04/29/16


တရုတ်အမျိုးသားတဦးဟာ ဓာတ်လှေကားထဲမှာ အမျိုးသမီးတဦးနဲ့ အတူရှိနေစဉ် အနားကိုကပ်ပြီး မဖွယ်မရာ အပြုအမူနဲ့ နှောင့်ယှက်ဖို့ ကြိုးစားခဲ့ချိန်မှာ အမျိုးသမီးက တုံ့ပြန်ပညာပေးခဲ့ပါတယ်။

ဧပြီ ၂၄ ရက်နေ့မှာ ဖြစ်ခဲ့တဲ့ အဲဒီအဖြစ်အပျက်ကို ရုပ်သံကင်မရာမှတဆင့် ဖမ်းယူရရှိခဲ့ပြီး ချိုင်းနားဖူကျိုးသတင်းမှာ ဖော်ပြခဲ့တာပါ။

ဓာတ်လှေကားထဲမှာ သူတို့ ၂ ဦးတည်း ရှိနေချိန် အဆိုပါအမျိုးသားဟာ အမျိုးသမီးရဲ့နောက်ကနေ ကပ်ပြီး နှောင့်ယှက်ဖို့ စတင်ခဲ့တာပါ။

အမျိုးသမီးဟာ ဖုန်းကိုကြည့်ပြီး အလုပ်ရှုပ်နေခဲ့ကာ ပထမအကြိမ်မှာတော့ တခြားတဘက်ကို ရွှေ့သွားခဲ့ပါတယ်။

ဒါပေမယ့် အမျိုးသားဟာ ရပ်တန့်မသွားဘဲ နောက်ကနေ ပုခုံးကိုဖက်ဖို့ ကြိုးစားခဲ့ချိန်မှာတော့ အမျိုးသမီးက တွန်းဖယ်ပစ်ပြီး အဲဒီအမျိုးသားရဲ့ပါးကို ရိုက်ခဲ့တာ တွေ့ရပါတယ်။

အဲဒီနောက်မှာတော့ အမျိုးသားရဲ့ ငယ်ပါနေရာကို ခြေထောက်နဲ့ ဆောင့်ကန်ခဲ့ကာ ရင်ဘတ်ကို ဒူးနဲ့တိုက်ပြီး တံခါးကိုဖွင့် ထွက်သွားခဲ့တာ ရုပ်သံဖိုင်မှာ တွေ့ရပါတယ်။


 ဧပြီလ ၂၇ရက်နေ့ ၂၀၁၆ခုနှစ်တွင် ထိုင်းတီဗွီလိုင်း ၃၏သတင်းအရ ထိုင်းနိုင်ငံ ခေါင်ကင်ခရိုင်မှာသတင်းသုံးနေထိုင်သောရဟန်းတစ်ပါးက သူ၏ဇနီးဟောင်းကိုတခြားယောက်ကျားနဲ့ရှုပ်ပွေနေကြောင်းဖေ့ဘွတ်ခ်မှာသိရှိခဲ့လို့ ဇနီးအိပ်ပျော်နေချိန်မှာ ဓားရှည်ဖြင့်သတ်ဖြတ်လိုက်ပါတယ်။

ဖမ်းဆီးစစ်ဆေးချက်အရ သူတို့နှစ်ဦးဟာ အိမ်ထောင်ကျပြီးအတူနေထိုင်လာတာ ၆နှစ်ရှိပြီး နှစ်ဘက်နှစ်ဦးအကြား သဘောထားတွေကွဲလွဲမှုနှင့် အဆင်မပြေမှုတွေရှိခဲ့ရာကနေ ပြန်ကွဲသွားခဲ့ပါတယ် လင်ဖြစ်သူကဘုးန်းကြီးဝတ်ဖို့ဆုံးဖြတ်ပြီး သူ့ဇနီးက ဘယ်တော့မှနောက်ထပ်ယောက်ကျား မယူတော့ဘူး အတူရှင်အတူသေကြမယ်လို့ ကတိပေးကြပါတယ်။

 တနေ့မှာတော့ သူဇနီးဟောင်းကတခြားယောက်ကျားနဲ့ပွေရှုပ်နေတာကို ဖေ့ဘွတ်မှာတွေ့တော့ ကတိမတည်ဘူးဆိုပြီး ညအချိန်မှာ ဇနီးနေအိမ်ကိုပြန်လာပြီး ဇနီးအိပ်ပျော်နေတဲ့အချိန်ကိုစောင့်ကာ အိပ်အနောက်ဖက်ကနေ တက်ပြီးပြူတင်းပေါက်ဖက်ဝင်ကာ ဓားဖြင့်အကြိမ်ကြိမ်ခုတ်ဖြတ်ပစ်လိုက်တယ်လို့ ထွက်ဆိုလိုက်ပါတယ်။ လက်ရှိမှာလူသတ်အမှုနဲ့ ဖမ်းဆီးအရေးယူထားပါတယ်ခင်ဗျား။

MTF Channel
https://www.facebook.com/mtftv

တရုတ်နိုင်ငံ၊ အန်ဟွီးခရိုင်မှ အမျိုးသားတဦးဟာ ဗီယက်နမ်နိုင်ငံသူ အမျိုးသမီး ၁၄ ဦးကို သတို့သမီးအဖြစ် ၀ယ်ယူခဲ့ပြီးနောက်မှာ ၁၃ ဦးကို တခြားအမျိုးသားတွေဆီ ပြန်လည်ရောင်းချခဲ့တဲ့အတွက် ရဲတွေက ဖမ်းဆီးလိုက်ပါတယ်။

လက်ရှိမှာတော့ အဆိုပါအမျိုးသမီးတွေထဲမှ ၁၀ ဦးကို ရဲတွေက ထိန်းသိမ်းထားတယ်လို့ Ahscb.com သတင်းမှာ ဧပြီ ၂၈ ရက်က ဖော်ပြပါတယ်။

ဒါတွေအားလုံးရဲ့အစဟာ ၂၀၀၁ ခုနှစ်မှာ စတင်ခဲ့တာပါ။

ဇန်လို့အမည်ရတဲ့ အမျိုးသားဟာ မသန်စွမ်းတဦးဖြစ်ပြီး သူ့အနေနဲ့ အိမ်ထောင်မကျနိုင်တော့ဘူးလို့ စိတ်ဓာတ်ကျနေချိန်မှာ ယူနန်ခရိုင်မှ သူ့သူငယ်ချင်းတဦးက ဗီယက်နမ်မှ အမျိုးသမီးတွေကို သတို့သမီးအဖြစ် ၀ယ်လို့ရကြောင်း ပြောခဲ့တယ်လို့ ဆိုပါတယ်။

အဲဒီနောက်မှာတော့ ဇန်ဟာ ယူနန်ကို လိုက်သွားခဲ့ကာ ဗီယက်နမ်အမျိုးသမီးတဦးကို ၀ယ်ယူကာ လက်ထပ်ပေါင်းသင်းခဲ့တာပါ။

အဲဒီနောက်မှာတော့ သူ့ရဲ့မိတ်ဆွေတွေနဲ့ ဆွေမျိုးသားချင်းတွေက သူ့လို ဗီယက်နမ်ဇနီး ဘယ်လိုရနိုင်မလဲ မေးမြန်းခဲ့ချိန်မှာ သူတို့အတွက် ၀ယ်ယူကာ ပြန်ရောင်းဖို့ စတင်ခဲ့တယ်လို့ ဆိုပါတယ်။

ဇန်ဟာ သတို့သမီးတဦးအတွက် ယွမ်ငွေ ၆ သောင်း (အမေရိကန်ဒေါ်လာ ၉ ထောင်နီးပါး) နဲ့ ၀ယ်ယူခဲ့ရတာဖြစ်တယ်လို့ သတင်းမှာ ဖော်ပြပါတယ်။

ဒါဆို စဉ်းစားစရာဖြစ်လာတာက ယူနန်ခရိုင်ထဲကို ဗီယက်နမ်အမျိုးသမီးတွေ ဘယ်လိုရောက်လာခဲ့ပါသလဲ။

စီအန်အန်သတင်းရဲ့ အဆိုအရ နှစ်စဉ် ဗီယက်နမ်နိုင်ငံသူ အမျိုးသမီးတွေဟာ လူကုန်ကူးခံရပြီး တရုတ်နိုင်ငံတွင်းကို ရောင်းချခံနေရတယ်လို့ ဖော်ပြပါတယ်။

အရွယ်ရောက်ပြီးသူတွေသာမက အသက် ၁၃ နှစ်လောက်အရွယ် မိန်းကလေးတွေအထိ ပါဝင်ကာ သူတို့ကို နယ်စပ်မှ လှေ၊ ကား၊ ဆိုင်ကယ်တွေနဲ့ မှောင်ခိုကူးခဲ့ရပြီး လိမ်လည်လှည့်ဖျားတာ၊ ဒါမှမဟုတ် မူးယစ်ဆေးဝါးသုံး ခေါ်ဆောင်လာတာမျိုးတွေ ဖြစ်တယ်လို့ ဆိုပါတယ်။

ဇန်ရဲ့အမှုကိုတော့ ဒေသတွင်း ရဲဌာနကမှတဆင့် ခြေရာခံ ဖမ်းမိခဲ့တာဖြစ်ပြီး သက်ဆိုင်ရာ တာဝန်ရှိသူတွေဟာ ရဲအရာရှိ ၁၄၀ စေလွှတ်ကာ အမှုနဲ့ ဆက်စပ်နေတဲ့ သံသယရှိသူ ၂၄ ဦးကိုပါ ဖမ်းဆီးနိုင်ခဲ့တာပါ။

လက်ရှိမှာတော့ ဇန်က ၀ယ်ယူခဲ့သူ ၁၄ ဦးထဲမှ ရဲတွေက ထိန်းသိမ်းခဲ့သူ ၁၀ ဦးရှိပြီး ၄ ဦးကိုတော့ နေရပ်နိုင်ငံဆီ ပြန်ပို့ပေးခဲ့ပြီလို့ ဆိုပါတယ်။

ရဲစခန်းမှာ အမျိုးသမီး ၆ ဦးကတော့ ထိန်းသိမ်းထားဆဲဖြစ်ကာ ကျန်အမျိုးသမီး ၃ ဦးက ၀ယ်သူအမျိုးသားတွေရဲ့ နေအိမ်တွေကနေ ထွက်ပြေးခဲ့ကြတယ်လို့ စီစီတီဗွီသတင်းမှာ ဖော်ပြပါတယ်။

တရုတ်နိုင်ငံမှာ ၂၀၀၇ ခုနှစ်၊ ဒီဇင်ဘာလ ၁၃ ရက်နေ့ကတည်းက အမျိုးသမီးနဲ့ ကလေးသူငယ်တွေကို လူကုန်ကူးမှု တိုက်ဖျက်ရေးဆိုင်ရာ အစီအစဉ်ကို စတင်အကောင်အထည်ဖော်ခဲ့တာပါ။
DVB TV News

မွန်ပြည်နယ်ဝန်ကြီးချုပ်ဦးမင်းမင်းဦး အမေရိကန်ပြည်ထောင်စု ကိုရောက်ရှိစဉ် ဗွီအိုအေနဲ့တွေ့ဆုံစဉ်။
မွန်ပြည်နယ်ဝန်ကြီးချုပ်ဦးမင်းမင်းဦး အမေရိကန်ပြည်ထောင်စု ကိုရောက်ရှိစဉ် ဗွီအိုအေနဲ့တွေ့ဆုံစဉ်။

မွန်ပြည်နယ် အစိုးရအဖွဲ့ရဲ့ လုပ်ငန်းနဲ့ သက်ဆိုင်တဲ့ကိစ္စတွေကို မီဒီယာအဖွဲ့တွေ နဲ့တလတကြိမ်သာ တွေ့ခွင့်ပေးမယ်လို့ ပြည်နယ် ၀န်ကြီး ချုပ်ကနေပြောဆိုတဲ့ အပေါ်မှာ မီဒီယာတွေ အကြားမှာ ဝေဖန်မှုတွေ ထွက်ပေါ်နေပါတယ်။ ပြည်နယ် ၀န်ကြီးချုပ်အနေနဲ့ သတင်းမီဒီယာတွေနဲ့တွေ့ဆုံဖို့ အချိန်အခက်ခဲရှိနေတာကြောင့် ဒီလိုသတင်း ရယူခွင့်ကန့်သတ် လိုက်တာဟာ သတင်းသမား တွေအတွက် အခက်တွေ့စေသလို သတင်းရယူခွင့် ပြည်သူတွေ သတင်း သိရှိခွင့် နောက်ကျ သွားမယ်လို့လဲ ဒေသခံမီဒီယာ တွေ ကနေ ပြောဆိုနေကြပါတယ်။ ဒီအခြေအနေ ကိုတော့ ဗွီအိုအေ ထိုင်းအခြေစိုက် သတင်းထောက် နိုင်ကွန်းအိန်ကနေ ဆက်သွယ် မေးမြန်းပြီး အခုလို သတင်းပေးပို့ထားပါတယ်။

မွန်ပြည်နယ် ၀န်ကြီးချုပ် ဦးမင်းမင်းဦးကနေ မွန်ပြည်နယ်အတွင်းမှာရှိတဲ့ မီဒီယာ အဖွဲ့တွေ နဲ့ တလတကြိမ်သာ တွေ့ခွင့်ပေးမယ်လို့ မနေ့ကပြောဆိုခဲ့ကြောင်း တနင်္သာရီဂျာနယ် သတင်းထောက် မိရင်စနိုင်းကပြောပါတယ်။

" ၂၇ရက်နေ့ကျတော့ ကျမတို့ပြန်သွားတယ်။ ချိန်းထားလို့ ဟိုရောက်တော့ ဝန်ကြီးချုပ်ကတော့ ရှိနေတယ်။ အခန်းထဲမှာ သူ့ရဲ့ရုံးခန်းက ကောင်လေးပဲ ထွက်လာပြီးတော့ ရင်စနိုင်းတို့ကိုပြောတယ်။ သူက သတင်းထောက်တွေနဲ့ မတွေ့တော့ဘူးတဲ့။ တလတကြိမ်ပဲ တွေ့တော့မယ်တဲ့ အဲ့ဒီ့အခါ ကျရင်လည်း တွေ့မယ့် ရက်ကို သူအကြောင်းပြန်ပေးမယ်တဲ့။ အဲ့တာပြန်မေးလိုက် တယ်။ ဘာဖြစ်လို့လဲ ဆိုတော့ အဲ့တာ သူက အခုတလော သတင်းထောက်တွေက ခနခန လာနေတယ်တဲ့။ ဝန်ကြီးချုပ်ကလည်း သူအလုပ်လုပ်ရမယ့် အလုပ်တွေ အများကြီး ရှိတယ်တဲ့။ သူအချိန်မပေးနိုင်ဘူးတဲ့ အဲ့လိုပြောတယ်။"

မွန်ပြည်နယ် အစိုးရအဖွဲ့ရဲ့ လုပ်ငန်းနဲ့ သက်ဆိုင်တဲ့ကိစ္စတွေကို မီဒီယာအဖွဲ့တွေ နဲ့တလတကြိမ် တွေ့ဆုံသွားမယ်လို့ ၀န်ကြီးချုပ် ကပြောဆိုခဲ့တာပါ။

အခုလိုသတင်းရယူခွင့် ကန့်သတ်လိုက်တာဟာ သတင်းသမားတွေအတွက် အခက်တွေ့စေတယ်လို့လဲ မိရင်စနိုင်းကပြောပါတယ်။

" ဘယ်လိုအခက်အခဲတွေ တွေ့မလဲဆိုတာက သတင်းထောက်တွေ အနေနဲ့က နေ့စဉ်နဲ့အမျှ သတင်းတွေက ရေးနေရတယ်လေ။ တချို့ သတင်းတွေကလည်း အချိန်နဲ့တပြေးညီ တင်နေရတဲ့ သတင်းတွေလည်း ရှိတယ်။ ဆိုတော့ သူတို့အနေနဲ့ တလ တခါမှ ပေးတွေ့မယ်ဆိုရင် တချို့သတင်းတွေကလည်း သူတို့ဘက်ကို မေးမှ သူတို့ဘက်ကို အတည်ပြုမှ ဒီမှာ သတင်းက တင်လို့ရတယ်လေ။ နို့မို့ရင် တဖက်ပြောနဲ့ပဲ သတင်းကဖြစ်နေတော့ ဒီလိုမျိုး သူတို့ တလတကြိမ်မှ ဆိုတော့ ဘယ်လိုမှ အဆင်မပြေနိုင်ဘူးလေ။"

မွန်ပြည်နယ် အစိုးရအနေနဲ့ မီဒီယာတွေကို သတင်းရယူခွင့် ကန့်သတ်လိုက်တဲ့ လုပ်ရပ်ဟာ မဖြစ်သင့်ဘူးလို့ မော်လမြိုင်အခြေစိုက် သံလွင်တိုင်း သတင်းဌာန အယ်ဒီတာချုပ် ဦးကိုကိုဇော်ကပြောပါတယ်။

" ကျနော်တို့က လူထုရဲ့ သိပိုင်ခွင့်တွေကို အချိန်နဲ့အမျှ တင်ဆက်ဖို့ ကြိုးစားနေတဲ့ နေရာပါ ဒီလိုမျိုး ကန့်သတ်လိုက်ခြင်းအားဖြင့် တလစာလုံးလုံးမှာ ထုတ်ပြန်မယ့် သတင်းကို လူထုကို သိရမယ်ဆိုရင် ကျနော်ပြောတာက တော်တော်လေး အဆင်မပြေတဲ့အနေအထားပါ ဒါ မဖြစ်သင့်ဘူးလို့ ကျနော်မြင်ပါတယ်။ အရင်ဝန်ကြီးချုပ်တုန်းက ဝန်ကြီးချုပ် ကို တွေ့ဆုံမေးမြန်းခွင့် မရပေမဲ့ ဝန်ကြီးဌာန အကုန်လုံးကိုတော့ ကျနော်တို့ မေးမြန်းခွင့်ရပါတယ်။ အချိန်မရွေးလည်း သွားမေးလို့ ရပါတယ်။ မေးလို့ရှိရင်လည်း သူတို့သိရင် သိတဲ့အကြောင်း ဖြေပါတယ်။"

အရင်မွန်ပြည်နယ်အစိုးရလက်ထက်မှာ လွတ်လပ်စွာသတင်းယူခွင့်ရှိခဲ့ပေမဲ့ NLD ဦးဆောင်တဲ့ ပြည်နယ် အစိုးရလက်ထက်မှာ သတင်းရယူခွင့် ကန့်သတ် ခံနေရတယ်လို့ ဦးကိုကိုဇော်က ဆိုပါတယ်။

လက်ရှိမွန်ပြည်နယ် ၀န်ကြီးချုပ်ဟာ နိုင်ငံရေးအတွေ့အကြုံအားနည်းလို့ မီဒီယာတွေနဲ့ တွေ့ဆုံဖို့ ၀န်လေးနေတယ်လို့ယူဆကြောင်း မွန်ပြည်နယ်အခြေစိုက် လွတ်လပ်သော မွန်သတင်းအေဂျင်စီရဲ့အယ်ဒီတာ နိုင်ဗညားအောင်က အခုလို ဆိုပါတယ်။

" ကျနော်တို့ ပြည်နယ်ဝန်ကြီးချုပ်ကလည်း နုတယ်။ သူက နိုင်ငံရေး အတွေ့အကြုံလည်း မရှိတော့ သူက မီဒီယာနဲ့ရင်ဆိုင်ရမယ့် ကိစ္စကတော့ နည်းနည်းတော့ ဝန်လေးနေတဲ့ပုံ ပေါ်တယ်ဗျ။ သူ့ရဲ့အပြောအဆိုတွေကလည်း ကြည့်လိုက်လို့ရှိရင် မွန်တွေအပေါ်မှာ ပြောတဲ့ဥစ္စာက လည်း အစွဲအလမ်းကြီးတဲ့ လူမျိုးတို့ ဘာတို့ဆိုတဲ့အပေါ်မှာလည်း အများကနေ ကြားသလိုပေါ့ဗျာ။ သူက မီဒီယာနဲ့ တွေ့ဖို့ ရင်ဆိုင်ဖို့ရာ သူ့မှာ သတ္တိ ရှိမှာမဟုတ်ဘူး။ အဲ့ဒီ့အပေါ်မှာလည်း သူ့အားနည်းချက်ပဲ ဖြစ်ပါလိမ့်မယ်။"

သတင်းရယူဖို့ ကန့်သတ်ထားတဲ့ အခြေအနေနဲ့ပတ်သက်လို့သိရှိအောင် ၀န်ကြီးချုပ်ရုံးကို ဆက်သွယ်မေးမြန်းရာမှာ ဖြေကြား ပေးဖို့ အဆင်မပြေဘူးလို့ ရုံးအဖွဲ့ဝင်တဦးကဆိုပါတယ်။

" အော် ဆရာရေ အခုလောလောဆယ်မှာတော့ ကျနော်တို့မှာ ပြောဖို့ အဆင်မပြေပါဘူးခင်ဗျာ။"

တခြားပြည်နယ်ဝန်ကြီးတွေကိုဆက်သွယ်မေးမြန်းရာမှာလဲ အစိုးရအဖွဲ့အတွင်း သတ်မှတ်ချက် စည်းကမ်းအရ ၄င်းတို့အနေနဲ့ ပြောဆိုပိုင်ခွင့် မရှိဘဲ ပြည်နယ် ၀န်ကြီးချုပ်ရုံးကသာ ပြောပိုင်ခွင့်ရှိတယ်လို့ဆိုပါတယ်။

လက်ရှိ မွန်ပြည်နယ် အစိုးရသစ်အနေနဲ့ တာဝန်ယူတာ မကြာသေးတဲ့အတွက် သတင်းနဲ့ ပြန်ကြားရေးအဖွဲ့ကို ဖွဲ့စည်းနိုင်ခြင်း မရှိသေးဘူးလို့ လည်း ပြည်နယ် လွှတ်တော် ကိုယ်စားလှယ်တဦးက ပြောပါတယ်။

ပြည်နယ်ဝန်ကြီးချုပ် အနေနဲ့ သတင်းမီဒီယာတွေနဲ့တွေ့ဆုံဖို့ အချိန်အခက်ခဲ ရှိနေတာကြောင့် သတင်းသမားတွေနဲ့ တွေ့ဆုံတဲ့ နေ့ရောက်ရင် သက်ဆိုင်ရာ ပြည်နယ် ဝန်ကြီးတွေကိုပါ ခေါ်ဖို့ စီစဉ်ပေးသွားမယ် လို့ ၀န်ကြီးချုပ် ကနေပြောဆိုခဲ့တယ်လို့ ဒေသခံ သတင်းထောက်တွေကပြောပါတယ်။

အစိုးရအဖွဲ့တခုအနေနဲ့ သတင်းရယူခွင့်ကန့်သတ်ထားတာဟာ သတင်း ရယူခွင့် ပြည်သူတွေ သတင်းသိရှိခွင့် နောက်ကျသွားမှာ ဖြစ်တဲ့အတွက် ဒီမိုကရေစီ ကျင့်စဉ်နဲ့ သွေဖီသွားစေနိုင်တယ်လို့ BNI ခေါ် နိုင်ငံတကာမြန်မာ သတင်းအဖွဲ့ရဲ့ ဒါရိုက်တာ နိုင်ကဆော့မွန် က အခုလို သုံးသပ်ထားပါတယ်။

"ကမ္ဘာပေါ်မှာ ရှိတဲ့ ဒီမိုကရေစီနိုင်ငံတွေ များသောအားဖြင့်က ဒီ ဝန်ကြီးချုပ်က နေ့တိုင်း ရုံးတက်တဲ့အချိန်မှာ သတင်းစာဆရာတွေနဲ့ များသောအားဖြင့်က တွေ့ပါတယ်။ ရုံးဆင်းရင်လည်း တွေ့တတ်ပါတယ်။ မလွှဲမရှောင်သာ တွေ့ရမယ်။ ဒါမှ သတင်းထောက်တွေ မေးမြန်းတဲ့မေးခွန်း၊ သတင်းထောက်တွေ မရှင်းလင်းတဲ့ကိစ္စ ဒါဖြေရှင်းပြောကြားပေးရမှာပဲဖြစ်တယ်။ ဒါမှ သတင်းလွတ်လပ်မှုနဲ့သတင်းကို အချိန်မှီပြည်သူလူထု တင်ပြနိုင်မှာဖြစ်ပါတယ်။ အစိုးရဘက်က တလတခါပဲ လုပ်ငန်း အစီရင်ခံတဲ့ ပုံစံပဲ လုပ်မယ်။ ဝန်ကြီးချုပ် ကပဲဖြစ်ဖြစ် အစိုးရ ဝန်ကြီးတွေကပဲဖြစ်ဖြစ် သတင်းစာဆရာတွေ မီဒီယာတွေ နဲ့ အမြဲတမ်း တွေ့ဆုံခွင့် မလုပ်ပေးနိုင်ဘူး။ အကယ်လို့ သတင်းအင်တာဗျူး လုပ်တဲ့အခါမှာ မလုပ်ပဲနဲ့ငြင်းပယ်တာတွေ ဒါတွေ ဖြစ်ခဲ့မယ်ဆိုရင် ဒီမိုကရေစီနိုင်ငံတခုမှာ သတင်းစာလွတ်လပ်ခွင့် သတင်းရယူခွင့် ပြည်သူတွေ သတင်းသိရှိဖို့ရာ တအားနောက်ကျသွားမှာဖြစ်ပါတယ်။ ဒါကတော့ ဒီမိုကရေစီကျင့်စဉ်နဲ့ ဆန့်ကျင်သွားနိုင်ပါတယ်။"

အစိုးရအနေနဲ့ ပြည်သူလူထုကို အသိပေးလိုရင် မီဒီယာကနေ အသိပေးနိုင်ပြီး သတင်းမီဒီယာ သမားတွေအနေနဲ့လဲ သတ်မှတ် ချက် စည်းကမ်းနဲ့အညီ အစိုးရ ရုံး ဌာန အဖွဲ့အစည်းတွေမှာ သတင်း အချက်အလက်ရယူခွင့်၊ နေရာထိုင်ခင်းရခွင့်နဲ့ ဝင်ထွက် သွားလာခွင့်ရှိကြောင်းသတင်းမီဒီယာ ဥပဒေ၊ အခန်း(၃) ပုဒ်မ ၄ (ဃ)မှာဖေါ်ပြထားပါတယ်။

ကိုနိုင်ကွန်းအိန်
VOA

အမေရိကန်သံရုံးရှေ့ ရိုဟင်ဂျာလို့ သုံးနှုန်းမှုအပေါ် ဆန့်ကျင်ကန့်ကွက် ဆန္ဒပြ။ (ဧပြီ ၂၈၊ ၂၀၁၆)
အမေရိကန်သံရုံးရှေ့ ရိုဟင်ဂျာလို့ သုံးနှုန်းမှုအပေါ် ဆန့်ကျင်ကန့်ကွက် ဆန္ဒပြ။ (ဧပြီ ၂၈၊ ၂၀၁၆)

မနေ့ ကြာသာပတေးနေ့က ရန်ကုန် အမေရိကန် သံရုံးရှေ့ဆန္ဒပြပွဲကို ဦးဆောင်ခဲ့တဲ့ အမျိုးသားရေးဝါဒီ မဘသခေါင်းဆောင်တွေနဲ့ အမျိုးသားကွန်ယက်အဖွဲ့တို့ကို ငြိမ်းစုစီ ပုဒ်မ (၁၉) အပါအ၀င် သံဃာ့ စည်းမျဉ်း စည်းကမ်းချက်တွေနဲ့အညီ အရေးယူ မှာဖြစ်တယ် လို့ ကမာရွတ် ရဲစခန်းတာဝန်ရှိသူက ဗွီအိုအေကိုပြောပါတယ်။ ဆန္ဒပြပွဲ ဦးဆောင်သူတွေဟာ ခွင့်ပြုချက်ယူထားတဲ့နေရာကနေ ကျော်လွန်ပြီး ဥပဒေကို မလိုက်နာပဲ ဆန္ဒပြခဲ့တဲ့အတွက် အရေးယူမှာဖြစ်တယ်လို့ဆိုပါတယ်။ ဆက်သွယ်မေးမြန်းထားတဲ့ မအင်ကြင်းနိုင်က အပြည့်အစုံကိုပြောပြမှာပါ။

ပြီးခဲ့တဲ့သတင်းပတ်တွေ အတွင်း ရခိုင်ပြည်နယ်ဘက်မှာ စက်လှေ နစ်မြုပ် သေဆုံး သွားသူတွေ အတွက် ရန်ကုန်အမေရိကန်သံရုံးရဲ့ ၀မ်းနည်းကြောင်း ကြေညာချက်မှာ ရိုဟင်ဂျာလူမျိုးဆိုပြီး သုံးနှုန်းခဲ့တဲ့အပေါ် မကျေနပ်တဲ့ အတွက် မဘသခေါင်းဆောင် ဦးပါမောက္ခ ဦးဆောင်ပြီး ဆန္ဒပြသူပေါင်း (၃၀၀)ကျော်ဟာ မနေ့က အမေရိကန်သံရုံးရှေ့ ဆန္ဒပြခဲ့ကြတာပါ။
ကန်သံရုံးရှေ့ ဆန္ဒပြကန်သံရုံးရှေ့ ဆန္ဒပြ

ဆန္ဒပြသူတွေဟာ ခွင့်ပြုထားတဲ့ ဗိုလ်စိန်မှန်ကွင်းကနေ ကျော်ပြီး ရန်ကုန်တက္ကသိုလ် ရိပ်သာ လမ်းတလျောက်ကနေ အမေရိကန်သံရုံးရှေ့ထိ ချီတက် စုဝေးဆန္ဒပြခဲ့တဲ့ အတွက် ငြိမ်းစုစီ ပုဒ်မ (၁၉) နဲ့ အရေးယူမှာဖြစ်တယ်လို့ ကမာရွတ်မြို့နယ် ရဲစခန်း တာဝန်ရှိသူတဦးက ဗွီအိုအေကို အခုလိုပြောပါတယ်။

"လျှောက်ထားတဲ့နေရာနဲ့ ခွင့်ပြုတဲ့နေရာပေါ့။ ခွင့်ပြုတဲ့နေရာမှာ မလုပ်ပဲ လမ်းလျှောက်တဲ့နေရာမှာ သူတို့လုပ်တာပေါ့။ စည်းကမ်း မလိုက်နာတာပေါ့။"

မအင်ကြင်းနိုင်။ ။ အရေးယူမယ်ဆိုရင် ဘယ်သူတွေကို အရေးယူဖို့ ရှိပါလဲရှင့်။

"သူတို့လျှောက်ထားတဲ့သူနဲ့ ဆန္ဒပြတဲ့ဖြစ်စဉ်မှာ ပါတဲ့အဖွဲ့ပေါ့။ ခေါင်းဆောင်တဲ့ အဖွဲ့တွေ"

မအင်ကြင်းနိုင်။ ။ ဆန္ဒပြတဲ့အထဲမှာ သံဃာတော်တွေလည်း ဦးဆောင်ပါဝင်တဲ့ အခါကျတော့ သံဃာတော်တွေကျတော့ ဘယ်လိုပုံစံနဲ့ အရေးယူဖို့ရှိလဲရှင့်။

"သံဃာတော်တွေကျတော့ သံဃာတော်တွေရဲ့ စည်းမျဉ်းစည်းကမ်းတွေရှိတယ်လေ။ သံဃာတော်ကျတော့ သံဃာတော်ပိုင်းနဲ့ အရေးယူမယ်ထင်တယ်။ ဒီဥပဒေနဲ့ အညီ လျှောက်ထားမယ်။ သတ်မှတ်ခွင့်ပြုတဲ့နေရာမှာ လုပ် ခွင့်ပြုတဲ့နေရာမှာ မလုပ်ဘူး မလိုက်နာဘူးဆိုရင်တော့ ဥပဒေနဲ့အညီပဲ ကျနော်တို့ အရေးယူတာပေါ့။ ။

ဆန္ဒပြသူတွေဟာ အမေရိကန်သံရုံးရှေ့ဆန္ဒပြဖို့ အာဏာပိုင်တွေကို ခွင့်ပြုချက် တောင်းခဲ့ပေမယ့် အဲဒီနေရာအစား ဗိုလ်စိန်မှန်ကွင်းမှာသာ ဆန္ဒပြဖို့ ဧပြီလ (၂၆)ရက်နေ့မှာ ကမာရွတ်မြို့နယ် အုပ်ချုပ်ရေးအဖွဲ့က ခွင့်ပြုခဲ့ပြီး သတ်မှတ်ချက်ကို လိုက်နာမှုမရှိဘူး ဆိုရင် ပုဒ်မ (၁၉)နဲ့ အရေးယူမှာဖြစ်တယ်လို့ ကြိုတင် သတိပေးထားကြောင်း ရဲတပ်ဖွဲ့ကပြောပါတယ်။

အခုလို မဘသဦးဆောင်တဲ့ အမျိုးသားရေးဝါဒီအဖွဲ့ဝင်တွေဟာ ခွင့်ပြုတဲ့နေရာကျော်ပြီး အမေရိကန်သံရုံးရှေ့မှာ ဆန္ဒပြခဲ့ကြတဲ့အတွက် ပုဒ်မ (၁၉)နဲ့ အရေးယူဖို့ အာဏာပိုင်တွေဘက်က စီစဉ်နေတာနဲ့ပတ်သက်လို့ ဥပဒေနဲ့ကိုက်ညီမှု ရှိမရှိ အာရှလူ့အခွင့်အရေးကော်မရှင် ရဲ့ မြန်မာနိုင်ငံဆိုင်ရာ တာဝန်ခံလည်းဖြစ်၊ ဥပဒေပညာရှင် တဦးလည်းဖြစ်တဲ့ ဦးမင်းလွင်ဦးကိုမေးကြည့်တော့-

"လွတ်လပ်စွာ စုဝေးခွင့်၊ လွတ်လပ်စွာ စီတန်းလှည့်လည်ခွင့် ဆိုတာတွေကတော့ ကျနော်တို့ နိုင်ငံတကာမှာလည်းပဲ ဥပဒေပြဌာန်းထားတာ ရှိပါတယ်။ ပြဌာန်းထားတဲ့ ဥပဒေ၊ နည်းဥပဒေတွေ အတိုင်း လိုက်နာဆောင်ရွက်တယ်ဆိုရင်တော့ အရေးယူဖို့ရာ လမ်းမရှိပါဘူး။ အဲ့တော့ ဒီဥစ္စာက ဖိနှိပ်တယ် မဖိနှိပ်ဘူးဆိုတာထက် ဒီခွင့်ပြုမိန့် တောင်းတယ် မတောင်းဘူးဆိုတဲ့ ကိစ္စအပေါ်မှာ အများကြီး မူတည်ပါတယ်။ အဲ့တော့ ဒီအစိုးရသစ်လက်ထက်မှာ ငြိမ်းချမ်းစွာ စီတန်း လှည့်လည်ခွင့် နဲ့ ပတ်သက်လို့ ကျနော်တို့ ကြားသိရသလောက်ကတော့ အစိုးရ ကိုယ်တိုင်ကိုက ဆန္ဒပြခွင့်ကို ခွင့်ပြုထားပြီးသားဖြစ်တယ်။ အဲ့တော့ အဲ့လိုမျိုး ခွင့်ပြုတဲ့နေရာမှာ ရုန့်ရင်းဆန်ခတ်တွေ မဖြစ်စေဖို့ ဥပဒေမဲ့လုပ်ရပ်တွေ မဖြစ်စေဖို့ အတွက် ရဲတပ်ဖွဲ့ကိုလည်း ညွှန်ကြားထားပြီးဖြစ်တယ်လို့ ကျနော်တို့ သိရပါတယ်။ အဲ့ဒီ့မှာ ဥပဒေ၊ နည်းဥပဒေပါ ပြဌာန်းချက်တွေအတိုင်း လိုက်နာ လုပ်ဆောင်မယ်ဆိုလို့ရှိရင်တော့ ဒါ အရေးယူနိုင်ဖို့ရာ အကြောင်း မရှိဘူးလို့ ကျနော်တို့မြင်ပါတယ်။"

ဖွဲ့စည်းပုံအခြေခံဥပဒေပုဒ်မ (၁၈)နဲ့ (၁၉)တို့အရ ဆန္ဒပြသူတွေဟာ ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့်ရှိပေမယ့် ကြိုတင်ခွင့်ပြုချက်တောင်းခံရမှာဖြစ်သလို၊ ခွင့်ပြုချက်ရထားတဲ့နေရာမှာပဲ ဆန္ဒပြခွင့်ရှိတာဖြစ်ပါတယ်။ အခုလိုဆန္ဒပြသူတွေ အရေးယူမယ်ဆိုတဲ့ အချိန်ဟာ နိုင်ငံရေးအရဖိနှိပ်တဲ့ ဥပဒေတွေကိုဖျက်သိမ်းမယ်လို့ အစိုးရကကြေညာထားတဲ့အချိန်နဲ့လည်း တိုက်ဆိုင်နေပါတယ်။

အင်ကြင်းနိုင်
VOA

ရန်ကုန်မြို့တော်မြင်ကွင်း။
ရန်ကုန်မြို့တော်မြင်ကွင်း။

မြန်မာနိုင်ငံမှာ အခုနှစ် ကမ္ဘာပေါ်မှာ အမြန်ဆုံးနှုန်းနဲ့ စီးပွားရေး တိုးတက်မှုတွေ ရမယ်လို့ နိုင်ငံတကာ အဖွဲ့အစည်းတွေက ခန့်မှန်းသုံးသပ်ကြချိန်မှာ NLD အစိုးရအနေနဲ့ အခွင့်အလမ်းကောင်းတွေကို အသုံးချနိုင်ဖို့ ထိရောက်တဲ့ စီးပွားရေး မူဝါဒတွေ ချမှတ်ပြီး အကောင်အထည်ဖော်နိုင်ဖို့ စိန်ခေါ်မှုတွေ ကြုံရနိုင်တယ်လို့ ၀ါရှင်တန် ဒီစီ အခြေစိုက် စီးပွားရေး ပညာရှင်တွေက သုံးသပ်ပါတယ်။ ဒီအကြောင်းကို ဆက်သွယ်မေးမြန်းထားတဲ့ ကိုရဲခေါင်က ပြောပြပါမယ်။

အခုနှစ်မှာ မြန်မာနိုင်ငံရဲ့ စီးပွားရေးဟာ အင်အားကောင်းကောင်းနဲ့ တိုးတက်လာပြီး၊ နိုင်ငံ ဂျီဒီပီရဲ့ ၈.၄ ရာခိုင်နှုန်းအထိ တိုးတက် လိမ့်မယ့်လို့ နိုင်ငံတကာ ငွေကြေး ရန်ပုံငွေအဖွဲ့ IMF နဲ့ အာရှ ဖွံ့ဖြိုးရေးဘဏ် ADB တို့ က ခန့်မှန်းထားပါတယ်။

ဝါရှင်တန် အခြေစိုက် ကမ္ဘာ့ဘဏ်ရဲ့ အရှေ့အာရှနဲ့ ပစိဖိတ် ဒေသ ဌာနခွဲက Chief Economist ဖြစ်တဲ့ Sudhir Shetty က အခုနှစ် မြန်မာနိုင်ငံမှာ ပက်သက်ပြီး၊ အစိုးရသစ်ကို အာဏာလွဲပြောင်းမှု ချောချောမွေ့မွေ့နဲ့ ပြီးဆုံးသွားတာဟာ နိုင်ငံရဲ့ စီးပွားရေးအပေါ် အကောင်းမြင်ရတဲ့ အကြောင်းရင်းတစ်ခုဖြစ်တယ်လို့ သူက ဆိုပါတယ်။ အခုနှစ် မြန်မာနိုင်ငံရဲ့ စီးပွားရေးအခြေအနေအပေါ် ကမ္ဘာ့ဘဏ်ရဲ့ ခန့်မှန်းသုံးသပ်ချက်တွေနဲ့ ပတ်သက်ပြီး သူက ဗွီအိုအေကို ခုလို ပြောပြပါတယ်။

” မြန်မာနိုင်ငံရဲ့ စီးပွားရေး အခြေအနေနဲ့ ပက်သက်ပြီး အကောင်းမြင် ခန့်မှန်းထားရတဲ့ အကြောင်းရင်း နှစ်ချက်ရှိပါတယ်။ တခုကတော့ နိုင်ငံရေး အခြေအနေပါ။ မြန်မာနိုင်ငံရဲ့ အစိုးရသစ်ကို အာဏာလွှဲပြောင်းမှုက ထင်ထားတာထက်ပိုပြီး ချောချောမွေ့မွေ့နဲ့ ပြီးဆုံးသွားတာ မြင်ခဲ့ရပါတယ်။ ဒီလို နိုင်ငံရေးအရ သေချာမှု ရှိလာတာကြောင့် အားကောင်းတဲ့ စီးပွားရေး ဖြစ်လာဖို့ အထောက်အပံ့ပေးနိုင်မှာဖြစ်ပါတယ်။ နောက်တစ်ချက်ကတော့ နိုင်ငံခြားရင်းနှီးမြှုပ်နှံမှုတွေ အလုံးအရင်းနဲ့ ၀င်လာဖို့ရှိနေတာကြောင့်ပါ။ အထူးသဖြင့် လျှပ်စစ်ဓါတ်အား ထုတ်လုပ်ရေးမှာပါ။ မြန်မာနိုင်ငံဟာ လျှပ်စစ်ဓါတ်အား ထုတ်လုပ်တာ နဲ့ ဖြန့်ဖြူး အသုံးပြုမှု အကြား ကြီးမားတဲ့ ကွာဟချက်ဖြစ်နေတာကို ဖြေရှင်းဖို့ ကြိုးပမ်းနေပါတယ်။ ဒီအခြေအနေတွေ အားလုံးကြောင့် မြန်မာနိုင်ငံရဲ့ စီးပွားရေးဟာ လာမယ့်နှစ်တွေမှာ အားကောင်းကောင်းနဲ့ တိုးတက်လာဖို့ ရှိနေပါတယ်။”

စီးပွားရေးနဲ့ ပတ်သက်ရင် NLD အစိုးရသစ်အနေနဲ့ ရင်ဆိုင်ဖြေရှင်းရမယ့် စိန်ခေါ်မှုအချို့ကိုလည်း မစ္စတာ Sudhir Shetty က အခုလို အကြံပြု ပြောဆိုခဲ့ပါတယ်။

“အစိုးရအနေနဲ့ ငွေကြေးကဏ္ဍမှာ စိန်ခေါ်မှုတွေ အများကြီး ကြုံရနိုင်ပါတယ်။ အခုအချိန်မှာ အစိုးရသစ်အနေနဲ့ အများပြည်သူ ၀န်ဆောင်မှုကဏ္ဍနဲ့ အခြေခံ အဆောက်အဦး တည်ဆောက်တာလိုမျိုး နေရာတွေမှာ ရင်းနှီးမြှုပ်နှံဖို့ တောင်းဆို တာတွေ အများကြီး ရှိနေပါတယ်။ ဒါပေမယ့် အစိုးရဘက်က အခွန် ဘဏ္ဍာငွေ ကောက်ခံရရှိမှုက အရမ်းကို နည်းနေပါသေးတယ်။”

မြန်မာနိုင်ငံရေး စီးပွားရေး အခြေအနေကို အနီးကပ် လေ့လာစောင့်ကြည့်နေတဲ့ ၀ါရှင်တန် ဒီစီ အခြေစိုက် Brooking Institution အဖွဲ့က စီးပွားရေး ပညာရှင် Lex Reiffel ကလည်း မြန်မာနိုင်ငံရဲ့ စီးပွားရေး တိုးတက်မှု မြန်မာနိုင်ငံမှာ မပြီးပြတ်သေးတဲ့ ငြိမ်းချမ်းရေး လုပ်ငန်းစဉ်တွေရဲ့ အောင်မြင်မှုဟာ လာမယ့် ငါးနှစ်အတွင်း နိုင်ငံရဲ့ စီးပွားရေး တိုးတက်မှုအပေါ် သက်ရောက်မှု ရှိနိုင်တဲ့အကြောင်း ခုလို ပြောပါတယ်။

“NLD အစိုးရအနေနဲ့ အဓိက ရင်ဆိုင်ရမယ့် စိန်ခေါ်မှုက ငြိမ်းချမ်းရေး လုပ်ငန်းစဉ်ပါ။ ဒါက မြန်မာနိုင်ငံအတွက် တစ်ခုတည်းသော တည်ရှိနေတဲ့ ပြဿနာဖြစ်ပါတယ်။ လာမယ့် ငါးနှစ်တာ ကာလအတွင်း NLD အနေနဲ့ ငြိမ်းချမ်းရေး လုပ်ငန်းစဉ်တွေ အောင်မြင် ပြီးဆုံး၊ ရေရှည် ငြိမ်းချမ်းရေး ရအောင်ယူနိုင်ဖို့ အရေးကြီးပါတယ်။ ”

ပြီးခဲ့တဲ့ ဇန်န၀ါရီလက စီးပွားရေး ပညာရှင် Lex Reiffel ရေးသားခဲ့တဲ့ “မြန်မာနိုင်ငံရဲ့ စီးပွားရေးကို NLD အနေနဲ့ ပြုပြင်ပြောင်းလဲနိုင်မလား” “Can the NLD reform Myanmar’s economy” ဆိုတဲ့ ဆောင်းပါးမှာ NLD အစိုးရရဲ့ စီးပွားရေး ရည်မှန်းချက်တွေ ပြည့်မှီဖို့အတွက် အချက်နှစ်ချက်က လွှမ်းမိုးမှုရှိလိမ့်မယ်လို့ သုံးသပ်ထားပါတယ်။

ပထမအချက်အနေနဲ့ မြန်မာနိုင်ငံရဲ့ လက်ရှိစီးပွားရေးတိုးတက်မှုဟာ သဘာဝ သယံဇာတတွေ ထုတ်ယူတဲ့ လုပ်ငန်းတွေ အပေါ်မှာ မှီခိုနေပြီး၊ NLD အစိုးရ ရည်မှန်းထားသလို စိုက်ပျိုးရေးကို အခြေခံပြီး ကျယ်ပြန့်တဲ့ စီးပွားရေး တိုးတက်မှုတွေ ဖြစ်လာဖို့ဆိုတာက နောက်ငါးနှစ်အတွင်း မလွယ်ကူသေးတဲ့အတွက်၊ တိုင်းရင်းသားဒေသတွေမှာ ငြိမ်းချမ်းရေး ရဖို့အတွက် စေ့စပ်ညှိနှိုင်းမှုတွေ အောင်မြင်မှုရှိမရှိဆိုတာဟာ နိုင်ငံ့စီးပွားရေးအပေါ်မှာ သက်ရောက်မှု ရှိနိုင်တယ်လို့ သူက သုံးသပ်ပါတယ်။

ဒါ့အပြင် ဒုတိယအချက်အနေနဲ့ အစိုးရရဲ့ ဗျူရိုကရေစီ ယန္တရားတွေရဲ့ စွမ်းဆောင်မှု မကောင်းတာကလဲ NLD ရဲ့ စီးပွားရေး မူဝါဒတွေအကောင်အထည်ဖော်ရာမှာ သက်ရောက်မှု ရှိလိမ့်မယ်လို့ သူက ပြောပါတယ်။ အရင်အစိုးရလက်ထက်မှာ ဆယ်စုနှစ်တွေတော်တော်များများကြာအောင် လူထုရဲ့ ပညာရေး မြင့်မားရေးနဲ့ လူ့စွမ်းအားအရင်းအမြစ်ဖွံ့ဖြိုးတိုးတက်ရေး ကိစ္စတွေကို လျှစ်လျူရှခံခဲ့ရတာကြောင့်အပြင်၊ ပြည်ပ အစိုးရနဲ့ အဖွဲ့အစည်းတွေကလည်း အတိုက်အခံနဲ့ အရပ်ဖက်အဖွဲ့အစည်းတွေ အားကောင်းဖို့ကိုပဲ အာရုံစိုက်ပြီး ကူညီထောက်ခံခဲ့ကြတာကြောင့် အစိုးရ ယန္တရားတွေရဲ့ စွမ်းဆောင်မှု အားနည်းနေတာဖြစ်တယ်လို့ မစ္စတာ Lex Reiffel က သုံးသပ်ထားပါတယ်။

ရဲခေါင်
VOA

အမျိုးသားဒီမိုကရေစီအဖွဲ့ချုပ်ပါတီက အနိုင်ရကိုယ်စားလှယ်တွေကို ဇန်နဝါရီလ ၃ဝ ရက်နေ့က ပြည်သူ့လွှတ်တော် အစည်းအဝေးခန်းမမှာ လွှတ်တော်ဆိုင်ရာသင်တန်းပေးနေစဉ်။ Photo: Win Ko Ko Latt/RFA
၁၉၅ဝ အရေးပေါ်စီမံမှု အက်ဥပဒေ၊ ၁၉၇၅ နိုင်ငံတော်အား နှောက်ယှက်ဖျက်ဆီးလိုသူများ ဘေးအန္တရာယ်မှ ကာကွယ်တဲ့ ဥပဒေနဲ့ ငြိမ်းချမ်းစွာ စုရုံးစီတန်းလှည့်လည်ခွင့် ပုဒ်မ ၁၈ လို ဥပဒေတွေ ပြန်လည်ရုပ်သိမ်းရေး ဥပဒေကြမ်းတွေကို မကြာခင်ရက်ပိုင်းအတွင်း လွှတ်တော်ကို တင်သွင်းဆွေးနွေးမှာဖြစ်ပါတယ်။

မေ ၂  ရက်မှာ ပြန်လည်ကျင်းပမယ့် ပြည်သူ့လွှတ်တော်အစည်းအဝေးကို တင်သွင်းဖို့ စီစဉ်ထားကြောင်း သိရပါတယ်။

ခေတ်စနစ်နဲ့ မညီတော့တဲ့ ဥပဒေတွေကို ရုတ်သိမ်းဖို့ တင်ပြမှာဖြစ်ကြောင်း ဥပဒေရေးရာနဲ့ အထူးကိစ္စရပ် များ လေ့လာဆန်းစစ်သုံးသပ်ရေး ကော်မရှင်အဖွဲ့ဝင် ဦးစောလှထွန်းက ပြောပါတယ်။

"တချို့ဥပဒေတွေကျတော့ ဥပမာ အရေးပေါ်စီမံမှုအက်ဥပဒေလိုမျိုးလိုဟာကျတော့ ခေတ်ပြောင်း စနစ်ပြောင်းမှာ အရေးပေါ်ကိစ္စတွေနဲ့ပတ်သက်လို့ရှိရင် ဘယ်လိုဆောင်ရွက်ဖို့ဆိုပြီးတော့ အဲ့ဒီခေတ်က လိုအပ်ချက်အရ ထုတ်ပြန်ခဲ့တယ်ဖြစ်ပေမယ့် နောက်ပိုင်းမှာ အဲ့ဒါကိုမရုပ်သိမ်းပဲနဲ့ ဆက်ပြီးတော့ အသုံးပြုလာတာရှိတာပေါ့၊ ရှိတော့ကျတော့ ပြည်သူလည်းအထင်လွဲနိုင်တယ်၊ နောက်ပြီးတော့ ခေတ် စနစ်နဲ့လည်း မကိုက်ညီတဲ့ဟာတွေပေါ့၊ နိုင်ငံတော်အား နှောက်ယှက်ဖျက်ဆီးသူများ ကာကွယ်တဲ့ ဥပဒေတို့ နောက် အရေးပေါ်စီမံမှု အက်ဥပဒေ  ၅ (ည) လိုမျိုး နောက် ငြိမ်းစုစီမှာပါတဲ့ ပုဒ်မ(၁၈) လိုမျိုးတို့ ဒါတွေကို ပြန်လည်သုံးသပ်ပြီးတော့ လွှတ်တော်ကို တင်ပြထားခြင်းဖြစ်ပါတယ်ခင်ဗျ"

နိုင်ငံတော်အား နှောက်ယှက်ဖျက်ဆီးလိုသူများ ဘေးအန္တရာယ်မှ ကာကွယ်သည့် ဥပဒေဟာ ဒေါ်အောင်ဆန်း စုကြည်နဲ့ နိုင်ငံရေးသမားများကို ဖမ်းဆီးရာမှာ အသုံးပြုခဲ့တဲ့ ဥပဒေတစ်ရပ် ဖြစ်ပါတယ်။ အဲ့ဒီ ဥပဒေကို မြန်မာ့ ဆိုရှယ်လစ်လမ်းစဉ်ပါတီခေတ်က ဦးသန့်အရေးအခင်း အပါအဝင် အလုပ်သမားဆန္ဒပြမှုတွေနဲ့ တခြား ဆန္ဒပြမှုတွေကို နှိမ်နှင်းဖို့အတွက် ရည်ရွယ်ပြီး ဒီဥပဒေကို ထုတ်ပြန်ခဲ့ တာဖြစ်တယ်လို့ သိရပါတယ်။

RFA Burmese
http://www.rfa.org/burmese


ရေတာရှည် ဧပြီ

ပဲခူးတိုင်းဒေသကြီး၊ ရေတာရှည်မြို့နယ်၊ ဆွာမြို့အနောက်ဘက်(၁ဝ)မိုင်ရှိ ဖိုးကျားဆင်စခန်း အနီး သာဂရ-ကိုးပင်ရိုးမဖြတ်ကျော်လမ်းတွင် ဧပြီ ၂၈ ရက်နေ့ နံနက်(၉)နာရီအချိန်ခန့် ပဲအိတ်နှင့် ခရီး သည်များတင်ဆောင်လာသော (၆)ဘီးဖောကားတစ်စီး ဘရိတ်ပေါက်၍တိမ်းမှောက်သွားခဲ့ရာ အမျိုးသား နှစ်ဦး၊အမျိုးသမီးတစ်ဦးသေဆုံးကာ အမျိုးသားနှင့်အမျိုးသမီး(၁၆)ဦးဒါဏ်ရာများရရှိခဲ့ပြီး အမျိုးသမီး(၆) ဦးမှာ စိုးရိမ်ရ၍ နေပြည်တော်ကုတင်(၁ဝဝဝ)ဆေးရုံကြီးသို့ ထပ်မံပို့ဆောင်ပေးခဲ့ရကြောင်းသိရသည်။

သာဂရကျေးရွာအုပ်စု၊ ငါးခုံးမချောင်း(အနောက်)ရပ်ကွက်နေ နွေးထွေးအောင်(၂၃)နှစ်၊ မောင်းနှင်သော NJP ၆င/-----(၆)ဘီးဖောကားဖြင့် လုံးရမ်းကျေးရွာမှ ပဲအိတ်များနှင့် ခရီးသည်များတင်ဆောင်၍ အနောက်မှအရှေ့သို့ ရိုးမဖြတ်ကျော်ကားလမ်းအတိုင်းမောင်းနှင်လာစဉ် မိုင်တိုင်အမှတ် ၁ဝ/၆ နှင့် ၇ ကြားအရောက်တွင် ဘရိတ်ပေါက်သွားရာမှ လမ်း၏ယာဘက်သို့တိမ်းမှောက်သွားခဲ့သည်။ ယာဉ်တိမ်း မှောက်မှုကြောင့် ယာဉ်ပေါ်တွင်စီးနင်းလိုက်ပါလာကြသူများအနက် ဦးဝင်းညွှန့်(၄၈)နှစ်၊ သဲကောကျေးရွာ နေသူမှာရရှိသည့် ဒါဏ်ရာများဖြင့်နေရာတွင်သေဆုံးသွားခဲ့သည်။

အခြားသောဒါဏ်ရာရရှိသူများအား ဆွာမြို့တိုက်နယ်ဆေးရုံသို့ သာဂရ၊ ဆွာမြို့များမှ အရေးပေါ်လူနာတင်ယာဉ်များဖြင့်ပို့ဆောင်ပေးခဲ့ရာ ဆေးရုံအရောက်တွင် ဒေါ်ငယ်(၆၅)နှစ်၊ သဲကောကျေးရွာ၊ရေတာရှည်မြို့၊ ဦးထွန်းမြင့်(၅၃)နှစ်၊ လုံးရမ်း ကျေးရွာနေသူတို့ရရှိသည့်ဒါဏ်ရာများဖြင့်ထပ်မံသေဆုံးသွားခဲ့ပြီး စိုးရိမ်ရသည့်အခြေအနေရှိသည့် သဲ ကောကျေးရွာမှ အမျိုးသမီး(၆)ဦးတို့အား နေပြည်တော်ကုတင်(၁ဝဝဝ)ဆေးရုံကြီးသို့ အရေးပေါ်ပို့ဆောင် ပေါ်ခဲ့ပြီး ကျန်လူနာများအား ဆွာတိုက်နယ်ဆေးရုံ၌အတွင်းလူနာအဖြစ်ကုသမှုပေး လျက်ရှိသည်။

''အများ ဆုံးကတော့ ရေတာရှည်မြို့အနောက်ဖက်က သဲကောရွာကလူတွေများတယ် သူတို့က လုံးရမ်းမင်္ဂလာ ဆောင်ကိုသွားပြီး ကားကြုံစီးကြတာ'' ဆွာနယ်မြေရဲစခန်းမှ တာဝန်ရှိသူတစ်ဦးကပြောသည်။အဆိုပါ အမှုဖြစ်စဉ်အား ဆွာနယ်မြေရဲစခန်းမှ ယာဉ်(ပ)၈/၂ဝ၁၆ ပုဒ်မ ၃ဝ၄-က/၃၃၇/၃၃၈ ဖြင့်အမှုဖွင့် အရေးယူဆောင်ရွက်ထားကြောင်းသတင်းရရှိသည်။

ကိုလွင်(ဆွာ)
Myanmaalinn
https://www.facebook.com/MYANMAALINNNEWS


ထားဝယ်ခရိုင် မလွဲတောင်ခြေကားလမ်းပိုင်း တနေရာတွင် ယနေ့ဧပြီ ၂၉ ရက် မနက် ၅ နာရီ ၂၀ မိနစ်ခန့်က ရွှေမြင်းပျံ ခရီးသည်ယာဉ် မြောင်းထဲကျသွားခဲ့ကြောင်း သိရသည်။


 ဖြစ်ပွားပုံမှာ ရွှေမြင်းပျံမှန်လုံခရီးသည်တင်ယာဉ်မှ ယာဉ်မောင်းနှင့်ယာဉ်နောက်လိုက်တို့သည် အောက်ကိုဆင်း၍ အပေါ့သွားနေစဉ် ကားဘီးလိမ့်၍ လမ်းဘေးမြောင်းထဲသို့ ကျသွားခြင်းဖြစ်ပြီး ခရီးသည်များ ထိခိုက်မှုမရှိကြောင်းသိရသည်။

Myanmar Citizen News Agency (fb)


တာလီဘန်စစ်သွေးကြွ ကိုယ်စားလှယ်အဖွဲ့တဖွဲ့ကို လာရောက် လည်ပတ်ခွင့် ပေးခဲ့တာနဲ့ ပတ်သက်ပြီး ပါကစ္စတန်နိုင်ငံကို အာဖဂန်နစ္စတန်က ဝေဖန်လိုက်ပြီး၊ အကြမ်းဖက်ဝါဒီအဖွဲ့အစည်းတခုကို ဒီလိုမျိုး ခွင့်မပြုသင့်ဘူးလို့လည်း ပြောဆိုလိုက်ပါတယ်။

နယ်စပ်ရေးရာကိစ္စရပ်တွေနဲ့ ပါကစ္စတန်နိုင်ငံမှာ အာဖဂန်ဒုက္ခသည်တွေ ကြုံနေရတဲ့ ပြဿနာတွေကို ပါကစ္စတန်တာဝန်ရှိသူတွေနဲ့ ဆွေးနွေးဖို့အတွက် ကာတာမှာအခြေစိုက်ထားတဲ့ တာလီဘန်အဖွဲ့ရဲ့ နိုင်ငံရေးရုံးကနေ အစ္စလာမာဘတ်မြို့ကို ၃ ဦးပါ ကိုယ်စားလှယ်အဖွဲ့တဖွဲ့ သွားရောက်မယ့် အကြောင်း တာလီဘန်အဖွဲ့က အတည်ပြုပြီး နောက်တရက်မှာပဲ အာဖဂန်နိုင်ငံက ကန့်ကွက်လိုက်တာဖြစ်ပါတယ်။

