04/04/16

နိုင်ငံတော်၏ အတိုင်ပင်ခံပုဂ္ဂိုလ် ဥပဒေကြမ်းအား ဧပြီ၁ရက်နေ့ တွင်အမျိုးသားလွှတ်တော်မှာ ဆွေးနွေးပြီးမဲခွဲအတည်ပြုခဲ့သည်။ ဥပဒေ၏ အနှစ်သာရမှာအမျိုးသားဒီမိုကရေစီအဖွဲ့ချုပ်ပါတီဥက္ကဌ ဒေါ်အောင်ဆန်းစုကြည်အား နိုင်ငံတော်၏ အတိုင်ပင်ခံပုဂ္ဂိုလ်အဖြစ်ပြည်ထောင်စုလွှတ်တော်က တာဝန်ပေးအပ်ရန်ဖြစ်သည်။ ကြိုတင်ခန့်မှန်းနိုင်သည့် အတိုင်း တပ်မတော်ကိုယ်စားလှယ်များက ကန့်ကွက်ဆွေးနွေးသွားခဲ့ကြသည်။ ကန့်ကွက်ဆွေးနွေသူများတွင် ပြည်ခိုင်ဖြိုး အမတ်များလည်းပါဝင်သည်။ ANP ပါတီအမတ်က ယေဘုယျအားဖြင့် ထောက်ခံပြီး ပြင်ဆင်သင့်သည်ဟုသူယူဆသည်များကို တင်ပြသွားသည်။

ဦးစွာထိုရာထူးသည် မည်သို့ရာထူးဖြစ်သည်ကို သေချာစွာနားလည်ဖို့လိုသည်။ နိုင်ငံတော်သမ္မတသည် အကြံပေးအဖွဲ့အစည်းများ ခန့်အပ်နိုင်ပြီး သက်ဆိုင်ရာကဏ္ဍအလိုက် အကြံပေးပုဂ္ဂိုလ် (Presidential adviser) များ ခန့်အပ်နိုင်သည်။ ထိုကဲ့သို့အကြံပေး (Adviser) နှင့် အတိုင်ပင်ခံပုဂ္ဂိုလ် (Counsellor) ၏ကွာခြားချက်ကို သေချာစွာနားလည်ရန်လိုသည်။ အကြံပေး (Adviser) သည် သက်ဆိုင်ရာဘာသာရပ်/ကဏ္ဍအတွက်သာ အကြံဉာဏ်ပေးရန်ဖြစ်ပြီး အတိုင်ပင်ခံပုဂ္ဂိုလ် (counsellor) သည် အကြံပေးသည့်တာဝန် (Advisory role)သာမက ဘက်လိုက်မှုကင်းစွာ ညှိနှိုင်းဖြန်ဖြေထိန်းကွပ်ပေးရမည့် (facilitator role) တာဝန်ပါတွဲယူရမည်။ ဥပဒေကြမ်းကော်မတီဥက္ကဌ၏ ရှင်းလင်းချက်တွင် အုပ်ချုပ်ရေးနှင့် ဥပဒေပြုရေးတို့တွင် တချိန်ချိန်မှာ ပွတ်တိုက်မှုများရှိနိုင်သည်။ အတိုင်ပင်ခံပုဂ္ဂိုလ်သည် ထိုပွတ်တိုက်မှုများမဖြစ်ပေါ်စေရန် (သို့မဟုတ်) သက်သာလျော့နည်းစေရန် အကြံပေးဆောင်ရွက်ရမည့်သူဖြစ်သည်။ ထိုသို့ အုပ်ချုပ်ရေး နှင့် ဥပဒေပြုရေးမဏ္ဍိုင်ကြီး နှစ်ရပ်တို့ကို ဘက်လိုက်မှုကင်းစွာ အကြံပေးထိန်းညှိနိုင်ရန် ကြီးမားလှသည့် တာဝန်သည် ထိုမဏ္ဍိုင်ကြီးနှစ်ရပ်စလုံးက လေးစားသူ၊ သြဇာသက်ရောက်နိုင်သူသာလျှင် ဆောင်ရွက်နိုင်သည်။ မြန်မာ့နိုင်ငံရေးသမိုင်းတွင် ထိုကဲ့သို့ သြဇာကြီးလှသူသည် ဗိုလ်ချုပ်အောင်ဆန်းပြီးလျှင် သူ၏သမီးဒေါ်အောင်ဆန်းစုကြည်မှလွဲ၍ အခြားသော ပုဂ္ဂိုလ်မရှိသေးပေ။ နိုဝင်ဘာ ၈ ရက် ရွေးကောက်ပွဲတွင် ပြည်သူလူထုသည် ဒေါ်အောင်ဆန်းစုကြည်၏ဦးဆောင်မှုကို ခံယူလိုသဖြင့် တခဲနက်မဲဆန္ဒပေးထောက်ခံခဲ့ကြသည်။ အခြေခံဥပဒေ၏ စံနှုံးမမီသည့် ကန့်သတ်ချက်ကြောင့် နိုင်ငံတော်သမ္မတရာထူး မရရှိနိုင်သည့် ဒေါ်အောင်ဆန်းစုကြည်အား နိုင်ငံတော်ကို ဦးဆောင်နိုင်မည့် တာဝန်တစ်ရပ်အားပေးအပ်ရန်မှာ ပြည်သူလူထုက Mandate ပေးထားသည့် ပြည်ထောင်စုလွှတ်တော်တွင်တာဝန်ရှိသည်။
ကန့်ကွက်သူများ၏ ဆွေးနွေးချက်များထဲမှ ကန့်ကွက်ရသည့် အကြောင်းပြချက်များကို အောက်ပါအတိုင်းသတ္တုချပြပြီး ထိုအချက်များအား ပြန်လည်ချေပသွားမည်။

တပ်မတော်သား ကိုယ်စားလှယ်များ၏ ဆွေးနွေးချက်အနှစ်ချုပ်
---------------------------------------------------------------------
အဓိကအားဖြင့် ဥပဒေကြမ်းပါ ပြဌာန်းချက်များသည် အခြေခံဥပဒေနှင့် မညီညွတ်ဟု ထောက်ပြကြသည်။
- နိုင်ငံတော် အချုပ်အခြာ အာဏာ၏ ခက်မသုံးဖြာဖြစ်သည့် ဥပဒေ ပြုရေး အာဏာ၊ အုပ်ချုပ်ရေးအာဏာနှင့် တရားစီရင်ရေး အာဏာတို့ကို တတ်နိုင်သမျှ ပိုင်းခြား သုံးစွဲခြင်းနှင့် အချင်းချင်းအပြန်အလှန် ထိန်းကျောင်းခြင်း တို့ပြုသည် ဟူ သည့် ပြဋ္ဌာန်း ချက်ကို ထိခိုက်ပျက်ပြားစေခြင်း
- လူပုဂ္ဂိုလ်တစ်ယောက်တည်းအား အုပ်ချုပ်ရေးအာဏာ၊ ဥပဒေပြုရေးအာဏာ နှစ်ရပ်လုံးအပ်နှင်းခြင်းသည် အခြေခံဥပဒေနှင့် မညီညွတ်ခြင်း
- ပြည်ထောင်စုဝန်ကြီးများသည် နိုင်ငံတော် သမ္မတအား တာဝန်ခံရမည်”ဟု ပြဋ္ဌာန်းထားသည့် အတွက် ပြည်ထောင်စု ၀န်ကြီးဖြစ်သူသည် နိုင်ငံတော်သမ္မတကိုသာ တာဝန်ခံရန်ဖြစ်ပြီး ပြည်ထောင်စု လွှတ်တော်သို့ တာဝန်ခံရန် ဖော်ပြချက်သည် ဖွဲ့စည်းပုံအခြေခံ ဥပဒေနှင့် ဆန့်ကျင်နေခြင်း
- နိုင်ငံတော်သမ္မတနှင့် လွှတ်တော်အသီးသီးသည်အကြံပေးအဖွဲ့များ ဖွဲ့စည်းနိုင်သဖြင့် ယခုဥပဒေကြမ်းသည် ပြဌာန်းရန်မလိုကြောင်း
- ပြဌာန်းမည်ဆိုပါက အခြေခံဥပဒေနှင့် ညီညွတ်အောင်ပြင်ဆင်ပြီးမှပြဌာန်းသင့်ကြောင်း

ပြည်ခိုင်ဖြိုးကိုယ်စားလှယ်များ ဆွေးနွေးချက်အနှစ်ချုပ်
------------------------------------------------------------
- လူပုဂ္ဂိုလ်အမည်တပ်ရေးဆွဲထားသဖြင့် ဥပဒေတစ်ရပ်၏ အင်္ဂါရပ်နှင့်မညီညွတ်ကြောင်း၊ဖွဲ့စည်းပုံနှင့် ညီမညီသုံးသပ်ဖို့လိုသည့်အတွက် ခုံရုံးသို့တင်ပြအဆုံးအဖြတ်ခံယူသင့်ကြောင်း
- ယခုကဲ့သို့ ဥပဒေအနေနှင့်မဟုတ်ပဲ အမိန့် ညွှန်ကြားစာဖြင့် ဆောင်ရွက်နိုင်ကြောင်း

ချေပချက်
-----------
ဥပဒေကြမ်း၏ အနှစ်သာရသည် အခန်း(၄)တွင်ဖော်ပြထားသည့် အတိုင်ပင်ခံပုဂ္ဂိုလ်၏တာဝန်နှင့်ပတ်သက်သည့် ပြဌာန်းချက်များဖြစ်သည်။

(က) ဖွဲ့စည်းပုံ အခြေခံဥပဒေပါ ပြဌာန်းချက်များနှင့် မဆန့်ကျင်စေပဲ နိုင်ငံတော်နှင့် နိုင်ငံသားများ၏ အကျိုးစီးပွားအတွက် အကြံပြုချက်များပေးရမည်။
(ခ) အကြံပြုချက်များဆောင်ရွက်ချက်များနှင့် စပ်လျဉ်း၍ ပြည်ထောင်စုလွှတ်တော်သို့တာဝန်ခံရမည်။
(ဂ) အတိုင်ပင်ခံပုဂ္ဂိုလ်သည် ဥပဒေပါရည်ရွယ်ချက်များအောင်မြင်စေရန်အတွက် အစိုးရအဖွဲ့၊ဌာနဆိုင်ရာများ၊ အဖွဲ့အစည်းများ၊ အသင်းအဖွဲ့များ၊ လူပုဂ္ဂိုလ်များနှင့်ဆက်သွယ်ဆောင်ရွက်နိုင်သည်။

အခန်း(၄)က အရ အတိုင်ပင်ခံပုဂ္ဂိုလ်သည် ဆုံးဖြတ်ချက်များ၊ အမိန့်များချမှတ်သူမဟုတ်ပဲ အကြံပြုသူသာ ဖြစ်သဖြင့် အုပ်ချုပ်ရေး၊ ဥပဒေပြုရေးဆိုင်ရာ authoritative power ကိုသုံးစွဲသူမဟုတ်ကြောင်း ထင်ရှားသည်။ ထို့အပြင် လုပ်ဆောင်ချက်များသည် ဖွဲ့စည်းပုံအခြေခံဥပဒေပါ ပြဌာန်းချက်ဘောင်အတွင်းကသာဖြစ်ရမည်ဆိုသည့်အတွက် အခြေခံဥပဒေနှင့်မကိုက်ညီသည်သည်များကို လုပ်ဆောင်ခွင့်မရှိ။ ဒါကတာဝန်ပိုင်းဖြစ်သည်။

အမျိုးသား လွှတ်တော် ဥပဒေကြမ်း ကော်မတီဥက္ကဋ္ဌ ဦးဇော်မင်းက ဖွဲ့စည်းပုံအခြေခံ ဥပဒေပုဒ်မ ၂၁၇ တွင် ပြဋ္ဌာန်းထားသည့် ပြဋ္ဌာန်း ချက်နှင့် အညီ ဆောင်ရွက် ခဲ့ခြင်းဖြစ်ကြောင်း ပြန်လည်ရှင်းလင်းခဲ့သည်။

ဖွဲ့စည်းပုံအခြေခံဥပဒေပုဒ်မ ၂၁၇ တွင် ဖွဲ့စည်းပုံ အခြေခံ ဥပဒေပါ ပြဋ္ဌာန်း ချက်များနှင့် မဆန့်ကျင် စေဘဲ ပြည်ထောင်စု၏ အုပ်ချုပ်မှု အာဏာသည် နိုင်ငံတော် သမ္မတ၌ တည်ရှိသည်။
ဤစကားရပ်ကြောင့် ပြည်ထောင်စုလွှတ်တော်သည် အာဏာပိုင် အဖွဲ့အစည်း တစ်ရပ်ရပ်အား လည်းကောင်း၊ အာဏာပိုင်ပုဂ္ဂိုလ် တစ်ဦးဦးအားလည်းကောင်း တာဝန်နှင့် လုပ်ပိုင်ခွင့်များ ပေးအပ်ခြင်းမပြုနိုင်ဟု မမှတ်ယူရ။
ထို့ပြင် ယင်းစကားရပ်ကြောင့် တည်ဆဲ ဥပဒေများအရ သက်ဆိုင်ရာ အာဏာပိုင်အဖွဲ့ အစည်းတစ်ရပ်ရပ်အားဖြစ်စေ၊ သက်ဆိုင်ရာ အာဏာ ပိုင်ပုဂ္ဂိုလ်တစ်ဦးဦးအားဖြစ်စေ အပ်နှင်းထားသည့် တာဝန်နှင့် လုပ်ပိုင်ခွင့်များ ကို နိုင်ငံတော် သမ္မတအား လွှဲပြောင်းပေးအပ်သည်ဟုလည်း မမှတ်ယူရ။ ဟူ၍ ပြဋ္ဌာန်းထားသည်။

ပုဒ်မ၂၁၇အရ ပြည်ထောင်စုဝန်ကြီးကဲ့သို့ အုပ်ချုပ်ရေးအာဏာပိုင် ပုဂ္ဂိုလ်အား ပြည်ထောင်စုလွှတ်တော်သည် တာဝန်နှင့်လုပ်ပိုင်ခွင့်များပေးအပ်နိုင်ကြောင်း အတိအလင်းပြဌာန်းထားသည်။ ထို့ကြောင့် အခြေခံဥပဒေနှင့်ညီမညီမှာ အငြင်းပွားဖွယ်ရာကိစ္စမဟုတ်။

တပ်တော်သားကိုယ်စားလှယ် ထောက်ပြသည့် အကြံပေးအဖွဲ့ဝင် အကြံပေးပုဂ္ဂိုလ်သည် သက်ဆိုင်ရာဘာသာရပ်တစ်ခုခုတွင် ကျွမ်းကျင်သည့် မည်သူမဆို ဖြစ်နိုင်ပေမယ့် ယခုဥပဒေမှာ ရည်ညွှန်ထားသည့် အတိုင်ပင်ခံပုဂ္ဂိုလ်သည်အများကြီးအဆင့်မြင့်ပြီး ဘာသာရပ်ကျွမ်းကျင်မှုရှိတိုင်း လုပ်ဆောင်နိုင်သည့် တာဝန်မဟုတ်။

ထိုကဲ့သို့ကြီးမားသည့် တာဝန်သည် ပြည်သူလူထုမှထောက်ခံပြီး တိုင်းပြည်အပေါ်သြဇာရှိသူ၊ အနစ်နာခံဆောင်ရွက်နိုင်သူကိုသာ ပေးရမည်ဖြစ်သဖြင့် လူပုဂ္ဂိုလ်အမည် အတိအလင်းဖေါ်ပြရန်လိုပြီး သက်တမ်းအားလည်း ကန့်သတ်ရမည်။ ထို့ကြောင့် ANP မှကိုယ်စားလှယ်ထောက်ပြသလို ရေရှည်အတွက်မျှော်ကိုးပြီး အနိုင်ရပါတီခေါင်းဆောင်တိုင်းအတွက် ရည်မှန်းရေးဆွဲရန်မလိုအပ်ပေ။

နိဂုံး
----
ပြည်သူလူထုသည် ရွေးကောက်ပွဲဖြင့် သူတို့၏လိုလားချက်များအား ပြသခဲ့ကြပြီးပြီ။ လက်နက်ကိုင် တိုင်းရင်းသားခေါင်းဆောင်အသီးသီးကလဲ တိုင်းပြည်ငြိမ်းချမ်းရေးအတွက် ဒေါ်အောင်ဆန်းစုကြည်ဦးဆောင်သည့် အစိုးရအဖွဲ့နှင့် ဆွေးနွေးစကားပြောရန်အဆင်သင့်ဖြစ်နေကြသည်။ နိုင်ငံတကာမှလည်း အရပ်သားအစိုးရစစ်စစ်အား အားပေးထောက်ခံနေကြပြီ။ နှစ်ပေါင်းများစွာ ချွတ်ခြုံကျနေခဲ့သည့် တိုင်းပြည်အား အလျင်အမြန်ပြန်လည်ဦးမော့လာစေရန် ကဏ္ဍပေါင်းစုံအား ညှိနှိုင်းပေါင်းစပ်ဆောင်ရွက်နိုင်ရန် အကြံပြုပေးမည့် နိုင်ငံတော်၏ အကြံပေးပုဂ္ဂိုလ်သည် တိုင်းပြည်၏ အကျိုးစီးပွားအတွက် လက်ရှိလိုအပ်ချက်ဖြစ်သည်။

Photo credit: European Parliament

အရေးအသား ‪#‎HaveASay‬

မုံရွာ၊ ဧပြီ ၃

စစ်ကိုင်းတိုင်းဒေသကြီး လွှတ်တော်တွင် ဧပြီလ ၁ ရက်နေ့က ကျမ်းသစ္စာ ကျိန်ဆိုပြီးနောက် ဝန်ကြီးချုပ်အဖြစ် တာဝန်ယူနေပြီ ဖြစ်သော ဒေါက်တာမြင့်နိုင်က ဝန်ကြီးချုပ်လမ်းကြောင်းတွင် မီးပွိုင့်များ ကြိုတင်စိမ်းမထားဘဲ မီးနီပါက ယာဉ်တန်းအား ရပ်ရန်နှင့် ရှေ့ပြေးယာဉ်များကို ဖြည်းဖြည်းသာ မောင်းနှင်ရန် ညွှန်ကြားထားသည်ဟု အမှတ် (၁၇) ယာဉ်ထိန်းရဲတပ်ဖွဲ့ခွဲမှူးရုံး (မုံရွာ) မှ ယာဉ်ထိန်းရဲအရာရှိတစ်ဦးက ပြောကြားသည်။
“ရှေ့ပြေး ယာဉ်တန်းကိုလည်း လိုအပ်မှ ခေါ်မယ်လို့ ပြောတယ်။ အများနည်းတူ မီးပွိုင့်တွေမှာ ရပ်စောင့်ဖို့နဲ့ ဖြည်းဖြည်းမောင်းဖို့ ယာဉ်ထိန်းတပ်ဖွဲ့ကို ပြောထားပါတယ်” ဟု ၎င်းက ဆိုသည်။

လာဘ်ပေးလာဘ်ယူ ကိစ္စများ၊ မူးယစ်ဆေးဝါးကိစ္စနှင့် သဘာဝပတ်ဝန်းကျင်ဆိုင်ရာ ကိစ္စရပ်များကို အဓိက ကိုင်တွယ်မည်ဟုလည်း ဝန်ကြီးချုပ် ဒေါက်တာမြင့်နိုင်က မီဒီယာများနှင့် တွေ့ဆုံစဉ်က ပြောကြားထားသည်။

“အဲလိုကြားရတာ ဝမ်းသာတယ်။ ဖြစ်လည်းဖြစ်စေချင်ပါတယ်။ ရာထူးကြီးတဲ့သူကို VIP ဆိုပြီး လုပ်တာကတော့ တော်တော်ကို အဓိပ္ပာယ်မရှိတဲ့ ကိစ္စပဲ။ မုန်းစရာကောင်းတာပေါ့နော်။ အာဏာပါဝါပြတာက လူထုကိုကြောက်အောင် လုပ်တာ။ အခုဟာကတော့ လူထုရဲ့မေတ္တာနဲ့ သွားရတဲ့ အုပ်ချုပ်ရေးပေါ့။ အဲဒီသတင်းစကားကို အတည်ဖြစ်စေချင်တယ်” ဟု မုံရွာမြို့ခံ ဘာသာပြန် စာရေးဆရာကြီး ဦးရဲခိုင်က မှတ်ချက်ပြုသည်။

ယခင်က အစိုးရအဖွဲ့ လမ်းကြောင်းများ ဖြတ်သန်းသွားပါက မော်တော်ယာဉ်များနှင့် ဆိုင်ကယ်များ လမ်းဘေးချရပ်ပေးရခြင်း၊ အရှိန်လျှော့ မောင်းနှင်ရခြင်းများ ရှိခဲ့သည့်အပြင် ဖွင့်ပွဲအခမ်းအနားများ အတွက် အများပြည်သူ သွားလာအသုံးပြုသောလမ်းများ မကြာခဏ ပိတ်ထားခဲ့ရသည်များ ရှိခဲ့ကြောင်း မုံရွာမြို့ခံများက ပြောဆိုသည်။

The Voice Weekly

ရန်ကုန်တိုင်းဒေသကြီး အစိုးရအဖွဲ့ရုံးမှာ ဧပြီလ ၄ ရက်နေ့က သဘင်၊ ဂီတ၊ ရုပ်ရှင် အနုပညာရှင်တွေနဲ့ ရန်ကုန်တိုင်းဒေသကြီး အစိုးရအဖွဲ့တို့ သင်္ကြန်ကျင်းပမယ့် အစီအစဉ်တွေကို ဆွေးနွေးခဲ့စဉ်။ Photo: Thiha Tun/RFA
ရန်ကုန်မြို့မှာ ဒီနှစ်မဏ္ဍပ်အရေအတွက် ကန့်သတ်ခွင့်ပြုထားတာကို အနုပညာရှင်တွေအနေနဲ့  နားလည်မူရှိရှိ ပူးပေါင်းပါဝင်ပေးကြဖို့ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်း တိုက်တွန်းပြောကြားပါတယ်။

ရန်ကုန်တိုင်းဒေသကြီးအတွင်းမှာရှိတဲ့ မြို့နယ်အားလုံးမှာ သင်္ကြန်ပွဲတော်ကို စည်စည်ကားကား ကျင်းပလိုတာကြောင့် နေရာတစ်နေရာထဲမှာ မဏ္ဍပ်တွေကို စုပြုံဆောက်ခွင့်မပြုတာဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက အနုပညာရှင်တွေကို ပြောပါတယ်။

"ဒီကာလကလေးမှာ ဂီတအနုပညာရှင်တွေရဲ့ ဖျော်ဖြေမှုတွေ၊ တခြားတခြားသောအသံတွေ သူတို့ဒီဟာလေးကို ပျော်ပျော်ရွှင်ရွှင်အေးအေးချမ်းချမ်းနဲ့ ဖြတ်ချင်တဲ့သူတွေ အများကြီးရှိပါတယ်၊ အဲ့ဒီနယ်လိုဖြစ်နေတဲ့ အခြေအနေပေါ့ဗျာ ကျနော့်မဲဆန္ဒနယ်လိုဖြစ်တဲ့ လှည်းကူးတို့ မှော်ဘီတို့ တိုက်ကြီးတို့ဆို ဒီရန်ကုန်ကနေ သွားရောက်ဖျော်ဖြေနိုင်သူတွေ တော်တော်နည်းပါတယ်၊ အဲ့လိုနေရာမျိုးတွေအထိ ကျနော်တို့ စည်ကားစေလိုပါတယ်၊ ရန်ကုန်မြို့ထဲမှာလည်း ရန်ကုန်မြို့လယ်နဲ့ ကန်ပတ်လမ်းနဲ့ အင်းလျားကန်ဘေးလောက်ကိုပဲ အခြေအနေမျိုးကို ကျနော်တို့ မဖြစ်စေချင်ပါဘူး"

ရန်ကုန်တိုင်းဒေသကြီး အစိုးရအဖွဲ့ရုံးမှာ သဘင်၊ဂီတ၊ရုပ်ရှင် အနုပညာရှင်တွေနဲ့ ရန်ကုန်တိုင်းဒေသကြီး အစိုးရအဖွဲ့တို့ သင်္ကြန်ကျင်းပမယ့် အစီအစဉ်တွေကို ဒီနေ့ ဆွေးနွေးခဲ့ပါတယ်။

သင်္ကြန်ကာလအတွင်း   အင်လျားကန်ပတ်လမ်း၊ ကန်တော်ကြီးနဲ့ ကမ္ဘာအေးဘုရား လမ်းတွေမှာသာ လူစည်ကားတာမျိုးကို မဖြစ်စေလိုတာကြောင့် ကမ္ဘာအေးဘုရားလမ်းမှာ ဆောက်လုပ်ခွင့် လျှောက်ထားတဲ့ မဏ္ဍပ် ၃ဝဝ ကျော်ကို ခွင့်ပြုချက် မပေးတာဖြစ်ကြောင်း ၀န်ကြီးချုပ် ဦးဖြိုးမင်းသိန်းက ပြောပါတယ်။

ဒါ့အပြင် သင်္ကြန်မှာ မဏ္ဍပ်အရေအတွက်တွေ လျော့နည်းသွားတဲ့အတွက် ပရ်ိသတ်ကို ဖျော်ဖြေကြမယ့် အနုပညာရှင်တွေ အခက်အခဲ ရှိမယ်ဆိုတာ နားလည်ကြောင်းလည်း ပြောပါတယ်။

အစိုးရက စီးပွားဖြစ်မဏ္ဍပ်တွေ ဆောက်လုပ်ခွင့်မပေးတဲ့အတွက် လူစည်ကားရာ လမ်းမကြီးပေါ်မှာ ရှိတဲ့ တချို့နေအိမ်တွေရှေ့မှာ မြေနေရာ ငှားရမ်းခ သိန်းထောင်ချီပေးဖို့ ဈေးခေါ်နေသူတွေအနေနဲ့လည်း ဥပဒေကြောင်းအရ အခွန်အခပေးရမယ်ဆိုတာ နားလည်ဖို့လိုအပ်ကြောင်း   ဦးဖြိုးမင်းသိန်းက ပြောပါတယ်။

၂၀၁၆ ခုနှစ် သင်္ကြန်ကာလမှာ စီးပွားဖြစ်မဏ္ဍပ်တွေ ဆောက်လုပ်ခွင့်မပေးတာဟာ သင်္ကြန်ကို ခုတုံးလုပ်ပြီး အဲဒီ မဏ္ဍပ်တွေမှာ မူးယစ်ဆေးဝါး ရောင်းဝယ်သုံးစွဲမှုတွေကို တားဆီးနိုင်ရေးအပါအ၀င် ပြီးခဲ့တဲ့ လပိုင်းတွေအတွင်း ရန်ကုန်မြို့မှာ ဖမ်းဆီးမိခဲ့တဲ့ လက်နက်ခဲယမ်းတွေရဲ့ အန္တရာယ်ကို စိုးရိမ်လို့ဖြစ်တယ်လို့ ၀န်ကြီးချုပ်က ပြောပါတယ်။

ဒီနေ့ အစည်းအဝေးကို တက်ရောက်လာတဲ့ ၈၈မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခေါင်းဆောင် ဦးမင်းကိုနိုင်က နှစ်ပေါင်းများစွာ အရိုးစွဲလာတဲ့ သင်္ကြန်အစဉ်အလာကို ပြောင်းလဲခဲ့တာကြောင့် ပြည်သူတွေရဲ့တုန့်ပြန်မှုကို ဖြေရှင်းရာမှာ ရန်ကုန်တိုင်းဒေသကြီး အစိုးရအတွက် စိန်ခေါ်မူတစ်ရပ်ဖြစ်တယ်လို့ ပြောပါတယ်။

လူငယ်ပိုင်း ဂီတ အနုပညာရှင်တွေကလည်း ရန်ကုန်တိုင်းဒေသကြီး အစိုးရအနေနဲ့ မဏ္ဍပ်ဆောက်လုပ်ခွင့် မပေးတဲ့အတွက် ရေကစားချင်တဲ့ လူငယ်တွေ အခက်အခဲရှိကြောင်း ဆွေးနွေးခဲ့ပါတယ်။

RFA Burmese
http://www.rfa.org/burmese


နိရဉ္စရာ၊ ဧပြီ ၄

ရခိုင်ပြည်နယ် ကျောက်တော်မြို့နယ် တရားရုံးမှ ယနေ့တွင် ရခိုင်လူငယ် ၆ ဦးကို ရက္ခိုင့်တပ်မတော်နှင့် ဆက်စပ်မှုဖြင့် ထောင် ၅ နှစ်စီ အသီးသီး ချမှတ်လိုက်သည်ဟု သိရသည်။

သူတို့ ၆ ဦးစလုံးက ရက္ခိုင့်တပ်မတော်မှ ဖြစ်ကြောင်း ဝန်ခံသဖြင့် တရားသူကြီးက ထိုသို့ ထောင်ဒဏ် အသီးသီး ချမှတ်လိုက်ခြင်း ဖြစ်သည်ဟု သူတို့အမှုကို ရှေ့နေလိုက်ပေးနေသူ ကိုထွန်းလှက နိရဉ္စရာ သတင်းဌာနသို့  အတည်ပြုပြောကြားသည်။

"သူ့ တို့ ကတော့ အေအေက ဖြစ်ကြောင်း ဝန်ခံပါတယ်။ အဓိကတော့ အစိုးရသစ် လက်ထပ်မှာ သမ္မတ လွှတ်ငြိမ်းချမ်းသာခွင်ကို မျှော်လင့်ပြီး ဝန်ခံလိုက်တာလို့ မြင်ပါတယ်။ သူတို့ က ၂၀၁၅ ဧပြီလ လောက် ကတည်းက ဖမ်းဆီးတရားစွဲဆို ခံထားရပေမယ့် ခုမှ ဝန်ခံလိုက်ကြတာပါ"ဟု သူကဆိုသည်။

သူတို့အား မတရား အသင်းဆက်သွယ်မှု ပုဒ်မ ၁၇(၁) ဖြင့် ထောင်ဒဏ် ၃ နှင့် ၁၇ (၂) ဖြင့် ထောင်ဒဏ် ၅ နှစ် စီ အသီးသီး ချမျတ်လိုက်သည်ဟု ရှေ့နေ ကိုထွန်းလှက ပြောသည်။

ထောင်ဒဏ် ၅ နှစ်ချခံရသူများမှာ

၁။ကိုမောင်ရွှေသီး (ဘ)ပန်းအောင်ဖြူ၊ စံဂိုးတောင်ကျေးရွာ၊ ဘူးသီးတောင်မြို့နယ်။
၂။ညီညီလှိုင် (ဘ )ဦးသာဒိုး၊ ရှမ်းရွာရပ်ကွက်၊ ကျောက်တော်မြို့ ။
၃။ကိုဇင်မျိုးအောင် (ဘ )ဦးင/လုံးချေ၊ ဇင်ချောင်းကျေးရွာ၊ ကျောက်ဖြူမြို့ နယ်

၃နှစ်စီ ချမှတ်ခံရသူများမှာ-

၁။ကိုစံအေးမောင် (ဘ )ဦးမောင်အေးသိန်း၊ မြို့သစ်ရပ်ကွက်၊ ကျောက်တော်မြို့ ။
၂။ကိုမောင်ရွှေလုံး(ကျောင်းဆရာ) (ဘ) ဦးရွှေစောမောင်၊ ငစရိုင်းချောင်းကျေးရွာ၊ မင်းပြားမြို့နယ်။
၃။ကိုစံမောင်သာ (ဘ) ဦးအောင်စံဘော်၊ လင့်ဇင်ကျေးရွာ ၊ကျောက်တော်မြို့ နယ် တို့ ဖြစ်သည်။

သူတို့ ၆ ဦးအား အမှုဆုံးဖြတ်ပြီးနောက် စစ်တွေ အကျဉ်းထောင်သို့  ပို့ ဆောင်လိုက်ကြောင်း သိရသည်။

စစ်တွေမြို့ နယ် တရားရုံးတွင်လည်း အေအေနှင့် ဆက်စပ်မှုဖြင့် ရခိုင်လူငယ် ၁၃ ဦးကို ယနေ့တွင် ရုံးထုတ် စစ်ဆေးကြောင်း သိရသည်။

ကောင်းမြတ်နိုင်(မောင်တော)
Arakan State
https://www.facebook.com/NarinjaraNews


ပုံတွင် မြင်တွေ့ရသော ဘိလပ်မြေအုတ်စီ၍ အခိုင်အမာ တည်ဆောက်နေသောမဏ္ဍပ်မှာ စကိုင်းနက်မဏ္ဍပ်ဖြစ်သည်။ ထုထည်ကြီးမားပြီး ခန့်ခန့်ညားညား ဆောက်လုပ်လျက်ရှိသော စကိုင်းနက်မဏ္ဍပ်သည် လူသွားပလက်ဖောင်းကိုဖျက်၍ တည်ဆောက်နေခြင်း၊ မဏ္ဍပ်အောက်တွင်အခန်းဖွဲ့စည်းထားခြင်းတို့ကြောင့် ဝေဖန်သံများ ထွက်ပေါ်လျက်ရှိသည်။


ယမန်နှစ်က နေပြည်တော် ဟိုတယ်ဇုံ (၁) တွင် ရေကစားမဏ္ဍပ် ၁၀ ခုခန့်ရှိခဲ့သော်လည်း ယခုနှစ်သင်္ကြန်အတွက် လက်ရှိအချိန်ထိ ရွှေဧည့်သည်ဟိုတယ်ရှေ့ရှိ စကိုင်းနက်ရေကစားမဏ္ဍပ်နှင့် ACE ဟိုတယ်ရှေ့ရှိ ACE ရေကစားမဏ္ဍပ် နှစ်ခုသာလျှင် တည်ဆောက်ထားသည်ကို တွေ့ရှိရသည်။ အခြေအနေစောင့်ကြည့်နေသည့်သဘောဟု ဟိုတယ်လုပ်ငန်းရှင်များ အသိုင်းအဝိုင်းမှ ကြားသိရသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


၎-၄-၂၀၁၆ ရက် ၁၄း၀၀ နာရီအချိန် နေပြည်တော်အားကစားနှင့် ကာယပညာဦးစီးဌာနရုံးတွင် ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးနှင့် အားကစားနှင့်ကာယပညာဦးစီးဌာန ညွှန်ကြားရေးမှူးချုပ်အပါအ၀င် ညွှန်ကြားရေးမှူးအဆင့် ဌာနအကြီးအကဲများနှင့် မိတ်ဆက်တွေ့ဆုံပွဲတွင် ဌာနဆိုင်ရာအရာရှိများက ပြည်ထောင်စုဝန်ကြီးအား ဦးခေါင်းညွတ်၍ အမည်၊ ရာထူး၊ တာဝန်မိတ်ဆက်မှုတွင် ပြည်ထောင်စုဝန်ကြီးဒေါက်တာမြင့်ထွေးက “ကျွန်တော်ကို လုပ်ဖော်ကိုင်ဖက်လို သဘောထားပြီး ဆက်ဆံပါ။ ဂါရ၀ပြုဦးညွှတ်နှုတ်ဆက်ခြင်း မပြုပါနဲ့”ဟု ပြောဆိုခဲ့သည်။

တွေ့ဆုံမှုတွင် ပြည်ထောင်စုဝန်ကြီးဒေါက်တာမြင့်ထွေးက “ဌာနအသစ်တခုကို စတင်ကိုင်တွယ်ရမှာဖြစ်တဲ့အတွက် ဘာလုပ်မယ်ဆိုပြီးတော့ စတင်ပြီးတော့ မပြောချင်ပါဘူး။ လုပ်ကိုင်ဆောင်ရွက်မြဲ လုပ်ဆောင်ချက်တွေထဲက ဘာတွေကို ဦးစားပေးလုပ်ဆောင်ပေးသင့်တယ်ဆိုတာကို တင်ပြပေးပါ။ ညှိနှိုင်းမှုနဲ့ပူးပေါင်းဆောင်ရွက်သွားမှာပါ”ဟု ပြောသည်။

“အားကစားနဲ့ကျန်းမာရေးဆိုတာ ယှဉ်တွဲနေတာဖြစ်ဖို့လိုတယ်။ ပေါင်းစပ်ညှိနှိုင်းလုပ်ဆောင်သင့်တယ်ဆိုတာကို လုပ်နေကြသူတွေက သိပြီးဖြစ်ပါမယ်။ ကိုယ့်ကားကို ကိုယ်တိုင်မောင်းနေရာက တခြားလူတယောက် ၀င်မောင်းရင် လောလောဆယ်အဆင်မပြေသလိုပေါ့ဗျာ။ တခုပြောချင်တာက အားကစားလိုက်စားခြင်းသည် ကျန်းမာရေးကို အထောက်အကူဖြစ်စေတာမို့ အခြေခံကျောင်းတွေကစပြီး အားကစား လေ့လာလိုက်စားမှုရှိလာအောင် ဘယ်လိုဆောင်ရွက်ပေးသင့်တယ်ဆိုတာကို စဉ်းစားပြီး အကောင်အထည်ဖော်ပေးပါ။ မနေ့တုန်းက ပြောခဲ့သလိုပေါ့။ ကျန်းမာရေးနှင့်အားကစားဝန်ကြီးဌာနဆိုပြီး ဖြစ်ကောင်းဖြစ်လာမှာပါလို့ ပြောချင်ပါတယ်” ၎င်းကပြောသည်။

“တခုပြောချင်တာကတော့ အားကစားနဲ့ပတ်သက်ပြီး လှုပ်ရှားမှုတွေကို တခါလာလည်း ရန်ကုန်၊ တခါလာလည်း မန္တလေးဆိုတာမျိုး မဖြစ်စေဘဲ အပြင်ကနေ အတွင်းကို စုသွားတဲ့ပုံသဏ္ဍာန်ဖြစ်အောင် အကောင်အထည်ဆောင်ရွက်ပေးဖို့ကိုတော့ အကြံပေးချင်ပါတယ်။ ဒါကြောင့်ကျွန်တော်တို့ မကြာခဏ ဆုံပါမယ်။ အကြံပြုတင်ပြပါ”ဟု နိဂုံးချုပ်ပြောကြားခဲ့သည်။ တွေ့ဆုံပွဲသို့ အားကစားနှင့်ကာယပညာဦးစီးဌာနမှ ညွှန်ကြားရေးမှူးအပါအ၀င်ဌာနဆိုင်ရာ အရာရှိ (၆၀) ဦးခန့် တက်ရောက်ခဲ့သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


မော်လမြိုင်၊ ဧပြီ ၄

မွန်ပြည်နယ်ဝန်ကြီးချုပ်မှ မွန်ပြည်နယ်အစိုးရအဖွဲ့ဝင်ဝန်ကြီးများအား ယနေ့ကျင်းပပြုလုပ်သော ဒုတိယအကြိမ်၊ မွန်ပြည်နယ်လွှတ်တော် ပထမပုံမှန်
အစည်းအဝေးတွင် အမည်စာရင်းတင်သွင်းခဲ့ပြီး မွန်ပြည်နယ်ဝန်ကြီးချုပ်၏ ဌာနနှစ်ခုတာဝန်ယူမည့်အပေါ် အကြံပြုဆွေးနွေးမှုများရှိခဲ့သော်လည်း အတည်ပြုခဲ့ကာ တစ်ပြိုင်နက်တည်းကျမ်းသစ္စာကျိန်ဆိုခဲ့ကြောင်း သိရသည်။

အကြံပြုဆွေးနွေးခဲ့သော အကြောင်းအရာမှာ မွန်ပြည်နယ်ဝန်ကြီးချုပ် ဦးမင်းမင်းဦးမှ စည်ပင်သာယာရေးနှင့် ဆောက်လုပ်ရေးဝန်ကြီးဌာနနှစ်ခုကို ကိုင်တွယ်မည့်အပေါ် ချောင်းဆုံမြို့နယ်ပြည်နယ်မဲဆန္ဒနယ်အမှတ်(၁)လွှတ်တော်ကိုယ်စားလှယ် ဒေါက်တာအောင်နိုင်ဦးက ပြည်နယ်ဝန်ကြီးချုပ်မှာ ၀န်ကြီးဌာနပူးတွဲကိုင်တွယ်နိုင်ကြောင်း အခြေခံဥပဒေအရမပါရှိသည့်အပြင် လုပ်ငန်းအရ ရှုပ်ထွေးလာနိုင်ကြောင်း အကြံပြုဆွေးနွေးခဲ့ပြီး မွန်ပြည်နယ်ဝန်ကြီးချုပ်ဦးမင်းမင်းဦးက ယင်းအနေဖြင့် ငွေကြေးကုန်ကျမှု လျှော့ချလိုသော သဘောဖြင့် တာဝန်ယူခြင်း
ဖြစ်ကြောင်း ပြန်လည်ရှင်းလင်းတင်ပြခဲ့သည်။

အဆိုပါကိစ္စအား မွန်ပြည်နယ်လွှတ်တော်မှ မွန်ပြည်နယ်ဝန်ကြီးချုပ်အနေဖြင့် တာဝန်ယူမည့်ဌာနနှစ်ခုအား တိုက်ရိုက်ကိုင်တွယ်ခြင်းထက် ကြီးကြပ်သွားရန်
သာ အတည်ပြုဆုံးဖြတ်ခဲ့သည်။

ယင်းနောက် အဆိုပြုခံရသော ပြည်နယ်ဝန်ကြီး၊ ဥပဒေချုပ်၊ စာရင်းစစ်ချုပ်တို့ အား ကန့်ကွက်သူမရှိသဖြင့် အတည်ပြုခဲ့ပြီး တစ်ပြိုင်နက်တည်းကျမ်းသစ္စာကျိန်ဆိုခဲ့ကြောင်း သိရသည်။

အတည်ပြုခဲ့သော ပြည်နယ်အစိုးရအဖွဲ့ဝင်စာရင်းမှာ
(၁) ဦးမင်းမင်းဦး (၀န်ကြီးချုပ်၊ စည်ပင်သာယာရေးဝန်ကြီးဌာနနှင့် ဆောက်
လုပ်ရေး ၀န်ကြီးဌာန)၊
(၂) ဒေါက်တာထိန်လင်း (လူမှုရေးဝန်ကြီးဌာန)၊
(၃) မင်းထင်အောင်ဟန် (လျှပ်စစ်၊ စွမ်းအင်နှင့် စက်မှုဝန်ကြီးဌာန)၊
(၄) ဦးဝဏ္ဏကျော် (စီမံကိန်း၊ ဘဏ္ဍာရေးနှင့် လူဝင်မှုကြီးကြပ်ရေးဝန်ကြီးဌာန)၊
(၅) ဦးထွန်းဌေး (စိုက်ပျိုးရေး၊ မွေးမြူရေးနှင့် ပို့ဆောင်ဆက်သွယ်ရေးဝန်ကြီးဌာန)၊
(၆) ဒေါက်တာမင်းကြည်ဝင်း (သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန)နှင့်
(၇) ဗိုလ်မှူးကြီး ဝင်းနိုင်ဦး (လုံခြုံရေးနှင့် နယ်စပ်ရေးရာဝန်ကြီးဌာန)၊ ဦးရွှေမြင့် (ဗမာတိုင်းရင်းသားရေးရာဝန်ကြီး)၊ စောအောင်မြင့်ခိုင် (ကရင်တိုင်းရင်းသားရေးရာဝန်ကြီး)၊ ဒေါ်စံဝင့်ခိုင် (ပအိုဝ်းတိုင်းရင်းသားရေးရာဝန်ကြီး)နှင့် ဒေါ်အေးအေးမို့ (ပြည်နယ်ဥပဒေချုပ်)တို့ ဖြစ်ကြောင်းလည်းသိရသည်။

ယင်းတို့နှင့်အတူ မွန်ပြည်နယ်စာရင်းစစ်ချုပ် ဒေါ်သိန်းသိန်းဦးလည်း ကျမ်းသစ္စာကျိန်ဆိုခဲ့သည်။

သတင်းနှင့် ဓါတ်ပုံ - သံလွင်တိုင်းမ်
Than Lwin Times
https://www.facebook.com/thanlwintimes9

ဒီကနေ့ ပြည်ထောင်စု လွှတ်တော်မှာ သမ္မတ ဦးထင်ကျော်က၀န်ကြီးသစ် ၂ ဦးနဲ့ စာရင်းစစ်ချုပ်၊ ရှေ့နေချုပ် အမည်စာရင်းတွေကို တင်သွင်း (ဓါတ်ပုံ- MOI)
ပြည်ထောင်စု အစိုးရ အဖွဲ့တွင်း အသစ်ခန့်အပ်မယ့် ၀န်ကြီးသစ် ၂ ဦးနဲ့ စာရင်းစစ်ချုပ်၊ ရှေ့နေချုပ် အမည်စာရင်းတွေကို သမ္မတ ဦးထင်ကျော်က ဒီကနေ့ ပြည်ထောင်စု လွှတ်တော်မှာ အမည်စာရင်း တင်သွင်းပါတယ်။ အမည်စာရင်း တင်သွင်းခံရတဲ့ ပုဂ္ဂိုလ်တွေက အရင် အစိုးရဟောင်းမှာ အကြီးတန်း အရာရှိ တာဝန်ထမ်းဆောင်ခဲ့ကြသူတွေ ဖြစ်ကြတာကို ထောက်ပြပြီး လူဟောင်း မူဟောင်းနဲ့ အပြောင်းအလဲ မဖော်ဆောင်နိုင်မယ့် အရေး စိုးရိမ်မှုတွေ ရှိနေပါတယ်။ မသိင်္ဂီထိုက် စုစည်းတင်ပြထားပါတယ်။

ပြည်ထောင်စု အစိုးရ အဖွဲ့ရဲ့ ပညာရေး ၀န်ကြီးအဖြစ် ဒေါက်တာ မျိုးသိမ်းကြီး၊ နောက် လျှပ်စစ်နဲ့ စွမ်းအင် ၀န်ကြီးအဖြစ် ဦးဖေဇင်ထွန်းတို့ကို ခန့်အပ်ဖို့ သမ္မတ ဦးထင်ကျော်က လွှတ်တော်ကို အမည်စာရင်း တင်သွင်းလိုက်ပါတယ်။သမ္မတ ဦးထင်ကျော် တင်သွင်းတဲ့ အစိုးရ အဖွဲ့ဝင် ပြည်ထောင်စု ၀န်ကြီး ၂ ဦးနဲ့ ရှေ့နေချုပ်တို့က အရင် အစိုးရရဲ့ အကြီးတန်း အရာရှိကြီးတွေ ဖြစ်ပါတယ်။ ဒီအပေါ်မှာတော့ အမျိုးသား ဒီမိုကရေစီ အဖွဲ့ချုပ်ရဲ့ အမျိုးသား လွှတ်တော်အမတ် ဦးအောင်ကြည်ညွန့်က အခုလို တုံ့ပြန်ပါတယ်။

“အသေးစိတ်လေ့လာပြီးတော့ ကျနော်တို့ သမ္မတရော ဒေါ်အောင်ဆန်းစုကြည်အနေနဲ့ရော သူတို့ အသေးစိတ်လေ့လာပြီးတော့မှ စီစစ်ပြီးတော့မှ တင်တာဖြစ်တယ်လို့ အန်ကယ် ဦးဝင်းထင်ကတော့ ခုနတုန်းက ပြောတယ်လေ။ ဒါမို့ အကောင်းဆုံးနဲ့ လက်ရှိရှိနေတဲ့အခြေအနေနဲ့အကိုက်ညီဆုံး လက်တလောရင်ဆိုင်ရမယ့် ဖြေရှင်းရမယ့် ဆောင်ရွက်ချက်တွေနဲ့ အကိုက်ညီဆုံး ဖြစ်အောင်စီစစ်ပြီးတော့ ရွေးချယ်သွားတယ်လို့ ကျနော်တို့အဲလိုသုံးသပ်လို့ရပါတယ် ခင်ဗျ။”

ပြည်ထောင်စု ရှေ့နေချုပ် အဖြစ် ဗိုလ်ချုပ်ဟောင်း၊ ဒုတိယ ရှေ့နေချုပ်ဟောင်း ဦးထွန်းထွန်းဦးနဲ့ ပြည်ထောင်စု စာရင်းစစ်ချုပ် အဖြစ် ရန်ကုန် စီးပွားရေး တက္ကသိုလ် အငြိမ်းစား ပါမောက္ခချုပ် ဦးမော်သန်းတို့ကို သမ္မတ ဦးထင်ကျော်က အမည်စာရင်း တင်သွင်းပါတယ်။ လျှပ်စစ်နဲ့ စွမ်းအင် ၀န်ကြီးဌာနရဲ့ ပြည်ထောင်စု ၀န်ကြီး အဖြစ် အရင် အစိုးရ စွမ်းအင် ၀န်ကြီးဌာနရဲ့ မူဝါဒပိုင်းဆိုင်ရာ အကောင်အထည် ဖော်တဲ့ အကြီးတန်း အရာရှိဟောင်းတဦးကို ပြန်လည် ခန့်အပ်မယ့် အရေးကြောင့် မူဝါဒဟောင်း အတိုင်းဘဲ ဆက်လက် အကောင်အထည်ဖော်မယ့် အရေး စိုးရိမ်ချက်တွေ ရှိနေပါတယ်။ သဘာဝ ပတ်ဝန်းကျင် အရေး လှုပ်ရှားသူ EcoDev အဖွဲ့က ဦးဝင်းမျိုးသူက အခုလို ပြောပါတယ်။

“အဲတော့ NLD မှာလည်း policy သီးခြားရှိလားဆိုတာတော့ ကျနော်မပြောတက်ဘူး။ လျှပ်စစ်ရအောင်လုပ်မယ်ဆိုတာတော့ ရှိတာပေါ့ ။ ဒါပေမယ့် ဘယ်လိုနည်းနဲ့ဆောင်ရွက်မလဲဆိုတဲ့ “How” ဆိုတာတော့ သူတို့ရဲ့ ဒီ Manifestation ထဲမှာတော့ မတွေ့မိသလိုပဲပေါ့နော်။ အဲတော့ လက်ရှိဦးသိန်းစိန် မှုဝါဒကိုပဲ ဆက်လက်အကောင်အထည်ဖော်မယ်။ လာတဲ့လူကလည်း အဲလူမှန်ခဲ့ရင်တော့ အရင် လုပ်ထုံးလုပ်နည်း အဟောင်းနဲ့ သွားမယ်လို့ အဲလိုပဲ ခန့်မှန်းရတာပေါ့။”

လျှပ်စစ် ၀န်ကြီးသစ်လက်ထက်မှာ အရင် အစိုးရဟောင်း လက်ထက်က ချမှတ်ထားတဲ့ ကျောက်မီးသွေး အသုံးပြု လျှပ်စစ် ထုတ်လုပ်မယ့် မူဝါဒကို ဆက်လက် အကောင်အထည်ဖော်လာမယ့် အနေအထားများ ရှိလာမလားဆိုတဲ့ အပေါ်မှာလည်း သဘာဝ ပတ်ဝန်းကျင် အရေး ဆောင်ရွက်သူတွေကြားမှာ စိုးရိမ်ချက် ရှိနေတာပါ။ ဦးဝင်းမျိုးသူက အခုလို ဆက်ပြောပါတယ်။

“သိန်းစိန်မှုဝါဒက Energy production ကို ကျနော်တို့ Coal Power ကို ကျနော်တို့ ဒီ ကျောက်မီးသွေးကနေပြီးတော့ ထုတ်လုပ်တဲ့ ပမာဏကို 20 Percent လောက်ထိတင်ဖို့ ကြိုးစားနေတော့ ဒါမှမဟုတ်လည်း ဒီကောင်ကိုပဲ သွားတော့မယ်လို့ စိတ်ပိုင်းဖြတ်ပြီးရင်တော့ တကမ္ဘာလုံးကအခုရေးဆွဲနေတဲ့ ကမ္ဘာ့ရာသီဥတုပြောင်းလဲခြင်းဆိုင်ရာပေါ့နော် ကျနော်တို့ဒီဟာတွေနဲ့ လိုက်လျောညီထွေဖြစ်အောင် ပြင်ဆင်ဖို့လိုတယ် ဘောင်ဝင်အောင်။ ကိုယ်က ကျောက်မီးသွေးကိုပဲ ရှို့ပြီးတော့ လျှပ်စစ်ဓါတ် ယူတော့မယ်ဆိုရင် အဲဒီကျောက်မီးသွေးရှို့တာကို ကမ္ဘာက လက်ခံအောင် လို့ အဲလိုမျိုးတရားဝင်လက်ခံအောင်လို့ အဲလိုပဲ လုပ်ကြရတာပေါ့ဗျာ။”

ပညာရေး ၀န်ကြီးအဖြစ် အမည်စာရင်း တင်သွင်းခံရသူကလည်း ပြီးခဲ့တဲ့ ဦးသိန်းစိန် အစိုးရ လက်ထက် အမျိုးသား ပညာရေး ဥပဒေ ဆန့်ကျင် ဆန္ဒပြခဲ့မှု အတွင်း ကျောင်းသားတွေနဲ့ တာဝန်ခံ ဆွေးနွေးခဲ့တဲ့ ပညာရေး ၀န်ကြီးဌာနရဲ့ အကြီးတန်း အရာရှိ တဦး ဖြစ်တယ်လို့ မြန်မာနိုင်ငံလုံး ဆိုင်ရာ ဆရာ၊ ဆရာမများ အဖွဲ့ချုပ်က ဦးသုတက ပြောပါတယ်။

“ဒါအရင်သူက စနစ်ထဲမှာ လူကြီးတယောက်ဖြစ်ခဲ့ပြီးတော့ အရင်စနစ်တုန်းကတော့ သူသည် ကျောင်းသားအပေါ်မှာရော ဆရာ ၊ဆရာမတွေအပေါ်မှာရော တိုးတက်ရာတိုးတက်ကြောင်းလုပ်နိုင်စွမ်းမရှိဘူးဆိုတာတော့ သိရတယ်။ ပြောလို့ရတယ်။ ဒါပေမယ့် အခုအချိန်မှာတော့ NLD ကနေပြီးတော့ သူတို့ကို တာဝန်ယူခန့်လိုက်တဲ့အတွက် သူ ဘယ်လိုပြုပြင်ပြောင်းလဲရေးတွေလုပ်မလဲဆိုတာတော့ ထူးထူးခြားခြားတော့ ကျနော်တို့သိပ်ပြီးတော့ မျှော်လင့်ထားခြင်းမရှိဘူးခင်ဗျ။”

လက်ရှိမှာ ဒေါ်အောင်ဆန်းစုကြည် တာဝန်ယူထားတဲ့ ၀န်ကြီးဌာန လေးခုထဲက ပညာရေး၊ လျှပ်စစ်နဲ့ စွမ်းအင် ၀န်ကြီးဌာနတွေကို ခွဲဝေပေးဖို့ အတွက် သမ္မတ ဦးထင်ကျော်က ပြည်ထောင်စု ၀န်ကြီး ၂ ဦး ထပ်မံ အဆိုပြုတာ ဖြစ်ပါတယ်။ အမည်စာရင်း တင်သွင်းခံထားတဲ့ ပြည်ထောင်စု ၀န်ကြီးတွေ၊ ရှေ့နေချုပ်နဲ့ စာရင်းစစ်ချုပ် တွေကိုတော့ အင်္ဂါနေ့မှာ လွှတ်တော်မှာ ကန့်ကွက်မယ့်သူ မရှိရင် အတည်ပြုနိုင်မှာ ဖြစ်ပြီး လာမယ့် ဗုဒ္ဓဟူးနေ့လောက်မှာ ပြည်ထောင်စု အစိုးရ အဖွဲ့ဝင်တွေ အဖြစ် ကတိသစ္စာ ပြုနိုင်မှာ ဖြစ်တယ်လို့လည်း လွှတ်တော် အသိုင်းအ၀ိုင်းက ပြောဆိုပါတယ်။

မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

ရန်ကုန်တိုင်းဒေသကြီးလွှတ်တော်အစည်းအဝေးအား မြင်တွေ့ရစဉ် (ဆင်ဟွာ)
ရန်ကုန် ၊ ဧပြီ ၄ ရက် (ဆင်ဟွာ)

    ရန်ကုန်တိုင်းဒေသကြီး အစိုးရ အဖွဲ့ အတွက် ဝန်ကြီးဌာန ၆ ခု နှင့် ဝန်ကြီး အရေအတွက် ၆ ဦး အပါအဝင် တိုင်းဒေသကြီး ဥပဒေချုပ် နှင့် စာရင်းစစ်ချုပ်တို့ ခန့် အပ် တာဝန်ပေးနိုင်ရေး ရန်ကုန်တိုင်းဒေသကြီး ၀န်ကြီးချုပ် ၏ အဆိုပြု တင်ပြချက်အား ယနေ့ ဧပြီ ၄ ရက်တွင် ပြုလုပ်သော ရန်ကုန်တိုင်းဒေသကြီး လွှတ်တော် အစည်းအဝေးတွင် ကန့် ကွက်သူမရှိ အတည်ပြုခဲ့သည်။

ရန်ကုန်တိုင်းဒေသကြီး အစိုးရအဖွဲ့တွင် ဝန်ကြီးချုပ် အဖြစ် ဦးဖြိုးမင်းသိန်း အပါအဝင် လုံခြုံရေးနှင့် နယ်စပ်ရေးရာ ဝန်ကြီးဌာန ၀န်ကြီး အဖြစ် ဗိုလ်မှူးကြီးတင်အောင်ထွန်း ၊ စီမံကိန်း နှင့် ဘဏ္ဍာရေး ဝန်ကြီးဌာန ၀န်ကြီး အဖြစ် ဦးမြင့်သောင်း ၊ စိုက်ပျိုးရေး၊ မွေးမြူရေး၊ သစ်တော နှင့် စွမ်းအင်ဝန်ကြီးဌာန ၀န်ကြီး အဖြစ် ဦးဟံထွန်း ၊ လျှပ်စစ် ၊ စက်မှုလက်မှုနှင့် လမ်းပန်းဆက်သွယ်ရေး ဝန်ကြီးဌာန ၀န်ကြီး အဖြစ် ဒေါ်နီလာကျော် ၊ စည်ပင်သာယာရေး ဝန်ကြီးဌာန ဝန်ကြီး အဖြစ် ဒေါက်တာမောင်မောင်စိုး ၊ လူမှုရေးဝန်ကြီးဌာန ဝန်ကြီး အဖြစ် ဦးနိုင်ငံလင်း တို့ ဖြစ်ကြသည်။

ထို့ ပြင် တိုင်းဒေသကြီး ဥပဒေချုပ် အဖြစ် ဦးဟန်ထူး ၊ တိုင်းဒေသကြီး စာရင်းစစ်ချုပ်အဖြစ် ဒေါ်ခင်သန်းလှ တို့ အား ခန့် အပ် တာဝန်ပေးရန် အဆိုပြု တင်ပြချက်အား  ကန့် ကွက်သူ မရှိ အတည်ပြုခဲ့သည်။

 (Xinhua)
http://www.xinhuamyanmar.com


မော်လမြိုင်၊ ဧပြီ ၄ ။ ။

မွန်ပြည်နယ်၊ သံဖြူဇရပ်မြို့နယ်၊ ဝယ်ဝင်္ကရာကျေးရွာဘက်တွင် ဧပြီလ ၄ ရက်နေ့ နံနက် ၉ နာရီခန့်က မူးယစ်ဆေးကြောင်နေသူ ဦးယုန်က ဓါးဖြင့်လိုက်လံခုတ်ရာ လူခြောက်ဦး သေဆုံးပြီး လေးဦး ဒဏ်ရာရကာ နေအိမ်လေးလုံး မီးရိူ့ မှုဖြစ်ပွားခဲ့ကြောင်း မော်လမြိုင်ခရိုင်မီးသတ်ဦးစီးဌာနမှ သိရသည်။


ဝယ်ဝင်္ကရာကျေးရွာနေ ဦးယုန်သည် ဝယ်ဝင်္ကရာကျေးရွာအတွင်းရှိ လူများကို ဓားဖြင့်ခုတ် သတ်ခဲ့ခြင်းဖြစ်ပြီး နေအိမ်ကို မီးဖြင့်ရှို့ခဲ့ခြင်းဖြစ်ကြောင်း ကျေးရွာအတွင်းနေထိုင်သောရွာသားများထံမှ သိရသည်။

ထို့ပြင် ပြည်သူစစ်တစ်ဦးထံမှ AK 4သေနတ်အားလုယူခဲ့သောကြောင့် အဆိုပါဆေးကြောင်နေသူကို သံဖြူဇ ရပ်မြို့နယ်ရဲစခန်း၊ မြို့နယ်အထွေထွေအုပ်ချုပ်ရေး နှင့် (တ.တ.က.၄)နယ်မြေခံတပ်ရင်းပူးပေါင်းအဖွဲ့က ပူးပေါင်းဝင်ရောက်၍ အသေပစ်သတ်ခဲ့ကြောင်း အဆိုပါ မီးသတ်ဦးစီးဌာနမှ တာဝန်ရှိသူတစ်ဦးက ပြောကြား သည်။.

ယင်းမီးလောင်မှုကြောင့် အိမ်လေးလုံပျက်ဆီးကာ ဆုံးရှုံးမှုတန်ဖိုး ကျပ် ၁၁ သိန်းကျော်ရှိခဲ့ပြီး သံဖြူဇ ရပ်မြို့နယ်ရဲစခန်းက (ပ-၆၄/ ၂၀၁၆ /ပြစ်မှုဆိုင်ရာ ပုဒ်မ ၃၀၂/၄၃၆)ဖြင့်အမှုဖွင့်ထားကြောင်း အဆိုပါရဲစခန်းထံမှ သိရသည်။

ထို့ပြင် ဒဏ်ရာရရှိသူများကို သံဖြူဇရပ်မြို့နယ်ပြည်သူ့ဆေးရုံသို့ပို့ဆောင်ပေးခဲ့ကြောင်း ယင်းရဲစခန်းထံမှ သိရသည်။

ဓါတ်ပုံ - ကိုနှင်းမောင်
Hinthar Media Corporation
https://www.facebook.com/hintharmediacorporation


နေပြည်တော်၊ ဧပြီ-၄

နေပြည်တော်ကောင်စီဥက္ကဌသစ် ဒေါက်တာမျိုးအောင်သည် ကောင်စီ၏ လုပ်ငန်းတာဝန်များအား ဆွေးနွေးခဲ့ပြီး ဝန်ထမ်းများ၏ လိုအပ်ချက်များကိုလည်း ပြန်လည်မေးမြန်းခဲ့ကြောင်း အစည်းအဝေးတက်ရောက်သူတစ်ဦးက ပြောသည်။

“ဝန်ထမ်းတွေအနေနဲ့ လဘ်မစားဖို့နဲ့ ဝန်ထမ်းစည်းမျဉ်းစည်းကမ်းနဲ့ အညီလုပ်ဆောင်ဖို့ ဥက္ကဌကပြောတယ်၊ နောက်ပြီး ဝန်ထမ်းတွေနဲ့ မိတ်ဆက်တယ်၊ ဌာနတစ်ခုချင်းစီလုပ်ဆောင်နေတာကို တင်ပြကြတယ်” ဟု ၄င်းက ရှင်းပြသည်။

ယခင်နေပြည်တော်ကောင်စီအဖွဲ့တွင် ဥက္ကဌအပါအဝင် ကိုးဦးရှိပြီး ယခုအစိုးရအဖွဲ့တွင် ဥက္ကဌ တစ်ဦးတည်းကို သာခန့်အပ်ရသေးသည့်အတွက် ထပ်မံ၍ မြို့နယ်တစ်ခုချင်းစီအတွက် ကောင်စီအဖွဲ့ဝင်ရှစ်ဦး ခန့်အပ်ရမည် ဖြစ် သည်။

သမ္မတဦးသိန်းစိန်အစိုးရလက်ထက်တွင် နေပြည်တော်ကောင်စီဥက္ကဌအဖြစ် နယ်စပ်စည်ပင်ဝန်ကြီးဌာန ပြည် ထောင်စုဝန်ကြီး တာဝန်မှ ပြောင်းရွှေ့ကာ နိုင်ငံတော်သမ္မတရုံးဝန်ကြီး၊ နေပြည်တော်မြို့တော်ဝန်၊ နေပြည်တော် ကောင်စီ ဥက္ကဌ တာဝန်များကိုထမ်းဆောင်ခဲ့သူ ဦးသိန်းညွန့်ထံမှ ဒေါက်တာမျိုးအောင်က လွဲပြောင်းရယူခဲ့ခြင်း ဖြစ်သည်။

ကိုပေါက်
The Ladies News
https://www.facebook.com/News.TheLadies

နေပြည်တော်ကောင်စီဥက္ကဌ ဒေါက်တာမျိုးအောင် ကို တွေ့ရစဉ်။ Photo: Win Ko Ko Latt/RFA
ပြီးခဲ့တဲ့ ဧပြီလ ၂ ရက်နေ့က နေပြည်တော်ကောင်စီ ဥက္ကဌအဖြစ် တာဝန်လွှဲပြောင်းယူခဲ့တဲ့ ဒေါက်တာမျိုးအောင် က နေပြည်တော်ကောင်စီရုံးမှာ ဌာနဆိုင်ရာဝန်ထမ်းတွေနဲ့ ဒီနေ့ ၃ နာရီကျော်ကြာ တွေ့ဆုံခဲ့ပါတယ်။

အဲ့ဒီလိုတွေ့ဆုံရာမှာ ဝန်ထမ်းတွေ အဂတိတရားကင်းရှင်းဖို့၊ လာဘ်ပေးလာဘ်ယူတာတွေ မလုပ်ဖို့နဲ့ ဝန်ထမ်းစည်းမျဉ်း စည်းကမ်းတွေနဲ့အညီ နေထိုင်ကြဖုိ့ မှာကြားခဲ့တယ်လို့ တွေ့ဆုံပွဲကို တက်ရောက်ခဲ့တဲ့ ဝန်ထမ်းတစ်ဦးက ပြောပါတယ်။

လက်ရှိ နေပြည်တော်ကောင်စီနယ်မြေအတွင်းမှာ လုပ်ဆောင်ဆဲဖြစ်တဲ့ စီမံကိန်းတွေ၊ ဒေသဖွံဖြိုးရေးလုပ်ငန်းတွေ ကို ကောင်စီ ဥက္ကဌ ဒေါက်တာမျိုးအောင်ထံ တင်ပြခဲ့ကြတယ်လို့လည်း ပြောပါတယ်။

နေပြည်တော်ကောင်စီ ဥက္ကဌ ဒေါက်တာမျိုးအောင်ရဲ့  အုပ်ချုပ်မှုအောက်မှာ  ကောင်စီအဖွဲ့ဝင် ၈ ဦးကို ထပ်မံခန့်အပ်ရမှာဖြစ်ပြီး အဲ့ဒီကောင်စီဝင် ၈ ဦးဟာ နေပြည်တော်ကောင်စီနယ်မြေထဲက ၈ မြို့နယ်ကို တစ်မြို့နယ်စီ တာဝန်ယူရမှာဖြစ်ပါတယ်။

နေပြည်တော်ကောင်စီနယ်မြေမှာ ဒက္ခိဏသီရိ၊ ဇမ္ဗူသီရိ၊ ပုဗ္ဗသီရိ၊ ဥတ္တရသီရိ၊ ဇေယျာသီရိ၊ လယ်ဝေး၊ တပ်ကုန်းနဲ့ ပျဉ်းမနားမြို့နယ်တွေ ပါဝင်ပါတယ်။ အရင်က နေပြည်တော်ကောင်စီ ဥက္ကဌအဖြစ် သမ္မတရုံးဝန်ကြီးဟောင်း ဦးသိန်းညွန့် က ပူးတွဲတာဝန်ယူခဲ့တာဖြစ်ပါတယ်။

RFA Burmese
http://www.rfa.org/burmese


မြန်မာတစ်နိုင်ငံလုံးရှိ ယာဉ်မောင်းလိုင်စင် (ခ)၊ (ဂ)၊ (ဃ)များကို Chip ပြား ထည့်သွင်းသည့်စနစ် ကို ဧပြီ ၁ ရက်မှ စတင်ပြုလုပ်ပေးနေပြီဖြစ်ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာန’ မှ တာဝန်ရှိသူတစ်ဦးက The Ladies သို့ပြောသည်။

ယာဉ်မောင်းလိုင်အတုနှင့် အစစ် အလွယ်တကူ ခွဲခြားနိုင်ရန်အတွက် လုံခြုံရေး အဆင့်မြှင့်တင်ထားသည့် စနစ်ပါဝင်သည့် Chip ပြားကို ဇန်န၀ါရီလမှ စ၍ နေပြည်တော် တိုင်းဒေသကြီးတွင် စတင်စမ်းသပ်အသုံးပြုခဲ့ပြီး ဧပြီ ၁ ရက်မှ စတင်ကာ တစ်နိုင်ငံလုံးရှိ ယာဉ်မောင်းလိုင်စင် (ခ)၊ (ဂ)၊ (ဃ) များကို Chip ပြား ထည့်သွင်းသည့် စနစ်ပြောင်းလဲ ပြုလုပ်ပေးလျက်ရှိကြောင်း သိရသည်။

“တစ်နိုင်ငံလုံးမှာရှိတဲ့ ယာဉ်မောင်းလိုင်စင်တွေကို ဧပြီ ၁ ရက် ကစပြီးတော့ လုံခြုံရေး အဆင့်မြှင့်ထားတဲ့ Chip ပြား ထည့်သွင်းတဲ့ စနစ်ကို ပြောင်းလဲ ပြုလုပ်ပေးသွားမှာ ဖြစ်ပါတယ်၊ စတင်လုပ်ပေးတဲ့ အချိန်မှာတော့ ယာဉ်မောင်းလိုင်စင် (ခ)၊ (ဂ)၊ (ဃ) တွေကိုပဲ ပြုလုပ်ပေးသွားမှာ ဖြစ်ပါတယ်” ဟု ကညနမှ တာဝန်ရှိသူတစ်ဦးက ပြောပြသည်။

ယာဉ်ထိန်းရဲ တပ်ဖွဲ့ဝင်များအနေဖြင့် ယာဉ်မောင်းလိုင်စင်အတု၊ အစစ် ခွဲခြားစစ်ဆေးနိုင်ရန်အတွက် ၎င်းတို့၏ မိုဘိုင်းဖုန်းများထဲတွင် ဆော့ဝဲများ ထည့်သွင်းပေးသွားမည်ဟုလည်း အဆိုပါတာဝန်ရှိသူက ဆက်လက်ပြောသည်။

ယခင် Smart Card လိုင်စင်အစား လုံခြုံရေးမြှင့်တင်ထားသည့် Chip ပြား ထည့်သွင်းသည့်စနစ်ကို သက်ဆိုင် ရာ ကညနရုံးများတွင် ပြောင်းလဲပြုလုပ်နိုင်ပြီး (က) နှင့် (င)လိုင်စင် တို့ကိုလည်း မကြာခင် ပြောင်းလဲပြုလုပ်ပေးသွားမည် ဖြစ်ပြီး၊ ယင်း Chip ပြား အတွင်း ယာဉ်မောင်းလိုင်စင် ကိုင်ဆောင်ထားသူ၏ အချက်အလက်များကိုပါ ထည့်သွင်း ဖော်ပြထားမည် ဖြစ်ကြောင်း သိရသည်။

မြန်မာ ၊ အိန္ဒိယ ၊ ထိုင်း သုံးနိုင်ငံအကြား နိုင်ငံ အချင်းချင်း ခရီးသည်နှင့် ကုန်စည်များ မော်တော်ယာဉ်ဖြင့် သယ်ဆောင်သွားလာမှု၏ စည်းကမ်းများ သဘောတူ စာချုပ်အရ ယာဉ်မောင်း လိုင်စင်များအား Chip ပါသည့် Smart Card ယာဉ်မောင်း လိုင်စင်သို့  ဇန်န၀ါရီ ၁၂ ရက် က နေပြည်တော်တွင် စတင် ပြောင်းလဲထုတ်ပေးခဲ့ခြင်း ဖြစ်သည်။

Chip ပါသည့် Smart Card ယာဉ်မောင်း လိုင်စင် ထုတ်ပေးခြင်း အားဖြင့် လိုင်စင် ကိုင်ဆောင်သူ တစ်ဦးချင်း၏ အချက်အလက်များကို လုံခြုံစိတ်ချစွာ ထိန်းသိမ်း ပေးနိုင်ခြင်း ၊ လိုင်စင် မှန်ကန်မှု ရှိ/မရှိ စစ်ဆေးမှုကို စစ်ဆေးသည့် နေရာတွင် ချက်ခြင်း အတည်ပြု နိုင်ခြင်း ၊ ယာဉ်စည်းကမ်း ဖောက်ဖျက်သူများအား အမှတ်ပေးသောစနစ် Demerit Point System အရ ပြစ်မှု ကျူးလွန်သော ယာဉ်မောင်းများအား အမှတ်ပေး၍ အပြစ်ပေး အရေးယူ ဆောင်ရွက် နိုင်ခြင်းတို့ကြောင့် ယာဉ်စည်းကမ်း ချိုးဖောက်သူများအား ထိရောက်စွာ အရေးယူ ဆောင်ရွက်နိုင်မည် ဖြစ်သည့် အပြင် ယာဉ်မောင်း လိုင်စင် အတု ကိုင်ဆောင်မှု များအားလည်း အလွယ်တကူ စစ်ဆေး ဖော်ထုတ်နိုင်မည် ဖြစ်ကြောင်း သိရသည်။

ဇော်မင်းထွန်း
The Ladies News
https://www.facebook.com/News.TheLadies

(ဥပဒေကြမ်းကော်မတီအဖွဲ့ဝင် ဗိုလ်မှူးချုပ်မောင်မောင် ကို ဧပြီလ ၄ ရက်နေ့က တွေ့ရစဉ်) Photo: Win Naung Toe/RFA
နိုင်ငံတော်ရဲ့ အတိုင်ပင်ခံပုဂ္ဂိုလ်ဆိုင်ရာ ဥပဒေကြမ်းနဲ့ပတ်သက်ပြီး ပြင်ဆင်ချက် တင်သွင်းနိုင်ဖို့ အချိန်တိုးပေးသင့်ကြောင်းနဲ့ ဖွဲ့စည်းပုံအခြေခံဥပဒေနဲ့ညီရင် ထောက်ခံမှာဖြစ်ကြောင်း တပ်မတော်သား လွှတ်တော်ကိုယ်စားလှယ် ဗိုလ်မှူးချုပ်မောင်မောင် က ဒီနေ့ ဆွေးနွေးပါတယ်။

နိုင်ငံတော်ရဲ့ အတိုင်ပင်ခံပုဂ္ဂိုလ် ဥပဒေကြမ်းကို ပြည်သူ့လွှတ်တော်ထံ ဒီနေ့ တင်သွင်းခဲ့တာဖြစ်ပြီး ပြင်ဆင်ချင်တဲ့ ကိုယ်စားလှယ်တွေ မနက်ဖြန် စာရင်းပေးကြဖို့ လွှတ်တော် ဥက္ကဌ ဦးဝင်းမြင့်က ကြေညာရာမှာ ဥပဒေကြမ်းကော်မတီအဖွဲ့ဝင် ဗိုလ်မှူးချုပ်မောင်မောင် က အချိန်တိုးပေးဖို့ ဆွေးနွေးတာဖြစ်ပါတယ်။

ဗိုလ်မှူးချုပ်မောင်မောင်ရဲ့ တောင်းဆိုမှုကို ပြည်သူ့လွှတ်တော် ဥက္ကဌ ဦးဝင်းမြင့် က လက်မခံပဲ မူလဆုံးဖြတ်ချက်အတိုင်း ပြင်ဆင်ချက်တင်သွင်းလိုတဲ့ ကိုယ်စားလှယ်တွေအနေနဲ့ မနက်ဖြန် နောက်ဆုံးထား စာရင်းပေးကြဖို့ ဆုံးဖြတ်ခဲ့ပါတယ်။

အဲ့ဒီဥပဒေကြမ်းနဲ့ပတ်သက်ပြီး ပြည်သူ့လွှတ်တော် ဥပဒေကြမ်းကော်မတီရဲ့ လေ့လာတွေ့ရှိချက် အစီရင်ခံစာကို ကော်မတီ ဥက္ကဌ ဦးထွန်းထွန်းဟိန် က ဒီနေ့ တင်ပြခဲ့တာဖြစ်ပါတယ်။

အခန်း ၅ ခန်းပါတဲ့ နိုင်ငံတော်ရဲ့ အတိုင်ပင်ခံပုဂ္ဂိုလ်ဆိုင်ရာ ဥပဒေကြမ်းကို အမျိုးသားလွှတ်တော်မှာ ကန့်ကွက်မှုတွေ ရှိခဲ့ပေမယ့် ပြီးခဲ့တဲ့ ဧပြီလ ၁ ရက်နေ့က အတည်ပြုခဲ့တာဖြစ်ပါတယ်။

အဲ့ဒီဥပဒေကြမ်းမှာ အတိုင်ပင်ခံပုဂ္ဂိုလ်အဖြစ် ပြည်သူတွေရဲ့ ယုံကြည်အားကိုးမှုကို တစ်ခဲနက်ထောက်ခံမှုရရှိခဲ့တဲ့ အန်အယ်လ်ဒီပါတီ ဥက္ကဌ ဒေါ်အောင်ဆန်းစုကြည်ကို တာဝန်ပေးအပ်ဖို့ အတိုင်ပင်ခံပုဂ္ဂိုလ်ရဲ့ သက်တမ်းဟာ နိုင်ငံတော်သမ္မတရဲ့ သက်တမ်းအတိုင်းဖြစ်ကြောင်း ပါရှိပါတယ်။

RFA Burmese
https://www.facebook.com/RFA-Burmese



နုိုင်ငံတော်သမ္မတဟောင်း ဦးသိန်းစိန်ဟာ ဒုလ္လဘရဟန်းအဖြစ် သာသနာ့ဘောင်ကို ၀င်လုိုက်ပါတယ်။
ပြင်ဦးလွင်မြို့က ဒေါက်တာနန္ဒာမာလာဘိဝံသရဲ့ ကျောင်းတိုက်မှာလို့ သိရပြီး ဒီကနေ့ သာသနာ့ဘောင်ကို ၀င်တာဖြစ်ပါတယ်။

RFA Burmese
https://www.facebook.com/RFA-Burmese


နေပြည်တော်၊ ဧပြီ ၄

မြန်မာနိုင်ငံတွင် အဂတိလိုက်စားမှုများကြောင့် အကျင့်စာရိတ္တပျက်ပြားမှု (corruption) များစွာဖြစ်ပေါ်နေပြီး နိုင်ငံတော်၏ လူမှုရေး၊ စီးပွားရေး၊ တရားဥပဒေစိုးမိုးရေးတို့ကို ထိခိုက်နေသဖြင့် အဂတိလိုက်စားမှုအလေ့အထကို အချိန်တိုကာလအတွင်း လုံးဝပျောက်သွားစေရန်အတွက် ပြည်ထောင်စုဝန်ကြီး ဒေါ်အောင်ဆန်းစုကြည် လက်မှတ်ရေးထိုးထားသော “လက်ဆောင်ပစ္စည်း လက်ခံခြင်းနှင့်ပတ်သက်သည့် လမ်းညွှန်ချက်” ကို ဗဟိုရုံးများ၊ ပြည်ထောင်စု ဝန်ကြီးဌာနများနှင့် ပြည်နယ်/တိုင်း အစိုးရများအား ဧပြီလ ၁ ရက်(သောကြာနေ့) ရက်စွဲဖြင့် ပေးပို့ဖြန့်ဝေလိုက်သည်။


အဆိုပါလမ်းညွှန်ချက်၌ လက်ဆောင်ပစ္စည်းတွင် ငွေကြေးနှင့်တန်ဖိုးရှိသည့် ပစ္စည်းအပါအဝင် ရွှေ၊ ငွေ၊ လေယာဉ်လက်မှတ်၊ အခမဲ့တည်းခိုခ၊ အခမဲ့စားသောက်ခ၊ ဧည့်ခံကျွေးမွေးခြင်း၊ ဂေါက်သီးအသင်းဝင်ကြေး စသည်တို့ အကျုံးဝင်ပြီး မိမိရာထူးလုပ်ပိုင်ခွင့်၏ အကျိုးခံစားနိုင်သည့် လုပ်ရပ်တစ်ရပ်ကို လိုလား တောင်းခံသော အဖွဲ့အစည်း/ပုဂ္ဂိုလ်၊ မိမိတာဝန်ယူရသော အဖွဲ့အစည်း၊ ကြီးကြပ်ကွပ်ကဲရသော အဖွဲ့အစည်းနှင့် စီးပွားရေးလုပ်ငန်း လုပ်ကိုင်သော၊ လုပ်ကိုင်ရန်ကြိုးပမ်းနေသော အဖွဲ့အစည်း/လူပုဂ္ဂိုလ်၊ မိမိရာထူးတာဝန်အရ လုပ်ဆောင်ရမည့် ကိစ္စ ရပ်တစ်ခုကို လုပ်ဆောင်ခြင်းကြောင့် အကျိုးခံစားမှုရှိသွားမည့် အဖွဲ့အစည်း/လူပုဂ္ဂိုလ်၊ မိမိရာထူး တာဝန်အရ လုပ် ဆောင်ရမည့် ကိစ္စရပ်တစ်ခုကို လုပ်ဆောင်ခြင်းမပြုသဖြင့် အကျိုးခံစားခွင့်ရှိသွားမည့် အဖွဲ့အစည်း/ လူပုဂ္ဂိလ် များ ထံမှ လက်ဆောင်ပစ္စည်းများ လက်ခံခြင်းမပြုရန် ပိတ်ပင်တားမြစ်ထားသည်။


ကျပ်ငွေ ၂၅၀၀၀ ထက် မပိုသော လက်ဆောင်ပစ္စည်း၊ (အဖွဲ့အစည်း တစ်ခု/လူပုဂ္ဂိလ် တစ်ဦးထံမှ လက်ခံ ရယူသည့် လက်ဆောင်ပစ္စည်းသည် တစ်နှစ်လျှင် ကျပ် ၁၀၀၀၀၀ /- တန်ဖိုး ထက် မပိုစေရ)၊ မိသားစုဆက်ဆံရေး နှင့် ပုဂ္ဂိုလ်ရေးခင်မင်မှုအရ (တားမြစ်ထားသည့် အဖွဲ့အစည်း၊ လူပုဂ္ဂိုလ်များ နှင့် အကျုံးမဝင်သူများ) ပေးသော လက်ဆောင်ပစ္စည်း၊ အခါကြီးရက်ကြီးမျးတွင် ဂါရဝပြုပေးအပ်သည့် ကျပ်ငွေ ၁၀၀၀၀၀/- ထက်မပိုသော လက်ဆောင် ပစ္စည်းများကိုသာ ခြွင်းချက်ဖြင့် လက်ခံခွင့်ပြုထားသည်။

လက်ခံခွင့်မရှိသော လက်ဆောင်ပစ္စည်းများ ပေးအပ်လာပါက ပေးအပ်သောလက်ဆောင်ပစ္စည်းကို ပြန်လည် ပေးအပ်ရန်၊ ပစ္စည်းကိုလက်ခံလိုပါက ကာလပေါက်ဈေးကို ပေးအပ်သူထံ ပြန်လည်ပေးအပ်ရန်၊ ကြာရှည် အထား မခံသောပစ္စည်းဖြစ်ပါက ဌာနတွင်းဝန်ထမ်းများအား ဖြန့်ဝေပေးရန်လည်း လမ်းညွှန်ထားသည်။


နိုင်ငံခြားအစိုးရက ပေးအပ်သောလက်ဆောင်ပစ္စည်းများအနက် ငွေတန်ဖိုး ကျပ် ၄၀၀၀၀၀/- မပိုသော လက်ဆောင်ပစ္စည်း၊ တရားဝင်ကိစ္စအတွက် ခရီးသွားလာစရိတ်၊ ပညာသင်ဆု၊ ဆေးဝါးကုသစရိတ်များကိုသာ လက်ခံနိုင်ပြီး ထိုအချက်များနှင့် မကိုက်ညီသော်လည်း လက်ဆောင်ကိုငြင်းဆန်ခြင်းဖြင့် နှစ်ဖက်မျက်နှာပျက်ရမည့် ကိစ္စများတွင် လက်ဆောင်ပစ္စည်းကို လက်ခံနိုင်ပြီး ယင်းပစ္စည်းအား ဝန်ကြီးဌာန/ဌာနသို့ ပေးအပ်ရန် ဖြစ်သည်။

အထွေထွေညွှန်ကြားချက်အနေဖြင့် လက်ဆောင်ပစ္စည်းများကို သွယ်ဝိုက်၍သော်လည်းကောင်း၊ တိုက်ရိုက် သော်လည်းကောင်း တောင်းခံခြင်းမပြုရန်၊ မိမိရာထူးတာဝန်လုပ်ဆောင်မှုအပေါ် သြဇာလွှမ်းမိုးစေမည်ဟု ယူဆရ သောကိစ္စရပ်များအတွက် မည်သည့်လက်ဆောင်ပစ္စည်းမှ လက်ခံခြင်း မပြုရန်၊ လက်ခံခွင့်ရှိသော လက်ဆောင် ပစ္စည်းကိုပင် အကြိမ်ကြိမ်လက်ခံခြင်းမပြုရန်၊ လက်ဆောင်ပစ္စည်း ပေးအပ်လာပါက လက်ခံသည်ဖြစ်စေ၊ ငြင်းပယ် သည်ဖြစ်စေ အထက်အကြီးအကဲထံ အမြန်ဆုံးတင်ပြရန်၊ နိုင်ငံတော်သမ္မတနှင့် ဒုတိယသမ္မတများအား ပေးအပ် သည့် လက်ဆောင်ပစ္စည်းများကိစ္စကို ဦးစီးရုံးများ၏ ဒုတိယညွန်ကြားရေးမှူးချုပ်များက နိုင်ငံတော်သမ္မတရုံးဝန်ကြီး ထံ အမြန်ဆုံးတင်ပြရန်ဟု ပါရှိသည်။

(နိုင်ငံတော်သမ္မတရုံး)
Myanmar President Office


ရေလွှမ်းမိုးခံရပြီးနောက် ပါကစ္စတန်နိုင်ငံအဝေးပြေးလမ်းမပေါ်တွင် ခရီးသွားများပိတ်မိနေပုံအား တွေ့ရစဉ်( ဆင်ဟွာ )
    အစ္စလမ်မာဘတ် ၊ ဧပြီ ၄ ရက် ( ဆင်ဟွာ )

    ပါကစ္စတန်နိုင်ငံတွင် ၂ဝ၁၆ ခုနှစ် ဧပြီလ ၃ရက်က ၂၄ နာရီကြာ မိုးသည်းထန်စွာ ရွာသွန်းမှုကြောင့် ရေကြီးမြေပြိုမှုများ ဖြစ်ပေါ်ခဲ့ရာ အနည်းဆုံး လူပေါင်း ၄၉ ဦးသေဆုံးပြီး ဒါဇင်ပေါင်းများစွာ ထိခိုက်ဒဏ်ရာ ရခဲ့ကြောင်း ပြည်တွင်းမီဒီယာ နှင့် တာဝန်ရှိသူများ၏ ပြောဆိုချက်အရ သိရသည်။

အဆိုပါ ရေကြီးမှုများသည် နိုင်ငံမြောက်ပိုင်း Gilgit Baltistan ပြည်နယ် ၊ နိုင်ငံအနောက်မြောက်ပိုင်း Khyber Pakhtunkhwa ( KPK ) ပြည်နယ် နှင့် အရှေ့ မြောက်ပိုင်း Kashmir ပြည်နယ်များတွင် ဖြစ်ပေါ်ခဲ့ခြင်းဖြစ်သည်။ KPK ပြည်နယ် သဘာဝ ဘေးအန္တရာယ်စီမံခန့် ခွဲရေးအာဏာ ပိုင်အဖွဲ့ ကပြောကြားရာတွင် ၄င်းတို့ ပြည်နယ်အတွင်း ရေကြီးမှုဖြစ်စဉ်တွင် သေဆုံးသူ ၃၇ ဦး ၊ ဒဏ်ရာရသူ ၂၇ ဦးရှိကြောင်း၊ အိမ်ပြိုမှု ဖြစ်စဉ် ၄၉ ခုနှင့် အခြားမြေပြိုမှု ဖြစ်စဉ်များလည်း ပေါ်ပေါက်ခဲ့သည်ဟု ဆိုသည်။

ထို့ ပြင် ရေကြီးမှုကြောင့် တံတားများ နှင့် လမ်းများလည်း ရေဖုံးလွှမ်းခဲ့ပြီး တစ်ချို့ နေရာများစွာ လမ်းပိတ်ဆို့ မှုများဖြစ်ပေါ်နေကြောင်း သိရသည်။ Gilgit Baltistan ပြည်နယ်တွင် ဒလကြမ်းစီးဆင်းနေသော ရေစီး နှင့် အတူမျောပါရာမှ လူ ၄ ဦးသေဆုံးပြီး ၊ ထိခိုက်ဒဏ်ရာရသူ တစ်ဒါ ဇင်းနီးပါးရှိသည်ဟု သိရသည်။
Karakorum အဝေးပြေးလမ်းမပေါ်တွင် မြေပြိုမှုများဖြစ်ပွားခဲ့သဖြင့် Gilgit နှင့် Chilas ကြားတွင် ကားလမ်းပိတ်ဆို့ နေပြီးခရီးသည် ရာပေါင်းများစွာ ပိတ်မိနေသည်ဟု  သတင်းများက ဆိုသည်။

ပါကစ္စတန် ဝန်ကြီးချုပ် နဝတ်ဒ်ရှာရစ် က ရေကြီးမှုအတွင်း အသက်သေဆုံး သွားရသူများအတွက် ဝန်နည်းကြေကွဲကြောင်း ဧပြီလ ၃ ရက်က ထုတ်ဖော် ပြောကြားခဲ့သည်။ ရေဘေးသင့် ဒုက္ခသည်များအတွက် လိုအပ်သော ဆေးဝါး ၊ အစားအစာ နှင့် ယာယီအမိုးအကာများကို ကူညီထောက်ပံ့ပေးနေကြောင်း ပါကစ္စတန်ဝန်ကြီးချုပ်ရုံး က သတင်းထုတ်ပြန်ထားသည်။

(Xinhua)
http://www.xinhuamyanmar.com

အခုတလော အငှားယာဉ်ပေါ်မှာ မိန်းကလေးငယ်လေးတွေကို လိင်ပိုင်းဆိုင်ရာရုပ်ရှင်တွေ ဖွင့်ပြတာမျိုးတွေရှိတယ်လို့ လူမှုစာမျက်နှာတွေ မှာ တွေ့လာရပါတယ်။
လမ်းမထက်မှာ ကား ၁ဝ စီးတွေ့ရင် ငါးစီးလောက်က အငှားယာဉ်တွေများ ဖြစ်နေမလား။ အငှားယာဉ်တွေ ပေါများလွန်းလာတဲ့အခါ အငှား ယာဉ် မောင်းသူတွေ ဆိုတာ လည်း ပေါများ လာပါတယ်။ အခုမှ ကားမောင်း တတ်ခါစသူတွေပါသလို ကိုယ်ပိုင်အငှားယာဉ်မောင်း သူတွေလည်းပါ၊ ဘတ်စ်ကားမောင်းဖူးပြီး အငှားယာဉ်ပြောင်းမောင်းတဲ့သူလည်း ပါသလို နယ်ကနေလာပြီး အငှားယာဉ်မောင်းသူတွေလည်း ပါပါတယ်။ အငှား ယာဉ်မောင်းသူတွေဟာ နယ်ပယ်စုံကနေပြီး လူစုံတက်စုံများပြားလှ ပါတယ်။

အငှားယာဉ်မောင်းသူအမျိုးမျိုးဆိုတော့လည်း အငှားယာဉ်စီးသူတွေ မှာ လူအမျိုးမျိုး စိတ် အထွေထွေနဲ့ ကြုံကြရတော့တယ်။ ဘယ်သူတွေ ဘယ်လိုကြုံကြုံ အနှောင့်အယှက်ပြုမှုကို အရင်ဦးဆုံးကြုံကြရတာကတော့ အမျိုးသမီးများ ပါပဲ။ ဘယ်လို အနှောင့်အယှက် မျိုးတွေကြုံရ သလဲဆိုရင် အရင်ဦးဆုံး အသေးအဖွဲလေးက စပြောရမှာပါ။ အသေးအဖွဲလို့သာဆိုရ တယ် ကြုံရသူအမျိုးသမီးတွေမှာတော့ အသေးအဖွဲလို့ လျစ်လျူရှုထားလို့ မဖြစ်နိုင်တာမျိုးပါ။ ကျွန်မ တို့မှာ အငှားယာဉ်ရပ်နားရာနေရာလိုမျိုးလည်း သတ်မှတ်ပေးထားတဲ့ နေရာဆိုတာ မရှိသေးတော့ အငှားယာဉ်ငှားမယ်ဆို ကတည်းက ကိုယ်ရောက်နေတဲ့ နီးစပ်ရာ လမ်းဘေး နားမှာ မတ်တတ်ရပ်ပြီး အငှားယာဉ်ကို စောင့်ကြည့်ရတော့တာ။ ဒီလိုစောင့်နေတဲ့အခါများ တချို့ က ကားပဲရပ်ပေးတော့မလိုလို၊ တချို့က ခရီးသည်ကို မေးသလိုပေမယ့်လည်း သူ့မျက်လုံးနဲ့အမူအရာက မတည်ကြည်သလိုလိုလည်း ထင်ရတာရှိ တတ်ပါတယ်။ မိန်းကလေးတွေအတွက်မှာ အငှားယာဉ်နဲ့ဈေးနှုန်းညှိဖို့ မလုပ်ခင်မှာ ဒီလူတစ်ယောက်မောင်းတဲ့ အငှားယာဉ်ပေါ်ကို လိုက်သွား သင့်ရဲ့လားဆိုတာကို ကိုယ့်အပေါ်မေးမြန်းလာတဲ့ သူ့အမူအရာ စကားတွေ ကိုကြည့်ပြီး အမြန်ဆုံးဖြတ်ရတာပါ။ ဒီလိုဆုံးဖြတ်ပြီးမှသာ ကားပေါ်ကို တက်ဝံ့တော့တာပါ။

အငှားယာဉ်တစ်စီးပေါ် ထိုင်လိုက်သွားရတာဟာ မိန်းကလေး တစ်ယောက်အတွက် ခရီး လမ်းကြောင်း အချိန်ခဏတာဆိုပေမယ့် ကံဆိုး ကံကောင်းသွားရသလိုပါ။ အငှားယာဉ်ပေါ် ထိုင်လိုက်ပြီဆိုတာနဲ့ အငှားယာဉ် မောင်းသူရဲ့ လက်ခုပ်ထဲကရေလိုပါပဲ။ သူဘယ်လို ပုံစံနဲ့မောင်းလေမလဲ။ တချို့များ မောင်းလိုက်တာ၊ ဒေါသတကြီး ကားတွေကိုကျော်ဖြတ် အနား ကကားတွေကို လှမ်းပြီးဆဲဆိုတဲ့အခါ နောက်မှာ ပါလာတာအမျိုးသမီးလား ဘာလားဆို တာလည်း လုံးဝအလေးထား ပုံ မပေါ်ပါဘူး။ တချို့ကျတော့ လည်း တမင်လေလား၊ အကျင့်လေပဲလား၊ ပုဆိုးဝတ်ထားတာမို့ ပေါင်ပေါ် အောင်လှန်တင်လို့ ဒူးပေါ်၊ ပေါင်ပေါ်နဲ့ ကားမောင်းပါတော့တယ်။ ကိုယ့်မှာ ရှေ့တည့်တည့်ကားလမ်းကိုကြည့်ရင်း မလွှဲသာ မရှောင်သာမြင်နေရတဲ့မြင်ကွင်းကို စိတ်မသက်မသာနဲ့မြင်နေရတော့တာပါ။ ဘယ်လိုမိန်းကလေးက ရော ရှင့်ပုဆိုးကြီးချထားလိုက်ပါလို့ ပြောထွက်ပါ့မလဲလေ။

ခရီးလေးနည်းနည်းရှည်ရင်တော့ မောင်းသူနဲ့စီးသူစကားစမြည်ပြော ကြဆိုကြရှိလာပါတယ်။ များသောအားဖြင့်တော့ မောင်းသူက စကားစလာ တော့တာ။ တစ်ခါတစ်ခါတော့ လည်း မောင်းသူဆီက အတွေ့အကြုံ စကားလေးတွေဝေမျှကြားရလို့ ဗဟုသုတဖြစ်ရသလို အစ်မ၊ ညီမခေါ်ပြီး ကောင်းကောင်းမွန်မွန်ပြောလာသူတွေတွေ့ရတော့လည်း စိတ်ချမ်းသာရပါ တယ်။ တချို့များကျတော့လည်း ပြောတဲ့စကားတွေကိုက ကိုယ့်ကိုအကဲစမ်း သလိုလို၊ လမ်းတွေကိုလည်း သူကချည်းပြန်မေးလို့ ကိုယ်ကလမ်းမှန်မပြော နိုင်ရင်ဘဲ မဟုတ် တဲ့နေရာတွေခေါ်သွား ခံရတော့ မလိုလို စိတ်တထင့်ထင့်နဲ့ ခရီးတစ်လျှောက် လိုက်လာရ ပါတယ်။

တချို့ကျပြန်တော့လည်း တကယ်ကို သူကလမ်းမသိ၊ ကိုယ်ကလမ်းမညွှန်တတ်ရင် လမ်းမှာ ချာလည်ချာလည်နဲ့ အချိန်တွေ မကုန်သင့်ဘဲကုန်ပြန်ပါတော့တယ်။

အခုတလော အငှားယာဉ်ပေါ်မှာ မိန်းကလေးငယ်လေးတွေကို လိင်ပိုင်းဆိုင်ရာရုပ်ရှင်တွေ ဖွင့်ပြတာမျိုးတွေရှိတယ်လို့ လူမှုစာမျက်နှာတွေ မှာ တွေ့လာရပါတယ်။ ဒီလိုကြုံရတဲ့ မိန်းကလေးတွေမှာ ဘယ်လောက် စိတ်မှာ ထိခိုက်ကြောက်ရွံ့လိုက်မလဲ။

သူမောင်းနေတဲ့ကားပေါ်ဆိုတော့ ဒေါသတကြီး ပြောဆိုလို့ ကိုယ့်ကိုကား မရပ်ပေး ဘဲ မောင်းခေါ်သွားရင်ရောလို့ တစ်ဖက် ကလည်း ပူပင်ရ၊ တစ်ဖက် ကလည်း ရှက်ဒေါသနဲ့ ခရီးတစ်ကြောင်း စာအတွင်းမှာ တော်တော့်ကို ပူပင်နေရပါလိမ့်မယ်။

ကိုယ်တိုင်လည်း တစ်ခါတလေမှာတော့ စိတ်အခန့်မသင့်စရာ တွေ့ကြုံရဖူးပါတယ်။

စကားရောဖောရောအတင်းလာလုပ်ပြီး ကိုယ်က စကားမတုံ့ပြန်တဲ့အခါ မထိတထိလိုလို သီချင်းဆိုသလိုလို ဒီလိုလည်းရှိ တတ်ပြန်ပါတယ်။ ကျွန်မတို့အမျိုးသမီးဆိုင်ရာ သင်တန်းတွေ၊ ဆွေးနွေးပွဲ တွေမှာ အမျိုးသမီးတို့ရဲ့ လိင်ပိုင်းဆိုင်ရာ နှောင့်ယှက်ခံရမှု အကြောင်းကို သင်ကြားဆွေးနွေးကြပါတယ်။ အဲဒီမှာ လုပ်ငန်းခွင်တစ်ခုတည်းက လုပ်ဖော် ကိုင်ဖက်ချင်းဖြစ်နေရင်တောင်မှ အဲဒီအမျိုးသားရဲ့ အမျိုးသမီးအပေါ် မရိုး သားစော်ကားချင်တဲ့ အကြည့်တစ်ချက်ကလည်း လိင်မှုဆိုင်ရာနှောင့်ယှက် စော်ကားမှုမည်ပါသတဲ့။

ဒါကြောင့်မို့ နေ့စဉ်အငှားယာဉ်တွေစီးပြီးသွားနေ ကြရတဲ့ အမျိုးသမီးတွေမှာ ကိုယ့်ပိုက်ဆံ ကိုယ်ပေးပြီး လိင်မှုဆိုင်ရာစော်ကား ခံနေရတာ ကို အောင့်သက်သက်နဲ့ ခံနေကြရတယ်ဆို တာ ကိုယ်ကိုယ်တိုင်က သိနေကြပါတယ်။ ဒါပေမယ့်လည်း အကြောင်းကြောင်းကြောင့် အမျိုးသမီး တွေက မပြောရဲ ပြောမထွက်၊ မတိုင်ရဲမပြုရဲဖြစ်နေကြတာကို အခွင့် ကောင်းယူပြီး အနိုင်မကျင့်ကြပါနဲ့လို့ အမျိုးသမီးတွေရဲ့ ကိုယ်စားပြော လိုက်ချင် ပါတယ်။ အငှားယာဉ် မောင်း သူ အမျိုးသားအပေါင်း ကိုယ့်ရဲ့ခရီး သည်အမျိုးသမီးတွေကို ခရီးတစ်ကြောင်းစာမှာတော့ ဖေးမ ကူညီစောင့် ရှောက်နိုင်ကြပါစေလို့ ပြောပါရစေရှင်။

ခင်ဘုန်းသွယ်
MOI Webportal Myanmar
https://www.facebook.com/MOIWebportalMyanmar


မွန်ပြည်နယ်လွှတ်တော်က ဝန်ကြီးဌာနတွေနဲ့ ဝန်ကြီးတွေကို အတည်ပြုလိုက်ပါတယ်။

၁။ ဝန်ကြီးချုပ် ဦးမင်းမင်းဦး (စည်ပင်သာယာရေးနဲ့ ဆောက်လုပ်ရေးဝန်ကြီးဌာန ပူးတွဲ)

၂။ လျှပ်စစ်စွမ်းအင်နဲ့ စက်မှုဝန်ကြီး - ဦးမင်းထင်အောင်ဟန်

၃။ သယံဇာတနဲ့ သဘာဝပတ်ဝန်းကျင်ထိန်းသိမ်းရေးဝန်ကြီး - ဒေါက်တာမင်းကြည်ဝင်း

၎။ လူမှုရေးဝန်ကြီး- ဒေါက်တာထိန်လင်း

၅။ ဘဏ္ဍာရေးနဲ့ လူဝင်မှုကြီးကြပ်ရေးဝန်ကြီး - ဦးဝဏ္ဏကျော်

၆။ စိုက်ပျိုးမွေးမြူရေးနဲ့ ပို့ဆောင်ရေးဝန်ကြီး- ဦးထွန်းဌေး

ပြည်နယ်ဝန်ကြီးတွေထဲမှာ မွန်အမျိုးသားပါတီက ကိုယ်စားလှယ်တစ်ဦး ပါဝင်ပြီး ကျန်တဲ့ ၄ ဦးက အန်အယ်လ်ဒီပါတီရဲ့ ပြည်နယ်လွှတ်တော် ကိုယ်စားလှယ်တွေ ဖြစ်ပါတယ်။

မွန်ပြည်နယ်ရဲ့ နယ်စပ်ရေးရာနဲ့ လုံခြုံရေးဝန်ကြီးအဖြစ် တပ်မတော်သားကိုယ်စားလှယ် ဗိုလ်မှူးကြီး ဝင်းနိုင်ဦးကို တပ်မတော်ကာကွယ်ရေးဦးစီးချုပ်က ခန့်အပ်ထားပါတယ်။

Photo: Kyaw Lwin Oo/RFA
RFA Burmese
https://www.facebook.com/RFA-Burmese


ယနေ့ ဧပြီ ၄ ရက်နေ့ကကျင်းပတဲ့ ဒုတိယအကြိမ် ရန်ကုန်တိုင်းဒေသကြီးလွှတ်တော် ပထမ ပုံမှန်အစည်းအဝေး (၁၁) ရက်မြောက်နေ့တွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်းမှ အဆိုပြုသည့် ဝန်ကြီးဌာန ၆ ခု

- လုံခြုံရေးနှင့်နယ်စပ်ရေးရာ ဝန်ကြီးဌာန
- စီမံကိန်းနှင့် ဘဏ္ဍာရေးဝန်ကြီးဌာ
- စိုက်ပျိုးရေး ၊မွေးမြူရေး၊သစ်တောနှင့် စွမ်းအင် ဝန်ကြီးဌာန
- လျှပ်စစ် ၊စက်မှုလက်မှုနှင့် လမ်းပန်းဆက်သွယ်ရေး ဝန်ကြီးဌာန
- စည်ပင်သာယာရေး ဝန်ကြီးဌာန
- လူမှုရေး ဝန်ကြီးဌာန

ထို့ပြင် ရန်ကုန်တိုင်းဝန်ကြီးချုပ် ဦးဖြိုးမင်းသိန်းမှ တိုင်းဒေသကြီးအဆင့် ဝန်ကြီးများ၊ တိုင်းဒေသကြီး ဥပဒေချုပ် နှင့် တိုင်းဒေသကြီးစာရင်းစစ်ချုပ်များ ခန့်အပ်တာဝန်ပေးနိုင်ရေးအတွက် လွှတ်တော်သို့ တင်သွင်းသော အမည်စာရင်းများမှာ

-ဦးမြင့်သောင်း - လက်ထောက်ညွှန်ကြားရေးမှူးဟောင်း (ရင်းနှီးမြှပ်နှံမှုနှင့် ကုမ္ပဏီများဦးစီးဌာန)
-ဦးဟန်ထွန်း ညွှန်ကြားရေးမှူး (အငြိမ်းစား) (မြန်မာ့ရေနံနှင့် သဘာဝဓာတ်ငွေ့လုပ်ငန်း)
-ဒေါ်နီလာကျော် - အကြီးတန်းလိုင်စင်ရ ဗိသုကာပညာရှင်
-ဦးမောင်မောင်စိုး - အငြိမ်းစား ပါမောက္ခ (အသုံးချ ဘောဂဗေဒဌာန ရန်ကုန်စီးပွားရေးတက္ကသိုလ်)
-ဦးနိုင်ငံလင်း - သာကေတမြို့နယ် အမှတ် (၁) တိုင်းလွှတ်တော်ကိုယ်စားလှယ်
-တိုင်းဒေသကြီးဥပဒေချုပ်အဖြစ် ဦးဟန်ထူး ဒု-ညွှန်မှူး ရှေ့နေချုပ်ရုံး
-တိုင်းဒေသကြီးစာရင်းစစ်ချုပ်အဖြစ် ဒေါ်ခင်သန်းလှ (စာရင်းကိုင်ဟောင်း)
(ငွေစာရင်းဌာန သမိုင်းချည်မျဉ်နှင့် အထည်စက်ရုံ စက်မှုဝန်ကြီးဌာန) တို့ ဖြစ်သည်။

လင်းလင်းအောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


သမ္မတဦးထင်ကျော်သည် သူ၏အစိုးရ အဖွဲ့တွင် ပါဝင်မည့် ပြည်ထောင်စုဝန်ကြီး နှစ်နေရာအတွက် နာမည်စာရင်းကို ယနေ့ကျင်းပသော ပြည်ထောင်စု လွှတ်တော်သို့ တင်သွင်းသည်။

 အဆိုပါဝန်ကြီး ဌာနများမှာ ယခင်ကဒေါ်အောင်ဆန်းစုကြည် ကိုင်တွယ်သွားမည်ဟု ဆိုသော လျှပ်စစ်စွမ်းအင် ၀န်ကြီးဌာနနှင့် ပညာရေးဝန်ကြီးဌာနတို့ ဖြစ်သည်။

 ယခုလွှတ်တော်သို့ တင်သွင်းသောနှစ်ဦး အနက် ဒေါက်တာမျိုးသိန်းကြီး သည် ပညာရေးဝန်ကြီးဌာနကို ကိုင်တွယ်သွားမည်ဖြစ်ပြီး ဦးဖေဇင်ထွန်း သည် လျှပ်စစ်စွမ်းအင်ဝန်ကြီးဌာနကို ကိုင်တွယ် သွားမည်ဖြစ်သည်။

 ဒေါ်အောင်ဆန်းစုကြည်ကိုင် တွယ်မည့် ၀န်ကြီးဌာနလေးခုထဲမှ အထက်ပါနှစ်ခုကို ၀န်ကြီးနှစ်ဦးပြောင်းလဲခန့်ထားသောကြောင့် ဒေါ်အောင်ဆန်းစုကြည်အနေဖြင့် နိုင်ငံခြားရေးဝန်ကြီးဌာနနှင့် သမ္မတရုံးဝန်ကြီး နှစ်နေရာသာ ထမ်းဆောင် တော့မည်ဖြစ်သည်။

 ၄င်းအပြင်ရှေ့နေချုပ်အဖြစ် ဦးထွန်းထွန်းကို အမည်စာရင်းတင်သွင်းခဲ့ ပြီး ပြည်ထောင်စုစာရင်းစစ်ချုပ်အဖြစ် ဦးမော်သန်းကို နာမည်စာရင်း တင်သွင်းခဲ့သည်။

 တာဝန်သိပြည်သူ သတင်းပေးမှုကြောင့် ကလေးမြို့၌ လက်နက်များဖမ်းဆီးရမိ
ကလေး ဧပြီ ၃

စစ်ကိုင်းတိုင်းဒေသကြီး ကလေးမြို့တွင် ဧပြီ ၃ ရက်နံနက် ၃ နာရီခွဲခန့်က သင်္ကြန်အကြိုကာလ မှုခင်းလျော့နည်းရေး လှည့်ကင်းများပြုလုပ်နေစဉ် အတွင်း သေနတ်များကိုင်ပြီး ဝင်ထွက်သွားလာနေကြောင်း တာဝန်သိပြည်သူ အချို့က သတင်းပေးလာ၍ တူမီးလက်နက်နှင့်အဆင့်မြင့် ခါးချိုးသေနတ် များကိုင်ဆောင်ထားသော အမျိုးသားလေးဦးကို ကလေးမြို့မြောက်ပိုင်း ချင်းပြည်နယ်အစပ်၌ရှိသည့် ရှုခင်းသာရွာသွားလမ်းမပေါ်ရှိ အောင်ရွာအနီး ၌ ဖမ်းဆီးရမိခဲ့ကြောင်း သိရသည်။

အဆိုပါဖမ်းဆီးရမိခဲ့သော လက်လုပ်တူမီးသေနတ်များတွင် ယမ်းထိုး သေနတ်တစ်လက်ပါရှိပြီး ကျန်သုံးလက်မှာ ကိုက် ၂ဝဝ အကွာအဝေးထိ ထိုးဖောက်ပစ်ခတ်နိုင်သော အဆင့်မြင့် ခါးချိုးကျည်တောင့်ထည့်သေနတ် များဖြစ်ကြောင်း တာဝန်ရှိ နယ်ထိန်းခေါင်းဆောင်၏ ပြောပြချက်အရ သိရသည်။ သေနတ်လေးလက်နှင့်အတူ လက်ပန်ချောင်းရွာနေ မန်ထားလွယ်၊ လား လမ်းလျှန်၊ ဒါလ်းနေကားနှင့်အတူ ဗျက်ဆွမ်းအမည်ရှိ အမျိုးသားလေးဦးကို ဖမ်းဆီးနိုင်ခဲ့ပြီး အဆိုပါလေးဦးကို ကလေးမြို့နယ်ရဲတပ်ဖွဲ့က တရား စွဲဆိုနိုင်ရေး ဆောင်ရွက်လျက်ရှိကြောင်း သိရသည်။

သျှင်နေမင်း
Myanmaalinn
https://www.facebook.com/MYANMAALINNNEWS

အကယ်ဒမီပေးပွဲတက် မင်းသားတချို့ကို မြင်ရပုံ
ပြီးခဲ့တဲ့ ၂၀၁၄ နဲ့ ၂၀၁၅ ခုနှစ်တွေ အတွက် ရုပ်ရှင် အကယ်ဒမီ ဆုပေးပွဲကို ရန်ကုန်မြို့ Myanmar Event Park မှာ ကျင်းပခဲ့ပါတယ်။

အကောင်းဆုံး ရုပ်ရှင်ဒါရိုက်တာ ဆုကို ဝိုင်းက ကျွန်မက နှင်းဆီပါမောင် ဇာတ်ကားနဲ့ ဆွတ်ခူး ရရှိသွားပါတယ်။

အကောင်းဆုံး အမျိုးသား ဇာတ်ဆောင်ဆုကို ၂၀၁၅ ခုနှစ်အတွက် နေတိုးက နက္ခတ် မှားတဲ့ တိုက်ပွဲ ဇာတ်ကားနဲ့ ဆွတ်ခူး ရခဲ့ပြီး ၂၀၁၄ ခုနှစ်အတွက် ပြေတီဦးက နှလုံးသားဖြင့် ပြုလုပ်သည် ဇာတ်ကားနဲ့ ဆွတ်ခူး ရသွားပါတယ်။

အကောင်းဆုံး အမျိုးသမီးဇာတ်ဆောင်ဆုကို ၂၀၁၅ ခုနှစ်အတွက် ဖွေးဖွေးက ကျမက နှင်းဆီပါမောင် ဆိုတဲ့ ကားနဲ့ ဆွတ်ခူး ရခဲ့ပြီး ၂၀၁၄ ခုနှစ်အတွက် ခိုင်သင်းကြည်က ကောင်းကျိုး ကိုယ်၌ တည်စေမင်း ဇာတ်ကားနဲ့ ဆွတ်ခူး ရသွားပါတယ်။

အကောင်းဆုံး အမျိုးသား ဇာတ်ပို့ဆုကို ၂၀၁၅ ခုနှစ်အတွက် ဗေလုဝက ဤအရာကို အချစ်ဟု ခေါ်သလား ဇာတ်ကားနဲ့ ဆွတ်ခူးရခဲ့ပြီး ၂၀၁၄ ခုနှစ်အတွက် ဇင်ဝိုင်းက နှလုံးသားဖြင့် ပြုလုပ်သည် ဇာတ်ကားနဲ့ ဆွတ်ခူးရသွားပါတယ်။

အကောင်းဆုံး အမျိုးသမီး ဇာတ်ပို့ဆုကို ၂၀၁၅ ခုနှစ်အတွက် တက္ကသိုလ် ဂွမ်းပုံက ဤအရာကို အချစ်ဟု ခေါ်သလား ဇာတ်ကားနဲ့ ရရှိခဲ့ပြီး၂၀၁၄ခုနှစ်အတွက် ဝတ်မှုန်ရွှေရည်က နှလုံးသားဖြင့် ပြုလုပ်သည် ဇာတ်ကားနဲ့ ဆွတ်ခူး ရသွားပါတယ်။

အဲဒီပွဲမှာ ရုပ်ရှင်နယ်က ပညာရှင် တွေနဲ့ သရုပ်ဆောင်တွေ တက်ရောက်နေကြသလို အကယ်ဒမီ တက်ပွဲ ဖက်ရှင်တွေကလည်း ရင်သပ် ရှုမောဖွယ် ဖြစ်ပါတယ်။

BBC Burmese
http://www.bbc.com/burmese

ပြည်ထောင်စုဝန်ကြီး ဒေါ်အောင်ဆန်းစုကြည် ပြည်ထောင်စုလွှတ်တော်မှာ NLD အစိုးရအဖွဲ့ကျမ်းသစ္စာကျိန်ဆိုပွဲ တက်ရောက်လာစဉ် (မတ်လ ၃၀ ရက်)
ပြည်ထောင်စုဝန်ကြီး ဒေါ်အောင်ဆန်းစုကြည် ပြည်ထောင်စုလွှတ်တော်မှာ NLD အစိုးရအဖွဲ့ကျမ်းသစ္စာကျိန်ဆိုပွဲ တက်ရောက်လာစဉ် (မတ်လ ၃၀ ရက်)

ပြီးခဲ့တဲ့ မတ်လ ၃၀ ရက်နေ့မှာ အင်န်အယ်လ်ဒီ အမျိုးသားဒီမိုကရေစီ အဖွဲ့ချုပ်ပါတီဟာ ပြည်ခိုင်ဖြိုး ပါတီဆီကနေ အစိုးရအာဏာ လွှဲပြောင်းရယူခဲ့ပါတယ်။ ငြိမ်းငြိမ်းချမ်းချမ်း ဖြစ်ပေါ်ခဲ့တဲ့ ဒီမိုကရေစီ အသွင်ကူးပြောင်းရေး အဆင့် တစ်ခုအဖြစ် ပြည်တွင်းကရော ပြည်ပကပါ လှိုက်လှိုက်လှဲလှဲ ကြိုဆိုခဲ့ကြပါတယ်။ ဒါပေမယ့်လည်း အစိုးရ တာဝန်ရယူပြီး နောက်တစ်နေ့မှာပဲ အင်န်အယ်လ်ဒီ အစိုးရဟာ လွှတ်တော်တွင်းကို ဖွဲ့စည်းပုံ အခြေခံ ဥပဒေအရ အငြင်းပွားဖွယ် ဥပဒေကြမ်း တစ်ခုကို တင်သွင်းခဲ့ပါတယ်။ ဧပြီ ၁ ရက်နေ့မှာတော့ တပ်မတော်သား အမတ်တွေနဲ့ ပြည်ခိုင်ဖြိုး အမတ်တွေက ကန့်ကွက်ခဲ့ကြတဲ့တိုင် ဥပဒေကြမ်းကို မဲခွဲဆုံးဖြတ် အတည်ပြုပေးလိုက်ကြပါတယ်။ အဲဒီ ဥပဒေကတော့ အင်န်အယ်လ်ဒီ ဥက္ကဌ ဒေါ်အောင်ဆန်းစုကြည်ကို နိုင်ငံတော် အကြံပေးပုဂ္ဂိုလ်အဖြစ် ခန့်အပ်မယ့် “နိုင်ငံတော်ဇ။် အကြံပေး ပုဂ္ဂိုလ်ဆိုင်ရာ ဥပဒေကြမ်း” ဖြစ်ပါတယ်။ ဒီ ဥပဒေကြမ်းမှာ ဘာတွေ ဖော်ပြထားသလဲ၊ ဥပဒေကြမ်းရဲ့ ဆိုလိုရင်းဟာ ဘာလဲ၊ တပ်မတော်သား အမတ်တွေက ဘာကို အကြောင်းပြပြီး ကန့်ကွက်ကြသလဲ၊ ဒီ ဥပဒေကြမ်း တင်သွင်းမှု နောက်ဆက်တွဲ ဘာပြသနာတွေ ဆက်ဖြစ်လာနိုင်မလဲ ဆိုတာ ဒီတစ်ပါတ် ဆွေးနွေး တင်ပြသွားပါ့မယ်။

ဥပဒေကြမ်း ဆိုလိုရင်း အနှစ်ချုပ်ကတော့ အင်န်အယ်လ်ဒီ ဥက္ကဌ ဒေါ်အောင်ဆန်းစုကြည် ကို နိုင်ငံတော်ရဲ့ အတိုင်ပင်ခံ ပုဂ္ဂိုလ်အဖြစ် ခန့်အပ်ဖို့ ဖြစ်ပါတယ်။ လက်ရှိ ဒေါ်အောင်ဆန်းစုကြည်ဟာ အစိုးရအဖွဲ့မှာ နိုင်ငံခြားရေး၊ သမ္မတရုံး၊ ပညာရေး၊ လျှပ်စစ်နဲ့ စွမ်းအင် ၀န်ကြီးဌာန လေးခုကို တာဝန်ယူထားပြီးသူ အစိုးရအဖွဲ့ဝင် တစ်ယောက် ဖြစ်နေပါပြီ။ အစိုးရအဖွဲ့ဝင်တစ်ယောက် ဖြစ်သွားလို့ ပါတီလုပ်ငန်းဆောင်တာတွေမှာ ၀င် မပါရတော့ပေမယ့် ပါတီဥက္ကဌ အနေနဲ့ ဆက်ရှိနေသေးတာ ဖြစ်ပါတယ်။ ဖွဲ့စည်းပုံအရ အစိုးရ၀န်ကြီးဖြစ်ပြီးနောက် လွှတ်တော် အမတ်အဖြစ်ကနေလည်း နှုတ်ထွက်ပြီးသား ဖြစ်သွားပါပြီ။ ဒီလို အနေအထားအောက်မှာ နိုင်ငံတော်ရဲ့ အတိုင်ပင်ခံ ပုဂ္ဂိုလ် အဖြစ် ခန့်အပ်မယ် ဆိုတာမျိုး ဖြစ်ပါတယ်။
ဒီဥပဒေကြမ်းနဲ့ ပတ်သက်ပြီး တပ်မတော်ဘက်ကတော့ ဖွဲ့စည်းပုံ အခြေခံဥပဒေနဲ့ မညီဘူး ဆိုပြီး ကန့်ကွက်ပါတယ်။ လွှတ်တော်တွင်းမှာ ဥပဒေကြမ်းကို ဆန့်ကျင်ကန့်ကွက် ဆွေးနွေးမှု တစ်ချို့ရှိခဲ့ပေမယ့် တပ်မတော်သား အမတ် ဗိုလ်မှူးချုပ် ခင်မောင်အေး ရဲ့ ဆွေးနွေးချက်ကတော့ လိုရင်းကို ရောက်တာ တွေ့နိုင်ပါတယ်။ သူက ပထမ ဦးဆုံး နိုင်ငံတော်ဇ။် အကြံပေး ပုဂ္ဂိုလ် ဆိုတာကြောင့် “နိုင်ငံတော်” ဆိုတာကို အဓိပ္ပါယ် ဖွင့်ပါတယ်။ ဥပဒေကြမ်းထဲမှာ “နိုင်ငံတော် ဆိုတာ ပြည်ထောင်စု မြန်မာနိုင်ငံတော် ကို ဆိုလိုသည်” ဆိုပြီး အဓိပ္ပါယ်ဖွင့်ပေးထားပါတယ်။ ဗိုလ်မှူးချုပ် ခင်မောင်အေးက ဖွဲ့စည်းပုံ အခြေခံဥပဒေ ပုဒ်မ ၄၇ ကို ကိုးကားပြီး နိုင်ငံတော် ဆိုတာ ဥပဒေပြုမှု အခွင့်အာဏာကိုသော်လည်းကောင်း၊ အုပ်ချုပ်မှု အခွင့်အာဏာကိုသော် လည်းကောင်း ကျင့်သုံးတဲ့ အဖွဲ့အစည်း ဒါမှမဟုတ် လူပုဂ္ဂိုလ်ကို ဆိုလိုတယ် ဆိုပြီး ထောက်ပြပါတယ်။ ဒါကြောင့် နိုင်ငံတော်ရဲ့ အတိုင်ပင်ခံ ဆိုတဲ့ စကားရပ်ဟာ ဥပဒေပြုမှု အခွင့်အာဏာကိုဖြစ်စေ၊ အုပ်ချုပ်မှု အခွင့်အာဏာ ကိုဖြစ်စေ နှစ်မျိုးစ လုံးကို ကျင့်သုံးတဲ့ အဖွဲ့အစည်း ဒါမှမဟုတ် ပုဂ္ဂိုလ်ရဲ့ အတိုင်ပင်ခံ လို့ အဓိပ္ပါယ်ကောက်ရမယ် ဆိုပြီး ရှင်းပြပါတယ်။ ဒါကြောင့် ဗိုလ်မှူးချုပ် ခင်မောင်အေးက ဖွဲ့စည်းပုံ အခြေခံဥပဒေ ပုဒ်မ ၁၁ (က) ပါ ပြဌာန်းချက်ကို ကိုးကားပြီး နိုင်ငံတော် အချုပ်အခြာ အာဏာရဲ့ ခက်မ သုံးဖြာ ဖြစ်တဲ့ ဥပဒေပြုရေးအာဏာ၊ အုပ်ချုပ်ရေးအာဏာ၊ တရားစီရင်ရေး အာဏာ တို့ကို တတ်နိုင်သမျှ ပိုင်းခြားသုံးစွဲခြင်းနဲ့ အပြန်အလှန် ထိန်းကျောင်းခြင်းတို့ ပြုတယ် ဆိုတဲ့ ပြဌာန်းချက်ကို ဆန့်ကျင်နေတဲ့အတွက် ဖွဲ့စည်းပုံ အခြေခံဥပဒေနဲ့ ကိုက်ညီမှု မရှိကြောင်း တွေ့ရှိရပါတယ် ဆိုပြီး တင်ပြပါတယ်။ သူ့ဆိုလိုရင်း တစ်ခုလုံးကို ခြုံငုံကြည့်ရင် ဖွဲ့စည်းပုံမှာ ဖော်ပြမထားပေမယ့် ဒီကိစ္စ ဥပဒေပြုမယ် ဆို ပြုလို့ရတယ်၊ ဒါပေမယ့် အခု ဥပဒေကြမ်းမှာ အနက်အဓိပ္ပါယ် ဖွင့်ဆိုထားပုံတွေဟာ ဖွဲ့စည်းပုံနဲ့ မကိုက်ညီလို့ ပြင်ဆင်ရေး ဆွဲပြီးမှ သာ ပြဌာန်းသင့်တဲ့အကြောင်း တင်ပြခဲ့တာ ဖြစ်ပါတယ်။ ဒါပေမယ့် ဒီ ဥပဒေကြမ်းနဲ့ ပတ်သက်ပြီး အင်န်အယ်လ်ဒီ ဘက်က ကြိုတင် ပြောဆိုထား သလို နိုင်ငံတော်နဲ့ နိုင်ငံသားတို့ရဲ့ အကျိုးစီးပွားအတွက် ဆောလျင် စွာ ပြဌာန်းနိုင်အောင် ကြိုးစားမယ် ဆိုတဲ့ စကားနဲ့အညီ ဧပြီလ ၁ ရက်နေ့ အမျိုးသား လွှတ်တော် အစည်းအဝေးမှာ မဲခွဲဆုံးဖြတ် အတည်ပြုလိုက်ပါတယ်။ ဒီလို မဲခွဲဆုံးဖြတ် အတည်ပြုရာမှာတောင် အရင် ဥပဒေကြမ်းတွေမှာ လုပ်ခဲ့သလို၊ ဥပဒေကြမ်းနာမည်၊ အမည်နဲ့ အဓိပ္ပါယ် ဖော်ပြချက်၊ ရည်ရွယ်ချက်၊ တာဝန်၊ လုပ်ပိုင်ခွင့်နဲ့ ရပိုင်ခွင့်၊ အထွေထွေ အခန်းတိုင်းမှာပါတဲ့ အပိုဒ် တစ်ခုချင်းစီ အလိုက် အတည်ပြုတာမျိုး မလုပ်တော့ပဲ၊ ပြင်ဆင်လိုတဲ့ အပိုဒ် တစ်ခုကိုပဲ သီးသန့် မဲခွဲပြီး၊ ကျန်တာအားလုံးကို သဘောတူ မတူ စုပေါင်း မဲခွဲတဲ့ စနစ် ကျင့်သုံးခဲ့ပါတယ်။ ဒီလိုနဲ့ ဥပဒေကြမ်းဟာ ထောက်ခံသူ ၁၄၀ နီးပါး၊ ကန့်ကွက်သူ မဲ ၇၀ နဲ့ အတည်ဖြစ်ခဲ့ ပါတယ်။ ပြီးရင် ဒီ ဥပဒေကြမ်း ပြည်သူ့လွှတ်တော် ဘက်ကို ရောက်ပါ မယ်။ ပြည်သူ့လွှတ်တော်ဘက်ကလည်း အခု အတိုင်းဆို မြန်မြန်ဆန်ဆန် အတည်ပြုပေးလိုက်တယ် ဆိုရင် အမျိုးသားလွှတ်တော်ဘက်ကိုလည်း ပြန် ပို့ပေးစရာ မလိုတော့ပဲ အတည်ဖြစ်သွားပါလိမ့်မယ်။ ဒါကို သမ္မတ ဦးထင်ကျော်က လည်း မြန်မြန်ဆန်ဆန် လက်မှတ်ထိုးပေးမှာ ဖြစ်တဲ့အတွက် အခုသီတင်းပတ် အတွင်း ဥပဒေ အတည်ဖြစ်ပြီး ပြည်ထောင်စု ၀န်ကြီး ဒေါ်အောင်ဆန်းစုကြည် ဟာ နိုင်ငံတော်ရဲ့ အတိုင်ပင်ခံ ပုဂ္ဂိုလ် ဖြစ်လာတော့မှာပါ။ အုပ်ချုပ်ရေးပိုင်းမှာ ၀န်ကြီးအဖြစ် တာဝန်ယူထားတဲ့ အနေအထားကနေ ဥပဒေပြုရေး ဖြစ်တဲ့ လွှတ်တော်ဘက်ကို အကြံပေးနိုင်တဲ့၊ ဆက်သွယ်ဆောင်ရွက် နိုင်တဲ့ တစ်ဦးတည်းသော ပုဂ္ဂိုလ် ဖြစ်လာမှာပါ။ ဘယ်လိုပဲဖြစ်ဖြစ် တပ်မတော်ဘက်ကတော့ ဒါကို ဖွဲ့စည်းပုံနဲ့ မညီဘူးလို့ ပြော ထားလေတော့ ဘာဆက်လုပ်နိုင်ပါသလဲ။ ဖွဲ့စည်းပုံ အခြေခံဥပဒေ ဆိုင်ရာ ခုံရုံးကို တက်နိုင်ပါတယ်။ ဖွဲ့စည်းပုံဆိုင်ရာ အငြင်းပွားမှုတွေနဲ့ ပတ်သက်ရင် တပ်မတော် ကာကွယ်ရေး ဦးစီးချုပ် အပါအ၀င် တပ်မတော်ဘက်က ဘယ်သူ တစ်ဦး တစ်ယောက်မှ ခုံရုံးကို တိုက်ရိုက် စောဒက မတက်နိုင်ပါဘူး။ လွှတ်တော် တစ်ခုခုထဲက အမတ် ၁၀ ရာခိုင်နှုန်းကသာ အဲဒီ လွှတ်တော်ဥက္ကဌကနေ တ ဆင့် စောဒက တက်နိုင်ပါတယ်။ တပ်မတော်ဘက်က အဲဒီနည်းအတိုင်း စောဒ က တက်လာနိုင်ပါတယ်။ ခုံရုံးက ဒီဥပဒေကို ဖွဲ့စည်းပုံနဲ့ ညီတယ်လို့ ဆုံးဖြတ် ရင် ဖြစ်စေ၊ မညီဘူးလို့ ဆုံးဖြတ်ရင် ဖြစ်စေ တိုင်းပြည်အတွက် သိပ်ကောင်းမှာ မဟုတ်ပါဘူး။ ဖွဲ့စည်းပုံနဲ့ မညီဘူး ဆိုရင် ဒေါ်အောင်ဆန်းစုကြည်နဲ့ အင်န်အယ်လ်ဒီ ဘက်က ကြိုးပမ်းသမျှ သဲထဲရေသွန် ဖြစ်မှာပါ။ ညီတယ် ဆိုရင် အနည်းဆုံးအဆင့် တပ်မတော်ဘက်နဲ့ အင်န်အယ်လ်ဒီဘက် မကျေလည်မှုတွေ ထပ်ဖြစ်ကြပါဦးမယ်။ သိပ်မကြာသေးခင်တုန်းကပဲ ၅၉(စ) ဆိုင်းငံ့ရေးကိစ္စ၊ တပ်ချုပ်ဘက်ကနေ တိုင်းနဲ့ ပြည်နယ် ၀န်ကြီးချုပ် (၄) နေရာ တောင်းတဲ့ ကိစ္စ နဲ့ ပတ်သက်ပြီး အဖုအထစ်တွေ ဖြစ်ခဲ့ပါသေးတယ်။ ၂၀၀၈ ဖွဲ့စည်းပုံ အခြေခံဥပဒေထဲမှာ တပ်မတော်က သူ့ဖာသာသူ စစ်အာဏာသိမ်းနိုင်တဲ့ ပြဌာန်းချက် မပါပါဘူး။ ဒါပေမယ့် အင်န်အယ်လ်ဒီ အစိုးရအဖွဲ့နဲ့ တပ်မတော် ဆက်ဆံရေး အဆင်မပြေရင် ရှေ့ အကောင်အထည် ဖော်ရမယ့် လုပ်ငန်းဆောင်တာပေါင်း များစွာမှာ အခက်အခဲတွေ ကြုံတွေ့ရနိုင်ပါကြောင်း သုံးသပ်တင်ပြလိုက်ရပါတယ်။ ဦးစည်သူအောင်မြင့် VOA

[youtube src="glyD57NRnsM"/]
လက်ပံတောင်းကြေးနီစီမံကိန်းထုတ်လုပ်မှု လုပ်ငန်းတွေပြန်စမယ့်အခြေအနေ၊ အကြံပြုချက် အကောင်အထည်ဖေါ်ရေး ကော်မတီရဲ့ အစီရင်ခံစာပါအချက်တွေနဲ့ ဒေသခံတွေရဲ့ သဘောထား၊ အဲဒီဒေသကို ကိုယ်တိုင်သွားရောက်ပြီး VOA မြန်မာပိုင်းအစီအစဉ် ဌာနမှူး ဦးသန်းလွင်ထွန်း တင်ပြထားပါတယ်။

VOA Burmese
http://burmese.voanews.com

၂၀၁၅ ခုနှစ်၊ ရန်ကုန် မဟာသင်္ကြန်ပွဲတော် ကာလ မြင်ကွင်းတခု။ ဧပြီ ၁၃၊ ၂၀၁၅။
ဒီနှစ် ရန်ကုန်မြို့ရဲ့ မြန်မာ့ရိုးရာ အတာသင်္ကြန်ဟာ အပြောင်းအလဲတရပ်အတွက် ပထမဦးဆုံးပေါ်လာမယ့် မဟာသင်္ကြန်ပွဲတော်အဖြစ် မြင်တွေ့ကြရပါမယ်လို့ ရန်ကုန် တိုင်းဝန်ကြီးချုပ် ဦးဖြိုးမင်းသိန်းက ဗွီအိုအေကိုပြောပါတယ်။ လုံခြုံရေးကို တိုးမြှင့် သွားမှာဖြစ်ပေမဲ့ အဲဒါက လူထုအတွက် အကြောက်တရား အနှောင့်အယှက် မဖြစ်အောင် လုပ်သွားပါမယ်လို့လည်း ဦးဖြိုးမင်းသိန်းက အခိုင်အမာပြောပါတယ်။ သင်္ကြန်ပွဲတော် ပြင်ဆင်မှုနဲ့ပတ်သက်ပြီး အခြေအတင်ပြောနေကြတဲ့ မဏ္ဍပ်ကြီးတွေ ချမပေးတဲ့ကိစ္စ ဗွီအိုအေက မေးတာကို ဦးဖြိုးမင်းသိန်းက အခုလို စဖြေပါတယ်။

ဦးဖြိုးမင်းသိန်း။ ။ သင်္ကြန်နဲ့ပတ်သက်တဲ့ အခြေအနေပေါ်မှာ လူငယ်တွေရဲ့၊ မိဘတွေရဲ့ စိုးရိမ်ပူပန်မှု ကျနော်တို့နိုင်ငံမှာဖြစ်နေခဲ့တာ၊ ရန်ကုန်မြို့မှာဖြစ်နေခဲ့တာ ကြာပါပြီ။ ဘာ့ကြောင့်လည်းဆိုတော့ ကျနော်တို့ ရှေ့မှာ မူးယစ်ဆေးဝါးတွေ၊ အရက်သေစာတွေ၊ လျှပ်ပေါ်လော်လီတဲ့ အခြေအနေတွေအတွက် အသက်အရွယ် ကြီးတဲ့ အမေတွေက သားသမီးတွေနဲ့ အတူတူ ရေပက်ခံ ထွက်နေရ သလိုတောင် ဖြစ်ခဲ့ရပါတယ်။ အဲဒီအခြေအနေတွေဟာ ကျနော်တို့နိုင်ငံရဲ့ မဟာသင်္ကြန်ပွဲအတွက် စိန်ခေါ်မှုကြီးကြီးဖြစ်ခဲ့တာ နှစ်အတန် ကြာခဲ့ပါပြီ။ အဲဒီ အခြေအနေကို ကျနော်တို့ ပြန်ပြီး ပြုပြင် ပြောင်းလဲနိုင်ဖို့နဲ့ မြန်မာ့ရိုးရာသင်္ကြန်ကို တကယ့်ကို ယဉ်ကျေးမှုနဲ့ ညီညွတ်တဲ့ အခြေအနေ ဖြစ်စေချင် တယ်။ နောက်တချက်က ဒီနှစ်မှာ အယ်လ်နီညိုရာသီဥတုဒဏ်ရဲ့ ဆိုးကျိုး တွေ ရှိတယ်၊ နောက်တချက်ကတော့ ကျနော်တို့မှာ ဂုံးကျော်တံတား အသစ်တွေ ဆောက် လိုက်တဲ့အတွက် တချို့နေရာတွေမှာ traffic တွေ တော်တော် ထပ်ဖြစ်လာနိုင် စရာတွေရှိပါတယ်။ ဒီအခြေအနေတွေဟာ တော်တော်ကို အခက်အခဲဖြစ်နိုင်စရာ အခြေအနေတွေရှိပါတယ်။ ဒါကြောင့်မို့ ဒီအခြေအနေတွေကို တားဆီးဖို့ အတွက် ကျနော်တို့ ဆောင်ရွက်လိုက်တာပါ။

ကျော်ကျော်သိန်း။ ။ ဒါပေမဲ့ တဘက်မှာကျတော့ ဒီလိုလုပ်တာက ရုတ်တရက် ကြီး ဖြုန်းဆို လုပ်လိုက်တဲ့ အခါကျတော့ ပြင်ထားဆင်ထားတဲ့ လူတွေ ရှိတယ်၊ ပြင်နေဆင်နေတဲ့လူတွေရှိတယ်ပေါ့လေ၊ ခါတိုင်းနှစ်တွေ လိုပဲ ဖြစ်လိမ့် မယ်ဆိုပြီးတော့၊ ဆိုတော့ ဝေဖန်သံတွေကိုလည်းပဲ ဦးဖျြိးမင်းသိန်း ကိုယ်တိုင် သေသေချာချာ ကြားပြီးပါပြီ။ ဒီလိုမျိုး နှစ်စဉ် စည်ကားခဲ့တဲ့နေရာတွေမှာ မဏ္ဍပ်ကြီးတွေ မရှိတော့ဘူးဆိုရင် သင်္ကြန်ပွဲတော်ကို ခါတိုင်း နှစ်တွေလိုပဲ လူတိုင်းပျော်နိုင်အောင်၊ စည်ကားအောင် ဦးဖြိုးမင်းသိန်းတို့ ဘယ်လိုလုပ်ဖို့ စီစဉ်ထားပါသလဲ။

ဦးဖြိုးမင်းသိန်း။ ။ ကျနော်တို့နိုင်ငံမှာ သင်္ကြန်ဟာ နေရာနှစ်ခုလောက်မှာပဲ စည်ကား ခဲ့ပါတော့တယ်။ နှစ် အတန်ကြာ ကမ္ဘာအေးဘုရားလမ်း၊ အင်းလျားကန်ဘေးနဲ့ ကန်တော်ကြီး ပတ်လမ်းလောက်မှာပဲရှိပြီး တခြား နေရာတွေက တဖြည်းဖြည်း ခြောက်သွေ့သွားခဲ့ရပါတယ်။ ဘာ့ကြောင့်လဲဆိုတော့ ဒီနေရာတွေ မှာပဲ စီးပွားဖြစ်လုပ်တဲ့ သင်္ကြန်မဏ္ဍပ်ကြီးတွေနဲ့ ကကြခုန်ကြဆိုတော့ ကားတွေ ကားတွေအားလုံးက အဲဒီလမ်းကျောထဲကို ၀င်ဖို့ပဲ စုပြုံပြီး တိုးနေကြရတဲ့ အခြေအနေမျိုး ဖြစ်လာခဲ့ရပါတယ်။ အခု ကျနော်တို့ ဒီဘက်နှစ်မှာတော့ ကျနော်တို့ ရန်ကုန်တိုင်း ၄၅ မြို့နယ်အတွင်းမှာ အားလုံး နေရာတိုင်း မှာ ပျော်ပျော်ရွှင်ရွင်ဖြစ်ဖို့ အတွက် ဒီသင်္ကြန်ကို ပြည်သူလူထုရဲ့ သင်္ကြန်ဖြစ်အောင် ကျနော်တို့ ကြိုးစားမှာ ပါ။ ပြည်သူလူထုရဲ့ သင်္ကြန်ဖြစ်ဖို့အတွက် ဒီ မြို့တော်ဝန်မဏ္ဍပ်ကို မဟာသင်္ကြန် ဗဟိုမဏ္ဍပ်အဖြစ်၊ ရန်ကုန်မြို့တော်ရဲ့ ဗဟိုမဏ္ဍပ်အဖြစ် ကျနော်တို့ လုပ်သွားမှာပါ။ အစိုးရအဖွဲ့မဏ္ဍပ်တွေကို ကျနော်တို့ ဆောင်ရွက်မှာမဟုတ်တော့ပါဘူး။ ခရိုင် အလိုက် လေးခုလောက် ပေါ်လာမှာပါ၊ တကယ့် ခရိုင်အလိုက် မဏ္ဍပ်ကြီးတွေ။ အဲဒီကနေမှတဆင့် ခရိုင်အလိုက်အတွင်းမှာ နေရာဒေသတိုင်းဟာ ပျော်ရွှင်မှုကို ရနိုင်တဲ့ ဒီ နှစ်သစ်အခါကို ဖြတ်သန်းနိုင်တဲ့ အခြေအနေတခုဖြစ်အောင် ကျနော်တို့ကြိုးစားမှာပါ။

ကျော်ကျော်သိန်း။ ။ ရန်ကုန်တိုင်းဒေသကြီး အစိုးရအဖွဲ့မှာရော ဒီ့အတွက် ရန်ပုံငွေ ဘဏ္ဍာငွေ အလုံအလောက်ရှိပါရဲ့လားခင်ဗျ။

ဦးဖြိုးမင်းသိန်း။ ။ ကျနော်တို့က ဒီသင်္ကြန်ပွဲတော်ကို အစိုးရဘတ်ဂျက်နဲ့ သုံးစွဲမယ့်အစီအစဉ် အလွန်မတန်ကို နည်းပါတယ်။ ဘာကြောင့်လည်းဆိုတော့ ကျနော်တို့က ဒီ ကျင်းပမယ့်သင်္ကြန်ပွဲတော်ဟာ ပြည်သူလူထုကကျင်းပတဲ့ သင်္ကြန်ပွဲတော်ပုံသဏ္ဌာန်မျိုးနဲ့ ကျနော်တို့ ဆောင်ရွက်သွားဖို့လည်း တိုင်းဒေသကြီး အစိုးရ အနေနဲ့ ယခင်ပေါ့နော် အစိုးရကနေပြီး စီစဉ်ခဲ့တဲ့ ခရိုင်လိုက်ပေါ့ ပေးထားတဲ့ ရန်ပုံငွေလေးတွေရှိပါတယ်။ အဲဒီ ခရိုင်အလိုက်ပေးထားတဲ့ ရန်ပုံငွေလေးတွေကနေ ဒီပွဲကို ကျနော်တို့ ကျင်းပသွားမှာပါ။ လာမယ့်သင်္ကြန် ဟာ တကယ့်ကို ရန်ကုန်မြို့မှာ အပြောင်းအလဲတရပ်အတွက် ပထမဦးဆုံးပေါ်လာမယ့် မဟာသင်္ကြန်ပွဲတော်ကြီး အဖြစ် မြင်တွေ့ကြရမှာပါ။ နေရာဒေသအသီးသီးမှာ သံချပ်တွေ၊ ဒီသံချပ်တွေပေါ်မှာလည်း သံချပ်စိစစ်မှုတွေ မလုပ်တော့ဘဲ တာဝန်ယူ တာဝန်ခံမှုနဲ့ အမုန်းစကားတွေ မရှိနိုင်တဲ့ သံချပ်မျိုးတွေ၊ အလှ အက ပုံသဏ္ဌာန်မျိုး တွေနဲ့ ယဉ်ကျေးမှု မဟာသင်္ကြန်ကြီးဖြစ်အောင် ရန်ကုန်တိုင်းဒေသကြီး အစိုးရအဖွဲ့အနေနဲ့ ကြိုးပမ်းဆောင်ရွက် နေပါတယ်။

ကျော်ကျော်သိန်း။ ။ လုံခြုံရေးပိုင်းနဲ့ ပတ်သက်လို့ရော၊ ပြည်သူလူထုအနေနဲ့ သင်္ကြန်ပွဲမှာ စိတ်ချလက်ချ ဘယ်လို စိုးရိမ်ကြောင့်ကျ ပူပန်စရာမှမရှိဘဲ နဲ့ ပျော်ပျော်ရွှင်ရွှင် ရိုးရာသင်္ကြန် နှစ်သစ်ကူးနိုင်မယ့်အခြေအနေ ရှိပါရဲ့လားခင်ဗျာ။

ဦးဖြိုးမင်းသိန်း။ ။ လုံခြုံရေးအတွက် တော်တော့်ကို ဂရုတစိုက် ကျနော် တို့ ဆောင်ရွက်နေပါတယ်။ ဒါပေမဲ့ ကျနော်တို့ လုံခြုံရေးဆောင်ရွက်မှု က ပြည်သူတွေကို အကြောက်တရား မဖြစ်စေချင်ဘူး။ ပြည်သူတွေအတွက် အနှောင့်အယှက်မဖြစ်နိုင်တဲ့ လုံခြုံရေး ပုံသဏ္ဌာန်မျိုးတွေကိုပဲ ကျနော်တို့ ဆောင်ရွက် ထားပါတယ်။ ဒါပေမဲ့ လုံခြုံရေးအခြေအနေအတွက်တော့ ကျနော်တို့ တိုးမြှင့်ထားပါ တယ်။ ဘာကြောင့်လည်းဆိုတော့ ဒီအချိန် ကာလဟာ ကျနော်တို့ ဒီရှေ့မှာဖြစ် ထားတဲ့ မှုခင်းတွေ အနေအထားအရ မူးယစ်ဆေးဝါး အများဆုံး မိထားတဲ့ ကာလ တခုဖြစ်ပါတယ်။ ရန်ကုန်တိုင်းအတွင်းမှာ။ ဒါကြောင့်မို့ ဒီအခြေအနေတွေကို ထိန်းနိုင်ဖို့၊ ဒီ မူးယစ်ဆေးဝါး နဲ့အတူ လက်နက်တွေပါဝင်နေတဲ့ အခြေအနေတွေ ကိုလည်း ကျနော်တို့ တွေ့မြင်နေရပါတယ်။ ဒါကြောင့်မို့ ဒီ အခြေအနေတွေကို ထိန်းနိုင်ဖို့အတွက် ကျနော်တို့ လုံခြုံရေးအဆင့်ကိုတော့ တိုးမြှင့်ထားတယ်၊ ဒါပေမဲ့ ဒီ လုံခြုံ ရေးတိုးမြှင့်ထားမှုဟာ ပြည်သူလူထုအတွက် အကြောက်တရား အနှောင့်အယှက်မဖြစ်အောင် ကျနော်တို့ ကြိုးပမ်းသွားမှာပါ။

ကျော်ကျော်သိန်း / ဗွီအိုအေ (မြန်မာပိုင်း)
http://burmese.voanews.com

ရန်ကုန်မြို့ Myanmar Event Park ၌ ယနေ့ (ဧပြီ ၃) ရက် ညပိုင်းက ကျင်းပခဲ့သော ၂၀၁၄ - ၂၀၁၅ ခုနှစ် မြန်မာ့ရုပ်ရှင်ထူးချွန်ဆုပေးပွဲတွင် ၂၀၁၄ ခုနှစ်အတွက် ထူးချွန်ဆု ၁၀ ဆုနှင့် ၂၀၁၅ ခုနှစ်အတွက် ထူးချွန်ဆု ၈ ဆု တို့ကို ချီးမြှင့်ခဲ့ကြောင်း သိရသည်။

■ ၂၀၁၄ ခုနှစ်

၁။ အကောင်းဆုံး ရုပ်ရှင်အသံဆု - ကြည်မင်းသိန်း (မာယာပရောဂျက်)

၂။ အကောင်းဆုံး ရုပ်ရှင်တေးဂီတဆု - ခင်မောင်ကြီး (ကောင်းကျိုးကိုယ်၌ တည်စေမင်း)

၃။ အကောင်းဆုံး ရုပ်ရှင်တည်းဖြတ်ဆု - သော်ဇင် (ကောင်းကျိုးကိုယ်၌ တည်စေမင်း)

၎။ အကောင်းဆုံး ရုပ်ရှင်ဇာတ်ညွှန်းဆု - ဇော်မြင့်ဦး (ကောင်းကျိုးကိုယ်၌ တည်စေမင်း)

၅။ အကောင်းဆုံး ရုပ်ရှင်ဓာတ်ပုံဆု - တိုးဝင်း ပြည်စိုး (အဆုံးမဲ့ အချစ်)

၆။ အကောင်းဆုံး အမျိုးသမီး ဇာတ်ပို့ဆု - ၀တ်မှုန်ရွှေရည် (နှလုံးသားဖြင့် ပြုလုပ်သည်)

၇။ အကောင်းဆုံး အမျိုးသား ဇာတ်ပို့ဆု - ဇင်ဝိုင်း (နှလုံးသားဖြင့် ပြုလုပ်သည်)

၈။ အကောင်းဆုံး ဇတ်ကားဆု - ကောင်းကျိုးကိုယ်၌ တည်စေမင်း

၉။ အကောင်းဆုံး အမျိုးသမီး ဇာတ်ဆောင်ဆု - ခိုင်သင်းကြည် (ကောင်းကျိုးကိုယ်၌ တည်စေမင်း)

၁၀။ အကောင်းဆုံး အမျိုးသား ဇာတ်ဆောင်ဆု - ပြေတီဦး (နှလုံးသားဖြင့် ပြုလုပ်သည်)

■ ၂၀၁၅ ခုနှစ်

၁။ အကောင်းဆုံး ရုပ်ရှင်တေးဂီတဆု - လှဆန်းဦး (မောင့်အိမ်သူ)

၂။ အကောင်းဆုံး ရုပ်ရှင်တည်းဖြတ်ဆု - ဇော်မင်း(ဟံသာမြေ)
(ချစ်စံအိမ် ၂၀၂၈)

၃။ အကောင်းဆုံး ရုပ်ရှင်ဓာတ်ပုံဆု - ဇော်မြင့် (ကျူးပစ်ရဲ့ ကျေးကျွန်များ)

၎။ အကောင်းဆုံး အမျိုးသမီး ဇာတ်ပို့ဆု - တက္ကသိုလ်ဂွမ်းပုံ
(ဤအရာကို အချစ်ဟုခေါ်သလား)

၅။ အကောင်းဆုံး အမျိုးသား ဇာတ်ပို့ဆု - ဗေလုဝ
(ဤအရာကို အချစ်ဟုခေါ်သလား)

၆။ အကောင်းဆုံး ရုပ်ရှင်ဒါရိုက်တာဆု - ၀ိုင်း (ကျွန်မကနှင်းဆီပါမောင်)

၇။ အကောင်းဆုံး အမျိုးသမီး ဇာတ်ဆောင်ဆု - ဖွေးဖွေး (ကျွန်မကနှင်းဆီပါမောင်)

၈။ အကောင်းဆုံး အမျိုးသား ဇာတ်ဆောင်ဆု - နေတိုး (နက္ခတ်မှားတဲ့ တိုက်ပွဲ)

ဓာတ်ပုံ - ထက်ရှိုင်း ၊ အောင်ကျော်ထက်
Eleven Media Group

[youtube src="i1K0H4lIdGM"/]
DVB Debate:What should the new cabinet fix first? (Part A)
"အစိုးရသစ်လက်ထက် ဘာတွေ အရင်စလုပ်သင့်လဲ" ရက်ပေါင်း ၁၀၀ အတွင်းဘယ်လို သိသာတဲ့ပြောင်းလဲမှုတွေ လုပ်နိုင်မလဲ ဆိုသည့်ခေါင်းစဉ်ဖြင့်
၃.၄.၂၀၁၆ ရက်နေ့တွင် ဒီဗွီဘီ ရုပ်သံသတင်းဌာနမှ ထုတ်လွှင့်ပြသသွားခဲ့သည့် ဒီဗွီဘီ ဒီဘိတ်
[youtube src="XdAX9QjKLZk"/]

[youtube src="y2uUN95JYZs"/]


၈လေးလုံးအရေးတော်ပုံ လူထုလှုပ်ရှားမှု အောက်မေ့ဖွယ်အခမ်းအနား ချီတက်ကြစဉ်။ (သြဂုတ် ၈၊ ၂၀၁၄)
၈လေးလုံးအရေးတော်ပုံ လူထုလှုပ်ရှားမှု အောက်မေ့ဖွယ်အခမ်းအနား ချီတက်ကြစဉ်။ (သြဂုတ် ၈၊ ၂၀၁၄)

၈ လေးလုံးအရေးတော်ပုံက ထွက်ပေါ်လာတဲ့ အမျိုးသားဒီမိုကရေစီအဖွဲ့ချုပ် NLD ပါတီဦးဆောင်တဲ့ ဒီမိုကရေစီ အစိုးရခေတ်မှာ လွန်ခဲ့တဲ့ ၂၈ နှစ်က အာဏာရှင်စနစ်ကို တွန်းလှန်ရင်း ၈ လေးလုံးအရေးတော်ပုံမှာ ကျဆုံး၊ ပျောက်ဆုံးသွားတဲ့ ရဟန်းရှင်လူ ပြည်သူတွေရဲ့ သမိုင်းမှတ်တမ်းကို အခိုင်အမာပြုစုပြီး ဂုဏ်ပြုမှတ်တမ်းတင်စေလိုတယ်လို့ နိုင်ငံရေးအကျဉ်းသားဟောင်းတွေက တိုက်တွန်းပြောဆိုလိုက်ပါတယ်။ ၈ လေးလုံး အရေးတော်ပုံအတွင်း ပျောက်ဆုံး သွားသူတွေနဲ့ တောတွင်းမှာ ကျဆုံးသွားသူတွေရဲ့ အမည်၊ နေရပ်လိပ်စာ ကျဆုံးပျောက်ဆုံးဖြစ်စဉ်တွေကို သက်ဆိုင်တဲ့ မိသားစုဆွေမျိုး ညီအကိုမောင်နှမ မိဘပြည်သူတွေအနေနဲ့ ၈ လေးလုံးနှစ်ပတ်လည်နေ့မတိုင်ခင် သမိုင်းမှတ်တမ်းတင်နိုင်ရေး ဆက်သွယ် ပေးပို့ကြဖို့လည်း နိုးဆော်နေပါတယ်။ အသေးစိတ် မဆုမွန် တင်ပြထားပါတယ်။

အခုလာမယ့် ၂၀၁၆ ခုနှစ် သြဂုတ်လ ၈ နေ့ဆိုရင် မြန်မာပြည်မှာ တစ်ပါတီစစ်အာဏာရှင်စနစ်ကို နိုင်ငံတဝှမ်း ရဟန်းရှင်လူကျောင်းသားပြည်သူတွေ လှည်းနေ၊ လှေအောင်း မြင်းဇောင်းမကျန် တွန်းလှန်တော်လှန်ခဲ့ကြတဲ့ ရှစ်လေးလုံးအရေးတော်ပုံကြီး ပေါ်ပေါက်ခဲ့တဲ့ ၂၈နှစ်မြောက် နှစ်ပတ်လည်နေ့ရောက်ရှိ မှာဖြစ်ပါတယ်။ အာဏာရှင်စနစ်ကို တနိုင်ငံလုံးအတိုင်းအတာနဲ့ ဆန့်ကျင် ဆန္ဒပြခဲ့ကြတဲ့ ပြည်သူလူထုကို စစ်တပ်ဘက်က လက်နက်နဲ့အင်အားသုံး အကြမ်းဖက်ဖြိုခွင်းခဲ့တဲ့အတွက် ဆန္ဒပြရင်းအသက်ဆုံးရှုံး သေဆုံးပျောက်ဆုံး ကျဆုံးခဲ့ရသူ ပြည်သူတွေ အများအပြားရှိခဲ့ပါတယ်။

ဆန္ဒပြရင်းလမ်းပေါ်မှာ သေဆုံးခဲ့ရတာ၊ အဖမ်းခံရလို့ ထောင်တွင်းမှာ သေဆုံးခဲ့တာတွေအတွက် တချို့ မိသားစုက အလောင်းပြန်ရခဲ့တာ သက်ဆိုင်ရာ အာဏာပိုင်က လာရောက် အကြောင်းကြားတာတွေရှိပေမဲ့လို့ တချို့ ဘယ်လိုမှ ဆက်သွယ်စုံစမ်းလို့မရပဲ ပျောက်ဆုံးသွားသူတွေ ကျဆုံးသွားသူတွေအတွက် အထောက်အထားခိုင်လုံ တိကျတဲ့စာရင်းအရေအတွက် မရှိခဲ့လို့ ၈လေးလုံးအရေးတော်ပုံအတွင်း မည်ရွေ့မည်မျှ သေဆုံးခဲ့ရတယ် ပျောက်ဆုံးသွားတယ်ဆိုတဲ့ စာရင်းအတိအကျ ဒီမိုကရေစီအစိုးရလက်ထက်မှာတော့ သမိုင်းမှတ်တမ်းရှိစေချင်တယ်လို့ အရေးတော်ပုံမှာ ပါဝင်ခဲ့ကြတဲ့ တော်လှန်ရေး အင်အားစုတွေ ပေါင်းစုရာ နိုင်ငံရေး အကျဉ်းသားဟောင်းများအဖွဲ့က ဆန္ဒရှိကြပါတယ်။

၈လေးလုံးအရေးတော်ပုံက အခြေတည်ပေါ်ပေါက်လာတဲ့ NLD ပါတီ အစိုးရဦးဆောင်တဲ့ ဒီမိုကရေစီအစိုးရလက်ထက်မှာ ဒီမိုကရေစီအရေးတော်ပုံမှာ ပါဝင်ခဲ့တဲ့ ပြည်သူတွေရဲ့ ကျဆုံးပျောက်ဆုံးစာရင်းကို သမိုင်းဝင် မှတ်တမ်းတင် ဂုဏ်ပြုစေလိုတဲ့အတွက် နိုင်ငံရေးအကျဉ်းသားဟောင်းတွေက အခုလို သမိုင်းမှတ်တမ်းပြုစုဖို့ တောင်းခံနေကြတာဖြစ်တယ်လို့ နိုင်ငံရေးအကျဉ်းသားဟောင်းများအဖွဲ့ သတင်းပြန်ကြားရေး တာဝန်ခံ ကိုသက်ဦးက ဗွီအိုအေကိုပြောပါတယ်။

"သမိုင်းမှတ်တိုင်တခုအနေနဲ့ ကျနော်တို့ စာရင်းပြုစုပြီးတော့ ထုတ်ပြန်ဖို့အတွက် ရည်ရွယ်ပြီးတော့ ကျနော်တို့က ဆောင်ရွက်နေတာ။ အမှန်တော့ အစိုးရသစ်ကလည်း ပူပူနွေးနွေး ကာလဖြစ်တယ်။ နောက်ပြီးတော့ သူတို့ကလည်း စိန်ခေါ်မှုတွေ အများကြီးနဲ့ ရင်ဆိုင်ရမယ်ပေါ့။ အဲ့လိုဖြစ်နေတဲ့အချိန်မှာ ကျနော်တို့ နိုင်ကျဉ်းအဖွဲ့အနေနဲ့ ကျနော်တို့ တတ်နိုင်တဲ့ လုပ်သင့်လုပ်ထိုက်တဲ့ အလုပ်တခုကို စပြီး လုပ်တာပေါ့လေ။

အဲ့ဒီ့ကနေမှတဆင့် နိုင်ငံတော်အစိုးရအဖွဲ့မှာလည်း နိုင်ကျဉ်းတွေ ပါနေတယ်။ ပါနေတော့ ဒါတွေကို ချဉ်းကပ်ပြီးတော့ ကျယ်ကျယ်ပြန့်ပြန့် ဖြစ်အောင် သူတို့ မလုပ်နိုင်တာတောင် ကျနော်တို့အဖွဲ့အနေနဲ့ ဆောင်ရွက်မယ်ဆိုတဲ့ သန္နိဌာန်ချပြီးတော့ ဆောင်ရွက်တာပါ။"

၈လေးလုံးအရေးတော်ပုံကို သိမှီ ဖြတ်သန်းခဲ့တဲ့ ပြည်သူတွေအနေနဲ့ အရေးတော်ပုံအတွင်း ပျောက်ဆုံးသွားသူတွေနဲ့ တောတွင်းမှာ ကျဆုံးသွားသူတွေရဲ့ အမည်၊ နေရပ်လိပ်စာ ကျဆုံးပျောက်ဆုံးခဲ့တဲ့ နေ့ရက် နေရာမြို့နယ် ဖြစ်စဉ်တွေကို သက်ဆိုင်တဲ့ မိသားစုဆွေမျိုး ညီအကိုမောင်နှမ မိဘပြည်သူတွေအနေနဲ့ ၈လေးလုံးနှစ်ပတ်လည်နေ့မတိုင်ခင် သမိုင်း မှတ်တမ်းတင်ပေးကြဖို့ နိုင်ငံရေး အကျဉ်းသားဟောင်းများ အဖွဲ့ကို လာရောက်ဆက်သွယ်ကြဖို့ နိုးဆော်နေတယ်လို့ ကိုသက်ဦးက ဆက်ပြောပါတယ်။

"အဲ့ဒီ့တုန်းက ကျဆုံးသွားတဲ့သူတွေမှာ အမျိုးမျိုးရှိတာပေါ့နော်။ တချို့ကလည်း ထောင်ဂဏန်း၊ တချို့ကလည်း သောင်းဂဏန်း၊ တချို့ကလည်း သိန်းဂဏန်းပေါ့။ ယေဘူယျဆန်တယ်ပေါ့။ ကျနော်တို့ အဲ့ဒီ့ကာလတုန်းက လမ်းမပေါ်မှာ ဘယ်လောက်ကျဆုံးခဲ့လဲ။ ဘယ်နေရာမှာ ဘယ်လိုကျဆုံးခဲ့လဲပေါ့။ ဒါပေမဲ့ ကျနော်တို့ကို ဒီလိုစာရင်းတွေ ပေးတိုင်း ပြန်ပြီးတော့ Confirm လုပ်မှာပါ ။ လုပ်ပြီးတော့မှ
ဒါတွေကို ထုတ်ပြန်မှာပါ။"

နိုင်ငံရေးအကျဉ်းသားဟောင်းတွေဘက်က တနိုင်ငံလုံးအတိုင်းအတာနဲ့ စာရင်းပြုစုမှတ်တမ်းရယူနေတာဖြစ်ပြီး လာမယ့် သြဂုတ်လ ၈ရက်နေ့မှာ ရယူနိုင်ခဲ့တဲ့ စာရင်းကို စနစ်တကျ သေချာစိစစ်စုံစမ်းပြီးမှ ထုတ်ပြန်ပြီး သမိုင်းမှတ်တမ်းတင်သွား မှာဖြစ်တယ်လို့လည်း နိုင်ငံရေးအကျဉ်းသားဟောင်းများအဖွဲ့ ဦးဆောင်ကော်မတီကပြောပါတယ်။

ဦးနေဝင်းဦးဆောင်တဲ့ မဆလ တပါတီအာဏာရှင်စနစ်ကနေ ပါတီစုံဒီမိုကရေစီစနစ်ဖြစ်ပေါ်လာရေး နိုင်ငံတဝန်း ဆန္ဒပြတောင်းဆိုခဲ့ကြတဲ့အတွက် တပါတီစနစ်ပြုတ်ကျပြီး ၁၉၉၀ မှာ ပါတီစုံဒီမိုကရေစီ အထွေထွေရွေးကောက်ပွဲကြီးကျင်းပခဲ့ပါ တယ်။ ဒါပေမဲ့လည်း ရွေးကောက်ပွဲအနိုင်ရ NLD ပါတီကို အုပ်ချုပ်ရေးအာဏာ မလွှဲပြောင်းပေးခဲ့ပဲ စစ်အာဏာရှင်စနစ် ဆက်လက်ရှင်သန်ခဲ့ပြီး စစ်တပ်ကပဲ ဆက်ပြီးအုပ်ချုပ်ခဲ့ရာကနေ ၂၀၁၀မှာ ရွေးကောက်ပွဲကျင်းပပြီး အရပ်သားအစိုးရအသွင် ပြောင်းခဲ့ပါတယ်။ အတိုက်အခံပါတီ NLD က ၂၀၁၂ ကြားဖြတ်ရွေးကောက်ပွဲကနေ လွှတ်တော်ထဲ စရောက်ခဲ့ပြီး ၂၀၁၅ ရွေးကောက်ပွဲမှာတော့ ၁၉၉၀ တုန်းကလိုပဲ ပြည်သူ့ဆန္ဒမဲ အပြတ်အသတ်နဲ့ အနိုင်ရခဲ့တာပါ။ ၂၀၁၆ မတ်လ ၃၀ ရက်နေ့မှာတော့ နိုင်ငံရဲ့ အုပ်ချုပ်ရေးအာဏာကို တရားဝင် လွှဲပြောင်းလက်ခံယူထားပြီဖြစ်ပါတယ်။

မဆုမွန်/VOA
VOA

(ဓာတ်ပုံ- မင်းမင်း/မဇ္ဈိမ)

နေပြည်တော်(ဧပြီလ ၃ရက်)။ ။ ဧပြီလ ၄ရက်၊ ပြည်ထောင်စုလွှတ်တော်အစည်းအဝေးတွင် ပညာရေးဝန်ကြီးနှင့် လျှပ်စစ်နှင့် စွမ်းအင်ဝန်ကြီးအဖြစ် ခန့်အပ်ရန်လျာထားသူ နှစ်ဦး၏ အမည်စာရင်းကို လွှတ်တော်နာယက မန်းဝင်းခိုင်သန်းက ကြေငြာမည်ဟု ဦးဝင်းထိန်က ပြောသည်။

"ပညာရေးဝန်ကြီးဌာနကို ဦးမျိုးသိန်းကြီးကို တာဝန်ပေးမှာ။ သူက ပညာရေးဝန်ကြီးဌာနမှာ ညွှန်ချုပ်နဲ့ ပါချုပ်တာဝန်တွေ ထမ်းဆောင်ခဲ့ဖူးတယ်။ နောက် စွမ်းအင်နဲ့ လျှပ်စစ်ကတော့ ဦးဖေဇင်ထွန်း၊ ဦးဖေဇင်ထွန်းကတော့ လျှပ်စစ်နဲ့စွမ်းအင်မှာ သူက အတွင်းဝန်ရာထူးကို ထမ်းဆောင်နေတဲ့ ပုဂ္ဂိုလ်" ဟု ဦးဝင်းထိန်က ဧပြီလ ၃ရက်၊ ညပိုင်းတွင် မဇ္ဈိမကို ပြောသည်။

ပညာရေးနှင့် လျှပ်စစ်စွမ်းအင်ဝန်ကြီးဌာနမှ ပြည်ထောင်စုဝန်ကြီးများအဖြစ် တာဝန်ပေးမည့်သူနှစ်ဦးမှာ ဝန်ထမ်းများဖြစ်သောကြောင့် ပြီးခဲ့သည့်ရက်ပိုင်းက အဆိုပါ ဝန်ကြီးဌာနများကို ဒေါ်အောင်ဆန်းစုကြည်က ပူးတွဲတာဝန်ယူထားခြင်းဖြစ်သည်ဟုလည်း ဦးဝင်းထိန်က ပြောသည်။

"အဲ့ဒီပုဂ္ဂိုလ်တွေက ဝန်ထမ်းတွေဖြစ်တဲ့အတွက်ကြောင့်မို့လို့ တာဝန်တွေမပြီးပြတ်သေးလို့ အရင်က ပြည်ထောင်စုဝန်ကြီးတွေ တာဝန်ပေးတဲ့အခါမှာ ဒေါ်အောင်ဆန်းစုကြည်က တွဲကိုင်ထားတာ။ အခုတော့ အဲ့ဒီပုဂ္ဂိုလ်တွေရောက်တဲ့အခါကျတော့ ဒေါ်အောင်ဆန်းစုကြည်က ကိုင်စရာမလိုတော့ဘူးပေါ့" ဟု ၎င်းက ဆိုသည်။

ဒေါ်အောင်ဆန်းစုကြည်အား သမ္မတရုံးဝန်ကြီးဌာန၊ နိုင်ငံခြားရေးဝန်ကြီးဌာန၊ ပညာရေးဝန်ကြီးဌာနနှင့် လျှပ်စစ်နှင့်စွမ်းအင်ဝန်ကြီးဌာနလေးခုမှ ပြည်ထောင်စုဝန်ကြီးအဖြစ် ခန့်အပ်ကြောင်း ပြီးခဲ့သည့်ရက်ပိုင်းက ပြည်ထောင်စုလွှတ်တော်တွင် အတည်ပြုထားခြင်း ဖြစ်သည်။

ယခုတွင် ပညာရေးဝန်ကြီးနှင့် လျှပ်စစ်စွမ်းအင်ဝန်ကြီးများအဖြစ် ဦးမျိုးသိန်းကြီးနှင့် ဦးဖေဇင်ထွန်းတို့ကို တာဝန်ပေးမည်ဖြစ်သည့်အတွက် ဒေါ်အောင်ဆန်းစုကြည်အနေဖြင့် သမ္မတရုံးနှင့် နိုင်ငံခြားရေးဝန်ကြီးဌာနနှစ်ခုကိုသာ တာဝန်ယူတော့မည့်သဘော ဖြစ်သည်။

ဖေဖော်ဝါရီ ၄ရက်တွင် ပြုလုပ်မည့် ပြည်ထောင်စုလွှတ်တော်အစည်းအဝေးအစီအစဉ်၏ အမှတ်စဉ်(၉)တွင် "ပြည်ထောင်စုလွှတ်တော်နာယက က နိုင်ငံတော်သမ္မတက အဆိုပြုတင်ပြသော ပြည်ထောင်စုဝန်ကြီးများအဖြစ် ခန့်အပ်တာဝန်ပေးသင့်သည့်ပုဂ္ဂိုလ်များ၏ အမည်စာရင်းကို လွှတ်တော်သို့ တင်ပြခြင်း" ဟူ၍ ဖော်ပြထားသည်။
Mizzima - News in Burmese


pharkant-landslide-620.jpg
ကချင်ပြည်နယ် ဖားကန့်မြို့နယ် ဆွတ်အောင်ကျေးရွာအနီးက စွန့်ပစ်မြေစာပုံပြိုကျမှုကြောင့် ပျောက်ဆုံးနေသူ နိုဝင်ဘာလ ၂၄ ရက်နေ့က ရှာဖွေကြစဉ်။
Photo: Kyaw Myo Min/RFA

ဖားကန့်မြို့နယ် ဝှေခါကျေးရွာအုပ်စု လဂူးချောင်မှော်ရွာက မြေစာပုံအနီးက နေအိမ် ၄၀ ကျော်ဟာ ကျောက်စိမ်း တူးဖော်ရေးကုမ္ပဏီတွေရဲ့ အလွန်အကျွံကျောက်တူးဖော်မှုကြောင့် ပြိုကျပျက်စီးခဲ့တာတွေကို ဖြေရှင်းပေးဖို့ ရွာသားနှစ်ရာလောက်ဟာ မနေ့ကစပြီး ဆန္ဒပြတောင်းဆိုနေကြပါတယ်။

ကုမ္ပဏီတွေရဲ့ မြေစာစွန့်ပစ်တဲ့ ကားတွေ ဖြတ်သန်းသွားရာလမ်းတွေမှာ ပိတ်ဆို့ဆန္ဒပြနေတာ ဖြစ်တယ်လို့ ဆန္ဒပြ ရာမှာပါဝင်သူတစ်ဦးဖြစ်တဲ့ ဦးညွှန့်ရွှေ က ပြောပါတယ်။

"၂ လပိုင်း ၁၉ ရက်နေ့ကနေစပြီး မြေစာအက်ပါတယ်၊ နောက်တစ်ခါ ၃ လပိုင်း ၂ ရက်နေ့မှာ ၁၅ ပေလောက်ပျက်ကျသွားတယ်၊ အဲ့ထဲမှာအိမ် ၂၀ ကျော်လောက် ပါသွားတယ်၊ ဒီလိုပဲတစ်ဆတစ်ဆ နဲ့ မြေတွေပြိုနေတဲ့အခါမှာ အိမ်တွေ ၄၈ လုံးလောက်ရှိနေပြီ၊ မိုးသာဆက်ရွာနေဦးမယ်ဆိုရင် နောက်ထပ် အိမ်တွေပါစရာ အများကြီးရှိသေးတယ်၊ အကုန်လုံးအက်ကြောင်းတွေလိုက်နေတဲ့အတွက် မနေ့ကမိုးလည်း ရွာနေတော့ ဘယ်ချိန်ပြိုမလဲလို့ ကျနော်တို့လည်း ဘုရားတနေရတာ၊ အဲ့အိမ်ကလူတွေလည်းမအိပ်ရဲဘူး၊ သူတို့နဲ့နီးစပ်တဲ့အိမ်မှာ သွားအိပ်နေကြတာ"

ရွာသားတွေနေထိုင်တဲ့ မြေစာပုံမှာ နေကြာရတနာ၊ စိမ်းကမ္ဘာ၊ ကျောက်စိမ်းမင်း စတဲ့ ကုမ္ပဏီ ၆- ခုက မြေစာတွေ လာရောက်စွန့်ပစ်ပါတယ်။

အဲဒီမြေစာပုံမှာ ရွာသားတွေ အခြေချနေထိုင်နေတာ သုံးနှစ်ကျော်ရှိပြီး ဒီနှစ်ဆန်းပိုင်းက စက်ယန္တရားတွေနဲ့ စတင်တူးဖော်ရာမှာ အက်ကြောင်းတွေကနေ တဆင့် မြေပြိုမှုတွေဖြစ်တာလို့ ဆန္ဒပြသူတွေက ပြောပါတယ်။

ပြီးခဲ့တဲ့ ဖေဖော်ဝါရီ ၁၉ ရက်နေ့ကစပြီး မတ်လအထိ ၄၈ အိမ်ပြိုကျပျက်စီးခဲ့သလို ရွာတစ်ဝိုက်က ချောင်းတွေလည်း တိမ်ကောလာပါတယ်။

စက်ယန္တရားတွေနဲ့ တူးဖော်မှုကြောင့် မူလ ဝှေခါကျေးရွာဟာ မြေစာပုံထဲနစ်မြုပ် ပျက်စီးခဲ့ပြီး အခုဆိုရင် ရွာဟာ မူလနေရာမှာ သီးခြားမရှိတော့ ပဲ မှော်သစ်ကုန်းကျေးရွာဘက်ကို ပြောင်းရွှေ့ထားရပါတယ်။

ဖားကန့်ကျောက်စိမ်းနယ်မြေမှာ မြန်မာနိုင်ငံအနှံ့ကနေ ရွှေ့ပြောင်းနေထိုင်ကြသူအများစုဟာ စွန့်ပစ်မြေစာပုံတွေ အနီးမှာ ရွာတည်ပြီး အခြေချနေထိုင် ကြတာဖြစ်ပါတယ်။

အဲဒီလိုဆန္ဒပြနေတာနဲ့ပတ်သက်ပြီး လဂူးချောင် ရွာသား ဦးညွှန့်ရွှေ ကို RFA သတင်းထောက် ကိုကျော်မျိုးမင်း က ဆက်သွယ်မေးမြန်းထားပါတယ်။
RFA

စီးပွားရေးနဲ့ ကူးသန်းရောင်းဝယ်ရေးဝန်ကြီးဒေါက်တာ သန်းမြင့်
အစိုးရသစ်လက်ထက် စီးပွားရေးနဲ့ ကူးသန်းရောင်းဝယ်ရေး ၀န်ကြီးဌာနအနေနဲ့ ပြည်တွင်း ကုန်စည် ကူးသန်း ရောင်းဝယ်ရေး အဆင်ပြေ ချောမွေ့စေဖို့၊ ပြည်ပနဲ့ကုန်သွယ်ရေးမှာ ပိုပြီး တိုးတက် ကောင်းမွန်စေဖို့နဲ့ နိုင်ငံအနည်းငယ်ပေါ်မှာပဲ မှီခိုအားထားနေရတဲ့ ကုန်သွယ်ရေးကနေ ဈေးကွက်ကိုဖြန့်ပြီး ကျယ်ကျယ်ပြန့်ပြန့် ကူးလူးဆက်ဆံနိုင်ရေးတွေကို ဦးစားပေးလုပ် သွားမယ်လို့ ပြည်ထောင်စုဝန်ကြီး ဒေါက်တာသန်းမြင့်က ဗွီအိုအေနဲ့ သီးခြား တွေ့ဆုံ မေးမြန်းခန်းမှာ ပြောပါတယ်။ ပြည်ထောင်စု ၀န်ကြီးအဖြစ် အတည်ပြုခန့်ထားပြီး ရက်ပိုင်းအတွင်းမှာပဲ ဗွီအိုအေ ရန်ကုန်ရုံးခွဲတာဝန်ခံ ဒေါ်ခင်စိုးဝင်းက ၀န်ကြီး ဒေါက်တာ သန်းမြင့်ကို တွေ့ဆုံ မေးမြန်းထားတာပါ။

ဒေါ်ခင်စိုးဝင်း။ ။ စီးပွား၊ ကူးသန်းဝန်ကြီးဌာနအနေနဲ့ပေါ့နော် ကျမ နားလည်သလောက်ပြောရမယ်ဆိုရင်တော့ နိုင်ငံရဲ့ စီးပွားရေးရာ ကိစ္စတွေမှာ ထဲထဲဝင်ဝင်ဆောင်ရွက်ရမယ်။ နောက်ပြီးတော့ ကူးသန်းရောင်းဝယ်ရေးမှာလည်း နိုင်ငံတကာနဲ့ ဆက်သွယ် ပူးပေါင်းဆောင်ရွက်တာတွေလည်းရှိမှာပေါ့နော်။ အဲတော့ ဆရာ ဒီ စီးပွား၊ ကူးသန်းဝန်ကြီးတယောက်ဖြစ်လာတယ်၊ တာဝန်ယူရတော့မယ်ဆိုရင် ဘာကိုများ ဦးစားပေးပြီးဆောင်ရွက်ချင်ပါသလဲရှင့်။

ဒေါက်တာ သန်းမြင့်။ ။ ဦးစားပေးမှာ ကျနော်တို့ ၃ မျိုးလောက်ရှိပါတယ်။ တမျိုးကလောလောဆယ် ကျနော်တို့ ပြည်တွင်းကုန်သွယ် ကူးသန်းရောင်းဝယ်ရေးပေါ့။ ဒီမှာ ယနေ့ ကြုံတွေ့ရတဲ့ ပြဿနာက ထုတ်လုပ်သူကလည်း အထူးသဖြင့် လယ်သမားပေါ့။ အသေးစား စက်မှုလုပ်ငန်းများပေါ့ဗျာ။ သူက ထုတ်လုပ်ချင်ရင် သင့်တော်တဲ့ ဈေးနှုန်း သူက ရမှာပေါ့လေ ။ တဘက်က ကျနော်တို့ ဒါကို end point အနေနဲ့ ကြည့်မယ်ဆိုရင် စားသုံးသူ ကလည်း သင့်တော်တဲ့ ဈေးနှုန်းသူပေးရမှာပေါ့လေ။ ပို့ကုန်ကျတော့လည်း သင့်တော်တဲ့ ဈေးနှုန်းနဲ့ ပေးရမှာပေါ့ ။

ဒီမှာ ကြည့်ရတာ ဘာဖြစ်သလဲဆိုတော့ တောင်သူလယ်သမားတွေ ထုတ်တဲ့ ဈေးနဲ့ တဘက်က စားသုံးသူဈေးနဲ့ အင်မတန် ကွာဟနေတယ်။ ၄ ဆ ၊ ၅ ဆ ၊ ၆ ဆ လောက်ကွာတဲ့အခါကျတော့ သဘောကတော့ ထုတ်လုပ်သူ တောင်သူလယ်သမား ဈေးနှုန်းကတော့ အင်မတန် နိမ့်ပြီးတော့ စားသုံးသူက ပိုများနေတယ်။ ဒီကြားထဲမှာ trade ပေါ့ ဖြန့်ချီရေးဆိုတဲ့အခါကျတော့ ဒီမှာက supply chain ပေါ့ ဖြန့်ချိရေးအပိုင်းမှာ ချောမွေ့မှု မရှိဘူးပေါ့ဗျာ။ ဒါကိုကျနော်တို့က trade route ပေါ့။ အဓိက သယ်ယူပို့ဆောင်ရေးပါသလို အခြားဆက်သွယ်ရေး၊ အခြားအရာတွေလည်း ပါတယ်ပေါ့ဗျာ။

ဒီအထဲမှာ ပြည်နယ်၊ ပြည်မ ဆိုတဲ့ ဖြန့်ချီရေး ဒီတွေလည်း ပါတာပေါ့ဗျာ။ ဒါကို ကျနော်တို့က ထုတ်လုပ်သူနဲ့ စားသုံးသူကြားထဲမှာ ကျနော်တို့က သင့်ထိုက်မျှတတာရအောင် ကျနော်တို့က supply chain တွေ ပြုပြင်ပြောင်းလဲရမှာပဲ။ လမ်းပမ်းဆက်သွယ်ရေးတွေ ကောင်းဖို့တို့ ၊ အတားအဆီးတို့ ၊ မလိုအပ်သောဥပဒေတို့ ဒါပြည်တွင်းမှာရှိတာပေါ့လေ။ နောက်တခု ကျနော်တို့က ပြည်ပနဲ့ ဆက်ဆံမယ့်အခါ ကျတော့လည်း ပြည်တွင်းကလည်း ယနေ့အထိ သဘာဝအခြေခံမှာ ထုတ်တဲ့ ပစ္စည်းတွေက ပို့ကုန်က ပို့နေရတဲ့အခါကျတော့ ဒါလည်း အတက်အကျ ရှိတယ်ပေါ့။ နောက်တခုလည်း ကျနော်တို့က ဒီကုန်သွယ်ရေးမှာလည်း နိုင်ငံတနိုင်ငံ၊ ၂ နိုင်ငံ ပေါ်မှာ လုံးဝမှီခိုနေရတဲ့ သဘောဖြစ်တယ်။ အဲတော့ ကျနော်တို့က တိုင်းပြည်က ပွင့်လင်းလာတဲ့အခါကျတော့ ကျယ်ကျယ်ပြန့်ပြန့်ဈေးကွက်ကို ဖြန့်ပြီးတော့ အခြားနိုင်ငံတွေနဲ့ ကျယ်ကျယ်ပြန့်ပြန့် ကူးလူးဆက်ဆံဖို့ကလည်း အဓိက ပြဿနာဖြစ်တယ်ပေါ့။

ဒေါ်ခင်စိုးဝင်း။ ။ဟုတ်ကဲ့ပါ။ ဒီနိုင်ငံတကာ အတွေ့အကြုံပေါ့နော် ကုလသမဂ္ဂ မှာလည်း ထဲထဲဝင်ဝင်ဆောင်ရွက်ခဲ့ဘူးတယ်ဆိုတော့ ဒီနိုင်ငံရဲ့ လူနေမှုဘ၀ မြှင့်တင်ရေးအတွက်ကိုပေါ့နော် ဆရာ ဘာကိုဦးစားပေးပြီးလုပ်ရင်ကောင်းမယ်လို့ စဉ်းစားထားပါသလဲရှင့်။

ဒေါက်တာ သန်းမြင့်။ ။ အဲဒါတော့ ကျနော်တို့ဆီက ဆရာမ စောစော ကပြောသလိုပေါ့နော် ပြည်သူက နှစ်ပေါင်းများစွာ နိုင်ငံရေးစကားပြောရင်တော့ ခါးစည်းခံခဲ့ရတဲ့အခါကျတော့ လိုအပ်ချက်တွေ အများကြီးပါပဲ။ လှိုင်သာယာမြို့နယ်ဆိုရင် အရှင်းဆုံးပြောရရင် ကျနော်က အဲဒီကလာတော့ ပိုသိတာပေါ့နော်။ ဒီလိုပဲ ပြည်နယ်၊ ပြည်မ မှာတွေ ချင်းတောင်တို့ ရခိုင်တို့ အရှေ့မြောက်ဒေသတို့မှာလည်း ရှိကြပါတယ်။ ပြည်သူရဲ့လိုအပ်ချက်က အများကြီးရှိတယ်။ အလုပ်အကိုင်ရရှိရေး ကျန်းမာရေး၊ ပညာရေး ၊ သွားရေး လာရေး ၊ လုံခြုံရေး ၊ တရားဥပဒေစိုးမိုးရေး ခုန တဘက်က အရှေ့မြောက်ဘက်မှာဖြစ်နေတဲ့ ငြိမ်းချမ်းရေး စသဖြင့် အများကြီးလိုအပ်တဲ့အခါ တက်လာတဲ့ အစိုးရကို အင်မတန် မျှော်လင့်ချက် ကြီးမားပါတယ်။ မျှော်လင့်ချက် ကြီးမားတဲ့အခါကျတော့ ကျနော်တို့က ဒါကို ချက်ချင်းလက်ငင်းတော့ ကျနော်တို့က အဆင့်ဆင့်ပဲ ကျနော်တို့က လုပ်ပေးရမှာပေါ့။

ဒါလည်း ကျနော်တို့အတွက် စိန်ခေါ်မှုတွေပါ။ တဘက်ကလည်း ကျနော်တို့ကြည့်မယ်ဆိုရင် အစိုးရသစ်တက်လာတဲ့အခါကျတော့ ကျနော်တို့ အစိုးရရဲ့ အရည်အသွေးဆိုတာကလည်း ဒါလည်း ထည့်သွင်းစဉ်းစားရတာပေါ့လေ။ နောက်တချက်ကလည်း ကျနော်တို့က ၂၀၀၈ အခြေခံဥပဒေက ကျနော်တို့ ကြိက်သည်ဖြစ်စေ၊ မကြိုက်သည်ဖြစ်စေ ဒါကလည်း ကျနော်တို့ကို အကန့်သတ်တခုဖြစ်နေတယ်ခင်ဗျ။ ဒီဘောင်အတွင်းကပဲ ဆောင်ရွက်ရမှာပါ။ တဘက်ကလည်း ဘာပဲဖြစ်ဖြစ် ဖွံ့ဖြိုးဆဲနိုင်ငံတွေမှာ ကျန်းမာရေး ၊ ပညာရေးတွေက အစိုးရဘက်ကပဲ အားလုံးဆောင်ရွက်တဲ့အခါကျတော့ ကျနော်တို့က အစိုးရရဲ့ policy လုပ်ငန်းဆိုင်ရာများကို ၀န်ထမ်းနဲ့ပဲ ဆောင်ရွက်ရတော့ ၊ ၀န်ထမ်းတွေအရည်အသွေးမြှင့်ဖို့တို့ ၊ ဥပဒေလိုက်နာမှုတို့ ၊ ပွင့်လင်းမြင်သာမှုကလည်း စိန်ခေါ်မှုဖြစ်တယ်။

ဒါတွေကို ၀န်ထမ်းတွေနဲ့ ပူးပေါင်းဆောင်ရွက်ရမှာ။ တဘက်ကလည်း ကျနော်တို့ က ဘားဂျက်ပေါ့လေ sources ပေါ့ဗျာ။ ကျနော်တို့ ကြည့်မယ်ဆိုရင် ဒါ လမ်းပန်းဆက်သွယ်ရေးတို့ ၊ မီးတို့၊ လျက်စစ်တို့ ၊ ရေတို့ တဘက်ကလည်းinstitutional infrastructure ပေါ့ဗျာ။ ကျနော်တို့အစိုးရအဖွဲ့အစည်း ၊ ၀န်ထမ်းတွေရဲ့ စွမ်းရည်ပေါ့ဗျာ ။ တဘက်ကလည်း ကျနော်တို့လူမှုအဖွဲ့အစည်းတွေနဲ့ ခုနပြောတဲ့ စေတနာရှင်အဖွဲ့နဲ့ သူတို့စွမ်းရည်ကလည်း ကျနော်တို့အတွက် စိန်ခေါ်မှုပေါ့။

ကန့်သက်ချက်က ကျနော်တို့ ဘက်ဂျက်ဝင်ငွေပေါ့။ အရာရာမှာကျနော်တို့က အစိုးရ ဘက်ဂျက်အရပဲ လုပ်နိုင်တယ် ဆိုတဲ့အခါကျတော့ ဒီဘက်ဂျက်ကလည်း သိတဲ့အတိုင်းပဲ ကျနော်တို့မှာက လိုငွေဘက်ဂျက် အများကြီးပြနေတော့ ဒီဘားဂျက်ကို ရဖို့ကို ကျနော်တို့က ကြိုးစားပမ်းစား ရအောင်ရှာဖွေ၊ သုံးတဲ့အခါ စီစီစစ်စစ်သုံးမယ်။ နိုင်ငံတကာ အဖွဲ့အစည်းများကလည်း ကျနော်တို့ကို နည်းပညာဖြစ်စေ ၊ ငွေကြေးထောက်ပံ့မှုလည်း ကျနော်တို့များများပိုရမယ်လို့တော့ ဒါနဲ့ပေါင်းစပ်လုပ်မယ်ဆိုရင်တော့ လွှတ်တော်ရော၊ အစိုးရအဖွဲ့ရော ၊ ၀န်ထမ်းရော ၊ ပြည်သူ့စောင့်ကြည့်ရေးအဖွဲ့ရော နိုင်ငံတကာရဲ့ စေတနာနဲ့ ကူညီမှုနဲ့ လုပ်မယ်ဆိုရင်တော့ ဒါက ကျနော်တို့ မလွဲမသွေအောင်မြင်မှာပါ။

ဒေါ်ခင်စိုးဝင်း။ ။ဟုတ်ကဲ့ပါ။ အခု ဒေါ်အောင်ဆန်းစုကြည်ပြောတဲ့ အဂတိတရားကင်းစင်ရေးပေါ့နော် ။ ဒီစီးပွားကူးသန်းရောင်းဝယ်ရေး ၀န်ကြီးဌာနဆိုတာလည်း အဂတိတရားလိုက်စားတဲ့အပေါ်မှာ နည်းနည်းလေးလည်း နာမည်လည်းကြီးခဲ့ဖူးပါတယ်။ ဥပမာ ကားပါမစ်ထုတ်ပေးတဲ့ ခေတ်ဆိုတုန်းကဆိုရင် ဒီခေါင်ကအစ မိုးမလုံခဲ့လိုပေါ့လေ တော်တော်လေးကို နာမည်ပျက် ခဲ့တာပါ။ အဲတော့ ၀န်ကြီးလက်ထက်မှာရော အဂတိလိုက်စားမှု ပပျောက်ရေးနဲ့ ပတ်သက်ပြီးတော့ ဘာတွေများအကောင်အထည်ဖော်ဖို့ စဉ်းစားထားပါသလဲရှင့်။

ဒေါက်တာ သန်းမြင့်။ ။ ဟုတ်ပါတယ်။ အဲဒါကတော့ သတင်းမီဒီယာတွေလည်း အများကြီးထောက်ပြပါတယ်။ ကျနော်တို့လည်း ဒါတွေကို သိရှိရတာပေါ့လေ။ ကျနော်တို့ ဥက္ကဋ္ဌလည်း အမြဲပြောပါတယ်။ အဂတိတရားလေးပါးမှာ ကိုယ်ကိုတိုင်က တာဝန်ရှိတဲ့ ပုဂ္ဂိုလ်တွေကအစ အစိုးရအဖွဲ့ဝန်ကြီးတွေအားလုံးကင်းစင်ဖို့လိုပါတယ်။ အဂတိတရားဆိုတာ ငွေရေးကြေးရေးတို့ အဆင်းရဲတော့ ခံနိုင်ရမယ်။ ချမ်းသာမှုကိုလည်း ခံနိုင်ရမယ်ပေါ့နော်။ လောကဓံ ၈ ပါးကိုလည်း ခံနိုင်ရမယ်။ ထားပါတော့ ၀န်ကြီးအဖွဲ့က ဒီလိုဟာမျိုးကို ကင်းစင်မယ်ဆိုရင် တဘက် ကလည်း ဟိုတုန်းက ခရိုနီတို့ ၊ အဂတိဆိုတာက တဘက်က အုပ်ချေအဖွဲ့နဲ့ တဘက်က ကုန်သည်များပေါင်းလုပ်တာပေါ့ ။ ကျနော်တို့ဘက်က အုပ်ချေအဖွဲ့က သို့မဟုတ်အစိုးရအဖွဲ့က ကင်းစင်သွားမယ်ဆိုရင် တ၀က်တော့ လျှော့သွားတာပေါ့ဗျာ။ ကျန်တဲ့ဟာကိုလည်း ကျနော်တို့က ဥပဒေစိုးမိုးရေးအတွင်းက ပွင့်လင်းမြင်သာမှုနဲ့ အောက်ခြေပြည်သူများရဲ့ ပါဝင်စောင့်ကြည့်မှု ၊ လွှတ်တော်ကလည်း စောင့်ကြည့်မှုဆိုရင်တော့ အဂတိတရားကတော့ ကျနော်ထင်တယ် အတော်ကြီးကို လျှော့နည်းသွားမှာပါ။ လျော့နည်းအောင်လည်း ကျနော်တို့လုပ်ပါ့မယ်။

ဒေါ်ခင်စိုးဝင်း။ ။ကျေးဇူးအများကြီးတင်ပါတယ်ရှင့်။

ဒေါက်တာ သန်းမြင့်။ ။ ကောင်းပါပြီခင်ဗျာ။ ကျေးဇူးအများကြီးတင်ပါတယ်။

ဒေါ်ခင်စိုးဝင်း / ဗွီအိုအေ (မြန်မာပိုင်း)
http://burmese.voanews.com