03/08/16

Pat Jasan ပတ်ဂျာဆန်အဖွဲ့ တိုက်ခိုက်ခံရတာကို မကျေနပ်တဲ့အတွက် မြစ်ကြီးနားမြို့မှာ ဖေဖော်ဝါရီလ ၂၆ ရက်နေ့က ဆန္ဒပြကြစဉ်။ Photo: Kyaw Myo Min/RFA
ကချင်ပြည်နယ် ဝိုင်းမော်မြို့နယ် ဆဒုံးနဲ့ ကန်ပိုက်တီဒေသဘက်မှာ ပြီးခဲ့တဲ့ ဖေဖော်ဝါရီ ၂၅ ရက်နေ့က ဘိန်းခင်းဖျက်ဆီးဖို့ သွားရောက်တဲ့ ပတ်ဂျာဆန် ကချင်လူထုဘိန်းဖျက်ဆီးရေးအဖွဲ့နဲ့ ဒေသခံအမည်မသိ လက်နက်ကိုင်အဖွဲ့တွေအကြား တိုက်ခိုက်မှုဖြစ်ပွားခဲ့တာနဲ့ ပတ်သက်ပြီး ပါဝင်ပတ်သက်သူတွေထဲက ဒီကနေ့အထိ ၄၅ ယောက်ကို စစ်ဆေးထားပြီး ဖြစ်တယ်လို့ သိရပါတယ်။

ရဲတပ်ဖွဲ့ဝင်တွေ၊ ပတ်ဂျာဆန်အဖွဲ့ဝင်တွေ၊ ဋ္ဌာနဆိုင်ရာဝန်ထမ်းတွေ၊ ဒေသခံတွေနဲ့ နယ်ခြားစောင့်တပ်ဖွဲ့ဝင်တွေ စုစုပေါင်း ၄၅ ယောက်ကို စစ်ဆေးထားတာဖြစ်တယ်လို့ ကချင်ပြည်နယ်ရဲတပ်ဖွဲ့ရုံးက ဒုတိယရဲမှူးကြီး မြင့်ထူး ကပြောပါတယ်။

"ကချင်ပြည်နယ်အစိုးရ ဝန်ကြီးချုပ်ရဲ့ ညွှန်ကြားချက်နဲ့ ဖြစ်စဉ်အမှန်ပေါ်ပေါက်ဖို့အတွက် စုံစမ်းစစ်ဆေးရေး အဖွဲ့ကို ကချင်ပြည်နယ် ရဲတပ်ဖွဲ့ကဦးစီးပြီး လဝက၊ အထွေထွေအုပ်ချုပ်ရေးဦးစီးဌာန၊ မီးသတ်အပါအဝင် အဖွဲ့အစည်းတွေနဲ့ မတ်လ ၁ ရက်နေ့ စပြီးတော့ စစ်နေပါပြီ၊ စုစုပေါင်း ၄၅ ဦး စစ်ဆေးပြီးပြီ၊ စစ်ဆေးတာပြီးတော့မှ တွေ့ရှိချက်ပေါ်မူတည်ပြီး ဥပဒေအရ အရေးယူဆောင်ရွက်မှာပါ"

အပြန်အလှန်တိုက်ခိုက်မှုကြောင့် ဒဏ်ရာရရှိသူတွေကို သွားရောက်ကူညီခဲ့ပြီး မြစ်ကြီးနားဆေးရုံကို ပို့ဆောင်ပေးခဲ့တဲ့ မီးသတ်နဲ့ ကြက်ခြေနီတပ်ဖွဲ့ဝင်တွေ၊ ကားမီးရှို့ခံလိုက်ရတဲ့ ယာဉ်မောင်းကိုလည်း ထပ်မံစစ်ဆေးသွားမှာဖြစ်တယ်လို့ သိရပါတယ်။

ပြီးခဲ့တဲ့ ဖေဖော်ဝါရီ ၂၅ ရက်နေ့က ဝိုင်းမော်မြို့နယ် တရုတ်မဂါကျေးရွာနဲ့ ဝေမိုးကျေးရွာတွေမှာ ဘိန်းခင်း ဖျက်ဆီးရေးအဖွဲ့နဲ့ ဒေသခံတွေဟာ နှစ်ဘက်အပြန်အလှန် တိုက်ခိုက်မှုဖြစ်ပွားခဲ့တာကြောင့် နှစ်ဘက်လုံးက လူ ၃၀ ကျော် ဒါဏ်ရာရရှိခဲ့သလို လူနေအိမ်အဆောက်အဦတချို့အပါအဝင် ကား၊ ဆိုင်ကယ်တွေ မီးရှို့ဖျက်ဆီး ခံခဲ့ရပါတယ်။

အဲဒီလို အခြေအနေတွေကြောင့် လက်ရှိ ကန်ပိုက်တီနဲ့ မြစ်ကြီးနားမြို့နယ်မြေရဲစခန်းတွေမှာ နှစ်ဘက်အပြန်အလှန် အမှုဖွင့်တိုင်ကြားထားကြပြီး လောလောဆယ်မှာ ဘိန်းခင်းဖျက်ဆီးရေးလုပ်ငန်းတွေကိုလည်း ယာယီရပ်နားထား တယ်လို့ သိရပါတယ်။

RFA Burmese
http://www.rfa.org/burmese


ဒီသီတင်းပတ်ထဲ ဒုသမ္မတရာထူးအတွက် အမည်စာရင်း တင်သွင်းရာမှာ တပ်မတော်သားတွေကို ကိုယ်စားပြု ရွေးချယ်ခံရမယ်ဆိုရင် အမျိုးသား နိုင်ငံရေးအတွက် လက်ခံဆောင်ရွက်သွားမှာ ဖြစ်တဲ့အကြောင်း အမည်စာရင်းသွင်းခံရဖွယ် ရှိတယ်လို့ အများက ခန့်မှန်းနေကြတဲ့ တပ်မတော်အရာရှိဟောင်းတွေက ပြောပါတယ်။ ဒုသမ္မတနဲ့ သမ္မတတာဝန်အတွက် ရွေးချယ်ဖို့ ရက်ပိုင်းသာ လိုတော့တဲ့ အခြေအနေနဲ့ ပတ်သက်လို့ နေပြည်တော်မှာ သွားရောက်သတင်းယူနေတဲ့ ဗွီအိုအေ မြန်မာပိုင်း သတင်းထောက် မေခက သတင်းပေးပို့ထားပါတယ်။

ရွေးကောက်ပွဲမှာ အနိုင်ရတဲ့ အမျိုးသားဒီမိုကရေစီ အဖွဲ့ချုပ် (NLD) ပါတီက ဒုသမ္မတ နေရာအတွက် ကိုယ်စားလှယ် ၂ ဦး အမည်စာရင်း တင်သွင်းရမှာဖြစ်သလို၊ တပ်မတော်သား ကိုယ်စားလှယ်တွေ ဘက်ကလည်း တဦးအဆိုပြုရမှာ ဖြစ်ပါတယ်။ လတ်တလောမှာတော့ တပ်မတော်သား ကိုယ်စားလှယ်တွေဘက်က ဒုသမ္မတအဖြစ် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက စစ်အရာရှိဟောင်းတွေ ဖြစ်ကြတဲ့ သူရဦးသက်ဆွေ နဲ့ ဦးလှဌေးဝင်း တို့ အဆိုပြုခံရနိုင်တယ်လို့ ခန့်မှန်းချက်တွေလည်း ထွက်ပေါ်နေတာပါ။ တပ်မတော်မှာ သြဇာကြီးမားတဲ့ ကြည်းရေလေ ညှိုနှိုင်းရေးမှူး တာဝန်ယူခဲ့ဖူးသူ တဦးလည်းဖြစ် ရန်ကုန်တိုင်း တိုင်းမှူးအဖြစ်နဲ့လည်း တာဝန်ယူခဲ့ဖူးတဲ့ ဦးလှဌေးဝင်းဟာ ၂၀၁၂ လောက်တုန်းကလည်း အဲဒီအချိန်တုန်းက ဒုတိယသမ္မတ တာဝန်ယူထားတဲ့ သီဟသူရ ဦးတင်အောင်မြင့်ဦး ရာထူးမှ နုတ်ထွက်စာ တင်ခဲ့တုန်းကလည်း အစားထိုး ခန့်အပ်ခံရနိုင်တယ်လို့ ခန့်မှန်းခံခဲ့ရသူပါ။

နေပြည်တော် ဇေယျာသီရိမဲဆန္ဒနယ်ကနေ ဝင်ရောက်ယှဉ်ပြိုင်ပြီးအနိုင်ရထားတဲ့ ပြည်သူ့လွှတ်တော်ကိုယ်စားလှယ် ဦးလှဌေးဝင်းကတော့ သတင်းတွေထွက်ပေါ်နေတာနဲ့ ပတ်သက်လို့ အတည်ပြုပြောဆိုတာမျိုး မရှိပေမဲ့ တာဝန်ပေးရင်တော့ လက်ခံတာဝန်ယူမှာ ဖြစ်တဲ့အကြောင်း ပြောဆိုခဲ့ပါတယ်။

“ပြောခွင့်မရှိဘူးဆိုတာက ကမ်းလှမ်းတယ်၊ မကမ်းလှမ်းဘူးဆိုတာက ဘာမှမပြောသေးပါဘူး။ ကိုယ်ကလည်း ဘာမှ ပြောလို့မရဘူး။ တပ်ကတော့ ကိုယ်တို့က အစကတည်းကပြောထားပြီးပြီလေ အမျိုးသားနိုင်ငံရေးတာဝန်ထမ်းဆောင်မယ်လို့ပြောတဲ့အတွက် ဘာပဲဖြစ်ဖြစ်လုပ်ရမှာပဲ၊ နိုင်ငံအတွက်ဆို ဘာပဲဖြစ်ဖြစ်လုပ်ရမှာပဲ။”

အလားတူ အမည်စာရင်း တင်သွင်းခံရနိုင်တယ်လို့ သတင်းထွက်နေသူ တယောက်ကတော့ ကိုကိုးကျွန်း မဲဆန္ဒနယ်မြေကနေ ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံထားရတဲ့ သူရဦးသက်ဆွေပါ။ ရေတပ်ကာကွယ်ရေးဦးစီးချုပ် ဗိုလ်ချုပ်ကြီးဟောင်း တဦးဖြစ်တဲ့ ဦးသက်ဆွေကလည်း တရားဝင် အတည်မပြုနိုင်သေးပေမဲ့ တာဝန်ပေးလာရင်တော့ လက်ခံဆောင်ရွက်သွားမယ်လို့ ပြောပါတယ်။

“ကမ်းလှမ်းတဲ့အခါကျတော့လည်း အမျိုးသားအကျိုးစီးပွားအတွက်လုပ်ရမှာပေါ့ ဒါပဲပေါ့။”

တပ်မတော်သား ကိုယ်စားလှယ်အစုအဖွဲ့က ဒုသမ္မတလောင်း ၁ ဦးအပြင် ပြည်သူ့လွှတ်တော်က ဒုသမ္မတလောင်း ၁ ဦး၊ အမျိုးသားလွှတ်တော်က ဒုသမ္မတလောင်း ၁ ဦး တို့ကိုတော့ လွှတ်တော်တွင်းမှာ အများစု နေရာယူထားတဲ့ NLD ပါတီက ဦးဆောင်ပြီး ကြာသပတေးနေ့မှာ တင်သွင်းရမှာ ဖြစ်ပြီး၊ ဒုသမ္မတ ၃ ဦး အနက်ကမှ အစိုးရကို ဦးဆောင်မယ့် သမ္မတတဦးကို ထပ်မံရွေးချယ်ရမှာလည်း ဖြစ်ပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com


တရုတ် နိုင်ငံရဲ့ ပို့ကုန် ပမာဏဟာ ၇ နှစ်အတွင်း အနိမ့်ဆုံး အနေအထားကို ဖေဖော်ဝါရီလမှာ ထိုးကျခဲ့တဲ့ အတွက် ကမ္ဘာ့ ဒုတိယ အကြီးဆုံးဖြစ်တဲ့ တရုတ် စီးပွားရေး အပေါ် စိုးရိမ်မှုတွေ ထပ်မံ တိုးပွား လာစေခဲ့ပါတယ်။

ပို့ကုန် ပမာဏက ပြီးခဲ့တဲ့ နှစ်ကထက် ၂၅.၄ ရာခိုင်နှုန်း ထိုးကျခဲ့ပြီး၊ သွင်းကုန် ပမာဏကလည်း ၁၃.၈ ရာခိုင်နှုန်း ကျဆင်း ခဲ့ပါတယ်။

တရုတ် စီးပွားရေး တိုးတက်နှုန်းက ၂၅ နှစ်အတွင်း အနှေးကွေးဆုံး နှုန်းထားနဲ့ ကြုံနေရတဲ့ သတင်းတွေ ထွက်ခဲ့ပြီး မကြာမီမှာပဲ အခုလို ပို့ကုန် ကျဆင်းတဲ့ အချက်အလက်တွေ ပေါ်ထွက် လာတာပါ။

အစောပိုင်းကပဲ ဘေဂျင်းမှာ ပြုလုပ်နေတဲ့ တရုတ် အမျိုးသား ပြည်သူ့ ကွန်ဂရက်က ၂၀၁၆ အတွက် တရုတ် စီးပွားရေး တိုးတက်မှု ရည်မှန်းချက် ပမာဏကို လျှော့ချ သတ်မှတ် ခဲ့ပါသေးတယ်။

ဖေဖော်ဝါရီလ အတွက် အဲဒီ ကုန်သွယ်ရေး ကျဆင်းတဲ့ အချက်အလက် တွေကြောင့် စီးပွားရေး တိုးနှုန်း မကျအောင် ဆောင်ရွက်နေတဲ့ တရုတ် အစိုးရရဲ့ ပြုပြင် ပြောင်းလဲရေး အစီအစဉ်တွေ အပေါ် စိုးရိမ်မှုတွေ ထပ်တိုး လာစေဖွယ် ရှိပါတယ်။

ဒါပေမယ့် တရုတ် နှစ်သစ်ကူး ကာလကြောင့် အခုလို ပို့ကုန် သွင်းကုန် ကျဆင်းတာလည်း ဖြစ်နိုင်တယ်လို့ သုံးသပ်သူတွေက သတိပေး ထားပါတယ်။

BBC Burmese
http://www.bbc.com/burmese


အမျိုးသား ဒီမိုကရေစီ အဖွဲ့ချုပ်ရဲ့ ပါတီမူဝါဒတွေနဲ့ အသွင်ကူးပြောင်းရေး ကိစ္စရပ်တွေ နဲ့ပတ်သက်ပြီး ပြောရေးဆိုခွင့်ရှိသူအဖြစ် ဒေါ်အောင်ဆန်းစုကြည်အပြင် မန္တလေးတိုင်း ဒေသကြီး အမရပူရမြို့နယ် တိုင်းဒေသကြီးလွှတ်တော်ကိုယ်စားလှယ် ဒေါက်တာ ဇော်မြင့်မောင်ကို တိုးချဲ့ တာဝန်ပေးအပ်လိုက်ကြောင်း ဒီနေ့ အန်အယ်လ်ဒီပါတီက ကြေညာချက်ထုတ်လိုက်ပါတယ်။

ပါတီနဲ့ပတ်သက်ပြီး ပြောလို့ရတာတွေကို လွတ်လွတ်လပ်လပ် ပြောဆိုခွင့်ရှိတယ်လို့ တိုင်းဒေသကြီးလွှတ်တော်ကိုယ်စားလှယ် ဒေါက်တောဇော်မြင့်မောင် က ပြောပါတယ်။

"ကျနော်တို့ ၆ ရက်နေ့ကလုပ်တဲ့ CEC အစည်းအဝေးမှာ ခန့်အပ်လိုက်တာပါ၊ ပြောရေးဆိုခွင့်ရှိသူအဖြစ် ထပ်တိုးပြီးတော့ ခန့်အပ်လိုက်တယ်ဆိုတော့ ပါတီနဲ့ဆိုင်တဲ့ ကိစ္စအားလုံးလည်း အကျုံးဝင်မယ်၊ ကျနော်တို့အဖွဲ့ချုပ်ရဲ့မူဝါဒပိုင်းဆိုင်ရာပေါ့ဗျာ၊ လွတ်လွတ်လပ်လပ် ပြောပိုင်ခွင့်ရှိပါတယ်၊ ကျနော်တို့က သတင်းစာရှင်းလင်းပွဲတွေဆိုရင် အမလုပ်တာများပါတယ်၊ ဒါကတော့ သိချင်တာတွေရှိရင် သတင်းထောက်တွေမေးရင် ကျနော်ဖြေဖို့ပါ"

အစိုးရတာဝန်လွှဲပြောင်းရေးကိစ္စရပ်တွေနဲ့ ပါတီမူဝါဒတွေကို ပါတီဥက္ကဌ ဒေါ်အောင်ဆန်းစုကြည်ကသာ ပြောရေးဆိုခွင့်ရှိတာဖြစ်ကြောင်း ပြီးခဲ့တဲ့ ဇန်န၀ါရီလ ၂၂ ရက်နေ့က သတင်းထုတ်ပြန်ခဲ့တာဖြစ်ပါတယ်။

ဒေါ်အောင်ဆန်းစုကြည်ဟာ ပြီးခဲ့တဲ့ မတ်လ ၂ ရက်နေ့က အန်အယ်လ်ဒီပါတီ လွှတ်တော် ကိုယ်စားလှယ်တွေနဲ့ တွေ့ဆုံရာမှာ မီဒီယာတွေအပေါ် ဖြေကြားနေတာတွေကို သတိပေးပြောကြားထားပါတယ်။

ဒေါက်တာဇော်မြင့်မောင်ဟာ လွန်ခဲ့တဲ့ ၁၉၉၀ ရွေးကောက်ပွဲ၊ ၂၀၁၂ ကြားဖြတ် ရွေးကောက်ပွဲနဲ့ ၂၀၁၅ ရွေးကောက်ပွဲတို့မှာ အန်အယ်လ်ဒီပါတီကိုယ်စားလှယ်အဖြစ် အနိုင်ရရှိခဲ့သူဖြစ်ပြီး ပါတီရဲ့ ဗဟိုအလုပ်အမှုဆောင်တစ်ဦး ဖြစ်ပါတယ်။ ဒါ့အပြင် မန္တလေးတိုင်းဒေသကြီးဝန်ကြီးချုပ် တာဝန်ပေးအပ်ခံရမယ်လို့ နာမည်ထွက်နေသူလည်း ဖြစ်ပါတယ်။

RFA Burmese
https://www.facebook.com/RFA-Burmese

ရွှေစက်တော် သာသနာ့နယ်မြေ ရွှေစက်တော် ဘေးမဲ့တောအတွင်း ကျက်စားနေထိုင်သော မြန်မာ့ကြယ်လိပ်များအား တွေ့ရစဉ် (ဓာတ်ပုံ-မြဝတီ)
    ရန်ကုန်၊ မတ် ၈ ရက် (ဆင်ဟွာ)

    မကွေးတိုင်း ဒေသကြီး မင်းဘူးခရိုင် ရွှေစက်တော် သာသနာ့နယ်မြေ ရွှေစက်တော် ဘေးမဲ့တော အတွင်း ကျက်စားနေထိုင် ကြသော မြန်မာ့ကြယ်လိပ် များမှာ ယခင်က မျိုးသုဉ်းရန် အလွန်နီးအဆင့် သတ်မှတ်ခံထား ရသော်လည်း ပြင်ပ ခြံလှောင်၍ စမ်းသပ်မွေးမြူ ခဲ့ရာ အောင်မြင်မှုများ ရရှိပြီး နှစ်စဉ် အကောင်ရေ တိုးပွားလျက် ရှိကြောင်း ရွှေစက်တော် ဘေးမဲ့တော အုပ်ချုပ်ရေးမှူးရုံး သိရသည်။

မြန်မာအမည် ကြယ်လိပ်(ခ) ပင့်ကူလိပ်၊ အင်္ဂလိပ်အမည်  Burmese Star Tortoise ၊ သိပ္ပံအမည် Geochelone Platynota ကို ထိန်းသိမ်း ကာကွယ်မှုအဆင့် IUCN-Critically Endanger မျိုးသုဉ်းရန် အလွန်နီးဟု သတ်မှတ် ထားချက်အရ အလေးထား ထိန်းသိမ်း ဆောင်ရွက်လျက် ရှိသည်။ ၂ဝ၁၄ ခုနှစ်ထိ ကြယ်လိပ် အကောင်ရေ ၂၉၇ ကောင် ထိန်းသိမ်း ထားကြောင်း ဘေးမဲ့တော မှတ်တမ်းများ အရ သိရသည်။

ကြယ်လိပ်များကို ရွှေစက်တော် ဘုရားဖူး လာပြည်သူများ လေ့လာနိုင်ရန် ယမန်နှစ်က ပွဲတော်အတွင်း လူထုပညာပေး ပြခန်းရှိ ခြံလှောင်အိမ် ထဲ၌ သဘာဝ ကျောက်တုံး ကျောက်ဆောင် ငယ်များ ပြုလုပ်ကာ မွေးမြူပြသ ခဲ့သည်။ ကြယ်လိပ်များသည် ဇူလိုင် နှင့် သြဂုတ်လ တို့တွင် မိတ်လိုက် တတ်ပြီး အောက်တိုဘာ လတွင် ဥများဥကာ (တစ်ကြိမ်လျှင် လေးလုံးမှ ငါးလုံးထိ) မေလတွင် ဥများ ပေါက်လေ့ရှိသည်။ ကြယ်လိပ် များကို အစာအဖြစ် ကန်စွန်းရွက်၊ ဘူးသီး၊ ဂေါ်ဖီ၊ ဖရဲသီးစသည့် အစာများ ကျွေးမွေး နိုင်သည်။

ရွှေစက်တော် တောရိုင်း တိရစ္ဆာန် ဘေးမဲ့တော၌ နို့တိုက်သတ္တဝါ ၁၄ မျိုး၊ ကုန်းနေ ၊ ရေနေ သတ္တဝါ ၄၃ မျိုး၊ လိပ်ပြာမျိုးစိတ် ၃၉ မျိုးနှင့် ငှက်မျိုးစိတ် ၁၁၃ မျိုး တွေ့ရှိနိုင် သည့်အပြင် စွေ့ငှက်၊ နဖားကြူးငှက်၊ မြန်မာဘီလုံးငှက်၊ ငှက်မင်းသား ဗိုက်ဖြူ၊ ရွှေသမင် နှင့် ကြယ်လိပ် တို့လည်း ကျက်စား နေထိုင်လျက် ရှိကြောင်းမြ၀တီသတင်းတွင်ဖော်ပြထားသည်။

(Xinhua)
http://www.xinhuamyanmar.com


 နိုင်ငံတော်ပိုင် မြေနှင့် စီးပွားရေးလုပ်ငန်းများ စီမံကိန်းများကိစ္စနှင့် ပတ်သက်၍ ပြည်သူ့လွှတ်တော်တွင် အရေးကြီးအဆို တစ်ရပ် တင်သွင်းစဉ် အဆိုအား ဆွေးနွေးခဲ့သည့် စေတုတ္တရာ မဲဆန္ဒနယ်မှ ပြည်သူ့ လွှတ်တော် ကိုယ်စားလှယ် ဦးကျော်အောင်လွင်၏ ဆွေးနွေးချက် အချို့အား လွှတ်တော်မှတ်တမ်းမှ ပယ်ဖျက်ပေးရန် တပ်မတော်သား ကိုယ်စားလှယ်များ တင်ပြမှု ပြည်သူ့လွှတ်တော်ရုံးသို့ ညွှန်ကြားထားပြီး ဖြစ်ကြောင်း ပြည်သူ့လွှတ်တော် ဥက္ကဋ္ဌဦးဝင်းမြင့်က ပြောသည်။

“စေတုတ္တရာမဲဆန္ဒနယ်မှ ဦးကျော်အောင်လွင်၏ ဆွေးနွေးချက်သည် ကိုက်ညီမှု မရှိသည့် အတွက် တပ်မတော်သား လွှတ်တော် ကိုယ်စားလှယ်များ တင်ပြလာသည့် လက်ပံတောင်းတောင် ကြေးနီစီမံကိန်း၊ ကပစ ၂၀ ၏ တပ်မြေကိစ္စနှင့် ပတ်သက်သော အချက်အလက်များအား ပြည်သူ့လွှတ်တော်မှတ်တမ်းမှ ထုတ်နုတ် ပယ်ဖျက်ရန် ရုံးအဖွဲ့သို့ ညွှန်ကြားပြီး ဖြစ်ကြောင်း အသိပေး တင်ပြအပ်ပါတယ်” ဟု ၄င်းကဆိုသည်။

၂၀၁၃ ခုနှစ် ပြည်သူ့လွှတ်တော်ဆိုင်ရာ နည်းဥပဒေ ၁၅၈ နည်း ဥပဒေခွဲ ဂ ၌ အဆိုတစ်ရပ်ကို ဆွေးနွေးရာတွင် ပြောဆိုချက်များသည် လွှတ်တော်တွင် ဆွေးနွေးဆဲ အဆိုနှင့်သာ အတိအကျ သက်ဆိုင်စေရမည်ဟု ပြဋ္ဌာန်း ထားကြောင်းလည်း ပြည်သူ့လွှတ်တော် ဥက္ကဋ္ဌက ရှင်းပြသည်။

နိုင်ငံတော်အစိုးရက ရွေးကောက်ပွဲအပြီး နောက်ပိုင်း ဆောင်ရွက်နေသော နိုင်ငံတော်ပိုင်မြေ နိုင်ငံပိုင်စက်ရုံများ နိုင်ငံတော်ပိုင် စီးပွားရေးလုပ်ငန်းများ အလျင်စလို ငှားရမ်းရောင်းချ လွှဲပြောင်းမှု၊ ပုဂ္ဂလိကပြုလုပ်မှု၊ စီမံကိန်းများကို နေရာတကျမစီမံဘဲ အဆောတလျင်ခွင့်ပြုနေမှု၊ ကျူးကျော်များကို အဓမ္မဖယ်ရှားမှု ၊နိုင်ငံတော်ပိုင် သယံဇာတများကို လိုအပ်သောဆောင်ရွက်မှုများ သဘောတူညှိနှိုင်းမှုများ မပြုလုပ်ဘဲ အစိုးရတာဝန်မလွဲပြောင်းမီ အလျင်အမြန် စီမံခန့်ခွဲနေမှု စသည်တို့ကို နိုင်ငံတော်နှင့်နိုင်ငံသားတို့ အကျိုးအတွက် အသေးစိတ် စိစစ် ဟန့်တား၍ ထိန်းကျောင်း တည့်မတ်ပေးပါရန် နိုင်ငံတော်အစိုးရအား တိုက်တွန်းကြောင်း အရေးကြီး အဆိုတစ်ရပ်ကို ပုလဲမဲဆန္ဒနယ်မှ ဒေါ်ခင်စန်းလှိုင်က ပြည်သူ့လွှတ်တော်သို့ တင်သွင်းခဲ့ခြင်းဖြစ်သည်။

သတင်း - ကိုပေါက် ( နေပြည်တော် )
The Ladies News
https://www.facebook.com/News.TheLadies/


ရခိုင်ပြည်နယ် တောင်ကုတ်မြို့နယ် "မအီ" စုပေါင်းစစ်ဆေးရေး ဂိတ်မှာ ငွေကျပ် သိန်းပေါင်းသောင်း ၈ ထောင်ကျော် တန်ဖိုးရှိတဲ့ WY စာတန်းပါ စိတ်ကြွမူးယစ်ဆေးဝါး အပြား ၄ သိန်းခွဲကို မနေ့က ဖမ်းဆီးရမိခဲ့ပါတယ်။

ရန်ကုန်တိုင်းဒေသကြီး မြောက်ဒဂုံမြို့နယ်မှာ နေထိုင်သူတစ်ဦးမောင်းနှင်လာတဲ့ Hyundai အမျိုးအစား အိမ်စီးကားကို စစ်ဆေးရာမှာ စိတ်ကြွမူးယစ်ဆေးဝါးတွေကို ဖမ်းဆီးရမိခဲ့တာဖြစ်ကြောင်း တောင်ကုတ်မြို့နယ် အထွေထွေ အုပ်ချုပ်ရေးမှူး ဦးလူမော်က အတည်ပြုပြောပါတယ်။

"ယာဉ်မောင်း သိန်းကျော်ဆိုသူ သူ့ကားကိုစစ်တော့ ယာဉ်ပေါ်မှာ အဝါရောင် စက္ကူပါကင်နဲ့ ထုတ်ထားတယ်၊ ယာဉ်နောက်က အံဝှက်ထဲထည့်ထားတယ်၊ စိတ်ကြွဆေးပြားလို့ ယူဆရတဲ့ ဆေးပြား ၄၅ ထုတ်ဆိုတော့ ကျနော်တို့ ၄ သိန်းခွဲပေါ့၊ တစ်ပြားကို ကာလတန်ဖိုး ၄ ထောင်နဲ့တွက်ရင် ကျပ် သိန်းပေါင်းသောင်းရှစ်ထောင် လောက်ရှိတယ်၊ Hyundai အိမ်စီးကား၊ လိုင်စင်ရှိတယ်၊ သူက ကျပ်သိန်း ၁၄၀ လောက် တန်တယ်၊ နောက်ငွေစက္ကူ ၃ သိန်းပါတယ်၊ အဲ့ဒါကို ကျနော်တို့ သက်သေများ ရှေ့မှာ ရှာဖွေပုံစံနဲ့ သိမ်းတယ်"

မြန်မာနိုင်ငံ ရဲတပ်ဖွဲ့၊ မြို့နယ်အထွေထွေအုပ်ချုပ်ရေးအဖွဲ့၊ မြန်မာနိုင်ငံ မူးယစ်နှိမ်နင်း ရေးအဖွဲ့တို့ ပူးပေါင်းပြီး တောင်ကုတ်မြို့နယ် မအီပူးပေါင်းစစ်ဆေးရေးဂိတ်မှာ မတ်လ ၇ ရက်နေ့ နေ့လည်က မူးယစ်ဆေးဝါးသယ်ဆောင်လာသူတွေကို ဖမ်းဆီးခဲ့တာဖြစ် ပါတယ်။

ဖမ်းဆီးရမိခဲ့တဲ့ မူးယစ်ဆေးဝါးတွေဟာ ရန်ကုန်မြို့ကနေ ရခိုင်ပြည်နယ် အမ်းမြို့နယ်ကို သယ်ဆောင်လာတာဖြစ်ကြောင်းသိရပါတယ်။

တောင်ကုတ်မြို့နယ်မှာ ယခင်ကလည်း မူးယစ်ဆေးဝါးတွေဖမ်းဆီးရမိတာတွေရှိခဲ့ပြီး တောင်ကုတ်မြို့ သမိုင်းတစ်လျှောက် မူးယစ်ဆေးဝါးဖမ်းဆီးရမိတာဟာ မနေ့က အများဆုံးဖြစ်ကြောင်းလည်း တောင်ကုတ်မြို့နယ် အထွေထွေအုပ်ချုပ်ရေးမှူး ဦးလူမော်က ပြောပါတယ်။

အဲ့ဒီ မူးယစ်ဆေးဝါးတွေကိုသယ်ဆောင်လာတဲ့ ဦးသိန်းကျော်နဲ့ မော်တော်ယာဉ်ပေါ်မှာ ပါလာတဲ့ သူ့ရဲ့အမျိုးသမီး ဒေါ်သန္တာဦးတို့ ၂ ဦးကို မအီရဲစခန်းမှာ အမှုဖွင့်စစ်ဆေးနေ ကြောင်း သိရပါတယ်။

RFA Burmese
https://www.facebook.com/RFA-Burmese

(သိမ်းယူသွားသောရွှေထည်များ၊ ငွေစက္ကူများကိုတွေ့ရစဉ်/ ဓာတ်ပုံ- ထွန်းညို ပေးပို့သည်။)
နိရဉ္စရာ၊ မတ်လ ၈

ဘင်္ဂလာဒေ့ရ်ှနိုင်ငံ တက်ကနက်မြို့ ( ရခိုင်အခေါ်ကယုချောင်း) တွင် အစိုးရအား အခွန်ဆောင်ပြီး တရားဝင် လုပ်ကိုင်နေသော ရွှေဆိုင် တစ်ဆိုင်အား ဘင်္ဂလားဒေ့ရှ် အာဏာပိုင်များက ၀င်ရောက်ပြီး ရွှေထည် အများအပြားကို သိမ်းဆည်းကာ ရွှေပန်းထိမ်ဆိုင်ပိုင်ရှင်ကို ပါ ဖမ်းဆီးသွားသည်ဟု သတင်း ရရှိသည်။

ဖြစ်ရပ်မှာ ယခုလ ၅ ရက်နေ့က ဖြစ်ပွားခဲ့ခြင်း ဖြစ်ပြီး ဖမ်းဆီးခံရသူမှာ ဦးမောင်မောင်ချေ၊ တက်ကနက်မြို့ ရွှေပန်းထိန်ဆိုင်ပိုင်ရှင် အသင်း၏ ဥက္ကဋ္ဌ ဖြစ်ကြောင်း သိရသည်။

“ ဦးမောင်မောင်ချေက တက်ကနက်မြို့မှာ လူတွေအကုန်လုံး သိတဲ့ပုဂ္ဂိုလ် ဖြစ်ပါတယ်။ သူက ရွှေပန်းထိမ်ဆိုင်ဖွင့်ထားပါတယ်။ အစိုးရကို ပုံမှန် အခွန်ဆောင်သလို ရွှေဆိုင်ဖွင့်ခွင့် တရားလိုင်စင်နဲ့ လုပ်ကိုင်နေသူ ဖြစ်ပါတယ်။ အဲသလိုဆိုင်ကို ၀င်ရောက်ပြီး ဖမ်းတာပါ။ ပါသွားတဲ့ ရွှေတွေက လူတွေ အပ်ထားတဲ့ ရွှေထည်တွေ ဖြစ်ပါတယ်” ဟု တက်ကနက် ဒေသခံ ဦးထွန်းမောင်ရွှေက ပြောသည်။

အဆိုပါ ကိစ္စနှင့် ပတ်သက်၍ မတ်လ ၇ ရက်နေ့ တွင် သတင်းစာ ရှင်းလင်းပွဲ တစ်ခုကို ဦးမောင်မောင်ချေ ရုံးခန်းထဲတွင် ဦးထွန်းမောင်ရွှေ ဥက္ကဋ္ဌ အဖြစ်တာဝန်ယူ၍လည်းကောင်း အောင်စံထွန်းက အတွင်းရေးမှူး အဖြစ်ဆောင်ရွက်၍ လည်းကောင်း ပြုလုပ်ခဲ့သည်။

၎င်းပြင် တက်ကနက်မြို့တွင် ရွှေဆိုင်များအားလုံးကို မနက်နေထွက်ကနေ နေ၀င်ထိ ယမန်နေ့က ပိတ်ထားခဲ့ပြီး အာဏာပိုင်များ၏ လုပ်ရပ်အပေါ် ဆန့်ကျင် ကန့်ကွက်ခဲ့ကြသည်ဟု ဒေသခံက ပြောဆိုသည်။

သတင်းစာရှင်းလင်းပွဲမှလည်း ဖမ်းဆီးခံထားရသော ရခိုင်ရွှေဆိုင်ပိုင်ရှင် ဦးမောင်မောင်ချေအား အမြန်ဆုံး ပြန်လွှတ်ပေးရန်နှင့် သိမ်းဆည်းရွှေများကို ပြန်ပေးရန်တောင်းဆိုခဲ့ကြသည်။

“ ဒီလုပ်ရပ်က ဘင်္ဂလာဒေ့ရ်ှမှာ ရခိုင်တွေ မနေနိုင်အောင် လုပ်တာပါဘဲ။ တရားဝင် လုပ်ကိုင် စားသောက်နေတာ အခုမှ မဟုတ်ဘူး။ နှစ်ပေါင်း သုံး- လေး-ငါးဆယ်ရှိပြီ။ အခုမှ ဒီလို ၀င်ဖမ်းတယ်ဆိုတာ ကတော့ နောက်ကွယ်မှာ ရည်ရွယ်ချက်တွေ ရှိပါလိမ့်မယ်” ဟု ပန်းထိမ်လုပ်သူ ဦးအောင်ထွန်းမြက ပြောသည်။

ဖမ်းဆီးခံရသော ရွှေထည်ပစ္စည်းများမှာ တာကာငွေ သိန်းရာကျော် ဖိုးရှိကြောင်း၊ ယင်းအပြင် ရွှေရောင်း ရွှေဝယ် လုပ်နေသော ငွေများကိုလည်း သိမ်းဆည်းသွားကြောင်း၊ ရွှေပန်းထိမ်လုပ်ရာတွင် အသုံးပြုသော ကရိယာတန်ဆာပလာများအားလုံးကိုလည်း ဘင်္ဂလာ အာဏာပိုင်များက ယူဆောင်သွားကြောင်း သိရသည်။

Arakan State
https://www.facebook.com/NarinjaraNews


ဒုတိယ သမ္မတ ရာထူးနေရာအတွက် ရေပန်းစားလာသူ ဖြစ်နေသည့် SNLD ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ အထွေထွေ အတွင်းရေးမှူး ဦးစိုင်းညွန့်လွင်မှာ ဒုတိယသမ္မတ အမည်စာရင်း တင်သွင်းနိုင်ရေးအတွက် အစုအဖွဲ့အစည်းဝေးများ စတင်မည့် မတ်လ ၁၀ ရက်နေ့တွင် နေပြည်တော်သို့ သွားရောက်မည်ဖြစ်ကြောင်း နီးစပ်သူများထံမှသိရသည်။

“ဘာကြောင့် သွားမလဲဆိုတာတော့ မသိဘူး။ မတ်လ ၁၀ ရက်နေ့ နေပြည်တော်မှာ ရှိမှာ။ အဲဒီကို သွားမှာတော့ သေချာတယ်” ဟု အမည်မဖော်လိုသူ နီးစပ်သူက ပြောသည်။

ကာယကံရှင် ကိုယ်တိုင်ကမူ ၄င်း၏ ပါတီဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်အား အစိုးရအဖွဲ့တွင် နေရာတစ်နေရာ ယူရန်သာ အနိုင်ရ အမျိုးသား ဒီမိုကရေစီအဖွဲ့ချုပ်ဘက်မှ ကမ်းလှမ်းခဲ့ခြင်းဖြစ်ပြီး မည်သည့် ရာထူးဆိုသည်ကိုမူ အတိအကျ သိရှိရခြင်း မရှိကြောင်း မီဒီယာများကို ဖြေဆိုထားသည်။

ကမ်းလှမ်းထားသည်မှာ နှစ်လကျော် ကြာမြင့်ခဲ့ပြီ ဖြစ်သော်လည်း ယခုကဲ့သို့ သမ္မတလောင်း စာရင်းများ ကြေညာရန် ရက်နီးကပ်လာချိန်တွင် ရှမ်းပါတီမှ တာဝန်ရှိသူတစ်ယောက်မှာ ဒုသမ္မတ ဖြစ်လာရန် သတင်းများ ထွက်လာခြင်းဖြစ်သည်။

လွန်ခဲ့သည့် နှစ်လကတည်းက ရှမ်းနိုင်ငံရေး အသိုင်းဝန်းတွင် ကျားခေါင်းပါတီ SNLD ခေါင်းဆောင် ဦးခွန်ထွန်းဦးအား အန်အယ်လ်ဒီမှ ဒုတိယ သမ္မတ အဖြစ်ကမ်းလှမ်းထားကြောင်း သတင်းများ သိုးသိုးသန့်သန့် ထွက်ပေါ်ခဲ့ဖူးပြီး ဦးခွန်ထွန်းဦး၏ ဇန်န၀ါရီလ မိုင်းရှူး ခရီးစဉ်တွင်လည်း ရှမ်းဘာသာဖြင့် ၄င်းအား ကမ်းလှမ်းထားကြောင်း ပြောဆိုခဲ့ဖူးသည်။

ဦးခွန်ထွန်းဦး၏ သမီးဖြစ်သူမှာ သြစတြေးလျနိုင်ငံသူအဖြစ် ခံယူထားသောကြောင့် ယခုကဲ့သို့ ဦးစိုင်းညွှန့်လွင်မှာ ဒုတိယသမ္မတ ရာထူးအတွက် ရေပန်းစားလာခြင်းဖြစ်ပြီး အန်အယ်လ်ဒီ၏ အမျိုးသား ပြန်လည်သင့်မြတ်ရေး မူဝါဒအရ မဟာမိတ် တိုင်းရင်းသား ပါတီဖြစ်နေသည့် SNLD ကျားခေါင်းပါတီမှ ဒုသမ္မတ ဖြစ်ရန် ရေပန်းစားလာခြင်းဖြစ်သည်။

ယင်းအပြင် အန်အယ်လ်ဒီ၏ ကာလရှည် မဟာမိတ် တိုင်းရင်းသား ခေါင်းဆောင်တစ်ဦးဖြစ်သည့် ပူးလ်ကျင်ရှင့်ထန်မှာလည်း ၅၉ (စ) သမ္မတ အရည်အချင်း ကန့်သတ်ချက်နှင့် ညှိစွန်းနေသည်ဟု ဇိုမီးအသိုင်းဝန်းက ဆိုနေသောကြောင့် မည်သည့် ရာထူးမျှ မရသေးသော ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ တာဝန်ရှိသူများမှာ အစိုးရ ထိပ်တန်းရာထူးရယူနိုင်ရန် ရေပန်းစားလာခြင်း ဖြစ်သည်။

The Ladies News
https://www.facebook.com/News.TheLadies


ရွေးကောက်ပွဲအနိုင်ရ အန်အယ်လ်ဒီအမျိုးသား ဒီမိုကရေစီအဖွဲ့ချုပ်၏ ကာလရှည် တိုင်းရင်းသား မဟာမိတ်ဖြစ်သည့် ဇိုမီးဒီမိုကရေစီ အဖွဲ့ချုပ်ခေါင်းဆောင် ပူးလ်ကျင်ရှင့်ထန်သည် သားနှစ်ဦးမှာ အမေရိကန်နိုင်ငံသားအဖြစ် ခံယူထားခြင်းကြောင့် ၄င်းမှာလည်း အန်အယ်လ်ဒီ၏ အမျိုးသား ပြန်လည်သင့်မြတ်ရေး အစိုးရအဖွဲ့တွင် ဒုတိယသမ္မတ နေရာရယူရန် မဖြစ်နိုင်ကြောင်း ဇိုမီးဒီမိုကရေစီ အဖွဲ့ချုပ် တာဝန်ရှိသူထံမှ သိရသည်။

“ဦးဝင်းထိန်နဲ့ တွေ့ကတည်က ကျွန်တော်တို့ ပြောထားတယ်။ လွှတ်တော် ကိုယ်စားလှယ်လုပ်တော့ အချက်လက်တွေကလည်း ပေးထားရတယ်လေ။ ဒုသမ္မတနေရာက ကျွန်တော်တို့ ဇိုမီးဒီမိုကရေစီ အဖွဲ့ချုပ်က မဖြစ်နိုင်ပါဘူး” ဟု ဇိုမီးဒီမိုကရေစီ အဖွဲ့ချုပ်မှ အထွေထွေ အတွင်းရေးမှူး ပူလ်းဂင်ကမ်းလျှံက ပြောသည်။

ပြီးခဲ့သည့် စစ်အစိုးရ လက်ထက်တွင် နိုင်ငံရေးလှုပ်ရှားခဲ့သည့် ပူးလ်ကျင်ရှင့်ထန်မှာလည်း စားဝတ်နေရေး လုပ်ငန်းများအထိ ပိတ်ပင်တားမြစ်ခံခဲ့ရပြီး အိမ်မှာလည်း လမ်းနှင့်မလွတ်ဟုဆိုကာ အာဏာပိုင်များမှ အိမ်ဖျက်ရန် ကြိုးစားသည်အထိ ဖြစ်ခဲ့ဖူးသည်။

ဇိုမီးခေါင်းဆောင် ပူးလ်ကျင်ရှင့်ထန်မှာ ၀ါရင့် တိုင်းရင်းသား နိုင်ငံရေးသမားဖြစ်ပြီး ပြီးခဲ့သည့် စစ်အစိုးရ လက်ထက် တစ်လျှောက်တွင် အန်အယ်လ်ဒီနှင့် လက်တွဲခဲ့သည့် တိုင်းရင်းသားပါတီ အနည်းငယ်ထဲတွင် ၄င်းဥက္ကဋ္ဌအဖြစ် တာဝန်ယူခဲ့သည့် ဇိုမီးနေရှင်နယ် ကွန်ကရက်ပါတီမှာလည်း ပါဝင်သည်။

လွှတ်တော်ခေါ်ယူရေး ကိုယ်စားပြုကော်မတီ စီအာပီပီအဖွဲ့ဝင်လည်း ဖြစ်သော ဇိုမီးခေါင်းဆောင် ၀င်ရောက် ယှဉ်ပြိုင်မည့် မဲဆန္ဒနယ်တွင် အန်အယ်လ်ဒီပါတီမှ ၀င်ရောက်ယှဉ်ပြိုင်ခြင်း မပြုခဲ့ဘဲ ပူလ်းကျင်ရှင့်ထန်မှာ လွတ်လွတ်ကျွတ်ကျွတ် အနိုင်ရကာ တီးတိန်မြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံခဲ့ရသည်။

အခြားတိုင်းရင်းသား ခေါင်းဆောင် တစ်ဦးဖြစ်သော ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ ဦးခွန်ထွန်းဦးမှာ သမီးဖြစ်သူ သြစတြေးလျနိုင်ငံသူ အဖြစ် ခံယူထားသည့်အတွက် အန်အယ်လ်ဒီပါတီဘက်မှ ဒုတိယ သမ္မတနေရာ ကမ်းလှမ်းခဲ့သော်လည်း ရာထူးရယူနိုင်တော့မည် မဟုတ်ပေ။ ယင်းအတွက် ရှမ်းတိုင်းရင်းသားများ ဒီမိုကရေစီ အဖွဲ့ချုပ်မှ အထွေထွေ အတွင်းရေးမှူး ဖြစ်သူ ဦးစိုင်းညွှန့်လွင်မှာ ဒုတိယသမ္မတ ဖြစ်လာရန် ရေပန်းစားလာခဲ့သည်ဟု သတင်းမီဒီယာများက ဖော်ပြကြသည်။

Photo - ဆလိုင်းကျော်မိုး
The Ladies News
https://www.facebook.com/News.TheLadies


အိန္ဒိယနိုင်ငံတွင် ပြီးခဲ့သော တနင်္ဂနွေနေ့က ဖြစ်ပွားခဲ့ခြင်း ဖြစ်သည်။ နိုင်ဂျီးရီးယားနိုင်ငံသားနှစ်ဦး ရိုနယ်ဒိုနဲ့မက်ဆီ ဘယ်သူပိုကောင်းသလဲ ငြင်းခုန်ရာမှ လူသတ်မှုဖြစ်ပွားခဲ့ကြောင်း ဟိန္ဒူစတန်တိုင်မ်း သတင်းစားက ဖော်ပြသည်။

အဆိုပါ သတင်းအရ အသက် ၂၂ နှစ်အရွယ် ချုဝမ်ဘာက အသက် ၃၄ နှစ်အရွယ် မိုက်ကယ်နှင့် မိုက်ကယ်၏မွေးနေ့ပွဲအတွက် သောက်စားကြစဉ် ၎င်းတို့နှစ်ဦးအကြား ရိုနယ်ဒို-မက်ဆီ အငြင်းပွားမှုဖြစ်ပွားခဲ့ပြီး မိုက်ကယ်မှ ချုဝမ်ဘာကို ဖန်ခွက်ဖြင့် ပစ်ပေါက်ခဲ့ရာ ပစ်မှတ်ကို မထိမှန်ဘဲ နံရံကိုထိ၍ ဖန်ခွက် ကွဲစင်ခဲ့သည်။ ထို့နောက် ချုဝမ်ဘာက ယင်း ဖန်ခွက်အကွဲစကို ကောက်ယူ၍ မိုက်ကယ်အား ထိုးသတ်ခဲ့သည်ဟုဆိုသည်။

ရဲစစ်ချက်အရ ချုဝမ်ဘာမှ ရိုနယ်ဒိုသည် မက်ဆီထက် ပိုကောင်းသည်ဟုဆိုပြီး မိုက်ကယ်ကမူ မက်ဆီက ပိုမို ထူးချွန်သောကစားသမားဖြစ်ကြောင်း ငြင်းခုန်ကြသည်ဟု ဆိုသည်။

“လူသတ်မှုကျုးလွန်သူကို ကျွန်တော်တို့ ဖမ်းဆီးထားပါပြီ။ ဒီ လူသတ်မှုဟာ တကယ်ပဲ အသေးအဖွား အငြင်းပွားမှုကနေ ဖြစ်တာလားဆိုတာကို စစ်ဆေးနေဆဲပါ”ဟု အမှုစစ်ရဲအရာရှိက ပြောသည်။

ရည်ညွှန်း-ဘလီချာရီပေါ့ထ်
News Watch(စောင့်ကြည့်သတင်းဂျာနယ်)

NLD ဥက္ကဌ ဒေါ်အောင်ဆန်းစုကြည်နဲ့ ဂျပန်ဝန်ကြီးချုပ် Shinzo Abe တို့ တွေ့ဆုံစဉ်
ဒေါ်အောင်ဆန်းစုကြည်ပါတီအစိုးရတက်အလာမှာ ဂျပန်အစိုးရအနေနဲ့ မြန်မာနိုင်ငံကို ODA (ခေါ်) နိုင်ငံခြားဖွံ့ဖြိုးတိုးတက်ရေး အကူအညီ ကြီးကြီးမားမားပေးဖို့ ပြင်ဆင်နေပါတယ်။ ဒီအကူအညီတွေထဲမှာ အတိုးအလွန်နဲတဲ့ ချေးငွေနဲ့ ကူညီငွေပေါင်း ဂျပန်းယန်း ၁၀၀ ဘီလီယံ (အမေရိကန်ဒေါ်လာ သန်း ၉၀၀ နီးပါး) ရှိပြီး၊ လမ်းပန်းဆက်သွယ်ရေး အဆောက်အအုံနဲ့ မြို.ပြစီမံကိန်းတွေမှာ အဓိကသုံးစွဲမယ်လို့ ဂျပန်အစိုးရအရာရှိတဦးကပြောပါတယ်။ ဒီအကြောင်း ကိုဝင်းမင်း က ဆက်သွယ်မေးမြန်းတင်ပြထားပါတယ်။

