗဟိုစည်ပင်ရပ်ကွက်နေ အောင် ကျော်ထွန်း(ခ)ဂျင်ဂျင်ရမ်း အသက် (၃၄နှစ်)ဖြစ်သည်ဆို၏။ ဘဏ် ကားအား မောင်းနှင်ခိုးယူထွက် ပြေးသူကို ခရိုင်ရဲတပ်ဖွဲ့မှူး၏ ဦးဆောင်မှုနှင့် ခရိုင်ချင်းချိတ်ဆက် ကူညီပေးမှုကြောင့် နံနက် ၄နာရီ အတွင်း ဖမ်းဆီးရမိခြင်းဖြစ်သည်။ ကားခိုးသူအား ဘဏ်မန်နေဂျာ ဒေါ်တင်ဆွေဆွေဦးက တရားလို ပြုလုပ်၍ အမှတ်(၂)ရဲစခန်းတွင် အမှုဖွင့်တိုင်ကြားရာ ရဲစခန်းက (ပ)၃၁/၂ဝ၁၆ ပုဒ်မ ၄၂ဝ ဖြင့်အမှု ဖွင့်အရေးယူထားကြောင်း သိရ သည်။

တင်လှိုင်(မိတ္ထီလာ)
The Union Daily
http://uniondaily.net


ချောင်းသာကမ်းခြေသို့ လာရောက် လည်ပတ်သည့် ပြင်သစ်နိုင်ငံသား လင်မယားထံမှ ကင်မရာနှင့် အသုံးအဆောင် ပစ္စည်းများ ထည့်ထားသော အိတ်အား ဆွဲယူထွက်ပြေးခဲ့သူများကို မတ်လ ၁ ရက်နေ့က ရန်ကုန်မြို့တွင် ဖမ်းဆီးရမိခဲ့ကြောင်း ပုသိမ်မြို့မ ရဲစခန်းက သိရှိရသည်။

ချောင်းသာကမ်းခြေရှိ ရွှေဟင်္သာဟိုတယ်တွင် တည်းခို နေထိုင်သည့် ပြင်သစ်နိုင်ငံသား လင်မယားသည် ဖေဖော်ဝါရီလ ၂၄ ရက်နေ့က တည်းခိုရာ ဟိုတယ်မှ ကျောက်မောင်နှမ ကမ်းခြေသို့ အသွား လမ်းခုလတ်တွင် ဆိုင်ကယ်ဖြင့် လိုက်လာသူနှစ်ဦးမှ လုယူခဲ့ခြင်း ဖြစ်ကြောင်း သိရသည်။

“စက်ဘီး တစ်ယောက်တစ်စီးနဲ့ သွားတာမှာ အမျိုးသားရဲ့ စက်ဘီးခြင်းထဲမှာ ထည့်ထား တာတွေကို လုပြီး ထွက်ပြေးသွားတာပါ။ မြောက်ဒဂုံ ရဲစခန်းက ကူညီဖမ်းဆီးပေးတာပါ” ဟု လိုက်လံ ဖမ်းဆီးခဲ့သော ရဲတပ်ကြပ်သူရ၀င်းက ပြောသည်။

လုယူခဲ့သူနှစ်ဦးသည် ချောင်းသာ ကမ်းခြေအနီးရှိ ဘိလပ်မြေ အုတ်ဖုတ်လုပ်ငန်းမှ အလုပ်သမားများဖြစ်ပြီး ရန်ကုန်သို့ ပြန်သွားကြောင်း စုံစမ်းသိရှိပြီးနောက် ဖမ်းဆီးနိုင်ခဲ့ခြင်း ဖြစ်ကြောင်း ပုသိမ်မြို့မ ရဲစခန်းက သိရသည်။

လက်ရှိ ဖမ်းဆီးရမိသည့် ကျော်စိုး (ခ) ရခိုင်လေးနှင့် သန်းလွင်တို့ နှစ်ဦးအား ပုသိမ်မြို့မ ရဲစခန်းမှ (ပ)၁၉/၂၀၁၆ ပြစ်မှုပုဒ်မ ၃၇၉ ဖြင့် အမှုဖွင့် အရေးယူထားကြောင်း သိရသည်။

သတင်း - MMK
The Ladies News
https://www.facebook.com/News.TheLadies

မြောက်ကိုရီးယားနိုင်ငံ (DPRK) က အရှေ့ပင်လယ်ထဲသို့ ပစ်လွှတ်ခဲ့သည့် တာတိုပစ်ဒုံးကျည်တစ်စင်း အား တွေ့ရစဉ် (ဓာတ်ပုံ-အင်တာနက်)
    ဆိုးလ်၊ မတ် ၃ရက် (ဆင်ဟွာ)

    မြောက်ကိုရီးယားနိုင်ငံ (DPRK) သည် မြောက်များစွာသော တာတိုပစ်ဒုံးကျည်များအား ၄င်း၏ အရှေ့ ပင်လယ်ထဲသို့ ပစ်လွှတ်ခဲ့ကြောင်း တောင်ကိုရီးယားနိုင်ငံ (ROK) ၏ ကာကွယ်ရေးဝန်ကြီးဌာန က မတ်လ ၃ရက်နေ့တွင်ပြောကြားခဲ့သည်။

ကာကွယ်ရေးဝန်ကြီးဌာန၏ ပြောရေးဆိုခွင့်ရှိသူ Moon Sang-Kyun က မြောက်ကိုရီးယားနိုင်ငံ (DPRK) စစ်တပ်သည် ဒေသစံတော်ချိန် ၁၀နာရီ ခန့်၌ တာတိုပစ်ဒုံးကျည် မြောက်များစွာကို Wonsan ဧရိယာမှ အရှေ့ပင်ဘယ် ထဲသို့ ပစ်လွှတ်ခဲ့ခြင်းဖြစ်ကြောင်း သတင်းစာရှင်းလင်းပွဲ၌ ပြောကြားခဲ့သည်။

ပြောရေးဆိုခွင့်ရှိသူက DPRK မှ ပစ်လွှတ်ခဲ့သည့် ဒုံးကျည်များသည် တာတိုပစ် ဒုံးကျည်များ ဟုတ်မဟုတ်ကို အတည်မပြုနိုင်သေးကြောင်းနှင့် တောင်ကိုရီးယားနိုင်ငံ (ROK) စစ်တပ်မှ အဆိုပါ ပစ်လွှတ်မှုကို လေ့လာ ဆန်းစစ်နေကြောင်း ပြောကြားခဲ့သည်။

Moon က တောင်ကိုရီးယားနိုင်ငံ (ROK) စစ်တပ်သည် မြောက်ကိုရီးယားနိုင်ငံ (DPRK)တပ်ဖွဲ့ ၏ လူပ်ရှားမှု များကို အနီးကပ်စောင့်ကြည့်လျက်ရှိပြီး ကာကွယ်ရေး စနစ်များကို အသင့်ပြင်ထားကြောင်း ပြောကြားခဲ့သည်။

မြောက်ကိုရီးယားနိုင်ငံ (DPRK) သည် ထိုသို့ပစ်လွှတ်မှုကို နယူးယောက်တွင် ကျင်းပခဲ့သော ၄င်းနိုင်ငံနှင့် ပတ်သက်၍ ကုလသမဂ္ဂ လုံခြုံရေး ကောင်စီ အစည်းအဝေး အပြီး နာရီပိုင်းအကြာတွင် ပြုလုပ်ခဲ့ခြင်းဖြစ်ပြီး အဆိုပါ ဆွေးနွေးပွဲ၌ မြောက်ကိုရီးယားမှ မကြာသေးမီက ပြုလုပ်ခဲ့သည့် နျူကလီးယား လက်နက် စမ်းသပ်မှု နှင့် ဒုံးပျံတင်လွှတ်မှု တို့နှင့် ပတ်သက်၍ ဆွေးနွေးခဲ့ကြခြင်းဖြစ်သည်။

(Xinhua)
http://www.xinhuamyanmar.com

 မြောက်ကိုရီးယားက ပဲ့ထိန်းဒုံးကျည်တွေ စမ်းသပ်ခွင့် သူတို့မှာ ရှိတယ်လို့ ပြော။
ကုလ သမဂ္ဂက မြောက်ကိုရီးယား နိုင်ငံ အပေါ် ပြင်းထန်တဲ့ ဒဏ်ခတ် ပိတ်ဆို့မှု အသစ်တွေ ချမှတ်လိုက်ပြီး နာရီပိုင်း အကြာမှာပဲ မြောက်ကိုရီးယား နိုင်ငံက တာတိုပစ် ဒုံးကျည် ၆ ခုကို ပင်လယ်ထဲ ပစ်လွှတ်ခဲ့တယ်လို့ တောင်ကိုရီးယား ကာကွယ်ရေး ဝန်ကြီးဌာနက ပြောပါတယ်။

မြောက်ကိုရီးယား အရှေ့ဘက် ကမ်းရိုးတန်းမှာ ရှိတဲ့ ဝန်ဆန် မြို့ကနေ ဒုံးကျည်တွေကို ပင်လယ်ထဲကို ပစ်ခဲ့တာလို့ တောင်ကိုရီးယား အစိုးရ ပြောခွင့်ရသူက ယွန်ဟပ် သတင်းဌာနကို ပြောပါတယ်။

အဲဒီလို ပစ်ခတ်တာဟာ ကုလ သမဂ္ဂရဲ့ ဒဏ်ခတ် ပိတ်ဆို့မှုတွေကို ပမာမခန့် ပြုတဲ့ သဘောလို့ သတင်းထောက် တွေက ပြောပါတယ်။

အဲဒီ မတိုင်မီ နာရီပိုင်း အလိုမှာတော့ မြောက်ကိုရီးယား အပေါ် အပြင်းထန်ဆုံး ဒဏ်ခတ် ပိတ်ဆို့မှုတွေကို ကုလ သမဂ္ဂ လုံခြုံရေး ကောင်စီက ကန့်ကွက်သူ မရှိ ပြဋ္ဌာန်းခဲ့တာပါ။

ပိတ်ဆို့မှုတွေထဲမှာ မြောက်ကိုရီးယားကို ဝင်ထွက်တဲ့ ကုန်စည် မှန်သမျှကို စစ်ဆေးဖို့ ပါဝင်သလို၊ အဖွဲ့အစည်း ၁၂ ခု၊ လူပုဂ္ဂိုလ် ၁၆ ယောက် တို့ကိုလည်း နာမည်ပျက် စာရင်း သွင်းခဲ့ပါတယ်။

မြောက်ကိုရီးယားက နျူကလီးယား စမ်းသပ်မှုနဲ့ ဂြိုဟ်တု လွှတ်တင်မှုတွေ အစောပိုင်းက လုပ်ခဲ့ပြီးနောက် အဲဒီလို ပိတ်ဆို့မှုတွေကို ချမှတ်ခဲ့တာ ဖြစ်ပါတယ်။

အဲဒီ ပိတ်ဆို့မှု အသစ်တွေနဲ့ ပတ်သက်ပြီး မြောက်ကိုရီးယားရဲ့ ကာလရှည် မဟာမိတ် ဖြစ်ခဲ့တဲ့ တရုတ်နဲ့ အမေရိကန် ပြည်ထောင်စုတို့ အကြား သီတင်းပတ် ၇ ပတ်ကြာ ဆွေးနွေး ခဲ့ကြရပါတယ်။

BBC Burmese
http://www.bbc.com/burmese


မိဘပြည်သူအားလုံးအတွက် Yangon Waterboom အား စတင်ဖွင့်လှစ်ပေးခဲ့ချိန်တွင် Yangon Waterboom ၏ Water Treatment System အကောင်းဆုံး မလုပ်ဆောင်နိုင်သေးသည့် နည်းပညာပိုင်းဆိုင်ရာနှင့် Operation ပိုင်းဆိုင်ရာ ချို့ယွင်းချက်များကို ယမန်နေ့က လာရောက် ပျော်ပါးခဲ့ကြသော မိဘပြည်သူများအားလုံး တွေ့ကြုံခံစားရသည့်အတွက် စိတ်မကောင်းဖြစ်မိပါသည်။


ဘက်ပေါင်းစုံမှ တွေးဆချင့်ချိန်ပြီးနောက် Management အဖွဲ့မှ Yangon Waterboom အား တစ်စုံတစ်ရာ ပြန်လည် ကြေငြာခြင်းမရှိမီ အချိန်ထိ ခေတ္တ ပိတ်ထားမည်ဖြစ်ပါကြောင်း အသိပေးကြေငြာအပ်ပါသည်။


အဆင်မပြေခဲ့သည်များအားလုံးအတွက် Yangon Waterboom မှ အနူးအညွတ် တောင်းပန်ပါသည်။ Yangon Waterboomers တို့၏ နားလည်ပေးမှု၊ ပူးပေါင်းဆောင်ရွက်မှုအားလုံးအတွက် Yangon Waterboom မှ လှိုက်လှိုက်လှဲလှဲ ကျေးဇူးတင်ရှိကြောင်း ဖော်ပြအပ်ပါသည်။

(Yangon Waterboom Facebook)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ရန်ကုန်တိုင်းဒေသကြီး သာကေတမြို့နယ်ရှိ ရန်ကုန်ရေကမ္ဘာ အပန်းဖြေဥယျာဉ် (Yangon Waterboom) စတင် ဖွင့်လှစ်ပြီးနောက် ရေသန့်စင်စနစ်နှင့် ရေလည်ပတ်မှု စနစ်တွင် ချို့ယွင်းချက်များ ရှိသည့်အတွက် တစ်လခန့် ခေတ္တပိတ်ထားမည်ဖြစ်ကြောင်း သိရှိရသည်။

“ရေသန့်စင်စနစ်နဲ့ ရေလည်ပတ်မှု စနစ် ပြုတ်ကျသွားလို့ပါ။ ပြည်ပက ပညာရှင်တွေ ဖိတ်ပြီး ပြုပြင်သွားမှာမို့ တစ်ပတ်၊ နှစ်ပတ်ကနေ တစ်လလောက်အထိ ကြာနိုင်ပါတယ်” ဟု Yangon Waterboom ၏ အခမ်းအနားနှင့် ဖျော်ဖြေရေး တာဝန်ခံ ဦးရဲဝင့်သူက ပြောသည်။

လက်ရှိတွင် အင်ဒိုနီးရှားနိုင်ငံနှင့် တရုတ်နိုင်ငံမှ ပညာရှင်များက ပြုပြင်လျက်ရှိနေပြီး Water treatment system နှင့် operation ပိုင်းဆိုင်ရာ ချို့ယွင်းချက်များကို စတင်ဖွင့်လှစ်ချိန်က လာရောက် ရေကစားခဲ့ကြသည့် မိဘပြည်သူများအားလုံး တွေ့ကြုံ့ခဲ့ရသည့်အတွက် စိတ်မကောင်းဖြစ်မိသည်ဟု Yangon Waterboom ၏ သတင်းနှင့် ပြန်ကြားရေးအဖွဲ့က သတင်းထုတ်ပြန်ထားသည်။

Yangon Waterboom စတင်ဖွင့်လှစ်သည့်နေ့တွင် ရေပိုက်လိုင်းတချို့တွင် ရေအပြည့်အဝ မလာခြင်း၊ ရေများ ညစ်နွမ်းနေခြင်း၊ ရှုခင်းသာချောင်းရေများ ဝင်ရောက်လာခြင်းနှင့် ဝန်ဆောင်မှု ပိုင်းဆိုင်ရာအချို့တွင် အားနည်းချက်များ ရှိခဲ့ကြောင်း လူမှုကွန်ရက် facebook တွင် ဝေဖန်မှုများ ထွက်ပေါ်ခဲ့သည်။ Yangon Waterboom (YWB)ကို ၂၀၁၆ ခုနှစ် မတ်လ(၂)ရက်တွင် စတင်ဖွင့်လှစ်ခဲ့ပြီး မတ်လ ၃ ရက်တွင် ပြန်လည် ပိတ်ထားခဲ့ခြင်းဖြစ်သည်။

သတင်း - MMK
The Ladies News
https://www.facebook.com/News.TheLadies

ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD အထွေထွေအတွင်းရေးမှူး ဦးစိုင်းလိတ် ကို တွေ့ရစဉ်။ Photo: Kyaw Htoon Naing/RFA
ပြည်နယ်ဝန်ကြီးချုပ်တာဝန်တွေကို အမျိုးသားဒီမိုကရေစီအဖွဲ့ချုပ်က ခန့်အပ်မယ်ဆိုရင် ဥပဒေအရ လုပ်သင့် တာဖြစ်ကြောင်းနဲ့ ပြည်နယ်အစိုးရအဖွဲ့ဝန်ကြီးတာဝန်တွေကို ကျန်တဲ့ တိုင်းရင်းသားတွေကို ဦးစားပေးသင့်ကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD အထွေထွေအတွင်းရေးမှူးး ဦးစိုင်းလိတ်က ပြောပါတယ်။

ရန်ကုန်မြို့ မီကာဆာဟိုတယ်မှာ ကျင်းပနေတဲ့ ရှမ်းတိုင်းရင်းသားအဖွဲ့တွေရဲ့ အစည်းအဝေးအပြီး ခေတ္တရပ်နားချိန်မှာ သတင်းမီဒီယာတွေရဲ့ မေးမြန်းမှုကို အထွေထွေအတွင်းရေးမှူး ဦးစိုင်းလိတ်က ဖြေကြားတာဖြစ်ပါတယ်။

"ထွက်ပေါ်လာမယ့် အစိုးရသစ် တိုင်းနဲ့ပြည်နယ်အတွက်ကို သူတို့ကဝန်ကြီးချုပ်အကုန်လုံး NLD က ယူမယ်လို့ပြောတယ်၊ ဥပဒေကြောင်းအရ မှန်ပါတယ်၊ လုပ်သင့်တယ်၊ ဒါပေမဲ့ တိုင်းရင်းသား စည်းလုံး ညီညွတ်ရေးကို ကြည့်မယ်ဆိုလို့ရှိရင်တော့ ဝန်ကြီးချုပ်နေရာတော့ယူပေါ့ဗျာ၊ ဒါပေမဲ့ ကျန်တဲ့ဝန်ကြီး အဖွဲ့တွေကတော့ ကျန်တဲ့တိုင်းရင်းသား အနိုင်ရပါတီတွေကို ဦးစားပေးသင့်ပါတယ်၊ ပါဝင်သင့်ပါဝင်ထိုက် တယ်လို့တော့ ခံယူထားတယ်၊ ဒါကြောင့်မို့လို့ အကယ်၍ ဟိုဘက်က ကမ်းလှမ်းလာတယ်ဆိုရင် ဘယ်သူတွေကတော့ဖြင့် လုပ်သင့်ပါတယ်ဆိုပြီး အကြမ်းဖျင်း ကျနော်တို့ စဉ်းစားထားတာလောက် ပဲရှိပါတယ်"

အဲ့ဒီအစည်းအဝေးကို မနက်ဖြန်မှ ဆက်လက်ကျင်းပမှာဖြစ်ပြီး ရှမ်းပြည်ပြန်လည်ထူထောင်ရေးကောင်စီ (RCSS/SSA)၊ ရှမ်းပြည်တိုးတက်ရေးပါတီ SSPP/SSA နဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ၊ ရှမ်းလူငယ်များကွန်ရက်တို့ ဆွေးနွေးနေကြတာဖြစ်ပါတယ်။

ရှမ်းအဖွဲ့အစည်းတွေ အစည်းအဝေးမှာ ရှမ်းပြည်မှာ တိုင်းရင်းသားအချင်းချင်း ဖြစ်နေတဲ့ တိုက်ပွဲတွေကိစ္စ၊ စစ်ပြေးဒုက္ခသည်တွေကို ကူညီနိုင်ရေးကိစ္စတွေကိုလည်း ထည့်သွင်းဆွေးနွေးဖို့ ရှိတယ်လို့ သိရပါတယ်။

