03/14/16

dassk-parliament-620.jpg
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကို မတ်လ ၁၁ ရက်နေ့က ကျင်းပပြုလုပ်တဲ့ ပြည်သူ့လွှတ်တော် အစည်းအဝေးမှာ တွေ့ရစဉ်
Photo:NLD Chairperson Office

ဒေါ်အောင်ဆန်းစုကြည်က ပြည်ထောင်စုလွှတ်တော်မှာ မနက်ဖြန် ကျင်းပမယ့် သမ္မတ ရွေးချယ်တဲ့ခါ မဲပေးမမှားကြဖို့နဲ့ ပယ်မဲမဖြစ်အောင် ဂရုစိုက်ကြဖို့ အင်န်အယ်လ်ဒီပါတီ ကိုယ်စားလှယ်တွေကို မှာကြားလိုက်ပါတယ်။

ဒီကနေ့ ညနေ ငါးနာရီမှာ ကိုယ်စားလှယ်တွေနေထိုင်တဲ့ နေပြည်တော် စည်ပင်ရိပ်သာက အစည်းအဝေး ခန်းမမှာ ဒေါ်အောင်ဆန်းစုကြည်က ပြောလုိုက်တာ ဖြစ်ပါတယ်။

မနက်ဖြန်ကျင်းပမယ့် ပြည်ထောင်စုလွှတ်တော်မှာ ပြည်သူ့လွှတ်တော်၊ အမျိုးသားလွှတ်တော်နဲ့ တပ်မတော်သား အစုအဖွဲ့တို့က ရွေးချယ်ထားတဲ့ ဦးထင်ကျော်၊ ဦးဟင်နရီဗန်ထီးယူနဲ့ ဦးမြင့်ဆွေတို့ ၃ ဦးထဲက ၁ ဦးကို သမ္မတ၊ ကျန် ၂ ဦးကို ဒုတိယသမ္မတတွေအဖြစ် ရွေးချယ်ကြမှာဖြစ်ပါတယ်။

ပြည်ထောင်စုလွှတ်တော်မှာ အမျိုးသားဒီမိုကရေစီအဖွဲ့ချုပ်က ကိုယ်စားလှယ် ၃၉ဝ ဦး၊ ကြံ့ခိုင်ဖွံ့ဖြိုးရေးပါတီက ၄၂ ဦး၊ တပ်မတော်သားကိုယ်စားလှယ်အစုအဖွဲ့က ၁၆၆ ဦး၊ ရခိုင်အမျိုးသားပါတီက ၂၂ ဦး၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် ၁၅ ဦးအပါအဝင် ကိုယ်စားလှယ် ၆၆၄ ဦးဖြစ်ပါတယ်။

ပြည်ထောင်စုလွှတ်တော်မှာကျင်းပမယ့် နိုင်ငံတော်သမ္မတ ရွေးချယ်မယ့် အစည်းအဝေးကို လေ့လာသူတွေအဖြစ် တက်ရောက်ဖို့ နိုင်ငံတကာသံတမန်တွေ၊ နိုင်ငံရေးပါတီတွေက ကိုယ်စားလှယ်တွေကို ဖိတ်ကြားထားကြောင်း လွှတ်တော်ရုံးအဖွဲ့က ပြောပါတယ်။

ပြည်တွင်း၊ ပြည်ပ နိုင်ငံတကာ သံတမန်အဖွဲ့တွေလည်း တက်ရောက်ရာမှာ အဆင်ပြေအောင် စီစဉ်ဆောင်ရွက်ထားတယ်လို့ ပြည်သူ့လွှတ်တော်ရုံး ညွှန်ကြားရေးမှူး ဦးကိုကိုနိုင်က ပြောပါတယ်။

"ပြီးခဲ့တဲ့အပတ်ကတော့ ကျနော်တို့လုပ်သွားတာကတော့ ကျနော်တို့က ပိုတဲ့ဟာတွေ မဆန့်တဲ့ဟာတွေက တခြားအခန်းမှာ LED နဲ့ Live Show ပြပေးလိုက်တယ်၊ သူတို့လည်း အဲ့အစီအစဉ်ကိုတော့သိတယ်၊ ဖိတ်ကြားမှုအနေနဲ့ကတော့ ကျနော်စုံစမ်းကြည့်တာကတော့ အဲ့လိုမရှိဘူးခင်ဗျ၊ ဒါပေမဲ့ လွှတ်တော်ဥက္ကဌကတော့ ပါတီတွေကိုဖိတ်တယ်၊ တက်ရောက်လိုတဲ့ပါတီ တက်နိုင်ပါတယ်ပေါ့၊ လာတာ မလာတာကတော့ ပါတီတွေရဲ့ကိစ္စပေါ့လေ၊ နောက်တခါ လာချင်တယ်ဆိုတဲ့ request တွေ ပြည်တွင်း ပြည်ပ နိုင်ငံခြားသားတွေရောဘာညာ လက်ခံစိစစ်ဆောင်ရွက်နေတယ်၊ ထိုင်ခုံကတော့ ၄ဝဝ ကျော်ပါ"

ပြည်ထောင်စုလွှတ်တော်မှာ ဧည့်သည်တော်နေရာအတွက် ထိုင်ခုံအရေအတွက် ၄၀၀ ကျော်ရှိပြီး ပြီးခဲ့တဲ့ ပြည်သူ့လွှတ်တော်မှာပြုလုပ်ခဲ့တဲ့ ဒုတိယသမ္မတလောင်းရွေးချယ်ပွဲမှာ တက်ရောက်ခဲ့တဲ့ ဧည့်သည်တော်တွေ များပြားတဲ့အတွက် တခြားခန်းမထဲမှာ LED နဲ့ ပြသပြီး စီစဉ်ပေးခဲ့ရတယ်လို့ ပြောပါတယ်။

RFA

ရွေးချယ်တင်မြှောက်ခံရတဲ့ ဒုတိယသမ္မတ ၃ ယောက် ဦးထင်ကျော်၊ ဦး ဟင်နရီ ဗန်ထီးယူနဲ့ ဒုဗိုလ်ချုပ်ကြီးဟောင်း ဦးမြင့်ဆွေ
ရွေးချယ်တင်မြှောက်ခံရတဲ့ ဒုတိယသမ္မတ ၃ ယောက် ဦးထင်ကျော်၊ ဦး ဟင်နရီ ဗန်ထီးယူနဲ့ ဒုဗိုလ်ချုပ်ကြီးဟောင်း ဦးမြင့်ဆွေ

လွှတ်တော်ကိုယ်စားလှယ် အစုအဖွဲ့ အသီးသီးကနေ ရွေးချယ်တင်မြှောက်လိုက်တဲ့ ဒုတိယသမ္မတ ၃ ယောက်ကို ဒီကနေ့ ပြည်ထောင်စု လွှတ်တော်မှာ အတည်ပြုလိုက်ပါတယ်။ ဦးထင်ကျော်၊ ဦး ဟင်နရီ ဗန်ထီးယူနဲ့ ဒုဗိုလ်ချုပ်ကြီးဟောင်း ဦးမြင့်ဆွေတို့ကို သမ္မတ စိစစ်ရေးအဖွဲ့က စိစစ်ပြီးနောက် ပြည်ထောင်စု လွှတ်တော်မှာ ဒီကနေ့ အတည်ပြုခဲ့ပေမဲ့ စိစစ်ရေးအဖွဲ့ထဲမှာပါတဲ့ တပ်မတော်သား ကိုယ်စားလှယ်က ကန့်ကွက်တာတွေလည်း ကြုံခဲ့ရတာပါ။ ဒုသမ္မတတွေ အတည်ပြုခဲ့တဲ့ လွှတ်တော်ရှိရာ နေပြည်တော်မှာ ကိုယ်တိုင်သတင်းသွားယူနေတဲ့ ဗွီအိုအေ မြန်မာပိုင်း သတင်းထောက် ကိုစည်သူ က အပြည့်အစုံကို ဆက်ပြောပြပေးပါလိမ့်မယ်။

ဒီကနေ့မှာ ပြည်ထောင်စုလွှတ်တော်တွင်းမှာ သမ္မတ စိစစ်ရေးအဖွဲ့က ဒုသမ္မတတွေကို စိစစ်တာမှာ အကြိတ်အနယ်ဆွေးနွေးခဲ့ကြရပါတယ်။ လွှတ်တော်ကို လည်း သတ်မှတ်ကျင်းပမယ်လို့ကြေငြာထားတဲ့ နေ့လည် ၁နာရီအစား နောက်ထပ် မိနစ် ၄၀ကျော်ကြာရွှေ့ဆိုင်းကာကျင်းပခဲ့ရပါတယ်။ ဒီအတောအတွင်းမှာ လွှတ်တော် ဥက္ကဋ္ဌ၊ ဒုဥက္ကဋ္ဌ တွေက သမ္မတ စိစစ်ရေး အဖွဲ့ကိုမကြာခဏ ဆင့်ခေါ်ကာပြန်လည်ဆွေးနွေးခဲ့ရတာတွေလည်းရှိခဲ့ပါတယ်။

ဒီလို ပြည်သူ၊ အမျိုးသား လွှတ်တော်နဲ့ တပ်မတော်သား အစုအဖွဲ့တွေ ဘက်ကရွေးချယ် ထားတဲ့ ဒုသမ္မတ၃ဦးစလုံးကို သမ္မတ အရည်အချင်းနဲ့ကိုက်ညီ တယ်လို့ဒီကနေ့မှာ သမ္မတစိစစ်ရေးအဖွဲ့ ကထုတ်ပြန်လိုက်ပေမယ့် တပ်မတော်သား အစုအဖွဲ့ဘက်ကတော့ NLD ပါတီကတင်သွင်းတဲ့ ၂ ဦးစလုံးကို သူတို့ ဘက်က ထောက် ခံ ခဲ့ခြင်းမရှိပါဘူး။ NLD ပါတီဘက်က ပြည်သူ့လွှတ်တော် အတွက် အစုအဖွဲ့အတွက် တင်ပြလာတဲ့ ဒုသမ္မတ ဦးထင်ကျော်ကို လွှတ်တော် ကိုယ်စားလှယ်တဦး မဟုတ်တာကြောင့် နိုင်ငံတော် သမ္မတနဲ့ ဒုသမ္မတများ အတွက်သတ်မှတ်ထားတဲ့ ပုဒ်မ ၃၊ ပုဒ်မခွဲ စ လုံးမှာဖော်ပြထားတဲ့ သတ်မှတ်အရည်အချင်းတွေနဲ့ ကိုက်မကိုက် စိစစ်ဖို့ လိုအပ်တယ်လို့ တပ်မတော်သားတွေဘက်က တင်ပြခဲ့ပြီး ထောက်ခံခြင်း ကန့်ကွက်ခြင်းမပြုခဲ့ပါဘူး။ ဒါပေမယ့် စိစစ်ရေးအဖွဲ့ဝင် ၇ဦးမှာ ၆ဦးကသဘောတူတာကြောင့် ဦးထင်ကျော်ကို သမ္မတအရည်အချင်းနဲ့ကိုက်ညီတယ်လို့ ဆုံးဖြတ်လိုက်တာပါ။

အမျိုးသားလွှတ်တော်အစုအဖွဲ့ကနေ တင်ပြထားတဲ့ ဒုသမ္မတ ဦးဟင်နရီဗန်တီးယူ နဲ့ပက်သတ်ပြီး တပ်မတော် သားတွေဘက်က တင်ပြလာမှုနဲ့ ပက်သတ်ပြီး ပြည်ထောင်စု လွှတ်တော် နာယကက ခုလိုလွှတ်တော်မှာ ဖတ်ကြားခဲ့ပါတယ်။

“တပ်မတော်သား လွှတ်တော်ကိုယ်စားလှယ်အစုအဖွဲ့မှာ ဗိုလ်ချုပ် သန်းစိုးက ကန့်ကွက်အတည်ပြုပါကြောင်း ၊ ဦးဟင်နရီဗန်တီးယူ သည် နိုင်ငံခြားတွင် မိသားစုနှင့်အတူ ၆ နှစ်ခန့်နေထိုင်ခြင်းနှင့် ဆက်လျှင်း၍ နိုင်ငံတော်၏ ခွင့်ပြုချက်ဖြင့် ဆိုသောစကားရပ်ကို အဓိပ္ပါယ်ဖွင့်ဆိုနိုင်ရန် နိုင်ငံတော် ဖွဲ့စည်းပုံအခြေခံ ဥပဒေ ဆိုင်ရာ ခုံရုံးသို့ မေးမြန်းသင့်ပါကြောင်း စီစစ်ရေးအဖွဲ့သည် သမ္မတလောင်းအား တွေ့ဆုံ စီစစ်ခဲ့ပြီး ၊ စီစစ်ရေးအဖွဲ့ဝင် ၇ ဦးရှိသည့်အနက် ၆ ဦးက ထောက်ခံသဖြင့် ရွေးကောက်ခံ အမျိုးသားလွှတ်တော် ကိုယ်စားလှယ်အစုအဖွဲ့၏ သမ္မတလောင်းအဖြစ် အဆိုပြုခြင်းခံရသော ဦးဟင်နရီဗန်တီးယူသည် နိုင်ငံတော်သမ္မတနှင့် ဒုတိယ သမ္မတအတွက် သက်မှတ်ထားသော အရည်အချင်းများနှင့် ပြည့်စုံသူဖြစ်ကြောင်းဆုံးဖြတ်သည်။”

NLD ပါတီက တင်လာတဲ့ သမ္မတလောင်းတွေကို လက်ခံငြင်းမရှိတဲ့အပေါ် NLD ပါတီက ပြည်သူ့လွှတ်တော်ကိုယ်စားလှယ် ဒေါ်ခင်စန်း လှိုင် က ခုလိုပြောပါတယ်။

“ဒါကတော့ တပ်ဘက်ကလည်း ကန့်ကွက်စရာရှိလို့ ကန့်ကွက်တယ်လို့ ကျမတို့ ဒီလိုနားလည်တယ်။ ဒါပေမယ့်လို့ ကန့်ကွက်တယ်ဆိုသော်လည်း အခုဒါတော့ လွှတ်တော်ထဲမှာ အတည်ပြုပြီးသား ဖြစ်ပါတယ်။ ကျန်တဲ့အဖွဲ့တွေ အားလုံးထောက်ခံ တယ်ဆိုတော့လေ။ အဲတော့ အတည်ပြုပြီးသား အရေးကြီး တာကတော့ ကျမတို့အတည်ပြုမှရမယ်။”

ဒီတင်သွင်းထားတဲ့ ဒုသမ္မတ ၃ဦးမှာ တပ်မတော်ဘက်ပိုင်းက တင်သွင်းတဲ့ ဒုသမ္မတ ဦးမြင့်ဆွေနဲ့ပက်သတ်ပြီး တည်ဆဲပုဒ်မ ၅၉(စ)နဲ့ညိစွန်းနေတဲ့အတွက် သမ္မတမဖြစ် ထိုက်ဘူးလို့သတင်းတွေထွက်ပေါ်နေပေမယ့် ဒီကနေ့မှာတော့ စိစစ်ရေးကော်မတီဝင်တွေက သမ္မတအရည်အချင်းနဲ့ ကိုက်ညီတယ် လို့ ရွေးလိုက် ပါတယ်။

ဒီလိုရွေးချယ်ခဲ့တာနဲ့ပတ်သတ်ပြီး ပြည်ခိုင်ဖြိုးပါတီက ပြည်သူ့လွှတ်တော်ကိုယ်စားလှယ် ဦးလှဌေးဝင်း က တပ်မတော်ဘက်ကတင်သွင်းလာတဲ့ ဒုသမ္မတ ဦးမြင့်ဆွေနဲ့ပတ် သတ်ပြီး ခုလိုမှတ်ချက်ပေးပါတယ်။

“အကြံကောင်း ဥာဏ်ကောင်း ကောင်းကောင်းပေးနိုင်မယ့် ပုဂ္ဂိုလ်ဖြစ်ပါတယ်။ သင့်တော်ပါတယ်။ ကျန်တာကတော့ သူတို့ စီစစ်ရေးကော်မတီက စီစစ်ပါလိမ့်မယ့် သီးခြားမရှိပါဘူး။”

လတ်တလောမှာ အမျိုးသားလွှတ်တော်အစုအဖွဲ့ကနေ တင်ပြထားတဲ့ ဒုသမ္မတ ဦးဟင်နရီဗန်တီးယူနဲ့ပတ်သတ်ပြီး တပ်မတော်ဘက်ပိုင်းက ဖွဲ့စည်းပုံ အခြေခံဥပဒေခုံရုံး ဘက်ကို တင်ပြကာ စိစစ်ပေးဖို့ တင်ပြမှုအပေါ် လွှတ်တော်က မှတ်တမ်းအနေနဲ့ထားရှိခဲ့ပါတယ်။ ဒီအပေါ် ဥပဒေကြမ်းကော်မတီဥက္ကဌဖြစ်သူ NLD ပါတီက ဦးထွန်းထွန်း ဟိန်က ခုလိုပြောပါတယ်။

