04/08/16


အမျိုးသားပညာရေး ဥပဒေ (မူကြမ်း)နဲ့ ပတ်သတ်ပြီး သပိတ်မှောက်ဆန္ဒပြခဲ့လို့ သမ္မတ
ဦးသိန်းစိန်အစိုးရ လက်ထပ်က အကြမ်းဖက် ဖြိုခွင်းခံခဲ့ရပြီး လက်ရှိတရားရင်ဆိုင်
နေရသည့် ကျောင်းသားသူ များနဲ့ ဝန်းရံပြည်သူများ အမှုပိတ်သိမ်းလွှတ်ပေးဖို့
ပြည်ထောင်စု/တိုင်း/ခရိုင်/မြို့နယ်တရားသူကြီး အဆင့်ဆင့် ညွှန်ကြားထားတယ်လို့
သိရပါတယ်။

`ကျောင်းသားတွေအမှု ခရိုင်တရားသူကြီးတွေက ပိတ်သိမ်းဖို့ အကြောင်းကြား
တာတွေရှိတယ်လို့ ကြားတယ် ´ လို့ တရားရေးဌာနက တာဝန်ရှိသူတစ်ဦးက ပြော
ပါတယ်။

နိုင်ငံရေးအကျဉ်းသားများနဲ့ အမျိုးသားပညာရေးဥပဒေ ပြင်ဆင်ရေး ဆန္ဒပြသည့်
ကျောင်းသားနှင့် ဝန်းရံပြည်သူများကို လွှတ်ပေးရန်အတွက် ဧပြီလ ၇ ရက်နေ့ည
တွင် အမိန့်ညွှန်ကြားချက်များ သက်ဆိုင်ရာ ဝန်ထမ်းများမှ လုပ်ဆောင်နေကြောင်း
သိရပါတယ်။

သတင်း-Hein Htet FB.

သမ္မတ Varela က ဗုဒ္ဓဟူးနေ့က ရုပ်မြင်သံကြားကနေ ထုတ်လွှင့် ကြေညာ။ (ဧပြီ ၆၊ ၂၀၁၆)
ကမ္ဘာတလွှား သြဇာကြီးသူတွေ၊ ကျော်ကြားသူတွေနဲ့ နိုင်ငံရေး သမားအများအပြားရဲ့ လျို့ဝှက် ပြည်ပ ရင်းနှီးမြှုပ်နှံမှုတွေကို ဖွင့်ချလိုက်တဲ့ Panama Papers - ပနားမား စာရွက်စာတမ်း အရှုပ်တော်ပုံကြီး ပေါ်ပေါက်လာမှု အတွင်း ပနားမား နိုင်ငံ ရဲ့ ငွေကြေးဆိုင်ရာ လုပ်ပုံလုပ်နည်းတွေကို ပြန်လည် သုံးသပ်ဖို့ အတွက် အစိုးရက လွတ်လပ်တဲ့ ကော်မရှင်တခု ဖွဲ့စည်းမယ်လို့ သမ္မတ Juan Carlos Varela က ပြောဆိုလိုက်ပါတယ်။

နိုင်ငံရဲ့ လက်ရှိ လုပ်ကိုင်ပုံတွေကို လေ့လာသုံးသပ်ပြီး ဘဏ္ဍာရေးနဲ့ တရားဥပဒေရေးရာ စနစ်အတွင်း ပွင့်လင်းမြင်သာမှု ခိုင်မာစေရေး လုပ်ဆောင်ရမယ့် ကိစ္စတွေကို အဆိုပြုတင်ပြမယ့် ကော်မရှင်မှာ ပြည်တွင်း ပြည်ပ ကျွမ်းကျင်သူတွေ ပါဝင်မယ်လို့ သမ္မတ Varela က မနေ့ ဗုဒ္ဓဟူးနေ့က ရုပ်မြင်သံကြားကနေ ထုတ်လွှင့်တဲ့ ကြေညာချက်မှာ ပြောဆိုသွားတာ ဖြစ်ပါတယ်။

ဒီအကြံပြုချက်တွေကို ပနားမား နိုင်ငံက တခြားနိုင်ငံတွေနဲ့လည်း မျှဝေသွားမှာ ဖြစ်တာကြောင့် စီးပွားရေး ကဏ္ဍ အလုံးစုံ ပွင့်လင်းမြင်သာမှုကို မြှင့်တင်ပေးနိုင်ဖို့ အတွက် ပူးတွဲ ဆောင်ရွက် သွားနိုင်မှာ ဖြစ်တယ်လို့လည်း သမ္မတ Varela က ပြောဆိုခဲ့ပါတယ်။

တချိန်တည်းမှာဘဲ ပြင်သစ်နိုင်ငံက ပနားမား နိုင်ငံကို Grey List လို့ခေါ်တဲ့ ကမ္ဘာပေါ်မှာ အခွန်နဲ့ ပတ်သက်ပြီး ပူးပေါင်းဆောင်ရွက်မှု မရှိတဲ့ နိုင်ငံများ စာရင်းထဲကို ထည့်သွင်းလိုက်ပြီး နိုင်ငံတကာ စီးပွားရေး ပူးပေါင်းဆောင်ရွက်မှုနဲ့ ဖွံ့ဖြိုးမှု ဆိုင်ရာ အဖွဲ့ကြီး OECD အနေနဲ့လည်း အလားတူ ဆောင်ရွက်ဖို့ တိုက်တွန်းနေတာ ဖြစ်ပါတယ်။

Panma Papers တွေ ပေါက်ကြားထွက်လာမှုဟာဆိုရင် နိုင်ငံရဲ့ စီးပွားရေး ကဏ္ဍ အတွင်းမှာ လျို့လျို့ဝှက်ဝှက် လုပ်လို့ ရတယ်ဆိုတာကို ပြသနေတာ ဖြစ်တယ်လို့ OECD ရဲ့ အတွင်းရေးမှူး Angel Gurria က ပြောဆိုလိုက်ပြီး လူတွေ အနေနဲ့ ဥပဒေပိုင်း တာဝန်ရှိသူတွေ မသိအောင် သူတို့ငွေတွေ သိမ်းထားလို့ ရအောင် ခွင့်ပြုထားတဲ့ အဓိက နောက်ဆုံး နေရာ တခု ဖြစ်တယ်လို့လည်း သူက ပြောဆိုသွားပါတယ်။

အရှုပ်တော်ပုံတွေ ထွက်ပေါ်လာတဲ့ ပနားမား ဥပဒေ အကျိုးဆောင် လုပ်ငန်း Mossack Fonseca ကတော့ သူ့ရုံးကနေ ဒီသတင်းပတ် အတွင်း ပေါက်ကြား ထွက်လာတဲ့ ကမ္ဘာ့ သြဇာကြီးသူတွေ၊ သူကြွယ်တွေနဲ့ ကျော်ကြားသူတွေရဲ့ ပြည်ပ ဘဏ်စာရင်းတွေ အကြောင်း ဖော်ပြထားတဲ့ စာရွက်စာတမ်းပေါင်း ၁၁ သန်းခွဲဟာ အင်တာနက် ဖောက်ထွင်းသူ ဟက်ကာတွေရဲ့ ဖောက်ထွင်းခိုးယူမှု ခံခဲ့ရတာ ဖြစ်ပြီး လုပ်ငန်းကြီးရဲ့ အတွင်းစည်းကနေ ပေါက်ကြားထွက်လာတာ မဟုတ်ဘူးလို့ ပြောဆိုပါတယ်။

VOA (မြန်မာပိုင်း)
http://burmese.voanews.com

ပင်လယ်ရပ်ခြား ငွေစု ရှယ်ယာ ရောင်းလို့ သူနဲ့ ဇနီးသည်တို့ ငွေကြေးတွေ ရရှိခဲ့တယ် လို့ မစ္စတာ ကင်မရွန် ပြော။
ဗြိတိသျှ ဝန်ကြီးချုပ် ဒေးဗစ် ကင်မရွန် ရဲ့ ကွယ်လွန်သူ ဖခင် ဟာ ပင်လယ်ရပ်ခြားမှာ ငွေကြေးတွေ သိမ်းဆည်း ခဲ့တယ် ဆိုတာ ကို ပနားမား စာရွက်စာတမ်း ပေါက်ကြားမှု ကနေ ထွက်ပေါ် လာခဲ့ တဲ့ နောက် အခုဆိုရင် ဝန်ကြီးချုပ် ကင်မရွန် က သူ့ အနေနဲ့ အဲဒီ့ ငွေကြေးတွေ ကနေ အကျိုးကျေးဇူး ရှိခဲ့တယ် ဆိုတဲ့ အချက် အပေါ်မှာ အသိအမှတ်ပြု ပြောဆို လိုက်ပါတယ်။

ဒေါ်လာ လေးသောင်း နှစ်ထောင် ကျော် တန်ဖိုး ရှိတဲ့ အဲဒီ့ ငွေစု ရှယ်ယာ တွေ ကို သူ ဝန်ကြီးချုပ် ဖြစ်မလာခင် ၂၀၁၀ တုန်းက ရောင်းချ ခဲ့တယ် လို့ မစ္စတာ ကင်မရွန် က ထုတ်ဖော် ပြောဆို ခဲ့ ပါတယ်။

ဒါပေမယ့် အဲဒီ့ ငွေစု စာရင်း ကို အခွန် ရှောင်ဖို့ ထူထောင် ထားတယ် လို့ မပြော နိုင်ကြောင်း နဲ့ ရှယ်ယာ ပိုင်ရှင် တစ်ယောက် အနေနဲ့ အကျိုး အမြတ် ရရှိ တာတွေ ရဲ့ အပေါ် ခြားသူ့ အနေနဲ့ ဝင်ငွေ ခွန် ပေးဆောင် ခဲ့တယ် လို့လည်း မစ္စတာ ကင်မရွန် က ဝေဖန် မှု တွေ အပေါ် ခုခံ ကာကွယ် ပြောဆို ခဲ့ ပါတယ်။

ဒီ အချိန် မှာပဲ၊ ရုရှား သမ္မတ ဗလာဒီမီယာ ပူတင် ကတော့၊ ပေါက်ကြား လာတယ် ဆိုတဲ့ ပနားမား စာရွက်စာတမ်း တွေ ထဲ ဘယ်လို အကျင့်ပျက် ခြစားတာမျိုး ကိုမှ မတွေ့ရဘူး ဆိုပြီး ပြောလိုက်ပါတယ်။

ပနားမား ရှေ့နေရုံး မော့ဆက် ဖွန်ဆက်ကာ ကနေ ပေါက်ကြား လာတဲ့ စာရွက် စာတမ်း တွေ ထဲမှာ သမ္မတ ပူတင် နဲ့ နီးစပ်သူတွေ ဟာ ပင်လယ်ရပ်ခြား မှာ ကုမ္ပဏီတွေ ထားရှိ ပိုင်ဆိုင်နေတာ ကို ဖော်ပြ နေပေမယ့် မစ္စတာ ပူတင် က အခုလို ပထမဆုံး အကြိမ် တုံ့ပြန် ပြောကြား လာတာ ဖြစ်ပါ တယ်။

အဲဒီ့ ပနာမား စာရွက်စာတမ်းတွေ ပေါက်ကြားမှု ကြောင့် အိုက်စ်လန် နိုင်ငံရဲ့ ဝန်ကြီးချုပ် ပြီးခဲ့တဲ့ ရက်ပိုင်း ကပဲ တာဝန် ကနေ နှုတ်ထွက် သွားရပြီး အခုအခါ မှာတော့ ဝန်ကြီးချုပ် အသစ် တစ်ယောက် ကျမ်း သစ္စာ ကျိန်ဆို လိုက်ပြီ ဖြစ်ပါတယ်။

စိုက်ပျိုးရေး ဝန်ကြီးဟောင်း ဆီဂူဒါ အင်ဂီ ယိုဟန်ဆန် ၊ အိုက်စ်လန် ရဲ့ ဝန်ကြီးချုပ်သစ် ဖြစ်လာတာပါ။

BBC Burmese
http://www.bbc.com/burmese

အလက်ပ်ပိုနယ် ထဲက အယ်လ်-ရိုင်း ဆိုတဲ့ မြို့ဟာ တူရကီ နယ်စပ် ကို သွားရာ လမ်းကြောင်း ပေါ် ရှိပြီး မဟာဗျုဟာ အချက်အချာ ကျ။
ဆီးရီးယား နိုင်ငံ မြောက်ပိုင်း၊ အလက်ပ်ပိုနယ် ထဲက အယ်လ်-ရိုင်း ဆိုတဲ့ မြို့ မှာ ဆီးရီးယား သူပုန် တပ်ဖွဲ့ တွေ နဲ့ အစ္စလာမ်မစ် နိုင်ငံ အဖွဲ့ IS လက်နက်ကိုင် တွေ အကြား ရက် အတန်ကြာ တိုက်ပွဲ အပြင်းအထန် ဖြစ်ခဲ့ ပြီးတဲ့နောက် အခုဆိုရင် IS တွေ မြို့ထဲ ကနေ ဆုတ်ခွာ သွားရပြီ ဖြစ်ပါတယ်။

အယ်လ်-ရိုင်း မြို့ဟာ တူရကီ နယ်စပ် ကို သွားရာ လမ်းကြောင်း ပေါ် ရှိပြီး မဟာဗျုဟာ အချက်အချာ ကျတဲ့ အတွက် IS တွေ ခြေကုပ် ယူထား ခဲ့ရာ နေရာ ဖြစ်ပါတယ်။

IS တွေကို အယ်လ်-ရိုင်း မြို့ ကနေ တိုက်ထုတ် လိုက်နိုင်တဲ့ ဆီးရီးသူပုန် တွေ ဟာ ဘာသာရေး အစွန်း မရောက်ပဲ အလယ်အလတ် သဘောထား ရှိတဲ့ အုပ်စု တွေ စုပေါင်းပြီး ဆီးရီးယား လွတ်မြောက်ရေး တပ် ဆိုတဲ့ နာမည် အောက် တိုက်ခိုက် နေကြသူ တွေ ဖြစ်ပါတယ်။

အဲဒီ့ သူပုန်တပ်ပေါင်းစု ဟာ တူရကီ ကနေ တဆင့် လက်နက် ခဲယမ်းမီးချောက် အထောက် အပံ့တွေ ရရှိ ခဲ့ပါတယ်။

BBC Burmese
http://www.bbc.com/burmese

[youtube src="1HGPItoHDAU"/]
ဆွီဒင်နိုင်ငံက မြို့ငယ်လေးတခုမှာ ညကြီးမင်းကြီး တခုခု ဝယ်ဖို့လိုပြီဆိုရင် အဆင်ပြေပြေ ဈေးဝယ်နိုင်ကြပါပြီ။ ညလုံးပေါက်ဖွင့်တဲ့ဈေးဆိုင်မှာ ရောင်းတဲ့လူမထားပေးပဲ ကိုယ့်ဘာကိုယ် ပစ္စည်းယူ၊ ပိုက်ဆံပေး၊ ဒါတွေလုပ်လို့ရအောင် စိတ်ကူးကောင်းကောင်းနဲ့ စီစဉ်ပေးထားတာပါ။ AP သတင်းဆောင်းပါးကို ရှားဖောင်က တင်ပြပေးပါမယ်။

VOA Burmese
http://burmese.voanews.com

[youtube src="hpv3yDLYRnI"/]
ခေတ်ပေါ် သယ်ယူပို့ဆောင်ရေးစနစ် ထွန်းကားလာချိန်မှာ ကမ္ဘောဒီးယားနိုင်ငံရဲ့ သင်္ကေတ ဆိုက်ကားတွေ တဖြေးဖြေးပျောက်ကွယ်ပြီး တိမ်မြုပ်သွားတော့မယ့် အခြေအနေဖြစ်နေပါပြီ။ ကျေးလက်ဒေသက ၀ါရင့်ဆိုက်ကားဆရာတွေကတော့ ဟိုးအရင်ထဲကလုပ်လာတဲ့ အလုပ်ကို မစွန့်လွှတ်ချင်ကြပါဘူး။ ဒီအကြောင်း AP သတင်းကို မနန္ဒာချမ်းက ဆက်ပြောပြပါမယ်။

VOA Burmese
http://burmese.voanews.com

ဓာတ်ပုံ - ဦးကိုနီဖေ့စ်ဘွတ်ခ် ဓာတ်ပုံ - ဦးကိုနီဖေ့စ်ဘွတ်ခ်

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နိုင်ငံရေးအကျဉ်းသားတွေ၊ နိုင်ငံရေးတက်ကြွလှုပ်ရှားသူတွေ၊ နိုင်ငံရေးနဲ့ ဆက်နွယ်ပြီး အမှုရင်ဆိုင်နေရတဲ့ ကျောင်းသား ကျောင်းသူတွေ ပြစ်မှုကနေ အမြန်ဆုံးလွတ်မြောက်ရေးအတွက် နည်းလမ်းသုံးသွယ်ရှိတဲ့အနက် နည်းလမ်း ၂ သွယ်နဲ့ ကြိုးစားမယ်လို့ ဒီနေ့ထုတ်ပြန်ပါတယ်။

နံပါတ် ၁ နည်းလမ်းအဖြစ် သမ္မတက လွတ်ငြိမ်းခွင့်၊ နံပါတ် ၂ နည်းလမ်းအဖြစ် သမ္မတက အမျိုးသားကာကွယ်ရေးနဲ့လုံခြုံရေးကောင်စီထောက်ခံချက်နဲ့ အထွေထွေလွတ်ငြိမ်းချမ်းသာခွင့်၊ နံပါတ် ၃ ကတော့ ပြစ်မှုဆိုင်ရာ ကျင့်ထုံးဥပဒေပုဒ်မ ၄၉၄ အရ ပြစ်မှုတွေကို တရားရုံးသဘောတူညီချက်နဲ့ ရုပ်သိမ်းနိုင်ခြင်းတွေဖြစ်ပါတယ်။ ဒီထဲက နံပါတ် ၁ နည်းလမ်းနဲ့ နံပါတ် ၃ နည်းလမ်းကျင့်သုံးမယ်လို့ ကြေညာခဲ့ပါတယ်။

နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ) ရဲ့ ထုတ်ပြန်ချက်အရ နိုင်ငံရေးအကျဉ်းသား ၁၀၀ လောက်နဲ့ အမှုရင်ဆိုင်သူ ၄၀၀ လောက်ရှိပါတယ်။
နိုင်ငံတော်အတိုင်ပင်ခံပုဂ္ဂိုလ်ထုတ်ပြန်တဲ့ နည်းလမ်း ၃ သွယ်နဲ့ စပ်လျဉ်းပြီး တရားလွှတ်တော်ရှေ့နေ ဦးကိုနီကို ဆက်သွယ်မေးမြန်းပါတယ်။

နည်းလမ်း ၃ သွယ်အနက် (ဂ) မှာ ‘တရားရုံးရဲ့ ခွင့်ပြုချက်နဲ့ ရုပ်သိမ်းနိုင်ပါသည်’ လို့ ပါရှိတယ်။  ဒီတော့ ပညာရေးဥပဒေပြင်ဆင်ရေးအတွက် ဆန္ဒပြရင်း ဖမ်းဆီးခံရတဲ့ ကျောင်းသားတွေ မြို့နယ်တော်တော်များများမှာ တရားစွဲခံကြရတယ်။ ဒီတော့  မြို့နယ်အသီးသီးက တရားရုံးတိုင်းရဲ့ ခွင့်ပြုချက်လိုတဲ့ သဘောလား။
“ဒီလိုပါ၊ အမှုစစ်ပြီးလို့ ထောင်ကျသွားတဲ့ လူတွေရှိတယ်။ ထောင်ကျသွားတဲ့လူတွေကို လွှတ်လို့ရှိရင် ကျနော်တို့က ပြစ်ဒဏ်လွတ်ငြိမ်းခွင့်ဆိုတဲ့ ခေါင်းစဉ်နဲ့ လွှတ်ရတယ်။ ဖွဲ့စည်းပုံ အခြေခံဥပဒေကိုသုံးရင် ၂၀၄ (က) ပေါ့။ တကယ်လို့ ပြစ်မှုဆိုင်ရာကျင့်ထုံးဥပဒေကို သုံးမယ်ဆိုရင်တော့ ပုဒ်မ ၄၀၁ နဲ့ နိုင်ငံတော်သမ္မတဟာ ပြစ်ဒဏ်ကျခံပြီးသူကို သူ့ရဲ့ပြစ်ဒဏ်ကနေ လွတ်ငြိမ်းခွင့်ပေးနိုင်တယ်။ အဲဒါက အထွေထွေလွတ်ငြိမ်းချမ်းသာခွင့်မဟုတ်ဘူး၊ သတ်မှတ်ထားတဲ့လူတွေပေါ့ဗျာ၊ ဥပမာ ပုဒ်မ ၁၈ (ငြိမ်းချမ်းစွာ စီတန်းလှည့်လှည်သည့်ဥပဒေပုဒ်မ) နဲ့ အရေးယူခံရတဲ့သူတွေ၊ ပုဒ်မ ၅၀၅ (ခ) (နိုင်ငံတော်အကြည်ညိုပျက်စေမှု) နဲ့ အရေးယူခံရတဲ့သူတွေ၊ ဘယ်သူဘယ်သူပေါ့ဗျာ။ အဲဒါကိုလွှတ်တာက ပြစ်မှုဆိုင်ရာကျင့်ထုံးဥပဒေ ပုဒ်မ ၄၀၁၊ ဖွဲ့စည်းပုံအခြေခံဥပဒေ ပုဒ်မ ၂၀၄ (က) နဲ့ လွှတ်ပေးရတယ်။
“နောက်တခုက အမှုတန်းလန်းပေါ့ဗျာ၊ မပြီးသေးဘူး။ အမှုတွေ စစ်ဆေးနေဆဲ On Trail ဆိုလို့ရှိရင် ပြစ်ဒဏ်မပေးရသေးတဲ့အတွက် အဲဒီပုဒ်မတွေသုံးပြီးလွှတ်လို့မရဘူး။ အဲဒါကျတော့ လုပ်တဲ့နည်းက လွယ်တယ်။ ပြစ်မှုဆိုင်ရာ ကျင့်ထုံးဥပဒေပုဒ်မ ၄၉၄ ကိုသုံးပြီးတော့ အမှုကို ပြန်ပြီးတော့ ရုပ်သိမ်းလိုက်တာ။ ဘာပြုလို့တုန်းဆိုတော့ နိုင်ငံတော်က တရားလိုလုပ်ပြီး စွဲထားတဲ့အမှုတွေအားလုံးကို နိုင်ငံတော်က ဘယ်အချိန်မှာမဆို သူက ရုပ်သိမ်းခွင့်ရှိတယ်။
ဒါက နိုင်ငံတော်ရဲ့ လုပ်ပိုင်ခွင့်ပေါ့နော်၊ ကျနော်တို့ ဒီ ရာဇ၀တ်မှုတွေမှာ တရားလိုတွေက နိုင်ငံတော်ဖြစ်တာကိုးဗျ။ အဲဒီတော့ တရားလိုဖြစ်တဲ့ နိုင်ငံတော်က အချိန်မရွေး ဒီဟာကို ရုပ်သိမ်းပေးလို့ရပါတယ်။ အဲဒါပါပဲ၊ အဲဒီတော့ ရုပ်သိမ်းတဲ့အခါမှာ by the permission of the court (တရားရုံး၏သဘောတူညီချက်ဖြင့်) ဆိုတဲ့ စကားလေးပါတယ်။ ၄၉၄ အရ အစိုးရက ရှေ့နေချုပ်ရုံးကနေ ရုပ်သိမ်းခွင့်တင်ရင် လိုအပ်ချက်တချက်က တရားရုံးက ရုပ်သိမ်းခွင့်ပေးမှ ရုပ်သိမ်းခွင့်ပေးရတယ်။ ဆိုလိုတာကတော့ဗျာ၊ သိပ် ဟို လူသတ်မှု၊ ဓားပြမှု၊ လူတွေ ပိုးစိုးပက်စက်သေတဲ့အမှုမျိုးဆိုရင် တရားလိုက ရုပ်သိမ်းပေမယ်လို့ တရားရုံးက ခွင့်မပြုဘူးဆိုပြီးတော့ သူဆုံးဖြတ်လို့ရတယ်။ အခုလို ဘယ်သူ့ကိုမှ မထိခိုက်တဲ့ အမှုမျိုးတွေကျတော့ တရားရုံးက သူ့သဘောနဲ့သူ ခွင့်ပြုပေးမှာ။ ဒီဘက်က ရုပ်လိုက်ပြီဆိုတာနဲ့ တရားရုံးကလည်း ခွင့်ပြုသည်ဆိုပြီးတော့ဖြစ်သွားမှာ။”

နည်းလမ်း ၃ သွယ်အနက် အတိုင်ပင်ခံပုဂ္ဂိုလ်မရွေးချယ်တဲ့ နည်းလမ်း (ခ) မှာ အထွေထွေလွတ်ငြိမ်းချမ်းသာခွင့်အတွက် ကာလုံ (အမျိုးသားကာကွယ်ရေးနဲ့လုံခြုံရေးကောင်စီ) ထောက်ခံချက်နဲ့ လွတ်ငြိမ်းချမ်းသာခွင့်ပေးနိုင်တယ်။ ဒါက နိုင်ငံတကာရောက်နေတဲ့ မြန်မာတွေ ပြန်လာရေးလို ကိစ္စတွေပါ အကျုံးဝင်တာမျိုးလား။
“မဆိုင်ဘူးခင်ဗျ။ အဲဒီဟာက မြန်မာနိုင်ငံကို စွန့်ခွာသွားတဲ့သူတွေက မြန်မာနိုင်ငံကို ပြန်ဝင်ချင်ရင် ပြန်ပြီးလျှောက်ထားဖို့လိုမယ်။ တကယ်လို့ နိုင်ငံသားအဖြစ်ကနေ စွန့်လွှတ်လိုက်ရင်လည်း နိုင်ငံသားပြန်လျှောက်ထားဖို့လိုတယ်။ အဲဒါကို ဘယ်လိုအခွင့်အရေး ပေးမယ်ဆိုတာကတော့ သီးသန့် ဒါက သမ္မတရုံးကနေ ညွှန်ကြားချက်တွေထုတ်ပြီး လုပ်လို့ရပါတယ်။ အဲဒါက လွတ်ငြိမ်းချမ်းသာခွင့်နဲ့ မဆိုင်ပါဘူး။ လွတ်ငြိမ်းချမ်းသာခွင့်ဆိုတာ ပြစ်မှုကျူးလွန်တဲ့သူတွေကို လွတ်ငြိမ်းချမ်းသာခွင့် ပေးတာသာဖြစ်ပါတယ်။ နိုင်ငံခြားကို အကြောင်းအမျိုးမျိုးနဲ့ ထွက်ခွာသွားသူတွေက ပြစ်မှုကျူးလွန်သူမဟုတ်တဲ့အတွက် သူတို့ကို လွတ်ငြိမ်းချမ်းသာခွင့်ပေးစရာ မလိုပါဘူး။ သူတို့ကို သီးခြားအမိန့်ညွှန်ကြားချက်တွေထုတ်ပြီး ပြန်ဝင်လာဖို့ အခွင့်အရေးပေးလို့ရပါတယ်။”

အထွေထွေလွတ်ငြိမ်းချမ်းသာခွင့်က အကုန်လုံးကို လွှတ်ပေးတဲ့သဘောလား။ ရှင်းပြပေးပါ။
“အထွေထွေလွတ်ငြိမ်းချမ်းသာခွင့်ဆိုတာက အားလုံးအကျုံးဝင်သွားတယ်။ ဆိုလိုတာက အထွေထွေလို့ ပြောလိုက်တာနဲ့ ကွက်ပြီးလွှတ်တာ မဟုတ်တော့ဘူး။ ပြစ်ဒဏ်ကျခံနေရတဲ့သူ အကုန်ပါသွားမယ်။ ဆိုကြပါစို့ ဥပမာ လူသတ်သမားတို့၊ မုဒိမ်းကောင်တို့၊ ဓားပြမှုကျူးလွန်တဲ့သူတွေ၊ ဒါတွေကျတော့ ကျနော်တို့က မပေးချင်ဘူး။ အဲဒီလိုမပေးချင်ရင် ခုနက က (သမ္မတ၏လွတ်ငြိမ်းခွင့်) နဲ့ ရွေးပြီးပေးရမယ်။ အထွေထွေဆိုလို့ရှိရင် သူက လုံခြုံရေးကိုပါ ထိခိုက်နိုင်တယ်။ အကုန်ပါလာတော့မှာ။ ရာဇ၀တ်ကောင်မျိုးစုံပါလာနိုင်တယ်။ အဲဒါကြောင့် ကာလုံရဲ့ ထောက်ခံချက်လိုတာ။ အထွေထွေဆိုတာ တော်တော်ကြီးကျယ်တယ်။ အမှုတန်းလန်းနဲ့ဆိုတာတွေလည်း ပါနိုင်တယ်။ အထွေထွေဆိုတာကတော့ ကာလုံထောက်ခံချက်လိုတယ်။

“နှစ်သစ်ကူးအခါသမယအကြိုလွတ်နိုင်တာက ကျနော့်အထင်ပြောရရင်တော့ ကျောင်းသားတွေ၊ ၀န်းရံသူတွေ ဖြစ်ပါလိမ့်မယ်။ ဘယ်သူ့ပစ္စည်းကိုမှ မထိပါးဘဲနဲ့ ဘယ်ပုဂ္ဂိုလ်ကိုမှ မထိပါး မစော်ကားဘဲနဲ့ သူတို့ရဲ့ ဆန္ဒထုတ်ဖော်တဲ့ကိစ္စပေါ့ဗျာ၊ အဲဒီ ဆန္ဒထုတ်ဖော်တဲ့ကိစ္စ အကြောင်းကြောင့် အရေးယူခံရတဲ့လူတွေပေါ့ဗျာ။ အဲဒီလူတွေကို လွှတ်ပေးလိမ့်မယ်လို့ထင်ပါတယ်။”

By အေးနိုင်
DVB TV News

အရင်အစိုးရ လက်ထက်က ဖမ်းဆီးခံရပြီးအမှုရင်ဆိုင်နေရသူ ရာနဲ့ ချီ ရှိနေ
နှစ်သစ်ကူး အခါသမယ မှာ နိုင်ငံရေး အကျဉ်းသားတွေ၊ တက်ကြွ လှုပ်ရှားသူ တွေနဲ့၊ နိုင်ငံရေး ကြောင့် အမှု ရင်ဆိုင် နေရသူတွေ လွတ်မြောက်ရေး အတွက်၊ ဖွဲ့စည်းပုံ အခြေခံ ဥပဒေ ပုဒ်မ ၂၀၄ (က) နဲ့ ပြစ်မှုဆိုင်ရာ ကျင့်ထုံး ဥပဒေ ပုဒ်မ ၄၉၄ တို့မှာ ပြဌာန်း ချက်တွေကို သုံးပြီး ဆောင်ရွက် မယ်လို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကကြေညာချက် ထုတ်ပြန် လိုက်ပါတယ်။

အခြေခံ ဥပဒေပုဒ်မ ၂၀၄ (က) အရ၊ သမ္မတ အမိန့်နဲ့ ပြစ်ဒဏ်က လွတ်ငြိမ်းခွင့် ပေးနိုင်တယ်လို့ အဲဒီ ကြေညာချက်မှာ ဖော်ပြ ထားပါတယ်။

သမ္မတ ဦးသိန်းစိန် လက်ထက် ၂၀၁၃ ခုနှစ်၊ ဒီဇင်ဘာ လတုန်းက လည်း အခြေခံဥပဒေ ပုဒ်မ ၂၀၄ (က) အရ၊ နိုင်ငံတော် ကာကွယ်ရေးနဲ့ လုံခြုံရေး ကောင်စီ ရဲ့ သဘော တူညီချက် ရယူ စရာမလိုဘဲ အကျဉ်းသားတွေ လွတ်ငြိမ်း ချမ်းသာခွင့် ပေးခဲ့တာ ရှိတယ်လို့ တရားလွှတ်တော် ရှေ့နေ ဦးသိန်းသန်းဦး က ပြောပါတယ်။

AAPP နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (မြန်မာနိုင်ငံ) အဖွဲ့ရဲ့ စာရင်းအရ နိုင်ငံရေး အမှုနဲ့ လက်ရှိထောင် ကျနေ တဲ့ အကျဉ်းသား ၁၂၁ ဦး၊ အဖမ်းခံ ထားရပြီး အမှု ရင်ဆိုင် နေရတဲ့ အကျဉ်းသား ၁၁၆ ဦးနဲ့ အာမခံ ရထားပြီး အမှု ရင်ဆိုင် နေရသူ ၂၉၈ ဦး ရှိတယ်လို့ ဆိုပါတယ်။

သာယာဝတီ ထောင်မှာ အဖမ်းခံ ထားရပြီး ရန်ကုန်မြို့၊ လှိုင်မြို့နယ် တရားရုံးမှာ ဒီကနေ့ ရုံးထုတ် ခဲ့တဲ့ ကျောင်းသား ခေါင်းဆောင် ကိုနန္ဒာ စစ်အောင်က ဒီကြေညာချက်ဟာ ဒေါ်အောင်ဆန်းစုကြည် ရဲ့ အကျဉ်းသားတွေ လွှတ်ဖို့ သဘောထား ခိုင်မာမှုကို ပြသကြောင်းနဲ့ နိုင်ငံတော်ကာကွယ်ရေး နဲ့ လုံခြုံရေးကောင်စီ နဲ့ တစုံတရာ တင်းမာမှုရှိနေ နိုင်တယ်လို့လည်း ထင်မြင်ကြောင်း ပြောပါတယ်။

သူနဲ့အတူ ရုံးထုတ်မှာ ပါခဲ့တဲ့မဖြိုးဖြိုးအောင် ကလည်း အစိုးရသစ် မတက်ခင် ကာလကမှာ အမှုတွေ သုံးလေးဆယ် ကနေ ၈၀ လောက်အထိ တိုးမြှင့် တရားစွဲဆို ထားတာ တွေကို ကြည့်ရင်၊ သူတို့လို နိုင်ငံရေး လှုပ်ရှား သူတွေကို အလွယ်တကူ ပြန်လွှတ်လို့ မရအောင် တမင်လုပ်ခဲ့တာ လို့ ယူဆစရာ ရှိကြောင်းပြောပါတယ်။

နိုင်ငံရေးကြောင့် လူတွေ အဖမ်းခံ ရတဲ့ အခါ သူတို့ အတွက် လိုက်ပြီး ကူညီ ပံ့ပိုးပေးရတဲ့ မိသားစု တွေလည်း ဒုက္ခရောက်ကြရ တယ်လို့ မဖြိုးဖြိုးအောင်ရဲ့ဖခင် ဦးနေ၀င်းက ပြောပြခဲ့ပါတယ်။

BBC Burmese
http://www.bbc.com/burmese

တရုတ်နိုင်ငံခြားရေးဝန်ကြီး နဲ့ မြန်မာနိုင်ငံခြားရေးဝန်ကြီး တွေ့ဆုံ။ (ဧပြီ ၅၊ ၂၀၁၆)
အမျိုးသားဒီမိုကရေစီအဖွဲ့ချုပ် (NLD) ပါတီက ဦးဆောင်တဲ့ အစိုးရသစ် အနေနဲ့ ဒေသတွင်းက သြဇာကြီးမားတဲ့ တရုတ်နိုင်ငံနဲ့ ဆက်ဆံရေးမှာ စိန်ခေါ်မှုတွေ ရှိလိမ့်မယ်လို့ အကဲခတ်တွေက သုံးသပ်နေကြပါတယ်။ အစိုးရသစ်နဲ့တွေ့ဖို့ ထိပ်ဆုံးက ရောက်လာတဲ့ တရုတ်နိုင်ငံကတော့ မြန်မာနိုင်ငံနဲ့ ဆက်ဆံရေးတွေ ဆက်လက်တိုးမြှင့်သွားဖို့ ကတိပြု ပြောကြားထားတာပါ။ တရုတ်-မြန်မာ ဆက်ဆံရေး ရှေ့အလားအလာတွေနဲ့ ပတ်သက်လို့ ဗွီအိုအေသတင်းထောက် Joyce Huang ရဲ့ သတင်းဆောင်းပါးကို အခြေခံပြီး ကိုအောင်လွင်ဦး က ပြောပြပေးမှာဖြစ်ပါတယ်။

မြန်မာစစ်အစိုးရ အဆက်ဆက် လက်ထက်မှာ နိုင်ငံရေး၊ စီးပွားရေးအရ သြဇာညောင်းတယ်လို့ အများကမြင်ကြတဲ့ တရုတ်နိုင်ငံက NLD အစိုးရသစ်နဲ့ ဦးဦးဖျားဖျား လာရောက်တွေ့ဆုံပြီး၊ ၂ နိုင်ငံ ဆက်ဆံရေးတွေ တိုးမြှင့်ဖို့ ပြောဆိုခဲ့တာပါ။ သမိုင်းစာမျက်နှာသစ် ဖွင့်လှစ်လိုက်တဲ့ မြန်မာနိုင်ငံနဲ့ နီးနီးကပ်ကပ် ဆက်လက်ဆက်ဆံသွားဖို့ အိမ်နီးချင်းကောင်းအဖြစ် ရပ်တည်သွား ဖို့၊ နိုင်ငံတကာ အသိုင်းအ၀ိုင်းကို သတင်းစကား ပါးနိုင်အောင် ရောက်လာတာလို့လည်း မြန်မာနိုင်ငံကို ၂ ရက်ကြာခရီး ရောက်လာတဲ့ တရုတ်နိုင်ငံခြားရေးဝန်ကြီး Wang Yi က ပြောဆိုခဲ့တာပါ။

တရုတ်နိုင်ငံခြားရေးဝန်ကြီးနဲ့ ပူးတွဲပြုလုပ်တဲ့ သတင်းစာရှင်းလင်းပွဲ အတွင်း မြန်မာနိုင်ငံခြားရေးဝန်ကြီး တာဝန်နဲ့ ဒေါ်အောင်ဆန်းစုကြည် က ပြောဆိုရာမှာတော့ အိမ်နီးချင်းအဖြစ် တရုတ်နိုင်ငံနဲ့ ဆက်ဆံရေးဟာ အရေးကြီးကြောင်း အလေးထား ပြောကြား သွားပေမဲ့ မြန်မာ အစိုးရသစ်ရဲ့ နိုင်ငံခြားရေး မူဝါဒဟာ တကမ္ဘာလုံးနဲ့ ခင်မင်ရင်းနှီးစွာ ဆက်ဆံမှာ ဖြစ်တဲ့အကြောင်း ပြောဆိုခဲ့တာ ဖြစ်ပါတယ်။

မကာအိုတက္ကသိုလ် နိုင်ငံတကာဆက်ဆံရေးဌာန တွဲဖက်ပါမောက္ခ Jonathan Chow ကတော့ အနောက်နိုင်ငံတွေနဲ့ ပိုမိုရင်းနှီးမှုရှိတဲ့ NLD အနေနဲ့ အစိုးရသစ် ဖြစ်လာချိန်မှာ ကြားနေတဲ့ သံတမန်ဆက်ဆံမှုရေးမူကို ကျင့်သုံးမယ့်အလားအလာ ပိုများတယ်လို့ မြင်ပါတယ်။

“မြန်မာနိုင်ငံအနေနဲ့ အစဉ်အလာ ရပ်တည်ချက်အတိုင်း ဘက်မလိုက်မူဝါဒ ကျင့်သုံးတာတွေ့ရလိမ့်မယ်လို့ ယူဆပါတယ်။ ဒီအတွက်လည်း ၁၉၉၇ ခုနှစ်ကတည်းက အရှေ့တောင်အာရှနိုင်ငံများအသင်း (Asean) အဖွဲ့ဝင်အဖြစ် ဆက်လက် တွေ့မြင်ရလိမ့်မယ်လို့လည်း ထင်ပါတယ်။”

တရုတ်-မြန်မာ ဆက်ဆံရေး တိုးတက်မှုရစေဖို့ ၂ နိုင်ငံ ထိပ်တန်း သံတမန်တွေ ပြောဆိုခဲ့ကြပေမဲ့လည်း မြန်မာနိုင်ငံတွင်းက တရုတ်နိုင်ငံရဲ့ စီးပွားရေး လုပ်ငန်းတွေကြောင့် ဆက်ဆံရေးမှာ အဖုအထစ် ဖြစ်စရာတွေလည်း ရှိနေတာပါ။ ကချင်ပြည်နယ် မြစ်ဆုံဒေသမှာ တရုတ်နိုင်ငံက ရေကာတာတွေ ဆောက်လုပ်မယ့် အစီအစဉ်၊ စစ်ကိုင်းတိုင်း မုံရွာခရိုင် လက်ပံတောင်းတောင် ကြေးနီစီမံကိန်း အစရှိတဲ့ လုပ်ငန်းတွေမှာ ဆန့်ကျင်ကန့်ကွက်မှုတွေနဲ့ ကြုံနေရတာ ဖြစ်ပါတယ်။

ဒါပေမဲ့လည်း မြန်မာနိုင်ငံမှာ ရင်းနှီးမြှုပ်နှံမှုနဲ့ ကုန်သွယ်မှုတွေမှာ အများဆုံးဖြစ်နေတဲ့ တရုတ်နိုင်ငံနဲ့ ဆက်ဆံရေးဟာ အပြန်အလှန် လိုအပ်ချက်တခု ဖြစ်တယ်လို့လည်း ပါမောက္ခ Chow ကပြောပါတယ်။

“မြန်မာနိုင်ငံအနေနဲ့ တရုတ်နိုင်ငံရဲ့ ရင်းနှီးမြှုပ်နှံမှုတွေနဲ့ ကုန်သွယ်မှုတွေ လိုအပ်ပါတယ်။ တရုတ်နိုင်ငံ အနေနဲ့လည်း မြန်မာနိုင်ငံက သဘာဝ အရင်းအမြစ်တွေ ရနိုင်ဖို့နဲ့ အိန္ဒိယသမုဒ္ဒရာကို ထွက်ပေါက်ရဖို့ လိုပါတယ်။”

တရုတ်နိုင်ငံခြားရေးဝန်ကြီးရဲ့ မြန်မာနိုင်ငံခရီးစဉ် အတွင်းမှာတော့ မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့လည်း တွေ့ဆုံပြီး ၂ နိုင်ငံ နယ်စပ်ဒေသတွေ တည်ငြိမ်အေးချမ်းရေး ဆွေးနွေးခဲ့ကြတာပါ။ မြန်မာနိုင်ငံတွင်းက လက်နက်ကိုင် အဖွဲ့အစည်း တချို့ဟာ တရုတ်နိုင်ငံနဲ့ နီးစပ်မှု ရှိနေတာဟာလည်း မိုင်ပေါင်း ၁၃၀၀ ကျော် နယ်စပ်ချင်းထိစပ်နေတဲ့ ၂ နိုင်ငံကြား အရေးကြီးတဲ့ ကိစ္စအဖြစ် ရှိနေဆဲပဲလို့လည်း တရုတ်နိုင်ငံ Chi Nan အမျိုးသား တက္ကသိုလ် အရှေ့တောင်အာရှ လေ့လာရေးဌာန တွဲဖက်ပါမောက္ခ Chao Chung-chi က ယူဆပါတယ်။

“၀တပ်ဖွဲ့ဟာ တရုတ်နဲ့ နီးစပ်မှုရှိတဲ့ မြန်မာနိုင်ငံထဲက အကြီးဆုံး လက်နက်ကိုင်အဖွဲ့ဖြစ်တယ်ဆိုတဲ့ အချက်ကိုတော့ ဒေါ်အောင်ဆန်းစုကြည် အနေနဲ့ လျစ်လျူရှုထားလို့ မဖြစ်နိုင်ပါဘူး။ ဒါကြောင့်လည်း တရုတ်နိုင်ငံရဲ့ သြဇာအရှိန်အ၀ါကို ထ်ိန်းချုပ်ဖို့ အနောက်နိုင်ငံတွေက ဒေါ်အောင်ဆန်းစုကြည်ကို အသုံးချမယ် ဆိုရင်တောင်၊ သူ့အနေနဲ့ ၂ ခါပြန် စဉ်းစားရပါလိမ့်မယ်။”

တချိန်တုန်းက စစ်အစိုးရတွေရဲ့ ဖိနှိပ်မှုခံရချိန်မှာ အနောက်နိုင်ငံတွေရဲ့ အားပေးထောက်ခံမှုတွေ ရခဲ့တဲ့ NLD အနေနဲ့ အစိုးရသစ်ကို ဦးဆောင်တဲ့ အချိန်မှာ အနောက်နိုင်ငံတွေနဲ့ ရင်းနှီးမှုတွေ ပိုမိုအားကောင်းလာနိုင်တယ်လို့ တွက်ဆမှုတွေလည်း ရှိပါတယ်။ အမေရိကန်သမ္မတ ဘရက်ခ် အိုဘားမား ကလည်း ဗုဒ္ဓဟူးနေ့က မြန်မာသမ္မတ ဦးထင်ကျော်နဲ့ ဒေါ်အောင်ဆန်းစုကြည်ကို တယ်လီဖုန်းဆက်ပြီး ချီးကျုးဂုဏ်ပြုစကား ပြောကြားခဲ့သလို၊ မြန်မာနိုင်ငံ ဒီမိုကရေစီရေးအတွက် ဆက်လက်ပံ့ပိုးကူညီဖို့လည်း ကတိပြုခဲ့တာပါ။

တရုတ်နိုင်ငံ ယူနန်ပြည်နယ် ရဲတပ်ဖွဲ့ ကောလိပ်ကျောင်းက နိုင်ငံရေးသိပ္ပံပညာဌာန ပါမောက္ခ Liang Jinyun ကတော့ မြန်မာနိုင်ငံအနေနဲ့ အနောက်နိုင်ငံတွေနဲ့ တရုတ်နိုင်ငံတို့က အားသာချက်တွေကို အသုံးချနိုင်တဲ့ အခွင့်အလန်းတွေ ရှိနေတယ်လို့ သုံးသပ်ပါတယ်။

“မြန်မာနိုင်ငံ ဒီမိုကရေစီ တည်ဆောက်ရေးအတွက် အနောက်နိုင်ငံတွေက ကြီးမားတဲ့ အခန်းကဏ္ဍက ပါဝင်နိုင်သလို၊ တရုတ်နိုင်ငံ အနေနဲ့ကတော့ စီးပွားရေးကဏ္ဍမှာ အကျိုးအမြတ်တွေ ခံစားနိုင်အောင် ဆောင်ကျဉ်းရာမှာ အရေးကြီးပါတယ်။”

မြန်မာနိုင်ငံကို သွားရောက်ခဲ့တဲ့ တရုတ်နိုင်ငံခြားရေးဝန်ကြီးကတော့ လတ်တလော တရုတ်နိုင်ငံရဲ့ ကုန်သွယ်မှုဟာ မြန်မာနိုင်ငံရဲ့ ပြည်ပကုန်သွယ်မှု စုစုပေါင်းရဲ့ ၄၀ ရာခိုင်နှုန်း ရှိနေသလို၊ ပြည်ပရင်းနှီးမြှုပ်နှံမှုတွေရဲ့ ၅၀ ရာခိုင်နှုန်းလောက် ရှိတဲ့အကြောင်း ပြောဆိုခဲ့တာပါ။ ဒါဟာဆိုရင် ၂ နိုင်ငံ စီးပွားရေး ဆက်ဆံမှုတွေနဲ့ ပူးပေါင်းဆောင်ရွက်မှုတွေကနေ အပြန်အလှန် အကျိုးကျေးဇူး ခံစားရမယ့် အလားအလာကောင်းတွေ ရှိနေတယ် ဆိုတာပြသရာ ရောက်နေတယ်လို့ ပြောဆိုခဲ့ သလို၊ စီးပွားရေး လုပ်ငန်းတွေမှာ ကြုံရတတ်တဲ့ ပြဿနာတွေကိုလည်း ပူးပေါင်းဖြေရှင်းနိုင်လိမ့်မယ်လို့ ယုံကြည်တဲ့အကြောင်း ပြောဆိုထားပါတယ်။

ကိုအောင်လွင်ဦး / ဗွီအိုအေ (မြန်မာပိုင်း)
http://burmese.voanews.com

တရုတ်နိုင်ငံခြားရေး ဝန်ကြီးက သမ္မတ ဦးထင်ကျော်နဲ့ တွေ့ဆုံ
မြန်မာနိုင်ငံ အမျိုးသား ပြန်လည်သင့်မြတ်ရေးမှာ တရုတ်နိုင်ငံက ကြားဝင် ဆောင်ရွက်ပေးဖို့ ဆန္ဒရှိ တယ်လို့ သမ္မတ ဦးထင်ကျော်နဲ့ တွေ့ဆုံရာမှာ တရုတ် နိုင်ငံခြားရေး ဝန်ကြီးက ပြောခဲ့ပါတယ်။

တရုတ် မြန်မာ နှစ်နိုင်ငံ နယ်စပ်ဒေသ တွေကို အခြေပြု လှုပ်ရှားနေတဲ့ တိုင်းရင်းသားလက်နက်ကိုင်တွေ အပေါ်မှာ တရုတ် နိုင်ငံက သြဇာရှိပြီး နှစ်ပေါင်း ၂၀ နီးပါး မြန်မာနိုင်ငံကို အုပ်ချုပ်ခဲ့တဲ့ တပ်မတော် အစိုးရကိုလည်း ကျောထောက် နောက်ခံ ပြုပေးခဲ့တာ ဖြစ်တယ်လို့ တရုတ်မြန်မာအရေး လေ့လာသူတွေက ပြောကြပါတယ်။

တရုတ် နိုင်ငံခြားရေး ဝန်ကြီးပြောဆိုတဲ့ မြန်မာနိုင်ငံရဲ့ အမျိုးသားပြန်လည် သင့်မြတ်ရေးနဲ့ ပတ်သက်လို့တော့ အဓိပ္ပါယ် အမျိုးမျိုး ဖွင့်ဆိုနေကြပါတယ်။

သူဆိုလိုတာက တပ်မတော်နဲ့ တိုင်းရင်းသားလက်နက်ကိုင် အဖွဲ့တွေကြားလို့ ယူဆသူတွေ ရှိသလို NLD နဲ့ တပ်မတော်ကြား ပြန်လည်သင့်မြတ်ရေး လို့လည်း ယူဆသူတွေ ရှိပါတယ်။

သမ္မတရုံးဝန်ကြီးဌာန ပြောရေးဆိုခွင့် ရှိသူ ဦးဇော်ဌေးကတော့ ဒေါ်အောင်ဆန်း စုကြည်က သင်္ကြန်အပြီးလောက်မှာ ငြိမ်းချမ်းရေးနဲ့ ပတ်သက်လို့ အဖွဲ့ တစ်ခု ဖွဲ့စည်းဖို့ ရှိပြီး အဲဒီ အခါ သူ့ရဲ့ မူဝါဒတွေ မဟာဗျူဟာတွေကို သိနိုင်ပါလိမ့်မယ်လို့ ပြောပါတယ်။

တရုတ်မြန်မာနယ်စပ်မှာ အခြေပြု လှုပ်ရှားနေတဲ့ တိုင်းရင်းသားလက်နက်ကိုင်တွေဟာ စီးပွားရေး အရ တရုတ်နိုင်ငံအပေါ် မှီခိုနေရသလို တိုင်းရင်းသား လက်နက်ကိုင် ခေါင်းဆောင် တွေရဲ့ပိုင်ဆိုင်မှုတွေ ဟာလည်းတရုတ်နိုင်ငံထဲမှာ ရှိနေတဲ့အတွက် တရုတ်အစိုးရ အနေနဲ့ငြိမ်းချမ်းရေးလုပ်ငန်းစဉ်မှာ ပါဝင် ပတ်သက်တာဟာ သဘာဝ ကျတယ်လို့ ယူဆသူတွေလည်း ရှိနေပါတယ်။

ဒါကြောင့် အထူးသဖြင့် ရှမ်းပြည်နယ်နဲ့ ကချင်ပြည်နယ်အခြေစိုက် တိုင်းရင်းသား လက်နက်ကိုင်တွေနဲ ပတ်သက်တဲ့ ငြိမ်းချမ်းရေးလုပ်ငန်းစဉ်မှာ တရုတ်အစိုးရ အနေနဲ့ပါဝင် လာနိုင်တယ်လို့ တချို့က သုံးသပ်နေပါတယ်။

BBC Burmese
http://www.bbc.com/burmese


 ရှမ်းပြည်နယ် အရှေ့မြောက်ပိုင်း တာမိုးညဲဒေသရှိ မုန်းဝန်း လူမျိုးများအား နိုင်ငံသား စိစစ်ရေးကတ် အသစ်များတွင် မုန်းဝန်း (ဗမာ)ဟု သတ်မှတ်ထုတ်ပေးရန် ၀န်ကြီးဌာနက ညွှန်ကြားထားသော်လည်း လက်တွေ့ အကောင်အထည်ဖော်ခြင်း မရှိသေးဘဲ ထိုအမည်သစ်ဖြင့် ကတ်သစ်ထုတ်ပေးခြင်းလည်း မရှိသေးကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန (လ၀က) မှ အရာရှိကြီးတစ်ဦးက ပြောကြားသည်။

“ဒီညွှန်ကြားချက်နဲ့ ပတ်သက်ပြီး အထင်မှားနေတာပါ။ သူတို့ (မုန်းဝန်း)ကို တိုင်းရင်းသား စာရင်းမှာ ဒီအတိုင်း အသစ်ထည့်သွင်းလို့ မရပါဘူး။ ပြည်ထောင်စု လွှတ်တော် ကပဲ ဆောင်ရွက်နိုင်တာပါ။ ဒါက ဘင်္ဂါလီပြသ၁နာလိုပါပဲ။ လွှတ်တော်ရဲ့ ခွင့်ပြုချက်မရဘဲ ၀န်ကြီးဌာနက ဆောင်ရွက်မှာကို စိုးရိမ်ဖို့မလိုပါဘူး” ဟု အဆိုပါ အရာရှိကြီးက ပြောကြားခဲ့သည်။

တာမိုးညဲဒေသတွင် နေထိုင်သူတို့က ယင်းတို့အား တရားဝင် စာရွက်စာတမ်းများတွင် ထိုသို့ သတ်မှတ်ပေးရန်အတွက် ထိုစဉ်က လ၀က၀န်ကြီးဦးခင်ရီထံ ၂၀၁၄ က တောင်းဆိုခဲ့သည်ဟု ထိုအရာရှိကပြောကြားသည်။ လက်ရှိတွင် လ၀က၏ ခန့်မှန်းချက်အရ တာမိုးညဲဒေသတွင် မုန်းဝန်းလူမျိုး ခြောက်သောင်းခန့် နေထိုင်လျက် ရှိသည်ဟု ဆိုသည်။ ယင်းတို့က မိမိကိုယ်ကိုယ် တရုတ်လူမျိုးဟု ပြောကြားလေ့ရှိပြီး ဗမာ စကားမတတ်သူ အများအပြားရှိသော်လည်း အဘယ်ကြောင့် မုန်းဝန်း(ဗမာ) ဟု သတ်မှတ်ရန် ညွှန်ကြားသည်ကို ရှင်းရှင်းလင်းလင်း မသိရသေးပေ။

ထိုညွှန်ကြားချက်ကို လူထုအများစုက ဆန့်ကျင်ကြောင်း သိရှိသတိပြုမိသည်ဟု ရှမ်းပြည်နယ် ၀န်ကြီးချုပ်သစ် NLD မှ ဦးလင်းထွဋ်က မီဒီယာများသို့ ပြောကြားခဲ့သည်။

၁၉၈၃ သန်းခေါင်စာရင်းအရ တိုင်းရင်းသား လူမျိုး ၁၃၅ မျိုးမှာ ‘မုန်းဝန်း’ အမည် ပါဝင်ခြင်း မရှိ။ ဧည့်နိုင်ငံသား လူမျိုးစု အဖြစ်ပင် ဖော်ပြထားခြင်း မရှိကြောင်းသိရသည်။ ၂၀၁၄ ခုနှစ် သန်းခေါင်စာရင်း ကောက်ယူချိန်တွင် မုန်းဝန်းကို တိုင်းရင်းသား မျိုးနွယ် မဟုတ်သူတွေ ဖြည့်စွက်ရတဲ့ နံပါတ် ၉၁၄ မှာ ရေးသွင်းခဲ့ကြောင်း သိရသည်။ တိုင်းရင်းသား လူမျိုးများတွင် ဗမာ လူမျိုးစု ၉မျိုးထဲတွင် မပါဝင်သကဲ့သို့ ရှမ်းတိုင်းရင်းသား မျိုးနွယ်စု ၃၃ မျိုးထဲမှာ မုန်းဝန်း၊ မုန်းဝန်းဗမာ စသည့်ဖြင့် ပါဝင်ခြင်းမရှိကြောင်းသိရသည်။

“သူတို့က ဗမာမဟုတ်တဲ့အတွက် အများစုက သူတို့လူမျိုးအမည်ကို မုန်းဝန်း(ဗမာ) ကို ပြောင်းမှာကို နှစ်သက်မှုမရှိဘူးလို့ ကြားပါတယ်” ဟု ရှမ်းပြည်နယ်ဝန်ကြီးချုပ်သစ် ဦးလင်းထွဋ်က ဆိုသည်။

မုန်းဝန်းလူမျိုးစုနှင့် ယခင် စစ်အစိုးရ၏ ပတ်သက်မှုမှာ ဗိုလ်ချုပ်မှူးကြီးဟောင်း ဦးသန်းရွှေ ရှမ်းပြည်နယ်တွင် တာဝန်ကျနေစဉ် ကွန်မြူနစ်များ၏ ထိုးစစ်ကို တွန်းလှန်ရာ၌ ဦးမြင့်လွင် ဦးဆောင်သည့် တရုတ်များက တပ်မတော်ကို ကူညီခဲ့သည်ဟုဆိုသည်။ လူမျိုးစု အမည်အား မုန်းဝန်း(ဗမာ) ဟု ပြောင်းလဲရန် လက်ရှိ မုန်းဝန်းပြည်သူ့စစ် ခေါင်းဆောင် ဦးမြင့်လွင်က ဦးသန်းရွှေထံ တောင်းဆိုခဲ့ခြင်းဖြစ်သည်ဟု ဆိုသည်။ ဗိုလ်ချုပ်မှူးကြီးဟောင်းက တာမိုးညဲဒေသမှ မုန်းဝန်းလူမျိုးစုအား ဗမာအဖြစ် သတ်မှတ်ပေးမည်ဟု ၁၉၉၈ တွင် ရှမ်းပြည်နယ်ခရီးစဉ်တစ်ခု၌ ပြောကြားခဲ့သည်ဟု ဆိုသည်။

ဦးမြင့်လွင် (ခေါ်) ၀မ်ကောင်းတာ့ သည် ကိုးကန့်နွယ်ဖွား တရုတ်လူမျိုးများ ဖြစ်ပြီး ၂၀၁၀ နှင့်၂၀၁၅ ရွေးကောက်ပွဲများတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ မှ ၀င်ရောက်ယှဉ်ပြိုင် အနိုင်ရထားသည့် ပြည်နယ်လွှတ်တော် ကိုယ်စားလှယ် ဖြစ်သည်။ ၄င်းသည် နယ်သာလန်အခြေစိုက် Transnational Institute - TNI ၏ ၂၀၁၂ ခုနှစ် အစီရင်ခံစာတွင် မူးယစ်ဆေးဝါး ထုတ်လုပ်ရေးနဲ့ ကုန်သွယ်မှုမှာ ပါဝင် ပတ်သက်နေသူ တစ်ဦးအဖြစ် ဖော်ပြခံထားပြီး တာမိုးညဲချမ်းသာကုမ္ပဏီ၏ ဥက္ကဋ္ဌလည်း ဖြစ်သည်။

KHtun
The Ladies News
https://www.facebook.com/News.TheLadies/


ရှာပုံတော်မင်းသားကြီး ××× မဏ္ဍပ်တကာရောက်ခဲ့ပြီ ××× ဘယ်အရပ်မှာ ဘာတွေပေါသလဲတို့ကအတပ်သိသည် ××× မဏ္ဍပ်အချို့က ကလပ်ပမာ××× ခွင်တွေစုံလွန်းလှပါသည်××× သိခဲ့လို့ ရင်ထဲမချိပါသည် × × × ဝင်ကြေးကြီးသလောက် လိုတာရတာ ××× သိခဲ့ပါပြီ ××× ယမကာဆို တကယ်အမျိုးမျိုး ××× ဟိုတယ် လိုအိပ်ခန်းမျိုး ××× တောင်း တသမျှ စိတ်ကြိုက်ရ ××× လွတ် လပ်လှပါသည် ××× စိတ်ထဲရှိ သလောက် ကဲဖို့လွယ်လှသည်×××

အင်း ... တကယ်တော့ သင်္ကြန်ဆိုတာ အကူးအပြောင်း တစ်ခု အေးချမ်းသာယာစွာ ဖြတ် သန်းနိုင်ဖို့ နှစ်ဟောင်းက အပြစ် တွေကို ဆေးကြောသန့်စင်ရင်း နှစ်သစ်ကို ပျော်ရွှင်စွာ အေးချမ်း စွာ ကြိုဆိုခြင်းသာဖြစ်ပါ၏။ ယခု နှစ် သင်္ကြန်ကတော့ နှစ်သစ်ကို ကြိုဆိုသလို ရာစုဝက်စောင့်စား မျှော်လင့်ခဲ့ရသည့် ခေတ်သစ်ကို လည်း ကြိုဆိုပိုင်ဆိုင်ခဲ့ရသမို့ အဓိပ္ပာယ်နှစ်ဆ လေးနက်လှ၏။ နှစ်သစ်ကို ကူးပြောင်းသလို ခေတ်သစ်ကိုလည်း ပြောင်းချိန်မို့ မင်္ဂလာရှိလှပါ၏။ ခေတ်အဆက် ဆက်မှာတော့ အမှောင်ညတွေ ဖြတ်သန်းခဲ့ရသမို့ လူငယ်အများစု အတွက် သင်္ကြန်ဆိုတာ ပေါက်ကွဲစရာနေ့ရက်များ ဖြစ်ခဲ့ရ၏။ မေတ္တာတရားနည်းကြလေတော့ အရက်သောက်ပြီး ပျော်မလား၊ ဘဝအပျက်ခံပျော်မလား၊ အသက်ပေး၍ ပျော်မလားကြိုက်သလိုပျော်၊ နိုင်ငံရေးမတွေးမိရင်ပြီးရောဆိုပြီးလျှိုမြောင်တွေကြား ကြိုးရှည်ရှည်ဖြင့် လွှတ်ထားခဲ့၏။ လူအချို့ စီးပွားတက်ဖို့ လူငယ်အချို့ ဘဝပျက်ကြရ၏။ ခုအချိန်ကတော့ ပြည်သူအားလုံး အလင်းကိုယ်စီ ရှိလာသော အမှောင်ခေတ်မှ ရုန်းထွက်ချိန်ဖြစ်လာခဲ့သမို့ ပေါက်ကွဲမှုတွေ လျှော့ချပြီး ကိုယ့်ဘဝကိုယ် တန်ဖိုးထားရမည့်ကာလဖြစ်လာပြီဖြစ်၏။

ယခု အစိုးရသစ်လက်ထက် တွင် ကျင်းပမည့် သင်္ကြန်ပွဲတော် ၌ စီးပွားဖြစ် လက်မှတ်ရောင်းချ၍ ရေကစားသည့် မဏ္ဍပ်များ ခွင့် မပြုတော့၍ အသံမျိုးစုံ ကြားနေရ ၏။ ထိုမဏ္ဍပ်မျိုးတွင် သိန်းဆယ် ဂဏန်းမျှပေးပြီး လိုတရစီမံပေးမှု များကြောင့် လူငယ်များ ပျက်စီး ကြရသည်လည်း ရှိသလို သင်္ကြန် အပြီးမှာ ခွင်ကြီးမိကြသူတွေလည်း ရှိနိုင်ပါ၏။ စီးပွားဖြစ် သင်္ကြန်မဏ္ဍပ်အတွက် ငွေလှူသလိုလို လာဘ်ထိုးသလိုလို လာရောက် ညှိနှိုင်းကြကြောင်း ရန်ကုန်တိုင်း ဝန်ကြီးချုပ် ဦးဖြိုးမင်းသိန်းကိုယ်တိုင် ပြောတာလေး ဖတ်လိုက်ရ၏။ စစ်မှန်သော သမားတော်သည် လူနာကို အလိုမလိုက်။ လိုအပ်သလို ခွဲစိတ်ရသည်ဆိုသလို ပြောင်းလဲချိန်တန်ပြီဆိုသည့်အထဲ ရိုးရာသင်္ကြန်မြန်မာဆန်ဖို့လိုလာပြီဖြစ်၏။ ငွေဖလားနှင့်သပြေခက်အထိ မလို။

သို့သော် မူးယစ်သောက်စား မှောက်မှားမှုတို့ လျှော့ချရမည့် အချိန် ဖြစ်လာပါ၏။ သုံးနိုင်ဖြုန်း နိုင်သူတွေအတွက် သီးသန့်ဆန် နေသော ပျော်ရွှင်မှုမှ အလွှာမျိုးစုံ ပျော်ရွှင်နိုင်ရန် ခရိုင်အလိုက် ဖြန့် ကြက်တော့မည့် အစီအစဉ်ဖြစ်ပုံ ရ၏။ ဒီကြားထဲ ရေကရှား၊ ရာသီ ဥတုကပူလွန်းသဖြင့် ထိန်းထိန်း သိမ်းသိမ်း ပျော်ကြစေလိုပါ၏။ ညှပ်ကြီးတို့ ပြည်သူအများစုက လည်း ပျော်စရာရှိလျှင် သက်စွန့် ဆံဖျား ပျော်တတ်ကြ၍ဖြစ်ပါ၏။

သတင်းစာတစ်စောင်တွင် ပညာရှင်တစ်ဦး ထောက်ပြထား တာလေး မျှဝေလိုပါ၏။ ရေလွှတ် ချိန် တစ်နေ့နှစ်နာရီ လျှော့သော် လည်း ယခုနှစ်သင်္ကြန် ငါးရက်ဖြစ် နေ၍ ထူးမခြားနားဖြစ်နေသည်ဟု ဆို၏။ သင်္ကြန်ပွဲတစ်နေ့တာ ကစားလိုက်သည့်ရေတွေသည် ရန်ကုန်လူထု၏ တစ်ပတ်စာ သုံး စွဲမှုနှင့်ညီမျှသည်ဟုဆို၏။ လေး ရက်ကစားလိုက်သည့်ရေမှာ ရန် ကုန်မြို့၏ တစ်လစာရေသုံးစွဲမှု နှင့် ညီမျှနေ၍ သတိထားပျော်ပါးစေလိုပါ၏။ ယခုအချိန်မှာ အချို့အရပ်များ၌ ရေရှားနေ၍ ရေလှူနေရ၏။ ရှေ့ဆက်ပိုမိုရေရှားမည် ဖြစ်၍ ပိုမို၍လှူရတော့မည်ဖြစ်၏။ တစ်နေရာတွင် ရေကိုဖြုန်းတီးပစ်နေချိန်၌ အခြားတစ် နေရာတွင် အာခေါင်ခြောက်၍ ရေငတ်နေသူများ ရေကြည်တစ် ပေါက်နှစ်ပေါက်ကို မျှော်လင့်နေကြ၏။ ပျော်ရွှင်လို စိတ်အနည်းငယ်ကို ချွေတာလိုက်ရုံဖြင့် တစ်ဖက်မှာ ရေအလှူဒါနကုသိုလ် မြောက်နိုင်ပါ၏။ စာနာစိတ်ဖြင့် နှစ်သစ်ကို ကြိုစေလိုပါ၏။ ဒီကြားထဲ အရက်ဆိုင်၊ ဘီယာဆိုင်များအရောင်းမြှင့်တင်ရေး ကြော်ငြာများ နေရာအနှံ့ တွေ့နေရ၏။ အရက်ကြောင့် ယာဉ်တိုက်မှုများ၊ ရန်ပွဲများ၊ ဘဝပျက်သွားကြသည့် မိန်းကလေးငယ်များ နေရာအနှံ့ တွေ့ခဲ့ရပြီး၊ ကြုံခံရပြီးဖြစ်၏။ သတိပေးလိုပါ ၏။ သင်္ကြန်နွေဦး မူးဖို့ ရူးဖို့ ×× အကြောင်းရင်းများ ဖန်လာ××× သင်္ကြန်မယ်များ လှစ်ဟပြလို့ ထိန်းရခက်နေတာ ××× အရင်နှစ်တွေထက် တိုးတိုးပြီးတော့ အပြိုင်အဆိုင် ဖော်နေတာ××× မထိန်းရင်တော့ ရှေ့ဆက်ဆိုးဖို့ သေချာနေပြီဗျာ ××× ဖြူနီညိုပြာ ယမကာဆိုရင် ××× ဘာမှမရွေးဘူးလေ ××× ဟောတစ်ငုံ ဟောတစ်ငုံ မော့ လိုက်ကြတော့လေ ××× ပြို လဲရင်လေ တွဲထားလေ ××× ရင်ခွင်ထဲ ပျော်နေ ××× အမှောင်ထဲနွံထဲ နစ်မွန်းပြီပေါ့လေ ×××

အင်း ... ဘာပဲဖြစ်ဖြစ် လွှတ် တော်အသစ်ကြီးကတော့ တက် တက်ကြွကြွနှင့် ယခင်လွှတ်တော် ဟောင်းလို အိပ်ငိုက်တာမျိုး၊ အချဉ်ပေါင်းစားတာမျိုး ယခု အချိန်အထိတော့ မကြားရ၊ မတွေ့ရသေးဟု ဆိုရမည်ဖြစ်၏။ သွက်သွက်လက်လက်ပင် အဆို တင်သွင်းကြ၊ ထောက်ခံကြ၊ ကန့် ကွက်ကြနှင့်။ အချို့ဆို ထိုင်လိုက် ထလိုက်နှင့် အားကစားရုံကြီး အလား ထင်မှတ်ရ၏။ ဘာပဲဖြစ် ဖြစ် အသက်ဝင်လှသဖြင့် ဒီမို ကရေစီသဘော ပီပြင်လာပြီဟု ဆိုရမည်ဖြစ်၏။ မဲခွဲဆုံးဖြတ်ရ သည်မို့ ဒီမိုကရေစီအနိုင်ကျင့်မှုဟု ဆို၍မရဟု ယုံကြည်ပါ၏။ ပြည်သူတွေ ရွေးချယ်ထားသော ပြည်သူ့ကိုယ်စားလှယ်များ ဖြစ်နေ၍ လွှတ်တော်ကိုယ် စားလှယ်များ၏ အဆုံးအဖြတ်သည် ပြည်သူ့အဆုံး အဖြတ်ဟု မြင်ပါ၏။ လွှတ်တော် ကိုယ်စားလှယ်များ၏ အသံသည် ပြည်သူ့အသံဖြစ်ပါ၏။ အလုံးစုံ သော ရည်ရွယ်ချက်သည် ပြည်သူ့အတွက်သာဖြစ်ပါ၏။ Electedဟူသည် Appointed မဟုတ်သောကြောင့် ဖြစ်ပါ၏။

အင်း ... လာဘ်ပေးလာဘ် ယူမှုနှင့်ပတ်သက်၍ တားဆီးနိုင် ရန် အစိုးရသစ်အတွက် လက် ဆောင်ပစ္စည်း လက်ခံခွင့်နှင့် ပတ်သက်၍ တစ်ကြိမ်လျှင် နှစ်သောင်းငါးထောင်ထက် တန်ဖိုး မပိုသော၊ တစ်နှစ်စာအတွက် တစ်သိန်း ထက်မပိုသော၊ အခါကြီးရက်ကြီးများတွင် ဂါရဝပြု ပေးအပ်သော ကျပ်တစ်သိန်းထက်မပိုသော ခြွင်းချက်အဖြစ် လက်ခံခွင့် ပြုလိုက်၏။ သို့ရာတွင် ရာထူးကြောင့် လူပုဂ္ဂိုလ်များ၊ အဖွဲ့ အစည်းများ ပေးအပ်သော လက်ဆောင်များ လက်ခံခြင်းမပြုရဟုပါရှိပါ၏။ အချို့ကား မလိုအပ်ဟု ထင်ကြပါ၏။ ညှပ်ကြီးတို့လို ဖွက်ကလိဒင်္ဂါး စာရေးဆရာများပင် အခမ်းအနားများ၌ လွယ်အိတ်များ၊ ဘောပင်များ၊ ထီးများ လက်ဆောင် ရတတ်သောကြောင့် ဖြစ်ပါ၏။ သတိတော့ထားရမည်ဖြစ်၏။ လူဆိုသည်မှာ တဲအိုပေါ်နေစဉ်တစ်မျိုး တွေး၍ နန်းတော်ပေါ်ရောက်လျှင် တစ် မျိုးတွေးတတ်သည်ဟု အဆိုရှိ၏။

အင်း... ပြည်သူများက လည်း ဘောလုံးပွဲပရိသတ်နှင့် လက်ခုပ်သံတဖြောင်းဖြောင်းနှင့် အားပေးနေကြ၏။ တိုင်းပြည် အခင်းအကျင်းက အခုမှသွေးပူ လေ့ကျင့်ခန်းလုပ်တုန်း၊ နေရာချ တုန်း၊ ရှေ့တန်းလူ နောက်ခံလူနှင့် တိုက်စစ်မှူးတို့၊ အရန်လူတို့ ရွေး ချယ်နေတုန်းဖြစ်ပါ၏။ လူထု ခေါင်းဆောင် နိုင်ငံတော်အတိုင် ပင်ခံ ဒေါ်အောင်ဆန်းစုကြည်၏ အကွက်ချပေးမှုဖြင့် ပြည်သူ့အတွက် တဒိုင်းဒိုင်း ဂိုးသွင်းပေးမှာ မျှော်လင့်ရင်း စောင့်စားရင်း စောင့်ကြည့်ရင်းဖြင့်...။ ။

ဂန္ထ၀င်ညှပ်ကြီး
7Day News Journal

ဘန်ကောက်၊ ဧပြီ၊ ၇ ။ ။ ဂျပန်နိုင်ငံအခြေစိုက် အင်တာနက်အခြေပြုဆက်သွယ်ရေးဝန်ဆောင်မှု Line ၏ စာတိုပို့ရာတွင်သုံးနိုင်သည့် စတစ်ကာများ ထဲမှ ထိုင်းတော်ဝင်မိသားစုကို လှောင်ပြောင်ရာရောက်သည့် စတစ်ကာများနှင့်ပတ်သက်ပြီး ထိုင်းရဲတပ်ဖွဲ့က စုံစမ်း စစ်ဆေးလျှက်ရှိသည်။

ထိုင်းနိုင်ငံတွင် တော်ဝင်မိသားစုများကို သရော်စော်ကားမှုများနှင့် ပတ်သက်ပြီး တင်းတင်းကျပ်ကျပ်တားမြစ်ထားသလို ချိုးဖောက်ပါကလည်း ပြင်းပြင်းထန်ထန်အပြစ်ပေးအရေးယူလေ့ရှိသည်။

'' ဒီစတစ်ကာတွေ ဘယ်ကလာတယ်၊ ဘယ်သူလုပ်တယ်ဆိုတာ ကျွန်တော်တို့ စုံစမ်းနေပါတယ် '' ဟု ထိုင်းရဲတပ်ဖွဲ့၏ နည်းပညာဆိုင်ရာမှုခင်းစုံစမ်းစစ်ဆေးရေးဌာနမှ အကြီးတန်းအရာရှိတစ်ဦးက ပြောကြားသည်။

မြန်မာ နှင့် ထိုင်း အပါအ၀င်အာရှနိုင်ငံများ၏ လူသုံးများသော လူမှုကွန်ယက်ပလက်ဖောင်းတစ်ခုဖြစ်သည့် Line ဘက်မှတာဝန်ရှိသူများကမူ ထိုင်းတော်ဝင်မိသားစုကို လှောင်ပြောင်ထားသည့် ကာတွန်းစတစ်ကာများကို ရောင်းချမှု ပိတ်ပင်လိုက်ပြီး ထိုကိစ္စနှင့်ပတ်သက်၍ တော်ဝင်မိသားစုနှင့် ထိုင်းပြည်သူများကိုလည်း တောင်းပန်ခဲ့သည်။

ထိုင်းဘုရင် ဘူမိဘောသည် လက်ရှိအချိန်တွင် သက်တော် ၈၈ နှစ်ရှိပြီဖြစ်ပြီး ၂၀၁၅ ခုနှစ်၊ မေလကတည်း ဘန်ကောက်မြို့ရှိ ဆေးရုံတစ်ရုံတွင် ဆေးကုသမှုခံယူရလျှက်ရှိကာ သူ၏ကျန်းမာရေးနှင့် ပတ်သက်ပြီး ထိုင်းပြည်သူများက စိုးရိမ်ပူပန်လျှက်ရှိသည်။

သို့ရာတွင် ထိုင်းဘုရင်၏ ကျန်းမာရေးအခြေအနေနှင့်ပတ်သက်ပြီး အာဏာပိုင်များက တင်းတင်းကျပ်ကျပ်ထိန်းချုပ် ထားသည်။

တော်ဝင်မိသားစုကို စော်ကားလှောင်ပြောင်ကြောင်း ထင်ရှားပါက ထောင်ဒဏ် ၁၅ နှစ်အထိပြစ်ဒဏ်ချမှတ်နိုင်သည်ဟု ထိုင်းနိုင်ငံဥပဒေတွင် ပြဌာန်းထားပြီး ယခင်က ပြင်းပြင်းထန်ထန်အရေးယူခဲ့သည့် မှတ်တမ်းများလည်းရှိသည်။

Line သည် ၎င်း၏သုံးစွဲသူများကို ကိုယ်ပိုင်စတစ်ကာများ ဖန်တီးခွင့်၊ရောင်းချခွင့်ပေးထားပြီး သုံးစွဲသူအများအပြားမှာ တစ်ဦးနှင့်တစ်ဦးအပြန်အလှန်စကားပြောရာတွင် စတစ်ကာများကို တွင်တွင်ကျယ်ကျယ်အသုံးပြုလျှက်ရှိသည်။
- Mizzima - News in Burmese

ဝါရှင်တန်၊ဧပြီ၊ ၇ ။ ။ လာမည့်အမေရိကန်ရွေးကောက်ပွဲတွင် ဒီမိုကရက်တစ်ပါတီ၏ သမ္မတလောင်းဖြစ်ခွင့်ရရန်ယှဉ်ပြိုင်နေသည့် နိုင်ငံခြားရေးဝန်ကြီးဟောင်း ဟီလာရီကလင်တန်ကို သူမ၏ အဓိကပြိုင်ဘက်ဘာနီဆန်းဒါးစ်က သမ္မတဖြစ်ရန် အရည်အချင်းမမီသူဟု ဝေဖန်တိုက်ခိုက်လိုက်သည်။

ဟီလာရီကလင်တန်က သူ့ကိုသမ္မတလုပ်ရန်အရည်အချင်းမမီသူဟု ပြောခဲ့သည်ဟု ဘာနီဆန်းဒါးစ်က စွပ်စွဲလိုက်ကာ တကယ်တမ်းတွင် သမ္မတလုပ်ရန်အရည်အချင်းမမီသူမှာ သူမဟုတ်ဘဲ ဟီလာရီကလင်တန်သာဖြစ်သည်ပြု တုံ့ပြန် တိုက်ခိုက်လိုက်ခြင်း ဖြစ်သည်။

ဟီလာရီကလင်တန်သာသူမ၏ နိုင်ငံရေးရန်ပုံငွေရှာဖွေရေးအဖွဲ့ထံမှတဆင့် ဒေါ်လာသန်းနှင့်ချီပြီး ရန်ပုံငွေရယူခဲ့ပါက တကယ်တမ်း သမ္မတလုပ်ရန်အရည်အချင်းမမီသူမှာ သူမသာ ဖြစ်လိမ့်မည်ဟု ဘာနီဆန်းဒါးစ်က ပြောကြားခဲ့သည်။

ဘာနီဆန်းဒါးစ်၏ အဆိုပါပြောကြားချက်နှင့်ပတ်သတ်ပြီး ဟီလာရီကလင်တန်၏ ရွေးကောက်ပွဲအောင်နိုင်ရေးအဖွဲ့ က ချက်ချင်းဆိုသလို ပြန်လည်တုံ့ပြန်ခဲ့သည်။

'' ဟီလာရီကလင်တန်က ဘာနီဆန်းဒါးစ်ဟာ အရည်အချင်းမမီတဲ့သူလို့ မပြောခဲ့ပါဘူး။ အခုတကယ်အဲဒီလို ပြောလိုက်တာက သူပါပဲ '' ဟု ဟီလာရီကလင်တန်၏ ရွေးကောက်ပွဲအောင်နိုင်ရေးအဖွဲ့က တွစ်တာစာမျက်နှာမှတဆင့် တုံ့ပြန်ခဲ့ခြင်း ဖြစ်သည်။

ဘာနီဆန်းဒါးစ်သည် သေသေချာချာမလေ့လာဘဲစွပ်စွဲခဲ့ခြင်းဖြစ်ကြောင်း၊ ဟီလာရီကလင်တန်က အမှန်တကယ်ပြောခဲ့ သည်မှာ ဘာနီဆန်းဒါးစ်အနေနှင့် မဲဆွယ်စည်းရုံးရာတွင် ပြောနေသည့်အရာများကို အမှန်တကယ်လုပ်နိုင်စွမ်း ရှိ၊ မရှိ ဆိုသည်ကို မဲဆန္ဒရှင်များအနေနှင့် စဉ်းစားသုံးသပ်ဟုပြောကြားခဲ့ခြင်းသာဖြစ်ကြောင်း ဟီလာရီကလင်တန်၏ ကိုယ်စားလှယ်များက ပြောကြားသည်။

ဒီမိုကရက်တစ်ပါတီသမ္မတလောင်းမည်သူဖြစ်လာနိုင်သည်ကို မကြာသေးမီက စစ်တမ်းတစ်ရပ်ကောက်ယူခဲ့ရာ ဟီလာရီကလင်တန်က ၅၄ ရာခိုင်နှုန်း ရရှိခဲ့ပြီး ဘာနီဆန်းဒါးစ်က ၄၂ ရာခိုင်နှုန်း ရရှိခဲ့သည်။

ဟီလာရီကလင်နှင့် ဘာနီဆန်းဒါးစ်တို့သည် ဧပြီလ၊ ၁၄ ရက်နေ့၌ နယူးယောက်မြို့တွင် ရင်ဆိုင်ပြီး စကားစစ်ထိုးသွားမည် ဖြစ်သည်။
Mizzima - News in Burmese

ချင်းမုိုင်၊ ဧပြီ ၇ ။ ။ ရှမ်းပြည်နယ်တောင်ပုိုင်း လွိုင်လင်ခရုိုင် ကျေးသီးမြို့နယ်အတွင်း ရှမ်းပြည်တုိုးတက်ရေးပါတီ ရှမ်းပြည်တပ်မတော်(SSPP/SSA)၏ ဝမ်ဟုိုင်း ဌာနချုပ် အနီး မြန်မာ့တပ်မတော်ဘက်မှ စစ်အင်အား တုိုးမြင့်မှုရှိလာသဖြင့် တုိုက်ပွဲ ဖြစ်ပွားမည်ကို စိုးရိမ်နေကြောင်း သိရသည်။

ဧပြီ ၅ ရက်နှင့် ၆ ရက်များတွင် မုိုင်းနောင်နှင့် မုိုင်းရှူးဒေသများသုို့ မြန်မာ့တပ်မတော်၏ တပ်မ ၆၆ မှ စစ်သည်များ တင်ဆောင်လာသော စစ်ကား ၃၁ စီး၊ ယနေ့ ဧပြီ ၇ ရက်တွင် ခုိုလမ်မှ တာလေ ဒေသဘက်တွင် စစ်ကားအစီး ၅၂ စီး ထပ်မံ ဝင်ရောက်လာသဖြင့် စုစုပေါင်း စစ်ကား အစီးပေါင်း ၈၃ စီးထိ SSPP/SSA ဌာနချုပ် ဝမ်ဟုိုင်းအနီးသုို့ ဝင်ရောက်လာခြင်း ဖြစ်သည်ဟု SSPP/SSA ဗဟိုအလုပ်အမှုဆောင်ကော်မတီဝင် ဗုိုလ်မှူးကြီး ပိန်ဖက ပြောသည်။

“အဲဒါက အားလုံးက တပ်မ ၆၆ ကဘဲ။ အင်အားက ၇၀၀ ကျော် ၁၀၀၀ နီးပါးရှိတယ်။ ထုိုးစစ်ဆင်တဲ့လက္ခဏာပါဘဲ။ တပ်မက တပ်အစားထုိုးတာမှ မဟုတ်တာ။ တပ်မက တုိုက်ခုိုက်ရေးဘဲလေ။ ထုိုးစစ်ဆင်တဲ့ ပုံစံဘဲ”ဟု သူက မဇ္စျိမကုို ပြောသည်။

ပြီးခဲ့သည့် သတင်းပတ်က မြေပြင်သတင်းပေးပို့ချက်အရ ဝမ်ဟုိုင်းဌာနချုပ်အား တုိုက်ခုိုက်လာမည့် စစ်ဆင်ရေးတစ်ခုရှိကြောင်း သတင်းရရှိထားသဖြင့် SSPP/SSA အနေဖြင့်လည်း စစ်ရေးပြင်ဆင်မှုများ လုပ်ဆောင်ထားပြီး ဖြစ်ကြောင်း သူက ပြောသည်။

“အစုိုးရသစ်တက်လာတာက အဖွဲ့အစည်းတုိုင်း၊ လူမျိုးစုတုိုင်းက ကြိုဆုိုပါတယ်။ ဆွေးနွေးဖို့လည်း ဆန္ဒရှိပါတယ်။ ဒါပေမဲ့ မြန်မာ့တပ်မတော်က ဒီလုိုလုပ်တယ်ဆုိုတာကတော့ ငြိမ်းချမ်းရေးကုို မလုိုလားတဲ့ ပုံစံတက်ရောက်တယ်”ဟု သူက ပြောသည်။

ကျေးသိး၊ မုိုင်းရှူး၊ မုိုင်းနောင်ဒေသဘက်ကုို အစုိုးရ စစ်ကားများ နေ့စဉ် ဖြတ်သန်းနေသဖြင့် တုိုက်ပွဲ ပြန်လည် ဖြစ်ပွား လာမည်ကုို စုိုးရိမ်ကြောင်း ရှမ်းလူငယ်ကွန်ယက်မှ လွယ်ခမ်းပန်က ပြောသည်။

“တက်တာက အမှန်တကယ် လမ်းမှာတွေ့နေတယ်။ မနေ့က တနေ့က သွားနေဆဲဘဲ။ လမ်းကြောင်းက အများကြီးဘဲ တွေ့ရတာက ပဲခူးတုို့ဘက်က ပြင်ဦးလွင်ဖြတ် နောင်ချိုဖြတ်ပြီးတော့ တက်လာတယ်။ တခါဖြတ်ရင် အစီး ၃၀၊ ၄၀ သွားတယ်။ အစီးရေတော့ မပြောနုိုင်ဘူးဗျ၊ နည်းနည်းစုိုးရိမ်တာတော့ရှိတယ်။ ခါတုိုင်းလည်း တပ်အပြောင်းအရွှေ့ အင်အား တုိုးချဲ့တာတွေ လုပ်တော့ တုိုက်ပွဲဖြစ်တယ်လေ။ အခုလည်း အပြောင်းအရွှေ့လုပ်တာလား ။ မသွားစဖူးသွားနေတာက ထူးခြားမှုတခုပါ”ဟု သူက မဇ္စျိမကုို ပြောသည်။

လက်ရှိ မုိုင်းရှူးမြို့နယ် ဟုိုင်းပါဒုက္ခသည်စခန်းတွင် ဒုက္ခသည်ပေါင်း ၁၀၀၀ ကျော် အစိုးရ စစ်တပ်မှ ဆုတ်ခွာခြင်း မရှိသဖြင့် နေရပ်ရင်းသုို့ ပြန်နုိုင်ခြင်း မရှိသေးဘဲ ယခုကဲ့သုို့ အစုိုးရ စ်စ်တပ်မှ အင်အားတုိုးချဲ့လာသဖြင့် စုိုးရိမ်မှုများ ရှိနေသည်ဟု သူက ပြောသည်။

တစ်နုိုင်ငံလုံး အပစ်အခတ် ရပ်စဲရေးစာချုပ်မှုကြမ်း(NCA) လက်မှတ်ရေးထုိုးခြင်း မရှိခဲ့သဖြင့် SSPP/SSA အား ၂၀၁၅ ခုနှစ် အောက်တုိုဘာလနှင့် နုိုဝင်ဘာလအတွင်း အစုိုးရ စစ်တပ်က ထုိုးစစ်ဆင်တုိုက်ခုိုက်မှုများ ပြင်းပြင်းထန်ထန် ပြုလုပ်ခဲ့သည်။

ယင်းနောက်ပုိုင်း နှစ်ဖက် တုိုက်ပွဲများ ရပ်တန့်ရန်၂၀၁၅ ခုနှစ် နုိုဝင်ဘာလက အစိုးရနှင့် SSPP/SSAတုို့ နှစ်ဖက်တပ်များ ဆုတ်ခွာရန် သဘောတူညီမှု ရရှိထားသော်လည်း အစုိုးရ စစ်တပ်ဘက်မှ နောက်တန်းသုို့ ဆုတ်ခွာခြင်းမဟုတ်ဘဲ ရှေ့တန်းနှင့် မနီးမဝေးတွင်သာ ဆုတ်သွားခြင်း ဖြစ်သည်ဟု သူက ပြောသည်။
Mizzima - News in Burmese


myintswe-welcome-620.jpg
ရန်ကုန်တိုင်းဒေသကြီး မှော်ဘီမြို့က ကြံ့ခိုင်ဖွံ့ဖြိုးရေးပါတီရုံးကို တွေ့ရစဉ်
Photo: Kyaw Zaw Win/RFA

လက်ရှိ နိုင်ငံတော် ဒုတိယသမ္မတ ဦးမြင့်ဆွေကို ထောက်ခံကြိုဆိုကြောင်း ရန်ကုန်တိုင်းဒေသကြီး မှော်ဘီမြို့နယ် ကြံ့ခိုင်ဖွံ့ဖြိုးရေးပါတီဝင်တွေ စုပေါင်းပြီး ဒီကနေ့ စတုဒီသာ ကျွေးမွေးခဲ့ကြပါတယ်။

မှော်ဘီမြို့ ကြံ့ခိုင်ဖွံ့ဖြိုးရေးပါတီရုံးမှာ ပြုလုပ်တာဖြစ်ပြီး ကြံ့ခိုင်ဖွံ့ဖြိုးရေးပါတီ အကြီးအကဲတစ်ယောက်က ဒုသမ္မတဖြစ်တာကို ဝမ်းသာတဲ့အနေနဲ့ ဂုဏ်ပြုပွဲပြုလုပ်တာလို့ မှော်ဘီမြို့နယ် ကြံ့ခိုင်ဖွံ့ဖြိုးရေးပါတီ အတွင်းရေးမှူး ဦးလှဦးက ပြောပါတယ်။

"ကျနော်တို့ မှော်ဘီမြို့နယ် ကြံ့ခိုင်ဖွံ့ဖြိုးရေးပါတီအနေနဲ့ နှစ်စဉ်သင်္ကြန်ကာလမှာ စတုဒီသာကျွေးမွေးပွဲတွေ အမြဲလုပ်ပါတယ်၊ ဒီနေ့မှာဆိုရင်တော့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ဗဟိုအလုပ်မှုဆောင်ဖြစ်တဲ့ ဦးမြင့်ဆွေ ကို ပြည်ထောင်စုသမ္မတ မြန်မာနိုင်ငံတော် ဒုတိယသမ္မတအဖြစ် ရွေးချယ်ခံရတဲ့ ဂုဏ်ပြုပွဲနဲ့ တိုက်ဆိုင်နေတဲ့အတွက် ဒီကနေ့လှူဒါန်းမှုဟာ ကျနော်တို့အတွက်က ပိုပြီးတော့ထိရောက်ပြီးတော့ အားလုံး ဝမ်းမြောက်ဝမ်းသာနဲ့ လှူဒါန်းတဲ့ အလှူပွဲအဖြစ်နဲ့ ဒီကနေ့ဆောင်ရွက်ခြင်းဖြစ်ပါတယ်၊ နိုင်ငံတော်ကို တာဝန် ယူကြမယ့် ပုဂ္ဂိုလ်တွေကတော့ နိုင်ငံတော်ကို အကောင်းဆုံးနဲ့ ပြည်သူတွေ စိတ်ချမ်းသာအောင် ဖန်တီးပေးနိုင် မယ်လို့ ယုံကြည်ပါတယ်"

ဒီနေ့ပြုလုပ်တဲ့ပွဲကို မှော်ဘီမြို့နယ်မှာရှိတဲ့ ကျေးရွာအုပ်စုပေါင်း ၄၃ အုပ်စုထဲက ကြံ့ခိုင်ဖွံ့ဖြိုးရေးပါတီဝင် ၃၀၀ နီးပါးလောက် တက်ရောက်ကြပါတယ်။

ပြီးခဲ့တဲ့သီတင်းပတ်က ရန်ကုန်မြို့ ဗိုလ်စိန်မှန်ကွင်းမှာ ဒုတိယသမ္မတ နှစ်ဦးဖြစ်တဲ့ ဦးမြင့်ဆွေနဲ့ ဦးဟန်နရီ ဗန်ထီးယူ တို့ကို ဖယ်ရှားပေးဖို့ ကန့်ကွက်ဆန္ဒပြခဲ့ကြပါတယ်။
RFA

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်။
နိုင်ငံရေး အကျဉ်းသားတွေ လွတ်မြောက်ရေး ဟာ ပြည်သူလူထု က ရွေးကောက် တင်မြှောက် လိုက်တဲ့ လက်ရှိအစိုးရရဲ့ ဦးစားပေး လုပ်ငန်းတခု ဖြစ်တယ် လို့ ဒေါ်အောင်ဆန်းစုကြည်က ပြောလိုက်ပါတယ်။ ဒါ့အပြင် နိုင်ငံရေး အကျဉ်းသားတွေ အမြန်ဆုံး လွတ်မြောက်နိုင်မယ့် နည်းလမ်းတွေကိုလည်း ကျင့်သုံးသွားမယ်လို့ ပြောလိုက်ပါတယ်။ နိုင်ငံတော်အတိုင်ပင်ခံ ပုဂ္ဂိုလ်ရုံးက ဒီကနေ့ ဧပြီလ ၇ ရက်နေ့မှာ ထုတ်ပြန်လိုက်တဲ့ ပထမဆုံးကြေညာချက်မှာ အခုလို ဖော်ပြ ထားတာဖြစ်ပါတယ်။ ဒီကြေညာချက် အပေါ်မှာ နိုင်ငံရေး အကျဉ်းသားများ ကူညီစောင့်ရှောက်ပေးရေး အသင်း ကလည်း ကြိုဆိုလိုက်ပါတယ်။ အပြည့်အစုံကိုတော့ ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

ပြီးခဲ့တဲ့ရက်ပိုင်းအတွင်းကပဲ လွှတ်တော်ကနေ အတည်ပြုလိုက်တဲ့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ရဲ့ လက်မှတ်နဲ့ ပထမဆုံး ထုတ်ပြန်လိုက်တဲ့ နိုင်ငံတော်အတိုင်ပင်ခံပုဂ္ဂိုလ်ရုံးရဲ့ ကြေညာချက် အမှတ် ၁ / ၂၀၁၆ မှာတော့ နိုင်ငံရေးအကျဉ်းသားတွေ၊ တက်ကြွလှုပ်ရှားသူတွေနဲ့ နိုင်ငံရေးနဲ့ ပတ်သက်ဆက်နွယ်ပြီး အမှုရင်ဆိုင်နေရတဲ့ ကျောင်းသား၊ ကျောင်းသူတွေရဲ့ လွတ်မြောက်ရေးဟာ လက်ရှိအစိုးရရဲ့ ဦးစားပေး လုပ်ငန်းဖြစ်တယ် လို့ ပြောလိုက်ပါတယ်။

နိုင်ငံတော်အတိုင်ပင်ခံထုတ်ပြန်ချက်အပြည့်အစုံ
နိုင်ငံတော်သမ္မတက ပြစ်ဒဏ်ကျခံနေရသူတွေကို လွတ်ငြိမ်းခွင့်ပေးနိုင်တာနဲ့ ပတ်သက်ပြီး NLD အမျိုးသားဒီမိုကရေစီ အဖွဲ့ချုပ်ရဲ့ပြောခွင့်ရပုဂ္ဂိုလ် ရှေ့နေ ဦးဉာဏ်ဝင်းက အခုလို ပြောပါတယ်။

" လွတ်ငြိမ်းချမ်းသာခွင့်က ဖွဲ့စည်းပုံအခြေခံဥပဒေအရ ရတဲ့ လွတ်ငြိမ်းချမ်းသာခွင့်။ နောက် ရာဇဝတ်ကျင့်ထုံး (၄၀၁) အရ ရတဲ့ လွတ်ငြိမ်းချမ်းသာခွင့်။ ဒီနှစ်ခုက ကြိုက်တာကို ကျင့်သုံးပေါ့။ "

နိုင်ငံရေးနဲ့ ပတ်သက်ပြီး ပြစ်ဒဏ်ကျခံနေရသူတွေ နဲ့ အမှုရင်ဆိုင်နေရသူတွေကို သမ္မတက လွတ်ငြိမ်းခွင့်ပေးနိုင်မယ့် ဥပဒေအချက် ၃ ချက်ကို ဒီကြေညာချက် ထဲမှာ ဖော်ပြထားပါတယ်။ ဒီကြေညာချက် မှာ ဖော်ပြထားတဲ့ ပြစ်ဒဏ် လွတ်ငြိမ်းခွင့်ပေးနိုင်တဲ့ ဥပဒေတွေနဲ့ ပတ်သက်ပြီး NLD ပါတီရဲ့ ဥပဒေ အကြံပေး ရှေ့နေ ဦးကိုနီက အခုလို ရှင်းပြပါတယ်။

"အပြစ်ဒဏ်ကျခံထားရပြီးသား တသင်း၊ တဖွဲ့၊ တစုကို လွတ်ငြိမ်းချမ်းသာခွင့်ပေး ချင်ရင် ဖွဲ့စည်းပုံ အခြေခံဥပဒေပုဒ်မ (၂၀၄) ရယ် ပြစ်မှုဆိုင်ရာ ကျင့်ထုံးဥပဒေပုဒ်မ (၄၀၁) ရယ် အဲ့ဒီ့နှစ်ခုနဲ့ သမ္မတက လွှတ်ပေးလို့ရတယ်။ ကာလုံရဲ့ ထောက်ခံချက် မလိုဘူး။ အထွေထွေလွတ်ငြိမ်းချမ်းသာခွင့်ဆိုတဲ့ အဓိပ္ပါယ်က ပြစ်ဒဏ်ကျခံနေရတဲ့ အကျဉ်းသား အားလုံး အကျုံးဝင်သွားတယ်။ ဆိုလိုတာက လူသတ်မှု ၊ မုဒိမ်းကောင်၊ ဓားပြကောင် လွှတ်လိုက်လို့ရှိရင် အပြင်မှာ အန္တရာယ်ပေးနိုင်တဲ့ ပုဂ္ဂိုလ်တွေ အဲ့ဒီ့လူတွေပါ အကျုံးဝင်တဲ့အတွက် အဲ့တာကြောင့် အထွေထွေကျတော့ကာ လုံခြုံရေးနဲ့ ပတ်သက်တဲ့ အတွက် ကာလုံရဲ့ ထောက်ခံချက် ရမှ သမ္မတက လွတ်ငြိမ်းချမ်းသာခွင့် ပေးလို့ရတယ်။ အဲ့တော့ အခုပေးမှာက ကျောင်းသားတွေ တက်ကြွလှုပ်ရှားသူတွေ နိုင်ငံရေးတက်ကြွလှုပ်ရှားသူတွေကို ပေးမယ်ဆိုရင် ဖွဲ့စည်းပုံအခြေခံဥပဒေပုဒ်မ (၂၀၄) (က) ရယ် ပြစ်မှုဆိုင်ရာ ကျင့်ထုံးဥပဒေပုဒ်မ (၄၀၁) ရယ် နှစ်ခုကို သုံးပြီးတော့ သူ့သဘောနဲ့ ကာလုံထောက်ခံချက် မလိုပဲနဲ့ လွှတ်ပေးနိုင်တယ် ထောင်ကျပြီးသားလူဆို လွှတ်ပေးမယ်။ တချို့က အမှုစစ်ဆေးဆဲ ဥပမာဆို လက်ပံတန်းဆို အမှုမပြီးသေးဘူး။ အဲ့တော့ အဲ့ဒီ့ကလေးတွေ ဝန်းရံတဲ့ပြည်သူတွေကျတော့ စစ်ဆေးဆဲဖြစ်တဲ့အတွက် ရှေ့နေချုပ်ရုံးရဲ့ အမိန့်နဲ့ တရားရုံးကနေ ပြန်ရုပ်သိမ်းကြောင်း လုပ်ရမယ်။ ကျောင်းသားတွေကျတော့ ဘယ်သူ့မှ မထိခိုက်ဘူး။ ဒါမျိုးတွေကို ရုပ်သိမ်းမယ်ဆိုရင် တရားရုံးက အလွယ်တကူ ခွင့်ပြုမှာပါ။ တရားလိုအစိုးရက ဒီအမှုကို ရုပ်သိမ်းပါတယ် ဆိုတဲ့ လျှောက်လွှာတင် လိုက်တာနဲ့ တရားသူကြီးက ဒါကို စဉ်းစားပြီး ရုပ်သိမ်းခွင့်ပေးလိုက်လို့ရှိရင် အဲ့ဒီ့အမှုက ချက်ခြင်းပြီးသွားရော။"

မေး။   ။ အဲ့တော့ ကာလုံဘက်ကရော ကျောင်းသားတွေဘက်က ဆူဆူပူပူ လုပ်တယ် ဆိုပြီးတော့ ကန့်ကွက်တာမျိုးရော မဖြစ်လာနိုင်ဘူးလား။

"လုံးဝ ကန့်ကွက်ပိုင်ခွင့်မရှိဘူး။ နိုင်ငံတော်သမ္မတကို အာဏာပေးထားတာ။ နိုင်ငံတော်သမ္မတသည် နိုင်ငံတော်ရဲ့ အကြီးအကဲ။ နိုင်ငံတော်၏ အထွဋ်အထိပ်ပုဂ္ဂိုလ် အစိုးရအဖွဲ့ရဲ့ အကြီးအကဲ ။ ကာလုံဆိုတာ နိုင်ငံတော်သမ္မတကို အကြံပေးဖို့ ဖွဲ့ထားတဲ့ အောက်ကအဖွဲ့။"

ဒါ့အပြင် လက်ရှိဖမ်းဆီးခံထားရတဲ့ နိုင်ငံရေးအကျဉ်းသားတွေ နဲ့ အမှု ရင်ဆိုင်နေရတဲ့ ကျောင်းသားကျောင်းသူတွေ အပါအ၀င် တက်ကြွလှုပ်ရှားသူတွေ အမြန်ဆုံး လွတ်မြောက်လာနိုင်ဖို့အတွက် ဒီကြေညာချက်မှာ ဖော်ပြထားတဲ့ အပိုဒ် ၁၊ အပိုဒ်ခွဲ (က) နဲ့ (ဂ) တို့ကို အသုံးပြုသွားမယ်လို့လည်းဖော်ပြထားပါတယ်။

နိုင်ငံတော်အတိုင်ပင်ခံ ပုဂ္ဂိုလ်ရုံးကနေ ထုတ်ပြန် အခုလိုကြေညာချက် ထုတ်ပြန်လိုက်တဲ့ အပေါ်မှာတော့ နိုင်ငံရေးအကျဉ်းသားများ ကူညီစောင့်ရှောက်ရေး အသင်းရဲ့ တွဲဘက်အတွင်းရေးမှူး ဦးဘိုကြည်က ကြိုဆိုတယ်လို့ ပြောလိုက်ပါတယ်။

"ဒီကြေညာချက်အပေါ်မှာတော့ ကျနော်တို့ အကြွင်းမဲ့ ထောက်ခံပါတယ်။ ဒါက ဖြစ်လည်းဖြစ်သင့်တဲ့ကိစ္စပါ။ ဒါက အင်မတန်ကို အရေးကြီးပါတယ်။ အမျိုးသားဒီမိုကရေစီအဖွဲ့ချုပ်ရဲ့ မူဝါဒထဲမှာကိုက နိုင်ငံရေး အကျဉ်းသားတွေ၊ နိုင်ငံရေး တက်ကြွလှုပ်ရှားသူတွေ နိုင်ငံရေးနဲ့ဆက်နွယ်ပြီးတော့ အဖမ်းခံနေရသူတွေရဲ့ လွတ်မြောက်ရေးဟာ ဦးစားပေးလုပ်ငန်းဖြစ်တယ် ဆိုကတည်းကိုက ဒါဟာ အရပ်သားအစိုးရဖြစ်တယ်။ ဒီမိုကရေစီ အစိုးရဖြစ်တယ်ဆိုတာကို ပြလိုက်တာပါ။ ဘာဖြစ်လို့လဲဆိုတော့ ဒီမိုကရေစီနိုင်ငံမှာ နိုင်ငံရေးအကျဉ်းသား ဆိုတာ မရှိရဘူးဆိုတာ သူပြောဆိုထားပါတယ်။ ဒီဟာကို အကောင်အထည်ဖော်ဖို့ကြိုးစားတဲ့ လုပ်ငန်းစဉ်ဖြစ်တဲ့အတွက် ကျနော်တို့ ကျေးဇူးတင်ပါတယ်။"

နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) ရဲ့ စာရင်း အရတော့ - လက်ရှိမှာ ပြစ်ဒဏ်ကျခံနေရတဲ့ နိုင်ငံရေးအကျဉ်းသား ၁၂၁ ဦး၊ အမှုရင်ဆိုင်နေရသူ ၁၁၆ ဦး နဲ့ အာမခံနဲ့ အမှုရင်ဆိုင်နေရသူ ၂၉၈ ဦးရှိတယ်လို့ ဦးဘိုကြည်က ပြောပါတယ်။

ကိုရန်နိုင် / ဗွီအိုအေ (မြန်မာပိုင်း)
http://burmese.voanews.com

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ဧပြီလ ၇ ရက်နေ့က တွေ့ရစဉ်။ Photo: Win Ko Ko Latt/RFA
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နိုင်ငံရေးအကျဉ်းသားတွေ လွတ်မြောက်ရေးအတွက် ကြိုးပမ်းမှာဖြစ်ကြောင်း သူ့ရဲ့ ပထမဆုံးကြေညာချက်အဖြစ် ဒီကနေ့ ထုတ်ပြန်ပြောကြားလိုက်ပါတယ်။

နိုင်ငံရေးတက်ကြွလှုပ်ရှားသူတွေနဲ့ နိုင်ငံရေးနဲ့ဆက်နွယ်ပြီး အမှုရင်ဆိုင်နေရတဲ့ ကျောင်းသူ ကျောင်းသားတွေ လွတ်မြောက်ရေးဟာ ပြည်သူက ရွေးကောက်တင်မြှောက်လိုက်တဲ့ အစိုးရရဲ့ ဦးစားပေးလုပ် ငန်းဖြစ်ကြောင်း ဒေါ်အောင်ဆန်းစုကြည်က ပြောပါတယ်။

အခုလာမယ့် နှစ်သစ်ကူး အခါသမယမှာ သူတို့ လွတ်မြောက်ရေးအတွက် ကြိုးပမ်းဆောင်ရွက်သွားမယ်လို့ ဥပဒေပုဒ်မ ၃ ခုကို ကိုးကားပြီး ဒေါ်အောင်ဆန်းစုကြည်ရဲ့ကြေညာချက်အမှတ် ၁ မှာဖေါ်ပြထားပါတယ်။

ဖွဲ့စည်းပုံအခြေခံဥပဒေပုဒ်မ ၂ဝ၄ ပုဒ်မခွဲ (က) အရ နိုင်ငံတော်သမ္မတဟာ ပြစ်ဒဏ်လွတ်ငြိမ်းခွင့် ပေးပိုင် ခွင့်ရှိတယ်လို့ ပြဌာန်းထားပြီး ပုဒ်မ ၂၀၄ ပုဒ်မခွဲ (ခ) ပါပြဌာန်းချက်အရဆိုရင်တော့  နိုင်ငံတော်သမ္မတဟာ အမျိုးသားကာကွယ်ရေးနဲ့ လုံခြုံရေးကောင်စီရဲ့ ထောက်ခံချက်နဲ့ လွတ်ငြိမ်းချမ်းသာခွင့် ပေးပိုင်ခွင့်ရှိတယ် လို့ ပြဌာန်းထားကြောင်း၊ ဒါ့အပြင် ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၉၄ အရလည်း အစိုးရရှေ့နေတွေဟာ လူတစ်ယေက်အပေါ်စွပ်စွဲထားတဲ့အမှုကို စီရင်ချက်မချမီ တရားရုံးရဲ့ သဘောတူညီချက်နဲ့ ရုပ်သိမ်း နိုင်ကြောင်း ဒေါ်အောင်ဆန်းစုကြည် က ရှင်းပြထားပါတယ်။

ကြေညာချက်နောက်ဆုံးအပိုဒ်မှာတော့ နိုင်ငံရေးအကျဉ်းသားတွေ လွတ်မြောက်ရေးအတွက် ပုဒ်မ ၂ဝ၄ ပုဒ်မခွဲ(က) နဲ့ ပုဒ်မ ၄၉၄ တို့ကိုအသုံးပြုပြီး ဆောင်ရွက်မယ်လို့ ဖေါ်ပြထားပါတယ်။ အမျိုးသားကာကွယ်ရေးနဲ့ လုံခြုံရေးကောင်စီရဲ့ ထောက်ခံချက်နဲ့ လွတ်ငြိမ်းချမ်းသာခွင့် ပေးပိုင်ခွင့်ပေးနိုင်တဲ့ ပုဒ်မ ၂ဝ၄ ပုဒ်မခွဲ (ခ)ကို ဘာကြောင့် အသုံးမပြုနိုင်သလဲဆိုတာတော့ ဖေါ်ပြထားခြင်း မရှိပါဘူး။

ဒေါ်အောင်ဆန်းစုကြည်ရဲ့ ကြေညာချက်ကို အကျဉ်းကျနေတဲ့ ၈၈ မျိုးဆက်က မနီလာသိန်းရဲ့ ခင်ပွန်းဖြစ်သလို ၈၈ ပွင့်လင်း အဖွဲ့ ခေါင်းဆောင်တစ်ဦးလည်းဖြစ်တဲ့ ကိုဂျင်မီက မိမိတို့မျှော်လင့်နေတဲ့ သတင်းဖြစ်တဲ့အတွက် အားရကြိုဆိုကြောင်းပြောပါတယ်။

လက်ရှိမှာ ယုံကြည်ချက်ကြောင့် အကျဉ်းကျနေရသူ အမိန့်ချပြီးသား ၉ဝ ကျော်နဲ့ အမှုရင်ဆိုင်နေရသူ ၄ဝဝ ကျော်ရှိတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP က ထုတ်ပြန်ထားပါတယ်။

RFA Burmese
http://www.rfa.org/burmese


နေပြည်တော် ဧပြီ ၇

မြန်မာနိုင်ငံ၏ ဖက်ဒရယ်ပြည်ထောင်စုစနစ် အောင်မြင်စွာထူထောင်နိုင်ရေး၊ အုပ်ချုပ်မှုစနစ် တိုးတက်ကောင်းမွန်ရေးနှင့် အမျိုးသမီးများကဏ္ဍ ဖွံ့ဖြိုး တိုးတက်ရေး တို့ အတွက် ကနေဒီယန်ဒေါ်လာ (၄၄)သန်း ကူညီထောက် ပံ့ပေး သွားမည်ဟု ကနေဒါနိုင်ငံ ခြားရေးဝန်ကြီး မစ္စတာ စတီဗင်ဒီရွန်က ယနေ့နံနက်ပိုင်းတွင် နိုင်ငံခြားရေးဝန်ကြီး ဌာန ပြည်ထောင်စု ၀န်ကြီး ဒေါ်အောင်ဆန်းစုကြည်နှင့် တွေ့ဆုံစဉ် ပြောကြားလိုက်သည်။


နှစ်နိုင်ငံ နိုင်ငံခြားရေးဝန်ကြီးများဖြစ်ကြသည့် ဒေါ်အောင်ဆန်းစုကြည်နှင့် မစ္စတာ စတီဗင် ဒီရွန်တို့သည် ယနေ့နံနက် ၉နာရီခွဲတွင် နေပြည်တော်ရှိ နိုင်ငံခြားရေးဝန်ကြီး ဌာန အစည်းအဝေးခန်းမ၌ တွေ့ဆုံခဲ့ကြရာ မြန်မာနိုင်ငံတွင် ဖက်ဒရယ်ပြည်ထောင်စု စနစ် အောင်မြင်စွာထူထောင် နိုင်ရေးအတွက် ကနေဒါနိုင်ငံ၏ အကောင်းဆုံးနည်း ဗျူဟာနှင့် အတွေ့အကြုံများ မျှဝေ ပေးရေး၊ အုပ်ချုပ်မှုစနစ် တိုးတက်ကောင်းမွန်ရေး အတွက် အဓိကကျသည့် သတင်းအချက်အလက်ကဏ္ဍတွင် ပူးပေါင်းကူညီပေးရေး၊ အမျိုးသမီး စီးပွားရေး လုပ်ငန်းရှင်များအတွက် အသေးစားစီးပွားရေးလုပ်ငန်းများနှင့် အခွင့်အလမ်းများ ဖန်တီးပေးရေး စသည်ဖြင့်ဆွေးနွေးခဲ့ကြသည်။

တွေ့ဆုံပွဲအပြီးတွင် နိုင်ငံခြားရေးဝန်ကြီးများသည် သတင်းစာရှင်းလင်း ပွဲတစ်ရပ် ပြု လုပ်ပြီး နှစ်နိုင်ငံသဘောထားများကို သတင်းမီဒီယာများအား ရှင်းလင်းပြောကြား ကြသည်။

မြန်မာနိုင်ငံနှင့် ကနေဒါနိုင်ငံတို့၏ ကုန်သွယ်မှုပမာဏသည် နှစ်စဉ်တိုးတက် လျက်ရှိရာ ၂၀၁၅ခုနှစ်တွင် နှစ်နိုင်ငံကုန်သွယ်မှုတန်ဖိုး စုစုပေါင်းမှာ အမေရိကန် ဒေါ်လာ (၅၂ ဒသမ ၂၇)သန်းအထိ ရှိခဲ့ကြောင်း ကနေဒါအစိုးရက သတင်းထုတ်ပြန် ထားသည်။

MOI Webportal Myanmar
https://www.facebook.com/MOIWebportalMyanmar

ကနေဒါနိုင်ငံခြားရေးဝန်ကြီး Stephane Dion နဲ့ မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည် တွေ့ဆုံ။
အမျိုးသားဒီမိုကရေစီအဖွဲ့ချုပ် (NLD) ပါတီက အစိုးရသစ်နဲ့ လာရောက်တွေ့ဆုံတဲ့ ကနေဒါနိုင်ငံခြားရေးဝန်ကြီးက မြန်မာနိုင်ငံ ပြန်လည်ထူထောင်ရေး လုပ်ငန်းတွေမှာ ကူညီဖို့ ကတိပြုပြောကြားသွားပါတယ်။ ကနေဒါနိုင်ငံခြားရေးဝန်ကြီးရဲ့ ကမ်းလှမ်းချက်ကိုတော့ မြန်မာအစိုးရသစ်ရဲ့ ထိပ်တန်းခေါင်းဆောင်တွေကလည်း ကြိုဆိုခဲ့ကြတာပါ။ ကနေဒါ-မြန်မာ ၂ နိုင်ငံ ဆက်ဆံရေး အခြေအနေတွေနဲ့ ပတ်သက်လို့ ကိုအောင်လွင်ဦးက ပြောပြပေးမှာဖြစ်ပါတယ်။

အမျိုးသားဒီမိုကရေစီအဖွဲ့ချုပ် (NLD) ပါတီက ဦးဆောင်တဲ့ အစိုးရသစ်ကို နိုင်ငံတကာ သံတမန်တွေ လာရောက် တွေ့ဆုံနေတဲ့ အထဲမှာ အခုနောက်ဆုံး ကနေဒါနိုင်ငံက နိုင်ငံခြားရေးဝန်ကြီး Stephane Dion ရောက်ရှိလာတာ ဖြစ်ပါတယ်။ ဒီကနေ့ နေပြည်တော်မှာ သမ္မတ ဦးထင်ကျော်၊ နိုင်ငံခြားရေး ၀န်ကြီး ဒေါ်အောင်ဆန်းစုကြည်တို့နဲ့ တွေ့ဆုံခဲ့တဲ့ ကနေဒါ နိုင်ငံခြားရေး ၀န်ကြီးကတော့ မြန်မာနိုင်ငံမှာ ဆယ်စုနှစ်ပေါင်းများစွာ စစ်တပ်က အုပ်စိုးမှုကနေ အရပ်သား အုပ်ချုပ်မှုကို ပြောင်းလဲ နိုင်ခဲ့တဲ့ အခြေအနေအပေါ် ချီးကျုးစကား ပြောကြားသွားခဲ့တာပါ။

“မြန်မာနိုင်ငံ အနေနဲ့ အောင်မြင်မှုရဖို့လိုပါတယ်။ မြန်မာနိုင်ငံအတွက် အရေးကြီးသလို၊ ကမ္ဘာကြီးအတွက်လည်း အရေးကြီးပါတယ်။ ဒါဟာလည်း မိတ်ဖက်နိုင်ငံတခုအဖြစ်နဲ့ ကျနော်တို့ သင်ယူစရာတွေရှိပါလိမ့်မယ်။ ဒီလို ထူးခြားလှတဲ့ ဖြတ်သန်းမှုကနေ သင်ယူနိုင်မယ့် အခွင့်အလန်းကောင်း တခုပါ။ ဒါဟာ ခက်ခဲပါလိမ့်မယ်။ ဒီမိုကရေစီခိုင်မာအောင် တည်ဆောက်ရတာဟာ အမြဲလိုလို ခက်ခဲလေ့ရှိပါတယ်။ အလွယ်ဆုံးလမ်း မဟုတ်ပေမဲ့လည်း၊ ဖြတ်ကိုဖြတ်သန်းရမယ့် လမ်းပါ။”

ဒီကနေ့ နေပြည်တော်မှာ ဒေါ်အောင်ဆန်းစုကြည်နဲ့ သီးသန့်တွေ့ဆုံရာ မှာတော့ မြန်မာနိုင်ငံမှာ အမျိုးသား ပြန်လည် သင့်မြတ်ရေး၊ ပြည်တွင်းငြိမ်းချမ်းရေး၊ လူနေမှုအဆင့်တန်း မြင့်မားရေး စတဲ့ကိစ္စရပ်တွေကို အစိုးရသစ်က ဦးစားပေး ဆောင်ရွက်မယ့် အစီအစဉ်တွေနဲ့ ပတ်သက်လို့ အချိန် အတော်ကြာ ပြောဆိုဆွေးနွေးဖြစ်ခဲ့တဲ့ အကြောင်းလည်း ကနေဒါနိုင်ငံခြားရေး ၀န်ကြီးဌာနက သတင်းထုတ်ပြန်ခဲ့တာပါ။

မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည်ကတော့ ကနေဒါ နိုင်ငံ အနေနဲ့ မြန်မာနိုင်ငံ ဖွံ့ဖြိုးတိုးတက်ရေးအတွက် ကူညီဖို့ ကမ်းလှမ်းခဲ့တဲ့အပေါ် ကနေဒါနိုင်ငံခြားရေးဝန်ကြီးနဲ့အတူ ပူးတွဲပြုလုပ်တဲ့ သတင်းစာရှင်းလင်းပွဲအတွင်း ကြိုဆိုခဲ့တာပါ။

“အထူးသဖြင့် ကနေဒါနိုင်ငံ အနေနဲ့ ငြိမ်းချမ်းရေးလုပ်ငန်းစဉ်မှာ ကူညီဖို့ စိတ်အားထက်သန်နေတယ်လို့ ထင်ပါတယ်။ ဒီလို အကူအညီမျိုးကို ကျမတို့နိုင်ငံကလည်း ၀မ်းပမ်းတသာကြိုဆိုပါတယ်။ မတူကွဲပြားမှုတွေကနေ ညီညွတ်မှုကို တည်ဆောက်နိုင်မယ့် တိုင်းပြည်တခုဖြစ်အောင် ကျမတို့ ကြိုးပမ်းရာမှာ ကျမတို့ရဲ့ မိတ်ဆွေတွေ ၀ိုင်းပြီးအကူအညီပေးသမျှကိုလည်း ကျမတို့ ကျေးဇူးတင်ကြောင်း ပြောကြားလိုပါတယ်။”

ကနေဒါနိုင်ငံခြားရေးဝန်ကြီးရဲ့ ၂ ရက်ကြာ မြန်မာနိုင်ငံ ခရီးစဉ် အတွင်းမှာတော့ မြန်မာအစိုးရ ထိပ်တန်းခေါင်းဆောင်တွေအပြင် လွှတ်တော် တာဝန်ရှိသူတွေနဲ့လည်း တွေ့ဆုံဖို့ရှိသလို၊ ကုလသမဂ္ဂအပါအ၀င် နိုင်ငံတကာ အဖွဲ့အစည်းတွေနဲ့လည်း ရန်ကုန်မြို့မှာ တွေ့ဆုံဖို့ စီစဉ်ထားပါတယ်။

လူ့အခွင့်အရေးနဲ့ နိုင်ငံရေး အခြေအနေတွေ တိုးတက်မှု မရှိဘူးဆိုပြီး မြန်မာ စစ်အစိုးရတွေ လက်ထက်မှာ ပိတ်ဆို့ဒဏ်ခတ်မှုတွေ ချမှတ်ထားတဲ့ အနောက်နိုင်ငံတွေထဲ တခုအပါအ၀င်ဖြစ်ခဲ့တဲ့ ကနေဒါနိုင်ငံဟာ မြန်မာနိုင်ငံမှာ အပြောင်းအလဲတွေ ထွက်ပေါ်လာတဲ့ မကြာသေးခင်နှစ်တွေကစလို့ အရေးယူထားတာတွေကို လျှော့ပေါ့ပေးခဲ့တာပါ။

မြန်မာနိုင်ငံအပေါ် စီးပွားရေးအရ ပြစ်ဒဏ်ခတ် အရေးယူတဲ့ဥပဒေတရပ်ကို ၂၀၀၇ ခုနှစ်ကတည်းက ချမှတ်ထားခဲ့တဲ့ ကနေဒါနိုင်ငံက ဒဏ်ခတ်မှု အများစုကို ဖယ်ရှားပေးခဲ့ရာမှာ အခုနောက်ဆုံး လက်နက်တင်ပို့ရောင်းချမှုတွေနဲ့ တားမြစ်ထားတဲ့ မြန်မာနိုင်ငံတွင်းက လူပုဂ္ဂိုလ်တချို့ရဲ့ ပိုင်ဆိုင်မှုတွေကို ထိန်းချုပ်တာ၊ စီးပွားရေးအရ အဆက်အဆံတွေ မလုပ်ဖို့ ကန့်သတ်တာတွေကိုသာ ဆက်လက်ထားရှိခဲ့တာ ဖြစ်ပါတယ်။

ကိုအောင်လွင်ဦး / ဗွီအိုအေ (မြန်မာပိုင်း)
http://burmese.voanews.com

(ဓာတ်ပုံ-၀န်ကြီးရာထူးကို လက်ခံသော ရမ်းဗြဲ လွှတ်တော်ကိုယ်စားလှယ် ဦးကျော်လွှင်/ ဓာတ်ပုံ- နိရဉ္စရာ)
နိရဉ္စရာ၊ ဧပြီ ၇

NLD မှ ကမ်းလှမ်းသော ရခိုင်ပြည်နယ် အစိုးရ အဖွဲ့ဝင် ၀န်ကြီးနေရာကို လက်ခံပါက ထိထိရောက်ရောက် အရေးယူမည်ဟု ရခိုင်အမျိုးသားပါတီ ( ANP) က သတိပေးထားသည့်ကြားမှ ရခိုင်ပြည်နယ် ရမ်းဗြဲမြို့နယ် ပြည်နယ် လွှတ်တော် ကိုယ်စားလှယ် ဦးကျော်လွှင်သည် ရခိုင်ပြည်နယ် အစိုးရအဖွဲ့တွင် စိုက်ပျိုးရေး၊ မွေးမြူးရေး၊ သစ်တောနှင့် သတ္တုတွင်း ဝန်ကြီးနေရာကိုလက်ခံလိုက်ပြီဟု သတင်း ရရှိသည်။

ရခိုင်ပြည်နယ်အစိုးရအဖွဲ့ကို ရခိုင်အမျိုးသားပါတီ(ANP)က ဦးဆောင်ခွင့် မရလျှင် ပြည်နယ်အစိုးရအဖွဲ့တွင် ပါဝင်မည်မဟုတ်ဟု ၁/၂ဝ၁၆ ဖြင့် ANP က ထုတ်ပြန်ကြေညာထားသဖြင့် မည်သည့် အတွက် ပါတီ၏ ဆုံးဖြတ်ချက်ကို မလိုက်နာဘဲ ၀န်ကြီး အဖြစ် လက်ခံရပါသလဲဟု ယနေ့ (ဧပြီလ ၇ ရက်) လွှတ်တော် အပြီး မေးမြန်းရာ သူက "ယင်းကြေညာချက်မှာ ပါတီ၏ ကြေညာချက်သာဖြစ်ပြီး ပါတီ၏ မူဝါဒမဟုတ်သည့်အတွက် ယခုကဲ့သို့ ဝန်ကြီးနေရာ လက်ခံခဲ့ခြင်း ဖြစ်သည်" ဟု ပြောကြားသည်။

၎င်းပြင် ၀န်ကြီး အဖြစ် လက်ခံလိုက်ခြင်းနှင့် ပတ်သက်ပြီးလည်း သတင်းထောက်များ၏ မေးမြန်းအပေါ် ဦးကျော်လွှင်က ယခုလို တုန့်ပြန် ပြောကြားသည်။

“NLD ပါတီနဲ့ လက်တွဲလို့ ဘာလို့ ကမ်းလှမ်းတာကိုလက်ခံလဲဆိုတော့ NLD ပါတီရဲ့ဦးတည်ချက်မှာလည်း ကျနော်တို့ နိုင်ငံဖွံ့ဖြိုးတိုးတက်ရေးကို ရည်ရွယ်တယ်။ ကျနော်တို့ ရခိုင်ပါတီဦးတည်ချက်ကလည်း ရခိုင်လူမျိုးနဲ့ ရခိုင်လူမျိုးရဲ့ မျိုးနွယ်စုတွေအတွက် တိုးတက်ဖွံ့ဖြိုးရေးကို အဓိက လုပ်မယ်ဆိုတဲ့ ကျနော်တို့ ဦးတည်ချက်ချင်း တူတဲ့ အတွက် တူတဲ့ဦးတည်ချက်မှာ ကျနော်တို့ရဲ့ ဆင်းရဲတွင်းနက်နေတဲ့ ကျနော်တို့လူမျိုးတွေ အောက်ကျနောက်ကျဖြစ်နေတဲ့ဘဝက ကျနော်အခုတာဝန်ယူထားတဲ့ အခြေခံ စိုက်ပျိုးရေး၊ မွေးမြူးရေး၊ ဒီကဏ္ဍတွေက ကျနော့်လူမျိုးတွေကို ကျနော်မြှင့်ချင်လို့ ဦးတည်ချက်တူတာလေးတွေ ပူးပေါင်းလုပ်မယ်ဆိုပြီး ဒီတာဝန်ကို ကျနော်လက်ခံခြင်းဖြစ်ပါတယ်”ဟု ဦးကျော်လွင်က ဆိုသည်။

ရမ်းဗြဲမြို့နယ် ပြည်နယ် လွှတ်တော် ကိုယ်စားလှယ် ရခိုင်ပြည်နယ် အစိုးရအဖွဲ့တွင် ၀န်ကြီး အဖြစ် လက်ခံခြင်း အပေါ် မည်သို့ သဘောထားပါ သလဲဟု ရခိုင်အမျိုးသား ပါတီ အထွေထွေ အတွင်းရေးမှူး ဦးထွန်းအောင်ကျော် အား မေးမြန်းရာ သူက “ ကျနော်တို့ ဥက္ကဋ္ဌအဖွဲ့၊ အတွင်းရေးမှူးအဖွဲ့တော့ အနီးစပ်ဆုံး ဗဟို အလုပ်အမှုဆောင် ကော်မတီမှာ တင်ပြ ပြီးတော့ ဗဟိုအလုပ်အမှုဆောင်ကော်မတီက ချမှတ်တဲ့ပြစ်ဒဏ်ကို ရင်ဆိုင်ရနိုင်ဖို့ အခြေအနေ ရှိပါတယ်။ ကော်မတီရဲ့ဆုံးဖြတ်ချက်အတိုင်းပဲ အရေးယူဆောင်ရွက်သွားမယ်” ဟု ပြောဆိုသည်။

ရခိုင်အမျိုးသားပါတီမှ လွှတ်တော်ကိုယ်စားလှယ် တစ်ဦးဦးသည် အမျိုးသား ဒီမိုကရေစီ အဖွဲ့ချုပ်မှ ကမ်းလှမ်းသော အစိုးရ အဖွဲ့ဝင် ၀န်ကြီးနေရာ တစ်ခုခုကို လက်ခံပါက ကျပ် သိန်း (၅၀၀) လျော်ရမည်ဟု ပါတီမှ တရားဝင် ထုတ်ပြန်ထားသည်။

မာန်ယုကျော် (ရွှေဝမြေ)
Arakan State
https://www.facebook.com/NarinjaraNews

တိုက်ပွဲများ ဖြစ်ပွားနေသည့် ဒမတ်စကတ်မြို့ အစွန်အဖျားဒေသ အားတွေ့ရစဉ် (ဓာတ်ပုံ-အင်တာနက်)
    ဒမတ်စကတ်၊ ဧပြီ ၇ ရက် (ဆင်ဟွာ)

    IS စစ်သွေးကြွ အဖွဲ့သည် ဒမတ်စကတ်မြို့အနီးရှိ ဘိလပ်မြေ စက်ရုံမှ ဆီးရီးယား အလုပ်သမား ဝန်ထမ်း ၃၄၄ ဦး အား ပြန်ပေးဆွဲ ဖမ်းဆီးခဲ့သည်ဟု ယုံကြည်ရကြောင်း အစိုးရအား ထောက်ခံသည့် Sham FM က ဧပြီလ ၆ ရက်တွင် ထုတ်လွှင့်ခဲ့သည်။

IS စစ်သွေးကြွများသည် မြို့တော် ဒမတ်စကတ် အရှေ့မြောက်ပိုင်း Dumair မြို့ရှိ ဘိလပ်မြေ စက်ရုံအား တိုက်ခိုက်ခဲ့ပြီး ဧပြီလ ၄ ရက် နေ့လည်ပိုင်းတွင် ဓါးစားခံများအား နေရာတစ်ခုသို့ ခေါ်ဆောင်သွားကြောင်း သိရသည်။

ဖမ်းဆီးခံရသူ အားလုံးသည် ဆီးရီးယား နိုင်ငံသားများဖြစ်ပြီး စက်ရုံမှာ ပုဂ္ဂလိကပိုင် ဖြစ်ကာ အစိုးရပိုင် မဟုတ် ကြောင်း သိရသည်။

စက်ရုံအား တိုက်ခိုက်မှုတွင် IS စစ်သွေးကြွများဖက်မှ ၄င်းတို့ကို ထောက်ခံသည့် ဒေသတွင်းက စစ်သွေးကြွများ ပါဝင်ခဲ့ကြကြောင်း နှင့်ဆီးရီးယား လေတပ်က စက်ရုံအနီးသို့ မောင်းသူမဲ့ လေယာဉ် တစ်စီး ပို့လွှတ်စစ်ဆေးခဲ့ရာ စက်ရုံ၌ လူတစ်ဦး တစ်ယောက်မျှ မရှိတော့ဘဲ စက်ပစ္စည်းများလည်း လုယက် ခံထားရကြောင်း တွေ့ရှိခဲ့သည်။

Dumair မြို့သည် ဆီးရီးယား စစ်တပ်နှင့် IS စစ်သွေးကြွ အုပ်စု၏ ထိန်းချုပ်မှု အောက်တွင် နှစ်ပိုင်းကွဲလျက် ကျရောက်လျက် ရှိကြောင်း သိရသည်။

စက်ရုံ တိုက်ခိုက်ခံရသည့် တစ်ပြိုင်နက်တည်းမှာပင် IS စစ်သွေးကြွ အုပ်စု သည် Dumair လေတပ် စခန်းကို လည်း တိုက်ခိုက်ခဲ့ပြီး ဆီးရီးယား စစ်တပ်က ပြန်လည် ကာကွယ်ခဲ့ကြောင်း သိရသည်။

အစီရင်ခံစာတွင် ဖော်ပြချက်အရ ဖမ်းဆီးခံထားရသည့် ဓါးစားခံများ လွတ်မြောက်ရေး အတွက် ကြိုးပမ်းနေကြ ကြောင်း သိရသည်။

 (Xinhua)
http://www.xinhuamyanmar.com

ဓါတ်ပုံ (မိုင်းပေါက်ကွဲမှုကြောင့် ထိခိုက်ဒဏ်ရာရသူတစ်ဦးကို လားရှိူးဆေးရုံမှာ ဒီကနေ့ တွေ့ရစဉ်)
ရှမ်းပြည်နယ်မြောက်ပိုင်း ကျောက်မဲမြို့နယ် ညောင်မောင်းကျေးရွာအုပ်စု တဇီရွာမှာ လက်ဖက်ခူးရင်း မိုင်းနင်းမိတာကြောင့် ရွာသူအမျိုးသမီး ၁ ဦးသေဆုံးပြီး ၃ ဦး ဒဏ်ရာရပြီး လားရှိူးမြို့ဆေးရုံမှာ ဆေးကုသမှု ခံယူနေရပါတယ်။

မနေ့က နေ့လယ် ထမင်းစားနားပြီး လက်ဖက်ခူးနေစဉ်မှာ မိုင်းနင်းမိတာဖြစ်တယ်လို့  ထိခိုက်ဒဏ်ရာရသူတွေနဲ့အတူရှိခဲ့တဲ့ ဒေါ်ဆိုင်မွန်း က ပြောပါတယ်။

မိုင်းပေါက်ကွဲတာကြောင့် အမျိုးသမီးတစ်ဦးက အဲ့ဒီနေရာမှာ သေဆုံးခဲ့ပါတယ်။ ဒဏ်ရာရသူ ၃ ဦးဟာ ပြင်းထန်တာကြောင့် ကျောက်မဲမြို့ ဇီဝိတလူမှုကူညီရေးအသင်းရဲ့ အကူအညီနဲ့ လားရှိူးဆေးရုံကို ပို့ဆောင်ပေးခဲ့တာဖြစ်ပါတယ်။

မိုင်းပေါက်ကွဲမှုဖြစ်ခဲ့တဲ့ တဇီကျေးရွာတ၀ိုက်မှာ ပြီးခဲ့တဲ့လက အစိုးရတပ်၊ RCSS နဲ TNLA တပ်တွေ တိုက်ပွဲဖြစ်ပွားခဲ့တဲ့ နေရာတွေလည်းဖြစ်ပါတယ်။

အဲ့ဒီတိုက်ပွဲတွေကြောင့် ညောင်မောင်း၊ တော့ဆန် အပါအ၀င် ကျေးရွာပေါင်း ၁၀ ရွာလောက်က ရွာသားတွေဟာ ကျောက်မဲမြို မှာ ခေတ္တတိမ်းရှောင်ခဲ့ရပြီး ပြီးခဲ့တဲ့ မတ်လကုန်ခါနီးမှာ လက်ဖက်ခူးရာသီ ရောက်တာကြောင့် နေရပ်ကိုပြန်သွားကြတာဖြစ်ပါတယ်။

RFA Burmese
https://www.facebook.com/RFA-Burmese


လယ်ယာမြေပြဿနာတွေမှာ တရားမျှတမှုရှိစေဖို့အတွက်ဆိုပြီး ရှမ်းပြည်နယ်၊ ရပ်စောက်မြို့မှာ ဒေသခံ ၁၀၀ လောက်က ရပ်စောက်မြို့တော်ခန်းမရှေ့ကနေ လွတ်လပ်ရေးကျောက်တိုင်အထိ ဒီနေ့မနက်က လမ်းလျှောက်ပြီး တောင်းဆိုကြပါတယ်။

ရှမ်းပြည်နယ် ရပ်စောက်မြို့နယ်အတွင်းမှာ ဖြစ်ပွားနေတဲ့ လယ်ယာမြေကိစ္စတွေကို သက်ဆိုင်ရာက တာဝန်ယူဖြေရှင်းပေးနိုင်ဖို့ တောင်းဆိုတာဖြစ်တယ်လို့ ဆန္ဒပြပွဲကို ဦးဆောင်ခဲ့သူ ဦးစိန်ဝင်း က ပြောပါတယ်။

အဲ့ဒီဆန္ဒပြပွဲကို ရပ်စောက်မြို့နယ်က ဒေသခံတွေအပြင် တောင်ကြီးနဲ့ ပင်းတယမြို့တွေက ဒေသခံတွေလည်း ပါဝင်ခဲ့ကြပါတယ်။

ရပ်စောက်မြို့နယ်အတွင်းမှာ လယ်ယာမြေပြဿနာတွေနဲ့ ပတ်သက်ပြီး တောင်သူတွေကသာ တရားစွဲခံနေရပြီး တရားရုံးတွေက တောင်သူတွေဘက်က ပြန်လည်တရားစွဲဆိုတာကို လက်မခံသလို အမှုတွေကိုလည်း အပြီးသတ်အမိန့််ချမှတ်တာမရှိဘူးလို့ ဆန္ဒပြသူတွေက ပြောပါတယ်။

RFA Burmese
https://www.facebook.com/RFA-Burmese


အင်ဒိုနီးရှားနာမည်ကျော်အဆိုတော် အသက် ၂၉နှစ်အမျိုးသမီးမစ်အိရာမီ ဘူလေသည် သီချင်းဆိုရင်း ပရိတ်သတ်များ ဆွဲဆောင်မှုရှိအောင် သူမ၏မွေဟောက်ကိုပါ ရှိုးပြသခဲ့ပါတယ်။ ပြသနေရင်း မတော်တဆခလုတ်တိုက်မိပြီး မြွေဟောက်အမြီးကို နင်းမိကာ မြွေဟောက်စိတ်ရိုင်းဝင်ပြီး သူမ၏ပေါင်ကို ကိုက်လိုက်ပါတယ်။

ဆေးရုံးဆေးခန်းလည်းသွားမပြ မြွေအဆိပ်ပြေဆေးလည်းမထိုးပဲ ရှေ့ဦးသူနာပြု အနည်းငယ်လုပ်ကာ ဆွဲမလျှော့တမ်းပဲ သီချင်းကိုပြီးအောင်ဆက်ဆိုပြီး ပြသမှုတွေ ဆက်လုပ်နေခဲ့ပါတယ်။


 ၄၅မိနစ်လောက်အကြာမှာ မြွေအဆိပ်ကိုမခံနိုင်တော့ပဲ အော့အန်ပြီး မူးလှဲခဲ့ပါတယ်။ အဲဒီတော့မှပဲ ဆေးရုံသို့ အမြန်ဆုံးပို့ဆောင်ခဲ့ကာ နောက်ဆုံးတော့ နာကြင်တဲ့ မြွေဟောက်အဆိပ်ကို ခံနိုင်အားမရှိတော့ပဲ အသက် ဆုံးရှုံးခဲ့ရပါတယ်။

ဤရှိုးပွဲကြောင့်သေဆုံးခဲ့ရတာ သူမရဲ့ပရိတ်သတ်တွေသိကြတဲ့အခါ ၀မ်းနည်းကြေကွဲကြောင်း comments တွေမြောက်များစွားပေးကြပါတယ်။

MTF Channel
https://www.facebook.com/mtftv


ရန်ကုန် ဧပြီ ၇

ဒီမိုကရေစီ ပညာရေးသပိတ်မှ ဖမ်းဆီးခံထားရသည့် ကျောင်းသားများအနေဖြင့် ဒီမိုကရေစီနည်း ကျကျဖြင့် ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးကို လွတ်ငြိမ်းချမ်းသာခွင့်ထက် ပိုမိုလိုလားကြောင်း ဖမ်း ဆီးခံ ကျောင်းသားခေါင်းဆောင်တစ်ဦးဖြစ်သူ ကိုမင်းသွေးသစ်က ယနေ့လှိုင်မြို့နယ်တရားရုံးတွင် ပြုလုပ်သည့် ရုံးထုတ်စစ်ဆေးမှု အပြီးတွင် ပြောကြားခဲ့သည်။

"ဒီမိုကရေစီ နည်းကျတဲ့ အခြေခံဥပဒေဆိုရင် နိုင်ငံရေး အကျဉ်းသားတွေရှိမှာမဟုတ်ဘူး " ဟု ကိုမင်းသွေးသစ်ကဆိုသည်။ အခြေခံဥပဒေ ပြင်ဆင်ရေးသည် တစ်နိုင်ငံလုံးရှိ ပြည်သူများ ၏ အမျိုးသားရေးတာဝန်ဖြစ်ပြီး ဗ.က.သ အနေဖြင့် ယင်းအချက်အပြင် ၇ကြိမ်မြောက် ကျောင်းသား ညီလာခံ ပြုလုပ်ရေး နှင့် ကျောင်းသား သပိတ်တွင်တောင်းဆိုခဲ့သည့် အချက် ၁၁ချက်ကို ဆက်လက်တောင်းဆိုသွားမည်ဟု သိရသည်။

 စတင်အကျဉ်းကျခံခဲ့ရသည့် အချိန်မှစကာ ပြန်လည်လွတ် မြောက်တော့မည်ဟု သတင်းများ မကြာခဏကြားခဲ့ရပြီး အခြား နိုင်ငံရေးအကျဉ်းသားများနှင့် ရာဇဝတ်အကျဉ်းသားများ သာ လွတ်မြောက်သွားကြသည့်အတွက် ယခင်အစိုးရ အနေဖြင့် ကျောင်းသားများအပေါ် အညှိုးထားသည်ဟု ယူဆပြီး ယခုအစိုးရသည်သာ ပြည်သူ့အစိုးရ ဖြစ်သည့်အတွက် ယခုအစိုးရလက်ထက်ထုတ်ပြန်မည့် လွတ်ငြိမ်းချမ်း သာခွင့်ကို ၄င်းတို့အနေဖြင့် ပိုမိုလိုလားကြောင်း ကိုမင်းသွေးသစ်က လှိုင်မြို့နယ်တရားရုံးတွင် ပြုလုပ်သည့် ရုံးထုတ် စစ်ဆေးမှုအပြီးတွင် ပြောကြားခဲ့သည်။

အောင်သော်ဖြိုး
china.com Myanmar
https://www.facebook.com/china.com.mm/

မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည်နှင့် ကနေဒါ နိုင်ငံခြားရေးဝန်ကြီး Hon. Stephane Dion တို့ သတင်းစာရှင်းလင်းပွဲ ပြုလုပ်စဉ် (ဆင်ဟွာ)
    နေပြည်တော်၊ ဧပြီ ၇ ရက် (ဆင်ဟွာ)

    ကနေဒါနိုင်ငံမှ မြန်မာနိုင်ငံ၏ ပညာရေး၊ ကျန်းမာရေးနှင့် လူမှုရေးအတွက် ကန်ဒေါ်လာ ၈သန်း စတင် ထောက်ပံ့ပေးမည် ဖြစ်ကြောင်း သမ္မတရုံး ဝန်ကြီးဌာန ပြောရေးဆိုခွင့်ရှိသူ ဒုတိယ ညွှန်ကြားရေးမှူးချုပ် ဦးဇော်ဌေးက ပြောကြားသည်။

ကနေဒါနိုင်ငံသည် မြန်မာနိုင်ငံအား ပညာရေး ကျန်းမာရေး လူမှုရေး အကူအညီများကို ပေးအပ်ခဲ့ရာ ၂၀၁၁ မှ ယနေ့ အထိ ကန်ဒေါ်လာ ၄၄ သန်းဖိုးခန့် ရှိခဲ့ပြီး ယခုနှစ် အစိုးသစ် လက်ထက်တွင်လည်း အမေရိကန် ဒေါ်လာ ရှစ်သန်းဖိုး စတင်ထောက်ပံ့မည် ဖြစ်ကြောင်း ယနေ့ နိုင်ငံခြားရေး ဝန်ကြီးဌာန ပြည်ထောင်စု ဝန်ကြီး ဒေါ်အောင်ဆန်းစုကြည်နှင့် နိုင်ငံခြားရေးဝန်ကြီး Hon. Stephane Dion တွေ့ဆုံစဉ် ကနေဒါ နိုင်ငံခြားရေး ဝန်ကြီးက အထက်ပါအတိုင်း ပြောကြားခဲ့ခြင်း ဖြစ်သည်။

ယင်း ကနေဒါ နိုင်ငံခြားရေး ဝန်ကြီးသည် ဒေါ်အောင်ဆန်းစုကြည်နှ င့်တွေ့ဆုံ၍ ပြီးခဲ့သော နိုဝင်ဘာလတွင်းက မြန်မာနိုင်ငံ၏ သမိုင်းဝင် ရွေးကောက်ပွဲအတွက် ဂုဏ်ပြုပါကြောင်းနှင့် ကနေဒါ ဝန်ကြီးချုပ်နှင့် ကနေဒါ ပြည်သူများထံမှ မြန်မာနိုင်ငံနှင့် မြန်မာပြည်သူများအတွက် ဆုမွန်ကောင်းများကို ယူဆောင်လာရသည့် အတွက် ဝမ်းမြောက်မိပါကြောင်း တို့ကို ပြောကြားခဲ့ပါသည်။

အဆိုပါ နိုင်ငံခြားရေး ဝန်ကြီး နှစ်ဦး တွေ့ဆုံရာတွင် မြန်မာအစိုးရသစ်၏ ဦးစားပေးကဏ္ဍများ ဖြစ်သော အမျိုးသား ပြန်လည်ရင်ကြားစေ့ရေး၊ ပြည်တွင်းငြိမ်းချမ်းရေးနှင့် လူနေမှုအဆင့် တိုးတက်ရေးတို့အတွက် ကနေဒါနိုင်ငံအနေဖြင့် လက်တွဲကူညီ လုပ်ဆောင်နိုင်မည့် အကြောင်းအရာများကို အချိန်ယူ၍ ဆွေးနွေးခဲ့ကြောင်း ကနေဒါသံရုံး ရန်ကုန်က ထုတ်ပြန်သည်။

ယနေ့ နံနက် ၉း၃၀ နာရီတွင် ကနေဒါ နိုင်ငံခြားရေး ဝန်ကြီးသည် ပြည်ထောင်စု သမ္မတ မြန်မာနိုင်ငံ နိုင်ငံခြားရေး ဝန်ကြီးဌာန တွင် ဒေါ်အောင်ဆန်းစုကြည်အား လာရောက်တွေ့ဆုံခဲ့ပြီး နံနက် ၁၁ နာရီတွင် နိုင်ငံတော် သမ္မတ ဦးထင်ကျော်နှင့် တွေ့ခဲ့သည်။

သမ္မတကြီးနှင့်အတူ နိုင်ငံခြားရေး ဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်၊ ပြန်ကြားရေး ဝန်ကြီးဌာန ပြည်ထောင်စု ဝန်ကြီးဒေါက်တာဖေမြင့်နှင့် ပြည်ထောင်စု အစိုးရအဖွဲ့ရုံး အမြဲတမ်း အတွင်းဝန် ဦးဇော်သန်းသင်းတို့ က ဧည့်သည်တော်အဖွဲ့အား လက်ခံတွေ့ဆုံခဲသည်။

(Xinhua)
http://www.xinhuamyanmar.com

နိုင်ငံတော်သမ္မတ ဦးထင်ကျော်က ကနေဒါ နိုင်ငံခြားရေးဝန်ကြီး အားလက်ခံတွေ့ဆုံစဉ် (ဆင်ဟွာ)
    နေပြည်တော်၊ ဧပြီ ၇ ရက် (ဆင်ဟွာ)

    မြန်မာနိုင်ငံ သမ္မတ ဦးထင်ကျော်နှင့် ကနေဒါ နိုင်ငံခြားရေး ဝန်ကြီးတို့ ယနေ့ နံနက်တွေ့ဆုံစဉ် အချက်လေးချက်ကို သံတမန် နည်းအရ သဘောတူခဲ့ကြောင်း သမ္မတရုံး ဝန်ကြီးဌာန ပြောရေး ဆိုခွင့်ရှိသူ ဒုတိယ ညွှန်ကြားရေးမှူးချုပ် ဦးဇော်ဌေးက တွေ့ဆုံပွဲ အပြီးတွင် မီဒီယာများသို့ ပြောကြားသည်။

ပထမ အချက် အနေဖြင့် အမျိုးသား ပြန်လည် ရင်ကြားစေ့ရေး အတွက် မြန်မာနိုင်ငံ၏ ဆောင်ရွက်ချက်များ အကြောင်းနှင့် ကနေဒါနိုင်ငံ၏ အတွေ့အကြုံ များအရ ပူးပေါင်းဆောင်ရွက်ရန်၊ ဒုတိယ အချက်အနေဖြင့် ရာသီဥတု ပြောင်းလဲမှုနှင့် သဘာဝ ပတ်ဝန်းကျင် အခြေအနေများ အရ သောက်သုံးရေ လုံလောက်မှု အပါအဝင် ပူးပေါင်းဆောင်ရွက်ရန်၊ တတိယအချက် အနေဖြင့် စီးပွားရေးဆိုင်ရာ ရင်းနှီးမြှုပ်နှံမှုများတွင် တာဝန်ယူမှု တာဝန်ခံမှု ပါသည့် ရင်းနှီးမြှုပ်နှံမှုများကိုသာ လက်ခံရန်နှင့် နောက်ဆုံး အချက်အနေဖြင့် မြန်မာလူငယ်များ အတွက် စကောလားရှစ် ကိစ္စ ပြန်လည် စတင်ရန်တို့ သဘောတူညီမှု ရရှိခဲ့ကြောင်း ၎င်းက ဆိုသည်။

ကနေဒါ နိုင်ငံခြားရေးဝန်ကြီးနှင့် အဖွဲ့ဝင်များအား  သမ္မတ ဦးထင်ကျော်နှင့် အမှတ်တရ တွေ့ရစဉ် (ဆင်ဟွာ)
“မြန်မာလူငယ်တွေကို အရင်တုန်းကလို စကောလားရှစ် ပြန်ပေးဖို့ နဲ့ တိုးမြှင့်ပေးသွားဖို့ သမ္မတ ဦးထင်ကျော်က ကနေဒါ နိုင်ငံခြားရေး ဝန်ကြီးကို တောင်းဆိုတဲ့အတွက် နှစ်နိုင်ငံ ညှိနှိုင်း ဆောင်ရွက်သွား မယ်လို့  ကနေဒါ ဝန်ကြီးက ပြောခဲ့ပါတယ်” ဟု ဦးဇော်ဌေးက ပြောသည်။

