06/10/16


နိုင်ငံတော်အတိုင်ပင်ခံ ဒေါ်အောင်ဆန်းစုကြည် ကိုယ်တိုင် ဦးဆောင်တဲ့ ငြိမ်းချမ်းရေးဖော်ဆောင်ရေး ကော်မတီ။
နိုင်ငံတော်အတိုင်ပင်ခံ ဒေါ်အောင်ဆန်းစုကြည် ကိုယ်တိုင် ဦးဆောင်တဲ့ ငြိမ်းချမ်းရေးဖော်ဆောင်ရေး ကော်မတီ။

ပြီးခဲ့တဲ့ သမ္မတ ဦးသိန်းစိန်လက်ထက်က တစ်နိုင်ငံလုံးအပစ်အခတ်ရပ်စဲရေး သဘောတူ စာချုပ် (NCA) မှာ ပါဝင်လက်မှတ် ရေးထိုးခွင့်မပြုခဲ့တဲ့ တအာင်း-ပလောင်(TNLA)၊ ကိုးကန့်(MNDAA)၊ ရခိုင် လက်နက် ကိုင်အဖွဲ့ (AA) တို့ကို NLD အစိုးရသစ် လက်ထက်မှာ ဖွဲ့စည်းလိုက်တဲ့ ၂၁ရာစု ပင်လုံ ညီလာခံ အကြိုပြင် ဆင်ရေး ကော်မတီက တွေ့ဆုံဖို့ရှိပါတယ်။ ဒါနဲ့ပတ်သက်လို့ တပ်မတော်ဘက် ကလည်း သဘောတူတယ် လို့ သမ္မတရုံး ဝန်ကြီးဌာန ပြောခွင့်ရသူက ပြောပါတယ်။ သတင်းအပြည့်အစုံကိုတော့ ဗွီအိုအေ သတင်းထောက် မမြင့်မြင့်ခိုင်က တင်ပြထားပါတယ်။

NLD အစိုးရသစ် လက်ထက် ၂၁ရာစု ပင်လုံ အကြိုပြင်ဆင်ရေး ကော်မတီအနေနဲ့ တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် (NCA) လက်မှတ်မထိုး ရသေးတဲ့ တအာင်း-ပ လောင် (TNLA)၊ ကိုးကန့် (MNDAA)၊ ရက္ခိုင့်တပ်မတော် (AA)တို့နဲ့ မကြာခင် တွေ့ဆုံညှိနှိုင်းဖို့ရှိပါတယ်။

အစိုးရနဲ့ NCA လက်မှတ်မထိုးရသေးတဲ့ မဟာမိတ်လက်နက်ကိုင်အဖွဲ့ ၃ဖွဲ့ တွေ့ ဆုံဆွေးနွေးမယ့် အပေါ် တပ်မတော်ဘက်ကလည်း သဘောတူ ထားတယ်လို့ သမ္မတရုံး ဝန်ကြီးဌာနရဲ့ ပြောရေးဆိုခွင့်ရှိသူ ဦး ဇော်ဌေး က ပြောပါတယ်။

" အဲ့သုံးဖွဲ့ကို ဆွေးနွေးရမယ်။ ထိတွေ့ရမယ်။ တွေ့ဆုံရမယ်။ ဆွေးနွေးရမယ်။ အဲ့တာမှ သူတို့ ဘယ်လိုပါလာနိုင်မလဲဆိုတာကို အဖြေရှာလို့ရမယ်။ အဲ့တာကို ဆွေးနွေးရမယ် တွေ့ဆုံရမယ်ဆိုတာကိုလည်း တပ်မတော်က သဘောတူတယ်။ သဘောတူတဲ့အတွက် ကျနော်တို့ ဆပ်ကော်မတီ(၂)မှာ တပ်မတော်က ကိုယ်စားလှယ်တွေ ထည့်ဖွဲ့ထားတယ်။"

တစ်နိုင်ငံလုံး အပစ်အခတ်ရပ်စဲရေး NCA လက်မှတ်မထိုးထားတဲ့ အဖွဲ့တွေနဲ့ တွေ့ဆုံညှိနှိုင်းဖို့ ဖွဲ့စည်း ထားတဲ့ ၂၁ ရာစု ပင်လုံ အကြို ပြင်ဆင်ရေး ဆပ်ကော်မတီ ၂ မှာ တပ်မတော်ဘက်က ကိုယ်စားလှယ် တွေလည်း ပါဝင်ပြီးသားဖြစ် တယ်လို့ ဦးဇော်ဌေးက ဆက်ပြောပါတယ်။

တပ်မတော်အနေနဲ့ ပြီးခဲ့တဲ့ ဦးသိန်းစိန် အစိုးရ လက်ထက်မှာတော့ အဲ့ဒီ မဟာမိတ် လက်နက်ကိုင်အဖွဲ့ ၃ဖွဲ့ ကို NCA မှာ ပါဝင်လက်မှတ်ရေးထိုးဖို့ ပြင်းပြင်းထန်ထန် ကန့်ကွက်ခဲ့တာလည်းဖြစ်ပါတယ်။

အစိုးရဘက်က ကမ်းလှမ်းမှုကြောင့် မဟာမိတ် လက်နက်ကိုင်သုံးဖွဲ့ နဲ့ ၂၁ရာစု ပင်လုံအကြိုပြင်ဆင်ရေး ကော်မတီနဲ့ မကြာခင်မှာ တွေ့ဆုံဖို့ရှိပြီး အချိန်နဲ့ နေရာ ကိုတော့ အတိအကျ မသတ်မှတ်ရသေးဘူးလို့ တအာင်း-ပလောင်တပ်ဖွဲ့ TNLA ရဲ့ ပြန်ကြားရေးတာဝန်ခံ မိုင်အိုက်ကျော်က ပြောပါတယ်။

" သုံးဖွဲ့လုံးကို ဒီသုံးဖွဲ့စလုံးကို တပြိုင်နက်တည်း တွေ့ဖို့များတယ်။ လူကြီးတွေနဲ့ချိ်တ်ဆက်ပြီး တွေ့ဖို့ရာတော့ လုပ်နေတယ်။"

တအာင်း-ပလောင် (TNLA)၊ ကိုးကန့် (MNDAA)၊ ရက္ခိုင့်တပ်မတော် (AA)စတဲ့ မဟာမိတ် လက်နက်ကိုင် အဖွဲ့ ၃ဖွဲ့နဲ့ ပတ်သက်လို့ တပ်မတော်ဘက်က သဘောပျော့ပျောင်းလာရင် ငြိမ်းချမ်းရေး ဆွေးနွေး မှုတွေ ပို အဆင်ပြေလာတဲ့ သဘောရှိတယ်လို့ သူက ဆက်ပြောပါတယ်။

" တပ်ဘက် က သဘောတူတယ် ဆိုရင်တော့ ပိုပြီး အဆင်ပြေတာပေါ့။ နဂိုကတည်း က တပ်မတော်ဘက်က သူတို့ပြောတယ်။ ဒီအဖွဲ့တွေက လက်နက် စွန့်ရမယ်။ လက်နက်စွန့်ပြီးမှ ဒီငြိမ်းချမ်းရေး စကားပြောမယ် ဆိုပြီး ပြောထားတာ ရှိတယ်။ အခုလို ခွင့်ပြုတယ်ဆိုရင်တော့ ပိုပြီး အဆင်ပြေတာပေါ့။ ညှိနှိုင်းမှုက ပိုပြီး အဆင်ပြေလာနိုင်တဲ့ အနေအထားရှိတာပေါ့။ "

ပြီးခဲ့တဲ့ ဇွန်လ ၃ရက်နေ့မှာ ပြည်ထောင်စု ငြိမ်းချမ်းရေးညီလာခံ - ၂၁ရာစု ပင်လုံ အကြိုပြင်ဆင်ရေး ကော်မတီ ၂နဲ့ UNFC ကဖွဲ့စည်းထားတဲ့ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ တို့ တွေ့ဆုံဆွေးနွေးခဲ့ကြပြီး မကြာခင်မှာ UNFC မှာ မပါဝင်တဲ့ ဝပြည်သွေးစည်းညီညွတ်ရေး တပ်မတော် UWSA၊ အမျိုးသား ဒီမိုကရေစီ မဟာမိတ်တပ်မတော် - မိုင်းလားအဖွဲ့ NDAA တို့နဲ့လည်းတွေ့ဆုံဖို့ ရှိပါ တယ်။

ပြီးခဲ့တဲ့ မေလကုန်ပိုင်းက ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံ အကြိုပြင်ဆင်ရေး ကော် မတီ ဖွဲ့စည်းခဲ့ပြီး NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့တွေနဲ့ ညှိနှိုင်းဆွေး နွေးဖို့အပြင် NCA လက်မှတ် မရေးထိုးသေးတဲ့ အဖွဲ့တွေနဲ့ ညှိနှိုင်းဖို့ ဆပ်ကော်မတီ ၂ခုဖွဲ့ပြီး တာဝန် ပေးခဲ့ တာလည်းဖြစ်ပါတယ်။

မမြင့်မြင့်ခိုင်
VOA Burmese News

 hlamaungshwe-620.jpg ရန်ကုန်မြို့ ရွှေလီလမ်းက အမျိုးသားရင်ကြားစေ့ရေးနဲ့ ငြိမ်းချမ်းရေးစင်တာမှာ ဇွန်လ ၁ဝ ရက်နေ့ကကျင်းပတဲ့ ဆပ်ကော်မတီအစည်းအဝေး ဒုတိယနေ့မှာ ဦးလှမောင်ရွှေ ကို တွေ့ရစဉ်
Photo: Kyaw Htoon Naing/RFA

အစိုးရတပ်မတော်နဲ့ တိုက်ပွဲတွေဖြစ်ပွားနေတဲ့ AA, TNLA နဲ့ MMDAA တပ်ဖွဲ့တွေကို ၂၁ ပင်လုံညီလာခံ တက်ရောက်နိုင်ဖို့အတွက် နည်းလမ်းရှာဖွေဆွေးနွေးသွားမယ်လို့ ညီလာခံအကြိုပြင်ဆင်ရေး ဆပ်ကော်မတီ ၂ အတွင်းရေးမှူး ဦးလှမောင်ရွှေ က ဒီကနေ့ ပြောပါတယ်။

ရန်ကုန်မြို့ ရွှေလီလမ်းမှာရှိတဲ့ အမျိုးသားရင်ကြားစေ့ရေးနဲ့ငြိမ်းချမ်းရေးစင်တာမှာ ကျင်းပတဲ့ ဆပ်ကော်မတီ အစည်းအဝေး ဒုတိယနေ့အပြီးမှာ ဦးလှမောင်ရွှေက ပြောခဲ့တာဖြစ်ပါတယ်။

"၃ ဖွဲ့ကိုတော့ တပ်မတော်ရဲ့ ဆန္ဒချက်တွေရှိတယ်၊ နောက် လက်ရှိအစိုးရဘက်က ချဉ်းကပ်မှုတွေရှိတယ်၊ ဒါတွေ ကျနော်တို့ ရှင်းပြမယ် သူတို့ကို၊ ရှင်းပြပြီးတော့ ဒီရှင်းပြချက်ထဲကပဲ သူတို့အနေနဲ့ နည်းလမ်းတွေ ရှာနိုင်မလားဆိုတာကိုတော့ သူတို့စဉ်းစားမယ်"

ဝ နဲ့ မိုင်းလား အဖွဲ့တွေကိုလည်း ညီလာခံအကြောင်း ရှင်းပြဖို့အတွက် ဒေါက်တာတင်မျိုးဝင်း ဦးဆောင်ပြီး လာမယ့်အပတ်ထဲမှာ သွားရောက်ဆွေးနွေးဖို့လည်း ရှိနေပါတယ်။

၂၁ ရာစု ပင်လုံညီလာခံကျင်းပရေးအတွက် နိုင်ငံရေးဆွေးနွေးမှု မူဘောင်ပြင်ဆင်ချက်တွေနဲ့ ပတ်သက်ပြီး အပစ်ရပ်လက်မှတ်မထိုးထားသေးတဲ့ အဖွဲ့တွေနဲ့ပါ ပူးပေါင်းဆွေးနွေးဖို့ ဖိတ်ခေါ်ထားတယ်လို့ ဦးလှမောင်ရွှေ ကပြောပါတယ်။

ညီလာခံကျင်းပနိုင်ရေးဆပ်ကော်မတီအစည်းအဝေးရဲ့ ဆွေးနွေးချက်တွေကို နိုင်ငံတော်အတိုင်အပင်ခံ ပုဂ္ဂိုလ်ဒေါ်အောင်ဆန်းစုကြည်ဆီကို တင်ပြထားတယ်လို့လည်း ပြောပါတယ်။

ဆပ်ကော်မတီအစည်းအဝေးကို နောက်ထပ် ၂ ရက် ကျင်းပသွားမှာဖြစ်ပါတယ်။

ညီလာခံအကြိုပြင်ဆင်ရေး ဆပ်ကော်မတီ ၂ အတွင်းရေးမှူး ဦးလှမောင်ရွှေ ကို RFA သတင်းထောက် ကိုမျိုးဇော်ကို က တွေ့ဆုံမေးမြန်းထားပါတယ်။
RFA



ဘင်္ဂလားဒေ့ရှ် ရဲလုံခြုံရေးများ။
ဘင်္ဂလားဒေ့ရ်ှနိုင်ငံမှာ ဟိန္ဒူဘုရားကျောင်းက အလုပ်သမားတဦး ဒီကနေ့ မနက်စောစော လမ်းလျှောက်နေချိန် ဓားနဲ့အသေ ခုတ်သတ်ခံခဲ့ရပါတယ်။ ဘင်္ဂလားဒေ့ရှ် နိုင်ငံတ၀ှမ်းက ဘာသာရေးလူနည်းစုတွေ ဆိုးဆိုးရွားရွား တိုက်ခိုက်ခံ နေရတဲ့အထဲ ဒါနောက်ဆုံး ဖြစ်ရပ်ပါ။

အသက် ၆၂ နှစ်အရွယ် Nityaranjan Pande ဟာ အနောက်မြောက်ပိုင်း Pabna ခရိုင်မှာ လမ်းလျှောက်ထွက်နေချိန် ဘယ်သူဘယ်ဝါ မသိရတဲ့ သူတွေက တိုက်ခိုက် လာပြီး နေရာမှာတင်ပဲ ပွဲချင်းပြီး အသတ်ခံခဲ့ရတာပါ။ အခုတိုက်ခိုက်မှုကို ဘယ်သူကမှ သူတို့လက်ချက်လို့ မပြောပေမဲ့ ဒေသဆိုင်ရာ ရဲတပ်ဖွဲ့ကတော့ အလားတူ တိုက်ခိုက်မှုမျိုးတွေကို အစ္စလာမ်မစ် စစ်သွေးကြွတွေကပဲ လုပ်ဆောင်လေ့ရှိတဲ့ အကြောင်း ပြောပါတယ်။

ပြီးခဲ့တဲ့ သုံးနှစ်အတွင်း ဒီလိုအလားတူ တိုက်ခိုက်ခံရပြီး သေဆုံးသူ ၄၀ ကျော်ရှိပြီး ပြီးခဲ့တဲ့လ အနည်းငယ်အတွင်း မှာတော့ တိုက်ခိုက်မှုတွေ ပိုဆိုးလာခဲ့ပါတယ်။ ပြီးခဲ့တဲ့ အင်္ဂါနေ့တုန်းကပဲ ဟိန္ဒူဘုန်းကြီးတပါး ဘုရားကျောင်းအသွား လမ်းမှာ တိုက်ခိုက်ခံခဲ့ရတာပါ။

အရင်က တိုက်ခိုက်ခံခဲ့ရသူတွေထဲမှာတော့ လိင်တူစုံမက်သူအရေး လှုပ်ရှားသူတွေ၊ လွတ်လပ်တဲ့ အတွေးအမြင်ရှိတဲ့ ပညာရှင်တွေ၊ ဘာသာရေးဂိုဏ်းဂဏ္ဍစွဲကင်းတဲ့ ဘလော့ဂါတွေ ပါဝင်ပါတယ်။ ဘင်္ဂလားဒေ့ရ်ှနိုင်ငံဟာ ဘာသာရေးအစွဲ ကင်းတဲ့ နိုင်ငံတခု ဖြစ်ပေမဲ့ နိုင်ငံလူဦးရေရဲ့ ၉၀ ရာခိုင်နှုန်းလောက်က မူစလင်တွေ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com/



ယူရို ၂၀၁၆ ဥရောပဖလားဘောလုံးပွဲ
ယူရို ၂၀၁၆ ဥရောပဖလားဘောလုံးပွဲကို ပြင်သစ်နိုင်ငံမှာ ဒီကနေ့ သောကြာနေ့မှာ စတင် ကျင်းပမှာဖြစ်ပါတယ်။ နိုင်ငံပေါင်း ၂၄ နိုင်ငံ ယှဉ်ပြိုင်ကြမယ့် ဒီဥရောပဖလားရဲ့ ဖွင့်ပွဲကိုတော့ ပဲရစ်မြို့မှာ ကျင်းပမှာဖြစ်ပြီး၊ ပြင်သစ်အာဏာပိုင်တွေဟာ ပြိုင်ပွဲကို အိမ်ရှင်အဖြစ် အဆင်ပြေပြေကျင်းပနိုင်ဖို့အတွက် အရှိန်အဟုန်မြှင့် လုပ်ဆောင်နေကြပါတယ်။

ပွဲဦးထွက်အဖြစ် နဲ့ အိမ်ရှင် ပြင်သစ်အသင်း နဲ့ ရိုမေးနီးယားအသင်းတို့ ပဲရစ်မြို့က Stade de France ကွင်းမှာ ကစားကြမှာဖြစ်ပါတယ်။ အိမ်ရှင် ပြင်သစ် အသင်းကတော့ ယူရို ၂၀၁၆ ပြိုင်ပွဲမှာ ဗိုလ်စွဲမယ်လို့ ထိပ်ဆုံးကရေပန်းစားနေတဲ့ အသင်းလည်းဖြစ်ပါတယ်။

ပြင်သစ်အသင်းခေါင်းဆောင် Hugo Lloris ကတော့ - သူတို့အနေနဲ့ ဘာမှ လုပ်ပြထားတာမရှိသေးတဲ့အတွက် ဗိုလ်စွဲဖို့ ရေပန်းအစားဆုံးအသင်း မဟုတ်ဘူးလို့ ပြောလိုက်ပါတယ်။ ရိုမေးနီးယားနည်းပြကတော့ သူ့အသင်း အနေနဲ့ ပြင်သစ်ကို ရင်ဆိုင်ဖို့ အဆင့်သင့်ဖြစ်နေပြီး၊ ပြင်သစ်ရဲ့ တိုက်စစ် ကို တောင့်ခံထားနိုင်မယ်လို့မျှော်လင့်တယ်လို့ ပြောလိုက်ပါတယ်။

ရိုမေးနီးယားအသင်းဟာ ခြေစစ်ပွဲ ၁၀ ပွဲမှာ ၂ ဂိုးသာပေးခဲ့ရပြီး ခံစစ်အကောင်းဆုံးအသင်းတသင်းဖြစ်ပါတယ်။ သူတို့ ၂ သင်း နောက်ဆုံး ၁၀ ကြိမ်တွေ့ထားတာမှာ ပြင်သစ်က ၅ ပွဲ နိုင်ပြီး၊ ၅ ပွဲ သရေကျထားပါတယ်။ ဒါပေမဲ့ နောက်ဆုံးတွေ့ထားတဲ့ ၅ ပွဲမှာ ၄ ပွဲက သရေကျထားတာဖြစ်ပြီး ၊ ရိုမေးနီးယားအသင်း ပြင်သစ်ကို နောက်ဆုံးနိုင်တာကတော့ ၁၉၇၂ ခုနှစ်ကဖြစ်ပါတယ်။

တဆက်တည်းမှာပဲ ပဲရစ်မြို့က အလုပ်သမားတွေကလည်း ဆက်ပြီးတော့ သပိတ်မှောက်ဖို့ လုပ်နေကြပါတယ်။ ပြင်သစ်သမ္မတ Francois Hollande ကတော့ - ယူရို ၂၀၁၆ ပြိုင်ပွဲကို ထိခိုက်အောင် အလုပ်သမား သပိတ်မှောက် ဆန္ဒပြတာတွေလုပ်ဖို့ကြိုးပမ်းနေတာတွေနဲ့ ပတ်သက်ပြီး သတိပေး လိုက်ပါတယ်။ ပြင်သစ်ဟာ အုပ်စု A မှာ ရိုမေးနီးယား၊ ဆွစ်ဇာလန် ၊ အယ်လ်ဘေးနီးယားတို နဲ့ ကစားရမှာဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com


အစိုးရသစ်လက်ထက်တွင် သမိုင်းဝင် အင်းစိန်ဂျီတီအိုင်ကျောင်းအား နည်းပညာနှင့် သက်မွေးပညာသင်တန်းများ ဖွင့်လှစ်နိုင်ရန် စီစဉ်ဆောင်ရွက်လျက်ရှိကြောင်း ပညာရေးဝန်ကြီး ဒေါက်တာမျိုးသိမ်းကြီးက ဇွန်လ ၁၀ ရက် လွှတ်တော်အစည်းအဝေးတွင် ပြောသည်။

အင်းစိန်မဲဆန္ဒနယ်မှ ဦးမောင်မောင်ဦးက အင်းစိန်(GTI) ကျောင်းတော်ကြီးကို ယခင်အစဉ်အလာကောင်းနှင့် အညီ (GTI) ကျောင်းတော်ကြီး ပေါ်ပေါက်လာနိုင်ရေးအတွက် ပြန်လည် အကောင်အထည်ဖော်ရန် နှင့် စပ်လျဉ်း၍ မေးမြန်းခဲ့မှုကို ပညာရေးဝန်ကြီးက ယင်းသို့ ပြန်လည်ဖြေကြားခဲ့ခြင်းဖြစ်သည်။

