05/31/16



ပြည်ထောင်စုငြိမ်းချမ်းရေးညီလာခံ - ၂၁ရာစုပင်လုံ အကြိုပြင်ဆင်ရေးကော်မတီနဲ့ ဆပ်ကော်မတီတွေ ဖွဲ့စည်းကြောင်းကို ဒီကနေ့ တရားဝင်ထုတ်ပြန်ကြေညာလိုက်ပြီး မကြာမီရက်ပိုင်းတွေအတွင်းမှာ တနိုင်ငံလုံး ပစ်ခတ် တိုက်ခိုက်မှုရပ်စဲရေးသဘောတူစာချုပ် NCA ကို လက်မှတ်မရေးထိုးသေးတဲ့ တိုင်းရင်းသား လက်နက်ကိုင်အဖွဲ့တွေနဲ့ တွေ့ဆုံဆွေးနွေးဖို့ ရှိနေပါတယ်။ NCA လက်မှတ်မထိုးသေးတဲ့ တိုင်းရင်းသားလက်နက်ကိုင်အဖွဲ့တွေဘက်ကတော့ တရားဝင် အကြောင်းကြားတာ မရရှိသေးကြောင်းနဲ့ ဆွေးနွေးဖို့အတွက်တော့ ပြင်ဆင်ထားတာရှိကြောင်း ပြောပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က ပေးပို့ထားပါတယ်။

အမျိုးသားရင်ကြားစေ့ရေးနဲ့ ပြည်တွင်းငြိမ်းချမ်းရေးကို ဆောင်ရွက်ရေးအတွက် ပြည်ထောင်စု ငြိမ်းချမ်းရေးညီလာခံ - ၂၁ရာစုပင်လုံ အကြိုပြင်ဆင်ရေးကော်မတီနဲ့ ဆပ်ကော်မတီတွေ ဖွဲ့စည်းကြောင်းကို ဒီကနေ့ တရားဝင်ထုတ်ပြန်ခဲ့ပြီး ကော်မတီကို ငြိမ်းချမ်းရေးဆိုင်ရာ စေ့စပ်ညှိနှိုင်းရေး တာဝန်ခံ ဒေါက်တာတင်မျိုးဝင်းက ဥက္ကဋ္ဌ အဖြစ် ဆောင်ရွက်မှာဖြစ်ပါတယ်။

အကြိုပြင်ဆင်ရေးကော်မတီရဲ့အောက်မှာတော့ ဆပ်ကော်မတီ ၂ ရပ်ကိုဖွဲ့စည်းထားပြီး အကြိုပြင်ဆင်ရေး ဆပ်ကော်မတီ ၁ က တနိုင်ငံလုံး ပစ်ခတ် တိုက်ခိုက်မှုရပ်စဲရေးသဘောတူစာချုပ် NCA ကိုလက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့တွေနဲ့ ဆွေးနွေးမှာဖြစ်သလို အကြိုပြင်ဆင်ရေး ဆပ်ကော်မတီ ၂ ကတော့ NCA ကိုလက်မှတ်မရေးထိုးသေးတဲ့ တိုင်းရင်းသားလက်နက်ကိုင် အဖွဲ့တွေနဲ့ တွေ့ဆုံဆွေးနွေးမှာဖြစ်ပါတယ်။

လောလောဆည်မှာတော့ NCA လက်မှတ်ရေးထိုးထားတဲ့အဖွဲ့တွေဟာ ၂၁ရာစုပင်လုံ ပြင်ဆင်ရေးအတွက် ပါဝင်ဆောင်ရွက်နေပြီး လက်မှတ်မရေးထိုးသေးတဲ့အဖွဲ့တွေကိုတော့ ဆပ်ကော်မတီ ၂က မကြာခင်တွေ့ဆုံဆွေးနွေးဖို့ ရှိကြောင်း အကြိုပြင်ဆင်ရေးကော်မတီ အတွင်းရေးမှုး ဦးလှမောင်ရွှေက ပြောပါတယ်။

“ကော်မတီကတော့ ဒီ ၁၆ ရက်နေ့ ဖွဲ့စည်းကတည်းက စပြီးတော့ ဆောင်ရွက်နေတာပါ။ တရားဝင် ကတော့ ဒီနေ့ထွက်တာပေါ့လေ။ လာမယ့်ရက်ပိုင်းအတွင်းမှာ NCA မထိုးရသေးတဲ့ ခေါင်းဆောင်တွေနဲ့ တွေ့နိုင်ဖို့အတွက် လုပ်နေပါတယ်။ လာမယ့် ၂ ရက် ၃ ရက်အတွင်းမှာ တွေ့နိုင်ဖို့ ပြင်ဆင်နေပါတယ်။”

တွေ့ဆုံဖို့ ပြင်ဆင်ရာမှာ NCA လက်မှတ်မရေးထိုးသေးတဲ့ အဖွဲ့အားလုံးနဲ့ တွေ့ဆုံဆွေးနွေးရေးကို ကြိုးစားသွားမယ်လို့လည်း ဆက်ပြောပါတယ်။

“ကျနော်တို့တာဝန်ကတော့ လက်မှတ်မထိုးရသေးတဲ့လူတွေအားလုံးကိုတွေ့မှာပါ။ UNFC အဖွဲ့ဝင်ပဲဖြစ်ဖြစ်၊ အဖွဲ့ဝင်မဟုတ်သည်ဖြစ်စေ အားလုံးနဲ့တွေ့ပြီးရှင်းပြမှာပါ။ ရှင်းပြပြီးတော့မှ သူတို့ တုန့်ပြန်တဲ့အပေါ်မှာပေါ့နော် ကျနော်တို့ ညီလာခံမှာ ပါဝင်နိုင်ဖို့အတွက် ဖိတ်ခေါ်မယ် ၊ ဆွေးနွေးပြီး ဒီလိုဆက်သွားဖို့အတွက် ဒေါက်တာ တင်မျိုးဝင်း တို့ဘက်ကတော့ ပြင်ဆင်ထားတာရှိတယ် ခင်ဗျ။”

NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့တွေစုပေါင်းပါဝင်တဲ့ ညီညွတ်သော တိုင်းရင်းသားလူမျိုးများဖက်ဒရယ်ကောင်စီ UNFC ရဲ့ တွဲဘက်အတွင်းရေးမှူး ၁ ဦးထွန်းဇော်ကတော့ တွေ့ဆုံဆွေးနွေးရေးနဲ့ ပတ်သက်ပြီး အခုလို ပြောပါတယ်။

“ကျနော်တို့ဆီကို တိုက်ရိုက်တွေ့ဆုံဖို့အတွက် ပြောလာတာ ချဉ်းကပ်လာတာတော့ အခုအချိန်အထိတော့ မရှိသေးဘူးပေါ့လေ။ ကျနော်တို့လည်း အခုလေးတင်ပဲ သမ္မတရုံးက ကေ်ာမတီတွေဖွဲ့လိုက်တဲ့အကြောင်း တရားဝင်ထုတ်ပြန်ကြေညာချက်လေးတော့ တွေ့ရပါတယ်။ ဒါပေမယ့် ကျနော်တို့ဘက်ကိုတော့ တရားဝင် ကမ်းလှမ်းလာတာတော့ မရှိသေးပါဘူး။

UNFC အနေနဲ့တော့ တွေ့ဆုံဆွေးနွေးဖို့ အသင့်ရှိနေတယ်လို့ ဆက်ပြောပါတယ်။

“ကျနော်တို့ တွေ့ဆုံဆွေးနွေးဖို့ အဆင်သင့်ရှိပါတယ်။ ကျနော်တို့ဘက်က ပြင်ဆင်ပြီးသားလည်းဖြစ်ပါတယ်။ ဆပ် ကော်မတီတွေမဖွဲ့ခင် အစိုးရမဖွဲ့ခင်၊ ကျနော်တုိ့ ဒေါ်အောင်ဆန်းစုကြည်ဆီကိုလည်း ကမ်းလှမ်းပြီးသားဖြစ်ပါတယ် UNFC အနေနဲ့ပေါ့လေ။”

UNFC အဖွဲ့မှာ မပါဝင်တဲ့ NDAA ခေါ် မိုင်းလားအဖွဲ့၊ UWSA ခေါ် ၀အဖွဲ့စတာတွေနဲ့လည်း ၀အဖွဲ့ဌာနချုပ် ပန်ဆန်းမှာ တွေ့ဆုံဆွေးနွေးမယ်ဆိုပြီး သတင်းတွေလည်း ထွက်ပေါ်နေပေမဲ့ NDAA ခေါ် မိုင်းလားအဖွဲ့ရဲ့ အထွေထွေအတွင်းရေးမှုး ဦးကြည်မြင့်က အကြောင်းကြားလာတာ မရှိသေးကြောင်း ပြောပါတယ်။

“အဲဒါမသိသေးဘူး ဘာမှတော့ အဲဒါမပြောသေးပါဘူး။ တွေ့ဖို့တော့ ရှိတယ်ပြောတယ်၊ ဘယ်ရက်နေ့တွေ့မယ်၊ ဘယ်လိုလုပ်မယ်ဆိုတာတော့ ကျနော်တို့မပြောနိုင်သေးဘူး။”

ပြည်ထောင်စုငြိမ်းချမ်းရေးညီလာခံ - ၂၁ရာစုပင်လုံ အကြိုပြင်ဆင်ရေးကော်မတီနဲ့ ဆပ်ကော်မတီက NCA လက်မှတ်မထိုးသေးတဲ့ အဖွဲ့တွေနဲ့ တွေ့ဆုံဖို့ ပြင်ဆင်နေပေမဲ့ အစိုးရတပ်မတော်ဖက်ကတော့ လက်ရှိ လက်နက်ကိုင်ပဋိပက္ခတွေ ဖြစ်ပွားနေတဲ့ TNLA ခေါ် ပလောင်တပ်ဖွဲ့၊ MNDAA ခေါ် ကိုးကန့်တပ်ဖွဲ့နဲ AAခေါ် ရခိုင်တပ်ဖွဲ့တွေနဲ့တော့ ငြိမ်းချမ်းရေးဆွေးနွေးမှာ မဟုတ်ကြောင်း သတင်းထုတ်ပြန်ထားပါတယ်။

ဒီသီတင်းပတ်တွေအတွင်းမှာတော့ SSPP-ရှမ်းပြည်တပ်မတော်မြောက်ပိုင်း၊ ကချင်လွတ်လပ်ရေးတပ်ဖွဲ့ KIA နဲ့ အစိုးရတပ်မတော်အကြားမှာ တိုက်ပွဲတွေ ဖြစ်ပွားခဲ့သလို လက်ရှိမှာလည်း နှစ်ဖက်တပ်တွေအကြား တင်းမာမှုတွေ ရှိနေပါတယ်။

၂၁ရာစုပင်လုံခေါ် ပြည်ထောင်စုငြိမ်းချမ်းရေးညီလာခံ ကျင်းပရေးကို မြန်မာနိုင်ငံ ငြိမ်းချမ်းရေး ပြန်လည်တည်ဆောက်ရေးဗဟို MPC အစား အစိုးရသစ်က အမျိုးသားရင်ကြားစေ့ရေးနဲ့ ငြိမ်းချမ်းရေးဗဟို NRPC အဖြစ် ပြောင်းလဲဖွဲ့စည်းပြီးနောက် စတင်ဆောင်ရွက်လာတာဖြစ်ပါတယ်။
VOA Burmese News


၂၀၁၅ ခုနှစ် နိုဝင်ဘာလက ပြုလုပ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၏ မဲဆွယ် စည်းရုံးရေး လှုပ်ရှားမှု တစ်ခုကိုတွေ့ရစဉ်။ ဓါတ်ပုံ - (AP Photo/Khin Maung Win)
၂၀၁၅ ခုနှစ် နိုဝင်ဘာလက ပြုလုပ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ၏ မဲဆွယ် စည်းရုံးရေး လှုပ်ရှားမှု တစ်ခုကိုတွေ့ရစဉ်။ ဓါတ်ပုံ - (AP Photo/Khin Maung Win)

ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ထိပ်ပိုင်းခေါင်းဆောင်တချို့ဟာ ပါတီစည်းမျဉ်းတွေနဲ့အညီ လိုက်နာဆောင်ရွက်ခြင်းမရှိတာကို သုံးသပ်ပေးဖို့ လက်ရှိ ဗဟိုအလုပ်အမှုဆောင် ကော်မတီဝင်တချို့ အပါအဝင် စုစုပေါင်း ၁၂ ယောက်က ပါတီဥက္ကဋ္ဌ ဦးသိန်းစိန်ဆီကို အိတ်ဖွင့်ပေးစာပေးလိုက်ပါတယ်၊ မေလ ၃၀ ရက်နေ့စွဲနဲ့ အိတ်ဖွင့် ပန်ကြားလွှာထဲမှာ ၂၀၁၅ သြဂုတ်လ ၁၂ ရက်နေ့တုန်းက ပါတီဌာနချုပ်ရုံးကို လုံခြုံရေး အင်အားသုံးပြီး စီးနင်းရှာဖွေခဲ့တဲ့ ကိစ္စဟာ တည်ဆဲဥပဒေတွေကို လိုက်နာခြင်းမရှိဘူးဆိုတာကို ထပ်မံထောက်ပြထားပြီး၊ ပါတီရဲ့ ဗဟိုအလုပ်အမှုဆောင် ကော်မတီဝင်တချို့ဟာ ဒီကနေ့အထိ ပါတီ ဖွဲ့စည်းပုံအခြေခံစည်းမျဉ်းတွေနဲ့ မကိုက်ညီတဲ့ လုပ်ရပ်တွေကို ဆက်တိုက်လုပ်နေတယ်လို့ ဆိုထားပါတယ်။

အဓိကအားဖြင့် ဗဟို အလုပ်အမှုဆောင် ကော်မတီဝင်သစ်တွေကို ရွေးချယ် တင်မြှောက်ရမဲ့အစား တိုက်ရိုက်ခန့်အပ်မှုတွေလုပ်ခဲ့တာကို အိတ်ဖွင့်ပေးစာမှာ ထောက်ပြထားပါတယ်။ ၂၀၁၅ သြဂုတ်လ ၁၂ ရက်နေ့ ညအချိန်မှာ ပါတီဌာနချုပ်ရုံးကို စီးနင်း ရှာဖွေခဲ့ပြီး နောက်တရက် သြဂုတ်လ ၁၃ ရက်နေ့မှတော့ ကြံ့ခိုင်ရေးပါတီတွင်း အထူးအရေးပေါ် အစည်းအဝေး ခေါ်ယူကာ အဲဒီအချိန်က ပါတီ ပူးတွဲဥက္ကဋ္ဌတာဝန်ယူထားတဲ့ သူရဦးရွှေမန်းနဲ့ ဗဟိုအလုပ်အမှုဆောင် ကော်မတီဝင်တချို့ကို တာဝန်ကနေ အနားပေး ဖယ်ရှားခဲ့ပါတယ်။ ပြီးခဲ့တဲ့ April လတုန်းကလဲသူရဦးရွှေမန်းအပါအဝင် သူနဲ့ နီးစပ်တဲ့ ပါတီဝင်တချို့ကို ကြံ့ခိုင်ရေးပါတီဝင် အဖြစ်ကနေ ထုတ်ပယ်ပြစ်ခဲ့ပါတယ်။ ဒီလိုထုတ်ပယ် အနားပေးတဲ့ လုပ်ရပ်မှာ စွဲချက်တွေကို ကာယကံရှင်တွေကို အသိမပေး၊ ခုခံချေပခွင့်မပေးဘဲ မျက်ကွယ်မှာ တဖက်သတ်ဆုံးဖြတ်ခဲ့တာဖြစ်တယ်လို့လဲ အိတ်ဖွင့်ပေးထားထဲမှာ ဖော်ပြထားပါတယ်။

နောက်တချက်ကတော့ ကြံခိုင်ရေးပါတီတွင်း အရေးပေါ် ပါတီညီလာခံခေါ်ပေးဖို့ ဗဟိုကော်မတီဝင် ၆၂% က တင်ပြတောင်းဆိုခဲ့ပေမဲ့ ပျက်ကွက်ခဲ့တဲ့အပြင်၊ ညီလာခံကိုယ်စားလှယ်အသစ်တွေကို စိတ်ကြိုက်ရွေးချယ်ပြီး ဒုတိယအကြိမ် ပါတီညီလာခံကို August လထဲမှာ ကျင်းပဖို့ ပြင်ဆင်နေတာဟာ ပါတီစည်းမျဉ်းတွေကို မလိုက်နာတာဖြစ်တယ်လို့လဲ ဆိုထားပါတယ်။ ခုလို အိတ်ဖွင့်ပေးစာထဲမှာ ထောက်ပြထားတဲ့ ကိစ္စတွေဟာ ပါတီတွင်းကိစ္စဖြစ်ပေမဲ့ နိုင်ငံနဲ့ ပြည်သူတွေအပေါ် တနည်းနည်းနဲ့ ရိုက်ခတ်စေတဲ့အတွက် ပါတီတွင်းဆောင်ရွက်ချက်တွေကို ပြန်လည်သုံးသပ်ပေးဖို့ ပါတီဥက္ကဋ္ဌ ဦးသိန်းစိန်ကို တောင်းဆိုထားပါတယ်။

အိတ်ဖွင့်ပေးစာမှာ လက်မှတ်ရေးထိုးထားသူ ၁၂ ယောက်ထဲမှာ ကြံ့ခိုင်ရေးနဲ့ ဖွံ့ဖြိုးရေးပါတီရဲ့ လက်ရှိနဲ့ အရင် ဗဟိုအလုပ်အမှုဆောင်ကော်မတီဝင်တွေနဲ့ ပါတီဝင်တွေပါဝင်ကြပါတယ်။ သူရဦးရွှေမန်းဥက္ကဋ္ဌ အဖြစ်ဆောင်ရွက်နေတဲ့ ပြည်ထောင်စုလွှတ်တော် ဥပဒေရေးရာနဲ့ အထူး ကိစ္စရပ်များ လေ့လာဆန်းစစ် သုံးသပ်ရေး ကော်မရှင်ထဲမှာ ပါဝင်ကြသူတွေလဲဖြစ်ကြပါတယ်။ ပါတီဥက္ကဋ္ဌဦးသိန်းစိန်ဆီကို အိတ်ဖွင့်ပေးစာပေးလိုက်တဲ့ မေလ ၃၀ ရက်နေ့၊ တနင်္လာနေ့မှာပဲ ဗဟိုအလုပ်အမှုဆောင် ကော်မတီဝင်ဟောင်းတချို့က ဒီကိစ္စနဲ့ပါတ်သက်လို့ နေပြည်တော်မှာ သတင်းစာ ရှင်းလင်းပွဲပြုလုပ် ခဲ့ပါတယ်ရှင်။
VOA Burmese News

 phyominthein-620.JPG ရန်ကုန်တိုင်းဝန်ကြီးချုပ် ဦးဖြိုးမင်းသိန်း ကို ရန်ကုန်မြို့ အလုံမြို့နယ်မှာ မေလ ၃၁ ရက်နေ့ကကျင်းပတဲ့ ရန်ကုန် လျှပ်စစ်ဓါတ်အားပေးရေး ကော်ပိုရေးရှင်းရဲ့ ရက် ၁၀၀ စီမံချက် သတင်းစာရှင်းလင်းပွဲမှာ တွေ့ရစဉ်
Photo: Aung Thein Kha/RFA

ရန်ကုန်တိုင်းဒေသကြီးအတွင်း လာမယ့် ၆ လကနေ ၁ နှစ်အတွင်း လျှပ်စစ်မီး ပုံမှန်ရအောင် ကြိုးစားဆောင်ရွက် သွားမယ်လို့ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း က ပြောပါတယ်။

ရန်ကုန်မြို့ အလုံမြို့နယ်က ရန်ကုန်လျှပ်စစ် ဓာတ်အားပေးရေး ကော်ပိုရေးရှင်းမှာ ပြုလုပ်တဲ့ အစိုးရရဲ့ ရက် ၁၀၀အတွင်း လုပ်ဆောင်မှုတွေအကြောင်းကို ရှင်းပြရာမှာ ဝန်ကြီးချုပ် ဦးဖြိုးမင်းသိန်း က ထည့်သွင်းပြောလိုက်တာ ဖြစ်ပါတယ်။

ရန်ကုန်မြို့က ပျက်စီးယိုယွင်းနေတဲ့ လျှပ်စစ်မီးတိုင်တွေ၊ စက်ပစ္စည်းတွေ၊ သစ်ပင်တွေနဲ့ မီးတိုင်တွေ စတဲ့ အခက်အခဲတွေကိုလည်း ဖြေရှင်းသွားရမှာဖြစ်တယ်လို့ ဝန်ကြီးချုပ်က ပြောပါတယ်။

ရန်ကုန်တိုင်း အစိုးရအဖွဲ့ရဲ့ တစ်နှစ်စာ သုံးစွဲခွင့်ငွေဟာ ကျပ်ငွေ ဘီလီယံ ၃၃၄ သာရှိပြီး အဲဒီငွေဟာ အမေရိကန် ဒေါ်လာနဲဆိုရင် ဒေါ်လာ ၃၃၄ သန်းလောက်သာရှိတဲ့ ပမာဏဖြစ်ပြီး အဲဒီငွေဟာ ၀န်ထမ်းအားလုံး ဌာနအားလုံးရဲ့ လစာငွေလည်းပါနေကြောင်းလည်း ဝန်ကြီးချုပ်က ငွေကြေးအခက်အခဲကို ပြောပါတယ်။

ဒါ့အပြင် ရန်ကုန်မြို့ရဲ့ လျှပ်စစ်မီးသုံးစွဲမှုဟာ တစ်နိုင်ငံလုံး သုံးစွဲမှုရဲ့ ၅၀ ရာခိုင်နှုန်းရှိနေပြီး လိုအပ်ချက် အများဆုံး ဖြစ်တယ်လို့ ရန်ကုန်လျှပ်စစ် ဓာတ်အားပေးရေး ကော်ပိုရေးရှင်းရဲ့ ဥက္ကဌ ဦးမောင်မောင်လတ် က သတင်းစာရှင်းလင်းပွဲမှာ ပြောပါတယ်။

အစိုးရအဖွဲ့အနေနဲ့ လျှပ်စစ်မီး လိုအပ်ချက်ကို ဖြည့်ဆည်းဖို့အတွက် ရက် ၁ဝဝ အတွင်း ၂၀၀ KVA ထရမ်စဖော်မာ အလုံး ၁၅၀ ကိုလည်း မြို့နယ်အသီးသီးမှာ တပ်ဆင်သွားမှာ ဖြစ်ပါတယ်။
RFA

(အုန်းချောဒေသမှ ကျောက်ခန်းလုပ်ကွက်တစ်ခု)
မန္တလေးမြို့ ပုသိမ်ကြီးမြို့နယ် အုန်းချောရဲစခန်း အပိုင် နယ်မြေ ပြင်ဦး လွင်အတက်လမ်း (၁၆)မိုင် တိုးဂိတ်အနီးရှိ တမာတောင်ကျောက်ခန်း မှာ မေ(၃၁)ရက် နံနက်(၁၁)နာရီခန့်က ကျောက်ခန်းပြိုကျတာကြောင့် လူနှစ်ဦး သေဆုံးခဲ့ ပါတယ်။

 သေဆုံးသူနှစ်ဦးဟာ ကျောက်ခန်း ပိုင်ရှင် ဒေါ်ခင်မိုးကြည် နဲ့ ကျောက်ခန်းအလုပ်သမား ဇေယျာမင်း တို့ဖြစ်ပြီး ကျောက်တောင်ခွဲ ထားတာကိုသွားရောက်ကြည့်ရှု စဉ် ပေ(၁၀၀)အမြင့် ကနေ ကျောက်တောင်ပြိုကျခဲ့တာကြောင့် ပွဲချင်းပြီး သေဆုံးသွားခဲ့ပါတယ်။ ကျောက်တောင်ပြိုကျခဲ့တဲ့အချိန်ထွက်ပြေး ခဲ့ပေမယ် လွတ်မြောက်ခဲ့ခြင်းမရှိပဲ သေဆုံးသွားခဲ့တာဖြစ်ပါ တယ်။

 သေဆုံးသူနှစ်ဦးရဲ့ အလောင်းကို မန္တလေးဆေးရုံကြီးကို ပို့ပြီး စစ်ဆေးထားပါတယ်လို့အုန်းချောရဲစခန်းမှ တာဝန်ကျ ရဲအရာရှိတစ်ဦးက ပြောပါတယ်။ '' အခင်းဖြစ်ပွားရာ အနီးဝန်း ကျင်မှာ ကျောက်တောင်ပြိုကျလို့ နှစ်တိုင်း လူသေဆုံးမှုဖြစ်ပွားလေ့ ရှိတယ်လို့အုန်းချောမြို့ခံ ရပ်ကျေးအဖွဲ့ဝင်တစ်ဦးက ပြောပါတယ်။

