04/28/16

forest-620.jpg
တောမီးလောင်ထားတဲ့ သစ်တောတစ်နေရာကို တွေ့ရစဉ်
.
ပြီးခဲ့တဲ့ ၂၀၀၂ ခုနှစ်ကနေ ၂၀၁၄ ခုနှစ်အတွင်း မြန်မာနိုင်ငံရဲ့ သစ်တောဖုံးလွှမ်းမှု ဧရိယာဟာ ဟက်တာ ၁ ဒသမ ၅ သန်း လျော့နည်းသွားကြောင်း စိမ်းလန်းအမိမြေအသင်းက သုတေသနစစ်တမ်း ထုတ်ပြန်လိုက်ပါတယ်။

မြန်မာနိုင်ငံရဲ့ သစ်တောဖုံးလွှမ်းမှုနဲ့ သတ္တုတူးဖော်ရေးဧရိယာပြောင်းလဲမှု သုတေသနစစ်တမ်း ထုတ်ပြန်ပွဲကို ဒီနေ့ ရန်ကုန်မြို့ Shangri-La ဟိုတယ်မှာ ကျင်းပခဲ့ပြီး အဖွဲ့ရဲ့ National Project Coordinator ဦးဘေါမ်ဇွန်းမ် က သစ်တောပြုန်းတီးမှုအကြောင်း အခုလိုပြောပါတယ်။

"၂၀၀၂ ခုနှစ်ကနေ ၂၀၁၄ ခုနှစ်အတွင်းမှာ ယေဘုယျအားဖြင့် သစ်တောဧရိယာ ဟက်တာ ၁.၅ သန်း လျော့နည်းသွားပြီးတော့ သစ်တောပျက်စီးမှုဟာ တစ်နှစ်မှာ ပျမ်းမျှ ၀.၃ဝ ရာခိုင်နှုန်းဖြစ်ပါတယ်"

၂၀၁၄ ခုနှစ် စစ်တမ်းအရ မြန်မာနိုင်ငံရဲ့ သစ်တောဧရိယာဟာ ဟက်တာ ၄၂သန်းကျော်ရှိပြီး တိုင်းပြည် အကျယ်အ၀န်းရဲ့ ၆၃ ရာခိုင်နှုန်းကို ဖုံးလွှမ်းထားတာဖြစ်တယ်လို့ သိရပါတယ်။
အဲ့ဒီခုနှစ်တွေအတွင်း စစ်တမ်းအရ ရှမ်း၊ စစ်ကိုင်း၊ ကချင်၊ တနင်္သာရီ၊ ကရင် ၊ ချင်း၊ ရခိုင်၊ ပဲခူး စတဲ့ ပြည်နယ်နဲ့ တိုင်းဒေသကြီးတွေမှာ သစ်တောပြုန်းတီးမှု အများဆုံးလို့ ပြောပါတယ်။

ဒါ့အပြင် ကချင်၊ ပဲခူး၊ ကယား၊ မန္တလေး၊ မွန်၊ စစ်ကိုင်း၊ ရှမ်း၊ တနင်္သာရီ စတဲ့ တိုင်းနဲ့ပြည်နယ်တွေမှာ သတ္တုတူးဖော်မှု အများဆုံးရှိပြီး မြန်မာတစ်နိုင်ငံလုံးမှာ သတ္တုတူးဖော်တဲ့စီမံကိန်းပေါင်း ၁၁၀၀ ကျော်ရှိနေပြီး သတ္တုတူးဖော်နေတဲ့ နေ ရာပေါင်း ၁၂၀၀ နီးပါးရှိတယ်လို့ စစ်တမ်းမှာ ဖော်ပြထားပါတယ်။

သစ်တောဖုံးလွှမ်းမှုဧရိယာ နည်းလာတာဟာ သစ်ခုတ်တာ၊ သတ္တုတူးဖော်တာ၊ စိုက်ပျိုးမြေအဖြစ် အသုံးပြုတာ၊ အခြားမြေအဖြစ် ပြောင်းလဲအသုံးပြုတာကြောင့်လို့လည်း ပါရှိပါတယ်။
RFA

သူရဦးရွှေမန်း
သူရဦးရွှေမန်း

ပါတီကနေ ထုတ်ပယ်ခံလိုက်ရတဲ့အပေါ် မကြာမီ ကျင်းပမယ့်ပါတီညီလာခံဆုံးဖြတ်ချက်အဖြေကို လက်ခံကာရှေ့ဆက်မယ့် လမ်းစဉ်တွေကို စဉ်းစား သွားမယ်လို့ သူရဦးရွှေမန်းကပြောဆိုလိုက်ပါတယ်။ ပါတီသစ်တည်ထောင်မလား အနိုင်ရပါတီနဲ့ ပူးပေါင်းမလားအဖွဲ့ဝင်အဖြစ် ဝင်မလားဆိုတာကိုလည်း ခုချိန် ထိမစဉ်းစားသေးဘူးလို့လည်းပြောပါတယ်။ ပါတီက ထုတ်ပယ်ခံရမှုနဲ့ ပက်သပ်ပြီး မည်သည့်စွဲချက်တင်ပြီး မည်သည့်အကြောင်းကြောင့် ထုတ်ပယ်ခံရ တယ်ဆိုတာကို မသိရှိရဘဲ ပါတီဘက်က ပါတီမှ အနားပေးကြောင်း သာအကြောင်းကြားထားတယ်လို့ သူကပြောပါတယ်။ ဒီသတင်းကိုဗွီအိုအေမြန်မာပိုင်း က မေခကပေးပို့ထားပါတယ်။

ဒီကနေ့နေပြည်တော် ပြည်သူ့လွှတ်တော်ရေးရာဆောင်မှာ လုပ်ခဲ့တဲ့ သတင်းစာရှင်းလင်းပွဲမှာ အခုလိုပြောခဲ့တာပါ။ ပြီးခဲ့တဲ့ ၂၀၁၂ ခုနှစ် ကြံ့ခိုင်ရေးပါတီ ညီလာခံက ရွေးချယ်ထားတဲ့ ဗဟိုကော်မတီများအနက် ထက်ဝက် ကျော်က အရေးပေါ် ညီလာခံ ခေါ်ယူပေးဖို့ပါတီကိုတောင်းဆိုထားပြီးဖြစ်တယ်လို့ လည်း သူကပြောပါတယ်။ တောင်းဆိုထားတဲ့အတိုင်း ညီလာခံဖြစ်လာရင် ဒီညီလာခံကဆုံးဖြတ်ချက်ကို လိုက်နာကာ မိမိရဲ့ရှေ့ရေးကို ဆုံးဖြတ်မယ်လို့ ပြောပါတယ်။ အခုထုတယ်ပယ်မှုက ပါတီစည်းကမ်းနဲ့မကိုက်ဘူးလို့လည်းသူကပြောပါတယ်။

“ပါတီဝင်တယောက်ယောက်ကို အပြစ်ပေးအရေးယူတော့မယ်ဆိုရင် လုပ်ဆောင်ရမယ့်နည်းလမ်းတွေ၊ အဲဒါပြီးတဲ့အခါမှ အပြစ်ပေးအရေးယူလိုက်တယ်ဆိုရင်လည်း အဲဒီပါတီဝင်က ပြောမယ်ဆိုရင် အယူခံဝင်တယ်၊ အယူခံဝင်ခွင့် အဲဒီဟာတွေကို အရေးယူတဲ့အခါမှာ အစဉ်လာအရ ပြင်းထန်စွာသတိပေးခြင်းအပါအ၀င်နောက်ဆုံး သတိပေးတာကနေမှ ထုတ်ပယ်တဲ့အထိ ၇ ဆင့် ရှိတယ်။ ဒါကြောင့်မို့လို့ အကြမ်းဖျင်းဒီလောက်ပြောတယ်ဆိုရင်ပဲ ပါတီဖွဲ့စည်းပုံ အခြေခံစည်းမျဉ်းနဲ့ ကိုက်ညီမှုမရှိဘူးဆိုတာ အလွယ်တကူသိမြင်နိုင်ပါတယ်။”

လက်ရှိမှာ ပြည်ထောင်စုလွှတ်တော်ကနေဖွဲ့စည်း ထားတဲံ ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်မှာ ပါဝင်တဲ့ ဥက္ကဋ္ဌ သူရဦးရွှေမန်းနဲ့ အဖွဲ့ဝင် ၁၀ ဦးကို ကြံ့ခိုင်ရေးပါတီ၏ ထုတ်ပယ်သောစာရင်းတွင် ပါဝင်နေတယ်လို့ ထုတ်ပယ်ခံရတဲ့စာရင်းမှာပါဝင်နေတဲ့ ဦးမောင်တိုးကပြောပါတယ်။

ပါတီညီလညခံ ခေါ်ဖို့စာတင်ထားတဲ့ ၂၀၁၂ ခုနှစ် ကြံ့ခိုင်ရေးပါတီ ညီလာခံက ရွေးချယ်ထားတဲ့ ဗဟိုကော်မတီများထဲက ဘယ်သူတွေစာ တင်ထားလဲ ဆိုတာကိုတော့ သူရဦး ရွှေမန်းကမပြောခဲ့ပါဘူး။ တကယ်လို့ပါတီ ညီလာခံမခေါ်ဖြစ်ခဲ့ရင်ဘယ်လိုလုပ်ဆောင်မလဲဆိုတာနဲ့ပတ်သတ်ပြီးတော့ လည်းတိတ်ိ ကျကျမဖြေခဲ့ပါဘူး။

ထုတ်ပယ်ခံရတဲ့ စာရင်းထဲမှာ ပါဝင်ပြိး ပြည်ထောင်စုလွှတ်တော်မှ ဖွဲ့စည်း ထားတဲံ ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံး သပ်ရေး ကော်မရှင်မှာ ပါဝင်နေတဲ့ ဦးဇော်မြင့်ဖေကတော့ သူတို့ရဲ့ဂုဏ်သိက္ခာနဲ့ပတ်သတ်ပြီး အခုလိုပြောပါတယ်။

“ကျနော်တို့ identity ဟာ ကျနော်တို့ရဲ့ သိက္ခာပဲ integrity ပဲဖြစ်ပါတယ်။ အဲဒီတော့ ဗဟိုကော်မတီဝင်တွေရဲ့ လက်မှတ်ရေးထိုးထားမှုအပေါ်မှာ အခုလက်ရှိ CEC ဆိုတဲ့ ပုဂ္ဂိုလ်တွေက ဘယ်လိုလုပ်ကြမလဲ။ သူတို့က တရားဝင်အဖွဲ့အစည်းဆိုရင် တရားဝင်တဲ့အဖွဲ့အစည်းကို အခြေခံစည်းမျဉ်းကို လိုက်ကိုလိုက်နာရမှာဖြစ်ပါတယ်။”

ပါတီကနေ ဘယ်လိုကြောင့်ထုတ်ပယ်ခံရလဲဆိုတာ ဒီနေ့အထိမသိရသေးကြောင်းသူရဦးရွှေမန်းကပြောဆိုထားပေမယ့် ပါတီဘက်ကတော့ ပါတီစည်းကမ်းနဲ့ငြိစွန်းလို့ ထုတ်တာဖြစ်တယ်လို့ ပါတီဘက်က ဗဟို ကော်မတီဝင် ဦးတင့်ဇော် ကပြောဆိုထားပါတယ်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ခိုင်ရေးပါတီ) ဥက္ကဋ္ဌ သူရဦးရွှေမန်းကို ပါတီ၏ ဥက္ကဋ္ဌ ရာထူးမှ သြဂုတ်လ ၁၂ ရက်နေ့မှာ ဖြုတ်ချလိုက်ပြီးနောက် သူရဦးရွှေမန်းအပါအဝင် သူနဲ့ နီးစပ်သူတွေကို ဗဟိုကော်မတီဝင်အနေနဲ့ကပါ ထုတ်ပယ်လိုက်ပေမယ့် တရားဝင်စာကိုတော့ အခုမှ သက်ဆိုင်သူတွေကိုပေးပို့ခဲ့တာဖြစ်ပါ တယ်။ ပါတီကနေထုတ်ပယ်ခံရမှုပြဿနာတွေဟာ ပြည်သူတွေရဲ့ လူနေမှုဘ၀ကို ထိခိုက်သွားနိုင်တဲ့အတွက် ပြည်သူတွေမှာ စိုးရိမ်ပူပန်မှုတွေ ဖြစ်သွားနိုင်တယ်လို့ သူရဦးရွှေမန်းကဒီကနေ့ပြောဆိုခဲ့ပေမယ့် နိုင်ငံရေးလေ့လာသုံးသပ်သူတွေကတော့ ဒီအပေါ်မှာ နိုင်ငံရေးအရကော လူမှုရေးအရ ပါပြည်သူတွေမထိခိုက်နိုင်ဖူးလို့ သုံးသပ်နေကြပါတယ်။

မေခ
VOA

 phyominthein-620.jpg ရန်ကုန်တိုင်းဝန်ကြီးချုပ် ဦးဖြိုးမင်းသိန်း ကို ဧပြီလ ၁၁ ရက်နေ့က တွေ့ရစဉ်
Photo: Aung Thain Kha/ RFA

ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းနဲ့ အစိုးရအဖွဲ့ဝင်တွေဟာ ဥပဒေပညာရှင် ၁၃ ဦးနဲ့ တွေ့ဆုံပြီး ဥပဒေစိုးမိုးရေးရှိအောင် နည်းလမ်းရှာဆောင်ရွက်ရေးနဲ့ တရားရုံးတွေကို စောင့်ကြည့်ရေးအတွက် ဆွေးနွေးခဲ့ ကြပါတယ်။

ရန်ကုန်တိုင်းဒေသကြီး အစိုးရအဖွဲ့ရုံးမှာ တွေ့ဆုံခဲ့တာဖြစ်ပြီး ဆွေးနွေးပွဲဟာ တရားဥပဒေစိုးမိုးရေးအတွက်ဖြစ်ပြီး မကြာခဏ အခုလို ဆွေးနွေးပွဲတွေ လုပ်ဆောင်သွားမယ်လို့ တက်ရောက်ခဲ့တဲ့ တရားလွှတ်တော်ရှေ့နေ ဦးအောင်စိုးဦးက ပြောပါတယ်။

"ဦးဖြိုးမင်းသိန်း ကိုယ်တိုင်က မင်းမဲ့စရိုက်တွေ နောက်မဖြစ်အောင် ကြိုးပမ်းတယ်ပေါနေ့ာ်၊ အခြေ အနေကောင်းတွေ ဖြစ်လာအောင်လို့ ကျနော်တို့ရဲ့ တရားရုံးများ စောင့်ကြည့်တဲ့ကိစ္စတွေကိုလည်း အကြံဥာဏ်ပေးဖို့၊ အကြံဥာဏ်ပေးရင်လည်း သူကတစ်ဖွဲ့ချင်းနဲ့ ရှေ့ဆက်ပြီးတော့ ဒီဟာက ပထမခြေလှမ်းဖြစ်တဲ့အတွက် နောက်ထပ်ဆွေးနွေးပွဲတွေလည်း လုပ်ပေးပါ့မယ်လို့ ပြောတယ်"

ရန်ကုန်တိုင်းဒေသကြီး ဝန်ကြီးချုပ်က အစိုးရအဖွဲ့အနေနဲ့ တရားရေးကဏ္ဍတွေမှာ ဝင်ရောက်စွက်ဖက်မှာ မဟုတ်ဘဲ လွတ်လပ်စွာ တရားစီရင်ခွင့်ပေးမှာ ဖြစ်တဲ့အကြောင်း ပြောကြားခဲ့တယ်လို့ ဦးအောင်စိုးဦးက ပြောပါတယ်။

ဆွေးနွေးပွဲ တက်ရောက်ခဲ့တဲ့ ရန်ကုန်တိုင်းဒေသကြီး ဥပဒေချုပ်ကလည်း ဥပဒေရေးရာမှာ လိုအပ်တဲ့ ပြုပြင်ပြောင်းလဲမှုတွေကို အမြန်ဆုံးဆောင်ရွက်သွားမှာဖြစ်တယ်လို့ ဆွေးနွေးခဲ့ပါတယ်။
RFA

yakovlev-yak-130-620.jpg ရုရှားနိုင်ငံလုပ် Yakovlev Yak-130 Mitten အမျိုးအစား တိုက်လေယာဉ်တစ်စီး ပျံသန်းနေစဉ်
Photo: www.imgmob.net

ရုရှားနိုင်ငံလုပ် Yakovlev Yak-130 Mitten အမျိုးအစား ဂျက်တိုက်လေယဉ် ၃ စင်းနဲ့ ဆက်စပ်ပစ္စည်းတွေကို မြန် မာနိုင်ငံက ဝယ်ယူထားပြီး၊ ဒီနှစ်ကုန်ပိုင်းမှာ ပို့ပေးဖို့စီစဉ်နေတယ်လို့ သိရပါတယ်။ လေယဉ်မှူးနှစ်ယောက်စီး အမျိုးအစားဖြစ်သလို တစ်စီးကို အမေရိကန်ဒေါ်လာ ၁၅ သန်း တန်ပါတယ်။

တိုက်လေယာဉ်မှာသုံးဖို့ အထူးပြုလုပ်ထားတဲ့ အစိတ်အပိုင်းတွေကိုတော့ နောက်နှစ်အကုန်လောက် ပို့ပေးမယ်လို့ ဆိုပါတယ်။

ဒီတိုက်လေယာဉ်ကို ၁၉၉၀ ခုနှစ်က စတီထွင်ခဲ့ပြီး၊ အခုနောက်ပိုင်း ပြန်လည်ဆန်းသစ်ထားတဲ့ မျိုးဆက်သစ်ဖြစ် ပါတယ်။

ဒီလေယာဉ်ကနေ ဒုံးခွင်းဒုံးတွေ အသုံးပြုနိုင်သလို၊ ဝေဟင်ကနေ မြေပြင်ကိုလည်း ပစ်မှတ်ထိအောင် တိုက်ခိုက်နိုင် စွမ်းရှိတယ်လို့သိရပါတယ်။

ဒီတိုက်လေယာဉ်တွေဝယ်ဖို့ မြန်မာဘက်က ၂၀၁၅ ခုနှစ် ဇွန်လကတည်းက စာချုပ်ချုပ်ထားပြီး၊ ဝယ်ပြီး ၃ နှစ် အကျော်မှာ အတိုးပေးရမယ်လို့လည်း သိရပါတယ်။ ဒီတိုက်လေယာဉ်အမျိုးအစားကို လက်တင်အမေရိ ကနိုင်ငံတွေ၊ မြောက်အာဖရိကနိုင်ငံတွေကလည်း စိတ်ဝင်စားကြသလို၊ ဘင်္ဂလားဒေ့ရှ်၊ ဘယ်လာရုစ်နဲ့ အယ်လ်ဂျီးရီးယားက ဝယ်ထားပြီးပြီလို့ သိရပါတယ်။