အင်းစိန်ဂျီတီအိုင်အား သိပ္ပံနှင့် နည်းပညာဝန်ကြီးဌာနက ရန်ကုန်မြို့တော် စည်ပင်သာယာရေး ကော်မတီသို့ ၂၀၀၇ ခုနှစ်တွင် လွှဲပြောင်းပေးအပ်ခဲ့ခြင်းဖြစ်ပြီး ပညာရေးဝန်ကြီးဌာန ၊ ၀န်ကြီးရုံးမှ ၂၀၁၆ ခုနှစ် မေလ ၁၇ ရက်တွင် နိုင်ငံတော်သမ္မတရုံးသို့ အင်းစိန်ဂျီတီအိုင် မြေဧက ၄၁.၉၉၇ ဧကနှင့် မြေပေါ်ရှိ အဆောက်အအုံများအား ရန်ကုန်တိုင်းဒေသကြီး အစိုးရအဖွဲ့နှင့် ပူးပေါင်းဆောင်ရွက်၍ ရန်ကုန်မြို့တော် စည်ပင်သာယာရေး ကော်မတီ လက်အောက်မှ ပညာရေးဝန်ကြီးဌာနသို့ အဆင့်လိုက် ပြန်လည် လွှဲပြောင်းပေးအပ်နိုင်ရန် တင်ပြ စီစဉ်ဆောင်ရွက်လျက်ရှိသည်ဟု ပညာရေးဝန်ကြီး ဒေါက်တာမျိုးသိမ်းကြီးက လွှတ်တော်အစည်းအဝေးတွင် ပြောကြားခဲ့သည်။

အင်းစိန်ဂျီတီအိုင်ကျောင်းမှာ မြန်မာနိုင်ငံ၏ ပထမဆုံးသော စက်မှုလက်မှု ပညာသင်ကျောင်း ဖြစ်ခဲ့သော်လည်း ပြီးခဲ့သည့် စစ်အစိုးရလက်ထက်တွင် အဆိုပါ ကျယ်ပြောလှသော ကျောင်းဝန်းအတွင်း ရွှေဝါရောင်သံဃာ့ အရေးအခင်းမှ ဖမ်းဆီးထားသူများအား ပိတ်လှောင်ခြင်း ၊ ဖြိုးစေတနာ ဆေးခန်းဖွင့်လှစ်ခြင်း၊ အခြားပုဂ္ဂလိက လုပ်ငန်းရှင်းများအား ပုဂ္ဂလိက အထက်တန်းကျောင်းဖွင့်ရန် ငှားရမ်းခြင်း အပါဝင် စက်မှုလက်မှု သက်မွေးပညာသင်ကျောင်းနှင့် မသက်ဆိုင်သည့် အသုံးချမှုများကို ပြုလုပ်ခဲ့ကြောင်း သိရသည်။

ဇော်မင်းထွန်း
The Ladies News
https://www.facebook.com/News.TheLadies



( ပြည်သူ့လွှတ်တော်ဥက္ကဌ ဦးဝင်းမြင့်ကို ဒီနေ့ နေပြည်တော်လွှတ်တော် ဇမ္ဗူသီရိခန်းမမှာကျင်းပတဲ့ သတင်းစာရှင်းလင်းပွဲမှာ တွေ့ရစဉ်။ ) Photo: Win Ko Ko Latt/RFA
လက်ရှိလွှတ်တော်သက်တမ်းအတွင်း ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးကို ဆောင်ရွက်မှာ ဖြစ်ပေမယ့် အမျိုးသားပြန်လည်သင့်မြတ်ရေးရရှိပြီးချိန်မှသာ ဖွဲ့စည်းပုံပြင်ဆင်ရေးဟာ ထိရောက်နိုင်မှာဖြစ်ကြောင်း ပြည်သူ့လွှတ်တော် ဥက္ကဌ ဦးဝင်းမြင့် က ပြောပါတယ်။

ဒီနေ့ နေပြည်တော် လွှတ်တော်ဝန်းအတွင်းက ဇမ္ဗူသီရိခန်းမဆောင်မှာ ကျင်းပတဲ့ သတင်းစာရှင်းလင်းပွဲမှာ ဖွဲ့စည်းပုံအခြေခံဥပဒေပြင်ဆင်ရေးနဲ့ ပတ်သက်ပြီး ဆောင်ရွက်မယ့် အခြေအနေကို မေးမြန်းရာမှာ ပြည်သူ့လွှတ်တော် ဥက္ကဌ ဦးဝင်းမြင့် က ဖြေကြားခဲ့တာဖြစ်ပါတယ်။

သတင်းထောက်တစ်ဦးက လွှတ်တော်လုပ်ငန်းတွေနဲ့ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က လွှတ်တော်ဥက္ကဌ ဦးဝင်းမြင့်အပေါ် လွှမ်းမိုးမှု ရှိသလားလို့ မေးမြန်းတာကို ဦးဝင်းမြင့်က ဝင်ရောက်စွက်ဖက်မှု၊ လွှမ်းမိုးမှုမရှိကြောင်း ဖြေကြားခဲ့ပါတယ်။

ဒါ့အပြင် လွှတ်တော်ဥက္ကဌက အစိုးရအဖွဲ့အပေါ် ကာကွယ်ပေးနေတယ်ဆိုတဲ့ ဝေဖန်မှုတွေ ရှိနေတာနဲ့ပတ်သက်ပြီး မေးမြန်းရာမှာ အစိုးရအဖွဲ့ကို ကာကွယ်ပေးတာမရှိဘဲ အစိုးရကို စောင့်ကြည့် ထိန်းညှိပေးနေတာဖြစ်ကြောင်း ဖြေခဲ့ပါတယ်။

ပြီးခဲ့တဲ့ ဖေဖော်ဝါရီလက စတင်ကျင်းပခဲ့တဲ့ ဒုတိယအကြိမ် လွှတ်တော်ပုံမှန်အစည်းအဝေးတွေကို ၄လကြာ ကျင်းပပြီးနောက် တစ်လနီးပါးကြာ ရပ်နားမှာဖြစ်ပါတယ်။ လွှတ်တော်အစည်းအဝေးတွေကို ဒီနေ့ နောက်ဆုံးကျင်းပတာဖြစ်ပြီး လွှတ်တော် ဥက္ကဌ ဦးဝင်းမြင့်က မီဒီယာတွေနဲ့ တွေ့ဆုံခဲ့တာဖြစ်ပါတယ်။

RFA Burmese
https://www.facebook.com/rfaburmese



အမျိုးသားလွှတ်တော်ဥက္ကဌ မန်းဝင်းခိုင်သန်း မိန့်ခွန်းပြောကြားစဉ်
လွှတ်တော်ကိုယ်စားလှယ်တွေရဲ့ ပြောဆိုဆောင်ရွက်ချက်တွေဟာ အုပ်ချုပ်ရေးနဲ့ တရားစီရင်ရေးကဏ္ဍတွေအပေါ် မလျော်သြဇာသုံးတဲ့ သဘောမသက်ရောက်အောင် သတိထားဖို့ လိုတယ်လို့ အမျိုးသားလွှတ်တော်ဥက္ကဌ မန်းဝင်းခိုင်သန်းက သတိပေးလိုက်ပါတယ်။

ဒီနေ့ကျင်းပတဲ့ အမျိုးသားလွှတ်တော် ပထမပုံမှန်အစည်းအဝေး နောက်ဆုံးနေ့မှာ ကိုယ်စားလှယ်တွေကို နှုတ်ဆက် စကားပြောကြားစဉ် သတိပေးလိုက်တာဖြစ်ပါတယ်။

အမျိုးသားလွှတ်တော် အစည်းအဝေးတွေကို ပြီးခဲ့တဲ့ ဖေဖော်ဝါရီလ ၃ ရက်ကနေ ဒီကနေ့ ဇွန်လ ၁၀ ရက်နေ့ အတွင်း အကြိမ်ပေါင်း ၄၀ ကျင်းပခဲ့တာဖြစ်ပါတယ်။

အစည်းအဝေးကာလအတွင်း မေးခွန်းပေါင်း ၄၀ နီးပါး မေးမြန်းခဲ့ပြီး အရေးကြီးအဆိုတစ်ခုကို မှတ်တမ်း တင်ခဲ့ပါတယ်။

ဒါ့အပြင် နိုင်ငံတော်ရဲ့ အတိုင်ပင်ခံပုဂ္ဂိုလ်ဆိုင်ရာဥပဒေ၊ ရပ်ကွက်နဲ့ ကျေးရွာအုပ်ချုပ်ရေးမှူးဆိုင်ရာ ဥပဒေကြမ်းကို တတိယအကြိမ်ပြင်ဆင်တဲ့ ဥပဒေကြမ်းနဲ့ ငြိမ်းချမ်းစွာ စုဝေးခြင်းနဲ့ စီတန်းလှည့်လည်ခြင်းဆိုင်ရာ ဥပဒေတွေကို အတည်ပြုပေးနိုင်ခဲ့ပါတယ်။

အမျိုးသားလွှတ်တော် အစည်းအဝေးတွေကို လာမယ့် ဇူလိုင်လအတွင်းမှာ ပြန်လည်ကျင်းပမှာဖြစ်ပြီး လွှတ်တော် ရပ်နားထားစဉ်ကာလအတွင်း ကိုယ်စားလှယ်တွေဟာ သက်ဆိုင်ရာမဲဆန္ဒနယ်တွေမှာ ဒေသဖံွ့ဖြိုးရေးလုပ်ငန်းတွေ နဲ့ လွှတ်တော်လုပ်ငန်းစဉ်တွေအကြောင်း ရှင်းလင်းတာတွေ၊ ဒေသခံတွေနဲ့ တွေ့ဆုံတာတွေ ဆောင်ရွက်ကြ မှာဖြစ်ပါတယ်။

RFA Burmese
http://www.rfa.org/burmese/


၂၀၁၆-၁၇ ပညာသင်နှစ်မှာ တိုင်းရင်းသားစာပေနဲ့ ဘာသာစကားကို မူလတန်းအဆင့်မှာ ဆက်လက်သင်ကြား ပို့ချသွားမယ်လို့ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောပါတယ်။

ဇွန်လ (၁၀)ရက်က ကျင်းပတဲ့ပြည်သူ့လွှတ်တော် အစည်းအဝေးမှာ ဘားအံမဲဆန္ဒနယ်မှ ဒေါ်နန်းသန်းသန်းလွင်ကမေးမြန်တဲ့ တိုင်းရင်းသား လူမျိုးများ၏ ဘာသာစကား၊ စာပေ၊ ယဉ်ကျေးမှုထိန်းသိမ်းရေးအတွက် အစိုးရကျောင်းများတွင် တိုင်းရင်းသား ဘာသာစကား၊ စာပေသင်ကြားခွင့်ပြုရန် အစီအစဉ် ရှိ/မရှိနဲ့စပ်လျဉ်းပြီးဖြေကြားရာမှာ ထည့်သွင်းပြောကြား ခဲ့တာဖြစ်ပါတယ်။

အခုနှစ်ပညာသင်နှစ်မှာ တိုင်းဒေသကြီးပြည်နယ် အသီးသီးမှာရှိတဲ့ တိုင်းရင်းသား ဘာသာသင် ဗဟိုကြီးကြပ်ရေးအဖွဲ့တွေနဲ့ တိုင်းရင်းသားဘာသာ စာပေနှင့်ယဉ်ကျေးမှု သင်ကြားရေးကော်မတီတို့ ပူးပေါင်းပြီး မူလတန်းအဆင့် တိုင်းရင်းသားစာပေနဲ့ ဘာသာစကားဖွံ့ဖြိုးရေး၊ သင်ကြားလိုတဲ့ဒေသ တွေရဲ့သင်ကြားမှုအခြေအနေတွေကို စာအုပ်နမူနာပြုစုပြီး သက်ဆိုင်ရာအစိုးရအဖွဲ့ရဲ့ အကူအညီနဲ့ အကောင်အထည်ဖော် ဆောင်ရွက် နိုင်ရေး ပညာရေးဝန်ကြီးဌာနက ဆက်လက်ပူးပေါင်းဆောင်ရွက် နေတယ်လို့ ပြည်ထောင်စုဝန်ကြီးကပြောပါတယ်။

 တိုင်းရင်းသားစာပေနဲ့ ဘာသာစကားတွေကို ၂၀၁၃-၁၄ပညာသင်နှစ်က စတင်ကာ သင်ကြားလိုတဲ့ တိုင်းဒေသကြီးနဲ့ပြည်နယ် အလိုက် သင်ကြား ပေးခဲ့ပြီး (၂၀၁၄-၁၅) ပညာသင်နှစ်မှာတော့ မူလတန်းအဆင့်မှာ တိုင်းရင်းသားဘာသာ စာပေစာအုပ် (၂၆)မျိုးကိုအခမဲ့ ဖြန့်ဝေပေးခဲ့တယ်လို့ သိရပါတယ်။

5 Plus News
https://www.facebook.com/5plusnews


(သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းနဲ့ စစ်ကိုင်းတိုင်းဝန်ကြီးချုပ် ဒေါက်တာမြင့်နိုင် တို့ လက်ပံတောင်း ကြေးနီစီမံကိန်း လုပ်ငန်းခွင်ကို ဇွန်လ ၁ဝ ရက်နေ့က သွားရောက်စစ်ဆေးစဉ်) Photo: Sagaing Regional lnformation Page Facebook
သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းနဲ့ စစ်ကိုင်းတိုင်း ဝန်ကြီးချုပ် ဒေါက်တာမြင့်နိုင် တို့ဟာ လက်ပံတောင်း ကြေးနီစီမံကိန်း လုပ်ငန်းခွင်ကို သွားရောက်စစ်ဆေးခဲ့ပြီး ဝမ်ပေါင်ကုမ္ပဏီက တာဝန်ရှိသူတွေနဲ့ ဒီနေ့ တွေ့ဆုံခဲ့ပါတယ်။

သဘာဝပတ်ဝန်းကျင် ထိခိုက်ပျက်စီးမှု ရှိ မရှိနဲ့ လုပ်ငန်းခွင်ထဲကို စစ်ဆေးခဲ့တာဖြစ်တယ်လို့ ဝမ်ပေါင်ကုမ္ပဏီရဲ့ အကြံပေးဖြစ်တဲ့ ဦးကိုမြင့် က ပြောပါတယ်။

ကံကုန်းကျေးရွာအနီးက မိုးကြိုးဆာလဖျူရစ် အက်စစ်စက်ရုံကိုလည်း အစိုးရအဖွဲ့ဝင်ဝန်ကြီးတွေက သွားရောက်စစ်ဆေးခဲ့ပါတယ်။

မိုးကြိုးဆာလဖျူရစ်အက်စစ် စက်ရုံပြောင်းရွှေ့ပေးဖို့နဲ့ စပယ်တောင်နဲ့ ကြေးစင်တောင်စီမံကိန်းကြောင့် သိမ်းဆည်းခံထားရတဲ့ လယ်မြေတွေအတွက် လျော်ကြေးပေးဖို့ တိုင်ကြားစာကို စစ်ကိုင်းတိုင်း ဝန်ကြီးချုပ်ထံ ပေးအပ်ခဲ့တယ်လို့ ကံကုန်းရွာသား ကိုတင့်အောင်စိုးက ပြောပါတယ်။

ပြည်ထောင်စုဝန်ကြီးရဲ့ခရီးစဉ်မှာ လက်ပံတောင်းတောင်၊ စပယ်တောင်နဲ့ ကြေးစင်တောင်ကြေးနီစီမံ ကိန်းဧရိယာတွေက ဒေသခံတွေနဲ့ တွေ့ဆုံဆွေးနွေးခဲ့တာမရှိသလို ဆားလင်းကြီးမြို့နယ်က လွှတ်တော်ကိုယ်စားလှယ်တွေနဲ့လည်း တွေ့ဆုံခဲ့တာမရှိခဲ့ဘူးလို့ ဒေသခံတွေက ပြောပါတယ်။

RFA Burmese
https://www.facebook.com/rfaburmese


ဝန်းသို ဇွန် ၁၀

စစ်ကိုင်းတိုင်းဒေသကြီး ဝန်းသိုမြို့နယ် လမ်းဦးစီးဌာနက ဇွန် ၉ ရက်က ရေကြီးရေလျှံမှု ကြောင့် ပျက်စီးခဲ့သော တံတားများကို ဒေသခံပြည်သူများအဆင်ပြေစွာ သွားလာနိုင်ရန်ပြုပြင်ထိန်းသိမ်းခြင်းလုပ်ငန်းများ ဆောင်ရွက်နေကြောင်း သိရသည်။


“ရေတိုက်စားမှုကြောင့်ပျက်စီးမှု ဖြစ်ခဲ့သော တံတားအမှတ် ၃/၂၁ မောင်းကော်တံတား ၁၁၅ပေ PRT သံဘောင် ယက္မတံတား ချဉ်းကပ်လမ်းပျက်စီးမှုနှင့် ဆင်ကုန်း-ဝန်းသို-ပင်လယ်ဘူးလမ်း တံတားအမှတ်(၅/၂၇) ပင်လည်ဘူးဘက်ခြမ်း တံတားချင်းကပ် မြေသားအကျယ်(၁၀)ပေ အနက်(၁၂)ပေခန့် ပြိုကျပျက်စီးမှုအား မြို့နယ်လမ်းဦးစီးဌာနက စက်ယန္တရားများဖြင့် ဇွန် ၉ ရက် ညနေ ၆ နာရီတွင် ပြုပြင်ခြင်းများ ဆောင်ရွက်ပြီးစီးခဲ့ပါတယ်၊ ၄င်းအပြင် ဆင်းကုန်း- ဝန်းသို-ပင်လည်ဘူးလမ်း တံတားအမှတ်(၆/၂၈) ဝန်းသိုဘက်ခြမ်း ကမ်းကပ်ခုံပြိုကျခြင်းကြောင့် မော်တော်ယာဉ်များဖြတ်သန်းသွားလာဖို့ ခက်ခဲတဲ့အတွက် တံတားလမ်းလွဲ ပြုလုပ်ပေးခဲ့ပြီး အဆိုပါတံတားအား ပြုပြင်ခြင်းလုပ်ငန်းများ ဆောင်ရွက်နေဆဲဖြစ်ပါတယ်” ဟု မြို့နယ်လမ်းဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။


“ဒီလမ်းတွေက ကျွန်မကလေးတွေကို ကျောင်းပို့၊ ကျောင်းကြို နေ့စဉ်သွားလာနေရတဲ့အတွက် ယခုလို မြန်မြန်ဆန်ဆန် ပြန်လည်ပြုပြင်ပေးတာ အရမ်းကို ဝမ်းသာပျော်ရွှင်ရပါတယ်” ဟု ဒေသခံရပ်မိရပ်ဖ တစ်ဦးက ပြောသည်။

ယခုအခါ ဝန်းသိုမြို့နယ်မှ ဒေသခံပြည်သူများသည် ကောလင်းမြို့နယ်၊ ပင်လည်ဘူးမြို့နယ် များသို့ ယခင်အတိုင်း ဆက်သွယ်သွားလာနေကြပြီ ဖြစ်ကြောင်း သတင်းရရှိသည်။

မြို့နယ်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar


Breaking news on 10June2016

ထိုင်းနိုင်ငံ ဘန်ကောက်မြို့ လယ်က ရချဒါ လမ်းမကြီး မှာ ဖွင့်ထားတဲ့ "နာတာလီ"အနှိပ် နဲ့ ရေချိုးခန်း ဖျော်ဖြေရေး နေရာကို ဇွန် (၇)ရက်နေ့ က ရဲတွေဝင်ဖမ်းခဲ့ပြီးတဲ့နောက် ဝှေ့ ကွမ်ရဲစခန်းမှာ ထိမ်းသိမ်းထာတဲ့ မိန်းခလေး (၇၇) ယောက်ကို ယနေ့ ဇွန်လ (၁၀)ရက်နေ့ မှာ စတင် ရုံးထုတ်ခဲ့ကြောင်း သိရပါတယ်။


အဆိုပါ မိန်းခလေး တွေဟာ လူကုန်ကူးမှုနဲ့  ပါတ်သက်နေတဲ့အတွက် တရားခံ သက်သေ အဖြစ် ဆက်လက်စစ်ဆေးပြီး ပြည့်တန်ဆာ ဘ၀ရောက်အောင် စည်းရုံး သိမ်းသွင်းခဲ့တဲ့ သူ (သို့ ) လူမှောင်ခိုဂိုဏ်းတွေကို ဆက်လက်ဖေါ်ထုတ် အရေးယူမှာဖြစ် တယ် လို့ သိရပါတယ်။

ဖမ်းဆီးခံရတဲ့ ပြည့်တန်ဆာ ၁၂၁ ဦးမှာ မြန်မာအမျိုးသမီး ပြည့်တန်ဆာ ၅၃ ဦး ပါဝင်နေကြောင်း သိရလို့  ထိုင်းနိုင်ငံဆိုင်ရာ မြန်မာသံရုံးက စုံစမ်းစစ်ဆေးမှုတွေ ပြုလုပ်နေတယ်လို့ လည်း သတင်းတွေ ထွက်ခဲ့ပါတယ်။

ဒီနေ့ ရုံးထုတ်တဲ့နေမှာ မြန်မာသံရုံးက တာဝန်ရှိသူတွေ တရားရုံးမှာ လာရောက် စုံစမ်းတာ ကြားနာတာမျိုး ရှိမရှိတော့ သေချာမသိရသေးပါဘူး ၊ သတင်းတွေမှာ ပါနေသလို ဖမ်းမိတဲ့ မိန်းခလေးတွေကို (၄၅)ရက် နဲ့  ပြန်ပို့ မယ် ဆိုတာ သာမန်လူဝင်မှု ကြီးကြပ်ရေး ဥပဒေ အရ ထိုင်းနိုင်ငံအတွင်း တရားမ၀င် လာရောက်နေထိုင်သူတွေကို ချမှတ်တာဖြစ်ပါတယ်။

ယခုအမှုဟာ ပြည်တံဆာ လူကုန်ကူးနဲ့  ရဲလာဘ်စားမှုအထိ ရှုပ်ထွေးနေတာဖြစ်လို့  အမှုမပြီးမချင်း မိန်းခလေးတွေကို ဆက်လက် ထိမ်းသိမ်းထားမှာဖြစ်ကြောင်း သိရပါတယ်။

အနှိပ်ခန်း ၀င်ရောက်စီးနင်းရာမှာ ရဲဌာနပေါင်းစုံကို လာဘ်ပေးထားတဲ့ ငွေစာရင်း စာရင်းစာအုပ်တခု သိမ်းဆည်းရပြီး သက်ဆိုင်နေတဲ့ ရဲအရာရှိ ၄ ဦးကို ပြောင်းရွှေ့လိုက်တယ်လို့ ထိုင်း သတင်း ၀က်ဆိုဒ် က ဖော်ပြနေတာတွေရပြီး သက်ဆိုင်ရာ အာဏာပိုင်တွေက တရားဝင် ထုတ်ပြန်တာမျိုး မရှိသေးကြောင်း သိရပါတယ်။

Photo Daily news
Social Action for Women - SAW
https://www.facebook.com/Social-Action-for-Women-SAW


နိရဉ္စရာ၊ ဇွန်လ ၁၀

ရခိုင်ပြည်နယ်အမ်းမြို့နယ်ရှိ ရူး- တပ်တောင်အား ဆက်သွယ်ထားသော ကားလမ်းမှာ အပိုင်းပိုင်း ကျိုးပျက်သွားပြီး လမ်းပေါ်ရှိ ရွာချင်းဆက် တံတား၎ စင်းလည်း ရေထဲ ပါသွားပြီ ဖြစ်ကြောင်း ၎င်းနေရာများသို့ ကိုယ်တိုင် သွားရောက်ခဲ့သူ အမ်းမြို့နယ် အမှတ် (၂) မဲဆန္ဒနယ် ပြည်နယ် လွှတ်တော်ကိုယ်စားလှယ် ဦးခင်မောင်ဌေးက နိရဉ္စရာ သို့ ပြောကြားသည်။

မိုးအဆက်မပြတ်ရွာသွန်းသဖြင့် ဇွန်လ ၁၀ ရက် ယနေ့ နံနက်က ရန်ကုန်- စစ်တွေ ကားလမ်းမကြီး ဘေးရှိ ရူးနှင့် တပ်တောင် အကြား ဆက်သွယ်ထားသော ချဉ်းကပ်လမ်းများ အပါအ၀င် တံတား ၄ စင်းခန့် ပျက်စီးသွားပြီဟု ဆိုသည်။

"ကျနော်တို့ လွှတ်တော်က ကော်မတီသုံးခု ခရီးထွက်နေပါတယ်။ မိုးနည်းနည်းပဲ ရွာပါသေးတယ်။ တံတားတွေရဲ့ ချည်းကပ်ဘောင်တွေ ပိုင်းပြီး ရေထဲပါသွားတယ်။ ချဉ်းကမ်လမ်းတွေကို ပီနံအိတ်တွေထဲ သဲတွေထည့်ပြီး တည်ဆောက်ထားတော့ ဆားငန်ရေတွေ ၀င်ပြီး ရေတိုက်စားတာနဲ့ ကမ်ပါးတွေ ပြိုကျတာသွားတာပါ။ အခုတော့ ချဉ်းကပ်လမ်းတွေပြိုပြီး တံတား ၄ စင်းက ရေထဲပါသွားပါတယ်။ နောက် တံတားနှစ်စင်းက ကျိုးသွားပါတယ်” ဟု ဦးခင်မောင်ဌေးက ပြောသည်။


ရူးကျေရွာတွင်လည်း ရွာသို့ ဆားငန်ရေ မ၀င်ရအောင် တားဆီးထားသော တာတမံမှာ ကျိုးပေါက်သွားပြီး ရွာထဲသို့ ရေများ ၀င်လာသဖြင့် ရေကြီးမည်ကို ရွာသားများ စိုးရိမ်နေကြသည်ဟု ကျေးရွာ အုပ်ချုပ်ရေးမှူး ဦးမြတ်မင်းနိုင်က နိရဉ္စရာသို့ ယနေ့ မွန်းလွဲ ၃ နာရီက ပြောသည်။

“ ရွာကို ရေမ၀င်ရအောင် ကာထားတဲ့ တာကျိုးသွားပါပြီ။ ဒီတာက ဆည်မြောင်းက ရွာထဲကို ဆားငန်ရေ မ၀င်ရအောင် ကာထားတဲ့ဆည်ပါ။ လုပ်တာက မခိုင်ခန့်တာကြောင့် မိုးရွာတာနဲ့ က်ျိုးသွားတာ ဖြစ်ပါတယ်။ အခု ရွာထဲက မြေနိမ့်ပိုင်းကို ရေတွေ ၀င်လာပြီး နစ်နေပါပြီ။ အထက်ကို ဒီလို ဖြစ်နေတယ်ဆိုတာကို တင်ပြလိုက်ပါပြီ” ဟု ဆိုသည်။

ယခုအခါ ရူးရွာမှ မြေနိမ့်ပိုင်းမှ မိသားစုများလည်း ဘေးလွတ်ရာ သို့ ရွှေ့ပြောင်းနေကြသည် ဟု သိရသည်။

ရူးရွာသည် အိမ်ခြေ ၁၅၀၀ နီးပါးခန့် ရှိသော ရွာကြီး တစ်ရွာဖြစ်ပြီး ယမန်နှစ်ကလည်း မိုးကြီးပြီး ရေနစ်ခဲ့သဖြင့် အိမ်ခြေတစ်ဆယ်ကျော် ရေထဲပါသွားခဲ့သည်ဟု သိရသည်။

ကျေးရွာသားများ အနေဖြင့် ရှုးနှင့် တပ်တောင် လမ်းပိုင်းသွားသည့် အပြင် ရွာထဲသို့ ရေများ ၀င်လာနေသဖြင့် အခြေအနေမည်သို့ ဖြစ်လာမည်ကို သတိထား စောင့်နေကြသည်ဟု ကျေးရွာ အုပ်ချုပ်ရေးမှူးက ပြောသည်။

(ဓါတ်ပုံ -ကိုခင်မောင်ဌေး)
ကောင်းမြတ်နိုင်(မောင်တော)
Narinjara
https://www.facebook.com/Narinjara


(အေးသာယာ၊ ဇွန် ၁၀)

တောင်ကြီးမြို့နယ်၊ အေးသာယာမြို့၊ ရပ်ကွက် ၃၊ နယ်မြေ ၅၊ အမှတ် ၁၉ ရှိ ဝတ်ရည်စားသောက်ဆိုင်၌ ယနေ့ နေ့လည် ၁ နာရီ ၄၅ မိနစ်တွင် မီးလောင်ကျွမ်းမှုဖြစ်ပွားခဲ့ပြီး ၂ နာရီ မိနစ် ၂၀ တွင် မီးညွန့်ကျိုးသွားခဲ့ကြောင်း သိရသည်။


``တောင်ကြီးက မီးသတ်ကား ၃ စီး၊ အေးသာယာက ၂ စီး၊ ရွှေညောင်က ၂ စီးနဲ့ မီးငြိမ်းသတ်ခဲ့တာပါ။ လောလောဆယ် ဆုံးရှုံးမှုတန်ဖိုးဘယ်လောက်ရှိတယ်။ ဘယ်က စလောင်တယ်ဆိုတာလည်း ပြောလို့မရသေးပါဘူး။ ခဏနေရင်တော့ သိရတော့မှာပါ´´ဟု မီးသတ်အရာရှိတစ်ဦးက ကမ္ဘောဇတိုင်းသတင်းဂျာနယ်သို့ ပြောကြားသည်။

Kanbawza Tai News Journal
https://www.facebook.com/kanbawzatai/



ရန်ကုန်မြို့တွင်းရှိ လူနေတိုက်ခန်းများအား တွေ့ရစဉ် (ဆင်ဟွာ)
    ရန်ကုန်၊ ဇွန် ၁၀ ရက် (ဆင်ဟွာ)

    ဆောက်လုပ်ရေး ဝန်ကြီးဌာနသည် ရန်ကုန်တိုင်း ဒေသကြီးအတွင်းရှိ တန်ဖိုးနည်း တိုက်ခန်း ၂,၂ဝ၈ ခန်းကို အိမ်ပိုင်မရှိသူ ဝင်ငွေနည်း ပြည်သူများနှင့် အစိုးရ ဝန်ထမ်းများအား ဇူလိုင်လအတွင်း ရောင်းချပေးမည် ဖြစ်ကြောင်း မြို့ပြနှင့် အိမ်ရာ ဖွံ့ဖြိုးရေး ဦးစီးဌာနမှ သိရသည်။

ရောင်းချမည့် အဆိုပါ တန်ဖိုးနည်း တိုက်ခန်းများမှာ ဒဂုံ (ဆိပ်ကမ်း) မြို့နယ် ယုဇန တန်ဖိုးနည်း အိမ်ရာ အပိုင်း (၁) မှ ၈၆၄ ခန်း၊ ကနောင်အိမ်ရာ စီမံကိန်းမှ အခန်းပေါင်း ၈၄ဝ နှင့် လှိုင်သာယာမြို့နယ် ရွှေလင်ပန်း အပိုင်း (၃) မှ ၅ဝ၄ ခန်းကို ရောင်းချပေးမည် ဖြစ်ကြောင်း  သိရသည်။

အဆိုပါ တိုက်ခန်းများအား ဝယ်ယူရန် လျှောက်လွှာ ဝယ်ယူရမည့် နေ့ရက်နှင့် စည်းကမ်းချက်များကို ရန်ကုန် တိုင်းဒေသကြီး အစိုးရအဖွဲ့က ဇူလိုင်လလယ်တွင် သတင်းစာများ၌ ထုတ်ပြန် ကြေညာပေးသွားမည် ဖြစ်ပြီး ယင်းသို့ ရောင်းချရာတွင် မြေညီထပ် ငွေကျပ် သိန်း ၁၂ဝ ၊ ပထမထပ်မှ လေးထပ်အထိ ငွေကျပ် သိန်း ၁၂ဝ အောက်နှင့် ငွေကျပ် သိန်း ၇ဝ ကြား သတ်မှတ် ထားကြောင်း သိရသည်။

ရန်ကုန် တိုင်းဒေသကြီး အစိုးရက ရောင်းချမည့် တန်ဖိုးနည်း တိုက်ခန်းများ၏ ၇ဝ ရာခိုင်နှုန်းကို အိမ်ပိုင် မရှိသူ ဝင်ငွေနည်းပြည်သူ များအား ရောင်းချပေးမည်ဖြစ်ပြီး ကျန်ရှိသည့် ၃ဝ ရာခိုင်နှုန်းကို အစိုးရ ဝန်ထမ်းများအား ရောင်းချပေး သွားမည် ဖြစ်ကြောင်း မြဝတီ သတင်းတွင် ပါရှိသည်။

(Xinhua)
http://www.xinhuamyanmar.com


Posted on 10-6-2016

ကျောင်းပိတ်ချိန် နှစ်လအတွင်း သူငယ်ချင်းတွေ အံ့အားသင့် သွားရအောင် ၀တုတ်မ ဘ၀ကနေ ပိန်နုန်းမြင့် (Express) ပိန်ဆေး တွေကို အင်တာနက်က မှာယူ ပြီးသုံးစွဲ ခဲ့သူ ထိုင်းကျောင်းသူတဦး ရုတ်တရက်အသက်ရူ ရပ်သေ ဆုံးသွားခဲ့ကြောင်း သိရပါတယ်။

သူမမှန်းထားခဲ့သလို နှစ်လအတွင်းမှာ ကိုယ်အလေး ချိန်တွေကျသွား ခဲ့ပါ တယ် ၊ကျောင်းပြန်ဖွင့်တဲ့အခါ မှာလည်း သူငယ်ချင်းတွေက အံ့သြပြီး သူမကို ၀ိတ်ချ နည်းလမ်းတွေ ၀ိုင်းမေးတာခံခဲ့ရတယ်။


ဘာရောဂါမရှိတဲ့ ထိုင်းကျောင်းသူ ဟာ ပြီးခဲ့တဲ့ တပါတ်က ရုတ်တရက် ရင်တွေတုန် နှလုံးခုံမြန်ပြီး သွေးတက်သေဆုံးခဲ့ပါတယ်၊ကျန်းမာရေးဌာနကတော့ သေဆုံးသူ ကျောင်းသူဟာပိန်ဆေးတွေရဲ့  ဆေးဒဏ်မခံနိုင်ဖြစ်ပြီး နှလုံးခုံရပ် သေဆုံးခဲ့ရတာဖြစ်တယ်လို့  ထုတ်ဖေါ်ပြောဆိုခဲ့ပါတယ်။

မိဘတွေက တော့ ပထမပိုင်းမှာ သမီးအခြေအနေကို မသိကြပါဘူး။ ကတုံ ကရင်နဲ့ နတ်ဝင် ပူးသလို ဖြစ်နေတဲ့သမီးကို ၊ဒေသတွင်းကမကောင်းဆိုး ၀ါး တွေ (သရဲ-နာနာဘာဝ-နတ်ဆိုး)တွေ ၀င်စီးလို့  ထင်နေပါသေးတယ်။

နောက်ပိုင်းမှ သေဆုံးသူအခန်းထဲမှာ အင်တာနက်ကနေ မှာ သုံးနေတဲ့ အမြန် ပိန်ဆေး တွေ ရှာတွေ့ သွားခဲ့ပါတယ်။
ယခုဖြစ်ရပ်နဲ့  ပါတ်သက်ပြီး ပညာရေးဌာနက ကျောင်းသားမိဘတွေကို မိမိသားသမီးတွေ အသားဖြူဆေး-ပိန်ဆေးတွေကို သုံးစွဲနေခြင်းရှိမရှိ အချိန်ပေး စစ်ဆေးသင်တယ်လို့  တိုက်တွန်းခဲ့ပါတယ်။

Social Action for Women - SAW
https://www.facebook.com/Social-Action-for-Women-SAW


ညစ်ညမ်းတဲ့ပုံများ၊ စာများ ဖြန့်ဝေကြော်ငြာလို့ တရုတ်နိုင်ငံသားများတရားမ၀င် ဆေးကုသလို့ဆိုပြီး တရားရင်ဆိုင်နေရသော တော်ဝင်နှင်းဆီဆေးရုံပိုင်ရှင် တရုတ်လူမျိုး ဂရိတ်ဝေါ ဦးတင်မောင်(ခ)လီစန်းရှင်ရဲ့ ဇနီး ဒေါ်နန်းလှစိန်တို့ကို ဇွန် (၇)ရက်နေ့က မန္တလေးမြို့ ချမ်းအေးသာစံမြို့နယ် တရားရုံးကနေ အမှုမှားဖွင့် တာဆိုပြီး ကွင်းလုံးကျွတ်လွှတ်လိုက်ပါတယ်။

ကျွန်တော်အပါအ၀င် ဒီသတင်းကြားရတဲ့လူတိုင်း အံ့သြတုန်လှုပ်သွားမယ်ထင်ပါတယ်။ အရင် အစိုးရလက်ထက်ဆိုရင်တော့ သိပ်ပြဿနာ မရှိပေမယ့် ဒီမိုကရေစီအစိုးရသစ်လက်ထက်မှာတော့ ဒီသတင်း ဟာ ကြားရသူတိုင်း အံ့သြလို့မဆုံး ဖြစ်ကုန်ကြပါတယ်။ ဒီအမှုကို ပြည်သူအားလုံးက စိတ်ဝင် တစားစောင့်ကြည့်နေကြတာပါ။ ဒီသတင်းချက်ချင်း ဖေ့ဘုတ်ပေါ်မှာတက်လာတာနဲ့ ဒေါသထွက်သံတွေ ပွက်လောရိုက်ကုန်ပါတော့တယ်။ အရင်အစိုးရလက်ထက်ကတည်းက ကြောက်ခဲ့ရတဲ့ တရုတ်က အစိုးရ ပြောင်းသွားတော့လည်း ထူးမခြားနားပါပဲလားဆိုပြီး ၀မ်းနည်းဒေါသထွက်ကုန်ကြပါတယ်။ ပြောင်းလဲ ချိန်တန်ပြီဆိုပြီး ကြွေးကြော်သံနဲ့တက်လာတဲ့ အစိုးရဟာ ပြောင်းလဲမှုမရှိသေးဘူးလားဆိုပြီး မေးခွန်း ထုတ်ကုန်ကြပါတော့တယ်။

ဒီအမှုဟာ တိုင်းသိပြည်သိ ဖြစ်ခဲ့တဲ့အမှုပါ။ သာမန်အမှု မဟုတ်ပါဘူး။ စွဲချက်တွေအများကြီးနဲ့ စွဲထားတဲ့အမှုပါ။ ညစ်ညမ်းတဲ့ပုံများ၊ စာများဖြန့်ဝေ ကြော်ငြာမှု၊ မြန်မာနိုင်ငံဆေးကောင်စီကျွမ်းကျင် လက်မှတ်မရှိသော တရုတ် နိုင်ငံသားများမှ ဆေးကုသခြင်း၊ တရားမ၀င် ဆေးခန်းဖွင့်လှစ်မှု၊ တရားမ၀င် ဆေးဝါးများသုံးစွဲမှု၊ လိင်ပိုင်း ဆိုင်ရာဆေးကုသမှုတွေ၊ တရားမ၀င် ကိုယ်ဝန်ဖျက်ချပေးမှုတွေ၊ စည်ပင်ဥပဒေများ လ၀ကပုဒ်မများနဲ့ တရားစွဲဆိုခဲ့တဲ့ တိုင်းသိပြည်သိအမှုကြီး ဖြစ်ပါတယ်။ ဆေးရုံကိုဝင်စစ်ဆေးတဲ့အခါမှာလည်း သက်သေပစ္စည်း အစုံအလင်နဲ့ မိခဲ့တာပါ။

ဒီလောက်ခိုင်မာတဲ့အမှုကြီးကို အမှုစစ်ချိန် တနှစ်ခွဲအချိန်ကျော်မှ အမှုမှားယွင်းစွပ်စွဲမိတာဆိုပြီး ကွင်းလုံး ကျွတ်လွှတ်လိုက်တာဟာ အစိုးရ သစ်လက်ထက် မြန်မာနိုင်ငံရဲ့တရားစီရင်ရေးက ပြောင်းလဲမှုလုံးဝမရှိသေး ဘူးလား၊ တရားဥပဒေစိုးမိုးမှုက ဒါလားဆိုပြီး မေးခွန်းထုတ်စရာတွေ ဖြစ်သွားပါတယ်။

အမှုစဖြစ်တယ်ဆိုရင်ပဲ တရားစွဲဆိုထားတဲ့ တရားမ၀င်ဆေးလာကုတဲ့ တရုတ်နိုင်ငံသားခြောက်ဦးဟာလည်း လေယာဉ်ကွင်းကနေတောင် အလွယ်တကူပဲ လွတ်မြောက်သွားခဲ့တယ်။ စစ်ဆေးရေးအဆင့်အဆင့်နဲ့ ဖြတ်ကျော်ရတဲ့ လေယာဉ်ကွင်းကတောင် လေယာဉ်နဲ့ အလွယ်တကူပဲ ထွက်ပြေးလွတ်မြောက်သွားတာ ထူးဆန်းမနေဘူးလား။ မြန်မာနိုင်ငံရဲ့ လုံခြုံရေးစနစ်က အံ့သြစရာမကောင်းဘူးလား။ ဒီအတွက်လည်း ကာယကံရှင်ဖြစ်တဲ့ ဆေးရုံပိုင်ရှင်မှာရော လေဆိပ်က စစ်ဆေးရေးဝန်ထမ်းတွေမှာလည်း အပြစ်ရှိပါတယ်။ ဒါပေမဲ့ ဘာမှမဖြစ်ခဲ့ဘူး။ တရားစွဲဆိုချိန် တနှစ်ကျော်ကာလအတွင်းမှာလည်း တရားခံဂရိတ်ဝေါ ဦးတင်မောင်(ခ)လီစန်းရှင်ရဲ့ဇနီး ဒေါ်နန်းလှစိန်တို့ဟာ တရားရုံးကို လုံးဝမလာခဲ့ပါဘူး။ ဒီလို ဘာကြောင့်လုပ်ရဲတာလဲဆိုတာကတော့ ကာယကံရှင်များပဲ သိပါလိမ့်မယ်။ အမှုဟာလည်း အာမခံ မရနိုင်တဲ့အမှု ဖြစ်ပါတယ်။ ပထမတုန်းက စင်ကာပူကို ထွက်ပြေးခဲ့ပါသေးတယ်။ နောက်ဆုံး တရားခံပြေးအဖြစ် ကြေညာတော့မှ တရားရုံးကို အာမခံလာယူဖို့ တခေါက်ပဲလာခဲ့တာပါ။

ပထမဆုံးတရားစွဲဆိုမှုမှာ ဦးတင်မောင်(ခ) လီစန်းရှင်ပါဝင်ခဲ့ပေမယ့် နောက်ပိုင်း တရားခံပြေးအဖြစ် ကြေညာရာမှာတော့ ဦးတင်မောင်ဟာ ကွင်းလုံးကျွတ်အလိုအလျောက် လွတ်သွားခဲ့ပါတော့တယ်။ ဒီအတွက် လည်း ဘာဖြေရှင်းချက်မှ မထုတ်ခဲ့ပါဘူး။ ဒါ့အပြင် ဇွန် (၇)ရက်နေ့က တရားရုံးမှာလည်း အမိန့်ချတဲ့ တရားခွင်ကို လာရောက်သတင်းယူတဲ့ မီဒီယာသမားတွေရဲ့ကင်မရာကို ထီးနဲ့ပုတ်ချတာ၊ ဒေါ်နန်းလှစိန်ကို လူ အယောက် ၃၀ ခန့်က ၀ိုင်းဝန်းကာကွယ်ပေးတာ၊ သတင်းဓာတ်ပုံရိုက်ကူးသူတွေကို ရန်ပြုပြောဆိုတာတွေ ပြုလုပ်ခဲ့ပါတယ်။ ဖြစ်စဉ်အားလုံးကို ခြုံကြည့်ရင် ဂရိတ်ဝေါဦးတင်မောင်လင်မယားဟာ တရားဥပဒေကို လုံးဝ ဂရုမစိုက်ခဲ့ဘဲ ထင်တိုင်းကြဲပိုင်ခွင့်ရနေတယ်ဆိုတာတွေ့ရမှာပါ။ စဉ်းစားကြည့်ပါ၊ သာမန်ပြည်သူဆိုရင် အခုလို လုပ်ရဲပါ့မလား လုပ်ခွင့်ရပါ့မလား။

အမှုဖြစ်ပွားခဲ့တဲ့ တော်ဝင်နှင်းဆီဆေးရုံကြီးကိုလည်း စည်ပင်စာချုပ်ပါစည်းကမ်းများဖောက်ဖျက်မှု တရားမ၀င် ဆေးကုသမှုတို့ကြောင့် စည်ပင်က ပြန်လည်သိမ်းယူခဲ့ပါတယ်။ ဒါပေမဲ့ ရင်းနှီးမြှုပ်နှံမှုကော်မရှင်က ပြန်လည် ပေးအပ်ဖို့ မန်းစည်ပင်ကို အမိန့်ထုတ်ခဲ့တယ်တဲ့။ ဘာမှကို ပြောစရာမရှိတော့ပါဘူး။
ဂရိတ်ဝေါဦးတင်မောင်(ခ)လီစန်းရှင်ဟာ အထက်မြန်မာပြည်မှာတော့ ဘုရင်တပါးပါပဲ။ သူ့အကြောင်း ပြည်သူ အားလုံးသိပါတယ်။ ခေတ်အဆက်ဆက် အာဏာပိုင်တွေနဲ့ပေါင်းပြီး ထင်တိုင်းကြဲနေခဲ့တာပါ။ တိုင်းမှူးတွေနဲ့ပေါင်း လယ်ယာတွေ ထင်သလိုသိမ်း၊ သစ်တွေထင်သလို ခုတ်လုပ်ချင်တိုင်းလုပ်လာခဲ့တာပါ။ အထက်မြန်မာပြည်မှာ သူပိုင်တဲ့မြေဟာ လက်ညှိုးထိုးမလွဲပါပဲ။ သူကြောင့် ဘ၀ပျက်ခဲ့ရတဲ့တောင်သူတွေ ဒုနဲ့ဒေးပါ။ အခွန်ရှောင်မှုတွေအပါအ၀င် အမှုပေါင်းစုံနဲ့ တရားစွဲခံထားရသူပါ။

ဒါထက် ယုတ်မာတာကတော့ မြန်မာတနိုင်ငံလုံး ဒုက္ခရောက်စေမယ့် ရေသောက်ဘီလူးခေါ် ယူကလစ်ပင် တွေကို အထက်မြန်မာပြည်တ၀ှမ်း စိုက်ပျိုးနေတာပါပဲ။ မန်းလေးမြို့ရဲ့ အဓိကမြေနေရာတွေလည်း သိမ်းယူထားပါတယ်။ ယနေ့သူပိုင်တဲ့ ဂရိတ်ဝေါဟိုတယ်ဟာ စည်ပင်ပိုင်မြေကို တရားမ၀င် ကျူးကျော်ဆောက် လုပ်ထားတာဖြစ်ပေမယ့် ဘာပြဿနာမှ မဖြစ်ခဲ့ပါဘူး။ ပြောရရင် ကုန်နိုင်ဖွယ်မရှိပါဘူး။
ဒီကိစ္စဟာရုပ်ပျက်ဆင်းပျက် အတော်နိုင်သွားပါတယ်။ ဒီလောက် ခိုင်မာပြီး ပြစ်မှုထင်ရှားနေတဲ့အမှုကြီးက ဘာလို့ ခုလိုကွင်းလုံးကျွတ်လွတ်သွားတာလဲ။ တရားစီရင်ရေးမဏ္ဍိုင်အပေါ်မှာ အစိုးရရဲ့သြဇာသက်ရောက်မှု မရှိတာလား။ တရားဥပဒေအထက်မှာ တရုတ်တွေ ခရိုနီတွေသူဌေးတွေ ရှိနေဆဲလား။ ဒါမှမဟုတ်ရင်တော့ တရားစီရင်ရေးမဏ္ဍိုင်ဟာ အစိုးရသစ်ကို တံတွေးဆွတ်စိန်ခေါ်လိုက်တာလားလို့ပဲ မေးခွန်းထုတ်ရမလို ဖြစ်နေ ပါတယ်။

ဖြစ်စဉ်နှစ်ခုပဲ ချိန်ထိုးစဉ်းစားကြည်ပါ့၊ ဇွန်(၆)ရက်နေ့ကမှ ဒဏ်ငွေလောက်နဲ့ပြီးတဲ့အမှုကို ဘီဘီစီ သတင်း ထောက် ကိုနေလင်းကို ချမ်းမြသာစည်တရားရုံးက အလုပ်ကြမ်းနဲ့ထောင်သုံးလ အမိန့်ချမှတ်ခဲ့တယ်။ နောက် ရက်(၇)ရက်နေ့မှာပဲ တနှစ်ခွဲနီးပါးစစ်ဆေးခဲ့သော အလွန်တရာခိုင်မာသော တိုင်းသိပြည်သိအမှုကြီးကို ချမ်းအေးသာစံမြို့နယ်တရားရုံးက မှားယွင်းအမှုဖွင့်မိတာဆိုပြီး ကွင်းလုံးကျွတ် လွတ်ပေးလိုက်တယ်တဲ့။ ဒီအမှု နှစ်မှုဟာ မန်းလေးမြို့တမြို့တည်းမှာ ဖြစ်ပွားခဲ့တာပါ။ ဒါပေမဲ့ ဘာလို့ခုလိုကွာခြားနေရတာလဲ ရှင်းရှင်းပြော ရရင်တော့ ဒီလုပ်ရပ်ဟာ တိုင်းပြည်ရဲ့တရားရေးမဏ္ဍိုင်ရော ပြည်သူအားလုံးကိုပါ စော်ကားပြလိုက်တာပါပဲ။ အစိုးသစ်လက်ထက်မှာ စစ်ကိုင်းအလုပ်သမားတွေကို တရားစွဲဆိုဖမ်းဆီးထားတယ်။ လယ်သမားတွေလည်း တရားစွဲဆိုထားတာတွေလည်း မလွတ်သေးဘူး။ ဒီလိုပြည်သူတွေအပေါ်ကျတော့ လွန်စွာမှ စိုးမိုးနေတဲ့ တရားဥပဒေက တရုတ်လူမျိုးတွေအပေါ်ကျတော့ မစိုးမိုးတော့ဘူးလား။ အရင်အစိုးရ လက်ထက်ကမှ သစ်ခိုး ထုတ်တဲ့တရုတ်တွေကို ထောင်ရှစ်ရက်ချခဲ့သေးတာ ပြည်သူ့အစိုးရလို့ခံယူထားတဲ့ ဒီမိုကရေစီအစိုးရခေတ်ကြမှ တရုတ်ကိုတောင် တရက်တောင်မချရဲတော့တာလား။ အမှုမှားယွင်းဖွင့်မိလို့ဆိုပြီး ကွင်းလုံးကျွတ်လွှတ်လိုက် တယ်တဲ့ကိစ္စဟာ ပြည်သူအကြားမှာ အစိုးရသစ်ရဲ့ ပုံရိပ် အင်မတန်ကျဆင်းသွားစေပါတယ်။

ပြည်သူတွေဟာ ရွေးကောက်ပွဲမှာ NLD ကို ပုံအောမဲပေးရွေးချယ်ခဲ့တယ်ဆိုတာ နှစ်ပေါင်းများစွာ အဖိနှိပ်ခံဘ၀ မတရားအနိုင်ကျင့်ခံဘ၀ကနေ လွတ်မြောက်ချင်လို့ပါ။ ပြည်သူအားလုံးဟာ NLD အစိုးရ တက်လာရင်တော့ ငါတို့တွေဘ၀လုံခြုံမှုရှိသွားပြီ နှစ်ပေါင်းများစွာ တိုင်းပြည်နဲ့ပြည်သူအပေါ် မတရားလုပ် ကုပ်သွေးစုတ်လာတဲ့ ရေပေါ်ဆီလူတန်းစားတွေ မတရားတာလုပ်လို့ မရတော့ဘူး အခွင့်ထူးခံဆိုတာ မရှိတော့ဘူးလို့ မျှော်လင့်ချက် အပြည့်ထားခဲ့တာပါ။ ဒါပေမဲ့ လက်တွေ့အချိန်အထိတော့ တိုင်းပြည်ရဲ့ အခွင့်ထူးခံတွေကတော့ အပြုံးမပျက်ပန်းပန်လျက်ပါပဲ။

ဒေါ်အောင်ဆန်းစုကြည်ကိုယ်တိုင် နိုင်ငံတခုမှာ တရားဥပဒေစိုးမိုးရေးဟာ အရေးကြီးဆုံးပဲလို့ ခဏခဏပြောခဲ့ဘူးပါတယ်။
ဒါပေမဲ့လက်ရှိအချိန်မှာတော့ တရားဥပေဒစိုးမိုးမှုဟာ အောက်ခြေပြည်သူတွေအတွက်ပဲဖြစ်နေပြီး အပေါ်ပိုင်းကတော့ လွတ်နေတာ တွေ့ရမှာပါ။ ယနေ့အချိန်အထိ တိုင်းပြည်ရဲ့ဆိုးဝါးစွာပျက်စီးနေတဲ့ တရား ဥပဒေစိုးမိုးမှု၊ အကျင့်ပျက်ခြစားမှု၊ ခရိုနီသူဌေးတွေရဲ့ မတရားမှုတွေကို ထိရောက်စွာ ထိန်းချုပ်ပြောင်းလဲနိုင်စွမ်း မရှိသေးဘူးဆိုတာ လက်တလောဖြစ်နေတဲ့ အကြောင်းအရာတွေက သက်သေခံ နေပါတယ်။ ဒါကြောင့် လူထုအားကိုယုံပြီး တင်မြှောက်ခဲ့တဲ့ NLD အစိုးရအနေနဲ့ လူထုယုံကြည်အားကိုးမှုရှိလာအောင် လုပ်ဆောင်သင့်ပါတယ်။

ယနေ့ တော်ဝင်နှင်းဆီဆေးရုံပိုင်ရှင်ကို အမှုမှားဖွင့်မိလို့ဆိုပြီး အမှုမှကွင်းလုံးကျွတ်လွှတ်ခဲ့မှုအပေါ် NLD အစိုးရအနေနဲ့သော်လည်းကောင်း၊ မန်းလေးအစိုးရအနေနဲ့သော်လည်းကောင်း၊ လွှတ်တော်များ အနေနဲ့သော်လည်းကောင်း ဒီမတရားမှုအပေါ်ဘယ်လို ကိုင်တွယ်ဖြေရှင်းမလဲဆိုတာ ပြည်သူအားလုံးက စောင့်ကြည့်နေပါတယ်။

နောက်ဆုံးအနေနဲ့ NLD အစိုးရသစ်ကိုပြောချင်တာက အာဏာရှင်အစိုးရရဲ့နှစ်ပေါင်းများစွာ အဖျက်ဆီးခံခဲ့ရလို့ အလဲလဲအပြိုပြိုဖြစ်နေရတဲ့ တိုင်းပြည်ကို တာဝန်ယူလိုက်ရတဲ့ NLD အစိုးရသစ်ဆီက ပြည်သူတွေဟာ အများကြီးမတောင်းဆို မမျှော်လင့်ပါဘူး။ နှစ်ပေါင်းများစွာ ပြည်သူတွေခံစားနေရတဲ့ အဖိနှိပ်ခံ အနိုင်ကျင့်ခံ ဘ၀က လွတ်မြောက်အောင် လုပ်ပေးဖို့၊ အကျင့်ပျက်လာဘ်စားမှုပပျောက်ဖို့၊ ပြိုလဲပျက်စီးနေတဲ့ တရားရေးမဏ္ဍိုင်တည့်မတ်ပေးဖို့၊ တိုင်းပြည်အပေါ်မှာ မတရားလုပ် ကုပ်သွေးစုပ်နေတဲ့ အခွင့်ထူးခံ လူတန်းစားပပျောက်ဖို့အတွက် ဆောင်ရွက်ပေးဖို့ပဲ မျှော်လင့်ကြတာပါ။ မိမိအစိုးရအပေါ် ယုံမှတ်လို့ပုံအပ်လိုက်တဲ့ ပြည်သူတွေရဲ့ မျှော်လင့်ချက်တွေမဖျက်ဆီးလိုက်ပါနဲ့။ ပြည်သူတွေ နောင်တရစေမယ့်လုပ်ရပ်တွေ ရှောင်ရှားကြပါလို့ အသိပေးပြောကြားလိုက်ရပါတယ်။

ကျော်ကြီး (MDY)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



Jakarta မြို့ ရှိ အင်ဒိုနီးရှားမူစလင်တွေ ရာမာဒန်ဥပုသ်လ စတင်
မူစလင်တွေရဲ့ Ramadan ဘာသာရေး အထွဋ်အမြတ်ထားတဲ့ လအတွင်း အင်ဒိုနီးရှားနိုင်ငံရဲ့ ဒုတိယအကြီးဆုံး မြို့ကြီးမှာ တိုက်ခိုက်ဖို့ ကြံစည်နေတဲ့ အိုင်အက်စ် စစ်သွေးကြွအဖွဲ့နဲ့ ဆက်နွယ်နေသူ ၃ ဦးကို အင်ဒိုနီးရှား အာဏာပိုင်တွေက ဖမ်းဆီးလိုက်ပါတယ်။

သူတို့ကို ဂျာဗားကျွန်းမကြီးပေါ်က Surabaya မှာ ဗုဒ္ဓဟူးနေ့က ဖမ်းဆီးခဲ့တာ ဖြစ်ပါတယ်။ သူတို့ဆီက ဗုံးတွေ၊ လက်နက်တွေအပြင် အသေခံ ဖေါက်ခွဲ တိုက်ခိုက်ရာမှာ ဝတ်ဆင်တဲ့ အင်္ကျီတွေကို သိမ်းဆည်းရမိတယ်လို့ ရဲတပ်ဖွဲ့ ပြောခွင့်ရ Boy Rafli Amar က ပြောပါတယ်။

အိုင်အက်စ် အဖွဲ့ရဲ့ သွန်သင်မှု ခံယူခဲ့တဲ့ ဒီအမျိုးသား ၃ ဦးဟာ လူတွေဟာ လူအများ စုဝေးရာနေရာတွေနဲ့ အစိုးရ အဆောက်အဦးတွေကို လာမယ့် သီတင်းပါတ်တွေ အတွင်းမှာပဲ တိုက်ခိုက်ဖို့ စီစဉ်နေကြတယ်လို့လည်း Amar က ပြောပါတယ်။

အင်ဒိုနီးရှားနိုင်ငံ ဂျာကာတာ မြို့တော်မှာ ဇန်နဝါရီလတုန်းက စစ်သွေးကြွတွေရဲ့ တိုက်ခိုက်မှုကြောင့် တိုက်ခိုက်သူ ၄ ဦးအပါအဝင် လူ ၈ ဦး သေဆုံးခဲ့ရတဲ့ အချိန်ကစပြီး လုံခြုံရေး သတိထားဖို့ အဆင့် မြှင့် တပ်လှန့်ထားတာပါ။

အဲဒီတိုက်ခိုက်မှုအတွက် သူတို့လုပ်ဆောင်တာလို့ အိုင်အက်စ် စစ်သွေးကြွတွေက ကြေညာခဲ့ပြီး ဒါဟာ အရှေ့တောင် အာရှဒေသမှာ အိုင်အက်စ် စစ်သွေးကြွတွေနဲ့ ဆက်နွယ်နေတဲ့ ပထမဦးဆုံး တိုက်ခိုက်မှုလည်း ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com


ဒမတ်စကတ် ၊ ၁၀-၆-၂၀၁၆

ဆီးရီးယား နိုင်ငံတွင် သူပုန်များ စီးနင်းထားသော အလက်ပို ဒေသတွင် ဇွန် ၈ ရက်နေ့က ဆေးရုံးသုံးလုံးကို လေကြောင်းမှ ဗုံးကြဲ တိုက်ခိုက်မှုများ ပြုလုပ်ခဲ့ရာ အမေရိကန်မှ ထောက်ပံ့ ထားသော ကလေးသူငယ် များအတွက် ဆေးထောက်ပံ့ သည့် အဆောက်အဦး အပါအဝင် ပျက်စီးမှုများ ဖြစ်ပေါ်ခဲ့ပြီး ထောက်ပံ့ ပေးအပ်သူ များနှင့် အတိုက်အခံ ခေါင်းဆောင် များက မြို့တော်ကို ပျက်စီးစေခဲ့သော တိုက်ခိုက်မှု ပုံစံမျိုး ဖြစ်သည်ဟု ခေါ်ဆိုခဲ့ကြကြောင်း ရိုက်တာ သတင်းဌာနက ထုတ်ပြန် ကြေညာ ခဲ့သည်။

ယူနီဆက်ဖ်၏ အရှေ့အလယ်ပိုင်း ဒေသရုံးက အဆိုပါ တိုက်ခိုက်မှုသည် အဲလ်ဘရန် နှင့် အဲလ်ဟာကင်းမ် ဆေးရုံ တို့အပြင် အဗ်ဒူလ်ဟာဒီဖဲရ်စ် ဆေးပေးခန်း တစ်ခုတို့အား သုံးနာရီ အတွင်းတွင် ဆက်တိုက် အကြမ်းဖက်မှုများ ဖြစ်ပွားခဲ့ကြောင်း ထုတ်ပြန်ထားသည်။ အဆိုပါ အကြမ်းဖက် မှုကြောင့် လူပေါင်း ၁၀ ဥင်္ီး ထက်မနည်း သေဆုံးခဲ့ပြီး သေဆုံးသူများတွင် အများစုမှာ ဆေးရုံသို့ ရောက်ရှိနေသော ဒဏ်ရာရသူများ ဖြစ်ကြပြီး ကလေးသူငယ် များလည်း သေဆုံးခဲ့ကြောင်း၊ တက်ကြွ လှုပ်ရှားသူများ က ယခု ဖြစ်ရပ်သည် ဆီးရီးယား စစ်တပ်ကြောင့် ဖြစ်ရကြောင်း အခိုင်အမာ ပြောဆိုနေခဲ့ပြီး သူပုန်တပ်များတွင် ယင်းကဲ့သို့ လေကြောင်း မှတိုက်ခိုက်မှုများ ပြုလုပ် နိုင်လောက်သော လေယာဉ်မျိုး မရှိကြောင်း ပြောဆိုခဲ့ကြသည်။

ဆီးရီးယား ပြည်တွင်း စစ်ကြောင့် ပျက်စီးရသော ဆုံးရှုံးမှုများ အတွက်  ဆီးရီးယားနိုင်ငံ သည် စစ်ဆေးမှုများ ပြန်လည် မပြုလုပ်သည့် ပုံပေါ်ကြောင်း၊ အကြမ်းဖက် သမာများ အား နှိမ်နှင်းမှုများ ပြုလုပ် နေသော်လည်း ပျက်စီးဆုံးရှုံးမှု များမှာ အင်မတန် များပြားကြောင်း ယူနီဆက်ဖ် မှ  ဒေသဆိုင်ရာ ဆရာဝန်တစ်ဦး က ပြောကြားသည်။ ယခု ဖြစ်ရပ်သည် တစ်ကမ္ဘာလုံး၏ ရင်ကို ကိုင်လှုပ်နိ်ုင်သော ဝမ်းနည်းစရာ ကိစ္စရပ် ဖြစ်ကြောင်း၊ ဆီးရီးယားနိုင်ငံ တွင် ဖြစ်ပွားနေသော စစ်များကြောင့် ထိခိုက်နစ်နာ ရသော ကလေးများ အတွက် ထည့်သွင်းစဉ်းစား စေလိုကြောင်း ယင်းက ဆက်လက် ပြောကြားခဲ့သည်။

အလက်ပို ဒေသသည် ဆီးရီးယားနိုင်ငံ၏ ကုန်သွယ်ရေး လုပ်ငန်းအတွက် အချက်အချာ ကျသည့်  နေရာတစ်နေရာ ဖြစ်ပြီး လွန်ခဲ့သော ငါးနှစ်ကျော် ကာလ ကတည်းက သမ္မတ ဘာရှာ အာဆက်နှင့် အတိုက်အခံ ပါတီများ ဖြစ်ပွားခဲ့သော တိုက်ပွဲများမှ စတင်ကာ မြေဇာပင် ဖြစ်လာခဲ့ကြောင်း သိရသည်။

အဆိုပါ တိုက်ခိုက်မှုသည်  သမ္မတ အာဆက် က မိမိတို့၏ ရန်သူများ လက်အောက်သို့ ရောက်သွားသော နယ်မြေ တစ်လမချင်းစီ ကို ပြန်လည်ယူဆောင် ပေးမည့် အကြောင်း ကတိပေး ပြောကြားမှုအား ရုပ်မြင်သံကြားမှ ထုတ်လွှင့်ပြီးသည့် နောက်ပိုင်း တစ်ရက်အကြာ တွင် ဖြစ်ပွားခြဲ့ခင်း ဖြစ်ကြောင်း ၊ ရုရှားနိုင်ငံမှ စစ်ရေးအရ ကူညီထောက်ပံ့မှု များအား ရယူပြီး နောက်ပိုင်းတွင် ယခုကဲ့သို့ အင်တိုက် အားတိုက် အကြမ်းဖက် သမားချေမှုန်းမှုများကို လုပ်ဆောင် တော့မည်ဟု ကြေညာခဲ့ခြင်း ဖြစ်ကြောင်း သိရသည်။

PyiChitThar
http://www.pyichitthar.com



ယူရို ၂၀၁၆ ဒီနေ့ စပြီ
ပြင်သစ်မှာတော့ ယူရို ၂၀၁၆ ဘောလုံးပွဲမစခင်ကို လုံခြုံရေးဆိုင်ရာ စိန်ခေါ်ချက်တွေ နဲ့ရင်ဆိုင်နေရပါတယ်။

နိုင်ငံအနှံ့ အလုပ်သမားသပိတ် တွေ မှောက်နေကြကာ ပဲရစ် က အီဖယ် မျှော်စင်အောက်မှာဆိုရင် လည်း လူတွေက လေဟာပြင် ကဇာတ်ပွဲ တခု လုပ်နေကြပြီး တော့ အဲဒီမှာ လူ သောင်းနဲ့ချီ စုဝေး ရောက်ရှိနေကြပါတယ်။

ယူရို ဘောလုံးပွဲ ကာလမှာ လုံခြုံရေးအတွက် ရဲတပ်ဖွဲ့ဝင် ၉ သောင်း ကို ပြင်သစ် အစိုးရ က တာဝန်ချ ထားပါတယ်။

အစိုးရဝန်ကြီးတွေက အလုပ်သမား သမဂ္ဂ ခေါင်းဆောင်တွေ ကို သပိတ်တွေ ကိုရပ်ဖို့ တောင်းဆိုထားပါတယ်။

သောကြာနေ့မှာ ယူရိုဘောလုံးပွဲ စဖွင့်မှာ ဖြစ်ပြီး မြန်မာစံတော်ချိန် စနေနေ့ မနက် ၁ နာရီခွဲမှာ အိမ်ရှင် ပြင်သစ်နဲ့ ရိုမေးနီးယား အသင်းတို့ စကန်ကြမှာပါ။

BBC Burmese
http://www.bbc.com/burmese


လက်သင့်မခံနိုင်လောက်တဲ့ ဖိအားပေးတာခံ နေရတယ်လို့ ဆို
ယီမင်စစ်ပွဲမှာ ကလေးသူငယ်တွေ အများအပြား ထိခိုက်ခံရတဲ့အတွက် ကုလသမဂ္ဂ က နာမည်ပျက်စာရင်း သွင်းထားခဲ့တဲ့ ဆော်ဒီအာရေးဗီးယား ကို အဲဒီနာမည်ပျက် စာရင်း က နေ ထုတ်ပယ်ပေးဖို့ ဆော်ဒီ အစိုးရ ကနေ လက်သင့်မခံနိုင်လောက်တဲ့ ဖိအားပေးတာတွေ ခံနေရတယ် လို့ ကုလသမဂ္ဂအထွေထွေ အတွင်းရေးမှူးချုပ် ဘန်ကီမွန်း က ပြောပါတယ်။

ဆော်ဒီအာရေးဗီးယား က ဦးဆောင်တဲ့ ညွန့်ပေါင်းတပ်တွေ က ယီမင်မှာ ဟူသီ သူပုန် တွေ ကို တိုက်ခိုက် နေတာပါ။

တကယ်လို့ ဆော်ဒီ ကို နာမည်ပျက်စာရင်း ကမထုတ်ရင် ကုလသမဂ္ဂရဲ့ အစီအစဉ်တွေ အတွက် ရန်ပုံငွေ ဖြတ်မယ်လို့ ခြိမ်းခြောက်လာကြတဲ့အတွက် ဒီအစီအစဉ် တွေ ကနေ အကျိုးခံစားရမယ့် သန်းပေါင်းများစွာသော ကလေးတွေ ဒုက္ခရောက်ရမယ့်ကိန်းဆိုက်နိုင်တယ် လို့ မစ္စတာ ဘန်ကီမွန်း က ပြောပါတယ်။

ဆော်ဒီအာရေးဗီးယား အစိုးရ ကတော့ သူတို့ ကုလသမဂ္ဂကို ဘာမှ ဖိအားပေးထားတာ မရှိဘူး လို့ ငြင်းပါတယ်။

BBC Burmese
http://www.bbc.com/burmese



ယူရို ၂၀၁၆ပြိုင်ပွဲကို ဒီကနေ့ ပြင်သစ်နိုင်ငံမှာ စတင်ကျင်းပတော့မှာဖြစ်ပါတယ်။ ၁၅ကြိမ်မြောက်ကျင်းပမယ့်ဒီပြိုင်ပွဲဟာ အိမ်ရှင် ပြင်သစ်အတွက် တတိယ အကြိမ်မြောက်ကျင်းပခွင့်ရတာပါ။ အဖွင့်ပွဲမှာ အိမ်ရှင်ပြင်သစ်နဲ့ ရိုးမေးနီးယားအသင်းတို့ စတင်ကစားဖို့ရှိပါတယ်။ ဒီပွဲကို ဒေသစံတော်ချိန် ည ၉ နာရီ( မြန်မာစံတော်ချိန် စနေ နံနက် ၁နာရီခွဲ)မှာကစားမှာဖြစ်ပါတယ်။
ပြင်သစ်နုိုင်ငံမှာကျင်းပမယ့် ယူရိုပြိုင်ပွဲ အုပ်စုပွဲစဉ်တွေနဲ့ ပွဲကစားမယ့်အချိန်တွေ ကိုပါဖော်ပြပေးလိုက်ပါတယ်။

“အုပ်စုပွဲစဉ်တွေရဲ့ အချိန်ဇယား”

*အုပ်စု (A)

၁၁.၆.၂၀၁၆ (နံနက် ၁း၃၀) ပြင်သစ် - ရိုမေးနီးယား
၁၁.၆.၂၀၁၆ (ည ၇း၃၀) အယ်လ်ဘေးလ်နီးယား - ဆွစ်ဇာလန်
၁၅.၆.၂၀၁၆ (ည ၁၀း၃၀) ရိုမေးနီးယား - ဆွစ်ဇာလန်
၁၆.၆.၂၀၁၆ (နံနက် ၁း၃၀) ပြင်သစ် - အယ်လ်ဘေးနီးယား
၂၀.၆.၂၀၁၆ (နံနက် ၁း၃၀) ပြင်သစ် - ဆွစ်ဇာလန်
၂၀.၆.၂၀၁၆ (နံနက် ၁း၃၀) ရိုးမေးနီးယား - အယ်လ်ဘေးနီးယား

*အုပ်စု(B)

၁၁.၆.၂၀၁၆ (ည ၁၀း၃၀) ဝေးလ်စ် - ဆလိုဗက်ကီးယား
၁၂.၆.၂၀၁၆ (နံနက် ၁း၃၀) ရုရှား - အင်္ဂလန်
၁၅.၆.၂၀၁၆ (ည ၇း၃၀) ရုရှား - ဆလိုဗက်ကီးယား
၁၆.၆.၂၀၁၆ (ည ၇း၃၀) အင်္ဂလန် - ဝေးလ်စ်
၂၁.၆.၂၀၁၆ (နံနက် ၁း၃၀) အင်္ဂလန် - ဆလိုဗက်ကီးယား
၂၁.၆.၂၀၁၆ (နံနက် ၁း၃၀) ရုရှား - ဝေးလ်စ်

*အုပ်စု(C)

၁၂.၆.၂၀၁၆ (ည ၁၀း၃၀) ပိုလန် - မြောက်အိုင်ယာလန်
၁၃.၆.၂၀၁၆ (နံနက် ၁း၃၀) ဂျာမနီ - ယူကရိန်း
၁၆.၆.၂၀၁၆ (ည ၁၀း၃၀) မြောက်အိုင်ယာလန် - ယူကရိန်း
၁၇.၆.၂၀၁၆ (နံနက် ၁း၃၀) ဂျာမနီ - ပိုလန်
၂၁.၆.၂၀၁၆ (ည ၁၀း၃၀) ယူကရိန်း - ပိုလန်
၂၁.၆.၂၀၁၆ (ည ၁၀း၃၀) မြောက်အိုင်ယာလန် - ဂျာမနီ

*အုပ်စု(D)

၁၂.၆.၂၀၁၆ (ည ၇း၃၀) တူရကီ - ခရိုအေးရှား
၁၃.၆.၂၀၁၆ (ည ၇း၃၀) စပိန် - ချက်
၁၇.၆.၂၀၁၆ (ည ၁၀း၃၀) ခရိုအေးရှား - ချက်
၁၈.၆.၂၀၁၆ (နံနက် ၁း၃၀) စပိန် - တူရကီ
၂၂.၆.၂၀၁၆ (နံနက် ၁း၃၀) စပိန် - ခရိုအေးရှား
၂၂.၆.၂၀၁၆ (နံနက် ၁း၃၀) ချက် - တူရကီ

*အုပ်စု(E)

၁၃.၆.၂၀၁၆ (ည ၁၀း၃၀) အိုင်ယာလန် - ဆွီဒင်
၁၄.၆.၂၀၁၆ (နံနက် ၁း၃၀) အီတလီ - ဘယ်ဂျီယံ
၁၇.၆.၂၀၁၆ (ည ၇း၃၀) အီတလီ - ဆွီဒင်
၁၈.၆.၂၀၁၆ (ည ၇း၃၀) ဘယ်ဂျီယံ - အိုင်ယာလန်
၂၃.၆.၂၀၁၆ (နံနက် ၁း၃၀) အီတလီ - အိုင်ယာလန်
၂၃.၆.၂၀၁၆ (နံနက် ၁း၃၀) ဆွီဒင် - ဘယ်ဂျီယံ

*အုပ်စု(F)

၁၄.၆.၂၀၁၆ (ည ၁၀း၃၀) သြစတြီးယား - ဟန်ဂေရီ
၁၅.၆.၂၀၁၆ (နံနက် ၁း၁၅) ပေါ်တူဂီ - အိုက်စလန်
၁၈.၆.၂၀၁၆ (ည ၁၀း၃၀) ဟန်ဂေရီ - အိုက်စလန်
၁၉.၆.၂၀၁၆ (နံနက် ၁း၁၅) ပေါ်တူဂီ - သြစတြီးယား
၂၂.၆.၂၀၁၆ (ည ၁၀း၃၀) ပေါ်တူဂီ - ဟန်ဂေရီ
၂၂.၆.၂၀၁၆ (ည ၁၀း၃၀) အိုက်စလန် - သြစတြီးယား

*(စံတော်ချိန်တွေအားလုံးဟာ မြန်မာစံတော်ချိန်တွေဖြစ်ပါတယ်။)

BBC Burmese
https://www.facebook.com/bbcburmese/

 

ဇွန် ၁၀ ။              ။ လာမည့် နိုဝင်ဘာ ရွေးကောက်ပွဲတွင် ရီပတ်ဘလင်ကန်ဘက်မှ ဒေါ်နယ်ထရန့်အပေါ် အနိုင်ရရန်အတွက် ဟီလာရီကလင်တန်နှင့် အတူတကွ ပူးပေါင်းလုပ်ဆောင်ကာ ဒီမိုကရက်တစ်ပါတီ၏ စည်းလုံးညီညွတ်မှုကို ပြသမည်ဟု ဘာနီ ဆန်းဒါးက ဇွန်လ ၉ ရက်တွင် ပြောကြားသွားခဲ့သည်။ သို့သော် လာမည့်သီတင်းပတ် နောက်ဆုံးသော မဲဆန္ဒနယ်တစ်ခုတွင်သာ မဲဆွယ်ရန် ကျန်ရှိနေချိန်တွင် သမ္မတကိုယ်စားလှယ်လောင်းပြိုင်ပွဲမှ လက်လျှော့ထွက်ခွာရန်ကိုမူ ဆန်းဒါးက ခေါင်းမာနေဆဲဖြစ်နေသည်။

ဒေါ်နယ်ထရန့်နှင့် ယှဉ်ပြိုင်ရမည့် ပြိုင်ပွဲတွင် ပါတီ၏ စုစည်းညီညွတ်မှုကို တွန်းအားပေးနိုင်ရန် မကြာမီ ဟီလာရီနှင့် တွေ့ဆုံစကားပြောသွားမည်ဟု ဆန်းဒါးက ပြောသည်။

" နိုင်ငံခြားရေးဝန်ကြီးဟောင်း ဟီလာရီ နှင့် အင်္ဂါနေ့ညတုန်းကလည်း စကားနည်းနည်းပါးပါး ပြောဖြစ်ခဲ့ပါတယ်၊ သူမရဲ့ အောင်မြင်မှုအတွက်လည်း ၀မ်းမြောက်ကြောင်း ပြောခဲ့ပါတယ်" ဟု ဆန်ဒါးက ပြောသည်။

" တစ်ဘက်က တက်လာမယ့် ဒေါ်နယ်ထရန့်ကို အနိုင်ယူဖို့အတွက် ကျွန်တော်တို့ ဒီမိုကရက်တစ်က လူတွေ ဘယ်လိုမျိုး လက်တွဲလုပ်ဆောင်နိုင်သလဲဆိုတာ ပြသချင်ပါတယ်၊ ဒါကြောင့်လည်း ဟီလာရီနဲ့ မကြာခင် တွေ့ဆုံသွားဖို့ ရှိပါတယ်၊ တကယ်လို့ အစိုးရဖွဲ့နိုင်ခဲ့မယ်ဆိုရင်လည်း အဲဒီအစိုးရက ကျွန်တော်တို့အားလုံးကို ၁၀၀ ရာခိုင်နှုန်း ကိုယ်စားပြုမှာဖြစ်ပါတယ်" ဟု ၎င်းက ထပ်လောင်းပြောကြားသွားခဲ့သည်။

ဒီမိုကရက်တစ်ပါတီတွင်း အစိုင်အခဲများကို ငြိမ်းသတ်နိုင်ရန် သမ္မတအိုဘားမားက  အထက်လွှတ်တော်အမတ် ဆန်းဒါး နှင့် အိမ်ဖြူတော်တွင် ဆွေးနွေးမှုများ ပြုလုပ်ခဲ့သည်။ ပါတီတွင်း သမ္မတလောင်းအဖြစ် ဟီလာရီအား အသိအမှတ်ပြုရန် ဆန်းဒါးအား တိုက်တွန်းပြီး အသိအမှတ်ပြုရန် အိုဘားမားက ကြားဝင်စေ့စပ်ပေးခဲ့သည်ဟု ယုံကြည်ရသည်။

ဒီမိုကရက်တစ်ပါတီ သမ္မတကိုယ်စားလှယ်လောင်း ဟီလာရီကို သမ္မတ အိုဘားမားနှင့် ဒုသမ္မတ ဂျိုးဘိုင်ဒင် တို့က တရားဝင် အတည်ပြုထောက်ခံပေးခဲ့ကြပြီဖြစ်သည်။.                                            Mizzima                                                                http://mizzimaburmese.com/article/15037

မြန်မာနိုင်ငံတွင် စစ်အာဏာရှင် ဗိုလ်ချုပ်ကြီးဟောင်း နေ၀င်းမှ စတင်ကာ ဗိုလ်ချုပ်မှူးကြီးဟောင်း (အငြိမ်းစား) သန်းရွှေအထိ နှစ်ပေါင်း ၅၀ ခန့် စိုးမိုးခဲ့သည်။ တိုင်းပြည်ကို အာဏာရှင်တွေ ဖျက်ခဲ့တာဟု အားလုံးက လွယ်လွယ်ပြောခဲ့ကြသည်။ ဒီစကားက ယေဘုယျအားဖြင့်တော့ မှန်သည်။

သဘာဝအားဖြင့် စစ်ဗိုလ်များသည် တိုင်းပြည်ကို အုပ်ချုပ်ရန်၊ အများပြည်သူကို စီမံခန့်ခွဲရန် မဟုတ်ပါ။ တိုင်းပြည်ကို ပြည်ပရန်မှ ကာကွယ်စောင့်ရှောက်ရန်နှင့် သဘာဝဘေး အန္တရာယ် ကျရောက်သောအခါ အရေးပေါ်ကူညီ ကယ်ဆယ် စောင့်ရှောက်ရန် ဖြစ်ပါသည်။ အာဏာသိမ်း စစ်ခေါင်းဆောင်များသည် တိုင်းပြည်၏ နိုင်ငံရေး၊ စီးပွားရေး၊ ပညာရေး၊ လူမှုရေး၊ ကျန်းမာရေး၊ သံတမန်ရေး စသည်တို့ကို စီမံအုပ်ချုပ်ရာတွင် အရည်အချင်း လုံးဝမရှိသူများသာ ဖြစ်သည့်အတွက် တိုင်းပြည်သည် ကမောက်ကမဖြစ်ကာ လမ်းမှားရောက်ခဲ့သည်။

ထို့ထက် ပိုဆိုးသည်မှာ အာဏာရှင်ဟောင်း ဦးသန်းရွှေသည် တိုင်းရင်းသားသူဌေးများကို မွေးရမည်ဆိုသည့် ပေါ်လစီတခုကို ချမှတ် အကောင်အထည် ဖော်ခဲ့ခြင်းပင်။ ထိုပေါ်လစီ အတိုင်း မွေးထုတ်ခဲ့သည့် ခေတ်ပျက်သူဌေးများကို ယခုခေတ်တွင် အများက ခရိုနီတွေဟု ခေါ်ကြသည်။ ထိုသူတို့သည် စစ်အစိုးရလက်ထက် အစိုးရ၀န်ကြီးဌာနများကို ဘတ်ဂျက်တင်ပြီး နိုင်ငံတော်၏ ဘဏ္ဍာနှင့် အများစုမှာ ကြီးပွားလာကာ တချို့မှာ ဘီလီယံနှင့် ချီချမ်းသာသွားပြီး ဘီလီယံနာများအထိ ဖြစ်သွား ကြသည်။

၎င်းတို့သည် သမာအာဇီဝ စီးပွားရေး လုပ်ငန်းတခု သို့မဟုတ် စွန့်ဦးတီထွင်သော စီးပွားရေးလုပ်ငန်းများနှင့် ကြွယ်ဝချမ်းသာလာသူများ မဟုတ်ကြပါ။ အငှားချစနစ်ဖြင့် ချပေးသော စီမံကိန်းများ၊ နိုင်ငံတော်စီမံကိန်းများတွင် လုပ်ကိုင်ပြီး တိုင်းပြည်က ပိုင်ဆိုင်သော မြေနှင့် ဘဏ္ဍာကို အရင်းအနှီးပြုကာ ကိုယ်ကျိုးရှာ ချမ်းသာလာသူများက အများစုဖြစ်သည်။ ထို့အပြင် တိုင်းပြည်၏ သယံဇာတ သဘာဝအရင်းအမြစ်နှင့် သစ်များကိုပါ အဆင်ခြင်မဲ့ ရောင်းစားခဲ့သောကြောင့် တိုင်းပြည်နှင့် လူမျိုး နစ်နာခဲ့ရသည်။

ထို ခရိုနီသူဌေးများက ဗိုလ်ချုပ်ကြီးများနှင့် သူ၏ မိသားစုဝင်များကိုပါ ပူးပေါင်းစီးပွားရှာစေသောအခါ အားလုံး ပုလင်းတူ ဘူးဆို့ စီးပွားရေးပါတနာများ ဖြစ်သွားကြပြီး တိုင်းပြည်စီးပွားရေးကို လက်ဝါးကြီး အုပ်ကာ ဖျက်စီးကြတော့သည်။ ထို့သို့ ဆယ်စုနှစ် ၂ ခုကျော် ဖြတ်သန်းကြုံတွေ့ပြီးနောက် တိုင်းပြည်စီးပွားရေး ချွတ်ခြုံကျသွားပြီး ၎င်းတို့သာ သားစဉ်မြေးဆက်ထိ ချမ်းသာကြွယ်ဝသွားခဲ့တော့သည်။

၁၉၆၀ ခုနှစ်ဝန်းကျင်က အရှေ့တောင်အာရှမှာ ပညာရေး၊ စီးပွားရေး ရှေ့အလားအလာ အလွန်ကောင်းသည့် အာရှရဲ့ ကျားတကောင်ဖြစ်လာမည်ဟု ဟောကိန်းထုတ် အထင်ကြီး မော့ကြည့်ရသည့် မြန်မာသည် ယခုအခါ မီးမရှိသော တဲကုတ်အဆင့်မှ မတက်နိုင်ခဲ့ရသည့် နောက်ခံသမိုင်းကို မေ့မပစ်ရန် လိုသည်။ ယနေ့တိုင်းပြည်ကို ဦးဆောင်နေသော NLD အစိုးရ၏ စီးပွားရေး ပေါ်လစီ ဘာလဲဆိုတာကို မေးခွန်းထုတ်ဖို့ လိုသလို အရင် အစဉ်အဆက် တိုင်းပြည်ဘဏ္ဍာ ကိုယ့်ဟာမှတ်ပြီး အလွဲသုံးစားခဲ့သူများ၊ မောင်ပိုင်စီးခဲ့သူများကို မမေ့ဖို့တော့ လိုသည်။

တိုင်းပြည်ကို မွဲပြာကျအောင် ဖျက်ခဲ့သူတွေထဲတွင် ရှေ့ဆုံးတန်းက ထိုင်နေသူများမှာ ခရိုနီ သူဌေးများလည်း ပါသည်ဟု ပြောလျင် မြေကြီးလက်ခတ် မလွဲပေ။

============

The Irrawaddy - Burmese Edition

အယ်ဒီတာ့ အာဘော်

http://mobile.irrawaddy.com/opinion/2016/06/09/116033.html

အရှေ့ တရုတ်ပင်လယ်ရှိ အငြင်းပွားကျွန်းစုအနီး တရုတ်ရေတပ်
သင်္ဘောတစ်စင်း ဖြတ်သန်းခုတ်မောင်းခဲ့မှုအပေါ် ကန့် ကွက်ကြောင်း ဂျပန်
နိုင်ငံက တရုတ်သံအမတ်ကို ဆင့်ခေါ်သတိပေးခဲ့သည်ဟု သိရသည်။

လူမနေသော ဆန်ကာကူကျွန်းစုသည် ဂျပန်အစိုးရ အုပ်ချုပ်မှု နယ်ပယ်တွင်ရှိကြောင်း ဂျပန်ကဆိုသလို တရုတ်ကလည်း ၄င်းပိုင်ဖြစ်ကြောင်း
ပြောကြားထားကာ ဒိုင်အိုယု ကျွန်းစုဟု အမည်ပေးထားသည်။ ယင်းကျွန်းစု ဧရိယာတွင် ရုရှားစစ်သင်္ဘောများ၏ အရိပ်အယောင်ကိုလည်း တစ်ချိန်တည်း
တွေ့ ရှိထားခဲ့ကြောင်း ဂျပန်နိုင်ငံဒေသတွင်း မီဒီယာများက ဖော်ပြသည်။၂၀၁၂ ခုနှစ်က ယင်းကျွန်းစုများကို ဂျပန်နိုင်ငံက နိုင်ငံပိုင်အဖြစ် ၀ယ်ယူလိုက်ချိန်တွင် တရုတ်-ဂျပန်နှစ်နိုင်ငံအကြား ဆက်ဆံရေး အခြေအနေဆိုးဝါးလာခဲ့သည်။

အဆိုပါကျွန်းစုသည် နိုင်ငံတကာကုန်သင်္ဘောလမ်းကြောင်းအနီး ရှိသဖြင့် အရေးပါသည့် နေရာတစ်ခုဖြစ်သလို ငါးဖမ်းလုပ်ငန်း အကွက်
အကွင်းကျမှု နှင့် ရေနံ၊သဘာဝဓါတ်ငွေ့ ရင်းမြစ်တည်ရှိမှု အလားအလာ
ကောင်းသည့်နေရာတစ်ခုလည်းဖြစ်သည်။

``ဗုဒ္ဓဟူးနေ့  ဒေသစံတော်ချိန် နံနက် ၀၀:၅၀နာရီမှာ ကျွန်တော်တို့  နိုင်ငံရဲ့ နယ်နိမိတ်ထိစပ်နေတဲ့  ဆန်ကာကူကျွန်းစု ရေပြင်ဝန်းကျင်အနီး တရုတ်ရေတပ်သင်္ဘောတစ်စင်း ၀င်ရောက်ဖြတ်သန်းခဲ့ပါတယ်´´ဟု ဂျပန်နိုင်ငံခြားရေးဝန်ကြီးဌာနက ထုတ်ပြန်သည်။

ယင်းကိစ္စနှင့် ပတ်သက်၍ ဂျပန် လက်ထောက်နိုင်ငံခြားရေး ၀န်ကြီး အာကီတာကာ ဆိုင်ကီ ကလည်း ဂျပန်ရှိ တရုတ်သံအမတ်ကြီး ချန်ယောင်ဟွာ ကို ဆင့်ခေါ်၍ ကန့် ကွက်ခဲ့ကြောင်းသိရသည်။ ဆန်ကာကု ကျွန်းစုသည် အပြည်ပြည်ဆိုင်ရာဥပဒေနှင့် သမိုင်းကြောင်းများအရ ဂျပန်နိုင်ငံ ၏အချုပ်အခြာပိုင် အစိတ်အပိုင်းတစ်ရပ်ဖြစ်ကြောင်း မစ္စတာ ဆိုင်ကီက တရုတ်သံအမတ်ကြီးကို ပြောကြားခဲ့သည်ဟု NHK သတင်းကဖော်ပြသည်။
တရုတ်သင်္ဘောအနေဖြင့် အဆိုပါကျွန်းစုဧရိယာမှ အဝေးသို့ အမြန် ထွက်ခွာရန်လည်း ၄င်းကတောင်းဆိုခဲ့ကြောင်းသိရသည်။

REF;BBC

(ပုံစာ-ဆန်ကာကျွန်းစုကို ဝေဟင်မှ ရိုက်ကူးထားသော ဓါတ်ပုံ)

The Myanmar Reviews Journal

ယခုနှစ် ကမ္ဘာ့ငြိမ်းချမ်းရေး အဆင့်သတ်မှတ်ချက်တွင် မြန်မာနိုင်ငံ ၁၅ဆင့် တိုးတက်လာသည်။
ယခုနှစ် ကမ္ဘာ့ငြိမ်းချမ်းရေး အဆင့်သတ်မှတ်ချက်တွင် မြန်မာနိုင်ငံ ၁၅ဆင့် တိုးတက်လာသည်။

မြန်မာနိုင်ငံရဲ့ ဒေသအချို့မှာ လက်နက်ကိုင် ပဋိပက္ခတွေ ဆက်လက် ဖြစ်ပွားနေပေမယ့် အရင်ကထက်စာရင် ငြိမ်းချမ်းရေး အခြေအနေ သိသိသာသာ တိုးတက်မှု ရခဲ့တယ်လို့ ကမ္ဘာ့ ငြိမ်းချမ်းရေး နဲ့ စီးပွားရေး အခြေအနေ တွေကို လေ့လာ သုတေသန ပြုနေတဲ့ အဖွဲ့တစ်ဖွဲ့က ထုတ်ပြန် လိုက်ပါတယ်။ မြန်မာနိုင်ငံမှာ ဖြစ်ပွားနေတဲ့ ပဋိပက္ခတွေရဲ့ အကြမ်းဖက် တိုက်ခိုက်မှုတွေကြောင့် နစ်နာဆုံးရှုံးမှု အမေရိကန် ဒေါ်လာ ၁၉ ဘီလျံ လောက် အထိ ရှိနိုင်တယ်လို့လဲ အဖွဲ့က ခန့်မှန်းပါတယ်။ အပြည့်အစုံကို ဆက်သွယ် မေးမြန်းထားတဲ့ ကိုရဲခေါင်က ပြောပြပါမယ်။

၂၀၁၆ ခုနှစ်အတွက် ကမ္ဘာ တစ်ဝှမ်းလုံးမှာ တည်ငြိမ်အေးချမ်းမှု အခြေအနေကို သြစတြေးလျနိုင်ငံ အခြေစိုက် စီးပွားရေးနဲ့ ငြိမ်းချမ်းရေး အင်စတီကျု (IEP) အဖွဲ့က အစီရင်ခံစာ ထုတ်ပြန်ပြီး၊ ကမ္ဘာ့နိုင်ငံပေါင်း ၁၆၃ နိုင်ငံကိုလည်း ငြိမ်းချမ်းမှု အဆင့်တွေ သတ်မှတ် ထုတ်ပြန်လိုက်တာ ဖြစ်ပါတယ်။

IEP အဖွဲ့ရဲ့ အဆင့်သတ်မှတ်ချက်အရ အိုက်စလန်ဟာ ကမ္ဘာပေါ်မှာ ငြိမ်းချမ်းမှု အရှိဆုံး နိုင်ငံဖြစ်ပြီး၊ ဒိန်းမတ်၊ သြစတြီးယား (Austria)၊ နယူးဇီလန် နဲ့ ပေါ်တူဂီနိုင်ငံတို့က နောက်မှာ အစဉ်အတိုင်းရှိနေပါတယ်။ ကမ္ဘာပေါ်မှာ ငြိမ်းချမ်းမှု အနည်းဆုံးကတော့ လက်ရှိ လက်နက်ကိုင် ပဋိပက္ခတွေ နိုင်ငံ အနှံ့ဖြစ်နေတဲ့ ဆီးရီးယားနိုင်ငံ ဖြစ်ပြီး၊ တောင်ဆူဒန်၊ အီရတ်၊ အာဖဂန် နစ္စတန်နဲ့ ဆိုမာလီယာတို့က ငြိမ်းချမ်းမှု အနည်းဆုံးနိုင်ငံတွေ အဖြစ် နောက်မှာ ရှိနေပါတယ်။

ဒေသတွင်း နိုင်ငံတွေထဲမှာ ငြိမ်းချမ်းမှု အရှိဆုံးက စင်္ကာပူနဲ့ မလေးရှား နိုင်ငံတွေ ဖြစ်ပြီး၊ ငြိမ်းချမ်းမှု အနည်းဆုံးကတော့ ထိုင်းနိုင်ငံနဲ့ ဖိလစ်ပိုင် နိုင်ငံ တို့ ဖြစ်ပါတယ်။

အခုနှစ်မှာ မြန်မာနိုင်ငံရဲ့ ငြိမ်းချမ်းရေး အဆင့် ၁၅ ဆင့်အထိ တက်လာပြီး နိုင်ငံပေါင်း ၁၆၃ နိုင်ငံအနက် အဆင့် ၁၁၅ မှာ ရှိနေပါတယ်။ ခုလို မြန်မာနိုင်ငံရဲ့ အဆင့်သတ်မှတ်ချက် တိုးတက်လာတာဟာ နိုင်ငံရေးအရ မတည်ငြိမ်မှုတွေ လျော့ကျသွားတာကြောင့် ဖြစ်တယ်လို့ IEP အဖွဲ့ရဲ့ အမှုဆောင် ညွှန်ကြားရေးမှုး Aubrey Fox က ပြောပါတယ်။

”မြန်မာနိုင်ငံမှာ ငြိမ်းငြိမ်းချမ်းချမ်းနဲ့ ပြီးဆုံးသွား တဲ့ ရွေးကောက်ပွဲ နောက်ပိုင်း နိုင်ငံရေးအရ မတည်ငြိမ်မှုတွေ သိသိသာသာ လျော့နည်းသွားတာကို ကျွန်တော်တို့ တွေ့ခဲ့ရပါတယ်။ ဒါ့အပြင် အစုအဖွဲ့များစွာ ပါဝင်တဲ့ အပစ်အခတ် ရပ်စဲရေး သဘောတူညီချက် ရယူလိုက်နိုင်တာ ကလည်း နောက်ထပ် အကြောင်းရင်းတစ်ခုပါ။ အခုဆိုရင် လက်နက်ကိုင် ပဋိပက္ခတွေကို နိုင်ငံရဲ့ နယ်စပ်ဒေသတွေ ဆီကနေ ဆက်ပြီး မပျံ့ပွားလာအောင် ထိန်းထားနိုင်ခဲ့ပါတယ်။ ဒါတွေကြောင့် တကမ္ဘာလုံး အဆင့် သတ်မှတ်ချက်မှာ တိုးတက်လာတာဖြစ်ပါတယ်။”

မြန်မာနိုင်ငံဟာ တော်တော်လေးကို ပြဿနာပေါင်းစုံ ရှိနေတဲ့ အခြေအနေ ကနေ ပြောင်းလဲလာတာ ဖြစ်တဲ့အတွက် တိုးတက်မှုက အလုံးစုံ ပြည့်စုံမှု မရှိတာ အံ့သြစရာ မဟုတ်ဘူးလို့ သူက ပြောပါတယ်။

ကမ္ဘာ့ နိုင်ငံတွေရဲ့ ငြိမ်းချမ်းရေး အခြေအနေကို အဆင့်သတ်မှတ်ရာမှာ စစ်မက် ဖြစ်ပွားမှုအပြင်၊ နိုင်ငံရေးအရ တည်ငြိမ်မှု၊ စစ်တပ်ရဲ့ သြဇာ လွှမ်းမိုးမှု၊ နိုင်ငံ့ ဂျီဒီပီ၊ ပြည်သူတွေ ဘေးကင်း လုံခြုံမှု၊ လူသတ်မှု ဖြစ်ပွားတဲ့ အရေအတွက် စတာတွေအပါအ၀င် မတူညီတဲ့ ညွှန်းကိန်း ၂၃ ခုကို အသုံးပြုပြီး တိုင်းတာတယ် လို့ သူက ပြောပါတယ်။

ဒါ့အပြင် တည်ငြိမ်အေးချမ်းမှုမရှိတဲ့အတွက်ကြောင့် စီးပွားရေးအပေါ် သက်ရောက်မှုကို တိုင်းတာရာမှာ တကမ္ဘာလုံးမှာ အကြမ်းဖက် တိုက်ခိုက်မှုတွေကြောင့် ဒေါ်လာ ၁၃.၆ ထရီလျံ ဆုံးရှုံးခဲ့ပြီး ဒါဟာ တကမ္ဘာလုံး ဂျီဒီပီရဲ့ ၁၃ ရာခိုင်နှုန်းနဲ့ ညီမျှတာတွေ့ရတယ်လို့ အစီရင်ခံစာ မှာ ဖော်ပြထား ပါတယ်။

ခုလိ်ု တွက်ချက်ရာမှာ ငြိမ်းချမ်းမှုမရှိတဲ့အတွက် နစ်နာဆုံးရှုံးမှုတွေအပြင်၊ မတည်ငြိမ်မှုတွေကို ထိန်းချုပ်ဖို့ လုံခြုံရေးနဲ့ စစ်ရေး အတွက် တိုးပြီးသုံးရတဲ့ ကုန်ကျစရိတ်တွေကိုပါ ထည့်သွင်း တွက်ချက်ထားတာဖြစ်တဲ့ အကြောင်း သူက ခုလို ရှင်းပြပါတယ်။

“ငြိမ်းချမ်းမှု မရှိတဲ့အတွက် နစ်နာဆုံးရှုံးမှုတွေကို တွက်ချက်ရာမှာ အချက် သုံးချက်ကို အခြေခံပါတယ်။ ပထမအချက်က တိုက်ရိုက် ကုန်ကျစရိတ်တွေပါ။ မငြိမ်းချမ်းတဲ့ အတွက် စစ်ရေး အသုံးစရိတ်နဲ့ ရဲတပ်ဖွဲ့ဝင်တွေ၊ တရားစီရင်ရေး အရာရှိတွေ ခန့်အပ်တဲ့နေရာမှာ တိုးပြီး သုံးစွဲရတဲ့ ကုန်ကျစရိတ် ဖြစ်ပါတယ်။ နောက်တစ်ချက်ဖြစ်တဲ့ သွယ်ဝိုက် ကုန်ကျစရိတ်မှာတော့ တိုက်ခိုက်မှုတွေကြောင့် သေဆုံးသွားတဲ့ သူတွေကြောင့်၊ စီးပွားရေးမှာ လုပ်အားတန်ဖိုး လျော့သွားတာမျိုး ဆုံးရှုံးမှုတွေကို တွက်ချက် ထားတာ ဖြစ်ပါတယ်။ နောက်ဆုံး အချက်ကတော့ ငြိမ်းချမ်းမှုမရှိလို့ ဖြစ်ပေါ်လာတဲ့ ထိခိုက်ဆုံးရှုံးမှု အမျိုးမျိုးကို ခြုံငုံပြီး ဖန်တီးထားတဲ့ ညွှန်ကိန်းကိုလည်း ထည့်သွင်း တွက်ချက်ထားတာ ဖြစ်ပါတယ်။ မြန်မာနိုင်ငံအတွက် ကျွန်တော်တို့ရဲ့ တွက်ချက်မှု အရ မငြိမ်းချမ်းတဲ့အတွက် နိုင်ငံရဲ့ စီးပွားရေးကို ဒေါ်လာ ၁၉ဘီလျံ လောက် ဆုံးရှုံးစေခဲ့ပါတယ်။ နိုင်ငံ ဂျီဒီပီရဲ့ ဂ ရာခိုင်နှုန်းလောက်ရှိပါတယ်။”

အခုနှစ်မှာ အရှေ့အလယ်ပိုင်းနဲ့ မြောက်အာဖရိက နိုင်ငံတွေမှာ တည်ငြိမ် အေးချမ်းမှု အခြေအနေ ဆိုးဝါးနေတာကြောင့် တစ်ကမ္ဘာလုံး အတွက် ယေဘူယျ ငြိမ်းချမ်းရေး အခြေအနေဟာ အကျပိုင်းကို ရောက်နေပါတယ်။ ဒါ့အပြင် အခုနှစ်ဟာ၂၅နှစ်အတွင်း ပဋိပက္ခတွေကြောင့် လူသေဆုံးမှု အများဆုံးနဲ့ နှစ်ပေါင်း ၆၀အတွင်း စစ်ပြေး ဒုက္ခသည် အများဆုံး ရှိလာတဲ့ နှစ်လည်း ဖြစ်တယ်လို့ အစီရင်ခံစာမှာ သုံးသပ် ဖော်ပြထားပါတယ်။
VOA Burmese News


(တောင်ကြီး၊ ဇွန် ၉)

တောင်ကြီးမြို့ မြို့မရဲစခန်းအတွင်း၌ ကိုးကွယ်ထားရှိသော ဗုဒ္ဓရုပ်ပွားတော်သည် ယနေ့ ဇွန်လ ၉ ရက် ညနေပိုင်းတွင် မျက်လုံးတော်များ ပွင့်လာကြောင်း သိရသည်။


`` ရုပ်ပွားတော်ရဲ့ ညာဘက်မျက်လုံးတော်က ညနေ ၃ နာရီ ၄၅ မိနစ်မှာ ပွင့်လာတယ်။ နောက်
ဘယ်ဘက် မျက်လုံးတော်က ၄ နာရီ ၁၅ မိနစ်မှာ ပွင့်လာတာပါ ´´ ဟု ဗုဒ္ဓရုပ်ပွားတော်မျက်လုံးတော်များ ပွင့်လာသည်ကို ကိုယ်တိုင်ဖူးတွေ့ရသူတစ်ဦးက ကမ္ဘောဇတိုင်းသတင်းဂျာနယ်သို့ ပြောကြားသည်။


တောင်ကြီးမြို့မရဲစခန်းမှ နယ်ထိန်းရဲတပ်ဖွဲ့ဝင် တစ်ဦးက `` ၂၀၁၁ ခုနှစ် ၉ လပိုင်းမှာ စခန်းမှူး ရဲအုပ် အောင်မင်းက အောင်ပန်းမြို့ကနေ ပင့်ဆောင်လာပြီးတော့ တည်ထား ကိုးကွယ်ခဲ့တယ်။ ဒီနေ့ညနေပိုင်းမှာ မျက်လုံးတော်တွေ ပွင့်လာခြင်းဖြစ်ပါတယ်။ အခုချိန်ထိ မျက်လုံးတော်တွေက ပွင့်နေတုန်းပါပဲ။ အနီးပတ်ဝန်းကျင်က သူတွေကတော့ လာဖူးမြော်နေကြပါတယ်´´ ဟု ရှင်းလင်းပြောကြားခဲ့သည်။


ဗုဒ္ဓရုပ်ပွားတော် မျက်လုံးတော်များ ထူးဆန်းစွာ ပွင့်လာခြင်းကြောင့် တောင်ကြီးမြို့မရဲခန်းအတွင်း၌ လာရာက်ဖူးမြော်သူများဖြင့် စည်ကားလျှက်ရှိကြောင်း သိရသည်။

နန်းနန်းတိုဝ်း
ကမ္ဘောဇတိုင်းသတင်းဂျာနယ်
https://www.facebook.com/kanbawzatai

(ဓာတ်ပုံ- နိုင်ငံတော်အတိုင်ပင်ခံပုဂ္ဂိုလ်ရုံး)

နိုင်ငံတော်ဧည့်ခံပွဲတွင် တိုက်ကျွေးသည့် လက်ဖက်ရည်နှင့် ပတ်သက်ပြီး ဒေါ်အောင်ဆန်းစုကြည်အပေါ် အာဏာရှင်ဟောင်း ဦးနေဝင်း၏ မြေးဖြစ်သူက ဝေဖန်မှု ပြု၍ ဂယက်ရိုက်ခတ်သွားခဲ့သည်။

ဦးနေဝင်း၏ မြေးဖြစ်သူ ဦးအေးနေဝင်းက ဇွန် ၇ ရက်က နိုင်ငံတော်ညစာစားပွဲတွင် Lipton ဖြင့် တိုက်ကျွေးဧည့်ခံမှုက ဂုဏ်မရှိ အဆင့်နိမ့်ကာ ရှက်စရာဟူ၍ ဖေ့ဘုတ်တွင် အင်္ဂလိပ်ဘာသာဖြင့် ရေးသားခဲ့သည်။

“ဘုရားမပါ။ ခုလို ဂုဏ်မဲ့တာမျိုး နိုင်ငံတော်ညစာစားပွဲမှာ ဘယ်သူများ တည်ခင်းဧည့်ခံတာပါလဲ။ အနည်းဆုံးတော့ Twinning’s Earl Grey ဒါမဟုတ်မဟုတ် Fortnum နဲ့ Mason’s Queen Anne Tea လို လက်ဖက်ရည်မျိုးနဲ့ ဧည့်ခံရမှာပေါ့။”ဟု ဖေ့ဘုတ်တွင် ဦးအေးနေဝင်းက ရေးခဲ့သည်။

အသက် ၃၉ နှစ်ရှိသည့် စီးပွားရေးလုပ်ငန်းကြီးများ လုပ်ကိုင်နေသည့် ဦးအေးနေ၀င်းက နိုဘယ်ဆုရှင် ဒေါ်အောင်ဆန်းစုကြည်အား အဘွားကြီး(Old Girl)ဟု၍ သုံးနှုန်းထားကာ ရေးသားထားသည်။

“အဘွားကြီးအနေနဲ့က ပိုကောင်းတဲ့ လက်ဖက်ရည်ကို သောက်ဖူးလိမ့်မယ်လို့ ကျွန်တော် ယုံပါတယ်။ ခုလို လက်ဖက်ရည်မျိုးနဲ့ တည်ခင်းဧည့်ခံဖို့တော့ မသင့်ပါဘူး။ စီးတီးမတ်မှာ အိတ် ၂၀ ကိုမှ ဒေါ်လာ ၁၃ ဒေါ်လာနဲ့ ဝယ်နိုင်တဲ့ Twinning’s လက်ဖက်ရည် ဝယ်နိုင်တဲ့ အချိန်မှာ ငွေခြွေတာဖို့အတွက်ဆိုတာမျိုး ကျွန်တော်ကို ပေါကြောင်ကြောင် ဆင်ခြေထင်မြင်ချက်တွေ မပေးပါနဲ့။”ဟု ၎င်းက ရေးသားသည်။

လန်ဒန်တက္ကသိုလ်တွင် ပညာသင်ကြားခဲ့သည့် ဦးအေးနေဝင်းက ယင်းဖေ့ဘုတ်ပို့စ်တွင် Fortnum & Mason’s လက်ဖက်ရည်ပုံကိုပါ ပူးတွဲတင်ခဲ့ခြင်းဖြစ်သည်။

စစ်အုပ်ချုပ်ရေးမှ ရုန်းထွက်လာသည့် မြန်မာနိုင်ငံတွင် ဗိုလ်ချုပ်နေဝင်း မျိုးဆက်၏ ပြဿနာများ မွေးဖွားဖန်တီးလာဖွယ်ရှိသည့် အရိပ်လက္ခဏာလည်းရှိကြောင်း သတင်းတွင် ဖော်ပြသည်။

အဆိုပါ နိုင်ငံတော်ညစာစားပွဲကို မတ်လအကုန်က ဒေါ်အောင်ဆန်းစုကြည်၏ NLD ပါတီ အာဏာရပြီးနောက် ပထမဆုံး အလည်အပတ်အဖြစ် လာရောက်သည့် စင်ကာပူဝန်ကြီးချုပ် လီရှန်လွန်းအတွက် တည်ခင်းဧည့်ခံခဲ့ခြင်းဖြစ်သည်။

ညစာစားပွဲသို့ သမ္မတဦးထင်ကျော်က အိမ်ရှင်အဖြစ် တည်ခင်းဧည့်ခံခဲ့ခြင်းဖြစ်သည်။

ဦးနေဝင်းသည် ၁၉၆၂ ခုနှစ်မှစကာ ၁၉၈၈ ဒီမိုကရေစီဆန္ဒပြပွဲများ ဖြစ်ပွားလာချိန် ရာထူးက နှုတ်ထွက်သည့် အချိန်ထိ နိုင်ငံအား အုပ်စိုးသွားခဲ့ခြင်းဖြစ်သည်။ ၈၈ အရေးအခင်းနှင့်အတူ ဒေါ်အောင်ဆန်းစုကြည်က နိုင်ငံ၏ စံပြပုဂ္ဂိုလ်အဖြစ် ထွက်ပေါ်လာခဲ့သည်။

ဦးနေဝင်းလက်ထက်တွင် မြန်မာနိုင်ငံသည် ကမ္ဘာ့မှ အထီးကျန်ဖြစ်ခဲ့ပြီး နိုင်ငံစီးပွားရေး ယိုယွင်းသွားခဲ့သော်လည်း အာဏာရှင် ဦးနေ၀င်းတွင် ခန့်မှန်းခြေ အမေရိကန်ဒေါ်လာ လေးဘီလီယံ စုဆောင်းရယူသွားနိုင်ခဲ့သည်။

ဦးနေ၀င်း ဆင်းသွားချိန်တွင် မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံဆယ်နိုင်ငံတွင် တစ်နိုင်ငံအဖြစ် ကျန်ရစ်ခဲ့သည်။

ဦးအေးနေဝင်း ရေးသားမှုအပေါ် တုံ့ပြန်ကာ ကွန်မန့်များလည်း ရေးသားခဲ့ကြသည်။ “အဆင့်အတန်းနိမ့်တယ်ဆိုတာ မိသားစုတစ်ခုက တစ်နိုင်ငံလုံးရဲ့ စီးပွားရေးကို ချွတ်ခြုံကျသွားစေခဲ့ချိန်ပါပဲ။”ဟု May Thu Khine ဆိုသူက ရေးသားသည်။

“အထီးကျန် အကျင့်ပျက်ခြစားမှုတွေနဲ့ ဆယ်စုနှစ်များစွာ ကြာမြင့်ခဲ့ချိန်ကြောင့် Lipton လက်ဖက်ရည်ပဲ ကျွန်တော်တို့ တတ်နိုင်တော့မှာပေါ့။”ဟု Nay Ye Aung ဆိုသူက ရေးသားသည်။
MIZZIMA
http://mizzimaburmese.com/article/15027


ဝန်ကြီးဌာနအလိုက် ပြောရေးဆိုခွင့်ရှိသူများ ဆွေးနွေးပွဲမြင်ကွင်းတခု။ ဇွန် ၉၊ ၂၀၁၆။(MOI)
ဝန်ကြီးဌာနအလိုက် ပြောရေးဆိုခွင့်ရှိသူများ ဆွေးနွေးပွဲမြင်ကွင်းတခု။ ဇွန် ၉၊ ၂၀၁၆။(MOI)

NLD အစိုးရသစ်လက်ထက် ၀န်ကြီးဌာနတိုင်းမှာ ပြောခွင့်ရပုဂ္ဂိုလ် Spokesperson တွေခန့်ထားပြီး ပြည်သူတွေသိခွင့်ရှိတဲ့ သတင်း အချက်အလက်တိုင်းကို သတင်းဌာနတွေကတဆင့် အသိပေးသွားဖို့ အစိုးရကတော့ ကြိုးစား နေပါတယ်။ ဒါပေမယ့် ဒီ ပြောခွင့်ရပုဂ္ဂိုလ်တွေဟာ အရင်အစိုးရလက်ထက် ကတည်းကရှိနေတဲ့ တာဝန်ရှိသူတွေ ဖြစ်နေတာကြောင့် လွတ်လပ်စွာ သတင်းရယူဖို့အတွက် အခက်အခဲတွေ ဆက်ရှိနေဦးမယ်လို့ သတင်းသမားတွေက မြင်ကြပါတယ်။ လွတ်လပ်စွာ သတင်းရယူခွင့်ကို ၂၀၁၄ ခုနှစ်ကတည်းက ဥပဒေပြဌာန်းထားပေမယ့် ၀န်ကြီးဌာနတွေက ပြောခွင့်ရပုဂ္ဂိုလ်တွေနဲ့ သတင်းသမားတွေကြား နားလည်မှု လွဲတာကြောင့် သတင်းစီးဆင်းမှု ပုံမှန် မဖြစ်သေးဘူးလို့ ပြန်ကြားရေးဝန်ကြီးဌာန တာဝန်ရှိသူကပြော ပါတယ်။ အပြည့်အစုံကိုတော့ ကိုဉာဏ်ဝင်းအောင်က တင်ပြပါမယ်။

အစိုးရ၀န်ကြီးဌာနတိုင်းမှာ ပြောရေးဆိုခွင့်ရှိတဲ့ပုဂ္ဂိုလ် ၃ ဦးကနေ ၅ ဦးအထိခန့်ထားပြီး သတင်းမီဒီယာတွေက မေးမြန်းလာခဲ့ရင် ပြည်သူတွေကို အသိပေးရမယ့် သတင်းအချက်အလက်တွေ ရှင်းပြပေးဖို့ NLD အစိုးရသစ်က ညွှန်ကြားထားပါတယ်။ NLD အစိုးရ ဟာ ပြည်သူက ရွေးချယ်တင်မြှောက်ထားတဲ့ အစိုးရဖြစ်တာကြောင့် ပွင့်လင်းမြင်သာမှုရှိဖို့နဲ့ သတင်းဌာနတွေကို မိတ်ဖက်အဖြစ် ဆက်ဆံကြဖို့ကိုလည်း ပြန်ကြားရေးဝန်ကြီး ဦးဖေမြင့်က ပြောဆိုခဲ့တာကို အစိုးရသတင်းစာတွေမှာဖေါ်ပြထားပါတယ်။ အခုဆိုရင် ၀န်ကြီးဌာနတိုင်းက ပြောခွင့်ရပုဂ္ဂိုလ် Spokesperson တွေကို သတင်းဌာနနဲ့ ဘယ်လိုဖြေကြား ဆက်ဆံရမယ်၊ ဘယ်အချက်တွေ အသိပေးသင့်တယ် ဆိုတာကိုပါ ဆွေးနွေးပွဲတွေ သင်တန်းတွေလုပ်ပြီး လေ့ကျင့်ပေးနေပါတယ်။

ဒါပေမယ့် လက်တွေ့မှာ ၀န်ကြီးဌာနတွေရဲ့ပြောခွင့်ရသူတွေဟာ အရင်စစ်အစိုးရလက်ထက် ကတည်းက ရာထူးတာဝန်ကြီးတွေ ယူခဲ့တဲ့ ပုဂ္ဂိုလ်တွေဖြစ်နေတာကြောင့် သူတို့ရဲ့ အရင်အတွေ့အကြုံပေါ် အခြေခံပြီး သတင်းဌာနတွေနဲ့ ပွင့်ပွင့်လင်းလင်း ဆက်ဆံ လာဖို့ မမြင်မိသေးကြောင်း ရန်ကုန်သတင်းစာပညာကျောင်း ဒါရိုက်တာ ဦးရဲနိုင်မိုးက ပြောပါတယ်။

“ ပြဿနာတခုက ဘာရှိနေသလဲဆိုတော့ အစိုးရအဖွဲ့ပြောင်းသွားတယ်ဆိုပေမယ့် ၀န်ကြီးဌာနမှာလုပ်နေတဲ့ ထိပ်တန်းအစိုးရအရာရှိကြီးတွေက အရင်လူတွေ ပဲဖြစ်နေပါတယ်။ ဆိုတော့ သူတို့မှာရှိနေတဲ့ ပြဿနာတွေကတော့ ၁ အချက်က သတင်းမီဒီယာက ပြဿနာရှာသူတွေလို့မြင်နေတဲ့အယူအဆက အရင်အစိုးရတွေဆီမှာလည်း ပြဿနာရှိပါတယ်။ နောက်တခုက သူတို့မှာ ပြောရေးဆိုခွင့်ရှိသူတွေအဖြစ် ခန့်အပ်ထားပေမယ့်လည်း သူတို့ပြောဆိုလိုက်တဲ့အရာမှာ အထက်က ၀န်ကြီးတွေ၊ ပြန်ကြားရေးအရာရှိကြီးတွေက အပြစ်ပြောတာ၊ နောက်ပြီးတော့သူတို့အပေါ်မှာ အပြစ်ပေးတာမျိုးတွေ ရှိတဲ့အတွက် သတင်းမီဒီယာတွေကို တကယ်တော့ ပြောဆိုခွင့်ကတော့ မရှိသေးဘူးလို့ ပြောရမှာဖြစ်ပါတယ်။”

အရင် ဦးသိန်းစိန်အစိုးရလက်ထက်တုန်းကလည်း ၀န်ကြီးဌာနတွေမှာ ပြောခွင့်ရပုဂ္ဂိုလ်တွေ ခန့်ထားပေမယ့် သတင်းဖြန့်ဝေမှု အပိုင်းမှာ အောင်မြင်မှု မရှိခဲ့ဘူးလို့ ပြန်ကြားရေးဝန်ကြီးဌာန ပြောခွင့်ရသူ ဦးတင့်ဆွေက VOA ကိုပြောပါတယ်။

“အဓိကတော့ ဥပဒေလည်းဖြစ်ပါတယ်ခင်ဗျ။ News media law ဆိုတာ ၂၀၁၄ မှာ ကျနော်တို့က နည်းဥပဒေရော အပြည့်အစုံထွက်လာတယ်။ အဲဒါကြောင့် ကျနော်တို့ ဥပဒေမှာတော့ ပုဒ်မ ၆၇၈ မှာတော့ Access to Information နဲ့ ပတ်သက်လို့ ကျနော်တို့ Journalist တွေက သက်ဆိုင်ရာဌာနမှာ တောင်းခံနိုင်တယ်ဆိုတာကို သေချာပြဌာန်းထားပါတယ်။ ပြဌာန်းထားပေမယ့်လည်း ၂၀၁၃-၁၄ အဲဒီအထိကတော့ ဥပဒေက သေချာပြီပြီပြင်ပြင် မထွက်တဲ့အတွက်ကြောင့် ကျနော်တို့Spokesperson တွေဖွဲ့သော်လည်း အဲဒါကျနော်တို့ မပြီပြင်ခဲ့တာလည်း ပါပါတယ်။

ပြောခွင့်ရပုဂ္ဂိုလ်တွေနဲ့ ပတ်သက်လို့ အရင်အစိုးရလက်ထက်တုန်းက သတင်းသမား တွေကြုံခဲ့ရတာတွေကို ဦးရဲနိုင်မိုးက ရှင်းပြ ပါတယ်။

“အစိုးရ၀န်ကြီးဌာနတွေမှာ သတင်းယူတဲ့အခါမှာ သတင်းသမားတွေပြဿနာကတော့ ဖြေကြားမှုမရှိတာပဲ။ ၀န်ကြီးဌာန အားလုံးကတော့မဟုတ်ပါဘူး။ ဖြေကြားမှုရှိနေတဲ့ ၀န်ကြီးဌာန တချို့နဲ့ Spokesperson တချို့လည်းရှိပါတယ်။ ဒါပေမယ့် အများအနေနဲ့ ခြုံကြည့်မယ်ဆိုရင်တော့ ဖြေကြားမှုမရှိသေးဘူး။ အဲဒါ အဓိက ပြဿနာပဲ ၊ ဥပမာအားဖြင့် ဖုန်းဆက်ရင် ဖုန်းမကိုင်တာတွေရှိမယ်၊ email ပို့ရင် မပြန်တာတွေရှိမယ်၊ ဒါမှမဟုတ်ရင်လည်း အထက်ကိုတင်ပြပါမယ်ဆိုပြီးတော့ ပြန်မပြောတာတွေရှိမယ်။ အဲဒါတွေက အစိုးရသစ်ပြောင်းလဲလာတယ် ၊ ပွင်းလင်းမြင်သာမှုရှိလာတယ်ဆိုပေမယ့်လည်း ဒီအစိုးရအရာရှိကြီးတွေက နှစ်ပေါင်းများစွာ သတင်းမီဒီယာတွေနဲ့ စိမ်းစိမ်းကားကားနေခဲ့တာဖြစ်တဲ့အတွက် ချက်ချင်း တော့ဖြစ်လာမှာတော့ မဟုတ်ပါဘူး။”

ဝန်ကြီးဌာနနဲ့ သတင်းသမားတွေကြား အပြန်အလှန် နားလည်မှုရပြီး ၊ လွတ်လပ်တဲ့ သတင်းစီးဆင်းမှုရှိလာအောင် လုပ်ဆောင် သွားဖို့ အစီစဉ်တွေရှိတယ်လို့ ပြန်ကြားရေးဝန်ကြီးဌာန ပြောခွင့်ရ ဦးတင့်ဆွေက ပြောပါတယ်။

“အခုတော့ကျနော်တို့ပြင်ဆင်နေပါတယ်။ Spokesperson တွေမှာလည်း ကိုယ်ပြောနိုင်တဲ့ အချက်အလက်မျိုးတွေရှိတယ်ဆိုတာ သေချာပါတယ်။ ဒါပေမယ့်လည်း တချို့ဌာနဆိုင်ရာတွေမှာအားနည်းချက်က ဘာလဲဆိုတော့ ကျနော်တို့ပြောလိုတာကိုပဲ၊ ပြောချင်နေတယ်ပေါ့လေ။ ဒါက ကျနော်တို့ဘက်က ရှိနေတဲ့အနေအထား။ ဒါပေမယ့် ကျနော်တို့ ပြောတဲ့အခါမှာ သက်ဆိုင်ရာ မီဒီယာတွေက သတင်းကိုပဲ ပြန်ဖော်ပြတဲ့အခါ တချို့မှားနေတာတို့ ၊ တချို့ကျတော့လည်း ကိုယ်က ပါအောင်ပေးတဲ့အခါမှာ သက်ဆိုင်ရာမီဒီယာတွေက သူ့ရဲ့ art of Journalism အရ သူရေးတဲ့အခါမျိုးမှာလည်း ကျနော်တို့ပါစေချင်တာနဲ့က လွဲမှားသွားတဲ့အခါမျိုးတွေအပေါ်မှာ ကျနော်တို့ နားမလည်မှုမျိုးလေးတွေရှိပါတယ်။ အဲဒီအတွင်းမှာတော့ ကျနော်တို့ ပိုပြီးတော့ ဖွံ့ဖြိုးတိုးတက်လာမယ်လို့မျှော်မှန်းပါတယ်ခင်ဗျ။”

အစိုးရပြောခွင့်ရပုဂ္ဂိုလ်တွေကို ဒီဇွန်လနဲ့ နောက်လတွေအထိ လိုအပ်တဲ့ သင်တန်းနဲ့ဆွေးနွေးပွဲတွေ ဆက်လုပ်သွားမယ်လို့ ပြန်ကြားရေးဝန်ကြီးဌာနက ပြောပါတယ်။
VOA Burmese News


ရခိုင်ပြည်နယ် ဘူးသီးတောင်မြို့နယ် နဲ့ မောင်တောမြို့နယ် နှစ်ခုမှာ ည ၁၁ နာရီကနေ မနက် ၄ နာရီအထိ ညမထွက်ရ အမိန့် ပုဒ်မ ၁၄၄ ကို သက်တမ်း ၃ လတိုးမြှင့်ထုတ်ပြန်လိုက်ပါတယ်။
မနေ့က မြို့နယ်အုပ်ချုပ်ရေးမှူးအမိန့်နဲ့ မြို့ကိုလှည့်လည်ကြေညာခဲ့တယ်လို့ ဘူးသီးတောင်မြို့ခံ ဦးမောင်ဝင်းနိုင်က ပြောပါတယ်။

ရခိုင်ပြည်နယ်မှာ ၂၀၁၂ ခုနှစ်ကဖြစ်ပွားခဲ့တဲ့ ပဋိပက္ခတွေကြောင့် မြို့နယ်ပေါင်း ၁၀ ခုကျော်မှာ ပုဒ်မ ၁၄၄ ညမထွက်ရ အမိန့် ထုတ်ပြန်ခဲ့ရပါတယ်။

တခြားမြို့နယ်တွေမှာ အဲ့ဒီအမိန့်ကို အစိုးရက ပြန်လည်ရုပ်သိမ်းပြီးဖြစ်ပေမယ့် ဘူးသီးတောင်နဲ့ မောင်တောမြို့နယ် ၂ ခုမှာ တည်ငြိမ်အေးချမ်းမှု နည်းနေသေးတယ်ဆိုပြီး မရုပ်သိမ်းသေးဘဲ ၃ လ တစ်ကြိမ်စီ သက်တမ်း တိုးမြှင့်ခဲ့တာဖြစ်ပါတယ်။

 RFA Burmese
http://www.rfa.org/burmese


ရမည်းသင်းမြို့ရှိ အမှတ်(၁) ရဲလေ့ကျင့်ရေးကျောင်းမှ ရဲဝန်ထမ်း မိသားစုများနေထိုင်ရာ လိုင်းခန်းသို့ နိုင်ငံတော်၏အတိုင်ပင်ခံပုဂ္ဂိုလ် ဝင်ရောက်ကြည့်ရှုမေးမြန်းစဉ်။

[၈-၆-၂၀၁၆၊ ရမည်းသင်း]
Myanmar State Counsellor Office


၂၀၁၆ တက္ကသိုလ်ဝင်အောင်စာရင်းတွေကို ပြည်နယ်နဲ့တိုင်းဒေသကြီးအလိုက် မြို့နယ်အလိုက် အများပြည်သူအလွယ်တကူ ကြည့်ရှုနိုင်အောင် ပညာရေးဝန်ကြီးဌာနရဲ့ ဖေ့စ်ဘုတ်စာမျက်နှာတခုဖြစ်တဲ့ www.facebook.com/moe.gov.mm ကနေ ထုတ်ပြန်သွားဖို့ စီစဉ်ထားကြောင်း သိရပါတယ်။
မြန်မာတစ်နိုင်ငံလုံးရှိ ပြည်နယ်နှင့်တိုင်းဒေသကြီးအသီးသီးက မြို့နယ်အသီးသီးအတွက် တက္ကသိုလ်ဝင်စာမေးပွဲ အောင်စာရင်း ထုတ်ပြန်ကြေငြာပေးရန် Album များအားလုံး တည်ဆောက်ထားပြီး အောင်စာရင်းထွက်ချိန် ဇွန်လ ၁၁ ရက် မနက်ပိုင်းကျရင် ဒေသအလိုက် album တွေမှာ ၀င်ရောက်ကြည့်ရှုနိုင်လိမ့်မယ်လို့ ဆိုထားပါတယ်။ ပြည်နယ်နဲ့ တိုင်းဒေသကြီးအလိုက် ကြည့်ရှုနိုင်သော စာရင်းမှာ အောက်ပါအတိုင်း ထုတ်ပြန်ထားပြီး အဲဒီ့လင့်တခုစီမှာ သက်ဆိုင်ရာ မြို့နယ်အလိုက် လင့်တွေ ထပ်မံပါရှိပါတယ်။
.
နေပြည်တော်ကောင်စီနယ်မြေ
https://www.facebook.com/moe.gov.mm/photos/a.925011847605879.1073741828.924512940989103/1003408263099570
.
ကချင်ပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003536649753398
.
ကယားပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003545209752542
.
ကရင်ပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003683186405411
.
ချင်းပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003729733067423
.
မွန်ပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003738583066538
.
ရခိုင်ပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003749523065444
.
ရှမ်းပြည်နယ်
https://www.facebook.com/moe.gov.mm/photos/a.925011847605879.1073741828.924512940989103/1003958206377909
.
စစ်ကိုင်းတိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1003983483042048
.
တနင်္သာရီတိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1004050179702045
.
ပဲခူးတိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1004118839695179
.
မကွေးတိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1004129293027467
.
မန္တလေးတိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1004216826352047
.
ရန်ကုန်တိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1004104226363307
.
ဧရာဝတီတိုင်းဒေသကြီး
https://www.facebook.com/moe.gov.mm/photos/a.925011847605879.1073741828.924512940989103/1004202383020158/
.
နိုင်ငံခြားစာစစ်ဌာနများ
https://www.facebook.com/moe.gov.mm/photos/a.925011847605879.1073741828.924512940989103/1004222676351462
ဒါ့အပြင် မြန်မာနိုင်ငံစာစစ်ဦးစီးဌာနကလည်း အောင်စာရင်းထုတ်ပြန်မယ့် ဇွန်လ ၁၁ ရက် စနေနေ့ မနက် (၆) နာရီအချိန်မှာ www.myanmarexam.org ၀ပ်ဆိုဒ်ကတဆင့် ၂၀၁၆ တက္ကသိုလ်ဝင် စာမေးပွဲ အောင်စာရင်းများကို ပြည်နယ်နဲ့ တိုင်းဒေသကြီး အသီးသီးရှိ စာစစ်ဌာနအလိုက် ထုတ်လွင့်ပေးနိုင်ဖို့ စီစဉ်ဆောင်ရွက်နေကြောင်း အသိပေး သတင်းထုတ်ပြန်လိုက်ပါတယ်။ အဲဒီ့ဝပ်ဆိုဒ်မှာ အခုလောလောဆယ်မှာတော့ ၂၀၁၆ တက္ကသိုလ်ဝင် အောင်စာရင်း ထုတ်ပြန်ဖို့ အချိန်ဘယ်နာရီ လိုသေးကြောင်းကို timer နဲ့ ပြသထားပါတယ်။
၂၀၁၂ခုနှစ်ကနေ ၂၀၁၅ ခုနှစ်အထိ ၁၀ တန်းအောင်စာရင်းတွေကို ပညာရေးဝန်ကြီးဌာနရဲ့ ၀ပ်ဆိုဒ်တခုဖြစ်တဲ့ moemyanmar.net မှာ ခုံနံပါတ်နဲ့ ၀င်ရောက် ကြည့်ရှုနိုင်ပြီး အခု ၂၀၁၆ ခုနှစ် အောင်စာရင်းတွေကိုတော့ ၀ပ်ဆိုဒ်လိပ်စာအသစ်နဲ့ ဖေ့ဘုတ် လူမှုကွန်ရက်ကနေ ထုတ်ပြန်သွားဖို့ စီစဉ်လာတာ ဖြစ်ပါတယ်။
၂၀၁၅-၂၀၁၆ ပညာသင်နှစ်အတွက် တက္ကသိုလ်ဝင်တန်းစာမေးပွဲတွေကို ပြီးခဲ့တဲ့ မတ်လ ၉ ရက်နေ့ကနေ ၁၈ ရက်နေ့အထိ စာစစ်ဌာနပေါင်း တစ်သောင်း ၄ထောင်ကျော် ဖွင့်လှစ် စစ်ဆေးခဲ့ပြီး တနိုင်ငံလုံး အတိုင်းအတာနဲ့ ဖြေဆိုဖို့လျှောက်ထားသူဦးရေ ၆သိန်း ၇သောင်းကျော် ရှိခဲ့ကာ အဲဒီ့ထဲက ၃သောင်းခွဲဝန်းကျင် ပျက်ကွက်ကြောင်း နိုင်ငံပိုင်သတင်းစာတွေမှာ ဖော်ပြခဲ့ပါတယ်။

DVB Youth Voice


 ခရီးသွား ပါလက်စတိုင်းမိသားစုကို အစ္စရေးလ်စစ်သားက တားဆီးမေးမြန်းစဉ်
ခရီးသွား ပါလက်စတိုင်းမိသားစုကို အစ္စရေးလ်စစ်သားက တားဆီးမေးမြန်းစဉ်

အစ္စရေးလ်နိုင်ငံ Tel Aviv မြို့ ကာကွယ်ရေးဝန်ကြီးဌာနအနီးမှာ မနေ့က ဗုဒ္ဓဟူးနေ့တုန်းက ဈေးဝယ်သူတွေနဲ့ ညစာ စားနေသူတွေကို ပါလက်စတိုင်း သေနတ်သမားနှစ်ဦးက သေနတ်နဲ့ပစ်ခတ်ခဲ့တဲ့ဖြစ်ရပ်အပြီးမှာတော့ ပါလက်စတိုင်းသား ၈၃,၀၀၀ ကို ရာမာဒန် ဥပုသ်လအတွင်း ခရီးသွားလာခွင့် အစ္စရေးက ပိတ်လိုက်ပါတယ်။ မနေ့က တိုက်ခိုက်မှုကြောင့် လူ ၄ ယောက်သေဆုံးပြီး ငါးယောက် ဒဏ်ရာရခဲ့တာပါ။

ရာမာဒန် ဥပုပ်လအတွင်း ခွင့်ပြုထားတဲ့ ခွင့်ပြုချက်တွေ အားလုံး၊ အထူးသဖြင့် ဂျော်ဒန်မြစ်အနောက်ဘက်ကမ်း ကနေ အစ္စရေးကို လာရောက်လည်ပတ်ကြတဲ့ မိသားစုတွေရဲ့ ခရီးသွားလာခွင့်အားလုံးကို ပိတ်လိုက်တဲ့အကြောင်း ဂျော်ဒန်မြစ် အနောက်ဘက်ကမ်း ဒေသရဲ့ အရပ်ဘက်ရေးရာ ကိစ္စတွေကို စီစဉ်ဆောင်ရွက်တဲ့ COGAT အဖွဲ့က ဒီကနေ့ပဲ ကြေညာချက် ထုတ်ပြန်လိုက်တာပါ။

အခုထုတ်ပြန်ချက်ကြောင့် ဂါဇာမှာရှိတဲ့ ရာနဲ့ချီတဲ့ ပါလက်စတိုင်းသားတွေ၊ တိုက်ခိုက်သူတွေအဖြစ် သံသယရှိ ထားသူတွေထဲက တဦးရဲ့ ဆွေမျိုး ၂၀၄ ယောက် တို့ကို မိသားစုတွေထံ လည်ပတ်တာ၊ ဂျေရူစလင်မြို့က ရာမာဒန် ဆုတောင်းပွဲတွေကို တက်ရောက်တာတွေ ခွင့်မပြုတော့သလို၊ သူတို့အားလုံးကို Tel Aviv နိုင်ငံတကာလေဆိပ်ကနေ ခရီးသွားလာခွင့် ပိတ်ပစ်လိုက်ပါတယ်။ ဗုဒ္ဓဟူးနေ့က တိုက်ခိုက်မှုကို တုံ့ပြန်တဲ့အနေနဲ့ ဂျော်ဒန်မြစ်အနောက်ဘက်ဒေသမှာ တပ်ဖွဲ့တွေရာနဲ့ချီ တိုးမြင့်ချသွားမယ်လို့ အစ္စရေး စစ်တပ်ကလည်း ပြောပါတယ်။ အစ္စရေးဝန်ကြီးချုပ် Benjamin Netanyahu က လည်း ဗုဒ္ဓဟူးနေ့ တိုက်ခိုက်မှုဟာကို ရက်စက်ကြမ်းကြုတ်တဲ့ ရာဇ၀တ်မှုအဖြစ် ရှုတ်ချလိုက်ပါတယ်။
VOA Burmese News


ရန်ကုန်၊ ဇန် ၅ – နှစ် ၆၀ ကျော် ပြည်တွင်း စစ်မပြီးဆုံးနိုင်သေးတဲ့ မြန်မာနိုင်ငံရဲ့ မျှော် လင့်ချက်ဖြစ်တဲ့ ၂၁ ရာစု ပင်လုံညီလာခံ ကို ဇူလိုင်လထဲမှာ ကျင်းပဖို့ ရှိပါတယ်။

ဗိုလ်ချုပ်အောင်ဆန်းက ပထမပင်လုံ ညီလာခံကို ဦးဆောင်ခဲ့သလို သမီးဖြစ်တဲ့ ဒေါ်အောင်ဆန်းစုကြည်ဟာ သမိုင်းတစ် ကျော့ပြန်တာဝန်ကို ထမ်းဆောင်ရတော့ မှာပါ။ နိုင်ငံတော်အတိုင်ပင်ခံပုဂ္ဂိုလ် ဒေါ်  အောင်ဆန်းစုကြည်ဟာ တပ်မတော်နဲ့ တိုင်းရင်းသားကြား သဘောတူညီမယ့် မူ ဘောင်တစ်ခုထွက်လာဖို့ ကြိုးစားရတော့ မှာပါ။

အစဉ်အလာတွေကို ဆုပ်ကိုင်ထားတဲ့ တပ်မတော်ဟာ တိုင်းရင်းသားတွေ လိုချင်တဲ့ ဖက်ဒရယ်ပြည်ထောင်စု၊ ဖက်ဒရယ်ဖွဲ့စည်းပုံဖြစ်လာရေးအတွက် ဘယ်လိုသဘောထားတွေ ရှိတယ်ဆိုတာကို ဘယ်နိုင်ငံရေးပုရောဟိတ်ကမှ မခန့်မှန်း နိုင်ပါဘူး။

‘တိုင်းရင်းသားတွေ သဘောထားကတော့ လာမယ့် ပင်လုံညီလာခံဟာ ပြီးခဲ့တဲ့ ပင်လုံမူကို ဘယ်လောက်အထိ လိုက် လျော ပေးမလဲဆိုတာနဲ့ အားလုံးတန်းတူ အခွင့်အရေးရဖို့ အဓိက တင်ပြသွားမှာပါ’လို့ တိုင်းရင်းသားဘက်က ဖွဲ့စည်းထားတဲ့ နိုင်ငံရေးဆိုင်ရာ ဆွေးနွေး ညှိနှိုင်းရေး ကော်မတီရဲ့ ဒုတိယအဖွဲ့ခေါင်းဆောင်- ၁ ဗိုလ်ချုပ်စိုင်းထူးက ပြောပါတယ်။

ဒေါ်အောင်ဆန်းစုကြည်ဦးဆောင်တဲ့ ပြည်ထောင်စုငြိမ်းချမ်းရေး ဆွေးနွေးပွဲ ပူးတွဲကော်မတီ UPDJCဘက်ကတော့ ငြိမ်းချမ်းရေးနဲ့ ပတ်သက်တဲ့ မူကို တရား ဝင်ချပြတာ မတွေ့ရသေးပါဘူး။ ပြီးခဲ့တဲ့ ရက်ပိုင်းအတွင်းမှာ အစိုးရဘက်က  ငြိမ်းချမ်း ရေး ညှိနှိုင်းစေ့စပ်ရေးတာဝန်ခံ ဒေါက်တာ တင်မျိုးဝင်း ဟာ ချင်းမိုင်မြို့မှာ တိုင်းရင်းသားလက်နက်ကိုင်အဖွဲ့အစည်းတွေနဲ့ တွေ့ဆုံပါတယ်။

တွေ့ဆုံပွဲအပြီးမှာတော့ တိုင်းရင်းသားတွေဘက်ကလည်း ပင်လုံညီလာခံကို တက်ရောက်ဖို့ ပူးပေါင်းဆောင်ရွက်မယ် ဆိုတဲ့ အဖြေရခဲ့တယ်လို့ သတင်းထုတ် ပြန်ပါတယ်။

တပ်မတော်ဘက်ကတော့ မေလ ၂၃ ရက်နေ့မှာ သတင်းစာရှင်းလင်းပွဲတစ်ခု ပြုလုပ်တယ်။

တပ်မတော်ဘက်က ၂၁ ရာစုပင်လုံ ငြိမ်းချမ်းရေး လုပ်ငန်းစဉ်တွေမှာ ပါဝင် မယ်လို့ ပြောဆိုခဲ့ပေမဲ့ တပ်မတော်က ကိုင်စွဲထားတဲ့ ဒို့တာဝန်အရေးသုံးပါးမူကို တော့ အထိအခိုက်ခံမှာ မဟုတ်ဘူးလို့ ဆို ပါတယ်။

တပ်မတော်ဘက်ကတော့ တအာင်း ပလောင်လွတ်မြောက်ရေးတပ်မတော် (PSLF/TNLA) ၊ ရက္ခိုင့်အမျိုးသားတပ် မတော် (AA)၊ မြန်မာအမျိုးသား ဒီမို ကရေစီ မဟာမိတ်တပ်မတော် (MNTJP/ MNDAA) တို့ လက်နက်စ∑န့်ပြီးမှသာ နိုင် ငံရေးဆွေးနွေးပွဲကို ပါဝင်ခွင့်ပေးမယ်လို့ သိရပါတယ်။
၂၁ ရာစု ပင်လုံ  စတင်မယ်လို့ ဒေါ် အောင်ဆန်းစုကြည်က ပြောဆိုချိန်မှာ ပဲ တပ်မတော်ပိုင် မြဝတီသတင်းစာမှာ ငြိမ်း ချမ်းရေးမူခြောက်ချက်ကို အလေး ပေး ပြန်လည်ဖော်ပြလာတာ တွေ့ရပါ တယ်။

တပ်မတော်မူ ခြောက်ချက်
တပ်မတော်ရဲ့  ငြိမ်းချမ်းရေးမူ ခြောက်ချက်ကတော့ (၁) ထာဝရငြိမ်းချမ်း ရေးယူဖို့ အမှန်တကယ်ဆန္ဒရှိရန်၊ (၂) သဘောတူစာချုပ်များအတိုင်း ကတိတည်  ရန်၊ (၃) ငြိမ်းချမ်းရေးသဘောတူညီချက် များအပေါ် အမြတ်မထုတ်ရန်၊ (၄) ဒေသခံ ပြည်သူများအပေါ် ဝန်ထုပ်ဝန်ပိုးမဖြစ်ရန်၊ (၅) နိုင်ငံတော်က ထုတ်ပြန်ထားတဲ့ တည်ဆဲဥပဒေတွေကို လိုက်နာရန်၊ (၆) ဒို့ တာဝန်အရေးသုံးပါးနဲ့ ဒီမိုကရေစီအနှစ် သာရကို လက်ခံပြီး ၂၀ဝ၈ ဖွဲ့စည်းပုံ အခြေခံဥပဒေနဲ့ ဒီမိုကရေစီ လျှောက်လှမ်း ရာမှာ လိုက်ပါလုပ်ဆောင်ရန် ဆိုတဲ့ အ ချက်တွေ ဖြစ်ပါတယ်။

တပ်မတော်ရဲ့ ငြိမ်းချမ်းရေးမူ ခြောက် ချက်ဟာ တိုင်းရင်းသားတွေက ပြင်ဆင် လိုတဲ့ ၂၀ဝ၈ ဖွဲ့စည်းပုံပြင်ဆင်ရေး အတွက် အဓိက ထိန်းချုပ်ထားတဲ့ အချက် တွေပါဝင်နေတယ်လို့ ထောက်ပြထားပါ တယ်။

‘တစ်နိုင်ငံလုံး အပစ်အခတ်ရပ်စဲရေး မှာ အားလုံးပါဝင်ရေးအတွက် တပ်မတော် ဘက်ကို   တောင်းဆိုချင်တာက တပ်မ တော် မူ ခြောက်ချက်ကို တတ်နိုင်သ လောက် လျှော့ချပေးနိုင်ဖို့ပါ၊ အဲဒီလိုဆို ရင် ပြည် တွင်းငြိမ်းချမ်းရေးအတွက် တံခါး ဖွင့်လိုက်သလိုပါပဲ’ လို့ ဗိုလ်ချုပ်စိုင်းထူး က တယ်လီဖုန်းနဲ့ ပြောပါတယ်။

သူကပဲ ဆက်ပြီး ‘အားလုံးအတွက် အဆင်ပြေမယ့် အဖြေတစ်ခုထွက်လာ မယ်လို့ မျှော်လင့်ရတာပေါ့၊ အဲဒီခြောက် ချက် မပြင်ပေးရင် ဘယ်လိုမှ အဆင်မပြေ ဘူး’လို့ ဆက်ပြောပါတယ်။

၂၁ ပင်လုံညီလာခံမှာ ပါဝင်ဖို့ တိုင်းရင်းသားတွေနဲ့ ဆွေးနွေးတဲ့ နေရာမှာ တပ်မတော်ဘက်က ငြိမ်းချမ်းရေးဆိုင်ရာ ကိုယ်စားလှယ်အဖြစ် ဒုဗိုလ်ချုပ်ကြီး ဟောင်း ဦးခင်ဇော်ဦးကို တာဝန်ပေးထား ပါတယ်။

တပ်မတော်ဘက်ကလည်း အပစ် အခတ်ရပ်စဲရေး လက်မှတ်မထိုးထားတဲ့ လက်နက်ချခိုင်းထားတဲ့ မဟာမိတ်သုံးဖွဲ့ ဖြစ်တဲ့ တအာင်းပလောင် လွတ်မြောက် ရေးတပ်မတော် (PSLF/TNLA) ၊ ရက္ခိုင့် အမျိုးသားတပ်မတော် (AA)၊ မြန်မာ အမျိုးသားဒီမိုကရေစီမဟာမိတ်တပ်မ တော် (MNTJP/ MNDAA)တို့နဲ့ တွေ့ ဆုံဖို့ အစီအစU်ရှိတယ်လို့ သိရပါတယ်။  ဒါပေမဲ့ လက်နက်စွန့်ရမယ်ဆိုတဲ့ သဘော ထားကြောင့် အဲသည်တိုင်းရင်းသားလက် နက် ကိုင် သုံးဖွဲ့ကတော့ သဘောထား တင်းမာနေဆဲ ဖြစ်ပါတယ်။

၂၁ ရာစု ပင်လုံညီလာခံမှာ တိုင်းရင်း သားတွေဘက်ကတော့ ပထမပင်လုံညီ လာခံက သဘောတူညီမှုတွေကို အကောင် အထည်ဖော်ဖို့ ဆက်ဆွေးနွေးဖို့ စီစဉ်ထားတယ် လို့ ဆိုပါတယ်။

‘တိုင်းရင်းသားတွေ စည်းလုံးညီညွတ် ရေးရဖို့အတွက် ကျွန်မတို့ တိုင်းရင်းသား တွေ အစဉ်တစိုက် ပြောဆိုနေတာတွေကို တပ်မတော်အနေနဲ့ ရှင်းရှင်းလင်းလင်းသိ ဖို့ လိုအပ်ပါတယ်၊ တပ်မတော်အနေနဲ့ ဒီ အချိန်မှာ တိုင်းရင်းသားတွေနဲ့ ယုံယုံ ကြည်ကြည်နဲ့ လက်တွဲဖို့ လိုအပ်ပါတယ်၊ ဒီအချက်တွေကို တပ်မတော်ဘက်က သေ သေချာချာစဉ်းစားသင့်ပါတယ်’လို့ ကချင် ပြည်နယ် ဒီမိုကရေစီပါတီက ပြည်နယ် လွှတ်တော် အမတ် ဒေါ်ဂျာဆိုင်းခေါင်န်က တယ်လီဖုန်းနဲ့ ပြောပါတယ်။

အချက်သုံးချက်
၂၁ ရာစုပင်လုံညီလာခံမှာ ရွေးချယ် စရာ၊ ဆွေးနွေးစရာ အချက်သုံးချက် ရှိပါ တယ်။ ပထမအချက်တော့ တစ်နိုင်ငံလုံး အပတ်အခတ်ရပ်စဲရေးအတွက် လက် မှတ်ထိုးမလား၊ ဒုတိယအချက်ကတော့ ပထမ ပင်လုံမူတွေကို အခြေခံပြီး အခြေခံ ဥပဒေပြင်ဆင်မလား၊ တတိယအချက်ကတော့ တစ်နိုင်ငံလုံး အပတ်အခတ်ရပ်စဲ ရေး လက်မှတ်မရေးထိုးဘဲ အားလုံး သ ဘောတူတဲ့ မူဘောင်တစ်ခုနဲ့ နိုင်ငံရေး ဆွေးနွေးပွဲကို သွားမလားဆိုတဲ့ အချက်တွေ ဖြစ်ပါတယ်။

၂၁ ရာစု ပင်လုံညီလာခံမကျင်းပခင် မှာ ပင်လုံညီလာခံ ကျင်းပရေး၊ ကြိုတင် ပြင်ဆင်ရေး ဆပ်ကော်မတီနှစ်ခုနဲ့ တိုင်း ရင်းသားတွေနဲ့ ဆွေးနွေးမယ့် အကြောင်း အရာတွေကို ထပ်မံဆွေးနွေးဖို့ ရှိတယ်လို့ တော့ ပြောဆိုထားပါတယ်။

၂၁ ရာစု ပင်လုံညီလာခံမတိုင်ခင်မှာ ဒေါ်အောင်ဆန်းစုကြည်ဟာ တပ်မတော်နဲ့ ကြိုတင်ညှိနှိုင်းသဘောတူရမယ့် အပိုင်းတွေရှိတယ်လို့ နိုင်ငံရေး သုတေသီအချို့ က ထောက်ပြထားပါတယ်။

တိုင်းရင်းသားအရေး ကျွမ်းကျင်သူ ဖြစ်တဲ့ ဦးမောင်မောင်စိုးက ပင်လုံညီလာ ခံရဲ့ အဓိကစိန်ခေါ်မှုကတော့ တိုင်းရင်းသားတွေ တောင်းဆိုမှုတွေနဲ့ ဖက်ဒရယ် အခွင့်အရေးတွေကို ဒေါ်အောင်ဆန်းစု ကြည်နဲ့ တပ်မတော်က ဘယ်လောက် သဘောတူမလဲ ၊ ဘယ်လိုချဉ်းကပ်ဖြေ ရှင်းမလဲဆိုတဲ့ အချက်ပဲ ဖြစ်တယ်လို့ ပြော ပါတယ်။

ဒေါ်အောင်ဆန်းစုကြည်ဟာ တပ်မ တော်ကို ပိုမိုအလေးထားတယ်လို့ စွပ်စွဲခံ နေရပြီး ယုံကြည်မှုတွေလျော့ကျနေချိန် မှာ ပင်လုံညီလာခံဟာ သူ့အတွက်ရော သူ့ အပေါ်မှာ နှစ်ပေါင်း ၂၀ ကျော် ထောက် ခံ ခဲ့တဲ့ တိုင်းရင်းသားတွေအပေါ် သူ့ရဲ့ သ ဘောထားကိုပါ ထင်ဟပ်မှာ ဖြစ်ပါတယ်။

ဦးမောင်မောင်စိုးက ‘သုံးပွင့်ဆိုင် ဘယ်လောက် ညှိနှိုင်းသဘောတူကြလို့ ရမလဲဆိုတာကိုက ရင်ခုန်စရာမလိုဘဲ မျှော်လင့်ယူဆထားဖို့ရှိမယ်၊ ဘက် (တပ်မ တော်၊ အစိုးရ၊  တိုင်းရင်းသား) အားလုံး က တော့ အကောင်းဆုံးကို မျှော်လင့်ပြီး အ ဆိုးဆုံးကို ပြင်ဆင်ထားကြတဲ့ပုံပါပဲ’ လို့ ပြောပါတယ်။

၂၁ ရာစု ပင်လုံညီလာခံကနေ တိုင်းရင်းသားတွေ လိုချင်တာက တစ်မျိုး၊ အင်န်အယ်လ်ဒီအစိုးရနဲ့ တပ်မတော် ဘက်က ပုံဖော်သွားမယ့် လမ်းကြောင်း က တစ်မျိုး ဖြစ်မှာကို နိုင်ငံရေးအသိုက်အဝန်း က စိုးရိမ်ပူပန်ကြပါတယ်။

ဖွဲ့စည်းပုံအရ အာဏာအပြည့်အဝရှိ တဲ့ တပ်မတော်ကို ဘယ်လိုပျော့ပျောင်း အောင် လုပ်မလဲနဲ့ တစ်ဖက်က ဖခင်ဗိုလ် ချုပ်အောင်ဆန်းက တိုင်းရင်း သားတွေအပေါ် မဖြည့်ဆည်းပေးနိုင်ခဲ့တဲ့၊ မတည်နိုင်ခဲ့တဲ့ ပင်လုံကတိ အကြွေးကို ဘယ်လိုဆပ် မလဲဆိုတာကတော့ ဒေါ်အောင်ဆန်းစုကြည် အတွက် လာမယ့်လမှာ ကြုံတွေ့ရ မယ့် စိန်ခေါ်မှုပဲ ဖြစ်ပါတယ်။

နန်းလွင်၊ ချမ်းသာ
Kumudra