05/26/16

ထိုင်းနိုင်ငံတွင်းမှာ အလှပြင်ဆိုင်နဲ့ အနှိပ်ခန်းအမည်ခံပြီး နိုင်ငံခြားသားခရီးသွား ဧည့်သည်တွေကို လိင်ဖျော်ဖြေရေးဝန်ဆောင်မှုပေးနေတာဟာ ထိုင်းနိုင်ငံရဲ့ ခရီးသွား လုပ်ငန်းကဏ္ဍပုံရိပ်ကို ထိခိုက်စေတယ်လို့ ထိုင်းနိုင်ငံအလှပြင်ဆိုင်လုပ်ငန်းရှင်များအ သင်း(အက်ဖ်တီအက်စ်ပီအေ)က သတိပေးလိုက်ပါတယ်။

အသင်းအကြံပေးတဦးဖြစ်တဲ့ အပီချိုင် ဂျီရာဒီးဆက်ခ်က “ဒါဟာ ထိုင်းနိုင်ငံအလှ ပြင်အနှိပ်ခန်းတွေရဲ့ ပုံရိပ်တွေကို ဆိုးဆိုးဝါးဝါးထိခိုက်စေပါတယ်။ အစိုးရအနေနဲ့ ဒီပြ ဿနာကို ဖြေရှင်းဖို့ တခုခုလုပ်ဆောင်သင့်ပါတယ်”လို့ ပြောပါတယ်။

ထိုင်းနိုင်ငံမှာ အလှပြင်အနှိပ်ခန်းတွေဟာ ပြီးခဲ့တဲ့နှစ်ပိုင်းတွေမှာ ကမ္ဘာလှည့်ခရီး သွားလုပ်ငန်းကဏ္ဍရဲ့ အဓိကဆွဲဆောင်နိုင်တဲ့ လုပ်ငန်းတွေဖြစ်လာခဲ့တာပါ။

ဒါပေမယ့် တနိုင်ငံလုံးအနှံ့ရှိနေတဲ့ အလှပြင်အနှိပ်ခန်းစုစုပေါင်း ၂၀၀၀ မှာ ဆိုင်aပါင်း ၅၀၀ လောက်ကသာ တရားဝင်လိုင်စင်ရယူပြီး လုပ်ဆောင်နေတာလို့ ဘန်ကောက်ပို့စ်သတင်းတပုဒ်မှာ ဖော်ပြပါတယ်။

တရားဝင်လိုင်စင်ရယူပြီး လုပ်ဆောင်လာတဲ့ အလှပြင်အနှိပ်ခန်းအရေအတွက် တွေဟာ သိသိသာသာတိုးတက်လာလိမ့်မယ်လို့ မျှော်လင့်ထားပေမယ့် ဒီလုပ်ငန်းတွေ အများစုဟာ အစိုးရဌာနဆိုင်ရာအေဂျင်စီတွေအများစုနဲ့ ဆက်စပ်နေကြတယ်လို့ ထိုင်း နိုင်ငံအလှပြင်ဆိုင်လုပ်ငန်းရှင်များအသင်း(အက်ဖ်တီအက်စ်ပီအေ)က ဆိုပါတယ်။

ထိုင်းနိုင်ငံပြည်သူ့ကျန်းမာရေးဝန်ကြီးဌာနအနေနဲ့ အလှပြင်အနှိပ်ခန်းဝန်ဆောင် မှုလုပ်ငန်းတွေကို တိုက်ရိုက်ကြီးကြပ်ထားပေမယ့် လုပ်ငန်းဝန်ဆောင်မှုဆိုင်ရာ ဗဟုသုတတွေ အားနည်းတယ်လို့ ပြောလိုက်တာပါ။

ကူးသန်းရောင်းဝယ်ရေး၊ ဟိုတယ်နဲ့ အားကစားဝန်ကြီးဌာနတွေအနေနဲ့ ဒီလုပ် ငန်းတွေဆီကနေရရှိတဲ့ ဘဏ္ဍာငွေဟာ နှစ်စဉ်အနည်းဆုံးဘတ်ငွေ ဘီလီယမ် ၂၀ ထိ ရရှိလာဖို့ မျှော်မှန်းထားပေမယ့် အရည်အသွေးပိုင်းဆိုင်ရာ ထိန်းသိမ်းနိုင်မှုအပေါ် အာရုံ စူးစိုက်မှုအားနည်းနေတယ်လို့ အပီချိုင်က ပြောပါတယ်။

အသင်းရဲ့ထုတ်ပြန်ချက်တွေအရ နာမည်ကျော်ကမ်းခြေတခုဖြစ်တဲ့ ဖူးခက်ကမ်းခြေကို လာရောက်လည်ပတ်ကြတဲ့ ကမ္ဘာလှည့်ခရီးသွားတွေရဲ့ ၅၇ ရာခိုင်နှုန်းဟာ အလှပြင်အနှိပ်ခန်းဝန်ဆောင်မှုကို အသုံးပြုကြလေ့ရှိတယ်လို့ ဆိုပါတယ်။

လုပ်ငန်းခွင်တွင်းမှာ လုပ်ကိုင်နေကြတဲ့ ရွှေ့ပြောင်းအလုပ်သမားတွေရဲ့ မကျွမ်း ကျင်မှုကြောင့်လည်း နိုင်ငံတကာက သိထားတဲ့ ထိုင်းရိုးရာ အလှပြင်အနှိပ်ခန်းဝန်ဆောင် မှုလုပ်ငန်းတွေရဲ့ ပုံရိပ်တွေကို ထိခိုက်စေတယ်လို့ ပြောပါတယ်။

ဖူးခက်အလှပြင်အနှိပ်ခန်းဝန်ဆောင်မှု လုပ်ငန်းရှင်များအသင်းဥက္ကဋ္ဌ ၀မ်ဆီမန် ကင်ကူးက အစိုးရအနေနဲ့ ထိုင်းနိုင်ငံတွင်း အလှပြင်အနှိပ်ခန်းလုပ်ငန်းတွေကို စံသတ် မှတ်ချက်နဲ့ စည်းမျဉ်းစည်းကမ်းတွေနဲ့ စည်းကြပ်သင့်တယ်လို့ ပြောပါတယ်။

ကမ်းခြေနဲ့ လမ်းမတွေပေါ်မှာ ၀န်ဆောင်မှုပေးနေတဲ့ အလှပြင်အနှိပ်ခန်းတွေနဲ့ ရိုး ရာထိုင်းအလှပြင်အနှိပ်ခန်းတွေကြားက နားလည်မှုလွဲမှားနေတာမျိုးကို ကာကွယ်နိုင်ဖို့ အစိုးရက အရှိန်မြှင့်ဆောင်ရွက်သင့်တယ်လို့ သူကဆိုပါတယ်။
DVB TV News

လယ်ယာကဏ္ဍ ဖွံဖြိုးမှု နိမ့်ကျနေရခြင်းဟာ အရင်းအနှီး ရရှိရေး ပြသာနာ၊ စက်မှု ထူထောင်ရေး ပြသာနာ၊ ကုန်ထုတ်လုပ်ရေး ပြသာနာ၊ ကုန်သွယ်ရေး ပြသာနာ၊ ဖြန့်ဖြူးရေး ပြသာနာ၊ အလုပ်လက်မဲ့ ပြသာနာ အစရှိတဲ့ စီးပွားရေး ပြသာနာ အမျိုးမျိုးကို ကူးဆက်သွားပါတယ်။ လယ်ယာကဏ္ဍ ဖွံဖြိုးမှုဟာလည်း ကျေးလက် ဆင်းရဲနွမ်းပါးမှုနှင့် ချိတ်ဆက်နေတာကြောင့် လယ်ယာကဏ္ဍ ဖွံ့ဖြိုးဖို့ဟာ အစိုးရသစ် အတွက် အရေးတကြီး လုပ်ဆောင် အကောင်အထည်ဖော်ရမဲ့ စီးပွားရေး ပေါ်လစီ တစ်ခုလည်း ဖြစ်ပါနေတယ်။ လယ်ယာကဏ္ဍ ဖွံဖြိုးမှု ဖြစ်လာရင် ကျေးလက် လူနေမှု အဆင့်အတန်းလည်း မြင့်လာမှာ ဖြစ်ပြီးတော့ လယ်ယာကဏ္ဍနဲ့ ချိတ်ဆက်နေတဲ့ စီးပွားရေး ကဏ္ဍတွေကိုလည်း ကျွဲကူးရေပါ အောင်မြင်မှုကို ခေါ်သွားနိုင်မှာပါ။


■ နိုင်ငံရေး မိုင်းဗုံး

ကျေးလက် ဆင်းရဲနွမ်းပါးမှုကို မဖြေရှင်းနိုင်ခဲ့ရင် လူမှုရေး မတည်ငြိမ်မှု၊ စီးပွားရေး မတည်ငြိမ်မှုတွေ တစ်ခုပြီး တစ်ခု ဆက်တိုက် ဖြစ်လာပြီး နိုင်ငံရေး နယ်ပယ် အထိပါ ဆိုးရွားတဲ့ အခြေအနေ ပေါ်ပေါက်ဖို့ ဆက်စပ်နေပါတယ်။ ၀င်ငွေနိမ့် မြန်မာလူ့မှု အလွှာမှာ ၀င်ငွေရဲ့ ၆၂ ရာခိုင်နှုန်းဟာ စားသုံးမှုအတွက် သုံးစွဲရတာ ဖြစ်ပါတယ်။ အဲဒီ အထဲက ၃၀ ကျော်ဟာ ဆန်အတွက် အသုံးပြုရတာ ဖြစ်ပါတယ်။ အဲဒီတော့ ဆန်ဈေးနှုန်း ကြီးပြီ ဆိုတာနဲ့ ဆင်းရဲ့နွမ်းပါမှု မျဉ်းအောက် ရောက်နေတဲ့ မြန်မာ့ လူဦးရေ ၇၀ ရာခိုင်နှုန်း (၃၂ သန်းဟာ) ကုန်ဈေးနှုန်းဒဏ်ကို ကျော့ကော့အောင် ခံရတော့တာပါဘဲ။ ဒါကြောင့် ဆန်စပါး ဈေးနှုန်းဟာ စီးပွားရေး မတည်ငြိမ်မှု၊ လူမှုရေး မတည်ငြိမ်မှုကို ဖြစ်စေနိုင်တဲ့ နိုင်ငံရေး မိုင်းဗုံးလည်း ဖြစ်နေပါတယ်။

လယ်ယာကဏ္ဍဆိုတဲ့ နေရာမှာ အဓိက ပြောချင်တာကတော့ ဆန်စပါး ကိစ္စပဲ ဖြစ်ပါတယ်။ ဘောဂဗေဒ ရှုထောင့်ကနေ ဆန်စပါး ပြသာနာကို ချဉ်းကပ် အဖြေရှာရမယ် ဆိုရင် ရောင်းလိုအားဘက်က ရှိတဲ့ စိုက်ဧက၊ လုပ်သားဦးရေ၊ စိုက်စရိတ် အရင်းအနှီး၊ ဆန်ဈေးနှုန်း၊ ကုန်ထုတ်လုပ်မှု စရိတ်၊ စက်ကရိယာ ဖြစ်ပါတယ်။ ၀ယ်လိုအားဘက်က ကြည့်မယ်ဆိုရင် တိုင်းပြည်ဝင်ငွေ၊ ဆန်စားသုံးမှု၊ လူဦးရေ၊ ကုန်သွယ်မှု၊ ဈေးနှုန်း စတာတွေအပေါ်မှာ မူတည်နေပြန်ပါတယ်။ အခု အစိုးရ ချေးငွေဟာ ရောင်းလိုအားဘက်ကနေ ဖြေရှင်းမယ်ဆိုတဲ့ သဘောပါ။ ဆန်စပါးနဲ့ ပတ်သက်ပြီး ပြည်ပ ကုန်သွယ်ရေး အပါအ၀င် စီးပွားရေး မော်ဒယ်တွေ အများကြီး ရှိသလို လယ်ယာကဏ္ဍနဲ့ စတင်ပြီး တိုင်းပြည်ချမ်းသာအောင် လုပ်သွားတဲ့ အရှေ့တောင်အာရှ နိုင်ငံတွေလည်း အများကြီး ရှိပါတယ်။ အစိုးရသစ်အတွက် လယ်ယာကဏ္ဍ ဖွံဖြိုးရေးဟာ ဆန်စင်ရာ ကျဉ်ပွေ့လိုက်သလို မလုပ်မိဖို့ လိုသလို အခု စိုက်ပျိုးစရိတ် ချေးငွေ တစ်ဧက တစ်သိန်းခွဲ တိုးမြှင့်ပေးလိုက်တဲ့ လုပ်ငန်းစဉ်တွေထက် ပေါ်လစီ မူဘောင်နဲ့ မဟာဗျူဟာကျကျ လုပ်ဆောင်ရမယ့် အချက်တွေ အများကြီး လိုနေသေးတယ် ဆိုတာကို မီးမောင်း ထိုးပြလိုပါတယ်။

အခု ဗဟိုဘဏ်ကနေ ကျပ်ဘီလျံ ၅၀၀ ချေးဖို့နဲ့ ပတ်သက်ပြီး၊ ထပ်ခါထပ်ခါ သက်တမ်းတိုးနိုင်တဲ့ အစိုးရထုတ် ၉၂ ရက် သက်တမ်းရှိတဲ့ ငွေတိုက် လက်မှတ်ရဲ့ အတိုး ဘယ်လောက်လဲ ဆိုတာကို ဗဟိုဘဏ်က ပြည်ထောင်စု လွှတ်တော်မှာ ထုတ်ဖော် မပြောသွားပါဘူး။ (အစိုးရထုတ် ၂-၃-၅ နှစ် ဘွန်းတွေကတော့ ၄ % ပေးတာတွေ ရပါတယ်)။ ၉၂ ရက် သက်တမ်းရှိတဲ့ ငွေတိုက် လက်မှတ် အတိုးနှုန်းဟာ ၄ ရာခိုင်နှုန်း ဖြစ်ခဲ့မယ်ဆိုရင် လယ်စိုက်ဘဏ်က စိုက်စရိတ် ချေးငွေအတွက် အတိုး (၅ %) ယူမှာ ဖြစ်တာကြောင့် ကြားထဲမှာ အတိုးနှုန်း တစ်ရာခိုင်နှုန်းကို လယ်စိုက်ဘဏ်က ၀န်ဆောင်ခ ယူမှာလား ဆိုတာကို တွေးဆနိုင်ပါတယ်။ ဒီ ၅ ရာခိုင်နှုန်း အတိုးဟာ စတင် ချေးငွေကာလနှင့် ပြန်ဆပ်ကာလ အချိန်အတိုင်းအတာ တွက်ချက်လိုက်ရင် မေ-ဒီဇင်ဘာ(၆ လ) ပတ်ဝန်းကျင် ဖြစ်ပါတယ်။ ချေးငွေ အကုန်လုံး ရတာ မဟုတ်သေးပါဘူး။ ချေးငွေရဲ့ တစ်စိတ် တစ်ပိုင်းကိုလည်း deposit တင်ရတယ်လို့ သုတေသန စာတမ်း တစ်စောင်မှာ ဖတ်ဘူးပါတယ်။

ဘတ်ဂျက်လိုငွေပြ အခြေအနေ၊ တောင်သူလယ်သမားတွေကို အစိုးရ စိုက်ထုတ်ပြီး ကူညီ ပံပိုးပေးတဲ့ အစီအစဉ်တွေကြောင့် ငွေစက္ကူ ပမာဏ တော်တော်များများဟာ ဈေးကွက်ထဲကို ရောက်လာပြီး စီးပွားရေး မတည်ငြိမ်မှု ဖြစ်နေတဲ့ သမိုင်းကြောင်းကလည်း ရှိခဲ့ပါတယ်။ ရိုက်ထုတ်လိုက်တဲ့ ငွေစက္ကူကြောင့် ဈေးကွက်မှာ money supply ဖြစ်ပြီးတော့ ကုန်ဈေးနှုန်းကို မျက်စောင်း ထိုးလာနိုင်ပါတယ်။ ၂၃ မေ ၂၀၁၆ ရက်နေ့က ပြည်ထောင်စုလွှတ်တော်က သဘောတူလိုက်ပါတယ်။ လယ်ယာဘဏ်အတွက် ဖြည့်စွက်လိုငွေကို ဗဟိုဘဏ်ကနေ ကျပ် ဘီလျံ ၅၀၀ ကို ငွေစက္ကူ ရိုက်နှိပ် ထုတ်ဝေ (Printing) လုပ်မယ်လို့ ပြောဆိုပြီး နောက်ပိုင်း တစ်ဒေါ်လာ ၁၁၈၈ ကျပ်အထိ တက်သွားပါပြီ။ သမိုင်းအစဉ်အဆက် မအောင်မြင်ခဲ့တဲ့ အစိုးရ ချေးငွေနဲ့ ကုစားတဲ့ အစီအစဉ်ဟာ good governance ဘက်က ကြည့်ရင် များစွာ အားနည်းချက်တွေ ရှိနေသေးတာကို စဉ်းစားဖို့ လိုပါပြီ။ အစိုးရ ဗျူရိုကရေစီ ယန္တရားနဲ့ ပတ်သက်နေတဲ့ စီးပွားရေး လုပ်ငန်း မှန်သမျှဟာ အမြတ်ထွက်တဲ့ လုပ်ငန်းဆိုတာ လက်ချိုးရေတွက်လို့ ရအောင် ရှားပါးလွန်းပါတယ်။ တဆက်တည်း ၂၀၁၂-၂၀၁၃ ခုနှစ် ဘဏ္ဍာရေးနှစ်က စပြီး အစိုးရ စိုက်ထုတ် ချေးပေးခဲ့တဲ့ ငွေကြး ပမာဏကို လေ့လာကြည်ရအောင်ပါ။ (ဇယား - ၁)

ဒီဇယားမှာ တစ်နှစ်ထက် တစ်နှစ် အစိုးရ စိုက်ထုတ်ပေးတဲ့ ငွေကြေး ပမာဏ များများလာတာကို တွေ့ရမှာ ဖြစ်ပါတယ်။ နောက်ဆုံး အခု အစိုးရသစ် လက်ထက် တစ်ဧက တစ်သိန်းခွဲနှင့် ကျပ်ဘီလျံ ၁၇၆၆ အထိ ချေးမယ် ဆိုပြီး ၀န်ကြီးဌာနရဲ့ ရက် ၁၀၀ လုပ်ငန်းစဉ်မှာ ဖော်ပြလာပါတယ်။ ၁၀ ဧကအောက် ချေးမယ် ဆိုတော့ တစ်သိန်းတုန်းက ကျပ်ဘီလျံ ၁၄၆၁ ရှိပြီး တစ်ဧက တစ်သိန်းခွဲ ဆိုရင် သူရဲ့ အဆ တ၀က် တက်လာရမှာပါ။ ဒါပေမဲ့ ကျပ်ဘီလျံ ၁၇၆၆ ဖြစ်နေတာ ဆိုတာလည်း စဉ်းစား မရပါဘူး။ ဒါကြောင့် နောက်ဆုံးဇယား အကွက်မှာ ပျမ်းမျှ ဧကကို ခန့်မှန်းထည့်ထားခြင်း ဖြစ်ပါတယ်။ တကယ်တန်းက တစ်နိုင်ငံလုံးမှာ ရှိတဲ့ ဆယ်ဧကအောက် လယ်ဧက အရေအတွက်ဟာ ၁၉ ဒသမ ၉၅ သန်း ရှိတယ်လို့ Myanmar Agricultural in Brief 2011 by Department of Agricultural Planning စာမျက်နှာ ၃၃ မှာ ဖော်ပြထားတာ ရှိပါတယ်။

တပိုဒ်လုံးကို အနှစ်ချုပ် ပြောချင်တာက ချေးငွေကြောင့် ငွေကြေးပမာဏ များပြားလာမှုနှုန်း (ratio) နဲ့ လယ်ယာစပါး အထွက်နှုန်း (ratio) နှစ်ခု နှိုင်းယှဉ်လိုက်လို့ ငွေကြေးပမာဏ အပိုင်းက များလို့ ငွေဖောင်းပွမှုနှုန်းက (သာ) နေခဲ့မယ်ဆိုရင် ကုန်ဈေးနှုန်း မြင့်တက်လာပြီလို့ ကောက်ချက်ချရမှာပါ။ ဒီ ကောက်ချက်အတိုင်း မှန်ခဲ့ရင် အိတ်ပေါက်နဲ့ ဖားကောက်သလို ဖြစ်သွားနိုင်ပြီး နိုင်ငံရေး မိုင်းဗုံး တက်နင်းမိသလို ဖြစ်မှာပါ။


■ ချေးငွေ ပေါ်လစီ

Credit Policy ကို လေ့လာကြည့်တော့ မြန်မာ့လယ်ယာ ဖွံဖြိုးရေးဘဏ် (စိုက်ဘဏ်) ဟာ အကြွေးဆုံးတွေအတွက် တာဝန်ရှိတယ်။ ဒါပေမဲ့ လယ်သမားတွေ ချေးငွေ ရရှိရေး လုပ်ငန်းစဉ် ဆုံးဖြတ်ချက်တွေမှာ ပါဝင် ဆောင်ရွက်တာ မရှိဘူး။ ကျေးလက်အဆင့် ချေးငွေ စိစစ်ရေး ကော်မတီ၊ ချေးငွေ လျှောက်ထားတဲ့ လယ်သမားတွေရဲ့ ချေးငွေ အဆိုပြုလွှာ စိစစ်ရေးတွေမှာ ပါဝင် ဆောင်ရွက်တာ မဟုတ်ဘူး။ ဘဏ်ဝန်ထမ်းတွေကိုလည်း ချေးငွေဆောင်ရွက်မှု လုပ်ငန်းစဉ် ဆောင်ရွက်တဲ့ ကျေးရွာတွေကို ကွင်းဆင်း ဆောင်ရွက်ခွင့် မပေးထားဘူး။ ဒါကြောင့် ကျေးရွာတွေမှာ ရှိတဲ့ ချေးငွေ စိစစ်ရေး ကော်မတီ လူကြီးတွေရဲ့ လက်ထဲမှာ လုပ်ပိုင်ခွင့်တွေ ရှိနေတယ်။ (ကျေးရွာ အုပ်ချုပ်ရေးမှူး၊ ကျေးရွာ မြေတိုင်းစာရေး၊ အချို့ လည်လည်ဝယ်ဝယ် ရှိတဲ့ ကျေးရွာလူကြီး အချို့) Credit Management Structure ကိုလည်း ပြန်လည်ပြုပြင်ရမယ် ထင်ပါတယ်။ ဘဏ်ကတော့ အဲဒီ ကော်မတီက အာမခံ ပေးလိုက်တဲ့ သူကို ဘဏ်မန်နေဂျာ လက်မှတ်နဲ့ ထုတ်ချေးရုံပါပဲ။ အဲဒီတော့ အစိုးရ ပိုက်ဆံကို တောင်သူလက်ထဲ ရောက်ရှိဖို့ စိုက်ဘဏ်ရဲ့ အခန်းကဏ္ဍဟာ Money Distribution Channel ကို ဆောင်ရွက်ရတဲ့ အေးဂျင့်သာသာပဲ ဖြစ်နေတယ်။ အကြွေး ဆုံးရှုံးမှုတော့ မြို့နယ် စိုက်ဘဏ်က တာဝန်ယူပါတယ်။

