03/10/16

htinkyaw-620.jpg
ပြည်သူ့လွှတ်တော်မှာ ဒုတိယသမ္မတလောင်းအဖြစ် အမျိုးသားဒီမိုကရေစီအဖွဲ့ချုပ်ပါတီက အဆိုတင်သွင်းတဲ့ ဦးထင်ကျော် ကို တွေ့ရစဉ်
.

နိုင်ငံတော်သမ္မတနဲ့ ဒုတိယသမ္မတလောင်း အမည်စာရင်းတွေကို ပြည်သူ့လွှတ်တော်နဲ့ အမျိုးသားလွှတ်တော်မှာ ဒီကနေ့ မနက်ပိုင်းက အဆိုပြုခဲ့ကြပါတယ်။
ပြည်သူ့လွှတ်တော်မှာ အမျိုးသားဒီမိုကရေစီအဖွဲ့ချုပ်က ဦးထင်ကျော်နဲ့ ကြံ့ခုိုင်ဖွံ့ဖြိုးရေးပါတီက ဒေါက်တာ စိုင်းမောက်ခမ်း တို့ကို အဆိုပြုပြီး အမျိုးသားလွှတ်တော်မှာ အန်အယ်လ်ဒီက ဦးဟန်နရီ ဗန်ထီးယူနဲ့ ကြံ့ခုိုင်ဖွံ့ဖြိုးရေးပါတီက အမျိုးသားလွှတ်တော်ဥက္ကဌဟောင်း ဦးခင်အောင်မြင့်တို့ကို အဆိုပြုခဲ့ကြပါတယ်။
henryvanthieu-620.jpg အမျိုးသားလွှတ်တော်က ဦးဟန်နရီ ဗန်ထီးယူဟာ လွန်ခဲ့တဲ့ ၁ နှစ်လောက်က အမျိုးသားဒီမိုကရေစီအဖွဲ့ချုပ်ကို ဝင်ရောက်ခဲ့ပြီး ၂၀၁၅ ရွေးကောက်ပွဲမှာ ၀င်ရောက်ယှဉ်ပြိုင်ခဲ့တာဖြစ်ပါတယ်။ သူဟာ ဥပဒေဘွဲ့ရသူဖြစ်ပြီး တပ်မတော်မှာ ဗိုလ်မှူးအဆင့်ထိ တာဝန်ထမ်းဆောင်ဖူးသူလို့ သိရပါတယ်။
ပြည်သူ့လွှတ်တော်မှာ အဆိုပြုခဲ့တဲ့ ဦးထင်ကျော်ဟာ လက်ရှိ ဒေါ်ခင်ကြည်ဖေါင်ဒေးရှင်းကို ဦးဆောင်နေသူ တစ်ဦးဖြစ်ပြီး ရွေးချယ်တင်မြှောက်ခံရတဲ့ ကိုယ်စားလှယ် မဟုတ်ပေမယ့် ဒေါ်အောင်ဆန်းစုကြည်ရဲ့ အနီးစပ်ဆုံးစာရင်းမှာပါသူလို့ သိရှိပါတယ်။
ဦးထင်ကျော်ဟာ စီးပွားရေးမဟာဘွဲ့ကို ရရှိထားသူဖြစ်သလို အင်္ဂလန်မှာလည်း ပညာတော်သင် သွားရောက်ဖူးသူလို့ သိရပါတယ်။ ဒါ့အပြင် ဦးထင်ကျော်ဟာ ဆရာကြီး မင်းသုဝဏ်ရဲ့ သားဖြစ်ပြီး ကွယ်လွန်သူ အန်အယ်လ်ဒီ ခေါင်းဆောင်ဟောင်း ဦးလွင်ရဲ့ သမီး လက်ရှိ ပြည်သူ့လွှတ်တော်ကိုယ်စားလှယ် ဒေါ်စုစုလွင်ရဲ့ ခင်ပွန်း ဖြစ်ပါတယ်။
saimaukkhan-620.jpg ကြံ့ခုိုင်ဖွံ့ဖြိုးရေးပါတီက အဆိုတင်တဲ့ ဒေါက်တာစိုင်းမောက်ခမ်းဟာ လက်ရှိ လားရှိူးမြို့နယ် မဲဆန္ဒနယ် က ပြည်သူ့လွှတ်တော်ကိုယ်စားလှယ်ဖြစ်ပြီး ဦးခင်အောင်မြင့်က အမျိုးသားလွှတ်တော် ဥက္ကဌဟောင်းဖြစ်သလို ရမည်းသင်းနဲ့ ပျော်ဘွယ်မြို့နယ်တွေဘက်ကို ကုိုယ်စားပြုတဲ့ အမျိုးသားလွှတ်တော် ကိုယ်စားလှယ် ဖြစ်ပါတယ်။
khinaungmyint-620.jpg ဒါ့အပြင် နုိုင်ငံတော်သမ္မတနဲ့ ဒုတိယသမ္မတတွေကို စိစစ်ရွေးချယ်ရေးမယ့် အဖွဲ့မှာ ပါဝင်ကြမယ့်သူတွေ ကိုလည်း ရွေးချယ်အတည်ပြုကြပါတယ်။
ပြည်သူ့လွှတ်တော်က အဖွဲ့ဝင် တစ်ဦးကို ရွေးချယ်ရာမှာ အရင်က ဒုတိယသမ္မတလောင်းအဖြစ် ထင်ကြေးပေးခံရသူတွေထဲမှာပါတဲ့ ဒေါက်တာမျိုးအောင်ကို အတည်ပြုလိုက်ပါတယ်။ အမျိုးသားလွှတ်တော်မှာတော့ အန်အယ်လ်ဒီပါတီက ဦးဘမျိုးသိန်းကို ရွေးချယ်လိုက်ပါတယ်။
သမ္မတနဲ့ ဒုတိယသမ္မတလောင်းတွေကို စိစစ်ရွေးချယ်ရေးအဖွဲ့မှာ ပြည်သူ့လွှတ်တော်ဥက္ကဌနဲ့ ဒုတိယဥက္ကဌ၊ အမျိုးသားလွှတ်တော် ဥက္ကဌနဲ့ ဒုတိယဥက္ကဌ ၊ တပ်မတော်သားကိုယ်စားလှယ် တစ်ဦး စုစုပေါင်း ၇ ဦး ပါဝင်တာ ဖြစ်ပါတယ်။

တပ်မတော်သားကိုယ်စားလှယ်တွေကလည်း ဒုတိယသမ္မတလောင်းတစ်ဦး တင်သွင်းခွင့်ရှိတာဖြစ်ပြီး အဲ့ဒီအစုအဖွဲ့က ဘယ်တော့တင်မယ်ဆုိုတာတော့ မသိရှိရသေးပါဘူး။
မနက်ဖြန် လွှတ်တော်အစည်းအဝေးတွေမှာ သမ္မတနဲ့ ဒုတိယသမ္မတလောင်း ရွေးချယ်ရေးလုပ်ငန်းစဉ်တွေကို ဆက်လက်ပြုလုပ်သွားမှာ ဖြစ်ပါတယ်။

အမျိုးသားဒီမိုကရေစီအဖွဲ့ချုပ်ရဲ့ အမျိုးသားလွှတ်တော် ကိုယ်စားလှယ်လည်းဖြစ် တပ်မတော်မှာ ဗိုလ်မှူးအဖြစ် တာဝန်ထမ်းဆောင်ဖူးသလို အစိုးရဝန်ထမ်းအဖြစ် နှစ်ပေါင်းများစွာ တာဝန်ယူခဲ့ဖူးတဲ့ ဦးဟင်နရီ ဗန်ထီးယူ ကို RFA သတင်းထောက် မဝေမာထွန်း ဆက်သွယ်မေးမြန်းထားတာ နားဆင်နိုင်ပါတယ်။http://www.rfa.org/burmese/news/nld-usdp-vice-presidents-03102016014456.html/b0310mar.mp3

RFA
http://www.rfa.org/burmese/news/nld-usdp-vice-presidents-03102016014456.html


ကရင်ငြိမ်းချမ်းရေးကောင်စီ KNU / KNLA-PC မှ တပ်ဖွဲ့ဝင်များ နိုင်ငံတော်၏ တည်ဆဲဥပဒေနှင့် မညီညွတ်သည့် မြေယာကိစ္စ၊ ကားကိစ္စများ မလုပ်ဆောင်ကြစေရန် ကရင်ငြိမ်းချမ်းရေး ကောင်စီမှ အထွေထွေ အတွင်းရေးမှူးချုပ် ဗိုလ်ချုပ်နော်ကပေါ်ထူးက ပြောဆိုလိုက်သည်။

နိုင်ငံတော်၏ တည်ဆဲဥပဒေနှင့် မညီညွတ်သည့် မြေယာကိစ္စ၊ ကားကိစ္စများ မလုပ်ဆောင်မိကြစေရန် အထွေထွေ အတွင်းရေးမှူးချုပ် ဗိုလ်ချုပ်နော်ကပေါ်ထူးက နော်တယာမြို့တွင် မတ်လ ၈ ရက်ကပြုလုပ်သည့် နိုင်ငံရေး၊ ငြိမ်းချမ်းရေးနှင့် ဒေသဖွံ့ဖြိုးရေးဆိုင်ရာ ညီလာခံတွင် တပ်ဖွဲ့များကို ပြောကြားလိုက်ခြင်းဖြစ်သည်။

“ကိုယ်တပ်ဖွဲ့ အချင်းချင်းဖြစ်စေ၊ အခြား ကရင်တိုင်းရင်းသား လက်နက်ကိုင်တွေဖြစ်တဲ့ BGF, DKBA, KNU စတဲ့ အဖွဲ့အစည်းတွေအပေါ်မှာဖြစ်စေ ဝေဖန်ပုတ်ခတ်တာမျိုး မလုပ်ကြဖို့လိုပါတယ်။ ဒါ့အပြင် နိုင်ငံတော်ရဲ့ တည်ဆဲဥပဒေနဲ့ မကိုက်ညီတဲ့ မြေယာကိစ္စ၊ ကားကိစ္စတွေ မလုပ်ကြပါနဲ့။ ဒါတွေဟာ တပ်ဖွဲ့ရဲ့ ဂုဏ်သိက္ခာကို ကျဆင်းစေပါတယ်” ဟု ဗိုလ်ချုပ်နော်ကပေါ်ထူးက ပြောသည်။

ကရင်ငြိမ်းချမ်းရေး ကောင်စီ၏ နိုင်ငံရေး၊ ငြိမ်းချမ်းရေးနှင့် ဒေသဖွံ့ဖြိုးရေး လုပ်ငန်းဆိုင်ရာ ညီလာခံကို ကရင်ပြည်နယ်၊ ကော့ကရိတ်ခရိုင်၊ ထို့ကော်ကိုးဒေသ၊ နော်တယာမြို့တွင် မတ်လ (၇/၈/၉) သုံးရက်တိုင်ကျင်းပနေပြီး ကရင်ငြိမ်းချမ်းရေး ကောင်စီ ဗျူဟာ ၆ ခုမှ ဗျူဟာမှူးများ၊ တပ်ရင်း ၉ ရင်းမှ တပ်ရင်းမှူးများနှင့် တပ်ဖွဲ့ဝင်များ၊ PC အမျိုးသမီးရေးရာများ အပါအဝင်အင်အား ၁၃၀ ဦး တက်ရောက်ခဲ့ ကြောင်း သိရသည်။

ညီလာခံ၏ အဓိကရည်ရွယ်ချက် ဖြစ်သည့် နိုင်ငံရေး၊ ငြိမ်းချမ်းရေးနှင့် ဒေသဖွံ့ဖြိုးရေး လုပ်ငန်းဆိုင်ရာ ကိစ္စရပ်များကို အသီးသီး တင်ပြဆွေးနွေးခဲ့ကြပြီး KNU / KNLA-PC ၏ မူဝါဒ ၉ ချက်၊ ရည်ရွယ်ချက် ၈ ချက်နှင့် ရှေ့လုပ်ငန်းစဉ် ၇ ချက်တို့ကို တင်ပြညှိနှိုင်းခဲ့ကာ အုပ်ချုပ်ရေးနှင့် တပ်ပိုင်းဆိုင်ရာ ဖွဲ့ စည်းပုံ၊ ဒုတိယအကြိမ် ပြည်ထောင်စုညီလာခံသို့ တက်ရောက်ရန် ကြိုတင်ပြင်ဆင်ခြင်းများ အပါအဝင် စိုက်ပျိုးရေးနှင့် စီးပွားရေးဆိုင်ရာကိစ္စများ ညှိနှိုင်းဆောင်ရွက် သွားမည်ဖြစ်ကြောင်း သိရသည်။

သတင်း - MMK
The Ladies News
https://www.facebook.com/News.TheLadies


၂၀၁၅ ခုနှစ် အထွေထွေ ရွေးကောက်ပွဲကြီးတွင် ကျောက်တန်းမြို့နယ်တွင် မဲအနိ်ုင်ရရှိခဲ့သော ပြည်သူ့လွှတ်တော် ကိုယ်စားလှယ် ဒေါ်အေးမြမြမျိုးမှ မဲဆန္ဒနယ်အတွင်း လယ်ယာမြေ ပြဿနာများကို အဓိကထား ဖြေရှင်းသွားမည်ဟု ပြောကြားသည်။

“လယ်ယာမြေ ပြဿနာကတော့ ကျွန်မတို့နိုင်ငံအတွက် အရမ်းအရေးကြီးပြီး ဒေသခံတွေဆီကနေ လေ့လာတယ်။ ဒီပြဿနာကို ကိုင်တွယ်ဖြေရှင်း နေတဲ့သူတွေဆီကလည်း သင်ယူလေ့လာတယ်။ အခုလောလောဆယ် ဦးစားပေးပြီး လုပ်နေတာကတော့ လယ်ယာမြေ ပြဿနာပါပဲ” ဟု ကျောက်တန်းမြို့နယ်၊ အမျိုးသား ဒီမိုကရေစီအဖွဲ့ချုပ် ပါတီမှ ပြည်သူ့လွှတ်တော် ကိုယ်စားလှယ် ဒေါ်အေးမြမြမျိုးက ပြောသည်။

ကျောက်တန်းဒေသရှိ ပြည်သူများမှ လယ်ယာမြေ ပြသ၁နာများနှင့် ပတ်သက်သည့် တိုင်ကြားစာများ ၎င်းထံသို့ ပေးပို့ထားသည့်အပြင် ကျောက်တန်းမြို့နယ်ရှိ အမျိုးသား ဒီမိုကရေစီအဖွဲ့ချုပ်ရုံး သို့လည်း ပေးပို့ထားကြောင်း သိရသည်။

“လက်ရှိမှာ လယ်ယာမြေ ပြသ၁နာတွေရဲ့ အရင်းအမြစ်ကို လေ့လာနေတယ်။ ဒီလယ်ယာနဲ့ ပတ်သက်ပြီး လွှတ်တော်က ကော်မတီနဲ့ရော၊ တာဝန်ရှိတဲ့လူနဲ့ရော ဆွေးနွေးနေပါတယ်” ဟု ကျောက်တန်းမြို့နယ်၊ အမျိုးသား ဒီမိုကရေစီအဖွဲ့ချုပ်ပါတီမှ ပြည်သူ့လွှတ်တော် ကိုယ်စားလှယ် ဒေါ်အေးမြမြမျိုးက ပြောသည်။

၂၀၁၅ ခုနှစ် အမျိုးသား ဒီမိုကရေစီအဖွဲ့ချုပ် ရွေးကောက်ပွဲ ကြေညာစာတမ်း စီးပွားရေးကဏ္ဍတွင်၊ လယ်ယာမြေ ပြသ၁နာများ တရားမျှတစွာ ဖြေရှင်းရေး၊ လယ်ယာမြေ အသုံးချခွင့် အာမခံချက် ရှိစေရေးအပြင် လယ်ယာမြေ ထိန်းသိမ်းခြင်း၊ လွှဲပြောင်းပေးခြင်းများကို ဥပဒေ လုပ်ထုံးလုပ်နည်းနှင့်အညီ ထင်သာမြင်သာ ရှိစေရေး၊ လယ်မဲ့ယာမဲ့များ၊ ကျဘမ်းအလုပ်သမားများ အတွက် အသက်မွေးဝမ်းကျောင်း လုပ်ငန်းများ ရရှိရေးတို့ကို ဆောင်ရွက်မည်ဟု ထုတ်ပြန်ထားသည်။

သတင်း - MMK
The Ladies News
https://www.facebook.com/News.TheLadies

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ဒုတိယ သမ္မတလောင်း ရွေးချယ်မှုများနှင့် ပတ်သက်ပြီး ရှင်းလင်းပွဲ သို့ တက်ရောက်စဉ် (ဆင်ဟွာ)
    နေပြည်တော်၊ မတ် ၁၀ ရက် (ဆင်ဟွာ)

    အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်မှ ယနေ့ တင်သွင်းသော ဒုတိယ သမ္မတလောင်းနှစ်ဦး ရွေးချယ်မှုများကို အဖွဲ့ချုပ်၏ လွှတ်တော် ကိုယ်စားလှယ်များသို့ ရှင်းလင်း ပြောကြားသည်။

အဆိုပါ ဒုတိယ သမ္မတလောင်း ရွေးချယ်မှုများနှင့် ပတ်သက်ပြီး ရှင်းလင်းပွဲကို နေပြည်တော် စည်ပင်ရိပ်သာတွင် ပြုလုပ်ပြီး လွှတ်တော် ကိုယ်စားလှယ် ၄၀၀ နီးပါး တက်ရောက်ခဲ့သည်။ ပြည်သူ့လွှတ်တော် အစုအဖွဲ့မှ တင်သွင်းသော ဦးထင်ကျော်ကို ရွေးချယ်ရာတွင် သစ္စာရှိမှု၊ စည်းကမ်းလုိုက်နာမှု ၊ မြန်မာနိုင်ငံနှင့် နုိုင်ငံတကာ ပြည်သူများ လေးစားကြည်ညိုသည့် ပညာတတ် ပုဂ္ဂိုလ် ဖြစ်ရမည်ဆိုသည့် မူ ၃ ချက် ရွေးချယ်ခဲ့ကြောင်း ဒေါ်အောင်ဆန်းစုကြည်က ဆိုသည်။

အမျိုးသားလွှတ်တော် အစုအဖွဲ့မှ တင်သွင်းသော ချင်းတုိုင်းရင်းသား ဦးဟင်နရီဗန်ထီးယူကို တုိုင်းရင်းများ တန်းတူညီမျှရေး အတွက် ရွေးချယ်ခြင်း ဖြစ်ကြောင်း ဒေါ်အောင်ဆန်းစုကြည်က ပြောကြားသည်။

ဒုတိယ သမ္မတလောင်း ရွေးချယ်မှုများနှင့် ပတ်သက်ပြီး ရှင်းလင်းပွဲ အားတွေ့ရစဉ် (ဆင်ဟွာ)
ယနေ့တွေ့ဆုံမှုတွင် ဒေါ်အောင်ဆန်းစုကြည်က သမ္မတ ရွေးချယ်မည့်နေ့ မတုိုင်မီ အထိ အမတ်အားလုံး ခရီးမသွားကြရန်၊ ကျန်းမာရေး ဂရုစုိုက်ကြရန်၊ အမတ်များကုို ဦးဝင်းထိန်က ဆူပူခြင်း မပြုလုပ်ရန် ၊ မဲပေးရာတွင် ဂရုတစုိုက် မဲပေးကြရန် မှာကြားသည်။

(Xinhua)
http://www.xinhuamyanmar.com


ယနေ့ ညနေ ၅ နာရီ အချိန်ခန့်တွင် ဒေါ်အောင်ဆန်းစုကြည်သည် NLD ကိုယ်စားလှယ်များ တည်းခိုရာ စည်ပင်ဧည့်ရိပ်သာသို့ သွားရောက်တွေ့ဆုံပြီး ပြောကြားခဲ့သည့် အမှာစကားအချို့ကို ကောက်နုတ်ဖော်ပြလိုက်သည်။

-မနက်ဖြန် (မတ် ၁၁ ရက်) လွှတ်တော်အစည်းအဝေးတက်ရင် ပက်နီဝတ်ပါ။ ကျွန်မတို့ အင်အားကို ပြဖို့အတွက် ပင်နီဝတ်ခိုင်းခြင်း ဖြစ်တယ်။ လှပဖို့အတွက် ပင်နီမ၀တ်ချင်ဘူးဆိုတာကို လက်မခံဘူး။ ငါတို့ခေတ်ရောက်ပြီဆိုတာကို မြင်အောင် ပြကြပါ။

-လုပ်ပိုင်ခွင့် တာဝန်ယူပိုင်ခွင့်ရှိမှ နိုင်ငံတော်ကို ဒီမိုကရေစီလမ်းကြောင်းပေါ်ကို ဆွဲတင်နိုင်မှာဖြစ်တယ်။ ဖက်ဒရယ်ပြည်ထောင်စု တည်ထောင်ချင်တဲ့အတွက် (သမ္မတလောင်းများကို) ခုလို ရွေးချယ်တာ ဖြစ်တယ်။ တိုင်းရင်းသားဖြစ်ရုံနဲ့ မလုံလောက်သေးပါဘူး။ ရှိသင့်ရှိထိုက်တဲ့အရည်အချင်းရှိမှ။
၁- သစ္စာရှိမှု ၂-စည်းမျည်းစည်းကမ်း ၃-နိုင်ငံတကာက လေးစားနိုင်တဲ့အချက်တွေအပေါ် ကြည့်ပြီးရွေးချယ်ခြင်း ဖြစ်တယ်။ ပြည်သူလူထု သဘောကျလိမ့်မယ်လို့ ကျွန်မ ယုံကြည်တယ်။

-နိုင်ငံရေး ပြောင်းလဲနေချိန်မှာ မတည်မငြိမ်ဖြစ်လာအောင်လုပ်မယ့်သူတွေ ပေါ်လာနိုင်တယ်။ အစိုးရ လုပ်ငန်းစဉ်ကို ပြည်သူလူထုကို ပွင့်ပွင့်လင်းလင်း တင်ပြပြီးလုပ်ချင်ပါတယ်။ ပြည်သူကို တင်ပြရဲရမယ်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


NLD က တင်သွင်းသည့် ပြည်သူ့လွှတ်တော်ကိုယ်စားပြု ဒုတိယသမ္မတလောင်း ဦးထင်ကျော် ကို နိုင်ငံတကာ သတင်းမီဒီယာအချို့က ဒေါ်အောင်ဆန်းစုကြည်၏ ဒရိုင်ဘာဟောင်း (Former Driver) ဟု စင်ကာပူ CNA နှင့် Today သတင်းဌာနတို့မှ လွဲမှားစွာရေးသားခဲ့သည့်အပြင် ဒီမိုကရေစီရေး စဉ်ဆက်မပြတ် လှုပ်ရှားမှု အဖွဲ့( MDCF ) ခေါင်းဆောင် ကိုထင်ကျော် ဓာတ်ပုံ နှင့်လည်း CNN သတင်းဌာနက မှားယွင်း ဖော်ပြခဲ့ကြသည်။

မျိုးရိုးကောင်းပြီး ပညာခုံမင်သူ အသိုက်အ၀န်းမှ ဆင်းသက်လာသူ ဦးထင်ကျော်သည် ၁၉၆၂- ၁၉၆၃ ၌ ရန်ကုန်တက္ကသိုလ်တွင် စီးပွားရေးပညာကို စတင်ဆည်းပူးခဲ့ပြီး ၁၉၆၆-၆၇ တွင် B.Eco ဘွဲ့ ရရှိခဲ့သည်။ ၁၉၆၈ တွင် M.Eco (part 2 ) တက်ရောက်စဉ်အတွင်း တက္ကသိုလ်နည်းပြအဖြစ် တာဝန်ထမ်းဆောင်ခဲ့ကြောင်း သိရသည်။

ပြည်ပတွင် ပညာသင်ယူမှုများအဖြစ် ၁၉၇၁-၇၂ တွင် Institute of Computer Science, University of London ၌ လည်းကောင်း၊ ၁၉၇၄ ခုနှစ်တွင် Asia Electronic Union, Tokyo ၌ လည်းကောင်း၊ ၁၉၈၇ ခုနှစ်တွင် Arthur DeLittle, Management Education Institute, Cambridge, Massachusetts ၌ လည်းကောင်း ပညာ ဆည်းပူး သင်ယူခဲ့သည် ဟု မှတ်တမ်းများတွင် ဖော်ပြထားသည်။

၁၉၇၄-၇၅ ၌ M.Sc Computer Science (RASU) ရရှိခဲ့ကြောင်း ၊ ၁၉၇၅ ခုနှစ်၌ အကြီးစားစက်မှုလုပ်ငန်းတွင် ဌာနခွဲမှူးအဖြစ် လည်းကောင်း၊ ၁၉၈၀ မှ ၁၉၉၂ ထိ နိုင်ငံခြား စီးပွားဆက်သွယ်ရေး ဦးစီးဌာန (FERD) တွင် လည်းကောင်း တာဝန်ထမ်းဆောင်ခဲ့ပြီး ၁၉၉၂ ခုနှစ်တွင် ဒုတိယ ညွှန်ကြားရေးမှူး ရာထူးမှ နုတ်ထွက်ခဲ့ကြောင်း သိရသည်။

ဒုသမ္မတလောင်း ဦးထင်ကျော်အနေဖြင့် ယနေ့အချိန်ထိ Daw Khin Kyi Foundation တွင် အလုပ်အမှုဆောင်အဖွဲ့ဝင် ( Executive Committee Member ) အဖြစ် တာဝန်ယူဆောင်ရွက်လျက် ရှိသည်။

အမျိုးသားစာဆို ဆရာကြီးမင်းသုဝဏ်၏ သားဖြစ်သူ၊ ဒေါ်အောင်ဆန်းစုကြည် အကျယ်ချုပ်ကျနေစဉ် ကာလကပင် အနီးကပ် ကူညီပေးခဲ့သူ ဦးထင်ကျော်မှာ အနေအေးဆေးပြီး စိတ်ထားကောင်းမွန်သူ တစ်ဦးဖြစ်သည် ဟု နီးစပ်သူ
အသိုင်းအ၀ိုင်းက ဆိုသည်။

မောင်နိုး
The Ladies News
https://www.facebook.com/News.TheLadies


NLD ပါတီက ပြည်သူ့လွှတ်တော် အတွက် ဦးထင်ကျော် အမျိုးသား လွှတ်တော်အတွက် ဦးဟင်နရီဗန်ထီးယူတို့ကို ဒုသမ္မတလောင်းတွေအဖြစ် အမည်စာရင်း တင်သွင်းပါတယ်။

ပြည်ခိုင်ဖြိုးပါတီက ပြည်သူလွှတ်တော်အတွက် လက်ရှိဒုသမ္မတ ဒေါက်တာစိုင်းမောက်ခမ်း၊ အမျိုးသာလွှတ်တော်အတွက် အမျိုးသား လွှတ်တော် ဥက္ကဌဟောင်း ဦးခင်အောင်မြင့်တို့ကို အမည်စာရင်းတင်သွင်းခဲ့ပါတယ်။

ဦးထင်ကျော်ရဲ့ ကိုယ်ရေးအကျဉ်း

NLD အမျိုးသား ဒီမိုကရေစီ အဖွဲ့ချုပ်က ကိုယ်စားလှယ် အများစုပါဝင်တဲ့ ပြည်သူ့လွတ်တော်က ဦးထင်ကျော်ကို ဒုသမ္မတလောင်းအဖြစ် အမည်စာရင်း တင်သွင်းလိုက်ပြီ ဖြစ်ပါတယ်။

ဦးထင်ကျော်ရဲ့ဖခင် နိုင်ငံကျော် စာရေးဆရာကြီး မင်းသုဝဏ်ဟာလည်း ၁၉၉၀ ပြည့်နှစ် ရွေးကောက်ပွဲတုန်းက NLD လွတ်တော်ကိုယ်စားလှယ်အဖြစ် ကွမ်းခြံကုန်းမြို့နယ်ကနေ ရွေးကောက်တင်မြောက်ခံခဲ့ရပါတယ်။
ဦးထင်ကျော်က ဒေါ်အောင်ဆန်းစုကြည်က ယုံကြည် အားကုိုးရတဲ့ လူယုံတဦးဖြစ်ပြီး ဒေါ်အောင်ဆန်းစုကြည်နဲ့အတူ Methodist High School (ဒဂုံ-၁) မှာ အခြေခံပညာ ဆည်းပူးခဲ့သူလည်း ဖြစ်ပါတယ်။ ၁၉၆၂ ခုနှစ်မှာ စီးပွားရေးတက္ကသိုလ် တက်ရောက်ခဲ့ပြီး စီးပွားရေးမဟာဘွဲ့ ရပြီးတဲ့နောက် နိုင်ငံခြားပညာတော်သင်အဖြစ် အင်္ဂလန်နိုင်ငံမှာ Oxford တက္ကသုိုလ်မှာ ပညာ ဆက်လက်သင်ကြားခဲ့သူလည်း ဖြစ်ပါတယ်။

ဦးထင်ကျော်ဟာ ဒေါ်အောင်ဆန်းစုကြည် နေအိမ်အကျယ်ချုပ်နဲ့ ထိန်းသိမ်းခံထားရစဉ် ပြင်ပကမ္ဘာနဲ့ ဆက်သွယ်ပေးခဲ့သူ လူနဲစုထဲမှာ တဦးအပါအ၀င် ဖြစ်ပါတယ်။

ဦးထင်ကျော်ဟာ ဒေါ်အောင်ဆန်းစုကြည်က စိတ်ချယုံကြည်ရတဲ့ လူယုံတယောက်ဖြစ်တဲ့အပြင် ရိုးသား ဖြောင့်မတ်တဲ့ စိတ်ထားရှိသူအဖြစ် အသိအမှတ် ပြုခံသူတဦးလည်း ဖြစ်ပါတယ်။ ဦးထင်ကျော်ရဲ့ ဇနီး ဒေါ်စုစုလွင်ဟာလည်း NLD ပါတီခေါင်းဆောင်တဦးဖြစ်တဲ့ ဦးလွင်ရဲ့ သမီးဖြစ်ပြီး လက်ရှိမှာ သုံးခွမဲဆန္ဒနယ်ကနေ ရွေးကောက်တင်မြောက်ခံထားရတဲ့ ပြည်သူ့လွတ်တော်ကိုယ်စားလှယ်တဦးဖြစ်သလို၊ လွတ်တော် နိုင်ငံခြား ဆက်ဆံရေး ကော်မီတီဥက္ကဋ္ဌလည်း ဖြစ်ပါတယ်။

ဦးထင်ကျော်တို့ ဇနီးမောင်နှံဟာ ဒေါ်အောင်ဆန်းစုကြည်နဲ့ ရင်းနှီးကြသူတွေဖြစ်တဲ့အပြင် ယုံကြည်အားကိုးရသူတွေ ဖြစ်တယ်လို့ ဆိုပါတယ်။

ဗွီအိုအေ (မြန်မာပိုင်း)
http://burmese.voanews.com

အမျိုးသားလွှတ်တော်မှာလည်း ဒုတိယသမ္မတ တစ်ဦးကို အဆိုတင်သွင်းခဲ့ပါတယ်။ အမျိုးသား ဒီမိုကရေစီအဖွဲ့ချုပ်က ချင်းပြည်နယ် အမျိုးသား လွှတ်တော် မဲဆန္ဒနယ် ၃ မှ NLD ပါတီ ကိုယ်စားလှယ် ဦးဟင်နရီဗန်ထီးယူ ကို အဆိုတင်သွင်းလိုက်ပါတယ်။



 လွှတ်တော်ကိုယ်စားလှယ် ကိုယ်ရေးမှတ်တမ်းအကျဉ်းချုပ်

Chin 3
အကြိမ် - ဒုတိယအကြိမ်

၁။ အမည် - ဦးဟင်နရီဗန်ထီးယူ

၂။ အခြားအမည်ရှိလျှင် - မရှိပါ

၃။ လူမျိုး/ဘာသာ - ချင်း/ခရစ်ယာန်

၎။ နိုင်ငံသား စိစစ်ရေး ကတ်ပြားအမှတ် - ၁၃/ မမတ(နိုင်) ၀၂၈၁၁၈

၅။ မွေးသက္ကရာဇ် / အသက် - ၀၉-၀၈-၁၉၅၈ / (၅၈) နှစ်

၆။ မွေးဖွားရာဇာတိ - သီးကီးရ်ရွာ၊ ထန်တလန်မြို့နယ်

၇။ ပညာအရည်အချင်း - B.A (Dip in Law)

၈။ လက်ရှိအလုပ်အကိုင် - အငြိမ်းစား

၉။ အဘအမည် / မှတ်ပုံတင်အမှတ် / အလုပ်အကိုင် - ဦးလျံတလုံး၊ (ကွယ်လွန်) HKA- 023899 တောင်သူ

၁၀။ အမိအမည် / မှတ်ပုံတင်အမှတ် / အလုပ်အကိုင် - ဒေါ်ငွန်ပါရ်း၊ HKA –023900 တောင်သူ

၁၁။ ဇနီး(သို့) ခင်ပွန်းအမည် / မှတ်ပုံတင်အမှတ် / အလုပ်အကိုင် - ဒေါက်တာရွှေလွှမ်း၊ ၁၂/ ဗဟန (နိုင်) ၀၀၅၁၁၉၊ ကျောင်းသူ

၁၂။ သား / သမီးအမည် / မှတ်ပုံတင်အမှတ် / လုပ်အကိုင် - ( ၁) မောင်ဂျက်ဆီဗန်ဘွေး၊ကျောင်းသား ( ၂ ) မကျယ်နီဖာရ်ငွန်ရွှေပါရ်းကျောင်းသူ ( ၃ ) မောင်ဂျိုးဇက်ဗန်ထီးယူ၊ကျောင်းသား

၁၃။ အမြဲတမ်း နေရပ်လိပ်စာ - (၂၀) ကိုယ့်‌မင်းကိုယ့်ချင်းရိပ်သာလမ်း၊ ဗဟန်းမြို့နယ်၊ ရန်ကုန်တိုင်း

၁၄။ ကိုယ်စားပြုပါတီ / တစ်သီးပုဂ္ဂလ - အမျိုးသားဒီမိုကရေစီအဖွဲ့ချုပ်ပါတီ

၁၅။ ရွေးချယ် တင်မြှောက် ခံရသည့် မဲဆန္ဒနယ် - မဲဆန္ဒနယ်အမှတ်(၃)

ဖြစ်စဉ်အကျဉ်းချုပ် (ယနေ့ထိ)

(က) ပညာသင်ကြားခဲ့ဖူးသော ကျောင်းများကိုဖော်ပြရန် -

အ.လ.ကသီးကီးရ်၊ အ.ထ.ကဟားခါး၊ဝိဇ္ဇာ/ သိပ္ပံတက္ကသိုလ် (မန္တလေး)၊ ဝိဇ္ဇာ/သိပ္ပံ တက္ကသိုလ်(ရန်ကုန်)။

(ခ) လုပ်ကိုင်ခဲ့ဖူးသည့် အလုပ်အကိုင် ၊ ပြောင်းရွှေ့နေထိုင်ခဲ့သည့် နေရာဌာနများဖော်ပြရန် -

စစ်မှုထမ်းခြင်း၊ခ.လ.ရ (၄၆)ပူတာအို၊ ခ.လ.ရ (၄၀) ဟူပြင်၊ ခ.လ.ရ (၂၂၃) မိုးမိတ်၊ စဗဟ(၂)၊ ရတခ (ဘားအံ)၊ ရ.တ.ခ (မော်လမြိုင်)၊ခမရ(၅၀၃) သီပေါ၊ ခမရ(၄) အင်းမ၊ အရပ်ဖက်တာဝန်ထမ်းဆောင်ခြင်း- ဗာဂျီးနီးယားစက်ရုံမှူး (မန္တလေး)၊ ဒုအထွေထွေမန်နေဂျာ စီမံခန့်ခွဲရေးဌာန(စက်မှု-၁)၊ အရက်ချက်စက်ရုံမှူး (ဘီးလင်း)။

(ဂ) ပြည်ပခရီးစဉ် မှတ်တမ်း - မရှိပါ

(ဃ) ထမ်းဆောင်ခဲ့ဖူးသည့် နိုင်ငံရေး/လူမှုရေးလုပ်ငန်း ဆောင်ရွက်ချက်များဖော်ပြရန် - မရှိပါ

(င) ချီးမြှင်ခံရသောဘွဲ့ထူး ၊ ဂုဏ်ထူး - မရှိပါ

(စ) အခြားဖော်ပြရန်ရှိသည်များ - မရှိပါ


ဦးထင်ကျော်ကို NLD ပါတီ ပြည်သူ့ လွှတ်တော် ကိုယ်စားလှယ်များ အစုအဖွဲ့ က ဒုတိယ သမ္မတ အဖြစ်တင်မြှောက်လိုက်ပါတယ်။ ပြည်သူ့ လွှတ်တော်ဟာ လူအများစု လွှတ်တော်ဖြစ်တဲ့ အတွက် ပြည်သူ့ လွှတ်တော်က တင်မြှောက်တဲ့ ဒုတိယ သမ္မတ ဟာ သမ္မတဖြစ်လာဖို့ သေချာ သလောက်ပါပဲ။

 ဦးထင်ကျော်ဟာ ဂန္တဝင်စာရေးဆရာကြီး မင်းသုဝဏ်၏ ဒုတိယမြောက် သားဖြစ်ပါတယ်။

၁၉၄၆ ဇူလိုင် ၂၀ တွင်မွေးဖွားခဲ့ပြီး ဒေါ်အောင်ဆန်းစုကြည်ထက် အသက်တနှစ် ငယ်သူဖြစ်ပြီး မက်ဒရစ်ကျောင်း(အထက ၁ ဒဂုံ )တွင် ဒေါ်အောင်ဆန်းစုကြည်နှင့်အတူ ကျောင်းတက်ခဲ့ကြပါတယ်။

လက်ရှိမှာတော့ ဒေါ်ခင်ကြည်ဖောင်ဒေးရှင်းတွင် တာဝန်ယူ ဆောင်ရွက်နေသူပါ ဒေါ်အောင်ဆန်းစုကြည်၏ ယုံကြည်အားကိုးရဆုံနှင့် စိတ်ချရသူတစ်ဦးလဲ ဖြစ်ပါတယ်။

၁၉၆၂ ခုနှစ်တွင် စီးပွားရေး တက္ကသိုလ်၌ တက်ရောက်ခဲ့ပြီး မဟာစီးပွားရေးဘွဲ့ကိုရရှိခဲ့သည်။ ရန်ကုန် ကွန်ပြူတာဌာန၏ ပထမဦးဆုံး နိုင်ငံခြား ပညာတော်သင်အဖြစ် အင်္ဂလန်နိုင်ငံသို့ သွားရောက်ပညာဆည်းပူးခဲ့သည်။

၁၉၉၂ ခုနှစ်တွင် အစိုးရဝန်ထမ်းအဖြစ်မှ နှုတ်ထွက်ခဲ့ပြီး ဒေါ်အောင်ဆန်းစုကြည် ဦးဆောင်သောNLD ပါတီသို့ ဝင်ရောက်ခဲ့သည်။

ဦးထင်ကျော်သည် ဖခင်ဖြစ်သူ၏ ကလောင်ခွဲဖြစ်သော ဒလဘန်းအမည်ဖြစ် သုတစာပေ နိုင်ငံရေးစာပေ တို့ကိုရေးသားခဲ့သည်။

လက်ရှိသမ္မတ ဖြစ်နိုင်ချေအရှိဆုံး သူများထဲတွင် ဒေါ်အောင်ဆန်းစုကြည်၏ စိတ်အချရဆုံးသူ အဖြစ်လည်းကောင်း မိသားစုမျိုးရိုး သမိုင်းကြောင့် လည်းကောင်း ရိုးသားဖြောင့်မတ်သော စိတ်ထားရှိ၍ လည်းကောင်း စသည့်အရည်အချင်းများကြောင့် NLD ၏ သမ္မတလောင်းစာရင်းတွင် တစ်ပေးခြင်းခံထားရသူ
တစ်ဦးဖြစ်လာခဲ့သည်။

NLD နာမည်ကြီးခေါင်းဆောင်တစ်ဦးဖြစ်သော ဦးလွင်၏သမီး ဒေါ်စုစုလွင်၏ ခင်ပွန်းလည်းဖြစ်သည်။

BBC Burmese
https://www.facebook.com/bbcburmese

မြောက်ကိုရီးယား ခေါင်းဆောင် Kim Jong-un (Credit: AFP) 
မြောက်ကိုရီးယားနိုင်ငံက ​တာတိုပစ် ​ဒုံးကျည်နှစ်ခုကို ​အရှေ့ဘက် ​ကမ်းရိုးတမ်းဒေသက ​ပယ်လယ်ထဲ ​ပစ်ချခဲ့တယ်လို့ ​တောင်ကိုရီးယားက ​ပြောပါတယ်။

မြောက်ကိုရီးယား ​နိုင်ငံမှာ ​တာတိုပစ် ​ဒုံးကျည်တွေ ​အများအပြား ​ရှိနေပြီး ​တာဝေးပစ် ​ဒုံးကျည်နဲ့ ​ကမ္ဘာ့တိုက်ကြီးတွေခြားပြီး ​ပစ်ခတ်နိုင်မယ့် ​intercontinental ​ဒုံးကျည်တွေကိုပါ ​ထုတ်လုပ်နိုင်ဖို့ ​ကြိုးစားနေပါတယ်။

အရင်လတုန်းကပဲ ​အဝေးပစ် ​ဒုံးကျည်ကို ​စမ်းသပ်ပစ်ခတ်ခဲ့လို့ ​ကမ္ဘာက ​မြောက်ကိုရီးယားကို ​ရှုတ်ချပြီး ​ဒဏ်ခတ်ပိတ်ဆို့မှု ​အသစ်တွေ ​ထပ်မံ ​ချမှတ်ခဲ့ပါတယ်။

အရင်တပတ်တုန်းကလည်း ​ရော့ကက် ​၆ ​ခုကို ​ပစ်လွတ်ခဲ့တယ်လို့ ​သိရပါတယ်။

ရန်သူကို ​တိုက်ခိုက်ဖို့အတွက် ​ပြင်ဆင်ထားဖို့ ​မြောက်ကိုရီးယား ​ခေါင်းဆောင် ​Kim ​Jong-un ​က ​ညွှန်ကြားပြီးတဲ့နောက် ​အခုလို ​ဒုံးကျည်ပစ်ခတ်မှုတွေ ​ဖြစ်ပွားနေတာပါ။

ဒါ့အပြင် ​ဒုံးကျည်ထိပ်ဖူးမှာ ​တပ်ဆင်နိုင်မယ့် ​နျူကလီးယား ​လက်နက် ​အငယ်တွေကိုလည်း ​တီထွင်နိုင်ပြီလို့ ​ဗုဒ္ဓဟူးနေ့တုန်းက ​ကြေညာခဲ့ပါတယ်။

အမေရိကန် ​နိုင်ငံခြားရေး ​ဝန်ကြီးဌာနရဲ့ ​ပြောခွင့် ​ရပုဂ္ဂိုလ်က ​မြောက်ကိုရီးယား ​ခေါင်းဆောင်အနေနဲ့ ​ဒီလို ​စစ်လက်နက်ကို ​တီထွင်နိုင်ဖို့ထက် ​ပြည်သူတွေရဲ့ ​မျက်နှာကို ​ထောက်ထားပြီး ​ပြည်သူဘဝ ​တိုးတက်အောင် ​လုပ်ဆောင်ဖို့ ​သင့်တယ်လို့ ​ပြောသွားခဲ့ပါတယ်။

ABC Radio Australia
http://www.radioaustralia.net.au/burmese

လက်ပံတောင်းကိစ္စ ဆွေးနွေးစဉ် တပ်မတော်သား ကိုယ်စားလှယ်အားလုံး မတ်တတ်ထ ကန့်ကွက်
စစ်တပ်နှင့် သဘောထားကွဲလွဲမှု များစွာရှိသဖြင့် ပိုမိုကျယ်ပြန့်လာသဖြင့် မတ် ၁၀ တွင် လွှတ်တော်က သမ္မတလောင်း အမည်စာရင်း တင်သွင်းပြီးသည့်တိုင် အောင်မြင်သည့် အစိုးရသစ် ဖွဲ့စည်းနိုင်ရေးက ထိခိုက်မှုများ ရှိလာနိုင်သည်ဟု NLD ပါတီမှ အမျိုးသား လွှတ်တော်ကိုယ်စားလှယ် တစ်ဦးက ရိုက်တာ သတင်းဌာနသို့ ပြောကြားသည်။

“သူမ (ဒေါ်အောင်ဆန်းစုကြည်) က စစ်တပ်နဲ့ လက်တွဲ လုပ်ကိုင်နိုင်မယ်လို့ ယုံကြည်ခဲ့ပါတယ်။ ဒါပေမဲ့ ကာကွယ်ရေး ဦးစီးချုပ်နဲ့ နောက်ဆုံးအကြိမ် တွေ့ဆုံမှုအပြီးမှာတော့ တပ်နဲ့ ညှိနှိုင်းလို့ မရနိုင်ဘူးဆိုတာ သူမ လက်ခံခဲ့ပါတယ်” ဟု ယင်းက ဆိုသည်။

နိုဝင်ဘာ ရွေးကောက်ပွဲတွင် NLD က ပြတ်ပြတ်သားသား အနိုင်ရခဲ့ပြီး မကြာမီတွင် ဒေါ်အောင်ဆန်းစုကြည်နှင့် စစ်တပ်တို့ တွေ့ဆုံဆွေးနွေးမှုများ စတင်ခဲ့ခြင်းဖြစ်သည်။ ဒေါ်အောင်ဆန်းစုကြည် သည် စစ်တပ်နှင့် ဆွေးနွေးရာတွင် စစ်တပ်၏ ခေါင်းမာမှုကြောင့် စိတ်ပျက်ခဲ့ရသည်ဟု ဆိုသည်။ စစ်တပ်အနေဖြင့် နိုင်ငံရေးတွင် အရေးပါသည့် နေရာကို ရယူထားရမည်ဟု ခံယူထားသည်ဟု ယင်းက ဆိုသည်။

စစ်အစိုးရသည် နိုင်ငံကို နှစ်ငါးဆယ်ကြာ အုပ်ချုပ်ခဲ့ပြီးနောက် ဗိုလ်ချုပ်ကြီးဟောင်းများ ဦးဆောင်သော အရပ်သား တစ်ပိုင်း အစိုးရထံ ၂၀၁၁ တွင် အာဏာလွှဲခဲ့သော်လည်း စစ်အစိုးရ လက်ထက် အခြေခံဥပဒေအရ စစ်တပ်က အာဏာကြီးကြီးမားမား ချုပ်ကိုင်ထားဆဲ ဖြစ်သည်။ နိုင်ငံတော် လုံခြုံရေးဆိုင်ရာ အဖွဲ့အစည်းများနှင့် အစိုးရ ဗျူရိုကရေစီ ယန္တရားကို စစ်တပ်က ချုပ်ကိုင်ခွင့်ရရှိရန် အခြေခံဥပဒေတွင် ဖော်ပြထားသဖြင့် NLD အစိုးရသစ်သည် စစ်တပ်နှင့် လက်တွဲလုပ်ကိုင်ရမည် ဖြစ်သည်။

သို့သော် NLD နှင့် စစ်တပ်ကြားတွင် လက်စွဲမူဝါဒများ အစွဲများရှိနေပြီး အခြေခံဥပဒေနှင့် အာဏာမျှဝေရေးကဲ့သို့ အရေးကြီးကိစ္စရပ်များအပြင် အာဏာလွှဲပြောင်းပွဲတွင် ကားရပ်ရန်နေရာ သတ်မှတ်မှုနှင့် သက်တမ်းကုန်တော့မည့် လက်ရှိအစိုးရ ၀န်ထမ်းများက ရုံးသုံးကိရိယာများ သိမ်းဆည်းသွားမှု့ကဲ့သို့ အသေးအဖွဲ ကိစ္စရပ်များအထိ သဘောထားကွဲလွဲမှုများ ရှိနေသည်ဟု ဆိုသည်။

လွန်ခဲ့သော ရက်သတ္တပတ် နှစ်ပတ်ခန့်က လွှတ်တော်တွင် NLD အမတ်တစ်ဦးက လက်ရှိ အစိုးရ၏ တာဝန်မလွဲပြောင်းမီ စီမံကိန်းများ အလျင်အမြန် ဆောင်ရွက်မှုအပေါ် ဝေဖန်ဆွေးနွေးစဉ် တပ်မတော်သား ကိုယ်စားလှယ်များအားလုံးက မတ်တတ်ရပ် ကန့်ကွက်ခဲ့ပြီးနောက် တင်းမာမှု ပိုမိုမြင့်တက်လာခဲ့သည်။

NLD မှ ပြည်သူ့လွှတ်တော်အမတ် ဦးတင့်စိုးက “ကျွန်တော်တို့ ပါတီကိုယ်စားလှယ် ဆွေးနွေးနေစဉ် တပ်ကိုယ်စားလှယ်တွေအားလုံးက ရုတ်တရက် မတ်တတ်ရပ်ပြီး ကန့်ကွက်တဲ့အခါ ကျွန်တော် အရမ်းလန့်သွားပါတယ်။ အသံတွေ ကြားလို့ လှည့်ကြည့်လိုက်တဲ့အခါ ဒါကို တွေ့တော့ လန့်သွားခဲ့ပြီး အခြေအနေက တော်တော် တင်းမာခဲ့ပါတယ်” ဟု ရိုက်တာ သတင်းဌာနသို့ ပြောကြားသည်။

ဒေါ်အောင်ဆန်းစုကြည်နှင့် ကာကွယ်ရေးဦးစီးချုပ်တို့ တတိယ အကြိမ် တွေ့ဆုံအပြီး ရက်ပိုင်းအတွင်း တင်းမာမှုများ အရှိန်တက်လာခဲ့ခြင်းဖြစ်သည်။ ကြံ့ခိုင်ရေး ပါတီဝင်ဟောင်း တစ်ဦးဖြစ်ပြီး အပြောင်းအလဲ ဖြစ်စဉ်အား လေ့လာသူ ဦးဝင်းဦးက “စစ်တပ်က မဖြစ်နိုင်တဲ့ တောင်းဆိုချက် အများကြီးကို ဆွေးနွေးပွဲဆီ ယူလာခဲ့ပါတယ်။ အခုဆိုရင် NLD နဲ့ စစ်တပ်က စစ်အေး အခြေအနေ ဖြစ်နေပြီး နိုင်ငံရေး သက်ကွင်းတစ်ခုလိုပါပဲ” ဟုရိုက်တာ သတင်းဌာနသို့ ပြောကြားခဲ့သည်။

ယနေ့ မတ်လ ၁၀ ရက်နေ့ မနက်ပိုင်းတွင် အမျိုးသားလွှတ်တော်နှင့် ပြည်သူ့လွှတ်တော်ရှိ ရွေးချယ်ခံ ကိုယ်စားလှယ် အစုအဖွဲ့များနှင့် တပ်မတော်သား ကိုယ်စားလှယ်များက သမ္မတလောင်း အမည်စာရင်းများ တင်သွင်းမည်ဖြစ်သည်။ ထို့နောက် အစုအဖွဲ့ သုံးခုလုံး ပါဝင်သည့် ပြည်ထောင်စု လွှတ်တော်က သမ္မတအား မဲပေးရွေးချယ်မည် ဖြစ်သည်။ လွှတ်တော်တွင် NLD က အများစုနေရာ ရရှိထားသဖြင့် စစ်တပ်က မည်သို့ မဲပေးသည်ဖြစ်စေ NLD ရွေးချယ်သူက သမ္မတဖြစ်လာမည်ဖြစ်သည်။

NLD မှ ပြည်သူ့လွှတ်တော်အမတ် ဦးတင့်စိုးက “အနာဂတ်မှာ စစ်တပ်ကြောင့် ဒေါ်အောင်ဆန်းစုကြည် မှာ အခက်ခဲတွေ့နိုင်ပြီး သူတို့ က ပူးပေါင်းဆောင်ရွက်ဖို့ မရှိပါဘူး။ စိတ်ပျက်စရာ အခြေအနေပါပဲ” ဟု ရိုက်တာ သတင်းဌာနသို့ ပြောကြားခဲ့သည်။

KHTun

Ref - The Straits Times
The Ladies News
https://www.facebook.com/News.TheLadies

ဓါတ်ပုံ - လားရှိုး NLD ပါတီလွှတ်တော်အမတ် ဒေါက်တာလင်းထွဋ် (Photo: NLD)
မတ်လ ၁၀ ရက် ၂၀၁၆

လာမည့် အစိုးရသက်တမ်းအတွက် သျှမ်းပြည်နယ်ဝန်ကြီးချုပ်အဖြစ် လျာ ထားသူများအနက် လားရှိုး ပြည်နယ်လွှတ်တော်မဲဆန္ဒနယ်မှ အနိုင်ရရှိထား သည့် NLD အမျိုးသား ဒီမိုကရေစီအဖွဲ့ချုပ်မှလွှတ်တော် ကိုယ်စား လှယ် ဒေါက်တာလင်းထွဋ်မှာ ပြည်နယ်ဝန်ကြီးချုပ်ဖြစ်ဖွယ် ရာနှုန်းများပြားေ ကြာင်း NLD နှင့် သျှမ်းနိုင်ငံရေး အသိုင်းအ၀ိုင်းထံမှသိရသည်။

ဒေါက်တာလင်းထွဋ်ကဖြစ်ဖို့ သေချာသလောက်ဖြစ်သွားပြီဗျ။ အန်တီစု နဲ့ ပြည်နယ်နှင့်တိုင်းဒေသကြီး ၀န်ကြီးချုပ် လျာထားသူတွေ တွေ့တုန်း ကလည်း သူပါတယ်လေ - ဟု အမျိုးသား ဒီမိုကရေစီအဖွဲ့ချုပ်မှ
အဆင့်မြင့်တာဝန်ရှိသူတဦးက ပြောသည်။

သျှမ်းပြည်အတွင်းရွေးကောက်ပွဲများတွင် NLD ၏ မဟာမိတ်ဖြစ်သော သျှမ်း တိုင်းရင်းသားများ ဒီမို ကရေစီ အဖွဲ့ချုပ်ကလည်း အတိုင်းတာတရပ်အထိ အနိုင်ရထားသဖြင့် အမျိုးသားပြန်လည် သင့်မြတ် ရေးမူအရ SNLD မှလည်း ၀န်ကြီးချုပ်တနေရာ ရကောင်းရနိုင်ဖွယ်ရှိသည်ဟုလည်း နိုင်ငံရေးလေ့လာ သုံးသပ်သူများက သုံးသပ်ပြောဆိုကြသည်။

သို့သော် SNLD ပါတီ ထိပ်တန်းခေါင်းဆောင် များက ရွေးကောက်ပွဲ မ၀င် သဖြင့် သျှမ်းပြည်နယ် ၀န်ကြီးချုပ်အဖြစ် တာဝန်ယူရန် အရည်အချင်းပြည့်မှီသူ နည်းပါး ကြောင်း အမည်မဖော်လိုသည့် သျှမ်းပြည်နယ်ရေးရာလေ့လာသူ တဦးကပြောပါသည်။

ယင်းအပြင် သျှမ်းတိုင်းရင်းသားများ ဒီမိုကရေစီအဖွဲ့ချုပ်မှအထွေထွေ အတွင်းေ ရးမှူး ဦးစိုင်းညွှန့်လွင်မှာ ဒုတိယ သမ္မတနေရာအတွက် သတင်းများထွက်ေ ပ်ါနေ သကဲ့သို့ ပြည်နယ်နှင့်တိုင်း ၀န်ကြီးချုပ် ရာထူး များ အားလုံးလည်း NLD မှတာဝန်ယူသွားမည်ဟု တရားဝင်ထုတ်ပြန်ကြေငြာထားသည်။

သျှမ်းပြည်နယ်တွင် လွှတ်တော်တွင် ဒုတိယဗိုလ်ချုပ်ကြီးအောင်သန်းထွဋ် (ငြိမ်း) မှာ တပ်မတော်မှ လာသူများအနက်ရာထူးအမြင့်ဆုံးပုဂ္ဂိုလ် ဖြစ်သည်။

သျှမ်းပြည်နယ်ဝန်ကြီးချုပ်အတွက် နာမည်ကြီးနေသူ လားရှိုး NLD အမတ် ဒေါက်တာလင်းထွဋ်မှာ ဗမာလူမျိုးဖြစ်ပြီး ဇနီးဖြစ်သူမှာ သျှမ်းလူ မျိုး ဖြစ်ကြောင်း သိရသည်။

၂၀၁၅ ပြည်လုံးကျွတ် အထွေထွေရွေးကောက်ပွဲတွင် သျှမ်းပြည်နယ်၌ ပြည်ေ ထာင်စုကြံ့ခိုင်ရေးပါတီ USDP က မဲအများဆုံးဖြင့်အနိုင်ရရှိပြီး သျှမ်းတိုင်းရင်း သားများဒီမိုကရေစီအဖွဲ့ချုပ် SNLD က ဒုတိယမဲအများဆုံးဖြင့် အနိုင်ရရှိခဲ့ သည်။ အမျိုးသားဒီမိုကရေစီအဖွဲ့ချုပ် NLD မှာမူ တတိယ မဲအများ ဆုံးဖြစ်ပါသည်။

သျှမ်းသံတော်ဆင့်/စိုင်းအောင်ဆိုင်း
Panglong(Burmese)
https://www.facebook.com/Panglong.burmese



မတ်လ ၁၀ ရက်နေ့မှာ အမျိုးသားဒီမိုကရေစီအဖွဲ့ချုပ် NLD ပါတီက သမ္မတလောင်း ၂ ဦး အမည်စာရင်း တင်သွင်းသွားဖို့ ရှိတဲ့အပေါ် တိုင်းရင်းသားပါတီတွေက ကြိုဆိုလိုက်ပါတယ်။

တိုင်းရင်းသားပါတီအတွေအနေနဲ့ သမ္မတလောင်းအမည်စာရင်း ယှဉ်ပြိုင်တင်သွင်းသွားမှာ မဟုတ်ဘဲ NLD က တင်သွင်းတဲ့ သမ္မတလောင်းတွေကိုပဲ ထောက်ခံသွားမှာ ဖြစ်တယ်လို့ ပြောပါတယ်။ ဒီအကြောင်း ကိုအောင်အောင်က တင်ပြထားပါတယ်။

လွန်ခဲ့တဲ့နှစ် နိုဝင်ဘာလက ရွေးကောက်ပွဲအတွင်း တနိုင်ငံလုံးမှာ အပြတ်အသတ် အနိုင်ရခဲ့တဲ့ အမျိုးသား ဒီမိုကရေစီ အဖွဲ့ချုပ်အနေနဲ့ လွှတ်တော်အစည်းအဝေးတွေ စတင်ခဲ့ပြီးနောက် မတ်လ ၁၀ ရက်နေ့မှာ သမ္မတလောင်း အမည်စာရင်းကို တင်သွင်းသွားမှာဖြစ်တယ်လို့ NLD လွှတ်တော် အသိုင်းအ၀ိုင်းကနေ သတင်းတွေ ထွက်ပေါ်နေပါတယ်။ NLD ပါတီက အခုလို သမ္မတလောင်း ရွေးချယ်တင်မြှေက်မှာနဲ့ ပတ်သတ်လို့ တိုင်းရင်းသားပါတီတွေအနေနဲ့ ထောက်ခံသွားမှာဖြစ်တယ်လို့ ရခိုင်အမျိုးသားပါတီက ပြည်သူ့လွှတ်တော်ကိုယ်စားလှယ် ဦးဖေသန်းက အခုလို ပြောပါတယ်။

“NLD ဘက်က တင်လာတဲ့အခါမှာ ကျနော်တို့ တိုင်းရင်းသားအနေနဲ့ ကန့်ကွက်စရာအကြောင်း မရှိပါဘူး။ ကန့်ကွက်လို့လည်း မနိုင်ပါဘူး။ ဘာလို့လဲဆိုတော့ NLD ရဲ့ လွှတ်တော်ကိုယ်စားလှယ် အင်အားက တော်တော့်ကို များပါတယ်။ ကျနော်တို့လည်း ဘာပဲပြောပြော အပြုသဘောနဲ့ ၀ိုင်းဝန်းပြီး ထောက်ခံပေးမှာ ဖြစ်ပါတယ်။ USDP က ပြိုင်လာမလား အဲဒီအပေါ်မှာတော့ တဦးချင်းခံစားချက်၊ ပါတီတဖွဲ့ချင်းခံစားချက်ကတော့ ကွာချင်ကွာမှာပေါ့။”

NLD ပါတီကနေ သမ္မတလောင်း ၂ ဦးနဲ့ တပ်မတော်သား ကိုယ်စားလှယ်တွေကနေ သမ္မတလောင်းတဦး အမည်စာရင်းတင်သွင်းပြီး ဥပဒေကြောင်းအရ စိစစ်ပြီးတဲ့အခါမှာ ပြည်ထောင်စု လွှတ်တော်ကနေ မဲပေးရွေးချယ်ပြီး မဲအများဆုံးရသူက သမ္မတ ဖြစ်လာမှာပါ။ ဒါပေမဲ့လည်း ပြည်ထောင်စု လွှတ်တော်ကနေ သမ္မတ ရွေးချယ်တဲ့အခါမှာ NLD အနေနဲ့ သတိထား ဆောင်ရွက်သင့်ကြောင်းကိုလည်း ဦးဖေသန်းက အခုလို ထောက်ပြပါတယ်။

“ပြည်ထောင်စုလွှတ်တော်မှာ သမ္မတရွေးတဲ့အခါမှာ သူတို့အင်အား ၃၉၀ စလုံးကို အရင်ဆုံး တယောက်ယောက်ကို ဦးတည်ပြီးတော့ မဲပေးမှ ကောင်းမယ်လို့ ကျနော်ထင်တယ်။ သို့သော် ဒုသမ္မတနှစ်ယောက်စလုံးကို ပထမတယောက်ကိုတော့ သမ္မတဖြစ်စေချင်တယ်။ နောက်တယောက်ကိုတော့ ဒုသမ္မတဖြစ်စေချင်တယ်ဆိုပြီးတော့ ၃၉၀ ကို မျှပြီးတော့ ပေးမယ်ဆိုရင်တော့ တပ်မတော်နဲ့ ပြည်ခိုင်ဖြိုးပေါင်းလိုက်ရင် သူတို့ ကျော်သွားလိမ့်မယ်။ အဲ့လိုဆိုရင် တပ်က သမ္မတလည်း ရသွားနိုင်တယ်။ ဒုသမ္မတသစ်ကိုလည်း ရသွားနိုင်တယ်။”

ပြည်ထောင်စု လွှတ်တော်မှာ ကိုယ်စားလှယ် ၆၆၄ ဦး ရှိတာကြောင့် မဲကွဲသွားမယ့် အနေအထားနဲ့ ပတ်သတ်လို့ ဦးဖေသန်းက ပြောသွားတာပါ။ NLD ပါတီဟာ တိုင်းရင်းသားတွေနဲ့လည်း နီးကပ်တဲ့ ဆက်ဆံရေးရှိတာကြောင့် တိုင်းရင်းသားတွေအရေးနဲ့ ပတ်သတ်ပြီး အလေးထား စဉ်းစားမယ်လို့ မျှော်လင့်ထားကြောင်း ကရင်အမျိုးသားပါတီ တွဲဘက်အတွင်းရေးမှူး ၁ မန်းမြင့်စိုးက အခုလို ပြောပါတယ်။

“ကျနော်တို့နဲ့ NLD ရဲ့ သဘောထားကလည်း ထပ်တူညီမျှ ကျပါတယ်။ ဘာလို့လဲဆိုတော့ တိုင်းရင်းသားတွေအပေါ်မှာလည်း နားလည်မှုရှိတယ်။ တိုင်းရင်းသားတွေကိုလည်းပဲ သူတို့နေရာပေးမယ်လို့လည်း ကျနော် သတင်းရပါတယ်။ နောက်အထူးသဖြင့် အမျိုးသားလွှတ်တော်ဥက္ကဌနဲ့ ဒုဥက္ကဌဆိုလည်း ဒါ သူတို့ တိုင်းရင်းသားတွေကိုပဲ တင်မြှောက်ထားပါတယ်။”

အမျိုးသားဒီမိုကရေစီအဖွဲ့ချုပ် NLD ပါတီက ရွေးချယ်တင်မြှောက်မယ့် သမ္မတလောင်းစာရင်းထဲမှာ တိုင်းရင်းသားတွေလည်း ပါဝင်မယ်လို့ သတင်းတွေထွက်ပေါ်နေပြီး မကြာခင် ကိုယ်စားလှယ်လောင်း တွေ စိစစ်ရွေးချယ်ပြီးချိန် မတ်လလယ်ပိုင်းမှာတော့ သမ္မတနဲ့ ဒုသမ္မတလောင်းတွေအဖြစ် ဘယ်သူတွေ ရွေးချယ်ခံရမယ် ဆိုတာကို သိရမှာဖြစ်ပါတယ်။

အောင်အောင်/VOA
http://burmese.voanews.com/content/burma-presidential-nominees/3227873.html

takatha-students-kophoethar-620.jpg အင်းစိန်အကျဉ်းထောင်မှာ ဖမ်းဆီးခံထားရတဲ့ တကသပြန်ကြားရေးတာဝန်ခံ ကိုဖိုးသားကို မတ်လ ၉ ရက်နေ့က တွေ့ရစဉ်
Photo: Htet Arker/ RFA

 တရားမ၀င်စီတန်းလှည့်လည်မှု ပုဒ်မ ၁၈နဲ့ အင်းစိန်အကျဉ်းထောင်မှာ ဖမ်းဆီးခံ ထားရတဲ့ တက္ကသိုလ် ကျောင်းသားများသမဂ္ဂ တကသ ကျောင်းသားသုံးယောက်ဟာ လာမယ့် မတ်လ ၁၈ရက်နေ့မှာ စတင်မယ့် တက္ကသိုလ်စာမေးပွဲကို ဖြေဆိုခွင့်ရဖို့ တင်ပြထားပေမယ့် တရားဝင် ခွင့်ပြုချက် မရရှိသေးဘူးလို့ သိရပါတယ်။

ဒီနေ့ ကျောက်တံတားမြို့နယ် တရားရုံးချိန်းမှာ ဒဂုံတက္ကသိုလ်ကျောင်းသား တကသပြန်ကြားရေးတာဝန်ခံ ကိုဖိုးသားက စာမေးပွဲဖြေဆိုခွင့်ရဖို့ တင်ပြထားတာနဲ့ ပတ်သက်ပြီး အခုလိုပြောပါတယ်။

"တက္ကသိုလ်စာမေးပွဲတွေက ၁၈ ရက်နေ့စပြီလို့ပြောတယ်၊ ဒါပေမယ့် စာမေးပွဲဖြေခွင့်နဲ့ ပတ်သက်လို့ ဒဂုံတက္ကသိုလ်က ဌာနမှူးတွေဆီမှာ ကျနော်အကူအညီတောင်းထား တာ တွေတော့ရှိတယ်၊ ဒီအကျဉ်းထောင်က စာမေးပွဲဖြေဖို့ တစ်စုံတစ်ရာတာဝန်ယူမှုရှိရင် သူတို့ဖက်ကပေးဖြေမယ်လို့တော့ ပြောတယ်၊ အခုထိတော့ စာမေးပွဲဖြေဖို့ မသေချာ သေးဘူး"

အင်းစိန်အကျဉ်းထောင်မှာ ဒဂုံတက္ကသိုလ်ကျောင်းသား ကိုဖိုးသား၊ ကိုပိုင်ဖြိုးမင်းနဲ့ စီးပွားရေးတက္ကသိုလ်က ကိုမင်းသူကျော်တို့ ဖမ်းဆီးခံထားရတာဖြစ်ပါတယ်။

သူတို့ဟာ တရားမ၀င်စီတန်းလှည့်လည်မှုပုဒ်မ ၁၈နဲ့ နိုင်ငံတော်အကြည်ညိုပျက်စေမှု ပုဒ်မ ၅၀၅(ခ) တို့ကို Failed Law စာသားပါ တီရှပ်တွေ ၀တ်ဆင်ပြီး ရန်ကုန်မြို့ မဟာဗန္ဓုလပန်းခြံမှာ ကန့်ကွက်ဆန္ဒပြခဲ့ကြတာဖြစ်ပါတယ်။

RFA

 ဦးဖြိုးမင်းသိန်းဟာ ၈၈ လူထု အရေးတော် ပုံ ကာလ တုန်းက လူ့ဘောင်သစ် နဲ့ ဗကသ အဖွဲ့ ဝင် အနေ နဲ့ လှုပ်ရှား ခဲ့ ဖူးသူ ဖြစ်ပြီး နိုင်ငံရေး လှုပ်ရှား မှု တွေ ကြောင့် ထောင် နှစ်ရှည် အချ ခံ ခဲ့တဲ့ နိုင်ငံရေး အကျဉ်းသား ဟောင်း တစ်ဦး ဖြစ်ပါတယ်။
အမျိုးသား ဒီမိုကရေစီ အဖွဲ့ချုပ် NLD ပါတီ က ဖွဲ့စည်း လာမယ့် တိုင်း နဲ့ ပြည်နယ် အစိုးရ အဖွဲ့ တွေ ထဲက အရေးကြီးတဲ့ ရန်ကုန်တိုင်း အစိုးရရဲ့ ဝန်ကြီးချုပ် နေရာ အတွက် ဦးဖြိုးမင်းသိန်း တစ်ယောက် တစ်ပြေး နေတယ် ဆိုပြီး ရန်ကုန် နိုင်ငံရေး အသိုင်း အဝိုင်း ထဲမှာ ကျယ်ကျယ် လောင်လောင် အသံတွေ ထွက်ပေါ် နေပါတယ်။

ဦးဖြိုးမင်းသိန်းရဲ့ နိုင်ငံရေး အယူအဆ နဲ့ သဘောထား အမြင် တွေ ဟာ တခါတရံမှာ ဝေဖန် စရာ တွေ ဖြစ်ခဲ့ ပေမယ့် နိုင်ငံရေး အရ ထက်မြက်သူ၊ ပါးနပ်သူ တစ်ဦး ဖြစ်တယ် လို့ နိုင်ငံရေး လုပ်ဖော်ကိုင်ဖက် ဖြစ်ဖူးတဲ့ လက်ရှိ လူ့ဘောင်သစ် ဒီမိုကရက်တစ် ပါတီ က ဦးတိုးတိုးထွန်း က ဘီဘီစီ ကို ပြောပါတယ်။

ဦးဖြိုးမင်းသိန်း အရွေးကောက်ခံ ခဲ့ရတဲ့ လှည်းကူး မြို့နယ် ထဲ ဖြစ်ပေါ် ခဲ့တဲ့ သမီးကလေး ကျေးရွာ အဖျက် ခံခဲ့ရတဲ့ ကိစ္စ မျိုးတွေ၊ ကျောင်းသား တွေ ရဲ့ ဒီမိုကရေစီ ပညာရေး သပိတ် တွေ နဲ့ ပတ်သက်ပြီး ဦးဖြိုးမင်းသိန်း ရဲ့ အပြောအဆို တွေ ဟာ နိုင်ငံရေး အသိုင်းအဝိုင်း အကြား ဝေဖန် စရာ မျိုး တွေ ဖြစ်စေခဲ့တယ် လို့ ဦးတိုးတိုးထွန်း က ဥပမာ ပေးပြီး ပြောပါတယ်။

ဒါပေမယ့်၊ တကယ်လို့သာ ဦးဖြိုးမင်းသိန်းကို NLD ပါတီကနေ ရန်ကုန်တိုင်း ဝန်ကြီးချုပ် နေရာ အတွက် တကယ်တမ်း လျာထား လာမယ် ဆိုရင် NLD ပါတီ က ချမှတ် တဲ့ မူဝါဒ အောက်မှာ အများ ပြည်သူ ဘက်က ရပ်တည် ပေးမယ် လို့ မျှော်လင့် ရတယ် ဆိုပြီး တော့လည်း ဦးတိုးတိုးထွန်း က သုံးသပ်ပါတယ်။

ဦးဖြိုးမင်းသိန်းဟာ ၈၈ လူထု အရေးတော် ပုံ ကာလ တုန်းက လူ့ဘောင်သစ် နဲ့ ဗကသ အဖွဲ့ ဝင် အနေ နဲ့ လှုပ်ရှား ခဲ့ ဖူးသူ ဖြစ်ပြီး နိုင်ငံရေး လှုပ်ရှား မှု တွေ ကြောင့် ထောင် နှစ်ရှည် အချ ခံ ခဲ့တဲ့ နိုင်ငံရေး အကျဉ်းသား ဟောင်း တစ်ဦး ဖြစ်ပါတယ်။

၂၀၁၀ ရွေးကောက်ပွဲ ကို ဝင်ရောက်ဖို့ ပြည်ထောင်စု ဒီမိုကရေစီ ပါတီ ကို ဦးဆောင် ဖွဲ့ ခဲ့ပေမယ့် နောက်ပိုင်း အဲဒီ့ အချိန် က ရွေးကောက်ပွဲ ကော်မရှင် ရဲ့ အပြုအမူ တွေ အပေါ် ဝေဖန်ပြီး၊ ပါတီ ဥက္ကဌ အဖြစ်ကနေ နှုတ်ထွက် ခဲ့သလို ရွေးကောက်ပွဲ ကို လည်း သပိတ် မှောက် ခဲ့ ပါတယ်။

၂၀၁၂ ကြားဖြတ် ရွေးကောက်ပွဲ မှာတော့ NLD ပါတီရဲ့ ပြည်သူ့ လွှတ်တော် ကိုယ်စား လှယ် အဖြစ် လှည်းကူး ကနေ အရွေးကောက် ခံ ခဲ့ရသလို၊ ၂၀၁၅ နိုဝင်ဘာ ရွေးကောက်ပွဲ မှာလည်း ရန်ကုန်တိုင်း လွှတ်တော် အမတ် အနေနဲ့ ထပ်မံ ရွေးကောက် ခံ ခဲ့ ရပါတယ်။

မကြာခင် သမ္မတ နဲ့ ဒုတိယ သမ္မတ တွေ ကို ပြည်ထောင်စု လွှတ်တော် မှာ ရွေးချယ် ဆုံးဖြတ် လာ အပြီး မှာတော့ ပြည်နယ် နဲ့ တိုင်း ဒေသကြီး ဝန်ကြီး ချုပ် တွေ ကို သမ္မတ က ရွေးချယ် ခန့်အပ် သွားမှာ ဖြစ်ပါတယ်။

ရွေးကောက်ပွဲ အနိုင်ရ NLD ပါတီက ပြည်နယ် နဲ့ တိုင်း ဒေသကြီး အစိုးရ အဖွဲ့တွေ ကို ဦးဆောင် ဖွဲ့စည်း မှာ ဖြစ်တယ်လို့ ပြောထားပါတယ်။

BBC Burmese
http://www.bbc.com/burmese

သယံဇာတ တူးဖော်မှု အပါအဝင် ကိုင်တွယ် ဖြေရှင်းရမယ့် ကိစ္စ အများကြီးရှိနေ
သမ္မတနဲ့ ပြည်နယ်တိုင်း ဝန်ကြီးချုပ်တွေ ဘယ်သူဖြစ်လာ မလဲလို့ လူအများ သိချင်နေကြ ချိန်မှာ ကချင်ပြည်နယ် ဝန်ကြီးချုပ် အဖြစ် လျာထားသူလို့ သတင်းတွေ ကျယ်ကျယ် ပြန့်ပြန့် ထွက်နေသူက မြစ်ကြီးနားမြို့နယ် မဲဆန္ဒနယ် အမှတ် ၁ က NLD ပါတီရဲ့ ပြည်နယ် လွှတ်တော် ကိုယ်စားလှယ် ဒေါက်တာ ခက်အောင် ဖြစ်ပါတယ်။

အသက် ၆၈ နှစ် အရွယ် သွားဖက်ဆိုင်ရာ ဆရာဝန် ဒေါက်တာ ခက်အောင်ဟာ ကြံ့ခိုင်ဖွံ့ဖြိုးရေး ပါတီနဲ့ မဟာမိတ်ဖြစ်တဲ့ ကချင်ပြည်နယ် စည်းလုံးညီညွတ်ရေးနဲ့ ဒီမိုကရေစီ ပါတီက လွှတ်တော် ကိုယ်စားလှယ်ဟောင်း ဦးခက်ထိန်နန်ရဲ့ အစ်ကို ဖြစ်ပါတယ်။

ဒေါက်တာ ခက်အောင်ဟာ ရွေးကောက်ပွဲ မတိုင်ခင်ကမှ NLD ပါတီထဲ ဝင်ခဲ့တာ ဖြစ်ပြီး ပါတီဝင်ဖြစ်တာ သိပ်မကြာသေး ပေမဲ့ NLD ကို ထောက်ခံ အားပေးခဲ့သူ ဖြစ်တဲ့အပြင် ၂၀၁၂ ခုနှစ်က ဒေါ်အောင်ဆန်း စုကြည်ရဲ့ တတိယ အကြိမ် ကချင်ပြည်နယ် ခရီးစဉ်မှာ စတင် တက်တက် ကြွကြွ ပါဝင် လှုပ်ရှားခဲ့တယ်လို့ သူနဲ့ တမြို့တည်းသား မြစ်ကြီးနားမြို့နယ် မဲဆန္ဒနယ် အမှတ်၂ က ပြည်နယ် လွှတ်တော် ကိုယ်စားလှယ် ဦးနေဝင်းက ပြောပါတယ်။

အဲဒီ အချိန်က ဒေါ်အောင်ဆန်းစုကြည်ရဲ့ ခရီးစဉ် ဖြစ်မြောက်ရေးကော်မတီ ဥက္ကဌ အဖြစ် ဆောင်ရွက်ခဲ့တယ်လို့ လည်း သူက ပြောပါတယ်။

ပါတီတွင်းမှာ နိုင်ငံရေးနဲ့ ပတ်သက်တဲ့ လှုပ်ရှား ဆောင်ရွက်မှုတွေ သိပ်မရှိလှပေမဲ့ ဘာသာရေး လူမှုရေးပိုင်းမှာ တက်တက်ကြွကြွ လုပ်ဆောင်ခဲ့တာတွေ ရှိတယ်လို့ လည်း သူက ဆိုပါတယ်။

တိုင်းရင်းသားပေါင်းစုံ စုပေါင်းနေထိုင်တဲ့ ကချင်ပြည်နယ်မှာ မူးယစ်ဆေးဝါးပြဿနာ၊ ငြိမ်းချမ်းရေး ပြဿနာနဲ့ သယံဇာတ တူးဖော်ရေး ဆိုင်ရာ ကိစ္စတွေနဲ့ ပတ်သက်လို့ ကိုင်တွယ် ဖြေရှင်းတဲ့အခါ ဒေါက်တာ ခက်အောင် အနေနဲ့ ဘယ်လောက် လူပ်ဆောင်နိုင်မလဲ ဆိုတာနဲ့ ပတ်သက်လို့တော့ သူဟာ လူတော် တစ်ယောက် ဖြစ်တဲ့ အတွက် ပါတိရဲ့ ဦးဆောင်မှု၊ မူဝါဒတွေ အတိုင်း လိုက်နာပြီး ကိုင်တွယ် ဆောင်ရွက်နိုင်မယ်လို့ ယုံကြည်ကြောင်း ဦးနေဝင်းက ပြောပါတယ်။

BBC Burmese
http://www.bbc.com/burmese


ပြည်သူ့လွှတ်တော်ကိုယ်စားလှယ် ဒေါက်တာမျိုးအောင်နှင့် အမျိုးသားလွှတ်တော်ကိုယ်စားလှယ် ဦးဘမျိုးသိန်းတို့ကို သမ္မတလောင်း စိစစ်ရေးအဖွဲ့ဝင်တွေအဖြစ် ရွေးချယ်လိုက်ကြောင်း သိရပါတယ်။

နေပြည်တော် စည်ပင်ဧည့်ရိပ်သာမှာ ဒီနေ့ညပိုင်းက ကျင်းပတဲ့ NLD ပါတီ အစည်းအဝေးမှာ အသိပေးခဲ့တယ်လို့ အစည်းအဝေး တက်ရောက်ခဲ့တဲ့ ပြည်သူ့လွှတ်တော် ကိုယ်စားလှယ်တစ်ဦးက ပြောပါတယ်။

သမ္မတလောင်း စိစစ်ရေးအဖွဲ့ကို ပြည်သူ့လွှတ်တော် ဥက္ကဋ္ဌ၊ ဒုတိယ ဥက္ကဋ္ဌ၊ အမျိုးသားလွှတ်တော် ဥက္ကဋ္ဌ၊ ဒုတိယ ဥက္ကဋ္ဌ၊ ပြည်သူ့လွှတ်တော်ကိုယ်စားလှယ်တစ်ဦး၊ အမျိုးသား လွှတ်တော်ကိုယ်စားလှယ် တစ်ဦးနဲ့ တပ်မတော်သား လွှတ်တော်ကိုယ်စားလှယ် တစ်ဦး စုစုပေါင်း ကိုယ်စားလှယ် ၇ ဦးနဲ့ ဖွဲ့စည်းရမှာဖြစ်ပါတယ်။

မနက်ဖြန်မှာ ကျင်းပမယ့် ပြည်သူ့လွှတ်တော်၊ အမျိုးသားလွှတ်တော်နဲ့ တပ်မတော်သား အစုအဖွဲ့အစည်းအဝေးတွေကနေ ရွေးချယ်တင်မြှောက်မယ့် ဒုတိယ သမ္မတလောင်းတွေကို အဖွဲ့ဝင် ၇ ဦးပါတဲ့ စိစစ်ရေးအဖွဲ့က သမ္မတ အရည်အချင်းနဲ့ ကိုက်ညီမှုရှိ၊ မရှိဆိုတာတွေကို စိစစ်မှာဖြစ်ပါတယ်။

ဒေါက်တာမျိုးအောင်နဲ့ ဦးဘမျိုးသိန်းတို့ကို ပြည်သူ့လွှတ်တော်နဲ့ အမျိုးသားလွှတ်တော် ကိုယ်စားလှယ်နေရာအတွက် ရွေးချယ်ခဲ့တာဖြစ်ပါတယ်။

ဒေါက်တာမျိုးအောင်ဟာ ဒုတိယသမ္မတလောင်းစာရင်းမှာပါတယ်လို့ သတင်းတွေထွက်ပေါ်ခဲ့တာဖြစ်ပေမယ့် အခုအခြေအနေအရ မဖြစ်နိုင်တော့ဘူးလို့ သိရပါတယ်။

RFA Burmese
https://www.facebook.com/RFA-Burmese

NLD chairperson attends parliament
NLD chairperson attends parliament

လွှတ်တော်မှာ သမ္မတ ရွေးချယ်ရေး လုပ်ငန်းတွေ မနက်ဖြန် စတင်တော့မယ့် အချိန်မှာ အရပ်သား လွှတ်တော် ကိုယ်စားလှယ်တွေက တင်သွင်းရမယ့် ဒုတိယ သမ္မတလောင်းတွေ အဖြစ် ဒေါက်တာ မျိုးအောင်၊ ဦးထင်ကျော်နဲ့ ဦးစိုင်းညွန့်လွင်တို့ကို အများက ထင်ကြေးပေး နေကြပါတယ်။ ဒီပုဂ္ဂိုလ်တွေဟာ ဘယ်သူတွေလဲ ဆိုတာနဲ့ သူတို့ရဲ့ နိုင်ငံရေး သမိုင်းကြောင်း တစေ့တစောင်းကိုတော့ မသိင်္ဂီထိုက် စုစည်းတင်ပြထားပါတယ်။

ဆယ်စုနှစ်တွေ အတွင်း ပထမဆုံး အကြိမ်အဖြစ် အရပ်သား အစိုးရသစ် အပြောင်းအလဲမှာ သမ္မတ ဘယ်သူဖြစ်လာမလဲ ဆိုတာကို ပြည်တွင်း ပြည်ပ ထင်ကြေးပေး သုံးသပ်နေကြတဲ့ အထဲ အများစု ထင်ကြေးပေးခံရသူ ကတော့ ဒေါက်တာ မျိုးအောင် ဖြစ်ပါတယ်။ ဒေါက်တာ မျိုးအောင်ဟာ ၁၉၈၈ ခုနှစ်နောက်ပိုင်း နိုင်ငံရေး လောကကို ခြေချလာသူ ဖြစ်ပြီး အမျိုးသား ဒီမိုကရေစီ အဖွဲ့ချုပ် NLD ပါတီ အခက်အခဲမျိုးစုံ ရင်ဆိုင်ခဲ့ရချိန်ကစလို့ အခုအချိန်ထိ ပါတီရဲ့ အမာခံ နိုင်ငံရေး သမား တဦး ဖြစ်ပါတယ်။ သူဟာ ဘယ်လို ပုဂ္ဂိုလ် တဦးလဲ ဆိုတာကိုတော့ NLD ပါတီမှာ နှစ်ပေါင်းများစွာ အတူ အလုပ်လုပ်ခဲ့ကြတဲ့ NLD ရဲ့ ဗဟိုအလုပ်အမှုဆောင်ဟောင်း ဦးစောနိုင်းနိုင်းက အခုလို ပြောပါတယ်။

“ဒေါက်တာမျိုးအောင်က ဟိုးအရင် ၈၈ ပါတီ စဖွဲ့ပြီးအချိန်မှာတော့ သူတို့ က ဒီမိုကရေစီပါတီကပေါ့။ နောက်ကျတော့ NLD ပါတီကို ပြောင်းသွားတယ် ၉၀ လောက်မှာလေ။ အဲဒီ ၉၀ ခုနှစ်က စပြီးတော့ တောက်လျှောက် NLD မှာပဲလုပ်ပါတယ်။ ရိုးရိုးသားသားတာဝန်ကျေ အချိန်ပြည့်လုပ်ခဲ့ပါတယ်။ အခုထိလုပ်နေပါတယ်။ ဦးတို့နဲ့လည်း အတူအတူလုပ်တယ်။ ဦးက ရန်ကုန်တိုင်းတာဝန်ခံလုပ်တော့ သူက ဒဂုံအရှေ့ဘက်မှာ ရွေးကောက်ပွဲတွေ ဘာတွေဝင်တဲ့အခါမှာ ဦးလည်းသွားပြီး ချီးမြှင့်ဖူးတယ်။ ဒေါ်အောင်ဆန်းစုကြည် အပါအ၀င်ပါ။ ဘာပဲဖြစ်ဖြစ် သူက ဒီနိုင်ငံရေးပါတီမှာ ဒီပါတီမှာ တောက်လျှောက်လုပ်ခဲ့တဲ့သူတယောက်ပဲလေ။ ကျန်တာ ကြိုးစားအားထုတ်မှုရှိတယ်။ ဘာမှပြောစရာမရှိပါဘူး။

မေး။ ။ ဒေါက်တာမျိုးအောင်က စစ်တပ်မှာလည်း တာဝန်ထမ်းဆောင်ခဲ့တယ်လို့လဲ သိခဲ့ရပါတယ်ရှင့်။ အဲဒါရော ဟုတ်ပါလားရှင့်။

ဖြေ။ ။ အဲဒါက ဒီလို စစ် စတိုင်ပင် (Stipend) ဆရာဝန် အနေနဲ့ ဒေါက်တာမျိုးအောင်တို့၊ ဒေါက်တာ စိန်ဝင်းတို့ဟာ Service (အမှုထမ်း) လုပ်ရတယ်၊ Serve လုပ်ရတယ်။ အဲဒါ စစ်တပ်က ဆရာဝန်လို့တော့ ပြောလို့မရဘူး။ ဆေးကျောင်းတက်တဲ့အခါမှာ အဲလိုလုပ်ခဲ့တဲ့လူတွေလေ။”

NLD ပါတီရဲ့ ဗဟိုအလုပ်အမှုဆောင်လည်းဖြစ် လက်ရှိ ရွေးကောက်ခံ လွှတ်တော်အမတ်လည်း ဖြစ်တဲ့ ဒေါက်တာ မျိုးအောင်ဟာ လက်ရှိ သမ္မတ ဦးသိန်းစိန် အစိုးရနဲ့ အာဏာလွှဲပြောင်းရေး အစည်းအဝေးတွေမှာလည်း NLD ပါတီ ကိုယ်စားပြု ဆွေးနွေးနေသူဖြစ်ပါတယ်။ နောက် NLD ပါတီကနေ ဒုတိယ သမ္မတလောင်း အမည်စာရင်းတင်သွင်းနိုင်ခြေ ရှိသူ နောက်တဦး အဖြစ် ထင်ကြေးပေးခံနေရသူကတော့ ဦးထင်ကျော် ဖြစ်ပါတယ်။ ဦးထင်ကျော်ဟာ ဆရာကြီး မင်းသုဝဏ်ရဲ့ သားဖြစ်ပြီး လက်ရှိ NLD လွှတ်တော်အမတ် ဒေါ်စုစုလွင်ရဲ့ ခင်ပွန်းဖြစ်ပါတယ်။ ဒေါ်အောင်ဆန်းစုကြည်နဲ့လည်း ပုဂ္ဂိုလ်ရေး အရ ရင်းနှီးသူ ဖြစ်ပါတယ်။ ဦးစောနိုင်းနိုင်း ပြောပြတဲ့ ဦးထင်ကျော် အကြောင်းကတော့

“ ဦးထင်ကျော်ကတော့ သူတို့အဖေ ဆရာကြီး မင်းသုဝဏ်ကတော့ အရင်တုန်းက ကမာရွတ်မြို့နယ်က လွှတ်တော်ကိုယ်စားလှယ်ပေါ့လေ။ နောက်တော့လည်း သူလည်း အသက်ကြီးသွားတော့ မလုပ်ဘူးပေါ့။ ဦးထင်ကျော်ကတော့ ပါတီ အဖွဲ့အစည်းတွေရဲ့ လုပ်ငန်းကတော့ သိပ်မလုပ်ပါဘူး။ ဒေါ်အောင်ဆန်းစုကြည်ရဲ့ ရုံးအဖွဲ့မှာ သူရော သူ့မိန်းမရော လုပ်တာတော့ရှိပါတယ်။ အဲလောက်တော့ရှိပါတယ်။ ပါတီအဖွဲ့အစည်းရဲ့ အဆင့်ဆင့်တွေ အနေနဲ့တော့ သိပ်တော့ ပါတီတာဝန်တွေကို အချိန်ပြည့်ထမ်းဆောင်တာတော့မရှိပါဘူး။ ပညာအရည်အချင်းလည်းရှိပါတယ်။ နိုင်ငံခြားကလည်း Diploma ၊ မြန်မာပြည်မှာဆို အစောဆုံး ကွန်ပြူတာနဲ့ ပတ်သက်တဲ့ Diploma တွေရခဲ့တာပေါ့။ အင်္ဂလန်ကလားမသိဘူး ဟုတ်တယ်။”

နောက်ထပ် ဒုတိယ သမ္မတလောင်း တင်သွင်းခံရနိုင်ခြေ ရှိတယ်လို့ ထင်ကြေးပေးခံရသူကတော့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD ပါတီ ခေါင်းဆောင် တဦးဖြစ်သူ စိုင်းညွန့်လွင် ဖြစ်ပါတယ်။ ရန်ကုန်မှာ မွေးဖွားကြီးပြင်းခဲ့သူ စိုင်းညွန့်လွင်ဟာ ရှမ်းတိုင်းရင်းသားတွေထဲတင် မဟုတ်ဘဲ ဗမာ အပါအ၀င် တိုင်းရင်းသား အားလုံးက လက်သင့်ခံနိုင်တဲ့ ပုဂ္ဂိုလ် တဦးဖြစ်တယ်လို့ မြန်မာ့ ငြိမ်းချမ်းရေး လုပ်ငန်းစဉ်ကို အထောက်အကူပြုပေးဖို့ ရည်ရွယ်ဖွဲ့စည်းထားတဲ့ Pyidaungsu Institute ရဲ့ ဦးဆောင်ညွှန်ကြားရေးမှူး ဦးခွန်ဆိုင်းက ပြောပါတယ်။

“စိုင်းညွှန့်လွင်က သူက လက်နက်ကိုင်အဖွဲ့တွေနဲ့ သူကပေါင်းပြီးတော့မှ သူက ရှမ်းပြည်ပူးပေါင်း ဆောင်ရွက်ရေးကော်မတီ ဆိုတာ ၁၉၉၆ ကတည်းက သူတို့ ပေါင်းပြီးတော့ လုပ်ခဲ့တယ်။ လုပ်ခဲ့တဲ့အတွက်ကြောင့်မို့လို့ ဒီ လက်နက်ကိုင် တပ်ဖွဲ့တွေထဲမှာလည်း သူ့ကို လေးစားကြတယ်။ ဒီလူထုကြားထဲမှာ ဆိုရင်တော့ ပိုပြီးတော့မှ လေးစားတာကို တွေ့ရမယ်။ ဘာဖြစ်လို့လဲဆိုတော့ သူတို့ ၂ ယောက်စလုံးက ၂၀၀၅ ကနေ ၂၀၁၂ အထိ ထောင်ကျခဲ့တာကို။ နိုင်ငံရေးမှုနဲ့ထောင် ကျခဲ့တယ်။ နှစ်ပေါင်း ၈၀ ကျော်သူတို့ ဒဏ်ခတ်ခံရပြီးတော့မှ ထောင်ကျခဲ့တဲ့အခါကျတော့ သူတို့ကို လူထုအသိုင်းအ၀ိုင်းမှာဆိုရင်လည်း အများကြီးလေးစားတာပေါ့ဗျာ။”

သမ္မတ ရွေးချယ်ရေး လုပ်ငန်းစဉ်တွေကိုတော့ လွှတ်တော်အသီးသီးမှာ မတ်လ ၁၀ ရက်နေ့မှာ စတင်မှာ ဖြစ်ပြီး မတ်လ ၁၇ ရက်၊ ၁၈ ရက်နေ့လောက်မှာ သမ္မတ၊ ဒုတိယ သမ္မတ (၁) နဲ့ ဒုတိယ သမ္မတ (၂) တို့ကို ပြည်ထောင်စု လွှတ်တော်က အတည်ပြု ရွေးချယ်မယ်လို့လည်း ခန့်မှန်းရပါတယ်။

မသိင်္ဂီထိုက်/VOA
http://burmese.voanews.com/content/president-prediction-for-normines-/3227358.html



သမ္မတ ရွေးချယ်ဖို့အတွက် ဒု သမ္မတလောင်းစာရင်းတွေကို အနိုင်ရ အမျိုးသား ဒီမိုကရေစီအဖွဲ့ချုပ်က မနက်ဖြန် တင်သွင်းရတော့မှာမို့ နေပြည်တော် လွှတ်တော် အခြေအနေတွေကို သတင်းမီဒီယာတွေရော နိုင်ငံရေးလေ့လာသူတွေပါ အနီးကပ် စောင့်ကြည့်နေကြပါတယ်။ သမ္မတလောင်း ဘယ်သူဖြစ်မလဲ ခန့်မှန်းချက်အမျိုးမျိုးနဲ့အတူ၊ NLD လွှတ်တော်အမတ်တွေနေထိုင်ရာ နေပြည်တော်က စည်ပင်ရိပ်သာမှာ အခု ညအချိန်တွေအထိ သတင်းထောက်တွေ စောင့်ကြည့်သတင်းယူနေကြပါတယ်။ နေပြည်တော်မှာ ရောက်နေတဲ့ ဗွီအိုအေ ရန်ကုန်ရုံး တာဝန်ခံ ဒေါ်ခင်စိုးဝင်းကို ကိုသားညွန့်ဦးက ဆက်သွယ်မေးမြန်းထားပါတယ်။

“သားညွှန့်ဦး။ ။ အခု မနက်ဖြန်ဆိုရင်ပဲ ပြည်သူ့လွှတ်တော်၊အမျိုးသားလွှတ်တော်မှာ အမျိုးသားဒီမိုကရေစီအဖွဲ့ချုပ်ကနေပြီးတော့ ဒုတိယ သမ္မတ စာရင်းတွေ သွင်းရဖို့ရှိပါတယ်ခင်ဗျာ။ အခု ဒီ ဥစ္စာ အန်တီ ဒေါ်ခင်စိုးဝင်းကလည်း နေပြည်တော်မှာ သတင်းယူဖို့ရောက်နေပြီဆိုတော့ နောက်ဆုံးတွေ့ရ၊ မြင်ရတဲ့ အခြေအနေလေးပြောပါဦး ခင်ဗျာ။

ဒေါ်ခင်စိုးဝင်း။ ။ ဟုတ်ကဲ့ပါ ကျမတို့လည်း ရောက်ရောက်ချင်းဆိုတော့ပေါ့နော် ဒီမှာဘာတွေများထူးလဲဆိုပြီးတော့ နားစွင့်နေတာပါ။ ဒါပေမယ့် တိတိကျကျ အတည်ပြုချက်တော့ မရပါဘူး။ ဒါပေမယ့် ကျမတို့ ကံကောင်းချင်တော့ ကျမတို့ စည်ပင်ရိပ်သာကို သွားကြတယ်။ သွားတဲ့အခါမှာ NLD ကနေပြီးတော့ သတင်းထွက်နေတယ်ပေါ့နော်။ သမ္မတလောင်း ဒုတိယ သမ္မတလောင်း သတင်းထွက်နေတယ်ဆိုတဲ့ ဒေါက်တာမျိုးအောင်ရဲ့ အခန်းကိုရောက်ခဲ့ပါတယ်။ ရောက်တဲ့ အခါမှာ ကျမတို့ ၀ိုင်းပြီးတော့ မေးကြပါတယ်။ မေးတော့ မနက်ဖြန် ဒုသမ္မတလောင်းစာရင်းမှာပါသလားလို့မေးတော့ သူငြင်းလဲမငြင်းပါဘူး၊ အတည်လဲမပြုနိုင်ပါဘူးလို့ သူက ပြုံးပြုံးလေးနဲ့ပြောပါတယ်။ ဓါတ်ပုံတွေဘာတွေအရိုက်ခံပါတယ်။ ဒါပေမယ့် ကျမတို့မေးတာ တခုမှ မဖြေပါဘူး။ သူမဖြေနိုင်လို့ပါလို့ ပြောပါတယ်။ အဲလို အလားတူပဲ ကျမတို့ ဦးဝင်းထိန်အခန်းသွားတဲ့အခါမှာလည်း ဦးဝင်းထိန်က ခပ်ပြုံးပြုံးပဲ မေးသမျှကို အရင်တုန်းကလို အော်တာမရှိတော့ဘူးပေါ့နော်၊ ကျနော်ဒီအင်တာဗျူးမဖြေတော့ပါဘူးခင်ဗျာဆိုပြီးတော့ ရိုရိုသေသေ လေးလေးစားစားပြန်ပြောတာ တွေ့ခဲ့ရပါတယ်။ အဲတော့ NLD အဖွဲ့ဝင်တွေ ဒီညနေမှာကတော့ အကုန်လုံးက အစည်းအဝေးတွေလုပ်နေကြတယ်လို့လဲကြားတယ်။ ပြီးတော့ ဒီ လူကြီးပိုင်းတွေ ဒီ ဒေါက်တာ ဇော်မြင့်မောင်တို့ နောက်ပြီးတော့ ဦးဝင်းထိန်တို့ အရေးကြီးတဲ့ လူတွေ အစီးအဝေးတွေလုပ်တာကို ကြားခဲ့ရတယ်။ သူတို့သွားတာတွေ တွေ့ခဲ့ရတယ်။ ဒါပေမယ့်လို့ ဘယ်သူ့ဆီကမှ ဘာသံမှတော့ မကြားဘူးရှင့်။

သားညွှန့်ဦး။ ။အခုကျနော်တို့ နဲနဲကြားနေတာကလည်း ဒီညလောက်ဆိုရင် လွှတ်တော်အမတ်တွေအားလုံးကို ဘယ်သူကို သူတို့ သမ္မတအဖြစ် စာရင်းတင်သွင်းမယ်ဆိုပြီးတော့ NLD က အသိပေးမယ် ဆိုတဲ့ သတင်းတွေလည်း ထွက်နေတယ်ခင်ဗျာ။ အဲတော့ ဒေါက်တာမျိုးအောင်၊ ဦးထင်ကျော်ဆိုပြီး နာမည်က အမျိုးမျိုးထွက်နေတော့ ဘယ်သူတွေက ၁ ပေးခံနေရလဲ။

ဒေါ်ခင်စိုးဝင်း။ ။ ဟုတ်ကဲ့ပါ။ ဦးထင်ကျော်ကတော့ လူပြောများနေတာပေါ့နော်။ ဆရာကြီး မင်းသုဝဏ် ရဲ့သားတယောက်အနေနဲ့ လူတွေလည်း လေးစားခံနေရတဲ့ ပုဂ္ဂိုလ်တယောက်အနေနဲ့ လေးစားတည်ငြိမ်တယ်ဆိုပြီးတော့ အားလုံးကသူ့ကို အများဆုံးခန့်မှန်းခြင်းခံရတာပေါ့နော်။ နောက်ပြီးတော့ ဒေါက်တာမျိုးအောင်အနေနဲ့ကျတော့လည်း သူကတော့ စစ်ရေးအမြင်ရှိတယ်ဆိုတဲ့ဟာ ပါတယ်ဆိုတော့ သူလည်းအလားအလာရှိတဲ့ ပုဂ္ဂိုလ်တယောက်ပေါ့နော်။ ဒါပေမယ့် သူကို အရန်ထားသလားဆိုတာမျိုး စဉ်းစားစရာဖြစ်လာတာပေါ့။ ဒါပေမယ့် NLDကနေပြီးတော့ တင်မယ့် ဒီ ဒုသမ္မတလောင်းစာရင်းကလည်း ဒီထက်မက များနိုင်တယ်ဆိုပြီးပြောတဲ့လူတွေလည်းရှိတယ်။ အဲလိုပဲ အမျိုးသားလွှတ်တော်မှာ တိုင်းရင်းသားဘက်က တင်မယ့်နေရာမှာ အမျိုးသားဒီမိုကရေစီအဖွဲ့ချုပ်ရဲ့ တိုင်းရင်းသားလွှတ်တော်အမတ်တွေပဲ ဖြစ်မလား။တိုင်းရင်းသားပါတီတွေပဲ ဖြစ်မလားပေါ့နော်။ အခုကြားတာက ရှမ်းအမျိုးသား ဒီမိုကရေစီ အဖွဲ့ချုပ်က အတွင်းရေးမှူးပေါ့နော်။ ဦးစိုင်းညွှန့်လွင် ဆိုရင်လည်း နေပြည်တော်ကို ရောက်နေပြီ၊ ရောက်တာမှ သူတို့ရဲ့ CEC တွေအကုန်လုံးခေါ်လာတယ်ဆိုပြီး သတင်းထွက်တော့ တကယ်လို့များ ဦးစိုင်းညွှန့်လွင်ကိုများ ဒုသမ္မတလောင်းစာရင်းတင်မလား ဆိုပြီးတော့လည်း အကုန်လုံးက သတင်းတွေထွက်နေတယ်လေ။ ကျမလည်း ကြိုးစားပြီးဆက်သွယ်ပေမယ့် ဆက်သွယ်လို့ မရဘူးရှင့်

သားညွှန့်ဦး။ ။အခုသမ္မတ ရွေးချယ်ရေးအဆင့်ဆင့်ပေါ့။ ဘယ်ရက်လောက်မှာ ပြတ်မှာလည်း မနက်ဖြန်က ထည့်သွင်းတာပဲရှိပါတယ်။ ဒေါ်ခင်စိုးဝင်း သိသလောက် ဒီသမ္မတရွေးချယ်ရေးလုပ်ငန်းစဉ်က ဘယ်လောက်ထိ သွားမှာလဲ။

ဒေါ်ခင်စိုးဝင်း။ ။ဟုတ်ကဲ့ ကျမဒီမှ မေးကြည့်သလောက်ကတော့ စီစစ်ရေးအဖွဲ့ ဖွဲ့ပြီးတော့ သမ္မတအရည်အချင်းနဲ့ ပြည့်စုံမှုရှိမရှိကို ၁၁ ရက်နေ့လောက်မှာ စပြီးတော့ မတ်လ ၁၄ ရက်နေ့မှာတော့ ခန့်မှန်းထားတာကတော့ ၁၄ ရက်နေ့မှာပြီးမယ်လို့ ထင်ပါတယ် ဒီဘက်မှာလည်းလေ။ ဒါပေမယ့် အကုန်လုံး လုပ်ပြီးတာတောင်မှ သမ္မတအရည်အချင်းစစ်တဲ့အခါမှာ အရည်အချင်းမပြည့်မှီဘူးဆိုရင် တခါ ထပ်ပြီးတော့ တင်ရဦးမှာပေါ့နော်။ အဲတော့ နည်းနည်းလေးတော့ အချိန်ကကြာမယ်ဆိုတော့ ကျမထင်ပါတယ် ၁၇ ရက် ၁၈ ရက်ထက်တော့ အရင်တုန်းက ခန့်မှန်းထက်တော့ မစောနိုင်ဘူးရှင့်။ သမ္မတ စာရင်း ကလေ။

သားညွှန့်ဦး။ ။ မနက်ဖြန်ဆိုရင်တော့ သမ္မတ စာရင်းတွေစတွေ့ရပြီဆိုတော့ အဲဒီအတွက်ကို သတင်းမီဒီယာတွေ သတင်းယူဖို့ရော လွတ်တော်ဘက်က ပြင်ဆင်မှုရော အခြေအနေဘယ်လို သူတို့လုပ်ထားတာတွေ့ရပါသလဲ။

ဒေါ်ခင်စိုးဝင်း။ ။အခုလောလောဆယ် နေပြည်တော်မှရောက်နေတဲ့ ဒီပြည်တွင်းပြည်ပ သတင်းထောက်တွေအကုန်လုံး ၆၀၀ ကျော် ရှိပါတယ်။ အဲဒီ ၆၀၀ ကျော် register လုပ်ထားပြီးပြီ။ ၆၀၀ ကျော် အပြင်ကို အကဲခတ်လေ့လာမယ့်သူတွေကလည်း ၁၀၀၀ ကျော်ရှိမယ်လို့ပြောပါတယ်။ ကျမတို့မနက်ဖြန်မနက်ဆိုရင် တော်တော်ကြီးကို ကျမတို့ ၁၀ နာရီမှာစမယ်ဆိုပေမယ့် ၂ နာရီလောက် ကြိုသွားမှသာ ကျမတို့ လုံခြုံရေးစီစစ်တာတွေ အချိန်တွေရှိမှာပါ။ ကျမတို့သွားမယ့်အဖွဲ့တွေကတော့ ဒီနေ့ လွှတ်တော်ရုံးကို လှမ်းဆက်ပြီးတော့ ကျမတို့ စာရင်းတွေပါရဲ့လား။ ကျမတို့ ၀င်ခွင့်ထဲမှာ ပါရဲ့လားလို့ စစ်ပြီးပါပြီ။ စစ်တဲ့အခါမှာ ကျမတို့ တင်ထားတဲ့ စာရင်းအတိုင်းပဲ ၀င်ခွင့်ရမယ်လို့ပြောပါတယ်။ ဒါပေမယ့်လည်း လူ ၆၀၀ ဆိုတော့ တော်တော်လေးကို ကျပ်ကျပ်သပ်သပ်သွားရမှာပါ။ ပြီးတော့ သိတဲ့အတိုင်းပဲ ဒီလွှတ်တော်မှာ သတင်းယူတဲ့နေရာမှာ Monitor screen မှာပြတဲ့ဟာကို အပြင်မှာပဲ ယူရမှာဆိုတော့ တော်တော်လေးကို တိုးတိုးကြိတ်ကြိတ်လုပ်ရမှာပါ ကိုသားညွှန့်ဦးရေ။”

ဒေါ်ခင်စိုးဝင်း, ကိုသားညွှန့်ဦး/VOA
http://burmese.voanews.com/content/myanamr-president-update-/3227299.html

၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းက မမီးမီးကို မတ်လ ၉ ရက်နေ့က ရုံးထုတ်လာစဉ်။ Photo: Aung Thain Kha/ RFA
တရားမဝင် စီတန်းလှည့်လည်မှု ပုဒ်မ ၁၈ ကို အယုံအကြည်မရှိတာကြောင့် တရားရုံးရဲ့ စစ်ဆေးမေးမြန်းမှုတွေကို မဖြေဆိုခဲ့ပဲ အာမခံလည်း မယူတာကြောင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းက မမီးမီးကို ဒီနေ့ အင်းစိန်ထောင်ကို ပို့လိုက်ပါတယ်။

၈၈ မျိုးဆက် ငြိမ်းချမ်းရေးနှင့် ပွင့်လင်းလူ့ အဖွဲ့အစည်း အနေနဲ့ ပုဒ်မ ၁၈ ကို လက်မခံတာကြောင့် အာမခံ မယူဘူးလို့ ရန်ကုန်မြို့ မင်္ဂလာတောင် ညွန့်မြို့နယ် တရားရုံး ရုံးချိန်မှာ မမီးမီးက ပြောပါတယ်။

"ပုဒ်မ ၁၈ရဲ့နောက်ဆက်တွဲပါ ပြစ်ဒဏ်ဟာ ဒီမိုကရေစီနိုင်ငံတစ်ခုကို ဂုဏ်သိက္ခာရလည်းညှိုးနွမ်းစေ ပါတယ်၊ နောက်တစ်ခုက ပြည်သူတွေရဲ့ဆန္ဒကိုလည်းဆန့်ကျင်ရာ ကျတယ်၊ ပြည်သူတွေကိုလည်း ဝန်ထုပ်ဝန်ပိုးဖြစ်စေတဲ့ ပြည်သူတွေကို ဖိနှိပ်ချုပ်ချယ် တဲ့ နောက်ဆက်တွဲပြစ်မှု၊ ပြစ်ဒဏ် ပုဒ်မတစ်ခုဖြစ် တယ်၊ အဲ့ဒါကြောင့် ကျမကို ပုဒ်မ ၁၈နဲ့ တရားစွဲဆိုတဲ့အခါမှာ ဘယ်လိုမှပူးပေါင်းပါဝင်ဆောင်ရွက်မှာ မဟုတ်ပါဘူး၊ ကျမအာမခံလည်းယူမှာ မဟုတ်သလို ဒဏ်ငွေလည်းဆောင်မှာမဟုတ်ပါဘူး၊ တရားစွဲတဲ့ကိစ္စ နဲ့ ပတ်သက်ပြီးတော့လည်း တရားရုံးနဲ့ ပူးပေါင်းဆောင်ရွက်မှာ မဟုတ်ပါဘူး"

၂၀၁၄ ခုနှစ် နိုဝင်ဘာလ ၁၄ ရက်နေနဲ့ ၁၇ ရက်နေ့က ရန်ကုန်မြို့မှာ အမျိုးသားပညာရေးဥပဒေကို ၄ ရက်ကြာ သပိတ်မှောက်ခဲ့ရာ မမီးမီးတို့က ဆန္ဒပြ ကျောင်း သားတွေကို ရေသန့်ဘူးနဲ့ အစားအသောက်တွေ ဝေငှခဲ့ တာကြောင့် တရားမဝင် စီတန်းလှည့်လည်မှု ပုဒ်မ ၁၈ နဲ့ တရားစွဲဆိုခံရတာ ဖြစ်ပါတယ်။

ချီတက်လမ်းလျှောက်ရာမှာ ပါဝင်ခဲ့တဲ့ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့ အစည်းက မမီးမီးအပါအဝင် ဗိုလ်ကြီးဟောင်း ဦးနေမျိုးဇင်နဲ့ ဗကသ ကျောင်းသား ခေါင်းဆောင် ကိုကျော်ကိုကိုတို့ကိုလည်း ဒီကနေ့ ရုံးထုတ် စစ်ဆေးရာမှာ တရားသူကြီး ရဲ့ မေးမြန်းချက်တွေကို မဖြေဆိုဘဲ ငြင်းဆန်ခဲ့ကြပါတယ်။

RFA


Myanmar Inno အထည်ချုပ်စက်ရုံက အလုပ်သမား ၂၀၀၀ လောက် မတ်လ ၉ ရက်နေ့က ဆန္ဒပြတောင်းဆိုနေစဉ်။ Photo: Kyaw Zaw Win/ RFA

တောင်ကိုရီးယားနိုင်ငံသားပိုင် Myanmar Inno အထည်ချုပ်စက်ရုံက အလုပ်သမား ၂၀၀၀ လောက်က ရက်မှန်ကြေးပေးဖို့ ၊ အပိုဆုကြေးနဲ့ လုပ်သက်အလိုက် လစာတိုးမြှင့်ပေးဖို့တို့ကို ဆန္ဒပြတောင်းဆိုနေကြပါတယ်။

အစိုးရက အနည်းဆုံးလုပ်ခလစာ တစ်ရက်အတွက် ကျပ် ၃၆၀၀ သတ်မှတ်ပြီးနောက် အချိန်ပို မဆင်းခိုင်းတော့ သလို ရက်မှန်ကြေးတွေ၊ အပိုဆုကြေးတွေလည်း မပေးတော့ဘူးလို့ ဆန္ဒပြအလုပ်သမတစ်ဦးက ပြောပါတယ်။

"သူတို့က အခုလစာတွေက အစိုးရသတ်မှတ်လိုက်တဲ့ ၃၆၀၀ ပဲပေးပြီး ကျန်တဲ့ရှားပါးစရိတ်တွေ၊ ရက်မှန်ကြေးတွေ၊ နှစ်ပတ်လည်ဆုကြေးငွေတွေ သူတို့ဘာမှ မပေးတော့ဘူး၊ တစ်လလုံးလုံး အလုပ်သမားတွေအကုန်လုံးမှ ဒီ ၁ သိန်း ၈ ထောင်ကို ဘယ်သူကမှ ဒီခတ်ကုန်ဈေးနှုန်းနဲ့ မလောက်ငှဘူး၊ မလောက်ငှတော့ မကျေနပ်ဘူး၊ သူတို့ အိုဗာတိုင်းတွေကိုလည်း ခေါ်စေချင်တယ်၊ သူတို့က အိုဗာတိုင်း လည်းမခေါ်နိုင်ဘူး၊ မခေါ်နိုင်တဲ့အခါကျတော့ လစာက သူများတွေနဲ့ တန်းတူဘယ်တော့မှ မရဘူး၊ စက်ရုံတိုင်း၊ စက်ရုံတိုင်း အိုဗာတိုင်ခေါ်တယ်၊ ဒီစက်ရုံကျမှ အိုဗာတိုင်မခေါ်တာ"

အဲဒီစက်ရုံဟာ ရန်ကုန်တိုင်းဒေသကြီး၊ မင်္ဂလာဒုံစက်မှုဇုန်မှာရှိတာဖြစ်ပါတယ်။ အလုပ်သမားတွေရဲ့ တောင်းဆို ချက်တွေကို ဒီနေ့ စက်ရုံတာဝန်ရှိသူတွေနဲ့ ညှိနှိုင်းပေ မယ့် ပြေလည်မှုမရဘူးလို့ သိရပါတယ်။ အရင်က တစ်လစာ လုပ်အားခကို အပိုဆုကြေးအဖြစ် တစ်နှစ်ကို ၃ ကြိမ်လောက်ပေးရာ ဆုကြေးတစ်သိန်းခန့် ရရှိရာကနေ လက်ရှိမှာ အပိုဆုကြေး ကျပ်နှစ်သောင်းသာ ပေးတော့မယ်လို့ စက်ရုံတာဝန်ရှိသူတွေဘက်က ပြောဆိုတာလို့လည်း သိရပါတယ်။

အဲဒီစက်ရုံမှာ မန်နေဂျာအသစ် တာဝန်ယူပြီးနောက်ပိုင်း အရင် ရရှိနေတဲ့ ခံစားခွင့်တွေ မရတော့တာဖြစ်တယ်လို့ အလုပ်သမားတွေက ပြောပါတယ်။

စက်ရုံအလုပ်သမားအားလုံးက စက်ရုံခြံဝင်းထဲမှာ ဆန္ဒပြနေတာ ဒီနေ့ ၂ရက်မြောက်နေ့ ဖြစ်ပါတယ်။ အဲဒီစက်ရုံမှာ အများဆုံးလုပ်သက် ၂၆ နှစ်ကနေ အနည်းဆုံး လုပ်သက် ၈ လအထိ ရှိပြီး အားလုံးကို တစ်နေ့ လုပ်ခ ကျပ် ၃၆၀၀ နဲ့ တပြေးညီပေးနေတာ ဖြစ်ပါတယ်။

RFA

[youtube src="3auLckCjN8A"/]
အမျိုးသားဒီမိုကရေစီအဖွဲ့ချုပ်က တင်သွင်းမယ့် ဒုတိယသမ္မတလောင်း ၂ ယောက်အမည်စာရင်းကို ကြိုတင်သိရဖို့အတွက် ပြည်တွင်းပြည်ပ သတင်းထောက်တွေဟာ ဒီကနေ့ညနေပိုင်းမှာ နေပြည်တော် စည်ပင်ရိပ်သာမှာ သွားရောက်စောင့်ဆိုင်းကြပါတယ်။ အန်အယ်ဒီရဲ့ ပြောခွင့်ရသူအဖြစ်တာဝန်ပေးထားတဲ့ ဒေါက်တာဇော်မြင့်မောင်ကတော့ မနက်ဖြန် (မတ်လ ၁၀ ရက်) ၁၀း၁၅ နာရီလောက်ဆိုရင် အားလုံးသိရမှာ ဖြစ်ပြီး အဆင့်သင့်ဖြစ်နေပြီလုို့ ပြောပါတယ်။

ရိုက်ကူး - ကျော်ဇေယျာဝင်း
,,,,,,,,,,,,,,,,,,,,,,,,,,,,,,,,,,,,,,
အဖွဲ့ဝင်ခုနှစ်ဦးဖြင့် ဖွဲ့စည်းရမည့် သမ္မတလောင်း စိစစ်ရေးအဖွဲ့၏ အဖွဲ့ဝင်များအဖြစ် ပြည်သူ့လွှတ်တော်ကိုယ်စားလှယ် ဒေါက်တာမျိုးအောင်နှင့် အမျိုးသားလွှတ်တော် ကိုယ်စားလှယ် ဦးဘမျိုးသိန်းတို့ကို ရွေးချယ်လိုက်ကြောင်း NLD ပါတီထံမှ သိရသည်။

မတ်လ ၉ ရက်နေ့ ညဦးပိုင်းက နေပြည်တော် စည်ပင်ဧည့်ရိပ်သာ၌ ပြုလုပ်သော ပါတီတွင်းအစည်းအဝေးတွင် ၎င်းတို့နှစ်ဦးကို ယင်းသို့ရွေးချယ်ကြောင်း NLD ပါတီ ဗဟိုအလုပ်အမှုဆောင် ဒေါက်တာဇော်မြင့်မောင်က အသိပေးခဲ့ခြင်း ဖြစ်သည်။

သမ္မတလောင်းအဖြစ် အမည်ထွက်နေသူ ဒေါက်တာမျိုးအောင်မှာ သမ္မတလောင်း စိစစ်ရေးအဖွဲ့တွင် ပါဝင်ရမည်ဖြစ်၍ ၎င်းကိုယ်တိုင် သမ္မတလောင်း မဖြစ်နိုင်တော့ပေ။

ပြည်ထောင်စုလွှတ်တော်တွင်ဖွဲ့စည်းမည့် သမ္မတလောင်းစိစစ်ရေးအဖွဲ့ကို ပြည်သူ့လွှတ်တော်နှင့် အမျိုးသားလွှတ်တော်တို့မှ ဥက္ကဋ္ဌ၊ ဒုတိယဥက္ကဋ္ဌ နှစ်ဦးစီဖြင့် စုစုပေါင်း လေးဦး၊ တပ်မတော်သား အစုအဖွဲ့မှ ကိုယ်စားလှယ်တစ်ဦး၊ ပြည်သူ့လွှတ်တော်နှင့် အမျိုးသားလွှတ်တော် ကိုယ်စားလှယ် တစ်ဦးစီ စုစုပေါင်း ကိုယ်စားလှယ် ခုနှစ်ဦးဖြင့် ဖွဲ့စည်းရမည် ဖြစ်သည်။

သတင်း...The Voice weekly
video..
DVB TV News

[youtube src="oW3U40EWizk"/]
အမျိုးသားဒီမိုကရေစီအဖွဲ့ချုပ်က တင်သွင်းမယ်လို့ ရေပန်းစားနေတဲ့ ဒုတိယ သမ္မတလောင်း တွေဟာ ပုဂ္ဂိုလ်ရေးအရ သမ္မတအဖြစ် ငြင်းပယ်စရာမရှိတဲ့သူတွေဖြစ်တယ် လို့ နိုင်ငံရေးလေ့လာသူတွေက ပြောပါတယ်။
DVB TV News

အခြေခံဥပဒေအတိုင်း ရွေးကောက်ပွဲလုပ်
မဲ့ရှုံးလို့ ရာထူးကနေဆင်းပေးရတာကို
သန်းမဂျီးကျေးဇူး ကြီးလှချည်ရဲ့ဆိုတဲ့ ငပိန်းလေးတွေအတွက် အဟောင်းလေးပြန်တင်လိုက်ပါတယ်...

'' ဆီသည်မအလှူကို သာဓုခေါ်ပေးရမှာလား ''

ဒီပုံပြင်လေးကို သိတဲ့လူအများအပြားရှိမှာပါ..မသိသေးတဲ့သူများအတွက် ရည်ရွယ်ပြီး ပြောပြချင်ပါတယ်..

တခါက ရွာတရွာမှာ ရွာစဉ်လှည့်လည်ပြီး ဆီရောင်းတဲ့ ဆီသည်မတယောက်ရှိပါတယ်..အဲ့ဒီဆီသည်မ ဆီသွားရောင်းရင် ရွာထိပ်က ရွာဦးစေတီရှိတဲ့လမ်းကနေပြီး သွားရပါတယ်..

ဒါ့ကြောင့် ဆီသည်မဟာ ဆီသွားရောင်းတဲ့နေ့တိုင်း အဲ့ဒီရွာဦးစေတီကိုဝင်ပြီး ဆီရောင်းကောင်းစေဖို့ဆုတောင်းရင်း ရောင်းကောင်းရင် ဘုရားကို ဆီလှူပါ့မယ်လို့ ကတိပေးလေ့ရှိပါတယ်..ဒါပေမဲ့လည်း တခါမှ မလှူဖြစ်ပါဘူး..

တနေ့တော့ သူမ ဆီရောင်းဖို့အလာ ရွာဦးစေတီနားအရောက် ခလုတ်တိုက်ပြီး သူမရွက်လာတဲ့ဆီအိုးကြီး ကွဲပြီး ဆီတွေအကုန်မှောက်ကျပါလေရော..

အဲ့ဒီအခါ ဆီသည်မပြောလိုက်ပုံက '' အရှင်ဘုရား တပည့်တော်မ အရှင်ဘုရားကို ဆီလှူမယ်ပြောပြီး တခါမှ မလှူဖြစ်ပါဘူး ဘုရား..အခုတော့ဖြင့် တပည့်တော်မ ပါတဲ့ ဆီတအိုးလုံးကို လှူပါတယ်ဘုရား..အလှူခံတော်မူပါ ဘုရား '' တဲ့..

အခုလည်း ဒီလိုပါပဲ..၂၀၁၀မှာ ဒီမိုကရေစီအစိုးရသစ်ပေါ်လာပြီးနောက်ပိုင်း ရွေးကောက်ပွဲကျင်းပပေးတာ အနိုင်ရပါတီကို အာဏာလွှဲပြောင်းပေးရမှာ ဒါတွေဟာ အစိုးရအနေနဲ့လုပ်ကို လုပ်ပေးရမဲ့အလုပ်တခုပါ..

ပြည်သူတွေကို ချစ်လွန်းလို့ ပြည်သူ့ဆန္ဒကို လိုက်လျောတယ်ထင်ရင် မှားသွားပါလိမ့်မယ်..ပြည်သူတွေလိုလားတဲ့ ပုဒ်မ ၄၃၆ ပြင်ဖို့ လက်မှတ် ၅သန်းကို ပစ်ပယ်ထားခဲ့တာပါ..လေးပွင့်ဆိုင်ဖို့ကို လျှစ်လျှူရှူခဲ့တာပါ..လူထုခေါင်းဆောင် သမ္မတဖြစ်ရေး ပိတ်ပင်ဖို့ ၅၉ စ ကို ရေးဆွဲခဲ့တာပါ..မဲစာရင်းကို ၃၀% ပဲ မှန်ပါတယ်လို့ ဝန်ခံခဲ့ရတာပါ..လွှတ်တော်ထဲမှာ ၂၅% အပိုင်ယူထားပြီး ဘယ်လိုပြိုင်ပြိုင်နိုင်လောက်တဲ့ အခြေအနေတွေ ဖန်တီးပြီးမှ ရွေးကောက်ပွဲကျင်းပဖို့ ဖြစ်လာတာပါ..

NLD ပါတီနဲ့ပြည်သူတွေမှာ ကိုယ့်မဲစာရင်းကိုယ်စစ် လူထုခေါင်းဆောင်ရဲ့ ပြောင်းလဲချိန်တန်ပြီဆိုတဲ့ ကြွေးကြော်သံနောက်မှာ နိုင်ငံရေးအသိ နိုင်ငံရေးရေချိန်တွေ မြင့်တက်လာပြီး အချင်းချင်းဝန်းရံလို့ ရွေးကောက်ပွဲကို ဝင်ပြိုင်ပြီး အနိုင်ရခဲ့တာပါ..

ဒါတောင် အနိုင်ရပါတီနဲ့လူထုခေါင်းဆောင်က ခုထိ စိတ်လွတ်ကိုယ်လွတ် အောင်ပွဲခံခွင့်မပေးသေးပါဘူး..ပုဒ်မ ၅၉ စ ကို မဲခွဲဆုံးဖြတ်တုန်းက ရှုံးသွားလို့ ဝမ်းသာအားရလက်ခုတ်သံတွေကြောင့် အံ့အားသင့်ပြီး နောက်ကိုပြန်လှည့်ကြည့်ရတဲ့အထိဖြစ်ခဲ့တဲ့ ဒေါ်အောင်ဆန်းစုကြည်ဟာ သူမအနိုင်ရတဲ့အခါမှာ အောင်ပွဲခံဖို့ကိုတောင် ကန့်သတ်ထားခဲ့ပါတယ်..

ဒီတော့ ဒီမိုကရေစီအစိုးရတရပ်ရဲ့တာဝန်ဖြစ်တဲ့ ရွေးကောက်ပွဲကျင်းပပေးပြီး အနိုင်ရပါတီကို အာဏာလွှဲပေးမယ်ဆိုပြီး ပြောခဲ့တဲ့အတွက် ကျမတို့က ကျေးဇူးတင်ရမှာလား..ကျေးဇူးရှင်တွေအဖြစ် သတ်မှတ်ရမှာလား..

တနည်းပြောရရင် ဆီသည်မအလှူကို သာဓုခေါ်ရမှာလား

Mya Thidar Ko

ငြိမ်းချမ်းစွာ စုဝေးခွင့်နှင့် စီတန်း လှည့်လည်ခွင့်ဆိုင်ရာ ဥပဒေ ပုဒ်မ ၁၈ ဖြင့် တရားစွဲဆိုမှု အပေါ် လက်မခံသောကြောင့် တရားရုံးနှင့် ပူးပေါင်း ဆောင်ရွက်မည် မဟုတ်ကြောင်း ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ကျောင်းသားခေါင်းဆောင် တစ်ဦးဖြစ်သူ မမီးမီးက မတ်လ ၉ ရက်က ပြောဆိုလိုက်သည်။

မမီးမီးကို ၂၀၁၆ မတ်လ ၉ ရက်က မင်္ဂလာတောင်ညွန့် တရားရုံးတွင် စတင်ရုံးထုတ် စစ်ဆေးခဲ့ခြင်းဖြစ်ပြီး ၊ပြီးခဲ့သည့် ၂၀၁၄ ခုနှစ် နိုဝင်ဘာ ၄ ရက်က ပြုလုပ်ခဲ့သည့် ကျောင်းသား သပိတ်စစ်ကြောင်းနှင့် ပတ်သက်၍ မမီးမီးကို တရားစွဲဆိုခဲ့ခြင်း ဖြစ်သည်။

တရားစွဲဆိုခံရမှုနှင့်ပတ်သက်၍ အာမခံရယူမည် မဟုတ်ကြောင်း၊ ဒဏ်ငွေလည်း ပေးဆောင်မည် မဟုတ်ကြောင်း မမီးမီးက ပြောဆိုခဲ့သည်။

ထို့အတူ မမီးမီးက သူမ၏ ဖေ့စ်ဘွတ်စာမျက်နှာတွင်လည်း တရားရင်ဆိုင်သည်ထက် အကျဉ်းထောင်အတွင်း ၀င်ရောက်ရန် ရွေးချယ်ကြောင်း နှုတ်ဆက်ရေးသားထားသည်။

“ရဲဘော်အားလုံးကို နှုတ်ဆက်ပါတယ်။ မပြီးဆုံးသေးတဲ့ တိုက်ပွဲအတွက် ကျောင်းတော်ကြီးဆီ သွားရဦးမယ်။ အမှန်တရား အောင်ရပါစေ” ဟု မမီးမီးကရေးသားထားသည်။

ပြီးခဲ့သည့် သီတင်းပတ်များအတွင်းကလည်း ၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ မနီလာသိန်းအား ကျောင်းသားသပိတ်ကို ထောက်ခံဆန္ဒပြရာတွင် ပါဝင်ခဲ့ခြင်းကြောင့် ပုဒ်မ ၁၈ ဖြင့် တရားစွဲဆိုခဲ့ရာ အာမခံမယူ၊ ဒဏ်ငွေမဆောင်ဘဲ ရပ်တည်ခဲ့ခြင်းကြောင်း အင်းစိန်အကျဉ်းထောင်တွင်
ထိန်းသိမ်းခံနေရသည်။

အမျိုးသားပညာရေးဥပဒေကိုသပိတ်မှောက်ခဲ့သည့် ကျောင်းသားခေါင်းဆောင်များကိုလည်း ပုဒ်မ ၁၈ အပါအ၀င် အမှုပေါင်း အနည်းဆုံး ၂၀ ကျော်မှ ၈၀ အထိ တရားစွဲဆိုထားကြောင်းသိရသည်။

သတင်း - ဇော်မင်းထွန်း
Photo – Hla Myo Aung FB
The Ladies News Journal

နေပြည်တော်စည်ပင်ရိပ်သာတွင် ပြုလုပ်သည့် သမ္မတလောင်း အမည်စာရင်းနှင့် ပတ်သက်သည့် အစည်းအဝေးကို ယနေ့ည ၇ နာရီတွင် ပြုလုပ်ပြီး ၇း ၃၅ နာရီခန့်တွင် ပြီးဆုံးသွားကြောင်း နေပြည်တော် အခြေစိုက် The Ladies News သတင်းထောက်က သတင်း ပေးပို့သည်။

NLD ထိပ်တန်းခေါင်းဆောင်အချို့သာ ပြုလုပ်သည့် ယနေ့အစည်းအဝေးအပြီးတွင် မီဒီယာများက သမ္မတလောင်း အမည်နှင့်ပတ်သက်၍ ပါတီထိပ်တန်းခေါင်းဆောင် ဦးဝင်းထိန်ကိုမေးမြန်းရာ " မနက်ဖြန် ၁၀ နာရီ ကျော်ရင် အတိအကျသိရမယ် ။ နာမည် နှစ်လုံးတည်း ၊ နှစ်လုံးတည်း " ဟုသာ ဖြေကြားသွားသည် ဟု ဆိုသည်။

NLD မှတင်သွင်းမည့် ဒုသမ္မတလောင်း အမည်စာရင်းများတွင် အမျိုးသားစာဆို ဆရာကြီးမင်းသုဝဏ်၏ သားဖြစ်သူ ဒေါ်အောင်ဆန်းစုကြည်၏ သံတမန်ရေးရာ အရာရှိ ဦးထင်ကျော် ( ဒလဘန်း ) ၊ ဒေါ်အောင်ဆန်းစုကြည်၏ မိသားစုဆရာဝန် ဒေါက်တာတင်မျိုးဝင်း ၊ ဒေါက်တာမျိုးအောင်နှင့် ကျားခေါင်းမှ ဦးစိုင်းညွန့်လွင်တို့ တစ်ပြေးနေကြောင်း ကနဦး သတင်းများအရ သိရသည်။

ဦးဝင်းထိန်မှာလည်း နာမည် ၂ လုံးတည်း ဖြစ်သော်လည်း နောင် ၅ နှစ်တွင် ၄င်းသည် ပါတီတိုးချဲ့တည်ဆောက်ရေးကိုသာ ပြုလုပ်မည်ဟု ပြောကြား ခဲ့ဖူးသည်။

The Ladies News Journal

လာမယ့် ရက်ပ်ိုင်းအတွင်းမှာပဲ အန်အယ်ဒီကတင်မယ့် ပုဂ္ဂိုလ်တစ်ယောက် (ဒေါ်အောင်ဆန်းစုကြည်က တင်မယ့် ပုဂ္ဂိုလ်တစ်ယောက် ဆိုနိုင်ပါတယ်) က သမ္မတ တာဝန်ကို ယူပါတော့မယ်။ အစိုးရအဖွဲ့ကို ဒေါ်အောင်ဆန်းစုကြည်က သူပဲခေါင်းဆောင်မယ်လို့ ပြောထားတဲ့အတိုင်း ဘယ်သူပဲ သမ္မတ ဖြစ်ဖြစ် အရေးမကြီးပါဘူး။ ဦးဆောင်ပဲ့ကိုင်ရှင်ဟာ ဒေါ်အောင်ဆန်းစုကြည်ပဲ ဖြစ်နေမယ် ဆိုတာ ရှင်းပါတယ်။ ဖွဲ့စည်းပုံအခြေခံဥပဒေ အရလည်း ဒါကိုပိတ်ပင် မထားပါဘူး။ ဒါပေမဲ့ ထည့်သွင်းစဉ်းစားစရာ အချက်တစ်ခုတော့ ရှိပါတယ်။

ပါလီမန် ဒီမိုကရေစီနိုင်ငံတွေမှာ အနိုင်ရပါတီရဲ့  အကြီးအကဲဟာ ၀န်ကြီးချုပ်လုပ်လေ့ ရှိပါတယ်။ သမ္မတကို တိုက်ရိုက်ရွေးချယ်တဲ့ စနစ်မှာ တစ်ခါတလေ သမ္မတလောင်းဟာ ပါတီခေါင်းဆောင် မဖြစ်တာလည်း ရှိနိုင်ပါတယ်၊ ဥပမာ အင်ဒိုနီးရှားသမ္မတ ဂျိုကိုဝီဒိုဒို ဆိုရင် အင်ဒိုနီးရှား လွတ်လပ်ရေး ခေါင်းဆောင် ဆူကာနိုရဲ့ သမီး ဖြစ်တဲ့ မေဃာဝတီရဲ့  ပါတီကတင်တဲ့ သမ္မတလောင်း ဖြစ်ပါတယ်။ ရွေးကောက်ပွဲမှာ အနိုင်ရလို့ သမ္မတ ဖြစ်လာတဲ့အခါ ပါတီရဲ့  ရွေးကောက်ပွဲ ကတိတွေအတိုင်း အစိုးရပေါ်လစီတွေကို အကောင်အထည် ဖော်ရုံပဲရှိပါတယ်။

မြန်မာပြည်ဟာ အင်ဒိုနီးရှားပုံစံ သမ္မတကို တိုက်ရိုက်မဲနဲ့ ရွေးချယ်တာ မဟုတ်ပေမယ့် အနိုင်ရပါတီ ခေါင်းဆောင်က သမ္မတ ဖြစ်ခွင့်မရတဲ့ အတွက် နိုင်ငံတော်သမ္မတနဲ့ အနိုင်ရပါတီတို့ ကြားက ဆက်ဆံရေးက အင်ဒိုနီးရှားပုံစံအတိုင်းပဲ ရှိနေပါလိမ့်မယ်။ ဒီအတွက် ဖွဲ့စည်းပုံအခြေခံဥပဒေ ဆိုင်ရာ ဘာပြသ၁နာမရှိပါဘူး။ ဒါပေမဲ့ မမျှော်လင့်တဲ့ နေရာကနေ ပြသ၁နာ ပေါ်ထွက်လာနိုင်ပါတယ်။ အဲဒါကတော့ အင်ဒိုနီးရှား အသွင်ကူးပြောင်းရေးပုံစံကို နမူနာယူထားတယ်ဆိုတဲ့ ဖွဲ့စည်းပုံ အခြေခံဥပဒေကြောင့်ပါပဲ။

အားလုံးသိကြတဲ့အတိုင်း ၂၀၀၈ ဖွဲ့စည်းပုံ အခြေခံဥပဒေက လွှတ်တော်ရဲ့  လေးပုံတစ်ပုံ ဖြစ်တဲ့ တပ်မတော်သားအစုအဖွဲ့က ဒုတိယသမ္မတစ်ယောက်ကို တင်နိုင်ပါတယ်။ သဘောတရားအရ သူဟာလည်း လွှတ်တော်ရဲ့  လုံလောက်တဲ့ ထောက်ခံမဲရခဲ့ရင် သမ္မတ ဖြစ်နိုင်ပါတယ်၊ ဒါပေမဲ့ ပြီးခဲ့တဲ့ ရွေးကောက်ပွဲရလဒ်အရ ဒီလိုတော့ မဖြစ်နိုင်ပါဘူး။ အန်အယ်ဒီက အများစုလွှမ်းမိုးထားတဲ့ လွှတ်တော် ဖြစ်လို့ အန်အယ်ဒီကတင်တဲ့ ဒုတိယသမ္မတ နှစ်ယောက်ထဲက တစ်ယောက်ကသာ သမ္မတဖြစ်ဖို့ သေချာပါတယ်။

ဒီနေရာမှာ အန်အယ်ဒီက ဘယ်သူ့ကို သမ္မတတင်ပြီး စစ်တပ်က ဘယ်သူ့ကို ဒုတိယသမ္မတ တင်မလဲဆိုတာ စစ်တပ်နဲ့ အစိုးရကြားက ဆက်ဆံရေးကို ပုံဖော်သွားနိုင်ပါတယ်။ မမေ့သင့်တဲ့ ကိစ္စက ဖွဲ့စည်းပုံ အခြေခံဥပဒေ ကိုယ်တိုင်က ရွေးကောက်ပွဲ အနိုင်ရပါတီနဲ့ စစ်တပ်နဲ့ကြားမှာ အာဏာခွဲဝေထားတဲ့ပုံစံ ဖြစ်နေတာပါပဲ။ ဒုတိယ သမ္မတ တစ်ယောက်ကို စစ်တပ်က တင်တာ၊ တပ်မတော် ကာကွယ်ရေးဦးစီးချုပ်က အရေးကြီးတဲ့ ၀န်ကြီးဌာန သုံးခုအပိုင် ထိန်းချုပ်ထားတဲ့ ကိစ္စ၊ အရေးကြီးတဲ့ နိုင်ငံတော် ကာကွယ်ရေးနှင့် လုံခြုံရေးကောင်စီမှာ ဗီတိုအာဏာ ယူထားတာမျိုးကို ဆိုလိုတာပါ။ ရွေးကောက်ခံ အစိုးရရဲ့  မူဝါဒတိုင်းဟာ စစ်တပ်ဆီက မီးစိမ်းပြမှ အဆင်ပြေပါမယ်။ ဒါပေမဲ့ စစ်တပ်ကိုယ်တိုင်ကတော့ ရွေးကောက်ခံ အစိုးရကိုကျော်ပြီး လုပ်နိုင်တဲ့ ကိစ္စတွေ အများကြီးရှိပါတယ်။ အထူးသဖြင့် တပ်နဲ့ဆိုင်တဲ့ ကိစ္စ၊ လုံခြုံရေးနဲ့ ဆိုင်တဲ့ ကိစ္စတွေမှာပါ။

ဒါကြောင့် စစ်ဘက်- အရပ်ဘက် ဆက်ဆံရေးက အရေးကြီးလာပါတယ်။ အန်အယ်ဒီက တင်မယ့် သမ္မတဟာ သူရဦးတင်ဦးလိုမျိုး အစဉ်အလာလည်းရှိ၊ စစ်ရေး အတွေ့အကြုံလည်းရှိ၊ လေးစားလောက်တဲ့ ပုဂ္ဂိုလ် ဖြစ်ရင် ဘာမှ ပြသ၁နာမရှိပါဘူး။ ဒီလိုမဟုတ်ဘဲ စစ်တပ်က လေးစားလောက်တော့ ပုဂ္ဂိုလ်မဟုတ်၊ အတွေ့အကြုံပိုင်းလည်း အားနည်းပြီး၊ အရာရာကို ဒေါ်အောင်ဆန်းစုကြည်နဲ့  ပါတီကိုပဲ မှီခိုနေရသူဆိုရင် ရေရှည်မှာ စစ်တပ်နဲ့ အစိုးရကြားက ဆက်ဆံရေးက မကောင်းနိုင်ပါဘူး။

ဥပမာစစ်တပ်က အရှိန်အ၀ါ အစဉ်အလာရှိတဲ့ ဒုတိယသမ္မတ တစ်ယောက်ကိုတင်ပြီး အန်အယ်ဒီက အရှိန်အ၀ါ အစဉ်အလာမရှိတဲ့ သမ္မတကိုတင်မယ် ဆိုရင် လက်တွေ့ အလုပ်လုပ်တဲ့အခါမှာ အခက်အခဲတွေ ရှိလာနိုင်ပါတယ်။ လူထုက ထောက်ခံထားတဲ့ ဒေါ်အောင်ဆန်းစုကြည်နဲ့ အန်အယ်ဒီက သမ္မတကို ပဲ့ကိုင်နေတာ မှန်ပေမယ့် လက်တွေ့ အပိုင်းမှာ အခန့်မသင့်ရင် အခက်အခဲတွေ ကြုံနိုင်ပါတယ်။ ဥပမာ နိုင်ငံတော် ကာကွယ်ရေးနှင့် လုံခြုံရေးကောင်စီဝင် ၁၁ ဦး ကိုသမ္မတက ဦးဆောင်ရပါမယ်။

ဒီအခါမျိုးမှာ သမ္မတက အရှိန်အ၀ါ မရှိဘူးဆိုရင် တပ်မတော် ကာကွယ်ရေးဦးစီးချုပ်က ဦးဆောင်တဲ့ ခြောက်ဦးအဖွဲ့က အရေအတွက်အရ သာမက၊ အစည်းအဝေးရဲ့  ဦးဆောင်မှုအပိုင်းကို လွှမ်းမိုးသွားပါလိမ့်မယ်။ တပ်မတော် ကာကွယ်ရေးဦးစီးချုပ် မပါဝင်တဲ့ အုပ်ချုပ်ရေးဆိုင်ရာ အစည်းအဝေးတွေမှာလည်း အန်အယ်ဒီက တင်ထားတဲ့ သမ္မတက တပ်မတော်က တင်ထားတဲ့ ဒုတိယသမ္မတကို လွှမ်းမိုးနိုင်ဖို့ ခဲယဉ်းပါလိမ့်မယ်။ အန်အယ်ဒီရဲ့  မူအတိုင်းဆိုရင် ကက်ဘိနက်ကို လွှမ်းမိုးထားမယ့် အပြင်လူတွေက မနည်းလှပါဘူး။ ဒီလိုစုပေါင်းစပ်ပေါင်း ကက်ဘိနက်ကို လက်တွေ့ ဦးဆောင်ရမယ့် သမ္မတကိုယ်တိုင်မှာ အရည်အချင်း အတွေ့အကြုံ ဆုံးဖြတ်ချက် ခိုင်မာတိကျဖို့ လိုအပ်တာအမှန်ပါပဲ။

ဆိုလိုတာကတော့ တကယ် အလုပ်လုပ်တဲ့အခါ အရည်အချင်းနဲ့ လုပ်ရည်ကိုင်ရည်က စကားပြောပါတယ်။ တစ်ယောက်ယောက်က နေရာပေးထားလို့ ဆိုရင် လက်တွေ့မှာ အလုပ်လုပ်တဲ့အခါ အဆင်မပြေတာတွေ ပေါ်နိုင်ပါတယ်။ အဆင်မပြေတာတွေ များလာရင် မဖြစ်မနေ လိုအပ်နေတဲ့ အရပ်ဘက်- စစ်ဘက် မူမှန် ဆက်ဆံရေးကို ပုံဖော် နိုင်မှာ မဟုတ်ပါဘူး။ တကယ်တော့ ဒါဟာ ၅၉ (စ)ကို ပြင်ဆင်ရေးနဲ့လည်း တိုက်ရိုက် ပတ်သက်နေပါလိမ့်မယ်။

ဒေါ်စုကိုသမ္မတ ဖြစ်ခွင့် ဘယ်အချိန်အထိ ပိတ်ထားမလဲဆိုတာ မသိနိုင်ပါဘူး။ ဒီကြားထဲမှာ သဘာဝမကျ၊ အဆင်မပြေလှတဲ့ အထက်အောက် ဆက်ဆံရေး ပဋိပက္ခတွေ ပေါ်လာနိုင်တဲ့ အလားတွေ ရှိပါတယ်။ ဒါကို သက်ဆိုင်ရာ ခေါင်းဆောင်တွေ တိုင်းပြည်အကျိုး၊ အစုအဖွဲ့ အားလုံးအကျိုးကို စဉ်းစားပြီး အမြော်အမြင် ရှိရှိ ဖြတ်ကျော်နိုင်ဖို့ အရေးကြီးပါတယ်။ တိုင်းပြည်အတွက် အာဏာပြိုင်ပွဲတွေ နောက်ထပ် မလိုတော့ပါဘူး။

ညီစောလွင်
The Ladies News Journal

နိုင်ငံတော်သမ္မတ တာဝန်နှင့် အစိုးရတာဝန်များ လွှဲပြောင်းမှုကို မတ်လ ၁၀ ရက်မှ မတ်လ ၃၁ ရက်နေ့အထိ အစီအစဉ်များအတိုင်း ပြုလုပ်သွားမည်ဟု သိရသည်။

ပြည်သူ့လွှတ်တော်နှင့် အမျိုးသားလွှတ်တော်တွင် ဒုတိယသမ္မတ အမည်စာရင်း အဆိုပြုလွှာကို မတ်လ ၁၀ ရက်တွင် တင်သွင်းမည်ဖြစ်ပြီး မတ်လ ၁၁ ရက်တွင် အဆိုပြုလွှာကို စိစစ်ရေးအဖွဲ့များနှင့် ဌာနဆိုင်ရာများက အရည်အချင်း ကိုက်ညီမှုရှိမရှိ စစ်ဆေးမည်ဖြစ်သည်။

မတ်လ ၁၁ ရက် (သို့မဟုတ်) မတ်လ ၁၄ ရက် တစ်ရက်ရက်တွင် ဒုသမ္မတ ရွေးချယ်မည်ဖြစ်ပြီး မတ်လ ၁၅ ရက်တွင် ပြည်ထောင်စု လွှတ်တော်သို့ သမ္မတလောင်း သုံးဦးစာရင်း တင်သွင်းမည်ဖြစ်သည်။

မတ်လ ၁၇ - ၁၈ တစ်ရက်ရက်တွင် ပြည်ထောင်စု လွှတ်တော်တွင် လျှို့ဝှက်မဲပေးစနစ်ဖြင့် သမ္မတ၊ ဒုသမ္မတ(၁)နှင့် ဒုသမ္မတ(၂) တို့ကို ရွေးချယ်မည်ဖြစ်သည်။

မတ်လ ၂၁ ရက်တွင် ဖွဲ့စည်းမည့် ၀န်ကြီးဌာနများကို သမ္မတက အဆိုပြု စာရင်း တင်သွင်းရမည်ဖြစ်ပြီး မတ်လ ၂၂ ရက်တွင် ဆွေးနွေး အတည်ပြု မည် ဖြစ်သည်။

မတ် ၂၃ ရက်တွင် အစိုးရသစ်နှင့် အစိုးရဟောင်းတို့တွေ့ဆုံကြမည်ဖြစ်ပြီး မတ်လ ၂၄ ရက်တွင် ခန့်အပ်မည့် ၀န်ကြီးစာရင်းကို လွှတ်တော်တွင် တင်သွင်းဖြန့်ဝေမည် ဖြစ်ပြီး မတ်လ ၂၅ ရက်တွင် ဆွေးနွေး အတည်ပြု မည်ဖြစ်သည်။

ယင်းနောက် မတ်လ ၂၈ ရက် (သို့မဟုတ်) ၂၉ ရက်တို့တွင် ၀န်ကြီးများ၊ ရှေ့နေချုပ်၊ စာရင်းစစ်ချုပ်များပါ ကတိသစ္စာပြုမည်ဖြစ်သည်။

မတ်လ ၃၀ ရက်တွင် သမ္မတတာဝန်နှင့် အစိုးရဌာန တာဝန်များ လွှဲပြောင်း ပွဲ ပြုလုပ်မည်ဖြစ်သည်။ မတ်လ ၃၁ ရက်တွင် ရွေးချယ်တင်မြောက် ခံရသည့် နိုင်ငံတော်သမ္မတက ပြည်ထောင်စု လွှတ်တော်တွင် မိန့်ခွန်းပြောကြားမည် ဖြစ်ကြောင်း သိရသည်။

သတင်း - ဇော်မင်းထွန်း
The Ladies News Journal

[youtube src="nTnR-84GISc"/]
လူ့အခွင့်အရေးနဲ့ ဒီမိုကရေစီစနစ်ကို အဟန့်အတားဖြစ်စေတဲ့ ပုဒ်မ ၁၈နဲ့ တရားစွဲဆိုခံထားရတဲ့ ကျောင်းသားတွေနဲ့ တက်ကြွလှုပ်ရှားသူတွေကို မတ်လ ၉ရက်နေ့က မင်္ဂလာတောင်ညွန့်မြို့နယ် တရားရုံး မှာ ရုံးထုတ်စစ်ဆေးခဲ့ပါတယ်။
Kamayut Media

[youtube src="g8ANxaNsa1Q"/]
ဆက်သွယ်ရေး ဥပဒေပုဒ်မ ၆၆ (ဃ) နဲ့ တရားစွဲဆိုခံထားရတဲ့ ကြက်ဖကြီးအကောင့်ပိုင်ရှင်လို့ စွပ်ဆွဲခံထားရသူ ကိုလှဖုန်းကို မတ်လ ၉ ရက်နေ့က မရမ်းကုန်းမြို့နယ်တရားရုံးမှာ ရုံးထုတ်ခဲ့ပါတယ်။

Kamayut Media

မနက်ဖြန်မနက်ကျရင် ပြည်ထောင်စုလွှတ်တော်မှာ တင်သွင်းမယ့် ဒုတိယသမ္မတလောင်း ၃ယောက်ရဲ့ အမည်စာရင်းနဲ့ပတ်သက်ပြီး ပြည်တွင်းပြည်ပ သတင်းထောက်တွေဟာ NLD ပါတီ လွှတ်တော်အမတ်တွေ နေထိုင်ရာ နေပြည်တော် စည်ပင်ရိပ်သာဝင်းထဲမှာ ဒီကနေ့ နေ့လည်ကတည်းက စောင့်ဆိုင်းနေခဲ့ကြပါတယ်။

ပါတီထိပ်တန်းခေါင်းဆောင် ဦးဝင်းထိန်နေထိုင်ရာ အဆောင်ရှေ့မှာ သတင်းထောက်ပေါင်းများစွာဟာ စောင့်ဆိုင်းနေကြဆဲဖြစ်ပြီး ဦးဝင်းထိန်းကတော့ ညနေ ၆နာရီ ၅၅မိနစ်ကတည်းက အဆောင်ကနေ အပြင်ကို ထွက်သွားပါတယ်။

NLD ပါတီကတင်သွင်းမယ့် ဒုတိယသမ္မတလောင်း ၂ ယောက်ရဲ့ အမည်စာရင်းကို ကြိုတင်သိရဖို့အတွက် သတင်းမီဒီယာတွေ အားလုံးလိုလို ကြိုးစားနေကြပေမယ့် ပါတီဖက်ကတော့ မနက်ဖြန် လွှတ်တော်အစည်းအဝေးမှာ တရားဝင် ထုတ်ပြန်ကြေညာတဲ့အထိ စောင့်ဆိုင်းကြဖို့သာ ပြောပါတယ်။

မြန်မာပြည်သူတွေသာမက တစ်ကမ္ဘာလုံးကပါ အထူးအာရုံစိုက်နေတဲ့ မနက်ဖြန်မှာတင်သွင်းမယ့် သမ္မတလောင်း အမည်စာရင်းကိစ္စနဲ့ ပတ်သက်ပြီး သတင်းဌာနအသီးသီးက ထင်ကြေးပေး ရေးသားဖော်ပြနေကြပေမယ့် ဒီစာရင်းတွေနဲ့ ပတ်သက်ပြီး အတည်ပြုချက် လုံးဝမရှိသေးပါဘူး။

မနက်ဖြန် မတ်လ ၁ဝနေ့ရက် လွှတ်တော်အစည်းအဝေးမှာ NLD ပါတီက ပြည်သူ့လွှတ်တော်နဲ့ အမျိုးသားလွှတ်တော် နှစ်ရပ်အတွက် ဒုတိယသမ္မတလောင်း နှစ်ယောက်ကို အမည်တင်သွင်းရမှာဖြစ်သလို တပ်မတော်အစုအဖွဲ့ကလည်း တစ်ယောက် တင်သွင်းရမှာဖြစ်ပါတယ်။

(ဓာတ်ပုံ - မျိုးမင်းအောင်/ကမာရွတ်မီဒီယာ)

(Credit: VOA-Burmese)
(Credit: VOA-Burmese)

အမေရိကန်နိုင်ငံခြားရေးဌာန အာရှနဲ့ ပစိဖိတ်ရေးရာ လက်ထောက်နိုင်ငံခြားရေး ၀န်ကြီး Daniel Russel က မြန်မာနိုင်ငံမှာ ပြုပြင်ပြောင်းလဲရေးတွေ အောင်မြင်ဖို့ အမေရိကန်ပြည်ထောင်စုအနေနဲ့ ဆက်ပြီး ကူညီသွားမှာဖြစ်တဲ့အကြောင်းနဲ့ ရွေးကောက်ပွဲ ရလဒ်အရ ပေါ်ထွက်လာမယ့် အရပ်သားအစိုးရကို ကြိုဆိုတဲ့အကြောင်း ၀ါရှင်တန်မြို့တော် မြန်မာသံအမတ်ကြီးနေအိမ်မှာ မတ်လ (၈) ရက်နေ့က ကျင်းပတဲ့ လွတ်လပ်ရေးနေ့ အခမ်းအနားမှာ ပြောဆိုသွားပါတယ်။

ပုံမှန်အားဖြင့် ဇန္န၀ါရီလမှာကျင်းပလေ့ရှိတဲ့ လွတ်လပ်ရေးနေ့ အခမ်းအနားကို ၀ါရှင်တန်ရဲ့ ရာသီဥတုနဲ့ နှင်းမုန်တိုင်းတွေကြောင်း မတ်လမှ ကျင်းပတာဖြစ်ပါတယ်။ မြန်မာနိုင်ငံဟာ ဒီမိုကရေစီ အသွင်ကူးပြောင်းရေးအတွက် အရေးကြီးတဲ့ ခြေလှမ်းတခုကို လှမ်းနေပြီဖြစ်ပြီး ရွေးကောက်ပွဲရလဒ်အရ ထွက်ပေါ်လာတဲ့ အရပ်သားအစိုးရကို အာဏာလွှဲပြောင်းပေးဖို့ ပြင်ဆင်နေတာကြောင့် ဒီအပေါ်မှာ ၀မ်းသာ ဂုဏ်ယူချီးကျုးပါကြောင်း အမေရိကန် လက်ထောက် နိုင်ငံခြားရေး ၀န်ကြီး Daniel Russel က ပြောဆိုသွားပါတယ်။

သူ့ရဲ့ လက်ရှိနဲ့ အရင်က ထမ်းဆောင်ခဲ့တဲ့ တာဝန်တွေအရ မြန်မာနိုင်ငံကို အကြိမ်ကြိမ် သွားရောက်ခဲ့ဘူးပြီး သွားရောက်ခဲ့တဲ့ ခရီးစဉ်တိုင်းမှာလည်း မြန်မာပြည်သူတွေရဲ့ သံနိဠာန် ခိုင်မာမှုနဲ့ ရဲရင့်မှုအပေါ် အံအားသင့် ဂုဏ်ယူ မိပါကြောင်းနဲ့ သမ္မတဦးသိန်းစိန်နဲ့ အစိုးရအဖွဲ့ဝင်တွေ ဖေါ်ဆောင်ခဲ့တဲ့ ထူးခြားတဲ့ အပြောင်းအလဲတွေအတွက် ချီးကျုးပါကြောင်း ပြောဆိုသွားပါတယ်။

ဒေါ်အောင်ဆန်းစုကြည် ဦးဆောင်တဲ့ NLD က ဖွဲ့စည်းမယ့် အစိုးရသစ်အပေါ် ကြိုဆိုတဲ့အကြောင်း အလေးအနက်ပြောကြားသွားပြီး ငြိမ်းချမ်းစွာ အာဏာလွဲပြောင်ရေးဟာ မြန်မာပြည်သူတွေနဲ့ နိုင်ငံတကာရဲ့ ယုံကြည်မှုကို ခိုင်မာအောင် တည်ဆောက်လိုက်တာ ဖြစ်ကြောင်း၊ မြန်မာနိုင်ငံရဲ့ အောင်မြင်မှုတွေအပေါ် အမေရိကန် ပြည်ထောင်စုအနေနဲ့ ထဲထဲဝင်ဝင်ကူညီသွားမှဖြစ်ပြီး မြန်မာပြည်အနေနဲ့ ဒီမိုကရေစီရေးအတွက် ပိုပြီး ပွင့်လင်းလာလေလေ၊ အမေရိကန်ပြည်ထောင်စုက မြန်မာပြည်သူတွေနဲ့ အစိုးရ ခေါင်းဆောင်တွေကို ပံ့ပိုးသွားမှာဖြစ်တယ်လို့ ဆိုပါတယ်။

အမေရိကန်ပြည်ထောင်စုရဲ့ အကူအညီတွေဟာ မြန်မာပြည်ရဲ့ အပြောင်းအလဲတွေ နက်နက်ရှိုင်းရှိုင်းပေါ်ပေါက်လာရေး အတွက် ဖြစ်တယ်ဆိုတာကိုလည်း ထပ်လောင်း ကတိပေးပြောဆိုသွားပါတယ်။ ပြုပြင်ပြောင်းလဲမှုတွေက ရလာတဲ့ အကျိုးအမြတ်တွေဟာ မြန်မာပြည်သူတွေရဲ့ အလုပ်အကိုင်နဲ့ ပညာရေး၊ အခွင့်အလမ်း အတွက် ဖြစ်တဲ့အကြောင်းနဲ့ ပဋပက္ခတွေ ချုပ်ငြိမ်းဖို့ ဖြစ်တဲ့အကြောင်းလည်း အမေရိကန် လက်ထောက်နိုင်ငံခြားရေး ၀န်ကြီး Daniel Russel က မြန်မာသံအမတ်ကြီးနေအိမ်မှာ ကျင်းပတဲ့ အခမ်းအနားမှာ ပြောဆိုသွားပါတယ်။

ကိုသိန်းထိုက်ဦး/VOA
http://burmese.voanews.com/content/daniel-russel/3226898.html

အမေရိကန်ပြည်ထောင်စုဆိုင်ရာ မြန်မာသံအမတ်ကြီး ဦးကျော်မျိုးထွဋ်
အမေရိကန်ပြည်ထောင်စုဆိုင်ရာ မြန်မာသံအမတ်ကြီး ဦးကျော်မျိုးထွဋ်

အမျိုးသားဒီမိုကရေစီအဖွဲ့ချုပ် NLD ဦးဆောင်မယ့် အစိုးရသစ်လက်ထက်မှာ အမေရိကန်-မြန်မာ နှစ်နိုင်ငံဆက်ဆံရေးပိုပြီးကောင်းမွန်လာမယ်လို့ မျှော်လင့်ကြောင်း အမေရိကန်ဆိုင်ရာ မြန်မာသံအမတ်ကြီးက ပြောကြားလိုက်ပါတယ်။ အမေရိကန်ပြည်ထောင်စု အရှေ့ခြမ်းမှာ ရာသီဥတုဆိုးရွား ပြီး နှင်းမုန်တိုင်းရှိခဲ့တာကြောင့် မကျင်းပဖြစ်ခဲ့တဲ့ ဇန်န၀ါရီလ (၄)ရက်နေ့မှာ ကျရောက်တဲ့ မြန်မာနိုင်ငံရဲ့ (၆၈)နှစ်မြောက်လွတ်လပ်ရေးနေ့အခမ်းအနားကို ၀ါရှင်တန်ဒီစီက မြန်မာသံအမတ်ကြီးနေအိမ်မှာ မနေ့ အင်္ဂါနေ့က ကျင်းပခဲ့ရာမှာ သူက အဲဒီလို ပြောဆိုလိုက်တာပါ။ ဒီအခမ်းအနားရဲ့ဒီနှစ်ထူးခြားချက်နဲ့ပတ်သက်လို့ ကိုယ်တိုင်တက်ရောက်သတင်းယူခဲ့တဲ့ ဗွီအိုအေ၀ိုင်းတော်သား ကိုသိန်းထိုက်ဦးကို မအင်ကြင်းနိုင်က ဆက်သွယ်မေးမြန်းရာမှာ အခုလို စပြောပါတယ်။

ထူးခြားချက်ကတော့ ကျွန်တော် ထင်တယ် နိုင်ငံတကာ သံတမန်တွေ ကြားမှာ မြန်မာနိုင်ငံမှာ ရွေးကောက်ပွဲ ရလဒ်အရ ပေါ်လာမယ့် အစိုးရ အပြောင်းအလဲကို အားလုံးက အာရုံစိုက်နေမယ်။

နောက်ပြီးတော့ မြန်မာနိုင်ငံမှာအပြောင်းအလဲတွေက ချောချောမွေ့မွေ့ ဖြစ်ပါ့မလား။ နောက်ပြီးတော့ အာဏာလွှဲပြောင်းရေး တာဝန်လွှဲပြောင်းရေးတွေမှာ လူတိုင်းလိုလိုက အကဲခတ်ကြည့်နေကြမယ့် အချိန်ဆိုတော့ ဒီအချိန်က အခု ရက်ပိုင်းအလို သီတင်းပတ် အနည်းငယ်အလိုမှာ မြန်မာသံရုံးမှာ ကျင်းပတဲ့ အခမ်းအနားဖြစ်တဲ့အတွက်ကြောင့် နိုင်ငံတကာက အာရုံစူးစိုက်မှု ပိုပြီးတော့ ရတဲ့ အခမ်းအနားတစ်ခုလို့ ပြောရမှာပါခင်ဗျ။

အဲဒီအခမ်းအနားမှာ အမေရိကန် ဆိုင်ရာ မြန်မာသံအမတ်ကြီးနဲ့လဲ ကိုသိန်းထိုက်ဦး ပြောခွင့်ရတဲ့အတွက် သံအမတ်ကြီးရဲ့ သဘောထား ဘာတွေ သိရပါလဲ ရှင့်။

အဓိက သံအမတ်ကြီးကို အင်တာဗျူးလုပ်တာကတော့ မြန်မာနိုင်ငံမှာ အစိုးရ အဖွဲ့ အပြောင်းအလဲတွေ ဖြစ်လာနေတယ်။ မကြခင်မှာဆိုရင် သမ္မတ ဒုသမ္မတ လောင်းတွေ ကြေငြာဖို့ ရှိနေတယ်။ ဒီအခြေအနေတွေက မြန်မာသံရုံးရဲ့ လုပ်ငန်းဆောင်တာတွေအပေါ်မှာ ဘာများ ရိုက်ခတ်မှု ရှိနိုင်မလဲ။ အပြောင်းအလဲတွေ ရှိနိုင်မလားပေါ့။ ဒါနဲ့ ပက်သက်လို့ သံအမတ်ကြီးကတော့ တိတိကျကျပြန်ပြီးတော့ ဖြေနိုင်တာ မရှိသေးဘူး။ အခုအချိန်အထိလဲ ဘာမှ ညွှန်ကြားချက် မရှိဘူးလို့ သူက ပြောပါတယ်။ ဒါပေမယ့်လည်း အပြောင်အလဲတွေက လတ်တလောဖြစ်သွားမှာမျိုးတော့ မဟုတ်ဘူး။ ဒီလိုပြောင်းလဲလိမ့်မယ်လို့ သူ့အနေနဲ့ မမျှော်လင့် ဘူးဆိုပြီးတော့ ပြောပါတယ် ခင်ဗျ။ ဒါပေမယ့် အမေရိကန် မြန်မာဆက်ဆံရေးနဲ့ ပက်သက်ပြီးတော့ ပိုပြီးတော့ ကောင်းမွန်လိမ့်မယ်လို့ မျှော်လင့်ထားပါတယ် ခင်ဗျ။

ဒီနှစ်အခမ်းအနားမှာ သူတို့အမေရိကန်ဘက်က ထိပ်တန်းအရာရှိတွေကို ဖိတ်ကြားတာမျိုးကော ရှိပါသေးလားရှင့်။

ကျွန်တော်သိသလောက်တောအိမ်ဖြူတော်က အရာရှိအချို့နဲ့ နိုင်ငံခြားရေး ၀န်ကြီး ဌာနက အရာရှိအချို့ကို ဖိတ်ကြားထားပါတယ်။ နိုင်ငံတကာ သံတမန်တွေကိုလည်း ဖိတ်ကြားထားပါတယ်။

ဒါနဲ့ပက်သက်လို့ပဲ မကြာသေးခင်က မအင်ကြင်းတို့လဲ သတိထားမိမှာပါ။ အမေရိကန် စီးပွားရေး အသိုင်းအ၀ိုင်းကနေပြီးတော့ မြန်မာနိုင်ငံအပေါ် ပိတ်ဆို့အရေးယူမှုတွေ အားလုံးကို ရုတ်သိမ်းပေးဖို့ သမ္မတ အိုဘားမားအစိုးရကို တောင်းဆိုထားတဲ့ တောင်းဆိုချက်ရှိပါတယ်။ ဒီတောင်းဆိုချက်ကို ကြိုဆိုတဲ့အကြောင်းလည်း ဒီသံရုံးကနေ ကြိုဆိုတဲ့အကြောင်း လည်း ကြေငြာချက် ထုတ်ပြန်ထားတာရှိပါတယ်။ အရေးယူပိတ်ဆို့မှုတွေနဲ့ ပက်သက်ပြီးတော့ သံအမတ်ကြီး ဦးကျော်မျိုးထွတ်ကို မေးကြည့်ပါတယ်။

အရေးယူပိတ်ဆို့မှုတွေကတော့ မကြာခင်မှာ အားလုံးပဲ ရုတ်သိမ်းသွားမယ်လို့ သူ့အနေနဲ့ မျှော်လင့်တဲ့ အကြောင်း၊ နှစ်နိုင်ငံ အစိုးရတွေကြားမှာ ဒီအရေးယူပိတ်ဆို့မှုတွေကြောင့် ရင်းနှီးမြှုပ်နှံမယ့်သူတွေ အတွက် ဇဝေဇ၀ါ ဖြစ်နေရတဲ့ အခြေအနေတွေ ပပျောက်သွားမယ်လို့ မျှော်လင့်တဲ့အကြောင်း ပြောသွားပါတယ် ခင်ဗျ။

ကိုသိန်းထိုက်ဦး, အင်ကြင်းနိုင်/VOA
http://burmese.voanews.com/content/myanmar-ambassdor-u-kyaw-myo-htut/3226897.html

အကျဉ်းကျခံနေရတဲ့ ကျောင်းသား၊ ကျောင်းသူတွေ ပြန်လွှတ်ပေးဖို့ မတ်လ ၉ ရက်နေ့က မြန်မာဂျာနယ်လစ်ကွန်ရက်ရုံးခန်းမှာ အရပ်ဘက်အဖွဲ့တွေ သတင်းစာရှင်းလင်းနေစဉ်။ Photo: Kyaw Lwin Oo/ RFA
အမျိုးသားပညာရေးဥပဒေကို သပိတ်မှောက်ခဲ့တာကြောင့် အကျဉ်းကျခံနေရတဲ့ ကျောင်းသား၊ ကျောင်းသူတွေနဲ့ ၀န်းရံသူတွေကို လွှတ်ပေးဖို့ အရပ်ဘက် အဖွဲ့အစည်း ကွန်ရက် ၂၆ ခုက ဒီနေ့ တောင်းဆိုလိုက်ပါတယ်။

ဒီကနေ့ ရန်ကုန်မြို့ မြန်မာဂျာနယ်လစ်ကွန်ရက်ရုံးခန်းမှာ အရပ်ဘက်အဖွဲ့တွေ စုပေါင်းသတင်းစာရှင်းလင်းပွဲ မှာ ဒေါ်သိန္နီဦးက တောင်းဆိုတာဖြစ်ပါတယ်။

"တစ်ပတ်ကို တရားရုံးကိုထွက်နေရတယ်ဆိုတာကလည်း တစ်မျိုးပဲဖြစ်ပါတယ်၊ ဒီလိုလုပ်ရပ်မျိုးကို ဆက်မလုပ်တော့ဖို့ ကျမတို့တိုက်တွန်းချင်တယ်၊ လက်ရှိအစိုးရကို တရားမျှတမှုအစစ်အမှန်ရဖို့၊ အဲ့ဒါကတော့ လက်ရှိကျောင်းသားတွေကို ပြန်လွှတ်ပေးပါ၊ လက်ရှိချုပ်ထားတဲ့ တရားဆွဲဆိုထားတာတွေ ကို ပြန်ရုပ်သိမ်းပေးပါလို့ အရပ်ဖက် အဖွဲ့အစည်းတွေက တောင်းဆိုချင်ပါတယ်"

အရပ်ဘက်အဖွဲ့တွေအနေနဲ့ ကျောင်းသားတွေကို ပုဒ်မအမျိုးမျိုးထပ်တိုးပြီး နေ့စဉ်ရုံးထုတ်နေတာကြောင့် အဲဒီတရားစီရင်ရေးစနစ်ကို ကန့်ကွက်တယ်လို့လည်း အရပ်ဘက်အဖွဲ့ ကိုယ်စားလှယ်တွေက ပြောပါတယ်။

လက်ရှိ သာယာဝတီအကျဉ်းထောင်မှာ ပုဒ်မ ၅ခုနဲ့ ဖမ်းဆီးခံထားရတဲ့ ကျောင်းသား ကျောင်းသူတွေနဲ့ ဝန်းရံသူ ၅၀ ကျော် ရှိနေပြီး အာမခံနဲ့ အမှုရင်ဆိုင်နေရသူ ၃၀ နီးပါး ရှိနေပါတယ်။

အဲဒီထဲက ကိုမင်းသွေးသစ်၊ မဖြိုးဖြိုးအောင်၊ ကိုနန္ဒစစ်အောင်၊ ကိုကျော်ကိုကိုတို့ဟာ ရန်ကုန်က တရားရုံးတွေမှာ လည်း ပုဒ်မ ၁၈ နဲ့ အမှုရင်ဆိုင်နေရပါတယ်။

အဲဒီ ကျောင်းသားကျောင်းသူတွေနဲ့ ၀န်းရံသူတွေဟာ မနက်ဖြန်ရုံးချိန်းတွေကစပြီး တရားရုံးကို ဆန့်ကျင်တဲ့ လှုပ်ရှားမှုတွေ ပြုလုပ်သွားမယ်လို့ သိရပါတယ်။

RFA Burmese
http://www.rfa.org/burmese

ပြန်ကြားရေးဝန်ကြီး ဦးရဲထွဋ် ကို VOA သီးသန့်မေးမြန်းခဲ့စဉ် (၁၁.၁၈.၂၀၁၅)
သမ္မတနဲ့ အစိုးရတာဝန် အလွှဲအပြောင်းကိစ္စတွေအတွက် လက်ရှိ အစိုးရအဖွဲ့တာဝန်ရှိသူတွေနဲ့ အနိုင်ရ NLD ပါတီ ကိုယ်စားလှယ်တွေအကြား လာမယ့် ၁၁ ရက်နေ့မှာ အချောသပ် ဆွေးနွေးဖို့ ပြင်ဆင်နေကြပါတယ်။ သမ္မတ အာဏာ အလွှဲအပြောင်းကိစ္စတွေအတွက် နှစ်ဖက်အကြား ကွဲလွဲတဲ့အမြင်အချို့ ရှိနေတာမို့၊ ဒီအပေါ် ညှိနှိုင်းဆောင်ရွက်ဖို့ ကျန်ရှိနေတယ်လို့ သမ္မတဦးသိန်းစိန်ရဲ့ ပြောခွင့်ရသူ ပြန်ကြားရေးဝန်ကြီးလည်းဖြစ်တဲ့ ဦးရဲထွဋ်က ဗွီအိုအေကို ပြောပါတယ်။ ဦးရဲထွဋ်ကို ဗွီအိုအေ သတင်းထောက် ကိုထက်အောင်က ဆက်သွယ်မေးမြန်းစဉ် သူက အခုလိုစပြောပါတယ်။

ဦးရဲထွဋ်။ ။ ကျနော်တို့ ၁၁ ရက်နေ့တွေ့မယ်လေ။ ကျနော်တို့က ဖိတ်စာပို့ထားတာပေါ့ သူတို့ဘက်ကတော့ အကြောင်းမပြန်သေးဘူး။

ထက်အောင်။ ။ ဘာတွေများအဓိကထားပြီးဆွေးနွေးဖို့ရှိပါသလဲ အဲဒီအခါ ကျရင်လေ။

ဦးရဲထွဋ်။ ။ အဓိက ကျနော်တို့ဘက်ကပြင်ဆင်ထားတာတော့ဗျာ သမ္မတ လွဲပြောင်းရေးတာဝန်နဲ့ ပတ်သက်လို့ နှစ်ဖက်စလုံးက သဘောတူထားတာတော့ ရှိပါတယ်။ အဲဒါကတော့ ကတိ သစ္စာပြုတာကို လွှတ်တော်မှာလုပ်မယ်။ တာဝန်လွှဲပြောင်းတဲ့အခန်းအနားကို သမ္မတ အိမ်တော်မှာလုပ်မယ် ဒါကတော့ အခြေခံအားဖြင့် သဘောတူပြီးသားပါ။ အခု ကျနော်တို့ ထပ်ဖြည့်ရမှာတော့ သမ္မတ အိမ်တော်မှာ အခမ်းအနားကို ကျင်းပရင် ဘယ်လိုပုံစံနဲ့ လုပ်မလဲဆိုတဲ့ ကိစ္စကတော့ ကျနော်တို့ ကြားမှာ ပြန်ညှိဖို့လိုနေသေးပါတယ်။ အဲဒါကိုတော့ ကျနော်တို့ဘက်က အဓိကဆွေးနွေးဖို့ စဉ်းစားထားပါတယ်။

ထက်အောင်။ ။ ဒီ သမ္မတ ကတိသစ္စာပြုတာကို NLD ဘက်က လွှတ်တော်မှာလုပ်ဖို့ သူတို့က ဆန္ဒရှိကြပါတယ်။ ဆိုတော့ အဲဒီပွဲကိုရော သမ္မတ ဦးသိန်းစိန် အပါအ၀င်ပေါ့လေ ဒီ ၀န်ကြီးချုပ်အစိုးရအဖွဲ့တွေ လာဖို့ အစီအစဉ်ရှိပါသလားခင်ဗျာ။

ဦးရဲထွဋ်။ ။ လွှတ်တော်မှာ ကတိသစ္စာပြုတာကတော့ ကျနော်တို့ ၂၀၁၁ တုန်းက အစဉ်အလာအတိုင်းဆိုရင်တော့ သမ္မတ အသစ်နဲ့ သူ့ကို ရွေးချယ် လိုက်တဲ့ ပြည်ထောင်စု လွှတ်တော် ကိုယ်စားလှယ်တွေ ကျနော်တို့ဒါ တခြား ဖိတ်ကြား ထားတဲ့ ဧည့်သည်တွေ တက်ရောက်ဖို့ရှိပါတယ်ခင်ဗျာ။ ကျနော်တို့ သမ္မတကတော့ အဲဒီမှာ သွားပြီးသူက တက်ဖို့မရှိပါဘူး။ သူကတော့ အိမ်က စောင့်ဆိုင်းပြီးတော့မှ ကတိသစ္စာပြုပြီးလို့ သမ္မတအသစ်တာဝန် စတင်ထမ်းဆောင်မယ့် သမ္မတကို တာဝန်လွှဲပြောင်း ဖို့အတွက် စောင့်ဆိုင်းနေ မှာဖြစ်ပါတယ်။

ထက်အောင်။ ။ ဟုတ်ကဲ့။ ၀န်ကြီးတို့ဘက်က ဒီသမ္မတ အာဏာလွှဲပြောင်းရေးနဲ့ ပတ်သက်လို့ အိမ်တော်မှာလုပ်ဖို့အတွက် အဓိက ဆွေးနွေးသွားမယ်ပေါ့လေ။ ဆိုတော့ အဲဒီဆွေးနွေးပွဲအဆိုကိုရော သူတို့ဘက်က NLD ဘက်ကရော လက်ခံပါရဲ့လားခင်ဗျာ။ ဒီအိမ်တော်မှာပဲလုပ်ဖို့ရော သူတို့ သဘောတူ ပါရဲ့လားခင်ဗျာ။

ဦးရဲထွဋ်။ ။ အခမ်းအနားကို အိမ်တော်မှာ လုပ်မယ်ဆိုတာ သူတို့လည်း သဘောတူ တယ်။ တာဝန်လွဲတဲ့အခမ်းအနားကို သို့သော် အဲဒီအခမ်းအနားကို ဘယ်လိုပုံစံ ၊ ဘယ်လိုအဆင့်နဲ့ ကျင်းပမယ်ဆိုတာတော့ ကျနော်တို့ကြားမှာ ကွဲလွဲမှုတွေ ရှိနေတော့ ပြန်ညှိရဦးမယ်။

ထက်အောင်။ ။ ဟုတ်ကဲ့။ ဘယ်လိုတွေများ ကွဲလွဲမှုတွေ ရှိနေတာပါလဲ ခင်ဗျာ။

ဦးရဲထွဋ်။ ။ အဓိကတော့ ဟိုဟာပါပဲ ကျနော်တို့က ဂုဏ်ပြုတပ်ဖွဲ့လိုမျိုး ထည့်မလားပေါ့၊ ကျနော်တို့ကတော့ ဂုဏ်ပြုတပ်ဖွဲ့လိုမျိုးထည့်ချင်တာပေါ့နော်။ ဒါက နိုင်ငံရေးအရလည်း အနှစ်သာရရှိတယ်။ ဂုဏ်ပြုတပ်ဖွဲ့ဆိုတာက တပ်မတော်နဲ့ နိုင်ငံတော်ကို ကိုယ်စားပြုတဲ့ တပ်ဖွဲ့ပေါ့။ ဒါမျိုးထည့်ဖို့ သူတို့ဘက် ကတော့ အဲဒါမျိုးတွေကို ထည့်သင့်၊ မထည့်သင့် ပြန်စဉ်းစားမယ်ဆိုတဲ့ သဘောမျိုးတော့ ရှိတယ်။ ဒါမျိုးတွေ ကွဲလွဲတာပါ။

ထက်အောင်။ ။ ၀န်ကြီးတို့ဘက်ကရော ဒီသမ္မတ အာဏာလွှဲပြောင်းရေးနဲ့ပတ်သက် လို့ ဒီထက် ဘာတွေများ အဓိကထား ဆွေးနွေးဖို့ရှိပါသလဲ ခင်ဗျာ။

ဦးရဲထွဋ်။ ။ မရှိပါဘူးခင်ဗျာ။ အရင်တုန်းကလည်း ကျနော်တို့က သူတို့ကို power point တွေနဲ့ ရှင်းပြထားပြီးသားပါ။ အခုတော့ ကျနော်တို့ နောက်ဆုံး အသေးစိတ်ပြန်ညှိရမယ့် သဘောပေါ့။ ဒီနေရာမှာတော့ဗျာ ခင်ဗျားတို့ရော၊ သူတို့ အားလုံးနားလည်ထားဖို့လိုတာက ဒါ ဦးသိန်းစိန်အစိုးရနဲ့ အမျိုးသားဒီမိုကရေစီအဖွဲ့ချုပ်က ခေါင်းဆောင်တဲ့ အစိုးရ ၂ ခုတည်းနဲ့ဆိုင်တဲ့ အခမ်းအနား မဟုတ်ဘူး။ နောင်မှာအစဉ်အဆက် လုပ်ဖို့လိုအပ်တဲ့ အတွက်ကြောင့်မို့လို့ ပါသင့်ပါထိုက်တဲ့အစီအစဉ်တွေအားလုံး ပါဖို့အတွက် ကျနော်တို့အားလုံး စဉ်းစားဆောင်ရွက်နေတာပေါ့။ နောက်တခုကလည်း အကုန်အကျများမယ်၊ ဘာညာ ပြောတာရှိပါတယ်။ တကယ်ကျတော့ ကျနော်တို့လုပ်မယ့်အခမ်းအနားလည်း ဘာမှ ကုန်ကျစရာမရှိပါဘူး။ ဂုဏ်ပြုတပ်ဖွဲ့ဆိုတာလည်း အသင့်ဖွဲ့စည်းပြီးသားဖြစ်တယ်။ အခြားနိုင်ငံတကာ ခေါင်းဆောင်တွေကလည်း သူတို့ အလေးပြု ကြိုဆိုနေကြဖြစ်တယ်။ နောက်တခါ အိမ်တော်ထဲမှာလုပ်မယ့် သီဟာသနပလ္လင် ပုံတူရှေ့မှာလုပ်မယ့် အခမ်းအနားဆိုရင်လည်း ဘာမှ ငွေကြေးကုန်ကျ စရာမရှိပါဘူး။ နောက်တခါ ဧည့်ခံပွဲတွေ၊ ဧည့်ခံပွဲကြီးတွေလည်း ပါမှာမဟုတ်ပါဘူး။

ထက်အောင်။ ။ ဆိုတော့ တကယ်လို့များပေါ့နော် အိမ်တော်မှာ အဲလိုမျိုး အခမ်းအနားပေါ့နော် ၀န်ကြီးတို့ပြောသလိုများ တကယ်လို့ လုပ်ဖြစ်မယ်ဆိုရင် ဘယ်ရက်မှာများလုပ်ဖို့ရှိပါသလဲခင်ဗျာ။

ဦးရဲထွဋ်။ ။ဒါတွေကတော့ ကျနော်တို့က သမ္မတသစ် ကတိသစ္စာပြုတဲ့ သမ္မတကြီး ဦးသိန်းစိန်လုပ်ခဲ့တဲ့ဟာကိုမူတည်ပြီးပြောရရင်တော့ မတ်လ ၃၀ ပေါ့ဗျာ။ အဲဒီဟာမျိုးပြီးတဲ့အချိန်မှာ လွှတ်တော်ကနေ ဒီကိုထွက်လာပြီးတော့ ဆက်လုပ်မှာပေါ့ဗျာ။ တကယ်ကျတော့ အပိုင်း၂ ပိုင်းပေါ့ ။ ဒါပေမယ့် ကျင်းပတာကတော့ တဆက်တည်းဖြစ်ဖို့ များပါတယ်။

ထက်အောင်။ ။ သမ္မတ အာဏာလွဲပြောင်းရေးအပါအ၀င်ပေါ့လေ အစိုးရ တခုနဲ့တခု အပြောင်းအလဲမှာဆိုရင် ဒီ ၂၀၀၈ အခြေခံ ဥပဒေအရဆိုရင် တိတိကျကျ ပြဌာန်း မထားဘူးဆိုပြီးတော့ တချို့ကပြောဆိုနေကြပါတယ် ၀န်ကြီးခင်ဗျာ။ အဲဒါနဲ့ ပတ်သက်လို့ ၀န်ကြီးတို့ကရော အာဏာလွှဲပြောင်းရေးမှာ တခုနဲ့တခု၊ တဖက်နဲ့ တဖက် အဆင်ပြေချောချောမွေ့မွေ့ဖြစ်အောင် ဘာတွေများ အဓိကထား စီစဉ်ထား ပါသလဲခင်ဗျာ။

ဦးရဲထွဋ်။ ။ အဓိကဗျာ ကျနော်တို့လွှတ်တော် ဒီ အာဏာလွဲပြောင်းတာနဲ့ ပတ်သက်ပြီးတော့ တာဝန်လွဲပြောင်းတာနဲ့ပတ်သက်ပြီးတော့ ဖွဲ့စည်းပုံအခြေခံဥပဒေထဲမှာ တိတိကျကျဖော်ပြ ထားခြင်းမရှိတဲ့ အတွက်ကြောင့် နောင်ကို အစဉ်အလာကောင်း တခုဖြစ်အောင် ကြိုးစားပြီးဆောင်ရွက်နေတာပေါ့။ ဒါကြောင့်မို့လိုလဲ သမ္မတကြီးနဲ့ ဒေါ်အောင်ဆန်းစုကြည် နဲ့တွေ့တဲ့အချိန်မှာ ၂ ဘက် ကော်မတီတွေ ဖွဲ့ပြီးတော့ ပူးပြောင်းဆောင်ရွယ်မယ် ဆိုပြီးလုပ်ခဲ့တာရှိတယ်။ နောက်တခါ ၀န်ကြီးဌာန တခုချင်းအလိုက်လည်း စနစ်တကျ တာဝန်လွဲပြောင်းနိုင်အောင် ကျနော်တို့ စီစဉ်နေတယ်။ ဘာတွေလုပ်နေသလဲလို့ပြောရင်တော့ ၁ ကတော့ ကျနော်တို့ ကော်မတီဖွဲ့တယ်။ ၂ ကတော့ ကျတော်တို့ ၀န်ကြီးဌာန တခုချင်း အလိုက်ပြင်ဆင်တယ်။ ၃ ကတော့ ဖွဲ့စည်းပုံအခြေခံဥပဒေမှာ မပါတဲ့ ကိစ္စတခု နောင်ရေရှည်တည်တံ့မယ့် အစဉ်အလာကောင်း တခု ဖြစ်အောင် နိုင်ငံ့ ဂုဏ်သိက္ခာနဲ့ညီအောင် ဆောင်ရွက်နိုင်ဖို့ ကျနော်တို့ ကြိုးစားနေပါတယ်။

ထက်အောင်။ ။ ဟုတ်ကဲ့ပါ ခင်ဗျာ။ ၀န်ကြီး ကျေးဇူးအများကြီးတင်ပါတယ်ခင်ဗျာ။

ဦးရဲထွဋ်။ ။ကောင်းပါပြီ ခင်ဗျာ။

ထက်အောင် / ဗွီအိုအေ (မြန်မာပိုင်း)
http://burmese.voanews.com


 အလိုမတူဘဲမိန်းကလေးကို ဆိုင်ကယ်ဖြင့် တင်ခေါ်ကာ သားမယားအဖြစ်ပေါင်းသင်းခဲ့သူအား ဖမ်းဆီးအရေးယူ

 Tuesday, 08 March 2016

ကချင်ပြည်နယ် မိုးညှင်းမြို့နယ် အင်းတော်ကြီးဒေသတွင် မိန်း ကလေးတစ်ဦးအား အမျိုးသားတစ်ဦးက အလိုမတူဘဲ ဆိုင်ကယ်ဖြင့် အဓမ္မခေါ်ဆောင်ကာ အကြင်လင်မယားအဖြစ် ပေါင်းသင်းခဲ့ သဖြင့် အမျိုးသမီးက မကျေနပ်သဖြင့် အမှုဖွင့်တိုင်ကြားမှုဖြစ်ပွား ခဲ့သည်။

ဖြစ်စဉ်မှာ ဖေဖော်ဝါရီ ၂၁ ရက် မွန်းလွဲ ၂ နာရီတွင် အင်းတော် ကြီးဒေသ မနခေါကျေးရွာ၏ အရှေ့ဘက် တစ်မိုင်ခန့်အကွာရှိ လယ်တဲတွင် ရွာသစ်ကျေးရွာနေမ--- (၂၁ နှစ်)သည် ညီမဖြစ်သူနှင့်အတူ ရှိနေစဉ် ယခင်ကသိကျွမ်းဖူးသူ သံလုံးသည် တစ်ရွာတည်းနေ ဖြိုးသူဇော်နှင့် ရောက်ရှိလာပြီး လယ်တဲပေါ်တက်ကာ သံလုံးက မ---အား လက်ထပ်ခွင့်တောင်း ခံခဲ့ရာ မ---က မဖြစ်နိုင်ကြောင်း ပြောဆိုပြီး လယ်တဲအောက်သို့ ဆင်းသွားစဉ် အငယ်လေးဆိုသူ DT ဆိုင်ကယ်ဖြင့်ရောက်ရှိလာ ကာ ဖြိုးသူဇော်က DT ဆိုင်ကယ် ပေါ်တက်ထိုင်ပြီး သံလုံးက မ --- အား အတင်းအဓမ္မပွေ့ချီကာ ဆိုင်ကယ်ပေါ်တင်သဖြင့် 'မလုပ်ပါနဲ့၊ မိဘတွေထံလာတောင်းပါ' ဟုပြောသော်လည်း မရဘဲ သံလုံးက အတင်းပွေ့တင်ကာ ကုန်းတန်းကြီးရွာဘက်သို့ မောင်းနှင်ခဲ့ကြသည်။

ည ၈နာရီခန့်တွင် ကုန်းတန်းကြီးရွာသို့ရောက်ရှိပြီး သံလုံး ၏အစ်ကို သံချောင်းအိမ်တွင် ညအိပ်ကာ သားမယားအဖြစ်ဆက်ဆံခဲ့သည်။ နောက်တစ်နေ့တွင် ကုန်းတန်းကြီး ကျေးရွာလူကြီးများ ရှေ့တွင် မ---၏ သဘော ဆန္ဒမပါဘဲ လက်မှတ်ရေးထိုးခိုင်းပြီး အကြင်လင်မယားအဖြစ် ဆက်လက်ပေါင်းသင်းခဲ့ကာဖေဖော်ဝါရီ ၂၆ရက်တွင်မ---က သံလုံး အလစ်တွင် လမ်းကြုံဆိုင်ကယ်စီး ကာမိဘများရှိရာ ရွာသစ်ကျေးရွာ သို့ပြန်လာခဲ့သည်။

အဆိုပါဖြစ်စဉ်နှင့်ပတ်သက်၍ မ---က မကျေနပ်၍ လုံးတုံနယ် မြေရဲစခန်းတွင် အမှုဖွင့်လှစ်ခဲ့ရာ သံလုံး(၂၅နှစ်) ကုန်းတန်းကြီး ကျေးရွာမိုးကောင်းမြို့နယ်နှင့် အားပေးကူညီ သူဖြိုးသူဇော် (၂၁နှစ်) ရွာသစ်ကျေးရွာ မိုးညှင်းမြို့နယ်၊ အငယ်လေး(၂၁နှစ်) ကုန်းတန်းကြီး ကျေးရွာ မိုးကောင်း မြို့နယ်နေသူ တို့အား လုံးတုံနယ် မြေရဲစခန်းက (ပ)၇/၂ဝ၁၆ ပုဒ်မ ၃၆၆/၁၁၄ဖြင့် အမှုလက်ခံကာ ဖမ်းဆီးခဲ့ရာ ဖြိုးသူဇော်နှင့် အငယ်လေးမှာကြိုတင် ထွက်ပြေးတိမ်းရှောင်သွားကြောင်း သိရသည်။

ကချင်မြေနဂါး
The Union Daily
http://uniondaily.net