ကျောက်တောင်မပြိုရင်လည်း ကျောက်သယ်ကားတွေ ထော်လာဂျီတွေ တောင်ပေါ်က ပြုတ်ကျလို့ သေဆုံးတာတွေလည်း ရှိတယ်လို့ဆိုပါတယ်။ အုန်းချောအနီးက ကျောက်ခန်းတွေမှာ မတော်တဆဖြစ်ပြီး တစ်နှစ်ကို အနည်းဆုံး လူငါးဆယ်ခန့်သေဆုံးမှု ရှိတယ်လို့လည်းအုန်းချောမြို့ခံ ရပ်ကျေးအဖွဲ့ဝင်တစ်ဦးက ပြောပါတယ်။ အခုသေဆုံးသူနှစ်ဦးရဲ့အလောင်း ကို မန္တလေးဆေးရုံကြီးမှာ PR-10/11/2016 နဲ့လက်ခံထားပြီး အုန်းချော ရဲစခန်းမှာ သေမှုသေခင်း အမှတ်စဉ် ၁၅/၂၀၁၆ နဲ့ အမှုဖွင့် စစ်ဆေးနေပါတယ်။

သတင်း ၊ ဓာတ်ပုံ - ရဲရင့်မာန်
5 Plus News
https://www.facebook.com/5plusnews


တရုတ်အာဏာပိုင်များက မြန်မာ နယ်စပ်ကုန်သွယ်ရေးမြို့ ရွှေလီတွင် မြန်မာနိုင်ငံသား အလုပ်သမားများကို ယခု ရက်ပိုင်း မှ တင်းတင်းကြပ်ကြပ် စစ်ဆေး ဖမ်းဆီးမှုများ ပြုလုပ်နေကြောင်း သိရပါသည်။

ယခင်က တစ်ပတ်ကတ်ခေါ် (၇) ရက်အစိမ်းရောင်ကတ်နှင့် အလုပ်လုပ်ခွင့်အနီကတ်တို့ဖြင့် တရုတ်ပြည်ဘက် ည အိပ် နေထိုင် အလုပ်လုပ် သူများ ရှိသော်လည်း ယခုချိန်တွင်မူ တရားဝင် နေထိုင်ခွင့် အစိမ်းရောင်ကတ် ဖြင့်သာ ခွင့်ပြုတော့ကြောင့် ရွှေလီမြို့တွင် အလုပ်လုပ်နေသည့် ကချင်အမျိုးသမီး တစ်ဦး မှ ပြောပါသည်။

တရုတ်ပြည်တွင်း တရားမဝင် အလုပ်လုပ်ကိုင်ခြင်း၊ နေထိုင်ခြင်း နှင့် တရားမဝင် ဝင်ရောက်လာသော နိုင်ငံခြားသားများအား အလုပ်ခန့်သော အလုပ်ရှင်များအားလုံးကိုလည်း တရုတ်နိုင်ငံ ဖြတ်သန်းသွားလာခြင်း ထိန်းချုပ် ဥပဒေအရ ဖမ်းဆီးအရေးယူသွားမည့်အကြောင်း ကို ဧပြီလမှ စ ပြီး သတင်းထုတ်ပြန်ထားကြောင်း သိရသည်။

ယမန်နေ့ မှ စပြီး တရားမဝင် မြန်မာနိုင်ငံသားများကို ဖမ်းဆီးမှုများပြုလုပ်လာပြီး ဇွန်လ ၁ ရက်မှ စတင်ကာ ပိုမို ပိုက်စိပ်တိုက် ရှာဖွေ ဖမ်းဆီးမှုများ ရှိလာနိုင်ကြောင်း သိရသည်။

အဖမ်းခံရပါက တစ်ဦးလျှင် ဒဏ်ငွေ တရုတ်ယွမ် ၅၀၀ (ကျပ် ၉ သောင်းခန့်) ပေးရပြီး မပေးနိုင်ပါက အချုပ်တွင် ၁၅ ရက်ခန့်နေရကြောင်း ဂျယ်ခေါင် (Jiegao) တွင် အလုပ်လုပ်နေသူ တစ်ဦး ပြောပါသည်။

လူမျိုးပေါင်းစုံနေထိုင်သည့် မြန်မာ နယ်စပ် စီးပွားရေးအချက်အခြာ ရွှေလီမြို့တွင် တရုတ် အာဏာပိုင်းများမှ ရုတ်တရက် မြန်မာနိုင်ငံသားများကို ပြင်းပြင်းထန်ထန် စစ်ဆေး ဖမ်းဆီးလာခြင်း ရည်ရွယ်ချက်ကို မသိရသော်လည်း မူးယစ်ဆေးဝါးပြဿနာနှင့် ရာဇဝတ်မှုများကို လျော့ကျလိုသည့်အတွက် ဖြစ်နိုင်ကြောင်း မြန်မာ အလုပ်သမားများက ခန့်မှန်းပြောဆိုနေကြပါသည်။

Kachinnews
http://burmese.kachinnews.com


နေပြည်တော် မေ ၃၁

မြန်မာ့ယဉ်ကျေးမှုအမွေအနှစ် ပစ္စည်းများနှင့် သမိုင်းကြောင်းဆိုင်ရာ ပစ္စည်း များကို ခင်းကျင်းပြသရာတွင် အထောက်အထား ခိုင်ခိုင် မာမာဖြင့် ပြသ ရန်နှင့် ပြတိုက် လုပ်ငန်းများ ဖွံ့ဖြိုးတိုးတက်ရေးအတွက် ပြည်ပ အဖွဲ့အစည်း များနှင့် ဆက်သွယ်ညှိနှိုင်းဆောင်ရွက်ရန် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်က နေပြည်တော်၊ ဥတ္တရ သီရိမြို့နယ် အမျိုးသားပြတိုက်(နေပြည်တော်)တွင် ကြည့်ရှုစစ်ဆေး စဉ် ပြောကြားခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့ နံနက် ပိုင်းက အမျိုးသား ပြတိုက်(နေပြည်တော်)သို့ ရောက်ရှိပြီး ပရိုင်းမိတ်နှင့် ကျောက်ဖြစ် ရုပ်ကြွင်းပြခန်း၊ သမိုင်းမတင်မီ ခေတ် (ကျောက်ခေတ်၊ ကြေးခေတ်၊ သံခေတ်)ပြခန်း၊ သမိုင်းတင်ခေတ်ဦး(ဘီစီ ၂ ရာစုမှ အေဒီ ၉ ရာစု) ပြခန်း ၊ သမိုင်းတင်ခေတ် (အေဒီ၁၁-၁၄ရာစု) ပြခန်းများ ကို လှည့်လည် ကြည့်ရှုရာ သာသနာရေးနှင့် ယဉ်ကျေးမှု ဝန်ကြီး ဌာန ပြည်ထောင်စု ဝန်ကြီး သူရဦးအောင်ကို၊ သမိုင်းသုတေသနနှင့် အမျိုးသား စာကြည့်တိုက် ဦးစီးဌာန၊ တာဝန်ခံညွှန်ကြားရေးမှူးချုပ်၊ အမြဲတမ်း အတွင်းဝန် ဒေါက်တာဒေါ်နန္ဒာမွှန်းနှင့် တာဝန်ရှိသူများက ရှင်းလင်း ပြသကြသည်။

အမျိုးသားပြတိုက်(နေပြည်တော်)သည် နေပြည်တော်ဥတ္တရသီရိမြို့နယ်၊ ရာဇသင်္ဂဟ လမ်းမကြီး ပေါ်တွင် တည်ရှိပြီး အမျိုးဂုဏ်၊ ဇာတိဂုဏ်ဖော် ထုတ်ပြသရန်၊ ကြွယ်ဝပြီးအဆင့် အတန်းမြင့်သည့် မိမိတို့လူမျိုး၏ အဆင့်ဆင့် တိုးတက်ပြောင်းလဲလာသော ယဉ်ကျေးမှု အမွေအနှစ် များကို ဖော်ထုတ်ပြသ ရန်၊ မိမိတို့လူမျိုး၏ Soft power စွမ်းဆောင်ချက် များကိုပြသရန်၊ မိမိနိုင်ငံ၊ လူမျိုး၏ ဂုဏ်ဒြပ်နှင့်ညီသော၊ နိုင်ငံတော်အဆင့်နှင့် ညီသောပြတိုက်ဖြစ်အောင် တည်ဆောက်ရန်နှင့် ခေတ်မီ၊ ဆွဲဆောင်မှုရှိပြီး အဆင့်အတန်းမြင့်မား၍ ထိန်းသိမ်း မှု စနစ်မှန်ကန် သော ပြတိုက်အဖြစ် တည်ဆောက်ရန် ဟူသော ရည်ရွယ်ချက်များဖြင့် တည်ဆောက်ထားခြင်း ဖြစ်ပြီး ၂၀၁၅ ခုနှစ် ဇူလိုင် ၅ ရက်မှစတင်၍ ပြည်သူများ ကြည့်ရှုလေ့လာနိုင်ရန် ဖွင့်လှစ်ပြသ လျက်ရှိသည်။

Myanmar State Counsellor Office
https://www.facebook.com/state.counsellor

Democracy Partnership Committee နဲ့ နိုင်ငံခြားရေး ၀န်ကြီး ဒေါ်အောင်ဆန်းစုကြည်တို့ တွေ့ဆုံ(ဓါတ်ပုံ-Ministry of Foreign Affairs Myanmar)
မြန်မာနိုင်ငံကို ရောက်နေတဲ့ အမေရိကန် အောက်လွတ်တော် Democracy Partnership Committee ဥက္ကဌ Mr. Peter Roskam ဟာ မြန်မာနိုင်ငံ နိုင်ငံခြားရေး ၀န်ကြီး ဒေါ်အောင်ဆန်းစုကြည်နဲ့ဒီကနေ့ နေပြည်တော်မှာ တွေ့ဆုံပြီး နှစ်နိုင်ငံ လွတ်တော် ရေးရာကိစ္စတွေကို အဓိကထား ဆွေးနွေးခဲ့ပါတယ်။ ဒါ့အပြင် Mr. Peter အနေနဲ့ ဒီကနေ့ ညနေပိုင်းမှာ မြန်မာလွှတ်တော်အမတ်တွေနဲ့တွေ့ဆုံမှာဖြစ်ပါတယ်။ အပြည့်အစုံကိုတော့ ဗွီအိုအေမြန်မာပိုင်းသတင်းထောက် ကိုထက်အောင်က ပြောပြပေးမှာပါ။

မြန်မာနိုင်ငံကို ရောက်ရှိနေတဲ့ အမေရိကန် အောက်လွတ်တော် Democracy Partnership Committee ဥက္ကဌ Mr. Peter နဲ့ အဖွဲ့ဝင် ၇ ဦးတို့ဟာ မြန်မာနိုင်ငံခြားရေး ၀န်ကြီး ဒေါ်အောင်ဆန်းစုကြည်နဲ့ ဒီကနေ့ မနက်ပိုင်း ၁၀ နာရီလောက်က နေပြည်တော်မှာ တွေ့ဆုံခဲ့ပါတယ်။ ဒီကနေ့ တွေ့ဆုံမှုမှာ မိနစ် ၃၀ ကျော် ကြာမြင့်ခဲ့ပြီး အဓိကအားဖြင့်တော့ နှစ်နိုင်ငံ လွှတ်တော် ၂ ရပ်ကြား ပူးပေါင်းဆောင်ရွက်မှုဆိုင်ရာ ကိစ္စရပ်များကို ဆွေးနွေးခဲ့ တယ်လို့ မြန်မာနိုင်ငံခြားရေး ၀န်ကြီးဌာနရဲ့ ပြောခွင့်ရ ပုဂ္ဂိုလ် ဒေါ်အေးအေးစိုးက ဗွီအိုအေကို ပြောပါတယ်။

“ဒီနေ့မနက် ၁၀ နာရီကတွေ့တယ်။ နိုင်ငံခြားရေး ၀န်ကြီးအနေနဲ့ လက်ခံတွေ့ဆုံတာဆိုတော့ သူ့ ဧည့်ခန်းမှာလာတွေ့တယ်။ အဓိကတော့ ၂ နိုင်ငံ ဆက်ဆံရေးပေါ့ ။ အဲဒီမှာမှ အသေးစိတ်ကတော့ ၂ နိုင်ငံ လွှတ်တော်တွေအချင်းချင်း ဆက်ဆံရေး Legislative branch ၂ ခု ဆက်ဆံတာပေါ့လေ။ လွှတ်တော်ဆိုပေမယ့် မြန်မာက လွှတ်တော်လို့ သုံးတာဆိုတော့ အဓိကတော့ မြန်မာ Legislative branch နဲ့ ဟိုဘက်က အမေရိကန် Legislative တို့ ၂ ခုကြားမှာ ပူးပေါင်းဆောင်ရွက်ဖို့။”

Mr. Peter နဲ့ အဖွဲ့ဝင်တို့ဟာ ဒေါ်အောင်ဆန်းစုကြည်နဲ့ ရင်းရင်းနှီးနှီးတွေ့ဆုံခဲ့ပြီး ညနေပိုင်းမှာတော့ လွှတ်တော် ကိုယ်စားလှယ် တစ်ချို့နဲ့ တွေ့ဆုံမှု ရှိတယ်လို့ ဒေါ်အေးအေးစိုးက ပြောပါတယ်။

“တခြားတော့ မဟုတ်ပါဘူး ကြည့်ရတာ တော်တော်များများကတော့ အင်တာဗျူးလာလုပ်သလိုပဲ ၊ အမတို့ ၀န်ကြီးကို သူတို့ရှေ့ ၀န်ကြီးအနေနဲ့ ဘယ်လို ရန်မှန်းချက်နဲ့ လုပ်မလဲ၊ အခက်အခဲကို ဘယ်လိုကျော်လွှားခဲ့ရသလဲ စသဖြင့်ပေါ့လေ။ ၈ ယောက်စလုံးက သူတို့မေးချင်တဲ့မေးခွန်းလေးတွေ ရောမေးသွားတာပါ။ သူတို့ရင်းရင်းနှီးနှီး လာပြီးစကားပြောသွားတာပါ။ အဓိကတော့ ဒီ လွှတ်တော် ၂ ရပ်ကြားမှာ ပူးပေါင်းဆောင်ရွက်မှုလေးတွေလုပ်ချင်ပါတယ်။ သူတို့ဘက်က ဘာတွေများကူညီပေးရမလဲ၊ နောက်ပြီး ညနေကျမှလည်း သူတို့ လွှတ်တော်ကိုယ်စားလှယ်တွေနဲ့လည်း တွေ့ဖို့ရှိပါတယ်။ အဲဒီကျရင်ပြောပါမယ်ပေါ့လေ။ ဒါကတော့ ၀န်ကြီးကို ကနဦးနှတ်ဆက်ရင်းနဲ့ သူတို့အစီအစဉ်ကို လာပြောသွားတာပါ။”

Democracy Partnership Committee ဟာ အမေရိကန်ပါတီကြီးနှစ်ရပ်စလုံးက ကိုယ်စားလှယ်တွေပါဝင်ပြီး အဖွဲ့ဝင် ၂၀နဲ့ လည်ပတ်ဆောင်ရွက်နေတာပါ။ ပေါ်ထွန်းစ ဒီမိုကရေစီနိုင်ငံတွေရဲ့ ဥပဒေပြုရေးဆောင်ရွက်ချက်တွေ လွှတ်တော်ရေးရာကိစ္စတွေမှာ ကူညီဆောင်ရွက်ပေးနေတဲ့ အဖွဲ့လည်းဖြစ်ပါတယ်။ ဥပဒေပြုရေးပိုင်းဆိုင်ရာ သင်တန်းတွေ အပြန်အလှန်ပူးပေါင်းဆောင်ရွက်မှုတွေနဲ့ အကူအညီပေးနေတာလည်းဖြစ်ပါတယ်။

 ထက်အောင် / ဗွီအိုအေ (မြန်မာပိုင်း)
http://burmese.voanews.com/


နေပြည်တော် မေ ၃၁

ငြိမ်းချမ်းစွာစုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်း ဆိုင်ရာ ဥပဒေကြမ်း ကို ယနေ့ကျင်းပသည့်အစည်းအဝေးတွင် အမျိုးသား လွှတ်တော် က ပြင်ဆင်ခြင်း၊ အသစ် ဖြည့်စွက်ခြင်း၊ ပယ်ဖျက်ခြင်းများပြုလုပ်၍ အတည်ပြုလိုက်သည်။

ယခုအတည်ပြုလိုက်သည့် ဥပဒေကြမ်း၏ အမည်နှင့် အဓိပ္ပာယ်ဖော်ပြချက် အခန်းတွင် “ငြိမ်းချမ်းစွာစုဝေးခြင်းဆိုသည်မှာ ဤဥပဒေနှင့်အညီ အများပြည်သူ ဆိုင်ရာ နေရာတွင် မိမိသဘောထား ဆန္ဒကို ဖော်ပြရန် အလို့ငှာ နိုင်ငံသား များက ဖြစ်စေ၊ အဖွဲ့အစည်း တစ်ရပ်ရပ်ကဖြစ်စေ လက်နက်မပါဘဲ ငြိမ်းချမ်းစွာရောက်ရှိခြင်း၊ ဟောပြော ခြင်းကိုဆို သည်။ ယင်းစကားရပ် တွင် နိုင်ငံသားတစ်ဦးချင်းအနေဖြင့် အလား တူ ဆောင်ရွက်ခြင်း လည်း ပါဝင်သည်”ဟုသော စကားရပ်ဖြင့် ပြင်ဆင် အတည်ပြုသည်။

ဥပဒေကြမ်း၏ အသိပေးတင်ပြခြင်းအခန်းတွင် အပိုဒ် ၃ ကို “ငြိမ်းချမ်းစွာ စုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်း အခွင့်အရေးတို့ကို သုံးစွဲဆောင်ရွက် လိုသော နိုင်ငံသားများ သို့မဟုတ် အဖွဲ့အစည်းများသည် မိမိသဘောထားဆန္ဒကို ဖော်ပြရန် အလို့ငှာ အောက်ပါ အချက်များပါရှိသော အသိပေးတင်ပြချက်ကို သက်ဆိုင် ရာ မြို့နယ်ရဲတပ်ဖွဲ့မှူးထံ ယင်း သို့ ဆောင်ရွက် မည့်နေ့မတိုင်မီ အနည်းဆုံး ၄၈ နာရီကြိုတင်၍ စာဖြင့်ပေးပို့ တင်ပြရမည်။ စီတန်းလှည့်လည်ရာတွင် ဖြတ်သန်း လိုသည့် မြို့နယ်များရှိပါက သက်ဆိုင်ရာမြို့နယ်ရဲတပ်ဖွဲ့မှူးများထံ ၄၈ နာရီကြိုတင်၍ အသိပေး တင်ပြချက် မိတ္တူကိုပေးပို့ရမည်”ဟု ပြင်ဆင်အတည်ပြုခဲ့သည်။

ထို့ပြင် ဥပဒေကြမ်း၏ စည်းကမ်းသတ်မှတ်ချက်များအခန်း အပိုဒ် ၉ တွင် လူသား အချင်းချင်းမတူကွဲပြားမှုကြောင့် ခွဲခြားနှိမ့်ချခြင်း၊ ဂုဏ်သိက္ခာ ညှိုးနွမ်းစေခြင်းတို့ကို ရည် ရွယ်သောအပြုအမူ၊ အပြောအဆိုတို့ကိုမပြုလုပ်ရ။ ငြိမ်းချမ်းစွာစုဝေးခြင်းနှင့် စီတန်း လှည့်လည်ခြင်းတို့ပြုရာတွင် သူ တစ်ဦးဦး အား ငွေကြေး သို့မဟုတ် ပစ္စည်းတစ်စုံတစ်ရာ ပေး၍ ပါဝင်စေခြင်း၊ ငွေကြေး သို့မဟုတ် ပစ္စည်းတစ်စုံတစ်ရာလက်ခံ၍ ပါဝင်ခြင်းတို့ မပြုလုပ်ရ။ ငြိမ်းချမ်းစွာ စုဝေးခြင်းနှင့် စီတန်းလှည့်လည်ခြင်းတို့ပြုရာတွင် သူတစ်ဦးဦး အားပါဝင်စေရန် ခြိမ်းခြောက်ခြင်း၊ အတင်းအကျပ်ပြုခြင်း၊ အနိုင်အထက်ပြုခြင်း၊ မလျော် သြဇာ သုံးခြင်းတို့မပြုလုပ်ရ။ ဤဥပဒေပါ စည်းကမ်းချက်များနှင့် ဒေသဆိုင်ရာ လိုအပ် ချက်နှင့်အညီ တာဝန်ရှိပုဂ္ဂိုလ် သို့မဟုတ် အဖွဲ့အစည်းများမှ ကြိုတင် သတ်မှတ် ထား သော စည်းကမ်းချက် များကို ဖောက်ဖျက်ခြင်းမပြုရ စသည့် ဖြည့်စွက် ချက်များကို ထည့်သွင်းအတည်ပြုခဲ့သည်။

ထို့အတူ စည်းကမ်းသတ်မှတ်ချက်များအခန်းတွင် အပိုဒ် ၁၀ အဖြစ် “ငြိမ်းချမ်းစွာ စုဝေးခြင်းနှင့် ငြိမ်းချမ်းစွာစီတန်းလှည့်လည်ခြင်းပြုသူများသည် ငြိမ်းချမ်းစွာ စုဝေးခြင်း နှင့် ငြိမ်းချမ်းစွာစီတန်းလှည့်လည်ခြင်းတို့ပြုရာတွင် မည်သည့် လက်နက်တစ်မျိုးမျိုးကိုမျှ ကိုင်ဆောင်ခြင်းမပြုရ၊ လက်နက် တစ်စုံတစ်ရာဖြင့် သူတစ်ဦးဦးအား ဘေးအန္တရာယ် ဖြစ်စေခြင်း သို့မဟုတ် အကြမ်းဖက် တိုက်ခိုက်ခြင်း မပြုရ။”ဟု အသစ်ဖြည့်စွက် အတည် ပြုခဲ့သည်။

ဥပဒေကြမ်း၏ အရေးယူဆောင်ရွက်ခြင်းအခန်းတွင်လည်း အပိုဒ် ၁၂ ကို “ငြိမ်းချမ်းစွာ စုဝေးခြင်းနှင့် ငြိမ်းချမ်းစွာစီတန်းလှည့်လည်ခြင်းတို့ကို ဥပဒေနှင့် အညီ ဆောင်ရွက်နေ သူတို့အား နှောင့်ယှက်ခြင်း၊ ဖျက်ဆီးခြင်း၊ စိတ်ငြိုငြင်စေခြင်း၊ လက်ရောက်မှု ကျူးလွန်ခြင်း၊ အနိုင်အထက်ပြုခြင်း သို့မဟုတ် ဟန့်တားခြင်း မပြုနိုင် စေရန် လည်းကောင်း၊ ဘေးအန္တရာယ် မဖြစ်စေရန် လည်းကောင်း ဒုတိယရဲအုပ်အဆင့် ထက်မနိမ့်သော ရဲအရာရှိ ဦးဆောင်သည့် ရဲတပ်ဖွဲ့က လိုအပ်သော ကာကွယ် စောင့်ရှောက်မှုများ ကို ဆောင်ရွက်ရ မည်။”ဟု ပြင်ဆင်အတည်ပြုခဲ့သည်။

ပြစ်မှုနှင့် ပြစ်ဒဏ်များအခန်းတွင် အပိုဒ် ၁၈ ကို “မည်သူမဆို ပုဒ်မ ၃ ပါ ပြဋ္ဌာန်း ချက်များနှင့်အညီ သက်ဆိုင်ရာသို့ အသိပေးတင်ပြခြင်းမရှိဘဲ ငြိမ်းချမ်းစွာ စုဝေးခြင်း သို့မဟုတ် ငြိမ်းချမ်းစွာ စီတန်းလှည့် လည်ခြင်းပြုကြောင်း ပြစ်မှု ထင်ရှားစီရင်ခြင်းခံရ လျှင် ထိုသူကို သုံးလထက် မပိုသော ထောင် ဒဏ်ဖြစ်စေ၊ ကျပ်သုံးသောင်း ထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။ ယင်းပြစ်မှုကို ထပ်မံကျူး လွန်ကြောင်း ပြစ်မှု ထင်ရှား စီရင်ခြင်း ခံရလျှင် ထိုသူကို တစ်နှစ်ထက် မပိုသော ထောင်ဒဏ်ဖြစ်စေ၊ ကျပ်တစ် သိန်းထက် မပိုသောငွေဒဏ်ဖြစ်စေ၊ ဒဏ်နှစ်ရပ်လုံးဖြစ် စေ ချမှတ်ရ မည်။”ဟု ပြင်ဆင်အတည်ပြုသည်။

ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ပါ နိုင်ငံသား များ၏ မူလအခွင့်အရေးဖြစ်သည့် ငြိမ်းချမ်းစွာစုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်း တို့ကို သုံးစွဲဆောင်ရွက်ခွင့်ရရှိစေရန်နှင့် ယင်းတို့အား ဥပဒေအရ အကာအကွယ် ပေးရန်၊ ငြိမ်းချမ်းစွာစုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်း အခွင့်အရေးတို့ကို သုံးစွဲဆောင်ရွက် သူများကြောင့် အများပြည်သူအား အနှောင့် အယှက်ဖြစ်စေခြင်း၊ ဘေး အန္တရာယ်ဖြစ်စေခြင်း၊ ထိခိုက်နစ်နာစေခြင်းနှင့် အဟန့်အတားဖြစ်စေခြင်းတို့မှ ကာကွယ်ရန်အတွက် ယခုဥပဒေကို ပြဋ္ဌာန်းခြင်းဖြစ်ကြောင်း ယင်းဥပဒေကြမ်း၏ နိဒါန်း ၌ ဖော်ပြထားသည်။

MOI Webportal Myanmar
https://www.facebook.com/MOIWebportalMyanmar/



မန္တလေးတိုင်းဒေသကြီး ပြင်ဦးလွင်အတက်လမ်း ၁၆ မိုင် တိုးဂိတ်အနီးရှိ တမာတောင် ကျောက်ခန်းတွင် ယနေ့မေ ၃၁ ရက် မနက် ၁၁ နာရီက ကျောက်တောင်ပြိုကျမှုကြောင့် လူ ၂ ဦး သေဆုံးခဲ့သည်။

အဆိုပါကျောက်တောင်ရှိ ကျောက်ခန်းတွင် ကျောက်ရွေးယူနေစဉ် ပေ ၁၀၀ အမြင့်မှ ကျောက်တုံးမှာ အက်ကွဲ၍ ပြိုကျကာ လူအပေါ်ပိမိခြင်းဖြစ်ကြောင်း အုန်းချော ရဲစခန်းမှ တာဝန်ကျ ရဲအရာရှိတစ်ဦးက အတည်ပြုပြောကြားသည်။

သေဆုံးသူများမှာ အမျိုးသား ၁ ဦး အမျိုးသမီး ၁ ဦးဖြစ်ပြီး ကျောက်ခန်းတွင် အလုပ်လုပ်ကိုင်သောသူများဖြစ်သည်။

သတင်း - ဥက္ကာ
ဓာတ်ပုံ - အောင်သူ
Myanmar Citizen News Agency

လျှပ်စစ်နဲ့ စွမ်းအင်ဝန်ကြီးဌာန ပြည်ထောင်စုဝန်ကြီး ဦးဖေဇင်ထွန်း မေလ ၃၁ ရက်နေ့က ပြည်သူ့လွှတ်တော်မှာ ရှင်းလင်းနေစဉ်
မကွေးတိုင်းမှာရှိတဲ့ ရေနံလက်ယက်တွင်းလုပ်ငန်းရှင်တွေက မကွေးတိုင်းဒေသကြီးအစိုးရကို ပေးရတဲ့ ဒေသ ဖွံ့ဖြိုးရေးငွေကျပ် ၂ ဒသမ ၈ ဘီလီယံ ကို အစိုးရဟောင်းက အစိုးရသစ်ထံ လွှဲပြောင်းခဲ့ခြင်းမရှိကြောင်း လျှပ်စစ်နဲ့ စွမ်းအင်ဝန်ကြီး ဦးဖေဇင်ထွန်း က ပြည်သူ့လွှတ်တော်မှာ တင်ပြခဲ့ပါတယ်။

ပြည်သူ့လွှတ်တော်ကိုယ်စားလှယ် ဦးထွန်းထွန်းက ၂၀၁၃ ခုနှစ်ကနေ ၂၀၁၅ ခုနှစ်အထိ ၃နှစ်အတွင်း ရေနံတွင်း လုပ်ငန်းရှင်တွေ က ဒေသဖွံ့ဖြိုးရေးအတွက် မကွေးတိုင်းအစိုးရဟောင်းထံ ပေးရတဲ့ ရန်ပုံငွေ ကျပ် ဘီလီယံ ၂ ဒသမ ၈ ဘီလီယံကို တိုင်းအစိုးရသစ်ထံ လွှဲပေးခဲ့တာ ရှိ မရှိ နဲ့ ဘယ်လိုဒေသဖံွ့ဖြိုးရေး လုပ်ငန်းတွေမှာ အဲ့ဒီရန်ပုံငွေတွေကို သုံးစွဲသလဲ ဆိုတာကို လွှတ်တော်မှာ မေးမြန်းခဲ့တာဖြစ်ပါတယ်။

မကွေးတိုင်း အစိုးရအဖွဲ့ကိုယ်စား လျှပ်စစ်နဲ့စွမ်းအင်ဝန်ကြီး ဌာန ပြည်ထောင်စုဝန်ကြီး ဦးဖေဇင်ထွန်းက ရှင်းလင်းဖြေကြားခဲ့တာဖြစ်ပါတယ်။

"ယခင်အစိုးရအဖွဲ့အနေဖြင့် ရန်ပုံငွေမည်မျှရရှိ၍ မည်ကဲ့သို့သုံးစွဲခဲ့သည်ကို ယခုအချိန်အထိ မသိရှိရသေးပါကြောင်း ယခင်မကွေးတိုင်းဒေသကြီး အစိုးရအဖွဲ့၏ ၂ဝ၁၁ ခုနှစ်က ၂ဝ၁၅ ခုနှစ်အထိ လုပ်ငန်းဆောင်ရွက်ချက်မှတ်တမ်းတွင် တစ်စုံတရာဖော်ပြထားခြင်း မရှိပါကြောင်းနဲ့ အဆိုပါရေနံ လက်ယက်တွင်းလုပ်ငန်းရှင်များက ဒေသဖွံ့ဖြိုးရေးအတွက် ရန်ပုံငွေထည့်ဝင်ခဲ့သည့်ငွေကြေးနဲ့ စာရင်းဇယားတို့ကို လွှဲအပ်ခဲ့ခြင်းမရှိပါသဖြင့် အဆိုပါထည့်ဝင်ငွေများနဲ့ ပတ်သက်၍ မည်သည့်ဒေသ ဖွံ့ဖြိုးရေးလုပ်ငန်းကိုမျှ ဆောင်ရွက်ပေးနိုင်မည် မဟုတ်ပါကြောင်း ဖြေကြားအပ်ပါသည်"

လျှပ်စစ်နဲ့ စွမ်းအင်ဝန်ကြီးဌာနအနေနဲ့ ရေနံလက်ယက်တူးဖော်ခွင့်တွေ ချပေးရာမှာ ရန်ပုံငွေကောက်ခံတာ မရှိသလို ထွက်ရှိတဲ့ ရေနံစိမ်းပေါ်မှာ လည်း ကောက်ယူတာမရှိကြောင်း၊ သက်ဆိုင်ရာ တိုင်းအုပ်ချုပ်ရေးအဖွဲ့နဲ့ အခွန်ရုံးမှာသာ အခွန်ပေးရတာဖြစ်ကြောင်း၊ ဒေသဖံွ့ဖြိုးရေး ရန်ပုံငွေ ကောက်တယ်ဆိုတဲ့ကိစ္စဟာ မကွေးတိုင်း အစိုးရအဖွဲ့ဟောင်း ရဲ့ ဆောင်ရွက်ချက်သာ ဖြစ်ကြောင်း ဝန်ကြီး ဦးဖေဇင်ထွန်း က ရှင်းပြခဲ့ပါတယ်။

အဲ့ဒီဒေသဖံွ့ဖြိုးရေးရန်ပုံငွေတွေဟာ အများပိုင်ငွေတွေဖြစ်တဲ့အတွက် ဥပဒေနဲ့အညီ ဖြစ်စေဖို့ ကြပ်ကြပ်မတ်မတ်ဆောင်ရွက် ဖို့ ပြည်သူ့လွှတ်တော်ဥက္ကဌ ဦးဝင်းမြင့်က လျှပ်စစ်နဲ့စွမ်းအင်ဝန်ကြီးကို တိုက်တွန်းခဲ့ပါတယ်။

RFA Burmese
http://www.rfa.org/burmese

နိုင်ငံတော် သမ္မတ ဦးထင်ကျော်နှင့် အမေရိကန်အောက်လွှတ်တော် ဒီမိုကရေစီ မိတ်ဖက် အဖွဲ့ ဥက္ကဋ္ဌ မစ္စတာ ပီတာ ရော့စ်ကမ် ဦးဆောင်သည့် လွှတ်တော် ကိုယ်စားလှယ်အဖွဲ့တို့ တွေ့ ဆုံစဉ် (ဓာတ်ပုံ- Myanmar President Office )
    ရန်ကုန် ၊ မေ ၃၁ ရက် (ဆင်ဟွာ)

    အမေရိကန်နိုင်ငံ အပါအဝင် မိတ်ဆွေနိုင်ငံများ၊ အိမ်နီးချင်း နိုင်ငံများနှင့် အတူတကွ ပူးပေါင်း ဆောင်ရွက် သွားမည်ဖြစ်ကြောင်း နိုင်ငံတော် သမ္မတ ဦးထင်ကျော်က အမေရိကန် အောက်လွှတ်တော် ဒီမိုကရေစီ မိတ်ဖက် အဖွဲ့ဥက္ကဋ္ဌ မစ္စတာ ပီတာ ရော့စ်ကမ် ဦးဆောင်သည့် လွှတ်တော် ကိုယ်စားလှယ်အဖွဲ့နှင့် ယနေ့ မေလ ၃၁ ရက်တွင် နေပြည်တော်ရှိ နိုင်ငံတော်သမ္မတ အိမ်တော် ဧည့်ခန်းမ၌ လက်ခံ တွေ့ဆုံစဉ် ထည့်သွင်း ပြောကြားခဲ့သည်။

နိုင်ငံတော် သမ္မတ ဦးထင်ကျော်က အစိုးရ အဖွဲ့သစ်အပေါ် ပြည်သူလူထု သာမက နိုင်ငံတကာ အသိုက်အဝန်း ကပါ နားလည်စေရန် ကြိုးပမ်း ဆောင်ရွက်နေကြောင်း ၊ လွှတ်တော်များနှင့် စဉ်ဆက်မပြတ် ထိတွေ့ ဆက်ဆံလျက် ရှိပြီး အမြင်မတူသည့် ကိစ္စရပ်များ ရှိခဲ့ပါက အပြုသဘောဆောင်၍ ဆက်လက် ပူးပေါင်း ဆောင်ရွက် သွားမည် ဖြစ်ကြောင်း ပြောကြားခဲ့သည်။

နိုင်ငံခြားရေး ဝန်ကြီး ဌာန ပြည်ထောင်စု ဝန်ကြီး ဒေါ်အောင်ဆန်းစုကြည်နှင့် အမေရိကန် အောက်လွှတ်တော် ဒီမိုကရေစီ မိတ်ဖက် အဖွဲ့ ဥက္ကဋ္ဌ မစ္စတာ ပီတာ ရော့စ်ကမ် ဦးဆောင်သည့် လွှတ်တော် ကိုယ်စားလှယ်အဖွဲ့တို့ တွေ့ဆုံစဉ် (ဓာတ်ပုံ-Ministry of Foreign Affairs Myanmar)
ထို့ပြင် အစိုးရအဖွဲ့ အနေဖြင့် စိန်ခေါ်မှုများစွာကို ရင်ဆိုင်နေရကြောင်း ပြည်သူများအတွက် ဆောလျင်စွာ ဆောင်ရွက်ရမည့် ကိစ္စရပ်များကို ရက် ၁၀၀ အတွင်း ဆောင်ရွက်သွားမည့်အပြင် ဆက်လက် ဆောင်ရွက်ရန် ကျန်ရှိသည့် ကိစ္စများကို  ကြိုးပမ်းအကောင်အထည်ဖော် ဆောင်ရွက်သွားမည် ဖြစ်ကြောင်း ထည့်သွင်း ပြောကြားခဲ့သည်။

အမေရိကန် အောက်လွှတ်တော် ဒီမိုကရေစီ မိတ်ဖက် အဖွဲ့ဥက္ကဋ္ဌ မစ္စတာ ပီတာ ရော့စ်ကမ် က အစိုးရအဖွဲ့သစ် အနေဖြင့် ပြည်သူများ အကျိုးရှိမည့် ကိစ္စရပ်များကို ဆောင်ရွက် ရာ၌ အချိန်ယူ ဆောင်ရွက်ရမည်ကို ပြည်သူများ နားလည်သဘောပေါက်မည်ဟု ယုံကြည်ကြောင်း၊ လွတ်လပ်ခြင်း၊ တည်ငြိမ် အေးချမ်းခြင်းနှင့် လုံခြုံရေး တို့ကိုလည်း ချိန်ညှိ ဆောင်ရွက်သွားရန် လိုအပ်ကြောင်း ဆွေးနွေး ပြောကြား ခဲ့သည့်အပြင် လွှတ်တော်နှင့် အစိုးရအဖွဲ့တို့အကြား ထိတွေ့ဆက်ဆံမှု၊ အရပ်ဘက် လူမှုအဖွဲ့အစည်း များ၏ အခန်းကဏ္ဍတို့ အပေါ် အမြင်ချင်း ဖလှယ်ခဲ့ကြောင်း သိရသည်။

ထို့ပြင် မြန်မာနှင့် အမေရိကန် နိုင်ငံ လွှတ်တော် နှစ်ရပ်အကြား ပူးပေါင်း ဆောင်ရွက်မှု ဆိုင်ရာ ကိစ္စရပ်များ အား နိုင်ငံခြားရေး ဝန်ကြီး ဌာန ပြည်ထောင်စုဝန်ကြီး ဒေါ်အောင်ဆန်းစုကြည်နှင့် အမေရိကန် အောက်လွှတ်တော် ဒီမိုကရေစီ မိတ်ဖက် အဖွဲ့ဥက္ကဋ္ဌ မစ္စတာ ပီတာ ရော့စ်ကမ် ဦးဆောင်သည့် လွှတ်တော် ကိုယ်စားလှယ် အဖွဲ့တို့ ယနေ့ နိုင်ငံခြားရေး ဝန်ကြီးဌာန၌ တွေ့ဆုံ ဆွေးနွေးခဲ့ကြောင်း သိရသည်။

မြန်မာနိုင်ငံ၏ ဒီမိုကရေစီ ပြုပြင် ပြောင်းလဲမှုများကို ပိုမို သိရှိနိုင်ရန် အမေရိကန် ကွန်ဂရက် အောက်လွှတ်တော်၏ ဒီမိုကရေစီ မိတ်ဖက်အဖွဲ့ ဥက္ကဋ္ဌ ဦးဆောင်သည့် လွှတ်တော် ကိုယ်စားလှယ်အဖွဲ့သည် ယနေ့ မေလ ၂၉ ရက်မှ ဇွန်လ ၁ ရက်အထိ အစိုးရအဖွဲ့ဝင်များ၊ လွှတ်တော် ကိုယ်စားလှယ်များ၊ အရပ်ဘက် လူမှု အဖွဲ့အစည်းများနှင့် တွေ့ဆုံ ဆွေးနွေးလျက် ရှိကြောင်း သိရသည်။

(Xinhua)
http://www.xinhuamyanmar.com/myanmar

မန္တလေးတိုင်းဒေသကြီး စဥ့်ကူးမြို့နယ် တရော်ပင်ကျေးရွာမှာ မတ်လ ၂ ရက်နေ့က ဒေသခံတောင်သူတွေ ထွန်တုံးတိုက်ပွဲဆင်နွှဲစဉ်။ Photo: Nay Thwae/RFA
ပြည်ထောင်စုအစိုးရရဲ့ ရက် ၁၀၀ စီမံကိန်းမှာ တရားရင်ဆိုင်နေရတဲ့ တောင်သူတွေရဲ့ အမှုတွေကို ရုပ်သိမ်းပေးဖို့ မန္တလေးတိုင်းအတွင်းက တောင်သူ ၅၀၀ ကျော်က လက်မှတ်ရေးထိုးပြီး အစိုးရထံ တင်ပြဖို့ ပြင်ဆင်နေပါတယ်။

တရားရင်ဆိုင်နေရတဲ့အတွက် အလုပ်အကိုင်တွေပျက်ပြီး ဒုက္ခရောက်နေတာကြောင့် အမှုတွေကို ရုပ်သိမ်းပေး ဖို့ တောင်းဆိုမှာဖြစ်တယ်လို့ တောင်သူလယ်သမားအရေး ကူညီဆောင်ရွက်သူများအဖွဲ့က ဦးအေးသိန်း က ပြောပါတယ်။

အမှုရင်ဆိုင်နေရတဲ့ တောင်သူ ၅၀၀ ကျော်ဟာ မန္တလေးတိုင်း မတ္တရာ၊ ပုသိမ်ကြီး၊ စဥ့်ကိုင်၊ မြစ်သား၊ ပြင်ဦးလွင် စတဲ့ မြို့နယ်တွေက ဖြစ်ပါတယ်။

မန္တလေးတိုင်းအတွင်းက တောင်သူတွေဟာ ပြည်သူပိုင်ပစ္စည်း ကာကွယ်စောင့်ရှောက်ရေး ဥပဒေ ပုဒ်မ ၆၁၊ နိုင်ငံတော် အကြည်ညိုပျက်စေမှု ပုဒ်မ ၅၀၅(ခ)၊ ပိုင်နက်ကျူးလွန်မှု ပုဒ်မ ၄၄၇၊ ဝတ္တရားနှောင့်ယှက်မှု ပုဒ်မ ၃၅၃ တို့နဲ့ စွဲဆိုခံထားရတာဖြစ်တယ်လို့ ဦးအေးသိန်း က ပြောပါတယ်။

တောင်းဆိုစာကို နိုင်ငံတော်သမ္မတ ဦးထင်ကျော်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုတိယသမ္မတ ဦးဟင်နရီဗန်ထီးယူ ဦးဆောင်တဲ့ လယ်ယာမြေနဲ့ အခြားမြေများသိမ်းဆည်းခံရမှုများ ပြန်လည် စိစစ်ရေးဗဟိုကော်မတီနဲ့ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်တို့ထံ ဇွန်လ ပထမအပတ် အတွင်း ပေးပို့မှာဖြစ်ပါတယ်။

RFA Burmese
http://www.rfa.org/burmese

ဒဂုံမြို့သစ်(တောင်ပိုင်း)မြို့နယ်၊ (၁၄၀)ရပ်ကွက် အုပ်ချုပ်ရေးမှူးအား သတ်ပြီး ထွက်ပြေးတိမ်းရှောင်သွားသည့် ပြစ်မှုကျူးလွန်သူများအား နာရီ ၄၀ အတွင်း ဖော်ထုတ် ဖမ်းဆီးရမိ
ရန်ကုန်၊ မေ ၃၁

၂၉.၅.၂၀၁၆ ရက်နေ့ ၂၀၀၀ အချိန်တွင် ဒဂုံမြို့သစ်(တောင်ပိုင်း)မြို့နယ်၊ (၁၄၀)ရပ်ကွက် အုပ်ချုပ်ရေးမှူး ဦးဇော်ဝင်းမှ သိန်းတစ်ရာလမ်းမပေါ်တွင် အသက် (၁၃)နှစ်အရွယ် ကလေးငယ်တစ်ဦး အားလူငယ်(၃)ဦးမှ ဆဲဆိုကြိမ်းမောင်းနေသည်ကိုတွေ့ရှိရ၍ ၀င်ရောက်တားမြစ်ရာမှ အဆိုပါလူငယ်(၃)ဦးက ဓားကိုယ်စီဖြင့် ဦးဇော်ဝင်းအား ၀ိုင်းဝန်းထိုးခုတ်ပြီး ထွက်ပြေးခဲ့ရာ ဦးဇော်ဝင်းမှာ ၀ဲဘက်ရင်အုံဘေးထိုးသွင်းဒဏ်ရာ ၁ ချက်၊ ဦးခေါင်းထိပ် ၂လက်မခန့် ပေါက်ပြဲဒဏ်ရာ ၁ချက်၊ ၀ဲဘက် လက်ညှိုးပြတ်ရှဒဏ်ရာ ၁ ချက်ရရှိခဲ့ပြီး
သင်္ဃန်းကျွန်းစံပြဆေးရုံသို့ပို့ဆောင်စဉ် သေဆုံးသွားခဲ့သဖြင့် လူသတ်မှုကျူးလွန်ပြီး ထွက်ပြေးတိမ်းရှောင်သူများအား ဖော်ထုတ်ဖမ်းဆီး အရေးယူပေးရန် တိုင်တန်းချက်အရ ဒဂုံမြို့သစ်(တောင်ပိုင်း)မြို့မရဲစခန်း(ပ)၇၉၉/၂၀၁၆၊ ပြစ်မှု ပုဒ်မ ၃၀၂/၁၁၄ဖြင့် အမှုဖွင့်အရေးယူ ဆောင်ရွက်ခဲ့ပါသည်။

အမှုမှပြစ်မှုကျူးလွန်သူများအား အမြန်ဆုံးဖော်ထုတ် ဖမ်းဆီးရမိရေးအတွက် ရန်ကုန်တိုင်းဒေသကြီးရဲတပ်ဖွဲ့မှ စုံစမ်းဖော်ထုတ်ခဲ့ရာ ပြစ်မှုကျူးလွန်သူများမှာ ဂျပန်ကြီး(ခ) ကျော်နိုင်လင်း၊ ၎င်း၏ အစ်ကိုဖြစ်သူ ဘိုဘိုလင်း(ခ) အောင်ကိုလင်းနှင့် အောင်မြင့်ဦး (ခ)သုတတို့ (၃)ဦးဖြစ်ကြောင်းသိရှိရပြီး ဖမ်းဆီးရမိရေး အတွက် အဖွဲ့ငယ်များဖြန့်ခွဲ စုံစမ်းဖမ်းဆီးခဲ့ရာ ၃၀.၅.၂၀၁၆ ရက်နေ့ ၁၄၂၀ အချိန်တွင် အောင်မြင့်ဦး(ခ)သုတအား ဒဂုံမြို့သစ်(တောင်ပိုင်း)မြို့နယ်၊ (၂၆) ရပ်ကွက်၊ လှော်ကားလမ်းမ ပေါ်တွင်လည်းကောင်း၊ ၁၄၃၀ အချိန်တွင် ပြစ်မှုကျူးလွန်သူ ဂျပန်ကြီး(ခ) ကျော်နိုင်လင်း၏ ညီတော်စပ်သူ ထက်ပိုင်လင်း(ခ)တာတေအား ဒဂုံမြို့သစ်(တောင်ပိုင်း) မြို့နယ်၊ (၁၀၇)ရပ်ကွက်၊ ငုဝါမြိုင်လမ်းပေါ်တွင်လည်းကောင်း၊ ၁၄၂၅အချိန်တွင် ပြစ်မှုကျူးလွန်
သူများ ထွက်ပြေးတိမ်း ရှောင်ရန်အားပေးကူညီသူ အောင်ပိုင်စိုး(ခ)ခေါလေးအား ဒဂုံမြို့သစ်(အရှေ့)မြို့နယ်၊ အင်ကြင်း လမ်းသွယ် (၁)တွင်လည်းကောင်း ဖမ်းဆီးရမိခဲ့သည်။

ဖမ်းဆီးရမိသူများ၏ ဖော်ထုတ်ချက်အရ ပြစ်မှုကျူးလွန်သူ ဂျပန်ကြီး(ခ) ကျော်နိုင်လင်းနှင့် အောင်ကိုလင်း(ခ)ဘိုဘိုလင်းတို့မှာ ပဲခူးတိုင်းဒေသကြီး၊ ဒိုက်ဦးမြို့နယ်၊ သံတံတားကျေးရွာသို့ ရောက်ရှိနေကြောင်း သတင်းအရ ရန်ကုန်တိုင်းဒေသကြီးရဲတပ်ဖွဲ့ဝင်များနှင့် ဒိုက်ဦးမြို့နယ် ရဲတပ်ဖွဲ့ဝင်တို့ ပူးပေါင်းပြီး အသွင်ယူစုံစမ်းခဲ့ရာ ပြစ်မှုကျူးလွန်သူ (၂)ဦးမှာ ၃၁.၅.၂၀၁၆ ရက်နေ့ နံနက်ပိုင်းက အမျိုးသမီးငယ် ၁ဦးနှင့်အတူ မြ၀တီ မြို့သို့ ခရီးသည် တင်မော်တော်ယာဉ်ဖြင့်ထွက်ပြေးတိမ်းရှောင်သွားကြောင်းသတင်းအတည်ပြု ရရှိခဲ့ပါသည်။

