06/02/16


စလင်း ဇွန် ၁

မကွေးတိုင်းဒေသကြီး စလင်းမြို့နယ်အတွင်း စလင်းမှချောက်သို့ သွားရောက်သည့် ကားလမ်း ၁၅ မိုင်အကွာနှင့် ကန်တော်ရွာ၏ အရှေ့ဘက် တစ်မိုင်ခွဲအကွာရှိ ရဒေးရွာတွင် မိုးရွာသွန်းမှုကြောင့် ရေများဝင်ရောက်လျက်ရှိကြောင်း သိရသည်။

ရဒေးရွာသည် ကန်တော်ချောင်း၏ ရေဦးတိုက်တွင် တည်ရှိပြီး ကန်တော်ချောင်းမှာ ချောင်းခြောက်ဖြစ်သော်လည်း ချောင်းဖျားဘက်မိုးကြီးလျှင် ရေကျလေ့ရှိသည်။ ရေကျလျှင် ရွာတွင်းသို့ချောင်းရေများဝင်လေ့ရှိသည်။ မေ ၂၀ ရက် မိုးတွင် ချောင်းရေကျသဖြင့် ရွာ၌ရေဝင်ကာ လမ်းများပျက်စီးခဲ့သည်။

ဇွန် ၁ ရက် နံနက် ၇ နာရီတွင် ကန်တော်ချောင်းရေကျသဖြင့် ရွာအတွင်း ရေများ ထပ်မံဝင်ကာ သီးနှံစိုက်ပျိုးပင်အချို့ ရေနစ် ပျက်စီးခဲ့သည်။ ရွာအတွင်း ရေဝင်သည့်အတွက် သွားရေးလာရေး ခက်ခဲလျက်ရှိသည်။ ရဒေးရွာသည် အိမ်ခြေ ၂၉၈ အိမ်၊ လူဦးရေ ၁၂၁၂ ဦးရှိပြီး တွဲဖက်အလယ်တန်းကျောင်းရှိ၍ ကျောင်းသားကျောင်းသူ ၂၂၂ ဦး ပညာသင်ကြားလျက်ရှိသည်။

ဤသို့ ကန်တော်ချောင်းမှာ မိုးကြီးတိုင်းရေကျတတ်သဖြင့် ယခုနှစ် မိုးရာသီတွင် ချောင်းရေကြီးပြီး ရွာတွင်းရေဝင်နစ်မြုပ်မည်ကို ဒေသခံများက စိုးရိမ်မှုရှိနေကြောင်း မြို့နှင့်ရွာဆက်သွယ်ရေးလမ်းများ ပျက်စီးလျက်ရှိကြောင်း သိရသည်။

စစ်ကြည် (စလင်း)
MOI Webportal Myanmar
https://www.facebook.com/MOIWebportalMyanmar

ဓါတ်ပုံ - ဘုရားကလေးကျေးရွာ သတင်းစဉ် (Facebook)
ပဲခူးတိုင်းဒေသကြီး၊ ဘုရားကလေးကျေးရွာ၌ ၂၀၁၆ ခုနှစ် မိုးရာသီ စိုက်ပျိုးစရိတ် ချေးငွေ ထုတ်ယူရာတွင် ကျေးရွာအုပ်ချုပ်ရေးမှူးနှင့် အဖွဲ့မှ လယ်သမားတစ်ဦးလျှင် နှစ်ထောင်ကျပ်နှုန်း ကောက်ခံခဲ့သဖြင့် လယ်သမား ၁၃၈ ဦးက ပဲခူးတိုင်းဒေသကြီး ဝန်ကြီးချုပ်ထံ တိုင်ကြားခဲ့ကြောင်း သိရှိရသည်။

“မိုးစပါးစိုက် ဘဏ်ချေးငွေ ရရှိဖို့အတွက် ရုံးကိုသွားတော့ လယ်သမားတွေဆီက (ပုံစံ-၇) တောင်းတယ်။ ပြီးတော့ စာရွက်စာတမ်းကြေးနဲ့ လမ်းစရိတ်အတွက်ဆိုပြီး ငွေနှစ်ထောင် တောင်းတယ်။ ဒီလို တရားမဝင်ငွေကြေး ကောက်ခံတဲ့အတွက် တိုင်ကြားရခြင်း ဖြစ်တယ်” ဟု ဘုရားကလေးကျေးရွာမှ တောင်သူဦးစိန်လှမောင်က ပြောသည်။

ပဲခူးမြို့နယ်၊ ဘုရားကလေး ကျေးရွာ၌ ၂၀၁၆ မိုးရာသီ စိုက်ပျိုးစရိတ် ထုတ်ယူရန်အတွက် စာရင်းဇယားပြုလုပ်ရာတွင် ကျေးရွာအုပ်ချုပ်ရေးမှူးနှင့် ချေးငွေစိစစ်ရေးအဖွဲ့တို့က စာရွက်စာတမ်းကြေး၊ လမ်းစရိတ်ဟုဆိုကာ လယ်သမားတစ်ဦးလျှင် နှစ်ထောင်ကျပ်နှုန်းဖြင့် ကောက်ခံခဲ့ခြင်းကြောင့် မေ ၃၁ ရက်တွင် တိုင်ကြားခဲ့ခြင်းဖြစ်သည်။

“မြန်မာ့လယ်ယာဖွံ့ဖြိုးရေးဘဏ် ချေးငွေဆောင်ရွက်ဖို့ဆိုပြီး ငွေကောက်ခံတာပါ။ လက်ခံတဲ့သူရှိသလို လက်မခံတဲ့သူကလည်း တိုင်ကြားကြတာပါ။ အခုတော့ ကောက်ခံတဲ့ငွေတွေကို လယ်သမားအားလုံးကို ပြန်ပေးလိုက်ပါပြီ” ဟု ဘုရားကလေး ကျေးရွာအုပ်ချုပ်ရေးမှူး ဦးလှကိုက ပြောသည်။

ပဲခူးမြို့နယ်၊ ဘုရားကလေးကျေးရွာတွင် ၂၀၁၆ ခုနှစ် မိုးစပါးစိုက်ပျိုးရန်အတွက် စိုက်ပျိုးစရိတ် ချေးငွေယူမည့် အမည်စာရင်းကို ပြုစုလျှက်ရှိပြီး လယ်သမားများထံမှ ငွေကြေးကောက်ခံခြင်း မပြုလုပ်ရန် မြန်မာ့လယ်ယာ ဖွံ့ဖြိုးရေးဘဏ်က မေ ၂၅ ရက်တွင် ရပ်ကွက်၊ ကျေးရွာများသို့ အကြောင်းကြားစာ ပေးပို့ထားကြောင်း သိရသည်။

ပဲခူးမြို့နယ်၊ ဘုရားကလေးကျေးရွာသည် ၂၀၁၅ ခုနှစ်အတွင်းက လယ်သမား ၂၈၆ ဦးမှ လယ် ၂၀၁၇ ဧကကို မိုးစပါးသီးနှံအတွက် တစ်ဧကလျှင် တစ်သိန်းကျပ်နှုန်းဖြင့် ချေးငွေရရှိခဲ့ကြောင်း သိရသည်။

MMK
The Ladies News
https://www.facebook.com/News.TheLadies


 Photo-၂၀၁၆ ခုနှစ်၊ မေလ ၃၀ ရက်နေ့၊ နံနက်(၉ )နာရီအချိန်တွင် ကော်မရှင်အဆောက်အဦ၌ ပြုလုပ်သော ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်အစည်းအဝေး

ပျောက်ဆုံးနေတဲ့ ကျောက်မျက်လုပ်ငန်းရှင်များအသင်း ရန်ပုံငွေ ယူရို ၈၆ သန်းကိစ္စနဲ့ ပတ်သက်လို့ ဖြေရှင်းပေး ဖို့ တောင်းဆိုထားတဲ့ အသင်းရဲ့အမှုဆောင်တွေကရော၊ ဒီကိစ္စမှာသက်ဆိုင်ခဲ့တဲ့ သတ္တုတွင်းဝန်ကြီးဟောင်း ဘက်ကပါ မနက်ဖြန် ကြာသပေးနေ့မှာ စင်ပြိုင် သတင်းစာရှင်းလင်းပွဲတွေ ပြုလုပ်ကြမယ်လို့ သိရပါတယ်။

ဦးသိန်းစိန် အစိုးရလက်ထက်မှာ သတ္တုတွင်းဝန်ကြီးအဖြစ် တာဝန်ယူခဲ့တဲ့ ပြည်ထောင်စုဝန်ကြီးဟောင်း ဒေါက် တာမြင့်အောင် က နေပြည်တော် ကျောက်မျက်ရတနာ သင်တန်းကျောင်းမှာ မနက်ဖြန် မနက် ၉ နာရီခွဲ သတင်းစာရှင်းလင်းပွဲ ပြုလုပ်မယ့်အကြောင်း ကျောက်မျက်လုပ်ငန်းရှင်အသင်းရဲ့ အုပ်ချုပ်ရေးမှူး ဦးခင်မောင်စန်း က ပြောပါတယ်။

"သတ္တုတွင်းဝန်ကြီးဌာနရဲ့ ယခင်ဝန်ကြီးဟောင်း ဒေါက်တာမြင့်အောင် ကနေပြီးတော့ သူတာဝန်ယူစဉ်ကာလ အတွင်းမှာ ဆောင်ရွက်ခဲ့တဲ့ ၁ ရာခိုင်နှုန်း ပြပွဲဗဟိုကော်မတီရန်ပုံငွေ သုံးစွဲတဲ့စာရင်းကို သူတာဝန်ယူပြီးတော့ ရှင်းလင်းတင်ပြမယ့်သဘောပါ၊ သူသတ္တုတွင်းဝန်ကြီး ထမ်းဆောင်တဲ့ ငါးနှစ်ကာလအတွင်းပေ့ါဗျာ"

ပျောက်ဆုံးနေတဲ့ ရန်ပုံငွေစာရင်း ရှင်းတမ်းထုတ်ပေးဖို့ ဥပဒေရေးရာနဲ့ အထူးကိစ္စရပ်များစုံစမ်း စစ်ဆေးရေးကော် မရှင်ကို တိုင်ကြားထားတဲ့ ကျောက်မျက်လုပ်ငန်းရှင်များအသင်းရဲ့ အမှုဆောင်တွေကလည်း ရန်ကုန်မြို့ တော်ဝင်နှင်း ဆီ စားသောက်ဆိုင်မှာ မနက်ဖြန် နေ့လည် ၂ နာရီကနေ ၄ နာရီထိ သတင်းစာရှင်းလင်း ပွဲပြုလုပ်ဖို့ စီစဉ်ထားကြောင်း အသင်းရဲ့ အတွင်းရေးမှူး ဦးကျော်ကျော်ဦး က ပြောပါတယ်။
RFA


Breaking news on 2June 2016

အစ္စလာမ်မစ် နိုင်ငံတော်သစ်အဖွဲ့ ရဲ့  ခေါင်းဖြတ်သမား ခေါင်းဆောင် ဘူဒိုဇာဟာ ဆီးရီးယားနိုင်ငံက လူထုအကြားမှာ အာဏာပကွက်သား မကောင်းဆိုးဝါးကြီး လို့  နံမည်ကြီးနေ ခဲ့တာပါ။

ကမ္ဘာ့သတင်း စာမျက်နှာတွေမှာ နံမည်ကြီးနေသူ ဆီးရီးယားပြည်သူတွေကို လမ်းပေါ်မှာ ခေါင်းဖြတ်ပြနေ ခဲ့တဲ့ ဘူဒိုဇာကို ယခုရက်ပိုင်းအတွင်းမှာ ဆီးရီးယား တပ်ဖွဲ့ ဝင်တွေက ၀ိုင်းဖမ်းနိုင်ခဲ့ပါတယ်။


ဘူဒိုဇာကို ကိုယ်တုံးလုံးနဲ့  လက်နှက်ဖက်ကို နောက်ပြန်ချုပ်ထားပြီး ကားတစီးပေါ် မှာ တရိစ္ဆာန် တကောင် လို တင်ထားတာတွေ့ ရပါတယ်။

အခုလို သူ့ ကို ဖမ်းနိုင်ခဲ့တာဟာ ISIS တွေ ရဲ့  တပ်ပျက်နေတဲ့ အခြေအနေမှာ အဖွဲ့ ဝင်တွေ ဟာ နယ်စပ်တွေ ကို ထွက်ပြေး နေကြပြီဆိုတာ သိနိုင်ပါတယ်။

ever4online.co
Social Action for Women - SAW


မုံရွာ၊ဇွန်၊၁

မုံရွာမြို့ပေါ်တွင် ယာဉ်ထိန်းတပ်ဖွဲ့မှ လိုင်စင်မဲ့ယာဉ် များ အရှိန်မြှင့် စစ်ဆေး ဖမ်းဆီးလျှက်ရှိရာ ယနေ့(ဇွန်လ၁)ရက်ညပိုင်းက ဘူတာလမ်း မြန်မာ့ရှေ့ဆောင်ဘဏ်အနီးတွင် မတ်တူးအဖြူရောင်ကားတစ်စီးအား စစ်ဆေးရာ မောင်းနှင်သူမှာ တပ်မတော်သား တစ်ဦးဖြစ်နေကြောင်း ဖမ်းဆီးရေးအဖွဲ့တွင် ပါဝင်ခဲ့သည့် ယာဉ်ထိန်းရဲတပ်ဖွဲ့ဝင် တစ်ဦးက ပြောကြားသည်။


ဖမ်းဆီးရမိချိန်တွင် အရပ်ဝတ်အဝတ်အစားဖြင့် ဖမ်းမိခဲ့ခြင်းဖြစ်ပြီး မုံရွာမြို့မရဲစခန်းသို့ ခေါ်ယူစစ်ဆေးချိန် တွင် အရာတော်မြို့ လေ့ကျင့်ရေးတပ်မှ တပ်ကြပ်ကြီး တစ်ဦး ဖြစ်ကြောင်း သိရသည်ဟု ရဲတပ်ဖွဲ့စစ်ဆေးချက်အရ သတင်းရရှိသည်။