ဒါဟာ ခိုင်မာတဲ့ ဘဏ်လုပ်ငန်း စီမံခန့်ခွဲမှု မဟုတ်သလို ဘဏ်စီးပွားရေး ဖြစ်စဉ်လည်း မဟုတ်ပါဘူး။ ဒါကြောင့် စိုက်ဘဏ်ဟာ ချေးငွေ ချပေးရေး ဆုံးဖြတ်နိုင်ခွင့်ရှိတဲ့ လုပ်ငန်းစဉ်တွေမှာ ပါဝင် ဆောင်ရွက်ခွင့် ပေးရမှာ ဖြစ်သလို ဆုံးဖြတ်ချက်ချ ချေးပေးလိုက်တဲ့ ပိုက်ဆံအတွက်လည်း တာဝန်ခံရမှာပါ။ သူရဲ့ ချေးငွေ လုပ်ငန်းစဉ်မှာ ဘယ်အပိုင်း ထည့်သွင်းမလဲ ဆိုတဲ့ Management Structure ကို အနည်းငယ် ဖြည့်စွက် ပြုပြင်ရမယ် ထင်ပါတယ်။ ဒါကို သက်သေပြဖို့ မန္တလေးတိုင်း လယ်ယာ စိုက်ပျိုးရေး ဘဏ်ရဲ့ ပြီးခဲ့တဲ့နှစ် ချေးငွေ၊ ပြန်ဆပ်တဲ့ငွေ၊ ပြန်မဆပ်တဲ့ငွေ ဇယားကို လေ့လာ ကြည့်ရအောင်ပါ။ (ဇယား - ၂)

ဒီဇယားကို ကြည့်ရင် ကြွေးမဆပ်တဲ့ ရာခိုင်နှုန်းဟာ ၃၃ % အထိ ရှိပါတယ်။ အတိုးနှုန်း ၈ % အပြည့်အ၀ ရရင်တောင် အရင်း မကျေသေးဘူးလို့ စီးပွားတွက် တွက်လို့ ရပါတယ်။ အစိုးရရဲ့ လယ်ယာကဏ္ဍ ချေးငွေဟာ စိုက်ပျိုးကုန်ကျစရိတ် စုစုပေါင်းရဲ့ ၂၅%-၃၀% သာ အထောက်အကူ (ကာဗာ)ဖြစ်တယ်လို့ စာတမ်း တစ်စောင်မှာ ဖတ်ဘူးပါတယ်။ မြန်မာ လယ်စိုက်ဘဏ်ကတော့ စုစုပေါင်း ကုန်ကျစရိတ်ရဲ့ ၄၀ ရာခိုင်နှုန်းကို ကာဗာဖြစ်တယ်လို့ ဆိုထားတယ်။ တဧက ကုန်ကျစရိတ်ဟာ အရည်အသွေးညံ့ ဆန်ဆိုရင် ၂ သိန်း ရှိပြီး၊ အဆင်မြင့်ဆန် ဆိုရင် ၄ သိန်း ရှိတယ်။ (ဥပမာ ပုလဲသွယ်) ရှိပါတယ်။


■ ပဲ့ထွက်နေတဲ့ မြန်မာ့ ဘဏ္ဍာရေး ရေစီးကြောင်း

စိုက်ဘဏ်ဟာ မြန်မာဘဏ္ဍာရေး နယ်ပယ်ထဲ ပဲ့ထွက်နေတာကိုလည်း ကမ္ဘာသိ မြန်မာဘောဂဗေဒ ပညာရှင် တစ်ဦး ရေးတဲ့ စာတမ်းမှာ မှတ်သားဘူးပါတယ်။ စိုက်ဘဏ်ဟာ ၁၉၉၆ ခုနှစ်ကစပြီး ဘဏ္ဍာရေး ၀န်ကြီးဌာန အောက်ကနေ လယ်ဆည်ဝန်ကြီးဌာန အောက်ကို လွှဲပြောင်းလိုက်ရလို့ မြန်မာဘဏ္ဍာရေး ရေစီးကြောင်းထဲကနေ ပဲ့ထွက်ခဲ့ပြီး၊ ကူးသန်းရောင်းဝယ်ရေးနှင့် ဘဏ္ဍာရေး ဆိုင်ရာ အင်စတီကျူးရှင်း ဥပဒေနဲ့ လုပ်ထုံးလုပ်နည်းတွေနဲ့ ကင်းလွတ်နေခဲ့တာ ဖြစ်ပါတယ်။ ဗဟိုဘဏ်ရဲ့ ကွက်ကဲမှု အောက်မှာလည်း မရှိပါဘူး။ ဒါကြောင့် ဘဏ္ဍာရေး ပေါ်လစီ၊ ငွေကြေး ပေါ်လစီ ဘက်ကနေ ထိန်းကျောင်းဖို့ ဆိုတာ အတော်ကို အလှမ်းဝေးနေတာ ဖြစ်ပါတယ်။ လိုအပ်တဲ့ ငွေကြေးကို မြန်မာ့ စီးပွားရေး ဘဏ်ကနေ ချေးယူ သုံးစွဲရတာ ဖြစ်ပါတယ်။ ဘဏ္ဍာရေး လုပ်ပိုင်ခွင့်နဲ့ ပတ်သက်ပြီး မြန်မာ့လယ်ယာ ဖွံ့ဖြိုးတိုးတက်ရေးဘဏ် ဆိုတဲ့ ကိုယ်ပိုင် ဥပဒေနဲ့ လုပ်ဆောင်နေတာကြောင့် မြန်မာ့ဘဏ္ဍာရေး ရေစီးကြောင်းထဲက အပြင်ကို ရောက်နေပါတယ်။ ဒါကြောင့် သူရဲ့ ဘဏ္ဍာရေးဆိုင်ရာ နှစ်ချုပ် အစီရင်ခံစာတွေ၊ Accounting စနစ်တွေ၊ အရှုံးအမြတ် လက်ကျန် စာရင်း (Balance Sheet) တွေရဲ့ အစီရင်ခံစာ ရှာဖွေ ဖတ်ရှုရဖို့ ခက်ခဲသွားပါတယ်။

မြန်မာ့ လယ်ဖွံဖြိုးရေး ဘဏ်ဟာ လယ်ဆည်ဝန်ကြီးဌာန အောက်မှာ ရောက်သွားလို့ နိုင်ငံတော် စာရင်းစစ်ချုပ် ရုံးကသာ တာဝန်ခံသလို ဖြစ်သွားပြီး စီးပွားရေး အရှုံးအမြတ် တွက်ချက်ဖို့၊ ဂျီဒီပီနဲ့ ချိတ်ဆက်ပြီး တိုးတက်မှု ဘယ်လို တိုင်းတာမလဲ ဆိုတာ ခက်ခဲသွားနိုင်ပါတယ်။ ဒါကြောင့် မြန်မာ့ဘဏ္ဍာရေး စည်းဝိုင်းထဲကို ပြန်လည် ရောက်ရှိလာအောင် Structural Adjustment လုပ်ရမဲ့၊ လုပ်ငန်းစဉ် တစ်ခု အဖြစ်လည်း ရှိနေပါလိမ့်မယ်။ စိုက်ဘဏ် အနေနှင့် အစိုးရ ထောက်ပံ့မှု အားပြုထားတဲ့ နိုင်ငံပိုင် စီးပွားရေး လုပ်ငန်း တစ်ခုကနေ ကိုယ့်ပိုက်ဆံနဲ့ကိုယ် အမြတ်ကို ဦးတည်ပြီး စီးပွားရေးဆန်ဆန် လုပ်ဆောင်နိုင်ဖို့ ရေရှည် မဟာဗျူဟာ ချမှတ် ဆောင်ရွက်ထားသင့်ပါတယ်။ အရှေ့တောင်အာရှ နိုင်ငံများရဲ့ လယ်ယာကဏ္ဍ အခြေပြုတဲ့ လယ်ယာဘဏ်တွေဟာ နိုင်ငံတကာ စီးပွားရေး ရေစီးကြောင်းထဲနှင့် လိုက်လျော်ညီထွေ ဖြစ်ဖို့ ပြုပြင် ပြောင်းလဲမှုတွေ လုပ်ခဲ့တဲ့ ဖြစ်စဉ်တွေလည်း ရှိပါတယ်။

အင်ဒိုနီးရှား လယ်ယာဘဏ် (BRI) ဆိုရင် ၂၀၀၃ ခုနှစ်မှာ အများပိုင် လုပ်လိုက်တယ်။ အစိုးရက ရှယ်ယာ ၅၆.၇၅ % ယူထားပြီး ကျန်တာ Public ကို ရောင်းလိုက်တာမျိုး စီးပွားဆန်ဆန် ဆောင်ရွက်ပါတယ်။ Corporate governance အမှန်အကန် ကျင့်သုံးတယ်။ စီမံခန့်ခွဲမှုမှာ Board Management နဲ့ ဖြစ်လာတယ်။ သတင်းအချက်အလက်တွေ လူတွေ အလွယ်တကူ လေ့လာနိုင်အောင် ဖွင့်ပေးတယ်။ ဌာနတွင်း စာရင်းစစ်၊ ပြင်ပ စာရင်းစစ်တွေ တာဝန်ခံမှု တာဝန်ယူမှု အပီအပြင်နဲ့ ဆောင်ရွက်ပါတယ်။

ဈေးကွက် စီးပွားရေး စနစ်မှာ အစိုးရ စိုက်ဘဏ်တွေရဲ့ ထောက်ပံ့ရေး အစီအစဉ်တွေရဲ့ အန္တရာယ် ညွှန်းကိန်း တဖြည်းဖြည်း မြင့်တက်လာပါပြီ။ ပထမ အချက်ကတော့ ရာသီဥတု၊ သဘာဝဘေးအန္တရာယ်၊ ဈေးနှုန်း မတည်ငြိမ်မှု၊ အခြား တိုင်းပြည်ရဲ့ ထွက်ကုန်၊ နိုင်ငံတကာ ဈေးကွက်တွေ ဖြစ်ပါတယ်။ ဒုတိယ အချက်ကတော့ အစိုးရ ကျောထောက်နောက်ခံ ပေးတဲ့ ဘဏ်တွေဟာ ပေါ်လစီပိုင်းဆိုင်ရာ ဆုံးဖြတ်ဖို့ အာဏာပိုင် အဖွဲ့အစည်း မဟုတ်တဲ့ အတွက် မူဝါဒ မတည်ငြိမ်မှုတွေကို ဆက်တိုက် ကြုံတွေ့ရပါတယ်။ နောက်ဆုံး အချက်က ဈေးကွက် စီးပွားရေး အသွင်ပြောင်းတဲ့ နိုင်ငံတိုင်းမှာ ၀န်ထုပ်ဝန်ပိုး ဖြစ်နေတဲ့ အစိုးရပိုင် စီးပွားရေး လုပ်ငန်းတွေကို ပုံသဏ္ဍာန် အမျိုးမျိုး အသွင်ပြောင်းနေကြတဲ့ အတွက် အစိုးရ ထောက်ပံပေးတဲ့ အယူအဆဟာ ခတ်မစားတော့ပါဘူး။


■ အဖြေ

အစိုးရဟာ လယ်ယာကဏ္ဍ ဖွံ့ဖြိုးတိုးတက်အောင် မဖြစ်မနေ လုပ်မယ်ဆိုရင် လယ်ယာကဏ္ဍ ကျောထောက်နောက်ခံ အားလုံးကို ငါးနှစ် ဒါမှမဟုတ် ဆယ်နှစ် စီမံကိန်းဆွဲပြီး လုပ်ရပါလိမ့်မယ်။ လာမယ့် ငါးနှစ်အတွင်း သက်ဆိုင်ရာ Stakeholder တွေ အားလုံး ပါဝင်ပြီး ပေါ်လစီတခု ရေးဆွဲပြီးတဲ့နောက် Coordination System ကို စနစ်တကျ ကျင့်သုံး ရပါမယ်။ စိုက်စရိတ် ချေးငွေ အစီအစဉ်သာ မကဘူး လယ်ယာကဏ္ဍ ကျောထောက်နောက်ခံ ဖွံ့ဖြိုးရေးအတွက် လမ်းတံတား၊ သိုလှောင်ရုံစနစ်၊ မြေသြဇာ၊ ဈေးကွက်၊ ဓာတ်ခွဲခန်း၊ ဆည်မြောင်း၊ လျှပ်စစ်၊ မျိုးကောင်းမျိုးသန့်၊ ဆန်စက်၊ သယ်ယူပို့ဆောင်ရေး စတဲ့ Value Chain တခုလုံး အတွက် ချေးငွေ ဖန်တီးနိုင်မှသာ ပိုမို ပြည့်စုံပါလိမ့်မယ်။ အဲဒီ အချက်တွေ တိုင်းပြည်မှာ မရှိရင် နိုင်ငံခြား ရင်းနှီးမြုပ်နှံမှု ဖိတ်ခေါ်ဖို့ ရပါမယ်။ လယ်ယာကဏ္ဍနှင့် ဆက်စပ်နေတဲ့ ရင်းနှီးမြှုပ်နှံမှု ပေါ်လစီ ရေးဆွဲထားရမှာ ဖြစ်ပြီး ပုဂ္ဂလိက ကဏ္ဍ၊ အစိုးရ၊ နိုင်ငံတကာ ဘဏ္ဍာရေး အဖွဲ့အစည်းများ၊ ဘဏ်စတာတွေနဲ့ ပူးပေါင်းဆောင်ရွက်ရမှာ ဖြစ်ပါတယ်။ ဒီအချက်တွေ တပြိုင်နက်တည်း ဆောင်ရွက်နိုင်မှသာ နှစ်အဆက်ဆက် မအောင်မြင်တဲ့ စိုက်ဘဏ်ရဲ့ ချေးငွေ အစီအစဉ်ကို ပြုပြင် ပြောင်းလဲနိုင်မှာ ဖြစ်ပါတယ်။
Writer:
သန်းစိုး (ဘောဂဗေဒ)

ရီပတ်ဘလစ်ကန်ပါတီ သမ္မတလောင်းဖြစ်လာမယ်လို့ ယုံကြည်ထားကြတဲ့ Donald Trump က ဟီလာရီကလင်တန်ရဲ့ မဲဆွယ်စည်းရုံးမှုတွေ သေးသိမ်သွားအောင် ရည်ရွယ်ပြီး သမ္မတဟောင်း Bill Clinton ကို ပစ်မှတ်ထား လူမှုကွန်ယက်ကနေ တိုက်ခိုက်လာနေပါတယ်။

Instagram လူမှုကွန်ယက်က ထုတ်ပြန်လိုက်တဲ့ Donald Trump ရဲ့ ဗွီဒီယိုမှာ အန္တရာယ်ကို ဖိတ်ခေါ်နေတဲ့ တီးလုံးမျိုး နောက်ခံတီးပြီး ၁၉၉၀ ခုနှစ်တွေအတွင်း သမ္မတဟောင်း ဘေလ် ကလင်တန်ဟာ သူတို့ကို လိင်ပိုင်းဆိုင်ရာ မဖွယ်မရာလုပ်ခဲ့တယ်လို့ စွပ်စွဲခဲ့တဲ့ အမျိုးသမီးသုံးယောက်ရဲ့ အသံနဲ့ ပေါင်းစပ်ထားပါတယ်။

ဗွီဒီယိုအဆုံးမှာ ဟီလာရီကလင်တန်နဲ့ သမ္မတဟောင်း Bill Clinton တို့ အတူထိုင်နေတဲ့ ဓာတ်ပုံကိုပြပြီး အခု ဒါမျိုး ထပ်လုပ်ကြတာပေါ့လို့ အဓိပ္ပါယ်ရတဲ့ စာတမ်းထိုးထားပါတယ်။ ဟီလာရီကလင်တန် ရယ်မောနေတဲ့ အသံနဲ့ ဗွီဒီယိုကို အဆုံးသတ်ထားပါတယ်။

သမ္မတဟောင်း ကလင်တန်နဲ့ ဆက်နွယ်ပြီး မတင်မကျဖြစ်နေတဲ့ မဲဆန္ဒရှင်တွေကို သတိပေးတဲ့အနေနဲ့ ဒီလို တိုက်ခိုက်မှုတွေ ဆက်ပြီး လုပ်သွားမှာဖြစ်တဲ့အကြောင်း Donald Trump က မကြာသေးခင်က တွေ့ဆုံ မေးမြန်းခန်းတွေမှာ ပြောဆိုထားပါတယ်။ ဒါပေမဲ့လည်း ဒီလို အဆက်အစပ်မရှိတဲ့ တိုက်ခိုက်မှုတွေဟာ သတင်းဌာနတွေအတွက် သတင်းဖြစ်ရုံသက်သက်သာ ဖြစ်လိမ့်မယ်ဆိုပြီး နိုင်ငံရေးသုံးသပ်သူတွေက သုံးသပ်ပါတယ်။

ဟီလာရီကလင်တန်ရဲ့ မဲဆွယ်စည်းရုံးရေးဆိုင်ရာ ပြောခွင့်ရ Brian Fallon ကတော့ Trump ရဲ့ တိုက်ခိုက်မှုတွေဟာ အကြောင်းအရာကို အခြေခံတဲ့ မဲဆွယ်စည်းရုံးမှုတွေကို လမ်းကြောင်းလွဲအောင် နှောင့်ယှက်လိုက်တာဆိုပြီး Bloomberg ရုပ်သံကို ပြောဆိုထားပါတယ်
VOA Burmese News


 လိုင်းကြေးတောင်းသည့် ရဲများကို တိုင်ကြားပါက အရေးယူမည်ဟု ရန်ကုန်တိုင်း ဒု-တိုင်း ရဲတပ်ဖွဲ့မှူးပြောကြား

ရန်ကုန် မေ ၂၄

ရဲတပ်ဖွဲ့ဝင်များ လိုင်းကြေးတောင်းခြင်းကို အထောက်အထားဖြင့် တိုင်ကြားလာပါက အရေးယူဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီး၊ ဒု-တိုင်းဒေသကြီးရဲတပ်ဖွဲ့မှူး ရဲမှူးကြီးဝင်းဗိုလ်က ပြောကြားသည်။

လက်ရှိအချိန်တွင် ရက် ၁၀၀ စီမံချက်ဖြင့် မူးယစ်နှင့် လောင်းကစားများကို အဓိကဦးစားပေး ဖမ်းဆီးမူများ ပြုလုပ်လျက်ရှိရာ အောက်ခြေရဲစခန်းများရှိ ရဲတပ်ဖွဲ့ဝင်များ၏ လိုင်းကြေးကောက်ခံခြင်း များနှင့် ပတ်သက်ပြီး China.com၏ မေးမြန်းမူကို အထက်ပါအတိုင်းပြောကြားလာခြင်းဖြစ်သည်။

'' လိုင်းကြေးကိစ္စတွေအပါအဝင် အဂတိကင်းစင်အောင်း မှာကြား ထား ပြီး ဖြစ်ပါတယ်။ ဒီအပေါ်မှာ အထောက်အထားနဲ့ လှမ်းတိုင်ရင် အရေးယူဆောင်ရွက်ပါမယ်။ ပြီးတော့ လောင်းကစား လုပ်နေတာကို မဖမ်းဘဲထားလို့ လောင်းကစားသမားကို ဖမ်းမိရင် နယ်တာဝန်ခံကိုပါ အရေးယူမူ ပါလာမှာပါ''ဟု ရဲမှူးကြီးဝင်းဗိုလ်ကပြောသည်။

ပြည်သူ့ဝန်ဆောင်မူ လုပ်ငန်းများနှင့် ပတ်သက်ပြီး တိုင်ကြားမူများ ပြုလုပ်နိုင်ရန် ၀၁၂၃၁၇၅၂၆ ၊ ၀၁၂၃၁၇၅၂၇ စသည့် ဖုန်း ၂ လုံးကို ၂၄ နာရီလုံး ဖွင့်ထားပြီး တိုင်ကြားနိုင်ကြောင်း ၎င်းကဆက်လက်ပြောကြားသည်။

ရက် ၁၀၀ စီမံချက်စတင်သည့် မေ ၁ ရက်နေ့မှစ၍ ရက်ပေါင်း၂၀ အတွင်း ရန်ကုန်တိုင်း ဒေသကြီး၌ အမူပေါင်း ၉၀၀ ကျော် ဖမ်းဆီးရမိကြောင်း ရန်ကုန်တိုင်းဒေသကြီးရဲတပ်ဖွဲ့မှူးက ပြောကြားထားခဲ့သည်။

စည်သူ
china.com Myanmar
https://www.facebook.com/china.com.mm

မိုးကုတ်မြို့က အင်းကြီး ပြုပြင်ထိန်းသိမ်းမှု အခြေအနေကို မေလ ၂၅ ရက်နေ့က လွှတ်တော်ကိုယ်စားလှယ် ဦးနိုင်ငံကျော် ပြည်သူ့ လွှတ်တော်မှာ မေးမြန်းနေစဉ်
အရင်အစိုးရလက်ထက်က သမ္မတရဲ့ သီးသန့်ရန်ပုံငွေထဲက ကျပ်သန်းပေါင်း နှစ်ထောင်နီးပါး အကုန်အကျခံပြီး လုပ်ကိုင်ခဲ့တဲ့ မိုးကုတ်မြို့လယ်က အင်းကြီး ပြုပြင်ထိန်းသိမ်းမှု မပြီးစီးသေးတာကြောင့် အစိုးရက ဘယ်လိုဆောင် ရွက်ထားသလဲဆိုပြီး မိုးကုတ်မြို့နယ် လွှတ်တော်ကိုယ်စားလှယ် ဦးနိုင်ငံကျော် က ပြည်သူ့လွှတ်တော်မှာ မေးမြန်း ခဲ့ပါတယ်။

အခုချိန်ထိ လုပ်ငန်းမပြီးပြတ်တာကြောင့် ရေကြီးရေလျှံတာ၊ လမ်းပျက်စီးတာတွေ ရှိနေတယ်လို့ ပြည်သူ့လွှတ်တော် ကိုယ်စားလှယ် ဦးနိုင်ငံကျော်က လွှတ်တော်မှာ အခုလို မေးပါတယ်။

"အင်းကန်ဘောင်ပတ်လည် တချို့နေရာမှာ အင်္ဂတေပိတ်ရန်ကျန်ရှိခြင်း၊ မီးတိုင်များတပ်ဆင်ရန်ကျန်ရှိခြင်း၊ ကန်ပတ်လမ်းပေါ်မှာ ခဲကြမ်းများသာ ခင်းထားတဲ့အတွက် သွားလာရခက်ခဲခြင်း အင်းအနောက်ဘက်ခြမ်း တလျှောက် ရေဆိုးနဲ့မိုးရေများ ထုတ်ပစ်ရန် ရေဆိုးထုတ်မြောင်းမရှိသေးခြင်း၊ အင်းကန်ဘောင်အား အောက်ခြေ ကွန်ကရစ်မပေးဘဲ သစ်သားငုတ်ရိုက်ခါ ဝါးကပ်များဖြင့်သာကာထားခြင်း၊ အင်းကန်ဘောင်ပြုလုပ်ရန်အတွက် အင်းထဲကိုမြေဖို့ကားများဖြင့် မြို့တွင်းကတ္တရာလမ်းတွေကို အသုံးပြုပြီးမှမြေဖို့တဲ့အတွက် ကျနော်တို့ မြို့တွင်း ကတ္တရာလမ်းများ ပျက်စီးခဲ့ပါတယ်၊ အမှိုက်နဲ့ စွန့်ပစ်ပစ္စည်းများ များပြားလာတယ် စတဲ့ဆိုးကျိုးများခံစားနေ ရပါတယ်"

စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာထွန်းဝင်းက လုပ်ငန်းစီမံချက်ထဲမှာပါတဲ့ ထိန်းသိမ်းရေး လုပ်ငန်းအားလုံးကို ဆောင်ရွက်ခဲ့ပြီးဖြစ်ကြောင်း ကျန်တဲ့လုပ်ငန်းတွေဟာ မိုးကုတ်မြို့နယ် စည်ပင်သာယာရေး ဦးစီးဌာနက ဆက်လက်ဆောင်ရွက်ရမှာဖြစ်ကြောင်း ဖြေကြားခဲ့ပါတယ်။

အင်းပြုပြင်ရေးဟာ မပြီးသေးပေမယ့် အင်းဖွင့်ပွဲအခမ်းအနားကို ပြီးခဲ့တဲ့မေလ ၁၄ရက်နေ့က ကျင်းပခဲ့ပြီး မန္တလေးတိုင်းဝန်ကြီးချုပ်လည်း တက်ရောက်ခဲ့ပါတယ်။

မန္တလေးတိုင်း မိုးကုတ်မြို့လည်က မိုးကုတ်အင်းကို ပြုပြင်ထိန်းသိမ်းဖို့ ပြီးခဲ့တဲ့သမ္မတ ဦးသိန်းစိန် အစိုးရလက်ထက် က ငွေကျပ်သန်း ၂ထောင်နီးပါး အကုန်အကျခံပြီး ပြုပြင်ဖို့ချပေးခဲ့ပေမယ့် လုပ်ငန်းမပြီးတဲ့အတွက် မိုးကုတ်မြို့နယ် လွှတ်တော်ကိုယ်စားလှယ် ဦးနိုင်ငံကျော်က ဒီနေ့ ပြည်သူ့လွှတ်တော်မှာ မေးမြန်းခဲ့ပါတယ်။

RFA Burmese
http://www.rfa.org/burmese/

မြန်မာနိုင်ငံသို့ ပြန်လည် ရောက်ရှိလာသော တောင်တက် အဖွဲ့ ဝင် သုံးဦးအား တွေ့ ရစဉ်(ဆင်ဟွာ)
    ရန်ကုန် ၊ မေ ၂၅ ရက်(ဆင်ဟွာ)

    ကမ္ဘာ့ အမြင့်ဆုံး ဧ၀ရတ်တောင်ထိပ်သို့ အောင်မြင်စွာ တက်ရောက် ခြေချနိုင်ခဲ့သည့် မြန်မာ တောင်တက် အဖွဲ့ သည် ရက်ပေါင်း ၆၀ ခန့် ကြာမြင့်ခဲ့သည့် တောင်တက်ခရီးစဉ် အပြီး ယနေ့ မေ ၂၅ ရက် နံနက်ပိုင်း အချိန်တွင် လေကြောင်းခရီးစဉ်ဖြင့် ရန်ကုန် အပြည်ပြည်ဆိုင်ရာ လေဆိပ်သို့ ပြန်လည် ရောက်ရှိလာခဲ့သည်။

မြန်မာ တောင်တက် အဖွဲ့ ဝင် တစ်ဦး ဖြစ်သူ ကိုပြည့်ဖြိုးအောင်က တောင်တက် ခရီးစဉ် အပေါ် ဂုဏ်ယူ ၀မ်းမြောက်စွာဖြင့် “ကျွန်တော်တို့ နိုင်ငံက အခု အာဆီယံ နိုင်ငံတွေထဲမှာ ကမ္ဘာအဆင့် ရပ်တည်လို့ ရပါပြီ။”ဟု ပြောကြားခဲ့သည်။

မြန်မာ တောင်တက် အဖွဲ့ ဝင် ကိုပြည့်ဖြိုးအောင်ကို မိသားစုဝင်များက ဂုဏ်ပြု ကြိုဆိုနေစဉ်(ဆင်ဟွာ)
မြန်မာ တောင်တက် အဖွဲ့ ဝင် ကိုဝင်းကိုကိုအား မိသားစုဝင်များက ဂုဏ်ပြု ကြိုဆိုနေစဉ်(ဆင်ဟွာ)
 မြန်မာနိုင်ငံသို့ ပြန်လည် ရောက်ရှိလာသော တောင်တက် အဖွဲ့ ဝင် သုံးဦးအား ရန်ကုန်လေဆိပ်၌ တွေ့ ရစဉ်(ဆင်ဟွာ)
ရန်ကုန် အပြည်ပြည်ဆိုင်ရာ လေဆိပ်သို့ ပြန်လည် ရောက်ရှိလာခဲ့သော မြန်မာတောင်တက် အဖွဲ့ ဝင်များအား တွေ့ ရစဉ်(ဆင်ဟွာ)
နီပေါနိုင်ငံရှိ ကမ္ဘာ့အမြင့် ဆုံး ဧ၀ရတ်တောင်ထိပ်သို့ မြန်မာတောင်တက် အဖွဲ့ ဝင် နှစ်ဦးသည် ပထမဆုံး အဖြစ် မေ ၁၉ ရက်တွင် တက်ရောက် ခြေချနိုင်ခဲ့ပြီး မြန်မာနိုင်ငံ အလံကို အောင်မြင်စွာ စိုက်ထူနိုင်ခဲ့သည်။
မြန်မာနိုင်ငံ အတွက် ဂုဏ်ယူ သကဲ့သို့ မိခင် တစ်ဦီး အနေဖြင့်လည်း ဂုဏ်ယူပါကြောင်း မြန်မာ တောင်တက် အဖွဲ့ ဝင် ကိုပြည့်ဖြိုးအောင်၏ မိခင်ဖြစ်သူ ဒေါ်အက်(စ်)တာ ကြည်ဝင်းက ရန်ကုန် အပြည်ပြည်ဆိုင်ရာ လေဆိပ်၌ လာရောက် ကြိုဆိုစဉ် ပြောကြားခဲ့သည်။

ကမ္ဘာ့အမြင့် ဆုံး ဧ၀ရတ်တောင်ထိပ်တွင် မြန်မာနိုင်ငံ အလံအား အောင်မြင်စွာ စိုက်ထူနိုင်ခဲ့သည့် မြန်မာတောင်တက် အဖွဲ့ ဝင်များအား ရန်ကုန် အပြည်ပြည်ဆိုင်ရာ လေဆိပ်၌ မိသားစုဝင်များနှင့်အတူ တပ်မတော်သားများ ၊ အားကစားနှင့် ကာယပညာဦးစီးဌာန ၊  မြန်မာနိုင်ငံခြေလျင်နှင့်တောင်တက်အဖွဲ့ချုပ် ၊ တက္ကသိုလ် ခြေလျင် တောင်တက် အသင်း ၊ ထူးဖောင်ဒေးရှင်း၊ ထူးကုမ္ပဏီများအုပ်စုမှ မှ တာဝန်ရှိသူများ ဂုဏ်ပြု ကြိုဆိုခဲ့ကြသည်။

မြန်မာနိုင်ငံ ခြေလျင် နှင့် တောင်တက် အဖွဲ့ ချုပ်မှ အဖွဲ့ ဝင်များ ဖြစ်သော ကိုဝင်းကိုကို ၊ ကိုပြည့်ဖြိုးအောင်နှင့် ကိုညီညီအောင်(ခ)ဒိုးလုံး သည် ကမ္ဘာ့အမြင့် ဆုံး ဧ၀ရတ်တောင်ထိပ်သို့ တက်ရောက်ရန် မတ်လကုန်ပိုင်းတွင် မြန်မာနိုင်ငံမှ စတင် ထွက်ခွာသွားရောက်ခဲ့ပြီး ယခု မေ ၁၉ ရက်တွင် ဧ၀ရတ်တောင်ထိပ်သို့ ရောက်ရှိခဲ့ခြင်း ဖြစ်သည်။

(Xinhua)
http://www.xinhuamyanmar.com

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် ရဲ့ လမ်းညွှန် ချက် ဖြစ်တယ်
မြန်မာ နိုင်ငံ ဖွံ့ဖြိုးရေး ကူညီမှု လုပ်ငန်းတွေ ဆောင်ရွက် ပေးနေတဲ့ နိုင်ငံ တကာ အန်ဂျီအို အဖွဲ့ အစည်း တွေ အနေနဲ့ အစိုးရနဲ့ ညှိနှိုင်း ဆောင်ရွက် မှုတွေ လုပ်ရမှာ ဖြစ်တယ်လို့ သမ္မတရုံးက ပြောပါ တယ်။

အဲဒီ အတွက် သမ္မတရုံး စီမံမှုအောက် ကနေ ညှိနှိုင်းရေး အဖွဲ့တခု ဖွဲ့ပြီး ဆောင်ရွက် သွားမယ်လို့ သမတရုံး ဝန်ကြီး ဌာန ဒုတိယ ညွှန်ကြားရေးမှူးချုပ် ဉီးဇော်ဌေးက ပြောပါ တယ်။

ဒါဟာ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ရဲ့ လမ်းညွှန် ချက် ဖြစ်ပြီး၊ အန်ဂျီအို တွေ ရဲ့ တချို့ လုပ်ငန်း တွေ ထပ်နေတာ၊ တချို့ အန်ဂျီအို တွေဆိုရင် အလှူရှင်တွေ ရဲ့ လိုလား ချက်တွေကို လုပ်တာ ရှိတဲ့ အတွက် အခုလို ညှိနှိုင်း ဆောင်ရွက်ဖို့ လိုတာ လို့ သူက ပြောပါတယ်။

ဒေါ်အောင်ဆန်းစုကြည် အနေနဲ့ မြန်မာ နိုင်ငံရဲ့ ပကတိ လိုအပ် ချက်တွေကို ဖြည့်ဆည်း ပေးမယ့် ပုံစံကို လိုလား တယ်လို့ ပြောပါတယ်။

မြန်မာနိုင်ငံတွင်း များပြားလှတဲ့ အန်ဂျီအိုတွေကို ထိန်းချုပ် ဖို့ မဟုတ်ဘဲ ညှိနှိုင်း ဆောင်ရွက်ဖို့ သာ ဖြစ်တယ်လို့ ဦးဇော်ဌေး က ပြောပါတယ်။

အရပ်ဖက် လူမှု အဖွဲ့အစည်း တွေရဲ့ လုပ်ငန်းတွေကို လည်း ထိခိုက်စေမှာ မဟုတ်ဘူးလို့ သူက ပြောပါတယ်။

BBC Burmese
http://www.bbc.com/burmese

အလုပ်အကိုင်တွေကို ဖော်ဆောင်မယ့် ကိစ္စကိုလည်း စိစစ်နေတဲ့ အခြေအနေမှာပဲ ရှိသေး
ရန်ကုန်တိုင်း အတွင်း မေလ(၂၆)ရက်နေ့ နောက်ပိုင်း အသစ် ကျူးကျော် နေထိုင်သူတွေနဲ့ လက်ရှိမှာ စီးပွားဖြစ်ကျူးကျော်နေထိုင်သူတွေကို အရေးယူမယ်လို့ ရန်ကုန်တိုင်း ဝန်ကြီးချုပ် ဦးဖြိုးမင်းသိန်းက သတင်းစာရှင်းလင်းပွဲ လုပ်ပြီး ပြော လိုက်ပါတယ်။

ရန်ကုန်တိုင်းအတွင်း ကျူးကျော်နေထိုင်နေသူတွေရဲ့ စာရင်းကို (၄၅)ရက်အတွင်း အပြီး ကောက်ခံပြီး အမှန်တကယ် နေထိုင်စရာ မရှိတဲ့ ကျူးကျော်တွေကို နေထိုင်ဖို့ နေရာနဲ့ အလုပ်အကိုင်တွေ ဖန်တီးပေးမှာ ဖြစ်ပါတယ်။

ဒါပေမယ့် စီးပွားဖြစ် မြေကွက်ရိုက်ရောင်းသူတွေနဲ့ပေါင်းပြီး ကျူးကျော် ဟန်ဆောင် နေထိုင် သူတွေကိုတော့ တည်ဆဲ ဥပဒေတွေနဲ့ အရေးယူမှုတွေ လုပ်မယ်လို့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက သတင်းစာရှင်းလင်းပွဲမှာ ပြောပါတယ်။

လက်ရှိ ကျူးကျော်နေသူတွေကို စာရင်းကောက်ရမှာတော့ ဒီဂျစ်တယ်နည်းပညာနဲ့ လက်ဗွေနဲ့ မျက်နှာတွေကို မှတ်တမ်းယူပြီး တဦးချင်းစီရဲ့ နောက်ကြောင်း ကိုလည်း စုံစမ်း စစ်ဆေးတာတွေ လုပ်ပြီးမှ ကျူးကျော်အစစ် ဟုတ်မဟုတ် သတ်မှတ်မှာ ဖြစ်ပါတယ်။

အစိုးရ အဖွဲ့အနေနဲ့ ရန်ကုန်တိုင်းအတွင်း ကျူးကျော်နေထိုင်သူတွေ လုံးဝမရှိစေဖို့ မေလ (၂၆)ရက်နေ့ နောက်ပိုင်း ကစလို့ အသစ်ကျူးကျော်နေထိုင်သူတွေကို ဥပဒေအတိုင်း ထိထိရောက်ရောက် အရေးယူမယ်လို့ ရန်ကုန်တိုင်းအစိုးရ လုံခြုံရေး နဲ့ နယ်စပ်ရေးရာ ဝန်ကြီး ဗိုလ်မှူးကြီး တင်အောင်ထွန်း က ပြောပါတယ်။

ကျူးကျော်တွေကို စာရင်းကောက်ယူမယ့် စီမံချက်ကို (၄၅) ရက်အတွင်း အပြီး လုပ်ဆောင်မယ် ဆိုပေမယ့် အမှန်တကယ် စီမံချက်စမဲ့ အချိန်နဲ့ ပြီးဆုံးမဲ့ ကာလကို ထုတ်ဖော် ပြောကြားခြင်း မရှိပါဘူး။

လောလောဆယ် အကြမ်းဖျဉ်း စာရင်းကောက်ခံမှုတွေအရ ရန်ကုန်တိုင်းအတွင်း ကျူးကျော်နေထိုင်သူ (၄)သိန်းကျော်ရှိနေပါတယ်။

ကျူးကျော် တွေကို စာရင်း ကောက်ယူပြီး နောက် အမှန်တကယ် ကျူးကျော် နေသူ တွေကို စီစဉ်ပေးမယ့် နေထိုင်ဖို့အိမ်ရာနဲ့ အလုပ်အကိုင်တွေကို ဖော်ဆောင်မယ့် ကိစ္စကိုလည်း စိစစ်နေတဲ့ အခြေအနေမှာပဲ ရှိသေးတယ်လို့ ရန်ကုန်တိုင်း အစိုးရ လုံခြုံရေး နဲ့ နယ်စပ်ရေးရာ ဝန်ကြီး ဗိုလ်မှူးကြီး တင်အောင်ထွန်းက ပြောပါတယ်။

ဒီလို အခြေအနေမှာ ရန်ကုန်တိုင်း အစိုးရအနေနဲ့ ကျူးကျော်တွေ လုံးဝ ပပျောက်ဖို့ စီမံချက်ချ လုပ်ဆောင်မှုဟာ ဘယ်အတိုင်းအတာအထိ ဖြစ်နိုင်မလဲ ဆိုတာ စောင်ကြည့်ရမှာ ဖြစ်ပါတယ်။

BBC Burmese
http://www.bbc.com/burmese

စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာထွန်းဝင်း မေလ ၂၅ ရက်နေ့က ပြည်သူ့လွှတ်တော် မှာ ပြန်လည်ဖြေကြားနေစဉ်
စစ်ကိုင်းတိုင်း တန့်ဆည်မြို့နယ် ၀က်တိုးရွာနားက အစိုးရစီမံကိန်းမှာပါတဲ့ မြေဧက ၄ထောင်နီးပါးထဲက ဧက၂၅၀၀ ကို တောင်သူတွေထံ ပေးအပ်သွားမယ်လို့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယ၀န် ကြီး ဒေါက်တာထွန်းဝင်း က ပြည်သူ့လွှတ်တော်မှာ တင်ပြခဲ့ပါတယ်။

အဲ့ဒီ ၀က်တိုး အစိုးရစီမံကိန်းဟာ အောင်မြင်မှုမရှိဘဲ ဖြစ်နေတဲ့အတွက် ဒေသခံတွေ အကျိုးရှိအောင် ဘယ်လိုဆောင် ရွက်ပေးမလဲလို့ တန့်ဆည်မြို့နယ် ပြည်သူ့လွှတ်တော်ကိုယ်စားလှယ် ဦးမြင့်ထွန်းက မေးမြန်းရာမှာ ဒုတိယ ၀န်ကြီး ဒေါက်တာထွန်းဝင်းက အခုလို ဖြေပါတယ်။

"ဝက်တိုး ၁၊ ၂ ခြံဧရိယာ စုစုပေါင်း ၃၇၂၆ ဧကသည် မူလနဂိုကတည်းက တောင်သူများထံမှ သိမ်းဆည်း ထားခြင်း မဟုတ်သော်လည်း ဌာနမှတာဝန်ယူဆောင်ရွက်နိုင်သည့် ဧက ၁၂ဝဝ ကိုသာ ဆက်လက်တာဝန် ယူဆောင်ရွက်ပြီးတော့ ကျန်တဲ့ ၂၅၂၆ ဧကကို နိုင်ငံတော်သို့ လုပ်ထုံးလုပ်နည်းများနဲ့အညီ ပြန်လည်အပ်နှံပြီး လယ်ယူမြေစီမံခန့်ခွဲမှု အဆင့်ဆင့်ကြီးကြပ်မှုဖြင့် ဒေသခံတောင်သူများ တရားဝင်လုပ်ကိုင်နိုင်ရေးအတွက် စီစဉ်ဆောင်ရွက်နိုင်မယ်ဖြစ်ပါကြောင်း ရှင်းလင်းဖြေကြားအပ်ပါတယ်"

မြန်မာ့ဆိုရှယ်လစ်လမ်းစဉ်ပါတီလက်ထက် ၁၉၈၀ ခုနှစ်လောက်က ၀က်တိုးစိုက်ကွင်း စီမံကိန်းအတွက် ဆိုပြီး မြေဧက ၄ထောင်နီးပါး သိမ်းယူခဲ့တာလို့ ဆိုပါတယ်။ နှစ်ပေါင်းများစွာ အဲဒီစီမံကိန်းဟာ ဘာတွေ ထုတ်နေတယ်ဆိုတာ ဒေသခံတွေ မသိရှိကြောင်း ဒါကြောင့် ပွင့်လင်းမြင်သာမှုမရှိကြောင်း လွှတ်တော် ကိုယ်စားလှယ် ဦးမြင့်ထွန်းက ဆွေးနွေပါတယ်။

အဲ့ဒီစီမံကိန်းကို ဆက်လက်ထားရှိမှာဖြစ်ပြီး မျိုးစေ့ထုတ်လုပ်ဖို့အတွက် မြေဧက ၁၂၀၀ ကို အသုံးပြုသွား မှာဖြစ်ကြောင်းနဲ့ ကျန်တာကို ပြန်ပေးမယ်လို့ ဒုဝန်ကြီး ဒေါက်တာထွန်းဝင်းက တင်ပြခဲ့တာဖြစ်ပါတယ်။

RFA Burmese
http://www.rfa.org/burmese


ဒေသဆိုင်ရာအုပ်ချုပ်ရေးအဖွဲ့အစည်းတွေရဲ့ ခွင့်ပြုချက်ကိုမယူဘဲ အသံချဲ့စက်ဖွင့်သူတွေကို တရားစွဲဆိုနိုင်တယ်လို့ ရန်ကုန်တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီးက ပြောပါတယ်။ ရန်ကုန်တိုင်းဒေသကြီးအတွင်း အသံချဲ့စက်၊ ဆောင်းဘောက်ဖွင့်လှစ်မှုတွေနဲ့ ပတ်သတ်လို့ (၂၀၁၂)ခုနှစ် ရပ်ကွက်အုပ်ချုပ်ရေးဥပဒေပုဒ်မ(၂၇)အရ အသံချဲ့စက်နဲ့ပတ်သက်ပြီး ရပ်ကွက်ကျေး ရွာများအထိ သက်ရောက်အောင်ဆောင်ရွက်ထားခြင်းရှိ၊ မရှိ လှိုင်မြို့နယ်မဲဆန္ဒနယ်အမှတ်(၂)၊ လွှတ်တော်ကိုယ်စားလှယ် ဒေါ်ခိုင်မာဌေး က မေလ(၂၄)ရက်နေ့က တိုင်းလွှတ်တော်မှာ မေးမြန်းလိုက်တာပါ။

သာရေး၊ နာရေးပတ်သက်ပြီး အသံချဲ့စက်ဖွင့်လိုသူတွေအနေနဲ့ သက်ဆိုင်ရာကျေးရွာ၊ ရပ်ကွက်၊ အုပ်ချုပ်ရေးအဖွဲ့အစည်းတွေထံ ဖွင့်မယ့်နေ့မတိုင်ခင် (၃)ရက်ကြိုခွင့်ပြုချက်တောင်းခံရမှာ ဖြစ်ပြီး ခွင့်ပြုချက်မရဘဲ ဖွင့်တဲ့သူတွေကို အရေးယူဆောင်ရွက်နိုင်သလို သက်ဆိုင်ရာတရားရုံးတွေ မှာလည်း တရားစွဲဆို တိုင်ကြားနိုင်တယ်လို့ ရန်ကုန်တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီးက ပြန်လည်ဖြေကြား လိုက်တာပါ။