ဒီအတောအတွင်း အီးယူ ဥရောပသမဂ္ဂက မြန်မာနိုင်ငံအပေါ် ချမှတ်ထားတဲ့ လက်နက်ရောင်းဝယ်မှုဆိုင်ရာ ပိတ်ဆို့မှုကို နောက်ထပ်သက်တမ်းတစ်နှစ် တိုးမြှင့်လိုက်ပါတယ်။ ဒီပိတ်ဆို့မှု သက်တမ်းဟာ ၂၀၁၇ ခုနှစ် ဧပြီလ ၃၀ ရက်နေ့အထိဖြစ်တယ်လို့ အီးယူရဲ့ထုတ်ပြန်ချက်မှာ ဖော်ပြထားပါတယ်။
RFA


နေပြည်တော် ဧပြီ ၂၇

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အမျိုးသားဒီမို ကရေစီအဖွဲ့ချုပ် ဗဟိုအလုပ်အမှုဆောင် အဖွဲ့ဝင် ဦးဝင်းထိန်တို့သည် ယနေ့ နံနက် ၉ နာရီတွင် နေပြည်တော် ဥတ္တရသီရိမြို့ မျက်စိ၊ နား၊ နှာခေါင်း၊ လည်ချောင်းဆေးရုံကြီး၌ ယခင် ခွဲစိတ်ကုသခဲ့သော မျက်လုံးများအား ပြန်လည် စမ်းသပ်စစ်ဆေးမှု ခံယူခဲ့ရာ အခြေအနေကောင်းမွန်ကြောင်း သိရသည်။

နိုင်ငံတော်၏ အတိုင်ပင်ခံပုဂ္ဂိုလ်အနေဖြင့် ဧပြီ ၉ ရက် နံနက်ပိုင်းတွင် အဆိုပါ ဆေးရုံကြီး၌ ညာဘက်မျက်လုံးအား ခွဲစိတ်ကုသခဲ့ပြီး ဧပြီ ၁၆ ရက်တွင် သူရဦးအောင်ကို၊ ဦးဝင်းထိန်၊ ဒေါ်ရွှေမှုံတို့နှင့်အတူ ဘယ်ဘက်မျက်လုံး အတွင်းတိမ် အား ထပ်မံခွဲစိတ်မှုခံယူခဲ့ရာ ယနေ့တွင် ခွဲစိတ်ခဲ့သော မျက်လုံးများအား ပြန်လည် စမ်းသပ်စစ်ဆေးခြင်းဖြစ်ပြီး မျက်လုံးများ အခြေအနေကောင်းမွန်ကြောင်း ဆေးရုံအုပ် ကြီးက မှတ်ချက်ပြုပြောကြားခဲ့ခြင်းဖြစ်သည်။


ဆက်လက်၍ နိုင်ငံတော်၏ အတိုင်ပင်ခံပုဂ္ဂိုလ်သည် ဆေးရုံအတွင်းရှိ လူနာများအား လှည့်လည်ကြည့်ရှု အားပေးစကား ပြောကြားခဲ့ကြောင်း သိရသည်။
နေပြည်တော် မျက်စိ၊ နား၊ နှာခေါင်း၊ လည်ချောင်းဆေးရုံကြီးအား မတ် ၉ ရက်က စတင်ဖွင့်လှစ်ခဲ့ပြီး နေပြည်တော်တစ်ဝန်းရှိ မျက်စိ၊ နား၊ နှာခေါင်း၊ လည်ချောင်း အထူးကုဆရာဝန်များ စုစည်းကာ အဆင့်မြင့် စက်ကိရိယာများဖြင့် ကုသပေးလျက် ရှိရာ နေ့စဉ် လူနာ ၅၀ ခန့် လာရောက်ကုသမှု ခံယူလျက်ရှိကြောင်း ဆေးရုံအုပ်ကြီး ထံမှ သိရှိရသည်။

MOI Webportal Myanmar
https://www.facebook.com/MOIWebportalMyanmar

အမေရိကန် သမ္မတ ရွေးကောက်ပွဲ မှာ အဓိက ပါတီကြီး နှစ်ခု ကို ကိုယ်စားပြုပြီး ဘယ်သူ သမ္မတ လောင်း ဖြစ်မလဲ ဆိုတာကို ပြည်နယ် လိုက် ရွေးချယ် နေကြတာမှာ နောက်ဆုံး ပြုလုပ် ခဲ့တဲ့ ပြည်နယ် ၅ ခု စလုံးမှာ ရီပတ်ဘလေကဲန် ပါတီ အတွက် အနိုင်ရ ခဲ့တဲ့ ဒေါ်နယ်လ် ထရမ့်က သူ့ကို ရီပတ်ဘလေကဲန် ပါတီ သမ္မတ လောင်း အဖြစ် ယူဆ နိုင်နေပြီ လို့ ကြွေးကြော် လာ ပါတယ်။

ကွန်နက်တီးကပ်၊ ဒယ်လာဝဲ၊ မေရီလင်း၊ ပင်ဆယ်ဗေးနီးယား နဲ့ ရုဒ်အိုင်လန် ပြည်နယ် တွေ မှာ ကုဋေကြွယ် သူဌေး ဒေါ်နယ်လ် ထရမ့် မှာ အောင်ပွဲ ခံခဲ့တာ ဖြစ်ပါတယ်။

မစ္စတာ ထရမ့်က သူ အဝေဖန် ခံနေရတဲ့ လူဝင်မှု ဆိုင်ရာ တင်းကျပ်ဖို့ အပြောအဆို တွေ အပါအဝင် အငြင်းပွားဖွယ်ရာ မူဝါဒ တွေ နဲ့ ပတ်သက်ပြီး သူ သမ္မတ လောင်း ဖြစ်လာပြီ ဆိုရင်လည်း ပျော့ပျောင်း သွား မှာ မဟုတ်ဘူးလို့ ဆိုပါတယ်။

သူ့ရဲ့ ပြောဟန် ဆိုဟန် တွေ ၊ အယူအဆ တွေ ကြောင့်လည်း အခုလို အခြေ အနေ မျိုး အထိ သူ ရောက် လာနိုင်တာ ဖြစ်တယ် လို့ ဒေါ်နယ်လ် ထရမ့် က ပြောခဲ့ ပါတယ်။

ပြည်နယ် ၅ ခု အောင်ပွဲဟာ ဒေါ်နယ် ထရမ့် အတွက် အကြီးအကျယ် အောင်ပွဲ ဖြစ်ပြီး ပြိုင်ဘက် တက္ကဆက် ဆီနိတ်တာ အမတ် တက်ဒ် ခရုဇ် ကို အရှိန်ပြင်းပြင်း ထပ်ပြီး ချေမှုန်း ပစ် သလို မျိုး ပဲ လို့ ဘီဘီစီ သတင်းထောက် အန်ထနီ ဇာရ်ချာ က ပြောပါတယ်။

အမေရိကန် သမ္မတ လောင်း ဖြစ်ဖို့ မဲဆွယ် တဲ့ ကာလ တလျှောက် ပြည်နယ် ရွေးကောက်ပွဲ တွေ တလျှောက် လုံးမှာ ဒေါ်နယ်လ် ထရမ့် ရဲ့ အောင်မြင် မှု တွေ၊ တနည်းနည်း နဲ့ အရှိန် တန့် သွား မှာပဲ ဆိုပြီး လေ့လာ သုံးသပ် သူတွေ က အမျိုးမျိုး ဟောကိန်း တွေ ထုတ် ခဲ့ ကြပါတယ်။

ဒါပေမဲ့ အခု အချိန် မှာတော့ ဒေါ်နယ်ထရမ့် အနေနဲ့ မဲ အားလုံးရဲ့ ၅၀ % ကို လွယ်လွယ် နဲ့ ရသွား နိုင်မယ့် အနေအထား ဖြစ်နေပြီ လို့လည်း အန်ထနီ ဇာရ်ချာ က ဆိုပါတယ်။

ဒီ မို ကရက် ပါတီ ဘက်ကို ကြည့်ရင်လည်း ထိပ်ကနေ ပြေး နေတဲ့ ဟီလာရီ ကလင်တန် က ပြည်နယ် ၅ ခု ထဲမှာ Rhode Island က လွဲပြီး ပြည်နယ် ၄ ခု မှာ အနိုင် ရ ပါတယ်။

Rhode Island မှာတော့ မစ္စစ် ကလင်တန် ရဲ့ ပြိုင်ဘက် ဆိုရှယ် ဒီမိုကရက် တစ်ဦး ဖြစ်တဲ့ ဘာနီ ဆဲန်ဒါးစ် က အနိုင်ရပါတယ်။

ဟီလာရီကလင်တန် က တော့ အမေရိကန် မဲ ဆန္ဒ ရှင် တွေကို ဒီမိုကရက် ပါတီ ကို အားပေး ကြဖို့ ပြောခဲ့တာမှာ သူ့ကို ဖြစ်ဖြစ်၊ မစ္စတာ ဆဲန်ဒါးစ်ကို ဖြစ်ဖြစ် ထောက်ခံ ကြမယ် ဆို ရီပတ်ဘလေကဲန် တွေကို အားပေး ထားထက် ပိုပြီး အမေရိကန် ပြည်ထောင်စုကို စုစည်း ညီညွတ် စေနိုင်မှာ ဖြစ်တယ် လို့ ဆိုပါတယ်။

အခု အခြေအနေ မှာတော့ မစ္စတာ ထရမ့် ကို အရှိန် တန့် နိုင်ဖို့ ဆိုရင် ကိုယ်စားလှယ် ၅၇ နေရာ ရှိတဲ့ အင်ဒီယာနာ ပြည်နယ် ရွေးကောက်ပွဲ မှာ မစ္စတာ ထရမ့် ရဲ့ ပြိုင်ဘက် တွေ အာရုံစိုက် ကြိုးစား ရမှာ ဖြစ်တယ် လို့ စောင့်ကြည့် သူတွေ က သုံးသပ် ထားကြပါတယ်။

အပြည့်အစုံကို ကိုဝေဖြိုး တင်ဆက် ထားပါတယ်။

အသံဖိုင်ကို အောက်ကလင့်မှာ နားဆင်နိုင်ကြပါတယ်။
[soundcloud src="261151419"/]

BBC Burmese

မြင်းကိုတော့ပြေးဆွဲဖို့ခိုင်းစား
မြက်ကျတော့ ကျွေးမသွားလျှင်
အားအင်တွေကုန်ခမ်းလို့
အသားပင်တုန်ရမ်းကာ
ပုံနွမ်းစွာမလွဲပ လဲကျပေလိမ့်မှာ…။

အမှုထမ်းများ လာဘ်မစားစေချင်
ပေးထားတဲ့လစာနှုန်း
လုံးလုံးလောက်ငအောင်
ထောက်ဆကြံဆောင်ရမှာအမှန်ပင်…။

လစာနှုန်းတိုးပေးနိုင်အောင်
အမြတ်တော်ကွေ့ရှောင်ပြီး
မတွေ့အောင် ဘဏ္ဍာတော်ဘုံးသူတွေကို
ကျုံးယူပြီးသကာလ
ကွာဟနေတဲ့အမြတ်တော်ကြေး
ပြန်ပေးဆောင်ခိုင်းရပေလိမ့်မယ်…။

ထိုမှတပါး နိုင်ငံခြားရင်းနှီးမြုပ်နှံသူတွေ
မသွေပေါများလာအောင်
နှစ်ဘက်နှစ်ဝ တရားမျှတတဲ့ဥပဒေထုတ်ပြီး
အဟုတ်ရင်းနှီးမယ့်သူတွေကို
ဆီးကြိုဖိတ်ခေါ်ရပါလိမ့်မယ်…။

နေအိမ်တစ်အိမ်ထက်ပိုမိုပိုင်ဆိုင်သူတွေထံမှ
နေအိမ်ခွန်တတန် ကောက်ခံရပြန်အုံးမယ်
ကုန်ဈေးနှုန်းနဲ့ ငွေလဲနှုန်းတွေလဲ
ရုန်းရုန်းပြီး တက်မသွားအောင်
အချက်များစွာနဲ့ သတ်မှတ်ထားရပါမယ်
နိုင်ငံခြားမှ အလုပ်များကိုပြည်တွင်းလူအင်အားနဲ့
လုပ်သွားနိုင်အောင် ကြံဆောင်ဖန်တီးရလိမ့်မယ်...။

စီးပွားရေးအဖက်ဖက် တိုးတက်လာသည်နှင့်အမျှ
အမှုထမ်းဘ၀ ပြေလည်ကြလို့
လာဘ်ပေးလာဘ်ယူဟူသမျှ
ပျောက်ကွယ်သွားလေစွ…။

တက္ကသိုလ်ဘုန်းကြွယ်(ဧပြီ ၂၆ ၁၆)

 dassk-jmc-meeting-620.jpg နေပြည်တော်က Horizon Lake View ဟိုတယ်မှာ ဧပြီလ ၂၇ ရက်နေ့ကကျင်းပတဲ့ ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ JMC အစည်းအဝေးကို တက်ရောက်ခဲ့တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်ကို တွေ့ရစဉ်
Photo: Win Ko Ko Latt/ RFA

၂၁ ရာစု ပင်လုံညီလာခံ ကျင်းပနိုင်ရေးအတွက် အစီအစဉ်တွေကို တစ်လ နှစ်လအတွင်း ပြီးမြောက်အောင် ဆောင် ရွက်စေချင်ကြောင်း နိုင်ငံတော်ရဲ့အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောလိုက်ပါတယ်။

ဒီနေ့ နေပြည်တော်က Horizon Lake View ဟိုတယ်မှာ ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ JMC နဲ့ တွေ့ဆုံစဉ် နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ပြောတာဖြစ်ပါတယ်။

ဒါ့အပြင် အပစ်ခတ်ရပ်စဲရေးမှာ မပါဝင်သေးတဲ့ တိုင်းရင်းသားလက်နက်ကိုင်အဖွဲ့တွေ ပါဝင်လာအောင်နဲ့ ငြိမ်းချမ်းရေးညီလာခံကို အောင်မြင်အောင် ဘယ်လိုပုံစံ နဲ့ဆောင်ရွက်ရမလဲဆိုတာကို ၀ိုင်းဝန်း စဉ်းစားပေးကြဖို့ JMC တာဝန်ရှိသူတွေကို မေတ္တာရပ်ခံခဲ့ပါတယ်။

မြန်မာနိုင်ငံမှာ ငြိမ်းချမ်းရေးမရလို့ ဒုက္ခရောက်နေတဲ့ ပြည်သူတွေအတွက် တစ်ရက်ဆိုတာဟာ အလွန်အရေး ကြီးကြောင်းနဲ့ အဲဒီပြည်သူတွေအပေါ် ကိုယ်ချင်း စာစိတ်နဲ့ ကြိုးပမ်းပေးကြဖို့လည်း တိုက်တွန်းခဲ့ပါတယ်။

ဒေါ်အောင်ဆန်းစုကြည်နဲ့အတူ အန်အယ်လ်ဒီပါတီ ကျန်းမာရေးကွန်ရက် ဥက္ကဌ ဒေါက်တာ တင်မျိုးဝင်းလည်း အစည်းအဝေးတက်ရောက်ခဲ့ပါတယ်။

အစိုးရသစ်အနေနဲ့ ငြိမ်းချမ်းရေးလုပ်ငန်းစဉ်တွေကို ဆက်လက်ဆောင်ရွက်ဖို့ အဖွဲ့သစ်တစ်ဖွဲ့ ဖွဲ့စည်းသွား မှာဖြစ်ကြောင်းနဲ့ အဲဒီအဖွဲ့သစ်ကို ဒေါ်အောင်ဆန်း စုကြည်နဲ့ ဒေါက်တာတင်မျိုးဝင်းတို့က ဦးဆောင်သွား မှာဖြစ်ကြောင်း သတင်းတွေ ထွက်ပေါ်နေပါတယ်။
RFA

 မြန်မာသမ္မတ ဦးထင်ကျော်ထံမြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel က  ခန့်အပ်လွှာပေးအပ်
မြန်မာသမ္မတ ဦးထင်ကျော်ထံမြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel က ခန့်အပ်လွှာပေးအပ်
မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel က ဒီကနေ့မှာပဲ သံအမတ်ခန့်အပ်လွှာကို မြန်မာသမ္မတ ဦးထင်ကျော်ထံ အခန်းအနားနဲ့ ပေးအပ်လိုက်ပါသည်။

အမေရိကန်သမ္မတနဲ့ အစိုးရတို့ရဲ့ တရားဝင်ကိုယ်စားလှယ် ဖြစ်လာတဲ့ သံအမတ်ကြီး အနေနဲ့ မြန်မာနိုင်ငံရဲ့ အသွင်ကူးပြောင်းရေး လုပ်ငန်းစဉ်တွေအပေါ် ချီးကျုးစကား ပြောကြားခဲ့ကြောင်းလည်း အမေရိကန်သံရုံး တာဝန်ခံအရာရှိက ဗွီအိုအေကို ပြောပါတယ်။

ဦးထင်ကျော် ကို သမ္မတအဖြစ်ရွေးချယ်တင်မြှောက် ခံရတဲ့အတွက် သံအမတ်ကြီး မာစီရယ်လ် က ချီးကျူးဂုဏ်ပြုစကား ပြောကြားခဲ့သလို၊ မတ်လ ၃၀ ရက်က နိုင်ငံတော်သမ္မတ ရာထူးတာဝန် စတင်ထမ်းဆောင်တာဟာ မြန်မာပြည်သူတွေ၊ အင်စတီကျူးရှင်းတွေ၊ ငြိမ်းချမ်းစွာ အာဏာလွှဲပြောင်းရေးအတွက် အတူတကွ လုပ်ကိုင် ဆောင်ရွက်ခဲ့ကြတဲ့ ခေါင်းဆောင်တွေရဲ့ ကြိုးပမ်းမှု သက်သေ ဖြစ်တဲ့အကြောင်း သမ္မတ ဘရက်ခ်အိုဘားမားရဲ့ ကြေညာချက်ကိုလည်း ထပ်လောင်းပြောဆိုခဲ့တဲ့အကြောင်း အမေရိကန်သံရုံး တာဝန်ရှိသူက ပြောဆိုခဲ့တာပါ။

မြန်မာနိုင်ငံ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရေး ကြိုးပမ်းမှုတွေမှာလည်း အစိုးရသစ်နဲ့ လက်တွဲဆောင်ရွက်သွားမယ့် အမေရိကန်ပြည်ထောင်စုရဲ့ ကတိကဝတ်ကိုလည်း အလေးထား ပြောကြားခဲ့တယ်လို့ ပြောဆိုခဲ့တာပါ။ သံအမတ်ကြီး Marciel ဟာ အမေရိကန်နိုင်ငံခြားရေးဌာန၊ အရှေ့အာရှနဲ့ ပစိဖိတ်ရေးရာဗျူရိုမှာ အကြီးတန်း လက်ထောက် နိုင်ငံခြားရေးဝန်ကြီးအဖြစ် ၂၀၁၃ ခုနှစ်ကနေ ၂၀၁၆ ခုနှစ်အထိ တာဝန် ထမ်းဆောင်ခဲ့သူ တဦးဖြစ်ပါတယ်။ ဒီမတိုင်ခင်မှာလည်း အင်ဒိုနီးရှားနိုင်ငံဆိုင်ရာ သံအမတ်ကြီး၊ အရှေ့တောင်အာရှဒေသနဲ့ ဆက်ဆံရာမှာ အဓိကတာဝန်ယူရတဲ့ အရှေ့အာရှနဲ့ ပစိဖိတ်ရေးရာဗျူရိုရဲ့ ဒုတိယ လက်ထောက်နိုင်ငံခြားရေးဝန်ကြီး၊ အာဆီယံရေးရာ သံအမတ်ကြီး စတဲ့တာဝန်တွေကို ထမ်းဆောင်ခဲ့ဖူးတဲ့ ၀ါရင့်သံတမန်တဦးလည်း ဖြစ်ပါတယ်။
VOA

 နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က JMC နဲ့ တွေ့ဆုံ
နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က JMC နဲ့ တွေ့ဆုံ

တိုင်းရင်းသားလက်နက်ကိုင်တွေနဲ့ ငြိမ်းချမ်းရေး လုပ်ငန်းစဉ်တွေကို အဓိက ဆောင်ရွက်နေတဲ့ MPC မြန်မာငြိမ်းချမ်းရေးစင်တာကို ပြင်ဆင်ဖွဲ့စည်းပြီး၊ အားလုံးပါဝင်တဲ့ ငြိမ်းချမ်းရေးညီလာခံ တရပ်ကို ခေါ်ယူနိုင်ရေး ကြိုးပမ်းသွားမယ်လို့ အပစ်အခတ်ရပ်စဲရေးစောင့်ကြည့်မှုအဖွဲ့ JMC နဲ့ တွေ့ဆုံပွဲမှာ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောခဲ့ပါတယ်။ နေပြည်တော်က ဒီ အစည်းအဝေးကို သွားရောက်သတင်းယူနေတဲ့ ဗွီအိုအေ သတင်းထောက် မမေခကို ကိုသားညွန့်ဦးက ဆက်သွယ်မေးမြန်းထားပါတယ်။

ကိုသားညွှန့်ဦး။ ။ မမေခရေ ဒီနေ့ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က JMC လို့ခေါ်တဲ့ အပစ်အခတ်ရပ်စဲရေးစောင့်ကြည့်မှုပူးတွဲအဖွဲ့ နဲ့ပထမဦးဆုံးအကြိမ်တွေ့ဆုံပါတယ်။ တွေ့ဆုံတော့ ပြောရမယ်ဆိုရင် ငြိမ်းချမ်းရေးလုပ်ငန်းစဉ်နဲ့ပတ်သက်ပြီးတော့ ဒေါ်အောင်ဆန်းစုကြည်အနေနဲ့ တိုက်ရိုက်ကိုင်တွယ်တာ ပထမဦးဆုံးလို့ပြောရမှာပါ။ အဲတော့ ဒီကနေ့တွေ့ဆုံပွဲမှာ ဒေါ်အောင်ဆန်းစုကြည်အနေနဲ့ ထူးထူးခြားခြား ပြောတာဘာတွေများသတိထားမိသလဲ။

မမေခ ။ ။ ဒေါ်အောင်ဆန်းစုကြည်က ပြီးခဲ့တဲ့ အစိုးရလက်ထက်တုန်းက ဖွဲ့စည်းထားတဲ့ MPC ကို ပြန်လည်ဖွဲ့စည်းသွားမယ်။ အားလုံးပါဝင်တဲ့အဖွဲ့အစည်းတခုဖြစ်ဖို့အတွက်ကို ဦးတည်ပြီးတော့ ဖွဲ့စည်းသွားမယ်လို့ သူကပြောတယ်ပေါ့နော်။ နောက်တခုကကျတော့ ငြိမ်းချမ်းရေးညီလာခံကို ၂ လ ၊ ၃ လ အတွင်းမှာ ကျင်းပနိုင်ဖို့အတွက်ဆောင်ရွက်သွားမယ်ဆိုပြီးတော့ ပြောသွားပါတယ်ရှင့်။

“ကျမတို့ ငြိမ်းချမ်းရေးညီလာခံကို ဆက်သွားဖို့ဆိုလို့ရှိရင် အရင်တုန်းက သဘောတူညီပြီးသား political framework ရှိပါတယ်။ ဒါပေမယ့် ဒါကလည်းအားလုံးသိတဲ့အတိုင်းပဲ ပြုသာမြင်သာအောင်လုပ်ထားတယ်ဆိုရင် ဒါတွေလည်း ကျမတို့ လိုအပ်တယ်လို့ထင်လို့ရှိရင် ပြောင်းရမှာပါ။ မပါသေးတဲ့အဖွဲ့တွေလည်း ပါဝင်လာချင်အောင်လို့ ၊ ပါဝင်နိုင်အောင်လို့ ကျမတို့ကအခြေအနေတခုကိုဖန်တီးနိုင်ရမယ်။ ဒီလိုကျမတို့ဖန်တီးတဲ့ တချိန်တည်းမှာပဲ ကျမတို့ ငြိမ်းချမ်းရေးညီလာခံကို စတင်ကျင်းပနိုင်မယ်။ ကျမအမြင်ကတော့ ငြိမ်းချမ်းရေးညီလာခံဖြစ်မြောက်ရေးနဲ့ အပစ်အခတ်ရပ်စဲရေးမှာ မပါဝင်သေးတဲ့အဖွဲ့တွေ ပါဝင်ရေးဟာ ၂ ခုစလုံး မျဉ်းပြိုင်အနေနဲ့လုပ်သွားသင့်တဲ့ကိစ္စလို့ ကျမထင်ပါတယ်။”

မမေခ ။ ။ ဒါကတော့ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က အစည်းအဝေးမှာပြောသွားတာပါ။

ကိုသားညွှန့်ဦး။ ။ ဟုတ်ကဲ့။ JMC ကလူတွေက ဒီဒေါ်အောင်ဆန်းစုကြည်နဲ့ ပထမဆုံးဒါတွေ့ဆုံတယ်ဆိုတော့ သူ့ရဲ့သဘောထားက ဒေါ်အောင်ဆန်းစုကြည်ပြောလာတဲ့ အပေါ်မှာ သူတို့ သဘောထားဘယ်လိုများ တီးခေါက်မိပါသလဲ။ ကျေနပ်အားရမှုရှိရဲ့လား ၊ တွေ့ဆုံရတာ လုံလုံလောက်လောက်ရှိရဲ့လား။ ဘယ်လိုများသဘောထားရှိကြပါသလဲ။

မမေခ ။ ။ သူတို့ကတော့ ဒေါ်အောင်ဆန်းစုကြည် ပါဝင်လာတဲ့အပေါ်မှာ ကြိုဆိုမှုတွေလုပ်ကြတယ်။ နောက်ပြီး ၀မ်းသာအားရလည်းဖြစ်ကြတယ်။ အဓိကတော့ တိုင်းရင်းသားတွေဘက်ကပေါ့။ တိုင်းရင်းသားတွေဘက်က ဒေါ်အောင်ဆန်းစုကြည် ပါဝင်လာတဲ့အတွက် အရမ်းကို ခရီးရောက် နိုင်မယ့်အလားအလာရှိတယ်ဆိုပြီးတော့ သူတို့ကတော့ ပြောကြတယ်ပေါ့နော်။ နောက်တခုက JMC အဖွဲ့ထဲမှာပါဝင်တဲ့ ၈၈ မျိုးဆက်ပွင့်လင်းအဖွဲ့က ဦးကိုကိုကြီးကတော့ ဒီဒေါက်တာတင်မျိုးဝင်းခန့်အပ်တာရယ် ၊ နောက်ပြီးတော့ MPC ပြန်ပြီးတော့ ဖွဲ့စည်းမှာနဲ့ပတ်သက်ပြီးတော့ သူ့အမြင်ကို အခုလိုပြောသွားပါတယ်။

“အခုကတော့ ငြိမ်းချမ်းရေးဟာ မြန်မာနိုင်ငံရဲ့အခြေခံကျတဲ့ ပြဿနာနဲ့ အကြောင်းအရင်းတခုလည်း ဖြစ်တဲ့အတွက်ကြောင့် ဒေါ်အောင်ဆန်းစုကြည်ကိုယ်တိုင်ငြိမ်းချမ်းရေးကို တာဝန်ယူပြီးဆောင်ရွက်တဲ့အခါမှာ ဒေါက်တာတင်မျိုးဝင်းကို ငြိမ်းချမ်းရေးနဲ့ ပတ်သက်တဲ့ ဖြစ်စဉ်တွေမှာ ဆက်သွယ်ရေး ပုဂ္ဂိုလ်အဖြစ် ဒီလိုမျိုးသတ်မှတ်ပီးတော့ ဆောင်ရွက်သွားဖို့ရှိပါတယ်။ ကျန်တာကတော့ ဒီ MPC ပေါ့ မြန်မာနိုင်ငံ ငြိမ်းချမ်းရေးစင်တာကို ပြင်ဆင်ဖွဲ့စည်းဖို့ကိစ္စနဲ့ နောက်ပြီးတော့ ငြိမ်းချမ်းရေးညီလာခံတွေကိုလည်း ကျင်းပဖို့ ကိစ္စတွေကိုလည်း ဆက်ပြီးတော့ ဆွေးနွေးဆောင်ရွက်သွားဖို့။ ကျနော်တို့ အချိန်ကာလတော့ မသတ်မှတ်ရသေးပါဘူး။ ဒါပေမယ့် အဲဒီအတွက်လိုအပ်တဲ့ ပြင်ဆင်မှုတွေ ၊ ဆွေးနွေးမှုတွေကို လုပ်သွားမယ်လို့ပဲ သိရပါတယ်။”

မမေခ ။ ။ ဒါကတော့ ၈၈ မျိုးဆက် ပွင့်လင်းလူ့အဖွဲ့အစည်းက ဦးကိုကိုကြီးပြောဆိုသွားတာပါ။

ကိုသားညွှန့်ဦး။ ။ တဆက်တည်းမှာပဲ JMC အစည်းအဝေးအတွက်ဆုံကြတယ် ဆိုတော့ JMC ကတော့ အပစ်အခတ်ရပ်စဲရေး NCA လက်မှတ်ထိုးတားတဲ့အဖွဲ့အစည်းတွေကြားမှာ အပစ်အခတ်ရှိမရှိစောင့်ကြည့်ဖို့ပေါ့နော် ၊ ဒါပေမယ့် တဘက်မှာ NCA လက်မှတ်မထိုးထားတဲ့အဖွဲ့အစည်းတွေက အခုကအဖွဲ့အစည်းတွေနဲ့ အစိုးရကြားမှာ တိုက်ခိုက်မှုတွေဖြစ်နေတဲ့ ကိစ္စတွေရှိပါတယ်။ ဒီအခြေအနေနဲ့ ပတ်သက်လို့ရော JMC ကဖြစ်ဖြစ် ၊ ဒေါ်အောင်ဆန်းစုကြည်ကဖြစ်ဖြစ် ပြောတာဆိုတာများ တစုံတရာရှိပါသလားခင်ဗျ။

မမေခ ။ ။ ဒေါ်အောင်ဆန်းစုကြည် ကတော့ သူ့မိန့်ခွန်းမှာထည့်ပြီးတော့ပြောသွားတယ်။ အခုလက်ရှိငြိမ်းချမ်းရေးက အကုန်လုံးပါဝင်နိုင်အောင်လို့ သူ့အနေနဲ့လုပ်သွားမယ်။ အပြစ်အခတ်ရပ်စဲရေးလက်မှတ်မထိုးထားတဲ့အဖွဲ့အစည်းတွေပါဝင်အောင်လုပ်သွားမယ်။ နောက်ပြီးတော့ ငြိမ်းချမ်းရေးညီလာခံမှာ တိုင်းရင်းသားလက်နက်ကိုင်ပေါင်းစုံ ပူးပေါင်းပါဝင်တဲ့ ညီလာခံကြီးဖြစ်အောင်လုပ်သွားမယ်လို့ သူကတော့ ပြောသွားပါတယ်။

ကိုသားညွှန့်ဦး။ ။ တပ်ဘက်က ရောဘာများပြောသွားပါသလဲ။

မမေခ ။ ။ တပ်ဘက်ကအရာရှိတဦးကိုမေးမြန်းတဲ့အခါမှာ တပ်ဘက်က အရာရှိက ဘာပြောသလဲဆိုတော့ သူတို့ အနေနဲ့က ဒီငြိမ်းချမ်းရေးကို သာမန်လူတွေထက်ပိုပြီးတော့ လိုချင်တယ်။ အစိုးရဘက်ကနေလုပ်ဆောင်လာတဲ့အပေါ်မှာလည်း သူတို့ကြိုဆိုတယ်။ အစိုးရနဲ့ ပူးပေါင်းပြီးတော့ လုပ်သွားမယ် ဆိုပြီးတော့ပြောပါတယ်။

ကိုသားညွှန့်ဦး။ ။ ဟုတ်ကဲ့ခင်ဗျ မမေခရေ ကျေးဇူးပါပဲ။”

ကိုသားညွှန့်ဦး, မေခ
VOA


စစ်တက္ကသိုလ်ကျောင်းဆင်း အရာရှိတွေကိုရည်ညွှန်းပြီး သူရဦးရွှေမန်းက လူမှုမီဒီယာကွန်ယက်ကနေ ရေးသားခဲ့တာဟာ စစ်တပ်တွင်း သွေးကွဲစေပြီး တပ်မတော်ပြိုကွဲရေးကို လုပ်ဆောင်နေတယ်လို့ မြန်မာ့တပ်မတော်က ကြေညာချက်ထုတ်ခဲ့ပါတယ်။

စစ်တပ်က အခုလို လုပ်ဆောင်လာတာဟာ ပြည်ခိုင်ဖြိုးပါတီတွင်း အကွဲအပြဲကိစ္စမှာ တပ်မတော်က သိသိသာသာ ပါဝင်လာတာဖြစ်တယ်လို့ သုံးသပ်ကြသလို၊ စစ်တပ်နဲ့ ပြည်သူကြား နီးစပ်အောင် ကြိုးပမ်းချက်တွေကို တပ်မတော်ဘက်က လက်ခံချင်ပုံ မရဘူးလို့ သုံးသပ်သူတွေလည်း ရှိနေပါတယ်။ ကိုဉာဏ်ဝင်းအောင်က တင်ပြထားပါတယ်။

စစ်တက္ကသိုလ် ဗိုလ်လောင်းသင်တန်း အမှတ်စဉ် (၁၁) ကျောင်းဆင်းခဲ့တဲ့ (၄၇) နှစ်မြောက် ကျောင်းဆင်းပွဲနေ့ အထိမ်းအမှတ်အတွက် ရည်ညွှန်းပြီး တပ်မတော် အရာရှိတွေအနေနဲ့ ပြည်သူက ဘာကိုလိုချင်တယ်၊ ဘာဖြစ်ချင်တယ်ဆိုတာ သိသင့်ပြီဖြစ်ကြောင်း၊ တပ်မတော်သားတွေကို ပြည်သူနဲ့ တိုင်းပြည်က ကျွေးမွေးမြေတောင်မြှောက်ခဲ့တာဖြစ်ကြောင်း၊ တပ်မတော်သားတွေဟာ နိုင်ငံနဲ့ နိုင်ငံသားတွေပေါ် သစ္စာရှိရမှာဖြစ်ကြောင်း၊ ပြည်သူ့အကျိုးစီးပွားအတွက် မေတ္တာသစ္စာနဲ့ ဆောင်ရွက်နေတဲ့ လက်ရှိအစိုးရနဲ့ ပူးပေါင်းဆောင်ရွက်ဖို့ အချိန်အခါ ရောက်ပြီဖြစ်ကြောင်း သူရဦးရွှေမန်းက သူ့ရဲ့ facebook စာမျက်နှာကနေ ဧပြီ ၂၃ ရက်နေ့က ရေးသားခဲ့တာပါ။

ဒီရေးသားချက်တွေဟာ တပ်မတော်တွင်း သွေးကွဲစေသလို တပ်မတော်ပြိုကွဲရေးကို ဦးတည်နေသလို၊ အမျိုးသားရင်ကြားစေ့ရေးကို ထိခိုက်စေတယ်လို့ တပ်မတော်သတင်းမှန်ပြန်ကြား ရေးအဖွဲ့က ဧပြီ ၂၆ ရက်အင်္ဂါနေ့မှာ ကြေညာချက် ထုတ်ပြန်ခဲ့ပါတယ်။

သူရဦးရွှေမန်းရဲ့ ရေးသားချက်တွဟာ လက်တွေ့မှာ တပ်မတော်ပြိုကွဲရေးကို ဖြစ်လာနိုင်စေပါသလား။ စစ်ထောက်လှမ်းရေး အရာရှိဟောင်း တဦးလည်းဖြစ် ၀ါရှင်တန်ဒီစီ သံမှူးဟောင်းလည်းဖြစ်တဲ့ ဦးအောင်လင်းထွဋ် ပြောတာက -

“ကျနော့်အမြင် ပြောရရင်တော့ ဦးရွှေမန်းရေးတဲ့ဟာက အမှန်တရားကို ရေးတာပါ။ တပ်မတော်ထဲမှာ သွေးကွဲစရာ အကြောင်းလည်း မရှိဘူး။ ကျနော်တို့ တပ်မတော်ထဲကို စ ၀င်စဉ်ကတည်းကိုက အလံကိုင်ပြီးတော့မှ သစ္စာဆိုခဲ့တာက နိုင်ငံတော်နဲ့ နိုင်ငံသားတို့ရဲ့ အကျိုးကို လုပ်မယ်ဆိုတဲ့ဟာကို သစ္စာအဓိဌာန်ပြုခဲ့တာပါ။ တပ်မတော်အတွက်ကို အသက်ပင်သေသေ ဆိုပြီးတော့မှ အဓိဌာန်ပြုခဲ့တာမျိုး မရှိပါဘူး။ ကျနော်တို့ စောင့်သိရိုသေရပါမယ်ဆိုတဲ့အချက်ကို ဦးရွှေမန်းက ရည်ညွှန်းပြောတာပါ။ ဒါ တပ်မတော်ကို ဖြိုခွဲတာမဟုတ်ဘူး။ တပ်မတော်ကို ပြည်သူနဲ့ ပိုပြီးတော့မှ တသွေးတသားတည်းဖြစ်အောင် ပြန်ပြီးတော့ ဖြစ်စေချင်တဲ့ စေတနာနဲ့ ပြောတယ်လို့ ကျနော် မြင်တယ်ဗျ။”

တပ်မတော်ဘက်က သူရဦးရွှေမန်းပေါ် အခုလို တုံ့ပြန်လာတာဟာ ပြည်ခိုင်ဖြိုးပါတီတွင်း အကွဲအပြဲကိစ္စမှာ တပ်မတော်က ပါဝင်ပတ်သက်လာခြင်း ဖြစ်တယ်လို့ သတင်းစာဆရာ ဦးစည်သူအောင်မြင့်က မြင်ပါတယ်။

“အဓိပ္ပါယ်ကောက်ယူတဲ့အပေါ်မှာ မူတည်နေလိမ့်မှာပေါ့။ ဘာဖြစ်လို့လဲဆိုတော့ တပ်မတော်ဟာ အထူးသဖြင့် သူတို့က ရန်သူလို့ သတ်မှတ်ထားတဲ့သူက ပြောတဲ့ဆိုတဲ့ဟာတွေဆိုရင် သူတို့ အကဲဆတ်ပြီးတော့မှ အထိမခံတဲ့သဘောမျိုး သူတို့ ရှိပါတယ်။ ဘာဖြစ်လို့ တပ်မတော်ဘက်က ဒီလို တုံ့ပြန်လာသလဲဆိုတာကို သေချာစဉ်းစားကြည့်လိုက်ရင် ပြည်ခိုင်ဖြိုးပါတီဆိုတာ တပ်မတော်ထိပ်ပိုင်း ခေါင်းဆောင်တွေ နိုင်ငံရေးအာဏာကို ရအောင် ဒီပါတီကို အသုံးပြုဖို့အတွက် ဆိုပြီးတော့မှ သေသေချာချာ ပြင်ဆင်ပြီးတော့မှ ဖွဲ့စည်းသွားပေးတဲ့ပါတီ။ တနည်းပြောရရင် နာမည်မခံသော်လည်းပဲ ဒါဟာ တပ်မတော်ပိုင် ပါတီဆိုတဲ့ သဘောမျိုး အဓိပ္ပါယ် သက်ရောက်တယ်။ အဲဒီပါတီကို သူရဦးရွှေမန်းက ပါတီ ယာယီ ဥက္ကဌတာဝန် ယူထားပြီးတဲ့နောက်မှာ သူ သမ္မတဖြစ်ရေးအတွက် အသုံးချခဲ့တာတွေ ရှိတယ်။ အဲဒီကနေတဆင့် ဂိုဏ်းဂဏတိုက်ပွဲ ပေါ်ပေါက်လာတယ်။ ဒီဂိုဏ်းဂဏတိုက်ပွဲကလည်း အခု သူရဦးရွှေမန်းက သူ့ကို ဒီပါတီထဲကနေ ထုတ်တဲ့ကိစ္စကို နောက်ထပ် ဆက်ပြီးတော့မှ သူ ဆောင်ရွက်မယ်ဆိုတဲ့ ကိစ္စမျိုးတွေ ပေါ်ပေါက်လာတဲ့အခါကျတော့ သူရဦးရွှေမန်းရဲ့ လုပ်ရပ်တွေက တပ်မတော်ကို ပြိုကွဲအောင် လုပ်နေပါတယ်ဆိုပြီး အခုလိုမျိုး တပ်မတော်ဘက်က ပြောဆိုလာခြင်းဖြစ်တယ်လို့ ထင်ပါတယ်။”

ပြီးခဲ့တဲ့နှစ် နိုဝင်ဘာလက စခဲ့တဲ့ ပြည်ခိုင်ဖြိုးပါတီတွင်း အကွဲအပြဲကိစ္စတွေကြောင့် ပြီးခဲ့တဲ့ရက်ပိုင်းအတွင်း ဦးရွှေမန်း အပါအဝင် ၁၇ ဦးကို ပြည်ခိုင်ဖြိုးပါတီဝင် အဖြစ်ကပါ ထုတ်ပယ်ခဲ့ပါတယ်။ သူတို့ ဒီလိုအထုတ်ပယ်ခံရတာနဲ့ ပတ်သက်လို့ သူရဦးရွှေမန်းက ဒီကိစ္စဟာ ပါတီတွင်းကိစ္စ ဖြစ်ပေမဲ့ နိုင်ငံနဲ့ နိုင်ငံသား အကျုိးစီးပွားအပေါ် သက်ရောက်လာနိုင်တာကြောင့် သူ့အနေနဲ့ တင်ပြစရာကိစ္စတွေကို ဆက်လက် လုပ်ဆောင်သွားမှာဖြစ်တယ်လို့ ဧပြီလ ၂၅ ရက်နေ့မှာ သူ့ facebook ကနေ သတိပေးရေးသားထားပါတယ်။ ဦးရွှေမန်းရဲ့ အခုလို သတိပေးချက်အပေါ် တပ်မတော်ခေါင်းဆောင်တွေ ခေါင်းဆောင်ဟောင်းတွေဖက်က စိုးရိမ်ပုံရတယ်လို့ ဦးအောင်လင်းထွဋ်က မြင်ပါတယ်။

“ကျနော့်သုံးသပ်ချက်အရ ပြောရရင် ဦးရွှေမန်းသည် တချိန်က နိုင်ငံတော်မှာ နံပါတ် ၃ နေရာနဲ့ တပ်မတော်မှာ နံပါတ် ၃ နေရာ အကြီးဆုံး ယူထားတဲ့ပုဂ္ဂိုလ်ပါ။ အဲတော့ ယခင် စစ်အစိုးရခေတ်ရော၊ နောက်ပိုင်း ဦးသိန်းစိန်အစိုးရခေတ်ရော ဘယ်သူတွေ ဘာလုပ်တယ်ဆိုတဲ့ဥစ္စာ အားလုံး သိပါတယ်။ တိုင်းပြည်အတွက် လုပ်တာလား။ ကိုယ်ကျိုးအတွက် လုပ်တာလားဆိုတာ သူသိတယ်။ သူတို့ ပုဂ္ဂိုလ်ချင်းပေါ့လေ ဖြစ်တဲ့ကိစ္စမှာ တပ်မတော်ကို စွဲမထည့်သင့်ပါဘူး။ သူတို့ တပ်မတော်ကို ဖြိုခွဲတယ် ဘာညာဆိုတဲ့ဥစ္စာကတော့ ဒါ ဦးရွှေမန်းကို တိုက်ခိုက်ချင်တာလည်း ပါတယ်။ ဒါ့အပြင် ဦးရွှေမန်းက NLD နဲ့ သွားပြီးတော့မှ ပေါင်းတယ်ဆိုတဲ့အတွက်ကြောင့်မို့ သစ္စာဖောက်ဆိုပြီးတော့မှ ပြောတယ်။ ဒါကလည်း ဦးရွှေမန်းရဲ့ စာထဲမှာ ပါပါတယ်။ တိုင်းပြည်အတွက် ကောင်းအောင် လုပ်မယ့်သူနဲ့ ပေါင်းလုပ်တဲ့ဟာကို ကျနော်တို့ မကန့်ကွက်လိုဘူး။”

ပြည်ခိုင်းဖြိုးပါတီကတော့ သူရဦးရွှေမန်းတို့ကို ပါတီဝင်အဖြစ်ကပါ ဘာကြောင့် ထုတ်ပယ်လိုက်တဲ့အပေါ် အခုချိန်ထိ တရားဝင် ရှင်းချက် မထုတ်ပြန်သေးပါဘူး။
ကိုဉာဏ်ဝင်းအောင်
VOA

Photo: Kyaw Lwin Oo, Kyaw Htoon Naing/ RFA ( ရန်ကုန်မြို့ တက္ကသိုလ်ရိပ်သာလမ်းက နိုင်ငံတော်အတုိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ နေအိမ်လုံခြုံရေးအတွက် ဧပြီလ ၂၆ ရက်နေ့ ကစပြီး မြန်မာနိုင်ငံရဲတပ်ဖွဲ့က လုံခြုံရေးတာဝန်ယူထားစဉ် )
ရန်ကုန်မြို့ တက္ကသိုလ်ရိပ်သာလမ်းက နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ နေအိမ်ရှေ့မှာ မနေ့ကစပြီး မြန်မာနိုင်ငံရဲတပ်ဖွဲ့က လုံခြုံရေးတာဝန်ယူလိုက်ပါတယ်။

လုံခြုံရေးရဲတပ်ဖွဲ့ဝင်တွေရဲ့ တာဝန် ၃ ရပ်ထဲက တစ်ခုဖြစ်တဲ့ နိုင်ငံတော်အကြီးအကဲတွေအတွက် တာဝန်ယူပေးတာလို့ ဒေါ်အောင်ဆန်းစုကြည် ခြံရှေ့မှာ လုံခြုံရေးယူနေတဲ့ အမှတ် (၃) လုံခြုံရေး ရဲတပ်ဖွဲ့ခွဲက ရဲအုပ်အောင်နိုင်မိုး က ပြောပါတယ်။

ဒေါ်အောင်ဆန်းစုကြည်နေအိမ်ရှေ့၊ ခြံအပြင်စည်း လုံခြုံရေးအတွက် အရာရှိအဆင့် အပါအဝင် ရဲတပ်ဖွဲ့ဝင် ၇ ဦးက ၂၄ နာရီ စောင့်ကြပ်ပေးမှာဖြစ်ပါတယ်။ လုံခြုံရေးတာဝန်ကျသူတွေအတွက် ရဲကင်းကို ဆောက်လုပ်ပြီးသွားပြီဖြစ်သလို နေထိုင်ဖို့ အဆောက်အဦးကိုလည်း ဆောက်လုပ်ဖို့ စီစဉ် နေပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ နေပြည်တော် ဥတ္တရသီရိမြို့နယ်က နှင်းဆီစံအိမ်မှာ နေထိုင်တာများပါတယ်။

RFA Burmese
https://www.facebook.com/RFA-Burmese


အမေရိကန်ပြည်ထောင်စုရဲ့ အရှေ့မြောက်ဘက်က ပြည်နယ် ၅ ခုမှာ ပါတီတွင်း သမ္မတလောင်း ပဏာမရွေးကောက်ပွဲတွေ အင်္ဂါနေ့က ကျင်းပနေပါတယ်။ ဒီမိုကရက်တစ်ပါတီဘက်မှာ ရှေ့ဆုံးက ပြေးနေတဲ့ Hillary Clinton နဲ့ ရီပတ်ဘလစ်ကန်ဘက်မှာ ရှေ့ဆုံးက ပြေးနေတဲ့ ဘီလီယံနာသူဌေးကြီး Donald Trump တို့နှစ်ယောက် အခု ကျင်းပတဲ့ ပြည်နယ် ၅ ပြည်နယ်မှာ ထပ်နိုင်မယ်ဆိုရင်၊ ပါတီတွင်း သမ္မတလောင်းတွေဖြစ်ဖို့ လိုအပ်တဲ့ ကိုယ်စားလှယ် အရေအတွက်တွေ ထပ်ပြီး ရသွားမှာဖြစ်ပါတယ်။ သမ္မတလောင်း ပဏာမ ရွေးကောက်ပွဲ အခြေအနေနဲ့ အမေရိကန်နိုင်ငံရေး သုံးသပ်ချက်တချို့ကို ကိုသိန်းထိုက်ဦးက စုစည်းတင်ပြထားပါတယ်။

အဂါင်္နေ့ အမေရိကန်ပြည်ထောင်စုမှာ Connecticut, Delaware, Maryland, Pennsylvania နဲ့ Rhode Island တွေမှာ ပါတီတွင်းသမ္မတလောင်း ပဏာမ ရွေးကောက်ပွဲတွေ ကျင်းပနေတာပါ။ အခု အသံလွှင့်ပြီး နာရီပိုင်းအတွင်းမှာပဲ မဲရုံတွေ ပိတ်မှာပါ။ ဒီ ပြည်နယ်တွေမှာလည်း ဒီမိုကရက်တစ်ပါတီဘက်က Hillary Clinton နဲ့ ရီပတ်ဘလစ်ကန်ဘက်က Donald Trump အနိုင်ရလိမ့်မယ်လို့ အများက ခန့်မှန်းထားကြပါတယ်။ ရီပတ်ဘလစ်ကန်ပါတီတွင်း ပြိုင်ဘက်တွေကလည်း Donald Turmp ပါတီရဲ့ သမ္မတလောင်း မဖြစ်ရေး နည်းမျိုးစုံနဲ့ ကြိုးပမ်းနေပါတယ်။ ဘီလီယံနာသူဌေးကြီး Donald Trump ကတော့ သူ့ကို မဲပေးကြဖို့ ထောက်ခံတဲ့သူတွေကို ဆက်ပြီး ဆော်သြနေပါတယ်။


“နောင် အမေရိကန်ပြည်ထောင်စုရဲ့ သမ္မတအဖြစ် Donald Trump ကို မဲပေးလိုက်ပြီဆိုတာနဲ့ သူ အနိုင်ရပြီး သိပ်မကြာခင်၊ ကျနော်တို့ နိုင်ငံကြီး ကြီးမြတ်တဲ့နိုင်ငံ ပြန်ဖြစ်လာတော့မယ်ဆိုတာ ခင်ဗျား ယုံကြည်လိုက်ပါ၊ နောက်တကြိမ် အောင်မြင်မှုတွေ ရမှာ သေချာတယ်။”

ဒီမိုကရက်တစ်ပါတီဘက်မှာ သမ္မတလောင်းဖြစ်ရေး ကိုယ်စားလှယ်အများစုနဲ့ ရှေ့က ဦးဆောင်နေတဲ့ Hillary Clinton ကလည်း အဂါင်္နေ့ အင်ဒီယားနားပြည်နယ် Hammond မြို့ Munster Steel ကုမ္ပဏီကို သွားရောက်တဲ့အချိန် သူက အလုပ်သမား အခွင့်အရေးနဲ့ ပတ်သက်ပြီး အခုလို ပြောဆိုတာပါ။

“ရီပတ်ဘလစ်ကန်ဘက်မှာ ရှေ့ကပြေးနေတဲ့ Donld Trump က အမေရိကန်ပြည်ထောင်စုမှာ အလုပ်သမားတွေရဲ့ လုပ်အားခ သိပ်မြင့်နေပြီလို့ ပြောတော့ ကျမ နားမလည်နိုင်အောင် ဖြစ်ရတယ်။ ဒါကြောင့်လည်း သူက အနိမ့်ဆုံးလုပ်အားခတွေ တိုးပေးရေးကို မထောက်ခံတာပါ။”


အခုအချိန်အထိတော့ Hillary Clinton ရဲ့ ပြိုင်ဘက် Bernie Sanders ကလည်း အလျှော့မပေးသေးပါဘူး။ ဒီမိုကရက်တစ်ပါတီအတွင်း သမ္မတလောင်းရွေးချယ်ပွဲတွေဟာ Hillary Clinton ကပဲ အပြတ် အနိုင်ရနိုင်တာကြောင့် ရှုတ်ထွေးမှု မရှိပေမဲ့ ရီပတ်ဘလစ်ကန် ပါတီဘက်ကမှာတော့ ဒီလို မဟုတ်ပါဘူး။ ဒီနေ့ မယ်ရီလမ်းပြည်နယ် ပါတီတွင်း သမ္မတလောင်း ရွေးချယ်ပွဲမှာ မဲပေးခဲ့သူတဦးဖြစ်တဲ့ ဗွီအိုအေ မြန်မာပိုင်းအစီအစဉ်က အငြိမ်းစား ဌာနမှူးဟောင်း ဦးခင်မောင်ဌေးက သမ္မတလောင်း ရွေးချယ်ရေး ပဏာမ ရွေးချယ်ပွဲတွေအပေါ် အခုလို သုံးသပ်ပါတယ်။

“ရီပတ်ဘလစ်ကန်ပါတီမှာတော့ Trump ဘက်က ပြောတာက ပါတီညီလာခံ မတိုင်ခင်က ၁၂၃၇ ပါတီကိုယ်စားလှယ်တွေ ရမှာပါလို့ ပြောတယ်။ သို့သော်လည်းပဲ အဲဒီ ရီပတ်ဘလစ်ကန် ပါတီမှာကတော့ သိတဲ့အတိုင်းပဲ တော်တော်လေးကို ရှုတ်ရှုတ်ထွေးထွး၊ အတိုက်အခိုက်တွေကလည်း များနေတော့ ဘယ်လိုဘယ်ညာ ဖြစ်လာမယ်ဆိုတာကတော့ မျှော်မှန်းဖို့ ခက်တယ်။ သို့သော်လည်းပဲ ဒီနေ့ကျင်းပတဲ့ ပြည်နယ် ၅ ခုလုံးမှာ Trump က နိုင်ဖို့ များပါတယ်။ နိုင်ဖို့ များတော့ ကိုယ်စားလှယ်မဲ အရေအတွက်လည်း တက်သွားမှာပေါ့လေ၊ သူတို့အနေအထားကတော့ နည်းနည်းလေး ပြောရခက်တယ်။ အခုအထိကတော့ Trump ကတော့ အသာရနေတုန်းပါပဲ။”

ဒီမိုကရက်တစ်ပါတီတွင်းမှာ Hillary Clinton က ကိုယ်စားလှယ် အများစုနဲ့ အနိုင်ရနေပေမဲ့ ပြိုင်ဘက် အထက်လွှတ်တော်အမတ် Bernie Sanders ကို ထောက်ခံသူတွေလည်း အများအပြား ရှိပါတယ်။ Pennsylvania ပြည်နယ်က သမိုင်းသုတေသီ ဒေါ်ဖြူဖြူကတော့ Hillary Clinton ကို ထောက်ခံမဲပေးခဲ့သူပါ။ သူက ဒီနေ့ မဲရုံကအပြန် Bernie Sanders ကို ထောက်ခံသူတဦးနဲ့ ငြင်းခုန်ခဲ့တဲ့အကြောင်း ဗွီအိုအေကို အခုလို ပြန်ပြောပြပါတယ်။