"ရဲတပ်ဖွဲ့ကတော့ လိုင်စင်မဲ့ကား လက်ဝယ်ထားရှိမှုနဲ့ အမှုဖွင့်ထားပါတယ်၊  တပ်ကြပ်ကိုတော့ ညတွင်းချင်းပဲ တပ်မတော်တပ်ထိန်းကိုအပ် လိုက်ပါတယ်"ဟု ရဲတပ်ဖွဲ့ဝင်တစ်ဦးကဆိုသည်။

စစ်ကိုင်းတိုင်းအတွင်းတွင် ယခုနောက်ဆုံးဖမ်းဆီးရမိသော လိုင်စင်မဲ့ကား အပါအဝင်၁၂စီး ဖမ်းဆီးရမိထားပြီး ၁၀စီးမှာ မုံရွာမြို့ပေါ်တွင် ဖမ်းမိခဲ့ကာ စစ်ကိုင်းနှင့် ကသာတွင် တစ်စီးဆီ ဖမ်းမိခဲ့ခြင်း ဖြစ်သည်ဟု ယာဉ်ထိန်းတပ်ဖွဲ့ စာရင်းများအရ သိရသည်။

Monywa Gazette
https://www.facebook.com/chindwingazet/

သမ္မတဟောင်း ဦးသိန်းစိန်လက်ထက်က သမ္မတ လယ်တော ရိပ်သာလို့ လူသိများတဲ့ လယ်တောမှာ အခုဆို ကော်ဖီဆိုင် ဖွင့်လှစ်ရောင်း ချနေပါ တယ်။

ဆိုင်က တာဝန်ရှိသူတစ်ဦးကတော့ သူတို့ ငှားပြီးဖွင့်တာလို့ ပြော ပါတယ်။ ဘယ်သူဆီက ငှားတယ် ဆိုတာကို တော့ မပြောပါဘူး။

BBC Burmese
https://www.facebook.com/bbcburmese/










Breaking news on 1June2016

ဗင်နီဇွဲလားနိုင်ငံမှာ ဈေး-ကုန်တိုက် နဲ့ စူပါမားကက် ပေါင်း ၅၀၀၀ ကျော်ကို လူအုပ်စုတွေက ၀င်လုနေကြကြောင်း သိရပါတယ်။

စီးပွားကျဆင်းရာကနေ ငွေကြေးဖေါင်းပွမှု နဲ့  အစားအစာပြတ်လပ်မှုဘေးကို ရင်ဆိုင်နေရတဲ့ ဗင်နီဇွဲလား ပြည်သူတွေဟာ မြင်ရာ အစားအသောက်တွေကို ၀င်လု ယူကြတဲ့ အထိ တိုင်းပြည်ဟာ အခြေအနေ ဆိုးနေပြီဖြစ်ပါတယ်။


နေရာတိုင်းမှာ ဆိုင်းခန်းတွေကို လူအုပ်တွေက ၀င်ဖေါက် ပြီး အလုအရက်ယူ နေကြတာကို စစ်တပ်လည်း ထိမ်းမနိုင်ဖြစ်နေပါပြီ။

လူထုက ငတ်ပြတ်လာကြတဲ့အချိန်မှာ ရှင်သန်ဘို့  အရေး ဘာကိုမှကရု မစိုက်ကြတော့ ဘဲ တနိုင်ငံလုံး အထိမ်းအကွက်မရှိ ဖြစ်နေကြောင်း ဗင်နီဇွဲလားနိုင်ငံTwitter စာမျက်နှာတွေမှာ ရေးသားဖေါ်ပြနေကြ ပါတယ်။

Food Crisis in Venezuela
Social Action for Women - SAW

 သေနတ်သမားဟာ ကျောင်း ပရိဝုဏ်ထဲမှာပဲ လွတ်မြောက်နေဆဲ ဖြစ်တယ်လို့ ယူဆ ရပါတယ်။
အမေရိကန် ပြည်ထောင်စု လော့စ်အိန်ဂျယ်လိစ် မြို့က ကာလီဖိုးနီးယား တက္ကသိုလ် UCLA ကျောင်းဝင်းထဲ ဖြစ်ပေါ်ခဲ့တဲ့ သေနတ်ပစ်ခတ်မှု အတွင်းလူ နှစ်ယောက် သေဆုံးခဲ့ပါတယ်။

ပစ်ခတ်မှု ဖြစ်ပေါ်ခဲ့ရာ UCLA ရဲ့ အင်ဂျင်နီယာ ဘာသာရပ်သင် ဌာနထဲကို ရဲတပ်ဖွဲ့ဝင်တွေ စီးနင်း ဝင်ရောက် သွားခဲ့ကြပြီး အခုအခါ မှာတော့ အခြေအနေ အားလုံးကို ထိန်းချုပ် နိုင်လိုက်ပြီ ဖြစ်တဲ့ အတွက် ဘယ်လို အန္တရာယ်မှ ဆက်လက် ရှိမနေတော့ဘူး လို့ လော့စ်အိန်ဂျယ်လိစ် ရဲတပ်ဖွဲ့က ပြောပါတယ်။

သေနတ်သမားဟာ လူတစ်ယောက်ကို ပစ်သတ်ပြီး ကိုယ့်ကိုယ်ကိုယ် သတ်သေသွားတာ ဖြစ်တယ်လို့ ရဲတပ်ဖွဲ့က ပြောပါတယ်။

အစောပိုင်းတုန်းကတော့ ကျောင်းဝင်းထဲ သေနတ်သမား လွတ်မြောက် နေတယ်ဆိုတဲ့ ယူဆချက်နဲ့ ကျောင်းဝင်း တစ်ခုလုံးကို ပိတ်ပြီး အကြီးအကျယ် ရှာဖွေတာတွေ ပြုလုပ် ခဲ့ကြပါတယ်။

UCLA မှာ ကျောင်းတက်နေသူ ၄ သောင်း ၃ ထောင် ရှိပြီး ကျောင်းဝင်းကြီးဟာ ကြီးမား ကျယ်ပြန့် လှပါတယ်။

BBC Burmese
http://www.bbc.com/burmese

“ရွေးကောက်ပွဲတုန်းက ဒေါ်အောင်ဆန်းစုကြည် ပြောတဲ့စကားတစ်လုံးကို မှတ်မိလား”

“ဘာကို ပြောတာလဲ ကိုဘသစ်”

“လူကိုမကြည့်ပါနဲ့ ပါတီကိုကြည့်ပါဆိုတာ”

“သြော်၊ မှတ်မိပါတယ်။ လူက မဲနိုင်အောင် စည်းရုံးပြောဆိုတာ မဟုတ်လား”

“ဟုတ်ပါတယ်။ ကျွန်တော်တို့ နိုင်ငံဟာ ဒီမိုကရေစီ အလေ့အကျင့် အတော်လည်းမရှိကြဘူး။ ၁၉၄၈ ခုနှစ်က လွတ်လပ်ရေးရတော့ ခဏလေး ဒီမိုကရေစီလမ်းကို လျှောက်ခဲ့ရတယ်။ နောက် ၁၀ နှစ်အကြာ ၁၉၅၈ ခုနှစ်မှာ ဦးနေ၀င်းက အိမ်စောင့်အစိုးရဆိုပြီး အာဏာရယူတယ်။ ရွေးကောက်ပွဲ လုပ်ပေးပေမယ့် ၁၉၆၂ ခုနှစ်မှာ အာဏာပြန်သိမ်းတယ်။ ဒီစစ်အုပ်ချုပ်ရေး ပုံစံဟာ အသွင်အမျိုးမျိုး ပြောင်းလာကာ အနှစ် ၅၀ ကျော် ကြာသွားတယ်။ အဲဒီတော့ လူတွေဟာ နိုင်ငံရေး၊ အသိအမြင် မကျယ်ကြဘူး။ ခေါင်းဆောင်လုပ်ကာ အုပ်ချုပ်မယ့်လူတွေဟာလည်း ဒီမိုကရေစီ အလေ့အကျင့် မရှိကြဘူး”

“ဒီမိုကရေစီဆိုတာ ပြည်သူတွေက အုပ်ချုပ်တာပဲ မဟုတ်လား”

“ဟုတ်ပါတယ်။ ပြည်သူတွေကိုယ်စားပြု ကိုယ်စားလှယ်တွေက အုပ်ချုပ်ရပါတယ်။ ဒီလိုအုပ်ချုပ်ဖို့ လူတွေကို ခင်ဗျားတို့က ဘယ်လိုပုံစံရမှဖြစ်မယ်ဆိုပြီး လုပ်လို့မရနိုင်ဘူး”

“ဘာဖြစ်လို့လဲ”

“ကျွန်တော်တို့ဟာ လူတွေအဓိက လိုချင်တဲ့ပုံစံတွေရှိတဲ့ ကိုယ်စားလှယ်လောင်းတွေကို ပါတီကရွေးဖို့ဆိုတာ မဖြစ်နိုင်ဘူး။ ဖြစ်ရင်တောင် အပြည့်အ၀တော့ မရဘူး။ ဒါကြောင့် ဒေါ်အောင်ဆန်းစုကြည်က လူကိုမကြည့်ပါနဲ့ ပါတီကိုကြည့် မဲထည့်ပါ ပြောတာပေါ့”

“အင်း၊ ဒီစကားဟာ အတော်လေး တာသွားပါတယ်။ ကျွန်တော်မေးကြည့်တဲ့ လူတွေ အတော်များများဟာ သူတို့ခွပ်ဒေါင်းကိုပဲ မဲထည့်လိုက်တာတဲံ။ လူနာမည်တောင် မဖတ်လိုက်ဘူးတဲ့”

“ဒါက ခေါင်းဆောင်တစ်ယောက်ရဲ့ ဖြတ်ထိုးဥာဏ်ပါပဲ”

*** *** ***

ကိုဘသစ်စကားကို ကျွန်တော် စဉ်းစား လက်ခံပါသည်။ သို့သော် အချို့ အတိုက်အခံလုပ်သူများက လူကိုမကြည့်ဘဲ မဲပေးတာကို လက်မခံလိုကြပါ။

“အမှန်တော့ NLD ပါတီကလည်း အကောင်းဆုံးလူတွေကို ရွေးတာပါ။ ဒီလူတွေကို အများက မသိကြတာတွေ အများကြီးပဲ။ အဓိကက စစ်အစိုးရရဲ့ လက်တံက အတော်လေး ရှည်တယ်။ ထင်ထင်ရှားရှား ဘာကိုမှ မလုပ်ရဲကြဘူး။ ဒီတော့ လူမသိ သူမသိ လူတွေကို ပြည်သူတွေ ရွေးကြရမှာ ဖြစ်တယ်။ ဒီအတွက် ပါတီကို ယုံကြည်ဖို့ပြောတာပါပဲ”

“အချို့က ပြောတယ်။ ဒါဟာ အာဏာရအောင် ကြံစည်တာပဲ။ မြန်မာ့သမိုင်းအစက ကံရာဇာကြီးနဲ့ ကံရာဇာငယ်တို့ နှစ်ယောက် ပြိုင်ကြတာကို သတိရတယ်”

“မဏ္ဍပ်တစ်ဆောင်စီ ဆောက်ခိုင်းတာလား။ ကံရာဇာငယ်က သစ်ငယ်၊ ၀ါးငယ်တွေနဲ့ ဆောက်လို့ အရင်ပြီးတာနဲ့ မင်းဖြစ်လာတာကို ပြောချင်တာလား”

“ဟုတ်ပါတယ်။ ဒါက မသင့်တော်တာကို ပြောတာပဲပေါ့”

“ဒီလိုရှိတယ် ဆရာညို။ ကျွန်တော်တို့ဟာ မျက်စိပိတ်၊ နားပိတ်နဲ့ အမှောင်ထဲမှာ အနှစ် ၅၀ ကျော် နေခဲ့ရတယ်။ ဒီအတွက် ကျွန်တော်တို့ဟာ အခွင့်အရေးရတဲ့အခါ ရုန်းကြရတာပဲ”

“ဆီးဘန်နီဆရာတော် ပြောသလို ခွင့်သာတုန်းခိုက် မရုန်းလိုက်ရင် အရှုံးနင့်ပြင် ရှိသေးရော့လား” ဆိုသလိုပေါ့ ဟုတ်လား”

“ဟုတ်ပ။ ခွင့်သာတုန်းခိုက်၊ မရုန်းလိုက်ရင် အမိုက်နင့်ပြင် ရှိသေးရဲ့လား ဆိုတဲ့စကားလည်း ရှိသေးတယ်။ တကယ်တော့ NLD ဟာ သောင်ပြိုကမ်းပြို နိုင်ဖို့ အရေးကြီးတယ်။ ဒီလိုနိုင်မှပဲ အစိုးရဖွဲ့လို့ရတယ်”

*** *** ***

“အင်း၊ ခုထက်ထိတော့ ဒီမိုကရေစီ ၇၅ ရာခိုင်နှုန်း ရတယ်လို့ပဲ ဆိုရမှာပေါ့။ ပြည်သူတွေက အပြည့်အ၀လိုချင်ကြတယ်”

“ဒီလို လိုချင်တာက သဘာဝကျပါတယ်။ စစ်တပ်ကလည်း တဖြည်းဖြည်း အလျှော့ပေးကာ ရာနှုန်းပြည့် ဒီမိုကရေစီရအောင် နောက်ဆုတ်မယ်လို့ ဆိုပါတယ်”

“ဒါဆိုလည်း ကောင်းတာပေါ့ဗျာ။ ကျွန်တော်တို့ ပြည်သူတွေကလည်း ဒီမိုကရေစီမှာ အခက်အခဲ အများကြီးရှိတာကို သဘောပေါက်ဖို့လိုတယ်”

“ဟုတ်ပါတယ်။ စစ်သွေး၊ စစ်သံ တစ်မိန့်နဲ့ဆိုရင် လုပ်ရတာလွယ်တာပေါ့။ ဒါပေမဲ့ မှန်ကန်တဲ့ ရလဒ် ရချင်မှရမယ်။ ဒီမိုကရေစီမှာတော့ အများဆန္ဒပါလာတယ်။ တစ်ယောက် တစ်ပေါက်နဲ့ တော်ရုံနဲ့ ခရီးဆက်လို့ မရတာတွေ ရှိတယ်။ စိတ်ရှည် သည်းခံရတာတွေ ရှိပါတယ်။ တစ်ချိန်က ဒီလိုပဲ ဒီမိုကရေစီဟာ လမ်းခုလပ်မှာ ဖျက်ဆီးခံလိုက်ရတယ် မဟုတ်လား”

“ကျွန်တော်တို့က မကြုံဖူး၊ မကြားဖူးကြဘူးလေ။ ဒါကြောင့်လည်း အခက်အခဲ ဖြစ်တာပေါ့။ အဲဒီ ခေတ်က စစ်တပ်အာဏာသိမ်းတာကို ထောက်ခံသူတွေ အများကြီးရှိခဲ့တယ်”

“လူတို့က ရလဒ်ကောင်းတွေကို သိမှမသိဘဲကိုး”

“ဆရာညိုပြောလို့ ခုမှ ပုံပြင်လေးတစ်ခုကို သတိရတယ်။ ဟာသပုံပြင်လေးပါ။ ကျွန်တော် ပြောပြပါမယ်”

*** *** ***

အီဗန်နော့ဟာ သူနဲ့အတူ ညစာစားဖို့ သူငယ်ချင်းဖြစ်သူ ပီထရော့ကို အိမ်ကိုခေါ်လာတယ်။ အိမ်ထဲဝင်ဝင်ချင်း အီဗန်နော့ဟာ သူ့မိန်းမကို “မင်း ဒီနေ့ အရမ်းလှတာပဲ” လို့ ပြောပြီး အကြင်နာပေးလိုက်တယ်တဲ့။ ပြီးတော့ သူတို့နှစ်ယောက်ဟာ အီဗန်နော့ ဇနီးပြင်ပေးတဲ့ညစာကို စားသောက်ကြသတဲ့။ ညစာစားပြီးနောက် အီဗန်နော့က ဇနီးသည်ကို “မင်းလက်ရာ သိပ်ကောင်းတာပဲ” လို့ပြောပြီး နောက်ထပ်တစ်ခါ အကြင်နာပေးသတဲ့။ အီဗန်နော့ မိန်းမက စားပြီးပန်ကန်များကို သိမ်းပြီး မီးဖိုဆောင်ထဲ ၀င်သွားတော့ ပီထရော့က အီဗန်နော့ကိုကပ်ပြီး မေးသတဲ့။

“မင်းမိန်းမကို မင်းအမြဲတမ်း ဒီလိုဆက်ဆံတာလား”

“ဟုတ်တယ်။ ဒီလိုဆက်ဆံတာ တို့ရဲ့ အိမ်ထောင်ရေး သာယာမှုကို အများကြီး အထောက်အကူပြုတယ်ဗျ”

အီဗန်နော့ကို နှုတ်ဆက်ပြီး ပီထရော့ ပြန်ခဲ့တယ်။

“ငါ သူ့လိုပဲ လုပ်ရမယ်” လို့ ပီထရော့ ဆုံးဖြတ်လိုက်တယ်။ ဒါကြောင့် နောက်တစ်ရက် အလုပ်ကပြန်လာတော့ တံခါးလာဖွင့်ပေးတဲ့ မိန်းမကို မင်းဒီနေ့ သိပ်လှနေပါလားလို့ပြောပြီး လှမ်းဖက်ကာ အကြင်နာပေးလိုက်လေသတဲ့။ မိန်းမက သူ့ကိုမယုံသလို ကြည့်နေတော့ “တကယ်ပါ မင်းလိုမိန်းမမျိုး ရထားတဲ့ငါဟာ ဘယ်လောက် ကံကောင်းလဲဆိုတာ လူတွေမသိကြဘူး” လို့ ပြောလိုက်တယ်။

ဒီအခါ ပီထရော့မိန်းမက “ဗြဲ” ခနဲ ငိုချလိုက်သတဲ့။ ဒီတော့ ပီထရော့က “ဟင်၊ ဘာလို့ ငိုရတာတုံး” လို့ ချော့တာပေါ့။ မိန်းမက မျက်ရည်သုတ်ပြီး “ဘ၀အကျိုးပေး မကောင်းပါလားတော်။ ဒီနေ့တစ်နေ့လုံး စိတ်မချမ်းသာစရာနဲ့ချည်း တွေ့နေရပါလား၊ မနက်က အငယ်ကောင် အဆော့လွန်ပြီး နှာခေါင်းရိုးကျိုးသွားတယ်။ ပန်းကန်စင် ကြောင်တက်လို့ ပန်းကန်တွေ ကွဲကုန်တယ်။ နောက် အ၀တ်လျှော်စက် ပျက်တယ်။ အခု ယောက်ျားလုပ်တဲ့လူ အရက်မူးပြီး ပြန်လာတယ်၊ ဟီး ... ဟီး ....”

*** *** ***

ဒီမိုကရေစီဝါဒနှင့် ဒီမိုကရေစီလမ်းကို လျှောက်ပါသည်။ ခက်ခဲလှပါသည်။ ဗိုလ်ချုပ်အောင်ဆန်းက လွတ်လပ်ရေးတိုက်ပွဲတွေကို ၀င်ခဲ့သည်။ ဂျပန်ကို ခေါ်လာသည်။ သို့သော် ဂျပန်က ရွှေရည်စိမ် လွတ်လပ်ရေးကိုသာ ပေးသည်။ ဒါကို သဘောမကျ၍ ဂျပန်ကို ပြန်တိုက်သည်။ အင်္ဂလိပ်နှင့် ပေါင်းသည်။ အင်္ဂလိပ်ဆီက လွတ်လပ်ရေးရအောင် ယူပေးသည်။ တစ်နှစ်အတွင်း လွတ်လပ်ရေးရစေမယ်ဟု ပြောကာ အောင်ဆန်း-အက်တလီ စာချုပ်ကို လက်မှတ်ထိုးခဲ့သည်။ တစ်နှစ်မပြည့်မီ သူကွယ်လွန်ခဲ့ပါသည်။ သို့သော် သူ့ကတိအတိုင်း လွတ်လပ်ရေးရခဲ့ပါသည်။

တကယ့် လွတ်လပ်ရေးပါပဲ။

သို့သော် ဒါကို မယုံကြည်သူ ကွန်မြူနစ်ပါတီနှင့် အဖွဲ့အစည်းအချို့က တောခိုခဲ့သည်။

ညီညွတ်ရေး ပျက်ပြားသည်။ မြန်မာပြည်တွင်းစစ် ယနေ့တိုင် မပြီးဆုံးနိုင်သေးပါ။

ယနေ့ ငြိမ်းချမ်းရေး တည်ဆောက်ရပါတော့မည်။ ၂၁ ရာစု ပင်လုံညီလာခံကို ထောက်ခံကြိုဆိုနေကြပါသည်။

အမိန်မြန်မာ လှပလာပါမည်။
တိုးတက်လာပါမည်။
ကမ္ဘာနှင့် ရင်ပေါင်တန်းပါမည်။
ပီထရော့ မမူးပါခင်ဗျား။

ဒေါက်တာခင်မောင်ညို
The Ladies News Journal

ဖားကန့်မြို့နယ် ဆိတ်မူကျေးရွာအုပ်စု နန့်မော်တွင် မြေစာပုံထဲမှ ရသည့် ပိသာ ၂၀၀ ရှိ ရေမဆေး ကျောက်သမားများ၏ ကျောက်စိမ်းတုံးတစ်လုံးကို နိုင်ငံတော် အစိုးရထံ အပ်မည်ဟုဆိုကာ ကန်သုံးထောင် တပ်မတော်တပ်ရင်းမှ သိမ်းယူသွားခဲ့ကြောင်း ဖားကန့်ဒေသခံများထံမှ သိရသည်။

“ရေမဆေးကျောက်ရှာတော့ သူတို့ကျောက်စိမ်းတုံးရတယ်။ အဲ့ဒီမှာ တပ်ကလုံခြုံရေး ယူထားတာဆိုတော့ တပ်ကသိမ်းယူတယ်။ အဲ့ဒါကတော့ အရင်တုန်းကလည်း သိမ်းတယ်။ အခုလည်း သိမ်းတယ်။ မသိရင် မသိသလိုပဲ လုပ်နေတာ” ဟု ဖားကန့်ဒေသခံတစ်ဦးက The Ladies သို့ပြောသည်။

ကျောက်စိမ်းတုံး တွေ့ရှိခဲ့သည့်နေရာသည် ကန်သာဦးကုမ္ပဏီ၏ မြေစာသွန်ချရာ မြေစာပုံဖြစ်ပြီး မိုးရွာသွန်းမှုကြောင့် ရေစီးချောင်းဖြစ်ပေါ်ခဲ့ရာ ပိသာချိန် ၂၀၀ ခန့်ရှိသည့် ကျောက်စိမ်းတုံးကို ရေမဆေးသမားများက မေလ ၂၇ ရက် ညနေ ၄နာရီခန့်တွင် တွေ့ရှိခဲ့ကြခြင်းဖြစ်ကြောင်း ဒေသခံများထံမှ သိရသည်။

အဆိုပါ ကန်သုံးထောင် တပ်စခန်းသည် အမှတ် ၄၂၅ ခြေမြန်တပ်ရင်းမှ တပ်ခွဲမှူး ဗိုလ်ကြီးမိုးသူအောင် ဦးစီးသည့် စခန်းဖြစ်ပြီး တပ်ကြပ်တစ်ဦးက သယ်ဆောင်ခွင့် ပြုခဲ့သော်လည်း အခြားတစ်ဦးက တွေ့ရှိသည့် ရွာသားများကို သေနတ်ဖြင့် ချိန်ရွယ်ကာ သိမ်းယူသွားခဲ့ခြင်းဖြစ်ကြောင်း ယနေ့ထုတ် The Voice Daily သတင်းစာတွင်လည်း ဖော်ပြထားသည်။

ဇော်မင်းထွန်း
The Ladies News Journal

 တပ်မတော်ကို ခေတ်မီအောင် ဆောင်ရွက်မယ်လို့ ကာကွယ်ရေး ဦးစီးချုပ်က ပြောထားပါတယ်
မြန်မာ့ တပ်မတော်က ဗိုလ်မှူးချုပ် နဲ့ ဗိုလ်မှူးကြီး တွေ အပါအဝင် အရာရှိ ၃၈၄ ယောက် ကို ရာထူး ကနေ အနားယူခွင့် ပေးလိုက်တယ် ဆိုတဲ့ သတင်းတွေ ထွက်ပေါ် နေပါတယ်။

ဒါနဲ့ ပတ်သက်လို့ တပ်မတော် ထိပ်တန်း အရာရှိ တစ်ယောက် ကို ဘီဘီစီက မေးရာမှာ သတင်းကို အတည်ပြုခြင်း မရှိသလို ငြင်းဆိုခြင်း လည်း မရှိပါဘူး။

တပ်မတော်နဲ့ နီးစပ်တဲ့ အသိုင်း အဝိုင်းကတော့ ရာထူးကနေ ဖယ်ရှားခံရသူ တချို့ အတွက် အမိန့်စာတွေ ထွက်ထား ပြီးပြီလို့ ပြောပါတယ်။

မြန်မာ့ တပ်မတော်ကို ခေတ်မီအောင် ပြုပြင် ပြောင်းလဲဖို့ အတွက် အနောက် နိုင်ငံတွေမှာ ကျင့်သုံး နေတဲ့ ပုံစံအတိုင်း ရာထူး မတက်နိုင် သူ တွေကို အနားပေးတဲ့ စံနစ်ကို စတင် ကျင့်သုံး နေတာ ဖြစ်တယ်လို့ တပ်မတော်အကြောင်း သုတေသနတွေ လုပ်နေတဲ့ တကောင်း နိုင်ငံရေး လေ့လာမှု အဖွဲ့ အမှုဆောင် ဒါရိုက်တာ ဦးရဲမျိုးဟိန်းက ဘီဘီစီကို ပြောပါတယ်။

မကြာသေးခင်က ကျင်းပခဲ့တဲ့ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ သတင်းစာ ရှင်းလင်း ပွဲမှာလည်း အဲဒီမူဝါဒကို ထုတ်ဖော် ပြောခဲ့တယ်လို့ ဆိုပါတယ်။

ရာထူးက ဖယ်ရှား ခံရသူတချို့ကို ကြံ့ခိုင် ဖွံ့ဖြိုးရေး ပါတီမှာ တာဝန် ပေးမယ် လို့ သတင်းတွေ ထွက်နေပေမယ့် ဘီဘီစီက သီးခြား အတည်ပြုနိုင်ခြင်း မရှိသေးပါဘူး။

BBC Burmese
http://www.bbc.com/burmese/



စစ်ကိုင်းတိုင်းဒေသကြီး ရဲတပ်ဖွဲ့ ရက်(၁၀၀) စီမံချက် ကာလအတွင်း မုံရွာမြို့ တွင် တရားမဝင် လိုင်စင်မဲ့ ကားများ အား ဖမ်းဆီးအရေးယူ နေချိန် ယခုလ ဇွန်(၁)ရက်နေ့ ညပိုင်းအချိန် တွင် လိုင်စင် မဲ့ကား မတ်တူး အဖြူ ရောင် YGN / 4C-5887 အား ဖမ်းဆီးခဲ့ရာ တပ်မတော် မှ ကားဖြစ်သည့် ပြန်လွှတ်ပေးရန် တပ်မတော် မှ ကားအား ဖမ်းခွင့် မရှိ ဘူး ဟုဆိုကာ စစ်ကိုင်းတိုင်းဒေသကြီး နယ်စပ်ရေးရာလုံခြုံ ရေးဝန်ကြီး ဗိုလ်မှူးကြီး ကျော်သန့်နိုင် မှ ဖိအားပေးပြီး ပြန်လွှတ်ပေး ခိုင်း နေ ကြောင်း သတင်းများ ရရှိထားပါသည်။

ThanLarWaddy Times
https://www.facebook.com/thanlarwaddytimes/


shan-seminar-620.jpg
မြန်မာ့ငြိမ်းချမ်းရေးအတွက် နည်းလမ်းရှာဖွေခြင်း နှီးနှောဖလှယ်ပွဲ ဇွန်လ ၁ ရက်နေ့က ရှမ်းပြည်နယ် တောင်ကြီးမြို့မှာကျင်းပစဉ်
Photo: SNLD Facebook

ရှမ်းပြည်နယ်က နိုင်ငံရေးပါတီတွေ၊ ရှမ်းလူမှုအဖွဲ့အစည်းတွေနဲ့ တိုင်းရင်းသား လက်နက်ကိုင် အဖွဲ့အစည်းတွေရဲ့ ငြိမ်းချမ်းရေးအပေါ် သဘောထားတွေကို ၂၁ ရာစု ပင်လုံညီလာခံမှာ တင်ပြနိုင်ဖို့အတွက် ဒီနေ့ တောင်ကြီးမြို့မှာ ဆွေးနွေးကြပါတယ်။

ရှမ်းပြည်နယ် တောင်ကြီးမြို့ တောင်ကြီးဟိုတယ်မှာ ပြုလုပ်တာဖြစ်ပြီး တက်ရောက်လာတဲ့ အဖွဲ့ အစည်းတွေရဲ့ အမြင်သဘောထားတွေကို ဆွေးနွေးခဲ့ကြတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီက တွဲဖက်အတွင်းရေးမှူး ၂ ဦးစိုင်းကျော်ညွန့်က ပြောပါတယ်။

"အခုကျင်းပမယ့် ညီလာခံမှာ တက်ရောက်ဆွေးနွေးရရင်တော့ဖြင့် ကျနော်တို့ တက်ရောက်ခွင့်မရတဲ့ နိုင်ငံရေး ပါတီဖြစ်စေ၊ ဒါမှမဟုတ် ကျနော်တို့နဲ့ မိတ်ဖက် CSO အဖွဲ့အစည်းတွေဖြစ်စေ သူတို့ရဲ့ငြိမ်းချမ်းရေးအပေါ် မှာ နောက်ပြီးတော့ ပြည်ထောင်စု တည်ဆောက်ရေးအပေါ်မှာ သူတို့ရဲ့အကြံပြုချက်တွေအပေါ် ကျနော်တို့ က ဆွေးနွေးပြီးတော့ ကျနော်တို့ ပါတီတစ်ခုတည်းကို ပြောတာမဟုတ်ပါဘူး၊ တခြားမှာလည်း အနိုင်ရတဲ့ ပါတီတွေလည်းရှိတယ်၊ အဲ့ဒါရှမ်းပြည်နယ်မှာရှိတဲ့ ပါတီတွေအားလုံးရဲ့ အသံတွေလည်း ပါသွားအောင်ဆိုပြီး ကျနော်တို့ ရည်ရွယ်ကျင်းပရခြင်းဖြစ်ပါတယ်"

အမျိုးသားရင်ကြားစေ့ရေးနဲ့ ငြိမ်းချမ်းရေးအပေါ် အကြံပြုချက်များ၊ ဖက်ဒရယ်တည်ဆောက်ရေးဆိုင်ရာ မူဝါဒများနဲ့ အမျိုးသားတန်းတူရရှိရေး၊ ကိုယ်ပိုင်ပြဌာန်းခွင့်နဲ့ ဒီမိုကရေစီအဓိပ္ပါယ်ဖွင့်ဆိုခြင်းဆိုတဲ့ ခေါင်းစဉ် ၃ ခုကို ဆွေးနွေး ကြပါတယ်။

အဲ့ဒီဆွေးနွေးချက်တွေကို ၂၁ ရာစုပင်လုံညီလာခံမှာ တက်ရောက်ခွင့်ရမယ့် နိုင်ငံရေးပါတီတွေက ကိုယ်စားလှယ်တွေက တင်ပြနိုင်ရေးအတွက် ရည်ရွယ်တာဖြစ်ပါတယ်။

ဒီအစည်းအဝေးကို ရှမ်းပြည်ညီညွတ်ရေးကော်မတီက ဦးဆောင်ကျင်းပတာဖြစ်ပြီး မနက်ဖြန်မှာလည်း ဆက်လက်ဆွေးနွေးကြမှာ ဖြစ်ပါတယ်။

ဒီနေ့ အစည်းအဝေးကို ရှမ်းပြည်နယ်ထဲက နိုင်ငံရေးပါတီ ၁၉ ခု၊ ရှမ်းပြည်အခြေစိုက် အရပ်ဘက် လူမှုအဖွဲ့အစည်း ၁၀ ဖွဲ့နဲ့ တိုင်းရင်းသားလက်နက်ကိုင်အဖွဲ့တွေဖြစ်ကြတဲ့ RCSS/SSA ၊ SSPP/SSA စတဲ့ အဖွဲ့အစည်းတွေ တက်ရောက်ကြပါတယ်။
RFA

အိမ်မပြန်နိုင်ကြသေးတဲ့ အိုးအိမ်စွန့် ခဲ့ကြရတဲ့ ဒုက္ခသည်တွေလည်း ရှိနေဆဲ
ပြည်ထောင်စု နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး ရဲအောင်နဲ့ နိုင်ငံတော် အတိုင်ပင်ခံ ဝန်ကြီး ဦးကျော်တင့်ဆွေ အပါအဝင် ပြည်ထောင်စု ဝန်ကြီး ခြောက်ယောက်ဟာ စစ်တွေမြို့ကို ရောက်လာပြီး အစိုးရ တာဝန်ရှိသူတွေ၊ မြို့နယ် ကိုယ်စားလှယ်တွေ၊ ရပ်မိ ရပ်ဖတွေနဲ့ တွေ့ဆုံခဲ့ ပါတယ်။

ရခိုင်ပြည်နယ် အရေးဆွေးနွေးပွဲကို စစ်တွေ ဒေသခံတွေ အပါအဝင် လူပေါင်း တစ်ထောင်ကျော်လောက် တက်ရောက်ခဲ့ပြီး ဒေသခံတွေက သူတို့ လိုလားချက်တွေ ကို တင်ပြခဲ့ကြပါတယ်။

ပြည်နယ် အထွေထွေ အုပ်ချုပ်ရေးမှူး ဦးတင်မောင်ဆွေက ရခိုင်ပြည်နယ်တခုလုံးမှာ လူမှု စီးပွား ဘဝတွေ တိုးတက်အောင် လုပ်ဆောင်ပေးဖို့နဲ့ ပညာရေး၊ ကျန်းမာရေး လမ်းပမ်း ဆက်သွယ်ရေးနဲ့ သောက်သုံးရေ ရရှိရေးကို အဆောတလျင် ကူညီဆောင်ရွက်ပေးဖို့ အပါအဝင် အချက် ၂၂ ချက်ကို တင်ပြခဲ့တယ်လို့ ပြောပါတယ်။

ဝန်ကြီးတွေအနေနဲ့ သူတို့ လုပ်နိုင်တာတွေကို အတတ်နိုင်ဆုံး ဆောင်ရွက်ပေးမယ်လို့ ကတိပေးခဲ့ပြီး လုပ်ဆောင်မပေးနိုင်တာတွေကို နိုင်ငံတော် အကြီးအကဲတွေဆီ ဆက်လက် တင်ပြသွားမယ်လို့ နယ်စပ်ရေးရာ ဝန်ကြီး ဒုတိယ ဗိုလ်ချုပ်ကြီး ရဲအောင် က ပြောပါတယ်။

ဆွေးနွေးပွဲကို ကိုယ်တိုင်တက်ရောက်ခဲ့တဲ့ စစ်တွေ ဒေသခံ ဦးသန်းထွန်းက တော့ အပြောမဟုတ်ဘဲနဲ့ တကယ့်လက်တွေ့လုပ်ဖို့ လိုတယ်လို့ ထောက်ပြ ပြောဆိုပါတယ်။

ဝန်ကြီးတွေနဲ့ ဒေသခံတွေ တွေ့ဆုံပွဲမှာ မတူကွဲပြားတဲ့ လူမျိုးနှစ်ခုအကြား သဟဇာတ ဖြစ်ရေး၊ ၂၀၁၂ အဓိကရုဏ်း ဖြစ်ပွားပြီးနောက် အိုးမဲ့ အိမ်မဲ့ ဖြစ်နေသူတွေကို ပြန်လည် နေရာချထားရေး၊ ၁၉၈၂ ခုနှစ် နိုင်ငံသား ဥပဒေ စိစစ်ရေး စတဲ့ ကိစ္စတွေ အပေါ်မှာတော့ တစ်စုံတစ်ရာ အလေးပေး ဆွေးနွေးတာ မရှိဘဲ ရခိုင်ပြည်နယ် ဖွံ့ဖြိုးရေး ကိစ္စ တစ်ခုတည်း ပေါ်မှာဘဲ အလေးပေး ဆွေးနွေးခဲ့ကြ ပါတယ်။

ရခိုင်တိုင်းရင်းသား သမိုင်းပညာရှင် တစ်ယောက်ဖြစ်တဲ့ ဒေါက်တာ အေးချမ်း ကတော့ ရခိုင်ပြည်နယ်မှာ ဆင်းရဲ မွဲတေမှု ပြဿနာကို အဓိက မဖြေရှင်းနိုင်ဘဲ ကျန်တာ ဘာတစ်ခုမှ လုပ်နိုင်မှာ မဟုတ်ကြောင်း ပြောပါတယ်။

BBC Burmese
http://www.bbc.com/burmese

မူဆယ်က ကြယ်ဂေါင် နယ်စပ်ဂိတ်
မူဆယ် (၁၀၅)မိုင် လမ်းကြောင်းကြီး ကနေ ဝင်လာနေတဲ့ မြန်မာ့ပို့ကုန်တွေရဲ့ အခြေအနေကို ကြည့်မယ် ဆိုရင် လယ်ယာ ထွက်ကုန် ဖြစ်တဲ့ ဆန်ရော ပြောင်းပါ ဒီကာလတွေ အတွင်း သိသိသာသာ အဝင်ကျဲ ပါတယ်။

အခုတော့ နေ့စဉ် ပျမ်းမျှ ကားစီးရေ (၄၀)ကျော် (၅၀)ဝန်းကျင်ပဲ လာနိုင်တော့တာ လနဲ့ချီ ရှိနေပြီဖြစ်ပါတယ်။

တနင်္လာနေ့ကလည်း ဆန်ကွဲ(၁၁)စီး အပါမှ ဆန်ကား(၄၃)စီး၊ တန်ချိန်အားဖြင့် (၇၂၈)တန်ပဲ လာပါတယ်။

အရင် တပတ်က တနေ့ အိတ်ရေ(၂၀၀၀)ဝန်းကျင်ပဲ ရောင်းနေရရာက အခုက တနေ့(၇၀၀၀-၈၀၀၀)လောက်တော့ ပြန်ရောင်း လာရပါတယ်။

တနင်္လာနေ့ ကဆိုရင် မြောင်းမြ နွေရှယ် တအိတ်(၁၅၂)ယွမ်၊ ရတနာတိုး (၁၅၀)၊ ပြည်စူပါ (၁၄၇)၊ ခရမ်းသုံးခွ ငစိန် (၁၄၆)ယွမ်ဈေးရှိပြီး ဆန်ကွဲတောင် တအိတ်(၁၃၀) ဝန်းကျင် ရပါတယ်။

ပြောင်းကတော့ တအိတ် (၈၇)ယွမ်နဲ့(၉၀) ကြားပဲ ရှိပါတယ်။

သကြားတွေ ခုတလော ရောင်းအား ပြန်လိုက်လာရာ တနေ့ အိတ်ရေ (၈၀,၀၀၀ ကျော်နဲ့ ၁၀၀,၀၀၀)ကြား ရောင်းရတဲ့အပြင် သကြားတအိတ် (၂၁၃)ယွမ် ဈေး ရှိတဲ့ အတွက် သကြား ကုန်သည် တွေတော့ အခြေအနေ ပြန်ကောင်း လာတယ် လို့ဆိုရပါမယ်။

ဒါကြောင့် တနင်္လာနေ့က သကြားကား(၂၆၈)စီး၊ အိတ်ရေ (၉၆,၄၈၀)တန်ချိန်အားဖြင့် (၄၈၀၀)ကျော်တောင် လာပါတယ်။

ရေထွက်ကုန် ဂဏန်းတွေလဲ တိုးတိုးပြီး ဝင်လာရာ ဒီတပတ်အတွင်း(၂၅၂) တန် ကျော် အထိ ဝင်ပါတယ်။

ရာသီကုန်တွေဘက် ကြည့်မယ်ဆိုရင် နာမည်ရ သီပေါကုန်းသာ နာနတ်သီးတွေ (၁၂)ဘီး ကားကြီးတွေနဲ့ ကားစီးလုံးတိုက် ဝင်လာနေပြီ ဖြစ်သလို တရုတ်ပြည် အတွင်းပိုင်း က ဆီချွမ်း-ချုံချင့်ဘက်ကတောင် (၂၂) ဘီး ကားကြီး တွေနဲ့ နာနတ်တွေ လာဆွဲတာ တွေ့ရပါတယ်။

နမ္မတူဘက်က လာတဲ့ ဇင့်တွေလို့ ဆိုတဲ့ သတ္တုရိုင်းအိတ်တွေ ကားစီးလုံးတိုက် ဝင်လာတာလဲ ထူးထူးခြားခြားတွေ့ရပါတယ်။

မြန်မာနိုင်ငံ ဘက် သွားနေတဲ့ သွင်းကုန်(တရုတ်ကုန်)တွေဖက်ကို ကြည့်မယ်ဆိုရင် တရုတ် ဓာတ်မြေဩဇာ မျိုးစုံ၊သစ်သီးဝလံ မျိုးစုံနဲ့ စက်ပစ္စည်းမျိုးစုံတွေ ပုံမှန်မပျက်သွားနေတာ တွေ့ရသလို ဆိုင်ကယ်မျိုးစုံ၊ ဆောက်လုပ်ရေးသုံး ပစ္စည်းမျိုးစုံ နဲ့လူသုံးအိမ်သုံးမျိုးစုံတွေ သွားနေတာတွေ့ရပါတယ်။

တရုတ်-မြန်မာ နယ်စပ်မှာ အင်္ဂါနေ့ နယ်စပ် ငွေလဲနှုန်းက(၅၅၆)ပါ။

မြန်မာငွေ ကျပ်(၁၀၀၀)ဟာ တရုတ်ငွေ (၅)ယွမ်နဲ့(၅၆)ပြား ဖြစ်ပါတယ်။

BBC Burmese
http://www.bbc.com/burmese


ဇွန်လ ၁ရက်၊ ၂၀၁၆ခုနှစ်။ နန့်သွာဖောင်

ဖားအံမြို့နယ်အတွင်း နိုင်ငံသားစိစစ်ရေးကတ်နှင့် အိမ်ထောင်စုစာရင်းများကို အခမဲ့ ဆက်လက် လုပ်ဆောင်ပေးသွားမည်ဟု မေလ ၃၀ရက်နေ့တွင် ပြုလုပ်သည့် ဒုတိယအကြိမ် ပြည်သူ့လွှတ်တော် ပထမ ပုံမှန် အစည်းအဝေး၌ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေက ပြောဆိုလိုက်သည်။

အဆိုပါကိစ္စနှင့်ပတ်သက်၍ ဖားအံမြို့နယ်၊ ပြည်သူ့လွှတ်တော်ကိုယ်စားလှယ် နန်းသန်းသန်းလွင်က ဖားအံမြို့နယ်ရှိ ကျေးရွာ များမှ ပြည်သူလူထု၏ နိုင်ငံသားစိစစ်ရေးကဒ်နှင့် အိမ်ထောင်စုစာရင်းများ ပြုလုပ်ရာတွင် မိုးပွင့်စီမံချက်များအတိုင်း မြန်ဆန်စွာ သတ်မှတ်နှုန်းအတိုင်း သက်သာသောစရိတ်ဖြင့် နိုင်ငံသားတိုင်းအပေါ် တစ်ပြေးညီ ဆောင်ရွက်ပေးရန်နှင့် ကြပ်မတ်ဆောင်ရွက် ပေးရန် အစီအစဉ်ရှိမရှိ ပြည်သူ့လွှတ်တော် အစည်းအဝေးတွင် မေးမြန်းခဲ့မှုအပေါ် ပြည်ထောင်စုဝန်ကြီးက ထိုသို့ ပြန်လည်ဖြေ ကြားခဲ့ခြင်းဖြစ်သည်။

“ဝန်ကြီးဌာနအနေနဲ့ မိုးပွင့်စီမံချက် မပြီးစီးသော်လည်း နိုင်ငံသားမှတ်ပုံတင်လုပ်ငန်း ကွင်းဆင်းဆောင်ရွက်မှုများကို ဆက်လက် ဆောင်ရွက်ပေးလျက်ရှိပါတယ်။ ၂၀၁၆ ဇန်နဝါရီကစပြီး မေ ၁၆ရက်နေ့အထိ ဖားအံမြို့နယ်အတွင်း အိမ်ထောင်စု ၂,၃၀၀စုနှင့် နိုင်ငံသားစိစစ်ရေးကဒ်ပြား စုစုပေါင်း ၉,၆၇၈ဦး ထုတ်ပေးခဲ့ပြီးဖြစ်တယ်။ ဆက်ပြီး One Stop Service နဲ့ ဖားအံမြို့နယ်အတွင်း အိမ်ထောင်စုစာရင်းများ ပြုလုပ်ခြင်း၊ နိုင်ငံသားစိစစ်ရေးကဒ်ပြားများ ဆောင်ရွက်ခြင်းများကို အခမဲ့ ဆက်လက်ဆောင်ရွက်ပေး သွားမှာဖြစ်ပါတယ်”ဟု ဦးသိန်းဆွေက ပြောသည်။

ဖားအံမြို့နယ်အတွင်းရှိ ကျေးရွာများမှ ပြည်သူများသည် မြို့နယ် လ.ဝ.ကရုံးသို့ နိုင်ငံသား စိစစ်ရေးကဒ်ပြား မရှိသော လူဦးရေ များနှင့်တကွ တင်ပြခဲ့သော်လည်း အကြောင်းပြန်ကြားခြင်း မရှိခဲ့သလို မြို့နယ်လ.ဝ.ကရုံးသို့ ဆက်သွယ်မေးမြန်းရာတွင် ရက် ချိန်းပေး၍ အကြောင်းအမျိုးမျိုးပြခြင်းတို့ကြောင့် လာရောက်မေးမြန်း စုံစမ်းလာသူများမှာ ခရီးစရိတ်ကုန်၊ အချိန်ကုန်ကာ အကျိုး သက်ရောက်မှုမရှိဘဲ ဖြစ်ခဲ့ကြောင်း အဆိုရှင် နန်းသန်းသန်းလွင်က ပြည်သူ့လွှတ်တော်တွင် ပြောခဲ့သည်။

အလားတူ မှတ်ပုံတင်ပြုလုပ်ရာတွင် ကျပ်တစ်သောင်းခွဲပေးခဲ့ရသူ ဖားအံမြို့နယ်၊ မုက္ကဒိရွာသားတစ်ဦးက “ဒီလ ၂၆ရက်နေ့တုန်း က ကျနော့်တူလေးတစ်ယောက် ၁၈နှစ်ပြည့်လို့ရုံးမှာ မှတ်ပုံတင်သွားပြန်လဲတယ်။ ရုံးမှာ လုပ်ပေးတဲ့လူက တမျိုးမထင်ပါနဲ့ဆိုပြီး ၅ထောင်တန် တစ်ရွက်ပေးတော့ မရဘူး။ သုံးရွက်ပေးပါတဲ့ တစ်ရက်ထဲ ပြီးအောင် အမြန်လုပ်ပေးရတာမို့လို့ပါ။ အဲ့လိုပြောတယ်။ ကျနော်တို့ကလည်း တစ်ရက်ထဲ အမြန်ရတယ်ဆိုတော့ ကံကောင်းတယ်လို့ပဲ သဘောထားလိုက်တယ်”ဟု ကေအိုင်စီသို့ ပြောပြ သည်။

လက်ရှိအချိန်တွင် ပြည်နယ်အစိုးရက ရက် ၁၀၀ စီမံချက်အရ ကရင်ပြည်နယ်အတွင်း မှတ်ပုံတင်နှင့် သန်းခေါင်စာရင်းများကို ကွင်းဆင်းဆောင်ရွက်ပေးနေကြောင်း ပြည်နယ်လဝက တာဝန်ရှိသူများက ပြောဆိုနေကြသလို ယခုနှစ် ဇန်နဝါရီလမှ မေလ ၁၆ ရက်ထိ ဖားအံမြို့နယ်အတွင်း အိမ်ထောင်စု ၂,၃၀၀ကို သန်းခေါင်စာရင်းထုတ်ပေးခဲ့ပြီး နိုင်ငံသားစိစစ်ရေးကဒ် ၉,၆၇၈ဦးကို ပြု လုပ်ပေးပြီးဖြစ်သည်ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ သိရသည်။

နန့်သွာဖောင်
KIC - ကေအိုင်စီ
http://kicnews.org


ရန်ကုန်စတော့အိတ်ချိန်းမှာ ရှယ်ယာဝယ်ယူသူတချို့ဟာ အစုရှယ်ယာတွေဝယ်ယူဖို့တင်ထားပေမယ့် အမှန်တကယ်အရောင်းအ၀ယ် ဖြစ်ကာနီးအချိန်မှ ရှယ်ယာတွေကို မ၀ယ်တော့ဘဲ ဈေးကမောက်က မဖြစ်အောင်လုပ်နေတာကို ငွေချေးသက်သေခံလက်မှတ်များလဲလှယ် ရောင်းဝယ်ရေး ဥပဒေအရ အရေးယူတော့မယ်လို့ရန်ကုန်စတော့အိတ်ချိန်းက ဇွန်လ (၁) ရက်နေ့မှာ သတိပေးကြေညာလိုက်ပါတယ်။

ရှယ်ယာရောင်းဝယ်မှုပြုလုပ်ရာမှာ တချို့ ရှယ်ယာဝယ်ယူသူတွေက Market Order အတွက် ရှယ်ယာအစုပေါင်းများစွာမှာယူထားပြီး အချိန်နီးကပ်မှ ရုတ်တရက် ပြန်ဖြုတ်ချတာကြောင့်ရှယ်ယာဈေးတွေ မတည်မငြိမ်ဖြစ်ပြီး ရှယ်ယာရှင်တွေနဲ့ ရှယ်ယာရောင်းချနေတဲ့ ကုမ္ပဏီကို ထိခိုက်မှုတွေ ရှိနေတယ်လို့ရန်ကုန်စတော့အိတ်ချိန်းရဲ့အကြီးတန်းမန်နေဂျာ ဦးသက်ထွန်းဦးကပြောပါတယ်။ လက်ရှိ မှာ ရှယ်ယာအရောင်းအ၀ယ်ကို နေ့လည် (၁၁)နာရီနဲ့ (၁) နာရီမှာ တစ်ကြိမ်စီပြုလုပ်ပြီး အဲ့ဒီဈေးကွက်မှာ အ၀ယ်တင်ထားသူတချို့က ဈေးကွက်ပိတ်ခါနီး မိနစ် (၂၀) လောက်အလိုမှာ ရုတ်တရုတ် ရှယ်ယာဝယ်မယ့်စာရင်းထဲကထွက်သွားတဲ့ အတွက် အခုလိုသတိပေးလိုက်တာဖြစ်ပြီးအရေးယူမှုအပိုင်းကိုတော့ ငွေချေးသက်သေခံ လက်မှတ်လုပ်ငန်း ကော်မရှင်ကပြုလုပ်မှာဖြစ်တယ်လို့ ဆိုပါတယ်။

ဒါ့ကြောင့် ဒီလိုဈေးကွက်ထိခိုက်စေဖို့တမင်ရည်ရွယ်လုပ်ဆောင်ကြောင်း ထင်ရှားရင် ငွေချေးသက်သေခံလက်မှတ်များ လဲလှယ် ရောင်းဝယ်ရေး ဥပဒေပုဒ်မ( ၅၄) နှင့် (၆၀)အရအရေးယူမယ်လို့ ရန်ကုန်စတော့အိတ်ချိန်း ရဲ့သတိပေးချက်မှာဖော်ပြထား ပါတယ်။ ငွေချေးသက်သေခံလက်မှတ်များ လဲလှယ်ရောင်းဝယ်ရေး ဥပဒေပုဒ်မ( ၆၀) အရ ဒီလိုဝယ်လိုအားနဲ့ ရောင်းလိုအားကို ဖန်တီးပြီး ဈေးနှုန်းကြိုးကိုင်ခြယ်လှယ်ဖို့ ပြုလုပ်ကြောင်း ထင်ရှားရင် ထောင်ဒဏ်(၁၀)နှစ်ထက်မပိုတဲ့ ပြစ်ဒဏ်နဲ့ငွေဒဏ်ကိုချမှတ်နိုင်တယ်လို့ ဖော်ပြထားပါတယ်။

5 Plus News
https://www.facebook.com/5plusnews/


၂၀၁၁ ခုနှစ် ဇူလိုင်လ ကျောက်မျက်ပြပွဲတခုမှ မြင်ကွင်း။
၂၀၁၁ ခုနှစ် ဇူလိုင်လ ကျောက်မျက်ပြပွဲတခုမှ မြင်ကွင်း။

အရင်သမ္မတဦးသိန်းစိန်အစိုးရလက်ထက် မြန်မာနိုင်ငံကျောက်မျက်ရတနာလုပ်ငန်းရှင်များအသင်းချုပ်ရဲ့ ၂၀၀၆ခုနှစ်ကနေ ၂၀၁၆ခုနှစ်ထိ ကောက်ခံခဲ့တဲ့ ရံပုံငွေ ယူရိုငွေသန်း (၉၀)ကျော် သုံးစွဲမှုစာရင်းနဲ့ပတ်သက်လို့ အသင်းဥက္ကဌ ဦးရုံးမူအနေနဲ့ ဖြေရှင်းပေးဖို့ ကျောက်မျက်ရတနာလုပ်ငန်းရှင်တွေက NLD အစိုးရရရော၊ လွှတ်တော်ကိုပါ မေလ (၂၇)ရက်နေ့က တိုင်ကြားစာပို့ခဲ့တာပါ။

ဒီတိုင်ကြားစာမှာ ကျောက်မျက်ရတနာလုပ်ငန်းရှင်အသင်းရဲ့ရံပုံငွေထဲက သမ္မတဟောင်း ဦးသိန်းစိန်နဲ့ ၀န်ကြီးတချို့က ယူရိုငွေသန်းနဲ့ချီပြီး ထုတ်ခဲ့ကြောင်းလည်း ဖေါ်ပြထားပါတယ်။

ဒီရံပုံငွေတွေကို ဘယ်လိုသုံးစွဲခဲ့သလဲဆိုတာ ထင်သာမြင်သာရှိအောင် လူအများသိအောင် ထုတ်ပြန်ပေးဖို့ လုပ်ငန်းရှင်တွေဘက်က တင်ပြခဲ့တာဖြစ်တယ်လို့ အသင်းရဲ့ဒုဥက္ကဌ ဦးမြင့်ဟန်က ဗွီအိုအေကိုပြောပါတယ်။

လက်ရှိသတ္တုတွင်းဝန်ကြီးဌာနကနေ ဒီတိုင်ကြားမှုကိုစတင်စစ်ဆေးနေတာနဲ့ပတ်သက်လို့ မအင်ကြင်းနိုင်က မေးမြန်းရာမှာ ဦးမြင့်ဟန်က အခုလိုစပြောပါတယ်။

စစစ်တာကတော့ ဦးရုံးမူကို စစ်ပြီးပြီ။ ဦးကျော်ဌေး၊ ဦးဇော်ဗိုခန့်၊ နောက် ဦးဖုန်းမြင့်အောင်၊ ဦးထွန်းလှအောင် တို့ စစ်ဆေးပြီပါပြီ။ အဓိကတိုင်တယ်ဆိုတာကလည်း ရံပုံငွေသုံးစွဲတဲ့အခါမှာ လူတွေသိချင်တဲ့အချက်တွေပါ။ နံပါတ် (၁)ကတော့ အသင်းရံပုံငွေအဖြစ် ကျောက်မျက်ပြပွဲတွေကနေ ရောင်းရတဲ့ငွေ (၁%) ကောက်ခံတာကို ဘယ်လို သုံးစွဲလဲ ဆိုတာ ဖြေရှင်းပေးဖို့ပါ။

အင်ကြင်းနိုင်။ ။ အဲတော့ တိုင်ကြားစာထဲမှာ အဓိကထောက်ပြထားတာက ဦးသိန်းစိန်ကို ယူရိုငွေ (၇)သန်းထုတ်ပေးတဲ့ကိစ္စလဲပါတယ်ဆိုတာ ရှင်းပြပေးပါအုံးရှင့်။

ဦးမြင့်ဟန်။ ။ အဲဒီကိစ္စကို ကျနော်တို့လူကြီးတွေ တော်တော်များများမသိဘူးဗျ။ ဒီလိုပဲကြားတဲ့ကိစ္စကို စာထဲမှာ ထည့်ရေးလိုက်တာ။ ဒါအမှန်ကိုပြောပြတာပါ။ ကျနော်တို့မသိဘူးဗျ။

အင်ကြင်းနိုင်။ ။ မသိဘူးဆိုတာ လက်ရှိတာဝန်ယူထားတဲ့ အမှုဆောင်အဖွဲ့က မသိတာလား။ ဒီယူရိုငွေ (၇)သန်းက တကယ်ပဲထုတ်သွားတာလား၊ မထုတ်ဘူးလားရှင့်။

ဦးမြင့်ဟန်။ ။ ထုတ်သွား၊ မထုတ်သွားတာ ကျနော်တို့မသိဘူး။ ဦးစိုးသိန်းတို့ ယူရိုငွေ (၅)သန်းထုတ်သွားတာတို့ ကျနော်တို့မသိဘူး။ ကျနော်တို့က ဒီရံပုံငွေတွေသုံးစွဲတာကို သိချင်တယ်ပေါ့နော်။ သိချင်တယ်ဆိုပြီး တိုင်ကြားစာတင်လိုက်တာပါ။ တင်လိုက်တဲ့အခါကျတော့ ဒီကိစ္စတွေကို အကုန်ပြုစုတာက ဦးကျော်ကျော်ဦးက ဒါတွေကိုပြုစုတာဖြစ်ပါတယ်။ အစတုန်းကတော့ ကျနော်တို့လည်း အကုန်လုံးသဘောတူကြပါတယ်။ သဘောတူတယ်ဆိုတာ ဒါတွေတော့ရှိနေတယ်၊ ဘယ်အရာတွေ ပွင့်လင်းမြင်သာမှုမရှိလို့ ဆိုပြီး စုံစမ်းပြီးတင်လိုက်တာပါ။

အင်ကြင်းနိုင်။ ။ အသင်းအနေနဲ့ ဒီရံပုံငွေကို သုံးစွဲတာက တပိုင်း၊ အခုလို ကျောက်မျက်ရတနာအသင်းကြီးရဲ့ ရံပုံငွေမှာ စာရင်းအရ ယူရိုငွေ သန်း (၉၀)ကျော်ကွာဟနေတဲ့ ကိစ္စပေါ်ပေါက်လာရတဲ့ အကြောင်းကိုပြောပြပေးပါရှင့်။

ဦးမြင့်ဟန်။ ။ ကျနော်တို့က ကွာဟနေတာမဟုတ်ဘူး။ စာရင်းကမကွာဘူး။ ထင်တာက လူတွေက စာရင်းကွာတယ်ပေါ့။ စာရင်းကွာတာမဟုတ်ပါဘူး။ သုံးစွဲတဲ့အခါမှာ သဘောတခုကတော့ ဥက္ကဌက ဒါကတော့ မင်းတို့လုပ်လိုက်ဆိုပြီး အသာလေးလုပ်ခိုင်းလိုက်တယ်။ ဒါကိုကျနော်တို့မသိပဲ သူကလုပ်တာပေါ့နော်။ ဒီရံပုံငွေတွေထဲမှာ ဘာသာရေး၊ လူမှုရေး၊ နောက် သဘာဝဘေးအန္တရာယ်တွေနဲ့ပတ်သက်လို့ လှုဒါန်းတာ မြန်မာငွေကျပ်သန်းငါးသောင်းကျော်လောက်ရှိပါတယ်။ ဘာဖြစ်နေလဲဆိုတော့ တချို့တိုင်ကြတယ်ဆိုတာ သူတို့မသိတဲ့အခါကျတော့ ဒါတွေကိုဘယ်လိုများ..ရှင်းရှင်းပြောရရင်တော့ စာရင်းပျောက်တယ်၊ လာဘ်စားထားတယ်၊ ဒါတွေကို ခိုးလိုက်တယ်လို့ သူတို့ကထင်နေကြတာပါ။ တကယ်တော့ အဲလိုမဟုတ်ဘူး။ ခိုးလိုက်တာလဲမဟုတ်ဘူး။ ပျောက်သွားတာလဲမဟုတ်ဘူး။ အကုန်လုံးစာရင်းအတိအကျရှိတယ်။

အင်ကြင်းနိုင်။ ။ အခုတိုင်ကြားစာမှာ အဓိကက လုပ်ငန်းရှင်တွေဘက်က တိုင်ကြားထားတာက ယူရိုငွေသန်း (၉၀)ကျော် စာရင်းပျောက်နေတယ်ဆိုပြီး အဓိကတိုင်ကြားထားတာမျိုးဖြစ်တော့ အဲဒီတိုင်ကြားမှုမှာ ဦးမြင့်ဟန်ရောပါပါသလားရှင့်။

ဦးမြင့်ဟန်။ ။ ကျနော်တို့လည်း ပါပါတယ်။ လူတော်တော်များများပါပါတယ်။ ပါတယ်ဆိုတာက ကျနော်တို့ရဲ့တိုင်တဲ့ ရည်ရွယ်ချက်က စာရင်းပျောက်နေတယ်လို့ ကျနော်တို့က မဆိုလိုဘူး။ အခုသတင်းတွေထွက်နေတာနဲ့ နဲနဲကွာနေပါတယ်။ ကျနော်ရှင်းပြပါရစေ။ စာရင်းပျောက်နေတယ်လို့ ကျနော်တို့က တိုင်တာမဟုတ်ပါဘူး။ ဒီ ၁%နှုန်းနဲ့ပတ်သက်ပြီးတော့ ကျနော်တို့ အစကနေ အဆုံးသိချင်ပါတယ်။ ဘယ်လောက်ကောက်ခံရရှိလဲ။ ဘယ်လိုတွေရရှိလဲ။ ဘယ်သူရဲ့အမိန့်နဲ့ကောက်လဲ။ လူအတော်များများက သိချင်နေကြတာပေါ့။ ကျနော်တို့ အခုစပြီးစစ်နေပါပြီ။ စစ်နေပြီဆိုကတည်းက အဲဒီလိုမဟုတ်ဘူး။ ကျနော်တို့ လူကြီးပိုင်းတွေကိုစခေါ်ပြီး အသိပေးပြီးပေါ့။ စာရင်းအတိအကျနဲ့ပါ။ ဘယ်တုန်းက ဘယ်လိုလုပ်သလဲဆိုပြီး အတိအကျ ကျနော်တို့ကို အသိပေးနေပါပြီ။ ကျနော်တို့ကတော့ သိလိုက်ပြီပေါ့နော်။ အဲတော့ ဒီစာရင်းတွေကို ရှင်းပေးမှာပါ။ အရင်တုန်းက သတ္တုတွင်းဝန်ကြီးဌာန အခု သံယံဇာတနဲ့ ပတ်ဝန်းကျင်ထိန်းသိမ်းရေးဝန်ကြီးဌာနကနေ ရှင်းပေးမှာပါ။

ဒါအပြင် အခုလို သံယံဇာတနဲ့ ပတ်ဝန်းကျင်ထိန်းသိမ်းရေး ၀န်ကြီးဌာနကနေ အရေးတယူနဲ့ စတင်စစ်ဆေးမှုအပေါ်မှာ သူ့အနေနဲ့ လက်ခံကြောင်း ဦးမြင့်ဟန်က ပြောပါတယ်။

မြန်မာနိုင်ငံကျောက်မျက်ရတနာလုပ်ငန်းရှင်များအသင်းချုပ်ရဲ့ အရင် ဥက္ကဌအဖြစ် ခရိုနီလုပ်ငန်းရှင်ဦးတေဇက နှစ်ပေါင်းများစွာ ဆောင်ရွက်ခဲ့ပြီးနောက် လက်ရှိဥက္ကဌ ဦးရုံးမူက လွန်ခဲ့တဲ့ (၂)နှစ်ကစပြီး တာဝန်ယူခဲ့တာဖြစ်ပါတယ်။

အင်ကြင်းနိုင်
VOA Burmese News



မြန်မာနိုင်ငံ အပါအ၀င် ကမ္ဘာတ၀န်းက လူပေါင်း ၄၅ သန်းကျော်တို့ဟာ ပုံစံမျိုးစုံနဲ့ ခေတ်သစ် ကျေးကျွန်ပြုခံနေရတယ်လို့ ကမ္ဘာတ၀န်း ကျွန်ပြုခိုင်းစေခံရမှုဆိုင်ရာ အညွှန်းကိန်း - Global Slavery Index အစီရင်ခံစာက ဖော်ပြလိုက်ပါတယ်။

အာရှ ပစိဖိတ်ဒေသတွင်း ကျွန်ပြုခိုင်းစေခံရမှု အများဆုံးဖြစ်ပြီး ထိုင်းနိုင်ငံက ငါးဖမ်းလုပ်ငန်းတွေမှာ မြန်မာနိုင်ငံသား အများစုကို ကျွန်ပြုခိုင်းစေနေတဲ့ အခြေအနေကိုလည်း အစီရင်ခံစာက ထောက်ပြပါတယ်။ ကမ္ဘာတလွှား ကျွန်ပြုခိုင်းစေခံရမှု ပိုပြီး ဆိုးရွားလာတဲ့ အနေအထားမှာ မြန်မာနိုင်ငံသားတွေလည်း ပါဝင်နေတဲ့ အခြေအနေကိုတော့ မသိင်္ဂီထိုက် က စုစည်း တင်ပြထားပါတယ်။

လူကုန်ကူးခံရမှု၊ အဓမ္မခိုင်းစေခံရမှု၊ အကြွေးဒဏ်ပိတာနဲ့ အလိုမတူဘဲ ဖိအားပေး လက်ထပ်ခိုင်းမှုတွေ ဒါမှမဟုတ် စီးပွားဖြစ် လိင်ကုန်ကူး ခေါင်းပုံဖြတ် ခိုင်းစေမှု ပုံစံအမျိုးမျိုးနဲ့ ကျွန်ပြုခိုင်းစေခံနေရတဲ့ ကမ္ဘာတလွှားက ကလေးငယ်တွေ၊ အမျိုးသမီးနဲ့ အမျိုးသား ၄၅ ဒဿမ ၈ သန်း ရှိနေပြီး အရင်ကထက်စာရင် ၂၈ ရာခိုင်နှုန်း တိုးလာတာ ဖြစ်တယ်လို့ အင်္ဂါနေ့မှာ ထုတ်ပြန်လိုက်တဲ့ ၂၀၁၆ ခုနှစ်အတွက် ကမ္ဘာတ၀န်း ကျွန်ပြုခိုင်းစေခံရမှုဆိုင်ရာ အညွှန်းကိန်း - Global Slavery Index က ဖော်ပြလိုက်ပါတယ်။ သြစတြေးလျအခြေစိုက် Walk Free Foundation က ဒီအစီရင်ခံစာကို ပြုစုခဲ့တာ ဖြစ်ပါတယ်။ ကိုယ်မကြိုက်တဲ့ အလုပ်ကို ငြင်းပယ်နိုင်ခွင့်၊ ထွက်ခွာသွားနိုင်ခွင့် မရှိတဲ့ အခြေအနေမျိုးကို ကျွန်ပြုခိုင်းစေခံရခြင်း ဖြစ်တယ်လို့ Walk Free Foundation ရဲ့ အမှုဆောင် ညွှန်ကြားရေးမှူး Fiona David က ဗွီအိုအေနဲ့ တွေ့ဆုံမေးမြန်းခန်းမှာ ပြောဆိုခဲ့ပြီး အာရှပစိဖိတ် ဒေသတွင်း ဆိုးရွားလှတဲ့ အခြေအနေကိုလည်း အခုလို ထောက်ပြ ပြောဆိုသွားပါတယ်။

“အတင်းအဓမ္မ ခိုင်းစေခံရတာမျိုး၊ အလိုမတူဘဲ ဖိအားပေး လက်ထပ်ခိုင်းတာမျိုး တို့လို ပုံစံအမျိုးမျိုးနဲ့ ခေတ်သစ် ကျေးကျွန်ပြု ခိုင်းစေခံရသူ အရေအတွက်က ထင်မှတ်မထားလောက်အောင် များပြားလှတာကို ကျမတို့ တွေ့ရပါတယ်။ ဒီထဲမှာ ဘင်္ဂလားဒေရှ့်နိုင်ငံလည်း ပါဝင်ပြီး လူပေါင်း ၁ သန်းခွဲလောက်ဟာ အဓမ္မ ခိုင်းစေခံရတဲ့ အနေအထားမျိုးမှာ ရှိနေပါတယ်။ ဘာကြောင့်လဲဆိုတော့ ဘင်္ဂလားဒေ့ရှ် နိုင်ငံက ကမ္ဘာတလွှားကို အ၀တ်အထည်တွေ အများဆုံး ချုပ်လုပ်တင်ပို့နေတဲ့ နိုင်ငံတခု ဖြစ်နေလို့ပါ။ ကမ္ဘောဒီးယား နိုင်ငံမှာလည်း အလားတူ အခြေအနေမျိုး ရှိနေပြီး လူပေါင်း ၂ သိန်းခွဲလောက် အဓမ္မ ခိုင်းစေခံနေရပါတယ်။ တချို့ကတော့ ပုဂ္ဂလိက အိမ်တွေမှာ အလုပ်လုပ်ကြရတဲ့ အိမ်အကူတွေဖြစ်ပြီး ကျွန်ပြုခိုင်းစေခံရမှု အများဆုံး အစုအဖွဲ့ ဖြစ်ပါတယ်။ ကုန်ထုတ်လုပ်မှု လုပ်ငန်းတွေမှာ လုပ်ကိုင်နေကြသူ အချိုးအစားကလည်း ကမ္ဘောဒီးယားမှာ များပါတယ်။
ကမ္ဘာပေါ်မှာ ကျွန်ပြုခိုင်းစေခံရတဲ့ လူဦးရေ အဆင့်အတန်းမှာတော့ မြန်မာနိုင်ငံ လူဦးရေ ၅ သိန်း ကျော်နဲ့ အဆင့် ၁၂ မှာ ရပ်တည်နေတယ်လို့လည်း အစီရင်ခံစာမှာ ဖော်ပြပါတယ်။ ထိုင်းနိုင်ငံက ငါးဖမ်းလုပ်ငန်းတွေမှာ ကျွန်ပြုခိုင်းစေခံနေရတဲ့ မြန်မာနိုင်ငံသားတွေရဲ့ အခြေအနေကိုလည်း အစီရင်ခံစာက ထောက်ပြပါတယ်။ ထိုင်းနိုင်ငံတွင်း ငါးဖမ်းလုပ်ငန်းတွေမှာ အခကြေးငွေမပေးဘဲ ခိုင်းစေခံနေရသူတွေကို ဆက်တိုက် ကယ်တင်ပေးနေရတာဖြစ်ပြီး အခြေအနေက ဆိုးရွားနေဆဲ ဖြစ်တယ်လို့ ထိုင်းနိုင်ငံရောက် မြန်မာနိုင်ငံသားများ ကူညီစောင့်ရှောက်ရေးအဖွဲ့က
ဦးကျော်သောင်းက ပြောပါတယ်။

“သူတို့ထုတ်တာထက် အစပေါင်းများစွာ ရှိနေတယ်လို့ ကျနော်ပြောနိုင်တယ်။ ဘာကြောင့်လဲဆိုရင် ပြီးခဲ့တဲ့ မေလ ၁၇ ရက်နေ့က ထိုင်းနိုင်ငံတောင်ပိုင်း စီချွန်ခရိုင် ခနွန်ငါးဖမ်းလေဆိပ်မှာ ၁ နှစ်ကနေ ၃ နှစ်နဲ့ ၄ လအထိ ရောင်းစားခံနေရတဲ့ မြန်မာနိုင်ငံသား ၁၃ ယောက်ကို ကျနော်တို့ ထိုင်းနိုင်ငံရောက် မြန်မာနိုင်ငံသားများအဖွဲ့က သွားရောက်ပြီး ကယ်တင်ခဲ့တယ်။ ဇန်န၀ါရီလ ၂၈ ရက်နေ့က ထိုင်းနိုင်ငံမှာ နာမည်ကြီး ပင်လယ်ဆိပ်ကမ်း အပန်းဖြေစခန်းဖြစ်တဲ့ ဖူးခက်ကမ်းခြေမှာ အခန်းတခန်းထဲမှာ ပိတ်လှောင်ထားတဲ့ မြန်မာနိုင်ငံသား အလုပ်သမား ၃၂ ယောက်ကို ကျနော်တို့ ကယ်ထုတ်နိုင်ခဲ့တယ်။ အဲဒီအလုပ်သမားတွေဟာ ထိုင်းနိုင်ငံ တောင်ပိုင်း ရနောင်းကယ်ဆယ်ရေး စခန်းထဲမှာရှိတယ်။ ချောင်းသမေးစံလှေဆိပ်ကလည်းပဲ တလတလကို တကြိမ်၊ နှစ်ကြိမ်၊ သုံးကြိမ် အမြဲတမ်း ကယ်ထုတ်နေရတယ်။ ကျနော် သိရှိလေ့လာသလောက်ဆိုရင် ကျနော်တွေ့ဖူးသလောက် ကယ်ထုတ်တဲ့ အတွေ့အကြုံတွေအရ ပြောမယ်ဆိုလို့ရှိရင် ထိုင်းငါးဖမ်းလှေတွေပေါ်မှာရှိတဲ့ ၉၇% လောက်က လူကုန်ကူးခံကြရတဲ့ မြန်မာအလုပ်သမားတွေဖြစ်တယ်။”

ခေတ်သစ် ကျွန်ပြုခိုင်းစေခံရသူ အများဆုံးနိုင်ငံတွေကတော့ အိန္ဒိယ၊ တရုတ်၊ ပါကစ္စတန်၊ ဘင်္ဂလားဒေ့ရ်ှနဲ့ ဥဇဘက်ကစ္စတန် နိုင်ငံတို့ ဖြစ်တယ်လို့လည်း အစီရင်ခံစာက ထောက်ပြပါတယ်။ ဒီအစီရင်ခံစာရဲ့ ရည်ရွယ်ချက်ကတော့ ကျေးကျွန်ပြု ခိုင်းစေခံရသူတွေရဲ့ အခြေအနေကို လူအများသိရှိပြီး ထိရောက်တဲ့ မူဝါဒတွေ တားဆီး ဆောင်ရွက်နိုင်ဖို့ ဖြစ်တယ်လို့လည်း အစီရင်ခံစာကို ထုတ်ဝေတဲ့ Walk Free Foundation က ပြောဆိုထားပါတယ်။
VOA Burmese News

Photo-၂၀၁၆ ခုနှစ်၊ မေလ ၃၀ ရက်နေ့၊ နံနက်(၉ )နာရီအချိန်တွင် ကော်မရှင်အဆောက်အဦ၌ ပြုလုပ်သော ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်အစည်းအဝေး
ယခုရက်ပိုင်းအတွင်း ပွက်လောရိုက်နေသော မြန်မာနိုင်ငံ ကျောက်မျက်လုပ်ငန်းရှင်များအသင်း ရန်ပုံငွေထဲမှ စာရင်းပျောက်နေသော ယူရိုငွေ သန်း ၈၀ ကိစ္စနှင့်ပတ်သက်၍ မနက်ဖြန် ဇွန် ၂ ရက်နေ့တွင် နေပြည်တော် ရွှေကြာပင်ကျောက်မျက်ရတနာသင်တန်းကျောင်း၌ ကျောက်မျက်ပြပွဲကျင်းပရေးကော်မတီနှင့် ကျောက်မျက်လုပ်ငန်းရှင်များအသင်းက သတင်းစာရှင်းလင်းမည်ဖြစ်ကြောင်း သိရသည်။

ယူရို သန်း ၈၀ စာရင်းပျောက်နေခြင်းကိစ္စအား ၀န်ကြီးဌာန ၃ ခုနှင့် သူရဦးရွှေမန်းဦးဆောင်သော ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်ထံ ကျောက်မျက်လုပ်ငန်းရှင်များအသင်းမှ လူပုဂ္ဂိုလ် ၂၁ ဦးက လက်မှတ်ရေးထိုးပြီး တိုင်ကြားစာ ပေးပို့ခဲ့သည်။

 ယင်းတိုင်ကြားစာတွင် ၂၀၀၉ မှ ၂၀၁၆ အထိ အခွန် ၁ ရာခိုင်နှုန်းကောက်ခံရရှိသောငွေပမာဏ ယူရိုငွေ ၈၇ သန်းရှိရာမှ လက်ရှိတွင် ယူရို ၇ သန်းသာကျန်ရှိတော့ကြောင်း၊ ယင်းငွေများထဲမှ သမ္မတဟောင်း ဦးသိန်းစိန်က အနုပညာဦးစီးဌာနအတွက် ယူအက်စ် ၇ သန်း ထုတ်ပေးခဲ့ကြောင်း၊ သမ္မတရုံးဝန်ကြီးဟောင်း ဦးစိုးသိန်း၏အမည်အောက်တွင် ယူအက်စ် ၅ သန်း ထုတ်ယူခဲ့ကြောင်းများလည်း ဖော်ပြပါရှိသည်။

ထွန်း(နေပြည်တော်)

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


နိုင်ငံခြားရေးဝန်ကြီး ဒေါ်အောင်ဆန်းစုကြည်ဟာ အာရှ ၁၉ နိုင်ငံမှာ တာဝန်ယူထးတဲ့ မြန်မာနိုင်ငံ သံအမတ်တွေကို လာမယ့်ဇွန်လ ၁၄ရက်နေ့ နေပြည်တော်မှာခေါ်ယူတွေ့ဆုံပြီး မြန်မာ နိုင်ငံရဲ့ နိုင်ငံခြားရေးမူဝါဒတွေကို ရှင်းလင်းသွားမှာဖြစ်ပါတယ်။

သံအမတ်တွေဖက်ကလည်း ကြုံတွေ့နေရတဲ့ အခက်အခဲတွေကို ပြန်လည်တင်ပြနိုင်မှာဖြစ်တယ်လို့ နိုင်ငံခြားရေးဝန်ကြီးဌာန ဒုတိယညွှန်ကြားရေးမှူးချုပ် ဒေါ်အေးအေးစိုး က ပြောပါတယ်။

နိုင်ငံပေါင်း ၅၀နီးပါးမှာ မြန်မာနိုင်ငံဆိုင်ရာသံရုံးတွေထားရှိထားပြီး သံတမန်ဦးရေလည်း ၅၀ နီးပါး ရှိပါတယ်။

လက်ရှိမှာ ဘက်ဂျက်အခြေအနေအရ အာရှနိုင်ငံက သံတမန်တွေကိုပဲ ခေါ်ယူနိုင်ပြီး လာမယ့် နှစ်လည်လောက်မှာ ဥရောပနိုင်ငံတွေက မြန်မာသံအမတ်တွေနဲ့လည်း တွေ့ဆုံသွားမယ်လို့ ဒေါ်အေးအေးစိုး က ပြောပါတယ်။

အရင်အစိုးရအဆက်ဆက်မှာ နိုင်ငံခြားရေးဝန်ကြီးတွေက သံတမန်တွေကို ပြည်တွင်းကိုခေါ်ယူပြီး တွေ့ဆုံဆွေးနွေးမှုတွေ မရှိခဲ့ဖူးပါဘူး။

RFA Burmese
https://www.facebook.com/rfaburmese

 ( နယ်စပ်ရေးရာဝန်ကြီး ဒုတိယဗိုလ်ချုပ်ကြီးရဲအောင်ကို ဇွန်လ ၁ ရက်နေ့က ရခိုင်ပြည်နယ် စစ်တွေမြို့တွေ တွေ့ရစဉ် ) Photo: Min Thein Aung/ RFA 
ရခိုင်ပြည်နယ်ဖံွ့ဖြိုးတိုးတက်ရေးအတွက် ငွေကျပ်သိန်းပေါင်း ၇ သောင်းကျော် အသုံးပြုသွားမယ်လို့ နယ်စပ်ရေးရာဝန်ကြီး ဒုတိယဗိုလ်ချုပ်ကြီးရဲအောင်က ပြောပါတယ်။

ဒီနေ့ စစ်တွေမြို့မှာ ရခိုင်ပြည်နယ်တည်ငြိမ်အေးချမ်းရေး နဲ့ ဖံွ့ဖြိုးမှုတိုးတက်ရေး အကောင်အထည် ဖော်မှု ကော်မတီအဖွဲ့ဝင် ဝန်ကြီးတွေဟာ မြို့ခံတွေနဲ့ တွေ့ဆုံဆွေးနွေးစဉ်မှာ ဝန်ကြီး ဒုတိယဗိုလ်ချုပ် ကြီး ရဲအောင်က ပြောခဲ့တာဖြစ်ပါတယ်။

ရခိုင်ပြည်နယ်ဖွံ့ဖြိုးတိုးတက်ရေးအတွက် ဒေါ်အောင်ဆန်းစုကြည်က ကော်မတီ ဥက္ကဌအဖြစ် တာဝန်ယူထားတာဖြစ်ပါတယ်။

ဒေါ်အောင်ဆန်းစုကြည်ကိုယ်တိုင်ကလည်း ရခိုင်ပြည်နယ်အရေးကိစ္စကို အလေးထား ဆောင်ရွက်နေတယ်လို့ ၀န်ကြီးတွေက တွေ့ဆုံပွဲမှာ ပြောပါတယ်။

လူ့အဖွဲ့အစည်းတွေအကြား ဘာသာရေး၊ ဓလေ့ထုံးတမ်းစဉ်လာတွေကိုလည်း အပြန်အလှန် ယုံကြည်လေးစားကြဖို့ နဲ့ ဘာသာရေးကို ခုတုံးမလုပ်ကြဖို့ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်က ပြောခဲ့ပါတယ်။

နိုင်ငံသားစိစစ်ရေးလုပ်ငန်းတွေကိုလည်း ၁၉၈၂ ခုနှစ် ဥပဒေနဲ့အညီ ပွင့်လင်းမြင်သာစွာ ဆောင်ရွက်သွားမယ်လို့လည်း ပြောပါတယ်။

မနေ့က ရခိုင်ပြည်နယ်တည်ငြိမ်အေးချမ်းရေးနဲ့ ဖံွ့ဖြိုးမှုတိုးတက်ရေး အကောင်အထည်ဖော်မှု ကော်မတီကို ဖွဲ့စည်းလိုက်ပြီး ဒီကနေ့ စစ်တွေမြို့ကို ရောက်ရှိပြီး မြို့ခံတွေကို ရှင်းပြခဲ့တာဖြစ်ပါတယ်။

RFA Burmese
https://www.facebook.com/rfaburmese


မန္တလေးတိုင်း ကျောက်ဆည်မြို့နယ်က ကျေးရွာ ၂ ရွာမှာ ရွေးကောက်ပွဲမတိုင်ခင်က ကျေးရွာ မီးလင်းရေး ဆိုပြီး ကျေးရွာအုပ်ချုပ်ရေးမှူးတွေက အခမဲ့ဝေပေးခဲ့တဲ့ နေရောင်ခြည်သုံး ဆိုလာပြား တွေအတွက် ပြီးခဲ့တဲ့ ဖေဖော်ဝါရီလကစပြီး ငွေကြေးကောက်ခံနေတယ်လို့ ဒေသခံတောင်သူတွေက ဒီနေ့ ပြောပါတယ်။

မန္တလေးမြို့က ၈၈ ကဖေးမှာ တောင်သူ ၆ဦးက သတင်းစာရှင်းလင်းပွဲ ကျင်းပပြီး ပြီးခဲ့တဲ့ ဖေဖော်ဝါရီလ မှာ တောင်သူတွေရရှိမယ့် စိုက်ပျိုးစရိတ် ချေးငွေထဲကနေ ဆိုလာပြားဖိုးတွေကို ကျေးရွာအုပ်စုအုပ်ချုပ်ရေးမှူးတွေ က ဖြတ်ယူခဲ့တာဖြစ်ကြောင်း တောင်သူ ဦးဟန်ထွန်းက ပြောပါတယ်။

"စိုက်ဘဏ်ချေးငွေက ကျနော်တို့တောင်သူတွေက အကုန်လုံးလက်မှတ်တွေထိုး စာချုပ်တွေဘာတွေ လုပ်ပြီးတဲ့ အချိန်မှာ သူတို့က ဘဏ်ရုံးထဲမှာလာပြီးတော့ ရဲတွေနဲ့ စာရေးတွေနဲ့ အားလုံးထိုင်ပြီးတော့ တောင်သူတွေရဲ့ငွေ ကို လက်ထဲမရောက်ဘဲနဲ့ သူတို့က အကုန်သိမ်းဆည်းသွားတယ်၊ ပေးကိုမပေးချင်တော့ဘူး ကျနော်တို့က ဆိုလာပြားဖိုးကို၊ ဟိုတစ်ချိန်ကလည်း အလကားပုံစံလုပ်သွားတာ"

၂၀၁၄ ခုနှစ် မေလက ကျောက်ဆည်မြို့နယ် တံတားဦးကုန်း ကျေးရွာနဲ့ ကျောက်ဆောက် ကုန်းကျေးရွာ က နေအိမ် ၁၀၀ ကျော်ကို ကျေးလက်မီးလင်းရေးအတွက် ဆိုပြီး ကျေးရွာအုပ်ချုပ် ရေးမှူးတွေက အခမဲ့လိုက်လံတပ်ဆင်ပေးခဲ့ တာဖြစ်တယ်လို့ ဒေသခံတောင်သူတွေက ပြောပါတယ်။

ပြီးခဲ့တဲ့နှစ်မှာ ဆိုလာပြားဖိုး ကောက်ယူခဲ့တာမရှိဘဲ ဒီနှစ် ဖေဖော်ဝါရီလမှာ စိုက်ပျိုးစရိတ်ချေးငွေ ထုတ်ပေးစဉ် မှာ တောင်သူ ၈၀ ကျော်ရဲ့ ချေးငွေတွေထဲကနေ ဆိုလာပြားဖိုးဆိုပြီး ဖြတ်တောက် ယူခဲ့တာဖြစ်တယ်လို့ လည်း ပြောပါတယ်။

တပ်ဆင်ပေးခဲ့တဲ့ ဆိုလာပြား၊ ဘက်ထရီ၊ အင်ဗယ်တာ အပါအဝင် ဆက်စပ်ပစ္စည်းတွေရဲ့ တန်ဖိုးငွေအတွက် ငွေ ကျပ် ၂ သိန်းကနေ ၇ သိန်းအထိ ကုန်ကျတယ်လို့ တွက်ချက်ပြီး တောင်သူတွေဆီက တစ်သိန်း၊ ၂ သိန်း စ သဖြင့် ဖြတ်ယူခဲ့ကြတာဖြစ်ပါတယ်။

ဒါ့အပြင် ကျန်တဲ့ငွေကို မပေးလို့ဆိုပြီး တောင်သူ ၆ ဦးကိုလည်း ငွေကြေးရယူလိုမှုနဲ့ ကျေးရွာ အုပ်ချုပ်ရေးမှူးတွေက တရားစွဲဆိုထားပါတယ်။

RFA Burmese
http://www.rfa.org/burmese

ဓါတ်ပုံ - ပျောက်ဆုံးကျောင်းသားများအား ရှာဖွေနေကြစဉ်
ဇွန် ၁ /DNJ

ပုဏ္ဏားကျွန်းမြို့နယ်၊ ပိုးရွှီပြင် အထကကျောင်းမှကျောင်းသားများစီးနင်းလားသည့် လှေတိမ်းမှောက်ရာမှ ကျောင်းသား (၇) ဦးခန့်ပျောက်ဆုံးနေကြောင်းသတင်းရရှိသည်။

အဆိုပါဖြစ်စဉ်မှာ ပိုးရွှီပြင်ကျေးရွာရှိ အထကကျောင်းသို့ ကျောင်းတက်ရန်ရောက်ရှိလာသည့် ကျောင်းသား ၃၅ ဦးခန့်မှာ ဇွန်လ ၁ ရက်နေ့ နေ့လည် ၁ နာရီအချိန်ခန့်က ပိုးရွှီပြင်ကျေးရွာမှဂန့်ဂါကျေးရွာသို့ ကူးတို့စက်လှေဖြင့်ကူးကြရာ လှေနစ်မှုဖြစ်ပွားသဖြင့်ကျောင်းသူ (၆)ဦးနှင့် ကျောင်းသား(၁)ဦးစုစုပေါင်း (၇)ဦးခန့်ပျောက်ဆုံးနေကြောင်းပိုးရွှီပြင်ရဲစခန်းမှသိရသည်။

“ကူးတို့က လူအများတင်လိုက်တယ်။ လောင်းကလဲပေါက်တယ်လို့ပြောတယ်။ မြစ်လယ်လောက်မှာ နစ်သွားတယ်။ အခုအချိန်ထိတော့ ပျောက်သွားတဲ့ကလေးငယ်တွေကို ရှာမတွေ့သေးပါဘူး။ ဝိုင်းဝန်းပြီး တော့ရှာနေကြပါတယ်။ ကလေးတွေကတော့ ရခိုင်ဂန့်ဂါကျေးရွာက ကလေးတွေဖြစ်တယ်။”ဟု ပိုးရွှီပြင် အထက ကျောင်းမှ ဆရာတစ်ဦးကပြောသည်။

ဖြစ်စဉ်မှာ နေ့လည်ဘက် မုန့်စားချိန်တွင်ဖြစ်ပွားခြင်းဖြစ်ကာ ပျောက်ဆုံးမှုအတွင်းသတ္တမတန်း(၃) ဦး၊အဌမတန်း(၃) ဦးနှင့် နဝမတန်း (၁)ဦးခန့်ပါဝင်ပြီး လှေနစ်မှုဖြစ်စဉ်ကြောင့်နီးစပ်ရာကျေးရွာများမှ ဒေသခံများ၏ကူညီဆယ်ယူမှုဖြင့် ကျောင်းသား ၂၈ ဦးမှာလွတ်မြောက်လာခဲ့သော်လည်း ကျောင်းသား(၇) ဦးပျောက် ဆုံးနေသည့်အတွက် လှေမောင်းနှင်သူအား သက်ဆိုင်ရာရဲစခန်း၌ထိမ်းသိမ်းထားရှိပြီး ပျောက်ဆုံးနေသည့် ကလေးငယ်များအား တာဝန်ရှိသူနှင့် ဒေသခံများစုပေါင်းရှာဖွေလျက်ရှိပြီး ယခုအချိန်ထိ တစ်စုံတစ်ရာရှာဖွေတွေ့ရှိမှုမရှိသေးကြောင်းလည်းသိရသည်။

Development Media Group
https://www.facebook.com/DevelopmentNJ/


မန္တလေးတိုင်း ရမည်းသင်းအကျဉ်းထောင်မှာ ဖမ်းဆီးခံထားရတဲ့ Myanmar Veneer သစ်စက်ရုံ အလုပ်သမားတွေထဲက ၃၆ ဦးကို မနေ့က ပြန်လွှတ်ပေးလိုက်ပြီး သပိတ်ခေါင်းဆောင် ၁၅ ဦးကို နေပြည်တော် တပ်ကုန်းမြို့နယ်တရားရုံးမှာ ဒီနေ့ ရုံးထုတ်ခဲ့ပါတယ်။

ရုံးချိန်းမှာ စစ်ဆေးတာမရှိဘဲ လာမယ့် ဇွန်လ ၁၅ ရက်နေ့မှာ ရုံးချိန်းသတ်မှတ်ပေးလိုက်ပါတယ်။
လွှတ်တော်မှာ စစ်ကိုင်းအလုပ်သမားကိစ္စကို ကြားနာပေးဖို့အတွက် လွှတ်တော်ကိုယ်စားလှယ် ၅ဦးနဲ့ အရင်က သဘောတူညီမှုရထားတာကို ဆက်လက်ဆောင်ရွက်ပေးဖို့ ကိုယ်စားလှယ်တွေထံ စာပေးပို့သွားမယ်လို့ အလုပ်သမားတွေကို ကူညီပေးနေတဲ့ ရှေ့နေ ဦးအောင်သူရိန်ထွန်း က ပြောပါတယ်။

ဆန္ဒပြပွဲကို ဦးဆောင်သူတွေအဖြစ် အလုပ်သမား ၇ဦး၊ သပိတ်ကို ၀န်းရံတဲ့ ဗကသကျောင်းသား ၅ဦးနဲ့ ပြည်သူ ၃ဦးကို နိုင်ငံတော်အကြည်ညိုပျက်စေမှု၊ ရုန်းရင်းဆန်ခတ်ဖြစ်မှု၊ ဥပဒေနဲ့မညီတဲ့ အစုအဖွဲ့မှာ ပါဝင်မှု၊ လူစုခွဲဖို့ အမိန့်ပေးတာကို မလိုက်နာမှု စတဲ့ ပုဒ်မ ၄ ခုနဲ့ ရုံးထုတ်ခဲ့တာဖြစ်ပါတယ်။

ရုံးထုတ်စဉ်မှာ တရားရုံးအနီးမှာ ရဲဝန်ထမ်း ၅၀ နီးပါးက လုံခြုံရေးယူထားပြီး ရုံးချိန်းကို ဗကသကျောင်းသားတွေနဲ့ ၀န်းရံသူတွေ ၆၀ လောက်က လာရောက်အားပေးခဲ့ကြပါတယ်။

ပြီးခဲ့တဲ့ မေလ ၁၈ရက်နေ့က နေပြည်တော် တပ်ကုန်းမြို့အနီးမှာ စစ်ကိုင်းအလုပ်သမား သပိတ် စစ်ကြောင်းကို ဖြိုခွဲလိုက်ပြီး သပိတ်မှာပါဝင်သူ ၇၀ ကျော်ကို ဖမ်းဆီးခဲ့ပေမယ့် အလုပ်သမား ၂၀ ကို ပြန်လွှတ်လိုက်ပြီး ကျန်တဲ့ ၅၀ ကျော်ကို ရမည်းသင်း အကျဉ်းထောင်မှာ ထိန်းသိမ်းထား တာဖြစ်ပါတယ်။ အဲဒီထဲက ၃၆ ယောက်ကို မနေ့က ပြန်လွှတ်ပေးလိုက်တာ ဖြစ်ပါတယ်။

စစ်ကိုင်းအလုပ်သမားတွေဟာ စစ်ကိုင်းမြို့ကနေ ပြီးခဲ့တဲ့ ဧပြီလ ၂၉ ရက်နေ့က စတင်ထွက်ခွာ လာတာဖြစ်ပြီး အလုပ်ထုတ်ခံရတဲ့ အလုပ်သမား ၁၀၀ ကျော်ကို ပြန်ခန့်ပေးဖို့၊ အလုပ်လက်မဲ့ဖြစ်နေတဲ့ ကြားကာလအတွက် အလုပ်ရှင်ဘက်က နစ်နာကြေးပေးဖို့၊ သူတို့ဖွဲ့စည်းထားတဲ့ အလုပ်သမား သမဂ္ဂကို အသိအမှတ်ပြုပေးဖို့တို့ကို တောင်းဆိုလာကြတာဖြစ်ပါတယ်။

RFA Burmese
https://www.facebook.com/rfaburmese

ပြင်သစ်သမ္မတ ဖရွန်ဆွာ အော်လန်းဒ် နဲ့ ဆွစ်ဇာလန် သမ္မတ
ဆွစ်ဇာလန်နိုင်ငံမှာ ကမ္ဘာ့အရှည်ဆုံးနဲ့ မြေအောက်အနက်ဆုံး ရထားလိုင်း ဥမင်လှိုဏ်ခေါင်းကို Gothard မြို့မှာ ဒီကနေ့ အခမ်းအနားနဲ့ ဖွင့်လှစ်လိုက်ပါတယ်။

ဒီဖွင့်ပွဲအခမ်းအနားကို ဆွစ်ဇာလန်နိုင်ငံရဲ့ အိမ်နီးချင်းနိုင်ငံတွေဖြစ်ကြတဲ့ အီတလီ ၀န်ကြီးချုပ် Mateo Renzi, ဂျာမနီဝန်ကြီးချုပ် Angela Merkel နဲ့ ပြင်သစ်သမ္မတ ဖရွန်ဆွာ အော်လန်းဒ်တို့လည်း တက်ရောက်ကြပါတယ်။

ဒီရထားလမ်းကြီး ဖောက်လုပ်လိုက်တဲ့အတွက် ဥရောပနိုင်ငံတွေကြား ကုန်သွယ် စီးဆင်းမှုတွေ ပိုပြီးတော့ လွယ်ကူ ကောင်းမွန်လာစေမှာပါ။ Alps တောင်တန်းတွေ ကိုဖြတ်ပြီး ဖောက်လုပ်ထားတဲ့ ဒီ ဥမင်လိုဏ်ခေါင်းဟာ ၅၇ ကီလိုမီတာရှည်ပြီး နှစ် ၂၀ နီးပါး အချိန်ယူ တည်ဆောက်ခဲ့ရတာပါ။ မြောက်ပိုင်း Rotterdam မြို့ကနေ တောင်ပိုင်း Genoa မြို့အထိ ဥရောပရဲ့ အဓိက မီးရထား ဆက်သွယ်ရေးလမ်းကြောင်းတခုအနေနဲ့ ဖောက်လုပ်တာ ဖြစ်ပါတယ်။

လအတော်ကြာ အကြိမ်ကြိမ် စမ်းသပ်မှုတွေ လုပ်ပြီးရင်တော့ ဒီနှစ်ကုန်ကစလို့ တနေ့ကို ကုန်တင်ရထားစင်းရေ ၂၆၀ နဲ့ ခရီးသည်တင်ရထား ၆၅ စင်း ဒီဥမင်လိုဏ်ခေါင်းကိုဖြတ်ပြီး နေ့စဉ် ပြေးဆွဲသွားမှာ ဖြစ်ပါတယ်။ အရင်က ရက်အတော်ကြာ သွားရတဲ့ခရီးကို ဒီ ဥမင် လိုဏ်ခေါင်းကနေ အမြန်ရထားနဲ့သွားရင် ၁၇ မိနစ်ပဲ ကြာတော့မှာပါ။

 ဗွီအိုအေ (မြန်မာပိုင်း)
http://burmese.voanews.com/