RFA Burmese
http://www.rfa.org/burmese


နေပြည်တော်ရှိ NLD လွှတ်တော်ကိုယ်စားလှယ်များအားလုံး အင်္ဂလိပ်စာအရည်အချင်း မည်သည့်အဆင့်ရှိသည်ကို အရည်အချင်း (Level)စစ်စာမေးပွဲမဖြစ်မနေဖြေဆိုရမည်ဟုလွှတ်တော်ကိုယ်စားလှယ်များထံမှသိရသည်။

ယင်းစာမေးပွဲကို မတ်လ ၈ ရက်မှ ၁၀ ရက်အထိ ဖြေဆိုရမည်ဖြစ်ပြီး British Council မှ လာရောက်စစ်ဆေးပေးမည်ဖြစ်ပြီး အခြားပါတီများမှ လွှတ်တော်ကိုယ်စားလှယ်များလည်း ပါဝင်ဖြေဆိုနိုင်ကြောင်း သိရသည်။

ယခုအစီအစဉ်သည် ဒေါ်အောင်ဆန်းစုကြည်၏လမ်းညွှန်ချက်ဖြစ်ပြီးအခြားသော ပြည်နယ်နှင့်တိုင်းဒေသကြီးလွှတ်တော်များမှကိုယ်စားလှယ်များကိုလည်း ဖြေဆိုရန်ဆက်လက်ညွှန်ကြားမည်ဟု နေပြည်တော်ရှိ NLD လွှတ်တော်ကိုယ်စားလှယ်များ၏ ပြောဆိုချက်အရ သိရသည်။

နေနိုင်သူ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


NLD ပါတီက ဦးဆောင်ဖွဲ့စည်းခွင့်ရရှိထားသည့် အစိုးရသစ်အပေါ် တနှစ်ခန့်စောင့်ကြည့်လေ့လာပြီးမှ ဝေဖန် ပြောဆိုမှုများပြုလုပ်သင့်ကြောင်း ချက်သမ္မတနိုင်ငံ ယဉ်ကျေးမှုနှင့် ဒီမိုကရေစီစင်တာ၏ သုတေသနမှူးမစ္စတာ အီဂေါဗလာဇီဗစ် က News Watch သို့ ပြောသည်။
''နိုင်ငံတကာမှာဆိုရင်တော့ အစိုးရအဖွဲ့အသစ်တခုကို စောင့်ကြည့်ဖို့ ရက်ပေါင်း ၁၀၀၊ အချိန်သုံးလကျော်ယူ တယ်။ ရက် ၁၀၀ အတွင်း သူတို့လုပ်သမျှ မဝေဖန်သေးဘူး။ ရက် ၁၀၀ ကျော်မှ ဝေဖန်ကြတယ်။ မြန်မာနိုင်ငံ လို ပြဿနာတွေ အမြောက်အမြားရှိနေတဲ့နိုင်ငံကိုကိုင်တွယ်မယ့် NLD အစိုးရသစ်ကို အနည်းဆုံး ၃၆၅ ရက် လောက် အချိန်ပေးသင့်ပါတယ်''ဟု ၎င်းက ဆိုသည်။

NLD ပါတီအနေဖြင့် အစိုးရသစ်ကို ဦးဆောင်ဖွဲ့စည်းရာတွင် တိုင်းရင်းသားများကို ၃၀ ရာခိုင်နှုန်းခန့် နေရာပေးသင့်ကြောင်း အီဂေါဗလာဇီဗစ်က ဆက်လက်ပြောကြားသည်။
''NLD အနေနဲ့ တိုင်းရင်းသားတွေကို အစိုးရအဖွဲ့ထဲမှာ နေရာပေးကိုပေးသင့်ပါတယ်။ ဒါက စစ်မှန်တဲ့ ဖက်ဒရယ်စနစ်ကို ဖော်ဆောင်ခြင်းရဲ့ နည်းလမ်းတခုပါ။ ၃၀ ရာခိုင်နှုန်းကို စ,စချင်း အကုန်လုံးနေရာပေးဖို့ မဆို လိုပါဘူး။ တနှစ်ကို ၅ ရာခိုင်နှုန်း၊ ၆ ရာခိုင်နှုန်းဆီလောက် နေရာပေးသွားရင်လည်း အဆင်ပြေပါတယ်''ဟု ရန်ကုန်မြို့အခြေစိုက်ပညာ့ရှေ့ဆောင်အဖွဲ့၏ ကျောင်းအုပ်ကြီး တာဝန်ကိုပါ ပူးတွဲထမ်းဆောင်နေသူ မစ္စတာ အီဂေါဗလာဇီဗစ်က ပြောကြားသည်။

NLD ပါတီဦးဆောင်သည့် အစိုးရသစ်ကို အချိန်ပေးရမည်မှာ မှန်သော်လည်း ပြည်သူ့ဆန္ဒနှင့် ကိုက်ညီမှုမရှိ သည့်ကိစ္စရပ်များ ဖြစ်ပေါ်လာပါက ဝေဖန်ထောက်ပြမှုများပြုလုပ်ရမည်ဖြစ်ကြောင်း ၁၉၉၀ ပြည့်နှစ် ရွေးကောက် ပွဲအနိုင်ရကိုယ်စားလှယ်တဦးဖြစ်သူ ဦးဒေးဗစ်လှမြင့်က ပြောသည်။
အမျိုးသားဒီမိုကရေစီအဖွဲ့ချုပ် (NLD) ပါတီသည် ၂၀၁၅ ခုနှစ် နိုဝင်ဘာ ၈ ရက်က ကျင်းပခဲ့သည့် အထွေထွေ ရွေးကောက်ပွဲတွင် ပြည်ထောင်စုလွှတ်တော်အတွက် ကိုယ်စားလှယ် ၃၉၀ အနိုင်ရရှိခဲ့ပြီး အစိုးရဖွဲ့စည်းနိုင် သည့် ကိုယ်စားလှယ်အရေအတွက်ထက် ကျော်လွန်ခဲ့သည်။

နန္ဒမျိုးဆောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ကမ်ပါလာ ၊ ၃-၃-၂၀၁၆

ယူဂန်ဒါနိုင်ငံ အလယ်ပိုင်းရှိ ခရိုင်များစွာ တွင် မကြာသေးမီက ကျင်းပခဲ့သော ရွေးကောက်ပွဲ၌ အနိုင်ရရှိစေရန် နိုင်ငံရေးသမား များက ကလေးငယ် များကို သတ်ဖြတ်၍ ယဇ်ပူဇော် ခဲ့ကြကြောင်း လူသားချင်း စာနာ ထောက်ထားမှု ဆိုင်ရာ ကလေးငယ်များ ကယ်ဆယ်ရေး အဖွဲ့ KCM ၏ ထုတ်ပြန်ချက် အရ သိရသည်။

၎င်းနိုင်ငံရှိ အက်စ်ဆမ် ဘာဘဲလ်၊ မူကွန်နို၊ ဘိုင်ကွေ နှင့် မူဘန်နီခရိုင် တို့တွင် ကလေးငယ် ခြောက်ဦးကို ကိုယ်အင်္ဂါများ ဖြတ်တောက်၍ သတ်ဖြတ် ထားကြောင်းနှင့် ၄င်း ကလေးငယ်များ သတ်ဖြတ်မှုကို သမ္မတ ရွေးကောက် ပွဲနှင့် ပါလီမန် ရွေးကောက်ပွဲ ကာလအတွင်း ၂ဝ၁၅ ခုနှစ် အောက်တိုဘာ လနှင့် ၂ဝ၁၆ ခုနှစ် ဖေဖော်ဝါရီလ တို့တွင် လုပ်ဆောင် ခဲ့ခြင်းဖြစ်ကြောင်း KCM အဖွဲ့က ပြောကြား ထားသည်။

ကလေးငယ် များအား သတ်ဖြတ်ခဲ့ သူများကို ဖမ်းဆီးပြီး ထိန်းသိမ်းထား သော်လည်း ၄င်းတို့အား တရားစွဲဆို နိုင်ခြင်းမရှိသေး ကြောင်းနှင့် ကလေးငယ်များကို သတ်ဖြတ် ယဇ်ပူဇော်မှုသည် ရွေးကောက်ပွဲ ကာလအတွင်း မကြာခဏ ဖြစ်လေ့ရှိကြောင်း KCM အဖွဲ့မှ ရှီလင်ကာဆိုဇီ က ပြောကြား ထားသည်။

ယူဂန်ဒါနိုင်ငံ တွင် အရွယ်ရောက် ကလေးငယ် များကို သတ်ဖြတ်မှုများ မကြာခဏ လုပ်ဆောင် နေကြပြီး သက်ရှိ လူသားတစ်ဦး ကို သတ်ဖြတ်ခြင်းသည် ယုံကြည်မှုနှင့် ဓလေထုံးတမ်း များအဖြစ် လုပ်ဆောင်ခြင်း ဖြစ်သည်ဟု အများစုက ယုံကြည် ထားကြောင်း သိရသည်။

PyiChitThar
http://www.pyichitthar.com


ရေမဆေးကောက်ပြီး ဆိုင်ကယ်ဖြင့် ပြန်လာသည့် လူငယ်နှစ်ဦးအား ယမန်နေ့ မတ်လ ၂ရက်နေ့ နံနက် ၁၀နာရီအချိန်တွင် အောင်ဟိန်းမင်းကုမ္ပဏီ မြေဇာသယ်ကား ဖြင့် ယာဉ်တိုက်မှုဖြစ်သဖြင့် မောင်ဒေါင်ခေါင်း အသက် ၂၂နှစ် မှာ ပွဲချင်းပြီး သေဆုံးသွားပြီး ကျန်တစ်ဦးမှာ ခြေထောက်တွင် ဒဏ်ရာရှိခဲ့ကြောင်း သိရသည်။

မော်မောင်းဘွမ်မှ မော်ဝမ်းကြီးသို့ ရေမဆေးကောက်ပြီးဆိုင်ကယ်ဖြင့်ပြန်လာစဉ် မြေစာသယ်ကားကြီး ဖြင့် နောက်မှ ဝင်တိုက်ခဲ့ပြီး ယာဉ်မောင်းဖြစ်သူမှာ အောင်ဟိန်းမင်းကုမ္ပဏီဝင်းသို့ မောင်းပြေးသွားခဲ့ကြောင်း သိရသည်။

ဖားကန့်တွင် မြေစာသယ်ယာဉ်ကြီးဖြင့် ယာဉ်တိုက်မှု မကြာခဏဖြစ်ပွားလျှက်ရှိသည်။

Kachinwaves
https://www.facebook.com/kachinwavesnews


တရုတ်နိုင်ငံမှ ကျောက်စိမ်း ၀ယ်ယူသူများအား တရုတ် အစိုးရမှ ချေးငွေထုတ်မပေးတော့ သောကြောင့် မြန်မာ့ကျောက်စိမ်း ဈေးကွက် လုံးဝရပ်ဆိုင်းသွားကြောင်း ကျောက်မျက်ဈေးကွက်မှ သိရသည်။

“ကျောက်စိမ်း စုဆောင်းဝယ်ယူသူတွေကို အစိုးရက ငွေကြေး ထုတ်ပေးဖို့ နောက်ဆုတ်ထားတယ်။ စီးပွားရေး သမားကြီးတွေက ဘဏ်တွေနဲ့ ချိတ်ဆက် လုပ်ငန်းလုပ်ရတာ။ အဲဒါတွေကြောင့် မြန်မာနိုင်ငံ ကျောက်စိမ်း ဈေးကွက် ၁၀၀ ရာနှုန်း ရပ်ဆိုင်းသွားတာပါ ” ဟု မြန်မာနိုင်ငံ ကျောက်မျက်လုပ်ငန်းရှင်များအသင်း ဗဟိုအလုပ်အမှုဆောင်၊ ကျောက်မျက် လုပ်ငန်းရှင်များ အသင်း(မန္တလေး) နာယက ဦးစိုးနိုင်က ပြောသည်။

တရုတ်အစိုးရမှ ၂၀၁၅ ခုနှစ်၊ နိုဝင်ဘာလ ၀န်းကျင်မှ စတင်ကာ ယခုအထိ တရုတ်ကျောက်စိမ်း ကုန်သည်များ အား ချေးငွေ မပေးတော့သဖြင့် မြန်မာ့ကျောက်စိမ်းများ လုံးဝအရောင်းအ၀ယ်မရှိတော့ခြင်း ဖြစ်သည်။
“ ဒီမှာက ပညာရှင်လည်းနည်းတော့ ကုန်ကျစရိတ်ကလည်း များတယ်။ ဒါ့အပြင် အစိုးရကလည်း ကျောက်စိမ်း ၀ယ်တဲ့သူတွေကို ချေးငွေ မထုတ်ပေးတော့တဲ့အတွက် ကျောက်စိမ်းဈေးကွက် လုံးဝ ရပ်သွားတာပါ” ဟု ကျောက်မျက်လုပ်ငန်းရှင် ဦးဇော်ဇော်က ပြောသည်။

ပြည်တွင်း ကျောက်စိမ်းဈေးကွက်အတွင်း ကုမ္ပဏီပေါင်း ၇၀၀ ခန့်ရှိရာ လက်ရှိကုမ္ပဏီ ၅၀ ခန့်သာ လုပ်ငန်း လုပ်ဆောင်နိုင်သည့် အခြေအနေ ရှိကြောင်း ကျောက်စိမ်း လုပ်ကိုင်နေသူများထံမှ သိရသည်။

တရုတ်နိုင်ငံသည် မြန်မာနိုင်ငံမှ ကျောက်စိမ်း အကြမ်းထည်များကို အဓိကထား ၀ယ်ယူနေပြီး မြန်မာနိုင်ငံ အတွင်းမှ ကျောက်စိမ်း တစ်လလျှင် တရားဝင်တန်ချိန် ၂၅၀၀ ထွက်ရှိနေကြောင်း မြန်မာနိုင်ငံ ကျောက်စိမ်း
လုပ်ငန်းရှင်များ အသင်းထံက သိရသည်။

သတင်း - MMK
The Ladies News
https://www.facebook.com/News.TheLadies


ကမ္ဘာပတ်လမ်းထဲမှာ ရက်ပေါင်း ၃၄၀ ကြာ နေထိုင်ခဲ့တဲ့ အမေရိကန် အာကာသယာဉ်မှူး Scott Kelly နဲ့ ရုရှားက အာကာသယာဉ်မှူး Mikhail Kornienko တို့ ၂ ဦးဟာ အခု ကမ္ဘာမြေပေါ်ကို ချောချောမောမော ပြန်လည် ရောက်ရှိလာပြီ ဖြစ်ပါတယ်။

ရုရှား Soyuz အာကာသယာဉ်က Kelly နဲ့ Kornienko တို့ ၂ ဦးအပြင် နောက် ရုရှား အာကာသယာဉ်မှူး တဦးဖြစ်တဲ့ Sergey Volkov တို့ကိုပါ သယ်ဆောင်လာတာ ဖြစ်ပါတယ်။ Soyuz ယာဉ်ဟာ ISS အပြည်ပြည်ဆိုင်ရာ အာကာသစခန်းကနေ ထွက်ခွာလာပြီး ၃ နာရီအကြာ ဗုဒ္ဓဟူးနေ့ မနက် စောစောမှာ ရေခဲနေတဲ့ Kazakhstan က မြေပြင်ပေါ်မှာ ညှင်ညှင်သာသာပဲ သက်ဆင်းခဲ့တာပါ။ Volkov ကတော့ ISS ပေါ်မှာ ၆ လကြာနေထိုင်ပြီး ပြန်လာတဲ့သူ ဖြစ်ပါတယ်။

အာကာသယာဉ်မှူး Kelly ဟာ အာကာသထဲမှာ အကြာဆုံးနေထိုင်တဲ့ လူသားအဖြစ် အမေရိကန် စံချိန်တင်သွားပြီ ဖြစ်ပါတယ်။ သူနဲ့ Kornienko တို့ ၂ ဦးဟာ အပြည်ပြည်ဆိုင်ရာ အာကာသစခန်းမှာနေရင်း ကမ္ဘာကို အကြိမ်ပေါင်း ၅၄၄၀ ပတ်ခဲ့တာမို့ သန်းပေါင်း ၁၄၄ မိုင်သွားခဲ့ပြီး နေဝင်နေထွက် ကြိမ်ပေါင်း ၁ သောင်းကျော် မြင်တွေ့ခဲ့သူတွေ ဖြစ်ပါတယ်။

သူတို့ ၂ ဦးရဲ့ အာကာသခရီးစဉ်ကနေ လူသားတွေရဲ့ ခန္ဓာကိုယ်နဲ့ စိတ်ဟာ မြေဆွဲအား အနည်းငယ်ပဲရှိတဲ့ အရပ်ဝန်းကျင်မှာ ဘယ်လောက်ကြာကြာ နေနိုင်တယ်ဆိုတာကို စမ်းသပ်ခဲ့တာပါ။ ဒါဟာ အာကာသထဲမှာ နှစ်ပေါင်းများစွာ နေထိုင်ဖို့ လိုအပ်တဲ့ အင်္ဂါဂြိုဟ် ဒါမှမဟုတ် တခြား နေစကြာဝဠာထဲက တခြားနေရာတွေကို သွားမယ့် အာကာသယာဉ်မှူးတွေအတွက် ရည်ရွယ် စမ်းသပ်တာလည်း ဖြစ်ပါတယ်။

၁၉၉၀ နှစ်တွေတုန်းကတော့ ရုရှားဆရာဝန်တဦးဟာ အာကာသထဲမှာ ရက်ပေါင်း ၄၃၈ ရက် ဆက်တိုက် နေနိုင်ကြောင်း ပြသခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

 ကျောင်းတက်ခွင့်၊ ဆေးကုသ မှု ခံယူခွင့် တွေကို လည်း ငြင်းပယ် ခံ ထားရ။
ရခိုင်ပြည်နယ် မြေပုံ မြို့နယ် အနီးက ရိုဟင်ဂျာ မွတ်ဆလင်မ် ဒုက္ခသည် စခန်း ကို ပြီးခဲ့တဲ့ ဖေဖေါ်ဝါရီလ တုန်းက ကိုယ်တိုင် သွားရောက်ခဲ့တဲ့ ကုလသမဂ္ဂ သမဂ္ဂ အဖွဲ့ရဲ့ လူသားချင်း စာနာမှုဆိုင်ရာ ညှိနှိုင်းရေးရုံး UNOCHA အဖွဲ့ရဲ့ လုပ်ငန်း ဆောင်ရွက်မှု ဆိုင်ရာ ညွှန်ကြားရေးမှူး ဂျွန်ဂင်း က စခန်းတွင်း ယာယီ နေထိုင်ရာ အဆောက်အဦ တွေ ရဲ့ အမိုးအကာ ပြိုကျ ပျက်စီး နေတဲ့ အခြေအနေ တွေ၊ ပတ်ဝန်းကျင် သန့်ရှင်း မှု မရှိ တဲ့ အခြေအနေ တွေ တွေ့ ခဲ့ရတဲ့ အတွက် တုန်လှုပ် မိတယ် ဆိုပြီး ပြောလိုက် ပါတယ်။

အဲဒီ့ မြေပုံ ဒုက္ခသည် စခန်း ရိုဟင်ဂျာ မွတ်ဆလင်မ် ဒုက္ခသည် စခန်းမှာ နေထိုင်သူ တွေ ကို အာဏာပိုင် တွေ က လွတ်လပ်စွာ သွားလာ ခွင့် မပေးပဲ ထိန်းချုပ် ထားပြီး စခန်းပြင် ခိုးထွက် သူတွေ ကို မိရင် ကြိမ်ဒဏ် ပေး ရိုက် နှက် တာမျိုး လုပ်ဆောင် တယ် လို့ စခန်းမှာ နေထိုင် သူ တစ်ဦး ကလည်း ဘီဘီစီ ကို ပြောပါတယ်။

ဒါ့အပြင် ကျောင်းတက်ခွင့်၊ ဆေးကုသ မှု ခံယူခွင့် တွေကို လည်း ငြင်းပယ် ခံ ထားရတယ် လို့ စခန်းတွင်း နေထိုင်သူ နောက်တစ်ဦး က ဆိုပါတယ်။

မြန်မာ နိုင်ငံ ခရီးစဉ် မှာ ဒီမိုကရေစီ အသွင် ပြုပြင် ပြောင်းလဲ မှုတွေ ဖြစ်ပေါ် နေ တာ တွေ့ခဲ့ရတာ မှန်ပေမယ့် အဲဒီ့ ပြောင်းလဲမှု တွေကို မြန်မာ နိုင်ငံသား တွေ အားလုံး အကျိုး ခံစား နိုင်သေးတာ မဟုတ် ဘူး ဆိုပြီး တော့လည်း မစ္စတာ ဂင်း က ဝေဖန် ခဲ့ ပါတယ်။

ကချင် နဲ့ ရှမ်းပြည်နယ် တွေ မှာ ဖြစ်ပေါ် ခဲ့တဲ့ လက်နက်ကိုင် ပဋိပက္ခ တွေ ကြောင့် နေရပ် ပစ်ခွာ ထွက်ပြေး ကြရသူတွေ တစ်သိန်း ကျော် ရှိနေဆဲ ဖြစ်သလို၊ ရခိုင်ပြည်နယ် ထဲ ၂၀၁၂ တုန်းက ဖြစ်ခဲ့တဲ့ အဓိကရုဏ်း တွေ ကြောင့် ရိုဟင်ရျာ တစ်သိန်း ကျော် နဲ့၊ ရခိုင် ငါးထောင် ဝန်းကျင် လည်း ကိုယ့်အိမ်ကိုယ် မပြန် နိုင် ရှိနေကြဆဲ ဖြစ်တယ် လို့ မစ္စတာ ဂင်း က ဆိုပါတယ်။

BBC Burmese
http://www.bbc.com/burmese

[youtube src="pPIpWxa5D6s"/]
ဗြူရိုကရေစီ ပညာရေးအစား ဒီမိုကရေစီ ပညာရေးပေးဖို့ လမ်းပေါ်ထွက် ဆန္ဒပြခဲ့တာကြောင့် အကြမ်းဖက် ဖမ်းဆီးခံထားရတဲ့ ကျောင်းသားနဲ့ ဝန်ရံပြည်သူတွေကို မတ်လ ၁ ရက်နေ့က သာယာဝတီတရားရုံးမှာ ရုံးထုတ်ခဲ့ပါတယ်။

Kamayut Media
http://www.kamayutmedia.com/video/politics/7117

[youtube src="M5ZABUh9KQ4"/]

အမျိုးသားဒီမိုကရေစီအဖွဲ့ချုပ်ကနေ ဝင်ရောက်ယှဉ်ပြိုင်တဲ့ ရွေးကောက်ပွဲ ၃ကြိမ်စလုံးမှာ အနိုင်ရခဲ့သူတွေထဲ တစ်ယောက်အပါအဝင်ဖြစ်တဲ့ မန်းဂျော်နီကို အဘမန်းလို့ သိကြတဲ့သူတွေ များပါတယ်။ အခုတော့ ဧရာဝတီတိုင်းရဲ့ ဝန်ကြီးချုပ်ဖြစ်လာမယ့် မန်းဂျော်နီဟာ တစ်ချိန်က ကျုံပျော်မှာ လက်ထောက်ပညာရေးမှူးအဖြစ် ဖြတ်သန်းခဲ့သူဖြစ်ပါတယ်။

Kamayut Media
http://www.kamayutmedia.com/indepth/politics/7122


ဘိလပ်မြေ မြန်မြန်ခြောက်အောင် ခြောက်ဆေး ၃ဆပိုထည့်သောအခါ
**************************************************************************
ရန်ကုန်ဆေးရုံကြီး အရေးပေါ်ဌာန၏ ခွဲစိတ်စောင့်ကြည့်ဆောင်မှာ တာဝန်ကျနေစဉ် လူအုပ်တစ်စုဝင်လာရာ ၀န်ထမ်းများက လူနာတစ်ယောက်ကို လူနာစောင့်တစ်ယောက်ပဲဝင်ဖို့ သတိပေးတော့ သူတို့ အားလုံး လူနာတွေဖြစ်ကြောင်းပြော၏။ ရေတွက်လိုက်တော့ စုစုပေါင်း ၈ယောက်။ ထိုနေ့ မနက်ခင်း ဆရာဝန်တွေရော သူနာပြုတွေပါ အားလုံးလှုပ်လှုပ်ရှားဖြစ်သွားကြသည်။ ဘယ်လိုတွေဖြစ်ကြတာလဲ ဆိုတော့  ... သူတို့ အားလုံး ဆောက်လုပ်ရေး လုပ်သားများဖြစ်ပြီး ဘိလပ်မြေဖြင့် လမ်းပလက်ဖောက်လုပ်ရာတွင် သဲနဲ့ ဘိလပ်မြေဖျော်စပ်ထားသည့် အထဲသို့ ဆင်းကာ လမ်းညှိရင်းမှ ဖြစ်လာလေသည်။ ယခင်က ထိုအဖြစ်မျိုး မဖြစ်ဘူးပေ။ ဘိလပ်မြေနဲ့ စတင်ထိတွေ့ ပြီး မိနစ်ပိုင်းအတွင်း မှာ ပူစပ်စပ်ဖြစ်လာသည်။ မခံမရပ်နိုင်ဖြစ်လာလို့  ကန်ထိရိုက်ကိုပြောတော့ မြန်မြန်ခြောက်အောင် ခြောက်ဆေး ၃ ဆရောထားကြောင်း သိကြရလေသည်။ သို့ ပေမယ့် နေ့ စားလုပ်သားတွေမို့  အလုပ်ပြီးမြောက်အောင် သည်းခံအောင့်အီးပြီး ဆက်လုပ်ခဲ့ ရလေသည်။ လယ်သာ Boot ဘိနပ်အရှည်တွေ ၀တ်ထားကြပေမယ့်လမ်းက မြင့်တဲ့ အတွက် ဘိနပ်ထဲကိုပါ ဘိလပ်မြေတွေဝင်လာလို့ မတတ်နိုင်ခဲ့ ကြ။ အချို့ လုပ်သားများ ဘိနပ်လောက်ငှအောင် မစီးနိုင်ကြပေ။ လမ်းခင်းပြီးတဲ့ အခါ ရေနဲ့ ချက်ချင်းဆေးပေမယ့် အသားတွေက ပဲ့ ကျကုန်ပြီ။ အပြင်ဆေးခန်းမှ ခေါ်၍ဆေးထည့်သည်ဟုဆိုသည်။ သူတို့ ၈ ဦးအပြင် အခြား လုပ်သားများလည်း အလားတူ မျိုးဖြစ်ကြသော်လည်း မပြင်းထန်လို့ နေရစ်ခဲ့ ကြလေသည်။ ကန်ထရိုက်ရော အဆောက်အဦး ဆောက်လုပ်သည့် တာဝန်ရှိသူများ ဆေးရုံသို့ လိုက်မလာခဲ့ ကြပေ။ သူတို့ အားလုံး မန္တလေးဘက်မှ လာရောက် လုပ်ကိုင်ကြသူများဖြစ်ပြီးရိုးသားသူများဖြစ်သည်။

အထွေထွေဝန်ထမ်းအမျိုးသမီးလေးတစ်ဦးမှ အနာကို ဆေးပေးရန်ခေါ်သွားတော့  ကျွန်မလည်း ကူချင်တယ်ဆိုပြီး မြန်မြန်ပြီးအောင် ဆေးမှင်တွေ လိမ်းထားတဲ့ အနာတွေကို ကူညီဆေးကြောခဲ့ ကြပါတယ်။ ဆေးမှင်တွေက အရမ်းစွဲနေလို့  တော်တော်နဲ့ မပြောင်ပေ။ သူတို့ ခမျာ နာလွန်း စပ်လွန်းလို့ အော်နေကြရှာတယ်။ အနာတွေဆေးပြီးတဲ့ အခါ ခွဲစိတ်ဆရာဝန်များ၊ အရေးပေါ်ဆေးပညာ ဘွဲ့ လွန်ကျောင်းသားများ နှင့် သူနာပြုများဝိုင်းပြီး ဆေးထည့်ပေးခဲ့ ကြပါတယ်။ကျွန်မကလည်း သူတို့ ဘက်မှ မခံချင်လို့  ဦးလေးတို့ ကို အန္တရာယ်ရှိကြောင်း ကြိုလည်းမပြော၊ ဖြစ်တော့ လည်း တာဝန်ယူပြီး ဆေးရုံကို မလိုက်လာဘူး။ အဲဒီမှာ ဆက်မလုပ်သင့်တော့ ဘူးဟု ဆိုတော့ .... ဆရာမရယ် ကျွန်တော်တို့ ရွေးချယ်စရာလမ်းမရှိပါဘူး လို့ ဆိုသည်။ သူတို့ အတွက် ကျွန်မမှာတော့ အတွေးများစွာကျန်ခဲ့ သည်။ အော် မြန်မာပြည် ... မြန်မာပြည် ...

သင်ခန်းစာ
************
1. ဆေးရုံများတွင် အနာအမျိုးအစားအလိုက် Wound Management Protocol များရှိသင့်
2. Occupational Health Safety နှင့် စပ်လျဉ်း၍ ဖွံ့ ဖြိုးရန်လို
ဥပမာ - ပြုစုကုသမူ့ တွေကောင်းမွန်စွာရရှိရေး ၊ ပုဂ္ဂလိက လုပ်ငန်းများတွင် ဤသို့  လုပ်သားများအား လစ်လျူရှုခံရမူ့ နှင့် ထိရောက်စွာ ကာကွယ်ပေးသည့် အဖွဲ့ အစည်း သို့ ကော်မတီများ ရှိသင့် ( ရှိနေတာ ကျွန်မ မသိတာလည်းဖြစ်နိုင်၊ သူတို့ အတွက် ကာကွယ်ပေးတဲ့ ဥပဒေတွေလည်းရှိမယ်ထင်ပါတယ်။)

ပင်ပန်းဆင်းရဲစွာ မိသားစုဘ၀ရှေ့ ရေးအတွက် လှုပ်ရှားရုန်းကန်နေကြသော ပညာမတတ်သူတို့ အပေါ် ဘယ်သူသေသေ ငတေမာပြီးရော ဆိုသည့်အတိုင်း လက်တစ်လုံးခြား အမြတ်ထုတ်ကာ မတရား သဖြင့် သိသိကြီးနဲ့ ကျန်းမာရေးကို ထိခိုက် အောင် စေခိုင်းနေ ကြသူ လုပ်ငန်းရှင်များကို တရားဥပဒေအရ ထိထိရောက်ရောက် အရေးယူပြီး နောင်မဖြစအောင်လည်း အသိပညာပေးတွေ တိုးမြှင့် သင့်ကြောင်း အကြံပြုရေးသားလိုက်ရပါသည်။

မေတ္တာဖြင့်
Thida Khin


ရွေးကောက်ပွဲပြီးကတည်းက အရှိန်မြင့်တက်လာသည့် ဒေါ်အောင်ဆန်းစုကြည်သမ္မတဖြစ်ရေးသတင်းများသည် သမ္မတလောင်းအမည်စာရင်းများ တင်သွင်းရန် ရက်ပိုင်းသာလိုတော့ချိန်တွင်တော့ မှိန်ဖျော့သွားပြီ ဖြစ်သည်။

အနိုင်ရပါတီခေါင်းဆောင် ဒေါ်အောင်ဆန်းစုကြည်နှင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ သုံးကြိမ်တိုင်တွေ့ဆုံမှုအပြီးတွင် တပ်ချုပ်က ဖွဲ့စည်းပုံအခြေခံဥပဒေပြင်ဆင်ရေးနှင့် ပတ်သက်၍ ၎င်း၏မိန့်ခွန်းများ၌ ပြတ်ပြတ်သားသား သဘောထားရပ်တည်ချက်များ ထုတ်ပြောလာခဲ့သည်။ ဒီချုပ်ဘက်ကလည်း တပ်ချုပ်မိန့်ခွန်းများ ပြောပြီးနောက်ပိုင်း ဗဟိုအလုပ်အမှုဆောင်အစည်းအဝေးခေါ်ယူခြင်း၊ လွှတ်တော်တွင် ဒုသမ္မတလောင်းအမည်စာရင်းတင်သွင်းရက် ပြင်ဆင်သတ်မှတ်ခြင်း စသည့်ခြေလှမ်းများကို ယခုရက်ပိုင်းအတွင်း မြန်မြန်ဆန်ဆန်ပြုလုပ်နေပြီ ဖြစ်သည်။

စစ်အစိုးရခေါင်းဆောင်ဟောင်း ဗိုလ်ချုပ်မှူးကြီးသန်းရွှေကိုယ်တိုင် ဒေါ်အောင်ဆန်းစုကြည်နှင့် သီးသန့်တွေ့ဆုံပြီး ရွေးကောက်ပွဲအနိုင်ရပါတီခေါင်းဆောင်၊ အနာဂတ်ခေါင်းဆောင်အဖြစ် သုံးနှုန်းပြောကြားခဲ့ခြင်းကြောင့် ဒေါ်အောင်ဆန်းစုကြည်သမ္မတဖြစ်လာရေး မျှော်လင့်ချက်များ ပိုမိုရှင်သန်လာခဲ့သည်။ သို့သော် ဖွဲ့စည်းပုံအခြေခံဥပဒေကို သင့်လျော်သည့်အချိန်မှသာ ပြင်ဆင်မည့်အချက်အပါအဝင် ခြေဥပြင်ရေးနှင့်ပတ်သက်၍ တပ်ချုပ်ပြောကြားချက်များကို နိုင်ငံပိုင်သတင်းစာများမှတစ်ဆင့် ဖော်ပြလာပြီးနောက် ဒေါ်အောင်ဆန်းစုကြည်သမ္မတဖြစ်ရေး လက်လျှော့လိုက်ပြီဖြစ်ကြောင်း ပြည်တွင်း၊ ပြည်ပမြန်မာ့အရေးလေ့လာသူများက သုံးသပ်သည်။

စစ်ဘက်-အရပ်ဘက်ဆက်ဆံရေးကို တည်ဆောက်နေပြီး အနိုင်ရပါတီနှင့် လက်တွဲလုပ်ကိုင်မည်ဖြစ်ကြောင်း အစဉ်တစိုက်ပြောဆိုခဲ့သည့် တပ်မတော်အနေဖြင့် ပြည်သူအများစုမြင်တွေ့လိုသော ဒေါ်အောင်ဆန်းစုကြည်သမ္မတဖြစ်ခွင့်ကို မလိုက်လျောပေးနိုင်ခြင်းက စစ်ဘက်-အရပ်ဘက်ဆက်ဆံရေးနှင့် မြန်မာ့ဒီမိုကရေစီခရီးအပေါ် မည်သို့သက်ရောက်လာနိုင်မည်လဲဆိုသည်ကို နိုင်ငံရေးသမားများ၊ နိုင်ငံရေးလေ့လာသူများက စိတ်ဝင်တစား စောင့်ကြည့်နေသည်။

ဒေါ်အောင်ဆန်းစုကြည်နှင့် ဗိုလ်ချုပ်မှူးကြီးမင်းအောင်လှိုင် (ဓာတ်ပုံ-ဂျေမောင်မောင်(အမရပူရ))

‘‘သုံးကြိမ်စလုံးတွေ့ဆုံမှုမှာ ဘာတွေဘယ်လိုသဘောတူညီခဲ့တယ်၊ ဆွေးနွေးခဲ့တယ်ဆိုတဲ့ အချက်အလက်တွေ မရဘူး။ ဒါပေမဲ့ ပြည်သူ့မျှော်လင့်ချက်ဖြစ်တဲ့ ၅၉ (စ)တို့၊ ဖွဲ့စည်းပုံအခြေခံဥပဒေတို့ ပြင်နိုင်ဖို့မရရင်တော့ ပြည်သူတွေက သူတို့မျှော်လင့်တဲ့အတိုင်း ဖြစ် မလာတဲ့အခါ နိုင်ငံရေးဖြစ်စဉ်ကြီးတစ်ခုလုံးကို အယုံအကြည်နည်းလာနိုင်တယ်။ ပြည်သူတွေပူးပေါင်း ပါဝင်မှုနည်းသွားနိုင်တယ်။ အဲဒီအခါကျရင် အခုဖြစ်နေတဲ့ Reform တွေ Failure ဖြစ်သွားနိုင်တာကို အခုမြန်မာ့နိုင်ငံရေးမှာပါဝင်တဲ့ Stakeholder တွေစဉ်းစားသင့်တယ်’’ ဟု တကောင်းနိုင်ငံရေးလေ့လာမှုအဖွဲ့ ဒါရိုက်တာ ကိုရဲက ပြောသည်။

အစိုးရ၊ တပ်မတော်မည်သည့်အဖွဲ့မဆို ပြည်သူကို ကိုယ်စားပြုရန် ရည်ရွယ်လည်ပတ်လှုပ်ရှားရမည်ဖြစ်ပြီး လက်ရှိတပ်မတော်၏ အဓိကစိန်ခေါ်မှုသည် တိုင်းပြည်အကျိုးကျေးဇူးအတွက် ပြုလုပ်ခြင်းကိုပင် ပြည်သူများ၏ ယုံကြည်မှုကို ရရှိရန်ခက်ခဲနေရာ အဆိုပါအချက်မှာ စစ်ဘက်-အရပ်ဘက်ဆက်ဆံရေးအတွက် အကြီးမားဆုံးအခက်အခဲဖြစ်နေကြောင်း ကိုရဲက သုံးသပ်ပြောကြားသည်။

‘‘ပြည်သူတကယ်ဖြစ်ချင်တဲ့ ဆန္ဒကို တပ်က အကောင်အထည်ဖော်ပေးဖို့ လိုအပ်တယ်။ ပြည်သူက ယုံကြည်ပြီး ရွေးကောက်တင်မြှောက်လိုက်တဲ့ နိုင်ငံရေးသမားတွေနဲ့ အဆင်ပြေပြီး တပ်က ပြည်သူ့ဆန္ဒကို လိုက်လျောတယ်ဆိုတာနဲ့ ဂုဏ်သိက္ခာကို ပြန်ဆယ်သင့်တယ်’’ ဟု ၎င်းက ပြောသည်။

သို့သော် လက်ရှိနိုင်ငံရေး အခင်းအကျင်းမှာ ရွေးကောက်ပွဲပြီးကတည်းက ဖြစ်ပေါ်နေသည့် အခင်းအကျင်းသာဖြစ်ပြီး ဒေါ်အောင်ဆန်းစုကြည်ကိုယ်တိုင်ပင်လျှင် ရွေးကောက်ပွဲမတိုင်မီကတည်းက သမ္မတဖြစ်ခွင့်မရပါက သမ္မတအထက်မှနေ၍ အစိုးရအဖွဲ့ကို ဦးဆောင်မည်ဖြစ်ကြောင်း တရားဝင်ပြောကြားထားပြီးဖြစ်သည်ဟု မြန်မာ့နိုင်ငံရေးလေ့လာ သုံးသပ်ဆောင်းပါးများရေးသားသူ သတင်းစာဆရာ ဦးစည်သူအောင်မြင့်က ပြောသည်။

‘‘ရွေးကောက်ပွဲပြီးကတည်းက ရလဒ်ကို အသိအမှတ်ပြုပြီးနိုင်တဲ့သူနဲ့ လက်တွဲမယ်လို့ တပ်ချုပ်ပြောထားတယ်။ ဒေါ်အောင်ဆန်းစုကြည်ကလည်း သူသမ္မတမဖြစ်ရင် သမ္မတအထက်ကနေပြီး အစိုးရအဖွဲ့ကို ညွှန်ကြားမယ်ပြောထားတယ်။ ဒီကြားထဲမှာ NLD ဘက်က လူတချို့က ဒေါ်စုသမ္မတဖြစ်ရေးဥပဒေကြောင်းအရ လုပ်မယ်ပြောလာလို့ အငြင်းပွားမှုတွေရှိလာတာ။ လူထုက ဒေါ်စုကိုသမ္မတဖြစ်စေချင်တာကတော့ ၉၀ ရာခိုင်နှုန်းကျော် ဆန္ဒပေါ့။ ဒါပေမဲ့ ပြည်သူ့ဆန္ဒဆိုတာ လွန်ခဲ့တဲ့ နှစ် ၅၀ ကျော်ကတည်းကရခဲ့တာမှ မဟုတ်ပဲ။ စစ်တပ်ရဲ့ နင်းခြေခံခဲ့ရတယ်။ ဒီနေ့အခြေအနေက အခုမှ အောင်မြင်မှုတစ်ပိုင်းတစ်စမြင်ရတော့မှာ’’ ဟု ဦးစည်သူအောင်မြင့်က ပြောသည်။

ထို့ပြင် အများစုမှာ ဒေါ်အောင်ဆန်းစုကြည်သမ္မတဖြစ်ရေးသည် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ တစ်သဘောသာဖြစ်ပြီး သူသာ သဘောတူပါက ဖွဲ့စည်းပုံပြင်၍ ဒေါ်အောင်ဆန်းစုကြည် သမ္မတဖြစ်လာနိုင်ကြောင်း ထင်မြင်ချက်မှာလည်း ထင်သလောက်မလွယ်ကူကြောင်း ဦးစည်သူအောင်မြင့်က သုံးသပ်ပြသည်။

လက်ရှိတွင် ဖွဲ့စည်းပုံမပြင်နိုင်သည့် အကျပ်အတည်း၊ ဒေါ်အောင်ဆန်းစုကြည်သမ္မတဖြစ်မလာသည့်အတွက် တပ်မတော်နှင့်ပြည်သူ၊ နိုင်ငံရေးအင်အားစုများ၏ ဆက်ဆံရေးပေါ်အကျိုးသက်ရောက်မှုရှိ၊ မရှိကိုမူ ဦးစည်သူ အောင်မြင့်က

‘‘သူ (တပ်ချုပ်) သဘောတူရင် ပြီးတာပဲဆိုတာ အများစုက ထင်နေတာ။ သူ့ Institution (တပ်မတော်) ရဲ့ သဘောထားနဲ့ မကိုက်တာကိုလုပ်ရင် သူဘေးရောက်သွားမှာပဲ။ ဟိုးလွန်ခဲ့တဲ့ နှစ်၅၀ ကတည်းက စနစ်တကျ ဖျက်ဆီးခံထားရတဲ့တပ်ကို ပြည်သူ့ဆန္ဒနဲ့ အညီဖြစ်ဖို့ဆိုတာတော့ ချက်ချင်းဘယ်လွယ်မလဲ။ သူတပ်ချုပ်စဖြစ်တဲ့ ၂၀၁၁ ကတည်းကနေ အခုထိ တပ်ကိုလေ့လာကြည့်ရင်တော့ ပြုပြင်ပြောင်းလဲမှုတွေ လုပ်နေတယ်။လမ်းဆုံးရည်မှန်းချက်ဖြစ်တဲ့ ဒီမိုကရေစီနည်းကျ အစိုးရအောက်မှာ တပ်မတော်က ရှိနေရမယ်ဆိုတဲ့ ခရီးကိုတော့ ဆက်သွားရဦးမှာပေါ့’’ ဟု ပြောသည်။

ဒုတိယအကြိမ်လွှတ်တော် အစည်းအဝေးများစတင်သည့် ဖေဖော်ဝါရီ ၁ ရက်မှစ၍ ဒေါ်အောင်ဆန်းစုကြည်သမ္မတဖြစ်ရေး ကြိုးပမ်းမှုများစတင်ခဲ့ပြီး မူလက စီစဉ်ထားသည့် ဒုသမ္မတလောင်းများ အမည်စာရင်းတင်သွင်းရေးကို မတ်လ ၁၇ ရက်အထိ ရွှေ့ဆိုင်းခဲ့ကာ တပ်မတော်နှင့် အဓိကကျသည့် ဆွေးနွေးမှုများစတင်ရန် စီစဉ်ခဲ့ကြောင်း ဒီချုပ်နှင့် နီးစပ်သည့် သတင်းရင်းမြစ်များက ပြောသည်။

တပ်မတော်နှင့် ဆွေးနွေးရာတွင် ဒေါ်အောင်ဆန်းစုကြည်လတ်တလော သမ္မတဖြစ်လာနိုင်သည်အထိ သဘောတူညီမှုမရခဲ့ပါက ဒုသမ္မတလောင်းနှစ်ဦးတင်ရန်ရှိပြီး ယခုလွှတ်တော်သက်တမ်းအတွင်း ဒေါ်အောင်ဆန်းစုကြည် သမ္မတဖြစ်ရေးကို ဆက်လက်ကြိုး ပမ်းမည်ဖြစ်ကြောင်း ဒီချုပ်လွှတ်တော်ကိုယ်စားလှယ်တစ်ဦးက ပြောကြားသည်။

NLD က ဒုသမ္မတနှစ်ဦးအဖြစ် မည်သူ့ကို အမည်စာရင်းတင်မည်လဲဆိုခြင်းကိုမူ ၎င်းကဖြေကြားရန် ငြင်းဆိုသည်။

ဒီချုပ်သတင်းရင်းမြစ်များအရ ဒေါ်အောင်ဆန်းစုကြည်သည် ရုပ်ပြသမ္မတတစ်ဦးကို ခန့်အပ်မည်ဖြစ်ပြီး ဖွဲ့စည်းပုံအခြေခံဥပဒေပြင်ဆင်ရန် ကြိုးပမ်းခြင်းဖြင့် တပ်မတော်နှင့် ထိပ်တိုက်မတွေ့ရန် ဆုံးဖြတ်ခဲ့ကြောင်း ဘန်ကောက်ပို့စ် သတင်းစာတွင် မြန်မာ့အရေးလေ့ လာသူ လယ်ရီဂျေဂင်က ရေးသားထားသည်။ သမ္မတရွေးပြီးနောက် အစိုးရအဖွဲ့ကို ဒေါ်အောင်ဆန်းစုကြည်က ဦးဆောင်ကာ နိုင်ငံခြားရေးဝန်ကြီးတာဝန်ယူဖွယ်ရှိကြောင်းလည်း ၎င်းက ဒီချုပ်မှ သတင်းရင်းမြစ်များအား ကိုးကား၍ ရေးသားထားသည်။

စစ်ဘက်-အရပ်ဘက် ဆက်ဆံရေးသည် အရေးပါပြီး လက်ရှိအချိန်တွင် ထိပ်တိုက်တွေ့မှုကို နှစ်ဖက်စလုံးက ရှောင်ရှားလိုသည့် လက္ခဏာကိုတွေ့ရသဖြင့် ကောင်းသည့်လက္ခဏာသာဖြစ်ကြောင်း၊ တပ်မတော်က အခြေခံဥပဒေပါပုဒ်မများကို အကြောင်းပြု၍ လုပ် ကိုင်ကြောင်း အစဉ်တစိုက်ပြောလေ့ရှိသည့်အတွက် တပ်မတော်အနေဖြင့် အခြေခံဥပဒေပါလုပ်ပိုင်ခွင့်များကို ထိထိရောက်ရောက် အသုံးချ၍ ဆက်လုပ်မည့် သဘောကို များစွာတွေ့နေရကြောင်း အမေရိကန်ပြည်ထောင်စု ဘာကလေတက္ကသိုလ်တွင် မြန်မာ့နိုင်ငံရေး သုတေသနကျမ်း ပြုစုနေသည့် ဦးမင်းဇင်က ဘီဘီစီမြန်မာပိုင်းအစီအစဉ်အား ဖေဖော်ဝါရီ ၂၇ ရက်က ပြောကြားသည်။

‘‘ကျွန်တော့်အထင်ကတော့ ဒီကာကွယ်ရေးနဲ့ လုံခြုံရေးကောင်စီဟာ ပိုပြီးတော့ လှုပ်ရှားနိုင်ပါတယ်။ ဒီမိုကရေစီနောက်ခံကနေပြီးတော့ NLD အစိုးရရယ်၊ နောက်တစ်ခါ တပ်မတော်ရယ်ဆိုတဲ့အခါကျတော့ တစ်ဂူတည်းမှာ ခြင်္သေ့နှစ်ကောင်အောင်းဖို့ ခက်ပါတယ်။ လက်ရှိအခြေအနေအရတော့ တစ်ဂူတည်းမှာ ခြင်္သေ့နှစ်ကောင်ထည့်ထားတဲ့ဟာက ဘာဖြစ်နိုင်လဲဆိုတော့ ကာလုံဖြစ်သွားနိုင်ပါတယ်။ ကာလုံမှာ အဓိကမူဝါဒတွေချမှတ်တဲ့အခါမှာ တပ်မတော်ကို ဘယ်လောက်ထိအပေးအယူနဲ့ ဖျောင်းဖျဆွဲဆောင်နိုင်မလဲ၊ အားလုံးကို ဟန်ချက်ညီညီ ဘယ်လိုထိန်းမလဲပေါ်မူတည်ပြီးတော့ ဒီပြဿနာတွေကို ဖြေရှင်းနိုင်မယ်လို့ ကျွန်တော်ထင်ပါတယ်’’ဟု ဦးမင်းဇင်က ပြောသည်။

ပြင်ပတွင် ထွက်ပေါ်နေသည့် ဒေါ်အောင်ဆန်းစုကြည်သမ္မတဖြစ်ရေး ကြိုးပမ်းမှု၊ ပုဒ်မ ၅၉(စ) နှင့်ပတ်သက်၍ ဆိုင်းငံ့ခြင်း (သို့မ ဟုတ်) ပြင်ဆင်ခြင်းကို လက်လျှော့ခြင်း၊ တပ်မတော်ကာကွယ်ရေးဦးစီးချုပ်နှင့် ဒေါ်အောင်ဆန်းစုကြည်တို့၏ ဆွေးနွေးချက်များ နှင့်ပတ်သက်၍ ခန့်မှန်းနေခြင်းများမှာ ထင်မြင်ချက်များသာဖြစ်ပြီး ဒီချုပ်အနေဖြင့် အမျိုးသားပြန်လည်သင့်မြတ်ရေးကိုသာ အခြေအနေပေးတိုင်း ပြုလုပ်မည်ဖြစ်ကြောင်း အမျိုးသားဒီမိုကရေစီအဖွဲ့ချုပ်၏ ဗဟိုအလုပ်အမှုဆောင် ဦးထွန်းထွန်းဟိန်က ပြောသည်။

ထို့ပြင် NLD က တင်မည့် သမ္မတလောင်းနှင့်ပတ်သက်၍ ဦးထွန်းထွန်းဟိန်က ‘‘သမ္မတလောင်း အရည်အချင်းဆိုတာထက် ဒေါ်အောင်ဆန်းစုကြည် ပြောထားပြီးသားပါ။ သမ္မတ ဘယ်သူဖြစ်ဖြစ် သူထိန်းကျောင်းသွားမယ်ဆိုတာ။ ဒီတော့ ဒေါ်အောင်ဆန်းစုကြည် ထိန်းကျောင်းလို့ရမယ့် သူကိုပဲ ရွေးချယ်မယ်ထင်ပါတယ်။ အပြင်မှာ ပြောနေကြသလို ၅၉(စ) ကိုပြင်ပေးဖို့၊ ဒါကို NLD က လွှတ်တော်တင်မယ်တို့ဆိုတာ မဟုတ်ဘူး။ ဘယ်သူကမှလည်း မပြောခဲ့ဘူး။ ဒီအကြောင်း၊ ဒီလာမယ့် မတ်လ ၁၇ ရက်မှာ အစုအဖွဲ့သုံးဖွဲ့က တင်မယ့် ဒုသမ္မတသုံးယောက်နာမည်စာရင်းကို တင်ပြရမှာ ဖြစ်ပါတယ်’’ ဟု ပြောသည်။

ဒေါ်အောင်ဆန်းစုကြည် အနေဖြင့် သမ္မတအထက်မှနေ၍ အစိုးရအဖွဲ့ကို ထိန်းကျောင်းမည်ဆိုပါက နိုင်ငံခြားရေးဝန်ကြီးကဲ့သို့ ရာထူးမျိုးလက်ခံရန် ရှိ၊ မရှိ ခန့်မှန်းမှုများအပေါ် ဦးထွန်းထွန်းဟိန်က မှတ်ချက်ပေးခြင်းမရှိပေ။ သို့ သော် NLD အစိုးရသစ်အနေဖြင့် ပုဒ်မ ၅၉ (စ) အပါအဝင်ဖွဲ့စည်းပုံပြင်ရေးကဲ့သို့သော ကိစ္စရပ်မှစ၍ မည်သည့်ကိစ္စရပ်ကိုမဆို တပ်မတော်နှင့် ညှိနှိုင်းရာ၌ အမျိုးသားပြန်လည်သင့်မြတ်ရေး မူဝါဒကိုအခြေခံလျက် အခြေအနေပေးတိုင်း လုပ်ဆောင်မည်သာဖြစ်ကြောင်း ၎င်းကပြောသည်။

‘‘သေချာတာကတော့ အခုတိုင်းဆို အစိုးရအဖွဲ့ထဲသွားမှာပဲ။ ပါတီကို သူ (ဒေါ်အောင်ဆန်းစုကြည်) ထားခဲ့တော့မယ်။ သမ္မတနဲ့ အနီးဆုံးနေရမယ်ဆို ပါတီဥက္ကဋ္ဌ လုပ်လို့မရဘူး။ အစိုးရအဖွဲ့ထဲဝင်လို့ရမယ့်နည်းက နိုင်ငံခြားရေးတစ်ခုတည်းမဟုတ်ဘူး။ ဦးသိန်းစိန် လက်ထက်မှာလည်း ဦးစိုးသိန်း (သမ္မတရုံးဝန်ကြီး) က နိုင်ငံရေး၊စီးပွားရေးနဲ့ပတ်သက်ပြီး အများဆုံး ဆုံးဖြတ်လုပ်ကိုင်ခဲ့တာပဲ။ ရှေ့မှာသာဓကရှိတယ်။ ဒေါ်စုအတွက်သမ္မတက ဝန်ကြီးဌာနသက်သက်ထားပြီး သူ့ကို ဝန်ကြီးခန့်ပြီး ကွပ်ကဲလို့ရတာပဲ။ နိုင်ငံခြားရေးယူ၊ မယူကတော့ သူကာလုံ (ကာကွယ်ရေးနှင့် လုံခြုံရေးကောင်စီ) ထဲသွား၊ မသွားပေါ် မူတည်တယ်။ ကာလုံမှာ ဝင်ထိုင်ပြီး ပုံမှန်စကားပြော နားလည်မှုယူချင်ရင် နိုင်ငံခြားရေးဝန်ကြီးရာထူးပါ တွဲယူနိုင်ပါတယ်’’ ဟု ဦးစည်သူအောင်မြင့်က ပြောသည်။

ဒေါ်အောင်ဆန်းစုကြည်သည် မြန်မာ့ငြိမ်းချမ်းရေးပြန်လည် ထူထောင်ရေးဗဟိုဌာနကဲ့သို့ ငြိမ်းချမ်းရေးအတွက် အဓိကအရေးပါသည့်ကဏ္ဍတွင် ဥက္ကဋ္ဌသစ်တစ်ဦးအနေဖြင့် တာဝန်ယူလိုသည့် ဆန္ဒရှိကြောင်း သတင်းများလည်း ကြားသိနေရပြီး ၎င်းအစဉ်တစိုက်ပြော ဆိုခဲ့သည့် အမျိုးသားပြန်လည်သင့်မြတ်ရေးမူဝါဒအရ ငြိမ်းချမ်းရေးကို ဦးစားပေးပြုလုပ်လိုဖွယ်ရှိနေကြောင်း မြန်မာ့အရေးကျွမ်းကျင်သူ သတင်းစာဆရာ ဘာတေးလ်လင့်တနာက ပြောကြားသည်။

လက်ရှိတွင် ဒေါ်အောင်ဆန်းစုကြည်ကို သမ္မတအဖြစ် မြင်လိုသည့် ပြည်သူများ၏ဆန္ဒ ဖြစ်ပေါ်မလာပါက ပြည်သူနှင့်ရင်ကြားစေ့ရေး၊ စစ်ဘက်-အရပ်ဘက် ဆက်ဆံရေးကို အဓိကကြိုးပမ်းနေသည့် တပ်မတော်၏ ရှေ့ပိုင်း ငါးနှစ်တာကာလအတွင်း လုပ်ဆောင်ခဲ့သည့် ကြိုးပမ်းချက်များကို ပြည်သူများ စိတ်ပျက်သွားနိုင်သည့်အပေါ် ၎င်းက ယခုကဲ့သို့ပြောသည်။

‘‘သူတို့ (တပ်မတော်)က အာဏာကို ဆုပ်ကိုင်ထားချင်တုန်းပဲ။ တပ်ကို မယုံကြည်မှုတွေ ဖြစ်လာနိုင်တယ်။ NLD အစိုးရအနေနဲ့ တကယ်တမ်းအာဏာကို အကန့်အသတ်နဲ့ပဲရတာပါ။ စစ်တပ်က အာဏာကို ရသမျှဆုပ်ကိုင်ထားဦးမှာပဲ။ လူထုက ဖိအားပေးခြင်းကသာ ဒီအခြေအနေကို ပြောင်းလဲနိုင်မှာပါ’’ ဟု ဘာတေးလ်လင့်တနာက ၎င်း၏အမြင်ကို ပြောသည်။

အရပ်သားအစိုးရသစ်လက်ထက် စစ်ဘက်-အရပ် ဘက်ဆက်ဆံရေး၊ တပ်နှင့် ပြည်သူ့ဆက်ဆံရေး၊ ဖွဲ့စည်းပုံပြင်ရေးစသည့် မည်သည့်ကိစ္စရပ်မဆို ပြောကြားချက်များအပေါ် ဒီချုပ်အလုပ်အမှုဆောင် ဦးထွန်းထွန်းဟိန်က NLD ရပ်တည်ဖြေရှင်းမည့် မူဝါဒကို ပြတ်ပြတ်သားသားပင် ပြောသည်။

‘‘ကျွန်တော်ပြောတာ ရှင်းရှင်းလေးပါ။ ဘေးကကြားနေ၊ ပြောနေတာတွေ ဘာပြောပြော ဒီချုပ်က အမျိုးသားပြန်လည်သင့်မြတ်ရေးကိုပဲ လုပ်မှာ’’