ခွင့်ပြုချက်မရဘဲ အသံချဲ့စက်ဖွင့်သူကို ပုဒ်မ(၁၈)ပါတာဝန်ကို ဆောင်ရွက်ရန် ပျက်ကွက်သူအဖြစ် (၅၀၀၀)ထက်မပိုတဲ့ ဒဏ်ငွေ ဒါမှမဟုတ် (၇)ရက်ထက်မပိုတဲ့ ထောင်ဒဏ် ချမှတ်နိုင်တယ်လို့ ပြဌာန်းထားပါတယ်။

For Info News
https://www.facebook.com/forinfo

ရန်ကုန်တိုင်းအတွင်း နေထိုင်စရာအခက်အခဲ အမှန်တကယ်ဖြစ်နေပြီး ကျူးကျော်အဖြစ်ဝင်ရောက်နေထိုင်သူ ပြည်သူတွေအတွက် အစိုးရက နေရာချထားမှုတွေ ပြုလုပ်သွားဖို့ စီစဉ်သွားမှာဖြစ်ပေမယ့် စီးပွားရေးအလို့ငှာ ဝိသမလောဘသားအဖြစ် မြေကွက်ရိုက်ရောင်းသူတွေနဲ့ပေါင်းပြီး ကျူးကျော်ဟန်ဆောင်နေထိုင်သူတွေကိုတော့ တည်ဆဲဥပဒေတွေနဲ့ အရေးယူမှုတွေ စတင်တော့မယ်လို့ ရန်ကုန်တိုင်းဝန်ကြီးချုပ်က မေလ ၂၅ရက်နေ့မှာ ပြောလိုက်ပါတယ်။

ကျူးကျော်နေထိုင်သူ ၄သိန်းကျော် (အိမ်ထောင်စု တစ်သိန်းခြောက်သောင်းကျော်)ရှိနေပြီး ၄၅ရက် စီမံချက်နဲ့စတင်မယ့် ဒီစာရင်းကောက်ခံမှုကတော့ အမှန်တကယ်နေထိုင်ရေး အခက်အခဲရှိနေသူတွေ၊ အလုပ်အကိုင်အခွင့်အလမ်းတွေ အခက်အခဲဖြစ်နေသူတွေကို နေရာချထားပေးဖို့ဖြစ်ပြီး နေအိမ်ထိုင်ခင်းတွေ နေရာချပေးတဲ့အခါမှာ အရစ်ကျပြန်လည်ပေးဆပ်ရမှာဖြစ်ပြီး ဒီ၈ျစ်တယ်နည်းပညာနဲ့ လက်ဗွေစနစ်နဲ့ မျက်နှာတွေကို မှတ်တမ်းယူသွားမယ့်အကြောင်း၊ ဥပဒေစည်းဘောင်ကို ကျော်လွန်ဆောင်ရွက်လာမယ့်ကိစ္စတွေကိတော့ ထိထိရောက်ရောက်ဆောင်ရွက်သွားမယ်လို့ သတင်းစာရှင်းလင်းပွဲလုပ်ပြီး ဝန်ကြီးချုပ် ဦးဖြိုးမင်းသိန်းက ပြောခဲ့တာပါ။

(ဓာတ်ပုံ - မျိုးမင်းအောင်/ကမာရွတ်မီဒီယာ)
Kamayut Media

၂၀၀၄ ခုနှစ်က စတင်ခဲ့တဲ့ Facebook ရဲ့ သက်တမ်းဟာ အခုဆိုရင် ၁၂ နှစ်ကျော် ကာလကို ရောက်ရှိလာခဲ့ပြီ ဖြစ်ပါတယ်။ ၂၀၀၈ ခုနှစ် သြဂုတ်မှာ သုံးစွဲသူအရေအတွက် သန်း ၁၀၀ ပြည့်ခဲ့တဲ့ Facebook ဟာ ၂၀၀၉ ခုနှစ် ဧပြီမှာ သန်း ၂၀၀ ဖြစ်လာခဲ့ပါတယ်။ ၂၀၁၀ ပြည့်နှစ် ဖေဖော်ဝါရီမှာ သန်း ၄၀၀၊ ၂၀၁၁ ခုနှစ် စက်တင်ဘာမှာ သန်း ၈၀၀ ရှိလာပြီး ၂၀၁၄ ခုနှစ်အကုန်မှာတော့ သုံးစွဲသူ အရေအတွက် သန်း ၁၄၀၀ နီးပါးအထိ ရှိလာခဲ့တာ ဖြစ်ပါတယ်။ လက်ရှိမှာ ကမ္ဘာတစ်ဝန်း Facebook သုံးစွဲသူအရေအတွက်ဟာ ၁ ဒသမ ၆၅ ဘီလျံအထိ ရှိနေပြီး Facebook က ဒါတောင် အားမရသေးဘဲ လူဦးရေ လေးဘီလျံလောက်အထိ Facebook သုံးစွဲလာဖို့ ရည်မှန်းထားပါတယ်။

Facebook သုံးစွဲသူတိုင်း အပေါ်ပွတ်လိုက် အောက်ကိုပွတ်လိုက်လုပ်ပြီး ဟိုကြည့်ဒီဖတ်လုပ်တဲ့ News Feed ၂၀၀၆ ခုနှစ် စက်တင်ဘာမှာ စတင် မိတ်ဆက်ခဲ့တာ ဖြစ်ပါတယ်။ မြန်မာနိုင်ငံမှာ ၂၀၀၈ ခုနှစ်နောက် ပိုင်းလောက်မှ Facebook ကို တော်တော်များများ သုံးလာကြတာဖြစ်ပါတယ်။

သာမန်တစ်ဦးချင်း အသုံးပြုမှုနဲ့ကွဲပြားတဲ့ Facebook Pages ကို ၂၀၀၇ ခုနှစ် နိုဝင်ဘာမှာ စတင်မိတ်ဆက်ခဲ့ပါတယ်။ သူက နာမည်ကျော်တွေ၊ အဖွဲ့အစည်းတွေ၊ စီးပွားရေးလုပ်ငန်းတွေအနေနဲ့ အသုံးပြုနိုင်ဖို့အတွက် ဖန်တီးပေးခဲ့တာဖြစ်ပါတယ်။

ဓာတ်ပုံတွေ ဝေေ၀ဆာဆာ ပြုပြင်ဖန်တီးပြီး တင်နိုင်ဖို့ရည်ရွယ်တဲ့ Instagram ကိုတော့ ၂၀၁၀ ပြည့်နှစ် အောက်တိုဘာမှာ စတင်ကြေညာခဲ့တာ ဖြစ်ပါတယ်။

သီးခြား App တစ်ခုအနေနဲ့ ခွဲထုတ်လိုက်ပြီး ဆက်သွယ်ပြောဆိုရတာ ပိုကောင်းလာအောင်ဖန်တီးနေတဲ့ Messenger ကိုတော့ ၂၀၁၁ ခုနှစ် သြဂုတ်မှာ စတင်မိတ်ဆက်ခဲ့တယ်။ အခုဆိုရင်တော့ Messenger ပေါ်မှာ ဗွီဒီယိုဖုန်းခေါ်ဆိုမှုတွေကိုတောင် တော်တော်အသုံးပြုနေကြပြီ ဖြစ်ပါတယ်။

Facebook ရဲ့ Search ဆိုတဲ့ လုပ်ဆောင်ချက်ကိုတော့ ၂၀၁၃ ခုနှစ် မတ်လမှာ စတင်မိတ်ဆက်ခဲ့တယ်။ Facebook မှာ တင်ခဲ့ဖူးတဲ့ အကြောင်းအရာတွေကို အလွယ်တကူ ရှာဖွေလာနိုင်ပါတယ်။

အင်တာနက်ဖိုး မကုန်ကျဘဲ အခမဲ့ အသုံးပြုနိုင်မယ့် Free Basics by Facebook ကိုတော့ ၂၀၁၄ ခုနှစ် ဇူလိုင်မှာ စတင်မိတ်ဆက်ခဲ့ပါတယ်။ ဒီဝန်ဆောင်မှုမှာ ကျန်းမာရေး၊ အလုပ်အကိုင်နဲ့ ပြည်တွင်းသတင်း အချက်အလက်တွေ ဖော်ပြထားတဲ့ ၀က်ဘ်ဆိုက်တွေကို အင်တာနက်ဖိုး မကုန်ကျဘဲ ကြည့်ရှုအသုံးပြုနိုင်အောင် ရည်ရွယ်ထားတာဖြစ်ပါတယ်။ ဒီ App ကိုတော့ အာဖရိက၊ လက်တင်အမေရိကနဲ့ အာရှရဲ့တစ်ချို့နိုင်ငံတွေမှာ သုံးစွဲနိုင်ဖို့ရည်ရွယ်ပြီး တခြားဒေသတွေမှာပါ ရရှိနိုင်ဖို့ ဆက်လက်တိုးချဲ့ဆောင် ရွက်သွားမယ်လို့ ဆိုပါတယ်။

Data Usage ကိုလျှော့ချပေးပြီး အသုံးပြုနိုင်မယ့် Facebook Lite ကိုတော့ ၂၀၁၅ ခုနှစ် ဇွန်မှာ စတင်မိတ်ဆက်ခဲ့ပါတယ်။ အင်တာနက်လိုင်းတွေ မကောင်းမွန်တဲ့ နိုင်ငံတွေအတွက် ရည်ရွယ်တဲ့ သဘောမျိုးလည်းပါတယ်။

၂၀၁၆ ခုနှစ် နှစ်ဆန်းပိုင်းမှာတော့ Facebook က Like အပြင် တခြားရွေးချယ် ပြုလုပ်နိုင်မယ့် Reaction ငါးမျိုးကို ထပ်တိုးပေးခဲ့ပါတယ်။ အဲ ဒီငါးမျိုးကတော့ Love, haha, Wow, Sad နဲ့ Angry ဆိုတဲ့ငါးမျိုးပဲ ဖြစ်ပါတယ်။

အမျိုးသမီး အသုံးပြုသူတွေရဲ့ ပျမ်းမျှ Facebook Friends အရေအတွက်က ၁၆၆ ဦးဖြစ်ပြီး အမျိုးသား အသုံးပြုသူတွေမှာတော့ ၁၄၅ ဦးဖြစ်ပါတယ်။ သုံးစွဲမှုအများဆုံး အသက်အရွယ်အပိုင်းအခြားက ၁၅ နှစ်ကနေ ၃၄ နှစ်အကြားဖြစ်ပြီး ၉၁ ရာခိုင်နှုန်းတောင် ရှိပါတယ်။

၂၀၁၆ ခုနှစ် ဧပြီမှာပြုလုပ်တဲ့ Facebook ရဲ့ Developer Conference ကနေ နောင်လာမယ့် ၁၀ နှစ်အတွက် Facebook ရဲ့စီမံကိန်းတွေကို ကြားသိခဲ့ရတယ်။ နည်းပညာကုမ္ပဏီကြီးတွေဆိုတာ ဒီအတိုင်းပဲ ရပ်တန့်နေတာမျိုး မဟုတ်ဘဲ အနာဂတ် စီမံကိန်းတွေနဲ့ အမြဲတမ်း တီထွင် ကြံဆနေတာဖြစ်ပါတယ်။

လက်ရှိမှာ အောင်မြင်မှုတွေ ရနေတယ်ဆိုရင်တောင် အားရကျေနပ်နေတာမျိုး မဟုတ်ဘဲ တစ်ကမ္ဘာလုံးကလူတွေ အင်တာနက်သုံးလာနိုင်အောင်၊ အင်တာနက်သုံးတဲ့သူတိုင်း Facebook သုံးတဲ့သူတွေဖြစ်လာအောင် အစီအမံတွေ ရှိနေတာဖြစ်ပါတယ်။

Facebook ရဲ့ ၁၀ နှစ် စီမံကိန်းမှာ ပထမသုံးနှစ်အတွင်း Ecosystems ကို အဓိကထားပြီး နောက်ငါးနှစ်အတွင်းမှာတော့ Facebook ရဲ့ ထုတ်ကုန်တွေဖြစ်တဲ့ Video, Search, Groups, Messenger,WhatsApp, Instagram စတာတွေကို ထပ်မြှင့်တင်ဖို့ ရည်ရွယ်ထားပုံပါပဲ။ နောင် ၁၀ နှစ်ကိုတော့ ချိတ်ဆက်မှုပိုင်းဆိုင်ရာ နည်းပညာတွေဖြစ်တဲ့ Drones, Satellites, Lasers, Terrestrial Solutions, Telco Infra, Free Basics တွေ၊ AI နည်းပညာဖြစ်တဲ့ Vision, Language, Reasoning, Planning စတာတွေနဲ့ VR, AR နည်းပညာဖြစ်တဲ့ Mobile VR, Rift, Touch, Social VR, AR Tech စတာတွေအတွက် ရည်မှန်းထားပါတယ်။

အင်တာနက် မရသေးတဲ့နေရာတွေမှာ အင်တာနက် သုံးနိုင်အောင် Drone မောင်းသူမဲ့ လေယာဉ်တွေကို အသုံးပြုပြီး လုပ်ဆောင်ဖို့ စီစဉ်နေတာရှိပါတယ်။ အဲဒီမောင်းသူမဲ့ လေယာဉ်တွေဟာလည်း ပျံသန်းဖို့အတွက် စွမ်းအင်ကို နေရောင်ခြည်စွမ်းအင်ကနေ ရယူ သုံးစွဲမယ်လို့ ဆိုပါတယ်။

Facebook ရဲ့နောက်ထပ် အကြံအစည်တစ်ခုကတော့ VR နဲ့ AR နည်းပညာတွေ ပိုတွင်ကျယ်လာဖို့ပါ။ သမားရိုးကျအသုံးပြုမှုကနေ Social VR မျက်မှန်တွေကိုသုံးပြီး ခံစားမှုအတွေ့အကြုံသစ်တွေ ရလာစေဖို့ မျှော်မှန်းထားပါတယ်။ အနာဂတ်မှာ VR မျက်မှန်တွေဟာ ရိုးရိုးမျက်မှန်တွေလိုမျိုး ဖြစ်လာမယ်လို့ လည်းဆိုပါ တယ်။ လူတိုင်း အသုံးပြုလာနိုင်ဖို့ တွက် ဈေးနှုန်းချိုသာဖို့နဲ့ နည်းပညာအရလည်း မြင့်မားစေဖို့အတွက် ရည်မှန်းထားပါတယ်။

လာမယ့် ၂၀၂၁ ခုနှစ်မှာ မိုဘိုင်းသုံးစွဲမှုတွေရဲ့ ရာခိုင်နှုန်း ၇၀ ဟာ ဗီဒီယိုကြည့်ရှုမှုတွေ ဖြစ်လာမယ်လို့ Facebook က ခန့်မှန်းထားပါတယ်။ စမတ်ဖုန်းနဲ့သာမကဘဲ Drone လေယာဉ်တွေနဲ့ ရိုက်ကူးနေတာတွေကို လူမှုကွန်ရက်ပေါ်မှာ တိုက်ရိုက်ကြည့်ရှုနိုင်တာမျိုးတွေ ခေတ်စားလာနိုင်ပါတယ်။ Facebook အတွက် Live ဗွီဒီယိုတွေဟာ အရေးပါပြီး ဒါဟာ အစောပိုင်း ကာလအနေနဲ့သာ ရှိနေသေးတာဖြစ်ပါတယ်။

မြန်မာနိုင်ငံမှာ Facebook ကို တော်တော်သုံးစွဲလာကြပါတယ်။ သတင်းအချက်အလက်တွေ သိရဖို့သုံးတယ်၊ ဆက်သွယ်ပြောဆိုဖို့သုံးတယ်၊ အပျင်းပြေဖို့သုံးတယ်၊ စီးပွားရေးလုပ်ငန်းအတွက် သုံးတယ်ဆိုပြီး အမျိုးမျိုးအဖုံဖုံ ရှိနိုင်ပေမယ့် သေချာတာတစ်ခုကတော့ အချိန်ရော အင်တာနက်ဖိုးပါ တော်တော်ကုန်တယ်ဆိုတာပါပဲ။ အော်ပရေတာတွေကလည်း Facebook အတွက် အထူးအစီအစဉ်တွေ ပြုလုပ်ပေးပြီး ဆွဲဆောင်ကြပါတယ်။

ပြောရရင် အခုအချိန်မှာ Facebook ဟာ သာမန်လူမှုကွန်ရက်တစ်ခု မဟုတ်တော့ဘဲ ပုံမှန်ထက် သာလွန်တဲ့ စွမ်းရည်မျိုးရှိနေတာ အမှန်ပါပဲ။ အရာအားလုံးဟာ Facebook ပေါ်မှာ အကုန်ရှိတယ်လို့ သုံးစွဲသူတွေရဲ့ စိတ်ထဲမှာ ထင်မြင်လာစေပါတယ်။ ဒီလိုဖြစ်လာဖို့ Facebook ကလည်း နည်းလမ်းမျိုးစုံ အသုံးပြုပြီးတော့ ဆွဲဆောင်နေတာဖြစ်ပါတယ်။ ဒါပေမဲ့ Facebook ဟာ အရာခပ်သိမ်း မဟုတ်ပါဘူးလို့ဆိုရင် လူမှုကွန်ရက်ပေါ်မှာ အငြင်းပွားကြဦးမယ် ထင်ပါတယ်။

Writer:
နေမျိုးထွန်း
Eleven Media Group

အမျိုးသားလွှတ်တော် အစည်းအဝေးသို့ တက်ရောက်လာသော လွှတ်တော်ကိုယ်စားလှယ်များကို တွေ့ရစဉ် (ဓာတ်ပုံ-စိုးမင်းထိုက်)

ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေကို တတိယအကြိမ် ပြင်ဆင်သည့် ဥပဒေကြမ်းတွင် ဧည့်စာရင်း တိုင်ကြားရသည့် ပုဒ်မအား မူလအတိုင်း ထားရှိရန် တပ်မတော်သား လွှတ်တော်ကိုယ်စားလှယ်က ဆွေးနွေးပြီး အမျိုးသားဒီမိုကရေစီ အဖွဲ့ချုပ် လွှတ်တော်ကိုယ်စားလှယ်က ပယ်ဖျက်သင့်ကြောင်း ဆွေးနွေးသည်။

တပ်မတော်သား လွှတ်တော်ကိုယ်စားလှယ် ဗိုလ်မှူးကြီး လှဝင်းအောင်က “ဒီဥပဒေကို ပြင်ဆင်တာဟာ တတိယအကြိမ်မြောက် ဖြစ်ပါတယ်။ အခုလို ပြင်ဆင်တာမှာ နိုင်ငံတော်ရဲ့ လုံခြုံရေး၊ ပြည်သူလူထုရဲ့ အသက်အိုးအိမ် စည်းစိမ် လုံခြုံရေး၊ နိုင်ငံရဲ့ အမျိုးသား အကျိုးစီးပွားကို ထိခိုက်ရာ ရောက် မရောက် စဉ်းစား ဆင်ခြင်ရမှာ ဖြစ်ပါတယ်။ ဧည့်စာရင်း တိုင်ကြားခြင်းနဲ့ သက်ဆိုင်တဲ့ ပုဒ်မ ၁၃(ဆ)၊ ပုဒ်မ ၁၇ တို့ကို ပယ်ဖျက်ခြင်း မပြုဘဲ မူလအတိုင်း ထားရှိသင့်ပါတယ်။ ဧည့်စာရင်း တိုင်ကြားခြင်းကို ပယ်ဖျက်လိုက်မယ် ဆိုရင် နိုင်ငံတော် တည်ငြိမ်ရေးအတွက် လုံခြုံရေးဆိုင်ရာ လုပ်ငန်းတွေမှာ အနှောင့်အယှက် ပေးလိုက်သလို ပြည်သူတွေအတွက် ဆောင်ရွက်ထားတဲ့ လုံခြုံရေး စည်းရိုးကို ဖျက်ဆီးပစ်လိုက်တဲ့ သဘော ဖြစ်သွားပါတယ်” ဟု ဆွေးနွေးသည်။

ပြီးခဲ့သည့် ကာလများတွင် ဗုံးပေါက်ကွဲမှု ဖြစ်စဉ်များ ဖြစ်ပွားခဲ့ကြောင်း၊ ယင်းဖြစ်စဉ်များတွင် မသမာသူ အဖျက်သမားများသည် ဖြစ်ပွားရာ ဒေသခံများ မဟုတ်ဘဲ အခြား တစ်နေရာမှ လာရောက်သူများ ဖြစ်ကြောင်း၊ ထို့အတွက် မိမိနယ်မြေအတွင်း လူစိမ်း ၀င်ထွက်မှုကို သက်ဆိုင်ရာများက သိရှိထားပြီး စစ်ဆေးကြပ်မတ်ရန် လိုအပ်ကြောင်း၊ ၂၀၁၁ ခုနှစ်မှ ၂၀၁၅ ခုနှစ် အတွင်းတွင် ခိုးဝင် ဘင်္ဂါလီဦးရေ ၂၀၂၃ ဦး ဖမ်းဆီး ရမိခဲ့ကြောင်း၊ ခိုးဝင်ဘင်္ဂါလီများ၏ အန္တရာယ်ကြီးမားမှုကို သတိပြုကြရမည် ဖြစ်ကြောင်း၊ ထို့အတွက် ဧည့်စာရင်း တိုင်ကြားခြင်း၊ စစ်ဆေးခြင်း ကိစ္စများကို ဆောင်ရွက်ရမည်ဖြစ်ကြောင်း တပ်မတော်သား ကိုယ်စားလှယ်က ဆွေးနွေးသည်။

စက်မှု နည်းပညာ မြင့်မားပြီး ဓနအင်အား တောင့်တင်းသည့် နိုင်ငံများတွင် အဆင့်မြင့် နည်းပညာများ သုံးပြီး စနစ်တကျ ဆောင်ရွက်သည်ကို တွေ့ရှိရကြောင်း၊ နည်းပညာ နည်းပါးပြီး ဓနအင်အား နည်းပါးသည့် မြန်မာနိုင်ငံ အနေဖြင့် လုံခြုံရေးအတွက် ရှိသည့် အင်အားဖြင့် စစ်ဆေးဆောင်ရွက်ရမည်ဖြစ်ကြောင်း ၎င်းက ဆက်လက် ဆွေးနွေးသည်။

“တရားဥပဒေ စိုးမိုးရေး၊ နိုင်ငံတော် တည်ငြိမ် အေးချမ်းရေး၊ ပြည်သူလူထု ဘ၀ လုံခြုံရေးအတွက် လုံခြုံရေး စည်းရိုးသဖွယ် ဖြစ်တဲ့ ပြဋ္ဌာန်းချက်တွေကို ပယ်ဖျက်လိုက်ပါက အဲဒါကို အခွင့်ကောင်းယူပြီး မသမာသူများက အဖျက် လုပ်ငန်းများ ဆောင်ရွက်လာပါက ပြည်သူလူထုမှာ ၀မ်းနည်းဖွယ် ဖြစ်ရပ်များ ကြုံတွေ့လာရနိုင်ပါတယ်။ အဲဒီလို ဖြစ်စဉ်တွေ ပေါ်ပေါက်လာပါက ဖွဲ့စည်းပုံ အခြေခံဥပဒေ ပုဒ်မ ၃၅၇ အတိုင်း ပြည်သူလူထုရဲ့ လုံခြုံမှုကို ဥပဒေအရ ကာကွယ်ပေးရမယ့် ဥပဒေပြု လွှတ်တော်ကိုယ်စားလှယ်တွေဟာ တာဝန် မကျေတဲ့ တာဝန်ရှိတဲ့သူတွေ အဖြစ် ရောက်သွားနိုင်တာကို သတိပြုရမှာ ဖြစ်ပါတယ်” ဟု ဗိုလ်မှူးကြီး လှဝင်းအောင်က ဆွေးနွေးသည်။

အမျိုးသား ဒီမိုကရေစီ အဖွဲ့ချုပ် လွှတ်တော်ကိုယ်စားလှယ် ဦးအောင်သိန်းက ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေ၌ ဧည့်စာရင်း တိုင်ကြားရသည့် ပုဒ်မများအား ပယ်ဖျက်ရန် တင်ပြထားသည့် အပေါ်တွင် ထောက်ခံကြောင်း၊ ဒီမိုကရေစီခေတ်နှင့် မညီညွတ်တော့သည့်အတွက် ပယ်ဖျက်သင့်ကြောင်း ဆွေးနွေးသည်။

“ဒီဥပဒေဟာ လွတ်လပ်ရေး မရခင်က ကိုလိုနီ စနစ်ကို တော်လှန်နေတဲ့ သူတွေကို ဟန့်တားဖို့အတွက် ပြဋ္ဌာန်းခဲ့တဲ့ ဥပဒေ ဖြစ်ပါတယ်။ ဒီနေ့ ဒီမိုကရေစီ နိုင်ငံတွေမှာ ဧည့်စာရင်း တိုင်ကြားခြင်းနဲ့ သန်းခေါင်စာရင်း စစ်ဆေးတာတွေ မရှိတော့ပါဘူး။ ကောင်းမွန်တဲ့ လုံခြုံရေးကို နိုင်ငံတော်က တာဝန်ယူထားကြလို့ ဖြစ်ပါတယ်။ တပ်မတော်သား ကိုယ်စားလှယ်တွေက လုံခြုံရေး ရှုထောင့်ကနေ ဆွေးနွေးခဲ့ကြပါတယ်။ လုံခြုံရေး အရေးကြီးတယ် ဆိုတာ လက်ခံပါတယ်။ ရပ်ကွက်ကျေးရွာ အုပ်ချုပ်ရေးမှူးတွေကြောင့် လက်နက်မှောင်ခို၊ မူးယစ်ဆေးဝါး စတာတွေ ဖမ်းမိတယ် ဆိုတာ မကြားရပါဘူး။ ပြည်သူ့ဝန်ထမ်း လုံခြုံရေး တပ်ဖွဲ့ဝင်တွေရဲ့ ကြိုးစားမှုကြောင့်သာ ဖမ်းမိတာပါ။ အုပ်ချုပ်ရေးမှူး တစ်ယောက်ဟာ သူနဲ့ အဆင်မပြေတဲ့သူရဲ့ အိမ်ကို လိုသလို စစ်ဆေးနိုင်တယ် ဆိုသကဲ့သို့ ကျယ်ကျယ်ပြန့်ပြန့် အခွင့်အရေး ပေးထားသလို ဖြစ်နေပါတယ်။ ဒါကြောင့် ပယ်ဖျက်သင့်ပါတယ်။ လုံခြုံရေးက အားလုံးနဲ့ သက်ဆိုင်တာ ဖြစ်ပါတယ်။ ဒါကြောင့် ဧည့်စာရင်း စစ်ဆေးတဲ့ ပုဒ်မကို ပယ်ဖျက်သင့်ပါတယ်” ဟု ဆွေးနွေးသည်။

ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေကို တတိယအကြိမ် ပြင်ဆင်သည့် ဥပဒေကြမ်းအား လွှတ်တော်ကိုယ်စားလှယ် ၁၅ ဦးက ဆွေးနွေးခဲ့ကြောင်း၊ လွှတ်တော်ကိုယ်စားလှယ်များ၏ ဆွေးနွေးချက်များကို ပြန်လည် ကြားနာရန် ဥပဒေကြမ်း ကော်မတီသို့ လွှဲအပ်ကြောင်း အမျိုးသားလွှတ်တော် ဥက္ကဋ္ဌက ကြေညာသည်။
Writer:
စိုးမင်းထိုက်
Eleven Media Group

မန္တလေး၊ မေ ၂၅ ။ ။ မန္တလေးခရိုင်အတွင်းတွင် မူးယစ်ဆေးဝါးနှင့် လောင်းကစားမှုများ ပပျောက်စေရန်အတွက် လူမှုပရဟိတအသင်းများအနေဖြင့် တိုင်းဒေသကြီးအစိုးရအဖွဲ့ထံ သတင်းပေးတိုင်ကြားရန် မန္တလေးတိုင်းဝန်ကြီးချုပ် ဒေါက်တာဇော်မြင့်မောင်က ပြောသည်။

ဝန်ကြီးချုပ် ဒေါက်တာ ဇော်မြင့်မောင်က "အဲဒီလိုသတင်းပေးတာကိုလည်း ကာကွယ်ပေးပါမယ်။ ပရဟိတ အသင်းတွေကို လိုအပ်တာမှန်သမျှ ဥပဒေဘောင်အတွင်းက ကူညီပေးပါမယ်။"ဟု မေ ၂၅ရက်က ပရဟိတအသင်း ၁၈၄သင်း နှင့် တွေ့ဆုံစဉ် ပြောကြားခဲ့သည်။

မန္တလေးခရိုင်အတွင်းတွင် လူငယ်တစ်ချို့ မူးယစ်ဆေးဝါးသုံးစွဲပြီး လုယက်မှုများ မကြာခဏဖြစ်ပေါ်နေခြင်းကြောင့် လူမှုပရဟိတအသင်းများအနေဖြင့် အစိုးရအဖွဲ့နှင့် ပူးပေါင်းပါဝင်ရန် ဖိတ်ခေါ်ခြင်းဖြစ်သည်။

မန္တလေးတိုင်းအတွင်း မူးယစ်ဆေးဝါးမှုနှင့် လောင်းကစားမှုများ ပပျောက်ရန်အတွက် မန္တလေးတိုင်းရဲတပ်ဖွဲ့က ရက် ၁၀၀ စီမံချက်တွင် အဓိကထား ဆောင်ရွက်ပေးရန်လည်း မေ ၁၇ရက်က ရဲတပ်ဖွဲ့ဝင်များ နှင့် တွေ့ဆုံပွဲတွင် ဝန်ကြီးချုပ်က ညွှန်ကြားထားသေးသည်။
Mizzima - News in Burmese

ရန်​ကုန်​၊ ​မေ ၂၅ ။ ။ မေ ၂၅ရက်၌ အသစ်ပြန်လည်ဖွဲ့စည်းလိုက်သည့် နိုင်ငံလုံးဆိုင်ရာကျောင်းသား သမဂ္ဂအဖွဲ့ချုပ်(န.က.သ.) နှင့် ပညာ​ရေးဝန်​ကြီးဌာန ပြည်​​ထောင်​စုဝန်​ကြီး ဒေါက်တာမျိုးသိမ်းကြီးတို့ မေလ ၂၉ရက်တွင် တွေ့ဆုံမည်ဖြစ်သည်။

"ပြည်ထောင်စုဝန်ကြီး ဒေါက်တာမျိုးသိမ်းကြီးက ဖိတ်ကြားတာပါ။ ကျွန်တော်တို့က နိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်အနေနဲ့ သွားရောက်ဆွေးနွေမှာပါ။"ဟု န.က.သ ဗဟိုအလုပ်အမှုဆောင် ကိုဇေယျာလွင်က မဇ္ဈိမကို ပြောသည်။

ယင်း​တွေ့ဆုံမှုတွင်​ ကျောင်းသားသမဂ္ဂ တရားဝင်ဖွဲ့စည်းခွင့်၊ သမဂ္ဂအဆောက်အဦ ပြန်လည်တည်ဆောက်ရေး၊ အကျဉ်းကျ ကျောင်းသားများ ကျောင်းပြန်လည်တက်ခွင့်ရှိရေးနှင့် အဆင့်မြင့်ပညာရေးကဏ္ဍတို့ ဆွေးနွေးသွားမည်ဖြစ် ကြောင်း သိရသည်။

နိုင်ငံလုံးဆိုင်ရာ ကျောင်းသားသမဂ္ဂအဖွဲ့ချုပ်ကို တက္ကသိုလ်ကျောင်းသားများသမဂ္ဂမှ (၁၆)ဦး၊ ဗမာနိုင်ငံလုံး ဆိုင်ရာကျောင်းသားသမဂ္ဂများအဖွဲ့ချုပ် (မြေလတ်ဒေသ)မှ (၁၁)ဦး စုစုပေါင်း (၂၇) ဦးဖြင့် ​မေလ ၂၅ရက်​​နေ့တွင်​ ဖွဲ့စည်းခဲ့ခြင်း ဖြစ်သည်။

နိုင်​ငံလုံးဆိုင်​ရာ ​ကျောင်းသားသမဂကို မြန်​မာနိုင်​ငံ ပညာ​ရေးစနစ်​ ​ပြောင်းလဲ​ရေး၊ ဒီမိုက​ရေစီ ပညာ​ရေးစနစ်​ ဖြစ်​​ပေါ်လာ​ရေး၊ ​ကျောင်းသားသားထု အခွင့်​အ​ရေး ကာကွယ်​​စောင့်​​ရှောက်​​ရေး၊​ကျောင်းသားထု စွမ်းရည်​မြှင့်​တင်​​ရေး၊ ​ကျောင်းသမဂများ လွတ်​လပ်​စွာ လှုပ်​ရှားရပ်​တည်​ခွင့်​ရရှိ​ရေး ထိထိ​ရောက်​​ရောက်​ ​ဆောင်​ရွက်​ရန်​ ရည်​ရွယ်​ ဖွဲ့စည်းခြင်းဖြစ်​​ကြောင်း န.က.သ က ​မေ ၂၅ရက်​​တွင်​ ထုတ်​ပြန်​သည့်​​ကြေညာချက်​၌ ​ဖော်​ပြထားသည်​။

ထို့အပြင်​ ၎င်းတို့အ​နေဖြင့်​ နိုင်​ငံ​တော်​အတိုင်​ပင်​ခံ ​ဒေါ်​အောင်​ဆန်းစုကြည်​နှင့်​ စမ္မတဦးထင်​​ကျော်​ ဦး​ဆောင်​သည့်​ အစိုးရအဖွဲ့တို့နှင့်​ ပူး​ပေါင်း​ဆောင်​ရွက်​သွားမည်​ဟုလည်း ​ကြေညာချက်​က ဆိုသည်​။

နိုင်ငံလုံးဆိုင်ရာ ကျောင်းသားသမဂ္ဂ အဖွဲ့ချုပ် ဖွဲ့စည်းသည့် အခမ်းအနားကို ရန်ကုန်မြို့၊ သင်္ဃန်းကျွန်းမြို့နယ်၊ ဓမ္မပီယစာသင်တိုက်တွင် မေလ (၂၅) ရက်နေ့က နံနက်​ပိုင်းက ပြုလုပ်ခဲ့ခြင်း ဖြစ်သည်။
Mizzima - News in Burmese

ယခုအပတ်အတွင်း ဟီရိုရှီးမားမြို့ရှိ နတ္ထိဇုံ ground zero တွင် ပြုလုပ်မည့် သမ္မတအိုဘားမား၏ ပန်းခွေချ အလေးပြုပွဲ အခမ်းအနားသို့ မြို့ကို အမေရိကန်တို့ အဏုမြူဗုးံ ကြဲစဉ် အသက်မသေ လွတ်မြောက်လာသူများ တက်ရောက်မည်ဟု သိရသည်။

အခမ်းအနားသို့ ဒုတိယကမ္ဘာစစ်အတွင်း ဂျပန်တို့ ဖမ်းဆီးခြင်းခံရသည့် ကန်စစ်အကျဉ်းသားဟောင်းများလည်း ကန်အရာရှိကြီးများနှင့်အတူ တက်ရောက်မည်ဖြစ်ရာ ယင်းသို့ တက်ရောက်ကြခြင်းမှာ ကန်တို့လုပ်ရပ်ကို တောင်းပန်သည့်အသွင် မဟုတ်ကြောင်း ဂျပန်ယူမီယူရီရှင်ဘွန်း သတင်းစာတွင် ဖော်ပြထားသည်။

လာမည့် သောကြာနေ့ အဏုမြူဗုးံကြောင့် တိမ်းပါးသွားသူများ အထိမ်းအမှတ် ဂူဗိမ္မာန်တွင် သမ္မတအိုဘားမား ပန်းခွေချခြင်းမှာ ရာထူးလက်ရှိ ကန်သမ္မတတစ်ဦးအနေဖြင့် ပထမဆုးံ လာရောက် အလေးအမြတ်ပြုခြင်း ဖြစ်သည်။
ယခုအပတ်စောစောပိုင်း သမ္မတအိုဘားမားက ရုပ်သံသတင်းတစ်ခုသို့ ပြောရာတွင် ယင်းအနေဖြင့် ဗုးံကြဲသည့်ကိစ္စအပေါ် တောင်းပန်မှုမပြုဟုဆိုသည်။

၁၉၄၅ သြဂုတ်လ ၆ ရက်နေ့တွင် အမေရိကန်လေတပ်က ကမ္ဘာ့ပထမဆုးံ ကြဲချမှုအဖြစ် အနုမြူဗုးံတစ်လုးံကို ဟီရိုရှီးမားမြို့ပေါ်သို့ ကြဲချခဲ့ရာ လူ ၁၄၀,၀၀၀ ခန့် သေဆုးံခဲ့ရသည်။

နျူကလီးယား ပေါက်ကွဲမှုကြောင့် ဖြစ်ပေါ်သည့် မီးတောက်မီးလျှံများက လူထောင်ပေါင်းများစွာကို သေဆုးံစေခဲ့ပြီး ကြဲချအပြီး နှစ်လချီအကြာ နောက်ပိုင်းတွင်လည်း အဏုမြူ ရေဒီယိုသတ္တိကြွမှုကြောင့် လူအမြောက်အမြား ဒဏ်ရာရခြင်း မကျန်းမမာ ဖြစ်ခြင်းတို့ ခံစားခဲ့ကြရသည်။
ဟီရိုရှီးမားကို ကြဲချအပြီးနောက် ၃ ရက်အကြာတွင် နိုင်ငံတောင်ပိုင်းရှိ နာဂါစကီမြို့ကိုလည်း ဒုတိယမြောက် အဏုမြူဗုးံ ကြဲခဲ့ရာ ဒုတိယကမ္ဘာစစ်ပြီးဆုးံခါနီး ကာလတွင် လူပေါင်း ၇၄,၀၀၀ ခန့် အသက်ဆုးံခဲ့ရသည်။

ထိုစဉ်က ကန်သမ္မတ ဟယ်ရီထရူမင်း၏ ပြင်းထန်လျင်မြန်စွာ တုံ့ပြန်လုပ်ဆောင်ပုံကို ကန်ပြည်သူအများ သဘောမတွေ့ ခဲ့ကြသကဲ့သို့ ဂျပန်ပြည်သူ အများစုက အရပ်သား အများအပြား အစုအပြုံလိုက် သေဆုးံစေသည့် ဗုးံကြဲမှုများမှာ မလိုအပ်ဘဲ လုပ်ဆောင်ခဲ့ခြင်းဖြစ်ပြီး ရာဇ၀တ်မှု ကျုးလွန်ခြင်းဟု မှတ်ယူခဲ့ကြသည်။

အမေရိကန်အများစုက ယင်းလုပ်ရပ်မှာ ဒုတိယကမ္ဘာစစ် အဆုးံသတ်စေရေးအတွက် ဂျပန်ကို ၀င်ရောက်တိုက်ခိုက်ပါက အသက်သွေးချွေးများ ပိုပိုရင်းနှီးရမည့် အဖြစ်ကို ရှောင်ရှာနိုင်ခဲ့သည်ဟု ယူဆကြသည်။

ပြီးလဲ့သည့် အင်္ဂါနေ့က ၀န်ကြီးချုပ်အာဘေးနှင့် တွေ့ဆုံရာတွင် ဟီရိုရှီးမားမြို့တော်ဝန် ကာဇူမီမတ်ဆူအီက သမ္မတအိုဘားမားအနေဖြင့် အဏုမြူဗုးံဒဏ်မှ အသက်မသေ လွတ်မြောက်လာသူများကို တွေ့ဆုံသင့်သည်ဟု တောင်းဆိုခဲ့ကြောင်း သတင်းတစ်ရပ်က ဆိုသည်။

“အဏုမြူဘေး လွတ်သူတွေနဲ့ သမ္မတကြီး မျက်နှာချင်းဆိုင်တွေ့ရင် သမ္မတကြီးအနေနဲ့ အဲဒီလူတွေရဲ့ ခံစားချက်ကို နားလည်နိုင်မှာပါ” ဟု မြို့တော်ဝန် မတ်ဆူအီကဆိုသည်။

ယနေ့ ဗုဒွဟူးနေ့နှောင်းပိုင်းတွင် အိုဘားမား ဂျပန်နိုင်ငံသို့် G7 စက်မှုထိပ်သီး ခုနစ်နိုင်ငံ အစည်းအဝေးတက်ရန် လာရောက်မည်ဖြစ်ရာ ယင်းအနေဖြင့် ၀န်ကြီးချုပ် ရှင်ဇိုအာဘေး အပါအ၀င် ထိပ်တန်းအရာရှိကြီးများနှင့် တရားဝင်တွေ့ဆုံမည်ဖြစ်ကြောင်း ဂျပန်အစိုးရပြောခွင့်ရ ယိုရှီဟီဒီဆူဂါက ဆိုသည်။

ရွှန်းတင့်
The Ladies News Journal

တရုတ်နဲ့ အပြုသဘော ဆွေးနွေးမှုကို မျှော်လင့်လို့ တိုင်ဝမ်သမ္မတသစ် ပြောကြား

တိုင်ဝမ် သမ္မတ သစ် ဟာ အိမ်ထောင် မရှိသူ ဖြစ်တာကြောင့် အစွန်းရောက်တဲ့ အယူအဆ ရှိသူလို့ ဝေဖန် ခဲ့သူ တရုတ် ခေါင်းဆောင် တယောက်ကို အင်တာနက် လူမှု ကွန်ယက် စာမျက်နှာတွေမှာ ဝေဖန် နေကြပါတယ်။

သမ္မတ စိုင်အင်ဝမ်း ဟာ ချစ်ခင် ကြင်နာ စိတ် နည်းပါးပြီး အိမ်ထောင့် တာဝန် တွေကို ယူချင်စိတ် မရှိသူ ဖြစ်ပြီး အစွန်းရောက်တဲ့ ပုံစံမျိုး ရှိသူ ဖြစ်တယ်လို့ တရုတ် ထိပ်တန်း စစ်ခေါင်းဆောင် တယောက် ဖြစ်တဲ့ Wang Weixing က ဆင်ဟွာ သတင်းမှာ ရေးသား ဝေဖန် ခဲ့ပါတယ်။

တိုင်ဝမ် သမ္မတ ရုံးကတော့ မှတ်ချက်ပေး ပြောကြားမှု နဲ့ ပတ်သက်ပြီး ပြန်လည် ဖြေကြားခြင်း မရှိပါဘူး။

တရုတ် နိုင်ငံဟာ တိုင်ဝမ် ကို လက်အောက်ခံ ဒေသ အဖြစ် ရှုမြင် ထားပြီး တိုင်ဝမ် ကို လွတ်လပ်တဲ့ သီးခြား နိုင်ငံ အဖြစ် တောင်းဆို နေတဲ့ ပါတီ ခေါင်းဆောင် သမ္မတ စိုင်အင်ဝမ်း အပေါ်မှာ သဘောထား တင်းမာ မှုတွေ ရှိပါတယ်။
BBC Burmese

ဖျက်ဆီးခံလိုက်ရတဲ့ ကုမ္ပဏီပိုင် မြေတူးယာဉ်တစ်စီးကို တွေ့ရစဉ်။ ဓါတ်ပုံ - မြဝတီ
ဒီလဆန်းပိုင်းက ဖါးကန့်မြို့နယ်က ကျောက်စိမ်းကုမ္ပဏီတွေနားမှာ ပေါက်ကွဲမှုဖြစ်ခဲ့တာနဲ့ ကုမ္ပဏီတွေကို မီးရှို့ဖျက်ဆီးရာမှာ ပါဝင်ပတ်သက်နေသူ ၃ ဦးကို တပ်မတော်က ဖမ်းဆီးရမိခဲ့ပြီး ဖားကန့်မြို့မရဲစခန်းကို လွှဲပြောင်းပေးထားတယ်လို့ မြဝတီသတင်းစာက ဒီနေ့ သတင်းထုတ်ပြန်ပါတယ်။

တပ်မတော်က ဖမ်းဆီးရမိတဲ့ မရမ်ဘောမ်ယော်၊ ဂွမ်ဂျာနော်နဲ့ အောင်အောင်တို့ဟာ ဒီလ ၉ ရက်နေ့ က  ဖားကန့်မြို့မ ရဲစခန်းနဲ့ ဥရုရတနာကျောက်စိမ်းတောင် တံတားအနီးမှာ လက်ပစ်ဗုံးဖောက်ခဲ့ရမှာ ပါဝင်ခဲ့သလို မေလ ၁၅ ရက်က မှော်စီစာကျေးရွာအနီးမှာရှိတဲ့ ကောင်းမြတ်သုခ ကျောက်စိမ်းတူးဖော်ရေးကုမ္ပဏီကို မီးရှို့ဖျက်ဆီးခဲ့တာ မှာလည်း ပါဝင်ခဲ့တယ်လို့ သတင်းမှာ ဖော်ပြထားပါတယ်။

