05/11/16

ပိတ်ဆို့မှုကို ပြန်သုံးသပ်မယ်
အမေရိကန်အစိုးရက ရိုဟင်ဂျာလို့ ခေါ်ဝေါ်သုံးစွဲနေတာကို ပြောင်းလဲဖို့ ဒေါ်အောင်ဆန်းစုကြည်က ပြောခဲ့ပေမယ့် အမေရိကန် အစိုးရ အနေနဲ့ ရိုဟင်ဂျာလို့ပဲ ဆက်လက်သုံးစွဲမယ်လို့ အသစ်ခန့်အပ်လိုက်တဲ့ မြန်မာနိုင်ငံ ဆိုင်ရာ အမေရိကန် သံအမတ်ကြီး စကော့မာစီရယ်က ပြောပါတယ်။

မေလ ၁၀ ရက်နေ့က ရန်ကုန်မြို့ အမေရိကန် စင်တာမှာ ပြုလုပ်တဲ့ အရပ်ဖက် အဖွဲ့အစည်းတွေ၊ မီဒီယာတွေနဲ့ တွေ့ဆုံပွဲမှာ သံအမတ်ကြီး စကော့မာစီရယ်က ပြောခဲ့တာ ဖြစ်ပါတယ်။

လူ့အဖွဲ့ အစည်းတခုကို သူတို့ခေါ်စေချင်တဲ့ အတိုင်း ခေါ်တာဟာ နိုင်ငံတကာရဲ့ ချဉ်းကပ်မှု အစဉ်အလာဖြစ်လို့ အမေရိကန်အနေနဲ့ ရိုဟင်ဂျာလို့ပဲ ဆက်လက် ခေါ်ဝေါ် သုံးစွဲသွားမယ်လို့ ဆိုပါတယ်။

ဒါ့အပြင် မြန်မာနိုင်ငံက လူပုဂ္ဂိုလ်တချို့အပေါ်မှာ ထားတဲ့ အမေရိကန် အစိုးရရဲ့ ပိတ်ဆို့အရေးယူမှုကို ပြန်လည် သုံးသပ်မယ်လို့ ပြောလိုက်ပါတယ်။

မြန်မာနိုင်ငံမှာ ပြုပြင်ပြောင်းလဲမှု တချို့ ပြုလုပ်ခဲ့ပြီးနောက် အမေရိကန်အစိုးရက ပိတ်ဆို့မှု တော်တော်များများကို လျှော့ပေါ့ပေးခဲ့ပေမယ့် စစ်အစိုးရနဲ့ ပူးပေါင်းစီးပွားရှာပြီး ကြီးပွားခဲ့သူ ခရိုနီတချို့ကိုတော့ ဆက်လက်ပစ်မှတ်ထားပိတ်ဆို့ အရေးယူခဲ့တာ ဖြစ်ပါတယ်။

အခု ဒေါ်အောင်ဆန်းစုကြည်ခေါင်းဆောင်တဲ့ အမျိုးသားဒီမိုကရေစီ အစိုးရ တက်လာပြီးနောက် ပြန်လည်သုံးသပ်ဖို့ ဆုံးဖြတ်ခဲ့တယ်လို့ ဆိုပါတယ်။

BBC Burmese
http://www.bbc.com/burmese

ပါကစ္စတန် ဝန်ကြီးချုပ်ဟောင်းရဲ့ အငယ်ဆုံး သား Ali Haider Gilani
ပြန်ပေးဆွဲ ခံထားရတဲ့ ပါကစ္စတန် ဝန်ကြီးချုပ်ဟောင်း Yusuf Raza Gilani ရဲ့သားကို အာဖဂန်နဲ့ အမေရိကန် ပူးပေါင်း အထူးတပ်ဖွဲ့ ကနေ ကယ်တင်နိုင်လိုက်ပါတယ်။

အခု ဆေးစစ်တာတွေ လုပ်ပြီးရင် ပါကစ္စတန်ကိုပြန်လွှဲပေးမယ် လို့လည်း ပါကစ္စတန် အစိုးရဘက်က ပြောပါတယ်။

အသက် ၃ဝ ဝန်းကျင်လောက်ရှိတဲ့ Ali Haider Gilani ကို အာဖဂန်နိုင်ငံ အရှေ့ပိုင်း ဂါဇ်နီဒေသမှာ ကယ်တင် နိုင်လိုက်တာ ဖြစ်ပါတယ်။

ဒီအကြောင်း ပါကစ္စတန် နိုင်ငံခြားရေးဌာနက အတည်မပြုမချင်း သူ့မိသားစုဝင်တွေက မယုံတဝက် ယုံတဝက် ဖြစ်နေရတယ်လို့ သူအကိုဖြစ်သူက ဆိုပါတယ်။

အခုတော့ သူ့ပုံကို ရုပ်သံစောင့်ကြည့်ပြီး မှအောင်ပွဲခံမယ်လို့ Alis Musa Gilani က ပါကစ္စတန်ရုပ်သံကို ပြောပါတယ်။

သူ့ဇာတိ မူလ်တန် မြို့မှာတော့ အောင်ပွဲခံနေတဲ့ပုံတွေ ရုပ်သံမှာ ပြနေပြီး သူ့ဖခင်ကိုလည်း ထောက်ခံသူတွေ ဝိုင်းရံပြီး ပါကစ္စတန် အုပ်ချုပ်တဲ့ ကက်ရ်ှမီးယား ဒေသမှာ ပါတီစည်းရုံးရေး ထွက်နေတဲ့ပုံတွေ တွေ့ရပါတယ်။

အခု ပြန်လွတ်လာသူကို အာဖဂန်မှာ ရှိတဲ့ ဘက်ဂရမ် လေတပ် အခြေစိုက် စခန်းကို ခေါ်ဆောင်သွားပြီး အဲဒီက တဆင့် ပါကစ္စတန်ကို ပြန်လွှဲပေးမှာ ဖြစ်ပါတယ်။

Ali Haider Gilani ဟာ ပါကစ္စတန်မှာ၂၀၀၈ ကနေ ၂၀၁၂ အထိဝန်ကြီးချုပ် ဖြစ်ခဲ့တဲ့ Yusuf Raza Gilani ရဲ့ အငယ်ဆုံးသား ဖြစ်ပါတယ်။

သူဟာ ၂၀၁၃ ခုနှစ်တုန်းက ပန်ဂျပ်ပြည်နယ် အစိုးရအဖွဲ့မှာ အမတ်လောင်း အဖြစ် ယှဉ်ပြိုင်စဉ် မဲမပေးမီ ရက်အနည်းငယ် အတွင်း မေလတုန်းက မဲဆွယ်တဲ့ နေရာမှာ သေနတ်ပစ်ဖေါက်ပြီး ဖမ်းသွားတာ ဖြစ်ပါတယ်။

ချက်ချင်းပဲ ပီပီပီ ပါတီကို ခြိမ်းခြောက်နေတဲ့ ပါကစ္စတန်ရှိ တာလီဘန်တွေ အပေါ် သံသယ ဖြစ်ခဲ့ကြပါတယ်။

သူ့ဖခင် ကတော့ မနှစ်တုန်းက သားဖြစ်သူနဲ့ မိနစ်အနည်းငယ် ဖုန်းပြောခွင့်ရပြီး နာမည်ကြီး အယ်လ်ကိုင်းဒါး အကျဉ်းသားတွေ လွှတ်ပေးဖို့ ပြန်ပေးသမားတွေက လိုလားကြောင်း ပြောပါတယ်။

ပါကစ္စတန်ဆိုင်ရာ အာဖဂန် သံအမတ်ကြီး Dr Omar Zakhiwal ကတော့ အခုပြန်ကယ်နိုင်တာ ကတော့ အယ်ကိုင်းဒါးနဲ့ ဆက်နွယ်နေတဲ့ အဖွဲ့ကနေ ဖြစ်ပါတယ်။ သူ့ကိုဘယ်အဖွဲ့ကဖမ်းပြီး နောက်တဖွဲ့ကို ဘယ်လိုပြန်လွှဲပေးသလဲ ဆိုတာ ကာယကံရှင်က ပိုသိနိုင်ပါတယ်လို့ ရှင်းပြ သွားပါတယ်။

ပါကစ္စတန် နိုင်ငံမှာ စစ်သွေးကြွ အုပ်စုတွေဟာ ပြန်ပေးဆွဲတဲ့နည်းနဲ့ သူတို့ရန်ပုံငွေရအောင် ရှာတဲ့နည်းမျိုး ဓားစာခံတွေကို သုံးပြီး အစိုးရနဲ့ညှိတာမျိုး အတော်များများလုပ်လေ့ရှိပါတယ်။

အဖမ်းခံရတုန်းက ပီပီပီ ပါတီကြီးအတွက် မဲဆွယ်နေတာဖြစ်ပြီး ပါကစ္စတန် ပီပီပီပါတီ ဥက္ကဋ္ဌ Bilawal Bhutto Zardri ကအာဖဂန် သံအမတ်ထံက အတည်ပြုချက် ရပြီးပြီးချင်း တွစ်တာကတဆင့် အခု ပြန်လွတ်လာတဲ့ အကြောင်း ကြေညာခဲ့တာ ဖြစ်ပါတယ်။

BBC Burmese
http://www.bbc.com/burmese


တူရကီနိုင်ငံအတွင်း ကာဒ်လူမျိုးစုတွေ အဓိကနေထိုင်တဲ့ Diyarbakir မြို့မှာ ကားဗုံးခွဲ တိုက်ခိုက်မှုကြောင့် လူ ၃ ဦးသေဆုံးပြီး ၄၅ ယောက် ဒဏ်ရာရခဲ့တဲ့အကြောင်း တူရကီ အာဏာပိုင်တွေက ပြောပါတယ်။

မတရားအသင်း ကြေညာထားတဲ့ Kurdistan အလုပ်သမားပါတီ PKK က စစ်သွေးကြွလို့ သံသယရှိသူ ၇ ယောက် ဆေးရုံပို့ဖို့ တင်လာတဲ့ ရဲကားကို ဖောက်ခွဲတိုက်ခိုက်ခဲ့တာ ဖြစ်ပါတယ်။ ကားပေါ်မှာ ရဲအရာရှိ ၉ ယောက်လည်း လိုက်ပါခဲ့ပါတယ်။

အဲဒီစစ်သွေးကြွလို့ သံသယရှိသူ ၇ ယောက်ကို Diyarbakir မြို့က စက်ရုံတရုံကို ၀င်စီးဖို့ ကြိုးစားမှုနဲ့ ဖမ်းဆီးထားတာ ဖြစ်တဲ့အကြောင်း အစိုးရရုံးက ကြေညာချက်မှာ ဖော်ပြပါတယ်။ တခြား အသေးစိတ် အချက်အလက်တွေကိုတော့ ပြောဆိုခြင်း မရှိပါဘူး။

ဖောက်ခွဲတိုက်ခိုက်မှုကြောင့် ဒဏ်ရာအပြင်းအထန်ရခဲ့သူ ၃ ယောက်ဟာ နောက်ပိုင်း ဆေးရုံအရောက် သေဆုံးသွားခဲ့တယ်လို့ ကြေညာချက်မှာ ပြောထားပါတယ်။ သေဆုံးသူတွေထဲမှာ PKK အဖွဲ့က ဖမ်းဆီးထားသူတွေ ပါ မပါ၊ ရဲအရာရှိတွေ ပါ မပါ ဆိုတာကိုတော့ မသိရသေးပါဘူး။

အနီးနား လက်ဘက်ရည်ဆိုင်မှာ ထိုင်နေတဲ့သူတွေ၊ ကားအနီးနား ဖြတ်သွားတဲ့သူတွေ အပါအ၀င် ရဲအရာရှိ ၁၂ ဦးနဲ့ အရပ်သား ၃၃ ယောက် ထိခိုက်ဒဏ်ရာရခဲ့တယ်လို့ အစိုးရက ကြေညာချက် ထုတ်ပြန်ပါတယ်။ ပြီးခဲ့တဲ့နှစ် ဇူလိုင်လကတည်းက ကာဒ်လူမျိုးစုသူပုန်တွေဟာ ရဲနဲ့ စစ်တပ်တွေကို ပစ်မှတ်ထား တိုက်ခိုက်ခဲ့ပါတယ်။

အင်္ဂါနေ့ စောစောပိုင်းကလည်း အရှေ့ပိုင်းပြည်နယ် တခုဖြစ်တဲ့ VAN ပြည်နယ်အတွင်း လမ်းဘေးထောင် ဗုံးတလုံးကြောင့် ရဲအရာရှိ ၂ ယောက် သေဆုံးခဲ့တဲ့အကြောင်း တူရကီ သတင်းဌာနတွေက သတင်းထုတ်ပြန်ပါတယ်။ ဖောက်ခွဲတိုက်ခိုက်မှုနဲ့ ပတ်သက်ပြီး Kurdistan အလုပ်သမားပါတီ PKK အဖွဲ့ကို အပြစ်တင်ထားပါတယ်။

ဗွီအိုအေ (မြန်မာပိုင်း)
http://burmese.voanews.com/


တောင်တရုတ်ပင်လယ်အတွင်း ရေပိုက်နက်အငြင်းပွားနေတဲ့ နေရာမှာ လွတ်လပ်တဲ့ ရေကြောင်း သွားလာရေးစနစ် လှုပ်ရှားမှုကို အကောင်အထည်ဖော်တဲ့အနေနဲ့ အမေရိကန် ကာကွယ်ရေးဌာနက အင်္ဂါနေ့မှာ ရေတပ်စစ်သင်္ဘောတစင်း စေလွှတ်လိုက်ပါတယ်။

အမေရိကန်စစ်သင်္ဘော USS William P. Lawrence ဟာ တရုတ်နိုင်ငံ သိမ်းထားတဲ့ Fiery Cross သန္တာကျောက်တန်းတွေရဲ့ ရေကြောင်းမိုင် ၁၂ မိုင်အတွင်းကို ၀င်ရောက်ခဲ့ပါတယ်။ တောင်တရုတ်ပင်လယ်အတွင်း ရေကြောင်းပိုင်နက်တွေအပေါ် ပိုင်ဆိုင်ကြောင်း အလွန်အကျွံ ရယူ၊ ပြောဆိုနေမှုတွေကို စိန်ခေါ်လိုက်တာ ဆိုပြီးတော့လည်း အမေရိကန် ကာကွယ်ရေး ၀န်ကြီးဌာန ပြောရေးဆိုခွင့်ရှိသူ Bill Urban က ပြောဆိုပါတယ်။

တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Lu Kang ကတော့ အမေရိကန် စစ်သင်္ဘောဟာ တရုတ်နိုင်ငံပိုင်နက်ထဲကို တရားမ၀င် ၀င်ရောက်ခဲ့တာဆိုပြီး ပုံမှန်ကျင်းပတဲ့ သတင်းစာရှင်းလင်းပွဲမှာ ပြောဆိုသွားပါတယ်။

“တရုတ်နိုင်ငံဘက်က သက်ဆိုင်ရာ ဌာနတွေအနေနဲ့ စောင့်ကြည့်ပြီး ဥပဒေနဲ့အညီ သတိပေးတာ၊ စုံစမ်းတာတွေ လုပ်ခဲ့ပါတယ်။ ဒီလုပ်ရပ်ဟာ အမေရိကန်ပြည်ထောင်စုအနေနဲ့ တရုတ်နိုင်ငံပိုင် အချုပ်အခြာ အာဏာနဲ့ လုံခြုံရေး အကျိုးစီးပွားကို ထိပါးလိုက်တာ ဆိုတာ ကျနော် ပြောချင်ပါတယ်။ သန္တာကျောက်တန်းတွေပေါ်က လုပ်ငန်း အဆောက်အအုံတွေနဲ့ ၀န်ထမ်းတွေကို ခြိမ်းခြောက်လိုက်တဲ့ လုပ်ရပ်ဖြစ်သလို၊ ဒေသတွင်း ငြိမ်းချမ်းရေးနဲ့ တည်ငြိမ်ရေးကို ထိခိုက်စေတဲ့လုပ်ရပ် ဖြစ်ပါတယ်” - လို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Lu Kang က ပြောဆိုပါတယ်။

တရုတ်နိုင်ငံအနေနဲ့ ကိုယ့်ရဲ့ အချုပ်အခြာပိုင် နယ်နမိတ်ကို ကာကွယ်ဖို့အတွက် လိုအပ်သလို ဆောင်ရွက်သွားမယ်လို့လည်း ဆိုပါတယ်။ အငြင်းပွားနေတဲ့ ကျွန်းပေါ်မှာ တရုတ်နိုင်ငံဘက်က ပေ ၁ သောင်းရှည်တဲ့ လေယာဉ်ပြေးလမ်းနဲ့ တခြား စစ်ဘက်ဆိုင်ရာ အဆောက်အဦးတွေ ဆောက်လုပ်နေပါတယ်။

ဗွီအိုအေ (မြန်မာပိုင်း)
http://burmese.voanews.com

ခရစ်ယာန်တွေက စေတီ တည်တာကို ရပ်ဖို့ မေတ္တာ ရပ်ခံနေ
ကရင် ပြည်နယ် လှိုင်းဘွဲ့ မြို့နယ်၊ ကွမ်းတော ရွာမှာ ရှိတဲ့ အင်ဂလီကန် ခရစ်ယန် ဘုရားကျောင်း ထဲမှာ မြိုင်ကြီးငူ ဆရာတော် က စေတီ ဝင်ရောက် တည်တဲ့ ကိစ္စမှာ အဲဒီ မြေနေရာကို စွန့်လွှတ်မှာ မဟုတ်ကြောင်း အင်ဂလီကန် ဘုန်းတော်ကြီး ဘစ်ရှော့ စတိုင်လို က ပြောပါတယ်။

အင်ဂလီကန် ဘုရားကျောင်းက စေတီ တည်ထားတဲ့ မြေကို လှူလိုက်တယ် ဆိုတဲ့ သတင်း တွေထွက်နေပေမယ့် အဲဒါဟာ မမှန်ကန်ကြောင်း ဘစ်ရှော့ စတိုင်လိုက ဘီဘီစီကို ပြောပါတယ်။

မေလ ၉ ရက်နေ့ က အဲဒီ နေရာကို သာသနာရေး ဝန်ကြီး သူရ ဦး အောင်ကို နဲ့အဖွဲ့ လာရောက်ကြည့် ရှုခဲ့ပြီး ခရစ်ယာန် ခေါင်းဆောင် တွေနဲ့ တွေ့ဆုံ ခဲ့ပါတယ်။

ဒါပေမယ့် မြိုင်ကြီးငူ ဆရာတော်ကိုတော့ တွေ့ဆုံ နိုင်ခဲ့ခြင်း မရှိပါဘူး။

ဆရာတော်ဟာ မကျန်းမာဘူး ဆိုတဲ့သတင်း တွေလည်း ထွက်ပေါ်ခဲ့ ပါတယ်။

ဘစ်ရှော့ စတိုင်လိုကတော့ ပြည်နယ်ဝန်ကြီးချုပ်က ဆရာတော်ကို တွေ့ဖို့သွားတော့ မရှိဘူးလို့ဆိုခဲ့ပေမယ့် နာရီဝက်အကြာမှာ မြိုင်ကြီးငူ ဆရာတော် ပြန်ရောက်လာခဲ့တယ် လို့ဆိုပါတယ်။

ဒါကြောင့် အာဏာပိုင်တွေ အနေနဲ့ မြိုင်ကြီးငူ ဆရာတော်နဲ့ တွေ့ခွင့်ရဖို့ အကြိမ်ကြိမ် ကြိုးစားသင့်တယ်လို့ပြောပါတယ်။

အာဏာပိုင်တွေ အနေနဲ့ မြိုင်ကြီးငူ ဆရာတော်နဲ့ တွေ့နိုင်အောင် ကြိုးစား ဆောင်ရွက် မှသာ ဒီပြဿနာကို ဖြေရှင်း နိုင်မှာ ဖြစ်တယ်လို့ ဘစ်ရှော့စတိုင်လို ကပြောပါတယ်။

BBC Burmese
http://www.bbc.com/burmese

 ရပ်ကျေးဥပဒေဟာ အဆင့်ဆင့် ပြင်ဆင်ရေးဆွဲ အတည်ပြုထားတာမို့ ပြန်ပြင်ဖို့ မရှိဘူးလို့ ပြည်ထဲရေး ဒုဝန်ကြီးကပြော
ရပ်ကွက် (သို့မဟုတ်) ကျေးရွာအုပ်စု အုပ်ချုပ်ရေး ဥပဒေကို ပြင်ဆင်ဖို့နဲ့ ပတ်သက်လို့ အခု သီတင်းပတ်အတွင်း လွှတ်တော်မှာ အခြေအတင် ဆွေးနွေးမှုတွေ လုပ်ဖို့ ရှိနေပါတယ်။

လောလောဆယ်မှာ ရပ်ကွက် (သို့မဟုတ်) ကျေးရွာအုပ်စု အုပ်ချုပ်ရေးရဲ့ မူလ ဥပဒေပါ အချက်တွေ ပြင်ဆင်ဖို့ ဦးရွှေမန်း ရဲ့ ပြည်ထောင်စု လွှတ်တော် ဥပဒေ ရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်မှာ ဆွေးနွေးမှုတွေ လုပ်နေပါတယ်။

ပြည်ထဲရေး ဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုးကတော့ ရပ်ကျေးဥပဒေဟာ အဆင့်ဆင့် ပြင်ဆင်ရေးဆွဲပြီး အတည်ပြုထားတဲ့ ဥပဒေမို့ လတ်တလောမှာ သူတို့ဝန်ကြီးဌာန အနေနဲ့ ပြင်ဖို့ မရှိဘူးလို့ ပြောထားပါတယ်။

လွှတ်တော်ကို တင်ဖို့ ရှိနေတဲ့ ပြင်ဆင်ချက်တွေမှာ ရပ်ကျေး အုပ်ချုပ်ရေးမှူး ရွေးချယ်တဲ့ ပုံစံတွေ ပြောင်းဖို့ အပါအဝင် အချက် (၇)ချက် လောက်ကို ပြင်ဆင်မှာ ဖြစ်သလို ဧည့်စာရင်း တိုင်ကြားခြင်းဆိုင်ရာ ပုဒ်မ (၁၇)နဲ့ ဆက်စပ်ပုဒ်မ အကုန်လုံးကို လုံးဝ ပယ်ဖျက်ဖို့တွေ ပါဝင်ပါတယ်။

အရပ်ဖက် လူမှုအဖွဲ့အစည်းတွေကတော့ ဒီအချက်တွေအပြင် ရပ်ကျေးဥပဒေမှာ အချက်ပေါင်း (၃၀)ကျော် ပြင်ဖို့လိုတယ်လို့ သတင်းစာ ရှင်းလင်းပွဲ လုပ်ပြီး ပြောခဲ့ပါတယ်။

ရပ်ကျေးဥပဒေ ပြင်ဆင်ဖို့ နဲ့ ပတ်သက်လို့ လွှတ်တော်အနေနဲ့ အရပ်ဖက်အဖွဲ့တွေ ပြင်ပ အဖွဲ့အစည်းတွေရဲ့ အကြံဉာဏ်ကို ရယူမှာ ဖြစ်သလို ပြည်ထဲရေးဝန်ကြီးဌာန ၊ ဥပဒေကြမ်း ကော်မတီတွေနဲ့ တွေ့ဆုံ ပြီး ဆွေးနွေးမှုတွေ လုပ်မယ်လို့ ဥပဒေပြင်ဖို့ အဆိုတင်သွင်းခဲ့တဲ့ အမျိုးသား လွှတ်တော်အမတ် ဦးမင်းဦးက ပြောပါတယ်။

လောလောဆယ်မှာ ပြည်ထောင်စု လွှတ်တော် ဥပဒေ ရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင် မှာ ဆွေးနွေးထားတဲ့ ပြင်ဆင်ချက်တွေ အပါအဝင် ပြင်ဆင်လိုတဲ့ ပုဒ်မ အကြောင်းအရာတွေကို အမျိုးသား လွှတ်တော် အစည်းအဝေးမှာ ကျယ်ကျယ်ပြန့်ပြန့် ဆွေးနွေးကြမယ်လို့ သိရပါတယ်။

BBC Burmese
http://www.bbc.com/burmese


ဦးသိန်းစိန်အစိုးရလက်ထက်မှာ ချုပ်ဆိုခဲ့တဲ့ NCA ပစ်ခတ်တိုက်ခိုက်မှု ရပ်စဲရေးစာချုပ်ရဲ့ အားနည်းချက်တွေကို ကျော်လွှားပြီး၊ NCA မှာ လက်မှတ်မထိုးရသေးတဲ့ တိုင်းရင်းသားလက်နက်ကိုင် အဖွဲ့တွေနဲ့ ဆက်လက် ညှိနှိုင်းနိုင်မယ်ဆိုရင် NLD အစိုးရက လုပ်ဆောင်နေတဲ့ အမျိုးသား ရင်ကြားစေ့ရေးနဲ့ ငြိမ်းချမ်းရေးလုပ်ငန်းစဉ်တွေ အောင်မြင်မှာဖြစ်ကြောင်း UNA လို့ခေါ်တဲ့ ညီညွတ်သော တိုင်းရင်းသားလူမျိုးစုများ မဟာမိတ်အဖွဲ့က ပြောဆိုလိုက်ပါတယ်။ UNA ပြောခွင့်ရပုဂ္ဂိုလ် ဦးစိုင်းညွန့်လွင်ကို ကိုဉာဏ်ဝင်းအောင်က ဆက်သွယ်မေးမြန်းထားတာပါ။

မေး - ဒေါ်အောင်ဆန်းစုကြည်နဲ့ NLD အစိုးရက အကောင်အထည်ဖော်မယ့် တိုင်းရင်းသားအပစ်ရပ် ငြိမ်းချမ်းရေးဖြစ်စဉ်နဲ့ ပတ်သက်ပြီးတော့ လက်တွေ့မှာပေါ့ ဘယ်လောက်အထိ အောင်မြင်အောင် လုပ်သွားနိုင်မယ်လို့ ဦးစိုင်းညွန့်လွင်တို့ရဲ့ UNA ဘက်က သုံးသပ်ထားတာ ရှိပါသလဲ။

ဖြေ - “အမှန်မှန်ကတော့ NLD အစိုးရအနေနဲ့ သေချာလုပ်မယ်ဟေ့ဆိုရင် အောင်မြင်မှုလမ်းစတွေ အများကြီးရှိတယ်။ အခွင့်အလမ်းတွေ အများကြီးရှိတယ်။ ဘာဖြစ်လို့လဲဆိုရင် သူက အရင်တုန်းက အခက်အခဲတွေ အကျပ်အတည်းတွေ ဖြစ်ခဲ့တဲ့ကိစ္စကို သူက အသစ်ပြန်ရှင်းလိုက်လို့ရှိရင် အလားအလာ ပိုရှိတယ်လို့ ထင်ပါတယ်။ ကျနော်တို့လည်းပဲ ဒီတိုင်းရင်းသားအရေးနဲ့ ပတ်သက်လာရင်တော့ ကျနော်တို့လည်း ပါဝင်ပတ်သက်နေတယ် ဆိုပေမဲ့တောင်မှ ကျနော်တို့တောင် ဘာမှ သေသေချာချာ တိတိကျကျ မသိရသေးပါဘူး။”

မေး - ဆိုတော့ NLD အစိုးရက တိုင်းရင်းသားအရေးကို ကိုင်တွယ်ဖြေရှင်းတဲ့ကိစ္စမှာ ဘယ်လိုဟာတွေက လိုအပ်ချက်တွေ ရှိနေမယ်လို့ မြင်ပါသလဲ။

ဖြေ - “ကျနော် ထင်တယ်။ အတွေ့အကြုံမှာတော့ စကားပြောလိမ့်မယ်ထင်တယ်။ ဘာလို့လဲဆိုတော့ အရင် ဦးသိန်းစိန်အစိုးရတုန်းက NLD ပါတီဘက်က အများကြီး ပါဝင်မှု သိပ်မရှိခဲ့ဘူး။ အခုက အစိုးရအနေနဲ့ ဦးဆောင်ပြီးတော့ ဆွေးနွေးရမယ်ဆိုတော့ အတွေ့အကြုံက စကားပြောပါလိမ့်မယ်။ ဥပမာဗျာ NCA စာချုပ် လက်မှတ်ထိုးတဲ့အထိမှာက များများစားစား မပါခဲ့ဘူး။ မပါခဲ့တဲ့အခါကျတော့ ဒီ NCA ကိုပဲ ဆက် စွဲကိုင်မလား။ ဒါမှမဟုတ်လည်း ဘယ်လိုနည်းနဲ့ နောက်တခုသွားမလားဆိုတာ ဆုံးဖြတ်ရတော့မယ်။ ဦးဆောင်မှုပေးပြီးတော့ သူက ဆောင်ရွက်ရတော့မှာပေါ့။”

မေး - အဲတော့ ဦးစိုင်းညွန့်လွင်တို့အနေနဲ့က ဒီတိုင်းရင်းသား ငြိမ်းချမ်းရေးဖော်ဆောင်တဲ့ကိစ္စမှာ အရင် အစိုးရလက်ထက်က လုပ်ဆောင်ခဲ့တာကိုပဲ NLD အစိုးရက ဆက်ပြီးတော့ လုပ်သွားစေချင်တဲ့သဘော ရှိသလား၊ ဒါမှမဟုတ်ရင် ပုံသဏ္ဍန်အသစ်တခုနဲ့ လုပ်ဆောင်တာမျိုးက ပိုကောင်းမယ်လို့ တွေးထားတာ ရှိပါသလား။

ဖြေ - “NLD က ဆုံးဖြတ်ရမယ့်ကိစ္စ ဖြစ်တဲ့အခါကျတော့ ဒီကိစ္စကို ကျနော်တို့ဘက်ကနေပြီးတော့ စဉ်းစားဆုံးဖြတ်တာ မရှိသေးဘူးခင်ဗျ။”

မေး - နောက်တခုက ၂၁ ရာစု ပင်လုံညီလာခံကို လာမယ့် ၂ လလောက်အတွင်းမှာ အကောင်အထည်ဖော် လုပ်ဆောင်သွားမယ်လို့ ဒေါ်အောင်ဆန်းစုကြည်က ရည်မှန်းထားပါတယ်။ အဲတော့ ဒီ ၂ လတာ ကာလအတွင်းဆိုတာက အကောင်အထည်ဖော်ဖို့ ဖြစ်လာနိုင်ပါသလားခင်ဗျ။

ဖြေ - “သေချာဖတ်ကြည့်တဲ့အခါမှာ ၂ လခွဲလောက်အတွင်းမှာ ဖြစ်ချင်တယ်လို့ အမက ပြောတာပါ။ ကျနော်တို့က စိုးရိမ်နေတယ်၊ စိတ်ပူနေတယ် ဆိုပြီးတော့ ထိုင်နေလို့ မရပါဘူး။ အားလုံးက တရားဝင်ပဲဖြစ်ဖြစ်၊ တရားမ၀င်ပဲဖြစ်ဖြစ်၊ ဆွေးနွေးပွဲတွေက စကို စနေရမှာပါ။ ဆွေးနွေးခြင်းအားဖြင့် လက်နက်နဲ့ဖြစ်တဲ့ ပဋိပက္ခတွေကို ကျနော်တို့ ငြိမ်းအောင်ပဲ လုပ်နိုင်မှာပါ။ ဒီလက်နက်နဲ့ ပဋိပက္ခကို ဖြေရှင်းတယ်ဆိုရင် ဒါ ပြီးမှာမဟုတ်ပါဘူး။ နောက်ပြီးတော့ ရန်ငြိုးတွေ ပိုကြီးလာမယ်။ ထိခိုက်နစ်နာမှုတွေလည်း ပိုများလာမယ်။ ကျနော်တို့လိုင်းကတော့ ဆွေးနွေးရေးလိုင်းပါပဲ။”

မေး - NLD ပါတီက တိုင်းရင်းသားပါတီတွေနဲ့ ထိတွေ့ဆက်ဆံမှု၊ နွေးထွေးမှု၊ နည်းတယ်လို့ဆိုတဲ့ ဝေဖန်မှုတွေလည်း ရှိပါတယ်။ ဒီအချက်ပေါ်မှာရော။

ဖြေ - “အခုက လောလောဆယ်မှာတော့ NLD ပါတီရဲ့ အစိုးရအနေနဲ့ လုပ်ငန်းတွေ ၀င်နေတဲ့အခါကျတော့ သူ့မှာလည်း လုပ်ရမယ့်လုပ်ငန်းတွေက အများကြီးဖြစ်နေတယ်။ ဒီအပေါ်မှာ ကျနော်တို့ဘက်က နားလည် သဘောပေါက်ပါတယ်။ တခုက ကျနော်တို့က NLD ပါတီကို ဘယ်လို ဆက်သွယ်ရမလဲ။ အဲဒါတွေက ရှိသေးတယ်လေ။ NLD ပါတီပိုင်းက အတွင်းရေးမှူး ၅ ယောက်ထဲက ဘယ်သူတွေက ဘာတာဝန်တွေရှိသလဲဆိုတာ ကျနော်တို့မှာလည်း ရှင်းရှင်းလင်းလင်း မရှိဘူးဖြစ်နေတယ်။”

မေး - အဲတော့ ဒီ ပင်လုံလိုမျိုးပေါ့ တိုင်းရင်းသားအားလုံး ညီညွတ်တဲ့သဘောတူညီချက်ရပြီးတော့ ငြိမ်းချမ်းလာဖို့ဆိုရင် ဘယ်လိုစိန်ခေါ်ချက်တွေကို ကျော်လွှားရမယ်လို့ ထင်ပါသလဲ။

ဖြေ - “ပထမဦးဆုံးတော့ ပစ်ခတ်တိုက်ခိုက်မှုတွေ ရပ်စဲအောင် လုပ်ကြမယ်။ ပြီးရင် နိုင်ငံရေးသဘောတူညီချက်ရအောင် ကြိုးစားမယ်။ အဲဒီ နိုင်ငံရေးသဘောတူညီချက်သည် အခြေခံဥပဒေရဲ့ အခြေခံမူတွေဖြစ်မယ်။ အဲဒီလိုင်းကို သွားနေကြတာပဲ။ အခုက တိုင်းရင်းသားတွေက နိုင်ငံချစ်စိတ်ထက်စာရင် မျိုးချစ်စိတ်က ပိုများနေတယ်။ အဲဒီအချက်က နည်းနည်း အခက်အခဲဖြစ်စေမယ်။ အဲဒီအချက်ကို ကျော်လွှားနိုင်တယ်ဆိုရင်တော့ ကျနော်တို့ အောင်မြင်မှု ရမှာပါ။”

ကိုဉာဏ်ဝင်းအောင်/ ဗွီအိုအေ (မြန်မာပိုင်း)
http://burmese.voanews.com

 ဖားကန့်မြို့နဲ့ အနီးတဝိုက်မှာ ဗုံးတွေ ပေါက်ကွဲခဲ့တာကြောင့် ဒေသခံတွေ ကြောက်ရွံ့ထိတ်လန့်
ကချင် ပြည်နယ် ဖားကန့်မှာ ကေအိုင်အေ တပ်ရင်း ၆ နဲ့ အစိုးရ စစ်တပ်တိုက်ပွဲတွေ ကြိုးကြားကြိုးကြား ဖြစ်နေပါတယ်။

မေလ ၉ ရက်ညက ရဲစခန်း တခုကို လက်ပစ်ဗုံးနဲ့ပစ်ခတ် ခံရလို့ ဝန်ထမ်း လိုင်းခန်း မီးလောင် သွားခဲ့ပါတယ်။

ဖားကန့်မြို့နယ် ထဲက ဆိုင်းတောင် ရဲစခန်းကို ည ၁ဝ နာရီဝန်းကျင်က လက်ပစ်ဗုံးနဲ့ ပစ်ခတ် ခံခဲ့ရပါတယ်။

လူသေမှု ရှိတယ် လို့ သတင်းတွေ ထွက်နေလို့ ဖားကန့် မြို့မ ရဲစခန်းကို ဘီဘီစီက ဆက်သွယ် ကြည့်တော့ တာဝန်ကျ ရဲဝန်ထမ်းက လုံခြုံရေးတွေ အထိအခိုက် မရှိကြောင်း ဖြေကြားပါတယ်။

ဖားကန့် ဒေသခံတွေကတော့ ဒီရက်ပိုင်း တိုက်ပွဲတွေကြောင့် ကြောက်ရွံ့ ထိတ်လန့်နေကြရတယ် လို့ ဒေသခံ ကိုဇော်မိုးထက်က ပြောပါတယ်။

ဖားကန့် လုံးခင်း နဲ့ ဆိုင်းတောင် စတဲ့နေရာတွေမှာ စစ်တပ်နဲ့ ရဲပေါင်းပြီး မြို့ အဝင်အထွက် ဂိတ်တွေမှာ တဦးချင်း အသေးစိတ် စစ်ဆေးနေတယ် လို့လည်းသိရပါတယ်။

မေလ ၈ ရက်နေ့ကလည်း ဖားကန့်မြို့ပေါ်နဲ့ အနီးတဝိုက် ဗုံးတွေကွဲခဲ့သလို လက်နက်ကြီးကျည်တွေ ကျခဲ့တာကြောင့် အမျိုးသမီးတဦး ပေါင်မှာ သေနတ် ထိမှန်ခဲ့ပါသေးတယ်။
ကေအိုင်အေ တုံ့ပြန်

ကချင်ပြည်နယ်တွင်း လတ်တလောဖြစ်ပွားနေတဲ့ တိုက်ပွဲတွေဟာ အစိုးရ တပ်မတော်က နယ်မြေစိုးမိုးဖို့ နယ်မြေ ထိန်းချုပ်ဖို့ ကြိုးစား လို့ ဖြစ်နေတာ လို့ ကေအိုင်အေ ကချင် လွတ်လပ်ရေး တပ်မတော် ရဲ့ ပြောခွင့်ရ ကိုဟင်နရီ က ဘီဘီစီကို ပြောပါတယ်။

အစိုးရ စစ်တပ်ဟာ ကေအိုင်အေရဲ့ လှုပ်ရှားမှုတွေကို ထိန်းချုပ်နိုင်ဖို့နဲ့ ကေအိုင်အေ အင်အားချိနဲ့ သွားဖို့အတွက် နည်းမျိုးစုံနဲ့ ဆောင်ရွက်နေတာ ဖြစ်တယ်လို့လည်း သူက ဆိုပါတယ်။

ဖားကန့်မှာ ဖြစ်ပွားနေတဲ့ ဗုံးပေါက်ကွဲမှုတွေနဲ့ ပတ်သက်လို့တော့ သူမသိကြောင်း လည်း ကိုဟင်နရီက ငြင်းဆိုပါတယ်။

BBC Burmese
http://www.bbc.com/burmese

မနီလာ ၊ မေ ၁၀ ။ ။ မေလ ၁၀ ရက်က ရွေးကောက်ပွဲရလဒ်များအရ ဖိလစ်ပိုင် နိုင်ငံသား ကမ္ဘာ့လက်ဝှေ့ကျော် မန်နီ ပက်ကွီအိုသည် နိုင်ငံ၏ အထက်လွှတ်တော် အမတ်တစ်နေရာ အနိုင်ရရှိရန် သေချာသလောက်နီးပါး ဖြစ်ခဲ့ပြီဟု သတင်းတစ်ရပ်တွင် ဖော်ပြထားသည်။ ယင်းအတွက်ကြောင့် ရှေ့လာမည့်ကာလတွင် ဖိလစ်ပိုင် သမ္မတ ရာထူးတာဝန်ရယူနိုင်ရန် မက်ခဲ့သော ၎င်း၏ အိပ်မက်သည်လည်း ပိုမို နီးစပ်လာခဲ့ပြီဟု သိရသည်။

လမ်းဘေးတွင် ပြေးလွှားဆော့ကစားနေခဲ့သော ကလေးငယ်တစ်ဦးအဖြစ်မှ နိုင်ငံတွင် အကျော်ကြားဆုံး ဟီးရိုးတစ်ဦးဖြစ်လာခဲ့သော အသက် ၃၇ နှစ် ရှိ လက်ဝှေ့ကျော် ပက်ကွီအိုသည် နိုင်ငံရေးလောကထဲသို့ ခြေစုံပစ် ၀င်ရောက်နိုင်ရန် ပြီးခဲ့သည့်လကမှ လက်ဝှေ့ထိုးခြင်းမှ အနားယူထားခဲ့သူဖြစ်သည်။

တနင်္လာနေ့က ဆန္ဒမဲရလဒ်များ ရေတွက်ပြီးစီးမှုအရ ဖိလစ်ပိုင်လက်ဝှေ့ကျော်မှာ မဲအရေအတွက်ပေါင်း ၁၄ ဒသမ ၉၄ သန်း ရရှိထားပြီဖြစ်သဖြင့် စီးနိတ်သို့ ၀င်ရောက်ရန် လုံလောက်သည့် မဲအရေအတွက်ထက်ပင် ကျော်လွန်ရရှိသွားပြီဖြစ်သည်။

ယခု ရလဒ်များအရ အထက်လွှတ်တော် အမတ်ကိုယ်စားလှယ်နေရာ ၅၀ အနက် ပက်ကွီအိုက နံပါတ်ရှစ်နေရာတွင် ရရှိထားရာ အဆိုပါ ကိုယ်စားလှယ်များအတွင်း မဲအများဆုံးရရှိသည့် ထိပ်ဆုံး ၁၂ ဦးမှာ နိုင်ငံတွင် အာဏာထက်လှသော တရားရေးအဖွဲ့အစည်း ဖြစ်သည့် အထက်လွှတ်တော်သို့ အလိုအလျောက် ၀င်ရောက်ခွင့်ရရှိကြမည်ဖြစ်သည်။
Mizzima - News in Burmese

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီးဖြစ်သူ ဒေါက်တာထွန်းဝင်းအား ၂၀၁၆ခုနှစ်၊ မေလ ၁၀ရက်တွင် တွေ့ရစဉ်(ဓာတ်ပုံ- မင်းမင်း/မဇ္ဈိမ)

နေပြည်တော်(မေလ ၁၀ရက်၊ ၂၀၁၆ခုနှစ်)။ ။ မြေယာသိမ်းဆည်းမှုသည် ပြည်သူ့စားနပ်ရိက္ခာကို သိမ်းဆည်းသည့်သဘောဖြစ်သောကြောင့် အစိုးရသက်တမ်း(၅)နှစ်အတွင်း သိမ်းဆည်းခံ မြေယာများအား မူလပိုင်ရှင်များထံ ပြန်လည်ပေးသွားမည်ဟု စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဒုတိယဝန်ကြီး ဒေါက်တာထွန်းဝင်းက မေလ ၁၀ရက်တွင် ပြောဆိုလိုက်သည်။

"မြေသိမ်းတယ်ဆိုတာက ပြည်သူတွေရဲ့ စားနပ်ရိက္ခာ အသိမ်းခံရတဲ့သဘော ဖြစ်နေတယ်။ ရေရှည်မှာဆိုရင် တိုးလာတဲ့လူဦးရေအတွက်က တိုင်းပြည်အတွက် အလွန်စိုးရိမ်ရတယ်။ ကျွန်တော်တို့အနေနဲ့ကတော့ ဒီမြေယာတွေကို လူမှန်၊ နေရာမှန်၊ ဥစ္စာရင်းမှန်ကို ပြန်ပေးဖို့ ကျွန်တော်တို့အစိုးရအနေနဲ့ လုပ်ဖို့ အဆင်သင့်ရှိတယ်" ဟု ဒေါက်တာထွန်းဝင်းက ပြောသည်။

သိမ်းဆည်းခံ မြေယာများအား မူလပိုင်ရှင်များထံ ပြန်ပေးရန်မှာ ဥပဒေကြောင်းအရ ဖြေရှင်းရမည်ဖြစ်သောကြောင့် ကြန့်ကြာမှုများရှိလာနိုင်သည့်အတွက် ပြည်သူများအနေဖြင့် နားလည်ပေးရန်လည်း ဒေါက်တာထွန်းဝင်းက မေတ္တာရပ်ခံသည်။

"ဒီကိစ္စက ရှုပ်ထွေးတဲ့ကိစ္စဖြစ်တယ်။ တော်တော်ကို ဖြေရှင်းရခက်တဲ့ကိစ္စဖြစ်တဲ့အတွက် ဒါကို ဥစ္စာရင်းမှန် ပြန်ရောက်ဖို့အတွက် ခိုင်မာတဲ့ဥပဒေရေးဆွဲပြီး လုပ်ဆောင်ဖို့ကို ရှေးရှုပြီး ဆောင်ရွက်နေပါတယ်" ဟု ၎င်းက ဆိုသည်။

ယခင် စစ်အစိုးရလက်ထက်က သိမ်းဆည်းထားသော မြေယာပြဿနာများအား ပြီးခဲ့သည့် သမ္မတဦးသိန်းစိန်အစိုးရလက်ထက်အတွင်း ကိုင်တွယ်ဖြေရှင်းမှုများ ပြုလုပ်ခဲ့သော်လည်း ပြီးပြတ်ခဲ့ခြင်း မရှိခဲ့ပေ။

ယခု အရပ်သားအစိုးရသစ်လက်ထက်တွင် လယ်ယာမြေနှင့်အခြားမြေများ သိမ်းဆည်းခံရမှုများကြောင့် ပြည်သူများနစ်နာမှုမရှိစေရေးအတွက် မြေသိမ်းမှုပြဿနာများကို လျင်မြန်စွာ ဖြေရှင်း ဆောင်ရွက်နိုင်ရန်ဟုဆိုကာ "လယ်ယာမြေနှင့်အခြားမြေများသိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီ" တစ်ရပ်ကို မေလ ၅ရက် ရက်စွဲဖြင့် ဖွဲ့စည်းထားပြီး ဖြစ်သည်။

အဆိုပါ ကော်မတီတွင် ဒုတိယသမ္မတ(၂)အား ဥက္ကဌ၊ ပြည်ထဲရေးဝန်ကြီးက ဒုတိယဥက္ကဌနှင့် တိုင်းနှင့်ပြည်နယ် ဝန်ကြီးချုပ်အားလုံးကိုလည်း ကော်မတီအဖွဲ့ဝင်အဖြစ် တာဝန်ပေးအပ်ထားသည်ကို တွေ့ရသည်။

နိုင်ငံလူဦးရေ၏ ၇၀ရာခိုင်နှုန်းခန့်ရှိသော တောင်သူလယ်သမားများကိုလည်း လယ်/ဆည် ဒုဝန်ကြီးက အောက်ပါအတိုင်း သတင်းစကားပါးလိုက်သေးသည်။

"တောင်သူလယ်သမားတွေရဲ့ ဆင်းရဲမွဲတေမှုကနေ လုံးဝမြှင့်တက်လာအောင်၊ ဆင်းရဲမွဲတေမှုတွေ ပျောက်ပျက်သွားအောင် သူတို့ရဲ့ ထုတ်ကုန်ပစ္စည်းတွေကို နိုင်ငံတစ်ကာ ဈေးကွက်ကို ပို့ပြီးတော့ အကျိုးအမြတ်ရှိတဲ့ လုပ်ငန်းတစ်ခုရောက်အောင် သေချာရေရာတဲ့ နိုင်ငံတစ်ကာ Standard တွေနဲ့ လိုက်လျောညီထွေဖြစ်မယ့် ခန့်ခန့်ညားညား ရောင်းဝယ်ရေးစနစ်နဲ့ ပြည်တွင်းကထုတ်လုပ်မှုတွေကို နိုင်ငံတစ်ကာ ပို့နိုင်ပြီးတော့ ထုတ်ကုန် နှစ်ဆ၊ သုံးဆထုတ်နိုင်ပြီး တောင်သူတွေရဲ့ဘဝ နှစ်ဆ၊ သုံးဆမြှင့်လာအောင် ဆောင်ရွက်သွားဖို့က ဆရာတို့အားလုံးရဲ့ ဆန္ဒပါ" ဟု ဒေါက်တာထွန်းဝင်းက ပြောသည်။

ထို့ပြင် တောင်သူလယ်သမားများအတွက် အကျိုးမရှိသည့် ပုလဲသွယ်ကဲ့သို့သော စပ်မျိုးစပါးများကိုလည်း လယ်သမားများအား စိုက်ပျိုးရန် တိုက်တွန်းမည်မဟုတ်ဟု ၎င်းက ဆိုသည်။
Mizzima - News in Burmese

ကချင်ပြည်နယ်၊ မြစ်ကြီးနားမြို့၊ တန်ဖဲကျေးရွာအတွင်းရှိ မြစ်ဆုံအပန်းဖြေစခန်းတစ်နေရာ။ (ဓာတ်ပုံ- သိင်္ဂီထွန်း၊မဇ္ဈိမ)

ရန်ကုန်၊ မေ ၁၀ ။ ။ မြစ်ဆုံရေကာတာ စီမံကိန်းရပ်တန့်နှင့် ရွေ့ပြောင်းခံ ဒေသခံတောင်သူများ မူလကျေးရွာများတွင် ပြန်လည် နေထိုင်ခွင့်ရရှိရေးအတွက် နိုင်ငံတော် သမ္မတနှင့် အစိုးရသစ်ထံ ဒေသခံများက တောင်းဆိုလိုက်သည်။