ကြာသပတေးနေ့က ကာဘူးမြို့မှာ ပြုလုပ်တဲ့ သတင်းစာရှင်းလင်းပွဲအတွင်း အာဖဂန်သမ္မတရဲ့ ပြောခွင့်ရပုဂ္ဂိုလ် Shah Hu seen Mur Ta Za We ကတော့ - ဒီလိုကိစ္စမျိုးတွေနဲ့ တခြား နှစ်နိုင်ငံကြား ကိစ္စရပ်တွေကို အာဖဂန်အစိုးရနဲ့သာ ပါကစ္စတန်ဘက်က ဆွေးနွေးဖို့လည်း တောင်းဆိုခဲ့ပါတယ်။

တာလီဘန်အဖွဲ့ရဲ့ ပါကစ္စတန်နိုင်ငံ ခရီးစဉ်ဟာ အကြီးအကျယ် မေးခွန်း ထုတ်စရာ ဖြစ်သလို၊ အကြမ်းဖက်အဖွဲ့အစည်း တခုအနေနဲ့ ဘယ်နိုင်ငံကိုမှ အလည်အပတ်ခရီး သွားလာခွင့် မရှိဘူးလို့လည်း ပြောဆိုခဲ့တာပါ။

ပါကစ္စတန် အာဏာပိုင်တွေ အနေနဲ့ နယ်စပ်ဒေသအငြင်းပွားမှု ပြဿနာတွေနဲ့ ပါကစ္စတန်မှာ အာဖဂန်ဒုက္ခသည်တွေ ရင်ဆိုင်နေရတဲ့ ပြဿနာတွေလို ကိစ္စမျိုးတွေကို အကြမ်းဖက်အဖွဲ့အစည်းတခုနဲ့ ဆွေးနွေးလို့မရတဲ့အကြောင်းနဲ့ ဆွေးနွေးမှုတွေကို အာဖဂန်အစိုးရက ပြင်းပြင်းထန်ထန် ကန့်ကွက်ကြောင်းလည်း ပြောဆိုသွားပါတယ်။

ဗွီအိုအေ (မြန်မာပိုင်း)
http://burmese.voanews.com

၂၀၁၆ ဧပြီ ၂၇ ရက်နေ့ မွန်းလွဲ ၂ နာရီက နေပြည်တော်ရှိ Horizon Lake View ဟိုတယ်အစည်းအဝေးခန်းမ၌ ဒေါ်အောင်ဆန်းစုကြည်က ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC)အဖွဲ့ဝင်များနှင့် ပထမဦးဆုံးအကြိမ် တွေ့ဆုံဆွေးနွေးခဲ့ကြောင်း သိရသည်။

ယခင်က အကစ်အခတ်ရပ်စဲရေး သဘောတူညီမှုပြုလုပ်စဉ်မှာပင် ပစ်ခတ်တိုက်ခိုက်မှုသတင်းများထွက်ပေါ်နေ ခဲ့သည်။ ယခုအခါ ဒေါ်အောင်ဆန်းစုကြည်သာ ပြည်တွင်းငြိမ်းချမ်းရေးအတွက် ပြည်သူတို့၏အကျိုးကို မျှော်ကိုးကာ ဟန်ပြမဟုတ်ဘဲ အမှတ်တကယ်လိုလားစွာ စတင်ပြီဖြစ်ကြောင်း သိရသည်။

ဒေါ်အောင်ဆန်းစုကြည်က အပစ်အခတ်ရပ်စဲရေးလုပ်ငန်းများမှတဆင့် ထာဝရငြိမ်းချမ်းရေးရရှိအောင် လုပ်ဆောင်ရမည်ဖြစ်ကြောင်း၊ အပစ်အခတ်ရပ်စဲရေးလုပ်ငန်းများတည်တံ့ခိုင်မြဲမှလည်း ထာဝရငြိမ်းချမ်းရေး လုပ်ငန်းများကို လုပ်နိုင်မည်ဖြစ်ကြောင်း၊ JMC-U ထဲတွင်ပါဝင်ကြသူများသည် ကမ္ဘာတ၀ှမ်းမှ လုပ်နေသည့် ပစ်ခတ်ရပ်စဲရေးအစီအစဉ်များနှင့်ပတ်သက်ပြီး လေ့လာထားသည့်ပုဂ္ဂိုလ်များဖြစ်၍ ပစ်ခတ်ရပ်စဲရေးအစီအစဉ် များနှင့်ပတ်သက်ပြီး လေ့လာထားသည့်ပုဂ္ဂိုလ်များဖြစ်၍ ပစ်ခတ်ရပ်စဲရေးများတွင် သဘောတူညီမှုထက် တည်တံ့ခိုင်မြဲရေးက ပိုခက်ခဲသည်ကိုသိကြမည်ဖြစ်ကြောင်း၊ ပစ်ခတ်ရပ်စဲရေးသဘောတူစာချုပ်အများစု၏ ကိုးဆယ်ရာခိုင်နှုန်းသည်လပိုင်းအတွင်းပြန်ပျက်သွား သည်ကို ကြားသိရပါကြောင်း၊ ဤသည်မှာ JMC-U မည်မျှ အရေးကြီးသည်ကို ပြသသည့်သက်သေဖြစ်ပါကြောင်း ပြောကြားသွားသည်။
JMC-U ထဲတွင် အစိုးရ၊ တိုင်းရင်းသားများနှင့်အရပ်ဘက်အပါအ၀င် အဘက်ဘက်မှ ပါဝင်ကြသည့်အတွက် ပါဝင်ထိုက် ပါဝင်သင့်သူများ စုံစုံလင်လင်ပါဝင်သည်ဟု မိမိအနေဖြင့် ယူဆပါကြောင်း၊ ပါသင့်ပါထိုက်သူများ သည် ယခုခေတ်စကားအရ Stakeholder ဆိုသည့်စကားကတွင် ကျယ်နေပါကြောင်း၊ Stakeholder ကို တိတိ ကျကျတွေးခေါ်မည်ဆိုပါက ကိစ္စတရပ်ရပ်တွင် တနည်းမဟုတ်တနည်း ပါဝင်ပတ်သက်နေသူဟု အဓိပ္ပာယ်ဖွင့် ဆို ရမည်ဖြစ်ပါကြောင်း၊ ထို့ကြောင့် JMC ထဲတွင်ပါဝင်သင့်ပါဝင်ထိုက်သူများ၊ မည်သူများပါဝင်ရမည်ကို စပြီး စဉ်းစား၍ ယခုလုပ်ငန်းစဉ်မှ များစွာသင်ခန်းစွာယူနိုင်မည်ဟု မိမိထင်ပါကြောင်း ပြောကြားသည်။

ဆက်လုပ်ရမည့်လုပ်ငန်းမှာ ငြိမ်းချမ်းရေးညီလာခံဖြစ်ပါကြောင်း၊ ငြိမ်းချမ်းရေးညီလာခံကို ဆက်လက်လုပ် ဆောင်ရာ၌ ယခင်သဘောတူညီထားသည်များကို လိုအပ်ပါက ပြုပြင်ပြောင်းလဲဆောင်ရွက်သွားမည်။
JMC-U ၏ တိုက်ရိုက်ခန့်အပ်သည့် တာဝန်သည် အပစ်အခတ်ရပ်စဲရေးတည်မြဲဖို့ဖြစ်ကြောင်း၊ အပစ်အခတ်ရပ်စဲ ရေးနှင့်ပတ်သက်၍ မည်သည့်ဘက်ကမှ မကျေနပ်စရာမရှိရန်၊ အမှန်အမှားတရားမျှတမှုရှိ၊ မရှိတို့ကို JMC-U က အဓိက ထိန်းသိမ်းဆောင်ရွက်သွားရန်ဖြစ်ပါကြောင်း၊ အပစ်အခတ်ရပ်စဲရေး မချိုးဖောက်ရန် မည်သို့ဆောင် ရွက်ရမည်မှာ JMC-U ၏ တိုက်ရိုက်ချက်ချင်းလက်ငင်းတာဝန် ဖြစ်ပါကြောင်း၊ ငြိမ်းချမ်းရေးညီလာခံများ မည်သို့ အောင်မြင်အောင်ဆောင်ရွက်ရမည်ဆိုသည့် အကြံဥာဏ်များလည်း လိုချင်ပါကြောင်း၊ အပစ်အခတ်ရပ်စဲရေး သဘောတူစာချုပ်လက်မှတ်ရေးထိုးရာတွင် အားလုံးမပါဝင်သေးသည့်အတွက် စိတ်ပျက်စရာမလိုကြောင်း၊ အားလုံးပါဝင်လာအောင် မည်သို့ဆောင်ရွက်ရမည်ကို ၀ိုင်းဝန်းစဉ်းစားအဖြေရှာသွားရမည်ဖြစ်ကြောင်း၊ ငြိမ်းချမ်း ရေးအတွက် စေတနာမှန်က မအောင်မြင်စရာမရှိကြောင်း၊ အလုပ်တခုကို လုပ်သည့်နေရာတွင် အထူးသဖြင့် အများနှင့် စုပေါင်းလုပ်သည့်နေရာတွင် အပေးအယူဆိုရာ၌ အဓိကအားဖြင့် ကိုယ်ဘာပေးမည်ဆိုသည်ကို တယောက်ချင်းတယောက်ချင်း စဉ်းစားပေးပါက အောင်မြင်မည်ဖြစ်ကြောင်း၊ တယောက်ချင်းတယောက်ချင်း က ငါဘာယူမလဲဆိုသည့် စိတ်ဓာတ်ဖြင့် လာပါက ပိုခက်ခဲလိမ့်မည်ဖြစ်ပါကြောင်း၊ အပစ်အခတ်ရပ်စဲရေးကို ခိုင်မာအောင်လုပ်ဆောင်ပြီး မပါဝင်သေးသည့် အဖွဲ့များကို ပါဝင်လာရန်၊ ပါဝင်လာနိုင်အောင် အခြေအနေတခု ဖန်တီးပေးနိုင်ရန် ဆောင်ရွက်ရမည်ဖြစ်ကြောင်း၊ ထိုသို့ဆောင်ရွက်နေစဉ်အတွင်း ငြိမ်းချမ်းရေးညီလာခံကိုစတင် ကျင်းပသွားရန်ဖြစ်ကြောင်း ပြောကြားသည်။
ယခု ၂၁ ရာစု ပင်လုံညီလာခံ ကျင်းပနိုင်ရန်အတွက် မိမိအနေဖြင့် အချိန်ဆွဲမည်မဟုတ်၊ တလနှစ်လအတွင်း အစီအစဉ်များကို ပြီးမြောက်၍ ငြိမ်းချမ်းရေးညီလာခံကို စတင်ဆောင်ရွက်သွားလိုကြောင်း၊ ငြိမ်းချမ်းရေးသည် နိစ္စဓူဝလိုအပ်နေကြောင်း၊ ငြိမ်းချမ်းရေးမရသည့်အတွက် ဒုက္ခခံနေရသည့် နိုင်ငံသူနိုင်ငံသားများအတွက် တရက်စီ၏ ၂၄ နာရီသည် နည်းသည့်အချိန်မဟုတ်ပါကြောင်း၊ မခံစားရသူများအတွက် ၂၄ နာရီသည် ဘာမှ မဟုတ်ပါကြောင်း၊ နိုင်ငံသူနိုင်ငံသားများ ငြိမ်းငြိမ်းချမ်းချမ်းနေနိုင်ရန် ငြိမ်းချမ်းရေးညီလာခံကို အမြန်ဆုံး အောင် မြင်စွာကျင်းပနိုင်ရေး ၀ိုင်းဝန်းစဉ်းစားလုပ်ဆောင်ကြပါဟု တိုက်တွန်းထားသည်။

ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီဥက္ကဋ္ဌ ဒုတိယဗိုလ်ချုပ် ကြီး ရာပြည့်က JMC အနေဖြင့် NCA အကောင်အထည်ဖော်ရာမှာ စစ်ဘက်ဆိုင်ရာ သဘောတူညီချက်များကို ထိန်းသိမ်းလိုက် နာအကောင်အထည်ဖော်ဆောင်သွားရန် တာဝန်ရှိပါကြောင်း NCA စစ်ဘက်ဆိုင်ရာ အချက် ၅၅ ချက်ကို လက်မှတ်ရေးထိုးသူများအားလုံး လိုက်နာဆောင်ရွက်သွားစေရန် ဦးတည်ဆောင်ရွက်လျက်ရှိပါ ကြောင်း၊ JMC လုပ်ငန်းများကို စနစ်တကျ အကောင်အထည်ဖော်နိုင်သည့် ယန္တရားတခုဖြစ်လာစေရန် အချိန်ယူ တည်ဆောက်ရဦးမည်ဖြစ်ကြောင်း၊ ဤယန္တရားတခုဖြစ်လာစေရန် အဓိကကျသည့်အလုပ် အဖွဲ့(ရုံးအဖွဲ့) အဆင့်ဆင့်ကို ဖွဲ့စည်းအကောင်အထည်ဖော်သွားရမည်ဖြစ်ကြောင်း၊ ယင်းလုပ်ငန်းစဉ်များအတွက် သုံးနှစ်စာ ဘတ်ဂျက်ကို အမေရိကန်ဒေါ်လာ ၂၅ သန်းခန့်မှန်းတွက်ချက်ထားကြောင်း၊ ယင်းဘတ်ဂျက်ကို ကမ္ဘာ့ကုလ သမဂ္ဂမှ ကမကထပြုထောက်ပံ့ရန် ညှိနှိုင်းဆွေးနွေးထားကြောင်း၊ ပစ်ခတ်တိုက်ခိုက် မှုများရပ်စဲပြီး နိုင်ငံရေး ဆွေးနွေးပွဲများ အောင်မြင်စွာကျင်းပနိုင်ရေး၊ မိမိတို့ JMC အနေဖြင့် အားသွန်ခွန်စိုက်လုပ်ဆောင်သွားမည်ဟု ပြောကြားသည်။

အမျိုးသားပြန်လည်ရင်ကြားစေ့ရေးနှင့် ငြိမ်းချမ်းရေးလုပ်ငန်းစဉ်များနှင့် စပ်လျဉ်း၍ တာဝန်ယူဆောင်ရွက်မည့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုကော်မတီ National Reconciliation and Peace Centre (NRPC) ဖွဲ့စည်းရေးညှိနှိုင်းအစည်းအဝေးတရပ်ကို နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်း စုကြည် ဦးဆောင်၍ လာမည့်ဒုတိယပတ်အတွင်း ကျင်းပပြုလုပ်သွားမည်ဖြစ်ကြောင်း သိရသည်။

NW
News Watch(စောင့်ကြည့်သတင်းဂျာနယ်)

 alp-statement-620.jpg ရခိုင်ပြည်လွတ်မြောက်ရေးပါတီ ALP ရဲ့ ဧပြီလ ၂၄ ရက်နေ့က ထုတ်ပြန်တဲ့ကြေငြာချက်ကို တွေ့ရစဉ်

ရခိုင်ပြည်နယ်မှာ ဖြစ်ပွားနေတဲ့ တိုက်ပွဲတွေမှာ အစိုးရတပ်မတော်က ဥပဒေမဲ့ လုပ်ရပ်တွေရှိနေတဲ့အတွက် ရပ်တန့်ပေးဖို့ဆိုပြီး ရခိုင်ပြည်လွတ်မြောက်ရေးပါတီ ALP က ကြေညာချက် ထုတ်ပြန်တောင်းဆိုခဲ့တာကြောင့် အဲဒီကိစ္စအပေါ် ထုချေလွှာတင်ဖို့ ရခိုင်ပြည်နယ်အစိုးရ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ထိန်လင်းက ALP ပါတီ တာဝန်ရှိသူတွေကို တောင်းဆိုလိုက်ပါတယ်။

မနေ့က ပြည်နယ်အစိုးရအဖွဲ့ရုံးမှာ ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးထိန်လင်း က ခေါ် ယူတွေ့ဆုံပြီး ပြောခဲ့တာလို့ ALP ပါတီရဲ့ ပြန်ကြားရေးအဖွဲ့ခေါင်းဆောင် ဦးခိုင်မျိုးထွန်းက ပြောပါတယ်။

"ဗိုလ်မှူးကြီး ထိန်လင်း အပါအဝင် ရခိုင်ပြည်နယ် ရဲမှူးကြီး ဦးစိန်လွင် တို့က ဘာပြောလဲဆိုတော့ ကျနော့် ကို ကြေညာချက် ထုတ်ပြန်ချက်အတိုင်း ခိုင်လုံလားတဲ့၊ ကြေညာချက် ထုတ်ပြန်တဲ့အခါကျတော့ ခိုင်လုံတဲ့ အထောက်အထားတွေကို ကျနော်တို့ ပေးရမှာလို့ပြောတယ်၊ တကယ်လို့ ထုချေလွှာမပေးနိုင်ဘူးဆိုရင် အရေးယူရပါမယ်လို့ပြောတယ်"

အဲဒီထုတ်ပြန်ချက်အတိုင်း မမှန်ကန်ဘူးဆိုရင် ALP ရဲ့ ပြန်ကြားရေးအဖွဲ့ကို ဖမ်းဆီးအရေးယူသွားမယ် လို့ ပြောကြောင်း ဦးခိုင်မျိုးထွန်းက ပြောပါတယ်။

အစိုးရတပ်မတော်က ရခိုင်ပြည်နယ်မှာ ပေါ်တာဆွဲတာ၊ နေအိမ်တွေကနေ အဓမ္မရွှေ့ပြောင်းတာ၊ စစ်သုံ့ပန်းတွေကို သတ်ဖြတ်တာတွေနဲ့ စစ်မြေပြင်မှာ ဓားစာခံအဖြစ်အသုံးချနေတာတွေဟာ နိုင်ငံတကာဥပဒေတွေနဲ့ စစ်ရာဇဝတ် မှုတွေကို ကျူးလွန်နေတာဖြစ်တဲ့အတွက် ချက်ချင်းရပ်တန့်ပေးဖို့ဆိုပြီး ပြီးခဲ့တဲ့ ဧပြီလ ၂၄ ရက်နေ့က ကြေငြာချက် ထုတ်ပြန်ုခဲ့တာပါ။

အဲဒီလုပ်ရပ်တွေဟာ စစ်မှန်တဲ့ဖက်ဒရယ် ပြည်ထောင်စု တည်ဆောက်ရေးနဲ့ အနာဂတ်ငြိမ်းချမ်းရေး လုပ်ငန်းစဉ်တွေကို တည်ဆောက်ရာမှာ အခက်အခဲတွေ ဖြစ်လာနိုင်ပြီး ပြည်တွင်းစစ်ဖြစ်ပေါ်လာရေးကို အားပေးနေသလိုဖြစ်နေကြောင်းလည်း ဖော်ပြထားပါတယ်။

ရခိုင်ပြည်လွတ်မြောက်ရေးပါတီ ALP က သူတို့ရဲ့ ထုတ်ပြန်ကြေငြာချက်အတိုင်း မှန်ကန်ကြောင်းကို မနက်ဖြန် ဧပြီလ ၂၉ ရက်နေ့မှာ ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးထိန်လင်းထံထုချေလွှာပေးပို့ဖို့ကိုလည်း သဘောတူခဲ့ကြောင်းပြောပါတယ်။

ALP ပါတီရဲ့ ပြန်ကြားရေးအဖွဲ့ခေါင်းဆောင် ဦးခိုင်မျိုးထွန်း ကို RFA အဖွဲ့သား ဦးတင်အောင်ခိုင် ဆက်သွယ်မေးမြန်း ထားတာ နားဆင်နိုင်ပါတယ်။
RFA

yaypu-monk-court-620.jpg
မိုးကုတ်မြို့ ရေပူကျောင်းတိုက် ဆရာတော်ဦးဣန္ဒက ကို ပြင်ဦးလွင်ခရိုင်တရားရုံးမှာ ရုံးထုတ်လာစဉ်
Photo: RFA
အမှုရင်ဆိုင်နေရဆဲဖြစ်တဲ့ မိုးကုတ်မြို့က ရေပူဆရာတော် ဦးဣန္ဒကနဲ့ ကျန်ရှိနေတဲ့ နိုင်ငံရေးအကျဉ်းသားအားလုံးကို လွှတ်ပေးဖို့ မန္တလေးခရိုင် ကျောင်းသားသမဂ္ဂများအဖွဲ့က ဆန္ဒပြတောင်းဆိုခဲ့ကြပါတယ်။

ဒီကနေ့ ပြင်ဦးလွင်ခရိုင် တရားရုံးမှာ ရေပူဆရာတော်ကို ရုံးထုတ်စဉ် မန္တလေးခရိုင် ကျောင်းသားသမဂ္ဂများအဖွဲ့က ဆန္ဒပြတောင်းဆိုကြတာဖြစ်ပါတယ်။ သူတို့ တောင်းဆိုချက်ကို ကျောင်းသားသမဂ္ဂအဖွဲ့ဝင် ကိုရဲရင့်ပိုင်မှူး က အခုလို ပြောပါတယ်။

"အစိုးရသစ်အနေနဲ့ နိုင်ငံရေးအကျဉ်းသားတွေ အားလုံးကို အမြန်ဆုံးလွှတ်ပေးဖို့ အခက်အခဲရှိမယ်ဆိုတာ ကျနော်တို့လည်းတွေးမိပါတယ်၊ ဒါပေမဲ့ ကျနော်တို့ဘက်ကလည်း တတ်နိုင်သမျှအမြန်ဆုံး လွှတ်ပေးဖို့တောင်း ဆိုတာပါ၊ ကျနော်တို့က အစိုးရသစ်ကို ဖိအားပေးတာ မဟုတ်ပါဘူး"
ရေပူဆရာတော်ကို သာသနာညှိနွမ်းစေမှု ပုဒ်မ ၂၉၅၊ တရားမဝင်ကျောက်မျက်တူးဖော် မှု ၄၁ (က) (ခ) ၊ တရားမဝင်သစ်တွေ သိမ်းဆည်းထားမှု ၄၂ (ခ) စတဲ့ ပုဒ်မတွေနဲ့ တရားစွဲဆိုထားတာဖြစ်ပြီး အဲ့ဒီ သုံးမှုထဲက သာသနာညှိနွမ်းမှု ပုဒ်မကို ပြီးခဲ့တဲ့ ဧပြီလ ၂၂ ရက်နေ့က ပြင်ဦးလွင်မြို့နယ် တရားရုံးကနေ ပြန်ရုပ်သိမ်း လိုက်ပါတယ်။

တစ်ပြည်လုံးက အကျဉ်းထောင်တွေမှာ ကျန်နေသေးတဲ့ နိုင်ငံရေးအကျဉ်းသား တစ်ရာကျော် ကျန်နေသေး တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ AAPP က ထုတ်ပြန်ထားပါတယ်။
RFA

သမ္မတသစ် ဦးထင်ကျော် ပြည်ထောင်စု လွှတ်တော် တက်ခဲ့စဉ်။ (မတ်လ၊ ၂၀၁၆)
၁၉၅၀ အရေးပေါ်စီမံမှု အက်ဥပဒေ နဲ့ နိုင်ငံတော် အားနှောက်ယှက် ဖျက်ဆီး လိုသူများ ဘေးအန္တရာယ်မှ ကာကွယ်စောင့်ရှောက်သည့် ဥပဒေတွေကို ရုပ်သိမ်းဖို့ အတွက် အမျိုးသားဒီမိုကရေစီအဖွဲ့ချုပ် (NLD) အစိုးရက ပြင်ဆင်နေပါပြီ။ ဒီဥပဒေတွေဟာ လက်ရှိဒီမိုကရေစီစနစ်နဲ့လည်း ကိုက်ညီမှုမရှိပဲ ၊ ရုပ်သိမ်း ဖို့ ပြင်ဆင်နေတဲ့ အပေါ်မှာ နိုင်ငံရေးခေါင်းဆောင်အသီးသီးကလည်း ကြိုဆိုလိုက်ပါတယ်။ ဒီအကြောင်းအပြည့်အစုံကို ဆက်သွယ်စုံစမ်း ထားတဲ့ကိုရန်နိုင်က ပြောပြပေးမှာဖြစ်ပါတယ်။

အာဏာရှင်အစိုးရအဆက်ဆက် အတိုက်အခံနိုင်ငံရေးသမားတွေ နဲ့ တက်ကြွ လှုပ်ရှားသူတွေကို ဖိနှိပ်တဲ့နေရာမှာ လက်ကိုင်တုတ် တခုသဖွယ် အသုံးပြုခဲ့တဲ့ ၁၉၅၀ အရေးပေါ်စီမံမှု အက်ဥပဒေ နဲ့ ၁၉၇၅ နိုင်ငံတော်အားနှောက်ယှက် ဖျက်ဆီးလိုသူများ ဘေးအန္တရာယ်မှ ကာကွယ်သည့်ဥပဒေတွေကို ရုပ်သိမ်းဖို့အတွက် သမ္မတ ဦးထင်ကျော်ရဲ့ အစိုးရသစ်က စတင်လုပ်ဆောင်နေပြီဖြစ်ပါတယ်။

အရေးပေါ်စီမံမှုအက်ဥပဒေကိုရုပ်သိမ်းသည့်ဥပဒေ
အဲ့ဒီဥပဒေတွေကို ရုပ်သိမ်းဖို့ ဥပဒေတွေကို အများပြည်သူ သိရှိနိုင်အောင် ပြည်ထောင်စု လွှတ်တော်က ဒီကနေ့ ထုတ်ပြန်ထားပါတယ်။ ဒီဥပဒေကြမ်းတွေကို မကြာခင်ရက်ပိုင်းတွေအတွင်းမှာလည်း လွှတ်တော်ကို တင်သွင်းဆွေးနွေးသွားမှာဖြစ်တယ်လို့ ပြည်သူ့လွှတ်တော် ဥပဒေကြမ်းကော်မတီ ဥက္ကဋ္ဌ ဦးထွန်းထွန်းဟိန်က ဗွီအိုအေကိုပြောပါတယ်။

နိုင်ငံရဲ့ လက်ရှိအခြေအနေ အရ ၁၉၅၀ အရေးပေါ်စီမံမှုအက်ဥပဒေဟာ မလိုအပ်ဘူးလို့ အမျိုးသားဒီမိုကရေစီ အဖွဲ့ချုပ် (NLD) ပါတီရဲ့ နာယကကြီး ဦးတင်ဦးက ပြောပါတယ်။

" ၁၉၅၀ အရေးပေါ်စီမံမှုအက်ဥပဒေ ဆိုတာလည်း အခုနိုင်ငံတော် ဘာမှ အရေးပေါ်တာမှ မဟုတ်ပဲနဲ့။ ဆိုတော့ ၁၉၅၀ အရေးပေါ်စီမံမှုအက်ဥပဒေ ကလည်း မလိုဘူး။ သူ့မှာ တကယ်လို့ ဒီနေရာမှာ Emergency အရေးပေါ်ဖြစ်တယ်ဆိုရင် သမ္မတက ကြေညာရမယ်။ သမ္မတက ကြေညာမှသာလျှင် Emergency အရေးပေါ်ဖြစ်တယ်။ သမ္မတ မကြေညာတဲ့နေရာက အားလုံးအေးချမ်းရမယ်။ ဒီလို သွားတဲ့ မူပဲ။ အားလုံးကို အားလုံးက တပြည်လုံးက Emergency  ဆိုလုပ်ပြီးတော့ ဒီဥပဒေတွေ လုပ်တာ အင်မတန်မှပဲ ကြမ်းတမ်းလွန်းတယ်။ အင်မတန်မှပဲ ပြည်သူလူထု ရဲ့ လုံခြုံမှုကို ထိခိုက်လွန်းတယ်။ အဲ့တော့ အဲ့တာတွေကို ထည့်သွင်းပြင်ဆင်ရမယ်။ အဲ့တာကြောင့် ဒီလိုဖျက်သိမ်းပစ်လိုက်တာကို ကျနော်တို့က ဝမ်းသာတယ်။ ဖျက်သိမ်းပစ်လိုက်။"

၁၉၉၀ ရွေးကောက်ပွဲ နောက်ပိုင်းမှာကတည်းက လွှတ်တော်ခေါ်ယူဖြစ်ခဲ့ရင် ဒီဥပဒေတွေကို လုံးဝဖျက်သိမ်းဖို့အတွက် CRPP လို့ခေါ်တဲ့ လွှတ်တော် ကိုယ်စားပြုကော်မတီက ပြင်ဆင်ခဲ့တာတွေရှိတယ်လို့လည်း ဦးတင်ဦး ကပြောပါတယ်။ ပြီးခဲ့တဲ့ အစိုးရလက်ထက်အတွင်းမှာလည်း အခုလို ခေတ်နဲ့ ကိုက်ညီမှုမရှိတဲ့ ဥပဒေတွေကို ဖျက်သိမ်းဖို့ပြောတာတွေရှိခဲ့ပေမယ့် မဖျက်သိမ်းပဲ ဆက်ရှိနေခဲ့တာဖြစ်ပါတယ်။

၈၈ မျိုးဆက်ခေါင်းဆောင် ကိုမင်းကိုနိုင်ကတော့ - ပြည်သူလူထုကို ဖိနှိပ်ချုပ်ချယ်ပြီး ၊ ၀န်ထုပ်ဝန်ပိုးဖြစ်စေမယ့် ဥပဒေတွေ နဲ့ အမိန့်မှန်သမျှ ကိုပယ်ဖျက်ပြီး၊ အကာအကွယ်ပေး ဖို့ က လွှတ်တော်ရဲ့ တာဝန်ဖြစ်ပြီး၊ လုပ်ဆောင်နိုင်မယ်လို့ ယုံကြည်ကြောင်း ၊ ဒီဥပဒေတွေ ရုပ်သိမ်းဖို့ ပြင်ဆင်နေတာနဲ့ ပတ်သက်ပြီး သူပြောတာကတော့-

"တချိန်တုန်းကတော့ ကျနော်တို့ နိုင်ငံရေးသမားတွေကို နှိပ်ကွပ်ဖို့ ရည်ရွယ်ချက်နဲ့ အခုနက ပြောတဲ့ ခေါင်းစဉ်ကြီးကြီးတွေပေါ့လေ နိုင်ငံတော်လုံခြုံရေးတို့ ဆိုတာက အစပေါ့ အဲ့တာမျိုးက နှိပ်ကွပ်ဖို့ အကြောင်းပြခဲ့တဲ့ ခေါင်းစဉ်တွေဖြစ်တယ်။ တကယ် နိုင်ငံရေး လွတ်လပ်ခွင့်ဆိုတဲ့ ခေါင်းစဉ်နဲ့ ပြန်စဉ်းစားမယ်ဆိုရင် အခုဖျက်သိမ်းမယ့် ဥပဒေတွေအတွက်တော့ နိုင်ငံရေးသမားတွေ လွတ်လပ်ခွင့်ကို အာမခံမယ်လို့ ကျနော်တော့ မျှော်လင့်တာပဲ။ နိုင်ငံရေး လို့ပြောရမယ် ဆိုရင် နိုင်ငံရေးသမား ချည်းပဲ မဟုတ်ဘူးဗျ။ နိုင်ငံသားမှန်သမျှကို လုံခြုံစေချင်တာ။ သူတို့ရဲ့ ရသင့်ရထိုက်တဲ့အခွင့်အရေး ရစေချင်တာ။ အဲ့တော့ ခုနက ကျနော်ပြောသလိုပါပဲ နိုင်ငံသားတွေကို မတရားသဖြင့် ဖိနှိပ်ဖို့ထားတဲ့ ချုပ်ချယ်ဖို့ ထားတဲ့ ဥပဒေအမည်ခံတွေကို ဖျက်ပစ်ရမယ်။ ပြီးတော့ ကာကွယ်စောင့်ရှောက် ရမယ့် လုံခြုံမှု ပေးနိုင်မယ့် ဥပဒေတွေကို ထုတ်ပြန်ပေးဖို့ပါပဲ။"

ဒီဥပဒေတွေဟာ အစိုးရက သူဟာသူ အကာအကွယ်ယူပြီး အများပြည်သူကို ဒုက္ခပေးနိုင်တဲ့ ဥပဒေတွေဖြစ်တယ်လို့ ရှုမြင်ကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ပါတီအတွင်းရေးမှူး ဦးစိုင်းညွန့်လွင်က ပြောပါတယ်။

"အဲ့တာတွေ ရုပ်သိမ်းလိုက်တာတော့ ကောင်းတာပေါ့ဗျာ။ ဘာကြောင့်လဲဆိုတော့ ဒီဟာက နှစ် ၂၀၊ ၃၀ လောက် မကဘူး။ ဒီကျနော်တို့ နိုင်ငံရေးသမားတွေ ကို ကောင်းကောင်း ဒုက္ခပေးခဲ့တာ။ အဲ့ဒီ့ပုဒ်မက သူတို့ မလိုရင်မလိုသလို ဒီပုဒ်မကို အသုံးချပြီးတော့ ဖမ်းတာဆီးတာ ဒုက္ခပေးတာတွေ လုပ်တာပေါ့။ အင်မတန်ကြောက်စရာကောင်းတဲ့ ဥပဒေပါ ဒါ အစိုးရတရပ်ကို သူ့ကိုယ်သူ ကာကွယ် နိုင်အောင် လုပ်ထားတဲ့ ဥပဒေဖြစ်နေတယ်။ ဒါ အများပြည်သူ ကို ဒုက္ခပေးနိုင်တဲ့ ဥပဒေဖြစ်နေတယ်။ ရုပ်သိမ်းလိုက်တာတော့ ကောင်းပါတယ်ဗျ။"

၁၉၇၅ ခုနှစ် နိုင်ငံတော်အား နှောက်ယှက်ဖျက်ဆီးလိုသူများ၏ဘေးအန္တရာယ်မှ ကာကွယ်စောင့်ရှောက်သည် ဥပဒေကို မြန်မာ့ဆိုရှယ်လစ်လမ်းစဉ်ပါတီခေတ်က ဦးသန့်အရေးအခင်း အပါအ၀င် အလုပ်သမားဆန္ဒပြမှုတွေ နဲ့ တခြား ဆန္ဒပြမှုတွေကို နှိမ်နှင်းဖို့ အတွက် ရည်ရွယ်ပြီး ဒီ ဥပဒေ ကို ထုတ်ပြန်ခဲ့ တာဖြစ်တယ်လို့ ဦးတင်ဦးက ပြောပါတယ်။

ဒေါ်အောင်ဆန်းစုကြည်ဆိုရင် ဒီဥပဒေပုဒ်မ ၁၀(ခ) နဲ့ နှစ်ပေါင်း များစွာ နေအိမ် အကျယ်ချုပ် နဲ့ နေခဲ့ရတာဖြစ်ပါတယ်။ ဒေါ်အောင်ဆန်းစုကြည်ရဲ့ အမှုတွေကို လိုက်ပါဆောင်ရွက်ပေးခဲ့တဲ့ ရှေ့နေဦးကြည်ဝင်းကတော့ ဘာကြောင့် ရုပ်သိမ်းသင့်သလဲဆိုတဲ့ အပေါ်မှာ အခုလို ပြောပါတယ်။

" ဘာဖြစ်လို့ ရုပ်သိမ်းသလဲဆိုရင် ဒီမိုကရေစီမဆန်တဲ့ ဥပဒေ။ ဒါပဲ။ မှတ်မိသလောက်ပြောရရင် ဒေါ်စုကို ဒီဥပဒေနဲ့ သုံးပြီး သုံးကြိမ် သုံးခါ အကျယ်ချုပ် လုပ်ခဲ့တယ် အားလုံးပေါင်း စုစုပေါင်း ၁၆နှစ်လောက် ကြာသွားတယ်။ ဒါက တပိုင်း။ ဒါက ရက်စွဲတွေနဲ့ကိုပဲ ပထမအကြိမ်၊ ဒုတိယအကြိမ်၊ တတိယအကြိမ် အများဆုံး ငါးနှစ်လို့ ဆိုတယ်။ ဥပဒေမှာ ဆိုတာ ငါးနှစ်လို့ ဆိုတယ်။ ဒါပေမဲ့ နဝတက ငါးနှစ်ကျော် ၊ ခြောက်နှစ် နီးပါးလောက် ချတယ်။ ဘယ်သူမှလည်း ဘာမှ မပြောနိုင်ဘူး။ ဟုတ်လား။ ဒီမိုကရေစီ မဆန်ဘူး။"

၂၀၀၃ ခုနှစ် ဒီပဲယင်းတိုက်ခိုက်မှုအပြီး စစ်အစိုးရက ဒေါ်အောင်ဆန်းစုကြည် နဲ့ ဦးတင်ဦးကို နိုင်ငံတော်အားနှောက်ယှက်ဖျက်ဆီးလိုသူများ ဘေးအန္တရာယ်မှ ကာကွယ်စောင့်ရှောက်ခြင်း ဥပဒေပုဒ်မတွေ နဲ့ အရေးယူနေအိမ် အကျယ်ချုပ်ချ ခဲ့တာဖြစ်ပြီး၊ ဒေါ်အောင်ဆန်းစုကြည်ကို နောက်ပိုင်းမှာ ပြစ်ဒဏ်တွေ ဆက်တိုးခဲ့တာဖြစ်ပါတယ်။

ကိုရန်နိုင် / ဗွီအိုအေ (မြန်မာပိုင်း)
http://burmese.voanews.com

မြန်မာနိုင်ငံကို ၅၄နှစ်ကြာအုပ်ချုပ်ခဲ့တဲ့ စစ်အာဏာရှင်တွေဟာ ဒီမိုကရေစီရေး၊ လူ့အခွင့်အရေး လှုပ်ရှားသူတွေ၊ နိုင်ငံရေးသမားတွေကို ဖမ်းဆီးထောင်ချဖို့ နည်းလမ်းမျိုးစုံသုံးခဲ့တဲ့ ဥပဒေတွေထဲက အရေးပေါ်စီမံမှု အက်ဥပဒေ၊ နိုင်ငံတော်အားနှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်သည့်ဥပဒေတို့ကို ရုပ်သိမ်းမယ့် ဥပဒေကြမ်းတွေဖြစ်ပါတယ်။ သမ္မတ ဦးထင်ကျော်က ပြည်ထောင်စုလွှတ်တော်ရဲ့ သဘောတူညီချက်နဲ့ မကြာခင် ဖျက်သိမ်းတော့မှာဖြစ်ပါတယ်။
Kamayut Media

drugs-destruction-ceremony-620.jpg
ရန်ကုန်တိုင်းဒေသကြီး၊ လှိုင်သာယာ ကုန်တင်ယာဉ်ရပ်နားစခန်းမှာ ၂ဝ၁၅ ခုနှစ် ဇွန်လ ၂၆ ရက်နေ့က ဖမ်းဆီးရမိတဲ့ မူးယစ်ဆေးဝါးတွေကို မီးရှို့ဖျက်ဆီးစဉ်
Photo: Aung Thain Kha/RFA
မြန်မာနိုင်ငံမှာ မူးယစ်ဆေးဝါး သုံးစွဲသူတွေအကြား အိတ်ခ်ျအိုင်ဗီရောဂါပိုး ကူးစက်နှုန်း ၂၈.၅ ရာခိုင်နှုန်းအထိ မြင့် တက်လာတဲ့အတွက် မူးယစ်ဆေးဝါးဆိုင်ရာ အန္တရာယ်လျှော့ချရေးလုပ်ငန်းတွေမှာ ပြည်သူလူထု ပါဝင်ကူညီကြဖို့ 3MDG လို့ခေါ်တဲ့ ထောင်စုနှစ်ဖွံ့ဖြိုးရေး ရည်မှန်းချက် ၃ မျိုး ရန်ပုံငွေအဖွဲ့က တိုက်တွန်းလိုက်ပါတယ်။

မြန်မာနိုင်ငံမှာ ဘိန်းအများဆုံးထွက်တဲ့ ဒေသတစ်ခုဖြစ်တဲ့ ကချင်ပြည်နယ်မှာ အိတ်ခ်ျအိုင်ဗီ ဖြစ်ပွားနှုန်းဟာ နိုင်ငံရဲ့ ပျမ်းမျှဖြစ်ပွားနှုန်းထက် ပိုမိုမြင့်မားနေတယ်လို့လည်း 3MDG အဖွဲ့က
ဒီကနေ့ ထုတ်ပြန်တဲ့ ကြေညာချက်မှာ ဖော်ပြ ထားပါတယ်။

3MDG ရန်ပုံငွေအဖွဲ့အနေနဲ့ မြို့နယ် ၃၃ မြို့နယ်မှာ အိတ်ခ်ျအိုင်ဗီ ကာကွယ်ရေးလုပ်ငန်းတွေအတွက် အမေရိ ကန်ဒေါ်လာ ၃၀.၅ သန်း ထောက်ပံ့ပေးနေတယ်လို့ ဆိုပါတယ်။ အိပ်ခ်ျအိုဗီ၊ တီဘီနဲ့ ငှက်ဖျားရောဂါ တိုက်ဖျက်ရေး အတွက် 3MDG အဖွဲ့ကို ၂၀၁၂ ခုနှစ်မှာ စတင်ထူထောင်ခဲ့တာဖြစ်ပြီး၊ သြစတြေးလျ၊ ဒိန်းမတ်၊ ဥရောပသမဂ္ဂ၊ ဆွတ်ဇာလန်၊ ဗြိတိန်နဲ့ အမေရိကန်ပြည်ထောင်စုတို့က ရန်ပုံငွေတွေ ထည့်ဝင်ကူညီထား ပါတယ်။ အဲ့ဒီအဖွဲ့ဟာ ကလေးသေဆုံးမှုနှုန်း လျှော့ချရေးနဲ့ မိခင်တွေရဲ့ ကျန်းမာရေး တိုးတက်ကောင်းမွန်ရေးလုပ်ငန်းတွေကိုပါ ကူညီဆောင်ရွက်ပေးနေပါတယ်။
RFA


winmyint-620.jpg
ပြည်သူ့လွှတ်တော်ဥက္ကဌ ဦးဝင်းမြင့်နဲ့ ပဲခူးတိုင်းဒေသကြီး လွှတ်တော်ကိုယ်စားလှယ်တွေ ဧပြီလ ၂၈ ရက်နေ့က ပဲခူးတိုင်းဒေသကြီး လွှတ်တော်အဆောက်အအုံမှာ တွေ့ဆုံကြစဉ်
Photo: Pyithu Hluttaw Facebook

လွှတ်တော်ကိုယ်စားလှယ်တွေ အဂတိလိုက်စားမှုတွေ ရှောင်ကြဖို့ ပြည်သူ့လွှတ်တော်ဥက္ကဌ ဦးဝင်းမြင့်က ပဲခူးတိုင်းဒေသကြီးက လွှတ်တော်ကိုယ်စားလှယ်တွေနဲ့ တွေ့ဆုံပွဲမှာ ပြောပါတယ်။

ဒီကနေ့ ပဲခူးတိုင်းဒေသကြီး လွှတ်တော်မှာ ပြည်သူ့လွှတ်တော် ဥက္ကဌ ဦးဝင်းမြင့်နဲ့ လွှတ်တော်ကိုယ်စားလှယ်တွေ တွေ့ဆုံပွဲမှာ မှာကြားခဲ့တာဖြစ်တယ်လို့ တက်ရောက်ခဲ့တဲ့ ပဲခူးတိုင်းအစိုးရ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီး ဦးကျော်မင်းစံက ပြောပါတယ်။

"အဓိကကတော့ လွှတ်တော်လုပ်ငန်းတွေ ဆွေးနွေးသွားတာပေါ့နော်၊ ပြီးရင် အဂတိလိုက်စားမှု မရှိဖို့ပေါ့နော်၊ ပြည်သူကို မျက်နှာမူဖို့ အချက်တွေပေ့ါနော်၊ လွှတ်တော်ကိုယ်စားလှယ်လုပ်ငန်းတွေ လုပ်နိုင်အောင် လမ်းညွှန်ပေးတာ၊ လွှတ်တော်ဥက္ကဌ တစ်ယောက်ရဲ့ လမ်းညွှန်ချက်အနေနဲ့ ထူးထူးခြားခြားဖြစ်တာက လွှတ်တော်ရဲ့ ဥပဒေ နည်းဥပဒေနဲ့ ဆက်စပ်တာလေးကို ရှင်းပြတာပေါ့ဗျာ၊ အဓိကကတော့ လွှတ်တော်ကိုယ်စားလှယ် တစ်ယောက်အနေနဲ့ ထိထိရောက်ရောက် လုပ်ငန်းစဉ်တွေလုပ်နိုင်ဖို့ ဥပမာ ဖွံ့ဖြိုးရေးလုပ်ငန်းတွေအစ အုပ်ချုပ်ရေးနဲ့ ညှိနှိုင်းဆွေးနွေးတိုင်ပင်ပြီးတော့ ဆွေးနွေးသွားတာပါ"

လွှတ်တော်ကိုယ်စားလှယ်တွေက လယ်ယာမြေဥပဒေ ပြင်ဆင်ပေးဖို့ နဲ့ တိုင်းဒေသကြီးနဲ့ ပြည်ထောင်စုအဆင့် လွှတ်တော်တွေ ပူးပေါင်းဆောင်ရွက်နိုင်မယ့်ကိစ္စတွေကို ဆွေးနွေးခဲ့ကြပါတယ်။