ဒါ့အပြင် ပြီးခဲ့တဲ့နှစ် အောက်တိုဘာလအတွင်းက ဖားကန့်မြို့နယ်မှာရှိတဲ့ ဌေးမြန်မာ ကျောက်စိမ်းတူးဖော်ရေးကုမ္ပဏီ ကို မီးရှို့ဖျက်ဆီးခဲ့ရာမှာ ပါဝင်ခဲ့တယ်လို့ ပါရှိပါတယ်။

တပ်မတော်ရဲ့ စစ်ဆေးမေးမြန်းမှုတွေအရ ဖမ်းဆီးရမိသူတွေဟာ ကချင်လွတ်မြောက်ရေး တပ်မတော် KIA အဖွဲ့ဝင်တွေဖြစ်သလို အမှုမှာပါဝင်ပတ်သက်နေတဲ့ မဂျန်ယောထုံ ဆိုသူတစ်ဦးဟာ ထွက်ပြေးတိမ်းရှောင်နေ တယ်လို့လည်း ဖော်ပြထားပါတယ်။

RFA Burmese
http://www.rfa.org/burmese

ဖားကန့်မြို့နယ် ဝှေခါ-မှော်သစ်ကုန်းကေျးရွာက ရတနာကြယ် ကျောက်တူးဖော်ရေး ကုမ္ပဏီလုပ်ကွက်မှာ ကျောက်ကြော ကမ်းပါးပြိုကျလို့ သေဆုံးခဲ့တဲ့ အလောင်း ၁၂ လောင်းကို ဖားကန့်ဆေးရုံးမှာ၂၀၁၆ ခုနှစ် မေလ ၂၄ ရက်နေ့က တွေ့ရစဉ်။ Photo: Ko Tin Hlaing
ကချင်ပြည်နယ် ဖားကန့်မြို့နယ် ဝှေခါ-မှော်သစ်ကုန်းကျေးရွာက ရတနာကြယ် ကျောက်မျက်ကုမ္ပဏီ လုပ်ကွက်ထဲ မှာ ကျောက်ကမ်းပါးပြိုကျမှုကြောင့် ပျောက်ဆုံးနေသူ ၇၀ ကျော် ရှိကြောင်း ဆိပ်မူကျေးရွာ အန်အယ်လ်ဒီပါတီ က ပြောပါတယ်။

ပြီးခဲ့တဲ့ မေလ ၂၃ ရက်နေ့ညက ကျောက်ကြောကမ်းပါးပြိုကျမှုကြောင့် ပျောက်ဆုံးနေသူတွေ အခြေအနေကို မနေ့က ဝှေခါဒေသခံတွေနဲ့ သွားရောက်တွေ့ဆုံမေးမြန်းရာမှာ သိရှိခဲ့ရတာဖြစ်တယ်လို့ ဆိပ်မူကျေးရွာ NLD ပါတီဝင် ဦးမွှေးကြီးက ပြောပါတယ်။

"ဖားကန့်မှာ ထိခိုက်ဒဏ်ရာရတာ ၁၉ ယောက် ပျောက်ဆုံးနေတဲ့ ၇၃ ယောက်ကတော့ ရှာမတွေ့သေးဘူး၊ ဆက်လက်လည်း မရှာဖွေဘူး၊ ဒီအတိုင်းပဲထားကြတယ်၊ ကုမ္ပဏီ ဘတ်ဟိုးတွေနဲ့ လုပ်သင့်တာကို မလုပ်ဘူး၊ အုပ်ချုပ်ရေးကလည်း အဲ့ဒါမျိုးလုပ်တာ အားနည်းနေတာတွေ့ရတယ်၊ ပြောရမယ်ဆိုရင် အုပ်ချုပ်ရေးနဲ့ ကုမ္ပဏီ ပူးပေါင်းပြီးတော့မှ စက်ယန္တရားတို့ဘာတို့နဲ့ ရှာသင့်တယ်ပေါ့ဗျာ၊ တစ်ရက်၊ နှစ်ရက်မက သုံးရက်ပေါ့ဗျာ၊ ခုဟာက အလောင်းမရဘူး၊ အဲ့တော့ အိမ်တိုင်းမှာလိုလို ဘုန်းကြီးတွေဘာတွေ တချို့သွားပင့်တဲ့လူတွေကတော့ ပင့်နေကြပြီ၊ အဲ့ဒါစိတ်မကောင်းစရာ ဖြစ်ရတာပေါ့ဗျာ"

ဖားကန့်မြို့နယ် အုပ်ချုပ်ရေးရုံးကို မေးမြန်းရာမှာတော့ လမ်းပန်းဆက်သွယ်ရေး ခက်ခဲနေတဲ့အတွက် မြေပြို ကျမှု နောက်ဆုံးအခြေအနေကို မြို့နယ်အုပ်ချုပ်ရေးရုံးကို တင်ပြလာတာ မရှိသေးဘူးလို့ ဖြေကြားပါတယ်။

မနေ့က ရှာဖွေတွေ့ရှိတဲ့ အခြေအနေအရ သေဆုံးသူ ၁၂ ယောက်နဲ့ ဒဏ်ရာရသူတွေထဲက ၁၄ ယောက် ဟာ မြစ်ကြီးနားဆေးရုံ နဲ့ ဖားကန့်ဆေးရုံမှာ ကုသခံနေရတာဖြစ်ပါတယ်။

ကုမ္ပဏီက တောင်ဖြိုမိုင်းတွေနဲ့ ဖြိုခွဲထားတဲ့ ကျောက်ကမ်းပါးဟာ မိုးဆက်တိုက် ရွာနေတာကြောင့် ပြိုကျခဲ့တာဖြစ်တယ်လို့ ဒေသခံတွေက ပြောပါတယ်။

ပြီးခဲ့တဲ့ မေလ ၅ ရက်နေ့ကလည်း ဆိပ်မူကျေးရွာအုပ်စု ဘဇံချောက်မှော်ရွာမှာ ကျောက်ကြောကမ်းပါး ပြိုကျပြီး ကျောက်ရှာဖွေသူ ၁၃ ယောက် သေဆုံးခဲ့ပါသေးတယ်။

RFA Burmese
http://www.rfa.org/burmese

ပြည်ထောင်စုသမ္မတမြန်မာနိုင်ငံတော်
နိုင်ငံတော်သမ္မတရုံး
ကြေညာချက်အမှတ်၊ ၉/ ၂၀၁၆
၁၃၇၈ ခုနှစ်၊ ကဆုန်လပြည့်ကျော် ၄ ရက်
(၂၀၁၆ ခုနှစ်၊ မေလ ၂၅ ရက်)
ပြည်ထောင်စုအစိုးရအဖွဲ့ ပြင်ဆင်ဖွဲ့စည်းခြင်း

၁။ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၀၀ နှင့် ပြည်ထောင်စုအစိုးရအဖွဲ့ ဥပဒေပုဒ်မ ၆၊ ပုဒ်မခွဲ (က) တို့ပါ ပြဌာန်းချက်များအရ “ပြည်ထောင်စုအစိုးရအဖွဲ့” ကို အောက်ပါပုဂ္ဂိုလ် များဖြင့် ပြင်ဆင်ဖွဲ့စည်းလိုက်သည်-
(က) ဦးထင်ကျော် နိုင်ငံတော်သမ္မတ
(ခ) ဦးမြင့်ဆွေ ဒုတိယသမ္မတ
(ဂ) ဦးဟင်နရီဗန်ထီးယူ ဒုတိယသမ္မတ
(ဃ) ဒေါ်အောင်ဆန်းစုကြည် ပြည်ထောင်စုဝန်ကြီး
နိုင်ငံခြားရေးဝန်ကြီးဌာနနှင့်
သမ္မတရုံးဝန်ကြီးဌာန
(င) ဒုတိယဗိုလ်ချုပ်ကြီးကျော်ဆွေ ပြည်ထောင်စုဝန်ကြီး
ပြည်ထဲရေးဝန်ကြီးဌာန
(စ) ဒုတိယဗိုလ်ချုပ်ကြီးစိန်ဝင်း ပြည်ထောင်စုဝန်ကြီး
ကာကွယ်ရေးဝန်ကြီးဌာန
(ဆ) ဒုတိယဗိုလ်ချုပ်ကြီးရဲအောင် ပြည်ထောင်စုဝန်ကြီး
နယ်စပ်ရေးရာဝန်ကြီးဌာန
(ဇ) ဦးကျော်တင့်ဆွေ ပြည်ထောင်စုဝန်ကြီး
နိုင်ငံတော်အတိုင်ပင်ခံရုံးဝန်ကြီးဌာန
(ဈ) ဒေါက်တာဖေမြင့် ပြည်ထောင်စုဝန်ကြီး
ပြန်ကြားရေးဝန်ကြီးဌာန
(ည) သူရဦးအောင်ကို ပြည်ထောင်စုဝန်ကြီး
သာသနာရေးနှင့်ယဉ်ကျေးမှုဝန်ကြီးဌာန
(ဋ) ဒေါက်တာအောင်သူ ပြည်ထောင်စုဝန်ကြီး
စိုက်ပျိုးရေး၊မွေးမြူရေးနှင့်ဆည်မြောင်း ဝန်ကြီးဌာန
(ဌ) ဦးသန့်စင်မောင် ပြည်ထောင်စုဝန်ကြီး
ပို့ဆောင်ရေးနှင့်ဆက်သွယ်ရေးဝန်ကြီးဌာန
(ဍ) ဦးအုန်းဝင်း ပြည်ထောင်စုဝန်ကြီး
သယံဇာတနှင့်သဘာဝပတ်ဝန်းကျင် ထိန်းသိမ်းရေး ဝန်ကြီးဌာန
(ဎ) ဦးဖေဇင်ထွန်း ပြည်ထောင်စုဝန်ကြီး
လျှပ်စစ်နှင့်စွမ်းအင်ဝန်ကြီးဌာန
(ဏ) ဦးသိန်းဆွေ ပြည်ထောင်စုဝန်ကြီး
အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန
(တ) ဦးခင်မောင်ချို ပြည်ထောင်စုဝန်ကြီး
စက်မှုဝန်ကြီးဌာန
(ထ) ဒေါက်တာသန်းမြင့် ပြည်ထောင်စုဝန်ကြီး
စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန
(ဒ) ဒေါက်တာမျိုးသိမ်းကြီး ပြည်ထောင်စုဝန်ကြီး
ပညာရေးဝန်ကြီးဌာန
(ဓ) ဒေါက်တာမြင့်ထွေး ပြည်ထောင်စုဝန်ကြီး
ကျန်းမာရေးနှင့်အားကစားဝန်ကြီးဌာန
(န) ဦးကျော်ဝင်း ပြည်ထောင်စုဝန်ကြီး
စီမံကိန်းနှင့် ဘဏ္ဍာရေးဝန်ကြီးဌာန
(ပ) ဦးဝင်းခိုင် ပြည်ထောင်စုဝန်ကြီး
ဆောက်လုပ်ရေးဝန်ကြီးဌာန
(ဖ) ဒေါက်တာဝင်းမြတ်အေး ပြည်ထောင်စုဝန်ကြီး
လူမှုဝန်ထမ်း၊ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန
(ဗ) ဦးအုန်းမောင် ပြည်ထောင်စုဝန်ကြီး
ဟိုတယ်နှင့် ခရီးသွားလာရေး ဝန်ကြီးဌာန
(ဘ) နိုင်သက်လွင် ပြည်ထောင်စုဝန်ကြီး
တိုင်းရင်းသားလူမျိုးများရေးရာဝန်ကြီးဌာန
(မ) ဦးထွန်းထွန်းဦး ပြည်ထောင်စုရှေ့နေချုပ်
ပြည်ထောင်စု ရှေ့နေချုပ်ရုံး

၂။ ပြည်ထောင်စုအစိုးရအဖွဲ့ ဥပဒေ ပုဒ်မ ၆၊ ပုဒ်မခွဲ (ခ) ပါ ပြဋ္ဌာန်းချက်အရ ပြည်ထောင်စု အစိုးရအဖွဲ့ရုံး ညွှန်ကြားရေးမှူးချုပ်သည် ရာထူးအလျောက် ပြည်ထောင်စုအစိုးရအဖွဲ့၏ အတွင်းရေးမှူး ဖြစ်သည်။

(ပုံ) ထင်ကျော်
နိုင်ငံတော်သမ္မတ
ပြည်ထောင်စုသမ္မတ မြန်မာနိုင်ငံတော်
စာအမှတ်၊ ၁၀၃ ( ၁ )/ ၈ / သမ္မတရုံး
ရက်စွဲ၊ ၂၀၁၆ ခုနှစ်၊ မေလ ၂၅ ရက်
Myanmar President Office
https://www.facebook.com/myanmarpresidentoffice.gov.mm

ဒေါ်လာ နှင့် မြန်မာကျပ်ငွေအား မြင်တွေ့ရစဉ် (ဆင်ဟွာ)
    ရန်ကုန်၊ မေ ၂၅ ရက် (ဆင်ဟွာ)

    တစ်ဒေါ်လာကို ကျပ် ၁,၁၆၈ မှ ကျပ် ၁,၁၉၇ အထိ  ရက်ပိုင်းအတွင်း ၂၉ ကျပ် ဈေးမြင့်ခဲ့ပြီး၊ ထိုကဲ့သို့ ဒေါ်လာဈေး မြင့်တက်ခြင်းသည် ယာယီတက်ခြင်းသာ ဖြစ်နိုင်ကြောင်း ဒေါ်လာဈေးကွက်ကို စောင့်ကြည့်လေ့လာ သူ ဦးစန်းဝင်းက  ဆင်ဟွာကို ပြောသည်။

ဦးစန်းဝင်းက “လွှတ်တော်မှာ တောင်သူလယ်သမားတွေ အတွက် ချေးငွေ ကျပ်ဘီလီယံ ၅၀၀ ကို ချေးပေးဖို့ သဘောတူခဲ့တယ်။ ဗဟိုဘဏ်မှာ ကျပ်ဘီလီယံ ၅၀၀ မရှိတော့ ငွေစက္ကူ ရိုက်ထုတ်ရမယ်ဆိုတော့ ယာယီငွေကြေးဖောင်းပွမယ်ပေါ့။ ဒါကြောင့် ဒေါ်လာဈေးက ယာယီတက်တာလို့ ပြောလို့ရပါတယ်’’ ဟုပြောသည်။

၎င်းကျပ်ဘီလီယံ ၅၀၀ သည် ချေးငွေဖြစ်သည့် အတွက် ဗဟိုဘဏ်သို့ ငွေများပြန်လည် ဝင်ရောက်မည်ဖြစ်သည့် အတွက် ဒေါ်လာဈေးက ရေရှည် တက်နိုင်မည်မဟုတ်ကြောင်း ၎င်းကဆိုသည်။ ပြည်ပရင်းနှီးမြှုပ်နှံမှုများလည်း ဆက်တိုက် ဝင်လျက်ရှိသည့်အတွက် ဒေါ်လာဈေးက တက်ရိပ်နည်းကြောင်း သိရသည်။

မြန်မာနိုင်ငံ ဆန်စပါးအသင်းချုပ်မှ ဒုတိယဥက္ကဋ္ဌ ဒေါက်တာစိုးထွန်းက “ အဓိကကတော့ ကျပ်ဘီလီယံ ၅၀၀ ချေးငွေပေးမယ်ဆိုလို့ ငွေကြေးဖောင်းပွမှာစိုးပြီး ဒေါ်လာကို လိုက်ဝယ်တယ်။ ကျွန်တော်ထင်တာတော့ ဘီလီယံ ၅၀၀ လုံးကို ငွေရိုက်ထုတ်တာ မဟုတ်ပဲ တစ်ဖက်က အခွန်အခတွေက နေရော သုံးမလားပေါ့။ ဒါကတော့ အစိုးရကစဉ်းစားရမယ့်ကိစ္စပေါ့။ ဒေါ်လာဈေး တက်မတက်ကတော့လက်ရှိမှာ ပြောရခက်နေ ပါသေးတယ်’’ ဟုပြောသည်။

ယနေ့ ညနေဘက်တွင် ပြင်ပဈေး ကွက်တွင် တစ်ဒေါ်လာကျပ် ၁,၁၉၇၊ စင်ကာပူ တစ်ဒေါ်လာ ကျပ် ၈၆၀၊
ထိုင်းတစ်ဘတ် လျှင် ၃၃ ကျပ်၊ ကမ္ဘာ့ရွှေဈေး တစ်အောင်စလျှင် ၁,၂၂၄ ဒေါ်လာ ၊ ရွှေတစ်ကျပ်သား ကျပ် ၇၈၆,၀၀၀ ရှိသည်။

(Xinhua)
http://www.xinhuamyanmar.com


ဖားကန့်ဒေသ ဝှေခါးမှော် ကျောက်တွင်းပြိုကျမှုကြောင့် လူတဒါဇင် သေဆုံး ခဲ့ရပြီးနောက် ဒီကနေ့ မှာတော့ ပျောက်ဆုံးသူတွေကို ရှာဖွေမှု ရပ်ဆိုင်းလိုက်ပြီး တချို့ကတော့ ပြန်ပြီး ကျောက်တူးနေကြတယ်လို့ မျက်မြင်တွေ့သူက ပြောပါတယ်။ ဒဏ်ရာရသူတွေကိုတော့ ဖားကန့်နဲ့ မြစ်ကြီးနား ဆေးရုံတွေကို ပို့ဆောင် ထားပါတယ်။ ဝှေခါးမှော် ကျောက်စိမ်းတွင်း ပြိုကျမှု နောက်ဆုံးရ အခြေအနေတွေကို မသိင်္ဂီထိုက် စုစည်းတင်ပြထားပါတယ်။

ကချင်ပြည်နယ် ဖားကန့်ဒေသ ဝှေခါးမှော်မှာ ကျောက်စိမ်းတွင်း ပြိုကျ မှုကြောင့် သေဆုံးသူ ၁၂ ဦး နဲ့ ဒဏ်ရာရသူ ၁၃ ဦးရှိခဲ့ပါတယ်။ ပြိုကျပြီး ကျောက်စိမ်း တွင်း ထဲ ပိတ်မိသွားသူတွေ ပျောက်ဆုံးသူတွေ ရှိမရှိကိုတော့ မသိရသလို တူးဖော်ကယ်ဆယ်မှုလည်း မရှိဘူးလို့ ဒီကနေ့ မနက်ပိုင်း ကျောက်စိမ်းတွင်း ပြိုကျရာ နေရာကို ကိုယ်တိုင် ရောက်ရှိခဲ့သူ ဖားကန့် ဒေသခံ ဦးမရန်ဂျာလ က ပြောပါတယ်။

“ဘယ်သူမှမရှိဘူး ဒီမနက် ကျနော်လည်းရောက်ပြီးပြီ။ သူတို့က အပေါ်မှာတွေ့တဲ့အလောင်း ၁၂ လောင်းနဲ့ အပေါ်မှာတွေ့တဲ့ ဒဏ်ရာရတဲ့လူ မနေ့ကထုတ်လာတာ ဒါပဲရှိတယ်။ ဘာမှာသွားရှာဖွေတာ ၊ ဖော်တာ ဘယ်သူမှမရှိပါဘူး အဲဒီနေရာ ဒီမနက်ပဲ ကျနော်ရောက်ခဲ့တယ်။ ပျောက်တယ် ဆိုတာက ဒီမှာ လူစာရင်းအတိအကျမရှိဘူး။ အဝေးကနေလာရောက်ပြီးတော့ လုပ်ကိုင်စားသောက်တဲ့ လူတွေကြီးပဲဆိုတော့ အခုချက်ချင်းက မသိနိုင်ဘူး။ အဲဒါအခုက ပျောက်ဆုံးတဲ့ ဆွေမျိုးတွေရှိလို့ရှင်ရင် စာရင်းပေးသွင်းဖို့အခုအထိပဲ သူတို့အဲဒီလိုပဲ စီစဉ်နေကြတယ်။”

ကျောက်စိမ်းတူးဖော်ရေး ကုမ္ပဏီတွေက မိုးတွင်းရာသီမှာ စီးပွားဖြစ် ကျောက်စိမ်း တူးဖော် မရတဲ့ အခြေအနေမှာ ခေတ္တနားနေချိန် တပိုင်တနိုင် ကျောက်ရှာသူတွေ ၀င်ရောက်တူးဖော်ရင်း ၀မ်းနည်းဖွယ် သေဆုံး ဒဏ်ရာရမှုတွေ ဖြစ်ခဲ့ရတာဖြစ်တယ် လို့လည်း ဖားကန့် ဒေသခံ ဦးမရန်ဂျာလက ပြောပါတယ်။

“ဒီ ကျောက်ကြော နှိုက်ရင်းနဲ့ ဟိုအနက်ကြီးကို နက်ဝင်သွားတာလေ။ ဒီပွင့်လင်းရာသီတုန်းက နှိုက်ထားတာ အခုမိုးရွာလာတဲ့အခါကျတော့ သူတို့ တခါတည်းနားလိုက်တာ။ ကုမ္ပဏီက သိမ်းသွားတဲ့အခါကျတော့ အဲဒီဝှေခါးက ကျောက်ရှာတဲ့လူတွေက တခါထဲ အဲဒီမှာ ၀င်တူးကြတာပေါ့နော်။ အဲဒီမှာ တခါထဲ ပြိုပြီးပိသွား ကုန်တယ်လေ”

ကျောက်စိမ်းတူးဖော်မှုတွေကြောင့် ဖားကန့် ဒေသတကြော သဘာဝပတ်ဝန်းကျင် ဆိုးဆိုးရွားရွား ပျက်ဆီးနေပြီး ဒေသခံတွေရဲ့ လူနေမှု ဘ၀ကိုပါ ကူကယ်ရာမဲ့ ထိခိုက်စေတယ်လို့လည်း ဦးမရန်ဂျာလက ပြောပါတယ်။

“အရင်တုန်းက ဒီမှာက ဥရုချောင်းဆိုရင်လည်း တကယ့်ကြည်လင်တဲ့ ရေကောင်း တဲ့ချောင်းတခုပါပဲ။ ငါးတွေလည်း တအားပေါတဲ့ချောင်းဟုတ်တယ်။ အခုက ရွံ့နွံတွေကြီးပဲဖြစ်သွားကုန်ပြီ။ ပြီးတော့လည်း ဖားကန့်ပတ်ဝန်းကျင်က တကယ့် သဘာဝတောတောင်တွေပြုန်းသွား တယ်။ ပြီးတော့ တောင်တွေကလည်း တခုပြီးတခု ပျောက်သွားကုန်ပြီ။ အဲဒီတောင်တွေက တကယ့် ချိင့်ဝှမ်းကြီးလို ဖြစ်သွား ပြီလေ။ လုံးခင်း၊ ဖားကန့် ၊ ဆိုင်းတောင်၊ တာမခန် တလျှောက်က ပြည်သူတွေက အများကြီး ဒုက္ခပင်လယ် ဝေကြတယ်။ ဘယ်သူ့ကိုမှ အကူအညီတောင်းလို့လည်း မရတော့ဘူး။ ဒီအာဏာရှင်တွေက လုပ်တဲ့အခါကျတော့ အိမ်တွေကလည်း ၂ ထပ်အိမ်တွေကနေ ၁ ထပ်ဖြစ်သွားကုန်တာ။ ဘယ်သူမှ ဘာမှ နစ်နာကြေးလည်းမရ၊ အဲလိုပေါ့ နည်းနည်းတတ်နိုင်တဲ့လူတွေက အိမ်တနှစ်တခါ ပြောင်းပေါ့။ မတတ်နိုင်တဲ့လူတွေက ဆုံးရှုံး ကုန်ပြီလေ။”

အခုအချိန်ထိတော့ ကျောက်စိမ်းတွင်းပြိုကျတဲ့ နေရာမှာ အန္တရာယ် ရှိတဲ့ နေရာအဖြစ် ဒေသန္တရ အာဏာပိုင်တွေဘက်ကလည်း သတိပေးတားဆီးမှု၊ သဘာဝ ဘေးဒဏ်နဲ့ ကြုံတွေ့ရရင်လည်း ရှာဖွေ ကယ်ဆယ်ရေးဆိုတာမျိုးက ဖားကန့်ဒေသမှာ လုပ်လေ့လုပ်ထ မရှိတဲ့ အခြေအနေဖြစ်တယ်လို့လည်း ဖားကန့် ဒေသခံက ပြောပါတယ်။ ကျောက်တွင်းပြိုကျမှု မြေစာပုံ ပြိုကျမှုကြောင့် တပိုင်တနိုင် ကျောက်တူးသူတွေ ကျောက်ရှာသူတွေ သေဆုံးမှု ထိခိုက်ဒဏ်ရာ ရရှိမှုတွေမှာလည်း ဘယ်သူ့မှာ တာဝန်ရှိတယ်ဆိုတာ မသိရသလို လျော်ကြေး ဆိုတာလည်း မရှိဘူးလို့လည်း ဖားကန့် ဒေသခံတွေက ပြောပါတယ်။

အရင် အစိုးရ အဆက်ဆက် စည်းကမ်းမဲ့ ကျောက်စိမ်းတူးဖော်မှုတွေကို လက်ရှိ လူထုက ရွေးကောက်ထားတဲ့ အမမျိုးသား ဒီမိုကရေစီ အဖွဲ့ချုပ် ပါတီရဲ့ အစိုးရသစ် အနေနဲ့ စည်းကမ်းတင်းကျပ်မှု မလုပ်နိုင်ခင်မှာ ခေတ္တဆိုင်းငံ့ထားဖို့ကိုလည်း Global Witness အပါအ၀င် သဘာဝ ပတ်ဝန်းကျင် အရေး လှုပ်ရှားမှု အဖွဲ့တွေက တောင်းဆိုကြပါတယ်။ ၂၀၁၄ ခုနှစ် အတွင်း ဖားကန့် ဒေသ ကျောက်စိမ်းတူးဖော်မှု ကနေ ၀င်ငွေ အမေရိကန် ဒေါ်လာ ၃၁ ဘီလီယံ ရရှိခဲ့ပြီး အကျိုးအမြတ် အများစုကို စစ်တပ်နဲ့ နီးစပ်သူ အသိုင်းအ၀ိုင်းက ခံစားနေကြတာ ဖြစ်တယ်လို့လည်း မနှစ်က ထုတ်ပြန်တဲ့ Global Witness အစီရင်ခံစာက ဖော်ပြပါတယ်။

  မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

 အာရှဒေသတလွှား မိုးခေါင်ရေရှားမှု ဆိုးရွားစွာ ခံစားရ
ရာသီဥတု ပြင်းထန် ဆိုးရွားမှုတွေကြောင့် လူနဲ့ တိရစ္ဆာန်တွေမှာ ကောက်ပဲ သီးနှံ အဆိပ်သင့်မှုတွေ ဖြစ်လာနိုင်တယ်လို့ ကုလသမဂ္ဂက သတိပေး ထုတ်ပြန် လိုက်ပါတယ်။

မိုးခေါင်ရေရှားတာ၊ အပူချိန် မြင့်တက်တာတွေကြောင့် ကောက်ပဲ သီးနှံ တွေမှာ ဓာတု ဒြပ်ပေါင်း ပါဝင်မှုတွေ မြင့်တက်နိုင်ခြေ ရှိကြောင်း ကုလသမဂ္ဂ ထုတ်ပြန်ချက်အသစ်မှာ ပါရှိပါတယ်။

ဂျုံ၊ ပြောင်း စတဲ့ ကောက်ပဲ သီးနှံတွေဟာ ဓာတ်မြေသြဇာ လုပ်ရာမှာ အဓိက ပါဝင်တဲ့ နိုက်ထရိတ် ဓာတ် ပါဝင်နှုန်း အန္တရာယ်ရှိတဲ့ အထိ များလာနိုင်တယ်လို့ သိရပါတယ်။

မိုးများလွန်းတဲ့ အတွက်ကြောင့်လည်း သစ်ပင်တွေမှာ ဟိုက်ဒရိုဂျင် ဆိုင်ယာနိုက် ပါဝင်မှု မြင့်တက် လာနိုင်ပါတယ်။

ဒီ အဆိပ်သင့်မှုကြောင့် ကမ္ဘာတလွှား စိုက်ပျိုး ထုတ်ကုန် ၇ဝ ရာခိုင်နှုန်း ကို ထိခိုက်နိုင်ပြီး ကမ္ဘာ့ လူရေ သန်း ၄၅ဝဝ ကျော်မှာလည်း စိုးရိမ်စရာ ရှိတယ်လို့ ကုလသမဂ္ဂက ဆိုပါတယ်။

BBC Burmese
http://www.bbc.com/burmese


သံဖြူဇရပ် သေမင်းတမန် ရထားလမ်းပြတိုက်မှ အိမ်သို့ပြန်လာသည့် အမျိုးသမီးတစ်ဦးအား မေလ ၂၂ရက်နေ့ညနေပိုင်းတွင် ဆိုင်ကယ်ပေါ်မှ အမျိုးသားတစ်ဦးက အက်ဆစ်ဖြင့် ပက်ခဲ့မှု ဖြစ်ပွားခဲ့ကြောင်း သိရသည်။

“ကဆုန်လပြည့်ကျော်၁ ရက်နေ့ က သူက သေမင်းတမန် ရထားလမ်းပြတိုက်မှာ ၄နာရီထိ ရှိပါတယ် ၅နာရီကျော်မှာ အဖေကသူ့ကို သွားကြိုတယ် ။ အဲ့ဒီအချိန်မှာ ကောင်လေး တစ်ယောက်က လာပြီး သူ့ကို အက်ဆစ်နဲ့ပက်လိုက်တာ ဘာကြောင့်လုပ်တယ် ဘယ်သူလုပ်တယ်ဆိုတာတော့ သိတော့ သိတယ်။ ဒါပေမယ့် ၀န်မခံသေးတော့ပြောလို့ မရသေးဘူး။ ရဲစခန်းမှာတော့ အမှုဖွင့်ထားတယ်။ စုံစမ်းဆဲပဲရှိသေးတယ်”ဟု အက်ဆစ်ဖြင့် အပက်ခံခဲ့ရသူနှင့် အစ်မတော်စပ်သူ မယမင်းက The Ladies သို့ပြောသည်။

အက်ဆစ်ဖြင့် အပက်ခံရသူအမျိုးသမီးမှာ ရုပ်ရည်သန့်ပြန့်မှုရှိသည့် အမျိုးသမီးငယ် တဦးဖြစ်ပြီး မြို့ခံအများစုမှာ ရည်စားပြတ်၍ ရန်ရှာခံရခြင်းနှင့် အက်ဆစ်ဖြင့် ပက်ဖျန်းသည်ဟု ဆိုနေကြကာ လူမဆန်စွာ တုံ့ပြန်မှုဖြစ်သည်ဟု ဆိုနေကြသည်။

' သံဖြူဇရပ်မှာဖြစ်ခဲ့တဲ့ အခု ဖြစ်ပျက်မှုဟာ မိန်းကလေးတွေရဲ့ ဘ၀လုံခြုံမှုကို ထိပါးလာနေတဲ့ အထိ ဆိုးဝါးလာနေပြီလားဆိုတာ မေးခွန်းထုတ်စရာဖြစ်နေတယ်' ဟု သံဖြူဇရပ်မြို့နယ် စည်ပင်သာယာရေးကော်မတီ ဥက္ကဌ ဦးမင်းလတ်က ၄င်း၏ ဖေ့ဘုပ်စာမျက်နှာတွင် ရေးသားထားသည်။

ဇော်မင်းထွန်း
The Ladies News
https://www.facebook.com/News.TheLadies/

ရန်ကုန်တိုင်း ၀န်ကြီးချုပ် ဦးဖြိုးမင်းသိန်း မေလ ၂၅ ရက်နေ့က တိုင်းဒေသကြီး အစိုးရရုံးမှာ သတင်းစာရှင်းလင်းပွဲကျင်းပနေစဉ်။ Photo: Kyaw Zaw Win/ RFA
ရန်ကုန်တိုင်းဒေသကြီးအတွင်းမှာ ဒီကနေ့ မေလ ၂၅ ရက်နေ့ ကစတင်ပြီး နောက်ထပ် ကျူးကျော်တွေရှိလာရင် တည်ဆဲဥပဒေအရ အရေးယူသွားမှာ ဖြစ်သလို စီးပွားရေးလုပ်ပြီး မြေနေရာဦးထားသူတွေကိုလည်း ဥပဒေအရ အရေးယူသွားမယ်လို့ ဝန်ကြီးချုပ် ဦးဖြိုးမင်းသိန်းက ပြောပါတယ်။

ရန်ကုန်တိုင်း ၀န်ကြီးချုပ် ဦးဖြိုးမင်းသိန်းက တိုင်းဒေသကြီး အစိုးရရုံးမှာ ကျင်းပတဲ့ သတင်းစာရှင်းလင်းပွဲမှာ ပြောလိုက်တာ ဖြစ်ပါတယ်။

လက်ရှိကျုးကျော်နေထိုင်သူတွေကို စာရင်းကောက်ယူပြီး အမှန်တကယ် နေစရာမရှိလို့ ကျုးကျော်ဖြစ်ရသူတွေကို နေရာချထားပေးဖို့ အစိုးရက ဆောင်ရွက်ပေးမှာဖြစ် ပါတယ်။ အစိုးရက နေရာချထားပေးတဲ့အခါမှာ နေရာသီးသန့်ပေးမှာ မဟုတ်ပဲ တခြားနေရာတွေမှာ ရောနှော နေထိုင်လို့ ရအောင်စီစဉ်ပေးမှာဖြစ်ပါတယ်။

ရန်ကုန်တိုင်း အစိုးရက ကျူးကျော်စာရင်းပြုစုတာကို တစ်လခွဲနဲ့ အပြီးလုပ်ဆောင်သွားမယ်လို့ ပြောပါတယ်။

RFA Burmese
http://www.rfa.org/burmese

ကျူးကျော်နေထိုင်သူများ ပြန်လည် ထူထောင်ရေး စခန်းများ ဖွင့်လှစ်ပေးမည့် သတင်းစာ ရှင်းလင်းပွဲ၌ ရန်ကုန် တိုင်းဒေသကြီး ဝန်ကြီးချုပ် ဦးဖြိုးမင်းသိန်းအား တွေ့ရစဉ်(ဆင်ဟွာ)
    ရန်ကုန်၊ မေ ၂၅ ရက် (ဆင်ဟွာ)

    ရန်ကုန် တိုင်းဒေသကြီး အတွင်း ကျူးကျော်နေထိုင်သူ ၄၃၀,၀၀၀ ကျော်ရှိပြီး ယင်းတို့ကို ပြန်လည် ထူထောင်ရေး စခန်းများ ဖွင့်လှစ်ပေးမည် ဖြစ်ကြောင်း ယနေ့ သတင်းစာ ရှင်းလင်းပွဲ၌ ရန်ကုန် တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောကြားသည်။

ကျူးကျော် နေထိုင်သူများ အနေဖြင့်လည်း မနက်ဖြန်မှစပြီး မည်သည့် နေရာတွင်မှ ကျူးကျော်ခွင့် မရှိတော့ကြောင်းကို ရန်ကုန် တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ယနေ့ ကြေညာလိုက်သည်။

 ယင်း ကျူးကျော်များ၏ စာရင်း ကောက်ယူရာတွင် ကွန်ပျူတာ စနစ်ဖြင့် ဆောင်ရွက်သွားမည် ဖြစ်ပြီး အဆိုပါ စာရင်း ကောက်ယူရာတွင် ဝိသမ လောဘသမားများနှင့် လူဆိုးလူမိုက်များ ပါဝင်ခြင်း မရှိစေရန်လည်း စာရင်း ကောက်ယူပြီးသည့်အခါ နောက်ကြောင်းလိုက်ခြင်းများ ဆောင်ရွက်မည်ကြောင်း ၎င်းကဆိုသည်။

နမူနာ ကောက်ယူထားချက်အရ ရန်ကုန်တိုင်း ဒေသကြီး၏ ခရိုင်လေးခရိုင်အတွင်း ကျူးကျော်လူဦးရေ ၄၃၀,၀၅၀ ဦးရှိနေကြောင်း အစ်ိုးရအဖွဲ့က ယနေ့ ကြေညာ ထုတ်ပြန်လိုက်သည်။

 (Xinhua)
http://www.xinhuamyanmar.com

 ရန်ကုန်မြို့တွင် ကားများ သွားလာနေသည်ကို တွေ့ရစဉ် (ဆင်ဟွာ)
    ရန်ကုန်၊ မေ ၂၅ ရက် (ဆင်ဟွာ)

    ရန်ကုန် တိုင်းဒေသကြီးတွင် ကားပါကင် အခက်အခဲကြောင့် ကားတင်သွင်းခွင့်အား ရပ်နားထားသည့် အတွက် ကားဈေးနှုန်း ၁၀ ရာခိုင်နှုန်းခန့် ဈေးတက်သွားကြောင်း မြန်မာနိုင်ငံ မော်တော်ယာဉ် ထုတ်လုပ် ရောင်းချသူများအသင်း မှ ဥက္ကဋ္ဌ ဒေါက်တာစိုးထွန်းက ပြောသည်။

ဒေါက်တာစိုးထွန်းက “ ရန်ကုန် တိုင်းဒေသကြီးမှာ လောလောဆယ် ကားတင်သွင်းခွင့် ပိတ်ထားတယ်။ ကားပါကင် ကိစ္စနဲ့ပက်သက်ပြီး ဝန်ကြီးချုပ် ဦးဖြိုးမင်းသိန်းက ကျွန်တော်တို့ အသင်းကို အကြံဥာဏ် တောင်းတယ်။ ကျွန်တော်တို့လည်း အကြံဥာဏ်တွေ ပေးသွားဖို့ ရှိပါတယ်’’ ဟု ပြောသည်။

လက်ရှိတွင် ရေတို၊ ရေရှည် စီမံကိန်းများဖြင့် စဉ်းစားလျက် ရှိကြောင်း၊ ကားမော်ဒယ် အလိုက်သာ စီးနင်းခွင့် ပြုသင့်မပြုသင့် စသည့် အချက်များ အပါအဝင် ဖြစ်နိုင်ချေရှိသည့် အချက်များအား စဉ်းစားလျက် ရှိကြောင်း သိရသည်။

အသင်းအနေဖြင့် အဆိုပါ ကားပါကင်ကိစ္စနှင့် စပ်လျဉ်း၍  ရန်ကုန်တိုင်းဒေသကြီး အစိုးရရုံးသို့ သွားရောက် တွေ့ဆုံ ဆွေးနွေးခဲ့ကြောင်း သိရသည်။

(Xinhua)
http://www.xinhuamyanmar.com

ဗိုလ်ချုပ်မှူးကြီးမင်းအောင်လှိုင် ထိုင်းနိုင်ငံသို့ ထွက်ခွာ (FB-Senior General Min Aung Hlaing)
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဦးဆောင်တဲ့ တပ်မတော် ချစ်ကြည်ရေးကိုယ်စားလှယ်အဖွဲ့ ချစ်ကြည်ရေးခရီးစဉ်တခုနဲ့ ဒီကနေ့ ထိုင်းနိုင်ငံကို ထွက်ခွာသွားတယ်လို့ ဗိုလ်ချုပ်မှူးကြီးမင်းအောင်လှိုင်ရဲ့ တရားဝင် ဖေ့စ်ဘုတ် စာမျက်နှာမှာ ဖော်ပြထားပါတယ်။ ထိုင်းဘုရင့်တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး Sommai Kaotira ရဲ့ဖိတ်ကြား ချက်နဲ့ သွားတာလို့ ဆိုပါတယ်။

ခရီးစဉ်ဟာ ဘယ်နှရက်ကြာမယ်ဆိုတာ အဲဒီသတင်းထဲမှာ ဖော်ပြမထားပေမဲ့ ပြည်တွင်းနဲ့ဒေသတွင်းက တခြားသတင်းတွေမှာ တော့ သုံးရက်ကြာမယ်လို့ ဖော်ပြကြပါတယ်။ ခရီးစဉ်အတွင်း ထိုင်းနိုင်ငံအစိုးရနဲ့ ထိုင်းဘုရင့်တပ်မတော်တို့က အကြီးအကဲတွေနဲ့ တွေ့ဆုံဆွေးနွေးမယ်လို့ ဗိုလ်ချုပ်မှူးကြီးရဲ့ ဖေ့စ်ဘုတ်စာမျက်နှာသတင်းမှာ ဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်ဟာ ထိုင်းဘုရင့်အတိုင်ပင်ခံကောင်စီဥက္ကဌ ဗိုလ်ချုပ်ကြီးဟောင်း ပရမ်မ်တင် ဆူလာနွန်ဒါနဲ့ ရင်းနှီး ခင်မင်ပြီး ဗိုလ်ချုပ်ကြီးဟောင်း ပရမ်မ်က ဗိုလ်ချုပ်မှူးကြီးမင်းအောင်လှိုင်ကို သားအဖြစ် မွေးစားထားတယ်လို့ သတင်းတွေမှာ ရေးသားဖော်ပြကြတာတွေ ရှိဖူးပါတယ်။ ဒီအတောအတွင်းမှာပဲ အရှေ့တောင်အာရှနိုင်ငံများအဖွဲ့ ASEANက ကာကွယ်ရေး ဆိုင်ရာ တာဝန်ရှိသူတွေရဲ့ နှစ်စဉ် အစည်း အဝေးတရပ်ကို လက်ရှိအာဆီယံအလှည့်ကျဥက္ကဌ လာအိုနိုင်ငံ၊ ဗီယန်ကျင်းမြို့တော် မှာ ဒီကနေ့ကျင်းပပါတယ်။ ဒေသတွင်း လုံခြုံရေးမှာ ရင်ဆိုင်နေရတဲ့စိန်ခေါ်မှုတွေကို အခုအစည်းအဝေးမှာ အဓိက ဆွေးနွေးကြ မယ်လို့ ခန့်မှန်းကြပါတယ်။ ဒါ့အပြင် တောင်တရုတ်ပင်လယ် ရေပိုင်နက် အငြင်းပွားနေတဲ့ကိစ္စဟာလည်း အဓိကဆွေးနွေးမယ့် အကြောင်းအရာထဲ ပါမယ်လို့ ခန့်မှန်းကြပါတယ်။

  ဗွီအိုအေ (မြန်မာပိုင်း)
http://burmese.voanews.com

အာဖဂန်တာလီဘန် ခေါင်းဆောင်သစ် Mawlawi Haibatullah Akhundzada
အာဖဂန်နစ္စတန်က တာလီဘန်အဖွဲ့ခေါင်းဆောင် Mullah Akhtar Mansoor သေဆုံးသွားပြီးတဲ့နောက် Mawlawi Haibatullah Akhundzada ကို အဖွဲ့ရဲ့ခေါင်းဆောင်အဖြစ် ခန့်အပ်လိုက်ပြီလို့ တာလီဘန်တွေက ကြေညာပါတယ်။

Mansoor ဟာ ပြီးခဲ့တဲ့သီတင်းပတ်က အမေရိကန် အဝေးထိန်း ဒုံးလေယာဉ်နဲ့ တိုက်ခိုက်မှုအတွင်း သေဆုံးသွားတယ်ဆိုတာကို လည်း ပက်ရ်ှတိုဘာသာနဲ့ ဒီကနေ့ထုတ်ပြန်ချက်မှာ တာလီဘန်တွေက တရားဝင် အတည်ပြုထားပါတယ်။

Shura လို့ခေါ်တဲ့ အမြင့်ဆုံးကောင်စီမှာ တညီတညွတ်ထဲ သဘောတူညီပြီးတဲ့နောက် Mawlawi Haibatullah Akhundzada ကို Islamic Emirate (တာလီဘန်) အဖွဲ့ရဲ့ ခေါင်းဆောင်သစ်အဖြစ် ခန့်အပ်လိုက်တဲ့အကြောင်း၊ shura အဖွဲ့ဝင်အားလုံးက သူ့ကို သစ္စာခံမယ်လို့ ကတိပြုကြတဲ့အကြောင်း တာလီဘန်ထုတ်ပြန်ချက်မှာ ဖော်ပြထားပါတယ်။

Mansoor ဟာ အာဖဂန်ငြိမ်းချမ်းရေးနဲ့ ပြန်လည်သင့်မြတ်ရေး ကြိုးပမ်းမှုတွေကို တားဆီး ပိတ်ဆို့နေတဲ့အတွက် သုတ်သင်လိုက် တာဖြစ်တယ်လို့ အမေရိကန်သမ္မတ ဘရာ့ခ် အိုဘားမားက တနင်္လာနေ့မှာ အတည်ပြုပါတယ်။

အခု တာလီဘန်ခေါင်းဆောင်သစ်ဟာ နာမည်ဆိုးနဲ့ကျော်ကြားတဲ့ Haqqani အကြမ်းဖက်ဝါဒီ ကွန်ယက်အဖွဲ့ရဲ့ခေါင်းဆောင် Sirajuddin Haqqani နဲ့အတူ Mansoor ရဲ့ လက်ထောက်တဦးအဖြစ် လုပ်ခဲ့သူပါ။