“ခုံရုံးကိုတင်ပေးပါဥစ္စာ၊ ဒီမှာ စီစစ်ရေးအဖွဲ့ရှိတာပဲလေ။ စီစစ်ရေးအဖွဲ့ကလည်း ဘာဖြစ်လဲဆိုတော့ ဒီဥစ္စာ သူတို့ရဲ့လုပ်ပိုင်ခွင့်ထဲမှာ ကျရောက်တယ်လို့ သူတို့ ယုံကြည်တာပေါ့။ ယုံကြည်လို့ သူတို့ စီစစ်လိုက်ပြီးပြီပေါ့။ ခုံရုံးကို တင်ပြသွားမလားဆိုတဲ့ဥစ္စာ ခုံရုံးက ဘယ်လိုဟာတွေကို လက်ခံပြီး စီစစ်နိုင်တာတွေကို အန်ကယ်တို့ ပြန်ကြည့်ရမှာပါ။ ဒီအတိုင်း အန်ကယ်တို့ objection တင်တိုင်းလည်း ခုံရုံးက လက်ခံနိုင်တာမဟုတ်ပါဘူး။”

ဒီကနေ့ ဒုသမ္မတ ၃ဦးစလုံးကို သမ္မတအရည်အချင်းကိုက်ညီတယ်လို့ သတ်မှတ် လိုက်တာကြောင့် မနက်ဖြန်မှာတော့ သမ္မတကို မဲပေးရွေးချယ် သွားတော့မှာဖြစ်ပါတယ်။ လက်ရှိမှာ NLD ပါတီက ဦးထင်ကျော်ကို သမ္မတ ဖြစ်လာနိုင်တယ်လို့ ထင်ကြေးပေးနေပြီး လူကြိုက်များလျှက်ရှိပါတယ်။

မေခ/VOA
http://burmese.voanews.com/content/the-vice-presidents-are-confirmed/3234933.html

ဗွီအိုအေ မြန်မာပိုင်းဌာနမှူး ဦးသန်းလွင်ထွန်းနဲ့ သမ္မတဦးသိန်းစိန်
လက်ရှိသမ္မတ ဦးသိန်းစိန် တာဝန်တွေလွှဲပြောင်းပြီးတဲ့အခါ သူဦးဆောင်တဲ့   ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ လုပ်ငန်းတွေကို ဆောင်ရွက် သွားဖို့ ရည်ရွယ်တဲ့အကြောင်း ဒီကနေ့ မနက်ပိုင်း နေပြည်တော်မှာ ဗွီအိုအေ မြန်မာပိုင်းဌာနမှူး ဦးသန်းလွင်ထွန်းနဲ့ တွေ့ဆုံရာမှာ ပြောဆိုခဲ့ပါတယ်။ ဗွီအိုအေက သီးသန့်တွေ့ဆုံမေးမြန်းခွင့်တောင်းခံ ခဲ့ပေမဲ့ နှုတ်ခွန်းဆက် ပြောဆိုတဲ့အဆင့်နဲ့သာ လက်ခံတွေ့ဆုံရာမှာ သမ္မတဦးသိန်းစိန်က သမ္မတသက်တမ်းအတွင်း ဆောင်ရွက်နိုင်ခဲ့မှု အခြေအနေ၊ နိုင်ငံရေး အနာဂတ်တွေနဲ့ ပတ်သက်လို့ ဗွီအိုအေ မြန်မာပိုင်းဌာနမှူး ဦးသန်းလွင်ထွန်းနဲ့ တွေ့ဆုံရာမှာ ရှင်းလင်းပြောကြားခဲ့တာပါ။ ဒီကနေ့ နေပြည်တော်မှာ သမ္မတနဲ့ တွေ့ဆုံခဲ့တဲ့ ဦးသန်းလွင်ထွန်းကို ကျမတို့ ဆက်သွယ်မေးမြန်းတဲ့အခါမှာ သီးသန့်တွေ့ဆုံခွင့် မရတဲ့ အခြေအနေကို သူကအခုလို စရှင်းပြပါတယ်။

“ဦးသန်းလွင်ထွန်း။ ။ အခုလောလောဆယ် နိုင်ငံရေးအခြေအနေ အထူးသဖြင့်ပေါ့နော် အစိုးရအတွက်၊ သူတို့အတွက် ပြောင်းလဲဖို့ပြင်ဆင်နေတဲ့အချိန် ပြီးတော့ ဒီနေ့မနက်ဆိုရင်လည်း ကျနော်တို့ တွေ့ဆုံနေတဲ့အချိန်မှာ ဒုတိယသမ္မတတွေ ရွေးဖို့အတွက် လွှတ်တော်ထဲမှာလည်း သေချာတကျမရှိသေးတဲ့အခြေအနေဆိုတော့ သမ္မတကြီးအနေနဲ့လည်း သူ သီးသန့်တွေ့ဆုံမေးမြန်းခန်း ဆိုတာထက် သူရိုးရိုးလက်ရှိအခြေအနေထဲမှာပေါ့နော် တွေ့ဆုံနှုတ်ဆက်ပြီးတော့ စကားစမြီပြောတဲ့အနေအထားနဲ့ပဲ တွေ့ချင်ပါတယ်လို့ လက်ခံလာတယ်လေ။

မ ခင်ဖြူထွေး။ ။ ဟုတ်ကဲ့ ဒီလိုတွေ့ဆုံနှုတ်ဆက်ခွင့်လောက်ပဲရတဲ့ အခြေအနေမှာရော ထူးထူးခြားခြားဘာတွေများပြောဖြစ်ပါသလဲရှင့်။

ဦးသန်းလွင်ထွန်း။ ။ နှုတ်ဆက်ခွင့်ရတယ်ဆိုတာ နှုတ်ဆက်ရုံ သက်သက်တော့ မဟုတ်ဘူးပေါ့လေ။ ဘာပဲပြောပြော အခြေအနေနောက်ခံ အကြောင်းအရာလေးတွေကို ပွင့်ပွင့်လင်းလင်း ပြောဆိုမေးမြန်းခွင့်ရတော့ ရခဲ့တာပေါ့။ ဒါပေမယ့်လည်း ဒါတွေက ကျနော်တို့ သတင်းကျင့်ဝတ် အရဆိုရင်လည်း သီးသန့်မေးမြန်းခွင့်မပေးပဲနဲ့ ဒါကြောင့်ကျနော်တို့ ပြောဖြစ်တဲ့အကြောင်းအရာလေးတွေကို နောက်ခံသဘောမျိုးရှင်းပြတဲ့အခြေအနေလေးတွေဆိုတော့ ထုတ်ဖော်ပြောလို့ရမယ့်ဟာလေးတွေကိုပဲ ပြောသွားရမယ့် အနေအထားရှိတာပေါ့။ အဲတော့ အဓိကအားဖြင့်တော့ သူ့အနေနဲ့တော့ သူ့ရဲ့ သမ္မတ သက်တမ်း ၅ နှစ် ကာလအတွင်းမှာ ဘာတွေများဆောင်ရွက်နိုင်ခဲ့တာရှိလဲ ၊ ဘယ်အချက်တွေကို ကျေနပ်မှုရှိသလဲ။ ဒါမျိုးလေးတွေတော့ သူ့ဘက်က ပြောတာလေးတွေရှိပါတယ်။

မ ခင်ဖြူထွေး။ ။ ဟုတ်ကဲ့ အခုဆိုရင် မကြာခင်မှာ အစိုးရသစ်လည်း လာတော့မယ်ဆိုတော့ သူ့ရဲ့ အစိုးရ သက်တမ်းလည်း ကုန်တော့မယ်ဆိုတဲ့အချိန်မှာ သူ့အနေနဲ့ရော နောက်အစိုးရ တက်လာတဲ့အချိန်မှာ သူရှေ့ဆက် ဘာတွေလုပ်သွားမယ်ဆိုတာမျိုးတွေရော ပြောဖြစ်တာရှိပါသလားရှင့်။

ဦးသန်းလွင်ထွန်း။ ။ အဓိကကတော့ အခုလောလောဆယ် သူတို့အနေနဲ့ ပြင်ဆင်နေတဲ့ အကြောင်းလေးတွေပြောပါတယ်။ ပြီးလို့ရှိရင် ဒါက အခု မြန်မာပြည်မှာပေါ့နော် တခြားအရှေ့အလယ်ပိုင်းဒေသတွေမှာဖြစ်ခဲ့သလို ဒီမိုကရေစီလှုပ်ရှားမှုတွေမှာ သွေးထွက်သံယိုမဖြစ်ပဲနဲ့ ဒီအစိုးရအနေနဲ့ တရားမျှတတဲ့ ရွေးကောက်ပွဲကနေတဆင့် တဖက်ပါတီပေါ့နော် လူထုကိုယ်စားပြုတဲ့ပါတီ နိုင်သွားတယ်ဆိုတာကို သူတို့အနေနဲ့လက်ခံပြီးတော့ အစိုးရတာဝန်အလွှဲအပြောင်းလေးမှာ အစဉ်အလာတခုအနေနဲ့ သူတို့ဖြည့်ပြီးတော့ ခမ်းခမ်းနားနား သူတို့ကြိုးစားနေတဲ့အကြောင်းပြောပါတယ်။ ဒီအချက်နဲ့ ပတ်သက်လို့လည်း သူ့အနေနဲ့ ဒီကိစ္စအပေါ်ကို ဂုဏ်ယူတယ်ဆိုတာလည်းပြောပါတယ်။ ဒါပေမယ့် ဒီမိုကရေစီရွေးကောက်ပွဲမှာဆိုလို့ရှိရင် တဘက်က နိုင်သွားတယ်။ သူ့ရဲ့ ကိုယ်စားပြုတဲ့ ကြံ့ခိုင်ဖွံ့ဖြိုးရေးပါတီပေါ့နော် တချိန်တုန်းက နိုင်ခဲ့တုန်းက သူ့အနေနဲ့သမ္မတဖြစ်ခဲ့တယ်။ အခုနောက်ပိုင်း ရှုံးနိမ့်သွားတဲ့အခါကျတော့ ဒီပါတီရဲ့ အခြေအနေလေးတွေကို ပြန်လည်တည့်မှတ်ထိန်းကျောင်းပေးဖို့ သူ့အနေနဲ့ အဲဒီဟာကို လုပ်ကိုင်ပေးသွားဦးမယ်ဆိုတဲ့ အလားအလာရှိတာကိုပြောပါတယ်။

မ ခင်ဖြူထွေး။ ။ သူ့လက်ထက်တုန်းကဖြစ်ခဲ့တဲ့ ဥပမာ-ရပ်ဆိုင်းထားခဲ့တဲ့ မြစ်ဆုံလိုကိစ္စမျိုးတွေ ၊ နောက်အမေရိကန်နဲ့ မြန်မာ ဆက်ဆံရေးတို့ အနေအထားမျိုးတွေနဲ့ ပတ်သက်ပြီးတော့ရော ဒီအစိုးရသစ်လက်ထက်မှာ ဘယ်လိုအနေအထားမျိုးတွေ ဖြစ်လာမယ်ဆိုတာမျိုးသူ့အနေနဲ့ပြောဖြစ်ခဲ့တာ ရှိပါသလား။

ဦးသန်းလွင်ထွန်း။ ။ မြစ်ဆုံလိုကိစ္စမျိုးတွေမှာတော့ သူ့အနေနဲ့ သူ့အစိုးရမှာ ရပ်ဆိုင်းထားတယ်ဆိုတော့ ဒီကိစ္စကို ဆက်လက်လုပ်ဆောင်ဖို့ကိစ္စကို နောက်အစိုးရအနေနဲ့ ပြေလည်အောင် ညှိနှိုင်းရမယ့် ပုံစံပဲ ဆိုတာကို သူပြောပါတယ်။

မ ခင်ဖြူထွေး။ ။ တခြားကော ထူးထူးခြားခြားပေါ့နော် အခုပြောခဲ့တဲ့ ကိစ္စတွေအပြင် ထူးထူးခြားခြားဘာတွေရော ပြောဆိုဖြစ်ခဲ့သလဲရှင့်။

ဦးသန်းလွင်ထွန်း။ ။ ထူးထူးခြားခြားရယ်လို့တော့ မဟုတ်ပါဘူး။ ဒါပေမယ့်လည်း ကျနော်တို့အနေနဲ့ကတော့ တွေ့ဆုံမေးမြန်းခန်းရယ်လို့ မဟုတ်ပဲနဲ့ ဒါ တွေ့ဆုံနှတ်ဆက်တဲ့သဘောမျိုးပဲ လက်ခံ စကားပြောခဲ့တယ်ဆိုတော့ ဒီအချက်ဒီအချက်လေးတွေကိုပဲ ကျနော့်အနေနဲ့ နောက်ပိုင်းမှာ လူတွေကလည်း သိချင်ကြမယ်လေ တွေ့ဆုံခဲ့တယ်ဆိုတော့ ဘာတွေများမေးမြန်းခဲ့သလဲဆိုတော့ ဒီအချက်လေးကိုပဲ အကြမ်းဖျင်းပြောပြချင်ပါတယ်။ ဘာဖြစ်လို့လဲဆိုတော့ ကျနော်တို့အနေနဲ့လည်း တကယ်တမ်းကျရင်တော့ ဖြစ်နိုင်လို့ရှိရင်တော့ တွေ့ဆုံမေးမြန်းခန်းကို အစီအစဉ်လေးနဲ့ လုပ်ချင်တာပေါ့ အချိန်ယူပြီးတော့။ အဲဒီတော့ ဒီအချက်တွေကို နောက်ပိုင်းမှာ ထူးထူးခြားခြားပြောနိုင်ဖို့အတွက် သမ္မတကြီးအနေနဲ့ သူ့ရဲ့တာဝန်တွေလွှဲမှာဖြစ်တဲ့အတွက်ကြောင့် အလွှဲအပြောင်းပြီးသွားရင် ၊ ဒါမှမဟုတ်လို့ရှိရင်လည်း ပါတီဘက်မှာ ပြန်လည်တာဝန်ထမ်းဆောင်နိုင်ပြီဆိုရင် နောက်ထပ် သမ္မတ ၅ နှစ်အတွင်း လုပ်ဆောင်ခဲ့တဲ့အခြေအနေ ၊ ရှေ့ဆက်လုပ်မယ့်အနေအထားလေးတွေကို သီးသန့်တွေ့ဆုံမေးမြန်းခွင့်ပြုပါဆိုပြီးတော့ပဲ ကျနော်တို့အနေနဲ့ ထပ်ပြီးတော့ မေတ္တာရပ်ခံချင်ပါတယ်။”

ဦးသန်းလွင်ထွန်း, မခင်ဖြူထွေး / ဗွီအိုအေ (မြန်မာပိုင်း)
http://burmese.voanews.com

စင်္ကာပူနိုင်ငံက Penisula Plaza ကို တွေ့ရစဉ်။ Photo:www.singapore-guide.com
စင်္ကာပူနိုင်ငံမှာ မြန်မာနိုင်ငံကို ငွေလွှဲတဲ့ ဆိုင်ပိုင်ရှင်ဟာ ဆိုင်ပိတ်ထားပြီး ငွေတွေလည်း မရောက်တာကြောင့် ငွေ လွှဲသူတွေက တရားစွဲဆိုဖို့ ပြင်ဆင်နေကြပါတယ်။

စင်္ကာပူနိုင်ငံ Peninsula Plaza က ငွေလွှဲတဲ့ "သူဌေးသမီးဆိုင်" ဟာ ပိတ်ထားတာဖြစ်ပြီး ၂ ပတ်ကြာတဲ့အထိ လွှဲငွေတွေ မရောက်သေးတာဖြစ်တဲ့အတွက် စင်္ကာပူနိုင်ငံမှာ တရားစွဲမယ်လို့ စင်္ကာပူဒေါ်လာ ၄ သောင်း လွှဲခဲ့သူ ဒေါ်အေးအေးမြင့်က ပြောပါတယ်။

