05/04/16

[youtube src="FLo_Weg_E_8"/]
မြိုင်ကြီးငူ ဆရာတော်ရဲ့ ခရစ်ယန် ကျောင်းဝင်းထဲမှာ စေတီတွေ တည်နေတဲ့ ကိစ္စမှာ လက်နက်ကိုင်တွေနဲ့ ပက်သက်နေပြီး အမျိုးသားပြန်လည် သင့်မြတ်ရေးကို အဓိကထားဆောင်ရွက်နေချိန်မို့ အချိန်တခုစောင့်သင့်ကြောင်း သာသနာရေးဝန်ကြီးကပြောပါတယ်။ တာရာ သတင်းပေးပို့ထားပါတယ်။
DVB TV News

၂၀၁၂ ခုနှစ်က ကျင်းပခဲ့သော ပြည်ခိုင်ဖြိုးပါတီ ဗဟိုညီလာခံတွင် ပါတီခေါင်းဆောင်များဖြစ်ကြသည့် ဦးသိန်းစိန်နှင့် သူရဦးရွှေမန်းတို့က အစည်းအဝေးတက်ရောက်လာသူများအား နှုတ်ဆက်နေစဉ် ဓာတ်ပုံ - အေအက်ဖ်ပီ
တပ်မတော်အစိုးရ ခေါင်း ဆောင်ဟောင်းများဖြင့် ဖွဲ့စည်းထားသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ပြည်ခိုင်ဖြိုး)သည် သက်တမ်းခြောက်နှစ် ရှိလာချိန်တွင် ကြီးမားသော စိန်ခေါ်မှုတစ်ခုနှင့် ရင်ဆိုင်နေရပြီဖြစ်သည်။

ပါတီထိပ်ပိုင်းခေါင်းဆောင် ဦးသိန်းစိန်နှင့် သူရဦးရွှေမန်းတို့  အကြား ကာလရှည် ပုဂ္ဂိုလ်ရေး အားပြိုင်မှုများဖြစ်ပေါ်ခဲ့ပြီးနောက်ယခုနောက်ဆုံး ဦးသိန်းစိန် ဦး ဆောင်သော ပါတီဗဟိုအလုပ်အမှု ဆောင်အဖွဲ့က ဧပြီ ၂၂ ရက်တွင် အစည်းအဝေးတစ်ရပ် ပြုလုပ်၍ သူရဦးရွှေမန်းအပါအ၀င် ပါတီဝင် ၁၇ ဦးကို ပါတီဝင်အဖြစ်မှ အနား ပေးခဲ့သည်။
ပါတီဝင်အဖြစ်မှ အနားပေး ခံခဲ့ရသော သူရဦးရွှေမန်းနှင့် အ ပေါင်းအပါ ၁၇ ဦးက ၎င်းတို့ကို ထုတ်ပယ်သည့် ဆုံးဖြတ်ချက် သည် တရားမျှတမှု မရှိသော ကြောင့် ပါတီအရေးပေါ်ညီလာခံ တစ်ရပ်ခေါ်ယူကာ ပြန်လည်ဆုံး ဖြတ်ဆွေးနွေးမှုများ ပြုလုပ်ရန် တောင်းဆိုထားသည်။

‘‘သူတို့ (ဦးသိန်းစိန်အပါအ ၀င် ၎င်း၏လူများ)နဲ့ သဘောထား ချင်း မတူတဲ့သူတွေကို ဖြုတ်ထုတ် သတ်လျှောက်လုပ်နေတယ်။သွေး ထွက်သံယို မဖြစ်ပေမယ့် တော် တော်ကိုဆိုးတယ်’’ဟု ပါတီဝင်အဖြစ်မှ အနားပေးခံရသူများတွင် ပါဝင်သည့် ပြည်ခိုင်ဖြိုးပါတီ ဗဟို အလုပ်အမှုဆောင်ဟောင်း ဦး ဇော်မြင့်ဖေက ပြောကြားသည်။
ပါတီဝင်အဖြစ်မှ အနားပေး ခံလိုက်ရသူ ၁၇ ဦးအနက် သူရ ဦးရွှေမန်းနှင့် အချို့သည် ၂၀၁၅ သြဂုတ်တွင် ပါတီရုံးချုပ်၌ သန်း ခေါင်ယံ အာဏာသိမ်းမှု ဖြစ်ပွား ပြီးနောက် ပါတီရာထူးမှ အသီးသီး ဖယ်ရှားခံခဲ့ရသည်။ ထို့နောက် ရှစ်လအကြာ ဧပြီ ၂၂ ရက်တွင် ပါတီဝင်အဖြစ်မှ အနားပေးခံ လိုက်ရခြင်းဖြစ်သည်။

နေပြည်တော်ရှိ ပြည်ခိုင်ဖြိုးပါတီရုံးချုပ် (ဓာတ်ပုံ - ငြိမ်းချမ်းနိုင်/အီးပီအေ)
ပါတီတွင်း အကွဲအပြဲဇာတ် လမ်းကြုံတွေ့နေရသည့် ပြည်ခိုင် ဖြိုးကို တပ်မတော်အစိုးရအကြီးအကဲ ဗိုလ်ချုပ်မှူးကြီး(ငြိမ်း) ဦး သန်းရွှေက လူမှုရေးအသင်းအဖွဲ့ အဖြစ် စတင်တည်ထောင်ပေးခဲ့ပြီး ၂၀၁၀ အထွေထွေရွေးကောက်ပွဲ မတိုင်မီ နိုင်ငံရေးပါတီအဖြစ် ပြောင်းလဲခဲ့ခြင်းဖြစ်သည်။

ပြည်ထောင်စုရွေးကောက်ပွဲ ကော်မရှင်၏ မှတ်တမ်းအရ ပါတီ တည်ထောင်ခွင့်ပြုရန် လျှောက် ထားစဉ်က ခေါင်းဆောင်နေရာ တွင် ဦးသိန်းစိန်နှင့် ဒုခေါင်းဆောင် ဦးဌေးဦးတို့ဖြစ်ပြီး နိုင်ငံရေးပါတီ တည်ထောင်ခွင့်ကို ၂၀၁၀ မေလ အတွင်း ရရှိကာ ပါတီမှတ်ပုံတင် အမှတ်စဉ်သည် (၃၂)ဖြစ်သည်။

၂၀၁၀ အထွေထွေရွေး ကောက်ပွဲတွင် အင်အားအတောင့် တင်းဆုံး ပြည်ခိုင်ဖြိုးပါတီ၏ဥက္ကဋ္ဌ သည် ဦးသိန်းစိန်ဖြစ်ကာ သူရဦး ရွှေမန်းက ဒုဥက္ကဋ္ဌအဖြစ် တာဝန် ယူခဲ့သည်။

ထို့နောက် ရွေးကောက်ပွဲ အ နိုင်ရပြီး အစိုးရဖွဲ့လာသည့်အခါ ဦးသိန်းစိန်က သမ္မတဖြစ်လာသည့် အတွက် ၂၀၀၈ ဖွဲ့စည်းပုံအခြေခံ ဥပဒေအရ သမ္မတသည် ပါတီနိုင်ငံရေးကို ၀င်ရောက်လုပ်ကိုင်ခွင့် မရတော့သောကြောင့် ဒုဥက္ကဋ္ဌဖြစ်သူ ထိုစဉ်က ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပါတီကို ဦးဆောင်ခဲ့သည်။

ပြည်ခိုင်ဖြိုးပါတီ၏ အစိုးရ နှင့် ယင်းပါတီနေရာအများစုရထား သော လွှတ်တော်တို့သည် သက် တမ်းငါးနှစ်၏ အစောပိုင်းကာလ များ၌ တစ်စုံတစ်ရာ အားပြိုင်မှုမရှိ ဘဲ တည်တည်ငြိမ်ငြိမ် ရှိခဲ့ရာမှ ၂၀၁၂ ကြားဖြတ်ရွေးကောက်ပွဲ အပြီး အမျိုးသားဒီမိုကရေစီအဖွဲ့ ချုပ် လွှတ်တော်အတွင်း ရောက် လာခဲ့သည့် နောက်ပိုင်းမှ စတင် ကာ ဦးသိန်းစိန် ဦးဆောင်သော အစိုးရအဖွဲ့နှင့် သူရဦးရွှေမန်း ခေါင်းဆောင်သည့် လွှတ်တော်တို့ အကြားတွင် ပွတ်တိုက်မှုများ ရှိ လာခဲ့သည်။

အမျိုးသားဒီမိုကရေစီအဖွဲ့ ချုပ် လွှတ်တော်တွင်းသို့ ရောက်ရှိ လာချိန်နောက်ပိုင်းတွင် ပြည်သူ့ လွှတ်တော်ဥက္ကဋ္ဌဖြစ်သည့်အပြင် ပြည်ခိုင်ဖြိုးပါတီဥက္ကဋ္ဌ တာဝန်ယူထားသော သူရဦးရွှေမန်းသည် ဒေါ်အောင်ဆန်းစုကြည်နှင့် ပုဂ္ဂိုလ်ရေးအရ ရင်းနှီးလာခဲ့သည်။

ထို့နောက် သူရဦးရွှေမန်း ဦး ဆောင်သော လွှတ်တော်က ဖွဲ့ စည်းပုံအခြေခံဥပဒေ ပြင်ဆင်ရေး ကြိုးပမ်းအားထုတ်ခဲ့ပြီး နိုင်ငံရေး အကျပ်အတည်းကို ဖြေရှင်းရန် သမ္မတ၊ တပ်မတော်ကာကွယ်ရေး ဦးစီးချုပ်၊ ပြည်သူ့လွှတ်တော်နှင့် အမျိုးသားလွှတ်တော်ဥက္ကဋ္ဌ နှစ် ဦး၊ ဒေါ်အောင်ဆန်းစုကြည်နှင့် ပြည်ထောင်စုလွှတ်တော်ရှိ တိုင်း ရင်းသား လွှတ်တော်ကိုယ်စား လှယ်တစ်ဦးတို့ပါဝင်သည့်ခြောက် ပွင့်ဆိုင်တွေ့ဆုံမှုကို အမြန်ဆုံး ပြု လုပ်ရန် အရေးကြီးအဆိုတစ်ရပ် တင်ခဲ့သည်။

နိုင်ငံရေးလေ့လာသူများ၏ ထောက်ပြချက်များအရ ဦးသိန်း စိန်နှင့် သူရဦးရွှေမန်းတို့၏ အား ပြိုင်မှုသည် ၂၀၁၅ အထွေထွေ ရွေးကောက်ပွဲ နီးကပ်လာချိန်တွင် ပိုမိုပြင်းထန်လာပြီး လွှတ်တော်က ဆောင်ရွက်ခဲ့သည့် ဖွဲ့စည်းပုံအ ခြေခံဥပဒေ ပြင်ဆင်ရေးကြိုးပမ်း မှု၊ လွှတ်တော်ကိုယ်စားလှယ်များ ကို လစာတိုးပေးခြင်း၊ ခြောက်ပွင့် ဆိုင်တွေ့ဆုံရန် လုပ်ဆောင်ချက် များသည် တစ်ပါတီတည်းအတူ တူ အလုပ်လုပ်ကြသော ပုဂ္ဂိုလ်နှစ် ဦးအကြား အားပြိုင်မှုကို ပိုမိုပြင်း ထန်လာခဲ့သည်။

‘‘သူတို့နှစ်ဦးအကြား အား ပြိုင်မှုတွေကနေ ပါတီထဲမှာ ဦး သိန်းစိန်ကို ထောက်ခံသူနဲ့ သူရ ဦး ရွှေမန်းရဲ့ လူတွေရယ်ဆိုပြီး နှစ်ပိုင်းဖြစ်လာတယ်။ နောက်တော့ ဖြုတ်ထုတ်ဖယ်ရှားတွေဖြစ်လာပြီး ဦးသိန်းစိန် အနိုင်ရလိုက်တယ်’’ ဟု ရခိုင်အမျိုးသား ပြည်သူ့လွှတ် တော်ကိုယ်စားလှယ် ဦးဘရှိန်က ပြောသည်။

၂၀၁၅ နိုဝင်ဘာ ၈ ရက် ရွေးကောက်ပွဲမတိုင်မီ သုံးလအလို သြဂုတ်တွင် နေပြည်တော်ရှိ ပြည် ခိုင်ဖြိုးပါတီ ဌာနချုပ်၌ ပါတီခေါင်း ဆောင်ပိုင်း အပြောင်းအလဲ ဖြစ် ပေါ်ခဲ့ပြီး သူရဦးရွှေမန်းအပါအ၀င် ဗဟိုအလုပ်အမှုဆောင် ၁၂ ဦး ရာ ထူးမှ ဖယ်ရှားခံခဲ့ရကာ ပါတီဗဟို အလုပ်အမှုဆောင် အဖွဲ့သစ်ကို ပြန်လည်ဖွဲ့စည်းခဲ့သည်။

အသစ်ပြန်လည်ဖွဲ့စည်း သည့် ဗဟိုအလုပ်အမှုဆောင်အဖွဲ့ တွင် ရာထူးမှဖယ်ရှားခံခဲ့ရသူများ ပါဝင်လာခြင်းမရှိဘဲ ဦးသိန်းစိန်နှင့် ရင်းနှီးသူများ ပါဝင်လာကာ ဦး သိန်းစိန် သမ္မတတာဝန် ထမ်း ဆောင်နေစဉ်အတွင်း ပါတီကို ဦး ဆောင်ရန် ဒုဥက္ကဋ္ဌ ဦးဌေးဦးက ပူးတွဲတာဝန်ယူခဲ့သည်။

ပါတီဝင်အဖြစ်မှ အနားပေး ခံရပြီး ငါးရက်အကြာ ဧပြီ ၂၇ရက် က နေပြည်တော်ရှိ လွှတ်တော်အဆောက်အအုံဝင်းအတွင်း ပြု လုပ်သော ပြည်ထောင်စုလွှတ် တော်ဥပဒေရေးရာနှင့် အထူးကိစ္စ ရပ်များ လေ့လာဆန်းစစ်သုံးသပ် ရေးကော်မရှင်၏ ဆောင်ရွက်ချက် များကို သတင်းမီဒီယာများအား တွေ့ဆုံပွဲတွင် ယင်းကော်မရှင်အ ဖွဲ့ဝင် ပြည်ခိုင်ဖြိုးပါတီမှ အနား ပေးခံရသူများက ပါတီမှ ထုတ် ပယ်ခံရမှုနှင့် သြဂုတ်လဖြစ်စဉ် များအပေါ် သဘောထားကြေညာ ချက်တစ်စောင်ထုတ်ပြန်ခဲ့သည်။

အဆိုပါ ကြေညာချက်တွင် သြဂုတ်လဖြစ်စဉ်၌ လုံခြုံရေးအဖွဲ့အင်အား အသုံးပြုပြီး ပါတီဌာနချုပ်ကို စီးနင်းနေရာယူသိမ်းပိုက်ရှာဖွေပြီးနောက် ပါတီဗဟိုအလုပ်အမှုဆောင်ကော်မတီကို ပြင်ဆင်ဖွဲ့စည်းခြင်း လုပ်ဆောင်ခဲ့ ကြောင်း၊ ပါတီညီလာခံနှင့် ပါတီ ဗဟိုကော်မတီက ရွေးချယ်တင် မြှောက်ထားသည့် ဗဟိုအလုပ်အ မှုဆောင် ကော်မတီဝင်များကို ဖယ်ရှားပြီး ရက်ပိုင်းအတွင်း ပါတီ ဝင်ဖြစ်လာသူများနှင့် သာမန်ပါတီ ဝင်အချို့တို့ကို ပါတီဗဟိုအလုပ် အမှုဆောင် ကော်မတီဝင်အဖြစ် တိုက်ရိုက် ခန့်အပ်ခြင်းတို့သည် တည်ဆဲဥပဒေနှင့် ပါတီ၏ ဖွဲ့ စည်းပုံအခြေခံစည်းမျဉ်းကို ချိုး ဖောက်ခြင်း ရှိ၊ မရှိ သိနိုင်ကြောင်း ဖော်ပြထားသည်။

‘‘သြဂုတ်လအတွင်းက လုပ် ခဲ့တာရယ်၊ အခုပါတီဝင်အဖြစ်က အနားပေးလိုက်တာရယ်က ဒီမိုက ရေစီနည်းမဆန်ဘူး။ သူတို့တွေ လုပ်ချင်တဲ့ပုံ လုပ်နေတယ်။ ပါတီ ဝင်တွေရဲ့ ဆန္ဒသဘောထားကို ရယူရမယ်။ အဲဒီတော့ အရေးပေါ် ညီလာခံတစ်ရပ်ကို ခေါ်ကိုခေါ်ရ မယ်’’ဟု သူရဦးရွှေမန်းနှင့်ရင်းနှီး သူ ပြည်ခိုင်ဖြိုးပါတီဗဟိုအလုပ်အမှုဆောင်ဟောင်း ဦးဇော်မြင့်ဖေ ကပြောသည်။

ထို့နောက် ဦးဇော်မြင့်ဖေက ပါတီ အရေးပေါ်ညီလာခံတစ်ရပ် ခေါ်ယူပေးရန်နှင့် ပါတီဗဟိုကော် မတီအစည်းအဝေးကို မေလ နောက်ဆုံးပတ် ၂၈ ရက်နှင့် ၂၉ ရက်များတွင် ခေါ်ယူကျင်းပပေး ရန် ဗဟိုကော်မတီဝင် ၁၃၆ ဦး လက်မှတ်ရေးထိုးထားသော လက် မှတ်များကို စုစည်းကာ ပါတီဥက္ကဋ္ဌ ဦးသိန်းစိန်ထံ ဧပြီ ၂၉ ရက်၌ စာရေးသား တောင်းဆိုထား သည်။

ပါတီ၏ ဖွဲ့စည်းပုံအခြေခံ စည်းမျဉ်းတွင် ပါတီဗဟိုကော်မတီ ဝင် ထက်ဝက်ကျော်က တောင်းဆို ပါက အရေးပေါ်ညီလာခံကျင်းပ ပေးရမည်ဖြစ်ကြောင်း ပါရှိပြီး ပါတီဗဟိုကော်မတီဝင် ၂၁၉ ဦး တွင် ၆၂ ဒသမ ၁ ရာခိုင်နှုန်းဖြစ် သော ၁၃၆ ဦးတို့၏ လက်မှတ်ကို စုစည်းပြီး တင်ပြခြင်းဖြစ်သည်ဟု ဦးဇော်မြင့်ဖေကပြောသည်။

သို့သော် ယင်းလက်မှတ် များသည် အဟောင်းများဖြစ်နေ ကြောင်း အငြင်းပွားမှုများလည်း တစ်ချိန်တည်း ထွက်ပေါ်လာခဲ့ပြီး ပြည်ခိုင်ဖြိုးပါတီ၏ အာဘော်သ တင်းစာဖြစ်သည့် ပြည်ထောင်စု နေ့စဉ်သတင်းစာ၏ ဖေ့စ်ဘွတ်ခ် စာမျက်နှာတွင် ဖော်ပြထားသော သတင်းတစ်ပုဒ်၌ ပူးတွဲဥက္ကဋ္ဌ ဦးဌေးဦး၏ လက်မှတ်မှာ ပထမ အကြိမ် လွှတ်တော်သက်တမ်းများ မကုန်မီက ပါတီညီလာခံခေါ်ပေး ရန်အတွက် လက်မှတ်ရေးထိုးထား မှုများ ဖြစ်သည်ဟု ပြောထား သည်။

‘‘၁၃၆ ဦးကို လက်မှတ်ထိုးပြီး တောင်းဆိုတယ်လို့ ပြောတဲ့အခါ ကျတော့ အပြင်မှာရှိတဲ့ သူက ဘာထင်လဲဆိုတော့ အနားယူခွင့် ပြုတယ်ဆိုတဲ့ကိစ္စနဲ့ ပတ်သက်လို့ ချက်ချင်းကြီး မကျေနပ်တဲ့သူတွေ က ၁၃၆ ဦးတောင် ရှိလာတယ် ထင်သလိုလို ဖြစ်နေတယ်’’ဟု အဆိုပါသတင်းတွင် ဦးဌေးဦးက ပြောထားကြောင်း ပါရှိသည်။

ထို့ပြင် အနားပေးလိုက်ခြင်း နှင့်ပတ်သက်၍ ဦးဌေးဦးက ‘‘ဒီလို ထုတ်ပယ်တယ်ဆိုတာ နှစ်ချက်ပဲ ရှိတယ်။ ပါတီကို မယုံတော့ဘူးဆို ရင် ပါတီဝင်အဖြစ်က အလိုအ လျောက် ပျက်ပြယ်တယ်။ ယုံကြည်မှုပဲ။ ပါတီဝင်တွေဆိုတာ ယုံ ကြည်မှုနဲ့သွားတယ်။ အဲဒီပါတီဝင် တစ်ဦးတစ်ယောက်လည်းပဲ တ ခြားပါတီ၊ တခြားပုဂ္ဂိုလ်ကို သစ္စာခံတယ်ဆိုရင် ပါတီရဲ့ လမ်းညွှန် ချက်တွေကို မခံယူဘဲ တခြားပါတီက လမ်းညွှန်ချက်ကို ခံယူတယ်ဆိုရင် ပါတီဝင်အဖြစ်က ပျက်ပြယ်တယ်’’ဟု အဆိုပါသတင်း တွင် ပြောကြားထားသည်။

ပါတီမှ အနားပေးခံလိုက်ရ သူများက ၎င်းတို့သည် အနိုင်ရ ပါတီခေါင်းဆောင် ဒေါ်အောင် ဆန်းစုကြည်နှင့် ရင်းနှီးမှုရှိသည့် အပြင် ၎င်းပါတီအနိုင်ရထားသော လွှတ်တော်မှ ဖွဲ့စည်းထားသည့် ပြည်ထောင်စုလွှတ်တော် ဥပဒေ ရေးရာနှင့် အထူးကိစ္စရပ်များ လေ့ လာဆန်းစစ်သုံးသပ်ရေး ကော်မ ရှင်တွင် တာဝန်ထမ်းနေမှုတို့သည် ပါတီမှ အနားပေးခံရသည့် အ ချက်များတွင် ပါဝင်နေကြောင်း ပြောသည်။

ယခု ဆောင်းပါးအတွက် 7Day News ဂျာနယ်က ပါတီ ပြောရေးဆိုခွင့်ရှိသူနှင့် ပါတီဗဟို အလုပ်အမှုဆောင် အချို့ထံ သ ဘောထားအမြင် ရရှိနိုင်ရေးအ တွက် ဖုန်းဖြင့် ဆက်သွယ်မေးမြန်း ခဲ့သော်လည်း ဆက်သွယ်မရခဲ့ ပေ။

မြန်မာ့နိုင်ငံရေးသမိုင်းတွင် ပါတီတွင်း အုပ်စုဖွဲ့ အားပြိုင်မှုများ ကြောင့်ပင် နိုင်ငံကို လွတ်လပ်ရေး ရယူပေးနိုင်ခဲ့သော ဖဆပလအဖွဲ့ ကြီးသည်ပင် နှစ်ခြမ်းကွဲသွားသည့် သာဓကရှိခဲ့သဖြင့် ပြည်ခိုင်ဖြိုးပါတီမှ ပါတီတစ်ခု ကွဲထွက်သွားမည် လားဆိုသည်ကို နိုင်ငံရေးလေ့လာသူများက စိတ်ဝင်စား စောင့်ကြည့် နေကြသည်။

သူရဦးရွှေမန်းအပါအဝင် အ နားပေးခံလိုက်ရသော ပါတီဝင် များက ပါတီသစ်တည်ထောင်ရန် နှင့် အခြားသောပါတီသို့ အဖွဲ့ဝင် အဖြစ် ကူးပြောင်းရန် စိတ်ကူးမရှိ ကြောင်း ထုတ်ဖော်ပြောကြားထား သော်လည်း ပြည်ခိုင်ဖြိုးပါတီ၏ ရှေ့ရေးနှင့် ၎င်းတို့၏ ရှေ့ဆက် နိုင်ငံရေးရပ်တည်ချက်များသည် နိုင်ငံရေးလေ့လာသူများအတွက် စိတ်ဝင်စားစရာဖြစ်သည်။ နိုင်ငံရေးလေ့လာသူအချို့ ကမူ ပြည်ခိုင်ဖြိုးသည် ငွေအင် အား၊ လူအင်အား အဘက်ဘက်မှ ပြည့်စုံသော်လည်း ပါတီထိပ်ပိုင်း ခေါင်းဆောင်များ မညီညွတ်မှု ကြောင့် ရွေးကောက်ပွဲကို ရှုံးနိမ့်ခဲ့ ရခြင်းဖြစ်ကာ လာမည့် ၂၀၂၀ အ ထွေထွေရွေးကောက်ပွဲ၌ ပါတီ တွင်း စည်းလုံးညီညွတ်မှုအားနည်း ချက်ကြောင့် ထပ်မံရှုံးနိမ့်နိုင် ကြောင်း သုံးသပ်ကြသည်။

‘‘အချင်းချင်း အာဏာလွန်ဆွဲ ပွဲတွေကို တွေ့နေရတယ်။ အာ ဏာလွန်ဆွဲပွဲတွေကို ဖြေရှင်းတဲ့ အခါ ဒီမိုကရေစီနည်းကျ မဖြေ ရှင်းဘဲနဲ့ အရင်လုပ်ထုံးလုပ်နည်း တွေနဲ့၊ အာဏာရှင်နည်းလမ်းတွေ နဲ့ ဖြေရှင်းနေတာကို တွေ့ရတယ်။ ဒါတွေက သူတို့ပါတီရဲ့ အလား အလာကို မကောင်းနိုင်ဘူး’’ ဟု နိုင်ငံရေးလေ့လာသူ တကောင်း နိုင်ငံရေးလေ့လာမှုရုံးမှ ဒါရိုက်တာ ကိုရဲက သုံးသပ်သည်။

လက်ရှိ မြန်မာနိုင်ငံတွင်နိုင် ငံရေးပါတီ ၉၁ ပါတီ၌ ငွေကြေး အင်အား၊ ပါတီရုံးအဆောက်အအုံ အင်အားတောင့်တင်းပြီး လက်ရှိ တပ်မတော်နှင့်ရင်းနှီးသည့် ဆက် ဆံရေးရှိသည့် ပြည်ခိုင်ဖြိုးပါတီ ရွေးကောက်ပွဲတွင် ရှုံးနိမ့်ခဲ့ရသည့် အချက်များကို ပြန်လည်ပြင်ဆင်၍ ပါတီတွင်း ပြုပြင်ပြောင်းလဲရေး နှင့် စည်းလုံးညီညွတ်ရေးကို မဖြစ် မနေ လုပ်ဆောင်မှသာ ဒီမိုကရေ စီစနစ်တွင် ပြည်သူလူထုကြိုက်နှစ် သက်သည့် ပါတီကြီးတစ်ခုအဖြစ် ရေရှည်ရပ်တည်နိုင်မည်ဟု ပါတီ ဝင်အချို့က ဆိုကြသည်။

‘‘ပါတီရှေ့ရေးအတွက်တော့ စိတ်မကောင်းဘူး။ ဒီပုံစံအတိုင်းပဲ ဆက်သွားကြမယ်ဆို နောက်ရွေး ကောက်ပွဲလည်း ရှုံးလိမ့်မယ်’’ဟု ဦးဇော်မြင့်ဖေကဆိုသည်
7Day News Journal


ဓာတ်ပုံ−စိုင်းဇော်

တိုတောင်းသည့်အချိန်လေးအတွင်းမှာပင် နိုင်ငံတော်၏ အတိုင်ပင်ခံပုဂ္ဂိုလ်ရုံးမှ အရေးပါသော ဆောင်ရွက်ချက်များကို ခြေလှမ်းစိပ်စိပ်လှမ်းနေသည်။

နိုင်ငံတော်၏ အတိုင်ပင်ခံပုဂ္ဂိုလ်ရုံး၏ ပထမဆုံးထုတ်ပြန်သည့်စာမှာ နိုင်ငံရေးအကျဉ်းသားများနှင့် ကျောင်းသားများအားလွှတ်ပေးရန် သတင်းစကားပါးသည့်စာ ဖြစ်သည်။

ရက်ပိုင်းအတွင်းမှာ ပြောသည့်အတိုင်းဖြစ်အောင်လုပ်ပေးခဲ့သည်။ သင်္ကြန်အပြီးထုတ်ပြန်သော ပြည်သူသို့ ကျေးဇူးတင်လွှာကလည်း ပြည်သူနှင့်မကင်းကွာကြောင်း ပြသခဲ့သည့် မဟာဗျူဟာမြောက်ခြေလှမ်းဖြစ်သည်။ နောက်ထပ်အရေးပါသည့် ခြေလှမ်းအဖြစ် ငြိမ်းချမ်းရေးအတွက် ၂၁ ရာစုပင်လုံညီလာခံကို အချိန်မဆွဲဘဲ လပိုင်းအတွင်း ဆောင်ရွက်လိုကြောင်း နိုင်ငံတော်၏ အတိုင်ပင်ခံပုဂ္ဂိုလ်က ထပ်မံသတင်းစကားပါးခဲ့သည်။

ထို့နောက်တွင် မြန်မာ့နိုင်ငံရေး၌ နောက်ဆုံးမှပေါ်လာသော ရာထူးတစ်ခုသည် နိုင်ငံတော်အင်္ဂါစဉ်တွင် နံပါတ်(၂) ဖြစ်ကြောင်း တရားဝင်ထုတ်ပြန်သည်။ လက်ရှိအချိန်အထိမူ သမ္မတအပါအ၀င် အစိုးရတစ်ဖွဲ့လုံး၏ လုပ်ဆောင်ချက်များသည် နိုင်ငံတော်၏ အတိုင်ပင်ခံပုဂ္ဂိုလ်ရုံး၏ လုပ်ဆောင်ချက်များအောက်တွင် ခပ်မှိန်မှိန်သာရှိခဲ့သည်။

ရွေးကောက်ပွဲမတိုင်မီက ဒေါ်အောင်ဆန်းစုကြည်ပြောခဲ့သလိုပင် သမ္မတ၏အထက်တွင် အမှန်တကယ်ပင် ရှိနေပြီလားဟူသည်မှာ အငြင်းပွားစရာမလိုသည့် ကိစ္စတစ်ခုပင်ဖြစ်သည်။

‘‘ဒေါ်အောင်ဆန်းစုကြည်က နိုင်ငံတော်သမ္မတကလွဲရင် ကက်ဘိနက်ရဲ့အထက်မှာ ရောက်သွားတယ်။ သူ့လုပ်နိုင်ကိုင်နိုင်စွမ်းနဲ့ သူလုပ်ရမယ့်အလုပ်နဲ့ဆိုရင် ဒီနေရာကို ယူလိုက်တာဟာ သူ့အတွက်လည်းကောင်းတယ်။ အားလုံးအတွက်လည်းကောင်းတယ်’’ ဟု မြန်မာ့နိုင်ငံရေးစိတ်ဝင်စားသူ ဦးရဲမင်းဦးက ပြောကြားသည်။

ထို့ပြင် သမ္မတ၏ လုပ်ဆောင်ချက်များပေါ်လွင်ထင်ရှားခြင်းမရှိဟူသော ဝေဖန်မှုများသည် စောနေသေးကြောင်း ၎င်းက ဆိုသည်။

၅၉(စ)တားမြစ်ချက်ကို ဖောက်ထွက်ပြီး ဒေါ်အောင်ဆန်းစုကြည်၏ လက်ရှိနေရာအတွက် အကြံပေးသူသည် အငြိမ်းစားဗိုလ်ချုပ်မှူးကြီး ဦးသန်းရွှေဖြစ်နိုင်ကြောင်း ပြည်သူ့လွှတ်တော်ကိုယ်စားလှယ်ဟောင်း ဦးရဲထွန်းက သုံးသပ်သည်။

‘‘ဦးသန်းရွှေနဲ့တွေ့ပြီးနောက်မှာ ဒေါ်အောင်ဆန်းစုကြည်ရဲ့ပုံက အားရကျေနပ်မှုရှိတာ တွေ့ရတယ်။ ကျွန်တော်တို့က ၅၉(စ)အတွက် မီးစိမ်းပြလိုက်တာလို့ ထင်ခဲ့ကြတယ်။ တကယ်က အခုယူထားတဲ့ရာထူးအတွက် အကြံပေးလိုက်တာဖြစ်နိုင်တယ်’’ဟု ဦးရဲထွန်းက ပြောသည်။

နိုင်ငံတော်၏ အတိုင်ပင်ခံရာထူးသည် အုပ်ချုပ်ရေးသာမက အခြားမဏ္ဍိုင်များကိုပါ အကြံပေးနိုင်သည့်နေရာဖြစ်၍ ဒေါ်အောင်ဆန်းစုကြည်ကဲ့သို့ သြဇာကြီးမားသည့် ပုဂ္ဂိုလ်အတွက် လိုက်ဖက်သည့်နေရာဖြစ်ကြောင်း သုံးသပ်မှုများလည်းရှိသည်။

စင်စစ်လက်ရှိရာထူးမှာ ၅၉ (စ) အကျပ်အတည်းကြောင့်ဖြစ်ပေါ်လာသော ရာထူးဖြစ်ကြောင်း နိုင်ငံရေးဆောင်းပါးရှင် ဒေါက်တာရန်မျိုးသိမ်းက သုံးသပ်သည်။

‘‘တကယ်တော့ တိုင်းရင်းသားပြည်သူအများစုက ဒေါ်အောင်ဆန်းစုကြည်ကို သမ္မတဖြစ်စေချင်လို့ ပုံအောပြီးမဲပေးခဲ့ကြတာ’’ဟု ၎င်းက ပြောသည်။

သို့သော် ယခုရာထူးသည် တိုင်းပြည်၊ပြည်သူနှင့် တပ်မတော်အတွက် အရေးပါသည့် ခြေလှမ်းတစ်ရပ်ဟု ၎င်းက ရှုမြင်သည်။

‘‘နိုင်ငံတကာနဲ့ ယှဉ်ရင်အဘက်ဘက်ကနိမ့်ကျနေတဲ့ တိုင်းပြည် ပြန်လည်ခေါင်းထောင်လာနိုင်ဖို့ တပ်မတော်အနေနဲ့လည်း Standard Army ဖြစ်ဖို့ နိုင်ငံတော်ရဲ့ အတိုင်ပင်ခံပုဂ္ဂိုလ်က အများကြီး အကျိုးပြုနိုင်မယ်လို့ ယုံကြည်တယ်’’ဟု ဒေါက်တာရန်မျိုးသိမ်းက ပြောသည်။

အတိုက်အခံဘ၀ကပင် မျိုးရိုးအရရော အရည်အချင်းအရပါ ပြည်တွင်း၊ ပြည်ပ၌ သြဇာညောင်းသည့် ဒေါ်အောင်ဆန်းစုကြည်သည် တရားဝင်လုပ်ပိုင်ခွင့်များပါ ရလာသည့်အခါ သူ၏သြဇာလွှမ်းမိုးမှုကို ယှဉ်နိုင်သည့်သူမရှိသလောက်ဖြစ်သွားသည်မှာ ငြင်းချက်ထုတ်မရသည့်ကိစ္စဖြစ်လာသည်။

‘‘ဒေါ်အောင်ဆန်းစုကြည် နိုင်ငံတော်အတိုင်ပင်ခံပုဂ္ဂိုလ်အဖြစ် တာဝန်ယူတာနဲ့ပတ်သက်ပြီး ပြည်ထောင်စုလွှတ်တော်က အတည်ပြုတဲ့ ဥပဒေအရ တာဝန်ယူတာဖြစ်တဲ့အတွက် ဘာမှဝေဖန်စရာမရှိပါဘူး။ လက်တွေ့ဆောင်ရွက်တဲ့နေရာမှာတော့ နိုင်ငံတော်သမ္မတ၊ ဒုသမ္မတများ၊ ဥပဒေပြုရေးမဏ္ဍိုင်နဲ့ တရားရေးမဏ္ဍိုင်က အကြီးအကဲများနဲ့ တပ်မတော်ကို ဖွဲ့စည်းပုံအခြေခံဥပဒေက ပေးအပ်ထားတဲ့ တာဝန်နဲ့လုပ်ပိုင်ခွင့်များကို ထိပါးမှုမရှိအောင်တော့ ဂရုပြုရမယ်ထင်ပါတယ်။ ဘာ့ကြောင့်လဲဆိုတော့ အဲဒီတာဝန်တွေက အခြေခံဥပဒေကပေးထားတာဖြစ်ပြီး အတိုင်ပင်ခံပုဂ္ဂိုလ်ရာထူးနဲ့ လုပ်ပိုင်ခွင့်က ပြည်ထောင်စုလွှတ်တော်ဥပဒေအရ ပေးထားတာဖြစ်လို့ပါ’’ဟု သမ္မတဟောင်းဦးသိန်းစိန်၏ ပြောရေးဆိုခွင့်တာဝန်ယူခဲ့ဖူးသူ ဦးရဲထွဋ်က သုံးသပ်သည်။

ထို့ပြင် အစိုးရ၀န်ကြီးဌာနများ၏ လုပ်ငန်းဆောင်ရွက်မှုများသည် သမ္မတဦးဆောင်သည့် အစိုးရအဖွဲ့၏ ညွှန်ကြားချက်အတိုင်း လုပ်ဆောင်ရသည့်အတွက် အစိုးရအဖွဲ့ရုံးနှင့် အတိုင်ပင်ခံပုဂ္ဂိုလ်ရုံးနှစ်ခုအကြား မည်သို့အလုပ်လုပ်မည်ကို စောင့်ကြည့်ရမည်ဖြစ်ကြောင်း ၎င်းကပြောသည်။

‘‘အထူးသဖြင့် သဘာဝဘေးလို အရေးပေါ်ကိစ္စတွေမှာ ဘယ်လိုတုံ့ပြန်မလဲဆိုတာမျိုးက အရေးကြီးပါတယ်။ ပြီးခဲ့တဲ့မိုးသီးမုန်တိုင်းကျရောက်ချိန်မှာ သမ္မတ၊ ဒုသမ္မတများရဲ့ ဆုံးဖြတ်ချက်၊ လက်တွေ့ပါဝင်ဆောင်ရွက်ချက်များနဲ့ပတ်သက်ပြီး လူထုက သိပ်မသိရဘူးဖြစ်နေတယ်။ နောက်ပြီး ဒေါ်အောင်ဆန်းစုကြည်ကိုယ်တိုင်က နိုင်ငံခြားရေးဝန်ကြီးဖြစ်နေတော့ ဘယ်လိုလုပ်ကိုင်ဆောင်ရွက်မလဲဆိုတာတော့ စောင့်ကြည့်ရမှာပါပဲ။ အခုအချိန်မှာ ကြိုတင်သုံးသပ်ဖို့တော့ စောသေးတယ်’’ ဟု ဦးရဲထွဋ်က ဆိုသည်။

ဒေါ်အောင်ဆန်းစုကြည်၏ သြဇာအာဏာကြီးထွားလာချိန်တွင် လုပ်ပိုင်ခွင့်များကို စည်းမကျော်မိရန်မှာ သတိပြုရမည့် အချက်ဖြစ်ကြောင်း သီပေါကိုယ်စားလှယ်ဟောင်း ဦးရဲထွန်းက သုံးသပ်သည်။

‘‘အခုက စည်းကျော်နေတယ်လို့ ဆိုလိုတာ မဟုတ်ဘူးနော်။ သတိပြုရမယ့်ကိစ္စလို့ ယူဆတာပါ။ နောက်တစ်ခုအရေးကြီးတာက တပ်မတော်နဲ့ ဆက်ဆံရေးကောင်းတည်ဆောက်ဖို့ပဲ’’ဟု ၎င်းက အကြံပြုပြောကြားသည်။

ဒေါ်အောင်ဆန်းစုကြည်၏ သြဇာအာဏာပိုမိုကြီးထွားလာခြင်းမှာ စိုးရိမ်စရာမဟုတ်ကြောင်း ဦးရဲမင်းဦးက သုံးသပ်သည်။

‘‘လွန်ခဲ့တဲ့ နှစ်ပေါင်း ၂၀ အတွင်း ဒေါ်အောင်ဆန်းစုကြည်ရဲ့ သြဇာက ကျခဲ့တယ်ရယ်လို့မှ မရှိတာ။ အခုအချိန်မှာ စီမံခန့်ခွဲပိုင်ခွင့် အာဏာပေးလိုက်တာနဲ့ ကြောက်စရာကောင်းတဲ့ အာဏာရှင်တစ်ယောက်ဖြစ်လာလိမ့်မယ်လို့ မထင်ဘူး’’ဟု ၎င်းက သုံးသပ်သည်။

သို့သော်ဒေါ်အောင်ဆန်းစုကြည်အနီးရှိ ၀န်ကြီးများ၊ ပညာရှင်များသည် ပြောသင့်ပြောထိုက်သည့်ကိစ္စများ ပြောရဲဖို့လိုကြောင်း ၎င်းက သတိပေးသည်။

‘‘သူတို့ဘာသာအကြောက်လွန်ပြီး မပြောရဲ၊ မဆိုရဲဖြစ်နေမယ်ဆိုရင် အဆင်မပြေဘူး။ ပြဿနာရှိတယ်’’ဟု ၎င်းကဆိုသည်။

နိုင်ငံရေးကို စိတ်မ၀င်စားလှသည့် သာမန်ပြည်သူအများစုသည် ဒေါ်အောင်ဆန်းစုကြည်၏ လက်ရှိတာဝန်ယူထားသည့် ရာထူးများကိုပင် ပြည့်ပြည့်စုံစုံ မသိကြချေ။

သို့သော်ဒေါ်အောင်ဆန်းစုကြည်အပေါ် သူတို့၏ ထောက်ခံမှုက သူ၏ရာထူးများပေါ်တွင် မူတည်မနေချေ။

‘‘ရာထူးတွေတော့ မသိဘူး။ ဒါပေမဲ့ အမေစုတက်လာတော့ အရင်ကထက် ပိုကောင်းသွားလိမ့် မယ်လို့ ယုံကြည်တယ်’’ဟု နေပြည်တော်မှ ဆိုင်ကယ်အငှားမောင်းနှင်သူတစ်ဦးက ပြောသည်။နိုင်ငံတော်၏ အတိုင်ပင်ခံပုဂ္ဂိုလ်ရုံးဖေ့စ်ဘွတ်ခ်စာမျက်နှာတွင် အမေရိကန်သမ္မတ အိုဘားမား၏ ဒေါ်အောင်ဆန်းစုကြည် ပုံရိပ်လွှာအဖွဲ့အနွဲ့ကို မြန်မာ- အင်္ဂလိပ်နှစ်ဘာသာဖြင့် ဖော်ပြထားသည်။

‘‘အခုချိန်မှာတော့ အရင်ကလို မဟုတ်တော့ပါဘူး။ လေဒီဟာ သန်း ၅၀ ကျော်ပြည်သူတွေဆီ တရားမျှတခြင်းတွေ ရရှိစေဖို့၊ ကမ္ဘာတစ်ဝန်းက ပြည်သူသန်းပေါင်းများစွာအတွက် မျှော်လင့်ခြင်း မီးအိမ်လေးဖြစ်လာနေပါပြီ’’ ဟု သမ္မတအိုဘားမားက တင်စားထားသည်။

နန္ဒ
7Day News Journal

ဂျကာတာပို့စ် သတင်းစာက မေ ၂ ရက်တွင် ထုတ်ပြန်ခဲ့သည့် ဓာတ်ပုံ$ ဂျကာတာရှိ လူစည်ကားသောလမ်း၏ စင်္ကြံတွင် ဆိုင်ကယ်မောင်းလာသူများအား တားဆီးနေသည့် အမျိုးသမီးကို တွေ့ရစဉ် (Photo: AFP)

ယာဉ်ကြော ပိတ်ဆို့နေသော ဂျကာတာတွင် လူသွားလမ်း နေရာ၌ မောင်းနှင်သော ဆိုင်ကယ်များကို ဒေါသတကြီး တားဆီးခဲ့သော ဓာတ်ပုံများ ပျံ့နှံ့သွားခဲ့ပြီးနောက် အင်ဒိုနီးရှား အမျိုးသမီး တစ်ဦးသည် အင်တာနက်တွင် ချက်ချင်း ထင်ရှားသွားခဲ့သည်။ အသက် ၃၄ နှစ်အရွယ် စားဖိုမှူး အယ်ဖီနီလက်စတာရီသည် ယခုတစ်ပတ် အတွင်းက အလွန် စည်ကားသော အချိန်အတွင်း ဂျကာတာ၏ အဓိက လမ်းမတစ်ခု၌ လူသွားစင်္ကြံပေါ်တွင် မောင်းနှင်နေသော ဆိုင်ကယ်တစ်စုကို လက်ဖြန့် တားဆီးခဲ့သော ဓာတ်ပုံသည် အင်ဒိုနီးရှား သတင်းစာ ဂျကာတာပို့စ်၏ မျက်နှာဖုံးတွင် ဖော်ပြခံရပြီးနောက် ချက်ချင်း ထင်ရှားသွားခဲ့သည်။

ကမ္ဘာပေါ်တွင် အဆိုးရွားဆုံးသော ယာဉ်ကြောပိတ်ဆို့မှုများရှိသည့် မြို့တစ်မြို့ ဖြစ်သော ဂျကာတာတွင် လူသွားစင်္ကြံ၌ ဆိုင်ကယ် စီးနင်းခြင်းသည် တရားမ၀င်သော်လည်း ဆိုင်ကယ် မောင်းသူ အများစုသည် ဥပဒေကို မလိုက်နာကြပေ။ လမ်းလျှောက်သွားသူများအတွက် ထားရှိသည့် ဧရိယာများကို ဆိုင်ကယ်သမားများက ဖြတ်လမ်းအဖြစ် အသုံးပြုကြခြင်းဖြင့် ပြည်သူတို့၏ အသက်အန္တရာယ်ကို ခြိမ်းခြောက်ခံနေရကြောင်း ဝေဖန်သူများက ပြောကြားထားသည်။

ယာဉ်ကြော ပိတ်ဆို့မှုအပြင် အများပြည်သူ သယ်ယူပို့ဆောင်ရေးစနစ် ညံ့ဖျင်းမှု၊ လမ်းလျှောက်သွားသူများ သက်သောင့်သက်သာ လမ်းလျှောက်နိုင်သော နေရာ အနည်းငယ်သာ ရှိမှုတို့ကြောင့် နာမည်ဆိုးထွက်သော ဂျကာတာမြို့တွင် အယ်ဖီနီသည် နေ့ချင်းညချင်း ကျော်ကြားသွားခဲ့သည်။

“ဆိုင်ကယ်စီးသူတွေ အများကြီးက ကျွန်မကို ဒေါသထွက်ခဲ့ကြတယ်။ အချို့က လမ်းဖယ်ပေးဖို့ ပြောကြတယ်။ အချို့က ‘ရူးနေတဲ့ မိန်းမ’ လို့ ပြောခဲ့ကြတယ်။ ဒါပေမဲ့ ကျွန်မက မှန်ပြီး သူတို့က မှားတယ်ဆိုတာ သိတဲ့ အတွက်ကြောင့် အဲဒါတွေကို ဂရုမစိုက်ပါဘူး” ဟု အယ်ဖီနီက အေအက်ဖ်ပီကို ပြောကြားခဲ့သည်။

အွန်လိုင်းတွင် အယ်ဖီနီကို ၀ိုင်းဝန်း ချီးကျူးခဲ့ကြပြီး Save The Pedestrains ဟု အမှတ်စာသား တွဲ၍ Twitter တွင် သူ့အား ချီးမြှောက်ခဲ့ကြသည်။ အင်ဒိုနီးရှား၏ ကျော်ကြားသော ဂီတပညာရှင် ဂလင်ဖရက်ဒလီက “သူက ဂျကာတာရဲ့ စိတ်ထားမှန်သူ အမျိုးသမီးပါ။ အယ်ဖီနီကို ချစ်တယ်” ဟု တွဒ်တာတွင် ရေးသားခဲ့သည်။

ဂျကာတာတွင် ရုံးတက်ရုံးဆင်း စည်ကားချိန်၌ အဓိက လမ်းမများကို ၀င်ထွက် သွားလာရန်အတွက် ကားများသည် လူနှစ်ဦးထက် မနည်း လိုက်ပါရသည်။ မကြာသေးခင် ရက်သတ္တပတ်များအတွင်း၌ ယာဉ်ကြောပိတ်ဆို့မှု ပိုမို ဆိုးရွားလာခြင်းသည် ကားများ မျှဝေသွားလာသည့် ယင်းစနစ်ကို ရပ်ဆိုင်းမှုကြောင့် ဖြစ်သည်ဟု ဝေဖန်ခံနေရသည်။

Ref: AFP
Eleven Media Group

phayzintun-620.jpg 
 ပြည်ထောင်စုဝန်ကြီး ဦးဖေဇင်ထွန်း မေလ ၄ ရက်နေ့က ပြည်သူ့လွှတ်တော်မှာ ရှင်းလင်းပြောကြားနေစဉ်
Photo: RFA

နွေရာသီကာလ တစ်နိုင်ငံလုံး လျှပ်စစ်ဓာတ်အားသုံးစွဲမှု မဂ္ဂါဝပ် ၂၄ဝဝ ကျော်ရှိပြီး လိုအပ်တဲ့ မဂ္ဂါဝပ် ၃ဝဝ နီးပါးကို ထပ်တိုးရရှိအောင် ဆောင်ရွက်နေကြောင်း လျှပ်စစ်ဝန်ကြီးဌာန ပြည်ထောင်စုဝန်ကြီး ဦးဖေဇင်ထွန်း က ဒီနေ့ ပြည်သူ့လွှတ်တော်မှာ တင်ပြခဲ့ပါတယ်။

လိုနေတဲ့ လျှပ်စစ်ဓါတ်အားတွေကို ဖြည့်ဆီးပေးနိုင်ဖို့ သက်ဆိုင်ရာ ဓါတ်အားပေး စက်ရုံတွေက ထုတ်လုပ်ဖို့ စီစဉ်နေတာကို ဝန်ကြီးဦးဖေဇင်ထွန်း က အခုလို ရှင်းပြပါတယ်။

အယ်နီညိုရာသီဥတု ရင်ဆိုင်နေရတဲ့ နွေရာသီကာလအတွက် လျှပ်စစ်ဓာတ်အား မပြတ်တောက်အောင် ဘယ်လိုအစီအမံတွေ ဆောင်ရွက်နေလဲ လို့ ပြည်သူ့လွှတ်တော်ကိုယ်စားလှယ် ဦးစစ်အေးက မေးမြန်းရာမှာ ဝန်ကြီးဦးဖေဇင်ထွန်းက ဖြေကြားခဲ့တာပါ။

မြန်မာနိုင်ငံဟာ ရေအားလျှပ်စစ်ကို ၆၀ရာခိုင်နှုန်းကျော် မှီခိုနေရကြောင်း၊ နှစ်စဉ် နွေရာသီရောက်တဲ့အခါ ဆည်တွေမှာ ရေလျော့နည်းမှုနဲ့ ကြုံတွေ့နေရတဲ့အတွက် လျှပ်စစ်ဓာတ်အားလိုအပ်ချက်ကို မဖြည့်ဆည်းပေးနိုင်ကြောင်း၊ အယ်လ်နီညို သက်ရောက်ချိန်မှာ အရင်ထက်ပိုပြီး ရေလျော့နည်းဆုံးရှုံးမှု ပိုဖြစ်နိုင်တဲ့အတွက် အခုလိုမေးမြန်းတာဖြစ်ကြောင်း လွှတ်တော်ကိုယ်စားလှယ် ဦးစစ်အေးက ပြောခဲ့ပါတယ်။

ဒါ့အပြင် မဟာဓာတ်အားလိုင်း၊ ပင်မ ဓာတ်အားလိုင်းနဲ့ ဆက်စပ်ဓာတ်အားလိုင်းတွေကို ထိန်းသိမ်း ပြုပြင်နေကြောင်းလည်း ဖြေကြားခဲ့ပါတယ်။
RFA

ယနေ့နံနက်က မလေးရှားနိုင်ငံ၊ ပီနန်မြို့၊ ဂျုရုရပ်ကွက်အတွင်းရှိ ငရုတ်စိုက်ခင်းရှိ နေအိမ်တွင် တောခုတ်ဓားများ ကိုင်ဆောင်ထားသူ လူတစ်စုက မြန်မာလုပ်သား တစ်ဦးအား သတ်ဖြတ်ရာ အသတ်ခံရသူမှာ ဦးခေါင်းပြတ်လုနီးပါး ဖြစ်သွားကြောင်း သိရသည်။

စင်ထရယ် ပါရိုင်းခရိုင် ဒုရဲမှူးကြီး ဆပ်မို့ဆပ်ဘရီ မိုဟာမက်၏ အဆိုအရ နံနက် ၅ နာရီတွင် အခင်းဖြစ်ပွားခဲ့ခြင်းဖြစ်ပြီး အဆိုပါ တောခုတ်ဓား ကိုင်ဆောင်ထားသူများက အသက် ၂၀ ကျော် အရွယ် သေဆုံးသူနှင့် ၄င်း၏ မြန်မာနိုင်ငံသား သူငယ်ချင်းကို တိုက်ခိုက်ခဲ့ကြကြောင်း သိရသည်။
အသတ်ခံရသူမှာ ဦးခေါင်းပြတ်လုနီးပါး ဒဏ်ရာနှင့် လည်ပင်းနှင့် တစ်ကိုယ်လုံးတွင်ပါ ဒဏ်ရာများစွာ ရရှိခဲ့ပြီး ၄င်း၏ သူငယ်ချင်းတွင်လည်း ဒဏ်ရာများ ရရှိကာ ဆေးကုသမှုခံယူရန် ဘူကစ်မာတာဂျန် ဆေးရုံသို့ ပို့ဆောင်ခဲ့ရကြောင်း အဆိုပါရဲမှူးကဆိုသည်။

သေဆုံးသူ၏ ရုပ်အလောင်းကိုလည်း အဆိုပါဆေးရုံ၏ ရေခဲတိုက်သို့ ပို့ဆောင်လိုက်ကြောင်းနှင့် အခင်းဖြစ်ပွားရာ နေရာမှ တောခုတ်ဓား နှစ်လက်ကို သိမ်းဆည်းရမိခဲ့ကြောင်း ၄င်းက ထပ်မံပြောကြားသည်။

“အခင်းဖြစ်ပွားရာနေအိမ်တွင် သေဆုံးသူနှင့် သူ၏ သူငယ်ချင်းတို့ တိုက်ခိုက်သူ၏ လက်မှ ထွက်ပြေးတိမ်းရှောင်ရန် ကြိုးစားထားတဲ့ လက္ခဏာတွေ တွေ့ရတယ်၊ ဒါပေမဲ့ သူတို့ လွတ်အောင် မပြေးနိုင်ခဲ့ဘူး။ တိုက်ခိုက်ရာမှာသုံးတဲ့ တောခုတ်ဓား နှစ်လက်ကို အခင်းဖြစ်ပွားတဲ့နေရာမှာ တွေ့ရတယ်” ဟု အဆိုပါ ရဲမှူးက ဆိုသည်။ ရဲတပ်ဖွဲ့က တိုက်ခိုက်ရသည့် ရည်ရွယ်ချက်ကိုသိရှိရန် စုံစမ်းလျက်ရှိပြီး ပုဒ်မ ၃၀၂ အရ အမှုဖွင့် ဆောင်ရွက်လျက်ရှိသည်။ အဆိုပါ အမှုတွင် တိုက်ခိုက်သူများအား သေဒဏ်အထိ ချမှတ်နိုင်ကြောင်းလည်း သိရသည်။

ရွှန်းတင့်
The Ladies News Journal


ကြည့်မြင်တိုင်မြို့နယ်အတွင်း ဧပြီ ၂၆ ရက်က ဖြစ်ပွားခဲ့သည့် နေအိမ်အတွင်းဝင်ရောက်ကာ ငွေ ကျပ်သိန်း ၅ဝ လုယက်ထွက်ပြေးမှုကို ယနေ့အချိန်ထိ ဖမ်းဆီးရမိမှု မရှိသေးကြောင်း အနောက်ပိုင်း ခရိုင်ရဲတပ်ဖွဲ့မှူးရုံးမှ သိရသည်။

''မမိသေးပါဘူး။ မြို့နယ်ရဲ တပ်ဖွဲ့မှူးကိုယ်တိုင်ဦးစီးပြီး လိုက် စုံစမ်းနေတုန်းပဲ။ ခိုးဝှက်ဖို့အိမ်ထဲ ဝင်တယ်။ အိမ်ရှင်လည်းရောက် လာရော ပိတ်မိသွားတယ်။ ပိတ်မိသွားလို့ ဒီပြစ်မှုက ကျူးလွန်သွားတာကိုး။ သူထွက်လို့ရအောင် ဓား စာခံ လုပ်သွားတာကိုး။ တစ်ယောက်တည်းမို့ လုယက်မှုလို့ခေါ်တာပါ။ ငါးယောက်နဲ့ အထက်ဆို ဓားပြမှုဖြစ်သွားတာပေါ့။ တရားခံက ပုံသဏ္ဌာန်ရော၊ ဘာရော အ သေးစိတ်မရလိုက်တော့။ တကယ် လို့မသင်္ကာဖွယ်တွေ့ရှိရင် ကျွန်တော်တို့ရဲတပ်ဖွဲ့ကို အကြောင်း ကြားပေးပါ။ ကျန်တာကတော့ မိမိ တို့ရဲ့လုံခြုံရေးကို အထူးဂရုစိုက် ဖို့ပေါ့။ ခုချိန်ကလည်း လစ်ရင်လစ် သလိုလုပ်နေတာလေးတွေ ရှိတတ် တော့လေ''ဟု အနောက်ပိုင်း ခရိုင် ရဲတပ်ဖွဲ့မှူး ဒုရဲမှူးကြီးကျော်ထွဋ် က ပြောသည်။

ရန်ကုန်တိုင်းဒေသကြီးအတွင်း ထိုကဲ့သို့ခိုးဆိုးလုယက်မှုများ ဖြစ် ပွားနေခြင်းကြောင့် ခရိုင်၊ မြို့နယ် အလိုက် စစ်ဆေးမှုများပြုလုပ်နေ သကဲ့သို့ ပြစ်ချက်ဟောင်းရှိသူများ၊ မသင်္ကာဖွယ်ရှိသူများကို ခေါ်ယူ စစ်ဆေးလျက်ရှိကြောင်း သိရ သည်။
''ပြစ်မှုကျူးလွန်ပြီး လိုက်လံ စုံစမ်းစစ်ဆေးတာတွေလုပ်တယ်။စစ်ဆေးတာတော့ တော်တော်များ သွားပြီ။ အဖွဲ့တွေခွဲပြီးလုပ်နေတာ။စက်ဆန်းဘက်မှာလည်းစစ်နေတယ်။မရမ်းကုန်း၊ လှိုင်သာယာနဲ့ အင်း စိန်ဘက်တွေရောပဲ။ ပြစ်ချက် ဟောင်းရှိတဲ့သူတွေကိုလည်းလိုက် နေတယ်။ လစ်ရင်လစ်သလို၊ လွယ် ရင်လွယ်သလိုလုပ်တတ်တဲ့ကလေး တွေကိုလည်းလိုက်နေတယ်''ဒုရဲ မှူးကြီးကျော်ထွဋ်ကပြောသည်။

နေထက်ဝေ
The Union Daily
http://uniondaily.net

အသုံးပြုထားပြီးသားဖြစ်သည့် iPhone များကို နိုင်ငံသို့ တင်ပို့ရောင်းချမည့် Apple Inc ၏ အစီအစဉ်ကို လက်မခံပဲ ကန့်ကွက်ထားသည်ဆိုပြီး အိန္ဒိယအစိုးရ တာဝန်ရှိသူများက ပြောကြားခဲ့သည်။ ယင်းကဲ့သို့ ပယ်ချလိုက်မှုကြောင့် ကမ္ဘာတစ်ဝန်း iPhone ရောင်းချရမှုပိုင်းတွင် ပထမဆုံးအကြိမ် ကျဆင်းနေခဲ့ခြင်းကြောင့် ထူးထူးခြားခြား ရုန်းကန်နေရပြီဖြစ်သည့် Apple ကုမ္မဏီအတွက် ထိုးနှက်ချက်တစ်ရပ်ကဲ့သို့ ဖြစ်သွားခဲ့သည်ဟု သတင်းတစ်ရပ်တွင် ဖော်ပြထားသည်။

Apple ကုမ္မဏီသည် ပြန်လည်ပြင်ဆင်မွမ်းမံထားသည့် iPhone များကို ဒစ်စကောင့် ချကာ အမေရိကန်နိုင်ငံအပါအ၀င် နိုင်ငံအချို့တွင် ရောင်းချနေခြင်းဖြစ်သည်။ လက်ရှိအချိန်တွင် Apple သည် ယင်းကဲ့သို့သော အသုံးပြုပြီးသား ဖုန်းများကို ရောင်းချမည့် အစီအစဉ်ကို အိန္ဒိယနိုင်ငံကိုပါ တိုးချဲ့ရောင်းချရန် စီစဉ်ခဲ့ပြီး ကြီးမားသည့် ယင်းနိုင်ငံ၏ ဈေးကွက်တွင် တစ်ခြားသော အဖိုးနှုန်းသက်သာသည့် ဖုန်းများနှင့် အပြိုင်အဆိုင် ရောင်းချနိုင်ရန် ယှဉ်ပြိုင်ဖို့ လုပ်ဆောင်ခဲ့ခြင်းဖြစ်သည်။ သို့ရာတွင် အိန္ဒိယအစိုးရဘက်က ယင်းအစီအစဉ်ကို လက်မခံပဲ ပယ်ချထားခဲ့ခြင်းဖြစ်သည်။

"Make in India" ဆိုသည့် နိုင်ငံထုတ် ပစ္စည်းများကိုသာ တိုးမြင့်ရောင်းချပြီး ဈေးကွက်ထဲတွင် တစ်ခြားသော ထုတ်ကုန်များနှင့် ယှဉ်ပြိုင်နိုင်ရန် ကြိုးပမ်းလုပ်ဆောင်နေသည့် အိန္ဒိယအနေဖြင့် ယခုကဲ့သို့ တစ်ပတ်ရစ် ထုတ်ကုန်ပစ္စည်းများ နိုင်ငံသို့ တင်သွင်းမည့်အစီအစဉ်မျိုးကို ကန့်ကွက်နေခဲ့ခြင်းဖြစ်သည်။

"ကျွန်တော်တို့ အိန္ဒိယနိုင်ငံက ဒီလိုမျိုး အသစ်ချက်ချွတ်မဟုတ်တဲ့ ပစ္စည်းတွေကို အ၀င်မခံချင်ပါဘူး" ဆိုပြီး အိန္ဒိယ တယ်လီကွန် လုပ်ငန်းမှ ပြောရေးဆိုခွင့်ရှိသူတစ်ဦးဖြစ်သည့်NN Kaul က ဆိုသည်။

အိန္ဒိယနိုင်ငံတွင် စမတ်ဖုန်းတစ်လုံး၏ ပျမ်းမျှတန်ဖိုးမှာ ဒေါ်လာ ၁၅၀ ထက် မများသော်လည်း အသစ်ထွက်ရှိထားသည့် iPhone SE ကို ရူပီး ၃၉,၀၀၀ (ဒေါ်လာ ၅၈၅) ဖြင့် ရောင်းချနေပြီးခဲ့ကာ အမေရိကန်နိုင်ငံတွင် ကျသင့်သည့် ဒေါ်လာ ၃၉၉ ထက် ပိုမိုများပြားနေသည်ကိုလည်း တွေ့ရမည်ဖြစ်သည်။ ယင်းမှာ သွင်းကုန်အခွန်အကောက်များနှင့် ဖြန့်ချီရေး အတွက် ကုန်ကျရသည့် စရိတ်စကများကြောင့် ယင်းကဲ့သို့ ဈေးနှုန်းများပြားသွားခြင်းဖြစ်သည်။

Apple ၏ အထက်ပါ ပြန်လည်ပြင်ဆင်ထားသည်ဆိုသော iPhone များသည် များသောအားဖြင့် ၀ယ်သူများဆီမှ ပြန်ရောက်လာသည့် ဖုန်းများ၊ သို့မဟုတ် ထိခိုက်ပျက်စီးမှု တစ်ချို့ကြောင့် ပြန်ပြင်ထားသည့် ဖုန်းများပင် ဖြစ်သည်။

အထက်ပါကိစ္စနှင့် ပတ်သက်၍ စင်ကာပူနိုင်ငံတွင်ရှိသည့် Apple တာဝန်ရှိသူက တစ်စုံတစ်ရာ မှတ်ချက်ပေးရန်ငြင်းဆန်သွားခဲ့သည်။
Mizzima - News in Burmese

ဘေဂျင်း၊ မေ ၄ ။ ။ Apple ကုမ္ပဏီသည် တရုတ်နိုင်ငံတွင်း လက်ကိုင်အိတ်များနှင့် သားရေဖြင့်ပြုလုပ်သော ကုန်ပစ္စည်းများ ထုတ်လုပ်သည့် 'IPHONE'အမည်ရ အမှတ်တံဆိပ်နှင့် ကုန်စည်အမှတ်တံဆိပ်တိုက်ပွဲတွင် ရှုံးနိမ့် ခဲ့ကြောင်းသိရသည်။

ဘေဂျင်းမြူနီစပါယ်ပြည်သူ့တရားရုံးမှ Xinton Tiandi Technology ကုမ္ပဏီကို တရားနိုင်အဖြစ် စီရင်ခဲ့ကြောင်း တရားဝင် Legal Dailyသတင်းစာက ရေးသားခဲ့သည်။

Xintong Tiandi ကုမ္ပဏီသည် 'IPHONE'ဟူသော တံဆိပ်ကို သားရေထုတ်ကုန်များအတွက် တရုတ်ပြည်တွင် ၂၀၁၂ခုနှစ်က မှတ်ပုံတင်ခဲ့သည်။

Apple ကုမ္ပဏီက တရုတ်နိုင်ငံတွင် ၂၀၀၂ ခုနှစ်ကတည်းက ၄င်းတို့၏ အီလက်ထရောနစ် ထုတ်ကုန်များ အတွက် သုံးစွဲနေသောအမှတ်တံဆိပ်အတွက် မှတ်ပုံတင်ခဲ့သော်လည်း ၂၀၁၃ ခုနှစ်တိုင်အောင် ခွင့်ပြုမိန့် ရရှိခဲ့ခြင်း မရှိပေ။

တရုတ်သတင်းစာ Legal Daily ကို တရုတ်နိုင်ငံ၏ ဗဟိုနိုင်ငံရေးနှင့် တရားရေးကိစ္စရပ်များကော်မရှင်၏ တရားဝင်ပြောရေးဆိုခွင့် ရှိသူအဖြစ် ကျယ်ပြန့်စွာသိရှိထားကြသည်။ ယခုထုတ်ပြန်ချက်သည် ဧပြိလ နှောင်းပိုင်းကတည်းက ထွက်ပေါ်ခဲ့ခြင်းဖြစ်သော်လည်း ယခုမှလူအများ ကျယ်ကျယ်ပြန့်ပြန့် သိရှိလာခြင်း ဖြစ်သည်။

Xintong Tiandi သည် တရားဝင်မှတ်ပုံတင်ထားပြီးအမှတ်အသား 'R'ပါ 'IPHONE'အမှတ်တံဆိပ်ဖြင့် လက်ကိုင်အိတ်များ၊ မိုဘိုင်းဖုန်းကေ့စ်များနှင့် အခြားသားရေထုတ်ကုန်များရောင်းချသော ကုမ္ပဏီဖြစ်သည်။

Apple ကုမ္ပဏီသည် အဆိုပါကုမ္ပဏီကို ၂၀၁၂ ခုနှစ်တွင် တရုတ်နိုင်ငံ၏ ကုန်အမှတ်တံဆိပ်ဆိုင်ရာ ဥပဒေအရ တရားစွဲဆိုခဲ့သော်လည်း ရှုံးနိမ့်ခဲ့သဖြင့် ဘေဂျင်းအောက်တရားရုံးတွင် ထပ်မံစွဲဆိုခဲ့သည်။

သို့သော် ထပ်မံရှုံးနိမ့်ခဲ့သဖြင့် အထက်တရားရုံးတွင် ထပ်မံတရားရင်ဆိုင်ခဲ့ခြင်းဖြစ်သည်။

Apple အနေနှင့် Xintong Tiandi ကုမ္ပဏီက ၄င်း၏ ကုန်စည်အမှတ်တံဆိပ်တင်သွင်းလွှာ တင်ခဲ့သည့် ၂၀၀၇ ခုနှစ်မတိုင်ခင်ကတည်းက ၄င်းသည် တရုတ်ပြည်တွင်း၌ နာမည်ကျော်ကြားသော တံဆိပ်ဖြစ်ကြောင်း သက်သေ မပြနိုင်ခဲ့ကြောင်း ဘေဂျင်းတရားရုံးက စီရင်ချက်ချခဲ့သည်။

Apple ကုမ္ပဏီထုတ် Iphone များကို တရုတ်နိုင်ငံ၌ ၂၀၀၉တွင် စတင်ရောင်းချခဲ့သည်။

Mizzima - News in Burmese

AA လက်နက်ကိုင်အဖွဲ့ဟာ ၂၀၁၅ ခုနှစ်က စတင်တိုက်ခိုက်ခဲ့တာဖြစ်ပြီး အခုသမ္မတကြီး ဦးထင်ကျော် လက်ထက်မှာ ဆန္ဒဖေါ်ထုတ်ခြင်း ၊ အရေးကြီးအဆိုတင်သွင်းခြင်းတို့ဟာ နိုင်ငံရေး အကြပ်အတည်း ဖြစ်ပေါ်အောင် ပုံဖေါ်ဖန်တီးရာ ရောက်နေကြောင်း ကာကွယ်ရေးဝန်ကြီး ဒုတိယဗိုလ်ချုပ်ကြီး စိန်ဝင်းက ပြောပါတယ်။

အမျိုးသားလွှတ်တော်ကိုယ်စားလှယ် ဦးဝေစိန်အောင်က AA အဖွဲ့နဲ့ အစိုးရ တပ်မတော်တို့ ဖြစ်နေတဲ့ တိုက်ပွဲတွေ အမြန်ဆုံးရပ်စဲပြီး နိုင်ငံရေးဆွေးနွေးပွဲကို ဖိတ်ခေါ်ဖို့ အမျိုးသားလွှတ်တော်မှာ အရေးကြီး အဆိုတင်ထားတဲ့အပေါ် ဒီကနေ့ ဝန်ကြီး ဒုတိယဗိုလ်ချုပ်ကြီးစိန်ဝင်းက ဆွေးနွေးခဲ့တာဖြစ်ပါတယ်။

ဒီမိုကရေစီစနစ်ကို လစ်လျူရှုပြီး နိုင်ငံတော်ကို လက်နက်ကိုင်တိုက်နေတဲ့ အဖွဲ့အစည်းမျိုးကို လွှတ်တော်ကိုယ်စားလှယ်တွေ အနေနဲ့ အသိအမှတ် ပြုနေမယ်ဆိုရင် ပြည်ထောင်စုသမ္မတ မြန်မာနိုင်ငံတော်ရဲ့ အနာဂတ်အရေးဟာ ရင်လေးဖွယ်ရာ အခြေအနေ ဖြစ်လာနိုင်ပါတယ်လို့လည်း ကာကွယ်ရေးဝန်ကြီးက ပြောပါတယ်။

တပ်မတော်သားကိုယ်စားလှယ်တွေကလည်း ရခိုင်ပြည်နယ်မှာ တကြော့ပြန် ဖြစ်နေတဲ့ တိုက်ပွဲတွေဟာ အစိုးရတပ်မတော်က စတင်တိုက်ခိုက်တာမဟုတ်ကြောင်းနဲ့ တိုက်ပွဲတွေ ရပ်စဲရေးဟာ တပ်မတော်အပေါ်မှာ မူတည်တာ မဟုတ်ဘဲ AA အဖွဲ့အပေါ်မှာ မူတည်ကြောင်း ဆွေးနွေးကြပါတယ်။

အဲဒီအရေးကြီးအဆိုကို တပ်မတော်သားကိုယ်စားလှယ် ၃ ဦးနဲ့ အန်အယ်လ်ဒီပါတီ ကိုယ်စားလှယ် ၁ဦးက ဆွေးနွေးခဲ့ကြပြီး အဆိုကို မှတ်တမ်းတင်ဖို့ သင့်၊ မသင့်ကို လျှိူ့ဝှက်မဲခွဲဆုံးဖြတ်ရာ ထောက်ခံသူများတာကြောင့် အဆိုကို မှတ်တမ်းတင်လိုက်ပါတယ်။
RFA


မကွေးတိုင်းဒေသကြီး အမျိုးသားလွှတ်တော်ကိုယ်စားလှယ် ဦးပြူးလွင်ကို မတ်လ ၂ ရက်နေ့က တွေ့ရစဉ်
Photo: Myo Thant Khaing/ RFA
နိုင်ငံတော်သမ္မတ ဦးထင်ကျော် က ဝန်ကြီးဌာနအသစ်တစ်ခု ထပ်တိုးဖွဲ့စည်းဖို့အတွက် မနက်ဖြန် မေလ ၅ ရက်နေ့မှာ ပြည်ထောင်စုလွှတ်တော်ထံ တင်ပြပြီး လွှတ်တော်ရဲ့အဆုံးအဖြတ်ကို တောင်းခံမှာဖြစ်ပါတယ်။

လွှတ်တော်ကိုယ်စားလှယ်တွေကို ဖြန့်ဝေထားတဲ့ အစည်းအဝေးအစီအစဉ်မှာ ဝန်ကြီးဌာနအသစ် တစ်ခုဖွဲ့စည်းမယ်လို့သာပါရှိပြီး ဖွဲ့စည်းမယ့်ဝန်ကြီးဌာနရဲ့ အမည်ကိုဖော်ပြထားတာမရှိဘူးလို့ မကွေးတိုင်းဒေသကြီး အမျိုးသားလွှတ်တော်ကိုယ်စားလှယ် ဦးပြူးလွင်က ပြောပါတယ်။

အသစ်ထပ်တိုးဖွဲ့စည်းမယ့် ဝန်ကြီးဌာနဟာ ဒေါ်အောင်ဆန်းစုကြည် ဆောင်ရွက်နေတဲ့ နိုင်ငံတော် အတိုင်ပင်ခံပုဂ္ဂိုလ်တာဝန်အတွက် နိုင်ငံတော်အတိုင်ပင်ခံ ပုဂ္ဂိုလ်ရုံးဝန်ကြီးဌာနဖြစ်နိုင်တယ်ဆိုပြီးလည်း သတင်းတွေထွက်နေပါတယ်။

မနက်ဖြန်ကျင်းပမယ့် ပြည်ထောင်စုလွှတ်တော်မှာ ဝန်ကြီးဌာနအသစ်တစ်ခု ထပ်တိုးဖွဲ့စည်းတာအပြင် ခန့်အပ်ပြီးဖြစ်တဲ့ ရာထူးဝန်အဖွဲ့ဝင်တွေ၊ နေပြည်တော်ကောင်စီအဖွဲ့ဝင်တွေ၊ ဒုဝန်ကြီးတွေ၊ ကိုယ်ပိုင် အုပ်ချုပ်ခွင့်ရဒေသဥက္ကဌတွေရဲ့ အမည်စာရင်းတွေကို လွှတ်တော်ရဲ့ အတည်ပြုချက်ရယူသွားမှာ ဖြစ်ပါတယ်။

လက်ရှိမှာ နိုင်ငံတော်သမ္မတဦးထင်ကျော်ဟာ ဝန်ကြီးဌာန ၂၁ ခု အတွက် ဝန်ကြီး အယောက်၂၀ နဲ့ ဒုဝန်ကြီး ၅ ဦး ခန့်အပ်ထားပြီးဖြစ်ပါတယ်။
RFA

ကျောင်းတက်နေတဲ့ မူလတန်းကျောင်းသားတွေကို တွေ့ရစဉ်။ Photo: RFA
ကျောင်းအပ်နှံချိန်အပါအ၀င် ဘယ်လိုအချိန်မျိုးမှာမှ ငွေကြေးကောက်ခံတာ မပြုလုပ်ဖို့ ပညာရေးဝန်ကြီးဋ္ဌာန အခြေခံပညာဦးစီးဋ္ဌာနက ညွှန်ကြားထားပါတယ်။

ပညာသင်ကြားဖို့အရွယ်ရောက်တဲ့ ကလေးငယ်တိုင်း ငွေကြေးကောက်ခံမှုကြောင့် ဝန်ထုပ်ဝန်ပိုးမဖြစ်စေ ဘဲ ကျောင်းသားတိုင်း စာသင်ခန်းထဲရောက်စေနိုင်ရေးအတွက် ထုတ်ပြန်တာဖြစ်တယ်လို့ ကချင်ပြည်နယ် ပညာရေးမှူးရုံးက ဒုတိယညွှန်ကြားရေးမှူး ဦးမင်းဦး က ပြောပါတယ်။

"ကချင်ပြည်နယ်က ကျောင်းသားကျောင်းသူတွေ မလိုအပ်ဘဲနဲ့ မိဘတွေက ပိုပြီးကုန်ကျစရိတ် မရှိအောင်ဖို့၊ ကလေးမှန်သမျှ ကျောင်းကိုရောက်လာစေချင်တယ်လေ၊ အဲ့ဒါကြောင့်မို့ ငွေကြေး မကောက်ခံဖို့တွေရယ်၊ အခမဲ့ပုံနှိပ်စာအုပ်တွေ၊ အခမဲ့ကျောင်းဝတ်စုံတွေ ဒါတွေပေးနိုင်ဖို့လည်း လုပ်နေတယ်၊ ပညာရေးဌာနရဲ့ အယူအဆကိုက ကျောင်းသားတိုင်း စာသင်ကျောင်း ရောက်စေချင်တယ်၊ ဒါကြောင့် ကလေးတွေနဲ့ မိဘတွေအတွက် ဝန်ထုတ်ဝန်ပိုးဖြစ်မယ့်ဟာကို ဖြေလျော့ဖို့ ကြိုးစားနေတယ်"

နေပြည်တော်အခြေစိုက် အခြေခံပညာဦးစီးဋ္ဌာနရဲ့ ညွှန်ကြားချက်ကို ပြီးခဲ့တဲ့ ဧပြီလ ၂၈ ရက်နေ့စွဲနဲ့ ကချင်ပြည်နယ်အတွင်းက ကျောင်းတွေကို တိကျစွာလိုက်နာဖို့ ထပ်ဆင့် အကြောင်းကြားလိုက်တာဖြစ်ပါတယ်။

ညွှန်ကြားချက်မှာ အခြေခံပညာစာသင်ကျောင်းတွေနဲ့ ရုံးတွေမှာ တာဝန်ထမ်းဆောင်နေတဲ့ ဆရာ၊ ဆရာမ အပါအဝင် ဝန်ထမ်းတွေအားလုံးရဲ့ လစာငွေကိုလည်း လုံးဝ ဖြတ်တောက်ခြင်းမပြုဖို့နဲ့ ခေါင်းစဉ်အမျိုးမျိုးပြ ပြီး ကျောင်းသားမိဘတွေထံက ငွေကြေးနဲ့ လက်ဆောင်တွေ အလှူခံခြင်းမပြုဖို့ စတာတွေ ပါဝင်ပါတယ်။

ညွန်ကြားချက် ဖောက်ဖျက်လို့ အပြစ်ရှိကြောင်း စစ်ဆေးတွေ့ရှိရင် အရေးယူဆောင်ရွက်သွားမှာလို့လည်း ပါရှိပါတယ်။

အရင်ကထက်စာရင် အခုနောက်ပိုင်းမှာ အခြေခံပညာရေးကဏ္ဍအတွက် အစိုးရက ဘတ်ဂျက်ငွေတွေကို တိုးမြှင့်ခွင့်ပြုပေးထားတယ်လို့လည်း သိရပါတယ်။

ပြီးခဲ့တဲ့ စာသင်နှစ်မှာ ကချင်ပြည်နယ်က စာသင်ကျောင်းပေါင်း တစ်ထောင်ကျော်မှာ ဆရာ၊ ဆရာမ တစ်သောင်းကျော်ရှိပြီး ကျောင်းသူ၊ ကျောင်းသားပေါင်း သုံးသိန်းကျော် ပညာသင်ကြားခဲ့ပါတယ်။

RFA Burmese
http://www.rfa.org/burmese


မေ ၄ ရက်၊ ၂၀၁၆ ခုနှစ်။ စဖန်းရှောင်း

ထိုင်း-မြန်မာနယ်စပ် ဒုက္ခသည်စခန်းတစ်ခုဖြစ်သည့် ဖုတ်ဖရမြို့နယ်ရှိ အုန်းဖျန်ဒုက္ခသည်စခန်းတွင် စိတ်ကြွ ဆေးပြားနှင့်အတူ ထိုင်းဘတ်ငွေ နှစ်သိန်းနီးပါးနှင့် ယမ်းထုပ်များ လက်ဝယ်တွေ့ရှိသူ ၂ဦးကို မေလ ၂ရက် နေ့တွင် ထိုင်းအာဏာပိုင်များက ဖမ်းဆီးလိုက်ကြောင်း သိရသည်။

ထိုင်းစစ်တပ်၊ ရဲနှင့် ပြည်သူစစ်များပါဝင်သည့် အဖွဲ့ဝင် ၂၀ကျော်သည် ထိုနေ့၊ နံနက် ၉နာရီ ၂၆မိနစ် အချိန် ခန့်တွင် စခန်း၏ ဇုံ A၊ ရပ်ကွက် ၂ရှိ လူနေအိမ် ၂အိမ်ကို ဝင်ရောက်ရှာဖွေခဲ့ရာတွင် အသက် ၄၆နှစ်အရွယ် စောမောင်အေးထံမှ ဘတ်ငွေ ၁သိန်းနှင့်အတူ ယမ်းနှင့် ဆက်စပ်ပစ္စည်းများအပြင် အသက် ၃၀နှစ်အရွယ် နော်ဂေခုထံမှ စိတ်ကြွဆေးပြား ၇၇ပြားနှင့် ဘတ်ငွေ ၉၅,၀၀၀ တို့ကို အသီးသီးသိမ်းဆည်း ရမိလိုက်ခြင်း ဖြစ်သည်။

ယင်းကိစ္စအပေါ် ရပ်ကွက် (၂)အုပ်ချုပ်ရေး တာဝန်ရှိသူတစ်ဦးက “သူတို့(ထိုင်းအာဏာပိုင်) သတင်းရလို့ သူတို့ ဖာသာလာဖမ်းတာပါ။ ဒီလိုအမှုမျိုးကို စခန်းကော်မတီအနေနဲ့အရေးယူဖြေရှင်းလို့ မရဘူး။ သူတို့လာ ဖမ်းပြီးတော့မှ ကျနော်တို့ဆီကို ဖုန်းဆက်အကြောင်းတာပါ”ဟု ကေအိုင်စီသို့ အတည်ပြုပြောသည်။

ထိုင်း-မြန်မာနယ်စပ်တစ်လျှောက်ရှိ ဒုက္ခသည်စခန်းများအနေဖြင့် လူသတ်မှု၊ မုဒိမ်းမှု၊ မူးယစ်ဆေးဝါးအမှု၊ လက်နက်မှုနှင့် လူကုန်ကူးမှုစသည့် အမှုများကို ထိုင်းနိုင်ငံမှပြဌာန်းထားသည့် တရားဥပဒေအတိုင်းသာ စီရင်ဆောင်ရွက်ခြင်းဖြစ်သောကြောင့် ၎င်းဖမ်းဆီးရမိသူများကို ထိုင်းအာဏာပိုင်များက ဖုတ်ဖရမြို့နယ် ရဲစခန်းသို့ ဖမ်းဆီးခေါ်ဆောင်သွားခဲ့ကြောင်း စခန်းတာဝန်ရှိသူများက ပြောသည်။

အုန်းဖျန်ဒုက္ခသည်စခန်းတွင် လူမှုရေးဆိုင်ရာ အမှုများနှင့် ခိုက်ရန်ဖြစ်ပွားမှုများသာ ဖြစ်လေ့ရှိသလို မူးယစ်ဆေးဝါးနှင့်ပတ်သက်ပြီး သတင်းများထွက်ပေါ်နေသော်လည်း ယခုကဲ့သို့ ဖမ်းဆီးရရှိမှု မရှိဘူးကြောင်း စခန်းနေသူများက ပြောဆိုသည်။

စခန်းအတွင်းရှိ ရပ်ကွက်(၃) နေသူတစ်ဦးက “ထိုင်းအာဏာပိုင်တွေက မူးယစ်ဆေးဝါး မလုပ်ရဘူး၊ သစ်မခုတ်ရဘူး၊ လူမကုန်ကူးရဘူး။ အဲဒီဟာတွေတော့ အမြဲလိုလို သတိပေးပြောတယ်။ အခြား အမှုတွေ နည်းနည်း ဖြစ်လေ့ရှိပေမယ့် မူးယစ်ဆေးဝါးနဲ့ပတ်သက်လို့ သတင်းတော့ ကြားတယ်။ ဒါပေမယ့် ဖမ်းမိတာတော့ ကျနော်ပထမဆုံးကြားဖူးတာပဲ”ဟု ပြောသည်။

အုန်းဖျန်ဒုက္ခသည်စခန်းတွင် ဇုံ A နှင့် ဇုံ B ရှိကာ ရပ်ကွက်ပေါင်း (၁၆)ရပ်ကွက်ရှိပြီး လူဦးရေ စုစုပေါင်း တစ်သောင်းသုံးထောင်ခန့်ရှိကြောင်း ဒုက္ခသည်အရေး ဆောင်ရွက်သူများ၏ မှတ်တမ်းအရ သိရသည်။

 စဖန်းရှောင်း
http://kicnews.org


မွန်ပြည်နယ်၊ သထုံမြို့နယ်၊ ဇရစ်ချောင်းကျေးရွာ အောင်ချမ်းသာပိုင်းတွင် မေလ ၂ ရက် နေ့လည်ပိုင်းက နေအိမ်တွင် တစ်ဦးတည်းရှိနေသော အသက်မပြည့်သေးသည့် မိန်းကလေးတစ်ဦးအား တစ်ရွာတည်းနေသူမှ သားမယားအဖြစ် ပြုကျင့်မှုဖြစ်ပွားခဲ့ကြောင်း သိရှိရသည်။

“ကလေးက အိမ်မှာတစ်ယောက်တည်း ရှိနေတာ။ အဲ့ဒါကို တစ်ရပ်တည်းနေ ဦးကျော်ညွှန့်က မတော်မတရား ပြုလုပ်နေတာကို ကလေးမလေးရဲ့သူငယ်ချင်းကတွေ့လို့ လာပြောပြတာ။ အဲဒါကို ကလေးအမေကို တစ်ဆင့်ပြန် ပြောပြပေးတာပါ” ဟု အိမ်နီးချင်းဖြစ်သူ ဒေါ်လှတင်ကပြောသည်။

အဆိုပါ အမျိုးသမီး၏မိခင်ဖြစ်သူ နေအိမ်ပြန်ရောက်ချိန်တွင် ရောက်ရှိလာပြီး နေအိမ်တွင် သမီးတစ်ဦးတည်း မထားသင့်ကြောင်း၊ သမီးဖြစ်သူ မxxxxx (၁၂)နှစ်ကို တစ်ဦးတည်းထားခဲ့သဖြင့် တစ်ရွာတည်းနေ ဦးကျော်ညွှန့် (ဘ) ဦးအေးညှာ၊ အသက်(၆၁)နှစ်မှ နေအိမ်မီးဖိုချောင်အတွင်း လာရောက်ပြီး သားမယား ပြုကျင့်ခဲ့ကြောင်း အိမ်နီးချင်းနေဒေါ်လှတင်က ပြောသည်။

ဖြစ်စဉ်ကို သမီးဖြစ်သူ၏ သူငယ်ချင်းဖြစ်သူမှ တွေ့ရှိ၍ ဒေါ်လှတင်ထံသို့ လာရောက်ပြောပြသဖြင့် ယခုကဲ့သို့ မိခင်ထံသို့ တစ်ဆင့်လာရောက် ပြောရခြင်းဖြစ်ကြောင်း သိရသည်။

ထို့ကြောင့် မိခင်ဖြစ်သူမှ သမီးအားမေးမြန်းရာ နေအိမ်တွင် တစ်ဦးတည်းရှိနေစဉ် ဦးကျော်ညွှန့်ရောက်ရှိလာပြီး “မိဘများမရှိဘူးလား”ဟု မေးမြန်သဖြင့် မိဘများမရှိကြောင်း ပြန်ပြောကာ မီးဖိုချောင်အတွင်း ချက်ပြုတ်နေစဉ် ဦးကျော်ညွှန့်မှ မီးဖိုချောင်အတွင်း ဝင်ရောက်လာကာ သားမယားအဖြစ် ပြုကျင့်ခဲ့ကြောင်း သိရသဖြင့် မိခင်ဖြစ်သူက ဥပဒေအရ အရေးယူဆောင်ရွက်ပေးရန် သထုံမြို့မရဲစခန်းသို့ တိုင်တန်းခဲ့ကြောင်း သိရသည်။

လက်ရှိတွင် ဖြစ်စဉ်နှင့်ပတ်သက်၍ အသက်မပြည့်သေးသော ကလေးငယ်အား သားမယားအဖြစ် ပြုကျင့်သူ ဦးကျော်ညွှန့်အား သထုံမြို့မရဲစခန်းမှ အမှုကြီးအမှတ်စဉ် ၄/၂၀၁၆ (ပ) ၂၃၈/၂၀၁၆၊ ပြစ်မှုပုဒ်မ ၃၇၆ အရ အမှုဖွင့် အရေးယူထားကြောင်း သိရသည်။

MMK
The Ladies News
https://www.facebook.com/News.TheLadies


ကနေဒါနိုင်ငံက ​ဆီနဲ့မြေတွေ ​ရောစပ်နေတဲ့ ​ဒေသမှာ ​မထိန်းနိုင်လောက်အောင် ​မီးတွေ ​လောင်ကျွမ်းနေတဲ့အတွက် ​အနီးအနားက ​လူထောင်နဲ့ချီကို ​နေရာရွှေ့ပြောင်းမှု ​လုပ်ခိုင်းထားပါတယ်။

Alberta ​ဒေသက ​Fort ​McMurray ​မြို့အနားမှာ ​လောင်ကျွမ်းနေတဲ့အတွက် ​လူပေါင်း ​ရှစ်သောင်းကို ​နေရာရွှေ့ပြောင်းမှုတွေ ​လုပ်ခိုင်းရတာ ​ဖြစ်ပါတယ်။

အဲဒီဒေသမှာ ​oil ​sand ​တွေရှိပြီး ​oil ​sand ​ဆိုတာ ​သဲတွေ၊ ​ရေတွေ၊ ​ရွှံ့တွေနဲ့ ​bitumen ​လို့ခေါ်တဲ့ ​ဆီတွေ ​စုပေါင်းထားတဲ့ ​မြေဖြစ်ပါတယ်။

မြို့မှာ ​နေထိုင်တဲ့ ​လူပေါင်း ​ရှစ်သောင်းကို ​အချိန်မီ ​ကယ်ဆယ်ဖို့အတွက် ​အနီးအနားက ​ပြည်နယ်တွေကို ​အာဏာပိုင်တွေက ​အကူအညီတောင်းခံနေပြီး ​ရဟတ်ယာဉ်တွေနဲ့ ​ခေါ်ဆောင်ဖို့တွေ၊ ​မီးကို ​ကူသတ်ပေးဖို့တွေ ​ပါဝင်ပါတယ်။

အဲဒီ ​မီးရဲ့ ​အကျယ်အဝန်းက ​ဟက်တာပေါင်း ​၂၆၀၀ ​ကျော်ရှိပြီး ​မနေ့ကတည်းက ​လောင်ကျွမ်းနေတဲ့အတွက် ​လမ်းတွေ ​ပိတ်ချခဲ့ရပါတယ်။

လမ်းတွေ ​ပိတ်ချနေရလို့ ​ထွက်ပေါက်တချို့ ​ပိတ်မိနေတာကြောင့် ​လူ ​၆၀၀၀ ​ကို ​အချိန်မှီ ​ပြောင်းရွှေ့နိုင်ဖို့ ​အစွမ်းကုန် ​ကြိုးစားနေကြပါတယ်။

အဲဒီမီးကြောင့် ​ဒဏ်ရာ ​ရရှိသူတွေ ​မရှိဘူးလို့လည်း ​သိရပါတယ်။

ABC Radio Australia
http://www.radioaustralia.net.au/burmese

[youtube src="wBmng5Bfxk0"/]
မြန်မာနိုင်ငံရဲ့ စစ်အာဏာရှင်အုပ်ချုပ်မှုကို အဆုံးသတ်သွားစေတဲ့ သမိုင်းဝင်တဲ့ အလှည့်အပြောင်းတွေ ပေါ်ပေါက်လာချိန်မှာ မြန်မာပြည်သူတွေဟာ အလွန်တရာဆိုးရွားလှတဲ့ အယ်လ်နီညို ရာသီဥတုဖောက်ပြန်မှုကြီးနဲ့ ဒုတ်ဒုတ်ထိ ရင်ဆိုင်နေရပါပြီ။

ပူပြင်းခြောက်သွေ့တဲ့ အယ်လ်နီညိုရာသီဥတုဟာ ဦးသိန်းစိန်အစိုးရရဲ့ နောက်ဆုံးကာလ ၃လထဲမှာ စတင်ပေါ်ပေါက်ခဲ့ပေမယ့် ဒီသဘာဝပတ်ဝန်းကျင်ဆိုင်ရာ ကပ်ဘေးအတွက် သိသိသာသာပဲ လျစ်လျူရှုခဲ့ပါတယ်။
Kamayut Media

ရန်ကုန်မြို့၊ လမ်းမတော်မြို့နယ် ဗိုလ်ချုပ်လမ်းနှင့် ပြည်လမ်းထောင့်ရှိ ကျန်းမာရေး ၀န်ကြီးဌာနပိုင် မြေကို ပွင့်လင်းမြင်သာမှု မရှိဘဲ အများပြည်သူတို့၏ အကျိုးစီးပွားကို ဖော်ဆောင်ခြင်း မရှိသော ပုဂ္ဂလိက ဆေးရုံ တည်ဆောင်ရန် ငှားရမ်းပေးခြင်းအား ရပ်ဆိုင်းပေးရန် အဆိုကို ရေကြည် မဲဆန္ဒနယ်မှ ဒေါက်တာ စံရွှေဝင်းက ယနေ့ (မေ ၄ ရက်) ပြည်သူ့လွှတ်တော် အစည်းအဝေး၌ အဆို တင်သွင်း ခဲ့ပါသည်။

ဒေါက်တာ စံရွှေဝင်း၏ အဆိုကို တောင်ကြီး မဲဆန္ဒနယ်မှာ ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သန်းငွေက ထောက်ခံ ဆွေးနွေးခဲ့ပါသည်။

ထိုအဆိုကို ဆွေးနွေးရန် ပြည်သူ့လွှတ်တော်က ဆုံးဖြတ်ခဲ့ပြီး ဆွေးနွေး လိုသူများ မေ ၆ ရက် ညနေ နောက်ဆုံးထားပြီး အမည်စာရင်း တင်သွင်းရန် ပြည်သူ့လွှတ်တော် ဥက္ကဋ္ဌ ဦးဝင်းမြင့်က ပြောကြား ခဲ့ပါသည်။
Eleven Media Group

sotlaw-620.jpg ကချင်ပြည်နယ် ဆော့လော်မြို့နယ်မှာ ဧပြီလ ၂၄ ရက်နေ့က မိုးဒဏ်လေဒဏ်ကြောင့် ပျက်စီးနေတဲ့အိမ်တွေကို တွေ့ရစဉ်
Photo: MOI Facebook


တရုတ်-မြန်မာ နယ်စပ် ကချင်ပြည်နယ် ဆော့လော်မြို့နယ်မှာ ဧပြီလ ၂၄ ရက်နေ့က မိုးဒဏ်လေ ဒဏ်ကြောင့် တောင်ကျချောင်းရေ တိုက်စားပြီး ပျက်စီးခဲ့ရတဲ့ကျေးရွာ ၁၀ ရွာက လူဦးရေ တစ်ထောင်ကျော် အတွက် ပြည်နယ်အစိုးရနဲ့ တပ်မတော်တို့ အရေးပေါ်ကယ်ဆယ်ရေးတွေ ပူးပေါင်းလုပ်ဆောင်နေကြပါတယ်။

လောလောဆယ်မှာ ဆန်ရိက္ခာနဲ့ အရေးပေါ်ပစ္စည်းတွေကို မြောက်ပိုင်းတိုင်းစစ်ဋ္ဌာနချုပ်က တပ်မတော် ရဟတ်ယာဉ်နဲ့ ပို့ဆောင်ပေးနိုင်ဖို့ စီစဉ်နေသလို မော်တော်ယာဉ်တန်းတွေနဲ့လည်း သွားရောက်ကူညီနိုင် ဖို့ ဆောင်ရွက်နေတယ်လို့ ပြည်နယ်အစိုးရအဖွဲ့ ညွှန်ကြားရေးမှူး ဦးအေးမောင်ကြည် ကပြောပါတယ်။

"တပ်မတော်က တိုင်းရင်းမှူးကြီးကိုယ်တိုင် ဦးဆောင်ပြီးတော့ တပ်မတော်ရဟတ်ယာဉ် အကူအညီနဲ့ ကချင်ပြည်နယ်အစိုးရအဖွဲ့က စီမံပေးတဲ့ အရေးပေါ်ဆန်အိတ်တစ်ရာ၊ ကယ်ဆယ်ရေးနဲ့ ပြန်လည် ထူထောင်ရေးက အခြေခံပစ္စည်းကိုးမျိုး၊ ကြက်ခြေနီက အရေးပေါ်သုံးပစ္စည်းတွေကို ရဟတ်ယာဉ်နဲ့ သယ်ပြီးတော့ချပေးနိုင်ပါတယ်၊ ရေဘေးဖြစ်သွားတဲ့ အိမ်ထောင်စု ၁၈ဝ၊ လူဦးရေ ၁၁၆၇ ဦးအတွက် ကျနော်တို့ ထောက်ပံ့ပေးနိုင်ခဲ့ပါတယ်"

လာကင် ချောင်းရေကြီးလို့ ရေဘေးသင့်ဒဏ်ခံထားရတဲ့ ကျေးရွာတွေဟာ ဆော့လော်မြို့နယ်က လာချင်၊ တထုံကျင်၊ နာပေဖုံ၊ လာကင် စတဲ့ ရွာ ၁၀ ရွာဖြစ်ပြီး ဧပြီလ ၃၀ ရက်နေ့က တပ်မတော် ရဟတ်ယာဉ်နဲ့ အရေးပေါ်ပစ္စည်းတွေကို နှစ်ကြိမ်သွားရောက်ကူညီခဲ့ပါတယ်။

ဒါ့အပြင် ပြည်နယ်အစိုးရက ကော်မတီတစ်ရပ်ဖွဲ့စည်းပြီး ရေဘေးသင့်ဒေသကို လီဆူနဲ့ ဗမာ တိုင်းရင်းသားရေးရာ ဝန်ကြီး နှစ်ဦးက ရှေ့ပြေး သွားရောက်ကူညီနေသလို လူမှုရေးဝန်ကြီးကလည်း မြစ်ကြီးနားမြို့ကနေ ရိက္ခာနဲ့ အရေးပေါ်ပစ္စည်းတွေ ထောက်ပံ့နိုင်ရေးအတွက် စီစဉ်နေတာဖြစ်ပါတယ်။

အဲ့ဒီရေဘေးသင့်ပြည်သူတွေကို ကူညီနိုင်ဖို့အတွက် လမ်းပန်ုးဆက်သွယ်ရေး အခက်အခဲက အဓိကအတား အဆီးဖြစ်နေတယ်လို့ တာဝန်ရှိသူတွေက ပြောပါတယ်။

ဒီအတောအတွင်း ဆော့လော်ဒေသက ရေဘေးသင့်ပြည်သူတွေအတွက် တရုတ်နိုင်ငံ ယူနန်ပြည် နယ် နုကျန်ပြည်နယ်ခွဲက တာဝန်ရှိသူတွေကလည်း ကချင်ပြည်နယ်အစိုးရနဲ့ပူးပေါင်းပြီး အကူအညီပေးနိုင် ဖို့ ပြင်ဆင်နေပါတယ်။

အလားတူပြီးခဲ့တဲ့ ဧပြီလ ၃၀ ရက်နေ့က ဖားကန့်မြို့နယ်မှာ လေပြင်းတိုက်ခတ်လို့ ဆိပ်မူ၊ မမုံ၊ စပေါ့၊ နမ့်မှော် စတဲ့ကျေးရွာတွေက အိမ်ခြေသုံးရာကျော်ရဲ့ အိမ်အမိုးတွေပျက်စီးခဲ့သလို လူနှစ်ယောက်လည်း သေဆုံးခဲ့ပါတယ်။

အဲ့ဒီအထဲက ၂၈ အိမ်ဟာ လုံးဝပျက်စီးခဲ့တဲ့အတွက် ပြည်နယ်အစိုးရအဖွဲ့ နဲ့ ကြက်ခြေနီအသင်းတွေက ငွေကြေးနဲ့ ကယ်ဆယ်ရေးပစ္စည်းတွေကို မနေ့က သွားရောက်ကူညီလှူဒါန်းနေပြီဖြစ်ပါတယ်။

RFA

letletmaw-minister-620.jpg
တနင်္သာရီတိုင်းဝန်ကြီးချုပ်နဲ့ ကျွန်းစုမြို့နယ် ဒေသခံတွေ မေလ ၃ ရက်နေ့က တွေ့ဆုံကြစဉ်
ဓါတ်ပုံ - မြိတ်ပုလဲမြေ ဖေ့ဘုတ်

တနသာင်္ရီတိုင်းဒေသကြီး ဝန်ကြီးချုပ် ဒေါက်တာ ဒေါ်လဲ့လဲ့မော်ဟာ ကျွန်းစုမြို့နယ် အထွေထွေအုပ်ချုပ်ရေးရုံးမှာ ၀န်ထမ်းတွေ၊ အရပ်ဘက်အဖွဲ့တွေ၊ ဒေသခံရပ်မိရပ်ဖတွေနဲ့ မနေ့ကတွေ့ဆုံခဲ့ပြီး လျှပ်စစ်မီတာခတွေ သက်သာအောင် ဆောင်ရွက်နိုင်ဖို့ တာဝန်ရှိသူတွေနဲ့ ညှိနှိုင်းပေးခဲ့ပါတယ်။

ကိုယ်ထူကိုယ်ထစနစ်နဲ့ လျှပ်စစ်မီးသုံးနေရတာကြောင့် တစ်ယူနစ် ကျပ် ၃၀၀ နီးပါးလောက်ပေးနေရပြီး ကျပ် ၂၅၀ လောက်ထိ မီတာခတွေလျှော့ချပေးနိုင်ဖို့ မြို့နယ်လျှပ်စစ်အင်ဂျင်နီယာနဲ့ ညှိနှိုင်းပေးခဲ့တယ်လို့ ဝန်ကြီးချုပ် ဒေါက်တာ ဒေါ်လဲ့လဲ့မော် က ပြောပါတယ်။

"လျှပ်စစ်မီးကတော့ ကိုယ်ထူကိုယ်ထပေါ့နော် သူတို့ဒေသက ဒီဇင်အင်ဂျင်နဲ့ လည်နေတယ်ဆိုတော့ ဈေးကြီးနေတာပေါ့နော်၊ မရတာမဟုတ်ဘူး လျှပ်စစ်မီးရတယ်၊ ဈေးများနေတာပေါ့နော်၊ တစ်ယူနစ်ကို ၃ဝဝ လောက်ရှိတယ်၊ ၂၅ဝ ဖြစ်အောင် မြို့နယ်လျှပ်စစ်အင်ဂျင်နီယာနဲ့ အန်တီတို့ ညှိနှိုင်းပေးခဲ့တယ်"

လက်ရှိမှာ ဒီဇယ်အင်ဂျင်ကို အသုံးပြုပြီး ကိုယ်ထူကိုယ်ထစနစ်နဲ့ လျှပ်စစ်မီးသုံးနေရတာကြောင့် ဈေးနှုန်းများနေတာဖြစ်ပြီး မိုးရာသီမှာ ရေအားလျှပ်စစ်အသုံးပြုပြီး တစ်လှည့်စီပေးနိုင်ဖို့ စီစဉ်ပေးနေတယ်လို့လည်း ပြောပါတယ်။

ဒါ့အပြင် ကျွန်းစုမြို့နယ်မှာ ရေရှားပါးမှုတွေ ကြုံတွေ့နေရတာကြောင့် မီးသတ်ကားတွေနဲ့ ရေပေးဝေတာတွေ၊ အရပ်ဘက်အဖွဲ့တွေက ရေပေးဝေတာတွေ ရှိနေပေမယ့် ရေအခက်အခဲဖြစ်နေကြောင်း ဒေသခံတွေက ဝန်ကြီးချုပ်ကို တင်ပြခဲ့ပါတယ်။

တနသာင်္ရီတိုင်းဝန်ကြီးချုပ်၊ အစိုးရအဖွဲ့ဝန်ကြီးတွေနဲ့ တိုင်းလွှတ်တော် ကိုယ်စားလှယ်တွေဟာ လွှတ်တော်ရပ်နားထားချိန်မှာ ဌာနဆိုင်ရာတွေ၊ ဒေသခံတွေနဲ့ လိုက်လံတွေ့ဆုံနေတာဖြစ်ပြီး ကော့သောင်းနဲ့ မြိတ်မြို့နယ်အတွင်း ကျေးရွာတွေက ဒေသခံတွေနဲ့လည်း မနေ့က တွေ့ဆုံခဲ့ကြပါတယ်။
RFA

ကရင်ပြည်နယ် ကွမ်းတောကျေးရွာက ရှင်မာကုအင်္ဂလီကန် ဘုရားဝန်းအတွင်းမှာ နောက်ထပ်စေတီတစ်ဆူ တည်ဖို့လုပ်နေတာကို တွေ့ရစဉ်။ Photo: John Kanyaw Say Facebook
ကရင်ပြည်နယ် လှိုင်းဘွဲမြို့နယ် ကွမ်းတောကျေးရွာက ရှင်မာကုအင်္ဂလီကန် ဘုရားဝန်းအတွင်းမှာ မြိုင်ကြီးငူ ဆရာတော်က မနေ့မနက်ကစပြီး စေတီတစ်ဆူ ထပ်မံတည်နေပါတယ်။

တနင်္လာနေ့ညနေပိုင်းက နေရာသတ်မှတ်တာ ခြံတွေရှင်းတာတွေလုပ်ပြီး မြိုင်ကြီးငူဆရာတော်ရဲ့ ညွှန်ကြားချက် အရ စေတီတည်နေတာဖြစ်တယ်လို့ ဘားအံသာသနာပိုင်နယ်ရဲ့ အတွင်းရေးမှူး နော်ဆာဝါးက ပြောပါတယ်။

"မနေ့ညနေပိုင်းက သိမ်ဆောက်ဖို့အတွက်ဆိုပြီး သူတို့နေရာလာပြီး သတ်မှတ်တယ်၊ ခြံရှင်းတယ်၊ သစ်ပင်ခုတ်တယ်၊ ဒီနေ့ဘုရားကျောင်းဝန်း အပြင်ဘက်က စေတီကိုထီးတော်လာတင်အပြီးမှာ ဘုရားကျောင်းနားက ပေတစ်ရာလောက်ကွာတဲ့နေရာကို သိမ်ဆောက်မယ့်လို့ သတ်မှတ်ထား တဲ့နေရာအနားမှာပဲ အဲ့နေရာကို လက်ညှိးညွှန်ပြပြီးတော့ စေတီတည်ဖို့အတွက် သတ်မှတ်လိုက်တာ အခုစပြီးတည်နေကြပြီပေါ့နော်၊ ဘာကြောင့်တည်လဲပြောတဲ့အခါကျတော့ မြိုင်ကြီးငူဆရာတော်ရဲ့ ညွှန်ကြားချက်အရ တည်ခြင်းဖြစ်ပါတယ်"

ပြီးခဲ့တဲ့ ဧပြီလ ၂၄ ရက်နေ့က တည်ထားတဲ့ စေတီနဲ့ ပေတစ်ရာအကွာမှာ ကွမ်းတောရွာနဲ့ ကွီးလေးဒေသခံ ရွာသားတွေ လာရောက်တည်နေကြတာဖြစ်ပြီး အခုဆိုရင် အုတ်မြစ်ချတဲ့အခြေအနေရောက်နေပြီလို့ သိရပါတယ်။

အင်္ဂလီကန်ဘုရားကျောင်း တာဝန်ရှိသူတွေက အဲဒီအခြေအနေနဲ့ ပတ်သက်ပြီး သက်ဆိုင်ရာ အစိုးရ အဖွဲ့အစည်းတွေကို စာတင်ထားပါတယ်။

အင်္ဂလီကန်ဘုရားကျောင်းပိုင်ဆိုင်တဲ့  မြေဧရိယာ ၂ ဒသမ ၅၃ ဧကဖြစ်ပြီး တစ်ဧကလောက်ဟာ ဘုရားတည်တဲ့ အထဲပါသွားပြီလို့ ဆိုပါတယ်။

ဧပြီ ၂၆ ရက်နေ့ကလည်း ရွှေဂွန်းကျေးရွာမှာရှိတဲ့ မရ်ကဇ်ဗလီမွတ်စလင်ဝတ်ပြုကျောင်းနံဘေး လမ်းကြားမှာ လည်း စေတီတစ်ဆူတည်ထားခဲ့ပါတယ်။

RFA Burmese
http://www.rfa.org/burmese

Ted Cruz က သမ္မတလောင်း ပြိုင်ပွဲကနေ နှုတ်ထွက်လိုက်ပြီ ဖြစ်ပါတယ်။ (Credit: Reuters) 
Indiana ​ပြည်နယ် ​ပရိုင်မာရီ ​သမ္မတလောင်း ​ရွေးချယ်ပွဲမှာ ​ရှုံးနိမ့်သွားတဲ့ ​Ted ​Cruz ​က ​ပြိုင်ပွဲကနေ ​နှုတ်ထွက်လိုက်တဲ့အတွက် ​Donald ​Trump ​အနေနဲ့ ​သမ္မတလောင်း ​ဖြစ်လာဖို့ ​ပိုပြီး ​သေခြာလာနေပါတယ်။

Donald ​Trump ​ဟာ ​Indiana ​ရွေးချယ်ပွဲမှာ ​အနိုင်ရရှိတဲ့အပြင် ​အဓိက ​ပြိုင်ဘက် ​Ted ​Cruz ​ကလည်း ​ပြိုင်ပွဲကနေ ​နှုတ်ထွက်လိုက်တဲ့အတွက် ​Donald ​Trump ​က ​ရီပါပလေကန် ​ပါတီကို ​ကိုယ်စားပြုမယ့် ​အမေရိကန် ​သမ္မတလောင်း ​ဖြစ်ဖို့ ​အင်မတန် ​နီးစပ်လာတာပါ။

အခုလောလောဆယ် ​Donald ​Trump ​ရဲ့ ​ပြိုင်ဘက်က ​အောင်မြင်မှု ​သိပ်မရတဲ့ ​John ​Kasich ​ဖြစ်လာပါတယ်။

ဒီမိုကရက်ပါတီအတွက် ​သမ္မတလောင်း ​ရွေးချယ်ပွဲမှာတော့ ​ဒီတချီ ​Bernie ​Sanders ​က ​ဟီလာရီ ​ကလင်တန်ကို ​အနိုင်ရရှိသွားပါတယ်။

Indiana ​ပြည်နယ် ​ရွေးချယ်ပွဲမှာ ​Bernie ​Sanders ​က ​၅၃.၂% ​ရရှိပြီး ​ဟီလာရီ ​ကလင်တန်က ​၄၆.၈% ​ပဲ ​ရရှိပေမယ့် ​အခုလောလောဆယ် ​ဟီလာရီ ​ကလင်တန်က ​ရှေ့ပြေးနေဆဲ ​ဖြစ်ပါတယ်။

ABC Radio Australia
http://www.radioaustralia.net.au/burmese


အမေရိကန်ပြည်ထောင်စု အနောက်အလယ်ပိုင်း Indiana ပြည်နယ်မှာ ပြုလုပ်တဲ့ ပါတီတွင်း သမ္မတကိုယ်စားလှယ်လောင်း ရွေးချယ်မှုတွေမှာ ရီပတ်ဘလစ်ကန်ပါတီတွင်း ရှေ့ကနေ ဦးဆောင်နေတဲ့ ဘီလီယံနာသူဌေးကြီး Donald Trump က အပြတ်အသတ် အနိုင်ရမယ်လို့ အမေရိကန် ရုပ်မြင်သံကြားသတင်းတွေမှာ ခန့်မှန်းပြောဆိုနေချိန်မှာပဲ ပြိုင်ဘက်ဖြစ်တဲ့ အထက်လွှတ်တော်အမတ် Ted Cruz အနေနဲ့ သမ္မတလောင်း ရွေးချယ်ပွဲတွေမှာ ဆက်ပြီး ပြိုင်တော့မှာ မဟုတ်ဘူးလို့ ကြေညာလိုက်ပါတယ်။

ရွေးကောက်ပွဲယှဉ်ပြိုင်မှုကို ရပ်ဆိုင်းလိုက်ပေမဲ့ အမေရိကန်ပြည်သူတွေရဲ့ လွတ်မြောက်ရေး လှုပ်ရှားမှုကိုတော့ ရပ်ဆိုင်းလိုက်တာ မဟုတ်ပါဘူးဆိုပြီး သူ့ကို ထောက်ခံသူတွေကို Ted Cruz က ပြောဆိုပါတယ်။

Donlad Trump ဟာ သူ့ရဲ့ အနီးကပ်ဆုံး ပြိုင်ဘက် Texas ပြည်နယ် အထက်လွှတ်တော်အမတ် Ted Cruz ကို အပြတ်အသတ် အနိုင်ရလိမ့်မယ်လို့ မျှော်လင့်ရပြီး တခြား ပြိုင်ဘက်တဦးဖြစ်တဲ့ Ohio ပြည်နယ် အုပ်ချုပ်ရေးမှူး John Kasich ကတော့ တတိယနေရာမှာ အပြတ်အသတ် ကျန်ရစ်ခဲ့ပါတယ်။

ဒီမိုကရက်ပါတီဘက်မှာတော့ - ပါတီတွင်း ရွေးချယ်မှုတွေ မတိုင်ခင်မှာ ကောက်ယူခဲ့တဲ့ စစ်တမ်းတွေအရ နိုင်ငံခြားရေးဝန်ကြီး Hillary Clinton နဲ့ ပြိုင်ဘက် Vermont ပြည်နယ် အထက်လွှတ်တော်အမတ် Bernie Sanders တို့ ၂ ဦးဟာ သူမသာ ကိုယ်မသာ ဖြစ်နေတယ်လို့ ဖော်ပြကြပေမဲ့ လောလောဆယ် မဲတွေ တ၀က်လောက် ရေတွက်ပြီးတဲ့အချိန်မှာတော့ Bernie Sanders က အနည်းငယ် အသာစီး ရနေပါတယ်။

Indiana ပြည်နယ် ရွေးကောက်ပွဲကနေ သမ္မတလောင်းအဖြစ် အမည်စာရင်းတင်သွင်းမယ့် ကိုယ်စားလှယ် ၄၂ ယောက်ကို Donald Trump ရသွားနိုင်ပါတယ်။ ဒီ ၄၂ ယောက်ရရုံနဲ့ လိုအပ်တဲ့ ကိုယ်စားလှယ် အရေအတွက် ၁၂၃၇ ယောက်ကို မရပေမဲ့လည်း ဂျူလိုင်လ ကျင်းပမယ့် ရီပတ်ဘလစ်ကန် ပါတီညီလာခံမှာ အမည်စာရင်း တင်သွင်းခံရသူအဖြစ် ကြိုတင်ခန့်မှန်းနိုင်ပြီလို့ သူ့ကိုယ်သူနဲ့ ထောက်ခံသူတွေ ကြေညာနိုင်မှာ ဖြစ်ပါတယ်။

လယ်ယာလုပ်ငန်းနဲ့ စက်မှုလုပ်ငန်းတွေရှိပြီး ကွန်ဆာဗေးတစ် အများအပြား နေထိုင်တဲ့ Indiana ပြည်နယ် ပဏာမရွေးကောက်ပွဲမှာ အနိုင်ရပြီဆိုရင် သူ့အနေနဲ့ ဆက်ပြိုင်စရာ မလိုတော့ဘူး။ အနိုင်ရနေပြီဆိုပြီး Donald Turmp က ထောက်ခံသူတွေကို မဲဆွယ်ပွဲမှာ ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


အမေရိကန်ပြည်ထောင်စု အင်ဒီးယားနားပြည်နယ်မှာ မနေ့ အင်္ဂါနေ့က ကျင်းပခဲ့တဲ့ ပါတီတွင်း သမ္မတလောင်း ပဏာမရွေးချယ်ပွဲမှာ အမေရိကန် နိုင်ငံသားအဖြစ် ခံယူထားတဲ့ မြန်မာရွှေ့ပြောင်း အခြေချနေထိုင်သူတွေ အများအပြား မဲပေးခဲ့ကြပါတယ်။ သူတို့အနေနဲ့ နိုင်ငံသား တာဝန် ကျေပွန်စေ ဖို့အတွက် နှစ်သက်ရာ ဒီမိုကရက်နဲ့ ရီပါဘလစ်ကန် ပါတီနှစ်ခုစလုံးမှာ အသီးသီး မဲပေးခဲ့ကြတယ်လို့ ဗွီအိုအေကို ပြောပါတယ်။

ရီပါဘလစ်ကန်ပါတီတွင်း Ted Cruz နဲ့ Donald Trump တို့ နှစ်ဦးကတော့ အင်္ဂါနေ့က ရွေးချယ်ပွဲအတွက် မဲဆွယ်စည်းရုံးရာမှာ တဦးနဲ့ တဦး အပြင်းထန်ဆုံး ဝေဖန်တိုက်ခိုက် ပြောဆိုခဲ့ကြတာပါ။ မအင်ကြင်းနိုင်က အပြည့်အစုံ တင်ပြထားပါတယ်။

အင်ဒီးယားနားပြည်နယ်က ပါတီတွင်းသမ္မတလောင်း ပဏာမရွေးချယ်ပွဲတွေဟာ အလွန်အရေးကြီးတာကြောင့် သမ္မတလောင်းအဖြစ် ၀င်ရောက်ယှဉ်ပြိုင်သူတွေ အကြိတ်အနယ် အပြိုင်အဆိုင် ပြောဆိုစည်းရုံးနေကြတာကို သတင်းမီဒီယာတွေမှာ တွေ့မြင်နေရပါတယ်။ ဒီမိုကရက်ရော ရီပါဘလစ်ကန်ဘက်မှာပါ အသီးသီး မဲပေးခဲ့ကြတဲ့ မြန်မာဒုက္ခသည် ရွှေ့ပြောင်းအခြေချ နေ ထိုင်သူတွေထဲ ရီပါဘလစ်ကန်ပါတီက သမ္မတလောင်းအဖြစ် ၀င်ရောက်ယှဉ်ပြိုင်တဲ့ Texas ပြည်နယ် အထက်လွှတ်တော်အမတ် Ted Cruz ကို မဲပေးခဲ့သူ ချင်းအမျိုးသမီးတဦးက သူ့အမြင်ကို အခုလို ပြောပြပါတယ်။

“သူကကျတော့ တည်ငြိမ်တယ်လို့ ကျမမြင်တယ်လေနော်။ နိုင်ငံတကာ ခေါင်းဆောင်တွေနဲ့ ဆက်ဆံတဲ့အခါမှာလေ။ လူလူချင်း တန်ဖိုးထားတဲ့ အနေအထား အတိုင်းအတာပေါ်မှာလေ သူက စကားပြောမယ်လို့ ကျမ မြင်တယ်လေ။ Donald Trump ကကျတော့ ပြောချင်ရာ သူ ပြောချသွားမယ်။ ဘယ်သူ့မျက်နှာမှ မထောက်ဘူးဆိုတဲ့ ပုံစံမျိုး သူ့မှာရှိတယ်။ ဆိုတော့ နိုင်ငံတကာ လူကြီးတွေနဲ့ ဆက်ဆံတဲ့အခါမှာ ကိုယ့်တိုင်းပြည် မျက်နှာငယ်ရမလားပေါ့။”

ဒီမိုကရက်ပါတီဘက်က သမ္မတလောင်းအဖြစ် ၀င်ရောက်ယှဉ်ပြိုင်နေတဲ့ နိုင်ငံခြားရေးဝန်ကြီးဟောင်း Hillary Clinton ကို မဲပေးခဲ့သူ မြန်မာတိုင်းရင်းသား အကျိုးတော်ဆောင်ရုံးက ဒေါ်မင်းမင်းထွေးငယ်ရဲ့ အမြင်ကတော့ -

“ဒီမိုကရက်တစ်က Hillary Clinton ကို ပေးခဲ့တယ်။ ဘာကြောင့်လဲဆိုတော့ သူက နံပါတ်တစ်အချက် သူ့ရဲ့ နိုင်ငံခြားရေးပေါ်လစီက ကျမတို့အတွက် မြန်မာနိုင်ငံအတွက်ရော တကမ္ဘာလုံးအတွက်ရော တစုံတရာ အရေးကြီးပါတယ်။ သူ သွားခဲ့တဲ့ သူ့ရဲ့နိုင်ငံရေး သမိုင်းကြောင်းနဲ့ သူ ဖြတ်သန်းခဲ့တဲ့ သူ့ရဲ့ အတွေ့အကြုံတွေကို ပြန်ပြီးတော့ ကြည့်ခြင်းအားဖြင့် သမ္မတကောင်းတယောက် ဖြစ်လာဖို့ အများကြီး အလားအလာ ရှိပါတယ်။ ဒါကြောင့်မို့လို့ သူ့ကို မဲပေးခဲ့တာပါ။ ဒီနိုင်ငံမှာ နိုင်ငံသားအဖြစ် ခံယူထားပြီးတယ်ဆိုရင် ဘယ်နိုင်ငံသားပဲဖြစ်ဖြစ် ကိုယ့်နိုင်ငံသားရဲ့တာဝန်ကိုတော့ ကျေဖို့ လိုတယ်လေ။ နိုင်ငံသားရဲ့တာဝန် ကျေပွန်ဖို့ဆိုတာက ပထမဆုံးအဆင့်က မဲပေးဖို့ပဲ။”

ရီပါဘလစ်ကန်ပါတီဘက်မှာ ရှေ့ဆုံးကပြေးနေတဲ့ ကုဋေကြွယ်သူဌေးကြီး Donald Trump ကတော့ Cruz ရဲ့ဖခင်ဖြစ်သူဟာ အမေရိကန်သမ္မတဟောင်း John F Kennedy ကို လုပ်ကြံမှုမှာ ပါဝင်ပတ်သက်ခဲ့တယ်ဆိုပြီး ပြိုင်ဘက်ဖြစ်သူ အထက်လွှတ်တော်အမတ် Ted Cruz ကို ပြင်းပြင်းထန်ထန် ဝေဖန်တိုက်ခိုက်ခဲ့ပါတယ်။ ဒါ့အပြင် သူရဲ့မဲဆွယ်စည်းရုံးပွဲမှာလည်း သူဟာ Ted Cruz ကို အနိုင်ရဖို့ အဆင်သင့်ပဲလို့ အခုလို ပြောသွားပါတယ်။

“ကျနော်တို့ သူ့ကို အဝေးကို မောင်းထုတ်ဖို့ မဲရုံတွေမှာ သွားပြီးမဲပေးကြပါစို့။”

အင်ဒီးယားနားပြည်နယ်မှာ မဲဆွယ်စည်းရုံးနေတဲ့ Ted Cruz ကတော့ Trump ဟာ လိမ်ညာမှုတွေကို ပြောဆိုနေတဲ့ စိတ်မနှံ့တဲ့သူဖြစ်ပြီး၊ အမှန်နဲ့ အမှား ခွဲခြားသိမြင်မှု မရှိဘူးလို့ သတင်းထောက်တွေကို အခုလို ပြောပါတယ်။

“ဒီလူဟာ အမြဲတမ်း လိမ်ညာနေသူ ဖြစ်ပါတယ်။ သူဟာ အမှန်တရားနဲ့ လိမ်လည်မှုရဲ့ ကွဲပြားခြားနားမှုကို မသိသူလည်း ဖြစ်တယ်။ သူ့ပါးစပ်က ထွက်လာတဲ့ စကားလုံးမှန်သမျှ အလိမ်အညာကြီးပါပဲ။”

ဒီမိုကရက်ပါတီရဲ့ သမ္မတလောင်းတွေအဖြစ် ၀င်ရောက်ယှဉ်ပြိုင်နေတဲ့ Vermont ပြည်နယ် အထက်လွှတ်တော်အမတ် Bernie Sanders နဲ့ နိုင်ငံခြားရေးဝန်ကြီးဟောင်း Hillary Clinton တို့ နှစ်ဦးကတော့ အင်ဒီးယားနားပြည်နယ် ရွေးချယ်ပွဲမှာ အကြိတ်အနယ် ဖြစ်နေပါတယ်။ Mrs. Clinton ကတော့ အားလုံး တိုးတက်ဖို့အတွက် သူ့အနေနဲ့ ဆောင်ရွက်ပေးသွားမှာဖြစ်ကြောင်း ပြည်နယ်မဲဆွယ်စည်းရုံးပွဲမှာ အခုလို ပြောသွားပါတယ်။

“လူတဦးချင်းစီ ရှေ့ကို တိုးတက်ဖို့ တိုင်းပြည်ရှေ့ကို တိုးတက်ဖို့မှာ အဟန့်အတား ဖြစ်နေတာတွေ အားလုံး ဖြိုချဖို့ ကျမ အဓိက လုပ်ဆောင်နေတာပါ။”

အင်ဒီးယားနားပြည်နယ်က ပါတီတွင်းသမ္မတလောင်း အကြိုရွေးချယ်ပွဲ နောက်ဆုံးသတင်းတွေအရ ရီပါဘလစ်ကန်ဘက်မှာ Donald Trump က အပြတ်အသတ် ထိပ်ဆုံးကပြေးပြီး ဒီမိုကရက်ပါတီဘက်မှာတော့ နိုင်ငံခြားရေးဝန်ကြီးဟောင်း Hillary Clinton က ရှေ့က ရှိနေပါတယ်။

အင်ကြင်းနိုင်
VOA

(Credit: Freedom House)
(Credit: Freedom House)

“သတင်းလွတ်လပ်ခွင့်” ဆိုတဲ့အရာဟာ အခြေခံကျတဲ့ လူ့အခွင့်အရေးတရပ် ဖြစ်တယ်လို့ နိုင်ငံတကာ က သဘောတူ ကြေညာခဲ့ပြီးတဲ့နောက် ၂၅ နှစ် ကြာမြင့်ခဲ့ပြီးတဲ့နောက်မှာ သတင်းသမားတွေဟာ တရားဝင်ဆင်ဆာဖြတ်တောက်မှုတွေ၊ ဖိနှိပ်မှုနဲ့ ထောင်သွင်း အကျဉ်းချမှုတွေသာမက လုပ်ကြံ သတ်ဖြတ်ခံရမယ်ဆိုတဲ့ ခြိမ်းခြောက်မှုတွေနဲ့ တိုးမြှင့် ရင်ဆိုင်နေကြရပါတယ်။ ဗွီိအိုအေ သတင်းထောက် Richard Green ရဲ့ သတင်းလွှာကို အခြေခံပြီး ဦးစံမိုးဝေ က တင်ပြထားတယ်။

ကမ္ဘာ့သတင်းမီဒီယာ လွတ်လပ်ခွင့် နှစ်ပတ်လည် အစီရင်ခံစာမှာ သတင်းလွတ်လပ်ခွင့် အခြေအနေဟာ ၁၂ နှစ်အတွင်း အနိမ့်ဆုံးအဆင့်ကို ကျဆင်းသွားတယ်လို့ လူ့အခွင့်အရေး အဖွဲ့အစည်းတခုဖြစ်တဲ့ freedom house က ပြောဆိုပါတယ်။ ဒီလိုကျဆင်းသွားရတဲ့ အကြောင်းရင်း နောက်ကွယ်မှာ နိုင်ငံရေး၊ ရာဇ၀တ်မှုခင်းနဲ့ အကြမ်းဖက် အဖွဲ့အစည်းတွေကြောင့် ဖြစ်တယ်လို့ ဆိုပါတယ်။

တနှစ်အတွင်း သတင်းလွတ်လပ်ခွင့် အကျဆင်းဆုံး နိုင်ငံပေါင်း ၉ နိုင်ငံကနေ Freedom House အဖွဲ့က ရွေးထုတ်ပြထားတဲ့ တိုင်းပြည်ကတော့ အီဂျစ် နိုင်ငံ ဖြစ်ပါတယ်။ အီဂျစ် သတင်းသမားတယောက်ဖြစ်တဲ့ Khaled Dawoud ကတော့

“ကျနော်တို့ရဲ့ မူက အီဂျစ်နိုင်ငံမှာ အမှန်တကယ် ဖြစ်ပွားနေတဲ့ အဖြစ်ပျက်တွေကို ခိုင်ခိုင်လုံလုံနဲ့ ဓမ္မဓိဌာန်ကျကျ တင်ပြဖို့ ဖြစ်ပါတယ်။ အဖြစ်ပျက်က အမှန်တရားကို သူ့အလိုလို ပြောပြနေတာပါ။ အမှန်တရားတခုကို ဖန်တီးတင်ပြတယ်ဆိုတာ သတင်းမီဒီယာ မဟုတ်ပါဘူး။ သတင်းသမားတွေ မဟုတ်ကြပါဘူး။ အီဂျစ်နိုင်ငံရဲ့ စီးပွားရေး၊ နိုင်ငံရေး ပြဿနာတွေ ဖြေရှင်းနိုင်ဖို့အတွက် မီဒီယာကနေတဆင့် ၀ါဒဖြန့်တာတွေ လုပ်ပေးနေလို့ မရပါဘူး။”

သတင်းလွတ်လပ်ခွင့် ငြင်းပယ်တဲ့ နိုင်ငံတွေကို ကြည့်လိုက်မယ်ဆိုရင် အများစုဟာ စစ်မက် ပဋိပက္ခ ဖြစ်ပွားနေတဲ့ နိုင်ငံတွေ၊ အဂတိ လိုက်စားမှုတွေ ဖြစ်နေတဲ့ နိုင်ငံတွေ ဖြစ်နေတာများပြီး၊ အုပ်ချုပ်ရေး ယိုယွင်းပျက်စီး သွားတတ်ကြတာ များတယ်လို့ အမေရိကန် လက်ထောက် နိုင်ငံခြားရေးဝန်ကြီး Tom Malinowski က ပြောပါတယ်။

မြန်မာနိုင်ငံမှာလည်း ၂၀၁၂ -၂၀၁၃ ခုနှစ်လောက်က သိသာတဲ့ သတင်းလွတ်လပ်ခွင့် တိုးတက်မှု တွေ့ရပေမဲ့ နောက်ပိုင်းမှာ အားပျော့သွားခဲ့တယ်လို့။ အခုတက်လာတဲ့ အစိုးရသစ်အနေနဲ့ စာနယ်ဇင်းသမားတွေနဲ့ ပူးပေါင်းပြီး တိုးတက်အောင် လုပ်သွားနိုင်ပါလိမ့်မယ်လို့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးဖေမြင့် က ပြောပါတယ်။

“ကျနော်တို့က ၂၀၁၂၊ ၂၀၁၃ လောက်မှာ ကျနော်တို့ သတင်းလွတ်လပ်မှု တော်တော်လေး တိုးတက်လာခဲ့တယ်။ အခု နည်းနည်းလေး တန့်နေတယ်။ ဒါပေမဲ့လို့ အခု ကျနော်တို့ ကျနော်တို့ကိုယ်တိုင်ရော၊ ကျနော်တို့ မီဒီယာ မိတ်ဆွေတွေ အဖွဲ့အစည်းတွေ တဦးချင်းသော မီဒီယာသမားတွေ ညှိနှိုင်းပြီးတော့ ပူးတွဲပြီးတော့ ဆောင်ရွက်မယ်ဆိုရင်တော့ စာနယ်ဇင်းလွတ်လပ်ခွင့် တိုးတက်အောင် ဆောင်ရွက်နိုင်မယ့် အခြေအနေ အခွင့်အလမ်း အများကြီးရှိတယ်လို့ မြင်ပါတယ်။”

သတင်းလွတ်လပ်ခွင့် မပေးတဲ့၊ သတင်းတွေကို အမှောင်ချထားတဲ့ အစိုးရတွေဟာ အောင်မြင်မှုရတဲ့ အစိုးရတွေ မဖြစ်နိုင်ဘူးလို့ အမေရိကန် နိုင်ငံခြားရေးဝန်ကြီးဌာနမှာ ကျင်းပတဲ့ သတင်းစာရှင်းလင်းပွဲမှာ နိုင်ငံခြားရေးဝန်ကြီး John Kerry ကပြောဆိုပါတယ်။

“ကမ္ဘာ့သတင်းလွတ်လပ်ခွင့်နေ့မှာ၊ ဒီ အမေရိကန်နိုင်ငံခြားရေး ၀န်ကြီးဌာန သတင်းစာရှင်းလင်းပွဲ ကျင်းပတဲ့ စဉ်မြင့်ကနေ ကျနော် ရှင်းရှင်းလင်းလင်း ပြောချင်တာက၊ ဘယ်လို အစိုးရမျိုးမဆို၊ ဘယ်လိုပဲ ဟိတ်ဟန်တွေထုတ်ထုတ်၊ အောင်မြင်မှုတွေရှိရှိ၊ သူတို့နိုင်ငံသားတွေကို ယုံကြည်တဲ့အတိုင်း လွတ်လွတ်လပ်လပ် ပြောခွင့် မရှိဘူး၊ နိုင်ငံသားတွေရဲ့ ဘ၀တွေကို ရိုက်ခတ်တဲ့ အဖြစ်အပျက်တွေ၊ ဆုံးဖြတ်ချက်တွေကို သိကြားခွင့် မပေးနိုင်ဘူးလို့ ငြင်းဆိုမယ်ဆိုရင်၊ အောင်မြင်ကြီးမြတ်တဲ့ အစိုးရဆိုပြီး သူ့ကိုယ်သူ မပြောနိုင်ဘူးဆိုတာပါ။ လွတ်လပ်တဲ့ သတင်းဌာနတွေ မရှိတဲ့ တိုင်းပြည်တပြည်အနေနဲ့ ဘာမှ ကြွားဝါနေစရာမရှိသလို၊ သူတို့ဆီက သင်ယူစရာ ဘာမှမရှိပါဘူး။ သူတို့ အနာဂတ် အလားအလာကိုလည်း အောင်မြင်အောင် ဘယ်လိုမှ မဆောင်ရွက်နိုင်ဘူးဆိုတာ ရှင်းပါတယ်။”

အမေရိကန် နိုင်ငံခြားရေးဝန်ကြီးဌာနမှာ ကျင်းပတဲ့ ကမ္ဘာ့သတင်းလွတ်လပ်ခွင့်နေ့ဟာ တချိန်က သူတို့ ရေးသားခဲ့ကြတဲ့ သတင်းတွေကြောင့် အနှောင့်ယှက်တွေ ပေးခံနေခဲ့ရပြီး အခြေအနေတွေက ထူးမလာဘူးလို့ ပြောနေကြတဲ့ သတင်းသမားတွေအပေါ် စိတ်ဝင်စားမှု ရရှိခဲ့ပါတယ်။

သူတို့ရဲ့ အဖြစ်အပျက် အကြောင်းအရာတွေကို human rights.org web site စာမျက်နှာရဲ့ Free the Press ဆိုတဲ့ ခေါင်းစဉ်အောက်မှာ ရှိတဲ့ တွီတာလူမှုကွန်ယက်မှာ ဖော်ပြထားပါတယ်။

စံမိုးဝေ
VOA


dassk-japan-minister-620.jpg
ဒေါ်အောင်ဆန်းစုကြည်နဲ့ ဂျပန်နိုင်ငံခြားရေးဝန်ကြီး Fumio Kishida ကို မေလ ၃ ရက်နေ့က နေပြည်တော် နိုင်ငံခြားရေးဝန်ကြီးဌာနရုံး မှာ ကျင်းပတဲ့ ပူးတွဲသတင်းစာရှင်းလင်းပွဲမှာ တွေ့ရစဉ်
Photo: Win Ko Ko Latt/ RFA

မြန်မာအစိုးရ အလေးအနက်ထား ဆောင်ရွက်နေတဲ့ အလုပ်အကိုင်ဖန်တီးရေး၊ ကျန်းမာရေး၊ ပညာရေး၊ စိုက်ပျိုးရေး စတဲ့ ကဏ္ဍ ၇ ခုမှာ ဂျပန်အစိုးရက ကူညီပေးသွားမှာဖြစ်ကြောင်း ဂျပန်နိုင်ငံခြားရေးဝန်ကြီး Fumio Kishida က ပြောပါတယ်။

ဒီနေ့ နေပြည်တော်က နိုင်ငံခြားရေးဝန်ကြီးဌာနရုံးမှာ ကျင်းပတဲ့ ပူးတွဲသတင်းစာရှင်းလင်းပွဲမှာ ဂျပန်နိုင်ငံခြားရေးဝန်ကြီး Fumio Kishida က စကားပြန် ကတဆင့် ပြောကြားခဲ့တာဖြစ်ပါတယ်။

"မြန်မာနိုင်ငံဟာ အထူးသဖြင့် မြန်မာအစိုးရသစ်အနေနဲ့ အလေးအနက်ထားပြီးတော့ဆောင်ရွက် နေတွင် အလုပ်အကိုင်၊ ကျန်းမာရေး၊ ပညာရေး၊ စိုက်ပျိုးရေး၊ အခြေခံအဆောက်အအုံတည် ဆောက်ရေး၊ ဘဏ္ဍာရေးနဲ့ ငွေရေးကြေးရေး၊ အစရှိတဲ့ကဏ္ဍတွေမှာ အစွမ်းကုန်ထောက်ပံ့ကူညီသွား မှာဖြစ်ပါတယ်၊ ဒါအပြင့် မြန်မာပြည်သူ၊ ပြည်သားရော လုပ်ငန်းရှင်တွေပါ နှစ်ဖက်စလုံးက အကျိုး ခံစားနိုင်ရန် ညီညီညွတ်ညွတ်နဲ့ အတူတကွ လက်တွဲပြီး တည်ဆောက်သွား မှာဖြစ်ပါတယ်"

သတင်းစာရှင်းလင်းပွဲမှာ ဂျပန်သတင်းထောက်တစ်ဦးက မြန်မာနိုင်ငံအပေါ် ဂျပန်နိုင်ငံရဲ့ ဆက်ဆံရေးနဲ့ အနောက်နိုင်ငံတွေရဲ့ ဆက်ဆံရေး မတူတဲ့အပေါ် ဘယ်လိုမြင်လဲလို့ ဒေါ်အောင်ဆန်းစုကြည် ကို မေးမြန်းရာ ဂျပန်နိုင်ငံသူ နိုင်ငံသားတွေရဲ့ စေတနာ မေတ္တာကို အမြဲတမ်းတန်ဖိုးထားပြီး ကျေးဇူးတင်နေ မှာဖြစ်ကြောင်း နိုင်ငံခြားရေးဝန်ကြီး ဒေါ်အောင်ဆန်းစုကြည်က ပြောပါတယ်။

"အနောက်နိုင်ငံအနေနဲ့ မတူဘူးဆိုတာ သဘာဝကျပါတယ်၊ မတူခြင်းကိုလည်း ကျမတို့လက်ခံပါတယ်၊ ဒီမိုကရေစီကို ယုံကြည်တယ်ဆိုရင် မတူကွဲပြားမှုကို လက်ခံနိုင်ရမယ်၊ မတူကွဲပြားမှုတွေမှာ အခြေခံပြီးတော့ ကျမတို့က တစ်ယောက်နဲ့ တစ်ယောက်ဆွေးနွေးတိုင်ပင်ပြီးတော့ ပြေလည်အောင်လုပ်ခဲ့တာကြာပါပြီ၊ အထူးသဖြင့်တော့ ဘယ်လိုပဲပြောပြော ဂျပန်နိုင်ငံသူ၊ နိုင်ငံသားတွေများဟာ ကျမနဲ့ ကျမရဲ့လှုပ်ရှားမှုများအပေါ်မှာ အင်မတန်မှ စေတနာ၊ မေတ္တာတွေထားခဲ့ တာကြောင့် အမြဲတမ်း ကျမတို့ဒါကို တန်ဖိုးထားပြီးတော့ ကျေးဇူးတင်နေမှာ ဖြစ်ပါတယ်"

မြန်မာနိုင်ငံမှာ အစိုးရသစ်ကဦးဆောင်ပြီး ဖော်ဆောင်နေတဲ့ ဒီမိုကရေစီဖော်ဆောင်ရေး ဖွံ့ဖြိုးရေးလုပ်ငန်းတွေကို ဂျပန်အစိုးရနဲ့ ပုဂ္ဂလိကတွေက ပူးပေါင်းပါဝင် သွားမှာဖြစ်ပြီး နိုင်ငံတကာစိန်ခေါ်မှုတွေကိုလည်း ပူးပေါင်းဆောင်ရွက်ကြဖို့ မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည်နဲ့ သဘောတူညီချက် ရရှိပြီးဖြစ်တယ်လို့ ဂျပန်နိုင်ငံခြားရေးဝန်ကြီးက ပြောခဲ့ပါတယ်။

ဒါ့အပြင် မြန်မာနိုင်ငံမှာ အများပြည်သူထောက်ခံမှုကို ရယူပြီး သမိုင်းဝင်တဲ့ အာဏာလွှဲပြောင်းမှုကို အကောင်အထည်ဖော်ဆောင်ရွက်နိုင်ခဲ့တဲ့ အတွက် မြန်မာပြည်သူတွေကို လေးစားမိကြောင်းနဲ့ အများပြည်သူထောက်ခံမှုနဲ့ဖွဲ့စည်းထားတဲ့ အစိုးရဖြစ်တဲ့အတွက် အရင်အစိုးရလက်ထက် ထက်ပိုပြီး ပူးပေါင်းဆောင်ရွက်သွားမှာဖြစ်ကြောင်းလည်း ပြောပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ လွန်ခဲ့တဲ့ ၂၀၁၃ ခုနှစ်က NLD ပါတီဥက္ကဌ အနေနဲ့ ဂျပန်နိုင်ငံကို လာရောက်လည်ပတ် ပြီးဖြစ်ပေမယ့် နောက်တစ်ကြိမ်ထပ်မံလာရောက် လည်ပတ်ဖို့ ဂျပန်နိုင်ငံက ဖိတ်ခေါ်ခဲ့ပါတယ်။

ဂျပန်နိုင်ငံခြားရေးဝန်ကြီး Fumio Kishida ဟာ သမ္မတအိမ်တော်မှာ နိုင်ငံတော် သမ္မတနဲ့ တွေ့ဆုံခဲ့သလို တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့လည်း ကာကွယ်ရေးဦးစီးချုပ်ရုံးမှာ သီးခြားစီတွေ့ဆုံခဲ့ပါတယ်။

RFA

 ဂျပန်ဘက်ကနေ သီလဝါ အထူး စီးပွားရေးဇုန် အပါအဝင် တခြား ကဏ္ဍတွေမှာ ပိုမို ရင်းနှီး မြုပ်နှံမှုတွေ ပြုလုပ်ဖို့ နှစ်ဘက် သဘောတူ။
မြန်မာ အစိုးရသစ် လက်ထက်မှာလည်း ဂျပန် အနေနဲ့ ရင်းနှီးမြှုပ်နှံမှု တွေ ပိုမို ပြုလုပ်မှာ ဖြစ်ပြီး၊ ပညာရေး နဲ့ ကျန်းမာရေး အပါအဝင် ကဏ္ဍ အသီးသီးမှာ အကူအညီ တွေ ပေးမယ်လို့ ဂျပန် နိုင်ငံခြားရေး ဝန်ကြီးက ပြောပါတယ်။

ဝန်ကြီး ဖူမီယာ ကူရှီဒါ မြန်မာပြည်ကို ရောက်နေပြီး သမ္မတ ဦးထင်ကျော်၊ ဒေါ်အောင်ဆန်းစုကြည် တို့နဲ့ တွေ့ဆုံ ခဲ့ပါတယ်။

ဂျပန် အနေနဲ့ မြန်မာပြည်ရဲ့ ကဏ္ဍ အစုံ ဖွံ့ဖြိုးရေးမှာ ကူညီမယ်လို့ ပြောပေမယ့် ဘယ်လောက် ငွေကြေး အတိုင်းအတာ ပမာဏ ရှိမလဲ ဆိုတာကိုတော့ အတိတကျ ထုတ်မပြောပါဘူး။

ဒါပေမယ့် ဒေါ်အောင်ဆန်းစုကြည်နဲ့ ပူးတွဲ ပြုလုပ်ခဲ့တဲ့ သတင်းစာ ရှင်းလင်းပွဲ မှာတော့ ဂျပန် နိုင်ငံဟာ မြန်မာရဲ့ ယုံကြည်စိတ်ချရတဲ့ မိတ်ဖက် နိုင်ငံအနေနဲ့ ပညာရေး၊ ကျန်းမာရေး အပါအဝင် အလုပ်အကိုင် ဖန်တီးရေး၊ စိုက်ပျိုးရေး၊ အခြေခံ အဆောက်အဦ တည်ဆောက်ရေး၊ ဘဏ္ဍာရေးနဲ့ ငွေရေးကြေးရေး စတဲ့ ကဏ္ဍတွေမှာ အစွမ်းကုန် ကူညီမှာ ဖြစ်တယ်လို့ ပြောသွားပါတယ်။

သမ္မတ ဦးထင်ကျော်နဲ့ ဂျပန် နိုင်ငံခြားရေး ဝန်ကြီး တွေ့ဆုံ ကြတုန်းမှာလည်း ဂျပန်ဘက်ကနေ သီလဝါ အထူး စီးပွားရေးဇုန် အပါအဝင် တခြား ကဏ္ဍတွေမှာ ပိုမို ရင်းနှီး မြုပ်နှံမှုတွေ ပြုလုပ်ဖို့ နှစ်ဘက် သဘောတူ ခဲ့ကြပါတယ်။

ဂျပန်ရဲ့ အကူအညီတွေကို အကျိုးရှိရှိ ထိထိရောက်ရောက် သုံးစွဲနိုင်ဖို့ အတွက်တော့ အကူအညီကို လက်ခံတဲ့ အိမ်ရှင် ဘက်မှာ ပြင်ဆင်ထားဖို့ အရေးကြီးတယ်လို့ စီးပွားရေးပညာရေး ဒေါက်တာ အောင်ကိုကိုက ဘီဘီစီကို ပြောပါတယ်။

လက်ရှိ အချိန်မှာ တော့ မြန်မာ နိုင်ငံတွင်း ဂျပန် ရဲ့ ရင်းနှီး မြှုပ်နှံမှုဟာ တရုတ်၊ ထိုင်း၊ စင်္ကာပူ နိုင်ငံတွေ လောက် ပမာဏ မကြီးမားသေး သလို ဂျပန်ရဲ့ စီမံကိန်းတွေကြောင့် ဒေသခံတွေကို ထိခိုက် ရတာမျိုးလို ပြစ်တင် သံတွေလည်း တခြား နိုင်ငံတွေရဲ့ စီမံကိန်း တွေ နဲ့ နှိုင်းယှဉ်ရင် နည်းပါး နေသေးတယ်လို့လည်း ဒေါက်တာ အောင်ကိုကိုက ဆိုပါတယ်။

BBC Burmese
http://www.bbc.com/burmese

 ၁ နာရီ အတွင်းမှာပဲ အဆောင် ၅၀ လောက် မီးလောင် ကျွမ်းသွား ခဲ့ရ
ရခိုင်ပြည်နယ် စစ်တွေက မွတ်ဆလင် ဒုက္ခသည် စခန်းတခုမှာ မီးလောင် မှုကြောင့် အခန်းတွဲ အဆောင် ၅၅ ဆောင် မိသားစု ၄၄၈ စုနဲ့ လူပါင်း ၁၇၀၀ ကျော် အိုးမဲ့ အိမ်မဲ့ ဖြစ်သွား ခဲ့ရ ပါတယ်။

မေလ ၃ ရက်နေ့ မနက် ၉ နာရီခွဲ လောက်မှာ မီးစလောင် ခဲ့တာ ဖြစ်ပြီး မီးသတ်ကား ၆ စီးနဲ့ ငြှိမ်းသတ် ခဲ့ရ ပါတယ်။

ဘယ်ကနေ စလောင်တယ် ဆိုတာ မသိရသေး ပေမယ့်၊ တချို့ကလည်း ဘက်ထရီ အားသွင်းတဲ့ ဆိုလာပြား ကနေ စလောင် တာလို့ ပြောနေ သလို၊ တချို့ ကလည်း ထမင်းချက်ရာ ကနေ စလောင် တယ်လို့ ပြောဆို နေကြ ပါတယ်။

မီးဟာ အလျင် အမြန် ကူးစက် လောင်ကျွမ်း လို့ ဒုက္ခသည်တွေ စခန်း ကနေ အသက်လု ထွက်ပြေး ခဲ့ရတာ ဖြစ်ပါတယ်။

၁ နာရီ အတွင်းမှာပဲ အဆောင် ၅၀ လောက် မီးလောင် ကျွမ်းသွား ခဲ့ရ တာဖြစ်ပြီး ဒုက္ခသည်တွေ လောလောဆယ် နေဖို့ စားဖို့ အခက် အခဲ ဖြစ်နေ တယ်လို့ ဒုက္ခသည် တဦးက ပြောပါ တယ်။

၁၂ နှစ်အရွယ် ကလေး တယောက် ပျောက် နေခဲ့ တယ်လို့ ဒုက္ခသည်တွေ ဘက်က ပြောပေမယ့် အခုတော့ ပြန်တွေ့ပြီ လို့ ရဲက ပြောပါတယ်။

BBC Burmese
http://www.bbc.com/burmese

အလုံမြို့နယ်က ရပ်ကွက်တစ်ခုမှာ မေလ ၃ ရက်နေ့က ပြည်သူတွေနဲ့ လိုက်လံတွေ့ဆုံနေတဲ့ ရဲတပ်ဖွဲ့ဝင် တချို့ကို တွေ့ရစဉ်။ Photo: Aung Thain Kha/ RFA
ရန်ကုန်တိုင်းဒေသကြီး အလုံမြို့နယ် မြို့မရဲစခန်းက ရဲတပ်သား ၁၆ ဦးနဲ့ စခန်းတာဝန်ရှိသူတွေဟာ အလုံမြို့နယ်က ရပ်ကွက်နှစ်ခုမှာ ပြည်သူတွေနဲ့ ဒီနေ့ လိုက်လံတွေ့ဆုံခဲ့ပါတယ်။

အရင်က မြန်မာနိုင်ငံ ရဲတပ်ဖွဲ့ နဲ့ ပြည်သူတွေဟာ ကင်းကွာနေတဲ့အတွက် အခုလိုလိုက်လံ တွေ့ဆုံတာဖြစ်တယ်လို့ အလုံမြို့နယ် မြို့မရဲစခန်းက ရဲအုပ် ဦးမောင်မောင်အေးက ပြောပါတယ်။

"ကျနော်တို့ရဲတပ်ဖွဲ့အနေနဲ့ကတော့ ဒီမိုကရေစီစနစ်နဲ့ အညီကျနော်တို့ရဲတပ်ဖွဲ့က အစစ၊ အရာရာမှာ ကျနော်တို့ ရဲတပ်ဖွဲ့က ဝန်ဆောင်မှုလုပ်ငန်းတွေနဲ့ ဦးစားပေး ပြီးဆောင်ရွက်ရမှာပါ၊ ကူညီပါရစေ ဆောင်ပုဒ်နဲ့ အညီဖြစ်ပေါ်လာတဲ့အခြေအနေတွေအားလုံးကို ကျနော်တို့လုပ်ပေးနိုင်တဲ့ အခြေအနေ အတိုင်းအတာတစ်ခုထိ ကျနော်တို့က ကူညီပေးသွားမှာ၊ အရင်တုန်းကတော့ ရဲတပ်ဖွဲ့နဲ့ ပြည်သူတွေ နဲ့က နည်းနည်းကင်းကွာနေတဲ့အခြေအနေမျိုးရှိတဲ့ခါကျတော့ ကျနော်တို့ရဲတွေရဲ့ လုပ်ဆောင်ချက် တွေကို ပြည်သူတွေက ကောင်းတယ်လို့မထင်ကြဘူး၊ အခုနောက်ပိုင်း EU ကနေဒီနည်းစနည်းတိုင်း ဆောင်ရွက်ရတဲ့အခါကျတော့ ပြည်သူတွေ ကလည်း ကျနော်တို့ရဲ့ဆောင်ရွက်ချက်တွေအပေါ်မှာ ပြန်လည်ပြီးတော့ အသိအမှတ်ပြုတာပါ၊ ကျနော်တို့ရဲ့ဆောင်ရွက်ချက်တွေအပေါ်မှာ ပူးပေါင်းလိုမှုတွေ အများကြီးရှိလာမှာပါ"

လာမယ့် မေလ ၆ရက်နေ့အထိ အလုံမြို့နယ်ထဲက ကျန်တဲ့ ရပ်ကွက်တွေမှာလည်း လိုက်လံတွေ့ဆုံ သွားမှာဖြစ်ပါတယ်။ပြီးခဲ့တဲ့နှစ်ကလည်း ရပ်ကွက်နေပြည် သူတွေနဲ့ တွေ့ဆုံပေမယ့် ပြည်သူတွေဖက် ပူးပေါင်းပါဝင်မှု နည်းခဲ့တယ်လို့ ပြောပါတယ်။

ရပ်ကွက်နေ ပြည်သူတွေနဲ့ တွေ့ဆုံရာမှာ ရဲတပ်ဖွဲ့ရဲ့ လိုအပ်ချက်တွေကို အကြံဥာဏ်တွေ တောင်းခံခဲ့သလို မှုခင်းပပျောက်လျှော့နည်းရေးအတွက် ပူးပေါင်း ပါဝင်ကြဖို့ လိုအပ်ရင် ရဲတွေကို ဆက်သွယ်ရမယ့် ဖုန်းနံပါတ်တွေနဲ့ မှုခင်းပညာပေး လက်ကမ်းစာစောင်တွေကိုလည်း ဝေငှခဲ့ပါတယ်။

အလုံမြို့နယ် မြို့မရဲစခန်းမှာ ဥရောပသမဂ္ဂ EU နဲ့ မြန်မာနိုင်ငံ ရဲတပ်ဖွဲ့တို့ ပူးပေါင်းပြီး ပြည်သူ ဗဟိုပြုရဲလုပ်ငန်း စနစ်သင်တန်းကျင်းပနေတာလည်းဖြစ်ပါတယ်။

RFA Burmese
http://www.rfa.org/burmese

ကျွန်တော်တို့က ကိုယ့်လူမျိုးကို ကိုယ်ခေါ်ဝေါ်ကြရာမှာ 'ဗမာ'လို့ ခေါ်ဝေါ်ကြတာ အများဆုံးဖြစ်ပါတယ်။ အနည်းငယ်ကသာ မြန်မာလို့ ခေါ်ကြတယ်။ ဗမာဆိုတာ ပါဠိလို ဗြဟ္မာလို့ခေါ်တာကို 'ရရစ်'ဖြုတ်ပြီး ခေါ်တာဖြစ်တယ်။ ဗမာပြည်ကို ဗြဟ္မဒေသ၊ ဗမာလူမျိုးနဲ့ ဗမာစကားကို ဗြဟ္မီလို့ ပါဠိလိုခေါ်ပါတယ်။ ဒီဗြဟ္မာကို 'ဗ'နေရာ 'မ'အက္ခရာပြောင်း ထည့်လိုက်တော့ 'မြန်မာ'ဖြစ်သွားတယ်။ ဒီဗမာနဲ့ မြန်မာအသုံးနှစ်ခုမှာ ရှေးက ဗမာကိုအသုံးများခဲ့တယ်။ မြန်မာကို အသုံးနည်းတယ်။ ဗြိတိသျှ လက်အောက် လွတ်လပ်ရေးကြိုးပမ်းစဉ် ကာလတလျှောက်လုံး 'သခင်မျိုးဟေ့တို့ဗမာ၊''ဗမာပြည်သည်တို့ပြည်၊' 'ဗမာစာသည်တို့စာ၊' 'ဗမာစကားသည် တို့စကား'လို့ ကြွေးကြော်ခဲ့ကြတယ်။ လွတ်လပ်ရေးကြိုးပမ်းရာမှာ ဦးဆောင်တဲ့ အဖွဲ့အစည်းကြီးရဲ့ နာမည်က တို့ဗမာအစည်းအရုံးဖြစ်တယ်။ ကျောင်းသားတွေက ဗမာနိုင်ငံလုံးဆိုင်ရာ ကျောင်းသားသမဂ္ဂကို ထူ ထောင်ခဲ့ ကြတယ်။ တို့မြန်မာအစည်းအရုံးမဟုတ်၊ မြန်မာနိုင်ငံလုံးဆိုင်ရာ ကျောင်းသားသမဂ္ဂမဟုတ်။ တပ်မတော်ဟာ လည်း ဗမာ့တပ်မတော်ဖြစ်တယ်။ မြန်မာ့တပ်မတော် မဟုတ်၊ ကွန်မြူနစ်တွေကလည်း ဗမာပြည် ကွန်မြူနစ် ပါတီ၊ မြန်မာအမည်ကို လွတ်လပ်ရေးရပြီးနောက် စာသမား၊ ပေသမားယောင်ယောင် ငနဲတွေက လူတတ် လုပ်ပြီး ခေါ်ဝေါ်ခဲ့ခြင်းဖြစ်တယ်။ လွတ်လပ်ရေးကြိုးပမ်းစဉ်ကာလက မြန်မာအမည်ကို ဘယ်သူမှ ဆေးဖော်ကြောဖက် မလုပ်ကြ၊ အသိအမှတ်မပြုခဲ့ကြဘူး။

တနည်း၊ ဗမာအမည်က ဗမာ ပြည်မှာနေထိုင်တဲ့ ရှမ်း၊ကချင်၊ကရင်၊ ချင်း၊မွန်၊ကယား၊ တိုင်းရင်းသားလူမျိုး အားလုံး (၁၃၅ မျိုးတော့ မရှိပါဘူး။ ၁၃၅ မျိုးဆိုတာ လိမ်ညာတာတခု ဖြစ်တယ်) အကျုံးဝင်တယ်။ မြန်မာ အမည်က မောင်သာနိုးတို့လို လူမျိုးတခုတည်းကိုသာ ခေါ်တာဖြစ်တယ်။ ရှမ်း၊ ကချင်၊ ကရင် စသည်တို့မပါဘူး။ အင်္ဂလိပ်လိုခေါ်ရင် တိုင်းပြည်က Burma လူမျိုးနဲ့စကားက Burmese ဖြစ်တယ်။ Myanmar ဆိုတာ ဘာသာဗေဒမကျွမ်းသူတွေက နားမလည်ပါးမလည်နဲ့ အမှားမှားအယွင်းယွင်း သုံးနှုန်းတာသာ ဖြစ်တယ်။ အမှန်က We live in Burma, We are Burmese, We speak Burmese. လို့ သုံးရမှာဖြစ်တယ်။ ကျွန်တော် တို့ ပြည်သူတွေကိုယ်တိုင်ကလည်း ကိုယ့်ကိုယ်ကိုယ် ဗမာတွေလို့ပဲ ခေါ် ဝေါ်သုံးနှုန်းကြပါတယ်။ မြန်မာတွေလို့ မခေါ်ဝေါ်မသုံးနှုန်းကြပါဘူး။ မြန်မာဆိုတဲ့အမည်က စာပေထဲမှာသာတွေ့ရတဲ့ အသုံးအနှုန်းဖြစ်တယ်။

ကမ္ဘာပေါ်ရှိ လူမျိုးအသီးသီးမှာ ကိုယ့်ကိုယ်ကိုယ်ခေါ်တာက တမျိုး၊ အခြားသူက ကိုယ့်ကိုခေါ်တာက တမျိုး၊ အဲသလိုဖြစ်နေတာကို သည်းခံခွင့်လွှတ်နိုင်ကြရတယ်။ မိမိကိုယ်မိမိ Zhong kuo လို့ခေါ်တယ်။ သူများက China လို့ ခေါ်တယ်။ ဒါကို သည်းခံရတာပဲ။ ကျုပ်တို့ကို China မခေါ်ပါနဲ့ Zhong kuo ခေါ်ပါလို့ အတွန့်မတက်ရဘူး။ မိမိကိုယ်မိမိ Bharat လို့ခေါ်တယ်။ သူများက India လို့ခေါ်တယ်။ India မခေါ်ပါနဲ့ Bharart ခေါ်ပါလို့ အတွန့်မတက်ကြဘူး။ မိမိကိုယ်မိမိ Nippon လို့ခေါ် တယ်။ သူများက Japan လို့ ခေါ်တယ်။ Japan မခေါ်ပါနဲ့ Nippon ခေါ်ပါလို့ လျှာမရှည်ရဘူး။ ဒါ ကမ္ဘာ့ထုံးစံပဲ။ ကျွန်တော်တို့ ဗမာကျမှသာ အတ္တဆန်ပြီး ကျွန်တော်တို့ကို Burma မခေါ်ပါနဲ့ Myanmar ခေါ်ပါလို့ တဖက်သားကို ဒုက္ခပေးချင်တာ။ ကိုယ် ဘာသာကိုယ် ဘယ်လိုခေါ်ခေါ် ခေါ်နိုင်တယ်။ သူတပါးကလည်း ဘယ်လိုခေါ်ခေါ် ခေါ်နိုင်ခွင့်ရှိရမယ်။ သူတပါးကို လိုက်မနှောင့်ယှက်သင့်၊ မချုပ်ချယ်သင့်ဘူး။

ကိုယ့်ကိုယ်ကိုယ် ဗမာလို့ခေါ်တာကို မကြိုက်၊ မြန်မာလို့ခေါ်တာကို မှ ကြိုက်တယ်ဆိုသူတွေက ဗမာဆိုတာ အင်္ဂလိပ်အခေါ် Burma ကို ဗမာသံပြောင်းခေါ်တာလို့ စွပ်စွဲကြပြန်တယ်။ မြန်မာကမှ ဗမာစကား၊ ဗမာက အင်္ဂလိပ်စကား Burma ကို ခေါ်တာလို့ သူတို့ကဆိုကြတယ်။ အထက်မှာဆိုခဲ့တဲ့အတိုင်း ဗမာဆိုတာ ပါဠိဗြဟ္မာက လာတာ၊ ဒီဗြဟ္မာ Brahma ကိုမှ အင်္ဂလိပ်က Burma, ပြင်သစ်က Birma, ဂျပန်က ပြင်သစ်အခေါ်ကိုယူပြီး R ကို ru လို့ပြောင်းကာ Biruma ဘိရုမာအသီး သီးခေါ်ကြတာဖြစ်တယ်ဆိုတာကို သူတို့မသိကြဘူး။
မြန်မာဆိုတဲ့အခေါ်နဲ့ပတ်သက်ပြီး ရင်းမြစ်ကို အမျိုးမျိုးကြံဆကြ တာကို တွေ့ဖူးတယ်။ အနီးစပ်ဆုံးကတော့ တရုတ် မြင်ကျင့်ရင်ကနေ မြန်မာဆင်းသက်လာတယ် ဆိုတာပါပဲ။ တချို့ကလည်း မြန်ဟာ မြင်းအဓိပ္ပာယ်ရ တယ်။ မြင်းစီးတဲ့လူမျိုးမို့ မြန်မာလူမျိုးခေါ်တယ်လို့ ယူဆကြတယ်။ ဒါလည်း ဖြစ်နိုင်တာပါပဲ။ ဒါပေမဲ့ ဗမာဆိုတာ ဗြဟ္မာက ဆင်းသက်လာတယ်လို့ ကြံဆရင် မြန်မာဟာလည်း ဗြဟ္မာမှာ 'ဗ'နေရာ 'မ'ပြောင်းထည့်ပြီး ဆင်းသက်လာတယ်လို့ ယူဆနိုင်ပါသေးတယ်။

ကျွန်တော်တို့က ကျွန်တော်တို့ကိုယ်ကိုယ် ဗမာ(ဗြဟ္မာ)လို့ခေါ်ရမှာ ကျွန်တော်တို့ဟာ အဘဿရ ဗြဟ္မာကြီး တွေ မွှေးကြိုင်လွန်းတဲ့မြေဆီ မြေနှစ်ကို မလွန်ဆန်နိုင်ဘဲ စားမိရာက လူဖြစ်ပြီး ဗမာတွေဖြစ်လာကြ တယ်ဆိုတဲ့ သမိုင်းပုံပြင်ကို ကိုးကားပြီးပြောတာလည်းဖြစ်တယ်။ ဗြဟ္မာက ဖြစ်လာတဲ့ လူမျိုးမို့ ဗြဟ္မာလူမျိုး၊ ၀ါ ဗမာလူမျိုး ခေါ်တာဖြစ်ပါတယ်။ ဗြဟ္မာကြီးလေးယောက်က ဆင်းသက်လာတဲ့လူမျိုးမို့ ဗမာလူမျိုးလို့ ခေါ်တာပါလို့ ပါးစပ်ရာဇ၀င်က ဆိုတယ်။
မှားတာ၊ မှန်တာ အပထား ကိုယ့်လူမျိုးကို အမွမ်းတင်ထားတဲ့ ပုံပြင်လေးဖြစ်တဲ့အတွက် ကျွန်တော်တို့ လေးစားကြရမယ်။
နောက်တခုက ပါဠိစကား ဗြဟ္မက ဗမာလိုမွန်မြတ်လို့ အဓိပ္ပာယ်ရပါတယ်။ ဗြဟ္မ၀ိဟာရဆိုတာ မွန်မြတ်တဲ့ အကျင့်ကျင့်၊ နေထိုင်ခြင်း၊ ဗြဟ္မစရိယဆိုတာ မွန်မြတ်တဲ့ အကျင့်၊ ၀ါ၊ ကာမရာဂ မမှီဝဲတဲ့ အကျင့်၊ အဗြဟ္မစရိယ ဆိုတာ မမွန်မြတ်တဲ့အကျင့်၊ ၀ါ၊ ကာမရာဂမှီဝဲတဲ့အကျင့် (ရှစ်ပါးသီလဥပုသ်စောင့်တဲ့လူတွေ စောင့်ထိန်းရတဲ့ သိက္ခာပုဒ်တခုဖြစ် တယ်။) ဒီတော့ ဗြဟ္မာလူမျိုး၊ ဗမာလူမျိုးဆိုတာ မွန်မြတ်တဲ့လူမျိုးလို့လည်း အဓိပ္ပာယ်ရ ပါတယ်။

အဲဒီတော့ အမည်နှစ်ခုကို ယှဉ်ကြည့်ရင် မြန်မာဆိုတာက မြန်တဲ့ သန်မာတဲ့လူမျိုး၊ ၀န်ပစ္စည်းထမ်းတဲ့လူမျိုး၊ ကူလီလူမျိုးလို့ အဓိပ္ပာယ်ရပြီး ဗမာဆိုတာက ဗြဟ္မာကြီးတွေက ဆင်းသက်လာတဲ့လူမျိုး၊ မွန်မြတ်တဲ့ လူမျိုးလို့ အဓိပ္ပာယ်ရတယ်။ ဒါကြောင့် ဘယ်အမည်ကို ခံယူမလဲ ကိုယ့် အသိနဲ့ကိုယ် ဝေဖန်သုံးသပ်ပြီး ဆုံးဖြတ်ယူနိုင် တယ်။ ကူလီလူမျိုးခေါ်တာ ကြိုက်ရင် မြန်မာအမည်ကိုခံယူပါ။ မြင့်မြတ်တဲ့ လူမျိုး၊ သခင်မျိုးလို့ ခေါ်တာကို ကြိုက်ရင် ဗမာအမည်ကိုခံယူပါ။
အင်္ဂလိပ်လက်အောက်ခံကျွန်ဘ၀မှာ မနေလိုကြတဲ့ ကျွန်တော်တို့အဘိုးတွေ၊ ဘိုးအေတွေကတော့ ကူလီ မဖြစ်ချင်၊ သူ့ကျွန်မ ဖြစ်ချင်တဲ့အတွက် တို့ဗမာအစည်းအရုံးကြီးကို တည်ထောင်ကာ 'သခင်မျိုးဟေ့ တို့ဗမာ'ကြွေးကြော်ပြီး လွတ်လပ်ရေး ကြိုးပမ်းခဲ့ကြတယ်။ သူတို့သွေးမြေအကျခံပြီး တိုက်ပွဲဝင်ခဲ့ကြလို့ လွတ်လပ်ရေးရကြ၊ သခင်တွေဖြစ်ကြကာမှ သူတို့ရဲ့ချွေးတွေ၊ သွေးတွေအကျခံ တိုက်ခိုက်ခဲ့ကြလို့ ကိုယ့်တိုင်းကိုယ့်ပြည်နဲ့ လွတ်လွတ်လပ်လပ် ရင်ကော့ရပ်တည်နိုင်ခဲ့ကြတာကို ကျေးဇူးကန်းမေ့လျော့ကာ သူတို့ခေါ်ခဲ့ကြတဲ့ဗမာအမည်ကို ပစ်ပယ်၊ သူတို့ပယ်ခဲ့တဲ့ မြန်မာအမည်ကို သုံးချင်ကြတာဟာဖြင့် အသိဥာဏ် ခေါင်းပါး၊ ဗဟုသုတနည်းပါး၊ 'အ၀ိဇ္ဇာပိတ်ကာဆို့' နေပုံကို ဖော်ပြနေတာပဲ ဖြစ်ပါတော့တယ်။

ဗမာ့လွတ်လပ်ရေး ကြိုးပမ်းမှု သမိုင်းဆိုတာမကြာလှသေးတဲ့ သမိုင်း (Recent History) ဖြစ်ပါတယ်။ ဒီသမိုင်းခေတ်ထဲနေခဲ့တဲ့ လူတွေ ကနေ့ထက်ထိ သက်ရှိထင်ရှားရှိနေသေးတာ ထောင်သောင်းဂဏန်း မကရှိပါတယ်။ ဒါကိုပဲ ဗြောင်လိမ်မှတ် တမ်းတင်ချင်တဲ့ လူတွေကလည်း ရှိသေးတယ်။ သူတို့ရေးတဲ့စာထဲမှာ 'သခင်မျိုးဟေ့ တို့မြန်မာ' 'မြန်မာပြည်သည် တို့ပြည်' 'မြန်မာစာသည်တို့စာ'စသဖြင့် ရှေးလူကြီးတွေပြောခဲ့တဲ့ ဗမာကို မြန်မာနဲ့အစားထိုး၊ လိမ်ညာပြီး ပြင်ရေးထားတာတွေ ရံဖန်ရံခါ တွေ့ရတတ်တယ်။ တော်တော်လည်း တတ်နိုင်တဲ့လူတွေပဲ။
ကျွန်တော်တို့ဟာ အမှန်တရားကို မြတ်နိုးကြရမယ်။ သမိုင်းကိုမှန်သထက်မှန်အောင် အားထုတ်ကြရမယ်။ သမိုင်းကို မပြင်သင့်ဘူး။ ကိုယ့် ပုဂ္ဂိုလ်အကျိုး၊ ကိုယ့်အဖွဲ့အစည်း အကျိုး၊ ဘယ်အကျိုးကိုမှငဲ့ကွက်ပြီး သမိုင်းကိုပြင်တာမျိုး မလုပ်စကောင်းဘူး။ အဆုံးတနေ့မှာ သမိုင်းဆိုတာ အမှန်ပေါ်မြဲ ဖြစ်တတ်သော်လည်း ကိုယ့်ပယောဂကြောင့်ဖြင့် အခိုက်အတန့်ပဲဖြစ်စေကာ သမိုင်းတစိတ်တပိုင်းကို အလွဲလွဲအမှားမှား ရေးထိုးထား တာမျိုး မဖြစ်သင့်ဘူး။ ကျွန်တော်တို့ ဗမာလူမျိုးတွေဟာ ပဒေသရာဇ်ခေတ်ကစပြီး သမိုင်းကို လိမ်ညာ ရေးထိုးတဲ့အကျင့် အင်မတန်ရှိခဲ့တယ်။ အဲဒီဗမာ့အကျင့်ဆိုးကြီးကို ဖျောက်ဖျက်ပစ်ဖို့ ကျွန်တော်တို့ ကနေ့ခေတ် ဗမာတွေ ကြိုးစားကြရမယ်။ 'တကောင်းအဘိရာဇာ တို့ဗမာသာကီမျိုးပေမို့'ဆိုတဲ့ ကိုယ်က တိဘက်နွယ်ဖြစ်ပါ လျက် ကုလားဘုရင်တွေနဲ့ အမျိုးတော်ချင်တဲ့ ကျွန်တော်တို့ ဘိုးဘေးတွေရဲ့မတော်မတရား စိတ်ကူးယဉ် မျှော်ခေါ်မှုကြီးကို လေထဲလွှင့်ပစ်လိုက်ရမယ်။

တရုတ်က ကျွန်တော်တို့လူမျိုးကို 'မြင်ကျင့်ရင်' လို့ ခေါ်ပါတယ်။ အဲဒီ 'မြင်ကျင့်'က မြန်မာ ဖြစ်လာသလားလည်း မပြောတတ်ဘူး။ ကုလားက ဘရမာလို့ခေါ်တယ်။ ပါဠိဗြဟ္မာကို ကုလားလို အသံထွက်တာပါပဲ။ ဒီဗြဟ္မာကို အင်္ဂလိပ်က Burma လို့ စာလုံးပေါင်းလိုက်တယ်။ ပြင်သစ်က Birma လို့ စာလုံးပေါင်းလိုက်တယ်။ ရုသျှက လည်း ပြင်သစ်အတိုင်းယူ Birma လို့ စာလုံးပေါင်းတယ်။ ဂျပန်ကလည်း ဒီအတိုင်းပဲယူတယ်။ သူ့နှုတ်၊ သူ့လျှာနဲ့ရွတ်ဆိုလို့ကောင်းအောင် R ကိုတော့ Ru ရု လုပ်ပစ်လိုက်တယ်။ ဒီတော့ ဘိရုမာ ဖြစ်သွားရော။
ဒီနိုင်ငံခြားအခေါ်အဝေါ်တွေကိုကြည့်ရင် ဗမာကို အနည်းငယ်စီ ပြောင်းလဲပြီး ခေါ်ထားတာချည်းဖြစ်နေတာကို တွေ့ကြရတယ်။ မြန်မာကို ပြောင်းလဲပြီး ခေါ်ထားတာမတွေ့ရဘူး။ အဲဒီတော့ ရှေးက ဗမာနဲ့ဆက်ဆံတဲ့ လူမျိုးခြားတိုင်းလိုလိုကလည်း ဗမာပဲခေါ်ကြတယ်။ မြန်မာမခေါ်ကြတာကို တွေ့ကြရတယ်။ စောစောကဖြင့် အင်္ဂလိပ်တွေက ဗမာကို အဲဒီခေတ် မင်းနေပြည်မြို့တော် အင်းဝကိုအကြောင်းပြုကာ 'အ၀' Ava လို့ ခေါ်ခဲ့ကြရဲ့။ A mission to the kingdom of Ava (အ၀ ဘုရင့်နိုင်ငံသို့ သံတမန်အဖွဲ့သွားရောက်ခြင်း) စသဖြင့်။

ဒါပေမဲ့ ဗမာဘုရင့်အစိုးရက ရေးသားတဲ့ မှတ်တမ်းမှတ်ရာ၊ သ၀ဏ်လွှာ၊ မော်ကွန်းစသည်မှာတော့ မြန်မာ ကိုပဲသုံးတာကို တွေ့ကြရတာကို မှတ်သားရပါတယ်။ ပြည်သူတွေပြောတဲ့ဆိုတဲ့ စကားတွေမှာသာ ဗမာ အမည်ကို သုံးတာပါ။ အဲဒီခေတ် ကဗျာ၊ လင်္ကာများမှာလည်း ဗမာပဲ သုံးကြတယ်။ တိုင်းပြည်ကြီး အင်္ဂလိပ်လက်အောက်ရောက်တော့ အချုပ် တန်းဆရာဖေက 'ဗမာတွေ စည်းကမ်းဖောက်လို့ ထီးနန်းပျောက်ဖြစ်ပြီ' အစရှိတဲ့ တေးထပ်ကိုရေးဖွဲ့ခဲ့တယ်။ အတွင်းမှာလည်း 'ဗမာချင်းကျတော့ ခွေးလို ဟောင်သည်' စသဖြင့် ညွှန်းရေးထားတယ်။
အိန္ဒိယက ပညာရှင်တို့က ပါဠိလိုရေးသားရာမှာ ဗမာပြည်ကို ဗြဟ္မဒေသ၊ ဗမာစာကို ဗြဟ္မီလို့ ရည်ညွှန်းကြတယ်။ ဗမာပြည်က ပညာရှင်တွေကတော့ ဗမာပြည်ကို မရမ္မရဋ္ဌ၊ ဗမာစကားကို မရမ္မဘာသာလို့ သုံးနှုန်းလေ့ရှိကြတာကို တွေ့ကြရတယ်။ ဗမာပညာရှိတွေက ဗမာဆိုတဲ့ အမည်ကို ဗြဟ္မဝေါဟာရနဲ့ဆက်စပ်ပြီး မမြင်ကြတာကို တအံ့တသြတွေ့ ကြရတယ်။ မရမ္မဆိုတဲ့ ပါဠိဝေါဟာရကို ဗမာပညာရှင်ကလွဲလို့ ဘယ်နိုင်ငံခြား သား ပါဠိပညာရှင်ကမှ သုံးနှုန်းကြတာကို မတွေ့ရတာကလည်း ထူးဆန်းအံ့သြစရာ အချက်တချက်ပါပဲ။

မောင်သာနိုး
News Watch(စောင့်ကြည့်သတင်းဂျာနယ်)

[youtube src="UTAqWGle_4M"/]
ယိုကိုဟားမားမြို့ Yokohama Cultural Gymnasium နိုင်ငံတကာkick boxingလက်ဝှေ့ပြိုင်ပွဲကြီးမှာ မြန်မာ့ ရိုးရာလက်ဝှေ့ကျော် ဥာဏ်လင်းအောင်က ဂျပန်လက်ဝှေ့ကျော် ခနဲကို ဒိုင်အီခီ Kaneko Daiki ကို ဒုတိယအချီမှာ အလဲထိုး ဒိုင်ပွဲရပ်နဲ့ အနိုင်ရရှိခဲ့သလို စောဂေါ်မူဒိုနှစာဂေါ်မူဒိုကလည်း ထုိုင်းလူမျိုး လက်ဝှေ့ကျော် Ploytaksin Nor Naksin ကို ပထမအချီ ၁ မိနစ်ကျော်အတွင်းအလဲထိုး ဒိုင်ပွဲရပ် နဲ့ အနိုင်ရရှိခဲ့ကြပါတယ်။ ဒီပွဲမှာ ဂျပန်ယှဉ်ပြိုင်ဘက် Kaneko ကလည်း လက်သီး၊ ဒူး၊ တံတောင် ခေါင်းတိုက် အသုံပြု ထိုးသတ်ခဲ့ တာတွေရလို့ သူလည်းမြန်မာ့လက်ဝှေ့ ကို အပြင်းအထန်လေ့ကျင့်ထားပုံရတယ်လို့ မြန်မာ့ရိုးရာလက်ဝှေ့ ကျော် ဥာဏ်လင်းအောင်ကဆိုပါတယ်။ စောဂေါ်မူဒိုက မွေ့ထိုင်းလက်ဝှေ့ ကျော် ကို အရပ်မြင့်လို့ စိုးရိမ်ခဲ့ ရပေမဲ့ နည်းပြဆရာတွေ အထူးသင်ပြလေ့ကျင့်မှုတွေလေ့ကျင့်ခဲ့ မှုနဲ့ ဂျပန်ရောက်မြန်မာနိုင်ငံသားတွေ ရဲ့ လာရောက်အားပေးမှူ ကြောင့်လဲအနိုင်ရခဲ့ တာလို့ ဒီဗီဘီကို ပြောပါတယ်။
DVB TV News

 htinkyaw-meet-japan-minister-620.jpg နိုင်ငံတော်သမ္မတ ဦးထင်ကျော်နဲ့ ဂျပန်နိုင်ငံခြားရေးဝန်ကြီး Fumio Kishida တို့ မေလ ၃ ရက်နေ့က နေပြည်တော်ရှိ သမ္မတ အိမ်တော်မှာ တွေ့ဆုံနေစဉ်
Photo: Win Ko Ko Latt/ RFA

နိုင်ငံတော်သမ္မတ ဦးထင်ကျော်နဲ့ ဂျပန်နိုင်ငံခြားရေးဝန်ကြီး Fumio Kishida တို့ဟာ သမ္မတ အိမ်တော်မှာ ဒီနေ့ တွေ့ဆုံပြီး သီလ၀ါအထူးစီးပွားရေးဇုန်မှာ ဂျပန်လုပ်ငန်းရှင်တွေ ဆက်လက်ရင်းနှီး မြှုပ်နှံရေးအပါအ၀င် အချက် ၇ ချက်ကို ဆွေးနွေးခဲ့ကြပါတယ်။

ဂျပန်နိုင်ငံအနေနဲ့ မြန်မာနိုင်ငံရဲ့ အမျိုးသားရင်ကြားစေ့ရေးဆောင်ရွက်နေမှုကို စောင့်မျှော်နေကြောင်းနဲ့ မြန်မာ့ ဖွံ့ဖြိုးတိုးတက်မှုအတွက် ဂျပန်နိုင်ငံက မိတ်ဖက် အနေနဲ့ ဆောင်ရွက်ပေးသွားဖို့လည်း ဆွေးနွေးခဲ့ကြပါတယ်။

ဒါ့အပြင် မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်တွေ၊ တရားဥပဒေ စိုးမိုးရေး ကိစ္စရပ်တွေနဲ့ ပတ်သက်ပြီး အကူအညီပေးဖို့ ဒုတိယကမ္ဘာစစ် အတွင်း ကျဆုံးခဲ့တဲ့ ဂျပန်စစ်သည်တွေရဲ့အရိုးရှာဖွေ ကောက် ယူခြင်း လုပ်ငန်းတွေ ပူးပေါင်းဆောင်ရွက်ဖို့နဲ့ နှစ်နိုင်ငံပြည်သူတွေအကြား အကျိုးစီးပွားမြှင့်တင်ရေး အတွက် Japan-Myanmar Joint Initiative ဖွဲ့စည်းဆောင်ရွက်ရေး ကိစ္စတွေကိုလည်း ဆွေးနွေးခဲ့ကြတာဖြစ်ပါတယ်။

အဲဒီတွေ့ဆုံဆွေးနွေးပွဲမှာ နိုင်ငံတော်သမ္မတနဲ့အတူ ပြည်ထောင်စုဝန်ကြီး ဦးသန့်စင်မောင်၊ ဒေါက်တာမျိုးသိမ်းကြီး၊ ဒုတိယဝန်ကြီး ဦးကျော်တင်နဲ့ တာဝန်ရှိသူတွေ တက်ရောက်ခဲ့ကြပြီး ဂျပန်နိုင်ငံခြားရေးဝန်ကြီးနှင့်အတူ မြန်မာနိုင်ငံ ဆိုင်ရာ ဂျပန်သံအမတ်ကြီးလည်း တက်ရောက်ခဲ့ပါတယ်။
RFA


မုံရွာပြည်သူ့ဆေးရုံကြီးမှာ မွေးဖွားခဲ့တဲ့ ဆီးခုံချင်းဆက် ယောင်္ကျားလေးအမွှာ ကို (၁) နှစ်အရွယ်ရောက်မှ စတင်ခွဲစိတ်မှာ ဖြစ်ပြီး အကြီးစား ခွဲစိတ်မှု ငါးကြိမ်ခန့် ပြုလုပ်မှာ ဖြစ်တယ်လို့ မန္တလေးကုတင် (၅၅၀)ဆံ့ ကလေးဆေးရုံက အမွှာကလေးငယ်တွေကို ကျန်းမာရေးဆောင်ရွက်ပေးနေတဲ့ ဆရာဝန်တစ်ဦးက ပြောပါတယ်။

ဆီးခုံချင်းဆက်အမွှာကို (၂၀၁၆) ခုနှစ်ဇန်န၀ါရီလ (၁၃) ရက်က မုံရွာပြည်သူ့ဆေးရုံကြီးမှာ မွေးဖွားခဲ့ပြီး မန္တလေးကလေးဆေးရုံကြီးကို လွှဲပြောင်းခဲ့တာဖြစ်ပါတယ်။

 အမွှာကလေးငယ်တွေဟာ (၃)လသား အရွယ်ပဲရှိသေးတာကြောင့် ဆီးခုံရိုးကွင်းဆက်နေမှုနဲ့ အတွင်းအဂါင်္တွေ ဆက်စပ်တဲ့ ခွဲစိတ်မှုတွေပြုလုပ်နိုင်ဖို့ အသက် (၁)နှစ်အရွယ်လောက်မှ ခွဲစိတ်မှုစတင်မှာ ဖြစ်တယ်လို့ ဆိုပါတယ်။

 အကြီးစားခွဲစိတ်မှု (၅) ကြိမ်ခန့်ပြုလုပ်မှာ ဖြစ်ပြီး အသက် (၃) နှစ်လောက်မှ ခွဲစိတ်မှု ပြီးမြောက်နိုင်မှာ ဖြစ်တယ်လို့ သိရပါတယ်။

 အဲဒီအမွှာကလေးငယ်ဟာ ဆီးခုံရိုးဆက်နေခြင်း၊ စအိုမပါခြင်း၊ အတွင်းအဂါင်္တွေ ဖြစ်တဲ့ အူမကြီး ဆီးအိမ်တွေ ဆက်နေတာကြောင့် လောလောဆယ်မှာ အူမကြီးဖောက်ပြီး လမ်းကြောင်းလွှဲကုသထားတယ်လို့ သိရပါတယ်။

 အမွှာကလေးငယ်ကို မန္တလေးကလေးဆေးရုံမှာ သီးသန့်အထူးခန်းမှာထားရှိပြီး အခမဲ့ကုသပေးနေတာဖြစ်တယ်လို့ ဆေးရုံအုပ်ဒေါက်တာသက်ဆွေကပြောပါတယ်။

 ဆီးခုံချင်းဆက် ယောင်္ကျားလေးအမွှာကို ဆေးရုံအုပ်ကြီး ဒေါက်တာသက်ဆွေအပါအ၀င် ကလေးခွဲစိတ်ဆရာဝန်ကြီး တွဲဖက်ပါမောက္ခဒေါက်တာမောင်မောင်လွင်နဲ့ ပါမောက္ခဆရာဝန်ကြီးတွေက ဦးဆောင်ကုသပေးနေတာဖြစ်ပါတယ်။

 အခု အောက်ပိုင်းချင်းဆက် အမြွှာဟာ မန္တလေးကုတင် (၅၅၀) ဆံ့ကလေးဆေးရုံကြီးမှာ တတိယမြောက် ခွဲစိတ်တဲ့အမြွှာဖြစ်ပြီး အခြားကိုယ်ချင်းဆက် အမြွှာတွေဖြစ်တဲ့ မိုးပပအောင်နဲ့ မိုးမမအောင်၊ အောင်ခန့်ကျော်နဲ့ အောင်မြတ်ကျော်တို့ကို အခမဲ့ ခွဲစိတ်ပေးခဲ့တယ်လို့ သိရပါတယ်ရှင်။

သတင်းစာသားနဲ့ဓါတ်ပုံ - ရဲရင့်မာန်
5 Plus News
https://www.facebook.com/5-Plus-News

ကြယ်ပတ် လမ်းကြောင်း အတွင်း တွေ့ရှိရသည့် ဂြိုဟ်များ (ဓာတ်ပုံ- အင်တာနက်)
    လန်ဒန်၊ မေ ၃ ရက် (ဆင်ဟွာ)

    ကမ္ဘာဂြိုဟ်မှ အလင်းနှစ်ပေါင်း ၄၀ အကွာရှိ အလင်းရောင် မှုန်မွှားမွှားရှိ ကြယ်တစ်လုံး၏ ကြယ်ပတ်လမ်း အတိုင်း ပတ်နေသည့် ကမ္ဘာဂြိုဟ် အရွယ်အစားရှိ ဂြိုဟ်သုံးခုအား သိပ္ပံပညာရှင်များက ရှာဖွေ တွေ့ရှိခဲ့ရာ ကမ္ဘာဂြိုဟ် ပြင်ပ၌ အသက်ရှင် နေထိုင်ရန် အကောင်းဆုံး နေရာ တစ်ခုအား ရှာဖွေ တွေ့ရှိခဲ့ပြီ ဖြစ်ကြောင်း ကိမ်းဘရစ်ခ်ျ တက္ကသိုလ်မှ သိပ္ပံ ပညာရှင်များက မေလ ၂ ရက်က ကြေညာ လိုက်သည်။

“ဒီရှာဖွေတွေ့ရှိမှုဟာ သုတေသန ပြုလုပ်နိုင်ဖို့ နေရာသစ်တစ်ခု ပွင့်သွား သလိုပါပဲ” ဟု ကိမ်းဘရစ်ခ်ျ တက္ကသိုလ် Cavendish ဓာတ်ခွဲခန်းမှ ပရော်ဖက်ဆာ Didier Queloz က ပြောသည်။

TRAPPIST- 1 အမည်ရှိ အဆိုပါ ကြယ်အား ကြည့်ရန် ချီလီနိုင်ငံရှိ ဥရောပ တောင်ပိုင်း နက္ခတ်တာရာကြည့် မျှော်စင်ရှိ အဝေးကြည့် မှန်ပြောင်းအား အသုံးပြုခဲ့ရသည်။

ယင်းကြယ်သည် ပုံမှန်ထက် အရောင် မှေးမှိန်နေပြီး မြောက်မြားစွာသော အရာဝတ္ထုများသည် ကမ္ဘာဂြိုဟ်နှင့် ကြယ်အကြား ကူးသန်းခြင်း သို့မဟုတ် ဖြတ်သန်း လျက်ရှိကြောင်း တွေ့ရှိခဲ့ပြီး အသေးစိတ် လေ့လာ ဆန်းစစ်မှု များတွင်မူ ကမ္ဘာဂြိုဟ်နှင့် အရွယ်အစား တူညီသည့် ဂြိုဟ် သုံးခု ဖြစ်ကြောင်း တွေ့ရှိခဲ့သည်။

TRAPPIST- 1 သည် အလွန်အေးစက်သည့် ကြယ်ငယ်လေး တစ်ခုဖြစ်ပြီး နေ၏ အပူချိန်ထက်များစွာ အေးသလို အရောင်မှာ ပိုနီကြောင်းနှင့် အရွယ်အစားမှာ ဂျူပီတာထက် အနည်းငယ်သာ ကြီးကြောင်း သိရသည်။
ယင်းကြယ်မှာ ကမ္ဘာမှ အလင်းနှစ်ပေါင်း ၄၀ သာ ကွာဝေးသော်လည်းပဲ အရောင်မှာ မှေးမှိန်လွန်းပြီး နီရဲနေ သည့်အတွက် သာမာန်မျက်လုံး သို့မဟုတ် အပျော်တမ်း အဝေးကြည့်မှန်ပြောင်းဖြင့် ကြည့်ပါက မမြင်ရပေ။
“ဒါကို ရှင်းရှင်းလင်းလင်း မတွေ့ရှိခင်ကတော့ ကမ္ဘာနဲ့ အရွယ်အစားတူတဲ့ ကြယ်ငယ်လေး အဖြစ်သာ ရှိနေပြီး ဘယ်သူမှ လေးလေးနက်နက် မလေ့လာခဲ့ကြဘူး၊ ဒါပေမဲ့ အခုတော့ ဒါဟာ ပြောင်းလဲသွားခဲ့ပါပြီ” ဟု Queloz က ပြောသည်။

အဆိုပါ ကြယ်ငယ်လေး ဝန်းကျင်ရှိ စနစ်များမှာ လက်ရှိ နည်းပညာများဖြင့် လူများ အသက်ရှင် နေထိုင်နိုင် သည့် နေရာတစ်ခုသာ ဖြစ်ကြောင်း ပရော်ဖက်ဆာ Didier Queloz နှင့်အတူ ယခု ရှာဖွေတွေ့ရှိချက် အသစ် စာတမ်းအား ပူးတွဲ ရေးသားခဲ့သူ ဘယ်လ်ဂျီယံနိုင်ငံရှိ Liege တက္ကသိုလ်မှ မိုက်ကယ် ဂီလ်လန်က ပြောသည်။

စင်္ကြာဝဠာ အတွင်း အခြားနေရာ၌ နေထိုင်လိုပါက မည်သည့်နေရာတွင် နေထိုင်မည်နည်း ဆိုသည်ကို စတင် စဉ်းစားနိုင်ပြီ ဖြစ်ကြောင်း ၎င်းက ဖြည့်စွက် ပြောကြားခဲ့သည်။

(Xinhua)
http://www.xinhuamyanmar.com


နေပြည်တော် ၊ မေ ၃

ယခင်အစိုးရလက်ထက် ဆန္ဒပြသူအမြောက်အများအား ထောင်ဒဏ်အပြစ်ပေးခဲ့သည့် ငြိမ်းချမ်းစွာစုဝေးခွင့်နှင့် စီတန်းလှည့်လည်ခွင့်ဆိုင်ရာဥပဒေ (ငြိမ်း၊စု၊စီ) အား ပြင်ဆင်နိုင်ရန် ရက်ပိုင်းအတွင်း လွှတ်တော်သို့တင်ပြသွား မည်ဖြစ်ကြောင်း အမျိုးသားလွှတ်တော်ကိုယ်စားလှယ် အချို့ထံမှသိရသည်။

“ပုဒ်မတော်တော်များများကိုပြင်မှာပါ၊ ဥပမာ ပုဒ်မ ၁၈ လိုကိစ္စမျိုးတွေပေါ့ အပြီးဖျက်မှာတော့မဟုတ်ဘူး၊ အရင် တုန်းက ဆန္ဒပြမယ်ဆိုရင် ခွင့်ပြမိန့်တင်ရတယ် အခုအဲ့လိုမျိုးတင်စရာမလိုအောင်ကို လုပ်မှာပါ”ဟု အမျိုးသား လွှတ်တော်ကိုယ်စားလှယ် ဦးအောင်ကြည်ညွန့်က ပြောသည်။

ငြိမ်း၊ စု၊ စီ ဥပဒေကို ပြည်ထဲရေးဝန်ကြီးဌာနမှ အမိန့်ကြေငြာစာအမှတ် ၃၆၄/၂၀၁၂ ဖြင့် ၂၀၁၂ ခုနှစ် ဇူလိုင် ၅ ရက်နေ့က ထုတ်ပြန်ခဲ့ခြင်းဖြစ်သည်။

ငြိမ်းချမ်းစွာစုဝေးခွင့်ကို ဖြစ်စေ၊ စီတန်းလှည့်လှည်ခွင့်ကို ဖြစ်စေ၊ ရရှိလိုသူသည် သက်ဆိုင်ရာပုံစံဖြင့် ဆောင် ရွက်လိုသည့်နေ့ မတိုင်မီ ၅ ရက် ကြိုတင်၍ သက်ဆိုင်ရာမြို့နယ်ရဲတပ်ဖွဲ့မှူးထံ လျှောက်ထားရမည်ဖြစ်ပြီး၊ မြို့ နယ် တစ်ခုထက်ကျော်လွန်ဆောင်ရွက်လိုပါက ဆောင်ရွက်လိုသော မြို့နယ်အားလုံး၏ သက်ဆိုင်ရာ မြို့နယ် ရဲမှူးများထံ လျှောက်ထားရမည်ဟု ဖော်ပြပါရှိသည်။

ကိုပေါက်

The Ladies News
https://www.facebook.com/News.TheLadies