ဒေါ်အောင်ဆန်းစုကြည်ဦးဆောင်တဲ့ NLD ပါတီ အနေနဲ့ မကြာခင် အစိုးရတာဝန်ယူလာချိန် မြန်မာနိုင်ငံမှာ ကြီကြီးမား မားပြောင်းလဲ မှုတွေ ဖြစ်လာမယ်လို့ မျှော်လင့်ပြီး၊ ခုလို ဂျပန်ဘက်က အကူအညီ ကြီးကြီးမားမားပေးဖို့ စီစဉ်နေတာလို့ ဂျပန်အရာရှိတစ်ဦးပြောတာကို ကျိုဒို သတင်းဌာနက ဖော်ပြလိုက်ပါတယ်။

ဂျပန်ဝန်ကြီးချုပ် ရှင်ဇိုအာဘေးရဲ့ အထူးအကြံပေး Hiroto Izumi မြန်မာနိုင်ငံကို ပြီးခဲ့တဲလ ဖေဖော်ဝါရီမှာ သွာလည်တုံး ဒေါ်အောင်ဆန်းစုကြည်က ခုလို အကူအညီပေးဖို့ တောင်းဆိုခဲ့တာဖြစ်ပြီး ဇွန်လမှာ အစီအစဉ်အသေးစိတ်လုပ်ဆောင်နိုင်လိမ်မယ်လို့ ဒီဂျပန်အရာရှိကဆိုပါတယ်။

မြန်မာ့စီးပွားရေးအကြောင်း ထဲထဲဝင်ဝင် သုတေသနလုပ်နေတဲ့ ဂျပန်အစိုးရသုတေသနအရာရှိဟောင်းနဲ့ လက်ရှိ ဂျပန်နိုင်ငံ အမျိုးသား မူဝါဒဆိုင်ရာဘွဲ့လွန်တက္ကသိုလ် ပါမောက္ခ Kudo Toshihiro က အခုလို စီစဉ်နေတာဟာ ဂျပန်ရဲ့ မြန်မာ့ဒီမိုကရေစီအရေး ထောက်ခံမှုကိုပြတာလို့ဆိုပါတယ်။

“ဂျပန်အစိုးရရဲ့ ရည်ရွယ်ချက်ကတော့ ဂျပန်က အကြောကြီးစောင့်ခဲ့ရတဲ့ ပြည်သူကရွေးချယ်ပြီးတက်လာတဲ့ အစိုးရ၊ အခု အမျိုးသားဒီမိုကရေစီ အဖွဲ့ချုပ် NLD အစိုးရကို ထောက်ခံတာပြတဲ့အနေနဲ့ ဒီ ODA ပမာဏကို မြှင့်တင်ပေးဖိုပါ။”

ပါမောက္ခ Kudo Toshihiro ကဆက်ပြီး မကြာခင်ကပဲ NLD စီးပွားရေးကော်မတီ ဂျပန်ကိုလာလည်တုံးကလဲခုလိုကူညီပေးဖို့ ဒေါ်အောင်ဆန်းစုကြည်က ပြောခဲ့တာကို အခု ဂျပန်ဖက်က တုံ့ပြန်လိုက်တာဖြစ်တယ်လို့ ဆိုပါတယ်။

“ပြီးခဲ့တဲ့တစ်ခေါက်ကNLD စီးပွားရေးကော်မတီအဖွဲ့ ဂျပန်ကိုလာလာတုံး ဒေါ်အောင်ဆန်းစုကြည်ထံကနေ ဂျပန်အစိုးရကိုပို့လိုက်တဲ့ အမှာစကားကို ပြောပြခဲ့ပါတယ်။ မြန်မာနိုင်ငံအတွက် တစ်ခုခု ကူညီပေးဖို့ပေါ့လေ။ ဂျပန်အစိုးရကလဲ အဲ့ဒိလို ကူညီပေးဖို့ ကြိုးစားတာကို ပြလိုက်တာပါပဲ။”

အခုလို ကူညီတဲ့ ODA မှာ အတိုးမရှိသလောက်နဲတဲ့ ချေးငွေနဲ့ အကူအညီတွေပါပြီး၊ အခု ပမာဏဟာ များတယ်၊ မြန်မာနိုင်ငံမှာ လက်ရှိလုပ်နေဆဲ လမ်းပန်းဆက်သွယ်ရေးလုပ်ငန်းတွေအတွက် အဓိက ဖြစ်တယ်လို့ ပါမောက္ခ Kudo Toshihiro က ဆိုပါတယ်။

 “ဒီပမာဏက များပါတယ်၊ တကယ်တန်းက ဂျပန်အစိုးရအနေနဲ့ ဒီ ODA ပေးတဲ့ ပမာဏကို မြှင့်တင်ဖို့လုပ်နေပါတယ်။ အခုပေးမဲ့ ODA အများစုက လက်ရှိလုပ်နေဆဲကိစ္စတွေအတွက် ဆက်လုပ်ဖို့ပေးမှာပါ။သီလဝါကိစ္စ၊ သီလဝါနဲ့ဆက်စပ်တဲ့ လမ်းပန်းဆက်သွယ်ရေး အဆောက်အအုံတွေကိစ္စ၊နောက် ရထားလမ်းတွေ၊ ရန်ကုန်မြို့ပတ်ရထားရော နောက် ရန်ကုန်-မန္တလေးရထားလမ်း၊ပြီးတော့ ဒေသန္တရတိုးတက်မှုအတွက် လိုတဲ့လမ်းတွေနဲ့ လျှပ်စစ်မီး စတဲ့ မြောက်များစွာသော လက်ရှိလုပ်နေတဲ့ လုပ်ငန်းတွေအတွက်ပါ။”

တကယ်တော့ ဦးသိန်းစိန်အစိုးရတက်လာအပြီး တိုးပေးလာခဲ့တဲ ODA ကို ဂျပန်ဖက်က အခုနောက်အစိုးရလက်ထက် ပိုပေးလာဖို့ အခွင့်အလမ်းရှိလာချိန်မှာ မြန်မာအစိုးရ ဘက်မှာလဲ လုပ်ရည်ကိုင်ရည်တွေတိုးတက်အောင်လုပ်ဖို့လိုနေသေးတယ် လို့ ပါမောက္ခ Kudo Toshihiro က ထောက်ပြပါတယ်။

 “မြန်မာနိုင်ငံမှာ ပြည်သူအခြေပြုဖွံ့ဖြိုးတိုးတက်ရေးလို့ ကြွေးကြော်ထားတယ်ပေါ့ဗျာ၊ အဲ့ဒါကို အစိုးရအရာရှိတွေက လူထုအတွက် တကယ်လက်တွေ့ အကျိုးရှိအောင် ဘယ်လိုစဉ်းစားလုပ်ဆောင်လဲပေါ့ဗျာ။ ဒါက ပထမအရေးကြီးတာပါ။

နောက်တစ်ခုက လုပ်ငန်းကျွမ်းကျင်မှုပေါ့နော်၊ အဲ့ဒါက မြန်မာနိုင်ငံမှာ အားနည်းလွန်းနေပါတယ်၊ ခုလိုပြောရတာ ကျွန်တော် စိတ်မကောင်ပါဘူး။ အဲ့ဒိအတွက် ဂျပန်အပါအဝင် နိုင်ငံတကာအတွေ့အကြုံတွေကနေ လေ့လာယူဖို့ လိုပါတယ်။”

ပါမောက္ခ Kudo Toshihiro က ဆက်ပြီး ဂျပန်အနေနဲ့ ၁၉၈၈ ဆိုရှယ်လစ်အစိုးရလက်ထက်မှာ အစိုးရစက်မှုလုပ်ငန်းတွေကိုပဲ အကူအညီပေးခဲ့တာ မထိရောက်ခဲ့ဘူး၊ ဦးသိန်စိန်လက်ထက်က စပြီး ဘက်စုံဖွံ့ဖြိုးရေးအတွက် အရေးပါတဲ့ ဒီ လမ်းပန်းဆက်သွယ်ရေးကို ဦးစားပေးလုပ်ခဲ့တာ ထိရောက်မှုတချို့စရှိလာတယ်၊ အခုဆိုရင် မြန်မာနိုင်ငံကို ဂြိုလ်တုကကြည့်ရင် မီးအများကြီး ပိုထိန်လာတယ်၊ သီလဝါလဲ အလုပ်တွနေပြီ၊ ဒီစက်မှုဇုံက ဗီယက်နမ်စက်မှုဇုံထက်ထက်တောင်ကြီးတယ်၊ ဒါကြောင့်နောက်တက်လာမဲ့ အစိုးရလက်ထက်မှာ အခုထက်ပိုတိုးတက်လာဖို့ မျှော်လင့်ထားတယ်လို့ ဆိုပါတယ်။

ဝင်းမင်း / ဗွီအိုအေ (မြန်မာပိုင်း)
http://burmese.voanews.com


Myanmar Inno International Limited( ယခင်က ဆေးဂဲလ်) အထည်ချုပ်စက်ရုံတွင် လုပ်ခလစာကိစ္စနှင့်ပတ်သက်ပြီး ယနေ့ နံနက်ပိုင်းမှ စတင်ကာ အထည်ချုပ် လုပ်သားများက စက်ရုံအတွင်း လုပ်ငန်းခွင် မဝင်ဘဲ ဆန္ဒဖော်ထုတ်နေကြသည်။

'' အဓိကကတော့ လစာတွေက စက်ချုပ်လုပ်သားရော စက်ချုပ်အကူရောက တန်းတူဖြစ်နေတယ်။ ကျွမ်းကျင်ကြေးတွေ မရှိတော့ဘူး။ တစ်လကို ရတဲ့လစာကသူများစက်ရုံကလူတွေနဲ့ ယှဉ်ရင် အများကြီး နည်းနေတယ်။ ဒါကြောင့် ဆန္ဒပြတောင်းဆိုတာပါ'' ဟု စက်ရုံမှ အထည်ချုပ်လုပ်သားတစ်ဦးက China.comသို့ ပြောသည်။

အနည်းဆုံးလုပ်ခလစာ ၃၆၀၀ ကျပ် သတ်မှတ်ပြီးချိန်မှ စတင်ကာ စက်ရုံတွင် အချိန်ပို ခေါ်ခြင်း မရှိတော့ဘဲ လစာပေးရက်များလည်း မှန်ကန်ခြင်းမရှိတော့ကြောင်း၊ မန်နေဂျာများအား ရာထူးလျော့ချထားကြောင်း၊  လက်ရှိအချိန်တွင် လုံခြုံရေးနှင့် သန့်ရှင်းရေး ဝန်ထမ်း ၁၃ ဦးကို အလုပ်မှ ထုတ်ပယ်ထားကြောင်း၊ စက်လိုင်းအတွင်းမှ ဝန်ထမ်းများကိုလည်း လျော့ချမည်ဟု သတင်းများ ထွက်ပေါ်နေသောကြောင့် အလုပ်သမားများ အနေဖြင့် စိုးရိမ်နေကြကြောင်း သိရသည်။

အလုပ်သမားများ ဆန္ဒဖော်ထုတ်ခြင်းနှင့် ပတ်သက်ပြီး China.com မီဒီယာက စက်ရုံမှတာဝန်ရှိသူများနှင့် တွေ့ဆုံရန် လုံခြုံရေးဂိတ်သို့ သွားရောက်ခဲ့သော်လည်း တွေဆုံခွင့် ရမည် မဟုတ်ကြောင်းစက်ရုံမှ လုံခြုံရေးတာဝန်ရှိသူတစ်ဦးက ပြန်ပြောပြီး စက်ရုံတံခါးအား ပိတ်သွားခဲ့သည်။

စည်သူ
china.com Myanmar
http://myanmar.china.com

ကမ္ဘာ့နာမည်ကျော်အမျိုးသမီးတရာကျော် မြန်မာအမျိုးသမီးတွေအပေါ် အကြမ်းဖက်မှုအဆုံးသတ်ရေး တိုက်တွန်း (ဓါတ်ပုံ- Burma Campaign UK)
ဒီကနေ့ကျရောက်တဲ့ နိုင်ငံတကာအမျိုးသမီးများနေ့မှာ အဓမ္မပြုကျင့်မှုနဲ့ လိင်ပိုင်းဆိုင်ရာ စော်ကားခံရမှုတွေ အဆုံးသတ်ရေးအတွက် မြန်မာနိုင်ငံက အမျိုးသမီးတွေနဲ့အတူ ရပ်တည်ကြောင်း ကမ္ဘာတ၀ှမ်းက ထင်ပေါ်ကျော်ကြားသူ အမျိုးသမီးပေါင်း (၁၁၀) က သဘောထား ထုတ်ပြန်လိုက်ပါတယ်။ Dame Judi Dench ၊ Annie Lennox ၊ Jo Brand ၊ Gillian Anderson ၊ Imelda Staunton ၊ Julie Walters နဲ့ Zoë Wanamaker တို့အပါအ၀င် ကမ္ဘာကျော် နိုင်ငံရေးသမားတွေ၊ အဆိုကျော်တွေ၊ ရုပ်ရှင်သရုပ်ဆောင်တွေနဲ့ တက်ကြွလှုပ်ရှားသူတွေပါဝင်တဲ့ ထင်ပေါ်ကျော်ကြားသူ အမျိုးသမီး (၁၁၀) က ထုတ်ပြန်လိုက်တဲ့ သဘောထားကြေညာချက်ထဲမှာတော့ -

တိုင်းရင်းသူ အမျိုးသမီးတွေနဲ့ မိန်းကလေးတွေအပေါ် စစ်တပ်က ကျူးလွန်နေတဲ့ အဓမ္မပြုကျင့်မှုနဲ့ လိင်ပိုင်းဆိုင်ရာ စော်ကားမှုတွေကို စုံစမ်းစစ်ဆေးရေး / အဓမ္မပြုကျင့်မှုနဲ့ တခြား လိင်ပိုင်းဆိုင်ရာ အကြမ်းဖက် စော်ကားမှုတွေအပေါ် အပြစ်ပေးအရေးယူခြင်းမရှိတဲ့လုပ်ရပ် ရပ်တန့်ရေး / စော်ကားခံရသူတွေကို အားပေး ထောက်ပံ့ပေးရေး / မြန်မာအစိုးရနဲ့ တိုင်းရင်းသားလက်နက်ကိုင်အဖွဲ့အစည်းများအကြား ပြုလုပ်နေတဲ့ ငြိမ်းချမ်းရေး ဆွေးနွေးပွဲအပါအ၀င် နိုင်ငံရေးဖြစ်စဉ်အားလုံးမှာ အမျိုးသမီးတွေ ပါဝင်ခွင့်ရရှိရေး / မြန်မာနိုင်ငံရဲ့ အဓမ္မ ပြုကျင့်မှုဆိုင်ရာ ဥပဒေကိုလည်း နိုင်ငံတကာ စံချိန်စံညွန်းတွေနဲ့ ကိုက်ညီအောင် ချမှတ်ပြဌာန်းပြီး အိမ်ထောင်ကျပြီးသူတွေအကြား ဖြစ်ပေါ်လေ့ရှိတဲ့ အဓမ္မပြုကျင့်မှုအပေါ် တရားမ၀င်ကြောင်း ကြေညာရေး စတဲ့ အချက်တွေ ပါဝင်ပါတယ်။

လွန်ခဲ့တဲ့နှစ်အတွင်း စစ်တပ်အနေနဲ့ အဓမ္မပြုကျင့်မှုနဲ့ လိင်ပိုင်းဆိုင်ရာ အကြမ်းဖက်မှုတွေ တိုးမြင့် ကျူးလွန်နေပြီး အဲဒီ လုပ်ရပ်တွေအပေါ် အပြစ်ပေး အရေးယူခြင်းမရှိကြောင်း၊ ၂၀၁၅ ခုနှစ် နိုဝင်ဘာလအတွင်း ကျင်းပခဲ့တဲ့ ရွေးကောက်ပွဲမှာ NLD အမျိုးသားဒီမိုကရေစီအဖွဲ့ချုပ်က အနိုင်ရပြီး ၂၀၁၆ ခုနှစ် ဧပြီလမှာ တိုင်းပြည်အာဏာကို လွဲပြောင်း ရယူမှာဖြစ်ပေမယ့်လည်း စစ်တပ်အပေါ် ထိန်းချုပ်ခွင့် ရှိမှာမဟုတ်တဲ့အတွက် စစ်တပ်က ကျူးလွန်နေတဲ့ အဓမ္မပြုကျင့်မှုတွေဟာ NLD အစိုးရလက်ထက်မှာလည်း ဆက်လက် ဖြစ်ပေါ်နေဦးမယ်လို့ ဆိုပါတယ်။ မြန်မာစစ်တပ်က ကျူးလွန်နေတဲ့ အဓမ္မပြုကျင့်မှုတွေနဲ့ လိင်ပိုင်းဆိုင်ရာ စော်ကားမှုတွေနဲ့ပတ်သက်လို့ NLD ပါတီက တိကျတဲ့ သဘောထား ထုတ်ပြန်ထားခြင်းမရှိဘူးလို့လည်း အဲဒီ သဘောထား ထုတ်ပြန်ချက်ထဲမှာ ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com

Sharapova တားမြစ်ဆေးသုံးစွဲမိကြောင်း သတင်းစာရှင်းလင်းပွဲ ပြုလုပ်နေစဉ်။
ရုရှားနိုင်ငံသူ ကမ္ဘာကျော် တင်းနစ်မယ် Maria Sharapova ဟာ ကျန်းမာရေးအခြေအနေကြောင့် သူမ ၁၀ နှစ်ကျော်ကြာ သုံးစွဲခဲ့တဲ့ ဆေးတမျိုးကြောင့် ဇန်န၀ါရီလတုန်းက Australian Open တင်းနစ်ပြိုင်ပွဲမှာ ဆေးကျပြီး ၀င်ပြိုင်ခွင့် မရခဲ့ဘူးလို့ ပြောပါတယ်။

Meldonium လို့ခေါ်တဲ့ အဲဒီဆေးဟာ ကမ္ဘာ့တားမြစ်ဆေးဝါးများ ဆန့်ကျင်ရေး အေဂျင်စီက ပိတ်ပင်တားမြစ်တဲ့ ဆေးဝါးစာရင်းထဲကို အခုနှစ် နှစ်စမှာ ထည့်သွင်းလိုက်ခြင်းဖြစ်တယ်လို့ Sharapova က Los Angeles မြို့မှာ တနင်္လာနေ့က ပြုလုပ်တဲ့ သတင်းစာရှင်းလင်းပွဲမှာ ပြောကြားလိုက်တာပါ။

သူမအနေနဲ့ ကြီးမားတဲ့ အမှားကြီးကို ကျူးလွန်မိခဲ့ကြောင်း၊ သူမကို ထောက်ခံအားပေးသူတွေနဲ့ တင်းနစ်အားကစား နစ်မွန်းအောင် လုပ်မိခဲ့ကြောင်း၊ သူမ အင်မတန် နှစ်သက်တဲ့ ဒီအားကစားကို ၄ နှစ် သမီးအရွယ်ကတည်းက ကစားလာခဲ့ဖြစ်ကြောင်း Sharapova က သတင်းစာရှင်းလင်းပွဲမှာ ပြောပါတယ်။

Meldonium ဆေးကို Latvia နိုင်ငံ ထုတ်လုပ်တာဖြစ်ပြီး ဆီးချို၊ နှလုံးရောဂါနဲ့ Magnesium ဓါတ်နဲသူတွေက အသုံးပြုတာဖြစ်ပေမယ့် တချို့ သုတေသီတွေက အဲဒီဆေးကို အများအစား အသုံးပြုခြင်းအားဖြင့် အားကစားမှာ ယှဉ်ပြိုင်မှုတွေမှာ အနိုင်ရစေအောင် ခွန်အားပိုရှိစေတယ်လို့ ပြောဆိုနေကြတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

အမေရိကန်နှင့် တောင်ကိုရီးယားတပ်ဖွဲ့တွေ မတ်လ ၇ ရက်နေ့က စစ်ရေးလေ့ကျင့်နေစဉ်။
အမေရိကန်နဲ့ တောင်ကိုရီးယားတပ်ဖွဲ့ဝင်တွေက အကြီးဆုံး ပူးတွဲ စစ်ရေးလေ့ကျင့်မှုတွေကို စတင်ကျင်းပချိန်မှာ မြောက်ကိုရီယားဘက်က လက်ဦးမှု ရယူပြီး နျူကလီယားလက်နက်နဲ့ တိုက်ခိုက်မယ်လို့ ခြိမ်းခြောက် လိုက်ပါတယ်။

နှစ်ခြမ်းကွဲနေတဲ့ ကိုရီးယားကျွန်းဆွယ်မှာ တင်းမာမှု တိုးနေချိန် အခုလို စစ်ရေးလေ့ကျင့်မှုတွေကို ကျင်းပလေ့ရှိပေမယ့် ဒီနှစ်မှာတော့ အခြေအနေဟာ အထူးသဖြင့် တင်းမာနေပါတယ်။ မြောက်ကိုရီးယားက မကြာသေးခင်က နျူကလီးယားလက်နက်စမ်းသပ်မှုနဲ့ တာဝေးပစ် ဒုံးကျည်ပစ်လွှတ်ခဲမှုအတွက် ကုလသမဂ္ဂက ပြင်းထန်တဲ့ ဒဏ်ခတ်ပိတ်ဆို့မှုတွေကို ချမှတ်ခဲ့တာဖြစ်ပါတယ်။

မြောက်ကိုရီးယားနဲ့ဆက်နွယ်မှုရှိနေတဲ့ ကုန်တင်သဘောင်္တစ်စင်းကို ဖမ်းဆီးလိုက်ခြင်း အားဖြင့် ကုလသမဂ္ဂရဲ့ ဆုံးဖြတ်ချက်အတိုင်း ဖိလစ်ပိုင်နိုင်ငံက စတင်အရေးယူ ဆောင်ရွက်ခဲ့ပြီးဖြစ်ပါတယ်။

Key Resolve အဓိကပြဿနာဖြေရှင်းနိုင်ရေးနဲ့ Foal Eagle - သိန်းငှက်ငယ် - လို့ အမည်ပေးထားတဲ့ ဒီနှစ် ပူးတွဲစစ်ရေးလေ့ကျင့်မှုမှာ အမေရိကန်တပ်သားပေါင်း ၁၇,၀၀၀ ထောင်ပါဝင်ပြီး မနှစ်ကထက် ၄ ဆ ပိုများပါတယ်။ ဒါ့အပြင် တောင်ကိုရီးယားစစ်သည် သုံးသိန်းပါဝင်ကာ အမေရိကန် ရဟတ်ယာဉ်တွေအပြင် နျူကလီယားအင်အားသုံး USS North Carolina ရေငုပ်သဘောင်္နဲ့ နျူကလီးယားအင်အားသုံး USS John C. Stennis ခေါ် လေယာဉ်တင်သင်္ဘောတို့လည်း စစ်ရေးလေ့ကျင့်မှုမှာ ပါဝင်ကြပါတယ်။

မြောက်ကိုရီးယား အမျိုးသားကာကွယ်ရေးကော်မရှင်က အခုလို ပူးတွဲ စစ်ရေးလေ့ကျင့်မှုတွေကို ပြစ်တင်ရှုတ်ချလိုက်ပြီး နှစ်နိုင်ငံ ပြန်လည် ပေါင်းစည်းရေးအတွက် တရားသောစစ် ဆင်နွဲဖို့ အဆင်သင့်ရှိတယ်လို့ တနင်္လာနေ့က ထုတ်ပြန်လိုက်ပါတယ်။

ဗွီအိုအေ (မြန်မာပိုင်း)
http://burmese.voanews.com

al-Shabaab စစ်သင်တန်း စခန်း ကို လေကြောင်းက ပစ်ခတ် ခဲ့
ဆိုမာလီက al-Shabaab စစ်သွေးကြွ အုပ်စုကို လေကြောင်း တိုက်ခိုက်မှုကြီး တခု လုပ်ခဲ့တယ် လို့ အမေရိကန် စစ်ဌာနချုပ်က ပြောကြား ပါတယ်။

စနေနေ့က al-Shabaab အဖွဲ့ရဲ့ စစ်သင်တန်း စခန်း တခုကို လေကြောင်းက ပစ်ခတ် ခဲ့ရာမှာ ခန့်မှန်းခြေ လူ ၁၅ဝ ကျော် သေဆုံးတယ် လို့ ပင်တာ ဂွန် စစ်ဌာနချုပ်က ပြောပါတယ်။

မိုဂါဒစ်ရှူး မြို့တော် မြောက်ဘက် မိုင် တရာ ကျော် ဝေးတဲ့ ဒေသမှာ လေယာဉ်နဲ့ မောင်းသူမဲ့ ဒရုန်း လေယာဉ်တွေ သုံးပြီး တိုက်ခိုက် ခဲ့တာ လို့ ဆိုပါတယ်။