Haqqani က လက်ထောက်အဖြစ် ဆက်ရှိနေဆဲဖြစ်ပြီး တာလီဘန်အဖွဲ့ကိုထူထောင်သူ Mullah Yaqoob ရဲ့သားဖြစ်သူကိုတော့ တာလီဘန်ခေါင်းဆောင်သစ်ရဲ့ ဒုတိယလက်ထောက်အဖြစ် ခန့်အပ်ခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com

သမ္မတအိုဘားမား ဗီယက်နမ်လူငယ်တွေနဲ့တွေ့ဆုံ
ဗီယက်နမ်နိုင်ငံ သုံးရက်ကြာခရီးစဉ်အတွင်း လူငယ်တွေနဲ့ ပြောဆို ဆွေးနွေးတာကနေ ဗီယက်နမ်နိုင်ငံရဲ့ အနာဂတ်အပေါ် အကောင်းမြင်လာစေတယ်လို့ အမေရိကန်သမ္မတ ဘရာ့ခ် အိုဘားမားက ပြောလိုက်ပါတယ်။

ဟိုချီမင်းမြို့တော်မှာ သမ္မတအိုဘားမားနဲ့ ဗီယက်နမ် လူငယ်တွေ ကြား မေးမြန်းဆွေးနွေးခန်းတခုကို ဒီကနေ့လုပ်ခဲ့ပြီး သူ့ရဲ့ ကိုယ်ပိုင် အတွေ့အကြုံတချို့ ကိုလည်း ထူးထူးခြားခြား ထည့်ပြောသွားပါတယ်။ သူ လူငယ်ဘ၀ တုန်းက သိပ်ကြီး လေးနက်လှတာ မဟုတ်ဘူးလို့ သမ္မတအိုဘားမားက ပြောပါတယ်။

အရှေ့တောင်အာရှ လူငယ်ခေါင်းဆောင် YSEALI အစီအစဉ်မှာ ပါဝင်တဲ့ လူငယ် ၈၀၀ လောက်ကို သမ္မတအိုဘားမားက မိန့်ခွန်း ပြောတာပါ။ လူငယ်တွေက အမေရိကန်အလံတွေကို ဝှေ့ယမ်း၊ အားရပါးရ မတ်တတ်ရပ် အော်ဟစ် လက်ခုပ်တီးပြီးတော့ သမ္မတ ကို ကြိုဆိုကြပါတယ်။ YSEALI အစီအစဉ်ဟာ သမ္မတအိုဘားမား စပြီး ချမှတ်ပေးခဲ့တဲ့ အစီအစဉ်တခုဖြစ်ပြီး ၂၀၁၃ ခုနှစ်က စတင်တာပါ။ အရှေ့တောင်အာရှဒေသမှာ ခေါင်းဆောင်မှု ဖွံ့ဖြိုးတိုးတက်ရေးနဲ့ အပြန်အလှန် ချိတ်ဆက် ဆက်သွယ်ရေးတွေ အားကောင်းအောင်လုပ်ပေးတဲ့ အစီအစဉ်ဖြစ်ပါတယ်။ သူ့လူငယ်ဘ၀ တစိတ်တပိုင်းကို အရှေ့တောင်အာရှနိုင်ငံတခုဖြစ်တဲ့ အင်ဒိုနီးရှားမှာ စတင်ခဲ့ပြီး ဒီဒေသဟာ သူ့ကို ပုံဖော်ပေးခဲ့ တယ်လို့ သမ္မတအိုဘားမားက စပြောပါတယ်။ တက်ရောက်လာတဲ့ ထဲက လူငယ်တယောက်က တကယ့်ခေါင်းဆောင် တယောက်ဖြစ်အောင် ဘယ်လိုလုပ်ရမလဲဆိုတာ အကြံပေးဖို့ သမ္မတ အိုဘားမားကိုမေးပါတယ်။

အခုတက်လာတဲ့ လူငယ်တွေဟာ သူ အဲဒီအရွယ်တုန်းက ရှိခဲ့တဲ့အခြေအနေထက် ပိုပြီး ကောင်းကောင်းပြင်ဆင်ထားပုံ၊ စနစ်တကျရှိပုံရပါတယ်လို့ သမ္မတ အိုဘားမားက ပြန်ဖြေပါတယ်။ သူ့တုန်းကဆိုရင် စာလည်း သိပ်မလုပ်၊ ဘတ်စကက်ဘောကစားတာနဲ့ မိန်းကလေးတွေကို ပိုစိတ်ဝင်စားပြီး အမြဲတမ်း အလေးအနက် ရှိနေခဲ့တာမဟုတ်ဘူး လို့ သမ္မတအိုဘားမားက ပြောသွားပါတယ်။

 ဗွီအိုအေ (မြန်မာပိုင်း)
http://burmese.voanews.com

ဗီယက်နမ်နိုင်ငံ ဟနွိုင်းမှာ ပြောကြားခဲ့တဲ့ သမ္မတအိုဘားမားရဲ့ မိန့်ခွန်း
အင်္ဂါနေ့က ဗီယက်နမ်နိုင်ငံမှာ အမေရိကန်သမ္မတ ဘရက်ခ် အိုဘားမားနဲ့ တွေ့ဆုံပြီး လူ့အခွင့်အရေးနဲ့ လူမှုရေးဆိုင်ရာ ကိစ္စရပ်တွေ ဆွေးနွေးကြမယ့် အစီအစဉ်ငယ်လေးတခုမှာ တက်ရောက်ကြမယ့် ဗီယက်နမ် အရပ်ဘက်လူမှုအဖွဲ့အစည်းတွေက ထင်ရှားတဲ့ပုဂ္ဂိုလ် အနည်းဆုံး ၂ ဦး လောက် တားမြစ်ခံခဲ့ရပါတယ်။

သတင်းထောက်ဘ၀ကနေ ဘလော့ဂါတဦး ဖြစ်လာတဲ့ တက်ကြွလှုပ်ရှားသူ Doan Trang ကတော့ - ဟနွိုင်းမြို့မှာရှိတဲ့ အမေရိကန်သံရုံးရဲ့ ဖိတ်ကြားချက်အရ သမ္မတ အိုဘားမားနဲ့တွေ့ဖို့ ဆိုင်ဂုံမြို့ကနေအလာ လမ်းခုလပ်မှာရှိတဲ့ Ninh Binh ဒေသက အဆောင်တခုမှာ တရက်တာ ထိန်းသိမ်းခံခဲ့ရတယ်လို့ ပြောပါတယ်။

ဗီယက်နမ်မှာ ဒီမိုကရေစီမဆန်တဲ့ ရွေးကောက်ပွဲလုပ်ငန်းစဉ်နဲ့ ပတ်သက်ပြီး Facebook လူမှုကွန်ယက်အင်တာနက်မှာ ရေးသား တင်ပြချက်ကြောင့် သူ့ကို ထိန်းသိမ်းခဲ့တာဖြစ်တယ်လို့ အာဏာပိုင်တွေက သူ့ကို ပြောဆိုကြောင်းလည်း Doan Trang က ဗွီအိုအေကို ပြောပါတယ်။ သမ္မတ အိုဘားမားနဲ့ မတွေ့နိုင်အောင် တားဆီးတာ မဟုတ်ဘူးလို့ အာဏာပိုင်တွေက ပြောဆိုပေမဲ့လည်း ဘာအကြောင်းနဲ့ လုပ်ခဲ့သလဲဆိုတာကို ဘယ်သူမဆို သိနိုင်ပါတယ်လို့လည်း ပြောဆိုခဲ့တာပါ။

အာဏာပိုင်တွေရဲ့ လုပ်ရပ်ဟာ မမှန်ကန်ကြောင်းနဲ့ သံတမန်ရေးအရ မလုပ်သင့်တဲ့အကြောင်း Doan Trang က ပြောဆိုရာမှာတော့ - မကျေနပ်ရင် တရားစွဲနိုင်တဲ့အကြောင်းနဲ့ သမ္မတ အိုဘားမားရဲ့ တရားဝင် အစီအစဉ်ထဲမှာ တက်ကြွလှုပ်ရှားသူတွေနဲ့ တွေ့ဆုံဖို့ အစီအစဉ် မရှိတဲ့အတွက် သူပြောတာတွေဟာ လိမ်နေတာလို့လည်း အာဏာပိုင်တွေက သူ့ကိုပြောခဲ့တယ်လို့လည်း ဆိုပါတယ်။

ဖိတ်ကြားခံရပြီး မတက်ရောက်နိုင်သူ နောက်တဦးဖြစ်တဲ့ ဒေါက်တာ Nguyen Quang A ကလည်း - သမ္မတ အိုဘားမားရဲ့ ဗီယက်နမ်ခရီးစဉ် နောက်ဆုံးဖြစ်တဲ့ - ဟိုချီမင်းမြို့တော်ကို ထွက်ခွာသွားတဲ့အထိ - သူ့ကို ကားတစင်းနဲ့တင်ပြီး ဟနွိုင်းမြို့ပြင် ခေါ်သွားခံခဲ့ရတယ်လို့ ပြောပါတယ်။

သမ္မတ အိုဘားမားဟာ သူ့ရဲ့ ဗီယက်နမ်နိုင်ငံ ခရီးစဉ်အတွင်းမှာ - ဗီယက်နမ် အရပ်ဘက် လူမှုအဖွဲ့အစည်းဝင် ၆ ဦးနဲ့ တွေ့ဆုံခဲ့ပေမဲ့ - ဖိတ်ကြားထားတဲ့ တခြားတက်ကြွလှုပ်ရှားသူ တော်တော်များများကတော့ အကြောင်းအမျိုးမျိုးနဲ့ လာရောက်ခွင့် တားမြစ်ခံခဲ့ရပါတယ်။ ဒီကိစ္စနဲ့ ပတ်သက်လို့ အမေရိကန်နိုင်ငံခြားရေးဝန်ကြီး ဂျွန် ကယ်ရီ က ဗီယက်နမ်တာဝန်ရှိသူတွေကို ပြောဆိုခဲ့တယ်လို့လည်း - အိမ်ဖြူတော် လက်ထောက် အမျိုးသား လုံခြုံရေးအကြံပေး Ben Rhodes ကို ကိုးကားပြီး သတင်းတွေက ဖော်ပြခဲ့ကြပါတယ်။

 ဗွီအိုအေ (မြန်မာပိုင်း)
http://burmese.voanews.com/

ဆီးရီးယား လေတပ်စခန်း (Credit: ABC licensed) 
ဆီးရီးယားနိုင်ငံ ​အလယ်ပိုင်းက ​လေတပ်စခန်းတစ်ခုကို ​IS ​အစ္စလာမ်မစ် ​တပ်တွေ ​တိုက်ခိုက်ရာက ​ရုရှားရဟတ်ယူာဉ် ​၄ ​စင်း ​ပျက်စီးခဲ့ရတယ် ​ဆိုတဲ့ ​ပြောဆိုမှုကို ​ရုရှားက ​ပယ်ချလိုက်ပါတယ်။

အရင်တပတ်တုန်းက ​IS ​ရဲ့ ​တိုက်ခိုက်မှုကြောင့် ​ရုရှား ​ရဟတ်ယာဉ် ​၄ ​စင်းနဲ့ ​ထရပ်ကား ​အစီး ​၂၀ ​ပျက်စီးသွားတာကို ​အမေရိကန် ​ထောက်လှမ်းရေးအဖွဲ့က ​ဆက်တလိုက်ဓာတ်ပုံအရ ​သိရတယ်လို့ ​ဆိုပါတယ်။

ရုရှား ​ကာကွယ်ရေး ​ဝန်ကြီးဌာနကတော့ ​IS ​ရဲ့ ​လုပ်ရပ်ကြောင့် ​ပျက်စီးရတယ်လို့ ​ပြောဆိုတာဟာ ​ဝါဒဖြန့် ​ပြောဆိုမှုသာ ​ဖြစ်ပြီး ​ရုရှား ​စစ်တပ်တွေ ​အဲဒီ ​စခန်းကို ​မဝင်ခင်ကတည်းက ​ရှိနေတဲ့ ​အပျက်အစီးတွေလို့ ​တုန့်ပြန်ထားပါတယ်။

အမေရိကန် ​ထောက်လှမ်းရေး ​ကုမ္ပဏီ ​Stratfor ​ကတော့ ​ရုရှားတွေ ​အဲဒီ ​စခန်းထဲ ​ဝင်ရောက်ပြီး ​နောက်ပိုင်းမှ ​ဖြစ်ပေါ်တယ်လို့ ​ယူဆရပြီး ​ဒါဟာ ​မတော်တဆမှု ​ဖြစ်ဟန် ​မပေါက်ဘူးလို့လည်း ​ပြောသွားခဲ့ပါတယ်။

ဒီတိုက်ခိုက်မှုနဲ့ ​ပတ်သက်ပြီး ​IS ​ဘက်က ​သူတို့ရဲ့ ​လက်ချက်ပါလို့ ​ပြောဆိုထားတာ ​မရှိပါဘူး။

ABC Radio Australia
http://www.radioaustralia.net.au/burmese

Fallujah မြို့ကို ပြန်သိမ်းဖို့ စီစဉ်နေတဲ့ အီရတ် စစ်သားများ (Credit: AFP) 
အီရတ်နိုင်ငံ ​Fallujah ​မြို့ကို ​IS ​အစ္စလာမ်မစ် ​အဖွဲ့ရဲ့ ​လက်ထဲကနေ ​ပြန်လည် ​ရယူဖို့ ​အီရတ် ​အစိုးရတပ်က ​ကြိုးစားနေတုန်း ​မြို့ထဲမှာ ​ပြည်သူတွေ ​ပိတ်မိနေဆဲ ​ဖြစ်ပါတယ်။

အစိုးရတပ်ကတော့ ​ပြည်သူတွေ ​မြို့ကနေ ​ထွက်ခွာနိုင်အောင် ​လမ်းကြောင်းတွေ ​ဖွင့်ပေးထားတယ်လို့ ​ပြောဆိုနေပါတယ်။

မြို့ကနေ ​ထွက်ပြေးဖို့ ​ကြိုးစားသူတွေကတော့ ​လက်ဖြောင့်တပ်သားတွေရဲ့ ​ရန်ကို ​ကြောက်နေရသလို ​IS ​အဖွဲ့က ​မြို့ပြင်မထွက်ဖို့ ​သူတို့ကို ​သတိပေးတာမျိုး ​လုပ်နေတယ်လို့လည်း ​ဆိုပါတယ်။

အခုလောလောဆယ် ​အီရတ် ​အစိုးရတပ်က ​လက်နက်ကြီးတွေနဲ့ ​အဆက်အပြတ် ​ပစ်ခတ်နေပြီး ​သတင်းပတ်အနည်းငယ်ကြာ ​ပြုလုပ်မယ့် ​အနေအထား ​ရှိနေပါတယ်။

Fallujah ​မြို့နားက ​ဒုက္ခသည် ​စခန်းကနေ ​ပြန်ရောက်လာတဲ့ ​Norwegian ​Refugee ​Council ​ရဲ့ ​အကြီးအကဲ ​တစ်ယောက်ရဲ့ ​ပြောပြချက်အရ ​မြို့ပြင်ထွက်ခွာဖို့ ​ကြိုးစားတဲ့ ​ပြည်သူတွေကို ​IS ​အဖွဲ့က ​ဆိုင်ကယ်တွေရဲ့ ​ဝိုင်းရံပြီး ​မြို့ထဲမှာပဲ ​ဆက်နေဖို့၊ ​မြို့ကနေ ​ထွက်ခွာရင် ​သတ်ပစ်မယ်လို့ ​ပြောဆိုသလို ​သူတို့ရဲ့ ​အိမ်ကိုလည်း ​မီးရှို့မယ်လို့ ​ခြိမ်းခြောက်ထားတယ်လို့ ​ပြောပြပါတယ်။

IS ​အဖွဲ့ဟာ ​Fallujah ​မြို့မှာ ​အီရတ်ရဲ့ ​တိုက်ခိုက်မှု ​ခံနေရသလို ​ဆီးရီးယားနိုင်ငံက ​Raqqa ​မြို့မှာလည်း ​Kurdiesh ​မဟာမိတ်တပ်တွေရဲ့ ​တိုက်ခိုက်မှုကို ​ခံနေရတာ ​ဖြစ်ပါတယ်။

အမေရိကန် ​စစ်အရာရှိတစ်ဦးကတော့ ​IS ​ကို ​တိုက်ခိုက်တဲ့အခါမှာ ​နေရာတချို့မှာ ​တချိန်တည်း ​ပြုလုပ်ဖို့ ​ဆွေးနွေးတဲ့အတိုင်း ​လုပ်ဆောင်နေကြတာလို့ ​ပြောပြပါတယ်။ ​အဲဒီလို ​လုပ်ဆောင်မှသာ ​IS ​အနေနဲ့ ​စစ်သား ​စုဆောင်းရေးတွေ၊ ​ငွေတွေ ​အချိန်မှီ ​မဝင်နိုင်ဖြစ်ပြီး ​အမြစ်ပြတ်ချေမှုန်းရေးမှာ ​ပိုလွယ်ကူမယ်လို့ ​ပြောပါတယ်။

ABC Radio Australia
http://www.radioaustralia.net.au/burmese


စစ်ကိုင်းတိုင်းဒေသကြီး ၊ ကသာမြို့မှာ ကြက်ဥအတုတွေ့ရှိ ရတယ်ဆိုတဲ့သတင်းတွေ ထွက်ပေါ်နေတာကြောင့် လက်ရှိမှာစစ်ဆေးမှုတွေပြုလုပ်နေတယ်လို့ သိရပါတယ်။


ကြက်ဥအတုတွေ့ရှိရတယ်ဆိုတဲ့ သတင်းအရသက်ဆိုင်ရာ အုပ်ချုပ်ရေးတာဝန်ရှိသူတွေနဲ့ သွားရောက်စစ်ဆေးရာ မှာတော့ဆိုးဆေးအရောင်လိုဖြစ်နေတဲ့ ကြက်ဥကိုတွေ့ရှိရတာကြောင့် ရန်ကုန်မြို့က တိရိစ္ဆာန်အစာနဲ့ဆေးဝါးဓာတ်ခွဲခန်းကို ပို့ဆောင်စစ်ဆေးထားတယ်လို့ ကသာမြို့ တိရိစ္ဆာန်မွေးမြူရေးနှင့် ကုသရေးဦးစီးဌာနရဲ့ မြို့နယ်ဦးစီးမှူး ဒေါက်တာဝင်းထွန်းက 5plus ကိုပြောပါတယ်။


လူမှုကွန်ရက်မှာပျံနှံ့ခဲ့တဲ့ ကြက်ဥအတုတွေ့ရှိတယ်ဆိုတဲ့သတင်းကြောင့် စစ်ဆေး ခဲ့တာဖြစ်ပြီး ဆိုးဆေးအရောင်လိုဖြစ်နေတဲ့ကြက်ဥကိုတွေ့ရပေမယ့် အခြားကြက်ဥတွေနဲ့ ကြက်ခြံတွေကို စစ်ဆေးရာမှာတော့ပုံမှန်ပုံစံအတိုင်းသာတွေ့ရှိရတယ်လို့ ကသာမြို့မရဲစခန်းရဲ့ စခန်းမှူးဒုရဲမှူးလှဦးကပြောပါတယ်။


 ဒီလိုတွေ့ရှိမှုနဲ့ပတ်သတ်ပြီးကြက်ခြံလုပ်ငန်းရှင်အချို့ကတော့ အားဆေးကြောင့်ဖြစ်နိုင်သလို မိုးရေကြီးလို့လည်းဖြစ်နိုင်တယ်လို့ သုံးသပ်ပြောဆိုထားပါတယ်။

ဓာတ်ပုံ - တန့်ဆည်သတင်းစုံ FB
5 Plus News
https://www.facebook.com/5plusnews

စစ်ဦးစီးချုပ် ဗိုလ်ချုပ်မှူးကြီး မင်းအောင်လှိုင် (Credit: AFP) 
မြန်မာနိုင်ငံက ​စစ်ဦးစီးချုပ် ​ဗိုလ်ချုပ်မှူးကြီး ​မင်းအောင်လှိုင်ဟာ ​ထိုင်းနိုင်ငံမှာ ​ရောက်ရှိနေပြီး ​ထိုင်းနိုင်ငံ ​ဝန်ကြီးချုပ်လည်းဖြစ် ​စစ်ဦးစီးချုပ်လည်းဖြစ်တဲ့ ​Prayut ​Chan-o-cha ​နဲ့ ​တွေ့ဆုံဖို့ ​ရှိပါတယ်။

သုံးရက်ကြာ ​ထိုင်းနိုင်ငံ ​ခရီးစဉ်အတွင်း ​ဗိုလ်ချုပ်မှူးကြီး ​မင်းအောင်လှိုင်က ​ထိုင်းနိုင်ငံက ​တခြား ​ထိပ်သီးခေါင်းဆောင်တွေနဲ့လည်း ​တွေ့ဆုံဖို့ ​ရှိတယ်လို့သာ ​သိရပြီး ​အသေးစိတ် ​အချက်ကိုတော့ ​မသိရဘူးလို့ ​ဘန်ကောက်ပို့စ်မှာ ​ရေးသားထားပါတယ်။

မြန်မာနိုင်ငံတော် ​အတိုင်ပင်ခံ ​ပုဂ္ဂိုလ် ​ဒေါ်အောင်ဆန်းစုကြည်က ​အနောက်တိုင်း ​နိုင်ငံတွေနဲ့ ​ရင်းနှီးမှု ​ရှိတယ်လို့ ​မြင်ရချိန်မှာ ​မြန်မာ ​စစ်တပ်က ​အာဆီယံ ​အသင်းဝင် ​နိုင်ငံ ​စစ်တပ်တွေနဲ့ ​ရင်းနှီးမှု ​ရယူနေတယ်လို့ ​သုံးသပ်မိကြောင်း ​Naresuan ​တက္ကသိုလ်က ​မြန်မာ့ရေးရာ ​ကျွမ်းကျင်သူ ​Wirat ​Niyomtam ​က ​ပြောပါတယ်။

ဒါပေမဲ့လည်း ​ဒီလအစောပိုင်းမှာ ​မြန်မာ ​သမ္မတ ​ဦးထင်ကျော်နဲ့ ​ဒေါ်အောင်ဆန်းစုကြည်တို့ဟာ ​အာဆီယံ ​ဥက္ကဌအဖြစ် ​ဆောင်ရွက်နေတဲ့ ​လာအို ​နိုင်ငံ ​ခေါင်းဆောင်နဲ့ ​အရင်ဦးဆုံး ​တွေ့ဆုံတာကို ​ကြည့်ခြင်းအားဖြင့် ​မြန်မာအနေနဲ့ ​အာဆီယံအသင်းကို ​အလေးထားကြောင်း ​ပြသရာ ​ရောက်တယ်လို့လည်း ​သုံးသပ်ကြပါတယ်။

ABC Radio Australia
http://www.radioaustralia.net.au/burmese