7Day News Journal
http://www.7daydaily.com/story/59236


 ပြိုင်ဖက်တွေကို လွှမ်းမိုးနိုင်မယ်လို့ ကလင်တန်နဲ့ ထရမ့် နှစ်ဦးစလုံးက ပြောကြ။

အမေရိကန် ပြည်ထောင်စုမှာ ပါတီကိုယ်စားပြု သမ္မတလောင်း ဖြစ်လာရေး ယှဉ်ပြိုင်မှုတွေရဲ့ အရေးအကြီးဆုံးနေ့ ဖြစ်တဲ့ စူပါ ကျူးစ်ဒေး နေ့က ရွေးကောက်ပွဲ ရလဒ်တွေအရ ဒီမိုကရက်တစ် ပါတီအတွက် ဟီလာရီ ကလင်တန်နဲ့ ရီပတ်ဘလီကန် ပါတီအတွက် ဒေါ်နယ် ထရမ့် တို့က ပြည်နယ်အများစုမှာ အနိုင်ရခဲ့ကြပါတယ်။

အင်္ဂါနေ့က ၁၁ ပြည်နယ်မှာ ပြုလုပ်ခဲ့တဲ့ ရွေးကောက်ပွဲတွေမှာ ရီပတ်ဘလီကန်က မစ္စတာ ထရမ့် နဲ့ ဒီမိုကရက်က မစ္စက် ကလင်တန် တို့ဟာ အဓိက ပြည်နယ်ဖြစ်တဲ့ မက်ဆာချူးဆက် အပါအဝင် တောင်ပိုင်း ပြည်နယ် အများစုမှာ အနိုင်ရခဲ့ကြတာ ဖြစ်ပါတယ်။

ရီပက်ဘလီကန် အတွက် မစ္စတာ ထရမ့်က ၇ ပြည်နယ်မှာ အနိုင်ရပြီး၊ တက်ဒ် ခရုဇ် ကတော့ ပြည်နယ် ၃ ခုမှာ အနိုင်ရပါတယ်။ တတိယ နေရာက မာကို ရူဘီယို ကတော့ ပြည်နယ် ၁ ခုမှာ နိုင်ခဲ့ပါတယ်။

မစ္စတာ ထရမ့်ရဲ့ အောင်ပွဲခံ မိန့်ခွန်းမှာ သူ့ရဲ့ ရီပက်ဘလီကန် ပြိုင်ဘက်တွေကို လက်လျှော့ပြီး သူနဲ့ ပူးပေါင်းဖို့ သဘောမျိုး ပြောသွားပါတယ်။ ဒါပေမယ့် သူ့ရဲ့ အဓိက ပြိုင်ဖက်တွေ ဖြစ်တဲ့ တက်ဒ် ခရုဇ်နဲ့ မာကို ရူဘီယို တို့ကတော့ ပြိုင်ပွဲက ထွက်မယ့် အရိပ်အယောင် မပြသေးပါဘူး။

တစ်ခါ တက်ဒ် ခရုဇ် ကလည်း မစ္စတာ ထရမ့်ကို ယှဉ်နိုင်ဖို့အတွက် တခြား ရီပက်ဘလီကန် ပြိုင်ဖက်တွေကို သူနဲ့ ပူးပေါင်းဖို့ တက္ကဆက်မှာ ပြောခဲ့ပါတယ်။

ဒီမိုကရက်တစ် ပါတီမှာတော့ မစ္စက် ကလင်တန်က သူ့ပြိုင်ဖက် မစ္စတာ ဆန်းဒါးစ်ကို ပြည်နယ် ၄ ခုမှာပဲ အနိုင်ရအောင် ထိန်းထား နိုင်ခဲ့ပြီး ကျန်တဲ့ ပြည်နယ်တွေမှာ အနိုင်ယူ နိုင်ခဲ့ပါတယ်။
စူပါ ကျူးစ်ဒေးနေ့ အနိုင်ရမှု အခြေအနေ

ဒေါ်နယ် ထရမ့် (ရီပတ်ဘလီကန်)- အယ်လ်ဘားမား၊ ဂျော်ဂျီယာ၊ မက်ဆာချူးဆက်၊ တန်နက်ဆီ၊ ဗာဂျီးနီးယား၊ အာကန်ဆော၊ ဗားမွန့်။

တက်ဒ် ခရုဇ် (ရီပတ်ဘလီကန်)- တက္ကဆက်၊ အိုကလာဟိုးမား၊ အလက်ဆကာ။

မာကိုရူဘီယို(ရီပတ်ဘလီကန်)- မင်နီဆိုတာ။

ဟီလာရီ ကလင်တန်(ဒီမိုကရက်)- အယ်လ်ဘားမား၊ ဂျော်ဂျီယာ၊ တန်နက်ဆီ၊ ဗာဂျီးနီးယား၊ အာကန်ဆော၊ တက္ကဆက်၊ မက်ဆာချူးဆက်၊ ဆမ်မိုအာ။

ဘာနီ ဆန်းဒါးစ်(ဒီမိုကရက်)- ဗားမွန့်၊ အိုကလာဟိုးမား၊ မင်နီဆိုတာ၊ ကော်လိုရာဒို။

BBC Burmese
http://www.bbc.com/burmese/world/2016/03/160302_us_super_tuesday_results

 ယန္တရားကြီးတွေနဲ့တူးပြီး မြင့်သထက်မြင့်လာတဲ့ မြေစာပုံတွေ
ကချင်ပြည်နယ် အစိုးရအဖွဲ့အတွင်းရေးမှူး ဉီးဇော်သိန်းကို ဖားကန့်မှာ စက်ယန္တရားအမြောက်အမြားတင်သွင်းတဲ့ကိစ္စနဲ့ စပ်လျဉ်းပြီး အရေးယူတဲ့ အနေနဲ့ ရာထူးက ထုတ်ပယ်လိုက်ကြောင်း ကချင်ပြည်နယ် အစိုးရအဖွဲ့ဝင် ဝန်ကြီးတဉီးက ဘီဘီစီကို အတည်ပြုပြောကြားပါတယ်။

ကန်ပိုက်တီးမှာ နယ်ခြားစောင့် တာဝန်ကျတဲ့ တခြားအရာရှိ သုံးဉီးကို လစာခြောက်လ တိုးမြှင့်မှု ရပ်ဆိုင်းတဲ့ ပြစ်ဒဏ်ချမှတ်ကြောင်း သတင်းလည်း ထွက်ပေါ်ပေမယ့် သီးခြား အတည်ပြုချက် မရရှိခဲ့ပါဘူး။

ဖားကန့်မှာ တရုတ်နိုင်ငံဘက်ကနေ စက်ယန္တရားအမြောက်အမြားရောက်ရှိလာပြီး ကျောက်စိမ်းအကြီးအကျယ် တူးဖော်ခဲ့မှုနဲ့ပတ်သက်ပြီး ဒေသခံတွေနဲ့ ပြည်သူအများက ကန့်ကွက်မှုတွေ ဖြစ်ပေါ်လာခဲ့ပြီးနောက် ပြီးခဲ့တဲ့နှစ်ကုန်ပိုင်းမှာ ကချင်ပြည်နယ် ဝန်ကြီး ၄ ယောက်အပါအဝင် အစိုးရအဖွဲ့ဝင်တွေကို စုံစမ်းစစ်ဆေးမှုတွေ ပြုလုပ်ခဲ့ပါတယ်။

အခုဖြစ်ရပ်ဟာ ဖားကန့်ကျောက်စိမ်းတူးဖော်မှုနဲ့ပတ်သက်ပြီး ပြည်နယ်အစိုးရထိပ်တန်းတာဝန်ရှိသူတယောက်ကို ပထမဆုံး အရေးယူမှု ဖြစ်ပါတယ်။

ကချင် ပြည်နယ် စီးပွားစီမံ ဝန်ကြီး ဉီးခင်မောင်ထွန်းကတော့ တရုတ်ပြည်ထဲကနေ စက်ယန္တရားကြီး အများအပြားကို ဖားကန့်အရောက် တင်သွင်းနိုင်တာဟာ သြဇာအာဏာ ကြီးကြီးမားမား ရှိသူ တယောက် မပါဝင်ဘဲ မဖြစ်နိုင်ဘူးလို့ ဆိုပါတယ်။ "ယန္တရားကြီးတွေဆိုတာ အိတ်ထောင်ထဲထည့်ပြီး ဝှက်သယ်လာလို့ ရတာ မဟုတ်ဘူး"လို့ ဦးခင်မောင်ထွန်းက ဘီဘီစီကို ပြောပါတယ်။

BBC Burmese
http://www.bbc.com/burmese


ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ ကမ္ဘာပေါ်မှာ အချိန်အကြာဆုံးယူနေရတဲ့ အာဏာလွှဲပြောင်းမှု မြန်မာနိုင်ငံမှာ မကြာခင် ဖြစ်လာလိမ့်မယ်လို့ မျှော်လင့်ရပါတယ်။ ဒါပေမဲ့ မလွှဲပြောင်းခင်မှာ အမြီးနှုတ်ခေါင်းနှုတ်ခံနေရတဲ့ ဒီအာဏာ တကယ်လွှဲပြောင်းလာတဲ့အခါ ဘာများကျန်တော့မှာလဲ၊ ချောချောမွေ့မွေ့ကော ဖြစ်နိုင်ပါ့မလားဆိုတာ ပြည်သူ့လွှတ်တော်ကိုယ်စားလှယ် ဦးဖေသန်း၊ ပြည်သူ့လွှတ်တော်ကိုယ်စားလှယ်ဟောင်း ဦးရဲထွန်း တို့နဲ့ ဦးကျော်ဇံသာ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ ဦးဖေသန်း လွှတ်တော်အမတ်ကြီး ပြောပါ။ ဗဟိုအာဏာ လွှဲပြောင်းရေးနဲ့ ပတ်သက်ပြီးတော့ ရှေ့ ကို အဆင်ပြေပြေ၊ ချောချောမွေ့မွေ့ ဖြစ်မယ်လို့ ထင်ပါသလား။

ဦးဖေသန်း ။ ။ ဒေါ်အောင်ဆန်းစုကြည် နဲ့ တိုင်းရင်းသားတွေ တွေ့တဲ့အခါမှာတော့ ဒေါ်အောင်ဆန်းစုကြည်က ပြောတယ်။ ဒီနိုင်ငံမှာ (၅) လလောက် အာဏာလွှဲပြောင်းရေးမှာ ကြာတာမျိုးကို ဒီအပြင် ကမ္ဘာပေါ်မှာ မရှိတဲ့ ကြာတဲ့အချိန်မျိုး ဖြစ်တယ်လို့ ပြောသွားတယ်။ ဒါပေမဲ့ ကျနော်တို့ တဖက်က တွေးရင်တော့ NLD ဘက်ကရော၊ အစိုးရဘက်ကရော အာဏာလွှဲပြောင်းရေးကို စနစ်တကျ လုပ်နေကြတာကို တွေ့ပါတယ်။ ပြည်သူတွေကလည်း အဲဒီအပေါ်မှာ တအားစောင့်စားပြီးတော့၊ မျှော်ကိုးပြီးတော့ ဝမ်းသာချင်နေကြတယ်။ အဲဒါကြောင့် ဒီလိုအခြေအနေမျိုးကို နှစ်ဘက်စလုံးက သိပါတယ်။ ပြည်သူတွေကလည်း လိုလားပါတယ်။ အဲဒါကြောင့် အာဏာလွှဲပြောင်းရေးကတော့ ချောချောချူချူ ဖြစ်မယ်လို့ ကျနော်ကတော့ ယေဘုယျ ပြောချင်ပါတယ်။

ဦးကျော်ဇံသာ ။ ။ ဦးရဲထွန်းရဲ့  သဘောကိုလဲ ပြောပါအုံး။ အာဏာလွှဲပြောင်းရေး စိတ်ချလက်ချ အေးအေးဆေးဆေး ဖြစ်သွားမယ်လို့ ယူဆပါလား။

ဦးရဲထွန်း ။ ။ ကျနော့်အမြင်ကလည်း အာဏာလွှဲပြောင်းရေးကတော့ ချောချောချူချူ ဖြစ်လိမ့်မယ်လို့ပဲ မူလကတည်းက မျှော်လင့်ထားပါတယ်။ နည်းနည်းလေး ကြာနေတာကတော့ အစိုးရသက်တမ်း (၅) နှစ်ပြည့်တဲ့အချိန်နဲ့ မတိမ်မယိမ်းမှာ ရွေးကောက်ပွဲတွေ ကျင်းပပေးဖို့လိုတယ်။ ဥပမာ အစိုးရသက်တမ်းက မတ်လ (၃၁) ရက်နေ့မှာ (၅) နှစ်ပြည့်မှာ။ အဲဒီနေ့ကျမှ လွှဲပြောင်းနိုင်မယ်ဆိုရင် ကျနော်တို့က (၁) လလောက် ကြိုပြီးတော့ ရွေးကောက်ပွဲ လုပ်မယ်။ တစ်ပတ်နှစ်ပတ်အတွင်းမှာ ရွေးကောက်ပွဲရလဒ်တွေ သိပြီးတဲ့အခါမှာ လွှတ်တော်သစ်ကိုစမယ်။ ပြီးရင် အာဏာလွှဲပြောင်းတာ လုပ်မယ်ဆိုရင်တော့ သိပ်မကြာဘူးပေါ့။ ဆိုလိုချင်တာက ဒေါ်အောင်ဆန်းစုကြည် ပြောတာလဲ မှန်ပါတယ်။ ကျနော်တို့က (၅) လလောက်ကြီး ခြားနေတဲ့အခါကြတော့ သိပ်ကြာတယ်။ ဒီကြားထဲမှာ အစိုးရရဲ့  ဆောင်ရွက်ချက်တွေနဲ့ ပတ်သက်လို့လဲ နောက်တက်လာတဲ့ လွှတ်တော်က ယုန်ထင်ကြောင်ထင် ဖြစ်တာတွေလဲ ရှိတာပေါ့။ ဒါကြောင့် ဒါတွေကတော့ မကောင်းဘူး။ မကောင်းတော့ နောင်မှာမဖြစ်အောင် ရွေးကောက်ပွဲကို နောက်ကျပြီးတော့ ကျင်းပလို့ ရပါတယ်။

ဦးကျော်ဇံသာ ။ ။ အာဏာလွှဲပြောင်းရေးကို အချိန်ကြန့်ကြာစေတာက အပြည့်အဝ မလွှဲစေချင်တဲ့သဘော အဲဒီအတွက်ကြောင့် ထော်လော်ကန့်လန့် လုပ်နေသလားဆိုတာ သာမန်အရပ်သားတွေ အမြင်က အဲဒီလို မြင်ကြပါတယ်။ ၅၉ (စ) ကို ထောက်ခံတယ်ဆိုတာမျိုးတောင် လုပ်လာကြတယ်ဆိုတော့။ ဒီလုပ်ရပ်တွေကို ကြည့်မယ်ဆိုရင် အာဏာလွှဲချင်တဲ့ဆန္ဒ သူတို့စိတ်ထဲမှာ တကယ်ရှိရဲ့ လားဆိုတာ လူတွေက သံသယ ရှိကြပါတယ်။ ဦးဖေသန်း ဒီကိစ္စတွေကို ဘယ်လို မြင်ပါလဲ။

ဦးဖေသန်း ။ ။ ဘာပဲပြောပြော နှစ်ပေါင်း (၅၀) (၆၀) အတွင်းမှာ ဒီလို အာဏာလွှဲပြောင်းပေးတယ်ဆိုတာ အရပ်သားကို တခါမှ မရှိခဲ့လေတော့ ဒါကို နားလည်ပေးပြီးတော့ ကျနော်တို့ Hand Over ဖြစ်ဖို့အတွက် ကျနော်တို့ စိတ်ရှည်သည်းခံပြီးတော့ ကြိုးစားရမှာ ဖြစ်ပါတယ်။ ၅၉(စ) အပိုင်းကြတော့ အာဏာလွှဲပြောင်းရေးနဲ့ ကျနော်ကတော့ တကန့်စီ စဉ်းစားပါတယ်။ ၅၉(စ) ကတော့ တချိန်က အာဏာရှင်တွေက ဥပဒေ ရေးစွဲခဲ့တဲ့အခါမှာ တစုံတယောက်ကို ရည်ရွယ်ပြီးတော့ ဆွဲခဲ့တာလဲ ဖြစ်ကောင်းဖြစ်ပါလိမ့်မယ်။ ၅၉(စ) နဲ့ ပတ်သက်ပြီးတော့ အာဏာလွှဲပြောင်းရေးအတွက် အခက်အခဲဖြစ်အောင် တဘက်က ကြံနေတယ်လို့တော့ ကျနော်က အဲဒီလိုမျိုးတော့ မယူဆဘူး။ ဒေါ်စု သမ္မတဖြစ်ဖို့ကိုပဲ သူတို့က လိုလားတယ်၊ မလိုလားတယ် အဲဒါနဲ့ ပတ်သက်လို့ ဖြစ်ပါလိမ့်မယ်။ တဘက်က တပ်မတော်အနေနဲ့လဲ ဖွဲ့စည်းပုံကို လုံးဝ အပွန့်အပဲ မခံချင်တဲ့ ကာကွယ်မယ်ဆိုတဲ့ သဘောမျိုးကို သက်သေပြနေတာလဲ ဖြစ်ပါလိမ့်မယ်။

ဦးကျော်ဇံသာ ။ ။ ဦးရဲထွန်းက ၅၉(စ) ကိစ္စနဲ့ အာဏာလွှဲပြောင်းရေးဟာ သီးခြားစီလို ထင်ပါလား။

ဦးရဲထွန်း ။ ။ မှန်ပါတယ်။ ၅၉(စ) ပြင်ဆင်ပြီး ဒေါ်အောင်ဆန်းစုကြည် သမ္မတဖြစ်ရေးဆိုတဲ့ ကိစ္စက အမှန်က ဖွဲ့စည်းပုံ အခြေခံဥပဒေ ပြင်ပြီးမှ လုပ်ရမယ့်၊ လုပ်သင့်တဲ့ကိစ္စပေါ့။ အဲဒီတော့ ဖွဲ့စည်းပုံကို ဆိုင်းငံ့ပြီးတော့ လုပ်မယ်ဆိုတဲ့အပေါ်မှာ မျှော်လင့်ချက်ထားပြီး တခါတည်း ဒေါ်အောင်ဆန်းစုကြည်ကို သမ္မတအဖြစ်နဲ့ တင်ချင်ပုံ ရပါတယ်။ NLD ဘက်ကလဲ။ အဲဒီလို တင်မယ့်ကိစ္စကို ဦးကိုနီပြောတဲ့ သဘောထားက လွှတ်တော်ထဲမှာ သာမန်အများစုမဲနဲ့ ဆုံးဖြတ်နိုင်တဲ့ဟာမျိုးကို သူတို့ ပြောလာတဲ့အခါကြတော့ အဲဒီအတိုင်း လုပ်မယ်ဆိုရင် နောင်မှာလဲ ဖွဲ့စည်းပုံ အခြေခံဥပဒေပါ ပြဌာန်းချက်တွေကို အနိုင်ရပါတီက အဲဒီလို ဆိုင်းငံ့ပြီးတော့ လုပ်လာမယ်ဆိုလို့ရှိရင် နောင်အစဉ်အလာ ဖြစ်သွားလို့ဖြစ်ရင် ဖွဲ့စည်းပုံ ဥပဒေကတော့ အလကား ဖြစ်သွားမှာပေါ့။ ဒါကို တပ်မတော်ဘက်အနေနဲ့ စဉ်းစားမိပုံ ရပါတယ်။ ဒါကြောင့်မို့ ဆိုင်းငံ့တဲ့ကိစ္စကိုတော့ သဘောမတူနိုင်ဘူးလို့ အဲဒီလို ပြောပုံရပါတယ်။ ဆိုလိုတာက အခုန ဦးဖေသန်း ပြောသလို ကျနော်တို့က အစိုးရဖွဲ့ပြီးတော့ အာဏာလွှဲပြောင်းရေးကို အရင်လုပ်ဖို့က အဓိကတော့ မတ်လ (၃၁) ရက်နေ့ နောက်ဆုံး ဖြစ်ရပါမယ်။ အဲဒါက (၅) နှစ်ပြည့်တဲ့နေ့ပါပဲ။ အဲဒီနေ့တော့ အဆင်သင့် ဖြစ်လိမ့်မယ်လို့ ကျနော်တို့ ယူဆပါတယ်။

ဦးကျော်ဇံသာ ။ ။ နောက်တခုက အာဏာလွှဲတယ်ဆိုတော့ အာဏာက ဘယ်လောက်ကာသေးလို့လဲ။ အခွံပဲ လွှဲသလို ဖြစ်နေတယ်ဆိုပြီးတော့ မြင်တဲ့အမြင်တချို့ လဲ ရှိပါတယ်။ ဘာကြောင့်လဲဆိုတော့ အုပ်ချုပ်ရေးမှာလဲ ဝန်ကြီးဌာနတွေကို စစ်တပ်က ချုပ်ကိုင်ထားတဲ့ဟာတွေ၊ နောက် အရေးကြီးတဲ့ ပြည်နယ်တချို့ ရဲ့  ဝန်ကြီးချုပ်ရာထူးတွေကို သူတို့ တောင်းခံနေတဲ့ ကိစ္စတွေ စသဖြင့်။ ဒီကိစ္စတွေကိုလဲ လူတွေက တွက်ကြတယ်။ အာဏာလွှဲလိုက်လို့ကော ဘာပါမှာလဲ။ အထူးသဖြင့် ဝန်ကြီးဌာနတွေမှာဆို အမြဲတမ်းအတွင်းဝန် (Permanent Minister) ရာထူးတွေကို စစ်တပ်က လူတွေကို ခန့်ထားတယ်။ ဆိုတော့ ဒါတွေဟာလဲ အာဏာလွှဲတဲ့အခါမှာ ပြည်သူလူထု ရွေးကောက်တင်မြှောက်တဲ့ အစိုးရလက်ထဲကို အာဏာသိပ်မရောက်ဘဲနဲ့ သူတို့ ရှိပြီသာ Establishment စစ်တပ်ကြီးစိုးတဲ့ အသိုင်းအဝိုင်းမှာပဲ အာဏာကျန်ခဲ့အောင် လုပ်ထားတယ်လို့ တွက်ကြပါတယ်။ အဲဒီကိစ္စကို ဦးဖေသန်း ဘာပြောချင်ပါလဲ။

ဦးဖေသန်း ။ ။ အဲဒီလို တွေးတယ်ဆိုတာ တဘက်က မှန်ပါတယ်။ တပ်အနေနဲ့ တိုင်းပြည်ရဲ့  အဓိက ဝန်ကြီးဌာနတွေကို သူတို့က ကိုင်ထားတာပေါ့။ အဲဒါကြောင့် ဖွဲ့စည်းပုံရဲ့  အကြပ်အတည်းကို ကျော်လွှာတဲ့အခါမှာ NLD အစိုးရအနေနဲ့ လုပ်ပိုင်ခွင့်တွေက အကန့်အသတ် သူတို့မှာ ရှိနေပါတယ်။ ဒါပေမဲ့ ကျနော်တို့က ဒီလို အချိန်အခါမျိုးမှာ အစွမ်းကုန်ရမှ ဖြစ်မယ်ဆိုတဲ့ ပုံစံမျိုးကို သွားပြီးတောင်းဆိုနေမယ်ဆိုရင် ကျနော်တို့ တချိန်က ဘာမှမလုပ်နိုင်ခဲ့တဲ့ အခြေအနေမျိုးမှာ ဒီလောက်ထိ လုပ်နိုင်တာကို ကျနော်တို့က တဘက်က ကျနော်တို့ဘက်က အားသာချက်ပေါ့။ ကျနော်တို့ တခြားကိစ္စတွေ အများကြီး လုပ်နိုင်ပါတယ်။ ဖွဲ့စည်းပုံဥပဒေကို မပြင်ဆင်ဘဲနဲ့ ဒါတွေကို တသက်လုံး ပေးထားစရာအကြောင်း မရှိပါဘူး။ ဖွဲ့စည်းပုံကို ပြင်ဆင်ရမယ်။ တပ်မတော်ရဲ့  လွှတ်တော်ထဲမှာ ပါဝင်ပတ်သက်မှုကို လျှော့ချသလို၊ ဝန်ကြီးဌာနတွေ ယူထားတာကို လျှော့ချရမယ်။ အဲဒီလို ကျနော်တို့ မလုပ်နိုင်သေးပါဘူး။ အကန့်အသတ်ရှိတဲ့ ဝန်ကြီးဌာနတွေနဲ့ ပတ်သက်ပြီးတော့ တပ်နဲ့ ညှိနှိုင်းစေ့စပ်ပြီးတော့ ဖွဲ့စည်းပုံကို ပြင်ဆင်နိုင်အောင် ကြိုးစားရမယ်။ အဲဒီထွက်ပေါက်ကပဲ အသွင်ကူးပြောင်းရေးကာလကို ညင်ညင်သာသာ၊ ချောချောမွေ့မွေ့နဲ့ သွားနိုင်မယ်လို့ ကျနော်တို့က ယူဆပါတယ်။

ဦးကျော်ဇံသာ ။ ။ ဦးဖေသန်းကတော့ အကောင်းမြင်တယ်။ သုံးသပ်သူတွေကတော့ အာဏာလွှဲတယ်ဆိုပေမယ့် အာဏာက အခွံပဲ ဖြစ်နေပြီးတော့ အနှစ်သာရ ဘာမှမပါသလို ဖြစ်နေပြီလို့ အဲဒီလို သုံးသပ်ချက်၊ ပြောကြားချက်တွေနဲ့ ပတ်သက်ပြီးတော့ ဦးရဲထွန်းရဲ့  သဘောထားကိုလဲ သိချင်ပါတယ်။

ဦးရဲထွန်း ။ ။ ဖွဲ့စည်းပုံ အခြေခံဥပဒေအရဆိုရင် ကျနော်တို့က (၅) နှစ်တကြိမ် ရွေးကောက်ပွဲ နိုင်လာတဲ့ အစိုးရအဖွဲ့ကတော့ အပြောင်းအလဲ ဖြစ်သွားမှာပေါ့။ အောက်ခြေယန္တရားကြီးကတော့ နဂိုအဟောင်းကိုပဲ ဆက်ခံရတာဖြစ်တယ်။ အဲဒီ ယန္တရားကြီးကတော့ ကျနော်ထင်တယ် ကျနော်တို့ အများကြီးကို ပြုပြင်ပြောင်းလဲရေးတွေ လုပ်ရမှာ။ ပြောင်းရမှာဆိုတဲ့အခါကြတော့ စစချင်းမှာတော့ ဒီဟာတွေ အပြောင်းအလဲတွေက သိသိသာသာ ဖြစ်လိမ့်မယ် မဟုတ်ဘူး။ ပြည်သူလူထု မျှော်လင့်သလို ဝုန်းဒိုင်းတော့ ဖြစ်လာမှာ မဟုတ်ဘူး။ ပြည်သူလူထုနဲ့ အုပ်ချုပ်တဲ့ ယန္တရားကြားမှာ အပြန်အလှန် ထိန်းကျောင်းတဲ့ စနစ်တွေ ထည့်ဖို့ရယ်။ ဒါတွေကိုတော့ ဒေါ်အောင်ဆန်းစုကြည်တို့ NLD အစိုးရက တော်တော်လေးကို လုံးလစိုက်ပြီးတော့ လုပ်ရမယ်။ နောက် ဥပဒေတွေ ပြဌာန်းပြီးတော့ အပြောင်းအလဲတွေ လုပ်နိုင်တယ်။ ပြည်သူလူထုအတွက် ဆောင်ရွက်ပေးတဲ့ အစိုးရယန္တရားကြီး ဖြစ်လာအောင် လုပ်နိုင်တယ်ဆိုတာကတော့ ဥပဒေတွေ ပြင်ရမယ်လို့ ထင်ပါတယ်။

ဦးကျော်ဇံသာ ။ ။ အဲဒါပဲ ကျနော်တို့ စိုးရိမ်တာ။ ဗျူရိုကရေစီ အုပ်ချုပ်ရေးယန္တရားဆိုတာ တကယ်တမ်း အာဏာရှိမှသာ ပြုပြင်လို့ ရတာပါ။ တကယ်တော့ စောစောက ပြောသလို အဓိက အနှစ်သာရရှိတဲ့ အာဏာတွေကို စစ်တပ်က ထိန်းချုပ်ထားတယ်လို့ တိုက်ရိုက်ပြောရမယ်ဆိုရင်။ အဲဒီလို ယူထားတယ်ဆိုတော့ ပြင်ရလွယ်ပါ့မလား။ ကိုလိုနီခေတ်ကလည်း (၉၁) ဌာန အုပ်ချုပ်ရေး၊ ဗမာလူမျိုးတွေ (၅) ထောင်စား ဝန်ကြီးတွေ ဖြစ်ပေမယ့် အင်္ဂလိပ် အတွင်းဝန်တွေကပဲ အဓိက ချုပ်ကိုင်ပြီးတော့ သူတို့ လုပ်သွားကြတာ။ အဲဒီလို အခက်အခဲမျိုး မတွေ့နိုင်ဘူးလား။

ဦးရဲထွန်း ။ ။ တွေ့နိုင်ပါတယ်။ ကျနော်တို့က ဖွဲ့စည်းပုံ အခြေခံဥပဒေ အားနည်းချက်ကြောင့် ဗဟိုချုပ်ကိုင်မှု ပြင်းထန်နေတာ ရှိသလို။ ဒီအောက်မှာရှိတဲ့ ပြည်နယ်နဲ့ တိုင်းဒေသကြီး အစိုးရအဖွဲ့တွေက ဖွဲ့စည်းပုံ အခြေခံဥပဒေ ပြဌာန်းချက်အတိုင်း ရဲရဲတင်းတင်း မလုပ်ရဲတာ၊ မတောင်းဆိုရဲတာတွေ အတွက်ကြောင့်လဲ ဖြစ်နိုင်တယ်။ ဥပမာအားဖြင့် မြို့ နယ်အုပ်ချုပ်ရေးမှူး၊ ခရိုင်အုပ်ချုပ်ရေးမှူး၊ တိုင်းဒေသကြီး ပြည်နယ်အုပ်ချုပ်ရေးမှူးဟာ ပြည်နယ်အစိုးရအဖွဲ့ရဲ့  အတွင်းရေးမှူး ဖြစ်ရမယ်လို့ ဖွဲ့စည်းပုံအခြေခံဥပဒေမှာ ဆိုထားတယ်။ ပြည်နယ်တိုင်းဒေသကြီး အုပ်ချုပ်ရေးမှူးများဟာ ပြည်ထဲရေးဝန်ကြီးကို တာဝန်ခံရမယ်လို့ ဖွဲ့စည်းပုံ အခြေခံဥပဒေမှာ ဆိုမထားဘူး။ အဲဒီလိုဟာမျိုးလေးတွေ နမူနာ ပြောပြတာပါ။ အဲဒီတော့ အခြေခံဥပဒေမှာ အောက်ခြေမှာ ဖယ်ဒရယ်စနစ် ပြီပြင်စွာ လုပ်ကိုင်ဆောင်ရွက်တာတွေ ရှိတယ်။ တချို့ ကိစ္စတွေမှာ ဥပဒေပြဌာန်းပြီးတဲ့အခါကြတော့ Check and Balance အပြန်အလှန် ထိန်းကြောင်းတဲ့စနစ်တွေဖြစ်အောင် ကျနော်တို့က တည်ဆောက်ယူလို့ရတယ်။ အခု အစိုးရဟောင်းက ထည့်ထားခဲ့တဲ့ Permanent အတွင်းဝန်ဆိုတဲ့ ပုဂ္ဂိုလ်တွေကိုတော့ အရည်အချင်းရှိတယ်၊ ရိုးသားတယ်၊ သုံးလို့ရတယ်ဆိုရင် ဆက်သုံးပြီးတော့ တချို့ ဟာတွေကြတော့ လဲပေးရမယ်လို့ ကျနော်ကတော့ မြင်ပါတယ်။

ဦးကျော်ဇံသာ ။ ။ တကယ်တော့ ဒါဟာ ကြက်နဲ့ ကြက်ဥလိုပဲ ဖွဲ့စည်းပုံပြင်မှ ဖြစ်မယ်။ သူတို့ရဲ့  သဘောတူညီမှုရမှ ဖွဲ့စည်းပုံကို ပြင်နိုင်မယ်ဆိုတာတွေ အများကြီး ရှိမှာပေါ့။ အဓိက ကျနော် ပြန်ပြီးတော့ ထောက်ပြချင်တာကတော့ အခုလက်ရှိ ဖွဲ့စည်းပုံထဲမှာ ဖယ်ဒရယ်စနစ် အမှန်တကယ် ပေါ်ပေါက်လာမယ့် အခြေခံတောင် ပါနေတယ်ဆိုတော့ နည်းနည်း ဖွဲ့စည်းပုံအပေါ်မှာ ဦးရဲထွန်းဟာ အကောင်းမြင်လွန်တယ်လို့ ကျနော် ထင်တယ်။ ဦးဖေသန်း ဘယ်လို သဘောရပါလဲ။

ဦးဖေသန်း ။ ။ ဖယ်ဒရယ်စနစ်မျိုး ပါတယ်လို့ အတွင်သဏ္ဍာန်အားဖြင့် ကျနော်တို့ ပြောနိုင်တာတော့ ရှိတာပေါ့။

ဒါပေမဲ့ အနှစ်သာရအားဖြင့်တော့ ဘာမှ မရှိသလောက်ပဲ။ အဲဒါကြောင့် ကျနော်တို့က ဖယ်ဒရယ် ပြည်ထောင်စုတခု ပေါ်ပေါက်လာဖို့ဆိုတာ လွှတ်တော်ထဲကကြီးပဲ လုပ်လို့မရဘူး။ ကျနော်တို့ လွှတ်တော်မှာ ဆွေးနွေးတာကို တပ်က ဗီတိုနဲ့ ပယ်ချတယ်။ သူက လက်မခံဘူးဆိုရင် ရှုံးပြီ။ ဒါပေမဲ့ တဘက်မှာ လက်နက်ကိုင် အင်အားစုတွေ၊ တော်လှန်ရေး အင်အားစုတွေ ရှိတယ်။ သူတို့နဲ့ကြတော့ အပေးအယူ ဆွေးနွေးနိုင်တယ်။ အဲဒါမျိုးနဲ့ တဘက်က ဖယ်ဒရယ်ပြည်ထောင်စု သွားရလမ်းကို ပုံဖော်ပါလိမ့်မယ်။ လက်ရှိ ပြည်ထောင်စုစနစ်ကို ပီပီပြင်ပြင် တည်ဆောက်ရမယ်လို့ တပ်၊ ပြည်သူ နဲ့ အစိုးရ နားလည်လက်ခံလာတဲ့ အချိန်မှာတော့ ဒါက ဖယ်ဒရယ်ပြည်ထောင်စုကို သွားတဲ့ ဖွဲ့စည်းပုံတခု ပီပီပြင်ပြင် ဖြစ်ပေါ်လာလိမ့်မယ်လို့ ယူဆပါတယ်။

ဦးကျော်ဇံသာ ။ ။ နိုင်ငံရေး၊ အုပ်ချုပ်ရေး အာဏာ လွှဲပြောင်းမယ့်ကိစ္စကို ပြောပြီးပါပြီ။ နောက်ဆုံး အကျဉ်းချုပ် ဖြေစေချင်တာက စီးပွားရေး။ အခု မြန်မာနိုင်ငံက သတင်းတွေအရ သယံဇာတ စီးပွားရေးလုပ်ငန်းတွေလဲ အာဏာမလွှဲခင် အကုန်လုံးကို ပြောင်တလင်းခါအောင် ကျူံးပြီးတော့ ယူနေကြတယ်ဆိုတာ ကြားရပါတယ်။ သတင်းတွေထဲမှာလဲ ဖတ်ရပါတယ်။ ဒီကိစ္စနဲ့ ပတ်သက်လို့ ဦးရဲထွန်း ဘယ်လို ပြောချင်ပါလဲ။

ဦးရဲထွန်း ။ ။ အထူးသဖြင့်တော့ ပြောင်တလင်းခါအောင် ယူတယ်ဆိုတဲ့ ကိစ္စမှာ ပြီးခဲ့တဲ့ (၅) နှစ်ကာလမှာကတည်းက ရတနာလို့ သတ်မှတ်တဲ့ မိုင်းတွင်းတွေကို Mass Production အကြီးအကျယ် ထုတ်လုပ်တဲ့ဥစ္စာကို ခွင့်ပြုထားတယ်။ ခွင့်ပြုထားတော့ အဲဒီဟာကို ကျနော်တို့က ဥပဒေအရ ဒါကို ခွင့်မပြုဖို့၊ ကျနော်တို့ မစွမ်းဆောင်နိုင်ခဲ့ဘူး။ ဘာကြောင့်လဲဆိုတော့ ပြည်ခိုင်ဖြိုးပါတီကပဲ လွှတ်တော်မှာ အင်အားအများစု ဖြစ်နေလို့။ အဲဒီတော့ ဒီအချိန်မှာ ဒီဟာကို တားချင်တယ်ဆိုရင် ဥပဒေ ပြဌာန်းပြီးတော့ တားလို့ရတယ်။

ဦးကျော်ဇံသာ ။ ။ ဦးဖေသန်းရဲ့  မှတ်ချက် ကြားချင်ပါတယ်။

ဦးဖေသန်း ။ ။ ဒါကတော့ နှစ်ပေါင်း (၄-၅-၆၀) အာဏာရှင်အစိုးရတွေ အဆက်ဆက် ထင်သလို လုပ်လာခဲ့ကြတာပဲ။ တိုင်းပြည်လဲ ပြောင်တလင်းခါနေပါပြီ။ ဒီအချိန် တစ်လလောက်အတွင်းမှာ သူတို့လဲ ရသမျှကို သိမ်းကျူံးပြီးတော့ နောက်ဆုံးလက်ကျန်လေးတွေကို ရှင်းကြတာပေါ့။ ဒါကတော့ နောက် အစိုးရလက်ထက်မှာပဲ ဥပဒေနဲ့ ညီမညီ၊ နည်းဥပဒေနဲ့ ကိုက်မကိုက် စစ်ဆေးနိုင်ပါတယ်။

 ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com


သူရဦးရွှေမန်း ဥက္ကဋ္ဌ အဖြစ် ဆောင်ရွက်နေတဲ့ ဥပဒေရေးရာနဲ့ အထူးကိစ္စရပ်များ လေ့လာစမ်းစစ် သုံးသပ်ရေး ကော်မရှင်ကို ပြည်ထောင်စုအဆင့် ဖွဲ့စည်းဖို့ မနေ့က ပြည်ထောင်စုလွတ်တော်မှာ ကန့်ကွက်သူမရှိ အတည်ပြုလိုက်ကြပါတယ်။ ဒီကော်မရှင်ဟာ ပထမအကြိမ်လွတ်တော်သက်တမ်းမှာ ပြည်သူ့လွတ်တော် အဆင့်သာရှိပြီးတော့အခုလို ဒုတိယအကြိမ် လွတ်တော်ကျမှ ပြည်ထောင်စုလွတ်တော်မှာ အတည်ပြုလိုက်တာဟာ အမျိုးသားလွတ်တော်နဲ့ ပြည်သူ့လွတ်တော်တွေရဲ့ တည်ဆဲဥပဒေတွေကို လေ့လာစမ်းစစ်သုံးသပ်ရေးတွေမှာ ပိုမိုအားကောင်းလာနိုင်တယ်လို့ လွတ်တော်ကိုယ်စားလှယ်ဟောင်းတစ်ဦးက သုံးသပ်ပါတယ်။ အပြည့်အစုံကိုတော့ ဗွီအိုအေ မြန်မာပိုင်းသတင်းထောက် ကိုထက်အောင်က တင်ပြပေးမှာပါ။

ဖေဖ၀ါရီလ ၄ ရက်နေ့က ဒုတိယအကြိမ် ပြည်သူ့လွတ်တော်မှာ ဖွဲ့စည်းခဲ့တဲ့ ဥပဒေရေးရာနဲ့ အထူးကိစ္စရပ်များ လေ့လာ ဆန်းစစ် သုံးသပ်ရေး ကော်မရှင်ကို ပြည်ထောင်စုအဆင့်ပြဌာန်းဖို့ မနေ့ မတ်လ ၁ ရက်နေ့က ကန့်ကွက်သူမရှိ ပြည်ထောင်စု လွတ်တော်မှာ အတည်ပြုလိုက်ပါတယ်။ ဒုတိယအကြိမ်ပြည်သူ့လွှတ်တော်က ဖွဲ့လိုက်တဲ့ ကော်မရှင်မှာတော့ အရင် ပြည်ထောင်စု လွှတ်တော်နာယကဟောင်း သူရဦးရွှေမန်းကို ဥက္ကဋ္ဌ အဖြစ် ခန့်အပ် ထားခဲ့ပြီး။ အဖွဲ့ဝင်အများစုဟာ သူရဦးရွှေမန်းနဲ့ နီးစပ်တဲ့ ပုဂ္ဂိုလ်တွေ ဖြစ်ကြပါတယ်။


ပြည်သူ့လွှတ်တော်အဆင့် ကော်မရှင်ကနေ အခုလို ပြည်ထောင်စု အဆင့် အတည်ပြုပြဌာန်းလိုက်တာဟာ လွတ်တော် ၂ ရပ်လုံးရဲ့ ဥပဒေရေးရာ ကိစ္စရပ်တွေကို ပိုမိုထိန်းကျောင်းလာနိုင်တယ်လို့ ပြည်သူ့လွတ်တော် ကိုယ်စားလှယ်ဟောင်း ဦးခိုင်မောင်ရည်က ပြောပါတယ်။

“ဒီကော်မရှင်ထဲမှာပါတဲ့သူတွေက ဆောင်ရွက်မှုတွေကို သက်ဆိုင်ရာ ၀န်ကြီးကဏ္ဍ တွေကို ခေါ်ယူပြီး ကြားနာလို့ရတဲ့ ကိစ္စတွေ ရှိတယ်ဆိုတော့ ဒီကော်မရှင်ရဲ့ ဥက္ကဋ္ဌကလည်း အရင်ပြည်သူ့လွှတ်တော် ဥက္ကဋ္ဌ သူရဦးရွှေမန်း ဖြစ်တဲ့အတွက် ဒီကော်မရှင်ဟာ အင်အားကောင်းကောင်း ဒီလွှတ်တော်ကို ပံ့ပိုး အင်အားကောင်းကောင်းလူတွေကို တစုတဝေးထဲ စုစည်းထားတဲ့အဖွဲ့အစည်းလို့ အဲလိုပဲမြင်တယ်ဗျာ။ အဲဒီအတွက်တော့ ပိုပြီးတော့ မှ လုပ်ဆောင်မှုတွေ ဥပဒေရေးရာ ကိစ္စတွေနဲ့ လွှတ်တော်ကို ထိန်းကျောင်းနိုင်တဲ့ကိစ္စ ပိုအားကောင်းလာမယ်လို့ ကျနော်ထင်ပါတယ် ခင်ဗျ။”

ပြီးခဲ့တဲ့ ပထမအကြိမ် လွတ်တော်သက်တမ်းမှာတုန်းက ဒီကော်မရှင်ကို ပြည်သူ့ လွတ်တော်မှာ ပြဌာန်းထားပြီးတော့ အဲဒီ့ အချိန်တုန်းကတော့ ဦးရွှေမန်းရဲ့သား ဦးတိုးနိုင်မန်းနဲ့ ဥပဒေပညာရှင်အများစုက ဆောင်ရွက်ခဲ့ကြတာပါ။ သူရဦးရွှေမန်း ပြည်သူ့လွှတ်တော်ဥက္ကဌဖြစ်ချိန်တုန်းက ဖွဲ့စည်းခဲ့တဲ့ ကော်မရှင်ဖြစ်သလို၊ သူရဦးရွှေမန်းစိတ်ကြိုက် ဖွဲ့စည်းထားတဲ့ ကော်မရှင်ဖြစ်တယ်ဆိုပြီး ဝေဖန်မှုတွေ ရှိခဲ့ပါတယ်။

ဒါ့အပြင် ပြည်သူ့လွှတ်တော်ဥပဒေပြဌာန်းရေးကိစ္စရပ်တွေမှာလည်း ဒီကော်မရှင်ဟာ အရေးပါခဲ့ပါတယ်။ ဒါပေမဲ့လည်း အဲဒီ့အချိန်တုန်းက ပြည်သူ့လွတ်တော် မှာပဲ ဆောင်ရွက်ခဲ့တာဖြစ်ပြီး အမျိုးသားလွတ်တော်မှာတော့ သီးခြားကော်မတီဖွဲ့ပြီး လုပ်ဆောင်ခဲ့ကြတာပါ။ လက်ရှိမှာတော့ ဒီကော်မရှင်ကို ပြည်ထောင်စု လွတ်တော်မှာ အတည်ပြု ပြဌားန်လိုက်တာနဲ့ ပတ်သတ်လို့ ကော်မရှင်ရဲ့ ဒုတိယဥက္ကဋ္ဌ လည်းဖြစ် အမျိုးသားဒီမိုကရေစီအဖွဲ့ချုပ်ပါတီရဲ့ ပဲခူးတိုင်းဒေသကြီး မဲဆန္ဒနယ်အမှတ် ၄ က အမျိုးသားလွတ်တော် ကိုယ်စားလှယ် ဒေါက်တာ ၀င်းမြတ်အေးက အခုလိုပြောပါတယ်။

“တည်ဆဲဥပဒေတွေကို လေ့လာဆန်းစစ်သုံးသပ်ပြီးတော့ ပြင်ဆင်သင့်တာ ထည့်သင့်တာ အသစ်ပြဌာန်းသင့်တာတွေကို လုပ်မှာပေါ့နော်။ ဒါပေမယ့် တခု ထူးခြားတာကတော့ သူက ပြည်ထောင်စုလွှတ်တော်တို့ ပြည်သူ့လွှတ်တော်တို့ အမျိုးသားလွှတ်တော်တို့နဲ့ မကိုင်တွယ်တဲ့ တချို့ဟာလေးတွေလည်း ဒီမှာ ပါမှာပေါ့နော်၊ အဲဒီသဘောမျိုးပေါ့။ ဒါပေမယ့် ကျနော်တို့ လုပ်မယ့်ဟာတွေကတော့ ရှင်းပါတယ်။ ဒီနိုင်ငံသူ နိုင်ငံသားအကျိုးအတွက်ပဲ လုပ်မှာပဲလေ။”

ဒီကော်မရှင်ဟာ တည်ဆဲဥပဒေတွေကို လေ့လာဆန်းစစ်သုံးသပ်ပြီးပြင်ဆင်ရေး၊ ပယ်ဖျက်ရေး အသစ်ပြဌာန်းရေးတွေကို ပြည်ထောင်စုလွတ်တော် နာယက ၊ ပြည်သူ့လွတ်တော်နဲ့ အမျိးသားလွတ်တော် ဥက္ကဌတို့ကနေတစ်ဆင့် သက်ဆိုင်ရာ လွတ်တော်တွေကို တင်ပြရမှာဖြစ်ပါတယ်။ ကော်မရှင်ရဲ့ လုပ်ငန်းဆောင်တာတွေနဲ့ ပတ်သက်လို့ ဒေါက်တာဝင်းမြတ်အေး ပြောတာက

“ပြည်ထောင်စု လွှတ်တော်မှာပဲ ဒီဟာ တစုတည်းထဲ လုပ်ထားတာက ပိုပြီးတော့ လုပ်ငန်းရွက်တဲ့နေရာမှာ ပိုပြီးတော့ ထိရောက်ဖို့လေ။ ဒါကတော့ ရှင်းရှင်းလေးပဲ ဒီရည်ရွယ်ချက်ကတော့ ပိုပြီးတော့ ထိထိရောက်ရောက်ဆောင်ရွက်နိုင်မယ်လို့ ယူဆပြီးတော့ အဲဒီလို တပေါင်းတည်းလုပ်လိုက်တာလေ။”

ပြည်ထောင်စုလွတ်တော် ဥပဒေရေးရာနဲ့ အထူးကိစ္စရပ်များ လေ့လာ ဆန်းစစ်သုံးသပ်ရေးကော်မရှင်ရဲ့သက်တမ်းဟာ တစ်နှစ်သက်တမ်းဖြစ်ပြီး လုပ်ငန်းတာဝန်ဆောင်ရွက်မှု အခြေအနေအရ လိုအပ်ရင် သက်တမ်းတိုးနိုင်တာလည်း ဖြစ်ပါတယ်။ ပြည်ထောာင်စု လွတ်တော် နာယကက ကော်မရှင်ရဲ့ သက်တမ်းကာလအတွင်း အဖွဲ့ဝင်တွေကို သင့်လျော်သလို ပြင်ဆင်ဖွဲ့စည်းနိုင်တယ်လို့ ဥပဒေတွေမှာ ပြဌားန်းထားပါတယ်။

ဒီကော်မရှင်ကို ပြည်ထောင်စု အဆင့်ပြဌာန်း လိုက်တာကြောင့် ပြည်သူ့ လွတ်တော်မှာ ဖွဲ့စည်းထားတဲ့ ဥပဒေရေးရာနဲ့ အထူးကိစ္စရပ်များ လေ့လော ဆန်းစစ်သုံးသပ်ရေး ကော်မရှင်ကိုတော့ မတ်လ ၁ ရက်နေ့မှာ ဖျက်သိမ်းလိုက်ပြီဖြစ်ပါတယ်။ လက်ရှိအချိန်မှာတော့ ဥက္ကဋ္ဌ သူရဦးရွှေမန်း အပါအ၀င် အဖွဲ့ဝင် ၃၅ ဦးနဲ့ ဒီကော်မရှင်ကို ဖွဲ့စည်းထားတာဖြစ်ပါတယ်။

ထက်အောင် / ဗွီအိုအေ (မြန်မာပိုင်း)
http://burmese.voanews.com


ရှမ်းပြည်နယ် အရှေ့မြောက်ပိုင်း “၀” တပ်ဖွဲ့ (UWSA) ထိန်းချုပ်နယ်မြေ တွင်းရှိ သံဖြူသတ္တုတွင်းများ၏ ထုတ်လုပ် တင်ပို့ မှုကြောင့် မြန်မာနိုင်ငံသည် နှစ်အနည်းငယ်အတွင်း ကမ္ဘာပေါ်၌ သံဖြူထုတ်လုပ်မှု တတိယမြောက် အများဆုံး နိုင်ငံ ဖြစ်လာစေသည်ဟု Resources Policy ဂျာနယ်က ထုတ်ဝေသည့် စာတမ်းတစ်ခုတွင်ဖော်ပြသည်။ စာတမ်းပြုစုသူများက ကြိုတင် မျှော်လင့်မထားသော ဖြစ်ရပ်အဖြစ် သတ်မှတ်ထားသည့် ထိုသတ္တုတွင်းကြောင့် မြန်မာနိုင်ငံ၏ သံဖြူထုတ်လုပ်မှုမှာ ၂၀၀၉ မှ ၂၀၁၄ အထိ ငါးနှစ်ကာလအတွင်း ရာခိုင်နှုန်း ငါးထောင်နီးပါး (၄၉၀၀%) အထိ မြင့်တက်ခဲ့သည်ဟု နိုင်ငံတကာ သံဖြူ သုတေသန အင်စတီကျု (ITRI) ၏ စာရင်းများတွင် ဖော်ပြသည်။


မြန်မာ့သံဖြူ ထုတ်လုပ်မှု အလွန်အမင်း မြင့်တက်လာခြင်းကို ကမ္ဘာအနှံ့ရှိ သတ္တုနှင့် ကုန်ကြမ်း ဈေးကွက် လေ့လာသူများ၊ ပညာရှင်များက ကြိုတင်ခန့်မှန်းနိုင်ခြင်း မရှိခဲ့ဘဲ ကမ္ဘာ့ ဈေးကွက်တွင် ကြီးမားသည့် ရိုက်ခတ်မှုဖြစ်ခဲ့သည်ဟု အောက်စဖို့ဒ်တက္ကသိုလ်မှ ပါမောက္ခ နီကိုလက်ဂါဒီနာနှင့် အခြား သုံးဦးတို့ ရေးသားသည့် “မြန်မာ့ သံဖြူသတ္တုတွင်း လုပ်ငန်း၊ ထုတ်လုပ်မှုနှင့် အလားအလာ” စာတမ်းတွင် ဖော်ပြခဲ့သည်။

“၀” ဒေသတွင် သံဖြူထုတ်လုပ်ခြင်းကို ပန်ဆန်းမြို့မှ ကီလိုမီတာ ၉၀ ခန့် အကွာရှိ မန်းမော်သတ္တုမိုင်းတွင် ထုတ်လုပ်ခြင်းဖြစ်သည်။ ထိုဒေသရှိ သယံဇာတများနှင့် ပတ်သက်၌ ခိုင်မာသည့် အချက်အလက်များ နည်းပါးမှုကြောင့် မန်မော်သတ္တုမိုင်း၏ အမြင့်ဆုံး ထုတ်လုပ်နိုင်စွမ်း မှာ လေ့လာရန် ခက်ခဲသည်ဟု ဆိုသည်။

မန်မော်သတ္တုမိုင်းသည် ၁၀၀ စတုရန်းကီလိုမီတာခန့် အကျယ်ရှိပြီး ကုမ္ပဏီငယ်အချို့ လုပ်ငန်းလုပ်ကိုင်လျက်ရှိသည်ဟု ဆိုသည်။ မန်မော်သတ္တုမိုင်း၏ ၂၀၁၄ အတွင်း ထုတ်လုပ်မှုမှာ တန် ၃၀၀၀၀ နီးပါး ရှိသဖြင့် ကမ္ဘာ့အကြီးဆုံး စာရင်းဝင် ဖြစ်ခဲ့သည်။ Resources Policy ၏ စာတမ်းတွင် “မန်မော်သတ္တုမိုင်း ထွက်ပေါ်မလာချိန်အထိ ပီရူးနိုင်ငံ၌ ဆန်ရာဖေးလ်သတ္တုတွင်းသည် ကမ္ဘာပေါ်တွင် အကြီးဆုံး သံဖြူ သတ္တုတွင်း ဖြစ်သည်” ဟု ဖော်ပြထားသည်။

“၀” ဒေသတွင် သံဖြူသတ္တု Smelting ကျိုချက်သန့်စင်သည့် လုပ်ငန်းများ မရှိသဖြင့် မန်းမော် သတ္တုမိုင်းမှ ထုတ်လုပ်သမျှသတ္တုရိုင်းကို တရုတ်နိုင်ငံသို့ တင်ပို့ရသည်။ ၂၀၁၄ တွင် “၀”ဒေသမှ တရုတ်သို့ သံဖြူ သတ္တုရိုင်း ၁၇၇,၉၅၀ တန် တင်ပို့ခဲ့ပြီး တစ်နိုင်ငံလုံး တင်ပို့မှု၏ ၉၇ ရာခိုင်နှုန်း ခန့်ရှိခဲ့သည်။ သံဖြူ သတ္တုအား အီလက်ထရောနစ်ပစ္စည်းများ ထုတ်လုပ်ရာတွင် အသုံးပြုသည်။

ITRI ၏ အစီရင်ခံစာအရ “၀” ဒေသမှ သံဖြူသတ္တုရိုင်းများ တင်သွင်းမှုကြောင့် တရုတ်နိုင်ငံသည် ၆ နှစ်အတွင်း ပထမဆုံးအဖြစ် ၂၀၁၄ တွင် သန့်စင်ပြီး သံဖြူအသားတင် တင်ပို့သူ ဖြစ်လာပြီး ကမ္ဘာ့ဈေးကွက်တွင် ကြီးမား သည့် ပြောင်းလဲမှု ဖြစ်ခဲ့သည်။ ကမ္ဘာ့ဈေးကွက်တွင် သံဖြူဈေး ဆက်လက်ကျဆင်းနေမှုအပေါ် စိုးရိမ်မှုများ ရှိနေသည်။

သံဖြူဈေး ကျဆင်းစေသည့် အဓိက အကြောင်းရင်းနှစ်ခုတွင် “၀”ဒေသမှ သံဖြူများနှင့် မြန်မာနိုင်ငံ၏ သံဖြူတင်ပို့မှု မြင့်တက်လာခြင်းက အကြောင်းရင်း တစ်ရပ် ဖြစ်သည်။ မြန်မာနိုင်ငံမှ သံဖြူသတ္တုရိုင်းများ တရုတ်နိုင်ငံသို့ တင်ပို့မှု မြင့်တက်လာခြင်းကြောင့် တရုတ်နိုင်ငံအနေဖြင့် ၀ဒေသမှ အရည်အသွေးမြင့် သတ္တုရိုင်းများကို ဈေးသက်သာစွာဖြင့် ၀ယ်ယူကာ ပြန်လည်သန့်စင်ပြီး ကမ္ဘာ့ဈေးကွက်သို့ ပြန်လည်တင်ပို့ နိုင် သည့် အခွင့်အရေး ရရှိခဲ့သည်။

၂၀၁၄ က ထုတ်ဝေခဲ့သည့် အလားတူ အစီရင်ခံစာတွင်လည်း “၀” ဒေသ၌ သံဖြူ အများအပြား တူးဖော်နေခြင်းမှာ စိုးရိမ်ဖွယ် ဖြစ်သည်ဟု ဖော်ပြ ခဲ့သည်။ “သံဖြူဝယ်လိုအားမှာ တည်ငြိမ်လျက် ရှိသော်လည်း မြန်မာနိုင်ငံ “၀” ဒေသတွင် ထုတ်လုပ်မှု အလျင်အမြန် တိုးမြင့်လာခြင်းက ဈေးကွက် အတွက် အဓိက စိုးရိမ်ဖွယ် ဖြစ်သည်” ဟု ဖော်ပြခဲ့သည်။


မိုင်းမော်သတ္တုတွင်းနှင့် ပတ်သက်ပြီး ၀ ဒေသ အစိုးရနှင့် ဗဟိုအစိုးရတို့ကြား အကျေိုးအမြတ် ခွဲဝေမှုကို အစီရင်ခံစာတွင် မဖော်ပြထားပေ။

KHTun
The Ladies News
https://www.facebook.com/News.TheLadies


အရှေ့တောင်အာရှ နိုင်ငံများ စီးပွားရေးအရ အပြန်အလှန် ချိတ်ဆက်မှု တိုးမြင့်လာမှုကြောင့် စနစ်တကျ စုဖွဲ့ထားသော ရာဇ၀တ်မှုများ မြင့်တက် လာခြင်းကိုလည်း ကြုံတွေ့နေရသည်ဟု ကုလသမဂ္ဂ အစီရင်ခံစာသစ် တစ်ခုတွင် ဖော်ပြသည်။ မြင့်တက်လာနေသည့် ရာဇ၀တ်မှုများကို ကာကွယ်ရန် အာဆီယံနိုင်ငံများအနေဖြင့် လုံခြုံရေးလုပ်ငန်းများ ပူးပေါင်းဆောင်ရွက်ရန် ကုလသမဂ္ဂ မူးယစ်ဆေးနှင့် ရာဇ၀တ်မှုဆိုင်ရာရုံး (UNODC) က ထုတ်ပြန်သည့် “ငြိမ်းချမ်းရေးနှင့် ကြွယ်ဝမှုကိုကာကွယ်ခြင်း” အစီရင်ခံစာတွင် ဖော်ပြထားသည်။

အာဆီယံဒေသတွင်း ကုန်သွယ်မှု၊ ကျွမ်းကျင်လုပ်သား စီးဆင်းမှုနှင့် ရင်းနှီးမြှုပ်နှံမှုတို့ မြှင့်တင်ရန် ရည်ရွယ်သည့် အာဆီယံ စီးပွားရေး အသိုင်းအ၀ိုင်းကို ဒီဇင်ဘာလတွင် တည်ထောင်ခဲ့ပြီးနောက် UNODC ၏ အစီရင်ခံစာ ထွက်ပေါ်ခဲ့ခြင်းဖြစ်သည်။ အာဆီယံ အဖွဲ့၏ “ချိတ်ဆက် ဆောင်ရွက်ရေး အစီအစဉ်” မှာ အပေါ်ယံမျှသာဖြစ်ပြီး လုံခြုံရေး စွမ်းဆောင်ရည် မြှင့်တင်ရေးပိုမို နက်ရှိုင်းစွာ ပူးပေါင်း ဆောင်ရွက်ရန် တွန်းအားပေးနိုင်ခြင်း မရှိဟု UNODC က ဆိုသည်။

အာဆီယံ ဒေသတွင်း တရားမ၀င် လူကုန်ကူးမှု ၊ မူးယစ်ဆေး မှောင်ခိုမှု၊ တရားမ၀င် ကုန်သွယ်မှုနှင့် သားရိုင်း တိရစ္ဆာန် ရောင်းဝယ်ရေး လုပ်ငန်းများ၏ တန်ဖိုးမှာ တစ်နှစ်လျှင် ဒေါ်လာ ဘီလီယံ ၁၀၀ ကျော်အထိ ရှိလာပြီး မြန်မာ၊ လာအိုနှင့် ကမ္ဘောဒီးယားတို့၏ ဂျီဒီပီစုစုပေါင်းထက် များလျက်ရှိသည်။ အာဆီယံ နိုင်ငံများကြား နယ်နိမိတ်များတွင် ဖြတ်သန်းသွားလာမှု များပြားလာခြင်းနှင့်အတူ မှောင်ခို ကုန်ကူးမှုများကြား နယ်နိမိတ်များတွင် ဖြတ်သန်းသွားလာမှု များပြားလာခြင်းနှင့်အတူ မှောင်ခိုကုန်ကူးမှုများ မြင့်တက်လာသည်။ လုံခြုံရေးအားနည်းမှုကို အခွင့်ကောင်းယူကာ ရွှေတြိဂံဒေသတွင် မူးယစ်မှောင်ခိုမှုများလည်း မြင့်တက်လာနေသည်ဟု ဆိုသည်။

တရားဥပဒေစိုးမိုးမှု ချို့တဲ့ခြင်းကြောင့် မှောင်ခိုကုန်ကူးသူများ အကျိုးအမြတ် ဖြစ်ထွန်းနေပြီး ယင်းတို့က မြန်မာနိုင်ငံအား အာရုံစိုက်လာလျက်ရှိသည်။ UNODC ၏ အစီရင်ခံစာတွင် “မြန်မာနိုင်ငံ၏ နယ်စပ်ဖြတ်ကျော်မှုနှင့် ကုန်သွယ်မှု များပြားလာခြင်းကို အခွင့်ကောင်းယူ၍ ရာဇ၀တ်မှုကွန်ရက်များသည် ရေကြောင်းမှ အတားအဆီး မရှိသလောက် အခြေအနေဖြင့် တင်ပို့မှု မြင့်တက်လာသည်” ဟု ဖော်ပြထားသည်။

လုပ်ဆောင်နိုင်စွမ်း အကန့်အသတ်က မြန်မာနိုင်ငံတွင် လူကုန်ကူးမှုနှင့် မူးယစ်ဆေး မှောင်ခိုမှုကို တွန်းအားဖြစ်စေသည်။ ဒေသတွင်း တွေ့ရှိရသည့် ဘိန်းဖြူအများစုမှာ မြန်မာနိုင်ငံမှဖြစ်ပြီး ၂၀၁၄ တွင် မြန်မာနှင့် လာအိုတို့၏ ဘိန်းထုတ်လုပ်မှု စုစုပေါင်းမှာ ၇၆၂ တန်ရှိသည်ဟု ကုလသမဂ္ဂ က ဆိုသည်။ ထို့ပြင် မြန်မာနိုင်ငံသည် ဒေသတွင်း မီသာဖီတမင်း စိတ်ကြွဆေးအများဆုံး ထုတ်လုပ်သည့် နိုင်ငံဖြစ်သည်။

အစီရင်ခံစာတွင် “အခြေခံ အဆောက်အအုံနှင့် ကုန်သွယ်ရေး ဖွံ့ဖြိုးတိုးတက်မှုမှာ လုံခြုံရေး ပူးပေါင်းဆောင်ရွက်မှုနှင့် ချိတ်ဆက်နိုင်ခြင်း မရှိပါက ရာဇ၀တ်မှု အဖွဲ့အစည်းများ မြန်မာနယ်စပ်ဒေသများတွင် ရာဇ၀တ်မှုဂိုဏ်းများအခြေချကာ အကျိုးအမြတ် များစွာ ရရှိပြီး အင်အားကြီးမားလာမည်” ဟု ဖော်ပြထားသည်။ အာဆီယံ နိုင်ငံများအနေဖြင့် ထိုသတိပေးချက် လက္ခဏာများကို ပိုမို အလေးထား ကိုင်တွယ်ပြီး လုံခြုံရေး အစီအမံများ အရှိန်မြှင့် ဆောင်ရွက်သင့်သည်ဟု UNODC က ပြောသည်။

KHTun
The Ladies News
https://www.facebook.com/News.TheLadies


patjasan-protest-620.jpg
Pat Jasan ပတ်ဂျာဆန်အဖွဲ့ တိုက်ခိုက်ခံရတာကို မကျေနပ်တဲ့အတွက် မြစ်ကြီးနားမြို့မှာ ဖေဖော်ဝါရီလ ၂၆ ရက်နေ့က ဆန္ဒပြကြစဉ်
Photo: Kyaw Myo Min/RFA

ကချင်ပြည်နယ် ၀ိုင်းမော်မြို့နယ် ဆဒုံး-ကန်ပိုက်တီဒေသမှာ ဘိန်းခင်းဖျက်ဆီးတဲ့ ပတ်ဂျာဆန် ကချင်လူထုအခြေပြု ဘိန်းခင်းတိုက်ဖျက်ရေးအဖွဲ့ခွဲတွေနဲ့ ဒေသခံရွာသားတွေအကြား အပြန်အလှန် တိုက်ခိုက်မှုတွေ မီးရှို့ဖျက်ဆီး မှုတွေ ဖြစ်ပွားခဲ့တာနဲ့ ပတ်သက်ပြီး ဘိန်းခင်းဖျက်ဆီးရေး အဖွဲ့ခွဲ ၆ ဖွဲ့က ခေါင်းဆောင်တွေကို ပြည်နယ်ရဲတပ်ဖွဲ့က ဒီနေ့ စစ်ဆေးမေးမြန်းခဲ့ပါတယ်။

အဖွဲ့ခွဲခေါင်းဆောင် ၉ဦးကို အပြန်အလှန် တိုက်ခိုက်မှုဖြစ်ပွားခဲ့တဲ့ နေရာမှာ ကြုံတွေ့ခဲ့ရတာတွေကို မေးမြန်း တာဖြစ်တယ်လို့ ကချင်လူထုအခြေပြု ဘိန်းခင်းတိုက်ဖျက်ရေးအဖွဲ့ ဥက္ကဌ ဦးဂျီဖုန်းဒိန့်က ပြောပါတယ်။

"ကျနော်တို့ ဘိန်းခင်းခုတ်ရှင်းဖို့ သွားတဲ့အခါမှာ ကျနော်တို့အပေါ်မှာ တိုက်ခိုက်တဲ့ဥစ္စာ အဲ့အဖြစ်အပျက်မေးတာ၊ အခင်းဖြစ်တဲ့နေရာမှာ သွားတွေ့ကြုံတဲ့လူတွေကို မေးတာပါ၊ အမှန်တရားပေါ့ ဘယ်လိုဖြစ်လာသလဲပေါ့၊ အဖြစ်အပျက်နဲ့ သက်ဆိုင်မှုမရှိဘူးဆိုရင် သူတို့ပြန်သွားခိုင်းတယ် ဘာမှမပြောဘူး"

မြစ်ကြီးနားဆေးရုံမှာ တက်ရောက်နေတဲ့ ထိခိုက်ဒဏ်ရာရရှိသူတွေကိုလည်း ရဲတပ်ဖွဲ့က စစ်ဆေးမေးမြန်းသွား မှာဖြစ်တယ်လို့ သိရပါတယ်။

ပတ်ဂျာဆန် ကချင်လူထုအခြေပြု ဘိန်းခင်းဖျက်ဆီးရေးအဖွဲ့ဟာ ပြီးခဲ့တဲ့ ဖေဖော်ဝါရီလ ၂၅ရက်နေ့က ၀ိုင်းမော်မြို့ နယ် ဝေမိုးကျေးရွာနဲ့ ထန်မိုးခမ်းကျေးရွာအနီးမှာ ဘိန်းခင်းတွေကို ဖျက်ဆီးနေစဉ် ဒေသခံရွာသားတွေနဲ့ အပြန်အလှန် တိုက်ခိုက်မှုဖြစ်ပွားခဲ့ရာ ၃၇ ယောက်လောက် ထိခိုက်ဒဏ်ရာရရှိပြီး ဆိုင်ကယ်တွေ နဲ့ နေအိမ်ပျက်စီးမှုတွေ ရှိခဲ့တယ်လို့ သိရပါတယ်။

အဲဒီလိုတိုက်ခိုက်မှုတွေ ပျက်စီးဆုံးရှုံးမှုတွေနဲ့ပတ်သက်ပြီး ဖော်ထုတ်အရေးယူဖို့အတွက် စုံစမ်းစစ်ဆေးရေးကော်မရှင်ကို ကချင်ပြည်နယ်ရဲတပ်ဖွဲ့မှုး ဦးဆောင်ပြီး ဖွဲ့စည်းထားတာဖြစ်ပါတယ်။

အဲဒီစုံစမ်းစစ်ဆေးရေးအဖွဲ့ဟာ စစ်ဆေးမှု ဒီနေ့စတင်တာဖြစ်ပါတယ်။

RFA
http://www.rfa.org/burmese/news/patjasan-leaders-investigate-03022016093435.html


sintkuu-farmers-620.jpg
မန္တလေးတိုင်းဒေသကြီး စဥ့်ကူးမြို့နယ် တရော်ပင်ကျေးရွာမှာ မတ်လ ၂ ရက်နေ့က ဒေသခံတောင်သူတွေ ထွန်တုံးတိုက်ပွဲဆင်နွှဲစဉ်
Photo: Nay Thwae/RFA

မန္တလေးတိုင်းဒေသကြီး စဥ့်ကူးမြို့နယ်က တရော်ပင်ကျေးရွာမှာ သိမ်းယူခံထားရတဲ့ လယ်ယာမြေဧက ၂၀၀ ကျော် မှာ ဒေသခံတောင်သူ ၃၀၀ လောက်က ဒီနေ့ ၀င်ရောက်ထွန်ယက်ခဲ့ပါတယ်။

သိမ်းယူခံထားရတဲ့ လယ်ယာမြေတွေဟာ ဘိုးဘွားပိုင်မြေတွေဖြစ်တဲ့အတွက် ပြန်လည်ရရှိဖို့ အစိုးရဌာနဆိုင်ရာတွေ ကို တင်ပြတောင်းဆိုခဲ့ပေမယ့် မဖြေရှင်းပေးတာကြောင့် တောင်သူလယ်သမားနေ့မှာ အခုလိုဝင်ရောက်ထွန်ယက် တာဖြစ်တယ်လို့ တောင်သူ မဝင်းမာက ပြောပါတယ်။

"ကျမတို့ရဲ့ ဓါးမဦးချ ဘိုးဘွားပိုင်မြေတွေကို ကျမတို့အနေနဲ့ သီးစားလုပ်ပြီး နေနေရတဲ့ဘဝကနေ ကျွတ်လွတ်အောင် ဌာနဆိုင်ရာအသီးသီးကို ကျမတို့မြေတွေကို ပြန်လည်လုပ်စားပိုင်ခွင့် တောင်းခံပြီး တင်ပြခဲ့ပါတယ်၊ အဲ့လိုတင်ပြခဲ့သော်လည်းပဲ ဌာနဆိုင်ရာအသီးသီးက အကြောင်းပြန်ကြားခြင်း မရှိတဲ့အတွက် ၂ဝ၁၆ ခုနှစ် မတ်လ ၂ ရက်နေ့မှာ ဆရာစံ စခဲ့တဲ့ တောင်သူလယ်သမားနေ့ကို ဂုဏ်ပြုသောအားဖြင့် ကျမတို့ရဲ့ ဘိုးဘွားပိုင်မြေတွေကို ပြန်လည်ရရှိရေးအတွက် တိုက်ပွဲဝင်နေရခြင်းဖြစ်ပါတယ်"

လွန်ခဲ့တဲ့ ၁၉၇၀ ခုနှစ်က မြောက်ပိုင်းတိုင်းစစ်ဌာနချုပ် လက်အောက်ခံတပ်ရင်း ၄ က တပ်ရိက္ခာဖူလုံရေးအတွက် သီးနှံစိုက်ပျိုးဖို့ သိမ်းယူခဲ့တာဖြစ်ပြီး ၁၉၈၈ ခုနှစ်နောက်ပိုင်းမှာ တောင်သူတွေကို ငှားရမ်းခဲ့တာဖြစ်တယ်လို့ သိရပါတယ်။

တရော်ပင်ကျေးရွာက တောင်သူ ၃၀၀ လောက်ဟာ စားဝတ်နေရေး ခက်ခဲနေတဲ့အတွက် တပ်မတော်အနေနဲ့ သိမ်းယူထားတဲ့ လယ်ယာမြေတွေကို မူလပိုင်ရှင် တောင်သူတွေထံ ပြန်လည်လွှဲပြောင်းပေးဖို့ တောင်းဆို ခဲ့ကြပါတယ်။

RFA
http://www.rfa.org/burmese/news/sintkuu-farmers-plough-campaign-03022016093304.html


အင်ဒိုနီးရှားနိုင်ငံ အနောက်ကမ်းခြေ ဆူမာတြားကျွန်းအနီး၌ အင်အား ၇ ဒသမ ၉ ရှိ ပြင်းထန်သောမြေငလျင်တခု မတ်လ ၂ ရက်နေ့က လှုပ်
ခတ်သွားကြောင်း အမေရိကန် ဘူမိတိုင်းထွာရေးဌာနမှ သိရသည်။

ယင်းငလျင်ကြောင့် အင်ဒိုနီးရှားနိုင်ငံ အနောက် ဆူမာတြား၊ မြောက် ဆူမာတြား၊ အာချေးပြည်နယ်၊ ခရစ္စမတ်ကျွန်း၊ ကိုကိုးကျွန်းများတွင် ဆူနာမီသတိပေးချက် ထုတ်ပြန်ထားသည်။ သြစတြေးလျနိုင်ငံကလည်း ၎င်းတို့၏အနောက်ဘက်ကမ်းခြေအတွက် သတိပေးနှိုးဆော်ချက်တခု ထုတ်ပြန်ခဲ့သည်။

မြန်မာနိုင်ငံ ငလျင်ကော်မတီကလည်း “အကယ်၍ ဆူနာမီလှိုင်းများထွက်ခဲ့လျှင် မြန်မာကမ်းရိုးတမ်းများသို့ နောက်ထပ် ၅ နာရီမှ ၈ နာရီအကြား ရောက်ရှိလာနိုင်ကြောင်း၊ တနင်္သာရီ၊ ဧရာဝတီနှင့် ရခိုင်ကမ်းရိုးတမ်းရှိ လှေများ၊ ကမ်းခြေနေထိုင်သူများ သတိရှိကြရန်” သတင်းထုတ်ပြန်ထားသည်။

ငလျင်ချက်မသည် Padang ကျွန်း၏ အနောက်တောင်ဘက် ၅၀၂ မိုင်အကွာ ပင်လယ်ထဲတွင်ဖြစ်ပြီး ရေပြင်အနက် ၆ မိုင်ခန့်ရှိသောနေရာတွင် ဖြစ်သည်။ ငလျင်လှုပ်ခတ်မှုကို အနောက် ဆူမာတြားဒေသ၌ စက္ကန့်အနည်းငယ်ကြာ ခံစားခဲ့ရပြီး ငလျင်လှုပ်ခတ်ချိန်၌ ဒေသခံများနေအိမ်များမှ ပြေးထွက်၍ ကုန်းမြင့်ပိုင်းများသို့ သွားရောက်ခဲ့ကြကြောင်း သိရသည်။

လက်ရှိအချိန်အထိ ထိခိုက်ဒဏ်ရာရမှု၊ သေကြေပျက်စီးမှု မရှိကြောင်း သိရသည်။

ငလျင်လှုပ်ခတ်မှုသည် ပင်လယ်ရေတိမ်ရာနေရာတွင် ဖြစ်ပွားလျှင် အန္တရာယ် ပိုမိုကြီးမားသည်။ ငလျင်ပြင်းအားကို ကနဦးက ၈ ဒသမ ၁၊ ၈ ဒသမ ၂ ဟု အမေရိကန်ဘူမိတိုင်းထွာရေးဌာနက ထုတ်ပြန်ခဲ့သော်လည်း နာရီပိုင်းအတွင်း ၇ ဒသမ ၉ သို့ လျော့ချခဲ့သည်။

ပစိဖိတ်မီးကွင်းပေါ်တွင်တည်ရှိနေသော အင်ဒိုနီးရှားနိုင်ငံသည် ၂၀၀၄ ခုနှစ် ဆူနာမီဒဏ်ကို အပြင်းအထန်ခံစားခဲ့ရပြီး မြေငလျင်လှုပ်ခတ်ခြင်း၊ မီးတောင်ပေါက်ကွဲခြင်းများ မကြာခဏ ဖြစ်ပေါ်လေ့ရှိသည်။

ရည်ညွှန်း-ဂါးဒီယန်း
News Watch(စောင့်ကြည့်သတင်းဂျာနယ်)