ပူးပေါင်းတပ်ဖွဲ့ဝင်များသည် ပြစ်မှုကျူးလွန်သူများစီးနင်းသွားသော မော်တော်ယာဉ်အား ပိတ်ဆို့ဖမ်းဆီးပေးနိုင်ရေးအတွက် မွန်ပြည်နယ်၊ သထုံခရိုင် ရဲတပ်ဖွဲ့နှင့်ဘီလင်းမြို့နယ်ရဲတပ်ဖွဲ့သို့ ဆက်သွယ်ပြီး ပိတ်ဆို့ဖမ်းဆီးခဲ့ရာ ဘီးလင်းမြို့နယ်ရဲတပ်ဖွဲ့မှူးဦးစီးသော ရဲတပ်ဖွဲ့ဝင်များက ၃၁.၅.၂၀၁၆ရက်နေ့ ၁၂၃၅ အချိန်တွင် မော်တော်ယာဉ်ပေါ်တွင်လိုက်ပါလာသည့် ပြစ်မှုကျူးလွန်သူ ဂျပန်ကြီး(ခ)ကျော်နိုင်လင်း၊ အောင်ကိုလင်း(ခ)ဘိုဘိုလင်းနှင့်အတူ ဂျပန်ကြီး၏ရည်စားဖြစ်သူ မ----တို့ (၃)ဦးအားလက်ရ ဖမ်းဆီးရမိခဲ့ပါသည်။

ဒဂုံမြို့သစ်(တောင်ပိုင်း)မြို့နယ်၊ (၁၄၀)ရပ်ကွက်အုပ်ချုပ်ရေးမှူးအား သတ်ပြီးထွက်ပြေး တိမ်းရှောင် သူများကို ရန်ကုန်တိုင်းဒေသကြီး ရဲတပ်ဖွဲ့မှ နာရီ (၄၀)အတွင်း ဖော်ထုတ်ဖမ်းဆီးနိုင်ခဲ့ပြီး ပြစ်မှုကျူးလွန်သူများ
အား ဥပဒေနှင့်အညီ ထိရောက်စွာ အရေးယူနိုင်ရေးအတွက် ဆောင်ရွက်လျက်ရှိ ပါကြောင်းသတင်းရရှိပါသည်။

Yangon Police
https://www.facebook.com/yangonpolice/


31May2016

ယနေ့ မနက် (၈) နာရီက ထိုင်းနိုင်ငံ ရပ်ချဘူရီ ခရိုင်အတွင်း မြန်မာနိုင်ငံ သား ဆောက်လုပ်ရေး အလုပ်သမား တွေကို တင်ဆောင် မောင်းနှင်လာတဲ့ ကုန်တင် ခြောက် ဘီးကား လိုင်းစင်နံပါတ် 81-0780 Lampang (လန်ပန်း) နဲ့  ပစ်ကပ် ကားငယ်တစင်းတို့  စိုင်ဂျေဒီ လမ်းမ မှာ တိုက်မိခဲ့ကြောင်း သိရပါတယ်။


ကုန်တင်ကားမှောက်ခဲ့လို့  ကားပေါ်မှာပါလာတဲ့ မြန်မာနိုင်ငံသား ကျော်ဝင်း (၄၉) နှစ် ပွဲချင်းပြီးသေဆုံးခဲ့ပြီး ၁၅ ဦးဒဏ်ရာရပါတယ် လေးဦးဟာ စိုးရိမ်ရတယ် လို့  ကယ်ဆယ်ရေးအဖွဲ့ တွေက ပြောပါတယ်။

ကယ်ဆယ်ရေးအဖွဲ့ တွေရောက်မလာခင် ထိုင်းရွာသား ၂၀ ကျော်က ကုန်တင်ကားပိနေကြတဲ့ မြန်မာနိုင်ငံသားတွေကို ကြိုးစားကယ်တင်ပေး ခဲ့ကြတယ်လို့  သိရပါတယ်။

ကုန်တင်ကားနဲ့  တိုက်မိတဲ့ ကားငယ်ပေါ်မှာ ကျောင်းလိုက်ပို့ တဲ့ မိသားစုတွေဖြစ်ပြီး ခလေးငယ် နှစ်ယောက်နဲ့  လူကြီးသုံးဦးတို့ လည်း ဒဏ်ရာအသီးသီးရ သွားခဲ့ပါတယ်။

ဒဏ်ရာရတဲ့ လူနာတွေ ကို ရပ်ချဘူရီ မြို့ နယ်ဆေးရုံ Ratchaburi Hospital မှာအရေးပေါ်ကုသပေးနေကြောင်းသိရပါတယ်။

Social Action for Women - SAW
https://www.facebook.com/Social-Action-for-Women-SAW

အမေရိကန်နိုင်ငံ သမ္မတ အိမ်ဖြူတော် အပြင်ဖက်တွင် အရေးပေါ် ကယ်ဆယ်ရေး ယာဉ်များ အားတွေ့ရစဉ် (ဆင်ဟွာ)
    ဝါရှင်တန်၊ မေ ၃၁ ရက် (ဆင်ဟွာ)

    အမေရိကန်နိုင်ငံတွင် မေလ ၃ဝ ရက်က သမ္မတ အိမ်ဖြူတော်ဝင်း အတွင်းသို့ ဝင်းအပြင်ဖက်မှ နေ၍  ခြံစည်းရိုး အပေါ်မှကျော်ကာ သံသယဖြစ်ဖွယ် အထုပ်တစ်ထုပ် ပစ်သွင်းလာခဲ့ခြင်းကြောင့် အိမ်ဖြူတော် မြောက်ဖက်ခြမ်း မြက်ခင်းပြင်နေရာကို ပိတ်ထားလိုက်ကြောင်း ပြည်တွင်း မီဒီယာများက သတင်းရေးသား ဖော်ပြခဲ့သည်။

အဆိုပါ မြက်ခင်းပြင်ပေါ်သို့ ကျလာသည့် သံသယဖြစ်ဖွယ် အထုပ်ကို ရဲအရာရှိနှစ်ဦးက စစ်ဆေးနေကြောင်း နှင့် စစ်ဆေးရေးပစ္စည်းတင် ယာဉ်များ ၊ မီးသတ်သမားများ နှင့် အရေးပေါ်လူနာတင် ယာဉ်များကို အခင်းဖြစ်နေရာ အနီးတစ်ဝိုက်တွင် တွေ့ရှိရကြောင်း သတင်းများက ဆိုသည်။

အိမ်ဖြူတော်အတွင်း ရောက်ရှိနေသော သတင်းသမားများကို အတွင်း၌သာ ဆက်လက် နေထိုင်ကြရန်နှင့် အပြင်ထွက်ရန် လိုအပ်သူများကို လုံခြုံရေး အစောင့်အရှောက်များဖြင့် အခြားဂိတ်ပေါက်များမှ တဆင့် အပြင်သို့ ပို့ဆောင်ပေးခဲ့ရကြောင်း သတင်းတွင် ဖော်ပြထားသည်။

အမေရိကန်သမ္မတ အိုဘားမားသည် အယ်လင်တန် အမျိုးသားသင်္ချိုင်းတွင် ပြုလုပ်သော အောင့်မေ့ဖွယ်နေ့ နှစ်ပတ်လည် အခမ်းအနား တက်ရောက်ပြီး အိမ်ဖြူတော်သို့  ဒေသစံတော်ချိန် မွန်းလွဲ ၁၂ နာရီ ၁၅ မိနစ်ခန့် ပြန်လည် ရောက်ရှိလာစဉ် အဆိုပါကိစ္စ ဖြစ်ပွားခဲ့ခြင်း ဖြစ်သည်။

အိမ်ဖြူတော် ဝင်းအတွင်းသို့ အထုပ်ပစ်သွင်းသူကို လုံခြုံရေးကင်မရာမှတဆင့် တွေ့ရှိခဲ့ရကြောင်း သတင်းတွင် ဖော်ပြထားသည်။

ပြီးခဲ့သော မေလ ၂ဝ ရက်ကလည်း အိမ်ဖြူတော် အဓိကစစ်ဆေးရေးဂိတ် အနီးတွင် သေနတ် ပစ်ဖောက်မှု ဖြစ်ပွားခဲ့သဖြင့် အိမ်ဖြူတော် ဝင်ပေါက်များကို တစ်နာရီခန့် ပိတ်ထားခဲ့ရကြောင်း သိရသည်။

(Xinhua)
http://www.xinhuamyanmar.com


နိုင်ငံအတွင်းရှိ မြို့ကြီးများတွင် လျှပ်စစ်မီး ပြတ်တောက်မှု မကြာခဏဖြစ်ပေါ်နေခြင်းကို လျှပ်စစ်နှင့်စွမ်းအင်ဝန်ကြီး ဌာနအနဖြင့် သတိချပ်သင့်ကြောင်း ပြည်သူ့လွှတ်တော် ဥက္ကဌ ဦးဝင်းမြင့်က ပြောသည်။

'' ဂျာနယ်တွေမှာပါတဲ့ ကာတွန်းတွေမှာ ဖော်ပြနေတာ တွေတွေ့နေရပါတယ် အဲ့ဒီမှာ ဘာရေးထားလဲဆိုတော့ အရင်က မီးခဏခဏ ပြတ်တယ် အခု မီးခဏခဏ မလာဘူး လို့ရေးထားတယ် ဒါတွေကို လျှပ်စစ်နှင့်စွမ်း အင် ဝန်ကြီးဌာနက သတိချပ်သင့်ပါတယ်'' ဟု ၄င်းက ဆိုသည်။

ယခုကဲ့သို့ လျှပ်စစ်မီး ပြတ်တောက်နေမှုအား သေချာစိစစ်ဆောင်ရွက်ရန် လွှတ်တော်က သတိပေးကြောင်းလည်း ပြည်သူ့လွှတ်တော် ဥက္ကဌ ဦးဝင်းမြင့်က ပြောသည်။

ကိုပေါက်
The Ladies News
https://www.facebook.com/News.TheLadies

ပြည်ထောင်စုဝန်ကြီး ဦးဖေဇင်ထွန်း
မကွေးတိုင်း ဒေသကြီး အတွင်းရှိ ရေနံတပိုင်တနိုင် လက်ယက်တွင်း တူးသူများထံမှ ဒေသဖွံ့ဖြိုးရေး ရံပုံငွေကျပ်ဘီလျံ၂ ဒသမ ၈ ဘီလျံအား ယခင်အစိုးရက လွှဲပြောင်းပေးခဲ့ခြင်း မရှိဟု စွမ်းအင်နှင့် လျပ်စစ်ဝန်ကြီးဌာနပြည်ထောင်စုဝန်ကြီး ဦးဖေဇင်ထွန်းက မေ၃၁ ရက် ပြည်သူ့လွှတ်တော် အစည်းအဝေးတွင် ပြောကြားလိုက်သည်။

မကွေးတိုင်းဒေသကြီး ပွင့်ဖြူမြိ့နယ် ပြည်သူ့လွှတ်တော် ကိုယ်စားလှယ်၏ မကွေးတိုင်းဒေသကြီးအတွင်း ရေနံလက်ယက်တွင်း လုပ်ငန်းရှင်များက ဒေသဖွံ့ဖြိုးရေးအတွက် ငွေကျပ်၂ ဒသမ ၈ ဘီလျံခန့်ရှိခဲ့ကြောင်း ၄င်းရံပုံငွေများအား အစိုးရသစ်သို့ လွှဲပြောင်းပေးခဲ့ခြင်း ရှိမရှိနှင့် မည်သည့် ဒေသဖွံ့ဖြိုးရေး လုပ်ငန်းအမျိုးအစားများအား လုပ်ကိုင်မည်ကို သိရှိလိုခြင်း မေးခွန်းနှင့်ပတ်သက်ပြီး စွမ်းအင်နှင့်လျပ်စစ်ဝန်ကြီးက အစိုးရသစ်အား လွှဲပြောင်းပေးခဲ့ခြင်းမရှိဟု မကွေးတိုင်းဒေသကြီး အစိုးရကိုယ်စား လွှတ်တော်တွင် ဖြေကြားခဲ့သည်။

ယင်းအပြင် လျပ်စစ်နှင့်စွမ်းအင် ဝန်ကြီးဌာနသည် မည်သည့် ဒေသဖွံ့ဖြိုးရေး ရံပုံငွေမှ ကောက်ခံခြင်း မရှိဟု ဖြေကြားခဲ့ပြီး ယင်း၂ ဒသမ ၈ ဘီလျံအား စုံစမ်းစစ်ဆေးသွားမည်ဟု ဖြေကြားခဲ့သည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


ရွှေဂုံတိုင်ခုံးကျော်တံတား တည်ဆောက်မှုတွင် ဒေသစံနှုန်းနှင့် တွက်ချက်မှုမှားယွင်းခြင်း ၀င်ငွေခွန်ပေးဆောင်ရန်လိုအပ်ခြင်း တို့အတွက် နိုင်ငံတော်သို့ ပြန်လည်ပေးသွင်းငွေ ကျပ် ၂၂ သန်းကျော်ရှိ

ရန်ကုန်မြို့ ရွှေဂုံတိုင်ခုံးကျော်တံတား တည်ဆောက်ခဲ့မှုတွင် စစ်ဆေးတွေ့ရှိချက်များအရ ဒေသစံနှုန်းနှင့် တွက်ချက်မှု မှားယွင်းခြင်းများ ရှိခဲ့ခြင်းနှင့် ၀င်ငွေခွန်ပေးဆောင်ရန် လိုအပ်ခြင်းတို့ကြောင့် စီမံကိန်းခွင့်ပြုငွေစုစုပေါင်းမှ နိုင်ငံတော်သို့ ပြန်လည်ပေးသွင်းငွေ ကျပ် ၂၂ သန်းကျော်ရှိခဲ့ကြောင်း ရန်ကုန်တိုင်းဒေသကြီး စာရင်းစစ်ချုပ်၏ ပြောကြားချက်အရသိရသည်။

ရွှေဂုံတိုင် ခုံးကျော်တံတားကို ၂၀၁၃ -၂၀၁၄ ဘဏ္ဍာရေးနှစ် ရန်ကုန်တိုင်းဒေသကြီးအစိုးရအဖွဲ့၏ ငွေလုံးငွေရင်းအသုံးစရိတ်များထဲမှ ခွင့်ပြုငွေကျပ်သန်းပေါင်း ၁၇၄၄၁သန်းဖြင့် Capital Development ကမ္ပဏီက တည်ဆောက်ခဲ့ခြင်းဖြစ်ပြီး ထိုသို့တည်ဆောက်ခဲ့ရာတွင် စစ်ဆေးတွေ့ရှိချက်များနှင့် နိုင်ငံတော်သို့ ပြန်လည်ပေးသွင်းငွေကို သိရှိလိုကြောင်း ရန်ကုန်တိုင်းဒေသကြီး ဆိတ်ကြီးခနောင်တို မြို့နယ် မဲဆန္ဒအမှတ် (၁) လွှတ်တော်ကိုယ်စားလှယ် ဒေါ်စန္ဒာမင်းက ဒုတိယအကြိမ်ရန်ကုန်တိုင်းဒေသကြီးလွှတ်တော် ဒုတိယပုံမှန်အစည်းအဝေး(ပဉ္စမနေ့)တွင် မေးမြန်းခဲ့သည်။

''၂ဝ၁၃-၂ဝ၁၄ ဘဏ္ဍာရေးနှစ်မှာ ရွှေဂုံတိုင် ခုံးကျော်တံတားအား စစ်ဆေးတွေ့ရှိချက်များအရ စံနှုန်းတွက်ချက်မှုများ မှားယွင်းခဲ့မှုများ ရှိခဲ့ပါ သလား။ ထပ်တိုးဆောင်ရွက်သည့် လုပ်ငန်းများအပေါ်မှာ နိုင်ငံတော်ကို ပြန်လည်ပေးသွင်းရမည့် ငွေကို စစ်ဆေးတွေ့ရှိခဲ့ပါသလား။ စစ်ဆေးတွေ့ရှိခဲ့ လျှင် နိုင်ငံတော်ကို ပေးသွင်းရမည့်ငွေ မည်မျှဖြစ်ကြောင်းနှင့် မည်သည့်နေ့က ငွေစာရင်းချလန်အမှတ်နှင့် ပေးသွင်းခြင်း ရှိ၊ မရှိကို သိရှိလိုပါကြောင်း''ဒေါ်စန္ဒာမင်းက မေးမြန်းခဲ့သည်။

အဆိုပါမေးမြန်းချက်ကို ရန်ကုန်တိုင်းဒေသကြီး စာရင်းစစ်ချုပ်က ပြန်လည်ဖြေကြားပေးခဲ့ခြင်းဖြစ်ပြီး ရွှေဂုံတိုင်ခုံးကျော်တံတားစီမံကိန်း ခွင့်ပြုငွေ စုစုပေါင်း၂ဝ ဒသမ ၈၇ ဘီလီယံမှ စံနှုန်းကွာခြားခြင်း၊ ဒေသစံနှုန်းကွာခြားခြင်းနှင့် တွက်ချက်မှုမှားယွင်းခြင်း၊ ဝင်ငွေခွန် ၂ ရာခိုင်နှုန်း ပေးသွင်းရန် လိုအပ်ခြင်း တို့အပါအဝင် နိုင်ငံတော်သို့ ပြန်လည်ပေးသွင်းရမည့် ငွေမှာ ကျပ် ၂၂ သန်း ကျော်ဖြစ်ပြီး အဆိုပါငွေများအားလုံး ပြန်လည်ပေးသွင်းခဲ့ပြီးဖြစ်ကြောင်း ပြန်လည်ဖြေကြားခဲ့သည်။

''ရန်ကုန်တိုင်းဒေသကြီးအစိုးရအဖွဲ့က ကြီးကြပ်ဆောင်ရွက်သော ရွှေဂုံတိုင်ခုံးကျော်တံတား တည်ဆောက်ရေးလုပ်ငန်းများကိုလည်း စစ်ဆေးခဲ့ပြီး စစ်ဆေးတဲ့အစီရင်ခံစာကိုလည်း ထုတ်ပြန်ခဲ့ပြီးဖြစ်ပါတယ်။ ရွှေဂုံတိုင်ခုံးကျော် တံတားသည် ရန်ကုန်တိုင်းဒေသကြီး အစိုးရအဖွဲ့က ကြီးကြပ်ဆောင်ရွက်သော တံတားဖြစ်ပြီး ၂ဝ၁၂-၂ဝ၁၃ ဘဏ္ဍာရေးနှစ် ခွင့်ပြုရန်ပုံငွေကျပ် ၁၃ ‘ဒသမ ဝ၈၁ ဘီလီယံနှင့် ၂ဝ၁၃-၂ဝ၁၄ ဘဏ္ဍာရေးနှစ် ခွင့်ပြုရန်ပုံငွေကျပ် ၄ ဒသမ ၃၆ ဘီလီယံ စုစုပေါင်း ခွင့်ပြုငွေကျပ် ၁၇ ဒသမ ၄၄၁ ဘီလီယံဖြင့် တည်ဆောက် ခဲ့ခြင်းဖြစ်ပါတယ်။

ရန်ကုန်တိုင်းဒေသကြီး တည်ဆောက်ရေးလုပ်ငန်း စိစစ်ရေး ကော်မတီက ၂၁-၁-၂ဝ၁၆ ရက်စွဲပါစာဖြင့် စီမံကိန်းလုပ်ငန်း တန်ဖိုးကျပ် ၁၇ ‘ဒသမ ၄၄၁ ဘီလီယံနှင့် ထပ်တိုးလုပ်ငန်းများအတွက် လုပ်ငန်းခန့်မှန်းခြေစာ ရင်း တန်ဖိုးကျပ် ၃ ဒသမ ၄၃ ဘီလီယံ စုစုပေါင်းလုပ်ငန်း တန်ဖိုးကျပ် ၂ဝ ဒသမ ၈၇ ဘီလီယံဖြင့် ခွင့်ပြုခဲ့ကြောင်း စစ်ဆေးတွေ့ရှိရပါတယ်''ဟု ရန်ကုန်တိုင်းဒေသကြီး စာရင်းစစ်ချုပ် ဒေါ်ခင်သန်းလှက ပြန်လည်ဖြေကြား ရာတွင် ထည့်သွင်းပြောကြားသွားခဲ့ပြီး အဆိုပါတည်ဆောက်ရေးစီမံကိန်း ခွင့်ပြုငွေစုစုပေါင်းမှ နိုင်ငံတော်သို့ ပြန်လည်ပေးသွင်းရမည့်ငွေ စုစုပေါင်း ၂၂ သန်းကျော်နှင့် နိုင်ငံတော်သို့ ပြန်လည်ပေးသွင်းခဲ့ပြီးဖြစ်ကြောင်း ချလန်အမှတ် များဖြင့် ပြန်လည်ဖြေကြားသွားခဲ့သည်။

ပြီးခဲ့သည့် အစိုးရလက်ထက်တွင် ရန်ကုန်တိုင်းဒေသကြီးအတွင်း ယာဉ် ကြောပိတ်ဆို့မှုဖြေရှင်းရန်အလို့ငှာ ခုံးကျော်တံတားစီမံကိန်းများကို ကျပ် ဘီလီယံ ၁ဝဝ ကျော် အသုံးပြုတည်ဆောက်ခဲ့သော်လည်း ယာဉ်ကြောပိတ်ဆို့ နေမှုများ အမှန်တကယ်ဖြေရှင်းနိုင်ခြင်းမရှိဘဲ တံတားအဆင်းနှင့် လမ်းဆုံများ၊ လမ်းသွယ်များတွင်ပါ ယာဉ်ကြောပိတ်ဆို့နေမှုများကို ကြုံတွေ့လာရသည်ဟု သိရသည်။ ယင်းကြောင့် ယခုဘဏ္ဍာရေးနှစ်တွင် ယခင် ရန်ကုန်တိုင်းဒေသကြီး အစိုးရအဖွဲ့အနေဖြင့် တိုင်းဒေသကြီး အထူးစီမံကိန်းအဖြစ် ဆောင်ရွက်မည့် တင်ပြထားခဲ့သော ခုံးကျော်တံတား နှစ်စင်းတည်ဆောက်ရန် လျာထားငွေ ၃၂ ဒသမ ၂၂ ဘီလီယံကို ယခုအစိုးရအနေဖြင့် တံတားနှစ်စင်း တည်ဆောက် ခြင်းအစား ရန်ကုန်မြို့တော် စည်ပင်သာယာနယ်နိမိတ်ပြင်ပ မြို့နယ်များ၊ ကျေးရွာများ ဖွံ့ဖြိုးရေးလုပ်ငန်းများကို တည်ဆောက်မည့် ဘတ်ဂျက်ငွေ နည်းပါးလွန်းသောကြောင့် အဆိုပါလုပ်ငန်းများတွင် တံတားတည်ဆောက် မည့်ငွေကြေးကို အသုံးပြုဆောင်ရွက်သွားမည်ဟု သိရသည်။

ယင်းအပြင် ရန်ကုန်မြို့တော် ယာဉ်ကြောရှင်းလင်းရေးလုပ်ငန်းများကို မီးပွိုင့်ထိန်းချုပ်စနစ် ဆောင်ရွက်ခြင်း၊ ယာဉ်လိုင်းစနစ်များပြုပြင်ခြင်း၊ အများပိုင်ဘတ်စ်ကား လိုင်း တိုးချဲ့ခြင်း၊ ယာဉ်စည်းကမ်း၊ လမ်းစည်းကမ်း ကြပ်မတ်ခြင်းတို့ကို ဆောင်ရွက် သွားမည်ဟု သိရသည်။

သတင်း - ဆုနှင်းလဲ့၊ ဓာတ်ပုံ - ဇေယျာလင်း
The Mirror Daily
https://www.facebook.com/TheMirrorDaily


 အာလင်တန် အမျိုးသား စစ်သင်္ချိုင်းမှာ Memorial Day အောက်မေ့ဖွယ်နေ့ အထိမ်းအမှတ်ကျင်းပ။
အာလင်တန် အမျိုးသား စစ်သင်္ချိုင်းမှာ Memorial Day အောက်မေ့ဖွယ်နေ့ အထိမ်းအမှတ်ကျင်းပ။

အမေရိကန်စစ်တပ်မှာ တာဝန်ထမ်းဆောင်ရင်း ကျဆုံးသွားတဲ့ စစ်သည်တော်တွေအတွက် ဂုဏ်ပြုတဲ့အနေနဲ့ ဒီကနေ့ကျင်းပမယ့် Memorial Day အောက်မေ့ဖွယ်နေ့ အထိမ်းအမှတ် အခန်းအနားတော်တော်များများကို အမေရိကန်သမ္မတ Barack Obama တက်ရောက်ဖို့ ရှိနေပါတယ်။

လက်ရှိတာဝန်ထမ်းဆောင်နေဆဲ စစ်သည်တွေ၊ စစ်ပြန်စစ်မှုထမ်းဟောင်းတွေနဲ့ အဆင့်မြင့် စစ်ဖက်အရာရှိတွေကို အိမ်ဖြူတော်မှာ ဒီကနေ့မနက်ပိုင်း မနက်စာနဲ့ တည်ခင်းဧည့်ခံမှာပါ။ အဲဒီနောက် အာလင်တန် အမျိုးသား စစ်သင်္ချိုင်းမှာ ကျင်းပတဲ့ အခမ်းအနားကို တက်ရောက်ပြီး အညတရ စစ်သည်ဂူဗိမာန်မှာ လွမ်းသူပန်းခွေချမှာပါ။ အမေရိကန်ပြည်ထောင်စုမှာ မေလရဲ့နောက်ဆုံး တနင်္လာနေ့ကို နိုင်ငံတော် အားလပ်ရပ် အောက်မေ့ဖွယ်နေ့အဖြစ် သတ်မှတ် ကျင်းပပါတယ်။ အသက်စွန့်လွှတ် တိုက်ပွဲဝင်ခဲ့တဲ့ ကျဆုံး စစ်သည်တော်တွေရဲ့ စွန့်လွှတ်မှု ဂုဏ်ကျေးဇူးတွေကို ဘယ်တော့မှာ ပြန်ပေးဆပ်လို့ ကုန်မှာ မဟုတ်ဘူးလို့လည်း သမ္မတက သူ့ရဲ့  အပတ်စဉ်မိန့်ခွန်းထဲမှာ ထည့်သွင်း ပြောကြား ခဲ့ပါတယ်။

လူ ၆ သိန်းကျော် သေဆုံးခဲ့တဲ့ အမေရိကန်ပြည်တွင်းစစ်အပြီး ၃ နှစ်အကြာ ၁၈၆၈ ခုနှစ်ကစလို့ အာလင်တန် စစ်သင်္ချိုင်း မှာ ကျဆုံးသူတွေရဲ့ ဂူဗိမာန်၊ သင်္ချိုင်း မြေပုံတွေမှာ အလံငယ်လေးတွေစိုက်ထူသလို ပန်းစည်း ပန်းခွေတွေနဲ့ ဆင်ယင်ထားရာကနေ နောက်ပိုင်းမှာ အောက်မေ့ဖွယ်နေ့အဖြစ် သတ်မှတ်ကျင်းပလာတာပါ။

အောက်မေ့ဖွယ်နေ့ကို နွေရာသီအားလပ်ရက်ရာသီအဖြစ်လည်း မှတ်ယူထားကြပြီး သီတင်းပတ်ကုန် ၃ ရက်ကြာ ပိတ်ရက်ရှည်ဖြစ်တာကြောင့် အမေရိကန်မိသားစုတွေဟာ မိတ်ဆွေအပေါင်းအသင်းတွေ နဲ့ တွေ့ဆုံပြီး ပျော်ပွဲစားကျင်းပသလို ပန်းခြံတွေ၊ အပန်းဖြေညအိပ်စခန်းတွေနဲ့ ပင်လယ်ကမ်းခြေတွေကို သွားရောက်လေ့ ရှိပါတယ်။
VOA Burmese News


ကန်ကျဆုံး စစ်သည်တော်များ အောက်မေ့ဘွယ်နေ့ သိန်းနဲ့ချီတဲ့ဆိုင်ကယ်တွေ ဂုဏ်ပြုလှည့်လည်
ကန်ကျဆုံး စစ်သည်တော်များ အောက်မေ့ဘွယ်နေ့ သိန်းနဲ့ချီတဲ့ဆိုင်ကယ်တွေ ဂုဏ်ပြုလှည့်လည်

ဒီသီတင်းပါတ်ဟာ အမေရိကန် ပြည်ထောင်စုရဲ့ ကျဆုံးစစ်သည်များ အောက်မေ့ဘွယ်နေ့ Memorial Day အထိမ်းအမှတ်အဖြစ် အမေရိကန်စစ်တပ်ကို အားပေးထောက်ခံကြောင်း ပြသတဲ့အနေနဲ့ Rolling Thunder အဖွဲ့ကြီးက မော်တော်ဆိုင်ကယ်တွေနဲ့ ဝါရှင်တန် ဒီစီ မြို့တော်မှာ စုဝေးကြတာ ဖြစ်ပါတယ်။ ဒါပေမယ့် သူတို့ရဲ့ စုဝေးပွဲဟာ ရီပါတ်ဘလစ်ကင်ပါတီရဲ့ သမ္မတလောင်းအဖြစ် အရွေးခံရ နိုင်ချေ ရှိနေတဲ့ အိမ်ခြံမြေသူဌေးကြီး Donald Trump အတွက် နိုင်ငံရေးအင်အားပြပွဲ အဖြစ်ပြောင်းသွားခဲ့ပါတယ်။

မော်တော်ဆိုင်ကယ်သမား ထောင်ပေါင်းများစွာက ပျက်စီးယိုယွင်းနေတဲ့ သူတို့ရဲ့ စစ်တပ်ကို ပြန်လည်တည်ဆောက်ရမယ်လို့ မစ္စတာ Trump ရဲ့ ကြွေးကြော်ချက်ကို ထောက်ခံကြောင်း ပြသခဲ့ကြ ပါတယ်။

မစ္စတာ Trump က သူသာ အရွေးခံခဲ့ရရင် အရှေ့အလယ်ပိုင်းက အိုင်အက်စ် စစ်သွေးကြွတွေကို ချေမှုန်းမယ်လို့ ပြောကြားခဲ့တာပါ။

ဒါပေမယ့် ရီပါတ်ဘလစ်ကင်ပါတီရဲ့ သမ္မတလောင်းအဖြစ် အမည်စာရင်း အတင်သွင်းခံရဖို့ ၂၀၀၈ ခုနှစ်တုန်းက ပါဝင်ယှဉ်ပြိုင်ခဲ့တဲ့ အထက်လွှတ်တော်အမတ် John McCain ရဲ့ ၁၉၆၀ နှစ်တွေက ဗီယက်နမ်စစ်ပွဲအတွင်း စစ်သုံ့ပမ်း အဖြစ် အဖမ်းခံခဲ့ရတာဟာ သူရဲကောင်းတယောက် မဟုတ်ဖူးလို့ လနဲ့ ချီပြီးကြာမြင့်ခဲ့တဲ့ သူ့ရဲ့ မဲဆွယ်ပွဲတွေအတွင်း ပြောခဲ့တဲ့ အငြင်းပွါးဖွယ် ပြောစကား တခုကိုတော့ မစ္စတာ Trump က လုံးဝ မဟတော့ပါဘူး။

ဒါ့အပြင် စစ်မှုမထမ်းပဲ အကြိမ်ကြိမ် ရှောင်ခဲ့တဲ့ မစ္စတာ Trump ဟာ ဇန်နဝါရီလ ရံပုံငွေရှာပွဲ တခုအပြီးမှာ စစ်မှုထမ်းဟောင်း အဖွဲ့တွေကို ဒေါ်လာ ၆ သန်း လှုမယ်လို့ ကတိပေးထားတဲ့အတိုင်း ဘာကြောင့် မလုပ်သေးတာလဲ ဆိုတဲ့ အမေးနဲ့လည်း မကြာသေးခင်ကပဲရင်ဆိုင်နေရပါတယ်။ တနင်္ဂနွေနေ့ကတော့ ဒီသီတင်းပါတ်ထဲမှာပဲ သူလှုမယ့် အဖွဲ့ရဲ့ နံမယ်ကို ထုတ်ပြောပါ့မယ်လို့ စစ်ပြန်စစ်မှုထမ်း ဟောင်း တွေကို ပြောပါတယ်။

တနလာင်္နေ့မှာ ကျရောက်တဲ့ Memorial Day လို့ ခေါ်တဲ့ ကျဆုံးစစ်သည်များ အမှတ်ရ အောက်မေ့ဖွယ်နေ့ မတိုင်ခင် တနင်္ဂနွေနေ့မှာ ၁၉၈၈ ခုနှစ်က စလို့ နှစ်စဉ် ကျင်းပတာလည်း ဖြစ်ပါတယ်။

VOA Burmese News

One to One ပြည်သူ့ ကူညီရေးအဖွဲ့မှ မန္တလေးမြို့၊ မီးပွိုင့်များတွင် ကွမ်းစားသူများကို ကွမ်းထွေးရန်ဘူးများ ဝေငှပေးနေစဉ်။ ဓါတ်ပုံ - One to One ပြည်သူ့ ကူညီရေးအဖွဲ့
One to One ပြည်သူ့ ကူညီရေးအဖွဲ့မှ မန္တလေးမြို့၊ မီးပွိုင့်များတွင် ကွမ်းစားသူများကို ကွမ်းထွေးရန်ဘူးများ ဝေငှပေးနေစဉ်။ ဓါတ်ပုံ - One to One ပြည်သူ့ ကူညီရေးအဖွဲ့

ကွမ်းစားသူတွေ စနစ်တကျ ကွမ်းတံတွေး စွန့်ပစ်နိုင်ဖို့ အတွက် ပလပ်စတစ်ဘူးတွေ ဖြန့်ဝေတဲ့ လှုပ်ရှားမှုတွေကို မန္တလေးနဲ့ ရန်ကုန်တို့လို မြို့ကြီးတွေမှာ ပရဟိတ အဖွဲ့တချို့က စတင်လှုပ်ရှားဆောင်ရွက်လာပါတယ်။ ကွမ်းစားတဲ့ အလေ့အကျင့်ကြောင့် ကျန်းမာရေး ထိခိုက်မှုအပြင် ပတ်ဝန်းကျင် ညစ်ညမ်းမှုတွေကိုပါ ဖြစ်စေတာကြောင့် ကွမ်းစားသုံးမှုလျော့ကျရေး လုပ်ဆောင်ကြဖို့ ပြည်နယ်နဲ့ တိုင်း အစိုးရတွေကို ဗဟိုအစိုးရက ညွှန်ကြားချက်လည်း မကြာသေးခင်က ထွက်ပေါ်လာခဲ့တာပါ။ ကွမ်းတံထွေး စနစ်တကျ စွန့်ပစ်ဖို့ လှုပ်ရှားမှုတွေမှာတော့ လူထု လက်ခံမှု အတိုင်းအတာ တခုအထိ ရှိပေမယ့် အချိန်ယူ ပြုပြင် ပြောင်းလဲရမှာ ဖြစ်တယ်လို့လည်း ပရဟိတ အဖွဲ့တချို့က ပြောပါတယ်။ မသိင်္ဂီထိုက် ပြောပြပေးမှာပါ။

ဟုတ်ကဲ့ပါ။

မန္တလေးမြို့မှာတော့ ကွမ်းစားသူတွေ ကွမ်းတံတွေး စနစ်တကျ စွန့်ပစ်နိုင်စေဖို့ အတွက် ကွမ်းတံတွေးထွေးဖို့ ဗူးလေးတွေကို One to One လူမှု ကူညီရေး အဖွဲ့က လမ်းမတွေပေါ်မှာ လိုက်လံဝေငှခဲ့ကြပါတယ်။ ကွမ်းတံတွေးကို တွေ့ရာနေရာမှာ ထွေးထုတ်ခဲ့ကြတာ အရိုးစွဲနေကြပေမယ့်လည်း စနစ်တကျ စွန့်ပစ်ရေး လှုပ်ရှားမှုမှာ လူထုရဲ့ ပူးပေါင်းပါဝင်မှုက အားရစရာ ကောင်းတယ်လို့ One to One အဖွဲ့က ကိုဝမ်းက ပြောပါတယ်။

“လှုပ်ရှားမှုကတော့ မနေ့က ကျွန်တော်တို့ စတာလေ။ နေရာတွေမှာ ကွမ်းတံတွေး ထွေးဖို့ ကော်ဘူးလေးတွေကို မီးပွိုင့်တွေမှာ ကွမ်းစားတဲ့ သူတွေကို လိုက်ဝေပေးပါတယ်။ နောက်ဆိုင်မှာ လာဝယ်တဲ့ ကွမ်းယာစားတဲ့ သူတွေကို လိုက်ဝေပါတယ်။ သူတို့က လိုလိုချင်ချင်ပဲ ယူပါတယ်။ ဘာလို့လဲ ဆိုတော့ သူတို့တွေကလဲ ကျွန်တော်တို့ မေးကြည့်တော့ ကွမ်းကိုလဲ စည်းကမ်းမဲ့တော့ ထွေးတာပေါ့။ သူတို့လည်း မထွေးချင်ဘူးပေါ့နော်။ ဒါပေမယ့်လည်း ကွမ်းထွေးဖို့ ခွက်တွေ ပုန်းတွေကလဲ လမ်းမှာ မရှိတာပေါ့နော်။ နောက် အကျင့်ဖြစ်နေတာရယ် အဲလိုနဲ့ သူတို့လည်း ထွေးဖြစ်နေတာပါ။”

မန္တလေးမှာ ကွမ်းယာစားပြီး ကွမ်းတံတွေး စနစ်တကျ မစွန့်ပစ်တာကြောင့် မြို့က ညစ်ပတ်နေတဲ့ အခြေအနေကိုလည်း ကိုဝမ်းက အခုလို ပြောပါတယ်။

“မန္တလေးမှာတော့ အဓိကက ကျွန်တော်တို့က ဆိုင်ကယ်စီးတဲ့ သူကများတော့၊ မီးပွိုင့်တွေမှာ ရပ်တဲ့အခါ ရပ်မျဉ်းတွေမှာ ထွေးကြတာပေါ့လေ။ ကားသမားတွေကော ဆိုင်ကယ်သမားတွေကော၊ ကားမီးပွိုင့်မှာရပ်တဲ့အခါကျတော့လည်း ရပ်မျဉ်းနေရာမှာ ထွေးကြတာပေါ့။ အချို့ ကာကွန်းတွေတောင် ဆွဲကြသေးတယ်။ ရပ်မျဉ်းပျောက်နေပြီ။ ရပ်မျဉ်းက မှိန်နေပြီ။ ကွမ်းတံတွေးတွေနဲ့ ပြည့်နေတဲ့ နေရာ ကြည့်လိုက်ရင် ဒါရပ်မျဉ်းပဲဆိုပြီး အဲလိုပေါ့။ ဟာသ လုပ်ကြတာပေါ့လေ။ ”

ရန်ကုန်မြို့မှာလည်း အလားတူ လှုပ်ရှားမှုကို စမ်းသပ်လုပ်ဆောင်ခဲ့ဖူးပါတယ်။ ရန်ကုန်မြို့မှာ ကွမ်းတံထွေး စနစ်တကျ စွန့်ပစ်နိုင်ရေး လှုံ့ဆော် လှုပ်ရှားမှုမှာလည်း လူထုရဲ့ ပူးပေါင်းပါဝင်မှုက အားရစရာကောင်းတဲ့ အခြေအနေမဟုတ်ပေမယ့် လိုလားတဲ့ အနေအထားရှိပါတယ်လို့ Care Teen အဖွဲ့က ကိုထူးအောင်လင်းက ပြောပါတယ်။

“ ဟုတ်ကဲ့ တော်တော်များများက လမ်းပေါ်ထွေးတာကို အကျင့်ပါနေပါတယ်။ ကားသမားဖြစ်ဖြစ်၊ ဆိုက်ကား သမားဖြစ်ဖြစ် ဘယ်လိုပဲ ဖြစ်ဖြစ် လမ်းပေါ်ထွေးတဲ့ အကျင့်ပါနေတော့။ အချို့ ကားသမားတွေ ဥပမာ တက္ကဆီ သမားတွေကတော့ လိုလိုချင်ချင်နဲ့ ပေါ့။ ကွမ်းစားတဲ့သူတွေကို သေချာရှာကြည့်တယ်။ လိုချင်တဲ့သူက များတယ်။ ဘတ်စကားမောင်းတဲ့ ဒရိုင်ဘာတွေ၊ နောက် စပယ်ယာတွေပေါ့နော်။ သူတို့က လမ်းပေါ်ထွေးတာ အကျင့်ပါနေကြတယ်။ ဒီ ဘူးကို ကိုင်ထားရတာကိုက အလုပ်ရှုပ်တယ်လို့ထင်ကြတယ်၊။ အချို့ကလည်း ငြင်းတာမျိုး ရှိတယ်။ တချို့က ယူတာမျိုးလည်း ရှိတယ်။ လုံးလုံးလျားလျားကြီး လက်ခံတာမျိုး၊ အရမ်းကြီးအောင်မြင်သွားတာမျိုးတော့ မရှိသေးဘူး။”

ရန်ကုန်မြို့က ကွမ်းစားသူ အများစုရဲ့ ကွမ်းတံတွေး စနစ်တကျ မစွန့်ပစ်မှုကြောင့် ခရီးသည်တင် ကားတွေသာမက တိုက်တွေ လမ်းမတွေပေါ်မှာ ရုပ်ပျက်ဆင်းပျက် ဖြစ်လှတယ်လို့လည်း ကိုထူးအောင်လင်းက ပြောပါတယ်။

“ အခုတွေ့ရတာတော့ ဆိုးတာပေါ့။ တော်တော်ဆိုးတာ များတယ်။ ဘယ်လိုပဲ ဖြစ်ဖြစ် ဘတ်စ် ကားပေါ်မှာလည်း တွေ့ရတယ်။ လမ်းတွေပေါ်မှာလည်း တွေ့ရတယ်။ နောက်ပိုင်းမှာ အမှိုက်ပစ်တဲ့ ပုံးထဲကို ထွေးတာလည်း များတယ်။ အဓိကက လမ်းတွေ ညစ်ပတ်တယ်ပေါ့။ အခြေအနေက တော်တော်လေးတော့ ဆိုးနေတယ်လို့ ထင်တယ် ခင်ဗျ။”

ရန်ကုန်မြို့မှာ ကွမ်းတံတွေး စနစ်တကျ စွန့်ပစ်ရေး လှုပ်ရှားမှုတွေ ဆက်ပြီး ဖော်ဆောင်ဖို့လည်း စီစဉ်နေတယ်လို့ ကိုထူးအောင်လင်းက ပြောပါတယ်။ တချိန်တည်းမှာဘဲ ကျန်းမာရေး အရရော မြို့တော် သန့်ရှင်းသပ်ရပ်မှုပိုင်းကိုပါ ထိခိုက်တဲ့ ကွမ်းစားသုံးမှု အလေ့အထ လျော့ကျလာစေရေး ပြည်နယ်နဲ့ တိုင်းဒေသကြီး အစိုးရတွေ အနေနဲ့ စီစဉ် လုပ်ဆောင်ကြဖို့ ဒီလပိုင်း အတွင်းမှာဘဲ ပြည်ထောင်စု အစိုးရ အဖွဲ့ကလည်း ညွန်ကြားထားတာ ဖြစ်ပါတယ်။

လွှတ်တော် တက်ရန် ရောက်လာသော NLD ပါတီဝင် အမတ်များကို တွေ့ရစဉ်။ ဓါတ်ပုံ - (AP Photo/Aung Shine Oo)
လွှတ်တော် တက်ရန် ရောက်လာသော NLD ပါတီဝင် အမတ်များကို တွေ့ရစဉ်။ ဓါတ်ပုံ - (AP Photo/Aung Shine Oo)

အမျိုးသား ဒီမိုကရေစီ အဖွဲ့ချုပ် (NLD) ပါတီက ပါတီတွင်း လစ်လပ် သွားတဲ့ နေရာတွေမှာ အစားထိုးဖို့ အတွက် ပါတီကို ပြန်လည်မွမ်းမံ တည်ဆောက်ဖို့ ပြင်ဆင်နေတယ်လို့ ပါတီ ထိပ်ပိုင်း ခေါင်းဆောင် တဦးကပြောလိုက်ပါတယ်။ ပြီးခဲ့တဲ့ ၂၀၁၅ ရွေးကောက်ပွဲ အနိုင်ရ ပြီးတဲ့နောက် လွှတ်တော် နဲ့ အစိုးရအသီးသီးမှာ တာဝန် ထမ်းဆောင်နေ ကြတဲ့ NLD ပါတီဝင်တွေရဲ့ နေရာမှာ ပါတီရဲ့တာဝန်တွေ ထမ်းဆောင်နိုင်ဖို့ ရည်ရွယ်တာ ဖြစ်တယ် လို့လည်း ပြောပါတယ်။ ပါတီဥက္ကဋ္ဌ ဒေါ်အောင်ဆန်းစုကြည်ရဲ့ တာဝန်တွေကိုတော့ အတွင်းရေးမှူး အဖွဲ့က တာဝန်ယူပြီး ပါတီကို ဦးဆောင် သွားမှာဖြစ်တယ်လို့လည်း ပြောပါတယ်။ ဒီအခြေအနေ အပြည့်အစုံကိုတော့ ဆက်သွယ် မေးမြန်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

၂၀၁၅ အထွေထွေ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် (NLD) ပါတီက အပြတ်အသတ်နဲ့ အနိုင်ရပြီး လွှတ်တော်မှာ အမတ်နေရာအများစုကို ရခဲ့သလို၊ အစိုးရလည်း ဖွဲ့စည်းနိုင်ခဲ့ပါတယ်။ NLD ပါတီက အစိုးရအဖြစ်နဲ့ အာဏာရ လာပြီးတဲ့နောက် ပါတီကို ပြန်လည်မွမ်းမံတည်ဆောက်ဖို့ ပြင်ဆင်နေတာနဲ့ ပတ်သက်ပြီး ပါတီရဲ့အတွင်းရေးမှူးအဖွဲ့ဝင် ရှေ့နေ ဦးဥာဏ်ဝင်းကတော့ VOA ကို အခုလို ပြောပါတယ်။

“ဒီလိုပါ။ NLD ကနေ ရွေးကောက်ပွဲ ၀င်လိုက်တယ်။ ရွေးကောက်ပွဲမှာ NLD ကနေ အမတ်ဖြစ်တဲ့ သူကလည်း ဖြစ်သွားကြတယ်။ နောက် ပါတီတာဝန်က ရှိနေပေမယ့်လို့ အမတ်ဖြစ်နေတဲ့ အခါကျတော့ ပါတီတာဝန်ကိုလည်း အပြည့်မလုပ်နိုင်ဘူး။ အဲတော့ မြို့နယ် တော်တော်များများ တော်တော်များများ၊ ယူနစ် တော်တော်များများမှာ အင်အားပြန်ဖြည့်ဖို့ လိုတာပေါ့။ အဲဒါကြောင့် ကျွန်တော်တို့ အင်အား ပြန်ဖြည့်ဖို့ စီမံချက်လေး ကို ပြန်ဆွဲနေကြတာပါ။ မြို့နယ်အဆင့် ဦးစီး၊ ခရိုင် တိုင်း အဆင့်နေရာတွေမှာ လစ်လပ်နေတဲ့ နေရာတွေကို ဖြည့်ဖို့၊ အင်အား လျော့သွားတဲ့ လွှတ်တော် ကိုယ်စားလှယ်တွေ နေရာ အကုန်လုံး နေရာတွေအတွက်။ အစစ အကုန်လုံးကို ပြန်ပြီးတော့ အင်အား ဖြည့်တင်းနိုင်ဖို့ ကြိုးစားမှာပေါ့။ ”

NLD ပါတီအနေနဲ့ သက်ဆိုင်ရာမြို့နယ်၊ ခရိုင်၊ ပြည်နယ်၊ တိုင်းအလိုက် ပါတီ အလုပ်အမှုဆောင်တွေ ၊ ဗဟိုဦးစီးတွေကို အဓိက ပြန်လည်ရွေးချယ်ပြီး အားဖြည့်သွားမှာဖြစ်တယ်လို့လည်း ဦးဥာဏ်ဝင်းက ပြောပါတယ်။ ဒါပေမဲ့လည်း အဲဒီလို ရွေးချယ်တဲ့နေရာမှာ အောက်ခြေကနေ မဲခွဲပြီး ရွေးချယ်မှာလား၊ ဒါမှမဟုတ် ဗဟိုကနေ ရွေးချယ်မှာလားဆိုတဲ့အပေါ်မှာတော့ ဦးဥာဏ်ဝင်းက ပြောတာကတော့

“မသေချာသေးဘူး။ ဘယ်ဟာမှ မသေချာသေးဘူး။ စီမံချက် ဆွဲတုံးပဲ။ ”

