03/04/16

[youtube src="UovqgpSCN9w"/]
ပင်နီတွေ ဖုံးလွှမ်းနေတဲ့ ပထမဆုံး ပြည်သူ့လွှတ်တော်ခေါ်ယူတဲ့နေ့ဟာ ၂၁ ရာစု မြန်မာ့နိုင်ငံရေးမှာတော့ အတော်ကို အရေးပါတဲ့သမိုင်းတစ်ခုဖြစ်ခဲ့ပြီး အဲဒီလွှတ်တော်မှာ ဥက္ကဌတွေရွေးချယ်ဖို့ ဒေါ်ခင်ဌေးကြွယ်ဟာ သဘာပတိ တာဝန်ကို ယူခဲ့ပါတယ်။ ပထမဆုံး အမျိုးသမီးတစ်ဦး သဘာပတိစင်မြင့်ပေါ်ကနေ ဥက္ကဌသစ်ကို ရွေးချယ်ပေးတဲ့မြင်ကွင်းဟာ အတိတ်ကာလက စစ်အာဏာရှင်တွေ ကြီးစိုးခဲ့တဲ့ မြန်မာပြည်အတွက်တော့ ထူးခြားမှုတစ်ခုလည်း ဖြစ်ခဲ့ပါတယ်။

Kamayut Media

အမေရိကန်ကွန်ကရက်လွှတ်တော်။
အမေရိကန်ကွန်ကရက်လွှတ်တော်။

မြန်မာနိုင်ငံရဲ့ တိုးတက်မှုတွေကို အသိအမှတ်ပြုပေမဲ့ လူ့အခွင့်အရေးနဲ့ ဒီမိုကရေစီ ပြုပြင်ရေးတွေ ဆက်လက် အားပေးဖို့ လိုတယ်လို့ အမေရိကန် အောက်လွှတ်တော်က ယူဆနေပါတယ်။ မြန်မာ့အရေး ဦးစီး ဦးဆောင်ပြုတဲ့ အမတ် ၂ ဦးက ဒီအတွက် ပြဋ္ဌာန်းဆုံးဖြတ်ဖို့ မတ်လ ၃ ရက်နေ့က အမေရိကန်အောက်လွှတ်တော်မှာ တင်သွင်းခဲ့ကြတာပါ။ အကြောင်းစုံကို မနန္ဒာချမ်း က ဆက်ပြောပြပါမယ်။

မြန်မာနိုင်ငံမှာ ၂၀၁၁ ခုနှစ်ကစလို့ စစ်အာဏာရှင်အစိုးရအုပ်ချုပ်မှုကနေ အရပ်သားအစိုးရအုပ်ချုပ်မှုကို ပြောင်းလဲခဲ့တာလို သမ္မတ ဦးသိန်းစိန် အစိုးရလက်ထက်မှာ နိုင်ငံရေး၊ စီးပွားရေး ပြုပြင်ပြောင်းလဲမှုတွေ လုပ်ဆောင်လာ တာတွေ့ရပေမဲ့ - တချို့အပိုင်းတွေ မှာတော့ နောက်ပြန်ဆွဲ နေတာတွေ ကို တွေ့မြင်ရတယ်လို့ - အောက်လွှတ်တော် ဒီမိုကရက်အမတ် Joe Crowley က အခုလို ပြောဆိုခဲ့ပါတယ်။
အောက်လွှတ်တော် ဒီမိုကရက်အမတ် Joe Crowley
အောက်လွှတ်တော် ဒီမိုကရက်အမတ် Joe Crowley
“မြန်မာနိုင်ငံမှာ မကြာသေးခင်က ကျင်းပခဲ့တဲ့ ရွေးကောက်ပွဲတွေက ပြောင်းလဲလိုတဲ့ ဆန္ဒတွေ ပြင်းပြနေတာကို ပြနေပါတယ်။ သိသာတိုးတက်မှုတွေ ရှိခဲ့တယ်ဆိုပေမဲ့ - ဆက်လုပ်စရာတွေလည်း အများကြီး ရှိနေဆဲပါ။ အကျဉ်းထောင်တွေထဲမှာ နိုင်ငံရေး အကျဉ်းသားတွေ တော်တော်များများ ဆက်လက် ဖမ်းဆီးခံနေရတာ၊ လူနည်းစု တိုင်းရင်းသားတွေကို ဆန့်ကျင်တဲ့ အကြမ်းဖက်မှုတွေ ဆက်ဖြစ်နေတာနဲ့ မြန်မာနိုင်ငံ အတွက် လိုအပ်နေတဲ့ ဒီမိုကရေစီပြုပြင်ပြောင်းလဲမှုတွေမှာ နောက်ပြန်ဆွဲနေတဲ့ အပိုင်းတွေ ရှိနေပါတယ်။”

ဒါ့အပြင် ပွင့်လင်းပြီး ရေရှည်တည်တံ့ခိုင်မြဲမယ့် အမျိုးသားပြန်လည်သင့်မြတ်ရေးရရှိဖို့ ရုန်းကန်နေကြတဲ့ မြန်မာပြည်သူတွေနဲ့အတူ ဆက်လက် ရပ်တည်နေပါတယ် လို့လည်း အောက်လွှတ်တော် ဒီမိုကရက်အမတ် Crowley က ပြောဆိုခဲ့ပါတယ်။

အလားတူ အောက်လွှတ်တော် ရီပတ်ဘလစ်ကန်အမတ် Steve Chabot ကလည်း - ပြောင်းလဲမှုဆိုတာ ဘယ်တော့မှ မလွယ်ကူဘူးလို့ အခုလို ပြောဆိုခဲ့ပါတယ်။
ရီပတ်ဘလစ်ကန် အောက်လွှတ်တော်အမတ် Steve Chabot
ရီပတ်ဘလစ်ကန် အောက်လွှတ်တော်အမတ် Steve Chabot
“ဒီမိုကရေစီ ပြုပြင်ပြောင်းလဲမှုတွေအတွက် မြန်မာလူထုကို အကြီးအကျယ် အမှတ်ပေးသင့်ပါတယ်။ မကြာသေးခင်က ဒီမိုကရေစီ နည်းကျ ရွေးကောက်ပွဲတွေ ဟာ လမ်းကြောင်းမှန်ကို သွားရာမှာ အရေးကြီးတဲ့ ခြေလှမ်းတရပ် ဖြစ်ပေမဲ့ လည်း မြန်မာလူထုရဲ့ လူ့အခွင့်အရေးကို အကာအကွယ်ပေးဖို့ လုပ်စရာတွေလည်း ရှိနေပါတယ်။”

ဒါ့အပြင် - မြန်မာနိုင်ငံမှာ ငြိမ်းချမ်းပြီး တည်ငြိမ်တဲ့ ဒီမိုကရေစီစနစ်တခုကို တည်ဆောက်နိုင်ရေး ကြိုးပမ်းနေကြတဲ့ မြန်မာပြည်သူတွေကို အမေရိကန်ပြည်ထောင်စု အနေနဲ့ ဆက်ပြီး အားပေးထောက်ခံ သွားမယ် ဆိုတာကိုလည်း - အောက်လွှတ်တော်မှာ အခု တင်သွင်းခဲ့တဲ့ အဆိုပြုချက်ထဲမှာ ရှင်းရှင်းလင်းလင်း ပြောခဲ့တဲ့ အကြောင်းကိုလည်း အောက်လွှတ်တော်အမတ် Chabot က ပြောဆိုခဲ့ပါတယ်။

မြန်မာနိုင်ငံမှာ ၂၀၁၅ နိုဝင်ဘာလ ၈ ရက် ရွေးကောက်ပွဲတွေကို မကျင်းပခင်နဲ့ ကျင်းပပြီးနောက်ပိုင်းတွေမှာ ငြိမ်းချမ်းစွာ တက်ကြွလှုပ်ရှားကြ သူတွေကို ဆက်လက် ဖမ်းဆီးချုပ်နှောင်နေတာတွေအပါအ၀င် လူ့အခွင့်အရေး ချိုးဖောက်မှုတွေ ဖြစ်ပွားနေ တာတွေအပေါ် စိုးရိမ်ကြောင်း ဖော်ပြထားသလို၊ အထူးသဖြင့် မကြာခင် တက်လာမယ့် အစိုးရသစ်ကိုလည်း ငြိမ်းငြိမ်းချမ်းချမ်းနဲ့ အချိန်မဆိုင်းဘဲ အာဏာ လွှဲပြောင်းပေးရေး တိုက်တွန်းဖို့ အပါအ၀င် လက်ရှိ သမ္မတ ဦးသိန်းစိန်ကနေ လုပ်ဆောင်ပါ့မယ်လို့ ကတိပြုထားတဲ့ လူ့အခွင့်အရေးနဲ့ လုံခြုံရေးဆိုင်ရာ ကိစ္စတွေကိုလည်း ဆက်လက် အကောင်အထည်ဖော်သွားအောင် အမေရိကန် သမ္မတ အိုဘားမားနဲ့ နိုင်ငံခြားရေးဝန်ကြီး ဂျွန်ကယ်ရီတို့က အာရုံစိုက် လုပ်ဆောင်ကြဖို့ကိုလည်း သူတို့က တောင်းဆိုထားပါတယ်။

အမေရိကန်အောက်လွှတ်တော်မှာ မြန်မာပြည်ဆိုင်ရာ အဆိုပြုချက်ကို တင်သွင်းခဲ့ကြတဲ့ ဒီမိုကရက် အောက်လွှတ်တော်အမတ် Joe Crowley နဲ့ ရီပတ်ဘလစ်ကန် အောက်လွှတ်တော်အမတ် Steve Chabot တို့ဟာ ပြီးခဲ့တဲ့ ၂၀၁၄ ခုနှစ်ကလည်း - မြန်မာ့လူ့အခွင့်အရေးနဲ့ ဒီမိုကရေစီဥပဒေတရပ် ဦးဆောင် တင်သွင်းခဲ့ကြသူတွေပါ။

အဲဒီဥပဒေအရ မြန်မာစစ်တပ်ကနေ လူ့အခွင့်အရေးနဲ့ ကာကွယ်ရေး ပြုပြင် ပြောင်းလဲမှုတွေ နဲ့ ပတ်သက်တဲ့ သတ်မှတ်ချက်တွေကို လုပ်ဆောင်လာတဲ့အထိ မြန်မာစစ်တပ်အပေါ် စစ်ရေးအကူအညီတွေ မပေးဖို့ အမေရိကန် ပြည်ထောင်စုကို တားမြစ်ထားတာဖြစ်ပါတယ်။

အဲဒီသတ်မှတ်ချက်တွေမှာ - လွတ်လပ်ပြီး တရားမျှတတဲ့ ရွေးကောက်ပွဲတွေ ကျင်းပပေးရေး၊ စစ်တပ်လွှမ်းမိုးတဲ့ ဖွဲ့စည်းပုံဥပဒေ ပြင်ဆင်ရေး၊ မြန်မာပြည်သူတွေ အပေါ် ကျူးလွန်နေတဲ့ လူ့အခွင့်အရေးချိုးဖောက်မှုတွေ အဆုံးသတ်ရေး စတာတွေ ပါဝင်ပါတယ်။


ရန်ကုန်မြို့တွင်းက အထည်ချုပ်စက်ရုံ လုပ်ငန်းခွင် တခုမြင်ကွင်း။
ရန်ကုန်မြို့တွင်းက အထည်ချုပ်စက်ရုံ လုပ်ငန်းခွင် တခုမြင်ကွင်း။

မြန်မာနိုင်ငံ ရင်းနှီးမြှုပ်နှံမှုကော်မရှင်ကို သီးခြားအစိုးရအေဂျင်စီတရပ်အနေနဲ့ ထားပြီး၊ ရင်းနှီးမြှုပ်နှံမှုဆိုင်ရာ လုပ်ငန်းတွေနဲ့ပတ်သက်လို့ အစိုးရဝန်ကြီးဌာနအားလုံးကို ဆက်စပ်ဆောင်ရွက်သွားနိုင်ဖို့ ပြင်ဆင်နေပါတယ်။ ဒီအတွက် နိုင်ငံသားရင်းနှီးမြှုပ်နှံမှု ဥပဒေနဲ့ နိုင်ငံခြားသား ရင်းနှီးမြှုပ်နှံမှု ဥပဒေနှစ်ရပ်ကို ပေါင်းစပ်ပြီး၊ ရင်းနှီးမြှုပ်နှံမှု ဥပဒေတရပ်ဖြစ်လာဖို့ ရေးဆွဲနေပြီလို့ မြန်မာနိုင်ငံ ရင်းနှီးမြှုပ်နှံမှုကော်မရှင် က ပြောပါတယ်။ ဒီ ဆောင်ရွက်ချက်တွေအပေါ်မှာ စီးပွားရေးပညာရှင်တွေဘက်က ကြိုဆိုလိုက်တဲ့အကြောင်း ဗွီအိုအေ သတင်းထောက် မမေခက မေးမြန်းစုံစမ်း သတင်းပေးပို့ထားပါတယ်။

မြန်မာနိုင်ငံ အမျိုးသား စီမံကိန်းနဲ့ စီးပွားရေးဖွံ့ဖြိုးတိုးတက်ရေးဝန်ကြီးဌာန လက်အောက် မှာ ရှိနေတဲ့ မြန်မာနိုင်ငံ ရင်းနှီးမြှုပ်နှံမှုကော်မရှင်ကို လာမယ့် အစိုးရသစ် လက်ထက်မှာ သီးခြား ရပ်တည်သွားဖို့ စီစဉ် သွားတော့ မှာဖြစ်ပြီး မြန်မာနိုင်ငံ ရင်းနှီးမြုပ်နှံမှု ဥပဒေတခုကို ရေးဆွဲနိုင်ဖို့ လည်း ပြင်ဆင်နေပြီဖြစ်ပါတယ်။ ကော်မရှင်က တာဝန်ရှိသူတဦးရဲ့ အဆိုအရကတော့ ဒီရေးဆွဲနေတဲ့ မြန်မာနိုင်ငံရင်းနှီးမြှုပ်နှံမှု ဥပဒေဟာ နိုင်ငံသား ရင်းနှီးမြှုပ်နှံမှု ဥပဒေနဲ့ နိုင်ငံခြားသား ရင်းနှီးမြုပ်နှံမှု ဥပဒေ၂ခုတို့ကိုပေါင်းပြီး တခုတည်းဖြစ်အောင် လုပ်မယ့် ဥပဒေတခုပါ။ ၈၀ ရာခိုင်နှုန်းလောက် ပြီးနေပြီဖြစ်တဲ့ ဒီဥပဒေမှာကို လာမယ့် အစိုးရသစ်ကျမှ လွှတ်တော်တင်သွားမှာပါ။

ဒီ့ပြင်ပြီးခဲ့တဲ့နှစ် ဒီဇင်ဘာလက ပြင်ဆင်ချက် ထွက်ပေါ်လာခဲ့တဲ့ နိုင်ငံသား နဲ့ နိုင်ငံခြားသား ဥပဒေတွေမှာ ထပ်မံထည့်သွင်းခဲ့တဲ့ အချက်တခုဖြစ်တဲ့ သက်ဆိုင်ရာ တိုင်းနဲ့ပြည်နယ်တွေမှာဘဲ ရင်းနှီးမြှုပ်နှံမှု လုပ်ငန်း ချပေးနိုင်ရေး အတွက် သက်ဆိုင်ရာ ပြည်နယ်တိုင်းဒေသကြီးတွေမှာ ရင်နှီးမြှုပ်နှံမှုကော်မရှင်ခွဲတွေ ဖွင့်လှစ်ဖို့ကိုလည်း လုပ်ဆောင်နေတယ်လို့ ရင်းနှီးမြှုပ်နှံမှုကော်မရှင်က ပြောပါတယ်။ လက်ရှိမှာတော့ တိုင်းပြည်နယ် ၇ခုမှာ ကော်မရှင်ခွဲတွေ စတင်ဖွင့်လှစ်နိုင်ပြီ လို့လည်း ပြောပါတယ်။

ရင်းနှီးမြုပ်နှံမှုကော်မရှင်က ပြောဆိုချက်အရ နိုင်ငံခြားရင်းနှီးမြှုပ်နှံမှု ဆိုရင် အမေရိကန်ဒေါ်လာ သန်း ၁၀၀ အောက်နဲ့ မြန်မာနိုင်ငံသားရင်းနှီးမြှုပ်နှံမှုဆိုရင် ကျန်သန်း ၁၀၀၀ အောက် ဆိုရင် သက်ဆိုင်ရာ တိုင်းပြည်နယ်တွေမှာဘဲ လုပ်ပိုင်ခွင့်လျှောက် ထားနိုင်တော့မှာပါ။ ဒါပေမယ့် သတ်မှတ်ချက်တခုအနေနဲ့ တည်ဆဲ ဥပဒေမှာဖော်ပြထားတဲ့ လယ်ယာလုပ်ငန်း၊ ရေချိုငါးဖမ်းလုပ်ငန်းနဲ့ အသေးစားရေအားလျှပ်စစ် ထုတ်လုပ်ရေးလုပ်ငန်း စတဲ့ လုပ်ငန်း ၁၈မျိုး ကို တိုင်းဒေသကြီးပြည်နယ်တွေကနေ လုပ်ပိုင်ခွင့် ပေးနိုင်မှာပါ။

ရန်ကုန်ကော်မရှင်ဗဟိုအနေနဲ့က ဒီပြောထားတဲ့ ပမာဏထက် ထပ်ရင်းနှီးလာတဲ့ လုပ်ငန်းတွေကိုသာ လုပ်ပိုင်ခွင့်ပေးတော့မှာဖြစ်ပါတယ်။ ဒါပေမယ့် သက်ဆိုင်ရာ လုပ်ငန်းတိုင်းက ကိုယ်ရနိုင်မယ့် ဥပဒေပါ အခွန်ကင်းလွတ်ခွင့်တွေ ကိုတော့ ရန်ကုန်ဗဟိုရုံးချုပ်မှာဘဲ လာလျှောက်ရမှာပါ။ ဒီအခွန်ကင်းလွတ်ခွင့်တွေကလည်း ဥပဒေထွက်လာပြီးနောက်ပိုင်းမှာ တသတ်မတ်တည်း ဖြစ်လာတော့မှာ ဖြစ်ပြီး ဇုံအလိုက် သတ်မှတ်ခံစားခွင့်တွေပေး သွားမယ်လို့ မြန်မာနိုင်ငံ ရင်းနှီးမြုပ်နှံမှုကော်မရှင်က ပြောပါတယ်။

ဒီလိုပြောင်းလဲ လုပ်ဆောင်မယ့် အပေါ် စီးပွားရေးပညာရှင် ဦးမော်သန်းကတော့ အခုလိုသုံးသပ်ပါတယ်။

" မြန်မာရင်းနှီးမြှုပ်နှံမှု ကော်မရှင်ပဲဖြစ်ဖြစ် အဖွဲ့အစည်းတွေနဲ့အနေနဲ့က independent minded ဖြစ်ပေါ့နော်။ ဝန်ကြီးဌာန တခုခုသော်လည်းကောင်း ဌာနတခုခုသော်လည်းကောင်း အစွဲအလမ်းမရှိပဲနဲ့ တကယ့်ကို ဓမ္မဓိဌာန်ကျကျ independent ဆိုရင် တိုင်းပြည်စီးပွားရေးအတွက် အများကြီး အထောက်အကူဖြစ် မှာပါ။ မြန်မာ ရင်းနှီးမြှုပ်နှံမှု ဥပဒေဆိုပြီးတော့ ဒီဥပဒေက ကျောသား ၊ ရင်သား မခွဲပဲ လုပ်မှလည်းပဲ တကယ်ပဲ တိုင်းပြည်အတွက် တိုးတက်မှုရမှာ။ .ကာကွယ်ရေး အတွက်လည်း ထည့်စဉ်းစားရမှာပေါ့နော်။.. "

စီးပွားရေးလုပ်ငန်းရှင် တဦးလည်းဖြစ် မြန်မာနိုင်ငံကုန်သည်လုပ်ငန်းရှင်များ အသင်းက အတွင်းရေးမှူး ဦးအေးလွင်ကလည်း မြန်မာနိုင်ငံ ရင်းနှီးမြှုပ်နှံမှု ကော်မရှင် ရဲ့ ပြောင်းလဲမှုအပေါ် ခုလို သုံးသပ်ပြောဆိုလိုက်ပါတယ်။

"မှန်မှန်ကန်ကန် ထိရောက်တဲ့ အရေးယူမှု နဲ့ လွယ်ကူတဲ့ ဥပဒေတခုဖြစ်ဖို့လိုတယ်လို့ အန်ကယ်လ်ကတော့ အကြံပေးလိုတယ်။ နိုင်ငံခြားသားလည်း ရင်းနိုင်ရမယ်။ နိုင်ငံသားလည်း ရင်းနိုင်ရမယ်။ အဲ့ဥပဒေအပေါ်မှာလည်း ကျွမ်းကျင်ရမယ်။ နိုင်ငံတော်ကလည်း အဲ့ဥပဒေအတိုင်း လိုက်ပါဆောင်ရွက်နိုင်အောင် ထိန်းကျောင်းပေးရမယ်။ ဥပဒေဖောက်ရင်လည်း ဒီဥပဒေဖောက်ဖျက်သူကို ရဲရဲဝင့်ဝင့် အရေးယူနိုင်ရမယ်။ ဥပဒေအတိုင်း လိုက်နာတဲ့သူကို နိုင်ငံသားပဲဖြစ်ဖြစ် နိုင်ငံခြားသားပဲဖြစ်ဖြစ် နိုင်ငံတော်က လိုအပ်သလို ချီးမြှောက်ပြီးတော့ အကာအကွယ်ပေးရမယ်ဆိုတဲ့ အလေ့အထတွေပြင်ဖို့လိုပါတယ်။ ကော်မရှင်က သီးခြားရပ်တည်နိုင်တဲ့ အဖွဲ့အစည်းဖြစ်ပြီးတော့မှ ဝန်ကြီးဌာနအသီးသီး ရဲ့ rule and regulation တွေကို Combine လုပ်ပြီးမှ Investors တွေကို ဆွေးနွေးနိုင်တဲ့ အဖွဲ့အစည်းတခုဖြစ်ဖို့ လိုတာပေါ့နော်။ "

ဒီလို မြန်မာနိုင်ငံရင်းနှီးမြှုပ်နှံမှု ဥပဒေထဲမှာ စားသုံးသူ ကာကွယ်ပေးရေး၊ နိုင်ငံသား အမည်ခံ နိုင်ငံခြားသားကုမ္ပဏီတွေကို ဖော်ထုတ်ရေး စတဲ့ လုပ်ငန်းတွေကို ဥပဒေတွေ ပြဌာန်းကာ ဥပဒေအရ အရေးယူနိုင်မယ့် လုပ်ဆောင်မယ့် အချက်တွေ အသေးစိတ် ပါဝင်ထားတယ်လို့ လည်း မြန်မာနိုင်ငံ ရင်းနှီးမြှုပ်နှံမှုကော်မရှင် ကပြောပါတယ်။

လက်ရှိမှာ မြန်မာနိုင်ငံရင်းနှီးမြှုပ်နှံမှုကော်မရှင်ရဲ့ စာရင်းတွေအရ နိုင်ငံခြား ရင်းနှီးမြှုပ်နှံမှုမှာ တရုတ်၊ စင်္ကာပူနဲ့ ထိုင်းတို့က ဦးဆောင်လျက်ရှိပြီး ဒီနောက်မှာ ယူကေစတဲ့ အနောက်နိုင်ငံတွေကလည်း ပါတယ်လို့ မြန်မာနိုင်ငံ ရင်းနှီးမြှုပ်နှံမှုကော်မရှင်ကပြောပါတယ်

မေခ/VOA
http://burmese.voanews.com/content/foreign-investments-in-myanmar/3217824.html

shan-refugees-620.jpg ရှမ်းပြည်နယ် မိုင်းရှူးမြို့နယ် ဟိုက်ပါကျေးရွာ ဒုက္ခသည်စခန်းမှာ ခိုလှုံနေသူတွေကို တွေ့ရစဉ်
Photo: Kan Thar/RFA

ရှမ်းပြည်နယ် ကျောက်မဲမြို့မှာ ခိုလှုံနေကြတဲ့ စစ်ဘေးဒုက္ခသည် လေးထောင်ကျော်ထဲက နှစ်ထောင်ကျော်ဟာ ဒီရက်ပိုင်းမှာ သူတို့နေထိုင်တဲ့ ကျေးရွာတွေကို ပြန်ကြတယ်လို့ သိရပါတယ်။

လတ်တလော တိုက်ပွဲတွေ ရပ်စဲနေသလို လက်ဖက်ခူးချိန် ရောက်နေပြီဖြစ်တာကြောင့် နေရပ်ပြန်ကြတာ ဖြစ်တယ်လို့ ဒုက္ခသည်တွေကို ကူညီပို့ဆောင်ပေးနေတဲ့ ဇီဝိတလူမှုကူညီရေး အသင်းက ဦးတင်မောင်သိန်းက ပြောပါတယ်။

"ပြန်တာကတော့ဒီလိုဗျ သူတို့ရပ်ရွာတွေမှာ ပစ်တာခတ်တာတွေပေါ့နော် တိုက်ပွဲတွေက မဖြစ်တော့ပဲနဲ့ ငြိမ်သွားတဲ့အခါမှာ ပြန်ကြတာပေါ့၊ ဒါလည်း သူတို့ဟာ သူတို့ ရွာကိုပြန်ပြီးစနည်းနာကြတယ်၊ ရွာကသတင်းကို ပြန်နားထောင်ပြီးတော့မှ ပြန်လို့ရပြီဆိုတော့ ပြန်ကြတာပေါ့၊ ရွာတွေမှာလည်း အိုးအိမ်တွေစွန့်ခွါပြီး လာရတဲ့အခါကျတော့ ရွာစောင့်က နည်းနည်းပဲရှိတယ်လေ၊ ဘုန်းကြီးကျောင်း ၃ ကျောင်း၊ စခန်း ၃ ခု မပါပဲနဲ့ကို ၁၉ဝ၇ ယောက်ရှိတယ်၊ နှစ်ထောင်ကျော်လောက် ပြန်ပါတယ်"

ပြီးခဲ့တဲ့ ဖေဖော်ဝါရီလအတွင်း ရှမ်းပြည်နယ်မြောက်ပိုင်း၊ ကျောက်မဲမြို့နယ် တော့ဆန် ကျေးရွာအနီးမှာ TNLA တအာန်းလွတ်မြောက်ရေး တပ်မတော်နဲ့ RCSS ရှမ်းပြည် ပြန်လည်ထူထောင်ရေးကောင်စီ တပ်တွေ တိုက်ပွဲတွေဖြစ်ခဲ့တာကြောင့် ပန်စံ၊ ညောင်ပန်လှ၊ ပါခါး၊ ကန့်ကန်၊ စံဟိန်း၊ မင်းကုန်း စတဲ့ ကျေးရွာတွေက ဒေသခံ ၄ဝဝဝ ကျော်ဟာ ကျောက်မဲမြို့ပေါ်မှာ ခိုလှုံနေကြတာဖြစ်ပါတယ်။

အဲ့ဒီဒုက္ခသည်တွေကို ဘုန်းကြီးကျောင်း၊ စာသင်ကျောင်းနဲ့ ဘိုးဘွားရိပ်သာတို့မှာ စခန်း ၂၁ ခု ဖွင့်လှစ်ထားရှိထားခဲ့ပါတယ်။

နေရပ်ပြန်သွားကြတဲ့ ဒုက္ခသည်တွေကို လူတစ်ဦးအတွက် ငွေကျပ်တစ်သောင်းစီနဲ့ ဆန်တချို့ လှူဒါန်းခဲ့ပြီး ကျေးရွာတွေအထိ ကားတွေနဲ့ လိုက်လံပို့ဆောင်ပေးခဲ့တာဖြစ်ပါတယ်။

RFA
http://www.rfa.org/burmese/news/shan-refugees-4000overs-return-03032016124759.html

 election-commission-620.jpeg နေပြည်တော်မှာ ဇူလိုင်လ ၂ ရက်နေ့က ပြည်ထောင်စု ရွေးကောက်ပွဲကော်မရှင်နဲ့ နိုင်ငံရေးပါတီတွေ တွေ့ဆုံစဉ်
Myo Thant Khaing/RFA

ပြီးခဲ့တဲ့အထွေထွေရွေးကောက်ပွဲမှာ တာဝန်ထမ်းဆောင်ခဲ့တဲ့ တစ်နိုင်ငံလုံးက ရွေးကောက်ပွဲကော်မရှင် အဖွဲ့ဝင်တွေကို ပြည်ထောင်စု ရွေးကောက်ပွဲကော်မရှင်က ချီးမြှင့်ငွေကျပ် သိန်းပေါင်း ၂၁ဝဝ ကျော် စတင်ထုတ်ပေးနေတယ်လို့ သိရပါတယ်။

တိုင်း/ပြည်နယ်၊ မြို့နယ်နဲ့ ခရိုင်တွေက ကော်မရှင် ဥက္ကဌတွေနဲ့ အဖွဲ့ဝင် တစ်ဦးကို ငွေကျပ် ၁ သိန်းစီနဲ့ ရပ်/ကျေးကော်မရှင် ဥက္ကဌနဲ့ အဖွဲ့ဝင် တစ်ဦးကို ကျပ် ၁ သောင်းခွဲစီ ထုတ်ပေးနေတာဖြစ်တယ်လို့ ပြည်ထောင် စု ရွေးကောက်ပွဲကော်မရှင် အဖွဲ့ဝင် ဦးစိုင်းခမ်းဝင်းက ပြောပါတယ်။

"ကျနော်တို့ တရားဝင်ခန့်ပေးထားတဲ့ ကော်မရှင် ပြည်နယ်ဥက္ကဌနဲ့ အဖွဲ့ဝင်ပေါ့နော်၊ ခရိုင်ဥက္ကဌနဲ့ အဖွဲ့ဝင်၊ မြို့နယ်ဥက္ကဌနဲ့ အဖွဲ့ဝင် အားလုံးအတွက်ကို တစ်ယောက်ကို ၁ သိန်းနှုန်း၊ နောက်တစ်ခါ ရပ်ကျေးကော် မရှင်ပေါ့နော် ဥက္ကဌနဲ့ သူ့အဖွဲ့ဝင်အားလုံးပေါ့နော် အဲ့ဒါကတော့ တစ်ယောက်အတွက် တစ်သောင်းခွဲစီ ပြီးခဲ့တဲ့လကတည်းက ထုတ်ပေးနေတယ်"

ချီးမြှင့်ငွေတွေကို ပြည်ထောင်စု ရွေးကောက်ပွဲကော်မရှင် ရန်ပုံငွေထဲက ပေးအပ်တာဖြစ်ပြီး နေပြည်တော်ကောင် စီ ရွေးကောက်ပွဲကော်မရှင်နဲ့ တိုင်း/ပြည်နယ် ၁၄ ခုက ရွေးကောက်ပွဲကော်မရှင် အဖွဲ့ဝင်တွေကို ပေးအပ်တာဖြစ် တယ်လို့ သိရပါတယ်။

တစ်နိုင်ငံလုံးအနှံ့ မြို့နယ် ၃၂၆ မြို့နယ်၊ ခရိုင် ၇၈ ခရိုင်၊ ရပ်ကွက် ၃ ထောင်ကျော်နဲ့ ကျေးရွာအုပ်စု တစ်သောင်းကျော်က အဖွဲ့ဝင်တွေကို ချီးမြှင့်ငွေနဲ့ ဂုဏ်ပြုလွှာတွေ ပေးအပ်တာဖြစ်ပါတယ်။

မြို့နယ်၊ ခရိုင်နဲ့ ရပ်ကျေး ရွေးကောက်ပွဲကော်မရှင်အဖွဲ့ခွဲ အဖွဲ့ဝင်တွေဟာ အထွေထွေအုပ်ချုပ်ရေးဦးစီးဌာန ဝန်ထမ်းတွေနဲ့ မြို့မိမြို့ဖတွေကို ခန့်အပ်ထားတာ ဖြစ်ပါတယ်။

RFA
http://www.rfa.org/burmese/news/election-commission-03032016121500.html

 khinsanhlaing.620.jpg ပုလဲမြို့နယ်၊ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်ကို ဖေဖော်ဝါရီလ ၂၅ ရက်နေ့က တွေ့ရစဉ်
Photo: RFA

အန်အယ်လ်ဒီပါတီက လွှတ်တော်ကိုယ်စားလှယ်တွေ လွှတ်တော်အစည်းအဝေးတွေမှာ တင်သွင်းမယ့် မေးခွန်းတွေ အဆိုတွေကို စိစစ်မယ့်အဖွဲ့ကို ဖွဲ့စည်းလိုက်တယ်လို့ သိရပါတယ်။

လွှတ်တော်ကိုယ်စားလှယ် အသစ်တွေများတဲ့အတွက် မေးခွန်းတွေ၊ အဆိုတွေ ဖောင်းပွပြီး လွှတ်တော်မှာ မလိုအပ်ပဲ အချိန်ကုန်မှာကို စိုးရိမ်တာကြောင့် စိစစ်မှာဖြစ်တယ်လို့ စိစစ်ရေးအဖွဲ့မှာ ပါဝင်တဲ့ ပုလဲမြို့နယ် ပြည်သူ့ လွှတ်တော် ကိုယ်စားလှယ် ဒေါ်ခင်စန်းလှိုင်က ပြောပါတယ်။

"အခုဟာ လွှတ်တော်ကိုယ်စားလှယ်တွေက အသစ်တွေဖြစ်နေတယ်လေ၊ အသစ်တွေဖြစ်တဲ့အခါကျတော့ သူတို့က မေးခွန်းတွေရွက်ဆိုပြီး တချို့က အဆိုသင်ချင်ကြတယ်၊ အဲ့ဒီတော့ သင်ချင်တဲ့အခါကျတော့ အခု အန်တီတို့က လာဖွင့်ပြီးတဲ့အခါကျတော့ ဒီကိုယ်စားလှယ်တွေ တင်တဲ့အဆိုတွေက အဆိုတင်သင့်တဲ့ အင်္ဂါနဲ့ပြည့်စုံရဲ့လား၊ တင်သင့်တဲ့အဆို ဟုတ်လား မဟုတ်လား၊ မေးခွန်းတစ်ခုမေးမယ်ဆိုရင်လည်း ဒီမေးခွန်းက မေးသင့်တဲ့မေးခွန်းလား၊ အဲ့ဒါမျိုးတွေပေါ့နော် စိစစ်ဖို့ရာအတွက်ကို ကော်မတီတစ်ရပ်ဖွဲ့ ပြီးတော့ အဲ့ဒီကော်မတီကနေပြီးတော့မှ သူ့ကိုခွင့်ပြုတဲ့အခါမှသာ ဒီမေးခွန်းတွေ မေးဆိုပြီးတော့ တင်ဖို့ရာအတွက်ကို ဒါကိုပြောတာပေါ့၊ ဒါအဓိကကျတော့ လွှတ်တော်ရဲ့အချိန်ကို ကျမတို့ ငဲ့ညှာတဲ့ သဘောပေါ့"

အဲ့ဒီအဖွဲ့မှာ လွှတ်တော်ကိုယ်စားလှယ်တွေဖြစ်တဲ့ ဦးအောင်ကြည်ညွန့်၊ ဒေါ်တင်တင်ရီ၊ ဒေါ်ခင်စန်းလှိုင်နဲ့ ဦးခင်မောင်ဝင်းတို့က တာဝန်ယူဆောင်ရွက်မှာဖြစ်ပါတယ်။

စိစစ်ရေးအဖွဲ့က ခွင့်ပြုတဲ့ မေးခွန်းတွေ အဆိုတွေကိုသာ လွှတ်တော်ရဲ့ မေးခွန်း၊ အဆိုတင်သွင်းရေးဌာနကို ပေးပို့ ရမှာဖြစ်ပြီး အစိုးရသစ်ပေါ်ပေါက်ပြီးနောက် ဧပြီလလောက်မှ လွှတ်တော်မှာ မေးခွန်းတွေ အဆိုတွေ တင်သွင်းဆွေးနွေးကြမှာဖြစ်တယ်လို့ သိရပါတယ်။

ဒေါ်အောင်ဆန်းစုကြည်ကလည်း မေးခွန်းတွေ အဆိုတွေကို ပါတီစည်းကမ်းနဲ့အညီ တင်သွင်းမေးမြန်းကြဖို့ ပါတီရဲ့ ပြည်ထောင်စုလွှတ်တော် ကိုယ်စားလှယ်တွေနဲ့ ပြီးခဲ့တဲ့ မတ်လ ၁ ရက်နေ့က တွေ့ဆုံရာမှာ သတိပေးခဲ့ပါတယ်။

အန်အယ်လ်ဒီပါတီဟာ ပြည်ထောင်စုလွှတ်တော်မှာ ကိုယ်စားလှယ် စုစုပေါင်း ၃၉ဝ ဦး ရှိပါတယ်။

RFA
http://www.rfa.org/burmese/news/nld-team-parliament-03032016104550.html

အနိုင်ရပါတီအမျိုးသားဒီမိုကရေစီအဖွဲ့ချုပ်ဥက္ကဋ္ဌနဲ့ လွှတ်တော် ကိုယ်စားလှယ်များ။
အနိုင်ရပါတီအမျိုးသားဒီမိုကရေစီအဖွဲ့ချုပ်ဥက္ကဋ္ဌနဲ့ လွှတ်တော် ကိုယ်စားလှယ်များ။

NLD အစိုးရသစ် လက်ထက် တိုင်းနဲ့ပြည်နယ်အစိုးရတွေ ဖွဲ့စည်းတဲ့အခါမှာ တိုင်းနဲ့ပြည်နယ် ဝန်ကြီးချုပ်အားလုံးကို NLD ပါတီရဲ့ လွှတ်တော် ကိုယ်စားလှယ်တွေကိုပဲ ခန့်အပ်သွားမှာဖြစ်တယ်လို့ အမျိုးသားဒီမိုကရေစီအဖွဲ့ချုပ် က ပြောလိုက်ပါတယ်။ ပြည်နယ်လွှတ်တော်တွေမှာ အတော့်အသင့် အနိုင်ရခဲ့တဲ့ ဒေသခံအခြေခံ တိုင်းရင်းသားပါတီတွေကတော့ ဒီလိုရွေးချယ်မှုမျိုးကို မလိုလားကြပါဘူး။ တိုင်းရင်းသားပါတီတွေဟာ ပြည်ထောင်စုအဆင့်ကို ရည်မှန်းတာ မဟုတ်ပဲ ပြည်နယ်အဆင့် ကိုယ်ပိုင်အုပ်ချုပ်ခွင့် ရဖို့လိုလားတယ်ဆိုတဲ့အချက်ကို ထည့်သွင်း စဉ်းစားဖို့လိုတယ် လို့ ပြောနေကြပါတယ်။ စုံစမ်းမေးမြန်းထားတဲ့ ဗွီအိုအေ သတင်းထောက် ကိုထက်အောင် သတင်းပေးပို့ထားပါတယ်။

လာမယ့် ဧပြီလဆန်းမှာ စတင်ဖွဲ့စည်းမယ့် အစိုးရသစ် လက်ထက်မှာ ရွေးကောက်ပွဲ အနိုင်ရ NLD ပါတီအနေနဲ့ ပြည်နယ် တိုင်း ၀န်ကြီးချုပ်နေရာတွေကို သူတို့ ပါတီရဲ့ အရွေးကောက်ခံ ကိုယ်စားလှယ် တွေကို ခန့်အပ်သွားမယ်လို့ NLD ပါတီ ရဲ့ ပြောခွင့်ရပုဂ္ဂိုလ် ဦးဝင်းထိန်က ပြောပါတယ်။ ဒါပေမဲ့လို့ တိုင်းရင်းသားရေးရာ ဝန်ကြီး နေရာတွေ နဲ့ တခြား အုပ်ချုပ်ရေး နေရာတွေအတွက် သက်ဆိုင်ရာ တိုင်းရင်းသားပါတီတွေနဲ့ အတူလက်တွဲ လုပ်ဆောင်သွားမယ်လို့ ဦးဝင်းထိန်က ပြောပါတယ်။

" အန်ကယ်လ်တို့ ဝန်ကြီးချုပ်တွေ ခေါင်းဆောင်ပြီးတော့ အစိုးရအဖွဲ့ ဖွဲ့တဲ့အခါမှာ သူတို့အထဲကလည်း အရည်အချင်းရှိတဲ့သူတွေကို တာဝန်ပေးမှာပေါ့။ ရာ ထားတာတော့ ရာ ထားပြီးပြီ ဒါပေမဲ့ ခင်ဗျားတို့ကို မပြောသေးဘူး။ ရေးရာ ဝန်ကြီးတွေ ကတော့ သူ့ပါတီကလည်း ဖြစ်မယ်၊ ကိုယ့်ပါတီကလည်း ဖြစ်မယ်၊ တိုင်းရင်းသားတွေလည်း ဖြစ်မယ်။ အဲ့တာတော့ စုပေါင်းစပ်ပေါင်းကတော့ ပါမှာပဲ။"

အမျိုးသား ဒီမိုကရေစီအဖွဲ့ချုပ် ပါတီအနေနဲ့ ပြီးခဲ့တဲ့ ရွေးကောက်ပွဲမှာ ရှမ်းပြည်နယ်နဲ့ ရခိုင်ပြည်နယ်ကလွဲလို့ ကျန်တိုင်းနဲ့ ပြည်နယ် ၁၂ ခုမှာ အများစု အနိုင်ရ ရှိထားတာပါ။ ဒါကြောင့်လည်း ရှမ်းပြည်နယ်မှာ အများစု အနိုင်ရရှိထားတဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD ) နဲ့ ရခိုင်ပြည်နယ်မှာ အနိုင်ရတဲ့ ရခိုင်အမျိုးသား ပါတီ (ANP) ပါတီထဲက ကိုယ်စားလှယ်တွေကို ပြည်နယ် ၀န်ကြီးချုပ်တွေ အဖြစ် နေရာပေးမလားဆိုပြီး အစောပိုင်းက သတင်းအမျိုးမျိုး ထွက်ပေါ်ခဲ့ပါတယ်။ ဒါပေမဲ့လည်း NLD ပါတီက အခုလို ပြောဆိုလိုက်မှုအပေါ်မှာ ရခိုင်အမျိုးသားပါတီက ဥက္ကဋ္ဌ ဒေါက်တာ အေးမောင်က အခုလို ပြောပါတယ်။

"၂၀၀၈ ဖွဲ့စည်းပုံအခြေခံဥပဒေကို မကြိုက်တဲ့ ပုဂ္ဂိုလ်ချင်းအတူတူ ဒီ ၂၀၀၈ ဖွဲ့စည်းပုံမှာ ပေးထားတဲ့ တိုင်းရင်းသားရင်ကြားစေ့ရေးအတွက် အနှောင့်အယှက်ဖြစ်တဲ့ ပုဒ်မ ၂၆၁ဖြစ်တဲ့ သမ္မတရဲ့ လုပ်ပိုင်ခွင့်၊ တိုင်းရင်းသားပါတီများဟာ ဘယ်တော့မှ ပြည်ထောင်စု တခုလုံးကို နိုင်တဲ့ ပါတီ နောင်လည်း မဖြစ်ဘူး။ အခုလည်း မဖြစ်ဘူး။ အဲ့တာကြောင့်မို့ ပြည်ထောင်စုရဲ့ သမ္မတ မည်သူ့အခါမှ မဖြစ်တဲ့ တိုင်းရင်းသားပါတီများရဲ့ ရည်မှန်းချက်သည် ကိုယ့်အမျိုးသား ပြည်နယ်လေးတွေမှာ ကိုယ်ပိုင်အုပ်ချုပ်ခွင့် ဆိုတဲ့ ဦးတည်ချက်နဲ့ သွားပါတယ်။ အဲ့ဒီ့ကဏ္ဍလေး သေးသေးလေးကိုတောင်မှ ဒီဖွဲ့စည်းပုံကို ပြင်ဖို့ ရည်မှန်းချက် တူတဲ့ ပါတီအချင်းချင်း ဒီရခိုင်ပြည်နယ်အစိုးရ ဖွဲ့စည်းရေး အင်မတန်အရေးကြီးတဲ့ဟာကို ဘယ်လိုဖြေရှင်းမလဲဆိုတဲ့ ချဉ်းကပ်မှုဟာ အမျိုးသားပြန်လည်ရင်ကြားစေ့ရေးအတွက် ကျနော်တို့ အင်မတန်အရေးကြီးတဲ့ အချက်တခု ဟုတ်မဟုတ် ပြည်ထောင်စု တည်ငြိမ်အေးချမ်းရေးနဲ့ သက်ဆိုင်ရာ အမျိုးသား ပြည်နယ်တခုရဲ့ တည်ငြိမ်အေးချမ်းမှုအပေါ် အထောက်အကူပေးနိုင်ခြင်း ဆိုတဲ့ ရည်မှန်းချက်အကောင်အထည်ဖော်နိုင်မှု အဖြေပဲ ဖြစ်ရပါမယ်။"

အမျိုးသားဒီမိုကရေစီအဖွဲ့ချုပ် ဥက္ကဋ္ဌဒေါ်အောင်ဆန်းစုကြည်ကတော့ နောက် လာမယ့် အစိုးရသစ် လက်ထက်ကျရင် တစ်နိုင်ငံလုံး စစ်မှန်တဲ့ ငြိမ်းချမ်းရေး ရဖို့နဲ့ တိုင်းရင်းသားများ အားလုံးပါဝင်တဲ့ ဖယ်ဒရယ် ပြည်ထောင်စု တည်ထောင်ဖို့ အရေးတွေကို ဆောင်ရွက်သွားမယ်လို့ ပြီးခဲ့တဲ့ တနင်္လာနေ့က တိုင်းရင်းသား လွှတ်တော် ကိုယ်စားလှယ်တွေနဲ့ တွေ့ဆုံတဲ့အခါမှာ ပြောဆိုထားပါတယ်။

ထို့အတူ ရခိုင်အမျိုးသားပါတီဘက်ကလည်း ရခိုင်ဝန်ကြီးချုပ်နေရာအတွက် NLD ပါတီနဲ့ တွေ့ဆုံဖို့ ကမ်းလှမ်းထားပြီး ပြည်နယ်အစိုးရကို ဦးဆောင်ဖွဲ့စည်းခွင့် မရပါက အတိုက်အခံပါတီအဖြစ် ရပ်တည်သွားမယ်လို့ ပြောဆိုထားပါတယ်။

" ကျနော်တို့ကြေညာချက်ထဲမှာ အချက်သုံးချက်ပါပါတယ်။ အချက် နံပတ်တစ်က တွေ့ဆုံဆွေးနွေးပြီးမှ မြန်မာ့နိုင်ငံရေးအခင်းအကျင်းကို ဖြေရှင်းလိုပါတယ်ဆိုတာ ပါပါတယ်။ ဒုတိယအချက်မှသာလျှင် လက်ရှိအခင်းအကျင်းအရ ရခိုင်ပြည်နယ် အစိုးရအဖွဲ့ကို ရခိုင်အမျိုးသားပါတီဘက်က ဝန်ကြီးချုပ်အဖြစ် တာဝန်ရသင့်တယ်ဆိုတာ ကျနော်တို့က ဖော်ပြပါတယ်။ တတိယ အချက်က တွေ့ဆုံဆွေးနွေးမှု နဲ့ ရခိုင်အမျိုးသားပါတီက ရခိုင်ပြည်နယ် ဝန်ကြီးချုပ် တာဝန်ကို ရယူလိုမှု ဆိုတဲ့ ကျနော်တို့ပါတီရဲ့သဘောထားကို တွေ့ဆုံဆွေးနွေးလို့ မရခဲ့ဘူးဆိုမှသာလျှင် အတိုက်အခံ နိုင်ငံရေးပါတီတခုအဖြစ် မည်သည့်ရာထူးကိုမှ မယူပဲ ရပ်တည်သွားမယ်ဆိုတဲ့ သဘောထားဖြစ်ပါတယ်။"

ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင် ပြောဆိုသွားခဲ့တာပါ။

တိုင်းနဲ့ ပြည်နယ် ၀န်ကြီးချုပ်တို့ကို ခန့်အပ်မယ့်နေရာမှာ နိုင်ငံတော် သမ္မတက သက်ဆိုင်ရာ တိုင်းဒေသကြီး ဒါမှမဟုတ် ပြည်နယ် လွှတ်တော် ကိုယ်စားလှယ်တွေထဲက သတ်မှတ်ထားတဲ့ အရည်အချင်းနဲ့ ပြည့်စုံတဲ့ လွှတ်တော်ကိုယ်စားလှယ်တစ်ဦးကို ရွေးချယ်ပြီး သက်ဆိုင်ရာ လွှတ်တော်သို့ ပေးပို့ပြီး အတည်ပြုချက်ယူကာ ခန့်အပ်ရမှာဖြစ်ပါတယ်။

သက်ဆိုင်ရာဝန်ကြီးချုပ်နေရာတွေအတွက် သတ်မှတ်ထားတဲ့ အရည်အချင်းနဲ့ မပြည့်စုံကြောင်း အထင်အရှား မပြနိုင်ဘူးဆိုရင် တိုင်းဒေသကြီး ဒါမှမဟုတ် ပြည်နယ်လွှတ်တော်ဟာ သမ္မတက အမည်စာရင်း တင်သွင်းတဲ့ လွှတ်တော် ကိုယ်စားလှယ်အား ဝန်ကြီးချုပ်အဖြစ် ခန့်အပ်တာဝန်ပေးဖို့ ငြင်းပယ်ခွင့် မရှိစေရလို့ ၂၀၀၈ ဖွဲ့စည်းပုံအခြေခံ ဥပဒေ ပုဒ်မ ၂၆၁ မှာ ပြဌာန်းထားပါတယ်။ ဒါကြောင့်လည်း လွတ်တော် ၃ ရပ်မှာ အစိုးရဖွဲ့နိုင်တဲ့အထိ အနိုင်ရထားတဲ့ NLD ပါတီအနေနဲ့ ဒုသမ္မတ ၂ ဦးကို တင်မြှောက်ခွင့်ရှိပြီး ဝန်ကြီးချုပ် နေရာတွေ အတွက်လည်း တာဝန်ပေးပိုင်ခွင့် ရှိနေပါတယ်။

ထက်အောင်/VOA
http://burmese.voanews.com/content/state-and-divisions-ministers-nomination-/3217795.html


pharkant-machin-620.jpg
ဖားကန့်မြို့နယ် လုံးခင်းကျေးရွာအုပ်စု ဆန်ခါကျေးရွာအနီးက မှော်ပုံတောင်ကြောမှာ ကုမ္ပဏီတွေကဝှက်ထားတဲ့ ကျောက် တူးဖော်ရေးလုပ်ငန်းမှာအသုံးပြုတဲ့ စက်ယန္တရားများကို တွေ့ရစဉ်
Photo: Ko Tin Hlaing

ကချင်ပြည်နယ် ဝိုင်းမော်ဒေသအတွင်းရှိ ကျောက်စိမ်းတူးဖော်ရာ နယ်မြေအတွင်း လိုင်စင်မဲ့ စက်ယန္တရားတွေ တင်သွင်းတဲ့ ကိစ္စနဲ့ပတ်သက်ပြီး အကောက်ခွန်ဦးစီးဌာန ညွှန်ကြားရေးမှူးချုပ်နဲ့ စီးပွားကူးသန်းဌာနက ညွန်ကြားရေးမှူးချုပ်တို့ကို ရာထူးကနေ ထုတ်ပယ်လိုက်ပြီလို့ သမ္မတရဲ့ပြောရေးဆိုခွင့်ရှိသူ ပြန်ကြားရေးဝန်ကြီး ဦးရဲထွဋ်က RFA ကို ဒီကနေ့ အတည်ပြု ပြောကြားပါတယ်။

ဒါ့အပြင် အကောက်ခွန်ဌာနက ဝန်ထမ်းတွေနဲ့ စီးပွားကူးသန်းဝန်ကြီးဌာန လက်အောက်ခံ ဝန်ထမ်းတွေကိုလည်း အရေးယူထားတယ်လို့ ဦးရဲထွဋ်က ပြောပါတယ်၊

"ဖားကန့်ဒေသမှာ စက်န္တရားတွေပြဿနာဖြစ်တဲ့အခါမှာ စုံစမ်းစစ်ဆေးရေးလုပ်တဲ့အခါမှာ မမှန်မကန် လုပ်မှုတွေ ပေါ်ထွက်လာတဲ့အတွက်ကြောင့်မို့လို့ ကချင်ပြည်နယ် အစိုးရအဖွဲ့ရဲ့ အတွင်းရေးမှူးကို ကျနော်တို့ ထုတ်ပစ်တဲ့အထိ အရေးယူထားတယ်၊ အကောက်အခွန်က ညွှန်ချုပ်နဲ့ နောက်တစ်ခါ စီးပွားကူသန်းက ညွှန်ချုပ်တစ်ယောက်ကိုလည်း အဲ့အတိုင်းပဲ ရာထူးကနေ ကျနော်တို့ ထုတ်ပယ်တာ လုပ်ထားတယ်၊ ပြီးလို့ရှိရင်တော့ အကောက်အခွန်ဦးစီးဌာနက ဝန်ထမ်း ၁ဝ ယောက်၊ နောက်တစ်ခါ စီးပွားကူးသန်းဘက်က ဝန်ထမ်း ၅ ယောက်ကိုတော့ နိုင်ငံ့ဝန်ထမ်း ဥပဒေနဲ့အညီ ကျနော်တို့ ဝန်ထမ်း စည်းမျဉ်းစည်းကမ်းအရ အရေးယူတာတွေ လုပ်ထားပါတယ်၊ ဖားကန့်ဒေသမှာ လုပ်ငန်းလုပ်ကိုင် ဆောင် ရွက်တာတွေအားလုံးကို စနစ်တကျရှိဖို့အတွက် တာဝန်ရှိတဲ့ ဝန်ကြီးဌာနတွေရဲ့ နောက် ပြည်နယ်အစိုးရတို့ က ကြပ်မတ်ဆောင်ရွက်ဖို့ဆိုတဲ့ကိစ္စမျိုးတွေ ကျနော်တို့ ဆက်လက်င်္ပြီးတော့ ဆောင်ရွက်သွားမှာပါ"

ဖားကန့် ကျောက်စိမ်းတူးဖော်ရေးဒေသမှာ စက်ယန္တရားအမြောက်အများကို တရားမဝင် တင်သွင်းတာနဲ့ ပတ်သက်ပြီး ကချင်ပြည်နယ် အစိုးရအဖွဲ့ရဲ့ အတွင်းရေးမှူး ဦးဇော်သိန်းကိုလည်း ဖေဖော်ဝါရီလ ၂၉ ရက်နေ့က ထုတ်ပယ်လိုက်ပြီး ကချင်ပြည်နယ်က ဝန်ကြီး(၃) ဦးအပါအဝင် ပြည်နယ်အစိုးရအဖွဲ့ဝင်တချို့ကိုလည်း စစ်ဆေးနေတယ်လို့ သိရပါတယ်၊

သဘာဝပတ်ဝန်းကျင်ထိန်းသိမ်းရေးနဲ့ သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်း ခေါင်းဆောင်တဲ့အဖွဲ့က ပြီးခဲ့တဲ့ ဒီဇင်ဘာလအတွင်း မြစ်ကြီးနား၊ ကန်ပိုက်တီနဲ့ ဖားကန့်ဒေသမှာ ကွင်းဆင်းစစ်ဆေးခဲ့ပြီးတဲ့နောက် အခုလို အရေးယူတာတွေ ပြုလုပ်နေတာဖြစ်ပါတယ်။

RFA
http://www.rfa.org/burmese/news/hparkant-machine-03032016095352.html

တကသကျောင်းသားများ မတ် ၁ ရက်က ပန်းဘဲတန်းမြို့နယ် တရားရုံး၌ ရုံးထုတ်စဉ် (ဓာတ်ပုံ-နေမျိုးဝင်း)

(၁)

မတ်လ ၁၀ ရက်နှင့် မတ် ၁၃ ရက်တို့သည် အများပြည်သူနှင့် ကဗျာဆရာအဖို့ အနိဋ္ဌာရုံဖြင့်ပြွမ်းသော ရက်များဟု ဆိုစမှတ် ပြုရမည်ဖြစ်သည်။

နုနယ်စဉ် အချိန်အခါတုန်းက တောင်ကျရေတံခွန်ကိုပင် မျက်ရည်ဖြင့် တင်စားလျက် စိမ်းကားစွန့်ခွာသွားသော ချစ်သူအတွက် မျက်ရည်အိုင်ထွန်းသည့် စိတ္တဇနေ့ညများအား ဖော်ကျူးသော ကဗျာမျိုး သီကုံးရေးသားခဲ့ခြင်းနှင့် ပတ်သက်၍ လျှောက်ခဲ့သည့် လမ်းခရီးကား သမားရိုးကျ လမ်းခရီးအဖြစ် ကဗျာဆရာတိုင်း ဖြတ်သန်းကျော်လွှား ခဲ့ရမြဲပင် ဖြစ်ပေမည်။ ဤကဗျာမျိုးသည် မရင့်ကျက်သေးသည့် နှလုံးသား၏ ညည်းတွားသံမျိုး ဖြစ်သဖြင့် ကဗျာဆရာသည် မိမိဆန္ဒတစ်ခု တည်းကိုသာ ဖြေဖျော်တတ်သော တစ်ကိုယ်ကောင်းသမားတစ်ဦး မဖြစ်စေရန် သတိချပ်ရန် လိုပေသည်။ လူ့ဘောင်လောကတွင် ကြမ်းတမ်းသော ရုန်းကန်လှုပ်ရှားမှု၊ ဒုစရိုက်နှင့် သုစရိုက်များ စသည်ဖြင့် လွှမ်းခြုံနေရကား ယင်းမှ အတွေးအခေါ်နှင့် ဘ၀အတွေ့အကြုံကို ရှာဖွေရင်း နက်နဲသော ဘ၀ပိုင်း၊ အတွေးပိုင်းသို့ ခြေချမိလေ အနိဋ္ဌာရုံခံစားချက်များနှင့် ရင်ဆိုင်ကြုံတွေ့ ရလေပင်ဖြစ်သည်။

လူအတော်များများ မကြိုက်မနှစ်သက်တတ်သည့် အနိဋ္ဌာရုံခံစားမှုအား ကဗျာဆရာသည် ကဗျာတစ်ပုဒ်ဖြင့် ဖန်တီးတင်ပြရာ၌ သရုပ်သကန် အမှန်ဖြစ်သည့် "ဤအနိဋ္ဌာရုံ လောကကြီးသည် စက်ဆုပ်ရွံမုန်းဖွယ် ကောင်းလှပါတကား" ဟူသော အချက်ကို လူတို့၏ တစ်ဝက်တစ်ပျက် နိုးကြားစေသော နှလုံးသား အနက်အရှိုင်းထဲသို့ သွတ်သွင်း ပေးလိုက်ခြင်းဖြင့် အနိဋ္ဌာရုံ၏ အနှစ်သာရကို ပိုမိုပေါ်လွင် ထင်ရှားလာစေရန် လှုံ့ဆော်ပေးခြင်း ဖြစ်သည်။

အကောင်းနှင့်အဆိုး၊ ဣဋ္ဌာရုံနှင့် အနိဋ္ဌာရုံတို့ကို ယှဉ်တွဲပြောဆိုခြင်းမှာ ရသနှစ်ခုကို အင်အားချင်း ပြိုင်ဆိုင်ပေးခြင်း ဖြစ်သည်ဟု ဆိုနိုင်စေကာမူ ဤနိုင်ငံတွင် မြင်လေ လေတိုင်း၊ ကြားလေလေတိုင်း အနိဋ္ဌာရုံသာ ဖြစ်ပျက်ဖုံးလွှမ်း ခဲ့သည့်အတွက် တရားမျှတမှု၏ အလှအပကို ခံစားသည့် ဣဋ္ဌာရုံဆိုသည်မှာ မည်သို့နည်းဟူ၍ မေးခွန်းထုတ်ရမည့် အခြေသို့ ဆိုက်ရောက် ခဲ့လေသည်။

(၂)

အမျိုးသား ပညာရေးဥပဒေကို ပြုပြင်ပြောင်းလဲရန် ငြိမ်းချမ်းစွာ တောင်းဆိုခဲ့သော ကျောင်းသားဒီမိုကရေစီ သပိတ်စစ်ကြောင်းအား လက်ပံတန်း၌ အကြမ်းဖက် ဖြိုခွင်းကာ ကျောင်းသားနှင့် ၀န်းရံသူ အများအပြားအား ဖမ်းဆီးခဲ့မှုသည် ယခုမတ် ၁၀ ရက်ဆိုလျှင် တစ်နှစ်ပြည့်မြောက်တော့မည် ဖြစ်သည်။ ယခုအချိန်တွင် ဗကသ ကျောင်းသားခေါင်းဆောင်များသည် သာယာဝတီတွင်သာမက ရန်ကုန်ရှိ မြို့နယ်တရားရုံး အသီးသီးများတွင်ပါ ရုံးထုတ်တရားစွဲဆိုခြင်း ခံနေရသည်။ ရုံးထုတ်ကြိမ်မည်မျှ၊ တရားရုံး အရေအတွက် မည်မျှဆိုသည်ကိုပင် လေ့လာသုံးသပ်သူ အနေဖြင့် မျက်စိလည်စရာ ဖြစ်လောက်အောင် များပြားလှသဖြင့် သက်ဆိုင်ရာ တာဝန်ရှိသူများ၏ စိတ်နေသဘောထားကို မှန်းဆကြည့်နိုင်ပြီဟု ဝေဖန်သူများက ဆိုသည်။

ပြီးခဲ့သည့် ဖေဖော်ဝါရီ ၂၃ ရက် ရုံးထုတ်စဉ် ကျောင်းသားခေါင်းဆေင် မဖြိုးဖြိုးအောင်က "ဥပဒေတွေကို ခေတ်နဲ့ လျော်ညီတဲ့ ဥပဒေတွေအဖြစ် ပြောင်းပေးနိုင်ဖို့ လိုတယ်။ ကျွန်မတို့လို တက်ကြွလှုပ်ရှားသူတွေနဲ့ ပတ်သက်လို့ဆိုရင် ပုဒ်မ ၁၈ လိုမျိုး ဖိနှိပ်ဖို့သက်သက် ရေးဆွဲထားတဲ့ ပုဒ်မတွေကို မဖြစ်မနေ ပြင်ဆင်ဖျက်သိမ်းတာမျိုး လုပ်ရမှာပဲ။ လွှတ်တော်ထဲကတော့ ဥပဒေပြုရေးဆိုင်ရာ တာဝန်ရှိတာဖြစ်လို့ တက်လာမယ့် အစိုးရက စောစောစီးစီး ပြင်ဆင်ပြဋ္ဌာန်းတာတွေ၊ အသစ်ရေးဆွဲတာတွေ လုပ်သင့်နေပြီ" ဟု ပြောကြားခဲ့သည်။ (The Daily Eleven - ၂၄-၂-၂၀၁၆ နေ့ထုတ်)။

မတရားဖမ်းဆီးခံ အပြစ်မဲ့ ကျောင်းသားများကို ကြည့်လျှင် သူတို့၏ မျက်နှာပေါ်တွင် အပြုံးမာန်နှင့် သံမဏိ စိတ်ဓာတ်တို့အား အပြည့်အ၀ မြင်တွေ့ခံစားရသည်။ ဣဋ္ဌာရုံ၏ အလှဆိုသည်မှာ ဒါပဲဖြစ်ရမည်ဟု ကောက်ချက်ချလိုက် မိသည်နှင့် တစ်ချိန်တည်းမှာပင် သူတို့အား ပထမဆုံးအကြိမ် ရုံးထုတ်သော ၂၀၁၅ ဧပြီလဆန်း၌ ပါလာသည့် မီဒီယာ သတင်းဓာတ်ပုံများမှတစ်ဆင့် သူတို့ကို လက်ထိတ်ကိုယ်စီဖြင့် မြင်တွေ့လိုက်ရသည့် အချိန်။ ရုတ်ခြည်းပင် ထိုမြင်ကွင်းဖြစ်သည့် စက်ဆုပ်ရွံရှာဖွယ်ကောင်းသော အနိဋ္ဌာရုံ ခံစားချက်တစ်ခု ရင်တွင်းသို့ စူးစူးနစ်နစ် တိုးဝှေ့ဝင်ရောက် လာတော့သည်။
Detained Students Trial in Yangon

သပိတ်မှောက်ကျောင်းသားတွေ တရားရုံးထုတ်~~~~~~~~အမျိုးသားပညာရေးဥပဒေကို ကန့်ကွက် ဆန္ဒပြခဲ့ကြတဲ့ ဗကသကျောင်းသားတွေနဲ့ တကသ ကျောင်းသားတွေကို မတ်လ ၃ ရက်နေ့ ဒီနေ့ လှိုင်မြို့နယ်နဲ့ ကမာရွတ်မြို့နယ် တရားရုံးတွေမှာ ရုံးထုတ် စစ်ဆေးခဲ့ပါတယ်။ RFA သတင်းထောက် ကိုဘုန်းမြတ်က တင်ပြထားပါတယ်။

Posted by RFA Burmese TV Channel on Thursday, March 3, 2016
လက်ထိတ်

လက်ထိတ်ဟာ …..

ရှက်စိတ် မရှိသူတွေ အတွက်

အဖျက်အမှောင့်သမားတွေ အတွက်

ကလေကချေ လူရမ်းကားတွေ အတွက်

အာဏာအလွဲသုံးစားတွေ အတွက်

ရိုက်နှက်ဖိနှိပ်သူတွေ အတွက်

တွယ်ဖက်ထားတဲ့ အရာဝတ္ထု

တစ်ခုမဟုတ်တော့ပါလား။



လက်ထိတ်ဆိုတာ…..

ရှက်စိတ်တရားနဲ့ နေထိုင်သူတွေ

မှန်ရာကိုပြောဟောဝံ့သူတွေ

ဆန္ဒဇော ဖော်ထုတ်ဝံ့သူတွေ

လူ့အခွင့်အရေး ချိုးဖောက်ခံရသူတွေ

ပရုတ်လုံးလို လုံးပါးပါးသူတွေ

ငါတို့တစ်တွေ အတွက် …..

ရင်နာနေလျက်ပင်

တီထွင်ထားတဲ့ အရာဝတ္ထု

တစ်ခု ဖြစ်လာခဲ့ပြီတကား….။ ။

(၁၀ ဧပြီ ၂၀၁၅)

(၃)

၁၉၈၈ မတ်လ ၁၃ ရက်သည် စစ်အာဏာရှင် အစိုးရ၏ ရက်စက်စွာ ပစ်ခတ်မှုကြောင့် ရန်ကုန်စက်မှုတက္ကသိုလ် ပဉ္စမနှစ် ဓာတုအင်ဂျင်နီယာကျောင်းသား ဖုန်းမော် ကျဆုံးခဲ့သောနေ့ဖြစ်သည်။ ပဉ္စမနှစ်ကျောင်းသား စိုးနိုင်သည်လည်း သေနတ်ကျည်သင့် ဒဏ်ရာကြောင့် ဧပြီလ ၅ ရက်တွင် ဆေးရုံပေါ်၌ ကျဆုံးခဲ့ပြန်သည်။ ဖုန်းမော်လဲကျသွားရာ နေရာနှင့် မလှမ်းမကမ်း နေရာ၌ ဆဋ္ဌမနှစ် စက်မှုအင်ဂျင်နီယာကျောင်းသား မြင့်ဦးသည် အသည်းထဲသို့ ကျည်ဆန်ဖောက်ဝင် သွားသဖြင့် လဲကျနေပြီး ကံကောင်းထောက်မစွာပင် (ဆရာဝန်၏ စွန့်စားမှုစေတနာ အပါအ၀င်) ယနေ့တိုင် အသက်မသေဘဲ သူ့ကိုမြင်တွေ့ နေရပေသည်။

မတ်လ ၁၂ ရက်က ဖြစ်ပွားခဲ့သော ကျောင်းဝင်းပြင်ပရှိ လက်ဖက်ရည်ဆိုင်၌ ရပ်ကွက်လူငယ်အချို့နှင့် စက်မှုတက္ကသိုလ် ကျောင်းသားတို့၏ ရန်ပွဲငယ်တစ်ခု ဖြစ်ပွားခဲ့ခြင်းမှ အာဏာပိုင်တို့၏ ရပ်တည်ဆုံးဖြတ် ပေးမှုကို ကျောင်းသားများက ကျေနပ်ခြင်း မရှိ၍ ယင်းမှစုရုံးကာ အုံကြွမှုတစ်ရပ် ဖြစ်ခဲ့ခြင်းဖြစ်သည်။ နောက်တစ်နေ့ညတွင် လုံထိန်းတပ်ဖွဲ့မှ လက်နက်အပြည့်အစုံဖြင့် ကျောင်းဝင်းအတွင်းသို့ ဇွတ်ဝင်ရောက်ကာ မြင်သမျှလူအားလုံးကို ပစ်ခတ်ခြင်းဖြစ်သည်။

အဓိကထား ပြောလိုသည်မှာ သတင်းကြေညာချက်များ၌ ဖုန်းမော်သည် ခိုက်ရန်ဖြစ်ပွားမှုမှ ရရှိသော ဒဏ်ရာဖြင့် သေဆုံးရခြင်း ဖြစ်သည်ဟု ပါရှိခဲ့သည်ဆိုသည်။ ထိုစဉ်က စစ်အာဏာရှင် အစိုးရသည် သတင်းအမှောင်ချ၍ သတင်းမှားများ ဖြန့်ဝေခြင်း၊ သမိုင်းအချက်အလက်များအား တိမ်းစောင်းစေခြင်း စသည်တို့ကို ကာလတစ်လျှောက်လုံး ပြုလုပ်လေ့ရှိသည်။ တကယ်တမ်း ပြောရမည်ဆိုလျှင် စက်မှုတက္ကသိုလ်မှ အာဇာနည်ကျောင်းသား ဖုန်းမော်နှင့် စိုးနိုင်တို့သည် အာဏာရှင် အစိုးရ၏ လူမဆန်သော ရက်စက်မှု လုပ်ရပ်ကြောင့် ကျဆုံးခဲ့ခြင်းမှတစ်ဆင့် စစ်အာဏာရှင်စနစ်ကို တော်လှန်သည့် ရှစ်လေးလုံး ဒီမိုကရေစီ အရေးတော်ပုံ စခဲ့ခြင်း ဖြစ်သည်ဟု ဆိုပါက မည်သူငြင်းဆို နိုင်မည်နည်း။

ဖုန်းမော်ကျဆုံးရခြင်း အဓိကအကြောင်းရင်းကို ပြန်လည်စိစစ် ဝေဖန်သုံးသပ် ကြည့်ပါက ထိုစဉ်က မြန်မာနိုင်ငံပြည်သူအများ အခြေခံလူ့အခွင့်အရေး မည်မျှဆုံးရှုံး နစ်နာနေသည်၊ လူ့အခွင့်အရေးမည်မျှ ချိုးဖောက်ခံနေရသည် ဆိုသည်ကို ပြက်ပြက်ထင်ထင် ဖော်ပြနေကြောင်း သုံးသပ်တွေ့မြင် ရမည်ဖြစ်သည်။

ဣဋ္ဌာရုံ ပျောက်ကွယ်နေပြီး အနိဋ္ဌာရုံသာ အများဆုံး ကြီးစိုးနေမှုမှာ ယခုမှမဟုတ်။ လွန်ခဲ့သည့် ဆယ်စုနှစ်များစွာ ကတည်းကပင် အိပ်မက်တစ္ဆေလို ခြောက်လှန့်နေဆဲသာ ဖြစ်သည်။ အမှန်စင်စစ် အနိဋ္ဌာရုံသည် ဆိုးကျိုးဘက်သို့ တိမ်းညွတ်လျက် ရှိသော်လည်း မယူတတ်လျှင် အပျက်အစီး ဆုံးရှုံးမှုဖြစ်ကာ ခံယူတတ်ပါက အားမာန်ကို နိုးကြွစေသည့် ဂုဏ်သတ္တိရသ ပါဝင်သော ခံစားမှုမျိုးကို ပေးနိုင်စွမ်းရှိသည်။ သို့ဖြစ်ရကား ကဗျာဆရာအဖို့ မတ် ၁၀ နှင့် မတ် ၁၃ ၏ အနိဋ္ဌာရုံဖြစ်စဉ် တို့သည် ခံယူချက် အဘိဓမ္မာတစ်ရပ် အနေဖြင့် ပြောရလျှင် လောကကြီးသည် ရွံမုန်းစက်ဆုပ်ဖွယ် ကောင်းလှပါတကားဟူသော သရုပ်မှန် အဖြေတစ်ခုကို ရရှိစေသည်ဟု ဆိုရမည်သာ ဖြစ်လေသည်။

(The Daily Eleven တွင် ဖုန်းမော် အရေးအခင်းနှင့် ပတ်သက်သော "မတ်လမော်ကွန်း" နှင့် "တပေါင်းနွေတစ်ည မြေခခဲ့ ရော်ရွက်နီ" ဆောင်းပါးများအား ၁၁-၃-၂၀၁၄ နှင့် ၁၃-၃-၂၀၁၅ နေ့ အသီးသီးတွင် အကျယ်ရေးသားခဲ့ပြီး ဖြစ်ပါသည်)။
Writer:
တက္ကသိုလ် မိုးဝါ
Eleven Media Group

NLD လွှတ်တော်ကိုယ်စားလှယ်များကို နေပြည်တော်တွင် မတ် ၁ ရက်က တွေ့ရစဉ် (ဓာတ်ပုံ-မျိုးမင်းထက်)

တိုင်းဒေသကြီးနှင့် ပြည်နယ်ဝန်ကြီးချုပ် ၁၄ နေရာ စလုံးအား အမျိုးသားဒီမိုကရေစီ အဖွဲ့ချုပ်မှ ရွေးကောက်ခံ လွှတ်တော်ကိုယ်စားလှယ်များကိုသာ ခန့်အပ်မည်ဖြစ်ကြောင်း အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ အတွင်းရေးမှူး အဖွဲ့ဝင် ဦးဝင်းထိန်က ပြောကြားသည်။

မတ် ၁ ရက်က ကျင်းပသည့် ပြည်ထောင်စုလွှတ်တော် အစည်းအဝေးသို့ လေ့လာသူအဖြစ် တက်ရောက်လာသည့် ဦးဝင်းထိန်အား လွှတ်တော် အစည်းအဝေး အပြီးတွင် မေးမြန်းရာ၌ ၎င်းက ထိုသို့ ပြောကြားခဲ့ခြင်း ဖြစ်သည်။

ပြည်နယ်နှင့် တိုင်းဒေသကြီး ၀န်ကြီးချုပ်များသည် NLD ရွေးကောက်ခံများသာ ဖြစ်မည်လားဟု နှစ်ကြိမ်တိုင်တိုင် ထပ်ဆင့် မေးမြန်းမှုအား ဦးဝင်းထိန်က “ဒါပေါ့။ လျာထားပြီးပြီ” ဟု ဖြေကြားသည်။

အမျိုးသားဒီမိုကရေစီ အဖွဲ့ချုပ် အနေဖြင့် တိုင်းဒေသကြီးနှင့် ပြည်နယ် ၁၄ ခုအနက် ၁၂ ခုတွင် နေရာ အများအပြား အနိုင်ရရှိထားပြီး ရခိုင်ပြည်နယ် လွှတ်တော်တွင် ရှစ်နေရာနှင့် ချင်းလူမျိုး ကိုယ်စားလှယ် တစ်နေရာ၊ ရှမ်းပြည်နယ် လွှတ်တော်တွင် ၂၁ နေရာ၊ အင်းသားနှင့် ကယန်း (ခ) ပဒေါင်လူမျိုး ကိုယ်စားလှယ် နှစ်နေရာသာ အနိုင်ရရှိ ထားသောကြောင့် အဆိုပါ ပြည်နယ် နှစ်ခုတွင် ၀န်ကြီးချုပ် ခန့်အပ်ရေး သတင်းအမျိုးမျိုး ထွက်ပေါ်လျက် ရှိသည်။

ထိုသို့ ၀န်ကြီးချုပ် နေရာများအား NLD ရွေးကောက်ခံများကို ခန့်အပ်မည့် ကိစ္စနှင့် ပတ်သက်၍ ရှမ်းတိုင်းရင်းသားများ ဒီမိုကရေစီ အဖွဲ့ချုပ် အထွေထွေ အတွင်းရေးမှူး ဦးစိုင်းညွန့်လွင်က “ဖြစ်နိုင်တယ်။ အပေးအယူက ပျက်သွားတဲ့ သဘော။ ကျွန်တော်တို့တော့ မသိသေးဘူး။ ကျွန်တော်တို့ကိုတော့ မပေးလောက်ဘူး။ ယူရင်လည်း သူတို့ပဲ ယူမှာပေါ့။ ဖြစ်နိုင်ခြေ ရှိတယ်။ ကျန်တဲ့ ၁၂ ခုက သူတို့ ကျိန်းသေပေါက် ဖြစ်မယ်။ ရခိုင်နဲ့ ရှမ်းပဲ သီးခြား စဉ်းစားရမှာ” ဟု ပြောကြားသည်။

ရှမ်းပြည်နယ် လွှတ်တော်တွင် ပြည်ခိုင်ဖြိုး ပါတီမှ ရရှိထားသော လွှတ်တော်ကိုယ်စားလှယ်နေရာနှင့် တပ်မတော်သား လွှတ်တော်ကိုယ်စားလှယ်များ ပူးပေါင်းလိုက်ပါက ကျန်ပါတီများထက် နေရာ အများဆုံး ရရှိထားသည်။

ထို့အတူ ရခိုင်ပြည်နယ် လွှတ်တော်တွင် ရခိုင်အမျိုးသား ပါတီသည် နေရာ အများဆုံး အနိုင်ရရှိထားပြီး အမျိုးသား ဒီမိုကရေစီ အဖွဲ့ချုပ်မှာ နေရာ အနည်းငယ်သာ အနိုင် ရရှိထားကာ အကယ်၍သာ ရခိုင်အမျိုးသားပါတီ အနေဖြင့် ပြည်နယ် အစိုးရအား ဦးဆောင် ဖွဲ့စည်းခွင့် မရှိပါက အမျိုးသားဒီမိုကရေစီ အဖွဲ့ချုပ်မှ ဖွဲ့စည်းသည့် အစိုးရ အဆင့်ဆင့်တွင် ပါဝင် ဆောင်ရွက်မည် မဟုတ်ဘဲ အတိုက်အခံအဖြစ် ရပ်တည်သွားမည်ဖြစ်ကြောင်း ကြေညာချက် ထုတ်ပြန်ထားသည်။

“အခုထိ ကျွန်တော်တို့က မျှော်လင့်ထားတယ်ပေါ့။ ကျွန်တော်တို့ကို တိုင်းရင်းသားတွေကို အများပြောတဲ့ စကားပေါ့။ တစ်ပြည်လုံးမှာ ပြောနေကြတဲ့ စကား။ တိုင်းရင်းသားတွေ ညီအစ်ကို မောင်နှမတွေဆိုတာ အမြဲ ပြောတာ ကြားရပါတယ်။ တကယ့် ညီအစ်ကို မောင်နှမတွေလို့ သဘောထားရင် တကယ် ဖက်ဒရယ် စနစ်ကို တိုင်းရင်းသားတွေနဲ့ လက်တွဲပြီး ထူထောင်ချင်တယ် ဆိုရင်တော့ အခု အခွင့်အရေးဟာ ရခိုင်ပြည်နယ်အတွက် အခြားတိုင်းရင်းသားတွေအတွက် ရွေးကောက်ပွဲ စနစ်နဲ့ နိုင်ငံရေး ပြဿနာ နိုင်ငံရေးအရ ဖြေရှင်းနိုင်မယ်။ တကယ်လို့ ရွေးကောက်ပွဲမှာ ပြည်နယ်သူ ပြည်နယ်သားတွေရဲ့ အများစုက ဆန္ဒရှိလို့ မဲနဲ့ရွေးရင် သက်ဆိုင်ရာ ပြည်နယ်တွေမှာ ကိုယ့်ပြည်နယ်တွေရဲ့ အကျိုး နိုင်ငံရေးအရ အစိုးရ ဖွဲ့နိုင်တယ်ဆိုတဲ့ သက်သေ သာဓက တစ်ခုကို ကျွန်တော်တို့ ပြနိုင်မယ်လို့ ရိုးရိုးသားသား ယူဆခဲ့တာပေါ့။ ကျွန်တော်တို့က မျှော်လင့်တကြီး စောင့်နေခဲ့ပေမယ့် ဒီနေ့ ဒီချိန်အထိတော့ ဘာကမ်းလှမ်းချက်မှ မရှိသေးပါဘူး။ ဦးဝင်းထိန်က ဒီလိုပဲ ပြောတယ် ဆိုရင်လည်း ဒါတစ်ပြည်လုံးမှာနိုင်တဲ့ ပါတီရဲ့ လုပ်ပိုင်ခွင့်ပါ။ သူတို့ရဲ့ ဆန္ဒအတိုင်း လုပ်နိုင်ခွင့် ရှိပါတယ်။ ကျွန်တော်တို့ အနေနဲ့ ဘာမှ ပြောစရာ ကန့်ကွက်စရာ မရှိပါဘူး” ဟု ရခိုင်အမျိုးသားပါတီ အထွေထွေ အတွင်းရေးမှူး ဦးထွန်းအောင်ကျော်က ပြောကြားသည်။

ဖွဲ့စည်းပုံ အခြေခံဥပဒေအရ ၀န်ကြီးချုပ်အဖြစ် ခန့်အပ်မည့် လွှတ်တော်ကိုယ်စားလှယ်၏ အမည်စာရင်းအား နိုင်ငံတော် သမ္မတက သက်ဆိုင်ရာ လွှတ်တော်သို့ ပေးပို့၍ လွှတ်တော်၏ သဘောတူညီချက် ရယူကာ ခန့်အပ်ခြင်းဖြစ်သည်။

တိုင်းဒေသကြီးနှင့် ပြည်နယ် ၀န်ကြီးချုပ်အတွက် သတ်မှတ်ထားသော အရည်အချင်းများနှင့် မပြည့်စုံကြောင်း အထင်အရှား မပြနိုင်ပါက တိုင်းဒေသကြီး သို့မဟုတ် ပြည်နယ်လွှတ်တော်သည် နိုင်ငံတော် သမ္မတက အမည်စာရင်း တင်သွင်းသည့် လွှတ်တော် ကိုယ်စားလှယ်အား ၀န်ကြီးချုပ်အဖြစ် ခန့်အပ် တာဝန်ပေးရန် ငြင်းပယ်ခွင့် မရှိစေရဟု ဖွဲ့စည်းပုံ အခြေခံဥပဒေတွင် ပြဋ္ဌာန်းထားသည်။

၂၀၁၅ အထွေထွေ ရွေးကောက်ပွဲတွင် အမျိုးသားဒီမိုကရေစီ အဖွဲ့ချုပ် အနေဖြင့် ပြည်သူ့လွှတ်တော်တွင် ၂၅၅ နေရာ၊ အမျိုးသား လွှတ်တော်တွင် ၁၃၅ နေရာ၊ တိုင်းဒေသကြီးနှင့် ပြည်နယ်လွှတ်တော် ၁၄ ခုတွင် ၄၇၅ နေရာ၊ တိုင်းရင်းသားလူမျိုး ကိုယ်စားလှယ် (တိုင်းရင်းသားရေးရာ ၀န်ကြီး) ၂၁ နေရာ အနိုင်ရရှိထားသည်။
Writer:
ကျော်ဇင်ဝင်း
Eleven Media Group




ထိုင်းနိုင်ငံမှ အသက် ၆၀ အရွယ်ရှိ ကျေးလက်ဂီတ အဆိုတော်တစ်ဦးသည် ပလပ်စတစ် ဆာဂျရီ ခွဲစိတ်ကုသမှုခံယူပြီးနောက် အသက် ၃၀ အရွယ်မျှဖြစ်သွားသည့် ၎င်း၏မျက်နှာအသစ်ကို စတင်ထုတ်ဖော် ပြသလိုက်သည်။
နာမည်ကျော်အဆိုတော် ဆူရာချိုင်း ဆွမ်ဘတ်ချာရီယွန်သည် ပြီးခဲ့သည့်လက ၎င်း၏မျက်နှာကို ခွဲစိတ်မှုခံယူခဲ့ပြီး ယခုအခါတွင်မှ ထုတ်ပြလာခြင်း ဖြစ်သည်။ အဆိုပါခွဲစိတ်မှုကို အသက် ၃၈ နှစ်အရွယ် ပလပ်စတစ်ဆာဂျရီ အကြံပေးတစ်ဦးဖြစ်သည့် စီပင် ချိုင်ယာဆန်က ဦးဆောင်ခဲ့သည်။
အသက် ၃၈ နှစ်ရှိ စီပင်သည် သူမကိုယ်သူမ ဒေါက်တာ စီပင်ဟု ညွှန်းဆိုသုံးနှုန်းပြီး သူမစီစဉ်ပေးသည့် ပလပ်စတစ်ဆာဂျရီ ခွဲစိတ်မှုများကို ဒေါက်တာစီပင်၏ မျက်နှာလဲလှယ်မှု ပရောဂျက်များဟု ခေါ်ဝေါ်လေ့ရှိသည်။ ဆူရာချိုင်းကို ခွဲစိတ်မှုပြုလုပ်ပြီးကတည်းက စီပင်က သူမ၏အကြံပေးမှုများကြောင့် အသက် ၆၀ အရွယ် အမျိုးသားတစ်ဦးကို အသက် ၃၀ အရွယ်ထိ နုပျိုသွားစေနိုင်သည်ဟု ကြွေးကြော်ခဲ့သည်။

ဝေဖန်မှုအမျိုးမျိုးနှင့် ရင်ဆိုင်ခဲ့ရသည့်တိုင် ယခုအခါ ဆူရာချိုင်းသည် ၎င်း၏ပြုပြင်မွမ်းမံထားသော မျက်နှာအသစ်ကို စတင်ထုတ်ဖော် ပြသလိုက်ပြီ ဖြစ်သည်။ စီပင်က မျက်နှာပေါ်ရှိ နေရာ ၁၀ ခုမျှကို ခွဲစိတ်ပြင်ဆင်လိုက်ရုံဖြင့် အလွန်နုပျိုသွားအောင် သူမကအကြံပေး ပြုပြင်နိုင်ကြောင်း ဆိုသည်။
ပြီးခဲ့သည့်လက သတင်းစာရှင်းလင်းပွဲတစ်ခုတွင် စီပင်က သူမသည် ပလပ်စတစ်ဆာဂျရီ အကြံပေးတစ်ဦးသာဖြစ်ပြီး ဆရာဝန်တစ်ဦးမဟုတ်ကြောင်း ဝန်ခံခဲ့သော်လည်း သူမ၏မျက်နှာလဲလှယ်မှု ပရောဂျက်သည် ထိရောက်အောင်မြင်မှု ကြီးမားစေမည်ဟု အာမခံခဲ့သည်။ “အခု ဆူရာချိုင်းရဲ့ မျက်နှာကို ခွဲစိတ်ပြုပြင်ထားပါတယ်။ ကျွန်မကို ပြင်းပြင်းထန်ထန် မဝေဖန်ကြခင် ဒီခွဲစိတ်မှုရဲ့ရလဒ်ကိုတော့ အရင်စောင့်ကြည့်သင့်တယ်” ဟု သူမက ထိုစဉ်က ကာကွယ်ပြောကြားခဲ့သည်။
မတ် ၃ ရက်တွင်မူ ဆူရာချိုင်းသည် ၎င်း၏မျက်နှာအသစ်ဖြင့် လူမြင်ကွင်းတွင် ထွက်ပေါ်လာပြီး သတင်းထောက်များကို တွေ့ဆုံခဲ့ရာ မူလရုပ်ရည်နှင့် အလွန်ကွာခြားသွားသည်ကို တွေ့ရသည်။ အဆိုပါ သတင်းစာရှင်းလင်းပွဲသို့ စီပင် ကိုယ်တိုင်လည်း တက်ရောက်ခဲ့ကြောင်း သိရှိရသည်။
Ref: Bangkok Post
7Day News Journal


ရန်ကုန် စတော့အိတ်ချိန်း (YSX) တွင် စတော့ရှယ်ရာများ ရောင်းဝယ်ခြင်းကို ယခုလ တတိယအပတ်အတွင်း စတင်နိုင်ဖွယ်ရှိသည်ဟု မြန်မာနိုင်ငံ ငွေချေး သက်သေခံ လက်မှတ်လုပ်ငန်း ကြီးကြပ်ရေး ကော်မရှင် (SECM) ဥက္ကဋ္ဌ ဦးမောင်မောင်သိန်းက ဗုဒ္ဓဟူးနေ့တွင် ပြောကြားသည်။

YSX တွင် စတော့ရှယ်ယာ ရောင်းဝယ်ရန် အဆင်သင့်မဖြစ်သေးသော်လည်း ပြီးခဲ့သည့် ဒီဇင်ဘာလကတည်းက တရားဝင် ဖွင့်လှစ်ခဲ့ပြီး တရားဝင် ကုမ္ပဏီ ၆ ခု၊ ငွေချေး သက်သေခံလက်မှတ် ရောင်းဝယ်ရေးကုမ္ပဏီ နှစ်ခုနှင့် ဘဏ္ဍာရေး ၀န်ဆောင်မှု ဘဏ်တစ်ခုတို့ ပါဝင်သည်။

SECM သည် ပြီးခဲ့သည့် နှစ်လအတွင်း ကုမ္ပဏီ သုံးခုကို ငွေချေးသက်သေခံလက်မှတ် ရောင်းဝယ်ရေး လိုင်စင်များ ထပ်မံချထားပေးခဲ့သည်။ YSX သည် လုပ်ငန်းပြင်ဆင်မှု ပြီးစီးပြီ ဖြစ်သည့် စာရင်းဝင် ကုမ္ပဏီတစ်ခု၊ ငွေချေးသက်သေခံ လက်မှတ်ရောင်းဝယ်ရေး၊ ကုမ္ပဏီ ငါးခုတို့ဖြင့် လုပ်ငန်းစတင်မည်ဟု ဦးမောင်မောင်သိန်းက ဆင်ဟွာသတင်းဌာနသို့ ဖြေကြားခဲ့သည်။

ယင်းက စတင်မည့်စာရင်းဝင် ကုမ္ပဏီ၏ အမည်ကို ပြောကြားခဲ့ခြင်းမရှိဘဲ အခြားစာရင်းဝင် ကုမ္ပဏီများမှာ စတော့ရှယ်ယာ ရောင်းဝယ်ရန် ပြင်ဆင်မှု အသင့်ဖြစ်သည့်အချိန်တွင် ဈေးကွက်တွင် ပါဝင်လာမည်ဟု ဆိုသည်။

YSX သည် စတော့ရှယ်ယာ ရောင်းဝယ်ရာတွင် အသုံးပြုမည့် ICT စနစ်များကို ပြင်ဆင်လျက်ရှိသည်။ YSX အတွက် ဘဏ္ဍာရေး ၀န်ဆောင်မှုဘဏ်အဖြစ် မြန်မာနိုင်ငံ၏ အကြီးဆုံး ပုဂ္ဂလိကဘဏ်ဖြစ်သည့် ကမ္ဘောဇဘဏ်က ဆောင်ရွက်မည်ဖြစ်သည်။

YSX စာရင်းဝင် Thilaw SEZ Holding Public Ltd. က စတော့ ရှယ်ယာဈေးကွက်တွင် ပါဝင်ရန် အသင့်ဖြစ်နေပြီဟု ကုမ္ပဏီဥက္ကဋ္ဌ ဦးဝင်းအောင်က ဆင်ဟွာသို့ ပြောကြားသည်။

KHTun
The Ladies News Journal

ဒေါ်လာလောင်ဒေါင်နန်က ၂ဝ၁၅ ဧပြီလရဲ့ နောက်ဆုံးနေ့ကို မှတ်မှတ်ရရရှိ နေပါသေးတယ်။

ကုလသမဂ္ဂ စီမံကိန်းတစ်ခုကြောင့် သူတို့မိသားစု ရထားတဲ့ နှစ်ဧကအကျယ် မြေကွက်ရှေ့မှာ အဲဒီနေ့က ရပ်နေပြီး ရွာထဲက ထွက်လာမယ့် လူတွေကို စောင့်ကြည့်နေတာပါ။ အဲဒီလူတွေကို အာဏာပိုင်တွေက လွှတ်လိုက်တာဖြစ်ပြီး သူစိုက်ထားတဲ့ ရာဘာပျိုးပင်တွေဆီကို ကျွဲနွားဝင်မလာအောင် ကာထားတဲ့ သံဆူးကြိုး စည်းရိုးကို ဖျက်မယ့်သူတွေပါ။

“သူတို့ ရောက်လာတော့ ကျွန်မက တစ်ရွာတည်းသားတွေမို့ အဲဒီလိုမလုပ်ဖို့ တားပါသေးတယ်” လို့ သူက ပြန်ပြောပြ နေစဉ်မှာပဲ သူရဲ့ခနော်ခနဲ့ ဝါးအိမ်လေးရဲ့ ကြမ်းပြင်ပေါ်မှာ သူ့လိုပဲ မကျေမနပ်ဖြစ်နေတဲ့ အခြား လယ်သမားသုံးဦးလည်း ရှိနေပါတယ်။ သူ့တောင်းပန်စကားကို ခြံစည်းရိုး ဖျက်ဖို့လာသူတွေက အရေးမလုပ်ပါဘူး။ နောက်တစ်နေ့ မနက်မှာတော့ စားကျက်ကို ရောက်လာတဲ့ တိရစ္ဆာန်တွေ လက်ချက်ကြောင့် ၁၁ လသားအရွယ် ရာဘာပင်ပေါက်တွေ ပြားပြားဝပ်သွားပါတော့တယ်။

ဒေါ်ဒေါင်နန်၊ သူ့ခင်ပွန်းနဲ့ နောင်ချိန်းရွာသား ၁၆ ယောက်တို့ဟာ ကျေးရွာ အာဏာပိုင်တွေနဲ့ တရားတဘောင် ဖြစ်ခဲ့ပါတယ်။ ရွာသားတွေက ဒီနေရာတွေကို သူတို့ နေရာပြောပေမယ့် ကျေးရွာလူကြီးတွေကတော့ ဒီနေရာတွေဟာ စားကျက်မြေ ဧက ၁,၆ဝဝ ထဲမှာ ပါတယ်လို့ဆိုတယ်။ နောင်ချိန်းရွာဟာ မြစ်ကြီးနားကနေ မော်တော်ဆိုင်ကယ်နဲ့ သွားမယ်ဆိုရင် မိနစ် လေးဆယ်လောက် ကြာပါတယ်။

သူတို့ရဲ့ မြေကွက်တွေကို စားကျက်မြေအဖြစ် ပြောင်းပစ်ဖို့ သက်ဆိုင်ရာက လာရောက်တိုင်ပင် အသိပေးတာလည်း မရှိခဲ့ဘူးလို့ ရွာသားတွေက ဆိုပါတယ်။ တရုတ်ကုမ္ပဏီတစ်ခုရဲ့ ငှက်ပျောစိုက်ခင်းအတွက် ဒီမြေဧကသုံးရာကို အာဏာပိုင်တွေက ငှားရမ်းဖို့ လုပ်ဆောင်တာ ဖြစ်တယ်လို့လည်း သူတို့က ယုံကြည်နေကြတာပါ။

ကျေးရွာအုပ်ချုပ်ရေးမှူး ဦးဆာရော်ဟောင်ခေါင် ကတော့ သူတို့အနေနဲ့ မြေသိမ်းတာ မဟုတ်ဘဲ ဥပဒေအရ လုပ်ဆောင်ခြင်းသာ ဖြစ်တယ်လို့ Myanmar Now ကို ပြောပါတယ်။ သူ့အဆိုက ရွာသားတွေပြောတာနဲ့ ကွဲလွဲနေပါတယ်။ တရုတ်တွေက ဖရဲစိုက်ခင်းအတွက် မြေဧက ၇ဝ ကိုပဲ အသုံးပြုမှာလို့ သူကပြောပါတယ်။ ဒီအစီအစဉ်က တစ်ရွာလုံး အလုပ်အကိုင် ရမှာဖြစ်ပေမယ့် ဆန္ဒပြမှုတွေကြောင့် ဖျက်သိမ်းလိုက်တယ်လို့ ဆိုပါတယ်။

မြစ်ကြီးနားမြို့၊ ရွှေအိုက်ရွာမှာလည်း ဒေသခံတွေက သူတို့ရဲ့ မြေယာဆုံးရှုံးမှုတွေအကြောင်း ပြောပြပါတယ်။

ရွာသစ်ကို ရွှေ့ပြောင်းဖို့ ငြင်းဆန်သူကို တရားစွဲမယ်လို့ ဒေသဆိုင်ရာ အုပ်ချုပ်ရေးမှူးတွေက ခြိမ်းခြောက်ကြောင်း ရွာသားတွေက ဆိုပါတယ်။ ကောလိပ်ကျောင်း အဆောက်အအုံတစ်ခု အတွက် မြေဆုံးရှုံးရတယ်လို့ ပြောဆိုသူတွေလည်း ရှိပါတယ်။ တကယ် မဆောက်ဖြစ်တဲ့ ဆက်သွယ်ရေးတိုင်အတွက် နေရာဖယ်ပေးလိုက်ရတယ်လို့ ပြောလာတဲ့ ၆၅ နှစ်အရွယ် ဒေသခံတစ်ယောက် အပါအဝင် လူတချို့ကတော့ စစ်တပ်ကို ပြစ်တင် ကန့်ကွက်ပါတယ်။

၂ဝ၁၅ ဒီဇင်ဘာလအတွင်းက အရပ်ဘက် အဖွဲ့အစည်း တစ်ခုဖြစ်တဲ့ Land in Our Hands က မြန်မာပြည် အနှံ့အပြား ကျေးရွာပေါင်း ၃၂၉ ရွာက ဒေသခံ ၂,၅ဝဝ ကျော်နဲ့ တွေ့ဆုံမေးမြန်းခဲ့ပြီး စာတမ်းတစ်စောင် ထုတ်ခဲ့ပါတယ်။ သူတို့ရဲ့ လေ့လာ တွေ့ရှိချက်အရ မြေသိမ်းခံရမှု ရှမ်းပြည်နယ်ပြီးရင် ကချင်ပြည်နယ်မှာ ဒုတိယ အများဆုံးဖြစ်တယ်လို့ ဆိုပါတယ်။

** အထိန်းအကွပ်မဲ့ မြေသိမ်းမှုများ **

“ကချင်ပြည်နယ်မှာ မြေသိမ်းမှုတွေ ဘယ်လောက်အထိ ဖြစ်နေလဲဆိုရင် မြေလွတ်ဆိုတာ မရှိတော့သလောက်ပဲ။ ဒေသခံရွာသားတွေ အနေနဲ့လည်း မပြောရဲရှာဘူး။ မြေမဲ့ယာမဲ့တွေ အခုအများကြီးဖြစ်နေပြီး အများစုဟာ အသက်ရှင်ဖို့ ရုန်းကန်နေရတယ်” လို့ နိုင်ငံရေးသမား တစ်ဦးဖြစ်တဲ့ ဒေါ်ဘောက်ဂျာက Myanmar Now ကို ပြောပါတယ်။

ကချင်ပြည်နယ် အတွင်း ပြန်လည်ဖြစ်ပွားနေတဲ့ တိုက်ပွဲတွေကြောင့် ဒေသခံတို့ အခွင့်အရေးတွေ ဆုံးရှုံးနေရသလို လူတစ်သိန်းကျော် ဟာလည်း နေရပ်စွန့်ခွာ ထွက်ပြေးနေရပါပြီ။ ငြိမ်းချမ်းရေးရတဲ့အချိန် နေရပ်ရင်း ပြန်တဲ့အခါ စိုက်ပျိုးမြေတွေ ပြန်ရပါ့မလားဆိုပြီး စိုးရိမ်ပူပန်နေသူ အများအပြား ရှိပါတယ်။ သူတို့က တပ်မတော်ကို မြေသိမ်းမှုတွေ ပြုလုပ်တယ်လို့ စွပ်စွဲကြပါတယ်။ တပ်မတော်က ဒေသတွင်း အင်အားအလုံးအရင်းနဲ့ တပ်စွဲမှု၊ တိုင်းရင်းသား လူနည်းစုတွေကို ဖိနှိပ်မှု၊ သဘာဝရင်းမြစ်တွေကို အတိုင်းအတာမရှိ ထုတ်လုပ်မှု အစရှိတဲ့ စစ်အစိုးရခေတ် ပြသ၁နာတွေကလည်း ဆက်လက် တည်ရှိနေပါတယ်။

မြေယာအငြင်းပွားမှု ပြသ၁နာတွေကို မဖြေရှင်းနိုင်ဘူးဆိုရင် ငြိမ်းချမ်းရေး လုပ်ငန်းစဉ်တွေနဲ့ ကချင်ပြည်နယ်အတွင်း တည်ငြိမ်မှုကို ထိခိုက်စေနိုင်တယ်လို့ တက်ကြွလှုပ်ရှားသူတွေက ဆိုပါတယ်။ အမျိုးသား ဒီမိုကရေစီအဖွဲ့ချုပ်(NLD) ဦးဆောင်တဲ့ အစိုးရသစ်နဲ့ လွှတ်တော်သစ်က လက်ရှိ အခြေအနေကို ဖြေရှင်းပေးနိုင်လိမ့်မယ်လို့ မျှော်လင့်နေကြသူတွေက အများအပြားပါပဲ။

“NLD အနေနဲ့ မျှမျှတတနဲ့ အခြေအနေ ကောင်းတစ်ခုကို ဖန်တီးပေးနိုင်လိမ့်မယ်လို့ မျှော်လင့်ပါတယ်” လို့ နောင်ချိန်းကျေးရွာ ဒေသခံတွေကို ကူညီပေးနေတဲ့ ကချင်ပြည်နယ် လယ်သမားများကွန်ရက်မှ ဦးလဖိုင်ဇော်တောင်က ပြောပါတယ်။

“လယ်သမားအများစုက စစ်တပ်က သိမ်းလိုက်တဲ့ လယ်တွေကို ပြန်မတောင်းရဲဘူး၊ နောက်အစိုးရ လက်ထက်မှာ ဒီကိစ္စတွေကို တောင်းဆိုနိုင်မလားလို့ စောင့်ကြည့်ရမှာပဲ” လို့ သူက ပြောပါတယ်။

** ငြိမ်းချမ်းရေးနဲ့ ဒီမိုကရေစီအတွက် အရေးပါတဲ့ မြေယာ **

မြေယာပိုင်ဆိုင်မှုနဲ့ အသုံးပြုပုံ အပြောင်းအလဲတို့ဟာ နိုင်ငံရေး၊ စီးပွားရေး အပြောင်းအလဲတို့နဲ့အတူ ပေါ်ပေါက်လာတဲ့ အကြောင်းအရာ တစ်ခုပါ။ အခြေခံအဆောက်အအုံကဏ္ဍ၊ ဖွံ့ဖြိုးရေး သို့မဟုတ် စိုက်ပျိုးရေး စီမံကိန်းကြီးတွေအတွက် မြေယာပိုင်ရှင် အပြောင်းအလဲဖြစ်လာပြီး မြေသိမ်းမှုများအပေါ် မကျေနပ်မှုတွေ၊ ဆန္ဒပြမှုတွေ ပေါ်ပေါက်လာပါတယ်။

မြန်မာနိုင်ငံက လုပ်သားအင်အား ၇ဝ ရာခိုင်နှုန်းဟာ တစ်နိုင်ငံလုံး ဂျီဒီပီရဲ့ ၄၄ ရာခိုင်နှုန်းအထိရှိတဲ့ စိုက်ပျိုးရေး ကဏ္ဍမှာ တိုက်ရိုက် သို့မဟုတ် သွယ်ဝိုက်သောနည်းနဲ့ ပါဝင်နေတယ်လို့ အတိုင်ပင်ခံ လုပ်ငန်းတစ်ခုဖြစ်တဲ့ McKinsey & Co. အဖွဲ့က ဆိုပါတယ်။

နိုင်ငံရှိ မြေအားလုံးကို အစိုးရက ပိုင်ဆိုင်ပြီး လယ်သမားများအနေနဲ့ မြေယာအသုံးပြုပိုင်ခွင့်၊ ထွန်ယက်ခွင့်သာ ရရှိထားတာပါ။ ၅၁ သန်းသော ပြည်သူတွေထဲမှာ လူများစုဖြစ်နေတဲ့လယ်သမားတွေအတွက် မြေယာကိစ္စဟာ အကဲဆတ်ဖွယ် အခြေအနေ ဖြစ်လာပါတယ်။

လက်တွေ့အခြေအနေမှာတော့ ဒီအခွင့်အရေးတွေ အပေါ်မှာ လေးစားမှုမရှိသလို မြေသိမ်းခံရမှုကနေလည်း ကာကွယ် ပေးမထားပါဘူးလို့ တက်ကြွလှုပ်ရှားသူတွေက ဆိုပါတယ်။

2015 Land in Our Hands စာတမ်းအတွက် ပါဝင်ဖြေဆိုသူ ၄၂ . ၉ ရာခိုင်နှုန်းကတော့ သူတုိ့မှာ အစိုးရက ထုတ်ပေးထားတဲ့ မြေယာပိုင်ဆိုင်မှု စာရွက်စာတမ်း ရှိပါလျက်နဲ့ မြေသိမ်းခံရတာလို့ ဆိုကြပါတယ်။

ဒီလိုမြေယာအငြင်းပွားမှု ပြသ၁နာဟာ တိုင်းရင်းသားဒေသတွေမှာ ပိုပြီး ကြီးမားတယ်လို့ ဆိုပါတယ်။ နိုင်ငံရဲ့ လူဦးရေ ၃ဝ ကနေ ၄ဝ ရာခိုင်နှုန်းခန့်ဟာ တိုင်းရင်းသား လူနည်းစုတွေဖြစ်ပြီး တိုင်းရင်းသား ပြည်နယ်တွေဟာ တစ်နိုင်ငံလုံး အကျယ်အဝန်းရဲ့ ၅၇ ရာခိုင်နှုန်း ရှိပါတယ်။

မြန်မာနိုင်ငံက လက်ရှိမြေယာပြသ၁နာဟာ တိုင်းရင်းသားဒေသက တိုက်ပွဲတွေနဲ့လည်း ဆက်စပ်နေတယ်လို့ နယ်သာလန်နိုင်ငံ အခြေစိုက် Transnational Institute က မကြာသေးမီက ထုတ်ပြန်လိုက်တဲ့ စာတမ်းတစ်စောင်မှာ ဖော်ပြထားပါတယ်။

“မြေယာပိုင်ဆိုင်မှု ပြသ၁နာဟာ ပြည်တွင်းစစ် ဖြစ်ပွားရခြင်းရဲ့ အဓိကကြောင်းရင်းဖြစ်ပြီး ဒီပြသ၁နာတွေကို မဖြေရှင်းနိုင်ဘူးဆိုရင် စစ်မှန်တဲ့ ငြိမ်းချမ်းရေးနဲ့ အလှမ်းဝေး နေဦးနေဦးမှာပါ” လို့ အဆိုပါ စာတမ်းမှာ ဖော်ပြ ထားပါတယ်။

အင်အားကြီး ယုဇနကုမ္ပဏီကို မြေသိမ်းမှုနဲ့ တရားစွဲခဲ့ပေမယ့် နိုင်ငံရေးမှုနဲ့ ထောင်ကျခဲ့ရတဲ့ ကချင်ပြည်နယ်ရဲ့ အမျိုးသားဒီမိုကရက်တစ် အင်အားစုပါတီ ဥက္ကဋ္ဌ ဒေါ်ဘောက်ဂျာကလည်း ဒီစာတမ်းကို ထောက်ခံပါတယ်။

“မြေသိမ်းပြသ၁နာတွေ မရှင်းနိုင်ရင် စစ်မှန်တဲ့ ငြိမ်းချမ်းရေးရဖို့ မဖြစ်နိုင်ပါဘူး” လို့ သူက ပြောပါတယ်။

** သေနတ်နဲ့ အုပ်ချုပ်ရေး **

တက်ကြွလှုပ်ရှားသူများဖြစ်တဲ့ ဒေါ်ဘောက်ဂျာ၊ ဦးဇော်တောင်တို့က ရွာသားတွေ ကိုယ့်ကိုယ်ကိုယ် အားကိုး၊ ကိုယ့်ခြေထောက်ပေါ်ကိုယ် ရပ်တည်နိုင်ရေးအတွက် သူတို့ရဲ့ ရပိုင်ခွင့်တွေကို နားလည်အောင် ပညာပေးမှုတွေ လုပ်ဆောင်နေပါတယ်။ ဒါပေမဲ့ ဒီလိုလုပ်ဆောင်မှုအတွက် အချိန်ယူဖို့လိုအပ်ပါတယ်။

ရွှေအိုက်ရွာသားတွေဖြစ်တဲ့ ၆၅ နှစ်အရွယ် ဒေါ်အားတီ၊ ၄၅ နှစ်အရွယ် ဦးရိုင်မြော်တို့ကတော့ လွန်ခဲ့တဲ့ နှစ်အနည်းငယ်က သူတို့ရွာကို စစ်တပ်အကြီးအကဲတစ်ယောက်လာပြီး အစည်းအဝေး လုပ်တုန်းက တုန်လှုပ် ထိတ်လန့်ခဲ့ရတာကို သတိရနေတုန်းပါ။

“ကျွန်တော်တို့ နေထိုင်တဲ့ နေရာကနေ ဖယ်ပေးဖို့ မပြောခင် သူက ခါးကြားက ပစ္စတိုကို စားပွဲပေါ် အရင်တင်လိုက်တယ်။ ပြီးတော့ ခင်ဗျားတို့ထဲက ဘယ်သူ ဘာပြောစရာရှိသေးလဲ လို့ မေးတော့ ကျွန်တော် အရမ်းကြောက်သွားတယ်” လို့ ဦးရိုင်မြော်က ပြန်ပြောပါတယ်။

ဒါပေမဲ့ လွန်ခဲ့တဲ့ တစ်နှစ်၊ နှစ်နှစ်ကစပြီး စိတ်ဓာတ် တက်ကြွလာကြောင်း ပြောပါတယ်။ ဒေါ်ဘောက်ဂျာ အကူအညီနဲ့ ဒီပြသ၁နာကို ဗဟိုအစိုးရ အာဏာပိုင်များထံ စာရေးတင်ပြခဲ့ပြီးနောက် သူတို့နေအိမ်နဲ့ လယ်ယာများကို ပြန်ရခဲ့ပါတယ်။

“ကျွန်မကတော့ အလျှော့မပေးနိုင်ဘူး။ ဒါက ကျွန်မပိုင်တဲ့နေရာပါ” လို့ ဒေါ်အားတီက ပြောပါတယ်။ ဒေါ်အားတီဟာ ၁၉၈၂ က စပြီး သူပိုင်ဆိုင်ခဲ့တဲ့ စိုက်ပျိုးရေးခြံကနေ ဖယ်ပေးဖို့ ၂ဝဝ၆ မှာ ဖိအားပေးခံရသူပါ။ တပ်မတော်က ဆက်သွယ်ရေးတိုင် ထူမယ်လို့ ဆိုပေမယ့် ယခုအချိန်အထိ ဘာတိုင်မှ လာမစိုက်ကြောင်း ပြောပါတယ်။

မြေသိမ်းခံရမှုတွေက နိုင်ငံရေးအရပါ အငြင်းပွားဖွယ်ရာဖြစ်နေတာကြောင့် လွှတ်တော်က မြေယာစုံစမ်းရေး ကော်မရှင်ကို ၂ဝ၁၂ မှာ စတင်ဖွဲ့စည်းပြီး ဒီပြသ၁နာတွေကို စုံစမ်း စစ်ဆေးခဲ့ပါတယ်။

“ကော်မရှင်စဖွဲ့ပြီး နှစ်နှစ်မပြည့်ခင်မှာပဲ အမှုပေါင်း သုံးသောင်းကျော် ရောက်လာပါတယ်။ အဲဒီထဲက သုံးပုံနှစ်ပုံကို စစ်ဆေးရပါသေးတယ်။ လျော်ကြေးငွေ ပေးဖို့ ဆုံးဖြတ်လိုက်တာက ၄ ရာခိုင်နှုန်းလောက်ပေါ့ ၊ အမှု တစ်ထောင်ထက် နည်းပါတယ်” လို့ မြေယာအခွင့်အရေး နိုင်ငံတကာ NGO အဖွဲ့တစ်ဖွဲ့ ဖြစ်တဲ့ Namati က ထုတ်ပြန်ချက် တစ်စောင်မှာ ရေးထားပါတယ်။

NLD အစိုးရသစ်အနေနဲ့ ရွေးကောက်ပွဲ ကတိကဝတ်မှာ ပါပြီးဖြစ်တဲ့ မြေယာ အငြင်းပွားမှုတွေကို ဖြေရှင်းပေးမယ်၊ မြေယာလုပ်ပိုင်ခွင့် ခိုင်မာမှုနဲ့ မြေယာမဲ့တွေကို အကူအညီပေးမယ်ဆိုတဲ့ အချက်တွေကို တည်တံ့အောင် လုပ်ဆောင်မယ်လို့ ပြည်သူ အများအပြားက ယုံကြည်ထားကြပါတယ်။

ပါတီရဲ့ လုပ်ငန်းစဉ်ထဲမှာ လယ်သမားတွေ တရားမဝင် ဆုံးရှုံးလိုက်ရတဲ့ လယ်တွေ ပြန်ရဖို့၊ မြေယာအမှန်တကယ် ဆုံးရှုံးမှုတွေ အတွက် လျော်ကြေးတွေပြန်ရဖို့နဲ့ နောက်ထပ် ဒီလို မြေယာသိမ်းမှုတွေ မဖြစ်အောင်လို့ ကာကွယ် ပေးသွားမယ်လို့လည်း ဖော်ပြထားပါတယ်။

ဒေါက်တာခွန်ဝင်းသောင်းဟာ NLD ရဲ့ ကချင်ပြည်နယ် မဲဆန္ဒနယ် ၁၁ က အမျိုးသား လွှတ်တော် ကိုယ်စားလှယ် ဖြစ်ပါတယ်။ သူဟာ တိရစ္ဆာန်ကုသရေး ဆရာဝန်တစ်ဦးဖြစ်ပြီး ၁၉၈၈ လူထုလှုပ်ရှားမှုအပြီး အလုပ်ကနေ ထုတ်ပယ်ခံလိုက်ရပြီး ထောင်ငါးနှစ်ကျခဲ့ပါတယ်။ သူလုပ်ခဲ့ရတဲ့ လုပ်ငန်းသဘော သဘာဝအရ လယ်သမားတွေ ကြုံတွေ့ရတဲ့ အခက်အခဲတွေကို ကောင်းကောင်း နားလည်တယ်လို့ ဆိုပါတယ်။

“တောင်သူလယ်သမားတွေဆိုတာ ကျွန်တော်တို့ရဲ့ ကျေးဇူးရှင်တွေပါ။ သူတို့ ခံစားနေရတာတွေကို နားလည်ပါတယ်။ ဒီမြေယာ သိမ်းခံရတဲ့ ပြသ၁နာတွေကို ဖြေရှင်းဖို့ ကျွန်တော်တို့ အကောင်းဆုံး လုပ်ဆောင်သွားမှာပါ” လို့ ပြောပါတယ်။

ဒေါ်ဒေါင်နန်နဲ့ သူ့ခင်ပွန်း ဦးခန်ဖန်တို့ကတော့ သူတို့မြေတွေမှာ ပြန်ပြီး စိုက်ပျိုးဖို့ ပြင်ဆင်နေသလို ဒီမြေတွေကို စားကျက်မြေဆိုပြီး ပြန်အသိမ်းမခံရအောင် ဆက်လက် တိုက်ပွဲဝင်သွားမယ်လို့ ဆိုပါတယ်။ စားကျက်မြေတွေမှာ နှစ်ရှည်ပင်တွေစိုက်ဖို့ ခွင့်မပြုဘူးဆိုတဲ့ အာဏာပိုင်တွေရဲ့ ညွှန်ကြားချက် ရှိတာကြောင့် ဒီတစ်ကြိမ်မှာတော့ စပါးစိုက်မယ်လို့ ဆိုပါတယ်။

“ဒီလို မကန့်ကွက်ရင် ကျွန်တေ်ာတို့ မြေတွေအားလုံး တရုတ်ကုမ္ပဏီ လက်ထဲကို ရောက်သွားလောက်ပြီ” လို့ ဦးခန်ဖန်က တစ်ချိန်ကသူပိုင်ခဲ့တဲ့ မြေကွက်ရဲ့ ခြံစည်းရိုးတိုင်ပေါ်မှာ လက်ကို တင်ရင်း ပြောလိုက်ပါတယ်။

သင်းလဲ့ဝင်း/ Myanmar Now
The Ladies News Journal

ဒီမိုကရက်တစ်ပါတီဝင် အိုဘားမားတစ်ယောက် ၂၀၀၈ ခုနှစ်မှာ သမ္မတအဖြစ် အရွေးကောက်ခံရပြီး ကတည်းက ပြိုင်ဘက် ရီပက်ဗလီကင်ပါတီရဲ့ နိုင်ငံရေး နိယာမက ရှင်းရှင်းလေး။ အိုဘားမား လုပ်သမျှ ဆန့်ကျင်ကြတဲ့။

အိုဘားမားသာ သမ္မတ ရှစ်နှစ်ဖြစ်လို့ ဆင်းရတော့မယ်။ ရီပက်ဗလီကင်တွေရဲ့ အိုဘားမားအပေါ် ပုဂ္ဂိုလ်ရေးအရ အမြင်မကြည်မှုကနေ စလိုက်တဲ့ နိုင်ငံရေး ကန့်လန့်တိုက်မှုဟာ မပြီးသေးဘူး။ နိုင်ငံရေးမှာ ဆန့်ကျင်ဘက်ပါတီကို ဝေဖန်ထောက်ပြရတာဟာ အစဉ်အလာပါ။ ဒါပေမယ့် အိုဘားမားအပေါ် ထားရှိတဲ့ ရီပက်ဗလီကင်တွေရဲ့ ကန့်လန့်တိုက်မှုကတော့ မပျက်ပျက်အောင် ဖျက်မယ်ဆိုတဲ့ သဘောမျိုးအထိ ဖြစ်လာခဲ့တယ်။ ရီပက်ဗလီကင်ထဲက သဘောထား ပျော့ပျောင်းသူတွေကို အစွန်းရောက် ပါတီဝင်တွေက တီးပါတီဆိုပြီး သူတို့ တင်တဲ့ အမတ်လောင်းတွေနဲ့ အစားထိုးဖို့ လုပ်လာတယ်။ ဒီအထဲမှာ ယနေ့ ရီပက်ဗလီကင်ပါတီ သမ္မတလောင်း အဖြစ် ဝင်ရောက်ယှဉ်ပြိုင်နေတဲ့ တက်ခရုခ်ဟာ ထင်ရှားတယ်။ ခရုခ် ဘာကြောင့် နာမည်ကြီးလာလဲ။ သူ့ကို တင်မြှောက်လိုက်တဲ့ သူတွေအကြိုက် အိုဘားမားကို ပိုပြီး ထိုးနှက်လို့ပဲ။ ခရုခ်မှာ နိုင်ငံရေး ခံယူချက် ထင်ထင်ရှားရှား မရှိဘူး။ အရေးမပါတဲ့ မိန့်ခွန်းကို ညလုံးပေါက် ပြောတာကိုပဲ သူ့ကိုယ်သူ အဟုတ်ထင်ခဲ့တဲ့သူ။ ဒါကြောင့်လည်း ယနေ့လို တီးပါတီ အားပျော့လာချိန်မှာ ခရုခ်တစ်ယောက် ဘေးရောက်လာတာပေါ့။

ခရုခ်လောက် မဟုတ်ပေမယ့် အခြားသော ရီပက်ဗလီကင်တွေဟာလည်း အိုဘားမားကို ဆန့်ကျင်မှ ပါတီတွင်းမှာ ထောက်ခံမှုရမယ်ဆိုပြီး၊ ဆန့်ကျင်မှုတွေ လုပ်လာကြရာက အိုဘားမား ဘာမှ မဖြစ်ဘဲ၊ သူတို့ ပါတီသည်သာလျှင် နှောင့်ယှက် ပိတ်ဆို့သူများရဲ့ ပါတီလို့ ဝိုင်းပြောတာကို ခံနေရတယ်။ နောက်ဆုံးမှာတော့ သူတို့ မမျှော်လင့်ထားတဲ့ နိုင်ငံရေး အစဉ်အလာ မရှိတဲ့ ဒေါ်နယ်ထရန့်လို ပုဂ္ဂိုလ်ရဲ့ ပါတီအပေါ် အုပ်စီးမှုကို ခံရတဲ့ကိန်း စိုက်လာတော့တာပဲ။ နောက်ခေတ် သမိုင်းပညာရှင်တွေဟာ ဒီနေ့ခေတ် ရီပက်ဗလီကင်ပါတီကို ဝေဖန်တဲ့အခါ ဘယ်လို ရေးသားကြမလဲဆိုတာ နိုင်ငံရေးကို စိတ်ဝင်စားသူတိုင်း၊ သမိုင်းဘာသာရပ်မှာ တီးခတ်မိသူတိုင်း မှန်းကြည့်လို့ ရပါတယ်။

တကယ်တော့ ရီပက်ဗလီကင် နိုင်ငံရေးသမား အများစုဟာ ပရော်ဖက်ရှင်နယ် နိုင်ငံရေးသမားတွေပါ။ ဒါပေမယ့် အိုဘားမားဟာ လူမည်းတစ်ဝက် ဖြစ်တယ်။ ဒီလိုလူက နိုင်ငံဦးသျှောင် ရာထူးကို ယူရပါ့မလားဆိုတဲ့ လက်မခံနိုင်၊ လက်မခံချင်တဲ့ နိုင်ငံရေးအစွဲကြောင့် အိုဘားမားကို ကဖျက်ယဖျက် လိုက်လုပ်ရာက ရီပက်ဗလီကင်တွေဟာ ရုပ်ပျက်ဆင်းပျက် ဖြစ်နေရတာပဲ။

သူတို့လို နိုင်ငံရေးသမားတွေတောင် နိုင်ငံရေး အစွဲအလမ်းပေါ် အခြေခံပြီး မလုပ်သင့်တာတွေကို လုပ်မိကြသေးရင် ကျနော်တို့ ရွှေပြည်ကြီးက နိုင်ငံရေးသမား စစ်စစ်မဟုတ်တဲ့ စစ်ဗိုလ်ကြီးတွေရဲ့ နိုင်ငံရေး အစွဲအလမ်းပေါ် အခြေခံပြီး အဓိပ္ပါယ် မရှိတဲ့ လုပ်ရပ်တွေ လုပ်နေကြတာဟာ သိပ်ပြီး ဆန်းတဲ့ ကိစ္စတော့ မဟုတ်ပါဘူး။

ကျနော်တို့ရဲ့ စစ်ဗိုလ်ကြီးတွေဟာ ဒေါ်အောင်ဆန်းစုကြည် မြန်မာ့နိုင်ငံရေးထဲ စဝင်တဲ့ ၁၉၈၈ ခုနှစ်မှသည် ယနေ့အထိ တစ်ခုထဲသော ရည်မှန်းချက်နဲ့ နိုင်ငံရေးကို ကြည့်ခဲ့ကြတယ်။ အဲဒါကတော့ ဒေါ်အောင်ဆန်းစုကြည် အာဏာ မရရေးပါပဲ။ မလွဲမကင်းသာလို့ အာဏာပေးရရင်လည်း နိုင်ငံဦးသျှောင် မဖြစ်အောင် ကာကွယ်ထားရေးပါပဲ။ ဒါဟာ ငြင်းမရတဲ့ အချက်ပါပဲ။ ဘယ်သူ့ကိုမှ အာဃာတနဲ့ နစ်နာပါစေဆိုပြီး ပြောနေတာ မဟုတ်ပါဘူး။

ရီပက်ဗလီကင် လွှတ်တော် အမတ်တွေရဲ့ အဓိက အလုပ်ဟာ ဥပဒေ ပြဌာန်းရေး ဖြစ်သလို၊ ကျနော်တို့ စစ်ဗိုလ်ကြီးတွေရဲ့ အဓိက အလုပ်ဟာ နိုင်ငံတော် ကာကွယ်ရေးပါပဲ။ ဒါပေမယ့် ရီပက်ဗလီကင် လွှတ်တော် အမတ်တွေဟာ ဥပဒေ ပြုရေးထက် အိုဘားမားကို ပိတ်ဆို့ရေး လုပ်ခဲ့သလို၊ ကျနော်တို့ စစ်ဗိုလ်ကြီးတွေဟာလည်း နိုင်ငံတော် ကာကွယ်ရေးထက် ဒေါ်အောင်ဆန်းစုကြည် နိုင်ငံ့ဦးသျှောင် မဖြစ်ရေးကို ပိုပြီး အာရုံစိုက်ခဲ့ကြတယ်။

ကျနော်တို့ စစ်ဗိုလ်ကြီးတွေရဲ့ လုပ်ရပ်ကို ကျနော် ဘာမှ ကောက်ချက် မချချင်ပါဘူး။ စီရင်ချက် မချချင်ပါဘူး။ အခုချိန် ဝေဖန်မိရင်လည်း အဂတိတရား ကင်းမှာ မဟုတ်လို့ ဝေလည်း မဝေဖန်ချင်ပါဘူး။ သို့ပေမယ့် နောက်မျိုးဆက်တွေ မျိုးဆက်တွေကြရင်တော့ ၁၉၈၈ ခုနှစ်မှသည် ယနေ့အထိ မြန်မာ့နိုင်ငံရေးမှာ စစ်ဗိုလ်ကြီးတွေရဲ့ ရပ်တည်ချက်ကို ရေးကြတဲ့အခါ ဘယ်လို ရေးမလဲဆိုတာတော့ ကျနော်တို့ စိတ်ဝင်စားပါတယ်။ ထိုအချိန်မှာ စစ်ဗိုလ်ကြီးတွေလည်း အိုမင်းမစွမ်း၊ ကျနော်တို့လည်း ယနေ့လို မတက်ကြွတဲ့ အချိန်ရောက်ပြီမို့ နောက်မျိုးဆက်တွေ ချမှတ်မယ့် သမိုင်း စီရင်ချက်တွေကို အတူတူထိုင်ပြီး ဖတ်ကြည့်ချင်ပါသေးတယ်။

Myo Minn