ပဲခူးတိုင်းလွှတ်တော် အစည်းအဝေးတွေကို လက်ရှိမှာ ရပ်နားထားပြီး လာမယ့် မေလ ၁၂ ရက်နေ့မှာ ပြန်လည်စတင်မှာ ဖြစ်ပါတယ်။

ပြည်သူ့လွှတ်တော်ဥက္ကဌ ဦးဝင်းမြင့်ဟာ လွှတ်တော်အစည်းအဝေးတွေ ခေတ္တရပ်နားထားချိန် တိုင်းဒေသကြီးနဲ့ ပြည်နယ် လွှတ်တော်ကိုယ်စားလှယ်တွေ၊ ဌာနဆိုင်ရာဝန်ထမ်းတွေ၊ ပြည်သူလူထုတွေနဲ့ လိုက်လံတွေ့ဆုံနေတာလည်း ဖြစ်ပါတယ်။
RFA


နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့လက်ထက်တွင် မိုးကုတ်မြို့နယ် ဓာတ်တော်တောင်ဒေသ တွင်းအမှတ်(၁)၌ တူးဖော်တွေ့ရှိခဲ့သည့် န၀တပတ္တမြားကြီး ယခုအချိန်မည်သည့်နေရာ၌ ရောက်ရှိနေသည်ကို ပြည်သူများ စိတ်ဝင်စားလျက်ရှိနေသည်။ ကမ္ဘာ့အကြီးဆုံး ပတ္တမြားကြီးဟု ပြောဆိုခဲ့ကြသည့် အလေးချိန် ၅၀၄ ဒသမ ၅၀ ကာရက်ရှိ န၀တပတ္တမြားကြီး သည် နေပြည်တော်ရှိ ကျောက်မျက်ရတနာပြတိုက်၌ မရှိကြောင်း ပြတိုက်တာဝန်ရှိသူတဦးက News Watch သို့ ပြောကြားသည်။

''န . ၀ . တ ပတ္တမြားကြီးက နိုင်ငံတော်အဆင့်တန်းဝင် ရတနာဖြစ်တဲ့အတွက် လုံခြုံတဲ့နေရာမှာ ထိန်းသိမ်းထားတယ်လို့ သိရပါတယ်။ ကျွန်တော်တို့ဆီမှာတော့ အဲဒီပတ္တမြားကြီး မရှိပါဘူး။ ကမ္ဘာ့အကြီးဆုံး ပုလဲကြီးတော့ ရှိပါတယ်''ဟု ၎င်းက ပြောသည်။

န၀တပတ္တမြားကြီးကို ပြည်ပသို့ ခိုးထုတ်ရန် ကြံစည်သူများထံမှ ထောက်လှမ်းရေးတပ်ဖွဲ့က ပြန်လည်ရယူနိုင်ခဲ့ခြင်းဖြစ်သည်။ ဖြစ်စဉ်မှာ ၁၉၉၀ ပြည့်နှစ်တွင် မန္တလေးမြို့နေ ဦးသန်းထွန်း (ခ) နေပြည်တော်သန်း ထွန်းနှင့်ဇနီး ဒေါ်စိုးစိုးထွန်း၊ မိုးကုတ်မြို့နေ ဦးလှမြင့်၊ ဦးဇော်ဝင်းတို့သည် မိုးကုတ်မြို့နယ်၊ ဓာတ်တော်တောင်ဒေသနှင့် အုန်းပင်ရေထွက်ဒေသ၊ လယ်ဦးရပ်တို့တွင် တူးဖော်ရရှိသည့် ကျောက်မျက်ရတနာများနှင့် ပတ္တမြား များအား တရားမ၀င် ပြည်ပသို့ ခိုးထုတ်ရောင်းချခြင်းနှင့်ပတ်သက်၍ ထောက်လှမ်းရေးအကူတပ်နှင့် ပူးပေါင်းစုံစမ်းဖော်ထုတ်ခဲ့သည်။

ပြည်တွင်းရှိ ကျောက်ပွဲစားအချို့ထံမှ န၀တ ပတ္တမြားကြီးအပါအ၀င် ၆၃၃၀ ကာရက်ရှိ ပတ္တမြားရိုင်းများ၊ နိုင်ငံခြားဈေးကွက်သို ပို့ထားသည့် အနက်မှ ၁၈၇၀ ဒသမ ၁၀ ကာရက်ရှိ ပတ္တမြားရိုင်းများ ရောင်းချခြင်း မပြုရသေးသည့် ၂၂၅၂၈ ဒသမ ၅၀ ကာရက်ရှိ ပတ္တမြားရိုင်းများ စုစုပေါင်း ၃၀၇၂၈ ဒသမ ၆၀ ကာရက်ရှိ ပတ္တမြားရိုင်းများနှင့် ကျောက်မျက်ရတနာ ရောင်းရငွေ ကျပ်သိန်း ၁၀၀ ကို သိမ်းဆည်းရမိသဖြင့် ဦးသန်းထွန်းပါ လေးဦးအပေါ် ၁၉၈၉ ခုနှစ် နိုင်ငံတော် စီးပွားရေးလုပ်ငန်းဥပဒေ၊ ၁၉၆၃ ခုနှစ် အများနှင့်သက်ဆိုင်သောပစ္စည်း ကာကွယ်စောင့်ရှောက်ရေး ဥပဒေ ဖြင့် မာရှယ်လောဥပဒေအရ ဖွဲ့စည်းထားသော စစ်ခုံရုံးသို့ တရားစွဲတင်ပို့ ခဲ့ကြောင်း န၀တအစိုးရလက်ထက်မှတ်တမ်းများအရ သိရှိရသည်။

''နေပြည်တော် ဦးသန်းထွန်းကတော့ ကျွန်တော်တို့ ကျောက်မျက် လောကမှာ နာမည်ကြီးပါတယ်။ အခုတော့ အသက် (၈၀)လောက်ရှိပြီး မန္တလေးမှာနေတယ်လို့ ကြားပါတယ်။ န၀တ ပတ္တမြားကြီး ဘယ်ရောက်နေ လဲဆိုတာတော့ ကျွန်တော်တို့ ကျောက်မျက်လောကသားတွေလည်း မသိကြပါဘူး''ဟု ကျောက်မျက်ရတနာကုန်သည်တဦးဖြစ်သူ ဦးလှဝင်းက ပြောသည်။

ပတ္တမြားများကို အရည်အသွေးအပေါ်လိုက်၍ ပထမတန်းစား ခိုသွေး (Pigeon Blood)၊ ဒုတိယတန်းစား ယုန်သွေး (Rabbit Blood)၊ တတိယတန်း ဘိုကြိုက် (British Blood)၊ စတုတ္ထတန်း လက်ကောက်စိ (Bracelet) နှင့် ပဉ္စမတန်းစား ကုလားငို (Indian Cry) ဟူ၍ ခွဲခြားထားလေ့ရှိပြီး န၀တပတ္တမြားကြီးမှာ ဒုတိယတန်းနှင့် တတိယတန်းကြားရှိ အမျိုးအစားမျိုးဖြစ်ကြောင်း ကျောက်မျက်ရတနာကုန်သည်များထံမှ သိရှိရသည်။

န၀တ ပတ္တမြားကြီးနှင့်ပတ်သက်၍ နေပြည်တော်ရှိ မြန်မာ့ကျောက်မျက်ရတနာရောင်းဝယ်ရေးလုပ်ငန်းထံ News Watch က မေးမြန်းရာ စီမံရေးရာဦးစီးမှူးက မသိရှိကြောင်း ပြောကြားခဲ့သည်။
''ခင်ဗျားပြောတာတွေ ကျွန်တော်မသိဘူး။ ကျွန်တော်တို့ ငယ်ငယ်တုန်းကတော့ လုံခင်းဖားကန့်မှာ တန်ချိန် ၃၃၀၀ ရှိတဲ့ ကျောက်စိမ်းတုံးကြီးတွေ့တယ်လို့တော့ ကြားဖူးတယ်''ဟု ပြောသည်။

မြန်မာ့နန်းစဉ်ရတနာ ပတ္တမြားငမောက်သည် အလေးချိန် ၁၇၂ ကာရက်ရှိပြီး ပထမတန်းစား ခိုသွေးရောင် ပတ္တမြားကြီးဖြစ်သော်လည်း ယနေ့တိုင် အစရှာမရဘဲ ပျောက်ဆုံးလျက်ရှိနေသည်။ အရည်အသွေးအားဖြင့် ပတ္တမြားငမောက်ကို မမီသော်လည်း အလေးချိန်အားဖြင့် သုံးဆခွဲခန့် ကြီးမားသည့် န၀တပတ္တမြားကြီးမှာ ယခုအခါ ဘယ်ဌာနေဘယ်စခန်း၌ စံမြန်းနေသည်ကိုတော့ န၀တလက်ထက် ဗိုလ်ချုပ်ကြီးများသာ အသိဆုံး ဖြစ်မည် ထင်ပါသည်။

နန္ဒမျိုးဆောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ယနေ့မြန်မာစံတော်ချိန်(၁၄း၃၀)နာရီအချိန် မိုးလေဝသတိုင်းထွာချက်များအရ အရှေ့ဘက်နှင့် အနောက်ဘက်တို့မှ ရွေ့လျားလာသော လေပွေလှိုင်းများ၏ အရှိန်ကြောင့် လည်းကောင်း၊ နေ့အပူချိန်များ မြင့်တက်၍ လေထုမငြိမ်သက်မှုများကြောင့် လည်းကောင်း(၂၉.၄.၂၀၁၆)ရက်နေ့မှ (၅.၅.၂၀၁၆)ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်ကျားမှ နေရာကျဲကျဲနှင့် ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင်ပြည်နယ်တို့တွင် မွန်းလွဲညနေပိုင်းတို့၌ နေရာကွက်ကျား မိုးထစ်ချုန်းရွာနိုင်ပါသည်။

 မိုးရွာသွန်းစဉ် လေပြင်းတိုက်ခတ်ခြင်း၊ မိုးသီးကြွေခြင်း၊ လျှပ်စီးလက်ခြင်း၊ မိုးကြိုးပစ်ခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသည်။ လေပြင်းတိုက်ခတ်စဉ် မြေပြင်လေသည် တစ်နာရီလျှင် (၃၅)မိုင်မှ မိုင်(၄၀)အထိ တိုက်ခတ်နိုင်ပါသည်။

မိုးလေဝသနှင့်ဇလဗေဒညွှန်ကြားမှုဦးစီးဌာန
https://www.facebook.com/dmhmoezalanaypyitaw/


တာချီလိတ်၊ ဧပြီ(၂၈)

ရှမ်းပြည်နယ်၊ အရှေ့ပိုင်းဒေသ၊ တာချီလိတ်မြို့တွင် အလင်းရောင်ပရဟိတ အသင်းမှ ဘုန်းကြီးကျောင်း အတွက် ရေသွားလှူရာ ကုန်မြင့်၍ ရေ၀ိတ်ကြောင့် ကားမတက်နိုင်ဘဲ ကားနောက်ပြန် လှိမ့်ကျရာမှ ကားချောက်ထဲပြုတ်ကြပြီး အသင်းဝင် အမျိုးသမီးတစ်ဦး သေဆုံးသွားကြောင်း သိရသည်။


ဧပြီလ (၂၈) ရက်နေ့ နေ့လယ်ပိုင်းက တာချီလိတ်မြို့ တောင်ပေါ်ဘုန်းကြီးကျောင်းဖြစ်သည့် ကိုးသောင်း ကိုးထောင်ဘုန်းကြီးကျောင်းသို့ ဒိုင်နာကားဖြင့် သောက်ရေသန့်ဘူးများ တင်ဆောင်ကာ သွားလှူရာ ကုန်းတက်တွင် ကားနောက်ပြန်လှိမ့်ကျပြီး လမ်းယာဘက် ရာဘာတောထဲသို့ လိမ့်ကျတိမ်းမှောက်သွားရာမှ အသင်းဝင် အမျိုးသမီး(၁)ဦး ကွယ်လွန်သွားခဲ့ကြောင်း သိရသည်။

“ကုန်းက မက်တော့ ကုန်းတက်ခံနီးမှာ ကျွန်တော်က ကားဂျမ်းတုံး ခုမို့ဆိုပြီး ဆင်းသွားတယ်။ ကားဂျမ်းတုံးခုပြီးတော့၊ ကားတက်တဲ့အခါမှာ ကားပေါ်မှာပါလာတဲ့ ရေ၀ိတ်တွေနဲ့ မနိုင်ပဲ ကားနောက်ပြန်ကျလာပြီး ချောက်ထဲကို (၂)ပတ်လောက် လှိမ့်သွားကျသွားခဲ့တာပါ။”ဟု ရေသွားလှူရာတွင် ပါဝင်သူ အလင်းရောင်ပရဟိတအသင်းဝင် ကိုမောင်ဝင်းက ပြောသည်။


ယင်းဘုန်းကြီးကျောင်းသို့ ရေသွားလှူရာမှာ ကားပေါ်တွင် (၂၀)လီတာ ရေသန့်ဗူး (၅၀) နှင့် ရေစည်ပိုင်း (၂) ခု တင်ဆောင်ပြီး၊ အမျိုးသမီး(၄)ဦး နှင့် အမျိုးသား(၄)ဦး စုစုပေါင်းလူ(၈)ဦးသွားလှူကာ ကုန်းတက်တွင် ကားမှာ ရေ၏ ၀ိတ်များကြောင့် နောက်ပြန်လှိမ့်သွားပြီး ကားတိမ်းမှောက်ခဲ့၍ အမျိုးသား(၂)ဦး နှင့် အမျိုးသမီး(၁)ဦးမှာ ဒဏ်ရာရရှိသွားပြီး အမျိုးသမီးတစ်ဦးမှာ သေဆုံးသွားကြောင်းနှင့် ကျန်လူများမှာ အနည်းငယ်ထိခိုက် ပွန်းပဲ့သည့် ဒဏ်ရာသာရရှိခဲ့ကြောင်း ၎င်း၏ ပြောပြချက်အရ သိရသည်။

သေဆုံးသူသွားသူမှာ အသက်(၅၄)နှစ်အရွယ်ရှိ ဒေါ်တင်တင်အေး (ခေါ်) မငယ်ဖြစ်ပြီး ၎င်းသည် ကားနောက်တွဲပေါ်တွင် လိုက်ပါခဲ့ပြီး ယာဉ်မတော်တဆဖြစ်ချိန်တွင် ကားပေါ်မှ ပြုတ်ကြကာ ထိခိုက်ဒဏ်ရာရရှိပြီး သေဆုံးသွားခြင်း ဖြစ်ကြောင်း သိရသည်။

အဆိုပါယာဉ် ယာဉ်တိမ်းမှောက်မှုနှင့်ပတ်သက်၍ ယာဉ်မောင်း ဇင်မောင်ဝင်းအား တာချီလိတ်မြို့မရဲစခန်းမှ ယာဉ်(ပ)၁၇/၂၀၁၆၊ ၃၀၄-က/၃၃၈/၃၃၇ အရအမှုဖွင့် အရေးယူ ဆောင်ရွက်ထားကြောင်း သိရှိရသည်။

သတင်း။ ။ ‪‎ဇောင်းညီ‬
Tachileik News Agency
http://www.tachileik.net