ဧပြီလ ၁ ရက်နေ့ကစတင်ပြီး သမ္မတဦးထင်ကျော် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် NLD အစိုးရတက်လာပြီးတဲ့နောက် ၊ ပါတီဥက္ကဋ္ဌ ဒေါ်အောင်ဆန်းစုကြည် ဟာလည်း နိုင်ငံခြားရေးဝန်ကြီး အဖြစ်နဲ့ရော၊ သမ္မတရုံး ၀န်ကြီးအဖြစ်နဲ့ပါ အစိုးရအဖွဲ့ အတွင်းမှာ ပါဝင်လာခဲ့ တာပါ။ ဒေါ်အောင်ဆန်းစုကြည်ဟာ NLD ပါတီရဲ့ ဥက္ကဋ္ဌအဖြစ်နဲ့ ဆက်ရှိနေပေမယ့် လည်း ၊ ၂၀၀၈ ဖွဲ့စည်းပုံအခြေခံဥပဒေအရတော့၊ အစိုးရအဖွဲ့ဝင် တစ်ယောက်ဖြစ်တဲ့ အတွက် ပါတီဥက္ကဋ္ဌတာဝန်တွေ ပါတီရဲ့ တာဝန်တွေကို ထမ်းဆောင်လို့ မရပါဘူး။ ဒေါ်အောင်ဆန်းစုကြည်ရဲ့ နေရာမှာ ပါတီကို ဦးဆောင်ဖို့ ဘယ်လို ပြင်ဆင်ထားသလဲ ဆိုတာကိုတော့ ဦးဥာဏ်ဝင်းက အခုလို ပြောပါတယ်။

“ပါတီ ဥက္ကဌ နေရာက သူ့ responsibility အရ ဆက်ပြီးတော့ရှိမယ်။ သူက ပါတီအလုပ်ကို အခုအချိန်မှာ မလုပ်ရတာပဲ။ ပါတီ ဥက္ကဌ ရာထူးတော့ စွန့်စရာမလိုပါဘူး။ အတွင်းရေးမှုးသစ် ငါးဦး ဖွဲ့ထားပါတယ်။အဲဒီ ငါးဦး အဖွဲ့က ပါတီကို ကြိုးကိုင် ထိန်းချုပ်သွားမှာပါ။”

NLD ပါတီရဲ့ အတွင်းရေးမှူး အဖွဲ့ကိုတော့ အဖွဲ့ဝင် ၅ ဦး နဲ့ ဖွဲ့စည်းထားပြီး၊ အဆိုပါ အဖွဲ့ဝင် ၅ ဦးကတော့ ဦးဝင်းထိန်၊ ဦးဥာဏ်ဝင်း၊ ဦးဟံသာမြင့်၊ ဦးဝင်းမြင့် နဲ့ ဦးဇော်မြင့်မောင်တို့ ဖြစ်ပါတယ် ခင်ဗျာ။
VOA Burmese News

 ပြီးခဲ့တဲ့ ရွေးကောက်ပွဲမှာ အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ထောက်ခံမဲ ဒုတိယ အများဆုံး ရခဲ့
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ အတွင်း ဥပဒေ စည်းမျဉ်း စည်းကမ်းတွေနဲ့ ညီညွတ်မှု မရှိတဲ့ ဆောင်ရွက်ချက်တွေကို ပြန်လည် သုံးသပ်ဖို့ ပါတီဥက္ကဋ္ဌ ဉီးသိန်းစိန်ကို တိုက်တွန်းလိုက်ကြောင်း ပါတီတွင်းကနေ အနားပေးခံခဲ့ရတဲ့ ပါတီဝင် ၁၂ဉီးက သတင်းစာ ရှင်းလင်းပွဲ လုပ်ခဲ့ပါတယ်။

ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီရဲ့ ပါတီတွင်း ပြဿနာဟာ ပါတီ အဝိုင်းအဝန်းကို ကျော်ပြီး နိုင်ငံတော်နဲ့ ပြည်သူတွေကို တနည်းတဖုံ ရိုက်ခတ်စေနိုင်တဲ့ အတွက် အခုလို တင်ပြရတာလို့ သူတို့ရဲ့ အိတ်ဖွင့်ပေးစာမှာ ဖော်ပြထား ပါတယ်။

ဧပြီလတုန်းက ပါတီဝင် ၁၅ဉီးကို အသိမပေး၊ ခုခံချေပခွင့်လည်း မပေးပဲ ပါတီကနေ အနားပေး ထုတ်ပယ်ခဲ့တဲ့ ကိစ္စ၊ ပါတီရဲ့ ရွေးကောက် တင်မြှောက်ပုံ စနစ် အတိုင်း မဟုတ်ပဲ ဗဟို အလုပ်အမှုဆောင် ကော်မတီဝင်သစ်တွေကို ပြီးခဲ့တဲ့ သြဂုတ်လက ခန့်အပ် တာဝန်ပေးခဲ့တဲ့ ကိစ္စ၊ ပါတီဖွဲ့စည်းပုံ အရ တစ်နှစ် အနည်းဆုံး နှစ်ကြိမ် ပါတီ ဗဟို ကော်မတီ အစည်း အဝေးခေါ်ရမှာ ဖြစ်ပေမဲ့ တစ်နှစ်ပြည့်ချိန် အထိ မခေါ်တဲ့ ကိစ္စ စတာတွေဟာ ပါတီရဲ့ စည်းမျဉ်း စည်းကမ်းတွေနဲ့ ညီညွတ်မှု မရှိဘူးလို့ ပါတီကနေ အနားပေးခံခဲ့ရတဲ့ ဗဟိုကော်မတီဝင် ဉီး ဇော်မြင့်ဖေက ဘီဘီစီကို ပြောပါတယ်။

ဒီအိတ်ဖွင့်ပေးစာကို ပါတီဝင် ၁၂ဉီးကပဲ လက်မှတ်ရေးထိုး တင်ပြခဲ့တာ ဖြစ်ပေမယ့် အောက်ခြေ ပါတီဝင်တွေ အနေနဲ့လည်း မကြေနပ်မှုတွေ ရှိနေပြီး ဒါကို ပါတီ ခေါင်းဆောင် ဆိုသူတွေက ပြန်လည် ပြုပြင်ရမှာ ဖြစ်တယ်လို့ ဆိုပါတယ်။

ပြီးခဲ့တဲ့ ရွေးကောက်ပွဲမှာ မဲဆန္ဒရှင်တွေရဲ့ ထောက်ခံမဲ ဒုတိယ အများဆုံး ရထားပြီး တောင့်တင်းခိုင်မာတဲ့ ပြည်ခိုင်ဖြိုးပါတီ အနေနဲ့ ပါတီစုံ ဒီမိုကရေစီ ခေတ်မှာ အာဏာရ ပါတီအပေါ် ပြောသင့် ပြောထိုက်တာတွေ ပြောပြီး Check and Balance ထိန်းညှိပေးတာမျိုးတွေ မရှိပဲ ပါတီတွင်း အာဏာ ကိစ္စ၊ ရာထူး ကိစ္စတွေအတွက် အချိန်ကုန်နေမယ် ဆိုရင် အောင်နိုင်ရေး မပြောနဲ့၊ ပါတီ ရှင်သန်ရေး အတွက်ကိုတောင် အတော် ကြိုးစားရမယ့် အခြေအနေ ရှိနေတယ်လို့ ဉီးဇော်မြင့်ဖေ က ပြောပါတယ်။

BBC Burmese
http://www.bbc.com/burmese/

လျှပ်စစ်စွမ်းအားအတွက် မြစ်ဆုံဆည် ပြန်ဆောက်ပြီး ဧရာဝတီမြစ်ကို ဒုကမပေးသင့်တော့ဘူးလို့ သဘာဝပတ်ဝန်းကျင်အရေး လှုပ်ရှားသူတွေက ပြောဆိုလိုက်ပါတယ်။

မြစ်ဆုံဆည် အထူးစာမျက်နှာများအမည်နဲ့ အောင်ပင်လယ် လူမှုဝန်းကျင် အထူးထုတ်မဂ္ဂဇင်း ထွက်ရှိတဲ့ မိတ်ဆက်ပွဲကို မေလ ၂၈ ရက်က ရန်ကုန်မြို့မှာ ကျင်းပခဲ့ပြီး ဧရာဝတီမြစ်ကို ချစ်မြတ်နိုးသူတွေက ပြောကြားလိုက်တာပါ။

ဧရာဝတီမြစ်ဖျား မေခ-မလိခအောက်ဘက် မြစ်ဆုံဆည်စီမံကိန်းကို အရင်အစိုးရလက်ထက်က ရပ်ဆိုင်းခဲ့ပေမယ့် အခုအစိုးရလက်ထက်မှာ တရုတ်နိုင်ငံဘက်က ပြန်လည်ဆောက်လုပ်ဖို့ တောင်းဆိုနေတာ ဖြစ်ပါတယ်။

“ပြန်ပြည့်မြဲ စွမ်းအင်တွေ၊ တခြားနိုင်ငံနည်းတူ ဒီဘက်ကို စဉ်းစားပြီးတော့ ဧရာဝတီကို လွတ်လွတ်လပ်လပ် စီးဆင်းမှုလည်း ဒေါ်လေးတယောက်တည်း အနေနဲ့ကတော့ ယူဆထားပါတယ်။ အဲတော့ ကျန်တဲ့ မြန်မာပြည်သူလူထု အားလုံးကလည်း ကိုယ်တင်ထားတဲ့၊ ကိုယ်လိုချင်တဲ့ အစိုးရနဲ့အတူ ဧရာဝတီအပေါ်မှာ ဒေါ်လေးတို့ တာဝန်ကျေသွားကြချင်ပါတယ်လို့ ပြောချင်ပါတယ်” လို့ အောင်ပင်လယ် လူမှုဝန်းကျင်မဂ္ဂဇင်းမှ အယ်ဒီတာချုပ် ဒေါ်ဒေ၀ီသန့်စင်က ပြောပါတယ်။

မြစ်ဆုံဆည်ကြောင့် မြန်မာပြည်သူတွေ မှီတင်းနေထိုင်ကြရတဲ့ ဧရာဝတီမြစ်ရေ ခန်းခြောက်မှုအပြင် မြစ်ကြောင်းတလျှောက်က အသက်မွေးဝမ်းကြောင်း ပြုနေသူတွေကိုပါ ဆိုးကျိုးသက်ရောက်စေမှာ ဖြစ်ပါတယ်။

ဆည်မြောင်းပညာရှင် ဦးချိုချိုကတော့ “ဆိုးကျိုးတွေကတော့ ဆည်တွေဆောက်တာ အများကြီးပါ။ အထူးသဖြင့် မြစ်ကြီးတွေ၊ မြစ်မကြီးတွေပေါ်မှာ ဖြစ်နိုင်ရင် မဆောက်ပါနဲ့။ ရှောင်လို့ရရင် ရှောင်ပါ၊ တခြား ရွေးစရာလမ်းရှိရင် ရွေးလိုက်ပါ။ ရေအသုံးချမှုကို ဆည်မဟုတ်ဘဲနဲ့ တခြား သက်သာရာနည်းလမ်းတွေရှိရင် လုပ်ပါ။ မဖြစ်တဲ့အဆုံး ဆိုရင်တော့ ကျနော်တို့ ဆောက်ရမှာပေါ့” လို့ ပြောပါတယ်။

မြစ်ဆုံဆည် တည်ဆောက်မယ့် ဧရိယာဟာ ကြီးမားလွန်းတဲ့အတွက် ရေဝေရေလဲဒေသက သစ်တောတွေ ပြုန်းတီးနိုင်ပြီး စီမံကိန်းအကြောင်းပြ သစ်ခိုးထုတ်မှုတွေလည်း ရှိလာနိုင်ပါတယ်။

“ဆည်တည်ဆောက်မယ်ဆို နံပါတ်တစ် သစ်တောတွေ ရှင်းလင်းခံရမယ်။ နံပါတ်နှစ်က အရင်တုန်းက သစ်ခိုးတဲ့ ကိစ္စတွေမှာ လက်လှမ်းမမီခဲ့တဲ့နေရာက သစ်အကောင်းတွေက ဆည်အားပြုပြီးတော့ ဆည်ထဲကို ဆွဲချမယ်။ ဒါ ဆည်တွေ ဆောက်တဲ့အတွက် မကောင်းတဲ့ အကျိုးကျေးဇူးပေါ့” လို့ မြန်မာနိုင်ငံ သစ်တောအသင်းမှ အတွင်းရေးမှူး ဦးတင်အေးက ပြောဆိုလိုက်တာပါ။

မြစ်ဆုံဆည်စီမံကိန်းကို ၂၀၁၁ ခုနှစ်၊ စက်တင်ဘာလအတွင်း သမ္မတဦးသိန်းစိန် လက်ထက်က ယာယီရပ်ဆိုင်းခဲ့ခြင်းဖြစ်ပြီး အခု ဒေါ်အောင်ဆန်းစုကြည် ခေါင်းဆောင်တဲ့ အစိုးရသစ်လက်ထက်မှာ ပြန်လည်စတင်ဖို့ တရုတ်နိုင်ငံဘက်က ကြိုးစားနေတာပါ။

ပြီးခဲ့တဲ့ မတ်လ ၄ ရက်နေ့က မြန်မာနိုင်ငံဆိုင်ရာ တရုတ်သံအမတ်ကြီး မစ္စတာဟုန်လျန်က သူ့ရဲ့နေအိမ်မှာ သတင်းမီဒီယာနဲ့ တွေ့ဆုံစဉ် မြစ်ဆုံဆည် စီမံကိန်းအတွက် လျော်ကြေးပေးရတဲ့အထိ မဖြစ်နိုင်ဘဲ အားလုံးလက်ခံနိုင်တဲ့ နည်းလမ်းကို အစိုးရသစ်နဲ့ ညှိနှိုင်းသွားမယ်လို့ ပြောကြားခဲ့ပါတယ်။

မြစ်ဆုံ ရေအားလျှပ်စစ် စီမံကိန်းဟာ ကချင်ပြည်နယ် မြစ်ကြီးနားမြို့နဲ့ ၂၇ မိုင်အကွာမှာ တည်ရှိပြီး ဒီစီမံကိန်းကို ၂၀၀၉ ခုနှစ်လောက်ကစပြီး အမှတ် ၁ လျှပ်စစ်စွမ်းအားဝန်ကြီးဌာနနဲ့ တရုတ် China Power Investment Corporation –CPI တို့ အကျိုးတူ ဆောင်ရွက်နေတဲ့ စီမံကိန်းဖြစ်ပါတယ်။

By ထွန်းထွန်းသိန်း
DVB TV News

ပဲခူးတိုင်းဒေသကြီး ဘုရားကြီးကျေးရွာမှာ သမီးအရင်းဖြစ်သူက ဖခင်အား အိပ်ဆေးခတ်ပြီး ငွေကျပ် သိန်း ၃၀၀ ကျော် ခိုးယူမှုဖြစ်ပွားခဲ့တဲ့အတွက် ထန်းတောကြီးနယ်မြေ ရဲစခန်းက အမှုဖွင့်အရေး ယူထားတယ်လို့ သိရပါတယ်။

ဧပြီလ ၁၄ ရက်နေ့က ပဲခူးမြို့နယ် ဘုရားကြီးကျေးရွာရှိ ဦးကျော်မြင့် နေအိမ် ဘုရားစဉ်အောက် ဘီဒိုထဲမှာ ထည့်ထားတဲ့ ငွေကျပ် သိန်း ၃၀၀ ကျော်ကို သူ့ရဲ့ သမီးအရင်းဖြစ်သူ မ၀င်းဝင်းခိုင် တိုက်တဲ့နွားနို့ကို သောက်ပြီး အိပ်ပျော်သွားစဉ် နောက်ပိုင်း ပျောက်ဆုံးသွားတယ်လို့ သိရပါ တယ်။

ငွေပျောက်ဆုံးသူ ဦးကျော်မြင့် က သူရဲ့ လယ်တွေကို သိန်း ၈၀၀ နဲ့ ရောင်းပြီး ရတဲ့အထဲက သမီးအကြီးနဲ့ သမီးအလတ် မ၀င်းဝင်းခိုင်တို့ကို တစ်ယောက်သိန်း ၁၀၀ စီ အမွေပေးပြီး ကျန်တဲ့ငွေကို အိမ်ဆောက်တယ်။ ကျန်ငွေကို ဘာလုပ်ရမှန်းမသိသေးလို့ အိမ်အပေါ်ထပ်က ဘုရားစင် အောက်က ဘီဒိုထဲမှာ ထည့်ပြီးသိမ်းထားပါတယ်။ အိမ်အပေါ်ထပ်ကိုလည်း အမြဲ သော့ပိတ်ထားပြီး ဘယ်သူမှ တက်ခွင့်မပေးဘူးလို့လည်း သိရပါတယ်။ သမီးအလတ်မ ၀င်းဝင်းခိုင် ကတော့ လှည်းကူးမှာနေထိုင်ပြီး ခဏလာလည်တာဖြစ်တယ်လို့ သိရပါတယ်။ ဒါပေမယ့် အဲဒီနေ့ ၈ နာရီခွဲလောက်က သမီးအလတ် တိုက်တဲ့နွားနို့ သောက်ပြီး အိပ်ပျော်နေတုန်း သမီးဖြစ်သူ မ၀င်းဝင်းခိုင်က ညနေ ၄ နာရီလောက်မှာ ပြန်တော့မယ်ဆိုပြီး လာနှိုးမှ အိပ်ရာက မနည်းထရပါတယ်။ နောက်နေ့ မနက်ကြမှ ပိုက်ဆံတွေကို ကြည့်တော့ မရှိတော့တာကိုသိပြီး သမီးဖြစ်သူကို ချော့မော့ပြီး ပြန်တောင်းပေမယ့်လည်း မရတဲ့အတွက် ထန်းတောကြီး ရဲစခန်းမှာ အမှုဖွင့် တိုင်တန်းထားတယ်လို့ သိရပါတယ်။

ငွေပျောက်ဆုံးသူ ဦးကျော်မြင့် က သမီးဖြစ်သူအား အရေးယူပေးဖို့ မေလ ၁ ရက်နေ့က တရားလို ပြုလုပ်တိုင်တန်း လာတဲ့အတွက် တရားခံ မ၀င်းဝင်းခိုင်ကို (ပ)၄၀/၂၀၁၆ ပြစ်မှုပုဒ်မ ၃၈၀ နဲ့ အမှုဖွင့်အရေးယူထားတယ်လို့ ထန်းတောကြီးနယ်မြေ ရဲစခန်းမှ ရဲအုပ် ခင်လှိုင်က ပြောပါတယ်။

သတင်း၊ ဓာတ်ပုံ – အောင်စိုးမိုး
DVB TV News

ပုံစာ - ရန်ကုန်မြို့ ကမ္ဘာအေးဘုရားလမ်းပေါ်ရှိ အထပ်မြင့်အဆောက်အဦ (ယခုမြန်မာပလာဇာ) ဆောက်လုပ်စဉ်။ ဓာတ်ပုံ- ဟောင်ဆာ(ရာမည)

ရန်ကုန်၊ မေ ၃၀ ။ ။ ရန်ကုန်မြို့တော် စည်ပင်သာယာရေးနယ်နမိတ်အတွင်း အထပ်မြင့်အဆောက်အဦးများ ဆောက်လုပ်မှုနှင့် ပတ်သက်၍ မူဝါဒအတိုင်း တိတိကျကျ လုပ်မလုပ် လွှတ်တော်က စောင့်ကြည့်နေမည်ဟု ရန်ကုန်တိုင်းလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီဥက္ကဌ ဒေါ်စန္ဒာမင်းက ပြောကြားလိုက်သည်။

မေ ၃၀ ရက်က တိုင်းဒေသကြီးလွှတ်တော် ပုံမှန်အစည်းဝေးတွင် မြေအသုံးချမှုဇုန်များ သတ်မှတ်ခြင်းနှင့် အထပ်မြင့်အဆောက်အဦ ကန့်သတ်ခြင်းဆိုင်ရာမူဝါဒ အသစ်များ ပြန်လည်သတ်မှတ်ခြင်းအတွက် တိကျသော ဥပဒေ၊ နည်းဥပဒေ၊ လုပ်ထုံးလုပ်နည်းနှင့် အမိန့်များ ထုတ်ပြန်ပေးရန် တိုက်တွန်းကြောင်းအဆို တင်သွင်းစဉ် ယခုကဲ့သို့ ပြောကြားခဲ့ခြင်း ဖြစ်သည်။

"အထပ်မြင့်အဆောက်အဦး မဆောက်သင့်တဲ့ဇုန်တွမှာ ဆောက်ထားတဲ့ ကိစ္စတွေကို တိတိကျကျနဲ့ ပြန်လည်ပြီးတော့ အခု လက်ရှိ ဆောက်ထားတဲ့နေရာမှာပဲ ရပ်မှာလား၊ သူတို့တင်ပြထားတဲ့အထိ ဆောက်လုပ် ခွင့်တွေပေးမှာလား ဆိုတာကို တိတိကျကျနဲ့ စည်ပင်သာယာရေး ဥပဒေကနေ ရေးစွဲထားတဲ့ မူဝါဒတွေ အတိုင်း ဆက်လက်ပြီးတော့ ဆောင်ရွက်ပေးမပေးကို ကျွန်မတို့ လွှတ်တော်ကနေ စောင့်ကြည့်သွားမှာ ဖြစ်တယ်"လို့ ဒေါ်စန္ဒာမင်းက လွှတ်တော်မှတဆင့် ရန်ကုန်တိုင်းစည်ပင်သာယာရေးဝန်ကြီးကို ပြောကြားခဲ့သည်။

ယခင်အစိုးရလက်ထက်တွင် ရန်ကုန်မြို့တော် စည်ပင်သာယာရေးကော်မတီအနေဖြင့် အထပ်မြင့် အဆောက်အဦ ကိစ္စများနှင့် ပတ်သက်ပြီး အထပ်မြင့် အဆောက်အဦ ကန့်သတ်ခြင်းဆိုင်ရာ မူဝါဒကို ကျော်လွန်၍ အကြောင်း အမျိုးမျိုးပြကာ ခွင့်ပြုမိန့်များပေးခဲ့သည့်အတွက် ပြည်သူများက ရန်ကုန်မြို့တော် စည်ပင်သာယာရေး ကော်မတီအပေါ် ယုံကြည်မှု ကျလာသည် ကို တွေ့မြင်နေရကြောင်းလည်း ၎င်းက ဆိုသည်။

ယခင်အစိုးရလက်ထက်ကတည်းက ဆောက်လုပ်ခွင့်မရှိဘဲ ရန်ကုန်မြို့၏ နေရာအနှံ့အပြားတွင် ဆောက်လုပ်နေဆဲဖြစ်သော အထပ်မြင့်အဆောက်အဦ ဆောက်လုပ်ခွင့် တင်ထားခြင်းကို အစိုးရသစ် လက်ထက်တွင် ဆောက်လုပ်ခွင့်များ ဆက်လက်ခွင့်ပြုမည် မပြုမည်ကို ဆုံးဖြတ်ရန်အတွက် ဥပဒေ၊ နည်းဥပဒေ လုပ်ထုံးလုပ်နည်းများ တိကျသေခြာစွာ ထုတ်ပြန်ပေးနိုင်ရန် တိုက်တွန်းကြောင်း အဆိုကို တင်သွင်းခဲ့ခြင်းလည်း ဖြစ်သည်။

၎င်း၏ အဆိုနှင့်ပတ်သက်၍ ရန်ကုန်တိုင်းဒေသကြီး စည်ပင်သာယာရေးဝန်ကြီး ဦးမောင်မောင်စိုးက "လွှတ်တော်က ပြဌာန်းထားတဲ့ ဥပဒေအတိုင်းသာ ကျွန်တော်တို့ ရန်ကုန်မြို့တော် စည်ပင်သာယာရေးကော်မတီက လိုက်နာရပါတယ်။ အဲဒီလို လိုက်နာအတွက် နည်းဥပဒေနဲ့ လုပ်ထုံးလုပ်နည်းတွေလည်း ရှိပြီးသား ဖြစ်ပါတယ်။ အခု မူအားဖြင့် သဘောတူထားတဲ့ အထပ်မြင့် အဆောက်အဦတွေ ဆောက်လုပ်ဆဲ လုပ်ငန်းတွေကိုလည်း လုပ်ထုံးလုပ်နည်းများနဲ့ ကိုက်ညီခြင်းရှိမရှိ ဆက်လက်စစ်ဆေးနေပါတယ်။ အဲဒီအတွက် အမိန့်ထုတ်ပြန် ပေးရန်ဆိုတာကလည်း ရှိတဲ့အမိန့်အတိုင်း သတ်သတ်မှတ်မှတ် ဆက်လက်ဆောင်ရွက်နေပါတယ်။ အစိုးရ အဖွဲ့အနေနဲ့ လွှတ်တော်က သတ်မှတ်ထားတဲ့ ဥပဒေ နည်းဥပဒေ လုပ်ထုံးလုပ်နည်းတွေ အတိုင်းဆောင်ရွက်နေပါတယ်" ဟု ပြန်လည်ပြောကြားခဲ့သည်။

တိုင်းဒေသကြီး စည်ပင်ဝန်ကြီးက ယင်းသို့ ပြန်လည်ပြောကြားခဲ့သည့်အတွက် လွှတ်တော်ဥက္ကဋ္ဌက အဆိုရှင်၏ သဘောထားအားမေးမြန်းရာ အဆိုရှင် ဒေါ်စန္ဒာမင်းက အဆိုအား လွှတ်တော်က မှတ်တမ်းတင်ထားရန်သာ တင်ပြခဲ့သည့်အတွက် လွှတ်တော်တွင် လက်ခံဆွေးနွေးမည်မဟုတ်ဘဲ မှတ်တမ်းတင်ထားကြောင်း ကြေငြာခဲ့သည်။
Mizzima - News in Burmese

ဒီပဲယင်း (၁၂) ပြည့် အထိမ်းအမှတ်ပွဲကို အဲဒီအချိန်က ကိုယ်တိုင်ကြုံတွေ့ဖြတ်သန်းခဲ့ရတဲ့ NLD နာယက သူရဦးတင်ဦး တက်ရောက်စဉ်။ (မေ ၃၀၊ ၂၀၁၅။ ဓာတ်ပုံ/မာတင်ဆွေ ဖဘ)
ဒီပဲယင်း (၁၂) ပြည့် အထိမ်းအမှတ်ပွဲကို အဲဒီအချိန်က ကိုယ်တိုင်ကြုံတွေ့ဖြတ်သန်းခဲ့ရတဲ့ NLD နာယက သူရဦးတင်ဦး တက်ရောက်စဉ်။ (မေ ၃၀၊ ၂၀၁၅။ ဓာတ်ပုံ/မာတင်ဆွေ ဖဘ)

မြန်မာအစိုးရရဲ့ အဆင့်မြင့်ခေါင်းဆောင်တဦးဖြစ်တဲ့ ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီ အဖွဲ့ချုပ်ရဲ့ စည်းရုံးရေး ခရီးစဉ်ကို သွေးထွက်သံယို တိုက်ခိုက်ခံခဲ့ရတဲ့ ဒီပဲယင်း အကြမ်းဖက်မှု ဖြစ်ပွားခဲ့တာ ဒီကနေ့ဆိုရင် ၁၃ နှစ် ပြည့်သွားပါပြီ။ ဒါပေမဲ့လည်း ထိခိုက်သေဆုံးမှုတွေ နောက်ဆက်တွဲ ဖမ်းဆီးမှုတွေ ကြုံခဲ့ရတဲ့ အဖြစ်အပျက်အတွက် တာဝန်ရှိသူတွေကို ဒီကနေ့ အချိန်အထိ မဖော်ထုတ်နိုင်သေးတဲ့အတွက် စုံစမ်းဖော်ထုတ်ဖို့လည်း ဒီပဲယင်းအကြမ်းဖက်မှုမှာ ကိုယ်တွေ့ကြုံ့ခဲ့ရသူတွေက တောင်းဆိုလိုက်ပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန် တင်ပြပေးပါတယ်။

အရင် စစ်အာဏာရှင် ဗိုလ်ချုပ်မှူးကြီးသန်းရွှေ လက်ထက် ၂၀၀၃ ခုနှစ် မေလ ၃၀ ရက်နေ့က စစ်ကိုင်းတိုင်း ဒီပဲယင်းမြို့နယ်၊ ကျည်ရွာအနီးမှာ အမျိုးသားဒီမိုကရေစီအဖွဲ့ချုပ် (NLD) ပါတီရဲ့ စည်းရုံးရေးခရီးစဉ် ယာဉ်တန်းကို ၀ိုင်းဝန်းရိုက်နှက် တိုက်ခိုက်ခဲ့ကြတဲ့အတွက် ခန့်မှန်းခြေ လူပေါင်း ၇၀ ထက်မနည်း သေဆုံးပြီး၊ အများအပြား ထိခိုက်ဒဏ်ရာတွေ ရခဲ့ကြတဲ့ အဖြစ်နဲ့ကြုံခဲ့ရတာ အခုဆိုရင် ၁၃ နှစ် တင်းတင်းပြည့်ခဲ့ပါပြီ။

ဒါပေမဲ့လည်း အစိုးရရဲ့တရားဝင် ထုတ်ပြန်ချက်တွေမှာတော့ လူ ၄ ယောက်သာ သေဆုံးကြောင်း ပြောဆိုခဲ့သလို၊ အဖြစ်အပျက်ဟာ NLD ပါတီကို ထောက်ခံသူတွေနဲ့ ဆန့်ကျင်သူတွေကြား ဖြစ်ပွားတဲ့ ပဋိပက္ခသဘောမျိုးသာ ပြောဆိုခဲ့တာပါ။ ဒါပေမဲ့လည်း ဒီပဲယင်း တိုက်ခိုက်မှုကို စနစ်တကျ စီမံဖန်တီးခဲ့တယ်လို့ အများကယုံကြည်ထားကြတဲ့ အာဏာပိုင်တွေအပေါ် တစုံတရာ အရေးယူတာမျိုးတော့ မရှိခဲ့ပါဘူး။

ဒီအတွက်လည်း အခုအခါ လူထုက ရွေးချယ်တင်မြှောက်လိုက်တဲ့ အစိုးရလက်ထက်မှာ တရားမျှတမှုရစေဖို့ စုံစမ်းဖော်ထုတ်မှုမျိုး ဖြစ်စေချင်ပါတယ်လို့ ဒီပဲယင်း တိုက်ခိုက်မှုကို ကိုယ်တွေ့ကြုံခဲ့ရတဲ့ မန္တလေးတိုင်း NLD ပါတီ လုပ်ငန်းကော်မတီ ဒုဥက္ကဋ္ဌ ဒေါ်ဝင်းမြမြ ကပြောပါတယ်။

“တချိန်တုန်းက ဥပဒေမစိုးမိုးပဲနဲ့ တဘက်သတ် ပြည်သူလူထုကို နှိပ်ကွပ်တဲ့ ကိစ္စဆိုရင် တချိန်တုန်းက အာဏာပိုင် အုပ်ချုပ်သူတွေမှာ တာဝန်ရှိတယ်။ တကယ်လို့ ဒါမျိုးကိုသာ အရေးမယူခဲ့ဘူး မပြုဘူးဆိုရင်လည်းပဲ တရားဝင် သူတို့မှာ တာဝန်ရှိတယ်ဆိုတာလေးတော့ သိအောင်တော့ လုပ်ဖို့လိုတယ်လို့ ကျမထင်ပါတယ်။ နောက်စိုးရိမ်တာတခုက တချိန်တုန်းကလည်း ပြောခဲ့ပါတယ် ဥပဒေမစိုးမိုးမှုက ဒီလိုပဲ အနိုင်ထက်စီးနင်းလုပ်ပြီးတော့ ၊ ဒီလိုပဲ လုပ်လို့ရပြီးတော့ မှ ဒီလိုပဲ ဆက်လက် လုပ်နေမယ်ဆိုရင် ကျမတို့အတွက်က လုံခြုံမှုမရှိဘူးလို့လဲပြောခဲ့ပါတယ်။ အဲဒီတော့ ပြစ်မှုကျူးလွန်သူအနေနဲ့ကတော့ ပြစ်မှုကျူးလွန်သူဆိုတာ သိအောင် ဖော်ထုတ်သင့်တယ်လို့ ဒီလိုပဲ ကျမအနေနဲ့ ယုံကြည်ထားပါတယ်ရှင့်။”

ဒီပဲယင်းတိုက်ခိုက်မှုအတွင်း၊ အခုအခါ နိုင်ငံတော် အတိုင်ပင်ခံပုဂ္ဂိုလ် တာဝန်ယူထားတဲ့ ဒေါ်အောင်ဆန်းစုကြည် ကိုယ်တိုင်ဟာလည်း အသက်အန္တရာယ် ခြိမ်းခြောက်မှုနဲ့ ကြုံခဲ့ရတာပါ။ နောက်ပိုင်းမှာလည်း ပါတီခေါင်းဆောင် ဒေါ်အောင်ဆန်းစုကြည်၊ တပ်မတော်ကာကွယ်ရေး ဦးစီးချုပ်ဟောင်း သူရဦးတင်ဦး တို့ကို အာဏာပိုင်တွေက နေအိမ်အကျယ်ချုပ်နဲ့ ဖမ်းဆီးခဲ့သလို၊ ပါတီဝင်တွေနဲ့ ထောက်ခံသူ အများအပြားဟာလည်း ဖမ်းဆီးခံခဲ့ရတာပါ။ အသက်ဘေးတွေနဲ့ ကြုံခဲ့ရသလို ဘဝတွေပါပေးဆပ်ခဲ့ရသူတွေ ကတော့ အစုလိုက်အပြုံလိုက် အကြမ်းဖက်ခံရမှုအပေါ် မေ့ပျောက်နိုင်မှာ မဟုတ်ဘူးလို့ ဒေါ်ဝင်းမြမြက ဆိုပါတယ်။

“နစ်နာတဲ့လူတွေကလည်း အများကြီးပဲလေ နစ်နာတဲ့အလျောက်လည်း အသိအမှတ်ပြုပေးဖို့တော့ လိုပါတယ်။ သေတဲ့လူတွေလည်းရှိတယ်။ လက် ၂ ဖက်၊ ခြေထောက် ၂ ဖက် ကျိုးတဲ့လူ တော်တော်ပြင်းပြင်းထန်ထန် ဒဏ်ရာရတဲ့လူတွေ အများကြီးလည်းရှိခဲ့တယ်။ ကျမတို့ကိုယ်တိုင်လည်း တအားခံစားရတယ်လေ။ ငါတို့ကို မတရားသဖြင့်ကြီး ဥပဒေမဲ့စွာနဲ့ အခုလို ရိုက်တာ နှက်တာပါလား၊ အနိုင်ထက် စီးနင်းပြီးလုပ်တာပါလားဆိုပြီး ခံစားရပါတယ်။ ဘယ်တော့မှလည်း ဒီပဲယင်းကိစ္စကြီးကို ကျမတို့အနေနဲ့ မေ့နိုင်စရာ အကြောင်းမရှိပါဘူး။”

တိုက်ခိုက်မှု ကျုးလွန်သူတွေကို အရေးမယူပဲ တိုက်ခိုက်ခံရတဲ့သူတွေ တဖက်သတ် အရေးယူခံခဲ့ရတဲ့ မတားရားမှုကို၊ NLD ဦးဆောင်တဲ့ ဒီမိုကရေစီအစိုးရ လက်ထက်မှာ ဖော်ထုတ်ပြီး၊ တရားမျှတမှု ရရှိစေချင်တယ်လို့လည်း ဒီပဲယင်းတိုက်ခိုက်မှုမှာ ကိုယ်တိုင်ကြုံခဲ့ရသူ နောက်တဦးဖြစ်တဲ့ မုံရွာမြို့က ကဗျာဆရာကြီး ဦးအံ့မောင် ကပြောပါတယ်။

“ဖြစ်တဲ့ပျက်တဲ့ အကြောင်းကိစ္စတွေနဲ့ပတ်သက်လို့ စုံစမ်းရေးကော်မရှင် တခုဖွဲ့ပြီးတော့ အဲဒီ စုံစမ်းရေးကော်မရှင်က ဖြစ်ပျက် အကြောင်းကိစ္စတွေကို အစီရင်ခံစာတခု အစိုးရအဖွဲ့ကိုလည်းတင်ပြပေးဖို့ တိုင်းပြည်ကိုလည်းတင်ပြပေးဖို့ သင့်ပါတယ်လို့ ကျနော်တို့ အောက်မေ့ပါတယ်ခင်ဗျ။ နိုင်ငံတော်အတိုင်ပင်ခံပုဂ္ဂိုလ် က အမြဲတမ်းပြောတဲ့ တရားဥပဒေစိုးမိုးရေးဆိုတဲ့ မူကို ဒီကိစ္စမှာ လက်တွေ့ဘယ်လိုကျင့်သုံးဆောင်ရွက်မလဲဆိုတာကို ကျနော်တို့လည်း စောင့်ကြည့်နေပါတယ် ခင်ဗျ။”

ဒီပဲယင်း နှစ်ပတ်လည်နေ့ အောက်မေ့ဘွယ်အခမ်းအနားကိုတော့ ဒီကနေ့ မေလ ၃၀ ရက်နေ့ တနင်္လာနေ့ မနက်ပိုင်း မုံရွာမြို့ ထန်းတောရပ်ကွက် ရွှေသိမ်တော် ဘုန်းကြီးကျောင်းမှာ ဒီပဲယင်းအရေးအခင်းမှာ အသက်ဆုံးခဲ့တဲ့ ကွယ်လွန်သူတွေကို ရည်စူးပြီး ဆွမ်းဆက်ကပ်လှုဒါန်း အမျှပေးဝေကြပြီး ဒီပဲရင်းကို ကြုံတွေ့ရင်ဆိုင် ခဲ့ရတဲ့ နိုင်ငံရေး အကျဉ်းသားတွေနဲ့ ဒီမိုကရေစီအင်အားစုတွေ အင်န်အယ်လ်ဒီ ပါတီဝင်အချို့က ဒီနေ့ဒီရက်မှာဖြစ်ပျက်ခဲ့တဲ့ ဒီပဲရင်းအတွေ့အကြုံတွေ ကို ပြန်ပြောင်းဆွေးနွေး သလို ကဗျာဆရာတွေကလည်း ကဗျာတွေရွတ်ဖတ်ခဲ့ကြပါတယ်။
VOA Burmese News


nsul-nakatha-620.jpg
နိုင်ငံလုံးဆိုင်ရာ ကျောင်းသားသမဂ္ဂအဖွဲ့ချုပ် (န.က.သ) အဖွဲ့ဝင်ကျောင်းသားတွေကို မေလ ၂၉ ရက်နေ့က တွေ့ရစဉ်
Photo: Aung Thain Kha/ RFA

နိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (န.က.သ) ကို တစ်နိုင်ငံလုံးက ကျောင်းသား ကျောင်းသူတွေရဲ့ ဆန္ဒသဘောထားမပါဘဲ ဖွဲ့စည်းလိုက်တဲ့အတွက် ကန့်ကွက်ကြောင်း ဒဂုံတက္ကသိုလ် ကျောင်းသားသမဂ္ဂက မနေ့က ကြေညာချက်ထုတ်ပြန်ပါတယ်။

(န.က.သ)ဟာ ကျောင်းသားထုညီလာခံကနေ ရွေးချယ်တင်မြှောက်တာ မဟုတ်သလို ကျောင်းသား သမဂ္ဂတွေကို ကြိုတင်အသိပေးတာ ဆန္ဒသဘောထားတောင်း ယူတာ မရှိဘဲ ဖွဲ့စည်းတာဖြစ်တဲ့အတွက် ကန့်ကွက် တာဖြစ်ကြောင်း ဒဂုံတက္ကသိုလ်ကျောင်းသားသမဂ္ဂ ဥက္ကဌ ကိုမင်းသုခက ပြောပါတယ်။

"တစ်နိုင်ငံလုံးမှာရှိတဲ့ ကျောင်းသားသမဂ္ဂတွေရဲ့ သဘောဆန္ဒကို ယူခြင်းမရှိဘဲနဲ့ ဒီလိုလုပ်တာဟာ ကျောင်းသား ထုကို များစွာထိခိုက်စေပါတယ်၊ နိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ကို ဖွဲ့စည်းတဲ့ပုံစံမှာ အဓိက လိုအပ်ချက်က အရင်တုန်းကရှိခဲ့တဲ့ ကျောင်းသားသမဂ္ဂတွေမှာ ကျောင်းသားထု ညီလာခံကနေတဆင့် သွားရ တယ်ခင်ဗျ၊ ကျောင်းသားထုညီလာခံကနေတဆင့် တစ်နိုင်ငံလုံးက ကျောင်းသားတွေ ရွေးချယ်တင်မြှောက် လိုက်တဲ့ အဖွဲ့ချုပ်ကဆိုလို့ရှိရင် တရားဝင်မှုရှိတဲ့ အဖွဲ့ချုပ်တစ်ခုဖြစ်လိမ့်မယ်ဗျ၊ အခုအနေအထားက ပြောရမယ် ဆိုရင် သမိုင်းမှာလည်း တစ်ခါမှမရှိတဲ့ပုံစံမျိုး လုပ်သွားတဲ့ဟာမျိုးပါ၊ ဒီကိစ္စနဲ့ပတ်သက်လို့ ကျနော်တို့တတွေ လက်ခံဖို့အစဉ်မပြေပါဘူး"

ဒဂုံတက္ကသိုလ် ကျောင်းသားများ သမဂ္ဂအနေနဲ့ နိုင်ငံလုံးဆိုင်ရာ ကျောင်သားသမဂ္ဂများအဖွဲ့ချပ် (န.က.သ) အဖွဲ့မှာ ပါဝင်မှာမဟုတ်ကြောင်းလည်း ဖော်ပြထားပါတယ်။

အဲ့ဒီထုတ်ပြန်ချက်ကို နိုင်ငံတော် အတိုင်ပင်ခံပုဂ္ဂိုလ်ရုံး ၊ နိုင်ငံတော်သမ္မတရုံး ၊ ပညာရေးဝန်ကြီး ဌာန နဲ့ ဒဂုံတက္ကသိုလ်ကျောင်းသား အသင်းအဖွဲ့အားလုံး ထံ ပေးပို့ထားတာဖြစ်ပါတယ်။

(န.က.သ) ကို တက္ကသိုလ်ကျောင်းသားသမဂ္ဂ တကသနဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂ (မြေလတ်ဒေသ) တို့ ပူးပေါင်းပြီး ပြီးခဲ့တဲ့ မေလ ၂၅ ရက်နေ့က ဖွဲ့စည်းလိုက်တာဖြစ်ပါတယ်။
RFA

 dpeyin-anniversary-620.jpg စစ်ကိုင်းတိုင်း ဒီပဲယင်းမြို့အနီးက ကျည်ရွာမှာ မေလ ၃၀ ရက်နေ့က ဒီပဲယင်း အရေးအခင်း ၁၃ နှစ် ပြည့် အခမ်းအနားကို ကျင်းပနေစဉ်

ဒေါ်အောင်ဆန်းစုကြည်နဲ့ NLD ပါတီဝင်တွေကို လုပ်ကြံတိုက်ခိုက်ခဲ့တဲ့ ဒီပဲယင်း အရေးအခင်း ၁၃ နှစ် ပြည့် အခမ်းအနားကို ဒီပဲယင်းအရေးအခင်းလို့ လူသိများစေခဲ့တဲ့ စစ်ကိုင်းတိုင်း ဒီပဲယင်းမြို့အနီးက ကျည်ရွာမှာ ဒီနေ့ ကျင်းပခဲ့ပြီး လွှတ်တော်ကိုယ်စားလှယ်တွေ တက်ရောက်ခဲ့ကြပါတယ်။

ဒီပဲယင်း အရေးအခင်းမှာ ကိုယ်တိုင်ကြုံတွေ့ခဲ့ရသူတွေက အခမ်းအနားမှာ သူတို့ကြုံတွေ့ခဲ့ရတဲ့ အဖြစ်အပျက်တွေ ကို ပြောပြခဲ့ကြတယ်လို့ အခမ်းအနားကို တက်ရောက်ခဲ့တဲ့ ဒီပဲယင်းမြို့နယ် တိုင်းဒေသကြီးလွှတ်တော်ကိုယ်စား လှယ် ဦးမိုးမင်းဝင်းက ပြောပါတယ်။

"မုံရွာ - ရေဦး လမ်းမကြီးပေါ်က ကျည်ရွာထိပ်မှာပေါ့၊ ကျနော်တို့ အလံတိုင်တစ်ဝက်ထူပြီးတော့ လွမ်းသူ့ပန်းခွေ ချတယ်ပေါ့ဗျာ၊ အခမ်းအနားကတော့ ကျည်ရွာထဲက ကျောင်းကြီးတိုက်မှာလုပ်ပါတယ်၊ အဲ့ကျောင်းကဆရာတော် ဦးဇဝန ဆိုတာလည်း အဲ့အရေးအခင်းနဲ့ ပတ်သက်ပြီး ထောင်ထဲနေခဲ့ဘူးပါတယ်၊ အဲ့အရေးအခင်းမှာ ကိုယ်တိုင် ပါဝင်ခဲ့တဲ့ စစ်ကိုင်းတိုင်းဒေသကြီး အမျိုးသားဒီမိုကရေစီအဖွဲ့ချုပ် ဥက္ကဌ ဦးဘာဘာ က အဖြစ်အပျက်တွေ ပြော ပါတယ်၊ ကိုယ်တိုင်မြောင်းထဲမှာ တစ်ညလုံးအိပ်ခဲ့ရတယ်ဆိုတဲ့အကြောင်း အဲ့ဒါတွေပြောပါတယ်"

ဒီပဲယင်းနှစ်ပတ်လည်နေ့ကို ဒီပဲယင်း မြို့နယ် NLD က ဦးစီးကျင်းပတာဖြစ်ပြီး ကွယ်လွန်သွားသူတွေ အတွက် မေတ္တာပို့အမျှပေးဝေပြီး သံဃာတော်တွေကို ဆွမ်းဆက်ကပ်ခဲ့ကြတာဖြစ်ပါတယ်။ ၂ဝဝ၃ ခုနှစ် မေလ ၃ဝ ရက်နေ့မှာ ဒေါ်အောင်ဆန်းစုကြည်နဲ့ NLD ခေါင်းဆောင်တွေ ပါတီဝင်တွေဟာ မန္တလေးကနေ မုံရွာတလျှောက် ခရီးထွက်စဉ်မှာ စစ်ကိုင်းတိုင်းဒေသကြီး ကျည်ရွာအရောက်မှာ ထောင်ဂဏန်းလောက်ရှိမယ့် လူအုပ်စုတစ်စုက အကြမ်းဖက် တိုက်ခိုက်ခဲ့ တာဖြစ်ပြီး NLD ပါတီဝင် တွေနဲ့ ဒေသခံတွေ စုစုပေါင်း ၇ဝ လောက်သေဆုံးခဲ့တယ် လို့ ပြောပါတယ်။

ဒီနေ့အခမ်းအနားကို စစ်ကိုင်းတိုင်းဒေသကြီး အမျိုးသားဒီမိုကရေစီအဖွဲ့ချုပ် ဥက္ကဌ ဦးဘာဘာ၊ ဒီလှိုင်း ဂျာနယ် တာဝန်ခံအယ်ဒီတာ မုံရွာအောင်ရှင်၊ ဒီပဲယင်း မြို့နယ် ပြည်သူ့လွှတ်တော် ကိုယ်စားလှယ် ဦးဝင်းမြင့်အောင် အပါအဝင် NLD ပါတီဝင်တွေနဲ့ ဒေသခံတွေ တစ်ထောင်နီးပါး တက်ရောက်ခဲ့ကြပါတယ်။

RFA


လာမယ့်ရွေးကောက်ပွဲတွေမှာမဲပေးနိုင်တဲ့ လူဦးရေ မဲစာရင်းကို တိကျစွာပြုစုနိုင်ဖို့ အိမ်တိုင်ရာရောက်မဲစာရင်းကောက်ယူမှုတွေကို လုပ်ဆောင်သွားမယ် လို့ ကော်မရှင်က ပြောဆိုလိုက်ပါတယ်။ ကောက်ယူနိုင်ဖို့ အရပ်ဘက် လူမှုအဖွဲ့အစည်းတွေရယ် နိုင်ငံရေးပါတီတွေရယ်နဲ့ ပူးပေါင်းကောက်ယူမယ် လို့လည်းပြောဆိုလိုက်ပါတယ်။ ကောက်ယူ ဖို့လုပ်ဆောင်နေကြောင်း ပြောဆို ခဲ့ပေမယ့် ဘယ်အချိန် ဘယ်လိုလုပ်ဆောင်မလဲ ဆိုတာကိုတော့မပြောခဲ့ပါဘူး။ ဒီသတင်းကိုဗွီအိုအေမြန်မာပိုင်းက မေခ ကပေးပို့ထားပါတယ်။

ပြီးခဲ့တဲ့ ရွေးကောက်ပွဲအတွင်း မဲစာရင်းမှားယွင်းမှူတွေ ရှိခဲ့တာမို့၊လာမယ့် ရွေးကောက်ပွဲ မဲစာရင်း မှန်အောင် ပြည်ထောင်စုရွေးကောက်ပွဲကော်မရှင် အနေနဲ့ ဘယ်လို ဆောင်ရွက်သွားဖို့ရှိလဲလို့ ပြည်သူလွှတ်တော်မှာ လွှတ်တော် ကိုယ်စားလှယ် ဦးနေမျိုးထက် က မေးမြန်းခဲ့ပါတယ်။ ပြည်ထောင်စုရွေးကောက်ပွဲကော်မရှင် အနေနဲ့ ဒီအတွက် အစီအစဉ်ဆွဲထားပြီလို့ ကော်မရှင်အဖွဲ့ဝင်သစ် ဦးလှတင့် လွှတ်တော်မှာ ဖြေကြားခဲ့တာပါ။

“နောင်လာမယ့်ရွေးကောက်ပွဲတွေမှာ ကျနော်တို့ မဲစာရင်းမှန်ကန်စေရေးအတွက် ကျနော်တို့အဓိကတော့ ကျနော်တို့ ၂၀၁၅ အထွေထျွေရွေးကောက်ပွဲမှာ ပြုစုခဲ့တဲ့ မဲစာရင်းတွေကို အခြေပြုပြီးတော့ ရပ်ကွက်နဲ့ ကျေးရွာအုပ်စု၊ အုပ်ချုပ်ရေးအဖွဲ့အစည်းများနှင့် ပူးပေါင်းပြီးတော့ အိမ်တိုင်ရာရောက် Door to Door ကျနော်တို့မဲစာရင်းကောက်ယူခြင်းနှင့် ပိုမိုပြည့်စုံစွာ တိကျမှန်ကန်ရေးဆောင်ရွက်ထားရန် စီစဉ်ထားပါတယ်။ အဲဒီမဲစာရင်းကောက်ယူရေးနဲ့ ပတ်သက်ပြီးတော့ ရန်ကုန်တိုင်းဒေသကြီး ကျောက်တံတားမြို့နယ်ကို ကျနော်တို့ စံပြ စမ်းသပ်နိုင်လျှင်ဖြင့် ကျနော်တို့ သတ်မှတ်ပြီးတော့ စတင်ကောက်ယူနိုင်ဖို့ ကျနော်တို့ စီစဉ်ထားပါတယ်ခင်ဗျ။”

ဒီလိုမဲစာရင်းမှန်ကန်နိုင်ဖို့ လုပ်ဆောင်တာမှာ နိုင်ငံရေးပါတီများ၊ အရပ်ဘက်လူမှုအဖွဲ့အစည်းများ၊ မဲဆန္ဒရှင်ပြည်သူများ၊နိုင်ငံတကာ အဖွဲ့အစည်းများ နဲ့လည်း ပူးပေါင်း ဆောင်ရွက်သွားမယ်လို့ ဦးလှတင့်ကပြောပါတယ်။ ဒီပြင် မဲဆန္ဒရှင်များ ပူးပေါင်းပါဝင်နိုင်ရေးအတွက် ရေဒီယို ရုပ်မြင်သံကြားတို့မှာ အသိပညာပေးဖို့နဲ့ ဗီနိုင်းပိုစတာများ လက်ကမ်းစာစောင်များဖြန့်ဝေလှုံ့ဆော် စည်းရုံးသွားမယ်လို့ သူကပြောပါတယ်။ ဒီလိုတွေ လွှတ်တော်မှာပြောဆိုခဲ့ပေမယ့် ဘယ်ချိန်ကို တိကျစွာလုပ်ဆောင်မလဲဆိုတာကို တော့ အဖြေမပေးခဲ့ပါဘူး။

ပြီးခဲ့တဲ့ရွေးကောက်ပွဲကာလ မှာ တနိုင်ငံလုံးအဆင့် မဲဆန္ဒရှင်စာရင်း ထုတ်ပြန်ကြေညာတာမှာ မဲစာရင်းတွေမှာ အိမ်ထောင်စု စာရင်း ၀င် မိသားစု မဟုတ်တဲ့ အမည်စာရင်း တွေ ပါဝင်တာတွေ၊ ပါဝင်သင့်သူတွေမပါဝင်တာတွေ ကြောင့်ပြန်ပြင်မရနိုင်တော့တဲ့ မဲစာရင်း မှားယွင်းမှုတွေရှိခဲ့ပြီး ဒီမဲစာရင်းအမှားနဲ့ဘဲ ပြီးခဲ့တဲ့ရွေးကောက်ပွဲကို ကျင်းပခဲ့ရပါတယ်။ ဒီအတွက် ရွေးကောက်ပွဲကော်မရှင် အသစ်က နောင်လာမယ့်ရွေးကောက်ပွဲမှာ မဲစာရင်းတိကျနိုင် ဖို့ အခုလို လုပ်ဆောင်ဖို့ ပြင်ဆင်နေတာဖြစ်တယ်လို့ ပြည်ထောင်စုရွေးကောက်ပွဲကော်မရှင်ရုံး ညွှန်ကြားရေးမှုးချုပ် ဦးတင်ထွန်းက ပြောပါတယ်။

“အခုဟာက Door to Door ဆိုတာက အခုလက်ရှိကော်မရှင်ဥက္ကဋ္ဌနဲ့ အဖွဲ့ဝင်တွေရဲ့ မဲစာရင်းလုပ်မယ့်စနစ်လေးကို Door to Door လုပ်တာ ပိုပြီးကောင်းမယ် ဆိုတဲ့စနစ်ကို သူတို့ရွေးချယ်ထားတာပါ။ ဘယ်တော့ လုပ်မယ်ဆိုတာကတော့ ပြောလို့တော့မရသေးဘူး။ ဘာဖြစ်လို့လဲဆိုတော့ လောလောဆယ်မှာ ခုံရုံးအမှုတွေ မပြီးပြတ်သေးဘူး။ ခုံရုံးအမှုတွေ၊ တရားမမှုတွေကို အပြီးစစ်နေကြတယ်လေ။ သူတို့ရဲ့အရင်အတွေ့အကြုံက မဲစာရင်းနဲ့ပတ်သက်ပြီးတော့ အသံလေးတွေတော်တော်များများထွက်ခဲ့တဲ့အခါကျတော့ သူတို့လက်ထက်ကျရင်တော့ မဲစာရင်းကို ပိုပြီးတော့ ပြည့်စုံမှန်ကန်တိကျအောင် door to door လုပ်မယ်ဆိုတာလေးတွေကို လက်ရှိကော်မရှင်အဖွဲ့အသစ်ရဲ့ မူပေါ့လေ။ မဲစာရင်းနဲ့ ပတ်သက်ပြီးတော့ ဘာမှတော့မလုပ်ရသေးပါဘူး။”

ရွေးကောက်ပွဲကော်မရှင်အနေနဲ့ ပြည်နယ်နဲ့တိုင်းတွေမှာပါ ကော်မရှင်အဖွဲ့ဝင်အသစ် တွေပြန်ဖွဲ့စည်းရမှာပါ။ ဒါကြောင့်လည်း အိမ်တိုင်ရာရောက်မဲစာရင်းကောက်ယူမှုတွေကို လုပ်ဆောင်မယ့် အချိန်ကိုပြောဖို့ခက်နေပါသေးတယ်။ လက်ရှိမှာတော့ ကော်မရှင်ဟောင်းတွေကပဲ တာဝန်ကို ထမ်းပေးရတဲ့သဘောဖြစ်နေသေးတယ်လို့ လက်ရှိ ရန်ကုန်တိုင်းရွေးကောက်ပွဲကော်မရှင် ဥက္ကဋ္ဌ ဦးကိုကိုက ပြောပါတယ်။

“ကျနော်တို့တိုင်းက ဘာမှမပြောပါဘူး။ ကျနော်တို့ ကော်မရှင်ကို ဖွဲ့စည်းမယ့်အသစ်မလာသေးပါဘူး။ ကျနော်တို့အခုက ကော်မရှင်အဟောင်းနဲ့ပဲ ထိန်းထားတာပါပဲ။ သူတို့ကော်မတီပဲ သူတို့ဖွဲ့ပေးရမှာပဲ။ ကျနော်တို့အဟောင်းတွေကတော့ အသစ်မလာခင်မှာ interim သဘောမျိုးပေါ့ ကျနော်တို့ ထိန်းသိမ်းထားတဲ့ သဘောပါပဲ။”

ပြီးခဲ့တဲ့ရွေးကောက်ပွဲတုန်းက ရွေးကောက်ပွဲကော်မရှင်ရဲ့ ဥက္ကဌ ဦးတင်အေးကိုယ်တိုင်က အဲဒီချိန်ကအာဏာရ ကြံ့ခိုင်ဖွံ့ဖြိုးရေး ပါတီဝင်တဦး ဖြစ်ခဲ့သလို စစ်ဗိုလ်ချုပ်ဟောင်း တဦးလည်း ဖြစ်နေတာမို့ ဘက်လိုက်မှုတွေ ရှိနေတယ်လို့ ဝေဖန်မှုတွေရှိခဲ့ပြီး၊ မဲစာရင်းမှားတာတွေလည်း ကြုံခဲ့ရပါတယ်။ အခု NLD အစိုးရလက်ထက်မှာတော့ ပြည်ထောင်စုရွေးကောက်ပွဲကော်မရှင် ကို နိုင်ငံရေးပါတီဝင်မဟုတ်သူတွေနဲ့ ပြောင်းလဲဖွဲ့စည်းခဲ့ပေမယ့်၊ ကော်မရှင်ခွဲတွေကိုတော့ အခုအချိန်အထိ ပြင်ဆင်ဖွဲ့နိုင်ခြင်းမရှိသေးပါဘူး။ ဒါကြောင့်လည်း မဲစာရင်းပြစုရေး တအိမ်တက်ဆင်း စာရင်းကောက်ခံမယ်ဆိုတဲ့ အစီအစဉ်မှာ ဘယ်တော့အကောင်အထည်ပေါ်နိုင်မလဲ အချိန်အတိအကျကတော့ ပြောရခက်ပါသေးတယ်။

 မေခ / ဗွီအိုအေ (မြန်မာပိုင်း)
http://burmese.voanews.com


မေလ ၃၀ ရက်နေ့၊ ၂၀၁၆ ခုနှစ်။

ထိုင်း မြန်မာ နယ်ခြားကော်မတီ TBC အဖွဲ့၏ ၈၆ ကြိမ်မြောက် အစည်းအဝေးကို ဒီကနေ့ ထိုင်း မြန်မာနယ်စပ် မယ်ဆိုင်မြို့မှာရှိသည့် Maekhong Delta Boutique Hotel တွင် ကျင်းပခဲ့သည်။

TBC အစည်းအဝေးတွင် နှစ်နိုင်ငံ နယ်စပ်စည်းမျဉ်းကျော်၍ စခန်းချနေသည့် UWSA ၀ ပြည်သွေးစည်းညီညွတ်ရေး တပ်စခန်းတချို့ နောက်ဆုတ် ဖယ်ရှားပေးဖို့ ထိုင်းဖက်မှ တောင်းဆိုခဲ့သည်ဟု အမည်မဖော်လိုသည့် ထိုင်းစစ်တပ်အရာရှိတစ်ဦးမှ ပြောသည်။

UWSA တပ်စခန်းဖယ်ရှားပေးရန် တောင်းဆိုခဲ့သည့်နေရာများမှာ ထိုင်းနုိုင်ငံ မြောက်ပိုင်း ချင်းမိုင်ခရိုင် ချင်းဒေါင်းမြို့နယ်အနီး နှင့် မယ်ဟောင်ဆောင်ခရိုင်၊ ပိုင်းမြို့နယ်အနီးက UWSA တပ်မဟာ ၇၇၈ လက်အောက်ခံ တပ်စခန်းများဖြစ်သည်ဟု သိရသည်။

မြန်မာဖက်ခြမ်းမှလည်း တာချီလိတ်မြို့အနီးမှ ဒွိုင်လန်နယ်မြေတွင် ထိုင်းဖက်မှ နယ်ခြားမှတ်တိုင် နှစ်နေရာ လာစိုက်ထူပြီး နယ်ခြားစောင့်တပ် ၂၉ ဦး လာရောက်တပ်စခန်းချထားမှု ဖယ်ရှား ပေးရေးနှင့် နှစ်နုိုင်ငံပိုင်ဆိုင်သည့် မယ်ဆိုင်ချောင်းအတွင် ထိုင်းဖက်ခြမ်းမှ ချောင်းကို ပိတ်ပင်ပြီး ရေစီးရေလာပြောင်းလဲအောင် လုပ်ဆောင်နေမှုတွေကို ရပ်တန့်ပေးဖို့ တောင်းဆိုခဲ့ကြသည်ဟု သိရသည်။

နှစ်နိုင်ငံ TBC အဖွဲ့ဝင်များ ဆွေးနွေးရာတွင် UWSA တပ်စခန်းရွှေ့ပြောင်းပေးရေးကိစ္စအား အထက်အဆင့်သို့ တင်ပြထားပြီး မကြာမှီပြေလည်သွားမည်ဖြစ်ကြောင်း မြန်မာဖက်ခြမ်းက တာဝန်ရှိသူများက တုန့်ပြန်ပြောဆိုခဲ့ပြီး နယ်ခြားမှတ်တိုင်ကိစ္စအား ၂၀၀၁ ခုနှစ် စက်တင်ဘာလက ချွန်ဘူရီ RBC အစည်းအဝေးတွင် နှစ်နုိုင်ငံသဘောတူညီမှု ရရှိခဲ့ပြီး ဖြစ်၍ ဖယ်ရှားပေးနိုင်မည်မဟုတ်ဟု ထိုင်းတာဝန်ရှိသူများက ပြောဆိုပြီး ပူးတွဲနယ်နမိတ်ကော်မတီ JBC အစည်းအဝေးများတွင် ဆက်ဆွေးနွေးသွားကြရန် ဆွေးနွေးခဲ့ကြသည်။

မယ်ဆိုင်မြို့တွင်ကျင်းပသည့် ထိုင်း မြန်မာ နယ်ခြားကော်မတီ TBC အစည်းအဝေးကို မြန်မာနိုင်ငံဖက်ခြမ်းမှ ဒု ဗုိုလ်မှူးကြီး အောင်မြင့်ဦး ခေါင်းဆောင်၍ အဖွဲ့ဝင် ၂၅ ဦးတက် ရောက်ခဲ့ပြီး ထိုင်းနုိုင်ငံက ဗုိုလ်မှူးကြီး Prapat found Suwan ခေါင်းဆောင်သည့် အဖွဲ့ဝင် ၄၇ ဦး တက်ရောက်ခဲ့ကြသည်။

သတင်းနှင့်မီဒီယာ ကွန်ယက်။
http://www.nmg-news.com/


Breaking News on 30May2016

ထိုင်းနိုင်ငံ ရဲတပ်ဖွဲ့  မှ ဖမ်းဝရမ်းထုတ်ထားပြီး ပထုံဌာနီခရိုင် ခလောင်လုံမြို့ နယ်မှာ သတင်းသုံးနေထိုင်နေတဲ့ ဆရာတော် ဓမ္မချယိုကို ၀င်ရောက် ဖမ်းဆီးစစ်ဘို့ တပ်နှင့်ရဲတပ်ဖွဲ့ စုစုပေါင်း၂၂၅၀ဦး အသုံးပြုမှာဖြစ်ပြီး ကျောင်းဝင်ထွက်ပေါက် တစ်ပေါက်ကို စစ်အင်အား နဲ့  ရဲများ ပိတ်ဆို့  ချထားနေရာမှာ ဓမ္မကိုင်း ဘုန်းကြီးကျောင်းရဲ့  ၀င်ထွက်ပေါက်အားလုံး ၁၅ပေါက်ကို ပိတ်ဆို့ ထားပြီး ဖြစ်ပါတယ်။


ဘုန်းကြီးကျောင်းဘက်ကလည်း ရဲနဲ့ စစ်တပ် အဖွဲ့က ဆရာတော်ကိုဝင်ရောက် ဖမ်းဆီးမှာကို တားဆီးတဲ့အနေနဲ့ အဆင်သင့်ပြင်ထားပြီး ရာနဲ့ ချီတဲ့ သံဃာတွေ နဲ့  ဆရာတော်ကို ကိုးကွယ်နေတဲ့ သူတွေက လူသားတံတိုင်းလုပ် ကာကွယ်နေကြပါတယ်။ နှစ်ဘက် တင်းမာနေတဲ့အချိန်မှာ ဆရာတော်ဟာ ကျောင်း တိုက် ကနေ တိတ်တဆိတ် ထွက်ပြေးသွားခဲ့ကြောင်း ဆိုရှယ် အွန်လိုင်းတွေမှာ သတင်းအဖြစ် ရေးသားနေကြပြီး မြန်မာ နယ်စပ်ကနေ တဆင့် အမေရိကန်နိုင်ငံကို ထွက်ပြေးမှာဖြစ်တယ်လို့ သတင်းတွေမှာရေး သားနေပါတယ်။

အာဏာပိုင်တွေကတော့ ယခုသတင်းနဲ့ ပါတ်သက်ပြီး အတည်မပြုသေးဘဲ နယ်စပ်ကိုပြေးမယ်ဆိုလည်း စစ်ဆေးရေး ဂိတ်တွေကို အ၀င်အထွက် ဂရုစိုက် စစ်ဆေးဘို့  ညွှန်ကြားထားပြီး ဖြစ်ကြောင်းသိရပါတယ်။

Credit Daily news
Social Action for Women - SAW
https://www.facebook.com/Social-Action-for-Women-SAW

ဥပဒေရေးရာ နဲ့ အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင် အဖွဲ့ဝင် ဦးသိန်းလွင်ကို မေလ ၃၀ ရက်နေ့က တွေ့ရစဉ်။ Photo: Win Ko Ko Latt/ RFA
မြန်မာနိုင်ငံ ကျောက်မျက်လုပ်ငန်းရှင်များ အသင်းရံပုံငွေထဲက စာရင်းပျောက်နေတဲ့ ယူရိုငွေ ၈၆ သန်း ကိစ္စ တိုင်ကြားစာနဲ့ပတ်သက်ပြီး အရင်အစိုးရထဲက လူကြီးတွေ ပါဝင်ပတ်သက်နေတဲ့အတွက် ၀န်ကြီးဌာနထက် မြင့်တဲ့အဖွဲ့အစည်းတစ်ခုဖွဲ့ပြီး စိစစ်ဖို့ ဆုံးဖြတ်ထားကြောင်း ဥပဒေရေးရာနဲ့ အထူးကိစ္စရပ် များ လေ့လာဆန်းစစ်သုံးသပ်ရေး ကော်မရှင် အဖွဲ့ဝင် ဦးသိန်းလွင် က ပြောပါတယ်။

ဒီနေ့ နေပြည်တော် သင်္ဂဟဟိုတယ်မှာ ကျင်းပတဲ့ ကြံ့ခိုင်ဖွံ့ဖြိုးရေးပါတီ ဗဟိုအလုပ်အမှုဆောင် ဟောင်း ၁၂ ဦးရဲ့သတင်းစာရှင်းလင်းပွဲ မှာ ကော်မရှင်ထံ ကျောက်မျက်လုပ်ငန်းရှင်တွေက ပေးပို့ထား တဲ့ တိုင်ကြားစာနဲ့ ပတ်သက်ပြီး ကော်မရှင်ရဲ့ ဆောင်ရွက်ချက်တွေကို သတင်းထောက်တစ်ဦး က မေးမြန်းရာမှာ ဦးသိန်းလွင်က ပြောခဲ့တာဖြစ်ပါတယ်။

ကျောက်မျက်အသင်း စတင်တည်ထောင်စဉ် ၂၀၀၉ ခုနှစ်ကစပြီး ၂၀၁၆ ခုနှစ်အထိ တစ်ရာခိုင်နှုန်း အခွန် ကောက်ခံရရှိငွေ ယူရိုငွေ ၈၇ သန်း ရှိကြောင်း အခုအခါမှာ ၇ သန်းသာကျန်ရှိတော့ကြောင်း တိုင်ကြားစာမှာ ပါရှိတာဖြစ်ပါတယ်။ ၂၀၁၄ ခုနှစ်ကနေ ၂၀၁၆ ခုနှစ်အတွင်း မြန်မာနိုင်ငံ ကျောက်မျက်လုပ်ငန်း ရှင်များ အသင်းချုပ် ဥက္ကဌ ဦးရုံးမူ လက်ထက်မှာ ငွေကြေးမသမာမှုတွေ ရှိခဲ့တယ်ဆိုပြီး ကျောက်မျက်ရတနာလုပ်ငန်းရှင်တွေက ဥပဒေရေးရာနဲ့ အထူးကိစ္စရပ် များ လေ့လာဆန်းစစ်သုံးသပ်ရေး ကော်မရှင်ထံ တိုင်ကြားစာ ပေးပို့ခဲ့တာဖြစ်ပါတယ်။

အဲဒီတိုင်ကြားစာထဲမှာ အနုပညာဦးစီးဌာနအတွက် အရင်သမ္မတဟောင်း ဦးသိန်းစိန်က ယူရိုငွေ ၇ သန်း ထုတ်ပေးတာ၊ သမ္မတရုံးဝန်ကြီးဟောင်း ဦးစိုးသိန်းကို ယူရိုငွေ ၅ သန်းပေးတာတွေလည်း ပါဝင်ပါတယ်။

တိုင်ကြားသူတွေက ပြည်သူ့လွှတ်တော်နဲ့ အမျိုးသားလွှတ်တော်က ကိုယ်စားလှယ်တွေ၊ စာရင်းစစ်အရာရှိ၊ ဆောက်လုပ်ရေး ဌာနက အင်ဂျင်နီယာ၊ သတ္တုတွင်းဌာန ကိုယ်စားလှယ်၊ ကျောက်မျက်အသင်းရဲ့ ကိုယ်စားလှယ်နဲ့ ဥပဒေပညာရှင် စတဲ့ ၇ ဦးပါတဲ့ ခုံရုံးဖွဲ့ပေးဖို့ သတ္တုတွင်း ဝန်ကြီးကို အကြုံပြုထားပါတယ်။

RFA Burmese
http://www.rfa.org/burmese/


ဒီပဲယင်း အကြမ်းဖက်မှု ၁၃နှစ်ပြည့်အခမ်းအနားကို ဒီပဲယင်းမြို့နယ် ကြည်ရွာတွင် မေ ၂၀ ရက်နေ့က ခမ်းနားစွာကျင်းပခဲ့ပြီး ယင်းအခမ်းအနားသို့ အမျိုးသား ဒီမိုကရေစီ အဖွဲ့ချုပ်(ဗဟို) မှ မုံရွာအောင်ရှင်၊ ဦးဘာဘာ အပါအဝင် လူ ၁၀၀၀ ခန့်တက်ရောက်ကြောင်း သိရသည်။


"၂၀၀၇ခုနှစ်က ဒေါ်အောင်ဆန်စုကြည်ရဲ့ ခရီစဉ်လမ်းကြောင်းကို ဒီပဲယင်းမြို့နယ် ကြည်ရွာအဝင်လမ်းနေရာ ဒီပဲယင်းလမ်းမကြီးပေါ်မှာ မသာမာသူလူတစုက သတ်ကွင်းဆင်ကာ ညအချိန်မီးမောင်းများထိုးပြီး
ခရီးစဉ်နောက်လိုက်ပါလာသူမတွေကို အကြမ်းဖက် ဝင်ရောက်သတ်ဖြတ်ခဲ့ကြတယ်။ အဲဒီဖြစ်စဉ်မှာ အသက်ပေးသွားသူတွေကို နှစ်စဉ် မေ ၃၀ ရောက်တိုင်း ကြည်ရွာ ရွာဦးကျောင်းတိုက်မှာ နှစ်စဉ် ဆွမ်းကပ်လှူပြီး အမျှပေးဝေမှုတွေလုပ်ခဲ့တာ ဒီနစ်ဆိုရင် ၁၃ နှစ်ပြည်သွားပါပြီ။ ဒါကြောင့် ကျွန်တော်တို့ အမျိုးသား ဒီမိုကရေစီ အဖွဲ့ချုပ်လူငယ်များက အောက်မေ့ဖွယ် အခမ်းနားကို တက်ရောက်ခဲ့တာ”ဟု ရေဦးမြို့ NLD လူငယ်တာဝန်ခံ ကိုသန်းမြတ်ထွန်းက ပြောသည်။


ဒီပဲယင်းအောက်မေ့ဖွယ်အခမ်းအနားကို တန့်ဆည်၊ ရေဦး၊ ခင်ဦး၊ ဒီပဲယင်း၊ ရွှေဘို၊ မုံရွာမြို့မှ အဖွဲ့ချုပ်အဖွဲ့ဝင်များနှင့် မြန်မာနိုင်ငံအတွင်းက ဒီပဲယင်းအကြမ်းဖက်မှုတွင် မသေဆုံးဘဲကျန်ရှိသူများ တက်ရောက်ကာ အမျိုးသားဒီမိုကရေစီအဖွဲ့ချုပ် ဗဟိုက ပေးပို့သောသဝဏ်လွှာများ ဖတ်ကြားခြင်းနှင့် လွမ်းသူပန်းခွေချခြင်းများ ပြုလုပ်ခဲ့ကြသည်။

စိုင်းထူးခန့်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal