04/13/16


ထိုင်းနိုင်ငံအတွင်းမှာ ပန်းရောင်ကဒ်ပတ်စ်ပို့ ယာယီပတ်စ်ပို့ ကိုင်ဆောင်ပြီး အလုပ်လုပ်နေတဲ့ မြန်မာ၊ လာအို၊ ကမ္ဘောဒီးယားနိုင်ငံသား ရွှေ့ပြောင်းအလုပ်သမားတွေကို သင်္ကြန်ကာလအတွင်း လွတ်လပ်စွာ အိမ်ပြန်ခွင့်ပြုကြောင်း ထိုင်းဝန်ကြီးချုပ်ကနေ အထူးအမိန့် မနေ့က ထုတ်ပြန်ခဲ့တာပါ။

ထိုင်းအစိုးရအနေနဲ့ အိမ်ပြန်ဖို့ ခွင့်ပြုရက်ဟာ နည်းပါးနေသလို ထိုင်းနိုင်ငံအတွင်း မြန်မာကျွမ်းကျင်လုပ်သားတွေကို အထူး လိုအပ်နေတဲ့ အခြေအနေကြောင့်လို့လည်း မြန်မာ့အလုပ်သမားအရေး လှုပ်ရှားသူတွေက ပြောပါတယ်။ ဒီအခြေအနေကိုတော့ ဗွီအိုအေသတင်းထောက် နိုင်ကွန်းအိန် က သတင်းပေးပို့ထားပါတယ်။

ထိုင်းနိုင်ငံအစိုးရကနေ နိုင်ငံအတွင်းမှာ အလုပ်လုပ်နေတဲ့ နိုင်ငံရပ်ခြား ရွှေ့ပြောင်းအလုပ်သမားတွေအတွက် သင်္ကြန်ကာလ ၁၀ ရက်အတွင်း လွတ်လပ်စွာ အိမ်ပြန်ခွင့်ပြုတဲ့အမိန့် ထုတ်ပြန်ထားကြောင်း ထိုင်းအခြေစိုက် မြန်မာပြည်သားများအရေး ပူးတွဲ လှုပ်ရှားမှုကော်မတီ တာဝန်ရှိသူတဦးဖြစ်တဲ့ ကိုမိုးကြိုး က အခုလို ပြောပါတယ်။

“ထိုင်းနိုင်ငံရောက် မြန်မာ၊ ကမ္ဘောဒီးယား၊ လာအိုအတွက် ၃ နိုင်ငံမှာရှိတဲ့ ရွှေ့ပြောင်း အလုပ်သမားတွေအတွက် ရည်ရွယ်တာပေါ့ဗျာ။ သင်္ကြန်ကာလမှာ မိခင်တိုင်းပြည်မှာ ပြန်ပြီးတော့ ပျော်ရွှင်စွာ ရေပက်ကစားနိုင်ဖို့ ရည်ရွယ်ပြီးတော့ ထိုင်းအစိုးရကနေ ၁၀ ရက်၊ ဧပြီလ ၁၁ ရက်ကနေ ဧပြီလ ၂၀ ရက်နေ့အထိ ရွှေ့ပြောင်းမြန်မာတွေ နေရပ်ကို လွတ်လပ်စွာ ပြန်နိုင်တယ်။ အဲ့လိုပြန်တဲ့နေရာမှာ ပန်းရောင်ကဒ်လို့ခေါ်တဲ့ ယာယီနေထိုင် အလုပ်လုပ်ကိုင်ခွင့်လက်မှတ်ပဲ ကိုင်ထားကိုင်ထား၊ ယာယီပတ်စ်ပို့ပဲ ကိုင်ထားကိုင်ထား အဲဒီစာရွက်စာတမ်းတွေမှာ သက်တမ်းပဲရှိရှိ၊ မရှိရှိ၊ သက်တမ်းပဲ သေနေနေပေါ့ဗျာ လွတ်လပ်စွာ ပြန်လို့ရတယ်။ ခွင့်ပြုတာ ၁၀ ရက်ပေါ့။”

ထိုင်းနိုင်ငံ ဝန်ကြီးချုပ်ကနေ ဧပြီလ ၁၁ ရက်နေ့ ရက်စွဲနဲ့ အထူးအမိန့် ပုဒ်မ ၄၄ အသုံးပြုပြီး ထုတ်ပြန်ခဲ့တာပါ။ ပုဒ်မ ၄၄ ဆိုတာ စစ်အစိုးရ ထိုင်းဝန်ကြီးချုပ်အတွက် ပေးထားတဲ့ အထူးအာဏာတခုလည်း ဖြစ်ပါတယ်။ ထိုင်းအစိုးရအနေနဲ့ မြန်မာအလုပ်သမားတွေအတွက် အိမ်ပြန်ဖို့ ခွင့်ပြုရက်ဟာ နည်းပါးနေတယ်လို့ ကိုမိုးကြိုးက ဆက် ပြောပါတယ်။

“မြန်မာရွှေ့ပြောင်းအလုပ်သမားတွေက များသောအားဖြင့်က တနှစ်ပတ်လုံး အလုပ်လုပ်ပြီးတော့ ဒီကာလမှာ ပြန်ကြတယ်။ ပြန်ကြတဲ့အခါမှာ တချို့ဆိုရင် ကရင်ပြည်နယ်တို့၊ မွန်ပြည်နယ်တို့၊ ပဲခူးတိုင်းတို့ကတော့ ထိုင်း-မြန်မာနယ်စပ် တနှံ့တလျားမှာ ကပ်နေတဲ့ဟာတွေက သိပ်ပြဿနာမရှိဘူး။ စစ်ကိုင်းတိုင်းတို့၊ မန္တလေးတိုင်းတို့၊ တချို့ဆိုရင် ကချင်ပြည်နယ်တို့၊ ကယားပြည်နယ်တို့ ပြန်ရမယ့်သူတွေကျတော့ ဒီရက်အကန့်အသတ်နဲ့တော့ မလုံလောက်ဘူး။ သူတို့ပြန်ကြတာတွေက သူတို့ဆိုရင် ၁ လ ၉ သီတင်း ပြန်ကြတာတွေက များတယ်။”



မြန်မာရွှေ့ပြောင်း အလုပ်သမားတွေအနေနဲ့ သင်္ကြန်မတိုင်ခင်မှာ မိမိတို့ရပ်ရွာကို ပြန်လေ့ရှိကြသလို ရှင်ပြုရဟန်းခံ အလှူဒါနပြုလုပ်ပြီး သင်္ကြန်အလွန်မှာ ထိုင်းနိုင်ငံမှာရှိတဲ့ မိမိအလုပ်ခွင်ကို ပြန်ဝင်လေ့ ရှိကြပါတယ်။ အခုလို ထိုင်းအစိုးရအနေနဲ့ ဧပြီလ ၁၁ ရက်နေ ၂၀ ရက်အထိ ၁၀ ရက်လောက်ပဲ ခွင့်ပြုတာဟာ ထိုင်းနိုင်ငံအတွင်း မြန်မာကျွမ်းကျင်လုပ်သားတွေကို အထူး လိုအပ်နေတဲ့ အခြေအနေတခုကြောင့်လို့ ကိုမိုးကြိုးက အခုလို ပြောပါတယ်။

“သူတို့လုပ်ငန်းရှင်တွေကလည်း ခွင့်မပြုချင်ပေမဲ့လည်း ခွင့်ပြုထားရတာများတယ်။ ထိုင်းအစိုးရကလည်း သူ့လုပ်ငန်းရှင်တွေက ကျွမ်းကျင်အလုပ်သမားတွေကို လက်မလွှတ်ရအောင် အလိုလိုက် အကြိုက်ဆောင်ပြီး လုပ်ပေးရတာ အခြေအနေနဲ့ လျော်ညီစွာ။ မြန်မာရွှေ့ပြောင်းအလုပ်သမားတွေရဲ့ ကျွမ်းကျင်မှု၊ ကျွမ်းကျင်အလုပ်သမားတွေ လက်မလွှတ်ရအောင် အလိုလိုက် အကြိုက်ဆောင်လိုက်တဲ့ သဘောပါပဲ။ ထိုင်းနိုင်ငံမှာရှိတဲ့ မြန်မာရွှေ့ပြောင်းအလုပ်သမား ၃ ပုံ ၁ ပုံလောက် ပြန်ကြပြီ။”

ဒီလို ပြန်တဲ့နေရာမှာလည်း နယ်စပ်ဂိတ်ကနေ အထောက်အထား တခုခုနဲ့ စီစဉ်ပေးပြီး တံဆိပ်တုံးထု လုပ်ဆောင်ပေးမှာဖြစ်ပြီး ငွေကြေးတစုံတရာ လုံးဝ ပေးစရာမလိုဘူးလို့လည်း ဖော်ပြထားပါတယ်။ ထိုင်း-မြန်မာနယ်စပ် ဘုရားသုံးဆူလမ်းကြောင်းကနေ ၀င်ထွက်နေတဲ့ ပတ်စ်ပို့ကိုင် ရွှေ့ပြောင်း အလုပ်သမားတဦးကတော့ သက်ဆိုင်ရာ ထိုင်းစိစစ်ရေးဂိတ်တွေမှာ ငွေပေးဆောင်နေဆဲလို့ မွန်ဘာသာနဲ့ အခုလို ပြောပါတယ်။

“ဘုရားသုံးဆူလမ်းကတော့ ထိုင်းနိုင်ငံအတွင်းကို တရားဝင် ၀င်ထွက်သွားလာခွင့်တော့ မရှိဘူး။ ဒါပေမဲ့ နားလည်မှုနဲ့ ၀င်ထွက်နေရတာပေါ့။ သုံးဆူကနေ ဘန်ကောက်အထိတော့ ဂိတ်ပေါင်း ၂၀ ကျော်တယ်။ အလျဉ်းသင့်သလို ပေးဆောင်သွားရတာပဲ။ ပတ်စ်ပို့ကိုင်တဲ့ သူတွေကလည်း ကြားခံပွဲစားတွေကနေ တံဆိပ်တုံးထုခ ၃၀၀ လောက်တော့ ယူနေတယ်။ အကုန်ကျများနေတာပေါ့။”

ထိုင်းနိုင်ငံအတွင်းကို နယ်စပ်မြို့ဖြစ်တဲ့ တာချီလိတ်၊ မြ၀တီ ကော့သောင်း အစရှိတဲ့ လမ်းကြောင်းတွေသာ တရားဝင် လမ်းကြောင်းအဖြစ် နှစ်နိုင်ငံ အစိုးရကနေ သတ်မှတ်ထားတာဖြစ်ပြီး ကျန်တဲ့ လမ်းကြောင်းတွေဟာ တရားဝင်အဖြစ် အသိအမှတ် မပြုတဲ့အတွက် ငွေကုန်ကျများတဲ့ အကြောင်းရင်းတခုလို့ အဲဒီရွှေ့ပြောင်းအလုပ်သမား က ပြောပါတယ်။ မြန်မာနိုင်ငံမှာ နိုင်ငံရေး မတည်ငြိမ်မှု၊ စီးပွားရေးနိမ့်ကျမှု၊ ကုန်ဈေးနှုန်းကြီးမြင့်မှုနဲ့ ငွေလဲနှုန်းကွာဟမှုတွေကြောင့် ဒေသ အသီးသီးက လူအများအပြားဟာ ထိုင်းနိုင်ငံအတွင်း ရွှေ့ပြောင်းအလုပ်သမားအဖြစ် အလုပ်လုပ်ကိုင် နေရပါတယ်။

လက်ရှိ ၂၀၁၅ ရွေးကောက်ပွဲအနိုင်ရ NLD အစိုးရသစ်လက်ထက်မှာ နိုင်ငံရဲ့ အခြေခံ အကျပ်အတည်းတွေကို ဖြေရှင်းပေးနိုင်မယ်ဆိုရင် ပြည်တွင်းမှာပဲ အလုပ်လုပ်ကိုင်ဖို့ ဆန္ဒရှိကြောင်း ရွှေ့ပြောင်းအလုပ်သမားတချို့က ပြောပါတယ်။ ထိုင်းနိုင်ငံအတွင်းမှာ တရားဝင် မြန်မာရွှေ့ပြောင်း အလုပ်သမား ၂ သန်းလောက် ရှိမယ်လို့ ထိုင်းအလုပ်သမား ၀န်ကြီးဌာနကနေ ထုတ်ပြန်ထားပေမဲ့ တရားမ၀င် အလုပ်လုပ်နေတဲ့ အလုပ်သမားတွေ အများအပြား စာရင်းမ၀င်သေးတာကြောင့် ဒီထက်များပြားနေတယ်လို့ အလုပ်သမားအရေး လှုပ်ရှားသူတွေက ပြောပါတယ်။

ကိုနိုင်ကွန်းအိန်/ VOA
http://burmese.voanews.com/content/thai-water-festival-and-burmese-migrants/3282922.html

အမျိုးသားဒီမိုကရေစီအဖွဲ့ချုပ် ဗဟန်းမြို့နယ်၏ ပထမအကြိမ် မြန်မာ့ရိုးရာယဉ်ကျေးမှု မဟာသင်္ကြန်ဆုပေး မဏ္ဍပ်တွင် သံချပ်ထိုးပြိုင်ပွဲ သင်္ကြန်အကြိုနေ့ (ဧပြီ ၁၂ ) ရက်မှ အတတ်နေ့ (ဧပြီ ၁၆) ရက်ထိ ဗိုလ်စ်ိန်မှန် အားကစားကွင်းတွင် ကျင်းပပြုလုပ်မည်ဖြစ်ပြီး သံချပ်အဖွဲ့ပေါင်း ၁၀ ဖွဲ့ခန့် လာရောက်ယဉ်ပြိုင်မည် ဖြစ်ကြောင်း သိရသည်။

ယနေ့တွင် ည ၇ နာရီမှ စတင်ပြီး သံချပ်ပြိုင်ပွဲစတင်ခဲ့ရာ အွန်လိုင်းလေထန်ကုန်း၊ ငြိမ်းချမ်းပါစေ မြန်မာပြည်၊ မုသာဝါဒမပြောပါ သံချပ်သုံးဖွဲ့မှ ယဉ်ပြိုင်ခဲ့သည်။ ဒိုင်ချုပ်အဖြစ် အကယ်ဒမီ ဦးဗေလုဝမှ ဆောင်ရွက်သွားမည် ဖြစ်ကြောင်း သိရသည်။

