04/22/16

အဘချုပ်ကြီးခေတ်တုန်းက လက်ဆောင်ခြင်းကြီးတွေ လက်ဆောင် အထုပ်ကြီးတွေနဲ့ ကိုင်ဝင်လာရင် သိပ်မကြိုက်ချင်ဘူးလို့ ပြောကြသဗျ။ ဟဲ့ … လက်ဆောင်ခြင်းတွေကို တီထွင်ခဲ့တဲ့ စစ်အစိုးရခေတ်တောက် လျှောက် ဒီလိုပဲ ပေးနေ … ယူနေကြတာ၊ ဒီလို မပေးလို့ ဘယ်လိုပေးကြမလဲ။

အဘချုပ်ကြီးသမီး မင်္ဂလာဆောင်တုန်းက အထုပ်ကြီးတွေ ယူလာတဲ့သူတွေထက်၊ အထုပ်သေးသေးလေးတွေ ယူလာသူတွေက ပိုပြီး မျက်နှာပွင့်ကြပါတယ်။ အထုပ်သေးသေးလေးတွေ ဆိုတာက ဘူးလေးတွေပေါ့။ ဘူးလေး တွေထဲမှာ သော့လေးတစ်ချောင်းစီပဲ ပါတာ။ အဲဒီသော့ဟာ တိုက်ခန်းသော့လည်း ဖြစ်နိုင်တယ်။ တိုက်တစ်လုံး အတွက် သော့ လည်း ဖြစ်နိုင်တယ်။ ကားအကောင်းစားကြီးအတွက် သော့လည်း ဖြစ်နိုင်တယ်။ ဒါကြောင့် မင်္ဂလာပွဲကို လာကြရင် အထုပ်သေးသေး ကိုင်လာတဲ့သူတွေက ပိုပြီး မျက်နှာပွင့်ကြသတဲ့။

ဟောဗျာ … စစ်အစိုးရခေတ်အဆက်ဆက် သင်္ကြန်လက်ဆောင်တွေ ပေးခဲ့ကြတာ။ ဒီနှစ်တော့ မြွေပွေးကိုက် တော့တာပဲ။ ကိုယ်ရေးအရာရှိတစ်ယောက်ကို မီဒီယာကုမ္ပဏီကြီးတစ်ခုက ငွေ ကျပ် သိန်း ၅၀ ပါတဲ့ အထုပ် တစ်ထုပ်ပေးလို့ဆိုပြီးတော့ ဟိုးလေးတကျော်ဖြစ်သွားတယ်။ သင်္ကြန်လက်ဆောင်အဖြစ် နှစ်ပေါင်းများစွာ ဒီလိုပဲ ပေးလာကြတာက ဒီနှစ်မှ ဒီလို မပေးဖို့ သတိပေးစာ ထုတ်လိုက်တယ်ဆိုတာကတော့ ခေတ်ပြောင်းလာပြီ ဆိုတာကို ပွင့်လင်းထင်သာမြင်သာစေတဲ့ အချက်ပဲ။ ကျွန်တော်တို့ တင်မြှောက်ထားတဲ့ အစိုးရက ခေတ်အဆက်ဆက် ဘယ်သူမှ မလုပ်နိုင်တဲ့ သန့်ရှင်းသော အစိုးရတစ်ခေတ်ကို ထူထောင်ဖို့ ပထမခြေလှမ်း လို့ မြင်လိုက်ပါတယ်။

ရန်ကုန်တိုင်းဒေသကြီး ဝန်ကြီးချုပ် ကိုဖြိုးမင်းသိန်းကလည်း ခေတ်အဆက်ဆက် အစိုးရနဲ့ပေါင်းပြီး အခွင့်အရေး တွေ ယူခဲ့ကြတဲ့ ပြည်တွင်း လုပ်ငန်းရှင်တွေကို သတိပေးထားတယ်။ အစိုးရသစ်လက်ထက်မှာ ဒါမျိုးတွေ မရှိနိုင် တော့ဘူး။ ဒါမျိုးတွေ လုပ်နေတာ အရေးမယူလို့ လုပ်နေတာ။ ခုခေတ်မှာ ပြတ်သားစွာ အရေးယူတော့မယ်ဆိုတာ ကောင်းမွန်သော အုပ်ချုပ်ရေးကို အကောင်အထည်ဖော်တော့မယ်လို့ သတိပေးလိုက်တာပဲ။

အစိုးရသစ်ရဲ့ ရက်ပေါင်း ၁၀၀ မပြည့်မီကာလအတွင်း သွေးတိုးစမ်းမှုပေါင်း များစွာ ရင်ဆိုင်နေရပြီ။ အဘခေတ် တုန်းကလိုသွေးတိုးစမ်းလို့မရရင် ကိုယ်ကျိုးစီးပွား ထိခိုက်လာသူတွေက အပြုလုပ်နေသူတွေကို အဖျက်နဲ့ တိုက်ဖို့ ပြင်ဆင်တော့မယ်ဆိုတာကိုလည်း သတိထားရတော့မယ်။ ဘာပြောပြော နိုင်ကျဉ်းတွေအုပ်စုကတော့ အစိုးရသစ်ကို အတိုက်အခံမလုပ်ပါဘူး၊ ခိုင်းချင်ရာခိုင်း နိုင်ငံသားတစ်ယောက်အနေနဲ့ ကျရာတာဝန်ကို ထမ်းဆောင်ပေးပါ့မယ်လို့ လေသံတွေ ထွက်လာတာကို ကြိုဆိုပါတယ်။ ဒါပေမဲ့ အစိုးရသစ်ကို ငါတို့တောင်း ထားတာ ရရင်ရ … မရရင်ချမယ်လို့ ရာဇသံပေးနေမှုတွေကတော့ အဖျက်သမားအုပ်စု ကြိုက်တဲ့စကားလို့ ယူဆပါ တယ်။

“ငါ့ရန်သူရဲ့ ရန်သူဟာ ငါ့မိတ်ဆွေ” ဆိုတဲ့ စကားလေး ကြားဖူးမှာပေါ့။ မလိုမုန်းထား ရန်မီးပွားလိုသူ မသူတော် အချင်းချင်းပေါင်းပြီး မိတ်ဘက်တွေဖြစ်သွားတော့မှာ။ တိုင်းပြည်ကို ချောက်ထဲဆွဲချမယ့်အရေးမှန်သမျှ ကာကွယ်ကြရမယ်ဗျ။ ဘာကြောင့်လဲဆိုတော့ ကျွန်တော်တို့တင်ထားတဲ့ အစိုးရ လုပ်ပိုင်ခွင့်အပြည့်၊ အာဏာ အပြည့်ရှိမှ ကျွန်တော်တို့ ပြည်သူတွေ သောကအေးကြမှာ။

ခုဆိုရင် အစိုးရသစ်ရဲ့ ခြေလှမ်း ၁၀၀ အတွင်းမှာ လုပ်ဆောင်ပြနေတာတွေဟာ ဘယ်ခေတ်မှာမှ မရှိခဲ့တာကို အသိအမှတ်ပြုလိုက်ပါ။ လက်ဆောင်ဆိုရင် အထုပ်လည်း မလာနဲ့၊ မုန့်လည်း မလာနဲ့။ ခြင်းလည်း မလာနဲ့၊ ပုလင်း လည်းမလာနဲ့ဆိုတာ ဒီအစိုးရခေတ်ရဲ့ ပြယုဂ်တစ်ခုလိုဖြစ်နေ ရမယ်။ အောက်ခြေကအစ လာဘ်လာပေးရင် အရေးယူဖို့တိုင်ကြားတာတွေကို လုပ်လာမယ်ဆိုရင် လူထုအစိုးရကို ထောက်ခံရကျိုးနပ်ပြီလို့ ဆိုချင်ပါတယ်။

၂၁.၄.၂၀၁၆
Tin Nyunt

 မြင်းခြံခရိုင်တွင် ကျောင်းသားများ ဆန္ဒပြစဉ်။ သတင်းဓာတ်ပုံ-ဗကသများအဖွဲ့ချုပ် - မြင်းခြံ ခရိုင်။
မြင်းခြံခရိုင်တွင် ကျောင်းသားများ ဆန္ဒပြစဉ်။ သတင်းဓာတ်ပုံ-ဗကသများအဖွဲ့ချုပ် - မြင်းခြံ ခရိုင်။

ကျောင်းသားသပိတ် စစ်ကြောင်း မြင်းခြံမြို့ ကိုဖြတ်သန်းစဉ် ဒီကရီကောလိပ် အတွင်း နိုင်ငံတော်အလံတိုင်တွင် ကျောင်းသားသမဂ္ဂအလံ လွှင့်တင်ခဲ့မှုနှင့် ပတ်သက်လို့  မုံရွာနည်းပညာတက္ကသိုလ် (စက်မှု) ကျောင်းသား ကိုစိုးလှိုင် နဲ့ ရတနာပုံတက္ကသိုလ်ကျောင်း ကိုဇင်ကိုသန့် ကျောင်းသား ၂ဦးကို ထိန်းသိမ်းထားခဲ့ပြီး ပုဒ်မ၁၆ ပုဒ်မ ၁၈တို့နဲ့ တရားစွဲဆိုရာကနေ ဧြ့ပီလ ၂၁ရက်မှာတော့ ပုဒ်မ၄၉၄အရ သူတို့ကို စွဲဆိုထားတဲ့အမူတွေကိုပြန်ရုပ်သိမ်းလိုက်ပြီး ပြန်လွတ်ပေးခဲ့ပါတယ်။ မေမြို တရားရုံးရှေမှာ သပိတ်မှောက် ဆန္ဒပြခဲ့တဲ့ရှေ့နေကြီး ဦးဇော်ဝင်းကို တော့ မန္တလေးထောင်မှ ပြန်လွှတ်ပေးခဲ့ပါတယ်။ မအေးအေးမာက သတင်းပေးပို့ ထားပါတယ် ။

မြင်းခြံဒီဂရီကောလိပ်မှာ အလံတင်တယ်လို့  စွပ်စွဲခံရပြိး ပုဒ်မ ၁၆၊ ပုဒ်မ ၁၈တိုနဲ့ တရားစွဲဆိုခံထားရတဲ့ ကျောင်းသား (၂) ဦးဖြစ်တဲ့ ကိုစိုးလှိုင် နဲ့ ကိုဇင်ကိုသန့် (၂) ဦးကို ဧပြီလ ၂၁ရက်နေ့ ညနေပိုင်းမှာပဲ အကျဉ်းထောင်က ပြန်လွတ်ပေးခဲ့ပါတယ်။

ပြန်လွတ်မြောက်လာတဲ့ကျောင်းသား ဖြစ်တဲ့ ကိုဇင်ကိုသန့်ကတော့ အခုလိုပြောပါတယ်။

"တရားရုံးကတော့ ခုနက တရားသူကြီး ရွတ်ပြတာပေါ့နော်။ ဥပဒေ ပုဒ်မ ၄၉၄ အရ အမှုပိတ်သိမ်းကြောင်းပြောပြီးတော့ ကျနော်တို့ကို လွှတ်ပေးတယ်ပေါ့။ ကျနော်တို့ကတော့ ကြိုဆိုပါတယ်ဗျ။ ဒါက ပြည်သူတွေရွေးချယ်ထားတဲ့ အစိုးရပဲလေ"

အမှုတွဲတူပေမယ့် ဥပဒေလုပ်ထုံးလုပ်နည်းတွေအတိုင်း တရားလိုက အမှုကို ပြန်ရုပ်သိမ်းဖို့ကိုစောင့်နေရတာကြောင့် တခြားကျောင်းသားတွေပြန်လွတ်ပေးချိန် မှာ ဒီကျောင်းသား (၂) ဦးကတော့ အကျဉ်းထောင်ထဲမှာ ကျန်နေသေးတာဖြစ်ပါတယ်။ သူတို့ဟာ မတရားသဖြင့် စွပ်စွဲခံရတယ် လို့ ယူဆထားတာကြောင့် စိတ်ပိုင်းဆိုင်ရာ နာကျင်မူတွေဖြစ်ရတယ်လို့လည်း သူတို့ကိုသွားရောက်ကူညီပေးနေတဲ့မြင်းခြံမြိုက တက်ကြွ လှုပ်ရှားသူ ဒေါက်တာစိုးနိုင်ကလည်းပြောပါတယ်။

"သူတို့တတွေက ဟို သပိတ်စစ်ကြောင်း နွားထိုး မရောက်ခင်ကတည်းက သူတို့ အိမ်ပြန်သွားကြတာ။ သူတို့အိမ်မှာရှိတယ် ဆိုတဲ့အကြောင်းကို သူတို့ ရပ်ကွက် အုပ်ချုပ်ရေးမှူး ကလည်း တရားရုံးမှာ လာပြီးတော့ သက်သေ ထူပေးနိုင်တယ်။ နောက်သက်သေထွက်ပေးတယ်။ သူအဆောင်မှာနေတဲ့ ကျောင်းသားကလည်း သူအဆောင်မှာရှိတယ် ဆိုတဲ့အကြောင်း ကို ကျန်တဲ့ကျောင်းသားတွေက အဲဒီအဆောင်မှာ ရှိတဲ့ ကျောင်းသားတွေက လည်း သက်သေထွက်ပေးနိုင်တယ်။ နောက်တခုက ရဲကစွဲတင်တဲ့ သက်သေပြပုံမှာလည်း သူတို့တွေပါလို့ ထင်ထင်ရှားရှားပြနိုင် တာလည်း မဟုတ်ဘူး။ နောက်တခုက သူတို့ ဘယ်နေရာက ပြန်သွားတယ် ဆိုတာကလည်း ကျောင်းထဲမှာ အားလုံးကလည်း သိတယ်။ သူတို့ မဟုတ်ပါဘူးလည်းပြောတယ်။

သူတို့အိမ်ပါတ်ဝန်းကျင်နားကလူတွေကလည်း လူကြီးလူကောင်းတွေကလည်း သူတို့တွေက အဲဒီရက်က သူတို့အိမ်မှာရှိပါတယ်ဆိုတာကို လာပြီးတော့ တရားရုံးကို သက်သေပြနိုင်ပါရက်နဲ့ မတရားသဖြင့် စွပ်စွဲခံရတယ်လို့ သူတို့မှာ နာကျည်းချက် ကြီးကြီးမားမားရှိပါတယ်။ တယောက်က ကိုဇင်ကိုသန့်ကတော့ ပုသိမ်ကြီးက ရတနာပုံတက္ကသိုလ်ကျောင်းပါ။ ကိုစိုးလှိုင်ကတော့ မုံရွာ ဂျီတီစီကပါ။ သူက ပုလဲမှာ နေပါတယ်။ မပါတာကိုလည်း သက်သေပြနိုင်ပါတယ်။ တကယ်လည်း မပါဘူး။ လုပ်လို့ သူတို့လုပ်လို့ သူတို့ခံရတာကို သူတို့က ဘာမှမဖြစ်ဘူး။ လုပ်တဲ့သူကလည်း သူလုပ်တယ်ပြောနေပြီ။ သူတို့ဘာမှဆက်ပြီး အမှုကို ပြင်ဆင်တာတို့ ဘာတို့မလုပ်ဘူးပေါ့။ သူတို့ကပြောပါတယ်။

အလံတင်ခဲ့တယ်ဆိုတဲ့ အမှုနဲ့ စွဲတယ်။ အဲဒါကို အလံတင်ခဲ့တယ်ဆိုတာ မတင်ပါဘူးလို့ ဒီဘက်ကနေပြီးတော့ ငြင်းချက်ထုတ်နိုင်တဲ့ အခါကျတော့ သက်သေပြနိုင်တဲ့ အခါကျတော့ သူတို့စစ်ကြောင်းထဲမှာ ပါတယ်ဆိုပြီး ပုဒ်မ ၁၈ နဲ့ တခါထပ်စွဲတယ်။ ပုဒ်မ ၁၈ က တကယ်တမ်းကျတော့ စစ်ကြောင်းထဲမှာ ပါတယ်ဆိုတာ သပိတ်မှောက် ဆန္ဒပြတဲ့ အထဲမှာ ပါတာကို ဝန်ခံခိုင်းတယ်။ ဒါကို ဝန်ခံလို့ရှိရင် စစ်ကြောင်းထဲမှာ ပါတယ်။ အဲလိုဆိုရင် အလံတင်တာ အလံချတာ ဒီကောင်တွေလည်း ပါတယ် သဘောမျိုးသက်ရောက်အောင်လို့ ပုဒ်မ ၁၈ နဲ့ထပ်စွဲထားတာ။"

ဒီကနေ့မှာတော့ မန္တလေး အိုးဘိုထောင်ကနေ နိုင်ငံရေးအကျဉ်းသားတဦးဖြစ်တဲ့ တရားလွတ်တော်ရှေ့နေ ဦးဇော်ဝင်းလည်းပြန်လည် လွတ်မြောက် လာခဲ့ပါတယ်။ ရှေ့နေဦးဇော်ဝင်းဟာ ပုဒ်မ တောင်သူလယ်သမား အရေး၊ အလုပ်သမားအရေးတွေကို လိုက်လံပြီး ကူညီဆောင်ရွက်ပေးနေ တဲ့ ပြင်ဦးလွင်မြို့ကတရားလွှတ်တော်ရှေ့နေ တဦးဖြစ်ပါတယ်။

ဦးဇော်ဝင်းဟာပြင်ဦးလွင်ခရိုင်တရားရုံးရှေ့မှာ တစ်ကိုယ်တော်ဆန္ဒပြခဲ့တာကြောင့် ပုဒ်မ- ၅၀၅ (ခ) ပုဒ်မ ၁၈ ပုဒ်မ ၁၄၇ စတာတွေနဲ့ အမူရင်ဆိုင်ခဲ့ရပြီး ၂၀၁၄ သြဂုတ်လကတည်းက ထိန်းသိမ်းခံခဲ့ရပါတယ်။ ဧပြီလ ၂၁ရက်နေ့မှာတော့ သူ့ကိုစွဲဆိုထားတဲ့အမူတွေကို ပြန်ရုပ်သိမ်းပေးလိုက်ပြိးမြင်းခြံက ကျောင်းသား (၂) ဦးလိုပဲ သမ္မတရဲ့ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာတာဖြစ်ပါတယ်။

မအေးအေးမာ
VOA

ရေပြတ်လပ်ဒေသများကို ရေပေးဝေနေစဉ်။
ရေပြတ်လပ်ဒေသများကို ရေပေးဝေနေစဉ်။

အစိုးရသစ် လက်ထက်မှာ သောက်သုံးရေပြတ်လပ်တဲ့ ဒေသတွေ အတွက် ရေရရှိဖို့ ရက် ၁၀၀ စီမံချက်ရေးဆွဲထားပြီးမေလ အတွင်း ပြီးစီးအောင် လုပ်သွားဖို့ ရှိတယ်လို့ ကျေးလက်ဒေသ ဖွံ့ဖြိုးရေးဦးစီးဌာနကပြောဆို လိုက်ပါတယ်။ နှစ်ဆန်းတစ်ရက်နေ့က စလို့ လူမှုဝန်ထမ်းကယ်ဆယ်ရေး နဲ့ ပြန်လည်နေရာချထားရေး ဝန်ကြီးဌာန ကိုလည်း သောက်သုံးရေပြတ် လပ်တာကြောင့် အကူအညီတောင်းခံနေတာတွေလည်းရှိနေပါတယ်။ အပြည့်အစုံကို VOA သတင်းထောက် မသိင်္ဂီလင်းကပြောပြပေးပါမယ်။

ပြင်းထန်တဲ့ အယ်နီညိုရာသီဥတု ခံစားနေရတဲ့ ဒီနှစ်နွေရာသီမကုန်ခင် အစိုးရသစ် လက်ထက်မှာ ရက် ၁၀၀အတွင်း တနိုင်ငံလုံး အတိုင်းအတာ နဲ့ ရေတွင်း တူးဖော်တာတွေ၊ ရေတွင်းရေကန်တွေ မွမ်းမံတာတွေ၊ ရေပေးဝေမှု စနစ် ပြုပြင်တာတွေကို အရှိန်အဟုန်မြှင့်ပြီးစီမံချက်နဲ့ လုပ်ကိုင်သွားဖို့ရှိတယ် လို့ ကျေးလက်ဒေသ ဖွံ့ဖြိုးရေးဦးစီးဌာန ညွှန်ကြားရေးမှူးချုပ် ဦးခန့်ဇော်က အခုလိုပြောပါတယ်။

"ကျနော်တို့ ရက် ၁၀၀ စီမံချက်မှာ မြန်မြန်ဆန်ဆန် နဲ့ ပြီးမယ့်အလုပ်မျိုးတွေပေါ့ ရက် ၁၀၀ အတွင်းပြီးအောင်လို့ တနိုင်ငံလုံးက တွင်းတွေ တူးဖော်ခြင်း (၂၁၆ တွင်း)။ တွင်းတွေတူးတယ်ဆိုတာ စက်ကြီးတွေနဲ့ အကြာကြီးတူးတာကိုပြောတာ မဟုတ်ပါဘူး။ ဒေသတွေမှာ ရှိတဲ့ စက်တွေနဲ့ တူးတာကိုပြောတာပါ။ လက်တူးတွင်း တူးဖော်ခြင်းဆိုတာ တွင်းကျယ်တွေလေ အဲဒါတူးတာ (၃၈၆ တွင်း) နောက်တခါ ရေတွင်းရေကန်တွေ မွန်းမံပြင်ဆင်တာဗျ။ အချို့ကတော့ ဒီနှစ်အတွင်းမှာ ကန်တွေ ခမ်းသွားတယ်ဗျ။ ဒီနှစ် ကျနော်တို့ပြင်ထားမှ လာမယ့်နှစ် မိုးကျရင် အဆင်ပြေမှာဗျ။ အဲဒီ ရေကန်တွေပြင်တာရှိတယ်။ နောက်တခါ ရေပေး
facility တွေပေါ့ ဥပမာ အင်ဂျင်တွေ အင်ဂျင်ပြင်မယ်။ ပန့်ပျက်ရင် ပန့်ပြင်မယ်။ တွင်းပျက်တွင်းပြင်မယ်။ စက်ပျက်ရင် စက်ပြင်မယ်။ အဲဒါ လုပ်ငန်းပေါင်း ၆၉၀ ပေါ့။ ဒီလက စပြီး စီမံချက်ဆွဲတာ။ ရက် ၁၀၀ အတွင်း မြန်မြန်ဆန်ဆန်လုပ်ဖို့ စီမံထားပါတယ်"

အယ်နီညိုရာသီဥတုကြောင့် မုတ်သုံအဝင်နောက်ကျပြီး ဇွန်လလောက်ထိ ပူပြင်းနိုင်တာကြောင့် ရက် ၁၀၀ စီမံချက်ကိုလုပ်ဆောင်တာဖြစ်တယ်လို့လည်း ဦးခန့်ဇော်ကပြောပါတယ်။

သင်္ကြန်အတွင်းသောက်သုံးရေ ပြတ်လပ်တာကြောင့် သောက်သုံးရေပို့ဆောင်ပေးဖို့၊ ရေတွင်းတူးပေးဖို့၊ ယာယီရေလှောင်ကန်ဆောက်ပေးဖို့စတဲ့ အကူအညီတွေ ပေးဖို့ အတွက် လူမှုဝန်ထမ်းကယ်ဆယ်ရေး နဲ့ ပြန်လည်နေရာ ချထားရေး ဝန်ကြီးဌာနကိုလည်း ဖုန်းဆက်ပြီး အကူအညီတောင်းကြ တယ်လို့ ဒုတိယညွှန်ကြားရေးမှူးချုပ် ဦးဝင်းထွန်းဦးက အခုလိုပြောပါတယ်။

"အခုက မကွေးတို့ မန္တလေးတို့ ရန်ကုန် မန္တလေး၊ မကွေး၊ ပဲခူး၊ ဧရာဝတီ၊ မွန် ၊ရခိုင် စစ်ကိုင်း၊ ရှမ်း နေပြည်တော်ပေါ့ဗျာ။ မနေ့ကအထိတော့ ၇၉ နေရာလောက်ရှိမယ်။ ခုလည်း တောင်းတုန်းပဲခင်ဗျ။ ကျနော်တို့ စာရင်းတွေက မငြိမ်သေးဘူးပေါ့"

အကူအညီတောင်းခံလာသူတွေကိုသက်ဆိုင်ရာ မြို့နယ်ရုံးခွဲတွေကနေတဆင့် ကွင်းဆင်းကြည့်ရှုပြီးအကူအညီပေးဖို့ ဆောင်ရွက်နေကြသလို ပရဟိတ အဖွဲ့အစည်းတွေ၊ သက်ဆိုင်ရာမြို့နယ်တွေကအလှူရှင်တွေကလည်း တစ်နိုင်တစ်ပိုင် သောက်သုံးရေ ပို့ဆောင်ပေးနေကြတာပါ။

ကိုယ်တိုင် လိုအပ်တဲ့နေရာတွေကို ပို့ပေးနေတဲ့ ပဲခူးတိုင်း ကဝမြို့နယ် ပြည်သူ့ လွှတ်တော် ကိုယ်စားလှယ် ဦးလှသန်းကလည်း သူ့ဒေသမှာရွာပေါင်း ၆၀လောက်က ရေလိုအပ်နေတဲ့ အခြေအနေကိုအခုလိုပြောပြပါတယ်။

"သူတို့ဘက်ကတော့ ရေက ရေကားမြင်တာနဲ့ ရှင်းရှင်းပြောရရင် လက်တားပြီးတော့ တောင်းတာပဲ။ ဒို့ ကလည်း ရွာတွေ ရွာတွေ ချိတ်ထားတော့ ရွာတိုင်းကိုလည်း ပေးလို့ မဖြစ်ဘူးလေ။ ကြုံတဲ့ နေရာပေးလို့ မရဘူး။ ဟိုက ချိတ်ချိန်းထားတဲ့ နေရာ ရေက အမှန်တကယ် မရှိလို့ရှိရင် ရေပို့ရမယ့် နေရာကို အရင်ပို့တာပေါ့ဟာ။ နည်းနည်းလေး ပိုတာလေး ချန်ထားပြီးတော့ ကြားထဲက ဘုန်းတော်ကြီးကျောင်းတို့ဘာတို့က အဲလို အရေးကြီး အလှူခံလာတဲ့ရေ အဲလိုပဲ ခွဲပေးရတာ။ အဲဒီသဘောတော့ ရှိတယ်။ ရွာက ၆၀ လောက် ရေလိုနေတာလေ။ ဟုတ်တယ် ပွင့်ပွင့်လင်းလင်းပြောရရင် အများကြီးလိုနေတာ"

ဦးလှသန်းအပါအဝင် အခြားလွှတ်တော် ကိုယ်စားလှယ်တွေက လွှတ်တော်ပြန်စတဲ့ အခါ သက်ဆိုင်ရာဝန်ကြီးဌာနတွေနဲ့အတူ ပူးပေါင်းဆောင်ရွက်ဖို့လည်း စီစဉ်ထားကြပါတယ်။

မတ်လကုန်အထိ ထုတ်ပြန်ထားတဲ့ စာရင်းအရ မြန်မာတနိုင်ငံလုံး အနှံ့ ကျေးရွာပေါင်း ၁၆၀ ကျော်မှာ ရေပြတ်လပ်နေခဲ့တာပါ။ ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေနဲ့ ပြင်းထန်တဲ့ အယ်နီညိုရာသီဥတုကြောင့် ၂၀၁၆ ခုနှစ် နွေရာသီမှာ တနိုင်ငံလုံးက ကျေးရွာပေါင်း ၁၇၀၀ ကျော်မှာ ရေပြတ်လပ်နိုင်မယ်လို့ ခန့်မှန်း ထားပြီး နိုင်ငံတော် ထောက်ပံ့ငွေ သန်း ၁၀၀ ကျော်ကို အသုံးပြုပြီး ရေဖြန့်ဝေသွားမှာဖြစ်ပါတယ်။

သိင်္ဂီလင်း
VOA


မြန်မာ့စီးပွားရေးမှာ စစ်တပ်ပိုင်းလုပ်ငန်း အများအပြား ပါဝင်ပေမယ့် ဘယ်လောက် အချိုးအစား ရှိတာကို ခန့်မှန်းတာမျိုး မရှိသေးပါဘူး။ တိုင်းနဲ့ပြည်နယ်တွေဟာ သဘာဝသယံဇာတ ထွက်ပေမယ့် အကျိုးမခံစားကြရတာ များပါတယ်။ ၂၀၁၄ အစိုးရအသုံးစရိတ်မှာ စစ်တပ်အတွက် (၂၃) ရာခိုင်နှုန်း သတ်မှတ်တာမို့ တိုင်းပြည်အသားတင် ထုတ်လုပ်မှုရဲ့  (၅) ရာခိုင်နှုန်းကို စစ်တပ်အတွက် သုံးတယ်လို့ ဆိုနိုင်ပါတယ်။ အစိုးရ ကာကွယ်ရေး အသုံးစရိတ်ကိုသာ သိနိုင်ပြီး စစ်တပ်စီးပွားရေးလုပ်ငန်းရဲ့  အတိုင်းအဆကိုတော့ မသိနိုင်ဘဲ ဖြစ်နေပါတယ်။ စစ်တပ်လုပ်ငန်းတွေ ကြီးစိုးတာကိုသာ ယေဘုယျ သိကြပါတယ်။

သဘာဝသယံဇာတရတဲ့ အကျိုးအမြတ်ကို ဖယ်ဒရယ်သဘောတရားနဲ့အညီ မျှမျှတတ ခွဲဝေပေးနိုင်အောင် ဆောင်ရွက်မယ်လို့ NLD အဖွဲ့ချုပ်ရဲ့  ရွေးကောက်ပွဲကြေညာစာတမ်းမှာ ဖော်ပြထားပါတယ်။ ပြုပြင်ရေးနဲ့ ငြိမ်းချမ်းရေးအစီအစဉ်မှာ သဘာဝသယံဇာတ မျှမျှတတ ခွဲဝေရေးဟာ အဓိကကျတယ်လို့ ပြည်နယ်ခေါင်းဆောင်ပိုင်းနဲ့ လက်နက်ကိုင် တိုင်းရင်းသားအဖွဲ့အစည်းအချို့ က မြင်ပါတယ်။ ဒီအတောအတွင်း လန်ဒန်၊ နယူရော့ခ် နဲ့ ဝါရှင်တန်ဒီစီ အခြေစိုက် Natural Resource Governance Institute က လွန်ခဲ့တဲ့ ဖေဖေါ်ဝါရီလက Sharing the Wealth ‘ဥစ္စာဓန ခွဲဝေကြ’ ဆိုတဲ့ စာတမ်းထုတ်ဝေပါတယ်။

မြန်မာ့သယံဇာတကို မျှမျှတတ ခွဲဝေနိုင်တဲ့ နည်းလမ်းတွေကို ဆွေးနွေးတင်ပြထားပါတယ်။ ရခိုင်၊ ကချင် နဲ့ ရှမ်းပြည်နယ်တွေက သယံဇာတ ခွဲဝေပေးဖို့ အတိအလင်း တောင်းဆိုနေချိန်မှာ တိုက်တိုက်ဆိုင်ဆိုင် ထုတ်ဝေလိုက်တဲ့ စာတမ်း ဖြစ်ပါတယ်။ ဖယ်ဒရယ်ကို ဆွေးနွေးရင် သဘာဝသယံဇာတ ခွဲဝေရေးကိုပါ မလွှဲမသွေ ဆွေးနွေးရပါလိမ့်မယ်။ ကျောက်မျက်ဒေါ်လာသန်း (၁၂၃၀၀) ဖိုး မြန်မာက တရုတ်ကို တင်ပို့တယ်လို့ ကုလသမဂ္ဂစာရင်းအရ သိရပေမယ့် Global Witness အဖွဲ့ကတော့ အဲဒီနှစ်မှာ ကျောက်စိမ်း ဒေါ်လာသန်း (၃၁၀၀၀) ဖိုး ထွက်တယ်လို့ ဆိုပါတယ်။ မှောင်ခိုလုပ်ငန်း အမြဲရှိနေတာမို့ သယံဇာတ ရောင်းရငွေဟာ အစိုးရကြေညာတာထက် ဆယ်ဆကျော် ပိုများမယ်လို့ ခန့်မှန်းပါတယ်။ သယံဇာတဝင်ငွေ ခွဲဝေရေးကို စဉ်းစားရင် လုပ်ငန်းဝင်ငွေသိဖို့ လိုအပ်ပေမယ့် ဦးသိန်းစိန်အစိုးရက မကြေညာပါဘူး။

ပြည်သူ့ပါတီ NLD ဦးစီးတဲ့ လွှတ်တော်နဲ့ အစိုးရ ပေါ်ထွက်လာတာကြောင့် အခွန်ဘဏ္ဍာခွဲဝေရေး နဲ့ ဖယ်ဒရယ်စနစ် တည်ဆောက်ရေးအတွက် တောင်းဆိုသံဟာ အရင်ကထက်ပိုပြီး ကျယ်လောင်လာပါတယ်။ သဘာဝသယံဇာတကရတဲ့ ဝင်ငွေကို ဖယ်ဒရယ်သဘောတရားနဲ့အညီ မျှမျှတတ ခွဲဝေနိုင်အောင် ဆောင်ရွက်မယ်လို့ NLD က ကြေညာထားတဲ့အတွက် သယံဇာတ အကျိုးအမြတ်ကို တိုင်းနဲ့ပြည်နယ်ကို ခွဲဝေပေးရေးဟာ အလေးအနက် ဆွေးနွေးရမယ့်ကိစ္စ ဖြစ်လာပါတယ်။ Arakan Oil Watch အဖွဲ့ကလည်း ဒီအကြောင်းကို ဖေဖေါ်ဝါရီလက အစီရင်ခံစာ ထုတ်ထားပါတယ်။ ဒီစာတမ်းအကြောင်း နောင်အခါ တင်ပြပါမယ်။ သယံဇာတခွဲဝေမှုကြောင့် Peru နိုင်ငံမှာ ပဋိပက္ခတွေ ပိုမိုပြင်းထန်လာတာကို တွေ့ရတဲ့အတွက် ဒီကိစ္စကို အသေအချာ သင်ခန်းစာယူနိုင်ဖို့ အလွန်အရေးကြီးပါတယ်။

တိုင်းပြည်ငြိမ်းချမ်းရေးနဲ့ ဖွံ့ဖြိုးတိုးတက်ရေးမှာ အရေးကြီးတဲ့ အခန်းက ပါဝင်တဲ့ သယံဇာတဝင်ငွေ ခွဲဝေရေးကို အဆင့် (၈) ဆင့်နဲ့ ချည်းကပ်ဖို့ အကြံပေးထားပါတယ်။ ပထမအဆင့်က ခွဲဝေရေး လုပ်ရတဲ့ ရည်ရွယ်ချက်ကို သက်ဆိုင်သူအားလုံး သဘောတူဖို့ ဖြစ်ပါတယ်။ ဒုတိယအဆင့်မှာ ဗဟို နဲ့ ပြည်နယ်တွေအကြား ဘယ်လို ပုံစံနဲ့ ဝေခွဲမယ်ဆိုတာကို ဆုံးဖြတ်ရပါတယ်။ ဘယ်သယံဇာတကို ခွဲဝေမယ်ဆိုတာကို ဆုံးဖြတ်တာက တတိယအဆင့်ပါ။ စတုတ္ထကတော့ တိုင်းနဲ့ပြည်နယ်ကို ဘယ်ပုံဘယ်နည်းနဲ့ ဖြန့်ဝေမယ်ဆိုတာကို ဆုံးဖြတ်တာ ဖြစ်ပါတယ်။ လက်ခံရယူမယ့် အဖွဲ့အစည်း သတ်မှတ်တာက ဆဌမအဆင့် ဖြစ်ပါတယ်။ သိသာမြင်သာမှု နဲ့ ကြီးကြပ်မှုက သတ္တမအဆင့်ဖြစ်ပြီး၊ စတင်အကောင်အထည် ဖော်ဆောင်တာက အဌမအဆင့် ဖြစ်ပါတယ်။

သဘာဝသယံဇာတကရတဲ့ ဝင်ငွေကို ခွဲဝေရာမှာ ရည်ရွယ်ချက်အတိုင်း ဖြစ်မလာတာတွေလည်း ရှိပါတယ်။ သယံဇာတ ထုတ်ယူမှုကြောင့် နစ်နာသွားတဲ့ ဒေသခံလူ့အဖွဲ့အစည်းကို လျှော်ကြေးပေးရာမှာ ရည်ရွယ်တဲ့အတိုင်း ဖြစ်မလာဘဲ ပိုပြီးဆင်းရဲသွားတာလည်း ရှိပါတယ်။ ဒီလိုဖြစ်လာရင် တည်ငြိမ်အေးချမ်းမှု မရှိတော့တဲ့အတွက် အမျိုးသားညီညွတ်ရေးအတွက် အန္တရာယ်ကြီးလာပါတယ်။ မှောင်ခိုစီးပွားရေး အားကောင်းမှု၊ အခွန်တော်စနစ် အားနည်းမှု၊ စစ်တပ်ပိုင်လုပ်ငန်း ကြီးစိုးမှု စတာတွေကြောင့် သယံဇာတဝင်ငွေဟာ မြန်မာ့အစိုးရဘတ်ဂျက်မှာ အလွန်နည်းနေပါတယ်။ ဒီလို အခြေအနေမျိုးမှာ သယံဇာတ ခွဲဝေရေးလုပ်တာဟာ ပြဿနာ ရှိနိုင်တယ်လို့ ဆိုပါတယ်။

သယံဇာတဝင်ငွေ တိုးပွားလာအောင် အလေးအနက် မကြံဆောင်ဘဲ လက်ရှိအတိုင်း ခွဲဝေမယ်ဆိုရင် တိုင်းနဲ့ပြည်နယ်တွေဟာ အနည်းအကျဉ်းသာ အကျိုးခံစားရမှာ ဖြစ်ပါတယ်။ သက်ဆိုင်ရာ တိုင်းရင်းသားလက်နက်ကိုင် အဖွဲ့အစည်းနဲ့ ဒေသဆိုင်ရာ ခေါင်းဆောင်တွေရဲ့  သဘောတူညီမှု ရယူပြီး ရေးဆွဲတဲ့ ခွဲဝေရေးဆိုင်ရာ ရည်ရွယ်ချက် ရှိဖို့လည်း လိုအပ်ပါတယ်။ ဒါကြောင့်မို့ သယံဇာတဝင်ငွေ မျှမျှတတ ခွဲဝေရေး စီမံကိန်းအောင်မြင်အောင် NLD အစိုးရအနေနဲ့ အကောင်အထည်ဖော်သင့်တာတွေကို Natural Resource Governance Institute ရဲ့  Sharing the Wealth စာတမ်းမှာ အကြံပေးတင်ပြထားပါတယ်။

ဦးအောင်ခင်, ကျော်ကျော်သိန်း / ဗွီအိုအေ (မြန်မာပိုင်း)
http://burmese.voanews.com

ရှမ်းပြည်နယ်မြောက်ပိုင်းမှ KIA စစ်သားများ
ယနေ့မနက် ရှမ်းပြည်နယ် မြောက်ပိုင်း ဖောင်းဆိုင် ကျေးရွာအနီးတွင် ကချင်လွတ်လပ်ရေးတပ်မတော် KIA တပ်မဟာ ၆ နှင့် အစိုးရတပ်တို့သည် အချိန် တစ်နာရီခန့် တိုက်ပွဲ ဖြစ်ပွားခဲ့ကြောင်း သိရပါသည်။

အစိုးရတပ်မ ၉၉ ဟု မှန်းရသည့် တပ်ဖွဲ့နှင့် KIA တပ်ရင်း ၃၈ တို့သည် နောင်ဂျန်း (Nawng Jang) နှင့် မန်းရန် (Man Yang) လမ်းခွတွင် ယနေ့မနက် ၅ နာရီခန့်မှ တိုက်ပွဲဖြစ်ပွားခဲ့သည်ဟု အမည်မဖော်လိုသူ KIA တပ်မဟာ ၆ ထိပ်တန်းအရာရှိတဦး ကချင်သတင်းဌာန KNG ကို အတည်ပြုပြောခဲ့ပါသည်။

ယခု တိုက်ပွဲသည် ဖေဖော်ဝါရီလမှ ရှမ်းမြောက်ဒေသ KIA တပ်မဟာ ၆ တရားဝင်ဖွဲ့စည်းပြီးနောက် ပထမဆုံး ပြင်းထန်စွာ ဖြစ်ပွားခဲ့သော တိုက်ပွဲလည်းဖြစ်ပါသည်။

ကချင်ပြည်နယ်တွင်း KIO/KIA ဗဟိုဌာနချုပ်လိုင်ဇာအနီး ဘန်ဒေါင် (Ban Dawng) နှင့် နမ့်ဆန်ယန် (Nam San Yang)၊ KIA တပ်ရင်း ၁၈ တွင် သင်္ကြန်မတိုင်ခင်နှင့် အပြီး အစိုးရတပ်မှ အင်အားစစ်ဆင် တိုက်ခိုက်ခဲ့သောကြောင်း KIA ရှေ့တန်းစခန်းငယ် ၄ ခုကို ဆုတ်ခွာပေးခဲ့ပြီး ဖြစ်ပါသည်။

မြန်မာပြည်တွင် NLD အစိုးရသစ်တက်လာပြီး သုံးပတ်အကြာ အစိုးရတပ်နှင့် တိုင်းရင်းသားလက်နက်ကိုင်အဖွဲ့များကြား တိုက်ပွဲများသည် ကချင်ပြည်နယ်၊ ရှမ်းပြည်နယ် နှင့် ရခိုင်ပြည်နယ်တို့တွင် ဖြစ်နေပါသည်။

Kachin News Group - Burmese
http://burmese.kachinnews.comရှမ်းပြည်နယ်မြောက်ပိုင်းမှ KIA စစ်သားများ
ယနေ့မနက် ရှမ်းပြည်နယ် မြောက်ပိုင်း ဖောင်းဆိုင် ကျေးရွာအနီးတွင် ကချင်လွတ်လပ်ရေးတပ်မတော် KIA တပ်မဟာ ၆ နှင့် အစိုးရတပ်တို့သည် အချိန် တစ်နာရီခန့် တိုက်ပွဲ ဖြစ်ပွားခဲ့ကြောင်း သိရပါသည်။

အစိုးရတပ်မ ၉၉ ဟု မှန်းရသည့် တပ်ဖွဲ့နှင့် KIA တပ်ရင်း ၃၈ တို့သည် နောင်ဂျန်း (Nawng Jang) နှင့် မန်းရန် (Man Yang) လမ်းခွတွင် ယနေ့မနက် ၅ နာရီခန့်မှ တိုက်ပွဲဖြစ်ပွားခဲ့သည်ဟု အမည်မဖော်လိုသူ KIA တပ်မဟာ ၆ ထိပ်တန်းအရာရှိတဦး ကချင်သတင်းဌာန KNG ကို အတည်ပြုပြောခဲ့ပါသည်။

ယခု တိုက်ပွဲသည် ဖေဖော်ဝါရီလမှ ရှမ်းမြောက်ဒေသ KIA တပ်မဟာ ၆ တရားဝင်ဖွဲ့စည်းပြီးနောက် ပထမဆုံး ပြင်းထန်စွာ ဖြစ်ပွားခဲ့သော တိုက်ပွဲလည်းဖြစ်ပါသည်။

ကချင်ပြည်နယ်တွင်း KIO/KIA ဗဟိုဌာနချုပ်လိုင်ဇာအနီး ဘန်ဒေါင် (Ban Dawng) နှင့် နမ့်ဆန်ယန် (Nam San Yang)၊ KIA တပ်ရင်း ၁၈ တွင် သင်္ကြန်မတိုင်ခင်နှင့် အပြီး အစိုးရတပ်မှ အင်အားစစ်ဆင် တိုက်ခိုက်ခဲ့သောကြောင်း KIA ရှေ့တန်းစခန်းငယ် ၄ ခုကို ဆုတ်ခွာပေးခဲ့ပြီး ဖြစ်ပါသည်။

မြန်မာပြည်တွင် NLD အစိုးရသစ်တက်လာပြီး သုံးပတ်အကြာ အစိုးရတပ်နှင့် တိုင်းရင်းသားလက်နက်ကိုင်အဖွဲ့များကြား တိုက်ပွဲများသည် ကချင်ပြည်နယ်၊ ရှမ်းပြည်နယ် နှင့် ရခိုင်ပြည်နယ်တို့တွင် ဖြစ်နေပါသည်။

Kachin News Group - Burmese
http://burmese.kachinnews.com

တိုကျို၊ ဧပြီ၊ ၂၁ ။ ။ ကမ္ဘာကျော်ဂျပန်ကားကုမ္ပဏီကြီးတစ်ခုဖြစ်သည့် မစ်ဆူဘီရှီသည် ၎င်းထုတ်လုပ်သည့်ကားများ၏ ဆီစာနှုန်းနှင့် ပတ်သတ်သော အချက်အလက်များကို လိမ်လည်မှတ် တမ်းတင်ခဲ့ကြောင်း သတင်းထွက်ပေါ်ခဲ့ပြီးနောက်တွင် တာဝန်ရှိသူများ၏ မစ်ဆူဘီရှီရုံး တစ်ခုကို ၀င်ရောက်စစ်ဆေးရှာဖွေခဲ့သည်။

ဂျပန်အာဏာပိုင်များသည် ဂျပန်နိုင်ငံအလယ်ပိုင်းမြို့တစ်မြို့ဖြစ်သေ အိုကာဇာကီမြို့ရှိ မစ်ဆူဘီရှီကားစက်ရုံးနှင့် ရုံးကို ၀င်ရောက်စစ်ဆေးရှာဖွေခဲ့ခြင်း ဖြစ်သည်။

ကားအစီးရေ ၆၀၀၀၀၀ ခန့်၏ ဆီစားနှုန်းစစ်ဆေးမှုရလဒ်များကို ၎င်း၏၀န်ထမ်းများက ပြင်ဆင်ပြောင်းလဲခဲ့ကြောင်း မစ်ဆူဘီရှီက ထုတ်ဖော်ဝန်ခံထားပြီး ဖြစ်သည်။

ယခုပြဿ နာကို အရေးကြီးကိစ္စတစ်ရပ်အဖြစ်နှင့် အရေးယူဆောင်ရွက်လျှက်ရှိပြီး ဖြစ်စဉ်တစ်ခုလုံးကို အပြည့်အစုံ အစီရင်ခံစာတင်သွင်းရန် မစ်ဆူဘီရှီကို ညွှန်ကြားထားသည်ဟု ဂျပန်အစိုးရ၏ ပြောရေးဆိုခွင့်ရပုဂ္ဂိုလ်တစ်ဦးက ပြောကြားသည်။