"အစိုးရသစ်က ဒီစီမံကိန်းကို မရပ်ဆိုင်းပေးဘူးဆိုရင် ကျွန်မတို့ ဒေသခံတွေ ဘယ်လိုနေတော့မလဲ။ ကျွန်မတို့ အရမ်းရင်တုန်တယ်။ ငိုချင်တယ်။ ဒုက္ခဆိုတာ အထပ်ထပ် ခံစားနေရတယ်။ ဒီဟာကို မဖျက်သိမ်းဘူး ဆိုရင် ကျွန်မ အဲဒီနေရာမှာပဲ အသေခံမယ်လို့ ဆုံးဖြတ်ထားပါတယ်"ဟု စီမံကိန်း ဧရိယာအတွင်း သိမ်းဆည်းခံခဲ့ရသည့် တန်ဖဲကျေးရွာမှ ဒေသခံတောင်သူတစ်ဦးဖြစ်သည့် ဒေါ်ဂျာခေါင်က မေလ ၁၀ရက်က ရန်ကုန်တွင် ပြုလုပ်သည့် သတင်းစာရှင်းလင်းပွဲတွင် ပြောသည်။

အဆိုပါ မြစ်ဆုံစီမံကိန်း ချက်ချင်းရပ်တန်ပပေးရန်နှင့် မြစ်လက်တက်ပေါ်ရှိရေကာတာများ အားလုံးကို လုံးဝရပ်တန်ပပေး၇န်၊ ရွေ့ပြောင်းဒေသခံများ မူလကျေးရွာများသို့ တရားဝင်ပြန်လည်နေထိုင်ခွင့်နှင့် လုပ်ကိုင်စားသောက်ခွင့်ပေးရန်နှင့် မူလ ဥယဉ်ခြံမြေများတွင် ပုဒ်မ ၁၄၄ထုတ်ပြန်ထားခြင်းကို အမြန်ဆုံးရုတ်သိမ်းပေးရန် ဒေသခံ (၁၀၈၀)ဦးက သမ္မတထံသို့ မေလ ၁၀ရက်နေ့တွင် စာပို့တောင်းဆိုထားကြောင်း သိရသည်။

မြစ်ဆုံ ရေကာတာစီမံကိန်း ဧရိယာအတွင်း မဇွပ်ရွာ၊ တန်ဖဲရွာ၊ လဖဲ့ရွာ၊ ဒေါင်ပန်ရွာ၊ အောင်ဂျာယာန်ရွာနှင့် ဒိန်ဂူဇွပ်ရွာတို့အား ၂၀၀၉ - ၂၀၁၀ခုနှစ်က ပြောင်းရွေ့စေခဲ့သည့်အတွက် အိမ်ထောင်စု (၄၃၇)စု၊ လူဦးရေ (၂၅၇၅)ဦးတို့ ပြောင်းရွေ့ပေးခဲ့ရသည်။

အဆိုပါ ပြောင်းရွေ့ပေးခဲ့ရသူများအား ဦးပိုင်ကုမ္ပဏီက အောင်မြင်သာစံပြကျေးရွာဟု အမည်ပေးကာ ကျေးရွာသစ် တည်ပေးခဲ့ကြောင်းနှင့် ယင်းကျေးရွာတွင် စိုက်ပျိုးမွေးမြူရေးများ လုပ်ကိုင်စားသောက်၍မရဘဲ စားဝတ်နေရေး အခက်အခဲများနှင့် ရင်ဆိုင်နေရကြောင်း ဒေသခံများက ပြောသည်။

"အခုတက်လာတဲ့အစိုးရက ကျွန်မတို့ရဲ့အခက်အခဲတွေကို လုပ်ပေးမယ် ဖြေရှင်းပေးလိမ့်မယ်လို့ ကျွန်မတို့ ယုံကြည်တယ်" ဟု လက်ရှိအချိန်တွင် တန်ဖဲကျေးရွာ၌ ပြန်လည် နေထိုင်နေသည့် ဒေသခံ ဒေါ်လုရာက ပြောသည်။

မြစ်ဆုံစီမံကိန်းသည် တရုတ်နိုင်ငံပိုင် CPI ကုမ္ပဏီနှင့် ယခင်စစ်အစိုးရလက်ထက်က သဘောတူခဲ့သည့် ရေကာတာ စီမံကိန်း ဖြစ်ပြီး သမ္မတဦးသိန်းစိန်အစိုးရလက်ထက်တွင် ဆိုင်းငံ့ထားခြင်း ဖြစ်သည်။

အမျိုးသားဒီမိုကရေစီအဖွဲ့ချုပ် အစိုးရလက်ထက်တွင် နှစ်နိုင်ငံ နိုင်ငံခြားရေးဝန်ကြီးများ တွေ့ဆုံခဲ့ကြသော်လည်း မြစ်ဆုံစီမံကိန်းနှင့်ပတ်သက်၍ တိကျသည့် ထုတ်ပြန်မှုမျိုး ထုတ်ပြန်ခြင်းမရှိသေးပေ။

မျိုးသူအောင်
Mizzima - News in Burmese

ဖားကန့်မြို့မြင်ကွင်းတနေရာ။

ကချင်ပြည်နယ် ဖားကန့်မြို့နယ် ဆိပ်မူကျေးရွာက ရဲကင်းမှာ မနေ့ညက ဗုံးနှစ်လုံးပေါက်ကွဲပြီး ဝန်ထမ်းနေ အိမ် နှစ်လုံးမီးလောင်ပျက်စီးခဲ့သလို ဒီကနေ့ မနက်ပိုင်းမှာ ဖားကန့်မြို့မှော်ဝမ်းရပ်ကွက်က အစိုးရဌာနဆိုင်ရာ စုပေါင်းရုံးအနီးမှာလည်း ပေါက်ကွဲမှုဖြစ်ပွားခဲ့ပါတယ်။

ပေါက်ကွဲမှုဖြစ်ပွားခဲ့တဲ့ အခြေအနေနဲ့ အစိုးရတပ်မတော်နဲ့ ရဲတပ်ဖွဲ့က လုံခြုံရေးတိုးမြှင့်ထားတဲ့အခြေအနေကို ဖားကန့်မြို့နယ် ဒုတိယအုပ်ချုပ်ရေးမှူး ဦးမင်းကျော်က အခုလိုပြောပါတယ်။

ပြီးခဲ့တဲ့ မေလ ၈ ရက်နေ့ကလည်း ဆိပ်မူကျေးရွာမှာ ပေါက်ကွဲမှု ၉ ကြိမ်ဖြစ်ပွားခဲ့ပါတယ်။

ပေါက်ကွဲမှုတွေ ဆက်တိုက်ဖြစ်နေတဲ့အတွက် ဖားကန့်အခြေစိုက် စစ်ဆင်ရေးကွပ်ကဲမှုဋ္ဌာနချုပ် စကခ ၇ တပ်မမှူးက မြို့နယ်အုပ်ချုပ်ရေးအဖွဲ့၊ ရဲတပ်ဖွဲ့၊ မြို့မိမြို့ဖတွေနဲ့ ဒီကနေ့ တွေ့ဆုံပြီး ည ၉ နာရီ နောက်ပိုင်း ဖားကန့်မြို့ပေါ်မှာ သွားလာကြသူတွေဟာ လုံခြုံရေးတပ်ဖွဲ့တွေရဲ့ စစ်ဆေးမှုကို ကြည်ဖြူစွာလက်ခံကြဖို့နဲ့ လုံခြုံရေးကိစ္စတွေမှာ ပူးပေါင်းပါဝင်ကြဖို့ တပ်မမှူးက အသိပေးခဲ့ပါတယ်။

ဖားကန့်မြို့နယ် လုံးခင်းကျေးရွာ အရှေ့မြောက်ဘက် ၁၀ မိုင်လောက်မှာ အစိုးရနဲ့ ကေအိုင်အေတပ်ဖွဲ့တွေဟာ ပြီးခဲ့တဲ့ မေလ ၇ ရက်နေ့ကစပြီး တိုက်ပွဲဖြစ်ပွားနေတာပါ။

အဲ့ဒီတိုက်ပွဲနဲ့ဆက်စပ်ပြီး ဖားကန့်မြို့တစ်ဝိုက်မှာ မေလ ၈ ရက်နေ့ကနေ ဒီကနေ့အထိ ပေါက်ကွဲမှု ဆယ်ကြိမ်ထက် မနည်းဖြစ်ပွားခဲ့ရာမှာ ဆိပ်မူကျေးရွာကအမျိုးသမီး တစ်ဦး ထိခိုက်ဒါဏ်ရရှိခဲ့ပြီး မီးသတ်ကားတစ်စီးနဲ့ မော်တော် ယာဉ်တချို့ ပျက်စီးခဲ့ပါတယ်။
RFA




 dagon-tayar-620.jpg ဆရာကြီး ဒဂုန်တာရာပုံ ပန်းချီကားကို တွေ့ရစဉ်
Photo: RFA
ကွယ်လွန်သွားပြီဖြစ်တဲ့ စာရေးဆရာကြီး ဒဂုန်တာရာရဲ့ ၉၇ နှစ်မြောက်မွေးနေ့ပွဲ အခမ်းအနားကို စာပေအနုပညာ ရှင်တွေက ရှမ်းပြည်နယ် အောင်ပန်းမြို့က မယ်ခိုတောင်ဘုန်းကြီးကျောင်းမှာ ဒီနေ့ကျင်းပကြပါတယ်။

ဆရာကြီး ဒဂုန်တာရာကို အမှတ်တရဂုဏ်ပြုတဲ့ စာတမ်းတွေ၊ ကဗျာတွေ ရွတ်ဖတ်ခဲ့ကြတယ်လို့ မွေးနေ့ပွဲကို တက်ရောက်ခဲ့တဲ့ ဦးထွန်းဝင်းငြိမ်း က ပြောပါတယ်။

မွေးနေ့ပွဲအခမ်းအနားကို စာပေပညာရှင်တွေနဲ့ ဒေသခံတွေ တစ်ရာနီးပါးလောက် တက်ရောက်ခဲ့ကြပါတယ်။ ဆရာကြီး ဒဂုန်တာရာဟာ ၂၀၁၃ ခုနှစ်က အောင်ပန်းမြို့က နေအိမ်မှာ ကွယ်လွန်ခဲ့တာဖြစ်ပါတယ်။

မြန်မာနိုင်ငံ ငြိမ်းချမ်းရေးအတွက် စာပေနဲ့ တိုက်ပွဲဝင်ခဲ့သူဖြစ်တဲ့ ဆရာကြီး ဒဂုန်တာရာဟာ ငြိမ်းချမ်းရေးဖြစ်စဉ်တွေ အတွက် ကဗျာ၊ စာပေတွေကို ရေးသားခဲ့သူဖြစ်ပါတယ်။

ဆရာကြီး ဒဂုန်တာရာ အထိမ်းအမှတ် ကျောက်စာတိုင်ကို ၂၀၁၃ ခုနှစ် နိုဝင်ဘာလ ၁၉ ရက်နေ့က အမရပူရမြို့မှာ ရှိတဲ့ တောင်လေးလုံးကျောင်တိုက်မှာ စိုက်ထူထားပါတယ်။
RFA

တူရကီ ပစ်ခတ်မှုနဲ့ သေဆုံးရတဲ့ ကာ့ဒ်တွေရဲ့ ဈာပန
ကာ့ဒ် သူပုန်တွေ ကျက်စားတဲ့ တူရကီ အရှေ့တောင်ပိုင်းမှာ တူရကီ စစ်တပ်ရဲ့ ပြုမူ ဆောင်ရွက်ပုံတွေနဲ့ ပတ်သက်ပြီး အလွန်အမင်း သတိထားဖွယ်ရာ သတင်းမျိုး တွေကို သူတို့ရရှိတယ်လို့ ကုလသမဂ္ဂ လူ့အခွင့်အရေး ကော်မရှင် က ပြောပါတယ်။

တူရကီ အရှေ့တောင်ပိုင်း ဂျိဇရာမြို့မှာ လက်နက်မဲ့ အရပ်သားတွေကို စနိုက်ပါလို့ခေါ်တဲ့ မှန်ပြောင်း သေနတ်တွေနဲ့ အဝေးကနေ ပစ်ခတ် သတ်ဖြတ်တာမျိုးတွေ၊ တင့်ကား ပေါ်ကနေ သေနတ်နဲ့ ပစ်ခတ်တာတွေ ရှိသလို ဗုံးခိုကျင်း ထဲ ဝင်ရောက်နေတဲ့ လူတရာကို မီးရှို့ သတ်ဖြတ် တာလည်း ရှိတယ်လို့ သတင်း ရရှိကြောင်း ကုလသမဂ္ဂ ကော်မရှင်နာ မင်းကြီး မစ္စတာ ဟူစိန်က ပြောပါတယ်။

ပုံက တော်တော်လေး ထင်ရှားပြီး အသေးစိတ်တွေ တွေ့ရပါတယ်၊ ဒီပုံဟာ အလွန်အမင်း သတိထား ဖွယ်ရာ အချက်ပေးသံ ဖြစ်ပါတယ်၊ တူရကီ အစိုးရ အနေနဲ့ အများ ပြည်သူကို အကာအကွယ် ပေးဖို့ တာဝန်ရှိပါတယ်လို့ မစ္စတာ ဟူစိန်က ပြောသွားပါတယ်။

ဒီဖြစ်စဉ်တွေနဲ့ ပတ်သက်ပြီး ဘက်မလိုက်တဲ့ စုံစမ်း စစ်ဆေးမှုတွေ လုပ်ဖို့ မစ္စတာ ဟူစိန်က တူရကီ အစိုးရကို တိုက်တွန်း ထားပါတယ်။

BBC Burmese
http://www.bbc.com/burmese

us-ambassador-620.jpg
မြန်မာနိုင်ငံဆိုင်ရာ အမေရိကန်သံအမတ်ကြီး စကော့မာစီရယ်လ် ကို ရန်ကုန်မြို့ အမေရိကန်စင်တာက မေလ ၁ဝ ရက်နေ့က တွေ့ရစဉ်
Photo: U.S. Embassy Rangoon

 အမေရိကန်အစိုးရက မြန်မာနိုင်ငံနဲ့ ပတ်သက်လို့ ချမှတ်ထားတဲ့ စီးပွားရေး ပိတ်ဆို့ဒဏ်ခတ်မှုကို ပြန်လည် သုံးသပ်နေကြောင်းနဲ့ အခုချိန်ထိ မရုပ်သိမ်းသေးတာဟာ မြန်မာနိုင်ငံရဲ့စီးပွားရေး ဖွံ့ဖြိုးတိုးတက်မှုကို ထိခိုက်အောင် ရည်ရွယ်ခဲ့ခြင်း မဟုတ်ကြောင်း အမေရိကန်သံအမတ်ကြီး စကော့မာစီရယ်လ် က ဒီနေ့ ပြောကြားလိုက်ပါတယ်။

မိမိတို့အနေနဲ့ မြန်မာနိုင်ငံမှာ ငြိမ်းချမ်းသာယာဝပြောပြီး ဒီမိုကရေစီစနစ် ဖွံ့ဖြိုးတာကို ရှုမြင်ချင်ပါတယ်လို့ ရန်ကုန်မြို့ အမေရိကန်စင်တာက တွေ့ဆုံပွဲမှာ သံအမတ်ကြီးကပြောကြားခဲ့ပါတယ်။

အကန့်အသတ်ထားပြီး အရေးယူပိတ်ဆို့တာဖြစ်ပေမယ့် စီးပွားရေးဖွံ့ဖြိုးတိုးတက်မှုကို မရည်ရွယ်ဘဲ ထိခိုက်တာတွေရှိနိုင်တယ်ဆိုတာကိုလည်း မိမိတို့ သတိပြုမိပါတယ်လို့ သူကပြောပါတယ်။

ဒါ့အပြင် အမေရိကန်ပြည်ထောင်စုဟာ မြန်မာပြည်သူတွေဘက်က ရပ်တည်မှာဖြစ်သလို၊ မြန်မာပြည် ဒီမိုကရေစီ အသွင်ကူးပြောင်းရေး မပြီးဆုံးသေးဘူးဆိုတာကို နားလည်သဘောပေါက်ကြောင်း၊ ကျင်းပပြီးစီးခဲ့တဲ့ ရွေးကောက်ပွဲနဲ့ အစိုးရသစ်ပေါ်ပေါက်လာတာဟာ မြန်မာ့ဒီမိုကရေစီရေးမှာ အဓိကကျတဲ့ခြေလှမ်းတစ်ရပ်ဖြစ်ကြောင်း၊ ဒါကြောင့် အခုလို ဒီမိုကရေစီအစိုးရသစ်လက်ထက်မှာ စီးပွားရေးဒဏ်ခတ်ပိတ်ဆို့မှုကို မိမိတို့ပြန်လည် သုံးသပ်နေပါကြောင်း စသဖြင့် မစ္စတာ စကော့မာစီရယ်လ်က ပြောဆိုပါတယ်။

တဆက်တည်းမှာပဲ လက်ရှိပြန်လည်သုံးသပ်မှုတွေကနေ ဘယ်လိုအဖြေထွက်လာမလဲဆိုတာကို မိမိ မပြော နိုင်သေးပေမယ့်၊ မိမိတို့ရဲ့ရပ်တည်ချက်ကတော့ မြန်မာ့စီးပွားရေး ဖွံ့ဖြိုးတိုးတက်မှုကို ပိုမိုအထောက်အကူပြုရေးပါပဲ လို့ သံအမတ်ကြီးက ပြောပါတယ်။

စစ်အစိုးရလက်ထက် လူ့အခွင့်အရေး ချိုးဖေါက်မှုတွေနဲ့ ခရိုနီစီးပွားရေးတွေကြောင့် အမေရိကန် ပြည်ထောင် စုက မြန်မာနိုင်ငံအပေါ် အရေးယူဒဏ်ခတ်တဲ့ မူဝါဒချမှတ်ထားခဲ့ပြီး၊ ဦးသိန်းစိန်အစိုးရ လက်ထက်မှာ အနည်းငယ်ဖြေလျှော့ပေးခဲ့ပါတယ်။ ဒါပေမဲ့ ထင်ရှားတဲ့ စစ်ဗိုလ်ချုပ်တွေ၊ စီးပွါးရေးသမားတွေနဲ့ စစ်တပ်ပိုင် ကုမ္ပဏီတွေကို သီးခြားစိစစ်သတ်မှတ်ပြီး ဆက်လက် ပိတ်ဆို့အရေးယူထားတာဖြစ်ပါတယ်။
RFA

ရပ်ကွက်အေးချမ်းသာယာရေးနှင့် တရားဥပဒေစိုးမိုးရေးဆောင်ရွက်နေသည့် ရဲတပ်ဖွဲ့နှင့် အုပ်ချုပ်ရေးအဖွဲ့ဝင်များအပေါ် အကြမ်းဖက်တိုက်ခိုက်နေသည့် ရန်ကုန်မြို့ရှိ ရာဇ၀တ်ဂိုဏ်းများကို ဖယ်ရှားမည်ဖြစ်ပြီး ၊ ဆိုးသွမ်းသည့်နယ်မြေများကိုရွေးချယ်ပြီး အုပ်ချုပ်ရေးယန္တရားကို ထိရောက်စွာကိုင်တွယ်သွားမည်ဖြစ်ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက မေလ ၁၀ ရက်တွင် ပြုလုပ်ခဲ့သည့် လုံခြုံရေး တရားဥပဒေစိုးမိုးရေးနှင့် မှုခင်းကျဆင်းရေးရက် ၁၀၀ စီမံချက်ဆွေးနွေးပွဲတွင် မီဒီယာများသို့ပြောဆိုလိုက်သည်။

“ရဲကိုဓါးနှင့်ထိုးသတ်ပြီးဒီနယ်မြေရဲမလာနဲ့ လာတဲ့သူသေသွားနိုင်တယ်ဆိုတဲ့ ရာဇ၀တ်ဂိုဏ်းအုပ်စိုးတဲ့နယ်မြေမျိုး ရန်ကုန်မှာလုံးဝမရှိစေရဘူး၊ ပြည်သူလူထုလုံခြုံစိတ်ချစွာနေထိုင်နိုင်ဖို့ ရန်ကုန်တိုင်းတစ်ခုလုံး တရားဥပဒေစိုးမိုးမှု ရှိအောင် ကျွန်တော်အဓိကထားဆောင်ရွက်သွားမှာပါ”ဟုရန်ကုန်တိုင်းဝန်ကြီးချုပ်ဦးဖြိုးမင်းသိန်းကပြောသည်။

ရာဇ၀တ်ဂိုဏ်းများရှင်းလင်းမှုကို အထွေထွေအုပ်ချုပ်ရေးဦးစီးဌာန နှင့် ရဲတပ်ဖွဲ့ပူးပေါင်းဆောင်ရွက်မည်ဖြစ်ပြီး လိုအပ်နေသည့် ရဲအင်အားအတွက် ရဲတပ်ရင်းများမှ တပ်ဖွဲ့ဝင်များကို ပံ့ပိုးကူညီ ဆောင်ရွက်ပေးရန် ရဲချုပ်နှင့် တွေ့ဆုံပြောကြားခဲ့ပြီးဖြစ်သည်ဟုလည်း ၀န်ကြီးချုပ်ဦးဖြိုးမင်းသိန်းကပြောဆိုခဲ့သည်။

ဇော်မင်းထွန်း
The Ladies News Journal

မနီလာ အရှေ့ပိုင်းက “ကိုတေလေ” အမည်ရ ပုဂ္ဂိုလ်တစ်ဦး ဖိလစ်ပိုင် သမ္မတအဖြစ် ရွေးကောက် တင်မြှောက်ခံရဖွယ်ရှိသည်။ နိုင်ငံတောင်ပိုင်း ဒါဗာအိုမြို့တော်ဝန်ဟောင်း ရော့ဒရီဂိုဒူဟာဟေးအား ကနဦးမဲရေတွက်မှုအရ ပြိုင်ဘက်များထက် မဲအသာရလျက်ရှိပြီး နိုင်ငံအကြီးအကဲ ဖြစ်လာဖွယ်ရှိသည်။ အပြောကြမ်းပြီး ရုပ်ရည်လည်း ကြမ်းသည့် ဂိုဒရီဂိုမှာ အဆိုပါမြို့တော်ဝန်အဖြစ် ၂၂ နှစ် ကြာ တာဝန်ထမ်းဆောင်ခဲ့ပြီး ၄င်းတာဝန်ထမ်းဆောင်ချိန် ကာလအတွင်း ရာဇ၀တ်သားများကို အကြမ်းဖက်နှိမ်နင်းခဲ့၍ နာမည်ကြီးခဲ့သူ ဖြစ်သည်။

၎င်းမှာ မူးယစ်ဆေးဝါး ရောင်းဝယ်မှုနှင့် ရာဇ၀တ်မှုများ အပါအ၀င် ခြစားမှုနှင့် ဆင်းရဲမွဲတေမှု တို့ကို အမြစ်မကျန် နုတ်ပစ်မည်ဟူသော ကြွေးကြော်သံဖြင့် လူကြိုက်များခဲ့သူ ဖြစ်သည်။ ၄င်း သမ္မတ ဖြစ်လာပါက ၆ လအတွင်း ရာဇ၀တ်မှုများကို နှိမ်နင်းမည်ဟု ဆိုခဲ့သလို လူဆိုး လူမိုက်များကို သုတ်သင်မည်ဟု ခြိမ်းခြောက် ပြောဆိုခဲ့သည်။ ဖိလစ်ပိုင် နိုင်ငံမှာ ရာဇ၀တ်မှုများ၊ အဂတိ လိုက်စားမှုများနှင့် အစိုးရကို ဆန့်ကျင်သည့် သောင်းကျန်းသူများနှင့် ရုန်းကန်နေရသည်မှာ ကာလကြာခဲ့ပြီ ဖြစ်သည်။ ၄င်း မြို့ဝန်ဖြစ်စဉ် တရားဥပဒေပြင်ပမှ ရာဇ၀တ်ကောင်များကို သတ်သင်ခဲ့သည်ဟု အမည်ထွက်သော်လည်း ၄င်း စွပ်စွဲချက်များကို ဂိုဒရီဂိုက ငြင်းဆိုသည်။

ပြီးခဲ့သည့်အပတ်က ၄င်းပြောဆိုရာတွင် မူးယစ်ဆေးဝါး ရောင်းဝယ်သူများကို အသေသတ်မည်ဟု ဆိုခဲ့ပြီး “မင်းတို့ကိုသတ်ရင်သတ်၊ မသတ်ရင် ငါ့ကိုသတ်မှာ” ဟု ပြောကြားခဲ့သည်။ ၄င်း၏ ပြိုင်ဘက် မဲဆန္ဒရှင်များကို ပြောဆိုရာတွင် ယင်းကိုရွေးချယ်ခြင်းကြောင့် ဒီမိုကရေစီ ပျက်သုဉ်းနိုင်ကြောင်း အာဏာရှင်ပုံစံဖြင့် အုပ်ချုပ်ခြင်းကြောင့် ဥပဒေစိုးမိုးမှု မရှိမည်ကို စိုးရိမ်ကြောင်း ပြောသည်။ မည်သို့ဆိုစေ ၄င်းမှာ ပြိုင်ဘက်များထက် မဲ ၆ သန်းနီးပါး အသာရလျက်ရှိပြီး ပြိုင်ဘက်များ မဲ ၈.၆ သန်းရချိန်တွင် ယင်းက ၁၄.၄ သန်း ရလျက်ရှိကြောင်း AP သတင်းဌာနကဆိုသည်။ ယနေ့ အင်္ဂါနေ့တွင် မဲအရေအတွက်ကို အတည်ပြုမည် ဖြစ်သည်။

ရွှန်းတင့်
The Ladies News Journal


အမေရိကန် သမ္မတ ဘရက်ခ် အိုဘားမား
အမေရိကန် သမ္မတ ဘရက်ခ် အိုဘားမား

ဂျပန်နိုင်ငံ ဟီရိုရှီးမားကို ဒီလကုန်ပိုင်းမှာ သွားရောက်မယ်လို့ အမေရိကန် သမ္မတ ဘရက်ခ် အိုဘားမားက ဒီကနေ့ အင်္ဂါနေ့မှာ ကြေညာလိုက်ပါတယ်။

ဒုတိယ ကမ္ဘာစစ် ပြီးဆုံးခါနီး အချိန် ၁၉၄၅ ခုနှစ် အတွင်း ကမ္ဘာ့ ပထမဆုံး အနျုမြူဗုံးကို အမေရိကန် စစ်လေယာဉ်ကနေ ကျဲချခဲ့ပြီး လူပေါင်း သောင်းနဲ့ချီ သေဆုံးခဲ့ရတဲ့ ဂျပန်နိုင်ငံ ဟီရိုရှီးမားမြို့ကို အမေရိကန် သမ္မတ တဦး အနေနဲ့ ပထမဆုံး သွားရောက်မှာလည်း ဖြစ်ပါတယ်။

ဆယ်စုနှစ် ၇ ခု အတွင်း အမေရိကန် သမ္မတတွေ အနေနဲ့ ဂျပန်နိုင်ငံ ဟီရိုရှီးမားနဲ့ နာဂါဆာကီကိုသွားရောက်ဖို့ ရှောင်ရှားခဲ့ကြတာပါ။ သမ္မတ အိုဘားမားရဲ့ မေလ ၂၁ ရက်နေ့ကနေ ၂၈ နေ့ ဗီယက်နမ်နဲ့ ဂျပန် နိုင်ငံ ခရီးစဉ် အဆုံးသတ်မှာဂျပန် ၀န်ကြီးချုပ် Shinzo Abe နဲ့ အတူ ဟီရိုရှီးမားကို သွားရောက်မှာ ဖြစ်တယ်လို့ အမေရိကန် သမ္မတ အိမ်ဖြူတော်က ထုတ်ပြန်ပါတယ်။

ဟီရိုရှီးမားနဲ့ နာဂါဆာကီမြို့ကို ဗုံးကျဲခဲ့တဲ့ အပေါ် အမေရိကန် သမ္မတ အိုဘားမားက တောင်းပန်မလားဆိုတဲ့ အပေါ်မှာတော့ သမ္မတရဲ့ အကြံပေး Ben Rhodes က ပယ်ချပါတယ်။ သမ္မတ အနေနဲ့ ဒုတိယကမ္ဘာစစ် အပြီးသတ်ခါနီး အချိန်မှာ အနျုမြူဗုံး အသုံးပြုခဲ့တဲ့ ဆုံးဖြတ်ချက်ကို ပြန်လည် ကောက်ယူမှာ မဟုတ်ဘူးလို့ အကြံပေး Ben Rhodes က ပြောပါတယ်။

အမေရိကန် ပြည်ထောင်စု အနေနဲ့ ကမ္ဘာ့ ငြိမ်းချမ်းရေးနဲ့ လုံခြုံရေးကို အခိုင်အမာ ဆက်လက် လုပ်ဆောင်သွားမယ်ဆိုတဲ့ ကတိက၀တ်ကို ထင်ဟပ်ပြသဖို့ ဟီရိုရှီးမားကို သွားရောက်မှာ ဖြစ်တယ်လို့လည်း အိမ်ဖြူတော်က ပြောဆိုပါတယ်။

ဟီရိုရှီးမားမြို့ပေါ်ကို ပထမဆုံး နျူကလီးယားဗုံး ကျဲချခဲ့ပြီး နောက် သုံးရက် အကြာ နာဂါဆာကီ မြို့အပေါ်ကို နောက်ထပ် နျူးကလီးယားဗုံးတလုံး ထပ်မံ ကျဲချခဲ့တာ ဖြစ်ပါတယ်။
VOA Burmese News

Author Name

Contact Form

Name

Email *

Message *

Powered by Blogger.