သင်္ကြန်အကျနေ့တွင် မောင်မောင်ဆိုလေထီးရိုးရှည်၊ အပ္ပမာဒေနသမ္ဗာဒေထ၊ သင်္ကြန်မင်းသားကြီးတို့က လည်းကောင်း၊ သင်္ကြန်အကြတ်နေ့တွင် သာကီနွယ်၊ ကျွန်ုပ်တို့သည်၊ မတုံးဓါး တို့ကလည်းကောင်း၊ သင်္ကြန်အကြတ် (ဒုတိယနေ့) တွင် အပြာနှင့်အနီ၊ ကိုမေတ္တာ၊ ဆူးကြားမှဗူးခါး၊ ခေတ်ပါးစပ် တို့ကလည်းကောင်း၊ သင်္ကြန်အတတ်နေ့တွင် အနှိုင်းမဲ့ခွပ်ဒေါင်းက လည်းကောင်း ဖျော်ဖြေယဉ်ပြိုင် သွားမည်ဖြစ်ကြောင်း ကြေညာထားသည်။

■ သတင်းနှင့်ဓာတ်ပုံ - ကြည်နိုင်
Eleven Media Group


students-latpadan-620.jpg
လက်ပံတန်းမြို့မှာ ရဲတပ်ဖွဲ့ရဲ့ ဝိုင်းရံပိတ်ဆြို့ခင်းခံရတဲ့ သပိတ်စစ်ကြောင်းက ကျောင်းသားတွေကို မတ်လ ၃ ရက်နေ့က တွေ့ရစဉ်
Photo: Kyaw Zaw Win/RFA

အမျိုးသားပညာရေးဥပဒေ သပိတ်စစ်ကြောင်းတစ်လျှောက်မှာ ရရှိခဲ့တဲ့ ဘဏ္ဍာငွေ စာရင်းကို သင်္ကြန်ကာလအပြီး မှာ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် က သတင်းစာရှင်းလင်းပွဲကျင်းပပြီး ထုတ်ပြန်မယ် လို့ ကြေညာချက်ထုတ်ပြန်ပါတယ်။

ကျောင်းသားသပိတ် လမ်းကြောင်းတစ်လျှောက်မှာ အလှူငွေ ကျပ်သိန်းကိုးထောင် ရရှိခဲ့တယ်ဆိုပြီး ပြောဆိုနေ တာတွေကြောင့် ဘဏ္ဍာရေးစာရင်းရှင်းတမ်းကို ထုတ်ပြန် ပေးမှာဖြစ်တယ်လို့ကျောင်းသားသပိတ်ကာလအတွင်း ဘဏ္ဍာရေးမှူး တာဝန်ယူခဲ့တဲ့ ဗကသ ကျောင်းသူ မဟန်နီဦး က ပြောပါတယ်။

"စာရင်းဇယားတွေနဲ့လည်းရှိတယ်၊ တစ်ကယ်တော့ သိန်းကိုးထောင်ဆိုတာမဖြစ်နိုင်တာ အားလုံးသိပြီးသား လို့ ကျမတို့ယုံတယ်၊ ကျမတို့လမ်းတောက်လျှောက် မှာလည်း ပြည်သူတွေရဲ့ကျွေးမွေးမှုတွေနဲ့သာ သွားလာခဲ့တယ်၊ သတင်းစာရှင်းလင်းပွဲကို ဗကသရှေ့ဆက်မယ့်လုပ်ငန်းစဉ်နဲ့ ပတ်သက်တာတွေ ဘဏ္ဍာရေးနဲ့ တွဲပြီးတော့ သတင်းစာရှင်းလင်းပွဲလုပ်ဖို့ အစီအစဉ်တော့ရှိတယ်"

ပြီးခဲ့တဲ့နှစ် ဇန်န၀ါရီလက မန္တလေးကနေ စတင်ခဲ့တဲ့ ကျောင်းသားသပိတ် စစ်ကြောင်းဟာ အလှူငွေ ကျပ်သိန်း ကိုးထောင် ရရှိထားကြောင်း ဖေ့ဘွတ်စ် မှာ ဝေဖန်ပြောဆိုမှုတွေ ပျံ့နှံ့လာတာဖြစ်ပါတယ်။

ဗကသများအဖွဲ့ချုပ်ရဲ့ ဘဏ္ဍာရေးနဲ့ ပတ်သက်ပြီး မသမာမှုရှိတယ်လို့ စွပ်စွဲပြောဆိုလို သူတွေအနေနဲ့ အချက်အလက် အထောက်အထား သက်သေနဲ့ တကွ ပြောကြဖို့၊ အကြောင်းအရာ ခိုင်လုံတယ်ဆိုရင် အရေးယူဆောင်ရွက်သွားမှာဖြစ်ကြောင်းလဲ ကြေညာချက်မှာ ပါရှိပါတယ်။
RFA


karenni-620.jpg
၅၈ ကြိမ်မြောက် ကရင်နီရိုးရာ တံခွန်တိုင်စုပေါင်းပွဲတော် အခမ်းအနားကို ဧပြီလ ၁၂ ရက်နေ့က ကယားပြည်နယ် ဘောလခဲမြို့နယ် ချိကွဲ့ကျေးရွာမှာ ကျင်းပနေစဉ်
Photo: Nay Thwae/ RFA

၅၈ ကြိမ်မြောက် ကရင်နီရိုးရာ ကေ့ထျိုးဘိုး ခေါ် တံခွန်တိုင်စုပေါင်းပွဲတော် အခမ်းအနားကို ကယားပြည် နယ် ဘောလခဲမြို့နယ် ချိကွဲ့ကျေးရွာမှာ ဒီနေ့ ကျင်းပပြုလုပ်ပါတယ်။

ကယားပြည်နယ်လွှတ်တော် ဥက္ကဌ ဦးလှထွေးက ပြည်နယ်ဖွံ့ဖြိုးရေးအတွက် ဒီမိုကရေစီအစိုးရသစ်နဲ့ ပူးပေါင်းပြီး ကျရာနေရာကနေ ဆောင်ရွက်ပေးကြဖို့ အခမ်းအနားမှာ ပြောကြားခဲ့ပါတယ်။

"ကယားပြည်နယ်အစိုးရအဖွဲ့အနေနဲ့လည်း ဘက်စုံ၊ ကဏ္ဍစုံကနေပြီး ဟန်ချက် ညီစွာပြည်နယ်ဖွံ့ဖြိုး တိုးတက်ရေးအတွက် ပြည်နယ်တိုင်းရင်းသား ပြည်သူလူထုရဲ့ မျက်နှာကိုကြည့်ပြီး အစွမ်းကုန်ကြိုး စားဆောင်ရွက်သွားပါမယ်လို့ ကတိပေးပါတယ်၊ ပြည်နယ်တိုင်းရင်းသား ညီကိုမောင်နှမများကလည်း ကျနော်တို့ ဒီမိုကရေစီအစိုးရသစ်နဲ့ ပူးပေါင်းလက်တွဲပြီး ပြည်နယ်ဖွံ့ဖြိုးတိုးတက်မှုလုပ်ငန်းတွေမှာ ပူးပေါင်းပါဝင်ဆောင်ရွက် ပေးကြပါလို့ မေတ္တာရပ်ခံ တိုက်တွန်းနှိုးဆော်အပ်ပါတယ်"

ကေ့ထျိုးဘိုး ခေါ် တံခွန်တိုင်ပွဲမှာ ဒေသအတွင်း တစ်နှစ်တာ လုပ်ကိုင်စားသောက်ရေးနဲ့ တိုင်းပြည် အခြေအနေကို သိရှိနိုင်ဖို့ ရိုးရာကြက်ရိုးထိုးပြီး ဗေဒင်ဟော ရပါတယ်။

ဒီနှစ်မှာတော့ ရာသီဥတု အခြေအနေဆိုးရွားတာကြောင့် ရောဂါဘယခံစားနိုင်ကိန်း ရှိနေပြီး တိုင်းပြည်အုပ်ချုပ်ရေး အခြေအနေက ပုံမှန်ပဲဖြစ်တယ် လို့ ဗေဒင်ဆရာက ပြောခဲ့ပါတယ်။

အရင်က ချိကွဲ့ရွာဟာ ကရင်နီအမျိုးသား တိုးတက်ရေးပါတီနဲ့ အစိုးရတို့ အပစ်ခတ်ရပ်စဲရေး မယူခင်ကာလမှာ သွားလာရေးအလွန်ခက်ခဲခဲ့ပြီး လက်ရှိ အပစ်ခတ် ရပ်စဲထားတဲ့ကာလမှာ သွားလာရေးအခြေအနေ တိုးတက်လာပြီဖြစ်ပါတယ်။

တံခွန်တိုင်ပွဲကို ကယားပြည်နယ် လွိုင်ကော်၊ ဒီမောဆို၊ ဖရူဆို၊ ဘောလခဲ၊ ဖားဆောင်း စတဲ့မြို့နယ် ၇ မြို့နယ်က ကယား၊ ကယော၊ ကယန်း၊ ဂေခို တိုင်းရင်းသားတွေ စုပေါင်းကျင်းပတာဖြစ်ပြီး ချိကွဲ့ရွာက တံခွန်တိုင်ကွင်းမှာ တံခွန်တိုင်တော်ကို စုပေါင်း စိုက်ထူခဲ့ကြပါတယ်။

အဲဒီပွဲကို ကယားပြည်နယ်အစိုးရအဖွဲ့ ၊ ပြည်သူ့လွှတ်တော် ကိုယ်စားလှယ် ဒေါက်တာခင်စည်သူ ၊ ကယားပြည် နယ်ကေ့ထျိုးဘိုး ရိုးရာအဖွဲ့ချုပ်နဲ့ ဒေသခံ ၅၀၀ လောက်တက်ရောက်ခဲ့ပါတယ်။

RFA

[youtube src="BMXFxS462W4"/]
ကျနော်တို့ မြန်မာနိုင်ငံမှာ ပြည်ပရောက် အလုပ်သွားလုပ်နေတဲ့အထဲမှာ ရှုန်းနေကန်နေရတဲ့သူတွေ အလုပ်သွားလုပ်နေသူတွေအထဲမှာ အိုးအိမ်စွန့်ခွာပြီးနေရတဲ့ ပြည်သူပြည်သားတွေကိုလည်း ကျနော်တို့ မမေ့ပါဘူး။

သူတို့ဘဝ သာယာရေးအတွက် အောင်မြင်ရေးအတွက် ပြန်ပြီးတော့ အေးအေးချမ်းချမ်းနေနိုင်ရေးအတွက်ကိုလည်း ကျနော်တို့အစိုးရအဖွဲ့အနေနဲ့ ကြိုးစားပြီးတော့ ဆောင်ရွက်သွားပါမယ်။

ချက်ချင်းမဖြစ်ရင်တောင်မှ ဖြည်းဖြည်းခြင်းဖြစ်ပါမယ်။စိတ်ထဲမှာ တစ်ရက်မှမမေ့ပါဘူး။

နိုင်ငံတော် သမ္မတကြီးဦးထင်ကျော်
သင်္ကြန်အကြိုနေ့ (၂၀၁၆)

Creadit by Saw Phoe Khwar
Saw Phoe Khwar

naymyozin-nawohnhla-620.JPG
နိုင်ငံရေးအကျဉ်းသား ကိုနေမျိုးဇင်နဲ့ နော်အုန်းလှ အပါအဝင် တရုတ်သံရုံးရှေ့ဆန္ဒပြသူ ၅ ဦးကို အလုံမြို့နယ်တရားရုံးရှေ့ မှာ တွေ့ရစဉ်
Photo: RFA

မြန်မာအစိုးရက နိုင်ငံရေးအကျဉ်းသားအများအပြားကို လွှတ်ပေးလိုက်တဲ့အတွက် ဝမ်းသာကြိုဆိုကြောင်းနဲ့ ရာနဲ့ချီပြီးကျန်ရှိနေသေးတဲ့ နိုင်ငံရေးအကျဉ်းသားတွေကိုလည်း သူတို့အပေါ် စွဲဆိုချက်တွေရုပ်သိမ်းပြီး အမြန် ဆုံး ပြန်လည်လွှတ်ပေးစေလိုကြောင်း HRW ခေါ် နယူးယောက်မြို့အခြေစိုက် လူ့အခွင့်အရေးစောင့်ကြည့်ရေး အဖွဲ့က ကြေညာချက်တစ်စောင်ကို ဒီကနေ့ ထုတ်ပြန် တောင်းဆိုလိုက်ပါတယ်။

HRW က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဧပြီလ ၇ ရက်နဲ့ ၈ ရက် နေ့စွဲပါ ကြေညာချက် ၂ စောင်ကို ကိုးကားပြီး အခုလို နိုင်ငံရေးသမားတွေ လွတ်မြောက်ရေးကို ဦးစားပေးဆောင်ရွက်ခဲ့တာဟာ NLD အစိုးရရဲ့ လျှော်ကန်လှတဲ့ လုပ်ငန်းတစ်ခုဖြစ်ကြောင်းလည်း ဖေါ်ပြထားပါတယ်။

တဆက်တည်းမှာပဲ လူ့အခွင့်ရေးအတွက် ငြိမ်းချမ်းစွာလှုပ်ရှားသူတွေအပေါ် ကန့်သတ်ချုပ်ချယ်ထားတဲ့ ဥပဒေ ပုဒ်မတွေကိုလည်း မြန်မာအစိုးရသစ်အနေနဲ့ အမြန်ဆုံးဦးစားပေး ဖျက်သိမ်းပေးပါလို့ HRW အဖွဲ့ရဲ့ ကြေညာချက် မှာ တောင်းဆိုထားပါတယ်။
RFA

ဒေါင်းတို့မျိုးဆက် သင်္ကြန်သံချပ် အဖွဲ့ (ဓါတ်ပုံ- ဒေါင်းတို့မျိုးဆက်)
ဒေါင်းတို့မျိုးဆက် သင်္ကြန်သံချပ် အဖွဲ့ (ဓါတ်ပုံ- ဒေါင်းတို့မျိုးဆက်)

ဒီကနေ့ကျရောက်တဲ့ သင်္ကြန်အကြိုနေ့ကစလို့ မြန်မာနိုင်ငံတဝှမ်း သင်္ကြန်ရေသဘင်ပွဲတော်ကို စပြီးတော့ ဆင်ယင်နွှဲပျော်နေကြပြီ ဖြစ်သလို သင်္ကြန်သံချပ်အဖွဲ့တွေလည်း တိုင်းနဲ့ပြည်နယ် မြို့နယ်တွေမှာ လိုက်လံပြီး စတင်ဖျော်ဖြေနေကြပါပြီ။

ဒီနှစ်ထူးခြားချက်ကတော့ နိုင်ငံတွင်း အုပ်ချုပ်ရေး အာဏာ အလွှဲအပြောင်းကာလ အစိုးရသစ်လက်ထက် သင်္ကြန်အချိန်ကာလမှာ ဖျော်ဖြေတဲ့ သင်္ကြန်သံချပ်တွေဟာ အရင်အစိုးရတုန်းကလို ဝေဖန်တာမျိုး မဟုတ်တော့ပဲ တမူပြောင်းခဲ့သလို အရပ်သားအစိုးရသစ်ကို ကြိုဆိုတဲ့ လူထုအားနဲ့ အစိုးသစ်ကို ပူးပေါင်း ပံ့ပိုးပေးကြဖို့ ဆိုတာတွေကို အဓိကထား သံချပ်ထိုးခဲ့ကြပါတယ်။ အသေးစိတ် မဆုမွန် ဆက်ပြောပြပါမယ်။

ဒီကနေ့ဟာ မြန်မာသက္ကရာဇ် ၁၃၇၇ ခုနှစ်၊ တန်ခူးလဆန်း ၅ရက် အင်္ဂါနေ့ မဟာအတာသင်္ကြန်အကြိုနေ့ဖြစ်ပါတယ်။ အတာသင်္ကြန်ကာလ နှစ်သစ်ကူး အခါသမယမှာ နိုင်ငံတဝှမ်း မြန်မာ့ရိုးရာရေသဘင်ပွဲတော်ကို ဆင်ယင်နွှဲပျော်ကြသလို မြန်မာ့ရိုးရာယဉ်ကျေးမှုအဖြစ် သင်္ကြန်ရဲ့ပုံရိပ် ခေတ်ကို ထင်ဟပ်ပြသတဲ့ သင်္ကြန်သံချပ်တွေကိုလည်း ရိုးရာအစဉ်အလာမပျက် ဖျော်ဖြေကြပါတယ်။ ဒီနှစ်ကျရောက်တဲ့ ၂၀၁၆ခုနှစ် အတာသင်္ကြန်ကတော့ အစိုးရအကူးအပြောင်းကာလမှာ အစိုးရသစ်လက်ထက် ပထမဆုံးကျင်းပတဲ့ သင်္ကြန်ပွဲတော်ဖြစ်ပြီး အရင်အစိုးရတုန်းက ထိုးခဲ့တဲ့သံချပ်တွေလိုမဟုတ်ပဲ ထူးထူးခြားခြား သံချပ်တွေကို ပြောင်းပြီးတော့ ဖျော်ဖြေခဲ့ကြပါတယ်။ သံချပ်ထိုး ဖျော်ဖြေမှုတွေထဲ လက်ရှိမြန်မာ့နိုင်ငံရေး ကို ထင်ဟပ်စေတဲ့ ထူးခြားတဲ့ ဖန်တီးမှုတွေကိုလည်း တွေ့ရသလို ဒီအထဲ ဒေါင်းတို့မျိုးဆက် အပါအဝင် လူငယ်တွေ စုပေါင်းထားတဲ့ သံချပ်အဖွဲ့တွေကလည်း ခေတ်နဲ့စနစ်ကို ထင်ဟပ်စေတဲ့ သံချပ်တွေနဲ့ ကြွေးကြော်ဖျော်ဖြေခဲ့ကြပါတယ်။

“တောင်ပြိုကမ်းပြိုနိုင်ခဲ့ကြတဲ့.ပြည်သူ့အောင်ပွဲတို့အောင်ပွဲ၊ ပြည်သူ့အောင်ပွဲ တို့အောင်ပွဲ၊ ပြည်သူ့အောင်ပွဲ တို့အောင်ပွဲ။ ဖွဲ့စည်းပုံပြင်ဖို့ကိစ္စ ဆုတောင်းလေ ဆုတောင်းဆုတောင်း။ ကုန်ဈေးနှုန်းတွေကျလာဖို့လည်း ဆုတောင်းလေဆုတောင်းဆုတောင်း။"

အခုကြားခဲ့ရတာကတော့ တက္ကသိုလ်ကျောင်းသားများ သမဂ္ဂအဖွဲ့ (တကသ) အဖွဲ့တွေ ဦးဆောင်ပြီး ဒီမိုကရေစီ အင်အားစုတွေရဲ့ မျိုးဆက်သစ်လူငယ် ကလေးငယ်လေးတွေပါ ပါဝင်ဖျော်ဖြေနေကြတဲ့ ဒေါင်းတို့မျိုးဆက်သံချပ်အဖွဲ့ရဲ့ သံချပ်ထိုးသံတွေပဲဖြစ်ပါတယ်။ ဒီနေ့သင်္ကြန်အကြိုနေ့မှာတော့ ပဲခူးတိုင်းတွင်း လိုက်လံဖျော်ဖြေခဲ့ပြီး ဒီနှစ်အတွက် ထူးထူးခြားခြား စပ်ဆိုခဲ့တဲ့ သင်္ကြန်သံချပ်တွေကတော့ ပြည်သူ့အားနဲ့ အစိုးရသစ်ပေါ်ပေါက်လာတာ၊ ငြိမ်းချမ်းရေး၊ ပညာရေး၊ ဧရာဝတီအရေး ဖွဲ့စည်းပုံပြင်ရေး စတဲ့ သံချပ်တွေနဲ့ ပတ်သက်လို့လည်း ကိုရဲဇာနည်ထွန်းက အခုလိုပြောပြပါတယ်။

“ကျနော်တို့ ဒေါင်းတို့မျိုးဆက် ၄ နှစ်ရှိပြီပေါ့။ ဒီနှစ်ဆို ၄ နှစ်မြောက်လေ။တက္ကသိုလ်ပေါင်းစုံက ကျောင်းသားတွေက ထွက်ကြတယ်။ ဒီနှစ်ဆို ထူးထူးခြားခြားဆိုရင် သံချပ်အားလုံးကို ထောင်ထဲ ပုဒ်မအမျိုးမျိုးနဲ့ ထောင်ကျခံရတဲ့ အင်းစိန်ထောင်က ကျောင်းသားတွေ စုဖြစ်တာပေါ့နော်။ ဒီနှစ် ထူးထူးခြားခြားဘာပါသလဲဆိုတော့ လွှတ်တော်အတွင်း မှာ ပြည်သူလူထုက ရွေးကောက်တင်မြှောက်ထားတာမဟုတ်ပဲနဲ့ ပါဝင်ပတ်သက်နေတဲ့ ၂၅ ရာခိုင်နှုန်းကိစ္စကို ကျနော်တို့နည်းနည်းပိုပြီးဇောင်းပေးပြီး ပြောဖြစ်တယ်ဗျာ။ ဧရာဝတီလည်းပါတယ်ပေါ့။ အစိုးရအပြောင်းအလဲမှာ ကျနော်တို့ ဧရာဝတီရဲ့ပြဿနာပြန်ပြီးပေါ်လာတော့လေ အဲဒါကို ကျနော်တို့ highlight လေးလည်း လုပ်ထားတယ်။”

ဒေါင်းတို့မျိုးဆက်အဖွဲ့အနေနဲ့ ရန်ကုန်တိုင်း၊ ပဲခူးတိုင်း က မြို့နယ်အတော်များများမှာ ဒီနှစ်သင်္ကြန်တွင်း သံချပ်တွေ လိုက်လံဖျော်ဖြေဖို့ ရှိတဲ့အစီအစဉ်တွေရှိပါတယ်။

ပင်နီအင်္ကျီနဲ့ ယောလုံချည်ဆင်တူဝတ်ဆင်ပြီး မြို့နယ်တွေကို လိုက်လံဖျော်ဖြေနေတဲ့ ဒေါင်းတို့မျိုးဆက်ရဲ့ သံချပ်တွေကို လူထုက အထူးအားပေးခဲ့ကြပါတယ်။ အဓိကထိုးခဲ့တဲ့ သံချပ်တွေထဲမှာတော့ မဲဆန္ဒပေးပြီးကြောင်း အသိအမှတ်ပြု မှင်ပြာစွန်းနေတဲ့ လက်သန်းလေးတွေနဲ့ ဖော်ဆောင်နိုင်ခဲ့တဲ့ ပြည်သူ့အစိုးရသစ်ကို လူထုအားနဲ့ ဆက်ပြီး ပြုပြင်ပြောင်းလဲရေး လုပ်ငန်းစဉ်တွေ ဝိုင်းဝန်း အကောင်အထည်ဖော်သွားဖို့ အဓိက သံချပ်ထိုးခဲ့ကြတယ်လို့ ဒေါင်းတို့မျိုးဆက်နဲ့အတူ လိုက်လံဖျော်ဖြေနေတဲ့ ၈၈မျိုးဆက်ကျောင်းသားခေါင်းဆောင် ကိုဂျင်မီကပြောပါတယ်။

“၂၀၁၅ ရွေးကောက်ပွဲမှာ ပြည်သူတွေနဲ့ ပြည်သူ့ရဲ့အင်အားနဲ့ မဲနိုင်ခဲ့တယ်။ အပြောင်းအလဲလုပ်နိုင်ခဲ့တယ် ဆိုတာကို အဲဒါကို အဓိကထားတွေ့ရတယ်။ နောက်တခုကတော့ ဖွဲ့စည်းပုံအခြေခံဥပဒေထဲမှာ အရပ်သားလွှတ်တော်ကိုယ်စားလှယ်တွေကြီးပဲပါဝင်တဲ့ ဒီလွှတ်တော်မျိုးကို လိုချင်တယ်ဆိုတာကို ဖွဲ့စည်းပုံအခြေခံဥပဒေပြင်ဆင်ရေးပေါ့နော် ၊ ရွေးချယ်ခံမဟုတ်တဲ့ ကိုယ်စားလှယ်တွေလွှတ်တော်ထဲရှိနေတာ ဒီမိုကရေစီနဲ့ မညီဘူး ( undemocratic) ဖြစ်တယ်ဆိုတဲ့အကြောင်းပေါ့ အဲဒါကို သူတို့ အဓိကထားတာကို တွေ့ရတယ်။ နောက်တခုတော့ ငြိမ်းချမ်းရေးပေါ့ ။ ပြည်တွင်းစစ်ရပ်စဲရေးကိစ္စနဲ့ ငြိမ်းချမ်းရေးကိစ္စပေါ့ အဲဒီအချက် ၃ ချက်ကို ကျနော် သတိထားမိပါတယ်။”

ဧရာဝတီတိုင်း မြောင်းမြမြို့ပေါ်မှာလည်း ဗဟိုမဏ္ဍပ်အပါအဝင် မြို့ထဲက မဏ္ဍပ်တွေမှာ သံချပ်အဖွဲ့တွေကို ဖိတ်ခေါ်ခဲ့သလို လူငယ်တွေရဲ့ သင်္ကြန်သံချပ်တွေနဲ့ ဖြေဖျော်ခဲ့ပြီး ဒေသခံပြည်သူလူထုက အားပေးခဲ့ကြတယ်လို့ မြောင်းမြလူငယ်ကွန်ရက်က ကိုထွန်းလင်းက ပြောပြပါတယ်။

“ဒီနေ့လုပ်ဖြစ်တဲ့ဟာလေးကတော့ ဒီမြို့ထဲမှာ လှည့်လည်ဖျော်ဖြေတာပေါ့ခင်ဗျ။ ဒီညနေတော့ ဗဟိုမဏ္ဍပ်နဲ့ ဆွမ်းဆန်စိမ်း မဏ္ဍပ်မှာ သွားဖျော်ဖြေမယ်ခင်ဗျ။ ပြီးရင်တော့ သူတို့ ပုသိမ်ပြန်ကြမယ်ခင်ဗျ။ မြောင်းမြမြို့ထဲမှာ မဏ္ဍပ်ငယ်လေးတွေ ပတ်နေကြတယ်။ ကမ်းနားဘက်မှာတော့ မဟာ ပညာရေးမိသားစုပေါ့နော် ပုဂ္ဂလိကကျောင်းက မဏ္ဍပ်တခုရှိတယ်။ နောက် ဗဟိုမဏ္ဍပ်ကြီးရှိတယ်ပေါ့ခင်ဗျ။ ကျန်တာကတော့ ဒီမိသားစု မဏ္ဍပ်လေးတွေပါပဲခင်ဗျ။”

သင်္ကြန်တွင်း မင်းသားကျော်သူဦးဆောင်တဲ့ နာရေးကူညီမှုအသင်းရန်ကုန်ဘက်ကလည်း သင်္ကြန်မဏ္ဍပ်နဲ့ ရေကစားသလို ရိုးရာယဉ်ကျေးမှုတွေနဲ့ ကပြဖျော်ဖြေပြီး ပေးဆပ်သူများ ဆိုတဲ့ သင်္ကြန်သံချပ်အဖွဲ့ကလည်း သံချပ်ထိုးဖျော်ဖြေနေပါတယ်။ တချိန်တည်းမှာပဲ နာရေးကူညီမှုအသင်းအနေနဲ့ သင်္ကြန်ကာလအတွင်း ထိခိုက်ဒဏ်ရာရသူတွေနဲ့ မတော်တဆ သေဆုံးမှုတွေကို လိုက်လံကူညီ ဆောင်ရွက်ပေးနိုင်ဖို့ကိုလည်း အသင့်ပြင်ထားပါတယ်လို့ ရန်ကုန်နာရေးကူညီမှုအသင်းရန်ကုန် ရဲ့ ဥက္ကဋ္ဌ မင်းသားကျော်သူကပြောပါတယ်။

“သင်္ကြန်မဏ္ဍပ် လုပ်ထားတယ်။ ကလေးတွေ က တာပေါ့လေ။ ရိုးရာအကတွေ ယဉ်ကျေးမှုနဲ့ ကိုက်ညီတဲ့ အကတွေ နောက် သီချင်းတွေဆိုကြတယ်။ နောက် ပေးဆပ်သူများ သံချပ်အဖွဲ့လည်း ကျနော်တို့ထွက်ပါတယ်။ နာရေးဖြစ်ပွားလာတယ်ဆိုရင်လည်း ကျနော်တို့ကတော့ ambulance ကားတွေနဲ့ ကူညီမှုတွေ လုပ်နေပါတယ်။ လမ်းကြောင်းရှင်းတဲ့အတွက် လူနာသယ်ဆောင်ရတာတော့ တော်တော်အဆင်ပြေပါတယ်။ ကျနော်တို့ ဒီ နာရေးယာဉ်တို့၊ ambulance ကားတွေလာတယ်ဆိုရင် လူတွေ ကလည်း စည်းကမ်းတကျဘေးဖယ်ပေးပါတယ်။ ၀ိုင်းပြီးတော့တောင် ကားလမ်းကြောင်းတွေ ရှင်းပေးပါတယ်။”

ဒီနှစ်မှာတော့ ရန်ကုန်မြို့ထဲ လူစည်းကားပြီး ယာဉ်ကြောပိတ်ဆို့မှုတွေဖြစ်နိုင်တဲ့ အဓိကကားလမ်းမကြီးတချို့မှာ မဏ္ဍပ်တွေကို အကွာအဝေး စနစ်တကျသတ်မှတ်ပေးထားသလို စီးပွားဖြစ်မဏ္ဍပ် ဆောက်လုပ်ခွင့်တွေကိုလည်း ပိတ်ပင်ခဲ့တဲ့အတွက် ယာဉ်အသွားအလာ ရှင်းပြီး အမြန်မောင်းနှင်လိုတဲ့ အရေးပေါ်ယာဉ်တွေနဲ့ အများပြည်သူသုံး ခရီးသွားကားတွေ သွားလာရေး အဆင်ပြေချောမွေ့မှုရှိတယ်လို့သိရပါတယ်။

မဆုမွန်
VOA


တပ်နဲ့ အရပ်ဖက် ဆက်ဆံရေး အပြန်အလှန်သဟဇာတရှိရှိ အတူပူးပေါင်းဆောင်ရွက်ခြင်းဟာ တိုင်းပြည်တိုးတက်ရာတိုးတက်ကြောင်း ရလဒ်ကောင်းတွေရလာသလို၊ ပြည်တွင်းအင်အားတိုးတက်မှုဖြစ်စေလိမ့်မယ်လို့ မြန်မာသမ္မတ ဦးထင်ကျော်က ပြောဆိုပါတယ်။

တပ်နဲ့အရပ်ဖက် ဆက်ဆံရေးမှာ မဟာတံတိုင်းခြားသလို မဖြစ်စေချင်ဘူးလို့ နေပြည်တော် သမ္မတအိမ်တော်မှာလုပ်တဲ့ သင်္ကြန်ပွဲတော်ကို တတ်ရောက်လာတဲ့ ဧည်သည်တွေကို သမ္မတက ပြောဆိုသွားတာပါ။

နေပြည်တော်သမ္မတအိမ်တော်မှာလုပ်တဲ့ သင်္ကြန်အကြိုနေ့ သင်္ကြန်ပွဲတော်ကိုတော့ ဒုတိယသမ္မတနှစ်ဦးအပါအ၀င် အစိုးရပြည်ထောင်စုဝန်ကြီးတွေ လွှတ်တော်ပိုင်းက အကြီးအကဲတွေနဲ့ ဒုတိယ ကာကွယ်ရေးဦးစီးချုပ်တို့ တတ်ရောက်ပါတယ်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ ကာကွယ်ရေးဦးစီးချုပ် ဗိုလ်ချုပ်မှုးကြီးမင်းအောင်လှိုင်တို့ တတ်ရောက်လာခြင်းမရှိပါဘူး။ ရန်ကုန်မြို့ မြို့တော်ခန်းမရှေ့ ရန်ကုန်တိုင်းဒေသကြီး ဗဟိုမဏ္ဍပ်ကို ဒီကနေ့ သင်္ကြန်အကြိုနေ့မှာ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက တတ်ရောက်ဖွင့်လှစ်ခဲ့ပါတယ်။ ရန်ကုန်မြို့ပေါ်မှာတော့ သင်္ကြန်ရေပတ်ခံကားတွေ ရေပတ်မဏ္ဍိပ်တွေနဲ့ ဒီကနေ့ သင်္ကြန်အကြိုနေ့ကတည်းက စည်ကားနေပါပြီ။

ရန်ကုန်မြို့ သုဝဏ္ဏ ကွင်းမှာ ရခိုင်ရိုးရာသင်္ကြန်ပွဲကို ကျင်းပခဲ့ပြီး၊ ရန်ကုန်တိုင်းဒေသကြီး ရခိုင်တိုင်းရင်းသားရေးရာ ၀န်ကြီး ဦးဇော်အေးမောင်က တတ်ရောက်ဖွင့်လှစ်ခဲ့ပါတယ်။
VOA

လင်းထက်နိုင်နှင့် ဖြိုးဖြိုးအောင်
လင်းထက်နိုင်နှင့် ဖြိုးဖြိုးအောင်

မြန်မာနိုင်ငံမှာ ပြီးခဲ့တဲ့ သောကြာနေ့က နိုင်ငံရေးအကျဉ်းသားတွေ ပြန်လွှတ်ပေးလိုက်တဲ့အထဲ Bush Institute က စီစဉ် ပြုလုပ်တဲ့ Liberty and Leadership Forum မှာ တက်ရောက်နေကြတဲ့ ကျောင်းသား ၂ ဦးဖြစ်တဲ့ ကိုလင်းထက်နိုင်နဲ့ မဖြိုးဖြိုးအောင်တို့ပါ ပါဝင်တဲ့အတွက်

ဝမ်းသားမိကြောင်း အမေရိကန်သမ္မတဟောင်း George W. Bush နဲ့ သမ္မတကတော်တို့က ဧပြီလ ၁၁ ရက်နေ့ ရက်စွဲနဲ့ ကြေညာချက် ထုတ်ပြန်လိုက်ပါတယ်။ ဒါ့အပြင် မြန်မာနိုင်ငံမှာ နှစ်သစ်ကူးပွဲတော် ကျင်းပနေတဲ့ အချိန်အခါ ဖြစ်တာကြောင့်လည်း ငြိမ်းချမ်းပြီး ချမ်းသာကြွယ်ဝတဲ့၊ လွှတ်လပ်မှုနဲ့ ပြည့်စုံတဲ့ အနာဂတ်သစ် ပေါ်ထွန်းလာရေးအတွက် ဆုတောင်း မေတ္တာ ပို့သပါကြောင်လည်း ကြေညာချက်မှာ ဖော်ပြထားထာပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

မြန်မာနိုင်ငံမှာ ပြီးခဲ့တဲ့ သောကြာနေ့က နိုင်ငံရေးအကျဉ်းသားေ တွ ပြန်လွှတ်ပေး လိုက်တဲ့အတွက် မြန်မာပြည်သူ၊ ပြည်သားတွေနဲ့အတူ ၀မ်းသာ မိကြောင်း၊ ပြန်လွတ်လာသူတွေထဲ Bush Institute က စီစဉ် ပြုလုပ်တဲ့ Liberty and Leadership Forum မှာတက်ရောက်နေတဲ့ ပညာရေးဥပဒေ ပြုပြင်ပြောင်း လဲရေး တက်ကြွှလှုပ်ရှားသူ လူငယ် ကျောင်းသားခေါင်းဆောင် ၂ ဦးဖြစ်တဲ့ ကိုလင်းထက်နိုင်နဲ့ မဖြိုးဖြိုးအောင်တို့ အကျဉ်းချခံထားမှုကနေ ပြန်လည် လွှတ်မြောက်လာတဲ့အတွက် ကျေးဇူးတင်ကြောင်း အမေရိကန်သမ္မတဟောင်း George W. Bush နဲ့ သမ္မတကတော် Laura Bush တို့က ထုတ်ပြန်တဲ့ ကြေညာချက်မှာ ဖော်ပြထားပါတယ်။

ကိုလင်းထက်နိုင်ဟာ ဒီမိုကရေစီနဲ့ လူ့အခွင့်အရေး တက်ကြွလှုပ်ရှားသူတဦးဖြစ်သလို၊ ဗကသ - ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်က ခေါင်းဆောင်တဦးအဖြစ်နဲ့ အမျိုးသားပညာရေးဥပဒေကို ကန့်ကွက် ဆန္ဒပြရင်း မနှစ် မတ်လတုန်းက ဖမ်းဆီး ထိန်းသိမ်းခဲ့ရာက အခု ဧပြီလ ၈ ရက်နေ့မှာ ပြန်လည် လွှတ်မြောက်လာသူ ဖြစ်ပါတယ်။

“အခု လက်ရှိမှာတော့ အမေရိကန်သမ္မတဟောင်းပေါ့နော်၊ သူသမ္မတတာဝန် ထမ်းဆောင်နေတဲ့အချိန်မှာ ဗမာပြည်မှာက ရွှေဝါရောင်တော်လှန်ရေး ဖြစ်ခဲ့တဲ့အချိန်ပေါ့နော်၊ ၂၀၀၇ ခုနှစ်မှာ။ အဲဒီတုန်းကလည်း အမေရိကန်သမ္မတ ဂျော့ဘုရ်ှအနေနဲ့ ဗမာပြည် ဒီမိုကရေစီအရေး လှုပ်ရှားတဲ့ပြည်သူပြည်သားတွေအတွက် သူ့ရဲ့ရပ်တည်ချက်တွေကို ထုတ်ဖော်ပြောတာတွေလည်း ကျနော်တို့ ကြားသိခဲ့ရပါတယ်။ နောက်ပြီးတော့ ဗမာပြည်က လူငယ်ကျောင်းသားတွေရဲ့ ပညာရေးကိုလည်း သူ အထောက်အကူပေးတာတွေလည်း တွေ့ရပါတယ်။ အခု ၂၀၁၅ မှာ ကျနော်တို့ ပညာရေးသပိတ်ကြောင့် အဖမ်းဆီးခံခဲ့ရတဲ့အချိန်မှာလည်း သူတို့တတွေစိုးရိမ်ပူပန်မှုပေါ့နော် - ကျနော်တို့ကို အမြန်ဆုံးလွတ်မြောက်စေချင်တဲ့ဆန္ဒတွေကို ထုတ်ပြန်တာတွေကိုလည်း ကျနော်တို့ တွေ့ရပါတယ်။ ကျနော်တို့ ဗမာပြည်အပေါ်မှာ သူတို့တွေရဲ့စိတ်ဝင်စားမှုကို မြင်ရတဲ့အခါမှာ ကျနော်တို့ရဲ့ဒီမိုကရေစီရေး လှုပ်ရှားမှုတွေ၊ လူ့အခွင့်အရေး လှုပ်ရှားမှုတွေနဲ့ပတ်သက်ပြီးတော့ ပိုပြီးတော့ အားတစ်ခုဖြစ်စေပါတယ်။”

ကိုလင်းထက်နိုင်လိုပဲ Bush Institute က စီစဉ် ပြုလုပ်တဲ့ Liberty and Leadership Forum မှာ တက်ရောက်နေသူ တဦးဖြစ်တဲ့ မဖြိုးဖြိုးအောင်ဟာလည်း အမျိုးသားပညာရေးဥပဒေကို ကန့်ကွက် ဆန္ဒပြရင်း မနှစ် မတ်လတုန်းက ဖမ်းဆီး ထိန်းသိမ်းခဲ့ရာက အခု ဧပြီလ ၈ ရက်နေ့မှာ ပြန်လည် လွှတ်မြောက်လာသူ ဖြစ်ပါတယ်။

“ လက်ရှိအစိုးရသစ်ကတော့ တိုင်းပြည်ပညာရေးပြုပြင်ပြောင်းလဲရေးအတွက် တချို့ကိုစပြီးလုပ်ဆောင်နေတာ တွေ့ရတယ်။ ဒါဟာ ကျမတို့ တောင်းဆိုချက်တွေနဲ့ သိပ်မကွာလှဘူး ပြီးတော့ ကျမတို့နဲ့လည်း ယုံကြည်မှုရှိတယ်လို့ ကျမတို့တွေးတယ်။ အချို့အခြေခံအချက်အလက်တွေမှာ ကျမတို့ သွားချင်တဲ့ပုံစံနဲ့ ကွာဟာမှုတွေရှိနိုင်တယ်။ ဒါကိုလည်း ကျမတို့ ညှိုနှိုင်းဆွေးနွေးမယ်ဆိုလို့ရှိရင် ပြေလည်နိုင်လိမ့်မယ်လို့ ကျမတို့ မျှော်လင့်ထားပါတယ်။ တကယ်သာပညာရှင်တွေ တိုင်ပင်ညှိုနှိုင်းကြမယ်၊ ကျမတို့ကလည်း ကျမတို့ဖြစ်ချင်တဲ့ ဆန္ဒတွေနဲ့ ၀ိုင်းဝန်းဆွေးနွေးကြမယ်ဆိုလို့ရှိရင် အောင်မြင်လိမ့်မယ်လို့ ကျမမျှော်လင့်ပါတယ်။”

အမေရိကန်သမ္မတဟောင်း George W. Bush တည်ထောင်ထားတဲ့ George Bush Foundation အောက်မှာ ဖွဲ့စည်းထားတဲ့ Bush Institute က မြန်မာနိုင်ငံအတွက် ဒီမိုကရေစီနဲ့ လူ့အခွင့်အရေး တက်ကြွ လှုပ်ရှားသူ ပြည်တွင်း ပြည်ပမှာရှိတဲ့ လူငယ်တွေကို ဖိတ်ခေါ်ပြီး ၂၀၁၄ ခုနှစ်က စလို့ Liberty and Leadership Forum ဆိုတဲ့ ခေါင်းစဉ်နဲ့ George Bush Foundation တည်ရှိရာ အမေရိကန်ပြည်ထောင်စု၊ Texas ပြည်နယ်၊ Dallas မြို့နဲ့ မြန်မာနိုင်ငံအတွင်းမှာ ခေါင်းဆောင်မှု သင်တန်းတွေကို ပို့ချပေးနေတာ ဖြစ်ပါတယ်။

ကိုလင်းထက်နိုင်နဲ့ မဖြိုးဖြိုးအောင်တို့ ၂ ဦးဟာ သင်တန်းကာလအတွင်းမှာပဲ အမျိုးသားပညာရေးဥပဒေကို ကန့်ကွက် ဆန္ဒပြရင်း မနှစ် မတ်လတုန်းက ဖမ်းဆီး ထိန်းသိမ်းခဲ့ကြရတာကြောင့် သင်တန်းကို ပြီးဆုံးအောင် မတက်နိုင်ခဲ့ကြပါဘူး။

ဒါပေမယ့် သူတို့ ပြန်လွှတ်လာပြီး နောက်တရက်မှာပဲ Bush Institute က တာဝန်ရှိသူတွေ သူတို့ထံ ဆက်သွယ်ပြီး Liberty and Leadership Forum ပြီးမြောက်အောင် တက်နိုင်ရေးအတွက် ဆက်လုပ်ဖို့ ပြောဆိုခဲ့တဲ့အတွက် သူတို့အနေနဲ့ လက်ရှိ သင်တန်း တက်နေကြတဲ့ ၂၀၁၅ - ၁၀၁၆ အဖွဲ့နဲ့ အတူပါဝင်လို့ ရနိုင်မယ့် အလားအလာ ရှိတယ်လို့ ကိုလင်းထက်နိုင်က ပြောပါတယ်။