"ကျမ ငွေလွှဲတာက ၃ ရက်နေ့ကလွှဲလိုက်တာပါ၊ ၈ ရက်နေ့ကို ရောက်စေရမယ်ဆိုတဲ့ ပုံစံမျိုးနဲ့ ကျမကို ပြော လိုက်တာပါ၊ ၈ ရက်နေ့ လုံးဝမကျော်ဘူးပေါ့နော်၊ စင်္ကာပူဒေါ်လာ ၄ သောင်း၊ အဲ့ဒီနေ့က ငွေဈေးနဲ့ တွက်လို့ရှိရင် ၃၄၆ သိန်းလောက်ကျတယ်၊ ဒီငွေပမာဏကလေ ကျမတို့က တကယ်လိမ်မပြောဘူး၊ ဟိုမှာက ၂ နာရီ ၅ ကျပ်လေးနဲ့ အလုပ်လုပ်လာတဲ့လူဆိုတော့လေ ကျမတို့ဘက်က ဒီပိုက်ဆံကို မသုံးမစားပဲနဲ့ ဒီလိုစုတာတောင်မှ ၁ဝ နှစ်လောက်မှ စုနိုင်မှာ၊ ကျမ စင်္ကာပူ အစိုးရနဲ့ တိုင်မလို့တွက်ထားတယ်၊ ဘာဖြစ်လို့လဲဆိုတော့ သူ့ဆိုင်က စင်္ကာပူမှာဖွင့်ထားတာလေ၊ လွှဲတဲ့သူအကုန်လုံးက မြန်မာပြည်သံရုံကနေ တိုင်မယ်လို့ပြောထားတယ်"

သူဌေးသမီး ငွေလွှဲဆိုင်ဟာ အခုပိတ်ထားတာကြောင့် အဲ့ဒီဆိုင်ရှေ့ Penisula plaza ၅ လွှာက ဆိုင်ရှေ့မှာ လာရောက် စောင့်ဆိုင်နေသူတွေလည်းရှိကြောင်း ပြောပါတယ်။

မြန်မာနိုင်ငံမှာလည်း အဲ့ဒီဆိုင်ရဲ့ ဆိုင်ခွဲကို စမ်းချောင်းမြို့နယ်မှာ ဖွင့်လှစ်ထားပြီး အဲ့ဒီဆိုင်ဟာလည်း ပိတ်ထားတယ်လို့ သိရပါတယ်။ ဆိုင် ၂ ဆိုင်လုံးရဲ့ရှေ့မှာ နာရေးကိစ္စကြောင့် ဆိုင်ပိတ်ထားတယ်ဆိုပြီး စာရွက်တွေကပ်ထားကြောင်း ငွေလွှဲထားသူတွေက ပြောပါတယ်။

ငွေလွှဲထားသူအများစုဟာ မတ်လ ပထမအပတ်တည်းက လွှဲထားသူတွေဖြစ်ပါတယ်။

သူဌေးသမီးဆိုင် ရန်ကုန်ဆိုင်ခွဲကို RFA က ဆက်သွယ်ရာမှာ ဖုန်းတွေပိတ်ထားတာကြောင့် ဒီကိစ္စနဲ့ ပတ်သက်ပြီး မေးမြန်းခွင့်မရခဲ့ပါဘူး။

သူဌေးသမီးငွေလွှဲဆိုင်ဟာ Penisula Plaza မှာ ဖွင့်လှစ်ထားတာ ၅ နှစ်နီးပါးရှိနေပြီဖြစ်ပြီး ပိုင်ရှင်အပြောင်းအလဲ ၃ ကြိမ်လောက်ဖြစ်ခဲ့တယ်လို့လည်း သိရပါတယ်။

စင်္ကာပူနိုင်ငံမှာ မြန်မာနိုင်ငံကို ငွေလွှဲလုပ်ငန်းလုပ်ကိုင်တဲ့ဆိုင် ၁ဝ ခုကျော်ရှိပြီး ဆိုင်အားလုံးဟာ တရားမဝင် ဖွင့်လှစ်ထားတဲ့ ဆိုင်တွေဖြစ်ပါတယ်။

RFA Burmese
http://www.rfa.org/burmese

အပြည်ပြည်ဆိုင်ရာ မြစ်ချောင်းများနေ့ အခမ်းအနားကို မတ်လ ၁၄ ရက်နေ့က မေခနဲ့ မလိခ ပေါင်းဆုံတဲ့ ဧရာဝတီမြစ်ဆုံဒေသမှာ ကျင်းပပြုလုပ်စဉ်။ Photo: Kyaw Myo Min/RFA
 ဒီကနေ့ ကျရောက်တဲ့ အပြည်ပြည်ဆိုင်ရာ မြစ်ချောင်းများနေ့ အခမ်းအနားမှာ ဧရာဝတီမြစ်ဆုံနားက တရုတ် အစိုးရရဲ့ ရေအားလျပ်စစ်စီမံကိန်းကို လုံးဝရပ်ဆိုင်းပေးဖို့ ဒေသခံတွေက လာမယ့် အစိုးရသစ်ထံ တောင်းဆို လိုက်ပါတယ်။

အခမ်းအနားကို မေခနဲ့ မလိခ ပေါင်းဆုံတဲ့ ဧရာဝတီမြစ်ဆုံမှာ စီမံကိန်းကြောင့် ပြောင်းရွှေ့ခဲ့ကြရတဲ့ ဒေသခံတွေနဲ့ အရပ်ဘက်လူမှုအဖွဲ့အစည်းတွေ စုပေါင်းပြီး ကျင်းပခဲ့တာဖြစ်ပါတယ်။

လျှပ်စစ်ဓါတ်အားမဂ္ဂါဝပ် ၆ဝဝဝ ထွက်ရှိမယ့် မြစ်ဆုံစီမံကိန်းကို နိုင်ငံတော်သမ္မတ ဦးသိန်းစိန်က သူ့ရဲ့ အစိုးရသက်တမ်းကာလမှာ ယာယီဆိုင်းငံ့ထားခဲ့တာဖြစ်ပါတယ်။

တရုတ်ကုမ္မဏီ CPI စီမံကိန်းကြောင့် မြစ်ဆုံ၊ တန်ဖရဲ၊ လဖျဲ့ကထောင်၊ မလိယန်စတဲ့ ကျေးရွာက ကျေးရွာသား ၂ဝဝဝ ထောင်လောက်ဟာ အောင်မြင်သာရွာမှာ ပြောင်းရွှေ့နေထိုင်နေရတာ အခုဆိုရင် ၄ နှစ်ကျော် လာပြီ ဖြစ်ပါတယ်။

အလားတူ အပြည်ပြည်ဆိုင်ရာ မြစ်ချောင်းများနေ့မှာ ရေအားလျပ်စစ် စီမံကိန်းတွေ တည်ဆောက်မယ့် သံလွင်မြစ်ကို ကာကွယ်ကြဖို့ ရည်ရွယ်ချက်နဲ့ အခမ်းအနားတွေ ကျင်းပတယ်လို့ သိရပါတယ်။

RFA Burmese
http://www.rfa.org/burmese


မြန်မာတပ်မတော်သည် မြန်မာနိုင်ငံ၏ စီးပွားရေး၊ နိုင်ငံရေးအပေါ် လွှမ်းမိုးမှုမှာ ပုံစံမျိုးစုံဖြင့် ဆက်လက်တည်ရှိနေသည်ကို အများက လက်ခံထားကြသည်။ ကျေးလက်ဒေသများအား ထိန်းချုပ်ရန် အခြားအာဏာရှင်များကဲ့သို့ပင် အစိုးရသည် ပြည်သူ့စစ်တပ်ဖွဲ့များ ဖွဲ့စည်း၍ ထိန်းချုပ်ခြင်းအား နှစ်ပေါင်းများစွာကပင် ပြုလုပ်ခဲ့သည်။

မြန်မာနိုင်ငံတွင် ပြည်သူ့စစ်များအား ၁၉၅၀ ပြည့်လွန်နှစ်များကတည်းက စတင်ဖွဲ့စည်း ခဲ့ခြင်းဖြစ်ပြီး အဓိကအားဖြင့် တိုင်းရင်းသား လူမျိုးစုဒေသများတွင် လူထုအား ထိန်းချုပ်ရန်နှင့် နယ်စပ်အား ကာကွယ်ရန် ရည်ရွယ်ခဲ့သည်။

တိုင်းရင်းသားလူမျိုးစုလေ့လာရေးစင်တာ၏ အဆိုအရ ပြည်သူ့စစ်တပ်ဖွဲ့များမှာ ဒေသခံ လူထုအပေါ် ဆက်ကြေးကောက်ခြင်း၊ မူးယစ်ဆေးရောင်းဝယ်မှုနှင့် တရားမ၀င်လောင်းကစား လုပ်ငန်းများ လုပ်ကိုင်မှု၊ လူ့အခွင့်အရေးချိုးဖောက်မှုတို့ဖြင့် ကျော်ကြားသည်ဟုဆိုသည်။ စစ်တပ် မှ အရာရှိများ က ပြည်သူ့စစ်များထံမှ ဝေစုများများရထားသဖြင့် ၄င်းတို့၏ လုပ်ဆောင် မှုများအား ထောက်ခံပေးနေသည်ဟုဆိုသည်။

မြန်မာနိုင်ငံ၏ ဒီမိုကရေစီရေး ပြုပြင်ပြောင်းလဲ မှုများက ပြည်သူ့စစ်များ၏ လွှမ်းမိုးမှုအား ပယ်ပျောက်သွားစေသည်ဟု အချို့က ထင်မှတ် ထားသော်လည်း အခြေခံဥပဒေပုဒ်မ ၃၄၀ တွင် တပ်မတော်အား ပြည်သူ့စစ်များ ဖွဲ့စည်းခွင့် တရားဝင်ပေးအပ်ထားသည်။

ဆယ်စုနှစ်များစွာ ပြည်တွင်းစစ်ဖြစ်ပွားခဲ့သော မြန်မာနိုင်ငံတွင် အချို့ဒေသများ ၌ ပြည်သူ့စစ် များမှာ အစိုးရထက်ပင် သြဇာကြီးမားပြီး သီးခြားလွတ်လပ်သည့် အာဏာပိုင် အဖွဲ့အစည်း တစ်ခုသဖွယ် လှုပ်ရှားရပ်တည်လျက်ရှိသည်။ လူမျိုးစုအုပ်စု ၉ ခုရှိပြီး တရုတ်နှင့် နယ်နိမိတ် ထိစပ်နေသည့် ရှမ်းပြည်နယ်တွင် ပြည်သူ့စစ်တပ်ဖွဲ့များ လှုပ်ရှားမှုအား အများအပြားတွေ့နိုင် သည်။

ရှမ်းပြည်နယ်သည် ဆယ်စုနှစ်များစွာ မူးယစ်ဆေးရောင်းဝယ်မှုဝင်ငွေ ရရှိနေခဲ့ပြီး အစိုးရသစ် လက်ထက် ဒီမိုကရေစီရေး ပြုပြင်ပြောင်းလဲမှုကာလ တွင်လည်း ထို အခြေအနေအတိုင်း ဆက်လက်တည်ရှိနေသည်။

မူးယစ်ဆေးဝါးမှ ၀င်ငွေများစွာ ရရှိခြင်း မရှိသည့် ဒေသများတွင် ပြည်သူ့စစ်ခေါင်းဆောင်များ က ဒေသခံလူထုထံမှ ဆက်ကြေးကောက်ခြင်း၊ ငွေညှစ်ခြင်း၊ အတင်းအဓမ္မခိုင်းစေခြင်းနှင့် လယ်ယာမြေများ သိမ်းယူခြင်းတို့ဖြင့် ၀င်ငွေရှာဖွေလျက်ရှိသည်ဟုဆိုသည်။ လယ်သမားများမှာ လယ်မြေသိမ်းခံရခြင်းအတွက် လျော်ကြေး မရသည့်အပြင် ပြည်သူ့ စစ်အဖွဲ့ဝင်များအတွက် ၀တ်စုံနှင့် ထောက်ပံ့ငွေပေးရခြင်းမှာ မထူးဆန်းတော့သည့် အခြေအနေဖြစ်သည်။

ပြည်သူ့စစ်တပ်ဖွဲ့များ တည်ရှိမှုနှင့် လွှမ်းမိုးနိုင်မှုအား ဆက်လက် ထိန်းသိမ်း ထားသည့် ရည်ရွယ် ချက် တစ်ခုမှာ အစိုးရဆန့်ကျင်ရေး နိုင်ငံရေး အင်အားစုများအား စုစည်းမသွားစေရန် ဖြစ်သည် ဟု မြန်မာ့နိုင်ငံရေး ကျွမ်းကျင်သူများက သုံးသပ်ကြသည်။ ပြည်သူ့စစ်များ ဖွဲ့စည်းခြင်းဖြင့် အရေးပါသည့် တိုင်းရင်းသားအဖွဲ့များမှာ နိုင်ငံရေးလုပ်ငန်းစဉ်မှ လုံးဝ ဖယ်ခွာသွားစေခဲ့သည်ဟု ဆိုသည်။

ဒီမိုကရေစီရေး ပြုပြင်ပြောင်းလဲမှု၏ ရည်ရွယ်ချက်မှာ မြန်မာနိုင်ငံတွင်း ရှိ ပြည်သူအားလုံး ၄င်း တို့၏ အနာဂတ်အတွက် ဆုံးဖြတ်ခွင့် ရရန်ဖြစ်သော် လည်း လက်ရှိအခြေအနေမှာ လွန်ခဲ့သော ၅ နှစ် (သို့) နှစ် ၅၀ နှင့် ကွာခြားခြင်း မရှိပေ။

အစိုးရ၏ ထိရောက်သော အုပ်ချုပ်မှုမရှိခြင်းနှင့် ပြည်သူ့စစ်များ၏ လူ့အခွင့်အရေး ချိုးဖောက် မှုများ အပေါ် ဂရုပြုမှု မရှိခြင်းတို့က စိုးရိမ် စရာဖြစ်လာနေပြီး ဒီမိုကရေစီပြုပြင်ပြောင်းလဲရေး မည်မျှ အကျိုး သက်ရောက်မှု ရှိကြောင်း ပြသရာရောက်မည်ဟုဆိုသည်။ ပြည်သူ့စစ်များ ဆယ်စုနှစ်များစွာ ကျင့်သုံးခဲ့သည့် အလေ့အထအား ပြောင်းလဲရန် ခက်ခဲပြီး အစိုးရ၏ ခိုင်မာ အားကောင်းသည့် ခေါင်းဆောင်မှုဖြင့် လုပ်ဆောင်ရန် လိုအပ်သည်။

အစိုးရ အနေဖြင့် နိုင်ငံနှင့် ပြည်သူများအပေါ် အမှန်တကယ် ဂရုစိုက် ပါက ကျေးလက်ဒေသများ တွင် ပြည်သူ့စစ်များ၏ လူ့အခွင့်အရေး ချိုးဖောက်မှုများအား ရပ်တန့်ရ န် ဆောင်ရွက်ရမည်ဖြစ် သည်ဟု ဆိုသည်။ ထိုသို့ မဆောင်ရွက်ပါက စစ်တပ်က ထိန်းချုပ်ထားသည့် ရုပ်သေး အစိုးရ အဖြစ်သာ ကမ္ဘာက မှတ်ယူခြင်းခံရမည်ဟု တိုင်းရင်းသား လူမျိုးစုလေ့လာရေး စင်တာက အစီရင်ခံစာ တစ်ရပ်တွင် ဖော်ပြခဲ့သည်။

The Ladies News
https://www.facebook.com/News.TheLadies

ပြည်ထောင်စုလွှတ်တော်က အတည်ပြုလိုက်တဲ့ ဒုတိယသမ္မတ ဦးထင်ကျော်၊ ဦးမြင့်ဆွေနဲ့ ဦးဟင်နရီ ဗန်ထီးယူ တို့ကို တွေ့ရစဉ်။ Photo: RFA
ပြည်ထောင်စုလွှတ်တော်က ဒုတိယသမ္မတ ဦးထင်ကျော် ၊ ဦးဟင်နရီ ဗန်ထီးယူနဲ့ ဦးမြင့်ဆွေ (လက်ရှိရန်ကုန်တုိုင်း ဝန်ကြီးချုပ်) တို့ကို အတည်ပြုလိုက်ပါတယ်။

တပ်မတော်သားအစုအဖွဲ့က တင်မြှောက်တဲ့ ဦးမြင့်ဆွေကိုလည်း အရည်အချင်းပြည့်မီတဲ့အတွက် အတည်ပြု လိုက်တာ ဖြစ်ပါတယ်။

ဦးဟင်နရီ ဗန်ထီးယူဟာ နုိုင်ငံခြားမှာ နေထိုင်ခဲ့ဖူးတယ်လို့ သိရတဲ့အတွက် ပြန်လည်စိစစ်ပေးဖို့ ရွေးချယ် စိစစ်ရေးအဖွဲ့မှာပါတဲ့ တပ်မတော်သားကိုယ်စားလှယ် ဗိုလ်ချုပ်သန်းစိုးက တင်ပြပေမယ့် စိစစ်ရွေးချယ်ရေးအဖွဲ့မှာပါတဲ့ အဖွဲ့ဝင် ၇ ဦးမှာ အများ ၆ ဦးက လက်ခံတဲ့အတွက် ဦးဟင်နရီကိုလည်း အတည်ပြုလိုက် တာ ဖြစ်ပါတယ်။

အဲ့ဒီ ၃ ဦးထဲက နုိုင်ငံတော်သမ္မတအဖြစ် တစ်ဦးကို မနက်ဖြန်မှာ ရွေးချယ်တင်မြှောက်ရမှာ ဖြစ်ပါတယ်။

ရွေးချယ်တင်မြှောက်ပွဲကို ပြည်ထောင်စုလွှတ်တော်မှာ မနက်ဖြန် မနက် ၁ဝ နာရီမှာ မဲပေးရွေးချယ်ကြ ရမှာ ဖြစ်ပါတယ်။

ဆန္ဒမဲပေးပုံ ပေးနည်းကို ပြည်ထောင်စုလွှတ်တော် နာယက ဦးမန်းဝင်းခုိုင်သန်း က ရှင်းပြပါတယ်။ မဲပေးရာမှာ ထောက်ခံသူကို အမှန်ခြစ်ရမှာဖြစ်သလို မထောက်ခံသူကို အမှားခြစ်ပြီး မဲပေးကြရမှာ ဖြစ်ပါတယ်။

RFA Burmese
http://www.rfa.org/burmese


“ဒီလိုနေ့မျိုးရောက်လာဖို့ ပြည်သူတွေ မျှော်လင့်နေကြတာဖြစ်တယ်။ သေသေချာချာ အမှားအယွင်းမရှိအောင် ဆောင်ရွက်ကြပါ”-ဒေါ်အောင်ဆန်းစုကြည်

အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်သည် ယနေ့ မတ် ၁၄ ရက် ညနေ ၅ နာရီခန့်တွင် စည်ပင်ဧည့်ရိပ်သာဝင်းအတွင်းရှိ စားရိပ်သာ (၄) အဆောင်တွင် NLD လွှတ်တော်ကိုယ်စားလှယ်များ၊ ပါတီဝင်များနှင့် တွေ့ဆုံ၍ မနက်ဖြန်ကျင်းပမည့် ပြည်ထောင်ဟုလွှတ်တော် သမ္မတ ရွေးချယ်ပွဲနှင့်ပတ်သက်၍ တွေ့ဆုံ အမှာစကား ပြောကြားသည်။

တွေ့ဆုံပွဲ၌ ဒေါ်အောင်ဆန်းစုကြည်မှ “ဒီလိုနေ့မျိုးရောက်လာဖို့ ပြည်သူတွေ မျှော်လင့်နေကြတာဖြစ်တယ်။ သေသေချာချာ အမှားအယွင်းမရှိအောင် ဆောင်ရွက်ကြပါ၊ ပြည်သူတွေရဲ့မျှော်လင့်ချက်ကို ညီညီညွတ်ညွတ် စည်းလုံးစွာနဲ့ဖြည့်ဆည်းပေးဖို့ ပြည်သူတွေနှလုံးစိတ်ဝမ်းအေးချမ်းအောင် ဆောင်ရွက်ပေးဖို့ ဒု-သမ္မတရွေးချယ်မှုမှာ ကန့်ကွက်မှုတွေရှိခဲ့ပေမယ့် အောင်မြင်စွာ ကျော်ဖြတ်နိုင်ခဲ့တယ်”ဟု ပြောကြားခဲ့ပြီး သမ္မတရွေးချယ်ပွဲနှင့်ပတ်သက်၍ မိနစ် ၂၀ ခန့် ဆက်လက်မှာကြားသည်။
ယခုတွေ့ဆုံပွဲသည် တံခါးပိတ်တွေ့ဆုံပွဲဖြစ်ပြီး မီဒီယာများ သတင်းရယူခွင့် မရရှိခဲ့ချေ။

တွေ့ဆုံပွဲသို့ CEC အဖွဲ့ဝင် ဦးဝင်းထိန်၊ ပြောရေးဆိုခွင့်ရှိသူ ဒေါက်တာဇော်မြင့်မောင်၊ သမ္မတလောင်း ဟင်နရီဗန်တီးယူနှင့် အခြား လွှတ်တော်ကိုယ်စားလှယ်များ တက်ရောက်ကြကြောင်း သိရသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ယနေ့ကျင်းပသော ပြည်ထောင်စုလွှတ်တော်တွင် ဒုတိယသမ္မတလောင်းများဖြစ်သည့် ဦးထင်ကျော်၊ ဦးဟင်နရီဗန်ထီးယူ၊ ရန်ကုန်တိုင်းဒေသကြီး ၀န်ကြီးချုပ် ဒုတိယဗိုလ်ချုပ်ကြီး (ငြိမ်း) ဦးမြင့်ဆွေတို့သုံးဦးအား နိုင်ငံတော်သမ္မတအရည်အချင်းနှင့် ပြည့်စုံမှု ရှိကြောင်း သမ္မတ အရည်အချင်း စိစစ်ရေးအဖွဲ့က ပြည်ထောင်စု လွှတ်တော်သို့ အကြောင်းပြန်ခဲ့သည်။ ထို့ကြောင်း အစီအစဉ်များအရ မနက်ဖြန် မတ် ၁၅ ရက်နေ့တွင် ကျင်းပမည့် ပြည်ထောင်စုလွှတ်တော်တွင် အဆိုပါ သုံးဦးအနက်မှတဦးကို နိုင်ငံတော်သမ္မတအဖြစ် မဲခွဲရွေးချယ်မည်ဖြစ်သည်။ NLD က အုပ်စီးထားသော ပြည်ထောင်စုလွှတ်တော်တွင် ပါတီကတင်သွင်းထားသော ဦးထင်ကျော်နှင့် ဦးဟင်နရီဗန်ထီးယူ နှစ်ဦးအနက် တဦးမှာ နိုင်ငံတော်သမ္မတဖြစ်လာရန် သေချာသလောက်ရှိပြီး NLD က မည်သူ့ကို သမ္မတ တင်မြှောက်မလဲဆိုခြင်းကိုသာ စောင့်ကြည့်ရမည့် အခြေအနေဖြစ်သည်။

အမျိုးသားဒီမိုကရေစီအဖွဲ့ချုပ်မှ ရွေးချယ်တင်မြှောက်ထားသည့် ဒုသမ္မတနှစ်ဦးအနက် ဦးထင်ကျော်ကသာ ပထမဦးစားပေးဖြစ်မည်ဟု NLD ဗဟိုဥပဒေအထောက်အကူပြုကော်မတီဝင် ဦးကိုနီ က News Watch သို့ ပြောသည်။

“ကျွန်တော်နားလည်သလောက် ဦးထင်ကျော်ကို သမ္မတမျှော်မှန်းထားတာ ဖြစ်တဲ့အတွက် ဦးထင်ကျော်ကိုပဲ အားလုံး ပုံအောပြီးတော့ မဲကြမှာပါ။ ဦးဟင်နရီကတော့ ဒုသမ္မတ (၂) ပဲ ဖြစ်မှာပေါ့။ ဒီဟာက သိပ်အဓိက မကျပါဘူး။ ဒု-သမ္မတဆိုတာ သမ္မတမရှိတဲ့အခါ ခေတ္တယာယီ တာဝန်ထမ်းဆောင်ရတဲ့ အဆင့်ပဲရှိပါတယ်။ ဖွဲ့စည်းပုံမှာ ဒုသမ္မတရဲ့ လုပ်ပိုင်ခွင့်တာဝန်ဆိုတာ ပြဌာန်ထားတာ မရှိပါဘူး”ဟု ၎င်းက ပြောသည်။

နိုင်ငံတော် သမ္မတ ဦးထင်ကျော်၊ ဒု-သမ္မတ (၁) ဦးမြင့်ဆွေနှင့် ဒု-သမ္မတ (၂) ဦးဟင်နရီဗန်ထီးယူ အသီးသီးဖြစ်လာနိုင်ခြေများကြောင်း နိုင်ငံရေးအသိုင်းအ၀ိုင်းအတွင်း ပြောဆိုလျက်ရှိသည်။

လင်းလင်းအောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

 မီးသတ် ဓာတ်ငွေ့တွေ ပေါက်ထွက်မှုကြောင့် လူ ၈ ဦး သေဆုံးပြီး ၇ ဦး ဒဏ်ရာရခဲ့။
ထိုင်းနိုင်ငံ၊ ဘန်ကောက်မြို့က ဘဏ်တစ်ခုမှာ မီးသတ် ဓာတ်ငွေ့တွေ ပေါက်ထွက် ခဲ့တဲ့အတွက် လူ ၈ ဦး သေဆုံးပြီး ၇ ဦး ဒဏ်ရာ ရသွားပါတယ်။

ထိုင်းနိုင်ငံရဲ့ အကြီးဆုံး စီးပွားရေး အဖွဲ့အစည်း တစ်ခုဖြစ်တဲ့ ဆိုင်ယမ်း စီးပွားရေးဘဏ် ရုံးချုပ်မှာ မီးသတ်တဲ့ စနစ်ကို ကန်ထရိုက်တာ တွေက ပြုပြင်မှုတွေ လုပ်နေစဉ် အခုလို မတော်တဆမှု ဖြစ်ပွားခဲ့တာလို့ အဲဒီ ဘဏ်က ပြောပါတယ်။

မီးသတ် ဓာတ်ငွေ့တွေက အဆိပ် မဖြစ်ပေမယ့် အလုံပိတ်ထားတဲ့ အခန်းထဲမှာ အဲဒီ ဓာတ်ငွေ့တွေကြောင့် အောက်ဆီဂျင် ကုန်ခန်းပြီး မွန်းကျပ် သေဆုံးခဲ့တာလို့ ယူဆ ကြပါတယ်။

စာရွက်စာတမ်းတွေ သိမ်းဆည်းတဲ့ အလုံပိတ် သံမဏိခန်းထဲမှာ ဒီအဖြစ်အပျက် ဖြစ်ခဲ့တာလို့ ဘဏ်ရဲ့ ပြောခွင့်ရသူက ဘီဘီစီကို ပြောပါတယ်။

ထိုင်းနိုင်ငံမှာ အခုလို လုပ်ငန်းခွင် မတော်တဆမှုတွေ များများစားစား ဖြစ်ပေါ်လေ့ မရှိဘူးလို့ သတင်းထောက် တွေက ပြောပါတယ်။

၁၉၉၃ ခုနှစ်မှာ လူ ၂၀၀ လောက် သေဆုံးပြီး လူ ၅၀၀ ဒဏ်ရာရခဲ့တဲ့ အရုပ်စက်ရုံ မီးလောင်မှုက ထိုင်းနိုင်ငံရဲ့ အဆိုးဆုံး လုပ်ငန်းခွင် မတော်တဆမှု ဖြစ်ပါတယ်။

BBC Burmese
http://www.bbc.com/burmese

 တနင်္ဂနွေနေ့ ဗုံးခွဲမှုအတွင်း သေဆုံးခဲ့သူတွေရဲ့ နာရေးတွေကို ပြုလုပ်နေ။
တူရကီ အရှေ့တောင်ပိုင်းက ကာဒစ်ရှ် အဖွဲ့ဝင်တွေနဲ့ အီရတ် နိုင်ငံထဲက ကာဒစ်ရှ် သူပုန်တွေ အပေါ် တူရကီ အစိုးရက လုံခြုံရေးအရ အရေးယူ ဆောင်ရွက်မှုတွေ ပြုလုပ်နေပါတယ်။

တနင်္ဂနွေနေ့က အန်ကာရာ မြို့တော်မှာ လူ ၃၆ ဦး သေဆုံးခဲ့တဲ့ ဗုံးခွဲ တိုက်ခိုက်မှု ဖြစ်ခဲ့ပြီးနောက် အကြမ်းဖက် သမားတွေကို ဖြိုခွင်းဖို့ တူရကီ သမ္မတ အာဒိုဂန်က ကတိပြုခဲ့ပြီး မကြာမီမှာ အခုလို ဆောင်ရွက် လာတာပါ။

တနင်္ဂနွေနေ့ ဗုံးခွဲ တိုက်ခိုက်မှုရဲ့ တရားခံအဖြစ် ယူဆရသူ အမျိုးသမီးဟာ ကာဒစ်ရှ် အလုပ်သမား ပါတီ PKK ရဲ့ အဖွဲ့ဝင် တစ်ဦး ဖြစ်ပြီး သူလည်း ဗုံးခွဲမှုမှာ သေဆုံးခဲ့တယ်လို့ သတင်းတွေက ဆိုပါတယ်။

တူရကီ အရှေ့တောင်ပိုင်းက မြို့ ၃မြို့မှာ ကာဖျူးအမိန့် ထုတ်ထားပြီး၊ အီရတ်မှာ ရှိတဲ့ ကာဒစ်ရှ် စခန်းတွေကိုလည်း တူရကီ တိုက်လေယာဉ်တွေက ဗုံးကြဲ တိုက်ခိုက် နေပါတယ်။

တိုက်လေယာဉ် ၁၁ စီးနဲ့ ပစ်မှတ် ၁၈ ခုကို တိုက်ခိုက် ခဲ့တယ်လို့ တူရကီ စစ်တပ်က ပြောပါတယ်။ PKK ကလည်း အဲဒီ တိုက်ခိုက်မှုတွေကို အတည်ပြု ပြောဆို ခဲ့ပါတယ်။

တူရကီ မြို့တော်မှာ ငါးလအတွင်း ကြီးမားတဲ့ တိုက်ခိုက်မှု သုံးကြိမ် ဖြစ်ပွားခဲ့တဲ့အတွက် အစိုးရရဲ့ လုံခြုံရေး ဆောင်ရွက်နိုင်မှုအပေါ် သံသယ ဖြစ်ဖွယ် ရှိတယ်လို့ အန်ကာရာမှာ ရှိတဲ့ ဘီဘီစီ သတင်းထောက်က ပြောပါတယ်။

BBC Burmese
http://www.bbc.com/burmese

 ဒုံပျံကို ကာဇက်စတန်မှာ ရှိတဲ့ Baikonur Cosmodrome ကနေ လွှတ်တင်ခဲ့။
ဥရောပနဲ့ ရုရှားတို့ ပထမဆုံး ပူးပေါင်း ဆောင်ရွက်တဲ့ မစ်ရှင် အဖြစ် အင်္ဂါဂြိုဟ်ဆီ သွားရောက်မယ့် ဂြိုဟ်တု တစ်လုံးကို လွှတ်တင် လိုက်ပါတယ်။

အဲဒီ ဂြိုဟ်တုကို တင်ဆောင်ထားတဲ့ ဒုံးပျံကို ကာဇက်စတန် နိုင်ငံ၊ ဘိုင်ကနော် အာကာသ လွှတ်တင်ရေး စခန်းကနေ ဒီကနေ့ တနင်္လာနေ့ ဒေသအချိန် မနက်ပိုင်းက ပစ်လွှတ်ခဲ့တာပါ။

ExoMars Trace Gas Orbiter လို့ ခေါ်တဲ့ အဲဒီ ဂြိုဟ်တုဟာ အင်္ဂါဂြိုဟ်ပေါ်မှာ တွေ့ရတဲ့ မီသိန်း ဓာတ်ငွေ့တွေရဲ့ ရင်းမြစ်ကို စုံစမ်း စစ်ဆေးမှာ ဖြစ်ပါတယ်။ အဲဒီ မီသိန်း ဓာတ်ငွေ့တွေဟာ ဘူမိဗေဒအရ ရှိနေသလား၊ ဒါမှမဟုတ် အနုဇီဝ ပိုးမွှားတွေကြောင့်လား ဆိုတာကို စုံစမ်း စစ်ဆေးမှာပါ။

အခု မစ်ရှင် အောင်မြင်ခဲ့ရင် ဂြိုဟ်ဆင်းယာဉ် တစ်စီးကို ထပ်မံ ပစ်လွှတ်ဖို့ ဥရောပနဲ့ ရုရှားတို့က မျှော်လင့်ထားပြီး၊ အဲဒီ ဂြိုဟ်ဆင်းယာဉ်က အင်္ဂါဂြိုဟ် မျက်နှာပြင်ကို တူးဖော် လေ့လာမှာ ဖြစ်ပါတယ်။

အဲဒီ ဂြိုဟ်ဆင်းယာဉ် ကိုတော့ ၂၀၁၈ ဒါမှမဟုတ် ၂၀၂၀ မှာ လွှတ်တင်ဖို့ အလားအလာ ရှိပါတယ်။

ရုရှား နိုင်ငံက အင်္ဂါဂြိုဟ်ဆီကို လွှတ်တင်တဲ့ မစ်ရှစ် ၁၉ ခုကို အရင်က ပြုလုပ်ခဲ့ပြီး အများစုက မအောင်မြင်ခဲ့ပါဘူး။

BBC Burmese
http://www.bbc.com/burmese


ယနေ့ကျင်းပသော ပြည်ထောင်စုလွှတ်တော်တွင် မတ်လ ၁၁ ရက်ကရွေးချယ်ခဲ့သော ဒုတိယသမ္မတလောင်းများဖြစ်သည့် ပြည်သူ့လွှတ်တော်မှ ဦးထင်ကျော်၊ အမျိုးသားလွှတ်တော်မှ ဦးဟင်နရီဗန်ထီးယူ၊ တပ်မတော်သားလွှတ်တော်ကိုယ်စားလှယ်များအစုအဖွဲ့မှ ဒုတိယဗိုလ်ချုပ်ကြီး(ငြိမ်း)ဦးမြင့်ဆွေတို့သုံးဦးအား နိုင်ငံတော်သမ္မတအရည်အချင်းနှင့် ပြည့်စုံမှု ရှိမရှိနှင့်ပတ်သက်ပြီး စိစစ်ရေးအဖွဲ့၏တွေ့ရှိချက်များကို ပြည်ထောင်စုလွှတ်တော် နာယက က လွှတ်တော်သို့ တင်ပြခဲ့သည်။

တင်ပြရာတွင် သုံးဦးစလုံးမှာ သမ္မတအရည်အချင်းနှင့်ပြည့်စုံမှုရှိကြောင်း၊ ယနေ့ မတ်လ ၁၄ ရက်နေ့တွင် ကျင်းပသော ပြည်ထောင်စုလွှတ်တော်သို့
ပြန်ကြားခဲ့ကြောင်း သတင်းရရှိသည်။ ထို့ကြောင့် မနက်ဖြန် မတ် ၁၅ ရက်တွင် ကျင်းပမည့်ပြည်ထောင်စုလွှတ်တော်၌ နိုင်ငံတော်သမ္မတကို မဲခွဲရွေးချယ်ကြမည်ဖြစ်သည်။

အမျိုးသားဒီမိုကရေစီအဖွဲ့ချုပ်မှ ရွေးချယ်တင်မြှောက်ထားသည့် ဒုသမ္မတနှစ်ဦးအနက် ဦးထင်ကျော်ကသာ ပထမဦးစားပေးဖြစ်မည်ဆိုသော သတင်းများလည်း ထွက်ပေါ်လျက်ရှိသည်။

“ကျွန်တော်နားလည်သလောက် ဦးထင်ကျော်ကို သမ္မတမျှော်မှန်းထားတာ ဖြစ်တဲ့အတွက် ဦးထင်ကျော်ကိုပဲ အားလုံး ပုံအောပြီးတော့ မဲကြမှာပါ။ ဦးဟင်နရီကတော့ ဒုသမ္မတ (၂)ပဲ ဖြစ်မှာပေါ့။ ဒီဟာက သိပ်အဓိက မကျပါဘူး။ ဒု-သမ္မတဆိုတာ သမ္မတမရှိတဲ့အခါ ခေတ္တယာယီ တာဝန်ထမ်းဆောင်ရတဲ့ အဆင့်ပဲရှိပါတယ်။ ဖွဲ့စည်းပုံမှာ ဒုသမ္မတရဲ့ လုပ်ပိုင်ခွင့်တာဝန်ဆိုတာ ပြဌာန်ထားတာ မရှိပါဘူး”ဟု NLD ဗဟိုဥပဒေအထောက်အကူပြုကော်မတီဝင် ဦးကိုနီ က News Watch သို့ ပြောသည်။

နိုင်ငံတော်သမ္မတ အရည်အချင်း ရှိမရှိ စိစစ်ရေးအဖွဲ့တွင် ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ အမျိုးသားလွှတ်တော်ဥက္ကဋ္ဌ ဦးမန်းဝင်းခိုင်သန်း၊ ပြည်သူ့လွှတ်တော် ဒုဥက္ကဋ္ဌဦးတီခွန်မြတ်၊ အမျိုးသားလွှတ်တော် ဒုဥက္ကဋ္ဌ ဦးအေးသာအောင်၊ ဒဂုံမြို့သစ်အရှေ့ပိုင်း မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာမျိုးအောင်၊ ရန်ကုန်တိုင်းဒေသကြီး မဲဆန္ဒနယ်အမှတ် ၅ မှ အမျိုးသားလွှတ်တော်ကိုယ်စားလှယ် ဦင်္းဘမျိုးသိန်း၊ တပ်မတော်သားလွှတ်တော်ကိုယ်စားလှယ် ဗိုလ်ချုပ်သန်းစိုးတို့ ပါဝင်သည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


နေပြည်တော်၊ မတ် ၁၄

လွှတ်တော်ရှိ အစုအဖွဲ့အသီးသီးတို့ တင်မြောက်ခဲ့သော ဒုတိယသမ္မတများအား နိုင်ငံတော်သမ္မတနှင့် ဒုတိယ သမ္မတများ အရည်းအချင်းနှင့် ကိုက်ညီမှုရှိ မရှိကို စိစစ်ရေးအဖွဲ့က စစ်ဆေးရာတွင် အမျိုးသားလွှတ်တော် ကိုယ်စားလှယ်များအစုအဖွဲ့က တင်မြောက်ခဲ့သော ဦးဟင်နရီဗန်ထီးယူအား တပ်မတော်သားကိုယ်စားလှယ် ကကန့်ကွက်ခဲ့သည်ဟု ပြည်ထောင်စုလွှတ်တော်နာယက ဦးမန်းဝင်းခိုင်သန်းက ယနေ့ပြည်ထောင်စုလွှတ် တော်အစည်းအဝေးတွင် ပြောသည်။

“ဦးဟင်နရီ ဗန်ထီးယူနှင့် ဇနီးဖြစ်သူတို့သည် နိုင်ငံခြား၌ မည်သည့်အစီအစဉ်ဖြင့် နေထိုင်သည်ကို နိုင်ငံတော် သမ္မတနှင့် ဒုတိယသမ္မတများ ရွေးချယ်တင်မြောက်ခြင်း ဆိုင်ရာဥပဒေ ပုဒ်မ(၃) ပုဒ်မခွဲ (စ)ပါ အကြောင်းအရာ များအတွက် စိစစ်သင့်သည်ဟု ယူဆပါကြောင်း၊ မိမိအနေဖြင့် သမ္မတလောင်းသည် အထက်ပါ ဥပဒေပုဒ်မ (၃) ပုဒ်မခွဲ (စ)နှင့် ညိစွန်းသည်ဟု ယူဆပါကြောင်း ဗိုလ်ချုပ်သန်းစိုးက ဆွေးနွေးခဲ့ပါတယ်” ဟု နာယက ကဆို သည်။

၎င်းက နိုင်ငံတော်၏ ခွင့်ပြုချက်ဖြင့်ဟူသော စကားရပ်ကို အဓိပ္ပာယ် ဖွင့်ဆိုနိုင်ရန် နိုင်ငံတော် ဖွဲ့စည်းပုံ ဥပဒေဆိုင်ရာ ခုံရုံးသို့ မေးမြန်းသင့်ကြောင်း၊ ဦးဟင်နရီဗန်ထီးယူနှင့် ဇနီးဖြစ်သူတို့ နိုင်ငံခြား၌ မည်သည့်အစီအစဉ်ဖြင့် နေထိုင်သည်ကို နိုင်ငံတော်သမ္မတနှင့် ဒုသမ္မတများ ရွေးချယ်တင်မြောက်ခြင်းဆိုင်ရာ ဥပဒေပုဒ်မ ၃ ပုဒ်မခွဲ (စ) ပါ အကြောင်းအရာများ အတွက် စိစစ်သင့်သည်ဟု ယူဆသည့်အပြင် ၎င်းအနေဖြင့် သမ္မတလောင်း ဦးဟင်နရီဗန်ထီးယူသည် အထက်ပါ တင်ပြထားသည့် ဥပဒေနှင့် ငြိစွန်းသည်ဟု ယူဆပါသည်ဟု ပြည်ထောင်စု လွှတ်တော်နာယက ဦးမန်းဝင်းခိုင်သန်းက ပြည်ထောင်စု လွှတ်တော်၌ ဖတ်ကြားခဲ့ပါသည်။

နိုင်ငံတော်သမ္မတနှင့် ဒုတိယသမ္မတများအရည်အချင်းနှင့် ကိုက်ညီမှုရှိ မရှိ စစ်ဆေးရေး အဖွဲ့အား ပြည်သူ့လွှတ် တော်ဥက္ကဌ၊ ဒုတိယဥက္ကဌ၊ အမျိုးသားလွှတ်တော် ဥက္ကဌ၊ ဒုတိယဥက္ကဌ၊ ပြည်သူ့လွှတ်တော်ရွေးကောက်ခံ ကိုယ်စားလှယ် အစုအဖွဲ့မှ ကိုယ်စားလှယ် တစ်ဦး၊ အမျိုးသားလွှတ်တော် ရွေးကောက်ခံကိုယ်စားလှယ် အဖွဲ့မှ တစ်ဦးနှင့် တပ်မတော်သား ကိုယ်စားလှယ် အစုအဖွဲ့မှ တစ်ဦး စုစုပေါင်း ခုနှစ်ဦးဖြင့် ဖွဲ့စည်းဆောင်ရွက်ခဲ့ရာတွင် တပ်မတော်သားကိုယ်စားလှယ်က အထက်ပါ အတိုင်း ကန့်ကွက်ခဲ့ခြင်းဖြစ်သည်။

စိစစ်ရေးအဖွဲ့တွင် ခုနှစ်ဦးရှိပြီး ခြောက်ဦးက ထောက်ခံခဲ့သည့်အတွက် “အမျိုးသား လွှတ်တော်အစုအဖွဲ့မှ အဆိုပြုခဲ့သည့် ဒုတိယသမ္မတ ဦးဟင်နရီဗန်ထီးယူ သည် နိုင်ငံတော်သမ္မတနှင့် ဒုတိယ သမ္မတများ ရွေးချယ်တင်မြောက်ခြင်း ဆိုင်ရာ ဥပဒေ ပုဒ်မ(၃)ပါ နိုင်ငံတော် သမ္မတနှင့် ဒုတိယ သမ္မတများအတွက် သက်မှတ်ထားသော အရည်အချင်းနှင့် ပြည့်စုံပြီဖြစ်ကြောင်းဆုံဖြတ်သည်” ဟု ပြည်ထောင်စုလွှတ်တော် နာယက က အတည်ပြု ပြောကြားသည်။

ပြည်သူ့လွှတ်တော် ရွေးကောက်ခံကိုယ်စားလှယ်များ အစုအဖွဲ့မှ ရွေးချယ်ခဲ့သည့် ဒုတိယ သမ္မတ ဦးထင်ကျော် ကိုမူ တပ်မတော်သားကိုယ်စားလှယ် အနေဖြင့် ထောက်ခံခြင်း လည်းမပြု၊ ကန့်ကွက်ခြင်းလည်း မပြုခဲ့ဟု ဟု ပြည်ထောင်စုလွှတ်တော်နာယက ဦးမန်းဝင်းခိုင်သန်းက လွှတ်တော်သို့ ပြောသည်။

ကိုပေါက်

The Ladies News

ဓာတ်ပုံ-ကိုပေါက်
https://www.facebook.com/News.TheLadies


မကွေးတိုင်းဒေသကြီး ဂန့်ဂေါ မြို့နယ်နေ အမျိုးသမီးတစ်ဦးမှ ၄င်းအား အလိုမတူဘဲ အကြိမ်ကြိမ် သားမယားပြုကျင့်ခဲ့သော အမျိုး သားအား တိုင်တန်းအမှုဖွင့်ခဲ့မှု ယခုလ ၁၁ ရက်က ဖြစ်ပွားခဲ့ ကြောင်း နယ်မြေခံရဲစခန်းမှ သိ ရသည်။

ဖြစ်စဉ်မှာ ဂန့်ဂေါမြို့နယ် မြင်သားကျေးရွာနေ မ---- (၂၆ နှစ်)သည် ၂ဝ၁၆ ခုနှစ် ဇန်နဝါရီ ၁၁ ရက် မွန်းလွဲ ၂ နာရီက နေအိမ် တွင် တစ်ဦးတည်းရှိနေစဉ် တစ်ရွာ တည်းနေ အိမ်နီးချင်း နိုင်လင်းဦး (လူအို)၊ (၂၈နှစ်)မှာ နေအိမ်ပေါ် သို့ ရုတ်တရက်တက်လာပြီးမ-- ၏ခန္ဓာကိုယ်အား ဖက်၍ လုံးထွေး ပြီး ပါးစပ်ပိတ်ကာ သားမယား အဖြစ် အဓမ္မတစ်ကြိမ်ပြုကျင့်ခဲ့ ကြောင်း၊ ၂ဝ၁၆ ခုနှစ် ဇန်နဝါရီ ၁၅ ရက် နံနက် ၇ နာရီခွဲခန့် မ---- သည် ရွာ၏အရှေ့တောင် ဘက်တစ်မိုင်ခန့်အကွာရှိ ယာခင်း၌ ပဲရိတ်နေစဉ် နိုင်လင်းဦး ရောက်ရှိ လာပြီး မ-----၏ ခန္ဓာကိုယ် အား ဖက်၍ လုံးထွေးပြီး ပါးစပ် ပိတ်ကာ သားမယားအဖြစ် အဓမ္မ တစ်ကြိမ်ပြုကျင့်ခဲ့ကြောင်း၊ ယခု လ ၇ ရက် ညနေ ၅ နာရီခန့်တွင် မ--- သည် နေအိမ်၌ တစ်ဦး တည်းရှိနေစဉ် နိုင်လင်းဦးမှနေအိမ် ပေါ်သို့ ရုတ်တရက်တက်လာပြီး မ-----၏ ခန္ဓာကိုယ်အားဖက်၍ လုံးထွေးပြီး ပါးစပ်ပိတ်ကာ သား မယားအဖြစ် အဓမ္မတစ်ကြိမ်ပြု ကျင့်ခဲ့ကြောင်း စုစုပေါင်းသား မယားအဖြစ် သုံးကြိမ်ပြုကျင့်ခဲ့ပြီး နိုင်လင်းဦးမှ မည်သူ့ကိုမျှမပြော ရန်နှင့် ပြောပါက သတ်ပစ်မည်ဟု ခြိမ်းခြောက်ခဲ့၍ မည်သူ့ကိုမျှမပြော ဘဲ နေထိုင်ခဲ့ရာမှ ၄င်း၏အစ်ကို အရင်းဖြစ်သူ ဦးမျိုးဝင်းအား ပြောပြခဲ့ခြင်းဖြစ်ကြောင်း တရားလို ၏ တိုင်ကြားချက်အရ သိရသည်။

ယင်းဖြစ်စဉ်နှင့်ပတ်သက်၍ မ------- မှ ယခုလ ၁၁ ရက် တွင် တရားလိုပြုတိုင်ကြားခဲ့သော ကြောင့် ဂန့်ဂေါမြို့နယ် ကန်နယ် မြေရဲစခန်းက (ပ) ၁၂/ ၂ဝ၁၆၊ ပုဒ်မ ၃၇၆ ဖြင့် အမှုဖွင့်ထား ကြောင်း သိရသည်။

ကျော်ဇေယျ(မကွေး)
The Union Daily
http://uniondaily.net


နယူးဒေလီ ၊ ၁၄-၃-၂၀၁၆

တရုတ်ပြည်သူ့ လွတ်မြောက်ရေး တပ်မတော် (PLA)မှ တပ်ဖွဲ့ဝင် များသည် ပန်ဂွန်းရေကန် အနီး အိန္ဒိယနိုင်ငံ ပိုင်နက် အတွင်းသို့ ယခု ရက်သတ္တပတ် အတွင်းက အကွာအဝေး ၅ ဒသမ ၅ ကီလိုမီတာ အထိ ကျူးကျော် ဝင်ရောက် ခဲ့ကြောင်း အိန္ဒိယ လုံခြုံရေး သတင်းဌာန များက ထုတ်ပြန် ထားသည်။

တရုတ် ဗိုလ်မှူးကြီး တစ်ဦး ဦးဆောင်သော PLA တပ်ဖွဲ့ဝင် ၁ဝ ဦးသည် ပန်ဂွန်းရေကန် အနီး Finger VIII Sirjap-I ဒေသရှိ (LAC) နယ်စပ် ထိန်းချုပ်ရေးမျဉ်း ကို ကျော်လွန်၍ နိုင်ငံပိုင်နက် အတွင်းသို့ မတ် ၈ ရက် နှောင်းပိုင်း က ဝင်ရောက်ခဲ့ခြင်း ဖြစ်ပြီး တရုတ်တပ်ဖွဲ့ ၏ အဆိုပါ လုပ်ဆောင်မှု ကြောင့် နှစ်နိုင်ငံ လုံခြုံရေး တပ်ဖွဲ့ဝင်များ အကြား လိပ်ခဲတည်း လည်း အခြေအနေ တစ်ရပ်ကို ဖြစ်ပေါ် စေခဲ့ကြောင်း သတင်းဌာန များက ထုတ်ပြန် ထားသည်။

တရုတ် တပ်ဖွဲ့ဝင် များသည် အိန္ဒိယနိုင်ငံ သာကွန်နယ်စပ် စခန်းကို ကျော်ဖြတ်၍ ယာဉ်လေးစီးဖြင့် ဝင်ရောက်၍ အိန္ဒိယ ပိုင်နက် အတွင်းသို့ အကွာအဝေး ၆ ကီလိုမီတာ နီးပါးထိ ရောက်ရှိခဲ့ခြင်း ဖြစ်ကြောင်း သိရသည်။

PyiChitThar
http://www.pyichitthar.com/2016/03/blog-post_43.html

ကမ္ဘာလုံးဆိုင်ရာ ဆရာ ဆု ၂၀၁၆ ရရှိသူ Hanan Al-Hroub (ဓာတ်ပုံ- Global Teacher Prize)
    ရာမာလာ၊ မတ် ၁၄ ရက် (ဆင်ဟွာ)

    ကမ္ဘာလုံးဆိုင်ရာ ဆရာ ဆု ၂၀၁၆ (Global Teacher prize  2016) ကို မတ်လ ၁၃ ရက်က ပါလက်စတိုင်း နိုင်ငံသား ကျောင်းဆရာမတစ်ဦးက ရရှိခဲ့ပြီး ဆုကြေးငွေ အမေရိကန် ဒေါ်လာ ၁ သန်း ချီးမြှင့်ခံရကြောင်း သိရ သည်။

ဘီတယ်လ်ဟမ်မြို့အနီးရှိ ဒုက္ခသည် စခန်းတစ်ခုတွင် နေထိုင်ပြီး အကြမ်းဖက်မှု လုပ်ရပ်များအား ဖော်ထုတ် လေ့ရှိသည့် အသက် ၄၃ နှစ်အရွယ် Hanan Al-Hroub သည် ကုန်းတွင်းပိတ် နယ်မြေ အနောက် ဘက်ကမ်းဒေ သရှိ ရာမာလာ (Ramallah) မြို့အနီး၊ Al-Bireh မြို့မှ Samiha Khali အထက်တန်း ကျောင်းတစ်ခု၌ တာဝန် ထမ်းဆောင်နေသူ တစ်ဦး ဖြစ်သည်။

ကမ္ဘာလုံးဆိုင်ရာ ဆရာဆု ၂၀၁၆ ကို Varkey Foundation က ကမ္ဘာတစ်ဝန်းရှိ ကျောင်းဆရာများထဲမှ ရွေးချယ်ကာ ပေးအပ် ချီးမြှင့်ခြင်း ဖြစ်ပြီး နောက်ဆုံး ဆန်ကာတင် ၁၀ ဦးထဲမှ Al-Hroub ကို ရွေးချယ် ချီးမြှင့်လိုက် ခြင်း ဖြစ်ကြောင်း သိရသည်။

ဒူဘိုင်းနိုင်ငံ ကမ္ဘာ့ ပညာရေးနှင့် စွမ်းရည် ညီလာခံ၌ ထိုဆုပေးပွဲ အခမ်းအနား ပြုလုပ်ခြင်း ဖြစ်သည်။“အမျိုးသမီး ဆရာမ တစ်ဦးအနေနဲ့ ဒီနေရာမှာ ရှိနေရတဲ့အတွက် ကျွန်မ ဂုဏ်ယူပါတယ်၊ ဒီဆုကို ဆရာများ အားလုံးနဲ့ ပါလက်စတိုင်းက ဆရာများအတွက် ကျွန်မ လက်ခံခြင်း ဖြစ်ပါတယ်” ဟု Al-Hroub က သတင်း ထောက်များအား ပြောသည်။

Al-Hroub သည် ၎င်း၏ ကလေးများ ကျောင်းမှ အိမ်သို့ အပြန်လမ်း၌ သေနတ်ပစ်ခတ်ခံရမှုကြောင့် နာကျင်စွာ ခံစားခဲ့ရပြီးနောက် မူလတန်းပညာရေးသို့ ဝင်ရောက်လာခဲ့ပြီး အကြမ်းဖက်မှုကြောင့် ကလေးငယ်များ ခံစားရ သည့် စိတ်ဒဏ်ရာများအား အထူး ပံ့ပိုးမှုများ လုပ်ဆောင်ခဲ့သည်။

လူမှု အသိုင်းအဝိုင်းအတွင်း ကျောင်းဆရာများ၏ အရေးပါသော အခန်းကဏ္ဍအား ထင်ဟပ်ပြနိုင်သလို ထူးချွန် စွာ လုပ်ဆောင်နိုင်ခဲ့သည့်အတွက် ထူးခြားသော ဆရာမ တစ်ဦးအဖြစ် Al-Hroub အား Varkey Foundation က ကမ္ဘာလုံးဆိုင်ရာ ဆရာ ဆုအဖြစ် ရွေးချယ်လိုက်ခြင်း ဖြစ်သည်။

Varkey Foundation သည် ကမ္ဘာတစ်ဝန်းရှိ ဆင်းရဲချို့တဲ့သည့် ကလေးသူငယ်များ၏ ပညာရေးကဏ္ဍ တိုး တက်ရေးအတွက် လုပ်ဆောင်နေသည့် အကျိုးအမြတ်မယူသော နိုင်ငံတကာအဖွဲ့အစည်းတစ်ခု ဖြစ်သည်။
(Xinhua)
http://www.xinhuamyanmar.com


ပြည်သူ့လွှတ်တော်၊ အမျိုးသားလွှတ်တော်နှင့် တပ်မတော်သား ကိုယ်စားလှယ်များ စသည့် အစုအဖွဲ့ (၃)ခုမှ ရွေးချယ်ထားသည့် ဒုတိယသမ္မတလောင်းများအား သမ္မတ အရည်အချင်း စိစစ်ရေးအဖွဲ့မှ ယနေ့ မတ် ၁၄ ရက်တွင် စိစစ်မည်ဖြစ်ကြောင်း သိရသည်။

သမ္မတလောင်း အရည်အချင်း စိစစ်ရေးအဖွဲ့တွင် ပြည်သူ့လွှတ်တော်ဥက္ကဋ္ဌနှင့် ဒုတိယဥက္ကဋ္ဌ၊ အမျိုးသားလွှတ်တော် ဥက္ကဋ္ဌနှင့် ဒုတိယဥက္ကဋ္ဌ၊ ပြည်သူ့လွှတ်တော် ကိုယ်စားလှယ် အစုအဖွဲ့မှ ဒေါက်တာမျိုးအောင်၊ အမျိုးသားလွှတ်တော် ကိုယ်စားလှယ်အစုအဖွဲ့မှ ဦးဘမျိုးသိန်း၊ တပ်မတော်သား ကိုယ်စားလှယ် အစုအဖွဲ့မှ ဗိုလ်ချုပ်သန်းစိုးတို့က စိစစ်မည်ဖြစ်ကြောင်း သိရသည်။

“အစုအဖွဲ့သုံးခုက ရွေးချယ်ထားတဲ့ ဒုတိယသမ္မတလောင်း သုံးဦးကို ဒီနေ့မနက် ၁၀ နာရီမှာ စိစစ်ပါမယ်။ အဓိကကတော့ သတ်မှတ်ထားတဲ့ အရည်အချင်းတွေနဲ့ ကိုက်ညီမှုရှိမရှိပေါ့။ စိစစ်တွေ့ရှိချက်တွေကို နေ့လယ် ၁ နာရီမှာ ပြုလုပ်မယ့် ပြည်ထောင်စု လွှတ်တော် အစည်းအဝေးမှာ တင်ပြမှာဖြစ်ပါတယ်” ဟု စိစစ်ရေးအဖွဲ့တွင် ပါဝင်သူတစ်ဦးက မတ် ၁၃ ရက်က ပြောကြားသည်။

ဒုတိယ သမ္မတလောင်းများအဖြစ် ပြည်သူ့လွှတ်တော် ကိုယ်စားလှယ်အစုအဖွဲ့မှ ဦးထင်ကျော်၊ အမျိုးသားလွှတ်တော် ကိုယ်စားလှယ်အစုအဖွဲ့မှ ဦးဟင်နရီဗန်ထီးယူ၊ တပ်မတော်သား ကိုယ်စားလှယ်အစုအဖွဲ့မှ ဦးမြင့်ဆွေ (ဒုတိယဗိုလ်ချုပ်ကြီး-ငြိမ်း) တို့ကို ရွေးချယ်ထားသည်။

သမ္မတလောင်း စိစစ်ရေး အဖွဲ့အနေဖြင့် သမ္မတ အရည်အချင်းနှင့် ကိုက်ညီမှုရှိမရှိ၊ သတ်မှတ်ထားသည့် အရည်အချင်းများနှင့် ကိုက်ညီမှု ရှိမရှိများကို အဓိကထား စိစစ်မည်ဖြစ်ကြောင်း၊ စိစစ်တွေ့ရှိချက်များအား ပြည်ထောင်စု လွှတ်တော်သို့တင်ပြမည်ဖြစ်ကြောင်း၊ မတ် ၁၅ ရက်တွင် ပြုလုပ်မည့် ပြည်ထောင်စုလွှတ်တော်တွင် နိုင်ငံတော်သမ္မတအဖြစ် မဲပေး ရွေးချယ်မည်ဖြစ်ကြောင်း သိရသည်။

၂၀၁၅ ခုနှစ်ရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ်အနေဖြင့် ပြည်သူ့လွှတ်တော်တွင် ၂၅၅ နေရာ၊ အမျိုးသားလွှတ်တော်တွင် ၁၃၅ နေရာ အနိုင်ရရှိထားသည့်အတွက် နိုင်ငံတော်သမ္မတအဖြစ် ရွေးချယ်ခံရမည့်သူသည် အမျိုးသားဒီမိုကရေစီအဖွဲ့ချုပ် ကိုယ်စားလှယ်များမှ ထောက်ခံမဲပေးသည့်သူသာ ရရှိမည်ဖြစ်ကြောင်း သိရသည်။
Eleven Media Group

ချီကာဂို မဲဆွယ်စည်းရုံးပွဲပျက်ရမှု Sanders ကို Trump အပြစ်တင်
ချီကာဂို မဲဆွယ်စည်းရုံးပွဲပျက်ရမှု Sanders ကို Trump အပြစ်တင်

ဒီမိုကရက်တစ်ပါတီရဲ့ သမ္မတလောင်း ဖြစ်ရေး ယှဉ်ပြိုင်နေသူ Bernie Sanders နဲ့ သူ့ကို ထောက်ခံသူတွေရဲ့ ရည်ရွယ်ချက်ရှိရှိ ကြိုတင်ကြံစည်ချက်ကြောင့် သောကြာနေ့တုန်းက ချီကာဂိုက မဲဆွယ်စည်းရုံးရေးကို ဖျက်ဖို့ ဖြစ်လာရတာလို့ ရီပတ်ပလီကန် သမ္မတလောင်း ဖြစ်ရေး ယှဉ်ပြိုင်နေတဲ့ Donald Trump က ပြောဆိုပြီး Bernie Sanders နဲ့ ထောက်ခံသူတွေကို ပြစ်တင်ပြောဆိုလိုက်ပါတယ်။

Donald Trump ကို ထောက်ခံသူတွေနဲ့ ကန့်ကွက်သူတွေကြား ရုန်းရင်းဆန်ခတ် ဖြစ်ခဲ့တာကြောင့် ရဲတပ်ဖွဲ့က ဖြန်ဖြေပေးခဲ့ရပြီး လူ ၅ ဦးကိုလည်း ဖမ်းဆီးခဲ့ရပါတယ်။ ဆန္ဒပြသူ အများအပြားက Bernie – Bernie လို့ အော်ဟစ် ကြွေးကြော်ခဲ့ကြပြီး ဒီမိုကရက် ကိုယ်စားလှယ် Bernie Sanders ရဲ့ ဆိုင်းဘုတ်တွေကို ဝှေ့ယမ်းခဲ့ကြပါတယ်။

မနေ့ စနေနေ့က အိုဟိုင်းယိုး ပြည်နယ် Cleveland မှာ ပြုလုပ်တဲ့ စည်းရုံးပွဲ တခုမှာလည်း Donald Trump က ဆိုရှယ်လစ်ဝါဒီ ဗားမောင့် အထက်လွှတ်တော်အမတ် Bernie Sanders ကို ကျနော်တို့ရဲ့ ကွန်မြူနစ် မိတ်ဆွေကြီးလို့ လှောင်ပြောင် သရော် ပြောဆိုခဲ့ပါတယ်။ ဒီလူတွေ ဘယ်က ရောက်လာတာလဲ။ ဟာ ဒီလူတွေဟာ Bernie ရဲ့ လူထုဘဲ။ ဟေ့ - Bernie ခင်ဗျားလူတွေကို တန်းစီခိုင်းပါဗျာ - လို့ Donald Trump က ပြောဆိုခဲ့ပါတယ်။

Bernie Sanders က ဆန္ဒပြကြဖို့ စည်းရုံး လုပ်ဆောင်ခဲ့တယ်ဆိုတာ မဟုတ်ဘူးလို့ မနေ့ စနေနေ့က ကြေညာချက်ထုတ် ငြင်းဆိုပြီး Donald Trump ရဲ့ တင်းမာတဲ့ အပြောအဆိုတွေကိုလည်း ပြစ်တင်ပြောဆိုခဲ့ပါတယ်။ Donald Trump ရဲ့ စည်းရုံးပွဲမှာ အကြမ်းဖက်မှုတွေ ဖြစ်ခဲ့ရတဲ့ အကြောင်းရင်းက လက်တင်အမေရိကန် နွယ်ဖွားတွေ၊ မူဆလင်တွေ၊ အမျိုးသမီးတွေ၊ မသန်စွမ်း လူတွေကို ခွဲခြားဆက်ဆံမှု အမုန်းပွားမှုတွေကို လှုံ့ဆော်နေတဲ့ ကိုယ်စားလှယ်တယောက် ဖြစ်နေတာကြောင့်လို့လည်း Bernie Sanders ရဲ့ ကြေညာချက်မှာ ဖော်ပြပါတယ်။

VOA
http://burmese.voanews.com/content/trump-blames-sanders-for-distrupting-chicago-campaign-rally-/3233825.html



အမေရိကန်သမ္မတကိုယ်စားလှယ်လောင်း ရွေးချယ် မှုတွေအတွင်း ရီပတ်ဘလစ်ကန်ပါတီမှာ ရှေ့ကနေ ဦးဆောင်နေတဲ့ Donald Trump က ရွေးကောက်ပွဲ မဲဆွယ်စည်းရုံးမှုတွေမှာ အန္တရာယ်ဖြစ်စေတဲ့ ပြောဆို မှုတွေ ပြုလုပ်နေတဲ့အပေါ် ဒီမိုကရက်ပါတီ သမ္မတကိုယ်စားလှယ်လောင်း Hillary Clinton က ပြစ်တင် ဝေဖန်လိုက်ပါတယ်။

Chicago မြို့မှာ သောကြာနေ့ညက ပြုလုပ်ဖို့ရှိတဲ့ Trump ရဲ့ ရွေးကောက်ပွဲ မဲဆွယ်စည်းရုံးမှုတခုမှာ ထောက်ခံသူတွေနဲ့ ကန့်ကွက်သူတွေအကြား အပြန်အလှန် တိုက်ခိုက်မှုတွေ ဖြစ်ပေါ်ခဲ့ပြီးတဲ့နောက် အနိုင်ကျင့်မှု၊ တယူသန်အမှုအကျင့်နဲ့ ခြိမ်းချောက်ပြောဆိုမှုတွေကို မဲဆန္ဒရှင်တွေအနေနဲ့ လက်မခံကြဖို့ Clinton က တိုက်တွန်း ပြောဆိုလိုက်ပါတယ်။
မီးခြစ်နဲ့ဆော့ကစားရင် ထိန်းသိမ်းလို့မရနိုင်တဲ့ မီးတွေ လောင်နိုင်တယ်လို့ ဥပမာပေးပြီး St. Louis မြို့မှာ သူ့မ Campaign အတွက် ကူညီလုပ်ဆောင်ပေးသူတွေကို ပြောကြားလိုက်တာပါ။
သမ္မတ Barack Obama က Dallas မြို့က ပါတီရန်ပုံငွေရှာပွဲတခုအတွင်းမှာ ပြောကြားရာမှာတော့ - သမ္မတရွေးကောက်ပွဲ ၀င်နေကြတဲ့ ကိုယ်စားလှယ်လောင်းတွေအနေနဲ့ ကျောင်းကစားကွင်းအတွင်းမှာ ကစားနေသလို မမှန်သတင်းတွေကို လုပ်ကြံပြောဆိုနေတာထက် အမေရိကန်ပြည်ထောင်စုကြီး ပိုမို ကောင်းမွန်အောင် လုပ်ဆောင်ရေးအတွက် အာရုံစိုက်သင့်ကြောင်း၊ လူမျိုးနဲ့ ကိုးကွယ်ရာ ဘာသာမတူသူတွေအကြား ကွဲပြားမှု မဖြစ်အောင် လုပ်ဆောင်သင့်ကြောင်း၊ အထူးသဖြင့် တခြား အမေရိကန်နိုင်ငံသား တဦးအပေါ် အကြမ်းဖက်မှု မပြုသင့်ကြောင်း ပြောပါတယ်။

စနေနေ့ အစောပိုင်းတုန်းကတော့ Chicago မြို့မှာ Donald Trump က ဆန္ဒပြသူတွေရဲ့ လုပ်ရပ်ဟာ ရှက်စရာကောင်းတဲ့ လုပ်ရပ်လို့ ပြစ်တင် ရှုတ်ချလိုက်ပြီး ကြိုတင်စီစဉ်ထားတဲ့ လုပ်ရပ်ဖြစ်တယ်လို့ ပြောပါတယ်။ ဒါပေမယ့် ရီပတ်ဘလီကန်ပါတီအတွင်းက သူ့ရဲ့ ပြိုင်ဖက်တွေကတော့ အဲဒီလို ဖြစ်ပေါ်လာအောင် Trump က စည်းရုံးရေး Campaign အတွင်း ပြောဆို သုံးနှုန်းခဲ့တဲ့ လေသံကြောင့်လို့ ပြောဆိုခဲ့ကြပါတယ်။

ဒါပေမဲ့ သောကြာနေ့က Chicago မြို့မှာ ပြုလုပ်ဖို့ရှိတဲ့ သူ့ရဲ့ မဲဆွယ် စည်းရုံးပွဲ ပျက်ပြားအောင် ဒီမိုကရက်ပါတီ သမ္မတကိုယ်စားလှယ်လောင်း Bernie Sanders ကို ထောက်ခံသူတွေက ပြုလုပ်ခဲ့ခြင်းဖြစ်တယ်လို့ Donald Trump က ပြစ်တင် ပြောကြားလိုက်ပါတယ်။
အခမ်းအနားမကျင်းပခင် Trump ကိုထောက်ခံသူတွေနဲ့ ကန့်ကွက်သူတွေအကြား ခိုက်ရန်ဖြစ်ပွားခဲ့ကြတဲ့အတွက် ရဲတပ်ဖွဲ့က ၀င်ရောက် ဖြန်ဖြေပေးခဲ့ရတာပါ။ ဆန္ဒပြသူအများစုက Bernie – Bernie လို့အော်ဟစ်ခဲ့ကြပြီး၊ Bernie Sanders ရဲ့ပုံတွေကို ကိုင်ဆောင်ထားကြတယ်လို့ ဆိုပါတယ်။

VOA
http://burmese.voanews.com/content/us-politics/3233709.html

ဒုတိယသမ္မတအဖြစ် တင်မြှောက်ခံထားရတဲ့ ဦးမြင့်ဆွေ
ဒုတိယသမ္မတအဖြစ် တင်မြှောက်ခံထားရတဲ့ ဦးမြင့်ဆွေ

ဒုတိယဗိုလ်ချုပ်ကြီးဟောင်း ဦးမြင့်ဆွေကို ဒုတိယသမ္မတအဖြစ် တပ်မတော်သား လွှတ်တော်ကိုယ်စားလှယ်တွေက ရွေးချယ် ထားတဲ့အပေါ် ဝေဖန်ပြောဆိုတာတွေ ကျယ်ကျယ်ပြန့်ပြန့်ထွက်နေပါတယ်။ သူ့မိသားစုဝင်တချို့ရဲ့ နိုင်ငံသားဖြစ်မှုနဲ့ ပတ်သက်တဲ့ မေးခွန်းတွေကလည်း ထွက်နေတာပါ။ လက်ရှိမှာ ရွေးချယ်ထားပြီးသား ဒုတိယသမ္မတသုံးဦးကို သမ္မတ အရည်အချင်း စိစစ်ရေး ကော်မတီက စိစစ်နေပြီး ဒီကနေ့ တနင်္လာနေ့ ပြည်ထောင်စုလွှတ်တော်အစည်းအဝေးမှာ ဒီအခြေအနေကို သိလာရဖွယ်ရှိပါတယ်။ အပြည့်အစုံကို ဗွီအိုအေမြန်မာပိုင်းသတင်းထောက် မမေခက နေပြည်တော်ကနေ သတင်းပေးပို့ထားပါတယ်။

ဒုတိယ ဗိုလ်ချုပ်ကြီးဟောင်းဦးမြင့်ဆွေဟာ တပ်မမှူး၊ တိုင်းမှူးနဲ့ တပ်မတော် လုံခြုံရေးရာကောင်စီဥက္ကဋ္ဌ တာဝန်တွေအပြင် တပ်မတော်စစ်ဖက်ရေးရာလုံခြုံရေးအဖွဲ့ရဲ့ အဆင့်မြင့်တာဝန်တွေကို ထမ်းဆောင်ခဲ့သူဖြစ်ပြီး ၂၀၀၇ ခုနှစ်မှာဖြစ်ခဲ့တဲ့ သံဃာ တော်တွေရဲ့ ရွှေဝါရောင်တော်လှန်ရေးကို အကြမ်းဖက်နှိမ်နင်းတာမှာလည်း အဓိက တာဝန်ရှိသူတဦးအဖြစ် သတ်မှတ်ခံထားရ သူပါ။ ဒီအတောအတွင်းမှာပဲ ဦးမြင့်ဆွေရဲ့ မိသားစုဝင်တချို့ဟာ ပြည်ပနိုင်ငံသားတွေအဖြစ် ခံယူထားတယ်လို့ သတင်းတွေ ထွက်ဖူးတာကြောင့် အခုချိန်မှာရော မြန်မာနိုင်ငံသား ပြန်ဖြစ်နေကြပြီလားဆိုတဲ့ မေးခွန်းတွေကလည်း ထွက်နေတာပါ။

ဒုတိယသမ္မတသုံးဦးကို စိစစ်နေတာနဲ့ပတ်သက်ပြီး စိစစ်ရေးအဖွဲ့ဝင်တဦးဖြစ်သူ ဦးဗမျိုးသိန်းက အသေးစိတ်မပြောပေမဲ့ ပြည်သူ တွေအတွက် အကောင်းဆုံး စစ်ဆေးနေတာကြောင့် အဖြေမှန်ထွက်လာမယ်လို့ ပြောပါတယ်။ တကယ်လို့ မိသားစုဝင်တွေထဲမှာ မြန်မာနိုင်ငံသားမဟုတ်သူတဦးဦး ရှိနေတယ်ဆိုတာကို စိစစ်တွေ့ရှိရင် ပြန်ပြီး ရွေးချယ်ရမယ့် လုပ်ငန်းစဉ်ပိုင်းကိုတော့ ဦးဗမျိုးသိန်းက အခုလိုရှင်းပြပါတယ်။

“အခု လူကြီးတွေလည်းအကုန်လုံး လက်တံခြေတံရှည်ကြပါတယ်။ သူတို့ကိုလည်း ၀ိုင်းပြီးတော့ လိုအပ်တဲ့ အချက်အလက်တွေ ပို့ပေးပါတယ်။ အဲလောက်တော့ရှိတယ်။ လူကြီးတွေလည်း သိတယ်။ အများကြီးတော့ အချက်အလက်တွေလည်း ပံ့ပိုးပေးပါတယ်။ လုပ်ထုံးလုပ်နည်းလည်းရှိပြီးသားပေါ့။ သဘောကတော့ မကိုက်ညီဘူးဆိုရင် မနက်ဖြန်ကြေညာတဲ့အထဲမှာပါမယ်။ တကယ်လို့ လုပ်ဖို့လိုရင် လွှတ်တော်ကို ပြန်ချပေးရတာပေါ့။ ပြီးတော့ လမ်းကြောင်းအဆင့်ဆင့်ကို ပြန်သွား ၊ ကျမ်းကြိန် အဲလိုပဲ ပြန်လုပ်ရမှာပေါ့လေ။”

တခါ ဦးမြင့်ဆွေဟာ အမေရိကန်ပြည်ထောင်စုက ဒဏ်ခတ် အရေးယူထားတဲ့ လက်ရှိစာရင်းထဲမှာ ပါနေဆဲဖြစ်ပါတယ်။ ရန်ကုန် မြို့မှာဖြစ်ခဲ့တဲ့ လူထုဆန္ဒပြပွဲတွေကို အကြမ်းဖက်နှိမ်နင်းတာမှာ တာဝန်ရှိသူတဦးအဖြစ် အမေရိကန်ပြည်ထောင်စုက သတ်မှတ် ပြီးတော့ ဒဏ်ခတ် အရေးယူတဲ့စာရင်းထဲ ထည့်ထားတာပါ။

ဒီအပေါ်မှာ အမေရိကန်ပြည်ထောင်စုဘက်ကတော့ သူ့ကို အရေးယူထားတဲ့ စာရင်းကနေ ပယ်ဖျက်ဖို့ဆိုရင် စာရင်းထဲ ထည့်ထား ရတဲ့အကြောင်းရင်းဖြစ်တဲ့ သူလုပ်ခဲ့ဖူးတာမျိုး ဆက်ပြီး မလုပ်တော့ဘူးဆိုတာ အခိုင်အမာ သက်သေပြဖို့လိုတယ်လို့ အမေရိကန် နိုင်ငံခြားရေးဌာန ကြာသပတေးနေ့ ပုံမှန်သတင်းစာ ရှင်းလင်းပွဲအတွင်း ပြောခွင့်ရပုဂ္ဂိုလ် John Kirby ကပြောထားပါတယ်။

ဦးမြင့်ဆွေဟာ ဗိုလ်ချုပ်မှူးကြီးဟောင်း ဦးသန်းရွှေရဲ့ လက်ရင်းတပည့်တဦးဖြစ်ပြီး သဘောထား တင်းမာသူ၊ လုပ်ပိုင်ခွင့်တွေကို ကိုယ်ကျိုးအတွက် အသုံးချသူအဖြစ် ဝေဖန်တာတွေကလည်း ကျယ်ကျယ်ပြန့်ပြန့်ကို ရှိထားပါတယ်။ အခု သမ္မတဦးသိန်းစိန် အစိုးရလက်ထက်အတွင်း အရင်ဒုတိယသမ္မတ သီဟသူရဦးတင်အောင်မြင့်ဦး အနားယူသွားချိန်တုန်းကလည်း ဦးမြင့်ဆွေကို အစားထိုးရွေးချယ်မယ့်သတင်း ထွက်ခဲ့ပါသေးတယ်။

အဲဒီအချိန်တုန်းကတည်းက သူ့ရဲ့မိသားစုဝင်တွေထဲမှာ ပြည်ပနိုင်ငံသားဖြစ်နေသူတွေ ရှိတယ်ဆိုပြီးတော့ ဒုတိယသမ္မတမဖြစ်ခဲ့ ဘဲ သူ့အစား အခုလက်ရှိ ဒုတိယသမ္မတဖြစ်နေတဲ့ ဦးဥာဏ်ထွန်းကို တပ်ဘက်က ရွေးချယ်ခဲ့တာပါ။ အခုတကြိမ်မှာလည်း ဒီ နိုင်ငံ သားဖြစ်မှုကိစ္စ မေးခွန်းတွေ ပြန်ထွက်လာနေတာကြောင့် ဒါနဲ့ပတ်သက်ပြီး မေးမြန်းအတည်ပြုနိုင်ဖို့ ဦးမြင့်ဆွေကို ဗွီအိုအေက အကြိမ်ကြိမ် ဆက်သွယ်ခဲ့ပေမဲ့ တယ်လီဖုန်းလက်ခံဖြေဆိုတာမျိုး မရှိခဲ့ပါဘူး။

သူ့ရဲ့မိသားစုဝင်တချို့ဟာ အခုချိန်ထိ ပြည်ပနိုင်ငံသား ဆက်ဖြစ်နေသေးသလားဆိုတာကို သမ္မတအရည်အချင်း စိစစ်ရေးအဖွဲ့ အနေနဲ့ အလွယ်တကူမေးမြန်းနိုင်ပြီး အဲဒီကနေတဆင့် ဖြစ်လာနိုင်တဲ့ နောက်ဆက်တွဲအနေအထားတွေကိုတော့ မြန်မာ့နိုင်ငံရေး လေ့လာသူ ဦးတင်မောင်သန်းက အခုလိုသုံးသပ်ပြပါတယ်။

“စိစစ်ရေးကော်မတီက သြစတေးလျနိုင်ငံသံရုံးကို မေးခဲ့တယ်ဆိုရင် ဒီစစ်တာက သတင်းတွေမှာ ဖော်ပြထားတဲ့အတိုင်း မှန်တယ်ဆိုရင်တော့ ဦးမြင့်ဆွေ ရဲ့ အမည်စာရင်းတင်သွင်းမှုက ဒုတိယအကြိမ် ပြန်လည်ရုတ်သိမ်းသွားရလိမ့်မယ်။ ဆိုတော့ အဲလို ရုတ်သိမ်းသွားလို့ရှိရင်လည်းတပ်မတော်က သူတို့ သည် ၅၉(စ)ကို လေးလေးနက်နက်အခိုင်အမာ ကိုင်စွဲထားတာဖြစ်ပါတယ် ဆိုတာကို ပြသသွားတာလည်း ဖြစ်သွားနိုင်တယ်။ ဆိုတော့ ဘယ်လိုအကြောင်းကြောင့်ပဲဖြစ်ဖြစ်ပေါ့ ဦးမြင့်ဆွေ ဒုသမ္မတအနေနဲ့ အပယ်မခံရဘူး ဖြစ်သွားတယ်ဆိုရင်လည်း ၅၉(စ) နဲ့ ပတ်သက်ပြီး ပြပြီးသားဖြစ်တယ်။ ဒါကတော့ နိုင်ငံရေးအရ တပြည်လုံးကို သတင်းပေးလိုက်တယ်လို့ သုံးသပ်လို့ရမယ်လို့ ထင်တယ်။”

ဒီကနေ့လုပ်မယ့် ပြည်ထောင်စုလွှတ်တော် အစည်းအဝေးမှာတော့ ဒီကိစ္စ အဖြေ ထွက်လာဖွယ် ရှိနေပါတယ်။ တကယ်လို့သာ အခုရွေးထားတဲ့ ဒုတိယသမ္မတသုံးဦးထဲမှာ တဦးဦးဟာ သတ်မှတ်ထားတဲ့ သမ္မတအရည်အချင်းတွေထဲက တချက်ချက်နဲ့ ငြိစွန်း နေတယ်ဆိုရင်တော့ အဲဒီသက်ဆိုင်ရာအစုအဖွဲ့က ဒုတိယသမ္မတကို ပြန်ပြီး ရွေးချယ်ရမှာပါ။ သုံးဦးစလုံးဟာ သတ်မှတ်အရည် အချင်းတွေနဲ့ အပြည့်အ၀ကိုက်ညီတယ်ဆိုရင်တော့ မတ်လ ၁၅ ရက်၊ အင်္ဂါနေ့ ကျရင် ပြည်ထောင်စုလွှတ်တော်မှာ မဲခွဲပြီး သမ္မတနဲ့ ဒုတိယသမ္မတတွေကို ရွေးချယ်ကြမှာဖြစ်ပါတယ်။

မေခ/VOA
http://burmese.voanews.com/content/u-myint-swe-background-check-for-the-president-position-/3234039.html

ရှမ်းပြည်နယ်မြောက်ပိုင်း ကွတ်ခိုင်မြို့နယ် လွယ်စရမ်းနဲ့ လွယ်ကန်ကျေးရွာတွေမှာ တိုက်ပွဲဖြစ်ပွားခဲ့တာကြောင့် မီးလောင်ပျက်ဆီးနေသော နေအိမ်အချို့ကို မတ်လ ၁၃ ရက်နေ့က တွေ့ရစဉ်။ Photo: Kan Thar/ RFA
ရှမ်းပြည်နယ်မြောက်ပိုင်း ကွတ်ခိုင်မြို့နယ်ထဲမှာ ပြီးခဲ့တဲ့ ရက်ပိုင်းက အစိုးရတပ် တပ်မ ၃၃ နဲ့ ပလောင် တအာင်းတပ်တို့ တိုက်ပွဲဖြစ်ပွားခဲ့တဲ့အတွက် ဒေသခံ တစ်ထောင်နီးပါး ထွက်ပြေးနေကြရပါတယ်။

မနေ့က ကွတ်ခိုင်မြို့နယ် လွယ်စရမ်းနဲ့ လွယ်ကန်ကျေးရွာတွေမှာ ဒုက္ခရောက်နေသူ တွေကို သွားရောက်ခေါ်ဆောင်လာခဲ့တဲ့ နမ့်ဖတ်ကာ ရန်အောင်မြင်ကျောင်းတိုက် ဆရာတော် ဦးထေရ၀ံသ က တွေ့မြင်ခဲ့ရတာတွေကို အခုလိုမိန့်ပါတယ်။

"ဦးဇင်းတို့သွားကြည့်တဲ့အခါကျတော့ ကိုယ့်ရဲ့ဌာနေထဲမှာရှိနေတဲ့ ဒကာ၊ ဒကာမ တွေရဲ့ပစ္စည်းတွေ တော်တော်လေးရင်နာစရာကောင်းပါတယ်၊ စပါးရှို့တဲ့နေရာရယ်၊ အိမ်တွေပျက်ဆီးတာရယ်၊ သူတို့ရဲ့အိမ်ထဲကပစ္စည်းတွေရော၊ သိုလှောင်ထားတဲ့ ပစ္စည်းတွေရော၊ ပျက်ဆီး တာတွေ တွေ့ခဲ့တယ်၊ လမ်းပန်းသွားရတာလည်း ခက်ခဲတယ်၊ အိမ်တွေ၊ ကျောင်းတွေပျက်ဆီးတာတွေ့ခဲ့တယ်၊ အခုဘာမှမရှိတော့ဘူး၊ အကုန်ပြာပုံ ဖြစ်ကုန်ပြီ"

နမ့်ဖတ်ကာမှာလည်း အရင်ရှိပြီးသား ဒုက္ခသည်တွေနဲ့ပေါင်းရင် စုစုပေါင်း ဒုက္ခသည် ၇၀၀ ၀န်းကျင်ရှိနေပြီဖြစ်ပါတယ်။

နှစ်ဖက်တိုက်ပွဲတွေအတွင်း လွယ်ကန်ကျေးရွာက နေအိမ် ၁၁ လုံးမီးရှို့ခံရသလို ၅ နှစ် အရွယ် ကလေးငယ်တစ်ဦးလည်း ပျောက်ဆုံးနေတယ်လို့ သိရပါတယ်။

ကွတ်ခိုင်မြို့နယ် မန်ဆိန်ကျေးရွာမှာလည်း နေအိမ် ၃ လုံးမီးရှို့ခံခဲ့ရပါတယ်။ ဒေသခံတွေကတော့ အစိုးရတပ်က မီးရှို့တာဖြစ်ပြီး ငေါ့ငါးကျေးရွာက ဒေသခံ ၄ ယောက်ကိုလည်း ခေါ်ဆောင်သွားတယ်လို့ ပြောပါတယ်။

RFA Burmese
http://www.rfa.org/burmese

 ald-press-march6-620.jpg ရခိုင်အမျိုးသားပါတီ ANP ရဲ့ သဘောထားကြေညာချက်နဲ့ ပတ်သက်ပြီး ALD ခေါင်းဆောင်တချို့ ရန်ကုန်မြို့ တော်ဝင်နှင်းဆီခန်းမမှာ မတ်လ ၆ ရက်နေ့က သတင်းစာရှင်းလင်းစဉ် Photo: Aung Thain Kha/ RFA

ရခိုင်အမျိုးသားပါတီ (ANP) ရဲ့ခွင်ပြုချက်မပါဘဲ သတင်းစာရှင်းလင်းပွဲပြုလုပ်ခဲ့တဲ့ ပါတီ အလုပ်အမှုဆောင် ၆ ဦးကို ပါတီကနေထုတ်ပယ်လိုက်တယ်လို့ ဒီနေ့ကျင်းပတဲ့ ANP ပါတီ အလုပ်အမှုဆောင်ကော်မတီ အစည်းအဝေးမှာ ဆုံးဖြတ်လိုက်ပါတယ်။

အစည်းအဝေးကိုတက်ရောက်တဲ့ အလုပ်အမှုဆောင်ကော်မတီဝင်အားလုံးက တညီ တညွတ်တည်း ဆုံးဖြတ်ခဲ့ကြတာလို့ ပါတီရဲ့ အထွေထွေအတွင်းရေးမှူး ဦးထွန်းအောင်ကျော်က ပြောပါတယ်။

"ဗဟိုအလုပ်အမှုဆောင် ကော်မတီအများစုက ကောက်ချက်ဆွဲရှင်းလင်းတင်ပြကြတဲ့ အကျေအလည်ဆွေးနွေးကြတဲ့အတွက် နောက်ဆုံးမှာတော့ ပါတီကနေ ထုတ်ဖယ်ဖို့ အတွက် ဆွေးနွေးလိုက်ကြပါတယ်၊ ကာယကံရှင်တွေကိုကျတော့ ကျနော်တို့က ဒီဆုံးဖြတ်ချက်တွေကို မိမိကိုယ်တိုင်သိစေဖို့ ကျနော်တို့ မဖြစ်ဖြစ်အောင် ကျနော်တို့ပါတီကနေ ပေးပို့သွားမှာပါ"

အစိုးရသစ်လက်ထက်မှာ ရခိုင်ပြည်နယ်ဝန်ကြီးချုပ်နေရာကို ရခိုင်အမျိုးသား ပါတီက သာရရှိရေးနဲ့ ညီညွတ် သောတိုင်းရင်းသားလူမျိုးများ မဟာမိတ်အဖွဲ့ (UNA)နဲ့ မဟာမိတ်ဆက်ဆံရေးကို ရပ်စဲသွားမယ်ဆိုတဲ့ ကြေငြာချက် နှစ်စောင်ဟာ တရားမဝင် တာကြောင့် လက်မခံနိုင်ဘူးလို့ ပါတီအလုပ်အမှု ဆောင်ကော်မတီဝင် ၆ ဦးက ပြီးခဲ့တဲ့ မတ်လ ၆ ရက်နေ့က ရန်ကုန်မြို့ တော်ဝင်နှင်းဆီခန်းမမှာ သတင်းစာရှင်းလင်းခဲ့တာပါ။

ရခိုင်အမျိုးသားပါတီ (ANP) ဟာ ရခိုင်တိုင်းရင်းသားများတိုးတက်ရေးပါတီ(RNDP)နဲ့ ရခိုင်ဒီမိုကရေစီ အဖွဲ့ချုပ် (ALD)ပါတီနှစ်ခု ပေါင်းစည်းထားတာဖြစ်ပြီး အခုပါတီက ထုတ်ပယ်ခြင်းခံရတဲ့ အလုပ်အမှုဆောင် ကော်မတီဝင် ၆ ဦးဟာ ALD ရခိုင်ဒီမိုကရေစီ အဖွဲ့ချုပ်ပါတီဝင်ဟောင်းတွေ ဖြစ်ကြပါတယ်။

ထုတ်ပယ်ခံရသူထဲမှာပါတဲ့ အလုပ်အမှုဆောင်ကော်မတီဝင် ဦးမျိုးကျော်က သူတို့ကို ရည်ရွယ်ချက်ရှိရှိ ဆောင်ရွက်ခဲ့တာဖြစ်တယ်လို့ ပြောပါတယ်။

"အခုရခိုင်အမျိုးသားပါတီထဲမှာရှိတဲ့ ALD အုပ်စုကို ရခိုင်အမျိုးသားပါတီထဲက ဖယ်လိုက်မယ်၊ ထုတ်လိုက်မယ်၊ ဆိုတာမျိုးကို သူတို့ကအားထုတ်နေတာဖြစ် ပါတယ်၊ ဒါမျိုးက သံတွဲညီလာခံမှာလည်း ကျနော်တို့တွေကို အပြတ်ရှင်းခဲ့တယ်၊ ဒုတိယအနေနဲ့ ၂၀၁၅ ရွေးကောက်ပွဲမှာ ကိုယ်စားလှယ်မပါရှိရေးအတွက် ကျနော်တို့တွေရှင်းခဲ့ပြီးပါပြီ၊ အခုကျနော်တို့တွေလုပ်နေတာက ALD ကပုဂ္ဂိုလ်တွေနေရာရရှိရေးအတွက် လုပ်နေတာမဟုတ်ဘူးဆိုတာလည်း ကျနော် တို့ ပြည်သူလူထုကိုပြောချင်ပါတယ်"

မနေ့ကစတင်ပြုလုပ်ခဲ့တဲ့ ANP ပါတီ ဗဟိုကော်မတီအစည်းအဝေးနဲ့ ဗဟိုအလုပ် အမှုဆောင် အစည်းအဝေးတွေကို ALD ပါတီဝင်ဟောင်းတွေကို ဖိတ်ကြားတာ မရှိခဲ့ဘူးလို့ ပြောပါတယ်။

ဒါ့အပြင် ပါတီညီလာခံကနေ ခန့်အပ်ခဲ့တဲ့ အလုပ်အမှုဆောင်တွေကို အရေးပေါ် အစည်းအဝေးပြုလုပ် ပြီး ထုတ်ပယ်လိုက်တာဟာ ပါတီစည်းမျဉ်းစည်းကမ်းကို ချိုးဖောက်ရာရောက်တယ်လို့လည်း ဦးမျိုးကျော်က ပြောပါတယ်။

RFA


တပ်ကထွက်လာပြီး အစိုးရမှာ အာဏာရလာတဲ့တပ်ထွက်အချို့ဟာ သူတို့နေခဲ့တဲ့ တပ်မတော်ကို ဖျက်ဆီးခဲ့တဲ့ကောင်တွေ ၊ ဖျက်ဆီးနေတဲ့ကောင်တွေများဖြစ်နေသလားလို့ စဉ်းစားရမလိုဖြစ်နေပီ။ တပ်ကနေထွက်ပီး အစိုးရထဲဝင်လုပ်တဲ့အခါမှာ ဘာမှ ပွင့်လင်းမှုမရှိဘူး၊ ပြည်သူအများက တပ်ထွက်အာဏာရသူတွေကိုဆို တိုင်းပြည်ဘဏ္ဍာခိုးတဲ့ သူခိုးတွေလို့ပဲ အထင် အမြင်ခံနေရတယ်။

တပ်ထွက်တွေရဲ့ စိတ်ထဲမှာ ငါ့လုပ်ရပ်ကြောင့် ငါနေခဲ့ ထိုင်ခဲ့တဲ့ တပ်ကို သိက္ခာမကျအောင် ပြည်သူအပေါ်ပြုမူနေထိုင်မှတော်ကာကျမယ်ဆိုတဲ့ အတွေးကို ရှိကြပုံကိုမပေါ်ဘူး။ ဟိုတပ်ထွက်ကောင်တုံးကတော့ ဒီလောက်ဘုံးထားပီ၊ ငါအလှည့်မှာတော့ သူထက်သာအောင် ရှေ့က တပ်ထွက်သူခိုးထက် ပိုရအောင်ကို အရှက်မရှိ အကြောက်မရှိ သိက္ခာမရှိ ခိုးယူကြတဲ့ သူတွေဖြစ်နေကြပီ။ ပိုင်ဆိုင်မှုပြခိုင်းတော့ နာဂစ်ခြေ/ဥ မှာ မပြခိုင်းလို့ မပြတာတဲ့လေ။ ကိုယ့်ကိုယ်ကျင်တရားအတွက် ငါးပါးသီလယူတာ ဘယ်အခြေခံဥပဒေထဲ လှန်ကြည့်နေစရာလိုလို့လဲ။

အခြေခံဥပဒေမှာ မပါလို့သာ ငါးပါးသီလစောင့်ပြနေစရာမလိုတော့ဘူးဆိုရင် အကုန်လုံးက သူခိုးလူယုတ်မာတွေပဲ ဖြစ်ကုန်တော့မှာပေါ့။ အလကား ခွေးသူခိုးတွေ မဟုတ်တဲ့ အကြောင်းတွေ ပြည်သူကိုလာပြနေတယ်။ တကယ်တော့ တပ်ကို သိက္ခာကျအောင်၊ တပ်ကို ပြည်သူက အထင်လွဲအောင်လုပ်နေသူတွေဟာ တပ်ထွက်အာဏာရှင်တွေရယ်၊ တပ်တွင်းက အဆင့်မြင့်ဗိုလ်အချို့တွေရယ်ကြောင့်သာဖြစ်တယ်လို့ထင်တယ်။ ပြည်သူက တပ်ကို သိက္ခာကျအောင်မလုပ်ဘူး။ ပြည်သူဆိုတာ တပ်ကို သိက္ခာရှိအောင် အဆင့်အတန်းရှိအောင် ဖြစ်စေချင်ကြသူများပါတယ်။ ဒါကို ကိုယ်ကျင့်တရားကောင်းမွန်တဲ့ တပ်တွင်း အရာရှိ ခေါင်းဆောင်ပိုင်းက သေချာကိုင်တွယ်ဖြေရှင်းသင့်တယ်။ တပ်မတော်ဟာ သိက္ခာရှိတဲ့ အဆင့်အတန်းမြင့်တဲ့ ဗိုလ်ချုပ်အောင်ဆန်းရဲ့တပ်မတော်လို ကမ္ဘာ့အလယ်မှ ဝင့်ထည်ချင်တယ်ဆိုရင် သိက္ခာမဲ့ ကိုယ်ကျိုးရှာသူများတဲ့ ပြည်ခိုင်ဖြိုးပါတီနဲ့ ကင်းကင်းနေသင့်ပီ။

တပ်ကိုသိက္ခာကျအောင်လုပ်တဲ့သူတွေ စီးပွားရေးလက်ဝါးကြီးအုပ်သူတွေက မစို့မပို ပေးလာ ကျွေးလာတာရှိခဲ့ရင် ဒါကို တပ်မှာကျန်ရစ်ခဲ့သူတွေက အဟုတ်ကြီးမှတ်ပီး အဲ့ဒိ တပ်ထွက်အာဏာရှင် သူခိုးတွေတွေကို ကျေးဇူးတင်နေရမှာမဟုတ်ဘူး။ ကျေးဇူးတင်နေစရာမလိုတဲ့အပြင် ဒင်းတို့ ပြည်သူ့ဘဏ္ဍာကို ခိုးချင်သလိုခိုးပီး ငါတို့ကို အသံမထွက်နိုင်အောင် ငါတို့ ပါးစပ်ပေါက်လာပိတ်သူတွေလို့ကို အတိအလင်းမြင်အောင်ကြည့်ရမှာ။ ဒင်းတို့လိုလူတွေက တပ်ကထွက်ပီး နိုင်ငံရေးနယ်ပယ်မှာ ပြည်သူ့ဘဏ္ဍာခိုးနေလို့ တပ်မှာကျန်ခဲ့တဲ့ ငါတို့တွေရော မြန်မာတပ်မတော်ကြီးပါ ဒင်းတို့ကြောင့် ကမ္ဘာ့အလယ် ပြည်သူအကြားမှာ အရှက်ရစရာဖြစ်ရတယ်လို့ သဘောပေါက်သင့်တာ။

တကယ်ကျေးဇူးတင်ရမှာက ပြည်သူပဲ။ ပြည်သူလိုလားတဲ့ တပ်မတော်ဖြစ်အောင်နေရမှာပါ။ ဦးခင်ညွန့် ရော ဦးမြင့်ဆွေရော တပ်ကလည်းထွက်လို့ နိုင်ငံရေးကလည်းအနားယူရော သူတို့ရသင့်တဲ့ လစာထက်ပိုတဲ့ ငွေတွေ၊ ရွှေတွေ တိုက်တာအိုးအိမ်စည်းစိမ်တွေ အဆောင်အယောင်တွေကို ပိုင်ဆိုင်ကြတော့တာပါပဲ။ ခု တပ်ကတင်တဲ့ ဒု-သမ္မတလုပ်မည့်သူက သတင်းတွေအရဆိုရင် မြန်မာပြည်တွင်းက ပြည်သူဘဏ္ဍာကို အလွဲသုံးစားလုပ်ရုံတင်မကဘူး တိုင်းပြည်အရွေ့မှာ ကောင်းလာနိုင်စရာရှိလို့ သူတပါးတိုင်းပြည်က ကူညီလာမည့်အရာတွေကိုပါ ဖျက်လို ဖျက်ဆီးလုပ်မည့်သူလို့ အထင်ရောက်တော့မယ်။ သူ့ကြောင့် သူတစ်ပါးအကူအညီတွေ ပျက်ကိန်းဆိုက်တော့မည့်ပုံဖြစ်နေပီ။ သတိထားကြပါလေ။

Gandha Mar
https://www.facebook.com/gandha.mar