“ငါကတော့ဟေ့ ရှင်းရှင်းပဲ၊ ငါတို့တိုင်းပြည်က မြန်မာနိုင်ငံမှာ အမျိုးသမီးက ဒေါ်အောင်ဆန်းစုကြည်က သမ္မတဖြစ်နိုင်ခြေရှိရဲ့သားနဲ့ မဖြစ်ဘူး၊ ငါကတော့ ကလင်တန်ကို မဲပေးလိုက်တယ်။ မိန်းမ သမ္မတဖြစ်တာ ငါကြည့်ချင်လို့၊ ဟီလာရီကလင်တန်ကို ပေးတယ်လို့ ပြောလိုက်တယ်။ သူလုပ်နိုင်တဲ့ဟာတွေ အများကြီးရှိတယ်။ သူ့မှာ အတွေ့အကြုံတွေ အများကြီးရှိတယ်။ ဟီလာရီကလင်တန်ကို ရွေးလိုက်တာနဲ့ သူ့ယောကျာ်းက အရင်က သမ္မတဟောင်း၊ သူကလည်း First Gentleman အနေနဲ့ သူ့မိန်းမကို အများကြီး ပံ့ပိုးပေးမှာလို့၊ သူတို့နှစ်ယောက် ဦးနှောက်နဲ့ ငါတို့ တိုင်းပြည်က အများကြီး ထောင်တက်မှာလို့”

ရီပတ်ဘလစ်ကန်ဘက်မှာတော့ သမ္မတလောင်းအဖြစ် ယှဉ်ပြိုင်နေသူတွေထဲက တဦးမှာ ပြတ်ပြတ်သားသား လိုအပ်တဲ့ ကိုယ်စားလှယ် အရေအတွက် မရဘူးဆိုရင်၊ ပါတီညီလာခံမှာ ထပ်ပြီး ရွေးချယ်ရမှာဖြစ်ပြီး၊ အထက်လွှတ်တော်အမတ် Ted Cruz က သူ့ဘက်က အလားအလာ ရှိတယ်လို့ ပြောနေပါတယ်။ ဒါပေမဲ့လည်း လေ့လာသူတွေကတော့ Ted Cruz ဘက်က မျှော်လင့်သလို ဖြစ်နိုင်ခြေ တဖြေးဖြေး နည်းလာနေတယ်လို့ မြင်ပါတယ်။ နောက်ဆုံးထွက်လာတဲ့ NBC ရုပ်သံရဲ့ လူထုစစ်တမ်းတွေမှာ Donald Trump အပေါ် ထောက်ခံမှုတွေ ပုံမှန်ရှိနေပြီး ရီပတ်ဘလစ်ကန်နဲ့ ရီပတ်ဘလစ်ကန်ကို ထောက်ခံသူတွေရဲ့ ၅၀% ထောက်ခံမှုရနေပြီဆိုပြီး ပြောဆိုနေကြောင်းပါ ခင်ဗျား။

ဦးသိန်းထိုက်ဦး / ဗွီအိုအေ (မြန်မာပိုင်း)
http://burmese.voanews.com


ရန်ကုန် ဧပြီ ၂၆

သစ်တောများ ပြုန်းတီးလာခြင်းကြောင့် ယခုနှစ်အတွင်း ကျွန်းသစ်ထုတ်လုပ်မှု ရပ် ဆိုင်းထားမည်ဖြစ်ပြီး တခြားသစ်မာ ထုတ်လုပ်မှုများကိုလည်း ယခင်က ထုတ်ယူထားပြီးသော ပြည်တွင်း လက်ကျန်စာရင်းများကို စိစစ်ကာ ပြည်တွင်း လိုအပ်ချက်အရသာ ထုတ်ယူသွားမည် ဖြစ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန သစ်တောဦးစီးဌာနမှ သိရသည်။

တရားမဝင်ခုတ်ယူမှု ပမာဏမြင့်မားနေခြင်းကြောင့် ကျွန်းသစ်အရေအတွက် လျော့ နည်းလာရာ ယခုနှစ်မှစ၍ ကျွန်းသစ်ကို လုံးဝထုတ်ယူခြင်း မရှိသည်အထိ ရပ်ဆိုင်းနိုင်ရန် စီစဉ်ဆောင်ရွက်သွားမည် ဖြစ်သည်။

ထိုသို့မပြုလုပ်ပါက သစ်တောများ လုံးဝပြုန်းတီးသွားနိုင်ဖွယ် ရှိကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန သစ်တောဦးစီးဌာနမှ တာဝန်ရှိသူတစ် ဦးကပြောသည်။

လက်ရှိတွင် မြန်မာနိုင်ငံအတွင်းရှိ သစ်တောများ၌ အမျိုးအစား ကောင်းမွန်သည့် ကျွန်းသစ်အရေအတွက်မှာ အလွန်လျော့နည်းနေသည့်အတွက် အချိန်မီပြန်လည် ပြုစုထိန်းသိမ်းသည့် လုပ်ငန်းများကို ပထမ ဦးစားပေးအဆင့်အဖြစ် ပဲခူးရိုးမဒေသ၌ ဆောင်ရွက်သွားမည် ဖြစ်ကြောင်း သိရသည်။

မြန်မာနိုင်ငံ၏ သစ်တောဖုံးလွှမ်းမှု ဧရိယာမှာ ၁၉၉ဝ ပြည့်နှစ်တွင် ၅၇ ရာခိုင်နှုန်းကျော် ရှိရာမှ ၂ဝ၁၅ ခုနှစ်တွင် ၄၅ ရာခိုင်နှုန်းသာ ကျန်ရှိတော့ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏ သတင်းထုတ်ပြန်ချက် အရ သိရသည်။

မြ၀တီ
https://www.facebook.com/mwdmedia


■ လာမည့် တစ်လ၊ နှစ်လအတွင်း နှစ်ဆယ့်တစ်ရာစု ပင်လုံညီလာခံကို စတင်နိုင်ရေး ဝိုင်းဝန်းကူညီ ဆောင်ရွက်ကြရန် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တိုက်တွန်း ပြောကြား ■

နေပြည်တော်၊ ဧပြီ ၂၇

လာမည့် တစ်လ၊ နှစ်လအတွင်း နှစ်ဆယ့်တစ်ရာစု ပင်လုံညီလာခံကို စတင်နိုင်ရေး ဝိုင်းဝန်းကူညီ ဆောင်ရွက်ကြရန် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်း ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အဖွဲ့ဝင်များနှင့် ပထမဆုံးအကြိမ် တွေ့ဆုံ ဆွေးနွေးရာတွင် ထည့်သွင်း ပြောကြားခဲ့ခြင်း ဖြစ်သည်။


ယနေ့ မွန်းလွဲ (၂)နာရီတွင် နေပြည်တော်ရှိ Horizon Lake View ဟိုတယ် အစည်းအဝေးခန်းမ၌ တွ့ဆုံဆွေးနွေးပွဲတွင် ရှေးဦးစွာ ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေး ကော်မတီဝင်များက နိုင်ငံတော်၏အတိုင်ပင်ခံပုဂ္ဂိုလ်အား တစ်ဦးချင်း မိတ်ဆက်ကြသည်။

ဆက်လက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က JMC ကော်မတီဝင်များအား ဒေါက်တာတင်မျိုးဝင်းနှင့် မိတ်ဆက်ပေးသည်။

ထို့နောက် နိုင်ငံတော်၏ အတိုင်ပင်ခံပုဂ္ဂိုလ် ပြည်ထောင်စုဝန်ကြီး ဒေါ်အောင်ဆန်း စုကြည်က အဖွင့်အမှာစကား ပြောကြားရာတွင် အပစ်အခတ်ရပ်စဲရေးလုပ်ငန်းများမှ တစ်ဆင့် ထာဝရငြိမ်းချမ်းရေးရရှိအောင် လုပ်ဆောင်ရမည် ဖြစ်ကြောင်း၊ အပစ်အခတ် ရပ်စဲရေး လုပ်ငန်းများ တည်တံ့ခိုင်မြဲမှလည်း ထာဝရ ငြိမ်းချမ်းရေးလုပ်ငန်းများကို လုပ်နိုင် မည်ဖြစ်ကြောင်း၊ JMC-U ထဲတွင် ပါဝင်ကြသူများသည် ကမ္ဘာတ၀ှမ်းမှ လုပ်နေသည့် ပစ်ခတ်ရပ်စဲရေးအစီအစဉ်များနှင့် ပတ်သက်ပြီး လေ့လာထားသည့် ပုဂ္ဂိုလ်များဖြစ်၍ ပစ်ခတ်ရပ်စဲရေးများတွင် သဘောတူညီမှုထက် တည်တံ့ ခိုင်မြဲရေးက ပိုမိုခက်ခဲသည်ကို သိကြမည်ဖြစ်ကြောင်း၊ ပစ်ခတ်ရပ်စဲရေး သဘောတူ စာချုပ် အများစု၏ ကိုးဆယ်ရာခိုင်နှုန်း သည် လပိုင်းအတွင်း ပြန်ပျက်သွားသည်ကို မိမိအနေဖြင့် ကြားသိရပါကြောင်း၊ ဤသည်မှာ JMC – U က မည်မျှ အရေးကြီးသည်ကို ပြသသည့် သက်သေဖြစ်ပါကြောင်း။


ပစ်ခတ်ရပ်စဲရေးများ တည်တံ့ခိုင်မြဲအောင်လုပ်ရန်သည် အလွန်အရေးကြီးပါကြောင်း၊ လက်မှတ်ထိုးရေးသည် ပထမခြေလှမ်းပင် ဖြစ်ပါကြောင်း၊ ပစ်ခတ်ရပ်စဲရေးများ တည်တံ့ ခိုင်မြဲခြင်း မရှိပါက တကယ်ငြိမ်းချမ်းရေးအတွက် ဆက်လက်သွား၍ မရနိုင်ပါကြောင်း၊ ထို့ကြောင့် JMC – U အနေဖြင့် လုပ်ငန်းစဉ်များကို အဆင်ပြေချောမွေစွာ စတင်လုပ်ဆောင် နေသည်ဟု နားလည်ထားပါကြောင်း၊ အစကောင်းမှ အနှောင်းသေချာ ဆိုသည့်အတိုင်း ကောင်းမွန်သော လက္ခဏာများပင် ဖြစ်ပါကြောင်း၊ JMC – U ထဲတွင် အစိုးရ၊ တိုင်းရင်းသားများနှင့် အရပ်ဘက်အပါအ၀င် အဘက်ဘက်မှ ပါဝင်ကြသည့်အတွက် ပါဝင် သင့် ပါဝင်ထိုက်သူများ စုံစုံလင်လင် ပါဝင်သည်ဟု မိမိအနေဖြင့် ယူဆပါကြောင်း၊ ပါသင့် ပါထိုက်သူများသည် ယခုခေတ်စကားအရ Stakeholder ဆိုသည့် စကားက တွင်ကျယ် နေပါကြောင်း၊ Stakeholder ကို တိတိကျကျ တွေးခေါ်မည်ဆိုပါက ကိစ္စတစ်ရပ်ရပ်တွင် တစ်နည်းမဟုတ် တစ်နည်းပါဝင် ပတ်သက်နေသူဟု အဓိပ္ပာယ်ဖွင့်ဆိုရမည် ဖြစ်ပါကြောင်း။

အမှန်တကယ် ငြိမ်းချမ်းရေးဖြစ်စဉ်တွင် တစ်နည်းမဟုတ် တစ်နည်း ပါဝင်ပတ်သက် နေသူများမှာ နိုင်ငံသူ၊ နိုင်ငံသား အားလုံးပင် ဖြစ်ပါကြောင်း၊ မည်သူမှလည်း မကျန်ပါ ကြောင်း၊ နိုင်ငံသူ၊ နိုင်ငံသား သန်း ငါးဆယ်ကျော်ပါဝင်ပြီး ငြိမ်းချမ်းရေးဖြစ်စဉ်တွင် ပါဝင် လုပ်နိုင်သည်ဆိုတာက လက်တွေ့မကျပါကြောင်း၊ ငြိမ်းချမ်းရေးဖြစ်စဉ်အတွက် မည်သူ များ ပါဝင်သင့်သည်ကို အများကြီး စဉ်းစားရမည်ဖြစ်ပါကြောင်း၊ ထို့ကြောင့် JMC ထဲတွင် ပါဝင်သင့် ပါဝင်ထိုက်သူများ မည်သူများ ပါဝင်ရမည်ကို စပြီး စဉ်းစား၍ ယခုလုပ်ငန်းစဉ်မှ များစွာ သင်ခန်းစာ ယူနိုင်မည် ဟု မိမိ ထင်ပါကြောင်း။

ဆက်လုပ်ရမည့် လုပ်ငန်းမှာ ငြိမ်းချမ်းရေးညီလာခံဖြစ်ပါကြောင်း၊ ငြိမ်းချမ်းရေးညီလာခံကိုဆက်လက်လုပ်ဆောင်ရာ၌ ယခင် သဘောတူညီထားသည့်များရှိပြီး ပြုပြင် လုပ်ကိုင် ဆောင်ရွက်နိုင်အောင် စီစဉ်ထား၍ လိုအပ်ပါက ပြုပြင်ပြောင်းလဲဆောင်ရွက် သွားမည်ဖြစ်ပါကြောင်း၊ JMC – U ၏ အတွေ့အကြုံများသည် ယခုလိုဆောင်ရွက်ရာ၌ အထောက်အကူပြုမည်ဖြစ်ပါကြောင်း၊ JMC – U ထဲမှာ အဘက်ဘက်က ပါသင့်ပါထိုက်သူများကိုကိုယ်စားပြုသူများဖြင့် ဆောင်ရွက်သည့်အတွက် အားနည်းချက်၊ အားသာချက်များကိုသိရှိပြီးမည်သို့ပြုပြင်ပြောင်းလဲဆောင်ရွက်သွားမည်ကို ကြိုတင်စဉ်းစားထားကြမည်ဟုမိမိအနေဖြင့် ယုံကြည်ပါကြောင်း၊ ထိုသို့စဉ်းစားထားသည်များကိုအခြေခံပြီး ငြိမ်းချမ်းရေးညီလာခံကိုမည်သို့ကျင်းပသွားမည်ဆိုသည့် အကြံဥာဏ်များကိုရရှိမည်ဟုယုံကြည်ပါကြောင်း၊ JMC – U နှင့်တွေ့ဆုံခြင်းသည် မိမိအနေဖြင့် အတွေ့အကြုံများကိုနားထောင်ရန်အတွက် ဖြစ်ပါကြောင်း။


JMC – U ၏ တိုက်ရိုက်ခန့်အပ်သည့်တာဝန်သည် အပစ်အခတ်ရပ်စဲရေးတည်မြဲဖို့ ဖြစ်ပါကြောင်း၊ အပစ်အခတ်ရပ်စဲရေးနှင့်ပတ်သက်၍ မည်သည့်ဘက်ကမှ မကျေနပ်စရာမရှိရန်၊ အမှန်အမှား၊ တရားမျှတမှုရှိမရှိတို့ကိုJMC – U က အဓိကထိန်းသိမ်းဆောင်ရွက် သွားရန်ဖြစ်ပါကြောင်း၊ သို့ရာတွင် အပစ်အခတ်ရပ်စဲရေးမကျိုးပျက်အောင်၊ မကျိုးဖောက်အောင် ဆောင်ရွက်ခြင်းသည် ငြိမ်းချမ်းရေးညီလာခံအောင်မြင်ရေးအတွက် ဖြစ်ပါ ကြောင်း၊ JMC – U ၏ အကြံဥာဏ်များထဲတွင် ငြိမ်းချမ်းရေးညီလာခံအောင်မြင်ဖို့အတွက် မည်သို့ဆောင်ရွက်သွားသင့်သည်ကိုမိမိတို့အနေဖြင့် သိချင်ပါကြောင်း၊ အပစ်ခတ်ရပ်စဲရေးမကျိုးဖောက်ရန်အတွက် မည်သို့ဆောင်ရွက်ရမည်မှာJMC – U ၏ တိုက်ရိုက်ချက်ချင်း လက်ငင်းတာဝန် ဖြစ်ပါကြောင်း၊ ရေရှည်ဆောင်ရွက်ရမည့် အရေးကြီးတာဝန်မှာ ငြိမ်းချမ်းရေးဆွေးနွေးပွဲများနှင့် ငြိမ်းချမ်းရေးညီလာခံများကိုမည်သို့အောင်မြင်အောင် ဆောင်ရွက် ရမည်ဆိုသည့် အကြံဥာဏ်များကိုလိုချင်ပါကြောင်း။ အပစ်အခတ်ရပ်စဲရေးသဘောတူစာချုပ်နှင့်စပ်လျဉ်း၍ အားလုံးပါဝင်စေချင်ပါကြောင်း။ အားလုံးမပါဝင်သေးသည်ကို အများသိပါကြောင်း၊ အားလုံး မပါဝင်သေးသည့်အတွက် မိမိတို့ စိတ်ပျက်ရမည် မဟုတ်ပါ ကြောင်း၊ ထို့ကြောင့် အားလုံးပါဝင်အောင် မည်သို့ဆောင်ရွက်ရမည်ကိုမိမိတို့အနေဖြင့် ၀ိုင်းဝန်းစဉ်းစား အဖြေရှာသွားရမည်ဖြစ်ပါကြောင်း။

မိမိအနေဖြင့် တကယ်စေတနာမှန်ပါက မအောင်မြင်စရာမရှိပါကြောင်း၊ အလုပ် တစ်ခုကိုလုပ်သည့်နေရာတွင် အထူးသဖြင့် အများနှင့် စုပေါင်းပြီးလုပ်သည့်နေရာတွင် အပေးအယူဆိုရာ၌ အဓိကအားဖြင့် ကိုယ်ဘာပေးမည်ဆိုသည်ကိုတစ်ယောက်ခြင်း၊ တစ်ယောက်ခြင်းကစဉ်းစားပေးပါကအများကြီးအောင်မြင်မည်ဟုမိမိအနေဖြင့် ထင်ပါ ကြောင်း၊ တစ်ယောက်ချင်း၊ တစ်ယောက်ချင်းက ငါဘာယူလို့ရမလည်းဆိုသည့် စိတ်ဓာတ်ဖြင့် လာပါက ပိုခက်ခဲလိမ့်မည်ဖြစ်ပါကြောင်း၊ ထို့ကြောင့် အပေးအယူဟုဆိုသည့် နေရာတွင် နိုင်ငံပေါ်ထားသည့် စေတနာ၊ မိမိဂုဏ်သိက္ခာအရကိုယ်ဘာပေးနိုင်သည်ကိုဦးစားပေး၍ ဆွေးနွေးစဉ်းစားစေချင်ပါကြောင်း၊ ကိုယ်ဘာလိုချင်လဲ ကြည့်မည်ဆိုပါကတိုင်းရင်းသားမျိုးစုံဖြင့် တည်ဆောက်ထားသည့် ပြည်ထောင်စုကြီး ငြိမ်းချမ်းဖို့၊ ညီညွတ်မှုဖို့ သည် လွယ်မည်မဟုတ်ပါကြောင်း။

ယခုအစည်းအဝေးကစပြီး ငြိမ်းချမ်းရေးအတွက် ဦးတည် ပြီးဆောင်ရွက်သည့်အခါတွင် တစ်ယောက်စီတိုင်းကငါတို့ဘာပေးနိုင်သလဲ ဆိုသည့် ကိုယ့်ကိုယ်ကိုယုံကြည်မှု၊ ကိုယ့်ကိုယ်ကိုတန်ဖိုးထားမှု၊ ကိုယ်ဘာပေးနိုင်လဲ ဆိုသည် အဓိက စဉ်းစား၍ ၀ိုင်းဝန်းစဉ်းစားကူညီစေချင်ပါကြောင်း၊ ယခုလိုစိတ်ဓာတ်ဖြင့် ဆောင်ရွက်သွားပါကအပစ်အခတ်ရပ်စဲရေးကိုလည်းခိုင်မာအောင်လုပ်ဆောင်နိုင်မည့်အပြင် မပါဝင်သေးသည့်အဖွဲ့များကို ပါဝင်လာရန်နှင့် ပါဝင် နိုင်အောင် အခြေအနေတစ်ခုကိုဖန်တီးပေးနိုင်မည်ဖြစ်ပါကြောင်း၊ ထို့သို့ ဆောင်ရွက် နေစဉ်အတွင်းမှာ ငြိမ်းချမ်းရေးညီလာခံကိုစတင်ကျင်းပသွားမည်ဖြစ်ပါကြောင်း။

မိမိအနေဖြင့် ငြိမ်းချမ်းရေးညီလာခံနှင့် အပစ်အခတ်ရပ်စဲရေးတွင် မပါဝင်သေးသည့် အဖွဲ့များပါဝင်ရေးတို့သည် တစ်ပြိုင်တည်းဆောင်ရွက်ရမည့် မျဉ်းပြိုင်များဖြစ်ပါကြောင်း။ တစ်ခုပြီးမှ တစ်ခုလုပ်၍ မရပါကြောင်း၊ ထို့ကြောင့် ယခုမှစ၍ အပစ်အခတ်ရပ်စဲရေးခိုင်မြဲအောင်လုပ်ခြင်းဖြင့် အပစ်အခတ်ရပ်စဲရေးရဲ့ အကျိုးဆက်ကို ပြည်သူများကမည်သို့ ခံစားရသည်ကို ရှင်းရှင်းလင်းလင်း မြင်သာထင်သာပြနိုင်ခြင်းဖြင့် အပစ်အခတ်ရပ်စဲရေးမှာ မပါဝင်သေးသည့် တခြားအစုအဖွဲ့တွေပါဝင်လာအောင် မိမိတို့အနေဖြင့် ဆွဲဆောင်နိုင်မည့် အပြင် တစ်ချိန်တည်းမှာတကယ့်ကို ထာဝရငြိမ်းချမ်းရေးရမယ့် ညီလာခံများ ကျင်းပနိုင်ရန် မိမိတို့ အစပျိုးနိုင်မည်ဖြစ်ပါကြောင်း။

ယခု ၂၁ ရာစုပင်လုံညီလာခံကျင်းပနိုင်ရန်အတွက် မိမိအနေဖြင့် အချိန်ဆွဲဆောင်ရွက်သွားမည် မဟုတ်ပါကြောင်း၊ တစ်လ၊ နှစ်လအတွင်းမှာ ယခုအစီအစဉ်များကို ပြီးမြောက်၍ ငြိမ်းချမ်းရေးညီလာခံကိုစတင်ဆောင်ရွက်သွားချင်ပါကြောင်း၊ မိမိတို့ နိုင်ငံအနေဖြင့် ငြိမ်းချမ်းရေးကို နိစ္စဓူဝ လိုအပ်နေပါကြောင်း၊ နေ့စဉ် ငြိမ်းချမ်းရေးမရသည့် အတွက် ဒုက္ခခံနေရသည့် မိမိတို့ နိုင်ငံသူ၊ နိုင်ငံသားများအတွက် တစ်ရက်စီ၏ ၂၄ နာရီသည် နည်းသည့်အချိန် မဟုတ်ပါကြောင်း၊ မခံစားရသူများအတွက် ၂၄ နာရီသည် ဘာမှ မဟုတ်ပါကြောင်း၊ မိမိတို့ နိုင်ငံသူ၊ နိုင်ငံသားများအားလုံးအေးအေးချမ်းချမ်းဖြင့် နေထိုင်နိုင်ရန် ငြိမ်းချမ်းရေညီလာခံကိုအမြန်ဆုံးအောင်အောင်မြင်မြင် ကျင်းပနိုင်ရေးအတွက် ၀ိုင်းဝန်းစဉ်းစား၍ လက်ရှိJMC – U ၏ လုပ်ငန်းများနှင့်စပ်လျဉ်း၍ သင်ယူစရာရှိသည်များကိုမိမိတို့ကိုသင်ကြားသွားမည်ဖြစ်ပါကြောင်း၊ ထိုပြင် ဆက်ပြီးအောင်မြင် အောင် မည်သို့ဆောင်ရွက်ရမည်၊ မပါဝင်သေးသည့်အဖွဲ့များ အပစ်အခတ်ရပ်စဲရေးစာချုပ်ထဲမှာ ပါဝင်လက်မှတ်ရေးထိုးနိုင်အောင် မည်သို့ဆောင်ရွက်သွားမည်ကို ၀ိုင်းဝန်း အကြံပြုစေလိုပါကြောင်း ရှင်းလင်း ပြောကြားသည်။

ထို့နောက် ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့် ကြည့်ရေးကော်မတီ ဥက္ကဋ္ဌ ဒုတိယဗိုလ်ချုပ်ကြီးရာပြည့်က JMC အနေဖြင့် NCA ကို အကောင်အထည်ဖော်ရာမှာ စစ်ဖက်ဆိုင်ရာ သဘောတူညီချက်များကို ထိန်းသိမ်းလိုက်နာ အကောင်အထည် ဖော်ဆောင်သွားရန် အတွက် တာဝန်ရှိကြောင်း၊ တစ်နိုင်ငံလုံး ပစ်ခတ် တိုက်ခိုက်မှုရပ်စဲရေးဆိုင်ရာ သဘောတူစာချုပ် NCA ပါ စစ်ဖက်ဆိုင်ရာ အချက် (၅၅) ချက်ကို လက်မှတ်ရေးထုိုးသူများအားလုံး လိုက်နာဆောင်ရွက်သွားစေရန် ဦးတည် ဆောင် ရွက်လျက် ရှိကြောင်း၊ JMC ကို ပြည်ထောင်စု၊ ပြည်နယ် နဲ့ ဒေသဆိုင်ရာ အဆင့်များဆိုပြီး အဆင့်ဆင့် ဖွဲ့စည်းထားကြောင်း၊ အဆင့်တိုင်းတွင် အစိုးရ၊ တိုင်းရင်းသားလက်နက်ကိုင် နှင့် အရပ်သား ကုိုယ်စားလှယ်များဖြင့် ပါဝင်ဖွဲ့စည်းထားကြောင်း၊ JMC ကော်မတီ အဆင့်ဆင့်ကို အထောက်အကူပြုရေးအတွက် အဆင့်တိုင်းတွင်လည်း ရုံးအဖွဲ့များ ကိုလည်း ဖွဲ့စည်းထားရှိသွားမည် ဖြစ်ကြောင်း၊ လက်ရှိအချိန်တွင် JMC-U အဖွဲ့ဝင်များကုို (၂၆)ဦးဖြင့်ဖွဲ့စည်းထားကြောင်း၊ အခြေအနေအချိန်အခါ လိုအပ်ချက်များအရ နိုင်ငံတော်၏ အတိုင်ပင်ခံ၏ လမ်းညွှန်ချက်နှင့် JMC-U ၏ အစိုးရ ကိုယ်စားလှယ်များကို ပြင်ဆင် ဖွဲ့စည်းစရာ ရှိသည်များကို လုပ်ဆောင်သွားမည် ဖြစ်ကြောင်း။

JMC ၏ လုပ်ငန်း အကောင်အထည် ဖော်ဆောင်မှု ရလဒ်များ အနေဖြင့် NCA လက်မှတ်ရေးထိုးပြီး (၆) လ အတွင်း အသေးစား ထိတွေ့မှု (၃) ကြိမ်သာ ရှိခဲ့ကြောင်း၊ အခြားနိုင်ငံများမှ ပစ်ခတ် တိုက်ခိုက်မှုရပ်စဲရေး ဖြစ်စဉ်များနဲ့ နှိုင်းယှဉ်ပါက NCA လက်မှတ်ရေးထိုးသူတွေအကြား ထိတွေ့တိုက်ပွဲတွေ မရှိသလောက် လျှော့ချနိုင်ခဲ့ပါကြောင်း၊ သို့သော် JMC ၏ လက်ရှိ လုပ်ငန်းစဉ်များကို ထိရောက်စေရန်အတွက် စနစ်တကျ လုပ်ဆောင်နိုင်သော အခြေ အနေသို့ မရောက်ရှိသေးကြောင်း၊ နှစ်ဖက်ခေါင်းဆောင်များ၏ နားလည်မှုနှင့် ဆက်ဆံ ရေးကို အခြေခံပြီး လုပ်ငန်း အကောင်အထည်ဖော်နေရခြင်း ဖြစ်သည့်အတွက် ငြိမ်းချမ်းရေး လုပ်ငန်းစဉ်တွင် လူအပြောင်းအလဲလုပ်သည့်အခါ၊ မြေပြင်တပ်များ အပြောင်း အလဲလုပ်သည့်အခါများတွင် လက်ရှိတည်ငြိမ်မှုကို ဆက်ထိန်းနို်င်ရန် အခက်အခဲရှိကြောင်း၊ ထို့ကြောင့် JMC လုပ်ငန်းစဉ်များကို စနစ်တကျအကောင်အထည်ဖော်နိုင်သည့် ယန္တရား တစ်ခု ဖြစ်လာစေရန် အချိန်ယူတည်ဆောက်ရဦးမည် ဖြစ်ကြောင်း၊ ဤယန္တရား တစ်ခု ဖြစ်လာရန် အဓိကကျသည့် အလုပ်အဖွဲ့ (ရုံးအဖွဲ့) အဆင့်ဆင့်ကို ဖွဲ့စည်း အကောင် အထည်ဖော်သွားရမည် ဖြစ်ကြောင်း။

အလုပ်အဖွဲ့ အဆင့်ဆင့်ကို ဖွဲ့စည်းလည်ပတ်နိုင်ရန် လိုအပ်သည့် ငွေကြေးပမာဏကို စိစစ်တွက်ချက်ထားပြီး နိုင်ငံတကာမှ ကျွမ်းကျင်သူများ နှင့်လည်း ညှိနိူင်းဆွေးနွေးထားပြီး ဖြစ်ကြောင်း၊ ယင်းလုပ်ငန်းစဉ်များအတွက် (၃) နှစ်စာ ဘတ်ဂျတ်ကို အမေရိကန်ဒေါ်လာ (၂၅)သန်းခန့် ခန့်မှန်းတွက်ချက်ထားကြောင်း၊ နိုင်ငံ တကာတွင် ပြုလုပ်ခဲ့ကြသည့် အပစ်အခတ်ရပ်စဲရေး စောင့်ကြည့်ကြီးကြပ်သည့် လုပ်ငန်း များနှင့် ယှဉ်ကြည့်လိုက်လျှင် မိမိတို့၏ ခန့်မှန်းကုန်ကျစရိတ်မှာ (၅)ဆကျော် သက်သာပါ ကြောင်း၊ ယင်းဘတ်ဂျတ်ကို ကမ္ဘာ့ကုလသမဂ္ဂမှ ကမကထပြုပြီး အထောက်အပံ့ပြုရန် ညှိနိူင်းဆွေးနွေးထားကြောင်း၊ UN Peace Building Fund မှ အထောက်အပံ့ပြုရန် လျာ ထားသည် ဟု သိရှိရကြောင်း၊ JMC လုပ်ငန်းများနှင့် အလုပ်အဖွဲ့များ စတင်လည်ပတ် နိုင်ရေးအတွက် လက်ရှိအစိုးရ အသစ်မှ JMC တည်ရှိမှုကို အသိအမှတ်ပြုပေးပြီးမှသာ နိုင်ငံတကာ အလှူရှင်များက အထောက်အပံ့များကို ပေးအပ်သွားမည် ဖြစ်ကြောင်း၊ NCA လက်မှတ်ရေးထိုးထားသူများ အကြား ပစ်ခတ်တိုက်ခိုက်မှုများ ရပ်စဲပြီး နိုင်ငံရေး ဆွေးနွေးပွဲများ အောင်မြင်စွာ ကျင်းပနိုင်ရေးအတွက် မိမိတို့ JMC အနေဖြင့် အားသွန်ခွန် စိုက် လုပ်ဆောင်သွားမည် ဟု သဘောထားပြုအပ်ပါကြောင်း ပြောကြားသည်။

ဆက်လက်၍ ပူးတွဲစောင့်ကြည့်ရေးကော်မတီ ဒုတိယဥက္ကဋ္ဌ ဗိုလ်ချုပ်စောအိုင်း ဇက်ဖိုးနှင့် ဦးပြည့်စုံ တို့က ကြိုဆိုနှုတ်ခွန်းဆက်စကား ပြောကြားကြသည်။

ယင်းနောက် ပူးတွဲစောင့်ကြည့်ရေးကော်မတီ အတွင်းရေးမှူး ဒေါက်တာရွှေခါးက ကော်မတီ စတင်ဖွဲ့စည်းချိန်မှစ၍ ယနေ့အထိ လုပ်ငန်းဆောင်ရွက်နေမှုများကို အကျယ် တ၀င့် ရှင်းလင်းတင်ပြသည်။

အလားတူ ပူးတွဲစောင့်ကြည့်ရေးကော်မတီ အဖွဲ့ဝင် ဒေါက်တာ မင်းဇော်ဦးက JMC အား အစိုးရအဖွဲ့အစည်းတစ်ရပ်အဖြစ်ထားရှိရေး၊ အစိုးရမဟုတ်သော အဖွဲ့အစည်းတစ်ရပ်အဖြစ် ထားရှိရေးကို ရှင်းလင်းတင်ပြသည်။

ဆက်လက်၍ ဒေါက်တာတင်မျိုးဝင်းက ပြည်တွင်ငြိမ်းချမ်းရေးလုပ်ငန်းစဉ်များ ဆက်လက်ဆောင်ရွက်နိုင်ရန်အတွက် ဖွဲ့စည်းမှုများ ညှိနှိုင်းနိုင်ရေး ရှင်းလင်း တင်ပြသည်။

ထို့နောက် ပူးတွဲစောင့်ကြည့်ရေးကော်မတီ၏ အရပ်သားကိုယ်စားလှယ် ဦးကိုကိုကြီးက အရပ်ဘက်ကိုယ်စားလှယ်များ ပါဝင်နိုင်ရေး ရှင်းလင်း တင်ပြသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရှင်းလင်းတင်ပြချက်များအပေါ် ပြန်လည်ဆွေးနွေး ပြောကြားပြီး ပြည်တွင်းငြိမ်းချမ်းရေးသာမက အမျိုးသားပြန်လည်ရင်ကြားစေ့ရေးကိုပါ ခြုံငုံနိုင်သည့် ဖွဲ့စည်းမှုတစ်ရပ် ဖွဲ့စည်း ဆောင်ရွက်နိုင်ရေး၊ ပါဝင်သင့် ပါဝင်ထိုက်သူ အနည်းဆုံးဖြင့် ဆောင်ရွက်နိုင်ရေး၊ ပစ်ခတ်တိုက်ခိုက်မှုရပ်စဲရေး ခိုင်မြစေရန်၊ လက်မှတ်ရေးထိုးမှု မရှိသေးသည့် ကျန်အဖွဲ့များ ငြိမ်းချမ်းရေးလုပ်ငန်းစဉ်တွင် ပါဝင်လာနိုင်စေရန်နှင့် ငြိမ်းချမ်းရေး ညီလာခံ အမြန်ဆုံးခေါ်ယူကျင်းပနိုင်ရန် ဆက်လက်ဆောင်ရွက်မည့် လုပ်ငန်းစဉ်များအတွက် ညှိနှိုင်းအစည်းအဝေးတစ်ရပ်ကို အမြန်ဆုံး ကျင်းပသွားမည် ဖြစ်ကြောင်း၊ တိကျ မှန်ကန်သော အမျိုးသား ပြန်လည်ရင်ကြားစေ့ရေးနှင့် ငြိမ်းချမ်းရေးဆိုင်ရာ မူဝါဒလုပ်ငန်းစဉ်တစ်ရပ် ခိုင်ခိုင် မာမာ ချမှတ်နိုင်ရေး ဝိုင်းဝန်းကူညီဆောင်ရွက်ကြရန် ပြောကြားသည်။

အဆိုပါတွေ့ဆုံပွဲသို့ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲ စောင့်ကြည့်ရေးကော်မတီ ဥက္ကဋ္ဌ ဒုတိယဗိုလ်ချုပ်ကြီးရာပြည့်နှင့် ကော်မတီဝင်များ၊ ဌာန ဆိုင်ရာ တာဝန်ရှိသူများ တက်ရောက်ကြသည်။

ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ(Joint Cease fire Monitoring Committee – JMC)သည် ပစ်ခတ်တိုက်ခိုက်မှုရပ်စဲရေးနှင့်စပ်လျဉ်း၍ နိုင်ငံတော်အစိုးရနှင့် တိုင်းရင်းသားလက်နက်ကိုင်အဖွဲ့အစည်းများမှ မူဝါဒချမှတ်သူများ အား အပစ်အခတ်ရပ်စဲရေးအတွက် မူဝါဒဆိုင်ရာ ကူညီပံ့ပိုးပေးရန်၊ ပစ်ခတ်တိုက်ခိုက်မှု ရပ်စဲရေးအတွက် ထိန်းသိမ်းစောင့်ကြည့်ပေးသည့် ယန္တရားတစ်ခုအကာင်အထည်ဖော်နိုင် ရန်၊ ပစ်ခတ်တိုက်ခိုက်မှုများကို တည်ငြိမ်အောင် ဆောင်ရွက်ခြင်းဖြင့် နိုင်ငံရေးဆွေးနွေးပွဲ များကို အထောက်အကူဖြစ်စေရန်၊ နှစ်ဘက်ယုံကြည်မှုတည်ဆောက်နိုင်စေရန်နှင့် ပဋိပက္ခ ဒေသများတွင် ပြည်သူလူထုကို အကာအကွယ်ပေးနိုင်ရန် ဆိုသည့် ရည်မှန်းချက်များကို အခြေခံ၍ လုပ်ငန်းဆောင်ရွက်လျက်ရှိသည်။

အမျိုးသားပြန်လည်ရင်ကြားစေ့ရေးနှင့် ငြိမ်းချမ်းရေးလုပ်ငန်းစဉ်များနှင့် စပ်လျဉ်း၍ တာဝန်ယူဆောင်ရွက်မည့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဗဟိုကော်မတီ National Reconciliation and Peace Centre (NRPC) ဖွဲ့စည်းရေး ညှိနှိုင်းအစည်းအဝေးတစ်ရပ်ကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်၍ လာမည့် မေလ ဒုတိယပတ်အတွင်း ကျင်းပပြုလုပ်သွားမည် ဖြစ်သည်။

Myanmar State Counsellor Office
https://www.facebook.com/state.counsellor/

ပြည်ထောင်စု အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေး ကော်မတီ (JMC) အစည်းအဝေး၌ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်အား တွေ့ရစဉ် (ဆင်ဟွာ)

    နေပြည်တော်၊ ဧပြီ ၂၇ ရက် (ဆင်ဟွာ)

    ငြိမ်းချမ်းရေး ညီလာခံ ဖြစ်မြောက်ရေးနှင့် အပစ်ခတ် ရပ်စဲရေး၌ ပါဝင်သင့်သူများ ပါဝင်ရေးကို မျဉ်းပြိုင် သဖွယ် တစ်ပြိုင်တည်း လုပ်ဆောင်သွားသင့်ကြောင်း နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ယနေ့ ကျင်းပသော JMC အစည်းအဝေးပွဲ မိန့်ခွန်း၌ တိုက်တွန်း ပြောကြားသည်။

ပင်လုံညီလာခံ ကျင်းပနိုင်ရေးကို အချိန်မဆွဲချင်ဘဲ တစ်လနှင့် နှစ်လကြား ပြီးမြောက်အောင် လုပ်ဆောင်မှ ငြိမ်းချမ်းရေး ညီလာခံကို နောက်နှစ်လတွင် စတင် လုပ်ဆောင်နိုင်မည် ဖြစ်ကြောင်း ဒေါ်အောင်ဆန်းစုကြည်က ဆိုသည်။

အပစ်အခတ် ရပ်စဲရေးကို ခိုင်မာအောင် ပြုလုပ်ခြင်းဖြင့် ပြည်သူများ ငြိမ်းချမ်းရေး၏ အကျိုးကို ခံစားရမည် ဖြစ်ကြောင်း ဒေါ်အောင်ဆန်းစုကြည်က ပြောသည်။

ပြည်ထောင်စု အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေး ကော်မတီ (JMC) အစည်းအဝေးအား မြင်တွေ့ရစဉ် (ဆင်ဟွာ)
ငြိမ်းချမ်းရေး တည်တံခိုင်မြဲစွာ လုပ်ဆောင်ရန် အရေးကြီးပြီး အပစ်အခတ် ရပ်စဲရေး လက်မှတ်ထိုးမှုသည် ပထမ ခြေလှမ်းသာ ဖြစ်ကြောင်း၊ အပစ်အခတ် ရပ်စဲရေး တည်တံ့ခိုင်မြဲမှု မရှိနိုင်လျှင် တကယ် ငြိမ်းချမ်းရေး မရနိုင်ကြောင်း ၎င်းကဆိုသည်။

နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်သည် ပြည်ထောင်စု အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေး ကော်မတီ (JMC) အစည်းအဝေးသို့ ပထမဆုံး အကြိမ် တက်ရောက်ခဲ့သည်။

ပစ်ခတ်တိုက်ခိုက်မှု ရပ်စဲရေး ဆိုင်ရာ ပူးတွဲ စောင့်ကြည့်ရေး ကော်မတီ (JMC) ၏ အဓိက တာဝန်သည် အပစ်အခတ် ရပ်စဲရေးအတွက် အဘက်ဘက်က မကျေနပ်မှု မရှိအောင်လုပ်ဆောင်ရန်၊ တရားမျှတမှု ရှိမရှိကို ထိန်းသိမ်းရန် ဖြစ်ပြီး အဆိုပါ JMC အစည်းအဝေးမှ အားနည်ချက်၊ အားသာချက်များပေါ် အခြေခံပြီး ငြိမ်းချမ်းရေး ညီလာခံကို ဆက်သွားမည် ဖြစ်ကြောင်း ဒေါ်အောင်ဆန်းစုကြည်က မိန့်ခွန်း အတွင်း ထည့်သွင်း ပြောကြားသည်။

အပစ်အခတ် ရပ်စဲရေး၌ တိုင်းရင်းသား လက်နက်ကိုင်များ အားလုံး ပါဝင်နိုင်ရေးကိုလည်း ဝိုင်းဝန်း စဉ်းစား လုပ်ကိုင်သွားမည် ဖြစ်ကြောင်း ၎င်းက ဆိုသည်။

ပြည်ထောင်စု အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေး ကော်မတီ(JMC) ၏ ပဉ္စမအကြိမ် အစည်းအဝေးကို နေပြည်တော်ရှိ Horizon Lake View ဟိုတယ်၌ ကျင်းပလျှက် ရှိသည်။

(Xinhua)
http://www.xinhuamyanmar.com


ဧပြီ ၂၂ ရက်နေ့က ပြည်ခိုင်ဖြိုးပါတီမှ ထုတ်ပယ်ခြင်းခံလိုက်ရသော ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်ဥက္ကဌ သူရဦးရွှေမန်းက ၎င်းအနေနှင့် မည်သည့်ပြစ်ချက်ဖြင့် စွဲချက်တင်ပြီး ပါတီမှ ထုတ်ပယ်ခံရခြင်းကို မသိရှိကြောင်း၊ ယင်းသို့ ထုတ်ပယ်ခြင်းသည် ပါတီ၏စည်းမျည်းစည်းကမ်း လုပ်ထုံးလုပ်နည်းများနှင့် ကိုက်ညီမှုမရှိကြောင်း ယနေ့ပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။

ဧပြီ ၂၂ ရက်နေ့ အစည်းအဝေးအပြီး ထုတ်ပယ်ခြင်းခံရသူ စုစုပေါင်း ၁၇ ဦးရှိပြီး သူရဦးရွှေမန်း ဥက္ကဌအဖြစ်ဆောင်ရွက်သည့် ကော်မရှင်အဖွဲ့ဝင် ၁၁ ဦးလုံး ပါဝင်သည်။

ယင်းနှင့်ပတ်သက်၍ သူရဦးရွှေမန်းက“ဘာအပြစ်တွေနဲ့ စွဲချက်တင်ထားသလဲ မသိဘူး။ ပြီးတဲ့အခါမှာ ဘယ်လို စုံစမ်းသလဲ မသိဘူး။ ဘယ်လို ဆုံးဖြတ်သလဲလည်း မသိဘူး။ ဘယ်လို အရေးယူတယ်ဆိုတာက အစ ဂဃနဏ မသိဘူး”ဟု ပြောကြားသည်။

ယင်းအပြင် ပါတီမှထုတ်ပယ်ခြင်းခံရသူ ၁၁ ဦးမှ သတင်းစာရှင်းလင်းပွဲမတိုင်မီ ထုတ်ပြန်ချက်၌ “၂၀၁၅ ခုနှစ်၊ သြဂုတ်လ(၁၂)ရက် ည(၁၀)နာရီခွဲအချိန်ခန့်တွင် လုံခြုံရေး အဖွဲ့အင်အား အသုံးပြုပြီး ပါတီဌာနချုပ်ရုံးကို စီးနင်းနေရာယူ သိမ်းပိုက်ရှာဖွေပြီးနောက် ပါတီဗဟိုအလုပ် အမှုဆောင်ကော်မတီ အား ပြင်ဆင်ဖွဲ့စည်းလုပ်ဆောင်ခဲ့ပါသည်။ ပါတီ ညီလာခံနှင့် ပါတီဗဟို
ကော်မတီကရွေးချယ်တင်မြှောက်ထားသည့် ဗဟိုအလုပ်အမှု
ဆောင် ကော်မတီဝင်များကို ဖယ်ရှားပြီးရက်ပိုင်းအတွင်းမှ ပါတီဝင်ဖြစ်လာသူများနှင့် သာမန် ပါတီဝင်အချို့တို့ကို ပါတီဗဟို အလုပ်အမှုဆောင်ကော်မတီဝင်အဖြစ် တိုက်ရိုက်ခန့်အပ်ခြင်း တို့သည် တည်ဆဲဥပဒေနှင့် ပါတီ၏ဖွဲ့စည်းပုံအခြေခံစည်းမျဉ်းကို ချိုးဖောက်ခြင်း ရှိ/မရှိ အလွယ်တကူ သိမြင်နိုင်မည်ဖြစ်ပါသည်”ဟု ဖော်ပြပါရှိသည်။

ဧပြီ ၂၂ ရက်နေ့က ပြည်ခိုင်ဖြိုးပါတီမှ ထုတ်ပယ်ခြင်းခံခဲ့ရသူ ၁၇ ဦးမှာ
၁-သူရဦးရွှေမန်း
၂-ဦးဇော်မြင့်ဖေ
၃-ဦးမောင်တိုး
၎-ဦးကြည်သာ
၅-ဦးအေးမောက်
၆-ဦးကိုကိုနိုင်
၇-ဦးမြင့်ထွန်း
၈-ဦးတင်မောင်ဦး
၉-ဦးလှမြင့်ဦး
၁၀-ဦးစိုးမြင့်
၁၁-ဦးမောင်သိန်း
၁၂-သူရဦးအောင်ကို
၁၃-ဦးမျိုးမြင့်
၁၄-ဦးဆန်းဆင့်
၁၅-ဦးဝင်းသန်း
၁၆-ဦးခင်ရွှေ
၁၇-ဦးစံရွှေအောင်

တို့ဖြစ်သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ပြည်ထောင်စုလွှတ်တော်မှာ ကျင်းပတဲ့ သမ္မတကျမ်းသစ္စာကျိန်ဆိုပွဲကို တက်ရောက်လာတဲ့ ဒေါ်အောင်ဆန်းစုကြည် (မတ်လ ၃၀ ရက်)
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ငြိမ်းချမ်းရေးလုပ်ငန်းစဉ်တွေနဲ့ ပတ်သက်လို့ ပထမဆုံးအကြိမ်အဖြစ်အရင်သမ္မတ ဦးသိန်းစိန်အစိုးရဖွဲ့စည်းခဲ့တဲ့ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC)နဲ့ ဒီကနေ့ (ဗုဒ္ဓဟူးနေ့) နေ့လည်ပိုင်းမှာတွေ့ဆုံမှာဖြစ်ပါတယ်။

ဒေါ်အောင်ဆန်းစုကြည်အနေနဲ့ ဒီပူးတွဲစောင့်ကြည့်ရေးကော်မတီအပေါ် ဘယ်လိုသဘောထားမလဲ၊ နောက် ဘယ်လိုပူးပေါင်းဆောင်ရွက်ပြီး သွားနိုင်မလဲ။ မအင်ကြင်းနိုင်က အပြည့်အစုံကို တင်ပြမှာပါ။

ဒေါ်အောင်ဆန်းစုကြည်ဟာ သူရဲ့ နိုင်ငံတော်အတိုင်ပင်ခံပုဂ္ဂိုလ်အနေနဲ့ ပြောကြားတဲ့ မြန်မာနှစ်သစ်ကူးမိန့်ခွန်းထဲမှာငြိမ်းချမ်းရေးတည်ဆောက်မှုဆိုင်ရာလုပ်ငန်းတွေနဲ့ပတ်သက်ရင် အရင်အစိုးရအကောင်အထည်ဖေါ်ခဲ့တာတွေကို ပစ်ပယ်ဖို့ မရှိဘူးလို့ ထည့်သွင်းပြောကြားပြီးနောက် ပထမဆုံးအကြိမ်အဖြစ် သမ္မတဦးသိန်းစိန်လက်ထက်မှာဖွဲ့စည်းခဲ့တဲ့ အပစ်အခတ်ရပ်စဲရေးကော်မတီနဲ့ တွေ့ဆုံမှာဖြစ်ပါတယ်။

အခုလိုဒေါ်အောင်ဆန်းစုကြည်နဲ့ တွေ့ဆုံရာမှာ လက်ရှိကော်မတီနဲ့ ဘယ်လိုညှိုနှိုင်းဆောင်ရွက်မလဲဆိုတာကို ဆွေးနွေးဖို့ရှိကြောင်း အပစ်အခတ်ရပ်စဲရေးဆိုင်ရာပူးတွဲ စောင့်ကြည့်ရေးကော်မတီ (JMC) ရဲ့လက်ရှိဥက္ကဌ ဒုတိယဗိုလ်ချုပ်ကြီး ရာပြည့်က မနေ့က နေပြည်တော်မှာစတင်ကျင်းပတဲ့ ငါးကြိမ်မြောက်ကော်မတီအစည်းအဝေးမှာ အခုလို ပြောသွားပါတယ်။

“အစိုးရသစ်ကနေပြီးတော့ ငြိမ်းချမ်းရေးအတွက် တာဝန်ယူ မယ့် နိုင်ငံတော်အတိုင်ပင်ခင်ပုဂ္ဂိုလ်နဲ့ ကျနော်တို့တွေ့ ဆုံဆွေးနွေးဖို့ ဖြစ်ပါတယ်၊ ဒီပိုင်းကိုလည်း ကျနော် တို့ဘယ်လိုဆွေးနွေးမလဲ၊ ဘာတွေဆွေးနွေးမယ်ဆိုတာကိုလည်း ဒီမှာညှိနှိုင်းဆောင်ရွက်သွားဖို့ဖြစ်ပါတယ်။”

ဦးသိန်းစိန်အစိုးရအဖွဲ့ဟာ အရင်စစ်အစိုးရလက်ထက်တွေတုန်းကလိုမဟုတ်ပဲ ပြည်တွင်းငြိမ်းချမ်းရေးအတွက် အပစ်အခတ်ရပ်စဲရေးစတင်ပြီး ဆောင်ရွက်နိုင်ခဲ့တဲ့အပေါ်မှာ တန်ဖိုးထားကြောင်းနဲ့ ဆက်ပြီးပြီးမြောက်အောင် အားလုံးပါဝင်နိုင်ရေးကြိုးစားသွားမှာဖြစ်တယ်လို့လည်း ဒေါ်အောင်ဆန်းစုကြည်က သူရဲ့နှစ်သစ်ကူးမိန့်ခွန်းမှာပြောဆိုခဲ့ပါတယ်။

ဒေါ်အောင်ဆန်းစုကြည်ရဲ့ ဒီသဘောထားကို ကြိုဆိုကြောင်း NCA အပစ်အခတ်ရပ်စဲရေးစာချုပ်မှာ လက်မှတ်ရေးထိုးထားတဲ့ KNU ကရင်အမျိုးသားအစည်းအရုံးကိုယ်စားလှယ် ဗိုလ်ချုပ် စောအိုင်းဇက်ဖိုးက JMC ကော်မတီအစည်းအဝေးတွင်းမှာ အခုလိုပြောသွားပါတယ်။

“သမ္မတဦးသိန်းစိန်လက်ထက်မှာပဲ ဒီအခွင့်အရေးကို ပထမဆုံးရရှိခဲ့တာဖြစ်ပါတယ်။ နောက်တက်လာတဲ့အစိုးရသစ် သမ္မတကြီး ဦးထင်ကျော်နဲ့တကွ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကလည်း ကျနော်တို့ရဲ့ ငြိမ်းချမ်းရေးဖြစ်စဉ်တွေကို ဆက်လက်ပြီးအကောင်အထည်ဖေါ်သွားမယ်လို့ ပြောကြားတဲ့အတွက် ကျနော်တို့ဝမ်းပန်းတသာကြိုဆိုပါတယ်။ အခုဟာက လက်မှတ်ထိုးထားတဲ့အဖွဲ့ (၈)ဖွဲ့ ပဲရှိသေးတဲ့အတွက် တပြည်လုံးမှာငြိမ်းချမ်းရေးစဖို့ဆိုတာ အပစ်အခတ်ရပ်စဲရေးမှာ လက်မှတ်ရေးမထိုးသေးတဲ့ ကျန်နေတဲ့ အဖွဲ့အစည်းတွေပါဝင်လာဖို့ ဆန္ဒပြုပါတယ်။”

JMC ပူးတွဲစောင့်ကြည့်ရေးကော်မတီမှာ NCA မှာလက်မှတ်ထိုးတာတဲ့ တိုင်းရင်းသားလက်နက်ကိုင်အဖွဲ့ (၈)ဖွဲ့အပါအ၀င် စစ်တပ်နဲ့ အရင်အစိုးရကိုယ်စားလှယ်တွေနဲ့ ပါဝင်တာပါ။ ဒီအတောအတွင်းမှာပဲ NCA အပစ်အခတ်ရပ်စဲရေးမှာပါဝင်လက်မှတ်ရေးထိုးထားခြင်းမရှိတဲ့ ကိုးကန့်လက်နက်ကိုင်အဖွဲ့ MNDAA၊ တအောင်းတပ်မတော် TNLA နဲ့ ရခိုင့်တပ်မတော် AA အဖွဲ့တို့ကနေ ဒုတိယဗိုလ်ချုပ်ကြီး (ဟောင်း)ခင်ဇော်ဦး ဦးဆောင်တဲ့ အရင်အစိုးရငြိမ်းချမ်းရေးကိုယ်စားလှယ်အဖွဲ့နဲ့ အလွတ်သဘောတွေ့ဆုံဆွေးနွေးဖို့မရှိကြောင်း မနေ့အင်္ဂါနေ့က ကြေညာချက်ထုတ်ပြန်ခဲ့ပါတယ်။ ဒါနဲ့ပတ်သက်လို့ AA ရဲ့ပြောခွင့်ရပုဂ္ဂိုလ် ခိုင်သူခက ဗွီအိုအေကို အခုလိုပြောပါတယ်။

“အဓိကကတော့ ကျနော်တို့ တိုင်းရင်းသားညီအကိုတွေရဲ့ ဒေသအတော်များများမှာ မြန်မာ့တပ်မတော်ဘက်ကနေထိုးစစ်တွေဆက်ပြီးတော့လုပ်နေတယ်။ အထူးသဖြင့် ကျနော်တို့ ရခိုင်ဒေသမှာဆိုလို့ရှိရင် မြန်မာ့တပ်မတော်ဘက်ကနေ ကျနော်တို့ရခိုင့်တပ်မတော်ကို အပြတ်တိုက်ရေးကြွေးကြော်ပြီးတော့မှ လက်ရှိမှာ ထိုးစစ်တွေအကြီးအကျယ်လုပ်နေတာတွေရှိတယ်။ အဲဒီလို ထိုးစစ်တွေအကြီးအကျယ်ရှိနေတဲ့ကာလမှာ ကျနော်တို့ဘက်က အလွတ်သဘောမတွေ့သင့်ဘူးလို့ ဆုံးဖြတ်တဲ့အတွက်ကြောင့် မတွေ့တော့ဘူးဆိုပြီး ထုတ်ပြန်တာဖြစ်ပါတယ်။”

မေး။ ။ ပြည်တွင်းမှာတော့ ငြိမ်းချမ်းကိစ္စကို ဒေါ်အောင်ဆန်းစုကြည်ကိုယ်တိုင်ဦးဆောင်တော့မှာဆိုတော့ ဒီအပေါ်မှာ ဘာတွေမျှော်လင့်ထားလဲရှင့်။

ခိုင်သူခ။ ။ ကျနော်တို့ကလည်း အစကတည်းကလဲ ပြောပြီးသာရှိတယ်ဗျ။ နှစ်ပေါင်း (၅၄)နှစ်အတွင်း ပထမဆုံးတက်လာတဲ့ ပြည်သူ့အစိုးရဖြစ်တဲ့အတွက်ကြောင့် ကျနော်တို့က ကြိုဆိုတယ်၊ ၀မ်းသာတယ်ဆိုတဲ့အကြောင်း ကျနော်တို့ဘက်က ထုတ်ပြန်ထားပြီးသားရှိတယ်။ အခု ဒေါ်အောင်ဆန်းစုကြည်အနေနဲ့ ငြိမ်းချမ်းလုပ်ငန်းစဉ်တွေကို သူကိုယ်တိုင်လုပ်တော့မယ်ဆိုတော့ တော်တော်ဝမ်းသာစရာကောင်းတဲ့ကိစ္စဗျ။ ကျနော်တို့ကတော့ ကြိုဆိုတယ်။

မေး၊ ။ သူကိုယ်တိုင်ဦးဆောင်မယ်ဆိုပေမဲ့ တဖက်မှာလည်း စစ်တပ်နဲ့ ထိပ်တိုက်တွေ့နေတဲ့အချိန်မှာ အခက်အခဲတွေရှိလားနိုင်မလားရှင့်။

ခိုင်သူခ။ ။ ကျနော်တို့အမြင်ကတော့လေ အခုတက်လာတဲ့အစိုးရက မြန်မာ့တပ်မတော်ပေါ်မှာ ဘယ်လောက်ထိသူတို့အနေနဲ့ ညှိုနှိုင်းလို့ရနိုင်မလဲ၊ မြန်မာ့တပ်မတော်ကို အစိုးရအနေနဲ့ ဘယ်လောက်ထိန်းချုပ်နိုင်မလဲဆိုတဲ့အပေါ်မှာ အများကြီးမူတည်တယ်ဗျ။

ရခိုင့်တပ်မတော် AA ရဲ့ပြောခွင့်ရပုဂ္ဂိုလ် ခိုင်သူခ ပြောသွားတာပါ။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


နေပြည်တော်၊ ဧပြီ-၂၇

၂၀၁၆ခုနှစ်အကုန်ခန့်တွင် ရုရှက မြန်မာသို့ ဂျက်တိုက်လေယာဉ် ၃စင်း ထုတ်ပေးသွားမည်ဖြစ်သည်ဟု မီဒီယာသတင်းရင်းမြစ်များက ဧပြီလ ၂၆ရက်နေ့တွင် ဖော်ပြခဲ့ကြသည်။

ယခုနှစ်အစောပိုင်းက ရုရှ လေယာဉ်ထုတ်လုပ်သည့် Irkut ထံမှ သတင်းအချက်အလက်များအရ ယခုနှစ်တွင် Yakovlev Yak-130 (Mitten) တိုက်ပွဲဝင်လေ့ကျင့်ရေးလေယာဉ်နှင့် ပူးတွဲပါ ကိရိယာများကို မြန်မာနိုင်ငံသို့ ထုတ်ပေးသွားမည်ဖြစ်ပြီး၊ မစ်ရှင်ပြည့် အထူးလေ့ကျင့်ရေးကိရိယာကိုလည်း ၂၀၁၇ခုနှစ် အကုန်ခန့်တွင် ထုတ်ပေးသွားမည်ဖြစ်သည်ဟု ဆိုသည်။ ပျမ်းမျှ ပို့ကုန်ဈေးနှုန်း ကန်ဒေါ်လာ ၁၅သန်းရှိသည့် လေယာဉ်ကို ထုတ်ပေးမည့် အစီအစဉ် အသေးစိတ်နှင့် ပတ်သက်၍မူ ထုတ်ပြန်ခြင်းမရှိပေ။

သို့ရာတွင် ယခုနှစ်အကုန်လောက်တွင် လေယာဉ်များကို လွှဲပြောင်းပေးအပ်လိမ့်မည်ဟု သတင်းရင်းမြစ်တစ်ခုက ရုရှနေ့စဉ်သတင်းစာ Kommersant ကို အတည်ပြုခဲ့သည်ဟု ဆိုသည်။

“လေယာဉ် ၃စင်းကို ၂၀၁၆ခုနှစ်ထဲမှာ မြန်မာကို လွှဲပြောင်းပေးသွားမှာပါ”ဟု အဆိုပါ သတင်းရင်းမြစ်က ပြောကြားခဲ့သည်။


ရုရှလုပ် ဆိုနာတစ်ပိုင်း လူနှစ်ယောက်ထိုင် မျိုးဆက်သစ်လေယာဉ် Yak-130ကို ကနဦးက ၁၉၉၀ခုနှစ်များတွင် တည်ဆောက်ခဲ့ခြင်းဖြစ်ပြီး၊ ၂၀၀၀ခုနှစ်များတွင် စမ်းသပ် တိုက်ခိုက်မှုများ ပြုလုပ်ခဲ့သည်။ တောင်ပံများအောက်တွင် hard points များ ပါဝင်သောကြောင့် ဝေဟင်မှ ဝေဟင်ပစ် ဒုံးကျည်များ၊ ဝေဟင်မှ မြေပြင်ပစ်ဒုံးကျည်များ၊ ဗုံးများ၊ ဒုံးပျံများနှင့် gun podများအပါအ၀င် ၃၀၀၀ကီလိုဂရမ်နှင့်အထက်အထိ ၀န်တင်နိုင်သည်။

မြန်မာက Yak-130 ၀ယ်ယူမှုစာချုပ်ကို ၂၀၁၅ခုနှစ် ဇွန်လတွင် လက်မှတ်ရေးထိုးခဲ့သည်။

နောက်ပိုင်းတွင် ရုရှလေတပ်မှာ Yak-130များကို အမြောက်အများထုတ်လုပ်လာသကဲ့သို့ လက်တင်အမေရိကနှင့် မြောက်အာဖရိကတို့မှ အပါအ၀င် အခြားနိုင်ငံများကလည်း ၀ယ်ယူရန် စိတ်ဝင်စားလာခဲ့ကြသည်။

ယခုလက်ရှိတွင် မြန်မာမှာ အယ်လ်ဂျီးရီးယား၊ ဘင်္ဂလားဒေ့ရ်ှနှင့် ဘီလာရုစ်တို့ပြီးလျှင် Yak-130ကို စတုတ္ထမြောက် ၀ယ်ယူသူဖြစ်လာသည်။

AM
The Diplomat
china.com Myanmar
https://www.facebook.com/china.com.mm/

ခရစ်ယာန်ဘုရားရှိခိုးကျောင်းထဲတည်ခဲ့တဲ့ စေတီဟာ ဉာဏ်တော်အမြင့်က ပေ (၂၀)ကျော် ရှိ
ကရင်ပြည်နယ် လှိုင်းဘွဲ့မြို့ ကျေးရွာ(၂)ခု က ခရစ်ယာန်ဘုရားကျောင်းဝင်း နဲ့ ဗလီနံဘေးမှာ မြိုင်ကြီးငူဆရာတော်က စေတီတွေ တည်နေတာကို ကရင်ပြည်နယ် အစိုးရအဖွဲ့ကနေ တားမြစ်ဖို့ ကြိုးစားနေပါတယ်။

မြိုင်ကြီးငူဆရာတော်က ပြီးခဲ့တဲ့ ရက်ပိုင်းအတွင်း လှိုင်းဘွဲ့မြို့နယ်ထဲက ကွမ်းတော ကျေးရွာမှာ ခရစ်ယာန်ဘုရားရှိခိုးကျောင်းဝင်းအတွင်း စေတီတည်ခဲ့ပြီး တပတ်အတွင်းမှာပဲ ရွှေဂွန်းကျေးရွာမှာရှိတဲ့ ဗလီနဘေးမှာ ညတွင်းချင်း စေတီတစ်ဆူကို ထပ်မံ တည်ခဲ့တာဖြစ်ပါတယ်။

ဒီအတွက် ကရင်ပြည်နယ် အစိုးရဝန်ကြီးအဖွဲ့တွေ ဆွေးနွေးမှုတွေရှိခဲ့ပြီး မြိုင်ကြီးငူ ဆရာတော်နဲ့ တွေ့ဆုံ လျှောက်ထားဖို့ ကရင်ပြည်နယ်အစိုးရအဖွဲ့ကနေ ကြိုးစားနေပေမယ့် တွေ့ဖို့ အဆင်မပြေဖြစ်နေပါတယ်။

ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့် က အခုလို သူတစ်ပါးရဲ့ မြေပေါ်မှာ စေတီ တွေ တည်ဆောက် နေတာက လူအများစုကို ယဉ်ကျေးမှု မရှိဘူးလို့ မြင်စေတဲ့ အတွက် မသင့်တော်ဘူးလို့ ဆိုပါတယ်။

ဆရာတော် နဲ့တွေ့ဆုံခွင့် ရရင် အခု ကိစ္စတွေကို တင်ပြလျှောက်ထားသွားမှာ ဖြစ်ပြီးတော့ လောလောဆယ်မှာ ဆရာတော် ကို တွေ့ဖို့ ဆောင်ရွက် နေဆဲ ဖြစ်တယ်လို့ ပြောပါတယ်။

သံဃာ့ နာယက အဖွဲ့၊ ပြည်ထောင်စု အစိုးရ အဖွဲ့နဲ့ သာသနာရေး ဝန်ကြီးဌာန ကိုလည်း အခု ကိစ္စတွေကို တင်ပြထားတယ်လို့ ကရင်ပြည်နယ် ဝန်ကြီးချုပ်က ပြောပါတယ်။

သာသနာရေးဝန်ကြီးဌာန ပြည်တွင်းပြည်ပဆက်ဆံရေးနဲ့ သတင်းပြန်ကြားရေး ညွှန်ကြားရေးမှူး ဦးအောင်ဆန်းဝင်းကတော့ ဝန်ကြီးဌာနအနေနဲ့ ပြည်နယ်အစိုးရရဲ့ တင်ပြချက်ကို စောင့်ဆိုင်းနေကြောင်းနဲ့ လောလောဆယ်မှာ ဘာညွှန်ကြားချက်မှ လက်ခံ ရရှိထားတာ မရှိဘူးလို့ ပြောပါတယ်။ ခရစ်ယာန်ဘုရားရှိခိုးကျောင်းထဲတည်ခဲ့တဲ့ စေတီဟာ ဉာဏ်တော်အမြင့်က ပေ (၂၀)ကျော် ရှိပြီး ဗလီကျောင်းနားက စေတီကတော့ (၈)ပေကျော်လောက် ရှိပါတယ်။

မြိုင်ကြီးငူဆရာတော်ဟာ လှိုင်းဘွဲ့မြို့နယ်က ကျေးရွာတွေမှာ စေတီ (၄)ဆူတည်မယ်ဆိုတဲ့ သတင်းတွေ ထွက်ပေါ်နေပြီး ဒီလို တခြားဘာသာဝင်တွေရဲ့ ဘုရားကျောင်းတွေနားမှာ စေတီတည်တာမျိုးတွေ ထပ်မံဖြစ်ဖို့ တားဆီးနိုင်ဖို့ ကြိုးစားနေတယ်လို့ ကရင်ပြည်နယ် ဝန်ကြီးချုပ် ဒေါ်နန်းခင်ထွေးမြင့်က ပြောပါတယ်။

အခုစေတီ (၂)ဆူတည်ထားတဲ့ ကျေးရွာ(၂)ခုမှာ နေတဲ့ ခရစ်ယာန်၊ မွတ်စလင် နဲ့ ဗုဒ္ဓဘာသာဝင်တွေ အချင်းချင်းကြား ခိုက်ရန်မဖြစ်ဖို့ သက်ဆိုင်ရာဘာသာရေးခေါင်းဆောင်တွေက မေတ္တာရပ်ခံ တိုက်တွန်းပြောဆိုမှုတွေ ရှိပြီး ဒေသခံတွေအကြား ပြဿနာ တစုံတရာ မရှိဘူးလို့ လှိုင်းဘွဲ့မြို့ပြည်နယ်လွှတ်တော်အမတ် ဦးစောချစ်ခင်က ပြောပါတယ်။

BBC Burmese
http://www.bbc.com/burmese


မူဆယ် ဧပြီ ၂၆

မူဆယ်မြို့ ဆင်ဖြူဈေးအနီးတွင် မပေါက်ကွဲသေးသည့် တရုတ်နိုင်ငံလုပ် အသံမိုင်းနှစ်လုံးကို ဧပြီ ၂၅ ရက် နံနက် ၇ နာရီခွဲက တွေ့ရှိခဲ့သည်။

မူဆယ်မြို့မဈေးကြီးနှင့် ဆင်ဖြူဈေးလုံခြုံရေးအတွက် ရဲတပ်ဖွဲ့ဝင်များနှင့် ဈေးလုံခြုံရေးတို့ ပူးပေါင်းလှည့်ကင်းဆောင်ရွက်နေစဉ် ဆင်ဖြူဈေးတောင်ဘက် ရှိ ဆန်းသစ်ကားဂိတ် အနောက်ဘက် ပေ ၂ဝ အကွာ အမှိုက်ပုံအနီးတွင် စနက်တံတပ်ထားသည့် အသံမိုင်းနှစ်လုံးအား တွေ့ရှိခဲ့ခြင်း ဖြစ်သည်။

နယ်မြေခံတပ်မှ နံနက် ၈ နာရီခွဲတွင် မူဆယ်မြို့နယ် ရဲတပ်ဖွဲ့မှူးရုံး၌ အဆိုပါမိုင်းအား လာရောက်ယူဆောင်ကာ ဖျက်ဆီးခဲ့ကြောင်း သိရသည်။

ဆရာမောင်(မူဆယ်)
Myanmaalinn
https://www.facebook.com/MYANMAALINNNEWS


ဧပြီ ၂၁-ရက်မှ ၂၃-ရက်နေ့များတွင် လေပြင်းများတိုက်ခတ်၍ အရွယ်ကြီးသည့် မိုးသီးကြွေခဲ့သဖြင့် မန္တလေးတိုင်းအတွင်း ပျက်စိးဆုံးရှံးမှုတန်ဖိုး ကျပ်သိန်းပေါင်းတသောင်းခြောက်ထောင်ကျော် ဆုံးရှုံးခဲ့ကြောင်း ဧပြီ ၂၆ ရက်နေ့ မွန်းလွဲပိုင်းက သတင်းထုတ်ပြန်သည်။

ဖြစ်စဉ်ကြောင့် မန္တလေးတိုင်းဒေသကြီးအတွင်း၂၈ မြို့နယ်အနက် ၁၆ မြို့နယ်မှ ကျေးရွာ၂၈၇ ရွာ/ရပ်ကွက် ပေါင်း ၁၅ ရပ်ကွက်၌ ထိခိုက်ပျက် စီးမှုများ ဖြစ်ပေါ်ခဲ့၍ ၈ ဦးသေဆုံးခဲ့ပြီး ၄ ဦးထိခိုက်ဒါဏ်ရာရရှိခဲ့သည်။

"ပြန်လည် တည်ဆောက်ရေးလုပ်ငန်းတွေကို သက်ဆိုင်ရာမြို့နယ် ဘတ်ဂျက်ငွေတွေနဲ့အပြင် လိုအပ်ပါက ပြည်ထောင်စုကိုတင်ပြပြီး စာသင်ကျောင်းတွေကို ကျောင်းဖွင့်ချိန်အမီ ပြီးအောင်လုပ်မယ်"ဟု တိုင်းဒေသကြီး ၀န်ကြီးချုပ် ဒေါက်တာ ဇော်မြင့်မောင်က ပြောသည်။

ပျက်စီးဆုံးရှုံးမှုများတွင် ဌာနဆိုင်ရာ၊ စာသင်ကျောင်း၊ လူနေအိမ်များနှင့် သာသနိက အဆောက် အဦများပါဝင်ကြောင်း၊ စာသင်ကျောင်း ၂၇ ကျောင်းတွင် မူလတန်းကျောင်း ၁ ကျောင်းပြိုကျ ပျက်စီးပြီး ၁၀၉ ကျောင်းမှာ အမိုးများ လန်သွားကြောင်း၊ စေတီ ၅၉ ဆူ၊ ဘုန်းတော်ကြီးကျောင်း ၂၃ ကျောင်းမှာ ပျက်စီးမှုများပြားပြီး ၁၃၉ ကျောင်းမှာ သွပ်အမိုးများ လန်သွားကြောင်း သိရသည်။

ထို့အပြင် လူနေအိမ် ၆၉၅ ပြိုကျပျက်စီးခဲ့သဖြင့် လူဦးရေ ၂၇၇၇၆ ဦးမှာ သဘာဝဘေးဒဏ်ခံစားခဲ့ရ၍ တိရစ္ဆာန်ပေါင်း ၁၂၉၅ သေဆုံးခဲ့ကြောင်း၊ ဌာနဆိုင်ရာအဆောက်အဦ ၈ ခုပြိုကျကာ ၂၄ လုံးမှာ သွပ်အမိုးများ ပျက်စီးခဲ့သည်ဟု ဆိုသည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal