03/13/16

မြန်မာ့ပညာရေးဟာ အများကြီး နိမ့်ကျနေတယ်။ ဒါကူး ဒါရေး ဒါသင် ဒါကျက် ကြက်တူရွေး ပညာရေးစနစ် ဖြစ်နေတယ် ။ ကျောင်းသား အရွယ်နဲ့မျှတဲ့ စဉ်းစားမှု တွေးခေါ်မှု မပါဘဲ ကျောင်းနဲ့ ကျူရှင်နဲ့ စာမေးပွဲနဲ့ အကန့်အသတ် ဘောင်ထဲ ရောက်နေကြတယ်။ 'မြန်မာ့ပညာ သင်ကြားရေးစနစ်ရဲ့ ပြဿနာနဲ့ အဖြေ DVB ဒီဘိတ်ကို မတ် (၅)ရက်က ရန်ကုန်မှာ တင်ဆက် ခဲ့ပါတယ်။

ဦးဆောင်ဆွေးနွေးသူတွေက မြန်မာနိုင်ငံ ပညာရေးသုတေသနဦးစီးဌာန၊ ဘက်စုံလွှမ်းခြုံ နိုင်သော ပညာရေးကဏ္ဍ လေ့လာသုံးသပ်ရေး လုပ်ငန်း (CESR) သင်ရိုးညွှန်းတမ်း အကြံပေး ပညာရှင် ဒေါက်တာမြင့်သိန်း၊ မြန်မာနိုင်ငံလုံး ဆိုင်ရာ ဆရာ၊ ဆရာများအဖွဲ့ချုပ် အထွေထွေ အတွင်းရေးမှူး ဒေါက်တာအာကာမိုးသူ၊ သင်ရိုးညွှန်းတမ်းပညာရှင် ဒေါက်တာဝင်းအောင်၊ မြန်မာနိုင်ငံလုံးဆိုင်ရာ ပညာရေးပြုပြင်ပြောင်း လဲမှုကွန်ရက် (NNER) အဖွဲ့ဝင် ဒီမိုကရက်တစ် ပညာရေး သင်ကြားရေးဆရာ ဒေါ်ထွေးထွေးသန်း တို့ ဖြစ်ပါတယ်။

သင်ရိုးလား၊ သင်ကြားရေးစနစ်လား
●●●●●●●●●●●●●●●●●●●●
ပညာရေးအကြောင်းပြောရင် သင်ရိုးရော သင်ကြားရေးစနစ်ပါ ကြည့်ရမယ်၊ သင်ရိုးဆိုတာ သင်ကြားရေးစနစ်အောက်က ဖြစ်တယ်၊ ဒါ့ အပြင် ဘတ်ဂျက်အရေးကြီးတယ်၊ ပိုက်ဆံမရှိဘဲ ဘာမှလုပ်လို့ မရဘူးလို့ ဒေါက်တာမြင့်သိန်းက ပြောပါတယ်။ သင်ရိုးကို လူ့အဖွဲ့အစည်းရဲ့ လိုအပ်ချက်၊ စာသင်သားရဲ့လိုအပ်ချက်နဲ့ ဘာသာရပ်ဆိုင်ရာ လိုအပ်ချက်ပေါ် မူတည်ပြီး ပြင်ရတယ်လို့ ဆရာက ဖြည့်စွက်ပါတယ်။

သင်ရိုးပြောင်းရုံနဲ့ အလုပ်ဖြစ်တယ်လို့ ပြော မရဘဲ ဆရာက အခရာဖြစ်တယ်လို့ ဒေါက်တာ ဝင်းအောင်က ပြောပါတယ်။ သင်ရိုးကို အကောင် အထည် ဖော်မယ့်သူ၊ ပံ့ပိုးမယ့်သူတွေဟာ အရေးကြီးတယ်၊ ပင်နယန် (ခွေးသွားစိတ်) လို အစိတ်အပိုင်းတိုင်းက အရေးကြီးပြီး အစိတ် အပိုင်းတွေ အညီအညွတ် အလုပ်မလုပ်ရင် ဂျမ်းဖြစ်မယ်လို့ ဆရာက ဖြည့်စွက်ပါတယ်။

မြန်မာနိုင်ငံမှာ အစိုးရနဲ့ နိုင်ငံတော် မကွဲ တာဟာ ပညာရေးဘက်မှာလည်း ပြဿနာဖြစ် နေရတယ်လို့ ဒေါက်တာအာကာမိုးသူက ပြော ပါတယ်။ နိုင်ငံတော်ရဲ့ ပညာရေးမူဝါဒက ဘာလဲ ဆိုတာထက် အစိုးရက ချပေးတာကို လုပ်ရတယ်၊ နောက်အစိုးရက နောက်အတွေးအခေါ်နဲ့ သွား ပြန်တယ်၊ ကျောင်းသားနဲ့ ပြည်သူတွေဟာ ဓားစာခံတွေ ဖြစ်ကြရတယ်လို့ ဆရာက ဖြည့် စွက်ပါတယ်။

ပညာသင်ကြားကြတယ်ဆိုတာ သိဖို့၊ ကျွမ်း ကျင်မှုတွေရဖို့၊ ပျော်ရွှင်စွာနေနိုင်ဖို့၊ မတူကွဲပြား တာတွေကို လက်ခံဖို့နဲ့ ကိုယ်ဘာဆိုတာကို တည်ဆောက်ဖို့ ဖြစ်ပေမယ့် ကျောင်းသား တွေဟာ သိဖို့မှာတောင် အပြည့်အဝ မရကြဘူး လို့ ဒေါ်ထွေးထွေးသန်းက ပြောပါတယ်။ လက်ရှိ ပညာရေးစနစ်မှာ စာမေးပွဲဗဟိုပြုပြီး သွားနေ တော့ မိဘ၊ ဆရာ၊ ကျောင်းသား အားလုံး ဒုက္ခ များနေရတယ်လို့ ဆရာမက ဖြည့်စွက်ပါတယ်။

စိုးရိမ်မှု သို့မဟုတ် ချုပ်ကိုင်မှု
●●●●●●●●●●●●●●●●
သင်ရိုးဆိုရင် ပညာရေးဝန်ကြီးဌာနက ငါတို့ ဦးဆောင်မှ ရမယ်၊ ငါတို့လုပ်ပေးမှ ရမယ် ဆိုတာထက် သူတို့ဘာသာလုပ်နိုင်အောင်၊ သူတို့ ဘာသာ သင်ရိုးပြုစုနိုင်အောင် လုပ်ပေးဖို့ ကောင်းပြီး စိုးရိမ်ပူပန်မှု မဖြစ်ကြဖို့ ဒေါ်ထွေး ထွေးသန်းက တောင်းဆိုပါတယ်။ ဆရာမကို ဆုံးဖြတ်ပိုင်ခွင့်ပေးပါ၊ အခုတော့ ဆရာမကို ထည့်မတွက်လို့ ဝမ်းနည်းမိတယ်လို့ သူက ဖြည့် ပြောပါတယ်။

အမေရိကမှာတောင် နိုင်ငံလုံးဆိုင်ရာ သင်ရိုးလမ်းညွှန် ချပေးတယ်၊ ကျောင်းအခြေပြု သင်ရိုးလည်း ရှိတယ်၊ နိုင်ငံလုံးဆိုင်ရာသင်ရိုးနဲ့ ဒေသအခြေပြုသင်ရိုးမှာ ချိန်ညှိရတာ ရှိတယ်၊ ဒေသအခြေပြု သိပ်သွားလိုက်ရင် နိုင်ငံလုံး ဆိုင်ရာ သင်ရိုးမှာ အားနည်းသွားမယ်လို့ ဒေါက်တာမြင့်သိန်းက ထောက်ပြပါတယ်။ လက်ရှိမှာလည်း သမိုင်းဆိုင်ရာနဲ့ ယဉ်ကျေးမှု ဆိုင်ရာတွေ နိုင်သလောက် ထည့်ထားတယ်၊ နောက်အစိုးရတက်လာရင် ဘယ်သူတွေပါလာ လို့ ဘယ်လိုထည့်ကြမလဲ ဆက်လုပ်ကြရမယ်လို့ ဆရာက ပြောပါတယ်။

မြန်မာ့ပညာရေးစနစ်ဟာ ဆရာက ပေးသူ၊ တပည့်က ခံယူသူ ပုံစံမျိုးပဲ ဖြစ်နေသေးလို့ မအောင်မြင်ဘူး၊ ဘာသာစကား သင်ကြားမှုမှာ ဆိုရင် ဆရာတပည့် အပြန်အလှန် ဖြစ်ရမယ်၊ အခုတော့ သင်ကြားနည်းစနစ်က မှားပြီး ကျောင်းသားပါဝင်မှုက အားနည်းနေတယ်လို့ ရုပ်သံက ပါဝင်ဆွေးနွေးတဲ့ နာမည်ကျော် အင်္ဂလိပ် စာပြ ကျူရှင်ဆရာ ဦးနေအုပ် (စိန်ပေါ) က ပြောပါတယ်။ သင်ရိုးချည်း မပြင်ဘဲ သင်ကြား နည်းကိုလည်း ပြင်ရမယ်၊ သင်ရိုးကလည်း အခုမှ သူငယ်တန်းကို စပြင်မှာဆိုတော့ အလွန်နှေးပြီး နောက်ကျနေတယ်၊ တကယ်လို့များ မူလတန်း၊ အလယ်တန်း၊ အထက်တန်း သင်ရိုးတွေကို ငါးနှစ်အတွင်း ပြင်ပေးနိုင်ရင် အလွန်ကောင်း မယ်လို့ ဆရာက ထောက်ပြပါတယ်။

၁၉၈၄ စနစ်သစ်ပညာရေးမှာ သူငယ်တန်း ကနေ အဋ္ဌမတန်းအထိ သင်ရိုးတွေကို တစ်ကြိမ် တည်းနဲ့ ပြင်ခဲ့ဖူးတယ်၊ စတုတ္ထတန်းနဲ့ ပဉ္စမတန်း အကူးမှာ သင်ရိုးအဟောင်းအသစ် အချိတ် အဆက် ပြဿနာရှိခဲ့လို့ ဖြည့်စွက်သင်ရိုးတွေနဲ့ ကုစားခဲ့တာတောင် သုံးလေးနှစ်ကြာမှ အသား ကျတယ်၊ တရုတ်ပြည်မှာဆိုလည်း အနှစ် (၂ဝ)၊ (၂၅)နှစ်ကြာမှ အသားကျတာတွေ ရှိခဲ့ဖူးတယ်၊ ဒါ့ကြောင့် ဘယ်လိုပဲဆုံးဖြတ်ချက် ချချ၊ သေချာစဉ်းစားပြီးမှ လုပ်ဖို့လိုမယ်၊ မြန်မာ့ပညာ ရေးရဲ့ မူလတန်း၊ အလယ်တန်း၊ အထက်တန်း သင်ရိုးတွေကိုတော့ အချိန်ကာလ ခြောက်နှစ်၊ ခုနစ်နှစ်ထက် အချိန်ပိုမယူဘဲ မြန်မြန်ပြင် သင့်ပါတယ်လို့ ဒေါက်တာမြင့်သိန်းက ပြောပါ တယ်။

သင်ရိုးစာအုပ်တွေ ဘယ်လိုပြောင်းပြောင်း စာမေးပွဲစနစ် မပြောင်းရင် အလကားပဲလို့ ဒေါ်ထွေးထွေးသန်းက ပြောပါတယ်။ စာမေးပွဲနဲ့ ကျောင်းသားတွေကို ညံ့၊ တော်၊ ဆိုး၊ ကောင်း ဆုံးဖြတ်တာဟာ ကလေးပေါ်ကို ပုံချသလို ဖြစ်နေပြီး လူညွန့်တုံးစေတယ်၊ ကျောင်းနေတယ် ဆိုတာ ကျောင်းသားအတွက် သူ့ဘဝမှာ လိုအပ်တဲ့ စဉ်းစားတာ၊ ဆုံးဖြတ်ချက်ချတာ စတဲ့ စွမ်းရည်တွေ ရစေဖို့ဖြစ်တာမို့ စွမ်းရည် အခြေပြု သင်ကြားရေးစနစ်ကို သွားသင့်တယ်လို့ ဆရာမက ထောက်ပြပါတယ်။

သူငယ်တန်းသင်ရိုးသစ် ဗျည်းမဖြုတ်ပါ
●●●●●●●●●●●●●●●●●●●●●●
၂ဝ၁၆-၂ဝ၁၇ ပညာသင်နှစ်သစ်မှာ စတင် မယ့် သူငယ်တန်းသင်ရိုးသစ်မှာ မြန်မာ ဗျည်း အက္ခရာတွေ ဖြုတ်သင်မယ်ဆိုတဲ့ ကိစ္စဟာ နားလည်မှုလွဲတာသာဖြစ်ပြီး ဗျည်း (၃၃)လုံး စလုံးကို မဖြုတ်ဘဲ သင်ပေးသွားမှာဖြစ်တယ်လို့ ဒေါက်တာဝင်းအောင်က ပြောပါတယ်။ ဗျည်း (၃၃)လုံးစလုံး ရေးသားတတ်ဖို့ သင်မယ်ဆိုရင် သူငယ်တန်းကလေးအတွက် ခက်ခဲနိုင်လို့ အရေးကို ပထမတန်းမှသင်ပြီး အရွတ်အဖတ် ကိုတော့ သူငယ်တန်းမှာ သင်မှာပါလို့ ဆရာက ပြောပါတယ်။

လူကြီးက စေတနာနဲ့ ဗျည်း (၃၃)လုံးကို အရွတ်အဖတ်ပဲသင်ပြီး၊ ရေးတာကို ချန်ခဲ့ဖို့ စဉ်းစားတာဟာ ဒီနေ့ခေတ်လို အိုင်တီခေတ်၊ နည်းပညာခေတ်အတွက်တော့ အဟန့်အတား ဖြစ်စေပါတယ်လို့ ဒေါက်တာအာကာမိုးသူက ထောက်ပြပါတယ်။ ကလေးတွေမို့ဆိုပြီး သင်ယူ ခွင့်ကို မချုပ်ရဘူး၊ လွတ်လပ်ခွင့် ပေးရလိမ့်မယ်၊ ဒီနေ့ခေတ်မှာ ကလေးပေါက်စတွေဆီကနေ စမတ်ဖုန်းသုံးနည်းတွေကို ပြန်သင်နေရပါတယ် လို့ ဆရာက ဖြည့်စွက်ပြောပါတယ်။

ကလေးတွေကို ချုပ်တာ မဟုတ်ဘူး၊ သင်ယူ မှုမှာ ကျောင်းသင်ရိုးအတိုင်း သင်ယူမှုနဲ့ အပို သင်ယူမှု ရှိတယ်၊ ကျောင်းက မသင်ပေမယ့် ကလေးက သူရေးချင်လို့ ရေးမယ်ဆိုရင် ရေးနိုင် ပါတယ်လို့ ဒေါက်တာဝင်းအောင်က ပြောပါ တယ်။ စာသင်ကျောင်းတွေမှာ စာသင်နှစ်တစ် နှစ်ကို စာသင်ရက် (၁၈ဝ)နဲ့ စာသင်ချိန် နာရီ (၈ဝဝ)ဝန်းကျင်မှာ ဘာတွေ ဘယ်လောက် သင်ယူနိုင်မယ်ဆိုတာ စဉ်းစား၊ တွက်ချက်၊ လုပ်ကိုင်ရပါတယ်လို့ ဆရာက ရှင်းပြပါတယ်။ သင်ရိုးညွှန်းတမ်းဆိုတာ ကလေးတစ်ယောက် ချင်းအတွက် လုပ်ရတာမျိုးမဟုတ်ဘဲ တိုင်းရင်း သားကလေးတွေရဲ့ သင်ယူနိုင်စွမ်းအပါအဝင် အားလုံးကို ခြုံငုံကြည့်ရပါတယ်လို့ ဒေါက်တာ ဝင်းအောင်က ဖြည့်စွက်ပါတယ်။

တိုင်းရင်းသားနဲ့ မသန်စွမ်းအရေး အလေးပေး
●●●●●●●●●●●●●●●●●●●●●●●●●
တစ်နိုင်ငံလုံး သင်ရိုးတစ်ခုတည်း ဖြစ်နေ တာဟာ ပြဿနာရှိတယ်လို့ ပရိသတ်ထဲက ဆလိုင်းလျန်ကျင်မှန်က ဆွေးနွေးပါတယ်။ မြန်မာစာကို ဘာသာစကားတစ်ခုအဖြစ် သင် ကြားတာကို လက်ခံပေမယ့် သူတို့ချင်းပြည်မှာ ရွာဦးဘုရားပွဲ မရှိဘဲ ကလေးက စာထဲမှာ သင်နေရတယ်၊ ခါသင်္ကြန်ဆိုပြီး စာစီစာကုံး ရေးခိုင်းတဲ့အခါ ကျောင်းသားက ချင်းပြည်မှာ သင်္ကြန်မရှိဘဲ ရေလောင်းပွဲလောက်ပဲသိတော့ အဆင်မပြေဘူးလို့ ထောက်ပြပါတယ်။

မသန်စွမ်းကလေးတွေ ကျောင်းတက်နိုင်ဖို့ ဟာ ကျောင်းအုပ်သဘောကောင်းမှ ကျောင်း တက်ရသလို ဖြစ်နေတယ်လို့ ဒေါ်ထွေးထွေးသန်း က ပြောပါတယ်။ မသန်စွမ်းသူများ၏ အခွင့် အရေးဥပဒေ ထွက်ရှိပြီးဖြစ်တာမို့ သက်ဆိုင်ရာ ဝန်ကြီးဌာနက ဆက်လက်ဆောင်ရွက်ရပါမယ်လို့ ဒေါက်တာဝင်းအောင်က ဖြည့်စွက်ပါတယ်။

အဖြေများ ရှာကြည့်သောအခါ...
●●●●●●●●●●●●●●●●●●
ပညာရေးနဲ့ပတ်သက်ပြီး မဟာဗျူဟာနဲ့ ရည်မှန်းချက်တွေ ရှိထားပြီးဖြစ်တယ်၊ တကယ် ပြောင်းလဲနိုင်ရင် ရည်မှန်းချက်ဆီ ရောက်မယ်၊ ပြင်ချင်စိတ်ရှိပြီး ဝိုင်းလုပ်ကြမယ်ဆိုရင် အောင် မြင်မှုရနိုင်ပြီး ဝိုင်းမလုပ်ရင်တော့ ပြဿနာ ရှိတယ်လို့ ဒေါက်တာမြင့်သိန်းက ပြောပါတယ်။

ပညာရေးအကြောင်းဆွေးနွေးရင် လူငယ် တွေရဲ့စကားက မပေါက်ဘူးဖြစ်နေတယ်၊ လူငယ် တွေရဲ့စကားကို နားထောင်ပေးပါလို့ ဒေါက်တာ အာကာမိုးသူက ပြောပါတယ်။ လူကြီးတွေဟာ ပြည့်နေတဲ့ မှတ်Óဏ်သိုလှောင်ပစ္စည်းနဲ့ တူနေ တဲ့အပြင် ဗိုင်းရပ်စ် (ပိုးမွှား) ကူးစက်မှုကလည်း ရှိနေသေးတယ်၊ အမှန်တော့ ဒေတာ (အချက် အလက်) အသစ်တွေကို ထည့်ရတော့မယ်၊ ဒီနေီ့ဠြ ဒီဘိတ်မှာ ဒီလောက် နားလည် လက်ခံ ပေးတာကိုပဲ ကျေးဇူးတင်ပါတယ်၊ အစိုးရရုံး တွေရှေ့မှာ အခုလိုဒီဘိတ်တွေ လုပ်နိုင်ရင် တော်တော်ကောင်းပါမယ်လို့ ဆရာက သူ့ဆန္ဒကို ပြောပါတယ်။

လူငယ်တွေကို နေရာပေးဖို့ သဘောတူတယ်၊ ကလေးသူငယ်အခွင့်အရေး ပြောရင်လည်း လွတ်လပ်ခွင့် ပေးရမယ်၊ ဒါပေမဲ့ တစ်စုံတစ်ရာ အန္တရာယ် ရှိ/မရှိနဲ့ အန္တရာယ်ရှိတာကို ကလေး က မသိရင် လူကြီးက ထိန်းပေးရမယ်လို့ ဒေါက်တာ ဝင်းအောင်က ပြောပါတယ်။

လူကြီးတွေ ထိန်းဖို့ လို/ မလိုကို ဒေါက်တာ အာကာမိုးသူက သူ့အတွေ့အကြုံကို ပြောပါ တယ်။ သူက အဋ္ဌမတန်းနဲ့ နဝမတန်းကိုလည်း စာသင်နေတော့ သူ့တပည့်တစ်ယောက်ကို ''မင်း ချောက်ကမ်းပါးကို သွားနေရင် ငါက တားရမလား/ မတားရဘူးလား''လို့ မေးတဲ့အခါ တပည့်ဖြစ်သူက မတားသင့်ဘဲ ချောက်ကမ်း ပါးကို ဆင်းရင် ဖြည်းဖြည်းဆင်းပါလို့ပဲ ပြော ခွင့်ရှိတယ်လို့ တုံ့ပြန်တဲ့အကြောင်း ဒီဘိတ်မှာ ပြောပါတယ်။ သူ့တပည့်ဟာ တောင်တက်သမား ဖြစ်ချင်သူပါလို့လည်း သူ့ဥပမာနဲ့ အကြောင်း ပြချက် ခိုင်မာစေဖို့ ဖြည့်စွက်ပါတယ်။

ဆရာဟာ ကျောင်းသားရဲ့ အရည်အချင်းနဲ့ အတွေးအခေါ်ဘက်ကို မလိုက်ဘဲ သင်ရိုးထဲ ပိတ်မိသလို ဖြစ်နေရင် ကျောင်းသားကို ချုပ် ထားသလို ဖြစ်နေတတ်တယ်၊ ဒါ့ကြောင့် အရိုးစွဲ ယဉ်ကျေးမှုရဲ့ အပြင်ဘက်ကို ထွက်ရမယ်လို့ ဒေါက်တာအာကာမိုးသူက ပြောပါတယ်။

'လွတ်လပ်မှုဟာ ဘာလဲ'ဆိုတာကို သေသေ ချာချာ အဓိပ္ပာယ်ဖွင့်ဆို သတ်မှတ်ဖို့ လိုအပ် တယ်လို့ ဒေါက်တာမြင့်သိန်းက ဒီဘိတ်အဆုံး သတ်မှာ အရေးတကြီး ထောက်ပြပါတယ်။ ပြောချင်ရာပြော၊ လုပ်ချင်ရာလုပ်တာဟာ လွတ် လပ်မှု မဟုတ်ဘူး၊ ဒီနေ့ခေတ် နာမည်ကျော် လူမှုကွန်ရက် ဖေ့စ်ဘုတ်မှာ ပြောနေဆိုနေ ရေးနေသားနေတဲ့ တချို့ဟာ စော်ကားနေတာ ဖြစ်တယ်၊ မြန်မာ့ယဉ်ကျေးမှု မဟုတ်ဘူးလို့ ဆရာက ဖြည့်စွက်ပါတယ်။

ဆရာမကို မနှိမ်ဘဲ အခွင့်အရေးပေးဖို့ ဒေါ်ထွေးထွေးသန်းက ပြောပါတယ်။ ဆရာမ ဟာ ကျောင်းသားကို ကြိုက်သလို သင်နိုင်ရမယ်၊ ပညာရေးဝန်ကြီးဌာနက ပေးတဲ့ အစိုးရမူဝါဒ လမ်းညွှန်ချက်တွေ အသားပေးထားတဲ့ စာအုပ် တစ်အုပ်နှစ်အုပ်နဲ့ သင်ဖို့က အဆင်မပြေဘူး၊ ဆရာမ သိမ်ငယ်နေရင် ယုံကြည်မှု မရှိရင် ယုံကြည်မှုမရှိတဲ့ ကလေးတွေ (ကျောင်းသားတွေ) ပဲ မွေးထုတ်ပေးနိုင်လိမ့်မယ်လို့ အရေးကြီးတဲ့ စကားကို ပြောပါတယ်။

ဆရာမဟာ အစိုးရကို တာဝန်ခံဖို့ မလိုသလို၊ တစ်ဦးတစ်ယောက်ကို တာဝန်ခံဖို့လည်း မလိုပါ ဘူး၊ လူတွေဟာ (ကျောင်းသား၊ မိဘ၊ ဆရာ) အမှောင်ထဲမှာနေရတာ ကြာလို့ အလင်းရောင် ကို တွေ့ရတဲ့အခါ မျက်စိကျိန်းတာမျိုးတော့ ဖြစ်နိုင်ပါတယ်လို့ ဒေါ်ထွေးထွေးသန်းက ပြော ပါတယ်။

‪#‎မွန်းတည့်နေ‬
အတွဲ (၂)၊ အမှတ် (၄၈)
[ မျိုးသာထက် ]

သမ္မတ ဦးသိန်းစိန် အစိုးရ လက်ထက် ကိုယ်လုပ်ကိုင်ဆောင်ရွက်ရမယ့် လုပ်ငန်းဆောင် တာတွေကို အောင်မြင်အောင် မဆောင်ရွက်နိုင်ရုံ မက အဂတိ လိုက်စားမှုလို့ သံသယဖြစ်ဖွယ် ကိစ္စတွေ ဆောင်ရွက်ခဲ့တဲ့ ဝန်ကြီးဌာန အများ အပြား ရှိပါတယ်။ အဲဒီထဲမှာ ရထားပို့ဆောင်ရေး ဝန်ကြီးဌာနလည်း ပါဝင်တာတွေ့ရပါတယ်။ ဘယ်လို လုပ်ငန်းကိုင်ငန်းမျိုးလဲ၊ ရထားပို့ဆောင် ရေး ဝန်ကြီးဌာနရဲ့ မအောင်မမြင် ဖြစ်ခဲ့တဲ့ လုပ်ငန်းဆောင်တာတွေကရော ဘာတွေလဲ၊ ဘာကြောင့် အဲဒီလိုဖြစ်ရတာလဲဆိုတာ ဆွေးနွေး တင်ပြသွားပါ့မယ်။

ပြီးခဲ့တဲ့ ဖေဖော်ဝါရီ (၁) ရက်နေ့က ရထားပို့ဆောင်ရေး ဝန်ကြီးဌာနဟာ ပြည်တွင်း မှာ အသုံးပြုဖို့ ဒေါ်လာ နှစ်သန်းနီးပါး တန်ဘိုးရှိ ရထားတွဲဆိုင်းတွေ ဝယ်ယူမယ့်ကိစ္စ တင်ဒါ ခေါ်ယူပါတယ်။ အဲဒီလို တင်ဒါခေါ်ယူရာမှာ West Corporation ကုမ္ပဏီတစ်ခုပဲ တင်ဒါ တင် သွင်းတာ တွေ့ရပါတယ်။ ထူးထူးခြားခြား ထွက် ပေါ်လာတဲ့ သတင်းတစ်ခုကတော့ West Corporation ဟာ အဲဒီ တင်ဒါခေါ်တဲ့ ရထား တွဲဆိုင်းတွေကို တင်ဒါ မခေါ်ခင် လအနည်းငယ် ကတည်းက ပြည်ပကနေ ဝယ်ယူတင်သွင်းထား ခဲ့ပြီး သီလဝါ ဆိပ်ကမ်းကိုတောင် ရောက်နေပြီ ဆိုတာပါပဲ။ ရထားပို့ဆောင်ရေး ဝန်ကြီးဌာနက တင်ဒါခေါ်တဲ့အချိန် အခြားကုမ္ပဏီတွေ တင်ဒါ အပြိုင် တင်သွင်းခြင်း မပြုတာကလည်း တာဝန် ရှိသူတွေက ကျယ်ကျယ်ပြန့်ပြန့် ကြေညာမှု မရှိတာ၊ ဝန်ကြီးဌာန တာဝန်ရှိသူတွေနဲ့ စီးပွား ရေး လုပ်ငန်းရှင် အချင်းချင်း လက်ဝါးချင်း ရိုက်ထားပြီးသားမို့ တင်ဒါ သွားပြိုင်လည်း မထူး ပါဘူးဆိုပြီး သဘောထားကြတာ စတာတွေ ကြောင့် ဖြစ်နိုင်ပါတယ်။ ဒီ တင်ဒါ ခေါ်ယူမှုပုံစံ ဟာ အဂတိလိုက်စားမှုအဖြစ် အတော်လေး သံသယဖြစ်ဖွယ် ကောင်းပါတယ်။

အလားတူပါပဲ။ သိပ်မကြာသေးခင်တုန်းက ရထားဝန်ကြီးဌာနဟာ West Corporation ကို အမေရိကန် ဒေါ်လာ သုံးသန်းကျော် တန်ကြေး ရှိတဲ့ လျှပ်စစ်ရထား ပြေးဆွဲရေး စီမံကိန်းကို ခွင့်ပြုပေးခဲ့ပါသေးတယ်။ ပြီးခဲ့တဲ့ ဇန်နဝါရီ (၁ဝ)ရက်နေ့က စပြီး ပြေးဆွဲတဲ့ အဲဒီ လျှပ်စစ် ရထားဟာ လင်းစဒေါင်းကနေ ဝါးတန်းဘူတာ အထိ ကမ်းနားလမ်းတစ်လျှောက် ပြေးဆွဲပါ တယ်။ စပြီး ပြေးဆွဲဆွဲခြင်း အချိန်ကပဲ စီးသူ နည်းနည်းပါးပါးရှိပြီး နောက်ပိုင်း စီးသူ မရှိ သလောက် နည်းသွားတာ တွေ့ရပါတယ်။ ရန်ကုန်မှာ နေ့စဉ် ခရီးသွားပြည်သူ သန်းနဲ့ချီ ရှိနေပေမယ့် ဒေါ်လာ သုံးသန်းကျော် တန်ဖိုး ရှိတဲ့ အဲဒီခရီးစဉ် တစ်နေ့ ပြည်သူ (၁ဝဝ) လောက်တောင် အသုံးမပြုတာကတော့ လိုအပ် တဲ့ ခရီးစဉ်တစ်ခုမဟုတ်လို့ပဲ ဖြစ်ပါတယ်။ တစ်ဖြောင့်တည်း ကားမှတ်တိုင် လေးငါး မှတ် တိုင်စာလောက်အတွက် ဒေါ်လာ သုံးသန်းကျော် အကုန်အကျခံပြီး လျှပ်စစ်ရထား စက်ခေါင်း ဝယ်ယူအသုံးပြုသင့်သလားဆိုတာ မေးခွန်း ထုတ်ဖို့ အလွန်ကောင်းပါတယ်။ ဒီနေရာမှာ ပုဂ္ဂလိကတွေကို ဘတ်စ်ကား ပြေးဆွဲခွင့်ပေးလိုက် ရင် ပြည်သူ့ဘဏ္ဍာငွေ တစ်ပြားတစ်ချပ်မှ ကုန် စရာ လိုမှာ မဟုတ်ပါဘူး။

အလားတူ ပြီးခဲ့တဲ့နှစ်ကလည်း ရထား ဝန်ကြီးဌာနဟာ ပုဇွန်တောင် ဘူတာကနေ ဆူးလေ- ဒလ ကူးတို့ ဆိပ်ကမ်းနားအထိ ရထား လမ်း တစ်ခုဖောက်ပြီး RBE ရထားတွဲတွေ ဝယ်ယူ ပြေးဆွဲစေခဲ့ပါသေးတယ်။ အဲဒီ ခရီးစဉ်ဟာလည်း ပထမပိုင်း တစ်နေ့ အသွားအပြန် ငါးခေါက် ခြောက်ခေါက်လောက် ဆွဲနေရာကနေ နောက် ပိုင်း စီးနင်းသူ မရှိလို့ တစ်ခေါက်လောက်ပဲ ဆွဲတဲ့ အဆင့်ထိ ကျဆင်းသွားပါတယ်။ ဒါပေမဲ့ ရထား ဝန်ကြီးဌာနဟာ ဒီ ခရီးစဉ် ပြေးဆွဲဖို့ဆိုပြီး RBE ရထားတွဲအဟောင်းတွေကို ဝယ်ယူ တင်သွင်းခဲ့ ပါသေးတယ်။

တကယ်တော့ ရထားဝန်ကြီးဌာနမှာ ရန်ကုန်-မော်လမြိုင်၊ ရန်ကုန်- နေပြည်တော်- မန္တလေး၊ ရန်ကုန်- ပုဂံလို ပြည်သူတွေ အသုံး များပြီး အမြတ်အစွန်းရနိုင်တဲ့ ခရီးစဉ်တွေ ရှိနေပြီးသား ဖြစ်ပါတယ်။ ဒါပေမဲ့ အဲဒီ ခရီးစဉ် တွေမှာလည်း ပြေးဆွဲချိန်နဲ့ ပတ်သက်ပြီး ခရီး သည်တွေ အဆင်မပြေတာ၊ သတ်မှတ် ဈေးနှုန်း မြင့်မားနေတာ၊ လက်မှတ် ရောင်းချမှုပုံစံ ခေတ် မမီတာ၊ ဒီဇယ် ခိုးယူရောင်းချခြင်းလို မသမာမှု တွေ ဖြစ်ပေါ်နေတာ၊ စီမံခန့်ခွဲမှု ညံ့ဖျင်းတာ စတဲ့ အကြောင်းကြောင်းကြောင့် အမြဲတန်း အရှုံးပေါ်နေတဲ့ လုပ်ငန်း ဖြစ်နေခဲ့ပါတယ်။

အခုလို အရှုံးတွေ ပေါ်နေပါလျက်၊ အလုပ် မဖြစ်တဲ့ ခရီးစဉ်တွေ သတ်မှတ်၊ တွဲအဟောင်း တွေ စက်ခေါင်းအဟောင်းတွေ ဝယ်ယူနိုင်အောင် ရထားဝန်ကြီးဌာနဟာ ဘယ်က ဝင်ငွေတွေ ရနေသလဲဆိုတာ စိတ်ဝင်စားဖို့ ကောင်းပါတယ်။ အများပြည်သူတွေ သတိမထားမိတဲ့ အချက် တစ်ခုကတော့ ရထားဝန်ကြီးဌာန လက်အောက် မှာ ကညန လို့ခေါ်တဲ့ ကုန်းလမ်းသယ်ယူ ပို့ဆောင်ရေး ညွှန်ကြားမှု ဦးစီးဌာန ရှိနေတယ် ဆိုတာပါ။ အဲဒီဌာနဟာ ပြည်ပက တင်သွင်းလာ တဲ့ ကားတွေကိုရော၊ ပြည်တွင်းက ထုတ်လုပ်တဲ့ ကားတွေကိုပါ မှတ်ပုံတင် ပြုလုပ်ပေးပြီး မှတ်ပုံ တင်ခ ဝင်ငွေရနေတာပါ။ မှတ်ပုံတင်ခကလည်း နည်းနည်း နောနော မဟုတ်ပါဘူး။ ၂ဝ၁၁ အကုန် သမ္မတ ဦးသိန်းစိန် အစိုးရလက်ထက် ကားတင်သွင်းခွင့် ဖွင့်ပေးလိုက်ချိန်ကစရင် ဒီက နေ့အချိန်ထိ လေးနှစ်တာ အတွင်း ကားအစီးရေ (၅၃ဝဝဝဝ)ကျော် တင်သွင်းပြီးခဲ့ပါပြီ။ ကား တစ်စီးကို ကညန ကနေ မှတ်ပုံတင်ကြေး အနည်းဆုံး ကျပ် (၁၆)သိန်းယူနေတာမို့၊ ပျမ်းမျှ ကားတစ်စီး ကျပ်သိန်း (၂ဝ)နှုန်းနဲ့ တွက်ရင်ပဲ လေးနှစ်အတွင်း မှတ်ပုံတင်ခကနေ ဝင်ငွေ ကျပ် ဘီလီယံတစ်ထောင်ကျော်လောက် ရခဲ့ပြီးပါပြီ။ ဒေါ်လာနဲ့တွက်ရင် ဒေါ်လာ တစ်ဘီလီယံနီးပါး ရှိနိုင်ပါတယ်။ ဒီငွေတွေကနေ တိုင်းပြည်နဲ့ ပြည်သူတွေအတွက် အသုံးမတည့်တဲ့ စီမံကိန်း တွေမှာ အသုံးပြုနေတာ၊ အရှုံးပေါ်စေတဲ့ စက် ခေါင်း၊ ရထားတွဲတွေ ဝယ်ယူရာမှာ အသုံးပြုခဲ့ တာ ဖြစ်ပါတယ်။

ဘယ်လိုပဲဖြစ်ဖြစ် သိပ်မကြာခင် ဒေါ်အောင် ဆန်းစုကြည် ဦးဆောင်တဲ့ NLD အစိုးရ အဖွဲ့သစ် တက်လာပါတော့မယ်။ ဒီအခါ ရထားပို့ဆောင် ရေး ဝန်ကြီးဌာနက အဂတိလိုက်စားမှုအဖြစ် သံသယဖြစ်ဖွယ် စီမံကိန်းတွေ၊ တင်ဒါ ခေါ်ယူမှု တွေ၊ ကုန်ပစ္စည်း ဝယ်ယူတင်သွင်းမှုတွေကို ပြန်လည် စိစစ် စစ်ဆေးသင့်ပါတယ်။ ဒါမှသာ နောင် အဂတိလိုက်စားမှု ကင်းစင်ပြီး ပြည်သူ တွေအတွက် အကျိုးရှိစေမယ့် စီမံကိန်းတွေ ချမှတ် အကောင်အထည် ဖော်နိုင်မှာ ဖြစ်သလို၊ ဝန်ကြီးဌာန ဘတ်ဂျက်ကိုလည်း ပြည်သူတွေ အတွက် ထိထိရောက်ရောက် အသုံးပြုနိုင်မှာ ဖြစ်ပါကြောင်း သုံးသပ်တင်ပြလိုက်ရပါတယ်။

‪#‎မွန်းတည့်နေ‬
အတွဲ (၂) ၊ အမှတ် (၄၈)
စည်သူအောင်မြင့်


phonemaw-day-620.jpg
မတ်လ ၁၃ ရက်နေ့မှာ ကျရောက်တဲ့ ကိုဖုန်းမော်နဲ့ ကိုစိုးနိုင်တို့ ကျဆုံးခဲ့ခြင်း ၂၈ နှစ်ပြည့် နှစ်ပတ်လည် အခမ်းနားကို ရန်ကုန်မြို့ အင်းစိန်မြို့နယ် ဗြူးကုန်းဘုန်းတော်ကြီးကျောင်းမှာ ကျင်းပနေစဉ်
Photo: Kyaw Zaw Win/ RFA

အကျဉ်းထောင်တွေထဲမှာ ရှိနေတဲ့ ကျောင်းသူ ကျောင်းသားတွေနဲ့ ပြည်သူတွေကို အမြန်ဆုံးလွှတ်ပေးဖို့ ဒီကနေ့ ကျရောက်တဲ့ ကိုဖုန်းမော် နှစ်လည်နေ့မှာ အခမ်းအနား ကျင်းပရေးကော်မတီက ကြေညာချက်ထုတ်ပြန်တောင်းဆိုလိုက်ပါတယ်။

ရန်ကုန်မြို့ အင်းစိန်မြို့နယ် ဗြူးကုန်းဘုန်းတော်ကြီးကျောင်းမှာ ကျင်းပခဲ့တဲ့ RIT ကျောင်းသား ကိုဖုန်းမော်နဲ့ ကိုစိုးနိုင်တို့ ကျဆုံးခဲ့ခြင်း ၂၈ နှစ်ပြည့် နှစ်ပတ်လည် အခမ်းနားမှာ ထုတ်ပြန်ခဲ့တာပါ။

အဲဒီကြေငြာချက်ကို နှစ်လည် အခမ်းအနားကျင်းပရေးကော်မတီက RIT ကျောင်းသား ဟောင်းတစ်ဦးက ဖတ်ကြားခဲ့ပါတယ်။

"၁၉၈၈ ခုနှစ် မတ်လ ၁၃ ရက်နေ့မှ စတင်ခဲ့သော စစ်အာဏာရှင်စနစ် ဆန့်ကျင်ရေး တိုက်ပွဲကြီးသည် လွတ်လပ်ရေးကြိုးပမ်းမှုကာလမှ မပြီးဆုံးသေးသောငြိမ်းချမ်းရေးနှင့် ဒီမိုကရေစီသမိုင်းပေးတာဝန်ကို ထမ်းဆောင်ခြင်းပင်ဖြစ်သည်၊ ဖမ်းဆီးခံ ရဟန်းသံဃာ များ၊ ကျောင်း သူ၊ ကျောင်းသားများနှင့် ပြည်သူများအားချွင်းချက်မရှိ အမြန်ဆုံးပြန်လွတ်ပေးရန် တောင်းဆိုလိုက်သည်"

RIT ကျောင်းသား ကိုဖုန်းမော်နဲ့ ကိုစိုးနိုင်တို့ သေဆုံးခဲ့တဲ့ မတ်လ ၁၃ ရက်နေ့ကို "မြန်မာနိုင်ငံလူ့အခွင့်အရေးနေ့" လို့လည်း သတ်မှတ်ထားတာ ဖြစ်ပါတယ်။ သူတို့ ၂ နှစ်ဦးနဲ့အတူတူ မဆလ အစိုးရကို ဆန္ဒပြခဲ့ ကြတဲ့ RIT ကျောင်းသားတွေက ဒီကနေ့ ၂၈ နှစ်မြောက် နှစ်ပတ်လည်နေ့အဖြစ် ဆွမ်းကပ်အမျှဝေခဲ့ကြ ပါတယ်။

၁၉၈၈ ခုနှစ် မတ်လ ၁၃ ရက်နေ့ညက RIT ကျောင်းမှာ လုံထိန်း တပ်ဖွဲ့ဝင်တွေက ပစ်ခတ်မှုကြောင့် ကိုဖုန်းမော်ဟာ နေရာမှာပဲ သေဆုံးခဲ့ပြီး ကိုစိုးနိုင်ကတော့ ဧပြီလ ၅ ရက်နေ့ ရန်ကုန်ဆေးရုံကြီးမှာ သေဆုံးခဲ့တာ ဖြစ်ပါတယ်။

အခမ်းအနားကို ကိုဖုန်းမော် ရဲ့ အမဖြစ်သူ ဒေါ်မာမာအိ နဲ့ ကိုစိုးနိုင်ရဲ့ အမဖြစ်သူ ဒေါ်မြင့်မြင့်ရီ တို့ တက်ရောက်ခဲ့ကြပြီး RIT ကျောင်းသားဟောင်းတွေ၊ နိုင်ငံရေး အဖွဲ့အစည်းတွေ၊ နိုင်ငံရေးအကျဉ်းသား ဟောင်းတွေ တက်ရောက်ခဲ့ကြပါတယ်။

နှစ်ပတ်လည်အခမ်းအနားနဲ့ ပတ်သက်ပြီး RFA သတင်းထောက် ကိုကျော်ဇောဝင်းက တင်ပြထားပါတယ်။

အခင်းဖြစ်တဲ့ညက အတွေ့အကြုံတွေနဲ့ ပတ်သက်ပြီး ရန်ကုန်စက်မှုတက္ကသိုလ် ဆရာ တစ်ဦးဖြစ်သူ ဦးသီဟလတ် ကို RFA သတင်းထောက် ကိုကျော်သူ ဆက်သွယ် မေးမြန်းခဲ့ပါတယ်။
RFA


၁၉၈၈ မတ်လ ၁၃ ရက်နေ့က လုံထိန်း ရဲတပ်ဖွဲ့က ပစ်ခတ်လို့ သေဆုံးခဲ့တဲ့ စက်မှုတက္ကသိုလ် ကျောင်းသား ကိုဖုန်းမော် ကျဆုံးတဲ့ နေ့ကို မြန်မာနိုင်ငံ လူ့အခွင့်အရေးနေ့ အဖြစ် ဒီမိုကရေစီရေး လှုပ်ရှား သူတွေ က သတ်မှတ်ခဲ့ကြ ပြီး ကျရောက်တဲ့ ၂၈ နှစ်မြောက် ဖုန်းမော်နေ့ အခမ်းအနားတွေ ကို ပြည်တွင်း ပြည်ပမှာ ကျင်းပခဲ့ကြပါတယ်။

နိုင်ငံကို ဒီမိုကရေစီ နိုင်ငံ အဖြစ် အသွင် ကူးပြောင်း နေတယ် ဆိုတဲ့ ဒီကာလမှာ ကိုဖုန်းမော်တို့ ကွယ်လွန်ခဲ့ရတဲ့ အဖြစ်အပျက် ကို နိုင်ငံ အနေနဲ့ ဘယ်လို အလေးထားသင့်လဲ၊ ဘယ်လို သမိုင်း သင်ခန်းစာတွေ ယူသင့်လဲ ဆိုတာ မေးခွန်း ထုတ်စရာတွေ ဖြစ်နေပါသေး တယ်။

ကိုဖုန်းမော်နေ့ ကို မျိုးဆက်သစ် မျိုးဆက်ဟောင်း နိုင်ငံရေး တက်ကြွလှုပ်ရှားသူ ၃ဝဝ ကျော်က ရန်ကုန်တိုင်း အင်းစိန်မြို့နယ် ဗြူးကုန်း တောရ စာသင်တိုက် မှာ အောက်မေ့ဖွယ် အခမ်းအနား လုပ်ခဲ့ပါတယ်။

စိတ်ပါဝင်စား သူတွေ အနေနဲ့ စုပေါင်း ကျင်းပ ကြပါတယ်။

ဖုန်းမော် အရေးအခင်း လို အဖြစ်အပျက် တွေ က နေ တပါတီ အာဏာရှင်စနစ် ပြုတ်ကျအောင် လုပ်နိုင်ခဲ့တဲ့ ရှစ်လေးလုံး အရေးတော်ပုံ ထိ မြန်မာ့နိုင်ငံရေး သမိုင်းမှာ ဖြစ်ပေါ် လာခဲ့ တာပါ။

ဒါပေမဲ့ ဒီမိုကရေစီ ရေး လှုပ်ရှားသူ တွေ နဲ့ စစ်တပ် ခေါင်းဆောင်တွေ ကြားမှာ ဖုန်းမော် အရေးအခင်း နဲ့ ပတ်သက်ပြီး တူညီတဲ့ ကောက်ချက် ဆွဲပုံလည်း မရှိ သေးသလို ဒီ အဖြစ်ကို အလေးထားပုံ တွေ သင်ခန်းစာ ယူပုံ တွေလည်း မတူညီ ကြသေးပါဘူး။

ဒီဖြစ်ရပ်ဟာ မြန်မာပြည် နိုင်ငံရေး သမိုင်းမှာ အလေးထား သင့်တဲ့ ရက်ဖြစ်ကြောင်း လူငယ်တွေ သိသင့်တယ် လို့ ရန်ကုန်မှာ လုပ်ခဲ့တဲ့ အခမ်းအနား ကို တက်ခဲ့တဲ့ ၈၈မျိုးဆက် ပွင့်လင်း လူ့အဖွဲ့အစည်း က ဦးကိုကိုကြီးက ပြောပြပါတယ်။

ရန်ကုန်မှာ ကျင်းပတဲ့ အခမ်းအနား မျိုး ကို ထိုင်းနိုင်ငံ မဲဆောက် မြို့မှာလည်း အဝေးရောက် ကျောင်းသား ခေါင်းဆောင်တွေ စုပေါင်း လုပ်ခဲ့ပါသေးတယ်။

အဲဒီပွဲကို တက်ရောက်ဖို့ ရောက်နေတဲ့ ၈၈ ကျောင်းသား ခေါင်းဆောင် ကိုမိုးသီးဇွန် ကလည်း ကိုဖုန်းမော်တို့ သေဆုံးခဲ့ရတဲ့ အဖြစ်အပျက်နဲ့ ပတ်သက်လို့ သမိုင်း သင်ခန်းစာ တွေ ယူကြဖို့ တိုက်တွန်းရင်း အဲဒီတုန်း က မျှော်မှန်းချက် တွေ အခုထိ ဖြစ်မလာသေးတဲ့ အကြောင်း ပြောပြပါတယ်။

ကိုဖုန်းမော်တို့ ကျဆုံးတဲ့ မတ်လ ၁၃ ရက်နေ့ ကို မြန်မာနိုင်ငံ လူ့အခွင့်အရေးနေ့ အဖြစ် ၁၉၈၉ ခုနှစ် ကိုဖုန်းမော် ကျဆုံးတဲ့ တနှစ်ပြည့်နေ့ က စပြီး ဒီမိုကရေစီရေး လှုပ်ရှားသူတွေ စတင် သတ်မှတ်ခဲ့ကြပေမယ့် မြန်မာနိုင်ငံ အနေနဲ့ တရားဝင် သတ်မှတ်မှု ကတော့ အခု အချိန်ထိ ရှိမလာ သေးပါဘူး။

BBC Burmese
http://www.bbc.com/burmese


ကရင်တော်လှန်ရေးလက်နက်ကိုင်အဖွဲဖြစ်တဲ့ ဒီကေဘီအေ ဒီမိုကရေစီ ကရင်အကျိုးပြု တပ်မတော်ရဲ့ စစ်ဦးစီးချုပ် ဗိုလ်ချုပ်ကြီးစောလားပွယ်ဟာ တနင်္ဂနွေနေ့နေလည် ၁ နာ၇ီကျော်က ပဲခူးတိုင်း၊ ပဲခူးမြို့ဆေးရုံကြီးမှာ ကင်ဆာရောဂါနဲ့ ကွယ်လွန်သွားခဲ့ပါတယ်။ မအေးအေးမာက သတင်းပေးပို့ ထားပါတယ်။

ကရင်တော်လှန်ရေးကို နှစ်ကာလကြာရှည်စွာလုပ်ဆောင်လာခဲ့တဲ့ ဒီမိုကရေစီ ကရင်အကျိုးပြု တပ်မတော် ဒီကေဘီအေရဲ့ စစ်ဦးစီးချုပ် ဗိုလ်ချုပ်ကြီးစောလားပွယ်ဟာ လည်ချောင်း ကင်ဆာရောဂါနဲ့ ပဲခူးဆေးရုံကြီးမှာ ကွယ်လွန်သွားခဲ့တယ်လို့ ဒီကေဘီအေဆက်ဆံရေးရုံးအရာရှိ ဗိုလ်မူးစိုးမြင့်က အခုလို ပြောပါတယ်။

“နေ့လည် ၁နာရီ ၄၅ လောက်မှာဆုံးသွားပါတယ်။ ပဲခူးဆေးရုံမှာပါ။ ရောဂါကတော့ လက်ရှိခံစားနေရတဲ့ ကင်ဆာဝေဒနာနဲ့ပဲ ဆုံးသွားတာပေါ့။ လက်ရှိ ပဲခူးကနေ ၄ နာရီကနေ စထွက်လာတယ်။ ကား၅စီးနဲ့ စထွက်လာပါပြီ။ ခေါင်းဆောင်တွေကတော့ မစုံလင်သေးပါဘူး။ အားလုံးကတော့လာကြပါပြီ။ အဖိုးရဲ့ ဈာပနကို သဂြိုလ်ဖို့ကိုတော့ မူလအီတောင်ထိပ် မှာလို့ တော့ သိရတယ် အသေးစိတ်တော့ မသိရသေးဘူး ”

ဗိုလ်ချုပ်ကြီးစောလားပွယ်ဟာ ၁၉၉၄ ခုနှစ်မှာ ကေအန်ယူ ကရင်အမျိုးသားအစည်းအရုံး လက်ထက်ကနေခွဲထွက်ခဲ့ပြီး တိုးတက်သောကရင် ဗုဒ္ဓဘာသာ အမျိုးသားတပ်မတော် ကိုတည်ထောင်ခဲ့တာပါ။ ဒီ့နောက်မှာတေ့ာ မြန်မာအစိုးရနဲ့ အပစ်အခပ်ရပ်စဲရေးလုပ်ခဲ့ပါတယ်။ ၂၀၁၀ခုနှစ် မှာတော့ မြန်မာအစိုးရ က နယ်ခြားစောင့်တပ် လုပ်ခိုင်းတဲ့အတွက် ဗိုလ်ချုပ်ကြီးစောလားပွယ် ဦးဆောင်တဲ့ ဒီကေဘီအေ တပ်ဖွဲဟာ မြန်မာအစိုးရတပ်တွေနဲ့ တိုက်ပွဲတွေပြန်ဖြစ်ခဲ့ပါတယ် ။ ဒီ နောက်မှာတော့ ဒီမိုကရေစီကရင် အကျိုးပြု တပ်မတော် ဆိုတဲ့နာမည်ကို ပြန်လည်ပြောင်းခဲ့ပါတယ်။

၂၀၁၀ ခုနှစ်တုန်းက ဗိုလ်ချုပ်ကြိးစေားလာပွယ်ဟာ နယ်ခြားစောင့်တပ်အဖြစ် ပြောင်းလဲဖို့ အတွက်ဘာကြောင့် လက်မခံခဲ့သလဲ ဆိုတာကိုတော့ ဒီကေဘီအေ တပ်မှူးဟောင်း ဗိုလ်မှူးမောင်လေး ကအခုလို ပြောပြခဲ့ပါတယ်။

“ဘာလို ငြင်းပယ်ခဲ့သလဲဆိုတာကတော့ တဖက်က အမျိုးသားရေးကိုလုပ်နေတဲ့သူလုပ်ချင်တဲ့သူ ဆိုတော့ နယ်ခြားစောင့်တပ်ဆိုတော့ အစိုးရရဲ့ လက်အောက်ခံလို ဖြစ်သွားမယ်လေ။ အမျိုးသားရေးကို ဦးစားပေးလုပ်ကိုင်တာကို တခြားအလုပ်တွေကိုမလုပ်ချင်တဲ့သဘောပါပဲ။ ကရင်မှာတော့အမျိုးသားရေးလုပ်တဲ့ခေါင်းဆောင်ကောင်း တယောက်ဆုံးရှုံးလိုက်ရတာပါပဲ ”

လက်ရှိ မှာတော့ဗိုလ်ချုပ်ကြီးစောလားပွယ်ဦးဆောင်တဲ့ ဒီကေဘီအေ တပ်ဖွဲ့ဟာမြန်မာအစိုးရနဲ့ ၂၀၁၁ ခုနှစ်ကုန်ပိုင်းမှာ ဒုတိယအကြိမ်အပစ်ခပ်ရပ်စဲရေးလက်မှတ်ရေးထိုးခဲ့ပြီး တနိုင်ငံလုံး ပစ်ခတ်တိုက်ခိုက်မူရပ်စဲရေးသဘောတူစာချုပ် NCA ကိုလည်း လက်မှတ်ရေးထိုးထားတာပါ။

ဒီကေဘီအေ တပ်မူးတွေကတော့ သူတို့ခေါင်းဆောင်မရှိတော့ပေမဲ့ ဗိုလ်ချုပ်ကြီးစေားလားပွယ်ရဲ့ မူဝါဒအတိုင်း ဆက်ရပ်တည်သွားမယ်လို့ ဗိုလ်မူးစိုးမြင့်ကပြောပါတယ်။

“သူ့ ရဲ့လမ်းညွန်ချက်အတိုင်းကိုပဲရပ်တည်သွားမှာပါ။ သူညွန်ကြားခဲ့တဲ့ အတိုင်းဆက်လက်ပြီး ရှင်သန်နေမှာပါ အဖိုးရဲ့ ညွန်ကြားချက် ပြည်သူလူထုကိုအသက်ပေးကာကွယ်ဖို့ လူထုကို တမျက်နှာထဲ ကြည့်ပြီးကာကွယ်ဖို့ အဖိုးမှာကြားခဲ့တဲ့အတိုင်းပဲ ကျနော်တို့ ဆက်လက်ရပ်တည်မှာပါ ”

ဗိုလ်ချုပ်ကြီးစေားလားပွယ်ဟာကွယ်လွန်ချိန်မှာ အသက် ၅၄ နှစ်ရှိပြီး သားသမီး ၂ ဦး ကျန်ရစ်ခဲ့ပါတယ်။ ကရင်တော်လှန်ရေးကို အသက်ငယ်ရွယ်စဉ်ကတည်းက လုပ်ဆောင်လာခဲ့ပြီး လက်အောက်ငယ်သားများရဲ ချစ်ခင်မူကိုရရှိခဲ့တဲ့ တပ်မူးတဦးဖြစ်ပါတယ်။ ဗိုလ်ချုပ်ကြီး စေားလားပွယ်ဟာ ဗုဒ္ဓဘာသာ ကိုယုံကြည်သက်ဝင်တာကြောင့် ကရင်ပြည်နယ်အတွင်းမှာ ဘုရားတွေကို တည်ထားကိုးကွယ်တာတွေကိုလုပ်ဆောင်ခဲ့သူတဦးဖြစ်ပါတယ်။အခု သူတည်ထားတဲ့ မူလအိတောင်ထိပ်ကဘုရားအနီးမှာ သူရဲ့ ဈာပနကိုကျင်းပဖို့အတွက် စီစဉ်နေတယ်လို့လည်း ဒီကေဘီအေတပ်မူးတွေကပြောဆိုကြပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

သမိုင်းဆိုတာကတော့ ဖျောက်လို့ဖုံးလို့ရတာ မဟုတ်ပါဘူး။
အခုဆိုရင် မြန်မာနိုင်ငံမှာ ၂၀၁၅ ရွေးကောက်ပွဲရဲ့  ရလဒ်အဖြစ် ဒုသမ္မတများကို ရွေးချယ်ခဲ့ကြ ပြီးပါပြီ။ ဘယ်တုန်းကမှ လွှတ်တော်သတင်းတွေကို အခုလောက် စိတ်ဝင်တစား စောင့်ကြည့်ရိုး မရှိခဲ့ဘူးလို့ ယူဆရတဲ့ပြည်သူတွေဟာ ဒီတခါမှာတော့ စိတဝင်တစား စောင့်ကြည့်ခဲ့ကြပါတယ်။ အကြောင်းအမျိုးမျိုးကြောင့် မကြည့်လိုက်ရတဲ့ သူတွေဆိုရင်လည်း ကြည့်လိုက်ရတဲ့သူတွေ ပြန်ပြော ပြတာကို ဘေးကနေပြီး တအံ့တသြ အားတက်သရော နားထောင်ခဲ့ကြတာကိုလည်း တွေ့ခဲ့ကြရပါ တယ်။

ဒုသမ္မတများအဖြစ် သို့မဟုတ် နိုင်ငံတော် သမ္မတလောင်းများအဖြစ် ရွေးချယ်ခံကြရသူများက တော့ ဦးထင်ကျော်၊ ဦးဟင်နရီဗန်ထီးယူနဲ့ ဦးမြင့်ဆွေတို့ ဖြစ်ကြပါတယ်။ ဦးထင်ကျော်နဲ့ ဦးဟင်နရီ ဗန်ထီးယူက အမျိုးသားဒီမိုကရေစီ အဖွဲ့ချုပ်ကဖြစ်ပြီး လွှတ်တော်နှစ်ရပ်မှာ အကြိတ်အနယ် ယှဉ်ပြိုင် ပြီးမှ မဲအပြတ်အသတ်နဲ့ အနိုင်ရ အရွေးခံခဲ့ကြရပါတယ်။ ဦးမြင့်ဆွေကတော့ လွှတ်တော် တပ်မတော် အစုအဖွဲ့က ကန့်ကွက်မယ့်သူမရှိ အရွေးခံခဲ့ရတာပါ။

အခုလို ဒုသမ္မတများအဖြစ် အောင်မြင်စွာ ရွေးချယ်ပြီးကြတဲ့အခါ အရွေးချယ်ခံကြရတဲ့ ပုဂ္ဂိုလ် များဟာ တိုင်းပြည်တစ်ခုဖြစ်တဲ့ သဘောင်္တစ်စီးကို မာလိန်မှူးအဖြစ်နဲ့ ဦးဆောင်ပြီး ရွက်လွှင့်ကြရ တော့မယ့် သဘောဖြစ်လာပါတယ်။ ဒီတော့ကာ မိမိတို့ ပြည်သူများအနေနဲ့ ကိုယ်စီးရတဲ့သဘောင်္ သို့မဟုတ် ကိုယ့်နိုင်ငံရဲ့ အကြီးအကဲတွေအပေါ် စိတ်ဝင်စားလာကြရပါတယ်။

အကြီးအကဲ လုပ်ကြမယ့် ဒီပုဂ္ဂိုလ်များရဲ့ ပညာအရည်အချင်း၊ ဖြတ်သန်းမှု အတွေ့အကြုံ၊ ပြီးတော့ စိတ်နေသဘောထား။ ဒါတွေကို ကိုယ့်နည်းကိုယ့်ဟန်နဲ့ သိအောင်ကြိုးစားကြတာ ရှိသလို သိသူများက ပြန်လည်ပြောပြတာကိုလည်း မျှော်လင့်တကြီးနဲ့ နားထောင်ကြရပါတယ်။

ထုံးစံအတိုင်း ကိုယ့်တိုင်းပြည်ရဲ့ကံကြမ္မာကို ရှေ့ကနေ ဦးဆောင်ပြီး ဖန်တီးကြမယ့် ပုဂ္ဂိုလ်တွေ ကို စံပြပုဂ္ဂိုလ်များ ဖြစ်စေချင်ကြမှာကလည်း မလွဲပါဘူး။ ပညာရေးအပိုင်း လုပ်ရည်ကိုင်ရည်အပိုင်း ဖြတ်သန်းမှု သမိုင်းအပိုင်းနဲ့ စိတ်ထားသဘောထားအပိုင်းဆိုတဲ့ အသီးသီးသော အနေအထားတွေမှာ စံပြပုဂ္ဂိုလ်တွေ၊ အရည်အချင်းပြည့်ဝသူတွေ၊ တိုင်းသူပြည်သားတွေအပေါ် ရင်ဝယ်သားလို သဘော ထား ကြင်နာတတ်သူတွေ၊ တိုင်းပြည်နဲ့ ပတ်သက်လာရင် ကိုယ်ကျိုးစီးပွားမကြည့်ဘဲ အနစ်နာခံ ဆောင်ရွက်ချင်တဲ့ စိတ်ရှိသူတွေအဖြစ် မြင်ချင်ကြမှာကလည်း မငြင်းနိုင်ပါဘူး။

အခု ပေါ်ပေါက်လာတဲ့ တိုင်းပြည်ဦးဆောင်အသစ်တွေအပေါ် အကောင်းဘက်က မျှော်လင့်နေ ကြတာပဲ ဖြစ်ပါတယ်။ နောက်လာတဲ့မောင်ပုလဲ ဒိုင်းဝန်ထက်မကဲတဲ့ ပြည်သူကို ရိုးကျိုးစွာ အလုပ်အ ကျွေးပြုမယ့် မောင်ပုလဲ အသစ်တွေအဖြစ် မြင်ချင်ကြ ကြားချင်ကြမှာကလည်း မလွဲပါဘူး။

ပြီးတော့ ဒီကနေ့ ဒို့ကို ဦးဆောင်မယ့် ပုဂ္ဂိုလ်ဟာ အထက်ကပြောခဲ့တဲ့ အရည်အချင်းတွေရှိ နိုင်တဲ့ ပုဂ္ဂိုလ် ဟုတ်မှဟုတ်ရဲ့လားဆိုတဲ့ သံသယနဲ့ အဲဒီ ပုဂ္ဂိုလ်များရဲ့သမိုင်းကို ပြန်လည်တူးဖေါ် သိချင်နေကြမှာကလည်း မလွဲပြန်ပါဘူး။ သမိုင်းကောင်းမှ ဦးဆောင်မှုကောင်းတဲ့သူတွေ ဖြစ်လာမှာမို့ ပြည်သူတွေဟာ အခုရက်ပိုင်းအတောအတွင်း လွှတ်တော်တွင်း သတင်းတွေကို မလွတ်တန်း စောင့်ကြည့်နေကြတာပဲ ဖြစ်ပါတယ်။

သမိုင်းဆိုတာကတော့ ဖျောက်လို့ဖုံးလို့ရတာ မဟုတ်ပါဘူး။ ဥပမာ တချိန်တုန်းက ကြုံဖူးတာ လေးတချို့ ရှိပါတယ်။ ကမ္ဘာ့ကုလသမဂ္ဂ အဖွဲ့ကြီးရဲ့ အထွေထွေအတွင်းရေးမှူး ဖြစ်ခဲ့ဖူးတဲ့ ကွတ်ဝေါ ဟိန်းဟာ အတွင်းရေးမှူးချုပ်ရာထူးက အချိန်တန်လို့ ပြန်ဆင်းပေးထားသည့် အချိန်ကြကာမှ တချိန် တုန်းက ကမ္ဘာ့ပြည်သူတွေကို ဒုက္ခကောင်းကောင်း ပေးခဲ့တဲ့ နာဇီတွေနဲ့ ပါဝင်ပတ်သက်ခဲ့ဖူးသူ ဖြစ်တယ်ဆိုတဲ့ စွပ်စွဲမှု ခံခဲ့ရဖူးပါတယ်။ ဒါနဲ့ပတ်သက်ပြီး လက်ဆုပ်လက်ကိုင် မပြနိုင်သော်ငြားလည်း နာဇီတွေနဲ့ ပူးပေါင်း ဆောင်ရွက်ခဲ့ဖူးတယ်ဆိုတဲ့ သတင်းကြောင့် ကုလသမဂ္ဂနဲ့ ကာယကံရှင် ကွတ်ဝေါ ဟိန်းဟာ အတော်လေး ရှင်းလင်းကြရ သိက္ခာထိခိုက်ခဲ့ကြရပါတယ်။

တခါ စာပေနိုဗယ်လ်ဆုရှင် ဂျာမာန်ကဗျာဆရာကြီး ဂန်တာဂရပ်စ်ဆိုရင်လည်း တကမ္ဘာလုံးက လေးစားတဲ့ စာပေနိုဗယ်လ်ဆုအပါအ၀င် အခြားစာပေဆုတွေ အများကြီး ရထားပြီးနောက်ပိုင်း အိုကြီး အိုမဖြစ်ကာမှ သူငယ်စဉ်က နာဇီအာဏာရှင် ဟစ်တလာရဲ့ လူငယ့်လက်ရုံးတပ်ထဲ ပါဝင်ခဲ့ဖူးတယ် ဆိုတဲ့ သမိုင်းကြီးက ပေါ်လာတော့ သူလည်းပဲ နောက်ဆုံးမှာ ဝန်ခံတောင်းပန်ရတဲ့ကိန်း ဆိုက်ခဲ့ပါ တယ်။

ဒါကြောင့်မို့ နိုင်ငံကို ခေါင်းဆောင်ကြမယ့် မိမိတို့ရဲ့ခေါင်းဆောင်များအနေနဲ့ သမိုင်းကောင်း သူများ ဖြစ်ကြပါစေ၊ တိုင်းပြည်နဲ့ ပြည်သူလူထုအပေါ် အကြင်နာတရား ထားနိုင်ကြပါစေ၊ ကမ္ဘာကြီးနဲ့ ရင်ဘောင်တန်း ရပ်တည်နိုင်တဲ့ တကယ်ကြွယ်ဝချမ်းသာပြီး ပညာညာဏ်ကြီးမားတဲ့ နိုင်ငံတစ်ခု ဖြစ်လာအောင် ဦးဆောင်မှု ပေးနိုင်ကြပါစေကြောင်း ပြည်သူများကိုယ်စား မဇ္ဈိမက နှိုးဆော်လိုက် ပါရစေ။
Mizzima - News in Burmese

လူထုက အားပေးထောက်ခံတဲ့ပါတီ အနိုင်ရထားတာနဲ့အတူ မြန်မာပြည်သူတွေ အတွက် လက်ရှိအချိန်က ရင်အခုန်ရဆုံးအချိန် ဖြစ်နေပါပြီ။ အစိုးရအဖွဲ့ထဲ ဘယ်သူပါမယ် ၊ ဘယ်သူ သမ္မတဖြစ်လာနိုင်တယ် အစရှိတဲ့ ကိစ္စတွေကစလို့ အနိုင်ရပါတီ ဘာလုပ်လုပ် ပြည်သူတွေ က စိတ်ဝင်စားနေ တာကြောင့်လည်း ဖြစ်ပါတယ်။ ဖွဲ့စည်းမယ့် အစိုးရအဖွဲ့တွေရဲ့ အကောင်းအဆိုးပေါ် မူတည်ပြီး နိုင်ငံနဲ့ လူထုရဲ့ ကံကြမ္မာကိုလည်း ဆုံးဖြတ်တော့မှာကြောင့်လည်း လူထု အားပေးတဲ့ အနိုင်ရပါတီရဲ့ လှုပ်ရှားမှုတွေက ရင်ခုန်စိတ်လှုပ်ရှားစရာ ကောင်းလာနေပါတယ်။ လက်ရှိအချိန်မှာ စိတ်အ၀င်စားဆုံး ဖြစ်နေကြတာက ဒုသမ္မတလောင်းတွေရဲ့ သတင်းနဲ့အတူ ပြည်နယ်နဲ့ တိုင်းဒေသကြီး ၀န်ကြီးချုပ်တွေ ဘယ်သူဖြစ်မလဲဆိုတာကိုလည်း လူထုအနေနဲ့ စိတ်ဝင်စားကြတာ တွေ့ ရပါတယ်။

ပြည်နယ်နဲ့ တိုင်းဒေသကြီး ၀န်ကြီးချုပ်နေရာအားလုံးကို ဒီချုပ်ကပဲ ယူမလို သတင်းတွေလည်း ထွက်နေသလို အရေးပါတဲ့ ပြည်နယ်ဖြစ်တဲ့ ရခိုင်ပြည်နယ် အတွက်ကတော့ ဒီချုပ်က ပြည်နယ်လွှတ်တေ်ာ အမတ်ဖြစ်တဲ့ ရခိုင်လူမျိုး ဦးညီပုက တာဝန်ယူဖို့ လျာထားတယ်လို့ အန်အယ်လ်ဒီ ဗဟိုအလုပ်အမှုဆောင်ဖြစ်တဲ့ ဦးဝင်းထိန်က ပြောထားပါတယ်။ ရန်ကုန်အပါအ၀င် ကျန်တဲ့နေရာ တော်တော်များများမှာတော့ ဦးဖြိုးမင်းသိန်း၊ ဒေါ်နန်းခင်ထွေးမြင့် (ကရင်) စသူတို့ သတင်းတွေ ထွက်နေပြီး မတ်လ ပထမအပတ်က အစိုးရ ဖွဲ့စည်းရေးအတွက် အန်အယ်လ်ဒီ ထိပ်တန်းခေါင်းဆောင် နေပြည်တော်မှာရှိတဲ့ နှင်းဆီစံအိမ်မှာ အစည်းအဝေး လုပ်ခဲ့ရာမှာလည်း အဲဒီလူတွေ ပါဝင်ခဲ့ပါတယ်။ ရှမ်းပြည်နယ် အတွက်ကတော့ လားရှိုးက အန်အယ်လ်ဒီ ကိုယ်စားလှယ် ဒေါက်တာလင်းထွဋ်က ၀န်ကြီးချုပ်ဖြစ်ဖို့ အလားလာများတယ်လို့ ဆိုထားတဲ့အတွက် အဲဒီပြည်နယ်နဲ့ တိုင်းတွေ မှာ တပ်မတော် နောက်ခံနဲ့ လာသူတွေ ၀န်ကြီးချုပ်ဖြစ်ဖို့ အလားအလာ မှေးမှိန်သွားပြီဆိုတာ တွက်ဆလို့ရနေပါတယ်။

အဲဒီ သတင်းတွေ အရဆိုရင် ရှမ်းပြည်နယ် ၀န်ကြီးချုပ်အဖြစ် ဒုတိယ ဗိုလ်ချုပ်ကြီးဟောင်း အောင်သန်းထွဋ် မဖြစ်နိုင်တော့တာ သေချာသွားပါပြီ။ သူက ရွေးကောက်ပွဲ မတိုင်ခင်ကမှ တပ်မတော်ကနေ အနားယူ ရွေးကောက်ပွဲပြိုင်ခဲ့သူ ဖြစ်ပါတယ်။ တပ်တွေ အများကြီးရှိနေတဲ့ လောက်ကိုင်မဲဆန္ဒနယ်ကနေ ပြိုင်ခဲ့တာပါ။

ရှမ်းပြည်နယ်လို အကြီးမားဆုံး ၊ လူမျိုးစု လက်နက်ကိုင် အများဆုံး ၊ မျိုးနွယ်စုအများဆုံး ပြည်နယ်တစ်ခုမှာ နှစ်ပေါင်းများစွာအတွင်း ပထမဆုံးအကြိမ် အရပ်သားတစ်ယောက်ကနေ ၀န်ကြီးချုပ်ဖြစ်ဖို့ တာစူလာတာဟာ ဒေသခံတွေ အတွက် သတင်းကောင်းတစ်ပုဒ်ပါပဲ။ ဒါဟာ အင်မတန်မှ မင်္ဂလာရှိတဲ့ သတင်းပါ။ ရှမ်းပြည်နယ်ဟာ ပထ၀ီနိုင်ငံရေးအရရော မျိုးနွယ်စု တိုင်းရင်းသား လက်နက်ကိုင် ပြသ၁နာအရပါ တွက်ရင် တော်တော်လေး အရေးပါတဲ့ ပြည်နယ်တစ်ခု ဖြစ်နေလို့ပါပဲ။ ကြားထဲမှာ မူးယစ်ဆေးဝါးနဲ့ ဘိန်းစိုက်ပျိုးမှု ပြသ၁နာတွေ ကလည်း ရှိနေသလို ဂန်းစတားသဖွယ် ၊ စစ်ဘုရင်တွေ သဖွယ် ဖြစ်နေကြတဲ့ အမျိုးမျိုးသော ပြည်သူ့စစ်နဲ့ နယ်ခြားစောင့် ဆိုတာတွေ ကလည်း ရှိနေပါသေးတယ်။

လွတ်လပ်ရေးရပြီး ခေတ်ကာလတစ်လျှောက် ၁၉၅၂ ခုနစ် ပါလီမန် ဦးနုလက်ထက်မှာတင် ဦးနုနဲ့ ဦးနေ၀င်း လက်ဝါးချင်းရိုက်ပြီး ရှမ်းကို စစ်အုပ်ချုပ်ရေး စလုပ်ခဲ့ပါတယ်။ ဦးနုကို ဗမာခေါင်းဆောင်လို့ သုံနှုန်းရတာက အဲဒီတုန်းက နိုင်ငံကလည်း ဗမာဆိုတဲ့ အမည်နာမကိုသာ သုံးနှုန်းခဲ့တာဖြစ်ပြီး ဦးနု ကိုယ်တိုင်လည်း ပင်လုံစာချုပ်ရဲ့ အနှစ်သာရတွေကို သွေဖည်ကာ ဆောင်ရွက်မှုတွေ ရှိခဲ့တဲ့အတွက်ဖြစ်ပါတယ်။ ဦးနုလက်ထက်မှာ တိုင်းရင်းသားအချို့ သမ္မတ အလှည့်ကျစနစ်နဲ့ ဖြစ်လာတာ ၀န်ကြီးရာထူးအချို့ ရယူနိုင်တာရှိပေမယ့် ပင်လုံရဲ့ အနှစ်သာရကို အကောင်ထည် မဖော်နိုင်တဲ့ ၁၉၄၇ ခုနစ် အခြေခံဥပဒေကြောင့်ပဲ တိုင်းရင်းသားတွေ နဲ့ ဆက်ဆံရေး သိပ်ပြေလည်ခဲ့တာ မဟုတ်သလို ကရင်ဗမာ အဓိကရုဏ်းတွေ ၊ ကရင်ပြည်နယ်ရရှိရေး အတွက်ကနေ စတင်လို့ ကေအန်ဒီအိုတွေ ရဲ့ မြို့သိမ်းတိုက်ပွဲတွေ ကလည်း အဲဒီခေတ်ကာလမှာတင် ဖြစ်ခဲ့တာပါ။

ရှမ်းကိစ္စ ပြန်ဆက်ပါဦးမယ်။ ရှမ်းကို စစ်အုပ်ချုပ်ရေး လုပ်ခဲ့တဲ့ အချိန်ဟာ ကူမင်တန်ဝင်တဲ့ အကြောင်းပြချက်နဲ့ ဖြစ်ပါတယ်။ အဲဒီကာလမှာ ကူမင်တန်တွေ က ရှမ်းပြည်နယ် အရှေ့ခြမ်းမှာ အဓိကထား လှုပ်ရှားကြပေမယ့် ပင်လုံစာချုပ်အရ ပြည်နယ်တွေ ထဲမှာ အခွင့်အနည်းငယ် ပိုပေးထားတဲ့ ရှမ်းရဲ့ အခြေအနေကို ပြည်မအစိုးရအဖွဲ့က သိပ်ပြီး နားလည်ဟန် မတူပါဘူး။ တစ်ဖက်မှာလည်း စော်ဘွားတွေ က အခွင့်အာဏာ လျော့သွားတယ် ဆိုပေမယ့် မင်းမူနေတာမျိုးတွေ ရှိနေသေးတဲ့အတွက် ကြည့်မရတာလည်း ဖြစ်နိုင်ပါတယ်။ ဒါကြောင့်ပဲ လိုအပ်တဲ့ပမာဏထက် များစွာပိုပြီး ရှမ်းတစ်ပြည်နယ်လုံးကို စစ်အုပ်ချုပ်ရေး လုပ်ခဲ့ပါတယ်။ စစ်အုပ်ချုပ်ရေး ကာလတွေအတွင်း ရှမ်းပြည်နယ်အတွင်းမှာ တပ်မတော်က လူ့အခွင့်ရေးချိုးဖောက်မှုတွေ အများအပြားလုပ်ခဲ့သလို ပဒေသရာဇ်ကို ဆန့်ကျင်ပြီး ဗမာပြည်မနဲ့ပေါင်းကာ အင်္ဂလိပ်ဆီက တစ်ပြိုင်နက် လွတ်လပ်ရေး ယူမယ်ဆိုတဲ့ ရှမ်းပြည်သားတွေလည်း တုန်လှုပ်စရာ ကြုံခဲ့ရပါတယ်။

အဲဒီ စစ်အုပ်ချုပ်ရေး ကာလနောက်ပိုင်း ကူမင်တန်မရှိတော့တဲ့နောက်မှာ ရှမ်းပြည်နယ်အတွင်း ၀င်ရောက်ပြီး အလုံးအရင်းနဲ့ တပ်စွဲခဲ့တဲ့ စစ်တပ်တွေ အနေနဲ့ အနည်းငယ်လောက်သာ ပြည်မကို ပြန်တော့ပါတယ်။ အမြောက်အမြားကတော့ ရှမ်းပြည်နယ်ကနေ မပြန်တော့ပါဘူး။ ရှမ်းပြည်နယ်က ပြည်သူတွေ အပါအ၀င် မျိုးနွယ်စုခေါင်းဆောင်တွေ နဲ့ ပြည်မက အုပ်စိုးသူတွေ အကြား စိတ်ဝမ်းကွဲမှုတွေ က အဲဒီကတည်းက စခဲ့တယ်လို့ ဆိုနိုင်ပါတယ်။ ကူမင်တန်ကို သွားတိုက်တဲ့ ဗိုလ်မှူးချုပ်ကျော်ဇောတောင် အဲဒီစစ်အုပ်ချုပ်ရေးက အဓိပ္ပာယ် မရှိခဲ့ဘူးလို့ ပြောဖူးတာ မှတ်သားမိပါတယ်။

၁၉၆၂ အာဏာသိမ်းပြီး စော်ဘွားတွေ ကို ဖမ်းဆီးတော့ ရှမ်းမှာ သူပုန်အဖွဲ့ပေါင်း မြောက်မြားစွာ ဖြစ်လာပါတယ်။ အစဉ်အလာအရ စစ်သိပ်တိုက်တဲ့ အလေ့အထမရှိတဲ့ ရှမ်းလူမျိုးတွေတောင် SSA ရှမ်းပြည်တပ်မတော်ကို ဖွဲ့စည်းပါတယ်။ ကျန်တဲ့ ရှမ်းပြည်နယ် အတွင်းမှာနေတဲ့ တခြားမျိုးနွယ်စုတွေ ကလည်း လက်နက်ကိုင်တပ်ဖွဲ့တွေ ထူထောင်ပါတယ်။ ကချင်လွတ်မြောက်ရေးတပ်ဖွဲ့ ကေအိုင်အေလို့ လူသိများတဲ့ ကချင်အဖွဲ့ကလည်း ရှမ်းမြောက်က ကချင်လူမျိုးတွေ နေထိုင်ရာ ဒေသဘက်မှာ စတင်ဖွဲ့စည်းခဲ့တာပါပဲ။ ၁၉၆၇ တရုတ်ဗမာ အရေးအခင်းအပြီး ဗမာပြည်ကွန်မြူနစ်ပါတီက ရှမ်းပြည်နယ်ဘက်ကို ၀င်တော့ လက်နက်ကိုင်အဖွဲ့တွေ ပိုများလာတဲ့ သဘောတောင် ဆောင်လာပါတယ်။ စစ်အာဏာရှင် ဦးနေ၀င်းအနေနဲ့ ပြည်သူ့စစ်တွေမွေး ၊ ဖြတ်လေးဖြတ်နဲ့ နည်းလမ်းတွေ သုံး လူ့အခွင့်အရေးတွေ အဆက်မပြတ် ချိုးဖောက်ပြီး နှိမ်နှင်းဖို့ ကြိုးစားခဲ့ပေမယ့် မအောင်မြင်ခဲ့ပါဘူး။

စစ်အစိုးရ အဆက်ဆက်အနေနဲ့ တိုင်းရင်းသားတွေ အပေါ် တွက်ချက်မှု လွဲချော်တဲ့ ထုံးစံအတိုင်း ရှမ်းကိုလည်း တွက်ချက်မှု အမြဲတမ်းလွဲချော်ခဲ့ပါတယ်။ ဗကပ ပြိုရင် တိုင်းရင်းသား လက်နက်ကိုင် အားမကောင်းနိုင်တော့ဘူး ဆိုတဲ့ အယူအဆဟာ တက်တက်စင်အောင် လွဲပါတယ်။ ဗကပပြိုပြီးနောက် လက်ရှိအချိန်ဟာ တိုင်းရင်းသား လက်နက်ကိုင်တွေ အင်အားအကောင်းဆုံး အချိန်ဖြစ်လာနေတာပါ။ ဒီကြားထဲ မူးယစ်ဆေးဝါးကိစ္စတွေက ရှိပါသေးတယ်။ ဗကပပြိုကွဲပြီး ၂၅ နှစ်ကျော်ကာလကို ပြန်ကြည့်မယ်ဆိုရင်ပဲ အခုအချိန်ဟာ တိုင်းရင်းသား လက်နက်ကိုင်တွေ ရဲ့ အင်အားအကောင်းဆုံး အချိန်ရောက်လာနေသလို ပြသ၁နာတွေ က ပိုပြီးနက်နဲလာနေတာလည်း အမှန်ပါပဲ။ ရှမ်းမှာ လှုပ်ရှားနေတဲ့ အဓိက တိုင်းရင်းသား လက်နက်ကိုင်အဖွဲ့ ခုနစ်ဖွဲ့နဲ့ သူတို့ရဲ့ အင်အားတွက်မယ်ဆိုရင်ပဲ ရှမ်းတိုင်းရင်းသား လက်နက်ကိုင်အင်အား အနည်းဆုံး ခုနစ်သောင်းထက်မနည်း ရှိနေတာ၊ ရှိလာတာကို သတိပြုမိပါတယ်။ အမြဲတမ်း စစ်အင်အားကို ဆိုလိုတာဖြစ်ပြီး တိုက်ပွဲပြင်းထန်လာရင် ဒီထက်တောင် ချဲ့လို့ရတဲ့ အနေထားမှာ ရှိနေတာပါ။

သဘောကတော့ တစ်ခါမှ စစ်အုပ်ချုပ်ရေး ၊ တပ်မတော်နောက်ခံနဲ့ အုပ်ချုပ်ရေးက အလုပ်မဖြစ်ဘူး၊ အောင်မြင်မှုမရှိဘူး ဆိုတဲ့ သဘောပါ။ လက်ရှိအချိန်ထိလည်း တပ်မတော်ဘက်မှ ပြည်နယ်အစိုးရနဲ့ လက်နက်ကိုင်တွေ နဲ့ နီးလွန်းရင် ဆိုတဲ့ စိုးရိမ်မှုမျိုးရှိနေတာ အထင်းသား တွေ့ ရပါတယ်။ အခုအချိန်အထိလည်း ရှမ်းပြည်နယ်မှာ စစ်တိုင်းလေးတိုင်းနဲ့ တပ်မပေါင်းများစွာ နေရာယူထားရတာပါ။ ဒါလည်း တည်ငြိမ်မှု မရှိရုံမျှမက တပ်မတော်အပေါ် ဒေသခံ တိုင်းရင်းသားတွေ ရဲ့ မုန်းတီးမှုက ပိုမိုမြင့်မား လာနေပါသေးတယ်။ ဗိုလ်ချုပ်မှူးကြီးသန်းရွှေ တရုတ်ပြည်သွားတုန်းက ရှမ်းအရေးနဲ့ ပတ်သက်လို့ အမြဲတမ်း ခေါင်းခဲရတယ်ဆိုပြီး တရုတ်ဘက်ကို ပြောဆိုခဲ့တာ စာအုပ်တစ်အုပ်မှာ ဖတ်ဖူးပါတယ်။

ပြီးခဲ့တဲ့သမ္မတ ဦးသိန်းစိန်အစိုးရ လက်ထက်မှာ ပြန်ပေါ်လာခဲ့တဲ့ တအာင်းပလာင် အဖွဲ့တို့ ကိုးကန့် ပြသ၁နာတို့ ဆိုတာကလည်း ငြိမ်းချမ်းရေးနဲ့ ပတ်သက်လို့ တစ်ခါမှ နည်းမှန်လမ်းမှန် ဖြေရှင်းနိုင်မှု မရှိတာတွေ ကနေ ပြန်ပေါ်လာတဲ့ သဘောပါပဲ။ မူးယစ်လို တစ်ဖက်နဲ့တစ်ဖက် ပတ်သက်နိုင်တဲ့ ကိစ္စတွေလည်း ရှိနေပြီး ပထ၀ီနိုင်ငံရေးလို ကိစ္စရပ်တွေလည်း ရှိနေတာက ဒီကနေ့ ရှမ်းပြည်နယ်ရဲ့ အခြေနေပါ။

ဒီကနေ့ အနေအထားက “၀” လို ၊ မိုင်းလားလို အဖွဲ့တွေကလည်း ရှိလာတဲ့အတွက် အရင်ဗကပ ခေတ်ထက်တောင် ပိုပြီး လုပ်ရကိုင်ရ ခက်ပါလိမ့်ဦးမယ်။ သဘောက ဗကပခေတ်က ဗကပပြီးရင် တော်တေ်ာများများက ပြေလည်တဲ့အတွက် ဖြစ်ပါတယ်။ အခုအခြေအနေက အင်အားကောင်းတဲ့ အဖွဲ့တွေ အမြောက်မြားပေါ်လာသလို တရုတ်ရဲ့ မြန်မာ့ငြိမ်းချမ်းရေးနဲ့ တိုင်းရင်းသားအရေး မူဝါဒဆိုတာကလည်း ရှိလာတာကြောင့် ဖြစ်ပါတယ်။ တကယ်တော့ မြန်မာ့ငြိမ်းချမ်းရေးနဲ့ ပြည်တွင်းစစ်ရဲ့ အဖြေဟာ တန်းတူညီမျှမှုနဲ့ ဖက်ဒရယ်ပြည်ထောင်စုဆိုင်ရာ ပြသ၁နာပါ။ ရှမ်းပြည်နယ်ကို စစ်အုပ်ချုပ်ရေး ဒါမှမဟုတ် တပ်ဘက်က လာသူကပဲ ဆက်ပြီး အုပ်ချုပ်နေရင် ပြေလည်မယ့် အနေအထား မရှိတဲ့အပြင် အခန့်မသင့်ရင် ကျဆုံးတိုင်းပြည် Fail State ဖြစ်နိုင်တဲ့ အခြေအနေမှာပါ ရှိနေပါတယ်။

ရှမ်းပြည်နယ် ၀န်ကြီးချုပ်ရာထူးကို အကယ်၍ အန်အယ်လ်ဒီက ယူမယ်ဆိုရင်တောင် အန်အယ်လ်ဒီပါတီဝင် ရှမ်းတိုင်းရင်းသား ဖြစ်တာ အသင့်တော်ဆုံး ဖြစ်ပါလိမ့်မယ်။ လတ်တလောမှာပဲ ရှမ်းပြည်နယ်မှာ တပ်မတော်က တပ်တွေ အလုံးအရင်းနဲ့ နေရာဝင်ယူလာတာ သတိထားမိပါတယ်။ နောက်ဆက်တွဲ တိုက်ပွဲတွေ ဖြစ်လာမလား၊ ဘာတွေ ဆက်ဖြစ်ဦးမလဲဆိုတာ ဘယ်သူမှ မျှော်မှန်းမရနိုင်သလို ဒီလိုကိစ္စရပ်တွေ က အန်အယ်လ်ဒီ အစိုးရအတွက် စိန်ခေါ်မှုတွေ ဖြစ်လာဦးမှာပါ။ တပ်တွေ တိုးချဲ့နေတိုင်းတော့ မှန်ကန်တဲ့လုပ်ရပ် မဖြစ်နိုင်ပါဘူး။

အကောင်းဆုံးကတော့ အန်အယ်လ်ဒီရဲ့ မဟာမိတ် SNLD ရှမ်းတိုင်းရင်းသားများ ဒီမိုကရေစီအဖွဲ့ချုပ်ဘက်ကို စဉ်းစားပေးသင့်ပါတယ်။ လက်နက်ကိုင်အဖွဲ့ တော်တော်များများရဲ့ ယုံကြည်ကိုးစားမှုကို ရထားတဲ့ SNLD ပါတီဘက်ကို ပြည်နယ်ဝန်ကြီးချုပ်ရာထူး ပေးလိုက်ရင် နိုင်ငံလုံးဆိုင်ရာ အပစ်ခတ်ရပ်စဲရေးတို့ ငြိမ်းချမ်းရေး တည်ဆောက်မှုတို့မှာ ယုံကြည်မှု ပိုရလာနိုင်ပါတယ်။ တိုင်းရင်းသားတွေ နှစ်ပေါင်းများစွာ လက်နက်ကိုင် တော်လှန်ခဲ့တယ်ဆိုတာ မိမိကြမ္မာ မိမိဖန်တီးခွင့်ကြောင့်ပဲ မဟုတ်ပါလား။ အန်အယ်လ်ဒီဘက်က အုပ်ချုပ်လို့ တိုင်းရင်းသား ပြည်သူတွေ ကို အလေးပေး မယ်ဆိုရင်လည်း ပြသ၁နာတော့ မရှိနိုင်ပါဘူး။ ပြည်နယ်အခြေစိုက် တိုင်းရင်းသားတွေ နဲ့ လက်တွဲဆောင်ရွက်မယ်ဆိုရင် အောင်မြင်နိုင်စရာ ရှိပါတယ်။ သေချာတာကတော့ ရှမ်းပြည်နယ်မှာ ခေတ်အဆက်ဆက် စစ်အုပ်ချုပ်ရေးက အလုပ်မဖြစ်ခဲ့ဘူး ဆိုတာပါပဲ။

စိုင်းထွန်းအောင်လွင်

The Ladies News Journal

ဒုတိယသမ္မတသုံးဦး။ (၀ဲမှယာ - ဦးဟင်နရီ ဗန် ထီးယူ၊ ဦးထင်ကျော်၊  ဦးမြင့်ဆွေ) (ဓာတ်ပုံ - AP)
ဒုတိယသမ္မတသုံးဦး။ (၀ဲမှယာ - ဦးဟင်နရီ ဗန် ထီးယူ၊ ဦးထင်ကျော်၊ ဦးမြင့်ဆွေ) (ဓာတ်ပုံ - AP)

မတ်လ ၁၅ ရက် အင်္ဂါနေ့ ပြည်ထောင်စုလွှတ်တော်မှာ ရွေးချယ်တင်မြှောက်မယ့် သမ္မတ ရာထူးနေရာ အတွက် အမတ်နေရာ အများစု အနိုင်ရထားတဲ့ အမျိုးသား ဒီမိုကရေစီ အဖွဲ့ချုပ်ဘက်က တင်မြှောက်ထားတဲ့ ဒုသမ္မတတွေထဲကပဲ ရမယ်လို့ NLD ပါတီဘက်က အခိုင်အမာယုံကြည်တဲ့ အကြောင်း NLD ပါတီရဲ့ နိုင်ငံအသွင်ကူးပြောင်းရေးလုပ်ငန်းစဉ်များဆိုင်ရာ ပြောခွင့်ရက VOA ကို ပြောဆိုလိုက်ပါတယ်။ မနက်ဖြန် တနင်္လာနေ့မှာ ကျင်းပမယ့် ပြည်ထောင်စုလွှတ်တော်အစည်းအဝေးမှာလည်း သမ္မတလောင်းရွေးချယ်မှုတွေနဲ့ပတ်သက်ပြီး ဆွေးနွေးနိုင်ခြေရှိပါတယ်။ အပြည့်အစုံကို မဆုမွန်က ဆက်သွယ်မေးမြန်းတင်ပြထားပါတယ်။

တနင်္လာနေ့ မနက်ပိုင်းမှာတော့ ပြည်သူ့လွှတ်တော်နဲ့ အမျိုးသားလွှတ်တော် ပုံမှန်အစည်းအဝေးတွေ ကျင်းပမှာမဟုတ်ပေမဲ့လို့ မွန်းလွဲပိုင်း တစ်နာရီမှာတော့ ပြည်ထောင်စုလွှတ်တော်အစည်းအဝေးကျင်းပမှာဖြစ်ပါတယ်။ အဲ့ဒီ့ကျရင်တော့ သမ္မတလောင်း စိစစ်ရွေးချယ်မှုဆိုင်ရာ လုပ်ငန်းစဉ်နဲ့ ပတ်သက်ပြီး ရလာဒ်တွေကို ဆွေးနွေးနိုင်ခြေရှိပါတယ်။

လက်ရှိ ပြည်သူ့လွှတ်တော်၊ အမျိုးသားလွှတ်တော်နဲ့ တပ်မတော်သား ကိုယ်စားလှယ်တွေဘက်က ရွေးချယ်တင်မြှောက်လိုက်တဲ့ ဒုသမ္မတသုံးဦးအနက် သမ္မတရာထူးနေရာအတွက် ပြည်ထောင်စုလွှတ်တော်မှာ မဲခွဲဆုံးဖြတ်ပြီး ရွေးချယ်မှုမှာအမတ်အများစုနေရာရရှိထားတဲ့ အနိုင်ရပါတီ NLD အမျိုးသားဒီမိုကရေစီ အဖွဲ့ချုပ်ဘက်က သမ္မတရာထူး ရရှိနိုင်မယ်လို့ ဘာကြောင့် ယုံကြည်ချက်ရှိပါသလဲ ဆိုတာကို နိုင်ငံအသွင်ကူးပြောင်းရေး လုပ်ငန်းစဉ်များဆိုင်ရာ ပြောခွင့်ရ NLD ပါတီက ဒေါက်တာဇော်မြင့်မောင် ဆက်သွယ်မေးမြန်းတဲ့အခါ သူက အခုလို ရှင်းပြပါတယ်။

"ကျနော်တို့က ပြည်သူ့လွှတ်တော်မှာ ၂၅၅ ယောက်ရှိတယ်လေ။ အမျိုးသားလွှတ်တော်မှာ ၁၃၅ အားလုံးပေါင်း ၃၉၀ နော်။ လွှတ်တော်ကိုယ်စားလှယ်ပေါင်းက လောလောဆယ် ၆၇၅ ဦးရှိတဲ့အတွက်ကြောင့် ကျနော်တို့ ၃၉၀ နဲ့ manipulate လုပ်လို့ရပါတယ်။ သမ္မတက ကျနော်တို့ ယူမှာပါ။"

မဆုမွန်။ ။ ဟုတ်ကဲ့ပါဆရာ ။ ဒုသမ္မတ ၁ ရွေးချယ်မှုနဲ့ ပတ်သက်ပြီးတော့ရော ဆရာ။

ဒေါက်တာဇော်မြင့်မောင်။ ။ ကျနော်တို့ သမ္မတ ယူမှာပြောလိုက်တော့ မဟုတ်လည်း ဒု သမ္မတကတော့ ၁ နဲ့ ၂ နဲ့ ပဲ ရှိတာ မဟုတ်ဘူးလား။ ဒုသမ္မတ က မဲ ဒုတိယ အများဆုံးရတဲ့သူက ဒုသမ္မတ ၁ ဖြစ်မယ်လေ ။ မဲအနည်းဆုံးရတဲ့လူက ဒုသမ္မတ ၂ ဖြစ်မယ်။ ကျနော်တို့ သမ္မတ ရအောင်ယူပါမယ် ။ဒါကနော်တို့ manipulate လုပ်ယူလို့ရတဲ့ ကျနော်တို့ရဲ့ ပိုင်ကွက်ထဲမှာ ရှိနေတယ်။ ကျနော်တို့မဲပေးလို့ လုပ်လို့ရတယ်လေ။ ကျနော်တို့ သမ္မတရအောင်ယူမယ်ဆိုတော့ ဒုသမ္မတ ၁ တွေ ၂ တွေ မပြောတော့ဘူးလေ။ NLD ရဲ့ စီမံခန့်ခွဲမှုအပိုင်းထဲမှာရှိနေတာလေ။ ဒါတွေအသေးစိတ်ပြောလို့မရဘူးလေ။ ကျနော်တို့ manipulate လုပ်ယူလို့ရတဲ့ ကိုယ်စားလှယ်ကို ကျနော်တို့ ရထားတယ်။ ကျနော်တို့ ၃၉၀ က total ၆၇၅ မှာ။

မဆုမွန်။ ။ ဆရာနောက်ဆုံး ပြည်သူတွေကို ဆရာ့အနေနဲ့ ဘယ်လိုများ message ပေးချင်ပါသလဲ။

ဒေါက်တာဇော်မြင့်မောင်။ ။ ကျနော်ကျေးဇူးတင်ပါတယ်။ ဘာဖြစ်လို့လဲဆိုတော့ အခု ပြည်သူတွေဟာ ဒေါ်အောင်ဆန်းစုကြည် ရွေးလိုက်တဲ့ ကိုယ်စားလှယ် ဦးထင်ကျော်ရော ၊ ဦးဟင်နရီ ဗန်ထီးယူ အပေါ်မှာရော၊ ကျနော်တို့လည်း ဒါကို လေ့လာနေတာပါ။ လူထုရဲ့ တုန့်ပြန်မှုလုံးဝ ကောင်းပါတယ်။ ကျနော်တို့ ကြားရသမျှ ကျနော်တို့ကို congratulate လုပ်တဲ့ သူတွေ၊ လူထုကတော့ ဒေါ်အောင်ဆန်းစုကြည်ရဲ့ စကားကို တသွမသိမ်းလိုက်နာတယ်။ ဒေါ်အောင်ဆန်းစုကြည် တင်လိုက်တဲ့အပေါ်မှာလည်း နားလည်မှုရှိတယ်။ အဲဒီတော့ လူထုကို ကျနော်က ကျေးဇူးတင်တယ်လို့ပြောချင်ပါတယ်။ နောက်ပြီးတော့ ဆက်ပြီး အမျိုးသားဒီမိုကရေစီအဖွဲ့ချုပ် အောက်မှာ၊ ဒေါ်အောင်ဆန်းစုကြည်ရဲ့ ဦးဆောင်မှုအောက်မှာ ၀ိုင်းဝန်းပြီးတော့ လုပ်ကြဖို့ ကျနော်က မေတ္တာရပ်ခံတယ်လို့ ပြောပေးပါခင်ဗျာ။

NLDပါတီရဲ့ နိုင်ငံအသွင်ကူးပြောင်းရေးလုပ်ငန်းစဉ်များဆိုင်ရာ ပြောခွင့်ရ လည်းဖြစ် မန္တလေးတိုင်းဒေသကြီး လွှတ်တော်ကိုယ်စားလှယ်လည်းဖြစ်တဲ့ ဒေါက်တာဇော်မြင့်မောင် ပါ။

ပြည်ထောင်စုလွှတ်တော်မှာ ရွေးချယ်တော့မယ့် ပြည်သူ့လွှတ်တော်၊ အမျိုးသား လွှတ်တော်နဲ့ တပ်မတော် က ရွေးချယ် တင်မြှောက်လိုက်တဲ့ ဒု သမ္မတတွေရဲ့ ကိုယ်ရေးရာဇဝင်အချက်တွေကို အများပြည်သူ သိရှိနိုင်အောင်လို့ နိုင်ငံပိုင်သတင်းစာတွေက တဆင့် ထုတ်ပြန်ထားသလို အခုလက်ရှိ ရွေးချယ်တင်မြှောက်ခံ ဒုသမ္မတ သုံးဦးဖြစ်တဲ့ ပြည်သူ့လွှတ်တော်က တင်မြှောက်လိုက်တဲ့ ဦးထင်ကျော်၊ အမျိုးသားလွှတ်တော်က တင်မြှောက်လိုက်တဲ့ ဦးဟင်နရီဗန်ထီးယူနဲ့ တပ်မတော်သားကိုယ်စားလှယ်တွေက ရွေးချယ်လိုက်တဲ့ ရန်ကုန်တိုင်းဝန်ကြီးချုပ် ဒုတိယဗိုလ်ချုပ်ကြီးဟောင်းဦးမြင့်ဆွေတို့ သုံးဦးကို သမ္မတအရည်အချင်းစိစစ်ရေးအဖွဲ့က စိစစ်နေပြီဖြစ်ပါတယ်။

နိုင်ငံတော်သမ္မတ အရည်အချင်းနဲ့ ပြည့်စုံမှု ရှိ-မရှိ စိစစ်ရေး အဖွဲ့မှာ ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်း၊ ပြည်သူ့လွှတ်တော် ဒုဥက္ကဋ္ဌ ဦးတီခွန်မြတ်၊ အမျိုးသားလွှတ်တော် ဒုဥက္ကဋ္ဌ ဦးအေးသာအောင်၊ NLD ပြည်သူ့လွှတ်တော်အမတ် ဒေါက်တာမျိုးအောင်၊ NLD အမျိုးသားလွှတ်တော်အမတ် ဦးဘမျိုးသိန်းနဲ့ တပ်မတော်သား လွှတ်တော်ကိုယ်စားလှယ် ဗိုလ်ချုပ်သန်းစိုးတို့ ပါဝင်ပါတယ်။

မဆုမွန်/VOA
http://burmese.voanews.com/content/nld-believe-to-get-the-president-seat-for-their-two-representatives-/3233794.html


၂၀၀၈ ဖွဲ့စည်းပုံအခြေခံဥပဒေအရ ၂၀၁၀ တွင် အသက်ဝင်လာသော မြန်မာနိုင်ငံ၏ လွှတ်တော်အသီးသီးတွင် ရွေးကောက်ခံမဟုတ်သော တပ်မတော်သားကိုယ်စားလှယ် ၂၅ ရာခိုင်နှုန်း အလိုအလျောက်ပါဝင်လာသည့် အချိန်မှစ၍ အစိတ်သားဆိုသော အခေါ်အဝေါ်နိုင်ငံရေးနယ်ပယ်ထဲသို့ စတင်ဝင်ရောက်လာသည်။ အစိတ်သား ဆိုသည်မှာ ဈေးရောင်းဈေးဝယ်တွင်သာခေါ်ဝေါ်ကြသော မြန်မာ့ရိုးရာအခြင်အတွယ်ဖြစ်သည်။ တပိဿာတွင် ကျပ် ၁၀၀ သားရှိသဖြင့် လေးပုံတပုံသော ၂၅ ကျပ်သားကို အစိတ်သား (တပိဿာ၏လေးပုံတပုံ)ဟု အမှတ် သညာပြုကာ ခေါ်ဝေါ် ခြင်းဖြစ်သည်။ ယခင်က မြန်မာနိုင်ငံတွင် ငွေအကြွေစေ့များအသုံးပြုသည့် ခေတ်အခါက ငွေတကျပ်တွင် ပြား ၁၀၀ ရှိသည်။ တကျပ်၏လေးပုံတပုံ ၂၅ ပြားကို တမတ်ဟုခေါ်၏။ ထို့ကြောင့် မတ်စေ့ဟူ သည်မှာ ၂၅ ပြား စေ့၊ တမတ်သားဆိုသည်မှာ လေးပုံတပုံဟု နားလည်ကြသည်။ အစိတ်သားကိုတော့ ဈေး သည်လောကတွင် ပိုသုံးကြသည်။ လေးပုံတပုံဟူသည့် သဘောပင်ဖြစ်သည်။ ၂၅ ရာခိုင်နှုန်းကိုပင် ပြောသည်။

အဆိပ်သားဆိုရာတွင် အဓိပ္ပာယ်ပြောင်းသွားသည်။ အဆိပ် (Poison)ဆိုသည်မှာ လူသတ်လက်နက်၊ သတ္တ၀ါ များကို သတ်ဖြတ်သည့်ကိရိယာဖြစ်ပြီး ယေဘုယျအားဖြင့် မကောင်းသောအနက်ကိုဆောင်သည်။ အဆိပ်ဆို သည်နှင့် သူတပါးကို ကောင်းကျိုးမပေးသည့်ကြားခံပစ္စည်းဟု မြင်လေ့ရှိသည်။ မြန်မာရာဇ၀င်တွင်လည်း နန်းလု ချင်သောအခါ (သို့မဟုတ်)လက်စားချေချင်သောအခါ အဆိပ်ဖြင့် လုပ်ကြံသတ်ဖြတ်ခြင်းများ မရေတွက်နိုင် အောင်ရှိခဲ့ဖူးသည်။ ပုဂံခေတ်က မိဖုရားစောလုံသည် နရသီဟပတေ့မင်း စားတော်ခေါ်မည့်စားတော်ပွဲတွင် အဆိပ်ထည့်၍ ဆက်ကပ်ခဲ့ဖူးသည်။ သို့သော် မင်းကြီးသိသွားသဖြင့် လုပ်ကြံမှုမအောင်မြင်ဘဲ မိဖုရားစောလုံ ကွပ်မျက်ခံရသည်။ ထိုဘုရင် နရသီဟပတေ့မင်းပင် တရုတ်တို့ရန်မှထွက်ပြေးတိမ်းရှောင်ရင်း ပြည်မြို့သို့ရောက် ရာ သားတော်ပြည်မြို့စားက အဆိပ်နဲ့ဓား ကြိုက်ရာရွေးဟု အနိုင်အထက်ပြုမူသောကြောင့် အဆိပ်ခတ်ထား သော ထမင်းဟင်းများကိုစားကာ နတ်ရွာစံကံတော်ကုန်တော်မူပေသည်။ အင်းဝခေတ်ကလည်း ဘုရင်မ ရှင်စောပုသည် အင်းဝမှ အတူထွက်ပြေးလာခဲ့သော မွန်ရဟန်းတော်နှစ်ပါးဖြစ်သည့် အရှင်ဓမ္မဓရနှင့် အရှင်ဓမ္မ ဥာဏတို့ကို လူဝတ်လဲစေကာ အသီးသီးမြှောက်စားထားတော်မူသော် ဦးဓမ္မဓရ(နောင်တွင် ဓမ္မစေတီမင်းဖြစ် မည့်သူ) က ငယ်သူငယ်ချင်းရဟန်းပြုဖက် ဓမ္မဥာဏကိုယ်တော်လူထွက်ကို အဆိပ်ဖြင့် လုပ်ကြံသတ်ဖြတ်ခဲ့၏။ ထို့အပြင် ဓမ္မစေတီမင်းအလောင်းဖြစ်သော ရဟန်းလူထွက်ကြီးသည် နန်းညွန့်နန်းလျာဖြစ်သော ဘုရင်မ ရှင်စောပု၏သမက်တော် ပုသိမ်စားဗညားအိမ်ကို ရှင်စောပုနှင့်ပေါင်း၍ အဆိပ်ခတ်လုပ်ကြံရုံမက ဗညားအိမ်၏ ကြင်ယာတော် ၀ိဟာရဒေ၀ီကိုပင် သိမ်းပိုက်လေသည်။ ဤသို့ဖြင့် မြန်မာ့ရာဇ၀င်တွင် အဆိပ်မှာ မကောင်းသော နေရာမှ ပါဝင်အသုံးတော်ခံခဲ့လေသည်။ မျက်မှောက်ခေတ်တွင်ပင် မိမိကိုယ်ကိုယ်အဆုံးစီရင်ရာ၌ အင်ဒလင်း စသော အဆိပ်များကိုသောက်သုံး၍ ကိုယ့်ကိုယ်ကိုယ် သတ်သေတတ်ကြ၏။ ရွှေတူးရာတွင်သုံးသော အဆိပ် သည် အလွန်ပြင်းထန်သဖြင့် သဘာဝပတ်ဝန်းကျင်ထိန်းသိမ်းရေးသမားများက ကန့်ကွက်နေကြသည်။ တိရစ္ဆာန်များကိုသတ်ရာတွင်လည်း အဆိပ်ကို သုံးကြသေးသည်။ အဆိပ်ခတ်ထားသော အသားကို အဆိပ် သားဟုပင် ခေါ်ရပေမည်။ ထို့ကြောင့် အဆိပ်သားသည် မကောင်းသောသဘော၊ ရန်လိုသည့်သဘော၊ သူတပါးအား အကောက်ကြံသည့်သဘောတို့ဖြင့် ပြည့်နှက်ဘိ၏။

ဤသို့လျှင် အစိတ်သားနှင့်အဆိပ်သားသည် အဓိပ္ပာယ်ကွဲပြားပေ၏။ အသံထွက်ကတော့ ခပ်ဆင်ဆင်ဖြစ် သည်။ စလုံးနှင့် ဆလိမ်သာ ကွာခြားပေ၏။ အသံအဖိအဖော့တော့ ကွာခြားပေသည်။ မြန်မာ့နိုင်ငံရေးတွင် လွှတ်တော်နှစ်ရပ်ရှိရာ တခုကို ပြည်သူ့လွှတ်တော်ဟုခေါ်၏။ နောက်တခုကို အမျိုးသားလွှတ်တော်ဟုခေါ်၏။ ပြည်သူ့လွှတ်တော်တွင် ရွေးကောက်ခံပြည်သူ့ကိုယ်စားလှယ်အမတ်ဦးရေ ၃၃၀ ထက်မပိုသော ကိုယ်စားလှယ် များဖြင့် ဖွဲ့စည်းထား၏။ ရှိရမည့် လူဦးရေပေါင်းကို ၄၄၀ ဟု သတ်မှတ်ထားပြီး ထို ၄၄၀ ၏ လေးပုံတပုံ (သို့မဟုတ်) ၄၄၀ ၏ ၂၅ ရာခိုင်နှုန်း(၀ါ) ၄၄၀ ၏ အစိတ်သားမှာ လူ ၁၁၀ ရှိမည်ဖြစ်သည်။ ထိုအစိတ်သား ၁၁၀ သည် ရွေးကောက်ပွဲဝင်စရာမလို တပ်မတော်ကာကွယ်ရေးဦးစီးချုပ်မှ တိုက်ရိုက်ခန့်အပ်စေလွှတ်သည်။

ထို့အတူပင် အမျိုးသားလွှတ်တော်သည် အများဆုံးလူဦးရေ ၂၂၄ ဦးဖြင့် ဖွဲ့စည်းထားသည်ဖြစ်ရာ ၂၂၄ ဦး၏ လေးပုံတပုံ (သို့မဟုတ်) ၂၂၄ ဦး၏ ၂၅ ရာခိုင်နှုန်း(၀ါ) ၂၂၄ ဦး၏ အစိတ်သားမှာ လူ ၅၆ ဦးရှိမည် ဖြစ်သည်။ ပြည်သူ့လွှတ်တော်နှင့် အမျိုးသားလွှတ်တော် နှစ်ခုပေါင်းကို ပြည်ထောင်စုလွှတ်တော်ဟုခေါ်ခြင်းဖြစ်ရာ ပြည် ထောင်စုလွှတ်တော်တွင် ဖွဲ့စည်းပုံအပြည့်ဆိုလျှင် လူပေါင်း ၆၆၄ ဦး ပါဝင်မည်ဖြစ်သည်။
ရွေးကောက်ပွဲမလုပ်နိုင်သဖြင့် ငါးနေရာမှဆယ်နေရာအထိ ပြည်သူ့ကိုယ်စားလှယ်များကတော့ အမြဲလစ်လပ်နေ မည်ဖြစ်သည်။ သို့သော် တပ်မတော်သားကိုယ်စားလှယ်များကတော့ သူတို့၏ ခွဲတမ်းအစိတ်သားကို တင်းပြည့် ကျပ်ပြည့်ယူလေ့ရှိသဖြင့် ပြည်ထောင်စုလွှတ်တော်တွင် ၆၆၄ ဦးနှုန်းအပြည့်၏ ၂၅ ရာခိုင်နှုန်း ၁၆၆ ဦးကတော့ ပြည်ထောင်စုလွှတ်တော်သို့ စေလွှတ်ကြမည်ဖြစ်ပေသည်။

ထို့ကြောင့် ပြည်ထောင်စုလွှတ်တော်တွင် အစိတ်သား ၁၆၆ဦး ကတော့ အင်အားအပြည့်နှင့် ရောက်နေရှိနေ မည်ဖြစ်သည်။ ထို့ကြောင့် လွှတ်တော်နှစ်ရပ်ပေါင်း၏ ၂၅ ရာခိုင်နှုန်းဟုပြောလျှင် တပ်မတော်သား ကိုယ်စား လှယ် ၁၆၆ ယောက်ကို ဆိုလိုခြင်းဖြစ်သည်။ ထို ၁၆၆ ယောက်၏ တာဝန်နှင့်လုပ်ပိုင်ခွင့်များမှာ ဘာတွေဖြစ် သည်။ သူတို့ ဘာတွေလုပ်နိုင်သည်၊ ဘာတွေမလုပ်နိုင်ဘူးဆိုတာသိထားလျှင် ကောင်းမည်ဖြစ်သည်။

လွှတ်တော်အတွင်းသို့ရောက်ရှိနေသော တပ်မတော်သားကိုယ်စားလှယ် ၂၅ ရာခိုင်နှုန်း၏တာဝန်မှာ ရွေးကောက်ခံလွှတ်တော်အမတ်များနှင့် အတူတူပင်ဖြစ်သည်။ သူတို့တွင် ဥပဒေပြုခွင့်အာဏာရှိသည် (ဥပဒေ ကြမ်းတရပ်ကို လွှတ်တော်သို့ တင်သွင်းနိုင်သည်)၊ လွှတ်တော်တွင် မေးခွန်းများ မေးမြန်းနိုင်သည်။ လွှတ်တော် တွင် အဆိုများတင်သွင်းနိုင်သည်၊ သူများတင်သွင်းသော ဥပဒေကြမ်း၊ မေးခွန်းနှင့်အဆိုများကို ထောက်ခံခြင်း၊ ကန့်ကွက်ခြင်း၊ ဆွေးနွေးခြင်း၊ ကြားနေခြင်း၊ မဲပေးခြင်း စသည်များကိုလုပ်နိုင်သည်။ လွှတ်တော်ဥက္ကဋ္ဌမှ တာဝန် ပေးပါက ရေးရာကော်မတီများတွင် ပါဝင်ဆောင်ရွက်ခွင့်ရှိသည်။ ဒါဆိုလျှင် ရွေးကောက်ခံအမတ်တွေနဲ့ အားလုံး အတူတူပဲဟုတော့ ပြော၍မရပေ။ အဓိကကွာခြားချက်မှာ ရွေးကောက်ခံအမတ်များကို အလုပ်ခန့်လိုက်သူ Boss မှာ မဲဆန္ဒရှင်ပြည်သူ လူထုဖြစ်ပြီး ၂၅ ရာခိုင်နှုန်းသော တပ်မတော်သားကိုယ်စားလှယ်များကို လွှတ်တော်ထဲသို့ ပို့လိုက်သူ Boss မှာ တပ်မတော်ကာကွယ်ရေးဦးစီးချုပ် ဖြစ်နေခြင်းက အဓိကကွာခြားချက်ဖြစ်သည်။ အင်္ဂလိပ် စကားပုံတွင် He who pays the piper call the tune ဟူသော စကားပုံရှိ၏။ ဆိုလိုရင်းမှာ ငွေပေးသော အလုပ်ရှင် အလိုကျ၊ သူနားထောင်ချင်သော တေးဂီတသံစဉ်ကို ပလွေသမားက မှုတ်ပြရပေမည် (အလုပ်ရှင် အလိုကျ အလုပ်သမားကလုပ်ပြရမည်)ဟူသည့် သဘောဖြစ်သည်။ လွှတ်တော်ထဲသို့ တပ်မတော်သား ကိုယ် စားလှယ်များရောက်လာခြင်းမှာ ပြည်သူလူထုက မဲပေးရွေးချယ်လိုက်သောကြောင့်မဟုတ်၊ တပ်ချုပ်က ရွေးချယ်ခန့်ထားစေလွှတ်လိုက်သောကြောင့်သာဖြစ်သည်။ ထိုတပ်မတော်သား လွှတ်တော်ကိုယ်စားလှယ်များ သည်လည်း မဲဆန္ဒရှင်ပြည်သူလူထုအား သူတို့လွှတ်တော်ထဲသို့ရောက်လျှင် ဘာတွေတော့လုပ်ပါ့မည်၊ ဘာတွေ တော့မလုပ်ပါဟုလည်း ကတိစကားပေးထားခြင်းမရှိပေ။ ထို့ကြောင့် သူတို့သည် တပ်မတော်ကာကွယ်ရေးဦးစီး ချုပ်ကိုသာ သစ္စာခံကာ တပ်ချုပ်၏သဘောထား ညွှန်ကြားချက်အတိုင်းသာ အလုပ်လုပ်မည်ဖြစ်သည်။ ဤအချက်သည် ရွေးကောက်ခံကိုယ်စားလှယ်များနှင့် အဓိကခြားနားချက် ဖြစ်သည်။တပ်ချုပ်က ဘာတွေညွှန် ကြားလိုက်သည်ဆိုတာလဲ ပြည်သူလူထုက သိနိုင်ခွင့်မရှိချေ။ အမှန်စင်စစ် ထို ၁၆၆ ဦးသော တပ်ကိုယ်စား လှယ်များမှာ တပ်ချုပ်၏ ကိုယ်စားလှယ်များသာဖြစ်သည်။ ၁၆၆ မဲကိုကိုင်ကာ တပ်ချုပ်တယောက်တည်း ပြည်ထောင်စုလွှတ်တော်မှာ လာထိုင်နေလျှင်ပင် ကိစ္စပြတ်နိုင်ပေ၏။ သို့မဟုတ် အားလုံးကိုယ်စားကိုယ်စား လှယ်တယောက်လာလျှင်ပင် ကိစ္စပြီးနိုင်၏။

၂၀၀၈ ဖွဲ့စည်းပုံအခြေခံဥပဒေအရ ထိုတပ်မတော်သားလွှတ်တော်ကိုယ်စားလှယ် ၁၆၆ ဦး၏ သဘောတူညီ ချက်ထောက်ခံမဲမပါဘဲ ဆောင်ရွက်နိုင်သော ဥပဒေပုဒ်မများနှင့် ထို ၁၆၆ ဦး၏ သဘောတူထောက်ခံချက်မပါ ဘဲ ဆောင်ရွက်ခွင့်မရှိသော ပုဒ်မများဟူ၍ နှစ်ပိုင်းပိုင်းနိုင်၏။ ထို ၁၆၆ ဦး သဘောတူမှအတည်ဖြစ်လာနိုင်သော ဥပဒေများမှာ ဖွဲ့စည်းပုံအခြေခံဥပဒေကိုပြင်ဆင်ရန် ကြိုးစားသောပုဒ်မအားလုံးဖြစ်သည်။ အချို့ပုဒ်မများမှာ လွှတ်တော်မှ ၇၅ ရာခိုင်နှုန်းကျော် သဘောတူရုံနှင့်မပြီး ပြည်လုံးကျွတ်ဆန္ဒခံယူပွဲပင် ကျင်းပရပေဦးမည်။ သို့သော် တပ်မတော်သား ၁၆၆ ယောက်သဘောတူသည်ဖြစ်စေ၊ သဘောမတူသည်ဖြစ်စေ အခြား ရွေးကောက်ခံအမတ်အများစု သဘောတူညီချက် ၅၀ ရာခိုင်နှုန်းကျော်ဖြင့် ဆောင်ရွက်နိုင်သော ကိစ္စများလည်း များစွာရှိ၏။ ဖွဲ့စည်းပုံအခြေခံဥပဒေပြင်ဆင်ခြင်းမှလွဲ၍ အခြားပြဋ္ဌာန်းမည့် ဥပဒေဟူသမျှသည် ပြည်ထောင်စု လွှတ်တော်တွင် ၅၀ ရာခိုင်နှုန်းကျော်ကထောက်ခံလျှင် အတည်ဖြစ်ပေသည်။ ထိုသို့ ပြုကျင့်နိုင်ကြောင်းကို ၂၀၀၈ ဖွဲ့စည်းပုံအခြေခံဥပဒေပုဒ်မ ၈၆(က)တွင် ပြည်ထောင်စုလွှတ်တော်တွင် အဆုံးအဖြတ်ပြုရမည့် အကြောင်းအရာတရပ်နှင့်စပ်လျဉ်း၍ မဲခွဲဆုံးဖြတ်ရာ၌ ဖွဲ့စည်းပုံအခြေခံဥပဒေတွင် အခြားနည်းပြဋ္ဌာန်းထား ခြင်းမရှိလျှင် အစည်းအဝေးသို့တက်ရောက်၍ ဆန္ဒမဲပေးသည့်ပြည်ထောင်စုလွှတ်တော်ကိုယ်စားလှယ်များ၏ များရာဆန္ဒမဲဖြင့် ဆုံးဖြတ်ရမည် အတိအလင်းပြဋ္ဌာန်းထားပေ၏။ ထို့ကြောင့် ရှင်းအောင်ပြောရလျှင် ဖွဲ့စည်းပုံ အခြေခံဥပဒေ စာအုပ်ကြီးထဲတွင်ရေးသားထားသော ပုဒ်မပေါင်း ၄၅၇ ခုနှင့် ဇယား ငါးခုမှလွဲလျှင် ကျန်အသစ် ပြဋ္ဌာန်းမည့် ဥပဒေမှန်သမျှ၊ အသစ်ပြဋ္ဌာန်းမည့် အဆိုမှန်သမျှကို လွှတ်တော်တွင် ထက်ဝက်ကျော်ဆန္ဒမဲဖြင့် ဆောင်ရွက်နိုင် ၏။ ဆိုလိုသည်မှာ နောက်ထပ်ဥပဒေပြဋ္ဌာန်းခြင်းကိစ္စ၊ အဆိုပြုခြင်းကိစ္စတွင် ၂၅ ရာခိုင်နှုန်း သော တပ်မတော်သားကိုယ်စားလှယ်များ သဘောမတူလည်း ဥပဒေပြုခွင့်ရှိနေသည်ဆိုသော အချက်ဖြစ် သည်။

သို့သော် ဖွဲ့စည်းပုံအခြေခံဥပဒေကိုပြင်ဆင်သောကိစ္စမှန်သမျှ ၂၅ ရာခိုင်နှုန်းသော တပ်မတော်သား ၁၆၆ ဦး မပါဘဲ လုပ်၍မရပေ။ နာမည်ကျော် ၄၃၆၊ ၅၉(စ) စသည်များမှာလည်း တပ်မတော်သားလွှတ်တော်ကိုယ်စား လှယ်များ၏ဆန္ဒက အခရာဖြစ်သည်။ သို့သော် လွှတ်တော် သက်တမ်းငါးနှစ်အတွင်း ဥပဒေပေါင်းများစွာကို ပြုရမည်ဖြစ်ရာ အသစ်ပြုစုသောဥပဒေများမှာ သာမန်အားဖြင့် ထက်ဝက်ကျော်ဆန္ဒမဲဖြင့် ပြဋ္ဌာန်းနိုင်သော ကြောင့် ၁၆၆ ဦးမှာ ကန့်ကွက်ပိုင်ခွင့်ရှိမည်မဟုတ်ပေ (ဥပမာ လတ်တလော ပြည်သူ့လွှတ်တော်တွင် မဲခွဲ ဆုံးဖြတ်ခဲ့သော ပုလဲမြို့နယ် ပြည်သူ့လွှတ်တော်မဲဆန္ဒနယ်မှ လွှတ်တော်ကိုယ်စားလှယ် ဒေါ်ခင်စန်းလှိုင်၏ အရေးကြီးအဆိုကို တပ်မတော်သားလွှတ်တော်အမတ်များအားလုံး ကန့်ကွက်လင့်ကစား အတည်ပြုနိုင်ခဲ့ သည်)။ ထို့ကြောင့် နှစ်စဉ်ပြဋ္ဌာန်းရသော ဘတ်ဂျက်ဥပဒေများတွင် လွှတ်တော်၏ ရွေးကောက်ခံကိုယ်စား လှယ်များ၏အာဏာသည်သာ အဆုံးအဖြတ်ဖြစ်မည်ဖြစ်သည်။

တပ်မတော်သားများသည် အဘယ့်ကြောင့် လွှတ်တော်အတွင်းရှိ နေရပါသနည်းဟုမေးလျှင် အကြောင်းအမျိုး မျိုးပြ၍ တပ်မတော်ဘက်မှ ဖြေဆိုပေမည်။ တပ်မတော်သည် လွတ်လပ်ရေးနှင့်အတူပေါက်ဖွားလာ၍၊ ဒို့တာဝန် အရေးသုံးပါးကို ကာကွယ်လို၍၊ ဖွဲ့စည်းပုံအခြေခံဥပဒေက ခွင့်ပြုထား၍၊ အင်ဒိုနီးရှားတပ်မတော်ကို အတုယူ၍၊ နိုင်ငံရေးသမားများ ထင်ရာစိုင်းမှာစိုး၍၊ လက်နက်ကိုင်အဖွဲ့များနှင့် ငြိမ်းချမ်းရေးမရသေး၍ စသည်ဖြင့် လူကြား ကောင်းသောအဖြေပေါင်း ထောင်သောင်းချီ၍ ရှိနိုင်ပါသည်။ ယခင်က စစ်အစိုးရရာနှုန်းပြည့်အုပ်ချုပ်သည့်စနစ် မှ စစ်တပ်ပါဝင်မှု ၂၅ ရာခိုင်နှုန်းသာရှိတော့ခြင်းသည် တိုးတက်လာမှုဟု ပြောချင်လည်းပြောနိုင်ပါသည်။ မြန်မာ နိုင်ငံတွင် သိသာသောပြောင်းလဲ တိုးတက်မှုမှာ ဗိုလ်ချုပ်မှူးကြီးစောမောင်နှင့် ဗိုလ်ချုပ်မှူးကြီးသန်းရွှေအုပ်ချုပ်ခဲ့ သည့် စစ်အစိုးရလက်ထက်ကထက် ဗိုလ်ချုပ်မှူးကြီးမင်းအောင်လှိုင် တပ်ချုပ်အဖြစ်ဆောင်ရွက်သော ငါးနှစ်တာ ကာလတွင် မြန်မာနိုင်ငံသည် ပိုမို၍ဖွံ့ဖြိုးတိုးတက်ခဲ့ပါသည်။

ထိုအချက်မှာ ဘာကိုပြနေသလဲဆိုလျှင် နိုင်ငံရေး၊ အုပ်ချုပ်ရေး၊ ဥပဒေပြုရေးနှင့် တရားစီရင်ရေးတွင် တပ်မတော်ပါဝင်မှု လျော့ကျသွားသည်နှင့် နိုင်ငံ၏ဖွံ့ဖြိုးတိုးတက်မှုမြင့်လာသည်ဆိုသော သဘောဖြစ်သည်။ တိုင်းပြည်၏ တိုးတက်ဖွံ့ဖြိုးမှုနှင့် တပ်မတော်ပါဝင်မှုသည် ပြောင်းပြန်အချိုးကျနေသည့်သဘောဖြစ်သည်။ ၁၀၀ ရာခိုင်နှုန်းပါဝင်နေချိန်ကထက် ၂၅ ရာခိုင်နှုန်းပါဝင်ချိန်တွင် ပို၍တိုးတက်သည်။ သို့ဆိုလျှင် ၂၀ ရာခိုင်နှုန်း၊ ၁၀ ရာခိုင်နှုန်း၊ ၅ ရာခိုင်နှုန်းလောက်သာ တပ်မတော်ပါဝင်ပါက တိုင်းပြည်ပို၍တိုးတက်ထွန်းကားပေမည်။ နိုင်ငံရေး တွင် တပ်မတော်သည် သုညရာခိုင်နှုန်း (Zero Percent) သာ ပါဝင်ခဲ့ပါလျှင် တိုင်းပြည်၏ တိုးတက်နှုန်းမှာ အံ့မခန်းဖြစ်ပေလိမ့်မည် (ဖွံ့ဖြိုးပြီး ဒီမိုကရေစီနိုင်ငံများတွင် စစ်တပ်၏နိုင်ငံရေးတွင် ပါဝင်ပါတ်သက်မှုမှာ သုည ရာခိုင်နှုန်းဖြစ်သည်)။

ယခုအခါမတတ်သာ၍ တပ်မတော်မှ ၂၅ ရာခိုင်နှုန်းဝင်ပါနေရခြင်း ဖြစ်ကောင်းဖြစ်မည်ကို ကျွန်တော်တို့ လက် သင့်ခံ၍ရနိုင်၏။ သို့သော် စစ်တပ်မှ အချိန်အကန့်အသတ်မရှိ ကြာရှည်လေးမြင့် နိုင်ငံရေး၌ ၀င်ပါနေခြင်းသည် အကောင်းထက်အဆိုးကိုများစေ၏။ စစ်တပ်က လွှတ်တော်တွင် ပါဝင်နေခြင်း၊ နိုင်ငံရေးတွင်ပါဝင်နေခြင်းကို ပြည်သူလူက သဘောတူ ကြည်ဖြူသဖြင့် လက်ခံနေခြင်းမဟုတ်ဘဲ ၂၀၀၈ အခြေခံဥပဒေတွင် ဇွတ်ထည့်သွင်း ထားသဖြင့်သာ လက်ခံနေရခြင်းဖြစ်ကြောင်း တပ်မတော်အကြီးအကဲများအား ပြောလိုပါသည် (မယုံလျှင် လူထု ဆန္ဒခံယူပွဲလုပ်ကြည့်နိုင်ပါသည်)။

ယခုပါဝင်နေသော တပ်မတော်သားလွတ်တော် ကိုယ်စားလှယ်များသည် လည်း မတတ်သာသဖြင့် ၀င်ပါနေရသောကာလအတွင်းဝယ် ပြည်သူနှင့် တသားတည်းဖြစ်အောင် ကြိုးစား လှသင့်၏။ မေးခွန်းတခု၊ အဆိုတခု၊ ဥပဒေကြမ်းတခုတက်လာလျှင် နိုင်ငံတော်နှင့် ပြည်သူ့အကျိုးကို ဦးစွာ မူတည်ပြီး စဉ်းစားဆုံးဖြတ်စေလိုပါသည်။ တပ်မတော်၊ မြန်မာ့စီးပွားရေးဦးပိုင်လီမိတက်၊ MEC စသည့်အဖွဲ့ အစည်းအကျိုးနှင့် ပြည်သူလူထုအကျိုးယှဉ်လာလျှင် ပြည်သူလူထုအကျိုးကို ဦးစားပေး စဉ်းစားစေချင်ပါသည်။ မြေယာတိုးချဲ့စရာလိုအပ်၍ ကလေးကစားကွင်းကို သိမ်းဆည်းမည့်နေရာတွင် ဂေါက်ကွင်းကိုသိမ်းဆည်း၍ ဖြေရှင်းနည်းလို မိမိနာလျှင်နာစေ ပြည်သူလူထုမနစ်နာစေသောနည်းလမ်းမျိုးဖြင့် ဖြေရှင်းစဉ်းစားစေလိုပါသည်။ ဥမာအဖြစ် ပြောခြင်းဖြစ်ပြီး တနိုင်ငံလုံးအနှံ့ ဖြစ်ပွားနေသော မြေယာသိမ်းယူမှုကိစ္စများ၊ လက်ပံတောင်းတောင် မှ ပြဿနာများ၊ ဖွဲ့စည်းပုံအခြေခံ ဥပဒေပြင်ဆင်ရေး၊ ငြိမ်းချမ်းရေးဆွေးနွေးပွဲများ စသည်တို့တွင်လည်း ဤနည်းနှင်နှင် တိုင်းပြည်အကျိုး၊ လူများစုအကျိုးကို ကြည့်စေလိုပါသည်။ မိမိလက်ထဲတွင် ကောင်းကျိုး၊ ဆိုးကျိုးနှစ်ဖြာကို ဆောင်ရွက်နိုင်သော လုပ်ပိုင်ခွင့်များရှိနေပါသည်။ မိမိရောက်နေသောနေရာသည် သမိုင်းဝင် လမ်းဆုံလမ်းခွ ဖြစ်ပါသည်။ လွှတ်တော်အတွင်းနှင့် အစိုးရအဖွဲ့အတွင်းရောက်ရှိနေသော မိမိတို့ ၂၅ ရာခိုင်နှုန်း သော အစုအဖွဲ့သည် အစိတ်သားတွေလား အဆိပ်သားတွေလားဆိုသောမေးခွန်းကို မိမိတို့လုပ်ရပ်ကသာ သမိုင်းတွင် ချန်ထားခဲ့နိုင်မည်ဖြစ်ပါကြောင်း စေတနာကောင်းဖြင့် တင်ပြရပါသည်။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/

ရှမ်းပြည်မြောက်ပိုင်းက  စစ်ဘေးတိမ်းရှောင် ဒုက္ခသည်
ရှမ်းပြည်မြောက်ပိုင်းက စစ်ဘေးတိမ်းရှောင် ဒုက္ခသည်

ရှမ်းပြည်နယ်မြောက်ပိုင်း ကွတ်ခိုင်မြို့နယ်ဘက်က နမ်းဖက်ကာနဲ့ မိုင်းယူလေးကျေးရွာတွေမှာ စစ်ဘေးတိမ်းရှောင် ဒုက္ခသည် ၈၀၀ နီးပါးဟာ စားသောက်နေထိုင်ရေး အခက်တွေ့နေပြီးတော့ အကူအညီတွေလိုအပ်နေကြပါတယ်။ မြန်မာ့ တပ်မတော်နဲ့ TNLA ခေါ် တအာင်း ပလောင်တပ်ဖွဲ့တို့အကြား တိုက်ပွဲတွေဆက်ဖြစ်နေတာကြောင့် အဲဒီဒေသခံတွေ အိုးအိမ်စွန့် ထွက်ပြေးနေကြရတာပါ။ တိုက်ပွဲတွေရက်ကြာလာတာနဲ့အမျှ ဒုက္ခသည်တွေအနေနဲ့ သူတို့နေရပ်တွေမှာ စွန့်ပစ်ထားရတဲ့ စိုက်ပျိုးမွေးမြူရေးလုပ်ငန်းတွေကို ပြန်လုပ်ရနိုင်ဖွယ်မရှိတာကြောင့် စားဝတ်နေရေးပိုင်း ပိုပြီး အခက်တွေ့လာကြမှာပါ။ ဒါကြောင့် တိုက်ပွဲ တွေအမြန်ဆုံး အဆုံးသတ်ဖို့ လိုလားနေကြပါတယ်။ ဒီအခြေအနေကိုတော့ ဗွီအိုအေထိုင်းအခြေစိုက် သတင်းထောက် နိုင်ကွန်းအိန်က သတင်း ပေးပို့ထားပါတယ်။

မြန်မာ့တပ်မတော်နဲ့ TNLA တအာင်းပလောင်တပ်ဖွဲ့တို့အကြား ဖြစ်ပွားနေတဲ့တိုက်ပွဲတွေကြောင့် ရှမ်းပြည်နယ် ကွတ်ခိုင် မြို့နယ် နမ်းဖက်ကာနဲ့ မိုင်ယူလေးကျေးရွာဘက်ကို ထွက်ပြေးတိမ်းရှောင်လာတဲ့ ပလောင်စစ်ပြေးဒုက္ခ(၈၀၀)ခန့်ဟာ စားဝတ်နေရေးအပိုင်းမှာအခက်တွေ့နေပြီး အကူညီလိုအပ်နေတယ်လို့ကူညီရေးအဖွဲ့ဖြစ်တဲ့ တအာင်းကျောင်းသား လူငယ်အဖွဲ့ရဲ့ တွဲဖက်အတွင်းရေးမှူး(၁) မလွေးလှာရိမ်းကပြောပါတယ်။

“နမ်းဖက်ကာ အခြေအနေကတော့ သူတို့ ဘုန်းကြီးကျောင်းမှာပဲ ကျဉ်းကျဉ်းလေးနဲ့ နေနေရတာပေါ့နော်။ သူတို့ စားဖို့က အဲဒီမှာ စားတယ်။ အိပ်တာကတော့ သူများအိမ်မှာ မိသားစုတချို့ ၃၊ ၄ ယောက်အိပ်တယ်။ အသုံးအဆောင်ပစ္စည်းကတော့ သူတို့ အိပ်ယာခင်းတွေ ဘာမှ မယူလာဘူးလေ။ တချို့ ကျတော့ သူတို့စားဝတ်နေရေးအတွက် အဆင်မပြေဘူး ။ စီးပွားရေး နည်းနည်းပါးပါးလုပ်တဲ့လူတွေ ဆန်တွေဘာတွေ လှူထားတာတော့ရှိတယ်။ တခြားအဖွဲ့အစည်းတွေတော့ ကျမတို့မတွေ့သေးဘူးရှင့် ။ တကယ်လို့ ရက်ရှည်သွားပြီဆိုရင် သူတို့ စားသောက်ရေးကိစ္စ အခက်အခဲတွေတော့ ပိုရှိလာမယ်။”

နမ်းဖက်ကာနဲ့ မိုင်ယူလေးကျေးရွာမှာ ခိုလှုံနေတဲ့စစ်ပြေး(၈၀၀)ခန့်အတွက် တအာင်းကျောင်းသား လူငယ်အဖွဲနဲ့ ဒေသခံ တရုတ်စာပေယဉ်ကျေးမှုအဖွဲ့တွေကနေ မတ်လ(၁၁)ရက်နေ့မှာအကူညီပေးနေတာဖြစ်ပြီး တခြားအဖွဲ့အစည်းတွေ ကနေ အကူညီရောက်လာတာမျိုးမရှိဘူးလို့လဲ မလွေးလှာရိမ်းကပြောပါတယ်။

နမ့်ဖတ်ကာကျေးရွာမှာ ဒုက္ခသည်ဦးရေ(၆၀၀)ကျော်ရှိနေပြီး မိုင်ယူလေးကျေးရွာမှာတော့ ဦးရေ(၂၀၀) ခန့်ရှိနေတယ်လို့ သူကဆိုပါတယ်။

ဒီစစ်ပြေးဒုက္ခသည် တွေဟာ ပြီးခဲ့တဲ့မတ်လ(၉)ရက်နေ့ကတည်းက တအာင်းပလောင်တပ်ဖွဲ့နဲ့ မြန်မာ့တပ်မ တော်တို့အကြားဆက်တိုက်ဖြစ်ပွါးနေတဲ့တိုက်ပွဲတွေကြောင့် နေရပ်ကနေထွက်ပြေးတိမ်းရှောင်လာတဲ့ ကွတ်ခိုင်မြို့နယ် ထဲက ကျရမ်းနဲ့ငေါ်ငါး ကျေးရွာသား တွေဖြစ်ကြပါတယ်။

ဒုက္ခသည်တွေအနေနဲ့ လက်ရှိမှာအိမ်မပြန်ရဲကြသေးသလို တိုက်ပွဲတွေရက်ရှည်ကြာလာရင် ဒေသအတွင်း တောင်ယာ နဲ့လက်ဖက်လုပ်ငန်းတွေကို စွန့်ပစ်ထားရတာကြောင့် ဒီနှစ်မှာအခက်ခဲရှိလာမယ်လို့ စစ်ပြေးဒုက္ခသည်တဦးက အခု လိုပြောပါတယ်။

“အိမ်ပြန်ဖို့ အခြေအနေဆိုရင်တော့ မငြိမ်းချမ်းသေးရင်တော့ ဘယ်သူ့မှ မပြန်ရဲကြသေးပါဘူးခင်ဗျ။ ကျနော်တို့ ဒီတောင်ပေါ်မှာဆိုတော့ တောင်ယာတွေလုပ်တယ် လက်ဖက်ခူးကြတယ် ။ ဒီနှစ်လိုမျိုးဆိုရင်တော့ အခက်အခဲကတော့ တော်တော်ရှိမယ်။ အဆင်မပြေနိုင်ဘူးလို့ ပြောလို့ရတယ်ခင်ဗျာ ဒီလိုမျိုးဆက်ဖြစ်နေမယ်ဆိုရင်တော့။ ကျနော်တို့ ပြည်သူတွေကတော့ ငြိမ်းချမ်းစေချင်ပါတယ်။ ကျနော်တို့ ဆန္ဒအသီးသီးကို ပြောလိုပါတယ် ခင်ဗျ”

ဒေသခံတွေအနေနဲ့ တိုက်ပွဲကိုမလိုချင်ဘဲ ငြိမ်းချမ်းရေးကိုလိုလားနေကြတယ်လို့လဲဆိုပါတယ်။လက်ရှိမှာတော့ ရှမ်းပြည်နယ်မြောက်ပိုင်း ကျောက်မဲ ကွတ်ခိုင် မန်တုံ နမ့်ဆမ်မြို့နယ်ဘက်မှာ မြန်မာ့တပ်မတော်ကနေ စစ်အင်အားတိုးချဲ့လာသလို တအာင်းပလောင်တပ်ဖွဲ့နဲ့လဲ ရက်ဆက်ဆိုသလိုတိုက်ပွဲဖြစ်ပွားနေပါတယ်။

ဒီလပိုင်းအတွင်းမြန်မာ့တပ်မတော်ကနေအလွန်အကျွံအင်အားသုံးထိုးစစ်ဆင်လာလို့ စစ်ပြေးဒုက္ခသည်အရေးကိစ္စတွေ ဖြစ်ပွါးလာတယ်လို့ TNLAတအာင်ပလောင်တပ်ဖွဲ့ရဲ့ပြန်ကြားရေးအရာရှိတာ့အိုက်ကျော်ကပြောပါတယ်။

“မြန်မာ့တပ်မတော်က ပုံမှန်ထက် အင်အားသုံးပြီးတော့မှ ထိုးစစ်ဆင်လာတယ်။ အခုတိုက်ပွဲဖြစ်နေတာက နမ့်ခမ်းဘက်ရော၊ ကွတ်ခိုင်ဘက်ရော စစ်ပြေးဒုက္ခသည်တွေ တအားများလာတယ်။ တိုင်းပြည်အကူးအပြောင်းကာလမှာ တပ်မတော်ဘက်က မလိုလားအပ်တဲ့ ထိုးစစ်တွေလည်းဆင်တယ်။ ဒီကြားမှာ မလိုလားအပ်တဲ့ ပြည်သူတွေ ဒုက္ခရောက်တယ်။”

ဒီမတ်လဆန်း ကစလို့တအာင်းပလောင်တပ်ဖွဲ့နဲ့မြန်မာ့တပ်မတော်တို့တိုက်ပွဲဖြစ်ပွါးခဲ့တာအကြိမ်(၂၀)ကျော်ရှိခဲ့ပြီး တိုက်ပွဲတချို့မှာမြန်မာ့တပ်မတော်ဘက်က လေကြောင်းအကူနဲ့ပစ်ခတ်တိုက်ခတ်ခဲ့တယ်လို့ TNLAတအာင်ပလောင် တပ်ဖွဲ့ရဲ့ပြန်ကြားရေးအရာရှိတာ့အိုက်ကျော်ကပြောပါတယ်။

မြန်မာနိုင်ငံမှာ ၂၀၁၅ရွေးကောက်ပွဲအပြီး အမျိုးသားဒီမိုကရေစီအဖွဲ့ချုပ်ကနေ အပြတ်အသတ်အနိုင်ရခဲ့ပြီး အစိုးရသစ် တရပ်ဖွဲ့နိုင်ရင် ပြည်တွင်းငြိမ်းချမ်းရေးနဲ့ အပစ်ခတ်ရပ်စဲရေးကို အပြည့်အ၀ဖေါ်ဆောင်နိုင်မယ်လို့ တိုင်းရင်းသားလက် နက်ကိုင်အဖွဲ့တွေကနေမျှော်လင့်နေကြပါတယ်။

ဒါပေမဲ့လက်ရှိအခြေအနေအထိတော့ မြန်မာ့တပ်မတော်နဲ့ တအာင်ပလောင်တပ်ဖွဲ့ ရခိုင်တပ်မတော်AAတပ်ဖွဲ့ KIO ကချင်လွတ်လပ်ရေးအဖွဲ့ ကိုးကန့်တပ်ဖွဲ့တွေနဲ့တော့ တိုက်ပွဲဖြစ်ပွါးနေဆဲလဲဖြစ်ပါတယ်။

ရှမ်းပြည်မြောက်ပိုင်းဒေသအတွင်းမှာရှိတဲ့ လက်နက်ကိုင်အဖွဲ့တွေကို တပ်မတော်ကနေရှင်းလင်းသွားမယ်လို့ ကာကွယ် ရေးဝန်ကြီးဌာနကနေ ဖေဖေါ်ဝါရီ(၂၄)ရက်စွဲနဲ့ နိုင်ငံပိုင်သတင်းစာမှာရေးသားဖေါ်ပြထားပါတယ်။

နိုင်ကွန်းအိမ်/VOA
http://burmese.voanews.com/content/about-800-war-displaced-in-northern-shan-state-are-in-need-of-urgent-help-/3233788.html

[youtube src="40Gzs1a3t7I"/]
ပဲခူးတိုင်းသနပ်ပင်မြို့နယ် ဆွမ်းကျွေးအလှူတစ်ခုက ကျွေးတဲ့မုန့် ဟင်းခါးကြောင့် လူ(၂၀၀)ကျော်အစာအစာအဆိပ်သင့်မှုဖြစ်ပွားခဲ့ပါတယ်။ ဒီသတင်းကို ခိုင်ပန်းနု ပေးပို့ထားပါတယ်။

DVB TV News

မတ်လ(၂၇-၂၈)
"ဗိုလ်ချုပ်အောင်ဆန်း နဲ့ တော်လှန်ရေးစိတ်ဓါတ်" စာပေဟောပြောပွဲ

ဗိုလ်ချုပ်ကို ဂုဏ်ပြုဖို့ အပြင် ဗိုလ်ချုပ်စိတ်ဓါတ်မွေးမြူကြဖို့အတွက်

မောင်ထွန်းလွင်(မိုးလေ၀သ)

အစိုးရသစ်အပြောင်းအလဲကာလမှာ မဏ္ဍပ်ဆောက်လုပ်ခွင့်တွေချပေးတာတွေ အခုအချိန်အထိမရှိသေးလို့ မဏ္ဍပ်ဆောက်မယ့်သူတွေအနေနဲ့ အချိန်မလောက်မှာ စိုးရိမ်နေတယ်လို့ သိရပါတယ်။
သင်္ကြန်ကာလရောက်ဖို့ တစ်လလောက်ပဲလိုတော့တဲ့အချိန်မှာ ဆောက်လုပ်ခွင့်လျောက်လွာတွေကို လက်ခံထားပေမယ့် အစိုးရသစ်လက်ထက်မှပဲ ချပေးမှာဖြစ်လို့ အခုလိုစိုးရိမ်နေကြတာပါ။

အစိုးရသစ်လက်ထက်မှပဲ ခွင့်ပြုချက်ပေးတာတွေလုပ်မယ်ဆိုရင် အချိန်မလုံလောက်တော့တာကြောင့် လုပ်နိုင်မယ့်သူ နည်းသွားလိမ့်မယ်လို့ ကန်ထရိုက်တွေက ပြောပါတယ်။
မဏ္ဍပ်ဆောက်လုပ်မယ့် အချိန်နည်းသွားတာကြောင့် သာမန်ထက်ကုန်ကျစရိတ် ပိုများနိုင်တာလို့ ဒီနှစ်သင်္ကြန်မှာ မဏ္ဍပ်ဆောက်လုပ်တာ ပိုနည်းသွားနိုင်တယ်လို့ သင်္ကြန်မဏ္ဍပ်ကန်ထရိုက်တာတွေက ပြောပါတယ်။

အစိုးရသစ်တက်တဲ့ကာလမှာ အခြားအရေးကြီးလုပ်ငန်းတွေ ဦးစားပေးလုပ်စရာတွေရှိနေတာကြောင့် ဒီနှစ်သင်္ကြန်စည်ကားမှုက လျော့ကျနိုင်တယ်လို့ အမျိုးသားးဒီမိုကရေစီချုပ်ပါတီ ရန်ကုန်တိုင်းဒေသကြီး လွှတ်တော်အမတ်တစ်ဦးက ပြောပါတယ်။
အစိုးရအပြောင်းအလဲကြောင့် ပုဂ္ဂလိကသင်္ကြန်မဏ္ဍပ်တွေ ဆောက်လုပ်ဖို့ အခက်အခဲရှိနေသလို ယခုနှစ်အတွက် တိုင်းဒေသကြီးအစိုးရ မဏ္ဍပ်မှာလည်း ဆောက်လုပ်ဖို့ မသေချာတော့ဘူးလို့ သိရပါတယ်။
၂၀၁၅ ခုနှစ်ရန်ကုန်သင်္ကြန်မှာ မဏ္ဍပ်အကြီး ၃၉ ခု၊ မဏ္ဍပ်အလတ် ၁၃ ခုနဲ့ မဏ္ဍပ်အသေး ၇၈ ခု ဆောက်လုပ်ခွင့်ပြုခဲ့ပါတယ်။

============

Duwun

မဏ္ဍာပ်မထိုးရ လူမစုရ၊ စားမြိန်ထုတ် မထည့်လိုက်ရ ရေအိုးမခွဲလိုက်ရ၊ မနက်စောစောချတဲ့အသုဘ၊ ဖုန်းမော်ရေ အမျှ .. အမျှ .. အမျှ ...။

ရန်ကုန်စက်မှုတက္ကသိုလ် ကျောင်းသားသမဂ္ဂမှ ထုတ်ဝေသည့် စက်မှုအားမာန် စာစောင်၊ အမှတ်စဉ် (၄)၊

၁၇.၉.၈၈ မှ ကူးယူဖော်ပြပါသည်။

ရန်ကုန်စက်မှုတက္ကသိုလ်၊ မတ်လ အရေးအခင်းတွင် ကျဆုံးသွားခဲ့သော ကိုဖုန်းမော်၊ ပဉ္စမနှစ် (ဓာတု) ၏ အမကြီး မမာမာ ဝင်း၊ သူငယ်ချင်းများ ဖြစ်ကြသော ကိုခင်မောင်ထွန်း (B.Sc. Hist)၊ မဝင်းဝင်းမြင့် (B.Sc. Phy)၊ ကိုမင်းထွဋ် III Yr Zoo တို့နှင့် စက်မှုအားမာန် စာစောင်အဖွဲ့တို့ တွေ့ဆုံဆွေးနွေး မေးမြန်းခဲ့သည်များကို ကျန်ရစ်သူများ၏ ခံစားချက်များအ တိုင်း ဖော်ပြလိုက်ပါသည်။

ဦးစွာ ကိုဖုန်းမော်၏ မိသားစု အတွင်းရေးနှင့် ပတ်သက်၍ မေးမြန်းကြည့်ရာ မိဘများမှာ ဦးသြဘာ နှင့် အဒေါ်အမာ ဖြစ်၍၊ ကွယ်လွန်သွားကြပြီ ဖြစ်ကြောင်း၊ မောင်နှမ ငါးဦးအနက် စတုတ္ထမြောက်သား ဖြစ်ကြောင်း၊ မမာမာဝင်းက ပြောပါသည်။ အကိုကြီး ကိုကျော်ဝင်း နှင့် အမနှစ်ယောက်ဖြစ်သော မမာမာဝင်း နှင့် မမာမာအိ တို့က မင်္ဂလာဈေးတွင် ဆိုင်ဖွင့်ပြီး ကိုဖုန်းမော် နှင့် ညီမငယ် မနီနီအောင် (ဒုနှစ်၊ ဓာတု-လှိုင်) တို့ကို မိဘသဖွယ် ပညာရေးကို တာဝန်ယူ အုပ်ထိန်းနေရ ကြောင်း ပြောပါသည်။

ကိုဖုန်းမော် ကွယ်လွန်ခဲ့သော အဖြစ်အပျက်နှင့် ပတ်သက်၍ မေးမြန်းရာ ကိုဖုန်းမော် သေဆုံးသည်ကို ၁၃.၃.၈၈ က ချက် ချင်း မသိရကြောင်း ၁၄.၃.၈၈ ရက် နေ့လည် ၁-နာရီတွင် ဈေးထဲမှ ရေဒီယိုက တဆင့်ကြားရကြောင်း၊ ကိုဖုန်းမော်၏ ညီမ ငယ် မနီနီအောင် ကလည်း ၄င်းကျောင်းတက်နေသော ရန်ကုန်တက္ကသိုလ် လှိုင်နယ်မြေမှ သိလာရကြောင်း အမလတ် (မမာမာအိ) က ဈေးမှကြားကြားချင်း ဆေးရုံကြီး အရေးပေါ် ဌာနသို့လိုက်၍ စုံစမ်းရာ ဆရာဝန်ကြီးများက ချွန်ထက်သော စူးနှင့် ထိုးမိ၍ သေဆုံးကြောင်းပြောသည်၊ အမလတ်က ဘယ်အချိန်လောက်က ဆုံးသလဲဟု မေးရာ ကျောင်း၌ပင် သေဆုံး ခဲ့ဟန်တူကြောင်း ဖြေသည်။ ကျောင်းမှာ တခါတည်း သေရလောက်အောင် ထိုးတဲ့စူးက ဘယ်လိုစူးလဲဟု မေးသောအခါမှ သေနတ်ဒဏ်ရာလည်း ဖြစ်နိုင်ကြောင်း ဖြေသည်ဟု ဆိုပါသည်၊ ထို့နောက် အမလတ်ကို မှုခင်းရဲတပ်ဖွဲ့က ရန်ကုန်တိုင်း ရဲတပ်ဖွဲ့မှူးရုံး (၄၇ လမ်း) သို့ ခေါ်ယူ၍ ကိုဖုန်းမော် အကြောင်းကို အသေးစိတ် စစ်ဆေးမေးမြန်းကြောင်း ပြောပါသည်။

အိမ်ပြန်ရောက်သောအခါ အရပ်က အိမ်တွင် မဏ္ဍာပ် ထိုးပေးထားကြကြောင်း သို့သော် ရပ်ကွက်ကောင်စီက ခေါ်တွေ့ပြီး မဏ္ဍာပ်ကို ဖျက်ခိုင်းကြောင်း၊ လူမစုရ၊ အသုဘအိမ်နှင့် တူအောင် မနေရဟု ပြောကြောင်း၊ ထိုနေ့မှစ၍ (၃) ရက်တိတိ ရပ် ကွက်ကို မီးဖျက်ထားကြောင်း ပြောပါသည်။

အနီး ပတ်ဝန်းကျင်မှ လူများကိုလည်း ထောက်လှမ်းရေးက ကိုဖုန်းမော်နှင့် ပတ်သက်၍ စုံစမ်းသောအခါ “လူအေးလေးပါ” ဖြေသူများကို ဒါလောက် ဆိုးသွမ်းနေတဲ့ လူငယ်တစ်ဦးကို ခင်ဗျားတို့က ဘယ်လို အကြောင်းပြချက်နဲ့ လူကောင်းလို့ ပြော ကြတာလဲဟု ဟောက်ကြောင်း အမကြီးက ပြောပြပါသည်။

သတင်းစာတွင်လည်း နာရေးကြော်ငြာ ထည့်ခွင့် မရခဲ့ကြောင်း ထောက်လှမ်းရေးများ ခြေချင်းလိမ်နေကြကြောင်း၊ လမ်းနှင့် အိမ်ကိုလည်း စောင့်ကြည့်ကာ ဓာတ်ပုံရိုက်နေခဲ့ကြောင်း ဆက်ပြောသွားပါသည်၊ ၁၅ ရက်နေ့တွင် ကျောင်းသားများက ကို ဖုန်းမော် သေနတ်ဒဏ်ရာဖြင့် ကွယ်လွန်ခြင်းဖြစ်ကြောင်း လာပြောပါသည်။

ဆက်လက်၍ မမာမာဝင်း က “၉ နာရီလောက်မှာ လမ်းထဲက လူတွေက လမ်းထိပ်အဝင်အထွက် လူများကို ဓာတ်ပုံရိုက်နေ ကြောင်းကို လာပြောတယ် ..။ အမတို့ အနေနဲ့ အာဏာနဲ့ ဖိနှိပ်မှုတွေကို အလွန်ရွံ့မုန်းတယ်” .. ဟု ပြောပါသည်။

သတင်းစာတွင် နာရေးကြော်ငြာ ထည့်ခွင့်မရ၍ ကိုဖုန်းမော် ကွယ်လွန်ကြောင်းကို ညီမငယ် ဖြစ်သူက သင်ပုန်းတစ်ခုတွင် ရေးပြီး အိမ်ရှေ့တွင် ထောင်ထားခဲ့ကြောင်း၊ ရပ်ကွက်ကောင်စီက ဖျက်ခိုင်းသောအခါ နာရေးကြော်ငြာ မထည့်ရမချင်း ဖျက် မပေးနိုင်ကြောင်း ပြောမှသာ သတင်းစာ ထည့်ခွင့်ရအောင် လုပ်ပေးမည်ဆိုပြီး ဖုန်းဆက်ပေးကြောင်း သိရသည်။

မြို့နယ်ရုံးမှ အတွင်းရေးမှူးက ဖုန်းမော် သင်္ဂြိုလ်ရန်ကိစ္စကို သက်ဆိုင်ရာက သင်္ဂြိုလ်ပေးရမည်လား မိသားစုက သင်္ဂြိုလ်မ လားဟု မေးရာ “အမတို့ မိသားစုက ကျောင်းသား အသိုင်းအဝိုင်းနဲ့ သင်္ဂြိုလ်ချင်တယ်လို့ ပြန်ပြောလိုက်တယ်” ဟု ပြောပြ ပါသည်။

“နေ့လည် ၁၁ နာရီမှာ အလောင်းကို ကြည့်ခွင့်ပေးမည်ဆိုပြီး ၄၇ လမ်း ရုံးကို ခေါ်သွားကြောင်း၊ အလောင်းကို (၁၇) ရက် နေ့ ပေးမယ်လို့ ပြောတယ်။

နောက်တော့လည်း မရပါဘူး၊ အမတို့က ဈေးသည်ဖြစ်တဲ့ အလျောက် ဈေးသည်တောင်မှ ကတိတည်သေးတာ၊ အစိုးရဆို ရင် ဈေးသည်ထက် ကတိတည်မယ် ထင်ထားတာ၊ အစိုးရဟာ ဈေးသည်လောက်တောင် ကတိမတည်ဘူး၊ ကုန်သည် ထက် ဖျင်းတယ်” ဟု မမာမာဝင်း က သူ့ရဲ့ အမြင်ကို ရိုးသားစွာ ပြောပါသည်။

၄၇ လမ်း ရုံးတွင် တော်တော်ကြာ စောင့်နေပြီးမှ ဆေးရုံကြီးကို ခေါ်သွားကြောင်း အရေးပေါ်ဌာနတွင် မိနစ် ၃ဝ လောက် စောင့်ရပြီးမှ အလောင်းကို အမလတ် တစ်ယောက်သာ ကြည့်ခွင့်ရကြောင်း၊ အလောင်းမှာ ဂျပန်ဆေးရုံတွင် ထားဟန်တူ ကြောင်း၊ အရေးပေါ် အခန်းလွတ်ထဲတွင် ရုတ်တရက် လာထားဟန်တူကြောင်း အလောင်းပုံစံမှာ ခေါင်းတွင် သွေးများနှင့် ဖူးယောင်နေဟန် ဖန်တီးထားပြီး မျက်နှာကိုသာ ဖော်ထားကာ ကျန်အပိုင်းများကို မြင်ခွင့်မရခဲ့ကြောင်း ရင်နင့်ဖွယ် ပြောပြပါသည်။


၁၆ ရက်နေ့တွင် သတင်းစာ၌ နာရေးကြော်ငြာ ပါလာသော်လည်း “ရုတ်တရက်” ဟူသော စကားလုံးကို ဖြုတ်ချခဲ့ကြောင်း ပြောပါသည်။

ည (၇) နာရီလောက်တွင် ရဲအုပ်အဆင့်ရှိသူ လူနှစ်ယောက် ရောက်လာပြီး ဘာလိုအပ်သလဲဟု မေးရာ အမတို့အနေနဲ့ “ဘာမှ မလိုပါဘူး (၁၇) ရက်နေ့ အလောင်းရရင် တော်ပါပြီ” ဟု ပြောလိုက်ကြောင်း သိရသည်။
(၁၇) ရက်နေ့ နံနက် ၅ နာရီတွင် အိမ်၌ မြေချသပိတ်သွတ်ရန် မုန့်၊ လ္ဘက်ရည် စီစဉ်ထားသည်၊ ထိုအချိန်တွင် မိမိကိုယ်ကို အတွင်းရေးမှူးဟု ပြော၍ လူတစ်ယောက် ရောက်လာပြီး၊ မောင်နှမ (၄) ယောက်ကို လူကြီးက စကားပြောချင်လို့ (၄) ယောက်လုံး လိုက်ခဲ့ပါဟု ပြောကြောင်း၊ လူကြီးဆိုတာ ဝန်ကြီးကို ဆိုလိုကြောင်း ထိုလူက ပြောသည်။

အမကြီးက ဖုန်းမော်ကိုပြပြီး သင်္ဂြိုလ်မှာလားဟု မေးရာ၊ မဟုတ်ပါဘူး လူကြီးက စကားပြောချင်လို့ ခေါ်တာပါဟု ပြောရာ ဘုန်းကြီးများ မရောက်သေး၍ ညီမငယ်ကို နေခဲ့ရန် မှာစဉ် လေးယောက်စလုံး လိုက်ခဲ့ရန် အတင်းခေါ်ရာ ညီမငယ်က နေခဲ့ ကြောင်း ပြောပါသည်။

၆း၃ဝ လောက်တွင် (၄၇) လမ်း ရုံးသို့ ခေါ်သွားရာ အတန်ငယ် ကျယ်ဝန်းသော အခန်းတွင် မိနစ် ၃ဝ လောက် ထိုင်ခိုင်း ထား၍ “လူကြီး ဘယ်မှာလဲ” ဟု မေးတိုင်း မဖြေဘဲ မုန့်၊ လ္ဘက်ရည်နှင့်သာ ဧည့်ခံကြောင်း၊ သို့သော် မသောက်ခဲ့ကြောင်း ပြောပြပါသည်။

အတန်ကြာမှ ဂျပန်ဆေးရုံ (အထွေထွေ ရောဂါကုဆေးရုံ) သို့ သွားရန် ဟိုင်းလပ်စ်ကား တစ်စီးပေါ် တက်ခိုင်းပြီး ဆေးရုံကြီး သို့ ခေါ်လာခဲ့သည်။ ဆေးရုံကြီးတွင် ၉၂၉ နှစ်စီး၊ အသုဘယာဉ်၊ ဘုန်းကြီးငါးပါး ကားနှင့် ဌာနဆိုင်ရာ ကားတစ်ချို့ တွေ့ရ တော့မှ အစိုးရ ထိန်းချုပ်မှုအောက်တွင် အသုဘချရန် စီစဉ်ထားပြီး ဖြစ်ကြောင်း ရိပ်မိ၍ ဆင်းမည်ပြုရာ ရဲအုပ် အမျိုးသမီး (၃) ဦး ပိတ်တားပြီး လုံးဝ ဆင်းခွင့်မရခဲ့ကြောင်း။

“အမတို့မှာ ငိုယုံက လွဲလို့ ဘာမှ မတတ်နိုင်ပါဘူးကွယ်” ဟု ရင်နင့်ဖွယ် ရှိုက်သံတဝက်ဖြင့် ပြောပြပါသည်။

ဂျပန်ဆေးရုံ ရောက်ပြီးနောက် ဆင်းခိုင်းသည်၊ မဆင်းလိုကြောင်း ပြောရာ လာခေါ်စဉ်က လေသံမျိုးမဟုတ်ပဲ မဆင်းရင် အ တင်းဆွဲချဟု ပြောရာ အမကြီးက “ကဲ ဆင်းပေးလိုက်တော့၊ သူတို့မှာ လက်နက်နဲ့ အာဏာရှိတယ်” ဟု ပြောရာ အကိုကြီး တစ်ယောက်တည်း ဂျပန်ဆေးရုံ အနောက်ဖက် ရေခဲတိုက်ထဲသို့ ဝင်လိုက်သွားသည်၊ အဖြစ်အပျက် အားလုံးကို ဗီဒီယို ရိုက်နေကြောင်း၊ အနားတွင် ပြည်ထဲရေး ဒု-ဝန်ကြီး ဦးခင်မောင်ဝင်း လည်း ရှိနေကြောင်း ပြောပါသည်၊ အကိုကြီးကို ရေခဲ တိုက်ထဲသို့ ခေါ်ဆောင်သွားသည်၊ အခန်းထဲတွင် အရပ်ပုပု အသက်ကြီးကြီး ဆရာဝန်ကြီး ရှိနေကြောင်း၊ အလောင်းကို မန္တလေးရှပ်အဖြူ လက်ရှည် နှင့် ပုဆိုးကို ကျပ်နေအောင် စည်းထားကြောင်း ပြောပါသည်

အလောင်းကို ကြည့်ရှုခွင့်တောင်းပြီး ကြယ်သီးဖြုတ်၊ ပုဆိုးလှန်ကြည့်ရာ မေးအောက်မှ ရင်ဘတ်တလျောက် ချုပ်ထားသည် ကို တွေ့ရသည်။

ညာဖက်နံပါး၌ ကန့်လန့်ဖြတ် ချုပ်ရိုးတကြောင်းရှိ၊ သေနတ်ဒဏ်ရာရှိသော ရင်ဘတ်နေရာ၌မူ အသားများကို လိပ်ယူချုပ် ထားပြီး၊ ဆီးစပ်တွင် ဒဏ်ရာတွေ့ရပြီး ညာဖက်ပေါင် ဒူးဆစ်အထက် သေနတ်ဒဏ်ရာကိုလည်း ချုပ်ရိုးဖြင့် လိပ်ချုပ်ဖုံးကွယ် ထားသည်။

ကျည်ဆံ နှစ်တောင့်ကို ဆရာဝန်ကြီးက ပြကြောင်း၊ ခဏသာ ကြည့်ခွင့်ရ၍ အပြင်သို့ ဆွဲထုတ်သွားကြောင်း ကြေကွဲဖွယ် သိရှိရပါသည်၊ အပြင်ဘက်၌ ဆိုင်ရာ၏ အစီအစဉ်ဖြင့် ပင့်ဆောင်ထားသော ဘုန်းကြီးငါးပါးနှင့် အကိုကြီးတို့ကသာ ကွယ် လွန်သူအတွက် သရဏဂုံကို အကျဉ်းရုံး ဆောင်ရွက်ခဲ့ရသည်။

ပိုက်ဆံ မထည့်ရသေး၍ တောင်းပြီး ထည့်လိုက်ရကြောင်း၊ ရေအိုးမခွဲရ၊ စားမြိန်ထုတ် မထည့်လိုက်ရကြောင်း၊ မြန်မာ့ရိုးရာ ထုံးတမ်းစဉ်လာများ အတိုင်း ဆောင်ရွက်ခွင့် မရခဲ့ကြောင်း၊ ရင်နင့်ဖွယ် ကြားရပါသည်။

ဆိုင်ရာက ထုတ်ပေးသော အမိန့်တမ်းတွင် ဆူးချွန်နှစ်ချက်ဖြင့် ကွယ်လွန်ကြောင်း ရေးသားထားသည်။

ကျောင်းသားများနှင့် အတူ ကြံတောသင်္ချိုင်း၌ အရိုးအိုးဖြင့် စနစ်တကျ သင်္ဂြိုလ်လိုသော်လည်း ဆိုင်ရာမှ အတင်းအကြပ် စီ မံမှုဖြင့် တာမွေသင်္ချိုင်း၌ ဖုန်းမော်၏ ရုပ်ကလာပ်ကို မီးသင်္ဂြိုလ် ဖျောက်ဖျက်ပစ်လိုက်သည်၊ အရိုးကောက်ခွင့်ပင် မရခဲ့ပေ။

မနက် ၈း၄၅ နာရီတွင် မီးသင်္ဂြိုလ် ပြီးစီးခဲ့သည်၊ သင်္ချိုင်းတစ်ခုလုံး ရှင်းလင်းနေပြီး အတော်ဝေးဝေးမှ ရပ်ကွက်ရှိ ကလေး၊ လူကြီးများက တခါမျှ မကြုံစဖူး မနက်ခင်း အသုဘကို အံ့သြထိတ်လန့်စွာဖြင့် ကြည့်နေကြသည်ဟု သိရသည်။

အိမ်သို့ ပြန်အပို့တွင်လည်း အိမ်တိုင်ရာရောက် မပို့ပဲ လမ်းထိပ်၌ပင် ရိုင်းပြစွာ ဆက်ဆံ၍ ချထားခဲ့သည်။

လှည်းတန်း ကြံတောတို့၌ အသုဘပို့ရန် ကျောင်းသားမြောက်များစွာ စောင့်ဆိုင်းနေခဲ့ကြသည်ကို သိ၍ ကြီးကျယ်စွာ အသု ဘချခြင်းကို လွှဲရှောင်လိုသော ဆန္ဒဖြင့် အစိုးရက လှည့်စားဆောင်ရွက်ခြင်း ဖြစ်သည်ဟု ပြောသည်။

၁၉ ရက်နေ့ ရက်လည်ဆွမ်းကျွေး၌ ကျောင်းသား အရပ်သားများ လာရောက်နိုင်ခြင်း မရှိကြပေ၊ ထောက်လှမ်းရေးက ဓာတ် ပုံရိုက် ဖမ်းဆီးနေသည်ဟု သတင်းလွှင့်ပြီး သွယ်ဝိုက်သောနည်းဖြင့် ချိမ်းခြောက်တားဆီးခဲ့သည်၊ အစိုးရကလည်း ဖုန်းမော် အား ဆိုးသွမ်းလူငယ်၊ နိုင်ငံကို ပုန်ကန်သူ တောတွင်း အဆက်အသွယ်ရှိသူ အဖြစ် သတင်းလွှင့်ခဲ့သည်။

မြန်မာ့အသံနှင့် သတင်းစာများကလည်း ရပ်ကွက်နှင့် ရန်ဖြစ်၍ သေဆုံးသည်ဟု သတင်းလွှင့်ခဲ့သည်၊ အဖြစ်မှန်ကို ဖုံးကွယ် သည့်အပြင် သေဆုံးသူ၏ မိသားစုကိုလည်း ရာဇဝတ်မှု ကျူးလွန်သူများ သဖွယ် ချုပ်ချယ်ခြိမ်းချောက် ဖိနှိပ်၍ လူမဆန်စွာ ဆက်ဆံခဲ့သည်။

ဆက်လက်၍ မမာမာဝင်း ကို ကိုဖုန်းမော်၏ ညီမနှင့် ပတ်သက်၍ မေးမြန်းရာ ကိုဖုန်းမော် ၏ ညီမသည် အကိုအတွက် မခံ မရပ်နိုင်ဖြစ်ပြီး တရားဟော လှုံ့ဆော်သဖြင့် ဖမ်းဆီးထောင်ချ အသတ်ခံရသည်ဟု လုပ်ကြံဇာတ်လမ်း ဖန်တီးပြီး ကျောင်း သားများ ဆန္ဒပြမှုများ မဖြစ်ပေါ်စေရန် သတင်းလွှင့်ခဲ့ခြင်း ဖြစ်ကြောင်း ရှင်းလင်းပြခဲ့သည်။

ကိုဖုန်းမော် ၏ ဘဝခရီးကို မေးမြန်းကြည့်ရာ မမာမာဝင်း နှင့်အတူ ကြက်ခြေနီအဖွဲ့မှ ရဲဘော်ရင်းများ ဖြစ်ကြသော ကိုခင် မောင်ထွန်း နှင့် မဝင်းဝင်းမြင့် နှင့် ကိုမင်းထွဋ် တို့က ဝိုင်းဝန်းဖြေဆိုခဲ့သည်များကို အကျဉ်းချုပ် တင်ပြပါသည်။

ကိုဖုန်းမော်သည် ၅ တန်းမှ ၁ဝ တန်းအထိ လသာ (၁) တွင် ပညာသင်ကြား၍ ၉ တန်းတွင် လူငယ်လေကြောင်း သင်တန်း လသာမြို့နယ် လမ်းစဉ်လူငယ်သင်တန်းလည်း တက်ခဲ့သည်။ ၁၉၈၁ တွင် ၁ဝ တန်းအောင်၍ RC 2 တွင်တက်ပြီး ကြက်ခြေနီအဖွဲ့တွင် ဝင်ရောက်လှုပ်ရှားခဲ့သည်။ RIT ရောက်သည့်တိုင် RC 2 မှ ကြက်ခြေနီအဖွဲ့နှင့် လှုပ်ရှားခဲ့သဖြင့် ဆရာများ၏ အားကိုးမှု ချီးကျူးမှုကို ခံခဲ့ရသူ ဖြစ်သည်၊ အရံပါတီဝင် တစ်ယောက်ဖြစ်ပြီး၊ ကြက်ခြေနီအဖွဲ့၊ တက္ကသိုလ် အရံ တပ်ရင်း၊ ဗုဒ္ဓဘာသာအသင်းများ၏ အောင်လက်မှတ်များ၊ မှတ်တမ်းများ၊ ဂုဏ်ပြုလက်မှတ်များ ရရှိထားသည်၊ ၈၂ (အောက်တိုဘာ) ရန်ကုန်-မန္တလေး ကားလမ်း လှည်းကူး လုပ်အားပေးစခန်း၊ ၁၉၈၃ (အောက်တိုဘာ) စပါး (၁) ရွှေလောင်းကျွန်း လုပ်အားပေး (ဝါးခယ်မ) တွင် ပါဝင် လုပ်အားပေးခဲ့သည်၊ နောက်ဆုံး ပြည်ထောင်စုနေ့၌ပင် ကြက်ခြေနီ တပ်ဖွဲ့ခေါင်းဆောင် အဖြစ် ပါဝင်တက်ရောက်ခဲ့သည်၊ ငါးကြိမ်မြောက် သွေးလှူရှင် ဖြစ်ပြီး၊ ယခုလက်ရှိ ဓာတုအင်ဂျင်နီယာ ဘာသာရပ်အသင်း အတွင်းရေးမှူးအဖြစ် တာဝန်ထမ်းဆောင် နေသူဖြစ်သည်။

ဆက်လက်၍ မမာမာဝင်း က ကိုဖုန်းမော်၏ အနာဂတ် ရည်ရွယ်ချက် ကြီးမားပုံကို ပြောပြပါသည်။

နိုင်ငံချစ်မြတ်နိုးပြီး နိုင်ငံအကျိုး နိုင်ငံ ကြီးပွားတိုးတက် စေလိုတဲ့ ဆန္ဒရှိတယ်၊ ပါတီ မဝင်ရင် အခွင့်အရေး မရဘူး၊ ပါတီဝင် မှ ကျောင်းပြီးရင် အလုပ်တန်းရမယ်၊ ကျောင်းပြီးပြီးချင်း အလုပ်လုပ်မယ် ပြောသူဖြစ်ကြောင်း၊ အမများက စီးပွားရေး လုပ် စေချင်တဲ့ကြားက စစ်ဗိုလ်အင်ဂျင်နီယာ တစ်ဦး ဖြစ်ရန် ရည်ရွယ်သူ ဖြစ်ကြောင်း၊ တိုင်းပြည်အကျိုး နိုင်ငံအကျိုးကို တဖက် တလမ်းက သယ်ပိုးဆောင်ရွက်နေသူ ကျောင်းသားလူငယ်တစ်ဦးအား ရက်စက်ယုတ်မာ လူမဆန်စွာ ပြုမှုကို - ဖုံးဖိလို သော ဆန္ဒဖြင့် ရာဇဝတ်မှု ကျူးလွန်သူ အဖြစ် လိမ်လည် ဝါဒဖြန့်ခဲ့သည်။

မမာမာဝင်း၏ ဆန္ဒကို မေးရာ ကိုဖုန်းမော် သေဆုံးရခြင်းအတွက် ယူကျုံးမရ ဖြစ်ရသည်၊ ဝမ်းနည်းကြေကွဲရသည်။

မည်သို့မျှ နှိုင်းယှဉ်မရ၊ အစားထိုး မရအောင် နှမြောရသည်၊ အစိုးရ မပြုတ်မချင်း လူလာ မဖြစ်ပါစေနဲ့၊ လူဖြစ်ရကျိုး နပ်မှာ မဟုတ်ဘူး ဟူ၍၄င်း၊ အသင်းအဖွဲ့များဟာလဲ အမိန့်ပြန်စာ ထုတ်ပေးစေချင်တယ် ဟူ၍၄င်း ပြောပါသည်။

Credit Cohtet


-အေးမြရေချို ၊ သောက်စေလို၍
စိမ့်ယိုမြေအိုး၊ ညောင်ရိပ်မိုးလျက်
ပျိုးပင်စိမ်းမွှေး၊ သဲဖွေးဖွေးနှင့်
လမ်းနံဘေးက ရေချမ်းစင်။

-ခရီးပန်းလျှင်
ရေချမ်းတစ်ခွက်၊ ကျောက်စက်အိုးမှ
သောက်ရမောပြေ အားပြည့်ချေ ၏ ။

-လမ်းသွားလမ်းလာ၊ လူတကာကို
စေတနာရှေ့ ပြေး၊ ကိုယ်လိုတွေး၍
ဝမ်းအေးစေလို၊ ထိုကုသိုလ်တွက်
ဘာကိုမျှ မတောင်း၊ ရေဖြည့်လောင်းသည်
ကျောင်းစာမတတ်၊ ဘာမတတ်နှင့်
တို့ ရပ်ရွာသား၊ ယာသမား၏
မကြွားမ၀ါ၊ စေတနာသည်
မြန်မာဆို မှ မြန်မာတည်း ။

‪#‎တင်မိုး‬

ဒီရေချမ်းစင်လေးရဲ့ ကုသိုလ်ရှင်ကတော့ လူထုခေါင်းဆောင် ဒေါ်အောင်ဆန်းစုကြည် ဖြစ်ပါတယ်။

တည်နေရာကတော့ နေပြည်တော်က နှင်းဆီစံအိမ် အရှေ့မှာပါ…

(Helen Aye Kyaw)


ဒီမိုကရေစီအကျိုးပြု ကရင်တပ်မတော် (ဒီကေဘီအေ) တပ်ဖွဲ့ရဲ့စစ်ဦးစီးချုပ် ဗိုလ်ချုပ်ကြီး စောလားဘွယ်ဟာ ဒီနေ့ မွန်းလွဲပိုင်း ၁ နာရီကျော်လောက်က ပဲခူးဆေးရုံကြီးမှာ ကွယ်လွန်သွားပါတယ်။

ပဲခူးမြို့ရှိနေအိမ်မှာ ဒီကနေ့မနက်က သွေးအန်လို့ ဆေးရုံကို တင်ပို့ခဲ့ပြီးနောက် ကွယ်လွန်သွားတာလို့ ပဲခူးမြို့နေ မိသားစုဝင် တဦးဖြစ်တဲ့ ဦးဇော်လတ်က ဒီဗွီဘီကို ပြောပါတယ်။

“ဒီမနက် အကောင်းကြီးပဲ ရေးချိုးခန်းထဲဝင်တော့ ချောင်းဆိုးတော့ ချောင်းဆိုးရင်းနဲ့ သူ့ရဲ့ လည်ချောင်းက သွေးတွေကထွက်လာတော့ ပဲခူးဆေးရုံသွားပြလိုက်တယ်။ ပြတော့ သွေးက ခဲသွားလားမသိဘူး၊ အသက်ရှူလမ်းကြောင်းပိတ်သွားတယ်။ ဆရာဝန်ကုနေရင်းနဲ့၊ ရန်ကုန်မှာဆိုရင်တော့ မဖြစ်လောက်ဘူး။ ရန်ကုန်မှာက သူ့ကို ကုနေကျဆိုတော့ ခါတိုင်းလည်း အဲလိုဖြစ်ဖူးတယ်။ ဒီမှာကျတော့ ပိုက်ကို ထည့်ရင်းထည့်ရင်းနဲ့ ကြာသွားတာ။ ကြာပြီးတော့ အဲဒီမှာ သွေးကခဲပြီး အသက်ရှူလမ်းကြောင်းပိတ်သွားတာ။”

မိသားစုနဲ့အတူ ချောင်းသာဘက် အလည်သွားပြီအပြန် နောက်တစ်နေ့မှာ ကွယ်လွန်သွားတာလည်းဖြစ်ပါတယ်။

လက်ရှိ စောလားဘွယ်ရဲ့ ရုပ်ကလပ်ကို ဆုံဆည်းမြိုင်ကို သယ်ဆောင်သွားနေတယ်လို့ သိရပါတယ်။

ဒီကေဘီအေ စစ်ဦးစီးချုပ် ဗိုလ်ချုပ်ကြီး စောလားဘွယ်ဟာ လည်ချောင်းဝေဒနာခံစားရ တဲ့အတွက် ပြီးခဲ့တဲ့ ၂၀၁၃ ဒီဇင်ဘာက ရန်ကုန် မြောက်ဒဂုံမှာရှိတဲ့ ပင်လုံဆေးရုံမှာ ဆေးကုသမှု ခံယူခဲ့သလို ၂၀၁၄ ဇန်န၀ါရီလကလည်း စင်ကာပူမှာ သွားရောက်ကုသခဲ့ပါတယ်။

ဗိုလ်ချုပ်ကြီး စောလားဘွယ်ဟာ ကွယ်လွန်ချိန်မှာ အသက် ၅၄ နှစ်ရှိပြီဖြစ်ပြီး ဇနီးဖြစ် သူ နော်ဖောဝါး ကျန်ရစ်ခဲ့ပါတယ်။

DVB TV News

၁၉၈၈ ခုနှစ် မတ်လ ၁၃ ရက်နေ့ ရန်ကုန်စက်မှု တက္ကသိုလ် အရေးအခင်းမှာ ကျဆုံးခဲ့တဲ့ ကိုဖုန်းမော်နဲ့ ကိုစိုးနိုင်တို့ကို ရည်စူးပြီး ၂၈ နှစ်မြောက် အောက်မေ့ဘွယ် အခမ်းအနားကို ရန်ကုန်မြို့ အင်းစိန်မြို့နယ် ကြို့ကုန်းအရှေ့ရပ်ကွက်က ဗျူးကုန်းတောရ ကျောင်းတိုက်မှာ ဒီနေ့ ကျင်းပခဲ့ပါတယ်။

ဒီအခမ်းအနားမှာ ဆရာတော် သံဃာတော်တွေကို ဆွမ်းကပ်လှုဒါန်းခဲ့ပြီး နှစ်ပတ်လည် အခမ်းအနား ကျင်းပရေးကော်မတီ၊ နိုင်ငံရေးအကျဉ်းသားဟောင်းများ ကူညီစောင့် ရှောက်ရေးအသင်း AAPP နဲ့ နိုင်ငံရေးအကျဉ်းသားဟောင်းများအဖွဲ့ တို့က ကြေညာချက် ထုတ်ပြန်ခဲ့ပါတယ်။

လာမယ့် နှစ်မှာပြုလုပ်မယ့် ၂၉ နှစ်မြောက် ကိုဖုန်းမော်နဲ့ ကိုစိုးနိုင် အောက်မေ့ဘွယ် အခမ်းအနားကို အင်းစိန် ရန်ကုန်စက်မူတက္ကသိုလ် ကျောင်းမှာ ကျင်းပသွားမယ်လို့ သိရပါတယ်။


ဒီနေ့ မတ်လ ၁၃ ရက်နေ့ဟာ "မြန်မာနိုင်ငံလူ့အခွင့်အရေးနေ့" လို့ သတ်မှတ်ထားတဲ့ RIT ကျောင်းသား ကိုဖုန်းမော်နဲ့ ကိုစိုးနိုင်တို့ သေဆုံးခဲ့တဲ့ ၂၈ နှစ်မြောက် နှစ်ပတ်လည်နေ့ ဖြစ်ပါတယ်။၁၉၈၈ ခုနှစ်က သူတို့ ၂ ဦးနဲ့အတူတူ မဆလ အစိုးရကို ဆန္ဒပြခဲ့ကြတဲ့ RIT ကျောင်းသားတွေက သူတို့ သူငယ်ချင်း ၂ ဦးအတွက် နှစ်ပတ်လည် ဆွမ်းကပ် အမျှဝေပေးခဲ့ကြပါတယ်။ RFA သတင်းထောက် ကိုကျော်ဇောဝင်း တင်ပြထားပါတယ်။ရိုက်ကူး - သီဟထွန်း၊ ကျော်ဇောဝင်း/RFA
Posted by RFA Burmese on Sunday, March 13, 2016
ဒီနေ့ မတ်လ ၁၃ ရက်နေ့ဟာ "မြန်မာနိုင်ငံလူ့အခွင့်အရေးနေ့" လို့ သတ်မှတ်ထားတဲ့ RIT ကျောင်းသား ကိုဖုန်းမော်နဲ့ ကိုစိုးနိုင်တို့ သေဆုံးခဲ့တဲ့ ၂၈ နှစ်မြောက် နှစ်ပတ်လည်နေ့ ဖြစ်ပါတယ်။
Photo : Thiha Tun,Kyaw Zawe Win/ RFA
RFA

လည်ချာင်းဝေဒနာကို နှစ်ရှည်လများခံစားနေရတဲ့ DKBA,ဥက္ကဌ စစ်ဦးစီးချုပ် ဗိုလ်ချုပ် စောလားပွယ်(ဗိုလ်နုတ်ခမ်းမွှေး)
သည်ယနေ့(13,Mar,2016)ရက်နေ့ မွန်းလွဲပိုင်းတွင် ပဲခူးတိုင်းဒေသကြီး ပဲခူးဆေးရုံ၌ ကွယ်လွန်သွားပြီးဖြစ်ကြောင်းသိရှိ
ရပါသည်။

ကရင်အမျိုးသား မီဒီယာ

မြန်မာနိုင်ငံရဲ့ လက်ရှိလူ့အခွင့်အရေးအခြေအနေတွေနဲ့ ပတ်သက်ပြီး လာမယ့်သီတင်း ပတ်အတွင်း ဆွစ်ဇာလန်နိုင်ငံ ဂျနီဗာမြို့ရှိ ကုလသမဂ္ဂ လူ့အခွင့်အရေးကောင်စီမှာ ဆွေးနွေးဖို့ ရှိနေပါတယ်။

ကမ္ဘာ့နိုင်ငံတွေရဲ့ လူ့အခွင့်အရေးအခြေအနေကို အလှည့်ကျပုံမှန် သုံးသပ်အကဲဖြတ်တဲ့ Universal Peroidic Review ယူပီအာလုပ်ငန်းစဉ်အဖြစ် မတ်လ ၁၇ ရက်နေ့မှာ အစိုးရ ကိုယ်စားလှယ်တွေရော၊ မြန်မာပြည်တွင်းက လူ့အခွင့်အရေး လှုပ်ရှားသူတွေပါ တက်ရောက်ဆွေးနွေးကြမှာ ဖြစ်ပါတယ်။

ပြည်တွင်းမှာ လူ့အခွင့်အရေး ပညာပေးလုပ်ငန်းတွေ ဆောင်ရွက်နေတဲ့ ညီမျှခြင်းမြန်မာအဖွဲ့က ဒါရိုက်တာ ဦးအောင်မျိုးမင်းကတော့ လက်ပံတန်းမှာ ရဲတပ်ဖွဲ့ဝင်တွေရဲ့ အကြမ်းဖက်ရိုက်နှက် ဖမ်းဆီးတရားစွဲထောင်ချခံနေရတဲ့ သပိတ်မှောက်ကျောင်းသားတွေ အရေးကို တင်ပြသွားမယ်လို့ ဒီဗွီဘီကို ပြောပါတယ်။

“အဓိကက အစိုးရက သူတို့ ဘာတွေလုပ်ဆောင်ပါမယ်ဆိုတဲ့ ဟာတွေကို တရားဝင်ကြေညာမှာပါ။ ကျနော်တို့ကတော့ ဘယ်အချက်တွေကတော့ လက်ရှိမှာ ဖြစ်နေတဲ့အတွက် အစိုးရအနေနဲ့ ဘာတွေလုပ်သင့်တယ်ဆိုတဲ့ အကြောင်းအရာတင်ပြမယ်။ အထူးသဖြင့် ကျောင်းသားတွေကိစ္စပါမယ်၊ မြေယာသိမ်းတာပါမယ်။ တိုင်းရင်းသား လက်နက်ကိုင်တိုက်ပွဲတွေ ကိစ္စပါမယ် အမျိုးသမီးတွေအပေါ် အကြမ်းဖက်မှု အဲဒါ အဓိက။”

ဒါ့အပြင် မတ်လ ၁၄ ရက်နေ့ ဂျနီဗာမြို့မှာ မြန်မာနိုင်ငံရဲ့ ဘာသာရေးလွတ်လပ်ခွင့် အခြေအနေနဲ့ပတ်သက်တဲ့ ဆွေးနွေးပွဲနဲ့ မတ်လ ၁၅ ရက်မှာ လူ့အခွင့်အရေး ကာကွယ်မြှင့်တင်သူတွေရဲ့ ဆွေးနွေးပွဲအစီအစဉ်တွေလည်းရှိပါတယ်။

ဂျနီဗာမှာ ရောက်ရှိနေတဲ့ ရှမ်း၊ ကချင်၊ ကရင်နဲ့ ပလောင်ဒေသက လူ့အခွင့်အရေးလှုပ်ရှားတဲ့ အမျိုးသမီးအဖွဲ့ကိုယ်စားလှယ်တွေက မြန်မာနိုင်ငံရဲ့ တိုင်းရင်းသားပဋိပက္ခနဲ့ အဓမ္မပြုကျင့်မှု လိင်ပိုင်းဆိုင်ရာ အကြမ်းဖက်မှုတွေနဲ့ ပတ်သက်ပြီး မတ်လ ၁၁ ရက်က ဆွေးနွေးနွေးပွဲတခု ကျင်းပသွားပါတယ်။

ဒီဆွေးနွေးပွဲမှာ တိုင်းရင်းသားဒေသတွေက စစ်တပ်ရဲ့ လူ့အခွင့်အရေးချိုးဖောက်မှုတွေ၊ အဓမ္မပြုကျင့်မှုနဲ့ လိင်ပိုင်းဆိုင်ရာ အကြမ်းဖက်မှုတွေ ဆက်ဖြစ်နေတဲ့အကြောင်းနဲ့ မြန်မာနိုင်ငံမှာ ၂၀၁၁ ခုနှစ် နိုင်ငံရေးပြောလဲမှုတွေ စကတည်းက ၂၀၁၅ ရွေးကောက်ပွဲ အပါအ၀င် အကောင်းဘက်ကို ပြောင်းလဲတာတွေ ရှိနေပေမယ့် ရှမ်းပြည်နယ်နဲ့ ကချင်ပြည်နယ်တွေမှာ တိုက်ပွဲတွေ ဆက်ဖြစ်နေပြီး စိုးရိမ်စရာ အခြေအနေတွေ အများကြီးရှိနေသေးတဲ့အကြောင်း ပြောဆိုဆွေးနွေးခဲ့ကြပါတယ်။

ဒါ့အပြင် မြန်မာတိုင်းရင်းသား အမျိုးသမီးအဖွဲ့တွေက မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စယန်ဟီးလီနဲ့ ဂျနီဗာမှာ တွေ့ဆုံပြီး နယ်စပ်ဒေ သတွေမှာ ဖြစ်ပွားနေတဲ့ လူ့အခွင့်အရေး အခြေနေတွေကို ပြောပြခဲ့ကြပါတယ်။

ပြီးခဲ့တဲ့၂၀၁၅ နိုဝင်ဘာ ၆ ရက်က ဂျီနီဗာမှာ ကျင်းပတဲ့ ယူပီအာ အစည်းအဝေးမှာတော့ မြန်မာအစိုးရကိုယ်စားလှယ် ပြည်ထောင်စု ရှေ့နေချုပ် ဒေါက်တာထွန်းရှင်က မြန်မာနိုင်ငံရဲ့ လူ့အခွင့်အရေး တိုးတက်ဆောင်ရွက်နေမှုတွေကိုတင်ပြပြီး လူ့အခွင့်အရေးချိုးဖောက်မှု စွပ်စွဲချက်တွေကို အစိုးရကိုယ်စား ချေပရှင်းလင်းခဲ့ပါတယ်။

DVB TV News


ရန်ကုန်စက်မူတက္ကသိုလ် ကျောင်းသား ကိုဖုန်းမော်/ကိုစိုးနိုင်ကျဆုံးခြင်း (၂၈)နှစ်ပြည့်ဆွမ်းဆက်ကပ်လှူဒါန်းခြင်း နှင့် အောက်မေ့ဘွယ်အခမ်းအနားကို မတ်၁၃ရက်က ရန်ကုန်မြို့ အင်းစိန်မြို့နယ်ရှိ ဗြူးကုန်းကျောင်းတိုက်
တွင်ပြုလုပ်ခဲ့
photo - kokogyi

RIT ကျောင်းသားဟောင်းတချို့ဖွဲ့စည်းထားတဲ့ ကိုဘုန်းမော်-ကိုစိုးနိုင်စာပေဆုကို ဒီနှစ်အတွက် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ABSFUကို ချီးမြှင့်မယ်လို့သိရပါတယ်။

လက်ရှိ ဗကသများအဖွဲ့ချုပ်ခေါင်းဆောင်တွေဖြစ်ပြီး ဖမ်းဆီးထိမ်းသိမ်းခံထားရတဲ့ ကိုကျော်ကိုကို၊ ကိုမင်းသွေးသစ်နဲ့ ကိုအောင်မှိုင်းဆန်းတို့ရဲ့ဆောင်းပါးတွေ အတွက် ချီးမြှင့်တာလို့ ဗကသများအဖွဲ့ချုပ် ပြောရေးဆိုခွင့်ရှိသူ ကိုအောင်နေပိုင်က ပြောပါတယ်။

" ကိုဘုန်းမော် - ကိုစိုးနိုင် စာပေဆု စိစစ်ရေးကော်မတီရှိတယ်၊ အဲ့တုန်းက RIT တက်ခဲ့တဲ့ အုပ်စုတွေထဲကနေ ဆုပေးပွဲလေးကို စီစဉ်ထားတာလို့ ကျနော်တို့ သိရတာပေါ့နော်၊ ဆုရတဲ့သူတွေက ကိုကျော်ကိုကိုရယ်၊ ကိုမင်းသွေးသစ်ရယ်၊ ကိုအောင်မှိုင်းဆန်းရယ်ပေါ့နော်၊ သူတို့ ၃ ယောက်က ခွန်းဆင့်သံဂျာနယ် မှာ ရေးထားတဲ့သူတို့ရဲ့ဆောင်းပါးတွေကို စုပြီးပေးလိုက်တာပေါ့နော်၊ ဆုပေးတာကတော့ လူပုဂ္ဂိုလ် တွေကိုမပေးတော့ပဲနဲ့ သူတို့ ၃ ယောက် ကိုယ်စားပြုတဲ့ ဗကသ အဖွဲ့ချုပ်ကိုပဲ ကိုဘုန်းမော် - ကိုစိုးနိုင် စာပေဆုကို ပေးလိုက်တဲ့သဘောပေါ့နော်"

ဆုပေးပွဲကို ကိုဘုန်းမော်-ကိုစိုးနိုင်ကျဆုံးတဲ့ ဒီနေ့ မတ်လ ၁၃ ရက်နေ့မှာကျရောက်တဲ့ ၂၈ နှစ် မြောက်မှာပြုလုပ်မှာဖြစ်ပါတယ်။

တတိယအကြိမ်မြောက်ကျင်းပတဲ့ ဒီစာပေဆုပေးပွဲကို ရန်ကုန်မြို့ အမှတ် ၁၆၉/၁၇၁ မဟာဗန္ဓုလပန်းခြံ လမ်းမှာ ဒီနေ့နေ့လည် ၁ နာရီကနေ ၃ နာရီ အထိပြုလုပ်မယ်လို့ ဆုရွေးချယ်ရေးအဖွဲ့က ကြေညာထားပါတယ်။

၁၉၈၈ ခုနှစ် မတ်လ ၁၃ ရက်နေ့မှာ မဆလအစိုးရရဲ့လုံထိမ်းတပ်ဖွဲ့တွေက RIT ကျောင်းသားတွေကို အင်အားသုံးနှိမ်နင်းခဲ့လို့ ကိုဘုန်းမော်နဲ့ ကိုစိုးနိုင်တို့ ကျဆုံးခဲ့ရတာဖြစ်ပါတယ်။
RFA


ဦးထင်ကျော်၊ ဦးဟင်နရီဗန်ထီးယူ၊ ဦးမြင့်ဆွေ (၀ဲမှယာ)  
ဦးထင်ကျော်၊ ဦးဟင်နရီဗန်ထီးယူ၊ ဦးမြင့်ဆွေ (၀ဲမှယာ)

လွှတ်တော်ကိုယ်စားလှယ်အစုအဖွဲ့တွေက ရွေးချယ်ထားတဲ့ ဒုသမ္မတတွေကို ဖွဲ့စည်းပုံပါ သမ္မတအရည်အချင်းတွေနဲ့ ပြည့်စုံမှုရှိမရှိ စိစစ်ရေးအဖွဲ့က မတ် ၁၄ ရက် လွှတ်တော်မှာ အစီရင်ခံသွားမယ်လို့ စိစစ်ရေးအဖွဲ့ဝင် ဦးဘမျိုးသိန်းက ဒီဗွီဘီကို ပြောပါတယ်။

ပြီးခဲ့တဲ့ရက်ပိုင်းက ဒုသမ္မတတွေအဖြစ် ပြည်သူ့လွှတ်တော်က ဒေါ်ခင်ကြည်ဖောင်ဒေးရှင်း အလုပ်အမှုဆောင် ဦးထင်ကျော်၊ အမျိုးသားလွှတ်တော်က ချင်းတိုင်းရင်းသားအမတ် ဦးဟင်နရီဗန်ထီးယူနဲ့ တပ်မတော်သား လွှတ်တော်ကိုယ်စားလှယ်အစုအဖွဲ့က ရန်ကုန်တိုင်းဝန်ကြီးချုပ် ဦးမြင့်ဆွေတို့ကို ရွေးချယ်တင်မြှောက်ထားတာပါ။

အဆိုပါ ဒုသမ္မတ ၃ ဦးဟာ ၂၀၀၈ ဖွဲ့စည်းပုံ ပုဒ်မ ၅၉ ပါ နိုင်ငံတော် သမ္မတနဲ့ ဒုသမ္မတ အရည်အချင်းသတ်မှတ်ချက်တွေဖြစ်တဲ့ နိုင်ငံတော်နဲ့ နိုင်ငံသားတွေအပေါ်သစ္စာရှိသူ၊ နိုင်ငံရေး၊ အုပ်ချုပ်ရေး၊ စီးပွားရေးနဲ့ စစ်ရေး အမြင်တွေရှိသူ၊ အနှစ် ၂၀ နိုင်ငံတွင်းမှာ အခြေချနေထိုင်ခဲ့သူ၊ ကိုယ်တိုင်နဲ့ မိဘ၊ ဇနီးခင်ပွန်း၊ သားသမီး သမက်နဲ့ချွေးမတွေ မြန်မာနိုင်ငံသား ဖြစ်မဖြစ်စတာတွေနဲ့ ကိုက်ညီမှုရှိမရှိ စိစစ်ရေးအဖွဲ့က ပြည်ထောင်စုလွှတ်တော်မှာ အစီရင်ခံရမှာဖြစ်ပါတယ်။

လက်ရှိ ရွေးချယ်ထားတဲ့ ဒုသမ္မတ လောင်း ၃ ဦးထဲမှာ ဦးမြင့်ဆွေနဲ့ ဦးဟင်နရီ ဗန်ထီးယူတို့ဟာ တပ်မတော် အရာရှိဟောင်းတွေဖြစ်ပြီး ပြည်သူ့လွှတ်တော်က ရွေးချယ်ထားတဲ့ ဦးထင်ကျော်ကတော့ အရပ်သားပညာရှင်တဦး ဖြစ်ပါတယ်။

သမ္မတအရည်အချင်းအကဲဖြတ်ပုံနဲ့ ပတ်သက်ပြီး စိစစ်ရေးအဖွဲ့ဝင် ဦးဘမျိုးသိန်းက “စစ်ရေးအမြင်တို့၊ နိုင်ငံရေးအမြင်တို့၊ စီးပွားရေးအမြင်တို့ ဘယ်လိုတိုင်းမလဲ။ ဒါကတော့ တကယ့်တိုင်းပြည်အုပ်ချုပ်မယ့် လူမှာတော့ ဉာဏ်အမြော်မြင်ရှိရမယ်။ နောက် ဦးဆောင်နိုင်တဲ့ စွမ်းရည်ရှိရမယ်ပေါ့။ နောက်နိုင်ငံသူနိုင်ငံသားတွေရဲ့ ကောင်းကျိုးကို လိုလိုလားလားဆောင်ရွက်တဲ့ စိတ်ဓာတ်ရှိရမယ်၊ ဒီအပေါ်မှာ အခြေခံပြီးတော့ နိုင်ငံရေး အမြင်ကော စစ်ရေးအမြင်ကော လွှမ်းခြုံသွားမယ်လို့ ထင်ပါတယ်။ စစ်ရေးအမြင်က ကာကွယ်ရေးအမြင်လို့ ပြောင်းထားတာရှိတယ်ဆိုတော့ နိုင်ငံတော်ကာကွယ်ရေး အမြင်ကတော့ ကိုယ့်နိုင်ငံရဲ့ လုံခြုံရေးနဲ့ ကာကွယ်ရေးကိုတော့ တိုင်းပြည်အတွက်ကို အမြော်မြင်ရှိရှိနဲ့ ကာကွယ်နိုင်ဖို့ပေါ့။ တကယ်အရေးကြီးတာက ကိုယ့်တိုင်းပြည်ကို ကာကွယ်နိုင်ဖို့ အတွက်က ဉာဏ်အမြော်မြင်ရှိဖို့က အရေးအကြီးဆုံး၊ ဦးဆောင်နိုင်စွမ်းရှိဖို့ အရေးအကြီးဆုံးပဲ။ ကျနော်တို့နိုင်ငံမှာ တကယ် အရေးအကြီးဆုံး တန်ဖိုး အထားရဆုံးကတော့ နိုင်ငံသားတွေပဲ။ ကိုယ့်နိုင်ငံသားတွေအပေါ် တန်ဖိုးအကြီးဆုံးထားမယ်ဆိုရင် သူတို့ကို ကာကွယ်ပေးနိုင်မယ့်ကိစ္စတွေ ဆောင်ရွက်ပေးနိုင်မှာပါပေါ့၊ ဒါအဓိက ကျပါတယ်”လို့ပြောပါတယ်။

လူမှုကွန်ရက်တွေမှာ အငြင်းပွားနေတဲ့ ဒုသမ္မတ ဦးဟင်နရီဗန်ထီးယူဟာ ပြည်ပမှာ နှစ်နဲ့ချီ နေထိုင်ခဲ့ခြင်း ရှိမရှိနဲ့ပတ်သက်ပြီးလည်း စိစစ်ထားပြီးဖြစ်တယ်လို့ပြောပါတယ်။

“သူတရားဝင်ထွက်တဲ့ ကိစ္စတွေဖြစ်တယ်၊ တရားဝင်နိုင်ငံကူးလက်မှတ်နဲ့ သွားတယ် လာတယ်။ သင်တန်းတက်တာတို့၊ ကျောင်းတက်တာတို့ အပါအ၀င် အကုန်လုံးက တရားဝင် သွားလာခြင်းဖြစ်ပါတယ်။ ဒီကိစ္စလွှတ်တော် ကိုယ်စားလှယ်လောင်း စစ်ဆေးကတည်းက ဒီကိစ္စတွေ အများကြီး သေချာစိစစ်တာပါ။ ရှင်းရှင်းလင်းလင်းရှိပါတယ်။”

အမျိုးသားလွှတ်တော်ဝက်ဆိုက်မှာ တင်ထားတဲ့ ဦးဟင်နရီဗန်ထီးယူရဲ့ ကိုယ်ရေး မှတ်တမ်း အကျဉ်းမှာတော့ ပြည်ပခရီးစဉ်မှတ်တမ်းမရှိပါ ဆိုပြီး ရေးထားတာပါ။

ဖွဲ့စည်းပုံအခြေခံဥပဒေမှာတော့ နိုင်ငံတော်ရဲ့ ခွင့်ပြုချက်နဲ့ နိုင်ငံခြားကို တရားဝင်သွားရောက်တဲ့ ကာလတွေကို နိုင်ငံတော်မှာ အခြေချနေထိုင်ခဲ့တဲ့ ကာလအဖြစ် ထည့်သွင်း ရေတွက်ရမယ်လို့ ခြွင်းချက် အနေနဲ့ ထည့်သွင်းပြဋ္ဌာန်းထားပါတယ်။

ဒါ့အပြင် တပ်မတော်က ရွေးချယ်ထားတဲ့ ဒုသမ္မတ ဦးမြင့်ဆွေရဲ့ သားသမီးနဲ့ ချွေးမသားမက်တွေ နိုင်ငံသားဖြစ်မဖြစ် ဖွဲ့စည်းပုံ ပုဒ်မ ၅၉ (စ)နဲ့ ကိုက်ညီမှုရှိမရှိကိစ္စနဲ့ ပတ်သက်ပြီးလည်း ခိုင်လုံတဲ့ အထောက်အထားစာရွက်စာတမ်းတွေကို ကြည့်ရှုစစ်ဆေးကာ စည်းကမ်းဘောင်အတွင်းက ဆောင်ရွက်သွားမယ်လို့လည်း ဦးဘမျိုးသိန်းက ပြောပါတယ်။

သမ္မတ အရည်အချင်းနဲ့ ကိုက်ညီမှုရှိမရှိ စိစစ်ရေးအဖွဲ့ကို ပြည်သူ့လွှတ်တော်နဲ့ အမျိုးသားလွှတ်တော်နှစ်ရပ်က ဥက္ကဋ္ဌနဲ့ ဒုဥက္ကဋ္ဌတွေ အပါအ၀င် အဖွဲ့ဝင် ၇ ဦးနဲ့ ဖွဲ့စည်းထားတာဖြစ်ပါတယ်။

DVB TV News

စစ်တပ်က သမ္မတအဖြစ်တင်သွင့်တဲ့ ဒု-ဗိုလ်ချုပ်ကြီးဟောင်း ဦးမြင့်ဆွေသည် လည်းကောင်း၏ ဇနီးဖြစ်သူ ဒေါ်ခင်သက်ဌေး(မကျင်ဌေး)တရုတ်သွေးပါသူ၊သမီးဖြစ်သူ ခင်သက်ထားဆွေဟာ သြစီနိုင်ငံသားခံယူထားတယ်လို့ သိရပြီး၊သမက်ဖြစ်သူ တာယာမြင့်ဆွေဟာ သြစီနိုင်ငံသားဖြစ်နေတယ်လို့ သိရပါတယ်။ဒါတွေအမှန်တကယ်ဆိုရင် သမ္မတ စစ်ဆေးရေအဖွဲ့ မှ သေသေချာချာလေ့လာဖို့ လိုပါတယ်။မြန်မာနိုင်ငံသားပြန်ပြောင်းထားတယ်ဆိုရင် ဥပဒေနဲ့ ညီညွတ်မှုရှိမရှိ စစ်ဆေးရပါလိမ့်မယ်။

နိုင်ငံတော်၏ ကျေးဇူးသစ္စာတော်ကိုဖေါက်ဖျက်ခြင်း။ ဖွဲ့ စည်းပုံအခြေခံဥပဒေပါ ပြဌာန်းချက်များကို ဖေါက်ဖျက်ကျူးလွန်ခြင်း။အကျင့်သိက္ခာပျက်ပြားခြင်း။ထိုအချက်များကို သမ္မတသည် သစ္စာမစောင့်ထိမ်းရမည်။
၅၉(စ) မိမိကိုယ်တိုင်သော်လည်းကောင်း၊ မိမိ၏မိဘ တစ်ပါးပါးသော်လည်းကောင်း၊မိမိ၏ ဇနီး သို့ မဟုတ် ခင်ပွန်းသော်လည်းကောင်း၊မိမိ၏ တရားဝင် သားသမီးတစ်ဦးဦးသော်လည်းကောင်း၊ ထိုတရားဝင်သားသမီး တစ်ဦးဦး၏ ဇနီး သို့ မဟုတ် ခင်ပွန်းသော်လည်းကောင်း နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက်ရိုသေသူ သို့ မဟုတ် နိုင်ငံခြား အစိုးရ၏ နိုင်ငံသားဖြစ်သူများ မဖြစ်စေရ စသည်ဖြင့် သတ်မှတ်ထားပါသည်။

ထို့ ကြောင့် ၅၉(စ)ကို အသက်ပေးကာကွယ်ကြမည့်သူများဖြစ်သည့် ဦးနေမျိုးဝေနှင့် ဒေါ်ခင်ဝိုင်းကြည်တို့  ဆန္ဒမဖော်ထုတ်ကြပါလား၊ဒါကိုကြည့်ခြင်းအားဖြင့် သူတို့ လိုသူဖြစ်လျှင် ဘာဘဲဖြစ်နေဖြစ်နေ နိုင်ငံနဲ့ လူမျိုးတွေအတွက် မစဉ်းစားပါ၊၊၅၉ (စ) ပြင်ချင်တဲ့သူ နိုင်ငံက ထွက်သွားဆိုပြီး ပြင်းပြင်းထန်ထန် ပြောခဲ့ ကြသလို၊ ပြင်ဆင်တာ ဆိုင်းငံ့တာ တွေပြုလုပ်လာရင် အမျိုးသားရေး အင်အားစုတွေနဲ့ ထိပ်တိုက် တွမေ့ယ် လို့လည်း ပြောဆို ခဲ့ကြပါတယ်။အာဏာရှင် နအဖလက်ပါးစေတွေဆိုတာ မျက်ဝါးထင်ထင်မြင်တွေ့ ရပါပြီ ပြည်သူတွေလည်း ယုံကြည်မှုမရှိကြဖို့  လိုအပ်ပါသည်။

ကမ္ဘာ့နိုင်ငံတွေမှာ ဖွဲ့ စည်းပုံအခြေခံဥပဒေကို အချိန်အခါနှင့်မကိုက်ညီရင် ပြင်ဆင်ကြပါတယ်။အမေရီကန်၊ပြင်သစ်၊ဂျာမဏီ၊ဂျပန် စသည့် ဒီမိုကရေစီထွန်းကားတဲ့ နိုင်ငံကြီးတွေမှာအကြိမ်ပေါင်းများစွာ ပြင်ဆင်ဖြည့်စွက်ကြရပါတယ်။ဒါကိုနားမလည်တဲ့သူတွေက အာဏာရှင်အကြိုက်လိုက်ပြီး အရိုးအရင်းလေးစုတ်ရမလားလို့  အာဏာရှင်ကို အကာအကွယ်ပေးနေပြီး ပြည်သူတွေကို လိမ်ညာဖို့ ကြိုးစားနေတယ်ဆိုတာ ထင်ရှားနေပါတယ်။

စစ်တပ်က သမ္မတအဖြစ် တင်သွင်းတဲ့ ဦးမြင့်ဆွေဟာ အမေရိကန်အစိုးရရဲ့  ပိတ်ဆို့ မှု ခံထားရသူဖြစ်ပြီး ၂၀၀၇ သံဃာ့အရေးအခင်းမှာ တပ်လုံခြုံရေးအကြီးအကဲဖြစ်ကာ လူထုဆန္ဒပြပွဲတွေမှာ အကြမ်းဖက်ဖိနှိပ်မှုတွေမှာ တာဝန်ရှိသူတစ်ဦးအဖြစ် သတ်မှတ်ထားခြင်းခံရသူ အရေးယူထားတဲ့စာရင်းမှာ ပါဝင်နေပါတယ်။ ရန်ကုန်မြို့ အုပ်ချုပ်ရေး ဥက္ကဌ တာဝန်ယူထားပြီး အဂဓိလိုက်စားမှုတွေနဲ့ လည်း နံမည်ကြီးပါတယ်။ကျောင်းသားပညာရေးသပိတ် မြို့ တော်ခန်းမ အနီး ဆန္ဒပြကျောင်းသား ပြည်သူတွေကို လက်ပတ်နီ (စွမ်းအားရှင်)တွေကို မွေးထုတ်ခဲ့သူတစ်ဦးအဖြစ်ထင်ရှားလာပါတယ်။ရိုသားမှုမရှိသော ဥပဒေနှင့်ညှိစွန်းသူကို စစ်တပ်မှ သမ္မတအဖြစ် တင်သွင်းခြင်းသည် တပ်မတော်၏ ဂုဏ်သိက္ခာကို ထိခိုက်နိုင်ကြောင်း တင်ပြပါသည်။

မြသိန်း

ဒီနေ့ မတ်လ (၁၃) ရက်ဟာ စက်မှုတက္ကသိုလ် ပဉ္စမနှစ်ဓာတုဗေဒအင်ဂျင်နီယာကျောင်းသား ကိုဘုန်းမော် တယောက် စစ်အာဏာရှင်ရဲ့ လုံထိန်းတပ်တွေပစ်ခပ်လိုက်တဲ့ သေနပ်ကျည်ဆံ ထိမှန်သေဆုံးခဲ့တာ (၂၇) နှစ်တင်းတင်း ပြည့်တဲ့နေ့ ဖြစ်တယ်။

ဖိနှိပ်လွန်းရင် အုံကြွတတ်တဲ့ လူ့ သဘာဝပြယုဂ်ဖြစ်တဲ့ ရှစ်လေးလုံးလူထုအရေးတော်ပုံကြီး ပေါ်ပေါက်လာ စေရာမှာ တွန်းအားတခုဖြစ်စေခဲ့တဲ့ ရန်ကုန်စက်မှုတက္ကသိုလ် (RIT) ကျောင်းသားအရေးအခင်းဟာ ၁၉၈၈ မတ်လ ၁၃ ရက်မှာဖြစ်ပွားခဲ့တယ်။

၁၉၈၇ ခုနှစ်တုံးက ပြည်သူတွေရဲ့ ငွေစက္ကူတွေကို တရားမ၀င်ကြောင်းကြေညာပြီး ဓါးမြတိုက်လုယူခဲ့တဲံ မြန်မာ့ဆိုရှယ်လစ်လမ်းစဉ် မျက်နှာဖုံးစွပ်ထားတဲ့ စစ်အာဏာရှင်စနစ်အပေါ် အထွေထွေ မကျေနပ်မှု့တွေ စုလာရာက အနောက်ကြို့ကုန်းထဲက လက်ဖက်ရေဆိုင်တခုမှာ လူငယ်ချင်းရန်ဖြစ်ကြရာကပေါ်လာတဲ့ လူမှု့ရေးပဋိပက္ခကို နိုင်ငံရေးနည်းလမ်းနဲ့ တရားမျှမျှတတ မဖြေရှင်းခဲ့ဘဲ ပစ်ခတ်နှိမ်နင်းခဲ့ရာမှာ သေဆုံးခဲ့ရတာပါ။

ဒါကြောင့်လည်း “ သတ္တိရှိတယ်ဆိုတာ လက်ထဲမှာလက်နက်ကိုင်ပြီး ကိုယ်လုပ်ချင်တာ လုပ်တာကို ပြောတာ မဟုတ်ဘူး။ လက်ထဲမှာ ဘာလက်နက်မှမရှိဘဲ ကိုယ်လုပ်ချင်တာ လုပ်ရဲတာသတ္တိလို့ ခေါ်တယ်”လို့  ဒေါ်အောင်ဆန်းစုကြည်က (၁၉၈၉) ခုနှစ် ဘုန်းမော်ကျဆုံးခြင်း (၁) နှစ်ပြည့် အခမ်းအနားမှာ တက္ကသိုလ် ကျောင်းသားတွေကို ရဲရဲတောက်မိန့်ခွန်းပြောခဲ့ပြီး ဘုန်းမော်နေ့ အခမ်းအနားဖြစ်မြောက်ရေးကော်မတီနဲ့  အမျိုးသားဒီမိုကရေစီအဖွဲ့ချုပ်တို့ ညှိနှိုင်းပြီး နာယကကြီး ဦးတင်ဦးက ဘုန်းမော်ကျဆုံးခဲ့တဲ့ မတ်လ (၁၃) ရက်ကို မြန်မာနိုင်ငံလူ့အခွင့်အရေးနေ့ အဖြစ် သတ်မှတ်ကြောင်း အဲ့ဒီနေ့ မှာဘဲ ထုတ်ပြန်ကြေညာခဲ့တယ်။

တကယ်တော့ စစ်အာဏာရှင်စနစ်ကြီးစိုးတဲ့ နိုင်ငံတနိုင်ငံမှာ ဘယ်ပြည်သူရဲ့ဘ၀မှ လုံခြုံမှု့မရှိပါဘူး။ လူတိုင်းဟာ ဘုန်းမော်လိုဘဲ အဖြစ်ဆိုးနဲ့ ကြုံလို့ အသက်ဆုံးပါးရနိုင်ပါတယ်။ ဒါကို ရှစ်လေးလုံးအရေးတော်ပုံကြီးကို အကြမ်းဖက်သတ်ဖြတ်နှိမ်နင်းခံခဲ့ရမှု့အပါအ၀င် ကျောင်းသားနဲ့ လူထုအရေးတော်ပုံတိုင်းက သမိုင်းမှာ သက်သေတည်ခဲ့ပြီးပါပြီ။

နိုင်ငံရေး၊ လူမှု့ရေးပဋိပက္ခတွေကို ငြိမ်းချမ်းစွာ တွေ့ ဆုံညှိနှိုင်းဖြေရှင်းရမည့်အစား လက်နက်အားကို၊ အာဏာအားကိုးနဲ့ အကြမ်းဖက်အနိုင်ယူဗိုလ်ကျတတ်တဲ့ စစ်အာဏာရှင်သန္ဓေဆိုး အကျင့်ယုတ်နဲ့ သေနတ်နဲ့ ပစ်ခတ်သတ်ဖြတ်ဖြေရှင်းခဲ့တဲ့ အဖြစ်မျိုး မြန်မာနိုင်ငံမှာ နှောင်မှာဘယ်သောအခါမှ ထပ်မံမဖြစ်ပွားအောင် စစ်အာဏာရှင်စိတ်ဓါတ်ကို အမြစ်အငုပ်မကျန် တူးထုတ်ရှင်းလင်းပစ်ဖို့ လိုတယ်။

တကယ်တော့ တို့ အားလုံးဟာ ကိုဘုန်းမော်တွေဖြစ်ကြပါတယ်။ မြန်မာပြည်သူပြည်သားတိုင်းဟာ ကိုဘုန်းမော်တွေပါဘဲ။

လေးစားစွာဖြင့်

(မင်းကောင်းချစ်)

မတ်လ (၁၃) ရက် ၂၀၁၆ ခုနှစ်

[soundcloud src="251592105"/]
ပြည်ထောင်စု လွှတ်တော်ကနေ ရွေးလိုက်တဲ့ အန်အယ်လ်ဒီရဲ့ ဒုသမ္မတ ၂ ဦး နဲ့ တပ်မတော်က ရွေးချယ်တဲ့ ဒုသမ္မတ တစ်ဦးတို့ကို မန္တလေး ဒေသခံတွေ ဘယ်လို အမြင် သဘောထားတွေ ရှိကြသလဲ၊ ဘာတွေ မျှော်လင့်ထားပြီး ဘာတွေ ဖြစ်စေချင်ကြသလဲ ဆိုတာ ကိုနေလင်း မန္တလေးကနေ စုစည်း သတင်းပေးပို့ ထားပါတယ်။
BBC Burmese