အမေရိကန်သမ္မတဟောင်း George W. Bush နဲ့ သမ္မတကတော် Laura Bush တို့ ထုတ်ပြန်တဲ့ ကြေညာချက်ထဲမှာ - ဒေါ်အောင်ဆန်းစုကြည်လို ခေါင်းဆောင်တွေက မြန်မာပြည်သူတွေ လွှတ်မြောက်ဖို့၊ လူသားတဦးချင်းစီ လွှတ်လပ်မှု ရှိဖို့၊ ပိုမို အားကောင်းတဲ့ လူမှု အဖွဲ့အစည်းတွေ ပေါ်ပေါက်လာဖို့နဲ့ ဒီမိုကရေစီ အဆောက်အဦးတွေ ကျင့်စဉ်တွေ ပေါ်ထွက်လာဖို့တို့အတွက် ဆယ်စုနှစ်ပေါင်းများစွာ ကြိုးပမ်း အားထုတ်ခဲ့ကြောင်း၊ ငြိမ်းချမ်းတဲ့နည်းနဲ့ အစိုးရသစ်လက်ထဲ အာဏာလွဲပြောင်းနိုင်ခဲ့ပြီး အကြမ်းမဖက်တဲ့နည်းနဲ့ ဆန္ဒ ဖော်ထုတ်ကြသူတွေကို လွှတ်ပေးလိုက်တာဟာ အရေးပါတဲ့ ခြေလှမ်းတစ်ရပ်ဖြစ်ကြောင်း၊ မြန်မာပြည်သူတွေ လိုလား တောင့်တတဲ့ ဒီမိုကရေစီ ပန်းတိုင်ကို ရောက်နိုင်ရေးအတွက် အရေးပါတဲ့ စိန်ခေါ်မှုတွေ ရှေ့မှာ များစွာ ရှိနေသေးကြောင်း၊ အဲဒီအတွက် အမေရိကန်ပြည်ထောင်စုနဲ့ ဒီမိုကရေစီနိုင်ငံတွေက မြန်မာပြည်သူတွေနဲ့အတူ ရပ်တည်ပေးသွားမှာဖြစ်ကြောင်း ထည့်သွင်း ဖော်ပြထားပါတယ်။

ဒါ့အပြင် - အခုသီတင်းပတ် အတွင်း မြန်မာပြည်သူ၊ ပြည်သားတွေ နှစ်သစ်ကူး ပွဲတော် ကျင်းပနေတဲ့ အခါ သမယဖြစ်တာနဲ့အညီ ငြိမ်းချမ်းပြီး ချမ်းသာကြွယ်ဝတဲ့၊ လွှတ်လပ်မှုနဲ့ ပြည့်စုံတဲ့ အနာဂတ်သစ် ပေါ်ထွန်းလာရေးအတွက် ဆုတောင်း မေတ္တာ ပို့သပါကြောင်လည်း သမ္မတဟောင်း Bushရဲ့ ကြေညာချက်မှာ ဖော်ပြထားထာပါတယ်။

ကိုဇော်ဝင်းလှိုင်
VOA


မနေ့ဧပြီလ ၁၁ ရက်နေ့ညနေပိုင်းတွင် ဖြစ်ပွားခဲ့သော ဆုန်ခလာခရိုင် ကျန မီးရထားဘူတာရှေ့ဗုံးပေါက်ကွဲမှုတွင် ၂ဦးသေဆုံး၍ ၁၅ ဦးဒဏ်ရာရရှိ ခဲ့တယ်လို့ သိရပါတယ်။ အဆိုပါကိစ္စနှင့် ပါတ်သက်ပြီး ဘူတာရုံရှေ့ရှိ cctv ကို စစ်ဆေးကြည့်ရာ တရားခံ၏ ပုံပန်းသဏ္ဍာန်ကို သေချာစွာမြင်တွေ့ရတယ်လို့ တာဝန်ရှိသူများကပြောပါတယ်။ တရားခံဟာ ဟွန်ဒါဝေ့ဆိုင်ကယ် အနက်ရောင်ကို မောင်းနှင်လာပြီး ကျနရဲစခန်းမှ ထောက်လှန်းစစ်ဆေးရေး ကားဘေးတွင် လာရပ်ထားတာကိုတွေ့ရပြီး ဆိုင်ကယ်နံပါတ်ကိုတော့ မသိရဘူးလို့ပြောပါတယ်။ တရားခံမှာ အင်္ကျီအနက်ရောင် ၀တ်ဆင်ထားပြီး ဆိုင်ကယ်ဦးထုတ်ဆောင်းထားသဖြင့် မျက်နှာကို သေချာမမြင်နိူင်ဘူးလို့ သိရပါတယ်။

အဲဒီနောက် ဗုံးထောင်ထားသော ဆိုင်ကယ်ကို ဒီအတိုင်းပစ်ထားကာ ထွက်သွားသည့်အတွက် နောက်ထပ်ပူးပေါင်းဆောင်ရွက်သူများမှ လာကြိုသွားတာဖြစ်နိူင်တယ်လို့ ယူဆထားတယ်လို့ သိရပါတယ်။ ရဲအရာရှိနှစ်ဦး လမ်းလျှောက်လာရာကာ ကားရပ်နားရာ နေရာရောက်သည်နှင့် တပြိုင်နက် ဆိုင်ကယ်တွင် တပ်ဆင်ထားသောဗုံးမှာ ပေါက်ကွဲသဖြင့် ကျနရဲစခန်းမှ ရဲမှုး မစ်စတာ ရွတ်ချိုင်းยอดชาย บุญส่ง နှင့် သူငယ်ချင်းဖြစ်သူတို့ ၎င်းနေရာမှာ တင်ပွဲချင်းပြီး သေဆုံးပြီး အနီးပတ်ဝန်းကျင်မှ လူများဒဏ်ရာရခဲ့တယ်လို့ သိရပါတယ်။ ယခုဖြစ်ပွားခဲ့သောကိစ္စမှာ တရားခံများဟာ မိမိတို့၏ပစ်မှတ်ကို သေချာရွေးချယ်ထားပြီး အချိန်ယူ၍ စီစဉ်ဆောင်ရွက်ထားတယ်လို့ ယူဆကြပါတယ်။

အကြမ်းဖက်သမားများမှာ အနည်းဆုံးနှစ်ယောက်အထက်မှာ ရှိနိူင်ပြီး နယ်မြေတွင်းမှာရှိသော အကြမ်းဖက်အဖွဲ့များထဲမှ တစ်ဖွဲ့ဖွဲ့ဖြစ်နိူင်ပြီး ဘယ်အဖွဲ့လဲဆိုတာကိုတော့ သေချာစွာထုတ်ဖော်ပြောဆိုနိူင်ခြင်း မရှိသေးဘူးလို့ သိရပါတယ်။

MTF Channel
https://www.facebook.com/mtftv

ရဝမ်ဒါရှိ အကြီးဆုံး အကျဉ်းထောင်ဖြစ်သည့် ခီဂါးလီ ဗဟို အကျဉ်းထောင် အားတွေ့ရစဉ်-(ဓါတ်ပုံ-အင်တာနက်)
    ခီဂါးလီ၊ဧပြီ၁၂ရက်(ဆင်ဟွာ)

    ရဝမ်ဒါနိုင်ငံရှိ အကြီးဆုံး နှင့်သက်တမ်းအကြာဆုံးဖြစ်သော လုံခြုံရေးအတင်းကျပ်ဆုံးဖြစ်ပြီး ၁၉၃၀ အကျဉ်းထောင် ဟု လူသိများသည့် ခီဂါးလီ ဗဟို အကျဉ်းထောင် အား သမိုင်းဝင် ပြတိုက်တစ်ခု အဖြစ် ပြောင်းလဲမည် ဖြစ်ကြောင်း သိရသည်။

အဆိုပါ အကျဉ်းထောင်း၌ နိုင်ငံတွင်းရှိ နာမည်ကြီး အကျဉ်းသား အများစုကို ထိန်းသိမ်းထားပြီး ၂၀၁၆ခုနှစ် ဇွန်လ တွင် ပြတိုက်တစ်ခု ဖြစ်လာမည်ဖြစ်ကြောင်း ခီဂါးလီ မြို့အာဏာပိုင်များက ပြောကြားခဲ့သည်။

ခီဂါးလီ မြို့တော်ဝန် Monique Mukaruriza က ယင်း အကျဉ်းထောင်ရှိ အကျဉ်းသားများအား Nyarugenge ဒေသတွင် အသစ်ဆောက်လုပ်ထားသည့် Butamwa အကျဉ်းထောင် သို့ ရွှေ့ပြောင်းပေးသွားမည်ဖြစ်ပြီး ပြတိုက်အဖြစ်ပြောင်းလဲထားသည့် ခီဂါးလီ ဗဟို အကျဉ်းထောင် မှတစ်ဆင့်  ပြည်တွင်း၊ပြည်ပ ခရီးသွားများ သည် ရဝမ်ဒါနိုင်ငံ အကြောင်းကို ပိုမိုလေ့လာနိုင်မည်ဖြစ်ကြောင်း ပြောကြားခဲ့သည်။

၎င်းက အဆိုပါ အကျဉ်းထောင် အား အထွေထွေပြတိုက်တစ်ခုအနေဖြင့်သာ ဖွင့်လှစ်သွားမည်ဖြစ်ပြီး အကျဉ်းထောင် သမိုင်း ပြတိုက်အဖြစ် ပြသသွားမည်မဟုတ်ကြောင်း ပြောကြားခဲ့သည်။

ခီဂါးလီ ဗဟို အကျဉ်းထောင် သည် ပြတိုက်ဖြစ်လာပါက ရဝမ်ဒါနိုင်ငံ၏ ကိုးခုမြောက် ပြတိုက်ဖြစ်လာမည် ဖြစ်သည်။

ရဝမ်ဒါနိုင်ငံအတွင်းရှိ ရှားပါးသည့် တောင်တန်းနေ ဂေါ်ရီလာ လူဝံများ၊ သမိုင်းဝင် ပြတိုက်များ၊ လှပသည့် ကြိုးတံတားလျှောက်လမ်းများ စသည့် အထင်ကရ ဆွဲဆောင်မှုများကြောင့် ရဝမ်ဒါနိုင်ငံ၏ ခရီးသွားလုပ်ငန်း သည် ထိပ်ဆုံးသို့ ဆက်လက် တိုးတက်လျက်ရှိကြောင်း သိရသည်။

ခရီးသွားလုပ်ငန်းသည် ရဝမ်ဒါနိုင်ငံ ၏ အကြီးမားဆုံး နိုင်ငံခြားဝင်ငွေရရှိသည့် လုပ်ငန်းဖြစ်ကြောင်း သိရသည်။

(Xinhua)
http://www.xinhuamyanmar.com

နေပြည်တော် သမ္မတအိမ်တော်မှာ ဒီနေ့ကျင်းပတဲ့ မြန်မာ့ရိုးရာမဟာသင်္ကြန်ပွဲ အကြိုနေ့မှာ သမ္မတဦးထင်ကျော် ကို တွေ့ရစဉ်။ Photo: Win Naung Toe/RFA
မြန်မာနိုင်ငံသူ နိုင်ငံသားအားလုံး ပေါင်းသင်းဆက်ဆံရေးမှာ တပ်ရယ် အရပ်ရယ် ဆိုတဲ့ အသုံးအနှုန်းကြောင့် မဟာတံတိုင်းကြီးလို ခြားနားမှု မဖြစ်စေချင်ကြောင်း နိုင်ငံတော်သမ္မတ ဦးထင်ကျော်က ဒီနေ့ ပြောလိုက်ပါတယ်။

နေပြည်တော်က သမ္မတအိမ်တော်မှာ ကျင်းပတဲ့ မြန်မာ့ရိုးရာမဟာသင်္ကြန်ပွဲ အကြိုနေ့မှာ နှစ်သစ်ဆုတောင်း စကားပြောကြားစဉ် ထည့်သွင်းပြောခဲ့တာဖြစ်ပါတယ်။

"မြန်မာနိုင်ငံသူ မြန်မာနိုင်ငံသားအားလုံး တပ်ရယ် အရပ်ရယ် ဆိုတဲ့ အသုံးနှုန်းကြောင့် ပေါင်းသင်း ဆက်ဆံရေး မဟာတံတိုင်းကြီးလို ခြားနေတာမျိုး မဖြစ်စေချင်ဘူး၊ တကယ့်ရင်းရင်းနှီးနှီးခင်ခင်မင်မင် တစ်ယောက်နဲ့တစ်ယောက် ဆက်ဆံကြစေချင်ပါတယ်၊ အထူးသဖြင့် မသိတဲ့လူနဲ့ ပိုပြီးစကားပြောနိုင်အောင် ကြိုးစားကြပါ၊ မပြောနိုင်တာလည်း အပြစ်မတင်ပါဘူး၊ အားလုံးကဆွေ မျိုးသားချင်းလိုပါပဲ၊ အဲ့တော့ အများအကျိုးဆောင်ရွက်တဲ့ပုဂ္ဂိုလ်များ ဖြစ်ကြပါစေ၊ အမှန်တရားဘက်က ရပ်တည်နိုင်တဲ့ပုဂ္ဂိုလ်များဖြစ်ကြပါစေ၊ မင်းဘေးအန္တရာယ်က ကင်းဝေးကြပါစေ၊ မင်းပြစ်မင်းဒဏ်က ကင်းဝေးကြပါစေ"

အရင်က သမ္မတအိမ်တော်မှာ သင်္ကြန်ပွဲတော်ကို နှစ်ရက် ကျင်းပခဲ့ပေမယ့် ဒီနှစ်မှာ စရိတ်စကသက်သာ ဖို့ ခြိုးခြံချွေတာဖို့အတွက် တစ်ရက်ပဲကျင်းပတာဖြစ်ကြောင်း ပြောခဲ့ပါတယ်။