၁၉၈၀ ပြည့်လွန်နှစ်များမှ စတင် ရပ်ဆိုင်းခဲ့သည့် မြန်မာကျောင်းသားများ ကနေဒါနိုင်ငံတွင် ပညာသင်ဆု စကောလားရှစ်ကို ယခုနှစ်မှစပြီး ပြန်လည် ပေးအပ်သွားမည်ဟု ကနေဒါ နိုင်ငံခြားရေး ဝန်ကြီးက သမ္မတ ဦးထင်ကျော်နှင့် တွေ့စဉ် ပြောကြားခဲ့သည်။

ယနေ့ နံနက် ၉း၃၀ နာရီတွင် ကနေဒါ နိုင်ငံခြားရေး ဝန်ကြီးသည် ပြည်ထောင်စု သမ္မတ မြန်မာနိုင်ငံ နိုင်ငံခြားရေး ဝန်ကြီးဌာနတွင် ဒေါ်အောင်ဆန်းစုကြည်အား လာရောက်တွေ့ဆုံခဲ့ပြီး နံနက် ၁၁ နာရီတွင် နိုင်ငံတော် သမ္မတ ဦးထင်ကျော်နှင့် တွေ့ခဲ့သည်။

(Xinhua)
http://www.xinhuamyanmar.com

ကနေဒါနိုင်ငံခြားရေးဝန်ကြီး မစ္စတာ Stephane Dion နဲ့ မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည် တို့ နေပြည်တော်မှာ ဧပြီလ ၇ ရက်နေ့က ပူးတွဲသတင်းစာရှင်းလင်းစဉ်။ Photo: Win Ko Ko Latt/RFA
မြန်မာနိုင်ငံရဲ့ ဒီမိုကရေစီအစိုးရကို ထောက်ခံတဲ့အနေနဲ့ ကနေဒါနိုင်ငံက အမေရိကန်ဒေါ်လာ ၄၄ သန်းကူညီမယ် လို့ ကနေဒါနိုင်ငံခြားရေးဝန်ကြီး Stephane Dion က ပြောပါတယ်။

ဒီကနေ့ နိုင်ငံခြားရေးဝန်ကြီး ဒေါ်အောင်ဆန်းစုကြည်နဲ့ ပူးတွဲသတင်းစာရှင်းလင်းပွဲမှာ ကနေဒါနိုင်ငံခြားရေး ဝန်ကြီး မစ္စတာ Dion က ပြောလိုက်တာပါ။

"ကနေဒါနိုင်ငံအနေနဲ့ အပြောချည်းမဟုတ်ဘဲ အလုပ်နဲ့သက်သေပြဖို့ လိုတာဖြစ်ပါတယ်။ မိမိတို့အနေနဲ့ အမေရိကန်ဒေါ်လာ ၄၄ သန်းကို မြန်မာနိုင်ငံရဲ့ ဒီမိုကရေစီအသွင်ကူးပြောင်းရေးမှာ အရေးကြီးတဲ့ ဒီမိုကရေစီနဲ့ ဖက်ဒရယ်ပြည်ထောင်စုတစ်ခု တည်ဆောက်ရေးမှာ လက်တွေ့ကျတဲ့ ကျင့်သုံးမှုတွေဖြစ် လာအောင် ပံ့ပိုးမှာဖြစ်သလို ထိရောက်တဲ့ အစိုးရတစ်ရပ်ဖြစ်လာဖို့နဲ့ မြန်မာနိုင်ငံက စီးပွားရေးနယ်ပယ် မှာ ထက်မြက်တဲ့ အမျိုးသမီးထု ပေါ်လာအောင် ကူညီတဲ့စီမံကိန်းမျိုးတွေမှာ ရင်းနှီးမြှုပ်နှံသွားမှာဖြစ် တယ်" လို့ ပြောသွားတာပါ။

နိုင်ငံခြားရေးဝန်ကြီး ဒေါ်အောင်ဆန်းစုကြည်က ကနေဒါနိုင်ငံရဲ့ ကူညီမှုကို ၀မ်းမြောက်စွာ ကြိုဆိုကြောင်းနဲ့ ကနေဒါနိုင်ငံသားတွေကို ကျေးဇူးတင်ရှိကြောင်း ပြောပါတယ်။

ကနေဒါနိုင်ငံက ၂၀၁၁ ခုနှစ်ကစပြီး မြန်မာရဲ့ ဒီမိုကရေစီ အသွင်ကူးပြောင်းရေးကို ကူညီနေတာဖြစ်တဲ့ အတွက် နိုင်ငံခြားရေးဝန်ကြီးပြောတဲ့ လာမယ့်အကူအညီဟာ အမေရိကန်ဒေါ်လာ ၈ သန်းဖြစ်ကြောင်း နိုင်ငံတော် သမ္မတရုံးဝန်ကြီးဌာန ပြောရေးဆိုခွင့်ရှိသူ ဦးဇော်ဌေးက သူ့ရဲ့ သတင်းစာရှင်းလင်းပွဲမှာ အကူအညီနဲ့ ပတ်သက် ပြီး ရှင်းပြပါတယ်။

ကနေဒါနိုင်ငံခြားရေးဝန်ကြီးက မြန်မာနိုင်ငံမှာ ဒီမိုကရေစီစနစ် ရှင်သန်ဖို့ လိုအပ်ချက်ဟာ မြန်မာအတွက်သာမက တကမ္ဘာလုံးအတွက် အရေးကြီးပါတယ်။ ဒီမိုကရေစီစနစ်ဆိုတာ တစ်ရက်တည်းနဲ့ တည်ဆောက်လို့မရသလို စိန်ခေါ်မှုတွေ အခက်အခဲတွေအပြည့်နဲ့ ရင်ဆိုင်ရမယ့် ခရီးရှည်ဖြစ်ကြောင်း ကနေဒါနိုင်ငံရဲ့ အတွေ့အကြုံနဲ့ ယှဉ်ပြီး ပြောသွားပါတယ်။

ပူးတွဲ သတင်းစာရှင်းလင်းပွဲအပြီးမှာ နိုင်ငံတော်သမ္မတ ဦးထင်ကျော်က ကနေဒါနိုင်ငံခြားရေးဝန်ကြီးကို လက်ခံတွေ့ဆုံခဲ့ပါတယ်။ အဲ့ဒီမှာ နှစ်နိုင်ငံပူးပေါင်းဆောင်ရွက်ရေးကိစ္စအပြင် မြန်မာနိုင်ငံက ကျောင်း သူ ကျောင်းသားတွေကို ကနေဒါနိုင်ငံမှာ Scholarship ပညာသင်ဆုတွေပေးအပ်ဖို့ ဆွေးနွေးရာမှာ ကနေဒါ နိုင်ငံခြားရေးဝန်ကြီးက လက်ခံလိုက်ပါတယ်။

RFA Burmese
http://www.rfa.org/burmese


အမျိုးသားဒီမိုကရေစီအဖွဲ့ချုပ် (NLD) ပါတီက ဦးဆောင်ပြီး မြန်မာနိုင်ငံမှာ အရပ်သားအစိုးရတရပ်ကို ထူထောင်နိုင်ခဲ့တဲ့အတွက် အမေရိကန် သမ္မတ ဘရက်ခ် အိုဘားမားက ချီးကျုးတဲ့အကြောင်း ဧပြီလ ၆ ရက်နေ့က ပါတီခေါင်းဆောင် ဒေါ်အောင်ဆန်းစုကြည်နဲ့ သမ္မတသစ် ဦးထင်ကျော်တို့ကို တယ်လီဖုန်းဆက် ပြောကြားခဲ့ပါတယ်။

မြန်မာနိုင်ငံမှာ အရပ်ဘက်က ဦးဆောင်တဲ့ အစိုးရတရပ်ထံ ဒီမိုကရေစီနည်းကျ အာဏာလွှဲပြောင်းပေးတဲ့ သမိုင်းဝင်ဖြစ်ရပ်အတွက် ဂုဏ်ယူကြောင်းနဲ့ ပြီးခဲ့တဲ့ သီတင်းပတ်ထဲမှာပဲ ကျမ်းသစ္စာကျိန်ဆိုခဲ့တဲ့ သမ္မတသစ် ဦးထင်ကျော်ကိုလည်း ချီးကျုးလိုတဲ့အကြောင်း သမ္မတ အိုဘားမား ကိုယ်တိုင် ဗုဒ္ဓဟူးနေ့က တယ်လီဖုန်းဆက် ပြောကြားခဲ့တယ်လို့ အမေရိကန်သမ္မတ အိမ်ဖြူတော်က ကြေညာချက်က ဖော်ပြပါတယ်။

ငြိမ်းချမ်းစွာ အာဏာလွှဲပြောင်းနိုင်ဖို့နဲ့ အမျိုးသားပြန်လည်သင့်မြတ်ရေး ရှေ့တိုးဆောင်ရွက်နိုင်ဖို့ နှစ်ပေါင်းများစွာ တစိုက်မတ်မတ်နဲ့ အကြီးအကျယ် ပေးဆပ်ခဲ့တဲ့ ဒေါ်အောင်ဆန်းစုကြည်ရဲ့ ကြိုးပမ်းမှုတွေအတွက် ဂုဏ်ယူကြောင်းလည်း သမ္မတအိုဘားမားက ပြောဆိုခဲ့သလို၊ အားလုံး ပိုမိုပါဝင်နိုင်မယ့် ငြိမ်းချမ်းပြီး၊ သာယာဝပြောတဲ့ အနာဂတ်ပိုင်ဆိုင်နိုင်အောင် မြန်မာပြည်သူတွေနဲ့ အစိုးရကို အမေရိကန်က ဆက်လက် ကူညီဖို့လည်း ကတိပြု ပြောကြားသွားပါတယ်။ မကြာခင်ကျရောက်တော့မယ် အတာသင်္ကြန်ပွဲတော်နဲ့ နှစ်သစ်ကူးအခါသမယ မတိုင်ခင် သမ္မတဦးထင်ကျော်နဲ့ မြန်မာပြည်သူ တွေအတွက် သမ္မတအိုဘားမားက ဆုမွန်ကောင်း တောင်းလိုက်ကြောင်းလည်း အိမ်ဖြူတော်ရဲ့ ကြေညာချက်က ဖော်ပြခဲ့ပါတယ်။ အလားတူ ကုလသမဂ္ဂ အတွင်းရေးမှူးချုပ် ဘန်ကီမွန်းကလည်း ဧပြီလ ၅ ရက် အင်္ဂါနေ့က သမ္မတ ဦးထင်ကျော်ကို တယ်လီဖုန်းခေါ်ဆိုခဲ့ပြီး - နှစ်ပေါင်း ၅၀ ကျော်အတွင်း မြန်မာနိုင်ငံရဲ့ ပထမဆုံး အရပ်သားသမ္မတတဦးအဖြစ် ရွေးချယ်တင်မြှောက်ခံရမှုအပေါ် ကြိုဆိုကြောင်းနဲ့ မြန်မာနိုင်ငံအပေါ် ကုလသမဂ္ဂက ဆက်လက် ပံ့ပိုးကူညီသွားမယ့်အကြောင်း ပြောကြားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


အမေရိကန်နိုင်ငံ၊ Wisconsin ပြည်နယ်မှာ အင်္ဂါနေ့က ကျင်ပခဲ့တဲ့ Republican ပါတီတွင်း သမ္မတကိုယ်စားလှယ်လောင်း ပဏာမ ရွေးချယ်မှုမှာ Texas ပြည်နယ် အထက်လွှတ်တော်အမတ် Ted Cruz က ပါတီတွင်း ရှေ့ကပြေးနေတဲ့ Donald Trump ကို အပြန်အသတ် အနိုင်ရလိုက်တဲ့အတွက် ပါတီညီလာခံ ကျင်းပတဲ့အချိန် သမ္မတကိုယ်စားလှယ်လောင်းကို အစကနေ ပြန်လည် ရွေးချယ်ရမယ့် ကြုံတောင့်ကြုံခဲ အဖြစ်မျိုးနဲ့ ရင်ဆိုင်ရမယ့် အလားအလာ ပိုများလာနေပါတယ်။

အချိန်ကာလအားဖြင့် ဇွန်လအစောပိုင်းအထိ ကြာမယ့် Republican ပါတီတွင်း ပဏာမ သမ္မတကိုယ်စားလှယ်လောင်း ရွေးချယ်ဖို့ ၁၆ ပြည်နယ် ကျန်နေပါသေးတယ်။ နိုင်ငံရေးလောကကို ပထမဆုံးအကြိမ် ၀င်ရောက်လာတဲ့ အိမ်ခြံမြေ လုပ်ငန်းရှင် ကုဋေကြွယ်သူဌေးကြီး Donald Trump အနေနဲ့ ဇူလိုင်မှာ ကျင်းပမယ့် ပါတီညီလာခံမှာ အစကနေ ပြန်လည်အရွေးခံရမယ့် အဖြစ်မျိုးနဲ့ ရင်မဆိုင်ရအောင် အဲဒီ ကျန်နေသေးတဲ့ ပြည်နယ်တွေမှာ အနဲဆုံး ၆၀% အနိုင်ရဖို့ လိုပါတယ်။

Trump အနေနဲ့ ကိုယ်စားလှယ်အရေအတွက် သိသိသာသာ အသာစီး ရထားပေမယ့်လည်း ကိုယ်စားလှယ် စုစုပေါင်းရဲ့ ၄၇% သာ အနိုင်ရထားသေးတာ ဖြစ်ပါတယ်။ Cruz အနေနဲ့ကတော့ ဇူလိုင်လမှာ ကျင်ပမယ့် ပါတီညီလာခံမတိုင်ခင် ပါတီကို ကိုယ်စားပြုပြီး သမ္မတလောင်းအဖြစ် ၀င်ရောက် ယှဉ်ပြိုင်နိုင်ရေးအတွက် လိုအပ်တဲ့ ကိုယ်စားလှယ်အရေအတွက် ရရှိနိုင်ရေးအတွက် ကျန်ပြည်နယ် အားလုံးမှာ ကျင်းပမယ့် ပါတီတွင်းရွေးချယ်မှုတွေမှာ ၉၀% အနိုင်ရရမှာ ဖြစ်ပါတယ်။

Republican ပါတီအနေနဲ့ ညီလာခံကျင်းပတဲ့အချိန်မှာ သမ္မတကိုယ်စားလှယ်လောင်းကို ပြန်လည် ရွေးချယ်ရတဲ့ အဖြစ်မျိုး ၁၉၇၆ ခုနှစ် နောက်ပိုင်းမှာ မရှိခဲ့ပါဘူး။

Ohio ပြည်နယ်၊ Cleveland မြို့မှာ ကျင်းပမယ့် ၂၀၁၆ ခုနှစ် Republican ပါတီ ညီလာခံကို တက်ဖို့အတွက် ရွေးချယ်ခံထားရတဲ့ ကိုယ်စားလှယ်တွေအနေနဲ့ အစဉ်အလာအားဖြင့် သူတို့ ပြည်နယ်အသီးသီးမှာ ပါတီက ဦးဆောင်ကျင်းပတဲ့ ပဏာမ ရွေးချယ်မှုနဲ့ ပြည်နယ် အစိုးရတွေက ဦးဆောင်ကျင်းပတဲ့ ရွေးချယ်မှုတွေက ထွက်လာတဲ့ ရလဒ်အတိုင်း မဲပေးကြရမှာ ဖြစ်ပါတယ်။ ဒါပေမဲ့ နောက်ဆက်တွဲ မဲပေးရမယ့် အခြေအနေမျိုး ဖြစ်လာခဲ့ရင်တော့ သမ္မတ ကိုယ်စားလှယ်လောင်း ထွက်မလာမချင်း သူတို့ ကြိုက်နှစ်သက်တဲ့သူကို မဲပေးခွင့် ရှိကြမှာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


ဧပြီ ၆ ရက်၊ ၂၀၁၆ ခုနှစ်။

ကရင်ပြည်နယ် ဖားအံမြို့နယ်အတွင်း လိုင်စင်မဲ့ယာဉ်များကို ယခင်ပြည်နယ်အစိုးရ ညွှန်ကြားချက်အတိုင်း ဧပြီ လဆန်းပိုင်းမှစတင်ကာ ဒေသအာဏာပိုင်များက ဦးဆောင်၍ ဖမ်းဆီးမှုများ ဆက်လက်လုပ်ဆောင်သွားမည်ဟု ကရင်ပြည်နယ် ဖားအံခရိုင် ရဲတပ်ဖွဲ့မှူး၊ ဒုတိယရဲမှူးကြီး ဇော်မင်းအောင်က ဧပြီ ၅ ရက်နေ့တွင် ပြောသည်။

၎င်းက “လိုင်စင်မဲ့ယာဉ်ဖမ်းတာနဲ့ပတ်သက်ပြီး အစိုးရအသစ်ကတော့ ဖွဲ့စည်းမှုမပြီးသေးတဲ့အတွက် ဘာမှ ညွန်ကြားတာတွေ မရှိပါဘူး။ အခုဖမ်းတာ ယခင်ကရင်ပြည်နယ်အစိုးရ လက်ထဲကတည်းက ညွန်ကြားထားတဲ့ ဟာနဲ့ ဖမ်းတာဖြစ်ပါတယ်။ ဖမ်းတာကလည်း အဖွဲ့စုံပါတယ်”ဟု ကေအိုင်စီသို့ ပြောသည်။

ထိုသို့ လိုင်စင်မဲ့ယာဉ်များဖမ်းဆီးရာတွင် ပြည်နယ်အတွင်းရှိ တိုင်းရင်းသားလက်နက်ကိုင်ပေါင်းစုံမှ ပူးပေါင်းပါဝင် နေသလို နိုင်ငံတော်မှ ထုတ်ပေးသည့် လိုင်စင်ဟုတ်မဟုတ်ပါက အစိုးရတာဝန်ရှိသူများက စစ်ဆေးမည့်အပြင် တိုင်းရင်းသားလက်နက်ကိုင် အဖွဲ့အစည်းလိုင်စင်ဖြင့် ဖားအံမြို့အတွင်းဝင်လာသည့် ယာဉ်များကိုလည်း တိုင်းရင်းသားလက်နက်ကိုင်အဖွဲ့များက တာဝန်ယူ စစ်ဆေးသွားမည်ဟု ဖမ်းဆီးရေးအဖွဲ့ဝင်များက ပြောသည်။

ပြည်နယ်အတွင်းရှိ တိုင်းရင်းသားလက်နက်ကိုင် အဖွဲ့စုံပါဝင်သည့်ယာဉ်စစ်ဆေးရေး အဖွဲ့အနေဖြင့် NCA လက်မှတ်ထိုးထားသည့် အဖွဲ့များ၏ ယာဉ်များကိုသာ တာဝန်ယူစစ်ဆေးမည်ဖြစ်သလို NCA တွင်မပါသည့် အဖွဲ့များ၏ ကားများကို တာဝန်ယူမည်မဟုတ်ဟုလည်း လိုင်စင်မဲ့ယာဉ် ဖမ်းဆီးရေးအဖွဲ့တွင် ပါဝင်သူ ကရင် ပြည်နယ်၊နယ်ခြားစောင့်တပ် BGF ဗဟိုမှ ဗိုလ်ကြီး ဇော်လင်းက ကေအိုင်စီသို့ ပြောသည်။

“အဖွဲ့အစည်းကားတွေက သက်ဆိုင်ရာအဖွဲ့လိုက် တာဝန်ခံတွေ စစ်ဆေးတယ်။ အမှန်အကန် ဟုတ်မဟုတ် အတုလုပ်ထားရင်လည်း ကျနော်တို့ သိတယ်။ BGF အပြင် NCA မှာ ပါဝင်တဲ့ KNU၊ DKBA၊ KNU/KNLA-PC အဖွဲ့တွေရဲ့ ဆက်ဆံရေးရုံး တာဝန်ခံက လာစစ်တယ်။ အဖွဲ့လက်မှတ်၊ နံပါတ်ပြားတွေ မမှန်ကန်တဲ့ ကားဆိုရင် ကျနော်တို့က သက်ဆိုင်ရာကို ပြန်အပ်တယ်။ NCA မှာ မပါတဲ့အဖွဲ့တွေရဲ့ ကားကိုတော့ တာဝန်မယူရဲဘူး”ဟု ၎င်းက ပြောသည်။

ကရင်ပြည်နယ်အတွင်း လိုင်စင်မဲ့ယာဉ်များကို ပြည်နယ် အစိုးရဝန်ထမ်းများ အပါအဝင် အလွှာစုံ အသုံးပြုမှု ရှိနေရာမှ ယခု ၂၀၁၆ ခုနှစ်၊ နှစ်ဆန်းပိုင်းတွင် လိုင်စင်မဲ့ယာဉ်များကို အစိုးရက စတင် ဖမ်းဆီးခဲ့သည်။ ယင်းအပေါ် ကရင်လက်နက်ကိုင်အဖွဲ့အချို့နှင့် ကရင်နိုင်ငံရေးပါတီများက ဖမ်းဆီးသိမ်းယူ ခြင်းထက် ဒေသတွင်းလိုင်စင် ထုတ်ပေးရန် အသီးသီး ကြေညာချက်ထုတ်ပြန် တောင်းဆိုခဲ့ကြသည်။

လိုင်စင်မဲ့ယာဉ် စတင်ဖမ်းဆီးခဲ့သည့် ဇန်နဝါရီမှ၊ ဖေဖော်ဝါရီအထိ ယာဉ် ၅၆ စီးဖမ်းထားသလို မတ်လအတွင်း ယာဉ်ဖမ်းဆီးမှု အေးနေရာမှ ယခု ဧပြီ ၄ ရက်နေ့တွင် ဖမ်းဆီးမှု ပြုလုပ်ခဲ့ရာ ယာဉ်စီးရေ ၁၀ ကျော်ဖမ်းမိ ထားသည်ဟု ခရိုင်ရဲတပ်ဖွဲ့ထံမှ သိရသည်။

 နန်းဝေဖြိုးဇာ
ကေအိုင်စီ - KIC
http://kicnews.org