ဒီချိန်မှာ သူပုန် တပ်သား တွေက တိုက်ခိုက်မှု တခု လုပ်ဖို့ စခန်းကို ခွာဖို့ ပြင်နေတယ်လို့ ထောက်လှမ်းရေး သတင်း ရရှိ ကြောင်း အမေရိကန် စစ်ဘက်က ပြောပါတယ်။

al-Shabaab သူပုန် တွေ ဘက်က ဘာမှ တုံ့ပြန်မှု မရှိသေးသလို တိုက်ခိုက်မှု အတွက် သီးခြား အတည်ပြုချက် ရယူ နိုင်ခြင်း မရှိသေးပါဘူး။

BBC Burmese
http://www.bbc.com/burmese

ဒီမိုကရက်တစ်ပါတီသမ္မတလောင်းတွေဖြစ်တဲ့ Hillary Clinton နဲ့ Bernie Sanders တို့ရဲ့ ဒီမိုကရက်ပါတီ စကားစစ်ထိုးပွဲ
ဒီမိုကရက်တစ်ပါတီသမ္မတလောင်းတွေဖြစ်တဲ့ Hillary Clinton နဲ့ Bernie Sanders တို့ရဲ့ ဒီမိုကရက်ပါတီ စကားစစ်ထိုးပွဲ

လာမယ့်အထွေထွေရွေးကောက်ပွဲမှာ ရီပတ်ဘလီကန်ပါတီက ဘီလျံနာသူဌေးကြီး Donald Trump နဲ့ ယှဉ်ပြိုင်ဘက်ဖြစ်လာဖို့ မျှော်လင့်ထားတဲ့အကြောင်း ဒီမိုကရက်တစ်ပါတီသမ္မတလောင်းတွေဖြစ်တဲ့ Hillary Clinton နဲ့ Bernie Sanders တို့က မနေ့တုန်းက ပြောဆိုခဲ့ကြပါတယ်။

Michigan ပြည်နယ် Flint မှာကျင်းပတဲ့ ဒီမိုကရက်ပါတီ စကားစစ်ထိုးပွဲမှာတော့ ပြိုင်ဖက် သမ္မတလောင်း ၂ ဦးဟာ ရီပတ်ဘလီကန်ပါတီ သမ္မတလောင်းတွေရဲ့ စကားစစ်ထိုးပွဲမှာလို ပုဂ္ဂိုလ်ရေး တိုက်ခိုက်မှုတွေ မလုပ်မိအောင် ထိန်းသိမ်းခဲ့ကြပါတယ်။ သူဦးဆောင်တဲ့အစိုးရအနေနဲ့စိတ်ပိုင်းဆိုင်ရာကျန်းမာရေးနဲ့ ပါတ်သတ်ပြီး ပိုအာရုံစိုက်လုပ်ဖို့လိုတယ်ဆိုတာ ဘာကြောင့်လည်းလို့ အဖြေရှာရင်း ရီပတ်ဘလီကန်တွေရဲ့ ပြုမူလုပ်ကိုင်နေပုံတွေကို ကြည့်ခြင်းအားဖြင့် သိနိုင်တယ်လို့ Barnie Sanders ကပြောပါတယ်။

စကားစစ်ထိုးပွဲအတွင်း Mr. Sanders က အလုပ်လက်မဲ့ မှုတွေဖြစ်ပွားစေခဲ့တဲ့ မြောက်အမေရိက ကုန်သွယ်ရေးလွတ်လပ်ခွင့် သဘော တူညီချက် အပြင် တရုတ်နိုင်ငံနဲ့ ကုန်သွယ်ရေးကို ပုံမှန်ဖြစ်ဖို့ သဘောတူညီချက် ကို ထောက်ခံခဲ့တဲ့  Hillary Clinton အပေါ် ဝေဖန်ခဲ့ပါတယ်။ Clinton ကတော့ စက်မှုလုပ်ငန်းတွေအမေရိကားမှာ ရင်းနှီးမြှပ်နှံမှုတွေလုပ်လာအောင် ဆုပေးဒဏ်ပေးစနစ်ကျင့်သုံးသင့်ပြီး အခြေခံအဆောက်အအုံ လိုအပ်မှုတွေနဲ့ ပတ်သက်ပြီးတော့လည်း ထောက်ပြ သွားပါတယ်။

ဒါ့အပြင် အမေရိကန်ပြည်ထောင်စု အတွင်းက အကြမ်းဖက် ပစ်ခတ်မှုတွေနဲ့ ပါတ်သတ်လို့ လက်နက်ဝယ်ယူသူတွေရဲ့ နောက်ကြောင်းရာဇ၀င်ကို စုံစမ်းစစ်ဆေးတဲ့ စနစ် ပိုကောင်းမွန်တိုးတက်အောင် လုပ်ဖို့ဆိုတာနဲ့ ပါတ်သတ်လို့ သမ္မတလောင်း ၂ ယောက်လုံးက သဘောတူညီခဲ့ပေမယ့် လူအများအပြားသေစေနိုင်တဲ့ ပစ်ခတ်မှုအတွက် သေနတ်ထုတ် လုပ်တဲ့သူတွေအနေနဲ့လည်း တာဝန်ခံသင့်တယ် ဆိုတာကိုတော့  သဘောမတူခဲ့ကြပါဘူး။

VOA
http://burmese.voanews.com/content/us-democratic-debate/3222913.html


လူအသေအပျောက် များတဲ့ ဖားကန့် ကျောက်စိမ်း တွင်း

ကချင် ကျောက်စိမ်း နဲ့ သဘာဝ သယံဇာတ အရင်းအမြစ် စီမံ ခန့်ခွဲမှု မှာ ဒေသခံတွေ ပါဝင်ခွင့် နဲ့ ပတ်ဝန်းကျင် မထိခိုက်အောင် တနိုင်တပိုင် လုပ်ပိုင်ခွင့် ပေးဖို့ ကချင် လူမှု အဖွဲ့စည်း ၆ဝ က မြစ်ကြီးနား မှာ အစည်းအဝေး လုပ်ပြီး တောင်းဆို လိုက်ပါတယ်။

အင်္ဂါနေ့ က စပြီး လူထုကြား ပညာပေးပွဲ လုပ်ပြီး သဘောထား တွေကို ကောက်ခံ သွားမှာ ဖြစ်ပါတယ်။

ဖါးကန့် ဒေသ ကျောက်စိမ်း တူးဖော်မှု မှာ ဒေသခံတွေ အကျိုးမရှိဘဲ ဆိုးကျိုးဒဏ် ကိုပဲ ခံနေရတယ်။ ဒါကြောင့် လက်ရှိ စီမံကိန်း တွေကို ရပ်ထားပြီး ဒေသခံ တွေ ပါဝင်တဲ့ ပွင့်လင်း မြင်သာတဲ့ လုပ်ဆောင်မှု ဖြစ်အောင် လုပ်ဖို့ လိုတယ်။

ဒီလို လုပ်ဆောင်ဖို့ ပြည်သူ တွေကို ပညာပေး လုပ်ဆောင်ပြီး သဘောထား ကောက်ခံ သွားမယ် လို့ ဖါးကန့် အခြေစိုက် ကချင် အမျိုးသား လူမှုဖွံ့ဖြိုးရေး ဖေါင်ဒေးရှင်း ဥက္ကဋ္ဌ ဦးလာတောင် က ပြောပါတယ်။

လူထု အပါအဝင် လူမှု အဖွဲ့အစည်း တွေ ပတ်ဝန်းကျင် ထိန်းသိမ်းရေး သမားတွေနဲ့ မတ်လ ကုန်ပိုင်းမှာ ဖိုရမ် ဆွေးနွေးပွဲ တခုလုပ်ပြီး တောင်းဆိုမှုတွေ လုပ်ဆောင် သွားဖို့ လည်း ရှိတယ် လို့ ဦးလာတောင်က ပြောပါတယ်။

ဖါးကန့်မြို့နယ် ပြည်နယ် လွှတ်တော်အမတ် ဦးဒါဆီလာဆိုင်း ကတော့ အစိုးရသစ် လက်ထက် မှာ ဒီကိစ္စတွေကို ပွင့်လင်း မြင်သာမှုရှိအောင်၊ စနစ်တကျဖြစ်အောင် လုပ်ဆောင် သွားဖို့ ရှိတယ်လို့ ဘီဘီစီကို ပြောပါတယ်။

BBC
http://www.bbc.com/burmese/burma/2016/03/160307_kachin_jade

al-Shabaab စစ်သင်တန်း စခန်း ကို လေကြောင်းက ပစ်ခတ် ခဲ့

ဆိုမာလီက al-Shabaab စစ်သွေးကြွ အုပ်စုကို လေကြောင်း တိုက်ခိုက်မှုကြီး တခု လုပ်ခဲ့တယ် လို့ အမေရိကန် စစ်ဌာနချုပ်က ပြောကြား ပါတယ်။

စနေနေ့က al-Shabaab အဖွဲ့ရဲ့ စစ်သင်တန်း စခန်း တခုကို လေကြောင်းက ပစ်ခတ် ခဲ့ရာမှာ ခန့်မှန်းခြေ လူ ၁၅ဝ ကျော် သေဆုံးတယ် လို့ ပင်တာ ဂွန် စစ်ဌာနချုပ်က ပြောပါတယ်။

မိုဂါဒစ်ရှူး မြို့တော် မြောက်ဘက် မိုင် တရာ ကျော် ဝေးတဲ့ ဒေသမှာ လေယာဉ်နဲ့ မောင်းသူမဲ့ ဒရုန်း လေယာဉ်တွေ သုံးပြီး တိုက်ခိုက် ခဲ့တာ လို့ ဆိုပါတယ်။

ဒီချိန်မှာ သူပုန် တပ်သား တွေက တိုက်ခိုက်မှု တခု လုပ်ဖို့ စခန်းကို ခွာဖို့ ပြင်နေတယ်လို့ ထောက်လှမ်းရေး သတင်း ရရှိ ကြောင်း အမေရိကန် စစ်ဘက်က ပြောပါတယ်။

al-Shabaab သူပုန် တွေ ဘက်က ဘာမှ တုံ့ပြန်မှု မရှိသေးသလို တိုက်ခိုက်မှု အတွက် သီးခြား အတည်ပြုချက် ရယူ နိုင်ခြင်း မရှိသေးပါဘူး။
BBC
http://www.bbc.com/burmese/world/2016/03/160307_al-shabaab_us_attack


တအာင်း အမျိုးသား လွတ်မြောက်ရေး တပ်မတော် TNLA နဲ့ အစိုးရ တပ်မတော်တို့ ရှမ်းပြည် မြောက်ပိုင်းမှာ တိုက်ပွဲတွေ ဆက်တိုက် ဖြစ်နေရာ၊ တနင်္လာနေ့ မှာတော့ အစိုးရ ဘက်က လေယာဉ်နဲ့ တိုက်တယ် လို့ TNLA ဘက်က ပြောပါတယ်။

ကျောက်မဲ မြို့နယ် ထဲမှာ အစိုးရ တပ်ဘက်က လေကြောင်း ကနေ တိုက်နေ တာ ဖြစ်ကြောင်း TNLA ပြောခွင့်ရ ဗိုလ်မှူး မိုင်အိုက်ကျော် က ပြောပါတယ်။

လေယာဉ် ၂ စီး ၃ စီး လောက်တွေ့ရ ကြောင်း ကျောက်မဲ မြို့မိ မြို့ဖ တဦး ဖြစ်တဲ့ ဦးသန်းမောင် ကလည်း ဘီဘီစီကို ပြောပါတယ်။

နမ့်ဆန်၊ မန်တုံ နဲ့ ကွတ်ခိုင် မြို့နယ်တွေ ထဲမှာလည်း တိုက်ပွဲတွေ ဖြစ်ပွား နေကာ၊ အစိုးရ တပ်မတော် ဘက်က မတ်လဆန်း ပိုင်း ကတည်းက ထိုးစစ်တွေ ဆင်ပြီး တိုက်လာတဲ့ အတွက် တိုက်ပွဲတွေ ခပ်စိတ်စိတ် ဖြစ်နေ တာလို့ ဆိုပါတယ်။

ဖေဖေါ်ဝါရီလ ကုန်ပိုင်း ကတည်းက RCSS/SSA ရှမ်းတောင်တပ်နဲ့ တိုက်ပွဲ မဖြစ်တော့ဘဲ မတ်လဆန်း ကတည်းက တပ်မတော်နဲ့ နေ့စဉ် တိုက်ပွဲ ဖြစ်နေ တယ်လို့ ဗိုလ်မှူး မိုင်အိုက်ကျော်က ပြောပါတယ်။

RCSS/SSA တိုက်ပွဲ မဖြစ် တော့တာကြောင့် ကျောက်မဲမြို့ပေါ်မှာ ခိုလှုံနေတဲ့ စစ်ရှောင် ပြည်သူ ၅ ထောင် လောက်ထဲက ၂ ထောင် လောက်ပဲ ကျန်တော့ တယ်လို့ သိရ ပါတယ်။

ခုရက်ပိုင်း ရှမ်းပြည် မြောက်ပိုင်းကို အစိုးရ စစ်ကား တန်းတွေ အမြဲလို သွားနေပြီး၊ တပ်မ ၆ ခုရဲ့ တပ်ရင်း တွေက စစ် အင်အား ၄ ထောင်ကျော် ရောက်ရှိ နေတယ်လို့ တိုင်းရင်းသား လက်နက်ကိုင် အင်အားစု တွေက ပြောကြပါတယ်။

BBC Burmese
http://www.bbc.com/burmese

မဲဆောက်မြို့မှာ ဖမ်းမိတဲ့ စစ်သုံးလက်နက်များ
ထိုင်းနိုင်ငံ မဲဆောက်မြို့မှာ မတ်လ ၅ ရက် ပြီးခဲ့တဲ့ စနေနေ့က စစ်သုံးလက်နက် အမြောက် အမြား သိမ်းဆည်း ရမိခဲ့ ပါတယ်။

မဲဆောက်မြို့အဝင် ဟွေ့ဟင်းဖွန် စစ်ဆေးရေး ဂိတ်မှာ အစစ်ဆေး မခံဘဲ မောင်းပြေးသွားတဲ့ ထိုင်းနိုင်ငံ အတွင်းပိုင်းက လာတဲ့ ကားကို နောက်ပိုင်းမှာ တွေ့ရှိခဲ့ရာမှာ စစ်သုံး လက်နက်နဲ့ ခဲယမ်း တွေကို ဖမ်းဆီးရမိ တာလို့ မဲဆောက်မြို့ပိုင်ရုံး လုံခြုံရေး အရာရှိ က ပြောပါတယ်။

မောင်းပြေးသွားတဲ့ အဲဒီကားကို မဲဆောက်မြို့နယ် ခမ်းဖိဗန် ရွာက ရဲအရာခံဗိုလ်ဟောင်း နိုင်ဆေ့ဆန် ကွန့်ကဲယောက်ရဲ့ အိမ်ဝင်းထဲမှာ တွေ့ရှိခဲ့တာ ဖြစ်ပါတယ်။

တာခ်ခရိုင် ရဲအရာခံဗိုလ်ဟောင်း ဖြစ်သူ နိုင်ဆေ့ဆန် ကွန့်ကဲယောက်ဟာ မူးယစ်ဆေးဝါးအမှုနဲ့ ထောင်ကျခဲ့ဖူးသူ ဖြစ်ပြီး မကြာခင်ကမှ ထောင်ကလွတ်လာသူဖြစ်ပါတယ်။

အခု သူ့ကိုမဲဆောက်ခရိုင်တရားရုံးက တရားခံပြေးအဖြစ် ဖမ်းဝရမ်းထုတ်ထား ပါတယ်။

အခု ဖမ်းမိတဲ့ လက်နက်တွေ ထဲမှာ M 16 မောင်းပြန် ရိုင်ဖယ် ၁၀ လက်နဲ့ ကျည်တောင့် ၃ ထောင်၊ AK သေနတ် ၁ လက် ၊ M ၇၉ ကျည် ၁၁ လုံး ၊ M 16 ကျည် ၁၁ ဘူး ၊ AK ကျည် ၁ ဘူး ၊ စက်သေနတ်ကျည် တတွဲ၊ ပွိုင့် 7.62 ကျည်၊ ပွိုင့် 6.56 ကျည်တွေပါတာကြောင့် စာရင်းနဲ့ မှာယူတဲ့ လက်နက် တွေလို့ ယူဆနေကြပါတယ်။

ထိုင်း မြန်မာနယ်စပ်မှာ စစ်သုံးလက်နက်တွေကို မကြာခဏ ဖမ်းဆီးရမိတာ ဖြစ်ပြီး လက်နက်မှောင်ခိုဂိုဏ်းတွေက မြန်မာနိုင်ငံအတွင်း စစ်ဖြစ်နေတဲ့ ဒေသတွေဆီကို တင်ပို့နေတာ ဖြစ်နိုင်တယ်လို့ ထိုင်းနယ်စပ်ဖြတ် ကျော်မှုခင်း အရာရှိတွေက ယူဆ နေကြပါတယ်။

ဒီစစ်သုံးလက်နက် တွေဟာ အာရှနိုင်ငံ တစ်ခုရဲ့ မှောင်ခိုဈေးကွက် ကနေ ဝင်လာတာ ဖြစ်နိုင်ပြီး လက်နက်မှောင်ခိုဂိုဏ်းနဲ့ မူးယစ်ဆေးဝါးမှောင်ခိုဂိုဏ်းတွေ အပြန်အလှန်ဆက်စပ် နေနိုင်တယ်လို့လည်း ထိုင်းအာဏာပိုင်တွေက သုံးသပ်နေကြ ပါတယ်။

BBC Burmese
http://www.bbc.com/burmese


မတ်လ - ၇ -၂၀၁၆

မြန်မာနိုင်ငံဘက် တင်ပို့မည့် စစ်သုံးလက်နက်ခဲယမ်း အမြောက်အမြားကို စနေနေ့က မဲဆောက်မြို့တွင် ထိုင်းအာဏာပိုင်များက ဖမ်းဆီးရမိခဲ့ပြီး ပစ္စည်း ပိုင်ရှင်ဖြစ်သည့် ထိုင်းရဲအရာခံဗိုလ်မှာ ထွက်ပြေးတိမ်းရှောင်လျက်ရှိသည်။

စနေနေ့မွန်းလွဲပိုင်းက မဲဆောက်မြို့အဝင် ဟွေ့ဟင်ဖွန် စစ်ဆေးရေးဂိတ်တွင် တာ့က်ခရိုင်ဘက်မှလာသည့် ကားတစီးကို စစ်ဆေးရန် ရပ်တန့်ခိုင်းရာ ကားမရပ်ဘဲ မောင်းပြေးသွားသဖြင့် အာဏာပိုင်များမှ လိုက်လံဖမ်းဆီးရာ အဆိုပါကားကို မဲဆောက်မြို့ ကမ်းဖိဘန်းရပ်ကွက်တွင် ဖမ်းဆီးရမိခဲ့ခြင်း ဖြစ်သည်။


အဆိုပါကားပေါ်တွင် အမ်-၁၆ (၁၀) လက်နှင့် ၎င်းကျည် ၂၀၀၀ တောင့်၊ အေကေ ဒင်ခေါက် ၇ လက်၊ အမ်-၆၀ ကျည် ၁၀၀၀ ပါ ခါးပတ်တွဲ၊ အမ်-၇၉ ကျည် ၉ လုံး၊ အမ်-၂ စက်လတ်ကျည် ၁၀၅၀ တောင့်တို့ကို သိမ်းဆည်းရမိခဲ့ပါသည်။

စစ်ဆေးချက်များအရ အဆိုပါယာဉ်ပိုင်ရှင်မှာ လွန်ခဲ့သည့်နှစ်လခန့်က ရာဇဝတ်မှုတခုဖြင့် ထုတ်ပယ်ခံထားရသည့် ရဲအရာခံ ဗိုလ် နိုင်စေ့စန် ကွေ့ကယောက်ဖြစ်ပြီး အာဏာပိုင်များက ၎င်းအား လိုက်လံဖမ်းဆီးလျက်ရှိသည်။

မဲဆောက်ရှိ အဆိုပါ ရဲအရာခံဗိုလ်၏အိမ်သို့ ထိုင်းအာဏာပိုင်များမှ သွားရောက်စစ်ဆေးခဲ့သော်လည်း ထူးခြားမှုမရှိ့ကြောင်း သိရသည်။

ထိုင်း-မြန်မာနယ်စပ်အရေးလေ့လာသူများ၏ အဆိုအရ အဆိုပါစစ်သုံး လက်နက်ခဲယမ်းများကို မြန်မာဘက်ရှိ လူမျိုးစုလက်နက်ကိုင် အဖွဲ့များထံသို့ ပေးပို့မည့်ပစ္စည်းများဟု ယူဆကြောင်း သုံးသပ်ပြောဆိုသည်။

(ပုံစာ - သိမ်းဆည်းရမိခဲ့သည့် စစ်လက်နက်ပစ္စည်းများ)
သတင်းနှင့်ဓာတ်ပုံ - ကရင်အမျိုးသား မီဒီယာ

၄၀ ဦးမြောက် အမေရိကန်သမ္မတ ရော်နာ(လ်) ရေဂင် (အသက် ၇၄ နှစ်)
နှင့်သမ္မတကတော် နန်စီရေဂင် (အသက် ၆၄ နှစ်)
.အိမ်ဖြူတော်တွင် ရိုက်ကူးခဲ့သည့် ဓာတ်ပုံ (၁၉၈၅ ခုနှစ်)

🍂🍂🍂🍂🍂ⓇⒾⓅ ... Mrs Nancy Reagan ...🍂🍂🍂🍂🍂🍂🍂🍂🍂
အသက် ၉၀ အရွယ် နန်စီရေဂင် (၂၀၁၂ ခုနှစ်)

၁၉၈၁ ခုနှစ်မှ ၁၉၈၉ ခုနှစ်အထိ ၄၀ ဦးမြောက် အမေရိကန်သမ္မတ အဖြစ် တာဝန်ထမ်းဆောင်ခဲ့သော ကွယ်လွန်သူ ရော်နာ(လ်) ရေဂင် (၁၉၁၁ - ၂၀ဝ၄) ၏ ကတော် နန်စီရေဂင် ကွယ်လွန်သွားပြီဟု ရေဂင်စာကြည့်တိုက် ပြောရေးဆိုခွင့်ရှိသူ အမျိုးသမီးက ပြောဆိုလိုက်သည်။
.
ကွယ်လွန်ချိန်တွင် နန်စီရေဂင် သည် အသက် ၉၄ နှစ် ရှိပြီဖြစ်သည်။

နန်စီရေဂင် သေဆုံးခြင်းအကြောင်းရင်းမှာ နှလုံးရောဂါကြောင့် ဖြစ်သည်ဟု နန်စီရေဂင် ၏ ကိုယ်စားလှယ် ဂျိုအင်းနား ဒရိတ်ခ် (Joanne Drake) က ပြောသည်။
.
မစ္စက် ရေဂင် ကို ကယ်လီဖောနီးယားပြည်နယ်၊ စီမီတောင်ကြားရှိ `ရော်နယ်ရေဂင် သမ္မတစာကြည့်တိုက်´ တွင် ၂၀ဝ၄ ခုနှစ်၊ ဇွန်လတွင် ကွယ်လွန်ခဲ့သည့် သူမ၏ ခင်ပွန်း ရော်နယ်ရေဂင် နှင့် ကပ်လျက် မြှုပ်နှံမည်ဟု ဂျိုအင်းနား ဒရိတ်ခ် က ထုတ်ပြန်ချက်တွင် ဖော်ပြထားသည်။
.
" `ရော်နယ်ရေဂင် သမ္မတစာကြည့်တိုက်´ တွင် မစ္စက် ရေဂင် ဈာပနအခမ်းအနား မကျင်းပမီ အများပြည်သုကို ဂါရဝပြုခွင့်ပေးမည် ဖြစ်ပါသည်" ဟုလည်း ဂျိုအင်းနား ဒရိတ်ခ် ၏ ထုတ်ပြန်ချက်တွင် ဖော်ပြထားသည်။

"အရမ်း ကြေကွဲရတဲ့ နေ့ပါပဲဗျာ"
.
ဟု ရော်နာ(လ်) ရေဂင် ၀န်ထမ်းအကြီးအကဲ ကဲနစ်(သ်) ဒူးဘာစတိုင်း (Kenneth Duberstein) က NBC သတင်းဌာနကို ပြောကြားသည်။

သူမ ကွယ်လွန်သည့်အခါ သူမအတွက် လွမ်းသူ့ပန်းခြင်းများ ယူဆောင်လာကြမည့်အစား ထိုလွမ်းသူ့ပန်းခြင်းများအတွက် ကုန်ကျငွေများကို `ရော်နာ(လ်) ရေဂင် သမ္မတစာကြည့်တိုက်နှင့် အဖွဲ့အစည်း´ အတွက် အလှူငွေ ထည့်ဝင်ကြရန် မစ္စက် ရေဂင် က မေတ္တာရပ်ခံခဲ့သည်ဟု နန်စီရေဂင် ၏ ကိုယ်စားလှယ် ဂျိုးအင်းနား ဒရိတ်ခ် က ဆိုသည်။

နန်စီရေဂင်ကို ၁၉၂၁ ခုနှစ်၊ ဇူလိုင်လ ၆ ရက်တွင် နယူးယောက်မြို့၌ မွေးဖွားခဲ့သည်။ နန်စီ မွေးပြီး မကြာမီ သူမ၏ ဖခင်နှင့် မိခင် လမ်းခွဲခဲ့ကြသည်။
.
နန်စီ အသက် ၆ နှစ်အရွယ်တွင် ဇာတ်မင်းသမီး ဖြစ်သော သူမ၏ မိခင် အီးဒစ်သ် (Edith) သည် ရှီကာဂိုမြို့ အခြေစိုက် နာမည်ကျော် ဦးနှောက်နှင့်အာရုံကြော ခွဲစိတ်ဆရာဝန် ဒေါက်တာ လွိုင်းယာလ် ဒေးဗစ်(စ်) (Dr Loyal Davis) ကို လက်ထပ်ခဲ့သည်။
.
ဒေါက်တာ လွိုင်းယာလ် ဒေးဗစ်(စ်) က နန်စီကို သမီးအဖြစ် မွေးစားခဲ့သဖြင့် နန်စီသည် ရှီကာဂိုမြို့တွင် အရွယ်ရောက်ခဲ့သည်။
.
နောက်ပိုင်းတွင် နန်စီသည် မက်ဆာချုးဆက်ပြည်နယ်ရှိ စမစ်သ် ကောလိပ် (Smith College) တွင် ဇာတ်သဘင်ပညာကို အထူးပြု သင်ယူခဲ့သည်။
.
၁၉၅၀ ကျော် စောစောပိုင်းနှစ်များတွင် ရော်နာ(လ်) ရေဂင် ကို စတွေ့သည့်အခါတွင် နန်စီသည် ရုပ်ရှင်မင်းသမီး ဖြစ်သည်။
.
ထိုအချိန်က ရော်နာ(လ်) ရေဂင် မှာလည်း ရုပ်ရှင်မင်းသား ဖြစ်ပြီး ရုပ်ရှင်အစည်းအရုံး ဥက္ကဋ္ဌလည်း ဖြစ်သည်ဟု `အိမ်ဖြူတော် အတ္ထုပ္ပတ္တိ´ က ဆိုသည်။
.
Hellcats of the Navy´ ရုပ်ရှင် (၁၉၅၇ ခုနှစ်) ကြော်ငြာ
.
ထိုရုပ်ရှင်ကားသည် နန်စီရေဂင် ရုပ်ရှင်မင်းသမီးအဖြစ် ပါဝင်သရုပ်ဆောင်သော ဒုတိယနောက်ဆုံးကား ဖြစ်သည်။
.
ထို့အပြင် `Hellcats of the Navy´ ရုပ်ရှင်သည် ရုပ်ရှင်မင်းသား ရော်နာ(လ်) ရေဂင် နှင့် ရုပ်ရှင်မင်းသမီး နန်စီရေဂင် [အနုပညာအမည် နန်စီဒေးဗစ်(စ်) (Nany Davis) ] အတူတကွ သရုပ်ဆောင်ခဲ့သည့် တစ်ခုတည်းသော ရုပ်ရှင်လည်း ဖြစ်သည်။
.
ထိုရုပ်ရှင်ကားကို ရော်နာ(လ်) ရေဂင် အသက် ၄၆ နှစ်၊ နန်စီရေဂင် အသက် ၃၆ နှစ် အရွယ်တွင် ရိုက်ကူးခဲ့ခြင်း ဖြစ်သည်။


နန်စီ၏ အမည်ကို `ကွန်မြူနစ်အားပေးသူများအဖြစ် သံသယရှိသူများစာရင်း´ ထဲတွင် မှားယွင်းကာ ထည့်သွင်းထားခြင်းကြောင့် နန်စီက ရော်နာ(လ်) ရေဂင်နှင့် စကားပြောခဲ့ရခြင်း ဖြစ်သည်။
.
နန်စီနှင့် ရော်နာ(လ်) ရေဂင် သည် ညစာအတူစားကာ ထိုကိစ္စကို ဆွေးနွေးခဲ့ကြသည်။
.
"ရော်နာ(လ်) မှာ ကျွန်မ လိုချင်တာအားလုံး ရှိတယ်" ဆိုသည်ကို ပထမဆုံး စတွေ့သည့် ညစာစားစဉ်တွင် သိရှိခဲ့ကြောင်း နန်စီက နောင်တွင် ရေးသားခဲ့သည်။
.

နန်စီ နှင့် ရော်နာ(လ်) ရေဂင် တို့သည် ၁၉၅၂ ခုနှစ်၊ မတ်လ ၄ ရက်တွင် လက်ထပ်ခဲ့ကြသည်။
.
ထိုနှစ်၊ အောက်တိုဘာလတွင် သမီးဖြစ်သူ ဖက်တီ (Patti) ကို မွေးဖွားခဲ့သည်။ သားဖြစ်သူ ရွန် (Ron) ကို ၁၉၅၈ ခုနှစ်တွင် မွေးဖွားခဲ့သည်။
.
နန်စီနှင့် လက်ထပ်ချိန်တွင် ရော်နာ(လ်) ရေဂင် တွင် သူ၏ ဇနီးဟောင်း ရုပ်ရှင်မင်းသမီး ဂျိန်း ၀ိုင်းမင် (Jane Wyman) နှင့် ရသည့် သမီး မော်ရင်း (Maureen) နှင့် မွေးစားသား မိုင်ကာလ် (Michael) ရှိနေပြီး ဖြစ်သည်။
.
နန်စီ နှင့် ရော်နာ(လ်) ရေဂင် တို့၏ အိမ်ထောင်သက်မှာ ၅၂ နှစ် ကြာခဲ့သည်။
.
ရော်နာ(လ်) ရေဂင် ကွယ်လွန်သည့် ၂၀ဝ၄ ခုနှစ်၊ ဇွန်လ ၅ ရက်တွင် အဆုံးသတ်သွားခြင်း ဖြစ်သည်။
.
ရော်နာ(လ်) ရေဂင် ကယ်လီဖောနီးယားပြည်နယ် အုပ်ချုပ်ရေးမှူး အဖြစ် လုပ်ကိုင်ခဲ့သည့် ၁၉၆၇ ခုနှစ်မှ ၁၉၇၅ ခုနှစ်အတွင်းတွင် နန်စီရေဂင်သည် ကုသိုလ်ဖြစ်အဖွဲ့အစည်း အများအပြားနှင့်အတူ လုပ်ကိုင်ဆောင်ရွက်ခဲ့သည်။
.
စစ်ပြန်များ၊ သက်ကြီးရွယ်အိုများနှင့် စိတ်ပိုင်း၊ ရုပ်ပိုင်း မသန်စွမ်းသူများထံ သွားရောက်ကာ နာရီပေါင်းများစွာ အားပေးခဲ့သည်။
.
"နိုင်ငံရေးနဲ့ ယှဉ်ကြည့်မယ်ဆိုရင် ရုပ်ရှင်တွေက ကြက်ဥနို့ပေါင်း ပါပဲ"
.ဟု မစ္စက် ရေဂင် က တစ်ခါက ပြောကြားခဲ့သည်။
.
.ရော်နာ(လ်) ရေဂင် အမေရိကန်သမ္မတ ဖြစ်လာသည့်အခါ သမ္မတကတော် နန်စီရေဂင်သည် ကုသိုလ်ဖြစ်အဖွဲ့အစည်းများတွင် စိတ်အားထက်သန်စွာ ဆက်လက် လုပ်ကိုင်ခဲ့သည်။
.
နန်စီရေဂင် ပါဝင်ဆောင်ရွက်ခဲ့သော ကုသိုလ်ဖြစ်လုပ်ငန်းများအနက် လူငယ်များ မူးယစ်ဆေးဝါး သုံးစွဲမှု ကို တိုက်ဖျက်သည့် အစီအစဉ် ဖြစ်သော `Just Say No´ အစီအစဉ်ကြောင့် နန်စီရေဂင် ကို လူသိအများဆုံး ဖြစ်လာခဲ့သည်။
..
၁၉၈၁ ခုနှစ်တွင် ရော်နာ(လ်) ရေဂင် သေနတ်ဖြင့် ပစ်ခတ်ခံရသည့်အခါ နန်စီရေဂင်သည် ရော်နာ(လ်) ရေဂင် ဘေးသို့ ချက်ချင်း ကသောကမျော အပြေးအလွှား သွားရောက်ခဲ့သည်။
.
နောင်တွင် ရော်နာ(လ်) ရေဂင် အဲ့လ်စ်ဟိုင်းမားရောဂါ (Alzheimer's disease) နှင့် ဆယ်စုနှစ်တစ်ခုနီးပါးကြာအောင် စစ်ခင်းနေချိန်တွင်လည်း နန်စီရေဂင်သည် ကြံ့ကြံ့ခံကာ အတူ ရင်ဆိုင်ခဲ့သည်။
.
အဲ့လ်စ်ဟိုင်းမားရောဂါအတွက် ကုထုံးကို ရှာဖွေရန် နည်းလမ်းတစ်ခုအဖြစ် စတင်း(မ်)ဆဲလ် (stem cell) သုတေသန လုပ်ငန်းကို ထောက်ခံရန်အတွက် နန်စီရေဂင်သည် သူမ၏ ရဲဘော်ရဲဘက်များ ဖြစ်သော ရီပတ်ဘလီကန် ပါတီဝင်များနှင့် မကြာသေးမီနှစ်များက လမ်းခွဲခဲ့သည်။
.
၁၉၉၄ ခုနှစ်တွင် ရော်နာ(လ်) ရေဂင် က အများပြည်သူကို သူ၏ အဲ့လ်စ်ဟိုင်းမားရောဂါကို အသိပေးရာတွင် ယခုကဲ့သို့ ရေးသားခဲ့သည်။
.
"ဒီ နာကျင်ခံစားရတဲ့ အတွေ့အကြုံကို နန်စီ ကို အသိမပေးဘဲ ဖုံးထားလို့ ရမယ့် နည်းလမ်းကိုပဲ ကျွန်တော် တောင့်တမိတယ်ဗျာ"
.ဟု ရော်နာ(လ်) ရေဂင် က ရေးသားခဲ့သည်။
.
၁၀ နှစ်အကြာ ၂၀ဝ၄ ခုနှစ်၊ ဇွန်လတွင် ဝါရှင်တန် ဒီစီ ရှိ ခက်ပီတာလ် (The Capitol) အဆောက်အဦးတွင် ရော်နာ(လ်) ရေဂင် ၏ ရုပ်ကလပ် လဲလျောင်းနေစဉ် နန်စီရေဂင်က အမေရိကန်အလံဖြင့် လွှမ်းခြုံထားသည့် အခေါင်းကို ကြင်ကြင်နာနာ ထွေးပိုက်ပြီး ငြင်ငြင်သာသာ နမ်းရှုပ်ခဲ့သည်။
.
.နန်စီရေဂင် နဲ့ ရော်နာ(လ်) ရေဂင် ဟာ အမေရိကန်သမ္မတတွေရဲ့ အကြီးမြတ်ဆုံး အချစ်ဇာတ်လမ်းတွေထဲမှာ တစ်ခု အပါအဝင်ပေါ့ဗျာ"
.ဟု ရော်နာ(လ်) ရေဂင် အတ္ထုပ္ပတ္တိ ရေးသားသူ နှင့် သမ္မတသမိုင်းဆရာ ခရေး(ဂ်) ရှားလီ (Craig Shirley) က ဆိုသည်။
.
"၁၉၈၀ ခုနှစ် အမေရိကန်သမ္မတရွေးကောက်ပွဲ အောင်နိုင်ရေး စည်းရုံးကာလမှာတုန်းက ရော်နာ(လ်) ရေဂင် က လက်ရှိသမ္မတ ဂျင်မီကာတာကို အနိုင်ရပြီး အမေရိကန်သမ္မတ ဖြစ်လာရင် နန်စီရေဂင် အနေနဲ့ လူအား၊ အချိန်အား နှစ်မြှုပ်ပြီး အထူး အရေးပေး လုပ်ဆောင်မယ့် လုပ်ငန်း ရှိလာမှာလားလို့ ရော်နာ(လ်) ရေဂင် ကို မေးကြပါတယ်။
.
အဲဒီမေးခွန်းကို ရော်နာ(လ်) ရေဂင် က `နန်စီက ဘဝကို မြှုပ်နှံပြီး အများဆုံးလုပ်မယ့် အထူးလုပ်ငန်းက ကျွန်တော်ပေါ့ဗျာ´ လို့ ဟာသနှောပြီး ပြန်ဖြေခဲ့တယ်ဗျ"
.
ဟု ခရေး(ဂ်) ရှားလီ က ပြောကြားသည်။

ELISHA FIELDSTADT နှင့် HASANI GITTENS ရေးသားသည်။
.
Published on 6-3-16 by NBC News.

By courtesy of လူလိုလူ လူလိုလူ .

[youtube src="LRM4P7fUM10"/]
ဒီမိုကရေစီ ကျောင်းသားသပိတ်ကို ထောက်ခံတဲ့ ဆန္ဒပြပွဲ ပြုလုပ်ခဲ့တာကြောင့် ပုဒ်မ ၁၈ နဲ့ တရားစွဲဆိုခံထားရတဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်းနဲ့ အမှုတွဲ နှစ်ယောက်တို့ကို မတ်လ ၇ ရက်နေ့က မရမ်းကုန်းတရားရုံးမှာ ရုံးထုတ်စစ်ဆေးခဲ့ပါတယ်။
Kamayut Media

[youtube src="W6P-NEr8jbI"/]

ထားဝယ်ဖွံ့ဖြိုးရေးအဖွဲ့ (DDA) က စီစဉ်ပြီး ထားဝယ်အထူးစီးပွားရေးဇုန်စီမံကိန်းနဲ့ သက်ဆိုင်တဲ့ သုတေသန အစီရင်ခံစာထုတ်ပြန်ခြင်းနဲ့ လူထုဆွေးနွေးပွဲကို မတ်လ ၇ ရက်နေ့က Summit Parkview Hotel မှာ ကျင်းပခဲ့ပါတယ်။
Kamayut Media

[youtube src="jlf4GvoTrec"/]
ဒီမိုကရေစီ ပညာရေးအတွက် မြို့တော်ခန်းမရှေ့ကနေ ဗိုလ်စိန်မှန်အားကစားကွင်းအထိ ဗကသ ဗဟိုကော်မတီဝင်တွေ လမ်းလျှေက်ဆန္ဒပြခဲ့ကြလို့ ပုဒ်မ ၁၈ နဲ့ တရားစွဲဆိုခံထားရတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဥက္ကဌ ကိုကျော်ကိုကို ကို မတ်လ ၇ ရက်နေ့က တာမွေတရားရုံးမှာ ရုံးထုတ်ခဲ့ပါတယ်။
Kamayut Media



နေပြည်တော်၊ မတ် ၇

တပ်မတော်လေယာဉ်များ အုပ်စုဖွဲ့ပျံသန်းလေ့ကျင့်ခန်းဆောင်ရွက်ရန်အတွက် လေယာဉ်များကို တောင်ငူလေတပ်စခန်းဌာနချုပ်မှ နေပြည်တော်သို့ ပြောင်းရွှေ့ရာ ယနေ့နံနက် ၁၁ နာရီ ၅၄မိနစ်ခန့်တွင် တပ်မတော်လေယာဉ်တစ်စီးသည် နေပြည်တော်အပြည်ပြည်ဆိုင်ရာလေဆိပ် လေယာဉ်ပြေးလမ်းသို့ တောင်ဘက်မှ မြောက်ဘက်အတိုင်းဆင်းသက်စဉ် စက်မှုဆိုင်ရာချို့ယွင်းမှုကြောင့် အရှိန်ထိန်းလေထီးကြိုး ပြုတ်ထွက်ခဲ့ပြီး လေယာဉ်ပြေးလမ်း၏ မြောက်ဘက်ထိပ်မှ ပေ ၃၃၀ ခန့် ကျော်ထွက်၍ ပြေးလမ်းမီးတိုင် ၃ တိုင်အား တိုက်မိရပ်တန့်ခဲ့သည်။

လေယာဉ်ပြေးလမ်းအရှိန်လွန်မှုကြောင့် လေသူရဲထိခိုက်ဒဏ်ရာ ရရှိမှု မရှိဘဲ လေယာဉ်၏ဘီးများ ပျက်စီးခဲ့ကာ ဆီတိုင်ကီနှင့် လေယာဉ်ဦးပိုင်းတို့ ပျက်စီးခဲ့ကြောင်းသတင်းရရှိသည်။

တပ်မတော်ကာကွယ်ရေးဦးစီးချုပ်ရုံး


ရန်ကုန်၊ မတ် ၇ ။ ။ အစိုးရသစ်လက်ထက်တွင် ထားဝယ်အထူးစီးပွားရေးဇုန်စီမံကိန်းအား ပြန်လည်စစ်ဆေးသုံးသပ် သင့်ကြောင်း ဒေသခံများနှင့် ထားဝယ်လူမှုအဖွဲ့အစည်းများက တိုက်တွန်းပြောကြားလိုက်သည်။

မတ်လ ၇ ရက်နေ့က ရန်ကုန်မြို့ အလုံလမ်းရှိ Summit Park View Hotel တွင် ပြုလုပ်သည့် ထားဝယ် အထူးစီးပွားရေးဇုန်စီမံကိန်းနှင့် သက်ဆိုင်သော သုတေသနအစီရင်ခံစာထုတ်ပြန်ခြင်းနှင့် လူထုဆွေးနွေးပွဲတွင် ယခု ကဲ့သို့ ပြောကြားခဲ့ကြခြင်း ဖြစ်သည်။

" ကိုယ့်နိုင်ငံနဲ့ နိုင်ငံသားတွေ နစ်နာဆုံးရှုံးမှုမရှိအောင် ဘယ်လို ဖြေရှင်းဆောင်ရွက်မလည်းဆိုတာကို ပြန် ပြီး တော့ စဉ်းစားဖို့လိုပါလိမ့်မယ်။ ထားဝယ်နဲ့ ပတ်သက်ပြီးတော့ အရင်အစိုးရက ဘာတွေ သဘော တူခဲ့ပြီး တော့ ဘာတွေလုပ်ခဲ့ လည်းဆိုတာကို နောက်လာမယ့် အစိုးရက ပြန်ပြီးတော့ စစ်ဆေး သုံးသပ်ဖို့ လိုလိမ့် မယ်" ဟု ထားဝယ်ဖွံ့ဖြိုးရေးအဖွဲ့ ညှိနှိုင်းရေးမှူး ကိုသန့်ဇင်က ပြောသည်။

ထားဝယ်အထူးစီးပွားရေးဇုန်ကို ၂၀၀၈ခုနှစ်က ထိုင်းနိုင်ငံ အီတာလျှံထိုင်းကုမ္ပဏီနှင့် မြန်မာအစိုးရ တို့ကြား နားလည်မှု စာချွန်လွှာလက်မှတ်ရေးထိုးကာ စတင်အကောင်ထည်ဖော်ခဲ့သည့် အထူးစီးပွားရေးဇုန် စီမံကိန်ကိန်း ဖြစ်ပြီး အီတာလျှံထိုင်းကုမ္ပဏီအနေဖြင့် လုပ်ငန်းဆောင်ရွက်မှု နှောင့်နှေးကြန့်ကြာမှုများကြောင့် ရပ်နားထားခြင်း ဖြစ်ကာ ၂၀၁၅ခုနှစ်တွင် ပြန်လည်စတင်ခဲ့ခြင်း ဖြစ်သည်။

အဆိုပါ ထားဝယ်အထူးစီးပွားရေးဇုန်စီမံကိန်း စတင်အကောင်အထည်ဖော်သည့်အချိန်မှစ၍ လက်ရှိအချိန်ထိ မြေယာသိမ်းဆည်းမှုများ၊ လျှော်ကြေးငွေ ကိစ္စများနှင့် အခြားသော လူမှုရေး ပြဿနားရှိခဲ့ပြီး လက်ရှိတွင် ထိုင်း၊ ဂျပန်နှင့် မြန်မာ သုံးနိုင်ငံအစိုးရတို့ကြား သဘောတူညီမှုရယူကာ ဆက်လက် ဆောင်ရွက်နေခြင်းဖြစ်သည်။

" အရင်အစိုးရကိုတော့ ထားလိုက်ပါတော့။ စစ်အာဏာရှင်လက်ထက်က ဖြစ်ခဲ့တာဆိုတော့ လုပ်လို့လည်း မ ရဘူး ပြောလို့လည်းမရဘူး။ အခုက ပြည်သူလူထုကရွေးခြယ်ထားတဲ့ အစိုးရတစ်ရပ် ကနေပြီးတော့ ပြည်သူလူ ထုကို လေးစားသင့်တယ်။ ကောင်းကျိုးနဲ့ဆိုးကျိုး ဘယ်လောက်များ လည်းဆိုတာ သုံးသပ်ရမယ်။သုံးသပ်ပြီးတော့မှ ကောင်းကြိုးနည်းနေရင်တော့ မလုပ်သင့်ဘူး"ဟု ထားဝယ်အမျိုးသမီးသမဂ္ဂ အထွေထွေအတွင်းရေးမှူး မအေးအေးချို ကပြောသည်။

ထားဝယ်စီးပွားရေးဇုန်စီမံကိန်း တွင် စက်မှုဇုန်များ၊ ဆိပ်ကမ်း၊ အဝေးပြေးလမ်း၊ ရေကာတာ၊ ပြောင်းရွှေ့ နေရာ ချထား မည့် ဧရိယာများ ပါဝင်သောကြောင့် ကျေးရွာပေါင်း ၂၀ မှ ၃၆ ရွာခန့် ထိခိုက်မည်ဟု အရပ်ဖက်လူမှုအဖွဲ့အစည်းများက ခန့်မှန်းထားသည်။

ကနဦးအဆင့်တွင် ဆောက်လုပ်ရေးလုပ်ငန်းများ စတင်ရန် မျှော်မှန်းထားပြီး ၂၇ စတုရန်းကီလိုမီတာအထိ အကျယ်အဝန်း ရှိမည့် စက်မှုကုန်ထုတ်လုပ်မှု ရပ်ကွက်၊ ထားဝယ်အထူးစီးပွားရေးဇုန်နှင့် ထိုင်းနိုင်ငံအကြား နှစ်လမ်းသွားကားလမ်း၊ အလုပ် သမားများနေထိုင်ရေး၊ LNG ဓာတ်ငွေ့တင်ပို့ရေးဆိပ်ကမ်း၊ မြေပြင် တယ်လီဖုန်းဆက်သွယ်ရေး၊ လျှပ်စစ်ဓာတ်အားပေး စက်ရုံ၊ ဆိပ်ကမ်းငယ်နှင့် ရေလှောင်ဆည်တို့ ပါဝင်သည်ဟု ၂၀၁၅ နှစ်ဆန်းပိုင်း တတိယအကြိမ် အစည်းအဝေး ပူးတွဲ ထုတ်ပြန်ချက်၌ ပါရှိသည်။

အမေရိကန်ဒေါ်လာဘီလီယံ ၅၀ ခန့်မှန်းကုန်ကျမယ့် ထားဝယ်အထူးစီးပွားရေးဇုန် ပြန်စနိုင်ရန် မြန်မာ၊ ထိုင်း နှင့် ဂျပန်နိုင်ငံ တို့အကြား ကုန်သွယ်ရေးသဘောတူစာချုပ် လက်မှတ်ရေးထိုးထားခြင်း ဖြစ်သည်။
Mizzima - News in Burmese


တိုကျို၊ မတ် ၇ ။ ။ ဂျပန်ရေငုပ်သင်္ဘောတစ်စင်းသည် ၁၅နှစ်အတွင်း ပထမဆုံးအကြိ်မ်အဖြစ် ဖိလစ်ပိုင်သို့ သွားရောက်လည်ပတ်မည် ဖြစ်ပြီး ယင်းသို့သွားရောက်ရာတွင် စစ်သင်္ဘောနှစ်စင်းလည်း အတူလိုက်ပါမည်ဖြစ်သည်။ ထို့နောက် ၄င်းသင်္ဘောများသည် ဗီယက်နမ်သို့ သွားရောက်ဦးမည်ဖြစ်သည်။

ယင်းသို့သွားရောက်ခြင်းများမှာ တောင်တရုတ်ပင်လယ်တွင် ပေကျင်း၏ ရည်ရွယ်ချက်များကို ဆန့်ကျင်နေသော နိုင်ငံများအား ထောက်ခံကြောင်း ပြသလိုက်ခြင်းဖြစ်သည်ဟု ယင်းကိစ္စနှင့် ရင်းနှီးသော ပုဂ္ဂိုလ်တစ်ဦးက ပြောကြားခဲ့သည်။

လေ့ကျင့်ရေးအတွက် အသုံးပြုသော ဂျပန်ရေငုပ်သင်္ဘောနှင့် ဖျက်သင်္ဘောများသည် ဖိလစ်ပိုင်သို့ ဧပြီလတွင် ရောက်ရှိမည်ဖြစ်သည်။ အစောင့်သင်္ဘောများမှာ နောက်ပိုင်းတွင် တောင်တရုတ်ပင်လယ်ရှိ ဗီယက်နမ်၏ မဟာဗျူဟာမြောက် ကမ်ရန်ပင်လယ်အော်စစ်အခြေစိုက်စခန်းသို့ သွားရောက်မည်ဟု ၄င်းသတင်းရင်းမြစ်က ဆိုသည်။

"ဒါက သတင်းစကားပါးလိုက်တာပါ။ ဂျပန်အတွက်က သူ့ရဲ့ဖြန့်ကျက်မှုကို ပြဖို့က အရေးကြီးပါတယ်"ဟု့ အစီအစဉ်ကို သိရှိထားသည့် ပုဂ္ဂိုလ်က မတ်၇ တွင်ပြောကြားသည်။

မီဒီယာများကို ပြောခွင့်ပေးမထားသည့်အတွက် ယင်းပုဂ္ဂိုလ်က ၄င်း၏အမည်ကို မပြောကြားခဲ့ပေ။ ရေငုပ်သင်္ဘောသွားရောက်လည်ပတ်မှုနှင့် ပတ်သက်၍ ဂျပန်ကာကွယ်ရေးဝန်ကြီးဋ္ဌာနပြောခွင့်ရ အမျိုးသားကမူ သုံးသပ်ချက်ပေးရန် ငြင်းဆိုခဲ့သည်။

သို့သော်လည်း ရေတပ်၏ လေ့ကျင့်ရေးခရီးစဉ်များမှာ မတ်လနှင့် ဧပြီလတွင် ပြုလုပ်လေ့ရှိကြောင်း ပြောဆိုခဲ့သည်။ စီစဉ်နေဆဲအဆင့်သာ ရှိသေး၍ အသေးစိတ်မပြောနိုင်သေးဟု ၄င်းကဆိုသည်။ သွားရောက်မည့်ခရီးစဉ်အကြောင်း ဆန်ကေးသတင်းစာအပါအ၀င် ဂျပန်မီဒီယာများက မတ် ၆ တွင် ပထမဆုံးအစီရင်ခံခဲ့သည်။
Mizzima - News in Burmese

 နှစ်ပေါင်း ၉၉ သန်း သက်တမ်းရှိ တောက်တဲ့ ရုပ်ကြွင်း မြန်မာမှာတွေ့ရှိ (ဓါတ်ပုံ- Florida Museum of Natural History)
နှစ်ပေါင်း ၉၉ သန်း သက်တမ်းရှိ တောက်တဲ့ ရုပ်ကြွင်း မြန်မာမှာတွေ့ရှိ (ဓါတ်ပုံ- Florida Museum of Natural History)

နှစ်ပေါင်း ၉၉ သန်း သက်တမ်းရှိတဲ့ ပယင်းကျောက်ထဲက တောက်တဲ့ မျိုးနွယ်တကောင်ရဲ့ ကျောက်ဖြစ်ရုပ်ကြွင်းကို မြန်မာနိုင်ငံမှာ ရှာတွေ့ခဲ့တယ်လို့ အမေရိကန်ပြည်ထောင်စု ဖလော်ရီဒါပြည်နယ်အခြေစိုက် သိပ္ပံပညာရှင်တွေက ပြောဆိုလိုက်ပါတယ်။

ဒါဟာ အဲဒီအမျိုးအစားထဲမှာ သက်တမ်းအရင့်ဆုံး ကျောက်ဖြစ်ရုပ်ကြွင်းဖြစ်ပြီး တွားသွားသတ္တ၀ါတွေနဲ့ ပတ်သက်ပြီး ပျောက်ဆုံးနေတဲ့ ကွင်းဆက် ကိုလည်းတွေ့ခဲ့ပြီလို့ သုတေသီတွေက ပြောဆိုပါတယ်။နှစ်ပေါင်း ၇၅ သန်း သက်တမ်းရှိတဲ့ ကျောက်ဖြစ်ရုပ်ကြွင်းကို ဒီမတိုင်ခင်တုန်းက နောက်ဆုံး ရှာတွေ့ထားတာလို့ ဖလော်ရီဒါ သဘာဝ သမိုင်းပြတိုက်က သိပ္ပံပညာရှင်တွေကပြောပါတယ်။

လွန်ခဲ့တဲ့ ၁၀ စုနှစ်တွေအတွင်းတုန်းက ဒီကျောက်ဖြစ်ရုပ်ကြွင်းကို တခြားရှေးဟောင်းတွားသွားသတ္တ၀ါရုပ်ကြွင်းတွေနဲ့ အတူ မိုင်းလုပ်ငန်းခွင်တခုအတွင်းကနေ ရှာတွေ့ခဲ့တာပါ။ ဒါပေမယ့်လည်း သိပ္ပံပညာရှင်တွေဟာ အခုအချိန်ကြမှသာ အသေအချာဆုံးဖြတ်ချက်ချနိုင်ပါတယ်။ အခုတွေ့ရှိတဲ့ ကျောက်ဖြစ် ရုပ်ကြွင်းဟာ မွေးကင်းစ အရွယ်ဖြစ်ပြီး ပယင်းကျောက်အတွင်းမှာ ပိတ်မိနေခဲ့တယ်လို့လည်း သုတေသီတွေက ပြောပါတယ်။ ဒီကျောက်ဖြစ်ရုပ်ကြွင်းမှာ မျက်လုံးတစုံအပါအ၀င် အရောင်စုံပါဝင်ပြီး ပုံမှန်ထက်ထူးကဲကာ ဖြစ်တည်နေတယ်လို့ သိပ္ပံပညာရှင် Edward Stanley ကပြောပါတယ်။ ပယင်းကျောက်ကို မခွဲပဲ အဆင့်မြင့် Xray နည်းပညာတွေသုံးပြီး လေ့လာစူးစမ်းခဲ့တာဖြစ်ပါတယ်။

VOA
http://burmese.voanews.com/content/myanmar-fossil-lizard-/3222885.html



ပညာရေး အလေးပေးတဲ့နိုင်ငံတွေမှာ လူငယ်တွေကို မြေတောင်မြှောက်ပေးတာ နေရာပေးတာတွေလည်း တွေ့ရတယ်။ အရစ္စတိုတယ်ဆိုတဲ့ ပုဂ္ဂိုလ်ကြီးက ပြောသွားတဲ့ စကားတစ်ခွန်းကို သတိရမိတယ်။ “ကလေးတွေကို ပညာတတ်စေချင်ရင် သင်ပေးနေရုံနဲ့ မပြီးဘူး၊ ချီးမြှောက်ပေးရမယ်” လို့ဆိုထားပါတယ်။ မြန်မာမှာလည်း “အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊ ဘေးရန် ဆီးကာ၊ သင့်ရာအပ်ပို့” ဆိုပြီး ဆရာ့ ဝတ္တရားငါးပါး သတ်မှတ်ပေးထားတာလည်း သတိထားကြပါ။

အမေရိကန်ပြည်ထောင်စု၊ နယူးဂျာဆီပြည်နယ်၊ ဟိုပက်ကွန်မြို့ရဲ့ ပညာရေးဘုတ်အဖွဲ့ (BOE) ဥက္ကဋ္ဌနေရာကို အသက် ၂၁ နှစ်သာ ရှိသေးတဲ့ အန်သိုနီ ဖာဆာနိုဆိုတဲ့ လူငယ်လေးကို ခန့်အပ်လိုက်သတဲ့ဗျာ။
ဘာကြောင့် အဲဒီမြို့ရဲ့ ပညာရေးဘုတ်အဖွဲ့မှာ ခန့်အပ်ရသလဲဆိုတာလည်း အကြောင်းပြချက်နဲ့ဗျ။ အကြမ်း ဖက်မှုတွေများလာတယ်၊ ရိုင်းစိုင်းမှုတွေဖြစ်လာတာတွေကြောင့် လူငယ်အချင်းချင်း ထိန်းချုပ်ဖို့ BOE ကနေ ကျောင်းသား လူငယ်သုံးယောက်ကို အလှည့်ကျ အုပ်ချုပ်စီမံခွင့်တွေပေးလိုက်တယ်လို့လည်း သိရတယ်။

ဖာဆာနိုဟာ ခုဆိုရင် ပြည်နယ်အတွင်း အသက်အငယ်ဆုံး ဥက္ကဋ္ဌအနေနဲ့ နာမည်ကျော်သွားပြီပေါ့။ သူက ၂၀၁၂ ခုနှစ်ကတည်းက အထက်တန်းကျောင်းထွက် အောင်လက်မှတ်ရထားသူပါ။ သူနဲ့အတူ အဖွဲ့ဝင် ၈ ဦးဟာ မြို့ရွာပညာရေးကောင်းကျိုးဆောင်ရွက်ဖို့ အရမ်းကို စိတ်အားထက်သန်နေကြတယ်။

ကျွန်တော်တို့နိုင်ငံမှာ ကိုယ့်ကျောင်းကို ကိုယ်တိုင်ကောင်းအောင် မဖန်တီးနိုင်ကြတာတွေ အများကြီးပဲ။ အုပ်ချုပ်ခွင့် စီမံပိုင်ခွင့်တွေကို အထက်အမိန့်တွေစောင့်နေရတာများတယ်။ တစ်နည်းပြောရရင် ပညာရေးမှာ လက်ဝါးကြီးအုပ်ချုပ်ကိုင်ထားမှုတွေ များလွန်းတယ်လို့ဆိုရမယ်။

ဟန်ဂေရီနိုင်ငံမှာ မိဘတွေ ပညာရေးဝန်ကြီးဌာနကို ဆန္ဒပြပြီး သူတို့သားသမီးတွေကို ကျောင်းမလွှတ်ဘူး။
သူတို့ဆန္ဒပြရတာကလည်း ကျောင်းတွေမှာ အစိုးရပြဋ္ဌာန်းပြီး သင်ခိုင်းတဲ့ပြဋ္ဌာန်းချက်တွေဟာ ခေတ်မမီ တော့ဘူးဆိုပြီး ကျောင်းအလိုက် သင်ကြားမယ့် ပြဋ္ဌာန်းချက်တွေကို ကိုယ်ပိုင်ရွေးချယ်သင်ကြားခွင့်အတွက် ဆရာတွေနဲ့ မိဘတွေ ပူးပေါင်းပြီး တိုက်ပွဲဝင်နေကြပါတယ်။
မိဘတွေကိုယ်တိုင်က စုတ်ပြတ်တဲ့ပညာရေး စနစ်ကို အလိုမရှိဘူး၊ သားသမီးတွေရဲ့နောင်ရေးအတွက် တိုက်ပွဲဝင်ရမှာ မိဘတွေအလုပ်လို့ ခံယူထားကြ တယ်။

အမေရိကန်ပြည်ထောင်စုနဲ့ ဟန်ဂေရီနိုင်ငံတွေက ပညာရေး လုပ်ဆောင်ချက်တွေကိုကြည့်ရင် ကိုယ့်ကြမ္မာ ကိုယ်ဖန်တီးနိုင်ခွင့်အတွက် လူငယ်တွေကို တာဝန်ပေးတာနဲ့၊ ပညာရေးဟာ အားလုံးရဲ့ အရေးဖြစ်တယ်ဆိုပြီး ခံယူတိုက်ပွဲဝင်နေကြတာလို့ မြင်ပါတယ်။

ကျွန်တော်တို့နိုင်ငံမှာ လူငယ်တွေကို နေရာပေးဖို့နေနေ သာသာ ထောင်လာရင် ရိုက်လှဲ၊ ထောင်ထဲဆွဲထည့် ချင်နေကြတာပါ။ မြန်မာနိုင်ငံကလူငယ်တွေက လူငယ်တာဝန်ရော၊ မိဘတွေရဲ့တာဝန်တွေရော နှစ်မျိုးစလုံး ထမ်းဆောင်ခဲ့ပါတယ်။ ရလဒ်ကတော့ ခုချိန်အထိ အမှုတွေ ရင်ဆိုင်နေရဆဲဖြစ်ပါတယ်။

အောက်ကပုံကတော့ အသက် ၂၁ နှစ်သား အန်သိုနီ ဖာဆာနို ဖြစ်ပါတယ်။ BOE ရဲ့ ဥက္ကဋ္ဌပါတဲ့။

၇.၃.၂၀၁၆
Tin Nyunt

ချင်းပြည်နယ် ရေဘေးဒဏ် ကြုံခဲ့ရစဉ် ( ၃၀ ဇွန်လိုင်လ ၂၀၁၅)
ချင်းပြည်နယ် ရေဘေးဒဏ် ကြုံခဲ့ရစဉ် ( ၃၀ ဇွန်လိုင်လ ၂၀၁၅)

စစ်ကိုင်းတိုင်းဒေသကြီးနဲ့ချင်းပြည်နယ်နယ်စပ်မှာရှိနေတဲ့ ရေဘေးသင့်ပြည်သူ(၁၀၀၀)ကျော်ဟာ နှစ်ဖက်တိုင်းနဲ့ပြည်နယ် အာဏာပိုင်တွေကနေ နယ်စပ်အရေး ညိနှိုင်းမှုမပြေလည်သေးတာကြောင့် နေထိုင်ရေးမှာအခက်ကြုံနေကြရပါတယ်။ ရေဘေးဒုက္ခသည်ဖြစ်နေတဲ့ တွီးခင်ဇံရွာနဲ့တွီးတွန်း ရွာသားတွေနေထိုင်တဲ့ စခမ်းကိုနေရာပြောင်းရွှေ့ဖို့စစ်ကိုင်းတိုင်းအစိုးရ အဖွဲ့တွေကနေ ဖိအားပေးပြောဆိုခဲ့သလို ပြောင်းရွှေ့ဖို့အခက်ခဲရှိနေတယ်လို့လဲဒေသခံတွေကပြောပါတယ်။ ဒီအခြေ အနေကိုတော့ VOAထိုင်းအခြေစိုက် သတင်းထောက် နိုင်ကွန်းအိန် ကနေအခုလိုသတင်းပေးပို့ထားပါတယ်။

စစ်ကိုင်းတိုင်းကလေးမြို့နယ်နဲ့ ချင်းပြည်နယ် တွန်းဇံမြို့နယ်စပ်ကြားမှာ ရှိတဲ့ ရေဘေးဒုက္ခသည်ဖြစ်နေတဲ့ တွီးခင်ဇံရွာနဲ့ တွီးတွန်းရွာသားတွေနေထိုင်တဲ့ စခန်းကို နေရာပြောင်းရွှေ့ဖို့ စစ်ကိုင်းတိုင်းအစိုးရအဖွဲ့တွေကနေ ဖိအားပေးပြောဆိုခဲ့ တယ်လို့ လူမှုအကူညီ ပေးရေးအဖွဲ့တခုဖြစ်တဲ့ ဇီုမီးဒေသဖွံ့ဖြိုးတိုးတက်ရေးဖေါင်ဒေးရှင်းဥက္ကဋ္ဌ ဒေါက်တာပေါ့ပါက အခုလိုပြောပါတယ်။

“ပြည်သူလူထုက အဲဒီမှာ စခန်းချတော့ သူတို့က အဲဒါလည်း ကျနော်တို့ ချင်းပြည်နယ်ပဲ ဆိုပြီးနေတော့ ၀န်ကြီးချုပ်တွေလာပြီးမှ စစ်ကိုင်းတိုင်းဖြစ်တယ် ဆိုပြီး ငြင်းခုန်နေကြတာပေါ့။ အဲဒါမကဘူး ကောက်ကရွာက ချင်းပြည်နယ်ထဲမှာရှိတဲ့ ရွာကိုလည်း အဲဒါ ချင်းပြည်နယ်ဆိုပြီး ထပ်ပြီးမှ သူတို့က ရွာဟောင်းတရွာကိုလည်း သူတို့က ပြန်လည် ဒီအစိုးရဖွဲ့ကနေလာပြီးတော့ ရွှေ့ပါ မင်းတို့ရွာကို ဆိုပြီးမှ မောင်းထုတ်ချင်တာပေါ့နော်။ အခုလက်ရှိက သူတို့က ပြန်လာပြီးမှ မင်းတို့ ဒီကနေမရွှေ့ဘူးဆိုရင် ဒီလ ၁၅ ရက်ဆိုရင် မြေကော်စက်နဲ့ မင်းတို့တရွာလုံးကို ဖြတ်ဆီးမယ်ဆိုပြီးမှ မှာထားတယ်။”

ဒီပြဿနာအရင်းခံကရေဘေးသင့်ဒုက္ခသည်တွေနေထိုင်တဲ့ သစ်တော ကြိုးဝိုင်းနေရာ ဟာ စစ်ကိုင်းတိုင်း ပိုင်နက်နဲ့ ချင်းပြည်နယ်ပိုင်နက်ဆိုပြီးအငြင်းပွါးနေရာကနေ စစ်ကိုင်းတိုင်းဒေသခံအာဏာပိုင်တွေက ပြောင်းရွှေ့ဖို့ဖိအားပေး လာတာလဲဖြစ်ပါတယ်။

လက်ရှိရေဘေးဒုက္ခသည်တွေနေထိုင်တဲ့နေရာဟာ ချင်းပြည်နယ် တွန်းဇံမြို့နယ် စပ်ဖြစ်ပြီး ထပ်မံပြောင်းရွှေ့ဖို့အခက်ခဲ ရှိနေတယ်လို့ရပ်မိရပ်ဖတဦးဖြစ်တဲ့ ပူးအန်ဆိုင်ပွန်ကအခုလိုပြောပါတယ်။

“အခုတော့ ရေလည်းကောင်းကောင်းမရဘူး။ စားစရာလည်းမရှိဘူး။ အိမ်လည်းမရှိဘူး။ နေရေးထိုင်ရေးကတော့ အခက်အခဲအများကြီးရှိတယ်။”

တွီးခင်ဇံရွာနဲ့ တွီးတွန်းရွာဟာ ပြီးခဲ့တဲ့နှစ်က မိုးသည်းထန်စွာရွာသွန်းမှုကြောင့် ရွှံ့ရေဖုံးးလွှမ်းသွားပြီး နယ်စပ် သစ်တောကြိုးဝိုင်းမှာ ဒုက္ခသည်ရွာသစ် အဖြစ်အခြေချနေခဲ့တာဖြစ်ပြီး အိမ်ခြေပေါင်း(၆၀၀)ကျော်နဲ့ လူဦးရေ ထောင်ကျော် ရှိနေခဲ့ပါတယ်။ နေထိုင်သူအများစုက ချင်းလူမျိုးတွေဖြစ်ကြပါတယ်။

ဒီလိုနယ်မြေနယ်နမိတ်သတ်မှတ်မှုနဲ့ပက်သက်လို့ ဒီလပထမအပါတ်မှာ စစ်ကိုင်းတိုင်းဒေသကြီးနယ်စပ်ရေးရာ လုံခြုံရေးဝန်ကြီးနဲ့ ချင်းပြည်နယ်နယ်စပ်ရေးရာဝန်ကြီးတို့ တွေ့ဆုံညှိနှိုင်းခဲ့ပေမဲ့ ပြေလည်မှုမရရှိခဲ့ဘူးလို့ ဇိုမီး အမျိုးသား ဒီမိုကရေစီအဖွဲ့ချုပ် အထွေထွေအတွင်းရေးမှူး လဲဖြစ်အမျိုးသားလွှတ်တော်ကိုယ်စားလှယ်လဲဖြစ်တဲ့ ဦးဂင်ကန်းလျံကပြောပါတယ်။

“စစ်ကိုင်းတိုင်းကနေ နယ်စပ်ရေးရာဝန်ကြီးတွေက ချင်းပြည်နယ် က နယ်လွန်ဝင်လာတယ်၊ သူတို့နေရာကို ရောက်တယ်တဲ့ ။ ဒါပေမယ့် သူတို့ ဒီ နယ်အနေအထားလည်း သိမှာ မဟုတ်ကြဘူးလေ။ ဒါနဲ့ မပြေလည်ဘူးဖြစ်နေတာ။ တကယ်တန်း နယ် နမိတ် သတ်မှတ်မယ် ဆိုရင်တော့ ပြည်ထောင်စု လွှတ်တော်ကနေပဲ ဆုံးဖြတ်ရမယ်လေ ကျနော်ထင်တာက ။ ဥပဒေရှိတာကို သူတို့ ဒီ တိုင်းမှူးအဆင့်၊ မြို့နယ်အုပ်ချုပ်ရေးအဆင့်တွေတော့ ဆုံးဖြတ်လို့တော့ မရဘူးလို့ ထင်တာပဲလေ။ ရှိတဲ့မြေပုံကိုကြည့်ပြီးတော့ လွှတ်တော်ကနေ ဆုံးဖြတ်ပေးရမယ်လို့ ထင်တယ်။ လောလောဆယ်မရောက်ခင် ဟိုဘက်နဲ့ ဒီဘက် ပဋိပက္ခတွေ သွေးထွက်သုံယိုမှုဖြစ်မှာလည်း ကျနော်တို့ စိုးရိမ်တယ်။”

ရေဘေးဒုက္ခသည်တွေကို နေရာပြောင်းရွှေ့ရေး အရေးကိစ္စတဲ့ပက်သက်လို့ စစ်ကိုင်းတိုင်း ဒေသကြီးနယ်စပ်ရေးရာ လုံခြုံရေးဝန်ကြီးကို ကြိုးစားဆက်သွယ် ခဲ့ပေမဲ့ အဆက်အသွယ်မရရှိခဲ့ပါဘူး။

ပြီးခဲ့တဲ့နှစ်က တွီးခင်ဇံရွာနဲ့ တွီးတွန်းရွာရွှံ့ရေဖုန်းလွှမ်းပြီး ရေဘေး ဒုက္ခကြုံနေရတဲ့ အခြေအနေကို နိုင်ငံတော်ပိုင် သတင်းစာကနေ ချင်းပြည်နယ် တွန်းဇံမြို့နယ်ထဲကလို့ရေးသားဖေါ်ပြထားပါတယ်။

ရေကြီးမှုကြောင့် ရွာလုံးကျွတ်ပျက်စီးခဲ့ပေမဲ့ အစိုးရအနေနဲ့ ထိုက်သင့်တဲ့ကူညီထောက်ပံ့မှု ပြန်လည်နေရာချထားပေးမှု လုပ်ဆောင်ပေးတာမျိုးမရှိဘူးလို့လဲလူမှုအကူညီပေးရေးအဖွဲ့တခုဖြစ်တဲ့ ဇီုမီးဒေသဖွံ့ဖြိုးတိုးတက်ရေးဖေါင်ဒေးရှင်း ဥက္ကဌဒေါက်တာပေါ့ပါကဆိုပါတယ်။

လက်ရှိ နှစ်ဖက်ပြည်နယ်နဲ့တိုင်းဒေသကြီးအစိုးရအကြား နယ်စပ်အငြင်းပွါးနေမှုကြောင့် ဒေသခံ ရေဘေးသင့် ပြည်သူတွေအတွက် နေထိုင်ရေးမှာ အာမခံချက်မရှိသလို ပြောင်းရွှေ့နေထိုင် အရေးအတွက် စိုးရိမ်နေကြရတဲ့အခြေ အနေမှာရှိနေပါတယ်။

ပြီးခဲ့တဲ့၂၀၁၅ခုနှစ်အတွင်း ချင်းပြည်နယ်နဲ့ စစ်ကိုင်းတိုင်းဒေသကြီးဒေသတွေမှာ မိုးသည်းထန်စွာရွာသွန်းပြီး ရေကြီး မြေပြိုမှုတွေကြောင့် ပျက်စီးဆုံးရှုံးမှုတွေရှိခဲ့ပါတယ်။

နိုင်ကွန်းအိမ်/VOA
http://burmese.voanews.com/content/state-border-conflict-makes-the-victims-more-venerable/3222850.html


 မနီလာသိန်း (Photo-Thin Zarkhine)
မနီလာသိန်း (Photo-Thin Zarkhine)

မကြာသေးခင်က အာဏာပိုင်တွေ ဖမ်းဆီးခံခဲ့ရတဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲအစည်းက မနီလာသိန်းကို ပထမဆုံးအကြိမ်အဖြစ် ဒီကနေ့ ရုံးထုတ်စစ်ဆေးခဲ့ပါတယ်။ ပြီးခဲ့တဲ့နှစ်ထဲ ပညာရေးဥပဒေ ပြုပြင်ပြောင်းလဲရေး တောင်းဆို ဆန္ဒပြမှုတွေနဲ့ ဆက်နွယ်ပြီး အရေးယူခံရမယ့် အခြေအနေနဲ့ ရင်ဆိုင်နေရတဲ့ မနီလာသိန်း ကတော့ ဖမ်းဆီးမခံရခင် တရားခံပြေးအဖြစ် ကြေညာခဲ့တဲ့ ရဲအရာရှိကို ပြန်လှန်တရားစွဲဖို့လည်း ကြိုးစားခဲ့တာပါ။ အပြည့်အစုံကိုတော့ ဆက်သွယ်စုံစမ်းထားတဲ့ ဗွီအိုအေမြန်မာပိုင်း သတင်းထောက် မအေးအေးမာက သတင်းပေးပို့ ထားပါတယ်။

အမျိုးသားပညာရေးဥပဒေကို သပိတ်မှောက်ခဲ့တဲ့ ကျောင်းသားသပိတ်ကို ထောက်ခံ ဆန္ဒပြတယ်ဆိုကာ ခွင့်ပြုမိန့် မရပဲ စီတန်းလှည့်လည်မူပုဒ်မ ၁၈နဲ့ အင်းစိန်ထောင်တွင်း ထိမ်းသိမ်းခံထားရတဲ့ မနီလာသိန်းကို ပထမဦးဆုံးအကြိမ်အဖြစ် မရမ်းကုန်း တရားရုံးမှာ ရုံးထုတ်စစ်ဆေးခဲ့တာပါ။ သူမအနေနဲ့တရားရုံးနဲ့ဘာမှ ပူးပေါင်းဆောင်ရွက်မူ မလုပ်ဘူးလို့ ပြောဆိုထားတဲ့အတွက် တရားရုံးထုတ်ချိန်မှာ တရားလိုဘက်ကိုပဲစစ်ဆေးမူတွေလုပ်ခဲ့တာ လို့ဆိုပါတယ်။ ဒီနေ့ ရုံးထုတ်ချိန်မှာတော့မနီလာသိန်းက သူမကို တရားခံပြေးအဖြစ် ကြေညာထားတဲ့ ရဲမူးကိုလည်းတ၇ားပြန်စွဲခဲ့ကြောင်း အခုလိုပြောပြပါတယ်။

“နီလာတို့က ဒီပုဒ်မ ၁၈ နဲ့ ပတ်သက်ပြီးတော့ တရားရုံးနဲ့ မပူးပေါင်းဘူးလေ။ အာမခံမယူဘူး၊ ခံဝန်မထိုးဘူးပေါ့နော်။ ဒီနေ့လည်း သူတို့ ထပ်မေးတယ်လေ။ သူတို့ တရားလို ခေါ်ပြီး စစ်တယ်။ အဲဒီအပေါ်မှာ အပြန်အလှန်မေးခွန်းတွေ ပြန်ပြီးမမေးဘူး။ ရှေ့နေဌားပြီးတော့လည်း မမေးဘူးပေါ့နော် အဲလိုပြောထားတာလေ။ သူတို့က တရားလိုတွေမေးပြီးတဲ့အခါမှာ ကိုယ်တွေကို ဘာပြောစရာရှိလဲဆိုတဲ့အခါမှာ မမေးပါဆိုတဲ့ဟာကို ကျမတို့ပြန်ပြောတယ်ပေါ့။ နောက်တချက်က မူလ တရားခံပြေးအဖြစ်ကြေညာထားတဲ့ ကိစ္စနဲ့ ပတ်သက်ပြီးတော့ ဒီ စခန်းမှူး ဦးသန်းဝင်းကို တရားစွဲဖို့ ကိစ္စက ပြစ်မှုဆိုင်ရာ ကျင့်ထုံးဥပဒေ ၄၆၇ နဲ့ တင်တဲ့ဟာက မရဘူးပေါ့နော်။ ဒီ လ ၂၁ ရက်နေ့ဆိုရင်တော့ ဦးတိုက်လျှောက်မယ်။ ဦးတိုက်လျှောက်မှာကိုတော့ လက်ခံတယ်။ တရားလိုအဖြစ်နဲ့ စွဲတဲ့ဟာကိုတော့ လက်မခံဘူးပေါ့နော်။”

အမျိုသားပညာရေး ဥပဒေပြင်ဆင်ရေးအတွက် သပိတ်မှောက်ခဲ့တဲ့ ကျောင်းသားတွေနဲ့ အတူ မနီလာသိန်းကို တရားစွဲဆိုထားပါ။ အမျိုသားပညာရေး ဥပဒေကို သပိတ်မှောက်ခဲ့တဲ့ ကျောင်းသားခေါင်းဆောင်တွေကိုတော့ ပုဒ်မ ၁၈အပါအ၀င် အမူပေါင်း အနည်းဆုံး ၂၀ကျော်ကနေ ၉၀လောက်ထိ တရားစွဲဆိုခံနေရပါတယ်။ သူတို့ အားလုံးဟာလာမဲ့ ဧပြီလမှာ စတင်မဲ့ အစိုးရသစ်လက်ထက်မှာ ပြန်လည်လွတ်မြောက်နိုင် လိမ့်မယ်လို့ မျော်လင့်ကြောင်း မနီလာသိန်းကတော့ ဆိုပါတယ်။

“အစိုးရသစ်ကတော့ အကောင်းဆုံး လုပ်ဆောင်လိမ့်မယ်လို့ ယုံကြည်တယ်။ အဓိကက ကာလုံရဲ့အောက်မှာရှိတဲ့ ပြည်ထဲရေးဝန်ကြီး အဲဒီအတွက် သူတို့တွေရဲ့ ကန့်သတ်မှုတွေ၊ သူတိုတွေရဲ့လုပ်ဆောင်မှု အခန်းကဏ္ဍကလည်း အရေးကြီးတဲ့ အခန်းကဏ္ဍဖြစ်နေတယ်။ ကာလုံရဲ့ သြဇာ သက်ရောက်မှုဟာ သမ္မတ အထက်မှာမရှိနေဘူးဆိုရင် သမ္မတရဲ့ လုပ်ဆောင်ခွင့် အခန်းကဏ္ဍ က ထိထိရောက်ရောက် လုပ်ဆောင်လို့ ရမယ်လို့ ထင်ပါတယ်။”

မနီလာသိန်းဟာ အရင်စစ်အစိုးရ လက်ထက်မှာ နိုင်ငံရေးအကျဉ်းသားဟောင်း တဦးဖြစ်ပြီးနှစ်ရှည် ထောင်ဒဏ်ကျခံခဲ့ရသူတဦးဖြစ်ပါတယ်။ အကျဉ်းထောင်တွင်းမှာ ထိမ်းသိမ်းခံရနေစဉ် အတွင်းကျန်းမာရေးဆိုးဝါးမူဒဏ်ကိုခံစားခဲ့ရဖူးပါတယ်။ ပြီးခဲ့တဲ့ဖေဖေါ်ဝါရီလ ၂၃ရက်နေ့ ကတော့ ဘုရင့်နောင်ရဲစခန်းက ရဲ စခန်းမူကိုယ်တိုင်က သူမကို ပုဒ်မ ၁၈နဲ့ တရားစွဲဆိုထားကြောင်း အကြောင်းကြားခဲ့ပြီး ဖေဖေါ်ဝါရီလ ၂၄ ရက်နေမှာတော့ မရမ်းကုန်းတရားရုံးမှာ တရားရင်ဆုိုင်ရာမှာ သူမအနေနဲ့ အာမခံလျောက်ခြင်း ဒဏ်ငွေဆောင်ခြင်းတွေလုပ်မှာမဟုတ်သလို မည်သည်ကိစ္စကိုမှ တရားရုံးနဲ့ပူးပေါင်းဆောင်ရွက်မှာမဟုတ်တဲ့အကြောင်းကို တရားရုံးမှာပြောဆိုခဲ့တာကြောင့် သူမကို အင်းစိန်ထောင်မှာထိမ်းသိမ်းထားဖို့အတွက် တရားရုံးက တခါတည်းဆုံးဖြတ်ခဲ့တာဖြစ်ပါတယ်။ လက်ရှိ အကျဉ်းထောင်တွေထဲမှာ နိုင်ငံရေးအကျဉ်းသား ၁၀၀ ခန့် ကျန်နေသေးသလို ထောင်ထဲမှချုပ်နှောင်ခံနေရပြီး အမူများစွာကိုရင်ဆိုင်နေရတဲ့ ကျောင်းသားနဲ့ တက်ကြွလှုပ်ရှားသူပေါင်း ၄၇၀ ကျော်ကျန်နေသေးတယ်လို့ နိုင်ငံရေးအကျဉ်းသားဟောင်းများ အဖွဲ့ကလည်း ပြောဆိုထားပါတယ်။

မအေးအေးမာ/VOA
http://burmese.voanews.com/content/nilar-thein-first-time-hearing-at-court-/3222702.html


ဒေါ်အောင်ဆန်းစုကြည်နှင့် NLD ဗဟိုအလုပ်အမှု့ ဆောင်မား လွှတ်တော်ပုံမှန်အစည်းအဝေးများသို့ တက်ရောက်နေသည့် NLDလွှတ်တော်ကိုယ်စားလှယ်များနှင့် တွေဆုံခဲ့စဉ် (Photo-NLD Chairperson) ၁.၃.၂၀၁၆
ဒေါ်အောင်ဆန်းစုကြည်နှင့် NLD ဗဟိုအလုပ်အမှု့ ဆောင်မား လွှတ်တော်ပုံမှန်အစည်းအဝေးများသို့ တက်ရောက်နေသည့် NLDလွှတ်တော်ကိုယ်စားလှယ်များနှင့် တွေဆုံခဲ့စဉ် (Photo-NLD Chairperson) ၁.၃.၂၀၁၆

အစိုးရ အာဏာလွှဲပြောင်းရေးကို ပြည်သူ့လွှတ်တော်မှာပဲ ပြုလုပ်မှာဖြစ်တယ်လို့ NLD ထိပ်တန်းခေါင်းဆောင်တဦးက မနေ့က ထပ်မံအတည်ပြုပြောဆိုလိုက်ပါတယ်။ NLD အစိုးရအဖွဲ့သစ်မှာ လျာထားမယ့် သမ္မတ အပါအ၀င် ၀န်ကြီးတွေရဲ့အမည်စာရင်းကို ထုတ်ဖေါ်ပြောဆိုခြင်းမရှိပေမဲ့ ဒေါ်အောင်ဆန်းစုကြည်နဲ့ NLD ထိပ်ပိုင်းခေါင်းဆောင်တွေရဲ့ဆွေးနွေးပွဲမှာ အစိုးရသစ်က ဆောင်ရွက်မယ့် လုပ်ငန်းတွေကို ဆွေနွေးခဲ့ကြောင်း ပါတီရဲ့ပြောခွင့်ရပုဂ္ဂိုလ်က ပြောပါတယ်။ မအင်ကြင်းနိုင်က အပြည့်အစုံကိုတင်ဆက်မှာပါ။

လက်ရှိလွှတ်တော်မှာ သမ္မတနဲ့ ဒုသမ္မတတွေခန့်အပ်မယ့် ရက်ကို မတ်လ ၁၀ ရက်နေ့ အဖြစ်ရှေ့တိုးသတ်မှတ်ပြီးနောက် အစိုးရလုပ်ငန်းဆိုင်ရာကိစ္စရပ်တွေအတွက် အမျိုးသားဒီမိုကရေစီအဖွဲ့ချုပ် NLD ထိပ်တန်းခေါင်းဆောင်တွေ မကြာခဏတွေ့ဆုံဆွေးနွေးလာနေတာပါ။

မနေ့ တနင်္ဂနွေနေ့မှာ ဒေါ်အောင်ဆန်းစုကြည်ရဲ့ နေပြည်တော် နှင်းစီစံအိမ် မှာကျင်းပခဲ့တဲ့ ပါတီ ဗဟိုအလုပ်အမှုဆောင်ဆွေးနွေးပွဲနဲ့ပတ်သက်လို့ ပါတီရဲ့ပြောခွင့်ရလည်းဖြစ်၊ ဗဟိုအလုပ်အမှုဆောင် အတွင်းရေးမှူးအဖွဲ့ဝင်လည်းဖြစ်တဲ့ ဦးဥာဏ်ဝင်းက သတင်းထောက်တွေကို အခုလိုပြောသွားခဲ့ပါတယ်။

“ပထမဆုံး ပြောစရာတစ်ခုပဲ ရှိတယ် ကျွန်တော်တို့ အာဏာလွှဲပြောင်းရေးကို ပြည်သူ့လွှတ်တော်မှာ လုပ်မယ်။ အဲဒါတခု။ နောက် သမ္မတ ကိစ္စတွေ နဲ့ ပတ်သက်ပြီးတော့ ကျွန်တော်ပြောစရာ ဘာမှ မပါဘူး။ တခြားကိစ္စတွေ ဆွေးနွေးတာအများကြီးပါ။ ရှေ့လာမယ့် လုပ်မယ့်အလုပ်တွေဆွေးနွေးတယ်။ ဆုံးဖြတ်ချက် တခုမှမရှိပါဘူး။"

NLD အစိုးရအဖွဲ့မှာပါမယ့် သမ္မတ၊ ဒုသမ္မတ အမည်တွေအပါအ၀င် အခြားဝန်ကြီးအမည်စာရင်းတွေနဲ့ပတ်သက်တဲ့ သတင်းထောက်တွေရဲ့မေးခွန်းတွေကိုတော့ ဦးဥာဏ်ဝင်းက ပြန်လည်ဖြေဆိုခြင်းမရှိခဲ့ပါဘူး။ စနေနေ့ကလည်း ပါတီရဲ့ စီးပွားရေးကော်မတီအဖွဲ့ဝင်တွေနဲ့ ဗဟိုအလုပ်အမှုဆောင်တချို့ ဆွေးနွေးခဲ့ကြပါတယ်။ NLD အစိုးရသစ်အနေနဲ့ ရက်ပေါင်း (၁၀၀)အတွင်း ဘာတွေအဓိကလုပ်ဆောင်မလဲဆိုတာကို ဒေါ်အောင်ဆန်းစုကြည်ဟာ သူရဲ့နေအိမ်မှာ ပညာရှင်တွေကို ဖိတ်ခေါ်တွေ့ဆုံ ဆွေးနွေးခဲ့တာဖြစ်ပါတယ်။ NLD စီးပွားရေးကော်မတီဝင်တဦးဖြစ်တဲ့ ဦးကျော်ဝင်းက ဆွေးနွေးပွဲအပြီး သတင်းထောက်တွေကို အခုလိုပြောခဲ့ပါတယ်။

“နောက်အစိုးရသစ်တက်လာတဲ့အခါကျရင် ပြည်သူလူထုနဲ့တိုင်းပြည်ကို ဘယ်လောက်မြန်မြန်ဆန်ဆန် အကျိုးပြုနိုင်မလဲဆိုတဲ့ကိစ္စတွေကို ပိုပြီးတော့ဆွေးနွေးတာပါ။ ရက် ၁၀၀ အတွင်းမှာ ဘာတွေလုပ်မယ်ဆိုတာကို အဓိကထား ဆွေးနွေးကြတာပါ။”

NLD အစိုးရအဖွဲ့မှာ ပညာရှင်တွေအများဆုံးပါဝင်မှာဖြစ်သလို အခြားပါတီကပုဂ္ဂိုလ်တချို့လည်းပါဝင်မှာဖြစ်ပြီး NLD ကတော့ လူနည်းစုပဲဖြစ်မယ်လို့ ပါတီခေါင်းဆောင်တဦးဖြစ်သူ ဦးဝင်းထိန်က ပြောဆိုထားပါတယ်။

တိုင်းပြည်ပြန်လည်ထူထောင်ရေးမှာ အတတ်ပညာရှင်တွေအများစုပါဝင်မယ့် အစိုးရမျိုးဖွဲ့စည်းတာဟာ လက်တွေ့ကျတဲ့ မှန်ကန်တဲ့ဆောင်ရွက်မှုဖြစ်ကြောင်း ၁၉၉၀ ရွေးကောက်ပွဲ အနိုင်ရ ကိုယ်စားလှယ်တဦးဖြစ်တဲ့ ဒေါက်တာ တင့်ဆွေကပြောပါတယ်။

“ပထမတချက်ကတော့ နိုင်ငံရေးအရ ညွှန့်ပေါင်းပြုဖို့(သိုမဟုတ်) မဟာမိတ်ပြုဖို့ (သိုမဟုတ်) ပြည်ထောင်စုပုံစံကျအောင် ကြိုးစားမှုတရပ်ပေါ့နော်။ တခြားပါတီတွေ၊ တခြား အဖွဲ့အစည်းတွေနဲ့ ပူးပေါင်းဆောင်ရွက်မှုနဲ့ သူတို့ရဲ့ ကာယ၊ ဉာဏ၊စွမ်းအားတွေကို ယူတဲ့အချက်ပါ။ ဒုတိယတချက်ကတော့ လက်တွေ့ကျတဲ့ တိုင်းပြည်အုပ်ချုပ်ရေး ပေါ့နော်။ အစိုးရဆိုတာ အုပ်ချုပ်ရေးပါ။ အဲတော့ အုပ်ချုပ်ရေး ယန္တယားကြီးကို ကိုင်တွယ်တဲ့အခါမှာ လက်တွေ့ကျတဲ့လမ်းကြောင်းကိုရွှေးတယ်လို့ မြင်ပါတယ်။”

နှစ်ပေါင်း (၆၀)ကျော်အတွင်း လူထုကတင်မြှောက်တဲ့ အစိုးရသစ်တက်လာတော့မယ့်အချိန်မှာ ၂၀၁၅ ရွေးကောက်ပွဲမှာ အပြတ်အသတ်အနိုင်ရခဲ့တဲ့ NLD နဲ့ပတ်သက်လို့ မတ်လ ၆ ရက်နေ့ ရက်စွဲနဲ့ NLD လို့ပြောတဲ့ ကြေညာချက် အတုစာတစောင်လည်း ပျံ့နှံခဲ့ပါတယ်။ အဲဒီထဲမှာ NLDက ရွေးချယ်ထားတဲ့ ဒုသမ္မတလောင်းအမည်စာရင်းတွေဆိုပြီး ဦးထင်ကျော် (ပြည်သူ့လွှတ်တော်) နဲ့ ဦးခွန်ထွန်ဦး (အမျိုးသားလွှတ်တော်) အမည်တွေကို ဖေါ်ပြထားပါတယ်။

အင်ကြင်းနုိုင်/VOA
http://burmese.voanews.com/content/government-transition-ceremony-will-hold-in-upper-hluttaw-/3222116.html

 nilarthein-620.jpg ၈၈ မျိုးဆက်အဖွဲ့က မနီလာသိန်း ကို မတ်လ ၇ ရက်နေ့က မရမ်းကုန်းမြို့နယ် တရားရုံးမှာ ရုံးထုတ်စဉ်
Photo: Aung Thain Kha/RFA
လက်ပံတန်း ကျောင်းသားသပိတ်ကို ထောက်ခံဆန္ဒပြခဲ့တဲ့အတွက် တရားမ၀င် စီတန်းလှည့်လည်မှု ပုဒ်မ ၁၈ နဲ့ တရားစွဲဆိုခံထားရတဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်း ကို ခံဝန်လက်မှတ်ရေး ထိုးပြီး အာမခံယူဖို့ မြို့နယ်တရားသူကြီးက တိုက်တွန်းပေမယ့် မနီလာသိန်းက မယူဘဲ ငြင်းဆိုလိုက်ပါတယ်။

သူ့အမှုအတွက် ရှေ့နေမငှားသလို အာမခံလည်း မယူဘူးလို့ မရမ်းကုန်းမြို့နယ် တရားရုံးမှာ ရုံးထုတ်စဉ် မနီလာသိန်းက ပြောပါတယ်။

"ဒီနေ့ ကျမကို ပုဒ်မ ၁၈ နဲ့ ပတ်သက်ပြီးတော့ တရားရုံးအနေနဲ့ အာမခံယူဖို့ ခံဝန်ထိုးဖို့ကို ထပ်မံပြောဆို တယ်ပေါ့နော်၊ ကျမအနေနဲ့က ဒီအပေါ်မှာ အာမခံယူခြင်း၊ ခံဝန်ထိုးခြင်းကို လုံးဝပြုလုပ်မှာ မဟုတ်ဘူး၊ ထပ်မံပြောခဲ့တယ်၊ အာဏာပိုင်အဖွဲ့အစည်းက လာထွက်သမျှကို တရားရုံးကလက်ခံပြီးတော့ ကျမ တို့ နိုင်ငံသားအခွင့်အရေးအရ ကျမကို ဒီလိုလုပ်ဆောင်နေတာဟာ မမှန်ကန်ပါဘူး၊ မမျှတပါဘူး၊ မှားယွင်းနေပါတယ်ဆိုတာ ကျမနိုင်ငံသားတစ်ယောက်အနေနဲ့ ပြောခွင့်ရှိပါတယ်ဆိုတဲ့စကားကိုလည်း တင်ပြပြောဆိုခဲ့ပါတယ်"

ပုဒ်မ ၁၈ ဟာ အများဆုံးထောင်ဒဏ် ၆ လ ချမှတ်ခံရမှာဖြစ်ပါတယ်။ ဒါ့အပြင် ဗမာနိုင်ငံလုံးဆိုင်ရာ ကျောင်းသား သမဂ္ဂက ကိုလင်းထက်နိုင် (ခေါ်) ဂျိမ်းနဲ့ မဖြိုးဖြိုးအောင် တို့ကိုလည်း ပုဒ်မ ၁၈ နဲ့ ရုံးထုတ်ခဲ့ပြီး မေးမြန်းရာမှာ မဖြေဘဲ ငြင်းဆန်ခဲ့တယ်လို့ ပြောပါတယ်။

မနီလာသိန်းဟာ ပြီးခဲ့တဲ့နှစ် ဖေဖော်ဝါရီလက ရန်ကုန်မြို့ သမိုင်းလမ်းဆုံမှာ လက်ပံတန်းကျောင်းသားသပိတ် ကို ထောက်ခံဆန္ဒပြခဲ့တဲ့အတွက် ထိန်းသိမ်းခံထားရတာဖြစ်ပါတယ်။

ဒီနေ့ တရားရုံးချိန်းကို အနုပညာရှင်တွေ ၊ နိုင်ငံရေးတက်ကြွလှုပ်ရှားသူတွေ၊ ဥရောပသမဂ္ဂ EU အဖွဲ့နဲ့ နိုင်ငံတကာ လူ့အခွင့်အရေးအဖွဲ့တွေက လူပုဂ္ဂိုလ်တစ်ချို့ တရားရုံးမှာ လေ့လာခဲ့ကြပါတယ်။

RFA
http://www.rfa.org/burmese/news/88-nilarthein-denies-pledge-03072016091943.html


ဘယ်လိုပြောရလဲဆိုတော့

အမေရိကန်ပြည်ထောင်စုမှာတော့ သမ္မတကတော်တွေကိ်ု First Lady လို့ခေါ်ပြီး နေရာပေး အလေးထား ဆက်ဆံကြသဗျ။ သမ္မတ မပါလည်း ပွဲတက်၊ ပွဲထွက်လုပ်သလို သူတို့တက်သမျှပွဲတွေကလည်း သမ္မတရဲ့ လုပ်ငန်းတွေကို အထောက်အကူပြုနိုင်တဲ့ ပွဲတွေ ဖြစ်တတ်ပါတယ်။

သမ္မတကတော် မစ်ချဲလ်ကိုလည်း အိုဘားမားလောက်ကို ပြည်သူတွေ ချစ်ကြတယ်။ ဖေဖော်ဝါရီလ ၂၈ ရက်နေ့ တုန်းက မစ်ချဲလ်တစ်ယောက် ဝပ်ကင်မူလတန်းကျောင်းကို အလည်သွားတယ်။ မစ်ချဲလ်ဟာ ပညာရေးကိစ္စ တွေကို အရမ်းစိတ်ဝင်စားတယ်။ အထူးသဖြင့် အမျိုးသမီးတွေ ပညာတတ်ဖြစ်မြောက်ရေး၊ ကမ္ဘာ့ အမျိုးသမီး များ ပညာသင်ကြားခွင့်ရရေးတွေကို ဦးစီးလုပ်ဆောင်နေသူလို့လည်း သိရတယ်။

မူလတန်းကျောင်းကို မစ်ချဲလ်လာမယ်ဆိုတာ ကြိုတင်ပြောထားတာမဟုတ်ဘူး။ ခရီးသွား ဟန်လွှဲဝင်လိုက်တာ ဖြစ်လို့လည်း အံ့အားသင့်သွားကြတယ်။ စာသင်ခန်းတစ်ခုထဲကို မစ်ချဲလ်ဝင်လိုက်တော့ သမ္မတကတော်ကို ကြည့်ပြီး အံ့အားသင့်ကာ ကလေးတွေ ထခုန်အော်ဟစ်လိုက်ကြတယ်။ ဒီနိုင်ငံမှာကတော့ သမ္မတကတော် မြင်ဖူးတဲ့သူတောင် ရှိပါမလားပဲ။

ကလေးတစ်ယောက်က ပြေးထွက်သွားပြီး သမ္မတကတော်ကို လက်ဆွဲကာ အတန်းထဲခေါ်လာတယ်။ ကလေး ကအစ သိကြတယ်ဆိုတဲ့သဘောပဲ။ မစ်ချဲလ်လာတဲ့ကိစ္စက Let’s Move ဆိုတဲ့ကိစ္စအတွက်။ ကျောင်းတိုင်းမှာ ပန်းဥယျာဉ်လေးတွေထားပြီး ကလေးတိုင်းက အဲဒီပန်းခြံတွေထဲမှာ ကိုယ်တိုင် ပန်းတွေ၊ ဟင်းသီးဟင်းရွက်တွေ စိုက်ကြဖို့ သမ္မတကတော်က လိုက်စည်းရုံးနေတာ။

ပန်းခြံထဲ အပင်လေးတစ်ပင်စိုက်တာ ဘာအရေးလဲလို့ ထင်ကောင်းထင်မှာပေါ့။ သူတို့က ကလေးတွေကို အပင်စိုက်ခိုင်းနေတာလို့ မြင်တာထက် အနာဂတ်ကို ပျိုးထောင်ပေးနေတာလို့မြင်ရင်ပိုကောင်းမှာပဲ။ အားလုံးက လက်တွေ့ပိုင်းနဲ့ သဘာဝကျတဲ့ လုပ်ဆောင်မှုတွေကို ဦးစားပေးနေပြီ။ ကျောင်းစာအုပ်တွေ ထဲကနေ အပြင်ကို ခေါ်ထုတ်ဖို့ ကြိုးစားနေကြပြီ။ ဒီလို လုပ်ဆောင်မှုကို သမ္မတအစ၊ သမ္မတကတော်အလယ်၊ ပညာရေးဌာနက ဆရာတွေအားလုံး စုပေါင်းလုပ်ဆောင်ကြဖို့လည်း ပြင်ဆင်ထားကြတယ်ဆိုတာ သိစေချင်ပါတယ်။

သမ္မတအမည်ခံရင် နိုင်ငံတကာ သမ္မတတွေက ဘာတွေလုပ်နေသလဲဆိုတာ နမူနာတော့ ယူသင့်တယ် ထင်တာပဲ။ ပညာရဲရင့် ပွဲလယ် တင့်ဆိုတဲ့စကား ကြားဖူးမှာပေါ့။ ပညာမတတ်တဲ့သူတွေ တိုင်းပြည်ခေါင်းဆောင် လာဖြစ်ပြီး အဲဒီလိုလူတွေရဲ့လက်အောက်မှာ ရောက်နေရတဲ့သူတွေဟာ ကံဆိုးတယ်လို့ပဲ ဆိုရမှာပါ။

ပညာကို ပျိုးထောင်ရမှန်းမသိ၊ ပညာတတ်လာရင် ပုန်ကန်မှာပဲသိသူတွေကတော့ ထောင်ထဲ မရောက် ရောက်အောင် ပို့ဖို့ပဲ သိမှာပေါ့။ ပညာဟာ တိုင်းပြည်ရဲ့အနာဂတ်လို့သိသူတွေနဲ့ ပညာရေးဆိုတာ ပြန်မရနိုင်တဲ့ ရင်းနှီးမြှုပ်နှံမှုတစ်ခုလို့ တွေးမြင်ထားတဲ့ သမ္မတ ဘယ်လောက်ကွာခြားသလဲဆိုတာ သိစေချင်လို့ပါ။

၇.၃.၂၀၁၆
Tin Nyunt



ရွေးကောက်ပွဲမှာ အင်တိုက်အားတိုက် ထောက်ခံမဲ ထည့်ခဲ့ရုံမဟုတ်ဘဲ မဲရေတွက်တာ မှန်ဖို့နဲ့ ရွေးကောက်ပွဲ အဖြေထွက်ချိန် အေးချမ်း တည်ငြိမ်ရေးအထိ တညီတညွတ် ပူးပေါင်း ပါဝင်ဆောင်ရွက်ခဲ့ကြတဲ့ မြန်မာ ပြည်သူတွေခမျာ ရွေးကောက်ပွဲပြီးလို့ သုံးလကြာအထိ ရင်တမမနဲ့ သတင်းနားစွင့်ရင်း လည်ပင်းရှည် နေခဲ့ကြရပါတယ်။ ကြုံဖူးပေါင် ဂုဏ်ထူးဆောင် တိုင်းပြည်ကြီးမှာ နေရတာဆိုတော့ ကိုယ်မဲထည့်ခဲ့တဲ့ ပါတီနိုင်တာတောင် ဂုဏ်ပြုပွဲတို့ အောင်ပွဲတို့ လူသိရှင်ကြားလုပ်ဖို့ အောင့်ထား ခဲ့ကြရရှာတာလေ။ အခုတော့ ဒါတင်မကဘဲ တခြားနိုင်ငံတွေမှာဆို ရွေးကောက်ပွဲနိုင် ပါတီခေါင်းဆောင်ဟာ အလိုအလျောက် နိုင်ငံခေါင်းဆောင် ဖြစ်လာမှာပေမယ့် ဒီမှာတော့ ဒီလိုမဖြစ်ရအောင် နှစ်ပေါင်းများစွာ တွက်ချက်ကြံစည် ညစ်ပတ်ထားတဲ့အတိုင်း ဥပဒေနဲ့ တားဆီး ကန့်သတ် ထားတာကို ခံနေရတာ မဟုတ်လား။

ပြီးတော့ ၈၀ ရာခိုင်နှုန်းကျော်သော မြန်မာပြည်သူ ပြည်သားများရဲ့ ဆန္ဒကို ပိတ်ဆို့ထားတဲ့ အဲဒီဥပဒေကလည်း ၉၀ ရာခိုင်နှုန်းကျော်သော ပြည်သူတွေ ထောက်ခံထားတဲ့ ဟာပဲဟာပဲဆိုတဲ့ အခြေခံ ဥပဒေကြီးရဲ့ အစိတ်အပိုင်း ဖြစ်နေတာလေ။ ဒီဥပဒေကြီးကို ဘယ်လို လိမ်လည် အတည်ပြုခဲ့တယ် ဆိုတာကိုက တိုင်းသိပြည်သိ နိုင်ငံတကာသိ သမိုင်းဆိုးကြီး ဖြစ်နေပြီး ဒါကို နောင်များမကြာမီ ကာလမှာ ဒီလို လိမ်လည် အတည်ပြုခဲ့ကြသူများ ကိုယ်တိုင် ဒါကြီးကတော့ အဲဒီတုန်းက ဒီလိုပဲ လိမ်ခဲ့ရပါတယ်၊ “ခိုင်းလို့ပေါ့ခင်ဗျ”လို့ ပြောမယ့်ကာလတောင် ဝေးကောင်းမှ ဝေးပါတော့မယ်။ ဒါပေမဲ့ ငြိမ်းကာနီးဆီမီး ပိုတောက်တယ် ဆိုတာလို ဒါကြီးက ဥပဒေကြီးမို့ ဒါကြီးကို လိုက်နာမှပဲ ဥပဒေလိုက်နာတဲ့ “နိုင်ငံသားခေါင်း” အဲလေ၊ “နိုင်ငံသားကောင်” အဲလေ (မှားပြန်ပြီဗျာ)၊ “နိုင်ငံသားကောင်း” ဖြစ်မယ်ဆိုတာမျိုး ပြောပြောနေသေးတာမျိုး တွေကိုလည်း ခုနက ၈၀ ရာခိုင်နှုန်းသော ပြည်သူများခမျာ အောင့်အည်း သည်းခံပြီး နားထောင် နေရရှာဆဲပေါ့ခင်ဗျာ။

ဒီနေရာမှာ မဆီမဆိုင် ဖြစ်နိုင်ပေမယ့် ၁၉၈၈ အရေးအခင်းကြီး မဖြစ်မီ သုံးလေးနှစ်မှာ ကျွန်တော်က မြို့ပတ်ရထားနဲ့ ရုံးကပြန်နေကျ အတိုင်း ပြန်ဖြစ်တဲ့ တစ်ညနေကို သတိရမိတယ်။ အဲဒီညနေက ပြန်နေကျ ဘူတာကြီးထက် ဗိုလ်ချုပ်ဈေး နောက်ဘက်က ဘုရားလမ်းဘူတာနား ရောက်သွားမိလို့ အဲဒီကနေ ရထားကို စောင့်စီးမိပါတယ်။ ခရီးသည်အများထဲမှာ ကိုယ်လိုပဲ အရာရှိ အိတ်ကလေးဆွဲပြီး ရထားစောင့်နေရှာတဲ့ လူတစ်ယောက်ကိုလည်း ဘုရားလမ်းဘူတာမှာ တွေ့ရပါတယ်။ ကျွန်တော်တို့ စောင့်ပြီး ၁၅ မိနစ်လောက် ကြာတော့ ရန်ကုန်ဘူတာကြီးကို မြို့ပတ်ရထား တစ်စီး မီးထိုးပြီး ၀င်လာတာကို ဘုရားလမ်းဘူတာကနေ လှမ်းမြင်ရလို့ ကျွန်တော်တို့ ပျော်သွားပါတယ်။ ဘူတာကြီးနဲ့ ဘုရားလမ်းဟာ ငါးမိနစ်လောက်သာ မောင်းရတာမို့ မကြာမတင် ဒီရထားဟာ ဒီဘူတာကို ရောက်လာတော့မယ်ပေါ့။ ဒါပေမဲ့ အဲဒီခေါင်းတွဲ မီးကြီး ထိန်လင်းနေတာ လှမ်းမြင်ရတဲ့ ရထားကြီးဟာ ကျွန်တော်တို့ ဘူတာကို နောက်နာရီဝက်နဲ့ ရောက်မလာပါဘူး။ ခေါင်းတွဲမီးကြီးကတော့ လင်းရက်နဲ့ပဲ “လာတော့မှာနော်” လို့ လှမ်းပြောနေသလိုပေမယ့် ၄၅ မိနစ်ကျော် ကြာသွားတဲ့တိုင် ရထားက ဘူတာကြီးက လုံးဝ ထွက်မလာပါဘူး။ ဒီတော့ အခု လာနိုးစောင့်နေတဲ့ ရထားစောင့်ဖော် အရာရှိက ဒေါသအတော်ထွက်လာပုံနဲ့ တောက်တစ်ချက်ခေါက်ရင်း သူနဲ့လုံးဝ မသိကျွမ်းတဲ့ ကျွန်တော့်ကို လှမ်းပြောလိုက်ပါတယ်။ “တောက်၊ ကျွန်တော်တို့ တစ်သက်လုံး ဒီလိုပဲခံလာရတာ များပြီဗျ၊ ဒီလောက် အောင့်အည်း သည်းခံနေရတာတောင် ကျွန်တော်တို့မှာ ရဟန္တာလည်းမဖြစ်၊ သူပုန်လည်းမဖြစ် အတော် ညံ့တာပါပဲဗျာ” တဲ့။ သူပြောတာ မှတ်သားလောက်စရာမို့ ကျွန်တော့်မှာ မမေ့နိုင်ဘဲ အောင့်အည်း သည်းခံရတာတွေ ကြုံတိုင်း ပြန်ပြန်သတိရနေမိပါတယ်။ (ရဟန္တာ မဖြစ်နိုင်ပေမယ့် ၁၉၈၈ ကျတော့ ကျွန်တော်ဟာ ဆက်မအောင့်အည်း နိုင်တော့လို့ သူပုန်စာရင်း အသွင်းခံရပြီး အလုပ်ပြုတ်သွားခဲ့တာ ပဲလေ)။

အခုတော့ ရွေးကောက်ပွဲ အဖြေထွက်ပြီး ကတည်းက အောင့်ခဲ့ရသမျှရဲ့ အသီးအပွင့်အဖြစ် လွှတ်တော်ကြီးတွေထဲ ကိုယ့်လူတွေရောက်၊ ရေးရာကော်မတီတွေဖွဲ့၊ ကိုယ့်ခေါင်းဆောင်ကိုလည်း အာဏာရ ပုဂ်္ဂိုလ်အသီးသီးက တွေ့ဆုံဆွေးနွေးနဲ့ ခရီးရောက်သင့်သလောက် ရောက်ခဲ့တာမို့ “ကဲ၊ ဆက်အောင့် လိုက်ကြဦးစို့” လို့ အဖော်ညှိနေကြရသပေါ့။ အောင့်သင့်တာတော့ အောင့်ရမှာ မှန်တယ်။ ပြောသင့်တာ ဝေဖန်သင့်တာကိုလည်း မပြောရင် မဖြစ်ပြန်ဘူး။ ဒီနှစ်ခုကိုတော့ ဘယ်ဘက်ကိုမှ မလွန်မကျွံရအောင် သတိတမံ ဥာဏ်မြေကတုတ် ပညာစွမ်း ချွန်းကဲ့သို့ အုပ်ရမယ် ဆိုတာလို သတိရော ဥာဏ်ရော ပညာရောနဲ့ ဆင်ခြင်ကြဖို့ လိုပါလိမ့်မယ်။ နဂိုက ရမယ်ရှာနေတဲ့သူကို သွားမဆွနဲ့ ဆိုတာမျိုးက မှန်သလို အတိုင်းအတာမဲ့ အောင့်အည်းကြရင်း ငါးပုံတစ်ပုံလောက် လူတစ်စု လုပ်ချင်ရာ လုပ်နေတာကို ကုန်ကုန်ခန်းခန်း ကျန်ငါးပုံလေးပုံက မျက်နှာလွှဲ နေကြစို့ ဆိုရင်လည်း မဟုတ်သေးဘူးပေါ့။ ဒါကြောင့် ပုဒ်မ ၅၉ ဆိုတဲ့ ဇွတ်အဓမ္မ ဥပဒေ၊ လူစင်မမီ ပုဒ်မ၊ ငါ့ စကားနွားရ ကန့်သတ်ပိတ်ဆို့မှုမျိုးနဲ့ ပတ်သက်ရင်လည်း ပြောသင့်တာတွေ မပြောချင်ဘဲ ပြောရပြန်ဦးမှာပဲလေ။ ဒါပေမဲ့ အခုတော့ ရင်ထဲရှိသမျှ အကုန် ထုတ်ပြောရမယ့် အချိန် မဟုတ်သေးပြန်ဘူးလို့ ကိုယ့်ဘာသာ ဆုံးမနေရပြန်ပါတယ်။

ဒီကာလမှာ ဒီပုဒ်မပြင်ဆင်ရေးနဲ့ ပတ်သက်ပြီး တပ်မတော်က တောင်းဆိုမှုတချို့နဲ့ အပေးအယူ လုပ်ခဲ့တယ်ဆိုတာမျိုး တရားမ၀င် သတင်းများလည်း မီဒီယာလောကမှာ ပျံ့နှံ့ခဲ့ပါတယ်။ ဟုတ်မဟုတ် မသေချာပေမယ့် တပ်မတော်နဲ့ နီးစပ်တဲ့ မီဒီယာ အသိုင်းအ၀ိုင်းက အတည်ပြုချက်တွေအရ တပ်မတော်က အရေးကြီး ပြည်နယ် လေးငါးခုမှာ ပြည်နယ်ဝန်ကြီးချုပ် ရယူခွင့်ကို စလုံးရေစ ပြင်ဆင်ခွင့်နဲ့ တွဲချိတ်ထားတယ်လို့ ဆိုပါတယ်။ ဒါကလည်း ဟုတ်ချင်လည်း ဟုတ်မယ်။ မဟုတ်ချင်လည်း မဟုတ်ဘူးပေါ့။ ဒါကလည်း ၁၉၆၂ ကတည်းက သတင်း အတည်ပြုလို့ မရတတ်တဲ့ ရွှေနိုင်ငံတော်ကြီးရဲ့ အစဉ်အလာပဲဟာ။ ဒါပေမဲ့ ဒါက ဟုတ်ဟုတ်၊ မဟုတ်ဟုတ် အရေးသိပ်လုပ်စရာ မဖြစ် တော့ပါဘူးး။ ဘာကြောင့်ဆိုတော့ သမ္မတရွေးချယ်မယ့် ရက်အမီ ၅၉(စ)ကို ပြင်ဆင်ဖို့ မဖြစ်နိုင်တော့လို့ပါပဲ။ တစ်ဖက်မှာလည်း ပြည်နယ် နဲ့ တိုင်းလွှတ်တော် အားလုံးမှာ အယ်န်အယ်လ်ဒီကပဲ ၀န်ကြီးချုပ်များ ရွေးချယ်ခန့်ထားတော့မယ် ဆိုတဲ့ သတင်းလည်း ထွက်လာပါတယ်။ ဒီတော့ အပေးအယူ ရှိခဲ့သည်ဖြစ်စေ၊ မရှိဖူးသည်ဖြစ်စေ၊ အဖြေကတော့ “ကိုယ်အတွက်လည်း အကျယ်အကျယ် အငြင်းမပွားတော့၊ မင်းတို့အတွက်လည်း တကယ်တကယ် မစဉ်းစားတော့” လို့ ဆုံးဖြတ်လိုက်ပြီလို့ပဲ ဆိုကြစို့ပေါ့ခင်ဗျာ။

တကယ်တော့ ဒီပုဒ်မက ကြံ့ခိုင်ရေးနဲ့ တပ်မတော်က ဘယ်လိုပဲ လှည့်ပတ်ငြင်းငြင်း၊ ဒေါ်အောင်ဆန်းစုကြည် တစ်ယောက်တည်းအတွက် တမင် လုပ်ထားတာဆိုတာ ပြည်တွင်းကရော နိုင်ငံတကာ အနှံ့ကပါ အကွင်းအကွင်း မုန့်တီဟင်းလို ရှင်းရှင်းကြီး မြင်ပြီးသိပြီးသားပါ။ ဒါက ၁၉၄၇ မှာ သူ့အဖေကိုယ်တိုင် ရေးဆွဲခဲ့တဲ့မူအတိုင်းပဲလို့ အရှက်မရှိ ပြောဆိုနေကြတဲ့ဟာတွေ ကိုယ်တိုင်လည်း ၁၉၄၇ ဥပဒေမှာ ပြဋ္ဌာန်းချက်နဲ့ အခုပြဋ္ဌာန်းချက်က ဘာမှမဆိုင်အောင် ကွာခြားတယ်ဆိုတာ သိရက်သားနဲ့ မျက်စိမှိတ် ငြင်းနေကြတာပါ။ ဒေါ်အောင်ဆန်းစုကြည်က ပခုက္ကူမှာ ပြောခဲ့တဲ့ မိန့်ခွန်းမှာ ဒီဥပဒေကို ကျော်လွှားဖို့ သူ့သားနှစ်ယောက်ကို မူလကအတိုင်း နိုင်ငံသားပြန်ဖြစ်ခွင့် ရယူလိုက်ရုံနဲ့ ဖြစ်နိုင်ပေမယ့် ဒီလို မျှတမှုလူစင်မမီတဲ့ ပုဒ်မ၊ မတရားကန့်သတ် ချုပ်ချယ်တဲ့ ဥပဒေမျိုးဟာ ရှိကိုမရှိသင့်လို့ ပြင်ရမှာဖြစ်တဲ့အတွက် ပြင်ဖို့ကြိုးစားတာ ဆိုတဲ့သဘောကို ရှင်းပြထားခဲ့ပြီး ဖြစ်ပါတယ်။ ဒါပေမဲ့ ဒီမတရားတဲ့ ဥပဒေကြီးကိုပဲ အမျိုးသားရေး တံဆိပ်ကပ်ပြီး ဒါပြင်ဖို့ လုပ်ရင်ပဲ သတ်ရဖြတ်ရမယ် ဆိုတဲ့အထိ ဥပဒေမဲ့စကားမျိုး လူသိရှင်ကြားပေါရဲတဲ့ အဲလေ ပြောရဲတဲ့ “လူတွေနဲ့ မတူကွဲပြားသူများ”ကလည်း ရှိသေးခင်ဗျ။

ဘာပဲဖြစ်ဖြစ် လူဆိုတာ ကိုယ့်သမိုင်း ကိုယ်ရေးတာဖြစ်ပြီး နိုင်ငံရေးသမားလို့ ကိုယ့်ဘာသာ တံဆိပ်ကပ်ထားသူများဟာ ကိုယ့် တံဆိပ်မှာ လူဆိုးသူခိုးလို တံဆိပ်မျိုး၊ အနိုင်ကျင့် မိုက်မဲတတ်သူဆိုတဲ့ ပင်လယ်ဓားပြလို တံဆိပ်မျိုးကိုပါ ထပ်ကပ်မိရက်သားမျိုး လုပ်မိမမှားရေး သမိုင်းသတိထားဖို့ လိုပါလိမ့်မယ်။ ပြည်သူနဲ့ အာဏာရှင်မှာ အာဏာရှင်ကို ရွေးသူ၊ အမှားနဲ့ အမှန်မှာ အမှားကို ဖက်တွယ်သူ၊ ဓမ္မနဲ့ အဓမ္မမှာ အဓမ္မကို မြိန်ရှက်စွာ ကျင့်သုံးတတ်သူမျိုးဟာ ဘယ်လိုလုပ်ပြီး နိုင်ငံရေးစင်မြင့်မှာ အရှည်သဖြင့် ရပ်တည်ခွင့် ရနိုင်ပါ့မလဲ။

ဘာပဲဖြစ်ဖြစ် မကြာလှမီကာလမှာ အနိုင်ရပါတီက ရွေးချယ်တဲ့ သမ္မတလောင်းနဲ့အတူ အစိုးရ အဖွဲ့စာရင်းပါ လူသိရှင်ကြား ထွက်ပေါ်လာပါတော့မယ်။ လူထုချစ်တဲ့ ဒေါ်အောင်ဆန်းစုကြည် ကတော့ “လူထုခေါင်းဆောင်” ဆိုတဲ့ ရှိပြီးနေရာကနေ ဘယ်ဥပဒေ ဘယ်ပုဒ်မကမှ ဖယ်ချလို့ ရတာ မဟုတ်တော့ အနိုင်ရပါတီက ရွေးချယ်တဲ့ အစိုးရအဖွဲ့ကိုပဲ ပဲ့ကိုင်ဦးဆောင်ရင်း မိမိပါတီကိုလည်း ခေါင်းဆောင်အဖြစ် ဆက်လက် ထိန်းသိမ်းကွပ်ကဲခွင့်ကို ဒီနေ့ သမိုင်းဖြစ်ရပ်တွေက ဖန်တီးပုံဖော်ပေးလိုက်ပြီ ဖြစ်ပါတယ်။ နောင်မှာ အတိတ်ဖြစ်လာမယ့် ဒီနေ့ သမိုင်းဖြစ်ရပ်များဟာ နောင်အနာဂတ်ကျရင် ကျေးဇူးတင်စရာတွေ ဖြစ်ချင်တောင် ဖြစ်လာဦးမှာပါ။ ဘာပဲဖြစ်ဖြစ် သမ္မတဖြစ်ပြီဆိုရင် ဥပဒေနဲ့အညီ ပါတီနဲ့ဝေးဝေးနေရမယ့် အနေအထားကနေ ရင်အုပ်မကွာ ဆက်နေခွင့်ရတာကလည်း ၀မ်းသာစရာပဲ မဟုတ်လားခင်ဗျ။

ဒါပေမဲ့ ၅၉ ( စ ) ပြင်ဆင်ခွင့် ဆိုတာကတော့ မကြာမတင် စလုံးရေစရမယ့် ကိစ္စပါပဲ။ ဘာကြောင့်ဆိုတော့ ဒီအမှားပြင်ချက်ကနေ အမျိုးသား ရင်ကြားစေ့ရေးကိုလည်း စလုံးရေစ၊ တပ်မတော်ရဲ့ သဘောထားကြီးမှုကိုလည်း စလုံးရေစ၊ ပြည်သူက တပ်မတော်အပေါ် ပြန်လည် ကြည်ညို အားကိုးမှုကိုလည်း စလုံးရေစရမှာ မို့ပါ။ ဒါကို စလုံးရေစခြင်းအားဖြင့် နိုင်ငံရဲ့ အုပ်ချုပ်ရေး စစ်တလင်းမှာ တပ်ကျွံနေတဲ့ အနေအထားကနေ လှလှပပ ဆုတ်ခွာနိုင်မှာလည်း ဖြစ်ပါတယ်။ တစ်နည်းအားဖြင့် အတ္တကတုတ်ကျင်းများဆီကနေ ပြည်သူများနဲ့ ရဲရဲဝံ့ဝံ့ မျက်နှာချင်းဆိုင် ရင်ချင်းအပ်နိုင်မှာ ဖြစ်ပါတယ်။ ကိုယ်မျက်နှာချင်း ဆိုင်နေရတဲ့ ပြည်သူဆိုတာ ရန်သူမဟုတ်ကြောင်း သဘောပေါက် နားလည်လာတဲ့ စလုံးရေစလည်း ဖြစ်ပါလိမ့်မယ်။

နိုင်ငံရေးမှာ ထာဝရရန်သူ၊ ထာဝရ မိတ်ဆွေဆိုတာ မရှိဘူးလုိ့ အဆိုရှိပါတယ်။ ဒုတိယ ကမ္ဘာစစ်အတွင်း အမေရိကန်ရဲ့ အဏုမြူ ဗုံးကြဲခံရပြီး မရှုမလှ လက်နက်ချခဲ့ရတဲ့ ဂျပန်ဟာ အမေရိကန်ကို မဟာမိတ်ပြုပြီး ဒီနေ့ အတိုးတက် အဖွံ့ဖြိုးဆုံးနိုင်ငံအဖြစ် အမေရိကန်ကိုပဲ ပြန်ပခုံးချင်းယှဉ်နိုင်တာဟာ သင်ခန်းစာကောင်းပါပဲ။ ကျွန်တော်တို့တစ်တွေဟာ သူတို့တွေလို တစ်ပြည်စီခြား၊ တိုင်းတစ်ပါးသားတွေ မဟုတ်ဘဲ သွေးသားရင်းချာတွေပါ။ ဒီတော့ “ရှေးကတော့ ပိုချစ်ကြတယ်”ဆိုတဲ့ သီချင်းကို “ရှေးကထက် ပိုချစ်ကြတယ်”လို့ ပြောင်းဆို နိုင်အောင် ကျွန်တော်တို့တစ်တွေ တပ်နဲ့ပြည်သူ ကြည်ဖြူလက်တွဲမယ့် ချစ်ကြည်ရေးလမ်းဆီ စလုံးရေစလှမ်းရမယ့် အချိန်ရောက်ပြီလို့ တိုက်တွန်း နှိုးဆော် လိုက်ချင်ပါတယ် ခင်ဗျား။

ရီနေနိုင်
The Ladies News Journal