ဒါ့အပြင် ဖခင်ကြီး ဗိုလ်ချုပ်အောင်ဆန်း တော်လှန်ရေးလုပ်ဆောင်စဉ်မှာ တပ်မတော်က ပြည်သူတွေရဲ့ အသက်ဘေးအန္တရာယ်ကို အကာအကွယ်ပေးခဲ့သလို အရပ်ဘက်ကလည်း ရှိရာလက်နက်စွဲပြီး တပ်မတော် သားတွေအတွက် အသက်စွန့်လွှတ်ခဲ့ကြကြောင်း အဲဒီအခြေအနေတွေကို ပြန်တွေးပြီး တစ်ယောက်နဲ့ တစ်ယောက်ရင်းရင်းနှီးနှီး ခင်ခင်မင်မင် ဆက်ဆံကြဖို့ တိုက်တွန်းခဲ့ပါတယ်။

အဲ့ဒီလို ဆက်ဆံမယ်ဆိုရင် အစစအရာရာ ပိုပြီးအဆင်ပြေလာမှာဖြစ်ပြီး နိုင်ငံတော် တိုးတက်ရာ တိုးတက်ကြောင်း လုပ်ဆောင်ရာမှာလည်း ပိုပြီးအရှိန်အဟုန်ရှိလာမယ်လို့ ပြောကြားခဲ့ပါတယ်။

သမ္မတအိမ်တော်သင်္ကြန်ကို ဒုတိယသမ္မတ ၂ဦး၊ တပ်မတော်ဒုတိယကာကွယ်ရေးဦးစီးချုပ်၊ ပြည်ထောင်စု ၀န်ကြီးတွေ၊ ပြည်သူ့လွှတ်တော် ဥက္ကဌ ၊ လွှတ်တော်ဥက္ကဌဟောင်း သူရဦးရွှေမန်း၊ ဦးဝင်းထိန် တို့ တက်ရောက်ခဲ့ကြပြီး အနုပညာရှင်တွေက ဖျော်ဖြေခဲ့ကြပါတယ်။

RFA Burmese
http://www.rfa.org/burmese

ရန်ကုန်မြို့တော် မဟာသင်္ကြန် ဗဟိုမဏ္ဍပ်ကို ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ဖဲကြိုးဖြတ်ဖွင့်လှစ်နေစဉ် (ဓာတ်ပုံ--ဆင်ဟွာ)
    ရန်ကုန်၊ ဧပြီ ၁၂ ရက် (ဆင်ဟွာ)

    ရန်ကုန်တိုင်းဒေသကြီး ဝန်ကြီးချုပ်ဦးဖြိုးမင်းသိန်းက  သင်္ကြန်အကြိုနေ့ နံနက် ၇နာရီခွဲအချိန်တွင် ပြည်သူပြည်သားအပေါင်းတို့ စိတ်၏ချမ်းသာခြင်း၊ ကိုယ်၏ ချမ်းသာခြင်းနှင့် ပြည့်စုံပါစေကြောင်း ဆုတောင်းစကားပြောကြားပြီးနောက် ရန်ကုန်မြို့တော်မဟာသင်္ကြန်ဗဟိုမဏ္ဍပ်ကိုဖွင့်လှစ်ခဲ့သည်။


ဦးဖြိုးမင်းသိန်းကရန်ကုန်တိုင်းဒေသကြီးအတွင်းရှိ ပြည်သူပြည်သားအပေါင်းတို့ နှစ်ဟောင်းကုန်၍ နှစ်သစ်ကူးအချိန်အခါကို မြန်မာ့ဓလေ့ထုံးစံ အစဉ်အလာ နှင့်အညီ အေးမြကြည်လင်သော မေတ္တာရေစင်ပက်ဖြန်း၍ ရိုးရာယဉ်ကျေးမှုပွဲတော် တစ်ခုကိုခြိမ့်ခြိမ့်သဲ ပျော်ရွှင်စွာဆင်နွှဲမည့် မဟာသင်္ကြန်ရေသဘင်ပွဲတော် ဖွင့်ပွဲအခမ်းအနားကြီး ပါကြောင်း ပြောကြားခဲ့သည်။



ယခုအချိန်အခါသည်  မင်္ဂလာအပေါင်း နှင့် ပြည့်စုံသည့် အချိန်အခါ ဖြစ်ကြောင်း၊  မဟာသင်္ကြန်ပွဲတော်သည် မြန်မာတို့၏ တန်ဖိုးမဖြတ်နိုင်သော ရိုးရာယဉ်ကျေးမှုပွဲတော်တစ်ခုဖြစ်သည့်အပြင် တစ်ဦးနှင့်တစ်ဦး ချစ်ကြည်ရင်းနှီးမှုပိုမိုရရှိစေနိုင်ပြီး ဓလေ့စရိုက်ကောင်းများ ဖြစ်ထွန်းစေရန် ဆိုသည့် အနှစ်သာရ နှင့် အညီ ကျင်းပသည့် အထူးလေးနက်သည့် မြန်မာ့ရိုးရာရေသဘင်ပွဲတော်ကြီးဖြစ်ကြောင်း၊  မြန်မာတို့၏ နှစ်ဟောင်းမှသည် နှစ်သစ်သို့ ကူးပြောင်းခြင်းအဓိပ္ပါယ်ဆောင်သည့် မြန်မာ့ရိုးရာယဉ်ကျေးမှု အတာသင်္ကြန်ပွဲတော်ဟာ နှစ်ဟောင်းက အမှတ်မထင်ပြုမိတဲ့ မကောင်းမှုများကို ယခုလို နှစ်သစ်ကူးသင်္ကြန်မှာ ကြည်လင်အေးမြတဲ့ သီတာရေစင်ပက်ဖြန်းပြီး တစ်ဦးနှင့်တစ်ဦး ကြည်နူးသိမ်မွေ့စွာ ပက်ဖြန်းဆေးကြောရင်း ခွင့်လွှတ်ကြတဲ့ မြန်မာ့ရိုးရာယဉ်ကျေးမှုပွဲတော်တစ်ရပ်ဖြစ်ကြောင်း ဦးဖြိုးမင်းမင်းသိန်းက ၎င်း၏နှစ်သစ်ကူး နှုတ်ခွန်းဆက်စကားတွင် ထည့်သွင်းပြောကြားခဲ့သည်။


ဦးဖြိုးမင်းသိန်းက “မြန်မာ့ရိုးရာယဉ်ကျေးမှုကိုစောင့်ရှောက်သည့် အစဉ်အလာကို ဆက်လက်ထိန်းသိမ်းရမည့်တာဝန်လည်း ရှိလာပါတယ်။  ကိုယ်စိတ်နှစ်ဖြာကျန်းမာချမ်းသာပြီး ယခုနှစ်အတာသင်္ကြန်သည် မြန်မာ့ရိုးရာ  အမျိုးသားရေးစိတ်ဓာတ် ပေါ်လွင်နိုင်ရေး အတွက် မြန်မာ့ရိုးရာယဉ်ကျေးမှုအမွေအနှစ်များကို ထိန်းသိမ်းစောင့်ရှောက်ရင်း ယဉ်ကျေးသိမ်မွေ့စွာပါဝင်ဆင်နွှဲကြပါစေကြောင်းဆုတောင်း မေတ္တာပို့သအပ်ပါတယ်’’ ဟု ပြောကြားခဲ့သည်။


ဦးဖြိုးမင်းသိန်းမှ နှုတ်ခွန်းဆက်စကားပြောကြားပြီးနောက် ရန်ကုန်မြို့တော်ဗဟိုမဏ္ဍပ်အား ဖဲကြိုးဖြတ်ဖွင့်လှစ်ခဲ့သည်။ ထို့နောက် မြနန္ဒာ သီချင်းဖွင့် ၍ အတာသင်္ကြန်အဖွင့်အားစတင်ခဲ့သည်။ မိုးမင်းသဘင်အဖွဲ့ကလည်း ဒေါင်းတေးသရုပ်ဖော်အကဖြင့် ကပြခဲ့သည်ကို တွေ့ရသည်။ထို့အပြင် အမေများအဖွဲ့၊မမများအဖွဲ့များအပြင် ရုပ်ရှင်အနုပညာရှင်များ၊ဂီတအနုပညာရှင်များနှင့် သဘင်ပညာရှင်များကပါ လာရောက်သီဆိုဖျော်ဖြေလျက်ရှိသည်။ သီဆိုဖျော်ဖြေမှုများအပြင် သင်္ကြန်ယိမ်းအက ပြိုင်ပွဲများဆက်လက်ပြုလုပ်လျက်ရှိပြီး ရေပက်ကစားလျက်ရှိသည်။

(Xinhua)
http://www.xinhuamyanmar.com

ငွေပြန်အမ်းပေးဖို့ ပြည်လမ်းရှိ Overdose မဏ္ဍပ်ပေါ်တွင် စောင့်ဆိုင်းနေသော လူငယ်တချို့ကို ဧပြီလ ၁၂ ရက်နေ့က တွေ့ရစဉ်။ Photo: Kyaw Htoon Naing/ RFA
ရန်ကုန်မြို့ ပြည်လမ်းပေါ်က Overdose သင်္ကြန်ရေကစားမဏ္ဍပ်ဟာ ဒီနေ့ထိ မဏ္ဍပ်ဆောက်လို့ မပြီးသေးတဲ့ အတွက် လက်မှတ်တစ်စောင်ကို ကျပ် ၄ သောင်းခွဲအထိ ပေးဝယ်ထားသူ ၂၀၀ ကျော်က မနေ့ညကစပြီး အဲဒီမဏ္ဍပ်မှာ ငွေပြန်ရဖို့ စောင့်နေကြပါတယ်။

မဏ္ဍပ်စီစဉ်သူတွေအနေနဲ့ ငွေပြန်အမ်းပေးဖို့ သို့မဟုတ် တခြားရေကစားမဏ္ဍပ်က လက်မှတ်နဲ့ လဲလှယ်ပေးဖို့ ကို မြောက်ဒဂုံမြို့နယ်က ရေကစားလက်မှတ်ဝယ်ယူထားတဲ့ ကိုပြည့်စုံက ပြောပါတယ်။

"ဒီလိုအခြေအနေ ဖြစ်နေတယ်ဆိုကတည်းက ဒီတစ်ရက် နှစ်ရက်ဘယ်လိုမှ မပြီးနိုင်လောက်တော့ဘူး၊ ငါးရက်လုပ်မှာဆိုတော့ သူတို့လက်မှတ်လဲပေးရင်လဲပေး ဒါမှမဟုတ် ငွေသားအနေ နဲ့ ပြန်လဲပေးပေါ့နော်၊ တစ်ခုမဟုတ်တစ်ခု အကုန်လုံးကိုကျေနပ်အောင်လုပ်ပေးသင့်တယ်၊ ၇ ရက် သားသမီးအကုန်လုံးက ပိုက်ဆံတွေ အရမ်းချမ်းသာလို့ လာကစားတာမဟုတ်ဘူး၊ ယုံကြည်မှုကို အလွဲသုံးစားလုပ်ခံလိုက်ရတဲ့ ခံစားချက်ပေါ့နော် ဒီဟာကို Organizer တွေကို သိစေချင်တယ်ပေါ့နော်"

Overdose သင်္ကြန်ရေကစားမဏ္ဍပ်ဟာ ယခင်က ကမ္ဘာအေးဘုရားလမ်းပေါ်မှာ ဆောက်လုပ်ဖို့စီစဉ်ပြီး လက်မှတ်တွေရောင်းချထားတာဖြစ်ပါတယ်။

ရန်ကုန်တိုင်းဒေသကြီး ဝန်ကြီးချုပ်သစ် ဦးဖြိုးမင်းသိန်းက ကမ္ဘာအေးဘုရားလမ်းပေါ်မှာ သင်္ကြန်ရေကစား မဏ္ဍပ်တွေ ဆောက်လုပ်ခွင့်မပြုတော့ဘဲ မဏ္ဍပ် ၁ ခုနဲ့ ၁ ခုကြား ပေ ၁၀၀ ကွာရမယ်ဆိုတဲ့ စည်းကမ်းချက်တွေ နဲ့ ပြည်လမ်းမပေါ်က မြေနေရာရှိသူတွေကိုပဲ ခွင့်ပြုမှာဖြစ်ကြောင်း သတ်မှတ်လိုက်တာကြောင့် Overdose မဏ္ဍပ်ဟာ ပြည်လမ်းပေါ်က IBC ရှေ့မှာ မြေနေရာငှားပြီး မဏ္ဍပ်ဆောက်ခဲ့တာဖြစ်ပါတယ်။

အဲ့ဒီငှားရမ်းထားတဲ့ နေရာဘေးက ပိတောက်ချစ်သူ မိသားစုရေကစားမဏ္ဍပ်နဲ့ ပေ ၁၀၀ မကွာဘဲ ပေ ၅၀ လောက်ပဲ ကွာတာကြောင့် ရန်ကုန်မြို့တော် စည်ပင်သာယာရေးအဖွဲ့က မဏ္ဍပ်ဆက်လက်ဆောက်လုပ်ခွင့်ကို တားဆီးလိုက်တာဖြစ်ပါတယ်။

RFA Burmese
http://www.rfa.org/burmese

မြို့တော်ခန်းမ သင်္ကြန်မဏ္ဍပ်တွင် ရေပက်ကစားနေသည့် မြင်ကွင်းအားမြင်တွေ့ရစဉ် (ဓာတ်ပုံ--ဆင်ဟွာ)
    ရန်ကုန်၊ ဧပြီ ၁၂ ရက် (ဆင်ဟွာ)

    ယနေ့ ကျရောက်သည့် မြန်မာအတာသင်္ကြန်ပွဲတော်တွင် မဏ္ဍပ်များ၌ နံနက် ၈နာရီမှ စတင်၍ ရေကစားသူများ၊ ရေပက်ခံသူများ ဖြင့်စည်ကားလျက်ရှိသည်။

မြူးကြွသော တေးဂီတသံစဉ်များနှင့် အတူ မဏ္ဍပ်ပေါ်တွင် အဆိုတော်များ တေးသီချင်း သီဆို နေကြတာကို စင်အောက်မှ ပရိတ်သတ်များက ဂီတသံစဉ်နှင့် အတူ ပျော်ရွှင်စွာ ကခုန်လျက်ရှိသည်။ ယခုနှစ်သည် အပူလွန်ကဲသည့် နှစ်ဖြစ်သည့်အတွက် မဏ္ဍပ်များ၌ ရေကစားချိန်ကို နံနက် ၈ နာရီမှ မွန်းတည့် ၁၂ နာရီ၊ ညနေ ၃ နာရီမှ  ညနေ ၆ နာရီအထိ ပြောင်းလဲသတ်မှတ်ထားကြောင်း သိရသည်။

အိမ်များ၏ အရှေ့တွင် အတာအိုးကို သင်္ကြန်ကို စောင့်ကြိုသည့်အနေဖြင့် သင်္ကြန်မကျခင် ကြိုတင် ပြင်ဆင်ထားကြတာတွေ့ရပြီး အတာပန်းကို (၇)ရက်သားသမီးတို့အတွက် ရည်ရွယ်၍ ပန်း ၇-မျိုးဖြစ်စေ၊ အညွန့် ၇-မျိုးဖြစ်စေ ရေပြည့်အိုးမှာ ထိုး၍ သင်္ကြန်အားကြိုဆိုကြတာတွေ့ရသည်။

သင်္ကြန်ပွဲတော်ဟူသည် မြန်မာပြည်အပါအဝင် အရှေ့တောင်အာရှနိုင်ငံတွေမှာ နှစ်သစ်ကို ကြိုဆိုတဲ့အနေနဲ့ ကျင်းပကြတဲ့ ပွဲတော်တစ်ခု ဖြစ်သည်။ “ကူးပြောင်းခြင်း”၊ “ပြောင်းရွှေ့ခြင်း”ဟု အဓိပ္ပာယ်ရသော ပါဠိဘာသာ “သင်္ကန္တ”၊ သက္ကတဘာသာ “သင်္ကြန္တ”တို့ကို တိုက်ရိုက် မြန်မာမှုပြု၍ ခေါ်ဆိုကြခြင်း ဖြစ်သည်။


၎င်း ပါဠိဘာသာ “သင်္ကန္တ”၊ သက္ကတဘာသာ “သင်္ကြန္တ”ကနေ ဆင်းသက်လာသည့် ဝေါဟာရသည် သက်ဆိုင်ရာ ဒေသနေ ပြည်သူတွေ၏ ဘာသာစကား ယဉ်ကျေးမှု ဝန်းကျင်အခြေအနေတွေပေါ် မူတည်ပြီး ကွဲပြား ခြားနားမှု ရှိကြောင်း သိရသည်။ မြန်မာတို့ရဲ့ “သင်္ကြန်”၊ ထိုင်းတို့ရဲ့ “ဆွန်ကရန်” (Song Kran)၊ ကမ္ဘောဒီးယားတို့ရဲ့ “ချိုချနန်သမေး” (Chol Chnam Thmey)၊ လာအိုတို့ရဲ့ “ဘီးမိုင်” (Bpee Mai)နဲ့ တရုတ်နိုင်ငံ ယူနန်ပြည်နယ် ဒိုင်လူမျိုးတို့ရဲ့ “ရေသဘင်ပွဲ”ဆိုတဲ့ “နှစ်သစ်ကူးပွဲတော်”တို့ဟာ တစ်ခုတည်းသော ရင်းမြစ်က ဆင်းသက်လာတဲ့ ပွဲတော်များ ဖြစ်ကြောင်း သိရသည်။

ရှေးမှတ်တမ်းများအရ ရေကစားပွဲတော်ကို ပထမဆုံး စတင်ခဲ့သည့် ဘုရင်မှာ ပုဂံခေတ်၊ နရသီဟပတေ့မင်းလက်ထက်တွင်ဖြစ်ကြောင်းသိရသည်။ “အတာရက်”မှာ သင်္ကြန်အတက်ရက် ဖြစ်၏။ နှစ်တစ်နှစ်၏ နောက်ဆုံးရက်ပင် ဖြစ်သည်။ သင်္ကြန်အတက်ရက်နှင့် မွေးနေ့တိုက်ဆိုင်သူများသည် “အတာသင့်”သူများ အဖြစ်သတ်မှတ်၍ အတာစားသည်ဟု ပြောဆို သုံးစွဲနေကြသေးကြောင်းသိရသည်။


ယခုနှစ်သည် မြန်မာသက္ကရာဇ် ၁၃၇၇ ခုနှစ်မှ ၁၃၇၈ ခုနှစ်သို့ ကူးပြောင်းမည့် မြန်မာနှစ်ကူးကာလ ဖြစ်ပြီး အတာသင်္ကြန်အတက်နေ့ သည် ဧပြီလ ၁၆ ရက် စနေ့နေ့ဖြစ်သည်။

အတာသင်္ကြန်ပွဲတော်သည် ပျော်စရာ နှစ်သစ်ကူးပွဲတော်ဖြစ်သလို အန္တရာယ်များလည်း များပြားသည့် အတွက်လူငယ်များ ဂရုပြုပျော်ရွှင်သင့်သည့်ပွဲတော်တစ်ခုဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှ တာဝန်ရှိသူကပြောသည်။

ရန်ကုန်တိုင်းဒေသကြီး ရဲတပ်ဖွဲ့မှ တာဝန်ရှိသူတစ်ဦးက “ ကျွန်တော်တို့ရဲတပ်ဖွဲ့တွေအနေနဲ့လည်း  သင်္ကြန်ကာလ လုံခြုံရေးကို အထူးဂရုပြုပြီး တာဝန်တွေချထားဆောင်ရွက်နေပါတယ်။ ယာဉ်မတော်တဆမှုအန္တရာယ်၊ လူငယ်အချင်းချင်းမူးယစ်ပြီး ရန်ဖြစ်တာတွေ  အပြင်တခြားလုံခြုံရေး ကိစ္စတွေကိုလည်း အထူးကြပ်မတ်ဆောင်ရွက်နေပါတယ်’’ ဟုဆင်ဟွာကိုပြောသည်။

မြန်မာနိုင်ငံကြက်ခြေနီအသင်းက နှစ်သစ်ကူးအတာသင်္ကြန်ကာလအတွင်း အရေးပေါ်ရှေးဦးပြုစုခြင်းနှင့် အခြားလူမှုကရုဏာ အကူအညီများအတွက် အရေးပေါ်ဖုန်းနံပတ်များအား ဆက်သွယ်နိုင်ကြောင်းကြေညာချက် ထုတ်ပြန်ခဲ့သလို မဏ္ဍပ်ကြီးများတွင် ရှေးဦးပြုစုခြင်း စခန်းများသီးသန့်ဖွင့်လှစ် ကူညီပေးရန် သတိနှင့် စောင့်ကြပ်ကြည့်ရှုလျက်ရှိကြောင်း သိရသည်။

(Xinhua)
http://www.xinhuamyanmar.com

၂၀၁၂ ခုနှစ်တုန်းက ပြုလုပ်ခဲ့တဲ့ ရန်ကုန် သင်္ကြန် (Credit: ABC) 
မြန်မာနိုင်ငံမှာ ​သင်္ကြန်အကြိုနေ့ကို ​မြန်မာနိုင်ငံ ​အနှံ့မှာ ​စတင် ​ကျင်းပနေကြပြီ ​ဖြစ်ပါတယ်။

နေပြည်တော်က ​သမ္မတ ​အိမ်တော်မှာလည်း ​သင်္ကြန်အကြိုနေ့ ​ကျင်းပနေကြပြီး ​ဒုသမ္မတတွေ၊ ​လွှတ်တော် ​နာယကတွေနဲ့ ​အနုပညာရှင်တွေလည်း ​တက်ရောက်ကြတာကို ​တွေ့ခဲ့ရပါတယ်။

မန္တလေးမြို့မှာလည်း ​ရေပက်ခံမယ့် ​ကားတွေက ​မဟာမြတ်မုနိဘုရားကြီးနဲ့ ​မန္တလေးတောင်ခြေရှိ ​ဘိုဘိုကြီးနတ်နန်းတို့ကို ​အန္တရာယ်ကင်းဘေးရှင်းစွာ ​ရေပက်ကစားနိုင်ဖို့အတွက် ​အရိုအသေပေးခဲ့ကြတာကို ​ဖေ့စ်ဘွတ်မှာ ​တွေ့ရပါတယ်။

ရန်ကုန်မြို့မှာလည်း ​သင်္ကြန်ဖွင့်ပွဲတွေကို ​ကျင်းပပြီး ​ရန်ကုန်မြို့ ​မဟာသင်္ကြန် ​ဗဟိုမဏ္ဍပ်မှာတော့ ​ ဘာအတားအဆီးမှ ​ချမထားပဲ ​အများပြည်သူ ​လွတ်လပ်စွာ ​ကြည့်ရှုခွင့်ပေးထားတယ်လို့ ​သိရပါတယ်။

ရန်ကုန်မြို့မှာ ​စီးပွားဖြစ် ​မဏ္ဍတွေ ​တည်ဆောက်ခွင့်မပေးသလို ​ကန်ပတ်လမ်းတလျှောက်မှာလည်း ​မိသားစု ​မဏ္ဍကိုသာ ​ဆောက်ခွင့်ပေးတာကြောင့် ​ဒီနှစ် ​သင်္ကြန်စည်ကားမှာ ​မဟုတ်ဘူးဆိုပြီး ​ပြောဆိုမှုတွေလည်း ​ရှိနေပါတယ်။

မြန်မာနိုင်ငံရဲ့ ​အတိုင်ပင်ခံ ​ပုဂ္ဂိုလ်ဖြစ်တဲ့ ​ဒေါ်အောင်ဆန်းစုကြည်က ​နှစ်သစ်ကူး ​ဆုတောင်းအနေနဲ့ ​ပြည်သူ ​ပြည်သားတွေ ​အရည်အချင်း ​ပြည့်ဝပြီး ​ကိုယ့်ရဲ့ ​တာဝန်ကို ​သိပြီး ​လုပ်ရဲ ​ကိုင်ရဲ ​ရှိပါစေလို့ ​ဆုမွန်ကောင်း ​တောင်းလိုက်ပါတယ်။

နိုင်ငံတစ်နိုင်ငံမှာ ​နိုင်ငံသူ ​နိုင်ငံသားက ​အဓိကဖြစ်တဲ့အတွက် ​မြန်မာနိုင်ငံသားတွေ ​ကောင်းမွန်စွာ ​တွေးခေါ် ​လုပ်ဆောင်နိုင်ဖို့ ​ဒေါ်အောင်ဆန်းစုကြည်က ​ဆုတောင်းပေးတာ ​ဖြစ်ပါတယ်။

ABC Radio Australia
http://www.radioaustralia.net.au/burmese

မလေးရှားမှာ ဖမ်းမိတဲ့ မြွေက ၈ မီတာလောက်ရှည် (Credit: ABC licensed) 
ကမ္ဘာပေါ်မှာ ​ဖမ်းမိထားတဲ့ ​မြွေတွေထဲမှာ ​အကြီးဆုံးဖြစ်တဲ့ ​မလေးရှားနိုင်ငံက ​စပါးအုံမြွေဟာ ​ဖမ်းဆီးခံရပြီး ​သုံးရက်အကြာမှာ ​သေဆုံးသွားပါတယ်။

အဲဒီမြွေဟာ ​၈ ​မီတာလောက် ​ရှည်ပြီး ​အလေးချိန်အားဖြင့် ​၂၅၀ ​ကီလိုဂရမ် ​ရှိတယ်လို့ ​ဆိုပါတယ်။

Guinness ​World ​Records ​အရ ​ဖမ်းမိထားတဲ့ ​အကြီးဆုံးမြွေက ​၇.၆၇ ​မီတာနဲ့ ​၁၅၈ ​ကီလိုဂရမ်လောက်သာ ​ရှိတဲ့အတွက် ​မလေးရှားနိုင်ငံက ​မြွေက ​ပိုကြီးနေတာ ​ဖြစ်ပါတယ်။

အဲဒီမြွေကို ​ဆောက်လုပ်ရေး ​လုပ်ငန်း ​တစ်ခုမှာ ​တွေ့ရှိတာဖြစ်ပြီး ​အဲဒီမြွေဟာ ​ဥတစ်ဥ ​ဥပြီးတဲ့နောက် ​သေဆုံးသွားတာလို့ ​ဆိုပါတယ်။

၁၉၁၂ ​ခုနှစ်တုန်းက ​အင်ဒိုနီးရှားနိုင်ငံမှာ ​၁၀ ​မီတာ ​ရှိတဲ့ ​မြွေတစ်ကောင်ကို ​အသေရခဲ့ဖူးတယ်လို့ ​Guinness ​World ​Records ​မှာ ​ဖော်ပြထားပါတယ်။

ABC Radio Australia
http://www.radioaustralia.net.au/burmese


အမျိုးသမီးငယ်တစ်ဦးသည် ရထားလမ်းပေါ်တွင် ဆဲလ်ဖီးရိုက်သောကြောင့် ရထားတိုက်မိကာပွဲချင်းပြီးသေဆုံးခဲ့မှု ဧပြီ ၉ ရက်က တရုတ်နိုင်ငံ ဖူဆန်းတွင် ဖြစ်ပွားခဲ့ကြောင်း China daily သတင်းက ဖော်ပြခဲ့ပါတယ်။


အသက် ၁၉နှစ်သာရှိသေးသည့် အဆိုပါကျောင်းသူလေးမှာ ဖူဆန်းပေါ်လီတက်ကနစ်တွင် ပညာသင်ကြားနေသောကျောင်းသူ တစ်ဦး ဖြစ်ကာ ရထားတိုက်မှုကြောင့် ဦးခေါင်းပိုင်းဆိုးရွားစွာ ထိခိုက်ခဲ့ပြီး သွေးထွက်လွန်ကာ သေဆုံးခဲ့ကြောင်း အရေးပေါ် ကယ်ဆယ်ရေးဝန်ထမ်းများက တရားဝင်ကြေညာခဲ့ပါတယ်။ အရေးပေါ်ဝန်ထမ်းများမှာ အခင်းဖြစ်ပွားရာနေရာသို့ ဖြစ်ပြီးပြီးခြင်း ၁၀မိနစ်အတွင်းရောက်ရှိခဲ့ခြင်းဖြစ်တယ်လို့ သိရပါတယ်။

သတင်းများအရအဆိုပါရထားလမ်းတစ်လျှောက် ကီလိုမီတာ ၁၀၀ခန့်အထိ နှင်းဆီပန်းများပွင့်နေသည့် ရှုခင်းက ခရီးသွားများ ကိုများစွာဖမ်းစားဆွဲဆောင်လျက်ရှိတယ်လို့ဆိုပါတယ်။ ခရီးသည်အများစုမှာရထားလမ်းနံဘေးခပ်လှမ်းလှမ်းတွင် ဓာတ်ပုံများ ကိုရိုက်ကူးကြသော်လည်းအဆိုပါ အမျိုးသမီးငယ်မှာရထားလမ်းပေါ်သို့ တက်ကာဓာတ်ပုံရိုက်နေတယ်လို့ မျက်မြင်သက်သေများ ကပြောပါတယ်။ရထားလာချိန်မှာအဆိုပါ အမျိုးသမီးကို လူအများကအော်ဟစ်သတိပေးကြသော်လည်း ကြားဟန်မတူဘူးလို့ အချို့သောမျက်မြင်သက်သေများကဆိုပါတယ်။

အဆိုပါဖြစ်ရပ်နှင့်ပက်သက်၍သေဆုံးသွားသောအမျိုးသမီးငယ်လေးကို လူမှုကွန်ရက်များပေါ်မှာ အမျိုးမျိုးဝေဖန်ပြောဆိုလျက်ရှိပါတယ်။

ZM (China.com)
china.com Myanmar
https://www.facebook.com/china.com.mm/


၂၀၁၆ ခုနှစ် ဧပြီလ ၁၂ ရက်တွင် ကျရောက်သည့် သင်္ကြန်အကြိုနေ့ အခမ်းအနားအား နံနက် ၉ နာရီအချိန်မှ စတင်၍ သမ္မတအိမ်တော်တွင် သမ္မတဦးထင်ကျော်၏ ဇနီးမှ ဦးဆောင်ကျင်းပ ပြုလုပ် ခဲ့ကြောင်းသိရသည်။

"တပ်နှင်အရပ် တံတိုင်းကြီး ခြားနေမှုကို ဖြေလျော့ပြီ တစ်ဦးနှင့်တစ်ဦး ဆွေမျိုးညီအစ်ကိုသဖွယ် ပူးပေါင်ဆောင်ရွက်ကြဖို့၊ ကျန်းမာချမ်းသာပြီး မင်းဘေးမင်းဒဏ်မှ ကင်းလွတ်ကြပါစေ၊ တပ်နဲ့အရပ်ခြားနေတဲ့ မဟာတံတိုင်းကို တစ်ဖက်နှင့်တစ်ဖက် ရင်းနှီးချစ်ကြည်မှုနှင့် ဖယ်ရှားကြပါစို့"ဟု နှစ်သစ်နုတ်ခွန်းဆက် စကားကို နိုင်ငံတော်သမ္မတ ဦးထင်ကျော်မှ ပြောကြားသည်။


သင်္ကြန်ပွဲသို့ နိုင်ငံတော်သမ္မတ ဦးထင်ကျော်နှင့် ဇနီးဒေါ်စုစုလွင်၊ ဒုတိယသမ္မတဦးမြင့်ဆွေ၊ ဦးဟင်နရီဗန်ထီးယူ၊ ဒုတိယတပ်မတော် ကာကွယ်ရေး ဦးစီးချုပ် ဒုတိယဗိုလ်ချုပ်မှူးကြီးစိုဝင်းနှင့် တပ်မတော် အရာရှိကြီးများ၊ နေပြည်တော်ကောင်စီဥက္ကဌ Dr.မျိုအောင်နှင့်ဇနီး၊ သူရဦးရွှေမန်းနှင့်ဇနီးတို့ အပါအဝင် ပြည်ထောင်စုဝန်ကြီးများ တက်ရောက်ခဲ့သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

FIFA ဒုတိယဥက္ကဋ္ဌဟောင်း Alfredo Hawit အမေရိကန်တရားရုံးကထွက်လာစဉ်
FIFA ကမ္ဘာ့လောလုံးအဖွဲ့ချုပ် အဆင့်မြင့် အရာရှိဟောင်းဟာ အမေရိကန်ဗဟိုအစိုးရ တရားရုံး သူ့အပေါ် တင်ထားတဲ့ လိမ်လည်မှု၊ ဘောလုံးအဖွဲ့ချုပ်အတွင်း အကျင့်ပျက်ခြစားမှုတွေကို လျှို့ဝှက်စွာ ပူးပေါင်း ကြံစည်ခဲ့မှု စတဲ့ စွဲချက်တွေမှာ အပြစ်ရှိကြောင်း ၀န်ခံ လိုက်ပါတယ်။

FIFA ဒုတိယဥက္ကဋ္ဌ Alfredo Hawit တနင်္လာနေ့က အဲဒီလို ၀န်ခံလိုက်တာဟာ အမေရိကန်ပြည်ထောင်စုက ဦးဆောင်တဲ့ စုံစမ်း စစ်ဆေးမှုမှာ သီတင်းပတ် ၂ ပတ်အတွင်း ၀န်ခံလိုက်တဲ့ Honduras နိုင်ငံသား ဒုတိယလူပုဂ္ဂိုလ် ဖြစ်ပါတယ်။

မတ်လ ၂၈ ရက်နေ့တုန်းကလည်း Honduras သမ္မတဟောင်း Rafael Callejas ကလည်း နယူးယောက်မြို့မှာ အပြစ်ရှိကြောင်း အလားတူ ၀န်ခံလိုက်တဲ့အတွက် အခုနှစ်နှောင်းပိုင်း ပြစ်ဒဏ် စီရင်တဲ့အခါ ထောင်ဒဏ် အနှစ် ၂၀ ကျခံရမယ့် အလားအလာ ရှိနေပါတယ်။

အမေရိကန်ပြည်ထောင်စုနဲ့ အာဂျင်တီးနားနိုင်ငံတွေ မှာ ဈေးကွက်မြင့်တင်ရေးနဲ့ဆိုင်တဲ့ အခွင့်အရေးတွေကို အမေရိကန်ဒေါ်လာ သိန်းနဲ့ချီ လာဘ်ယူပြီး ရောင်းချတဲ့အဖွဲ့ထဲမှာ ပါဝင်ခဲ့ကြောင်း Alfredo Hawit က အမေရိကန်ဗဟိုအစိုးရ တရားရုံး တရားသူကြီး Raymond Dearie ထံမှာ တနင်္လာနေ့က ၀န်ခံ ပြောကြားခဲ့ပါတယ်။ သူရစရာရှိတဲ့ ဒေါ်လာ ၉ သိန်း ၅ သောင်းကိုလည်း မယူဖို့ သဘောတူခဲ့ကြပါတယ်။

Honduras သမ္မတဟောင်းလိုပဲ Alfredo Hawit အနေနဲ့လည်း လာမယ့် အောက်တိုဘာလမှာ စီရင်ချက်ခံရမှာဖြစ်ပြီး ထောင်ဒဏ် အနှစ် ၂၀ လောက် ကျခံရကိန်း ရှိပါတယ်။

 Alfredo Hawit ရဲ့ အမှုဟာ ကမ္ဘာ့တ၀ှမ်း လူပေါင်း ၄၀ ကျော်ကို မသင်္ကာမှုတွေနဲ့ စုံစမ်း စစ်ဆေးနေတဲ့ အမှုရဲ့ တစိတ်တပိုင်းလည်း ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

အမေရိကန်နိုင်ငံခြားရေးဝန်ကြီး ဂျွန်ကယ်ရီ ရွှေတိဂုံဘုရားမှာ ရေသပ္ပာယ်နေစဉ် (သြဂုတ်လ ၂၀၁၄)
အတာသင်္ကြန် နှစ်သစ်ကူးဆုတောင်း မေတ္တာပို့သမှုနဲ့အတူမြန်မာနိုင်ငံဖွံဖြိုးတိုးတက်ရေးမှာ မြန်မာပြည်သူတွေနဲ့ ဆက်လက်ပူးပေါင်းဆောင်ရွက်သွား ဖို့ မျှော်လင့်မိကြောင်း အမေရိကန်နိုင်ငံခြားရေးဝန်ကြီး ဂျွန်ကယ်ရီက ပြောကြား လိုက်ပါတယ်။

ဒီမိုကရေစီအသွင်ကူးပြောင်းရေးမှာ နှစ်ပေါင်းများစွာစွန်လွှတ်အနစ်နာခံခဲ့တဲ့ မြန်မာပြည်သူတွေနဲ့ အဖွဲ့အစည်းတွေကိုလည်း အမေရိကန်ပြည်ထောင်စုက ချီးကျူးဂုဏ်ပြုကြောင်း မနေ့ကထုတ်ပြန်တဲ့ မစ္စတာ ကယ်ရီရဲ့ မြန်မာသင်္ကြန်နှစ်သစ်ကူးဆုတောင်းမှာ ဖေါ်ပြထားပါတယ်။ မအင်ကြင်းနိုင်က အပြည့်အစုံကိုပြောပြမှာပါ။

အရင်နှစ်တွေလိုမဟုတ်ပဲ မြန်မာပြည်သူတွေကိုယ်တိုင် ရွေးချယ်တင်မြှောက်တဲ့ အမျိုးသားဒီမိုကရေစီအဖွဲ့ချုပ် NLD အစိုးရတက်လာချိန် ဒီနှစ်အတာ သင်္ကြန်နှစ်သစ် ကူးကာလကို အောင်မြင်မှု၊ မျှော်လင့်မှုတွေ အပြည့်နဲ့ ကျင်းပနေချိန်မှာ အမေရိကန်ပြည်ထောင်စု က မြန်မာပြည်သူတွေ အတွက် နှစ်သစ်ကူး သင်္ကြန်ဆုတောင်း ပို့သလိုက်ကြောင်း အမေ ရိကန်နိုင် ငံခြားရေးဝန်ကြီး ဂျွန်ကယ်ရီက မနေ့က ထုတ်ပြန်ကြေညာခဲ့ပါတယ်။ ဒီကြေညာချက်နဲ့ ပတ်သက်လို့ အမေရိကန်နိုင်ငံခြားရေးဌာနပြောခွင့်ရပုဂ္ဂိုလ်က အခုလိုဖတ်ပြပါတယ်။

"မြန်မာ အတာသင်္ကြန်နဲ့ နှစ်သစ်ကူးအခါသမယမှာ သမ္မတ ဘရက်အိုဘားမားနဲ့ အမေရိကန်နိုင်ငံသားတွေ ကိုယ်စား မြန်မာပြည်သူတွေထံ ကျနော့်အနေနဲ့ နွေးထွေးစွာ ဆုတောင်းမေတ္တာ ပို့သလိုက်ပါတယ်။ သင်္ကြန်ဟာ နှစ်သစ်မှာ ယူဆောင်လာမယ့် အခွင့်အလန်းတွေကိုကြိုဆိုကျင်းပတဲ့ အချိန်အခါ လည်းဖြစ်ပါတယ်။ ငြိမ်းချမ်းပြီး သာယာဝပြောတဲ့ အပြင် ချစ်ကြည်ရင်းနှီးမှုရှိတဲ့ အနာဂတ် တည်ဆောက်ရေး အတွက် မြန်မာနိုင်ငံသားတွေ ရဲ့ကြိုးပမ်းအား ထုတ်မှုတွေကို ဒီနှစ်သစ်နဲ့အတူ နောင်လာမယ့်နှစ်တွေမှာလည်း အမေရိကန်ပြည်ထောင်စုက ထောက်ခံအားပေးသွားဖို့ မျှော်လင့်ပါတယ်။"

ဒါအပြင် မြန်မာနိုင်ငံမှာ သမိုင်းဝင်အပြောင်းအလဲတွေဖြစ်ခဲ့ပြီး ဒီအတွက် မြန်မာပြည်သူတွေကို ဂုဏ်ပြုချီးကျူးကြောင်း နိုင်ငံခြားရေးဝန်ကြီးဂျွန်ကယ်ရီရဲ့ထုတ်ပြန်ချက်မှာဖေါ်ပြထားတယ်လို့ ပြောခွင့်ရပုဂ္ဂိုလ်က အခုလိုပြောပါတယ်။

"နှစ်ပေါင်း (၅၀)ကျော်အတွင်း ပထမဆုံးအကြိမ် ဒီမိုကရေစီနည်းအရ ရွေးကောက်တင်မြှောက်ခံရတဲ့အစိုးရကို အောင်မြင်စွာနဲ့ ငြိမ်းချမ်းစွာ အာဏာလွှဲပြောင်းပေးမှုရဲ့ ရလဒ်ဖြစ်တဲ့ မတ်လ (၃၀)ရက်နေ့ကကျင်းပခဲ့တဲ့ သမ္မတဦးထင်ကျော်ရဲ့ ကျမ်းသစ္စာကျိန်ဆိုပွဲ အပါအ၀င် မြန်မာနိုင်ငံရဲ့ သမိုင်းတင်ပြောင်းလဲမှုတွေ ပြီးခဲ့တဲ့နှစ်မှာ တွေ့ခဲ့ရတာဖြစ်ပါတယ်။

အခုလို ဒီမိုကရေစီအသွင်ကူးပြောင်းရေးကာလဖေါ်ဆောင်ရာမှာ နှစ်ပေါင်းများစွာ ကြိုးပမ်းခဲ့ကြတဲ့ စွန့်လွှတ်အနစ်နာခံခဲ့တဲ့ မြန်မာပြည်သူတွေနဲ့ အဖွဲ့အစည်းတွေကို အမေရိကန်ပြည်ထောင်စုက ချီးကျူးဂုဏ်ပြုပါတယ်။

အခုလိုနှစ်သစ်ကူးအခါသမယ မြန်မာနိုင်ငံမှာ အောင်မြင်မှု ကျင်းပနေချိန်မှာ နွေးထွေးတဲ့ ဆုတောင်းမေတ္တာ တွေပို့သ ရင်း ကောင်းမွန်သော နှစ်သစ်ဖြစ်ပါစေလို့ အမေရိကန်ပြည်ထောင်စုက ဆန္ဒပြုလိုက်ပါတယ်။"

အမေရိကန်သမ္မတအိုဘားမားကိုယ်တိုင်လည်း ဧပြီလ (၆) ရက်နေ့က သမ္မတဦးထင်ကျော်ကို ဖုန်းဆက်ချီးကျူးစကားပြောဆိုချိန်မှာ အတာသင်္ကြန်နဲ့ မြန်မာ့နှစ်သစ်ကူးအကြိုအဖြစ် သမ္မတ ဦးထင်ကျော်နဲ့ မြန်မာပြည်သူတွေအတွက် ဆုမွန်ကောင်းပေးပို့ကြောင်း ပြောကြားခဲ့ပါတယ်။

အလားတူ ရန်ကုန်မြို့က အမေရိကန်သံအမတ်ကြီး Scott Marciel နဲ့ သံရုံးမိသားစုတွေကလည်း နှစ်သစ်ကူးမှာ မြန်မာပြည်သူတွေအားလုံး ရွှင်လန်းချမ်းမြေ့ကြစေဖို့ ဆုတောင်းထားတဲ့ ဗီဒီယိုမှတ်တမ်းခွေကို ရန်ကုန် အမေရိကန်သံရုံး Facebook မှာ ပြသထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com