မမှန်မကန် စစ်ဆေးခဲ့မှုနှင့်ပတ်သတ်ပြီး ဧပြီလ၊ ၂၇ ရက်နေ့နောက်ဆုံးထား အစီရင်ခံတင်ပြရန် မစ်ဆူဘီရှီကို အာဏာပိုင်များက ညွှန်ကြားထားသည်။

မစ်ဆူဘီရှီရုံးကို ၀င်ရောက်စစ်ဆေးရာမှ တွေ့ရှိရမှုများနှင့် မစ်ဆူဘီရှီ၏ အစီရင်ခံစာတို့အပေါ်မူတည်ပြီး မည်သည့် အတိုင်းအထိ မမှန်ကန်မှုများရှိနေသည်ကို တတ်နိုင်သမျှအမြန်ဆုံးဖော်ထုတ်အသိပေးသွားမည်ဟု အစိုးရအဖွဲ့၏ ထိပ်တန်းအရာရှိတစ်ဦးဖြစ်သူ ရိုရှီဟိုက်ဆူဂါ က ပြောကြားသည်။

အာဏာပိုင်များ ၀င်ရောက်စီးနင်းရှာဖွေခဲ့သော ရုံးမှာ ဂျပန်နိုင်ငံ၌ မစ်ဆူဘီရှီ၏ ဒုတိယအကြီးဆုံးရုံးဖြစ်ပြီး ထုတ်လုပ်မှုနှင့် သုတေသနလုပ်ငန်းများ အဓိကလုပ်ဆောင်လျှက်ရှိသောနေရာလည်း ဖြစ်သည်။

မစ်ဆူဘီရှီကုမ္ပဏီသည် ၂၀၀၀ ခုနှစ်လွန်အစောပိုင်းနှစ်များအတွင်းက ၎င်းကုမ္ပဏီထုတ်ကားများတွင် ဘရိတ်ပြဿနာ၊ ဆီတိုင်ကီပြဿနာစသည့် ပြဿနာများရှိနေကြောင်း သတင်းထွက်ပေါ်ခဲ့ပြီးနောက်တွင် သုံးစွဲသူများ၏ ယုံကြည်မှုကို ပြန်လည်ရရှိရန် ရုန်းကန်နေရချိန်တွင် ယခုကဲ့သို့ ဆီစားနှုန်းစစ်ဆေးမှတ်တမ်းတင်ရာတွင် မမှန်မကန်လုပ်မှုသတင်း ပေါ်ပေါက်လာခြင်း ဖြစ်သည်။

လောင်စာ ထိရောက်စွာ သုံးစွဲမှုနှင့်ပတ်သက်သည့် စစ်ဆေးမှုအား ကား ၆၀၀,၀၀၀ ကျော်တွင် လိမ်လည်ခဲ့ကြောင်း ဂျပန်ကားကုမ္ပဏီ မစ်ဆူဘီရှီက ဧပြီ ၂၀ တွင် ၀န်ခံခဲ့ပြီးနောက် အထိတ်တလန့်နှင့် ရှယ်ယာများထုတ် ရောင်းချမှုကြောင့် မစ်ဆူဘီရှီ မော်တာ၏ ရှယ်ယာများ ဧပြီ ၂၁ ရက်တွင် ထပ်မံထိုးကျခဲ့၍ ဈေးကွက်တန်ဖိုး ဒေါ်လာ ၂ ဒသမ ၅ ဘီလျံခန့် ဆုံးရှုံးခဲ့ကြောင်း သိရသည်။

လောင်စာထိရောက်စွာ အသုံးပြုမှု စစ်ဆေးမှုများအား လိမ်လည်ခဲ့ကြောင်း ၀န်ခံခဲ့သည့် ဧပြီ ၂၀ တွင် မစ်ဆူဘီရှီ၏ စတော့တန်ဖိုး ၁၅ ရာခိုင်နှုန်း ကျဆင်းခဲ့ပြီးနောက် ဧပြီ ၂၁ ရက်၌ ၂၀ ရာခိုင်နှုန်း ထပ်မံကျဆင်း၍ ရှယ်ယာတစ်စုလျှင် ၅ ဒသမ ၃၁ ဒေါ်လာထိ ရောက်ရှိခဲ့သည်။
Mizzima - News in Burmese

[youtube src="QVwujSZDLz0"/]
ဒီကနေ့ ကျရောက်တဲ့ ဒုတိယမြောက် အယ်လစ်ဇဘက် ဘုရင်မကြီး ရဲ့ သက်တော် ၉၀ ပြည့် မွေးနေ့ပွဲ အထိမ်းအမှတ် အခမ်းအနားတွေကို ဗြိတိန်နိုင်ငံတဝှမ်း ကျင်းပ နေကြပါတယ်။

ဘုရင်မကြီးဟာ ဒီကနေ့နှောင်းပိုင်းမှာတော့ သူ့အတွက် ကမ္ဘာတဝှမ်းမှာ ထွန်းညှိမယ့် မီးတိုင် ၁၀၀၀ ရဲ့ ပထမဆုံးမီးတိုင်ကို ထွန်းညှိမှာ ဖြစ်ပါတယ်။ ဝင်ဆာရဲတိုက်ကြီးရှေ့မှာ လူထုက သူ့ကို ပန်းစည်းတွေနဲ့ လက်ဆောင်တွေ ပေးခဲ့ကြပါတယ်။ ဘုရင်မကြီးရဲ့ မွေးနေ့ပွဲအကြောင်း အပြည့်အစုံကို ကိုဇေယျာက ပြောပြထားပါတယ်။
BBC Burmese

၁၉၃၀ ပြည့်နှစ်မှာ မွေးဖွားခဲ့တဲ့ ဦးဝင်းတင်ဟာ အရင်က မိတ်ဆက်ပေးခဲ့တဲ့ ဦးအောင်ရွှေ၊ ဦးကြည်မောင်၊ ဦးတင်ဦး၊ ဦးလွင်တို့နဲ့ မတူတဲ့အချက်ကတော့ သူဟာ ဘယ်တုန်းကမှ တပ်မတော်သားမဖြစ်ခဲ့တာပါပဲ။ သူကျင်လည် ကျက်စားရာ နေရာကတော့ စာပေကမ္ဘာကြီးထဲမှာပဲ ဖြစ်ပါတယ်။ တက္ကသိုလ်ကနေ ဘွဲ့မရခင်ကတည်းက သူဟာ မြန်မာနိုင်ငံ ဘာသာပြန် အသင်းကြီးမှာ လက်ထောက်အယ်ဒီတာဘ၀နဲ့ အလုပ်လုပ်ကိုင်နေ ပြီ ဖြစ်ပါတယ်။ ၁၉၅၄ ခုနှစ်မှာတော့ သူဟာ ဒတ်ခ်ျသတင်းစာကုမ္ပဏီ တစ်ခုရဲ့ အကြံပေးအယ်ဒီတာအဖြစ်ကို ရောက်ခဲ့ပါတယ်။ ဒီအယ်ဒီတာနေရာ ကို ရခဲ့ခြင်းဟာ သူ့ရဲ့ရှည်လျားလှတဲ့ စာနယ်ဇင်းလောကလုပ်သက်ထဲမှာ အမြင့်ဆုံးနေရာဖြစ်တဲ့၊ တစ်ခါက မြန်မာနိုင်ငံမှာ ထိပ်တန်းသတင်းစာ တစ်စောင်ဖြစ်ခဲ့တဲ့ ဟံသာဝတီသတင်းစာရဲ့ အယ်ဒီတာချုပ်ရာထူးကို ရရှိဖို့ အ တွက် အစပျိုးခဲ့တာပဲ ဖြစ်ပါတယ်။

ဦးဝင်းတင်ရဲ့ ဟံသာဝတီသတင်းစာ အယ်ဒီတာချုပ်လုပ် ခဲ့တဲ့ နှစ်တွေ ဟာ မြန်မာ့ဆိုရှယ်လစ်လမ်းစဉ် အင်အားခိုင်မြဲလာတဲ့နှစ်တွေ ဖြစ်ခဲ့ပါတယ်။ အဲဒီခေတ်ကာလတုန်းက လွတ်လပ်စွာပြောဆိုခွင့်၊ ကိုယ့်ရဲ့ဆန္ဒကို လွတ်လပ်စွာ ထုတ်ဖော်ပြသခွင့် စတာတွေကို ပိုလို့ပိုလို့ တင်းကျပ်စွာ ကန့်သတ်ချုပ်ချယ်ခဲ့ပေမယ့်လည်း အနည်းငယ်မျှသော စာရေးဆရာတွေ၊ စာနယ်ဇင်းသမားတွေဟာ သူတို့တစ်တွေရဲ့ လွတ်လပ်စွာ တွေးခေါ်မြော်မြင် ပိုင်ခွင့်ကို တိုးတိုးတိတ်တိတ်နဲ့ ဆက်ပြီးထိန်းသိမ်းခဲ့ကြပါတယ်။

၁၉၇၈ ခုနှစ်မှာ ဦးဝင်းတင် ဦးဆောင်ပါဝင်တဲ့ “စနေစာဖတ်ဝိုင်း”မှာ မြန်မာ့ ဆိုရှယ်လစ်လမ်းစဉ်ကို ဝေဖန်သုံးသပ်ထားတဲ့ စာတမ်းငယ်တစ်စောင် ဖတ်ကြားဆွေးနွေးခဲ့ကြပါတယ်။ ရလဒ်ကတော့ သူ အလုပ်ဖြုတ်ခံရပြီး ဟံသာဝတီသတင်းစာကိုလည်း အာဏာပိုင်တွေက ထုတ်ဝေခွင့်ပိတ်လိုက် ပါတယ်။ အဲဒီနောက် ဦးဝင်းတင်ဟာ ဘာသာပြန်တဲ့သူ၊ အလွတ် စာရေးဆရာဘ၀မှာ ကျင်လည်ရင်းနဲ့ ဆယ်နှစ်မျှ သူ့ရဲ့ဝမ်းရေး ကို ဖြေရှင်း ခဲ့ရပါတယ်။

၁၉၈၈ ခုနှစ်မှာ စတင်ပေါ်ပေါက်ခဲ့တဲ့ ဒီမိုကရေစီရေးလှုပ်ရှားမှုကြီးမှာ လွတ်လပ်စွာတွေးခေါ်မြော်မြင်မှုနဲ့ တရားမျှတမှုကို ယုံကြည်တဲ့ သူတွေ ရှေ့တန်းက ပါဝင်ခဲ့ကြတာဟာ သဘာဝပါပဲ။ အစပိုင်းကတည်းက ဦးဝင်းတင်ဟာ လှုပ်ရှားမှုကြီး စတင်ဖြစ်ပွားခါစက ပေါ်ပေါက်လာတဲ့ စာရေးဆရာများသမဂ္ဂမှာ တက်ကြွစွာနဲ့ ပါဝင်ခဲ့ပါတယ်။ ၁၉၈၈ ခုနှစ် စက်တင်ဘာလမှာ သူဟာ NLD အလုပ်အမှုဆောင်အဖွဲ့ရဲ့ အတွင်းရေးမှူးတွေထဲက တစ်ဦးဖြစ်လာပါတော့တယ်။ ယုံမှားစရာမရှိတဲ့ သူ့ရဲ့အရည်အချင်းတွေ၊ သူ့ရဲ့ ခိုင်မာတဲ့ရည်မှန်းချက်တွေကြောင့် ဦးဝင်းတင်ဟာ ဒီမိုကရေစီအရေးကို ဆန့်ကျင်နေကြတဲ့သူတွေရဲ့ အဓိက ပစ်မှတ်ဖြစ်လာပါတော့တယ်။ ဒါကြောင့်လည်းပဲ ၁၉၈၉ ခုနှစ် ဇွန်လမှာ NLD ခေါင်းဆောင်တွေထဲက ပထမဦးဆုံး အဖမ်းခံရတဲ့သူ တစ်ယောက် ဖြစ်လာပါတော့တယ်။ သူ့ကို ဖမ်းဆီးတဲ့အကြောင်းကတော့ တရားဥပဒေကနေ ရှောင်တိမ်းနေတယ်လို့ ကြေညာခံရတဲ့ လူငယ်တစ်ဦး ရဲ့ဖခင်ဖြစ်သူနဲ့ တယ်လီဖုန်းစကားပြောခြင်းဆိုတဲ့ သက်သေ အထောက်အထားမရှိတဲ့ စွဲချက်နဲ့ပဲ ဖြစ်ပါတယ်။ ဘာပဲဖြစ်ဖြစ် တယ်လီဖုန်း စကားပြောခြင်းဟာ သက်သေအရာမတည်ဘူးလို့ ဥပဒေကဆိုပါတယ်။ ဒါပေမဲ့လည်း မြန်မာပြည်မှာ စစ်တပ်ကအုပ်ချုပ်နေမှုကို ကန့်ကွက်တဲ့သူတွေ အတွက် ဥပဒေက ကောင်းစွာကာကွယ်မှု မပေးနိုင်ပါဘူး။

အဖမ်းခံရပြီးပြီးချင်းမှာပဲ ဦးဝင်းတင်ကို သုံးရက်ကြာ အစာမကျွေး၊ မအိပ်နိုင်အောင်လုပ်ထားပြီး ဒီမိုကရေစီအရေးတော်ပုံကြီးမှာ ပါဝင်ခဲ့တဲ့ သူ့ရဲ့လှုပ်ရှားမှုတွေကို စစ်ဆေးမေးမြန်းပါတော့တယ်။ စစ်ဆေးမေးမြန်းတဲ့ သူတွေက ဦးဝင်းတင်ဟာ ကျွန်မရဲ့နိုင်ငံရေးနည်းဗျူဟာဆိုင်ရာ အကြံပေး ပုဂ္ဂိုလ်၊ တစ်နည်းအားဖြင့် ပြောရမယ်ဆိုရင် ကျွန်မရဲ့ ရုပ်သေးဆရာဖြစ်တယ် ဆိုတာကို ထွက်ဆိုစေဖို့ အဓမ္မလုပ်ဆောင်လိုတဲ့ပုံ ရှိခဲ့ပါတယ်။ ဒါပေမဲ့ သတ္တိနဲ့ပြည့်စုံ၊ စိတ်ဓာတ်ကလည်း ခိုင်မာလှတဲ့ ဦးဝင်းတင်ကို အမှားတွေ ထွက်ဆိုဖို့ ဘယ်လိုမှ ခြိမ်းခြောက်လို့ မရခဲ့ပါဘူး။ ၁၉၈၉ ခုနှစ် အောက် တိုဘာလမှာတော့ သူ့ကို ထောင်(၃)နှစ်ချလိုက်ပါတယ်။ သူပြန်လွတ်ဖို့ လအနည်းငယ်အလို ၁၉၉၂ ခုနှစ် ဇွန်လမှာ နောက်ထပ် အဓိပ္ပာယ် မရှိတဲ့ အကြောင်းပြချက်နဲ့ တရားစွဲဆိုပြီး ထောင် (၁၁)နှစ် ထပ်ချလိုက်ပါတယ်။

ဦးဝင်းတင်ဟာ သူ့အကြောင်းကို ပြောခဲပါတယ်။ အတွင်းရေးမှူးနဲ့ အထွေထွေအတွင်းရေးမှူးအဖြစ် NLD တည်ထောင်ပြီးကတည်းက သူနဲ့ ကျွန်မ အတူတွဲပြီး နေ့တိုင်းလိုလို အလုပ်လုပ်ခဲ့တာ လပေါင်းအတော်ကြာမှ သူဟာ လူပျိုကြီးဖြစ်တယ်ဆိုတာ အမှတ်မထင်သိလိုက်ရပါတယ်။ သူဟာ တစ်ဦးတည်းနေထိုင်ပြီး သူ့ရဲ့အိမ်မှုကိစ္စတွေကို ကိုယ်တိုင်လုပ်ကိုင်နေ တယ်ဆိုတာကိုလည်း သိခဲ့ရပါတယ်။ ၁၉၈၉ ခုနှစ်မှာ သူ့ကိုထောင်ဒဏ် စီရင်ခဲ့ပြီး သိပ်မကြာခင်မှာပဲ သူနှစ်ပေါင်းများစွာ နေထိုင်ခဲ့တဲ့ နိုင်ငံပိုင် တိုက်ခန်းတစ်ခုမှာ နေထိုင်ခွင့်ကို ပယ်ဖျက်လိုက်တဲ့အတွက် သူပိုင်ပစ္စည်းတွေကို သူ့ရဲ့မိတ်ဆွေအပေါင်းအသင်းတွေက အဲဒီတိုက်ခန်း ကနေ ဖယ်ရှားပြောင်းရွှေ့ပေးခဲ့ရပါတယ်။
ဦးဝင်းတင်ရဲ့ ရုပ်သွင်အမူအရာတစ်ခုလုံးကို ကြည့်လိုက်ရင် ခိုင်မာတဲ့ အသွင်အပြင် ပေါ်လွင်နေတာမို့ ဦးဝင်းတင်ဟာ နှလုံးနဲ့ ပတ်သက်ပြီး ဝေဒနာတစ်ခုရှိတဲ့အတွက် အမြဲတမ်း ဆေးကုသဖို့ လိုအပ်တယ်ဆိုတာကို သိတဲ့သူ အနည်းငယ်ပဲ ရှိပါတယ်။ ဆေးဝါး ကုသပြုစုစောင့်ရှောက်ဖို့ကလည်း ပြည့်စုံမှုမရှိ၊ နေထိုင်မှုအခြေအနေကလည်း ဆိုးရွားလှတဲ့အကျဉ်းထောင်ထဲမှာ ကာလကြာရှည်စွာ နေထိုင်နေရတဲ့ အတွက် သူ့ရဲ့ကျန်းမာရေးအခြေအနေဟာ ပိုပြီး ဆိုးရွားလာနေပါတယ်။

၁၉၉၄ ခုနှစ် ဖေဖော်ဝါရီလအတွင်းမှာ အမေရိကန်ပြည်ထောင်စုက ကွန်ဂရက်အမတ် ဘီလ်ရစ်ချတ်ဆင်နဲ့ ဦးဝင်းတင်တို့ တွေ့ဆုံခဲ့ရစဉ်က ဦးဝင်းတင်ဟာ လည်ထောက်ကို ၀တ်ဆင်ထားရပါတယ်။ ကျောရိုးဆစ်ရောဂါ ကိုပါ ခံစားနေရလို့ပါ။ ဒါ့အပြင် သူ့ရဲ့သွားတွေဟာလည်း ဆေးကုသဖို့ လိုနေပါတယ်။ ဒါပေမဲ့ ယခင်အတိုင်း သူ့ရဲ့စိတ်အစဉ်ဟာ ကြည်လင်လျက် ရှိပြီး စိတ်ဓာတ်ဟာလည်း မယိမ်းမယိုင် ကြံ့ခိုင်နေပါတယ်။

သူပြောသမျှစကားလုံးတိုင်း အာဏာပိုင်တွေဆီကို သတင်းအပို့ခံရမယ် ဆိုတာ အသေအချာ သိလျက်နဲ့ ဦးဝင်းတင်ဟာ န၀တစီစဉ်တဲ့ အမျိုးသားညီလာခံအပေါ် သူ့ဓလေ့အတိုင်း ရှင်းလင်းပြတ်သား စွာ ဝေဖန်ခဲ့ပါတယ်။ ကျွန်မဆီကိုလည်း အခိုင်အမာ အပြည့် အ၀ထောက်ခံကြောင်း သတင်းစကားပါးခဲ့ပါတယ်။

#အောင်ဆန်းစုကြည်

(ဒေါ်အောင်ဆန်းစုကြည်ရေးသားပြီး Eternal Light Magazine April 2014 တွင် ဖော်ပြခဲ့သောဆောင်းပါးမှ ကောက်နုတ်ချက်ကို ဟံသာဝတီဦးဝင်းတင် ကွယ်လွန်ခြင်း နှစ်နှစ်ပြည့်အမှတ်တရအဖြစ် ပြန်လည်ဖော်ပြပါသည်။ လွတ်လပ်စွာ Share နိုင်ပါသည်။)


ဦးဝင်းတင်နှစ်နှစ်ပြည့်အခမ်းအနား။
ဦးဝင်းတင်နှစ်နှစ်ပြည့်အခမ်းအနား။

ဝါရင့် နိုင်ငံရေးသမား သတင်းစာဆရာကြီး ဟံသာဝတီ ဦးဝင်းတင် ကွယ်လွန်ခြင်း ၂ နှစ်ပြည့် အောက်မေ့ဖွယ် ဂုဏ်ပြုအခမ်းအနားတွေကို ရန်ကုန် မန္တလေးနဲ့ မြန်မာနိုင်ငံ မြို့ အချို့မှာ နိုင်ငံရေး လှုပ်ရှားသူတွေ စာရေးဆရာ ကဗျာဆရာတွေ ဦးဆောင် ကျင်းပပြုလုပ်ခဲ့ကြပါတယ်။ ဦးဝင်းတင်ဟာ NLD ပါတီကို တည်ထောင်ဦးဆောင်ခဲ့သူတဦးလည်းဖြစ်တာမို့။ အခုလို နိုင်ငံရေးအခြေအနေ အထူးသဖြင့် NLD ပါတီ အာဏာရချိန်မှာ ပိုပြီး အမှတ်ရ ဂုဏ်ပြုနေကြ တာ တွေ့ရပါတယ်။ ဒါနဲ့ပတ်သက်လို့ ဗွီအိုအေ သတင်းထောက် မမြင့်မြင့်ခိုင်က သတင်းပေးပို့ထားပါတယ်။

အမျိုးသားဒီမိုကရေစီအဖွဲ့ချုပ် သဘာပတိအဖွဲ့ဝင်၊ ဝါရင့် သတင်းစာဆရာကြီး ဟံသာဝတီ ဦးဝင်းတင် ကွယ်လွန်တာ ဒီကနေ့ ဧပြီ ၂၁ရက်နေ့ဆိုရင် ၂ နှစ် တင်းတင်းပြည့်ပါပြီ။ အမျိုးသားဒီမိုကရေစီအဖွဲ့ချုပ် အပါအဝင် စာရေးဆရာ၊ ကဗျာဆရာတွေနဲ့ နိုင်ငံရေးသမားတွေ ဦးဆောင်ပြီး ရန်ကုန်၊ မန္တလေးနဲ့ အခြားမြို့တွေမှာပါ ဟံသာဝတီ ဦးဝင်းတင် ကွယ်လွန်ခြင်း ၂နှစ်ပြည့် အောက်မေ့ဖွယ် အခမ်းအနားတွေအပြင် ဂုဏ်ပြုစာပေဟောပွဲတွေ ပြုလုပ်နေကြတာဖြစ်ပါတယ်။

ဟံသာဝတီဦးဝင်းတင်သာ သက်ရှိထင်ရှားရှိနေအုံးမယ်ဆိုရင် လက်ရှိ ဒေါ်အောင်ဆန်းစုကြည် ဦးဆောင်တဲ့ မြန်မာ့ဒီမိုကရေစီအပြောင်းအလဲမှာ တတပ်တအား ပါဝင်ကူညီနေဦးမှာဖြစ်ပြီး နိုင်ငံအပြောင်းအလဲအတွက်လည်း ဂုဏ်ယူနေမှာဖြစ်တယ်လို့ ဒီလှိုင်းစာစောင်မှာ ဟံသာဝတီ ဦးဝင်းတင်နဲ့ တွဲဖက်အလုပ်လုပ်ကိုင်ခဲ့တဲ့ စာရေး ဆရာ မုံရွာအောင်ရှင်က ပြောပါတယ်။

"ဆရာဦးဝင်းတင် ဒီကနေ့ကာလမှာရှိနေမယ်ဆိုရင်ကတော့ သူ သိပ်ပြီးတော့ အားရကျေနပ်မယ် ကျနော်ယုံကြည်တယ်ဗျ။ ပြုပြင်ပြောင်းလဲရေးကာလ ရဲ့ အစဆိုတော့ ပြည့်စုံမှုမရှိတာ ချို့ယွင်းချက် အားနည်းချက် ရှိတာကတော့ အတော်အသင့် ရှိနိုင်တယ်။ ဒါကို ဆရာက သဘောပေါက်ပါတယ်။ ဆရာဦးဝင်းတင်က ကျနော်တို့အပေါ်မှာ ၂ ခုပေါ့ဗျာ အကျိုးပြုတာ ၂ ခုရှိတယ်။ နံပါတ်တစ်ကတော့ သတင်းစာနဲ့ပါတ်သက်ပြီးတော့ သတင်းစာ ဘယ်လို သတင်းစာမျိုးဟာ ပြည်သူလူထုအတွက် ထိရောက်နိုင်တယ်။ ဘယ်လို သတင်းစာမျိုးဟာ ပြည်သူလူထုဘက်က လိုက်နိုင်မယ်ဆိုတာမျိုး ကျနော်တို့ကို သင်ပြခဲ့တယ်။ ဒုတိယသင်ပြ တာကတော့ နိုင်ငံရေးပေါ့ဗျာ။ နိုင်ငံရေး အရ အာဏာရှင်ကို ဘယ်လိုဆန့်ကျင်ရမယ်။ ဘယ်လို မကြောက်တရားတွေနဲ့ ဘယ်လိုသွားရမလဲဆိုတာကို ကျနော်တို့ကို သင်ပြနိုင်တယ်"

ဟံသာဝတီဦးဝင်းတင်နဲ့ ပတ်သက်လို့ ပြည်သူလူထုအပေါ် သတင်းစာဆရာကောင်း ပီသမှု အပြင် အာဏာရှင် ကို မကြောက်တရားနဲ့ ဆန့်ကျင်ခဲ့တာတွေကို အားကျအတုယူခဲ့ရတယ်လို့ မုံရွာအောင်ရှင်က ပြောပါတယ်။

အမျိုးသားဒီမိုကရေစီအဖွဲ့ချုပ်က ဦးဆောင်ပြီး ဒီကနေ့ မနက် ၁၀နာရီမှာ ဟံသာဝတီ ဦးဝင်တင် ကွယ်လွန်ခြင်း ၂နှစ်ပြည့် အောက်မေ့ဖွယ်အခမ်းအနားကို ရန်ကုန်မြို့ တော်ဝင်နှင်းဆီခန်းမမှာပြုလုပ်ခဲ့ပြီး နိုင်ငံရေးတက်ကြွလှုပ်ရှားသူတွေ၊ စာပေ အသိုင်းအဝိုင်းက သူတွေ တက်ရောက်ခဲ့ကြပါတယ်။

ဟံသာဝတီ ဦးဝင်တင်အနေနဲ့ ၂၀၁၅ ရွေးကောက်ပွဲရလဒ်အပေါ် အများကြီးမျှော်လင့်ခဲ့သလို သူမျှော်လင့်သလို ဖြစ်ခဲ့တဲ့အတွက် ကျေနပ်မယ်လို့ ယုံကြည်တယ် လို့ ဟံသာဝတီ ဦးဝင်းတင်မကွယ်လွန်ခင် ကျန်းမာရေးနဲ့ စောင့် ရှောက်ပေးခဲ့တဲ့ လက်ရှိ မင်္ဂလာတောင်ညွှန့်မြို့နယ် လွှတ်တော်အမတ် ဒေါ်ဖြူဖြူသင်းက ပြောပါတယ်။

"သူကျမ်းမာရေးမချို့တဲ့ခင်က သူပြောတယ်။ သူ ၂၀၁၅ ကိုတော့ ဖြတ်သန်း ချင်သေးတယ်။ သူ အတတ်နိုင်ဆုံး ဒီ အာဏာရှင်စနစ်ကနေ မြန်မာပြည် လွတ်မြောက်တဲ့အထိကို သူကြိုးစားချင်တယ်ဆိုပြီးပြောခဲ့တာရှိတယ်ပေါ့။ အခုလက်ရှိအနေအထားက ပြောမယ်ဆိုရင်တော့ ကျမတို့ စနစ်တခု အပြောင်းအလဲတခုဖြစ်သွားနိုင်ခဲ့ပြီပေါ့နော်။ အခုရဲ့လက်ရှိအခြေအနေကို ကျမထင်ပါတယ်။ သူကျေနပ်လိမ့်မယ်လို့ထင်တယ်။ အခုလက်ရှိအနေအထားမှာ ဆိုရင် အပြောင်းအလဲတခုဖြစ်သွားပြီ။ ကျမထင်တယ် အခုအချိန်ထိ သူသက်ရှိထင်ရှား ရှိနေခဲ့မယ်ဆိုလို့ရှိရင် သူ့အနေနဲ့ ကျမတို့ အပြောင်းအလဲ တိုင်းပြည်အတွက် အပြောင်းအလဲကာလမှာ သူ့ဆီက အကြံဉာဏ်တွေ အတွေးအခေါ်တွေ သူ့ရဲ့ ဒီတိုင်းပြည်အတွက်ဖြစ်ချင်တဲ့ ဆန္ဒတွေ အများကြီး ကျမတို့သိနိုင်မယ်။ သူ့ဆီကနေ ကျမတို့ အများကြီး သင်ယူနိုင်လိမ့်မယ်လို့ကျမယုံကြည်တယ်"

နိုင်ငံတကာမှာလိုပဲ တိုင်းပြည်အတွက် အနစ်နာခံပေးဆပ်ခဲ့သူတွေကို အထူးတလည် ဂုဏ်ပြုပေးဖို့လိုသလို သူတို့ လုပ်ဆောင်ချက်တွေနဲ့ ပတ်သက်လို့ နောင်လာနောင်သားတွေသိအောင် လုပ်ပေးသင့်တယ်လို့ မဖြူဖြူ သင်းက ပြောပါတယ်။

ဟံသာဝတီဦးဝင်းတင်ဟာ မောင်ဝန်းဇင်း၊ ပေါ်သစ်၊ ပြည်စိုး၊ ဝင်းတင်၊ ပုည၊ ဝင်းဆွေ စတဲ့ကလောင်ခွဲ အမျိုး မျိုးနဲ့ ကဗျာ၊ ဝတ္ထု၊ ဆောင်းပါး များစွာရေးသားခဲ့ပြီး အကျိုးဆောင် ဂျာနယ်မှာ လက်ထောက်အယ်ဒီတာအနေနဲ့ ပထမဆုံး လုပ်ကိုင်ခဲ့ပါတယ်။ ဂန္ထဝင် ဂျာနယ်၊ ဒို့ပြည် သတင်း၊ ကြေးမုံ သတင်းစာ၊ ပြည်သူ့ အိုးဝေ၊ ဟံသာဝတီ သတင်းစာ၊ ဒီလှိုင်းဂျာနယ်တို့မှာ အမှုဆောင်အယ်ဒီတာ၊ အယ်ဒီတာချုပ်အနေနဲ့ တာဝန်ယူခဲ့ သူတဦးလည်းဖြစ်ပါတယ်။

အမျိုးသားဒီမိုကရေစီအဖွဲ့ချုပ် စတင်ဖွဲ့စည်းချိန်ကတည်းက အတွင်းရေးမှူး အဖွဲ့ဝင်အဖြစ် တာဝန်ယူခဲ့ပြီးအာ ဏာရှင် စနစ်ကို ခေတ်အဆက်ဆက်တွန်းလှန်၊ ဒီမိုကရေစီအတွက် တိုက်ပွဲဝင်ခဲ့တဲ့ ဟံသာဝတီ ဦးဝင်းတင်ဟာ အသက် ၈၅နှစ်အရွယ်မှာ ကွယ်လွန်ခဲ့တာလည်းဖြစ်ပါတယ်။
[youtube src="HmBHF6pyjX8"/]
မြင့်မြင့်ခိုင်
VOA

နိုင်ငံတော် အလံအက်ဥပဒေပုဒ်မနဲ့ ဖမ်းဆီးတရားစွဲဆိုခဲ့ထားရတဲ့ တက္ကသိုလ်ကျောင်းသား ကိုစိုးလှိုင်နဲ့ ကိုဇင်ကိုသန့်တို့ ဒီကနေ့ မြင်းခြံထောင်ကနေ ပြန်လည်လွတ်မြောက်လာပါတယ်။

ကိုစိုးလှိုင်ဟာ မုံရွာနည်းပညာတက္ကသိုလ် ဒုတိယနှစ်ကျောင်းသားဖြစ်ပြီး ကိုဇင်ကိုသန့်ကတော့ ရတနာပုံ တက္ကသိုလ်က မြန်မာစာအထူးပြု ကျောင်းသားဖြစ်ပါတယ်။

သူတို့တွေဟာ မြင်းခြံဒီဂရီကောလိပ်ကျောင်းအတွင်းမှာ နိုင်ငံတော်အလံကိုချပြီး ကျောင်းသား သမဂ္ဂ အလံတင်ခဲ့လို့ အလံအက်ဥပဒေပုဒ်မ ၁၆ အပြင် စီတန်းလှည့်လည်မှု ဥပဒေပုဒ်မ ၁၈ နဲ့လည်း တရားစွဲဆိုခံထားရတာပါ။

မြင်းခြံမြို့နယ်တရားရုံးက သူတို့ကို မနက် ၁၀ နာရီလောက်ကတည်းက ရုံးစထုတ်ပြီး ညနေ ၅ နာရီလောက်မှာ လွတ်မိန့်ချခဲ့တာဖြစ်တယ်လို့လည်း ကိုဇင်ကိုသန့်က ပြောပါတယ်။

“အခုကျနော်တို့ကတော့ လွှတ်ပြီဗျာ။ သူတို့ စွဲဆိုထားတဲ့အမှုကို ပုဒ်မ ၄၉၄ အရ ပြန်လည်ရုပ်သိမ်း တာပေါ့နော်။ အခုကျနော်တို့က ထောင်ကိုပြန်သွားပြီးတော့ စစ်ဆေးပြီးမှ လွတ်မယ်နဲ့တူတယ်။ အခုကျနော်တို့ထောင်ကို ပြန်သွားနေတယ်။ ထောင်ရောက်တော့မယ်။ ”

ပုဒ်မ ၄၉၄မှာ မည်သည့်အစိုးရရှေ့နေမဆို စစ်ဆေးစီရင်သောအမှုများတွင် စီရင်ချက်မချမီ လူတယောက်ကို ၎င်းအပေါ်စွဲဆိုထားသောအမှုမှ ယေဘုယျအားဖြင့်ဖြစ်စေ၊ ၎င်းကို ကြားနာစစ်ဆေးနေသည့်ပြစ်မှုများအနက် ပြစ်မှုတရပ်နှင့် စပ်လျဉ်း၍ဖြစ်စေ ပြစ်မှုများနှင့် စပ်လျဉ်း၍ဖြစ်စေ တရားရုံးရဲ့ သဘောတူညီချက်ဖြင့် ရုပ်သိမ်းနိုင်တယ်လို့ ဖော်ပြထားပါတယ်။

ကိုစိုးလှိုင်နဲ့ ကိုဇင်ကိုသန့်တို့ဟာ ပြီးခဲ့တဲ့နှစ် ဧပြီလ ၂၇ ရက်နေ့မှာ ဖမ်းဆီးခံခဲ့ရတာဖြစ်ပြီး ထောင်တွင်းမှာ တနှစ်ပြည့်ဖုိ့ ရက်ပိုင်းအလိုမှာ လွတ်မြောက်လာတာဖြစ်ပါတယ်။

By နော်နိုရင်း
DVB TV News


နှစ်သစ်ကူးလက်ဆောင်ပါ ငွေကျပ်သိန်း(၅၀)ဖြင့် သောက်သုံးရေ လိုအပ်လျက်ရှိသော သနပ်ပင်မြို့နယ်မှ ကျေးရွာ(၅)ရွာရှိ ရေကန်ဟောင်း(၅)ကန်အား ပြန်လည်တူးဖော်ပြုပြင်သွားမည်

နေပြည်တော် ဧပြီ ၂၁

နိုင်ငံတော်သမ္မတရုံးက ဧပြီ(၂၀)ရက်တွင် သတင်းထုတ်ပြန်ခဲ့သော အရေးကြီးပုဂ္ဂိုလ်၏ ကိုယ်ရေးအရာရှိအား မီဒီယာကုမ္ပဏီကြီးတစ်ခုမှ နှစ်သစ်ကူး လက်ဆောင်အဖြစ် ပေးအပ်သော ငွေကျပ်သိန်း(၅၀)အား နွေရာသီတွင် ရေရှားပါး သည့် သောက်သုံးရေရရှိရေး ဆောင်ရွက်သည့်လုပ်ငန်းများတွင် အသုံးပြုနိုင်ရန် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနသို့ ပေးအပ် လှူဒါန်းခဲ့ရာ အဆိုပါငွေဖြင့် ပဲခူးတိုင်းဒေသကြီး၊ သနပ်ပင်မြို့နယ်အတွင်းရှိ ကျေးရွာ (၅)ရွာမှ ရေကန်ဟောင်း (၅)ကန်အား ပြန်လည်တူးဖော် ပြုပြင်သွားမည်ဖြစ်ကြောင်း သိရသည်။

အဆိုပါ သနပ်ပင်မြို့နယ်အတွင်းရှိ ရွာပေါင်း(၂၅)ရွာမှ မြေသားရေကန် များမှာ နှစ်ကာလကြာမြင့်ပြီး ရေငန်ရေစိမ့်ဝင်မှုကြောင့် သောက်ရေအဖြစ် အသုံး မပြုနိုင်ဘဲ သုံးရေအနေဖြင့်သာ အသုံးပြုနိုင်ကြောင်း၊ ၎င်းကျေးရွာများ အနက် အထက်ကျုံပါကျေးရွာ၊ နတ်ရေကန်ကျေးရွာ၊ ခလပ်စုကျေးရွာ၊ သနတ္တန်း ကျေးရွာနှင့် ကျီးပင်စုကျေးရွာများတွင် သောက်သုံးရေ ဦးစားပေး လိုအပ်လျက်ရှိရာ ၎င်းရွာများရှိ ရေကန်ဟောင်း(၅)ကန်ကို ပြန်လည်တူးဖော်နိုင်ခြင်းဖြင့် ရက်သတ္တပတ် (၂)ပတ်အတွင်း သောက်သုံးရေပြန်လည်ရရှိမည်ဖြစ်ကြောင်း သိရသည်။

အဆိုပါကန်များ ပြုပြင်မှုအတွက် တစ်ကန်လျှင် ငွေကျပ်(၁၀)သိန်းခန့်ဖြင့် ငွေကျပ်သိန်း (၅၀)ခန့် ကုန်ကျမည်ဖြစ်ရာ ၎င်းကန်များ ပြုပြင်ပြီးစီးပါက ကျေးရွာ (၅)ရွာရှိ အိမ်ထောင်စု(၂၉၄၉)စုရှိ လူဦးရေ စုစုပေါင်း(၁၂၇၉၅)ဦးအတွက် သောက်သုံးရေ ဖူလုံနိုင်မည်ဖြစ်ကြောင်း သိရသည်။

MOI Webportal Myanmar
https://www.facebook.com/MOIWebportalMyanmar

လုံခြုံရေး အရာရှိချုပ်က သမ္မတနဲ့ ဒေါ်အောင်ဆန်း စုကြည်တို့ရဲ့ လုံခြုံရေးကို စီစဉ် ဆောင်ရွက်ရမယ်
မြန်မာနိုင်ငံ သမ္မတရဲ့ လုံခြုံရေး အရာရှိချုပ် အဖြစ် သတင်းတပ်ဖွဲ့ SB ရဲ့ဒုတိယ တပ်ဖွဲ့မှူး လုပ်ခဲ့သူ ရဲမှူးချုပ် ဦးဝင်းနိုင်ထွန်းကို ခန့်အပ်လိုက် ပါတယ်။

ရဲမှူးချုပ် အနေနဲ့ ဒေါ်အောင်ဆန်း စုကြည် အပါအဝင် သမ္မတရဲ့ လုံခြုံရေးနဲ့ ဆိုင်တဲ့ ကိစ္စတွေကို ဟန်ချက်ညီညီ လုပ်နိုင်ဖို့ စီစဉ်ဆောင်ရွက် ပေးရမှာဖြစ်ပါတယ်။

ဒီတာဝန် ထမ်းဆောင်ဖို့ သင်္ကြန်မတိုင်ခင်က ခေါ်ယူတွေဆုံပြီး တာဝန်ပေးခဲ့တာ ဖြစ်ကြောင်း ရဲမှူးချုပ်ဝင်းနိုင်ထွန်းက ပြောပါတယ်။

သမ္မတ ဦးသိန်းစိန် လက်ထက်က ဒီတာဝန်ယူခဲ့သူ ဗိုလ်မှူးချုပ် ဝင်းမြင့်ကတော့ တာဝန်လွှဲကာနီး မတ်လပိုင်းကပဲ ကားမှောက်လို့ သေဆုံးခဲ့ပါတယ်။

နိုင်ငံတော် သမ္မတလို အရေးကြီး ပုဂ္ဂိုလ်ရဲ့ လုံခြုံရေးဟာ သာမန် လုံခြုံရေးမျိုး မဟုတ်ဘဲ အထူး အဖွဲ့အနေနဲ့ တာဝန်ယူရတာ ဖြစ်ပြီး လုံခြုံရေးအရာရှိချုပ် တာဝန်ယူတဲ့သူဟာ လိုအပ်ရင် တာဝန်ကို အသက်ပေး ထမ်းဆောင်ရ သူမျိုးဖြစ်တယ်လို့ တပ်မတော် ထောက်လှမ်းရေး အရာရှိဟောင်း တစ်ယောက်က ဘီဘီစီကို ပြောပါတယ်။

လုံခြုံရေး အရာရှိဟာ သမ္မတ သွားမယ့် လမ်းကြောင်း၊ တက်မယ့် အခမ်းအနားတွေ အားလုံးအတွက် ကြိုတင် အစီအစဉ် ဆွဲရပြီး လုံခြုံရေးအရ အသေအချာ ဆောင်ရွက် ပေးရတယ်လို့လည်း သူက ပြောပါတယ်။

ရဲမှူးချုပ် ဝင်းနိုင်ထွန်းဟာ တပ်မတော်မှာရော ရဲတပ်ဖွဲ့မှာပါ တာဝန် ထမ်းဆောင်ခဲ့သူ ဖြစ်တဲ့အတွက် ဒီတာဝန်ပေးတာ သင့်တော်တယ်လို့လည်း အဲဒီ တပ်မတော် ထောက်လှမ်းရေး အရာရှိဟောင်းကဆိုပါတယ်။

ဦးဝင်းနိုင်ထွန်းဟာ ဗိုလ်သင်တန်း အပတ်စဉ် OTS ( ၆၆ ) သင်တန်းဆင်း ဖြစ်ပြီး စစ်ထောက်လှမ်းရေးမှာ တပ်စွယ်မှူး တာဝန် ယူခဲ့သူ ဖြစ်ပါတယ်။

ဒေါ်အောင်ဆန်း စုကြည် နေအိမ်အကျယ်ချုပ်ခံခဲ့ရတဲ့ အချိန်ကနေ လွတ်မြောက်လာချိန် အထိ စစ်အစိုးရနဲ့ ဒေါ်အောင်ဆန်း စုကြည်ကြား ဆက်သွယ် ဆောင်ရွက်ပေးရသူ ဖြစ်ပါတယ်။

BBC Burmese
http://www.bbc.com/burmese

သင်္ကြန်ကာလအတွင်း အစိုးရပိုင်း အဆင့်မြင့်အရာရှိ တဦးကို ကျပ်ငွေ သိန်း ၅၀ လက်ဆောင်ပေးခဲ့တဲ့ မီဒီယာကုမ္ပဏီကြီးတစ်ခုကို သမ္မတရုံးဝန်ကြီး ဒေါ်အောင်ဆန်းစုကြည်ရဲ့ ညွှန်ကြားချက်အရဆိုပြီး အစိုးရအဖွဲ့ရုံးက ဧပြီလ ၂၀ ရက်နေ့စွဲနဲ့ ပညာပေးအသိပေးတဲ့ အကြောင်းကြားစာ တစောင် ပေးပို့ခဲ့တာပါ။ ရရှိခဲ့တဲ့ သိန်း ၅၀ ကိုတော့ နွေရာသီ ရှားပါးသောက်သုံးရေ ရရှိရေး ဆောင်ရွက်ဖို့ လူမှုဝန်ထမ်း ကယ်ဆယ်ရေး ၀န်ကြီးဌာနကို လွှဲပြောင်းပေးသွားမယ်လို့ ဆိုပါတယ်။ အစိုးရသစ်အဖြစ် တာဝန်ယူပြီး ၃ ပတ်လောက်အကြာမှာ အဂတိလိုက်စားမှု တိုက်ဖျက်ရေး အခုလို ဆောင်ရွက်လာတာအတွက် ၀မ်းမြောက်မိတယ်လို့ အမေရိကန်ပြည်ထောင်စု အင်ဒီးယားနား ပြည်နယ်က မြန်မာ့အရေး လေ့လာသူ ဒေါက်တာ တင့်ဆွေက ပြောပါတယ်။

“ကျနော် ဒီသတင်းကြားကြားချင်း အင်မတန်မှ နှစ်ခြိုက်မိတယ်လို့ ပြောပါရစေ။ အခြေခံကတော့ အဂတိလိုက်စားမှု သို့မဟုတ် လာဘ်ပေးမှုအပေါ်မှာ လက်တွေ့ကျတဲ့ ဆောင်ရွက်ချက်တခု နမူနာတခုအနေနဲ့ လုပ်လိုက်တာရယ်၊ နောက် ဒုတိယတချက်က ဒီရတဲ့ငွေကိုလည်း တကယ့်ကို ဖုတ်ပူမီးတိုက် လိုနေတဲ့ ရေရရှိရေးကို သုံးမယ်လို့ ဆုံးဖြတ်ချက် ၂ ခုဟာတော့ ကျနော် နှစ်ထောင်းအားရ ဖြစ်ပါတယ်ခင်ဗျ။”

အဂတိလိုက်စားမှု အခြေအနေတွေကို စောင့်ကြည့်နေတဲ့ Transparency International အဖွဲ့ရဲ့ ၂၀၁၅ ခုနှစ် အစီရင်ခံစာအရ ကမ္ဘာ့နိုင်ငံပေါင်း ၁၆၈ နိုင်ငံထဲမှာ မြန်မာနိုင်ငံရဲ့ အဂတိလိုက်စားမှု အခြေအနေက အဆင့် ၁၄၇ အောက်ပိုင်းမှာ ရှိနေတာပါ။ မြန်မာနိုင်ငံမှာ ဦးသိန်းစိန် အစိုးရလက်ထက် အဂတိ တိုက်ဖျက်ရေး ဆောင်ရွက်ဖို့ ဥပဒေပြဌာန်းခဲ့တာမျိုး ရှိပေမဲ့ ပြီးပြည့်စုံခြင်း မရှိသေးဘူးလို့ ဟောင်ကောင်အခြေစိုက် အာရှလူ့အခွင့်အရေး ကော်မရှင် AHRC က ရှေ့နေ ဦးမင်းလွင်ဦးက မြင်ပါတယ်။

“အခု ပြဌာန်းထားတဲ့ အဂတိလိုက်စားမှု တိုက်ဖျက်ရေးဥပဒေဆိုတာက ဦးသိန်းစိန်လက်ထက်မှာ ပြည်သူ့လွှတ်တော် ဥပဒေကြမ်း ပြုစုရေးကော်မတီကနေပြီးတော့ တင်သွင်းလာတာဖြစ်တယ်။ အဲဒီလို တင်သွင်းပြီးတဲ့အခါမှာ သမ္မတကနေပြီးတော့ အဂတိလိုက်စားမှု တိုက်ဖျက်ရေးဥပဒေ ဆိုပြီးတော့ အချက် ၁၇ ချက်နဲ့ ပြင်ခိုင်းတယ်။ ပြင်ခိုင်းတဲ့ဥစ္စာကို လွှတ်တော်ဥက္ကဌဖြစ်တဲ့ ဦးရွှေမန်းတို့က လာဘ်ပေးလာဘ်ယူ ဆိုတဲ့နေရာမှာ အဂတိလိုက်စားမှု ဆိုတာလေးကိုပဲ ပြင်လိုက်တယ်။ အဲဒီမှာ အဂတိလိုက်စားတယ်ဆိုတဲ့ အဓိပ္ပါယ်သတ်မှတ်ချက် ပါမလာဘူးဖြစ်တယ်။ ပါမလာတဲ့အခါကျတော့ အရေးယူဖို့ရာအတွက် တော်တော်ခဲယဉ်းတဲ့ ပြဿနာဖြစ်လာတယ်။”

မြန်မာနိုင်ငံမှာ ဖြစ်ပေါ်ခဲ့တဲ့ လာဘ်ပေးလာဘ်ယူ ကိစ္စတွေကို ပြန်ကြည့်ရင် အစိုးရပိုင်းနဲ့ ဒေသဆိုင်ရာ အာဏာပိုင်အဆင့်ဆင့်က လာဘ်စားတာတွေ ရှိသလို၊ စီမံကိန်းလုပ်ငန်းတွေရဖို့ လုပ်ငန်းရှင်ကြီးတွေက အာဏာပိုင်အဆင့်ဆင့်နဲ့ ၀န်ထမ်းတွေကို လာဘ်ထိုးခဲ့ကြတာပါ။ အဂတိလိုက်စားမှု တိုက်ဖျက်ရာမှာ လုပ်ငန်းရှင် ခရိုနီကြီးတွေ အခွန်ရှောင်နေတဲ့ ကိစ္စအပါအဝင် ငွေကြေးခ၀ါချတဲ့ လုပ်ငန်းတွေကိုပါ ကိုင်တွယ်ဖို့ လိုတယ်လို့ ဦးမင်းလွင်ဦးက ပြောပါတယ်။

“လာဘ်ပေးလာဘ်ယူ တိုက်ဖျက်တဲ့ဥပဒေမှာ တဆက်တည်း ပါနေတာက ငွေကြေးခ၀ါချတဲ့ကိစ္စရပ်တွေရော၊ ဘဏ်ကိစ္စရပ်တွေရော၊ ပါနေတဲ့ကိစ္စမျိုးဖြစ်တယ်။ အဲတော့ အဲဒီလိုမျိုး ကိစ္စရပ်တွေမှာ အခွန်ရှောင်တဲ့ ကိစ္စရပ်တွေကိုလည်း ထိထိရောက်ရောက် ဆောင်ရွက်နိုင်ဖို့အတွက်ဆိုရင် ကော်မတီတွေ ဖွဲ့ပြီးတော့ လုပ်ဆောင်နေတာထက်စာရင် အထူး စုံစမ်းစစ်ဆေးရေး ဦးစီးဌာနရဲ့ လုပ်ပိုင်ခွင့်အောက်မှာပဲ ဒီဥစ္စာတွေကို စီမံခန့်ခွဲသွားမယ်ဆိုရင်တော့ လျှင်မြန်စွာ အကောင်အထည်ဖော်နိုင်လိ့မ်မယ်လို့ ကျနော်တို့ မြင်တယ်။”

အရင်အစိုးရလက်ထက်တွေမှာ သန္ဓေတည်ခဲ့တဲ့ လာဘ်ပေးလာဘ်ယူ အဂတိလိုက်စားမှုတွေကို ကိုင်တွယ်ရာမှာ NLD အစိုးရသစ်အနေနဲ့ စိုးရိမ်ဖွယ် အန္တရာယ်တွေနဲ့ ရင်ဆိုင်လာရနိုင်တယ်လို့လည်း ဒေါက်တာ တင့်ဆွေက သုံးသပ်ပါတယ်။

“ရေရှည်အတွက် မျှော်ကိုးပြီးတော့ ကိုယ်ကျိုးအတွက် တနည်းအားဖြင့် ကိုယ့်အုပ်စုအကျိုးအတွက် ကိုယ့်လူတန်းစားတခု အကျိုးအတွက် လုပ်ထားတဲ့ စီးပွားရေးလုပ်ငန်းကြီးတွေ အမြောက်အများ ရှိပါတယ်။ အဲဒီဟာတွေကို ကိုင်တွယ်တဲ့နေရာမှာ အန္တရာယ်ကြီးတယ်။ အန္တရာယ်ဆိုတာ နောက်ဆုံး အကုန်ပြောရရင် အသက်အန္တရာယ်အထိ တချို့တွေ ရင်ဆိုင်ရနိုင်တာမျိုးတွေ ရှိတယ်။ နောက်တခါ နိုင်ငံရေးအန္တရာယ်ပေါ့။ သူတို့က အုပ်နဲ့အင်းနဲ့ဆိုတော့ သူတို့ကလည်း ဒီဟာကို မပြိုပျက်အောင် မနည်းပါးအောင် ကြိုးစားကြမှာပဲ။ အဲတော့ အားပြိုင်မှု အကြီးစားတွေ ဖြစ်လာစရာ အကြောင်းရှိတယ်။”

မြန်မာနိုင်ငံက အဂတိလိုက်စားတဲ့ ဌာနတွေထဲမှာ တရားရေးဌာနလည်း ပါဝင်ပြီး တရားသူကြီးတွေက အဓိက ဖြစ်နေတာကြောင့် ဒါကိုလည်း ကိုင်တွယ်ဖြေရှင်းဖို့ လိုတယ်လို့ ရှေ့နေ ဦးမင်းလွင်ဦးက ထောက်ပြပါတယ်။

“ဒီတရားရေးဆိုင်ရာကိစ္စ လာဘ်စားခြစားမှုတွေကိုလည်း ထိရောက်စွာ အရေးယူမယ်ဆိုရင်တော့ ဒီတရားသူကြီးတွေ ကိုယ်တိုင်ကိုလည်း အထူး ပညာပေးဖို့ လိုတယ်။ သတိပေး ဟန့်တားတာမျိုးတွေ လုပ်သင့်တယ်။”

အဂတိလိုက်စားမှုကို တိုက်ဖျက်တဲ့အခါ ပြည်သူလူထုနဲ့ ၀န်ထမ်းတွေရဲ့ ပူးပေါင်းပါဝင်မှု အရေးကြီးသလို၊ နယ်ပယ်အသီးသီးက ၀န်ထမ်းတွေရဲ့ စားဝတ်နေရေး ဖူလုံခိုင်မာလာဖို့ အတွက်လည်း အစိုးရဘက်က ပြန်လည် ထောက်ပံ့ပေးဖို့ လိုတယ်လို့ မြန်မာ့အရေး ဆောင်ရွက်နေသူတွေက အကြံပြုကြပါတယ်။
ကိုဉာဏ်ဝင်းအောင် VOA

ရခိုင်ပြည်နယ် ရသေ့တောင်မြို့နယ် ရစိုးချောင်းကျေးရွာမှာ ရွာခံ ၅ ဦးကို အစိုးရတပ်က မနေ့က ဖမ်းဆီးခေါ်ဆောင်သွားတယ်လို့ ရွာခံတွေက ပြောပါတယ်။

တောင်ယာလုပ်ငန်းခွင်တွေမှာ ဖမ်းဆီးခေါ်ဆောင်သွားတာဖြစ်ပြီးတော့ ဒီနေ့အထိ ဘာသတင်းမှ မကြားရဘူးလို့ ဖမ်းဆီးခေါ်ဆောင်ခြင်းခံရသူ ဦးကြွင်းကျန်အောင်ရဲ့ သမီး မခိုင်မြစံက ပြောပါတယ်။

"တောင်ယာထဲမှာ တည်းခိုတဲ့လယ်ယာကနေ ဖမ်းခေါ်သွားတာပါ၊ သမီးတို့ကတော့ အဖေကို စိုးရိမ်တာပေါ့နော်၊ အခုအချိန်မှာလည်း လက်နက်င်္ကြီးသံတွေကြားရတယ်၊ အဖေကလည်း အသက်ကြီးပြီ ဆိုတော့ သူတို့ဘာတွေခိုင်းမလဲ၊ ဝန်လေးဝန်ပိုးတွေ ထမ်းဖို့ခိုင်းမလား၊ နောက်ပြီး စစ်တိုက်တဲ့အချိန်မှာ အန္တရာယ်ရှိမလား၊ ကျမတို့ မိသားစု တော်တော်စိုးရိမ်နေရပါတယ်၊ အမေဆိုရင်တော့ အမြဲတမ်းငိုနေတာပဲ၊ အဖေရဲ့သတင်းတော့ ဘာမှမကြားရသေးပါဘူး၊ လက်နက်ကြီးသံတွေပဲ ကြားနေရပါတယ်"

မနေ့ကဖမ်းဆီးခေါ်ဆောင်သွားသူတွေဟာ ဦးငထောင်ချေ၊ ကိုသန်းထွန်း၊ ဦးကြွင်းကျန်အောင်၊ ဦးလူဖြူချေ၊ ဦးထွန်းအေးသိန်း ၅ ဦးဖြစ်ပြီး အဲ့ဒီအထဲက ဦးကြွင်းကျန်အောင်ဟာ အသက် ၅၆ နှစ်ရှိနေပြီလို့ သိရပါတယ်။

ရသေ့တောင်မြို့နယ် ရစိုးချောင်းကျေးရွာခံတွေက တောတောင်ကို အဓိကမှီခို အသက်မွေးကြသူတွေ ဖြစ်ပြီး လက်နက်ကြီးပစ်ခတ်သံတွေကို ကြားနေရတာအပြင် အစိုးရစစ်ကြောင်းတွေ နေ့စဉ်ဆိုသလို လာရောက် တာကြောင့် ရွာခံတွေဟာ လုပ်ငန်းခွင်သွားဖို့ နေ့စဉ် အခက်အခဲဖြစ်နေကြရတယ်လို့လည်း ဆိုပါတယ်။

ရစိုးချောင်းရွာနဲ့ တိုက်ပွဲဖြစ်ပွားတဲ့နေရာဟာ ၃ မိုင်ခရီးလောက်သာကွာဝေးပြီး ရွာခံအမျိုးသားတွေဟာ အစိုးရတပ်က ပေါ်တာဆွဲခံရမှာကို စိုးရိမ်တာကြောင့် ပုန်းအောင်းနေရတယ်လို့လည်း သိရပါတယ်။

ဘူးသီးတောင်၊ ရသေ့တောင်မြို့နယ် အစပ်တွေဖြစ်တဲ့ ကျောက်တော်မြို့နယ် လောရမတောင်တန်း တစ်ဝိုက်မှာ ပြီးခဲ့တဲ့ ဧပြီလ ၁၆ ရက်နေ့ကနေစတင်ကာ အစိုးရတပ်နဲ့ ရက္ခိုင့်တပ်မတော် (AA) တို့ တိုက်ပွဲတွေဖြစ်ပွားခဲ့ တာ ဖြစ်ပြီး လက်နက်ကြီးတွေနဲ့ပစ်ခတ်သံတွေကို ဒီနေ့ညနေပိုင်းအထိ ကြားနေရဆဲဖြစ်တယ်လို့ ဒေသခံတွေ က ပြောပါတယ်။
RFA

 muslim-boat-620.jpg ရခိုင်ပြည်နယ် စစ်တွေမြို့ သဲချောင်းဆိပ်ကမ်းမှာ ဧပြီလ ၁၉ ရက်နေ့က စက်လှေတစ်စီး နစ်မြုပ်ခဲ့ရာ ၂၂ ဦး ထက်မနည်း သေဆုံးခဲ့ ပါတယ်။
Photo: Min Thein Aung/RFA

ရခိုင်ပြည်နယ် စစ်တွေမြို့ သဲချောင်းမှာ နစ်မြုပ်ခဲ့တဲ့ လှေပေါ်ပါသေဆုံးသူတွေအတွက် ရခိုင်ပြည်နယ်အစိုးရအဖွဲ့က တစ်ဦးကို ၂ သိန်းစီ ထောင်ပံ့ကူညီခဲ့တယ်လို့ ဒေသခံတွေက ပြောပါတယ်။

နစ်မြုပ်သွားတဲ့ လှေဟာကူးတို့လှေဖြစ်ပြီး လူ ၈၂ ဦး လိုက်ပါလာတာဖြစ်ပြီး သဲချောင်းအဝင် ရဲဂိတ်စခန်းကို မဆိုက်ကပ်ခင် ရာသီဥတုဆိုးဝါးတာကြောင့် နစ်မြုပ်ခဲ့တာလို့ ဒေသခံတွေက ပြောပါတယ်။

လှေပေါ်ပါ သေဆုံးသူ ၂၂ ဦးရဲ့ အလောင်းတွေကို ရရှိခဲ့တာဖြစ်ပြီး သဲချောင်းဒေသခံများနဲ့ လှေပေါ်ပါ ပျောက် ဆုံးနေသူတွေရဲ့ ဆွေမျိုးသားချင်းတွေက ဆက်လက်ရှာဖွေဆဲဖြစ်တယ်လို့ သိရပါတယ်။

ဒီအတောအတွင်း လှေနစ်မြုပ်မူနဲ့ပတ်သက်ပြီး စိတ်မကောင်းဖြစ်ရတယ်လို့ အမေရိကန်သံရုံးက ကြေညာချက် ထုတ်ပြန်ထားသလို ရခိုင်ပြည်နယ်အတွင်းဖြစ်ပွားနေတဲ့ အစိုးရတပ်တွေနဲ့ AA တပ်တွေ ဆက်တိုက်ဖြစ်ပွားနေတဲ့ စစ်ပွဲတွေနဲ့ပတ်သက်လို့လည်း စိုးရိမ်မကင်းဖြစ်ရတယ်လို့ ရေးသားထားပါတယ်။
RFA


မြန်မာနိုင်ငံအနောက်ပိုင်း စစ်တွေကမ်းရိုးတန်း လှိုင်းထန်တဲ့ ပင်လယ်ထဲမှာ ဆင်တက်မော် မူဆလင်ဒုက္ခသည်စခန်းကနေ ဈေးဝယ်ထွက်လာတဲ့လှေ နစ်မှောက်ခဲ့တဲ့အတွက် ရိုဟင်ဂျာဒုက္ခသည် ၂၁ ဦး သေဆုံးသွားတဲ့အကြောင်း ကုလသမဂ္ဂ လူသားချင်း စာနာထောက်ထားမှုဆိုင်ရာ စည်းရုံးဆက်သွယ်ရေးရုံး UNOCHA အပြင် ရန်ကုန်အမေရိကန်သံရုံးကလည်း စိုးရိမ်မကင်းဖြစ်ကြောင်း သတင်းထုတ်ပြန်ခဲ့ပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပို့ထားပါတယ်။

မြန်မာနိုင်ငံအတွင်းမှာ လူမျိုးရေး၊ ဘာသာရေးကို အခြေခံတဲ့ ပဋိပက္ခတွေ ဖြစ်အပြီးမှာတော့ ရခိုင်ပြည်နယ်အတွင်းမှာ နေအိမ်တွေ မီးရှို့ဖျက်ဆီးခံရမှုတွေကြောင့် ဒုက္ခသည်စခန်းတွေ ဖြစ်ပေါ်လာခဲ့ပါတယ်။ ဒီထဲမှာ ဆင်တက်မော်လို့ခေါ်တဲ့ မူဆလင် ဒုက္ခသည်စခန်းဟာ အကြီးဆုံး ဒုက္ခသည်စခန်းထဲမှာ တခု ပါဝင်တာပါ။

ဒီထဲက ဒုက္ခသည်တွေဟာ ဈေးဝယ်ထွက်ဖို့ လှေစီးရင်း ကလေးတွေ အပါအ၀င် လူ ၂၀ ထက်မနည်း လှေမှောက် သေဆုံးခဲ့ရတယ်လို့ စစ်တွေမြို့က ရပ်မိရပ်ဖတဦးဖြစ်တဲ့ ဦးသန်းထွန်း က ပြောပြပါတယ်။ “ဆင်တက်မော် ဒုက္ခသည်စခန်းကနေ သူတို့က ခွင့်ပြုချက်မရှိဘဲ လှေနဲ့ ဈေးလာဝယ်တာပေါ့ သဲချောင်းဘက်ကိုလေ။ မူဆလင်ဒုက္ခသည်စခန်းလေ။ အဲတော့ သဲချောင်းအ၀င်ဝမှာ လှေမြုပ်တယ်လို့တော့ ပြောတာပဲ။ ကျနော်တို့ ကြားရသလောက်တော့ သေဆုံးတာ ၁၈ ယောက်ရှိတယ်လို့ ပြောတယ်။ ကျနော်တို့ ကြားရသလောက် ၃၊ ၄ ယောက်ပဲ ပျောက်ဆုံးတယ်လို့ ကြားတယ်။ အလောင်းတွေ့တာပေါ့။ တခြားသူတွေကတော့ အသက်ရှင်လျက် ရှိတယ်လေ။ အသက်ရှင်လျက် ကယ်နိုင်လိုက်တယ်ပေါ့။ ကမ်းပေါ်ရောက်လာတာပေါ့။ သူတို့တွေက ကျနော်တို့ သိရသလောက်ကလေ ဆင်တက်မော်တို့လို ဒုက္ခသည်စခန်းက လူတွေက သဲချောင်းဘက်ကို ဈေးလာဝယ်မယ်ဆိုရင် လုံခြုံရေးတပ်ဖွဲ့ဆီ သတင်းပို့၊ ခွင့်ပြုချက်နဲ့ သွားတဲ့ဟာ ရှိတယ်လေ။ တရားဝင်ပေါ့။ ဒါပေမဲ့ ကျနော်တို့ အခု ကြားရတဲ့ ဒီစက်လှေက ခွင့်ပြုချက်မရှိဘဲ ကိုယ့်ဟာကိုယ် ခိုးထွက်လာခဲ့တာလို့ ပြောတာပဲ။ ကျနော်တို့ ကြားရသလောက်ပြောတာနော်။ ၁၈ ယောက် ကတော့ သေချာသလောက်ရှိပါတယ်။ တချို့တွေကတော့ စစ်တွေဆေးရုံပို့တာတို့ နော် ဆေးပေးခန်းပို့တာတို့တော့ ကြားတယ်။ ဒါပေမဲ့ အဲဒါတွေက သိပ် ကြီးကြီးမားမား serious တွေ မဟုတ်ဘူးလေ။”

ကုလသမဂ္ဂ လူသားချင်း စာနာထောက်ထားမှုဆိုင်ရာ စည်းရုံးဆက်သွယ်ရေးရုံး UNOCHA ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် ဂျက်နက် ဂျက်ဆင်ရဲ့ ထုတ်ပြန်ချက်ကိုတော့ ကုလသမဂ္ဂ လူသားချင်း စာနာမှုဆိုင်ရာ စည်းရုံးဆက်သွယ်ရေးရုံး UNOCHA ရဲ့ ပြောဆိုခွင့်ပုဂ္ဂိုလ် Pierre Péron က ဗွီအိုအေကို အခုလို ပြောပြပါတယ်။

“လောလောဆယ် ခန့်မှန်းခြေ ကလေး ၉ ယောက် အပါအဝင် သေဆုံးသူ ၂၁ ယောက်ရှိပြီး၊ ခုချိန်ထိ ရှာမတွေ့သေးတဲ့လူ ဘယ်နှစ်ယောက်လောက် ရှိမလဲ မသိရသေးပါဘူး။ ဒဏ်ရာရတဲ့လူ ၆ ယောက် ထက်မနည်းကို စစ်တွေဆေးရုံနဲ့ သက်ကယ်ပြင်ကျန်းမာရေးဌာနမှာ ဆေးကုသပေးနေပါပြီ။ ကုလသမဂ္ဂနဲ့ NGO ဝန်ထမ်းတွေကတော့ အခင်းဖြစ်ပွားတဲ့ နေရာကနေ ဒဏ်ရာရတဲ့လူတွေ သယ်ယူပို့ဆောင်ရေးနဲ့ သက်ကယ်ပြင် ကျန်းမာရေးဌာနကို လက်ရှိ အခြေအနေထက် ပိုပြီး ကုသပေးနိုင်စွမ်းရှိအောင် လိုအပ်တဲ့ ဆေးဝါးတွေ ပံ့ပိုးပေးနေပါတယ်။ ကုလသမဂ္ဂအနေနဲ့ သေဆုံးသူနဲ့ ထိခိုက်ဒဏ်ရာရသူ အရေအတွက် အတည်ပြုနိုင်ရေးနဲ့ ဒီအဖြစ်အပျက်နဲ့ ပတ်သက်ပြီး စုံစမ်းစစ်ဆေးဖို့အတွက် ဒေသခံအာဏာပိုင်တွေနဲ့ ဆက်သွယ် ဆောင်ရွက်နေပါတယ်။”

ရခိုင်အမျိုးသားပါတီရဲ့ အမျိုးသားလွှတ်တော်ကိုယ်စားလှယ် ဦးတက်ထွန်းအောင် ကတော့ သေဆုံးသူ အရေအတွက် အတိအကျကိုတော့ မသိရသေးဘူးလို့ ဆိုပါတယ်။

“သေဆုံးတာတော့ရှိတယ်။ ဘယ်လောက်သေဆုံးတယ် ခန့်မှန်းခြေ ဘယ်လောက်ပါတယ်ဆိုတဲ့ အဲ့စာရင်းကို ကျနော်တို့လည်း အတိအကျမရဘူး။ ဒုက္ခသည်ဆိုတာကတော့ မူဆလင်ပဲ ရှိတာပေါ့နော်။ ရခိုင်လူမျိုးတွေကတော့ ကိုယ့်ဒေသကိုယ့်နေရာမှာ အေးဆေးပဲလေ။ အမြဲတမ်း သူတို့က ဟိုဘက်မှာ သဲချောင်းတို့ စစ်တွေအနားမှာရှိတဲ့ စခန်းမှာပေ့ါနော် ကျနော်တို့ ပေါက်တောမြို့နယ် အနောက်ဘက်ကမ်းမှာ ဒုက္ခသည်စခန်းမှာ အမြဲတမ်းကို ကူးလူးဆက်ဆံမှု ရှိကြတာပေါ့။”

ဆင်တက်မော် ဒုက္ခသည်စခန်းကနေ ကလေးလူကြီး ၆၀ ကျော် ပါဝင်တဲ့လှေဟာ ပေါက်တောမြို့ ဆင်တက်မော် ဒုက္ခသည်စခန်းကနေ ဈေးကိုသွားတဲ့လမ်းမှာ နစ်မြုပ်ခဲ့တာ ဖြစ်ပါတယ်။ ဆင်တက်မော်ရွာဟာ စစ်တွေမြို့နဲ့ ၉ မိုင် အကွာမှာ ရှိပါတယ်။ အရင်ကတည်းက အဲဒီရွာတွေနဲ့ ပေါက်တောမြို့ခံတွေဟာ စစ်တွေမြို့မဈေးမှာ ဈေးလာဝယ်လေ့ ရှိပါတယ်။ ဒီဖြစ်ရပ်တွေနဲ့ ပတ်သက်လို့ ရခိုင်ပြည်နယ် အစိုးရအဖွဲ့အနေနဲ့ သင်္ကြန်ပိတ်ရက် အပြီးမှာကတည်းက အလုပ်တွေ ပြန်လည် စတင်နေတဲ့ အချိန်ကာလ ဖြစ်တာကြောင့် မကြာခင်မှာတော့ သတင်းထုတ်ပြန်ရေးတွေ လုပ်နိုင်မယ်လို့ ပြောဆိုပါတယ်။

အမေရိကန်သံရုံးကတော့ သတင်းထုတ်ပြန်ခဲ့ရာမှာ ရခိုင်ပြည်နယ်အတွင်း လတ်တလောဖြစ်ပျက်ခဲ့မှုတွေနဲ့ ပတ်သက်လို့ လွန်စွာ စိတ်မကောင်းဖြစ်မိကြောင်းနဲ့ ဧပြီလ ၁၉ ရက်နေ့ စစ်တွေမြို့ သဲချောင်းအနီးမှာ စက်လှေတစီး နစ်မြုပ်ခဲ့ရပြီးနောက် ကြွေကွဲဖွယ်ရာ အသက်ဆုံးရှုံးသူတွေနဲ့ ပတ်သက်တဲ့ သတင်းတွေအတွက် စိတ်မကောင်းဖြစ်မိကြောင်း ရေးသားဖော်ပြထားပါတယ်။ ရခိုင်ပြည်နယ်အတွင်းမှာ ဈေးများကို သွားရောက်ခြင်း နေ့တဓူဝ အခြေခံကျတဲ့ ဘ၀တွေကို ကန့်သတ်ထားခြင်းတွေဟာ လူမှုအသိုင်းအ၀ိုင်းအတွင်း လူနေမှုဘ၀ အရည်အသွေးများ တိုးတက်မြင့်မားရေးအတွက် ရုန်းကန်လှုပ်ရှားရာမှာ မလိုလားအပ်သော အန္တရယ်များ ဖြစ်စေတယ်လို့လည်း ကြေညာချက်မှာ ဖော်ပြထားပါတယ်။

မအေးအေးမာ
VOA

မြန်မာနိုင်ငံရဲ့ သတင်းစာလွတ်လပ်ခွင့် အဆင့်အတန်းက နိမ့်ကျနေဆဲ ဖြစ်တယ်လို့ နယ်စည်းမထား သတင်းထောက်များအဖွဲ့ရဲ့ အစီရင်ခံစာသစ်က ဖော်ပြပါတယ်။ သတင်းအချက်အလက် ရယူခွင့်၊ သတင်းရေးသား ဖော်ပြခွင့်တို့မှာ အတိုင်းအတာ တခုအထိ လွတ်လပ်လာပေမဲ့လည်း လက်နက်ကိုင် ပဋိပက္ခတွေ၊ ဘာသာရေး တင်းမာမှုတွေနဲ့ ဆက်နွယ်တဲ့ သတင်းရေးသား ဖော်ပြနိုင်မှုမှာတော့ အခက်အခဲတွေ ရှိနေဆဲ ဖြစ်တယ်လို့လည်း ၀ါရင့် သတင်းသမားတွေက ထောက်ပြပါတယ်။ မသိင်္ဂီထိုက် က စုစည်းတင်ပြထားပါတယ်။

ပြင်သစ်အခြေစိုက် နယ်စည်းမထား သတင်းထောက်များအဖွဲ့ RSF က ၂၀၁၆ ခုနှစ်အတွက် ကမ္ဘာတလွှား သတင်းလွတ်လပ်ခွင့်ဆိုင်ရာ အညွန်းကိန်းအရတော့ မြန်မာနိုင်ငံက အဆင့် ၁၄၃ နဲ့ သတင်းလွတ်လပ်ခွင့် အဆင့်နိမ့်ကျနေဆဲ ဖြစ်ပါတယ်။ ဆင်ဆာတည်းဖြတ်မှု သိပ်မရှိတော့ပေမဲ့ လွတ်လပ်စွာ ရေးသားပြောဆိုမှုတွေကို အနီးကပ် စောင့်ကြည့်နေဆဲ ဖြစ်တယ်လို့လည်း နယ်စည်းမထား သတင်းထောက်များအဖွဲ့က ထောက်ပြပါတယ်။

မြန်မာစာနဲ့ ထုတ်ဝေတဲ့ နိုင်ငံပိုင်သတင်းစာတွေမှာတော့ အစိုးရ၊ တပ်မတော်တို့အပေါ် ဝေဖန်တဲ့သတင်းတွေ ဖော်ပြဖို့ ရှောင်ရှားကြသလို၊ ကိုယ့်ဘာသာ ဆင်ဆာတည်းဖြတ်မှုတွေ ရှိနေတယ်၊ ဒါ့အပြင် ဘာသာရေးတင်းမာမှုတွေနဲ့ ပတ်သက်ပြီးလည်း အတော်လေး သတိထားနေရတဲ့ အခြေအနေမှာ ရှိနေတယ်လို့ RSF က ထောက်ပြပါတယ်။ အစိုးရသစ် လက်ထက် နိုင်ငံပိုင် သတင်းစာတွေ အခြေအနေကလည်း အားရစရာ မရှိသေးဘူးလို့ ၀ါရင့် သတင်းစာဆရာ ဒေါ်အေးအေးဝင်းက ထောက်ပြပါတယ်။

“အခုလောလောဆယ်မှာကတော့ သတင်းအဖြစ်နဲ့ကတော့ ပုဂ္ဂလိကမီဒီယာတွေလိုတော့လေ သတင်းအဖြစ်တွေနဲ့ သွက်သွက်လက်လက်တွေ သိပ်အားရလောက်အောင်တော့ မရှိသေးဘူး။ ဥပမာ ဒီနေ့ဆိုရင် သတင်းစာထဲမှာ ဆောင်းပါးကကို သတင်းစာထဲမှာ ၁၀ ခုမက ပါတယ်ထင်တယ်။ သတင်းစာထဲမှာ ဆောင်းပါးတွေ အရမ်းထည့်နေတာ။ သတင်းစာအဖြစ်နဲ့ကတော့ ဆောင်းပါးတွေချည်းပဲ ဖတ်ချင်တာမဟုတ်ဘူး။ သတင်းဖတ်ချင်တာကိုး။ သတင်းစာဆိုတော့လေ။ ဆောင်းပါးတွေ အဲ့လောက် အများကြီး ထည့်တာတော့ ဘာကြောင့်လဲတော့ သိပ်မသိဘူး။ အဲတော့ ဒီဟာလည်း ပုံစံက နောက်တော့ ကျသွားမလားတော့ မသိဘူး။”

ဘာသာရေးဆိုင်ရာ တင်းမာမှုတွေကို သတင်းရေးသား ဖော်ပြမှုတွေမှာကတော့ နိုင်ငံပိုင် သတင်းဌာနတွေရော ပုဂ္ဂလိက သတင်းဌာနတွေမှာပါ တခြား နိုင်ငံတကာနဲ့ မတူတဲ့ အခက်အခဲတွေ ရှိနေတယ်လို့လည်း ၀ါရင့် သတင်းစာဆရာ ဒေါ်အေးအေးဝင်းက ပြောပါတယ်။

“သတင်းအနေနဲ့ သတင်းဘက်က ကြည့်မယ်ဆိုရင်တော့ ထူးခြားတဲ့ ဖြစ်ရပ်တခုဆိုတာ သတင်းအဖြစ်နဲ့ report လုပ်ကြတာပဲ။ သတင်းရေးသားကြတယ်။ သူများနေရာမှာဆိုရင်တော့ ဒီလိုဖြစ်သွားတယ်ဆိုရင်လည်း ရေးလိုက်ကြမယ်။ ဒါပေမဲ့ အခုအခါမှာကျတော့ အစိုးရရော၊ ပုဂ္ဂလိကရောမှာ သူက ချည်နှောင်ထားတဲ့ဟာ နည်းနည်းရှိသွားတယ်။ ရေးလိုက်လို့ရှိရင်များ အပြစ်ဖြစ်မလား။ ပိုပြီး ဆွသလိုဖြစ်မလားဆိုပြီး သတိရှိသွားတဲ့ သတိအနေအထားမှာရှိတော့ သိပ်ပြီး လွတ်လွတ်လပ်လပ် မရေးနိုင်ဘူး ဆိုပြီးတော့ ရွေးချယ်တဲ့ သတင်းမီဒီယာတွေလည်း ရှိမှာပေါ့။ ဒါကတော့ အမြင်ပေါ် မူတည်မယ်ထင်တယ်။ ဘာလို့လဲဆိုတော့ ဒီဘာသာရေး ပဋိပက္ခက အင်မတန်မှကို ထိလွယ်ရှလွယ်ဖြစ်တဲ့အတွက်ကြောင့် သတင်းသမားတွေရော အစိုးရဆိုရင်လည်း သူ အများကြီး သတိထားမှာပဲ။ ဒီသတင်းမျိုးက သတင်းဖြစ်ပေမဲ့လည်း ကိုယ်ရေးလိုက်တော့မှပဲ ဆူဆူပူပူဖြစ်မလားဆိုတာကို အရမ်း ဆင်ခြင်ပြီးတော့ သတိပိုထားနေကြရင်တော့ အလုပ်လုပ်ရတာ အကြောင်းအမျိုးမျိုးရှိပါတယ်။ အပြစ်တင်လို့လည်း မရဘူးပေါ့။ ဗမာပြည် အခြေအနေက ပုံမှန်ကို ဒီနေရာမှာတော့ မဟုတ်သေးဘူး။ ဒီဘာသာရေး တင်းမာမှုနဲ့ ပတ်သက်ရင်လေ။”

တပ်မတော်နဲ့ တိုင်းရင်းသား လက်နက်ကိုင်တွေကြား တိုက်ပွဲပဋိပက္ခသတင်းတွေနဲ့ ပတ်သက်လို့ အစိုးရနဲ့ တပ်မတော်ဘက်က သတင်းအချက်အလက် ရယူခွင့်ကလည်း အကန့်အသတ်နဲ့ ရှိနေပြီး ဘာသာရေးဆိုင်ရာ သတင်းတွေ ရေးသားဖော်ပြဖို့ကတော့ သတင်းထောက်တွေအနေနဲ့ လုံခြုံရေးဆိုင်ရာ စိုးရိမ်မှုတွေ ရှိနေပြန်တယ်လို့ သတင်းမီဒီယာကောင်စီ အဖွဲ့ဝင် ဦးမြင့်ကျော်က ပြောပါတယ်။

“နံပါတ်တစ်ကတော့ စဉ်းစားစရာတော့ လုံခြုံရေးကတော့ နံပါတ်တစ်ပေါ့နော်။ တခြားသော အချက်အလက်တွေလည်း ရှိတယ်။ ဒါပေမဲ့ ပထမအချက်ကတော့ လုံခြုံရေးလိုမျိုးနဲ့ ဆိုရှယ်မီဒီယာလိုမျိုးကနေ ၀ိုင်းပြီးတော့ ဟို ဆဲ ကြတယ်။ နောက်တခုက ဆိုရှယ်မီဒီယာပေါ်ကနေတဆင့် ခြိမ်းခြောက်ကြတယ်။ အဲဒါတွေက တကယ် အပြင်မှာအထိကို အကျိုးသက်ရောက်မှု ရှိမလားလို့ အဲလောက်အထိကို စိုးရိမ်မှုတွေ ရှိတယ်။ ဒီလို အကြောင်းအရာမျိုးကို တခါတလေမှာ စပြီးတော့ မလိုက်ခင်ကတည်းက ဘယ်လိုခေါ်မလဲ အတွင်းကျကျ မလိုက်ခင်ကတည်းကိုက လက်ရှောင်လိုက်ကြတာတွေ ရှိတာကိုး။”

ပြင်သစ်အခြေစိုက် နယ်စည်းမထား သတင်းထောက်များအဖွဲ့ RSF ရဲ့ ၂၀၁၆ ခုနှစ် သတင်းလွတ်လပ်ခွင့် အညွှန်းကိန်းမှာတော့ ကမ္ဘာတ၀ှမ်းက သတင်းလွတ်လပ်ခွင့် အခြေအနေ သိသိသာသာ ကျဆင်းလားပြီး၊ လွတ်လပ်စွာ သဘောထားအမြင် ဖလှယ်မှုတွေကို အားမပေးဘဲ၊ ၀ါဒဖြန့်ချိမှုတွေကို အသားပေးတဲ့ ခေတ်တခေတ်ကို ၀င်ရောက်လာနေတယ်လို့ ဖော်ပြပါတယ်။ Eritrea နိုင်ငံကိုတော့ ကမ္ဘာမှာသတင်းလွတ်လပ်ခွင့် အဆင့်အတန်း အနိမ့်ဆုံးအဖြစ် သတ်မှတ်ထားပြီး၊ ဆီးရီးယား၊ တရုတ်နဲ့ မြောက်ကိုရီးယားနိုင်ငံတွေကိုလည်း အနိမ့်ဆုံး စာရင်းသွင်းခဲ့တာပါ။ သတင်းစာလွတ်လပ်ခွင့် အဆင့်အတန်း အမြင့်ဆုံးအဖြစ် ဖင်လန်နိုင်ငံကို သတ်မှတ်ပြီး၊ သူ့နောက်မှာတော့ နယ်သာလန်နဲ့ နော်ဝေတို့ ရှိနေကြပြီး၊ အင်တာနက်မှာ စောင့်ကြည့်ထောက်လှမ်းမှုတွေ ရှိတယ်ဆိုပြီး ဝေဖန်ခံရတဲ့ အမေရိကန်ကတော့ အဆင့် ၄၁ နေရာမှာ ရှိနေပါတယ်။

မသိင်္ဂီထိုက်
VOA



မြန်မာနိုင်ငံရဲ့ သတင်းလွတ်လပ်ခွင့် အဆင့်အတန်းဟာ နိမ့်ကျနေဆဲဖြစ်တယ်လို့ ပြင်သစ်အခြေစိုက် နယ်စည်းမခြား သတင်းထောက်များအဖွဲ့ RSF က ပြောဆိုလိုက်ပါတယ်။ အရပ်သားအစိုးရလက်ထက်မှာ သတင်းမီဒီယာလွတ်လပ်ခွင့်တွေ တစုံတရာ ရရှိလာတယ်လို့ မြင်နိုင်ပေမဲ့ - သတင်းထောက်တွေရဲ့ လုံခြုံရေးအပိုင်းလို စိုးရိမ်စရာ အခြေအနေတွေလည်း အများကြီး ရှိနေဆဲဖြစ်တယ်လို့ RSF က ထောက်ပြခဲ့ပါတယ်။ အသေးစိတ်ကိုတော့ ဆက်သွယ်မေးမြန်းထားတဲ့ မနန္ဒာချမ်း က တင်ပြထားပါတယ်။

၂၀၁၆ ကမ္ဘာတ၀ှမ်း သတင်းလွတ်လပ်ခွင့် အဆင့်အတန်းနဲ့ ပတ်သက်တဲ့ အညွှန်းကိန်းကို ဧပြီလ ၂၀ ရက် ဗုဒ္ဓဟူးနေ့က ထုတ်ပြန်ခဲ့ရာမှာ - ကမ္ဘာတ၀ှမ်း နိုင်ငံပေါင်း ၁၈၀ အနက် မြန်မာနိုင်ငံကို အဆင့် ၁၄၃ နေရာမှာ ဒီနှစ် သတ်မှတ်ထားတာပါ။ ဒါဟာ ပြီးခဲ့တဲ့ ၂၀၁၅ သတင်းလွတ်လပ်ခွင့် အညွှန်းကိန်း ၁၄၄ ထက်စာရင် သတင်းလွတ်လပ်ခွင့် အဆင့်ဟာ တဆင့် တက်လာတယ်လို့ ဆိုရမှာဖြစ်ပါတယ်။ ဒါပေမဲ့လည်း RSF ရဲ့ အာရှပစိဖိတ်ဆိုင်ရာ တာဝန်ခံ Benjamin Ismail ကတော့ - မြန်မာနိုင်ငံရဲ့ အဆင့်ဟာ တက်လာတယ်ဆိုပေမဲ့လည်း - ဦးသိန်းစိန် အစိုးရဟောင်းလက်ထက် မီဒီယာလွတ်လပ်ခွင့်တွေ ပိုမို ဆုံးရှုံးလာနေတာ တွေ့ခဲ့ရတယ်လို့ ပြောဆိုပါတယ်။

“တကယ်တော့ မြန်မာနိုင်ငံရဲ့ အခြေအနေက ပိုဆိုးလာတာပါ။ မြန်မာနိုင်ငံရဲ့ သတင်းလွတ်လပ်ခွင့် အဆင့်ကိုကြည့်ရင် တဆင့်တက်သွားတာ မှန်ပါတယ်။ ဒါပေမဲ့ သတင်းလွတ်လပ်ခွင့် စုစုပေါင်းရမှတ်က အရင်နှစ်ကထက် ပိုများတာ တွေ့ရပါတယ်။ အမှတ်များရင် ဒီနေရာမှာ ချိုးဖောက်မှုတွေ ပိုများလာတာကို ပြသပါတယ်။ ကျနော်တို့ သတင်းထောက်တွေထံက ကောက်ခံခဲ့တဲ့ စစ်တမ်းက ရရှိတဲ့ အဖြေတွေကနေ အခုလို စာရင်းပြုစုပြီး အဆင့်သတ်မှတ်ထားတာ ဖြစ်ပါတယ်။”

၂၀၀၂ ခုနှစ်ကစလို့ RSF ကနေ နိုင်ငံပေါင်း ၁၈၀ က သတင်းထောက်တွေထံ သတင်းလွတ်လပ်ခွင့်တွေနဲ့ ပတ်သက်လို့ စစ်တမ်းကောက်ခံချက်တွေကို အခြေခံပြီး အခုလို စာရင်းပြုစုရာမှာ ဒီနှစ်အတွက် ကမ္ဘာတ၀ှမ်း အညွှန်းကိန်း စုစုပေါင်း အမှတ်က ၃၈၅၇ မှတ် ရှိပြီး၊ ပြီးခဲ့တဲ့နှစ်ကထက် ၃.၇ ရာခိုင်နှုန်း တိုးလာတာဖြစ်ပါတယ်။ ဒီလို အမှတ်တိုးလာလေ သတင်းလွတ်လပ်ခွင့် ချိုးဖောက်မှုတွေ ပိုဆိုးလာတာ ဖြစ်ပါတယ်။

နိုင်ငံရေးနဲ့ ပတ်သက်တဲ့ သတင်းတွေ၊ သုံးသပ်ချက်တွေကို လွတ်လွတ်လပ်လပ် ရေးသားဖော်ပြခွင့်နဲ့ ဆင်ဆာဖြတ်တောက်မှုတွေ လျော့နည်းလာ တာလို တိုးတက်မှုမျိုးတွေကို မြန်မာနိုင်ငံမှာ မြင်တွေ့ခဲ့ရပေမဲ့ - အစိုးရနဲ့ စစ်တပ်လို အာဏာပိုင်အဖွဲ့အစည်းတွေကို ဝေဖန်တာမျိုး၊ ဗုဒ္ဓဘာသာဝင် တွေနဲ့ မူဆလင်တွေအကြား ဖြစ်ပွားတဲ့ တင်းမာမှုနဲ့ ပတ်သက်ပြီး သတင်းရေးသားရာမှာတော့ အကဲဆတ်လွန်းတဲ့ အခြေအနေမှာ ရှိနေဆဲပဲလို့လည်း အစီရင်ခံစာမှာ ထောက်ပြခဲ့တာပါ။ ဒါ့အပြင် ၂၀၁၄ ခုနှစ်က စစ်တပ်ရဲ့ ပစ်ခတ်မှုကြောင့် သေဆုံးသွားရတဲ့ သတင်းထောက် ကိုပါကြီးရဲ့အမှုနဲ့ ပတ်သက်ပြီး မိသားစုဝင်တွေက တရားရုံးမှာ အမှုဖွင့်တိုင်တန်းထားပေမဲ့ - အာဏာပိုင်တွေက ပြီးခဲ့တဲ့လမှာ ပိတ်ပစ်ခဲ့တဲ့အပေါ် RSF က ဝေဖန်လိုက် ပြီး၊ သတင်းထောက် ကိုပါကြီး လို မီဒီယာသမားတွေ အသက်ဆုံးရှုံးတဲ့အထိ ဖြစ်ရတဲ့ ကိစ္စမျိုးတွေကို အရေးယူ ကိုင်တွယ်မှု မရှိတာဟာလည်း မြန်မာနိုင်ငံရဲ့ သတင်းလွတ်လပ်ခွင့် အခြေအနေကို နောက်ပြန်ဆွဲနေတဲ့ လုပ်ရပ်လို့ အခုလို ပြောဆိုခဲ့ပါတယ်။

“သတင်းမီဒီယာသမားတွေအပေါ် ကျူးလွန်တဲ့ ရာဇ၀တ်မှုတွေကို လွတ်ငြိမ်းချမ်းသာခွင့် ပေးထားတဲ့ကိစ္စဟာ မြန်မာနိုင်ငံအတွက် အလွန်ပဲ အရေးကြီးတဲ့ မေးခွန်းပါ။ မြန်မာနိုင်ငံသားတွေရော နိုင်ငံခြားသား သတင်းသမားတွေအတွက်လည်း အရေးကြီးပါတယ်။ ရွှေဝါရောင်သံဃာလှုပ်ရှားမှု ကာလတုန်းက ဂျပန်သတင်းထောက် ခန်းဂျိနာဂါအိ ကို ကျနော်တို့ အားလုံး အမှတ်ရနေကြတုန်းပါ။ အဲဒီကိစ္စမှာလည်းပဲ တာဝန်ရှိတဲ့လူ တယောက်ကိုမှ အရေးယူတာမျိုး မရှိခဲ့ပါဘူး။”

ဆယ်စုနှစ်တွေအတွင်း ပထမဆုံးအကြိမ် မြန်မာနိုင်ငံမှာ ဒီမိုကရေစီနည်းကျ ရွေးချယ်တင်မြှောက်ထားတဲ့ အရပ်သားစစ်စစ် အစိုးရလက်ထက် - သတင်းမီဒီယာ လွတ်လပ်ခွင့်တွေ ပိုမို ရရှိလာဖို့ မျှော်လင့်ပေမဲ့လည်း စိုးရိမ်စရာကိစ္စတွေကတော့ ရှိနေဆဲပဲလို့လည်း RSF က ဆိုပါတယ်။ တချိန်က ပြည်ပနိုင်ငံတွေမှာ အခြေစိုက် လှုပ်ရှားခဲ့တဲ့ မြန်မာသတင်းမီဒီယာ အဖွဲ့အစည်းတွေအနေနဲ့လည်း အကန့်အသတ်တွေကြားမှာ အခက်အခဲမျိုးစုံနဲ့ ရင်ဆိုင်နေရသလို၊ ဒီမိုကရေစီဆန်တဲ့ မီဒီယာဥပဒေတရပ် ပေါ်ထွန်းလာဖို့လည်း လိုအပ်နေတာကြောင့် မြန်မာနိုင်ငံရဲ့ သတင်းလွတ်လပ်ခွင့်ဟာ စောင့်ကြည့်ဖို့တော့ လိုဦးမယ်လို့ Benjamin Ismail က ဆက်ပြောခဲ့ပါတယ်။

“မြန်မာနိုင်ငံရဲ့ အနာဂတ် သတင်းလွတ်လပ်ခွင့်အပေါ် အကောင်းမြင်သင့်တဲ့ အကြောင်းရင်းတွေ ရှိပါတယ်။ ခိုင်ခိုင်မာမာ အထောက်အထားတွေ လည်း ရှိပါတယ်။ ဒါပေမဲ့ တချိန်တည်းမှာပဲ သတိထားစရာ၊ စိုးရိမ်စရာ အကြောင်းရင်းတွေလည်း ရှိနေပါတယ်။ ဒါကြောင့် အစိုးရသစ်အနေနဲ့ သတင်းမီဒီယာ လွတ်လပ်ခွင့်တွေ အပြည့်အ၀ရရှိအောင် ဆောင်ရွက်မှုတွေ ရှိ - မရှိ ဆိုတာက စောင့်ကြည့်ရပါလိမ့်မယ်။”

RSF ရဲ့ အာရှပစိဖိတ်ဆိုင်ရာ တာဝန်ခံ Benjamin Ismail ဖြစ်ပါတယ်။ အလားတူ သတင်းထောက်များ ကာကွယ်ရေးကော်မတီ CPJ က ထုတ်ပြန်တဲ့ ၂၀၁၅ ခုနှစ်ရဲ့ ဆင်ဆာတည်းဖြတ်မှု အဆိုးဆုံး ၁၀ နိုင်ငံစာရင်းမှာ မြန်မာနိုင်ငံကိုလည်း ထည့်သွင်းဖော်ပြထားပြီး၊ ဦးသိန်းစိန်အစိုးရဟောင်း လက်ထက်မှာ ပုံနှိပ်မထုတ်ဝေခင် ဆင်ဆာဖြတ်တောက်မှုတွေ မရှိတော့ပေမဲ့ - သတင်းမီဒီယာတွေအပေါ် တင်းတင်းကျပ်ကျပ် ထိန်းချုပ်ထားဆဲလို့ ထောက်ပြခဲ့ပါတယ်ရှင်။

မနန္ဒာချမ်း
VOA

မန္တလေးတိုင်းဒေသကြီး မြင်းခြံမြို့နယ်တရားရုံးက ရတနာပုံ တက္ကသိုလ်ကျောင်းသား ၂ ဦးကို ဧပြီလ ၂၁ ရက်နေ့က တရားသေလွှတ်ပေးခဲ့စဉ်။ Photo: Hset Paing Toe/RFA
မန္တလေးတိုင်းဒေသကြီး မြင်းခြံမြို့နယ်တရားရုံးက ရတနာပုံ တက္ကသိုလ်ကျောင်းသား ၂ ဦးနဲ့ ဝန်းရံသူ ၁ ဦးကို တရားသေလွှတ်ပေးခဲ့ပါတယ်။

အမျိုးသားဒီမိုကရေစီအဖွဲ့ချုပ်က ကြိုးပမ်းပေးတဲ့အတွက် အသိအမှတ်ပြုတယ်လို့ မုံရွာနည်းပညာ တက္ကသိုလ် ကျောင်းသား ကိုစိုးလှိုင်က ပြောပါတယ်။

လွတ်မြောက်လာတဲ့ ဝန်းရံသူဖြစ်သူ ကိုသန့်ဇင်အောင်က ဝရမ်းပြေးအဖြစ် ကြေညာခံထားရသူတွေကိုလည်း ကွင်းလုံးကျွတ်လွှတ်လိုက်ပြီလို့ တရားသူကြီးက ကြေညာကြောင်း ပြောပါတယ်။

ပြီးခဲ့တဲ့နှစ်က ကျောင်းသားသပိတ်စစ်ကြောင်း မြင်းခြံမြို့ကို ရောက်ရှိစဉ်က မြင်းခြံဒီဂရီကောလိပ်ဝင်းအတွင်း က နိုင်ငံတော်အလံကိုဖြုတ်ချပြီး ဗကသ ကျောင်းသားအလံကို ပြောင်းလဲလွှင့်ထူခဲ့တဲ့အတွက် ဝန်းရံသူ ကိုဇင်ကိုသန့်နဲ့ မုံရွာနည်းပညာတက္ကသိုလ် ကျောင်းသား ကိုစိုးလှိုင်တို့ ၂ ဦးကို နိုင်ငံတော်အလံဥပဒေ ပုဒ်မ ၁၆ တရားမဝင်စီတန်း လှည့်လှည်မှု ပုဒ်မ ၁၈ တို့နဲ့ အစိုးရက တရားစွဲဆိုခဲ့တာဖြစ်ပါတယ်။

အဲ့ဒီကျောင်းသား ၂ ဦးကို ဒီနေ့ ပြန်မလွှတ်တော့ဘူးလို့ထင်ပြီး ညနေ ၄ နာရီမှာ အထက်ဗမာပြည် ဗကသ ကျောင်းသားတွေက မြင်းခြံတရားရုံးရှေ့မှာ ဆန္ဒပြခဲ့ကြပါတယ်။ ဒါ့အပြင် မန္တလေး အိုးဘိုထောင်ကနေ လယ်သမားအရေး ဆောင်ရွက်သူ ရှေ့နေ ဦးဇော်ဝင်းလည်း လွတ်မြောက်ခဲ့ပါတယ်။

RFA Burmese
http://www.rfa.org/burmese

ပဲခူးတိုင်းဒေသကြီးအတွင်းက သနပ်ပင်မြို့နယ်မှာ စစ်တောင်းမြစ်ရေတိုက်စားတာကြောင့် ကမ်းပါးတွေပြိုကျနေတာကို ဖေဖော်ဝါရီလ ၂၅ ရက်နေ့က တွေ့ရစဉ်။ Photo: Kyaw Zaw Win/RFA
ပဲခူးတိုင်းဒေသကြီးအတွင်းက သနပ်ပင်မြို့နယ် ကလပ်ခုံရွာဟောင်းနဲ့ ကဝမြို့နယ်အတွင်းက ရွှေတဆုတ်ကျေး ရွာတွေဟာ စစ်တောင်းမြစ်ရေတိုက်စားတာကြောင့် ကမ်းပါးတွေပြိုကျပြီး ဒေသခံ ၂ဝဝဝ ကျော် ရွှေ့ပြောင်းနေကြ ရပါတယ်။

အဲဒီအခက်အခဲတွေကို ဖြေရှင်းပေးဖို့ ကဝနဲ့ သနပ်ပင်မြို့နယ်က လွှတ်တော်ကိုယ်စားလှယ်တွေဟာ ပဲခူးတိုင်းဝန်ကြီးချုပ်နဲ့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ဝန်ကြီးတွေဆီ ဒီနေ့ အသနားခံစာပေးပို့ခဲ့တယ်လို့ ကဝမြို့နယ်၊ တိုင်းဒေသကြီး လွှတ်တော်ကိုယ်စားလှယ် ဦးမျိုးခိုင်က ပြောပါတယ်။

"နေအိမ်ဆောက်ဖို့ မြေနေရာဝယ်ဖို့လည်း လိုအပ်တာပေါ့နော်၊ လယ်တွေကို ပြန်ဝယ်ရမှာ ဆိုတော့ မြေနေရာဝယ်ဖို့လည်း အခက်အခဲရှိတယ်၊ အိမ်တွေဆောက်ဖို့လည်း အခက်အခဲနည်းနည်း ရှိတာပေါ့၊ အဲ့အတွက်ကိုပဲ အခု ကျနော်တို့တင်ပြတာလေ၊ အစိုးရအနေနဲ့ ကူညီနိုင်သလောက်ကို ကူညီဖို့ပေါ့"

လက်ရှိမှာ သနပ်ပင်မြို့နယ်၊ ကလက်ခုံကျေးရွာက အိမ်ခြေ ၃ဝဝ ကျော်နဲ့ ရွှေတဆုတ်ကျေးရွာက အိမ် ခြေ ၂ဝဝ ကျော်က ဒေသခံတွေဟာ ကမ်းပါးနဲ့ဝေးတဲ့ လယ်ကွင်းတွေထဲမှာ ယာယီတဲထိုး နေထိုင်နေကြတာ ဖြစ် ပါတယ်။

အဲ့ဒီနေရာတွေမှာ မြေနေရာအလွတ်တွေ မရှိတော့တာကြောင့် အစိုးရအနေနဲ့ လယ်ပိုင်ရှင်တွေထံက မြေဝယ်ယူ ပြီး မြေနေရာပြန်လည်ချထားပေးနိုင်ဖို့ တောင်းဆိုပေးတာဖြစ်တယ်လို့ ပြောပါတယ်။

ပြီးခဲ့တဲ့နှစ်ကစပြီး ကမ်းပါးတွေတစ်စတစ်စပြိုကျခဲ့တာကြောင့် နေအိမ်တွေ စတင်ပြောင်းရွေ့ခဲ့ပြီး ဒီနှစ် ဖေဖော်ဝါရီလနဲ့ ဧပြီလအတွင်းမှာ ဖြစ်ပွားခဲ့တဲ့ မြစ်ရေတိုက်စားမှုကြောင့် ကျေးရွာလုံးကျွတ် ပြောင်းရွှေ့ ရတာတွေရှိခဲ့တယ်လို့ ပြောပါတယ်။

အဲ့ဒီအသနားခံစာကို ပဲခူးတိုင်းဒေသကြီး မဲဆန္ဒနယ်မြေအမှတ် (၂) အမျိုးသားလွှတ်တော် ကိုယ်စားလှယ် ဒေါက် တာ မိုးမြင့်အောင်၊ ကဝမြို့နယ်ပြည်သူ့လွှတ်တော် ကိုယ်စားလှယ် ဦးလှသန်း၊ တိုင်းဒေသကြီးလွှတ်တော် ကိုယ်စားလှယ်တွေဖြစ်တဲ့ ဦးညွှန့်ရွှေနဲ့ ဦးမျိုးခိုင်တို့က လက်မှတ်ရေးထိုး ပေးပို့လိုက်တာဖြစ်ပါတယ်။

RFA Burmese
http://www.rfa.org/burmese

မကွေးတိုင်း ကျေးရွာတစ်ရွာမှာ ရေပေးဝေနေသည်ကို တွေ့ရစဉ်။ Photo: Kyaw Lwin Oo/ RFA
မြန်မာနိုင်ငံက ရေရှားပါးမှုကြုံတွေ့နေရတဲ့ ကျေးရွာ ၆ဝဝ အတွက် အစိုးရက ငွေကျပ် ၂.၆၅ ဘီလီယံ အသုံးပြု ပြီး ရေရအောင် အကူအညီပေးသွားမယ်လို့ ကျေးလက်ဒေသဖွံ့ဖြိုးတိုးတက်ရေး ဦးစီးဌာနက ပြောပါတယ်။

တစ်နိုင်ငံလုံးက ရေရှားပါးမှုရင်ဆိုင်နေရတဲ့ ကျေးရွာတွေအတွက် အစိုးရရဲ့ပြင်ဆင်မှုကို အာအက်ဖ်အေ က မေးမြန်းရာမှာ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူး ဦးကျော်သူအောင် က ပြောတာဖြစ်ပါတယ်။

အယ်နီညိုရာသီဥတုကြောင့် ရေရှားပါးတဲ့ပြဿနာကို ဖြေရှင်းပေးဖို့ အစိုးရသစ်ရဲ့ ရက်ပေါင်း ၁ဝဝ အတွင်း ဆောင် ရွက်မယ့် စီမံကိန်းလုပ်ငန်းတွေအဖြစ် နေပြည်တော်ကောင်စီနယ်မြေအပါအဝင် တိုင်းနဲ့ပြည်နယ် ၁၄ ခု၊ ကိုယ်ပိုင်အုပ်ချုပ်ခွင့်ရ ဒေသတွေဖြစ်တဲ့ ပအိုဝ်း ၊ ကိုးကန့်နဲ့ နာဂ စတဲ့ဒေသတွေက ရွာပေါင်း ၆ဝဝ နီးပါးကို အဲဒီလျာထားငွေနဲ့ ကူညီမှာဖြစ်ပါတယ်။

ကျေးလက်ဒေသဖွံ့ဖြိုးတိုးတက်ရေး ဦးစီးဌာနအနေနဲ့ လတ်တလောမှာ ရေရှားပါးတဲ့ဒေသတွေကို ရေသယ် ယာဉ်တွေ၊ မီးသတ်ကားတွေနဲ့ ရေဖြန့်ဝေပေးနေပြီး ကုန်းလမ်းမရှိတဲ့နေရာတွေကို စက်လှေတွေနဲ့ သောက် သုံးရေတွေ ပို့ဆောင်ပေးနေတာ ဖြစ်ပါတယ်။

RFA Burmese
http://www.rfa.org/burmese/

မြင်းခြံမြို့ အမှတ် ၈ ဘောလုံးကွင်းမှာ အင်းလုပ်ပိုင်ခွင့်အများကိုပေးဖို့ ဧပြီလ ၂၁ ရက်နေ့က ဒေသခံရေလုပ်သားတွေ တောင်းဆိုစဉ်။ Photo: Doe Gyi (facebook)
မန္တလေးတိုင်းဒေသကြီး မြင်းခြံမြို့နယ်မှာ ငါးလုပ်ငန်းလုပ်ကိုင်တဲ့အင်းတွေကို လုပ်ငန်းရှင် တစ်ဦးတည်းသာ လုပ်ပိုင်ခွင့်ပေးထားတာကို မကျေနပ်တဲ့ကျေးရွာသားတွေက တစ်ဦးတည်းကို လုပ်ပိုင်ခွင့်မပေးပဲ အများကိုပေးဖို့ ဆန္ဒပြတောင်းဆိုကြပါတယ်။

ဒီနေ့ မြင်းခြံမြို့ အမှတ် ၈ ဘောလုံးကွင်းမှာ ဆန္ဒပြကြတာဖြစ်ပြီး ဒေသခံတွေကိုပါ လုပ်ပိုင်ခွင့်ပေးဖို့ တောင်းဆိုတာဖြစ်တယ်လို့ ပဒေသာကျေးရွာက ကိုဝင်းနိုင်က ပြောပါတယ်။

"အင်းတွေကို တစ်ဦးတည်းစနစ်ပေးထားတယ်ပေါ့၊ ကျနော်တို့ ကျေးလက်ဒေသခံလူတန်းစားတွေကို မပေးလို့ပေါ့ဗျာနော် အဲ့ဒါကြောင့်မို့လို့၊ ကျနော်တို့ ပြည်သူလူထုကိုမသိပဲနဲ့ ကြေးတိုင်စနစ်နဲ့ နှစ်စဉ်နှစ်တိုင်း သူတို့ပဲရတာဗျ၊ ကျနော်တို့မရခဲ့ဘူးဗျ၊ နိုင်ငံတော်ရဲ့ကြမ်းခင်းဈေးလေးနဲ့ ကျနော်တို့ရဲ့ ကျေးလက်ဒေသ ရေလုပ်သားအဖွဲ့အစည်းလေးတွေကို ပေးစေချင်တာပေါ့"

မြင်းခြံမြို့နယ်အတွင်းမှာရှိတဲ့ ရှင်မတောင်အင်း-ဒေါင်းအင်း၊ မြစ်ဒေါင့်ကွေးအင်း၊ ၁၅ လံအင်း၊ ညောင် ပင်ဝိုက်အင်း၊ မြေကျိုးထောင့်အင်း စတဲ့အင်းတွေကို လွန်ခဲ့တဲ့ နှစ်ပေါင်း ၂ဝ ကျော်ကတည်းက မြင်းခြံမြို့က စီးပွားရေးလုပ်ငန်းရှင် တစ်ဦးတည်းကိုသာ လုပ်ပိုင်ခွင့်ပေးထားတာဖြစ်ပါတယ်။

အဲ့ဒီအင်းထဲမှာ ငါးဖမ်းဖို့အတွက် ဒေသခံတွေက လှေတစ်စီးကို ကျပ်တစ်သိန်းပေးရပြီး ဖမ်းဆီးရတဲ့ငါး မှန်သမျှကို တခြားနေရာမှာရောင်းချခွင့်မရှိပဲ အင်းပိုင်ရှင်ဆီကိုသာ ပြန်သွင်းရတာဖြစ်ပါတယ်။

ဒါ့ကြောင့် ထနောင်းကုန်း၊ သဲဖြူအနောက်ရွာ၊ ပဒေသာ၊ ရှားတောကုန်းနဲ့ သာပေါင်းလေးကျေးရွာက ဒေသခံ ၂ဝဝ လောက်က လုပ်ပိုင်ခွင့်တွေရရှိဖို့ ဆန္ဒပြတောင်းဆိုကြတာ ဖြစ်ပါတယ်။

RFA Burmese
http://www.rfa.org/burmese


Breaking news on 21 April 2016

ထိုင်းနိုင်ငံ အလုပ်သမားဝန်ကြီးဌာန က နိုင်ငံအတွင်းမှရှိတဲ့ အခြေခံအ လုပ်သမား လစာတွေကို ထပ်တိုးပေးဘို့  ပြင်ဆင်နေကြောင်း သိရပါတယ်။

ဘန်ကောက်မြို့  စီပွားရေး တက္ကသိုလ်မှာ အစိုးရတာဝန်ရှိသူတွေနဲ့  အလုပ်သမားအဖွဲ့ တွေ အစည်းဝေးပွဲအပြီးမှာ အလုပ်သမား အဖွဲ့ ချုပ် အထွေထွေအတွင်းရေးမှူးမောင်လွမ် ပွန်စရစ်ကထုတ်ဖေါ်ပြောဆိုခဲ့တာပါ၊


အခြေခံလုပ်ခ လစာ တနေ့  ဘတ် (၃၀၀) ကိုအလုပ်ရှင်တွေက ပေးရမယ့် လစာစနစ်ကို အမျိုးသမီး ၀န်ကြီးချုပ် ဟောင်း ယင်လပ်က ရွေးကောက်ပွဲ အနိုင်ရရေး စတင် မဲဆွယ်ပြီး အစိုးရဖြစ်တဲ့အခါ ပြောင်း လဲခဲ့တာပါ၊

တစ်နေ့  လုပ်ခ ၃၀၀ ပြင်ဆင် လိုက်တဲ့စနစ်ဟာယခု၂၀၁၆မှာ လေးနှစ်ပြည့်ပြီ လို့  သိရပါတယ်။ယခုအစိုးရလက်ထက်မှာ လည်း နိုင်ငံ စီးပွားရေးအခြေ အနေ သိတ်ကောင်းလာတာ မတွေ့ ရပေမယ့် ခုလို လုပ်ခကို တနေ့  မှာ ၁၅ ဘတ် ကနေ ၂၁ ဘတ် အထိတိုးပေး မယ်ဆိုရင် အခြေခံ အလုပ်သမား လစာဟာ တနေ့  ထိုင်းဘတ်ငွေ ၃၆၀(ကျပ် ငွေ တသောင်းကျော်)ရကြ မှာဖြစ်ပါတယ်။

၂၀၁၆ ခုနှစ် ဇွန်လကနေစတင်ပြီး အခြေခံ လုပ်ခလစာတွေ တိုးပေးနိုင်ဖွယ်ရှိကြောင်း CH 7 သတင်းမှာဖေါ်ပြသွားပါတယ်။

Social Action for Women - SAW
https://www.facebook.com/Social-Action-for-Women

သက်တော်(၉၀) ပြည့်သွားပြီဖြစ်တဲ့ ဗြိတိန်နိုင်ငံ ဒုတိယမြောက် အဲလိဇဘက် ဘုရင်မကြီး
ဒီကနေ့ဟာဖြင့် ဗြိတိန်နိုင်ငံ ဒုတိယမြောက် အဲလိဇဘက် ဘုရင်မကြီးရဲ့ သက်တော် ၉၀ နှစ်ပြည့် မွေးနေ့ဖြစ်ပါတယ်။ ဘုရင်မကြီး အတွက် အမှတ်တရ မွေးနေ့ ကိတ်မုန့်ကို ဖုတ်ပေးသူကတော့ Great British Bake Off ဆိုတဲ့ ဗြိတိန်နိုင်ငံမှာ လူကြိုက်များတဲ့ ရုပ်သံလွှင့် မုန့်ဖုတ်ပြိုင်ပွဲအစီအစဉ်မှာ မကြာသေးခင်က အနိုင်ရထားသူ Nadiya Hussain ပါ။

ထောပတ်ခရင်မ်၊ သစ်သီးယိုတွေနဲ့အတူ လိမ္မော်အမှုန့်လေးတွေဖြူး ထားတဲ့ ရွှေရောင်နဲ့ ခရမ်းရောင် ကိတ်မုန့်ကို ဘုရင်မကြီးရဲ့ သက်တော် ၉၀ ပြည့် မွေးနေ့အတွက် Hussain က လုပ်ပေးပါတယ်။

ဗြိတိန်နိုင်ငံ မင်းဆက်တွေထဲမှာ အသက်အကြီးဆုံးနဲ့ နန်းသက်အရှည်ဆုံး အဲလိဇဘက်ဘုရင်မကြီးဟာ သူ့ရဲ့မွေးနေ့မှာ ၀င်ဒ်ဆာနန်းတော်ကိုလာပြီး ဆုတောင်းပေးကြသူတွေကို နှုတ်ဆက်စကားပြောပါတယ်။

ရာပေါင်းများစွာသော လူတွေဟာ ကိတ်မုန့်တွေ၊ မွေးနေ့ဆုတောင်း ကဒ်ပြားတွေ၊ ဘောလုံးတွေ၊ ယူနီယံဂျက်အလံတွေကို ကိုင်ပြီး ဘုရင်မကြီးနဲ့မတွေ့ရခင် နာရီပေါင်းအတော်ကြာကြာကတည်းက စုဝေး စောင့်ဆိုင်းနေခဲ့ကြတာပါ။

ကိတ်မုန့်ဖုတ်ပေးတဲ့ Nadiya Hussain ဟာ ဘင်္ဂလားဒေ့ရ်ှနိုင်ငံဖွား ဗြိတိန်နိုင်ငံသူဖြစ်ပါတယ်။

VOA (မြန်မာပိုင်း)
http://burmese.voanews.com

ဆော်ဒီ အာရေး ဘီးယားနိုင်ငံ Riyadh မြို့မှာ မိန့်ခွန်းပြောနေတဲ့ ကန်သမ္မတအိုဘားမား။ ( ဧပြီ ၂၁၊ ၂၀၁၆)
IS အစွန်းရောက်အဖွဲ့ကို ခြေမှုန်းရေးနဲ့ ပဋိပက္ခပြည့်နေတဲ့ အရှေ့အလယ်ပိုင်းဒေသ တည်ငြိမ်ရေး ကြိုးပမ်းမှုတွေမှာ အမေရိကန် ပြည်ထောင်စုနဲ့ ပင်လယ်ကွေ့နိုင်ငံတွေကြား တညီတညွတ်ထဲ ဆက်ရှိနေပါတယ်လို့ သမ္မတ ဘရာ့ခ် အိုဘားမားက ပြောလိုက်ပါတယ်။

ပင်လယ်ကွေ့ပူးပေါင်းဆောင်ရွက်ရေးကောင်စီ GCC အဖွဲ့ဝင် လုပ်ဖော်ကိုင်ဖက်တွေ နဲ့ ဒေသတွင်း မဟာမိတ်နိုင်ငံတွေ အပေါ် ရန်လိုမှုတွေကို တားဆီးဖို့နဲ့ ရင်ဆိုင်သွားဖို့ အမေရိကန်ပြည်ထောင်စုဟာ အခိုင်အမာရှိနေတယ်ဆိုတာကို ဆော်ဒီ အာရေး ဘီးယားနိုင်ငံ Riyadh မြို့မှာ သမ္မတအိုဘားမားက ထပ်ပြောပါတယ်။

ISIL အဖွဲ့ကို ခြေမှုန်းရေး ကြိုးပမ်းမှုတွေမှာ တညီတညွတ်ထဲ ဆက်ရှိနေပါတယ်လို့ စစ်သွေးကြွအဖွဲ့ရဲ့ နာမည်အတိုကောက်ကို သုံးပြီး သမ္မတ အိုဘားမားက ပြော သွားပါတယ်။ ဆီးရီးယား၊ ယီမင်၊ အီရတ်နဲ့ လစ်ဗျားနိုင်ငံတွေမှာ နိုင်ငံရေးအခြေအနေ ဖရိုဖရဲဖြစ်နေတာနဲ့ တိုက်ပွဲတွေဖြစ်နေတာကို အဓိက ဦးတည်ချက်ထားပြီး သမ္မတအိုဘားမားနဲ့ GCC အဖွဲ့ဝင်ခြောက်နိုင်ငံတို့ ဒီကနေ့ Riyadh မြို့မှာ တွေ့ဆုံဆွေးနွေးကြတာပါ။

IS နဲ့ အယ်လ်ကိုင်းဒါးအဖွဲ့တွေကို အရှိန်မြှင့် နှိမ်နင်းရေး နည်းလမ်းတွေ နဲ့ ဒေသတွင်းမှာ မတည်မငြိမ်ဖြစ်စေတဲ့ အီရန်ရဲ့ လုပ်ရပ် တွေကို ရင်ဆိုင်ရေးတွေနည်းလမ်းတွေကိုလည်း သူတို့ဆွေးနွေးကြပါတယ်။

ဒေသတွင်းအရေးတွေနဲ့ပတ်သက်ပြီး မတူကွဲပြားတဲ့ ချဉ်းကပ်မှုတွေအပေါ် အမေရိကန်နဲ့ အာရပ်ဘ်မဟာမိတ်တွေအကြား တင်းမာမှုတွေ ရှိထားပါတယ်။

VOA (မြန်မာပိုင်း)
http://burmese.voanews.com


ရန်ကုန် ဧပြီ ၂၀ ရက်

ရခိုင်ပြည်နယ် ဘူးသီးတောင်မြို့နယ် စေတောင်ရွာ (ခေါ်) တောင်မော်ရွာသို့ စစ်ပြေးရှောင် ရွာသား ၂၀၀ ကျော် ရောက်ရှိနေကြောင်း သတင်း ရရှိသည်။

ရောက်ရှိလာသော ကျေးရွာသားများထဲတွင် ကျားကြီး/ငယ်ပေါင်း ၁၆၂ ဦး၊ မ ၈၉ ဦး၊ စုစုပေါင်း ၂၅၁ ဦး ဖြစ်ကြောင်း၊ ဧပြီလ ၂၀ ရက်နေ့က ရောက်ရှိလာခဲ့ပြီး ယခုအခါ သူတို့အား စေတောင်ရွာ စာသင်ကျောင်းတွင် နေရာချထားကြောင်း စစ်ဘေးရှောင်ရွာသားများကို ကူညီစောင့်ရှောက်ပေးနေသူ ကိုသန်းလှက ပြောသည်။

ရောက်ရှိလာသူ စစ်ရှောင် ဒုက္ခသည်များမှာ ဘူးသီးတောင်မြို့နယ် နတ်အိုင်ရွာမှ ဖြစ်ကြောင်း သိရသည်။

ရွှေရအောင်(တောင်ကုတ်)
Arakan State
https://www.facebook.com/NarinjaraNews


ဒီမိုကရေစီအရေးအတွက် စွန့်လွှတ်အနစ်နာခံသွားတဲ့ သတင်းစာဆရာကြီး ဟံသာဝတီ ဦးဝင်းတင်ကို ဂုဏ်ပြုတဲ့အနေနဲ့ နေရာတစ်ခုမှာ ပန်းခြံလိုမျိုး ထားပေးသင့်ကြောင်း အန်အယ်လ်ဒီ နာယက သူရဦးတင်ဦးက ၂ နှစ်ပြည့် အောက်မေ့ဖွယ် အခမ်းအနားမှာ ပြောလိုက်ပါတယ်။

ဒီကနေ့ ရန်ကုန်မြို့ တော်ဝင်နှင်းဆီ စားသောက်ဆိုင်မှာ ကျင်းပတဲ့ ဆရာကြီး ဦးဝင်းတင်ကို ဂုဏ်ပြုတဲ့ အောက်မေ့ဖွယ် အခမ်းနားမှာ နာယက ဦးတင်ဦးက ပြောလိုက်တာပါ။

"၂ နှစ်ပြည့်တဲ့အခါ ဂုဏ်ပြုတာတင်သာမက တောက်လျှောက် နောက်လာနောင်သားတွေပါ အမှတ်တရဖြစ်နေစေဖို့အတွက် ကျနော်တို့ သူနဲ့ပက်သတ်တဲ့ဟာကို ဒီနိုင်ငံမှာ နေရာလေးတစ်ခုကို ကျနော်တို့က ရရှိပြီးတော့ ပန်းခြံသဘောမျိုးနဲ့ သူ့ရဲ့အထိမ်းအမှတ်သဘောမျိုးပေါ့နော်"

ဆရာ ဦးဝင်းတင်သာ အသက်ရှင်လျက်ရှိနေမယ်ဆိုရင် အခုလို အန်အယ်လ်ဒီက အစိုးရဖွဲ့နိုင်တဲ့အတွက် ဝမ်းသာဂုဏ်ယူမှာဖြစ်ကြောင်းနဲ့ မှားတာရှိရင်လည်း မှားတာကို ထောက်ပြမှာ ဖြစ်သလို မှန်တာကိုလည်း မှတ်တယ်လို့ ပြောမှာဖြစ်ကြောင်း ဦးတင်ဦးက ပြောပါတယ်။

ဒါ့အပြင် ၂ဝဝ၈ ဖွဲ့စည်းပုံကို ပြင်မလား အသစ်ပြန်လည် ရေးဆွဲမလား ဆွေးနွေးခဲ့ကြတုန်းက ဆရာကြီး ဦးဝင်းတင်က အသစ်ပြန်လည် ရေးဆွဲမယ်ဆိုပြီး သူယုံကြည်တဲ့အတိုင်း ရပ်တည်ခဲ့သူဖြစ်ကြောင်းလည်း ဦးတင်ဦးက ပြန်ပြောပြပါတယ်။

စာရေးဆရာကြီး မင်းယုဝေ က ဦးဝင်းတင်ဟာ နှစ် ၁ဝဝ အတွင်းမှာ ထင်ရှားတဲ့ ခေါင်းဆောင်တစ်ဦးဖြစ်ခဲ့ကြောင်း အခမ်းအနားမှာ ပြောပါတယ်။

အန်အယ်လ်ဒီ လွှတ်တော်ကိုယ်စားလှယ်တွေနဲ့ အဖွဲ့ဝင်တွေက ရေဝေးသုဿန်မှာရှိတဲ့ ဆရာ ဦးဝင်းတင်ရဲ့ အုတ်ဂူမှာ ဂါရဝပြုကြပါတယ်။

RFA Burmese
https://www.facebook.com/RFA-Burmese


နေပြည်တော် ဧပြီ ၂၁

ပြင်ဆင်ဖွဲ့စည်းခဲ့သည့် ၀န်ကြီးဌာနများ၏ ဖွဲ့စည်းပုံပြင်ဆင် ရေးဆွဲရေးညှိနှိုင်း အစည်းအဝေးကို ယနေ့ နံနက် (၁၀) နာရီတွင် နေပြည်တော်ရှိ နိုင်ငံတော်သမ္မတ အိမ်တော် အစည်းအဝေးခန်းမ၌ကျင်းပသည်။

ညှိနှိုင်းအစည်းအဝေးတွင် သမ္မတရုံးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်း စုကြည်က ဖွဲ့စည်းပုံပြင်ဆင်ရေးဆွဲရေးနှင့် ပတ်သက်၍ ယခု အားလုံး သိပြီးဖြစ်သည့်အတိုင်း ၀န်ကြီးဌာနများကို လျှော့ချလိုက်ပါကြောင်း၊ လျှော့ရသည့် အကြောင်းကိုလည်း ရှင်းလင်းပြီး ဖြစ်ပါကြောင်း၊ အချို့ဝန်ကြီးဌာနများ လျှော့ချခဲ့သည့်နည်းတူ အချို့ဝန်ကြီးဌာနများကို ပေါင်းစည်း ခဲ့ပါကြောင်း၊ ပေါင်းစည်းသည့် ၀န်ကြီးဌာနများ လုပ်ငန်းချောမွေ့စေရေးအတွက် ပြန်လည် ဖွဲ့စည်းရပါကြောင်း၊ ဖွဲ့စည်းပုံပြန်လည်ပြင်ဆင်ရာတွင် ဆောင်ရွက်ရမည့် လုပ်ငန်းများအား ဆောလျင်စွာဆောင်ရွက်ရမည်ဖြစ်ပါကြောင်း။

ထိုသို့ ဖွဲ့စည်းပုံပြန်လည်ပြင်ဆင်ရာတွင် ရည်ရွယ်ထားသည့် လုပ်ငန်းစဉ်များနှင့် ကိုက်ညီရန် လိုအပ်ပါကြောင်း၊ ၀န်ကြီးဌာနများ ဖွဲ့စည်းမှုကို ယခင်က တစ်လ၊ နှစ်လခန့် ကြာမြင့်မည်ဟု ခန့်မှန်းထားသော်လည်း ယခုဆောလျင်စွာ ဖွဲ့စည်းနိုင်မည်ဟု ထင်ပါကြောင်း၊ ဆောလျင်စွာ ဖွဲ့စည်းနိုင်ပါက မြန်မြန် ဆန်ဆန် အလုပ်ဖြစ်မည် ဖြစ်ပါကြောင်း။

သို့သော်လည်း ဆောလျင်စွာ ဖွဲ့စည်းသည့်အတွက် နောင်တွင် ပြင်ဆင်စရာများ ရှိလာ နိုင်သည်ကိုလည်း ထည့်သွင်းစဉ်းစားရမည် ဖြစ်ပါကြောင်း၊ အဘယ်ကြောင့်ဆိုသော် လက်တွေ့ လုပ်ကြည့်မှ အပိုအလိုကို သိမည်ဖြစ်ကြောင်း၊ ယခုဝန်ကြီးဌာန အသီးသီး ပြန်လည် ပြင်ဆင်ဖွဲ့စည်းမည် ကိစ္စတွင် တစ်ဦးနှင့် တစ်ဦး သတိပေးအကြံပြုစရာများရှိပါက သတိပေး အကြံပြုစေလိုကြောင်း၊ အစည်းအဝေးတွင် မပါဝင်သော ၀န်ကြီးဌာနများနှင့် ညှိနှိုင်း ဆောင်ရွက်ရန်လည်း လိုအပ်မည်ဖြစ်ပါကြောင်း၊ ထို့ကြောင့် ပြုပြင်ပြောင်းလဲလွယ်သည့် အခြေအနေဖြစ်ရန် လိုအပ်ပါကြောင်း ပြောကြားသည်။

ထို့နောက် လျှပ်စစ်နှင့် စွမ်းအင်ဝန်ကြီးဌာန၊ ပညာရေးဝန်ကြီးဌာန၊ သာသနာရေးနှင့် ယဉ်ကျေးမှုဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည် မြောင်းဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊ တိုင်းရင်းသားရေးရာဝန်ကြီးဌာနတို့မှ ပြည်ထောင်စုဝန်ကြီးများ၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနနှင့် ကျန်းမာရေး ၀န်ကြီးဌာနတို့မှ အမြဲတမ်းအတွင်းဝန်များနှင့် နိုင်ငံတော်သမ္မတရုံး ဖွဲ့စည်းပုံ ပြင်ဆင်ရေး စီမံခန့်ခွဲမှု ကော်မတီဥက္ကဋ္ဌတို့က ၀န်ကြီးဌာနများ ဖွဲ့စည်းပုံအသစ် ပြင်ဆင် ရေးဆွဲမှုနှင့်စပ်လျဉ်း၍ ရှင်းလင်းတင်ပြကြပြီး ပြည်ထောင်စုစာရင်းစစ်ချုပ်ရုံး အမြဲတမ်းအတွင်းဝန်က စာရင်းစစ်ချုပ်ရုံး၏ သဘောထား မှတ်ချက်ကို ဆွေးနွေးတင်ပြသည်။

တင်ပြချက်များအပေါ် ပြည်ထောင်စုဝန်ကြီး ဒေါ်အောင်ဆန်းစုကြည်က ပေါင်းစပ် ညှိနှိုင်းပေးပြီး နိဂုံးချုပ် အမှာစကားပြောကြားရာတွင် ၀န်ကြီးဌာနများ၏ ဖွဲ့စည်းပုံပြင်ဆင်ရေးဆွဲခြင်းအား အမြန်ဆုံး အကောင်အထည်ဖော်ရန် ကူညီ ဆောင်ရွက်ပေးကြသည့် အတွက် ကျေးဇူး တင်ပါကြောင်း၊ ၀န်ကြီးဌာနအသီးသီး ၏တင်ပြချက်များအပေါ် မိမိအနေဖြင့် အားတက်မိ ပါကြောင်း။ လုပ်ငန်း ဆောင်ရွက်မှုများသည် အတော်အတန် ခရီးရောက်နေပြီဟု မြင်ပါကြောင်း၊ ကြိုတင် ပြင်ဆင်ရေး၊ ပြုပြင်ရေးလုပ်ငန်းများ ခရီးရောက်နေပြီဖြစ်သည့်အတွက် မှန်းထားသည့် အချိန်ထက်ဆောလျင်စွာ ပြီးစီးမည်ဟု ယူဆပါကြောင်း၊ ရက် ၁၀၀ အတွင်း ဆောင်ရွက်မည့် အစီအစဉ်များနှင့်စပ်လျဉ်း၍ သီးခြားအစည်းအဝေးများတွင် တင်ပြ ဆောင်ရွက်ရန် ဖြစ်ကြောင်း ပြောကြားသည်။

Myanmar President Office
https://www.facebook.com/myanmarpresidentoffice.gov.mm/


နိုင်ငံတော်သမ္မတ ဦးထင်ကျော်သည် နေပြည်တော်ရှိ ကုတင် တစ်ထောင်ဆေးရုံတွင် ကျန်းမာရေး စစ်ဆေးမှုများ ပြုလုပ်ခဲ့သည်ဟု နှလုံးအထူးကုဆရာဝန်ကြီး ဒေါက်တာခင်မောင်ဝင်းက အတည်ပြု ပြောကြား သည်။

''General Check Up ပါပဲ ဘာမှ မဖြစ်ပါဘူး မျက်စိမခွဲပါဘူး အားလုံးကောင်းပါတယ်'' ဟု ၄င်းက ဆိုသည်။

ဧပြီ ၁၉ ရက်နေ့က ယင်းဆေးရုံသို့ ဒေါ်အောင်ဆန်းစုကြည်ကိုယ်တိုင်သွားရောက်၍ ဆေးကုသနေသည့် လူနာများကို အားပေးကြည့် ရှုပြီးနှစ်ရက်အကြာ နိုင်ငံတော်သမ္မတ ကျန်းမာ ရေးစစ်ဆေးမှု လာရောက်ပြုလုပ်ခြင်း ဖြစ်သည်။

ကိုပေါက်
The Ladies News
https://www.facebook.com/News.TheLadies


နေပြည်တော်ကုတင် ၁၀၀၀ ဆေးရုံနှလုံးကုသဆောင်သို့နိုင်ငံတော်သမ္မတ ဦးထင်ကျော် ဆေးစစ်ဆေးမှုခံယူရန် ယနေ့ ဧပြီ ၂၁ ရက် ၁၄း၁၅ နာရီအချိန်တွင် ရောက်ရှိပါသည်။

 သမ္မတကြီးနှင်အတူဇနီးဒေါ်စုစုလွင်လည်း လိုက်ပါလာပြီး သမ္မတကြီးအားပြည့်သူလွှတ်တော်ဥက္ကဌ၊ ကျန်းမာရေးဝန်ကြီးဌာ ပြည်ထောင်စုဝန်ကြီး၊ အမြဲတမ်းအတွင်းဝန်တို့နှင့်အတူ တာဝန်ရှိသူများက နှလုံအထူးကုဆောင်ရှေ့မှ ကြိုဆိုကြပါသည်။

 နိုင်ငံတော်သမ္မတဦးထင်ကျော်သည် နေ့လည် ၁၄:၅၀ နာရီတွင် ပြန်လည်ထွက်ခွာသွားကြောင်း သိရသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ပေကျင်း၊ ဧပြီ-၂၁

စစ်တပ်အပေါ်တွင် သြဇာအာဏာတစည်းတလုံးတည်းခိုင်မာစေရန် ကြိုးစားနေသည့် သမ္မတရှီကျင့်ဖိန်ကိုတရုတ်နိုင်ငံပိုင် မီဒီယာက နိုင်ငံ့တပ်ပေါင်းစုစစ်ပွဲကွပ်ကဲရေးဌာန၏ စစ်ဦးစီးချုပ်အဖြစ် ခေါ်ဝေါ်လိုက်ခြင်းဖြင့် ဘွဲ့အမည်သစ်ကို အပ်နှင်းခေါ်ဝေါ်သုံးနူန်းခဲ့သည်။

နိုင်ငံပိုင် ဆင်ဟွာသတင်းအေဂျင်စီနှင့် နိုင်ငံပိုင် ရုပ်သံလွှင့်ဌာန CCTV နှစ်ခုစလုံးကမစ္စတာရှီကွပ်ကဲရေးဌာနသို့ လာရောက်လည်ပတ်ခဲ့ပြီးနောက် အင်္ဂလိပ်လိုရောတရုတ်ဘာသာဖြင့်ပါ သတင်းများတွင် အခေါ်အဝေါ်အသစ်ဖြင့် ရည်ညွှန်းဖော်ပြခဲ့ကြသည်။

ကွန်မြူနစ်ပါတီအထွေထွေ အတွင်းရေးမှူးရာထူးမှ အာဏာမြစ်ဖျားခံလာခဲ့သည့် မစ္စတာရှီမှာသမ္မတလည်းဖြစ်သကဲ့သို့ ဗဟိုစစ်ကော်မရှင်၏ ဥက္ကဌလည်း ဖြစ်နေသည်။ စစ်တပ်ထိပ်တန်းအရာရှိတစ်ချို့မှာ ရှီ၏ နာမည်ကျော် ခြစားမှုတိုက်ဖျက်ရေးလှုပ်ရှားမှုတွင် အရာကျသွားသူများထဲပါဝင်နေခဲ့သည်။

စစ်တပ်အနေဖြင့် အကြွင်းမဲ့ သစ္စာရှိရလိမ့်မည်ဖြစ်ကြောင်းရှီကအလည်အပတ်ခရီးစဉ်အတွင်း ပြောကြားခဲ့သည်ဟုဆင်ဟွာကကိုးကားဖော်ပြခဲ့သည်။

စစ်တပ်မှာတိုက်ခိုက်ရာတွင် မြန်ဆန်၊ ကွပ်ကဲရာတွင် ထိရောက်ပြီးသတ္တိရှိကာ၊ စစ်ပွဲများကိုအောင်နိုင်စွမ်းရှိရမည်ဟုမစ္စတာရှီကပြောကြားခဲ့သည်။

AM
အေအက်ဖ်ပီ
china.com Myanmar
https://www.facebook.com/china.com.mm


    ရန်ကုန် ၊ ဧပြီ ၂၁ ရက် (ဆင်ဟွာ)

    စစ်တောင်း မြစ်ကမ်းပါး ပြိုကျမှုကြောင့် ပဲခူးတိုင်း ဒေသကြီး သနပ်ပင်မြို့နယ် ကသစ်ခုံ ကျေးရွာရှိ အိမ်ထောင်စု ၃၆၈ စု သည် ရွာလုံးကျွတ် ပြောင်းရွှေ့ ခဲ့ပြီး လယ်ယာမြေ ဧက ၆,ဝဝဝ ကျော် ပါရှိသွားခဲ့ကြောင်း ကသစ်ခုံ ကျေးရွာမှ တာဝန်ရှိသူ တစ်ဦးက ပြောသည်။

ယခု အခါ စာသင်ကျောင်းနှင့် ဘုန်းကြီးကျောင်းတို့မှာ ပြောင်းရွှေ့ရန် ကျန်ရှိနေသေးပြီး မြစ်ကမ်းပါး ပြိုကျမှုကြောင့် လူ၊ တိရစ္ဆာန်၊ နေအိမ်တွေ ဆုံးရှုံးမှု မရှိဘဲ အချိန်မီ ပြောင်းရွှေ့ နိုင်ခဲ့ကြောင်း သိရသည်။

သနပ်ပင်မြို့နယ် ကသစ်ခုံ ကျေးရွာသည် စုစုပေါင်း အိမ်ထောင်စု ၃၆၈ စု၊ လူဦးရေ ၁,၇၇၆ ဦးရှိပြီး ယခင်က စစ်တောင်း မြစ်ကမ်းပါးနှင့် ၃ မိုင်ခန့် ကွာဝေးခဲ့သော်လည်း ၂ဝ၁၂ ခုနှစ်မှ စတင်၍ ကမ်းပါး ပြိုကျမှု များလာပြီး လယ်ယာမြေများ ပျက်စီးလာကာ ၂ဝ၁၅ ခုနှစ် အောက်တို ဘာလတွင် စစ်တောင်း မြစ်ကမ်းပါးမှာ ရွာနှင့် နီးကပ်လာခဲ့ပြီး ၂ဝ၁၅ ခုနှစ် အတွင်းက ကသစ်ခုံ ကျေးရွာရှိ အိမ်ထောင်စု ၁၄၈ စုမှာ နီးစပ်ရာ ရွာများသို့ ပြောင်းရွှေ့ခဲ့ရပြီး ယခုနှစ် ဧပြီလတွင် ကသစ်ခုံ ကျေးရွာမှာ မြစ်ကမ်းပါးနှင့် ပေ ၂ဝဝ ခန့်သာ ကွာဝေးတော့သဖြင့် ကျန်ရှိသော အိမ်ထောင်စု အားလုံး ကမ်းပါးနှင့် ဝေးသော နီးစပ်ရာနေရာများ၌ ယာယီ တဲထိုးကာ ပြောင်းရွှေ့နေထိုင် ကြကြောင်း သိရသည်။

(Xinhua)
http://www.xinhuamyanmar.com