03/22/16

 လေဆိပ်ကို ရိုက်ကူး ထားတဲ့ ဓာတ်ပုံ တွေ ထဲ ပြတင်းပေါက် မှန် တွေ ကွဲ နေသလို၊ မျက်နှာကျက် ပြိုကျပြီး ကြမ်းပြင်ပေါ် အပျက်အစီးပုံတွေ ကြဲပြန့်နေတာ ကို တွေ့နေရပါတယ်။
ဘယ်လ်ဂျီယံ နိုင်ငံ မြို့တော် ဘရပ်ဆဲလ်စ် မှာ ဗုံး ပေါက်ကွဲမှုတွေ ဆက်တိုက် ဆိုသလို ဖြစ်ပေါ် လာပါတယ်။

မနက် အစောပိုင်းက ဇာဗဲန်တမ် လေဆိပ် အနီး ဗုံး နှစ်ကြိမ် ကွဲခဲ့ပြီး၊ နောက် တစ်နာရီ အကြာမှာလည်း မြို့လယ် မြေအောက်ဘူတာရုံ တစ်ခုမှာ ဗုံးကွဲခဲ့ပါတယ်။

ပေါက်ကွဲမှု တွေ အတွင်း လူ အများအပြား သေဆုံး ဒဏ်ရာရ သွားတယ် ဆိုတဲ့ ကနဦး သတင်းတွေ ထွက်ပေါ် လာပါတယ်။

ဗုံးကွဲခဲ့တဲ့ လေဆိပ်ကို ရိုက်ကူး ထားတဲ့ ဓာတ်ပုံ တွေ ထဲ ပြတင်းပေါက် မှန် တွေ ကွဲ နေသလို၊ မျက်နှာကျက် ပြိုကျပြီး ကြမ်းပြင်ပေါ် အပျက်အစီးပုံတွေ ကြဲပြန့်နေတာ ကို တွေ့နေရပါတယ်။

ဘယ်လ်ဂျီယမ် နိုင်ငံမှာ အန္တရာယ် သတိပေး အမြင့်ဆုံး အထိ တပ်လှန့်ထားပြီ ဖြစ်ပါတယ်။

ဇာဗဲန်တမ် လေဆိပ် နဲ့ အဓိက ရထား ဘူရုံ အားလုံး ကနေ ခရီးသည် တွေ ကို ကယ်ထုတ် ခဲ့ပြီး၊ ဘရပ်ဆဲလ်စ် တစ်မြို့လုံးရဲ့ မြေအောက် ရထားလိုင်းတွေ ကို ရပ်တန့် လိုက်ပါတယ်။

ဘရပ်စ်ဆဲလ် မြို့တော် ပေါက်ကွဲမှု တွေ ဖြစ်ပေါ် လာခဲ့တဲ့နောက် ပြင်သစ်နိုင်ငံ မှာလည်း သမ္မတ ဖရော်န်ဆွာ အိုလော်န့် က အစိုးရ အဖွဲ့ဝင် ထိပ်တန်း ဝန်ကြီး တွေ ကို အစည်းအဝေး ခေါ်ယူ လိုက်ပြီး ဘရပ်စ်ဆဲလ် ပေါက်ကွဲမှု တွေ အပေါ် ပြင်သစ်အနေနဲ့ ဘယ်လို တုံ့ပြန် ဆောင်ရွက် ကြမလဲ ဆိုတာကို ဆွေးနွေး နေကြပါတယ်။

ဘရပ်စ်ဆဲလ် အတိုက်အခိုက် ခံရတာဟာ ဥရောပ ရဲ့ ဒီမိုကရေ စီ အတိုက်အခိုက် ခံရတာပဲ လို့ ဆွီဒင် ဝန်ကြီးချုပ် စတယ်ဖန် လိုဗိန်း က ပြစ်တင် ရှုတ်ချ ပါတယ်။

ရုရှား သမ္မတ ဗလာဒီမီယာ ပူတင် ကလည်း အရိုင်းအစိုင်းတွေရဲ့ လုပ်ရပ် လို့ ခေါ်ဆို ခဲ့သလို ဘယ်လ်ဂျီယံ ပြည်သူတွေ အတွက် ဝမ်းနည်းကြောင်း စကား ပြောခဲ့ပါတယ်။

အခုဆိုရင် ဥရောပ တလွှားက လေဆိပ်တွေ မှာ လုံခြုံရေး တင်းကြပ် ထားပြီး ဘရပ်ဆဲလ်စ် မြို့တော်ဆီ ပြေးဆွဲတဲ့ ယူရိုစတား အမြန်ရထား လိုင်းကိုလည်း ဆိုင်းငံ့လိုက် ပါတယ်။

BBC Burmese
http://www.bbc.com/burmese

Brussels မြို့တော်မှာ နိုင်ငံတကာလေဆိပ်မှာ ဒီကနေ့ပေါက်ကွဲမှုတွေဖြစ်ပွား
Belgium နိုင်ငံ Brussels မြို့တော်မှာ ဒီကနေ့ပေါက်ကွဲမှုတွေဖြစ်ပွားလို့ လူ ၂၈ဦးမကသေဆုံးသွားရပြီး နိုင်ငံတကာလေဆိပ်ကို ပိတ်လိုက်ရသလို မြေအောက်ရထားပြေးဆွဲမှုကို ရပ်နားထားလိုက်ပါတယ်။

Brussels မြို့တော်က နိုင်ငံတကာလေဆိပ်မှာ ပေါက်ကွဲမှု ၂ ခု ဖြစ်ပွားလို့ လူ ၁၃ ဦးမက သေဆုံးပြီး နောက်ထပ် ၃၅ ဦးမက ဒဏ်ရာရသွားတယ်လို့ Belgian ရုပ်သံ VRT က သတင်းကြေညာပါတယ်။ နောက်တနာရီလောက်မှာတော့ EU ဥရောပသမဂ္ဂ ရုံးချုပ်နားက မြေအောက်ရထားဘူတာရုံမှာ ပေါက်ကွဲမှုတခု ထပ်ဖြစ်ပြီး လူအတော်များများဒဏ်ရာရသွားတာပါ။

Belgium က လာတဲ့ သတင်းတွေအရ တိုက်ခိုက်မှုတွေက အသေခံ ဗုံးခွဲမှုတွေဖြစ်တယ် လို့ ပြောနေကြပါတယ်။ Belgian အာဏာပိုင်တွေက နိုင်ငံတွင်း အကြမ်းဖက်မှုအန္တရာယ်နဲ့ပတ်သတ်တဲ့ သတိပေးချက်ကို အမြင့်ဆုံး သတ်မှတ်လိုက်ပါတယ်။

ပြီးခဲ့တဲ့ နိုဝင်ဘာမှာ ပြင်သစ်နိုင်ငံ ပါရီမြို့တော်က လူ ၁၃၀ သေဆုံးပြီး လူ ၃၀၀ ကျော် ဒဏ်ရာရရှိခဲ့တဲ့ တိုက်ခိုက်မှုအတွက် အဓိက လက်သည်ကို Brussels မြို့တော်မှာ မိသွားအပြီးရက်ပိုင်းအတွင်း ဒီကနေ့မှာပဲ အခုလို ပေါက်ကွဲ မှုတွေ ဖြစ်ပွားတာပါ။

ဗွီအိုအေ (မြန်မာပိုင်း)
http://burmese.voanews.com

 နိုင်ငံခြားရေး ဝန်ကြီး ရာထူး ရယူမယ် ဆိုရင် ကာလုံ လို့ ခေါ်တဲ့ နိုင်ငံတော် ကာကွယ်ရေး နဲ့ လုံခြုံရေး ကောင်စီ အဖွဲ့ ထဲမှာပါ ဒေါ်အောင်ဆန်းစုကြည် ပါဝင် လာပါလိမ့်မယ်။
မြန်မာ့ ဒီမိုကရေစီ အရေး ဆယ်စုနှစ် များစွာ လှုပ်ရှား ရုန်းကန် ခဲ့ကြတာ ကနေ အခု အချိန် မှာတော့ လူထု ခေါင်းဆောင် ဒေါ်အောင်ဆန်းစုကြည် ဟာ တိုင်းပြည်ရဲ့ အစိုးရ ကက်ဘိနက် အဖွဲ့ဝင် တစ်ဦး ဖြစ်လာတော့ပါမယ်။

ပြီးခဲ့တဲ့နှစ် နိုဝင်ဘာလ ရွေးကောက်ပွဲ မှာ အနိုင်ရရှိခဲ့တဲ့ အမျိုးသား ဒီမိုကရေစီ အဖွဲ့ချုပ် NLD ပါတီ က ဦးဆောင် ပြီး ဖွဲ့စည်းမယ့် အစိုးရသစ် မှာ NLD ဥက္ကဌ နိုဘယ် ငြိမ်းချမ်းရေး ဆုရှင် ဒေါ်အောင်ဆန်းစုကြည် ဟာ အစိုးရ ဝန်ကြီး ဌာန ၄ ခု ရဲ့ ဝန်ကြီး အဖြစ် တာဝန်ယူမှာ ဖြစ်ပါတယ်။

နိုင်ငံခြားရေး၊ ပညာရေး၊ စွမ်းအင်နဲ့ လျှပ်စစ် ဝန်ကြီးဌာနတွေ နဲ့ အတူ သမ္မတရုံး ဝန်ကြီးဌာန ရဲ့ ဝန်ကြီး အဖြစ် တာဝန် ယူမယ်လို့ ရန်ကုန် ဘီဘီစီ သတင်းထောက်က ဆိုပါတယ်။

လက်ရှိ ၂၀၀၈ ဖွဲ့စည်းပုံ အရ သမ္မတ ဖြစ်ခွင့် တားဆီးခံ ထားရတဲ့ ဒေါ်အောင်ဆန်းစုကြည် ဟာ ပါတီ ဥက္ကဌ အနေနဲ့ပဲ နောက်ကွယ်က စီမံ ခန့်ခွဲ လာနိုင်တယ် ဆိုပြီး ထင်မြင် သုံးသပ် မှုတွေ ရှိနေ ချိန်မှာ အခုလို အစိုးရ ကက်ဘိနက် ထဲ ရာထူး နေရာ ရယူ မယ် ဆိုပြီး ပေါ်ထွက် လာတာ ဖြစ်ပါတယ်။

နိုင်ငံခြားရေး ဝန်ကြီး ရာထူး ရယူမယ် ဆိုရင် ကာလုံ လို့ ခေါ်တဲ့ နိုင်ငံတော် ကာကွယ်ရေး နဲ့ လုံခြုံရေး ကောင်စီ အဖွဲ့ ထဲမှာပါ ဒေါ်အောင်ဆန်းစုကြည် ပါဝင် လာမှာပါလိမ့်မယ်။

BBC Burmese
http://www.bbc.com/burmese

၁။ ဒေါ်အောင်ဆန်းစုကြည် (နိုင်ငံခြားရေး/သမ္မတရုံး /ပညာရေး/လျှပ်စစ်နှင့် စွမ်းအင်)
၂။ ဒေါက်တာအောင်သူ (စိုက်ပျိုးမွေးမြူရေး၊ဆည်မြောင်း)
၃။ ဦးသန့်စင်မောင် - (ပို့ဆောင်ဆက်သွယ်ရေး)
၎။ သူရ ဦးအောင်ကို - (သာသနာရေးနှင့် ယဉ်ကျေးမှု)
၅။ ဦးအုန်းဝင်း - (သယံဇာတနှင့် ပတ်ဝန်းကျင် ထိန်းသိမ်းရေး)
၆။ ဒေါက်တာ ဖေမြင့် - (ပြန်ကြားရေး)
၇။ ဦးသိန်းဆွေ - (အလုပ်သမား၊လူဝင်မှုကြီးကြပ်ရေး)
၈။ ဦးဝင်းခိုင် - (ဆောက်လုပ်ရေး)
၉။ နိုင်သက်လွင် - (တိုင်းရင်းသားရေးရာ)
၁၀။ ဒေါက်တာမြင့်ထွေး - (ကျန်းမာရေး)
၁၁။ ဒေါက်တာသန်းမြင့် - (စီးပွားကူးသန်း)
၁၂။ ဒေါက်တာဝင်းမြတ်အေး - (လူမှုဝန်ထမ်း)
၁၃။ ဦးခင်မောင်ချို - (စက်မှု)
၁၄။ ဦးကျော်ဝင်း - (ဘဏ္ဏာရေး)
၁၅။ ဦးအုန်းမောင် - (ဟိုတယ်ခရီး)
၁၆။ ဒုတိယဗိုလ်ချုပ်ကြီး စိန်ဝင်း - (ကာကွယ်ရေး)
၁၇။ ဒုတိယဗိုလ်ချုပ်ကြီး ကျော်ဆွေ -( ပြည်ထဲရေး)
၁၈။ ဒုတိယဗိုလ်ချုပ်ကြီး ရဲအောင် - (နယ်စပ်ရေးရာ)


UPDJC အဖွဲ့ MPC မှာတွေ့ဆုံစဉ် (photo-Nyo Ohn Myint )
MPC မြန်မာငြိမ်းချမ်းရေးစင်တာကို အီးယူ - ဥရောပသမဂ္ဂကပေးနေတဲ့ ငွေကြေးထောက်ပံ့မှုတွေ မတ်လ ၃၁ ရပ်နေ့ကစပြီး ရပ်ဆိုင်းတော့မယ်လို့ အီးယူက ပြောကြားလိုက်ပါတယ်။ အီးယူအနေနဲ့ မြန်မာနိုင်ငံ ငြိမ်းချမ်းရေးဖော်ဆောင်ရေးနဲ့ ဒီမိုကရေစီ ပြုပြင် ပြောင်းလဲရေး လုပ်ငန်းစဉ်တွေအပါအ၀င် တခြား ဖွံ့ဖြိုးရေး အစီအစဉ်တွေကို ဆက်လက် ထောက်ပံ့ပေးသွားမှာဖြစ်ပြီး မကြာမှီ ရက်ပိုင်းအတွင်းတက်လာမယ့် NLD အမျိုးသားဒီမိုကရေစီ အဖွဲ့ချုပ်နဲ့အတူ လက်တွဲ ဆောင်ရွက်သွားမယ်လို့ ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးမှာ ဖြစ်ပါတယ်။

အီးယူ - ဥရောပသမဂ္ဂနဲ့ MPC မြန်မာငြိမ်းချမ်းရေးစင်တာအကြား ရရှိထားတဲ့ စာချုပ်ဟာ အခုလာမယ့် မတ်လ ၃၁ ရက်နေ့မှာ သက်တမ်းကုန်ဆုံးတော့မှာ ဖြစ်တဲ့အတွက် အီးယူက လက်ရှိပေးနေတဲ့ ငွေကြေးထောက်ပံ့မှုတွေကို ရပ်ဆိုင်းဖို့ ဆုံးဖြတ်လိုက်ခြင်း ဖြစ်ကြောင်း အီးယူ နိုင်ငံခြားမူဝါဒရေးရာနဲ့ လုံခြုံရေးဆိုင်ရာ အကြီးအကဲ Federica Mogherini ရဲ့ ပြောခွင့်ရအမျိုးသမီး Maja Kocijancic က ပြောပါတယ်။

 “ဥပဒေလမ်းနည်းလမ်းနဲ့အညီ ဥရောပသဂ္ဂက MPC ကို ထောက်ပံ့ပေးနေတဲ့ စာချုပ်ပုံစံအရ ဒီကန်ထရိုက်ဟာ သက်တမ်းကုန်ဆုံးတော့မှာ ဖြစ်တဲ့အတွက် ထောက်ပံ့မှုတွေကို သက်တမ်းကုန်ဆုံးမယ့် မတ်လ ၃၁ ရက်နေ့မှာ ရပ်တန့်မှာ ဖြစ်ပါတယ်။”

MPC ကို သမ္မတဦးသိန်းစိန်ရဲ့ ခွင့်ပြုချက်နဲ့ ပြည်ထောင်စုဝန်ကြီး ဦးအောင်မင်းက ဦးဆောင်ပြီး ၂၀၁၂ ခုနှစ်မှာ စတင် တည်ထောင်ချိန်ကစလို့ MPC ရဲ့ ငြိမ်းချမ်းရေး ဆွေးနွေးမှု လုပ်ငန်းစဉ်တွေအတွက် အီးယူက ယူရိုငွေ ၈.၇ မီလီယံ ထောက်ပံ့ပေးခဲ့ပြီး ဖြစ်တယ်လို့ အီးယူက မကြာသေးခင်က ထုတ်ပြန်တဲ့ ကြေညာချက်မှာ ဖော်ပြထားပါတယ်။

ငြိမ်းချမ်းရေး ဆွေးနွေးမှု လုပ်ငန်းစဉ်တွေအပြင် အမျိုးသားပြန်လည် ရင်ကြားစေ့ရေး၊ ပဋိပက္ခဒေသတွေမှာ ပြုပြင်ပြောင်းလဲမှုတွေ ဖော်ဆောင်ရေး၊ ငြိမ်းချမ်းရေး တည်ဆောက်မှုလုပ်ငန်းစဉ်၊ အပစ်အခတ်ရပ်စဲရေး အကောင်အထည်ဖော်မှု လုပ်ငန်းစဉ်နဲ့ အပစ်အခတ် ရပ်စဲမှုကို အရပ်သားအဖွဲ့အစည်းတွေက စောင့်ကြည့်ရေးလုပ်ငန်းစဉ်တွေအတွက် ယူရို ၃၈ သန်း ကူညီပေးခဲ့ပြီး ဖြစ်တယ်လို့ ဆိုပါတယ်။

ဒါ့အပြင် အပစ်အခတ်ရပ်စဲရေးနဲ့ ငြိမ်းချမ်းရေး ဖော်ဆောင်မှု လုပ်ငန်းစဉ်တွေရဲ့ နောက်ဆက်တွဲ လုပ်ငန်းစဉ်ဖြစ်တဲ့ နိုင်ငံရေး ဆွေးနွေးမှု လုပ်ငန်းစဉ်တွေအတွက်လဲ ယူရို သန်း ၂၀ ဆက်လက် အကူအညီပေးဖို့ အီးယူက ၂၀၁၅ ခုနှစ်မှာ ဆုံးဖြတ်ချက် ချမှတ်ခဲ့တယ်လို့လည်း အီးယူက ထုတ်ပြန်တဲ့ ကြေညာချက်မှာ ဖော်ပြထားပါတယ်။

အီးယူအနေနဲ့ MPC ကို ပေးနေတဲ့ ငွေကြေးဆိုင်ရာ ထောက်ပံ့မှုတွေကို ရပ်ဆိုင်းလိုက်မှာ ဖြစ်ပေမယ့် မကြာခင်ရက်ပိုင်းအတွင်း အသစ်တက်လာမယ့် NLD အစိုးရနဲ့ ဆက်လက် ပူးပေါင်း ဆောင်ရွက်သွားမှာ ဖြစ်တယ်လို့ Maja Kocijancic က ပြောပါတယ်။

 “ကျမတို့အနေနဲ့ အကူအညီတွေကို ဆက်ပေးသွားမယ်ဆိုတာကတော့ သေချာပါတယ်။ ဒါပေမယ့် သိကြတဲ့အတိုင်းပဲ ဒီမိုကရေစီနည်းလမ်းနဲ့အညီ ရွေးချယ် တင်မြောက်ထားတဲ့ အစိုးရသစ် အာဏာလွဲပြောင်း ရယူမယ့်အချိန်ကို စောင့်ဆိုင်းနေကြတဲ့ ကာလဖြစ်နေတော့ မြန်မာနိုင်ငံရဲ့ ဒီမိုကရေစီအရေး လုပ်ငန်းစဉ်တွေအပါအ၀င် ငြိမ်းချမ်းရေးနဲ့ ဖွံ့ဖြိုးတိုးတက်ရေး လုပ်ငန်းစဉ်တွေအတွက် အစိုးရသစ်နဲ့ အကောင်းဆုံး ဘယ်လို ပူးပေါင်း ဆောင်ရွက်နိုင်မလဲဆိုတာကို အခုချိန်မှာ ကျမတို့ဘက်က စောင့်ကြည့်နေတဲ့ သဘောဖြစ်ပါတယ်။”

အစိုးရသစ် တက်လာတဲ့အခါမှာ MPC ရဲ့ လုပ်ငန်းစဉ်တွေနဲ့ ပတ်သက်လို့ ပြောင်းလဲမှုတွေ ဖြစ်ပေါ်လာမယ် ဆိုတာကို အီးယူအနေနဲ့ သိရှိ နားလည်ထားကြောင်း၊ ဒါကြောင့်လည်း မြန်မာနိုင်ငံထဲမှာ ရှိနေတဲ့ အီးယူ ကိုယ်စားလှယ်တွေဟာ MPC နဲ့ NLD ပါတီက အဓိက ဆုံးဖြတ်ချက်ချနိုင်သူတွေနဲ့ တွေ့ဆုံပြီး MPC ရဲ့ လုပ်ငန်းစဉ်တွေ အဆင်ပြေချောမွေ့စွာ ဘယ်လို လွဲပြောင်းနိုင်မလဲဆိုတာကို ဆွေးနွေး ညှိနှိုင်း ဆောင်ရွက်နေကြောင်းလည်း Maja Kocijancic က ပြောပါတယ်။

မြန်မာနိုင်ငံအတွင်း တရားဥပဒေ စိုးမိုးရေးအပါအ၀င် ငြိမ်းချမ်းရေး ဖော်ဆောင်ရေး လုပ်ငန်းစဉ်တွေ အားလုံးအတွက် အီးယူအနေနဲ့ ဆက်လက် ကူညီ ပံ့ပိုးပေးသွားမယ်လို့လည်း Maja Kocijancic က ဆက်ပြောပါတယ်။

 “အားလုံး သိကြတဲ့အတိုင်းပဲ မြန်မာနိုင်ငံရဲ့ အခုလို ၀ိသေသ ထူးခြားလှတဲ့ ခရီးလမ်းတလျှောက်လုံးမှာ အီးယူအနေနဲ့ အနီးကပ် ရပ်တည်ပြီး ကူညီပေးသွားမှာ ဖြစ်ပါတယ်။ ဒါ့အပြင် အီးယူအနေနဲ့ ငြိမ်းချမ်းရေး တည်ဆောက်မှု၊ ဒီမိုကရေစီအရေးနဲ့ တရားဥပဒေ စိုးမိုးမှု၊ ကုန်သွယ်ရေးလုပ်ငန်းတွေ တိုးမြင့်ဆောင်ရွက်မှု၊ ငတ်မွတ်ခေါင်းပါးမှု လျော့ချရး၊ ရေရှည်တည်တန့်တဲ့ ဖွံ့ဖြိုးမှုလုပ်ငန်းစဉ်တွေ စတဲ့ ကဏ္ဍစုံအတွက် ထဲထဲဝင်ဝင် ကူညီ ဆောင်ရွက်ပေးသွားမှာ ဖြစ်ပါတယ်။ ကျမတို့အနေနဲ့ စောင့်ကြည့်ရမယ့်အချက်ကတော့ အစိုးရသစ်က ချမှတ်လိုက်တဲ့ ဦးစားပေးလုပ်ငန်းစဉ်တွေဟာ ဘာတွေလဲ၊ အဲဒီ လုပ်ငန်းစဉ်တွေကို အထိရောက်ဆုံး နည်းလမ်းနဲ့ ဘယ်လို ကူညီ ဆောင်ရွက်ပေးသွားရမလဲဆိုတဲ့ အချက်ပဲ ဖြစ်ပါတယ်။”

MPC ကို ပေးနေတဲ့ အထောက်အပံ့တွေ ရပ်ဆိုင်းတော့မယ်ဆိုတဲ့ သတင်းတွေ ထွက်လာတဲ့ တချိန်ထဲမှာပဲ MPC က တာဝန်ရှိသူတွေဟာ Center for Peace and Development လို့ခေါ်တဲ့ ငြိမ်းချမ်းရေးနဲ့ ဖွံ့ဖြိုးရေးစင်တာ ဆိုတဲ့ သီးခြားအဖွဲ့တခုကို ၀န်ကြီး ဦးအောင်မင်းက ဦးဆောင်ပြီး ဖွဲ့စည်းဖို့ စီစဉ်နေတယ်လို့ ပြည်တွင်း သတင်းမီဒီယာတွေမှာ ဖော်ပြကြပါတယ်။

ဒါကြောင့်လည်း လက်ရှိ MPC ရုံးမှာ အသုံးပြုနေတဲ့ စက်ပစ္စည်း ကိရိယာတွေ၊ ရုံးသုံး ပစ္စည်းတွေဟာ အီးယူက ထောက်ပံ့ပေးထားတာဖြစ်ပေမယ့် ဒါတွေဟာ အစိုးရပိုင်ပစ္စည်းတွေ ဖြစ်တယ်လို့ MPC တာဝန်ရှိသူတွေက ပြောဆိုပြီး အဖွဲ့အသစ်မှာ ပြောင်းရွေ့ သုံစွဲဖို့ စီစဉ်နေကြတယ်ဆိုတဲ့ သတင်းတွေ ထွက်ပေါ်နေတာနဲ့ ပတ်သက်လို့ MPC အနေနဲ့ အဲဒီ ပစ္စည်းတွေကို ပိုင်ဆိုင်ခြင်း မရှိတဲ့အတွက် သူတို့ လုပ်ငန်းတွေ ရပ်ဆိုင်းတဲ့အချိန်မှာ အားလုံး ပြန်အပ်ရမယ်လို့ အီးယူ တာဝန်ရှိသူတွေက တုန့်ပြန် ပြောဆိုထားပါတယ်။

MPC ရဲ့ ငြိမ်းချမ်းရေးလုပ်ငန်းစဉ်တွေအတွက် အီးယူ - ဥရောပသမဂ္ဂက ငွေကြေးအားဖြင့် အများဆုံး ကူညီ ထောက်ပံ့ပေးတာ ဖြစ်ပေမယ့် ကုလသမဂ္ဂနဲ့ ကမ္ဘာ့ဘဏ်တို့အပါအ၀င် သြစတေးလျ၊ နော်ဝေး၊ ဂျပန် စတဲ့နိုင်ငံတွေက ဖွံ့ဖြိုးရေး အေဂျင်စီတွေအပါအ၀င် နိုင်ငံတကာ ဖွံ့ဖြိုးရေး အေဂျင်စီပေါင်း ၂၅ ခုက ကူညီ ထောက်ပံ့ပေးနေတာ ဖြစ်ပါတယ် ခင်ဗျား။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com

အန္တရာယ်ကြီးတဲ့ ဖားကန့်ကျောက်တွင်း လုပ်ငန်း
ကချင် ပြည်နယ် ဖားကန့် ဒေသ မှာ ကျောက်စိမ်း တူးဖော် နေတဲ့ ကုမ္ပဏီ တွေရဲ့ စည်းကမ်းမဲ့ လုပ်ရပ် တွေ ကြောင့် ဒေသခံ ပြည်သူတွေ နှစ်စဉ် ထိခိုက် ဆုံးရှုံးမှု တွေကို ကာကွယ်ဖို့ ဆိုပြီး ပြီးခဲ့တဲ့ လတွေက လမ်းတွေ ပိတ် ဆန္ဒပြ ခဲ့လို့ အာဏာပိုင် တွေ က အဖွဲ့ဖွဲ့ပြီး ဖြေရှင်းပေးမယ် လို့ ကတိပေး ခဲ့တဲ့နောက် လမ်းပိတ် တာတွေ ရပ်ခဲ့ပါတယ်။

အာဏာပိုင် တွေက အဲဒီ ကတိ တွေကို အကောင်ထည် ဖော် မပေးတဲ့ အတွက် မတ်လ ၂၁ ရက် က စပြီး ဖားကန့် ဆိုင်းတောင် လုံးခင်း စတဲ့ ကျောက်စိမ်း ထွက်တဲ့ နေရာ အားလုံး က ကားလမ်း မတွေကို ဒေသခံ တွေက ပြန်လည် ပိတ်ဆို့ လိုက်ပြန် ပါတယ်။

ဒေသခံတွေ လိုချင်တဲ့ ရလဒ်တွေ ရတဲ့ထိ အနည်းဆုံး ၃ ရက်ကြာအောင် ဒီလို လမ်းတွေ ပိတ်ထားမယ်လို့ ကချင် လူမှုဖွံ့ဖြိုးရေး အဖွဲ့က ဆရာမ ကိုင်ရိန်က ပြောပါတယ်။

သယံဇာတ ကျောက်စိမ်း တူးရာမှာ အများပြည်သူ ပါဝင်လုပ်ကိုင်ခွင့် ရှိဖို့၊ စက်ယန္တရားတွေ ဖောင်းပွ မှု ပြန်လည် ထိန်းချုပ်ဖို့ ၊ မြေစာပုံတွေ စည်းကမ်းမဲ့ စွန့်ပစ်မှုကြောင့် လူတွေ သေဆုံးတာ၊ အိမ်တွေ ပြိုတာ တွေကို တားဆီးပေးဖို့ ဒေသခံ အဖွဲ့ အစည်းတွေက တင်ပြ တောင်းဆိုထားပါတယ်။

BBC Burmese
http://www.bbc.com/burmese

ဧရာဝတီတိုင်းဒေသကြီး ဖျာပုံမြို့နယ်အတွင်း လှေစီးဒုက္ခသည် ၇ဝဝ ကျော်ကို မေလ ၂၉ ရက်နေ့က ဖမ်းဆီးမိစဉ်။ Photo: MOI Webportal Myanmar (facebook)
မြန်မာနိုင်ငံ ရခိုင်ပြည်နယ်နဲ့ ဘင်္ဂလားဒေ့ရ်ှနယ်စပ်ကနေ ပင်လယ်ကို ကူးဖြတ်ပြီး မလေးရှားနဲ့ ထိုင်းကို သွားရောက်ဖို့ ကြိုးစားကြတဲ့ လှေစီးထွက်ခွာသူ အရေအတွက် ဟာ ဒီနှစ်အတွင်း ရုတ်တရက် ထိုးကျသွားခဲ့တယ်လို့ ကုလသမဂ္ဂနဲ့ ဥရောပသမဂ္ဂ က ပြောပါတယ်။

ဒါဟာ လူမှောင်ခိုလှေတွေကို ဒေသတွင်းနိုင်ငံတွေက ဖိဖိစီးစီး နှိမ်နင်းနေတာ၊ မြန်မာနိုင်ငံမှာ အစိုးရ သစ်ပေါ်ပေါက်လာတာနဲ့ လှေစီးထွက်ခွာသူတွေကို အစုလိုက် အပြုံလိုက် မြှုပ်နှံထားတဲ့ သင်္ချိုင်းတွေ တွေ့ရှိခဲ့ရ တာတွေကြောင့် ဖြစ်တယ်လို့ UNHCR ကုလသမဂ္ဂ ဒုက္ခသည်များဆိုင်ရာ လက်ထောက်ကော်မရှင်နာတစ်ဦး က ပြောပါတယ်။

၂၀၁၅ ခုနှစ်မေလက ထိုင်းနဲ့ မလေးရှားနယ်စပ် မလေးရှားဘက်ခြမ်းမှာ လူမှောင်ခိုတွေ စခန်းချခဲ့တဲ့နေရာတွေ နဲ့အတူ လူ ၃၀ ကျော်ကို မြှုပ်နှံထားတဲ့ နေရာတွေ ကို ထိုင်း ရဲတပ်ဖွဲ့က တွေ့ရှိခဲ့ပါတယ်။ အလားတူ သင်္ချိုင်းရာတွေ ထပ်မံတွေ့ရှိခဲ့ရပါတယ်။ ဒါ့ပြင် ဘင်္ဂလားပင်လယ်ပြင်မှာလည်း ထိုင်းနဲ့ ဘင်္ဂလားဒေ့ရှ် အစိုးရတွေက လူမှောင် ခို နှိမ်နင်းရေးတွေ တိုးမြှင့်ဆောင်ရွက်နေတာကြောင့်၊ မှောင်ခိုသမားတွေဟာ လှေစီးထွက်ခွာသူတွေကို လှေတွေပေါ်မှာ ပစ်ထားခဲ့ပြီး ထွက်ပြေးသွားကြာတာတွေလည်း ပေါ်ပေါက်လာခဲ့ပါတယ်။

လှေစီးထွက်ခွာသူတွေ အများစုဟာ ရိုဟင်ဂျာ ခေါ် မူဆလင်တွေ ဖြစ်ကြပါတယ်။

အခုလို လှေစီးထွက်ခွာသူတွေအရေအတွက် ရုတ်တရက်ကျဆင်းသွားတာဟာ မြန်မာနိုင်ငံတွင်း အခြေအနေတွေ အကောင်းဘက်ကိုပြောင်းလဲလာတာက ကြီးမားတဲ့ အကြောင်းရင်းတစ်ခုဖြစ်တယ်လို့ UNHCR က ပြောပါတယ်။

ထိုင်း မြန်မာနယ်စပ်တလျှောက်က ဒုက္ခသည်စခန်းတွေမှာလည်း ကုလသမဂ္ဂနဲ့ ဥရောပသမဂ္ဂ က ထောက်ပံ့ကူ ညီနေတဲ့ ဒုက္ခသည် တစ်သိန်းကျော်ရှိနေပါတယ်။ တချို့ဆိုရင် နှစ်ပေါင်းအတော်ကြာနေပြီဖြစ်ပါ တယ်။ မြန်မာ့ နိုင်ငံရေးအပြောင်း အလဲကြောင့် တစ်နှစ် နှစ်နှစ်အတွင်း ဒုက္ခသည်တွေ ကိုယ့်ဆန္ဒနဲ့ ကိုယ့် တိုင်းပြည်ပြန်သွားကြဖွယ်ရှိတယ်လို့ မျှော်လင့်ကြောင်း ကုလသမဂ္ဂ ဒုက္ခသည်များဆိုင်ရာ အရာရှိကြီးတစ်ဦး က ပြောပါတယ်။

RFA Burmese
http://www.rfa.org/burmese

အမေရိကန်နိုင်ငံခြားရေးဌာန ပြောခွင့်ရပုဂ္ဂိုလ် John Kirby
အရှေ့အလယ်ပိုင်းနိုင်ငံအချို့နဲ့ မြန်မာနိုင်ငံမှာ အရပ်သားပြည်သူတွေကို ပစ်မှတ်ထားပြီး တိုက်ခိုက်မှု ဖြစ်ပေါ်နေတာဟာ လူမျိုးတုံး သတ်ဖြတ်မှု ကျူးလွန်ရာရောက်၊ မရောက် တွေ့ရှိချက်တွေကို မတ်လ ၁၇ရက်နေ့က အမေရိကန် နိုင်ငံခြားရေး ဌာနက လွှတ်တော်ထံကို အစီရင်ခံစာ တင်သွင်းခဲ့ ရာမှာ၊ မြန်မာနိုင်ငံမှာ လူနည်းစု ရိုဟင်ဂျာ မွတ်စလင်တွေကို ဖိနှိပ်မှုတွေ ရှိနေပေမယ့်၊ ဒါဟာ လူမျိုးတုံး သတ်ဖြတ်မှုတော့ မဟုတ်ဘူးလို့ ဆုံးဖြတ်လိုက်ပါတယ်။ အပြည့်အစုံကို ကိုရဲခေါင်က ပြောပြပါမယ်။

မြန်မာနိုင်ငံမှာ လူနည်းစု ရိုဟင်ဂျာ မွတ်စလင်တွေကို ဖိနှိပ်မှုတွေ ရှိနေတာ အမှန်ပဲ ဖြစ်ပေမယ့်၊ ဒါဟာ လူမျိုးတုန်း သတ်ဖြတ်မှုတော့ မဟုတ်ဘူးလို့ ဆုံးဖြတ်လိုက်တဲ့အကြောင်း တနင်္လာနေ့က အမေရိကန်နိုင်ငံခြားရေးဌာနက ပြောခွင့်ရပုဂ္ဂိုလ် John Kirby က သတင်းထောက်တွေရဲ့ မေးမြန်းချက်ကို ဖြေကြားခဲ့ပါတယ်။

” ရိုဟင်ဂျာတွေဟာ ဖိနှိပ်မှုတွေ ကြုံနေရတယ်ဆိုတာ မေးခွန်းထုတ်စရာမလိုပေမယ့်၊ ကျွန်တော်တို့အနေနဲ့ ဒါကို လူမျိုးတုံး သတ်ဖြတ်မှုဖြစ်တဲ့ အဆင့်လို့ မသတ်မှတ်ပါဘူး။”

အရှေ့အလယ်ပိုင်းက အီရတ်၊ လစ်ဗျား၊ ဆီးရီးယားနိုင်ငံတွေနဲ့ မြန်မာနိုင်ငံမှာ လူမျိုးရေးနဲ့ ဘာသာရေး လူနည်းစုတွေအပါအ၀င် အရပ်သားပြည်သူတွေကို ပစ်မှတ်ထားပြီး တိုက်ခိုက်မှု ဖြစ်ပေါ်နေတာဟာ လူမျိုးတုံး သတ်ဖြတ်မှု ကျူးလွန်ရာရောက်၊ မရောက် နဲ့ပက်သက်ပြီး၊ တွေ့ရှိချက်တွေကို မတ်လ ၁၇ရက်နေ့က အမေရိကန် နိုင်ငံခြားရေး ဌာနက လွှတ်တော်ထံကို အစီရင်ခံစာ တင်သွင်းခဲ့တာနဲ့ ပက်သက်ပြီး၊ John Kirby က အခုလို ဆက်ပြီး ပြောသွားပါတယ်။

“ဒီ လူမျိုးတုံး သတ်ဖြတ်မှု ကျူးလွန်ရာရောက်မရောက် ဆိုတာကို အမေရိကန် နိုင်ငံခြားရေး ဌာနက အကဲဖြတ်ပေးဖို့ လွှတ်တော်က တောင်းဆိုခဲ့တာဖြစ်ပါတယ်။ ကျွန်တော်တို့ လွှတ်တော်ထံ တင်သွင်းတဲ့ အစီရင်ခံစာထဲမှာ တွေ့ရှိချက်တွေကို ဖော်ပြထားပါတယ်။”

နိုင်ငံခြားရေး ၀န်ကြီး ဂျွန်ကယ်ရီက လွှတ်တော်ထံ တင်သွင်းခဲ့တဲ့ အစီရင်ခံစာမှာ Da’esh လို့ခေါ်တဲ့ IS စစ်သွေးကြွတွေဟာ Yezidis လူမျိုးတွေ၊ ခရစ်ယာန်ဘာသာဝင်တွေ နဲ့ ရှီယာ မွတ်စလင်တွေ အပါအ၀င် သူ့တို့ ထိမ်းချုပ်ထားတဲ့ နယ်မြေတွေက လူအုပ်စုတွေ အပေါ် လူမျိုးတုံး သတ်ဖြတ်မှုတွေ ကျူးလွန်ခဲ့တဲ့အတွက် တာဝန်ရှိတယ်လို့ ဆုံးဖြတ်ထားပါတယ်။

တစ်ဆက်တည်းမှာပဲ၊ မြန်မာနိုင်ငံမှာလည်း ရိုဟင်ဂျာတွေအပေါ် မတရားပြုမှုတွေအတွက် အမေရိကန် အစိုးရအနေနဲ့ အလွန်အမင်း စိုးရိမ်မိတယ်လို့ ဖော်ပြထားပါတယ်။ မတ်လ ၁၇ရက်နေ့က တင်သွင်းခဲ့တဲ့ အစီရင်ခံစာမှာ ရခိုင်ပြည်နယ်က ရခိုင်လူမျိုးနဲ့ ရိုဟင်ဂျာတွေအကြားရှိနေတဲ့ တင်းမာမှုတွေ၊ ပဋိပက္ခတွေ၊ လူမှုစီးပွားရေး အခြေအနေ နိမ့်ကျမှုတွေနဲ့ လူမျိုးစုနှစ်စုလုံးကို အစိုးရရဲ့ ကာလရှည်ကြာ ပစ်ပယ်ခံထားရတဲ့ ရလဒ်တွေကြောင့် စိုးရိမ်စရာအခြေအနေဖြစ်နေတယ်လို့ ဖော်ပြထားပါတယ်။

မြန်မာအစိုးရက ဘင်္ဂါလီလို့ ခေါ်တဲ့ ရိုဟင်ဂျာတွေအနေနဲ့ အစိုးရက ထုတ်ပေးထားတဲ့ white card လို့ခေါ်တဲ့ လို့ခေါ်တဲ့ ယာယီသက်သေခံကဒ်ပြားတွေ ကို ၂၀၁၅ခုနှစ်မှာ ပြန်လည် ရုတ်သိမ်းခံခဲ့ရပြီး၊ နိုင်ငံသား ဖြစ်ခွင့် ကန့်သတ်ခံထားရတာဖြစ်ပါတယ်။ ဒါ့အပြင် ရိုဟင်ဂျာတွေဟာ ဥပဒေမဲ့ ဖမ်းဆီးထိမ်းသိမ်းခြင်း၊ နှိပ်စက်ညှဉ်းပမ်းခြင်း၊ ရွေးပြောင်းသွားလာခွင့်နဲ့ လွတ်လပ်စွာ ကိုးကွယ်ခွင့်တွေ ကန့်သတ်ခံထားရခြင်း၊ အလုပ်အကိုင်အခွင့်အလမ်းနဲ့ လူမှုရေး ၀န်ဆောင်မှုတွေ ရယူခွင့်မရှိခြင်း စတာတွေအပါအ၀င် အစိုးရရဲ့ ဖိနှိပ်မှုနဲ့ ခွဲခြားဆက်ဆံမှုတွေ ကြုံနေရတယ်လို့ ဖော်ပြထားပါတယ်။

အရပ်ဘက်မှာလဲ ဗုဒ္ဓဘာသာ အစွန်းရောက် ဘုန်းတော်ကြီးတွေရဲ့ မွတ်စလင် ဆန့်ကျင်ရေး တရားဟောပြီး၊ သွေးထိုးလှုံ့ဆော်မှုတွေနဲ့ ကြုံနေရပြီး၊ ရိုဟင်ဂျာတွေ တန်းတူအခွင့်အရေးရဖို့အတွက် အခြား တိုင်းရင်းသားလူနည်းစုတွေအပါအ၀င် ပြည်သူလူထုတွေရဲ့ အားပေးထောက်ခံမှု မရှိသလောက်ဖြစ်နေတယ်လို့ ဖော်ပြထားပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ရဲ့ ခန်ှုမှန်းချက်အရ ၂၀၁၂ခုနှစ်ကတည်းက ရိုဟင်ဂျာ ၁၆၀၀၀၀ လောက်အထိဟာ ပင်လယ်ကို ဖြတ်ကျော်ပြီး အိမ်နီးချင်း နိုင်ငံတွေကို ထွက်ပြေးခဲ့ကြတယ်လို့ ဆိုပါတယ်။

၂၀၁၂ခုနှစ်က ရခိုင်ပြည်နယ်မှာ ဖြစ်ပွားခဲ့တဲ့ ရိုဟင်ဂျာ အရပ်သားတွေ အကြမ်ဖက် တိုက်ခိုက်ခံရတဲ့ ဖြစ်ရပ်တွေအတွင်းမှာ လူ၂၀၀ဦးခန့် သေဆုံးပြီး၊ ၁၄၀၀၀၀ကျော် အိုးမဲ့အိမ်မဲ့ဖြစ်ခဲ့ရတယ်လို့ သိရှိထားတဲ့အတွက် အမေရိကန် နိုင်ငံခြားရေးဌာနအနေနဲ့ ဆက်လက်လေ့လာစုံစမ်းသွားမယ်လို့လည်း အစီရင်ခံစာမှာ ဖော်ပြထားပါတယ်။

ပြီးခဲ့တဲ့ စက်တင်ဘာလက အမေရိကန်နိုင်ငံအခြေစိုက် Simon-Skjodt Center for the Prevention of Genocide အဖွဲ့ဟာ အစုလိုက် အပြုံလိုက် သတ်ဖြတ်မှုတွေ ဖြစ်ပွားဖို့ အန္တရယ်ရှိနေတဲ့ နိုင်ငံတွေကို စာရင်းပြုစုပြီး၊ ထုတ်ပြန်လိုက်ရာမှာ မြန်မာနိုင်ငံကို နိုင်ဂျီးရီးယား၊ ဆူဒန်၊ အာဖဂန်နစ္စတန် နဲ့ တောင်ဆူဒန် စတဲ့ နိုင်ငံတွေရဲ့ အထက်မှာ ထားပြီး၊ ဘေးအန္တရာယ်အရှိဆုံး နံပါတ်တစ် နိုင်ငံအဖြစ် သတ်မှတ်ထားခဲ့ပါတယ်။

ရဲခေါင် / ဗွီအိုအေ (မြန်မာပိုင်း)
http://burmese.voanews.com

အမေရိကန် သမ္မတ ဘာရက်အိုဘားမားနဲ့ ကျူးဘားနိုင်ငံ သမ္မတ Raul Castro (Credit: Reuters) 
အမေရိကန် ​သမ္မတ ​ဘာရက် ​အိုဘားမားက ​ကျူးဘားနိုင်ငံရဲ့ ​ဒီမိုကရေစီနဲ့ ​လူ့အခွင့်အရေးကို ​တိုးတက်အောင် ​လုပ်ဆောင်ဖို့ ​ပြောဆိုလိုက်ချိန်မှာပဲ ​ကျူးဘား ​သမ္မတ ​Raul ​Castro ​က ​အမေရိကန်ဟာ ​လိုတမျိုး ​မလိုတမျိုး ​ပေါ်လစီကို ​ကျင့်သုံးတယ်လို့ ​ပြောဆိုလိုက်ပါတယ်။

ကွန်မြူနစ်နိုင်ငံ ​ဖြစ်တဲ့ ​ကျူးဘားနိုင်ငံကို ​အမေရိကန် ​သမ္မတရဲ့ ​သမိုင်းဝင် ​လည်ပတ်မှုအတွင်း ​အမေရိကန် ​သမ္မတက ​ကျူးဘား ​သမ္မတနဲ့ ​ပွင့်ပွင့် ​လင်းလင်း ​ဆွေးနွေးမှု ​လုပ်ခဲ့တယ်လို့ ​သိရပါတယ်။

ဒီမိုကရေစီ၊ ​လူ့အခွင့်အရေးတွေနဲ့ ​ပတ်သက်လာရင် ​အမေရိကန်နဲ့ ​ကျူးဘားနိုင်ငံအကြား ​အမြင်မတူမှုတွေ ​အများကြီး ​ရှိသေးတယ်လို့ ​သမ္မတ ​ဘာရက် ​အိုဘားမားက ​ပူးပေါင်း ​သတင်းစာ ​ရှင်းလင်းပွဲမှာ ​ပြောသွားခဲ့ပါတယ်။

သမ္မတ ​Raul ​Castro ​ကလည်း ​ရှားရှားပါးပါး ​သတင်းထောက်တွေရဲ့ ​မေးခွန်းကို ​ပြန်လည် ​ဖြေကြားခဲ့ပါတယ်။

သတင်းထောက်တွေက ​ကျူးဘားနိုင်ငံရဲ့ ​နိုင်ငံရေး ​အကျဉ်းသား ​အကြောင်းကို ​မေးရာမှာ ​သမ္မတ ​Raul ​Castro ​က ​နိုင်ငံရေး ​အကျဉ်းသားတွေ ​မရှိတဲ့အကြောင်း၊ ​နိုင်ငံရေး ​အကျဉ်းသား ​ရှိမယ်ဆိုရင် ​စာရင်းကို ​ပြသဖို့ ​သတင်းထောက်ကို ​ပြန်လည် ​တောင်းဆိုလိုက်ပါတယ်။

နိုင်ငံရေး ​အကျဉ်းသား ​စာရင်းကို ​အခုပေးနိုင်မယ်ဆိုရင် ​မိုးမချုပ်ခင်မှာ ​အားလုံးကို ​လွတ်ပေးမယ်လို့ ​ပြောလိုက်ပါတယ်။

အမေရိကန် ​အိမ်ဖြူတော်ကလည်း ​နောက်ပိုင်းမှာ ​တုန့်ပြန်မှု ​လုပ်လိုက်ပြီး ​နိုင်ငံရေး ​အကျဉ်းသား ​စာရင်းကို ​အရင်ကတည်းက ​ပေးထားပြီးသားလို့ ​ပြောလိုက်ပါတယ်။

ဒါပေမယ့် ​နှစ်နိုင်ငံ ​သမ္မတက ​မတူညီမှုတွေကို ​ဘေးဖယ်ပြီး ​တူညီတဲ့ ​အရာတွေကို ​ပူးပေါင်းပြီးတော့ ​နှစ်နိုင်ငံ ​ဆက်ဆံရေး ​တိုးတက်အောင် ​လုပ်ဆောင်သွားဖို့ ​သဘောတူခဲ့ကြပါတယ်။

သမ္မတ ​Raul ​Castro ​ကတော့ ​အမေရိကန် ​ဘက်က ​၅၄ ​နှစ်ကြာ ​ချမှတ်ထားတဲ့ ​ကုန်သွယ်ရေး ​ဒဏ်ခတ်ပိတ်ဆို့မှုကို ​ဖယ်ရှားပေးရင်တော့ ​အကောင်းဆုံး ​ဖြစ်မယ်လို့ ​ပြောဆိုလိုက်ပါတယ်။

အမေရိကန်နဲ့ ​ကျူးဘား ​ဆက်ဆံရေးဟာ ​ကောင်းမွန်ဖို့ ​ရှိတဲ့အကြောင်း ​အမေရိကန်နိုင်ငံသူ ​ရေကူးသမား ​Diana ​Nyad ​က ​၂၀၁၃ ​ခုနှစ်တုန်းက ​ငါးမန်းရန်ကနေ ​အကာအကွယ် ​မပါပဲ ​အမေရိကန်နိုင်ငံ ​ဖလော်ရီဒါ ​ပြည်နယ်ကနေ ​ကျူးဘားနိုင်ငံကို ​ရေကူးနိုင်သလိုပဲ ​အမေရိကန်နဲ့ ​ကျူးဘား ​အစိုးရတို့ကလည်း ​ဆက်ဆံရေး ​တိုးတက်အောင် ​လုပ်နိုင်ရမယ်လို့ ​ကျူးဘား ​သမ္မတက ​သတင်းထောက်တွေကို ​ပြောသွားခဲ့ပါတယ်။

ကျူးဘားနိုင်ငံအရေးကို ​ကျူးဘားကသာ ​ပုံဖော်ရမှာ ​ဖြစ်ပေမယ့် ​အမေရိကန်ကတော့ ​မီဒီယာ၊ ​စီးပွားရေးနဲ့ ​နိုင်ငံရေးတွေမှာ ​ကွန်မြူနစ် ​အစိုးရက ​အားလုံး ​ထိန်းချုပ်တာကို ​လျှော့ချဖို့တော့ ​ဆက်လက် ​တိုက်တွန်းမှု ​လုပ်သွားမယ်လို့ ​ပြောပါတယ်။

ဒါပေမဲ့ ​အမေရိကန် ​သမ္မတက ​ကျူးဘားနိုင်ငံနဲ့ ​ဆက်ဆံရေး ​တိုးတက်ဖို့ ​ကြိုးစားမှုကို ​အမေရိကန် ​နိုင်ငံက ​နိုင်ငံရေး ​သမားတွေ ​ဆန့်ကျင်မှုတွေလည်း ​ရှိနေပါတယ်။

ABC Radio Australia
http://www.radioaustralia.net.au/burmese

ဝါရှင်တန်က အစ္စရေးလိုလားတဲ့ ဟောပြောပွဲက ဒေါ်နယ် ထရမ့်
အမေရိကန် ရီပတ်ဘလစ်ကန် သမ္မတလောင်း ရွေးပွဲမှာ ရှေ့က ပြေးနေတဲ့ ဒေါ်နယ် ထရမ့်က နေတိုးတပ်ဖွဲ့ ဆက်ထားရှိဖို့ ကိစ္စ မေးခွန်းထုတ်စရာ ရှိတယ်လို့ ပြောကြား လိုက်ပါတယ်။

ဒီလို လုံခြုံရေး အဖွဲ့အစည်း တွေအတွက် အမေရိကန်ရဲ့ ကုန်ကျ စရိတ် ကြီးလေးမှု ကြောင့် နိုင်ငံ အနေနဲ့ ပြည်တွင်း တည်ဆောက်မှု ကိုပဲ အာရုံ စိုက် သင့်တယ်လို့ ဝါရှင်တန် ပို့စ် သတင်းစာ နဲ့ တွေ့ဆုံရာမှာ မစ္စတာ ထရမ့်က ပြောကြား ခဲ့ပါတယ်။

နေတိုးက ဥရောပ အဖွဲ့ဝင် နိုင်ငံ တွေဟာ ယူကရိန်းကို ရုရှ ကျူးကျော် နိုင်တာကို ဘာမှ မလုပ်ဘဲ နေနေကြတယ်လို့လည်း သူက စွပ်စွဲ ပြောဆိုပါတယ်။

ဗြိတိန် ဥရောပ သမဂ္ဂ ထဲက ထွက်နိုင်တယ် လို့လည်း သူက ဆိုပါတယ်။

ဒေါ်နယ် ထရမ့်က သူတက်လာရင် ပထမ ဦးစားပေးအနေနဲ့ အီရန်နဲ့ အဏုမြူရေး သဘောတူညီမှုတွေကို ပယ်ဖျက် ပစ်မယ်လို့ ဆိုပါတယ်။

ကုလ သမဂ္ဂမှာ အစ္စရေး ဆန့်ကျင်ရေးနဲ့ ဒီမိုကရေစီ ဆန့်ကျင်ရေးတွေ ရှိနေတယ်လို့လည်း သူက စွပ်စွဲ ပြောကြား ခဲ့ပါတယ်။

BBC Burmese
http://www.bbc.com/burmese/


မသင်္ကာခံရသူ အသက် ၂၄ နှစ်အရွယ် Najim Laachraouli
ပြင်သစ်နိုင်ငံ၊ ပဲရစ်မြို့တိုက်ခိုက်မှုမှာ ကြံရာပါအဖြစ် ပါဝင်ခဲ့တယ်လို့ မသင်္ကာခံရသူ အမျိုးသားတဦး ဘယ်သူဖြစ်တယ်ဆိုတာ သိရှိထားပြီလို့ Belgium ဗဟိုအစိုးရရှေ့နေတွေက ပြောပါတယ်။

အသက် ၂၄ နှစ်အရွယ် Najim Laachraouli ဆိုသူဟာ ပြီးခဲ့တဲ့ သီတင်းပတ်အတွင်း Brussels မြို့မှာ ဖမ်းဆီးခံလိုက်ရတဲ့ ပဲရစ်မြို့ တိုက်ခိုက်မှုကို အဓိက ဦးဆောင်ပြုလုပ်ခဲ့သူလို့ မသင်္ကာခံရသူ Salah Abdeslam နဲ့အတူ စက်တင်ဘာလအတွင်း Austria – Hungary နယ်စပ်ကို အတူ သွားခဲ့တယ်လို့ ရှေ့နေရုံးက ပြောပါတယ်။

 Belgium နိုင်ငံ၊ Auvelais မြို့မှာ Soufiane Kayale ဆိုသူရဲ့ အမည်နဲ့ ငှားထားတဲ့ အိမ်မှာ Laachraouli ရဲ့ DNA ကို တွေ့ခဲ့တယ်လို့ အာဏာပိုင်တွေက ပြောပါတယ်။

Laachraouli ဟာ ၂၀၁၃ ခုနှစ်အတွင်း ဆီးရီးယားနိုင်ငံကိုလည်း သွားခဲ့တယ်လို့ ဆိုပါတယ်။ အာဏာပိုင်တွေက Laachraouli အပါအ၀င် တိုက်ခိုက်မှု မပြုလုပ်ခင် ရက်အနဲငယ်တုန်းက Abdeslam နဲ့အတူ ကားအတူ မောင်းသွားတာကို တွေ့လိုက်ရတဲ့ Mohamed Abrini ဆိုသူတို့ကို ဆက်လက် ရှာဖွေနေကြဆဲ ဖြစ်ပါတယ်။

ပြင်သစ်နိုင်ငံ ပဲရစ်မြို့မှာ နိုဝင်ဘာလ ၁၃ ရက်နေ့က ဖြစ်သွားခဲ့တဲ့ အကြမ်းဖက် တိုက်ခိုက်မှုအတွင်း လူပေါင်း ၁၃၀ သေဆုံးပြီး ၃၀၀ ကျော် ထိခိုက် ဒဏ်ရာရခဲ့တာပါ။

ဗွီအိုအေ (မြန်မာပိုင်း)
http://burmese.voanews.com

 myintsone-dam-620.jpg ဧရာဝတီမြစ်ဆုံ စီမံကိန်းရပ်ဆိုင်းခြင်း ၄ နှစ်မြောက် အခမ်းအနားကို မြစ်ကြီးနားမြို့နယ် တန်ဖရဲကျေးရွာမှာ ၂ဝ၁၅ ခုနှစ် အောက်တိုဘာလ ၁ဝ ရက်နေ့က ကျင်းပခဲ့စဉ်
Photo: Kyaw Myo Min/RFA

ပြည်သူအများ ကန့်ကွက်မူတွေရှိနေတဲ့ ပြည်တွင်းသယံဇာတတွေ ထုတ်ယူတဲ့ စီမံကိန်းတွေနဲ့ ပတ်သက်ပြီး အသေး စိတ်ပြန်လည်စိစစ်တာတွေ လုပ်ဆောင်သွားဖို့ရှိတယ်လို့ ပြည်သူ့လွှတ်တော် သယံဇာတ၊ သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီ ဥက္ကဌ ဦးစိုးသူရထွန်းက ပြောကြားလိုက်ပါတယ်။

သမ္မတဦးသိန်းစိန်လက်ထက်မှာ ယာယီရပ်ဆိုင်းထားတဲ့ မြစ်ဆုံစီမံကိန်းကို အစိုးရသစ်လက်ထက်မှာ ပြန်လည် စတင်နိုင်ဖို့ တရုတ်ဒုတိယနိုင်ငံခြားရေးဝန်ကြီးက ဘေဂျင်းမြို့မှာ သတင်းထောက်တွေကို မကြာသေးခင်ကာလက ထုတ်ဖေါ်ပြောဆိုခဲ့တာနဲ့ ပတ်သက်ပြီး ပြည်သူ့လွှတ်တော် သယံဇာတ၊ သဘာဝပတ်ဝန်းကျင် ထိန်းသိမ်းရေး ဆိုင်ရာ ကော်မတီဥက္ကဌ ဦးစိုးသူရထွန်းက ပြန်လည်ဖြေကြားခဲ့တာဖြစ်ပါတယ်။

"ကောင်းကျိုး ဆိုးကျိုး ဘာတွေရှိသလဲဆိုတာကို ကျနော်တို့အသေးစိတ် စိစစ်ရမှာပဲဖြစ်ပါတယ်၊ တစ်ဘက်က လည်း အဲ့လိုစိစစ်တဲ့အချိန်မှာ လူအများစုရဲ့ ဆန္ဒကိုလည်း မျက်ခြေမပြတ်ကြည့်ရမှာဖြစ်ပါတယ်၊ နောက်ထပ် ရှုထောင့်တစ်ခုကကျတော့ စာချုပ်စာတမ်းတွေကရှိတယ်၊ ကျနော်တို့ကလည်း နိုင်ငံတကာ ဒီမိုကရေစီ အစိုး ရကောင်းတစ်ခု ဖြစ်ချင်တဲ့အခါမှာ အရင်အစိုးရက ချုပ်ခဲ့တဲ့စာချုပ်တွေကိုလည်း လက်ခံပြီးကြည့်ရမှာဖြစ်ပါတယ်၊ ဒါပေမဲ့ ဒီစာချုပ်တွေကို အခုထက်ထိလည်း မမြင်ရသေးဘူးပေါ့လေ၊ ကျနောတို့ရဲ့ ရွေးချယ်တင်မြှောက်ခံရတဲ့ အစိုးရဖြစ်လာတဲ့အခါကျရင်တော့ ကျနော်တို့က ဒီစာချုပ်တွေကဘာတွေလဲ၊ ဘာတွေချုပ်ဆိုထားတာလဲဆိုတာကို အသေးစိတ်ပြန်စစ်ဆေးပြီးတော့ ဒီအပေါ်မှာ ပြည်သူလူထုရဲ့ ဆန္ဒနဲ့ကိုက်ညီအောင် သယံဇာတတွေထုတ်ဖော်မှု တို့ အများအတွက် အကျိုးစီးပွားတွေအားလုံးနဲ့ နိုင်ငံရဲ့ရေရှည်အကျိုးစီးပွားတွေ နှိုင်းယှဉ်ပြီးတော့ ကျနော်တို့ ပြန် စစ်ဆေးရမှာဖြစ်ပါတယ်"

တရုတ်ဒုတိယ နိုင်ငံခြားရေးဝန်ကြီးက စီမံကိန်းကို ယာယီရပ်ဆိုင်းခဲ့တာဖြစ်ပေမဲ့ နှစ်နိုင်ငံချုပ်ဆိုထားတဲ့စာချုပ်များ အသက်ဝင်စဲရှိတယ်လို့ ပြောပါတယ်။ ဦးစိုးသူရထွန်းက စီမံကိန်းများနဲ့ ပတ်သက်ပြီး ဒေသခံပြည်သူများရဲ့ သဘောထားဟာ အရေးကြီးဆုံးဖြစ်ပြီး စီမံကိန်းတွေမှာ နိုင်ငံတကာစံနှုန်းတွေအရ အကောင်အထည်ဖေါ်မယ့် ကုမ္ပဏီတွေရဲ့ လုပ်ဆောင်ပေးတာတွေကို အသေးစိတ်ပြန်လည်စိစစ်ရမှာဖြစ်တယ်လို့ ဆိုပါတယ်။

ဒီလိုစိစစ်ရာမှာ အများကန့်ကွက်မူတွေရှိနေတဲ့ လက်ပန်းတောင်းတောင် ကြေးနီစီမံကိန်း၊ ဖါးကန့် ကျောက်စိမ်း တွင်းဒေသ စတဲ့ဒေသများ အပါအ၀င် ဒေသတော်တော်များများက အခြေအနေတွေကို သယံဇာတနဲ့ သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီအနေနဲ့ မှတ်တမ်းတွေ စတင်ရယူနေပြီလို့ ပြောပါတယ်။

ပြည်သူ့လွှတ်တော် သယံဇာတ၊ သဘာဝပတ်ဝန်းကျင် ထိန်းသိမ်းရေးဆိုင်ရာကော်မတီက ဆောင်ရွက်မယ့် အစီအစဉ်များနဲ့ ပတ်သက်ပြီး ကော်မတီဥက္ကဌ ဦးစိုးသူရထွန်းကို ဦးတင်အောင်ခိုင်က မေးမြန်းထားပါတယ်။
RFA

ရန်ကုန်တိုင်း ဝန်ကြီးချုပ် ဖြစ်လာနိုင်တယ်လို့ ဦးဖြိုးမင်းသိမ်း တစ်ပြေးနေ
ရန်ကုန်တိုင်း ဝန်ကြီးချုပ် ဖြစ်လာနိုင်သူလို့ သတင်းတွေ ထွက်ပေါ်နေတဲ့ အမျိုးသား ဒီမိုကရေစီအဖွဲချုပ် NLD လှည်းကူးမြို့နယ် ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းကို လူအင်အား ၁၅၀၀ လောက်က ကန့်ကွက် ဆန္ဒပြခဲ့ကြ ပါတယ်။

ရွေးကောက်ပွဲနေ့က လှည်းကူးမြို့ သနပ်ပင်ရွာမှာ ဦးဖြိုးမင်းသိန်းက ကော်မရှင်လူကြီးတွေကို ခြိမ်းခြောက်တယ် ဆိုပြီး ရွေးကောက်ပွဲ စည်းမျဉ်း ဥပဒေအရ ဒေါက်တာ အောင်မြတ်သူက အမှုဖွင့် ထားခဲ့တာ ဖြစ်ပါတယ်။

ဗဟန်းမြို့နယ် ဗိုလ်စိန်မှန်ကွင်း ကနေ တာမွေ ဟစ်တိုင်ကွင်း အထိချီတက် ဆန္ဒပြကြရာမှာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ဝင်ရောက် ယှဉ်ပြိုင်ခဲ့သူ ဒေါက်တာ အောင်မြတ်သူက ဦးဆောင် ခဲ့ပါ တယ်။

ဦးဖြိုးမင်းသိန်း ကို ကန့်ကွက်ဖို့ ရောက်လာကြသူ အများစုက ရန်ကုန်မြို့နဲ့ မိုင်၂၀ လောက်ဝေးတဲ့ လှည်းကူး ဖောင်ကြီးဘက်က လူတွေဖြစ်ပါတယ်။

သူတို့က ရန်ကုန်မြို့ ဗဟန်း ဗိုလ်စိန်မှန်ကွင်းကို ကားတွေနဲ့ လာရောက်ကြပြီး ဗိုလ်စိန်မှန်ကွင်း ကနေ တာမွေ ဟစ်တိုင်ကွင်းအထိ ချီတက် ဆန္ဒပြခဲ့ ပါတယ်။

တရားစွဲဆိုခွင့် ကျပြီးဖြစ်ပေမဲ့ တိုင်းဒေသကြီး လွှတ်တော်ကို တင်ပြပြီး စွဲဆိုခွင့် တောင်းရာမှာ ကြံ့ကြာနေတဲ့ အတွက် အခုလို ဆန္ဒ ပြတာ ဖြစ်ကြောင်း ဒေါက်တာ အောင်မြတ်သူက ဘီဘီစီကို ပြောပါတယ်။

ဦးဖြိုးမင်းသိန်းကတော့ ဒေါက်တာ အောင်မြတ်သူဟာ ၂၀၁၂ ခုနှစ် ကြားဖြတ် ရွေးကောက်ပွဲ ကတည်းက သူနဲ့ ယှဉ်ပြိုင်ခဲ့သူ ဖြစ်ကြောင်းနဲ့ အာဏာ လက်လွှတ် ရကာနီး အချိန်မှာ အာဏာရပါတီ တစ်ခုက ထင်ရာတွေ လျှောက်လုပ်သလိုမျိုး မဖြစ်သင့်ဘူးလို့ ပြောဆို တုံ့ပြန်ပါတယ်။ ဒီဆန္ဒပြပွဲကို ကြံ့ခိုင်ရေးပါတီက လုပ်တာ မဟုတ်ဘဲ ပုဂ္ဂလိက အနေနဲ့ စီစဉ်တာ ဖြစ်ကြောင်းနဲ့ ဦးဖြိုးမင်းသိန်းကို တရား စွဲခွင့် မပြု မချင်း ဆက်လက် တောင်းဆို သွားမယ်လို့ ပြောပါတယ်။

BBC Burmese
http://www.bbc.com/burmese


ဟိုး ..မြောက်ဖျားဆီက ကမ္ဘာရဲ့အမြင့်ဆုံးအရပ်ဌာန ဟိမ၀န္တာတောင်တန်းကြီးတွေထံက မြစ်ဖျားခံလာမို့  လာခြင်းကောင်းတဲ့ ငါတို့ မိခင်ဧရာဝတီဟာ ရိုးသားပြီးချစ်ဖွယ်ကောင်းတဲ့ ကချင်ညီအကိုမောင်နှမ သွေးရင်း သားချင်းတွေကို ဦးစွာထွေးပိုက်လာခဲ့ပြီးတဲ့နောက် … ကျန်တဲ့သားသမီးများကို သူ့ ရဲ့မေတ္တာရေစင်နဲ့  ကျွေးမွေး သုတ်သင်လူရာဝင်စေခဲ့၊ လူလားမြောက်စေခဲ့တာပါ။

မိခင်ဧရာဝတီရဲ့ ၀မ်းကြာတိုက်ထဲမှာ ပြည်ထောင်စုတိုင်းရင်းသားပေါင်းစုံရဲ့ မျိုးရိုးဗီဇနဲ့ အစွမ်းအစပြယုဂ်အဖြစ် ခမ်းနားကြီးကျယ်တဲ့အင်ပါယာနိုင်ငံတော်မြို့ပြကြီးတွေ၊ အလွန်ရှေးကျလှတဲ့ သမိုင်းတင်စခေတ်ကထဲက တောက်ပြောင်မြင့်မားနေတဲ့ အဆင့်မြင့်ယဉ်ကျေးမှု့ လူ့ အဖွဲ့ အစည်းနဲ့ သမိုင်းအမွေအနှစ်တွေ မိုင်ထောင်ချီတဲ့ ဧရာဝတီမြစ်ရိုးတလျှောက် ထွန်းကားဖြစ်တည်ခဲ့တာမဟုတ်လား။

မြေသြဇာအလွန်ကောင်းတဲ့ ဧရာဝတီမြစ်ဝကျွန်းပေါ်ဒေသဟာ အာရှရဲ့စပါးကျီလို့တင်စားခဲ့ကြရဘူးပါတယ်။ သောက်သုံးရေ၊ လယ်ယာစိုက်ပျိုးရေး၊ ကုန်စည်ကူးသန်းရောင်းဝယ်ရေး၊ သယ်ယူပို့ဆောင်ရေး၊ ငါးပုဇွန် ရေထွက်ပစ္စည်း အစားအစာစတဲ့ မြောက်များစွာသောအကျိုးတရားတွေကို ဧရာဝတီမြစ်ကြီးဆီက ရနေတာ ဖြစ်တယ်။ ဧရာဝတီရဲ့ဂေဟစနစ်နဲ့ အစာကွင်းဆက်တွေထဲမှာ လူသားတွေအပါအ၀င် ကုန်းနေ၊ ရေနေသတ္တ၀ါ မျိုးစုံနဲ့ ရှားပါးသစ်ပင်မျိုးစိတ်များစွာ မှီတွယ်ရှင်သန်နေထိုင်နေကြရတာလည်းအားလုံးအသိပါ။

ဒါကြောင့်လည်း ပါရမီရှင်အနုပညာသည်တွေဖြစ်ကြတဲ့ မှော်ဝင်သီချင်းရေးဆရာနဲ့ အဆိုတော်ထူးအိမ်သင်က ဧရာဝတီကို ရာဇ၀င်များရဲ့သတို့ သမီးလို့ တင်စားခဲ့သလို မှော်ဝင်အဆိုတော် ကိုခင်ဝမ်းကလည်း ဧရာဝတီကို တဖွဖွ တသသ လွမ်းပြခဲ့ကြတာပေါ့။

အဲ့သလောက်တန်ဘိုးကြီးပြီး သန့် စင်မြင့်မြတ်လှတဲ့ မိခင်ဧရာဝတီကို ဦးသန်းရွှေ၊ ဦးသိန်းစိန်တို့ စစ်အာဏာရှင် တသိုက်ဟာ ကျေးဇူးမသိတတ်စွာနဲ့ ရက်ရက်စက်စက်ပစ်ပစ်ခါခါ သူတပါးလက်ထိုးအပ် အမျိုးဇါတ်ကိုဖျက်ခဲ့ ကြဖူးတယ်။
တန်ဘိုးမသိတဲ့လူတွေလက်ထဲ ပြည်တန်နန်းစင်ရတနာ ငမောက်ပတ္တမြားရောက်ရသလို လုပ်ပုံကလည်း ကြည့်လိုက်အုံး …. မိခင်ဧရာဝတီရဲ့ မွန်မြတ်တဲ့အရင်းအမြစ် ဦးခေါင်းပိုင်းမှာရှိတဲ့ မြစ်ဆုံဒေသမှာ အမေ့လည်မြိုကိုအစ် ဖျစ်ညှစ်သတ်သလို တရုပ်နိုင်ငံအကျိုးစီးပွားနဲ့ စစ်ဗိုလ်ချုပ်ကြီးတွေ လာဘ်စားကြီးပွား နိုင်ဖို့ ဆည်ကြီးတွေဆောက်ပြီး လျှပ်စစ်ဓါတ်ထုတ်ဖို့ ကြံသတဲ့။

ဒီလို ကိုယ်ကျင့်သီလချို့ယွင်းတဲ့ အတွေးအကြံ အစီအမံတွေနဲ့ စစ်ဗိုလ်ချုပ်ကြီးတွေရဲ့ ဘဏ်အကောင့်လည်း ပြည့်မောက်ပြီးတဲ့နောက် ပြည်သူပြည်သားတွေနဲ့ ပညာရှင်တွေက အန္တရာယ်ကြီးမားတဲ့ ဒီမြစ်ဆုံစီမံကိန်းကြီးကို ၀ိုင်းဝန်းကန့် ကွက်တော့မှ နံမည်ကောင်းယူဖို့ ဦးသိန်းစိန်ဟာ သူအတည်ပြုပေးခဲ့တဲ့ မြစ်ဆုံဆည်စီမံကိန်းကိုဘဲ သူ့ သမ္မတသက်တမ်းမှာ ယာယီရပ်ဆိုင်းပြီး နောက်တက်လာမဲ့ ဒီမိုကရေစီအရပ်သားအစိုးရလက်ထဲကို သူ့ အမှိုက်ထုတ်ကြီး လက်လွှဲထိုးအပ်ခဲ့တာပါဘဲ။

ဟောအခု … ရပ်ဆိုင်းထားရတဲ့ ဒေါ်လာ ၃.၆ ဘီလီယံတန်ဘိုးရှိတဲ့ မြစ်ဆုံဆည်စီမံကိန်းကို ပြန်လည်စတင်နိုင်ဖို့  တက်လာမဲ့အစိုးရသစ်ကို တွန်းအားပေးသည့် အနေနဲ့  ကန်ထရိုက်စာချုပ်က သက်တမ်းမကုန်ဆုံးသေးကြောင်း မတ်လ (၁၇) ရက်နေ့မှာ တရုတ်နိုင်ငံက ပြောကြားလိုက်တဲ့သတင်းကို ဖတ်လိုက်ရတယ်။

တကယ်တော့ ဒီစီမံကိန်းက ထွက်ရှိမဲ့လျှပ်စစ်ဓာတ်အားရဲ့ (၉၀) ရာခိုင်နှုန်းကို တရုတ်နိုင်ငံဆီ တင်ပို့ မှာပါ။ ပြည်သူတွေအတွက်အကျိုးအမြတ်မရှိသလောက်နည်းနေယုံတင်မကပါဘူး။ ဒီစီမံကိန်းကိုအခွင့်ကောင်းယူပြီး တူးထုတ်လိုက်ရတဲ့ မြေကြီးတွေသာမက သစ်တောထွက်အဖိုးတန်အရာများစွာနဲ့  သစ်ပင်သစ်မြစ်သစ်ဆုံတွေ ကအစ တရုပ်ပြည်ထဲကို ယာဉ်ယန္တရားကားကြီးများစွာနဲ့ သယ်ထုတ်ယူခဲ့ကြပြီးပါပြီ။

အဲ့ဒါအပြင် စာရေးသူ လွန်ခဲ့တဲ့လေးနှစ်လောက်က စဉ်းစားမိသလောက်ရေးခဲ့တဲ့ “ ဖန်လုံအိမ်အကျဉ်းစံရဲ့ သွေးပြန်ကြောမွှာ မြစ်ဧရာ” ဆောင်းပါးထဲက ငလျှင်ပြတ်ရွေ့ ကြောပေါ်မှာရှိနေတဲ့ မြစ်ဆံဆည်ုစီမံကိန်းရဲ့ ဆိုးကျိုးတွေကို စာဖတ်သူတွေစဉ်းစားဆွေးနွေးနိုင်အောင် ပြန်လည်ထည့်သွင်းဖေါ်ပြပေးလိုက်ပါတယ်။

(၁) မြစ်ဆုံစီမံကိန်းအရ ဆည်ရေဖုံးသွားမဲ့ ဧရိယာဟတ်တာ ၄၈၀၀ ခန့်ရှိပြီးဒေသမှာရှိတဲ့ ကျေးရွာပေါင်း ၄၈ ရွာခန့် ရေနစ်မြုပ်မယ့်ဘေးကြောင့်ကချင်ပြည်သူတစ်သောင်းကျော်ဟာ အခြေပျက်ပြီး နေရာပျောက်သွားမယ်။

(၂) ကချင်လူမျိုးတွေရဲ့ အစားထိုးမရနိုင်တဲ့ သမိုင်းအစဉ်အလာ၊တန်ဘိုး၊အမွေအနှစ်နဲ့ နေရာဋ္ဌာနတွေပျောက်ဆုံးသွားမယ်။

(၃) ဧရာဝတီရဲ့ဂေဟစနစ်မျှခြေပျောက်ဆုံးမှုကြောင့်
(က) ဧရာဝတီလင်းပိုင်အပါအ၀င် ရှားပါးငါးမျိုးစိတ်တွေ မျိုးသုန်းသွားနိုင်တယ်။
(ခ) ရှားပါးသစ်ပင်မျိုးစိတ်တွေ မျိုးသုန်းသွားမယ်။
(ဂ) ဧရာဝတီကိုမှီခိုရပ်တည်နေရတဲ့ လူအားလုံးရဲ့အသက်မွေးဝမ်းကြောင်းမှုဘ၀တွေ ကပြောင်းကပြန်ဖြစ်မယ်။ ငါးပုဇွန်နဲ့ ရေထွက် ပစ္စည်းတွေရှားပါးကုန်မယ်။

(၄) ဧရာဝတီရဲ့ ရေစီးလေလာပြောင်းလဲမှုကြောင့် ပင်လယ်ရေတွေ မြစ်ဝကျွန်းပေါ်ထိတက်လာပြီး ဆန်စပါးစိုက်ပျိုးရေးလုပ်ငန်းကို ဖျက်ဆီးစေနိုင်တယ်။

(၅) ရေသံသရာမျှခြေပျောက်ဆုံးမှုနဲ့ သစ်တောပြုန်းတီးမှုတွေကြောင့် ရာသီဥတုဆိုးဝါးစွာပြောင်းနိုင်တယ်။

(၆) မြစ်ဆုံဆည်ဟာ ပြတ်ရွေ့ ငလျှင်ကျောပေါ်မှာရှိလို့ ဆည်ပြိုခဲ့ရင်အောက်မှာရှိတဲ့ မြစ်ကြီးနားမြို့ကြီးနဲ့ အောက်ပိုင်းမှာရှိတဲ့ရွာတွေ နယ်တွေဟာ စက္ကန့်ပိုင်း မိနစ်ပိုင်းအတွင်း ရေအောက်နစ်မြုပ်သွားနိုင်အောင် အန္တရာယ်ကြီးတယ်။

(၇) ထိမ်းချုပ်ထားတဲ့ဆည်ရေကြောင့် နွေရာသီရေနဲချိန်မှာ ဧရာဝတီမြစ်တွင်းရေကြောင်းသွားလာမှုထိခိုက်ပြီး ကုန်စည်စီးဆင်းမှုနဲ့ သယ်ယူပို့ဆောင်ရေးလုပ်ငန်းတွေထိခိုက်လိမ့်မယ်။ မိုးတွင်းရေကြီးချိန်မှာ မြစ်ကြောင်း ပြောင်းနိုင်တယ်။ တခြားဒေသတွေမှာပါရေလွှမ်းနိုင်တယ်။

(၈) သဘာဝရေစီးကိုထိမ်းချုပ်လိုက်တာမို့ မြေသြဇာကောင်းတဲ့ နှုန်းမြေပို့ချမှုတွေ နည်းပါးပြီး ဧရာဝတီမြစ်ရိုးတလျှောက် စိုက်ပျိုးရေးလုပ်ငန်းတွေထိခိုက်လိမ့်မယ်။

အထက်ပါ ဆိုးကျိုးတွေအပြင် နောက်ထပ်ဆိုးကျိုးများစွာလည်းရှိနိုင်ပါသေးတယ်။ ထပ်ဖြည့်ဆွေးနွေးကြဖို့  အားလုံးကို တိုက်တွန်းခြင်ပါတယ်။

တို့ အားလုံးဟာ မဟာမိခင်ဧရာဝတီရဲ့သားသမီးတွေဖြစ်တယ်။ ဧရာဝတီဟာ တို့ နိုင်ငံရဲ့ မရှိရင်မဖြစ်တဲ့ အသက်သွေးကြောမကြီးလည်းဖြစ်တယ်။ ဧရာဝတီကယ်တင်ရေးကို တစ်ဦးကောင်း တစ်ယောက်ကောင်း လုပ်လို့ မရနိုင်ဘူး။ ညီညီညွတ်ညွတ် စုပေါင်းလုပ်ဆောင်မှ အောင်မြင်နိုင်မှာပါ။

ဒေါ်အောင်ဆန်းစုကြည်ဥိးဆောင်တဲ့ ဒီမိုကရေစီအစိုးရသစ်ဟာ တိုင်းပြည်အကျိုးအတွက် ဘက်ပေါင်းစုံကို အခြေခံတဲ့ ရေရှည်အမျှော်အမြင်၊ နှံ့ စပ်တိကျတဲ့ပညာရပ်ဆိုင်ရာလေ့လာဆန်းစစ်မှု့တွေနဲ့  ပြည်သူလူထု အပါအ၀င် ဒေသခံတိုင်းရင်းသားတွေရဲ့သဘောထား၊ အများစုဆန္ဒစတဲ့ အချက်အလက်အားလုံးကို ထည့်သွင်းစဉ်စားမယ်ဆိုတာကိုလည်းယုံကြည်တယ်။

အရေးအကြီးဆုံးကတော့ ပွင့်လင်းမြင်သာမှု့ရှိအောင် စီမံကိန်းရဲ့စာချုပ်စာတမ်းဘယ်လိုချုပ်ထားတယ်စတဲ့ သတင်းအချက်အလက်တွေကိုလည်း ထုတ်ပြန်ပြီး ပြည်သူနဲ့ အစိုးရ အတူတကွ ချင့်ချိန်စဉ်းစားလုပ်ကိုင် အဖြေရှာကြမှသာ မဟာမိခင်ဧရာဝတီဟာ ကမ္ဘာကုန်တည်သ၍ အဓွန့် ရှည်ရှည် စီးဆင်းနိုင်မှာဖြစ်ပါတယ်။ မြန်မာနိုင်ငံသားတိုင်းရဲ့လက်ထဲမှာ ဧရာဝတီရဲ့ အသက်ရှည်ဆေး ကိုယ်စီပိုင်ဆိုင်ထားတာမမေ့ဖို့ နဲ့ ထိထိ ရောက်ရောက်အသုံးချဖို့ နှိုးဆော်တိုက်တွန်း သတိပေးလိုက်ပါတယ်။


လေးစားစွာဖြင့်
(မင်းကောင်းချစ်)
မတ်လ (၁၉) ရက် ၂၀၁၆ ခုနှစ်[full-post]

ဗိုလ်ချုပ်ဟောင်းထွန်းကြည်ရဲ့ ကိုယ်ရေးအထုပ္ပတ္တိစာအုပ်
ခုချိန်ဟာ လွှတ်တော်တွင်းမှာ လာမယ့် အစိုးရအဖွဲ့သစ်ကို ဦးဆောင်ဖို့ သမ္မတ၊ ဒုသမ္မတ တွေ ရွေးကောက်တင်မြှောက်နေချိန်၊ သမ္မတ ကလည်း သူဦးဆောင်မယ့် အစိုးရအဖွဲ့မှာ ၀န်ကြီးဌာန ဘယ်လောက်ထားမယ်၊ ၀န်ကြီး ဘယ်နှစ်ယောက်ခန့်မယ် စသဖြင့် တင်ပြနေချိန်လည်း ဖြစ်ပါတယ်။ သိပ်မကြာခင် သမ္မတသစ် အစိုးရအဖွဲ့သစ်ဟာ သမ္မတ ဦးသိန်းစိန် အစိုးရအဖွဲ့ဆီကနေ တာဝန်လွှဲပြောင်းရယူပါတော့မယ်။ ဒီလို တာဝန်လွှဲပြောင်း ရယူတာဟာ လွန်ခဲ့တဲ့ နှစ်ပေါင်း ၅၀ ကျော် ၁၉၆၂ ခုနှစ်က စခဲ့တဲ့ တိုင်းပြည်ကို စစ်အာဏာရှင် ဒါမှမဟုတ် စစ်တပ်က ကျောထောက်နောက်ခံပေးထားတဲ့ စစ်ဗိုလ်ချုပ်ဟောင်းတွေကပဲ အုပ်ချုပ်တဲ့ ခေတ်တစ်ခေတ် အဆုံးသတ်သွားချိန်လို့လည်း ပြောနိုင်ပါတယ်။ တိုက်တိုက်ဆိုင်ဆိုင် ဒီလို အချိန်မျိုးမှာပဲ အရင် ၁၉၈၈ ခုနှစ် စစ်အာဏာသိမ်းခေါင်းဆောင် ဖြစ်ခဲ့ဖူးတဲ့၊ ၁၉၉၇ ခုနှစ်အရောက်မှာ ဗိုလ်ချုပ်မှူးကြီးသန်းရွှေရဲ့ ဖြုတ်ချခြင်း ခံလိုက်ရတဲ့ ဒုဗိုလ်ချုပ်ကြီးဟောင်း ဦးထွန်းကြည်ရဲ့ ကိုယ်ရေး အထုပ္ပတ္တိ ပဉ္စမပိုင်း ထွက်လာပါတယ်။ ဒီ စာအုပ်မှာတော့ အငြိမ်းစား ဒုဗိုလ်ချုပ်ကြီးထွန်းကြည်ဟာ သူကြုံခဲ့ရတဲ့ စစ်အာဏာရှင်တွေရဲ့ ကောက်ကျစ် ရက်စက် ယုတ်မာမှုတွေကို ကောင်းကောင်း ဖွင့်ချထားပါတယ်။ ခုလို သမိုင်းဝင် အသွင်ကူးပြောင်းရေးကာလမှာ ဗိုလ်ချုပ်ထွန်းကြည် စာအုပ်ထဲကနေ ဘာသင်ခန်းစာတွေ ရယူနိုင်မလဲ ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

တကယ်တော့ အရင် စစ်အာဏာရှင်ခေတ်နဲ့ ပတ်သက်ပြီး နိုင်ငံရေး အကျဉ်းသားဟောင်းတွေ အပါအ၀င် ဖိနှိပ်ရက်စက် ခံခဲ့ရသူတွေ ရေးသားတဲ့ စာအုပ်ပေါင်းများစွာ ထွက်ခဲ့ပြီးပါပြီ။ ကိုယ်တိုင် အကျယ်ချုပ်နဲ့ နေခဲ့ရတဲ့ ၀န်ကြီးချုပ်ဟောင်း ဗိုလ်ချုပ်ကြီးဟောင်း ခင်ညွန့်ရဲ့ ကိုယ်တိုင်ရေး စာအုပ်လည်း ထွက်ဖူးပါတယ်။ ဒါပေမယ့် ဦးခင်ညွန့်စာအုပ်ထဲမှာ ဒီပဲရင်း လူသတ်ပွဲကြီးနဲ့ ပတ်သက်လို့ ဗိုလ်ချုပ်မှူးကြီးသန်းရွှေက တိုက်ရိုက် ညွှန်ကြားသူ ဖြစ်တယ်ဆိုတဲ့ အချက်လောက်က လွဲပြီး ကျန်တာတွေက သိပ် စိတ်ဝင်စားစရာ မကောင်းပါဘူး။ အခု ဗိုလ်ချုပ်ထွန်းကြည်ရဲ့ ပဉ္စမမြောက် စာအုပ်မှာတော့ အဲဒီအချိန်က စစ်အာဏာရှင်တွေရဲ့ သရုပ်သကန်၊ စစ်အာဏာရှင်တွေရဲ့ ကောက်ကျစ် ရက်စက် ယုတ်မာမှုတွေကိုပါ ဖတ်ကြရပါတယ်။
ဒုဗိုလ်ချုပ်ကြီးဟောင်း ဦးထွန်းကြည်ရဲ့ ကိုယ်ရေး အထုပ္ပတ္တိ
သူ့စာအုပ်ပါ ရေးသားချက်အရ ၁၉၈၈ ခုနှစ် စက်တင်ဘာမှာ အာဏာရှင်ဟောင်း ဦးနေ၀င်းရဲ့ ညွှန်ကြားချက်နဲ့ စစ်တပ်က အာဏာသိမ်းပါတယ်။ အဲလို အာဏာသိမ်းတာကို ကြေညာတော့မှ သူဟာလည်း အာဏာသိမ်း အဖွဲ့ ခေါင်းဆောင် တစ်ယောက်အနေနဲ့ ပါဝင်နေတာ သိရတယ်လို့ ဆိုပါတယ်။ နောက်တော့ သူဟာ အာဏာသိမ်း စစ်ဗိုလ်ချုပ်တွေနဲ့ ဖွဲ့စည်းထားတဲ့ နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ န၀တ အဖွဲ့ဝင် စစ်ခေါင်းဆောင် တစ်ယောက် ဖြစ်လာပါတယ်။ သူန၀တ အဖွဲ့ဝင် အဖြစ် တာဝန်ယူရတဲ့ ၉ နှစ်တာကာလ အတွင်း န၀တ အစည်းအဝေး အကြိမ်ကြိမ် လုပ်ခဲ့တဲ့ အကြောင်း၊ အစည်းအဝေးမှာ တင်ပြခြင်းနဲ့ ဆွေးနွေးခြင်းလောက်ပဲ လုပ်နိုင်ပြီး ပါဝင် ဆုံးဖြတ်ခြင်းမျိုး လုံးဝ မရှိခဲ့ကြောင်း၊ အားလုံး န၀တ ဥက္ကဌ တစ်ယောက်တည်းက ဆုံးဖြတ်ချက်ချတယ် ဆိုပြီး ဖွင့်ချထားပါတယ်။

တပ်မတော်ရဲ့ အစဉ်အလာအရ ကာကွယ်ရေး ဦးစီးချုပ်ရဲ့ ပါးစပ်က ထွက်သမျှ အမိန့်အဖြစ် ခံယူရတဲ့အကြောင်း၊ ဘယ်သူမှ စောဒက တက်တာ၊ ငြင်းဆန်တာ၊ ဝေဖန်တာ၊ ဆန့်ကျင်တာ လုပ်လေ့ မရှိတဲ့အကြောင်း၊ လုပ်ရင် ချက်ခြင်း ပြုတ်မှာသေခြာတယ်။ ကံဆိုးရင် ထောင်ပါ ကျနိုင်တယ် ဆိုပြီး ဖော်ပြထားပါတယ်။ ဒါတွေကတော့ စစ်အာဏာရှင် စနစ်ကို ကွက်ကွက်ကွင်းကွင်း မြင်နိုင်တဲ့ ရေးသား ဖော်ပြချက်တွေပဲ ဖြစ်ပါတယ်။

နောက်ပိုင်း သူနဲ့ သူ့လက်အောက်ငယ်သားတွေကို န၀တ ခေါင်းဆောင်တွေနဲ့ ထောက်လှမ်းရေးက ဘယ်လို အရေးယူသလဲ ဆိုတာ “ မြန်မာ့မြေပေါ်မှ ငရဲခန်းများ” ခေါင်းစဉ်တပ်ပြီး ကွက်ကွက်ကွင်းကွင်း မြင်အောင် တင်ပြပါတယ်။ သူရေးထားတဲ့အတိုင်း ဖတ်ပြရရင် “ကျွန်တော့်ကို ချဖို့ အချက်အလက်က သူတို့ထံမှာ လုံလုံလောက်လောက် မရှိသေးတော့ ကျွန်တော့်တပည့်တွေကို ခေါ်ယူ ညှဉ်းပန်း အကျပ်ကိုင်စစ်ဆေးပြီး သူတို့လိုချင် တဲ့ သတင်းတွေ ညှစ်ယူသည်။ ညှစ်လို့မရတော့ အားလုံး အင်းစိန်ထောင်ပို့သည်။ ထောင်ဒဏ် တစ်သက်တစ်ကျွန်း၊ အချို့ နှစ်ကျွန်း ပြစ်ဒဏ် ချသည်။ ထောင်ဒဏ် အနှစ်တစ်ရာကျော် ခံရသူ တွေလည်း ပါသည်။ နိုင်ငံတော်ကို ပုန်ကန်သူ လည်း မဟုတ်၊ လူသတ်မှု၊ ဓားပြမှု၊ မုဒိမ်းမှုလည်း ကျူးလွန်သူများ မဟုတ်။ နည်းမှန်လမ်းမှန် ဥပဒေ အတိုင်း မဟုတ်။ ကျွန်တော်တို့ လူကြီးတွေက ခိုင်းတဲ့အတိုင်း တရားသူကြီးက ချကြရသည်။” လို့ ရေးထားပါတယ်။

စစ်ထောက်လှမ်းရေးတွေ ညစ်ပတ်ပုံကိုလည်း ခုလို ဖော်ပြထားပါသေးတယ်။ “ကျွန်တော့်တပည့်တွေ စစ်ရုံနဲ့၊ သူတို့လိုချင်တဲ့ အချက်အလက်၊ သက်သေအထောက်အထား မရလို့လား သို့မဟုတ် ကျွန်တော့်ဂုဏ်သိက္ခာ ကို ထိခိုက်အောင်လားတော့ မသိ။ ကျွန်တော့် ရုံးက အမျိုးသမီးလေးတွေကို တစ်ယောက်ပြီး တစ်ယောက် ခေါ်စစ်သေးသည်။” “ဝသီပါနေလို့လား မသိ။ ကိုယ့်ညီမအရွယ်၊ အမျိုးသမီးငယ်လေးများကို ခေါင်းအိတ်စွပ်ပြီး ခေါ်သည်။ သူတို့က ပြစ်မှုကျူးလွန်သူများလည်း မဟုတ်။ ထွက်ပြေးမည့်သူလည်း မဟုတ်။ ခေါင်းအိတ်စွပ်ဖို့ လိုသလား။ တမင်ကြောက်လန့်အောင် လုပ်ခြင်းဖြစ်သည်။ စသုံးလုံးရောက်တော့လည်း နည်းမျိုးစုံဖြင့် ကြောက်အောင် ခြောက်သည်။ သူတို့လိုချင်တာ မရမချင်း တစ်ညလုံး လူလဲနှင့် စစ်သည်။ အစားအစာလည်း ကောင်းကောင်း မကျွေး။ အခြားလူတွေက အကုန်ထွက်ဆိုပြီးပြီ။ မင်းမထွက်ရင် ဘယ်တော့မှ ပြန်မလွှတ်ဘူး။ မင်းအမေနဲ့လည်း ဘယ်တော့မှ မတွေ့ရတော့ ဘူးလို့ စသည်ဖြင့် ကိုယ်ရောစိတ်ပါ အမျိုးမျိုး ကျအောင် လုပ်သည်။ အမျိုးသမီးငယ်များဖြစ် ၍ သူတို့ရဲ့ဒဏ်ကို ကြာရှည်မခံနိုင်ကြ။ သူတို့ ခိုင်းတဲ့အတိုင်း လုပ်ကြ ထွက်ဆိုကြရတော့သည်။ အကြောက်တရားကြောင့် အရှက်တရားနောက် မှာထားပြီး မမှန်မကန် ထွက်ဆိုကြရသည်။” လို့ ဖော်ပြထားပါတယ်။

ဗိုလ်ချုပ်ထွန်းကြည် ရေးသားဖော်ပြချက်ကို ကြည့်ရင်ပဲ စစ်အာဏာရှင် စနစ်ဆိုတာ ဘယ်လောက် ဆိုးယုတ်တယ်၊ တိုင်းပြည်နဲ့ ပြည်သူကို မဆိုထားနဲ့ တပ်မတော်သားတွေကို မဆိုထားနဲ့၊ သူ့ ရဲဘော်ရဲဘက် စစ်ဗိုလ်ချုပ် အချင်းချင်းကိုတောင် အာဏာနဲ့ ပတ်သက်ရင် မတရား အနိုင်ပြုကျင့်တယ်၊ ရက်စက်တယ်၊ ယုတ်မာတယ်၊ ဗိုလ်ကျတယ် ဆိုတာ ထင်ထင်ရှားရှား တွေ့မြင်နိုင်ပါတယ်။

ဒီစာအုပ်ကနေ ပေးတဲ့ သင်ခန်းစာကတော့ မြန်မာနိုင်ငံကို နောင် ဘယ်သောအခါမှ စစ်အာဏာရှင် စနစ် ပြန် ရောက်မလာစေရေး၊ စစ်အာဏာရှင် စနစ် ပြန် မရှင်သန်လာရေးပါ။ ဗိုလ်ချုပ်ထွန်းကြည်ရဲ့ အဲဒီ အတွေ့အကြုံရေးသားချက်ကနေ လက်ရှိ တပ်မတော် စစ်ခေါင်းဆောင်တွေ အနေနဲ့ မှန်ကန်တဲ့ သင်ခန်းစာ ထုတ်ယူဖို့ လိုပါတယ်၊ တစ်ဆက်တည်း တိုင်းပြည်ကို ဦးဆောင်သွားမယ့် ဒေါ်အောင်ဆန်းစုကြည်နဲ့ အင်န်အယ်လ်ဒီ ဘက်ကလည်း မြန်မာနိုင်ငံမှာ စစ်အာဏာရှင် စနစ် ပြန်ပြီး အမြစ်တွယ်မလာရလေအောင် အသွင်ကူးပြောင်းရေးကို အတူလက်တွဲ သွားရမယ့် တပ်မတော် စစ်ခေါင်းဆောင်တွေကို နွေးနွေးထွေးထွေး စည်းရုံး ဆွဲဆောင် သင့်ပါကြောင်း တင်ပြလိုက်ရပါတယ်။

ဦးစည်သူအောင်မြင့် / ဗွီအိုအေ (မြန်မာပိုင်း)
http://burmese.voanews.com

 phyominthein-protest-620.jpg NLD လွှတ်တော်ကိုယ်စားလှယ် ဦးဖြိုးမင်းသိန်းနဲ့ ဦးသိန်းတန် တို့ကို မတ်လ ၂၁ ရက်နေ့က လှည်းကူးမြို့နယ် ကြံ့ခိုင်ဖွံ့ဖြိုးရေးပါတီဝင်တွေက ဆန္ဒပြစဉ်
Photo: Aung Thain Kha/RFA

ရန်ကုန်တိုင်း လှည်းကူးမြို့နယ် အမျိုးသားဒီမိုကရေစီအဖွဲ့ချုပ် တိုင်းလွှတ်တော်ကိုယ်စားလှယ် ဦးဖြိုးမင်းသိန်းနဲ့  ပြည်သူ့လွှတ်တော်ကိုယ်စားလှယ် ဦးသိန်းတန် တို့ နှစ်ဦးကို ရွေးကောက်ပွဲ ကော်မရှင် ဥပဒေချိုးဖောက်မှုနဲ့ တရားစွဲဆို ခွင့်ပြုဖို့ ကြံ့ခိုင်ဖွံ့ဖြိုးရေးပါတီအဖွဲ့ဝင်တွေက ဒီနေ့ စီတန်းလမ်းလျှောက်ပြီး ဆန္ဒပြတောင်းဆိုကြပါတယ်။

ရွေးကောက်ပွဲတုန်းက လှည်းကူးမြို့နယ် သနပ်ပင်မဲရုံမှာ ဦးဖြိုးမင်းသိန်းက လာရောက် ခြိမ်းခြောက်ပြောဆိုသွားတဲ့ အတွက် တရားစွဲဆိုခွင့်ပြုဖို့ တောင်းဆိုတာဖြစ်တယ်လို့ လှည်းကူးမြို့နယ် ကြံ့ခိုင်ဖွံ့ဖြိုးရေးပါတီဝင် ဦးလှသန်း က ပြောပါတယ်။

"သနပ်ပင်မဲရုံရဲ့ အထဲထဲကိုဝင်ပြီးတော့ ကော်မရှင်တွေ မင်းတို့ လက်ထိပ်နဲ့ လိုက်ချင်လား၊ ကော်မရှင်တွေ အကုန်လုံးထွက်ခဲ့၊ မင်းတို့ မမြင်ဘူးလားဆိုတာက ခြိမ်းခြောက်တာမဟုတ်လို့ ဘာဖြစ်မလဲ၊ အဲ့လိုခြိမ်းခြောက်တဲ့ အတွက်ကြောင့် ကျနော်တို့ တရားစွဲခဲ့တာပါ၊ သုံးကြိမ် ခြိမ်းခြောက်တာပါ၊ တရားလည်း အစောကြီးကတည်းက စွဲထားပြီးပြီ၊ ကျနော်တို့က အခုမှလုပ်တာမဟုတ်ဘူး၊ သူဝန်ကြီးချုပ်ဖြစ်ဖို့ လျာထားတယ်ဆိုတာ ကျနော်တို့မသိဘူး၊ ကျနော်တို့သိတာက လွှတ်တော်ကိုယ်စားလှယ်တစ်ဦးအနေနဲ့ ဆဲထားကတည်းက တရားစွဲထားတာလေ၊ ဒါပေမဲ့ အခုချိန်အထိ တရားစွဲခွင့်မရတဲ့အတွက်ကြောင့် ဆန္ဒထုတ်ဖော်တာဖြစ်ပါတယ်"

သနပ်ပင်မဲရုံကို လာတုန်းက ဦးဖြိုးမင်းသိန်းနဲ့အတူ ဦးသိန်းတန်လည်း ပါတဲ့အတွက် ၂ ဦးစလုံးကို တရားစွဲ ခွင့် တောင်းဆိုတာလို့ ပြောပါတယ်။

ဆန္ဒပြပွဲကို ကြံ့ခိုင်ဖွံ့ဖြိုးရေးပါတီရဲ့ လှည်းကူးမြို့နယ် အဖွဲ့ဝင် ဦးလှသန်းနဲ့ ဒေါက်တာ အောင်မြတ်သူတို့က ဦးဆောင်ပြီး ရာနဲ့ချီတဲ့ ကြံ့ခိုင်ရေး ပါတီဝင်တွေဟာ ရန်ကုန်မြို့ ဗိုလ်စိန်မှန်အားကစားကွင်းကနေ ကျိုက်က္ကစံကွင်း ဟစ်တိုင်အထိ လမ်းလျှောက်ဆန္ဒပြ ခဲ့ကြပါတယ်။

ကြံ့ခိုင်ဖွံ့ဖြိုးရေးပါတီကနေ ရွေးကောက်ပွဲမှာ ယှဉ်ပြိုင်ခဲ့တဲ့ လျှပ်စစ်စွမ်းအားဝန်ကြီး ဦးခင်မောင်စိုး၊ ဦးဆွေအောင်နဲ့ ဦးအောင်မြတ်သူ တို့ အပါအ၀င် ၇ ဦးကို ရွေးကောက်ပွဲဥပဒေ ပုဒ်မ ၅၈ (က) အရ မက်လုံးပေး မဲဆွယ်စည်းရုံးတဲ့ အတွက်ဆိုပြီး အန်အယ်လ်ဒီပါတီက လက်ရှိ ရန်ကုန်တိုင်း ကိုယ်စားလှယ် ဦးဖြိုးမင်းသိန်းက ပြီးခဲ့တဲ့နှစ် အောက် တိုဘာလက တရားစွဲခဲ့ဖူးပါတယ်။

အနိုင်ရကိုယ်စားလှယ်တွေဖြစ်ပြီး ကျမ်းကျိန်ဆိုပြီးဖြစ်တဲ့အတွက် တိုက်ရိုက်တရားစွဲခွင့် မရှိတာကြောင့် ဆန္ဒပြတောင်းဆိုတာဖြစ်နိုင်ကြောင်း ဆန္ဒပြခံရသူ အန်အယ်လ်ဒီ လှည်းကူးမြို့နယ် ပြည်သူ့လွှတ်တော် ကိုယ်စားလှယ် ဦးသိန်းတန် က ပြောပါတယ်။ ဦးသိန်းတန် ကို RFA သတင်းထောက် မသီရိမင်းဇင်က ဆက်သွယ်မေးမြန်းထားတာ နားဆင်နိုင်ပါတယ်။
RFA


ခေတ်စနစ်နဲ့သာမက ဒီမိုကရေစီ စံချိန်စံညွှန်းနဲ့ပါ မကိုက်ညီတော့တာကြောင့် ဧည့်စာရင်းတိုင်ကြားတာနဲ့ ပတ်သက်တဲ့ ဥပဒေပုဒ်မတွေကို မကြာခင်မှာ ပြည်ထောင်စုလွှတ်တော်ကနေပယ်ဖျက်ဖို့ရှိနေပါတယ်။ ဒီလိုပယ်ဖျက်ဖို့ကို ရပ်ကွက်သို့မဟုတ် ကျေးရွာအုပ်စု အုပ်ချုပ်ရေးဥပဒေ ပြင်ဆင်ရေးမူကြမ်းအဖြစ် အမျိုးသားလွှတ်တော်ကို တင်ပြထားပြီး အစိုးရသစ်ဖွဲ့စည်းပြီးနောက်ပိုင်းမှာ အတည်ပြုပြဌာန်းဖွယ်ရှိနေပါတယ်။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

မြန်မာနိုင်ငံအတွင်းမှာ လွတ်လပ်စွာခရီးသွားလာခွင့်ကို အနှောက်အယှက်ဖြစ်စေတဲ့ ဧည့်စာရင်းတိုင်ကြားတာ၊ ဧည့်စာရင်း စစ်ဆေးတာနဲ့ ပျက်ကွက်ရင် အရေးယူတာတွေနဲ့ သက်ဆိုင်တဲ့ ဥပဒေပုဒ်မတွေကို ပယ်ဖျက်ဖို့အတွက် ဥပဒေကြမ်းအဖြစ်နဲ့ လွှတ်တော်ကို တင်ပြထားပြီဖြစ်ပါတယ်။

လောလောဆည်မှာတော့ အမျိုးသားလွှတ်တော်မှာ ဒီဥပဒေကြမ်းကို ပြင်ဆင်ဖို့အတွက် လက်ခံရရှိထားပြီဖြစ်တယ်လို့ အမျိုးသားလွှတ်တော်ကိုယ်စားလှယ် ဒေါ်စူစန်နာလှလှစိုးကပြောပါတယ်။

“ဧည့်စာရင်းကို ပယ်ဖျက်ဖို့ဆိုပြီးတော့ လုပ်နေတာတော့ ကြာပြီလေ ။ ပြီးခဲ့တဲ့ လွှတ်တော်ထဲက အဲဒါကတော့ အဓိက lobby လုပ်တာကတော့ CSO တွေ၊ ကျောင်းသားတွေကနေပြီးတော့မှ အဓိက Lobby လုပ်တာ။ လုပ်တော့ လွှတ်တော်ကနေပြီးတော့ လက်ခံပြီးတော့ ဆွေးနွေးတယ်။ ဆွေးနွေးပြီးတော့ အောင်မြင်သွားတယ်။ အောင်မြင်သွားတော့ အခုက ဥပဒေကြမ်း ။ ဥပဒေကြမ်းကို အခု အန်တီတို့က အတည်ပြုပေးရတယ်။ အဲဒါဆိုလို့ရှိရင်တော့ ဥပဒေအတည်ဖြစ်ပြီပေါ့နော်။”

ပြင်ဆင်၊ပယ်ဖျက်မယ့် ဥပဒေကြမ်းမှာ ရပ်ကွက်သို့မဟုတ် ကျေးရွာအုပ်စု အုပ်ချုပ်ရေးဥပဒေ ပုဒ်မ ၁၃(ဆ)၊ ပုဒ်မ ၁၇နဲ့ ပုဒ်မ ၂၇ပါ “ပုဒ်မ ၁၇”တို့ပါဝင်တာဖြစ်ပါတယ်။

ရပ်ကွက်သို့မဟုတ် ကျေးရွာအုပ်စု အုပ်ချုပ်ရေးဥပဒေ ပုဒ်မ ၁၃(ဆ)မှာ ရပ်ကွက် သို့မဟုတ် ကျေးရွာအုပ်ချုပ်ရေးမှုးက အခြားရပ်ကွက် သို့မဟုတ် ကျေးရွာအုပ်စုက ညဉ့်အိပ်၊ညဉ့်နေ လာရောက်တည်းခိုတဲ့ ဧည်သည်တွေကို ဧည့်စာရင်းတိုင်ကြားတာလက်ခံဖို့၊ ဧည့်စာရင်းစစ်ဆေးဖို့နဲ့ ဧည့်စာရင်းတိုင်ကြားတာပျက်ကွက်ရင် အရေးယူဖို့ ပြဌာန်းထားပါတယ်။ ပုဒ်မ ၁၇ ကတော့ တခြားရပ်ကွက် သို့မဟုတ် ကျေးရွာတွေကို ညဉ့်အိပ်၊ညဉ့်နေသွားရင် ဧည့်စာရင်းတိုင်ကြားဖို့နဲ့ ပုဒ်မ ၁၇ပျက်ကွက်ရင် ပုဒ်မ ၂၇အရ ကျပ် ၅ထောင်ထက် မပိုတဲ့ ငွေဒဏ်နဲ့ ၇ ရက်ထက်မပိုတဲ့ ထောင်ဒဏ်ချမှတ်ဖို့ ဖော်ပြထားတာဖြစ်ပါတယ်။

ဒီဥပဒေကြမ်းကိုတော့ မကြာခင်မှာ အတည်ပြုနိုင်ဖွယ်ရှိတယ်လို့ ဒေါ်စူစန်နာလှလှစိုးက ဆက်ပြောပါတယ်။

“အဲဒါကတော့ ရက်ကို မသက်မှတ်သေးဘူး ။ အခုကတော့ အစိုးရအဖွဲ့ဖွဲ့မယ်ဆိုတော့ အလုပ်ရှုပ်နေတော့လေ ။ ဥပဒေကြမ်းတွေကအများကြီးတွေက အများကြီး တန်းစီနေတယ်ဆိုတော့ ဘယ်တော့ ကျမလဲမသိဘူးလေ။ ဒါပေမယ့် အောင်မြင်ဖို့တော့ များပါတယ်။ ဘာဖြစ်လို့လဲဆိုတော့ အရင်လွှတ်တော်ကတည်းကနေပြီးတော့ သဘောတူထားတဲ့ဥစ္စာဆိုတော့လေ။”

ရခိုင်ပြည်နယ် မင်းပြားမြို့နယ်က ပြည်သူ့လွှတ်တော်ကိုယ်စားလှယ် ဦးဖေသန်းကလည်း အခုလို ပြောပါတယ်။

“ဟုတ်တယ်။ အမျိုးသားလွှတ်တော်က ပုဂ္ဂိုလ်တွေကိုပေးတယ်။ ကျနော်ခုနက ဖတ်ကြည့်လိုက်ပါတယ်။ ပုဒ်မ ၁၃ (ဆ) ကို ပယ်ဖျက်ဖို့ပေါ့နော် ဧည့်စာရင်း တိုင်တဲ့ကိစ္စက ပြည်သူတွေအတွက် အကျိုးမရှိဘူး Too Corruption ဖြစ်တယ်ဆိုပြီးတော့ အဲဒီမှာ အကျိုးအကြောင်း ဖော်ပြပြီးတော့ ဥပဒေကို ပြင်ဆင်ဖို့ အစိုးရအဖွဲ့က လွှတ်တော်ကို ဥပဒေကြမ်းတင်ထားတာ။”

ဒီလို ပယ်ဖျက်မှာနဲ့ ပတ်သက်ပြီး တရားလွှတ်တော်ရှေ့နေ ဦးကျော်ဟိုးက အခုလို သုံးသပ်ပါတယ်။

“ကျနော်တို့သဘောကတော့် ဧည့်စာရင်း တိုင်တာကို မထားသင့်ဘူးလို့ပဲ သဘောရတယ်လေ။ ဧည့်စာရင်း တိုင်တာကို အလုပ်တခုအနေနဲ့ တာဝန်ပေးတာက် ဧည့်စာရင်း တိုင်၊ မတိုင်ရင် တရားစွဲမယ်ဆိုတာက ဒါက ပြင်းထန်တယ်ပေါ့ဗျာ။ ဒီလုံခြုံရေးအပိုင်းဆက်လုပ်မယ်ဆိုရင် လုံခြုံရေးတာဝန်ရှိတဲ့လူတွေက သူတို့အနေနဲ့ မသင်္ကာတဲ့လူတွေရှိရင် အရေးယူလို့ရတာပဲ ။ အဓိကတော့ အလုပ်လည်းမရူပ်တော့ဘူး။ အများပြည်သူအတွက် အကောင်းဆုံးပဲပေါ့။”

ဒီဥပဒေပုဒ်မတွေကို ပယ်ဖျက်ဖို့ တင်ပြတဲ့ စာမှာတော့ ဧည့်စာရင်းတိုင်ကြားတာ၊ ဧည့်စာရင်းစစ်ဆေးတာနဲ့ ပျက်ကွက်ရင် အရေးယူတာတွေဟာ ခေတ်စနစ်နဲ့သာမက ဒီမိုကရေစီ စံချိန်စံညွှန်းနဲ့ပါ မကိုက်ညီတော့ကြောင်း၊ မြန်မာနိုင်ငံပုံရိပ်ကို အိုးမဲသုတ်ပြီး တိုင်းရင်းသားတွေကို နှိပ်စက်ဖို့ ရည်ရွယ်တဲ့ ဥပဒေဖြစ်ကြောင်း ဖော်ပြထားပါတယ်။

ဒီဥပဒေ ပုဒ်မတွေကို အင်္ဂလိပ်ကိုလိုနီအစိုးရလက်ထက်က ပြဌာန်းပြီး လွတ်လပ်ရေးရပြီးတဲ့နောက် မြန်မာအစိုးရတွေက ဆက်လက်ကျင့်သုံးနေခဲ့တာဖြစ်ပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com


မြောက်ကိုရီးယားနိုင်ငံဟာ တာတိုပစ် မစ်ဇိုင်းဒုံးကျည်တွေကို နိုင်ငံအရှေ့ဖက် ပင်လယ်ပြင်ထဲ ပစ်လွှတ်ခဲ့ပါတယ်။ မြောက်ကိုရီးယားနိုင်ငံအရှေ့ဘက် Hamhung မြို့ကနေ မစ်ဇိုင်းဒုံးကျည်တွေကို ဒီကနေ့ပစ်လွှတ်ခဲ့တာလို့ တောင်ကိုရီးယား အရာရှိတွေက ပြောပါတယ်။

ဒါပေမယ့်လည်း ဘယ်လို မစ်ဇိုင်း ရော့ကက် ဒုံးကျည်ဆိုတာ မျိုးကိုတော့ ပြောမသွားပါဘူး။ ကုလသမဂ္ဂရဲ့ပိတ်ဆို့ ဒဏ်ခတ်မှုကို တုန့်ပြန်တဲ့အနေနဲ့ မြောက်ကိုရီးယားဟာ တာလတ်ပစ် ပစ်ဇိုင်းတွေကိုလည်း ပင်လယ်ပြင်စီ ပစ်လွှတ်ခဲ့တယ်လို့ တောင်ကိုရီးယားအာဏာပိုင်တွေက လွန်ခဲ့တဲ့အပတ်အတွင်းတုန်းက ပြောကြားခဲ့ပါသေးတယ်။

အမေရိကန်နဲ့ တောင်ကိုရီးယား ပူးတွဲစစ်ရေးလေ့ကျင့်မှုကို တုန့်ပြန်တဲ့အနေနဲ့ နျူကလီးယားလက်နက်နဲ့ လက်ဦးမှုယူပြီး တိုက်ခိုက်မယ်လို့လဲ မြောက်ကိုရီးယားက သီတင်းပါတ်ပေါင်း အတော်ကြာ ခြိမ်းခြောက်နေခဲ့တာပါ။ ဒီစစ်ရေးလေ့ကျင့်မှုဟာ သူတို့နိုင်ငံကို ကျူးကျော်သိမ်းပိုက်ဖို့ ပြင်ဆင်လေ့ကျင့်တာလို့ မြောက်ကိုရီးယားဘက်က ယူဆထားတာပါ။

ဗွီအိုအေ (မြန်မာပိုင်း)
http://burmese.voanews.com

မဟာအတာသင်္ကြန်တွင် ပျော်ရွှင်စွာ ရေကစားနေသော ရေပတ်ခံ ကားတစ်စီးအား တွေ့ရစဉ် (ဆင်ဟွာ)
    ရန်ကုန်၊မတ်၂၁ ရက် (ဆင်ဟွာ)

    သင်္ကြန်တွင် ယခင်နှစ်များက ပုံမှန်ရေကစား ချိန်ကို တစ်ရက်လျှင် ၁၁ နာရီခွင့် ပြုခဲ့ ရာမှ ယခုနှစ်တွင် တစ်ရက်လျှင် ကိုးနာရီသာ ရေ  ကစားခွင့် ရရှိမည်ဖြစ်ပြီး ယခင်ကရေကစား ချိန်ကို နံနက် ၇ နာရီမှ မွန်းတည့်  ၁၂ နာရီ အထိ၊ မွန်းလွဲ ၂ နာရီမှ ညနေ ၆ နာရီအထိ သတ်မှတ်ထားရာမှ ယခုနှစ်တွင် သင်္ကြန် မဏ္ဍပ်များ၌ ရေကစားချိန်ကို နံနက် ၈ နာရီမှ မွန်းတည့်  ၁၂ နာရီ၊ ညနေ ၃ နာရီမှ  ညနေ ၆ နာရီအထိ ပြောင်းလဲမည်ဖြစ် ကြောင်း ရန်ကုန်မြို့တော်စည်ပင် သာယာရေးကော်မတီ အင်ဂျင်နီယာဌာန (ရေနှင့် သန့် ရှင်းမှု )မှ တာဝန်ရှိသူတစ်ဦးက ပြောသည်။

သင်္ကြန်ကာလတွင် ထိုကဲ့သို့ မြို့ နယ်များကို ရေပေးဝေမှုအချိန်များနှင့်  ရေကစားချိန် လျှော့ချခြင်းတို့မှာ အယ်လ်နီညို ရာသီဥတု အတွက် ပြင်ဆင်ခြင်းဖြစ်ပြီး သင်္ကြန်အပြီးတွင် ရေပြန်လည်သိုလှောင် ရေးကိစ္စများ ကိုလျင် မြန်စွာပြုလုပ်မည်ဖြစ်ကြောင်း၊ ရေကစား နိုင်ရန် ရေလှောင်ကန်များရှိ ရေပမာဏကို ယခင်နှစ်များက ထက် ပိုမိုသိုလှောင်ထားပြီး လှော်ကား၊ ဂျိုးဖြူရေ နှင့်  ဖူးကြီး ရေလှောင်ကန် တို့၌ ၂၀၁၅ ခုနှစ်ကထက် ရေပမာဏ ၅ လက်မခန့်  ပိုမိုသိုလှောင်ထားကြောင်း သိရသည်။

ယခုနှစ် သင်္ကြန်ကာလတွင် ရန်ကုန်မြို့ တွင်းရှိမြို့နယ်များသို့  ပုံမှန်ရေပေးဝေနေ ကျအချိန်ထက် လျှော့၍ရေပေးဝေမည်ဖြစ် ပြီး တခြားမြို့နယ်များသို့ လည်း ယခင်နှစ်များ ကထက် တစ်နာရီလျှော့ချ၍ ရေပေးဝေသွား မည်ဖြစ်ကြောင်း သိရသည်။

ရန်ကုန်မြို့တွင်း မြို့နယ်များဖြစ်သော ကျောက်တံတား၊ ပန်းဘဲတန်း၊ လသာ၊ လမ်း မတော်၊ ဗဟန်းနှင့်  ဒဂုံမြို့နယ်တို့ ကို နံနက် ၈ နာရီမှ ၁၁ နာရီအထိ၊ ညနေ ၃ နာရီမှ  ၆ နာရီအထိ ပုံမှန်ရေပေးဝေနေကျအချိန် ထက်လျှော့ချ၍ ပေးဝေမည်ဖြစ်ပြီး အလုံ၊ ကြည့်မြင်တိုင် နှင့်  စမ်းချောင်းမြို့နယ် တို့ကိုနံနက် ၈ နာရီမှ ၁၀ နာရီအထိသာ ရေပေး ဝေမည်ဖြစ်ကြောင်း ၎င်းတာဝန်ရှိသူတစ်ဦးက ဆိုသည်။

(Xinhua)
http://www.xinhuamyanmar.com