03/19/16

ပြီးခဲ့တဲ့ မတ်လ (၁၅)ရက်က ကျင်းပခဲ့တဲ့ ပြည်ထောင်စုလွှတ်တော်ရဲ့ နိုင်ငံတော်သမ္မတ ရွေးချယ်တင်မြှောက်ပွဲကနေ ပြည်ထောင်စုလွှတ်တော်ကိုယ်စားလှယ် (၆၅၂) ဦးအနက် ထောက်ခံမဲ (၃၆၀) နဲ့ အမျိုးသားဒီမိုကရေစီ အဖွဲ့ချုပ်မှ ဦးထင်ကျော်ကို အစိုးရအဖွဲ့သစ်ခေါင်းဆောင် နိုင်ငံတော်သမ္မတအဖြစ် ဒီမိုကရေစီနည်းကျစွာ ရွေးချယ်ပေးနိုင်မှု့ဟာ သမိုင်းဝင်သွားခဲ့ပါပြီ။

တနည်းအားဖြင့်ပြောရရင် စစ်အာဏာရှင်စနစ်ဆိုး ကြီးစိုးမင်းမူခဲ့တာ နှစ်ပေါင်း (၅၄) ကျော်လွန် ပြီးတဲ့နောက် မြန်မာနိုင်ငံမှာ ပထမအကြိမ် ပြည်သူကို ကိုယ်စားပြုတဲ့ အရပ်သားသမ္မတကို တင်မြှောက်နိုင်တာဖြစ်တယ်။ ဒါကြောင့် ဒီဆောင်းပါးကနေ ဒီမိုကရေစီတိုက်ပွဲမှာကျဆုံးခဲ့ပြီးသော အာဇာနည်အထောင်အသောင်းနဲ့ တကွ တိုင်းရင်းသားရဟန်းရှင်လူကျောင်းသားပြည်သူအားလုံးရဲ့ အောင်ပွဲကို လေးမြတ်စွာ ချီးကျူးဂုဏ်ပြုပါကြောင်း အမှတ်တရ ပြောကြားလိုပါတယ်။

(၂၀၀၈) ဖွဲ့ စည်းပုံ အခြေခံဥပဒေကို ပြင်ဆင်ဖို့ ၂၀၁၂ ခုနှစ် ကြားဖြတ်ရွေးကောက်ပွဲနဲ့  လွှတ်တော်ထဲ ၀င်ရောက်ခဲ့တဲ့ အမျိုးသားဒီမိုကရေစီ အဖွဲ့ ချုပ်ဟာ မကြာခင်မှာ အစိုးရသစ်ဖွဲ့ လို့  လုပ်ဆောင်ရမဲ့ ပြုပြင် ပြောင်းလဲရေးများစွာနဲ့ အနက် မြန်မာပြည်သူပြည်သားတွေက နာဂစ်ခြေဥလို အတိုကောက် ၀ိသေသပြုကြတဲ့ (၂၀၀၈) ဖွဲ့ စည်းပုံ အခြေခံဥပဒေကို ဒီမိုကရေစီစံနှုန်းတွေနဲ့ ကိုက်ညီလာအောင် ပြင်ဆင်ရေးဟာ အကြီးမားဆုံး စိမ်ခေါ်မှု့တခုပါဘဲ။

နာဂစ်မုန်တိုင်းကြီး ပြင်းထန်စွာ ထိုးမွှေတိုက်ခိုက်ခဲ့လို့ ပြည်သူပေါင်းသိန်းချီသေဆုံးပြီး လူသန်းပေါင်းများစွာ အိုးမဲ့အိမ်မဲ့ဖြစ်လို့ တနိုင်ငံလုံး အသုဘရှု့နေရတဲ့အချိန်မှာ ကူညီစောင့်ရှောက်ရမဲ့အစား စစ်အစိုးရဟာသူတို့ ရဲ့ အကျိုးစီးပွားကိုကာကွယ်စောင့်ရှောက်နိုင်အောင်၊ နိုင်ငံကိုထာဝစဉ်စစ်ကျွန်ပြုဖို့ (၂၀၀၈)ဖွဲ့ စည်းပုံအခြေခံဥပဒေ ကို မသာအိမ်ဖဲလိမ်ရိုက်သလို ဒုက္ခရောက်နေတဲ့ပြည်သူအများစုနဲ့ နိုင်ငံရေးအင်အားစုတွေ ဆန့် ကျင်နေတဲ့ကြားက အခွင့်ကောင်းယူလို့ ဇွတ်အဓမ္မ ပြဌာန်းခဲ့တယ်။

ပြည်သူအများစုမထောက်ခံတာမို့ လာခြင်းမကောင်းတဲ့ ၂၀၀၈ ဖွဲ့ စည်းပုံအခြေခံဥပဒေကို အခန်း (၁၅)နဲ့  ဖွဲ့ စည်းထားပါတယ်။ စကထဲက ယဉ်သကိုလို့  ဆိုရအောင် အခန်း (၁) နိုင်ငံတော်အခြေခံမူများ ထဲမှာတင်ကို ပုဒ်မ (၆) နဲ့ ” နိုင်ငံတော်၏ အမျိုးသားနိုင်ငံရေးဦးဆောင်မှု့အခန်းကဏ္ဍတွင် တပ်မတော်က ပါဝင်ထမ်းဆောင်နိုင်ရေးတို့ ကို အစဉ်တစိုက်ဦးတည်သည် ” လို့ ထည့်သွင်းရေးပြီး စစ်သွေးလောင်းထားတယ်။

နောက်ပြီး ဥပဒေပြုအာဏာတစိတ်တပိုင်းကို တပ်မတော်က လုယူထားသလိုမျိုး ရွေးကောက်ခံစရာမလိုဘဲ ပုဒ်မ (၁၄) နဲ ပြည်ထောင်စုလွှတ်တော်၊ တိုင်းဒေသကြီးလွှတ်တော်၊ ပြည်နယ်လွှတ်တော်တွေမှာ ဖွဲ့ စည်းပုံအခြေခံဥပဒေအရ သတ်မှတ်သည့်ဦးရေအတိုင်း လွှတ်တော်ကိုယ်စားလှယ်များအဖြစ် ကာကွယ်ရေးဦးစီးချုပ်ကအမည်စာရင်းတင်သွင့်သည့် တပ်မတော်သားကိုယ်စားလှယ်များပါဝင်သည် လို့ ရေးထားပြန်တယ်။

အဲ့ဒါအပြင် အုပ်ချုပ်ရေုးအာဏာတစိတ်တပိုင်းကိုလည်း ရွေးကောက်ခံစရာမလိုဘဲ တပ်မတော်က ထပ်မံလုယူဖို့ ပုဒ်မ ၁၇ (ခ) နဲ့  ပြည်ထောင်စု၊ တိုင်းဒေသကြီး၊ ပြည်နယ်၊ ပြည်ထောင်စုနယ်မြေ၊ ကိုယ်ပိုင်အုပ်ချုပ်ခွင့်ရစီရင်စု၊ ခရိုင်အုပ်ချုပ်ရေးမှာ ကာကွယ်ရေး၊ လုံခြုံရေး နယ်စပ်အုပ်ချုပ်ရေး စသည့်တာဝန်များထမ်းဆောင်ရန် ကာကွယ်ရေးဦးစီးချုပ်က အမည်စာရင်းတင်သွင့်သည့် တပ်မတော်သားများပါဝင်သည်လို့ ရေးဆွဲထားပြန်တယ်။

“ အခန်း (၃) နိုင်ငံတော် အကြီးအကဲ “ မှာတော့ နံမည်ကျော် ပုဒ်မ ၅၉ (စ) မှာ ရေးဆွဲသူစစ်အာဏာရှင်တွေရဲ့ ဒေါ်အောင်ဆန်းစုကြည်အပေါ်ထားတဲ့ ပုဂ္ဂိုလ်ရေးအာဃတအညိုးအတေးနဲ့ ဘယာဂတိလို့ ခေါ်တဲ့ လုပ်ပိုင်ခွင့်အာဏာဆုံးရှူံးရမှာကို ကြောက်လန့် ခြင်တရားနဲ့ မကောင်းသောလားရာကိုဦးတည်နေတာ ထင်ထင်ရှားရှား တွေ့ မြင်နိုင် ပါတယ်။

ပြည်တွင်းပြည်ပနဲ့ တကမ္ဘာလုံးက လေးစားကြည်ညိုကြရတဲ့ အမျိုးကောင်းသမီးကြီးကို တိုင်းပြည်အပေါ် တရားဝင်ဦးမဆောင်နိုင်အောင် တမင်ရည်ရွယ်ရေးဆွဲထားတဲ့ စိတ်ဓါတ်နဲ့ ကိုယ်ကျင့်တရားဟာ အလွန်ရှက်စရာကောင်းအောင် သိမ်ဖျင်းနေတာမို့  ဒီပုဒ်မကို မပြင်နိုင်သ၍ မြန်မာတနိုင်ငံလုံးအတိုင်းအတာနဲ့ နိုင်ငံရေးအသိတရား အောက်ကျနောက်ကျနေမှု့ကို ပြသနေတာမို့ ကမ္ဘာအလယ်မှာ အရှက်ရစရာဖြစ်နေမှာပါ။

ဒီပုဒ်မကို တမင်ရေးဆွဲခဲ့သူတွေကော၊ ကာကွယ်စောင့်ရှောက်မဲ့သူတွေကော စဉ်းစားဖို့ က ဒေါ်အောင်ဆန်းစုကြည်ကတော့ပြောခဲ့သလို … သတ္တိရှိရင်ပြင်ကြလိမ့်မယ် ဆိုရာမှာ စိတ်သတ္တိကိုပြောတာပါ။ ဘယာဂတိကိုကျော်လွှားရဲတဲ့သတ္တိ၊ အများအကျိုးအတွက် ကိုယ့်အကျိုးစီးပွားစွန့် လွှတ်သင့်တာကို စွန့် လွှတ်ရဲတဲ့သတ္တိကိုဆိုလိုတာပါ။

“ အခန်း (၄) ဥပဒေပြုရေး “ မှာလည်း မိဘပြည်သူအထက်၊ ဥပဒေအထက်မှာ တပ်မတော်ကိုတင်ထားတဲ့ အခွင့်ထူးခံခွင့်ပေးထားတဲ့ နံမည်ကျော်ပုဒ်မတွေပါဝင်တယ်။

ပြည်ထောင်စုလွှတ်တော်ဖွဲ့ စည်းခြင်း ပုဒ်မ ၇၄(က) (ခ) နဲ့ ပုဒ်မ ၁၀၉ (ခ) အရ ပြည်သူ့ လွှတ်တော်မှာ ရွေးကောက်ခံစရာမလိုဘဲ တပ်မတော်ကာကွယ်ရေးဦးစီးချုပ်က အမည်စာရင်းတင်သွင်းတဲ့ (၁၁၀) ဦးထက်မပိုတဲ့ တပ်မတော်သား လွှတ်တော်ကိုယ်စားလှယ် (ပြည်သူ့ လွှတ်တော်ကိုယ်စားလှယ်အားလုံးရဲ့ ၂၅% ) ခန့် အပ်ထားမှု့ ရယ် ပုဒ်မ ၁၄၁ (ခ) အရ အမျိုးသားလွှတ်တော်မှာ ရွေးကောက်ခံစရာမလိုဘဲ တပ်မတော်ကာကွယ်ရေးဦးစီးချုပ်က အမည်စာရင်းတင်သွင်းတဲ့ (၅၆) ဦးထက်မပိုတဲ့ တပ်မတော်သား အမျိုးသားလွှတ်တော်ကိုယ်စားလှယ်တွေခန့် ထားမှု့ဟာ ဒီမိုကရေစီစံနှုန်းနဲ့ လုံးလုံးသွေဖယ်နေတယ်။

နောက်တခုက ပြည်သူ့ လွှတ်တော်ကိုယ်စားလှယ်အဖြစ်ေ၇ွးချယ်တင်မြှောက်ခံနိုင်ခွင့် မရှိခြင်းနဲ့ ဆိုင်တဲ့ ပုဒ်မ ၁၂၁ အပိုက်ခွဲ (ဋ) မှာ ….
နိုင်ငံတော်ပိုင်ငွေကြေး၊ မြေ၊ အိမ်၊ အဆောက်အအုံ၊ ယာဉ်ပစ္စည်း စသည်တို့ ကို တိုက်ရိုက်ဖြစ်စေ၊ သွယ်ဝိုက် သောနည်းဖြင့်ဖြစ်စေ ရယူသုံးစွံသူ သို့ မဟုတ် ယင်းသို့ ရယူသုံးစွဲသည့်အဖွဲ့ အစည်းဝင်ဖြစ်သူတွေဟာ ပြည်သူ့ လွှတ်တော်ကိုယ်စားလှယ်အဖြစ်ရွေးချယ်တင်မြှောက်ခံခွင့်မရှိဘူးလို့ ဆိုထားပါတယ်။
ဒီပုဒ်မအတိုင်းဆို ဦးသိန်းစိန်ဦးဆောင်တဲ့ ကြံ့ခိုင်ရေးနဲ့ ဖွံ့ ဖြိုးရေးပါတီက လွှတ်တော်ကိုယ်စားလှယ်အားလုံးက ရွေးချယ်တင်မြှောက်ခံခွင့်မရှိပါဘူး။ ဘာကြောင့်လို့ လည်းဆိုတော့ ကြံ့ခိုင်ရေးနဲ့ ဖွံ့ ဖြိုးရေးပါတီဟာနိုင်ငံတော်ပိုင်ငွေကြေး၊ မြေ၊ အိမ်၊ အဆောက်အအုံ၊ ယာဉ်ပစ္စည်းတွေကို ပိုင်ရှင်အမှန် မိဘပြည်သူအများစုက သဘောမတူဘဲ သိမ်းယူသုံးစွဲခဲ့ကြ၊ သုံးစွဲနေကြလို့ ပါဘဲ။

အနှစ်ချုပ်ရရင် “ အခန်း (၄) ဥပဒေပြုရေး “ မှာ တရားမ၀င်မှု့နှစ်မျိုးကို မီးမောင်းထိုးပြခြင်ပါတယ်။
အဲ့ဒါတွေကတော့
(၁) တပ်မတော်သားလွှတ်တော်ကိုယ်စားလှယ်အားလုံးရဲ့ တရားမ၀င်မှု့
(၂) ကြံ့ခိုင်ရေးနဲ့ ဖွံ့ ဖြိုးရေးပါတီက လွှတ်တော်ကိုယ်စားလှယ်အားလုံးရဲ့တရားမ၀င်မှု့ပါဘဲ။

အဲ့ဒီတရားမ၀င်မှု့တွေကို ရှင်းလင်းဖယ်ရှားနိုင်ဖို့ အခြေခံဒီမိုကရေစီစံရည်စံညွှန်းတွေနဲ့  ကိုက်ညီလာအောင် ပြုပြင်ပြောင်းလဲပစ်ရမဲ့ တာဝန်ဟာ အနိုင်ရပါတီ အမျိုးသားဒီမိုကရေစီအဖွဲ့ ချုပ်နဲ့  ဒေါ်အောင်ဆန်းစုကြည်တို့  မှာသာ တာဝန်ရှိတာမဟုတ်ပါဘူး။ နိုင်ငံလုံးဆိုင်ရာ ဒီသမိုင်းပေးတာဝန်ကြီးဟာ မြန်မာနိုင်ငံသားတိုင်းရဲ့ ပခုံးပေါ် မှာတည်နေတာပါ။

အခန်း (၅) က “ အုပ်ချုပ်ရေး “ ဖြစ်ပါတယ်။ ဒီအခန်းမှာတော့ ပြည်သူကရွေးချယ်တင်မြှောက်လိုက်တဲ့ သမ္မတရဲ့ လုပ်ပိုင်ခွင့်အာဏာကို လုယူဖို့  နဲ့  စစ်အာဏာရှင်တွေကို ဥပဒေအထက်မှာတင်ထားဖို့  ပုဒ်မ (၂၀၁) နဲ့ အမျိုးသားကာကွယ်ရေးနဲ့ လုံခြုံရေး ကောင်စီကို အဖွဲ့ ဝင် (၁၁) ယောက်နဲ့ ဖွဲ့ စည်းရာမှာ မှာ အဖွဲ့ ဝင်(၆) နေရာကို စစ်ဗိုလ်ချုပ်ကြီးတွေက အသာစီးယူထားတဲ့အပြင် မဲခွဲဆုံးဖြတ်တဲ့အခါ သမ္မတက မဲမပေးရအောင် ထပ်မံချုပ်နှောင်ထားပြန်ပါတယ်။

အဲ့ဒါအပြင် ပြည်သူကတင်မြှောက်လိုက်တဲ့ နိုင်ငံတော်သမ္မတကို ပြည်ထောင်စုဝန်ကြီးတွေခန့် အပ်တာဝန် ပေးရာမှာ ကာကွယ်ရေးဝန်ကြီး၊ ပြည်ထဲရေးဝန်ကြီးနဲ့ နယ်စပ်ရေးရာဝန်ကြီးရာထူးတွေ မခန့် အပ်နိုင်အောင် ပုဒ်မ ၂၃၂ (ခ) ရဲ့ အပိုက်ခွဲ (၂) မှာ … တပ်မတော်ကာကွယ်ရေးဦးစီးချုပ်ထံမှ သင့်လျှော်သည့်တပ်မတော်သား များ၏ အမည်စာရင်းကိုတောင်းယူရမည်လို့ ပြဌာန်းထားတယ်။

ဒါပေမဲ့ စိတ်ဝင်စားစရာကောင်းတဲ့ ပုဒ်မတပုဒ်ကို ဒီအခန်းမှာတွေ့ ရပြန်တယ်။ အဲ့ဒီပုဒ်မကတော့ ပုဒ်မ (၂၁၇) ဘဲဖြစ်ပါတယ်။

အဲ့ဒီပုဒ်မမှာ “ ဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့် မဆန့်ကျင်စေဘဲ ပြည်ထောင်စု၏ အုပ်ချုပ်မှုအာဏာသည် နိုင်ငံတော်သမ္မတ၌ တည်ရှိသည်။ ဤစကားရပ်ကြောင့် ပြည်ထောင်စုလွှတ်တော်သည် အာဏာပိုင် အဖွဲ့အစည်း တစ်ရပ်ရပ်အားလည်းကောင်း၊ အာဏာပိုင် ပုဂ္ဂိုလ် တစ်ဦးဦးအားလည်းကောင်း တာဝန်နှင့် လုပ်ပိုင်ခွင့်များ ပေးအပ်ခြင်း မပြုနိုင်ဟု မမှတ်ယူရ။ ထို့ပြင် ယင်းစကားရပ်ကြောင့် တည်ဆဲဥပဒေများအရ သက်ဆိုင်ရာ အာဏာပိုင်အဖွဲ့အစည်း တစ်ရပ်ရပ်အား ဖြစ်စေ သက်ဆိုင်ရာ အာဏာပိုင်ပုဂ္ဂိုလ် တစ်ဦးဦးအားဖြစ်စေ အပ်နှင်းထားသည့် တာဝန်နှင့် လုပ်ပိုင်ခွင့်များကို နိုင်ငံတော်သမ္မတအား လွှဲပြောင်းပေးအပ်သည် ဟုလည်း မမှတ်ယူရ။”လို့ ပြဌာန်းထားပါတယ်

ဒီပုဒ်မကို ရေးဆွဲခဲ့တဲ့ စစ်အာဏာရှင်တွေဟာ သူတို့ အတွက် အကြပ်အတည်းနဲ့ ကြုံလာရင် စစ်အာဏာသိမ်းနိုင်အောင်ဖြစ်ဖြစ် တခြားဘယ်လိုရည်ရွယ်ချက်နဲ့ ရေးဆွဲခဲ့တယ်ဆိုတာ တိတိကျကျပြောဖို့ ခက်ပေမဲ့ အမှိုက်ထဲကနေ ရွှေထုတ်နိုင်သလိုမျိုး (၂၀၀၈) ဖွဲ့ စည်းပုံ စစ်ကျွန်ဥပဒေထဲက ဒီပုဒ်မ (၂၁၇) ကိုအသုံးပြုပြီး ပြည်သူတွေမျှော်လင့်တောင့်တနေကြတဲ့ လူထုခေါင်းဆောင်ဒေါ်အောင်ဆန်းစုကြည်ကို ပြည်ထောင်စုလွှတ်တော်ကနေ နိုင်ငံတော်အဓိပတိ၊ နိုင်ငံ့ဥသျှောင်၊ နိုင်ငံတော်ဝန်ကြီးချုပ် စသဖြင့် ရာထူးတခုခု တီထွင်ပြဌာန်းလို့ နိုင်ငံရဲ့ထိပ်တန်းတာဝန်နှင့် လုပ်ပိုင်ခွင့်များကို ပေးအပ်နိုင်တဲ့သဘောပါဘဲ။ သမ္မတစနစ်ကိုအခြေခံတဲ့ဒီမိုကရေစီကိုကျင့်သုံးနေတာမို့  နိုင်ငံတော်သမ္မတထက်ကျော်လွန်တဲ့ အခွင့်အာဏာမျိုးတော့မဟုတ်ရဘူးပေါ့။ ဒါဆိုရင်တော့ ပြည်သူတွေမျှော်လင့်တဲ့ သားရွှေအိုးထမ်းမဲ့ကိန်း ဆိုက်နိုင်ပါလိမ့်မယ်။

အခန်း (၆) “ တရားစီရင်ရေး “ ထဲမှာတော့ ပုဒ်မ ၂၉၃ နဲ့ တရားရုံးသုံးမျိုးခွဲပြဌာန်းထားတယ်။
(က) အရပ်ဖက်တရားစီရင်ရေးဆိုင်ရာရုံး
(ခ) စစ်ဖက်ဆိုင်ရာတရားရုံး
(ဂ) နိုင်ငံတော်ဖွဲ့ စည်းပုံအခြေခံဥပဒေဆိုင်ရာခုံရုံး ဆိုပြီး ခွဲထားတယ်။

တပ်မတော်သားတွေဟာ အရပ်ဘက်ဥပဒေ၊ စစ်ဘက်ဥပဒေ(၂)မျိုးလုံးကိုလိုက်နာကြရတယ်ဆိုပေမဲ့ တပ်မတော်သားတွေ ရာဇ၀ါတ်မှု့ကျူးလွန်တဲ့အခါ ပွင့်လင်းမြင်သာမှု့မရှိတဲ့ စစ်ဖက်ဆိုင်ရာတရားရုံးနဲ့ လူမသိသူမသိ ရွှေဖေါ့လုံးနဲ့ ရိုက်အပြစ်ပေးလို့ ရအောင်လုပ်ထားသလိုဖြစ်နေပါတယ်။ ဦးသိန်းစိန်တို့ ရဲ့စစ်တပိုင်းအစိုးရလက်ထက်မှာ တပ်မတော်သားတွေပတ်သက်တဲ့ရာဇ၀ါတ်မှု့၊ မဒိမ်းမှု့ အရပ်သားတွေသတ်ဖြတ်ခံရမှု့တွေမှာ ခံခဲ့ရတဲ့ပြည်သူတွေအတွက် တရားမျှတမှု့မရှိတာကို သတင်းထောက်ကိုပါကြီးအမှု့က သက်သေခံနေခဲ့ပါတယ်။ ဒါဟာ ပြည်သူနဲ့ တပ်မတော်ကို စည်းခြားလိုက်သလိုပါဘဲ။


အခန်း (၇) “ တပ်မတော် “ ထဲမှာ ပုဒ်မ ၃၄၀ နဲ့ တပ်မတော်ကာကွယ်ရေးဦးစီးချုပ်သာမက တပ်မတော်တခုလုံးကို ပြည်သူကရွေးချယ်တင်မြှောက်လိုက်တဲ့ နိုင်ငံတော်သမ္မတရဲ့ကွပ်ကဲမှု့အောက်မှာမထားဘဲ စစ်ဗိုလ်ချုပ်ကြီးတွေကြီးစိုးချယ်လှယ်နိုင်တဲ့ အမျိုးသားကာကွယ်ရေးနဲ့ လုံခြုံရေးကောင်စီ ( ကာလုံ) ရဲ့အောက်ကို ပို့ ထားပါတယ်။ တနည်းအားဖြင်းပြောရရင် ပြည်သူ့ အမိန့် ကိုနာခံစရာမလို၊ စစ်အာဏာရှင်အမိန့် ကိုသာ ဦးထိပ်ထားရမဲ့သဘောပါဘဲ။

ပိုဆိုးတာက ပုဒ်မ ၃၄၂ မှာတော့ နိုင်ငံတော်သမ္မတဟာ တပ်မတော်ကာကွယ်ရေးဦးစီးချုပ်ကို ခန့် အပ်ပိုင်ခွင့်မရှိအောင်ပြဌာန်းထားတာပါ။ အမျိုးသားကာကွယ်ရေးနဲ့ လုံခြုံရေးကောင်စီ ( ကာလုံ) အဆိုပြုထောက်ခံချက်နဲ့ သာ ခန့် အပ်ရမယ်လို့ ဆိုထားပါတယ်။ သဘောကတော့ စစ်အာဏာရှင်ကြိုက်တဲ့သူကိုသာခန့် ရမဲ့လို့ ဗိုလ်ကျပြဌာန်းထားတာပါ။

နောက်တခုက ပုဒ်မ ၃၄၃ (က) (ခ) တပ်မတော်သားတွေကို စစ်ဘက်တရားစီရင်ရာတွင် တပ်မတော်ကာကွယ်ရေးဦးစီးချုပ်၏အဆုံးအဖြတ်သည် အပြီးအပြတ်ဖြစ်သည် လို့ ပြဌာန်းထားပါသေးတယ်။ တပ်မတော်ကို ဥပဒေအထက်အခွင့်ထူးခံခွင့်၊ မျက်နှာလိုက်ဆုံးဖြတ်ပိုင်ခွင့်တွေပေးထားသလိုဖြစ်နေတာ ကိုပါကြီးအသတ်ခံရတဲ့ကိစ္စက သက်သေပြခဲံပြီးပါပြီ။ တကယ်တော့ တပ်မတော်ကာကွယ်ရေးဦးစီးချုပ် အပါအ၀င် တပ်မတော်သားအားလုံးဟာ ပြည်သူ့ အစေခံဝန်ထမ်းသာဖြစ်ရမှာပါ။

အဆိုးဝါးဆုံးကတော့ အခန်း (၁၂) မှာပြဌာန်းထားတဲ့ ပုဒ်မ ၄၃၆ (က) ဤဖွဲ့စည်းပုံ အခြေခံဥပဒေ၏ အခန်း(၁) ပုဒ်မ ၁ မှ ၄၈ ထိ၊ အခန်း(၂) ပုဒ်မ ၄၉ မှ ၅၆ ထိ၊ အခန်း(၃) ပုဒ်မ ၅၉၊ ၆၀ ၊အခန်း (၄) ပုဒ်မ ၇၄၊ ၁၀၉၊ ၁၄၁၊ ၁၆၁၊ အခန်း(၅) ပုဒ်မ ၂၀၀၊ ၂၀၁၊ ၂၄၈၊ ၂၇၆၊ အခန်း(၆) ပုဒ်မ ၂၉၃၊ ၂၉၄၊ ၃၀၅၊၃၁၄၊ ၃၂၀၊ အခန်း(၁၁) ပုဒ်မ ၄၁၀ မှ ၄၃၂ ထိ၊အခန်း (၁၂) ပုဒ်မ ၄၃၆ တို့ရှိပြဋ္ဌာန်းချက်များကို ပြင်ဆင်လိုလျှင် ပြည်ထောင်စု
လွှတ်တော်ကိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန်သဘောတူလက်ခံပြီးနောက် ပြည်လုံးကျွတ် ဆန္ဒခံယူပွဲ ကျင်းပ၍ ဆန္ဒမဲပေးပိုင်ခွင့်ရှိသူအားလုံး၏ ထက်ဝက်ကျော် ဆန္ဒမဲဖြင့်သာ ပြင်ဆင်ရမည်။
(ခ) ပုဒ်မခွဲ (က) တွင်ဖော်ပြထားသည့် ပြဋ္ဌာန်းချက်များမှအပ အခြားပြဋ္ဌာန်းချက်များကို ပြည်ထောင်စုလွှတ်တော်ကိုယ်စားလှယ်အားလုံး၏ ၇၅ ရာခိုင်နှုန်း ကျော် ထောက်ခံဆန္ဒမဲဖြင့်သာ ပြင်ဆင်ရမည်။ဟုလည်းကောင်း ပြဋ္ဌာန်းထားသည်ကိုတွေ့ရှိရပါတယ်။
ဆိုလိုတဲ့သဘောက ပြည်သူတွေဘယ်လောက်ပြင်ခြင်ပေမဲ့ တပ်မတော်ကသဘောမတူဘဲ ပြင်ဆင်လိုလုံးဝမရအောင် သော့ခပ်လိုက်တာပါဘဲ။

နောက်တခုက ကိုယ့်အမှားကို တာဝန်မယူရဲသူ၊ တာဝန်မခံရဲသူတွေ၊ သူတပါးကိုသာ မတရားသဖြင့် ထိုးခြင်ကြိတ်ခြင်ပေမဲ့ ကိုယ်အလှည့်ပြန်ခံရမှာကို ကြောက်တတ်သူတွေ၊ ကိုယ်ပိုင်မေးရိုးမရှိသူတွေ၊ သတ္တိမရှိသူတွေဟာ ဖွဲ့ စည်းပုံအခြေခံဥပဒေထဲမှာ ပုဒ်မ (၄၄၅) ပြဌာန်းပြီး အကာအကွယ်ယူထားတာ သိပ်ရုပ်ပျက်ဆင်းပျက်နိုင်လွန်း၊ သရဲဘောကြောင်ရာကျလွန်းတယ်။

ပုဒ်မ ၄၃၆ ကိုပြင်ဆင်ခြင်းဟာ မြန်မာနိုင်ငံကို စစ်ညွှံထဲက ဆွဲထုတ်ကယ်တင်ခြင်းဖြစ်သလို တပ်မတော်ကို ဂုဏ်သိက္ခာရှိစွာ စစ်ဘားတိုက်ထဲ ပြန်ပို့ နိုင်တဲ့ တခုတည်းသော နည်းလမ်းဘဲဖြစ်တယ်။ လက်နက်ကိုင် တပ်မတော်ဟာနိုင်တော်အာဏာပိုင်ရှင်အမှန်ဖြစ်တဲ့ပြည်သူကရွေးကောက်တင်မြှောက်တဲ့အစိုးရရဲ့လက်အောက်ခံအဖွဲ့ စည်းဖြစ်အောင်အခြေခံဥပဒေကအာမခံချက်ပေးနိုင်မှသာလူတိုင်းရဲ့ဘ၀လုံခြုံပြီးအေးချမ်းမှု့ရနိုင်လိမ့်မယ် ။ ဒါကြောင့်(၂၀၀၈)ဖွဲ့ စည်းအုပ်ချုပ်ပုံအခြေခံဥပဒေကို ဒီမိုကရေစီစံရည်စံညွန်းတွေနဲ့ အညီပြင်နိုင်ရေးဟာ တိုင်းသူပြည်သားအားလုံးရဲ့နိုင်ငံသားတာဝန်ကြီးတစ်ရပ်ဖြစ်တယ် ။

အချုပ်အားဖြင့်ဆိုရရင် လူသားတွေ အရေးတယူအမြတ်တနိုးထားကြတဲ့ ရွှေဆိုတဲ့သတ္တုဟာ ရွှေစင်ရွှေသား အဖြစ်မရောက်ခင်မှာ ခဲသလဲမြေစိုင်တွေထဲမှာ အမှိုက်ဒိုက်တွေနဲ့ ရောလို့ ညစ်ထေးပေကျံနေခဲ့တာပါ။ ဒါကိုဘဲ အသိဥာဏ်ရှိတဲ့ လူသားတွေဟာ နည်းစနစ်အမျိုးမျိုးသုံးလို့ မိုက်ထုတ်ရွှေကျင် သန့် စင်ပြီးမှ သိင်္ဂီရွှေစင်အဖြစ်ထုတ်ယူသုံးစွဲခဲ့ကြတာပါ။

အဲ့ဒီလိုပါဘဲ မြန်မာပြည်သူပြည်သားတွေရဲ့ အကျိုးစီးပွားထက် စစ်အာဏာရှင်အကျိုးစီးပွားကိုအဓိက ကာကွယ် စောင့်ရှောက်ထားတဲ့ နာဂစ်ခြေဥဆိုတာ ခဲသလဲအညစ်အထေး အရောရောနှောနေတဲ့ အမှိုက်စုံဒိုက်ပုံကြီးနဲ့  တူလှပါတယ်။ နိုင်ငံရေးနည်းပရိယာယ်မျိုးစုံအပြင် အမျိုးသားပြန်လည်ရင်ကြားစေ့ရေးဓါတ်ပြုပစ္စည်းတွေသုံးလို့  အမှိုက်ထဲက ရွှေထုတ်နိုင်သလို နာဂစ်ခြေဥကိုခွဲလို့  … ဒီမိုရွှေဥကိုဆွဲထုတ်နိုင်ပါတယ်။

နာဂစ်ခြေဥထဲက ဘယ်ဥပဒေ ဘယ်ပုဒ်မတွေကိုအသုံးပြုလို့ ဒီမိုကရေစီခရီးထွက်ပေါက်ဆီ ဦးတည်နိုင်တယ် ဆိုတာ နိုင်ငံရေးလေ့လာသူတွေ၊ ဥပဒေပညာရှင်တွေက ရှု့ ထောင့်ပေါင်းစုံက ထောက်ပြအကြံပြုခဲ့ကြလို့  ပြည်သူတွေလည်း သိတန်သလောက်သိနေကြပါပြီ။ အများပြည်သူတွေရဲ့ ဘ၀လုံခြုံမှု့နဲ့ အကျိုးစီးပွားကို အကာအကွယ်ပေးမထားတဲ့ (၂၀၀၈) စစ်ဖွဲ့ စည်းပုံအခြေခံဥပဒေဆိုတဲ့ နာဂစ်ခြေဥအမှိုက်ပုံထဲက ပုဒ်မ (၂၁၇) ကို ဒီမိုကရေစီရွှေစင်ရွှေသားအဖြစ်ပြောင်းလဲသန့် စင်ဖို့ ဆိုတာ ပုဂံခေတ်က အဂ္ဂိရပ်ဝိဇ္ဇာအကျော် ရှင်အဇ္ဈဂေါဏ လိုမျိုးလည်းပေါ်စရာမလိုသလို၊ ဘိုးဘိုးအောင်ကိုလည်းခေါ်စရာမလိုပါဘူး။ ပြည်ထောင်စုစိတ်ဓါတ်ကိုအခြေတည်ပြီး တိုင်းပြည်အကျိုးစီးပွားကိုရှေ့တန်းတင်လို့ ပြည်သူနဲ့ တပ်မတော် ယုံကြည်စွာလက်တွဲလိုက်ယုံပါဘဲ။

မြန်မာနိုင်ငံသားတိုင်း မှန်ကန်စွာတွေးခေါ်ပြီး မှန်ကန်သောစိတ်သတ္တိရှိလာကြပါစေ။ ကိုယ်ကျင့်သီလ စင်ကြယ်စွာ တိုင်းပြည်ကို အစွန်းနှစ်ပါးမှလွတ်မြောက်လျှက် ကာကွယ်စောင့်ရှောက်နိုင်ကြပါစေ။

လေးစားစွာဖြင့်
(မင်းကောင်းချစ်)
မတ်လ (၁၅) ရက် ၂၀၁၆ ခုနှစ်[full-post]

နိုင်ငံရေးအကျဉ်းသား, ဂျော်လီထွန်း, လင်းသန့်, အစိုးရသစ်, NLD, AAPP
ကိုဂျော်လီထွန်း၏ ဈာပန (ဓာတ်ပုံ – ဗသက်အောင်)
ဒီမုိုကရေစီသို့ အသွင်ပြောင်းလာနေပြီဖြစ်တဲ့ မြန်မာနုိုင်ငံမှာ ဒီမုိုကရေစီအရေး စိတ်ကူး အိပ်မက်တွေ အကောင်အထည်ဖော်ချင်လို့ တက်ကြွလှုပ်ရှားသူတွေဟာ ဘဝတွေ၊ အသက်တွေ စတေးခဲ့ကြရ၊ စတေးနေဆဲ ဖြစ်တယ်ဆုိုတာ ယုံမှား သံသယပွားစရာ လုိုမည်မထင်ပါ။

မြန်မာ့ဒီမုိုကရေစီ လှုပ်ရှားမှု ၁၉၈၈ ခုနှစ် က ကျောင်းသားတွေ သွေးစွန်းခဲ့ရာ အထိမ်းအမှတ်ဖြစ်တဲ့ တံတားနီနေ့ မတ်လ ၁၆ နံနက်ပိုင်းက သတင်းဆုိုးတခုကို မိတ်ဆွေများဆီက ရလိုက်တဲ့အခါ မှင်တက်မိပြီး ဝမ်းနည်းမဆုံး ဖြစ်ရတယ်။

အကြောင်းကတော့ ၁၉၈၈ ခုနှစ် ဒီမုိုကရေစီ လှုပ်ရှားမှုကြီးကာလက ရန်ကုန်နဲ့မလှမ်းမကမ်း သာယာဝတီ သုံးဆယ်နယ်ဘက်က နာမည်ကြီး သပိတ်ခေါင်းဆောင် အသက် ၅၉ နှစ် အရွယ် ကိုဂျော်လီထွန်းတယောက် ရုတ်တရက် နှလုံးအောင့်တယ်ဆုိုပြီး အသက်ပါ ဆုံးရှုံးသွားလုို့ပါပဲ။ ကိုဂျော်လီထွန်းဆုိုတာ ထောင်ဒဏ် စုစုပေါင်း ၅၃ နှစ်ကို သီးခြားစီ ကျခံရန် အမိန့်ချမှတ်ခံခဲ့ရသူ နုိုင်ငံရေး အကျဉ်းသားဟောင်းတဦးဖြစ်ပါတယ်။

သူဟာ သာယာဝတီ၊ အင်းစိန်၊ သရက် အကျဉ်းထောင်တွေမှာ စုစုပေါင်း ၂၃ နှစ်နီးပါး နေခဲ့ရသူလည်း ဖြစ်ပါတယ်။ အဲဒီကာလတလျှောက် သံခြေကျင်းနဲ့ ၁၁ နှစ်ကျော် နေခဲ့ရသူဖြစ်လုို့ ကျနော့်လုို သေဒဏ်ကျခဲ့သူ အကျဉ်းသားထက်တောင် သူ့ရဲ့ထောင်တွင်း ဖြတ်သန်းမှုက ပိုကြမ်းတယ်လုို့ပြောနုိုင်ပါတယ်။

မြန်မာ့ နုိုင်ငံရေး စီးပွားရေး ပြုပြင်ပြောင်းလဲရေးကို စတင် အကောင်အထည်ဖော်ခဲ့တဲ့ သမ္မတ ဦးသိန်းစိန် အစိုးရ တက်လာပြီး ၂၀၁၂ ခုနှစ် နှစ်ဦးပိုင်းမှာ သူ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာခဲ့ပါတယ်။ ထောင်က လွတ်လာပြီး သတင်းထောက်လုပ်ရင်း ထောင်တွင်း အတွေ့အကြုံတွေကို ရေးသားစာအုပ် ထုတ်ဝေကာ ကိုယ်တုိုင် နယ်လှည့်ပြီး ရောင်းချခါ ဘဝခါးခါးကို အပြုံးမပျက် ဖြတ်သန်းကျော်လွှားနေသူလည်း ဖြစ်ပါတယ်။

အကျဉ်းထောင်က ပြန်လွတ်လာပြီး မကြာခင်မှာပဲ ထောင်တွင်းက ပါလာတဲ့ ကျန်းမာရေး ချို့ယွင်းချက်တွေကြောင့် အသက်ဆုံးရှုံးသွားရတာ ကုိုဂျော်လီထွန်း တယောက်တည်းတော့ မဟုတ်ပါဘူး။ နုိုင်ငံရေးအကျဉ်းသားအတော်များများဟာ အကျဉ်းထောင်တွေထဲ နှစ်ရှည်လများနေထုိုင်ခဲ့ရလုို့ ထောင်ဆွေးပြီး ထောင်တွေက ပြန်ထွက်လာချိန် သိပ်ကြာကြာမနေလုိုက်ရပဲ တယောက်ပြီး တယောက် ကွယ်လွန်အနိစ္စရောက် နေကြပါတယ်။

၂၀၁၅ ခုနှစ် ဒီဇင်ဘာလကလည်း အမျိုးသား ဒီမုိုကရေစီအဖွဲ့ချုပ်ဝင် သံလျင်မြို့နယ်က ညီညီဦးဆုိုရင်လည်း ထောင်က ထွက်လာပြီး သိပ်မကြာခင်မှာပဲ သေဆုံးခဲ့တယ်။ ညီညီဦးဟာ ရေနံချက်စက်ရုံ ဗုံးခွဲမှုနဲ့ ဗုို်လ်ချုပ် ခင်ညွန့် ဦးစီး ခဲ့တဲ့ စစ်ထောက်လှမ်းရေးများက မဟုတ် မမှန် မတရား စွပ်စွဲပြီး သေဒဏ်နဲ့ထောင်ဒဏ် နှစ်ရှည် ထောင်ချခဲ့လို့ ထောင်ထဲ နှစ်ပေါင်း ၂၀ ကျော် နေခဲ့ရသူလည်း ဖြစ်ပါတယ်။

နိုင်ငံရေး အကျဉ်းသားများဟာ ဖမ်းဆီးခံရစဉ်ကာလအတွင်း ယခင် စစ်အစုိုးရများရဲ့ စစ်ထောက်လှမ်းရေးများ၊ ရဲ အထူးတပ်ဖွဲ့များရဲ့ ညှင်းပန်းနှိပ် စက်မှုတွေကိုလည်း အကျဉ်းထောင်တွင်း နှစ်ရှည်ဖြတ်သန်းနေထုိုင်ခဲ့ကြရတာပါ။

သူတုို့တွေဟာ အကျဉ်းထောင်ရဲ့ အာဟာရမပြည့်မီတဲ့ ကျွေးမွေးမှု၊ ညံ့ဖျင်းတဲ့ ကျန်းမာရေး စောင့်ရှောက်မှုတွေကို ကြံ့ကြံ့ခံ ဖြတ်သန်းရင်း တချို့လည်း အကျဉ်းထောင်ထဲမှာပဲ ကြွေလွင့်ခဲ့ကြရပါတယ်။

ကံကောင်းထောက်မစွာနဲ့ နုိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP)၊ NLD ပါတီနဲ့တကွ အခြား နိုင်ငံရေး အဖွဲ့အစည်းတချို့ရဲ့လူမှုအထောက် အကူပြုအဖွဲ့နဲ့ စေတနာရှင်တချို့ တုို့ရဲ့ အထောက်အပံ့ တချို့ရခဲ့ကြတာ စိတ်ခွန်အား ဖြစ်စေပါတယ်။

သတင်းစာ ဆရာကြီး ဦးဝင်းတင်၊ ဦးသာဘန်း၊ မောင်ဝံသ၊ ဦးထွေးမြင့်၊ ကိုလှမျိုးနောင်၊ ကုိုမျိုးမင်း၊ ဦးခင်ကျော် ခေါ် ရစ်ချတ် ကျော်၊ ကုိုခင်ဇော် ခေါ် ကုိုရစ်၊ ကိုမင်းဟန်၊ ကြီးသန်း ခေါ် ကိုသန်းတင်၊ X2O မဏ္ဍပ်ဗုံးခွဲမှုနဲ့မတရား အဖမ်း ခံခဲ့ရတဲ့ ကိုဖြိုးဝေအောင် စသဖြင့် စသဖြင့် ရာဂဏန်းချီ ရှိတဲ့ နာမည်ကြီး နုိုင်ငံရေးအကျဉ်းသားဟောင်း တွေရော၊ မထင်မရှား နုိုင်ငံရေး အကျဉ်းသားဟောင်းတွေဟာ အကျဉ်းထောင်က ထွက်လာပြီးနောက် သေဆုံး နေကြတာ အထင်အရှားပါ။

ဒီလို ကိစ္စတွေအပေါ် တာဝန်ရှိသူကလည်း တာဝန်မယူ၊ တာဝန်သိသူတွေအတွက်လည်း မနုိုင်နင်းတဲ့ အဖြစ်မျိုးနဲ့ ကြုံတွေ့နေရပြီး လျစ်လျူရှုခံနေရတာ စိတ်မကောင်းစရာပါ။

အကျဉ်းကျခံနေရစဉ် ကာလတွေတုန်းကလည်း နုိုင်ငံရေး အကျဉ်းသားတွေရဲ့ မိသားစုတွေဟာ ပုိုက်ဆံ မပြည့်စုံ၊ လုံခြုံမှုမရှိ၊ ဘဝအာမခံချက် မရှိတဲ့ အခြေအနေဆုိုးတွေကို ခါးခါးသီးသီး ရင်ဆိုင်ဖြတ်သန်းခဲ့ကြရတယ်။ ထောင် က ပြန်ထွက်လာတော့လည်း မိသားစုနဲ့အတူ လူမှုဝန်းကျင်ထဲ တန်းတူနေနုိုင်ဖုို့ အတော်ပဲ ရုန်းကန်ကြရပါတယ်။

ဒီအပြင် ကျန်းမာရေး စောင့်ရှောက်မှုအတွက် အာမခံချက် ရှိတဲ့ ပတ်ဝန်းကျင် မရှိတာကြောင့် အချိန်မတန်ခင် သေဆုံးကြရတာပါ။

အကျဉ်းကျခံခဲ့ရဖူးသူတွေရဲ့ ဘဝတွေဟာ တကယ့်ကို အစိပ်စိပ်အမွှာမွှာ ပြိုကွဲခဲ့ရတယ်ဆုိုတာ တချို့လူတွေ ပြောပြရင် ယုံနုိုင်ဖွယ် မရှိပါဘူး။ အကျဉ်းထောင်တွေက ပြန်လွတ်လာပြီးနောက်ပိုင်း နုိုင်/ကျဉ်းဟောင်းများအနေနဲ့ မနည်း အားတင်းပြီး ပြန်ကောက်ထားတဲ့ ဘဝအကြေအမွတွေနဲ့ ခရီးဆက်နေကြရတာ အထူး စိတ်မကောင်းစရာပါပဲ။

နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) နဲ့တကွ တတ်နုိုင်သမျှ စာနာကူညီနေသူ တွေအနေနဲ့ကလည်း ထောင်ဂဏန်းချီရှိတဲ့ နုိုင်ငံရေး အကျဉ်းသားဟောင်းတွေ နဲ့ပတ်သက်ပြီး တဦးချင်းစီအတွက် ဘဝရပ်တည်ရေးထိ အကူအညီမပေးနုိုင်ပါဘူး ။

မြန်မာ့ဒီမုိုကရေစီ နုိုင်ငံတော်သစ်အတွက် ပေးဆပ်ခဲ့ရသူတွေထဲ နုိုင်ငံရေးအကျဉ်းသားတွေရဲ့ အခန်းကဏ္ဍကလည်း ကြီးမားတဲ့ အစိပ်အပိုင်းတခုလုို့ပြောရင် မမှားနုိုင်ပါဘူး။ ဒီကနေ့မြင်တွေ့နေရတဲ့ ဒီမုိုကရေစီ ခပ်ပါးပါး အဖူးအညွှန့် ကလေးတွေဟာ တကယ်တော့ တချိန်က နုိုင်ငံ့အရေး အတွက် ဘဝတွေ ရင်းပြီး လမ်းမတွေပေါ်၊ အကျဉ်းထောင် တွေထဲ၊ တောတောင်တွေထဲ ပေးဆပ်ခဲ့ကြသူတွေ ကြောင့်ဆုိုတာ ဘယ်လုိုမှ ငြင်းမရပါဘူး။

ယခင် စစ်အစုိုးရများလက်ထက်က နိုင်ငံရေးအကျဉ်းသားဟူသည် မရှိ၊ ရာဇဝတ်အကျဉ်းသားသာ ရှိ၏ လုို့ တစိုက်မတ်မတ် ကြွေးကြော်လာခဲ့သော်လည်း သမ္မတ ဦးသိန်းစိန် လက်ထက် လွတ်ငြိမ်းချမ်းသာခွင့်နဲ့ ထင်ရှားတဲ့ နုိုင်ငံရေး အကျဉ်းသားတွေ အပါအဝင် အတော် များများ ပြန်လွတ်လာပါတယ်။

နောက်ပိုင်း သမ္မတ ဦးသိန်းစိန်က လက်ကျန် နုိုင်ငံရေးအကျဉ်းသား စိစစ်ရေး ကော်မတီကုိုဖွဲ့စည်းပြီး နုိုင်ငံရေး အကျဉ်းသား အားလုံး လွတ်မြောက်ရေးလုပ်ဆောင်မယ်ဆုိုပေမယ့် အစပုိုင်း ကောင်းမလုိုလုိုနဲ့ နောက်ပိုင်း အဖျားရှုးသွားတာ သတိထားမိပါတယ်။ ပုိုဆုိုးတာက နောက်ထပ် နုိုင်ငံရေးအကျဉ်းသားတွေ တုိုးများလာတာပါ။

ဒီမုိုကရေစီ ပြန်လည်တည်ဆောက်မှု စတင်နေတဲ့ မြန်မာနုိုင်ငံအနေနဲ့ လိုအပ်ချက်တွေ များစွာ ရှိတဲ့ အနက် နုိုင်ငံရေးအကျဉ်းသားများ၊ နုိုင်ငံရေးအကျဉ်းသားဟောင်းများနဲ့ ပတ်သက်တဲ့ မူဝါဒ အခုိုင်အမာတရပ်ရှိရေး အထူးပင် လုိုအပ်နေတယ်လုို့ ထောက်ပြလုိုပါတယ်။

အထူးသဖြင့် နုိုင်ငံရေးအကျဉ်းသား အဓိပ္ဗာယ်ဖွင့်ဆုိုချက်ကို အင်အားစုအားလုံးက ဘုံသဘောတူညီမှု ရရှိရန် လုိုအပ်ပြီး ထုိုမှတဆင့် မှတ်တမ်းပြုစုခြင်း အပါအဝင် အဆုိုပါ နိုင်ငံရေးအကျဉ်းသားဟောင်းတွေရဲ့လူမှုဘဝ ပြန်လည် ပြုစုပျိုးထောင်ရေး လုပ်ငန်းစဉ်များ ပီပီပြင်ပြင် လုပ်ဆောင်နုိုင်ရန်အတွက် ဥပဒေ တခုခု အတည်ပြုပြဌာန်းရန်လည်း လိုအပ်နေတယ်။ ဒါကုို တာဝန်သိသူရော တာဝန်ရှိသူတွေကပါ အလေးအနက်ထားဖုို့ လုိုပါတယ်။

ကတ္တီပါ တော်လှန်ရေးနှင့် ဒီမုိုကရေစီ အသွင်ကူးပြောင်းမှုတွင် ထင်ရှားသည့် တချိန်က ချက်ကုိုစလုိုဗက်ကီးယား အစိပ်အပိုင်းတခုဖြစ်သည့် ချက် သမ္မတ နုိုင်ငံမှာ နုိုင်ငံအတွက် အသက်၊ ဘဝများပေးဆပ်ခဲ့ကြရရင်း နစ်နာခဲ့ရသူများအတွက် ဥပဒေ ပြဌာန်းထားပြီး အကောင်အထည်ဖော်ပါတယ်။ အခြားသော ဒီမုိုကရေစီ အသွင်ကူးပြောင်း တဲ့ နုိုင်ငံတွေမှာလည်း အလားတူ လုပ်ဆောင်နေကြတာကုို မြန်မာနုိုင်ငံ အနေနဲ့လည်း သင်ခန်းစာယူပြီး လုပ်ဆောင် သင့်ပါတယ်။

ဒီလိုပဲ မြန်မာပြည်မှာလည်း အစုိုးရ၊ လွှတ်တော်များ၊ လွှတ်တော် အမတ်များ၊ နုိုင်ငံရေးပါတီများ၊ လူထုအခြေ ပြု လူမှုအဖွဲ့အစည်းများ၊ ပညာရှင်များ အားလုံးက နုိုင်ငံသစ်အတွက် ပေးဆပ်သူများရဲ့ နေရာကို နွေးထွေးလှိုက်လှဲစွာ ပူးပေါင်းရှာဖွေ ဖော်ထုတ်ပေးကြပါလို့ တိုက်တွန်းနှိုးဆော်လိုက်ပါရစေ။ အလင်းလာလို့ နေ့သစ်ရောက်တဲ့အခါ အမှောင်မှာ ကြွေလွင့်သွားတဲ့ ကြယ်စင်တွေနဲ့ အမှောင်မှာ ထွန်းလင်းခဲ့တဲ့ ကြယ်စင်တွေကို မေ့မပစ်ကြပါနဲ့။

(လင်းသန့်သည် နိုင်ငံရေးအကျဉ်းသားဟောင်းတဦး ဖြစ်ပြီး လက်ရှိ ချက်နိုင်ငံ ပရာဟာမြို့တွင် နေထိုင်လျက်ရှိသည်)

လင်းသန့်

မော်စကို၊ မတ် ၁၉ ။ ။ ရုရှနိုင်ငံတောင်ပိုင်းမြို့ ရိုစတော့အွန်းဒွန်တွင် ခရီးသည် ၅၅ ဦးနှင့် အမှုထမ်း ခြောက်ဦးလိုက်ပါသည့် ခရီးသည်တင်လေယာဉ်တစ်စင်းပျက်ကျကြောင်း တာဝန်ရှိသူများက ပြောသည်။

ဒူဘိုင်းမှ ပျံသန်းလာသည့် FlyDubai Boeing 738 လေယာဉ်သည် ဆင်းသက်ချိန်တွင် ပြေးလမ်းနှင့် လွဲချော်ကာ ဒေသစံတော်ချိန် မတ် ၁၉ ရက် နံနက် ၃ နာရီ ၅၀ တွင် ပျက်ကျခြင်းဖြစ်သည်။

ပျက်ကျရသည့် အကြောင်းရင်းကို သေချမသိရသေးသော်လည်း မြင်ကွင်းမှုန်ဝါးခြင်းနှင့် လေပြင်းတိုက်ခြင်းတို့ကြောင့် ဖြစ်နိုင်ဖွယ်ရှိသည်။

အတည်မပြုနိုင်သေးသည့် သတင်းများတွင် ယာဉ်ပေါ်ပါရှိသူအားလုံး သေဆုံးကြောင်း ဖော်ပြသည်။

လေယာဉ်မှာ မီးလောင်သည်၊ ပေါက်ကွဲသည်ဆိုသည့် သတင်းများလည်း ကြားသိရသည်။

ယင်းလေယာဉ်ကွင်းမှ အခြားလေယာဉ်များလည်း လေယာဉ်ကွင်းမှ ထွက်ခွာထားစေသည်။

ပျက်ကျရာသို့ ကယ်ဆယ်ရေးလုပ်သား ၁၀၀ နီးပါးရောက်ရှိနေကာ မီးကို ငြှိမ်းသတ်ခဲ့ကြောင်း မီဒီယာသတင်းများတွင် ဖော်ပြသည်။

ဘီဘီစီ
Mizzima - News in Burmese

ဝါရှင်တန်၊ မတ် ၁၉ ။ ။ အမေရိကန်၏ သမိုင်းတွင် ပထမဆုံးအဖြစ် တိုက်ခိုက်ရေးတပ်ဖွဲ့အား ဦးဆောင်ရန် အမျိုးသမီးတစ်ဦးအား ကာကွယ်ရေးဝန်ကြီး အက်ရ်ှကာတာက အမည်စာရင်းတင်သွင်းသည်။

အမေရိကန်မြောက်ပိုင်းတပ်မအား ဦးဆောင်အကြီးအကဲအဖြစ် အမျိုးသမီး ဗိုလ်ချုပ် လော်ရီရော်ဘင်ဆန်ကို ကာတာက မတ် ၁၈ ရက်က အမည်စာရင်းကြေညာခြင်းဖြစ်သည်။

ယင်းနေရာရာထူးသည် အမေရိကန်စစ်တပ်တွင် ထိပ်တန်းရာထူးတစ်ရပ်ဖြစ်ပြီး ဆီးနိတ်တွင် အတည်ပြုမှု ခံယူရမည်ဖြစ်သည်။

လက်ရှိတွင် လော်ရီက ပစိဖိတ်လေတပ်ဖွဲ့၏ တပ်မှူးအဖြစ် တာဝန်ယူထားသည်။ သူသည် ၁၉၈၂ ခုနှစ်ကစကာ လေတပ်ဖွဲ့သို့ ဝင်ရောက်ခဲ့ခြင်းဖြစ်သည်။

“လော်ရီက ပထမဆုံး အမျိုးသမီး တိုက်ခိုက်ရေးတပ်ဖွဲ့ တပ်မှူးဖြစ်လာမှာဖြစ်ပါတယ်။ ဒီရာထူးနဲ့လည်း သူက သင့်တော်သူပဲဖြစ်ပါတယ်။”ဟု ကာကွယ်ရေးဝန်ကြီး ကာတာက ပြောသည်။

အမေရိကန်မြောက်ပိုင်းတပ်မသည် မြောက်အမေရိကတစ်ခုလုံးကို လွှမ်းခြုံထားသည်။

တကယ်၍ ဆီးနိတ်က လော်ရီအား အတည်ပြုခန့်အပ်ပါက လက်ရှိတာဝန်ထမ်းဆောင်ဆဲ ဘီလ်ဂေါနေးနေရာတွင် ၎င်းက ဝင်ရောက်တာဝန်ယူရမည်ဖြစ်သည်။
Mizzima - News in Burmese


သြစတြေးလျ၊ အင်္ဂလန်၊ အိုင်ယာလန် စသည့်နိုင်ငံများမှ ဘွဲ့ဒီဂရီများကို စင်ကာပူနိုင်ငံတွင် တက်ရောက်ရယူလိုသူ ကျောင်းသားများအတွက် နိုင်ငံရပ်ခြား အတွေ့အကြုံရရှိစေပြီး၊ အချိန်တိုငွေကုန် သက်သာစေသော နည်းလမ်းများဖြင့် မိမိတို့ရယူလိုသည့် နိုင်ငံတကာ အသိအမှတ်ပြု ဘွဲ့ဒီဂရီနှင့် အလုပ်အကိုင် အခွင့်အလမ်းများအကြောင်းကို လမ်းညွှန်ပေးမည့် စင်ကာပူ Kaplan Higher Education Academy ၏ ၂၀၁၆ ခုနှစ် ဘာသာရပ်နှင့် ကျောင်းဝင်ခွင့်ဆိုင်ရာ ဆွေးနွေးပွဲကို ရန်ကုန်နှင့် မန္တလေးမြို့များတွင် ပြုလုပ်မည်ဖြစ်ကြောင်း နိုင်ငံတကာ ပညာရေးဝန်ဆောင်မှုကုမ္ပဏီ AT & S မှ သိရသည်။

ရန်ကုန်မြို့တွင် ကျင်းပပြုလုပ်မည့် Kaplan ဆွေးနွေးပွဲ ရန်ကုန်မြို့ ပြည်လမ်းရှိ Novotal Hotel၊ မန္တလေးခန်းမ၌ ၂၃ ရက်၊ မတ်လ ၂၀၁၆ ခုနှစ်၊ ဗုဒ္ဓဟူးနေ့ မွန်းလွဲ ၂ နာရီ မှ ညနေ ၄ နာရီအထိ ကျင်းပမည်ဖြစ်ပြီး မန္တလေးဆွေးနွေးပွဲကို မန္တလေးမြို့ ချမ်းအေးသာစံမြို့နယ်ရှိ AT&S ရုံးခွဲတွင် မတ်လ ၂၉ ရက်နေ့ နံနက် ၁၀ နာရီ မှ ညနေ ၄း၀၀ နာရီ အထိ ဆွေးနွေးပေးမည်ဖြစ်သည်။

Kaplan သည် စင်ကာပူနိုင်ငံတွင်ရှိသော အကောင်းဆုံး ပုဂ္ဂလိက ကျောင်းသုံးကျောင်းစာရင်းတွင် ပါဝင်ထားပြီး၊ Asia One People’s Choice Award ဆုကို ၄ ကြိမ်တိုင်တိုင် ရရှိထားသော စင်ကာပူ၏ ထိပ်တန်းပုဂ္ဂလိက ကျောင်းကြီး ဖြစ်သည်။

ထို့အပြင် Kaplan သည် ကမ္ဘာ့အကောင်းဆုံး စာရင်းဝင် တက္ကသိုလ်ကြီးများဖြစ်သည့် သြစတြေးလျ၏ Murdoch တက္ကသိုလ်၊ အင်္ဂလန်၏ Royal Holloway၊ Northumbia၊ Bedfordshire၊ university of Essex၊ University of Portsmouth အစရှိသည့် တက္ကသိုလ်များ၊ အိုင်ယာလန်နိုင်ငံ၏ University College Dublin (UCD) တို့ဖြင့် ချိတ်ဆက်ကာ နိုင်ငံတကာအဆင့်မီ ဘွဲ့ဒီဂရီများ ပေးအပ်လျက် ရှိသည်။

အဆိုပါ တက္ကသိုလ်ကြီးများ၏ စီးပွားရေးဘွဲ့ဒီဂရီ အမျိုးမျိုးဖြစ်သည့် စီးပွားရေးစီမံခန်ခွဲမှု၊ စီးပွားရေးဆိုင်ရာ ဥပဒေပညာ၊ ဘဏ္ဍာရေးနှင့် ဘဏ်လုပ်ငန်းဆိုင်ရာ ဘာသာရပ်၊ နိုင်ငံတကာ စီးပွားရေးဘာသာ၊ ဈေးကွက် စီမံအုပ်ချုပ်မှု၊ လူ့အရင်းမြစ် စီမံခန့်ခွဲမှု၊ စာရင်းကိုင်ပညာ၊ ကုန်ပစ္စည်းများ သယ်ယူပို့ဆောင်ခြင်း စီမံခန့်ခွဲမှု ဘာသာရပ် စသည်တို့ကို လည်းကောင်း၊ သတင်းနှင့် လူထုဆက်ဆံရေး ဘွဲ့ဒီဂရီများဖြစ်သည့် လူထုဆက်ဆံရေး ဘာသာရပ်၊ မီဒီယာလေ့လာမှု ဘာသာရပ် စသည်တို့ကိုလည်းကောင်း၊ အိုင်တီဘွဲ့ဒီဂရီများ ဖြစ်သည့် သတင်းအချက်အလက် နည်းပညာဘာသာရပ်၊ ၀က်ဘ်ဆိုက်နည်းပညာ၊ ကွန်ပျူတာသိပံ္ပပညာ၊ ဆိုက်ဘာမှုခင်းများနှင့် သတင်းအချက်အလက် လုံခြုံရေးဆိုင်ရာ ဘာသာရပ် စသည်တို့ကိုလည်းကောင်း၊ ဟိုတယ်နှင့် ခရီးသွားလာရေး ဘွဲ့ဒီဂရီများဖြစ်သည့် ဟိုတယ်နှင့် ခရီးသွားလာရေးဆိုင်ရာ စီမံခန့်ခွဲမှု၊ အခမ်းအနား ဖျော်ဖြေပွဲများ စီမံခန့်ခွဲမှု စသည့်တို့အပြင် အခြားသော စီးပွားရေးနှင့် အိုင်တီဘွဲ့ဒီဂရီများကို နိုင်ငံတကာ ကျောင်းသားများအနေဖြင့် စင်ကာပူ Kaplan တွင် တက်ရောက်ရရှိနိုင်ကြမည် ဖြစ်ပါသည်။ ဘာသာရပ်များကို ရွေးချယ်ရာ၌ မိမိသင်ကြားလိုသည့် ဘာသာရပ်သီးသန့် (Single Major) သင်ယူခြင်းအပြင် ဘာသာရပ်နှစ်ခုကို ပေါင်းစပ်သင်ကြားပေးသည့် ဘာသာရပ်နှစ်ခုတွဲ (Double Major) သင်ယူခြင်းများကိုပါ ပြုလုပ်နိုင်ကြမည်ဖြစ်သည်။

ဘွဲ့ရရှိပြီးသူများမှာ စီးပွားရေးဆိုင်ရာ မဟာဘွဲ့ဒီဂရီ အမျိုးမျိုးတို့ကို ရွေးချယ်တက်ရောက်နိုင်ကြမည် ဖြစ်ကြောင်း သိရသည်။

ဆွေးနွေးပွဲတွင် အခြေခံပညာ အထက်တန်းအောင်နှင့် IGCSE/ GCE‘O’ အဆင့်ဖြင့် အောင်မြင်ထားသူများ အတွက် ကျောင်းဝင်ခွင့်များအကြောင်း၊ HND Diploma အောင်မြင်ထားသူများ တိုက်ရိုက် တက်ရောက်နိုင်မည့် အင်္ဂလန်၊ အိုင်ယာလန် ဘွဲ့ဒီဂရီများအကြောင်း၊ မြန်မာနိုင်ငံမှ ၉ တန်းအောင်နှင့် အပြည်ပြည်ဆိုင်ရာ အဆင့်မြင့် ပညာရေးကျောင်းများမှ Grade 9 အောင်မြင်ပြီးသူများ တက်ရောက်နိုင်သော Certificate in Founation Studies ပညာရေး လမ်းကြောင်း အကြောင်းနှင့် ဘွဲ့လွန်မာစတာ တက်ရောက်လိုသူများအတွက် လိုအပ်ချက်များ စသည်ဖြင့် ပညာအရည်အချင်းအလိုက် ဆက်လက် သင်ယူနိုင်မည့် အနာဂတ်ပညာရေး လမ်းကြောင်း ရွေးချယ်ခြင်းနှင့် လိုအပ်ချက်များကို အသေးစိတ် ဆွေးနွေးပေးသွားမည်ဟု သိရသည်။

ဆွေးနွေးပွဲကာလ မတိုင်မီ ကျောင်းနှင့်ပတ်သက်သည့် သတင်းအချက်အလက်များကို အသေးစိတ်သိရှိလိုပြီး Kaplan ရန်ကုန်ပညာရေး ဆွေးနွေးပွဲကို တက်ရောက်လိုပါက ရန်ကုန်မြို့ရှိ AT&S Co.,Ltd. အဆောင် ၅ ၊ အခန်း ၄ ၊ MICT Park ၊ လှိုင်တက္ကသိုလ်နယ်မြေ၊ ဖုန်း ၀၁ ၅၂၁၁၂၅၊ ၀၁ ၆၅၂၂၈၈၊ ၀၉ ၅၀၆၂၁၇၁၊ ၀၉ ၇၉၉၅၉၅၉၄၉ နှင့် မန္တလေးမြို့ အမှတ် ၈၂ ၊ ၇၂ လမ်း (၃၁x ၃၂) ကြား ချမ်းအေးသာစံမြို့နယ်၊ ဖုန်း ၀၂ ၇၄၄၃၆၊ ၀၉ ၇၉၉၅၉၅၉၄၉ တို့သို့ ဆက်သွယ်နိုင်သည်။

The Ladies News Journal

ဓာတ်ပုံ - သိန်းဇော်ဖေ့စ်ဘွတ်ခ်။ ဓာတ်ပုံ - သိန်းဇော်ဖေ့စ်ဘွတ်ခ်။

အွန်လိုင်းမှာ ပျံ့နှံ့ခဲ့တဲ့ ၈ မိုင်ခုံးကျော်တံတား အက်ကြောင်းဖြစ်ပေါ်နေတဲ့အပေါ် မဟုတ်မှန်ကြောင်းနဲ့ တံတားကို နှစ် ၅၀ အာမခံနိုင်ကြောင်း တံတားစီမံကိန်း ဒါရိုက်တာက ပြောပါတယ်။
၈ မိုင်ခုံးကျော်တံတား ကိုယ်ထည်နဲ့ မသက်ဆိုင်ဘဲ တံတားအပေါ်လက်ရန်း တခုနဲ့တခုကြား ဆက်ကြောင်းတွေထဲက သစ်သားပုံစံတွေကို အချောမသတ်ခင် ပြန်ခွာထုတ်နေရတာသာဖြစ်ပြီး အန္တရာယ်မရှိဘူးလို့ ဆိုပါတယ်။
ဒါနဲ့ပတ်သက်ပြီး တံတားစီမံကိန်းဒါရိုက်တာနဲ့ အလုပ်သမား ကြီးကြပ်သူတို့ကို ဒီဗွီဘီက မေးမြန်းထားပါတယ်။

ဦးသန်းဆွေ (စီမံကိန်းဒါရိုက်တာ)
“ဒီအွန်လိုင်းပေါ်မှာ ပျံ့နှံ့နေတဲ့အကြောင်းက တံတားကို ကျနော်တို့ အချောသပ်မလုပ်ခင်ပေါ့လေ လက်ရန်းပိုင်းမှာ တံတားရဲ့ structure နဲ့လည်း မပတ်သက်ပါဘူးနော်။ တံတားလက်ရန်းမှာ ကွန်ကရစ် လောင်းထားတာ ပုံစံတွေခွာတဲ့အခါမှာ ကျနော်တို့ ပြန်အချောသပ်ဖို့လိုပါတယ်။ အချောမသပ်ခင်ရိုက်ပြီးတော့ ဖေ့စ်ဘွတ်ခ်ပေါ်မှာ တင်လိုက်တဲ့ဟာဖြစ်ပါတယ်။ ကျနော်တို့က မတ်လ ၁၅ ရက်နေ့မှာ မော်တော်ယာဉ်တွေကို ဖြတ်သန်းခွင့်ပြုလိုက်ပါတယ်။ ဒါပေမယ့် တံတားဖွင့်ပွဲကြီးကို ကျနော်တို့က မတ်လ ၂၃ ရက်နေ့ ကျင်းပမှာ ဖြစ်ပါတယ်။ တံတားဖွင့်ပွဲ မတိုင်ခင် ကျနော်တို့က အချောသပ်လုပ်ငန်းတွေကို အပြီးသပ်ဆောင်ရွက်ရမှာလေ။ အခုဒီဟာဆိုရင် အက်တာ လုံးဝမဟုတ်ပါဘူး။ ကျနော်တို့ အင်ဂျင်နီယာတွေလည်း အားလုံးသိပါတယ်။ အများပြည်သူကတော့ အမှတ်တမဲ့ကြည့်ရင် ဒီဟာကို တံတားအက်တယ်လို့ ထင်လိမ့်မယ်။ ဒါပေမယ့် ဒီဟာက အချောမသပ်ရသေးတာပဲ။ အခုချိန်မှာဆိုရင် အချောသပ်တော်တော်များများ ပြီးပါပြီ။ တံတားခံနိုင်ဝန်နဲ့ တံတားရဲ့ ခိုင်ခံ့မှုကို ကျနော်တို့အားလုံး လုံးဝတာဝန်ယူပါတယ်။”

ဒီဟာက ဘယ်လိုကြောင့် ပျံ့နှံ့တာလဲဆိုတာရော၊ ပြည်သူတွေဆီက ပျံ့နှံ့သွားတာလား၊ အတွင်းပိုင်းကနေ စပြီးတော့ ဖြစ်တာလားဆိုတာ သိပါရစေ။
“အဲဒါတော့ ကျနော်တို့က မသိပါဘူး။ ဒီဟာက လမ်းမကြီးမှာ ဖြစ်တဲ့အတွက် လမ်းပေါ်မှာ တွေ့တဲ့လူကနေပြီးတော့ပေါ့နော်၊ အခုချိန်ကလည်း လွယ်ကူပါတယ် ရိုက်လို့က၊ ကင်မရာလေးတွေနဲ့နော် ဖုန်းကင်မရာလေးတွေနဲ့ ရိုက်တဲ့အခါကျတော့ လွယ်ကူပါတယ်။ ဒီဟာလေးတွေ အချောမသပ်ရသေးခင်မှာ ရိုက်ပြီးတော့ ဒါကိုထည့်လိုက်တာပါ။ အဲတော့ အများပြည်သူတွေက ထင်ယောင်ထင်မှားဖြစ်တယ်။ တော်တော်များများကလည်း ဖေ့စ်ဘွတ်ခ်မှာ ပျံ့နှံ့တဲ့အခါကျတော့ စိုးရိမ်စိတ်တွေ ရှိတယ်ပေါ့နော်။ တံတားပေါ်မှာ ခုလည်းပဲ ကားတွေ ဖြတ်သန်းနေပါပြီ။ နောက် ဖွင့်ပွဲလည်း မလုပ်ရသေးပါဘူး။ ၂၃ ရက်နေ့ ဖွင့်ပွဲလုပ်မှာဆိုတော့ ဒါတွေကို ကျနော်တို့ ဘာမှလည်း စိုးရိမ်စရာမရှိပါဘူး။ ခိုင်ခံ့မှုကလည်း လုံးဝတာဝန်ယူပါတယ်။ တံတားက ကျနော်တို့ နိုင်ငံတကာ စံချိန်စံညွှန်းအညီနဲ့ လုပ်ထားတဲ့အတွက် ဒီတံတားကြီးသည် ကျနော်တို့ နှစ် ၅၀ ထိအောင် အာမခံနိုင်ပါတယ်နော်။”

 ဒီတံတားတည်ဆောက်ချိန် ဘယ်လောက်ကြာခဲ့လဲ၊ ဘယ်ကုမ္ပဏီအမျိုးအစားကနေ ပါဝင်ခဲ့လဲဆိုတာ ထည့်ပြီးပြောပေးပါဦး။
“ဒီတံတားက ကျနော်တို့ ၉-၉-၂၀၁၅ ခုနှစ်မှာ စပြီး အုတ်မြစ်ချခဲ့တယ်။ တည်ဆောက်ချိန်ကာလက ၆ လခွဲပဲ ကြာခဲ့ပါတယ်။ ပြီးစီးဖို့ သတ်မှတ်ထားတာကတော့ ၇ လနဲ့ သတ်မှတ်ထားတာ။ ၁၅ ရက် စောပြီးပါတယ်။ ဒါကို ကျနော်တို့ ကုမ္ပဏီက အင်ဂျင်နီယာများနဲ့ ၀န်ထမ်းများအားလုံး ကြိုးစားပြီး ဆောင်ရွက်ခဲ့တဲ့အတွက် ၁၅ ရက်စောပြီးတော့ ပြည်သူလူထုက ယာဉ်ကြောကျပ်တည်းမှုကို ၁၅ ရက်စောပြီးတော့ ဖြေလျှော့လို့ရပါတယ်။ ဖွင့်ပွဲကိုလည်း ၂၃ ရက်နေ့မှာ ကျင်းပမှာ ဖြစ်ပါတယ်။”

အခုလုပ်ဆောင်တာ ခရောင်းကုမ္ပဏီလား။
“ဟုတ်ပါတယ်၊ ကျနော်တို့က Crown Advanced ကုမ္ပဏီလီမိတက် ဖြစ်ပါတယ်။”

လက်ရှိ ပြည်သူတွေ စိုးရိမ်စိတ်ရှိနေတဲ့အပေါ်မှာ အန်ကယ့်အနေနဲ့ ဘာများ ဖြည့်စွက် ပြောဖို့ ရှိပါသေးလဲ။
“အများပြည်သူကို ပြောချင်တာကတော့ ကျနော်တို့တည်ဆောက်ထားတဲ့ တံတားကြီးကို စိတ်ချလက်ချဖြတ်သန်းပါ။ ဒီမှာရေးထားတဲ့အတိုင်းတွေ မဟုတ်ပါဘူးဆိုတာလေးတွေ ပြောချင်ပါတယ်။ ဘာကြောင့်လဲဆိုတော့ ဒီတံတားက ကျနော်တို့ ၇၅ တန်ခံနိုင်အောင်လို့ တည်ဆောက်ထားတဲ့တံတား ဖြစ်ပါတယ်။ စိတ်ချလက်ချ ဖြတ်သန်းပြီးတော့ ခိုင်ခံ့ကြောင်းကိုလည်း ပြောချင်ပါတယ်။”

အခုဒီဟာကို ပက်ကြားအက်တဲ့ အမျိုးအစားလို့မခေါ်တော့ ဘယ်လိုခေါ်လဲ။
“ဒါက ပက်ကြားအက်တာ မဟုတ်ပါဘူး။ ကွန်ကရစ်စလေးတွေကို တန်းဝင်ရိုက်တဲ့အခါကျတော့ ကွန်ကရစ်အစလေးတွေက လှိုင်းလေးတွေဖြစ်နေတာ။ ကျနော်တို့လည်း ကြည့်ပြီးပါပြီ။ အဲဒါကို အမှတ်တမဲ့ အင်ဂျင်နီယာတွေကတော့ သိပါတယ်။ အင်ဂျင်နီယာကတော့ ဒါကိုကြည့်လိုက်ရင်သိတယ်။ အများပြည်သူကတော့ ဒါကိုကြည့်လိုက်ရင် ဟာ ဒါကြီးကအက်နေတာ၊ ရေးတဲ့သူကလည်း အဲလိုရေးရင် ရေးမယ်လေနော်။”

အလုပ်သမားကြီးကြပ်သူကို မေးမြန်းချက်
မတ်လ ၁၅ ရက် တံတားပေါ်ကို ကားဖြတ်သန်းခွင့်ပြုခဲ့ပြီးနောက် ၁၆ ရက်နေ့ အွန်လိုင်း ဖေ့စ်ဘွတ်ခ်စာမျက်နှာတွေပေါ်မှာ ၈ မိုင်တံတားအက်ကြောင်းဖြစ်ပေါ်နေတယ်ဆိုပြီး ပျံ့နှံ့လာပြီးမှ သိရတယ်လို့ အလုပ်သမားကြီးကြပ်သူတဦးကဆိုပါတယ်။
“ထပ်သားကို ထွင်းထုတ်တဲ့သူတွေက တည့်မထုတ်ဘဲနဲ့ ဘေးတွေလျှောက်ထွင်း ဘာတွေ လျှောက်လုပ်တော့ ပက်ကြားအက်သလိုဖြစ်တာ။ အမှန်မှာ ပက်ကြားအက်တာ မဟုတ်ဘူး။”

ပြည်သူတွေစိုးရိမ်သလိုမျိုး ဒီတံတားခိုင်ခံ့မှု မရှိဘူးဆိုတာ မဟုတ်ဘူးပေါ့နော်။
“မဟုတ်ပါဘူး။ ကျနော်တို့က ဂျွိုင်းဆက်တွေဖြတ်တော့ အထပ်သားထည့်ထည့်ပြီးမှ ဖြတ်လို့ရတာ။ သူ့အကန့်နဲ့ သူ့အကန့်နဲ့ အဲဒါ ကွန်ကရစ်လောင်းလိုက်တော့ ကြားထဲမှာ ညပ်နေတော့ ပြန်ဆွဲထုတ်တော့ သူတို့က ထုတ်လို့မရတော့ ဆို့တွေ၊ တူတွေနဲ့ လျှောက်ထွင်းလိုက်တော့ ပက်ကြားအက်သလို ဖြစ်တာ။ မနေ့ကလည်း ကျနော်တွေ့တယ် အဲဒါတွေ။”

အဲဒါ ဘာကြောင့်ဖြစ်တာလဲ။
“အထပ်သွားထွင်းလို့ ကွာပြီး ကပ်ပါသွားတာ။ အထဲထဲမှာ အထပ်သားထည့်ထားတယ်။ သူတို့က ထွင်းထုတ်လိုက်တော့ ဘေးတွေပါ ပိုထွင်းလိုက်တော့ ပက်ကြားအက်သလို ဖြစ်သွားတာ။ အမှန်မဟုတ်ဘူး၊ ကျနော် ညတုန်းက အကုန်လိုက်ကြည့်ပြီးပြီ။”

အစ်ကို ဒီဟာက ဘယ်နှနေရာလောက် ဖြစ်သွားလဲ။
“ဒီဘက်မှာ တနေရာပဲရှိတယ်။ ဒီဘက်ထဲမှာ တနေရာတည်း။ ပက်ကြားအက်တာမဟုတ်ဘူး။ ထွင်းတာများသွားတော့ အောက်ကနေပင့်ပြီး ရိုက်လိုက်တော့ ပက်ကြားအပ်သလိုကြီး ဟက်ပဲ့ကြီး။ အမှန်မှာတော့ အဲလိုပုံစံမျိုးတွေက အများကြီးရှိတယ်။ ကျနော်တို့ အကန့်လေးတွေ အကန့်လေးတွေ ဖြတ်ဖြတ်သွားတာ။ ဒါတွေက ဒါရိုက်တွဲလောင်းလို့မရဘူး။ သူကတံတားဆိုတော့လေ။”

အဲဒါဆို အစ်ကို ပြည်သူတွေမစိုးရိမ်ရအောင် ဘေးအန္တရာယ်ရှိ/မရှိဆိုတဲ့ဟာလေး၊ မရှိတဲ့ အကြောင်းလေးလည်း ပြောပေးပါဦး။
ဘာမှတော့ ပြဿနာမရှိဘူး။ အဲဒါတွေပဲ ခုကျနော်တို့ လိုက်ဖာပေးနေတာ။ အထပ်သားတွေကို အဲဒီထဲက အခုပြန်ထုတ်။ ပထမလူတွေက အဲလိုပေါ့ ပရမ်းပတာ ထုတ်သွားတော့ ဒီကနေဖုန်းနဲ့ရိုက်ပြီး တင်လိုက်တော့ ပက်ကြားအက်ကြီးဖြစ်နေတာ။ ကျနော်တောင်လန့်သွားတယ် သွားတက်ကြည့်တော့ မဟုတ်ဘူး။ အထပ်သားစတွေ အထဲထဲမှာ။”

အစ်ကိုတို့ ဘယ်လိုစသိလဲ အဲဒါကို။
“ဘယ်လိုစသိလဲဆိုတော့ ဒီဖုန်းထဲမှာပေါ်လာတာပေါ့။ ဖေ့စ်ဘွတ်ခ်လိုင်းမှာ ပေါ်လာတော့ ပက်ကြားအက်တယ်တဲ့၊ အင်ဂျင်နီယာတွေက ကျနော့်ကိုပြောတော့ အစ်ကိုမဟုတ်ဘူး သေချာတက်ကြည့်ဆိုတော့ သွားတက်ကြည့်တော့ အထဲထဲမှာ အထပ်သားစတွေ သူတို့က ကုန်အောင်မှမထုတ်တာ။ အပေါ်ယံကို ထွင်းထွင်းပြီးတော့ ကုန်ပြီဆိုပြီးတော့ ပစ်ထားခဲ့တယ်။ တည့်တည့်ထွင်းရင်ရတယ်၊ သူတို့က ဘေးတွေပါ လျှောက်ထွင်းလိုက်တော့ မြန်မြန်ထွက်အောင်ဆိုပြီး လျှောက်လုပ်လိုက်တော့ အောက်ကလှမ်းကြည့်လိုက်ရင် ပက်ကြားအက်ကြီးတွေလို။”

အစ်ကို ဒီတံတားကျတော့ ဘယ်လောက်ကြာသွားပြီလဲ ဆောက်တာ။
“ကျနော်က ရောက်လာတာ ရက်ပိုင်းပဲ ရှိသေးတယ်။”

အစ်ကိုတို့ သိထားတာ အားလုံးဘယ်လောက်ကြာသွားပြီလဲ။ ဒီတံတား အစအဆုံးဆိုရင်။
“မပြောတတ်ဘူး။”
၈ မိုင်ခုံးကျော်တံတားဟာ လာမယ့် ၂၃ ရက်နေ့မှာ တံတားဖွင့်ပွဲပြုလုပ်မှာဖြစ်ပေမယ့် ၁၅ ရက်စောပြီး တံတားပေါ်ကို ကားတွေဖြတ်သန်းခွင့် ပြုလိုက်တာဖြစ်ပါတယ်။
လက်ရှိခုံးကျော်တံတား ၃ ခုဖြစ်တဲ့ ကုက္ကိုင်းခုံးကျော်တံတား၊ ၈ မိုင်ခုံးကျော်တံတားနဲ့ တာမွေခုံးကျော်တံတားတို့ဖြစ်ပြီး ၈ မိုင်ခုံးကျော်တံတားက ၆ စင်းမြောက်ဖွင့်လှစ်မယ့် တံတားလည်း ဖြစ်ပါတယ်။
ဒီတံတားကို ၂၀၁၅ စက်တင်ဘာ ၉ ရက်နေ့က လေလံအောင်ခဲ့တဲ့ Crown ကုမ္ပဏီက ပြည်တွင်း အကြီးတန်း၊ အငယ်တန်း အင်ဂျင်နီယာ အယောက် ၃၀ နဲ့ စတင်ဆောက်လုပ်ခဲ့တာပါ။
တံတားအရှည် စုစုပေါင်း ၆၅၁ မီတာရှိပြီး ၇၅ တန်အထိ ဖြတ်သန်းလို့ရအောင် တည်ဆောက်ထားတယ်လို့ သိရပါတယ်။

DVB TV News



၂၀၁၆ ခုနှစ် မတ် အစောပိုင်းက ရှမ်းပြည်နယ် မြောက်ပိုင်း ကွတ်ခိုင်မြို့နယ်မှာ ဖြစ်ပွားနေတဲ့ တိုက်ပွဲတွေကြောင့် လူ ၁၃၀၀ ခန့် ထပ်မံ နေရပ်ကို စွန့်ခွာထွက်ပြေးရတယ်လို့ ကုလသမဂ္ဂက ထုတ်ပြန်ပါတယ်။

နမ့်ဖတ်ကာရွာမှာ ဒေသခံ ၆၀၀ ကျော်လောက်နဲ့ မိုင်းယုလေးရွာက လူ ၇၀၀ လောက် အိုးအိမ်စွန့်ခွာ ထွက်ပြေးခဲ့ရပြီး ရင်းနှီးတဲ့ မိတ်ဆွေနဲ့ ဘုန်းကြီးကျောင်းတွေမှာ ခိုလှုံနေရတယ်လို့ ကုလသမဂ္ဂက လူသားခြင်းစာနာမှုဆိုင်ရာ ညှိနှိုင်းရေးမှူးရုံးရဲ့ ဒစ်ဂျစ်တယ် ၀န်ဆောင်မှု Relief အင်တာနက်စာမျက်နှာမှာ ရေးပါတယ်။

အရင်လက ကျောက်မဲမှာ ဖြစ်ပွားခဲ့တဲ့ တိုက်ပွဲကြောင့် လူ ၄၂၀၀ လောက် အိုးအိမ်စွန့်ခွာ ထွက်ပြေးခဲ့ရပြီး ၃၀၀၀ လောက်က နေအိမ်ကို ပြန်လည် အခြေချနေထိုင်နေပြီ ဖြစ်ပါတယ်။

ဒါအပြင် နမ့်ခမ်းမြို့နယ်ထဲမှာ လူ ၁၁၀၀ လောက်က အိုးအိမ်စွန့်ခွာ ထွက်ပြေးနေရဆဲ ဖြစ်တယ်လို့ ပြောပါတယ်။

၂၀၁၆ ခုနှစ်အတွင်းမှာ ရှမ်းပြည်နယ် မြောက်ပိုင်းမှာ အစိုးရနဲ့ တအာင်း အမျိုးသား လွတ်မြောက်ရေးတပ်မတော်၊ ရှမ်းပြည်တပ်မတော်တောင်ပိုင်းနဲ့ တအာင်းအမျိုးသား လွတ်မြောက်ရေးတပ်မတော်တို့အကြား ဖြစ်ပွားနေတဲ့ တိုက်ပွဲတွေကြောင့် ဒေသခံထွေ ထောင်ချီပြီး အိုးအိမ်စွန့်ခွာ ထွက်ပြေးနေရပါတယ်။

DVB TV News

ကန်သမ္မတရဲ့ ကျူးဘား ခရီးစဉ် ကျူးဘားကြိုဆို။ (မတ် ၁၇၊ ၂၀၁၆)
ကန်သမ္မတရဲ့ ကျူးဘား ခရီးစဉ် ကျူးဘားကြိုဆို။ (မတ် ၁၇၊ ၂၀၁၆)

အမေရိကန်သမ္မတ ဘရာ့ခ် အိုဘားမားဟာ တနင်္ဂနွေနေ့မှာ ကျူးဘားနိုင်ငံကို သွားရောက်မှာဖြစ်ပြီး အမေရိကန်နိုင်ငံသားတွေ ကျူးဘားနိုင်ငံကို အလည်အပတ် သွားဖို့ ပိုလွယ်ကူ သွားစေမယ့် စည်းကမ်း သတ်မှတ်ချက် ပြုပြင်ပြောင်းလဲရေး အသစ်တွေ ချမှတ်ဖို့ အဆင်သင့်ဖြစ်နေပြီလို့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် Susan Rice ကပြောပါတယ်။

“ပိုပြီးကြီးမားတဲ့ ကုန်သွယ်ရေး၊ ခရီးသွားလာရေးနဲ့ အမေရိကန်နဲ့ ကျူးဘားနိုင်ငံသားတွေအကြား ဆက်ဆံရေးတွေအပါ အ၀င် ထိတွေ့ဆက်ဆံတာဟာ အခွင့်အလန်းတွေကို ဖန်တီးတာမှာ အထောက်အကူဖြစ်စေဖို့နဲ့ ကျူးဘားလူထုအတွက် တိုးတက် မှုဖြစ်လာစေဖို့ အကောင်းဆုံးနည်းလမ်းဖြစ်မယ်လို့ ကျမတို့ ယုံကြည်ပါတယ်။ ဒါကြောင့်လည်း သူ့ခရီးစဉ်ရဲ့ တစိတ်တပိုင်းအနေနဲ့ ကျူးဘားလူထုရဲ့ လိုအင်ဆန္ဒတွေကို ထင်ဟပ်ပြောဆိုမယ့် လူ့အခွင့်အရေးလှုပ်ရှားသူတွေ အပါအ၀င် အရပ်ဖက် လူမှုအဖွဲ့အစည်း တွေကခေါင်းဆောင်တွေ နဲ့ သမ္မတတွေ့ဆုံပါမယ်။” လို့ Susan Rice ကပြောပါတယ်။

သမ္မတအိုဘားမားရဲ့ အခုခရီးစဉ်အပေါ် ကျူးဘားနိုင်ငံနဲ့ ဆက်ဆံရေး ပြန်ကောင်းလာစေမယ့် သမိုင်းဝင် အခွင့်အရေးတခုအဖြစ် အများအပြားက မျှော်လင့်ထားတာပါ။

ကွန်ဂရက်လွှတ်တော်အမတ်တွေကြားမှာ တွန့်ဆုတ်တာတွေ ရှိတဲ့ကြားကပဲ ကွန်မြူနစ် ကျူးဘားနိုင်ငံနဲ့ စီးပွားရေးနဲ့ သံတမန်ရေးဆက်ဆံမှုတွေ ပြန်ထူထောင်ဖို့ သမ္မတအိုဘားမားက တွန်းတွန်းတိုက်တိုက် လုပ်ခဲ့ပါ တယ်။

ဟားဗားနားမြို့ခံ အမျိုးသမီး Ileana Yarza က သမ္မတအိုဘားမား သူ့ရဲ့အိမ်ကိုလာလည်ဖို့ ဖိတ်ကြားတာကို ခရီးစဉ် မစ ခင်မှာကတည်းက သမ္မတအိုဘားမားက လက်ခံထားပါတယ်။

အမေရိကန်ပြည်ထောင်စုကနေ ကျူးဘားနိုင်ငံဆီ နှစ်ပေါင်း ၅၀ ကျော်အတွင်း ပထမဆုံး တိုက်ရိုက် စာအဆက်အသွယ်လုပ်ပြီး သမ္မတက လက်ခံထားတာပါ။

လက်ရှိအမေရိကန်သမ္မတတဦး အနေနဲ့ နှစ်ပေါင်း ၉၀ နီးပါးအတွင်း ကျူးဘားနိုင်ငံပထမဆုံးခရီးစဉ်ဟာ သုံးရက်ကြာမှာဖြစ်ပြီး ကန့်ကွက်နေဆဲ လွှတ်တော် အမတ်တချို့အပါအ၀င် ဒီမိုကရက်နဲ့ ရီပတ်ဘလီကန် ပါတီနှစ်ခုလုံးက လွှတ်တော်အမတ်တွေ အတူလိုက်ပါသွားကြမှာဖြစ်ပါ တယ်။

VOA
http://burmese.voanews.com/content/obama-trip-to-cuba/3243516.html


Apple ရဲ့ iPhone ကို တိုက်ခိုက်နိုင်တဲ့ ပထမဆုံး Malware ဟာ တရုတ်ပြည်ကနေ ထွက်ရှိနေပြီ ဖြစ်ပါတယ်။ Malware အမည်ကတော့ AceDeceiver ဖြစ်ပါတယ်။ ဝင်ပုံဝင်နည်းကတော့ ဒီလိုပါ။ Apple iPhone user အနေနဲ့ မိမိရဲ့ ဖုန်းထဲကို App ထည့်ဖို့အတွက် ကွန်ပြူတာကနေ ထိုးတဲ့အခါ iTunes, App Store တို့ကို တိုက်ရိုက်ဝင်ခြင်းမဟုတ်ပဲ အချို့က Third Party ကနေ ဝင်ပါတယ်။ အသုံးပြုတဲ့ Third Party App တစ်ခုအနေဖြင့် Aisi Helper ဖြစ်ပါတယ်။

ယင်း Software ထည့်ထားတဲ့ PC ကို မိမိရဲ့ အိုင်ဖိုးထိုးလိုက်တာနဲ့ ဖုန်းကို တိုက်ခိုက်ပါပြီ။ ပုံမှန်အားဖြင့်ကတော့ iTunes နဲ့ App Store တို့ဟာ App တစ်ခုခုကို ပေးတော့မယ်ဆိုရင် user ရဲ့ အိုင်ဖုန်းကနေ တိုက်ရိုက် Authorized လုပ်တဲ့ code ကို ရမှ လုပ်ပါတယ်။ Aisis Helper က ထိုးလိုက်တဲ့ အိုင်ဖုန်းရဲ့ code ကို အလိုအလျောက်ယူပြီး App Store ကနေ AceDeceiver ကို download ယူပါတယ်။ ပြီးရင် ဖုန်းထဲကို ထည့်လိုက်ပါတယ်။ App Store အနေနဲ့ကတော့ user ကနေ ဝယ်တယ်။ ယူတယ်လို့ပဲ ထင်ထား သိထားမှာ ဖြစ်ပါတယ်။ ယင်း malware ဝင်ပြီဆိုရင် iPhone ဟာ hacker ရဲ့ လက်ထဲကို ရောက်သွားသလိုဖြစ်ပါလိမ့်မယ်။

Hacker ကနေပြီးတော့ ကြိုက်သလို စီမံထိန်းချုပ်ခွင့် ရသွားမှာ ဖြစ်ပါတယ်။ App Store ကနေ Ace Deceiver ကိုတော့ ဖြတ်လိုက်ပါပြီ။ ဒါပေမယ့် Virus ဟာ ဆက်လက်ပြန့်ပွားနိုင်အုံးမှာ ဖြစ်ကြောင်းဆိုပါတယ်။ အမေရိကန်၊ ဗြိတိန်တို့အထိပါ virus ဟာ ရောက်ရှိ နိုင်အောင် သတိပေးထား ပါတယ်။

.Ref: dailymail

အောင်ခမ်း (MMAS)
http://www.myanmarmobileapp.com/2016/03/18/apple-iphone-attack/


ယခုအခါ နိူင်ငံတော် သမ္မတ အဖြစ် ရွေးချယ်ခံထားရတဲ့ ကျောင်းအမည် ပီတာဝဏ် ခေါ် ဦးထင်ကျော်ရဲ့ ဇနီး ဒေါ်စုစုလွင်က ပြည်သူ့လွှတ်တော် နိူင်ငံခြား ဆက်ဆံရေး ကော်မီတီ ဥက္ကဌ ရာထူး နဲ့ အတူ First Lady ရာထူးပါ ပူးတွဲ တာဝန်ယူရတော့မှာ ဖြစ်ပါတယ်။

အသက် ၆၃ နှစ်ရှိပြီ ဖြစ်တဲ့ ဒေါ်စုစုလွင်သည် NLD ကို ထူထောင်ရာမှာ ပါဝင်ခဲ့တဲ့ ဦးလွင်ရဲ့ သမီး ဖြစ်ပြီး ငယ်စဉ် ကလေးဘ၀ကို ဖခင် စစ်သံမှုးအဖြစ် တာဝန်ကျတဲ့ အမေရိကန် ပြည်ထောင်စုမှာ ကုန်ဆုံးခဲ့သူ ဖြစ်ပါတယ်။ ရန်ကုန် ၀ိဇ္ဖာ သိပ္ပံ တက္ကသိုလ်မှ အင်္ဂလိပ်စာ အဓိက မဟာဝိဇ္ဖာ ဘွဲ့ နဲ့ ကျောင်းပြီးခဲ့ပြီး သြစတေသျှ ဆစ်ဒနီ တက္ကသိုလ်မှ ဘွဲ့လွန်ဒီပလိုမာ ရရှိခဲ့သူ လည်း ဖြစ်ပါတယ်။ မြန်မာနိူင်ငံ ပညာရေး သုတေသန အဖွဲ့မှာ ၁၀ နှစ်ကျော် တာဝန်ထမ်းဆောင်ခဲ့ဘူးပါတယ်။

ဒီအတွက် ဖိနှိပ်အုပ်ချုပ်မှုများကို အလူးအလဲ ရုန်းကန် တိုက်ပွဲဝင်နေရတဲ့ အမျိုးသား ဒီမိုကရေစီ အဖွဲ့ချုပ် လူငယ်များကို အင်္ဂလိပ်စာ သင်ကြားပေးဘို့ ဒေါ်အောင်ဆန်းစုကြည်က ကမ်းလှမ်းခဲ့ရာမှတဆင့် ဒေါ်အောင်ဆန်းစုကြည်နဲ့ စတင် ရင်းနှီးကျွမ်းဝင်လာခဲ့ရတာ ဖြစ်ပါတယ်။

စစ်အစိုးရ ရဲ့ နည်းမျိုးစုံ ညစ်ပါတ်မှုတွေကို ခါးစီးခံခဲ့ရတဲ့ မိသားစု ၀င်လည်း ဖြစ်ပါတယ်။ ခင်ပွန်း ဖြစ်သူ ဦးထင်ကျော်က ကမ္ဘာတ၀ှမ်း ဟိုလေးတကျော် ဖြစ်ခဲ့တဲ့ ဒေါ်အောင်ဆန်းစုကြည် မန္တလေးသို့ စီးနင်းလိုက်ပါမယ့် မီးရထားတွဲ ဖြုတ်ထားခံရမှုမှာ သုံးလနီးပါး စွဲချက်တင်ခြင်း မရှိပဲ အင်းစိန်ထောင်မှာ အကျဉ်းကျ ခံခဲ့ရပြီး အစ်ကို ဖြစ်သူအားလည်း ပလက်ဖေါင်းကို ကားနဲ့ ၀င်တိုက်တယ်ဆိုကာ အလုပ်ကြမ်းနဲ့ ထောင် သုံးနှစ် ချခဲ့ပါတယ်။ ဦးလွင်ကတော့ အကျယ်ချုပ် အဖြစ် သုံးကြိမ်တိတိ အကျဉ်းချခံခဲ့ရပါတယ်။

ဒေါ်အောင်ဆန်းစုကြည် အကျယ်ချုပ် ကျခံခဲ့ရပြီးနောက် ၁၉၉၀ မှ ၂၀၀၅ ခုနှစ်အထိ ယူနီဆက်မှာ ဒေါ်တင်မာအောင်နဲ့အတူ တာဝန်ထမ်းဆောင်ရင်း အထူး ရင်းနှီးလာခဲ့ပါတယ်။

၂၀၀၆ မှ ဟံသာ ပညာရေး အဖွဲ့ကို ထူထောင်ခဲ့ပြီး သံဃာတော်များနဲ့ အတူ ဘုန်းကြီးကျောင်း ပညာရေး တိုးတက်မြင့်မားဘို့ နဲ့ ကလေးသူငယ်များ စောင့်ရှောက်ရေး အလုပ်တွေကို စစ်ကိုင်းတိုင်း နဲ့ ရခိုင်ပြည်နယ်တွေမှာ အဓိက ထား ပြုလုပ်ခဲ့ပါတယ်။

ယူနီဆက်မှာ အလုပ်လုပ်ခဲ့တဲ့အတွက် နိူင်ငံရေးနဲ့ ပါတ်သက်မှု ခွင့်မပြုတာကြောင့် ၂၀၁၂ ခုနှစ် ကြားဖြတ် ရွေးကောက်ပွဲ မတိုင်မှီ ကမှ အမျိုးသား ဒီမိုကရေစီ အဖွဲ့ချုပ်ရဲ့ ပါတီဝင် ဖြစ်လာခဲ့ပြီး ကြားဖြတ်ရွေးကောက်ပွဲမှာ သုံးခွမြို့နယ်မှ ၀င်ရောက် ယှဉ်ပြိုင်ရာမှာ အရွေးခံခဲ့ရပါတယ်။

သူရဲ့ ပညာအရည်အချင်း နဲ့ ထူးချွန်ထက်မြက်မှုတွေကြောင့် မြန်မာပြည်ရဲ့ ဟီလာရီ လို့တောင် တင်စားမှုတွေ ရှိနေပါတယ်။

အသက် ၂၁ နှစ်အရွယ် ၁၉၇၃ မှာ ဦးထင်ကျော် နဲ့ အိမ်ထောင်ကျခဲ့ပါတယ်၊ နောက်ပိုင်း ဆရာကြီး မင်းသုဝဏ် ရဲ့ ကဗျာ အတော်များများကို အင်္ဂလိပ်ဘာသာ ပြန်ဆိုခဲ့ဘူးပြီး သတ်သတ်လွတ် စားသူလို့လည်း သိရပါတယ်။

သောကြာနေ့ထုတ် မြန်မာတိုင်းမ် သတင်းစာ အင်တာဗျူးမှာ အစိုးရရဲ့ ဦးစားပေး အစီအစဉ်တွင် လူတိုင်းပါဝင် သင်ကြားနိူင်မယ့် ပညာရေးစနစ် ဖေါ်ဆောင်ဘို့ က ထိတ်ဆုံးမှာ ရှိနေပြီး မူလတန်း အဆင်ကနေ ပြောင်းလဲသွားမှာ ဖြစ်ကာ အလွတ်ကျက် ဖြေ ပညာရေး ပုံစံ လုံးဝ ရှိတော့မှာ မဟုတ်လို့ ပြောကြားခဲ့ပါတယ်။

ဆရာ ဆရာမတွေရဲ့ သင်ကြားမှု စွမ်းရည်တွေကို မူလတန်းမှသည် တက္ကသိုလ်အဆင့်အထိ မြင့်မားအောင် ဆောင်ရွက်သွားမှာ ဖြစ်ပြီး နိူင်ငံတကာ အထောက်အပံ့များနဲ့ အတူ အစိုးရ ဘတ်ဂျက်ကိုလည်း ဒီအတွက် ထိထိရောက်ရောက် တိုးမြှင့် သုံးစွဲသွားမယ်လို့လည်း ပြောကြားခဲ့တာကို တင်ပြလိုက်ပါတယ်။

ကိုးကား၊ ၊ Irrawaddy/ Myanmar Time/ PIE (Professional in International Education)

HSW
BrainWave ဉာဏ်လှိုင်း

 မြန်မာနိုင်ငံလူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Yanghee Lee။
မြန်မာနိုင်ငံလူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Yanghee Lee။

မြန်မာနိုင်ငံဟာ မကြာသေးခင်နှစ်တွေနဲ့ ယှဉ်ရင် အတော်ကိုပြောင်းလဲ လာတဲ့ နိုင်ငံတနိုင်ငံ ဖြစ်လာနေပေမဲ့ နက်နက်ရှိုင်းရှိုင်း ဖြစ်ပွားနေတဲ့ လူ့အခွင့်အရေးဆိုင်ရာပြဿနာတွေကိုတော့ အရေးတကြီးပဲ ဖြေရှင်းဖို့ လိုနေသေးတယ်လို့ မြန်မာနိုင်ငံလူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Yanghee Lee ကသတိပေးပါတယ်။

၂၀၁၅ နိုဝင်ဘာလ ရွေးကောက်ပွဲဟာ မြန်မာနိုင်ငံအတွက် အပြောင်းအလဲကာလလို့ ကုလသမဂ္ဂ လူ့အခွင့်အရေးကောင်စီကို တင်သွင်းတဲ့ ဒုတိယ အစီရင်ခံစာ မှာ ဖေါ်ပြထားပါတယ်။ ဒါအပြင် မြန်မာနိုင်ငံတွင်း ဖြစ်ပွားနေတဲ့ လူ့အခွင့်အရေးပြဿနာတွေနဲ့ ပါတ်သက်ပြီး ပြည်သူတွေရဲ့ တင်ပြချက်တွေကို အစိုးရသစ်အဖွဲ့က ခိုင်ခိုင်မာမာလုပ်ဆောင်ဖို့လည်း မစ္စ Yanghee Lee က တိုက်တွန်းထားပါတယ်။

ဒါပေမဲ့လည်း လွှတ်တော်ထဲမှာ အမတ်နေရာ (၂၅%)ကို စစ်တပ်က ရယူထားတာမို့ ဖွဲ့စည်းပုံအခြေခံဥပဒေပြင်ဆင်ရေးဟာ မလွယ်လှသလို လက်ရှိဖွဲ့စည်းပုံ အနေအထားအရ အစိုးရသစ်အနေနဲ့ ကိုင်တွယ်လုပ်ဆောင်ရာမှာ ခက်ခဲမှုတော့ရှိနိုင်တယ်လို့ဆိုပါတယ်။

ဒါ့အပြင် လူ့အခွင့်အရေးအခြေအနေတိုးတက်စေဖို့အတွက် လိုအပ်တဲ့ အဓိကဌာနကြီးတွေဖြစ်တဲ့ ပြည်ထဲရေး၊ နယ်စပ်ရေးရာနဲ့ ကာကွယ်ရေးဝန်ကြီးဌာနကြီး (၃)ခုအတွက် တာဝန်ယူမယ့်ဝန်ကြီးတွေကို စစ်ဦးစီးချုပ်က ခန့်အပ်ရမှာ ဖြစ်နေတယ်လို့ပြောပါတယ်။

လက်ရှိသမ္မတ ဦးသိန်းစိန်အနေနဲ့လည်း သူ့တာဝန်တွေ လွှဲပြောင်း မပေးခင်မှာ မြန်မာနိုင်ငံအကျဉ်းထောင်တွေထဲက နိုင်ငံရေးအကျဉ်းသားအားလုံးကို လွှတ်ပေးဖို့ ဒီအထဲမှာ ကျောင်းသားတွေ၊ မြေယာသိမ်းဆည်းမှုအတွက် တက်ကြွလှုပ်ရှားသူတွေနဲ့ လူ့အခွင့်အရေး ရှေ့နေတွေ၊ လှုပ်ရှားသူတွေပါဝင်ပြီး သူတို့အပေါ် စွဲချက်တင်ထားတာတွေ အားလုံးကို ဖယ်ရှားပေးဖို့ပါ တာင်းဆိုခဲ့ပါတယ်။

VOA
http://burmese.voanews.com/content/un-says-human-rights-challenges-must-be-tackled-in-myanmar-new-era/3244810.html

 ပြိုင်ဘက် ရဲ့ လည်ပင်းကို အောင်လ က ပိုင်ပိုင် နိုင်နိုင် ချုပ် မိသွား လို့ မိုဟာမက် အလီ က အရှုံး ပေးကြောင်း အချက် ပြ ခဲ့ ရ။
မြန်မာ နိုင်ငံမှာ ပထမဆုံး အကြိမ် ကျင်းပတဲ့ MMA one championship ကိုယ်ခံပညာ ပေါင်းစုံ အတိုက် အခိုက် ပြိုင်ပွဲမှာ Burma Python လို့ ခေါ်တဲ့ အောင်လ အဲန်ဆန် က ပြိုင်ဘက် အီဂျစ် နိုင်ငံသား မိုဟာမက် အလီကို ပထမ အချီမှာပဲ အနိုင် ရရှိခဲ့ပါတယ်။

ပွဲစပြီး ၂ မိနစ် ကျော် မှာ အောင်လ ရဲ့ ကန်ချက် ပြိုင်ဘက် ကစားသမား မိုဟာမက် အလီ ရဲ့ ဗိုက်ကို ထိပြီး၊ အဲဒီ့ ခြေ ထောက်ကို ချုပ်ကိုင် ဖို့ ကြိုးစားတဲ့ ပြိုင်ဘက် ရဲ့ လည်ပင်းကို အောင်လ က ပိုင်ပိုင် နိုင်နိုင် ချုပ် မိသွား လို့ မိုဟာမက် အလီ က အရှုံး ပေးကြောင်း အချက် ပြ ခဲ့ ရပါတယ်။

သုဝဏ္ဏ အားကစားရုံမှာ ကျင်းပခဲ့တဲ့ အဲဒီ့ ပွဲမှာ အီဂျစ် ကစားသမား ဟာ လူကောင်လည်းကြီး သလို ပွဲအစ မှာ ဇွတ် အတင်းဝင် ပြီး လက်သီးပြင်းပြင်း တွေ နဲ့ ဖိထိုး ခဲ့ ပါတယ်။

မိုဟာမက် အလီ ရဲ့ လက်သီး အား ပြင်းတယ် ဆိုတာ သိထားတဲ့ အတွက် ကြိုတင် ပြင်ဆင် လေ့ကျင့်မှု တွေ ပြုလုပ် ထားတယ် ဆိုပြီး ကချင် တိုင်းရင်းသား အောင်လ က ပွဲအပြီး မှာ ဘီဘီစီ ကို ပြောပါတယ်။

ပွဲ တိုင်းမှာ နိုင်ကို နိုင်ရမယ် ဆိုတဲ့ ဖိအားမျိုး ရှိ ပေမယ့် စိတ်ကို အေးဆေး တည်ငြိမ် စွာ ထားနိုင် ဖို့ က အရေးကြီးဆုံး ဖြစ်တယ်လို့ လည်း အမေရိကန် နိုင်ငံ မှာ ဗမာ့ စပါးကြီး ဆိုပြီး နာမည် တစ်လုံး ထူထောင် နိုင် ပြီ ဖြစ်တဲ့ အောင်လ က ဆိုပါတယ်။

သူ့ ရဲ့ အနိုင်ပွဲဟာ ပရိတ်သား အားလုံး အတွက် ဖြစ်တယ် လို့ အောင်လ က ပြောပြီး သူ့ရဲ့ အနိုင်ငွေ ထဲက တချို့ကို ကချင် ပြည်နယ် ထဲက စစ်ဘေးရှောင် ဒုက္ခသည် တွေ အတွက် လှူဒါန်း သွားမယ်လို့ ဆိုပါတယ်။

BBC Burmese
http://www.bbc.com/burmese

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ မြန်မာနိုင်ငံဆိုင်ရာ မြောက်ကိုရီးယား သံအမတ်ကြီး Kim Sok Chol တွေ့ဆုံဆွေးနွေး။ (သတင်းဓာတ်ပုံ-ပြန်ကြားရေးဝန်ကြီးဌာန)
မြန်မာနိုင်ငံမှာ မကြာခင် တက်လာတော့မယ့် NLD အမျိုးသား ဒီမိုကရေစီ အဖွဲ့ချုပ် ဦးဆောင်တဲ့ အရပ်သားအစိုးရသစ် လက်ထက်ကျရင် မြန်မာနိုင် ငံနဲ့ မြောက်ကိုရီးယားနိုင်ငံ အကြား ဆက်ဆံရေးဟာ အရင်လို စစ်ဘက်ဆက်ဆံရေး ဆက်လက် ရှိနိုင်တော့မှာ မဟုတ်ဘူးလို့ အကဲခတ်တွေက သုံးသပ်လိုက်ကြ ပါတယ်။ အမေရိကန်အစိုးရရဲ့ ဒီလထဲ အသစ်ချမှတ်လိုက်တဲ့ အရေးယူဒဏ်ခတ်မှု စာရင်းမှာ ပါဝင်ခဲ့တဲ့ မြန်မာနိုင်ငံဆိုင်ရာ မြောက်ကိုရီးယားသံအမတ်ကြီး ရဲ့ နေရာမှာ ဗုဒ္ဓဟူးနေ့က အသစ်အစားထိုး ခန့်အပ်လိုက်တယ်ဆိုတဲ့ သတင်းထွက်ခဲ့ပြီးတဲ့နောက် အခုလို သုံးသပ်ခဲ့ကြ တာလည်း ဖြစ်ပါတယ်။ အသေးစိတ်ကိုတော့ မနန္ဒာချမ်း က ဆက်ပြောပြပါမယ်။

မြောက်ကိုရီးယားနိုင်ငံကနေ နျူကလီးယားစမ်းသပ်မှုတွေ လုပ်ဆောင်ခဲ့တဲ့အတွက် အမေရိကန်နဲ့ တောင်ကိုရီးယား နိုင်ငံတို့ကနေ မြောက်ကိုရီးယား အပေါ် ဒဏ်ခတ် ပိတ်ဆို့မှု အသစ်တွေ မတ်လထဲမှာ ချမှတ်ခဲ့တာပါ။ အဲ့ဒီ့ဒဏ်ခတ်ပိတ်ဆို့မှု အသစ်ထဲမှာ - မြန်မာနိုင်ငံဆိုင်ရာ မြောက်ကိုရီးယား သံအမတ်ကြီး Kim Sok Chol လည်း ပါဝင်ခဲ့ပြီး၊ သူ့ကို - မြောက်ကိုရီးယားရဲ့ လက်နက်ကုန်သွယ်မှုမှာ ပါဝင်ပတ်သက်ခဲ့မှုအတွက် အရေးယူခဲ့တာဖြစ်တယ်လို့ - မြောက်ကိုရီးယားနဲ့ ပတ်သက်တဲ့ သတင်းတွေကို အဓိကထား ရေးသားတဲ့ NK News မှာ ဖော်ပြထားတာပါ။

သံအမတ်ကြီး Kim Sok Chol ဟာ ဆိုရင် အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက် - မြောက်ကိုရီးယားနဲ့မြန်မာ နှစ်နိုင်ငံအကြား သံတမန်ဆက်ဆံရေး ပြန်စတင်ချိန် ၂၀၀၇ ခုနှစ်ကစလို့ - မြန်မာနိုင်ငံဆိုင်ရာ ပထမဆုံး မြောက်ကိုရီးယား သံအမတ်ကြီးအဖြစ် ခန့်အပ်ခံခဲ့ ရသူ ဖြစ်တာကြောင့် မြန်မာနိုင်ငံမှာ သံအမတ်ကြီးတဦးအနေနဲ့ ၉ နှစ်နီးပါးကြာ အချိန်အကြာဆုံး တာဝန်ထမ်းဆောင်ခဲ့သူလည်း ဖြစ်ပါတယ်။ ဒါနဲ့ ပတ်သက်ပြီး စစ်ထောက်လှမ်းရေးဟောင်း ဗိုလ်မှူးဟောင်း အောင်လင်းထွဋ် က -

“၂၀၀၇ ခုနှစ်လောက်ကစပြီးတော့မှ မြောက်ကိုရီးယားနဲ့ ဗမာနဲ့ သံတမန် ဆက်သွယ်ခဲ့ပါတယ်။ ၂၀၀၈ ခုနှစ်မှာ အဲဒီအချိန်တုန်းက ဗိုလ်ချုပ်ကြီး သူရရွှေမန်းနဲ့အဖွဲ့ မြောက်ကိုရီးယားကို သွားပြီးတော့မှ လည်တာပတ်တာရှိခဲ့တယ်။ သဘောတူညီချက်စာချုပ်တွေလည်း အများအပြား ချုပ်ဆိုခဲ့တာရှိပါ တယ်။ အဲဒီအချိန် အဲဒီအခါကတည်းက မြောက်ကိုရီးယားသံအမတ်ကြီးသည် မြောက်ကိုရီးယားနဲ့ မြန်မာနဲ့ စစ်လက်နက်ပစ္စည်း ထုတ်လုပ်ရေးမှာရော၊ စစ်လက်နက် ပစ္စည်း ရောင်းဝယ်ရေးမှာရော ထဲထဲဝင်ဝင် ပါခဲ့တဲ့ ပုဂ္ဂိုလ် တယောက်ဖြစ်ပါတယ်။ ဒီ့အပြင် ပုံမှန်သံတမန်ထုံးစံအရ မှန်ပါတယ်။

၃ နှစ်ကနေ ၅ နှစ်အတွင်းလောက်တော့ သံအမတ်တွေကို ထားလေ့ထားထ ရှိပေမဲ့ သူ့ကို တောက်လျှောက် ကနေ့အထိပေါ့လေ ထားခဲ့တဲ့ကိစ္စက သံတမန်အရေ ခြုံပြီးတော့ပေါ့လေ မြောက်ကိုရီးယားနဲ့ မြန်မာတပ်မတော်တို့ ပူးပေါင်းလုပ်နေတဲ့ လက်နက်ဆိုင်ရာကိစ္စတွေ ရှိသလို၊ ငွေပေးငွေယူကိစ္စတွေမှာလည်း သံတမန်အရေခြုံပြီးတော့မှ လွှဲတာပြောင်းတာ၊ လုပ်တာကိုင်တာတွေ ဒီအတိုင်းပဲ လွှဲနေကြနည်းလမ်းတွေ ရှိပါတယ်။

အခုအချိန်ခါမှာတော့ မြောက်ကိုရီးယား သံအမတ်ကြီးကို လဲပြီဆိုတဲ့ ဥစ္စာဟာ အခုလက်ရှိ သမ္မတကြီး ဦးထင်ကျော် တက်လာတဲ့အချိန်ကျရင် ဘာပဲဖြစ်ဖြစ် သမ္မတဖြစ်တဲ့ အတွက်ကြောင့်မို့ မြောက်ကိုရီးယားနိုင်ငံ နဲ့ ဆက်ဆံရေး အခြေအနေတွေကို အရင် အစိုးရက လွှဲပြီးတော့မှ မပေးသွားပေမဲ့ တပ်မတော်က ဆက်စပ်နေတဲ့အတွက်ကြောင့်မို့ ရှင်းပြရမယ့် အနေအထားမျိုးရှိပါတယ်။

သူတို့ ရှင်းမပြချင်တဲ့အခါကျတော့လည်း အခုရှုပ်မှ နောင်ရှင်းပေါ့လေ အဆက်ဖြတ်တဲ့အနေအထားမျိုး ဖြစ်တဲ့အတွက်ကြောင့်မို့ မြန်မာနိုင်ငံဆိုင်ရာ မြောက်ကိုရီးယား သံအမတ်ကြီးကို နေရာလဲတယ်လို့ ကျနော် မြင်ပါတယ် ခင်ဗျ။”

မကြာသေးခင်က ပြဌာန်းလိုက်တဲ့ မြောက်ကိုရီးယားအပေါ် ကုလသမဂ္ဂရဲ့ ဆုံးဖြတ်ချက်ထဲမှာလည်း - အဖွဲ့ဝင်နိုင်ငံတွေအနေနဲ့ မြောက်ကိုရီးယားရဲ့ လက်နက်ကုန်သွယ်မှုမှာ ပါဝင်ပတ်သက်နေသူတွေကို ဖယ်ရှားဖို့ တိုက်တွန်းထားတာပါ။ ၀ါရှင်တန်ဒီစီမှာရှိတဲ့ Georgetown တက္ကသိုလ်က မြန်မာ့အရေး ကျွမ်းကျင်သူ ပါမောက္ခ David Steinberg ကတော့ -

“မြောက်ကိုရီးယားအစိုးရအပေါ် ဒဏ်ခတ်ပိတ်ဆို့မှုတွေ ချမှတ်လိုက် တာကြောင့် မြန်မာနိုင်ငံက ကုလသမဂ္ဂနဲ့ ပူးပေါင်းဆောင်ရွက်ခဲ့တဲ့ သဘောပါပဲ။ မြောက်ကိုရီးယားသံအမတ်ကြီးသစ် အစားထိုးတာကလည်း ရှင်းပါတယ်။ မကြာခင် မြန်မာနိုင်ငံမှာ အစိုးရသစ်တက်လာတော့မှာမို့ - မြောက်ကိုရီးယား အစိုးရက သူတို့ရဲ့ သံအမတ်ကြီးကို - မြန်မာစစ်တပ်နဲ့တင် မကဘဲ - အစိုးရသစ်နဲ့ပါ ဆက်ဆံရေးကို ပိုကောင်းအောင် လုပ်ဆောင်မှုဆိုတာ ရှင်းပါတယ်။

အရင်အစိုးရလက်ထက်တွေတုန်းကလို မြောက်ကိုရီးယားက မြန်မာကို စစ်လက်နက်ရောင်းချနေတာတွေ၊ မြန်မာနိုင်ငံမှာ ဥမင်လှိုဏ်ခေါင်း တူးတာမျိုး တွေလို အဲ့လို ဆက်ဆံရေးကတော့ ဆက်ရှိတော့မှာ မဟုတ်ပါဘူး။”

မြောက်ကိုရီးယားသံအမတ်ကြီး ကင် စွခ် ချို (Kim Sok Chol) ရဲ့နေရာမှာ Jong Ho Bom ကို အစားထိုးခန့်အပ်ဖို့ အဆိုပြုလွှာကို မြန်မာနိုင်ငံခြား ရေးဝန်ကြီးဌာနက လက်ခံ သဘောတူကြောင်းကို ဖေဖော်ဝါရီလ ၂၃ ရက်နေ့ကတည်းက ကြေညာချက် ထုတ်ပြန်ခဲ့ပါတယ်။

ဒါပေမဲ့လည်း အရင် စစ်အစိုးရလက်ထက်နဲ့ သမ္မတဦးသိန်းစိန်လက်ထက်မှာလိုတော့ - ဧပြီလ ၁ ရက်နေ့မှာ အသစ်တက်လာတော့မယ့် NLD ဦးဆောင်တဲ့ အစိုးရသစ်နဲ့ မြောက်ကိုရီးယားနိုင်ငံတို့အကြား ဆက်ဆံရေးဟာ - အရင်ပုံစံမျိုးတော့ ဖြစ်လာမှာ မဟုတ်ဘူးလို့လည်း ဗိုလ်မှူးဟောင်း အောင်လင်းထွဋ် က ဆက် သုံးသပ်ခဲ့ပါတယ်။

“ကျနော့်အမြင် ပြောရရင်တော့ နောက်တက်လာတဲ့ အစိုးရရဲ့ ပွင့်လင်းမြင်သာမှုအပေါ်မှာ မူတည်ပါလိမ့်မယ်။ မြောက်ကိုရီးယားနဲ့ မြန်မာပြည် တခြားနိုင်ငံတွေပေါ့လေ ထိုင်းတို့ ဘာတို့လို သံတမန်ဆက်သွယ်ရေးမျိုးပဲ ရှိကောင်းရှိမယ်။ ကျန်တဲ့ စစ်လက်နက်ပစ္စည်းကိစ္စတွေကိုတော့ သူတို့ ရှင်းရှင်းလင်းလင်း ဖြစ်တယ်ဆိုတဲ့ ဥစ္စာကိုတော့ ကမ္ဘာကို သိအောင် ပြောရလိမ့်မယ်ထင်ပါတယ်။ အရင်ပုံစံမျိုးတို့တော့ မရှိနိုင်တော့ဘူးလို့ ကျနော် ထင်ပါတယ်။”

၁၉၈၃ ခုနှစ် ဦးနေ၀င်းအစိုးရလက်ထက် ရန်ကုန်မြို့ အာဇာနည်ဗိမာန် မှာ တောင်ကိုရီးယားသမ္မတ ချွမ်ဒူးဝမ် ကို ရည်ရွယ်၍ မြောက်ကိုရီးယားက ဗုံးခွဲတိုက်ခိုက်ခဲ့တာကြောင့် အဲ့အချိန်ကစလို့ မြန်မာနိုင်ငံက မြောက်ကိုရီးယားနဲ့ သံတမန်ဆက်ဆံရေး ရပ်ဆိုင်းပစ်ခဲ့ပြီး၊ ၂၀၀၇ ခုနှစ်ကျမှ ပြန်လည် စတင်ခဲ့တာဖြစ်ပါတယ်။

နန္ဒာချမ်း / ဗွီအိုအေ (မြန်မာပိုင်း)
http://burmese.voanews.com/

ပစ်ခတ် မှု တွေ ပေါ်ပေါက် ခဲ့ပြီး Salah Abdeslam ဒဏ်ရာ ရသွားပါတယ်။
ပြီးခဲ့တဲ့ နှစ် ပဲရစ် မြို့တော် တိုက်ခိုက်မှု ရဲ့ အဓိက လက်သည် အဖြစ် ယူဆ ထားတဲ့ Salah Abdeslam ကို ၄ လ အကြာ မှာ အရှင် ဖမ်းဆီး ရမိခဲ့ ပါတယ်။

ဘရပ်ဆဲလ် မြို့တော် ၊ မိုလဲန်ဘိတ်ခ် ဆိုတဲ့ အရပ် မှာ ပြုလုပ် ခဲ့တဲ့ ဘလ်ဂျီယမ် ရဲ တွေ ရဲ့ ဝင်ရောက် စီးနင်း ခဲ့မှု တစ်ခု အတွင်း ဖမ်းမိခဲ့တာ ဖြစ်ပါတယ်။

စီးနင်းကြတုန်း ပစ်ခတ် မှု တွေ ပေါ်ပေါက် ခဲ့ပြီး Salah Abdeslam ဒဏ်ရာ ရသွားပါတယ်။

သူနဲ့ အတူ ကြံရာပါ တွေ လို့ သံသယ ရှိရတဲ့ နောက်ထပ် နှစ်ဦး ကိုလည်း ဖမ်းဆီး ရမိပါတယ်။

အကြမ်းဖက် နှိမ်နှင်းရေး မှာ အင်မတန် အရေးကြီးတဲ့ အောင်မြင်မှု ရခဲ့ နိုင်တာ ဖြစ်တယ် လို့ ဘယ်လ်ဂျီယမ် ဝန်ကြီးချုက် ရှားလ် မီရှဲလ် က ပြောပါတယ်။

ပြင်သစ် သမ္မ ဖရော်န်ဆွာ အိုလော်န့် ကလည်း ဆီးရီးယား နဲ့ ဆက်စပ် နေတဲ့ အကြမ်းဖက် သမားတွေ ရဲ့ ကွန်ရက် ဟာ ဥရောပ တလွှား ကျယ်ကျယ်ပြန့်ပြန့် ရှိနေတယ် လို့ သတိ ပေးပြီး၊ နောက်ထပ် ဖမ်းဆီးမှု တွေ ပြုလုပ် လာနိုင်တယ် လို့လည်း ဆိုပါတယ်။

BBC Burmese
http://www.bbc.com/burmese

 ရွေးချယ်ခံ သမ္မတ ဦးထင်ကျော်တင်ပြတဲ့ ဝန်ကြီးဌာန ၂၁ ခုတင်ပြခဲ့
ရွေးချယ်ခံ သမ္မတ ဦးထင်ကျော်က ပြည်ထောင်စု လွှတ်တော်ကိုတင်ပြတဲ့ အမျိုးသားဒီမိုကရေစီအဖွဲ့ချုပ် အစိုးရသစ်ရဲ့ ဝန်ကြီးဌာန ၂၁ ခုထဲမှာ မထင်မှတ်ထားခဲ့တဲ့ ပြန်ကြားရေးဝန်ကြီးဌာန ပြန်ပါလာခဲ့ပါတယ်။

NLD ပါတီကအရင်က ပြန်ကြားရေးဝန်ကြီးဌာနဟာ မရှိသင့်တော့တဲ့ ဝန်ကြီးဌာနလို့ ပြောဆိုနေခဲ့တာပါ။ အစိုးရရဲ့ မူဝါဒတွေကို ပြည်သူလူထုကို အသိပေးဖို့အတွက် ပြန်ကြားရေးဝန်ကြီးဌာန ဆက်ရှိနေသင့်သေးတယ်လို့ ယူဆတာကြောင့် အခုလို ဆက်ထားခဲ့တာလို့ NLD ပါတီ ရဲ့ပြောရေးဆိုခွင့်ရှိသူဗဟိုအလုပ်အမူ့ဆောင်ဒေါက်တာဇော်မြင့်မောင်က ပြောပါတယ်။

ဖွံ့ဖြိုးပြီးဒီမိုကရေစီနိုင်ငံကြီးတွေမှာ ပြန်ကြားရေးဝန်ကြီးဌာန မရှိကြတော့သလို မြန်မာနိုင်ငံမှာလည်း တချိန်ဖြစ်ကောင်းဖြစ်နိုင်ပေမယ့် လောလောဆယ် ပြည်သူတွေသိအောင် ပြောရ ဆိုရတာတွေရှိနေလို့ အခုလို ဆက်ထားခဲ့တာလို့ ဒေါက်တာဇော်မြင့်မောင်က ပြောခဲ့ပြီး ဝါဒဖြန့်ဖို့ မဟုတ်ဘူးလို့ ဆိုပါတယ်။

နိုင်ငံတကာမြန်မာ့သတင်း BNI ရဲ့ အတိုင်ပင်ခံအယ်ဒီတာ ဦးဇင်လင်းကတော့ အဆင့်ဆင့် အချိန်ယူပြီးမှ ဖျက်သိမ်းလိမ့်မယ်လို့ ယူဆကြောင်းပြောဆိုခဲ့ပြီး NLD အစိုးရသစ်လက်ထက်မှာ အရင် ဦးသိန်းစိန်အစိုးရထက် သတင်းလွတ်လပ်ခွင့် ပိုရလိမ့်မယ်လို့ မျှော်လင့်ကြောင်း ပြောဆိုခဲ့ပါတယ်။

ဒီကနေ့ပြည်ထောင်စုလွှတ်တော်မှာလည်း ဦးထင်ကျော်တင်ပြထားတဲ့ဝန်ကြီးဌာနတွေနဲ့ ပတ်သက်လို့ ထောက်ခံဆွေးနွေးခဲ့ကြပါတယ်။ လာမဲ့တနင်္လာနေ့မှာတော့ ဦးထင်ကျော်က ပြည်ထောင်စုလွှတ်တော်မှာ အခုလို တချို့ဝန်ကြီးဌာနတွေကို လျော့ချပြီး ပေါင်းစပ်ဖွဲ့စည်းရတာနဲ့ ပတ်သက်လို့ လွှတ်တော်ကိုယ်စားလှယ်တွေကို ရှင်းပြပြီး လွှတ်တော်ရဲ့ အဆုံးအဖြတ်ကို ရယူမှာဖြစ်ပါတယ်။

အင်္ဂါနေ့မှာတော့ ဦးထင်ကျော်က ဝန်ကြီးဌာနတွေကို ဦးဆောင်မယ့် ပြည်ထောင်စုဝန်ကြီးတွေရဲ့စာရင်းကို ပြည်ထောင်စုလွှတ်တော်ကိုတင်ပြမှာဖြစ်ပါတယ်။

ဒီစာရင်းကို NLD ဖက်ကတရားဝင်ထုတ်ပြန်ထားတာမရှိသေးပေမယ့် NLD ပါတီထိပ်ပိုင်းခေါင်းဆောင်တစ်ဦးဖြစ်တဲ့ ဦးဝင်းထိန်က အစိုးရအဖွဲ့သစ်မှာ NLD က ၃၀ ရာခိုင်နှုန်းလောက်ပဲ ပါဝင်မှာဖြစ်ပြီး ကျန် ၇၀ ရာခိုင်နှုန်းကတော့ အမျိုးသားပြန်လည်သင့်မြတ်ရေးမူအရ တခြားသောပါတီက ကိုယ်စား လှယ်တွေနဲ့ ပါတီဝင်မဟုတ် တဲ့ပညာရှင်တွေ ပါဝင်လာမယ်လို့ ဒီလအစောပိုင်းက ပြောဆိုခဲ့ပါတယ်။ ဒေါ်အောင်ဆန်းစုကြည်နဲ့ ပါတီထိပ်ပိုင်းခေါင်းဆောင်တွေဟာ အစိုးရအဖွဲ့မှာ တာဝန်ပေးမယ်လူတွေကို ခေါ်ယူတွေဆုံမူတွေ ရှိနေတယ်လို့ ပါတီထိပ်ပိုင်းနဲ့ နီးစပ်သူတွေကပြောပါတယ်။ အတည်မပြုနိုင်တဲ့ သတင်းတွေအရ ပြန်ကြားရေးဝန်ကြီးအဖြစ် မြန်မာနိုင်ငံစာနယ်ဇင်းကောင်စီက ဦးဖေမြင့်၊ အငြိမ်းစားသံအမတ်ကြီးဦးကျော်တင့်ဆွေက နိုင်ငံခြားရေး ဖက်မှာတာဝန်ယူနိုင်တယ်လို့ သိရပါတယ်။

ကျန်းမာရေးဖက်မှာတော့ ကမ္ဘာကျန်းမာရေးအဖွဲ့ WHO မှာတာဝန်ထမ်းဆောင်ခဲ့တဲ့ ဒေါက်တာမြင့်ထွေးကိုတာဝန်ပေးနိုင်တယ်လို့ သတင်းတွေထွက်နေပါတယ်။ NLD ပါတီက ဗဟိုအလုပ်အမှုဆောင် တစ်ဦးနဲ့ လွှတ်တော်ကိုယ်စားလှယ်တွေထဲက ၅ ဦးလောက်သာ ပြည်ထောင်စုဝန်ကြီးနေရာတွေမှာ ပါဝင်နိုင်တယ်လို NLD နဲ့ နီးစပ်တဲ့ သတင်းရပ်ကွက်က ပြောပါတယ်။

သမ္မတရုံးလို နေရာမျိုးမှာတော့အာဏာလွဲပြောင်းရေးအဖွဲ့မှာ ပါဝင်တဲ့ NLD ပါတီ ဗဟိုအလုပ်အမှုဆောင်ဒေါက်တာမျိုးအောင်နဲ့ ပို့ဆောင်ရေးဖက်မှာတော့ ယခင် ပို့ဆောင်ရေး ဝန်ကြီးဌာနမှာ အုပ်ချုပ်မှုဒါရိုက်တာ တာဝန်ထမ်းဆောင်ခဲ့တဲ့ မုံရွာမြိုနယ် ပြည်သူ့လွှတ်တော် ကိုယ်စားလှယ် ဦးသန့်ဇင်မောင်တို့ ပါဝင်လာနိုင်တယ်လို့သတင်းတွေထွက်ပါတယ် လာမဲ့ တနင်္ဂနွေနေ့မှာတော့ ပါတီဗဟို အလုပ်အမှုဆောင် အစည်းအဝေးကို နေပြည်တော်မှာရှိတဲ့ ဒေါ်အောင်ဆန်းစုကြည် နေအိမ်မှာ ပြုလုပ်မှာဖြစ်ပြီး အဲဒီအစည်းအဝေးမှာတော့ အစိုးရအဖွဲ့မှာပါဝင်ယ့်သူတွေကို အပြီးသတ်ရွေးချယ်မှာဖြစ်တယ်လို့ ပါတီထိပ်ပိုင်းခေါင်းဆောင်တစ်ဦးက ဘီဘီစီကိုပြောပါတယ်။

BBC Burmese
http://www.bbc.com/burmese

 လွှတ်တော်ကိုယ်စားလှယ်တွေ နဲ့ ဝန်ထမ်းတွေကို သင်တန်းတွေ ပေးဖို့လည်း စီစဉ် ထားတယ်လို့ အဖွဲ့ အတွင်းရေးမှူးဖြစ်တဲ့ ဦးဇေယျာသော်က ပြော
ဒေါ်အောင်ဆန်းစုကြည် ဥက္ကဋ္ဌ အဖြစ် ဦးဆောင်ပြီး လွှတ်တော် ဖွံ့ဖြိုး တိုးတက်ရေးဆိုင်ရာ ပေါင်းစပ် ညှိနှိုင်းရေး အဖွဲ့ကို မတ်လ ၁ဝ ရက်နေ့က ဖွဲ့စည်းခဲ့ပါတယ်။

အဖွဲ့ ကို ဖွဲ့စည်းရတဲ့ အဓိက ရည်ရွယ်ချက်က လွှတ်တော် ကိုယ်စားလှယ်တွေ ပြီးတော့ လွှတ်တော်ထဲမှာ တာဝန်ထမ်းဆောင်နေတဲ့ လွှတ်တော်ဝန်ထမ်းတွေ အရည်အသွေး မြှင့်တင်ဖို့ အတွက် ဖြစ်ပါတယ်။

လွှတ်တော်ကိုယ်စားလှယ်တွေ နဲ့ ဝန်ထမ်းတွေကို သင်တန်းတွေ ပေးဖို့လည်း စီစဉ် ထားတယ်လို့ အဖွဲ့ အတွင်းရေးမှူးဖြစ်တဲ့ ဦးဇေယျာသော်က ပြောပါတယ်။

လွှတ်တော် က သက်ဆိုင်ရာ ကော်မတီ အလိုက် ဥပဒေရေးရာ သင်တန်းတွေ ပေးနိုင်အောင် လုပ်သွားမယ်လို့ သိရပါတယ်။

ဥပဒေ တစ်ခုကို ဘယ်လိုစိစစ်ရမလဲ၊ ဥပဒေကြမ်းတစ်ခုကို ဘယ်လိုပြုစု ရမလဲ ဆိုတာတွေအပြင် လွှတ်တော်နဲ့ အခြား ဌာနတွေ အပြန်အလှန် ဘယ်လို ထိန်းညှိဆောင်ရွက်မလဲ ဆိုတဲ့ ကိစ္စတွေပါ ဆောင်ရွက်မှာ ဖြစ်ပါတယ်။

လွှတ်တော် ကိုယ်စားလှယ်တွေရဲ့ အရည်အချင်း ကို တိုးတက်အောင် လုပ်ဆောင်ရတာ ဖြစ်တဲ့ အတွက် သက်ဆိုင်ရာ မဲဆန္ဒ နယ်တွေ အတွက်ပါ အကျိုး ရှိစေမှာ ဖြစ်တယ်လို့ ပြောပါတယ်။

မြန်မာနိုင်ငံမှာ လွှတ်တော် အခန်းကဏ္ဍ ကို တိုးချဲ့ လုပ်ကိုင်ရာမှာ ဝန်ထမ်း တွေရဲ့ လုပ်ငန်းတာဝန်တွေ ချောချောမွေ့မွေ့ ဖြစ်ဖို့ အဖွဲ့အနေနဲ့ လုပ်ဆောင်သွားမှာ ဖြစ်ကြောင်း သိရှိရပါတယ်။

BBC Burmese
http://www.bbc.com/burmese/


မတ်လဆိုတော့ “တပ်မတော်နေ့” ရောက်တော့မှာပေါ့။ ယခင်ကတော့ “တော်လှန်ရေး” နေ့လို့ ခေါ် သဗျ။ တော်လှန်မှာကြောက်တဲ့သူတွေကတော့ အာဏာကို သိမ်းပိုက်ထားပြီးမှ လက်မလွှတ်ချင်တာနဲ့ “တော်လှန်ရေး” ဆိုတဲ့ စာလုံးကို မြန်မာ့သမိုင်းမှာ အပြီး ဖျောက်နိုင်အောင်ကြိုးစားခဲ့ကြတယ်ဆိုတာ လည်း မှတ်တမ်းတစ်ခုပဲ။ ဒါကြောင့် အစိုးရသစ်လက်ထက်မှာ နှစ်ပေါင်းများစွာ မတရားစိုးမိုး သိမ်းပိုက်ထားမှုတွေကနေ လွတ်မြောက်တဲ့ အထိမ်းအမှတ်၊ ပြည်သူတွေကို စစ်ဖိနပ်အောက်က ဆွဲထုတ် ပေးနိုင်ခဲ့တဲ့ အထိမ်းအမှတ် “တော်လှန်ရေးနေ့” တစ်ရပ်ကို ပြန်ပြီးတော့ ဖော်ဆောင်ပေးသင့်၊ မပေးသင့် လွှတ်တော်ကိုယ်စားလှယ်သစ်ကြီးတွေ ဆွေးနွေးကြဖို့ အကြံပြုချင်ပါတယ်။

“တော်လှန်ရေး” ဆိုတာဘာလဲ။ တော်လှန်ရေးလို့ ပြောလိုက်တာနဲ့ လက်နက်ကိုင်ပြီး တိုက်ခိုက် တော့မှာပဲလို့ မြင်ရင် အဲဒါ သွေးရူးသွေးတမ်းနဲ့ အာဏာကို မစွန့်လွှတ်ချင်တဲ့ အမြင်လို့ပဲ ပြော ရတော့မှာ။

တော်လှန်ရေးဆိုတာကို နိုင်ငံတော်ဝန်ကြီးချုပ်ဟောင်းဦးနု (၁၉၅၃ ခုနှစ်၊ မတ်လ ၂၇ ရက်နေ့ တော်လှန်ရေးနေ့) မှာ ပြောခဲ့တဲ့ မိန့်ခွန်းဟောင်းလေး တစ်ခုနဲ့ ပြန်ပြီးတော့ ဖော်ကျူးပြချင်ပါတယ်။ ဦးနုက တော်လှန်ရေးဆိုတာကို

“တော်လှန်ရေးဆိုတာ တခြားမဟုတ်ဘူး

- လူ့တိုးတက်မှုတွေနဲ့ ဆန့်ကျင်ဘက်ဖြစ်မယ်ဆိုရင်

- လူတွေရဲ့ ကိုယ်စိတ်နှစ်ဖြာ ချမ်းသာမှုတွေနဲ့ ဆန့်ကျင်ဘက်ဖြစ်မယ်ဆိုရင်

ဒီဆန့်ကျင်ဘက်တွေဟာ

- ဝါဒပဲဖြစ်ဖြစ်

- အကြံအစည်ပဲဖြစ်ဖြစ်

- အတွေးအခေါ်အယူအဆပဲဖြစ်ဖြစ်

- အဖွဲ့အစည်းပဲဖြစ်ဖြစ်

- အစိုးရစက်ယန္တရားကြီးပဲဖြစ်ဖြစ်

ဒီဆန့်ကျင်ဘက်မှန်သမျှကို အမြစ်ကပါ သုတ်သင်ပစ်နိုင်အောင် ကြိုးပမ်းဆောင်ရွက်ခြင်းဖြစ်တယ်” လို့ပြောဖူးပါတယ်။ အဲဒါတော်လှန်ရေးပါ။ ရှင်းအောင် ခွဲခြားဖော်ပြလိုက်တာပါ။

ကျွန်တော်တို့ နိုင်ငံတော်ကြီးရဲ့ တိုးတက်မှု၊ ပြည်သူတွေ ကိုယ်စိတ် ချမ်းသာမှုတွေကို လစ်လျူရှုထား တဲ့သူတွေကို ဆန့်ကျင်ပြီး အောင်ပွဲဆင်နိုင်ခဲ့တာ ဟာ ပြည်သူ့အောင်ပွဲ၊ ပြည်သူ့တော်လှန်ရေးတစ်ခုပါ။ ဒီတော်လှန်ရေးကို ဦးဆောင်ခဲ့တာ ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်ပါ။ မြန်မာ့ နွေဦးတော်လှန်ရေးရဲ့ အလံတော်ကို ဆက်လက်လွှင့်ထူပြီး တိုးတက်မှုဆီကို ခေါ်ဆောင်သွားမယ့် သူကတော့ ပြည်သူ့သမ္မတကြီး ဦးထင်ကျော်ပါ။

ပြည်သူ့အောင်ပွဲအတွက် တော်လှန်ရေးနေ့ကို ကျွန်တော်တို့ ပြန်လည်ဖော်ဆောင် ဂုဏ်ပြုသင့်ပါ ကြောင်း စေတနာကောင်းနဲ့ မောင်းခတ်လိုက်ရပါတယ်။

၁၈.၃.၂၀၁၆
Tin Nyunt


ဒုတိယသမ္မတ ဦးဟင်နရီဗန်ထီးယူနဲ့ ပတ်သတ်ပြီး ဒီရက်ထဲမှာ တစ်ချို့သော သံဃာတော်တွေက ဆန္ဒပြမယ်ဆိုတဲ့ ကိစ္စဟာ အင်မတန်အောက်တန်းကျပြီး ဗုဒ္ဓဘာသာဝင်အားလုံးကို စော်ကားတဲ့ သာသနာတော်ကို ခုတုံးလုပ်တဲ့ ကိစ္စ ဆိုတာ ထင်ရှားပါတယ်။ မိမိတို့နိုင်ငံဟာ တိုင်းရင်းသား လူမျိုးပေါင်းစုံနေထိုင်တဲ့ ရောင်စုံပန်းခင်ကြီးဖြစ်ပါတယ်။

ဒီလိုလုပ်မယ်လို့ ပြောတဲ့ ဘုန်းကြီးတွေဟာ အမျိုးသားရေးဆိုတဲ့ စကားလုံးလှလှတွေ သုံးပြီးတော့ တိုင်းပြည်ကို မငြိမ်မသက်ဖြစ်အောင်၊ ပြည်သူတွေရဲ့ ညီညွတ်မှုကို သွေးခွဲနေကြတာပဲ ဖြစ်ပါတယ်။ မိမိကတော့ ရှင်းပါသည်။ အသုံးမကျတဲ့ တစ်ချို့သော ဘုန်းကြီးတွေကြောင့် အကျင့်သီလနဲ့ပြည်စုံတဲ့ ဆရာတော်ကြီးများရဲ့ ဂုဏ်သိက္ခာ၊ ဗုဒ္ဓဘာသာဝင်တွေရဲ့ ဂုဏ်သိက္ခာတွေ ထိခိုက်နေတာကို စိတ်မကောင်းပါဘူး။

သူတို့အုပ်စုတွေ ဆန္ဒထုတ်ဖော်ခဲ့ကြရင်လည်း ဒါဟာ ဗုဒ္ဓဘာသာဝင် အားလုံးကို ကိုယ်စားမပြုဘူးဆိုတာ ခရစ်ယာန် ဘာသာဝင်ညီအစ်ကိုမောင်နှမအားလုံးကို သိစေချင်ပါတယ်။ အမျိုးသားရေးခေါင်းစဉ်တပ်ပြီး ကျန်တဲ့ ဗုဒ္ဓဘာသာဝင် အားလုံးကို စော်ကား၊ ဘာသာရေးကို ခုတုံးလုပ်ပြီး သူတို့ လုပ်ချင်ရာ လုပ်လို့ရအောင် အာဏာရူးတွေနဲ့ပေါင်းပြီး ယုတ်မာကြမယ့် တိုင်းပြည်ကို အန္တရာယ်ရောက်မည့် ကိစ္စဖြစ်တာကြောင့် အမှန်တရားကို လိုလားကြတဲ့ ဗုဒ္ဓဘာသာဝင်များကလည်း လက်မခံကြဖို့ တိုက်တွန်းပါရစေ။

ဒီမိုကရေစီအစိုးရ ဆိုတာ ပြည်သူ့ဆန္ဒနဲ့အညီ အကောင်အထည်ဖော်ဆောင်ရွက်ရတာ ဖြစ်ပါတယ်။ ပြည်သူက မကြိုက်ရင် ဘာလုပ်ပိုင်ခွင့်မှ မရှိပါဘူး။ အမျိုးသားရေး အမည်ခံဝါဒီတွေ ပြောသလို ဒီမိုကရေစီရရင် တိုင်းပြည်က ဘာသာခြားတွေနဲ့ ကုလားလက်အောက် ရောက်မည်ဆိုတာ မဟုတ်ပါဘူး။ ဒီနေ့မပြောခဲ့ရင် နောင်တအချိန်မှာ သမိုင်းတရားခံ ဖြစ်နိုင်တာကြောင့် အမျိုးသားရေးဆိုတဲ့ စကားလုံးလှလှလေးကြောင့် သမိုင်းတရားခံ မဖြစ်အောင်၊ ပြည်သူ့ပြည်သားများ အနေနဲ့ အမှန်တရားဘက်တော်များ အဖြစ် သမိုင်းရေးထိုးကြပါလို့ တိုက်တွန်းရင်း နိဂုံးချုပ်ပါရစေ။

အရှင်ထာဝရ(နော်ဝေ)
၁၇.၀၃.၂၀၁၆။


ဂျပန်ရဲ့ နိုင်ငံရေးသုံးသပ်ဝေဖန်မှု အစီအစဉ်တခုက

မြန်မာ့နိုင်ငံရေး သရုပ်ဖော်ရုပ်ပြ တစ်ကွက်ပါ။

၁) သင်္ဘောပေါ်မှာက
ဒေါ်အောင်ဆန်းစုကြည်ကို မြင်နိုင်သူ လမ်းပြသူ
သမ္မတကို မာလိန်းမှူးကပ္ပတိန် အဖြစ် သရုပ်ဖော်ထားပါတယ်။

၂) ဒေါ်အောင်ဆန်းစုကြည်ကိုတော့
"သမ္မတကိုကျော်လွန်သော သြဇာသက်ရောက်မှု" လို့ စာနဲ့ထပ် ညွှန်းထားပါသေးတယ်။

၃) မေးခွန်းတွေကတော့
နိုင်ငံခြားရေးဝန်ကြီးက ဘယ်သူဖြစ်မလဲ
သမ္မတရုံးဝန်ကြီးလို စီနီယာဝန်ကြီးက ဘယ်သူဖြစ်မလဲ တဲ့။

၎) ပုံရဲ့ ညာဘက်အောက်အခြမ်းမှာလှေငယ်ပေါ်ကနေ
သင်္ဘောကြီးရဲ့ ဦးတည်ချက်တွေ လွဲအောင်
ကဖျက် ယဖျက် လုပ်နေတာကတော့
မြင်တဲ့အတိုင်းပါပဲ။

၅) သင်္ဘောကြီးပေါ်က ပုဂ္ဂိုလ်တွေကတော့
လှေငယ်ပေါ်က ပုဂ္ဂိုလ်တွေကို အရေးတယူ လုပ်မနေဘဲ
သင်္ဘောကြီးကို မိမိတို့ မျှော်မှန်းရာဆီ
အားသွန်ခုတ်မောင်းဖို့ တက်ကြွနေပုံနဲ့၊

၆) မြန်မာ့အလံရော အဖွဲ့ချုပ်အလံကပါ
လေလမ်းကြောင်းဟာ သင်္ဘောကြီးရဲ့ ဦးတည်ဘက်မှာ
ရှိနေကြောင်းကို ရွက်တိုင်ဖျားမှာ
တညီတညာပြနေပုံ

တို့ကို သရုပ်ဖော်ထားတာ တွေ့ရပါတယ်။
(Credit- Shein KyiThu fb)
Via, Aung Myo Hein

[youtube src="IaejHy-NrFk"/]
မတ်လ ၁၈ ရက်နေ့က သုဝဏ္ဏမိုးလုံလေလုံ အားကစားကွင်းတွင် ယှဉ်ပြိုင်ကစားခဲ့သည့် ကိုယ်ခံပညာပေါင်းစုံ တိုက်ခိုက်ရေးပြိုင်ပွဲ One Championship 40: Union Of Warriors ၏ အဓိကတွဲဆိုင်းဖြစ်သည့် မြန်မာပြည်ဖွား အမေရိကန်သား လက်ဝှေ့သမား အန်ဆန်အောင်လနှင့် အီဂျစ်နိုင်ငံသား လက်ဝှေ့သမား မိုဟာမက်အလီတို့၏ပွဲစဉ်တွင် အန်ဆန်အောင်လက ပထမအချီ ၂ မိနစ် ၃၈ စက္ကန့်တွင် Ground Fight ချုပ်ကွက်ဖြင့် အနိုင်ရရှိခဲ့သည်။

Yoyarlay

ဒေါက်တာဇော်မြင့်မောင်နဲ့ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်။
ဒေါက်တာဇော်မြင့်မောင်နဲ့ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်။

လာမယ့်အစိုးရသစ် လက်ထက်မှာ ပြည်တွင်းငြိမ်းချမ်းရေး လုပ်ငန်းစဉ် ကို ဒေါ်အောင်ဆန်းစုကြည် ဦးဆောင်ပြီး အဓိကဦးစားပေး လုပ်ဆောင် သွားမှာဖြစ်တယ် လို့ အမျိုးသားဒီမိုကရေစီအဖွဲ့ချုပ် (NLD) ပါတီက ပြောကြား လိုက်ပါတယ်။ ဒါ့အပြင် ငြိမ်းချမ်းရေးလုပ်ငန်းစဉ်တွေနဲ့ ပတ်သက်ပြီး လက်ရှိ လုပ်နေတဲ့ မြန်မာငြိမ်းချမ်းရေးစင်တာ (MPC) ကိုလည်း လိုအပ်တဲ့ ပြုပြင်ပြောင်းလဲရေးတွေ လုပ်ဆောင်သွားမယ်လို့ ပြောလိုက်ပါတယ်။ ဒီအကြောင်း နဲ့ ပတ်သက်ပြီး အမျိုးသားဒီမိုကရေစီ အဖွဲ့ချုပ် ရဲ့ ပြောခွင့်ရ ဒေါက်တာဇော်မြင့်မောင်ကို ကိုရန်နိုင်က ဆက်သွယ်မေးမြန်း ထားပါတယ်။

ကိုရန်နိုင်။ ။ အခု အန်ကယ်လ်တို့က အစိုးရသစ်လက်ထက်မှာ ဝန်ကြီးဌာန ၂၁ခုကို လျော့ချဖို့ လုပ်ထားတယ်ဆိုတော့ အရင်က အန်ကယ်လ်တို့ပြောသလိုပဲ အစိုးရသစ်မှာ NLD က ဘယ်လောက်လောက် ပါလာဖို့ရှိလဲ။ ၃၀ ရာခိုင်နှုန်း၊ ၄၀ ရာခိုင်နှုန်းလို့ အရင်တုန်းက ပြောထားတယ်။ အဲ့ဒီ့အတိုင်းပဲ ဖြစ်မလားခင်ဗျ။

ဒေါက်တာဇော်မြင့်မောင်။ ။ အဲ့လောက်ပဲ ဖြစ်ပါလိမ့်မယ်လို့ ထင်ပါတယ်။ နဂိုမှန်းထားတဲ့အတိုင်းပဲ ဖြစ်ပါလိမ့်မယ်။

ကိုရန်နိုင်။ ။ ဟုတ်ကဲ့ အန်ကယ်လ်။ ဒီတတ်သိပညာရှင်တွေထဲကရော ဘယ်လောက်လောက် ပါလာဖို့ရှိပါသလဲခင်ဗျ။

ဒေါက်တာဇော်မြင့်မောင်။ ။ တတ်သိပညာရှင်ထဲကပါလာဖို့က ကျန်တဲ့ဟာတွေလည်း တတ်သိ ပညာရှင်တွေထဲကပဲ ဖြစ်မှာပေါ့ဗျ။ ကျနော်တို့ NLD မဟုတ်တဲ့သူတွေက တတ်သိပညာရှင်တွေ ဖြစ်မှာပေါ့နော်။

ကိုရန်နိုင်။ ။ ဘယ်လောက်လောက်ပါလာနိုင်မလဲခင်ဗျ။

ဒေါက်တာဇော်မြင့်မောင်။ ။ ရာခိုင်နှုန်းကတော့ ကျနော်တို့တွေက တွက်မထားဘူးလေဗျာ။

ကိုရန်နိုင်။ ။ ဘယ်နှစ်နေရာလောက် ရှိမလဲ အန်ကယ်လ်။

ဒေါက်တာဇော်မြင့်မောင်။ ။ အခုကျနော်တို့ ဝန်ကြီး ၂၁နေရာ ဌာနရှိတယ်ဗျာ။ သုံးဌာနကို ဖယ်လိုက်လို့ရှိရင် ကျန်တဲ့ ၁၈ဌာနက အရပ်သားနဲ့ဆိုင်တဲ့ ပို့စ်လေဗျာ။ သုံးခုကတော့ ကာကွယ်ရေးဦးစီးချုပ်က ခန့်ရမှာ။ common senseပေါ့ဗျာ။ ဒါကတော့ ကြေညာတဲ့ စာရင်းထဲမှာပဲ ပါပြီးသားပါပဲ။ ဝန်ကြီးဌာနမှာ ၃၀ရာခိုင်နှုန်းလောက်ယူမယ်ဆိုတော့ ကျန်တာက ဘာပဲပြောပြော Professional တွေလို့ ပြောလို့ရမှာပေါ့။ အကြမ်းဖျင်းအားဖြင့်တော့ ဒီလိုပဲ ပြောလို့ရမှာပေါ့။

ကိုရန်နိုင်။ ။ အရင် သမ္မတဦးသိန်းစိန်လက်ထက်က သူတွေရော ပါလာဖို့ရှိလား။

ဒေါက်တာဇော်မြင့်မောင်။ ။ ဒါတွေက အရမ်းအသေးစိတ်တဲ့ မေးခွန်းပါ။ တခုပဲ Common Sense နဲ့ ပြန်စဉ်းစားကြည့်လိုက်လေ။ ဘာဖြစ်လို့ ကျနော်တို့က လက်ရှိအစိုးရရဲ့လူတွေက ခန့်ရမှာလဲ။

ကိုရန်နိုင်။ ။ ဟုတ်ကဲ့။ ကျနော်က အန်ကယ်လ်တို့ NLD ပါတီက ဒေါ်အောင်ဆန်းစုကြည် ဦးဆောင်ပြီးတော့ အမျိုးသားပြန်လည်သင့်မြတ်ရေး အတွက် လုပ်နေတယ်ဆိုတော့ ဒီဘက်ကရော ပါလာဖို့များ ရှိမလားလို့။

ဒေါက်တာဇော်မြင့်မောင်။ ။ ဟုတ်ပါပြီ အမျိုးသားပြန်လည်သင့်မြတ်ရေးမှာ ဥပမာဆိုရင်တော့ ကြံ့ခိုင်ဖွံ့ဖြိုးရေးက ဦးတီခွန်မြတ်ဆို ကျနော်တို့ ဟိုဟာဖြစ်လိုက်တာပဲလေ။ ကြံ့ခိုင်ဖွံ့ဖြိုးရေးပါတီကပဲ မဟုတ်ဘူးလား။

ကိုရန်နိုင်။ ။ ဟုတ်ကဲ့ နောက်တခုက အန်တီဒေါ်အောင်ဆန်းစုကြည်ရဲ့ အခန်းကဏ္ဍကရော ဘယ်လိုရှိပါသလဲ။ အစိုးရအဖွဲ့ထဲမှာ ပါလာမယ်လို့လည်း သတင်းတွေထွက်နေတယ်။ လွှတ်တော်မှာပဲ ဆက်ရှိသွားမလား။ ဘယ်လိုရှိပါလဲ အန်ကယ်လ်။

ဒေါက်တာဇော်မြင့်မောင်။ ။ အဲ့တာကတော့ မကြာမှီ လာမည်၊ မျှော်ပေါ့ဗျာ။

ကိုရန်နိုင်။ ။ ဟုတ်ကဲ့ အန်ကယ်လ်။ ပြည်တွင်းငြိမ်းချမ်းရေးလုပ်ငန်းစဉ်တွေကိုရော အန်ကယ်လ် NLD အစိုးရအဖွဲ့က ဘယ်လိုများ ဆက်ပြီး လုပ်ဆောင်သွားဖို့ ပြင်ဆင်ထားပါသလဲ။

ဒေါက်တာဇော်မြင့်မောင်။ ။ ကျနော်တို့ မြန်မာနိုင်ငံမှာ ငြိမ်းချမ်းရေး မရလို့ရှိရင် ဒီမိုကရေစီ ဘယ့်နှယ့်လုပ် တည်ဆောက်မလဲ။ ကျနော်တို့ လုပ်မယ့် ဦးစားပေး လုပ်ငန်းထဲ ငြိမ်းချမ်းရေးလုပ်ငန်းစဉ် ပါတာပေါ့ဗျာ။ ဟုတ်ပြီလား။ ကျနော်တို့ အစိုးရဖွဲ့နိုင်ပြီဆိုလို့ရှိရင် ငြိမ်းချမ်းရေးလုပ်ငန်းစဉ် ကို ဒေါ်အောင်ဆန်းစုကြည် ဦးဆောင်ပြီး လုပ်မှာပေါ့။

ကိုရန်နိုင်။ ။ MPC နဲ့ရော ဆက်ပြီးတော့ အဲ့လိုမျိုး လုပ်သွားမှာလား။

ဒေါက်တာဇော်မြင့်မောင်။ ။ အဲ့တာ တရားဝင်ပြောပြီးပြီလေ။ MPC နဲ့ ဒေါ်အောင်ဆန်းစုကြည် တွေ့တုန်းက ဒေါ်အောင်ဆန်းစုကြည်က MPC ရဲ့ လုပ်ရပ်တွေကို အသိအမှတ်ပြုပါတယ် သူတို့လုပ်ခဲ့တဲ့ လုပ်ငန်းစဉ်တွေကို အသိအမှတ်ပြုပါတယ်လို့ ပြောပြီးပြီ။ MPC ကို Reform ပြန်လုပ်မယ် လည်း ပြောပြီးပါပြီ။ အရင်တုန်းကဟာတွေ ပြန်ကြည့်လိုက်လို့ရှိရင် သိမှာပါ။

ကိုရန်နိုင်။ ။ အစိုးရအဖွဲ့စာရင်းက ဘယ်တော့လောက်များ ထွက်လာနိုင်မလဲ အန်ကယ်လ်။

ဒေါက်တာဇော်မြင့်မောင်။ ။ အစိုးရစာရင်းကတော့ ဒီနေ့ကတော့ ဝန်ကြီးဌာနနဲ့ လုပ်ပြီးလို့ရှိရင် အစိုးရအတွက် Cabinet အတွက် နာမည်ကို ကျနော်တို့ တင်ရတော့မှာလေ။ အဲ့ဒီ့ကျလို့ရှိရင် ကျနော်ထင်ပါတယ်။ Coming Week ပေါ့ဗျာနော်။ စနေ၊ တနင်္ဂနွေ ခံသွားပြီဆိုတော့ နောက်တပတ်ဆိုလို့ရှိရင် ကျနော်တို့က အကုန်လာတော့မှာပါ။ ကျနော်တို့ Team က တခုပြီးတခု ပြည်ထောင်စုလွှတ်တော်ကို တင်ရင်းနဲ့ လုပ်ကြမှာပါဗျ။

ကိုရန်နိုင်။ ။ ဟုတ်ကဲ့ ကျေးဇူးတင်ပါတယ်။ ဦးဇော်မြင့်မောင်။

ဒေါက်တာဇော်မြင့်မောင်။ ။ ဟုတ်ကဲ့ ကျနော်ကလည်း ကျေးဇူးတင်ပါတယ်။

အမျိုးသားဒီမိုကရေစီ အဖွဲ့ချုပ် ရဲ့ ပြောခွင့်ရ ဒေါက်တာဇော်မြင့်မောင်ကို ကိုရန်နိုင်က ဆက်သွယ်မေးမြန်း ထားတာပါ။
ရန်နိုင်/VOA http://burmese.voanews.com/content/new-goverment-and-peace-process-/3243623.html

သမ္မတသစ် ဦးထင်ကျော် ပထမဆုံးအကြိမ် ပြည်ထောင်စု လွှတ်တော်ကို တက်ရောက်။ (မတ် ၁၈၊ ၂၀၁၆)
သမ္မတသစ် ဦးထင်ကျော် ပထမဆုံးအကြိမ် ပြည်ထောင်စု လွှတ်တော်ကို တက်ရောက်။ (မတ် ၁၈၊ ၂၀၁၆)

ပြည်ထောင်စုလွှတ်တော်ကနေ ရွေးချယ် တင်မြှောက်လိုက်တဲ့ အရပ်သားသမ္မတသစ် ဦးထင်ကျော်ကနေ အစိုးရဖွဲ့စည်းပုံ လွှတ်တော်ကို အဆိုပြုတင်သွင်းထားရာမှာ၊ ဒီကနေ့ လွှတ်တော်မှာ ဒီအဆိုပြုချက် အပေါ် ဆွေးနွေးခဲ့ကြပါတယ်။ ရွေးချယ်ခံ ထားရတဲ့ သမ္မတ ဦးထင်ကျော်ကိုယ်တိုင်လည်း လွှတ်တော်ကို ပထမဆုံးအကြိမ် တတ်ရောက်နားထောင်ခဲ့ပြီး၊ လာမယ့် တနင်္လာနေ့ကျရင်တော့ လွှတ်တော်မှာ သူ့အဆိုပြုချက် အပေါ် ရှင်းလင်းဆွေးနွေးဖို့ရှိနေပါတယ်။ အဆိုပြုထားတဲ့ အစိုးရသစ် ဖွဲ့စည်းပုံနဲ့ ပတ်သက်လို့ လွှတ်တော်တွင်း ဒီကနေ့ ဆွေးနွေးခဲ့တာတွေကို ဗွီအိုအေ သတင်းထောက် မမေခ သတင်းပေးပို့ထားပါတယ်။
သမ္မတသစ် တက်ရောက်တဲ့ ပြည်ထောင်စုလွှတ်တော်အစည်းအဝေး။ (မတ်လ ၁၈၊ ၂၀၁၆)
သမ္မတသစ် တက်ရောက်တဲ့ ပြည်ထောင်စုလွှတ်တော်အစည်းအဝေး။ (မတ်လ ၁၈၊ ၂၀၁၆)
မနေ့က နိုင်ငံတော်သမ္မတသစ်က လာမယ့် အစိုးရသစ်လက်ထက်မှာ ဝန်ကြီးဌာန ၂၁ခု သာ ထားရှိဖို့ တင်ပြခဲ့တာကို ဒီကနေ့ လွှတ်တော်မှာ ဆွေးနွေးခဲ့တာမှာ လွှတ်တော် ကိုယ်စားလှယ် အများစုက ဒီလို ဝန်ကြီးဌာနတွေ ပေါင်းတာကို ကြိုဆိုကြပါတယ်။ ဒီလိုဆွေးနွေးမှုမှာ လျော့ချပေါင်းစည်းလိုက်တဲ့ ဝန်ကြီးဌာနတွေမှာ ရှိနေတဲ့ ဝန်ထမ်းတွေရဲ့အနာဂတ်ကိုသေချာစွာ တင်ပြပေးဖို့ လွှတ်တော်အမတ် အချို့က တင်ပြခဲ့တာတွေလည်းရှိခဲ့ပါ တယ်။

NLD ပါတီက အမျိုးသားလွှတ်တော်ကိုယ်စားလှယ် ဒေါက်တာအောင်သူကတော့ ဒီလိုဝန်ကြီးဌာနတွေပေါင်းလိုက်တာကြောင့် အသုံးစရိတ်တွေလျော့ချ လာနိုင်တယ်လို့ အခုလို တင်ပြခဲ့ပ်ါတယ်။

" ပေါင်းစပ်ဖွဲ့စည်းတဲ့အတွက် လုပ်ငန်းများကို ဆောင်ရွက်တဲ့နေရာမှာ ထိရောက်ခြင်းနှင့် စွမ်းဆောင်ရည်မြင့်မားခြင်း လုပ်ငန်း အကောင် အထည်ဖော် ဆောင်ရွက်ခြင်း အတွက် ကြာမြင့်တဲ့ အချိန်ကာလ ကို လျှော့ချနိုင်ခြင်း စတဲ့ အကျိုးကျေးဇူးများကို ရရှိမှာဖြစ်ပါတယ်။ လျှော့ချခဲ့တဲ့ ဝန်ကြီးဌာနမှာ ရှိတဲ့ ရာထူးများအတွက် အသုံးပြုနေတဲ့ လစာစရိတ်၊ အဆောင်ယောင်စရိတ်နဲ့ အသုံးစားရိတ် စတာတွေကိုလျှော့ချနိုင်မှာဖြစ်ပြီး ယင်းစရိတ်များကို အများပြည်သူအကျိုးအတွက် ပိုမိုသုံးစွဲနိုင်မှာလည်း ဖြစ်ပါတယ်။ "

ဝန်ကြီးဌာနတွေ လျော့ချတာမှာ လုပ်ငန်းသဘောသက်ဆိုင်ရာဝန်ကြီးဌာနတွေကို တခုထဲပေါင်းစည်းသွားမှာ ဖြစ်တာကြောင့် ဝန်ထမ်းအရေအတွက် မလျော့ချဘူး လို့လည်း NLD ပါတီက ဦးထွန်းထွန်းဟိန်က ပြောဆို ထားပါတယ်။

" ဝန်ထမ်းတွေကို ဖြုတ်ပစ်စရာမရှိပါဘူး။ ဝန်ထမ်းတွေကို ကျနော်တို့ တချို့ ကဏ္ဍမရှိတော့တဲ့ ဟာတွေဆို ကဏ္ဍတွေ ပြောင်းဖို့တော့ လိုမှာပေါ့။ စုပြီးထားမယ် လို့တော့ ကျနော်မကြားဘူး။ ဒါပေမဲ့ ယတိပြတ်ကြီးတော့ ပြောလို့ မရသေးဘူး။"

ဒီလိုဝန်ကြီး ဌာနတွေလျော့လိုက်တဲ့ အတွက် ဌာနတခုချင်းဆီ အလိုက် ထားရှိ ကုန်ကျရတဲ့ ငွေကြေးပိုင်းလည်း အတော်သက်သာသွားမှာပါ။ လက်ရှိမှာ ဝန်ကြီး တဦး လစာ သိန်း ၃၀၊ ဒုဝန်ကြီးတဦး လစာ သိန်း ၂၀ ကို နိုင်ငံ တော်က ပေးနေရပြီး အခြားသော အဆောင်အယောင်တွေဖြစ်တဲ့ အိမ်ကားစတဲ့ အဆောင်အယောင် တွေ အတွက် လည်း နိုင်ငံတော်က ကျခံရတဲ့ စရိတ်တွေရှိပါတယ်။

ဒီစရိတ်တွေအတော်ကိုသက်သာသွားမှာပါ။ လက်ရှိ ထားရှိမယ့် ဝန်ကြီးဌာန ၂၁ခုမှာ ၁၈ခုက သမ္မတသစ် ဦးထင်ကျော်က ခန့်အပ်မှာဖြစ်ပြီး ကျန် ၃ခုဖြစ်တဲ့ ကာကွယ်ရေး၊ နယ်စပ်ရေးရာ ဝန်ကြီးဌာနနဲ့ ပြည်ထဲရေး တို့က ဖွဲ့စည်းပုံ အခြေခံဥပဒေအရ ကာကွယ်ရေး ဦးစီးချုပ်က ခန့်အပ်သွားမှာ ဖြစ်ပါတယ်။ လာမယ့်တနင်္လာနေ့မှာ ဒီလျော့ချ ပေါင်းစည်းလိုက်မှု အပေါ် သမ္မတသစ် ဦးထင်ကျော်က လွှတ်တော်မှာ ရှင်း လင်းသွားမှာ ဖြစ်ပါတယ်။

မေခ/VOA
http://burmese.voanews.com/content/new-president-dicussed-proposal-of-ministries-at-union-hluttaw-/3243599.html

ဂျနီဗာက ကုလသမဂ္ဂ။
ဂျနီဗာက ကုလသမဂ္ဂ။

မြန်မာနိုင်ငံအတွက် လူ့အခွင့်ရေး ကောင်စီရဲ့ လူ့အခွင့်ရေး အခြေအနေ ဆိုင်ရာ UPR ပုံမှန် သုံးသပ်ချက်ရလဒ်တွေကို ဂျနီဗာမှာ ကြာသပတေးနေ့က အတည်ပြုပေးခဲ့ ပါတယ်။ နိုင်ငံတကာက မြန်မာနိုင်ငံအတွက် အကြံပေးချက်တွေထဲက ထက်ဝက်ကျော်ကို မြန်မာနိုင်ငံက လက်ခံခဲ့ပေမယ့် လူနည်းစု လူ့အခွင့်အရေး ဆိုင်ရာ အကြံပေးချက် အတော်များများကို ပယ်ချခဲ့တဲ့ အပေါ် လူ့အခွင့်ရေး အဖွဲ့တွေက ထောက်ပြဝေဖန်ခဲ့ကြပါတယ်။ အပြည့်အစုံကို ဒေါ်ခင်မျိုးသက် က ပြောပြမှာပါ။

ကုလသမဂ္ဂ လူ့အခွင့်အရေးကောင်စီ ရဲ့ ၃၁ကြိမ်မြောက် UPR လုပ်ငန်းစဉ် ပုံမှန်ဆွေးနွေးပွဲကနေ မြန်မာနိုင်ငံနဲ့ပတ်သက်ပြီး UPR ပုံမှန်သုံးသပ်ချက်ရလဒ်တွေကို အတည်ပြုပေးခဲ့တာဖြစ်ပါတယ်။ ကြာသပတေးနေ့ ကျင်းပတဲ့ ဒီဆွေးနွေးပွဲမှာ ၂၀၁၅ နှစ်ကုန်က တင်သွင်းခဲ့တဲ့ အကြံပြုချက်တွေထဲက ထက်ဝက်ကျော်ကို လက်ခံခဲ့ကြောင်း ကုလသမဂ္ဂရဲ့ မြန်မာနိုင်ငံဆိုင်ရာ ကိုယ်စားလှယ် ဦးမောင်ဝေက ပြောကြားခဲ့ပါတယ်။

"ဒုတိယပါတ် UPR လုပ်ငန်းစဉ်မှာ မြန်မာနိုင်ငံ လက်ခံရရှိခဲ့တဲ့ အကြံပေးချက် ၂၈၁ ခုထဲက ၁၆၆ ခုကို မြန်မာက လက်ခံခဲ့ပါတယ်။ အခွင့်သင့်တုန်း မြန်မာနိုင်ငံရဲ့ လက်ရှိ အခြေနေကို ကောင်စီကို တင်ပြချင်ပါတယ်။ လက်ရှိအစိုးရဟာ အစိုးရသစ်ကို မကြာခင်မှာ အာဏာလွှဲပြောင်း ပေးဖို့ လုပ်နေပါတယ်။ သမ္မတ အသစ်ကို လည်း ရွေးချယ်ပြီးပါပြီ။ လက်ရှိ အစိုးရက မြန်မာလူထုအတွက် လူ့အခွင့်အရေး မြှင့်တင်ဖို့ နဲ့ အကာကွယ်ပေးဖို့ အခြေခံ အုတ်မြစ်ကောင်းတွေ ချပေးခဲ့ပါတယ်။ မြန်မာနိုင်ငံဟာ နောက်ပြန်လှည့်ဖို့ အကြောင်း မရှိပါဘူး။”

မြန်မာနိုင်ငံမှာ လူ့အခွင့်အရေးအခြေအနေ တိုးတက်အောင် အတတ်နိုင်ဆုံး လုပ်ဆောင်နေပေမဲ့ လိုအပ်ချက်တွေ ရှိနေသလို စိန်ခေါ်မှုတွေလည်း ရှိနေတယ်လို့ ဆိုပါတယ်။ ဒါကြောင့် နိုင်ငံတကာက ပူးပေါင်းဆောင်ရွက်ဖို့အပြင် အရပ်ဖက်လူမှု လူ့အဖွဲ့အစည်းတွေပါ ပူးပေါင်းပါဝင်ကြဖို့လည်း ဖိတ်ခေါ်ခဲ့တာပါ။

ဒီဆွေးနွေးပွဲမှာ မြန်မာနိုင်ငံရဲ့ အိမ်နီးချင်း တရုတ်နိုင်ငံက မြန်မာနိုင်ငံရဲ့ လူ့အခွင့်အရေး အခြေအနေနဲ့ပတ်သက်ပြီး နိုင်ငံတကာက မျှမျှတတ ကြည့်ကြဖို့ကိုလည်း ပန်ကြားခဲ့ပါတယ်။

"အမျိုးသမီးတွေနဲ့ ကလေးငယ်တွေရဲ့ ရပိုင်ခွင့်တွေနဲ့ ပါတ်သက်ပြီး တရုတ်နိုင်ငံရဲ့ အကြံပြုချက်တွေကို မြန်မာနိုင်ငံက လက်ခံခဲ့တဲ့အတွက် ကျေးဇူးတင်ပါတယ်။ လူ့အခွင့်ရေး ကာကွယ်ရေးနဲ့ မြှင့်တင်ရေးတွေနဲ့ ပါတ်သက်ပြီး နိုင်ငံတကာ အသိုင်းအဝိုင်းက မျှမျှတတ ကြည့်ဖို့ လိုအပ်ကြောင်းနဲ့ လူ့အခွင့်ရေး ကာကွယ်မြှင့်တင်ရေးမှာ ဆက်လက် တိုးတက်အောင် လုပ်ဖို့ တရုတ်နိုင်ငံက အားပေးနေပါတယ်။”

ရုရှားကလည်း မြန်မာနိုင်ငံမှာ ပြုပြင်ပြောင်းလဲရေးတွေနဲ့အတူ နေပြည်တော်အစိုးရက အတိမ်းအစောင်းမခံတဲ့ အရေးကိစ္စ တချို့ကို လက်ခံဆွေးနွေးလာတာအတွက် ကြိုဆိုခဲ့ပါတယ်။ ဂျပန်နိုင်ငံကတော့ လူနည်းစုတွေရဲ့ အခွင့်အရေးတွေကို အထူးအလေးပေးဖို့ တောင်းဆိုခဲ့တာပါ။

"မြန်မာဝန်ကြီးဌာနတွေနဲ့ အဖွဲ့အစည်းတွေရဲ့ UPR လုပ်ငန်းစဉ်မှာ တက်တက်ကြွကြွ ပါဝင်မှုနဲ့ လူ့အခွင့်ရေး တိုးတက်အောင်လုပ်ဖို့ မြန်မာနိုင်ငံရဲ့ သန္နိဋ္ဌာန် ချမှုတွေ အတွက် ဂျပန်နိုင်ငံက ကြိုဆိုပါတယ်။ မြန်မာနိုင်ငံက အကြံပေးချက် ၂၈၁ ခုထဲက ၁၆၆ ခုကို လက်ခံတာအတွက်ရော မြန်မာနိုင်ငံ တွင်း ရွေးကောက်ပွဲ အောင်အောင်မြင်မြင် ကျင်းပပေးတာနဲ့ သိသိသာသာ တိုးတက်မှုတွေ အတွက် ဝမ်းမြောက်ပါတယ်။ ဒါပေမယ့် မြန်မာနိုင်ငံမှာ ချောမွေ့တဲ့ အာဏာလွှဲပြောင်းမှုနဲ့ အတူ လူနည်းစုတွေနဲ့ အထူးသဖြင့် ရခိုင်ပြည်နယ်ထဲက ဘာသာရေး မတူတဲ့ လူနည်းစုတွေ အရေးကို အထူးအလေးထား ဖို့ တောင်းဆိုပါတယ်။"

ဆွေးနွေးပွဲမှာ ကုလသမဂ္ဂအဖွဲ့ဝင် နိုင်ငံတွေအပြင် နိုင်ငံတကာ လူ့အခွင့်အရေး အဖွဲ့တွေနဲ့ မြန်မာနိုင်ငံဆိုင်ရာ လူမှု လူ့အဖွဲ့အစည်းတွေကလည်း လူ့အခွင့်အရေး ဆိုင်ရာ မြန်မာနိုင်ငံရဲ့ လိုအပ်ချက်တွေကို ထောက်ပြပြောဆိုခဲ့ကြတာပါ။ အထူးသဖြင့် မူဆလင်လူနည်းစုတွေနဲ့ ရခိုင်ပြည်နယ်က ရိုဟင်ဂျာတွေနဲ့ပတ်သက်ပြီး အကြံပေးတင်ပြချက်တွေကို လက်မခံခဲ့တဲ့အပေါ်မှာ ပြင်းပြင်း ထန်ထန်ဝေဖန်ခဲ့ကြတာပါ။

ဒီအထဲမှာ Human Rights Watch လူ့အခွင့်အရေးအဖွဲ့ကြီးလည်းပါပါတယ်။

"Human Rights Watch အဖွဲ့ အနေနဲ့ မြန်မာနိုင်ငံရဲ့ ပြီးခဲ့တဲ့ UPR သုံးသပ်မှု ကာလကနေ အခု အချိန်အတွင်း သိသာ ထင်ရှားတဲ့ ပြောင်းလဲမှုတွေ အတွက် ကြိုဆိုပါတယ်။ ဒါပေမယ့် အဓိက စိန်ခေါ်မှုတွေ ကျန်နေဆဲ ဖြစ်ပြီး နောက်ဆုံး အစီရင်ခံစာမှာ တကယ်စစ်မှန်တဲ့ တိုးတက်မှုတွေ တွေ့ချင်ပါတယ်။ ဒေသ ရဲတပ်ဖွဲ့တွေဟာ ဗဟို အစိုးရရဲ့ ကြီးကြပ်မှု အောက်မှာ ရှိမနေတာ မျိုးပါ။ စစ်တပ်က ရေးဆွဲထားတဲ့ ဖွဲ့စည်းပုံ အခြေခံ ဥပဒေအရ လက်နက်ကိုင် တပ်ဖွဲ့တွေကို ပြည်ထဲရေးနဲ့ နယ်စပ်လုံခြုံရေး ဝန်ကြီးဌာနတွေကနေ ကိုင်တွယ်နေတာမျိုး ဖြစ်ပါတယ်။ တရားရေးဌာနကလည်း အခုထိ အဂတိ လိုက်စားမှုတွေ ရှိနေပါတယ်။”

ဒါ့အပြင် မြန်မာနိုင်ငံမှာ နိုင်ငံရေး အကျဉ်းသားတွေ ရာနဲ့ချီပြီး ရှိနေတာ၊ နိုင်ငံရေး တက်ကြွလှုပ်ရှားသူ ၄၀၀ လောက် ရာဇဝတ်ပြစ်မှုတွေနဲ့ တရားရင်ဆိုင်နေရတာ၊ လက်နက်ကိုင် အဖွဲ့ ၈ ဖွဲ့နဲ့ အပစ်ရပ်စာချုပ် ချုပ်ဆိုနိုင်ပေမယ့် အခုထိ တိုက်ပွဲတွေ ဖြစ်ပွါးနေတာနဲ့ တိုက်ပွဲဖြစ်ပွါးတဲ့ ဒေသတွေမှာ ဒေသခံတွေ လူ့အခွင့်ရေး အချိုးဖေါက်ခံနေရတာတွေကိုပါ ထောက်ပြဝေဖန်ခဲ့ကြတာ ဖြစ်ပါတယ်။

ဒေါ်ခင်မျိုးသက်/VOA
http://burmese.voanews.com/content/un-hr-council-adopted-the-outcome-of-the-universal-periodic-review/3243158.html

pharkant-machin-620.jpg
ကချင်ပြည်နယ် ဖားကန့်ဒေသ ကျောက်စိမ်းလုပ်ကွက်တွေမှာ အသုံးပြုနေတဲ့ စက်ယန္တရားတွေကို တွေ့ရစဉ်
Photo: Kyaw Myo Min/RFA


ကချင်ပြည်နယ်၊ ဖားကန့်ကျောက်စိမ်းတွင်းဒေသမှာ ကျောက်မျက်တူးဖော်နေတဲ့ ကုမ္ပဏီတွေကို ထိန်းချုပ်ပေးဖို့ နဲ့ ကျောက်မျက်အလွန်အကျွံ တူးဖော်မှုကြောင့် ဖြစ်ပေါ်လာတဲ့ ဒေသခံတွေရဲ့ နစ်နာမှုတွေကို ဖြေရှင်းပေးဖို့ အရပ်ဘက်အဖွဲ့အစည်း ၁၀ ဖွဲ့က အစိုးရသစ်ထံ တောင်းဆိုသွားဖို့ ဆွေးနွေးနေကြပါတယ်။

ဖားကန့်မြို့နယ်၊ မရှီကထောင်ဘုရားကျောင်းမှာ ဖားကန့်ဒေသ သယံဇာတ တူးဖော်မှုဆိုင်ရာ မူဝါဒအထောက် အကူပြု ဆွေးနွေးပွဲကို ကျင်းပနေတာဖြစ်ပါတယ်။ ရရှိလာတဲ့အချက်အလက်တွေကို အစိုးရသစ်ထံ တင်ပြတောင်း ဆိုသွားမှာဖြစ်တယ်လို့ ဆွေးနွေးပွဲတက်ရောက်နေတဲ့ ကချင်အမျိုးသား လူမှုဖွံ့ဖြိုးတိုးတက်ရေးအဖွဲ့ ဥက္ကဌ ဦးလတောင်က ပြောပါတယ်။

"အဓိကဆွေးနွေးတာက ကျနော်တို့ဒေသမှာ ထုတ်ယူသုံးစွဲနေတဲ့ ကုမ္ပဏီတွေရဲ့ ကျော်မျက်ရတနာ တူးဖော် မှု နောက်ဆက်တွဲ ပြဿနာတွေကို ဖြေရှင်းနိုင်ဖို့အတွက် နည်းလမ်းသစ်တွေ ဘယ်လိုပေးနိုင်မလဲဆိုတာကို ဝိုင်းဝန်းဆွေးနွေးနေတာဖြစ်ပါတယ်"

ဖားကန့်ဒေသမှာ အကြီးစားစက်ယန္တရားတွေ အသုံးပြုပြီး ကျောက်မျက်တူးဖော်နေတာကြောင့် မြေသားတွေ အက်ကွဲလာတဲ့အတွက် ဒေသခံတွေဟာ စိုးရိမ်ထိတ်လန့်နေကြကြောင်း၊ ကုမ္ပဏီတွေက မြေစာတွေကို စနစ်တကျ မစွန့်ပစ်တာတွေကြောင့် မိုးရာသီမှာ ရေကြီးရေလျှံတာတွေ မြေစာပုံပြိုကျတာတွေ မကြာခဏဖြစ်ပေါ်နေကြောင်း ဒေ သခံတွေက ဆွေးနွေးပွဲမှာ တင်ပြကြပါတယ်။

ဒါ့အပြင် ဒေသထွက် သယံဇာတတွေကနေရရှိတဲ့ အကျိုးခံစားခွင့်တွေကို ဒေသခံတွေရရှိဖို့နဲ့ ပြည်နယ် ဖံွ့ဖြိုးတိုးတက်ရေးအတွက် သုံးစွဲပေးဖို့ ဆွေးနွေးကြတယ်လို့ ဦးလတောင် က ပြောပါတယ်။

အဲဒီဆွေးနွေးပွဲကို ၂ရက်ကြာ ကျင်းပမှာဖြစ်ပြီး MATA ခေါ် မြန်မာနိုင်ငံ တွင်းထွက်သဘာဝ သယံဇာတ အရင်းအမြစ် တူးဖော်ထုတ်လုပ်ရေးနဲ့ ပွင့်လင်းမြင်သာမှု ဖော်ဆောင်ရေးအဖွဲ့၊ မြစ်ကြီးနားနဲ့ ဖားကန့်အခြေစိုက် အရပ်ဘက် အဖွဲ့အစည်းတွေနဲ့ ဒေသခံ လူဦးရေ စုစုပေါင်း ၄၀၀ လောက် တက်ရောက်ဆွေးနွေးနေကြပါတယ်။

ကချင်အမျိုးသား လူမှုဖွံ့ဖြိုးတိုးတက်ရေးအဖွဲ့ ဥက္ကဌ ဦးလတောင်ကို RFA သတင်းထောက် မသီရိမင်းဇင် ဆက်သွယ်မေးမြန်းထားတာ နားဆင်နိုင်ပါတယ်။
RFA


ပြည်ထောင်စု သမ္မတမြန်မာနိုင်ငံတော် ဒုတိယအကြိမ် ပြည်ထောင်စု လွှတ်တော်နိုင်ငံ သမ္မတရွေးချယ်တင်မြှောက်ပွဲအစီအစဉ်ကို မတ် ၁၅ ရက်က ပြည်ထောင်စုလွှတ်တော်၌ ကျင်းပခဲ့ပြီး NLD က ရွေးချယ်သော ဦးထင်ကျော်ကို နိုင်ငံတော်သမ္မတအဖြစ် ရွေးချယ်တင်မြှောက်ခဲ့သည်။

ပြည်ထောင်စုလွှတ်တော်တွင် မဲပေးသူ စုစုပေါင်း ၆၅၂ ဦးရှိရာ ဦးထင်ကျော်က မဲ ၃၆၀ ဖြင့် သမ္မတအဖြစ် ရွေးချယ်တင်မြှောက်ခံရသည်။ ဦးမြင့်ဆွေက ၂၁၃ မဲဖြင့် ဒုတိယသမ္မတ (၁) အဖြစ်လည်းကောင်း၊ ဦးဟင်နရီ ဗန်ထီးယူက ၇၉ မဲဖြင့် ဒုတိယသမ္မတ (၂) အဖြစ်လည်းကောင်း အသီးသီး ရွေးကောက်ခံရသည်။

သမ္မတအဖြစ် ရွေးကောက်တင်မြှောက်ခံရသူ ဦးထင်ကျော်သည် ၁၉၇၅ မှ ၁၉၈၀ အထိ ဌာနခွဲမှူး အကြီးစားစက်မှုကော်ပိုရေးရှင်း အမှတ် (၂) စက်မှုဝန်ကြီးဌာန၊ ၁၉၈၀ မှ ၁၉၉၂ ထိ ဒုတိယညွှန်ကြားရေးမှူး၊ နိုင်ငံခြားစီးပွားဆက်သွယ်ရေးဦးစီးဌာန (FERD) စီမံကိန်းနှင့် ဘဏ္ဍာရေးဝန်ကြီးဌာနတွင် တာဝန်ထမ်း ဆောင်ခဲ့သည်။ ၁၉၉၂ ခုနှစ်တွင် ဒုတိယ ညွှန်ကြားရေးမှူးရာထူးမှ မိမိဆန္ဒအလျောက် နုတ်ထွက်ခဲ့သည်။ ၂၀၁၂ ခုနှစ်မှ ယနေ့ထိ ဒေါ်ခင်ကြည်ဖောင်ဒေးရှင်းတွင် အလုပ်အမှုဆောင် အဖွဲ့ဝင်အဖြစ် တာဝန်ယူနေသူ ဖြစ်သည်။

ဒု-သမ္မတ(၁) ဦးမြင့်ဆွေသည် တပ်မတော်တွင် ဒုတိယဗိုလ်ချုပ်ကြီးအဆင့်ထိ တာဝန်ထမ်းဆောင်သူဖြစ်သည်။ ရန်ကုန်တိုင်းစစ်ဌာနချုပ် တိုင်းမှူးအဖြစ်တာဝန်ထမ်းဆောင်ခဲ့ပြီး လက်ရှိတွင် ရန်ကုန်တိုင်းဒေသကြီး အစိုးရအဖွဲ့ ၀န်ကြီးချုပ်အဖြစ် တာဝန်ယူထားသည်။
ဒု-သမ္မတ (၂) ဦးဟင်နရီဗန်ထီးယူသည် တပ်မတော်သား ဟောင်းတဦးဖြစ်ပြီး ဗိုလ်မှူးရာထူးဖြင့် တပ်မတော်မှ အငြိမ်းစားယူခဲ့သည်။ ဗာဂျီးနီးယားစက်ရုံမှူး (မန္တလေး) ၊ ဒုတိယအထွေထွေ မန်နေဂျာ (စက်မှု-၁)၊ အရက်ချက် စက်ရုံမှူး (ဘီးလင်း) အဖြစ် တာဝန်များ ထမ်းဆောင်ခဲ့သည်။

နိုင်ငံတော်သမ္မတနှင့် ဒုတိယသမ္မတအသစ်များ ယခင်တာဝန်ထမ်းဆောင်ခဲ့သည့် ရာထူးတာဝန်များကို အကျဉ်းရုံးဖော်ပြခြင်းမှာ လက်ရှိ ၎င်းတို့ ပိုင်ဆိုင်သည့် ပစ္စည်းဓနဥစ္စာမည်မျှရှိကြပြီး ၎င်းတို့၏ ပိုင်ဆိုင်မှုများကို လူသိရှင်ကြား ထုတ်ပြန်ကြေညာစေချင်သောကြောင့် ဖြစ်သည်။
သမ္မတဦးသိန်းစိန် အစိုးရတက်ခါစက သမ္မတနှင့် ဒုတိယသမ္မတများ၊ ပြည်ထောင်စုဝန်ကြီးများ၏ ဓနဥစ္စာပိုင်ဆိုင်မှုများကို ပြည်သူများသိအောင် ထုတ်ပြန်ပေးခဲ့ခြင်းမရှိသောကြောင့် ဝေဖန်မှုများရှိခဲ့သည်။ ထို့ပြင် သမ္မတဦးသိန်းစိန်က ငွေကျပ်သုံးသိန်းအထိ လက်ဆောင်ပစ္စည်း လက်ခံလျှင် လာဘ်ယူမှုမဟုတ်ဟု ပြောကြားခဲ့မှုအပေါ် ပြည်သူလူထု အများစုကဒေါသဖြစ်ခဲ့သည်။

၂၀၁၅ ခုနှစ် နိုဝင်ဘာ ၈ ရက် ရွေးကောက်ပွဲအကြို မဲဆွယ်စည်းရုံးရေးကာလတွင် အမျိုးသားဒီမိုကရေစီအဖွဲ့ ချုပ် (NLD) ဥက္ကဋ္ဌ ဒေါ်အောင်ဆန်းစုကြည်က NLD ကိုယ်စားပြုကိုယ်စားလှယ်လောင်းများကို ၎င်းတို့ ပိုင်ဆိုင်မှုစာရင်းတင်ပြစေခဲ့ကြောင်း ကြားသိရပါသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကိုယ်စားပြုကိုယ်စားလှယ်လောင်းများ၏ ဓနဥစ္စာပိုင်ဆိုင်မှုများကို ထုတ်ပြန်ကြေညာမည်မဟုတ်ကြောင်း ပြည်ခိုင်ဖြိုးပါတီပူးတွဲဥက္ကဋ္ဌ ဦးဋ္ဌေးဦးက ၂၀၁၅ ခုနှစ် နိုဝင်ဘာ ၈ ရက် ရွေးကောက်ပွဲများ မတိုင်မီ ပြောကြားခဲ့ဖူးသည်။ ထို့ကြောင့် ရန်ကုန်တိုင်းဒေသကြီး ပြည်ခိုင်ဖြိုးဥက္ကဋ္ဌလည်း ဖြစ်သူ ဦးမြင့်ဆွေအနေဖြင့် ၎င်းနှင့် ၎င်းမိသားစု၏ ပိုင်ဆိုင်မှုဓနဥစ္စာအ၀၀ကို ထုတ်ပြန်ကြေညာဖွယ် မရှိပေ။

သမ္မတ၊ ဒုတိယသမ္မတများ တာဝန်ယူသည့်အချိန်တွင် ၎င်းတို့၏ ပိုင်ဆိုင်မှုကို ချပြသင့်ပုံနှင့်ပတ်သက်ပြီး စာရေး ဆရာ ဒေါက်တာခင်မောင်ညိုက ''ဆရာ့ရဲ့ အမြင်ကတော့ ပွင့်လင်းမြင်သာတဲ့ နိုင်ငံတနိုင်ငံမှာပေါ့လေ။ ဒီမို ကရေစီနိုင်ငံဆိုရင်တော့ ပိုင်ဆိုင်မှုတွေကိုပြဖို့ လိုတာပေါ့။ ဦးမြင့်ဆွေလည်း သူ့ရှိသမျှ ပိုင်ဆိုင်မှုတွေ စွန့်လွှတ် လိုက်ရင်တော့ရတာပဲလေ။ သူဘာမှမရှိတော့ဘူး။ သူဒီလောက်ပဲရှိတယ်။ သူဘာမှမပိုင်ဘူး။ သူလာလို့ရမယ်။ အိန္ဒိယက အဗ္ဗဒူကာလမ်ဆိုရင် သူ့အိမ်က ပစ္စည်းတွေ အကုန်လုံးကို ထားခဲ့တယ်။ သူက သေတ္တာ တလုံးနဲ့ပဲလာတယ်။ ပြန်တော့လည်း သေတ္တာတလုံးနဲ့ ပြန်တယ်။ ဒီမှာလည်း သမ္မတတွေ၊ ၀န်ကြီးတွေက သေတ္တာတလုံးနဲ့ လာလို့ရပါတယ်။ ပြန်ရင်လည်း သေတ္တာတလုံးနဲ့ပေါ့''ဟု ပြောကြားသည်။

NLD ဗဟိုကော်မတီဝင် ဦးအောင်မြင့်က ''ပွင့်လင်းမြင်သာတဲ့ အစိုးရဖြစ်အောင်သွားမယ်ဆိုတော့ NLD ရဲ့ သမ္မတတွေနဲ့ ၀န်ကြီးတွေရဲ့ ပိုင်ဆိုင်မှုတွေကတော့ ပြရမှာသေချာတယ်။ ဒါပေမဲ့ NLD ကတော့ ဘယ်လိုလုပ်လဲ မသိဘူး။ ဦးမြင့်ဆွေက စစ်တပ်က ရွေးတင်ထားတဲ့ ဒုတိယသမ္မတဆိုတော့ ပြောဖို့ခက်တယ်။ ဒါက NLD အစိုးရရဲ့ကိုင်တွယ်မှုအပေါ် မူတည်တယ်''ဟု ပြောကြားသည်။

ANP ပါတီကိုယ်စားပြု ကျောက်ဖြူမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးဘရှိန်က ''NLD မှာတော့ အစိုးရအဖွဲ့တင်မကဘူး။ လွှတ်တော်ကိုယ်စားလှယ်တွေကိုတောင်မှ ပိုင်ဆိုင်မှုစာရင်းတွေတောင်းလား မသိဘူး။ အဲဒီတော့ အစိုးရအဖွဲ့ပုဂ္ဂိုလ်တွေရဲ့ ပိုင်ဆိုင်မှုတွေကို တင်ပြရမယ်ဆိုတာမှာ ဒီအစိုးရအဖွဲ့ အသစ်ဖွဲ့တဲ့အခါ ဘယ်လိုတင်ပြရမယ်၊ ဘယ်လို စိစစ်မယ်ဆိုတာကို သူတို့ထပ်ပြောမယ်နဲ့ တူပါတယ်။ အရင်ပုံစံ အတိုင်းပဲလုပ်မလား၊ အခု အစိုးရသစ်လက်ထက်မှာ ပိုပြီးတော့ ပွင့်လင်းမြင်သာတဲ့ ပုံစံမျိုးကို ဖော်ဆောင်ပြီးတော့ လုပ်မလား၊ ရွေးချယ်သမ္မတ အပြောင်းအလဲကိုတော့ မတ်လ ၃၁ ရက်မှာ ပြည်ထောင်စု လွှတ်တော်မှာ ကျမ်းသစ္စာပြုပြီးမှရမှာ NLD အစိုးရဖွဲ့ပြီးတဲ့အခါ သမ္မတ အပါအ၀င် အစိုးရအဖွဲ့တွေရဲ့ ပိုင်ဆိုင်မှု တွေ စိစစ်မယ် တင်ပြမယ်ဆိုတဲ့ဟာမှာ သူတို့ရဲ့ ပိုင်ဆိုင်မှုတွေကို အမှန်တကယ် စိစစ်တင်ပြမှာပေါ့။ တင်ပြတဲ့ ပိုင်ဆိုင်မှုက သူအလုပ်လုပ်နေတဲ့ သက်တမ်းကာလမှာ တိုးပွားမှုများလာရင် သူ့ရဲ့တရားသဖြင့် ရရာရကြောင်း ဟုတ်၊ မဟုတ် အငြင်းပွားလာမှာ အခု လက်ရှိမှာတော့ ဒီတာဝန်ကို အသီးသီးယူကြမယ်၊ ပုဂ္ဂိုလ်တွေက ဒီနေ့ ရထားတဲ့ ပိုင်ဆိုင်မှုတွေ ဘယ်လောက်ရှိတယ်ဆိုတာကို ဘာကြောင့်ရလာတယ်၊ ဘယ်လိုရလာတယ်ဆိုတာကိုတော့ စစ်လိမ့်မယ်လို့ မထင်ပါဘူး။ ဘာကြောင့် ရလာတယ်။ ဘယ်လို ရတယ်ဆိုတာကိုတော့ တခြားဥပဒေငွေကြေးခ၀ါချမှုတို့၊ ဘာတို့ စသဖြင့် အဲဒါတွေနဲ့ပဲ ဆိုင်မယ်''ဟု ပြောသည်။

မကြာမီကာလအတွင်း မြန်မာနိုင်ငံကို အစိုးရသစ်က စီမံအုပ်ချုပ်တော့မည့် အစိုးရသစ်၏ ဦးစားပေး လုပ်ငန်းများတွင် ခြစားမှုဖြင့် ပြိုလဲလုလု ဖြစ်နေသောနိုင်ငံကို ပြန်လည်ထူထောင်ရေးလည်း ပါဝင်သည်။ ခြစားမှုကင်းသော အစိုးရအဖွဲ့ မဖြစ်မနေ လိုအပ်နေရာ ယင်းအတွက် ရှေးဦးစွာ လုပ်သင့်သည့် ခြေလှမ်းမှာ သမ္မတ၊ ဒုတိယသမ္မတများ၏ ပိုင်ဆိုင်မှုများအား လူသိရှင်ကြား ထုတ်ပြန်ကြေညာခြင်း ဖြစ်ပါသည်။

ချစ်မြိုင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


မတ် ၁၈ ရက်၊ ၂၀၁၆ ခုနှစ်။ စဖန်းရှောင်း

ကရင်အမျိုးသားအစည်းအရုံး(KNU)၊ ဘိတ်ထားဝယ်ခရိုင် ထိန်းချုပ်နယ်မြေ ထီးမိုပွာမြို့နယ် အထူးဒေသ အမြာကျေးရွာအနီးတွင် ပြီးခဲ့သည့် ရက်သတ္တပတ်ကတည်းက ရွာသားတစ်ဦး၏ တောင်ယာမီးရှို့ရာမှ စတင်လောင်ကျွမ်းသည့် တောမီးများမှာ ယနေ့အထိ ဆက်လက်လောင်ကျွမ်းနေဆဲဖြစ်ကြောင်း KNU ဘိတ်-ထားဝယ်ခရိုင်တာဝန်ရှိသူ တစ်ဦးဖြစ်သည့် ပဒိုစောဘီးလယ်က ပြောသည်။

“လောင်တာကလည်း လူတွေနေတဲ့ရွာတွေမှာ မဟုတ်ဘဲ တောထဲမှာ လောင်တာဖြစ်ပါတယ်။ မီးလောင် အကျယ်အဝန်းကိုတော့ မခန့်မှန်းတတ်ဘူး၊ တောထဲမှာတော့ ဆက်လောင်နေတုန်းပဲ။ နောက် တစ်ရက် နှစ်ရက်ဆို မီးက ဆက်လောင်ဖို့ အားနည်းလိမ့်မယ်လို့တော့ ထင်တယ်״ဟု ၎င်းက ကေအိုင်စီသို့ ပြောသည်။

တောမီးမှာ ငြိမ်းသတ်ရခက်ခဲသဖြင့် အတတ်နိုင်ဆုံး ကြိုတင်တားဆီးမှုများပြုလုပ်နေသလို ယင်းနယ်မြေများအတွင်း KNU တပ်စခန်း များရှိသည့်အတွက် မီးငြိမ်းသတ်နိုင်ရေး အကူအညီများကို တောင်းခံရန် စဉ်းစားမည်မဟုတ်ကြောင်းလည်း ပဒိုစောဘီးလယ်က ဆက်ပြောသည်။

အဆိုပါ တောမီးလောင်ကျွမ်းမှုကြောင့် KNU ဘိတ်-ထားဝယ်ခရိုင်ရှေ့တန်းရုံးအတွင်းရှိ ခရိုင်တွဲဖက် အတွင်းရေးမှူး ပဒိုတူးရယ် နေအိမ်၊ ဆေးဝန်ထမ်းများနေထိုင်သည့် အဆောင်တစ်လုံးအပါအဝင် နေအိမ် ၇ လုံးမီးလောင်ပျက်စီးသွားပြီး ထိခိုက်ဒဏ်ရာရရှိသူ မရှိကြောင်း ကေအဲန်ယူက ပြောသည်။

တောမီးလောင်ကျွမ်းသည့်အနီးနားကျေးရွာများဖြစ်သည့် အမြာ၊ ကတ္တရာ၊ လောအော်၊ မောထာ၊ ဆင်ဖြူတိုင်၊ အမို၊ ၀ါးတော စသည့် ကျေးရွာတာဝန်ရှိသူများကို KNU ဘိတ်-ထားဝယ်ခရိုင် တာဝန်ရှိသူ များမှ မတ်လ ၁၇ရက်နေ့က အမြာကျေးရွာတွင် ခေါ်ယူတွေ့ဆုံကာ မီးဘေးကြိုတင်ကာကွယ်ရေးအတွက် ပြောဆိုဆွေးနွေးမှုပြုလုပ်ခဲ့ကြောင်းလည်း သိရသည်။

ထိုဒေသမှ ဒေသခံတစ်ဦးက “တောမီးကတော့ တစ်နှစ်တစ်ခါလောင်နေကျဖြစ်ပါတယ်။ အခုကတော့ ရွာတွေဘက် ဆက်လောင်ဖို့တော့ မရှိဘူး။ အဲဒီလိုတောမီးလောင်ရင် မကူးဖို့ ရွာပြန်စပြီးတည်ကတည်း မီးတားတွေ လုပ်ထားရတယ်။ အခုတောမီးအတွက် စိုးရိမ်စရာတော့မရှိဘူး။ သားရဲတိရိစ္ဆာန် ထိခိုက် သေကြေတာတော့ ရှိတယ်״ဟု ပြောသည်။

ယခု တောမီးလောင်ကျွမ်းမှု ဖြစ်ပွားလျှက်သည့်နေရာများတွင် လွန်ခဲ့သည့် ၂၀၀၇ခုနှစ်က KNU နှင့် အစိုးရစစ်တပ်တို့ အပြင်းအထန်တိုက်ပွဲဖြစ်ပွားမှုကြောင့် ကျေးရွာများပျက်စီးခဲ့ပြီး အပစ်အခတ်ရပ်စဲရေး ပြုလုပ်သည့် ၂၀၁၂ ခုနှစ်နောက်ပိုင်းအချိန်မှစ၍ ရွာသားအချို့ နေရပ်ပြန်လာနေထိုင်ကြသည့် နေရာများ ဖြစ်သည်ဟု သိရသည်။

 စဖန်းရှောင်း
KIC - ကေအိုင်စီ
http://kicnews.org/